كيشوف ف مو بدوك تخنزيرات و هي ضارت لعندو و قلبها كيضرب سمعها و هادشي لي ماكانتش دايرة بحسابو و شداتها لقوة قدامو ماقدراتش تنطق او تهضر ، رجع لور بجوج خطوات و ضاغط على قبضة يدو و ضرب ضورة خرج من لكلينيك بلا مايقول حتى كلمة ، مشات تابعاه كتجري و عشق تابعاهم ماجات فين تخرج حتى كسيرا بالطوموبيل و مشا و زمرد بدات كدمع بقا فيها لحال
زمرد: نيرووووز ولدييي
عشق:(كتشوف ف طوموبيل نيروز) ايكون تعصب
زمرد: انا ماقصدتش نكدب عليه إهئ اهئ
عشق: يالاه نرجعو لدار دابا يرجع
...ركبو فطوموبيل و رجعو للقصر دخلو و بقات زمرد جالسة ف صالة و كتبكي على فعلتها و كتصوني على نيروز مكيجاوبهاش، دخل علي لدار و شافها ف ديك الحالة و قرم حجبانو
علي: موحاال تنا عارفو غير كيتعصب مكيبقاش ارجع (شاف ف زمرد) و نتي عارفااااه شحال كيعزك و كيخاف علييك
زمرد: مااابقيتش نعااااود اهئ اهئ
عشق:(جبدات تيليفونها كتصوني عليه مكيجاوبش) مكيجاوبنيش
علي: صافي خليوه حتى يبرد
عشق: (جلسات حدا زمرد) عزيز عليكم واخا ماشي ولدكم
زمرد: الوليدين هوما لي كيربيو ماااشي لي كيولدو
عشق: وليديه ماتو فاش كان صغير ، واش كانت عندكم شي علاقة معاهم
علي: (تنهد) نيروز أصلو فارسي من اب مغربي و ام أرمانية كنت كنعرف الاب ديالو و فاش مات أنا تكلفت ب نيروز و ربيناه انا و زمرد كانت فعمرو 12 عام فاش جا عندنا ديك ساعة كانت زمرد يالاه ولدات ربيع، عطيناه الحب و الحنان و اي حاجا و بغيناه كثر من ولادنا حيت بالنسبة لينا كان ولدنا لحقيقي
عشق: كيفاش حتى ماتو وليديه؟
علي:(ابتاسم) شي أسرار من الافضل يبقاو مدفونين
زمرد: و لكن هو عمرو نسا و لا دفن الماضي داكشي علاش ديما ساكت و عصبي و تصروفاتو قاسحة
عشق:(تنهدات) و عقلاني (ردات شعرها لور) غادي يرجع انا متأكدة
فروسيا و بضبط فقصر سقراط كانو مجموعين ف صالة ديالهم هبة و أماني و هارون و الباقي ، و كيتسناو فمحسن يجي ، هبة كانت كتحس بفرحة كبيرة و شفق حداها كتبتاسم و يتهامسو و يضحكو حتى دخل محسن ابتاسم ليهم و سلم و هو كيشوف ف سارة و جلس
أماني: مرحبا بسي محسن
محسن: ارحب بيك الخير
نيار: نهار كبير هادا منين سمعنا بلي الشركات رجعو ليك
محسن: هادشي بفضل سارة
سارة: درت غير الواجب اسي محسن
هارون: دابا منين رجعو ليك الشركات ماكاينة حتى حاجا تمنع زواجك من بنتي
محسن: احم و علاش زربة؟
أماني: شنو كتقصد ؟
محسن: لي بغيت نقول هو مازال خاص نوجدو كثر
هبة: لا تعطلنا بزاف
هارون: الى ماكان عندك حتى شي اعتراض ماكرهناش لعرس يكون منهنا جوج سيمانات
محسن: بهاد السرعة؟
قصي: خير البر عاجله
نيار: شفتك كتردد بزاف امحسن ياكما عندك شي مشكل؟؟
محسن: ماعندي حتى مشكل بالعكس (ابتاسم بزز) كنتسنى يوم زواجي بفارغ الصبر
أماني: اذن اتفقنا
محسن: كيما بغيتو
...كان داخل صخر هو و جسور هاد الاخير لي من نهار رجع من المغرب و قطع لياس من عشق و ماقدرش اوصل ليها رجع لروسيا و عطاها غير لسكرة و شراب و لادروك ناعس صباح و كيفيق فليل يكمل سهرة حتى من خدمتو هملها و ففمو سمية وحدة هي عشق دوخاتو على القبلة و خلاتو مشروط ماعارف ساسو من راسو و ماقادرش اتقبل انها ماغاتكونش ليه يدير المستحيل غير ترجع ليه ، و كالعادة جابو صخر للقصر بعدما شافو مليوح ف أحد الحانات و سمع شكاويه و واساه، جابو و طلعو لبيتو لاحو ينعس و هبط و ماتجي فوذنيه غير خبر زواج باه و هبة لي منهنا جوج سيمانات تصدم و هو كيشوف فيها من بعيد فرحانة و ماعلابالهاش ، جبد تيليفونو و صونا عليها شافت سميتو و قطعات و عاود صونا حتى اعتاذرات و خرجات من صالة و ماحساتش براسها حتى جبدها لعندو و مزير على يديها غادي بيها لبلاصة مخبعة
هبة:(نترات منو) طلللق منيييي
صخر: شنووو هااادشي لي سمعت كييييفاش عرسكم منهنا جوج سيمانات
هبة: و شنووو كيحسااابلك ماغانتزوجش بيه
صخر: و دااااكشي لي عشنا انا ويااااك
هبة: لحظة و عشناااها انا راه عمرني نبغيك راه كنبغي محسن و غا نكمل معاه حياتي
صخر: و منيييين يسولك فين شرفك شنو تقوووليلو
هبة: غاااادي نصارحو ليلة العرس و بطبيعة الحال ماغانقووولوش غلطت مع ولدو و نتا الى بصح كنتي كتبغيني غادي تسكت
صخر: بربي ماغاتزوجي يديه اهبة و انا غانسكت و ديك ثقبة سديها بسييييما و لكن غانفكرك بهاد نهاااار و اترغبي و تزاوكي باش نسترك (ضرب فالحيط جنبها و خرج صاعر و هي متبعالو لعين)
