جسور: (كيغوت) مكنبغييييهاش كانت بنسبة ليا نزوة و كون ماحملاتش مني ماغاديييش نتزوج بيها
نزار:(ضربو بكروشي) شماااااتاااا مكتسواااااش
نيار: نزاااااار(شدو)
نزار: أنا زوجتك بييييهااااا حيت نتاااا قلتي كتبغييييهااا أنا عطيتك ختي أمانة هاااكا كدييير
شيماء: جسور هانتا بلعقل أنا كنت قلتلك ماغانتقبلهاش كنة ليا ولكن الله اسامح
جسور: مانقدرش نزيد نتضرر فطرييييقهااا صافي مابغيييتهاااش هي أصلا مكتبغينيش علاش أنفكر فيها
قصي: سمع غاااادي تسحب هااااد لهضرة ولا ماغانتفااااهمش معاك
جسور: كون كانت مهمة بالنسبة ليا ماكنتش انسمح فيها واااش كتفهم
ماكس: الجنرال جسور شرح لينا بلي عشق هدداتو ب حملها داكشي باش تزوج بيها و أيضا أكد لينا علاقتها مع تايغر
نيار: بنتيييي ماعندها علاقة مع تااايغر
جسور: عندها و انا شفتها بعيني كانت ناعسة معاه
ارتورو: أنا جبت ليك الدليل بلي مانعساتش معااااه
نزار: اه كااان فيه صوتووو كينفي هادشي
جسور: كدوووب كان مفبرك
عشق: (منين بدا هاد النقاش و هي كتفرج من بعيد و كل كلمة كتسمعها كدخل لعقلها و قلبها و كترسخ و بصوت بارد نطقات) حتى حبك ليا كان مفبرك
صمت اكتاسح المكان للحظة و صوت الأنفاس علات كتشوف ف عينيه و هو كيشوف فيها نظرتها ليه مختالفة على نظرتو ليها هي خيبة أمل و هو حزن و انكار للحقيقة، قربات منو و كتشوف فيه و هو هبط عينيه
عشق: شووف فيا
جسور: خصك تمشي معاهم
عشق: غير شوف فيا كون راجل و شوووف فيا
جسور:(شاف فيها) مابقيتش بغيت نكملو فهاد زواج لي مبني على لكدوب
عشق: الكدبة الوحيدة هي حبك ليا
جسور: اه انا مكنبغيكش
عشق: ولكن ماااديييرش فياااا هاكا ماتكدبش و انا حية و كنشوووف كوووولشي نتا عارف مزيان بلي جيتي كتجري عندي بااااش تزوجني و فاش قلتلك انا حاملة طرتي بالفرحة و بينك و بين نفسك نتااااا عااارفني ماخنتكش مع تايغر و مااااعندي علاقة بييه
جسور: افضل ليك و لينا أنك تمشي
عشق: جسور (كتبلع ريقها) سمعني أنا ماتقلقتش حيت ختاريتي الوليدة ديالك و الى كان كيحسابلك بلي انكرهك عليها نتا غالط
ولكن الى تاهمتيني بشيحاجا مادرتهاش و نكرتي علاقتنا عمرني غادي نسمحلك
جسور: ماااااكااايهمنيش
عشق: راااااه خدمتي هادي تعذبت عليييها و غااادي تكون سباب نخسرها و تنزل الرتبة ديالي و عمرني أنقدر نرجع لروسيا
جسور: تستاااااهلي أفعاااالك وصلوووك لهاااادشي حقدك و كرهك وصلوك لهادشي
عشق: لا لا تيييقتي فيك وصلاتني لهااااادشي
جسور: عطيتيني تيقتك و حبك ماعطيتيهليش
عشق: ياك بفمك قلتي حبك كافيييناا بجوج شنوو تبدل؟
جسور: مابغيتش داك الحب لي أيخلينا نخسرو
عشق: هادشي بسباب تايغر هو هددك؟
جسور: تاااايغر ماهددنيش هادا قراري
عشق: أو ولدنا؟
جسور: مااااتشاورتيييش معاايا منين حملتي بيه و هو مكيهمنيش
عشق: (هزات يديها و صرفقاتو) شمااااااتااااا
نيار: عشق
عشق:(كتشوف ف قصي) ولدك مااااشي رااااجل والله ماراجل هو أكبر شمااااتااا
جسور: (مهبط راسو) شماااااتااااا حيييت فضحتك
عشق: شنووووو فضحي شنووو نتاااا طيحتي عليا لبااااطل نتا سمحتي فيا و فولدك للمرة الثانية
جسور: حيت ماااابغيتكمش
عشق: (طلعات راسها بكبرياء) حتى حنا مامحتاجينش ليك
جسور: اذن طلاقك غاااادي يوصلك حتى لأفغانستان
عشق: مابغيتش غير طلاق بغيت تنازل على حضانة الولد
شيماء: لااا جسووور الله اهديك راه ولدك هاداك
جسور: موااافق
عشق: طلقني
جسور: (زير قبضة يدو و نطق) نتي مطلقة
عشق: (شافت ف ماكس) أنا شوية و نجي
….طلعات بخطوات مكسورة لبيتها و كتحاول تصطانع القوة، مشات أولا دوشات و لما كينزل عليها كتحاول بيه تنسا كولشي ...أما لتحت كان شي كيتغاوت مع شي و هاد الوضع ماعجب حتى واحد
قصي:(شدو من قرفادتو ) مااااشي رجلة هاااادي
جسور: كنحااااول نحمي عائلتنا
قصي: و عشق ماااشي وحدة من هاد العائلة
جسور: خصها تمشيي باش نتهناو من صداع
نيار: صداااع أنا أمنتك على بنتي نهاااار لول قلتي ليا نتا اترجعها لطرييق و عطيتك الرخصة
جسور: هي خرجاتني لطريق
نيار: ضحكتييييي على بناااااتي بجوووج
شيماء: جسور باااقي لحال رجع فهادشي لي قلتي ماتحشمناش مع سارة و نيااار
سارة: الدفلة الى خرجااات من لفم مكتبقاااش ترجع
قصي: ماااااشي غير عشق لي اتمشي حتى نتا اتمشي مابقيتش بغيت نشوف كماااارتك فروسياااا
شيماء: قصي اش كتقووول
قصي: سكتيييي هادشي لي خصو يكووون
جسور: (كيحاول مايشوفش فيه) اصلا كنت انمشي
….شحال صعيب اتبعك خاطر الوليدين و زواجهم من الأول حتى واحد ماتقبلو و سخطو عليهم و حق شفق تخدا قدام عينيها و ربي خدا حقها بين يوم و ليلة و رغم هكك ماشمتاتش بالعكس بكات و هي كتشوف لحالة لي وصلو ليها و العائلة بدات كتفكك و كولشي ماعارف مايدير و لكن الى كانت شيحاجا بانت هاد نهار ف هي حق ناس لي آذات عشق و القدر كيعطيها فرصة تراجع نفسها و تبدا حياة جديدة بعيد على الماضي، هبطات خطوة مور خطوة و هوما غير شافوها سكتو و تصدمو….كانت لابسة ملابس بيضاء كأنها أرملة و لايحة فولار على نص شعرها و هازة لافاليز ديالها، تعرض ليها ارتورو و شدها منها
ارتورو: غااادي نمشي معاك
عشق: ماعندك فين تمشي
ارتورو: سي انمشي و انبقا معاك مانقدرش نتفارق معاك ولفت فينما تكون ديابلا يكون ارتورو
عشق:(ضارت عندو) ارتورو ماغاتمشيش معايا حياتك هنا و انا حياتي انبداها لهيه
ارتورو: (بحزن) عفاك ديابلا
عشق: تهلا فراسك (رجعات ضارت و شافت ف ماكس) مشينا؟
ماكس: تفضلي
عشق:(تحركات حتى لحداه ووقفات) لبست لبيض حيت بالنسبة ليا نتا ميت من هاد اللحظة و غادي نحيدو نهار تصيفطلي وراقي
(كملات مشيها بسرعة باش مايهضر معاها حد و ماتهضر مع حد واخا تابعينها و كيبكيو عليها و خرجات و قبل ما تركب فطوموبيل شافت ف لقصر آخر مرة و نطقات بينها و بين راسها) أنرجع كنواعدكم انرجع و ديك ساعة انتحاسبو مزيااان...
