خلاتهم كيهضرو مع بعضياتهم و زادت لبرا كتشوف فالقصر كتشوف فليكارد و الخدم و كتشوف ف الدنيا لي تبدلات عليها كأنها مشات قرن لكن بصراحة مابقاتش كتشوفو بحال الحبس حيت يمكن المكشوف قرب ابان و لي تخبى هادي سنوات مابقالو والو و يتفضح و تاخد بتارها و بتار سنين لي ضاعت من حياتها و هي كتفكر غير بالانتقام، جا لوقت فين عشق تاخد انتقامها و ديابلا اتكون سبب الدمار، كتحس بلي الانتقام ايجيبلها راحة و لكن ماهو الى بداية لعذاب لي ايكون ليهم و ماشي ليها واخا النار كتحرق مولاها إلا أن فحالتها حاضية جنابها، دازت ديك سيمانة كلها تحضيرات هبة و شفق و نجلاء و مانفال كيخرجو بربعة يتقضاو لحوايج و يقادو فراسهم و فرحانين حتى حاجا ماناقصاهم ، بعكس صخر لي كيشوف ف هبة كتوجد لعرسها و كاع ماعلابالها بيه كيتحرق و ماعندو كيفاش يدير يبدل هاد الحقيقة من غير يصبر و يتروى، أما عشق داك صبر هو لي ماكانش عندها خصوصا مالقاتش فتيحة حتى ف روسيا و ارتورو دار كثر من جهدو باش يلقاها و مالقاهاش و ماعارفينش بلي هي فيد داك الغول لي كيما لعب ب هبة و استغل مرضها دابا طايح فشباك تيريزا لي مخططين يهربو هو وياها فأقرب وقت و طبعا هاد اقرب وقت على حساب عشق فوقاش بغاتو، كولشي ضربات ليه لحساب البق مايزهق عندها من غير هيولا لي هملاتو من اخر نهار صونالها فيه ماعاودوش هضرو و تقطعات اخبارو كتفكرو مرة مرة اما هو ديما فبالو كيتفكرها بحال اول رشفة فالنبيذ و مابغاتش تحيد ليه من بالو كيف البلية، جالس كما عادتو فالبيرو ديالو و اخبارها كتوصلو بديطاي على الاقل تحت عينيه واخا بعيدة ، فجنبو ربيع لي منين نبهو و هو كيتيق فيه و مأمنو على كولشي و كيسمع لهضرتو، ناض من جلاسو من بعد ما شاف نيروز بغا يبدا خدمتو و نطق
ربيع: انشوف العسكر شنو كيديرو
نيروز: اوك
….خرج ربيع قاصد يمشي ل الرئيس الامريكي بلا مايشوفو حتى واحد و دخل عندو
ر.أ : مدة هادي ماجيتي عندي
ربيع: نتا عارف نيروز مكيخلينيش نتحرك
ر.أ: شفت علاقتكم تطورات بزاااف
ربيع: بطبيعة الحال مخليني حداه و ديما كيتيق فيا من نهار عرف بلي هضرتي بصح
ر.أ: خدينا وقت بزاااف باش اتيق فيك و تكون دراعو جا لوقت فين نلعبو لعبتنا
ربيع: شنو الخطة
ر.أ: غادي نشعلو حريق فالمعسكر و هاك ايبان بلي مات عن طريق الصدفة
ربيع: و لكن كيييفاش انديروها؟؟؟
ر.أ: (عطاه صندوق صغير ) نتا لي اديرها
ربيع:(حل الصندوق و شاف فيه حقنة) ديالاش هادي
ر.أ: فيه منوم غادي تغرسها فعنقو و هو ايفقد الوعي
ربيع: و من بعد؟
ر.أ: رجالي ايشعلو العافية فالمعسكر
ربيع: و انا ؟؟؟
ر.أ: اتخرج من المعسكر اتلقا طوموبيل كحلة ركب فيها و سير
ربيع: اوك فوقاش انفذ الخطة؟
ر.أ: دابا نيت حيت رجالي بداو بالفعل كيقتلو الجنود و كيخويو ليصانص ب تخبية
ربيع:(بلع ريقو) اوك
….خرج من عند الرئيس الامريكي و هو كيشوف فالارض غادي يدير خطوة كبيرة موحال حتى واش يقد عليها المهم عندو هو ينفذها، مخبع تحت كمامو الشوكة لي فيها منوم و غادي فاتجاه لبيرو يالاه بغا يحلو قالو ليه الجنود ماكاينش مشا لبيتو و هو يمشي لعندو دق الباب و دخل ، طلع فيه نيروز راسو بتساؤل
نيروز: شنو بغيتي ؟
ربيع: والو جيت نشوفك الى محتاج شيحاجا
نيروز: مابغيت والو
ربيع: (قرب منو) شفتك مقلق
نيروز: (تنهد) باقي مافهمتش واحد لحاجا شنو ايستافد الرئيس الروسي الى قتلني
ربيع: ماعرفتش هادشي ديال السياسة مكنعرفلوش ولكن علاش خليتيه حي حتى لدابا؟
نيروز: مادخلاتليش لعقلي
ربيع:(زاد قرب من) شنو زعما انا كنكدب علييييك؟
نيروز: (حركلو راسو بلا) و الرئيس الامريكي شنو باقي كيدير هنا؟؟ علاش مامشاش بحالو
ربيع: كنظن مازال ماخداش لي بغا
نيروز: لي هو؟
ربيع: روحك (طلع يدو لفوق و استاغل ان هيولا عاطيه بظهر و غرس الحقنة ف عنقو)