رجعات للصالة بحال الى ماوقع والو و شافت محسن ناض بغا يمشي و ودعهم أما سارة لحقاتو توصلو زعما للباب و هو يضور عندها مزير و معصب
محسن: محتاج نشوووفك
سارة: مايصلاحليش نخرج
محسن: شوفي كيديري انتسنااااك ف داري
سارة: واخا انجي
محسن: ماااتعطليش (خلاها و ركب فطوموبيلتو و زاد )
...دخلات لدار لقاتهم كيخططو للعرس و التحضيرات لازم يوجدو كولشي منهنا لجوج سيمانات، هبة اطير بلفرحة و كتحسب شنو خاصها ، شيماء اعتاذرات منهم و مشات طلعات عند ولدها تشوفو، دخلات عندو للبيت كتفيقو
شيماء: جسووور نوض واااش باغي تحرقلي قلبي عليك
جسور: اممم (خاشي وجهو بين لوسايد)
شيماء:(كتنوضو) جسوور نوض راه هادشي لي نتا فيه ماعاجبنيش
جسور:(ناض متقل و كيشوف فيها و بصوت سكران) علاش فوقاش عجباتك شيحاجا الوليدة؟؟؟ يااااك حتى حاجا مكتعجبك
شيماء: باراكا اجسور
جسور: لبنت الوحيدة لي بغيت فحياااتي طارت من بين يدي هي وولدي و عمرها اترجع كوووني على خااااطرك
شيماء: ماااتستاااهلكش غادي تجيب مااااحسن منها
جسور: علااااش مابغيتيش تفهمي بلي أنا باغيها هي ماباغيش لي ماحسن منها خداتلي قلبي و عقلي خداتني كووووولي
شيماء: يااااريت كون ختاريتيها داك نهار و خليتي تايغر يقتلنييي
كيلوحلها بيدو فالهواء باش تخرج و هو رجع نعس شافت فيه بعينين دامعين كتبكي و كتحسر هي خصراتو فخطرة و هو باقي كيبغي عشق و عمرو ينساها، أما سارة خرجات من دار دغيا ماحدهم مشغولين و مشات لدار محسن بسرعة مالقات حتى واحد فيها لا حس الخدامات لا حتى واحد سمعات خطاويه و توجهات لعندو لقاتو جالس و خاشي راسو بين رجليه
سارة: محسن
محسن:(طلع فيها راسو و ناض شدها من يديها) خصنا ندييييرو حل اسارة مايمكنش نبقاو هاكا
سارة: تهدن
محسن: لا ماااغانقدرش نبعد عليييك خصك تفهميني سنين و انا كنبغيك سنين و انا محتاج ليك
عينيها الزورق كيشوفو فعينيه لكوحل و مدقق فيهم حاس براسو كيحلم و حلمو تحقق ليه من بعد 30 عام هز يدها باسها و بتاسماتلو بإغراء قلبو كيضرب فالتسعين و هي على اوتار قلبو كتلعب، كانو كيعيطو ليها تيريزا قبل 30 عام و نهار تزوجات دفنات سمات اسمها معاها و تخلات على خصالها لكن شاءت الأقدار ترجع تستعمل اسمها سلاح، ماكانش عارف ان اللفعة كتولد غير ما طول منها و الى كانت ديابلا هي الخبث بعينيه ف تيريزا هي الاغراء بحد ذاتو، حركات خصلاتها الشقراء مور وذنيها و هزات يدها حطاتها على لحيتو كتلعب بيها و كتمايع فالهضرة
سارة: ماكانش كيحسابلي بلي انا مهمة عندك لهاد الدرجة
محسن: 30 عام و انا مخبع حبي ليك فقلبي
سارة: و هبة؟
محسن: هبة هي لي لسقات فيا أما انا بغيت إمرأة وحدة فحياتي و هي نتي
سارة: مكنتش عارفة
محسن: كلما كنت كنشوفك مع نيار قلبي كيتقطع ماكرهتش نخطفك و نهربو لبعيد
سارة: كنت تعيسة معاه هو ديما كيفرض سلطتو عليا و انا صابرة على قبل ولادنا
محسن: جا لوقت فين قلوبنا يتجمعو و جا لوقت فين نحددو علاقتنا
سارة: خصك تصبر عليا حتى نطلق من نيار
محسن: غادي يشد لينا هادشي لوقت
سارة: و الى مابغاش يطلقني؟
محسن: غادي نقتلو
سارة: اوييلي امحسن تقتلو كاع؟
محسن: ماشي شيحاجا صعيبة كيما قتلت فتيحة و مروة أنقتل نيار على قبلك
سارة:(ابتاسمات) الله اخليك ليا احياتي
محسن: (باسلها يدها) و يخليك ليا
بقات كتسايس معاه و صدمتها كتكتمها كتلعب مع عديم الضمير و برجليها طاحت فالمشكل، و خصها تكمل لي بقا ، خلاتو حتى تهدن و ودعاتو ركبات طوموبيلتها راجعة ل قصرها و عازمة تقول ل عشق كولشي و تخبرها بالجديد هاد الاخيرة لي كان ليل هبط عندهم و مشا لحال و هوما باقيين ف صالة زمرد امتانعات طلع لبيتها باغا حتى يرجع نيروز و عشق بغات تشوفو غير باش تقولو ديك الكلمة لي على بالها كنكرهك بالفارسية ، مربع يديها و جالسة و نجلاء حداها
نجلاء: ياربي يغبر ياربي يغبر
عشق:(خنزرات فيها) سكتي
زمرد: عفاك اعلي صوني عليه صوني
علي: غادي يكون باقي معصب
زمرد: غيييير هضر معااااه نعرفو فيينو
علي:(ناض و صونا عليه و كيتسنى حتى جاوبو) نيرووووز فينك اولدي راه خلعتينا عليك
عشق:(عضات على شفايفها و تخطاتو راجعة لبيتها سدات لباب و تكات عليه و هبطات راسها كتشوف فالأرض بكره) نزوة! كنت بالنسبة ليه غير نزوة !!!
