جالس فجردة بين يديه تيليفون كيشوف ف تصاور و اللحظات لي جمعاتهم ماقادرش امسحهم ولا يمسحها من بالو كيفكر فيها و مامتيقش بلي قتلات قلبو و نسات حبهم ببساطة ، باقي المنظر ديالها مع راجلها بين عينيه كضحك هي وياه و فرحانة معاه حتى لمحاتو و تبدلو الالوان فوجهها و سلتات من راجلها باش تمشي عندو
"فلاش باك"
ربيع:(بنرفزة) شكون هااااداك
نجوى:(كتبلع ريقها) خليني نشرحلك
ربيع: شنو اتشرحيلي؟ (كيشوف ف خاتمها) تزوجتييي؟!
نجوى: اه ماكتابش نكونو بجوج اربيع
ربيع: كيفاش ماكتابش نكونو بجوج ياك قلتي اتسنايني و غير رجعت شحال صونيت عليك مكتجاوبيش فالوقت لي انا كنبني راسي فيه نتي ضارباها بتزويجة؟
نجوى: مانقدرش نبقا نتسناك بزاف اربيع حتى انا بغيت ندير داري وولادي و بابا حالف مايعطينيش ليك لقيت حل واحد هو نتزوج
ربيع: (بصدمة) راجلك عارف لي كان بيني و بينك؟؟؟
نجوى: اه عاااودتلو كووولشي و هو باغيني كيف ما انا سمحلي اربيع تستاهل وحدة اخرى
ربيع:(بحزن) الله اسهل عليك
"نهاية فلاش باك"
كلمة تحطات بحال جمرة على قلبو و قالها بزز عليه نفض افكارو من تعياطها المتوااالي و ناضت كيشوف فيها بدون ملامح
فرح: واش انبقاو هنااا راه خصني نلحق نتزوج
ربيع: زيدي (تخطاها)
فرح: مالك ساكت لي شافك مايقولش داك العصبي لي جرجرني
ربيع: سكتينا مامساليش ليك
فرح: اوك اصلا هضرتك كضرني وذنيا (سبقاتو و ركبات فطوموبيل و ركب معاها و زاد )
...كتجري فدروج و كأنهم تضوبلو ليها رجليها كيرجفو و كتحس بسخفة خصها تلحقو قبل مايشوف الماضي و يوقع لي مابغاتوش يوقع ...حلات باب بيتها و كتشوف فيه هاز الكاميرة و نطقات بصوت مرتافع
عشق: نزاااااار
كتقرب ليه شوية بشوية و عاطيها بظهر و كتحاول تخفض نبرة صوتها و تبان طبيعية
عشق: حيدت تسجيل لي راك داير فالكاميرة و عرفتك ماغاتلقاهش و جيت نعطيهلك
قربات للمجر جبدات تسجيلو و ضارت عندو و مع ضورة شافت دموع طايحين من عينيه لدرجة يدها رجفات و طاح التسجيل من يدها ..صافي لي خافت منو وقع و ماقدراتش توقف فوجه قدرها هاد المرة و هادي اول مرة اتشوفو فهاد الحالة عينيه مفيكسيين على تسجيلات الكاميرة و دموع كيهبطو بغزارة و بجمود، عمرها شافت خوها بكا و هادي حاجا فرعاتها فقلبها ديال بصح ، شاف فيها بخاطر مهرس ماقادرش يهز راسو من الارض حدو نطق بصوت مرتافع
نزار: تهرس راسي اعشق تهرس
عشق:(هزات يدها و سدات ليه فمو كتسكتو) شششش ماتهضرش ماتنطقش مااااتدويييش ششش سكت (كيطيحو دموعها و طلقات منو مشات سدات لباب و ضارت عندو )
نزار: (جلس فالارض و باقي كيشوف ف تسجيلات و لخنقة شداتو) ياااااربي (كيغوت و ينهج و يعيط لربي لي خلقووو) يااااربي
نزار: غتاااااصبك هو غتااااصبك (كيحل صدايف لقميجة باش اتنفس )
عشق: اهئ اهئ (حطات راسها على ركبتو) حياااااتي مشاااات كنت صغيييرة مااااخصش اعرفها شيوااااحد (شافت فيه شادة فيدو) نزااار عفااااك ماتقولها لحتى واحد كنرغبك حيت ماخص اعرف حتى واحد
نزار:(شدها من وجهها) غتااااااصب ختيييي كلهم خصهم اعرفوووو كلهم (ضمها لي سمحيييلي ماكنتش معااااك سمحيييلي ظلمتك ا ختيييي
عشق: وااااعدني مااااتقوووولها حتى لوااااحد ا نزار (كتمسح دموع) شوووف سمعني هادشي لي انقولولك خصو يبقا بيناتنا عفااااك ماخص حتى واحد اعرف
نزار:(ناض كيغوت) كييييفااااش ماخص اعرف حتى وااااحد ؟؟؟؟ كتسطااااي عليا كووولشي خصو يعرف نتي ماااغلطتيش اعشق نتي مادرتي وااالو الغلط من محسن لهلا ارحم فيه شي عضم وليدينا خصهم اعرفوووو كووولشي
عشق:(ناضت معاه واقفة فالباب كتبكي ) مااااخصش اعرفوووو انمشي فيهاااا (كتزلق شوية بشوية حتى طاحت تاني) فهاد طريق درت شحال من حاجا خاااايبة انزار اناااا درت شيحوايج الى عرفتيهم اتكرهني و تقدر تقول نستاهل لي جرا فيااااا
نزار: حتىىىىى وااااحد مكيستااااهل التحرش و الاغتصاااااب اعشق (ضرب بالكاميرا فالحيط ) بنت 5 سنين اعباااااد الله فين كااااانو واليييديهااااا فيييين ايخرجلييييي عقليييي
عشق: نستاهل (كتشوف ف نقطة وحدة ) قتلت شفق نستااااهل انزار نستاااااهل
...كيشوف فيها و كيتأكد من لي كتقولو وذنيه كيصفرو كولشي تخلط عليه ف دقة و جلس فوق النموسية كيسمعها بلا مايقاطعها
عشق: اه كان كيتحرش بيا منين كنت صغيرة كل مرة ماما و بابا كانو كيخليوني عندو و كيتلهاو مع شفق كنت كنبقا عندو و ديما كيعريني و يديني لدوش مكنقدرش نهضر حيت كنخاف منو و حيت كان كيحسابلي انا لي دايرة الغلط ، كرهت الوليدين لي ماداوهاش فيا و كرهت شفق لي كانت ديما عزيزة عليهم منين وصلت ل 14 عام غتاصبني بدم بارد و قتل مروة مراتو حيت شافتو و منين كبرنا حلفت ندمو و ندم اي واااااحد تسبب ليا فداكشي نهار على نهار و الحقد كيكبر ف قلبي و نهار عرسو بالضبط جا لعندي باش اقتلني و انا قتلتو اه انا لي قتلتو و سبيتها ف شفق ، كنحلم بيها انزار كنحلم بالذنب لي درت فيييهااا آذيييتها ضريتها و قتلتها و هادشي كاملو حيت حقدت (حطات يدها على راسها) كانت كترغبني و كتبكي و ماحنيتش فيها رميت سنسلتها مع جثة محسن و هي صيفطتها مع رجالي يقتلوها ، كنعتاأاارف بيها حيت مااااشي شيحاجا لي نفتاخر بيها ، فقت فقت و فقت متأخرة ظلمت ماما و بابا و فرقتهوم واخا عمرها خانتو و غير عاوناتني و قتلت ختي ، كان كيحسابلي انرتاح و لكن عمرني رتاحيت
