خرجو كاملهم متوجهين لعند هبة لي كانت مسافة طريق وصلو عندها و رحبو بيهم بكل حفاوة، دخلو كيتجمعو و يهضرو و هبة كانت فرحانة ب مها و باها لي كانو ايرجعو لبعضياتهم بعد هاد لعمر كاملو ، ماقدراتش هبة توقف فطريق سعادتهم حيت قالت ليها مها يا تبقاي مزوجة يا طلق و هي ماترجعش لباها ، كان على هبة غير الاستسلام و تصبر على زواج مخربق مافاهماهش ، كتشوف ف صخر حداها كل مرة هاز يديها كيبوسها و كيبتاسم ليها و هي كتبادلو الابتسامة ، حتى واحد مالقاها كيف بغاها بحال نيروز لي كان وصل مدة هادي للمغرب و جالس فصالة مع عائلتو و فيديه فراس
زمرد: قلبي قهرني عليك اولدي ماتعاودهاش
علي: قلبنا خرج من بلاصتو
نيروز: و الكدوب الوليدة؟ ماراعيتيش ليا انا لي مخلوع عليك
زمرد: كون مادرتش هاكا كاع ماتزوج بيها
نيروز: هاني تزوجت بها عجبك لحال؟
علي : أنا راه مامتيقش بلي عطاتك ولدها
نيروز: ماشي ولدها بوحدها انا سجلتو على سميتي
زمرد: أفضل حاجا درتي
علي: واش مابغاتش ترجع اولدي؟
نيروز: ماعرفتش
زمرد: اووف خصها ترجع
علي: (ابتاسم و كيلعب مع فراس) ولا عندنا حفيد جديد
زمرد: شحال هادي ماسمعنا غوات دراري صغار الله احفظو لينا
….طلعو لبيتو و حطو فوق اانموسية بشوية و حيد حوايجو و نعس حداه غالين فنموم عميييق
ظلام ساد فلقصر و الحس تقطع ، ظلام مخيف و سكون رهيب كيبعث الذهر فالقلوب كأنه مهجور و بوحدها فوسط داك ظلام مضوية بثريا ديال الصالة و شادة فيديها ساعة كتلعب بيها بكل برود برغم ان قلبها كيتحك و ماكرهاتش تصيح و تغوت و كل تفكيرها على توأمتها لي كانت فاقت و راسها كيوجعها و كتشوف ف جنابها ب خوف ، شعلات الضو و تفكرات بلي ارتورو سدلها نيفها و سخفات ، حركات راسها كتقلب على تيليفونها مالقاتوش و زاد هادشي من خوفها ، ناضت وقفات على رجليها و تمشات بخطوات بطيئة و حذرة للباب حلاتو و كتشوف غير ظلام و ضوء بعيد، بقات تابعاه ، و هابطة فدروج حتى وصلات لمنبع الضوء و شافت ف عشق جالسة فالكرسي و حاطة يديها تحت ذقنها، نطقات اسمها ب تردد
شفق: عشق !
عشق: ياريت كون كانو فيا صفات العشق أو يمكن كانو ايكونو قبل 21 عام
شفق:(بلعات ريقها) علاش كتقولي هاكا
عشق: نعاودلك واحد القصة (ناضت) كان يا مكان فقديم الزمان كان الغول كياكل فلحم غزالة صغيرة كانو وليديها كيخليوها عندو او واخا كتقول ليهم كنخاف من عمي االغول كيرجعوها عندو مرارا و تكرارا و عمي الغول كيضربها و يحبسها فدوش و يحيد ليها سروالها و يخشي صباعو تحتها و هي كتبكي ، استمر هاد العذاب 9 سنين حتى لغزالة كبرات و زيانت و فعمر 14 غتاصبها الغول بكل دم بارد قدام مرتو لي قتلها باش ماتهضرش (شافت فيها) الغول كان محسن و لغزالة صغيرة كانت أنا
شفق:(صدمة و لبكا تخلطو عليها لدرجة ولات حمرة و ذاتها كترجف و بصوت مخنوق ) ما مايمكنش
عشق: فوسط هاد لقصر كنت كنتعرض لأقصى انواع التعذيب و كنت غير صغيرة عرفتي شنو فكرني كثر بدوك الايام هو ديك ليلة (باستهزاء) ليلة عرسو مع هبة فاش جا عندي لقصر أول مرة نكون ضعيفة و نخاف و نبكي ، قدامو هو مكنكونش قوية حيت صوت وقع صباطو كنفرزو و ريحتو على بعد كيلوميترات كنشمها لدرجة باقا حتى لدابا ف صحتي (كضور فبلاصتها) قتلتو قتلت داك الكابوس لي خانقني
شفق:(طاحت فالارض كتبكي و تشهق) اهئ اهئ عشق اهئ اهئ
عشق: (كتشير ليها بصبعها) ضربني هنا و فكرشي حط رجليه و بقا كيعصر و انا كنغوت حتى واحد ماعتقني بحال ديما كينساوني و كنذوق لمرار (اشارت ليها مرة اخرى ) هنا كان كيقطعلي حوايجي و كيعاقبني ب شنو درتلو و هنا (اشارت ليها ) قال ليا بلي كنت غلطة اه غلطة عرفتي شنو هو غلطي اشفق ؟ أننا خلقنا بنفس لوجه و رغم هكك كان طامع فيك نتي هههه
شفق: شنو دار لييك اهئ اهئ خصنا نقولوها لماما و بابا
عشق: ولفتي كتعولي عليهم و انا ديك ليلة غوت بسميااااااتهم و حتى واحد ماعتقني منين كان باغي يكرر الاغتصاب فيا و هادشي كاملو بسببك اه
شفق: اهئ اهئ لا لا مادرت والو اهئ اهئ
عشق: عشق: كااااان بغااااك نتي مااااشي انا كانت ديك لحكرة اتوصلك نتي ماشي اناااا كان الاغتصاب و التحرش ايقييييييسك نتيييييي (غوتات) مااااااشي انااااااا
شفق: (حاطة يديها على وذنيها) والله مادرت شيحاجا اهئ اهئ
عشق:(طاحو دموع من عينيها) منين كنا صغار كنت كنمشي عندو بخاطري باش مايتخالطش بيناتنا و ياخدك نتي كنت بلا وعي كنحميك حيت لي كاااان كيوقع فيا خايب بزاااف اشفق
عشق:(صرفقاتها ب ظهر يديها حتى طاحت على الحرف د طبلة ديال زاج و داز ليها دم) مااااتقربيييش مني حيت عمرك اتفهمي شنو هي انا ناخد لعذاب و نتي تاخدي لفرحة فكل مرة كانت كتعجبني شيحاجا كنتي كتاخديها و كل مرة كنحط عيني على شيحاجا كطير من يدي و تعطالك نتي و انا خديتلك جسور باش تحسي بشنو دوزت و لكن نتي ضعيفة و اتبقاي ضعيفة مشكلة وحدة ماقدرتيش عليها و فضلتي تنتحري
شفق:(ضارت كتشوف ف ختها لي تحولات لوحش و هي كترجف) ياك قلتي انبداو صفحة جديدة اهئ اهئ ياك تسامحنا اختي
عشق: عمري مكنسى و عمري مكنسامح حيت لي داز عليا عمرني انساه و حلفت نذوقكم لمرار و لعذاااااااب و ليوم جا عذابك نتي
شفق:(كتزحف ووصلات لرجليها) ماديريهاش اعشق اهئ اهئ ماظلمينيش و انا مادرت حتى حاجا عفاك ااعشق غادي نتجاوزو هادشي و انعيشو بيخير
عشق: عمرنا انعيشو بيخير الى ماعاقبتكمش على شنو وقع ديك ليلة ، سمعي شنو وقع سمعيييي ، كنت كنبكيييي كنت كنغوت و هو كيسممني بهضرتو و كيفكرني شنو دارلي منين كنت صغيرة و لكن عمرو نساك نتي حيت بكل بساطة كنتي الهدف الاول و انا جيت فطريقو، تيقي بيا كنت كنخاف عليك و الى مامشيتش عندو ايشدك نتي ههههه كنت حمارة و لا يمكن بريئة و كنفكر ب عفوية كيفاش ايشدك و وليدينا عمرهم خلاوك بوحدك، فوقما كنتي كتمرضي كيهربو بيك لكلينيك و فوقما خفتي كيجيو انعسو حداك و فوقما بغيتي تلعبي كيخرجوك و انا ناسييني ، شفتي شحال خايبة ناخد مصير كان ايجيك نتي و ماشي اانا (كتحرك راسها بلا) واخا هكك عمرك كنتي اتكوني بحالي شيطانة وحدة تخلقات هي انا
شفق: اهئ اهئ ماكناش عارفين وليدينا اعشق كيبغيوك عمرهم كانو كيديرو الفرق اهئ اهئ انا منين تتولدت كنت ضعيفة و كنمرض و حتى من طبيب كان كيقول موحال نعيش اهئ اهئ شنو ذنبي
عشق: ذنبك انك بقيتي حية و منين حسيت براسي كنخوي لما فرملة كرهتكم كاملكم . ماتستاهلوش وحدة بحالي تكون فحياتكم و لكن تستاهلو كل الكره لي فقلبي و تستاهلو شنو اندير فيكم و من نهار دخلت لهاد لقصر و رجعنا سكنا فيه حلفت بلي نهار انخرجو منو حتى واحد ماغايكون فرحان و انفرقكم
شفق: اهئ اهئ عماك الكره و الحقد أنا أكثر وحدة عانيت فحياتي ديما حابساني و منكدة عليا حياتي و مكنخرجش و كنكتب فالخفاء اهئ اهئ نهار بغيت اعشق حرمتيني من الحب و خديتيه ليا
