امرأة تدخن الرجال الجزء 32

دخلات لبيتها لقات نيروز يالاه خارج من دوش...مشات نيشان لدريسينغ لبسات بيجامة و خرجات يالاه ادخل لبلاصتها و هو ينطق

نيروز: كنتي عند شفق؟

عشق: اه خليتها اتنعس

نيروز: مسكينة فاقدة ذاكرتها

عشق: اممم

نيروز:(جا من وراها و همس) دابا ترجعها

عشق:(يبسات بلاصتها و دغيا بدلات الموضوع) فيا نعاس عييت

نيروز:(لاحظها بعدات منو غير قاسها و هو يتعصب و جبدها ) مالك فينما قربت ليك كتهربي؟

عشق: مكنهربش

نيروز: عشق اشهااااد لفعااايل ولاو فييك

عشق: ماكاين والو انيروز انا عيانة

نيروز: حتى انا كنكون عيان و كنعطيك حقك

عشق: مابغييتش وااش بزز

نيروز:(طلق منها ) حتى حاجا مابزز كان كيحسابلي كتوحشيني كيما كنتوحشك

عشق: (كتجنبو باش مايشوفش وجهها ) ماراشقاش ليا و مابغيتكش تقيسني

ضغط على قبضة يدو...و يالاه كان ايجاوبها دق شيواحد فبابهم ...مشات بسرعة حلات لقاتها سلوى

سلوى: مدام عشق ، فراس كيبكي بزاف

عشق:(بخوف) ماااالو؟؟؟

سلوى: طالعة ليه سخانة

...خرجات عشق بسرعة فاتجاه بيت ولدها دخلات عندو و هزاتو بقات كتسكت فيه و خايفة ...أما نيروز غير لبس حوايجو تبعها و حيدولها من يديها خايف عليه ايضا

عشق: خصنا نديوه لطبيب

نيروز: لبسي عليك انمشيو

...دغيا عطاه لسلوى لبساتلو و عشق دارت فوقها كاب و خرجو هازاه عشق و كتسكت فيه خايفة ...مسافة طريق وصلو لكلينيك و مع كيعرفو نيروز دغيا دخلوهم و عطاوهم العناية ...بقا طبيب كيفحص ففراس و مبتاسم

طبيب: هادشي عادي طلعلو سخانة راه سنانو بداو ينبتو

عشق:(قربات لولدها كتشوف سنينات كيديرو ريوس جاتها ضحكة) ههه ولاهيلا كينبتهم

نيروز:(تنفس بارتياح) ايبقا يمرض ديما؟

طبيب: هبطاتلو سخانة..شريو ليه دوا و غير طلعلو عطيوه ليه و اتهبط

عشق:(هزاتو فيديها كتشوف دميعاتو و عينيه نايمين و باستو) ولدي فنيكيش هاني معاك اماما

نيروز: اوك شكرا

...خرجو من لكلينيك و دازو على الفارماسي خداو دوا و ركبو فطوموبيل و راجعين للدار ...لقاو زمرد و علي و سلوى.كيتسناوهم قالو ليهم بلي بدا كينبث سنان داكشي علاش طلعاتلو سخانة و جابوليه دوا ...كل واحد مشا لبيتو و عشق خدات فراس معاها للبيت نعساتو فوسط منها هي و نيروز يردولو لبال و هي كتفكر و تخمم دارت شحال من بلان فراسها و فتالي ختماتها بابتسامة ديك الابتسامة لي كديرها فوقما تبدا خطة جديدة ...شافت ف نيروز بحزن كظلمو معاها بفعايلها و كتمثل عليه بلي ماباغاهش فالوقت لي موحشاه كثر من لقياس...قررات تحل المشكل راسها بلا مايتدخل و تندم تايغر الف مرة و مرة ...

صبح صباح جديد جالسين فيه فجردة كيشربو قهوة و الصمت سيد الموقف، كانت شيماء كتفرج فالمجلات، حتى طلعات راسها كتشوف ف سارة

شيماء: سارة مالك

سارة: (بحزن) باقي نيار هاز فقلبو من جيهتي

شيماء: نتي مادرتي حتى حاجا خايبة

سارة: مابغاش اتيق بيا

شيماء: هو راه كيبغيك بزاف اسارة عمرو يفرط فيك

سارة: مكيتيقش فيااا جرحني بزاف

شيماء: شنو بانلك تفكريه فيامكم قادي شي عشا خفيف ف بيتكم و لبسيلو شي لبسة و جلسو هضرو

سارة: قالي مانبقاش نقرب ليه

شيماء: راه غير كيهضر جربي شنو خسرتي

سارة:(تنهدات ) صافي انجرب (شداتلها فيدها) ياك ايسمحلي

شيماء: فاش ايعرف الحقيقة ايسمحلك

...أما فالمغرب كانت فالبيت مع ولدها كتنعس فيه حيت ليل كاملو و هو فايق كيبكي ..غير حطاتو هزات تيليفونها و صونات للتايغر هاد الاخير لي تعجب من اتصالها و جاوب دغيا

تايغر: كيطرا و جرا حتى صونيتي

عشق: غادي يخرج ليا لعقل

تايغر: شكون؟

عشق: و شكون من غيرو نيروز

تايغر: اجي عندي

عشق: فراس مريض انوصي عليه المربية و نجي

تايغر: واخا العمر ماتعطليش

عشق: ماغانتعطلش باغيا غير نهرب من هاد صداعات اتايغر

...قطعات الخط و هي مامنتابهاش لشفق لي حدا بابها و سادة فمها بالصدمة توقعات من عشق اي حاجا إلا انها تخون نيروز و مع تايغر ...دغيا بلعات الصدمة و ابتاسمات هادشي فصالحها ...دقات فالباب و دخلات

شفق: كيبقا فراس قالتلي خالتي زمرد كان مريض بزاف

عشق: هبطاتليه سخانة انمشي نشريلو شي دوا و نجي

شفق: قوليها لارتورو يجيبولك

عشق: ارتورو مابقاش معايا

شفق: لعجب ماكانش كيتفارق معاك جاتني فشكل ماشفتوش هاد المدة كاملة آخر مرة شفتو كان دخل لبيتي

عشق:(طلعات راسها بتعجب) امتى هادشي؟

شفق:(بدون وعي) داك نهار فاش مشاو العائلة عند هبة

عشق: هادشي نسيتيه؟ ياك فاقدة الذاكرة

شفق:(وعات على راسها) احم هادشي عاودولي غير بسباس

عشق: ااه اوك (شافت سلوى داخلة) ردي لبال معاك ل فراس انا شوية و نجي

خرجات بسرعة من لقصر خدات طوموبيلتها و مشات بيها حتى لوسط لمدينة و كداتها ف واحد الباركينغ و خرجات خدات طاكسي عطاتو العنوان و زاد بيها لفيلا ديال تايغر ...وصلات و دخلات كتحيد فصباطها تحت انظارو كان ف انتظارها ..شافها جلسات و نعسات على ظهرها كترتاح و نطق

تايغر: شواقع معاك

عشق: مخنوقة فديك الدار (ضارت لجنب لقات كارو و بريكة لاحتها ففمها و شعلات كتكمي)

تايغر: محرر عليك لعيشة

عشق: خنقني كرهتوو

تايغر: (جلس عند رجليها) شنو تبدل عاد لبارح كنتي كتقولي عليه راجل

عشق: لي راجل مكيضربش لمرا بغيتلو موصيبة عطاتني قتلة د العصا و م لفوق بغا ينعس معايا

تايغر : و انا لي كان كيحسابلي كتبغيه

عشق: مكنبغيهش كنت دايراه طريق باش يعتقني من النفي (شافت فيه) ولا نفكرك شنو درتي ليا

تايغر:(نوضها فيديه و جلسها عندو ) داكشي لي درتو غير من غيرتي عليك و حيت باغيك تكوني معايا

عشق: بلا كدوب كنتي كدير هكك على قبل أمريكا

تايغر: و خرجلي نيروز فطريقي هو و تريكتو ديما كيضيعو كولشي

عشق: (كتسايرو و ذوبو بعينيها) ماتقتش فيه منين قال بلي نتوما لي لسقتو فباه التهم

تايغر: سي المنظمة الامريكية هي لي لسقاتها فيه حيت قتل عائلة د المافيا كبيرة كانت كتهز اقتصادها

عشق: يعني باه بريء

تايغر: اممم

عشق: ماكاين حتى دليل

تايغر: فينما كانت الجريمة كيكون الدليل

عشق:(كتلعب بيديها فصدرو) الدليل خصو يكون فينما كاين تايغر

تايغر:(ابتاسم منتاشي فعينيها) الضواسا ديال براءة باه معايا كنهزهم ديما و لكن للأسف تعدم

عشق: لعقبة ليه

تايغر: حاقدة اشيطانة

عشق: اي حاجا طيح بداك شماتا نديرها يستاهل لموت كيهز عليا يديه ماكرهتش نطلق

تايغر: طلقي

عشق: مابغاش

تايغر: نهربو؟

عشق: بغيتيني انا لي نتعدم

تايغر:(عضها ف عنقها) على قبلي

عشق:(توجعات و ناضت من فوقو جلسات) نفكر

بدات كتكمي و تشرب و شادالو لخاطر كتحس بالانتصار قريب منها و اتنهي هاد الكابوس لي محاوطها هي و عائلتها ...ناضت سلمات عليه بلابيز و خارجة تمشي بحالها لدار ...استاقلات طاكسي و رجعات لباركينغ خدات طوموبيلتها و دازت على لفارماسي واخدة دوا و رجعات لدار دخلات نيشان لعند فراس لقاتو كيرضع حطات دوا و دغيا دخلات دوشات من ريحة الكارو و شراب و عاد خرجات و هي تزادح مع شفق