نزار:(كيمسح على وجهو) اش درتي حسبي الله و نعم الوكيل
عشق: اه نستاهل كل ماجرا فيا نستاهل كل حاجا آذاتني ولكن هوما سباب هوما لي صنعو وحدة قاسحة مكتحنش و هادي هي النهاية شتت شملهم كاملهم (ناضت من الارض ) عندك الحق خصهم يعرفو كووولهوم و نتعاقب على جرائمي حيت نعاس مابقيتش كنشوفو و خايفة ولدي يهز دقة بلاصتي (قربات لعندو كتجرو من يدو) يالاه نقولوها ليهم انزار يالاه
نزار: (تالف ) شكون لي عندو الحق و شكون الظالم و شكون لمظلوم ماااابقيت فاهم والو نتي ختي تآذيتي بسباب الاهمال و آذيتي ختك لي ماعندها حتى علاقة
عشق: كااانت عندهاااا علااااقة محسن عتارف ليا بلي كاااان باغيها هي و انا جيت فطرييييقوووو تعمييت بالحقد و الكره و غلطت غلطة اندم عليها حياتي كاملها
نزار: خصك تعاااقبي ولكن كيفاش اتعاااقبي و نتي براسك مظلووومة (كيبكي و كيحرك راسو بلا) ختك ماحنيتيش فيها و انتسمى مانسواش الى فضلتك عليها
عشق: حلفت حتى واحد ماااايعرف و حتى واااحد مايشوووف لي مخبي و كنت غااالطة واخا نعيا نخبي الحقيقة كتبان كتبان (جراتو) بغيت نعتااارف بغيت نرتااااح تخنقت (مشات هزات تسجيلات فيديها و هزات الكاميرا و كتجرو) زيد خصهم كاااملهم اعرفو مابقيتش قادرة مااابقيتش (حلات لباب ف اذا بيها كتشوف نيروز قدام عينيها كتشوفو و هو عاقد حوايجبو كيشوف ففيها كتبكي و فنزار كيبكي و نطق )
نيروز: شنو واقع مالكم؟؟؟
...كتشوف فيه بملامح جامدين و ضارت كتشوف ف خوها لي كيشوف فيها كذلك و رجعات شافت ف نيروز و دفعاتو بمشقة الانفس
عشق: بعد من طريقي بغيييت نقوليييهم
نيروز: (شدها من يدها ) مالك ؟؟؟
...تقلبو عينيها فلحظة و طيحات من يدها الكاميرة و تسجيلات و قواها خانتها...طاحت بين يديه سخفانة و هو شادها بخوف
نيروز:(كيطبطب على حناكها) عشق (كيزيد اطبطب و شاف ف نزار) ماااالهاااا؟؟؟
...بلا مايجاوبو نزار هزها نيروز دخلها للبيت و حطها فالنموسية و كيزعزها ...أما نزار مشا بسرعة هز تسجيلات و الكاميرة
نيروز: كنهضر معاااااك ماااالهااا
نزار: كنا كنهضرو على المشاكيل لي وقعو لينا و تناقشنا
نيروز:(مشا فزك يديه و كيحطهم ليها على حناكها) علاياش هضرتو ؟؟؟
نزار: على كولشي
عشق:(حلات عينيها شوية بشوية كتشوف فيهم و باغا تنوض) ماوقع والو غير هبطلي طونسيو
نيروز: رتاحي
نزار:(قرب ليها جلس حداها) راجلك عندو الحق خصك ترتاحي
عشق: لا ماغانعرفش راحة
نزار: (قاطعها) سمحتليك نتي ختي لي عزيزة عليا و ماغانفرطش فيك نساي كاع المشاكيل لي دازو عيطت ليك باش نبداو صفحة جديدة ماتبكيش (كيمسحلها دموع و عنقها) توحشت ختي لي ديما كتحميني و جا دوري نحمييييها انا معاااك ديييما
عشق:(عنقاتو كتشهق فصدرو كانت خايفة يتفضح كولشي لكن قرر استر عليها و يبقا جنبها ) خويا
نزار: (شاف ف نيروز) تهلا فيها بزااف هي امانة عندك
نيروز: راها فعينيا
نزار: رتاحي شوية و هبطي لتحت انتسناوكم
ناض مشا و فيديه تسجيلات و الكاميرا مشا بسرعة لبيتو خبهم ف الخزنة السرية و رجع كيقاد الكاميرا يشوف بعدا واش مقادة ولالا مع ديك لخبطة لي دارلها لقاها مفوتية و خلاها خدم غير بتيليفون و رجع هبط مرفوع هادشي لي عرفو ليوم عمرو ينساه و ايبقا يفكر فيه حياتو كاملها ...عيانة كتشوف فيه و هو كذلك
نيروز: دابا شوية؟
عشق: اه
نيروز:(باس يديها) مكيعجبنيش نشوف هاكا واخا لاحظت من صباح مشوشاك شيحاجا و زدت تأكدت منين خليتي فراس و جيتي لاحقة نزار
عشق: بقا فيا لحال حيت اخر مرة ماتفارقناش و حنا مزيانين و دابا جات الفرصة نهضر معاه تعمقنا فالهضرة لقينا راسنا كنبكيو
نيروز: اذن شنو كنتي بغيتي تقولي لمالين داركم؟
عشق: بلي أنا و نزار تصالحنا كنت فرحانة حتى شداتني سخفة
هبطات هي و ياه لتحت مسندة عليه و شادلها فخصرها خرجو لجردة كولشي مجموع و نزار واقف حدا مانفال لي هازة ولدهم و مرفوع كيشوف ف ذبيحة لي كتذبح و العائلة حداه كيباركو ليه ، كانت كتقلب على ولدها بعينيها لقاتو عند جسور جالس كيلعب معاه و مشات توجهات عندو
عشق: امكن فيه جوع
جسور: اه كان بدا كيبكي
عشق:(جلسات حداه و خرجات رضاعة من صاكها ) انعطيه يرضع (خداتو من يديه و بدات كتعطيه ارضع و هو غير حاضيها)
...دارت راسها ماسمعاتوش و لا يمكن بصح ماسمعاتوش حيت بالها ماهانيش و كتشوف ف خوها لي من وجهو باين مبدل ...بقاو كيتجمعو فجو مكهرب لي بين نيار و تيريزا لي هضرتهم ماجاتش مع بعضياتهم لدرجة ناض نيار امشي بسرعة ، و خرج تحت نظراتها لي عمرو بدموع و نغصة قوية فقلبها ...و كيما كاين لفراق كاين ارتباط و زواج و قدام اوطيل و بضبط فصالة كبيرة مافيهاش الحضور بزاف كانت فرح جالسة هي و الشخص لي اتزوج بيه ماعارفة حتى سميتو غير دايرة لخاطر لباها ، و لعدول كيتسنا شهود غير دخلو و بدا بغا يزوجهم تحت نظرات ربيع لي ضاجر و بغا غير اسربي باش امشي
لعدول: جينا ليوم نعقدو قران زواج المصونة…
ماجا فين اكمل حتى تطلقات رصاصة نيشان لراسو توالت الطلقات من موراهم و لغوات ديال فرح عمر الصالة ، نقز ربيع عندها و دفع الطبلة و جبدها لتحت خبعها و شادها بين يديه ، ميلات راسها كتشوف هاداك لي كانت اتزوج بيه طايح بدماياتو ميت و ضارت تخشات عند ربيع كتغوت و تبكي
ربيع: شششش