عشق: ماشي غير الحب ا شفق حتى من حياتك اتحرمي منها (قربات منها و شداتها من سنسلة لي عطاها جسور و قطعاتها ليها )
شفق: رديهالي اهئ اهئ رجعيهالي عفاك
عشق: تحملي مسؤولية شيحاجا لأول مرة فحياتك
شفق:(ناضت عندها و قربات من يدها باغا تحيد لليها سنسلة) هادي ديااالي اهئ اهئ
عشق:(صرفقاتها حتى ترش دم من نيفها و طاحت تاني) حتى حاجا ماديالك، فخبارك هاد سنسلة كان ايعطيهالي جسور فعيد ميلادي و ركبها بيدو حجرة بحجرة لكن فاش وقع خلاف بيني و بينو عطاهالك نتي و ادفعي حياتك غالي على هاد سنسلة (اشارت ليه بيدها )
شفق: (بعدات منهم كتشوف فيهم بصدمة) شياااااطييين اهئ اهئ هي كظلم و نتا كتصفق ليها ، عينيها تعماو بالانتقام و نتا مخليها تزيد فيييه
عشق: نتي ملاك و انا شيطانة . وجهان لعملة واحدة واخا هاكا جسور عشق ديابلا و ف جنازة حفل زفاف خلاك كتبكي ووصلتي ل درجة الانتحار باش فتالي توقفي قدامي و دموع يهبطو ليك لكحل من على عينيك
شفق: هاد الحقد الدفين غادي يسطع واحد النهار و كولشي ايعرفو اهئ اهئ
عشق: من تماك لديك لوقت تكرمي عليا بصدقة الغفران من قبرك ا شفق
شفق: اهئ اهئ شنووو بغيييتي ديييري اهئ اهئ
عشق: نتي لي قتلتي محسن
شفق: انا ماقتلتوووش اهئ اهئ نتي لي قتلتيه
عشق: ناس كاملها اتعرف بلي نتي لي قتلتيه لكن ماغاديش تكوني باش دافعي على راسها (قربات منها بهدوء و جراتليها شعرها من لور ) حيت الله ارحمك هاد ليلة اتموتي (دفعاتها )
عشق: غوتي و زيدي غوتي ماكاين لي يسمعك (شافت ف ارتورو) عطيها لرجال يقتلوها و يلوحوها مابغيتش نشوفها
شفق: الله احن عليك اعشق وجه الله مادييييريهااااش اهئ اهئ ربي مكيبغيش الظلم
ارتورو:(شدها من يدها و نوضها) زيييييدي
شفق: اعشق عفاااااك اهئ اهئ طلااااق منيييي
عشق: واخا ترغبي فيا حتى لصباح عمرني نسا شنو وقعلي نتوما و مارحمتونيش و ماغاديش نرحمكم حتى اانا
شفق:(فلتات من يد ارتورو و مشات كتجري شداتلها يدها) كولشي ايتصلح اهئ اهئ كنواعدك
عشق: (دفعاتها و كتغوت) كووولشي ايتقاد بموتك نتي
الدم دايز من نيفها و دموعها شلال أثار الضرب فوجهها و قلبها مهرس لأجزاء كتحس بلخناجر مغروسين فيها و مخنوقة لدرجة كتبكي بهستيرية، شدها ارتورو من يديها كيجرها و هي كتغوت لربي لي خلقها و كتشوف ف فيها بنظرة مكسورة
شفق: ربي فوق مني و منك اعشق اهئ اهئ دعوة المظلوم مستاااااجبة و كيما ظلمتيني بغيت ربي يظلمك و يضرك فولدك دعوتي اتخرج ف ولدك اعشق اهئ اهئ حسبي الله و نعم الوكيل فيك حسبي الله و نعم الوكيل فيك المجرمة اهئ اهئ
عشق:(عاطياها بظهر و مزيرة على قلبها تهز خاطرها من دعوة شفق لولدها و هي تشير بصباعها) ديها
ارتورو: زيدي (كيجرجرها)
شفق:(كتغوت و كتمرمد فالارض) اهئ اهئ انشوووف فيك دااااك نهاااار لي اتخسري فيه كووولشي اهئ اهئ لهلا يوريك النهار لبيض فحياااااتك
...خرجها ارتورو من لقصر كتغوت و بحكم كان لقصر خاوي و حتى ليكارد عطاهم الرخصة باش امشيو ، صوتها كان كيرجع الصدى ديالو ، كانو رجال كيتسناو برا لاح شفق مابين يديهم و بسرعة دخلوها لطوموبيل و هي كضرب فزاج و دموعها شلال عارفة بلي هادي تالية ديالها و بلي اتموت على يد ختها ، عشق ديك ليلة عما ليها الحقد عينيها و ماعارفاش بلي الثمن لي ادفعو ايكون غالي مع الوقت لكن شكون ععرف تقدر واحد نهار تشكر عشق على هادشي لي دارت فيها و يكون نقطة تحول فحياتها ، شاف طوموبيل حتى مشات و تتوجه حتى هو لطوموبيل ديالو حل للكوفر و هو كيشوف فالجثة و سد عليها و نطالق لبعيد حتى لخارج لمدينة و فبلاصة لي يقدرو يوصلو ليها ناس حط الجثة تماك و رما سنسلة ديال شفق و رجع فالادراج ديالو حتى وقفو صوت التليفون و جاوب و هو داير ملامح حزينة امكن داك ذنب ايبقا حتى هو فرقبتو و عمرو اينسا ترجيها ليه و عمرو اينسا بلي شاف الظلم و سكت عليه
...سيدي راه قتلناها
ارتورو: نقيو الدنيا مابغيتش يلقاو الجثة ديالها محيوها من الوجود
...واخا اسيدي
...قطع التليفون و كمل طريقو فاتجاه القصر ، لي كانت العائلة يالاه داخلة ليه و كيضحكو و فرحانين بأماني و هارون لي قررو انهم غدا يديرو العقد و ترجع معاه لدار ، شافو عشق جالسة بوحدها و حاطة كتاب بين عينيها باش تخفي ألمها و حزنها ، خلاوها على خاطرها كيما طلبات طبيبة و كل واحد مشا لبيتو و رجع السكون فلقصر كأنه ماوقعاتش جريمة فحق الاخوة و الانسانية قبل قليل ...حطات لكتاب و ضمات يديها فكتافها شعرات بالبرد برغم ان الجو كان معتدل و ماعارفاش بلي لبرد لي حسات بيه هو برد القلب لي شحال هادي ماحسات بيه او يمكن من نهار كان معاها نيروز و هي كتحس بقلبها دافي و مافكراتش فالانتقام، شخصية التمرد لي فعشق كتحير و كتخلينا نتساءلو واش كانت محتاجة الحب باش يرجعها لعقلها، طاحت دمعة من عينيها و صوت دعوات شفق كيتردد فمسامعها ، خصوصا على ولدها لي ماعندو حتى ذنب و قبل مايخلص هو أفعال مو خصها تكون كفرات على افعالها ، كلشي بسباب ديك ليلة لي عايشة وسط ذكرياتها و زادت حقدات و احداثها كيرجعو لمخيلتها فاش كتسد عينيها
"فلاش باك"
قطعات و كسيرات بطوموبيل و محسن تابعها لور بالتاكسي حتى وصلات للقصر نزلات بشوية و شادة فكرشها و دخلات للقصر كتشوفو خاوي و الخدم ماكاينش نظرا انه عطاوهم عطلة حيت ايمشيو للفيلا ، طلعات لبيتها تجمع لوراق دديالها و تالفة ماعارفاش حتى مالها ، كان وصل بتاكسي لقصر و خرج منو عطا لفلوس ليه و مشا و بدا كيتمشى داخل ليكارد منين شافوه ماداو ماجابو حيت مولفينو كيجي و ماعارفينش بلي البوليس كيقلبو عليه ، دخل بخطوات تابتة الصمت فالقصر و هو يضور سد لباب بيديه و داير نظرة شريرة قرب من شراجم كيرد ليهم روادا و غغطا كولشي حتى ليكارد مابقاو كيشوفو حتى حاجا فالقصر ، هبطات كتقاتل من لفاليز ديالها لي ماخداتش بيها بزاف و هازا صاكها فيه لوراق ، هبطات لآخر درجة و هي طلع راسها باش تصدم فيه و نطق بصوت معصب و كيقرب ليها
محسن: موتك على يدي
عشق:(كتشوف فيه و ملامح مجمدة فوجهها نفس النظرة لي كان ككيدير فيها نهار غتاصبها ) ماشي ساهل نموت و لكن صعيب نحيا من جديد
محسن:(كيقرب ليها و هي كترجع بلور) خدامة فيييها مطورة؟؟؟ لعبتيييها مزياااان و لحتيلي الطعم و لكن شكون ايعتقك دابا من يدي (شدها من شعرها) انوريييك لويل ابنت تيريزا
عشق:(جمعات دفلة ففمها و عطاتهالو للوجه) واش عندك مادير يا *امل
محسن: غوتي و زيدي غوتي واش نسيتي بلي حيطان قصركم ماكتسمعش صوت لبرا؟
عشق: (مازال كتزحف لبرا) بعد مني
محسن: كتمثلي القوة قدامي و انا عااارفك مزيااان ضعيفة
عشق: هاااديييك عشق ماااتت انا ديابلا
محسن: تعياي ماتخبعي ضعفك انا الوحييييد لي كنشوفووو (هزها من شعرها )
