دخلات لعندو و عينيها عامرين بدموع رغم الاهانة و الأسى لي سببهم ليها ماقدراتش تمنع رراسها من انها تجي و تشوفو كيبقا حب قلبها الوحيد ، طلعات فيه عينيها لقاتو لابس حوايجو باغي يخرج و تعجبات و قلبها نطق
سارة: علاش ماقلتيليش بلي مريض بالقلب
نيار:(ضار لعندها) مرض القلب ماكانش ايقتلني اتيريزا ولكن نتي درتيها
سارة:(شدات فيديها) واخا دليتيني و هنتيني جيت لعندك و كنشوف فيك دابا ماشي حيت ماعنديش لوجه علاش يحشم و لكن قلبي ماهنانيش
نيار:(شدها من شعرها) قلبك كدااااب بحالك
سارة: كنقسم ليك عمرو بغا من غيرك و ايجي نهار لي تعرف فيه كولشي و اتندم
نيار: (طلقها شاد فقلبو) نتي ظلمتيني ماشي انااا
سارة: و شنو الى نتا لي ظلمتيني ؟؟
نيار: ديك ساعة ماغانترددش نقتل راسي
سارة:(ابتسامة باهتا) على هاد لحساب كنتمنى عمرها تبان براءتي
...خرج هارب من عينيها لي كيضعف قدامهم جرحاتو و الى هي بكات هو راه مرض لداخل ، من بعد ماطمنات العائلة عليه خرج بشوية عليه غادي للقصر لي كانت فيه عشق كتجمع حوايجها هي و بسباس
بسباس: الله اجمع شملهم مساكن كيبقاو فيا
عشق: مانفكروش فيهم حيت حنا انمشيو للمغرب
بسباس: كيبقاو عائلتك اعشق
عشق: (بلعات ريقها) كل واحد كيختار الحياة لي تناسبو
بسباس: انا فرحااان من واحد ناحية انكون معاااك تي قوليلي واش عائلة راجلك مزيانين شفتي نجلاء دخلاتلي لخاطري فرفوشة
عشق: مزيانين كيعاملوني أحسن معاملة
بسباس: الحمد لله
عشق: (سمعات لكلاكصون و هبطات من بيتها شافتهم مدخلين باها) علاااش خرجتي راسك قاسح
نيار: تخنقت تماك
عشق:(ابتاسمات) عندنا قاسم مشترك مكنحملوش لكلينيك
نيار: بزاف
عشق : واخا هكك انجيبلك ممرضة تقابلك
نيار: ماشي هنا كتبانلي نرجع لتركيا
عشق: دابا؟
نيار: اه و نتي؟
عشق: كنتسنى طيارتي لي غادي تديني لمغرب
نيار: اترجعي اذن ؟
عشق: اه
نيار: منين تخرجي سدي قصرك حيت حتى واحد ماغادي يرجع ليه
عشق: طبعا كنتمنى
نيار:(ناض) اناخد حوايجي و وراقي و نمشي (عنقها) تهلاي فراسك
عشق: تهلا فراسك حتى نتا (بعدات منو شوية) و كنظن خصك تهضر مع ماما
نيار: عشق ماشي حتى نتي
عشق: سمع ليها
نيار: محتاج نبعد
عشق: اترتاح؟
نيار: لا ولكن انظم افكاري
عشق: اوك
...متبعة ليه لعين ايمشي و ضارت عند الخدم عطاتهم امر يغطيو الاثاث لي فالقصر وويمشيو لعند كبيرة الخدم تعطيهم خلصتهم باش يمشيو فمرة هوما و ليكارد ، طلعات مرة أخرى لبيتها دارت اخر اطلالة كولشي مجموع و حتى بسباس واجد و جمع كولشي و طائرتهم وصلات كتسناهم فالفناء الخلفي للقصر ، طلات من لبالكو شافت باها مشا فطوموبيل لي ايوصلو بيها شيفور و عاد خرجات النظرات لي كدير فلقصر كانو ديال الوداع كلما كترمي عينيها على قنت كتشوف ذكريات ليها مع خوتها فاش ككانت صغيرة كتلعب معاهم و ماماها و باباها لي ديما كانت كتمنى تلقا فارس أحلامها و تعيش معاه قصة حب بحالهم ، هبطات فدروج و كلما كتقرب كتفكر الليلة لي ظلمات فيها ختها و مها و لعذاب لي قاساو من عندها، تنهدات فاش شافت كولشي مجموع و كولشي تغطا و خرجات سادة الباب راسها لعله يكون باب جحيم ذكرياتها لي وصلها لهاد الحالة متناسية ان جهنم الحقيقية قبالت عينيها فورما تركب فالطائرة و تمشي عندو برجليها
بسباس: و تي زيدي
عشق: (دارت نظاظرها) يالاه
الطائرة قلعات اتجاه المغرب و التفكير ديالها مابغاش اتسالا كتحس براسها كتغرق فالما و بدرع باش كتنفس تعيا تصطانع القوة هادشي لي دارتو هي اول وحدة ايهرسها ، بنت مكتخاف من حتى حاجا و لي فراسها كديرو و فطريق الانتقام خسرات بزاف و الى ماوقفاتش اتزيد تخسر ، غمضات عينيها باغيا تنسى و تنعس ترتاح شوية او على الاقل توهم راسها انها نعسات ...و فجهة أخرى هو كيتسنى على اعصابو كيكالمي راسو باش مايتهورش و يهضر بطريقة عقلانية قلبو توحشها و باغي يشوف وجهها و يسمع صوتها لكن عقلو كيقولو دارت مصيبة كبيرة حيت لايعقل هاد المشاكل طاحت هكك بلا مايكون لي يشعلها، ساعات حتى تحطات الطائرة قدام لقصر و هو واقف فدروج كيتسنى دخولها و عائلتو واقفين فالباب ، هبطات بكل انوثة لابسة كسيوة كحلة لاسقة عليها كتبين المفاتن و شعرها الذهبي كيحركو ريح المروحة مع ماكياج صارخ و نزلات معاها بسباس مبتاسم غير شاشافتها كل من زمرد و نجلاء عنقوها
زمرد: كيبقيتي ابنتي
نجلاء: داكشي لي وقع بصح
زمرد:(كتخنزر فيها ) نجلاء ششت
عشق: بصح و ماعندنا مانديرو
علي:(عنقها) يكون خير ابنتي مزيان منين جيتي
عشق: شكرا (ضارت ) جبت معايا ضيف
نجلاء: بسبوسة (عنقاتو) ماكاين غير المكياج
زمرد: مرحبا بضيف
علي: مرحبا دخلو
...دخلو لكن هوما وقفو منين شافو نيروز عكسها هي كتزيد لعندو تعابيرو باردة و عينيه كتسارا فيها و فمنظرها ..طلعات فدروج حتى تقابلات معاه مبتاسمة
عشق: جيت
نيروز: (كيطلعها و يهبطها) جاياني بلباس ل*حاب
عشق: قول الحمد لله اتهنا مني
نيروز: شنو وقع فروسيا؟
عشق: عندك لخبار بلا مانهضر
نيروز: ماسمعتش من لبراني باش نسمع منك نتي
عشق: شنو باغي تسمع ؟
نيروز: شنو درتي
عشق: لي درتو ماشي شغلك فيه (بغات تخطاه شدها من يدها)
نيروز: عشق محلف عليك ماتخلينيش نحط عليك يدي
عشق:(نترات يدها) ماجيتش لعندك باش تحط عليا يديك
نيروز: و ماعيطتليكش باش تبداي دخلي و تخرجي فلهضرة
عشق: لولادة وولدتها اسي نيروز فارس و طلاقي جيت ناخدو هو وولدي
تخطاتو و خلاتو غير كيشوف و يتأكد مزيان من شنو كيسمع و لحقها أما هي مشات بسرعة لبيتهم لقات سلوى مع فراس هازاه هاد الاخيرة لي ححلات فمها ف عشق فين تتبان هي
نيروز: اتعاوديلي كولشي بالخاطر ااه و لا تختاري بزز ماعنديش مشكل
عشق: مامنحقك تسولني على حتى حاجا حيت ماشي شغلك
نيروز: شكون شغلو؟ داك ولد ل*حبة لي كنتي معنقاه داك نهار فجردة ؟؟
عشق: ماكاينش شي ولد ل*حبة قدك
نيروز:(جبدها معاها بتصرفيقة شادها من شعرها و كيهمس فوذنيها) شنو درتي لطاسيلتك
عشق:(دم خرج ليها من نيفها و مع مرجعة راسها لور الدم وصل حتى لعنقها كأنه فيق ذكريات خازناهم) ذنبي فرقهم
نيروز:(طلقها و دفعها ) اش كتخراااااي