قلبو كيضرب فتسعين و العرق هابط من راسو ماعرف باش تبلا و كولشي جاهم على غفلة و مافاهم والو شكون هادو و شنو بغاو و علاش هاد لعرس بضبط ...بدا كيسمع الخطوات فصالة و منبعد تقطعو و مشاو و هو ناض كيطل مالقا حتى واحد و جبد فرح من يديها خارجين و يديه كيصونيو للبوليس لي كانو فطريقهم لأوطيل من بعد لي وقع ...بقات كتنفس بجهد و كترجف و هو حداها كيهدنها و جبد تيليفونو كيصوني لنيروز لي ماتعطلش باش اجاوبو
ربيع: تعرضنا لهجوم بلقرطاس مات خطيب فرح و كاع لي كانو فالقاعة
نيروز: (ناض من بلاصتو) فرح بيخير؟
ربيع: بيخير و لكن مصدومة و لبوليس كيسولونا
نيروز: رجع لقصر نتا و ياها غادي نرجع للمغرب (قطع و شاف ف عشق) انمشيو
عشق: (ناضت ) هي لولة
غادي فطريق كيشوف فيها كتبكي و كترجف و بين فمها كلمة وحدة هي ماتو ..خلاها على راحتها عرفها مصدومة، وصلو للقصر و هبط و هبطها جارها بحال شي جثة غير غادية و تبكي و هو ينطق فوجهها
ربيع: عارف هادشي صعيب ولكن كوني قوية
فرح: بغيت بابا اهئ اهئ بغيت نشوفو بغيت نمشي عندو
ربيع: هاد ليلة غادي يجي نيروز و هو يعرف شنو يدير
فرح: اهئ اهئ قتلوهم (ناضت لعندو و عنقاتو ) بلا بيك كنت انموت شكرا اهئ اهئ
ربيع:(مخليها على راحتها بلا ماعنقها و نطق) كنتي امانة عندي مايمكنش نفرط فيها
...طلقات منو كتشوف فيه و جلسات خايفة كتبكي و هو واقف عند راسها كيشوف فيها و راد لبال معاها ...أما فروسيا كانو وجدو راسهم باش ارجعو للمغرب
سارة: كون غير زدتو بقيتو معانا
زمرد: راكي عارفة لخدمة ديال نيروز مكتسالاش مرة اخرى ان شاء الله
نجلاء: بعدا بدلنا لجو (شادة ف بسباس) غير نرجعو للمغرب انعاودلك واحد لحاجا
بسباس: انا راه مابغاتش دخل ليا لراسي واحد لحاجا
نجلاء: شنو؟
بسباس: جينا ل عراضة عند عائلة سقراط و ماوقعاتش شي مصيبة
عشق: الى حنيت عمركم اتعاودو تشوفو وجهي (شافت فيه) تهلا
...لحقات عائلة راجلها لي كل واحد ركب فطوموبيل و هي ركبات مع نيروز لور لي شاد فراس و شيفور نطالق بيهم لبلاصة الطيارة مدة ديال طريق وصلو و هبطو طالعين فطيارة و قلعات للمغرب….
ساعات و ساعات فوق السحاب وصلو فليل و تحطات طائرة فساحة لقصر خرجو كاملهم دايرين واحد مور واحد غير دخلو للقصر كانت هابطة فرح من بيتها من بعد ما سكتات شوية من لبكا و اول واحد شافتو هو نيروز ...تلاحت عندو عنقاتو كتبكي و تمخشش فيه
فرح: اهئ اهئ شفتي شنووو دارووو ليا اهئ اهئ
نيروز:(بعدها عليه بسرعة ) ماغاديش دوز ليهم قربت نلقاهم و ايتحاسبو واحد بواحد
عشق كمشات تعابير وجهها كتشوف ففرح صهدة طلعات معاها و مابغاتش تدوي تخطاتهم طالعة لبيتها غير دخلات بدلات ل فراس ليكوش و عطاتو ياكل و نعس و حطاتو فبلاصتو مشات جبدات كارو و بريكة و خرجات لبالكو سدات لباب كتكمي و تبرد على قلبها ماتسرطاتش ليها اما هو كان باقي لتحت معاهم كيحاول يفهم شنو واقع
ربيع:(جالس كيلعب فتيليفون) عادي شديتها هبطنا مور طبلة حتى تقطع صوت لقرطاس و خرجنا
نجلاء: هاي هاي طلعتي ماساهلش
زمرد:( كتربت على كتف فرح) باراكا من لبكا
فرح: انا عيطت لبابا غدا ايجي و نمشي معاه سمحولي الى درت ليكم لمشاكيل (ضارت عند ربيع) عمرني نسا خيرك شكرا بزاف
ربيع:(ابتسم ليها بزز) العفو
نيروز: طلعي لبيتك رتاحي
...ناض من تماك و طلع لبيتو كيضور راسو كيقلب عليها بعينيه شاف فراس فبلاصتو ناعس و عاد نتابه ليها فلبالكو، حل لباب و خرج لعندها مسند على لحيط كيشوفها قربات تخوي باكية د الكارو
نيروز: نزيدك باكية؟
عشق:( رمات الكارو و جات خارجة ) الله اخلف عليك
...حاصرها برجلو و هزها حطها فوق لحديدات د البالكو و عينيه حمارو فيها
نيروز: عمر هاد سم يعاود يجي ففمك
عشق: ماشي على كيفك
نيروز: شنو باغيا تشدي ضد؟؟؟
عشق: اللهم نكميه هو ولا نكميك نتا و الى حطيتك هنا (اشارت لعقلها) ماغانعاودش ليك اشيصرا
نيروز: حطيني على الاقل حاطاني فشي بلاصة
عشق: امم ايجي نهار لي تبغي تشوفني فيه اتلقا صورتي دخان بين يديك
نيروز: (دفعها من على لحديدات حتى كانت اطيح من جيهة لوخرا و شدها من يدها ) بين يدي و انا لي نقرر نرجعك دخان ولالا
عشق:(ابتاسمات و فلتات يدو و كون مالحقهاش حكمها من خصرها كانت اطيح ديال بصح و رجعها عندو كتشوف فعينيه) قراراتي فوق مني و منك ماتحدانيش نقدر نقتل راسي على تحدي
نيروز:(كيشوف فيها مطولا و نطق) مالك ؟
عشق: ماحملتهاش تعنقك
نيروز: بعدتها عليا
عشق: (دفعاتو على لحيط كتحمر فيه عينيها) وااا ماااتقيييسكش
نيروز:(ابتاسم) نتي الوحيدة لي كنخليك تقيسيني درتي شيحوايج عمر شيوحدة خليتها ديرهم
عشق:(مشا من بالها انها طلباتو منو و ماصالحش تتراجع) غدا؟
نيروز: (كيعض شفايفو و كيشوف ف شفايفها) غدااا
خشا يديه مور شعرها و قربها ليه حاكمها بالبوسان بسرعة و بلا مايرتاحو و كيحيدو لبعضياتهم لحوايج و داخلين للبيت
صبح صباح جديد فاقو فيه على تجهيزات لقصر و الحركة نايضة و زمرد غير كتوجد و تزغرد فرحانة بالعرس لي غادي يدير نيروز و عشق و معجبة منو حيت ماشي من نوع لي عزيز عليه هاد الاجواء ...كل واحد كان فقنت كيوجد راسو و الاثاث تبدل من اول و جديد كان داكشي ملكي و مصمم الأعراس بنفسو واقف على شغلو و كيقاد كل حاجا بلاصتها ...دخل شخص للقصر معاه رجالو استقبلو علي
خالد: السلام عليكم
علي: و عليكم السلام مرحبا
