شافت فزاج ديال السرجم و سهات و دغيا وصلو للمركز هبطو و دخلو لقاو دنيا مقلوبة شي غادي شي جاي ماعطاوش للأمر اهمية
هبة: اش واقع هنا
شفق: ماعرفتش سيري نتي عيطي لخلود أنا انبقا برا
هبة: اوك
مشات هبة و بقات شفق برا كتسنا و تشوف فعباد الله داخلين خارجين و مالاحظاتش بلي كاين شخص منين شافها و هو واقف حدا طوموبيلتو كيهضر معاه كمال و هو شارد
كمال: كنهضر معاك اصاحبي فين سهيتي
شهاب:(شاف فيه و ابتاسم) راني هنا ماسهيتش (حط يدو على كتفو) منين لقيتي بنتك لازمني نروح
كمال: شكرا بزاف على وقفتك معايا
شهاب: شنو مازال ادير هنا فروسيا يالاه نروحو
كمال: مانقدرش نمشي حتى ترجع عشق حيت بسبابي هي تشدات
شهاب: على خاطرك(عنقو) تهلا فروحك
كمال: نتلاقاو فالقريب ان شاء الله (مشا و خلاه)
رجع كيشوف فيها كأنه كيشوف فلوحة فنية لباسها المحتشف عبارة عن صاية طويلة و قميجة بيضة كتغطي مفاتنها و كتبان طبيعية فوجهها مافيه حتى نقطة ماكياج و شعرها بني حريري بلا ماتصايبو، بلا هواه رجليه داوه لعندها وقف موراها و نطق بصوت خافت
شهاب: سلام
شفق:(ضارت لعندو و ابتاسمات) هادا نتا
شهاب: هه عاقلة عليا
شفق: و كيفاش انسى شخص لي عرفني كاتبة و ماقالها لحد
شهاب: (ابتاسم ليها) سالات لوقيتا ديالي هنا و انرجع للجزائر
شفق: صافي اتمشي نتا و صاحبك؟
شهاب: لا هو ايبقا حتى يلقاو عشق
شفق: يلقاو عشق كيفاش؟
شهاب:(سرات معاه بلي مافخبارها والو) حبيت نقول علاما يرجعو من المهمة
شفق: ااه
شهاب : خليتلك راحة و تهلاي فروحك (ضار بغا يمشي و هي توقفو بكلماتها)
شفق: انتسناك ترجع باش تاخد روايتي موقعة باسمي
شهاب:(شاف فيها بنص ضورة و غمزها) نقدر نرجع لسبب اخر(تم غادي و خلاها مبهوطة مافاهماش هضرتو، كسيرا بطوموبيل و مشا نحو المطار) ...
دخلات هبة للمركز كتبومبا بديك لكسوة كحلة فوق ركبة طرمة خارجة و صدر مبندر كتسول على خلود حتى لقاتها حانية على المجهر كتشوف و هي تعطيها سقلة لطرمتها
هبة: اديك لقحبة واش ماتخرجيش
خلود:(قفزات شادة فلبلاصة) احح اختي و شنو تساليني كون غير كانت عندي طرمة بعدا هانيا
هبة: تشي نوضي تقودي نخرجو راه لحال كيمشي
خلود:(كتحيد الطابلية) هاني خارجة شكوا بيك الله هنينا
خرجو هي و ياها و مايتلاقاو غير مع صخر كيشوف ف هبة و يطلعها و يهبطها و هو يخنزر ف خلود
صخر: حبيبة فين خارجة؟
خلود:(بدهشة) انا؟
صخر: (جرها عندو و كيشوف ف هبة زعما شوفيني) كاينة عندي شي حبيبة أخرى من غيرك
خلود: كولشي زربان و نتا كدير شيحاجا بلا منعرف انا و نوافق عليها
صخر: (كيلعب فخصلة من شعرها) كتعجبيني
خلود:(حمارو حنيكاتها) بصح؟
صخر: وي و قبل مايطير بيك شيواحد قلت نزرب أنا
خلود: هههه
صخر: خرجي دابا و منبعد نتفاهمو
خلود: واخا
عضات شفايفها بفرحة و خرجات و بقا هو متبع ليها لعين و كيقول مع بالو شنو كيدير؟ واش هبة دارت فيه هاكا لدرجة كيلعب بمشاعر الناس، نفض افكارو و رجع عند جسور يكملو البحث...
خرجو لبنات و ركبو طوموبيل متوجهين لعند مانفال و قبل مايوصلو صونات شفق على نزار تعلمو بلي اتخرج مانفال معاها هاد الاخير جاوبها و عطاها الاذن
نزار: اصلا انا كاين فلقصر
شفق: باقي مامشيتي للخدمة
نزار: امم قلت بلا مانمشي ليوم المهم اتلقاو مانفال حدا باب لقصر
شفق: اوك (قطعات)
نزار:(ضار عند باه) مابغيتش نقولهم بلي عشق مخطوفة
نيار: حسن بلا مايتشوشو
نزار: واجدة امانفال؟
مانفال: اه
نزار: بقاي مع شفق و هبة ماتحركيش من حداهم صافي؟
مانفال: (ابتاسمات ) واخا
نزار: (شدها من يدها و خرجو) ماتقوليش ليهم على عشق
مانفال: مانقولش
نزار:(ابتاسم ليها ) المرة جاية و نخرجو انا و ياك
مانفال: ماكرهتش نبقا معاك
نزار:(هز يدها باسها) خرجي و فوجي ليا مع راسك و ماتخممي حتى فحاجا (شاف لبنات وصلو بطوموبيل و مشا عندهم كيوصيهوم عليها ) عنداك تغفل عليكم و لا تنساوها فشي بلاصة
هبة: وا شحال فيك ماتخااافش هاهي معانا
نزار: راه امانة عندكم و الى عجباتها شيحاجا خودوها ليها
شفق: واش عاد كتوصيني رآها ختي صغيرة و انتهلا فيها
نزار: (شاف ف مانفال و جبدها باسها فراسها و عنقها و همسلها فوذنيها) كنبغيك احبيبة
ابتاسمات بخجل و بعدات منو ركبات فطوموبيل و مشاو و رجع هو للقصر طول طريق و هوما كيتعاودو على اسرارهم و طالقين الموسيقى كيضحكو و ينشطو، زارو بلايص زوينة و كل بلاصة كيتصورو فيها و دخلو للمول تقضاو حوايج و صبابط و ماكياج و كولشي ماحسوش بالوقت حتى طاح ظلام و داك ظلام نفسو كان سابق عند عشق لي جالسة فالكرسي لابسة شوميز دونوي فلغوز و مرطبة شعرها مع مكياج خفيف، هازة كأس نبيذ ف يدها و كتشوف فسما و نجومها و شحال من بلان فعقلها كيضور ...