….تقطعات فيه النفس و سرعان مادفع ربيع منو ولكن كان فات الفوت و الحقنة دخلات فدمو بقا كينهج و خطاويه ثقالو لدرجة تلاح فوق رف فيه ديكورات اثرية و شتت كولشي و كيتعصر و طاح مغمى عليه، أما ربيع شافو هكك بدا كيرجع بلور و كيرجف و مطرطق عينيه ، سمع اصوات برا ديال القرطاس و تزدح باب بيت هيولا و دخلو رجال الرئيس الامريكي كيزلعو ليصانص فالغرفة و رماو القداحة فالارض باش تشعل العافية ف البيت كاملها و خرجو تحت عينيه لي كان مضيقهم و مشلولة حركتو كيشوف غير العافية ضايرة بيه و ماقادر يدير والو
فاقت كتكسل فبلاصتها و راشقة ليها كتشوف ف سقف بيتها بقات يوماين للعرس و كل نهار كيدوز كتسنى فيه يوم تعرف الحقيقة و تاخد انتقامها، ناضت من فراشها و يالاه رمات خطوة فالارض و هو يشعل معاها الضو تحتها حتى غوتات و رجعات جلسات بلاصتها كتسنى الالم يمشي ، كتحس بقلبها كيضرب بزاف و التنفس صعاب عليها، هزات يدها لعند قلبها لي كيخبط و غمضات عينيها
عشق: اووف اش هاد لوجع (عاضة شفايفها بألم حتى حسات براسها مزيان و ناضت لدوش ديالها عمرات البينوار بالماء سخون و دارت فيه ليبرودوي و تخشات كتسخن عضامها و مسلقية فراحتها، ناضت من بعد و غسلات شعرها و شللات خرجات ملوية عليها فوطة و مشات لبسات حوايجها و هبطات لتحت كتفطر بكل هدوء لاحظات المكان هادئ على غير عادتو غير هي و كبار العائلة لي كيفطرو) فين هي نجلاء؟
بسباس: ياختي غير منين نتي فرحانة بزواجك هاداك هو نهار لكبير اوا خلينا من هادشي والله حتى توحشتك بغيييتلك مصيييبة
عشق: ايه فرحانة بزواجي ولكن مابقيتش مزوجة بجسور
بسباس: شنووو؟؟ وايلي على مابقيتيش مزوجة بجسور
عشق: ايه وليت مزوجة بواحد اخر
بسباس:(كيجدب و يضرب ففخاضو بحال شي ولية) داكشي كاااملو لي وقع و ديك دراما و جايا نتي وياه فعرس ختك كتقولولهم تزوجناااا و حاااملة باش فتالي تفااارقو
عشق: وا وقعو بزاف دلحاجات لي طلع فيهم مايستاهلش
بسباس:(قرم حجبانو و عطاها وذينتو تيموت على تبركيك) عاوديلي
عشق: اوا سمع
…. كانو راجعين بطوموبيل نوع ايموزين كيضحكو و صوت الموسيقى مجهد جايين من صالون ناشطين و ضحكتهم كيتسمع لبرا بحال شيخات غا هبة و نجلاء تلاقاو اما شفق و مانفال طبعهم مهدن لمحات شفق مكتبة و هي توقف الشيفور
هبة: علاش هبطنا هنااا
شفق: شفت المكتبة و بغيت نشوفها
هبة : لمكتبة جبتيييلي الملل
شفق: شوفو غير سيرو نتوما حتى نلحقكم
هبة: ماااتعطليش
...نزلات و سدات الباب و الشيفور كمل طريقو اما هي دخلات للمكتبة مبتاسمة العشق ديالها هو لكتوبة، كانت مكتبة قديييمة فيها كتب ناذرة تقريبا ، كتجبد كتاب مور كتاب و كتجمع فيهم حتى جمعات بزاف و طاح ليها واحد ماقدراتش تهزو حتى شافت صباط و طلعات عينيها فيه ، ابتاسم ليها وتحنى هزو كيشوف ف عينيها الزورق الصافيين بلا حتى كلمة اما هي وسعات ابتسامتها و نطقات بعفوية
شفق: شهااااب
شهاب: (ابتاسم) عاقلة على سميتي
شفق: من ديما
شهاب: كيف راهي احوالك؟
شفق: بيخير الحمد لله و نتا
شهاب: مليح
شفق: شنو كدير فروسيا ؟
شهاب: حتى حاجا هه الفاكونس
شفق: مزيااان
شهاب: وين تبغي تروحي؟
شفق: اناخد هاد لكتوبة و نرجع لدار
شهاب: نديك؟
شفق: مانبغيش نعدبك
شهاب: عذابك راحة
خدات لكتوبة و يالاه كانت اتخلصهم حتى شافتو سبقها و حط لفلوس
شفق: اويلي علاش خلصتي
شهاب: petit cadeau (هز لكتابة لي تعطاو ليه فساشية)
شفق: شكرا (ابتاسمات ليه و خرجات معاه )
شهاب: نروحو لكش كافي
شفق: مانقدرش ايتشوشو عليا
شهاب: داكوغ نشوفك غدا؟
شفق: بصراحة عرس هبة بعد غدا و خاص نبقا معاها و نوجد
شهاب: اه فهمت (جبد لكونطاكط د طوموبيل من جيبو و حلها من بعيد ) يالا
شفق: (تبعاتو لطوموبيل لي كانت نوع بورش و ركبات و ركب و زاد موصلها) احم شحال غادي تبقا فروسيا
شهاب: ماعرفش
شفق: (كتفرك صباعها) الى كنتي اتبقا بزاف مور العرس نتلاقاو
شهاب:(ابتاسم ابتسامة خفيفة) راك تشديلي في خاطري؟
شفق: لا لا (عضات شفايفها بخجل)
شهاب: تخليلي نمرتك؟ ولا حتى هي ممنوع؟
شفق: (هزات كتافها) انا ماقلتش ممنوع
شهاب:(جبد تيليفونو من جيب) كتبيها
