عشق: بغيتك تمشي طفي ضو دابا و خرج لبرا شعل طوموبيل
ارتورو: و من بعد فين انمشيو
عشق: انمشي غير انا أما نتا غادي تلهيه
ارتورو: اووك
...خرج دغيا ارتورو من بيتها عازم ينفذ اواميرها، كانو التحضيرات فلقصر كيتوجدو عشاء بين العائلات و داكشي متيول و كلاص كانت زمرد جالسة هي و علي و كيشوفو ف نيروز من بعيد كيهضر فتيليفون
زمرد: كنحس بيه باغي هاد زواج
علي: و كيفاش مايبغيش و هو مجبر عليه
زمرد: على الاقل نجحات الخطة و ايتزوجها
علي: الله ادوز هاد ليلة على خير
زمرد: انا بانتلي سارة متوترة
علي: حتى نيار امكن ردة فعل عشق ماعجباتهومش
زمرد: كيبانلي مازال مادارت ردة فعل
….مع اتكمل هاد الجملة تطفا ضو كاملو من القصر و خرج ارتورو بكل حذر و كيضوي لبيل حتى خرج من لقصر و مشا شعل طوموبيل و جلس فيها بحال كيديماريها، أما العائلة كانو كلهم معجبين من هادشي لي وقع من غير نيروز لي كان عارف الخطة و خرج بسرعة باغي يلحق ديابلا هاد الاخيرة لي ماخرجاتش لا من باب لكوزينة لا من الباب الرئيسي و ختارت تمشي من القبو لي كان كيديهم لبرا لقصر و بضبط حدا الشاريع لكبير ، بقات كتمشي و تمشي حتى وصلاتلو و خرجات من لباب السري لي مخبع بشجر ، و عطات رجليها للريح رغم ثقل حركتها و شادة فكرشها ، كتشوف لقصر من موراها و بعدات بزاااف عاد نقصات سرعتها و بدات كتاخد نفس عميق ، يالاه بغات ضور و هي تشوفو قدامها و تسمرات بلاصتها ….
فبرا لقصر كان ارتورو باقي كيديماري فطوموبيل باش يلفت الانتباه ماحس براسو حتى تحل داك لباب بجهد و شنق عليه نيروز و خرجو من قرفادتو
نيروز: فيييين ناويين تمشيييو
أرتورو:(ابتسامة) كنت انمشي غير انا
نيروز:(هبط راسو مكيشوف حتى واحد فطوموبيل) فيييينهااا
ارتورو: سوبرايز دارتها بيك و هربااااات….
هاد الجملة ترددات ف وذنيه بحال الصاعقة و بدون شعور عطا لأرتورو كروشي فوجهو و توالت الضربات، وجهو الثاني تكشف و الوحش لي كيخبيه مور قناع البرود بان على حقيقتو، الاعصاب ديالو نفاجرو، و ارتورو كان كيحاول يحمي راسو لكن هيولا ماعطاهش مجال كون ماشي نيار و علي لي شدوه كان ايصفيها ليه
نيروز: واااا طلقووووو مني نوري لzااااامل بووووه
علي: نيروز تهدن
نيروز:(دفعهم و بعد عليهم و بزق فالارض ) ديابلا هرباااات
نيار: كيفاش هربااات (مشا عند ارتورو) فينها عشق
ارتورو:(وجهو عامر بدم) مابغااااتش تزوج بيه و عاونتها تهرب
علي: ماغاااتكوونش بعدات انقلبو عليها
نيروز: علمت الرجال يشدووها (كيخنزر فنيار) و الى شديتها ماغانرحمهاش
….دخلو للقصر و جلسو على اعصابهم و نيروز مشا حدا زمرد و شد فيدها كيطمنها
زمرد: واااش هاد زواج ماغايكملش؟
نيروز: غااادي يكمل ماتخافيش نتي غير حاولي على صحتك
سارة : فييين بغات تمشي و هي حااااملة و متقلة
أماني: راه كتهضري على ديابلا ماشي أي وحدة
شفق: هي مابغاتش تزوج ماتبززوش عليها حرام عليكم
نيار: اناااا هادشي كاااملو كنديرو غير على مصلاحتها
دخلو رجال نيروز مهبطين راسهم و من وجوهم باين مالقاوهاش، بقا كيشوف فيهم مخنزر و كيقراهم
….سيدي مالقيناهاش
نيروز: (بغا ينوض و هي تشد فيه زمرد و تنهد بغضب و رجع شاف فيهم و نطق ب صوت هادئ) ماترجعووووش عندي حتى تلقاوها
رجعو خرجو و نيروز جبد تيليفونو و عطا الخبر لكاع القوات فروسيا و حالف ليوم ترجع ديابلا بأي ثمن ، كيغلي من لداخل و من برا كيبين راسو مرتاح، شحال من بلان كيضور ليه فراسو و مابغاش مو تقلق باغي ينفد ليها رغبتها ، داز وقت بزاف و جا المحامي فيديه وراق زواج ، لقا القضية مرونة و طلبو منو يتسنى على سعدو ووعدو، من بعد جا صخر هو و باه على اساس معروضين، سلمو على مالين دار و جلسو حتى هوما كيشوفو هاد لحريرة فين اتوصل، نزلات هبة من بيتها مقادة و شافت محسن و ابتاسمات و عنقاتو
هبة: بب توحشتك
نجلاء: اويييييلي على بب توحشتك
زمرد:(جمعاتها معاها بقرصة) سكتييي
نجلاء: احح ضريتينيي
محسن: كنت مشغول شوية
هبة: ماشي موشكيل (بلعات ريقها)
صخر:(ابتسامة) جات لعندك هاد صباح و مالقاتكش
محسن: اووه بصح؟
هبة: وي ولكن ماتعطلتش (كتخنزر فصخر)
صخر:هه اه ماتعطلاتش
هبة:(بلعات مرة أخرى ريقها منين تفكرات شنو كانو كيديرو و بدون شعور نطقات) نقدر نعاود نجي غدا
صخر:(مص شنافتو لتحتانية) مرحبا بيك
محسن: امم غدا موحال نكون
هبة:(ابتاسمات) اووك
….ناض نيروز من بلاصتو تاني و كيتسنى خبر اعجبو ساعة حتى واحد مالقاها، روسيا ديك ليلة تقلبات على قبل عشق و هي ماليها أثر و داز وقت بزاااف ، ضرب كرسي برجلو حتى تشخشخ و كولشي قفز من بلاصتو على عصبيتو، و كيمسح بوجهو ب لغدايد ، هز كونطاكط طوموبيل و بغا يخرج باش اقلب عليها بنفسو مع ايهز عينو كتبان ليه قدام الباب واقفة و جامدة و كتشوف فالأرض ، عاد شوية بشوية بدات كطلع عينيها فيه و العائلة تجمعات عليها كيشوفوها و هي كتشوف غير فيه ، قربات منو بخطوات تابتة حتى مابقا كيفصلهم والو و كتشوف عينيه كيفاش تحولو لحمر و عروقو برزو و صدرو كيطلع و يهبط ، حسات بيه بغا يهضر و هي تجبدو لعندها و دخلات معاه فقبلة ساخنة و طويييلة