سمعات لباب تحل و مادارت حتى ردة فعل كتسمع خطواتو لمتاجهين عندها و حسات بنظراتو مختارقينها، حطات لكاس جنبها فطبلة بكل هدوء و وقفات توجهات عندو مقابلة معاه كتشوف فيه ببراءة عكسو هو لي كيطلعها و يهبطها بخبث و بقا كيضور عليها
تايغر: شكون كان كيقول ديابلا اطيح فيدي
عشق: كولشي ممكن مادام انا حلم كل شخص
تايغر: (كيستنشق ريحة شعرها) شنو تختاري بزز ولا بلخاطر
عشق:(قلبات عينيها بشر و بعداتو عليها شوية) اطط هاني جاية
تايغر:(شدها من يدها) فيين؟
عشق: طواليط (خلاتو و مشات دقائق ماتعطلاتش و رجعات خرجات عندو) تايغر
تايغر:( شاف فيها) قربي عندي
عشق: منقدرش(كتفرك صبعانها)
تايغر: كيفاااش ماتقدريش(ناض عندها)
عشق:(كتلعب بعينيها) ماصالحش
تايغر:(جبدها عندو من دراعها) كنت عاااارف اتهربي
عشق: والااا ماتهربتش غير مااايصلااااحش
تايغر: (غوت عليها) علااااش
عشق: وا ليغييييكل
تايغر: وااش منيتك؟
عشق: و علاش انكدب عليك
تايغر:(خلاها و مشا كيلبس تريكو ديالو) اوك مازربانش حتى تمشي منك
عشق: مافيها باس صبر 7 يام؟
تايغر: 7 ياام؟؟!
عشق: اوا مالك راه كطول فيا
قلب عينيه و خرج زدح لباب و هي تقلبها بواحد مولاتي ضحكة طالعة من لقلب و جلسات فوق النموسية
عشق: ههه راه باش ترفض شيحاجا ماشي بضروري تبين كرهك ليها شي مرات خاص تبين الحب ديالك (شافت فالسقف) اووف بقات 7 يام خاص نهرب فيهم
تكات على النموسية غمضات عينيها و سرعان ماطاح فبالها جسور فتحاتهم و رجعات تقادات فلكلسة كتشوف ف جنابها و كتحاول تمنع ذكرياتها معاه فقط سؤال واحد جاها فبالها علاش بوستها مع تايغر ماشي بنفس حلاوة بوستها مع جسور ، تفكرات لمساتو ليها و شوفاتو و هضرتو، نفضات افكارها غير تذكرات اهانتو ليها و رجعات تكات و سرعان ماخداها نعاس ، كان بحالها و كثر كيفكر فيها جالس فلبيرو كيتسنى شي خبار بغا اي خيط صغير ياخدو ليها حالتو مبهدلة و نعاس فيه و كيكابر، بين عينيه كتجي غير هي خيالها كيتمشا قدامو ، ندمان على التسرع و لكلام لجارح لي قالها و مانفعش الندم دابا . و فجهة اخرى لبنات كانو باقيين كيضورو برا و مشا لحال، خرجو من المطعم من بعد ماتعشاو و توجهو لطوموبيل كان هدوء مخيف و كولشي غابر و هوما يالاه ايرجعو للدار
خلود: ويلي نسيت تيليفوني فوق الطبلة
هبة: سربي جيبيه باش نمشيو
شفق: ناري تعطلنا بزاف
هبة: غير خليها عالله نزار من صباح كيصوني و كنقولو قربنا نجيو
مانفال: ايكون مشوش
هبة: مافيها باس أيعرفك استمتعتي و مايقولك والو
شفق: تخيلو نرجعو و نلقاو عشق فدار
هبة: لسانك يلحسو كلب القحبة اش هاد لفااال
شفق: غير تخيلتها مصارني بداو كيتقطعو ولا نسيتي شنو دارت اخر مرة
هبة: دفعات خالتي شيماء من دروج
مانفال: عشق شينة؟
شفق: ماتقوليش هادشي قدامها هي ماشي قبيحة غير كتخاف عليا
هبة: بزاف كاع
….سمعو صوت ديال دراري روسيين مشمكريين و كيغنيو و تكمشو فبعضياتهم
شفق: (بارتباك)فين تعطلات خلود
هبة: طلعو لطوموبيل دغيا
وقفو عليهم ربعة دراري كيطلعوهم و ينزلوه و جبد كل واحد فيهم موس كيقولولهم عطيونا شنو عندكم لبنات رجعو كيقاقيو بلخوف
….طلعو ولا هنا تموتو
شفق: أش دانا نتعطلو اهئ اهئ
هبة : غير هبطو لموس نعطيوكم كولشي
بداو لبنات كيعطيوهم تيليفونات و لفلوس اي حاجا ساوية عندهم، شوية نطق واحد فيهم وكيشوف فمانفال
...و ديك لغزالة ماعندها والو
هبة: بعد منها ماعندها والو
...الى ماعندها والو اتجي (بغا يجرها)
مانفال: اهئ اهئ (مكمشة فهبة) اش بغاو
….اجييي
بغا يجبدها و هوما كيتجابدو معاه شوية هز واحد لموس و ضرب يد مانفال حتى غوتات بحر الضربة شوية سمعو صوت طوموبيل البوليس و هربووو، جات خلود كتجري عندهم و تنهج
خلود: نتوما بيخير واناري شفتهم و عيطت دغيا للبوليس
مانفال: اي يدي اهئ اهئ
هبة: خصنا نمشيو لكلينيك دغيا
شفق: لااا انمشيو لدار و داويها تماك اهئ اهئ (جرات مانفال و دخلو لطوموبيل و بقات خلود كتهضر مع لبوليس عاد ركبات و انطالقو للقصر كاع ديك لفرحة و الضحك هجروه)
مشاو للقصر كيطيرو فطريق حتى وصلو خرجو و مانفال جارينها كتبكي و شادة فيدها عامرة دم مشات هبة كطير تجيب علبة الاسعافات و نزار كان هو و العائلة فصالة غير سمع بكاها خرج كيزرب كيشوف فيهم، شاف ف يدها مجروحة تبدل فيه لون
نزار: شنووو وقعليييك (شاد فيدها كيتفحصها)
شفق: إهئ اهئ تعرضو لينا شفارة
نزار: (جلس مانفال و دمو كيغلي بالعصب و الخوف) و لااااش معطلييين برااا لاش و كيفاش تعرضو ليكم كنتو فشي بلاصة خاااوية؟
مانفال: اهئ اهئ كنا انرجعو اهئ اهئ
نزار:(كيخنزر ف شفق) وصيييتكم عليييها
