امرأة تدخن الرجال الجزء 33 (الفصل السابع)

من تأليف سكينة سليماني
2021

محتوى القصة

رواية إمرأة تدخن الرجال

كتنيش على عينيها باش مايدمعوش و دايرة ابتسامة عريضة جاو كيقادو ليها الماكياج تاني و الميكرو علقوه ليها و بداو التصوير

شفق: كانت خسارة كبيرة لروسيا و لعائلتنا نهار مشات عشق

المقدمة: كلمات هاد الرواية واش كانت من كتاباتها

شفق: كل فكرة و كل حقيقة كتباتها عشق درتها فهاد الرواية

المقدمة: وصلنا للفصل الاخير مادموازيل شفق هاد التضحية لي دارت عشق كيفاش استقبلتوها

شفق: صدمة و حسرة و ندم كل واحد تعاقب بشي طريقة الغياب ديال عشق بحال وجودها بجوجهم كيضرو و كيشافيو

المقدمة: احداث هاد الفصل وقعو فهاد الشهر لفايت

شفق: اه و النهاية ديالو عاد لبارح وقعات

المقدمة: تقسحتي منين مشات عشق؟

شفق: تظلم حيت ولا (طاحولها دموع) كولشي كيكرهني نزار قطع معايا لهضرة بزز باش كيهضر معايا و كل مرة كيلومني و عائلتي شفت الفراغ فعينيهم و داك لخناث لي ولفت منهم مشا

المقدمة: ولكن عشق آذاتهم

شفق: برغم كولشي اللوم كيبقا علينا حنا قضية اغتصابها كولشي ساق ليها لخبار و تضررو كثر من لقياس شي مرات كنقول انا هي الشريرة د القصة واخا كنت غير كندافع على حقي (تنهدات) طول عمري ساكتة و نهار دويت تسميت خايبة

المقدمة: فهاد الفصل ا شفق شنو وقع فيه بالضبط

شفق: هاد الفصل عنوانو صدقة الغفران الصدقة لي عطاها المظلوم للظالم و عفى عليه

المقدمة: شكون ظالم و شكون لمظلوم

شفق:(ابتاسمات) كلنا ظالمين و كلنا مظلومين

المقدمة:(بحماس) قبل مانبداو ف أحداث الفصل الاخير بغيتي تقولي شيحاجا

شفق: ستسألني ليلى و الساذجات ممن خالفن وصايا النسيان ، و سيأكلهن الذئب الحبيب، و لن أجيب ، لقد قمت من أجلكن بما لم تقم به الجدة الطيبة التي كنتن تحملن إليها الفاكهة حين تحرش بكن الذئب في الغابة .(أو كنتن تتذرعن بزيارتها لتتحرشن أنتن به !) و فتحت لكنّ 《حضانة عاطفية 》 في الإنترنيت لإستقبال ضحايا الذكريات التعيسة ، قصد إعادة تأهيلكنّ للحياة .
و الآن 《إبتعدوا عني 》.

الفصل السابع: صدقة الغفران 🕊❤

روسيا بعد مرور 8 سنين بقات كيما هي ماتبدلاتش و داك لقصر لي جمع الذكريات الحلوة و المرة رجع بارد كثر من لول و شاحت بزاااف ...لغيام ضاير بيه و السكون فيه ...كانت كتجر بيه الكرسي المتحرك و تهضر معاه و هي مبتاسمة حتى وصلاتو للجردة و جلسات قبالتو فالكرسي

سارة: هاحنا خرجنا لجريدة كاين لغيااام ياكما فيك جوع؟

نيار:(كيحرك ليها راسها ب لا)

سارة: تبغي نديرلك شيحاجا

نيار:(ابتاسم و حرك راسو بلا)

سارة: ماتخيلش شحال توحشت صوتك

نيار:(تبدلو ملامحو ل حزن)

سارة:(هزات يدو حطاتها على حنكها) انرجعو كيف كنا واحد نهار


نيار:(بعد وجهو و دازت دمعة من عينيه)

سارة: ششش قلقاتك هضرتي؟ سمحلي (باستو ف راسو) ياكما عيييتي نديك ل بيت ترتاح؟

نيار:(حركلها راسها ب اه)

سارة: يالاه اصلا لبرد

...جرات بيه الكرسي فاتجاه البيت دخلو و عاوناتو ينعس فوق النموسية غطاتو و خلاتو يرتاح ...زمان داز و حتى هوما تبدلو شاب راسهم و تهدات صحتهم ووجهم تكمش و شحب هادشي بسباب لكبر ولكن بسباب الحزن لي قطع فقلبهم ..خرجات هبطات تاني حتى كتشوف شيماء معنقها قصي و كيبكيو

سارة: ياك لباس

شيماء: مشالي ولدي اسارة مشااا اهئ اهئ الكونصير ضرب ليه الكبدة ضاااع ولدي

قصي: ربي ايشوف من حالنا اشيماء وولدنا ايتعالج

شيماء: كيفاااش انعيش بلا بيه هو لي عندي

قصي: ربي كبير

سارة : و نعم بالله حاولي على راسك اشيماء نسيتي بلي مريضة بالسكر

شيماء: مانقدرش اسارة اهئ اهئ ولدي ضاااع ليا (شدات فيدها) كنحس بالكية ديالك على بنتك بغيت نشوفها مرة وحدة و نطلب منها سماحة باش ربي يشوف من حالنا وولدي يبرا

سارة:(غمضات عينيها ب حسرة و حزن) مشات و مارجعاتش

قصي:(شد ف شيماء) اجي معايا ترتاحي اجي

...مشاو و هي متبعة ليهم لعين و كطلب من الله اشافي جسور خرجات و جلسات فالجردة باش تبدا بكاها و شهقاتها علاو الدموع كيتلاقاو ليها فعنقها و كتشوف ف سما

سارة: يااااربييي شوف من حااالنا ياااربي 8 سنين د القهرة عياتنا اهئ اهئ ياربي شوف من حالة نيار و حالة جسور ياربي شوف من حالة ولادي و حفايدي اهئ اهئ (كتمسح دموعها بظهر يدها و باقا كتبكي و تشهق ) سمحيلي اعشق عفاك لما رجعي ليا ابنتي اهئ اهئ محتاجينك معانا

...تحطات يد على كتفها كتواسيها و عنقها من لور

نزار: طيبتي عينيك بالبكا 8 سنين الوليدة ماعييتيش

سارة: مانعياش حتى ترجع

نزار: مشات موحال ترجع و حتى الى رجعات كولشي ايضرها واش تبغي ليها الضرر؟

سارة: لا حتى واحد ماغادي يآذيها انكون معاها لي قاسها ناكلو بسناني اهئ اهئ انا سباااب انا لي كنت كنخليها مع محسن حتى دار فيها يديه انا لي لحت بنتي للعافية بغيت ربي ينزل عليا لعنتو ولكن ماقادراش نشوفكم نتوما معدبين

نزار: ششش ماتقوليش هاكا

سارة: منهار عرفناها و باك مشلل كلشي ضاع انزار

نزار:(مسحتها دموعها) كولشي ايكون مزيان اجي معايا ناصر و ياسر كيتسناوك توحشو جداتهم

سارة: جبتيهم معاك ؟

نزار: حتى مانفال جات تشوفك يالاه (ضمها ليه و دخلها من لبرد)


شادين بين يديهوم الشكلاط و كيتجابدوه ...جوج أطفال بحال نقطة لحليب بياضهم مريح و براءتهم كبيرة

ناصر: ديااالي هادي اياسر

ياسر:(طلق زواكتو) ياااااليييييي اعننن

ناصر: وا دياالي ديالك كليتيها

مانفال: كدابزو عاوتاني

ناصر : ماما سوفي خدالي ديالي

ياسر: يالي يالي

مانفال:(هزات ياسر) كليتي شكلاطك خلي خوك لكبير شكلاطو

ياسر: اعنننن سكلااااط

ناصر:(تنهد حتى عيا و مشا عندو عطاهلو) هاك شكلاطي

مانفال:(ابتاسماات) شتي خوك زوين عطاك شكلاطو

ياسر:(كيتجبد عندو) أوا اوأ (زعما بوسة)

ناصر: وسختيلي حنكيييي

مانفال: لمريك ههههه

سارة: مرحبا بحفايدي ههه

...ناصر مشا عندها كيجري عنقها و حتى ياسر بدا كيدير الخطوات واخا مامتحكمش فرجليه بزاف حتى وصل عندها و عنقاتهم و بقات كتبوس فيهم

سارة: مرحبا بيييكم زارتنا البركة

مانفال: خالتي كيبقيتي لباس عليك و عمي بيخير؟

سارة: بيخير ابنتي و عمك لفوق كيرتاح جلسو رتاحو

نزار: انطلع عندو انا غير رتاحي

...طلع بخطوات تابتة كيتمشى حتى داز على بيت شفق لي كان محلول جاه لفضول يعرف شنو كدير و دخل عندها لقاها غارقة فالوراق و كتهز رجليها بتوتر...جابدة تيليفونها كتعيط فيه و دايرة بزاف تصاور و الأماكن قدامها كتسطر عليهم و كتمشي و تجي بلاصتها

نزار: واش ماعييتيش؟

شفق:(بدون اكتراث) لا

نزار: علاش كتحاولي

شفق: (ضارت عندو منفاعلة) حيت كنشوووف نظرات الكره فعينيكم بحال ماعرفتش شنو درت واخا نتوما كاملكم عارفيني مظلومة

نزار:(تنهد) حتى واحد مكيقولك شيحاجا

شفق: اه كضحكو معااايااا و كتهضرو معايا عادي و لكن راه عندي قلب كيحس و كنشوفكم مزيان بلي ماحاملينيش و نتا اولهم ا نزار

نزار:(انساحب) الله اشافيك

شفق: هرب كيما موالف تهرب ولا ماعجباتكش الحقيقة و لا حيت ختك لي عزيزة عليك غبرات 8 سنين و مابقيناش عارفين فينها

نزار:(ضار عندها صاعر) آآآآآآه ختي لي عزيزة علياااا بسبااابك خلات ولدها مازال ماشبع منها و مشااات بسبابك نتي خلات كولشي و بسبابك نتي تشلل با و بسبابك مي كتبكي ديما بسبابك اشفق حنا ماعارفينش عشق فينها و شنو واقع ليها

شفق: غادي ترجع اناااا متأكدة اترجع و انا لي انرجعها و ديك ساااعة رتاااحو و كولشي ايتصلح

نزار:(بألم) حتى حاجا ماغادي تصلح حتى حاجا اختي لي تهرس عمرو كيتصلح

شفق: (طاحو دموع من عينيها) كنعتارف انا غلطت كان عليا نتعامل بطريقة اخرى كنعتارف و لكن مانستاهلش هاد الكره كاملو حيت حتى أنا ختي و توحشتها و ندمت على كولشي

نزار: الخير لي ديريه هو تنساي ماتنبشيش فالماضي خلينا مرتاحين

...جا بغا يضور لقا باه فالكرسي المتحرك و معاه قصي ضارت على وذنيهم المحادثة كاملها ...بقا كيشوف ف ولادو كيفاش كيدابزو و عينيه عمرو بدموع و الألم...قرب منو نزار و هبط على ركابيه باسلو يدو

نزار: الوليد كيبقيتي مزيان ؟

نيار:(حط يديه على راسو و مد يديه لشفق جات عندو و بقا معنقهم عندو )

نزار: يالاه نهبطو لتحت راه جبت حفايدك


...تجمعو لتحت كما العادة و بقاو كيحاولو يخلقو الجو و يفوجو على نيار و حفايدو كيلعبو معاه و يتخاصمو قدامو و هو كيبتاسم

نزار: الوليدة منهنا 4 ايام عيد ميلاد فراس

سارة: فخباري اولدي و زمرد عيات فيا هادي سيمانة باش نجيو عندهم

قصي: هي حفيدي ايكمل 9 سنين

نزار: غدا انهبطو عندهم

سارة: ان شاء الله اولدي خصنا نكونو حاضرين و نوجدو معاهم

ناصر: لعزز انسوف صاحبي فراس

نزار:(خربقلو شعرو ) كتافقو غير على لمصااايب

ياسر:(عض نزار فيدو) خويا اعنننن

نزار: كدافع عليه البجغوط ها

مانفال: نزار بعد على لولاد كدير راسك فيهم

نزار: وا شوفيلك كتحاماو

سارة: هههه ضحكتوني

نزار: الله اخليك ديما ضاحكة (شاف ف قصي) عمي قصي كيبقا جسور

قصي: كولشي بيد الله اولدي

نزار: اكون خير غدا اتنزلو معانا للمغرب؟

قصي: موحال اولدي خلي حتى لنهار انفيغسيغ و نجيو انا و شيماء مانقدروش نخليو جسور بوحدو

سارة: و فراس ايسول على جسور

قصي: انقولولو عندو الخدمة كيما العادة

سارة: واخا

...بقاو كيهضرو و يكملو حديثهم حتى كل واحد مشا يوجد راسو باش انزلو للمغرب ...أما ف روسيا نيت و بضبط ف فيلا اخرى مغايرة ...بنتها كتجري و هي كتجري وراها باغا تلبس ليها ليبة بزز

هبة: نضااااال واااش انبقا نجري مورااااك راني متقلة اجي لهنااا(شادة فكرشها لكبيرة و كتنهج )

نضال: مابيييتش ليبة لبسيها نتي (تخبعات مور صخر)

صخر:(هزها) اجي لهنا الفارة لاش كتعدبي ماماك و خوك بغيتيها تولد قبل لوقت

هبة: فشوووشك هادوك

صخر: و صافي حتى نتي مابغاتش تلبسها خليها

هبة: و داك شعر شكون امشطو ليها

نضال: شعري زويييين

صخر: كلك زوينة اموعوينات خوضر (كيهرها)

فتيحة: خليو عليكم حفيدتي ريضال

هبة: نضال اخالتي نضال

فتيحة: وا ييه نضال نضال مانعرف اشعجبك فهاد سمية ماعرفناها د لولاد و لا د لبنات

صخر: سكتي امي اتقلق هبة راه سميناها نضال على وديت هبة راه ناضلات باش تعالج من مرضها