عشق: درتها بيييك بقات فيك الشمتا قسمت ليك ب طفولتي لي حرمتيني منها غااااادي ندمرك و وفيت بوعدي ولا كولشي عارفك كتغتاصب دراري صغاااار
عضاتو فيدو و دفعاتو و مشات كتجري بين واحد الممرات، لحقها و بقا واقف كيشوف فالكولوارات و عارفها مابعداتش و شاد فيدو لي عضاتو فيها و صوت سباطو كتسمعو فوذنيها
محسن: (باستفزاز) عشق اجي عند عمو اجي جلسي فحجري اجي
عشق:(لما طاح ليها فركابي و شدات على فمها ماتنكرش بلي خافت لكن سرعان ماخرجات و توجهات للكوزينة)
محسن: اجي لعند عمو نمشيو لدوش اجييي (شاف خيالها و هو يتبعها)
عشق:(طاحو دموع من عينيها و بدات كترجف يالاه مشات كتحل لباب لي فلكوزينة ، مابغاش و بغات تخبع شدها من شعرها و لاحها ) بعااااد مني
محسن:(حط رجلو على كرشها) كتحطي رااااسك فراسيييي
عشق:(كتغوت بألم) بعااااد مني (دفعاتلو رجلو و كتزحف على يديها و هو موراها متبع ليها لعين و تابعها بشوية حتى هزها بركلة من حجرها و تقطع فيها نفس ، الما كتحس بيه كيهبط ليها من رجليها)
عشق:(دموعها شلال الالم كتحس بيه فكرشها و فقلبها ) بعد مني اهئ اهئ مااااما اهئ اهئ باباااا
محسن: عمرهم عتقوك فاااااش كنتي بين يدي حيت كانو كيجيبوك عندي و يسمحووو فيك و كل تفكيرهم ههههههه فخبارك كنت باغي نغتاصبها هي و ماشي نتي ولكن عمرني كنت نقدر نوصل ليها و طاحت بين يدييي
محسن: مااانمشيييش فيييها بوحدي غاااادي نغتاصبك و غادي نقتلك و تكوني عبرة ليهم كاملهم حيت ماشي محسن لي تدار بييه
عشق: اتبقا شمااااتا طووول عمرك شمااااتا و كدير قوتك على لي ضعيفين منك اهئ اهئ عاقبتك ماغاديش تخرج بيخييييير خديتي شرااافي و طفولتي و مانسمحش ليك تاخدلي حيااااتي
محسن:(كيضحك بصوت ممرتافع و شدها من ذقنها) شكون ايحبسني ؟؟؟
عشق: اناااا (غرسات موس ف قلبوووو و كتشوف فيه كيزراق قدامها استاغلات غفلتو عليها و هزاتو من لكوزينة ، خرجاتو و عاودات دخلاتو) هادي على طفولتي (زادت غرساتو) و هادي على شرفي (خرجاتو و عاودات دخلاتو) و هادي على لمرض لي درتي فيااااا كنكرهك
دفعاتو عليها و طاح غارق فدمو و هي كذلك دم المخاض كيهبط منها و كتشوف ف وجه محسن لآخر مرة قبل ما تفقد وعيها
...
"نهاية فلاش باك"
فاق على غوات فراس لمجهد و ناض بثقالة هزو لعندو كيراري بيه و فراس غير كيغوت ماعرفش مالو و شنو بغا حتى بدا كيشم ريحة من تحتو و كمش تعابير وجهو ، حطو بهدوء فوق النموسية و مشا جاب ليكوش و طالك و بيبي سات و بدا كيحيد ليه سروال و سالوبيط و حيد ليه داك ليكوش لي كان عامر و بدا كيمسحليه شوية و هو يبول عليه
…رجع ناض كيمسح ليه و ينقي ليه حالتو و كيدير ليه لبومادا لتحت و طالك عاد لبس ليه ليكوش لي ماعرفتش منين يقادو و كيفاش كيقادوه غير خربقو حتى سدو و لبس ليه حويجاتو و فراس ساكت كيشوف فالضو لي مشعول ، مشا نيروز هز رضاعة من بعد ما سخنها فواحد الالة فيها لما و تسناها حتى بردات غير شوي و قرب منو عطاه يرضع حتى خوا ديك رضاعة و بقا فايق كيشوف فيه
نيروز: (هزو كيتحرك بيه) مافيكش نعاس صافي شبعتي؟ امم توحشتي ماماك حتى انا توحشتها اجي نصونيو عليها نفيقوها من نعاس (رجع جلس و هز تيليفونو كيصوني عليها ابيل فيديو ماتعطلاتش باش تجاوبو ماناعساش اصلا و غير متكية ففراشها)
عشق:(بخوف) نيروز شنو واقع فينو فراس؟
نيروز: مالك مخلوعة هاهو فراس معايا توحشك و ماجاهش نعاس (كيوريه ليها)
عشق: واش رضع؟
نيروز: بدلتلو ليكوش و عطيتو يرضع
عشق:(باستغراب) نتا؟!
نيروز: اه انا
عشق: كتعرف دير هاد لحاجات؟
نيروز: امم كنتعلم
عشق:(ابتاسمات) مزيان
نيروز: كتشرق شمس عندكم دابا شنو لي مفيقك؟
عشق: مانعستش
نيروز: علاش؟
عشق: غير هكك
نيروز: توحشتي فراس؟
عشق:(حركاتلو راسها ب اه)
نيروز: حتى هو توحشك
عشق: و نتا؟
نيروز: ونتي؟
عشق: شنو بانلك
نيروز: انعرفها نهار تقوليلي نجي ناخدك
عشق: عيانة موحال نقدر نرجع دابا
نيروز: على خاطرك
عشق: فراس نعس
نيروز:(هبط راسو) اه
عشق: تهلا فيه
نيروز: نساي بلي راه ولدك بوحدك
عشق : كون كنت دايرة لفرق ماغانعطيهش ليك
نيروز: نعسي ترتاحي
عشق: (نعسات على ظهرها و مع كانت ب ديباردور الخير تزلع) واخا
نيروز: لبسي حوايجك من لبرد
عشق: ماكاينش لبرد كنخرج هاكا
نيروز: تسوطيتي لا ؟ نرجعو لهضرتنا ممن لول؟؟؟
عشق: مالك كتغوت راه فراس ناعس
نيروز:(كيغوت بالحس) ماتخرجيش معرية
عشق: ماغانخرجش صافي هنينا
نيروز: يالاه نعسي
عشق:(ابتاسمات) تصبح على خير
نيروز: تصبحي على خير
...قطعات الابيل و دمعة دايزة من عينيها دارتها قد راسها و كتبين راسها نورمال اول مرة تخاف من ان نيروز يعرف شنو دارت و الطامة الكبرى خايفة ممن ولدها يدفع ثمن اغلاطها ، غمضات عينيها حتى سمعات رنين الهاتف و جاوبات بلا ماتشوف
عشق: الو
تايغر: مبروك الزيادة لعزري كيشبه ليك
نبرة صوتو و كلماتو بضبط خلاوها تفتح عينيها بجهد ، الظهور ديالو فهاد الوقت كان خصها تعرف ان من موراها ماكاين خير ، خصوصا انه غبر و مانساش الوعد ديالو، و كما العادة جاوباتو
عشق: الله ابارك فيك لعقبة لعندك
تايغر: الى كان منك ماعنديش مشكل
عشق: شنو بغيتي
تايغر: ناخدك
عشق: مكتلاحظش بلي رراك مريض و خصك تعالج مرة تبغي تقتلني و مرة تبغي تاخذني
تايغر: لي كيعرف ديابلا مكيبقاش فعقلو
عشق: نيروز ايقتلك
تايغر: غافل عليك و انا نقدر نخطفك و نغبرك
عشق: غير جرب و شوف
تايغر: اتجي بخاطرك الى ماشي دابا منبعد
عشق: تبريت منك ا ايهم
تايغر: ديري لي ععجبك دابا ولكن ايجي نهار لي تغلطي فيه و انشدك من داك الغلط و نهرسك
عشق: كتحلم
تايغر: و حضي ولدك مزيان
...قطع عليها و يديها بداو ارجفو جاها تهديد مباشر منو و ماعارفة مادير من غير تكمل و تحضي سواريها ، بقات هكك مدة طويلة حتى صبح الحال و ناضت لبسات حوايجها و هبطات ، كتسنى لفراجة تبدا ...كانو كيفطرو و كيشوف فيها بعينيه راشقة ليها حتى فيقها من شرودها
صخر: شنو مخليك فرحانة؟
هبة: بابا و ماما ليوم ايتزوجو و يتجمعو اخيرا
صخر:(ابتاسم) افضل حاجا
هبة: اه قتارحت عليهم يديرو حفلة صغيرة ولكن مابغاوش
صخر: المهم هو يتجمعو (جاه اتصال و جاوب عليه و هو كيكمش تعابير وجهو) اوك هاني جاي
...ناض بلا مايهضر واخا سولوه ماجاوبش و خرج مرفوع مسافة ديال طريق كان وصل لمكان الحادثة لي تجمعو فيها البوليس كان جسور ديجا وصل قبلو و توجه لعندو
جسور: البركة فراسك اصحبي (عنقو)
صخر: شنو وقع ؟؟
..ماعطاهش مجال يهضر و مشا لعند الجثة تحنى عندها و كيشوف فيها بعينيه الصدمة فوجهو من الطعنات لي فقلبو ، كيما كان الحال راه باه هاداك ، ضار مرة اخرى منين سمع البوليسي لقا شيحاجا و كلام جسور ليه لي كان نابع من الصدمة
لبوليسي: سيدي لقينا هادي فالارجاء (هاز السنسلة)
جسور: مايمكنش !!