خلود: راه شدوهم لبوليييس
نيار: (جلس ) واااش اعباد الله مكتعيااااوش من المشاكيل دنيا مقلوبة هنا و نتوما مسركلين برا حتى لهاد لوقت
شفق: علاه شنو واقع
سارة: ختك مخطووفة إهئ اهئ و ماعارفينش فينها
شفق: كيفاش مخطووفة شنو واقع
نيار: صااافي سكتووونا
هبة:(جابت العلبة دالاسعافات و جلسات كداوي مانفال) ماحسيناش بالوقت
نزار: وصيتك عليها اهبة هاكا كترجعيهالي
أماني:نزار ولدي بلا غوات راه كتخلع لبنت
هبة: الجرح خصو يتخيط و انا ماعنديش لبنج
نزار: خيطيهلها اش كتسناي
هبة: غادي تتقسح بلا بنج
نزار: (باصرار) خيطيه
مانفال:(كتبكي بحرقة) لا لا اهئ اهئ كيشوط لا
نزار: صبري الحبيبة (باسها فراسها و ضامها عندو و هبة كتخيطلها لجرح و هي كتبكي و تغوت غير بشوية حتى سالات ليها و هزها فيدو طلع بيها للبيت ترتاح)
شفق: دابا عاودو لينا شنو وقع ل عشق
نيار: مافينا لي يهضر فهاد الموضوع كل واحد يمشي لبيتو ينعس
سارة: يالاه ترتاح حتى نتا انيار
نيار: منين بغا يجيني نعاس و بنتي ماعرفتها عايشة و لا ميتا
سارة: (عينيها طابو بلبكا) ماتزيدش عليا اهئ اهئ
قصي: غادي نلقاوها انيار ماديرش فخاطرك
هبط نزار ساخط من بعد ماخلا مانفال فلبيت و توجه لعند ارتورو كيهمسلو
نزار: سير خرج دوك لكلاب لي شفرو لبنات و خودهم للديبو
ارتورو: شنو ناوي دير
نزار:(ابتسامة شر) والو غير انلعب معاهم شوية
ارتورو: اوك (مشا)
دخل جسور لعندهم قاميجتو خارجة فوق السروال و و هاز لكوستيم بجوج صبعان مور ظهرو و شعرو مخربق كيشوف فيهم و زاد خلاهم حتى جات عندو شيماء كتزرب شداتو
شيماء: ولدي نتا بيخير
جسور:(فاتح يديه) كنبان ليك بيخير؟
قصي: جسور اجي للجردة نهضرو (سبقو و جسور عطا لمو لكوستيم و مشا لحقو حتى بعدو)
جسور: شنو
قصي: كيفاش شنو؟ عارف راسك شنو درتي هاد صباح
جسور: شنو درت؟
قصي: هادي اخر مرة تعاود تهضر مع نيار بديك الطريقة
جسور: هاداك صاحبك معلوم تجيك عليه نفس اما عشق كانت شريكتي و بقات تماااك
قصي: لوم راسك نتا لي ماقدرتيش تحميها و ماكنتيش ليها شريك
جسور: غادي نلقاها و اندم تايغر على هادشي
مشا قصي و تلاقا بشفق جاية لعندهم تخطاها و زاد و هي قربات من جسور بارتباك
شفق: جسور نتا بيخير
جسور:(شاف فيها و ابتسم) شوية
شفق: انا تايقة فيك اتلقا عشق
جسور: (كيحقق فلامحها) بحال الى كنشوفها دابا قدامي
شفق: ها؟
جسور:(عنقها) غادي نلقاها
شفق:(تزنكات) اه اتلقاها
شيماء:(كتشوف فيهم من بعيد و كتبتاسم و خلات حتى وصل عندها قصي و هي تنطق) قلتلك شفق كتعجبو و خص نزوجوها ليه
قصي: شيماء منهنا حتى ترجع عشق ماتجبديش هاد الموضوع بليز
شيماء: انا غير بغيت نفكرك و صاف
أصبحنا و أصبح الملك لله
فاقت كتكسل فبلاصتها مضيقة عينيها و كتشوف فسرجم، ناضت دخلات للدوش دوشات و خرجات لاوية عليها فوطة و مشات لبلاكار خدات سروال سليم كحل مع ديباردور بيض و خلات شعرها بوكلي و هبطات للتحت جلسات كتفطر حتى هبط تايغر و معاه وحدة ابتاسمات ليه و خرجات و هو جلس حدا عشق
عشق: مكتعطلش
تايغر: علاه ساهلة لعافية لي شعلتي
عشق: غير منين جلسات ديك لقحبة حتى لهاد لوقت اذن ماقنعاتكش
تايغر: كتشفاي؟ صبري حتى تمشي منك ليغيكل و نتفاهمو
عشق: انا موجدة راسي و كنتسنا
تايغر: (كيشوف فيها و يرشف من قهوتو) ماجاياش معاك اسم ديابلا
عشق: علاه
تايغر: ظريفة بزاف غير كيظلموك
عشق: اوا هانتا كتشوف ديما ظالميني و كيقولو انا قبيحة
تايغر: (ابتاسم) هاهوما تهناو منك
عشق:(كتذبل فيه عينيها) حتى نتا غادي تقتلني و اتهنا مني
تايغر:(حركلها راسو بلا) مكنظنش اتموتي بسهولة
عشق: تقدر نضمن حياتي بحاجا وحدة
تايغر: لي هي ؟
عشق: الى عشقتيني
تايغر: مابين لبنات كاملهم غادي نجي عند عدوتي و نبغيها
عشق: بعد العداوة محبة كيف كيقولو
تايغر: العداوة كتبقا عداوة
عشق: ولكن انا مكنعتابركش العدو ديالي
تايغر: اممم عاد يوماين هادي كنتي باقا تشديني
عشق: بالاجبار طبعا بغيت نبان على واحد كيحسب فراسو (ربعات يديها و كمشات وجهها) و عطاه بابا منصب جنرال
تايغر: هي واعر عليك؟
عشق: نو حتى واحد ماواعر عليا ولكن هو استاغل التوتر فعلاقاتي العائلية شحال كنكرهو يديه ديما سابقينو و كيتجاوب معايا فالهضرة ولكن (سهات) ظريف و فاش كيضحك كيبانو الغمازات تحت اللحية لخفيفة هو صراحة زوين ولكن خدالي المنصب لي بغيت
تايغر: عائلتك مكتحملكش و المنصب لي بغيتيه ماخديتيهش اوا موتك حسن من حياتك
عشق: و بغيتيني نخليهم يتشفاو فيا؟
تايغر: و لمن باغا ترجعي لوحدين ماعاطيينكش اعتبار؟