فتيحة: عرفت عرفت غير تنضحك معاكم مابقا حد اضحك

نضال: ميمة مسطيلي شعري

فتيحة: اجي ابنيتي نديرلك زويتة بلدية و نمشطلك هاد شعكاكة

هبة: اووف سخفاااتني و انا باقيلي شهر و نولد

صخر: عطي راحة لراسك (جرها من يدها مشاو لبيتهم)

هبة: فاش كتفكر ا صخر

صخر: حتى حاجا

هبة: كنعرفك فاش كتكون ساهي و كتخمم

صخر: فاش كنتفكر بلي عشق كانت قد بنتي فاش تحرش بيها داك لي مسمي راسو با كنتخنق

هبة: ششش ماتقولش هاكا نتا ديما كتحمي نضال

صخر: و لكن عشق ماكاين لي يحميها كون غير ترجع انا عمرني نلومها حيت قتلاتو انبوسلها راسها

هبة: واخا ماكناش كنتفاهمو انا وياها ولكن توحشتها خلات بلاصتها كبيرة

صخر: (تنهد) نوضي وجدي راسك باش مانتعطلوش على عراضة وليديك انا اندوز نشوف جسور


هبة: كيبقا بعدا؟

صخر: حالتو هي حالتو

هبة: الله اشافيه

صخر: امين

هبة: وجد راسك حتى نتا (خطفات بوسة من فمو)

صخر: مااااابقييينااااش انوجدو راسنا انصدقو فشيحاجا خراااا


.صبح صباح جديد كيتقلب ففراشو و العرق هابط من راسو نفس الصوت و نفس الملاح و نفس الذكريات كيزوروه فمنامو ذاتو تصلبات و بدا يتمتم باسمها تاني و يهتف كيحلم بيها معاه حتى كتقرب تعنقو و كتغرس فيه موس فقلبو أحداث ديك الليلة كل مرة كيحلم بيهم كل مرة كيتفكر هاد لهضرة

نسمحليييييك علااااه نتيييي تاااقيييتي فياااا وجه اللله وااااش حنيتي فييااااا كنكرهك اعشق خليتيني نكرهك و عمرني نفكر نبغيك كيييما نتي مكتبغييينيييش حتى انا كندعي ربي عمرو يوريك خير فحياااااتك كنكرهك كنكرهك

...شاف فوجهها ناداتو

عشق : نيروز

نيروز: (ناض من احلامو كيلهث و غوت بأعلى صوتو كأنه باغي يشدها بيديه) عششششق

….مالقا حداه حتى واحد و كما العادة اضغاث احلام زاروه...خشا راسو بين ركابيه كيشوف ف نقطة العدم ...تبدلات شحال من حاجا اعشق حتى من قلبو و لا حجر كثر من قبل مكيشرك الهضرة مع حد و ديما لاهي راسو فالخدمة باش مايتفكرش...سكنتيه كولو فكل خطوة كيخطيها فكل نظرة كيشوفها كيبانلو خيالك حتى من الاحلام ماخليتيهش اتهنى...تنهد و زير على راسو كينطق بغضب

نيروز: خرجيييي من عقلي خرجيييي (طلع راسو للفوق و تنفس بعمق) أعوذ بالله من الشيطان الرجيم

...دخل عندو لبيتو بخطوات متسلتة داير ابتسامة شيطانية و ضام يديه وصل عندو للنموسية و بدرع باش طلع و هو يتلاح عندو كيضحك

فراس: بووووو خلعتك خلعتك هههههه

نيروز:(ابتاسم و هزو كيهرو و يبوسو ) كتخلعني اديابلووو هااا ناري خفت خفت

فراس: صافي ابابا صافي مانعاودس ههههههه

نيروز: لا لا انا منسمحش ليك باقي بغيت ناكل هاد لعنق رطب (كيهرو فعنقو)

فراس: وا صاافي ابابا غير ضحكت معاااك ههههههه

نيروز:(بعد منو كيدقق فملامحو تاني كلما كيشوف فيه كيشوف ملامح عشق فيهم ) فطرتي؟

فراس: ناء كنتسناك

نيروز: تسناني اندوش و نهبطو بجوج باش منبعد نمشيو نسافرو انا و ياك لشي بلاصة

فراس:(عينيه فيهم لقلوبة) انمسيو عند ماما ؟؟؟

نيروز:(تسمر فيه و ديما السؤال لي مكيلقالوش جواب كيبقا يتهرب منو ) اندوش و نجي

...جاوبو بالصمت و فراس دلا شنافتو تحتانية بغا يبكي ديما كيسولو على ماماه مكيلقا مايقولو و ينساحب...بقا كيتسناه حتى خرج من دوش و لبس حوايجو و هبطو بجوج شدليه فيديه و جلسو ف طبلة لفطور مع وليديه

زمرد: صباح نور البطل ديالي

فراس: صباع نور نانا (باسها و مشا باس علي) صباح نور دادا

علي: صباح نور ولدي صغير

دخلات نجلاء فرحانة

نجلاء: باركولي شديت الدكتوراااه

زمرد: هادا خبار زوين مبروووك

علي: مبروك ابنتي

نجلاء: الله ابارك فيكم (كتشوف ف نيروز) كيجيتك اخويا

نيروز:(اكتفى ب ابتسامة)

نجلاء:(اختفات الفرحة من وجهها و جلسات كتفطر)

زمرد: طلقي البشرة

نجلاء: كاع ماداها فيا

زمرد: راك عارفاه مابقاش كيشرك معانا لهضرة الحمد لله كيهضر مع فراس أما كون تعقد الولد شحال هادي

فراس: نانا بابا قالي انسافرو امكن انسافرو عند ماما

نيروز: فراس كمل ماكلتك نعطيك بيمو؟

فراس: ناء انا فرحان انشوف ماما

نيروز: غادي نمشيو لطنجة نقضي غرض و نجي ماشي انمشيو عند ماماك

فراس:( بحزن ) علاش ؟

نيروز:(ابتاسم) انشريلك بزاف د لحاجات زوينين

فراس: مابغيتس (ناض كيجري مقلق )

نجلاء: فراس (تبعاتو)

نيروز:(ضرب طبسيل بيدو)

علي: علاش مااااتقووولوش ماماه فين كاينة علاش عزيز عليك تعدبو

نيروز: شنو بغيتيني نقولو بلي مو هربات و خلاتني انا و ياه؟؟؟

زمرد: ماشي هكك اولدي تقدر تقلب عليها

نيروز: مانقدرش نقلب عليها لي مشا بخاطرو الله اعاونو

زمرد: نتا غير خايف عليها

نيروز:(بعصبية) ااااه خااايف علييييها و ماااباغيش نقلب عليها عرفتيييي شنو كيتسناااها الى رجعات؟؟؟ المشنقة و الاعدام ايتطبقو عليها و كطلبي مني نقلب علييها عمرني نديرها و ماغانيتمش فراس (رما الفوطة فالطبلة و ناض)


علي:(شدلها فيديها) سلكي معاه

زمرد: مشات عشق و خداتو معاها خدات داك لحنين و لي مبشور ديما

علي: و شنو انديرو ا زمرد مكتاب الله

زمرد: كندعي ربي ديما فصلاتي باش ترجع ولدها محتاج ليها

علي: ندعيو و نخليو كلشي لله انه على كل شيء قدير

زمرد: ليوم غادي يجيو عائلة سقراط

علي:(شاف ساعتو) مابقا والو و يوصلو

...دخل لعندو لبيتو لقا معاه نجلاء هاد الاخيرة غير شافتو ناضت خرجات و هو جلس حدا ولدو

نيروز: شنو مقلق ولدي (كيدوز على راسو)

فراس:(كيهز كتافو) مخاصمك

نيروز: علاااش حشومة عليك أن جبت ليك شكلاط لي كيعجبك و نتا مخاصم معايا

فراس: انا مابغيتش سكلااااط انا بغيت ماماااا جيبهالي

نيروز:(ضغط على قبضة يدو) غادي تجي

فراس: (ضار عندو) امتى ؟؟؟ انا عمري سفتها واش كتبغيني علاش خلاتني واس انا خايب

نيروز: لااا ماتقولش هاكا ماماك كتبغيك بزاف حيت نتا افضل ولد فالعالم

فراس: و علاس خلاتني (كيشوف فيه بعينيه فيهم دموع)

نيروز: الظروف اولدي منين تكبر أتفهم (ضمو ليه و قلبو مجروح مكيلقاش جواب و خاطرو تزيرات حتى هو ماكرهش ابكي و ينوح و لكن هادشي لي عطا الله خصو يبان قوي)

فراس: نتا احسن اب فالعالم

نيروز:(ابتاسم) يالاه نوض لميمة و جدو ايجيو من روسيا و ايجيبو معاهم ناصر و ياسر

فراس: يااااااي ايزييو ايزيو

...ناض كيجري و نيروز تابعو بابتسامة هبطو لتحت لقاو بالفعل العائلة وصلات و بداو كيتسالمو بيناتهم

زمرد: الحمد لله على سلامتكم شحال هادي ماتجمعنا

سارة: أرحب بيك الخير نتي مولات مولات الصواب

علي: فين هو قصي و شيماء


سارة: نهار عيد الميلاد ايكون حاضرين

فراس: و بابا أميمة مازاس؟

سارة: (بحزن) عندو شغل اولدي ولكن ايصيفطلك كادو ديالك

ناصر: فراس يالاه نلعبو

ياسر: (كيتجبد باش امشي معاهم) اعننن مسي مسي

مانفال:(طلقاتو) يالاه لعب معاهم

...مشاو كيلعبو الصغار و هوما جلسو كيرتاحو من طريق و يتعاودو منين نيروز لي خرج يقضي غراضو مابغاش اخلي فراس بوحدو و لكن منين جاو ولاد خالو خلاه ...بقات كتشوف فيه من زاج البالكون كيلعب و هي كتحسر عليه ...خرجات لعندو و ناداتو

شفق: فراس

فراس:(شاف فيها) نعام اخالتي

شفق: اجي عندي نجلسو شوي

فراس: واخا

...خلا دراري و مشا جلس حداها و هي كتعاودلو فالحجايات و النكت

فراس: ههههههههه

شفق: شكون قرب اكمل 9 سنين (كتهرو ) فراس زوين

فراس: ماكرهتس ماما معايا (شاف فيها) كتشبهيلها بزاف

شفق: اه حنا توأم و لكن هي زوينة عليا هه

فراس: بغيت نسوفها

شفق: ماماك غادي تجي نهار عيد ميلادك

فراس:(بفرحة) بصح بصح

شفق: اه وعدك و لكن هاد السر ايبقا بيناتنا صافي

فراس : واخا اخالتي هاني نتسنا


خلاتو كيلعب و ناضت من حداه دخلات تاني للقصر عطاوها غرفة و مشات ليها بقات جالسة كتفكر ف شي حل و شي طريق تجيب بيها عشق ، عطات وعد لفراس و خصها توفي بيه ولكن ماعرفات مادير...بقات كتمشي و تجي بلاصتها راسها اينفاجر بقوة التفكير حتى لمحات من سرجم طوموبيل كحلة بعيدة شوية على لقصر بقات كتشوف فيها و خرجات من بيتها و القصر و بدات كتمشى للخارج و مرة مرة كضور موراها باش مايلاحظها حتى واحد ...بقات كتقرب لديك الطوموبيل لكحل و رجليها كيرجفو تحل السرجم و شاف فيها أحد الرجال

...ياك لباس

شفق: شكون نتوما؟

… و شكون نتي لي كتسولي

شفق: واش نتوما رجال تايغر؟؟ عندكم شي علاقة بيه نطقو

...بلا مايجاوبها نطالق بسرعة و هي بقات كتشوف فيه مانعرف اشقال ليها راسها و لكن بغات راس لخيط بأي طريقة...قلبات الدورة راجعة للقصر حتى رجعات عندها طوموبيل لكحلة
...طلعي

شفق: فين باغيين تاخدوني؟؟؟

...طلعي الشاف بغاك

...بدون تفكير طلعات فطوموبيل و نطالقو لبلاصة بعيدة مسافة ديال طريق و هي كترجف بلاصتها حتى وصلو و نزلات معاهم لمستودع قديم ...بدا الزايد اطلع معاها حتى شافتو قدامها

شفق: نتا؟؟

تايغر:(ضار لعندها) علاش بغيتيني

شفق: محتاجاك تعاوني انا بغيت عشق ترجع محتاجاك تعاوني

تايغر: مافخباركش بلي الى رجعات اتعدم؟

شفق: محتاجاها ترجع غير نهار على قبل عيد ميلاد ولدها بغيتها تشوفو و يشوفها

تايغر: كون بغات ترجع اترجع بوحدها

شفق: حتى نتا باغيها ترجع كنشوف هادشي فعينيك عندك بزاف د الاسئلة باغي تقولهم ليها

تايغر:(غمض عينيه و حلهم) انعاونك عندنا يوماين الى مارجعاتش فيهم مكتعرفيني مكنعرفك

شفق: تافقنا

….زمان داز وجاب فيهم و داكشي لي طرا سنين باقي مأثر عليهم بحال الى وقع لبارح ... فشاطئ اسبانيا كان الليل ناسج خيوطو و نجوم فوقهم كيتلألأو ناصبين لخيام مايعادل 25 خيمة و دايرين نار من الحطب كبيرة فالوسط ...الفرقة الموسيقية كتعزف بآلات قديمة و نساء و الرجال كيرقصو بكل حيوية و يضحكو مع بعضياتهم و هوما عايشين السعادة ...اه هادو هوما الغجر او كيما كيسميوهم العامة المنبوذين حيت ماعندهمش اوراق رسمية لي كتبت الهوية ديالهم فالمجتمع غير عايشين و دايرين قانونهم راسهم...كيشطح مع بنتو و مراتو و يقشب معاهم