شفق:(شدات تيليفونو بشوية و بدات كتقيدها و رجعاتوليه) قيدتها
شهاب: محظوظ انا اول واحد ياخد نيميرو تاع الكاتبة لي كيعجبوني رواياتها
شفق: و اول واحد يعرفني انا لي كنكتب الروايات (ابتسامة)
شهاب:(وصلو للقصر ووقف طوموبيل) ماتإماجينيش قداه فادوني رواياتك فواحد الوقت لي فات عليا صعيب بزاف
شفق: شرف ليا يعجبوك رواياتي
شهاب:(ابتاسم) الشرف ليا انا لي تلاقيتك
شفق: نخليك دابا انمشي
شهاب: نتلاقاو قريب إن شاء الله
شفق: ان شاء الله
...خرجات من طوموبيلتو من بعد ما ودعاتو و دخلات للقصر مبتاسمة بالنسبة ليها هادي اول مرة تكون مع شي شخص غريب و تعطيه نمرتها جاها هادشي فشكل و لكن ماخوفهاش زادت جوج خطوات و هي تفكر كتوباتها لي نسات عندو و ضربات راسها بشوية على نسيانها اما هو تبعلها لعين حتى دخلات و كسيرا من تماك ، ابتاسم حيت قدر اهضر معاها راس فراس ، ضور راسو لجنب و هو يشوف الساشية ديال لكتوبة لي نساتهم، سمع رنين هاتفو
شهاب: الو
شفق: احم شهاب هادي انا شفق نسيت كتوباتي عندك
شهاب: وي وي شفتهم
شفق: تقدر تجيبهم ليا الى مابعدتيش؟
شهاب: بصراحة عندي شي خدمة ضرورية ندوزهم ليك وين نساليها
شفق: واخا ماتنسانيش
شهاب: ااووك (قطع مبتاسم) دونك انشوفك غدا
فرحان من قلبو حيت من مور عرسها لي ضاع و هو مراقبها و كيتسنى الفرصة لي ايهضر معاها فيها و جات حتى لبين يديه و فرح بزاااف و ماعارفش علاش ، طول هاد المدة مراقبها و غير شافها بوحدها ماترددش امشي عندها و يتكلم معاها و خدا حتى نمرتهاااا، مافاهمش راسو و مخربق ولكن لي متأكد منو انه كيدير شيحاجا عاجباه ، كانت عشق فبيتها هي و بسباس و من بعد ما عاوداتلو كولشي ناض كيقادلها الماكياج و عاجبو داكشي لي كيسمع ، دخلو لبنات لبيت عشق بلا استئذان بلا والو غير سمعو حس بسباس و تكبو عليه كيضحكو
عشق:(كتشوف فعنقها سنسلة لي عطاها جسور) لا باينة نسيتي نيت
شفق: والله حتى نسيت اصلا عارفاهم اترجعو بجوج
عشق: ماحنا على فالك
شفق: و علاش اعشق مسكين ندمان و كيبغيك
عشق: شغلو هاداك
بسباس: نسااااو علينا هاد الموضوع
عشق: يب مشا للحال خرجولي من بيتي بغيت نعس
مانفال: وااييه ظلام لحال دغيا و نزار ايكون كيتسناني
بسباس: سيري سيري و نتي جااااك لوحم عليييه
هبة: اوووف حتى انا انمشي بعد غدا عرسي و خصني نكون مرتاااحة
...خرجو من عندها و ههي رجع ليها لوجع ديال صباح و تكات ف ناموسيتها كترتاح و داك لوجع كيشدها و كيطلقها واخا هكك ماداتهاش فيه بكثرة ماداتها ف فموضوع فتيحة لي مابغاش يتحيد ليها من لبال و باقي عندها امل تلقاها ماكانش حتى هو اقل منها كيفكر منين ايجبد ليها فتيحة و لعرس بقالو نهار ، جات جلسات فوق ركابيها و كدوز يديها عليه
خلود: مالك مقلق
ارتورو: غير هكك
خلود: عاودلي
ارتورو: ماكايناش شيحاجا مهمة
(نوضها من فوقو و ناض)
خلود: ماعاجبانيش حالتنا
ارتورو: مالها حالتنا؟
خلود: ماعرفتش كنحس بيك مابقيتيش باغيني
ارتورو:(قرب منها شد من حناكها) علاش كتقولي هاكا كون ماكنتش باغيك ماغانديرش المستحيل باش نوصل ليك
خلود: و فوقاش انتجمعو؟
ارتورو: ننسالي غير شي بلانات و كنواعدك اناخدك و نمشيو لبلاصة نكونو فيها راس فراس
خلود: كتواعدني؟
ارتورو: اه ابب (عنقها)
دازت دديك الليلة و صبح صباح جديد كولكولشي فايق بنشاط و حماس كيديرو اخر التحضيرات للعرس أما فالمغرب كانو على مشارف اوجدو لجنازة، كان كيسمع كل كلمة كتقال ليه فتيليفون و قلبو مقبوط عليه ، طيح السماعة من يدو و شد جيهة قلبو بصدمة و كيتمتم بكلمة مايمكنش مايمكنش، جات زمرد لعندو خايفة و قربات منو كتسولو
زمرد: علي مالك شنو واااقع
علي: لا ميمكنش اموت مايمكنش
زمرد: علي شنووو واقع راك خلعتيني
علي: نيروز مات بسبب حريق فالمعسكر
زمرد: شنوو كتقووول (كترجع بلور) نتا كتكدب بااغين تخلعوووني يااااك نتووووووما متااافقين (كتحرك راسها بلا) مايمكنش لا لا
علي: وااااش كتباااانلك حالتي ديااال لكدوووب تاااصلو من المعسكر كانو ضحااايااا من بينهم نيروز