عشق: بعددد منيييي ماتقربش ليااااا مامنحقكش تسولني نهار بغيتك و حتاجيتك مشيتي لأفغانيستان و سمحتي فيااااا كنت غير ق*بة من ق*ابك لي كدوز معاهم ليلة و تمشييييي
نيروز:(كيشوف فيها مطولا) عارفة راسك شنو كتخرجييييي من فمك ؟؟؟
عشق: ماشي قد المسؤولية و عمرك اتكونها و باش كملتيها مشيتي خطفتي فتيحة شنو بغيييتي تبينلي بلي راك حاضيييني
نيروز: (شدها من فمها) سكتيييي سكتييي اتخرجيييلي عقلي
عشق:(فلتات منو) ماغااانسكتش لي حسيتو داك نهار فاش عرفتك متي عمرني فحياااااتي حسييتو لدرجة مشيت لدارنا باغيا نرجع للمغرب و شدني لوجع و كنت انموووت
نيروز: (بلا شعور صرفقها مرة اخرى و كيغوت) مشييييت على قبلك باش نسدلهم زكوكهم عليييييه و دارو ليا فخ باش اقتلوني غير حيت مزوج بيك و انا جالس كنقاااااد فضوسااااك تمااااك علاش مشيت انا اصلاااا واش مشتاق نمشي و نخليك و نتي مكتحيديش من عقلي غير ككنفكر فيك و كتقوليلي ق*بة من ل*حاب كون كنتيها عمرني حتى نعقل على كماااارتك
عشق: مانضحكوش على رااااسنا لا نتا مهتم بيا اهيولا وا لا انا قاتلة راسي عليك
نيروز: او واخا هكك عرفت بقضية فتيحة و عتقتها من رجال محسن لي كانو بغاو اقتلوها و خبعتهااااا و مابغيتش نجبد موضوعك معاااااها و لكن نتي كتسرعي بلا ماااااتعرفي حتى *لوة
عشق: و علاااش كتسولني دابا علااااش فعوض ماتقولي واش انا بيخير ولالا كتجبد موضوع اخر
نيروز: كون ماكنتيش بيخير ماتشعليش العافية من موراااك
عشق: شعلتها خليني نتحرق فيييها (كضرب فالحيط ) خليني اانا كناكل لعصا من لداخل على شنو درت خلينييييي نموت بالذنب
نيروز: (شدها من يديها) هضري حيت راااه انعرف و ديك ساعة ماتسناااايش مني نرحمك
عشق: ماغااانقولك واااالو حيت كنكرهك و مكتهمنيش و بغييييت طلاااااقي
نيروز: كنقسم برب الكعبة طلاقك والله لاشديتيه هنا تبقااااي حتى تعاودي كووولشي
...دفعها خلاها كتغوت بوحدها حتى تهدات و حماتها على لبكا خلات موراها ماضي بغات تنساه و مابغاتوش اعرفو و هو مصر عليها تعاود ، ناضت كتهز فرجليها دخلات لدوش كدوش و تهدن فراسها و خرجات لبسات بيجامة قطنية حتى شافت لباب تحل كان هو ههاز فراس فيديه بسرعة توجهات عندو خداتو بين يديه و هو كيشوف فيها كيفاش بعداتو عليه و رجعات كتبوس فولدها و تعنقو فرحانة بيه
نيروز:(قرب منها و ححط يدو على حنكها) ديري ثلج
عشق:(خنزرات فيه) منيتك
نيروز:(خنزر فيها) تقودي تنعسي
عشق: هادشي كااااملو انخرجو منك غا صبر على دقتي
(ماداهاش فيها مشا بدل حوايجو و رجع لقاها ناعسة فوق النموسية و حاطة ولدها فالوسط كتشوف فيه ناعس و نعس حداها ) شنو كدير؟
نيروز: كنفور كسكسو (كيشوف فيها بسخافة) اشكندير باغي نعس
عشق: ماتنعسش حدايا انا او ولدي
نيروز: ماجيتش نعس حداك نتي لي جيتي حدايا
عشق: (ابتاسمات بخبث) واخا اجسور دير لي عجبك (شدات ففمها) اوبس نسيت
نيروز:(غمض عينيه بعصبية و رجع حلهم فيها كيشوف فيها مطولا و ناض خرج الى زاد معاها شوية ايخلطها تماك أما هي ضحكات حيت وصلات لشنو بغات)
طفات ضو و مغمضة عينيها شوية بشوية تسلل نعاس ..صبح صباح جديد بعد ليلة كان كيفيق فيها فراس و كتنوض معاه عشق ترضعو او تبدلو ليكوش و ...استغرقت فنعاس داك صباح هي وولدها و مافاقت تاني حتى فيقها بغواتو و ناضت ليه كتلعب معاه و ترضعو حسات باحساس فشكل عاجبها لحال تكون ام و تقابلو ، دخل عندها بسباس و نجلاء كيضحكو
بسباس: وينو على الفرفوس كوتي كوتي
نجلاء: تيحمقوني لولاد صغار
عشق: قابلوه ليا انبدل حوايجي و نقاد راسي و هاني معاكم
دخلات بسرعة لدريسينغ لبسات سروال جينز و ديباردور كحل سرحات شعرها و ضربات تكحيلة فاعلة تاركة لعينيها و خرجات هازة ولدها و خرجو من لبيت متوجهين لتحت جلسو فطبلة و لخدمات جابو لعشق الماكلة ، و فالقبو ديال لقصر كان نيروز كيقطر بالعرق و عينيه حومر و عضلاتو نتافخو من صباح كيضرب فيه و يسولو و هو ماباغيش ينطق
نيروز: شنو درتوووو نتا وياااها امبوسيبل تكون خلاتك تمشي هكك
ارتورو:(نازل بدم كاملو و فعز الالم كيضحك) منين هي مابغاتش تقوليك عمرني انخوونهاااا (كيبزق الدم)
نيروز: حصلتك ففرانسا نتا و صحيبتك ماجاكش لفضول تعرف فينها
ارتورو: اتقاس شعرة منها مانرحمكش
نيروز:(عطاااه ركلة) دويييي
ارتورو: كون كانت لعصا تنفع كون منين جبتيني لبارح فليل انعاودلك
نيروز: ماشي نتا هيييي لي اتعاود (شدو من القرفادة كيجرجرو حتى وصلو للجردة طايح و كيغوت) دياااابلااااا جبتلك ضيف عزييييز عليييك
عشق: (سمعات غوات نيروز و ناضت عاطية ولدها لنجلاء و خرجات للجردة مع زمرد و كلما كتقرب صدرها كيطلع و ينزل) ارتورو
نيروز: ايموووت
عشق: ارتووورووو (غوتات و مشات لعندو كتحاول تنوضو و الحالة ديالو كتشفي لعدو ) نتا بيخير (كتشوف ف نيروز بحقد) علااااش هااادشي
نيروز:(هزها من شعرها) انبقاااا موراااااك حتى تهضريييي
عشق: وحشش كنكرهككك طلاااق مني مابغيتش نعااااودلك
نيروز:(طلق منها و جبد الفردي تيرا فرجل ارتورو و كيشوف فيها ببرود ) انقتلو
عشق:(حطات يديها على فمها) بعااااد منووو
زمرد:(شدااااتها كتجر فيها و مصدومة فولدها) نيروز الله يهديك شنو كدييير
نيروز: الحل بين يديك اعشق و ماغانتهنا حتى نعرف
زمرد: عاااوديلوو اعشق راه ايقتلووو
كضرب ف فخاضها و تغوت و هي كتشوفو هاز لفردي و أيقتل أعز صديق عندها ، باغيا تعتقو و زمرد شاداها باش ماتقربش و يصدق خالطهم بجوج لكن فالاخير فلتات منها و شدات فيد نيروز
عشق: انعاااااودلك كولشي ماتقتلوش انعااااااودلك لي بغيتي
نيروز: (طيرها من حداه بتصرفيقة) كون كنتي كتخافي السلكوطة ماديييريهاااش قد راسك
عشق:(رجعات قربات منو و شداتلو فاليد لي فيها لفردي) مادااااار وااالوووو كوووولشي مني انااااا
نيروز: (كيحاول يدفعها) طلقيييي
...كتحاول تحيدلو لفردي و هو مزير عليه كيتجارو بيناتهم حتى خرجات الطلقة من الفردي و حبسو بجوجهم على الحركة كيشوفو فعينين بعضياتهم
عشق:(دموع دايزين فعينيها) نيروز