ارتورو : هادييييك الغجرية الصغيرة

ريتا: بابا وليت كنتقن الرقص الغجري

خلود: معلووووم ابنتي نتي بنت غجري قوي

ارتورو: و بنت أجمل مرات غجري

ريتا: هوووووووبااااا (كترقص)

ارتورو: شيحاجا ناقصة هنا

خلود: الحفلة مكتبداش بلا بيها

ارتورو: انجيبها

...ف خيمتها جالسة شعرها الاشقر زاد طوال و طوال لايحاه فالارض و كتشوف فالسماء عينيها الزرقاوتين فيهم حزن دفين ...ثلاثينية مثيرة و من يوم يومها أجمل ماشافو رجال و عرفو...فقلبها جرح عيات كتخبيه و كيبان فاش كتكون غير بوحدها ...جبدات صورة من جبها الصورة المتبقية عندها مصورة فيها هي و نيروز و فراس فاش كان باقي بيبي و ابتاسمات كعادتها عمرها نساتهم ولا خرجو من ذاكرتها ...باست الصورة و قبل ماتكمل الشوفة دخل عندها ارتورو

ارتورو: نتي هناااا الحفلة ماغاتبداااش بلا بيييك (جرها من يديها) يالاه اديابلا ليلة فيها فرحة كبيييرة


خرج بيها لبرا و بقات بعيد مربعة يديها و كتشوف فيهم كيرقصو و هي مبتاسمة جروها لغجر للوسط و بقات كتمايل معاهم بشوية ديرلهم الخاطر حتى نساوها تاني و نساحبات جلسات بعيد حدا الشعلة د النار كتشوف فيها و تلعب فيها بالعود حتى جا جلس حداها ارتورو

ارتورو: جالسة بوحدك علاه

عشق: كنتعجب

ارتورو: مناش

عشق: من زمان لي جرا بينا كولشي تبدل و حتى حاجا مابقات على حالها


ارتورو: لا حتى حاجا ماتبدلاات نتي باقا أجمل و اذكى بنت

عشق: بقات 4 ايام و يكمل فراس 9 سنين

ارتورو:(بحزن) توحشتيه

عشق:(بخنقة و نغمة فيها لبكا) بزاف ايكون كبر بزاف تشوقت نشوفو كيفاش داير الشكل ديالو او واش كيسول فيا و شنو كيدير بغيت نعرف كولشي عليه بغيت نعنقو بين يدي و نشم ريحتو و نسمع منو كلمة ماما

ارتورو: كل عام كتقولي هاد لهضرة اديابلا و حنا عارفين مزيان بلي الى رجعتي اترجعي للموت

عشق: انا ماهربتش من لموت ا ارتورو انا هربت من هاداك لي خفت نموت بلا بيه

ارتورو: عشقتيه

عشق: ماقادراش نساه كنتوحشو كل ليلة كيزورني كنحس بنفسي رجعات ليا و لكن آذاني

ارتورو: و باقا كتفكري فيه

عشق: مسألة كبرياء و فاش كيتعلق الامر بكرامتي خليت كولشي و جيت

ارتورو: نتي أقوى وحدة شفتها

عشق:(شافت فيه ابتاسمات) و نتا افضل صديق ربحت من هادشي كاملو

ارتورو: نساي عليك الهم و اجي ناكلو

عشق: مافياش اندخل نعس عييت

ارتورو: كيما بغيتي

...جالسين بيناتهم كيهضرو و يفضفضو لبعضياتهم و يتفكرو ايام زمان حتى جبدو المواجيع تاني

سارة: و فين ولدك ربيع لباس عليه؟

زمرد: راه بيخير خدام فالبرازيل و مزوج بفرح و عاجبو لحال

سارة: و نيروز؟ مكيفكرش ادير حياتو مع مرا اخرى

زمرد: اوييلي اسارة شنو كتقولي الى سمعك ايكحل بالعما حلف مادخل شيوحدة لحياتو و بيني و بينك الوحيدة لي بغاها هي عشق

سارة: اااه اعشق و فينها كيتها كية توحشتها ماعرفتها حية و لا ميتة

زمرد: فراس مسكين متشوق يشوفها واخا كنوفروليه كولشي الام مكيعوضها حد

سارة: كون رجع زمان شوية لور كنت غادي نصلح شحال من حاجا

زمرد: الزمان مكيرجعش اسارة و لكن نقدرو نصلحو الماضي و ربي كبير ايشوف من حالنا و يعاونا

...دخل طافج للدار كيهضر فتيليفونو و يغوت حتى تجمعو عليه العائلة

نيروز: تكون تحت الارض تجبدووووها ولا تحت سما تنزلووووها و اتشدووو داك ولد ال*** خصها ترجع بسلامتها لهاد لقصر كتفهمووو

علي: شنو واقع ا نيروز اشهاد صداع كاملو

نيروز: واش نتوما مكتلاحظو حد لا لي خرج لا لي دخل؟؟؟ شفق مخطوفة حلو تلفازات و شعلو تيليفوناتكم تشوفو تايغر حاط خبر اختطافها و الحل الوحيد باش اطلقها هو عشق ترجع

سارة:(كانت اطيح و شداتها زمرد) بنتيييي اويييلي فينها شفق كيفاش تخطفات

زمرد: كيفاش وقع هادشي انيروز

نيروز: مااااعرفتش نسولكم نتوما فوقاش خرجات من داااار؟

نزار: بفف واش حنا ماغانتهناوش من هاد ديسك ديما تايغر جابد لينا المشاكيل

مانفال: صافي احبيبي تهدن

نيروز: تايغر عينو فعشق بغااااها ترجع

علي: على الاقل عرفناها بلي ماشي معاه

نيروز: انا راني عارفها ماشي معااه و لكن ماخصهااااش ترجع

زمرد: ماعرفتو تكون هاد الواقعة خير علينا و ترجع عند ولدها

نيروز: وااااش كتفهموو شنووو كنقوولكم راااه ماخصهاااش ترجع ماخاااصهااااش ترجع ابدا حيت الى رجعااات الاعدام كيتسنااااهااااا و عرفتو شنو الخايب فهادشي كاملو انا لي غادي نعدمها كيفاش كدعيو ترجع و ظلموووني بهاد الدعوة (خرج و خلاهم كيغزلو راسهم)

سارة:(كطيح دموع) نيار ماخصوش يعرف الى عرف حالتو اتزيد تدهور

زمرد: ماتخافيش ا سارة نيروز ايدير لي فجهدو و يلقاها

سارة: بنت وحدة لي بقات ليا ا زمرد بغاو ارزيوني فيها عاوتاني

….جالسة على أعصابها و كتنوض تمشي و تجي و ضامة يديها و هو جالس كيتكيف و يخربق فتيليفونو

تايغر: رصي ك*ك للأرض درتيلي شقيقة

شفق: متأكد هاد الخطة اتنجح

تايغر: مامتأكدش داكشي علاش عطيتك يوماين

شفق: و شنو كنديرو هنا فهاد الفيلا

تايغر: هاد الفيلا كتعرفها عشق مزيان و حتى واحد مكيعرفها من غيرها حتى من رجالي لي كانو كيجيو لهنا كيموتو من بعد

شفق: و شنو الى وقعات ليها شيحاجا و ماجاتش ؟؟

تايغر: حسن من انها تجي و تعدم

شفق: علاش كتعاوني؟ شنو الغاية ديالك من مجية عشق

تايغر: كيما عندك أسئلة حتى انا عندي و بزاف

شفق: اوووف بقا لينا امل واحد هو هادا الى ماجاتش …

تايغر: (قاطعها) اتموتي حيت ضيعتيلي وقتي

شفق: هانيا الموت مابقاتش كتخلع و عشق تستاهل نغامرو على قبلها

تايغر:(ساط دخان من فمو) اااه اعشق و كيف وليتي


الليل نسج خيوطو في روسيا و الصمت كان طاغي على أحد مستشفيات موسكو ...من غيرها هي كتسحر على راحة المرضى لكن هو بالخصوص كتسهر عليه كثر من لقياس و حتى فاش مكتكونش نوبتها كتبقا معاه و قلبها كيتقطع عليه ...دخلات عندو راسمة ابتسامة على شفايفها و مع ملامحها بريئة و مهدنة لي كيشوفها كيحس بالراحة ...جلسات حداه

اسمهان: مستر جسور كيف كتحس براسك هاد النهار

جسور:(شاف فيها) مابقالي والو فهاد الدنيا

اسمهان: (بحزن) ماتقولش هاكا المرض اكتاشفناه بكري و بعملية ان شاء الله غادي تبرا

جسور: و شكون قالك باغي نتعالج هادا عقاب كنخلصو من عند الله حيت ماكنتش راجل معاها و حيت خسرتها

اسمهان:(تنهدات) انا متفهمة قصتكم و لكن تيق بيا ماغاديش تبغي ليك الضرر و اتبغيك تتعالج و تكون مع ولدك

جسور:(بيأس) الحياة بلا بيها سم مابغيتش نعيش

اسمهان: كلما كنتعطلو ا جسور فرص نجاتك كتقلال خصنا نسربيو

جسور:(بانفعال) مكتفهمييييش ماباغيش نتعااالج انا باااغي نموت حياتي بلا بيها مكتسوااا وااالو بغيييت نمووووت (بدا كيكح و يتهز بلاصتو و هي ناضت حطات ميشوار على فمو و بدات كطبطب عليه)

اسمهان: تهدن عفاك صافي بقا على خاطرك

...حيدات الميشوار من فمو لقاتو عامر بالدم و هو غمض عينيه ...خرجات خلاتو يرتاح و عينيها عامرين بدموع كتحس براسها لأول مرة عاجزة قدامو و منين سمعات قصتو تأثرات بزاف خصوصا منين ولات كتحس بمشاعر الحب من جيهتو فهاد الشهر لي دخل فيه ل كلينيك حاولات معاه مرات عديدة لكن هو رافض الفكرة نهائيا و ماباغيش اتعالج...رجعات كطلب معجزة تحقق ليها هاد المطلب …

صبح صباح جديد في شوارع اسبانيا غادية خلود هي و عشق كيتساراو هاد الاخيرة لي كانت دايرة لثام خفيف باش مايبينش ملامحها كاملين ...كولشي كيشوف فيهم غجريات و كيحاولو يتوددو ليهم و كاين لي مكيحتارمهمش فاعتقادهم انهم افضل منهم ...بداو كيتقضاو الخضرة و كاع داكشي لي خاصهم و كيتبادلو اطراف الحديث

ريتا: ماما شوفي هاد الكسوة شحال زوينة

خلود: غيثة عاد لبارح شريتلك وحدة

ريتا: سميتي ريتا اماما ماشي غيثة

عشق: غيثة و لا ريتا بحال بحال المهم كيليق ب أجمل غجرية فالعااالم

ريتا: غراااسيااااس مي مادرينا (شكرا عرابتي)

خلود: فششتيها بزاف ا عشق

عشق: عقلي فين قلتهالك ريتا اطلع قوية

خلود: كتشبه ليك فخبارك

عشق: هههه علاه شكون رباهاا من غيري

….دازو من حدا تلفازة من حدا قهوة و هي تنغزها خلود منين شافت الخبر

خلود: عشق هاديك ماشي ختك شفق

عشق:(سمعات شفق ضارت بسرعة) فيين

...تركزو عينيها على التلفازة و كتسمع لخبر اختطافها من تايغر و انه طالب فقط عشق ترجع و المهلة يوماين او يقتل شفق و بينو عائلتها ...طيحات ميكة د الخضرة من يديها و هي كتنهج و فلحظة رجعولها كاع الذكريات فرمشة عين و اصوات هضرتهم و غواتهم و ضحكاتهم و كولشي رجع ليها تمتمات بصوت هامس غير مصدقة بشنو جرا

عشق: علاش دابا...علاش فهاد الوقت بضبط ؟


بعد ساعات و هوما جالسين فالخيمة كل واحد شاد راسو من جيه و هو معصب و من خوفو كيهضر

ارتورو: شحااال هادي مابقيتيش كتبعي الاخبار تقدر شحال من حاجا وقعات فهاد سنين و نتي ماعارفاهاش علاش دابا أترات فيك هاد لحاجا

عشق:(ناضت ) حيت خاطفها بسبابي ا ارتورو و يقدر اقتلها انا لي عارفاه

ارتورو: خليها تستاهل هي لي وصلاتك لهاد الحالة بسبابها نتي هاكا

عشق: لا ماشي بسبابها انا لي درت كولشي لراسي

ارتورو: (هز كتافو) واخا نهضر ماغاديش تسمعي هضرتي ياك

عشق:(قربات منو شداتليه فيديه) فكرت مزيان ا ارتورو لقيت بلي مشيت بلا مانكمل شحال من حاجا انا فقط مابقيتش باغا نحاسب كل واحد على افعالو حيت لي كيحاسب هو ربي ولكن حتى حاجا ماكاملة. انا خاوية من لداخل ناقصاني شحال من حاجا و ماغاديش نتهنا

ارتورو: اترجعي للموت برجليك؟

عشق: بغيت نرجع و هادشي لي وقع عطاني دفعة باش نرجع

خلود: و حنا اعشق اتخلينا ؟ هااكا منبعد ما ولفاتك غيثة و الغجر كاملهم

ارتورو:(شاف فيها) غادي نرجعو معاها لبلاصة لي مايكونش فيها عشق ماعندنا مانديرو بيها

خلود:(بفرح) انرجعو لبلادنا؟

عشق: اترجع معايا ؟؟

ارتورو: علاه واش انا حمق نعاود نخليك ؟ خليتك مرة وحدة شوفي شنو وقع ليك أما دابا انبقا معاك ديما و ف أي حاجا حتاجيتيني اتلقايني

عشق: بغيت نمشي لروسيا هو لول نشوف الأجواء تماك عاد نشوف شنو ندير

ارتورو: ضربي كولشي على حسابي (ضار عند خلود و ريتا) نتوما انصيفطكم للمغرب اوك

خلود: واخا

عشق: خاصنا باسبورات و ووراق و فيزا و شحال من حاجا

ارتورو: عشق قلتلك ضربي كولشي على حسابي و من فوق هادشي انجيبلك اخبار ديال عائلتك كاملهم و هاد ليلة تعرفي كولشي