شفق: ختي جيتي

عشق: ااه جيت

شفق: قالي عمر غادي يجي عندنا

عشق: شكون عمر؟

شفق: لي مكلف بقضية محسن

عشق: مرحبا بيه

شفق:(شافت لحمورية ف عنقها ) واخا غدا ايجي

مشات عشق و شفق بدات متبعة ليها العين و ماملاحظاش بلي نجلاء كانت جايا لجيهتها و ماعطاتهاش اهتمام و دخلات بسرعة لبيت عشق

نجلاء: اويلي علاش شفق دخلات لبيت عشق و هي ماكايناش؟

...دخلات شفق لبيت عشق و بدات كتشوف يمين و شمال و خايفة لكن سرعان ماخرجات كينات من جيبها و حطاتهم فالمجر ديالها و نطقات

شفق: خصكي تجربي احساس ماما منين فارقتيها على بابا

...خرجات بسرعة قبل مايشوفها شيواحد او ترجع عشق و هبطات لتحت باش اتغداو مجموعين ..كلشي مجموع كيتغداو و التلفازة كتنقل الاخبار حتى طيحات عشق من يديها كاس د الما و هي كتسمع للخبر لي صعقها

المقدمة: انفجر مشفى *** في هذه الأثناء و قد لقي حوالي 100 شخص حتفهم من بينهم السارق الكبير الملقب ب الزنبقة الفضية تفاصيل الانفجار نوافيكم بها من قلب الحدث…

عشق: لا مايمكنش..

...ناضت من فوق الطبلة و جبدات تيليفونها كتصوني عليه بالرغم انه شحال هادي ماصونات و سولات فيه كتصوني بحال لهبيلة حتى شدها نيروز كيهدن فيها

نيروز: عشق اشواااقعلك

عشق: مااايمكنش اموت الزنبقة ماخصوش اموت لاااا

...طاحت فالأرض مطيحة تيليفونها و كتشوف ف نقطة وحدة و هو مزير عليها ماعارفش مالها ...و العائلة كاملهم كيسولو

في المغرب ..كان كدير اخر لمسات فوجهها و رشات البارفان ديالها..لابسة سواري فالحمر مبين طايتها و دايرة ماكياج صارخ كأنها رجعات 20 عام لور يوم تلاقات بيه اول مرة ...داخل مع باب البيت كيشوف أضواء خافثة و طبلة فيها لورود و شموع و الماكلة مترأسة الغرفة ...زاد بخطوات بطيئة عاد لمحها واقفة مبتاسمة ليه بخوف و كتفكر صباع يديها ...لسانو تعقد و قلبو كيضرب ...بلا هواه نطق

نيار: تيريزا

سارة:(قربات منو) وجدت هادشي على قبلك

نيار:(كيشوف ف طبلة) علاه

سارة: حيت توحشتك (كتحيدلو الفيست) جلس رتاح

...مشا جلس فالكرسي و هي جلسات مقابلة معاه فرحانة و كتشوف فيه و هو كيشوف فيها حتى نطقات

سارة: توحشت ليام لي كنا كنتعشاو فيها قبل حتى مايكونو ولادنا

نيار:(كيشوف ف كاسو ) اتكوني غالطة بزاف ا سارة الى كيحسابلك فاش تزوقي راسك و تقادي هاد لعشا انسا بلي خنتيني

سارة:(تبدلو ملامحها ) انا ماخنتكش عمرني درتها

نيار:(ابتاسم باستهزاء) كنتي معنقاه و كيبوسلك فيدك اعلم الله شنو درتو اخر

سارة: (شداتها لبكية) حشومة عليييك

نيار: الى نتي كتنساي انا مكنساش

طيحات دموع من عينيها حارين و ناضت جبدات ليزار ديال الطبلة حتى تشتت كولشي فالارض و بقات كتغوت و تبقي

سارة: عمرني خنتك اهئ اهئ عمرني حتى فكرت فيييها و عمرني درتها اهئ اهئ عمرك اتيقني و عمرك اتحس بيا قلبك قااااسح انيار قلبك حجر بغيت ربي ياخد حقي منك واحد نهار اتعرف كولشي فداك الوقت اتركع قدامي و ماغانسمحش ليك اهئ اهئ (كتنتف ف راسها و كتمسح وجهها) لمن كنتزوق انا لمن كنتقاااااد لواحد قلبو حجر ياربي نموت و تعذب كثر و كثر

...خرجات كتجري من لبيت و من خارج لقصر كتبكي و تشهق أما هو بقا مصدوم من راسو على كلامو الجارح ليها كأنه ماشي عشرة عمر دوزها معاها ...خرج موراها كيجري باغي يلحقها لقاها خرجات لبرا غير كتجري بلا عقل و شتا كطيح بغزارة عليهم ...شدها من يدها ضورها عندو

نيار: فييين غادياااا فهاد ليييل حماااقيتي

سارة: خليييني ماااشي شغلك فيا ياك انا موسخة و كيما خنت راجلي معاك انخونك مع واحد اخر ياااااك هاااادشي لي قلتي فيا ياااك خليني نمشي بحالي مابقا عندي ماندير هناااا

نيار: سكتييييي باااااغااااا تخرجيلي لعقل زيدي لداخل

سارة: اهئ اهئ مااابغيييتش خرج من حياااتي عذبتيني انيااار عمرني نسمحلك اهئ اهئ ماتيقتينيش و انا كنبكي و نحلفلك عمرني خنتك

نيار: و شنوووو كنتي بغيييتيني نديييير نصفق ليييك دخلتي فياااا جنااااوة اسااااارة قهرتييييني

سارة: كووولشي بسباب عشق كنت كندير غير الخير عمرني غيرتك كنت عارفة بلي محسن كيتسطا عليا و عاودت عشق باش تفضحو شنووو بغيتيني ندير نخليه يتزوج ب هبة و يضحك عليهاااا؟؟؟ اهئ اهئ بصح مادير خير مايطرا باس (بغات تمشي و رجعها عندو)

نيار: فيييين غاااادية فييين

سارة: نمشي فين ما بغيت نمشيييي مااااشي شغلك اهئ اهئ الطريق لي جمعاتني معاك قطعتهااااا

نيار:(قربها ليه ) قبل ما ذبحووولك قالولك نتي ديال نياااار فهمتيها

سارة: مانقدرش نبقا مع واحد ماتايقش فيا اهى اهئ

نيار: زيييدي لداخل ايضربك لبرد

سارة: مابغيتش مااااابغيييتش

هزها فكتفو كتركل و تبكي و تغوت بدرع باش طلعها للبيت و سد لباب و ضار عندها لقاها كترجف و تبكي ...مشا بسرعة جاب فوطة كينشفها و هي كتنتر منو جلسات فالنموسية كتبكي و تعطس ضربها البرد ماحسات براسها غير و هي ناعسة و هو كيشوف فيها ...قرب ليها حط يديه على جبهتها لقاها سخونة و عض على شفايفو ب كره

نيار: هادشي لي كنت خاااايف منوووو

...قرب منها كيحيدلها فحوايجها و هزها بين درعانو دخلها لدوش بسرعة كيدوشلها بالما سخون باش تهبطلها سخانة ...هزها تاني لوا عليها فوطة و خرجها كيقلبلها فحوايجها على شيحاجا سخونة تلبسها و بقا كيلبس ليها و هي كتهتف

سارة: نيا..اار كنبغيك

نيار:(كيبوسلها يديها) حتى انا كنبغيك نتي مريضة دابا رتاحي

سارة: بغيت نموت

نيار:(نعس حداها ضمها ليه ) ماتقوليش هاكا لمن اتخليييني

سارة: والله ماخنتك (بدات تبكي) كنبغيك

نيار: رتاحي اسارة انا معاك احبيبتي ماتخلعينيش عليك

كيبوس فيها و خاشيها فيه و بقاو على ديك الحال حتى صبح صباح أما فروسيا كانت فالجردة هازة مشوار كتمسح دموعها و نيروز كيشوف فيها من بعيد

علي:(قرب منو) سير عندها

نيروز: غير كنقرب منها كتبعد مني

علي: مدابزين؟

نيروز: تبدلات عليا بزاف

علي: سير عندها دابا هي محتاجاك

...دار بنصيحة باه و مشا عندها جلس حداها

نيروز: صافا دابا؟

عشق: كان عزيز عليا بزاف

نيروز: غريبة نتي اعشق عزيز عليك ديرؤ صداقات مع المافيوزيين

عشق: فيهم الخير لي مالقيتوش فولاد الضومين

نيروز: دعي معاه بالرحمة

عشق: الله ارحمو

نيروز: يالاه لبيتك خصك ترتاحي دابا

مشات معاه لبيت و هي عيانة نعسات بلاصتها و كتنخصص و هو حداها كيهدنها بهضرتو و يعاودلها حتى حس بيها ترخات بين يديه و نعسات و بقا ساهي كيشوف فيها قلبو كيزدح و نطق

نيروز: ماعرفتش شنو كديري فيا ولكن عاجبني لحال

...صبح صباح جديد فاقت فيه سارة كضور راسها فالغرفة وحيدة و بدات تشدها لبكية تاني و هي طلق حلقها للغوات و البكا حتى دخل عندها نيار مخلوع و جلس حداها كيتفحصها