...رما الفردي من يديه و شاد فيها كيتفحصها بعينيه و هي كذلك كتشوف فيه ياكما تآذا لكن الطلقة ضربات غير فالارض
نيروز: كطيييري باغااا تجيبيها فراسك
عشق:(هبطات راسها لعند ارتورو و مشات لعندو) ماعندو حتى شي ذنب انااا خليتو يعيش حياتو ماعندكش لحق دييير هادشي
نيروز: (هزها من يديها) تحركييي قدامي
...كتغوت و تنتر منو و هوكثر منها شاد الضد ، عطا اشارة لرجالو يهزو ارتورو لشي بيت و يجيبولو طبيب و هو طلع بيها لفوق حل لباب و رماها
عشق: علااااش مصر تعرف شيحاجا انا خليتها مورااايا علاااش باغي تخليني نتفكر لي ضرني
نيروز: (كيمشي و يجي بلاصتو ) اذن هادشي لي درتي خايب بزااف
عشق: (جلسات فوق النموسية كتشوف فيه بجمود) خايب لدرجة كنلوم راسي و ندمت اه ندمت كيحسابلي الى نتاقمت غادي نبرد و لكن النار شعلات
نيروز: (حبس كيشوف فيها حاس بخطورة الامر كلما كيشوف ف عينيها) قوليلي شنو درتي باش الى قدرت نصلح اغلاطك نصلحهم قبل مايفوت لفوت
عشق: انا (طاحت دمعة من عينيها) كنت لوقيدة لي كتشعل نار (كتحرك راسها بالنفي) مابغيتكش تكرهني
نيروز:(جلس حداها ) ماغانكرهكش
عشق:(ناضت ) مانقدرش
نيروز:(غمض عينيه بعصبية و شدها من يديها) كنحلفك بحياة ولدك شنو درتييييي
عشق:(تقطع لسانها من بعد ماحلفها بحياتو بدات كترجف و نطقات بعد عناء طويل مع الذات) انا فرقتهم انا فرقت ماما و بابا
نيروز:(طلق منها راجع بلور) هي ماخانتش باك ؟
عشق: كانت كتعاوني باش نفضحوووه و انا نكرت كولشي
نيروز:(كيمسح وجهو) شكون نتي اشمن نوع ديال البشر نتي ؟؟؟
عشق: قلتيلي ماغاديش تكرهني
نيروز: مستحيل تكوني أم قلبك مافيهش الحنان اديابلا
عشق: و هوووما فيييهم الحنااان؟ هوما لي سمحو فيا و خلاوني كنعيش الجحيم بوووحدي وااش فيهم الحنااان سولتيني على شكون هادا لي خدا مني شرافي…
نيروز: (قاطعها) محسن
عشق: اذن تخيلي بشاعة المنظر و هو كيغتاصب بنت صغيييرة
نيروز:(ضرب كرسي مع لمراية شتتها و كيغوت) ديك ليلة كون لقيتو كان ايذووق لعذاب و نتي عاااارفة هاااادشي و لكن وليديك شنو دااارو
عشق: كنت بغيتهم يحسووو بيااا يعيشو شوية ديال لعذاب ماكنتش باغا نوصل لهاد لماصل بغيتي تسمعها انقولهالك (كتغوت) ندمت حتى دخلت لرااااااسي الانتقاااااام ندمت حيت ماقلتش شنو دارلي محسن هاني كنخلص كولشي مشا و خلاني كووولشي كيكرهني و لي كيضر كثر (طاحت على ركابيها كتبكي و بصوت مبحوح) مكنقدرش نسا هضرتها ليا من ديك ليلة كنحلم بيها
نيروز:(كيشوف فيها كيفاش طايحة و تحنى عندها) عتقي راسك من الذنب و عتارفي
عشق: نعتااارف؟ كيبانلك بهاد السهولة(ناضت) غيزيدو يكرهوني و ماغاديش افهموني و اتفضح القصة ديال محسن
نيروز: كيبقاااااو وليديييك
عشق: ماااشي شغلك ماغادي تنطق بحتى كلمة هاد الموضوع كيخصني و مامنحقكش تدخل فيه
عشق؛ مابقا عندك مادير بيا جيت لهنا باش طلقني و ناخد ولدي و نمشيييي بحااالي
نيروز: (قرب منها) فينها هضرتك ليا لي وهمتيني بيها بلي باغيا بداية جديدة
عشق: بدايتي مابغيتهاش تكون معااااك حيت نتا وحش و الوحش عمرو يبغي ولا يحن
بلا هواه شدها من عنقها زدحها مع الحيط خرجات منو الجانب لي كيحاول عمرو يبينو ليها و مركز شوفة فعينيها كيقلب على ملامح التراجع و الندم لكن ماكانت كتحمل حتى ذرة منهم ….
كيشوف فيها بعينين حومر و معصب كينهج و مقنتها مع الحيط دمو كيغلي و راسو ايتفركع و بصوت خشن و لكنة لاذعة كيدوي معاها
هز يدو صلاها معاها للحنك و زادلها ثانية و رماها فوق النموسية…
خرج من لبيت قبل مايرتاكب فيها جريمة و هي بقات تسب و تعايرو و ضرب اي حاجا لقاتها قالت مع بالها الى عايراتو ايرمي عليها طلاق و تهنى منو لكن هو ختار يخرج و مايبقاش فدار ، استقل طوموبيلتو و مشا للمجهول ، خرجات من بيتها بعد ماتهدنات و هبطات لتحت لقات نجلاء و بسباس شادين فراس و هزات ولدها كتبوس فيه
نجلاء: واش تخاصمتي نتي و خويا
عشق: خوووك مريض مابغاااش اعطيني تيساع
زمرد:(جات لعندهم) جبنا طبيب لارتورو راه داواه
عشق: فينو
زمرد: لبيت ديالي
...عطات ولدها مرة اخرى ل نجلاء مشات لبيت لقات ارتورو مغمض عينيه و لفاصمة فراسو و رجلو وجهو مضروب
عشق: ارتورو
ارتورو:(حل عينيه و ابتاسم ليها) ماتخافيش انا بيخير
عشق: وحش رجعك كاملك مضروب و الله لابقات فيييه ولد لقحبة
ارتورو: عاودتيليه ؟
عشق: اه عاودتلو لي بغيت ماتديهاش فيا المهم هي صحتك
ارتورو: كنت انرجع لاسبانيا عند عائلتي
عشق:(ابتاسمات) ايفتاخرو بهاد الغجري لي حدايا شحال قوي و كيصبر على لمحاين
ارتورو: الغجر ديما اقوياء
عشق: طبعا
ارتورو: بعد هادشي لي شفتو مانقدرش نخليك
عشق: قلتلك انا قادة بحياااتي مامحتاجاكش معايا سير و عيش حياتك
ارتورو: خلود جابوها معايا ولكن مابغاوش اقولولي فينها
عشق: اتكون مزيان اتخرجو صحة سلام من هاد دار (ناضت ) نخليك ترتاح دابا
...خرجات من عندو و رجعات لعندهم لقات ولدها فيد سلوى و حيداتولها كتخنزر فيها
عشق: ماتحطيييش يديك على ولدي
سلوى:(بصدمة) مادام انا هنا باش نردلو لبال
عشق: انا نردلوو لبال (كطلعها و تهبطها)
زمرد:(جات لعندهم) شنو واقع هنا
عشق: مابغيتهاش تقرب من ولدي انا كاينة باش نردلو لبال
زمرد: اصلا جبناها باش ترد ليه للبال مؤقتا علاما تجي
عشق: اذن مابقا عندها مادير هنا تاخد خلصتها و تخرج
سلوى: عفاااك امدام ماتجريش عليا ماعندي باش نعيش خليني معاكم و نعاونك ف البيبي ماغاتلقايش معايا المشكل
عشق: مع الأسف مكنتيقش فالمربيات
زمرد: جمعي المسائل ديالك و خلصتك اتاخديها بدوبل
مشاو و خلاوها واقفة على شوية تبكي مابغاتش تمشي ماشي ححيت ماغاديش تلقا خدمة اخرى و لكن حيت رتاحت فديك دار و بغات تبقا ...أما فروسيا كانت فبيتها كتلعب فتيليفونها حتى دخل لعندها لقاها متخشعة فتيليفون و رفع حاجبو
صخر: ماخدمتيش ليوم
هبة: لا
صخر: شبانلك نخرجو نتعشاو
هبة: ماراشقاليش اصخر
صخر: على خاطرك (قرب منها) عطيني تيليفونك
هبة: اشبغيتي تيليفوني
صخر:(خطفو من يديها و بقا كيشوفها فين كتشوف لقاها تاني كتشوف فتصاور رجال شارفين) شنو كيدييير هادشي عندك؟
هبة:(كتفتف ) انا ..