معصب و كيغلي و شنايفو كتاكلهم ليه خصوصا صبعانها كتحركهم مور عنقو و هاد الحركة كتهيجو، حتى هو شدها من خصرها و هو يعضها فشفايفها حتى سال الدم و بدا كيفلورطي، ترفعو لعالم آخر غير كيتباوسو تحت نظرات العائلة لي مصدومين و حشمانين، قرب علي من نيروز و طبطب على كتفو
علي: احم نيروز
نيروز:(بعد منها و ضار عند باه شاف فيه ) شنو؟
علي: (كيشوف ف العائلة) رجع لعقلك
نيروز:(رجع شاف فالعائلة عاد طلعات معاه بلي كانو كيتباوسو و دغيا بعد منها و كيقاد فالكول) كتوقع
سارة: هاااويلي هادي غير مابغاتش تزوج بيه و هربات
نيار: و فاش رجعات تلاحت عندو باستو كنقووولك بنت ماساهلاش
عشق:(طلعات عينيها فنيروز لي كيخنزر فيها) نتزوجو؟
نيروز: (بصوت معصب ) حنا باغيين ماكاين لي يمنعنا
...تنهدات و مشات جلسات و جلس حتى هو و جا المحامي جبد لوراق و عطاهم ستيلو
عشق:( شدات ستيلو و بدات كتشوف فلوراق) توقيع واحد غادي يربطني بيك
نيروز: أتجي مملة بهاد الطريقة
عشق: الشيطانة و الوحش كيتزوجو (باستهزاء) عيب فحقنا
نيروز: اه و لعيب لكبير هو شيطانة رجعات بخاطرها ماجاتش تزوج بهاد شكل
عشق: عندك شي فكرة؟
نيروز: انتزوجو بالدم
...ناض جاب موس محطوط ف طبسيل ديال ديسير من طبلة و رجع جلس ، عطاتو يدها و جرح ليها صبعها و جرح صبعو حتى هو و بصمو بجوج فالورقة و هوما كيشوفو ف بعضياتهم، زواجهم تم و دابا هي مراتو و هو راجلها شرعا و قانونا و حتى قوة فالارض و حتى من القدر ماقدرش اوقف هاد زواج، واخا هكك أسئلة كثييرة فدماغو و بوحدها عندها أجوبة ليهم
نيروز: فين كنتي؟
"فلاش باك"
سهات و بالها رجع للحظة لي هربات فيها و بقات كتجري حتى تسمرات قدامو كتشوف فيه بدون تعابير و لهضرة هربات ليها ، كتشوف ف نفس لعينين لي كانو كيشوفو فيها و يحلفو بلي كيبغيوها ، شوفتو رجعات ليها ذكريات زوينة و ذكريات خايبة لي كانو طاغيين بزاف، حطات يديها على كرشها و نطقات
عشق: شنو كدير هنا؟
جسور:(ابتاسم و حالتو حالة مكشتر و باين عيان و بغا يقرب منها) عشق توحشتك
عشق:(بعدات منو) ماتقربش ليا
جسور: سمحيلي على كووولشي سمحيلي كان فوق خاااطري تايغر هددني ايقتلك نتي وولدي و عائلتنا كاملها
عشق: لا ماشي تايغر سباب و لكن نتا ماشي راااااجل من لخر
جسور: لا لا انا بغيتك كنت تنبغيك و باقي كنبغيييك
عشق: اشمن حب علاياش كتهضر؟ الحب عندك هو ترميني للعافية و تزيد؟ واش لحب عندك هو تشهد فيا زور و تسمح فيا و فولدك؟؟؟
جسور: الحب هو التضحية و انا ضحييت
عشق: الحب هو ضحي مع شخص كتبغيه ماشي تسبق راسك علييييه
جسور:(شدها من يدها) باقي لحااال ماتبدل والو غادي نهربو و نعيشو حياتنا من جديد انمشيو لبلاصة ماغايلقاناش فيها تايغر
عشق:(خطفات يدها منو ) كييييفاااش بغيتيني نتيق فيك و نتا كل مرة كتسمح فيا شكون ايضمن ليا ؟؟؟؟
جسور: الضمانة هي ولدنااا ا عشق
عشق: هاااادا ولدي بوحدي من نهار حملت بيه و انا كنقاسي بوووحدي اما نتا ماتنساش بلي تناااازلتي عليه و بسبابك دخلت ف مشاكيييل قد سخط
جسور: فاش عرفت بلي رجعتي جيت كنطير لعندك حتى من روسيا ماخويتهاااش على قبلك
عشق: (بصوت بارد) نهار لبست لبيض اجسور علنت الموت ديالك
جسور: لا لا لا عفاك شوفي ندير اي حاجا باش تسمحيلي والله مانقدر نعيش بلا بيك
عشق: غاااادي تعيش و غادي تعذب و نتا كتشوفني لواحد اخر
جسور: مايمكنش تكون قضية زواج بصح قووووليلي بلي اشااااعااات
عشق: مااااشي اشاعاااات انا غادي نتزوج بواحد مكيعرفني مكنعرفو غير باش اعتقني من المنفى لي صيفطتيييني ليه
جسور:(طاحولو دموع) ديابلا والله مانقدر نستحمل قتليييني و ماديريش فيا هاكا
عشق: نتا اصلا ميت اجسور و حسابك اتاخدو مع ليااام
...ضارت راجعة للقصر و هو كيناديها و هاز الفردي كيهددها بلي أيقتل راسو قلبها كيغلي و مابغاتش ضور و هو ماقدرش و بدا كيطلق الرصاصات فسما وطاح على ركابيه كيغوت بحرقة و ينادي بإسمها، فكرات بعقلها قبل من قلبها و عرفات بلي ادير اكبر غلط الى هربات ، مازال عندها حسابات خاص تفضيهوم و رحلة انتقامهاا طوييلة و نيروز بنسبة ليها شخص اتحقق أهدافها من موراه
"نهاية فلاش باك"
زعزعها بيدو و هي رجعات لوعيها و كتشوف فيه مطولا
نيروز: سولتك فين كنتي؟
عشق: المهم جيت (ناضت)
نيروز:(شدها من يدها) فاش نسول جاوبيني
عشق: ماشي بزز
نيروز: راك مراتي امداااام
عشق: هانتا قلتيها مراتك ماشي العبدة ديالك
...يالاه كان ايجاوبها و هوما يسمعو لغوات و خرجو كاملهم كيشوفو فيه كيغوت و يبكي و يعربط جنون طالعين ليه و قلبو كيحرقو عليها