نيار: سااارة شواااقع ليك مااالك

سارة: اهئ اهئ كنت كنحلم ياك اهئ اهئ فقت مالقيتكش يعني كنت كنحلم

نيار: مكتحلميش انا معاااك مالك شنو كيضرك

سارة: حلمت بلي بقيتي معايا ليل كاملو بلي قلتيلي كتبغيني اهئ اهئ انحماق انيار

نيار:(عنقها) مكتحلميش انا معاك ديما

سارة: اهئ اهئ علاش كتعدبني

نيار: سمحيلي على كولشي

سارة: واش كتيق فيا قولي بلي كتيق عفاك

نيار: تايق فيك و مانقدرش نعيش بلا بيك نسيت كولشي مابغيتش نخسرك

سارة:(تكمشات فيه كتبكي و تشهق) ماتخلينيش عفاك نتا لي عندي ماتخلييينيش

نيار: على موتي

بقاو معانقين كيشبعو من بعضياتهم شوقو و حبو لكبير ليها خلاتو ينسى اخطائها و هي كذلك...عشرة عمرهم تجاوزات هاد المحنة لكن علاقة اخرى كانت فبدايتها يالاه كتواجه المحن و هادي وحدة منهم ...صبح صباح جديد فروسيا و تجمعو فالطبلة كيفطرو فصمت

شفق: (كتشوف ف الجورنال و كتأفأف ) ناري وحدة غتاصبها صاحب باها و ناضت قتلاتو (كتوريها ل عشق ) شوفي اعشق شوفي

عشق:(رن هاتفها بسرعة سداتو و بدون اكتراث تنهدات) خصني نخرج نجيب دوا ل فراس

ناضت و شفق رجعات كتاكل فالخبز لي دهناتو بالشكلاط و كتشوف ف نيروز لي كيشوف ف عشق خارجة من لقصر بسرعة

شفق: لعجب الدوا ديال فراس جابتولو البارح

نيروز: اتكون نسات شيحاجا

شفق: كنت معاااهااا و لكن امكن مشات تجيب البومادا ليها

نيروز: اشمن بومادا؟؟؟

شفق: احم وا داكشي بيناتكم اويلي هه

نيروز: هضرييي؟؟

نجلاء: (بتوتر باغا تسلك الجرة ) اتكون نسات شي دوا كيما قال نيروز

نيروز:(سكتها ب اشارة بيديه) هضري اشفق

شفق: للحمورية لي فعنقها

صهدة طلعات من رجليه و ناض من طبلة بلا وعي كيزرب باغي يلحقها و يتأكد ...هو عارف مزيان بلي مابقاتش كتخليه يقيسها و غير كيمسها كتنفرو اذن لحمورية منين جاتها ..افكارو تبعثرات فدماغو و خاطرو تزيرات و مالقا حل ...ناداها بصوت مرتفع حتى ضارت عندو

نيروز: فين غادا؟؟؟

عشق: راه قلت ليك انمشي نجيب دوا لفراس

نيروز: (كيشوف ف عنقها مابانت ليه حتى حمورية) الشيفور اجيبها بقاي مع فراس

عشق: قنطت قلت نخرج شوية و نجيب دوا معايا

نيروز: غدا و نخرجك نتي و فراس

عشق:(تنهدات بقلة حيلة) اوك انبقا شوية فجردة

...دخلات للجردة كتمشى و هو متبع ليها لعين كينعلن الشيطان لي لعب ليه بعقلو و خلاه اتخيل شي حوايج ماكاينينش ...أما هي غير بعدات منو ابتاسمات و جبدات تيليفونها كتهضر

عشق: مايصلاحليش ليوم نجي راه حابسني غير نلقا الفرصة انجي (قطعات)

...دخل نيروز للقصر بخطوات بطيئة و هو يسمع نجلاء و شفق كيتناقشو

نجلاء: علاش قلتي ليه هكك مكتعرفيش تسكتي؟

شفق: علاه مالي شنو قلت؟

نجلاء: جابلي الله بحال الى كتشعلي لعوافي تعلمي تسدي فمك شوي

شفق: واش عارفة راسك شنو كتقولي هاديك راه ختي مانبغيلهاش شيحاجا خايبة

نجلاء: لا باينة نيت شوفي نقولك نيروز و عشق مرتاحين مع بعضياتهم عطيهم تيساع لبارح شفتك خارجة من بيتهم شنو كنتي كديري

شفق: (كتشوف ف نيروز بنص عين) مشيت نحط ليها فالمجر داكشي لي خلات عندي و الى ماتيقتيهاش سولييها

سمع هضرتها و راسو تكبو عليه بزاف د الافكار ...مشا بخطوات بطيئة طالع لبيتو ...وصل و اول حاجا مشا ليها هي لمجر ...جاه لفضول يعرف شنو خلات عند شفق ...و فنفس لوقت كيقول هاداكشي ماشي شغلو و شغل لعيالات هادوك ولكن مشا مع القرار اللول و فتح لمجر ...هز لكينة فيديه و بدا كيقرا فالتعليمات كيفاش كتستخدم ديك الكينة...حتى كيتصدم...كانت هي فجردة كتهضر فتيليفون لكن هاد لمرة مع خوها

عشق: نزار انا محتاجاك بغيتك تجي للمغرب

نزار: علاش واقعة شيحاجا

عشق: واقعين بزاف د الحاجات

نزار: شواقع؟

عشق: اجي للمغرب و تعرف و لكن الى جيتي جلس ف اوطيل ماتجيش للقصر

نزار:(بتعجب ) اوك

...قطعات لخط و دخلات للدار بقات كتمشى حتى وصلات لبيتها شافت نيروز عاطيها بالظهر

عشق: نيروز؟

...ماجات فين تكمل شوفتها فيه حتى غفلها بتصرفيقة فالوجه داخت ماعرفات دقة منين جاتها ...ضارت لعندو زادها ثانية حتى طاحت فالأرض و شافت فيه بصدمة باغيا تعرف غير شنو دارت

نيروز: اللينعطبن**ك ال**بة انااااااا *اااامل تلعبي من وراااايااا (هزها من شعرها و رمالها دوا فوجهها حتى رجعات طاحت) مولفة بالكييييناااااات ال**حبة ديريها بيا اناااا

عشق:(دم كيسيل من نيفها و كتشوف ف الكينات) ماااااشيييي دياااااولييي مااااكنشربش انا هاد زبل

نيروز: زااااايداااااها بلكدوب (ركلها و زادلها بتصرفيقة و هز لكينة ) مااااباغانيش نقيسك حيت ماااتايقاااش فالكينة ؟؟؟

عشق:(ناضت قربات للحيط) وحش و مااااعندكش لقلب اشبغيتيني ندير

نيروز: كتلعبيييي مووراااايااا رخيتلك سمطة باغاااا طلعي فوق مني ال**بة السلكوطة

عشق: مااافاااااهم واااالوووو

نيروز: فهميييني ياااالااااه نطقي

بقات ساكتة ماقادراش تجاوب أصلا من لول هادشي لي بغات ووصلاتو للحد ديالو باش تبدا لعبها ...كتشوف فيه كيتهز و يتحط بلاصتو و يغوت عينيه حمارو و كشاكشو كيخرجو و هي متكية على الحيط كتسمع ليه و راسها هابط و بأي وجه اتشوف فيه و تواجهو ...رما ليها الكينة فوجهها و غوت

نيروز: شنوووو كيدييير عندك هاااااد زبل شنوووو

عشق: ماشي شغلك ندير لي بغيت (بغات تمشي رجعها ليه دفعها)

نيروز: كيييفااااش ماااشي شغلي قررتي و نفذتي رااااسك و اناااا مكتوووووبالياااا حمااار فجبهتي؟؟؟ (ضرب فجنب راسها)

عشق: (غوتات فوجهها كتصطانع القوة) ماااابغيييتش نولد منك مااابغيييتش لولااااد فهمتييييهاااا مااابغيييتش انيرووووز

نيروز: علاااااه بغييييت نفهم غيييير علااااه طول هاد المدة كنتسنى تفرحيني براك حاااملة و تجيبي ل فراس خووووه علاااااه غير شرحييلي بشنو مقصر معاك

عشق:(بلعات الغصة فقلبها و نطقات) كنولدو من ناس لي كنبغيوهم و انا مكنبغيييكش انيروووز جامعنا الفراش ماشي الحب …

بهضرتها خلاتو يبقا يشوف فيها و يرجع خطوات اللور...فتحات جرح عميق هي لي اتدفع ثمنو مع الوقت و موحال يتنسى و لا يداوا...شافت فيه بندم على هضرتها و خاطرها تزيرات نطقات بحوايج لي قلبها رافضهم و لكن الواقع فرضهم...كيطلعها بنظرات من رجليها على لراسها

نيروز: قدرتي تقوليلي هاد لهضرة؟

عشق: هادي الحقيقة

نيروز: الى كان جامعنا غير لفراش حتى داك لفراش مابغيتوش كنت كنظن بلي كتحسي

عشق:(بلعات ريقها) قلبي حجر

نيروز: و الوحش مكيتسامحش ...مابقيتش بغيت نعاود نشوفك قدامي ماتستاهلي حتى حاجا

عشق:(طرطقات عينيها فيه تملكها الخوف من انها تخسرو) نيروز

نيروز: العلاقة لي كتبنا على ل*وا مابغيتهاش و مابغيتكش حدايا

عشق:(بصوت مغنغن) كتجري عليا؟

نيروز: من حياتي اه

...عطات رجليها للريح غير كتجري خارجة من لبيت و من لقصر ...العائلة كيشوفو ف حالتها كيفاش مضروبة و عينيها عامرين بدموع و كتجري بحال لحمقة ...بصح داكشي لي كانت باغا بغات شوية د الحرية باش تنفد لي فراسها و لكن تأكدات كثر ان نيروز ماشي بحال رجال لي عرفات فلحظة قدر اتخلى عليها...هاد الفكرة بضبط خلاتها تزيد تخبع لي مدفون و ماتقولوش الحقيقة خايفة على ولدها مايبقاش ديالها و نيروز مايبقاش معاها...راه طاحت فشباك وحش يحميها من كولشي و مايقدرش احميها من نفسو...متملك متسلط و فيه عزة نفس فاقتها...مدة ديال جرا لقات راسها فطريق الرئيسية كتشير لطاكسي ...ركبات و توجهات نيشان لفيلا ديال تايغر ...غير دخلات بقات كتمشى بخطوات بطيئة و عينيها فالارض ...كان هابط من بيتو و فاش شافها فديك الحالة دمايات هابطين من نيفها و فمها و دموعها شلال ...قرب منها بسرعة شدها و هي طاحت عندو كتشهق و تبكي

