عشق: آخر واحد ادافع عليا هو نتا حيت كنكرهك نتا بحالهم
جسور: اه بحالهم حيت ديما كنجي من صفك؟
عشق: ماشي ديما و عمرك اتفهمي
جسور: ماااابغيتش نفهم لي فاتني بغيت نفهم هادشي لي حنا فيه شنووو هو؟ بغيت نعرف راسي من رجليا
عشق: ماكايناش شيحاجا سميتها حنا
جسور:(زاد قرب منها) ماتنكريش شنو وقع و بشنو حسينا
عشق: اه فديك ليلة لي فجأة بان وجهك الشريف العفيف و رجعتيني قحبة بحال الى ماكنتيش ناعس معايا و بحال الى كنا كنعاودو لحجاااايااات كيما انا كنت كنعس مع رجال حتى نتا نعستي مع لبنات غادي تقولي نتا راجل و داك تخربيق غادي نقوليك انا بنت كاورية و عشت هنا و الشرف ماشي هو البكرة
جسور: الغلط ماشي ديالك انا لي ماتوقعتش نلقاك مديفيرجيا و تصدمت شنو بغيتيني ندير نتصرف بحال ماطرا والو؟
عشق: واش انا حاسبتك على الماضي ديالك؟ اسوء غلط درناه هو هادا نتا
جسور: تعصبت و بديت كنقول هضرة مكتقالش
عشق: فالأخير اتزوجك ماماك و انا يا نبقا بايرة يا نتزوج واحد متفتح فعقلو
جسور: الى ماديتكش انا ايديك سيدي ربي دخليها لدماغك
عشق : صعيب نسمحلك على هضرتك ليا نساني وليت ديال واحد اخر
جسور:(طرطق عنقو و شاف فيها بحدة) شكون؟
عشق: تايغر
جسور: عاوتاني تايغر
عشق: ياك هو حط عليا فلوس فالمزاد نتا شنو ادير باش تبينلي رغبتك فيا
جسور: شنو لي بغاتو ديابلا باش تأكد بلي ندمت؟
عشق: نفكر و نرد عليك
جسور: ماغاديش نتسناك تفكري او حضي جنابك لايعاود يخطفك شيواحد (غمزها و خرج زدح الباب)
….خلاها كتفكر فهضرتو لي ماعطاتهاش اهمية و مشات كتلاها فشغلها اما هو كان مخطط لمفاجأة ليها ، كان حفل عشاء صغير بين الجنرالات و رؤوس الدولة كيتقام فقصر عائلة سقراط بمناسبة المهمة لي ربحات عشق رغم ماشداتش تايغر لكن نقذات بنات صغار و هادا انجاز
نزار: سيد القوم ههههههه (كيقشب عليها و هي كاع مافاهما)
….وصلو لجينيرالات و عائلة يزيد لي مثلها صخر فقط اما محسن غبر ليه الاثر العذر الوحيد لي قدم هو خارج لبلاد و خسر هاد جوج كلمات فميساج على هبة ، كان أيضا كمال فهاد العشاء و منبعد ما جلسو كاملهم فالطبلة و الخدم كيتسخرو عليهم عاد دخلات هي قدمات التحية بلباقة و ترأسات الطبلة قبالت نيار و كترحب بالجينيرالات
نيار:(شكرها بعينيه على مجيئها و ماحشماتش بيه) بمناسبة رجوع عشق و نجاحها فالمهمة عرضتكم هاد الليلة احتفالا بهاد الانجاز مرحبا بيكم
عشق:(ناضت و هازة كأس شراب فيديها) ماشي بوحدي نجحت فالمهمة لكن كاملين كان عندنا يد فيها و كنبغي نشكر لي كانو معايا جسور و صخر شكرا (طلعات لكاس لفوق بمعنى نخبكم و جلسو كياكلو و يتبادلو اطراف الحديث)
صخر:(همس لجسور) فيها واحد صواب هاد ليلة بضبط
جسور: كون ماجالساش قدامي شفق انقول غير هي
صخر: هضرتي معاها؟
جسور: هضرنا و الهضرة ماجابتش نتيجة؟
صخر: شنو ادير؟