...ضربات لباب بيديها و مشات جلسات معصبة مايمكنش ليلة لي دوزات معاه ماتكون كتعني ليه والو خصوصا عارفة بلي كيدوق حلاوة جسمها مكيسخاش بيها و كيرجع اطلب المزيد ، كل مرة كيصدمها هيولا ب شيء جديد و كيتقب ليها التوقعات ، حسات براسها ماعندها قيمة استعملها بحال كارو و هي حياتها كاملها مولفة كتكمي رجال، ماكانش كيكدب ولا كيتفلا منين قاليها أنا مرايتك و فعلا كل حاجا كديرها كتلقا المقابل ديالها و هاد الحاجا بضبط كضر فالخاطر كيفاش زعما يكون هيولا هو الثمن لي ادفع ، ثمن ذنوبها ثمن آثامها و خطاياها، كرهاتو و كون كان قدامها دابا تقتلو و ماتفكرش، بغات على الاقل قبل مايطلقو تخلي بصمتها فعقلو و لكن بدون جدوى هيولا ماشي بحالهم و عمرو ايكون بحالهم ،حتى ماشي بحال لبنات لي عرفات ، ضربات شوفة على لقنات عارفاه مزيان بلي داير ليها كاميرات و مامشات حتى قشعاتهم و حيداتهم ، كيما مشا حتى هي اتمشي و الاهمال اقابلك الاهمال من الاخر، نفضات افكارها من راسها منين سمعات تيليفونها كيصوني شافت فيه نمرة مها و جاوبات
عشق: وي
سارة: عشق سمعيييني مزيااان محسن شخص خطير و قتااال هو راه قتل مروة و فتيحة
عشق: تهدني و فهميني
سارة: دخلت راااسي فلعبة خطييييرة و عرسو هو و هبة منهنا جوج سيمانات
عشق: غادي يتجازا على كاع افعالو نتي غير كملي خطتنا
سارة: شنوو ناوية ديري
عشق: تيقي بيا منهنا جوج سيمانات ايتفضح كولشي
سارة: سربي عفاك كنحس براسي مخنوقة
عشق: (قطعات المكالمة مع مها و صونات ل أرتورو) سمعني مزيان
ارتورو:(نبرتها فهمها و دار ابتسامة) انا تحت امرك
عشق: اجي للمغرب تاخد واحد الامانة
ارتورو: اشمن امانة؟
عشق: (ابتاسمات بخبث) جا الوقت لي نلعبو فيه
ارتورو: توحشت ديابلا
عشق:(كتشوف ف سقف) انا رجعت و أيندمو كاااااملين
قطعات الاتصال و قطعات معاه كلامها لي قصدات كل حرف قالت فيه ، العد التنازلي بدا و الاهانة و العار لي واعدات بيهم محسن اتنفذهم بكل جدارة لدرجة ايتمنى لموت عاد تعطيهاليه، كيحسابلها الى نتاقمات منو اترجع اعتبار لماضيها لكنها عاد اتغرق فمستنقع ماليه حل، اعظم حاجا تقدر تعطيها فهاد الدنيا هي تسامح ولكن ايضا تخليهم يرشفو من نفس لمرار اعظم حاجا ديرها لذاتك و ديابلا ماعمرها ماعرفات المسامحة والا غادي تعرفها، تحطات طائرة هيولا ف أفغانيستان بعد مدة طويلة و شمس بدات كتشرق نزل منها و قرب منو احد رجالو حط ليه كاب على كتافو و توجه ديريكت لبيتو و كولشي كان كيتسناه و كيقدمولو التحية ، جلس فوق الكنابي ديالو كيحك فعينيه و كيكتم غضبو مامتيقش بلي مو كدبات عليه و اختارعات كدبة مرضها باش تبقا فيه و ينفذ ليها طلبها، أسوء حاجا عندو هي يكدب عليه شيواحد هاديك حاجا مكيقدرش اتسامح عليها، كان ايجي لأفغانيستان غدا و لكن اختار يمشي ليوم بلا مايهضر لا مع مو لا مع باه حيت افضل عقاب اقدر اعطيه ليهم هو يبعد منهم و يحسو براسهم فقدوه، كيشوف ف بيتو اول مرة يلاحظ بلي خاوي ماشي داك لخوا د الاثاث و لكن لخوا د المشاعر لي حس بيهم. الغريب فالأمر كيشوفها هنا كيشوف عشق لي ماعلمهاش بلي ايمشي ، ماغاينساش ليلة لي نعس معاها فيها كيفاش خلاتو يتجرد من طبيعتو و يحاول عليها، كأنها دواء ديالو و راحتو و كولشي النشوة لي حس معاها بيها كانت كبيرة يمكن عمرو حس بيها مع شيوحدة اخرى و يمكن هاديك هي التفاحة المحرمة و لهيب جهنم لي قرب منو كيحرقو، منين طلع فطيارة مكتحيدش ليه من بالو كيفكر و يفكر و فتالي كيلقا راسو كيفكر فيها دماغو اينفاجر و ماكرهش حتى هي تكون بحالو و كتفكر فيه باغي يعرف قيمتو عندها ، بسرعة جبد لبيسي باغي يشوف شنو كدير مالقا حتى صورة و تعجب شوية عاود تسجيلات شافها دخلات لبيت و سمعها نطقات ب كلمة نزوة و قطعات تصويرتو و بقات كتقلب حتى لقات الكاميرات و حيداتهم ، تنهد و سد لبيسي و جبد السيجار كيدخن و كيسوط دخان و ملامحو مستائين مخربق و مخربقها معاه و ماغايقدرش ابقا فهاد الحال ، جبد تيليفونو و صونا عليها برغم انه عارفها ناعسة لكن كانت على عكس توقعاتو ليل كامل كتقلب و ماقادراش تنعس معصبة منو و معصبة من راسها و من كولشي ، خربقلها دماغ و حتى كدير معاه جوج خطوات كيدير معاها عشرة و كيصدمها بشي تصرف كيخليها تحسب تصرفاتها، شافت تيليفونها كيصوني بنمرتو و مابغاتش تجاوب و عاود صونا و ماجاوباتش كتشوف ف اسمو و مامجاوباش ، و حتى هو مامتراجعش باغي يهضر معاها و السلام ، هزات تيليفونها و جاوبات و بقات ساكتا و هو ساكت كتسمع انفاسو حتى قاطعاتو و نطقات
عشق: (على بالها هي كنكرهك) كيما سمعتي دوستت دارم تستااااهلها و هاني قلتهاااا
نيروز: (ضغط على قبضة يدو و حطها على فمو و نطق بصوت كيبورش) عمرك كنتي نزوة أعشق و عمرك اتكونيييها بنسبة ليا
قطع المكالمة تحت استفهامها علاش قاليها هاكا و علاش ماغوتش او سبها او تعصب مابقات كتفهم فيه والو اما هو رجع كيكمي داك سيجار و كيشوف فالشرجم ماعرف باش اوصف احساسو و مخلي ليام هي لي تحكم ، دخل لدوش باش ادوش و يرتاح و منبعد يمشي يتلاقا ب الرؤساء يشوف مالهم