...كانو فلقصر كيهضرو يذاكرو حتى دخلات اماني مع هارون شادة فيدو و كيضحكو و هي تنطق اماني و الفرحة نابعه من عينيها
اماني: تزوجنا هه
نيار: مبروك عليكم
سارة: مبروك عليك احبيبة الله اخليكم لبعضياتكم
عشق: صافي اعميتو سخيتي بينا
اماني: الله ابارك فيكم (كتشوف ف عشق) بنتي زوجتها و رتاحيت من جيهتها و جا لوقت فين نديها فحياتي حتى انا
قصي: تهلاو فبعضياتكم
هارون: ماتحتاجش توصيني اصاحبي
...كيباركو ليهم تحت نظرات عشق لي كانت على ماماها لي كلما كتسول على شفق كيقولولها لخدمات بلي باقا ناعسة و طبعا هادشي بأمر منها ، حتى دخلو لبوليس و معاهم صخر و جسور و تقطعات ديك الضحكة باش ينوضو مسغربين
نيار: ياك لباس؟ (كيشوف ف صخر ) صخر؟
جسور: احم لقينا محسن
أماني: لقيتووه و اخيرا
صخر: لقيناه ميت
سارة:(بلعات ريقها) كيفاش ميت ؟؟
جسور: لقينا الجثة ديالو و الواضح ان شيواحد قتلو
صخر: (هز سنسلة فيديه) لقينا هادي فمكان الجريمة
لبوليسي: ميسيو نيار بنتك شفق رهن الاعتقال
نيار: بنتييييي شفق؟ لا مستحيييل
سارة: بنتي مايمكنش ليها دير شيحاجا بحال هادي ابدااا
لبوليسي: ميسيو نيار كنتمنى ماتوقفش قدام خدمتنا
جسور: تهدنو غادي غير يحققو معاها
قصي: كييييفااااش انتهدنووو راه كيتاهموها ب جريمة قتل
جسور: السنسلة راه ديالها الوليد
هبطو لبوليس من لفوق من بعد ماسالاو التقلاب
...سيدي قلبنا لقصر كاملو مالقيناهاش
لبوليسي: هربات (جبد تيليفونو عاطي خبر لجميع الدوريات باش اقلبو عليها و يلقيو القبض عليها)
لبوليسي: الى عرفتو فينها قولو بلاصتها راه كتزيد تغرق فراسها
نيار:(دفعو) عاااارف شنو كتخرج من فمك بنتي ماقتلاااات حتى واحد
صخر:(شدو ) عمي نيار انا متفهم الوضع ديالك و لكن هاداك لي مات راه الوليد
نيار: شفق ماديرهاااش هي ااكثر وحدة كتخاف و علاش اصلا اتقتلو شنووو بييينها و بييينو
جسور: هادشي لي كنحاولو نفهو و انا متأكد بلي شفق بريئة
نزار: (كيمسح فوجهو و شاد ف مو) علاااش هربااات
...دخل للقصر بعد ما سمع الخبر و عيطو ليه يجي يحقق فالقضية ، كان شاب ثلاثيني رقيق و سمر دازت لهضرة كاملها على وذنيه و نطق ووقفوا البوليس عاطيينو التحية
عمر: خصنا نفتحو تحقيق
صخر: دير لي بان ليك ا عمر
عمر: بغيت نعرف ليلة العرس شنو وقع و فين كان كل واحد منكم (كيشوف ف عشق)
عشق:(كتشرب عصيرها ببرود و نطقات بعدما حسات بنظراتو ليها) و تقدر تبدا مني انا لولة
عمر:(ابتاسم و مشا جلس قبالتها) نتي لي فضحتي محسن السؤال هو منين عرفتي انه بيدوفيلي
عشق: فاش شديت الموتشو عطالي معلومات على هاد الأمر
عمر: شنو المقابل؟
عشق: (مبتاسمة) حتى حاجا فقط كان كيتسال لمحسن شي حساب و طلب مني نفضحو
عمر: اممم ديك ليلة فين كنتي؟
عشق: خرجت من لفيلا جوايه جوج حيت سمعت ان راجلي مات لكن فاش مشيت لقصر باش ننوجد راسي و نرجع للمغرب شدني ألم الولادة و تماك عرفت ان راجلي ماماتش و هو لي جا عتقني
عمر: راجلك هو لي جاب ام صخر
عشق: فاش كنت ففالمغرب انا لي لقيتها فمصحة الامراض العقلية و مابغيتش نجيبها معايا باش حياتها ماتعرضش لخطر و جابها راجلي
عمر: كيفاش عرفتيها حية
عشق: كيكونو ثغرات مكنقدروش نسدوهم و انا كنت جنرال و صغيرة و لكبيرة كنعرفها
عمر: كنتي مهتمة بقضية محسن علاش
عشق: اي واحد خدام فالمخابرات كيهتم بناس الخطيرين ولالا؟
عمر: طبعا وفقا لتحليل الطب الشرعي على الجثة كتبان بلي مات جوايه جوج
عشق: و مكتعتاقدش ان وحدة جاها ألم المخاض غادي تقتلو خصوصا انها علمات لبوليس
عمر: عندك الحق (كيشوف فيها بصمت) طبعا ماشي حيت كنتي اتفضحيه داكشي علاش هرب و خلى عروستو بوحدها
عشق: (كتبتاسم) بعض الاسرار مكنفضحوهاش باش لعائلة ماتفككش
عمر: شنو كتقصدي
عشق:زيد سول و بحث اكيد اتلقا اجوبتك و انا ساليت الاستجواب
….بقا كيشوف فيها شيحاجا مادخلاتلوش لراسو لكن كمل الاستجواب مع البقية حتى وصل ل عند سارة
عمر: مادام سقراط تقدري تعاوديلي شنو وقع ديك ليلة
سارة:(كتبكي ) كنت اهئ اهئ مع بناتي حتى وقع لي وقع و هرب محسن و حتى حنا تصدمنا بهادشي
عمر: ميسيو نيار ككيقول ان فواحد اللحظة ماكنتيش معاه
سارة:(كتمسح دموعها ) كنت مع لعروسة
عمر:(ححرك راسو بعدم فهم) فديك الوقت قالي صخر ان مراتو كانت معاه قبل مايدخلو لبوليس
سارة: بصراحة ماعقلتش مزيان و لكن لي عارفاه ان بنتي مستحيل تقتل شيواحد
عمر: كنقدر ان اعصابك متوترة الى عقلتي على شيحاجا و علمينا بيها
...ناض من الكرسي من بعد ما ستجوب كولشي و خيوط هاد الجريمة كيتخربقو كاينة حلقة مفقودة باغي يلقاها و ايبقا ينبش حتى يعرف ، بداو البوليس كيخرجو و العائلة واقفة تالفة و محروق قلبهم على شفق لي ماعارفينهاش فينها و لا شنو كدير سنسلتها مع الجثة ، اسئلة كثيرة و مصيبة طاحت على راسهم ، كانت كتشوف ف باها و مها معانقين و كيبكيو بحرقة و هي تشير لأرتورو بصبعها و جا تحنى عندها ههمساتلو فوذنو
عشق: سير لمركز الشرطة و خود معاك تصاور راك عارف شنو اتقولهم
ارتورو:(ابتاسم) اووك
خرج ارتورو و بقات هي مع االعائلة كل شخص كيتكهن بشي حاجا كأنهم بغاو يخففو من حدة الشيء لي وقع ، قرب جسور من مو و باه كيشوف فيهم
جسور: بغيت نهضر معاكم (مشا سبقهم لجردة و هوما لحقوه ) مابقيتش قادر نعيش فهاد صداع كل نهار مشكل
قصي: و شكون بدا المشاكل اجسور؟ ماشي نتا
جسور: مكتشوفنيش هاز لهم و ديما مخشي فقنت كنعاقب راسي؟؟
قصي: و شنو الفائدة انك تعاقب راسك بلا ماتنفع بيه شيواحد
جسور: ماشي نتا لي خسرتي الانسانة لي كتبغي بسبب التهديد غير باش يعيشو هوما ، ضحيت انا و دابا ولدي ماقادرش نشوفو ولا نعنقو حيت مسجل بسميه واحد اخر ، هادشي كااااملو لي كنعيشو مابانش ليك فوق طاقتي و صابر عليه ؟؟؟ نتوما الوحيدين لي تسنيتكم توقفو معايا و مالقيتكمش
جسور: من نهار دخلنا لهاد لقصر و حياتنا مشقلبة و ماكنقولش ليكم سمحو فيهم ولكن كنترجاكم خليونا نبداو صفحة جديدة و نسكنو فدار اخرى
قصي: ماشي وقت هاد لهضرة
...ماسمعوش ليه و دخلو للقصر و هو كيحس براسو مخنوق باغي يهرب باغي يهرب منها كيحس براسو كلما كيشوف فيها كدير ليه مغناطيس ، ماعمرو اينساها و لا يدخل لقلبو حب اخر ممن غيرها و لي زاد على جرحو هو ولدو لي ماغايشوفوش و ماعارفش دابا واش لباس عليه ولالا ، و فالمغرب كان فراس بين يدين هيولا كيلعب معاه و باين الأرق على وجهو