جسور: مانقدرش نخليييها (كيتنتر منو و رجع قرب لعشق و تحنى على ركابيه) يالاه معايا نعاودو من جدييد
نيروز: مااااابغاااااتكش ابناااادم سير ت9اااود
جسور: الى مابغيتيش تمشي معاااايا عطيني شي طريقة ننساك باغي ننساك مرضت بيك خيالك كيتبعني
عشق: (بهدوء ) هاداك هو الثمن لي غادي دفع أتشوفني فكل بنت و عمرك اتنساني
شيماء:(كتجر ولدها) تزوجات غير نساها
جسور: انتسناااك حياتي كااااملهاااا
عشق: إذن اتموت و نتا كتسنى
.كيغوت و هوما مخرجينو من تماك أما هي مشات بسرعة لبيتها ماباغا تجاوب على حتى حاجا و نيروز تبعها و العائلة بقاو كيهضرو و يرمشو من هاد الحالة لي وصلو ليها
زمرد: راجلها سابق باقي كيبغيها
علي: ولكن فرط فيها
زمرد: عندك الحق و انا كيهمني غير ولدي دااابا
علي: هاهوما تزوجو اوا رتاحي
زمرد: و بانلي قصتهم ماشي عادية شفتيها كيفاش باستو
علي: وولدك مامقصرش حتى هو طالب عليها
زمرد: كاين تجاوب بينااتهم
علي: الله اخرج هادشي على خير
….دخلات لبيتها كتفرك صباعها و هو يوقفها بصوتو
نيروز: رجعتي باش تفقصيه؟؟
عشق: و شنو الفرق ياك رجعت و تزوجنا
نيروز: علااااش هربتي من لول
عشق: بغيييتك تعرف بلي أنا مكيجبرني حتى واحد على شيحاجا أنا كوووولشي كنديرو برغبتيييي
نيروز: غير خويتي لما فرملة حيت هادشي انا عاااارفو من لول
عشق: و تجرأتي هددتيني و تحديتينيييي
نيروز: بغيت نعطيك شرف تلعبي مع الوحش
عشق: الشرف خليتووو ليك تلعب مع شيطاااان
نيروز: نتي حتى حااااجا و مااااازااااال اتشوووفي لوييل و هاد ليلة ماغادوزش ليييك
عشق:(باستهزاء) كااالما حنا عرسان جداد و لا عرفتي حنا عرسان الدم واااو
نيروز: (كيمشي و يجي بلاصتو و كيغوت) و شدي شلاقمك عندك حسن ليييك
عشق: اوووبس شكون شدني من جنابي و بدا كيبوس بحال الملهوف
نيروز:(قلب عينيه فيها و تحرك) ماطامعش فيه و مكيهمنيش
عشق: و شنو بغيتي؟
نيروز: الاحترام (رجع شاف فيها) ماتجاوزيش الخطوط الحمراء ديالي
عشق: كنعرف لكولشي من غير الاحترام
نيروز: غادي تعلمي من غدا
عشق: شنو كاين غدا
نيروز:غدا انمشيو للمغرب وجدي راسك
….خرج بحالو ، و ماهي الا ثواني تبعاتو هبطو لتحت بشكل عادي شافو العائلة مجموعين على طبلة كيتسناوهم باش اتعشاو ، جلسو و بقاو كيسمعو للأحاديث ديالهم، أما هي كانت برا كتشوف فيه بعينيها دامعين شفقات على حالتو و بقا فيها و هي كتشوف مو و باه كيحاولو يهدنوه، قربات منهم و هي كتبكي
شفق: مساااامحاااك اجسور (ضماتو ليها و كتبكي) باقا كنبغيك و كنتعذب بلا بيك ولكن شنو ندير؟ عارفة مامكتابينش لبعضياتنا و انبقا كنعاني بوحدي
جسور: كنبغييو بلا خاطرنا
شفق: داكشي علاش عاذراااك (حطات يدها على عنقها) بقات ليا ذكرى صغيرة منك هي هاد سنسلة و ماقدرتش نحيدها
جسور: كيما نتي كتبغيني بلا مقابل حتى انا كنبغيها بلا مقابل
شفق: لي كيبغيو بعضياتهم ماكاينة حتى قوة تفرقهم
جسور: و هي مكتبغينيييش
شفق: اذن ماغاتبغيش غيرك و زواجها راه غير شكلي
جسور: كيفااش؟
شفق: الحل الوحيد باش تخرج من المنفى هو تزوج بيه علاما تولد و غادي يطلقو
جسور: (بفرح) يعني اترجع لياااا
شفق: اه كولشي ممكن (شداتلو فيديه) تفاءل بالخيير
جسور: ولكن ماقادرش نتخيل بلي تزوجات بواحد غييييري أيبقا يسمع صوتها و يشوف فعينيها زورق و يكونو بجوج فدااار وحدة انمووت بلغيييرة
شفق: حتى نتا غلطتي و خصك تحمل النتائج
جسور: اندير لي فجهدي باش اطلقها قبل ماااتولد مستحيييل نخلي ولدي يربيه هادااك
….سالاو لعشا و صخر و باه ناضو بغاو يمشيو و كل واحد مشا لبيتو، ناضت ديابلا و هي تشوف ف صخر غمزها باش تخرج عندو و مشات
صخر: قلتي بلي هبة اتكون ديالي
عشق: و مازالة عند كلمتي
صخر: ولكن نتي اتمشي للمغرب
عشق: و انفذ وعدني من تماك
صخر: لحاجا الوحيدة لي مطمناني ان عرسهم تأجل
عشق: مزيانة حيت خاصني لوقت
صخر: انا تايق فيك
عشق: اوا تيق بلي هبة اتكون ليك ماشي لمحسن
تسالات ديك الليلة باش اصبح صباح جديد و أحداث جديدة و حياة أخرى أتبدا من هاد اللحظة كولشي فاق و تجمعو كيفطرو، نزلات ديابلا و موراها الخدم هازين ليفاليز ديالها و جلسات حتى هي كتفطر فصمت ماراضياش على هاد زواج ولكن هادا هو الحل باش تبقا ، سالاو الماكلة و ناضو عائلة اخنوش كتودع عائلة سقراط و حتى هوما نفس الشيء، وقفات عشق قدام وليديها و نطقات
عشق:(شافت فمها) لقصر لي عشتي فيه كوابيسك غادي نعيش فيه أجمل أيام حياتي حيت هاد لقصر ماعطانيش السعادة شي نهار
سارة: كنتمنى تعيشي كل لحظة زوينة (عنقاتها)
عشق: مسألة وقت و انرجع أنعتابرها عطلة
نيار: نتي بنتنا و ديما انكونو فجنبك
عشق: حتى لدابا كانت خدمتي هي لي فجنبي لكن خسرتها بهاد زواج
نيار: مازال اتربحي بزاف دلحاجات
نيروز: يالاه نمشيو