خرج من دوش لابسة بينوار و كينشف راسو ب فوطة لبس حوايج رسمية سوداء بحال سواد الليل و خرج و رجالو تابعينو من لور ضرب طلة فالمعسكر و تفكر نهار جات عشق بصداعها و دارت لومبيونص و كولشي كان تحت سيطرتها و منظرها و هي كدرب لعسكر باقي تحت عينيه ، ابتاسم ابتسامة خفيفة فاش تفكر الكلمة لي قالتلو و راشقاليه، زاد بخطاتو و العسكر كيقدمو التحية حتى شاف ف خوه كيهز صنادق على ظهرو و حالتو حالة ، خنزر و تخطاه اما هو غير شافو حط صنادق و عيطلو
ربيع:(مكرفص و مغبر) نيروز(قرب منو بترجي) شوف حالتي كيف ولات
نيروز:(ضار عندو باستهزاء) نتا لي درتيها لكرك
ربيع: (مهبط راسو للأرض) غلطت و بزاف عليا نطلب سماحتك
نيروز: (قاطعو) سماااحة؟؟ مني؟؟ هههه سماحة طلبها من هاديييك لي آذيتيهاااا خصك طلب منها سماااااحة و تبوس رجليها
حيت عتقاااتك أما كون بقات عليا نخلي رجالي يحويو فيك واحد بواحد حتى توساعلك خرزتك
….كانت الفرقة الامريكية دخلات للمعسكر و على رأسها الرئيس ديالهم و المتحدث باسم امريكا و لي كيصدر قرارات متعلقة بيها غادي فاتجاه القاعة لي ايقابل بيها نيروز و لمح الفرقة الروسية وصلات اصلا و زير على قبضة يديه و تحدث ل يدو ليمنية
ر.أ: (اختصار رئيس امريكي) هاد الوضع ماعاجبنيش و بالرغم من انني عارف بلي هيولا ايبقا يجي من جهة الجانب الروسي إلا انني جيت نتفاوض
… سيدي شنو لي خلاك تقول هاد لهضرة
ر.أ: مزوج ب روسية شنو كتوقعو يدير
…هيولا ذكي ماغايقدرش يغامر و ينحاز لطرف اخر (بغرور) حنا راه اكبر قوة عظمى
ر.أ: الروس كيتسناو ف أي لحظة نطيحو للأرض و هيولا ماشي شيواحد ساهل و الى قلبوه علينا عول ان القطاع الامني ديالنا ايخسر و بزااااف
...زواجو من الروسية خطير علينا اذن
ر.أ : خطير لدرجة كبيرة (لمحو من فوق قاعة الاجتماع ) واش هو هاداك (اشار بيدو)
… أه اسيدي
ربيع:(حشمان من راسو) غلطت اه غلطت و باغي نصلح غلطي
نيروز: لي كيتهرس مكيتصلحش و هنا جلااااسك وهنااا(كيشيرلو ب صبعو فالارض) اتخلص لي درتي
...تخطاه و مشا تحت نظرات الرئيس الامريكي لي ضار عند يدو ليمنية بتساؤل
ر.أ: شكون هاداك معامن كان كيهضر
…(دار يدو ليمنية على جنبو و سول واحد من رجالو عطاه لخبار عاد جاوب الرئيس) قالولي خوه
دخل كيتبودر فقاعة الاجتماعات، وقفو ليه كلهم حانيين راس و عارفين معامن هوما ،عينيه قارمهم و مخنزر ماحاملش الوضع لي فرقو على عشق ماحامل والو، جلس فالكرسي مترأسهم و عطا اشارة بيديه باش اجلسو و شعل سيجار ديالو كيكميه و كيريق بكاس نبيذ
نيروز:(بصوت خشن) شنو واقع هنا
ر.ر:(الرئيس الروسي) هاد السؤال كنفضل يجاوب عليه الرئيس الامريكي لي منوض الفتنة فالأرجاء
نيروز:(خنزر فيه ) ماشي هادشي لي سمعتو
ر.أ: مستر هيولا هاد الايام الرئيس الروسي تجاوز حدودو و بغا يجرب قنابل جديدة ف هاد الارض بدون موافقتنا
ر.ر: من حقي
نيروز: و شكون عطاك هاد الحق
ر.ر: هاد الارض من ديما كانت محطة لبزاف د التجارب كنديروهم
نيروز: هاد الارض ارضي الى بغيتي تجرب شي تجارب سير لروسيا و جربهم
ر.أ:(ابتاسم) هاد الغرور كاملو لي جاه نتيجة زواجك من روسية
نيروز:(تعصب) واش عااارف راسك لمن كتقول هاد لهضرة؟ هي الى تزوجتها من اليابان انكون كندعم الكيان الياباني؟
ر.أ: الحاجا الوحيدة لي عارفها هي زواجك كولو غلط فغلط خصوصا ان ديابلا ماشي شيوحدة ساهلة
نيروز: (ابتسامة جانبية) كتخلعكم لهاد الدرجة؟ و لا حيت ماتشداتش ليكم من طرف التايغر؟
ر.أ:(ارتابك) ماعندنا حتى علاقة بالتايغر و دابا كنطالبوك انك تنهي زواجك باش يبقى التوازن
نيروز:(كيخنزر فيه) التوازن نتوما لي ضيعتوه ب طيشكم و الاعيبكم لي مكتسااالاش ، هاديك لي كتهضر عليها مرااااتي ماشي أي وحدة و قبل ماتنطق بأي حرف عليها اتلقا لسانك طار
ر.أ: أشمن مرا هادي لي مزوجها و هي باقا حاملة من راجل اخر حتى الاسلام كينهي على هادشي
نيروز: مسيحي كيهضر على الاسلام (ناض فاتجاهو) شنو بانليك نجي نضربهالك بشي حوية ندخليك الاسلام هو و الختانة فدقة؟
ر.أ: (بلع ريقو) هادشي لي كديرو غلط و ادفع الثمن ديالو غالي و شكون عرف يقدر يكون الثمن روحها
نيروز:(شدو من عنقو زدحو فديك طبلة و عينيه حومر ماتحملش انه يهددو بيها، رجال الرئيس هزو اسلحتهم اتجاه نيروز و رجال نيروز دارو بحالهم و كينطق ب كره) كتهددني بييييها يااااا ولد ل9حبة؟؟؟ و نتا عارف نقتلك و مااااااانخلي لكلاب ماياكلو فيييك؟؟؟ (طلقو. رماه فالارض كينهج)
ر.ر:(كيبتاسم) خليه يهضر من غيرتو ماعارف مايقول
نيروز:(كينهج) غادي تنوضو ت9اااودو عليا منهنا قبل مانغبر ليكم الاثر الى سمعت مرة اخرى شيحاجا بحال هادي بربي ماغاطلع على 9لاويكم شمس (غوت ) تهزووووو
.خرجو كاملهم كيتفتفو حسن ما يبدل رأيو و يدوز عليهم من الوريد للوريد، خرج الرئيس الامريكي صاعر تهان بطريقة عمرو ينساها و ففمو كلمة وحدة كيسمعها اليد ليمنية ديالو
ر.أ: عرفلي شحال ايبقا هنا من نهار و ديك ساعة انفكرو شنو نديييرو (مشا)
….بقا هيولا فالقاعة معصب ولات غير كتجبد سميتها كيتعصب و كينهج شاف جهة قلبو بكره
نيروز: و نتاااا لاااااش كتزدح لzامل بووووك اخر المطاف غادي طلقها واااياك يقولك راسك بغيييها وااااياك (هز كرسي لتخو مع الحيط و خرج ساعر ريح كتجري من راه و رجالو خايفين دخل لبيتو هاز كاس كيشرب و باغي يرتاح حتى دخل عندو أحد رجالو)