زمرد:(طاحت على ركابيها كتنهج) لا لا ولدي مماااايمكنش لااااا اهئ اهئ نيروووووز لاااا
علي:(هبط لعندها ضمها عندو و كيبكي حتى هو ) علينا بصبر الزمرد
زمرد: ماااغاااديش نتيق حتى نشوووفو بعيييني
علي: مايمكنش يموووت اه عندك الحق انمشي لتماااك و نتاكد
زمرد: اانصبرو اهئ اهئ و اكيد الجثة ماغاتكونش ديالو
علي: ان شاء الله (كيمسحلها دموعها و كيمسح دموعو ) ولدنا قوي ماغاتوقعلو حتى حاجا
زمرد: اه اه ماغاتوقعلو حتى حاجا انا متأكدة
...تلقاو الخبر و ببكاو و مابغاوش ااتيقو حتى يشوفو بعينيهم باقي عندهم امل مايكونش هو اما هي مابقاش عندها امل بعد ما مالقاتش فتيحة كانت هاديك هي الضربة القاضية لي اتعطيها ليه ، جلسات ف جدة بعد ماداز نهار عادي و ممل و كتفكر ف غدا نهار اللخر فحياة محسن، قرب منها ارتورو و جلس حداها حتى نطقات
عشق: ديما كتوقع شيحاجا كضيعلي كولشي
ارتورو: باقي عندنا ملف الجرائم ديالو
عشق: غدا ففليلة العرس غادي تهرب تيريزا معاه و بغيتك نتا تلحقهم و ترجعها
ارتورو: و نتي؟
عشق: انديرلو شوهة فوسط العرس بجرائمو و ايجيو البوليس اقلبو عليه (تنهدت) واخا ككنت باغا من قلبي فتيحة تلاقا ب ولدها
ارتورو: ماعارفينش شنو مخبية لوقت
عشق: حنا مكنعطيوش مجال للوقت حنا كنسااابقو الوقت
ارتورو: و اخيرا ديابلا اتاخد انتقامها
عشق: انتقاااام ايليق بيا (ناضت ) غدا نهار جديد فيه انبداو و مابغيتش اغلاط
ارتورو: بطبيعة الحال
نهار جديد النهار الموعود لي كولشي كيتسناه قلوب كدق بالفرحة و قلوب تهرسات بالحزن و قلوب كتسارع و كتسابق باش توصل ل انتقامها كان كل واحد كيوجد راسو خدا داكشي لي يحتاجو حيت العرس ايكون فالفيلا ديال محسن يعني بلا مايلبسو من القصر ، خداو كولشي و اتاجهو للفيلا استقبلهم الخدم و خداو معاهم داكشي لي جابو و كل واحد وصلوه لغرفتو، بقات مدة قدام الفيلا كتشوف فيها نفس لفيلا لي خرجات منها مدمرة ومغتاصبة هاهي ادخل ليه قوية و راسها مرفوع للفوق و خطات اول خطواتها فطريق الانتقام، طلاقات بصخر كان هابط من غرفتو
عشق: مازال ماوجدتي راسك
صخر:نوجد راسي لجنازتي؟
عشق: لا جنازة باك (ابتاسمات)
صخر: فينها هضرتك ديال هبة اتكون ليا
عشق: باقا عند وعدي
صخر: كيييفااااش و هوما ليوم ايتزوجو
عشق: و شكون قالك ايتزوجو كون على القرص
تخطاتو مبتاسمة و غادية مع الخدامة توريها بيتها ، أما تيريزا كانت مع محسن فأحد لبيوت و كيهضرو
محسن: هاد ليلة غادي نمشيو صافي عييت من اعذارك لمتكررة
محسن: وي عندك الحق ماتخيليييش شحال كنتسنى فنهار لي نكونو بيه بوحدنا
سارة: مابقا والو ساعات قليلة (ابتاسمات ليه و خرجات من لبيت و توجهات لبيت عشق من بعد ما وراتهالها لخدامة) صافي تافقنا انا وياه
عشق: مزياان ارتورو غادي يلحقكم
سارة: الاهم عندي هو ييتشد
عشق: مابقااا واالو و دابا سيريي وجدي راسك
و داكشي لي كان خرجات من عندها كولشي كيوجد راسو فبيتو و بسباس كيقاد لميكاب ل هبة و ل لبنات و كيضحكو و يبسطو بيناتهم دازت الاجواء زوينة و هادئة و لفيلا تزينات بشكل لي هو رااائع و زوين ، بدا كيظلام لحال و الناس كيجيو و العائلة كتستقبلهم ، أماني لبسات كسيوة زرقة طولة و سارة كسوة كحلة و شيماء حمرة أما لبنات قررو البسو تقليدي من غير عشق لي لبسات كسوة بيضة ساتان و طلعو واعرات كيحمقو ، اشارت عشق لمها بعينيها انها تبدا الخطة
سارة: (غمزات محسن و خرجات لبرا و سرعان ماتبعها) خصنا نمشيو دااابا
محسن: وجدت كولشي و طيارتنا اتسنانا
سارة: اذن يالاه نمشيو
محسن: زيدي (شدلها فيدها و كيشوف ف جنابو حتى ماشافو حد و طلعو لطوموبيل و انطالقو )
سارة: مامتيقاش هادشي لي كنديرو بقات فيا هبة
محسن: (جبد تيليفونو و كتب ليها ميساج "ماغانجيش ماتسناينيش ") صافي تهنيت منها
...كانت طوموبيل ارتورو تابعاهم من لور و صونا على عشق لي سرعان ماجاوباتو
عشق: وي؟
ارتورو: مشاو و انا دابا تابعاهم؟
عشق: الملف وصل للبوليس؟