عشق: جرااا عليااااا اهئ اهئ هو ضربني و جرا علياااا

تايغر:(مكمش تعابير وجهو) ششش مايستاهلكش

عشق: ماااابقيييتش بغيت نمشي عندوووو بغيت نبقا معااااك خليني معاااك

تايغر: اتبقااااي معاااايا ماتخاااافييييش مانخلي حد أقرب ليك

عشق:(مدة كتنخصص فصدرو حتى هزها و داها لبيتو حطها فوق النموسية ترتاح و كيشوف فيها بسعادة حيت مابقاتش مع نيروز و رجعات عندو ...خلاها ترتاح و خرج و هي ناضت جلسات كتشوف ف جناب الغرفة و كتمسح دموعها و تفكر شنو ضار بينها و بين نيروز و نطقات مغددة على تايغر) دخلتيني لقلب دارك الشماتة غير وجد كفنك عندي نهار و ليلة انقلبلك حياااااتك

...بقا كيشوف ف بلاصتها و هضرتهم كدوز على وذنيه ماقدرش اتحمل و خرج صاعر ماباغي يسمع حتى حاجا محتاج ابقا بوحدو و يرتب وراقو ...مع كان خارج لقا عمر داخل للقصر ماعطاهش اهتمام و خرج ...ركب ف طوموبيلتو و نطالق جبد التليفون من جيبو و نطق بصوت مغدد

نيروز: راقبو ليا ديك بنت ال**بة د شفق و داك زلايلي دعمر

كان داخل للقصر منبعد ماداز من حداه نيروز بسرعة ...ماعطاش للأمر اهمية و زاد دخل حتى استقبلاتو شفق

شفق: تعطلتي

عمر: منين قلتيلي قريب ايتفضح كولشي كان خصني نعلم رجالي

شفق: عندي ليك خبر

عمر: لي هو؟

...جراتو معاها لبرا جردة و نطقات

شفق: عشق عندها علاقة مع تايغر

عمر: وااات؟

شفق: كيما سمعتي كتخون نيروز و هو ماعارفش

عمر: الى كانت هضرتك بصح اذن عشق كتزيد تغرق راسها

شفق: علاش؟

عمر: كانت مخبراتية سابقة و علاقتها مع تايغر ماغاديش تخرج على خير

شفق: و هادشي لي خصنا نديرو الحل الوحيد باش تعتارف عشق هو هادا

عمر: شنو ناوية ديري

شفق: خصها تفضح قدام نيروز

عمر: ديري لي بانلك انا ماعليا غير نشدها فاش تعتارف

شفق: اوك

...خلاها تماك و رجع دخل للقصر باش اخرج منو ..ماعارفش شحال ايطول هادشي و لكن خصو يحل هاد القضية و كل واحد يلاقي مصيرو ...كانت غادية فاتجاهو خسرات عليه شوفة وحدة و كملات طريقها أما هو ديك اللحظة فاش شاف فيه سها مع عينيها الخوضر الكريستاليين و ملامحها لي طفوليين و لكن باينة فيها معصبة

عمر: ماقريتوش السلام ف تريكتكم

نجلاء:(وقفات) قريناها على رجال ماشي على لبيادق

عمر:(ابتاسم) حارة مع راسك

نجلاء:(ضارت لعندو) مامسالياش ليك

...تخطاتو مكملة طريقها و هو تبعلها العين ماستافزاتوش هضرتها و مادارش ردة فعل حست بكل بساطة جاي يكمل مهمة ماشي يتجابه معاها

...كانت كتحل عينيها من لعيا و التعب ماحساتش براسها حتى نعسات ...فاقت مرة أخرى و ناضت كتفكر شنو ضاير بيها ...تنهدات و خرجات من لبيت كتقلب على تايغر فالفيلا مالقاتوش ..دخلات لبيتو بسرعة بقات كتقلب ف اغراضو و الخزنة ديالو لي لقاتها مفتوحة على شي ضواسا ينفعوها ولكن مالقات والو ...زفرات ب غضب و خرجات من بيتو بعدما رتبات كولشي و هي تلاقاه

تايغر:(رفع حاجبو) شنو كديري فبيتي؟

عشق: جيت نشوفك مالقيتكش

تايغر: مشيت عندك للبيت فاش مابنتيش ليا قلت مع بالي تنادم معاك الحال و رجعتي

عشق: مابغيتش نرجع

تايغر: نهبطو نتعشاو؟

عشق: يالاه

هبطو بجوج لطبلة د العشا لقاو الماكلة موجودة ...و جلسو ف صمت كياكلو حتى حسات بيديه كيتحسسو ضرابي لي فوجهها

تايغر: عاجباك هاد لحالة

عشق: مايستاهلش نهضرو عليه

تايغر: لهاد الدرجة ؟

عشق: كون كان كيحن فيا مايضربنيش

تايغر: علاش ضربك

عشق: حيت كنشرب كينة د منع الحمل

تايغر:(ابتاسم) مابغيتيش تولدي منو

عشق: حتى نكون حمقة

تايغر: مابقا قد ما فات و انمشيو منهنا لواحد لبلاصة فيها غير انا و ياك

عشق : و كولشي انساوه

تايغر:(هز يدها باسها) ماتخيليش شحال فرحان و كنبغيك

...كانت اتجاوبو لكن نظرها مشا عند طابلو كبير مامقادش فالحيط ...بقات ساهية فيه حتى ختماتها بابتسامة .خطفات يديها دغيا و ناضت

عشق: انا عيانة بغيت نعس

تايغر:(ناض معاها) نعسي فبيتي

عشق: حماقيتي نسيتي بلي مزوجة؟

تايغر: غادي طلقي ماعليش

عشق: حتى لديك لوقت و تكون هضرة اخرى(تخطاتو ووقفها بهضرتو)

تايغر: تبدلتي بزاف

عشق: كيفاش؟

تايغر: مابقيتش كنشوف ديابلا كنظن نيروز بدلك

عشق: منيتك حتى واحد مكيبدل الشيطان

تايغر: كون مابدلكش ماكنتيش اديري حدود

عشق: درت الحدود على قبلي ماشي على قبلو

تايغر:(قرب منها كاتم عصبيتو و بيأس نطق) كتبغيه اعشق؟

عشق:(تصديات من سؤالو عمرها توقعات هاد السؤال حتى من نيروز ماسولوش ليها ) اشكتخربق

تايغر: كتبان فيك

عشق: (بصوت شبه حزين) ما هو ليا ما انا ليه

تايغر: اذن كتبغيه

عشق: ماقلتلكش كنبغيه

تايغر:(بصوت طالع شوية) و ماقلتييييش العكس

عشق: (بلعات ريقها) انمشي نعس

...خلاتو واقف و زربات دغيا لبيتها سدات عليها لباب و جلسات كتفكر و تخطط و الى بصح صدق ليها داك لبلان فراسها ...جاوبات على تيليفونها منين شافتو رن

عشق: جيتي؟

نزار: وي و انا فاوطيل

عشق: عرفك شيواحد اتجي؟

نزار: لا ماقلتها لحتى واحد

عشق: مزيااان غدا انجي عندك للاوطيل

نزار: واخا هاني نتسناك

...قطعات تيليفون و هي كتفكر فلي جاي ...توحشات فراس كتفكر شنو دير باش تفك خلاص و ترجع ليهم و حاسة بلي نيروز ايقلب الدنيا فاش مايلقاهاش فدار ...من جهة اخرى شفات غليلها فيه حيت ضربها و بغات تعاقبو و تخليه يندم ...دخل للقصر عينيه منغمين بالشراب هاز الفيست ديالو بجوج صبعان و لايحها على ظهرو ...كلما كيقرب كيسمع غوات فراس ...دخل لعندهم لقا سلوى هي و زمرد كيهزوه و يحاولو اسكتوه...مشا لعندو و شدو بين يديه

نيروز: علاش ماعطيتيهش دوا راه سنانو كيضروه

سلوى: عطيناه ليه اسيدي و لكن راه بغا مو

زمرد:(قرصاتها) جيبولي انا نسكتو و نتا رتاح

نيروز: صبري كيفاش بغا مو؟؟ علاه فينها عشق

زمرد: ولدي منين تخاصمتو قبيل خرجات و باقي مادخلت لدار

نيروز:(طرطق عينيه فيها) علاااااش ماصووونيتيش علياااا؟؟؟ (عطاها فراس )

زمرد: ولدي راه مابغيناش نشطنوك كيحسابلي اترجع

نيروز:(جبد تيليفونو و صافط رجالو يقلبو و بقا غادي ماشي بلاصتو) انمشي نقلب عليها

علي: فين اتمشي؟ تبت اصلا كولشي بسبابك ضربتيها و بغيتيها تبكي

نيروز: الوليد ماتدخلش فهاد الامور حيت ماعارفش شنو وقع بيني و بينهااااا

علي: يوقع لي بغا يوقع ماضربهااااش دايرين بحال لمش و لفار مكتهنااااوش

زمرد: قسيتي عليها بزاف انيروز

بقا كيتفكر الهضرة لي قالها و كيفاش جرا عليها من حياتو قلبو تزير قال مع بالو لحظة غضب و ادوز و لكن بانلو دارتها بصح و مشات بحالها...مجرد فكرة بغات تحمقو و خلاتو يخرج طافج من لقصر باغي يقلب عليها المهم تبقا قدام عينيه و معاه و لي بغا يوقع يوقع