...انطالقات الطوموبيل فاتجاه الطائرة و بهاكا أتهنا روسيا من شيطانتها و شرها و أفغانيستان اتبلا بيها، وصلو لمكان الطائرة و نزلات من طوموبيل ، وركبات و هي كتشوف هاد الارض لآخر مرة من زاج و نطالقات الى أفغانستان….أما هوما فلقصر باقيين على نفس لحاجا
نيار: مااتخااافيش غاادي نرجعها لعندنا
سارة: صاافي مشاات و ماغاترجعش اهئ اهئ
شفق: ماما عفاك ماديريش فراسك هاد لحالة
قصي: ماعرفت مانقوليكم او ولدي هو سباب
شيماء: دابا يفرجها ربي
سارة: ماااادويييش اشيمااااء حيت نتي أكثر وحدة فرحانة دابا
شيماء: اش هاد لباطل؟
سارة: علاه مااااشي بسباب ولدك بنتي مشات اهئ اهئ و نتي ماكنتيش باغاها ليه حتى سخطتي عليهم و حنا عارفين سخط مكيجي من وراه غير المشاكيل
شيماء: كتهضري بحال الى بنتك ساهلة راه بسبابها ختها نتاحرات
سارة: كيبقاااو خواتات و لكن ولدك كان سباب انتحار شفق و سباب نفي عشق اهئ اهئ
نيار: ششش صافي اسارة
قصي: ماغاديش تعاودو تشوفوه هنا
هبة :(قربات من شفق و شداتها فيدها) صافي الكابوس تسالا
طلع نزار عند مانفال للبيت لقاها ناعسة و ماجايبة للدنيا خبار، نعس حداها و عنقها مخشي فيها باغي ينسا كولشي و هي حسات بيه و ضارت لعندو
مانفال:(بصوت ناعس) نزار
نزار: احبيبتي غير نعسي
مانفال: (شدات فوجهو) مالك
نزار: عشق مشات بحالها و ماعجبنيش لحال
مانفال: فين مشات؟
نزار: لبلاصة بعيدة
مانفال: داابا ترجع
نزار: اه اترجع إن شاء الله
مانفال: ان شاء الله (ناضت)
نزار: فين غاديا؟
مانفال: طواليط (يالاه وقفات على رجليها و هي تشدها دوخة)
نزار : مانفال مالك
مانفال: راسي كيضرني (تقلبو عينيها و ماجات فين تكالي بيديها حتى طاااحت مغمى عليها)
نزار: ماااانفاااال (كيطبطب على وجهها خايف) مااانفال ماالك
…..كان كيخبط لباب عليها و هي يالاه فايقة من نعاس لابسة شورط ويباردور و بسرعة مشات حلات لباب
خلود: هاناري مالك على هاد لخبيط
ارتورو: مشااات بلا حتى ماتااااخدني
خلود: علاياش كتهضر
ارتورو: عشق
خلود: مالها
ارتورو:(عاود ليها كولشي ) كنت بغيت نمشي معاها عارفها مقسحة و اتحتاج لي يوقف معاااها
خلود: و اتخليني؟
ارتورو: نمشيو بجوج
خلود: نمشيو اسيدي غير ماتبقاش مقلق
ارتورو:(شاف لخاتم فصبعها) مازال ماساليتي معاه؟
خلود: مالقيتش الفرصة لي نهضر فيها معاه
ارتورو: ليووم اتفضي معاه ولا نسايني
خلود: و صاااافي مالك دابا معصب
ارتورو: مااامعصبش
خلود: معصب و بزاف
ارتورو: غير مخربق ماعجبنيش تمشي عشق و دابا عمرها ماغاترجع
خلود: أنا تايقة بلي اترجع ولكن عجباتني واحد لحاجا
ارتورو: شنو؟
خلود: جيتي عندي و عاودتيلي شنو كيضرك
ارتورو:(جبدها عندو جلسات فحجرو) نتي اخلود وليتي مهمة بالنسبة ليا
خلود: خلود ديال ارتورو
ارتورو: ديال ارتورو….
..فيديه لفردي كيشوف فيه و حطو مور ظهرو، توجه لحدا بابو و صونا عليه حتى حلو
صخر: جسور
جسور:(عنقو) تهلا فراسك أنا غادي نمشي
صخر: فيين اتمشي؟
جسور: غادي نخوي روسيا
صخر: كيفاش اتخوي روسيا و خدمتك
جسور: غادي نحولها لشي جهة اخرى
صخر:(كيحقق فيه) جسور اش واقع
جسور:(ببرود) ضمرت حياتي بيدي
صخر: و عشق؟
جسور: طلقتها سمحت فيها هي او ولدي و تنفات
صخر: مافهمتش واالو (كيجرو) دخل نهضرو
جسور : فات لحال على لهضرة
صخر: واااش اتبقا هاكا دخل غير نهضرو
جسور: انمشي بحالي تهلا
….ضار بلا مايزيد معاه لهضرة و ركب فطوموبيلتو و كسيراا هارب من كولشي مخلي حتى هو ذكريات من وراه و بلا مايودع حتى واحد من عائلتو اصلا علاش ايودعهم و هو تسبب ليهم فالضرر و لبنت الوحيدة لي عشقها فحياتو سمح فيها تحت تهديد و فوق طاقتو سمعها هضرة مكتقالش، مشا لنفس لفيلا لي جمعات ذكرياتهم و دخل ليها كيتذكر كل ركن فيه ضحكتها و لمستها الخاصة، جبد كرسي و جلس فيها و جبد تيليفونو كيشوف فتصاورها
جسور: سمحيلي بزااف ماطلعتش راجل او واخا هكك انبقا نبغيك حتى ينشف دم من عروقي….