خالد: انا أب فرح
علي: اااه تفضل مرحبا بيك (زاد بيه لصالون و جلسو و عطا اشارة للخدامة تعيط ل نيروز) شنو تشرب
خالد: والو جيت نشوف بنتي و نديها و كنتمنى مانكونوش تقلنا عليكم
علي: بالعكس مرحبا
نيروز:(دخل لعندهم و سلم على خالد سلام رجولي) صافا؟
خالد: لهلا اخطيك اولدي بلا بيك كانت بنتي اضيع من بين يديا
نيروز: خويا لي عتقها و الامانة كنتهلاو فيها
خالد:(تنهد) مابغاوش اعطيونا تيساع خلاص عيينا
نيروز: مابقا والو و نشدوهم و على هادشي خصكم تبقاو هنا هاد اليوماين
خالد: قولي شنو ندير
نيروز:(ابتاسم) جلس حضر لعرسي هاد ليلة غادي يكون و غدا اتمشي نتا و بنتك مرتاحين و مهنيين
خالد: الله اجعل كولشي مبارك و مسعود
علي: زيد معايا اشريف مرحبا بيك
ناض و زاد معاه خالد أما نيروز بدا كيفكر و طاحت فبالو عشق و ليلتهم ديال لبارح بلا هواه ابتاسم لقا راسو تاني موحشها و باغي يمشي عندها...كانت فبيتها معاها نجلاء و بسباس و حتى فرح كيقادليها بسباس المكياج طلعها بومبا و كيخرج ليها لقفاطن و تكاشط و لكسوة د العرس لي ختارتها من محل معروف وصلات لعندها بقات كتنيش على وجهها بيديها
عشق: اووف ماغاتيقونيش ولكن متوترة بزااف
بسباس: ليلة ليلتك العروسة
نجلاء: اححح انشوف خويا و مراتو بارزين فالعمارية لفرحة هاديك
عشق: قلبي كيضرب واش ايجيو ناس بزاف
نجلاء: علاما قالتلي ماما جايين ناس معروفين
عشق: اووف قلتلو تكون حفلة بيناتنا
نجلاء: وراه ماما لي بغات تفرح بيكم كون تشوفيها شحال كتجري منهنا و لهيه باش اطلع لعرس واعر
بسباس: عشق قوليلي مالين دار ماغايحضروش
عشق: واخا نقولهالهم ماغاديش يجيو اللهم بلاش
بسباس: على خاطرك
فرح: ماعمرني حضرت ل عرس مغريبي توحشتو صراحة (ناضت ) انمشي نوجد راسي (خرجااات)
بسباس: نوضي قيسي لكسوة د لعرس
عشق: وااخا
..ناضت هزات لكسوة و دخلات لدريسينغ حيدات حوايجها و قيساتها جاتها لاسقة على طايتها و كتبان واااعرة خرجات من دريسينغ و ابتسامة عريضة على وجهها و فرحانة كضور
عشق: كييجييييت
...تحل باب البيت و دخل هو كيشوف فيها مبتاسم و قبل ماينطق بسباس و نجلاء نطق هو
نيروز: كتحمقي
نجلاء: هاااويلي اخويا ماخصكش دخل مامزيانش لعريس اشوف كسوة لعروسة قبل لعرس
بسباس:(كيشوف ف نيروز و عشق مبلوكيين فبعضياتهم كيتبادلو النظرات و هو ينغز نجلاء) تي نوضي نخرجو خليهم بوحدهم شوية
...سلتو من لبيت و خرجو و مافيقهم من شرودهم غير زدحة د لباب ...قرب منها و هي واقفة كتشوف فيه حتى حط يديه على حنكها كيتحسسو
نيروز: واخد زين همم
عشق:(وسعات ابتسامتها) هادشي جاني فشكل
نيروز:(معسل عينيه فيها ) علاه
عشق: عمر كيحسابني اندير عرس
نيروز: و سبوع
عشق: هه اه
نيروز:(كيقرب شفايفو من شفايفها) فين تبغي شهر العسل؟
عشق: انديروه؟
نيروز: اه
عشق: امم باريس
نيروز: جاتك (دخل معاها فقبلة طويلة كيلتاهم شفايفها حتى مسح ليها لعكر و حط يديه فوق صدرها حتى دفعاتو كتنهج و حمرة )
عشق: (بصوت حنين) نديرو شيواحد؟
نيروز:(كيهمس) امم صبري نفكر
عشق: غير واحد خفيف عافا حبيبي
نيروز:(جهلاتو بديك حبيبي و جبدها عندو) نديرو عشرة اشتابعناااا حناااا
عشق:(عضات شفايفها) مبرعنييي الوحش
نيروز:(خطف بوسة من فمها حتى تسمعات ديك مواااح و نطق ) ينعلديلمك
جالسة مع باها كتعنق فيه و تبوسو و حداها علي و زمرد كيرحبو بيه
فرح: توحشتك ابابي بزااف
خالد: حتى انا ابنتي جيت غير باش نديك ولكن قالي هيولا نبقا هنا و غادي يشد العصابة لي واقفة فطريقنا
فرح: اووف عرفتي ماقدرتش نعس لبارح خفت بزااف كون ماشي ربيع ماكنتش انكون حداك دابا
خالد: الحمد لله (شاف ف زمرد) فين هو ولدكم الالة بغيت نشكرو على هادشي لي دار مع بنتي
زمرد: انا نمشي نعيطلو (ناضت بسرعة مشات لبيت ولدها حلات عليه لباب لقاتو جالس فكرسي كيلعب فتيليفون) ربيع نوض راه بابات فرح بغا يشكرك
ربيع: مافياش
زمرد: واش اتبقا هاكا ديما مشات الله اعاونها الله اسهل عليك حتى نتا
ربيع: مكتهمنيش
زمرد: اوا عفاك اولدي نوض دير ليا خاطري
...ناض بثقالة داير ليها خاطرها و هبط معاها حتى دخلو لصالة و عطا التحية براسو و جلس
فرح: بابا هادا هو ربيع لي عتقني
خالد: الله ارضي عليك ماعرفتش كيفاش انشكرك اولدي
ربيع: مرحبا هادا واجب
خالد: طلب مني اي حاجا انعطيهالك
ربيع: الحمد لله كولشي كاين و مامخصوص من والو
علي:(نغز ولدو) مرحبا بيكم دار داركم طلعو لبيوتكم ترتاحو بغيناكم تكونو مرتاااحين لهاد ليلة
...مشا كل واحد لشغلو و هوما باقيين ماسالاو شغلهم حتى بعد منها كينهج مامحيدينش حوايجهم غير لتحت لي محيد و كينهجو و يشوفو فبعضياتهم
عشق: تسخساااخت اوووف
نيروز: حلاوتك ادماان نعاودو واحد اشكيليطة
عشق: والا كنا دايرين واحد صدقنا ف ثلاثة باراكا (ناضت و غمزاتو) خلي شوية لليل
نيروز: احح و كون ماشي لعرس مانطلقش منك
عشق:(كتشوف وجهها فلمراية) بسباس ايعاودلي من لول الماكياج
نيروز:(عنقها من لور كيبوس فعنقها) وجديلي راسك الشمس بدات تغرب
عشق: وجد راسك حتى نتا
باسها اخر بوسة فحنكها و خرج