عشق: (مشات عنقات نزار و مانفال و قربات من. ارتورو كتشوف ف وجهو) تضربتي باطل
ارتورو: نتي عارفة بلي حياتي نعطيها على قبلك
نيروز:(خنزر فيه) كتهضر مع مرات الراجل جمع فمك شوية و لا نهرسو
عشق:(خنزرات ف نيروز) ماشي شغلك يقول ليا اي حاجا بغاهااا
عشق: ماغادي توقعلي حتى حاجا (شافت ف نيروز) بصح انا مزوجة بوحش ولكن أيحميني
نيروز: (زفر بغضب) مشيينا؟؟
عشق: اوك بسلامة
….خرجو كاملهم من لقصر كيودعوهم، طلعات عشق و نيروز و عائلتو للطائرة و قلعات فاتجاه المغرب ، داز وقت طويل ووصلو ، تحطات للطائرة فساحة لقصر و نزلو، بقات كتشوف ف هاد القصر عاد تحركات مور نيروز و دخلو، غاديين و هي كضور عينيها فلقصر
زمرد:(لاحظات شرودها) عجبك لقصر ؟
عشق: لا غير كنشوف بلي القدر كيتعاود معانا (شافت فيها) كيما عاشت ماما هنا انعيش حتى انا
زمرد:(ابتاسمات) علي ماشي هو نيروز
عشق: و شنو الفرق
زمرد: علي قاسح أما نيروز وحش
عشق:(ابتاسمات) و أنا ماشي هي تيريزا
زمرد: و شنو لفرق؟
عشق: تيريزا كتخدم زينها أما أنا كنخدمهم بربعة (كتحسبلها بصبعانها) زيني و عقلي و فلوسي و خبثي
….دخلو للصالة و هوما يشوفو ربيع خارج من بيتو لابس حوايجو و باغي يخرج ،شاف ف عائلتو و نطق
ربيع: رجعتو
علي: كييفااش درتيلها؟ أول مرة نشوفك فدار
ربيع: نسيتي بلي بلوكيتو ليكارط ديالي؟
علي: أفضل حاجا دارها نيروز
زمرد: فين باغي تمشي
ربيع: خارج مع صحااابي عندك شي اعتراض؟
نيروز: سير تركن ماعندك فين تخرج (خنزر فيه)
ربيع: و انا بغيت نخرج
نيروز: مكنعاودش هضرتي
ربيع:(عض شفايفو بغضب عارف راسو مايقدرش اعارضو مع غادي اجاوبو و هو يتفيكساو عينيه على عشق و شاف فيها ب اعجاب و قرب منها ) اححح نعطيك لفلوس على قبلة زرقة لعيووون
نجلاء:(كتغمزو بعينها و تقولو سكت) ربيييع
ربيع: صاحبتك هادي كتصاحبي غير مع لقرطاسات
عشق:(كطلعو و تهبطو بعينيها) شكون نتا؟
ربيع: سميتي ربيع ازين و نتي
عشق: على حساب
ربيع: سميتك على حساب ههههه
عشق: حامض مع راسك
ربيع: و نتي حلوة مع رااسك
نجلاء: أربيييع سكت
ربيع: مالك من صباح كتغمزيني واااش مانرحبوش بصاحبتك
عشق: أنا ماشي صاحبتها
ربيع: و شكون نتي
نيروز:(قرب من عشق و شبك يدو مع يدها و خنزر ف ربيع) مراتي
ربيع:(تصمك) مراتك؟؟؟؟ امتى تزوجتييييي؟؟؟
نيروز:(جرها من يدها و قرب منو باغي يقتلو بعينيه) من ليوم تعيط ليها ختي و ديك ضسارة ديرها على قرانك عييينييييك مايطلعووش فيها حسن مانتقبهم ليك و هاد لسان سرطو لمرة جايا نقطعو ليك من جدر كتفهم؟؟
رببع:(بلع ريقو و هبط عينيه) اه
نيروز: اوا الليعميهالك (جرها هو غادي بيها و هي من موراه حتى وصلو لبيتو و دخلو ، و طلق منها كتشوف فلبيت كبير وواسع طاغي عليك لكحل ، فيه جوج حمامات و بيت اخرى خاصة بلحوايج )
عشق: أنبقاو انا وياك فبيت وحدة؟
نيروز: لا
عشق:(جلسات فوق النموسية ) عجباتني لبيت من ليوم هي ديالي
نيروز: (زفر و شاف فيها مربع يديه) سمعيني خصنا نتفاهمو على شيحوايج
عشق: كنسمعك
نيروز : لخروج بلا شواري ممنوع ماشي حيت باغي نحكم فيك ولكن الخطر ضاير بينا و ديك نمرة لي فتيليفونك بدليها مابغيتش نشوف شي نمرة كتعيط ليك ، أنا راجلك فلوراق اه ولكن قدام ناس زواجنا حقيقي و ماغاديش نخلي صورتي و صورتك يتوسخو لذلك حتارميني، اللباس لمعري ماعندنا مانديرو بيه ، الى حتاجيتي شيحاجا كاينة الوليدة توريك كولشي
عشق: نتا عارف بلي ماغاديش نسمع هضرتك ياك؟
نيروز: كلما تعكستي معايا انتعكس معاك كثر
عشق: حاول تخلي مسافة بعيدة بيناتنا
نيروز: ارتاحي اتجمعنا لماكلة فوقيتها صافي
عشق: دابا رتاحيت
نيروز: و كنواعدك فاش تولدي غادي تاخدي طلاقك و ترجعي لعند والديك و تقدري دير ساعة تمشي لعند الاكس ديالك
عشق: فاش انولد انمشي انا وولدي لبلاد بعيدة مكيهمني حتى واحد من غيرو
نيروز: حتى لتماك و ديري لي عجبك
عشق: زواجنا على لوراق كنتمنى تحتارم هادشي
نيروز: ماتخافيش ماغاديش نقرب منك و ماعنديش نية نديرها
عشق: أوك اتفقنا
نيروز: وي
عشق: منين تخرج قول للخدم اجيو اهزو ليك حوايجك منهنا
نيروز:(بغا يخرج و هو يرجع اشوف فيها) قبل مانسى هاد ليلة كاينة حفلة على شرفنا عند السفير الأفغاني و ايحضرو أعضاء المنظمة
عشق: اييه و منبعد
نيروز: باعتبارك مرتي غادي تحضري معايا
عشق: اوك باين انستمتع
….خرج هو و علم الخدم ينقلو ليه حوايجو لبيت آخر ، أما هي دخلات دوشات و حيدات صباغة الكحلة من شعرها و رجعاتو زعر كيف ما كان و خرجات لبسات شورط و ديباردور و كريشتها كتبان شوية لي شافها مايقولش حاااملة و يمكن هادا هو مميزات الحمل الغزالي كاينة لي مكتعرفش راسها واش حاملة حتى كتولد ، ماعليناش نشفات شعرها و صايباتو ، نعسات ترتاح شوية و مافاقت حتى غربات الشمس ، ناضت كتكسل و دخلات لطواليط قضات حاجتها و غسلات وجهها و هبطات لتحت تاكل ، بقات كتكتاشف المكان لي غريب عليها حتى شافت زمرد و نجلاء جالسين و مشات لعندهم