….رجع خرج من لفيلا و سدها نهائيا و ركب طوموبيلتو و نطالق نحو المجهول….أما فالقصر نزار برا لبيت كيتسنى و كيمشي و يجي و العائلة واقفة حداه و كتشوف التوتر ديالو
سارة: ماتخافش اولدي اتكون بيخير
نزار: علاااش تعطلو (كيمشي و يجي) تكون واقعة ليها شيحاجا؟
نيار: أتكون غير عيات
سارة: بصح اولدي راه عادي
نزار: رااااه تعطلو الوليدة تعطلو
أماني: راه هبة معاها لداخل كون كانت شيحاجا خطيرة اتلقاهم فلكلينيك
نزار:(كيدق عليهم فلباب) هبة هيييبة
نيار: لولد تسوطا فعقلو
شفق:(شداتلو يدو) وا نزار بشوية عليك دابا يخرجو
نزار: اوووف
….تحل الباب و خرجات هبة و سداتو و بقات كتبتاسم فوجه نزار
نزار: مااالها
هبة: مامالها والو بيخير الحمد لله
نزار: راه سخفات و تعطلتو لداخل و دابا كتقوليلي مامالها والو
مانفال:(مطيرها فسما و هي كضحك ) نزااار اناري على حمق هههههه
نزار: بشوية عليك هانتي (حطها غير بشوية فوق النموسية) ماتحركيش (هبط على ركابيه و حط يديه على كرشها) غادي نولي أب هههه
مانفال: هههه اه
نزار: ههه كون كانت عشق اتقول ليا أب برهوش هههه
مانفال: غادي نقولوها ليها و اتفرح
نزار: اه ههه قوليلي شنو تشهيتي شنو جاك على بالك اي حاجا احبيبة انجيبهالك (خطف بوسة من فمها) عطيتيني افضل حاجا فهاد دنيا نتي غير آمري
مانفال: هه (عنقاتو) بغيتك تبقا معاايا
نزار: أنا دياااالك
….دخلات عندهم العائلة و بدات كتبارك ليهم و مانفال حشمانة و نزار ايطير بلفرحة، شوية نيار خرج و تبعاتو سارة لقاتو كيمسح دمعة من عينيه
سارة: نيار مالك
نيار: بغيت عشق ترجع و نفرح بولدها
سارة: غااادي نرجعووها
نيار: كنواعدك اندير لي فجهدي و نرجعها
سارة: ان شاء الله
الصوت كيتردد فأرجاء المعسكر و صوت الأسلحة و القرطاس كذلك ، جيش من العسكريين كيفككو قنابل و جيش آخر كيردد النشيد بصوت عالي، الليل طاح و العافية تشعلات فالوسط كتعلن على انتهاء التدريبات العسكرية و من جهة أخرى هبطات هيليكوبتر فوسط الساحة لعريضة و نزلات منها حسناء روسيا هازة ثوبها الأبيض من تراب باش مايتوسخش و كتشوف بعينيها زورق الأجواء كيف دايرة، و فنفس لبلاصة كان المقر من لداخل فيه غرفة كبييييرة و طبلة عريضة مضورين عليها رجال و ساكتين لكن فورما دخل هو ناضو من بلاصتهم احتراما ليه، و توجه بملابسو الرسمية السوداء و خطواتو المدروسة... فيديه قفازات سوداء و قبعة سوداء و غير جلس مترأس الطبلة جلسو حتى هوما و كيشوفو فعنيه لخوضر فين كيشوف و لاحظو انه متبت نظراتو فالأرض و كيعض شفايفو بغيض تحت لحيتو السوداء، بدون سابق إنذار نطق شخص منهم
الشخص 1: الأجواء ترونات هنا و حنا مايمكنش لينا نسكتو
الشخص 2: محمود تجاوز حدودو أفعال التهريب و اغتصاب وصلونا و حنا مايمكنش نبقاو هاكا
الشخص 1: عندك الحق و زيد عليها مخبع فصورة قائد و كيدرب الكتيبة العسكرية لي حنا كنتأملو منها توقع ضد أمريكا
الشخص 3 : كيبقا أفغاني و لبلاد بلادو و حنا مالنا كل واحد هنا مسؤول على المنظمة ديالو
نيروز:(بصوت هادئ و كيشوف فالشخص 3) اولاً ، این کشور من است ، و ثانیا ، این سازمان من رئیس آن هستم و تجارت غیرقانونی را قبول ندارم ( هادي بلادي أولا و المنظمة أنا رئيسها و ثانيا كل منظمة كتحني ليا راس و ثالثا ماغاديش نقبل الاعمال الغير القانونية )
الشخص 3 :(بلع ريقو ) لي بغيت نقصدو هو محمود قائد عطا بزاف للجيش ديالنا
الشخص 1 : هاداك جيش ديالنا كل جيش جاي من بلد و هنا كيتدربو ف كيفاش بغيتو نخليو جيشنا مع شخص حقير بحالو
الشخص 2 : كنقتارح أنه يدخل للحبس
الشخص 3 : اه أفضل عقاب
الشخص 1: القرار كيبقا ل مستر هيولا
….كان غادي ينطق كلمتو كون ما دخل جندي بسرعة لعندهم و كسر خلوتهم و كينهج و نطق بصوت فيه تأسف و احترام
الجندي:(دار التحية) سيدي
الشخص 3 : كيفااااش كتجرأ دخل لهنااا
نيروز:(عطا اشارة بيدو باش اسكت و ضار عند الجندي) چی شد؟ (شنو وقع ؟ )
الجندي: جات بنت من روسيا و محمود كيغوت عليها
نيروز : چه چیز دیگری؟ (شنو آخر؟)
الجندي: بغا يضربها
نيروز:(ناض من بلاصتو و تحرك لبرا) مشکل او با من اینگونه خواهد بود (هاكا اتولي مشكلتو معايا )
راسمة إبتاسمة على وجهها و هي كتشوف فعينيه بكل استفزاز و منظرو و هو معصب كيفرحها و كيعجبها أما هو عينيه و كشاكشو غادي يخرجو بكثرة لغوات كان راجل كبير مصلع و لابس لباس عسكر و كولشي كيتفرج فيه كيفاش كيغوت عليها فقط حيت دازت من حداه و ماعطاتوش التحية و زاد كفر منين عرفها شكون هي و علاش جات ، خلاتو كيعربط حتى سالا و هي تنطق ببرود
عشق: واش هاكا كتعاملو القائد؟
محمود: (باستهزاء) قائد؟ نتي مجرد مساااااعدة رخيصة للقائد لي هو أنا
عشق: مساعدة رخيصة (شددات عليها) لقائد رخيص
محمود: عاارف لي بحالك مزيان كيخونو وطنهم فأبسط فرصة و نتي خااائنة و كتخدمي لمصلحة أمريكا
عشق: اتهام باطل (تنهدات) قائد رخيص و أيضا غبي
محمود: وقحة و لكن الغلط أن هاد المهنة كتعطا للعيالاااات
عشق: مالهم لعيالات؟
محمود: مكيصلاحو لوالو من غيييير امتعووونا
عشق:(حكات جبهتها و رجعات تنهدات) قائد رخيص و غبي و معقد
محمود: (دفعها بيديه جهة كتفها و بقا كيدفعها و هي كترجع لور) حقيرة و خائنة و عاااااهرة
عشق: (ابتاسمات) كنتافق معاك فالكلمة التالية حيت كتمثلك بكل جدارة
….وصل نيروز لساحة و فورما شافو هز يدو باش يضربها، هي طاكاتها و طيحاتو فالارض برجلها و نزلات على عنقو بقجة و غارسة ظفارها فيه و كولشي كيتفرج و هي شال لبيض لي كانت دايراها على نص شعرها طاح و تطلقو خصلها السوداء لي بحال سواد قلبها فهاد اللحظة، عطا الجندي اشارة باش يتدخلو يفكوهم لكن حتى واحد مابغا يتدخل و هو يقرب منهم نيروز و كيشوف ف عشق و رجع شاف فالجندي بابتسامة و هدوء