عشق: شكرا بزاااف

ارتورو: ماتشكرينيش ماكنتش يدك ليمنية غير هكك انا وياك واحد لي تقالت عليك اتخفاف عليااا

بقاو داك نهار كاملو كيجمعو فيه حوايجهم تحت نظرات الغجر لي ماساخيينش بيهم و رباو عليهم الكبدة كامو عائلة بيناتهم و عمرهم فاتو بعضهم كانو يد وحدة فالحلوة و المرة ...بعد ساعات منين جمعو كولشي دخل ارتورو عندهم بملابس رسمية و عطالهم وراق و باسبورات مزورين و لقاهم لابسين حوايجهم العاديين

عشق: دغيا جبتي هادشي

ارتورو: ضروري ماغاديش نغامر و نخليهم يشدوك

عشق: جبتي داكشي لي قلتيلي؟

ارتورو: المعلومات؟ (حنحن ) انا نقولك شنو بغيتي تعرفي

عشق: كولشي

ارتورو: هوما دابا فالمغرب

عشق: يعني حتى واحد ماكاين ف روسيا؟

ارتورو: كاين قصي و شيماء و جسور

عشق: ماشي من المفروض اكونو مع فراس؟ (بنرفزة) عولت على جسور اتهلا ففراس بكري

ارتورو: فراس كيتهلا فيه نيروز و مامخصصو من والو و لكن جسور معذور حيت مريض و جالس فسبيطار

عشق: مريض ؟ باش؟

ارتورو: السرطان

عشق:(بصدمة) ماقطعش شراب

ارتورو: موحال دابا خلي عليك هادشي انعاودلك كولشي فالطريق خصنا نخرجو دابا اول طيارة هي ديال خلود و ريتا ايمشيو للمغرب موراهم انمشيو حنا لروسيا (مشا عند خلود) فاش توصلو ل كازا شدو اوطيل و بقاو فيه حتى نرجعو

خلود: واخا

ريتا: بابا ماغاديش نتعطل

ارتورو:(تحنى عندها) لا ازوينة ديالي باباك دغيا غادي يرجع


خرجو كاملهم بتوديعات الغجر ومشاوي نيشان للمطار و طبعا متنكرين كانت أول طائرة هي ديال خلود و ريتا مشاو ركبو و توجهو للمغرب أما من وراها عاد مشا ارتورو و عشق ركبو فطائرة المتوجهة لروسيا و بقاو كيتسناوها تقلع

عشق: كمل ليا ارتورو عائلتي لباس عليها؟

ارتورو:(كيتجنب اجاوبها) بيخير نزار تزاد عندو ولد اخر سماه فراس و هبة ولدات بنت سميتها نضال و حاملة

عشق: الحمد لله فرحت ليهم و شفق ماتزوجاتش؟

ارتورو: لا هي و نجلاء باقي و لكن ربيع تزوج واحد البنت سميتها فرح و ساكنين فالبرازيل

عشق: ههه مزيان و (بلعات ريقها) نيروز؟ باقي ماتزوج؟

ارتورو: رتاحي ماتزوجش نتي كاملك فحياتو و بغيتيه اتزوج ههه

عشق: ماعرفتش ولدي كيدايرة شخصيتو

ارتورو: غادي تشوفيه

عشق: لا ماغادي نشوف حتى شيواحد فيهم انا انشوف كيندير نعتق شفق و نرجعو كيف كنا

ارتورو: ماتوحشتيهمش اعشق؟

عشق: لا ماتوحشتهمش كاع خليهم هوما خسروني من حياتهم (بلعات ريقها و ضغطات على قبضة يديها و بدات كتشوف فالسرجم بعد ما قلعات الطائرة)

ارتورو: مكتعرفيش تكدبي اديابلا

عشق: نهار ماتبقاش سميتي ديابلا ماغانبقاش نكدب

….مدة ديال طريق و ساعات و هوما فوق السحاب حتى تحطات الطائرة فالمطار و نزلو منها و خرجو بعد ماسالاو الاجراءات و هوما لاعبينها يا ربحة يا ذبحة يا يتفضحو يا يبقاو مستورين ...الشمس ساطعة غير وصلات حيدات النايفية من راسها كتستنشق الهواء...بينها و بين روسيا 8 سنين و رجعات ليها

ارتورو: فين تبغي تمشي لقصر ؟

عشق: لا لكلينيك

ارتورو: بغيتي تشوفيه

عشق: ضروري نشوفو

...مشات ناحية الشارع باغا تاخد طاكسي حتى نادها

ارتورو: عندك طوموبيل على قدها و ماشية تشدي طاكسي

عشق:(مشات تركب) بغيت غير نعرف منين كتجيب هاد لحاجات

ارتورو: عندي الاساليب ديالي سينيوريتا

...ركبو بجوج و توجه لكلينيك الموجود فيه جسور بقاو مدة كيشوفو شنو الأوضاع

ارتورو: نمشي معاك؟

عشق: بلاش اندخل بوحدي

ارتورو: اوك

...خرجات من طوموبيل و دخلات لكلينيك مشات سولات على جسور قالولها رقم شومبر و دغيا مشات عندو مترددة لكن حلات لباب بشوية و ذاتها كاملها كترعد و خايفة...دخلات بخطوات بطيئة و كتشوف فيه لونو مخطوف و صحتو ضعااافت رجع رقيق بزاف ...الشعر مشا من راسو ...شدات على قلبها بحسرة و ضارت بغات تمشي بلا ماتصدعو و هو ينطق كيحل عينيه بشوية

جسور: عشق هادي نتي ؟؟؟

عشق:(مسحات دمعة هابطة من طرف عينيها و رجعات ضارت عندو) اه هادي انا رجعت

جسور: (كيحاول انوض) عشق نتي رجعتييي مامتيقش واش كنحلم ولا انا فالجنة

عشق:(رداتو بلاصتو) ماتجهدش راسك عفاك بقا مرتاح (جلسات فكرسي)

جسور: دازت مدة طويلة توحشتك خليتي بلاصتك كبيرة ماقدر اعمرها حتى واحد (كيكح)

عشق: الضرورة خلاتني نرجع

جسور: الحمد لله شفتك قبل مانموت (شد فيدها) خصك تقاتلي باش تعيشي عنداك يشدوك

عشق: ماتهزش الهم ليا رد لبال لصحتك (تنهدات) كيفاش وصلتي لهاد الحالة كاملها ؟؟؟

جسور:(بصوت شبه مسموع) قلت ليك انبقا نبغيك حتى ينشف الدم من عروقي


كتأسف على حالتو لي كتقطع فالقلب عمرها ظنات ايجي نهار و تشوفو ناعس ف لكلينيك و كيتسنى معجزة للشفاء و ما بيديها حيلة غير شادة فيديه و كطمنو


عشق: ماتقولش هاكا غادي تبرا ان شاء الله


جسور: حتى الى مت انكون فرحان حيت شفتك بعد مدة طويلة


عشق: (ضورات وجهها و مسحات دمعة كانت هابطة على طرف عينها ) نتا اول واحد نشوفو منين رجعت


جسور: كنتمنى ليك حياة زوينة و بداية زوينة


عشق: خصك تعالج اجسور هادا هو الطلب ديالي دير لي فجهدك و تعالج و اتلقانا كاملين كنتسناوك (باستو ف جبهتو) رتاح دابا انجي نشوفك منبعد


..خرجات من لكلينيك مرفوعة و توجهات عند ارتورو لي كان جالس فطوموبيل و نطقات


عشق: (بصدمة) عندك الحق ارتورو وقعات شحال من حاجا ف هاد المدة


ارتورو: كولشي تبدل


عشق: و يعلم الله شنو تبدل اخر

ارتورو: زيدي نمشيو قبل مايلاحظنا شيواحد

….(بصوت مصدوم و نبرة متشوقة ) عشق هادي نتي؟؟؟

...مع الضورة لي غادي ضور عنقاتها بشوق و كتبكي ماجاتش فين تستوعب كو قالولها ايجي نهار فين تعنقك فيه شيماء ماكانتش اتيق و تزيد تضحك من لفوق ...بعدات منها شوية و بقات كتشوف فيها

شيماء: فيين كنتييي خليتينا مشوشين شفتي جسور ياك؟؟ تلاقيتو

عشق: (بصدمة) واش طالعالك سخانة

شيماء:(هبطات راسها بهدوء) سمحيلي على كولشي عفاك انا ندمت على كولشي و كيما كتشوفي هاني كنتعاقب على اغلاطي و كيخلص ولدي كولشي

عشق: ماتقوليش هاكا جسور ايتعالج و يكون بيخير ان شاء الله

شيماء: عفاك لاماسمحيلي

عشق:(بابتسامة) المسامحة انا مشيت منهنا و قلبي صافي من جهة كولشي

شيماء: شفتي ماماك و باباك وولدك ايكون فرحانين بيك

عشق: ماشفت حتى واحد و بغيتك ماتقولي لحتى واحد بلي شفتيني

شيماء: علاااش هوما راه توحشوك اعشق

عشق: هادا طلب مني ماتقوليها لحتى واحد نهار نبغي نبان انبان بوحدي صافي؟

شيماء: واخا كيما بغيتي

عشق:(شافت ف ارتورو) يالاه نمشيو

ارتورو: زيدي

...انطالقو تاني باش اتاجهو للمغرب أما شيماء دخلات للكلينيك متوجهة لعند ولدها تشوفو لكن خرجات اسمهان من عندو و تلاقات ليها بفرحة


اسمهان: مادام شيماء جسور قبل ادير العملية و يتعالج

شيماء: حلفي بالله حماتك ياااربي و شكرتك كووولشي بسبااابها بغيتلها ستر و رضا ياربي و اخيرا

اسمهان: ماتخافيش امدام كولشي ايدوز بيخير كنواعدك

شيماء: الله ارضي عليك ابنتي شكرا بزاااف

...داز الوقت و تحطات طوموبيلتهم مرة اخرى فالمغرب تزير عليها خاطرها و نفسها تحبسات مامطمناش و فنفس الوقت خايفة دوز غير بالصدفة و تلقا شيواحد كيعرفها ...شد ارتورو ف كتفها و نطق

ارتورو: شنو نديرو ؟

عشق: انفك الحريرة د شفق و نرجعو فين كنا

ارتورو: مابغيتيش تشوفي عائلتك؟

عشق: الى شفتهم انحكم عليهم بالتعاسة و نحكم على راسي بالموت (شافت فيه) مابغيتش نربي الكبدة

ارتورو: فين انمشيو دابا

عشق: انا عارفة لبلاصة لي فيها شفق انمشي

ارتورو: انمشي معاك

عشق: لا انحل كولشي راسي

….الدنيا مرونة فقصر اخنوش كولشي مخربق و كولشي باقي كيقلب سارة حالتها حالة غير كتخمم و تفكر و قدام نيار خصها تبان مامالها والو باش مايحسش بيها حيت ماقالوهاش ليه ...شي كيهدن شي و الخلعة قوات و كولشي مخربق ...أما ففيلا تايغر كان واقف و هي حداه داز وقت طويل و باقي ما يأسش

تايغر: 48 ساعة تسالات


شفق: لهاد الدرجة حقدات؟

تايغر: و شكون عرف تقدر تكون ميتة

شفق: كنهضرو على ديابلا

عشق:(نطقاات و هي موراهم) و حيت كتهضرو على ديابلا اكيد غادي تجي

شفق: (مشات عندها عنقاتها) عشق رجعتييي (كتفحصها بعينيها) نتي مزيان فيين كنتي هاد المدة كاملها

عشق:(كتخنزر فتايغر) اشقربك لعائلتي ماشي نبهتك؟ قلتلك الى تمسات شعرة وحدة منهم نهايتك اتكون على يدي

تايغر:(ابتاسم) ماتبدلتيش

عشق: (قربات ليه) واش باغي تلعب؟

تايغر: ماباغيش نلعب لعب لي انخسر فيه و نتي عارفة هادشي (شاف ف شفق) طلع عشق قلبها حنين و جات تعتقك

شفق:(شدات ف يد عشق) ختي قوليلي فين كنتي

عشق: (حمرات فيها) كنت فالجايحة لكحلة نتي سووووقك؟

شفق: ولكن خفت عليك

عشق: هنينا (رجعات شافت ف تايغر) شنو بغيتي من هادشي ؟

تايغر: بغيت نعرف حاجا وحدة علاش ماغرقتينيش و نتي بيديك كولشي

عشق: ماتستاهلش شري نتا مجرد نكرة ماتستاهل والو

تايغر:(عض على شفايفو بالاهانة) هاد الفكرة خلاك ترجعي و تعاون مع ختك

عشق: (شافت ف شفق) لاياش كتخططي تاني؟ ماكفاكش لي درتيه؟

شفق: ماشي هكك اعشق غير سمعيني عفاك

عشق: ااااخر مرة تقربو من ساحتي بجوجكم فهمتووو ريحة الخبث طالعة منكم كلكم (بزقات فالارض و خرجات)

شفق:(تبعاتها كتجري) عشق صبري عفاك (شداتها من يدها)

عشق: (نتراتها بعصبية) ماتقيسينيييش عرفتي شنو درتي خليتيني نجي من آخر الدنياا باش نشوف هاد لكدوب ديالك فين وصل

شفق: لا اعشق انا بغيتك تجيييي حيت توحشنااااك خاطرت براسي و بغيتك تجي

عشق: ماااابغيييتش نجي خليت الماضي مورااااياااا خليتكم كاملكم تعيشو بيخير علاش مازال تابعيني شتي انا دفنت الماضي و بديت حياة جديدة مكتهمونيش

شفق: نتي غالطة اعشق كولنا باااغييينك ماما بابا نزار و حتى انا سمحيلي على كولشي كنعتاذر ماكانش خاصني ندير لي درتو