...رما ليها تيليفون فالارض و خرج صاعر و بقا فيه لحال على هاد التصرفات لي كدير معاه ، ركب ططوموبيلتو و قبل مايزيد صونا عليه تيليفون
صخر: وي؟
جسور: شنو بانلك نتلاقاو
صخر: فين
جسور: بلاصتنا
...قطع المكالمة و مشا لعندو لبلاصتهم لي كيريحو فيها دخل لقا شراب و الغبرة و سيجار فالطبلة و جسور جالس كيكمي و يشرب
صخر: عادتك هي عادتك
جسور: لعفووو (كيخرج دخان من نيفو)
صخر: كتهلك فصحتك حتى وحدة ماتستاهل كلهم بحال بحال عمرهم يبغيونا
جسور: ولكن كنتمناو ليهم لخير
صخر: متأكد اتقدر تنساها؟
جسور: عمرني انساها و لكن عطيتها حريتها تختار لي بغات
صخر: اذن شوف حياتك حتى نتا تعرف على بنات
جسور: كلما كنشوف فشيوحدة كتبانلي ديابلا
صخر:(سكت كيشوف ف كاسو) و انا كلما كنشوف فهبة كنشوف صورة الوليد
جسور: مازال مابغات تنساه؟
صخر : و علامن كنضحك هي مامسوقاش ليا
جسور: ايجي نهار لي تبغيك فيه
صخر: (خاشي راسو بين رجليه) عمرها ماغادي تبغيني كل مرة كنحصل فتيليفونها تصاور كبار فالعمر
….مغمضة عينيها كدندن مع كلمات الاغنية و كتشم نسيم الصباح حسات براسها فبلادها و ووهران كانت قريبة لقلبها و خلاتها تكالما منين حطات رجليها فيها ...صدق من قال خاوة خاوة ، جمعات شعرها كعكة و كتشوف فالأرض ساهية حتى جا من وراها غطاها بشال و هي سرعان مامسحات دمعة طايحة من عينيها
شهاب: تافقنا عمرك تبكي
شفق: ديك ليلة مكتخرجليش من ععقلي اشهاب كون مالحقتينيش كنت انموت
شفق: مابقاتش فالاتهام أنا بغيتها تعرف غلطها و تحس بكل واحد ظلماتو (شافت فيه) ايتبدلو الادوار الى كانت هي كتعرف غير تقتل و ظلم و ماعندهاش قلب أنا كنعرف نبغي و نحس بالناس و ندير الخير أنشوف شكون ايغلب الخير ديالي و لا الشر ديالها
شهاب:(ناض) بقدر ماهي شيطانة نتي ملاك
شفق: أنجرها من ظلامها للنور ديالي
شهاب: فاش راك تخممي؟
شفق: خصني بزاف د الخدمة باش نرجع نبان و تقلب الادوار أي جريمة و اي خطيئة رتاكباتها عشق فحقي و فحق عائلتي اتندم عليها
شهاب: (ابتاسم) راكي قبيحة ها!!! أول مرة نشوف نظرة القوة فعينيك
شفق: كنت مجرد خوافة و حمقة و ككنسامح و لكن كتشفت بلي سماحتي ليها عمرها اتبدلها جا لوقت فين اناخد منها كل فرحة باش تحس بيا (طلعات راسها لسما) خدات مني فرحتي اناخد ليها حياتها
...قالت كلمتها و هي كتوعد بانتقام كبير يرجع المياه لمجاريها باغا تتحدى شيطانة مكتخافش و تمثل دور الطيبة الى كانت عشق هي الشر ف شفق معناه النور و الخير لي لعل و عسى تبدل ختها و تخليها تندم على كولشي بطريقة ودية ، كانت كلما كتفكر ديك ليلة فاش كانو ايقتلوها رجال ارتورو لحقها شهاب و صفاها ليهم و قبل مايموت اخر واحد خلاه يقول لارتورو بلي قتلو شفق عاد قتلو و هزها بين يديه كترجف و تبكي و جابها للجزائر و بعد يوماين من النوبات الفزعة لي كتجيها فليل استجمعات نفسها و رتبات افكارها و قربات ترجع واحد نهار من بعد ما توجد راسها نفسيا و جسديا و دخل للحرب و هي هازة أسلحة فجنبها
هي ككتفكر فالانتقام و ماماها كتفكر فيها و فين ممكن تكون ملامحها ديما حزينين و باكيين و كتفكر ف نيار حتى هو لي عرفاتو مشا لتركيا عمرها تفارقات معاه كانت ديما كتبقا جنبو و دابا كتحس براسها ماتقدرش تنفس و هو بعيد عليها و لكن اتصبر و دعي لله يبان الحق شي نهار غافلة على انه كاين عندها ولدها كيتألم منين كيشوفها هكك لكن ماعندو مايدير بغا يخليها على خاطرها و رجع لبيتو جلس فوق النموسية
مانفال:(عنقاتو من للور) مالك مقلق ؟
نزار: الوليدة ماعاجبنيش حالها
مانفال: حتى انا مسكينة تفارقات على عمي نيار
نزار: هو سباب
مانفال: مانقدرش نتخيل بلي شي نهار انتفارق معاك
نزار: نتي راك حبيبتي امانفال عمرني نفرط ففيك
مانفال:(دلات شنافتها) واخا مابقيتيش كتديها فيا
نزار:(جابها قدامو جلسات فوق رجليه) هاد لهضرة ماكايناش نتي لي ععندي بوحدك و ولدنا (حط يدو على كرشها)
مانفال: كنخاف تمل مني واحد نهار
نزار: انا لي خصني نقولها حيت كندير لي فجهدي باش تبغيني و نتي كتبينيلي غير شوية من حبك ليا و كنطير بلفرحة
مانفال:(عنقاتو) كنبغيك
نزار: حتى انا احبيبتي
….ظلام لحال فقصر عائلة اخنوش و كانو مجموعين على مائدة لعشا كيتعشاو حتى دخل نيروز لعندهم و بدون اكتراث طلع لبيتو و عشق غير شافتو ناضت تبعاتو طلعات معاه ، دخلات كتشوف فيه كيبدل حوايجو و هي تنطق
عشق: فين مخبع خلود ارتورو كيسول عليها و بغا يمشي لعندها
نيروز: ماحبستوش
عشق: فينهااا؟
نيروز: (تخطاها) رجعتها لوطيل لي ففرانسا
عشق: اوك
...رجعات هبطات تقولها لارتورو لي مابغاش يجلس و بغا يخرج من ديك الدار اما هو بعض لحظات خرج من بيتو و مايتلاقا غير مع سلوى كتبكي ووقف كيشوف فيها
نيروز: مالك؟
سلوى: والو اسيدي غير ماعرفتش شنو الغلط لي درت و بغيتو تجريو عليا بسبابو عمركم شفتو مني العيب و انا ولفت فراس
نيروز: شكون جرا عليك؟
سلوى: مراااتك هانتني و ذلاتني و جرات عليا و انا مادرت والو قالتلي اترد لبال لولدها بوحدها و انا والله ماغانلقا خدمة اخرى بغيت نبقا فهاد الخدمة محتاجة نخدم
نيروز:(ضغط على قبضة يدو و مطلع راسو لفوق منين دخل لدار كيتجنب عشق باش مايتفكرش كيفاش جرحاتو و لكن ولا كيشوف انها كظلم كولشي ) شنو قالتلك؟
سلوى: قالتلي بلي أنا غير عاهرة و جيت نخطف راجلها و بلي مانسواااش اهئ اهئ و بلي أنا فقيرة و انبقا نضرب ولدها (كتشوف فيه بعينيها) واش اسيدي عمرك شفتي مني لعيب واش قللت عليك للحيااا ؟
نيروز: رجعي لبيتك ماغايجري عليك حد (تخطاها و هي دايرة ابتسامة نصر و غوت ب أعلى صوت) ديااابلاااا
تسمعات الصرخة ديالو باسمها فالمكان و هي ماعطاتوش اهتمام واخا سمعاتو كانت مع ارتورو برا عاوناتو حتى ركب فطوموبيل و ايوصلو الشيفور للمطار
ارتورو: الوحش كيعيط ليك
عشق: طلعلي فراسي
ارتورو: انمشي حسن ليا
عشق: ماتنساش تصوني ليا فاش توصل
ارتورو: و نتي الى حتاجيتي اي حاجا انا ديما موجود
...عنقاتو و مشا بحالو و رجعات دخلات للدار كتشوف ف هيولا باستغراب و هو كيخنزر فيها
عشق: مالنا؟
نيروز: بأشمن حق كتجري على المربية
؟
عشق: مابغيتهاش تبقا مع ولدي
نيروز: انا لي جبتها انا لي نجري عليها و طول ما انا فهاد الدار غادي تبقا و اترد لبال لفراس
عشق: ماشي على كيييفك
نيروز: فيين كنتي اصلا منين كان ولدك بووحدو كنتي مشغولة فالوسخ ديااالك ماتسوقتيش لييه و دابا جايا تجري علامن بغيتي
عشق: الوسخ هو لي فيه انا دابا معاك و ولدي ماغاتشدوش هاديك
نيروز: نتي لي ماغاااتشديييهش ماهازة فقلبك لا رحمة لا شفقة كيفاش اتربيه
عشق: ايييه هاد الهضرة كيقولها واحد حياتو كاملها كيظلم و يتعدا
...شدات ولدها و طلعات بيه للبيت تحت نظرات سلوى لي كانت كطل عليهم من بيتها و كضحك عجبها لحال حيت دافع عليها نيروز هاد الاخير لي تبع عشق لبيتها لقاها كتجمع فحوايجها بعصبية و حوايج ولدها و هو يشدها من يدها بعصبية
نيروز: انظلم راسي الى بغيت قاسحة القلب بحالك (كيطلعها و يهبطها) حتى حاجا فيك مكتبغا
عشق: عينيك كيكدبو
نيروز: (قرب منها كينومها بعينيه) علاياش كتقلبي (حط صبعانو على حناكها كيدوز بحنية حتى استحلاتها و هبط لعنقها و هو يقجها حتى تهزات بلاصتها) عيني مكيكدبوش اديابلا كيما كتكرهيني حتى انا كنكرهك و زدت كرهتك
نيروز:(قرب منها كيدوز شفايفو على شفايفها) متأكدة؟!