زمرد: ولدي كتبان عيان
نيروز: كان كيفيق فليل و كنقابلو
زمرد: هاكا غادي تعيا شنو بان ليك تجيب مربية تقابلو
نيروز: مكنتيق فحتى وحدة
زمرد: ولكن اولدي نتا عندك خدمتك و نجلاء كتقرا و انا مقابلاكم من الأحسن جيب مربية و منين تجي عشق و تمشي بحالها
نيروز: امم اوك ولكن ماغادخل حتى نعرف لكبيرة و صغيرة عليها
زمرد:(وراتو تيليفونها) هادي كيقولو افضل مربية
نيروز:(خدا معلوماتها ) انقلب عليها
زمرد: كيما ببغيتي احم ماهضرتيش مع عشق؟
نيروز: هضرت لبارح معاها
زمرد: قولي اولدي واش تخاصمتو حتى مابغاتش تجي معاك
نيروز: لا
زمرد: اذن علاش…
نيروز:(قاطعها) الوليدة نهار اترجع عشق اتاخد فراس و طلاقها (ناض و هاز فراس بين يديه مخلي مو متبعاليه العين و كتحسر على حالتو ماعارفاش شنو واقع بيناتهم لكن عمرها كانت راضية انها تقبل بطلاقهم، رجع لعندها كيشوف فيها و نطق بلكنة الامر) عيطي لديك المربية
زمرد: سقسيتي عليها
نيروز: وصلني كولشي عليها مزيانة …
مشات بسرعة كتعيط ليها باش تجي قبل مايبدل رأيو و فالقصر كانت اثار الصدمة باقيا فيهم كولشي كيتسنا شي جديد يقلب هاد القضية ، سارة ككانت كتبكي بحرقة و نيار رغم انه كيمثل القوة إلا فداخل ديالو مقهور
نزار: شفق عمرها تقدر تقتل شيواحد
عشق: ديما الشخص البريء كيخرج منو لعجب
نزار: عشق هاديك راه ختنا كيما كان لحال
عشق : حتى انا غير كنقول ليك
مانفال: (كتمسح دموعها) عمرنا شفنا منها لعيب
عشق: ولكن لعيب يقدر يخرج من محسن
نزار: شنو بغيتي تقولي
عشق: ممكن تحرش بيها و هي قتلاتو
أماني: شنو السبب لي ايخليه يدير هاكا
عشق: كيطمع فالبنات و خير مثال بنتك
اماني: هادشي مكيطمنش
نيار: سكتووو بنتي بريئة انا تايق بلي بريئة
سارة: فين ممكن تكون انيار؟؟؟ اهئ ااهى فين اتكون هربات خايفة بزاف انها تآذي راسها
شيماء: الله احفظ
سارة: يااارب بغييت بنتي اهئ اهئ
نيار:(صونا ليه التليفون و جاوب) الو ..اوك هاني جاي
سارة: شنو كاين؟؟
نيار: عيطو ليا من مركز الشرطة
سارة: انمشي معاااك
جسور: نتي عيانة بقاي انا نمشي مع عمي
...خرجو تحت انظارها لي هادئين و مبتسمين عارفة ان عاصفة قوية اضرب قصرهم بعد ساعات و صابرة عليها
...كانت قدام لقصر كتشوف فيه بعينيها و دايرة ابتسامة كبيرة على وجهها و اخيرا خدمات عند ناس ايعطيوها فلوس بزاف و اتحسن شوية من مستواها، بنت عشرينية عينيها كوحل و شفايفها رقاق و حجبانها مقوسين و شعرها قصير ، دخلات ببطء و تعرضاتلها لخدامة لي ككانت فاستقبالها و خداتها دغيا ل عند زمرد لي كانت هازة فراس بين يديها
زمرد: مرحبا دخلي
سلوى: شكرا منين عيطتيلي جيت بسرعة كنواعدك ماغاتلقايش مشكلة معايا انتهلى فتربية صغيرة و انحطو فعيني
زمرد: بشوية عليك
سلوى:(كترجف) سمحيلي هه هادي اول مرة ننكون فوسط ناس بحالكم
...ابتاسمات ليها و هازة فيديها فراس و طلعات مع لخدامة لبيت نيروز و مشات لخدامة بحالها ، دخلات بشوية كتشوف الديكور ديال لبيت لي حلات فمها جراء جماله و حطات فراس فوق النموسية باش تبدلو حتى كتصعق بشوفة نيروز لي كان خارج من دوش ملوي عليه فوطة لتحت و كينشف بوحدة اخرى ، عينيها مشاو لعينيه لخوضر لي قارمهم و لعضلاتو المنفخة و لوشامات بحال للمحابسي ، بقات كتبلع ريقها و طلعات معاها صهدة اول مرة تشوف شخص فهاد الكاريزما
سلوى: س سمحلي
نيروز:(طلعها و هبطها) كملي خدمتك
دخل لدريسينغ و سد عليه بلا مايعطيها اهتمام و هي على شوية تسخف بدات كدير خدمتها و عقلها مرفوع حتى سالات و خدات فراس بين يديها و خرجات بيه ...
ظلام لحال و ليل نسخ خيوط البؤس و الحزن على لقصر ، كولشي كيتسنا على اعصابهم باغيين خبار الخير من غير ديابلا لي كانت عارفة شنو ايوقع و نهار لي تسناتو باش تفدي ضربتها وصل و هاد اللحظة بضبط خلات قلبها يرجف لكن ابدا ماترددش من انه يظلم و يزيد فشرو، شافتو داخل مع لباب و ملامح وجهو مصدومة ، شافت النظر ديالها منين شافت ارتورو و عمر و صخر مع جسور داخلين ، مشات سارة كتجري لعندو شادة فيديه و كتسولو
سارة: امضرا لقيتوها؟؟ (طلع فيها نيار عينيه بملامح جامدة و فلت يدو من يدها و تخطاها) نيار اشكاين؟؟؟
عمر:(كيهضر حشمان) مادام سقراط شنو طبيعة العلاقة لي كانت بينك و بين محسن؟
سارة: شنو كتقصد؟؟؟
عشق:(تدخلات) ارتورو شنو درتي؟
ارتورو:(مهبط راسو) ماقدرتش نسكت القضية وصلات للبوليس
عشق: (كتخنزر فيه) ارتوورو
عمر: مادام عشق كنتي عارفة بهادشي و ساكتا ؟؟
عشق: كنت كنحاول نحمي ماما
صخر: هااادي راااه جريمة كبيرة و نتي كتحمي ماماك خيط صغيير كان ايوصلنا لحقيقة
سارة: شنو كتقولو مافهمتش
عشق: (قربات من عند باها) بابا انا ماكنتش باغيا يوصل هادشي لهنا
قصي: واااش يقدر شيواحد افهمنا شنو واقع
جسور: احم مرات عمي كانت كتخونو مع محسن
سارة: (لهضرة نزلات عليها بحال الصاعقة) شنو كتقول ؟؟ عارف راسك اشكتخرج من فمك
عمر: مادام سارة ديك ليلة كنتي مع محسن ، ارتورو عتارف لينا بكلشي
سارة: شنو كتخربق اويلي
ارتورو: مادام سارة سمحيلي ماقدرتش نخبي هاد السر طول ديك المدة لي كنتي كتلاقاي فيها مع محسن قلتها لعشق و فاش جات لروسيا عتقات الموقف أما كنتي غادي تهربي مع محسن
سارة:(حاطة يديها على فمها من هاد الظلم و الحقيقة لي تزورات و راجعة بلور) هادشي ماااشي بصح
عمر: مادام سارة تعاوني معانا راه خاصنا نلقاو بنتك
سارة:(ضارت متوجهة عند ننيار كتبكي) نيار كنقسم ليك بالله بلي ماشي هادشي لي وقع نتا متيقني ياك
سارة:(رجعات عند عشق كترجاها و تشهق) قوليلو اعشق اهئ اهئ قوليلو الحقيقة عفاك
عشق:(كتشوف فيها باستغراب) ماعرفتش علاياش كتهضري انا كنت فالمغرب حتى جيت لروسيا
سارة: لااا نتي قلتيلي نعاااونك اهئ اهئ عفاك قولي الحق
عشق: ماتغطيش على خيانتك بيا انا ماتعاونتش معاك بالعكس عرفتك كتخوني بابا (شددات على كلمة بابا) و سكت
سارة:(تجمدو ملامحها فيها ) عشق
نيار:(قرب منها و مسح دمعة كانت على طرف عينو و نطق) شنو كنتوقع من وحدة خانت راجلها معايا .... لي خانت راجلها مرة غادي ديرها فكل مرة….