نيروز: او کسی است که به او ضربه می زند نه او (هي لي كضربو ماشي هو)
رجع بعد منو و هو يشوف فيها و مع شعرها راجع للقدام ماقدرش الاحظ ملامحها فقط صوتها الرنان دخل لوذني بحدة و كلماتها لي كانت بالمغربية قالتهم و هي عارفة بلي ماغايفهمهاش محمود و حتى واحد تماك ماغايفهمها من غيرو هو لي مارفش ليه جفن من بدات كتدوي
عشق: سميييتي ديااابلا كيعيطولي شيطانة روسيا لكبير و صغير كيعرفني و ناس كترجف من سميتي و ماكايناش شي مهمة صعيبة إلا و حليتها بذكائي و خططي لي مازال حتى لدابا قرانك كيقراااوهم أنااا ديااابلا عمرني خنت بلادي ولا فكرت نخونها ذنبي أن تايغر كيبغيني و ذنبي الثاني انني عطيت ثقتي لراجل و غدرنيييي
….كلماتها إبتاسم لإثرهم و قرب منها و تحنى ركابيه كيشوف محمود غادي يقطع النفس و يموت وجهو حمار و زراق
عشق: المرا ماشي ضعيفة و ماشي هي لي كتلبي رغباتكم المكبوت بل حنا لي كنشبعو منكم و كنلاوحوكم بحااااال لكاااارو و هاد الضومين كون كنتي كتقرا كتوباتك و تراجع دروسك أتعرف بلي لعياالات عطاو فيه قبل رجااال
نيروز: (بصوت خشن و محافظ على ابتسامتو) زيدي زيري عليه ماغاديش يموت بهاد الطريقة (كيوريها جيهة عنقو) الى طلعتي يدك غير شوية لهنا اتقتليه بسرعة (ناض و رجع لعندها من جهة الأخرى) سمعت على ديابلا بزاف و عمرني شفتها و دابا هاد الموقف كيليق بشيطانة (تحنى على ركابيه من الجهة الأخرى) لو عرفت فقط أنك أتبغي تقتليه كنت انعطيك قفازاتي باش مايلقاوش البصمات (زاد همس فوذنها) قتليه يستااااهل
...طلقات من عنق محمود بسرعة و هو سخف لكن ماماتش و ناضت من فوقو كتشوف فيه و هي طلع يديها لفوق و طلقات شعرها طويل باش يهبط على ظهرها و عطات بظهرها لنيروز لي غير شافها طلقاتو و ماماتش ناض حتى هو و كيشوف فشعرها لكحل و بخيبة أمل نطق
عشق: (ضارت لعندو بابتسامة و يالاه كانت اتنطق شافت ملامحو الوسيمة و لباسو المرتب و الكاريزما لي كتبان على وجهو و نطقات) لمغاربة فين مامشيت كنلقاهم
ابتاسم ليها هو الآخر ، جمالها ماعاودولوش عليه بقدر ماعاودوليه على شيطانتها لكن بصح كون ماكانتش زوينة ماغاتكونش شيطانة ، أول حاجا نتابه ليها هو لباسها الأبيض و أولو على انها أرملة و بدل تعابيرو لجمود، قرب منها كيطلعها و يهبطها و نطق
نيروز: مع الأسف
عشق: و رغم ذلك ماتعاودش تسرق خدمتي
نيروز: لي هي؟
عشق: الخبث و الوسوسة (حيدات خصلة من عينيها) خدمة الشيطان هاديك
نيروز: تاهمتيني بالسرقة و انا كنت كندير غير خدمتي
عشق: لي هي ؟
نيروز:(بصرامة) الوحشية
عشق: سرقتهالك؟
نيروز:(حرك راسو بلا) ماحصلش ليك الشرف
عشق: (ابتاسمات و حققات فيه بعينيها) شرفني بمعرفتك
نيروز: لي آمرهم باش ينفيوك
عشق: يا خسارة (ربعات يديها) ديما رجال زوينين خصهم لابد يوليو اعدائي بفف
نيروز: (ربع يديه حتى هو) و ديما كنضطر نفي لبنات زوينات
عشق: فكرني فسميتك
نيروز:(قرب منها ) ماكتعرفيهاش باش نفكرك فيها (طلع سابابتو و حطها على راسها) الغضب هو العدو الاكبر للإنسان تعلمي تكبحي نفسك
عشق: (كتحقق فعينيه) هادي خمسة دقايق كنتي كتحرضني نقتلو
نيروز: (همس) فرق كبير بين التحريض و الانذار
عشق: (بلعات ريقها و مانزلاتش عينيها) شكون نتا؟
نيروز: (بتنهيدة) هيوولا
عشق: (ابتاسمات و و ضارت بعدات عليه و قبل ماتمشي رجعات شافت فيه و نطقات جوج كلمات ادفع ثمنهم غالي) نديم ديابلا….
ضارتلو نقشة و كمش تعابير وجهو و كيشوف ليها فعينيها و طرطق عنقو
نيروز: أنراعي موت راجلك و ماغانجاوبكش
عشق: راجلي ماماتش
نيروز: و البيض لاش؟
عشق: ماماتش(ابتسامة خبيثة) انا قتلتو
نيروز:(هز كتافو) الى الجحيم
عشق: ؟who is next (من التالي؟)
نيروز: نتي
عشق: كيفاش؟
نيروز: (ابتاسم) who knows? ( او شكون عرف؟)
عشق:(ضغطات قبضة يدها) أسلوبك مستفز
نيروز: هادي غير مرايتك (شاف ف الجندي) خود
الآنسة…(كيفكر فسميتها)
عشق: عشق
نيروز: خود الانسة عشق لمكان راحتها بكل احترام
الجندي: علم سيدي (عطا اشارة لعشق) تفضلي
….مشات عشق مع الجندي و هو بقا متبع ليها لعين و شوية قرب منو جندي آخر
الجندي: (التحية) سيدي محمود فاق
نيروز: شيواحد عرفو فاق؟
الجندي: لا سيدي
نيروز: اذن قتلوه
الجندي: ولكن ماعندناش قائد بديل
نيروز: عندنا (كيشوف ف عشق)
الجندي: علم سيدي (بغا يمشي و هو يوقفو نيروز)
نيروز: منين تقتلوه ديرو فالتقرير الطبي انه مات مخنوق
الجندي: مخنوق سبب اش؟
نيروز: (ابتسامة) بسبب ديابلا
نهار جديد مازال حتى ماشرقات شمس، البوق لي كيفيق الجنود تعلا صوتو فالأرجاء و بسرعة كولشي تجمع فالساحة كيديرو النشيد الوطني باش يبداو أعمالهم ، ناض من سريرو واخا ليلة كاملها مانعسش …. صدر فولاذي و ليزابدو و ذراعين و لابس بوكسور فقط و شعرو مخربق على عينو، دخل للحمام و دوش و خرج لاوي عليه فوطة، سمع انين خفيف حدا النموسية و عوج عنقو طل و ابتاسم و هو كيتفكر أحداث البارح، ليلة مرعبة بالنسبة ليها و ليلة و لا أروع بنسبة ليه دازت بجميع مقاييس المضاجعة العنيفة، شركلها لور مع لقدام حتى غواتها رجع كيتسمع لبرا و مارحمها حتى سالا منها و شبع رغبتو فيها، تمشى لجيهت لمجر و جبد ضمسة د لفلوس و ضار لاحهوم عليها و نطق بهدوء
نيروز: حسابك (اشار بصبعو) مانعاودش نشوفك هنا
….منين شافت لفلوس ناضت كضحك واخا لعذاب لي عاشتو لبارح إلا أن الجنس معاه كيخليها تحس بجبروتو لي كيسطي أي بنت، خرجات أما هو لبس حوايجو كالعادة ملابس رسمية سوداء و خرج مشا للبيرو ديالو لكن قبل مايدخل طل من لبالكون على العسكريين لقاهم كيزاولو مهمتهم، قلب ضورة و دخل للبيرو و قبل مايجلس شاف فالجندي لي عطاه التحية