عشق:(بلعات ريقها) نطيحو قبل مايتزااااد
نيروز:(زاد ضغط على رقبتها) نتبعك ليه
عشق: مااااشي هادا اتفاقنا
نيروز: الاتفاق مامكتوبش فيه اشمن ولد فلولاد اتولدي و انا رجعت فهضرتي (ضحك على منظرها ) بغيتي نلعبو انلعبووو
عشق: كتعاااقبني على هضرتي د صباااااااح
نيروز: حسبيها كيما بغييتي شرطي هو هادا (طلق من عنقها كيدوز صباعو على شقة صدرها) نبداو حتى من دابا ماعنديش مشكل
عشق: (دفعاتو) بعد مني انا باااقا نااافسة
نيروز: (بعد بجوج خطوات عاجبو يستافزها) الى ماقبلتيش الشرط قتليني
عشق: وجد كفنك من داباا
نيروز: انوجد زبي الكبيدة
هز فراس فيديه كيبوسو و خرج ممخليها مفقوصة عارفة بلي ماعندها هروب منو و فين غادي تمشي اصلا الى خرجات لا عائلة بقات ليها لا مكان تمشي ليه و زيد عليها تايغر كيتسنى غير الفرصة فين يختالي بيها و فهاد الاشياء لي خداتهم بعين الاعتبار سولات راسها واش بصح بغات طلاق و مالقاتش جواب او يمكن جوابها هو مابغاتوش يزيد يكرهها كثر و يكتاشف فعلتها لكبيرة لي غادي تهرس الرابط لي بيناتهم عمرها تنكر انها كتحس معاه بالامان لكن ماقادراش تقبل انه تحداها و بغاها تولد منو و حتى هي اتوقفلو بحال شوكة فحلقو و االموت هي لي اتحكم بيناتهم ...شي بغا يطلق و شي ايموت الى ماتجمعش مع لي كيبغي ككان نيار ف تركيا جالس فنفس البرطمة لي جمعاتو هو و مو نهار لول كيبغي يهرب منها كيلقا راسو كيهرب ليها و قلبو كيضرب فالالف منين كيتفكر تفاصيلها بلا هواه هز تيليفون كيصوني عليها برقم مجهول باغي يسمع صوتها و جاوباتو
سارة: ألو
...انفاسو كيتسمعو بلا مايهضر و هي غمضات عينيها كتسناه يهضر لكن قطع الاتصال و نزار عيط لسارة
نزار: ماما مالك؟
سارة: والو غير ششيواحد صونا ليا كيحسابلي باك
نزار: كون ككان بابا ماكانش ايمشي بحالو
سارة:(بحزن ) عندك الحق
...مشا من حداها طالع لبيتو و ممشا ديريكت للمجر هز كاميرا شعلها و جلس كيصور فمانفال
نزار: ينلديلمي الى حرمتك من شيحاجا (حيد البودي ديالو بقا عريان من لفوق)
مانفال: (جبداتو من عنقو كتبوس فيه ) كنبغيييك
نزار: كنموت علييك
صبح صباح جديد واخا لليل كاملو مانعساتوش مع فراس فاقت مقطوع نعاسها و ناضت كطل على النموسية د فراس لقاتو ناعس و ضارت كتشوف ف نيروز لي كان ناعس حداها غاطط فنوم عميق ، دخلات لدوش بزربة طرفات حالتها و قادات شعرها و لبسات كسيوة حمرة قصيرة صيفية و خرجات بسرعة قبل مايفيق شيواحد فيهم و مشات كتسلت ب شوية حتى وصلات لبيت سلوى و دخلات شافتها ناعسة و تلوي واحد شال لقاتو مليوح فوق نموسيتها و طلعات فيها لواتو ليها على عنقها حتى حلات عينيها بالخنقة كتفركل
عشق: نقدر نقتلك بلا مايسيقلك شيواحد لخبار و نقطع عروق يديك و يقولو غير نتاحرات ماتبقايش تلعبي مع لكبار (طلقاتها و ناضت و هي بقات كتنفس بصعوبة و كتشوف فيها)
سلوى: حماقيييتي
عشق: كون ماكنتش حمقة مانوصلش لهاد لماصل (شداتها من شعرها زدحاتها مع الحيط) تعلمتي طيحي لباطل اعوة انوري مك توت و ماحلااااه ياكما اتخلعيني بنيروز الله اغبر لبوكم شقف بزوج
سلوى:(بدات تبكي) طلقي مني اهئ اهئ
عشق: كنعرف لي بحالك بزاااف كيتلاحو على رجال مزوجين نهار دخلتي شفتي راجل و ولد صغير قلتي الله هنا نضرب ضربتي حتى خرجتليك من جنب
سلوى: اهئ اهئ شنو كتقووولي
عشق: داخلة للحرب لا زين لا فصالة و زايداها بلكدوب واش مافخباركش نقطع لييييك صبعانك لي يقيسو ولدي (هزات يديها صرفقاتها) اوا دابا جات معاك سيري قوليلو ضربتك و عايرتك القحيبة
سلوى: انا بغيت غير نخدم و نهز راسي و عائلتي و فراس ددرتو بحال ولدي اهئ اهئ و سيدي نيروز شفت منو غير لخير
عشق: تجبديهم على لساااانك نقطعوووو لييييك و عرفتي شنو مابقيتش بغيتك تخرجي منهنا عجباتني لفراجة فيك
...خلاتها طايحة كتبكي و خرجات تاني مشات لبيتها مالقاتش نيروز و سمعات رشاشة د دوش بعض دقائق خرج من دوش لاوي فوطة عليه و بدا كيشوف فيها
نيروز: خرجتي لشي بلاصة؟
عشق:(كتشوف ف صدرو عاضة شفايفها) لا
نيروز: و شنو هاد لباس؟
عشق:( قربات ليه كتلعب ف الما لي هابط من صدرو ) ماعرفتش شنو مشكلتك مع لباسي
عشق: فكرت فداكشي لي قلتيلي لبارح و بصراحة مابغيتش نطلق حتى انا حيت ماعندي فين نمشي و حيت فراس محتاج أب معاه و انا مانقدرش نحميه بوحدي
نيروز: درتي عقلك
عشق:(بصوت ناعم) عقلي خديتيه ليا واخا نكر
نيروز:(طلع فيها حاجبو على هضرتها و شافها بغات تبعد منو و هو يشدها من خصرها و اندافع لشفايفها كيبوس و هي ماكانتش ناوية عليها و بغات دفعو لكن ماقدراتش لقات راسها بلا هواها محاوطة عنقو كتبوس فيه بشراهة و نهم حتى بعد منها ) فوقاش اتسالا منك ؟
خرجات بسرعة من البيت و موصياه منين يخرج يجيب فراس معاه ، هبطات لاكاب فين كيحطو مواد التنظيف و بدات كتقلب على داكشي لي فبالها حتى لقاتو الما القاطع و هزاتو بشرويط و رجعات للكوزينة كتشوف ف الخدم كيوجدو لفطور غير شافوها حناو الراس
عشق: كملو خدمتكم (كتشوف ف الما القاطع لي حطاتو فالارض باش مايشوفوهش و بلعات ريقها) نتا لي جبدتيني
….بدات كتقطع البنان و ليمون و االتفاح باغية دير باناشي كتلوح كولشي فالخلاط مع الماء شوية و ضربات طلة ماشافها حد و هي تهز قرعة د الما القاطع خواتها بدا داكشي كيبان ليها كيطلع البخار و هي تسد عليه كطحنووو تحت نظرات شخص كان ممصدوم فيها و كيدعي هاد العاقبة تخرج بيخير و على خير ، سالات من داكشي و هي تعمر كاس منو و داكشي لاخر زلعاتو باش مايلقاه حد و يشربو و خرجات هازاه لمحات نيروز هاز ولدها و جالسين فالجردة و توجهات لعندو ...فمكان اخر كانت نجلاء خارجة هي و بسباس من لفيلا ركبو فطوموبيلة و توجهو للمول يشريو لي خاصهم ماخلاو حتى بلاصة ماتقداو فيها و تمو راجعين لدار بعدما سالاو بكثرة الحماس و الفرحة خرجو بلا فطور و حيت خافت ادير ليهم نيروز العصا فرويضة خرجو بكري بحال شفارة ، كانو راجعين لدار حتى لمحات من سرجم شخص كيشوف ف قصرهم و هي توقف الشيفور
بسباس: و تي فين غادة؟
نجلاء: دخلو هاني جايا
...كمل الشيفو ر طريقو و هي توجهات عند داك الشخص بلا مايرد ليها لبال و لا يشوفها
نجلاء: زوين؟
تايغر:(ضور راسو فيها باستغراب) شنو؟
نجلاء: لقصر زوين؟
تايغر: ديك الجوهرة لي فيه هي لي مزيناه
نجلاء فنظري كاع مازوين كيخنق
تايغر: باش عرفتيها؟
نجلاء: حيت انا ساكنة فيه
تايغر: (باستغراب) شكون نتي؟
نجلاء: امم المربية ديال ولد الباطرون
تايغر: صغيرة على انك تكوني مربية
نجلاء:(ابتاسمات و تخطاتو) كل واحد فينا كيختار طريقو و انا ختاريتها
...مشات و خلاتو واقف ماعطاهاش اهتمام و زاد ركب فطوموبيلتو و مشا هو ايضا ماعرفهاش شكون هي من الاصل حيت نيروز مخلي عائلتو ديما فالخفاء و مكيبانوش حتى فالجرائد من غير باه و مو لكن خوتو محافظ على حياتهم اما هي غادية و كضحك منين شافتو شيحاجا فالداخل ديالها خلاتها توقف و تبادل معاه اطراف االحديث وسامتي عجباتها لدرجة فاش سولها شكون هي كدبات عليه باش مايوقعش ليه كيف هادوك لي غير كتقولهم شكون هي كيخافو من نيروز و يهربو ...هاد الاخير لي كان جالس فالجردة مع فراس و عشق و جات لعندهم زمرد
عشق: خصو يخاف و يبعد مني بغيتو يعرف بلي الى بقا معااايا الموت ديما اتلسق فيه
بسباس: هو بااااغيك
عشق: و اناااا (سكتات)
بسباس: شنو اتقوليلي مابغيتيييهش
عشق: ماغانتهنا حتى نتحرر منو واخا يكون الثمن الموت ديالو
….