لحظة صمت و عتاب و دموع سالو على لخدود، رجعات بيها الذاكرة ل 28 عام لور نهار اللول فاش تلاقات معاه فتركيا و سلماتو راسها و خانت راجلها تماك بضبط عرفات اان عقاب الله وصلها و ماقدراتش تزيد تستحملو خانتها القوة ديالها و كانت اطيح كون ماشي نزار لي شدها و هي كتبكي عندو
نزار: بابا ؟؟ كيفاااش قدرتي تقول لماما هاد لهضرة و نتا عارفها كتبغيييك
عمر: اذن ديك ليلة محسن كان ايهرب مع سارة و شدوهم البوليس و فنفس الوقت شفق ختافات من لعرس على حساب اقوالهم واش مكظنوش انها يقدر يكون ختاطفها و باش دافع على راسها قتلاتو
….طلعو بجوجهم يجمعو حوايجهم و يمشيو بحالهم و أماني شدات فهارون كتبكي فكتفو
أماني: يالاه نمشيو حتى حنا مابقا عندنا مانديرو
هارون: هادشي لي كيوقع راه غلط
أماني: عييت من المشاكيل العائلة تفككات مابقا عندنا مانديرو هنا
هارون: (باسها ف جبهتها) زيدي
خرجو ممن تماك بلا حتى ماتاخد شيحاجا معاها باغا غير تعيش ماتبقا من حياتها مع الشخص لي ختارو قلبها بعكسهم هوما لي كانت حياتهم تفرقات و قلوبهم بنار تكوات ، هبطو من لفوق و الخدم متبعين ليهم حوايجهم و خرجو بلا مايهضرو تحت نظراتها لي كانت تحت تأثير الصدمة ماتوقعاتش ان الامر غادي يوصل لهاد الدرجة ، قربات من باها و يالاه بغات تتدوي مشا لبيتو و خلاها
شيماء: سارة مستحيل دير هادشي صاحبتي كنعرفها
قصي: ولكن شنو علاقتها بمحسن
جسور: قلت ليكم من نهار دخلنا لهاد لقصر و حياتنا تخربقات
قصي: ماتبداش حتى نتا اجسور
جسور: سمعولي و يالاه نمشيو
قصي: ماانقدروش نخليو نيار فهاد الحالة
عشق: أنا انرد ليه لبال ماتخمموش ديرو لي ترتاحو فيه
….مشاو من حداها و هي بقات بوحدها واقفة حتى ضارت كتسمع هضرتو فتيليفون
ارتورو: ماتسرعيييش و ماديري واالو انجي عندك دابا (قطع)
عشق: مالك؟
ارتورو: كنت كنهضر مع خلود انمشي عندها
عشق: واقعة شيحاجا ؟
ارتورو: منبعد و نعاودليك
...كانو جالسين كيهضرو و يعاود ليهم شنو وقع و هوما غير كيسمعو ليه ماعارفين مايقولو
هبة: اذن كان ايهرب مع مرات خالي
فتيحة: كنت عارفاه كيبغيها شحال هادي من نهار شافها كانت ديك ساعة يالاه تزوجات بنيار و عينو مكيحيدوش عليها لدرجة عتارف ليا بلي كيبغيها
صخر: مات الوليدة اذكروا امواتكم بالخير
فتيحة: استغفر الله
..ناضت هبة من حداهم قلبها مقبوط عليها شافها هكك و تبعها لبيتهم لقاها دخلات لطواليط و خلات تيليفونها فوق النموسية شاعل جاه لفضول اشوف شنو فيه و قرب هزو مشا نيشان لجهة الميساجات و ليزابيل مالقا والو ابتاسم و رجع خرج و مشا جهة تصاور و بدا كيحل عينيه و مخسر سيفتو كيشوف ف رجال كبار فالعمر عندها تصاورهم و زاد حقد منين شاف تصاور باه باقيين عندها ، خرجات من طواليط كتمسح وجهها و كتشوف فيه و فتيليفونها لي فيديه
هبة: شنو كدير بتيليفوني؟
صخر:(ضار لعندها مبتاسم) سمعت موسيقى و كيحسابلي شيواحد صونا عليك و هزيتو (حطو و قرب منها)
هبة: بشنو كتحس ؟
صخر: بالتلفة و علاما نلقاو شفق انبقاو هاكا
هبة: شفق مستحيل ديرها
صخر: مكنخدمش العاطفة اهبة
هبة: و بانتلك بلي تقدر ديرها
صخر: شكون ايقتلو مثلا ؟ و علاش
هبة: حتى واحد مامتأكد بلي شفق واخا تلقاو 10 دسناسل دياولها
هبة: بطبيعة الحال مانسيتوش عرفتي علاش حيت واخا عرفتو على حقيقتو باقي كنبغيه و نتا قابل على هادشي
صخر: أتخسري بزاف اهبة و نهار ايطير كولشي من بين يديك اتفيقي
هبة: شنو كتقصد
صخر: لأول مرة انشمت و نقول الحمد لله منين مات (قرب منها) تستاهلي لعذاب لي دايرو فيك موتو
...تخطاها خارج و ههي جلسات فوق النموسية و دموعها بداو كيهبطو بحرقة و كتشهق حتى هي ماعاجبهاش هاد الوضع كتحس براسها تالفة و خايفة تزيد تخسر كثر و كثر
...كان ليل يالاه طاح عندهم و من بعد وجبة العشاء كل واحد مشا لبيتو ، طلع نيروز لبيتو و خسر سيفتو منين مالقاش حوايج فراس فبيتو و رجع خرج متوجه لغرفة المربية لي دخل عندها بلا مايدق لقاها كتراري ب فراس و هي طلعات عينيها فيه و تبهطات ، قرب منها و عينيه غير على لولد و خداه من عندها
نيروز: فليل ايبقا عندي و فصباح ردي ليه لبال (تم خارج )
سلوى: ولكن اسيدي ايعذبك فليل و ماتقدرش تنعس فخاطرك (وقف و هي تزدحات مع كتفو و رجعات لور) سمحلي
نيروز: ولدي انا قاد بيه و نتي سمعي لهضرة (خرج)
...خرج و ههي متبعالو لعين و الخدامة كتاخد اللوازم لي ايحتاجها لبيبي لبيت نيروز ، جلسات سلوى فوق النموسية و عضات شفايفها بابتسامة ، دخل نيروز مع فراس ل بيتو و حطو فوق النموسية ينعس و تكا حداه هاز تيليفونو كيصوني على عشق مكتجاوبوش عاودها بزاف دلمرات و مكتجاوبوش و دخلو الشك و هو يصوني على احد رجالو فروسيا
نيروز: جيبلي أخبار عشق سقراط
...امرك اسيدي
شمس داك نهار كانت مخبعة مور لغيام و لحال برد كأن عاصفة ثلجية أضرب شوارع موسكو لكن كانت فعلا ضربات قلوب ناسها و خلات مشاعرهم تجمد و تقسى ، النوم ماذاقش عينيها و جا لعندها ولدها جالس حدا رجليها و كيهضر معاها
نزار: الوليدة ماكليتي والو
سارة: ماقديتش
نزار: ماديريش فراسك هاد لحالة
سارة:(ناضت) تظلمت و مادرت والو (عينيها بداو اتغرغرو تاني)
نزار: انا متيقك ولكن عاوديلي كولشي
سارة:(كتمسح دموعها لي هبطو على خدها) أنعاودلك كولشي
….مدة و هي كتشوف فيه جالسة على الارض و حالتها حالة بلبكا و هو جالس ممقابل معاها حاط رجليه بين فخاضو
خلود: غااادي تمشي للحبس غادي تخليني و تمشييي
ارتورو: خلود سكتي و سمعيييني
خلود: عشق لي قتلااااتو ا ارتورو العضة لي فيد محسن كانت ديال عشق اهئ اهى كنتي عارف و عاونتيييها
ارتورو: شنو ؟ باغا تمشي تقوليهالهم سيري ولكن لي خصك تعرفي انا مانادمش و كلهم يستاهلو حيت داكشي لي دوزاتو عشق ماشي سااااهل
خلود: كنبانلك انمشي نقولهالهم؟؟؟ انا راه مسحت الدليل على قبلك خفت ياخدوك
ارتورو: (قرب منها) نساي هادشي
خلود: وليت معاكم فالجريمة
ارتورو: غادي نساوها اخلود حيت ماعندناش الوقت (شد خدودها بين يديه) كنبغيك
خلود: حتى انا
ارتورو: انلقا لحل و انسيك فهادشي كاملو ولكن واعديني اخلود ماغاديش تفضحي هاد السر
خلود: كنواعدك
ارتورو: ماتخرجيش من دار حتى نرجع عندك