جسور: راه ماشي اندير راني درت
صخر: شنو درتي؟
جسور: منبعد و تعرف
قصي:(ناض هاز ظرف فيدو) بمناسبة هاد ليلة بغيت نقدم كادو ل عشق و كنحييها على مجهودها (عطا للخدامة ظرف توصلها رسالة)
عشق:(شداتها و فتحاتها و بدات كتقرا و هي مندهشة و كولشي متشوق يعرف شنو فداك الظرف، نطقات بكلمات متفرقة و بصوت عالي) الجنرال عشق سقراط
قصي: تستاهلي المنصب
….كولشي بدا كيصفق و كيبارك ليها من غير نيار لي حس بلي فقد جزء من الأبوة ديالو ، تسالا لعشا و تفرقو ناس كيهضرو كل واحد فقنت و عشق مشات عند قصي
عشق: علاش عطيتيني المنصب ديالك
قصي: انا عييت من الخدمة و نتي تستاهلي ترقاي
عشق: المنصب لي كنت كنحلم بيه فقدت الشغف ديالو
قصي: حيت ماتعطاكش من نيار؟
عشق: حيت خلاني نحس بلي مانستاهلوش
قصي: (حط يدو على راسها ) من ديما كنعتابرك بحال بنتي و كيما عطا نيار المنصب ديالو لجسور ها انا عطيتك المنصب ديالي باش تعرفو بلي مكنفرقوش بيناتكم
جسور:(جا من موراها) وليتي جنرال اممم مانتقادوش
عشق: (ابتاسمات) ايه منهنا لفوق ماتبقاش تآمرني
جسور: على اساس كتنفذي الاوامر
نيار:(قرب منهم مبتاسم) مبروك عليك
عشق: لاداعي تنافقني و تبين ليا فرحك المزيف (ضارت بغات تمشي و شدها جسور)
جسور: حشومة
عشق:(نترات منو) طلق مني (بعدات منهم كتحاول متعصبش)
عشق: انااااا مادياااالت حد و عمرني نسمحلك و مابغيتكش و من حقي
جسور:ماااااشي منحقك
عشق: اتمنعني ولا كيييفاش؟
جسور: لا ماغاديش نمنعك ولكن انربيك (هزها من رجليها رماها على كتفو راسها لتحت و رجليها فصدرو و كضرب)
عشق: هبطنيييي اجسوووور واش حماقيتي
جسور: انوريك لحماق كيف كيكووون و مانرجعك حتى تقولي حبيبي جسور و منو نخلاق و انا ليه بوحدو
دخلها لطوموبيل و سدها و طلع كسيرا بسرعة هي كتغوت كتقولو رجعني و هو كثر منها كيسب و يرعرع و كيحلف مايرجعها و صواتهم ايهرسو زاج الطوموبيل، مابغاش اسمع لهضرتها و غادي خارج من لمدينة مخليين بزاف تساؤلات موراهم أو بعبارة اصح مخليين مشاكيل دخلات لموسكو فهاد ليلة ، استسلمات مؤقتا و فبالها كتفكر لشي عقاب ديرو ليه باش يشفي غليلها منو أما دابا الحل الوحيد هو تسايرو، فلقصر كانت جالسة بوحدها فواحد لقنت و كتسيفط ميساج صوتي على أمل يجاوبها
هبة: محسن انا عارفة بلي قلتيلي عندك لخدمة و راك برا لبلاد دابا ولكن انا تشوشت عليك و مالين دار كيسولوني فوقاش اتجي تهضر معاهم بخصوص علاقتنا بليييز رجع دغيا
صخر: (كان قريب ليها كيسمع حديثها فتيليفون و بقا كيضحك و يتهكم عليها) بليييز محسن اجي تزوج بيا بليز ماتخلينيش بليييز سربي رجع هههههه كتبقاي فيا شحال كتباني مسكينة
هبة: باراكا من هاد قلة الترابي راه عيب تصنط على شيواحد
صخر:(بدل ملامحو لغضب) لعيب هو لي كديريه فراسك و كيحسابلك عارفة شنو كيضور موراك