….خرج من تماك قبل ماتجي فيه شي دقة و بقا هيولا معصب حالتو مكتبشرش بلخير ماعارفش مالو مدابز غا مع راسو لدرجة مابغاش ارجع دابا اولا بغا يرتب افكارو و تاني حاجا بغا يبقا باش الاستقرار يرجع لأفغانيستان، أما فالمغرب كانت يالاه فاقت من نعاس دخلات دوشات و لبسات حوايجها و قادات راسها ، دخلات عندها لخدامة كتعلمها بلي جا عندها ضيف و هي دارت نظرة فرح و خرجات هبطات لتحت و شافت ارتورو قدامها و عنقاتو
عشق: ارتوووريتو توحشتك
ارتورو: هه حتى انا اديابلا توحشتك(بهمس) منين قلتيلي نجي ناخد الامانة جيت فديك ساعة
زمرد: مرحبا دخل دخل
ارتورو: شكرا جيت غير باش نعرضكم لعرس هبة كيما وصاوني
زمرد: اااه مبارك و مسعود عليها كون غير ماتعدبتيش تيليفون واحد كان كافي
ارتورو: مدام سارة و ميسيو نيار شافو انه من الافضل نجي برجلي حتى لعندكم و نعرضكم
زمرد: الله اكبر بيهم
عشق:(جراتو من يدو و جلسو) عاودلي أخبار روسيا بغيت نعرف كولشي
زمرد: (تنهدات) غير عفيني ماقاداش نمشي حتى يرجع نيروز
عشق: واش انمشي بوحدي؟ (ابتاسمات)
زمرد: قوليها بعدا لنيروز و سيري
عشق: اممم ماغانمشيش من دابا حتى تبقا شي يوماين هكك
ارتورو: (ناض ) انخليكم دابا خاصني نرجع
زمرد: بهاااد سرعة؟؟ جلس معانا حتى ترتاح
عشق: لا عندو لخدمة بزاف (ناضت) انوصلك للباب
...توجهات معاه للباب كتبتاسم و نطقات بسرعة
عشق: اتمشي لمصلحة الامراض العقلية سميتها *** و اتاخد فتيحة الودغيري من تماك
ارتورو: شكون هي فتيحة ؟؟؟
عشق: ام صخر
ارتورو: كييفاااش؟؟
عشق: قصة طويلة شوف وصلها لروسيا و فاش نجي كولشي ايتفضح
ارتورو: شنو مصير محسن؟
عشق: الشوهة و الموت
ارتورو:(ابتاسم) اوك
خرج من تماك قاصد يتبع خططها و اوامرها أما ف أفغانيستان كان الرئيس الامريكي و فاش كنقول الرئيس كنقصد المسؤول من طرف الرئيس الحقيقي، جالس داير رجل على رجل و كيفكر من بعد ماجاه خبر ان نيروز ايبقا ف أفغانيستان بداو كيطيحو عليه افكار جهنمية
ر.أ: هاد المشاكيل العائلية كيوقعو ولكن ماشي لائق اعاملك هااااكا تبارك الله كتبان ولد ذكي و متحضر
ربيع: حكررر علياااا حيت انا صغير
ر.أ: نقدر نعتقك من هاد لحفرة و نأمن ليك حماية و خدمة
ربيع: علاش ادير معايا هاكا؟
ر.أ: شفت فعينيك الانتقام نتا باااغي تنتاقم منو
ربيع: اااه باااغي ندمو
ر.أ: و انا معاك خصو يموت و نتا لي اتقتلو بيديك
ربيع:(بلع ريقو) انا؟
ر.أ: و دابا اتمشي عندو و اتنبهو بلي الرئيس الامريكي بغا يقتلو باش فاش اموت كولشي يتاهم روسيا
ربيع: علااااش انا علاش باغي تورطني؟
ر.أ: قلتلك باغي نعطيك فرصة تغير حياتك و حتى دابا الى فضحتيني حتى واحد ماغايتيقك حيت انا لفوق و نتا لتحت (اشارلو بيدو) اختااااار
ربيع: خصوو يمووت باش اتسااالا عذااابي (ابتاسم) انا معاك
ر.أ: مزياااان هه
….أما عشق كانت جالسة فغرفتي حتى رن الهاتف ديالها و جاوبات دغيا باش اصدمها بالخبر
ارتورو: مالقيتهاش اعشق فتيحة داها شيواحد
تعقد ليها لسان و ناضت من بلاصتها قارمة حجبانها و و تعابير وجهها مامصدقينش شنو كتسمع
عشق: شنووووو كتقوووول كيفاااااش داها شيوااااحد
ارتورو: جاو شي رجال داوها
عشق: ماااايمكنش مااايمكنش وصيتهم عليييها
ارتورو: شنو المعمول دابا
عشق: قلب المغرب كاااااملو قلب تحت الارض فوق السمااا خصنااا نلقااااوها مايمكنش نخسر مايمكنش
(قطعات تيليفون و جلسات كتنهج الامل الوحيد لي اعتامدات عليه باش دمر محسن تبخر من بين يدها، نفس تقطعات فيها لدرجة باغا تغوت ماكرهاتش تخرج بوحدها تقلب ولكن محبوسة ماعندها كيف دير ، رجع بيها الذاكرة لور فاش مشات عندها للمصحة و تكلمات معاها و عرفات بلي هي ماشي حمقة و عقلها سليييم ، قربات منها و شدات من كتافها ناداتها)
عشق: فتيحة؟
فتيحة:(طلعات فيها عينيها و تبلوكات فيها)
عشق: ماعرفتش واش اتعقلي عليا (شافت فالفرملية لي مشات)
فتيحة:(بصوت عيان) عمرني مانسيت وجه البنت لي فعمرها خمس سنين
عشق:(عضات شفايفها) كبرات و جات كتقلب عليك فكل بلاصة حتى لقاتك
فتيحة: ولكن علاش علاش
عشق: حيت جا دورك تفضحي محسن و ترجعي لولدك 21 عام و نتي هنا
عشق: نو زعما تكون هربات مستحيييل ماعندها فين تمشي (دخلات صباعها فشعرها) شكووون هادااا لي خدااها شكووون عنداك يكون قتلها اوووف اوووف (رن تيليفونها و جاوبات)
عشق: قولي بلي لقيتيها طمني
ارتورو: مالقيتهاش و خاصني مهلة باش نقلب عليها فالمغرب
عشق: باااقي عندنا الوقت باقي جوج سيمانات
ارتورو: الى ماكانتش فالمغرب انقلب عليها فروسيا عندي شك محسن يكون وصل ليها
عشق: بربي حتى موتو ايكووون على يدييي ااااااااعععععع
ارتورو: شنو ندير؟؟؟
عشق: قلب عليها فكل بلاصة الى مالقيتيهاش غادي نطلعو لروسياااا كنت ناوية انجي لعرس حتى تبقالو يوماين ولكن شكووون خلاك شكووون
ارتورو: تهدني غادي نلقاوها
عشق: من الافضل تلقااااها ولا حسابك معايا هو لخر
قطعات و رمات تيليفون كتلعن حظها و كارهة لبلان ورقتها الرابحة خداهاليها شيواحد ، خصها تصوني عليه و تقولو بلي بغات تمشي قبل ماينفاجر ليها شي عرق فراسها حت هو ماكانش أقل منها غير هي كتفكر فالانتقام و هو عقلو اينفاجر بتفكير فيها ، مايمكنش شنو دارت فيه و ماباغيش يعتارف قلبو حجرة و دمااغو معكس، ريحتها كتجي فنيفو و صوتها كيجي فوذنو و غير كيغمض عينيه صورتها كتجي فبالو، ناض نافض كولشي باغي يدير شيحاجا يلهي راسو بيها ، مع ايحل لباب باش يخرج و هو يشوف ربيع قدامو لي كيلهث
نيروز: شنو كدييير هناااا
ربيع: بغاااو يقتلوووك انيروز