نجلاء: (كتشوف فيها و مبتاسمة) انا فرحانة حيت تزوجتي بخويا
عشق: حتى انا فرحانة
نجلاء: حيت تزوجتي بيه؟؟
عشق: لا حيت بقات شهراين و نطلقو
نجلاء: شفتي نتي لي اتحديهم ليه
عشق: واش مكتحمليهش؟
نجلاء: بالعكس عزيز عليا ولكن كيخلعني و ديما لحكااام تخيلي معايا كنت كنعرف واحد لولد و قتلو
عشق: لقاك حيط قصير و بغا يعفط علييك
نجلاء: مانصحكش تلعبي معاه راه بصح وحش
عشق: الى هو وحش انا راه شيطان
نجلاء: علميني كيفاش نكون قوية بحالك عفاااك
عشق: اذن من ليوم شوفي و تعلمي
نجلاء: شنو انتعلم
عشق: لقوااالب ابب نتي هي نجلة ابليس دابا
…. وصلات لماكلة ليها و طاحت عليها عمية كلات حتى شبعات و ناضت طلعات لبيتها كتجبد فلحوايج و تقيس و ترمي حتى لقات واحد لاغوب حمرة معرية من ظهر و دايزين فيها لخيوط و قصيرة حد لفخاض و مزيرة من جيهة صدر ، عجباتها و ناضت لبساتها و قادات ماكياجها على خاطرها و سرحات شعرها حتى رجع حرير، لبسات طالون ماعاليش بزاف و رشات ريحتها و لبسات مونطو فورير واصل لتحت و كيسترها، دخلات عندها لخدامة علماتها بلي نيروز كيتسناها لتحت و هي تهز بوشيط ديالها و خرجات ، هي جايا فاتجاهو كان لابس ملابس رسمية سوداء و القفازات ديما فيديه هز عينيه كيشوف فيها باستغراب حتى وصلات لعندو
عشق: مشينا؟
نيروز: شنو درتي لشعرك؟
عشق: رجعتو للونو
نيروز: (بهمس) هاكا حسن
….خرجو و ركبو فطوموبيل حتى وصلو للبلاصة ، نزل هو لول و مد ليها يدو نزلات و شدات فيه و دخلو تحت ترحيب السفير و أعضاء المنظمة كاملين كيشوفو فيهم ، لاحظ نيروز نظراتهم لي قدر اقرا منهم الاعجاب و اللهفة و الشهوانية حس بعشق ماشي حداه و هو يضور لعندها كيشوف لخدامة حيداتليها المونطو و تصدم….
نيروز فارس الراجل لي كيتضرب بيه المثل فالوقار و الاحترام و ختو مكتلبسش لقصير و لكبير و صغير كيحنيلو راس و يحتارمو جات لالاهم عشق مرمدات ليه اسمو فتراب بهاد لباس حتى كولشي رجع كيشوف غير فيها و عطاتهم فاش اتمنظرو، لحرارة بدات كطلع معاه و لعروق كيتنفخو و هو كيشوف فصدرها نصو خارج و لفخاض مهبرين كيتمايلو و طرمة مزيرة و داك ظهر عريان، اه هي بصح جات كتفتن بزين ولكن زينها مايشوفو حد من غيرو راه القضية فيها الشرف و الكبرياء، ماحس براسو حتى بجوج خطوات وصل لعندها و نتر للخدامة المونطو و رجع لبسو لعشق لي طلعات فيه عينيها كتشوف فيه مالو ، ناس حسبوها غيرة و قمة الرومانسية و هو راه ربي لي عالم بيه مشوهااااه من نهار سنى على عقدهم
عشق: شنو كدييير راه صهد
نيروز: (غرس فيها يدو من جيهة كتافها و كيهضر تحت سنانو) حتى نرجعو لدار و نوريك صهد كيف داير
...بقا شادها و غادي بيها و هي حاسة بكتافها ايتقلعو من بلاصتهم، كيحرك راسو بتحية لأعضاء المنظمة فوق طاقتو ، حتى مشاو جلسو بلاصتهم بعيد على البشر و كيشوف كل واحد ملهي مع مشاغلو و هو يضور عند عشق بعينيه حومر و كيهضر بصوت مغدد و حط يدو ففخضها
نيروز: واش zملتي ال9حبة أش هااااااد لوسخ أجي عريااااانة حسن
عشق:(طرطقات عينيها فيه) ل9حبة هي لي ولداتك و مارباتك (كتحاول تحيد رجليها)
نيروز: (هز يدو و هو يضرب واحد لفاز حداها حتى طاح تشخشخ) عندك زهررر مااااانحطش يدي عليك حيت حاااااملة ولكن بربي طلعي لديلمي لقردة ماغانعطلكش
….كولشي ضار لعندهم مور ماسمعو لفاز تشخشخ و تفيكساو عينيهم عليهم ، جا السفير عندهم كيتفتف قدام نيروز و نطق
السفير: ماشي مشكل غير فاز بسيط
نيروز:(شاف ف عشق تقطع ليها لسان و بقا كيخنزر فيها و كتخنزر فيه و عاد حيد عينيه كيشوف فالسفير) طاح بدون قصد
السفير: عادي هادشي كيوقع الى ماكان عندك حتى شي مانع باغي نهضر معاك فشي مواضيع كتخص الخدمة
نيروز:(اشار ليه بيدو ) تفضل (مشا السفير و رجع شاف ف عشق) ماتحركيش من بلاصتك دابا نرجع (ناض و يالاه ايتحرك و رجع ضار عندها بتهديد) و ليعميهالك تحيدي داك لمونطو جلدتك نحيدهالك
...مشا و ماعطاهاش مجال تجاوبو بقات فيها كطلع و تهبط و هي تحيد داك لمونطو بلغدايد و دارت رجل على رجل و شدات عصيرها كتشربو و كتشوف فأعضاء المنظمة أنا نيروز كان مع السفير خرجو للجردة و بداو الحديث ديالهم
السفير: خبر زواجك كان مفاجأة بنسبة لكولشي
نيروز: و شنو المفاجئ فيه
السفير: تزوجتي بديابلا
نيروز: علاه ديابلا ماشي مرا؟
السفير: (ضحك) مرا و قالت لعيالات ماتسواو والو قدامي هههههه
نيروز:(خنزر فيه)
السفير: احم لي بغيت نقول بلي هي إمرأة خطيرة
نيروز: انا لي انكون خطير فهاد ساعة الى ماجمعتيش راسك
السفير:(بدا يرجف) كنعتاذر ماقصدتش
….كانت ديابلا باقا لداخل و جاها الملل غير كتشوف ف جنابها حتى وقف عليها قباض رواح لابس كولشي كحل و داير القب باش مايتعرف عليه حد و استاغل انشغال كولشي باش اهضر معاها و هي طلع عينيها و وسعاتهم