هبة: نفس سيناريو لقديم عرفتي انا عيييت منك و من كذوب (هزات كتافها) شنو كتحاول دييير علاش باغي دمر سعادتي
صخر: انااا كندمر تعاستك لي كتحاولي تعمري بيييها حياتك ولكن ماغاديش تفهمي هادشي حتى تجربي خسااارة فيك
هبة: من الافضل تتقبل بلي قريب انولي مرات باباك
صخر:(ابتاسم) اوك اخالتي ههه
هبة:(طلعاتو بنظرة مستفزة) اه و لاداعي تقرب لخلود باش تبين ليا بلي عندك وحدة اخرى فحياتك
صخر: خلود ماعندها علاقة بيك قربت منها حيت هي لي تستاهل
هبة: كنتمنى ماديرهاش طريق
صخر: شنو جاتك لغيرة؟
هبة: نتا مريض والله
صخر: اذن دخلي سوق راسك عطيتك تيساع اوا ديري بحالي و ماتدخليش فعلاقتي مع خلود
هبة: خلووود رآها صاحبتي كتفهم و نتا غير همجي و كتلعب بلبنات
صخر:(شدها من دراعها بعصبية قربها عندو كارز على سنانو و بعصبية نطق) الى هي صاحبتك انا قريب تولي مرتي
هبة:(كتبلع ريقها و عينيها فعينيه قلبها للحظة قفز بلخوف و بصوت هامس) مبروك
طلق منها ناترها و ضربها بكتفو خارج من لقصر و هي بقات كتستوعب شنو واقع و كتقيس فقلبها لي كيزدح ...كتبلع ريقها و كتنفس بسرعة، كانت فقط كتساءل علاش حسات بلخوف و بضعف و بكولشي تملكها فلحظة ماستمراتش اكثر من ثانيتين، نثرات افكارها من عقلها كيما كتنثر الغبار على لكتاب لي كتقلب صفحاتو من حياتها ، سمعات ضحك جاي من صالة و مشات لعند عائلتها جلسات معاهم ، تجمعو منبعد ما كولشي خرج بحالو و ضياف خداو مايعاودو للصحافة…
نزار: دااابااا اجيو نهضرو على عرسي شوية
نيار: اوووه ماعرضتيناش
نزار: واصاف الوليد باراكا من طنز راني عارف بلي قبلتي
سارة: هههه نديرو لعرس فالمغرب
نزار: غادي نديروه فالصحراء (شاف ف مانفال) انمشيو عند واليديك
جسور: ماااحاملااااش تكوووني معااايا و عاد كيف كنتي فحجري عاجبك لحال
عشق: غلطت ابناااادم غلطت و كنخلص دابا الغلط دياالي ماقااادراش نتجاوزك اتبقا ديما فوجهي كنتفكر ديك ليلة
جسور:(شدها من خصرها) بنادم كيغلط اعشق و انا بينت ندمي ليك ماتخيليش حالتي منين تخطفتي ماكنتش كنعس غير باش نلقاااك و فاش لقيتك ماكرهتش نعنقك و نشبع من حلاوة شفايفك
عشق: (هزات حاجبها فيه ) نفس شفايف لي باسهم تايغر؟
جسور:(طلق منها و زير على لقبضة ديدو) مكضيعيش الفرص؟
عشق: أبدا و نزيدك (حطات يدها على عنقها) نفس العنق لي كان كيبوسو
جسور:(شدها بقجة و زدحها مع لحيط و عروقو بارزة رجع كيخلع)خليييتيييه يقيسك؟
عشق:(ابتسامة انتصار) تقريييبا
جسور: منين جيييتي و نتي تايغر تايغر تايغر
عشق:(عضات شفايفها كتبتازو) نسيني فيه
جسور: (كينهج و بعد منها ضورها عطاتو بظهر و خشا وجهو فشعرها كيهمس) غادي نقلب لمك لوالدة
عشق: اححح هادشي لي بغيت
جسور:(ديك لكسوة لي كانت لابسة كيطلعها ليها من لور و دغيا وصل لسترينغ هبطو وحط يدو على توتو كيدلك فيه) عرفتييييي لي كيقرب لحاجتي شنو كنديرلوووو
عشق: اححح اامم شنو