عشق: انا مابغيتش نرجع عجباتني لبلاصة هنا خصوصا منين خاطفني تيتيز
تايغر:(ابتاسم و ناض) ضوري هنا كيما بغيتي ماكاين لي يهضر معاك
عشق:(ناضت شداتو فيدو) صبر شنو سميتك
تايغر:(ضار عندها كيشوفلها فعينيها) حتى واحد ماعارف سميتي
عشق: (ابتسامة بريئة) بغيت نعرف
تايغر:(قرب منها و همسلها فوذنها بصوت كيبورش) أيهم
عشق: (عضات شفايفها) اتولي هايم فعشقي
تايغر:ههههه (ضحك بعفوية و شاف فيها) واخا
عشق: مالك راه كنهضر بصح
تايغر: كلامك هو لكبير
بيتر:(كان جا شي خمسة دقايق هادي و تبلوكا منين شاف تايغر كيضحك و عاد حنحن) تايغر واقعة مشكلة
تايغر:(بدل ملاميحو لجدية و شاف فيه) شنو كاين
بيتر: اجي معايا للبيرو
...مشاو للبيرو بخطوات سريعة و سدو لباب لكن عشق تبعاتهم و حلات لباب بشوية كتشوف و تسنط عليهم جاها لفضول تعرف شنو المشكل
تايغر:(كيشوف فالفيديو و مزير القبضة ديال يديه) كيهددونا ولاد لقحاب
تايغر: ماخص حتى شيواحد يعرف بلي هي عندي و هادي مسؤوليتك
بيتر: دير برأيي و قتلها
تايغر: تعلم دخل سوق راسك ولا نفكرك فحدودك؟
بيتر: لا اسيدي
تايغر: يالاه قود سير دير شنو آمرتك
...هربات عشق من حدا لباب من بعد ماسمعات المحادثة كلها و كالعادة لقات خطة جهنمية باش تهرب، شافت بيتر خرج و تايغر خرج من موراه و هي دخل للبيرو كتسلت و تشوف ياكما كاينين كاميرات، حتى مالقات والو و هي تجبد لبيسي بغات تحلو لقات فيه باسوورد
عشق: فكري اديابلا شنو هي كلمة السر متكونة من ربعة د الحروف (بقات كضور راسها و كتفكر و هي طيح عليها دارت اسمو أيهم و دخل ليها) اييه عليها مكيعرف سميتك حتى واحد ههه (بقات كتخربق و حيدات التغطية على لفيلا و بينات الموقع ديالهم و طفات لبيسي و رجعاتو فين كان و خرجات كتستاعد للعاصفة تجي)
فاقو العائلة و كل واحد و همو ها لي مانعسش من لبارح كيخمم فعشق بحال جسور و واليديها و خوتها ، فاقت مانفال و يدها ملوية فالفاصمة غسلات وجهها و لبسات حوايجها و هبطات كتقلب على نزار غير شافتو مشات لعندو و هو عنقها ولات كتحس بالامان عندو و الى ماعنقهاش مكترتاحش
نزار: كيفاش علاه واش هوما جرحوك فيدك و كتسوليني علاه
مانفال: شنو درتي معاهم؟
نزار:(بقا كيتفكر كيفاش قطعهم طراف طراف و رماهم لداك نمر لي مربي) غير هضرت معاهم
مانفال: حسن
نزار: يالاه نفطرو الحبيبة راس فراس
مانفال: فييين
نزار: فالجردة
….كانت جالسة كتاكل لاكلاص و تفرج فتلفازة و مجهداها للحد و حداها الفواكه كتاكل و ترمي لقشور فالأرض حتى جا طفا ليها تلفازة
بيتر: مال مك ماعندكش لوذنين
عشق: زويميلو توحشتك
بيتر: شوفي اديك لقحبة جمعي راسك قبل ماندمك
عشق: مالنا اش كاين راه حوباي تايغر قالي ديري لي عجبك ماكاين لي يهضر معاك
بيتر: حبك؟ ماحشمتيش عاجبك تكوني قحبة
عشق: ياك بعدا انا قحبة ديالو ماشي ديالك ازويميلو
بيتر: اديك البرهوشة …
تهرس زاج ديال سراجم بفعل القرطاس لي كيضرب انبطح بيتر و عشق للارض باش ماتجيش فيهم شي قرطاسة و كيتسناو اطلاق نار يوقف….
ماتسالا داك لقرطاس حتى ولا بيتر ينطق الشهادتين بالمقلوب جابلها ضحكة لعشق لي كانت كتشوف رجال داخلين مع لباب هازين لفرادة و هنا عاد اتبدا لقوادة، نوضوهم رجال من يديهم و جلسوهم على جوج كراسا بزز
بيتر: (من تحت سنانو) دانيااال
دانيال: جيت نفك واحد لحساب
بيتر: تايغر مكاينش و ماغاديش توصل ليه
دانيال: وصلت لقلب دارو و قتلت رجالو و كيحسابلك ماغاديش نوصل ليه
عشق: اويلي شكون هادو
دانيال:(شاف فيها) و شكون نتي
عشق: مراتو (كتشير ل بيتر)
بيتر: حاشاك القحبة
عشق: يحصلك الشراف اولد القحبة سمع بغيتي نفكك سد فمك و لي قلتها قول اه
دانيال:(مع كان كيهضر معاهم بالانجليزية و قلبوها للمغربية مابقا فاهم والو) شنووو كتقولو
عشق: والو والو غير كنقولها لييييه كنقولو مايحطش راسو فالمشاكيل و مكيسمعنيش و مع خطفو ديابلا و حابسينها فواحد لبيت لفوق زادو قباحو كثر
دانيال: ديابلاااا عند تايغر
عشق: كيما سمعتي ياك اراجلي
بيتر: (كيشوف فيها ب صدمة) اه
عشق: (شافت ف دانيال) كيما شفتو ديابلا حلفات ماتخرج من هاد دار حتى تقتل تايغر داكشي علاش تايغر دار واحد الرهان
دانيال: اشمن رهان؟
عشق: الى قدر شيواحد يخرج ديابلا من بيتها و خصوصا الشرطة الى وصلات ليها و عرفو بلي تايغر خطفها غادي يتنازل على كاع ممتلكاتو و ثروتو
عشق: حشومة عليك اتكون لقيتيها و باغي تاكل رجالك فحقهم
دانيال: اشمن حق و رجال علاش كتهضري؟
….(نطق واحد فيهم و موجه لفردي لدانيال) فين هي ديابلا
وجهو ليه سلاح و الاتهامات و عشق مبتاسمة و قبل ماتبدا الحرب نطقات