نيروز: عيطلي على القائد محمود (جلس و جبد ملف عشق كيراجعو)
الجندي: (بتردد) القائد محمود عطاك عمرو سيدي
نيروز: اممم خسارة باش مات؟
الجندي: بسبب الاختناق لي تعرض ليه اسيدي
نيروز:(مازال مركز فشوفة الملف) ألقو القبض على عشق سقراط و جيبوها لهنا
الجندي : علم سيدي
…..خرج الجندي و معاه جنود مشاو للخيمة ديال عشق لي كانت فايقة و كتسنى أوامر ديالها باش تعرف خدمتها بضبط شنو هي ، لكن فورما دخلو عندها الجنود و شدوها من دراعها و خرجوها فهمات أن مهمتها بدات، بقات كتنتر منهم و هوما شادينها حتى وصلوها للبيرو عند هيولا و جلسوها فالكرسي قدامو و هي كتشوف رؤساء المنظمات معاه و كتميزهم بشوفة
عشق: شنو اتفسرو هاد التصرف؟
الشخص 1: انت متهمة بقتل محمود خنقا
عشق: شنو الدليل؟
الشخص 2: لبارح خنقتيه بيديك قدام كولشي
عشق: (كتشوف ف نيروز) و كان ممكن شيواحد يتدخل باش اعتقو
الشخص 3 : ماتدخل حتى واحد حيت محمود كان شخص خائن و حقير
عشق:(ابتاسمات) شنو الحكم ديال الشخص الخائن و الحقير؟
نيروز:(بنفس الابتسامة) الموت
عشق:(طلعات راسها لفوق و نطقات بقوة) كنعتارف أنا لي قتلتو
بقاو أعضاء المنظمة كيشوفو فبعضياتهم و مصدومين من الجرأة ديالها من غيرو هو كان عارف شنو كيضور فراسها حيت نفسو كيضور ليه فراسو، ناض بخطوات بطيئة و عيط للجندي حتى دخل لعندهم
نيروز: (بجمود) ديها للحجز
عشق:(كمشات تعابير وجهها) وات؟ (جا الجندي و شدها من يديها ولكن دفعاتو و ضطر جندي اخر يعاونو و خرجوها من لبيرو واخدينها للحجز )
….رجع جلس فبلاصتو و كيسمع غواتها كتحلفها فيه، ابتاسم شوية و شاف ف أعضاء المنظمة
نيروز: عشق سقراط هي القائدة ديالنا جديدة
الشخص 1: ولكن هي دارت جريمة
نيروز: قتل الشخص الخائن للوطن ماشي جريمة
الشخص 2 : أنا ماموافقش و حتى واحد ماغادي يوافق
نيروز: (بصوت كيخلع ) در فرهنگ لغت من ، کسی که یک خائن را بکشد پاداش می گیرد ، و هر که با من مخالفت کند می میرد (فقاموسي الشخص لي كيقتل الخائن كيتجازا و لي كيعارضني كيموت)
الشخص 2 :(بلع ريقو) شنو كتقصد ؟
نيروز: (هز الفردي و طلق رصاصة فراسو نيشان حتى طاح ميت و شاف ف لاخرين) آیا اعتراضی وجود دارد (كاين شي اعتراض)
حركوليه راسهم بلا و خرجو و هو ناض خرج من لبيرو حتى وقفو الجندي و لقا التحية
الجندي : سيدي هاد الوراق وصلو من روسيا
نيروز:(شدهم و اشار ليه بيدو ) نقي ليا لبيرو
...دخل الجندي و تصدم بالجثة ديال احد اعضاء المنظمة و جرو من تماك و نقا لحالا و عاد دخل نيروز كيشوف فالوراق و كيقراهم حيت متعلقين ب عشق ، رجع جلس و حتى حل الصفحة الأولى و منين كمل لقراية قرم حجبانو و نطق بتفاجؤ كأنه كيهضر مع شخص آخر
نيروز: حاملة !
بسرعة حط لوراق من يديه و عيط للجندي دخل عندو
نيروز: جيب ليا عشق سقراط
الجندي :(التحية) علم سيدي
...خرج الجندي بسرعة مادازش بزاف ديال الوقت دخلوها للبيرو و خرج الجندي اما نيروز طلع فيها عينيه لقاها حمرة بالاعصاب و كتعض شنايفها و عينيها كتخنزر بيهم ماكرهاتش تقتلو، نطق قبل منها باش ماتقاطعوش
نيروز: وصلوك وراق من روسيا
كاع ديك العصبية لي كانت فيها مابقاتش قربات من لبيرو و هي كتشوف ف لوراق و هزاتهم كتقراهم شوية هي تحط لورقة لولة و هزات ستيلو و بقات كتفكر كيفاش جسور ببرود قدر اصيفط ليها وراق طلاق بسهولة و سمح فيها و ولدها كان كيحسابلها برغم الهضرة لي قالها كان عندها شوية دالامل و لكن الحمد لله لبسات عليه لبيض و دابا ممكن ليها تحيدو و هي مهنية ، لاحظ ترددها و تفكيرها العميق
عشق: (كانت خارجة و هي توقف شافت فيه ) كاع هاد الاستفزاز و هاد المعاملة ماغاديش ندوزها ليك بالساهل (شافت فيه) باقي انحاسبك و ماكيهمنيش تكون كيفما بغيتي تكون
نيروز: (بمكر) جبتك هنا باش نشوف لحاجات لخايبين
عشق: كنتمنى ماتندمش (خرجات و زدحات الباب و هي تنهد ليوم وقعات على طلاقها لكن من جهة اخرى ربحات ولدها و اتعطي حياتها على قبلو)
...مشات للخيمة ديالها و أول حاجا دارتها حيدات دوك لحوايج لبويض و لبسات لبسة ديال لعسكر و مع مارتاحش فيه شدات لمقص و قطعات بيه سروال حتى رجع شورط و لبسات معاه ديباردور بيض و جيلي باش ماتبانش كرشها ، خلات شعرها مطلوق و لبسات لكاط و خرجات لقات العسكر المتدربين فيهم بنات و دراري من مختلف الجنسيات دايرين صفوف و منضابطين كانو متوقعين محمود لي ايخرج عندهم ولكن منين خرجات هي بداو كيوشوشو بيناتهم و كيعاودو عليها لبارح انها خنقات محمود ، غوتات بأعلى صوتها
عشق: إنضباااااط (شوية كولشي رجع سكت ) أنا القائدة الجديدة ديالكم غادي تعلمو معايا كيفاش اتكونو عملاء سريين و كاع المتطلبات لي ايخليكم تنجحو فهاد الخدمة و اول حاجا غادي تعلموها معايا هي تفكيك القنابل و انبداو من غدا حتى نقرا ضوسي ديال كل واحد فيكم و نتعرف عليكم كثر (شافت ف ساعتها و نطقات) ديرو 15 دورة على المعسكر 20 دقيقة تكونو عندي هنا
بقاو حالين فمهم فيها حيت مع ديبار قسحات معاهم، استسلمو و نصاعو للأوامر ديالها و هي مشات جلسات و بقات كتحسب ليهم الوقت ، كاين لي سخف فالبنات و كاين دراري لي ماوصلوش فالوقت ، قلبات عينيها بتذمر
عشق: حتى واحد فيكم مكيحمر لوجه فاش كنت قدكم كنت كنجيبها فقل من داك لوقت (ربعات يديها) ممنوع عليكم لعشا هاد نهار
مشات لخيمتها و خلاتهم على اساس غدا ايبدا شغل ديال بصح اما هوما بقاو كيتذمرو و ماحاملينش لبلان و كل واحد مشا لشغلو ...جلسات فبلاصتها و سمعات تليفونها كيصوني ، هزاتو و شافتو ايطرطق بليزابيل نتاع سارة و نيار و نزار و ارتورو، هزاتو و مشات خرجات من لخيمة و رماتو فسطل ديال لما تحت نظرات نيروز ….