جسور:(همسلها) كنقتلو
عشق: نستاهل؟ اححح
جسور: نتي ديااااالي (حيد يدو و دفعها فوق لكنابي و طلع فوقها كيقطعلها حوايجها بلهفة و معصب)
عشق: (كتشوف فعينيه اللهفة و رغبة ديك العصبية لي عشقاتها فيه نهار لول و كدير اي حاجا باش تعصبو ليوم خرجاااتها
فتوقيت مناسب ، قربات منو جبداتو عندها و كتشوفليه فعينيه) حتى البوسة ديالك كانت فيها حلاوة ماذقتهاش فشفايفو
جسور:(خشالها سترينك ففمها) سكتيييي
طرطقات عينيها فيه فاش شافتو بحال الوحش كياكل فلحمها بقبلات و عضات شرسة كيخلي طابع ملكيتو و رجولتو فيه جردها من ملابسها و انوثتها تدفكات عليه...هبط لصدرها كيمص و يعبزهم بيديه على شوية يطير ريوس المتعة تحولات لألم و بدات كدير انين لكن ماشي انين الالم انما انين الشهوة المازوخية لي فيها و تجيكم عجب الى عشق رضخات لحاجا وحدة هي لكوا، كانت مستمتعة بالألم لي كيدير ليها او واصلة معاه لذروة الشهوة الشبقية ، يدو على ليهونش كيصرفقو حتى حمرهم و وجهو باقي خاشيه فعنقها كيتفكر بلي باسو تايغر و كيعضو، تجرد من الملابس ديالو كيما تجرد من مشاعرو و الغضب عما ليه عينيه، هزها فيديه و دخلها لبيت نعسات قلبها على كرشها و دخلو فيها كيديه و يجيبو و هي كدير اصوات المتعة حتى جابو و جابتو معاه و بقاو هكك حتى جابو 3 د لبليزير و طاح حداها كينهج صدرو كيطلع و يهبط و حاط دراعو على عينيه، ماهضرش معاها و هي ناضت لوات عليها ليزار و خرجات من لبيت لصالة صغيرة كانت فيها مدفأة حطات لعواد و دارت ليسانس و شعلات لعافية و جلسات حداها كتشوف ، حسات بأنفاسو موراها و بلا ماضور نطقات
عشق: شفيتي غليلك؟
جسور:(كيشوف ف طبايع فكل انحاء جسمها) ماوقفتينيش
عشق: كنت مستمتعة
جسور: بالألم؟
عشق: الفانطازم ديالي مازوخي
جسور:(جلس فجنبها كيشوف فيها) عمرني شفت شي بنت بحالك
عشق: و ماغاديش تشوف
جسور: بنت مكتحملش لي يضربها و لي يعطيها الاوامر لكن فلكوا كترضخ
عشق:(سهات) كل واحد و اسبابو؟
جسور:(خنزر فيها) كنتمنى نكون نسيتك فيه
عشق: ماقاسنيش
جسور: ماتكدبيش
عشق: مكنكدبش هو باسني لكن مانعسش معايا
جسور: علاه
عشق: كنت كنتهرب منو و كان ملهوف عليا و انا كنكره لي ملهوف عليا
جسور: و علاش انا؟
عشق:(نظرات فارغة) نتا تحدي كنربحو شوية بشوية
جسور:(قرب منها) شنو بغيتي تثبتي بوجودك معايا
عشق: (بخبث) بأن الرجل الشرقي أكبر عاهر على وجه الارض
جسور: او وجودك معايا أيثبث ليك بلي راك غالطة
عشق: يمكن
جسور: شنو انسميو علاقتنا أعشق
عشق: (رجعات كتشوف قدامها) ماكتجمعنا حتى علاقة ياك انا غير قحبة
جسور: عمرني عتابرتك قحبة و كاع ديك لهضرة لي قلت حيت كنت معصب
عشق: مكااين حتى مبرر لشنو خرجتي من فمك
جسور: اه انا غلطت فحقك كنعتارف كنت مانسواش تسرعت بلا منعرف كثر ولكن لي كان كيشعلني كثر هو كلماتك المستفزة باغيااا تجرحيني بأي طريقة