نيروز: شنو كتخربق (جايقولو و هو يحبسو ب صباعو منين سمع تيليفونو و سد على وجهو لباب مشا توجه عندو و شاف نمرتها و ابتاسم بلا هواه و جاوبها) توحشتيني دغيا
عشق: بغيت نمشي لروسيا
نيروز: طلب مرفوض
عشق: عرضوني لعرس هبة
نيروز: مايمكنش نخليك تمشي حتى نجي
عشق: راه خصني نمشييي انا وحدة من ديك العائلة
نيروز: (انفاعل و غوت) مابقيتيش وحدة منهم ولييييتي وحدة من عااائلتي مني انا مراااتي
عشق: (كتفكر فشي كدبة) مابقيتش مرتااااحة فهاد دار مشيتي و جاني لقنط
نيروز: مامشيتش لخاطري
عشق: مشيتي بلا ماتعلمني
نيروز:(تنهد) اوك انخليك تمشي لروسيا ولكن اتمشي معاك الوليدة
عشق: مابغاتش
نيروز: و نجلاء؟
عشق: اوك اناخدها معايا مزيان دابا؟
نيروز: خلي تيليفونك مشعول ديما و ماتهضريش مع لبراني (بصوت كيخلع) عشق الى شفت او سمعت شيحاجا معجباتنيش ماغانضمنش ليك شنو غاندير
عشق: صااافي ساااليتي تهديداتك؟
نيروز: و تهلاي فراسك أنا أنجي ديريكت لروسيا
عشق: بلاش (قطعات عليه )
نيروز:(زير تيليفون فيديه من بعد ما قطعات و شاف قدامو كيغلي و نطق بهمس) نتي عارفة و انا عارف ماشي لعرس لي داك...
منين قطعات معاه الاتصال و هي كتجمع فلحوايج لي غاتحتاج ، عيطات للخدامات يكملو جميع و خرجات هي بسرعة و تيليفونها فيدها باش فأي لحظة يصوني عليها ارتورو، هبطات لتحت لقات نجلاء و زمرد و توجهات عندهم
عشق: غادي نمشي لروسيا
زمرد: ولكن..
عشق: قلتهالو و عطاني الموافقة
زمرد:(ناضت) واش هضرتي معاااه؟
عشق: اه هضرت معاه
زمرد: ماقالش ليك فوقاش ايرجع ؟؟
عشق: ماعرفتش و مكيهمنيش (شافت ف نجلاء) نوضي غادي نمشيو
نجلاء: و انا ماااالي؟
عشق: خوك بغانا نمشيو بجووج
نجلاء:(ناضت بحماس) انحضرو لعراسية الله شحاااال هادي بيني و بينها
عشق: سربيييي ماعندناش لوقت (مشات نجلاء كطير)
زمرد : فوقاش بغيتي تمشي؟؟؟
عشق: ليوم بليل
زمرد: ولكن قلتيلي حتى تبقا يوماين
عشق: بدلت رأيي (صونالها تيليفون و بعدات من زمرد و جاوبات)
ارتورو: كلفت كاع رجال ماعندها أثر فالمغرب
عشق: بقات لينا روسيا (قطعات و طلعات لبيتها مقلقة)
….كان كيسمع ليه و عينيه حمارو بالاعصاب و كيكزز سنانو و عروقاتو تنفخو فعنقو و دراعو و بدون سابق إنذار هزو من الكول و هل لباب رماه حتى لجنود دارو لعندهم
نيروز: كتقوووول بغاااا الرئيس الروسي يقتلني وااااش كتسطا علياااا
ربيع: تيق بياااا انيروز مكنكدبش عليك راه سمعتووو
نيروز: خرررج من قدااااامي مانعاودش نشوف كماااارتك هاد لمرة كنقسم ليييك نقتلك و مااااكااااين لي يعتقك (شاف فالجنود ) هزووووه علياااا
رجع نيروز لبيتو و الجنود هزو ربيع و هو كيتنتر منهم و يغوت حتى بعدوه و لاحوه فالمعسكر فالارض، ناض كينفض حوايجو و مخزز، طلع راسو و شاف فاليد ليمنية د الرئيس الامريكي كيناديه باش اطلع ، و داكشي لي كان طلع لعندو و دخل لبيت لي هو فيها
ربيع: ماااااتيقنيييش
ر.أ: شنو دار بيناتكم
ربيع: قلت ليه كيما تافقنا و ماتيقنيش
ر.أ: انخليوه يتيقك هاد ليلة أنصيفطوليه ماكلة مسمومة
اليد ليمنية: ولكن اسيدي قلت ليك كيدوقو ماكلتو عاد كتجي ففمو
ر.أ:(ابتاسم) هادا هو المغزى أيتيق بينا و الرئيس الروسي ايتحيد من طريقنا
ربيع:(ابتاسم) انا معاك
وصل ليل فالمغرب كانت عشق موجدة راسها لابسة سروال كحل و كبيرة كحلة و نجلاء لابسة كسيوة بيضة و مونطو من لفوق و خرجو من القصر لقاو طائرة كتسناهم و المضيفات حانيين راس هوما و الفيدورات
نجلاء: ماغانمشيوش للمطار؟؟
…(قربات منهم مضيفة و بدات كتهضر) لا امادموزيل مستر نيروز كلفنا باش نوفرو ليكم الراحة اللازمة و الفيدورات كيهتمو بسلامتكم
عشق: اوك مكيهمش (كتشوف ف ساعتها ) صبرو شوية (ماجات فين تكمل هضرتها حتى وقفات طوموبيلة ارتورو و نزل منها) اوك دابا يمكن نمشيو
عشق: ماواقعة حتى حاجا تهدني منهنا جوج سيمانات انرجعو
زمرد: واخا الى جا نيروز انعلمك
عشق: قالي ايجي لروسيا ولكن مكنتيقش فيه الى جا للمغرب هو لول قوليهالي
نجلاء:(كتعيط من باب طيارة) وااا سربي
عشق: باي
….طلعو للطائرة لي من لداخل كانت دايرة بحال شي صالون مشاو جلسو عشق و نجلاء و المضيفات كيتسخرو عليهم و ارتورو بعيد عليهم ، بجوجهم كيفكرو بلي الى مالقاوش فتيحة اتفضل خطتهم و لكن عشق حاطة فراسها جميع الاحتمالات و حتى حاجا ماغاتوقفها على شنو مخططة ليه ، أما فروسيا كان جالس فدارو و ماخرجش منها من نهار تحدد عرسو، كان نايض باش يمشي لقصر سقراط و يزيد يشوف التحضيرات كيفاش غاديين و لكن قبل هز تيليفونو و ضو النمرة
محسن: قتلوووها قبل مايكتاشف شيواحد اخر بلاصتها
….واخا اسيدي
قطع المكالمة و خرج من دار استقل طوموبيلتو و مشا ديريكت لقصر سقراط ، انزل و هو كيشوف التحضيرات ديال الزفاف بدات ، استقبلاتو الخدامة و داتو لصالة فين مجموعين كبار العائلة و دخل سلم عليهم
محسن:(جلس ) شفت التحضيرات بداو
أماني: وي مابقالينا والو سيمانة جايا لعرس
هارون: ماتعذبيش راسك هبة مابغاتش شي عرس كبيير
نيار: وي بغات احتفال صغير بين العائلة
أماني: ويلي و الناس لي كنعرفو نو نو انا بغيت نفرح ببنتي
محسن: انا و هبة اتافقنا ان العرس ايكون غير بين المقربين
هارون: اه مادام تافقو ماعندنا مانديرو
أماني: اووف ديرو لي عجبكم
محسن: ماكرهتش العرس يكون فالفيلا ديالي
أماني: الفيلا ولكن ..