….فروسيا كان نيار يالاه داخل مع القصر و تعابير وجهو مقلقين و عيان يالاه جلس و هي تجي عندو سارة بسرعة
سارة: امدرا شنو درتي؟
نيار: مابغاوش اسمحو ليها غادي تبقا منفية
سارة: خصنا نديرو شي حل مااايمكنش تبقا تماك
نيار: كنواعدك اندير لي فجهدي و اترجع لعندنا
سارة: أنا تايقة فيك
نيار: ماكاينة حتى خبار عليها؟
سارة: كنصوني ليها مكتجاوبنيش
نيار:(كيطنها) يدير الله الخير
داز نهار بلا أحداث جديدة او يمكن كان هادا هو السكون الذي يسبق العاصفة ، صبح صباح جديد و كالعادة فالمعسكر مع لفجر تنفخ البوق ديال الاستيقاظ و بنفس الروتين ناضو كيديروه، و كيتسناو فديابلا تجي لعندهم اما هي من بعد ما خرجات لعندهم ووقفات قدامهم نطقات بحزم
عشق: ليوم انتعلمو كيفاش نفككو لقنابل لي اينفاجرو ف 2 دقايق لكن قبل خاصنا نعرفو فينهم (قربات منهم) هاد المهمة ديجا درتوها ولكن ليوم بغيت نشوف بعيني واش اتفوقو فيها ولالا ، بداو
….شافتهم تشتتو كيقلبو على لقنابل و هي توجهات لعند نيروز للبيرو تخطات الجندي و دخلات بلا مادق لكن مالقاتوش، و جلسات كتلعب فشعرها ، شافت راديو تماك و ناضت خدماتو حتى عطا موسيقى قديمة بالبيانو ، تحل الباب و بلا ماضور عرفاتو حيت ريحتو كانت سابقاه، توجه لبيرو و جلس و عاد نطق
نيروز: تشربي قهوة و لا اتاي؟
عشق: بغيت نشرب دمك
نيروز: مقزز
عشق:(شددات على اسمو) هيوولا
نيروز:(طلع فيها عينيه) شحال زوينة ماتكونيش عارفة معناه
عشق:(ضارت لعندو) الوحش (كطلعو و تهبطو) حتى حاجا فيك ماكدل على هاد اللقب
نيروز:(شبك يديه) شنو بغيتي؟
عشق: جيت نوريك اللعب مع شيطانة كيف كيكون
نيروز: علنتي الحرب و انا مافخباريش
عشق: تقدر تقول بغيت نوريك اللقب ديالي شنو نقدر ندير بيه و بغيت نشوف اللقب ديالك كيفاش ايتصرف
نيروز: واش مالاحظتيش بلي أنا مامسوقش لا ليك لا اللقب ديالك
عشق: ماكانظنش (شافت ف عينيه) تفكيرك كاملو عليا
نيروز: قبل ماتعلني الحرب خصك تعرفي الخصم ديالك شكون هو
عشق: من بعد و ندير الابحاث ديالي
نيروز: اذن شنو جابك عندي
عشق:( شافت ف ساعة لي معلقة فوق راسو و ابتاسمات و هي كتمايل ) الخبث
تسمع انفجار برا لكن ماتحركش من بلاصتو بغا يشوف فين بغات توصل بهاد المسرحية ديالها ، شعل كارو و بدا كيكمي و كيشوف فيها كتمايل على نغمات الانفجارات بحال الى كتمايل على الموسيقى و ابتسامتها و نظراتها الثاقبة عطاو انطباع شيطاني فالبيرو ديالو، أما هو من بعد سماعو لتهديداتها كان كيكمي و يشوف فيها ببرود و عينيه كيختارقو حركات رقصها و كيسمع الانفجارات أيضا، تهز من بلاصتو و رما الكارو لجيهتها و ابتاسم و مشا للبالكو كيشوف المعسكر كينفاجر و غير كدوز خمسة دقايق كتنفاجر بلاصة بحيث أغلب لبلايص لي كانو كينفاجرو هوما الخيمات ديال العسكر، نظراتو مرتاحة كأنه كيشوف عرض سنيمائي، لكن الغريب فالأمر و لي أثار انتباهو ان العسكر ماكانوش خايفين و إنما كيقربو من بلاصة لقنابل، عضات شفتيها و قربات منو و همسات فوذنو
عشق: المرة جاية لي اتفكر تلعب معايا فيها و تحداني أيوقع كثر من هاكا
نيروز: (تنهد) ساليتي؟
عشق:(حطات صباعها على عنقو و كتحركهم بشوية) زرعت 6 القنابل نفاجرو 5 و بقات 1
نيروز: (غمض عينيه من حركات صباعها فعنقو و كحز شوية و نطق) ماتعاوديهاش حيت ا تندمي
عشق: (فهمات غلط ) زراعة القنابل هو اختصاصي (بعدات منو و قبل ماتخرج نطقات ) باي
….خرجات كضحك من لبيرو حيت القنبلة الاخيرة زرعاتها عندو كتحس بكره و غضب اتجاهو من معاملتو ليها و لابد خاص ترد دقتها، هبطات للمعسكر و بقات كترجع لور و عينيها على لبيرو ديالو و كدير العد التنازلي ف عقلها ، سالاتو و هي تكمش تعابير وجهها حيت مانفاجراتش ، و ساطت بعصبية يالاه كانت اترجع و هي تسمع صوتو لبارد و الخشن موراها
نيروز: ماتعاوديهاش
عشق: (قربات منو) عطلتي القنبلة برافو عليك
نيروز: (ابتاسم لجنب محافظ على تخنزيرتو) ماتعاوديهاش
عشق:(مقربة منو لدرجة صدرها على صدرو و بتساؤل حيت كيعاود الكلمة بزاف ) شنو هي؟
….بووووم انفاجرات القنبلة فالخيمة ديالها و هو يحاوط خصرها و طاحو فالارض و حاميها ببنيتو الضخمة، مابقاو كيسمعو والو صوت رقييييق فوذنهم، شاف فيها و هوما مازال طايحين ، هي لتحت و هو لفوق و صدمتها فديك اللحظة لاتوصف و بلعات ريقها
عشق: (بهمس) كنتي عارف بقضية لقنابل!!!!
نيروز:(هبط لعندها و هضر فوذنها) حركة صبعانك فعنقي (رجع كيشوف فعينيها و بتهديد ) ماتعاوديهاش اديابلا…..
ناضت من تحتو ووقفات كتشوف فيه و دار بحالها حتى هو و حط يديه فجيابو و نطق
نيروز: صبري عندو حدود ماتجربينيش (بغا يمشي و هي توقفو)
عشق: بغيت نشوف لوحش لي فيك
نيروز: (رجع شاف فيها) أتشوفيه ولكن أتمناي كون ماشفتيهش
نيروز: (قرب منها) مرايتك قدامك قبل ماديري شيحاجا فكري فيها حيت سواء اديريها زوينة او خايبة عرفيها راه اتقيسك
عشق:(كتحرك راسها) لا مايمكنش تكون حقيقي
نيروز: الحقيقة أتشوفيها قدامك و أترجعيها كدبة
عشق: (هبطات عينيها) عندك الحق علنت الحرب على شخص مكنعرفوش مزيان
نيروز: كأنك علنتي الحرب على راسك
عشق: (بتلعثم) لا لا مايمكنش اكون شيواحد بحالي
نيروز: (كيطلعها و يهبطها) كاين لي حسن منك (ابتاسم)
استحمليني غير هاد ليلة و من بعد ماغاتبقايش تشوفيني قدامك
عشق: (قربات منو) علاش جبتيني لهنا؟ علاش نتا لي نفيتيني؟
نيروز: ماشي كاع الاسئلة كنجاوبو عليهم
عشق: بغيت جواب
نيروز: كنتي غادة فطريق غالطة
عشق: بغيت نرجع لديك طريق
نيروز: ماكاينش الاعفاء من النفي
عشق: محتاااجة نرجع خاصني نرجع حيت ماكملتش لي بديتو
نيروز: الى كملتيه غادي تموتي
عشق: شنو كتقول؟
نيروز: طريقك صعييبة و كتقتل اعشق
عشق: أشمن طريق علامن كتهضر
نيروز: (عينيه حمارو) طريق الاعدام