فاقت فنصاصات الليل أو نقولو كاع مانعسات...ناضت كتسلت بين حيطان الفيلا حتى وصلات لداك الطابلو ...قربات ليه و هزاتو حطاتو فالارض باش تشوف خزنة كبيرة بالكود ...عضات على شفايفها بحماس لقات علاياش جايا و هدفها قربات ليه ...بقات كتفكر فالكود و دارت اسم تايغر مادخلش ليها ...لعرق هبط منها و دارت اسم أمريكا و مادخلش ليها و مابغاتش تفتح الخزنة و تزاد معاها زايد حيت الى غلطات المرة الثالثة غادي يغوتو الانذارات و كولشي ايفيق ..بقات كتبلع ريقها و تزاد معاها زايد تحطات فموقف مصيري لكن خصها تفكر و تعتق راسها ...تنهدات و دخلات اسم ديابلا مغمضة عينيها و كتسنى مصيرها ...حتى ماسمعات حتى صوت و حلات عينيها شافت الخزنة تحولات للون الاخضر و تفتحات الخزنة...شدوها دموع بالفرحة و بسرعة حلات لباب و بدات كتجبد كاع دوك ضواسا لي تماك و سداتها و رجعات الطابلو لبلاصتو ...بسرعة رجعات للبيت و جلسات كتقراهم و هي حالة فمها كاع خيوط المنظمة الامريكية و الجرائم لي دارت و المؤامرات فداك الضواسا حتى من الضوسي لي كيبين مؤامرتهم على أب نيروز بين يديها ...هزات دوك ضواسا دغيا حطاتهم فصاكها كتسنى صباح يطلع دغيا ...عينيها ماتغمضوش حتى صبح صباح و لبسات حوايجها دغيا و هزات صاكها و هبطات لتحت لقات تايغر كيفطر و مشات جلسات حداه بابتسامة …

عشق: صباح النور

تايغر: صباح الخير غاديا لشي بلاصة؟

عشق: اه انرجع للدار

تايغر: شنو؟

عشق: نجيب ولدي من تماك امبوسيبل نخليه

تايغر: اترجعي ياك؟

عشق: ماتخافش انرجع الى ماشي دابا واحد نهار

تايغر: اوك

...ناضت مبتاسمة و خرجات من عندو كتحس براسها خارجة من لحبس و اتمشي توجدلو لكفن كيما واعدات اضمرلو حياتو نفذات و حطاتو براسها بعد محاولات كثيرة انها تقنعو يبعد منها و تبرات منو و لكن للصبر حدود و هو تعدا الحدود و خصو يتحمل العواقب ...خدات طاكسي بسرعة و غادية للاوطيل لي فيه نزار دخلات كتبومبا فرحانة لقاتو كيتسناها و عنقاتو

نزار: خلعتيني عليك شنو واقع؟

عشق: انعاودلك كولشي و محتاجاك تعاوني

نزار: نتي عارفاني مانفوتكش

عشق:(جراتو ) يالاه فطريق نعاودلك

...كان لقصر مروبل حتى واحد مانعس كلهم كيدعيو طرا شي معجزة و دخل عشق من داك لباب ...هاز تيليفونو باش اسمع مرة أخرى انه مالقاوهاش...ردخ داك تيليفون فالارض و كينهج ركبات فيه الاعصاب و دمو كيغلي و لي مقسحو كثر انه هو لي جرا عليها فلحظة غضب تزيرات عليه خاطرو و تلف ماعرف مايدير

علي: نيروز تهدن

نيروز: بلعااااااتها الارض ؟؟؟ فييين بغاااات تكون كااااااع

زمرد: ماعرفناش ماعندها فين تكون انا خايفة تكون واقعة ليها شيحاجا

شفق: الله أهديك اخالتي راه ختي شيطانة ماعندها مايوقعلها

نجلاء: (خنزرات فيها) وا تاقاي شرها عنداك دوزلك

بسباس: عشق اتكون غير هنا ماعندها فين تمشي

شفق: كنظن عندها فين تمشي

علي: شنو بغيتي تقولي

شفق: احم انا عارفاها فين مشيت و لكن ماقدرتش نقول

زمرد: مخليانا كنقلبوووو هاد المدة كاملها و سااااكتاااا

نيروز:(وقف قدامها بحال البرق) فيييين هي؟؟؟

شفق: صعيب نقولها

نيروز: نطقيييييي

نزار: عشق هاهي معايا

...داخلة هي وياه شاد فيها ...ضارت على وذنيهم المحادثة كاملها و بسرعة نطق نزار ..خلاهم كاملهم اشوفو فيه

زمرد:(عنقات عشق) عشق بنتي خلعتينا عليك

عشق: كنت مع خويا

نيروز:(تنفس الصعداء) فين كنتو؟

نزار: لبارح كنت جاي و هي كانت عارفة و جات عندي بقات

معايا فالاوطيل حيت سيادتكم جرات عليها (ابتسامة مستفزة)

نيروز:(قرب منو) بيني و بينها

نزار: كيفاش اشريف بينك و بينها

عشق:(شاف ف نزار) انجمع حوايجي و نجي

نيروز: كييييفااااش اتجمعي حوايجك

نزار: مديتييي عليها يديك و جريتي عليها شنو مازال بغيتيها دير هنا

نيروز:(بنظرة قاسحة و نبرة غاضة) نهار اتخرج فيه عشق من هاد دار اتكون بالكفن و نهار انتفارق معاها اتفرقنا لموت

...تخطاتو غادية طلعات لبيت ولدها لقات معاه سلوى هاد

الاخيرة شافتها ضرباتها الساكتة...دخلات لبيتها مع ولدها حتى سمعات لباب تزدح و قرب ليها

نيروز: خفت عليك

عشق: خوفك خليه عندك

نيروز:(شدها عندو) خليتيني بلا عقل (بنبرة حنينة كيلمس حناكها بصباع يدو ) علاش كديريلي هاكا

عشق: رديتيني انا لي غالطة راه نتا لي ضربتيني و جريتي عليا

نيروز: لحظة غضب ركبتي فيا صعر مكتشوفيش راسك غاااالطة؟

عشق: الغلط الوحيد هو كملت ف علاقة حتى واحد فينا مامرتاح فيها

نيروز: شكون قالك مامرتاحش؟ انا مرتاح فييييها الالة مرتااااح (كيمشي و يجي بلاصتو و حاط يديه على راسي) فكرة انك تغبري و مانلقاكش قهراااااتني مابغيتش نعاود كابوس ليلة البارح

عشق: خلعاتك ليلة البارح و انا ديما كنشوف الكوابيس ؟

نيروز: ماهداكش الله تنطقي بلي خااانقك و تهنيني

عشق: (جلسات فالنموسية) بغيت نرتاح

نيروز: رتاحي هنا وسط دارك و بيتك مانبغيش نعاود نسمع لفراق و لا نسمعك باغيا تمشي

...خرج خلاها و هي ابتاسمات بلطف رغم كولشي مايفرطش فيها ..خوفاتو شوية و عاقباتو و كتافات...غير خرج دخلات عندها نجلاء و بسباس دغيا

نجلاء: اويلي ياختي كيحسابلي مشيتي بلا ماترجعي

عشق: شفتو شنو دارت ليا ديك ال*بة

نجلاء: تفو هي و داك البيدق ديال عمر باغيين اطيحوك

بسباس: عرفتي داك نهار كون ماجيتيش عندي باش نغطي ليك لحمورية لي فعنقك كون قامت القيامة

عشق: كنت عااايقة بيها مافاقداش الذاكرة و عارفاها جايا تلعب لعبتها و لكن معامن طاحت هه

نجلاء: شنو اديريلها؟

عشق: انقتلهااا هادا هو الحل

...حل الباب بجهالة و غوت عليها عينيه حومر و صدرو كيطلع و يهبط

نزار: كيفااااش شفق مافقداتش الذاكرة؟؟؟ و كيفاااش باغا تقتليها مكتوووبيش اعشق ؟؟؟

ناضت لعندو بسرعة و سدات لباب كتسكتو

عشق: شششش واش حماقيتي باغي دير لينا شوووهة

نزار: سترت عليك مرة ماغانعاودهاش اعشق عارف لي داز عليك ماشي ساهل و لكن ماغانخليكش تقربي لشفق

...دفعها و خرج صاعر كيغوت و هي تابعاه تلاقاو مع شفق ف طريق و شدها نزار

نزار: هربي اشفق هاد شيطانة باغا تقتلك كيما حاولات المرة اللولة هربي

شفق: شنووو كتقول انزار

عشق: نزار زيد معااااياااا نهضرو

شفق: فهموني شنو كاين

جرها من يدها و غاديين خارجين ...لاحها فطوموبيل و كسيرا و عشق ركبات طوموبيلتها و زادت موراهم

نزار: عرفات بلي نتي مافاقداش الذاكرة و بلي باغيا تشتتي عائلتها و بغات تقتلك تاني

شفق: كيفااااااش انا مافهمت والو ماعاقلة على والو و فين غادييين

نزار: انرجعو لروسيا قبل ما دير فيك شيحاجا

شفق:(جبدات تيليفونها صافطات ميساج ل عمر يلحقها ب GPS دغيا ) عشق ماديرهاش

نزار: (شاف فيها) راه هي سبابك ا شفق

… يالاه رجع يشوف ف طريق لقا سيارات سوداء قطعات عليهم طريق و شد لفران بسرعة

شفق: شكون هادو

عشق:(وقفات طوموبيلتها و مشات فاتجاههم حلات باب طوموبيل لشفق و نزلاتها من يدها) الى كان كيحسابلكم ساهل تهربو راكم غالطين