هارون:(شدلها فيدها) اي حاجا اتفرحكم ديروها
محسن: (ابتاسم) شكرا
...تهز و ناض خرج و دغيا تبعاتو سارة بلا مايشوفها شيواحد
سارة: علاش بغيتي لعرس يكون فلفيلا ديالك
محسن: باش نقدر نتحرك براحتي
سارة:(دلات شفايفها) شنو دابا اتزوج؟
محسن: لا الحبيبة غادي نهربو انا وياك
سارة: فوقاااش ؟؟
محسن: انقاد كولشي و نهربو ف أقرب وقت
سارة:(ابتاسمات) اوك
محسن: كنبغيك
سارة: صاافي سيير قبل مايشك فينا شيواحد هه
صبح صباح جديد تحطات فيه طائرة عشق لي جايا من المغرب ف باحة لقصر و نزلات منها هي و نجلاء و ارتورو و لفيدورات موراهم، زادو كيتمشاو حتى دخلو للقصر و شافو العائلة كتفطر و هزو راسهم كيشوفو ف عشق و نجلاء داخلين
عشق:(ماداتهاش فيهم و اشارت بصبعها بحال الى كانت ف المول و جات) بلا ماتنوضو تسلمو عليا ماكتحملوني مكنحملكم غا كملو فطوركم (طلعات لبيتها و نجلاء كتشوف فيها بصدمة و رجعات كتشوف فيهم )
نجلاء:(بابتسامة) سالام
سارة: عشق (ناضت بجرا لعندها)
نيار: (ابتاسم ل نجلاء) مرحبا بيك ابنتي اجي تفطري
هبة:(ضورات عينيها) هادي شكون عرضها للعرس
اماني:(فنفسها كتقول جات باش دمر العرس و فرحانة) هي وحدة من العائلة
..دخل قصي لبيرو و كيشدوه هو و نيار حتى خرجوه و كيهدنوه و رجع نيار عندها
نيار: منيتك اعشق
عشق: بغا يسمع الحقيقة قلتهالو
نيار:(تنهد) والله حتى خايف عليك
عشق: خايف عليا ههههههههه ضحكتيني
نيار: اه خايف عليك من هيولا و خايف انه يبغيك
عشق: و شنو الى بغاني
نيار: ماعرفتش(كيحرك راسو بحيرة)
عشق: انا عااارفة شنو كندير (خرجات خلاتو تماك و شافت ف جسور كيهضر مع باه شافها و ماداتهاش فيه مشات ل بيتها ترتاح حتى كتشوفو داخل لبيتها) شنو كدييير هناااا
قرب منها كيرجف و معصب و ماكرهش اضربها و يعنقها احاسيسو مختلطة و قلبو كيضرب اما هي كترجع بلور عارفاه ماشي متازن و عارفاه ماشي على طبيعتو، تلاسقات مع لحيط و كتخنزر فيه اما هو قرب منها و بدل ملامحو ل تبشيرة و هبط على رجليه
جسور: بغيت نهضر مع ولدي (حط يدو على كرشها و كيرجف و جاتو لبكية ) ولدي انا باباك انا انكون معاك ديما و غانحميك و انوقف معااااك اولدي
عشق:(تأسفات على حالو) باراكا اجسور
جسور: ماماك مابقاتش باغاني و لكن نتا غادي تبغيني ياااك
عشق: جسور صاافي (كتبعدو)
جسور: خليييني نهضر مع ولدييي
عشق: سمحتي فيه و فياااا
جسور: غلطت غلطت و كنخلص غلطي
عشق: مانقدرش نسمح ليك
جسور: حيييت وليييتي كتبغي داااك شماااتا
عشق: هو حسن منك عمرو سمح فيا و وقف فوجه تايغر على قبلي
جسور:(راجع بلور و بصوت مبحوح و باكي ) انتسنا نهار لي ترجعيلي فيييه انتسناااا داك نهار و انبقا نبغيك ديما و انتفكرك بالخير و الله ماغانساك
...خرج من تماك و مايزدح غير ف أرتورو و مشا اما ارتورو دخل دغيا عند ديابلا
ارتورو: شفتو خرج من عندك ياك لباس
عشق: ماوقع والو (تنهدات) مالو ولا هكك؟؟
ارتورو: ولا عاطيها غير لشراب و معذور لي كيعرف ديابلا كيولي هو و شراب صحاب
عشق: خليك من هادشي و قولي كيغادة تيريزا فالخطة
ارتورو: ديما كتلاقا ب محسن و بانلي طاح فيها نيت
عشق: خديتيلهم تصاور؟
ارتورو: بطبيعة الحال
عشق:(ابتاسمات) مزياااان مزيان بزاااف هه
وصل ليل عند نيروز لي بالنسبة ليه بداية لعذاب تاني كيشرب شرابو و كيكمي سيجارتو و بين عينيه عشق منين جا لأفغانيستان و هو كيتفكرها ماباغيش ينساها مابغاتش تحيد ليه من بالو تخنزيرتها ضحكتها ابتسامتها، و حتى من صوتها و جسدها لي غير تفكر كل إنش فيه انتافخات رجولتو، مابقاش كيفهم راسو، كيهرب منها كيلقا راسو كيفكر غير فيها هي و مشاكيلها، تخربق ، عارف دابا بلي هي فروسيا و عارف بلي كاين تماك جسور و فكرة انه تكون هي و ياه تحت سقف واحد ماحاملهاش ماشي حيت ماتايقش فيها ولكن حيت خايف اديرليها جسور شيحاجا ، اه اه خاف عليها هاد الكلمة لي عمرو عرف معناها و لا حس بيها الخوف على شخص آخر فاش كديرو منك و فيك و كضربلو لحساب هادشي باش حس فهاد لحظة ماقدرش اصبر و هز تيليفونو كيصوني عليها، مدة و هو كيصوني عاد جاوباتو بصوت ناعس كانت كترتاح