عشق: تايغر
تايغر:(جلس حداها مبتاسم و كيشوف فيها بشوق) عشق يا عشق فينما كنتي أنا أنكون
عشق: شنووو كدييير هناااا
تايغر: جيت على قبل جوج حوايج لولة هي نوريك بلي مكنخاف حتى من واحد و الثانية هي نعاقبك على زواجك
عشق: لحاجا الوحيدة لي مصبراني عليك هي باغا نقتلك بيدي
تايغر: قتلتيني شحال هااادي وليت جثة قدااامك و مابقا كيهمني حتى واااااحد
عشق: نتا حيدتي ليا لحوايج لي كنت فرحاااانة بيهم
تايغر: و مزااال عند وعدي الى ماكنتيش ليا ماغاتكونيش لغيري
عشق: شنو كتهددني؟؟؟ باغي تقتل هيولا؟
تايغر: هيولا (ابتاسم) عندي معاه حساب قديم و ليوووم نفضيييوه
….كان نيروز مازال كيهضر مع السفير و طلع عينيه جهة الحائط الزجاجي بانت ليه محيدة المونطو و كتهضر مع شيواحد ماقدرش اتعرف عليه حيت عاطيه بظهرو ، خلا السفير تماك و دخل بسرعة
كلما كيقرب كيبان ليه الشخص لي جالس حتى قدر اعرفو بلي تايغر و زاد تمشى لعندهم ، لكن وقفو احد اعضاء المنظمة
...مستر هيولا
نيروز: مامساليش
.كمل طريقو حتى وقف على عشق بوحدها مامعاها حد و بدا كيضور فراسو
نيروز: معامن كنتي ؟
عشق: (طلعات فيه راسها و بلعات ريقها) بوحدي بانلك شيواحد هنا؟
نيروز: نوضي انمشيو
عشق: بهاد السرعة
نيروز: (بصراخ) نوووووضييييي
….ناضت معاه و هو يرمي عليها لمونطو تاني لبساتو و شد ليها فيديها بزيار كتحس بصبعانها ايتكرضو ، خرجو من تماك بسرعة دخلها و زدح لباب و ركب فطوموبيل و ماخلاش شيفور اصوك ، انطالق بسرعة كبيرة و بدا كيغوت و يسب
نيروز: داك لبااااس ل9حاااب لي جااايا بييه واش كنبان ليك شماااتا قلت ليك زواجنا على لوراق مكيعنيييش تنوضي ت9حبني
عشق: أنا هاااادا لباااااسي ندير لي عجبني
نيروز: (كيهز يديه و يضرب فلفولون) راك على سميتييييييي فهميييها نتي عشق فارس مابقيتيش عشق سقراط ، و اسمي ماغانخليكش تشوهيه
عشق: خصك تقبلني كيف ما انا
نيروز: وا تقبليني حتى نتي كيف ما اناااا و دااااك ولد ل9حبة لي وقف عليييك قشعتووو من برااااا و سولتك و كدبتي شنو كيحسااابلك راااسك مطورة
عشق: عللاامن كتهضر نقص السرعة واااااش باااغي تقتلنا
نيروز: كنهضر على تااااايغر يا سلكووووطة
عشق: هو لي جااااا عندي
نيروز: و عللاااش سترتي علييييه علااااه فاش كتفكري
عشق: (عين عليه و عين على طريق) قلت ليييك ماغايخلينيش فالتييييقاااار
نيروز: واااااش كتخاااافي منو و أنا راه جلاااااخة كثر منووو
عشق: مكنخاف لا منو لا منك انا مابغيتش شيواحد اتقاااس
مابغيتش اتعااااود داكشي لي عشتووو بسبااابو تفارقت مع جسور كان خيرو بين مو و بيني انا وولدو و ختار مو
نيروز:(خرج من طريق و شد لفران بسرعة حتى مشاو و جاو) وااش كنبانلك بحال داك لخراااا؟؟؟
عشق: انا مابغيتكش تحط فنفس الوضع لي تحط فيه جسور و تختار بيني و بين عائلتك
نيروز: ماااغانتحطش فيه و حتى الى تحطيت فيه أنعرف كيفاش نتصرف
عشق: شنو ادير مثلا؟؟؟
...كان ايجاوبها حتى ضارو بيهم طوموبيلات كوحل و خرجو لفيدورات منهم موجهين سلاحهم فاتجاههم و هوما بجوج كيشوفو فيهم بدون حركة
نيروز:(بصوت بارد و تخنزيرة كيشوف فيهم) أتشوفي على عينيك
هبطو بجوج من طوموبيل بحذر ، هيولا كيميزهم بعينيه و كيشوف ف ديابلا باش مايشدها حد
عشق: نفس لفيلم كيتعاود قدامي
نيروز: النهاية اتكون مختلفة
عشق: (تنهدات) انشوفو
نيروز:(ابتاسم لجنب) كنشوف الغباء ديال تايغر بعيني
….(احد رجال تايغر) : تحركو معانا بلا ماتقاومو
عشق:(تقدمات) كون قاومت كاع ماتلقاوني مزوجة بوحش
نيروز:(تبعها ) زواجك مني أسوء من هادشي تفاءلي
عشق: قمة الصراحة
...طلعات هي و ياه فطوموبيل بحال الى معروضين ماشي مخطوفين غاديين و كيتعايرو بالالغاز حتى وصلو لفيلا وقفات طوموبيل و نزلو منها و دخلو بجوج مالقاو حتى واحد ، عاد بداو كيسمعو هضرة جايا من مكبر صوت
تايغر: هيولا و ديابلا نهار كبير هادا مرحبا بيكم
نيروز: تايغر واش لهاد درجة كتخاف تخرج قدامي
تايغر: نتا عارف بلي حساباتنا كثااااار و الوقت لي انبان فيه قدامك ماشي هو هادا
عشق: اذن علاش حنا هنا
تايغر: باش نلعب معاكم لعبة زوييينة
نيروز: ماراشقاش ليا نلعب
تايغر: ولكن انا راشقالي و لي نطولوه نقصروه
عشق: شنو كتقصد؟
تايغر: كنقصد بلي نتي ديالي و ماغاتكونيش لشيواحد من غيري
عشق: واش نتوما غير ترشقليكم و تردوني ديالكم انا ما ديالت حد
نيروز: أنا مازال ماقلتهالك
عشق: من الافضل
تايغر: رجالي نفذو المهمة
...تقدمو رجالو و شدو ديابلا من يديها و هي كتنتر منهم ، ماحسو براسهم غير هيولا شتتهم واحد طرطقلو رقبتو و تاني خنقو بيديه و لاحو
نيروز: ماتقربوش ليها حسن ليكم
تايغر: هيولا الى ماسايرتينيش فاللعبة عائلتك ايموتو