..خرجو رجال من طوموبيلات سوداء و هبطو نزار من طوموبيلتو

نزار: هادشي لي كديري فيه مااااامزياااانش اعشق

شفق: شنو باغيين ديرو مالكم

نزار: راه هي لي قتلات محسن و لسقات فيك موتو عتارفات ليا بكلشي و دابا شاكة فيك رجعتي ذاكرتك و بغات تعاود تقتلك

شفق:(بخوف) كيفااااش اويييلي

عشق: (ابتسامة) بلا مانكدبو على راسنا اشفق عارفاك مافقدتيش ذاكرتك و رجعتي تنتاقمي واش كنبان ليك مكلخة و لا كيفاش؟؟ انا متأكدة بلي حيدت ليك السنسلة و دوزتهالك و لكن باش ديري مشاكل بيني و بين نيروز لا هادشي ماتافقناش عليه اختي ههه

شفق: شنووو كتخربقي انا مادرت والو

نزار: انا عارفك مادرتي والو و لكن هي وحش ماغاديش ترحمنا

عشق: ذنبك ا نزار انك بغيتي تعتقها و مشيتي فصفها (جبدات لفردي) اذن اتموت

شفق:(غوتات) شنوووو كديري بعدي منوووو

عشق: دابا تبعيييه ماتخاااافييييش

طلقات رصاصات من الفردي مختارقين صدرو و طاح على اثرهم كينزف بالدم ...غوتات شفق بأعلى صوتها و طاحت على ركابيها كتغوت بهستيرية و كتبكي و تندب معنقاه و هو غارق فدمو شهقاتها مسموعين و دموعها شلال ...مطلعة راسها كتشوف فيها و فالفردي لي هازة كتنهج و شعرها الاشقر مغطي عينيها ...ناضت لعندها كدفعها باغا تنتفها

شفق: الله يااااااخد فييييك الحق العدوة

عشق:(جراتها من شعرها و دفعاتها) بغاااا يفضحني قتلتووو مكيهمني حتىىىى وااحد فييييكم

شفق: (جالسة على ركابيها ) خووووك لي كنتي تحيدي لحاجا من راااااااسك و تعطيهالووو هانتي قتلته اهئ اهئ شنو انتوقع منك كيما سبيتي فيا موت محسن و كنتي اتقتليني هانتي فرطتي فنزاار(قربات من نزار كتزعزع فيه) نزاار فيق اخويا فيق اهئ اهئ

عشق: (ابتاسمات عينيها حومر) صحصحتي عقلك نشط مع رااااسوووو المنافقة…

شفق:(صرفقاتها) نهااااايتك اتكووون على يدي غااادي نقتلك اعشق

عشق:(رجعاااات ليها تصرفيقة) كيحساب لديلمك ف 7 شهور اتولي قوية؟؟؟؟ لحاجا لي ربيتها فيا 20 عام باغاها نتي بين ليلة و نهااااااار

شفق: اتشووووفي كيييفااااش تعرفني ف لحباسااات

عشق: و نتي اتشوفي كييفاااش اتعفني فالقبر

شفق: ماكفااااكش شنو درتي زااايدة فيه

عشق: ماندماناش حيت قتلت محسن و ماندماناش حيت لسقت فيك الجريمة الحاجا الوحيدة لي ندمت عليها هي حنيت فيك فواحد اللحظة

شفق: غير تهنااااي حتى انا ماغاااادييييش نبقااااا نحن

نزار:(ناض من الارض كيشوف فيهم و نطق) اذن كنتي غير كتمثلي

شفق:(ضارت مبهوطة كتشوف فيه واقف و صدرو عامر بدم اصطناعي) نزار؟ كنتي كتمثل

نزار: منين قالت ليا عشق غير كتمثلي ماتيقتهاش و لكن دابا تأكدت

شفق: كيييييفاااااش قدرتي دير معااااها هاد التمثيلية و تخليني نعتارف

نزار: حيت طريق لي غادية فيها غالطة اشفق

شفق: و هي ؟؟؟ طريق لي غادة فيها ماشي غلط؟؟؟ كنتي عارف شنو دارت ليا و سكرتي علييييهاااا؟؟؟؟؟ واش ماخفتيش عليا ولو شوي و لكن معلوووم من ديما عشق هي المفضلة عندك

نزار: سكتييييي اشفق حيت حتى نتي بخبيزتك و ماااااشيييي ساهلة بجوجكم غاااالطاااات عمرني شفت شي خواتات كيكرهو بعضياتهم و يا حسرة توأم

شفق: صاااافي تقلبتو ضدي و لكن فات لفوت (كتشوف طوموبيلات د لبوليس جايين) نهايتك اعشق قلتلك اتعفني فالحبس

عشق:(كتشوف ف طوموبيلات) ماعندهم مايصورو

شفق:(جبدات تيليفونها) كاع هضرتنا تسجلات و هادا دليل كااااافيييي دخلي للحبس الحمد لله استغليت الفرصة فاش هبطت عند نزار و فتحت التسجيل باش نسجلك

عشق:(ابتاسمات) كون كنت كنخاف ماغاديش نوصل لانو وصلت ليه

...وصلو طوموبيلات لبوليس و هبط منهم عمر و نطق

عمر: عشق سقراط نتي رهن الاعتقال

...توجهات ناحيتهم تسلم راسها ...لكن سمعو إطلاق النار قوي فاتجاههم و كولشي هبط للأرض ، كانو طوموبيلات سوداء محاوطاهم ...بقا إطلاق النار مستمر حتى ماتو بعض البوليس و عاد هبط من طوموبيلتو متوجه لعند عشق بعينين حومر شدها من شعرها و زاد بيها لاحها فطوموبيل

تايغر: كيحسابلك مطورة تلعبيها عليا؟؟؟

عشق: (طرطقات عينيها فيه) طلااااق منييي

نزار: عشق (باغي يفكها و لكن نطالقات طوموبيل بسرعة) عششششششق

شفق:(مشات عند عمر) نتا بييخير

عمر: انتوجهووو للقصر ضروري

شفق:(عطاتو تيليفونها) هن كاين كاع اعترافاتها

عمر: زيدي نمشيو دغياااا

...ركبو فطوموبيل و مشاو و نزار بقا تالف تماك ماعارفش فين عشق و شنو واقع كولشي جا على غفلة ..هز تيليفونو كيصوني لنيروز لي بزربة جاوبو

نيروز: فييينكم

نزار: انا فالخرجة

نيروز: جاي لعندك بقا بلاصتك

نزار: مابقيت فاهم والو (قطع)

...خرج لطريق بقا مدة ووقفات حداه طوموبيل

نيروز: طلع ا*بي

نزار: شنو واااقع مافهمت واااالوووو

نيروز: خصنا نلحقو شفق و عمر سربي و لكن فينها عشق؟

نزار: نتا فخبارك هاد زمر كااملو و ساكت؟؟

نيروز: تقجيييت و انا كنتسناها تعاودلي و لكن فات لفوت و خصني نتدخل قبل مادخل للحبس طلع سربييينا

نزار: قالو ايمشيو للقصر

نيروز: مزيانة حفرو قبرهم بيديهم

كدفعو بيديها و هو حاكمها و مهبطها من طوموبيل ...كيفكر يقتلها و يشفي غليلو و لكن ماقادرش امسها بعكسها هي لي لعبات عليه بلا مايرمش ليها جفن

تايغر:(رماها فالارض) كيحساب لمك العبي عليااا فييينهم لوراق

عشق:(ناضت) لوراق ديال زبايلك نتا و المنظمة؟؟؟

تايغر: آخرتك على يدي

عشق: طحتي ا تايغر و نبهتك و قلتلك تاقي شري مابغيتيش صافي هانتا اتمشي فيها

تايغر: مانمشيش فيهاااا بوحدييي هضري فينهم لوراق و لا غادي نفضح سرك

عشق: فضح الى بغيتي تفضح جريمتي ماشي اكبر من جريمتك

تايغر: مابقيتيش خايفة زعما

عشق: عمرني كنت خاااايفة منك

تايغر: انضمرك

عشق: غادي تخليني نمشي بحالي و لا مايعجبك حال

تايغر: تااايقة فرااااسك كيحسابلك ساهلة نخليك

عشق: كنحذرك اتايغر الى مشات وقعات ليا شيحاجا انا ولا عائلتي لوراق غادي يوصلو للأنظمة الروسية و العالم كاملو ايعرف وجهكم لحقيقي

تايغر: كتهدديييني

عشق: كنهددك و نتا عارفني انفذ

...تخطاتو غادية و هي كتنفس الصعداء كتسناه ادير ردة فعل لكن مادارهاش بقا كيتغدد راسو خاف يقرب ليها و كولشي ايتفضح لكن هاد لمرة ختار يسايس ...غمضات عينيها غير خرجات للشارع و خدات طاكسي باش تمشي للقصر و فداخلها فرحان حيت اخيرا تهنات من داك الكابوس و كتفكر فشيء واحد هو قضية شفق لي خصها طرق مسمارها و تنقذ راسها من تأنيب الضمير لي كيجيها ...عيات من الخطط عيات من الأكاذيب و الالاعيب لي مكيتسالاوش بغات تعيش هانية هي وولدها و نيروز فقط ….فليلة مظلمة حتى نور القمر ماكاينش لي يحن على قلوب عمرات بالظلم و السواد...دخلات الشرطة للقصر فرئاسة عمر لي كانت معاه شفق ...هبطو العائلة كاملها و تجمعو كيشوفو باستغراب