وصل الليل و نسج خيوطو و نغمات على الطرب الأندلسي و المدعوين كيدخلو للقصر نساء الطبقة المخملية كل وحدة كتفاخر على ختها بلباسها و ماركات حوايجها و رجال كيتفاخرو على بعضياتهم ب لفلوس لي دخلو و العقارات لي ربحو و هضرتهم كاملها كيتسمع منها غير الضحكات...ريحة العود و الورد معطرة المكان و الثرية مضوية فالوسط كتعكس اللون الذهبي د الاثاث و مسلطة الضوء على طبلة طويلة لي فيها أشهى المأكولات و الزئبق معلق فالارجاء عاطي منظر ملكي كولشي كيدوي على الديكور الفخم و البروتوكول لي ملكي و كيليق بعائلة اخنوش ...كان نيروز لابس طقم اسود بالكامل مطراسي لحية و محسن شوية من شعرو داير ساعة روليكس فيدو و كيهضر مع رجال من لباسهم باينين مهمين...فجأة تقطعاات الموسيقى و بداو الدقايقية كيسخنو الطرح و النكافات هابطين من دروج كيعشقو على النبي و هي وسطهم ب تكشيطة مذهبة و اكسيسوارات الذهب لي فيها من مضمة و نبالة و لخواتم...دايرة مشيطة طالعة و تاج عالي و ماكياج ساحر هابطة و هازة تكشيطتها باناقة و جوج صبعان و موراها نجلاء هازة فراس و بسباس كيرش الزهر مع النكافات...هابطة خطوة مور خطوة و الحضور كيهضر على جمالها الفتان طاح عليها السر فهاد ليلة ...تعرض ليها نيروز عينيه ايخرجو م بلاصتهم بغا ياكلها شدات فيه كتشوف فيه و هو كذلك و مشاو لبرزة لي كانت فالجردة غاديين على بساط احمر حتى وصلو ليها و جلسو و حداهم نقاشة شدات يد عشق بغات تحني ليها
زمرد: بسم الله ما شاء الله بغيت ربي يحفظكم من العين
علي: الله اكمل عليكم بلخير
ربيع: شكون قال اتبرز العود
نيروز: لعقبة ليك
ربيع: حرمت
نجلاء: دوي على راااسك انا باقي
نيروز:(شد منها فراس) ولدي جا زوين بجابادور
عشق: (سالات ليها نقاشة لي دارت ليها غير علامة الأمازيغ فيديها ) زوين بزاف (كتشوف ف هيولا و العائلة) شكرا و الله فرحت من قلبي
زمرد: الله اكمل عليكم بالخير ابنتي هادشي لي بغينا غير تكونو فرحانين
بداو الحضور كيباركو ليهم و دقايقية كيغنيو و كل مرة بادية فرقة ها كناوة كولشي كاين و نيروز مرة مرة يهضر لعشق فوذنها و يضحكو و كيشوفو فكولشي كيشطح و فرحانين ...ناضو من البرزة متوجهين لعدا لابيسين فين ايذبحو على قبل فراس ...دخلو ثور معاونين عليه عشرة و قرب نيروز ذبحو و بداو نكافات ازغرتو و عشق كتلعب مع ولدها و فرحانة كتبوسو و هو غير كيشوف بعويناتو ...رجعو للبرزة و لاحظات بلي فراس بغا ينعس و عطاتو لسلوى
عشق: خوديه لبيتو فيه نعاس
سلوى: واخا
نيروز:(نوضها تاني ) تشهيت نشطحو
...بدا الشعبي كيزدح و هوما كيتمايلو معاه و يضحكو و كولشي كيصفق عليهم ..حطات راسها على صدرو كضحك و هو معنقها فرحان كيحسو براسهم مالكين دنيا و ماملاحظينش بلي اعين خبيثة كتراقبهم و كتشوف فيهم و قلبها كيتحك...كان بين الحضور و رغم الحراسة لي تشددات قدر يدخل ...شعلات لغيرة فقلبو و هو كيشوف العدو ديالو واخد لمرا لي كيبغي لكن حلف ايمشي نخص عليهم فرحتهم و تبع العين ل سلوى حتى طلعات مع فراس و تبعهم …
طلع لبيت و بقا كيتسنى حتى خرجات سلوى من عند فراس و هو يدخل عندو اما عشق نوضوها نكافات تاني هي باش تبدل اللبسة و حتى نيروز ناض معاها و بداو اعشقو على نبي هو مشا لبيت اخرى يلبس جابادور و هي دخلوها للبيت فرحانة و كتنقز
...خرجات من بيت عشق متوجهة لي بيت فراس لي قادوهاليه باش مايصدعوهش...دخلات و هي تشوف ف تايغر واقف و هاز فراس بين يديه و نطقات من بعد ما سدات لباب
نجلاء: نتااا؟؟!
تايغر: احم
نجلاء: شنو كدير هنا (كتشوف ف فراس) شنو كيدير فراس بين يديك
تايغر: نسيتي شكون انا؟
نجلاء: اه نسيت ماتديش عليا باينة جيتي طل على فراس و تشوف واش بيخير
تايغر: (حطو بلاصتو ) امم منين شفتو قلت نهزو
نجلاء: ناعس بحال الملاك
تايغر: شنو كديري؟
نجلاء: والو
تايغر: تبغي تخرجي لواحد لبلاصة ؟
نجلاء: معاك ؟ (ابتاسمات)
تايغر: اه
...حركاتلو راسها باه و طرمتها كتصفق بالحماس سبقها هو و هي فاش جات تخرج لقات سلوى قدامها و هي تسبقلها لهضرة
نجلاء: انا انخرج غير شوية و نجي نطل على فراس عفاك بقاي معاه ماغاديش نتعطل
سلوى:(باستغراب) واخا
نجلاء: شكرا و سمحي ليا (مشات)
سلوى: اويلي هادي مالها
...مشات لحقات تايغر لي خرج من لباب لوراني و هي تبعاتو ركب طوموبيلتو و هي ركبات معاه و انطالق ، مبرد و كيشوف فهاد لمخلوق لي معاه واش مكلخة لهاد الدرجة ولا كديرها بلعاني مافخباروش بلي عقلها كيترفع منين كتشوف زين و حتى هو قرر بلا مايزرب و كل حاجا تكون بلخاطر و بشوية...وصل لبرطمة ديالو و هبط و تبعاتو طالعين فسانسور حل الباب و دخل و نطق كيشوف فيها و عاد لاحظ عينيها لخوضر لكبار عن كثب
تايغر: دخلي …
...بدلات اللبسة ديالها و خرجات و هاد لمرة هابط معاها نيروز و بداو زغارت تاني و الضربة المراكشية و الحايحة ناضت...جلسات فالعمارية و الصحافة كتصور الحدث و سيلفياات كيتشايرو و طلعوها فالعمارية و هي كتشير بيديها و هيولا كيشوف فيها مبتاسم و فرحان حتى هبطات و مشات دبريكت هزات الميكروفون و بدات كتغني و حداها بسباس و زمرد كيغنيو معاها و يضحكو
يديرها الحب يخلي لعقول طايشة
الشوق فالقلوب به العشاق عايشة
ركبني الموج و طيرني فوق السحاب
شربني الفرحة آ يمة فكاس لعذاب
يا لالة عليه يا سيدي عليه
بو عيون ضاحكات أماما خلاني نتيه
يا لالة عليه(يالالة) يا سيدي عليه
بو عيون ضاحكات أماما خلاني نتيه
و راه ديتو راه ديتو يالالة على زينو
و راه ديتو راه ديتو يالالة على زينو
و راه ديتو راه ديتو يالالة على زينو