تايغر: نبدااو اللعبة و لكن قبل خصكم تعرفو بلي الموت لي غادي يفرقكم ماشي لمساوس
نيروز:(بنرفزة) طلقنا
تايغر: جلسو فطبلة لي قبالتكم
...تقدمو رجالو و بغاو اجروهم ساعة نيروز خنزر فيهم و رجعو لور و مشا جلس فالكرسي لي فيه سميتو و عشق جلسات قبالتو و بداو كيشوفو الفردي فطبلة و و بريات من جهتها و من جهتو
تايغر: أتلعبو لعبة الصراحة غادي تسولو بعضياتكم و الى ماجاوبش واحد فيكم غادي يبقى حل واحد هو يتيري فلاخر
عشق: و منين انساليو؟
تايغر: ماغانواعدكمش بلي اتمشيو قلتها و انعاودها الموت لي غادي تفرقكم
نيروز: شنو نوع الأسئلة؟
تايغر: الأسئلة لي ماعندهاش جواب
عشق: نبدا و لا تبدا؟
نيروز:(هز لبرية لولة فتحها) علاش تزوجتي ب جسور؟
عشق: (ربعات يديها) باش نتاقم من ختي
نيروز:(طلع حاجبو) التوأم ديالك؟
عشق: اه
تايغر: قلبها كحل مكتعرف والو عليها ههه
عشق:(حلات لبرية و بقات كتشوف ف السؤال مطولا) شنو وقع لوليديك؟
نيروز:(شبك يديه و بقا كيشوف فالفردي) مكنبغيش نهضر فهاد الموضوع
….قربو رجال تايغر و شدو عشق من يديه دفعاتهم لكن حكموها تاني أما نيروز تجمعو عليه غروب اخر كيطايف معاهم و هوما محاميين عليه، بقات عشق كتنتر منهم و كتغوت ، جروها لحوض ديال زاج و دخلوها و سدوه و رجعو عند نيروز كيجروه و هو كيضرب فيهم وحش نيت ، غفلو واحد منهم و نزل عليه بحديدة لراس حتى فقد التوازن ديالو و زادلو ضربة اخرى حتى ترش دم من راسو و بداو كيجروه حتى وصلوه حدا لحيط و شدولو يد وحدة ب المينوط مع حديدة لاسقة فالحيط و رماو ساروت فالوسط ، بقا كيحل عينيه بثقالة و كيشوف ف عشق كتعيط ليه
تايغر: عندك فرصة وحدة تنقذها فيها ولا غادي تموت
عشق:(كضرب فداك زاج مابغاش اتهرس و كتغوت) هيوووولاااا
نيروز:(كيحاول افك يدو) خليييها تمشي و خرج عنديييي الى سميييتك راااااجل خرج
تايغر: فاش اتموت عمرك ماغاتشوفني
نيروز: هي حااااملة طلقهااااا و شدني انااااا
عشق:(كتشوف الما بدا كيعمر و بدات كتغرق) نيرووووز سربي وصل للساااارووووت
نيروز:(كيتجبد للساروت و كيشوف لما كيطلع لرجليها و قرب لكرشها) راه بعييييييدة
عشق: (كضرب فزاااج) تااااايغر حل عليااااا
تايغر: أيضرني قلبي داكشي علاش انمشي بلا مانشوفك متي باااي (خرج من الفيلا من باب آخر و استاقل طوموبيلتو و مشا)
نيروز:(كيتجبد لعند ساروت و لكن بعيدة ماقادرش اوصل لييييها و رجع كيحاول اهرس لمينوط بسنانو بصبعانو بلي كاااان المهم
اوصل لعندها) ماغااااتوقعلك حتى حااااجا
عشق:(الما وصل لعنقها) نيرووووز غادي نموت انا وولدي
نيروز: ماااانخلييييكش تموووووتي واااااعدتك
غطسات فالما و كضرب بيديها فزاج و كتشوف فيه مازال ماتفك أما هو يدو كتقطع و كتنزف بدم جراء التجباد لي كيجبد فييها ماهاموش راسو خصو يعتقها، ضار عندها لقاها عمرات بالما و نفسها تقااضاااا ماقدراتش تحبس نفس كثر و تنفسات و هو مازال حااصل و كيشوف فيها بصدمة….
نيروز:(يدو طرطقات بدم و جلدة تفسخات ليه ) دياااااابللاا
...كيشوفها تهزات فالما و مالقا ليها جهد كون قدر يقطع يدو و يوصل ليها لكن حاصل حصلة دلكلاب ، بدون مقدمات و بلا مايتوقعها حتى واحد دخل جسور و هاز لفردي فيديه و طلق رصاصات على الحوض حتى تفرشخ و نيروز جبد يديه من المينوط و دم ترش لبعيد ، قرب منها بسرعة كيفيقها و هي منفوخة، حط فمو على فمها كيدير ليها التنفس الاصطناعي و كيضغط على صدرها ما مرة ما جوج عاد تهزات كترد نفس و كتقيا داك لما و هو يضمها لعندو
عشق:(سخفانة و عينيها دابلين) نيروز
….تحنى جسور لعندها
جسور: عشق انا هنااا جيت و عتقتك مانخليش شيحاجا تقيسك
نيروز طلع فيه واحد تخنزيرة ديال لموت و مع كان ايجاوبو شاف ف رجال تايغر داخلين ببزاف بيهم و ماناويينش على خير، رجعها للأرض و ناض كيشوف فيهم و عينيه حووومر و صدرو كيطلع و ينزل و عروق عضلاتو برزو، منظرو وحش و قليل فاش كيوصل لهاد الحالة و الى وصل ليها كتوقع كارثة ، قرب منهم كيجري و هوما كذلك بقا كيفرشخ فيهم واحد بواحد بعصبية و جنون مابغاش استعمل لفرادة باغي داكشي يكون على يدو و يستمتع كثر ، هوما عياو و هو مابغاش اعيا لعافية شاعلة فيه كينزف بالدم من راسو لرجليه و ماحاسش مازال باغي يشفيه غليلو، ها لي قسمو على جوج ها لي حيدلو لسانو من بلاصتو و ها لي طرطقلو عنقو و بقا هو فوسط كومة من القتلى أجرم فيهم و كينهج بصوت مرتافع و ماتهدن حتى وصلو القوات المسلحة و حاوطو لفيلا غير دخلو و شافو هاد المجزرة و قدامهم الوحش لي ماكيرحمش بداو كيرجفو حتى هوما
نيروز:(ببرود و مطرطق فيهم عينيه) سااااعة باش توصلو ؟
….سيدي سمحلناااا
نيروز: محزم بشماااااايت اناااااا (عطاه ركلة) مكلفين تحميوني و تحميو عائلتي بانلي أنا لي داااااير شغل كاااااملوووو يا ولاد ل9حااااب