ارتورو: اه و غادي يتعرضو ليه
عشق:(ابتاسمات و اتنفسات ب ارتياح) مزيان
...قطعات الاتصال ومشات حدا ديجي عطاتو الاغنية لي يحط و قبل مايبداها وقفات قدام كولشي كتهضر و هوما كيشوفو فيها بتمعن
عشق: ماتخيلوش شحال كنت كنتسنى هاد نهار من حياتي هاد النهار لي قررت فيه نفضح شحال من حاجا امكن من بينهم نبذة عن الأطفال لي تسلبات طفولتهم و طبعا اتسولوني شنو علاقة هضرتي بالعرس و لكن كنهديكم هاد الاغنية لي كتعبر على الشخصية الحقيقية د محسن يزيد (اشارت ب راسها ل ديجي لي بدا الاغنية)
رد البال لايغرك مظهر او كلامو المعسول
لا دوخ بللي باين حيت لي كاين فالمجهول
بين الضحايا ديالو كيف الملاك ادور إيجول
شكون كان اقول باللي الملاك فالحقيقة غول؟
عندو مافيا كبيرة البيع والشرا فـ رواح الناس
قلبو ميت عندو بنادم كيف الجغمة فالكاس
بلا متسقسي وش بالليل يمكن يجيه النعاس
عايش حياتو عادي والمجتمع شايفو كاف
يزدح فالمساكن ، يشرب فدمهم بلا عفة بلا رحمة
فالفيلة ساكن ديماً راكب على حديدة مضخمة
فاميليا ديالو و هما عندها سمعة محترمة
ما على بالها بلي بلحم الناس تربى لحما
باقي الغول كا ياكل حيت كل ماكلا عمرو لا شبع
ضمير نتاحر حيت فدنوبو غرق مبقاش يسمع
الشيطان يزينلو ويبين لو باش يزيد يطمع
الغول كي مضي نيابو باش فالجريمة يبدع
[جسر]
شووف كيف الناس تاكل ناس ونساو الدنيا فانيا
علاش العيون القلوب دالناس ولات عمياء
[اللازمة]
شحال من غوول باقي مخابي ورا قناع إنسان
شحاال من غوول عايش بيننا و كنعرفوه مزيان
شحاال من غوول باقي مخبي فلانة ولا فلان
شحاال من غوول بينا شحااال من غوول بان
شحال من غوول باقي مخابي ورا قناع إنسان
شحال من غوول عايش بيننا و كنعرفوه مزياان
شحال من غوول باقي مخبي فلانة ولا فلان
غا تصدم يا إنسان ملي الغول يبان
[المقطع الثاني]
الغوول مضّى نيابوا ولا فالإجرام فنان
راسم بالدم قصوور فوق جبال الأحزان
باع وشرا مع إبليس ما بقات غير صفة انسان
ليبغى يفهم حقيقة الدنيا يصاحب خياط الكفن
بنادم ضاع تلف ، الدنيا غير زواق
خلق، كبر وشرف ، قليل فينا إلي عاق
باللي الحياة كدابة وخانت كل من كان عشاق
نساتو كيف ما كتنسي الموت علينا حق
حكايت الغول تبقى عبرة نلي عماه المال
انسان طماع ، شيطان كداب والكدبة غتدبل
ملي بان الحق يفضح الباطل شحال ما زمانو طال
وطول ما حنا فالدنيا إبليس ما هدالو بال
سمع للكلام يا بنادم لا تسقي الفرحة بالدموع
ظلم الناس طريق مضلمة و ما منها رجوع
يا المسكين لا ضن باللي صوتك ما مسموع
شحال ما ظلام الليل الخير جاي بالشموع
[جسر]
شووف كيف الناس تاكل ناس ونساو الدنيا فانيا
علاش العيون القلوب دالناس ولات عمياء
[اللازمة]
شحال من غوول باقي مخابي ورا قناع إنسان
شحاال من غوول عايش بيننا و كنعرفوه مزيان
شحاال من غوول باقي مخبي فلانة ولا فلان
شحاال من غوول بينا شحااال من غوول بان
شحال من غوول باقي مخابي ورا قناع إنسان
شحال من غوول عايش بيننا و كنعرفوه مزياان
شحال من غوول باقي مخبي فلانة ولا فلان
غاتصدم يا إنسان ملي الغول يبان
هادو كلمات الاغنية لي طلقات عشق
لي بغا يسمعها يكتب
Lghoul Muslim
كولشي مصدوم من الاغنية و طبعا غير العائلة لي كانت فاهماها حيت مغربية ، مافاهمينش علاش عشق دارت هااكا ولكن لي عارفينو فينما كتكون كتقوم القيامة ، كانت فغرقتها فرحانة و تقادات لدرجة لي ششافها ايقول ما شاء الله، سمعات رنة ف هاتفها عرفاتو ميساج و جبداتو كتقراها ، تبدلو تعابيرها لخوف و شداتها لبكية و جرات على بسباس و كاع لي كيقادو اطلالتها جرات عليهم ، هزات فاز و شخشخات بيه لمراية و كتغوت