عشق: انا مامشيتش بسبابك مشيت بسباب الأنانية ديالكم لي مكتساااالااااش مشيت باش نرتاح علاش رجعتيني بغيتيني نتعدم؟ و عااارفة مزيان بلي الاعدام كيتسناااني اتفرحي ياك؟

شفق: لاااا جبتك على قبل فراس واااعدتو انه غادي يتلاقا بيك و غادي تجي فعيد ميلادو (قربات منها شداتلها فيدها) ولد اعشق عيد ميلادو غدا و بغاك ديما كيسول عليك و كيبكي عليك هو محتاجك و باغيك ماتحرميهش منك رجعي عفاك

عشق:(بلعات ريقها) انا ماعنديش ولد و ماعنديش عائلة نساوني

شفق: علاااش علاش قلبك قاسح لهاد الدرجة واش كاينة شي ام ماباغاش تشوف ولادها

عشق: و كاينة شي ام كتزرع فولادها الأمل و من بعد كتمشي فطريق الموت؟

شفق: غادي نلقااااو شي حل غادي نديرو المستحيل باش ماتوقع ليك حتى حاجا

عشق: الخير لي ديريه فيا هو تنسايني و ضربي طم بشوفتك ليا انا ماغانرجعش عندكم كتفهميها


خلاتها موراها و مشات و هي بقات متبعة ليها لعين و حاسة بخيبة أمل كبيرة بحال الى كولشي ضاع و الوعد لي عطاتو لفراس ماغاديش توفي بيه ...خدات طاكسي و رجعات بيه لقصر غير وقفات خرجو كاع العائلة عندها اولهم مها لي عنقاتها خايفة عليها

شفق: ماتخافيش اماما انا بيخير

نيروز: كيفاش طلقك تايغر؟ (بخوف) ياكما عشق رجعااات؟

شفق:لا مانجحاتش الخطة ديالو و قال من الأحسن اطلقني

زمرد: فهمينا ابنتي كيفاش خطفك

شفق: خرجت نشم شوية د الهوا و تعرضولي شي.رجال و خطفوني

علي: دازت طريفة دخلو لدار ماتبقاوش برا

سارة: ياكما دار ليك شيحاجا نطقي

شفق: لا اماما ماوقعلي والو بغيت نرتاح

سارة: سيري لبيتك ترتاحي

...مشات شفق لبيتها غير دخلات طرطقات بالبكا و شادة فراسها حسات بالخنقة و بلي هي سباب لعذاب كاملو ...هزات تيليفونها كيما عادتها و بدات كتصوني لكن مكيجاوبهاش و عمرو جاوبها 8 سنين هادي واخا هكك ماملاتش

شفق: شهاب اهئ اهئ انا مخنوقة بزاف جاوبني انا محتاجاك اهئ اهئ عييت مابقيتش قادرة والله

...حيدات التليفون من وذنيها من بعد ما رسلاتلو الرسالة الصوتية أما لتحت كان نيروز كيخمم مادخلاتلوش لبالو بلي شفق رجعات بلا مقابل حس بلي شيحاجا ماشي حنى لتما و خايف بصح تكون عشق رجعات ...فيقو من سهوتو صوتها و هي كتهضر معاه

زمرد: ولدي واش ماغاديش نديرو تجهيزات د عيد ميلاد فراس

سارة: دابا شفق رجعات غير نبداو و نساو لهم شوي

نيروز: ديرو لي عجبكم

….رجعات للاوطيل لي فيه ارتورو و عائلتو و هي ساخطة عرفات رقم الغرفة و دقات حلو ليها و دخلات معصبة

عشق: كاااانت غير خطة و انا من خوفي جيت كنجري

ارتورو: شنو كتقوووولي؟

عشق: حتى حاجا ما حقيقية كولشي تمثيل و كدوب شفق دارتها بلعاني باش تجيبني

ارتورو: ياكما فخ باش تحبسك؟؟؟

عشق: لا حسيت بيها ندمانة قالك شنو نجي نشوف ولدي

خلود:(جلسات حداها) بيناتنا اعشق ماتوحشتيهش

عشق: مابغيتش نخربقلو حياتو

خلود: هو محتاجك بزاف

عشق: الاعدام كيتسناني عمرني نيتمو (ناضت ) ارتورو انرجعو فين كنا

...قالت هضرتها و مابغاتش تراجع عليها صبح صباح جديد كانت داخلة عندو لصالون و كتلهث بصهد

نجلاء: تا جيب لينا شي عصير نبردو اويلي على صهد

بسباس: نتي غا مالقيتي لي يبرد زكك قالاك صهد

نجلاء: اااودي ماكاين لي يستاهل الحمد لله بخدمتي اشعندي ماندير بزواج

بسباس: ماكاين ماحسن من الخدمة شتي كون ما هاد الصالون لي صايبات ليا عشق كنت باقي نعطيها لدوران من قنت لقنت

نجلاء: حتى نتا باقي مانسيتيها

بسباس: و كييفاااش انساها و انا كتافي ترباو من خيرها فين ما كانت الله اسهل عليها

نجلاء: اوا قادلي شي مشطة و شي ماكياج م*اااود باش نحضر لعيد ميلاد فراس هاد ليلة و سربي راسك نخرجو بجوج

بسباس: هي لولة


ظلام لحال و لقصر تنور بالضواو و الموسيقى على الجهد و حتى من الحضور جاو النساء لابسين سواريات و مجوهرات اخر ماكاين كيتفاخرو على بعضياتهم و رجال ايضا بالكوستيمات و ضاربين على الشعا...كولشي مقاد و متول و العائلة حتى هوما فرحانين بفراس لي كيضور مع فراس باش اسلم على لمعارف ديالهم كيربيه من دابا على شلا حوايج منها كيفاش اكون ديبلوماسي و قاسح من صغرو...ولكن بضبط فهاد النهار جالس على اعصابو ...و كيشوف ف خالتو لي مهبطة راسها و غير كتنهد طول الحفلة و هي كتشوف ف باها كيفاش جالس فكرسيه و حداه سارة كتهضر معاه باش مايحسش بالوحدة...و رجعات كتشوف ف نزار مع مانفال وولادهم...و حتى من شيماء و قصي و اماني و هارون جاو باش احتافلو مع فراسلكن...حسات بكولشي ناقص شيحاجا فيهم ماكاملاش ديك الفرحة لي تمناتها لفراس ماجاتش ...تنهد فراس و مشا جلس فالكرسي و بدا غير كيشوف فيهم حس بالنقص فلحظة منين شاف مانفال مع ناصر و ياسر و لكن كيبين راسو قوي ...قرب منو نيروز و عنقو عندو

نيروز: عيد ميلاد سعيد اولدي

فراس: بابا حفظت واحد الأغنية زوينة بغيت نغنيها فعيد ميلادي

زمرد: اووه بصح برااافو

علي: ليوم عيد ميلادك افراس دير لي عجبك

...ناض فراس جهة الاوركيسترا و شد الميكرو لي جاه كبير على يدو بقا كيشوف ف راسو قد النملة و كولشي كيشوف فيه بقا ساكت شوية و بدا

فراس : ليام تمشي و تجي ونتي غايبة
أمي للحبيبة
حياتي معذبة
مقطــــــوع من شجرة و محنة
رايبة
دنيا خداعة وللجراح جايبة
ليام
تمشي و تجي ونتي غايبة
أمي للحنينة حياتي
معذبة
مقطــــــوع من شجرة و رحمة رايبة
دنيا خداعة وللجراح جايبة للجراح
جايبة

للجراح جايبة للجراح جايبة
ليام ونتي غايبة
أمي للحنينة
حياتي معذبة
مقطــــــوع من شجرة و
محنة رايبة
دنيا خداعة وللجراح جايبة

...سالا الأغنية و فعينيه دموع و كولشي سكت كيشوفو فيه متأسفين على حالتو و قطع ليهم فقلبهم...فديك اللحظة نيروز ماكان عندو حتى خيار اخر غير أتوجه عندو و يمثل القوة رغم انه مقسح بزاف و فكل مرة كيشوف رغبة فراس ف مو كيتألم كثر و كثر ...تحنى عندو و حط يدو على كتفو

نيروز: نقطعو الكيك و نعطيوك ليكادو ديالك واخا؟

فراس:(هز فيه راسو ) واخا

...توجهو لوسط و قبل ماتقطع الكيكة غمض عينيه و تمنى أمنية قلبو و طفا شمع و شاف عند العائلة لي كيعطيوه ليكادو و حتى الحضور لي جاو و كيتمناو ليه عيد ميلاد سعيد لكن حتى واحد ماعمرلو لعين ..شاف ف شفق بحماس و نطق

فراس: خالتي واش جااات ماما معاااك

شفق:(شداتها تلفة و تنهدات) جبتلك بزاف د لحاجات زوينين

فراس: و ماما؟

شفق: ماجاتش ولكن ماتقلقش ليوم عيد ميلادك ماخصكش تقلق

فراس:(طاحو دموعو و بقا كيبكي بشهقة و هو خاشي وجهو فركابي د نيروز لي كيطبط عليه) بغييت ماما

سارة:(كتخنزر ف شفق) علاش طمعتي لولد بشيحاجا ماكايناش حماقيتي

شفق: انا بغيت غير لخير

زمرد تنهدات كتشوف ف لولد مابغاش اسكت و بدات كتعتاذر من الحضور و هوما فهمو راسهم و بداو كيمشيو واحد بواحد حتى خوا لقصر و بقاو غير العائلة و هوما كيحاولو يخلقو لجو و يسكتوه و لكن مابغاش غير كيزيد ابكي ….دخلات للقصر بخطوات تابتة رجليها خاويين بيها و كل ذكريات ماضيها رجعو ليها ..غادية و كتشوف ف جنابها و كطقطق بطالون ذهبي كانت ناوية تجي تشوفهم بكامل اناقتها و داكشي لي دارت لبسات كسيوة زرق مغلوق لاسقة عليها و عندها بيدين و فتحة فالرجل كيبانو رجليها بويض كيبريو و صايبات شعرها مسرح حتى رجع اضرب فطرمتها و ماكياج هادئ لكن ركزات على عينيها باش تبان قوتهم ماشي ضعفهم...هزات فيديها بواط كادو مغلفة و ماعارفاش بلي هي لي كادو ...وصلات حتى لوسط صالة و قلبها تسارع دقاتو كثر و كثر و كثر و نفس تقطعات منين شافتهم و بدرع باش نطقات

عشق: عيد ميلاد سعيد


...حتى من الكلمات هربو ليهم فقط دموع بدات تجري على خدودهم و دقات القلب تسارعات كثر من لقياس ...حتى واحد ماعرف باش تبلى صدمة العمر ...كانو عارفين هاد نهار ايجي ولكن حتى واحد ماوجد ليه دابا ...طاحت على ركابيها كتبكي و كتشوف فيها

سارة: اهئ اهئ عشق

ناضت تاني كتجري و عنقاتها كتبكي و تبوس فيها و تشهق ...ماشي غير هي حتى نزار و مانفال و بسباس و نجلاء….و العائلة كلها هاكا كتعنقها و هي ماقادراش تبادلهم العناق صدموها بردة فعلهم كيفاش باين الحب من وجههم و توحشوها و كيفاش حياتهم تقلبات بلا بيها...عينيها فقط على ولدها لي كيشوف فيها بعينيه مذبلين و توجه عندها بشوية و خايف جاتو فشكل اشوفها قدامو بعد كولشي ...وقفات مهبطة راسها كتشوف فيه بدون تعابير كتحقق فملامحو ماعارفاش كيفاش اتكون ردة فعلو ….كتحاول تشوف فالملامح ديالو باش تشبع منو كثر و كثر ...تحنات عندو كترجف و حابسة دموعها و ابتاسمات

عشق: كادو بسيط كنتمنى يعجبك

فراس:(كيشوف ف الكادو و عنقها فلحظة) مابغيييتس لكادو بغيتك نتيييي

...غفلها بالتعنيقة معنقها بحب و بشوق و هي زادت زيراتو عندها و كيبكيو بجوج شدات وجهو كتبوسو و دموعها شلال ...الاشتياق لي هزوه فقلبهم كبيييير لبعضياتهم ...بعد منها شوية و فرحان كينقز

فراس:(كيشوف ف عائلتو) حتى انا عندي ماما و رجعات من السفر (شاف ف ماماه) ماما اجي نوريك البيت ديالي ازي

...جرها معاه تحت نظراتهم و هي مبهوطة بتعامل فراس كيفاش ماعاتبهاش و هو بغاها غير هي ….فكمية الحب و اللقاء المنتظر كان برا جالس فطوموبيل كيشوف من طوموبيل منين دخلات لاحظها و الدم ديالو بدا كيغلي و تعصب ماعجبوش لبلان ...هز التليفون ديالو و نطق بتثاقل و بعد تفكير طويل
تايغر: ديابلا رجعات للمغرب و دابا كاينة فقصر اخنوش
...قطع الخط و قال للشيفور اتحرك...أما ديابلا هي و فراس دخلو لبيتو و بقات كتشوف كيفاش مجهز و زوين و كبير ابتاسمات و مشات جلسات فالنموسية و جلس معاها
فراس: ثتي اماما واخا كنتي بعيدة كنت عارفاك اترجعي والله
عشق: ماما حلوة من فمك (ضماتو عندها) حتى انا توحشتك بزااف اولدي تبارك الله كبرتي بزاف عاد لبارح كنتي صغيور و كنهزك

فراس: علاش مسيتي اماما حتى بابا توحشك و كيحلم بيك

عشق: (عضات شفايفها) الظروف اولدي

فراس: اتبقاي معايا ديما انا فرحان

عشق: اتكون عييتي ياك اجي ندوش ليك باش تنعس

...ناضت و جراتو معاها حيداتلو حوايجو و دخلات للدوش كدوش ليه و كيلعب معاها بالفقاعات و هي كضحك فرحات بزاف بهاد اللحظات لي تجمعات فيهم معاه...كبر بزاف ...خرجاتو ملوي فالبينوار و هزاتو كتشوف ف حوايجو و كتختار ليه ...مشات لعندو و لبساتلو و نشفاتلو شعرو و نعسات حداه ف بلاصتو ضاماه عندها

فراس: ماما قوليلي ماتوحشتينيش؟

عشق: توحشتك بزاااف ديما كنفكر فيك عمرني نسيتك

فراس: حتى انا تبقاي تاخديني معاك صافي

عشق: واش نيروز مكيتعاملش معاك مزيان؟

فراس: لا بابا زوييين انديوه معانا

عشق:(ابتاسمات) ان شاءالله (جبدات قصة كانت حداها) انعاودلك قصة

فراس: اه عاوديلي

...بقات كتعاودلو القصة و بدات كضحك معاه و هو كذلك حتى حسات بيه عيا بزاف و خداه النعاس و ترخا...حبسات القصة منين مابقاش كيجاوبها و باستو فحنكو و تبعاتها دمعة حارة ..نطقات بصوت مغنغن و مجروح

عشق: تهلا فراسك اولدي

...ناضت بشوية و خرجات من بيتو سدات الباب و ضارت كتمسح دموعها لي حمارو و زادت بالخطوات حتى كيبان ليها نيروز جاي مقابل معاها فطريق و ديك اللحظة بضبط كانت عارفاها اتجي و خافت منها و هو ماشي اقل منها...