عشق: باااش تنعس معايا و تشبع رغبتك و تنوض بحال الى انا عاهرة عمرني نسمحلك عليها
جسور: (بعد صمت) شنو بغيتي؟
عشق: مابغيتش علاقة رسمية تجمعني بيك و مابغيتكش تأمل شيحاجا مني حيت انا و الحب و داك تخربيق مكنتلاقاوش
جسور: (استجمع كرامتو و نطق) و انا بحالك ماغاديش نفكر نعيش الحب مع وحدة شبعاااانة رجاال و ماتخافيش ماغاديش نركع على ركبتي و نطلب منك زواج
عشق: (ربعات يديها) اذن تافقنا غادي نشبعو بعضياتنا لكن ماكتسالني مكنتسالك نهار نبغي نقطع العلاقة ماغاديش تمنعني
جسور: اوك و نهار نبغي نتزوج ماتجيش عندي كتبكي و ترغبيني
عشق: فالأحلام ديالك
جسور: الى كانت هادي طريقة الوحيدة لي غادي ترضاي بيها انا موافق عليها
عشق: باقي عندي شرط واحد باش نقدر نغفر ليك هضرتك ليا
جسور:(قرب منها كيحقق فعينيها) شنو؟
عشق: (بثقة) لقصر
جسور: مال لقصر؟
عشق: بغيتو يكون ديالي
جسور:(جبدها عندو تكات عليه) و شنو اخر؟
عشق: علاقتنا مايعرف بيها حتى واحد
جسور: علاقة سرية أنشبعو فيها مغامرات
عشق: (باستو ففمو) تافقنا ؟
جسور: باقي شرط واحد عندي
عشق: لي هو؟
جسور: تسكني فالبرطمة ديالي
عشق: ميمكنش غادي يشوفنا شيواحد و منبعد كولشي ايعرف
جسور: ضارب حسابي مكاين لي يعرف
عشق:(شافت فيه بابتسامة) تقدر تصبر ل مزاجي المتقلب؟
جسور: لا غا عاااااودي(لاحها فوق النموسية و نعس حداها كيتبادلو القبل و المغازلات ) انبقاو هنا شوية
عشق:(كتلعب فصدرو) لجو زوين و هاد لبرد غير ديال لكوا ههههه
جسور:(كيلعب فشعرها و كيشوف فيها بعينين ذابلين) نتي لي كنت محتاج
عشق: (باستو ففمو) انا معاك ولكن لخدمة مكتأجلش و خصنا نرجعو
جسور: لخدمة ماكاتسالاش و الى سرقنا شي ايام مكاين مشكل
عشق: لا بغيت نرجع و نتا خصك تنفذ الشرط
جسور: (همسلها) اعتابري لقصر ديالك
عشق:(بنفس الهمس) كووولشي ديالي
تقلب فوقها كيوزع قبلاتو فوجهها و يديه على انحاء جسدها كيتساراو كتعتابر علاقتهم علاقة محرمة نسبيا و خيانة فحق لي كيتيقو فيهم و ماغاديش اتوقعو اتحاد اجسادهم و مطابقة غزلهم للواقع لي كيعيشوه، داخلين فعلاقة حرة لكن الحب اكيد غادي يدخل من جهة واحد فيهم و غادي تكسر القاعدة و منهنا حتى يدخل لحب ايوليو يعيشو فالسر ، صبح صباح و هوما ضامين بعضياتهم و شمس ديال شتا ديك الباهتا داخلة مع سرجم و مضوية فرجليهم، فاق هو لول كيحس براسو بلي عاش فحلمة و كيشوف فلبنت لي حداه و يتأكد بلي واش عشق بصح ولالا ابتاسم و ناض دخل للدوش دوش و ناضت هي موراه كتكسل مالقاتوش حداها سمعات دوش و ناضت كتسلت يالاه اتحل باب دوش و هو يخرج ملوي عليه فوطة و شعرو طايح على عينيه فازك و كيشوف فيها مبتاسم
جسور: (جبدها عندو) صباح الورد
عشق: صباح الخيير
جسور: (لسقها مع لحيط) رتاحيتي ؟
عشق:(حاطة يديها على ليزابدو و عينيها على عينيه) وي حيت معاك