عشق:(بمكر) واحد لي غادي ياخد ديابلا ماشي كلكم (جرات بيتر من يديه و تخبعو مور واحد الممر من بعد ما قلبوها و كيسمعو لقرطاس كيتشاير)
بيتر: (كيشوف فيها بصدمة) شنووو درتي؟
عشق: وريتك الخبث كيف كيكون و بلي لفلوس كيشريو وفاء بنادم
بيتر: فهمت علاش سماوك ديابلا
عشق: (عضات شفايفها و كتشوف فالمجزرة لي قدامها) حيت مكنرحمش
بيتر:(كيسمع سقيل و فقط واحد كينهج، طل غير بشوية و لقا دانيال قتل كاع رجالو) لي بغيناه يموت كاع مامات
عشق:(ابتاسمات و ناضت خرجات من الممر و كتشوف فيه) عرفتي علاش ديابلا ساوية ثروة كبيرة ماكتقدرش بثمن؟
دانيال:(كينهج و موجه ليها لفردي) علااااش
عشق:(قربات منو ب شوية و فرمشة عين ضربات لفردي برجلها طيراتو ) سميتها تعطيك لخبار (زيرات على الكلمات) خبييييثة
دانيال:(كيبلع ريقو) نتي هي
عشق: بشحمها و لحمها
دانيال: اتقتليني؟
عشق: عندك جوج حلول واحد فيهم اينقذك او واحد فيهم اينقذك لكن ايقتلك
دانيال: لي هوما؟
عشق: الأول غادي يجي تايغر يصفيها ليك و الثاني غادي يجيو لبوليس و اتقولهم بلي انا مخطوفة و كاع هاد الجرائم غادي يلسقو فتايغر و هانتا تهنيتي
دانيال: الثاني الثاني اندير الاختيار الثاني
عشق: اختيار موفق
بيتر: وااااش نتي مريضة؟ هادي خطة كاملها باش تهربي
عشق: كنقولك سكت و تعلم
….دخل تايغر بخطوات بطيئة و ملامحو معصبين و كيشوف فهاد الجثث لي طايحين ف دارو عاد هز عينيه ف بيتر و دانيال و عشق جا بغا يهضر و هوما يوصلو البوليس فوقت غير مناسب ل تايغر و جد مناسب لعشق...
...دخلو لبوليس هازين سلاح و آمرو كولشي يهز يدو و هو ينطق دانيال بلهفة و خوف تايغر هو سباب هاد الجرائم و هو خاطف ديابلا (كيشير ليها) ديك لبنت خاطفها ، بقاو كيشوفو فالجثث و ف ديابلا شنو تقول و باغيين يشدو تايغر حتى نطقات عشق و هي كتشوف ف تايغر بنظرة فهم قصدها غير هو
عشق: كداااب هو سباب الجرائم دخل و تعدا علينا و قتل رجالو
الشرطي: واش بصح نتي مخطوفة؟
عشق: لا انا ماشي مخطوفة و ماعرفتش حتى شكون هاد ديابلا علامن كيهضر انا غير عشيقة فقط
عشق: الفردي لي كان هاز فيه بصماتو (وراتو ليهم) شكرا حيت وصلتو فالوقت
الشرطي:(شاف ف تايغر) خصنا ناخدو اقوالك
تايغر: انا جيت لقيت هاد المجزرة فداري و لي كنأكد عليه هو انا ماخطفت حد
الشرطي: غادي ناخدو الجثث و خصك طلع لمركز الشرطة تسجل شكايتك
تايغر: (حابس غضبو غير بزز) طبعا تقدرو تسربيو من فضلكم
الشرطي: طبعا
تايغر:(شاف ف بيتر و خرجو للجردة) شنووو وقع؟
بيتر: (كيرجف) تزوجات بيا و خلاتهم يضربوني كدبات عليهم و خلاتهم يتقاتلو بيناتهم جمعات شمل و فرقاتو فدقيقة و انا لي كان كيحسابلي مشينا فيها و كانت عندها فرصة كبيرة تخرج منها رجعات فهضرتها و قالت ليهم ماخطفونيييش و انا ماشي ديابلا
تايغر:(ضار كيشوف فيه) و نتا حال فمك و كتفرج؟
بيتر: لا لا هااااديك مستحيل تكون بنادم راه شيطان جلس معايا فركنة كياخد دروس راه كنقولك خلات رجال دانيال تقلبو عليه و بغااااو يقتلوووه و ناض قتلهم و رجعاتو كداب قدام لبوليس
عشق:(ضحكات بصوت انثوي و قربات لعندهم) سيدك بغا يجربني و عطيتو شوية من كيد نسا
تايغر:(قرب منها ) بغيتي تخليني نتيق فيك زعمااااا
عشق: بغييييتك تعرف بلي كان بيدي نخليك تعفن فلحبس و مادرتهاش ماشي حيت نتا خاطفني لكن حيت انا باغيا نبقا
تايغر: (ابتاسم بكره) طحتي فالفخ
عشق: اشمن فخ؟ بلي كنتي عارفني كنتسنط عليكم و عطيتيني كلمة السر للبيسي
تايغر: و منييييين عارفاها لعبة لاش كتلعبيها
عشق: باش نوريك بلي ماظلمونيش لي سماوني ديابلا (غمزاتو) و نهار نبغي نخرج راه انخرج و قدام عينيييييك
تايغر: برافو وريتيني الذكاء ديالك
عشق: نتا ماشي من نوع لي كتدار بيه بسهولة و انا بطبيعتي كناخد الثغرات و بيهم كنبدا الخطة
تايغر: مكنتقبلش الهزيمة
عشق: تعقل نهار قلتيلي مرحبا بيك فالجحيم و نسيتي بلي مسمييني ديابلا و الجحيم بلاصتي
تايغر: باغيا ترجعيلي حياتي جحيم؟
عشق: لا بغيت نرتاح ماحدي هنا ماتبقاش تصدعليا راسي ببلاناتك الخاويين
تايغر: (ابتاسم ليها ) مامسروطاش ليا غلبتيني
عشق: هي نطلب لي بغيت؟
تايغر: من غير الحرية وي
عشق: و شنو ثمن حريتي؟
تايغر: الموت ديالي
عشق: اوك جيبلينا واحد قرعة دشراب نسكرو عليها تحت سما شحال هادي ماسكرت (خلاتو تماك و دخلات للدار مشات لبيتها)
بيتر: واش كتيق فيها؟
تايغر: طيحت من قيمتها و هادا هو الغلط لي درت
بيتر:(كيتسلت) انقول للخدامة توجد ليكم شي جليسة (دغيا زرب فالمشية و دخل لقا دنيا نقية قطرة ديال دم مافيهاش)