باسها ف جبهتها و خرج متوجه للقصر ، و هاد لمرة كغير لمرات لي فاتو ماتجمعوش على طبلة لفطور كيما موالفين، ككانت جالسة بوحدها و كتشوف ليفاليز ديال عائلة جسور كيهبطوهم الخدم ، قرب منها جسور من بعد ماشافها جالسة بوحدها و نطق
جسور: غادي نمشيو
عشق: فين اتسكنو؟
جسور: انبقاو فروسيا خديت فيلا انبقاو فيها
عشق: مزيان
جسور: الى حتاجيتي اي حاجا عيطيلي
عشق: شكرا
جسور:(ابتسامة) ماتحتاجيش تشكريني
عشق: الى كان شي تطور فالقضية قولولي
جسور: طبعا
قصي: (شافهم و قرب ليهم) بنتي عشق حنا انمشيو
عشق: زورونا مرة مرة
قصي: ان شاء الله دقيت على باباك فبيتو مابغاش يحل ليا
عشق: ايكون باقي متأثر
قصي: مابغيتش نخليه ولكن …
عشق: عارفة لي كاين ماتحتاجش تقولي
شيماء:(كتشوف فيها) تهلاي فباباك نتي لي بقيتي عندو
عشق: واخا
...خرجو من لقصر و شيحاجا نغزاتها فقلبها امكن ككان الوداع الاخير و كل واحد خرج بطريقتو نزار و مانفال و سارة خرجو بعد مادابزو مع نيار و اماني خرجات حيت تزوجات و جسور خرج حيت طلباتها منو عشق و حيت هادشي فمصلاحتو هو و عائلتو لكن لي قاسحة انهم يخرجو كلهم ف وقت واحد و لقصر يرجع خاوي و مافيهش الروح ، ناضت من الكرسي باغا طلع لفوق حتى سمعات صوت ارتورو و ضارت عندو
ارتورو: لا مسحات الدليل و لكن كيفاش عضيتيه ديك ليلة اعشق شنو وقع ماعاودتيليش
عشق: عضيتو حيت كان كيتهجم عليا
ارتورو: ماعليناش الدليل تمسح لكن شنو المعمول دابا
عشق: شنو بانلك ؟
ارتورو: طلبي مني اي حاجا من غير نقتلها
عشق: كتبغيها؟
ارتورو: اه
عشق: من بعد ماوهمنا الشرطة انك ماسمعتيش هضرتي و مشيتي عتارفتي ماخاصكش تبقا معايا
ارتورو: كيفاش
عشق: حياتك هاديك ا ارتورو سير عيشها
ارتورو: تسوطيتي فعقلك؟؟ من ديما و انا معاك
عشق: جا لوقت فين تفكر فراسك قلتي كتبغي خلود تزوج بيها و سيرو منهنا
ارتورو: و نتي؟
عشق: ماعرفتش و لكن ماخصكش تبقا معايا باش مانجيبوش صداع لراسنا
ارتورو:(شد يدها باسها ليها ) الى حتاجيتي اي حاجا ا ديابلا ماتردديش تصوني عليا و طلبي
عشق: (ابتاسمات) واخا
خلاتو يمشي حتى هو و راسمة ابتسامة خلاتو يمشي يشوف حياتو و مايبقاش مربوط بيها ديما واخا منمنين كان فعمرها 14 عام و هو واقف جنبها مامخليهاش تهرس ولا تعول على غيرو ، ولكن يستاهل يعيش الحب مع لمرا لي كيبغي و نهار تحتاجو اكيد عمرو ايتخلا عليها، مشا ارتورو داك نهار و خرج من هاد القصة حامل فقلبو سر كبير و جريمة داروها بجوج ، طلعات فدروج باغا تشوف باها و طمن عليه وصلات لبيتو و بقات كدق
عشق: بابا عارفة قلبك مقسح ولكن ماتسدش على راسك حتى حاجا ماتستاهل (حلات عليه) بابا
..كتقرب منو و هو متكي على ظهرو ملامحها كيتبدلو و فتالي تحنات عندو كتزعزع فيه
عشق: بابا بااابااا فيييق باااباا
...كتحركو و هو مكيتزعزعش عيطات لومبلونص لي شدات وقت باش تجي و هزاتو بسرعة لكلينيك و هي تابعاه مرفوعة ، دخلوه بسرعة و الصحافة كانت كتسناهم و هي تبهطات كيسولوها أسئلة على ختها و مها و هاد الجريمة ، اسم عائلتهم تمرمد فالارض و كولشي بسبابها ، وقفو رجالها كيفتحو ليها طريق و دخلات تابعة باها لي دخلوه للمستعجلات و هي غادة جاية فلكولوار حتى خرج طبيب و نقزات لعندو
عشق: شنووو وقعلو؟
طبيب: جاتو أزمة قلبية خفيفة ماتخافيش
عشق: كان كأنه ميت كيفاش ازمة قلبية؟؟
طبيب: بابا مريض بالقلب من وقت طويل حالتو مزيانة خصو يبقا تحت المراقبة
عشق: (حركاتلو راسها ب أه ) بغيت نشوووفووو
طبيب: خمسة دقايق ماتعطليهاش
عشق:(مشات مع الممرضة لبسات لباس لي دخل بيه و توجهات عند باها كتشوفو دايرين ليه الاكسجين و سيروم و صمامات القلب ، قربات ليه و جلسات) بابا
نيار: (كيرمش عينيه شوية بشوية و كيتمتم) تي تي تيريزا
عشق:(كترجف و شدات فيدو) هادي انا عشق
نيار: (طلع يدو باغي ييحيد الاكسجين ) عشق
عشق: لا ماتحيدوش طبيب قال خصك ترتاح
نيار:(كيشوف فيها ) مامشيتيش؟
عشق: ماعندي فين نمشي مانقدرش نخليك (هزات كتافها و عينيها كيغرغرو بدموع ) واخا عمرك كنتي معايا ولكن ماغانخليكش
نيار: (كيهضر كلمة و يسكت) رجعي ل ولدك
عشق: (بابتسامة و حماس) انجيب فراس و نجيو لعندك انعيشو بثلاثة
نيار: (دازت دمعة من عينو) بلاصتك مع نيروز
عشق:(كتبلع ريقها) لا ماتقولش هاكا
نيار: شفت ...شفت كيفاش كنتي كتهضري عليه و اللمعة فعينيك كتبغييه ماتقدريش تبعدي منو …
عشق:(قلبها كيخبط فتسعين) شش ماتقولش هاكا رتاح
...ناضت وقفات كتشوف فيه كيغمض عينيه و خرجات من عندو مسندة على لحيط حتى طاحت فالاخير ، هضرتو فيقاتها نسات بلي العواقب اتعيشها من بعد و لي زرعاتو اتحصدو، طاحو دموع من عينيها بغزارة و كترجف
...كلمات كترددهم و تأنيب الضمير خدم فيها فاقت فوقت متأخر من بعد ما دمرات كولشي و كتسنى نوبتها على يدو ، تحطات يد على كتفها و ضارت كتشوف فيه بعينيها لمدمعين
عشق: مامشيتيش حتى نتا ؟؟
بسباس: و فين بغيتي نمشي اختي كنشوفكم مفككين ماعرفت فين نمشي (هبط عندها عنقها) ماتبكيش اكون خير
عشق: بغيت نهرب افريد دنيا ضاااقت بيا
بسباس: ماتقوليش هاكا ربي كبير
عشق:(كتمسح دموعها ) انرجع لقصر نجيب حوايج لبابا
بسباس: سيري انا انبقا هنا معاه
خرجات من تماك مرفوعة قلبها كيمشي و يجي دموع شلال و لخطوة بزز باش كترميها ، لقات مرة اخرى الصحافة لي ككتصور فيها ، خلات رجالها يفتحولها طريق و ركبات فطوموبيلها نطالقات للقصر مسافة ديال طريق وصلات ليه و دخلات ، توجهات نيشان لبيت نيار كتاخد ليه لحوايج لي ضروريين و هبطات مع كضور كتشوف خوها داخل مع لباب عينيه حومر و كيقرب ليها
نزار: عرفتي اختي كنت كنشوفك القدوة ديالي فينما نطيح فمشكل لقاك نتي معايا لدرجة كنت مقرب ليك كثر من شفق
عشق: علاش كتقول هاد لهضرة
نزار: خليني نكمل كنتي عزيزة عليا كثر منها ، شفق لي بسبابي ماتزوجاتش بجسور و درت لعبة باش اتزوج بيك نتي
عشق: نتا عارف بلي كان كيبغيني
نزار: و نتي لا درتي هكك غير باش تخليها تحس كيفاش دايرة الخسارة
عشق: مامنحقكش تحكم عليا شنو كتعرف نتا اصلا امم كنتي صغير و ماعارفش وليدينا كيفاش كانو كيعاملوووونا
نزار: وليدينا عليها فرقتيهم؟؟ ماتنكريييش بلي الوليدة عاوناتك اعشق و غدرتيييها باغيا تردي الصرف على شيحاجا مجهوولة؟؟