...كانت كترمش عينيها يالاه فايقة من نعاس ، ناضت بثقالة للدوش قضات حاجتها و غسلات وجهها و خرجات لبسات حوايجها و هبطات كتشم ريحة القهوة مع دروج غير قربات بدات كتشوف فيه مالابسش من لفوق و لوشامات فيه بزاف و جامع شعرو و كيتسارا بسروال سبور و هي تنطق
شفق: صباح الخير
شهاب: (ضار عندها) صباح النور صافا؟
شفق: بيخير الحمد لله و نتا كيصبحتي
شهاب: مليح (خوا ليها قهوة فالفنجان ديالها و عطاه ليها) رح نروحو للفيلا تاعي كاين فيها جدي
شفق:(بفرح ) بصح؟
شهاب: ايعجبو الحال و تماك انتدربو على كاش حاجات
شفق: بحالاش؟
شهاب: امم نوصلو و تعرفي
شفق: اوا يالاه نمشيو دابا
شهاب: وجدي روحك
...سالات قهوتها و طلعات لبيتها توجد راسها و هو ككذلك من ببعد دقائق هبطو بجوج و خرجو من البرطمة ركبو فطوموبيلتو و توجهو ل فيلا لي كانت خارج لمدينة و كبيرة و هبطو داخلين غير وصلو خرج جدو فرحان بكرسي متحرك
الجد: ولدي ( هبط شهاب عنقو) طالت غيبتك
شهاب: كيف راهي صحتك اجدي مليحة؟
الجد: مليح بشوفتك (شاف ف شفق) شكون هاد الطفلة
شفق:(قربات ليه ) انا شفق
الجد: شفق (شاف ف حفيدو) تزوجتي مرة اخرى؟
شهاب: ها؟!
الجد:(قرب من شفق شدلها فيديها و هي هبطات عنقاتو) مرحبا بيك ابنتي تهلاو فرواحكم
شفق: ههه امم ماعندكش مشكل يتزوج مغربية؟
الجد: خاوة خاوة
شهاب: جدي خليني نوضح ليك كاش حاجات
الجد : ماعندك ماتوضحلي ماغانتدخلش فحياتك و راني فرحااان
شهاب:(ابتاسم) هذا وش حاب (مشا الجد قدامهم و شهاب ضار لعند شفق) انشرح ليه من بعد بلي حنا مامزوجينش
شفق: ماعرفتش علاش قال بلي حنا مزوجين
شهاب: عارفني مكنجيبش اي ووحدة لفيلا و اخر وحدة جبتها كانت مراتي و بلا مانعلمو تزوجتها
شفق:(ضحكات) ههه اذن حتى هاد لمرة كيحسابلو تزوجتي
شهاب: واه
شفق: ماعليش
الجد:(كيعيطلهم من لداخل ) رواااحو لهنا
...دخلو لعندو و جلسو حداه كيهضرو و هو كيتعرف على شفق بدل شهاب عليها كولشي قالو تعرف عليها فاش جات سياحة للجزائر و بلي هي يتيمة
...خنزر فيها و طلعها معاه لبيتهم و هي كتغوت حطات فراس فالنموسية ديالو و اعصابها كيغليو
عشق: ماغاديش نقدر نجلس فهاد الدار طول ماخوك هنا داكشي علاش طلقني خليني نمشي
نيروز: واش مكتلاحظيش راسك عيقتي؟ ديما طلقني طلقني
عشق: حيت مااابغيييتش نبقا معاااك
نيروز: ولفيها (مشا لدريسينغ كيجبد حوايجو باش يدخل لدوش حتى تدق فبابهم و مشا حل )
ربيع: عارف ماخصنيش نجي و لكن بغيت نهضر معاك
نيروز: يالاه معايا للبيرو
...خرجو بجوج و بقات هي كضور فبيتها و كتفكر شنو دير حتى طاحت عليها فكرة جهنمية و رجعات جلسات مهدنة و مرتاحة ..و صونات على الخدامة من تيليفون الارضي
عشق: جيبيلي قرعة د الشراب حلقي نشف عليا
….كان جالس هو و خوه و كيتسناه يهضر
ربيع: قررت نخدم فالشركة د الوليد و نولي حتى انا مسؤول
نيروز: هادي خبار مزيانة
ربيع: و منبعد انمشي نخطب نجوى
نيروز: مزيان
ربيع: ولكن خايف من لخدمة و من اب نجوى مايبغينيش
نيروز: ماخصكش تخاف الخدمة حيت هي لي غادي ديرلك قيمة و بيها ايقبل بيك باها و يبغي يزوجهالك
ربيع: اه عندك الحق انا ماغاديش نبقا ساكن هنا
نيروز:(تنهد) عشق ماعارفاش شنو كتقول ماتديش على هضرتها
ربيع: عندها الحق فكل كلمة قالتها
نيروز: عشق ماقبيحاش غير شي مرات كتعصب و كتقول هضرة قاسحة
ربيع: واخا هكك خصني نمشي
نيروز: ماعندك فين تمشي اتبقا هنا مع عائلتك
…سالا هضرتو معاه و رجع لبيتو مع دخل لقاها كتقرا كتاب و مهدنة ، ضرب طلة على فراس لقاه ناعس و ابتاسم و دخل لدوش غير شافتو دخل تسنات حتى سمعات رشاشة و ناضت بشوية لعندو سدات لباب من برا و مشات جبدات قرعة ديال شراب من تحت النموسية و بدات كتخويها ععلى لفراش و باب الدوش حتى عمرات كولشي و مشات لعند ولدها هزاتو فيديها و خرجات كتشوف فالبيت و شعلات بريكة سرعان ماشعلات فالنموسية و الاثاث ووصلات لباب الدوش و هي تخرج مع ولدها من تماك غادة بيه لعند بسباس غير دخلات عندو قفز تاني من النموسية
بسباس: مااالك عاوتاني
عشق: والو جينا نشوفوك انا و فراس
بسباس:(كيلعب مع فراس) فرفوسي شحال زوين اجي علاش سميتيه فراس
عشق: نيروز لي سماه
بسباس: و خليتيه يسميه
عشق: اممم
بسباس: قلتلك كتحسي بشيحاجا من جيهتو الزغبية مكتسمعيش
...ناضت كتمشي و تجي بلاصتها كتسنى شيواحد يغوت و كولشي يعرف خبر الحريق لكن مازال ماتسمع حس حد من غيرو هو لي لاحظ الدخان كدخل من تحت الباب و لبس لبينوار باغ يحل لباب لكن مابغااش و تملكو الخوف على عشق او فراس
نيروز: عشق؟؟ عشق شنو واقع نتي بيخير؟
كيضرب فداك الباب باش يحلو و ماهاموش راسو حتى فرع الباب و كيشوف العافية قدامو و ماكاينش مهرب منها عكسها هي لي دارت الفعلة و خرجات بسرعة من بيت بسباس و كل افكارها عليه كتذكر نهار عتقها من تايغر و نهار عتقها من القنبلة ف أفغانستان و نهار كانت كتولد و طار بيها للمشفى هادشي كاملو تفكراتو و حسات بلي الدرع الحامي ليها و منبع الامان اتفرط فيه بيديها ، قلبها نقز و دقاتو تسارعو مع ككل ذكرى ليها معاه اي حاجا كيديرها كتكون مميزة قبلاتو لمساتو حتى تعنيفو ليها ، بدات كتجري الناحية ديالو و بلا ماتحس غوتات
عشق: العااااااافية العااااافية
...كتغوت فارجاء للقصر بصوت مرتفع خلات كل واحد يخرج من بيتو خايف و االخدم جايبين الطفاية د الحرائق كيرشوها على الباب و ددخلو كيرشوها حتى تطفا الحريق فالباب و كان هو لقدام عينيه متحولين للأحمر و صدرو كيطلع و يهبط دخل علي و زمرد عندو خايفين عليه
علي: نيروز ولدي نتااا مزيان
زمرد:(كتفحصو) ياكما وقعاتلك شيحاجا
نيروز:(الكلمات بدرع باش كيطلعو ليه) بيخير
علي: كيييفاااش شعلات العافية
نيروز:(كيخنزر ف عشق) عادي كتوقع
...تخطاهم بلا مايشوف ف حتى واحد غادي لبيت ثانية ديالو حيد داك لبينوار و لبس حوايجو و صدرو كيغلي كيفاش قدرات دير فيه هادشي اسئلة كثيرة عندها غير هي اجوبتهم و ماتعطلاتش باش تجي و توقف موراه
عشق: نتا بيخير؟
نيروز:(مع ضورة لي ايضور هز فاز و لاحو من حدا راسها ) خرجيييي من قدااامي اعشق تلاااااحي تقودي