ضار و خلاها تماك واقفة و جامدة مافاهمة حتى حاجا و كمية تساؤلات عندها بغا اجوبة ديالهم، ماقدراتش تعاود تعيط ليه و هو ماكتارثش ليها حتى ختافا عن الانظار و من تماك ماعاودات شافتو من داك نهار كلمتها مادازتش مع كلامو ، الكاريزما ديالو و غموضو و جبروتو و استفزازو لسقو ليها فدماغها و ماكاينش شي نهار كيدوز بلا ماتفكر هادشي و صورتو ترسخات فبالها، حتى هو ماكانش أقل منها ديما فبالو كيتفكرها و كيضحك على افعالها الصبيانية واخا كتبغي تبين راسها قاسحة و متحكمة فكولشي ولكن عارف بلي عقلها ماشي هو قلبها …
...داز شهر كامل بلا حتى اخبار جديدة نفس الروتين ، عشق كدرب فالعسكر و متحكمة فالقاعدة العسكرية و كل نهار كيدوز كتحسبو باش تستقبل مولودها لي بقاتلو شهرين و يتولد و نيروز كل مرة فبلاد عندو الخدمة و المهمات ديالو مكيساليوش و برغم هكك حاضي كل جهة و شنو كيطرا فيها و عائلة سقراط كان كل واحد فيهم مشغول فشيحاجا نزار و مانفال كيدوزو كل نهار و لحظة مع الجنين و كيرد ليها لبال بزاف، مشاو للمغرب لعند والديها و بشروهم بالخبر و فرحو ليهم و رجعو لروسيا، أما شفق حاولات تنسى و تشغل راسها فكتاباتها و مالاحظاتش ان كل خطوة كديرها كتكون تحت مراقبة شهاب لي ولا مولوع بيها ، من جهة اخرى هبة كتسنى ف زواجها مع محسن هاد الاخير لي كما العادة مامسوقش ليها بعكس صخر لي كان كيتقطع عليها و هي بعيدة عليه ، أما خلود كانت قطعات علاقتها مع صخر من بعد ما اعتاذرات انها ماتقدرش تكمل معاه و بلي كتبغي ارتورو لي كان بدورو كيفكر فديابلا و حاس بلفراغ بلا بيها لكن خلود كانت معاه ديما و خلاتو ينسى شوية ، لكن وليديها ماقدروش انساوها، نيار كان كل مرة كيقلب على طريقة باش ارجع بيها عشق لكن لا فائدة كل محاولاتو فشلات و سارة كتصبرو كل مرة بلي ايلقاو الحل ، أما شيماء ديما كتفكر فجسور منهار مشات عشق حتى هو خوا لقصر بطلب من باه و مكيجاوبش على تيليفونو ، كانو مجموعين كما العادة فطبلة ديال لفطور حتى دخل نيار مبتاسم و من تعابير وجهو باين جايب خبر زوين
سارة: نياار شنو كاين؟
نيار: المنظمة سمحات ليا نمشي لأفغانيستان و نشوف عشق
سارة:(ناضت ) بصاااح؟؟؟
نيار: اه
قصي: هادي خبار زوينة
سارة: انمشي معاك
نيار: بلا ماتعدبي احبيبة دابا خصك تبقاي مع مانفال و أنا انقول ليها بلي توحشتيها
أرتورو: نقدر نمشي معاك انا ؟
سارة: اه خلي ارتورو يمشي معاك
نيار: اوك وجد راسك (مشا لبيتو يوجد راسو)
سارة:(جرات ارتورو) بغيتك توصل ميساج ل عشق
ارتورو: شنو هو؟
سارة: قول ليها بلي أنا غادي نعاونها و انفضح محسن و بلي كنبغيها بزاااف و اندير اي حاجا باش نعاونها
ارتورو:(ابتاسم) انا غادي نقوليها كولشي بالحرف
سارة: شكرا
تحطات هيليكوبتر فالساحة ديال المعسكر و نزل منها بالكاريزما ديالو المعتادة داير نظاظر كوحل و فيست لابسها عليه و ديما القفازات فيديه، كولشي وقف كيستقبلو و عاطيه التحية لكن من مور النظاظر كان كيقلب عليها و مالقاهاش، شهر ماجا و شهر كاملو ماشافهاش برغم انه عارف حركاتها و شنو كدير الا انه ماشافش وجهها ، مشا نيشان للبيرو ديالو و جلس ، شاف تيليفونو كيصوني و جاوب
نيروز: وي ؟
علي: ولدي مازال ماهداكش الله ترجع للمغرب
نيروز: كملت الجولة ديالي فالبلدان لي عندي و بقاتلي افغانيستان أنجلس فيها يوماين و انرجع للمغرب
علي: إذن نتا ف أفغانيستان؟
نيروز: وي علاه؟
علي: أنا فاليابان حاليا جيت نشوف الشركة كيف غادية و نرجع للمغرب
نيروز: دوز عندي لأفغانيستان و نهبطو للمغرب بجوج
علي: داكوغ (قطع الخط)
...رجع راسو لور على الكرسي و بقا كيشوف فالسقف شوية قاد جلستو و عيط للجندي لي دخل عندو و عطا التحية
نيروز: عيط ليا ل عشق سقراط
الجندي : علم سيدي (التحية)
….مشا الجندي إعيط لعشق ، لقاها جالسة فخيمتها و كأنها كتسنى المناداة ديالو ، لكن بدون سابق إنذار رفضات مقابلة نيروز، رجع الجندي عندو و هو خايف و بدا كيتلعثم فالهضرة
نيروز:(طلع عينيه فيه) فينها ؟
الجندي: سيدي مابغاتش تجي
نيروز: (ناض ) اوك نمشي انا عندها
….خرج من البيرو ديالو و هبط من القاعدة فاتجاه الخيمة ديالها غير وصل و دخل بلا مايستأذن لقاها عاطياه بظهر لابسة ملابس عسكرية
نيروز: علاش مابغيتيش تجي؟
عشق: حيت مابغيتش
نيروز: حتارمت الرغبة ديالك و جيت
عشق: ماحتارمتيهاش أنا مابغيتش نشوف وجهك
نيروز: (شدها من يدها بعنف و ضورها عندو ) هادي قلة احترام
عشق:(نترات يدها) بأشمن حق كتعاملني هاكا؟
نيروز: أنا القائد ديالك و مامضطرش نبرر ليك أفعالي
عشق: و انا مامضطراش نشوفك و خدمتي كنديرها ماعندكش لحق تعاتبني
نيروز: (ابتاسم) قبيحة كما العادة (كيشوف ف كرشها) قربتي تولدي و كنت انعفيك من خدمتك حتى لمور لولادة هادشي لي جابني عندك
دازالوقت و تحطات طائرة علي فالمطار ، نزل منها و كمل الاجراءات و استاقل طوموبيلتو فاتجاه القاعدة العسكرية باش اتلاقا بهيولا، يالاه بدا كيقرب باش ادخل داكشي بانلو بحال شي اوطيل و دايرين عليه لخيام، وقف السائق و هبط علي لي كان نيروز ف استقبالو و سلم عليه سلام رجولي و بداو كيتمشاو و يهضرو
علي: منين انرجعو للمغرب ماغانخليكش تبعد
نيروز: ماعندي فين نبعد ساليت الجولة ديالي
علي: أحسن حاجا حيت محتاجك بزاف
نيروز: ياكما نجلاء و ربيع واقعة ليهم شيحاجا ؟؟
علي: لا ماكاين والو غير راك عارف الدار خاوية بلا بيك
نيروز؛ اوك وصيتهم اوجدو ليك بيتك ترتاح فيها
علي: أنتعشاو بجوج ياك
نيروز: أكييد
...كملو طريقهم و من بعدها علي مشا لبيتو لي وجدولو و نيروز رجع للبيرو كيخدم، حتى طاح ظلام ووصلات آخر طائرة من المغرب لأفغانيستان، توجه نيار و ارتورو لطوموبيل بسرعة من بعد الاجراءات و توجهو للقاعدة العسكرية و واخدين الرخصة انهم يدخلو ليها ، وقفات طوموبيل و هبطو مع الجندي لي وصلهم لبيرو ديال نيروز و دخلو
نيار: (ابتاسم) هيولا
نيروز: وي!