كيساري عينيه فيها كبرات توردات كثر زينها باقي قتال باقي كيشوف قوتها شجاعتها ماتبدلاتش حاجا وحدة زادت هي الزين ...صوت الطالون كيتوجه عندو و فلحظة دازت من حداه بلا ماتهضر معاه و بلا ماتشوف فيه كأنه نكرة ماعطاتوش قيمة او وجود ...قبل حتى ماتخطاه جرها من يدها و قربها عندو بعنف كيشوف ف عينيها و كيهضر تحت سنانو و يبلع ريفو يديه كيرجفو و هو كيشوف فيها و هي كثر منو داك القرب لي خافت منو هاهو وقع خلاها كتزير راسها و تبغي تلاح عليه بتعنيقة...قرب منها و نطق

نيروز: اتهزي راسك و عمرني نعاود نشوفك هناااا (شدها من شعرها غارس صبعانو و جبدها عندو حتى وعتها) الى شفتك هنا مرة أخرى اديابلا انعدمك بلا مانفكر

عشق:(ابتاسمات كتشوف فيه) تمنيت (طلعات راسها كثر مقرب ليه) تمنيت كون مابقيتش كنتلون كاملي منين كنقرب ليك (همسات) جري طوالك انيروز الاعدام طبقتيه فديك ليلة لي مارحمتينيش و شبعتيني من عسل يديك (حسات بيه طلق منها و تخطاتو عاد كملات هضرتها ) مارجعتش نخربق حياتكم و هاد لوجه ماعمرك تشوفو حتى تسمع بموتي

نيروز: الله ازيدك فالعذاب

عشق:(ضحكات بشوية) حاقد

نيروز:(ضغط على قبضتو) كنكرهك

عشق: (عضات شفايفها) تحققات دعوتك دابا

...كملات طريقها قبل مايخونوها دموعها أما هو ضرب فالحيط بقوة و غوت غوتة طالعة من قلبو حتى سمعاتو و زيرات على قلبها ...شد فراسو كيتهز و يتحط عذباااتو و سااالات معاه كيحس بالمرض الى هبل راه بسبابها ...الغوتة لي غوت فيقات فراس من نعاسو أما عشق هبطات من البيت بعد سنين كطول الشوفة فداك لقصر لي جمعات فيه ذكريات أليمة و سعيدة ...كتزيد بالخطوات خطوة مور خطوة و ضامة يديها … لقات كولشي فانتظارها ...بلعات الغصة منين شافت حالة باها لي غير شافها ناض من الكرسي المتحرك بصعوبة و كيرجف باغي يوصل عندها


نيار: ع..شق بنت..تي


سارة:(بصدمة ) نياااار


...بقا كيحاول يوقف و يتمشى بصعوبة كيدير خطوة و يشير بيديه جيهة عشق لي كانت واقفة بحال الصنم مدهشرة و كتشوف فيه ...كيتمتم بسميتها و كيتحرك لعندها حتى قرب يوصل لعندها و خانتو القوة ديالو و طاح لكن جا فيديها


عشق: بابا ...شنو وقع ليك بابا


نيار:ع...شق بنتيي


عشق:(الأب لي ديما كتشوفو جبل مكيهزو ريح دابا شافتو فاسوء حالاتو ) بابا (كترجف ) بابا نتا علاش هاكا


نيار:(كيطيحو دموعو) ماتمشيش ابنتي


سارة:(هبطات لعندهم ) نيار نتا كتهضر اهئ اهئ


نيار:الى ماهزك هاد الكتف اهزك هادا ماتمشيش ابنتي بقاي حدايا ماساخيش بيك مانفرطش فيك


سارة:(شدات يدين عشق و كتبكي فيديها) الله اعطيك كل ماتمنيتي ماتخليناش اهئ اهئ عفاك اعشق (كتشهق)


عشق:(الشهقة ف حلقها ماقادراش تخرجها ) انا آذيتكم انا ضريتكم علاش هاكا


سارة: حنا لي ضريناك اعشق حنا لي هملنااااك ماتخليناش ابنتي عفااااك ماتخليناش اهئ اهئ نهزوك فوق راسنا غا ماتمشيش


نيار: انا راااااضي عليك بقاي مع ولدك


عشق:(ناضت بصعوبة من الارض كتحاول تقوي راسها) لي كطلبوه مني مستحيل انا ماعنديش بلاصة معاكم


...عطاتهم بظهر باغا تكمل طريقها و هوما كيناديوها...حتى تسمعات صرخات طفل صغير كيبكي و يجري عندها و معنق رجليها


فراس: تمسيش اماما ماتمسيش بقاي معايا انا و بابا و لا نمسيو معاااك ديني معاك اماما تخلينيس بوحدي


غمضات عينيها بحرقة و دموعها شلال كطلب من الله اعطيها القوة باش تواجه مصيرها ...ضارت عند فراس و بعداتو على رجليها حمرات فيه عينيها و غوتات عليه بلا خاطرها

عشق:(موجهة لهضرة لنيروز) ربيتيييه على لفشوووش و لخنااات الزايد اشهاااد تراااابي؟؟؟ (بعدات منو) غاااادي نمشي مااابغيييتش نبقا حتى واااحد فيكم مايستاهلني

فراس: ماما ديييني معااااك

عشق: لااا ماغانديييكش معاااياا بقا مع باك انا ماعندك مادير معاااياااا مابغيتش نديييك

نيروز:(جر فراس عندو ضامو ليه و كيخنزر ف عشق) حتى حناااا مابغييينااااكش سييييري رجعي فين كنتي سيري عيشي حياتك و سمحي فينا كفماااا موااالفة (بصوت مرتافع) سيييييري

سارة: لاااا اعشق ماتمشيش اهئ اهئ عفاك ابنتي الله استر عليك

عشق: بنتك؟؟؟ دابا عاد بنتك فوقاش كنت بنتكم هضرو؟؟ نهار فرطتو فيا و انا فعمر خمس سنين خليتوني مع محسن يدير فيا لي بغاااا؟؟؟؟ خليتووووني فيدين الغول بلا ماتهتمو بياااا عرفتو شنو كان كيدير و اناااا بنت خمس سنين؟؟؟ كيفاش كان اسدلي فمي و يتحك فيااااا كان كيربطني فدوووش و يمارس علياااا كبتووو و انا غير بنت خمس سنين فالوقت لي نتوما كنتو مع شفق ...بغيتوها كثر مني لي عزيزة عليا حيدتوهالي و عطيتوهالها و كرهتها بسباب التميييز ديالكم خليتوني نكرهها و فاش درت 14 عام غتاصبني محسن بلا رحمة و لا شفقة و فتيحة شاااااهدة على هاااادشي (كتشهق) خدالي اعز ماعندي (كتشوف ف شيماء و قصي) و ولدكم كيسولني على الشرف هههههه (شافت ف أماني و هارون) كيفاش كنتو اترضاو على بنتكم تزوج واحد مغتاصب و بيدوفيلي بحال محسن كووولشي لي درتو و واخا درتو بطريقة انتقامية الا انني ما آذيتكمش كيما آذيتوني ...تسنيت منك ابابا تكبر بيا و تبغيني و دخلت لهاد الضومين غير باش نولي عزيزة عليك و لكن لقيتك غير كتهرس فياااا و كتشوفني سلكوطة و خارجة طريق و نتي اشفق من نهار كبرنا و نتي كتاخدي لي بغيتي و حتى لي عجبني خديتيه باش حسيتي منين ضيعتي الاهتمام لي كنتي واخداه من كل جنب اااه كنعتارف ماكانش خاصني نلسق فيك جريمة مادرتيهااااش و نحاول نقتلك و لكن كون مادرتش هكك عمرك تولي قوية و تشربي من نفس الكاس و حتى من ماما فاش فرقتها على بابا عاد بدات كتحس بولادها و تعيش مشاكلهم و نهار جات فيديكم الفرصة باش طيحوني ماترددتوش دخلتي اشفق بحال سوسة فهاد الدار ووهمتي نيروز بلي كنخونو و ربي شااااهد (كتشوف ف نيروز) عمرني خنتك حتى فدماغي (طيحات دموع) أما نتا اش انقولك لي فيك كافيك و درتي فيا لخير كثر من الشر و ربي عذبني بيك (كتشوف فيهم كاملهم) كتسناو مني نسامحكم و نبقا معاكم عمرني نديرها حيت ماتستاهلونيش و ماغاتقدروش تنسيوني و ترجعوني يامات الطفولة و الحب و الاهتمام (تمشات لور) اه بقيتو فيا على هاد الحالة لي نتوما فيها و لكن كون ماعييتش من المحاولة عمرني كنت انمشي و نخلي اغلى حاجا عندي هي ولدي مورايا لي كنت نقتل على قبلو …(مسحات دموعها و كتنفس بزز ) الله اخلص كل واحد على قد نيتو

….تمشات بخطوات اللور كتشوف صمتهم و ماقادرينش اهضرو اصلا ماعندهمش لوجه علاياش اهضرو ماعارفاش لعذاب لي عاشو فيه و الندم لي كياكل فيهم ...عينيها فقط على نيروز لي عينيه حمارو كيقولها بيهم ماتمشيش بقاي معايا باغيك و ماغانفرطش فيك ...الحب فعينيهم باين و الاشتياق باين 8 سنين رجعات فيهم روح ...شافت ولدها كيفاش كيبكي بهستيرية و باغيها و هي ماعندهاش جهد ليه ندمت حتى جات غير حلات المواجيع عليها ...تسمعات اصوات طوموبيلات لبوليس برا و بلا حتى مايستوعبو الامر دخلو البوليس و هبطو من الهيليكوبتيرات و دخلو للقصر شدوها من يديها و كولشي بدا يغوت

نيروز؛(كيدفع فيهم بهستيرية لي خاف منو وقع) ماااااتحطوووش عليييها يديييكم ماتقيييسوووهااااش ان_ق_تل ديلمكم بدووون منهااااا

فراس:(شادها من رجليها كيبكي) ماماااااا ماااما بعدو من ماماااا

عشق: فراس ماتخافش اولدي ماغايوقع وااالو ماتخافش

...البوليس شادين نيروز كيهدنوه و كيرجفو منو و هو كيتنتر منهم و هو كيشووف فيها اياخدوها لمصيرها ...دفعو فراس من حداها و هي تصعر

عشق: مااادفعووهش اولاد ل*حاب يدكم نقطعهااااا (كتشوف ف نيروز و تنتر و تبكي و هو كثر منها باغي يوصل لييها) تهلاااا ففراس عفااااك

نيروز: عشق مااااغانخليهومش اقربووولك كنحلف ليييك ماغايوقعلك والو (كيتدافع) مااااتخاااافيييييش انا معاااااك فهمتيها

عشق:(المينوط تحط على يديها) كولشي سااالا انيروز اهئ اهئ عفاك مابقا مع فراس

نيروز:(كيشوفهم مخرجينها و كيغوت كثر و كثر ولاو فيه ربعة و كون مازادش باه و هارون و نزار اشدوه و ينحيهم) دياااابلااااا

عشق:(شافت فالمينوط و هوما جارينها و طيحات اخر دمعة كتسمع غواتو و غوات عاىلتها و بكاهم و فراس كيجري موراها و طاح فالارض و نطقات بحرقة كولشي سمعها) سالينا


مشات يام و دازت يام تقلب فيهم كولشي سيمانة كانت كافية تزرع الرعب فقلوب العائلة من جهة عشق و تخلي كل واحد يضرب لحساب لي جاي ...من جهة تحسنات صحة نيار و قدر ينطق و يمشي على رجليه مرة أخرى حيت تعالج من صدمة د بنتو و زادت فيه القوة باش احميها كثر و يعتقها أما فراس كل نهار كيسول عليها و نيروز بوحدو لي عارف الجواب و جالس كيقلب على حل جذري لهاد المشكلة ...سيمانة و هي فالحبس الروسي ماكلتها عبارة عن خبز و ما و شي مرات مكيعطيوهاش ...حبس خانز و الفران كيضورو ليها فجناب و هي توسخات و تسخسخات و العيا بان فوجهها لكن عمر الخوف جاها بسباب الثقة لي دايراها فنيروز هاد الاخير لي كان هابط من قصر سقراط لي نتاقل ليه هو و فراس حتى يحلو مشكلة عشق ...لابس ملابس رسمية ووجهو خالي من التعابير ...جلس حداه و بقا كيسمعلو ب تركيز

ارتورو: كون بقينا ف اسبانيا مع الغجر ماكااانش ايوقع هاكا

نيروز؛ هاد نهار كان ايوصل واخا هربتو

ارتورو: نتاااا ماقدرتيش تحميها

نيروز: انا مع العدالة و هي غلطات و تستاهل العقوبة (ناض)