...وصلاتو لتالي ديال الصبر معاها الى زادت بقات معاه ايقتلها و مايحنش فيها ، طلعات راسها فيه شافت وحش قليل فاش كتشوفو و هنيئا لها قدرات تخرجو ، قربات ليه و حطات يديها على صدرو كتشوف ف عينيه بكبرياء و ماقادراش تعتارف
عشق: ماااااكنتش باغيا نوصلو لهادشييي نتا جبدتيني اوا تحمل العواقب
نيروز: كنتحمل العواقب من نهار تزوجت بيك
عشق: مابغيتكش تحملهم مابغيتكش تبدلني و درتيها دااابا و هادي أسوء حاجا
نيروز: (بالغوات) ماااااتكدبييييش
عشق: نتا لي جبرتيني و أنا حذرتك انيروووز و لكن نتااا حطيتي شرط على طلاقي و انا ختاااارييت نقتلك
نيروز:(ابتاسم) و انا ختاريت نعتقك
عشق:(غمضات عينيها بندم) ماغاديش تيقني و لكن كنت ناوية غير نخليك تخاااف (حلات عينيها فيه ) عمرني نويت نقتلك
نيروز: عندي شغل برا لبلاد
عشق: شحال اتغيب؟
نيروز: مدة كافية باش نسى شنو درتي (قرب منها و همسلها فوذنها) منين نرجع انطلقك
عشق:(بدلات ملامح وجهها لعدم تصديق و كتشوف فيه ) بهاد السهولة؟
نيروز: (بغرور ) مالايقاش ليا
كيعذبها بنظراتو و كيسممها بلسانو لي كيقتل غرورها ، استجمعات نفسها فديك اللحظة و عارفة راسها غالطة لكن كبرياءها مرضاش اعتارف أما هو خلاها تراجع نفسها بلا مايفرض عليها راسو متبع مقولة لي مايجي بمحبة مايجي بحزارة، ديك ليلة دازت و تبعوها ليالي على داك الحال مشا نيروز كيما قال و بقات هي من وراه كتفكر و تخمم و حتى فاش كيهضر ابيل فيديو مع مو و كيسول على فراس و يشوفو عمرو سول على عشق كأنها ماكايناش و خرجها من حياتو فنهار لي وافق على طلاقو منها ...ماسولش فيها و هي ماتسناتوش و عطات اهتمامها كاملو لولدها و كترتب افكارها رغم ان حبل الندم كيشنقها كلما كتفكر فختها و مها و كل ليلة كتحلم بيهم و ماعارفاش ان طوفان قريب يجي ليها كان اسمو شفق فهاد الفترة كانت تبدلات بمساعدة شهاب تعلمات للسلاح و بدلات لوك دديالها ، دارت خطط كثيرة باش تواجه البوليس لي كيتسناوها و تواجه ختها لي ماحناتش فيها و طول هاد لفترة فتيلة دالحب ترمات فقلبها من جهة شهاب لي كان باين من عينيه كيبغيها و لكن حتى واحد ماقادر يعتارف لاخر ، فجهة أخرى كانت قلوبهم واخا مباعدة ولكن مترابطة نيار لي رجع لروسيا لكن مارجعش للقصر لي دفن فيه الذكريات و تتيريزا كل نهار كتبكي على اطلال الذكريات و رغم الحزن لي فقلبها عمرو خرج من بالها و كتمثل السعادة قدام نزار و مانفال لي كانو فقمة االسعادة و ديما كيصورو احداث الحمل بالكاميرا و خصوصا ددابا منين تقلات و بقا ليها شهر تولد فيه ...دازت ليام و تبدلو بزاف د لحاجات من بينهم علاقة هبة و صخر لي جلسو و هضرو فمسألة تصاور و شرحاتلو بلي بلا خاطرها و قررو يمشيو لطبيب نفسي و بعد ما شخص حالتها لقاو انها مريضة بالجيرونتوفيليا نتج عن طلاق مها و باها و فقدانها حنان الاب و كان الحل هو تقضي اطول مدة مع باها باش تشبع حنانو و نجحات هاد القضية و خلاتها تزيد تعلق بصخر و تبدل ننظرتها فيه حيت واخا هكك ماتخلاش عليها فأصعب ظروفها ...و حتى جسور كانت حالتو هي حالتو ديما كيشرب حتى رجع مدمن كحول كأنه كيعاقب نفسو على الماضي و رغم انه حاول يلوح كولشي من موراه كيلقا راسو كيفكر فيها هي لي كان تفكيرها فقط على نيروز عاقبها بالبعد ديالو و ستشعرات حجم الالم ديال الفقدان و مازال زايدة فصبر ...6 شهور دازت على اخر نظرة و اخر لمسة و اخر قبلة و الشوق تغلغل للأعماق باش أخيرا يرحمها من البعد و يبشرهم بلي غادي يرجع
زمرد: تعطلتي اولدي و ااخيييرا اتجي نشوفوك
نيروز: انجي ديريكت للأوطيل
نجلاء:(شدات تيليفون) ياااي اتجي تحضر لعيد ميلادي
نيروز: عيد ميلاد سعيد البرهوشة شنو تبغي نجيبلك
نجلاء: و الى قلتلك شنو بغيت ماغايبقاش كادو
نيروز: اوك ليلة نشوف واش يعجبك شنو جبت ليك
نجلاء: ههه انمشي نوجد راااسي (مشات)
زمرد: ههه هاد الحمقة هادي
نيروز: الوليدة انخليك و نوجد راسي باش نجي
زمرد: واخا اولدي طريق السلامة
...طلعات نجلاء كتجري لبيت عشق دخلات ببلا مقدمات لقات بسباس عندها و هازة ولدها كترضعو و هي تنطق
نجلاء:(كتلهث) نيروز ايجييي هاد ليلة
بسباس: حلفييي و اخيرااا (شاف ف عشق) نشوفوك مبشورة شوية
عشق:(بلعات ريقها و قلبها تقبض عليها) مرحبا بيه
نجلاء: و ماتكونيش هاكا اصاحبتي نوضي تقاااادي خصك تكوني افضل وحدة فعيد ميلادي انا مسااامحاك غير باش ترجعو مزيان
عشق: لي غبر عليك 6 شهور باقي اترجعي معاه مزيان؟
بسباس: اوا لاوا نتي لي حرقتي لبيت و كل شوية طلقني طلقني راجل واخا يكون حجر راه ايتهرس بهضرتك
عشق: اوا غير رتاحو ليلة غادي يجي و يطلقني
نجلاء: (بحزن) كيحسابلي كيبغيك
عشق: (عضات شفايفها ) سخرية القدر فاش تكون سميتك عشق و نتي وياه بيناتكم الخير و الاحسان
نجلاء: ماتقوليش مكتبغيهش حيت ديما كتجي حدا ماما تسمعي صوتو و تشوفيه واخا غير من ببعيد
عشق: و هو؟ حاول يسمع صوتي ؟ شافني كيوليت ؟
بسباس: يشوف لعمااا نشعلاه غير خليه يجي و يتصدم فيك الى شعر راه طوال وصل لطرمتك عودة ماشاء الله الى الطاي ربيتيها خيورات ربي مدفقين لي شافك مايقولش والدة
عشق: همم حادك يسول غير على فراس و يشوفو (كتشوف ف ولدها) كيبغيه و انا ماكرهش يقتلني
نجلاء: اخر زمان كتغيري من ولدك
عشق: مكنغييرش بغيتو يرجع يطلقني و لي نطولوه نقصروه مايخلينيش معلقة 6 شهور كون غير طلقني ديك ليلة
نجلاء: فرعتيلي مخي بسباااس نوض نقادو المكياج هاد ليلة زاهية
تنهدات و بقات كتفكر تاني و لكن شحال قدها تبقا هاكا خصها تنوض تبين ليه بلي ماتأثرات حتى شوية بالغياب ديالو ، عيطات لسلوى تقابل فراس من بعد مانعس و مشات تبعات بسباس و نجلاء
عشق: (دخلات) عندكم الحق ماخصنيش نبقا هاكا (جلسات حدا ببسباس) بغيت نكون اجمل وحدة
بسباس: يا ححليليييي شحال كيعجبني نخدم على وجهك (دفع نجلاء ) تي نوضي نقاد ليها
نجلاء: الحمد لله صايبتيلي بكري اما ضربهالي بنكرة
عشق: قووولولي شنو نلبس بغيتو يتفقص
بسباس: شي لبسة فااااعلة تاركة صبري نوريك (ناض لماطريال ديالو و جبد كساوي او وراها وحدة غوز بيبي ) شبانلك
نجلاء:(حلات فمها) بغيتيه يقتلها
عشق: علاااه هو كيحس بعدااا (ابتاسمات بشر) زوييينة هي لي انلبس
بسباس: اراي ليا داك لوجه ليوووم طايح كثر ممن نايض