عشق: تقتي بيها و كدبتيني انا؟؟
نزار:(كيقرب ليها) ماتكدبيييش اعشق حيت مكتعرفيييش خصوصا فاش كتكوني ضعيفة مكتقدريش تكدبي كتبان من عينيك
عشق: (خانوها دموعها ) انا ماضعيفاش
نزار: علاش بغيت جواب علاش درتي لمنا هادشي؟
عشق: ماعنديش جواب
نزار: بكثرة معاونتك و حيت ختي و عزيزة عليا كنت كندير عين ميكا على شحاااال من حاجا ولكن الوليدة اعشق الولييييدة و ماحنيتيش فيهاااا؟؟؟
عشق:(بلعات ريقها) نزااار
نزار: مكيشرفنيش تكون عندي اخت بحااااالك كوووولشي مشا و خلاك بوحدك و عمرك اتلقااااي شيواحد فجنبك (فتح يديه) لقصر خويتيه تبرعيييي فييييه
تبعاتلو لعين و هو خارج من لقصر سمعها هضرة عمرها توقعاتها منو كان هو الوحيد لي كيهمها و ماحساتش بلي لعافية لي شعلات اتقيسو ، ضارت كتشوف ف لقصر لي كولشي مشا منو و بقات هي بوحدها ضامة كتافها لعندها و بحال الى كتخيل اصوات و مشاهد خلاو دموعها يتجمعو ليها فعينيها مرة اخرى ، احساس الوحدة قاتل و الذكريات لي عاشتهم مع عائلتها كيتساراو قدامها ، واش هادي هي النهاية؟ واش صافي منين وصلات لهدفها حققات السلام الداخلي ولا فتحات باب لعذاب عليها ، طاحت على ركابيها كتشوف الأرض مضببة بدموع و رنين هاتفها داير ليها صداع فوذنيها ، هزاتو كتشوف فالاسم لي زادت فوثيرة البكاء منين شافتو و ماتنكرش الخوف تسلل من رجليها و هي تجاوب بلا مادير الحس
نيروز:(كان على القرص و اعصابو نفاجرات) شنو درتي؟
عشق:(طلقاتها بالبكا و كتنخصص) بلا خاطري
نيروز:(بلغوات) اللينعل*املبوك ابنت لق*بة
سدات المكالمة و رمات تيليفون من يديها يمكن ليها تخيل دابا شنو ايوقع ليها ، عارفاه غادي يجي يبقا ينبش حتى يعرف شنو وقع و هاد الفكرة بضبط مخوفاها ، مسحات دموع من عينيها و ناضت هازة تيليفونها و لافاليز حتى خرجات من لقصر ركبات فطوموبيلتها متوجهة لعند باها ، وصلات و دخلات لقات قصي و شيماء مع جسور غير شافوها قربو منها
قصي: شنو وقع اعشق منين سمعنا هادشي من الصحافة جينا كنجريو
عشق: بحالي بحالكم مشيت لبيتو نفيقو مابغاش منبعد جبتو لهنا و قالي طبيب بلي مريض بالقلب و جاتو ازمة قلبيه
شيماء: (بأسف) هادشي كاملو حيت المشاكل تجمعو خطرة وحدة بنتو لي ماعارفش فينها و مراتو للي تخاصم معاها
قصي: شنو قالك طبيب
عشق: ايولي مزيان و(كتبلع ريقها) جبت ليه حوايجو
قصي:(ضمها) ماتخافيش على باباك هو قوي
عشق:(كانت محتاجة لداك الحضن و زادت تخشات فيه طالقة العنان لدموعها حتى تفشات و شافت فيه) قولها لنزار و ماما خصهم يجيو
شيماء: قلناها ليهم دابا يجيو
خرج طبيب لعندهم و عيط بسمية عشق قبل مايخبرها ان باها بغاها و دخلات عندو لقاتو جالس و كيبتاسم ليها
عشق: علاش نضتي؟؟
نيار: أنا بيخير
عشق: جبت ليك حوايجك
نيار: انخرج
عشق: راك عيااان منين تبرا انمشيو للقصر
نيار: انبرا الى خرجت من داك لقصر و هاد لبلاد
عشق:(جلسات جنبو) فين بغيتي تمشي
نيار: بلاصة نهرب من هادا (كيقيس قلبو) لي دارتو ماماك قسحني و زادت عليها شفق و الهضرة ديال ناس و الشوهة اتبقا ديما تابعانا سميتنا توسخات
عشق: اتمشي هاكا بكل سهولة
نيار: ماشي ساهل نهرسو كولشي و نمشيو ولكن خصني وقت
عشق: و انا؟ (هزات كتافها) كل واحد مشا بغا يبدا حياتو و انا فين انمشي ؟
نيار: عندك عائلة كتسناك ولدك لي محتاجك و نيروز
عشق: قلتيلي نيروز مايستاهلنيش
نيار: اذن كنت غالط هو الوحيد لي حماك و كون شفتيه كيفاش خاف عليك و بقا معاك فلكلينيك
عشق: (هبطات راسها) ولكن انا غير شيطانة (كتمسح دموعها بسرعة)
نيار: (حط يدو على راسها) نتي عشق بنتي صغيرة و البريئة تستاهلي فرصة اخرى
عشق: انحاول (ناضت ) نخليك دابا
...خرجات من عندو كتشوف ف عائلتها مجموعين قدام لباب ماحسات غير بتصرفيقة فحنكها
...خرجات كتباطء فمشيتها هازة حمل كبيرة كتحس بيه اينفاجر عليها و يعطيها المآسي ، خرجات بسرعة من المستشفى كتشوف ففشتا لي فزكات بيها كتبرد الحرقة لي فقلبها و مغمضة عينيها تطردات من كولشي من رحمة الله و ررحمة عائلتها و رحمة الحياة و كتحس بالوحدة ديك الوحدة القاتلة لي كدخلنا فالاكتئاب، شد فيديها باغي يجرها من تحت الشتا و هي مرفوعة كتفلت من يديه
عشق: بعد تفكير كنقول محسن يستاهل لموت على داكشي لي كان كيدير لدراري صغار
جسور: ديك القصة لي كنتي عاودتيلي على اغتصابك كانت بصح و محسن هو مولاها؟
عشق: باقي عاقل على ديك القصة لي ختارعتها من راسي باش مانخليكش تتزوج ؟
جسور: مزيان أنها ماشي بصح حيت كنت انسولك واش نتي لي قتلتيه
عشق: وحدة كانت كتولد فنفس الليلة كيفاش اتقتل ؟
جسور: اه عندك الحق مع تفكير بزاف وليت كنخربق
عشق: هه ماتفكرش بزاف اووف لبرد ماكرهتش دابا قهوة
جسور: انجيبهالك
...ناض من حداها و هي سهات مرة اخرى و كتشوف ف تيليفونها ، كان نيروز فالمغرب هابل بالاتصال بيها و مكتجاوبوش و لي قرب ليه كيسبو و يعاير لدرجة العائلة كاملها عرفات شنو وقع فروسيا من خلال مواقع التواصل، كان عاطي أمر توجد الطائرة ديالو و يمشي بنفسو لروسيا يعرف منها شنو واقع بضبط لأن هو شاك عندها يد فالموضوع ، علموه بلي كولشي وجد و خرج ممن الغرفة لابس ملابس رسمية و داز بحال الصاعقة ممن الباب كيشوف فالطائرة و رجالو لي تابعينو ماوقفو غير رنة الهاتف ديالو و جاوب بسرعة منين قرا الاسم
عشق: صيفطلي طيارة تجيبني مابغيتش نبقا هنا
نيروز:(بلكنة لاذعة) مزيان وفري على راسك العذاب لي انجيبك بيه من تما
عشق: فوقاش؟
نيروز: ليلة تكوني فالمغرب (قطع عليها و رجع بلور) سيرو لروسيا جيبوها
...تراجع على انه يجيبها و لي هدنو ان هي لي بغات تجي ، كيشوف الطائرة كتقلع و رجع دخل تحت نظرات عائلتو
علي: مامشيتيش؟
نيروز: غادي تجي بوحدها
زمرد: الله على بنتي عشق ماتستاهلش شنو كيوقع فيها
نيروز: حتى واحد مايستاهل من غير لي فتح بيبان جهنم عليه (تخطاها و زاد)
سلوى:(هازة فراس فيديها و قربات من نجلاء) شكون هي عشق ؟
نجلاء: مرات خويا و ام فراس
سلوى: مزوج؟
نجلاء: و شنو كيحسابلك
سلوى:(بعدات منها و كتهضر بينها و بين راسها) كيحسابلي أرمل (كتشوف ف فراس)
امرأة تدخن الرجال الجزء 27
محتوى القصة
التنقل بين الأجزاء