نيار: بنتي ماغلطاااتش حنا كاملين غلطنا فحقها حنا سباب حتى وصلات لهادشي

نيروز: فاااات لحال على هاد لهضرة

قصي: شنو ايوقع دابا

نيروز: عندي اجتماع مع أعضاء المنظمة

سارة: عفاااك عتق بنتييي و رجعها لولدها

نيروز:(صمت لدقائق و كمل) ردو لبال لفراس

...خرج من لقصر و غادي بيه شيفور لمكان لي ايتلاقي فيه مع المنظمة...مسافة ديال طريق كيفكر فيها بحزن و لمدة لي غابت عليه و حتى لقائهم لي دام عشرة دقايق و ماشبعش شوقو منها ...مشات و خدات الفرحة منو و هاهي رجعات باش تسلب حياتو بموتها مصيرها كان باين و مكتوبها باين لكن هربات منو ...قاطع شرودو الشيفور لي علمو بلي وصلو و هبط من طوموبيل متوجه للقاعة الاجتماع غير دخل كولشي وقف ليه و دايرين ليه الف حساب ...جلس متراس الطبلة و نطق باش ابداو

نيروز: بغيت نعرف رأي كل واحد

….الرأي ديالنا باين ديك الخائنة تستاهل لموت

نيروز: على هاد لحساب تايغر ايضا يستاهل الموت

...تايغر فاش ايتشد غادي نعاقبوه

نيروز:(ببرود) من ديما حميتوه و كتقولو دابا اتعاقبوه(لاحظ بلي كاين ارتباك فوجوههم و كمل هضرتو) ديابلا ادوز للمحاكمة

...و فين عمر الخونة دازو للمحاكم من ديما كنا كنقتلوهم بسرية

نيروز:(ضغط على قبضة يدو) ولفتو تخرقو القانون و نتوما لي كتمثلوه؟

….كلنا تافقنا انها تعدم غدا مع لفجر و لا ياكما بغيتي تخرق القوانين ديالنا غير حيت هي مراتك

نيروز:(خنزر فيه) مكندخلش الحياة الشخصية مع العملية واخا تكون مي القانون غادي ياخد مجراه و منين تافقتو اذن انا موافق لكن قبل خصنا نسمعو منها

….منين جات مانطقات حتى كلمة و مابغاتش تهضر

نيروز:(تنهد) غادي تخليوها تشوف عائلتها واحد بواحد

...و علاش شنو السبب

نيروز:(ناض من كرسيه و كولشي ناض معاه و نطق بلكنة آمرة و قرار تابت) غدا و قبل مايطلع لفجر ديابلا اتعدم


.موقفو و التبات ديالو خلاهم اتعجبو و يتذهلو بالقوة لي فيه و كيفاش قادر افرط فيها ببساطة ...خرج من عندهم بكل ثقة و ركب فطوموبيلتو و هاد لمرة متوجه للحبس الانفرادي لي كاين فوسط الارض منين دخلات ماشافهاش حدو عارفها بيخير و لكن كان خصو يشوفها لآخر مرة كيما قال مع بالو ...وصل للمكان و دخل كيشوف الحراسة شحال مشددة على أنثاه مية كلب على سبع ...ضحك باستهزاء حتى فحالات ضعفها كتخلعهم...الممر كان طويل عاد وصل لزنزانة ديالها و حل ليه الحارس الباب و مشا ...شمات ريحتو فنيفها و هي عينيها غير على السرجم بقضبانو الحديدية و شوية الشمس داخلة منو أما هو بقا كيطلعها و يهبطها كتبان جوهرة فداك لفحم لي هي فيه لكن باين فيها لعيا و التعب ...تنهدات و نطقات

عشق: شحال هادي ماشفت النور

نيروز: حيت قلبك كحل


عشق: و شنو جاب مول لقلب لبيض عند لي قلبها كحل

نيروز: اتعدمي غدا

عشق:(ابتاسمات فعز المعاناة) و اخيرا تقهرت بريحة الغبرة و الجيفة

نيروز: هانتي اتهناي

عشق:(شافت فيه) و فين هوما الوعود ديالك بلي ماغاتقيسني حتى حاجا و لا صافي وليتي ظالم بحالهم ياك هوما لي قتلو باك و لا نسيتي

نيروز: حالتك و حالة با مختالفين بحال سما و الأرض هو بريء و لكن نتي عمرك كنتي بريئة

عشق: لي كيهضر هيولا ماشي نيروز و لا يمكن قلب نيروز قساح عليا

نيروز: القلب كحال من جيهتك نتي هربتي من حنانو ماعندي مانديرلك

عشق:(نفضات الغبرة على حوايجها و ناضت و نطقات بتهكم) و كتقولي انا لي قلبي كحال و لكن فراس مخرجش كيشبه ليك و كنتمنى ميخرجش قلبو كحل بحالك كيفاش عطاتك خاطرك تيتمو و تبعدو على مو؟

نيروز:(بانفعال) مااااتجبدييييش فراس على فمك حيت عمرك كنتي معاه انا لي خرقتو و عطيتو ياكل و شفتو كيحبو و يتمشى انا لي سهرت عليه فاش كان يمرض و داويت ركابيه فاش كان اطيح فاللعب انا لي كنت معاه فاش طهر و فاش دخل اول مرة للمدرسة شنو كتعرفي نتي عليه؟؟؟ انا غير بشوفة وحدة كنعرف شنو كيدور فدماغو انا باه و مو و نتي واااالو

عشق:(بلعات الغصة من كلماتو القاسحة كتشوف الحقد فعينيه و الألم لي سبباتلو باين على وجهو ) كنت معاكم فاش ماكان حتى واحد كنت ديما معاكم بقلبي و الى نتوما تعذبتو انا كثر منكم فراس بغا مو و نتا اتحرمو منها

نيروز: موتك حسن من حياتك و لكن تقدري تبدلي شحال من حاجا الى عتارفتي بالحقيقة و نطقتي

عشق: هضرتك و نظرتك ليا هوما لي خلاوني نهرب هادي 8 سنين نهار تبدل هاد الشوفات و لكلام انقول لي عندي

نيروز: ماعندناش لوقت مابقاش بزاف و تمشي لمنصة الاعدام

عشق: كون بغيت نهضر و نقول لي عندي كون قلتولك شحال هادي (عطاتو بظهر) قرأ الفاتحة على موتي و الله اربحك فحياتك ماعندي مانزيدك

نيروز:(مسح على وجهو بعصبية) النور اتشوفيه ليوم اتمشي ل بلاصة اخرى باش توادعي مع عائلتك

عشق: مابغيت حد اعرف بلي انموت حتى نتعدم

نيروز: جاتك و فراس انقولو بلي هربتي كيما موالفة

عشق: (تنهدات) هاكا حسن

نيروز:(كيشوف فيها مطولا ) الله أرحمك على فعايلك اديابلا


كتسمع صوت الالات الطبية و الأطباء معاها و حتى الممرضات كيمسحو ليها لعرق الهابط من جبينها فكل مرة كانت كدخل لغرفة العمليات كتوقف ف مصير مجهول و مبتعرفش واش اتعلق المريض او لا لكن هاد المرة معاها شخص دق قلبها ليه و خلات حب دفين فقلبها منين شافتو و حلفات حتى تعتقو...خيطات الجرح بابتسامة و تنهدات بارتياح و خرجات خلاتو ينقلوه للغرفة ديالو...غير خرجات لقات شيماء و قصي فانتظارها و طمناتهم بابتسامة

اسمهان : العملية نجحاااات و ان شاء الله جسور ايكمل علاجو و ايبرا

شيماء:(عنقات قصي) حمدتك ياااااربي و شكرتك و اخيرا ولدي ايرجعلي

قصي: الحمد لله نقدرو نشوفوه

اسمهان: لا دابا مايصلاحش خصو يرتاح و يبقا تحت المراقبة غير افيق انعلمكم

شيماء: ان شاء الله ابنتي

...فرحتكم كانت مكتقدر بثمن بعد معاناة رجع ليهم الأمل الوحيد فحياتهم و نفس الأمل كان غادي يتحيد لعائلة اخرى ...كانت جالسة و ساهية فروايتها حتى تحطات يد على كتفها و جلس حداها

نيار: فاش ساهية

شفق: حتى حاجا ابابا بعد غدا غادي نطلق روايتي جديدة

نيار: بصح؟؟ مبروك

شفق: اه و هاد المرة انبان لكولشي و عيطولي فلقاء صحفي

نيار: مزيان ابنتي فرحت ليك لعقبة تخرج ختك و يتجمع شملنا تاني

شفق: ان شاء الله غادي تخرج و تبرئ من جميع التهم

نيار: و لعقبة نفرح بيك عروسة

شفق:(تنهدات) ماكنفكرش دابا

نيار: و علاش ابنتي شنو ناقصك

شفق: مالقيتش لي بغيتو

نيار: غادي تلقايه (ابتسامة)

...دخل للدار تعابير ديالو ممحاة من وجهو لقا فاستقبالا عائلتها لي كيتسناو خبر مفرح ...قرب منو فراس متحمس

فراس: بابا فينها ماما ماجبتيهاش معاك

نيروز: ماماك كتسلم عليك و قالت ليا توحشاتك

نيار: خلاوك تشوفها؟

نيروز: غادي تشوفوها كااااملكم عطاوكم اذن

سارة: بصح انشوووف بنتي

نيروز: اه و دابا

نزار: و اخيييرا الحمد لله و بالنسبة للقضية ديالها

نيروز:( بلع الريق و كمل) غادي دوز للمحكمة ماتخممش

فراس: بابااا ماما اترجع ياك

نيروز:(هزو لعندو كيشوف فيه) اه اترجع اولدي كنواعدك اتبقا معاك ديما

فراس:(عنقو) نتا افضل اب فالدنياااا كووولهاااا


كان وسط لوراق مخربق كيبحث و يقلب و راسو كيضرو كيفكر فالقضية لي شد هادي 8 سنين و بقات معلقة حتى لنهار سمع بلي شدو ديابلها و عرف مصيرها ...قاطع تفكيرو صوت كيناديه

صخر: عمر فييين سهيتي اصاحبي

عمر: هاني ماسهيتش

صخر: ياكما جاتك خدمة د جنرال صعيبة و نتا عاد ترقيتي هههه

عمر: لا لا ماشي هكك

صخر: اااه فهمت قول شيوحدة هادي لي دق ليها لقلب

عمر: باقي مادق لحتى وحدة و موحال أدق فقط كنت كنفكر فعشق

صخر:( تنهد) عندها بغينا نمشيو دابا نشوفوها

عمر: غريبة ديك سيدة كنحس بيها عايشة بانفصام شخصية مرة حنينة و مرة قبيحة

صخر: هادي هي بنت سقراط مرة عشق و مرة ديابلا

عمر: ماعلينا قلتي بغيتي تمشي عندها سمعت بلي غادي تعدم مع لفجر

صخر: كيييفااااش شكووون قاااالك هاد الهضرة

عمر: الاخبار دغيا كينتاقلو


صخر: اعلم الله حالة عائلتها كيف دايرة

عمر: الله اصبر نيروز وولدو ماتيقوش فوقاش رجعات ليهم و فرمشة عين اتمشي

صخر: خاص نتأكد من الخبر بعدا

...خرج من المركز و مشا لحق هبة لدار باش من بعد امشيو ازورو عشق ...و هكك كانت حالة العائلة بعدما وجدو راسهم من كبيرهم لصغيرهم باش اتلاقاو بعشق...بعد مدة كيتسناو ف قاعة الاستقبال دخلات عندهم مبدلة حوايجها لابسة سروال بيض و قميجة بيضة و وجها شاحب بدون نقطة ماكياج فوجهها غير دخلات جا عندها فراس كيجري عنقها

فراس: ماما توحشتك

عشق:(هزاتو عندها كتبوسو) ولديييي توحشتك اروح ماما

فراس: فوقاش اتخرجي باش نمشيو

عشق: قريب اولدي و انتجمعو من جديد

صخر:(بشك) عشق لباس عليك

عشق؛ اهلا صخر شحال هادي ماشفتك نتا و هبة

هبة:(عنقاتها) ماكانتش عندي الفرصة من قبل نشكرك و لكن شكرا على كولشي

عشق: عادي هادا واجب حتى انا سمحيلي الى ضريتك شي نهار

صخر: بالعكس درتي فينا كل خير

عشق: شفت ولات عندكم بنوتة زوينة

هبة:(شدات فكرشها) و العزري جاي فطريق

عشق: اترباو فعزكم

سارة: بنتي ياكما محتاجة شيحاجا نجيبوهالك

عشق: لا اماما كنت محتاجة نشوفكم هاني شفتكم

نيار: ماتخافيش ابنتي كولشي ليه الحل و انتجمعو تاني

شيماء: اه ابنتي حتى جسور بغا يشوفك راه نجحاتلو العملية بسبابك حيت هضرتي معاه

قصي: خيرك سابق اعشق

عشق: الله اشافيييه ان شاء الله تجمعو تاني

نزار: و صااافي بعدولي على ختي زوينة انا كاع ماهضرت معاها (عنقها)