كتشوف راسها فلمراية لمهرسة و عينيها شلال بدموع، دموع الحسرة و الخيانة لي حسات بيها ماعندهم وصف دقيق كثر من حالتها لي كتشفي لقلوب، تعابيرها جامدين لكحل هبط ليها على وجهها و كاع ماكياجها تخسر كترجع تقرا الرسالة لي فيها جملة وحدة و كتقراها بتمعن " ماغاديش نجي ماتسناينيش " كيفاش طاوعاتو خاطرو يخليها فنهار عرسهم و يشوهها قدام عائلتها لي تحداتهم باش تزوجو ، خلاها فدقيقة تسعين لابسة قفطان بيض و متزينة و برا الموسيقى عالية و عباد الله كيشطحو ماعرفات مادير تمشي تهرب و لا تقتل راسها كانو هاد الخيارات رحمة بالنسبة ليها قدام الشوهة و كلام ناس، ناضت من الارض كتشهق قبل مادير شي تصرف خصها تعرف علاش خلاها و شكون من غيرو أيكون عارف، ضورات نمرتو و دغيا جاوبها ب نبرة صوت خشنة
هبة: إهئ اهئ بغيت نهضر معاك
صخر:(ابتاسم) خرجي للجردة (قطع)
هبة:(خرجات كتبكي و تتسلت بين الممرات حتى خرجات من باب آخر للجردة و بقات كضور راسها و تمسح عينيها من دموع و تعض شفايفها بعصبية غير شافتو ركزات عينيها فيه واقف حاط يديه فجيابو و كيشوف فيها، جرات لعندو كضربو فصدرو و تغوت) إهئ اهئ نتاااااا قلتييييهااااالو نتا عمرتيييييلو راسو حتى مشااااا اهئ اهئ
صخر: (شدلها يديها زير عليهم و كيهضر تحت سنانو) حلفت ليك بلي ماغاديش نخليك تتزوجي بيه ووفيت بوعدي
هبة: نتا ماشي بشر لااااا مستحيييل يكون عندك قلب كتحس بييييه إهئ اهئ كنكرهك
صخر: (دفعها) سيري تكمشي فداركم و بعدي على رجال كبار منك
هبة: نتكمش؟ شكوووون ايقبل بيا دابا من موور هاد الشوووهة و من مور ماخديتي شنو بغييييتي إهئ اهئ
هبة: إهئ اهئ (كتشوف فيه بحقد) شنو بغيتي شنووو بغيتي من مور ماحققتي الهدف ديالك بغيتيلي شوهة؟
صخر:(ضرب صبعو مع راسها) ماتلعبيش مع لي كبر منك الغزالة (بغا يمشي و شداتو فيدو)
هبة: ماغاديش تمشيييي إهئ اهئ نتا سباب و نتا اتلقالي حل
صخر:(ابتاسم ب خبث) فكري مع راسك شنو الحل لي اينقذك من شوهة
هبة:(غوتات فوجهو) نمشييييي نفضحك و نقولهم شنو درتي
صخر: اه باش نقولهم كيفاش تعريتي قدامي و دوزنا ليلة زوينة (هزات يدها تصرفقو و شدها مزير عليها) يدك نهرسها ليك
هبة:(كتوجع و كتنهج و عارفة الطلب ديالو و بكبرياء و عزة نفس نطقات) إهئ اهئ تزوج بيا
صخر:(بانتصار) ركعي قدامي…
هبة: مااااتحلمش كنقسم ليييك انقتل راااااسييييي
صخر: انقتل فيك كل نهار و كل دقيقة اتنفسي فيها
هبة: اهئ ااهئ عمرنييي انسمحلك
صخر:( ابتاسم ب خبث ) لعدول كيتسنانا اكبيدة
...شدها من يدها حتى صباعها ايتفركتو و دخل بيها للللفيلا قدام كولشي لي مازال ماستوعبو الاغنية حتى شافو هبة حالتها حالة و ماكياجها تجلخ و كتبكي و صخر شاد فيدها و كيشوف فيهم
صخر: انا و هبة انتزوجو
أماني: شنووو اش كتخربقو اويييلي (قربات منهم)
عشق:( نطقات من وراهم ) اللهم تزوج صخر ولا تزوج بيدوفيل كيغتاصب فدراري صغار
كانو فطريقهم لطيارة لي كتسناهم و زايد فالسرعة كأنه هارب بيها و خايف ياخدوهاليه ، كيهز يدها و يبوسها ليها و هي قلبها كيضرب فالتسعين و كتحس براسها وصلات للنهاية و كترجف و كتحاول ماتبين والو وصلو ل فين كاينة طيارة و شافو البوليس معتارض طريقهم ووقف الطوموبيل
محسن: شنو بغاو هادو
سارة: (ابتاسمات) بغاوك نتااا
محسن: كيييفاااش
سارة: آخرتك هادي امحسن شحال من طفل غتاصبتييييه و دابا غادي دفع الثمن
محسن:(شدها من يدها مزير عليييها و مامتيقش عينيه خرجو من بلايصهم) كنتيييي كتفلااااااي علياااااا
سارة: و شنو كان كيحسابليك انبغي واحد بحالك انا مرة وحدة بغيت فحياتي هي نيار و بس
محسن: غااااادي ندمك كنواااااعدك
سارة: ماغاتقدر دير والو حيت انا عندي بنت تحرق لياااابس و لخضر
محسن: عشق عشق هي مووولااااتها كاااان خصني نعرف
سارة: استسلم ماعندك فين تتهرب
ارتورو:(خرج من طوموبيلتو و مشا حل الباب من جهة سارة موجه الفردي لمحسن ) نزلي امدام سارة
...نزلات سارة و محسن استغل شرود ارتورو و كسيرا بطوموبيل من جهة لوخرا بداو البوليس كيتيريو فالقرطاس لجيهتو و سرعان ماركو ف طوموبيلاتهم يلحقوه و يشدوه
سارة: مشاااا هرب
ارتورو: غادي يشدوووه البوليس ماتخافيش
سارة: خصنا نرجعووو لفيلا دغيااا
ارتورو: زيدي
...ركبو فطوموبيل و انطالقو اتجاه لفيلا لي كانت شابكة فيها بالمعقول و مازال مصدومين من هضرة عشق