علي: شنو واقع هنا

عمر: نجلاء و بسباس رهن الاعتقال لمشاركتهم فالتستر على جريمة عشق

زمرد: شنو كتقول اشمن جريمة

عمر:(للفرقة) جيبوهم

...تقدمو الشرطة شادين نجلاء و بسباس لي كيتنترو منهم و باغيين يفلتو و علي و ربيع و حتى زمرد كيحاولو يفكوهم...فأثناء هاد المشادات دخل نيروز هو و نزار و معاه رجالو نطق كلمة وحدة خلاتهم يبعدو

نيروز: طوااالو يديكم على عائلتي الكلاب؟؟؟؟

...تراجعو الشرطة و نطق عمر

عمر: كل واحد شارك فجريمة عشق ايتجازا

نيروز: نسيتي راسك معامن كتهضر؟؟؟ انا نغبرك نتا و طاسيلتك (غوت) شدووووه

...الشرطة حنات راسها و شدات عمر لي بقا كيتنتر

عمر: كتخاااارق القااانووون

شفق: شنووو كدير هادشي راه ظلم

نزار: تسجيل لي فيه اعتراف عشق عندها فالتيليفون و عطاتو لعمر

شفق:(بحسرة) نزار؟؟؟

نيروز:(قرب منو و حيدلو تيليفون ) هنا كاين الاعتراف؟ (ضربو فالارض تشخشخ) مابقا عندكم ماتصورو دابا

شفق: كتحميييها واااخا عااارفها ظالمة و ماخلات مادارت فينا انا و ماما و بابا ماشي حرااام عليك كدير هاكا

نيروز: كنعرف حاجا وحدة عشق ماغاتوقعلها حتى حاااجا

شفق: ديك عشق لي كتحامي عليها اكبر خائنة كانت كتخونك مع تايغر و نتا كاع ماجاااايب لخباااار

نيروز: سكتيييي مرااااتي و مانبغيش كلمة خايبة تجي فحقها

شفق: مكنكدبش الوقت لي كانت كتخرج فيه كانت كتمشي عندو و يعلم الله شنو كااانو يديرو الى ماتيقتينيش سير عندها سولها الى باقي عندها شوية الكرامة غاااااادي تعتارف ليييك

نزار:(دارتلو طن فراس) تايغر خدااا عشق دااابا هو راه خداها

شفق: ماشي خلاها هو راه عتقها من الحبس و يمكن كااااع هربووو (كتشوف ف نيروز) هي لقاتك فجنبها تعتقها و جراتك ل ظلامها و ليتي بحالك

نيروز: كيييفاااااش خدااااها داااباااا عاد كتقولهالي

نجلاء: سكتيييي الكدابة عشق عمرها خانت خويا (طرطقات بلبكا) كولشي بسبااااابي اهى اهئ ان سباب

نيروز: نجلاء؟ اشكتخربقي

نجلاء: كنت تعرفت على تايغر و كدب عليا ماعرفتوش بلي هو تايغر كلالي عقلي و مشيت عطيتو فراس فيدي اهئ اهئ ديك ليلة كنا كتقلبو عليهم حيت عشق مشات عندو ترجع ولدها و بالفعل رجعات و لكن انا ماعارفاش شنو وقع و شنو دارت معاه و لكن كنقسم ليك كولشي بسبابي انا عشق مادااارت وااالوووو

نيروز: علاااااش ماجيتيش قلتيلي هادشيييي (كيشوف ف عائلتو) كلكم عااارفيين و ساااكتين خليتوووها تلووح راسها للعافية و سكتوووو (كيحرك راسو بلا) غادي نعتقها غادي نجيبها هادشي كاملو لي كتقولوه كدوب ماغادي نتيق حتى حاجا حتى نسمعهااااا

خرج طافج من دار بحال لحمق قلبو ايسكت مافاهمش السبب و ماعارفش بين عينيه ضحكتها بكيتها غواتها عصبيتها فكرة انه يخسر لحظاتو معاها خلاتو يجهل مايعرف شنو يقدم و شنو يوخر ...يالاه كان ايركب طوموبيلتو ...لقا طاكسي داخلة و هبطات منها ...مشا عندها بسرعة و تنهد بارتياح

نيروز: فييين كنتي خليتيني بحااال لحمق

عشق: كولشي تسالا انيروز هههه سالا كولشي تسالا الكابوس والله كولشي تسالا

نيروز: شنو كتخربقي شنو تساااالا؟؟؟

عشق: لي كان خانقني تسالا كاملو

نيروز:(بنظرات جامدة) عشق انسولك و تجاوبيني بصراحة

عشق: اه (شدات فيدو ) نجاوبك

نيروز: كنتي كتمشي عند تايغر؟

عشق:(بلعات ريقها من سؤالو خلاها تهبط راسها)

نيروز:(شدها من كتافها) قوليلي اعشق قوليلي انا غادي نسمع غير منك و انتيقك غير نتي ماغاديش نتيقهم هوما

عشق:(شافت فيه بعينين مدمعين) ماشي لخاطري

….كلمة خلاتو يضور دماغو خلاتو يتشتت خلاتو يفقد الثقة لي عطاها ...حيد يديه كيشوف فيها بعدم تصديق عينيه حمارو و بدا ينهج تحول فدقيقة من نيروز ل هيولا

عشق:(كتحرك راسها بلا ) مايمشيش بالك بعيد انيروز انا انعاودلك كووولشي و الله مادرت شيحاجا غالطة كنت خايفة والله اه كنت خايفة من كولشي خايفة من الكوابيس…

نيروز: اشمن كواااابييييس؟؟؟؟ كااااان فراااااسي كوووولشي كنت عارفك قتلتي محسن و لسقتي كولشي فشفق و سكت باااااش نتي تجي تعاااااوديييي ليااااا كنت عارف زبايلك كاملهم و كنحاول نستر عليك و ندافع عليييك بكل بجهدي و نتي شنو درتي ؟؟؟؟ (بصوت هامس و متألم) طعنتيني فشرفي اعشق خنتيني بدم بااااااارد ضربتييني فعرااااضي

عشق:(بصدمة تخلط عليها كولشي اولا حيت عارف و ثانيا هضرتو) ماااادرت وااالوووو ماخنتكش انيروووز

نيروز: شنوووو كنتي كديري معااااه كتصليييو مثلااااا (كيضرب ف صدرو) اناااا درت فيييك تيييقة درت فيك ديك تيقة لي ماااااعطيييتها لحتى ق**بة و عطيتهالك نتي ابنت نااس و هدمتي كووولشي عمرني بغيت نزمتك ولا نحيدلك حريتك كولشي كان من خوووفي عليييك و نتي شنو درتي لحتي كووولشي موووراااااك و رميتيني درتيييها خنتييييني و ماااااتنكريييش جلستي معاه فنفس طبلة شركتي معاه لكلاااام ماااتنكريييش

عشق: (بغات تقرب ليه دفعها ) كان كيهددني بولدي اهيووولا مالقيييت حتى حل اخر غير نعطيه سر ديال محسن هو لعب بياااا خلاااني ندابز معاك و قلبي كيتحرق خلاااني نهملك و نسا راسي و نديرلو لي بغااا و لكن عمرني خنتك كنقسملك بروح فراس

نيروز: (صرفقها) سكتيييييي ماااااتجبديييييش فرااااس على فمك فراااااس مبري من ام بحاااالك يااارييتك كون متي دااااك نهار و ماشااافكش نتي عاااار علييييه

عشق:(كتشوف فيه بصدمة ) نيروز كنت خااايفة نصااارحك (طرطقات بلبكا) خايفة نقولك شنووو وقع ليا خفتك تكرهني و تحيدلي ولدي اهئ اهئ اه انا ديابلا لي مكنخافش خفت نخسر كووولشييييي

نيروز: نتي خسرتيييي كووولشي خسرتيني انا خسرتي ولدك خسرتي الامان لي كنت عااااطيييك و خسرتي تيقتييييي (كينهج) كنتي كتمشيييي عندووو كنتي معااااه

عشق:(كتمسح دموعها) كولشي من الماضي شوف نيروز انساو كولشي انساو و انبداو من جديد (شدات وجهي) سمحلي عفاك اهئ اهئ

نيروز:(صرفقها و تلاح فوقها كيضرب بحال لمجنون عقلووو طااار من راسو كيضرب فينها جات ضربة ركلها و كيزدحلها راسها مع الارض بدون تفكير و بدون شعور غير كيضرب) نسمحليييييك علااااه نتيييي تاااقيييتي فياااا وجه اللله وااااش حنيتي فييااااا كنكرهك اعشق خليتيني نكرهك و عمرني نفكر نبغيك كيييما نتي مكتبغييينيييش حتى انا كندعي ربي عمرو يوريك خير فحياااااتك كنكرهك كنكرهك

لسانها تقال عليها بالضرب كتحاول طاكي بيديها ما أثرش فيها الضرب كثر ما أثرات فيها هضرتو لي دخلات بحال سم لقلبها ...خسرات كولشي كوووولشي عائلتها خدمتها راجلها ولدها ...طريق الانتقام خلاتها تخسر كولشي حتى قلبها و صلابتها...فقدات وعيها فديك اللحظة و هي كتنطق اسم واحد ...هيولا ...اه لي ماحنش فيها و فاض كاسو عليها برغم كاع محاولاتو يصلحها لقا راسو غير كيضيع ف طريقها...جاو علي و ربيع نوضوه من فوقها و هو صاعر كيلوح فيهم...ماكرهش يقتل راسو فديك اللحظة و لا كون هي نيت لي قتلاتو و ماديرلوش هاكا ...أصعب حاجا هي تكون مراتك كتمشي عند راجلك اخر واخا يكون السبب لي بغا يكون عمرو يرضاها اي رااااجل