و راه ديتو راه ديتو يالالة على زينو
وراه ديتو و ايلا ديتو غزيته
لكحل ف دواية نقرة و المرود عاج
و ايلا الزين حرك رموشو ينوض لعجاج
سهرني الليل قراني حروف السما
قولو لو يجي بلاصتو في قلبي مرسمة
يا لالة عليه يا سيدي عليه
بو عيون ضاحكات أماما خلاني نتيه
يا لالة عليه(يالالة) يا سيدي عليه
بو عيون ضاحكات أماما خلاني نتيه
و راه ديتو راه ديتو يالالة على زينو
و راه ديتو راه ديتو يالالة على زينو
و راه ديتو راه ديتو…
...غنات و سالات و بنادم مكمل كيشطح و هي قربات من نيروز عنقاتو و هو هزها كيضور بيها فرحااان عايشين ليلة و لا في الاحلام و فرحانين ..رجعات طلعات مرة اخرى و هو معاها طبعا و لبسات لاغوب و هو طقم باج و هبطو تاني تطفاو الاضواء من القاعة و تسلطو غير عليهم و هوما هابطين على نغمات موسيقى هادئة و رومانسية حتى هبطو و شدلها يديها كيرقصو و يشوفو ف بعضياتهم و لي شافهم كيقول هادو كيموتو على بعضياتهم عاد بدا كل واحد كيشد حبيبتو و يدخل يشطح معاها و فرح قربات ل ربيع
فرح: واخا نشطح معاك
ربيع:(مدلها يدو) الى بغيتي طبعا
...دخلو كيشطحو و مسافرين لعالم اخر عالم الورود و النور لي مافيهش المشاكيل ابدا ...سالاو الرقصة و مشاو كيقطعو الكيكة و كيوكلو بعضياتهم..سالا العرس و بدا كل واحد كيمشي بحالو و نيروز هز عشق بين يديه و طلع بيها للفوق و هي كضحك بصوت مرتفع...دخلو لبيتهم و هي تعطيه بظهرها
عشق: حيدلي سنسلة
...حيدهالها و هبطاتها حطاتها فوق النموسية و دخلات لدريسينغ هزات شوميز بيضة و دخلات لدوش غسلات وجهها من الماكياج خلاتو طبيعي و طلقات شعرها و لبسات شوميز و خرجات عندو كان فالبالكو كيكمي لابس تيشرط و سروال رياضي
عشق: انشوف فراس و نجي
نيروز:(طفا لكارو و ضار عندها كيطلعها و يهبطها) لبسي بينوارك
عشق: وراه غير دار هادي
نيروز: مابغيتش لحيوط اشوفوك لبسي
عشق:(لبسات بينوارها و ابتاسمات ليه و خرجات مشات عند فراس لقات سلوى كتبدل ليه لخروق) هاني جيت مامي
سلوى: راه كان ناعس غير فيقتو نبدلو و ينعس هاني ساليت
عشق: عطيني رضاعة نرضعو (جلسات و هزاتو فيديها و عطاتو رضاعة كيرضع حتى خواها و نعس تاني و هي تحطو بلاصتو و خرجات متاجهة لبيتها عند نيروز دخلات لقاتو متكي فوق النموسية بين يديه كتاب و دازت من تحت لكتاب نعسات على كرشو و كتشوف فيه ) توحشتك
نيروز: حتى انا (نعسها على جنب و كيلعب فشعرها )
عشق: هاد ليلة كانت زوينة بزااااف
نيروز: منين فرحتي داكشي لي بغيت
عشق: فرحانة معاك
نيروز:(زير عليها بحال الى اتهرب) عمرك تبعدي بلاصتك ديما معايا
...كانت معاه ف البرطمة كيهضرو على بزاف د المواضيع ولا كما صح القول غير هي لي كتبلبل و شادة كيسان شراب فيديها كتشرب حتى فوتات و سكرات بالمعقول وولات دخل و تخرج فلهضرة
نجلاء: مكنقدرش نهضر مع ولاد زوينين بحالك بسبابو
تايغر: شكون هو؟ (كيرشف من كاسو و كيشوف فيها)
نجلاء: خوووياااا ديما منكدها علياااا ديما كيقتل دراري لي كنعرف كولشي كيخاف منو بطبيعة الحال هو هيولا كولشي ايخاف
تايغر:(حط لكاس من يديه) هيولا خوك؟
نجلاء: اااه
تايغر: قلتيلي نتي مربية
نجلاء: خفتك تخاف منو و تهرب و بصراحة عجبتيييني بزاف و عارفة ماعندي زهر (كتمايل بلاصتها) قلت نجرب حظي بلا مايعرفها خويا
تايغر:(ابتاسم بخبث و قرب منها جالس حداها و شاد فيديها و كيشوف ف عينيها نايمين بدرع باش شادة توازنها ) هاد ليلة ماغايعرفها حتى واحد اتبقا بيني و بينك
صبح صباح جديد و شمس شرقات على احداث جديدة ...كانت ناعسة كتكسل بلاصتها رمات يديها على جنبها مالقاتوش حداها و ناضت ملوية ليزار كتكسل و شافتو خارج من دوش لابس بينوار
نيروز: صباح النور
عشق: صباااح الخيير مااسخيتش نفيق
نيروز:(ابتاسم) رتاحي
عشق: باغي تخرج لشي بلاصة؟
نيروز: اه عندي شي شغل
عشق: اتعطل ؟
نيروز: لا ليل نجي
عشق: اووك
نيروز: وجدي حوايجك و حوايج فراس غدا انسافرو لباريس
عشق: (حيدات ليزار و ناضت عندو مسفحة ) واخا
نيروز: محتاجة شيحاجا؟ (لبس لبوكسر و سوفيتماو كيطلع سروالو و يسسد القاميجة)
عشق: ترجع ليا بيخير و على خير
نيروز:(ضار عندها) باينة فيا غادي للحرب؟
عشق: (بطنز) و عارفاك ماغاتمشيش تفوج
نيروز: كولشي ايدوز بيخير
عشق: جيبلي شيحاجا زوينة
نيروز: بحالاش ؟
عشق: شوووف نتا شي حاجا تليق بيا
...غمزاتو و دخلات للدوش و هو هز سوارت طوموبيل و تيليفونو و الفردي و خرج ...تلاقا مع فرح و ربيع لي لحقوه ركبو فطوموبيل اخرى و نطالقو و نيروز موراهم و كيهضر فتيليفون مع رجالو و دايرين خطة محكمة ...كانت حتى هي ناعسة و هو واقف فالسرجم كيشوف فيها و معصب من راسو ماقادرش ينسى ليلة البارح لي ماقدرش اغلط فيها و ماقدرش اقيس فيها نجلاء حيت كلما كيحاول اقرب صورة عشق كطيح فبالو امكن مرض بيها و حتى انها عششات ليه فدماغ مابقاش كيستحلى شيوحدة من غيرها و حالف ل غيرو و الله لاكانت...فاقت حاطة يدها على راسها و عينيها كيتحلو بزز ماعاقلاش على راسها و كتستوعب فين هي اول حاجا طاحت فبالها هي تلاقات ب تايغر و جات معاه ، شافت فين جالسة و ضورات راسها كتشوف فيه و كتبلع ريقها
نجلاء: فيين انا شنو وقع؟؟
تايغر: (ابتاسم و توجه عندها عاطيها قهوة) صباح الخير
نجلاء: شكرا على كولشي كون كان شخص آخر ماكانش ايفلت الفرصة ليلة لبارح