عشق: (شافت ف اماني) داكشي لي بغيتيه تحقق و الدور عليك
اماني:(شافت فيها و رجعات شافت ف صخر) تزوج بيها
صخر:(كيشوف ف الارض بكره كره باه كره حيت كان فدار غفلون و نطق ) زيدي
نجلاء:(كانت حدا شفق و مانفال و نزار و رباعة) هادشي بيزاغ
بسباس: وااااش انا فينما نجي لشي عرس انوض فيه صدااااع مع عائلة سقراط مش هتقدر تغمض عينيك
نجلاء: اويلي (مشات وقفات حدا عشق) هادشي كيخلع
عشق: ولفنا
شفق:(صونا ليها تيليفونها و جاوبات ) الو
شهاب: حبيت نجيبلك ككتوبة ديالك
شفق: فيينك
شهاب: اامم قدام الفيلا لي فيها لعرس
شفق:(شهقات ) نتا هناااا؟
شهاب:(ابتاسم) خرجي لعندي
شفق: (خرجات لعندو شافت ضو ضرب من واحد طوموبيل و مشات ليها تحنات و كتهضر معاه من شرجم) سلام
شهاب: ركبي
...ركبات و ماجات فين تهضر حتى كسيرا بطوموبيل و خداها معاه …أما صخر هو هبة تاجهو لعدول اتزوجو جلسو و عطاو بطاقاتهم و دارو بحال حتى حاجا ماكاينة و لكن من لداخل غير ربي لي عالم بيهم ، سناو على عقد زواجهم و هوما و شهود شهدو ليهم ، عمرهم كانو يتخيلو هاكا ايدوز زواجهم ابدا ، زواج او كنازة كان نفس الشيء مادام لهموم تابعاهم و فالمغرب كانت زمرد كتبكي و تنوح حدا الجثة ديال ولدها و كتغوت لربي لي خلقها ماكانوش متيقين فالأول ولكن منين هضرات الجثة او واخا محروقة كاملها و مشوهة أكدو ليهم بلي نيروز هاداك كان حداها علي كيصبرها و هو لي محتاج للصبر تهرس قلبهم على الولد لي رباوه و ماولدوهش بنسبة ليهم كان اعز ماكايمكلكو، هزات تيليفونها و ناضت كترعد باغا تهضر مع نجلاء هاد الاخيرة لي شافت فعشق
زمرد:(كتبكي و مخنوقة) نجلاء رجعي للمغرب اهئ اهئ خوك نيروز مات
طيحات االتيليفون من يدها بلا شعور مامصدقاش شنو كتسمع كيفاش مات علاش مات شنو وقع حتى مات هادشي ماهمهاش كثر ماهمها انه صافي مات لأول مرة اتحس ان الشخص لي كيعتقها ماغايبقاش عندو وجود و بلي عمرو ايرجع ، شدها وجع تقيل فكرشها و ماهتماتش بيه ، طلعات راسها كتشوف البوليس داخلين باش يلقيو القبض على محسن و هي ماهتماتش بيهم و تمات خارجة من لفيلا حتى شدها نيار شافها ماشي حتى لتما
نيار: عشق شنوو واااقع
عشق: خصني نرجع للمغرب خصني نرجع مايمكنش اموت اه بصح مكنتش كنهضر معاه و كنسول فيه و لكن ماعندوش الحق امووت
نترات من نيار و خرجات كان بغا يتبعها لكن شاف فالبوليس لي هاجمين للعرس و بقا ، طلعات لطوموبيلتها و لوجع كيقطع فيها بدات كتحاول ديماري و كان هو فطاكسي كيشوف فيها خرجات من لفيلا و عطا لمول طاكسي اشارة
محسن(مغززف) غير تحرك تبعهاااا
...ديمارات الطوموبيل و شافت نمرة ارتورو كتصوني ليها و جاوبات و كترجف و عاضة شفايفها بألم جاوباتو ب صوت مخنوق
عشق: غااادي نرجع للمغرب
ارتورو: كييفاااش داابا؟
عشق: انمشي للقصر نجمع حوايجي و نمشي
ارتورو: صبري شنو السببب؟؟؟
عشق: (طيحات دمعة من عينيها و هزات صبعها حيداتها و كتشوف فيها بتعجب عمرها بكات عمرها حسات هاد الاحساس و دابا هاهي طيحات دمعة بلا ماتفهم) على قبلو
قطعات و كسيرات بطوموبيل و محسن تابعها لور بالتاكسي حتى وصلات للقصر نزلات بشوية و شادة فكرشها و دخلات للقصر كتشوفو خاوي و الخدم ماكاينش نظرا انه عطاوهم عطلة حيت ايمشيو للفيلا ، طلعات لبيتها تجمع لوراق دديالها و تالفة ماعارفاش حتى مالها ، كان وصل بتاكسي لقصر و خرج منو عطا لفلوس ليه و مشا و بدا كيتمشى داخل ليكارد منين شافوه ماداو ماجابو حيت مولفينو كيجي و ماعارفينش بلي البوليس كيقلبو عليه ، دخل بخطوات تابتة الصمت فالقصر و هو يضور سد لباب بيديه و داير نظرة شريرة قرب من شراجم كيرد ليهم روادا و غغطا كولشي حتى ليكارد مابقاو كيشوفو حتى حاجا فالقصر ، هبطات كتقاتل من لفاليز ديالها لي ماخداتش بيها بزاف و هازا صاكها فيه لوراق ، هبطات لآخر درجة و هي طلع راسها باش تصدم فيه و نطق بصوت معصب و كيقرب ليها
محسن: موتك على يدي