صبح صباح جديد و تلاشات الليلة المشؤومة ...ناعسة ففراشها الأبيض ملويين عليها الفاصمات و كتنهد بألم...فاقت كتحل عينيها كتلقا راسها فبيتها و سيروم معلق ليها ...بلعات ريقها كتسترجع احداث الليلة الماضية و قلبها بدا كيضرب بالخلعة و دمعتها ساحت من الجنب ...بدات كتمتم بكلمات هامسة

عشق: علاش كيوقعلي هاكا

نجلاء:(كانت هي و بسباس معاها فالبيت) عشق فقدتي رتاحي

بسباس: الله احبيبتي و زهرك مكوز

عشق:(كتحاول تنوض ) عييت صحتي كضرني

نجلاء: رتاحي

...كان جالس فالبيرو ديالو ماذاقش نعاس ولا شافو باقي دمو كيغلي و باقي قلبو حارقو...تنهد بعمق و هو كيوجه هضرتو ل عمر

نيروز: انا مكنبغيش الظلم و كيما عشق ظلمات و تعدات انا جازيتها

عمر: هي راه قتلات خصها تعاقب

نيروز: ماغاديش اكون عقابها كثر من عقابي ليها داكشي علاش عشق ماغاديش دخل للحبس و القضية اتغلق

عمر: واش كضحك عليا؟

نيروز: اندخل للحبس بلاصة عشق فديك الليلة انا الوحيد لي عتقت عشق كتب فالمحضر بلي جيت لقيتو مشاد معاها و قتلتو

عمر:(حال فمو فيه) واش عارف قرارك شنو هو؟؟؟ الى دخلتي للحبس يعني ماغاتبقاش زعيم المنظمة

نيروز: عارف مزيان شنو باغي يالاه نفذ

عمر: كيبقا هادشي خارج على القانون

نيروز: بالعكس حتى انا سترت عليها و منحقي نتعاقب

عمر:(تنهد) الى هادشي لي بغيتي اوك موافق

...خرج من عندو و تلاقا مع شفق فالباب

شفق: شنو قلتو بيناتكم؟

عمر: بغا يدخل للحبس بلاصتها

شفق: واش هادا حماق امبوسيبل؟

عمر: ماعندنا حتى حل اخر

شفق: كيهمك غا الترقيات ا شكون قتل بصح مكيهمكش ماشي شغلي عشق دارت الجريمة هي خصها تعاقب و انا ؟؟؟ و حقي انا شكون ياخدو؟

عمر: صااافي انا قررت و هادشي لي ايوقع (تخطاها)

شفق:(بقات متبعة ليه لعين و مشات تجمع حوايجها باش ترجع هي و نزار لروسيا لكن تلاقات عشق ف طريق لي باغا تمشي عند ولدها ) فقتي عاجباك هاد لحالة؟ بغيت غير مرة وحدة تكوني مسؤولة على أفعالك و تحملي العواقب

عشق: علاياش كتهضري؟

شفق: علاه مافخباركش؟ نيروز بغا يدخل بلاصتك للحبس

عشق: شنو كتخربقي

شفق: اه كنخربق مسكين نيروز حياتو اتضمر بسبابك شفتي اعشق كل واحد ضمرتيه حتى من نيروز لي دار فيك غير لخير ضمرتيه

طلعاتها و هبطاتها و تخطاتها غادية ناحية بيت ولدها دخلات لعندو و شداتو بين يديها كتلعب معاه و تبوسو .. و كل تفكيرها مع شنو بغا يدير نيروز قلبها تقسح من هضرتو د البارح و عرفات بلي الحاجا الوحيدة لي كانت صابرة عليها و كتحميها حت هي ضيعاتها من بين يديها...رجعاتو لبلاصتو و خرجات تاني تلاقات مع نزار

عشق: غادي تمشيو دابا؟

نزار: اه اختي (عنقها) تهلاي فراسك كولشي ايدوز

عشق: تهلا فراسك بزاف انزار و تهلا ف عائلتنا اخويا

نزار: واخا اختي

...خلاتو و رجعات لبيتها ...حلات واحد لمجر فيه كتوبة و جبدات مذكرة كبيرة ديالها و بعض الأوراق و بدات كتكتب منين سالات و هزاتهم و خرجات ...مشات لبيت شفق دقات و دخلات لقاتها كتجمع فحوايجها

شفق: شنو بغيتي

عشق: مافهمتش مالك مقلقة و نتي ربحتي

شفق: حتى واحد مكيقدر يربحك

عشق: ماكانش كيحسابلي دخولي للحبس ايريحك

شفق: بطبيعة الحال كان ايريحني على الاقل كاع ناس لي آذيتيهم ايرتاحو من شرك

عشق:(ضحكات من قلبها) ههههه عندك الحق (قربات ليها) بغيت نعطيك هاد المذكرة

شفق: شنو هادي

عشق:(حطاتها ليها فيديها) كاع داكشي لي وقع فحياتي منين كانت فعمري 5 سنين حتى ليلة البارح

شفق: و باش اتنفعني انا؟

عشق: حتى انا و لكن تقدر تبدل شيحاجا

شفق: حتى حاجا ماغاتبدل ا عشق

عشق:(عنقاتها) كولشي كيتبدل مع الوقت اختي

شفق:(تصدمات من عناقها ) شنو كتحاولي ديري

عشق: حتى حاجا (عطاتها واحد لبرية) تقدري تعطيها لبابا

شفق:(شداتها) اه

...بعدات منها و ابتاسمات ليها و خرجات ...مشات شفق و نزار لروسيا و ظلام لحال و طاح الليل...خرجات من بيتها و مشات عند ولدها لبيتو لقاتو ناعس و سلوى ناعسة...هزاتو بقات كتبوس فيه و خانوها دموعها

عشق: كنبغيك بزاف اولدي انتوحشك بزاااف ماتنساش ماماك

كتبوس و تعنق و تشم ريحتو قلبها كيتقطع ...رجعاتو بلاصتو و حطات حداه برية و خرجات تاني و هاد المرة ماشي غير من لقصر و لكن حياتهم كاملها ...تحطات طائرة فروسيا نزل منها نزار و شفق لي ماتهاضروش طريق كاملها و كان فانتظارهم نيار و تيريزا ..

شفق: بابا هاد لبرية عطاتهالك عشق

نيار: (شدها من عندها) يالاه ندخلو لدار (دخلو كلهم و حل لبرية كيقرا فيها و كيرجف ...كان اعترافها بالباطل لي طيحات بمها كفيل يخليه يطيح الرسالة و يشد فقلبو حتى كولشي تخلع عليه )

سارة: نياااار شنو واااقع نياااار

نيار: عشق لا مايمكنش

شفق:(جات تقرب منو و هي تشوف فالتلفازة باش تصدم و يتجمعو ليها دموع و العائلة كاملها كيشوفو فالتلفازة مصدومين) عشق شنو درتي!!!؟

...أما فالمغرب كانت عناصر الشرطة مع عمر كيتسناو نيروز يسلم راسو كيما تافقو هاد الاخير لي كان كيسلم على عائلتو لي كيبكيو و مابغاوش اوصلو لهادشي ...خلاهم و طلع لبيت ديالو على اساس اشوفها اخر مرة لكن مالقاهاش...عض على شفايفو و مشا تاني لبيت فراس على أساس يلقاها ...دخل للبيت لقا غير فراس كيلعب فبلاصتو ابتاسم و هزو كيلعب معاه و يبوسو ...من ديما معتابرو ولدو واخا ماشي من صلبو و لكن حل عليه عينيه ...بغا يحطو لكن لقا برية حداه و هزها حلها باش يلقا المكتوب كالآتي

هذه آخر رسائلي إليك و لم اتوقع انني سأكتب لك رسالتي الاخيرة لقد أردتك للعمر كله لكنها الحياة يا عزيزي .

قاتلت بشرف لتكون لي و لكن الشرفاء أيضا يخسرون معاركهم أتركك الان و امضي ك جيش مهزوم لم يعد لديه شيء يقاتل من أجله …. إبني أمانة عندك …"عشق"

...كمش تعابير وجهو أثر هاد الرسالة و الافكار السلبية بداو كيتبادرو فعقلو و الخوف تملكها ماجا فين يستوعب حتى جات نجلاء عندو كتغوت و تناديه

نجلاء: خوووياااا(كتلهث) تلفازة...عشق

...خلاها واقفة و بسرعة بدا يجري هابط لتحت باش اشوف شنو واقع و بالفعل شاف فيديو ليها فالاخبار الدولية جالسة و كتهضر ببرود

عشق: انا عشق سقراط جنرال سابقة في المخابرات الروسية جيت كنعتارف بكاع الجرائم ديالي أنا قتلت محسن يزيد و لسقت التهمة ف ختي و طيحت الباطل على مي ووهمت با بلي كتخونو و ماشي غير هاكا انا عندي علاقة مع تايغر و عطيتو معلومات خطيرة على المنظمة الروسية و كنت كنتعامل معاه و خنت بلادي ..انا عشق سقراط كنعتارف ليوم بكاع الجرائم ديالي ….

نهاية الفصل السادس: سطوع الحقد الدفين 🪞⚖

و هاكا انكونو سالينا الفصل السادس و غادي ندخلو للفصل السابع و الاخير بعنوان صدقة الغفران ❤🕊 لي ايكون فيه بزاف د المفاجئات و التضحيات و بزاف د الحب و نهاية مقنعة و عادلة لكاع أبطال القصة أولهم ديابلا

يتبع...