...و فعلا داكشي لي كان سدو على راسهم فلبيت ماخرجو حتى طاح ليل و كولشي خرج كيتسناهم زمرد لي كانت لابسة فستان زرق غامق و ماكياج خفيف و ربيع و علي كانو لابسين ملابس رسمية و بداو كيوصيو سلوى على فراس و شددو الحراسة فلقصر عاد جاو هابطين لعرايسات حتى بسباس عروسة ههه نجلاء لابسة فستان احمر شفاف و فيه فتحة جنب الخصر و طالقة شعرها و دايرة ماكياج صارخ اما واحد عشق بوكلات شعرها و لبسات ديك لبسة مع ماكياج سموكي و ضاربة كاب فورير من لفوق عزيز عليها دهشر بنادم فعين المكان اما بسباس حتى هو دار ماكياج و لابس كوستيم و صدرو عريان مع سروال قصير و صبيبيط و مرطب شعرو ، هابطين من دروج و وصلو عندهم
زمرد: ما شاء الله قراو القرآن
ربيع:(كيشوف ف بسباس) نتا محسوب علينا و لا عليهم
بسباس: وااا بعد منيييي مالقيتي فين تشد جيت زوين عليك
نجلاء: بعد ليا من بسباس
علي:(قطع الاتصال) نيروز وصل زيدو نمشيو
عشق:(كتبوس فراس و كتوصي سلوى) تهلاي فيه الى ماتهليتيش فيه عارفة شنو كيتسناك
سلوى:(بلعات ريقها) واخا امدام
...خرجو من لقصر راكبين ف ايموزين و متوجهين ل ااوطيل سانك اطوال فين موجدين حفل ععيد ميلاد أسطوري، غير وصلو و هبطو الصحافة كتصور فيهم حتى دخلو و مشاو نيشان للبار لي فيه الحضور غير دخلو بداو كيصفقو لنجلاء و يعايدوها أما عشق من ببعد ماحيدات الكاب كاع الانظار توجهات ليها و مشات جلسات بعيد كتقلب عليه بعينيها ماتعطلش باش يدخل و كولشي سكت و االموسيقى حبسات و مادخلش بوحدو دخلات معاه بنت سمرا شعرها طويل و بومبا و عنق افراد عائلتو
نيروز:(باس نجلاء فجبهتها) عيد ميلاد سعيد
نجلاء:(عنقاتو) توحشتك اخويا
نيروز: حتى انا
علي: طولتي لغيبة بزاف
نيروز: هاني رجعت (ضار لعند البنت) هادي فرح بنت رجل اعمال ف البرازيل
زمرد:(كطلعها و تهبطها) متشرفين
فرح:(كتعكل فالعربية) شكرا
نيروز: بغات تشوف المغرب و جبتها
بسباس:(كان حدا عشق و بعاد عليهم و ككيهمس) اويلي ياكما تزوج بيها (كيطلعها و يهبطها ) اوا زوينة مابيهاش
عشق ظلامو عينيها عليهم طلعاتلها صهدة من صبعها صغير كانت هازة كأس ماحسات براسها غير فرشخاتو فيديها مارضاتش يغبر عليها و فتالي يجيب وحدة اخرى و مالاحظ حتى وجودها
بسباس:(بخوف كيشوف فيدها) عشق!!!
بسرعة دخلات لطواليط قبل مايلاحظها شيواحد غسلات يديها من زاج و شوية ديال دم خرج ليها ، حسات بجناوابجناواداخلين فقلبها بدات كطلع نفس بشوية حتى تكالمات نسبيا و بردات و رجعات لهدوءها اما نيروز هو و عائلتو كانو جالسين فطبلة vip و كيحتافلو و يتصورو حداه نجلاء مع ربيع و هو لايح سيجار ففمو و حداه فرح كتهضر و عينيها زايغين عليه و هو مرة يجاوبها مرة لا حتى خرج سيجار من فمو كيفكر عارف بلي ناقصاه هي لكن ماتوقعش انه يجي و هي لا و بتساؤل شاف ف مو
زمرد: فعوض ماتسول فيها هي لولة جاي و جايب ليا هاد جقحة
نيروز:(بنرفزة) الوليدة
زمرد: الله احفظ و صاف
نجلاء: بغييت نقطع الكيكة فينها عشق
...خرجات من طواليط مبتاسمة كأنه لم يحدث شيء و كاع الاعين عليها لدرجة حتى لي ماكانش كيشوف رجع كيشوف و طبعا هو كذلك لمحها و طلع حاجبو فيها كيتأكد واش هي بصح ولالا تبدلات عليها ولا نقولو رجعات كتحمق كيطلع فيها و يهبط قلبو كياكلو خصوصا كيشوف اللبسة كيفاش جاتها مقااااودة و لحمها كيبان ، جلسات حدا نجلاء بابتسامة بلا ماتعطيه اهتمام و هو باقي مبلوكي فيها حتى تحرق سيجار ف يدو و رماه ببرود
عشق: عيد ميلاد سعيد حبيبة
نجلاء: (عنقاتها) ناااري هادا افضل عيد ميلاد
علي:(كيهمس ل زمرد) العافية اتشعل
زمرد: الله احفظ
...قطعات نجلاء الكيكة و بدات كتوكلهم واحد بواحد و فرحانة حتى سالاو و رجعو جلسو و الموسيقى خدامة على جهد
نجلاء: دابا بغييت ليكادو دياااالي
ربيع: برهوشة كتبروفيطي فينا
نجلاء:(خرجاتلو لسانها) محساااد
ربيع:(عطاها بواطة) محساد و كنبغيك الخوادرية
نجلاء:(حلات لبواطة لقات عقد الماسي) واااااو واااعر
ربيع: هادا مصايب غير ليك
نجلاء: اخليك ليلي
زمرد : انا و باباك قررنا نعطيوك رحلة لأي دولة بغيتي و تبقاي سيمانة هه
نجلاء: ناري هادشي بزاف
بسباس: و انا انعطيك مجموعة للماريا ديالي نتي اول وحدة اتاخدها
نجلاء: ايتخاطفو عليها الى عرفوها دياااالك (لقلوبة فعينيها)
بسباس: اوفكورس معاك افضل ميكاب ارتيست
نجلاء: (كتشوف ف خوها ) احم احم
نيروز: (حيد نظراتو على عشق و شاف ف نجلاء) اي حاجا انجيبهالك ماغاديش تكون قد مقامك و نتي عارفة هادشي
نجلاء: شنو ماجبتيليش كادو؟؟؟
نيروز: الكادو هو كلمتي بمعنى اي حاجا طلبتيها اتحضر عندك
نجلاء: كدوي بصح؟؟
نيروز: سي
نجلاء: خصني نفكر مزياااان على هاد الاساس (شدات ف عشق) و نتي اعشق
عشق:(همسات ليها) حتى نمشيو لدار (رجعات هضرات بصوت مرتافع) ماديريش بحال لي كيفرط فنعمه
نجلاء: لي فرط يكرط
فرح:(كتشوف فيها بحسد ) شكون هادي؟؟
عشق:(ناضت جرات معاها نجلاء و لاحت ليها لهضرة ) طليقتو
...كلمة كانت كافية تزيد تشعل مابيه و ضرو فخاطرو مكترددش باش تجلدو بكلماتها، جرات نجلاء لوسط بداو كيتمايلو على الموسيقى و شطيحهم مثير خصوصا عشق مع ديك لبسة الطايح كثر من نايض لدرجة كيبغيو رجال اتقربو منها و هي مكتديهاش فيهم ، حتى عياو و رجعو جلسو و هي كتشوف ديك لقردة مقربة منو و هو عينيه غير عليها و عارفة مزيان ديك نظرة لي كيدير فيها ديالاش عرفاتو مابقاش نيروز رجع هيولا و ابتاسمات ليه بغرور و هزات كاسها كتشرب فيه حتى وقف عليها واحد خونا
...مادموازيل ممكن تشرفيني بهاد الرقصة ؟
عشق:(ابتاسمات) بالطبع
...يالاه كانت اتعطيه يدها و هو يشدهالها نيروز و رجعها موراه و كيهضر معصب
نيروز: هادي ماشي مادموازيل هادي مادام عشق فااارس (كيخنزر فيه و دفعو ) سااااخييي بروحك حتى جاي لهنااااا
عشق:(نترات منو) ماشي سوقك ديها غير فالقحبة لي جبتي
نيروز: (هز يدو عطاهاليها للحنك حتى ضارت و شداتها زمرد) فمك زميييييه السلكوطة (كينهج و ضار ضرب ديك طبلة )
عشق:(عضات شفايفها و بعدات شوية على زمرد و ضارت كتشوف فيه) كملو السهرة ماوقع والو (تخطاتو غاديا كتزرب و هو غوت بأعلى صوتو )
نيروز:(تابعها كينهج الى شدها ايفرشخها) وقفييييي اللينعلطبابن مك نتي و لباس لقحااااااب
امرأة تدخن الرجال الجزء 28
محتوى القصة
التنقل بين الأجزاء