….ضرب ضورة و مشا عند ديابلا لقاها كتحاول تحل فعينيها و جسور معنقها و هو يدفعو
نيروز: حيد يدك علييييهاااا
جسور: انا لي نقذتها
نيروز: بصح مافخباريش؟ شنو بانلك نقتلك باش تقوليهم فالجنة أنا لي مت على قبلها
….ضربهالو بتخنزيرة و هزها بين يديه و خلا العالم كاملو كيشوف فالوحش عتق الشيطانة، دخلها لطوموبيل و طلع دغيا كيقادلها ف لحزام و هي تشد فيديه
عشق: ديني لدار
نيروز: انمشيو لكلينيك
عشق: انا بيخير
نيروز: اوك مااااااطلعييييش لياااا فكري ديري لي عجبك
….كسيرا فاتجاه لقصر و كيلوح عينيه مرة مرة لعندها ، وصلو و نزل باش اخرجها لقاها نزلات سبقاتو ، مشا لحقها ببرود و شنايفو ايطيرهم بكثرة تجباد دالعصبية ، ضارت لعندو و يالاه اتنطق و هي تشوفو كاملو دمايات
عشق: كان خصنا نمشيو لكلينيك فعلا
نيروز: أنا بيخير (ضرب فكتفها و زاد طالع لبيتو حتى وقفو صوتها)
عشق: ماغاديش نهضرو
نيروز: يكفي لي داز هاد ليلة
طلع لبيتو و هي كذلك ، دخلات و شافت ديكور مبدل أي أثر ليه ماكاينش حوايجو و الأشياء ديالو تنقلو من غير صورة ليه باقا معلقة ف لحيط بقات كتشوف فيها بدون تعابير و دخلات لدوش حيدات حوايجها و دوشات و هي كتفكر فهاد ليلة كانت غادي تموت هي و ولدها، شافت جنون تايغر بيها فين اقدر اوصل لكن جنونها هي مازال ماكتاشفاتو أو يمكن مابغاتش تعتارف بيه، خرجات و نشفات راسها لبسات بيجامة كحلة ساتان، شورط و ديباردور خلات شعرها مطلوق باش انشف و حطات يديها على كرشها
عشق: ماغاديش نخلي شيحاجا تقيسك نتا روحي و على قبلك كنعييش
...تنهدات و القلق تملكها شحال من امتحان كيتسناها هي وولدها و الفوز هو أنه مايصيبو حتى أذى، تخشات ف بلاصتها و طفات ضو لكن مابغاش نعاس اجيها بقات كتقلب و تقلب ، كيجي فبالها نيروز بديك الحالة لي شافتو عامر كولو دمايات، ناضت مرة أخرى و شعلات ضو ، خرجات من بيتها متوجهة للبيت لي شافتو دخل ليها ، وصلات لعند لباب و كانت ادق لكن ترددات ، حلات لباب و دخلات بلا مادير لحس ، الضو كان مطفي ولكن ضو القمر داخل لبيت و شافتو ناعس فوق النموسية على كرشو و عريان من لفوق، حلات فمها من جمال جسمو الضخم و مبودر و لوشامات مشيرين بحال لمحابسي، جمعات فمها و زادت قربات منو كتحقق فالجرح لي فراسو و يدو لي لواها بفاصمة زعلكها و ماقادهاش ، قربات منو كتشوف فيه ماحسات براسها غير الفردي فراسها و قلبها تحت النموسية و هي شهقات و كتشوف ف عينيه و هو كذلك مكيفصلهم والو حتى من صدرها و صدرو تلاقاو و قلوبهم كيضربو نفس الضربة بدات كتحس بألم و كمشات تعابير وجهها و كتمتم من هاد القرب كيفاش عينيه مكتقدرش تقرا شنو فيهم علاش هو بضبط مكتعرفش شنو تحت راسو
عشق: نيروز ...كرشي
نيروز:(ناض من فوقها و شعل الفيوز و خنزر فيها) شنو كديري هنا
عشق: (ناضت كتقاد فحوايجها لي طلعو ديباردور كيبين كرشها و شورط قاسمها و عينيه اياكلوها) ماجانيش نعاس
عشق: (طلعلها دم و غوتات فوجهو) ماشي انا لي قلتلو يخطفنا و ماشي انا لي قلتلو نلعبو ديك لعبة لي فضحات أسرار خاصين بيييينا و مااااشي انا لي قلتلو يقتلني (ناضت ) و دابا خليتك على راحتك
نيروز:(ناض و شدها من يدها جرها لعندو حتى تزدحات معاه و كيخنزر فيها) شنو درتي لهاد رجال هادو حتى ولاو مهووسين بيك؟
عشق: (قريبة منو و كتشوف ففمو) داكشي لي درتو ليهم عمرك أتجربو
نيروز: (زاد قرب و همسلها حدا فمها) أنجربو...
بقات كتشوف فعينيه و ففمو مطلعة راسها فيه و هو عينيه ذابلين عليها و كيزيد اقرب حتى بعدات منو بسرعة و بقات كتشوف فيه
عشق: (كتشوف ف يدو) يدك كتنزف بزاف
نيروز: عادي
عشق: الى بغيتي نقدر نداويها ليك
نيروز: (بقا كيشوف فيها و يشوف ف يدو) اوك
عشق: فينها علبة الاسعافات
نيروز: تلقايها فدوش
...مشا شعل ضو و هي مشات بسرعة لدوش جبدات العلبة و رجعات جلسات حداه فالنموسية شداتلو يدو و بدات كتحل داك لفاصمة و عينيها كيتوسعو
عشق: يدك كيباااانو عضااااامها هادشي خاصو يتخيط
نيروز: ماشي مشكل مكضرنيش
عشق: كيفاااااش مكضركش راه لحم تسلخ
نيروز:(تنهد) داويها الى كداوي
عشق: انحاول (خوات عليه دوا و كتعقمها و كتحاول تجمعها واخا ماصالحش بلا خياطة، رجعاتلو لفاصمة و بدات كتلويها حتى قاداتها) ساليت
نيروز: أوك
عشق: ضربة لي فراسك خصها تعقم حتى هي
نيروز: عقميها
عشق:(طلعات بركبتها فوق الناموسية و بدات كتعقملو راسو من لور و جبهتو و دارتلو لفاصمة ) شرب دواك دابا
نيروز:(هبطها من يدها حتى جلسات و قارم حجبانو فيها) علاش كتعاملي معايا هاكا ؟
….خرجات من لقصر مشات ديريكت عند شيفور عطاها سوارت طوموبيل زمرد نوع فيراري و استاقلاتها و مشات غافلة على عينين كيشوفوها من طوموبيل أخرى و بصوت عصبي نطق و عطا اواميرو للشفور
امرأة تدخن الرجال الجزء 21
محتوى القصة
التنقل بين الأجزاء