….و فروسيا كان فالمركز حاني راسو على لبيسي و لحال ظلام و كيشرب فناجين القهوة واحد مور واحد باش يبقا مصحصح حتى دخل عندو صخر بسرعة و زعزعو
صخر: لقينا ديابلا ف أمريكا و عرفنا بضبط فين كاينة
جسور:(ناض خرج زربان كيشوف المعلومات لي توصلو بيها) وجدو طيارة هاد ليلة انتوجهو لأمريكا
….خرجات للجردة منبعد ما بدلات حوايجها و لبسات تيشورط بيضة و كاب باج مع شورط غوز و جمعات شعرها سفينجة مشات لواحد الارجوحة جلسات عليها و كتشوف طبلة فيها شراب و شكلاط و المكسرات، جلس حداها تايغر لابس سروال كيطما و تيشيرط كحلة و حل لقرعة دشراب و خوا فالكيسان عطاها واحد و خدا واحد، هزات كارو شعلاتو و بدات كتكمي و تشرب و تشوف نجوم
تايغر: فاش كتفكري
عشق: عائلتي
تايغر: توحشتيهم؟
عشق: لا حيت اكيد ماتوحشونيش انا بالنسبة ليهم مجرد موصيبة
تايغر: عندهم عقل مدبر و كتقوليلي موصيبة؟
عشق: متمردة بطبيعتي عكس توأمتي
تايغر: عندك توأمتك امم فهمت لبلان كيفضلوها عليك
عشق: اه
تايغر: ماعندك حتى شيواحد تبغي ترجعي ليه؟
عشق: كان غادي يكون ولكن مايستاهلش
تايغر: شكون
عشق: لي خدا المنصب ههه
تايغر: كان صاحبك
عشق: لا فقط نزوة
تايغر: مكنظنش فاش هضرتي عليه صباح كانو عينيك كيبريو
عشق: هو الوحيد لي ديما كيصدني و مكيرضاش بيا
تايغر: حيت مكلخ
عشق: حيت نفسو عزيزة بزااااف
تايغر : و نتي؟
عشق: بالنسبة ليا بحالو بحال رجال لكن كون مابينش الرخص ديالي فديك الليلة كنت انربح التحدي (رشفات آخر جغمة فكاسها و زادت)
تايغر: الثقة لي عمرني درتها فشيواحد أنشوف واش اتنفع معاك
عشق: أنا أسوء شخص ادير فيه الثقة لكن افضل شخص كيوفي بوعودو
تايغر: تصبحي على خير (مشا و خلاها متبعة ليه لعين داير ابتسامة شر و غير دخل للفيلا تقابل معاه بيتر)
بيتر: شنو الخطة؟
تايغر: انخليها تمشي
بيتر: هاكا؟ اتخاطر بسمعتك و حياتك و تيق فيها؟
تايغر: مكنتيقش فيها و منين خليتها تخرج إذن ضارب حسابي
بيتر: شنو ناوي دير؟
تايغر: غادي نمرمد اسم عائلة سقراط فالأرض و داك الاسم نفسو لي عتابراتو روسيا كاملها مصدر شرف اتولي تعتابرو مصدرعار (ابتسامة شريرة)
بيتر: هههه ماعندي مايتسالك كتفرش ليها
تايغر: غادي ترجع عندي و كولشي ايعرف بلي خانت الوطن و خدمتها على قبل مافيوزي امريكي و نتا عارف روسيا و امريكا فحرب كبيييرة غادي يحسم فيها الخبث
بيتر: (بصوت كفحيح الأفعى) تعيش أمريكا
….ماكانتش عارفة كمية الضغينة و الحقد لي مخبي ليها مور الكلام المعسول و هو ماكانش عارف شنو معنى اسم ديابلا و بلي ماشي ساهل يربح حرب بلا سلاح حيث الكلمات و الاسلوب و لعقل كانو افضل الاسلحة المعنوية لي كتخدم عشق فحروبها، ناوي ليها على لغدر و هي ناوية ليه على الخيانة و كتفكر الى خرجات عمرها ترجع و اتنسى تايغر و ماغاديش تعاود تلحقو، تنهدات و ناضت من بلاصتها متوجهة للبيت تنعس باش يصبح صباح جديد فيه لقاء متوقع أيحسم مجرى الاحداث...
...تحطات الهيليكوبتر فالاراضي الامريكية و بضبط قدام لفيلا ديال تايغر، هبطو القوات موجدين سلاحهم و حاوطو المكان، و عاد هبط جسور مكمش تعابير وجهو غادي بديك لافورم طولة و تجريدة و كيحافظ على الهدوء ديالو تفاحة آدم كطلع و تهبط فعنقو و ريح كيحرك شعرو عينيه كانو حومر بقلة النعاس ، هاز فيديه فردي حالف يصفيها ليه دخل بسرعة للفيلا لقاها خاوية حتى واحد ماكاين و هبط راسو باستياء، حط صخر يديه على كتفو و نطق
صخر: أيكون هرب يالاه نمشيو
جسور: (تنهد ) زيد
يالاه ايضربو ضورة يخرجو و سمعو صوت الكعب العالي نازل من دروج ، عينيه تفيكساو فيها و هرباتلو الهضرة)
كانت كتشوف فيه حتى هي بعدم مبالاة و اكتراث رغم ماكرهاتش تسبو لكن اكتفت بالبرود كعادتها
عشق: (هابطة بكسوة كحلة جلد مطراسية على فورمتها و لمعري كثر من لمغطي) اوووف تسنيتكم بزاف
صخر: ديابلا
عشق:(شافت فيه) كتاب لينا نتلاقاو من جديد
جسور:(باقي كيشوف فيها مبهوط) عشق
عشق: (شافت فيه) وي نقدرو نمشيو؟
صخر: ولكن كيييفاش؟
عشق: قصة طويلة نعاودها ليكم فطيارة ياك جبتو معاكم الويسكي راه مكيحلاليش السفر بلا شراب (تخطاتهم و زادت خرجات ضربو ليها التحية و طلعات راسها بكبرياء و طلعات للهيليكوبتر و جسور واقف بلاصتو كيستوعب )
صخر: حتى الموت مابغاتش تقبل بيها (شاف ف جسور) هيه مالك اصاحبي تبلوكيتي
جسور: (خنزر فيه و مشا طلع دغيا جلس حدا عشق و ضورها عندو) عاااااوديليييي شنووو وقع بغيت نعرف كوولشي
عشق:(يديه مزيرين على كتافها و وجها حدا وجهو) تايغر هرب و خلاني بوحدي
جسور: علاااه؟ شنو لي خلاه يطلق سراحك
عشق: (كتحاول تفك) جسووور وجعتيني