...طائرتو دخلات للأراضي الروسية جالس جلسة ديال النخوة فيديه كاس شراب و كيكمي سيجارتو و كيسوط دخان فسما و عينيه كيشوفو ففالشرجم بهدوء و المضيفة كتسربيهم، لابس ملابس سوداء كيما عادتو و تفكيرو ايطرطق غير بيها غير بيها
، شاف ف فتيحة للي كانت قدامو جالسة و مرتاحة و نطق
نيروز: لالة فتيحة مزيان؟
فتيحة: اه اولدي كولشي مزيان
...خرج من لداخل كيتكسل و عاجبو لحال ووصل حدا نيروز و نطق بحماس
ربيع: مي مي شحال زوينين هاد المضيفااااات
ابتاسم و ججغم من كاسو عارف بلي لعافية لي خلاها ف افغانيستان جابها معاه حتى لروسيا و هادشي كاملو ففسبيل اشوف ديك نظرة فعيون و لكن قبل بدا كيتفكر شنو دار و كيفاش حتى نجى منها
"فلاش باك"
كان ربيع عاودلو كولشي و قرر هو وياه اخدمو بجوج فالخفاء و يوهمو الرئيس الامريكي بلي خطتو غادية مزيان طول الوقت ، مشا اتافق نيروز مع الرئيس الروسي و علمو بلي ايضطر يدير معاه اداك لبلان و هو ماعارضش، بقاو فنفس الخطة سيمانة حتى بداو كيشوفو التحركات د الرئيس الامريكي ، عطا نيروز لربيع سماعة صغيرة تبقا معاه باش اسمع شنو كاين و فاش مشا ربيع عند .ر.أ و قالو يغرس شوكة ف عنقو سمع نيروز كولشي و مشا لبيتو ، عطا تعليمات للجنود اخويو المعسكر حيت اتشعل فيه العافية و يحاصرو من بعيد و داكشي لي كان حتى دخل ربيع عند نيروز و غرس الحقنة فعنقو لي كانت حقنة ااخرى بديلة حطها نيروز فبيتو، طاح نيروز كأنه مغمى عليه و دخلو جنود ر . أ شعلو العافية فبيتو و خرجو ، ناض بكل برود و حرك لبلاكار لي فبيتو و دخل من الباب السري حتى هو مطور و عارف علاش مشا لبيتو و فضل تماك تتبدا الخطة ، بقا كيمشي و راسو اينفاجر و معصب و عروقو تنفخو خرج من المعسكر و كيشوف.فيه كيتحرق و زاد بخطواتو لآخر طريق مبتاسم كيشوف جنودو قاطعين طريق للرئيس الامريكي و زاد تحرك لعندو
نيروز: موتي ماشي بهاد السهولة
ر.أ: (مصدوم و كيرجف) شنو هاااد التصرف
ربيع:(خرج من جنب ووقف حدا نيروز) سوربرايز ههه
نيروز: ماكنتش بغيت ندير فيك راسي و لكن ضبرتي عليييها
ر . أ: سمعني سمعني نفهم ليك
نيروز:(جبد فردي من مور ظهرو و هو يطلق رصاصة نيشان لبين عينيه) سسير عند ربي و فهم ليك غايسمعك (ضار عطاهم بظهر) جمعي عليا روينة عدمو الخونة و طفيو العافية من المعسكر
ربيع: و حنا ؟؟
نيروز: انمشيو لروسيا
ربيع: علاش روسيا؟؟
نيروز: انوصل واحد الامانة
...و هاكا وجدو طيارة هيولا و قبل مايمشي خرج الرئيس الروسي و شكرو على التعاون ديالو ااما جثة ديال داك ششماتا صافطها لأمريكا باش اعطيهم إنذار و لسق فيه جميع الجرائم لي دار و ترتب عليه تعويضات مالية ضخمة ، فاق من سهوتو منين حس بالطائرة كتنزل و تحطات ف مكان بعيد هبط لقا رجالو معرضين ليه و زاد هو و فتيحة و ربيع و ركبو فطوموبيل غاديين لفيلا ديال محسن حيت عارف بلان لعرس كاملو ، قلب فتيحة كان كيدق حيت اتشوف ولدها و متخوفة من محسن حيت كان ايقتلها كون ماعتقهاش نيروز ، وصلو قدام الفيلا و هبطو داخلين ليها و كيشوفو ناس كاملهم كيخرجو زادو دخلو و شافو دنيا عامرة بالبوليس بقات فتيحة برا شوية و مترددة ااما نيروز كمش تعابير وجهو و نطق بصوت خشن زعزعهم
نيروز : فينها عشق؟
...ضارو كاملهم عندو اولهم ارتورو لي عاد تفكر عشق و ماكانش عندو وقت ابقا تماك منين جاب سارة لفيلا و خرج دغيا
نيروز: راه هضرت معاكم فين هي عشق فين هي مراتي؟؟؟
...ركب ارتورو ف طوموبيلتو و كسيرا بسرعة لعند عشق للقصر ماوقف حتى وصل للقصر و هبط بسرعة قرم حجبانو بتساؤل علاش باب لقصر مسدود و علاش مظلم ، دفعو بيديه حتى تحل و زاد بخطواتو كيشوف ف جنابو حتى شاف المنظر لي صعقو و فشلو ركابي لدرجة هبط على ركابيه و طاح فالارض كيشوف دمها سايل تحتها داير ضاية و حداها محسن طايح و دمهم تخلط ، بدا كيرجف ماعارفش شنو وقع ماعارفهاش واش حية و لا مية و بصوت مبحوح و كأنه غادي يبكي نطق
امرأة تدخن الرجال الجزء 25
محتوى القصة
التنقل بين الأجزاء