عشق: امم
نيروز:(ابتاسم) وصلتي بيخير؟
عشق:(كتقلب بلاصتها) اممم
نيروز: مالك من صباح امم امم بحال الى كتحواي هضري معايا مقاد
عشق: اممم
نيروز:(ضحك بصوت خفيف عزيز عليها ضد) منين نجي و نشدك و تبداي تقوليلي امم اممم
عشق: فوقاش اتجي؟
نيروز: و اخيرا سمعنا صويت
عشق:(حلات عينيها بشوية و ابتاسمات و خبعات وجهها فوسط لملاية) و دوي
نيروز: ماعرفتش بضبط
عشق: اصلا انا باقا مقلقة
نيروز: منين تعرفي السبب لحقيقي علاش مشيت اتعذريني
عشق: مشيتي معصب
نيروز: كنت بغيت نسلم عليك قبل مانمشي ولكن راكي عارفة شنو وقع
عشق: ماشي شغلي
نيروز: عارف ماشي شغلك و مامسوقاش ليا
عشق: اه
نيروز: اوك غلطت منين صونيتليك
قطع عليها و رما تيليفون و هي تقلبات كملات نعاسها، ناري كيغلي بغا يسمع بلي توحشاتو بلي مشهياه كيما مشهيها و بلي غير كتغمض عينيها كيجي فبالها ولكن معامن مع وحدة مكتعرفش الحب و هو كثر منها غير الله احفظ كيغادي يديرو ليها، فيقو من شرودو الدقان لي فبابو و دخل جندي حطلو ماكلاتو
الجندي: سيدي لعشا واجد
نيروز:(حركلو راسو ب اه)
قرب من الماكلة كياخد منها شوية شوية كيدوقو مادازتش حتى دقيقة كاملها حتى شد الجندي ف عنقو كيتخنق و طاح فالارض و الكشكوشة خارجة من فمو جراء سم لي فالماكلة اما نيروز شافو هكك ناض طرطق عينيه فيه و مع معصب زاد كمل و غوت
نيروز: شكوووون تجرأ
دخلو الجنود بسرعة لعندو شافو فالجثة اما هو خرج صاعر بحال بركان هايج لي داز من قدامو كيدفعو مشا ديريكت لغرفة الرئيس الروسي و زدح الباب بلا اذن و بقا كيشوف فيه هاد الاخير كان كيوجد راسو باش ارجع لروسيا كاع ماعلى بالو ساعة طاح عليه نيروز بحال قدرة ربي و كيقرب منو
نيروز: شفتك غاااادي لشي بلاااصة
ر.ر:(كيقفقف) مستر نيروز
نيروز: (قرب منو عطاه كروشي لوجهو) كيحسااابلك اتحاول تقتلنييي و تفلت منها
ر.ر:(مرمي فالارض و طلع راسو فيه ) شنو شنو كتقووول
نيروز: مكنتسااااامحش مع الخياااانة ابداااا (ضار بغا يخرج و هو ينطق ناحية جنودو) هزوه رميوه فالحبس حتى نفكر شنو ندير فييه
...خرج مرة اخرى و هاد لمرة غادي للخيمة لي فيها ربيع ، دخل عندو و هو يزعزعو برجليييه حتى فاق و وقف على ركابيه
ربيع: نيروز
نيروز: عندك الحق كان بصح بغا يقتلني
ربيع: شفتي مااااكدبتش عليييك
نيروز: كان ممكن تتعاون معاه علاش ختاريتي تقولهالي؟؟
ربيع: حيت عارف بلي هوما قدامك مايسواو والو و زيد عليها بغيت سماحتك
نيروز: سمحتلك و من ليوم اتكون معايا فينما كنت ولكن (هز صبعو بتهديد ) مانبغيش نشوف شي اغلاط
ربيع:(بفرح) كنواااعدك ماغانبقاش نغلط
نيروز: حسن ليك
...عطاه بظهر و زاد و ربيع ضحكة عندو من لوذن لوذن، نيروز مامطمنش لهاد الحالة كيفكر فعشق لي كان ممكن تكون بلاصتو و كيما وصلو ليه اقدرو اوصلو ليها هو اصلا جا ل افغانيستان على قبلها هي باش اتحارب و يسد لفام عليها و مايبقاوش تابعينهم، تنهد بغيظ كان باغي غدا يمشي لروسيا و يكون معاها ولكن الاوضاع مكطمنش و خصو يبقا حتى يتقاد كولشي ، رجع لبيتو لقا بلي نقاوها ليه و جابو ليه عشا جديد ساعة عافو و مابغاهش و تلاح فوق ناموسيتو و كل بالو عشق عشق عشق ..هاد الاخيرة لي فاقت كتكسل و باقي ضو نهار ساطع و لكن تعاشات لعشية ، ناضت كتجر رجليها دخلات لطواليط و لبسات حوايجها و خرجات لمحات هبة من بعيد و مشات فاتجاهها باغا تلعب شوية
عشق: هبتي عروستنا زوينة مبرووووك علييك
هبة:(وقفات كطلع فيها و تهبط) مالنا
عشق: جيت غير نبارك ليك
هبة: نتي؟ تباركي ليا هههه ضحكتيني
عشق: اه نبارك ليك زواج نتي اصلا غا تزوجي يا بمحسن يا بغيرو
هبة: شنو كتقولي
عشق: كيما سمعتي (تنهدات) غير تخيلي معايا نهار عرسك يمشي عندو صخر و يقولو بلي نعستي معاااه
هبة:(تخطف لون من وجهها) شنووو كتقولي سكتييي
عشق:(هزاتلها يدها) انقرا ليك الطالع عرفتي كنشوف الدم و دموع و قنبلة اتنفاجر فعرسك
امرأة تدخن الرجال الجزء 24
محتوى القصة
التنقل بين الأجزاء