جسور:( زاد زير عليها) علاش طلق سراحك
عشق:(خنزرات فيه) خدا شنو بغا
جسور: (كيبلع ريقو) شنووو خدااااا
عشق: كيهمك غير تايغر و انا؟ نكون حية و لا ميتا و لا واكلة ولا شاربة مكنهمكش
جسور : وااااااش منيتك واااش باغا تعصبي دين مي كون مااااتكنتيش كتهميني مانبقاش نقلب عليييك و ليل و نهار كندعي نلقاااااك
عشق:(شافت فيه ب دهشة) اش هاد الاعتراف؟
جسور: (كينهج) مازال اتعرفي كولشي لك قبل غااااادي ندم زاملبووووه
عشق: مابغيتيش تعرف شنو خدا؟
جسور:(طلق منها بهدوء و شاف فيها بحزن ) داكشي لي خداه بمثابة عقاب ليا نستاهل انا لي فرطت فحاجتي
جسور:(ضورها عندو بسرعة حتى زدح صدرو مع صدرها و نطق بتعب) توحشتك كلمة قليلة فحقك حسيت بيها
عشق:(كانت ساهية فعينيه لي نحلف عليهم غير ظلام ليل و تجمعو ف بؤبؤ لعين ، ضارت ابتسامة شريرة و كالعادة نطقات بتعجرف) هاد لسان لي كيقول هاد الهضرة لحلوة هو نفس لسان لي سمعني هضرة كتجرح
جسور: (طلع حاجبو فيها) الى كيحسابلك منين جربت خسارتك و فاش لقيتك انتراجع على كل حاجا قلتها راك غالطة
عشق: ذنبي الوحيد مكنعطيش تبريرات
جسور: و عيبي الوحيد كنتسرع
عشق: فات لفوت
جسور: كاينين شي مبادئ فينا مكنساوهمش
عشق: (ضورات وجهها لجيهة اخرى) و اتبقا تحط راسك ديما ف مركز التحدي
جسور:(بكبرياء) انا ماشي اي واحد ديريها فبالك
عشق: (زيرات قبضة يديها كاتمة غضبها و تعابيرها لمعصبة من كلماتو) كيحسابني أتعلم درسك لكن زايد ف لقباحة
جسور: كتخلصي ضريبة الرجل الشرقي فحياتك
عشق:(شافت فيه بنظرات حادة) كنكره رجال الشرقيين
جسور:(ابتاسم منين عصبها) اتولي تعشقيهم ابب
عشق: امم اوك (رجعات ضارت و جلس قبالتهم صخر)
صخر: اذن عشق كيف كانت ضيافة تايغر
عشق: زوييينة بحالو
صخر: بحالو؟ ههه كتهضري على راجل قد جدك
عشق: فاش شفتو حتى انا ماتيقتش لكن هو كيمثل الجمال بحد ذاتو و الاهم انه باقي صغير (عطاتها المضيفة كاس ويسكي)
صخر:(كيشوف ف جسور لي عروق عنقو كيبرزو و بدا كيتزير) احم حتى نوصلو و نعرفو كثر
جسور: لا لا صبر كيفاش اترجعي عندو؟
عشق: انا و شنو كيقولي عقلي (كتذبل عينيها فيه)
جسور: (شاف ف صخر) ديك لبنت لي جات جديدة عندنا زوييينة؟
صخر: خلود؟
جسور: لا ماشي خلود هاديييك سمرا (كيأكد عليه بعينيه)
صخر: ااااه هاااديك زوينة بزاف
جسور: اجمل وحدة فداك لمركز حتى لدابا
عشق:مكايناش اجمل وحدة فالمركز من غيري
جسور: شوفيها و حكمي
عشق: ما فائدة الجمال إذا كان العقل فارغا (غمزاتو)
جسور: (همسلها فوذنها) جات لي تنافس اديابلا غير تواضعي
عشق:(قربات لفمو و نطقات) بصراحة نتا لي جا لي ينافسك
جسور: مانشوفش المنافس ديالي عندي افضل من أنني نشوفو ديما
عشق:(بإنفعال) go to hell (إذهب للجحيم)
جسور: the hell is your place Diabla (الجحيم هو مكانك ديابلا)
ماوصلو لروسيا حتى شبعو دقان و معيور ف بعضياتهم و طبعا لاعبين لي خسر و ماجاوبش مو طحبة، و صخر غير كيشوف فيهم و تغلبو ضحكة و ماعارفش لاش كيتعايرو لكن لي عارفو بلي الحب حاضر بيناتهم، تحطات لهيليكوبتر فساحة لقصر فليل دوزو سوايع طوال ، خرجات كتعوج و جسور من موراها كيعبرها من لور
جسور: اديك ها قادي مشيتك و نتي كتعوجي عليا تما
عشق: هاكا مشيتي ماعجباتكش اجي قدامي
جسور:(عض شنايفو) غير خليني موراك نتمنظر
عشق: عاجبك لحال و كتنتاقد
جسور:(كيشوف فليكارد) كيشوفو فيك
عشق: خليييهم
جسور:(جمعها معاها بصلية فطرمتها) تجمعييي
عشق:(شدات فضربة و عضات شفايفها) ااااححح
جسور:(حط يدو على خصرها من لور بلا مايلاحظ شيواحد) بلا تقحبين
عشق: بقا شادني هاكا حتى يشوفنا شيواحد من العائلة
جسور: دخلي (طلقها)
عشق:(مع دخلة طلقات حلوووقها) اهلا المنافقين و المنافقات توحشتوووني
سارة: عشق (كتجري عندها عنقاتها و تبعها نزار و نيار تكبو عليها)
عشق: وااااصافي ندمتونا علاش رجعنا (كتبعدهم)
قصي:(عنقها) مرحبا بيك ابنتي
نيار: عاااوديلي كولشي
عشق : انا عياااانة خليوها غدا
شفق:(قربات منها بحذر) تشوشت عليك بزاف اختي
عشق: ماطلبتهاش منك الاخت
نزار:(بغا يلطف الجو) خصنا نحتااافلو برجوعك
عشق: عفييوني وا انا عيااانة بغيت نرتاح
سارة: (شادة فيها ) ماغاديش نخليك تمشي للشقة ديالك اتبقاي هنا
قصي: بحالي بحالك كنشوف بلي هي مكانتش هاكا كانت ساهلة فصغرها و غير ساكتا و كتلعب مع خوتها
نيار: أما دابا كل مرة مفوتا ضربة فختها
قصي: النقاشات بين لخواتات كيكونو
نيار: كاينة شيحاجا كبيييرة كثر من نقاش بيناتهم و خصني نعرف
قصي: اوا جلس و هضر معاهم اصاحبي