عشق: البرهوشة مابغيييتيش كبر خلاص

نزار: والا اعشق لا ماتحيديليش الهيبة قدام ولادي

ناصر:(كيضحك هو و ياسر) هههه قالتلو برهوش

مانفال: عادي غير ولادك هادو هههه

عشق: كيبقيتي امانفال

مانفال: ناقصاني غير نتي و تكمل الفرحة

أماني: غير تخرج عشق لعشا على حسابي

هارون: عراااضة مبرعة

عشق: (بحزن) ههه لهلا اخطيك فين هي نجلاء و خالتي زمرد و عمي علي و بسباس



نيروز:(بصوت هادئ) بقاو فالمغرب قلت ليهم بلا مايجيو

عشق: خسارة كنت بغيت نشوفهم

سارة: مازال اتشوفيهم ابنتي

عشق:(كتشوف ف شفق) و نتي اشفق مابغيتيش تسلمي عليا

شفق:(طولات فيها شوفة) هضرتنا اتكون انفرادية حسن

نيار: شنو مخبيين تاني

سارة: اويلي انيار خلي لبنات اهضرو فراحتهم

نيار: هههه (عنق شفق و عشق) انا غير مايدابزوش ليا و صافي

عشق: مابقيناش اندابزو ههه (مسحات دمعة) بصح سامحتو ليا كاملكم؟؟

قصي: شنو كتقولي اعشق نتي بنتنا و منا و فينا علاش لي مانسامحوكش

سارة: حتى نتي غفري لينا على افعالنا و أهمالنا ليك

عشق: غفرت

شفق: صدقتي علينا الغفران

عشق: عتابريها صدقة الغفران و انا انعتابرها نهاية التعاسة

شفق: لكل نهاية بداية

عشق: من غير نهاية ديابلا ماعندهاش بداية


سرقو ساعات من الزمن و لحظات صفاو فيها لخواطر و خلاتهم اضحكو من قلبهم ...اخر لحظاتها عاشت فيهم افضل أيامها و تمنات كون توقف الزمن و بقاو هاكا ….دازو ساعات و ساعات و قررو يمشيو بحالهم حتى يعاودو يزوروها و هوما ماعارفينش بلي امكن اخر مرة أيشوفها. عنقاتهم واحد بواحد وولدها كثر ماساخياش بيه و خافت اخونوها دموعها و يتفضح كولشي...خرجو من عندها و بقا ارتورو و خلود و بنتو قربات ليهم و عنقات خلود و باست ريتا

عشق: تهلاي فيها بزاااف

خلود: ماتحتاجيش توصيني كنتسناوك تخرجي باش تبقاي معاها

ريتا: اه اخالتي نتي كتلعبي معايا بزاااف

عشق: ان شاء الله

خلود: يالاه نمشيو ابنتي نخليو باباك مع خالتك شوية

...خرجو و بقات غير شفق بعيدة جالسة فالكرسي و عشق كتشوف فيها و كتهضر مع ارتورو بالحس

عشق: بغيييتك تهلاااا فكولشي مابغيت حتى واحد تنقصو شيحاجا كتفهم

ارتورو: ماتحتاجيش توصيني علاما تخرجي اتلقايني قايم بالواجب

عشق: فين انخرج واش كضحك عليا حتى نتا سمعتي الكدبة و تيقتيها

ارتورو: كيفاش نيروز قال لينا غادي دوزي للمحكمة و اتقدري تخرجي

عشق: قال هكك غير قدام فراس باش من بعد اقولو ماماك هربات تاني

ارتورو: علاه فين بغيتي تمشي؟

عشق: انمشي للموت غادي نتعدم ا ارتورو

ارتورو:(بصدمة) لا ميمكنش حنا هربنا عمرنا كاملو باش مانوصلوش لهاد اللقطة

عشق: تبت معايا ياكما كيحسابلك انا خايفة بالعكس فرحاااانة و عاجبني لحال

ارتورو: مايمكنش نتيق بلي ديابلا اتموت

عشق: لعبت بالنار و نستاهل هاد المصير سمعني دابا مهما يوقع لي يوقع عنداك تخلي نزار يجيب التسجيلات ديال الاغتصاب او شيواحد يسيق لخبار بلي انتعدم

ارتورو: و الملفات لي خديتي لتااايغر علااااش ماتوريهمش و تخرجي بريئة؟؟؟

عشق: عنداااااك ديرها و تجبد حس الملفات مابغيت حد اسيق ليهم لخبار

ارتورو: علااااه عطيني سبب واحد

عشق:(بحزن) على قبل نيروز مانقدرش نعيش و انا بعيدة عليه داكشي علاش فضلت لموت على انني نعيش بلا بيه

ارتورو: كتحرقي راااسك

عشق: ولفت (عنقاتو) تهلا فراسك

ارتورو: الوداع (طاحو دموعو)

….خرج و خلاها و هي تنفسات الصعداء و مشات جلسات مقابلة مع ختها و مبتاسمة

عشق: اوا الخوادرية بقيتي غير نتي ماهضرتش معاك

شفق: صراحة لموت مالايقش ليك و خصوصا الاعدام

عشق: ههه لي بحالي كاع مكيموتو بسهولة

شفق: مكتحسيش بالنهاية قربات؟

عشق: مكتحسيش بلي نهايتي قربات؟؟

شفق: كل واحد كيبدا بالقوة كيسالي بالضعف و لكن نتي قوية و خصك تبقاي قوية

عشق: انا ماجيتش و قويت من فراغ ا شفق و حتى نتي ماقويتيش من فراغ

شفق: بصح الضربة لي مكتقتلك كتقويك و لكن انا ماشي بحالك انا بغيتك تبقاي ديما قوية ماشي ضعفي بحالي

عشق: (ابتاسمات) كنشوف بنت ذكية واخا ضعيفة

شفق:(شافت فيها بعينين مدمعين) انا عارفاك اتعدمي

عشق: شكون قالهالك

شفق: وليت نشم الموت و نعرفها بكثرة ماضارت بيا

عشق:(بتهكم) كاع زوينات كيموتو

شفق: كتشبهي لمارلين مورنو عندكم نفس القدر


عشق: تء تء تء عشت زوينة و أنموت زوينة


شفق : نهايتك قربات


عشق: على الاقل انا ماضعيفاش بحالك باش نتاحر


شفق : واش ماخايفاش؟


عشق: (ابتاسمات بمكر و عينيها مضيقاهم و برغم حالتها مانساتش تتهكم) الخوف هو لي كنشوفو فعينيك


شفق: (بلعات ريقها) ماكنتش باغا نوصلو لهادشي


عشق: وصلنا ليه و فرحت


شفق: علاش


عشق: ربحت كيما موالفة كنربح وليتي بحالي (بصوت هامس قربات لوذنها) أنا جريتك لظلامي و نتي عمرك قدرتي تجريني لنورك


شفق: (شداتلها فيديها كتحاول تقنعها) عارفاك مادرتيهاش نتي بريييئة عتارفي (طاحو دموع من عينيها) عفااااك


عشق: (حيدات يديها من يدها بنترة محافظة على إبتسامتها المستفزة) منين ترجعي المرة جاية جيبيلي معاك عكر حمر عيب وحدة بحالي إتطبق عليها الاعدام و تكون ذابلة فوجهها …

شفق:(مسحات دموعها) فوقاش انجيبولك و نتي غدا مع لفجر اتموتي؟؟؟

عشق: جيبيه للقبر


جا لحارس خداها للزنزانة ديالها باش تعيش فصمت لاذع تفكر فيه كاع ذكرياتها و أعمالها الشيطانية لي قامت بيهم فحياتها خلاها هادشي دير مونولوج مع راسها و تعاتب راسها براسها غير انها فاش قلبات داخل قلبها مالقاتش ذرة ندم حيت الشيطانة لي فيها مكتحنيش الراس و مكتهبطش كواريها للأرض ….وصل ليل و كان حداه ناعس كيلعب فشعرو و كيشوف فيه و يخمم خلاه حتى دخل ليه نعاس و هزو بشوية و هبط بيه من لقصر تحت نظرات العائلة لي باقيين فايقين و خداه للطائرة الخاصة حطو تماك و تبعاتو لخدامة هزاتليه حوايجهم...رجع دخل للدار تحت تساؤل العائلة

سارة: نيروز فين باغي تاخد فراس

نيروز: مابقا عندنا مانديرو هنا

صخر:(ناض) يعني بصح داكشي لي سمعت

نيار: شنو سمعتي؟

صخر: ماعرفتش كيفاش نقولها اعمي

نيروز:(شاف ف ساعتو ) لفجر مابقاليه والو خصني نشرف على الامر بنفسي سمحولي (خرج)

نزار: شنو هاد الامر لي غادي يشرف عليه شنووو كاين

صخر: عشق غادي تعدم مع لفجر

...جملة كانت كفيلة تخليهم يطيحو دموع و غوات من اعماق قلبهم كيفاش بنتهم لي تأملو انها تخرج اتعدم ببساطة ...كلهم بغاو يخرجو و يمشيو عندها تاني لكن وقف قدامهم بعينيه حومر و لهجة متألمة

ارتورو: عارف هادشي قاسح و لكن ديابلا وصاتني مانخليكمش تجيو عندها

نزار: شنوووو كتخربقققق ميمكنش تموووت انا غاااادي نعتق ختيييي انديلهم تسجيلات لي عطاتني و انعتقهاااا مايمكنش تموووت لاااا

ارتورو:(شدو ارتوىو كدفعو للوراء و معنقو متفهم الحرقة ديالو ) هادي كانت رغبة عشق الاخيرة خصنا نحتارموها

سارة: واااااش عاااارف رااااسك شنوووو كتقول اهئ اهئ هادييييك بنتي اضيع من يدييييي

نيار: مااايمكنش نخلي هادشي يوقعلها انعتقها بنتنا اتكون بخييير

ارتورو:(غوت فوجوههم) مااااعندكم مااااتعتقوووو كان خصكم تعتقوها و هي بنت خمس سنين من ظلام لي سكن فقلبها كون بصح عتقتوها فديك الوقت ماكان ايوقعلها واااااالو صااافي فات الفوت و الفجر قرب و ساااعتهاااا ساااالااات

...جنازة فقصر سقراط و النديب و البكاء عمر الارجاء مابيديهم حيلة يعتقوها و لا يفرحوها...عينيها مانعسوش و كيفاش اذوق نعاس و هي على مشارف الاعدام حياتها و دازت فرمشة عين بدات تنهد و كتهضر بينها و بين نفسها

عشق: الموت لي تسنيت حياتي كاملها جات فالوقت لي بغيت نعيش فيه و نكفر فيه على ذنوبي ههه صدقة الغفران انا تكرمت بيها عليهم و انا لي بغيت نعطيها ماشي انا لي يشفق عليا بنادم و يحطني تحت سباطو...طول عمري راسي مرفوع فكل حركة كنديرها و كل فكرة كنفكر فيها بأنني بكل بساطة ديابلا جميلة روسيا و قنبلة موقوتة تحطات فيد المنظمة الروسية عمرني خسرت عملية شديتها و عمر الهزيمة عرفتها حتى لنهار خسرت قلبي و خلاني نمشي للموت و انا فرحانة ...سياسة القلب أشد قسوة من سياسة الدولة ف اخر لحظات حياتي انتعدم بسرية و نتكافئ على مجهوداتي ههه مع الأسف

...شافت جيهة باب السجن لي جا عندها فيه الحارس بلعات ريقها و مشات ناحيتو كتشوف المينوط فيديها و واخدها معاه لقدرها المحتوم...رجليها ماهازينهاش و الممر قصاااار و قلبها كيضرب مشات بعيد و على أفعالها اتجازا و هي مبتاسمة و فرحانة ...خرجو لباحة السجن مساحة كبيرة كيتواجد فوسطها المشنقة و شيخ الإسلام و نيروز و جوج رجال من المنظمة واحد روسية و لآخر امريكية ...طلعات فوق المقصلة و هي كتشوف فيهم واحد بواحد و برعب كبير حسات بيه و هي كتشوف ف عينين محبوبها لآخر مرة و كتقول مع راسها كون غير مابغيتوش ماكنتش انموت...قرب منها شيخ و نطق

شيخ: نطقي الشهادة ابنتي قولي مورايا أشهد أن لا إله إلا الله و اشهد ان محمد عبده و رسول

عشق: اشهد ان لا اله الا الله و اشهد ان محمد عبده و رسوله

...سهات بالتفكير تاني فاش دخلات المشنقة على راسها و بدا صدرها اطلع و ينزل و هي مبتاسمة كتشوف فيهم واحد بواحد و عقلها غاب على الشيخ لي كيهضر معاها

عشق: القصة بدات نهار قررت نعتق هيام البنت الصغيرة لي فقبضة تايغر ماكانش كيحسابلي ايطيح النمر ف حبي و يخليني ندم على هاد المهمة ...تقلبات حياتي و كل واحد داز فطريقي كنت كنعاقبو ظنا مني انني كنتاقم لطفولتي ...وهمت جسور بلي كنبغيه و دمرت حياتو و حياة ختي لي كانت كتبغيه ...قتلت الغول لي غتاصبني فصغري و انا فرحانة و خليت هبة لي كتحماق عليه تتزوج ب صخر و زرعت الفتنة بين ماما و بابا و دخلت عروسة ل عائلة اخرى شفت منها كل خير الوحش حماني و تهلا فيا و ماخصني خير معاه كان كيجبد كل احاسيسي بلا مايطلب مني نجبدهم و لكن طحنا انا وياه ف حبل الشك و الغيرة و يمكن حتى الكراهية ….كولشي بالنسبة ليا كان كدوب و وهم لكن حقيقة وحدة كانت باينة وواضحة هي …

الشيخ:(كيناديها مرارا و تكرارا) ابنتي كنهضر معاك

عشق:(فاقت من المونولوج لي كانت دايرة بينها و بين راسها ) ماغانساليوش خلاص؟

الشيخ: عندك شيحاجا تقوليها ؟

عشق: اه عندي آخر حاجا نقولها (ابتاسمات ابتسامة عريضة كتشوف فالحضور و فيه هو بضبط و نطقات و الفرحة خارجة ليها من عينيها ) نيروز كنبغيك

لا تأسفن على غدر الزمان لطالما رقصت على جثث الأسود كلاب لاتحسبن برقصها تعلو على أسيادها تبقى الأسود أسوداً والكلاب كلاب

نهاية الفصل السابع و الاخير صدقة الغفران 🔥🔥🔥🔥🔥

غاتبدا صفحة جديدة و ماغانبقاوش نشوفو شفق و لقائها مع الصحفية حيت الرواية تسالات هنااا و هاد المرة انعيشو الواقع و الحاضر معاهم... غدا مفاجآت كبييييرة بزااف و لحظات تحبس الانفاس 🔥🔥🔥🔥🔥🔥

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.