تايغر: ماشي كولشي بحال بحال
نجلاء: باي
...خرجات من عندو فرحانة كيحسابليها الى تلاقاتو و معاها فراس اتقرب منو و هي ماعارفاش بلي خطتو غادية كيما بغا هو استغل تقتها و زعطتها فيه و لعب ليها على الوتر الحساس ب الكدبة ديال ولدو لي مات باش ازيد اغمق عليها و نجحات خطتو ...أما فالقصر كانت هابطة عشق هازة فراس بين يديها غير وصلات لعند زمرد و بسباس بداو زغارت
زمرد: صباحك مبارك يا عروووسة
بسباس: كيصبحتي
عشق: ليلة العمر لبارح فوجت (كتلعب مع فراس) ياك افرفوسي
زمرد: الله ادومها فرحة
بسباس: واش ماشفتيش نجلاء ماكانتش فبيتها
عشق: لا
زمرد: يعلم الله فين مشات الزغبية جاب الله خوها ماكاينش
عشق: خليها تعيش حياتها باقا صغيرة
دخلات لعندهم منبعد ما وصلاتها طاكسي ...كتجر ف جلايل قفطانها و داخلة بالحس خايفة تلاقا مع نيروز حتى عيطاتلها زمرد
...طلعات لبيتها دخلات دوشات و لبسات حوايجها و هبطات تاكل شيحاجا و عينيها غير على فراس لي بغات تخرجي معاها ولكن عشق شاداه و خايفة دير شي كارثة ...أما نيروز كان مراقب ربيع هو و فرح لي كانو بعاد عليه و عطاهم الاشارة يبداو
ربيع: خرجي بداي
فرح:(كترجف ) واش هوما هنا؟
ربيع: راهم متبعينا
فرح: واخا (خرجات من طوموبيل كتغوت و تسبو) حمااار ماعمرك تبدل ديييما اتبقا هاكااا
ربيع:(هبط حتى هو كيغوت) مااااطلعيييش لياااا فكر*
فرح: علااااش ضيعتي ليا حياااتي من لول قولي ماباغينيش
ربيع: ماباغيكش و مكنبغيكش ماكاتساليني والووو
فرح:(هزات يديها صرفقاتو) ماتسواااش
ربيع:(ضار مع التصرفيقة و بدا كيشوف فيها شدها من شعرها قربها ليه) بااغياااااني نقتل ديلمووك يدك نقطعهااا لييك
فرح: اش عند شماااتا مايدير
ربيع:(ساهي فعينيها لقهويين و نطق ) عندو بزاف مايدير
دخل معاها فقبلة كانو متمرسين فيها بجوج و نساو راسهم و نيروز كيشوف فيهم من طوموبيل من بعيد و كيحرك راسو ب لا حول...ماحسو براسهم حتى وقفو عليهم طوموبيلات كوحل و هبطو رجال العصابة و تخشات هي فيه ...هبط رئيس العصابة من طوموبيل و نطق
...بيني و بين اب هاد لغزالة حساب ديال لفلوس
ربيع: ال*لاوي لاخديتيها
...ماشي على كيفك
عطا اشارة لرجالو يديوها لكن سرعان ما خرجو رجال الشرطة من اختباؤهم و حاوطو المكان موجهين لفرادة ليهم كاملهم .قرب رئيس العصابة من فرح دغيا و حط لفردي على راسها
...حتى واحد مايقرب انقتلها
فرح:(طاحلها لما فركابي و بدات تبكي) ربييع
نيروز:(هبط من طوموبيل و خرج الفردي من جيبو وجهو ليه
جابهالو نيشان فاليد لي فيها لفردي حتى طاح و فرح فلتات من يدو تخبعات عند ربيع و هو زرب مشا يشد رئيس العصابة و هزو من الارض) طحتي من بين يدي
…(جبد موس جرحو ف راحة يدو في محاولة للهرب ) مااااغاتشدنيش
نيروز: منيتك (عطاه ركلة لمو طيحلو سنانو و ركبلو المينوط) ديوه عليااا (كيشوف ف فرح و ربيع) نتوما مزيان؟
فرح: اه اوووف اخيرا تهنينا من هاد الكابوس
ربيع: دغيا طاح فشبكة
نيروز: تمثيلكم كان زوين خصوصا البوسة
...حمارو وجوههم و بقا شي كيضور وجهو لجيهة لوخرا حتى نطق ربيع
خرجات من بيتها لابسة و مقادة و كتسلت ...مشات لبيت فراس لقات معاه سلوى لي كانت ناعسة مفرشخة فوق الفوتوي و هو ناعس ف لولي ديالو...هزاتو بشوية كتحاول ماتخليهش افيق و لواتو فالمانطة ديالو و خرجات بشوية سدات لباب ...و هبطات ف سانسور ديريكت خرجات من لباب لوراني ...كانت ديجا طالبة طاكسي ركبات فيها و مشات صونات على تايغر
نجلاء: الو انا خرجت من لقصر
تايغر: جبتي معاك فراس؟
نجلاء: اه و لكن ماخصناش نتعطلو
تايغر: اجي ل ***
نجلاء: ديك لبلاصة كتكون خاوية
تايغر: هي لي قريبة ليااا
نجلاء : اوك واااخا
...عطات العنوان لطاكسي و توجه لعندو مسافة ديال طريق وصلات خلصاتو و هبطات هازة فراس و مشا ...شافت تايغر واقف قبالتها و معاه جوج من رجالو و قرب ليها
تايغر:(خداع من عندها) كيعجبني لحال فاش مكندير حتى مجهود و كولشي كيجي عندي بخاطرو
تايغر:(دفعها برجلو طاحت فالأرض شادة ف خصرها و نطق) مكلخة
...ركب طوموبيلتو و انطالق فيديه فراس لي كان كيبكي و رجالو تابعينو و هي ناضت كتبكي و ضرب ففخاضها و تابعة طوموبيل كتجري حتى طاحت على ركابيها كتغوت ...حسات بقلبها ايخرج من بلاصتو بهالشي لي دارت و العواقب ديالو ماغادي دفعهم غير عشق….هاد الاخيرة لي كانت غادية تشوف ولدها واش فاق من نعاس دخلات لبيتو و طلات عليه مالقاتوش و هي تزحزح سلوى
عشق: فيين هو ولدي؟؟؟
سلوى:(فاقت مفزوعة) شنو شنو كاين بلاصتو
عشق: ماكاينش فينوو؟
سلوى: اتكون خداتو مدام زمرد
عشق: زمرد عاد دابا كنت عندهاا (بدا لشوف كيتملكها) فييين هو ولدي؟؟؟ شنو درتييييي ليييه ؟؟
سلوى:(شداتها لبكية و ماحسات غير بعشق كضرب فيها و تغوت) ماااااادرت وااالو اهئ اهئ
عشق: من لول عرفتك بنت لحرااااام شكوووون صااافطك دويييي
سلوى: ماصافطني حد تيقي بيا مادرت واالو اهئ اهئ
...خرجات عشق كتغوت و دموع هبطو ليها غير اسم فراس كترددو ففمها حتى جمعات مالين لقصر كاملهم عليها
…...خرجات كتقلب برا و كولشي تشتت كيقلب حتى جات نجلاء فطاكسي وجهها شاحب و عينيها فالارض ماقادراش تهزهم دموع شلال و الخطوة بدرع باش كترميها شافت كولشي مشتت على لقصر عرفات بلي وصلاتهم لخبار بلي فراس ماكاينش ...شافت ف عشق لي اتحماق بتقلاب و كتعيط بحرقة لولدها و قربات منها