نيار: هضرت معاهم ما مرة ما جوج شفق كتسمع الهضرة ولكن عشق عاااافية كتشعل فلبلاصة
قصي: هضر معاها بوحدها
نيار: الهضرة مابقاتش نافعة
قصي: شنو ادير
نيار: (حط صبعو تحت النادر ديالو ساهي) أنزوجها
قصي: هادي فكرة منصحكش بيها خصوصا مع عشق
نيار: انا خايف عليها و باغي نحميها
قصي: خصك تسولها واش عندها شيواحد فحياتها
نيار: كنعرف ذوقها فرجال خايب
قصي: و شكون كتقتارح تزوجها؟
نيار: تعقل على حفل تكريم فالسعودية كان شافها رجل أعمال سعودي من العائلة الملكية و عجباتو و كيتسنا جواب
قصي: فاتح عشق فالموضوع
نيار: وي داكشي لي ندير
صبح صباح جديد مجموعين على مائدة لفطور كياكلو فصمت حتى هبطات لعندهم عشق ست الحسن و الجمال و جلسات بلاصتها و كتشوف ف شيماء و أماني
عشق: عماماتي توحشتوووني
أماني: عشق رجعتييي الحمد لله على سلامتك
شيماء: الحمد لله على سلامة
عشق:عارفاكم توحشتوني لدوام ان شاء الله و تبقا علاقتنا ديما زوينة (كتهكم)
هبة: زوييينة نيت هههه
عشق: كنستهزأ
نيار: سكتي و فطري
عشق: مافيااااش جوع (شعلات كارو و كتسوط دخان و لي مكيكميش كيكح)
جسور:(حيدلها الكارو من يدها) منين تخرجي و كمي هنا ممنوع
عشق: دخل سوق كرك
جسور: (خنزر فيها) كرك عليه زحام مثلا
قصي: جسووور شوية د الاحترام
نيار:(مافيه مايهضر مع عشق ) تعقلي على داك السعودي رجل الاعمال لي تلاقينا بيه ف حفل التكريم
عشق: عقلت
نيار: جا عندي و قالي بغاك للزواج و كنظن بلي مناسب ليك
سارة: هادي خبار زوييينة
نزار: مبروك مسبقا
جسور: (شاف عشق كمشات ليزار بيض لي فوق طبلة بيدها و هو يحط يدو على فخضها) القرار الاول و الاخير كيرجع ليها
نيار: وي ولكن انا عارف مصلاحتها كثر و هاكا غادي تعيش حياتها بعيدة على صداع
عشق: (شافت فيه بغضب) انا ماشي ديال زواج شوف مع شفق (خنزرات فيها) كيما قبلات بسمير أتقبل بهادا
نيار: راه مكنضحكش اعشق راني قاديت مع عائلتهم موعد باش يجيو عندنا
ناضت من الكرسي و جبدات الملحف من فوق الطبلة و تشتتو الاطباق ، ناضت العائلة إثر هاد التصرف لي دارت ، كيشوفو فيها عينيها حومر و كترجف لدرجة تلوح عليها وقيدة تشعل، ناذرا مكيشوفوها معصبة بالعكس هي لي كتعصبهم و تخلي دمهم يغلي ، كتصرخ ب أعلى صوتها فوجهو ماراعاتش ل صلة الدم و القرابة لي بيناتهم و حتى من فارق العمر محتارماتوش، كتخرج من فمها كلمات بحال السم
عشق: واش كنباااااان ليك انا هي شفق و اتزوجني زواج ديال جوج درياااال هااااا انا سميييييتي عشق كيعيطولي ديابلا كيرجفو من سميتييييييي داك زواج لمخري لي باغي دير ليا مع داك لحووووولي طلعو معااااك
سارة: عشق بااااااراااااكا حتارمي باك
عشق: يحتاااااارم راسو انا ماااااعنديش با مكنعتابر حتى واحد فيكم عائلتي من نهار عقلت على راسي و انا بوووووحدي ماغاديش تجيو دابا تفرضو عليا الزابور ديالكم
قصي: هادشي كيتحل بلعقل
عشق: واااااش خليتووو لطبونمي شي عقل كنكون جااالسة بخير مزيان حتى كتكويو ليا المنطق باش غاااادا
ارتورو:(شدها) يالاه نخرجووو
عشق:(نترات منو و دفعاتو) مشا جايب ليا سعودي هاااادشي لي نستاهل؟ حولي؟ نبقا نحوي فيه فليل
سارة: زدتيييييي فيه خرجيييي دابا
عشق:(قربات ل نيار) نهار نبغي نتزوج انا لي غادي نجيبولك و حتى الى مكانش عاجبك غادي تتقبلو بزز علييييك أما باش تزوجني نتا كيما كنتي اتزوج شفق فهادي عمرها تكون ليك (ربعات يديها) ولا نفكرك شنو النتيجة ههه عييتي تحضي فتالي جبتي ليها مجرم
نيار: (كيحقق فعينيها) باغيا تعيشي حياتك فلبارات و لقصاير و رجال يضحكو عليك من حقك و لكن ماعندكش لحق تشككي ف حبي ليكم كأب حيت باغي مصلاحتكم
عشق:(بصوت هامس) الحب ديالك خشيه فيك
نيار:(هز يدو باغي يصرفقها و هي تشد ليه ضار كيشوف ف شكون شادها) طلق مني
جسور: ماتقيسهااااش
شيماء: جسور بين الاب و بنتو ماتدخلش
جسور:(طلق من يد نيار و حط عشق موراه و كيشوف فيه) ماغاديش تزوجها و هي ماباغاش وطول ما انا حي ماغاديش نخليك تحكر عليها حيت بزاف هادشي لي وليت كنشوف
عشق: صبر صبر انا مكيحكر عليااااا حد
نيار: سمع لمك بيني و بين بنتي
جسور: كتبغي تفرض سيطرتك على شخص فقدتي سيطرتك عليه شحال هادي و كنصيحة ليك بعد من اخيارات ناس و حياتهم و هاد لهضرة كنقولها حيت نهار لول عطيتيني الرخصة انا نتحكم بالامور اذن نتا لي ماتدخلش
كتشوف ف جسور كأنه حاجز بينها و بين باها كانت هاديك اول مرة يدافع عليها شيواحد حسات باحساس الامان، رجعات جوج خطوات لور و مشات خرجات هاربة من داك الاحساس و داك الواقع و دوك النظرات
امرأة تدخن الرجال الجزء السابع
محتوى القصة
التنقل بين الأجزاء