نيار: أنا نيار سقراط
نيروز:( ناض) أه ماعرفتكش فالأول
نيار: ماعلموكش بلي غادي نجي ؟
نيروز: سي علموني (اشار ليه بيديه ) تفضل
...جلس نيار هو و ارتورو و عاد بداو الهضرة
نيار: بغينا نشوفو عشق
نيروز: أووك (عيط للجندي) قول ل عشق سقراط ان باها جا يشوفها
الجندي : علم سيدي
….مشا الجندي كما العادة عندها و علمها بالأمر لكنها رفضات تشوفو و رجع لعند نيروز
الجندي: سيدي رفضات تشوفو
نيار: مابغاتش تشوفني؟
نيروز: عادي حتى انا قبيلة مابغاتش تشوفني
نيار: جيت على قبلها و مايمكنش نمشي بلا مانشوفها
نيروز: مابغاتش تشوفك و كنقتارح ترتاحو من السفر كتبانو عياانين و غدا تقدر تبغي تشوفكم
أرتورو: أنا ماشي هو باها و اتبغي تلاقا بيا
نيروز: (شاف فيه شوفة جانبية) شكون سيادتكم؟
أرتورو:(ابتسامة) يدها ليمنية
نيروز: أوك أيدها ليمنية تقدر تمشي عندها برجليك و الجندي أيوصلك (ناض ارتورو و خرج)
نيار: بغيت نمشي حتى أنا
نيروز: كتبانلي علاقتكم ماشي حتى لتما و طلبك مرفوض
نيار: و شنو كتعرف نتا على علاقتنا حتى تهضر؟
نيروز: ماعرفتش شنو وقع بيناتكم و لكن جوابها كافي نرفض
نيار:(باستهزاء و عصبية) هاد الهضرة كبيرة على واحد شهد فباه باش إتعدم
نيروز:(تجمدو عينيه على نيار كأنه فحالة صدمة) معلومة مكيعرفهاش كولشي
نيار: من غير ناس لي رباوك
نيروز: عيطتي ليا هيولا (قرب منو) مكنعقلش بلي تعاملت من قبل مع عائلة سقراط
نيار: علي صاحبي
نيروز: (طلع حاجبو) صحبة كبيرة هادي لدرجة كتشاركو أسرار غيركم؟
نيار: تقريبا
نيروز:(عيط بأعلى صوتو للجندي ) قول للوليد يجي
نيار: علي كاين هنا
نيروز:(عصبية مع ابتسامة) نحييو صلة الرحم جميع
….كان قدام خيمتها و فرحان حيت أيشوفها، دخل لعندها و هي غير شافتو ابتاسمات و عنقاتو
نيروز:(كيبتاسم بزز ماباغيش ادير شي ردة فعل قدام علي خصوصا انه كيحتارمو) ماشي السمعة ديالي لي سابقاني راه فمك الوليد لي سابقني
علي: احم احم نيروز ولدي نيار راه صاحبي و خويا
نيروز: ماقلت والو
علي: اوا شنو السبب حتى جيتي لهنا
نيار: جيت بسباب بنتي
علي: ديابلا؟
نيروز:(طلع حاجبو) و كتعرف ديابلا؟
علي: و شكون مكيعرفهاش كاع الصحف كيهضرو عليها و أنا من أكبر المعجببن بيها
نيروز:(مسح على وجهو) الوليييد راك كتهضر على وحدة شبه خائنة للوطن
نيار: عشق عمرها غدرات بلادها بالعكس هي لي تغدرااات من راجلها
علي: تزوجات؟
نيروز: و حاملة بشهرها السابع
علي: نيار عاودلينا شنو وقع بلا زيادة و بلا نقصان
….بقا نيار كيعاود ليهم على العملية لي دارت هي و جسور باش اشدو تايغر و فين وصلاتهم حتى لنهار زواجها بجسور و لحظة فاش شهد ضدها ، كمل الهضرة ديالو و هو متحسر عليها و بقا مهبط راسو فاش سالا الهضرة
علي: هادشي ظلم
نيروز: هي لي جبدات نحل على راسها كانت خطتها غادة مزيان حتى تزوجات بداك شماتة
نيار: هو سبابها حتى تنفات
نيروز: واخا هكك بنتك ماشي مظلومة هي كتجازا على أفعالها الخبيثة
نيار: ولكن تستاهل فرصة اخرى خصوصا انها قريبة تولد
نيروز: القانون هو هادا
علي: ماتخافش إنيار غادي نلقاو الحل
نيار: مابغات حتى تشوفني اشمن حل علاياش كتهضر
علي: هي باقي معصبة غدا كنواعدك غادي تشوفها
نيار: ان شاء الله
رجع أرتورو لعندهم لي فاش شافو نيار ناض كيسولو على عشق
نيار: واش لباس عليها
أرتورو: بيخير غير راك عارفها باقا مقلقة
نيار: (تنهد) عارفها كيف دايرة
علي: (ناض ) رتاحو ليوم هنا و غدا انتلاقاو بيها
نيار: واخا
علي: (كيشوف ف نيروز) شنو بانلك انيروز
نيروز: (ربع يديه) ماعليش
….عيط للجندي مرة أخرى باش ياخدهم لغرفة الضيوف و غير مشاو و هو يتقلب و رجعو ملامحو كيخلعو و صدرو كيطلع و ينزل
نيروز: علااااش عاودتي ليه شيحاجا كتخصني انااا؟
علي: علاياش كتهضر؟
نيروز: (بالغوات) على مسألة الاعدام
علي: كان نيار هو لي قريب ليا و حيت هو فنفس الضومين لي كان فيه باك الله ارحمو كان خصو يعرف
نيروز: اكثر حااااجا كتعصبني هو هاااااد الموضووووع و ماااااغانسمحش لأي واااااحد يستاغلو باش يضغط عليا
علي: واش نيار قال ليك شيحاجا قلقاتك؟
نيروز: هاداااك صاااحبك نتاااا مااااشي صاااحبي أنا مرة أخرى أيوزن هضرتو معايا ولا بربي حتى ن9اودها معاااااه
علي: خصك تعذرو راه بنتو هادي لي تنفات
نيروز: بنتو مطيراااالي عقلي هنا بزز باش تهدنات و باااغي يزيد عليا حتى هو
علي: إذن لقا شي حل باش ترجع هي مع باهااا و تهنا
نيروز: مااااغاترجعش و بلااااصتها هنا
علي: واش بصح ماكاين حتى حل؟
نيروز: (كيتفش غا بوحدو) ماكاينش
علي: متأكد ؟ نتا زعما راك زعيم المنظمة ماشي أي واحد
نيروز: حيت أنا زعيم المنظمة كنمشي على القوانين و الى جيت نعفي على كل واحد هادا كيتسمى تقصيييير
علي: عشق ماتستاهلش
نيروز: عارفها بنت صاحبك و لكن قراري غادي يبقا هو هو
علي: نيروز عطيني غير شي حل نفعو بيه
نيروز:(بعد صمت) كاين الحل ولكن راه مستحيل
علي: لي هو؟
نيروز: (عطاه بظهرو) تخرج من خدمتها و تزوج بشيواحد من داخل المنظمة منين اتسجل على سميتو غادي يترفعو عليها التهم
علي: هادا خبر زوين
نيروز: حتى واحد ماغادي يغامر يتزوج بيها من داخل المنظمة حيت موجهين ليها تهم خطيرة
علي: كيعاودو عليها زوينة أي واحد أيبغي يتزوجها
نيروز: ماشي أي واااحد
علي:(بلع ريقو) عندك الحق و نتا أنيروز ماشي أي واحد
نيروز:(ضار لعندو ببطءو كيشوف فيه بجمود و بصوت هادئ نطق) شنو؟
علي: الى كان عندك شوية ديال الاحترام ليا و باغي ترد ليا الخير لي درت فيك تزوج بيها (بلع ريقو) بغييتك تزوج بديابلا
امرأة تدخن الرجال الجزء 19
محتوى القصة
التنقل بين الأجزاء