نجلاء: عشق (طرطقات بلبكا كتشوف فيها) سمحيلي انا مكلخة و حمارة ولكن مادرتهاش بلعاني والله
عشق:(حيدات يديها منها ) شنووو درتييي؟؟؟ فييينوووو ولدي ؟؟؟
نجلاء: عند تايغر قاليك الى بغيتيه اتعرفيه فين كاين
...دنيا ضارت بيها و بلا وعي تخطاتها كتجري و كتعكل فكرة ان ولدها يكون عند تايغر كافية تخليها دير شحال من سيناريو فعقلها ...خدات سوارت من عند شيفور بجهالة و ركبات طوموبيل كترجف و كتصوني ف تيليفونها و هو ماتعطلش باش اجاوبها
تايغر:(كيسمعها غوات فراس) ولدك شحال كيغوت
عشق: تاااايغر اقسم بالله و تآذيه …
تايغر:(قاطعها) بلا تهديد و اجي عندي لفيلا ديالي كاينة ف *** اتلقاي رجالي ايجيبوك حتى لعندي و الى جبتي معاك شيواحد نتي لي اتخسري
عشق: ماااادييير وااالووو انجي بوووحدي
...قطعات و نطالقات عندو تحت انظار نجلاء لي كتبكي بحرقة و قربات منها مها
زمرد: اويلي فين مشات هااادي خصني نقولها لنيروز
نجلاء: لااا ماتقوليهاالوووش هي دابا تجي بلا مانخلعوه اتلقااه
زمرد: اويلي اشكتقولي
نجلاء: عفاك غير صبري دااابا تجيييي
….وصلات عندو للفيلا و داخلة بسرعة كتقلب براسها و كتسمع صوت ولدها الباكي
تايغر: و اناااا قلبي حجرة و انجبد مصااااارنوووو قداااامك (عطا اشارة ل رجالو) جيييبوووه
...دخلو ليها فراس و هازو احد رجال و هي بغات تمشي عندو لكن حاكمها من يدها
تايغر: ايموت قدام عييينيييك
عشق: ماااتآذيييهش حرااام عليك مادار ليك وااالووو
تايغر: نتي عارفة شرطي مزياااااان
عشق: (كطيح دموع و كتشوف ولدها بين لحيا و لموت و كتفكر كيفاش اتنقذو و تنقذ راسها) نتا باغي تعذبني و تحكم بيا كيما بغيتي ياك و نفذ ليك طلباتك بلا مانعااارضك
تايغر:(قربها ليه) باااغيك نتي
عشق: انعطيك ضمانة …
جالسة فبيتها كتشوف لافاليز ديالها بتمعن كتاخد نفس عميق شهيق و زفير حيت ادخل لحرب اخرى بشخصية جديدة و افكار و مكائن جداد ، حفلات كاع خططها و بضبط بشنو غادي تبدا و كيفاش اتسالي و عارفة بلي الخصم ديالها هي ختها و ماشي ساهلة باش دوز عليها دغيا لكن اتحاول دير لي فجهدها باش تبين الحق و تاخد حق المظلومين فطريق عشق ...ناضت هزات لافاليز ديالها و هبطات من بيتها لتحت كان فانتظارها كيشوف فيها و هي كتشوف فيه
شفق: اذن صافي هادي هي النهاية؟
شهاب: ماتقوليش النهاية مازال رح نتلاقو إن شاء الله
شفق: انتسناك كيما واعدتك
شهاب: فكري في روحك و عرفي مزيان بلي رام داخلة لحرب خاصك تربحيها
شفق: كاع داكشي لي علمتيني غادي نديرو و كنواعدك انربح
شهاب: ماتردديش تعيطيلي الى حتاجيتي حاجا
شفق: و الى توحشتك ؟
شهاب: شوفي شهاب فليل و انا الى توحشتك انشوف الشروق
شفق: سلملي على جدك
شهاب: مشا لتلمسان انمشي عندو و نعاود نشرحلو كولشي من لول
شفق: و عتاذر ليه حيت كدبنا
شهاب: ماكدبناش هو لي فهم غلط احم (جبد من جيبو وراقها و باسبور) هادو وراق مزورين باش تسافري لروسيا
شفق: شكرا (مداتلو يدها) الليعاونك
شهاب:(صافحها) تهلاي في روحك
...تخطاتو من بعد ما هزات لخدامة لافاليز ديالها و كل خطوة كديرها كتحس بدموع على طرف عينها حاسة بلي عمرها اتعاود تشوفو و قلبها تزير و هو كذلك كيشوف فيها كتمشي ببطء و كتاخد روحو معاه لدرجة ماقدرش اصبر و نادى عليها بصوت كيرجف
شهاب: شفق
...ضارت لعندو و طاحو دموعها مشات كتجري عنقاتو بلهفة و هو كذلك مزيرة عليه و حتى هو لدرجة ضلوعهم تداخلو و بعدات عليه كتشوف فيه
شفق: انتوحشك بزاااااف واعدني اتجي راه انتسناك كنقسم ليك بالله ماغايكون حتى واحد من غيرك
شهاب: عطيتك عهد الله انجي عندك و نتجمعو فدار وحدة من بعد ما نسالي مشاكيلي مع العصابة (شبك يدو مع يدها) من غيرك ماعنديش
شفق: كنبغيك اشهاب
شهاب: كنموت على جالك
شفق: عمرني نسا خيرك و كنواعدك انخليك فرحان مني
شهاب: تهلاي فروحك (باسلها يديها ) انتلاقو واحد نهار
شفق: (رجعات عنقاتو و بعدات عليه و نطقات ) تهلا فراسك اقلبي
...خرجات من دارو مرتاحة نسبيا واخا قلبها ايتعذب على فراقو و هو كثر منها ...ركبات فطوموبيل و مسحات دمعة طايحة فطرف عينها كتشوف للقدام و مصيرها خصها تبدلو و حياة جديدة كتسناها ….
دخلات لبيتها كترجف و بسباس تابعها كيشوف فيها و يهضر بزربة
بسباس: يعلم الله فين عشق و شنو كديييير
نجلاء: ماااعرفتش مشيييت فيها انا حمارة مااااانسوااااش ابسباس
بسباس: شنووو درتي المتعوسة؟؟؟
نجلاء: انا لي هزيييت فراااس و عطيتو لتايغر بيدي اهئ اهئ
زمرد:(كتنتف فيها) الله اعطيني مصييبة ابنت لحرااام (كضرب فوجهها) انقووولها لخوووك اطييح روووح الى مارجعاتش عشق وولدها اوييلي سترنا ياااربي
...خرجات كتندب من بيت نجلاء و تيليفونها كيضور نمرة لنيروز حتى شافتو داخل مع لباب هو و ربيع و فرح و قربات منو كترجف و هو شافها لون مخطوف من وجهها و هو يخنزر
نيروز: مااالك ؟؟
زمرد: ولدي (كترجف و تمتم) فراس و عشق ماعرفتش
كيغانقولهالك هانتا اولدي ماتخلعش و سمعني
نيروز:(شدها من دراعها نسا بلي مو) مااااالهم واااقعة ليييهم شييييحاااجا؟؟؟
زمرد: هانتا غير سمعني (كتبلع ريق)
نيروز:(طلق منها و كيتكرزز على سنااانو و شحال من بلان طاحلو ف راسو و غوت فوجهها) نطقيييييي
امرأة تدخن الرجال الجزء 30
محتوى القصة
التنقل بين الأجزاء