جسور:(عض شنافتو لتحتانية و حط راسو على راسها) كون صبرت ندوشو بجوج
عشق: (بلعات ريقها و عينيها على لمعلم) مكرهتش
هزها عندو لوات رجليها على خصرو و دخل معاها فقبلة طويييلة توالت القبلات من موراها و دخل بيها للدوش و سد الباب
كان جالس فلبيرو ديالو مشا بالو بعيد و كيفكر فزواجو و فعرسو أحلامو الوردية مامنعاتوش يبتاسم و قلبو يدق كيشوفها بين عينيه ديك صحراوية خداتلو عقلو، دخلات عندو سكرتيرة و هو شارد و حطات ملف و علماتو بلي كاين واحد الشخص بغا يتلاقاه، عطاها إشارة براسو دخلو و ناض من لكرسي سد جوج صدايف من لكوستيم و كيشوف فالحائط الزجاجي فالبنايات الشاهقة، ضار منين سمع تحنحين
نزار: ميسيو يزيد نهار كبير هادا
محسن: (ابتسامة) سمعت بلي خديتي سلسلة الشركات و جيت نبارك ليك
نزار:(طلع حاجبو فيه) شكرا (قرب لعندو) بلا شك الشركة ديالك غادي دخل فالمناقصة
محسن: من طبيعة الحال
نزار: هادشي ماشي فالصالح ديالك خصوصا ان شركتك قريبة دير افلاس
محسن:(تبدلو ملامحو) افلاس؟ ههه نو هادشي ماكاينش
نزار: سي كاين و انعرض عليك صفقة مربحة انا غادي نشري الاسهم دشركتك
محسن: و الى رفضت؟
نزار: (باستفزاز) غادي تولي تعيش فالشارع و عمرك تحل يقبلو بعلاقتك مع هبة
محسن: احم الشركة ديالي ماغاديش دير افلاس
نزار: اوك ماعلينا غير نتسناو و كولشي ايبان و من تماك لديك الوقت انا منقدرش نعاونك حيت رفضتي نشري الاسهم ديالك
محسن: كأنك كتهددني؟
نزار: (اشار ليه بيديه) تقدر تمشي بحالك
داير فيه ابتسامة مستفزة و محسن مارضاش و خرج من لبيرو ساخط و متوجه للطوموبيلتو... هو عارف بلي الشركة ديالو قريبة دير افلاس بسبب لقمر لي ضيع فيه كاع فلوسو كيما عارف بلي هاد المرة صخر ماغاديش يعاونو ابدا و ايخليه يغرق و لابد يلقا شي طريقة ينقذ بيها الشركة، صونا ليه تيليفون و شاف المتصل بلي هبة و جاوبها كيحاول يتحكم ف أعصابو و يهضر بصواب و علمها بلي جاي دابا لعندهم لدار باش يهضر مع عائلتها و قطع ...كانت هبة فرحانة بالمجيء ديالو و علمات باها يجي و كل واحد فالعائلة و بقات كتسنى على احر من الجمر….
…دخلو للقصر بجوج و توجهو ل صالة فين مجموعين و كيتسناو محسن يجي، قربات عشق و جلسات حدا سارة و جسور حدا باه و كيتبادلو النظرات
قصي: كيدازت معاكم لخدمة مزيان؟
جسور:(ابتسامة خفيفة) مزيان
أماني: كيف جاك المنصب جديد
عشق: مازال ماجربتو مزيان
نيار: ماهضرناش على موضوع تايغر
عشق:(شعلات كارو) شنو بغيتي تعرف
نيار: كيفاش خلاك تمشي
عشق: هو ماخلانيش نمشي هو عطاني مهلة نرجع لعندو
سارة: كيييفاااش بطبيعة الحال نتي ماغاديش ترجعي عندو؟
عشق: قادرة نحمي راسي ماتنساش كنت فوسط دارو و مادارلي والو
قصي: هادا هو السؤال علاش؟
عشق:(طفات لكارو ) حيت شاف لحاجا لي دهشراتو
قصي: شنو هي؟
عشق: (بعد صمت) خبث ديابلا
….قاطع حديثهم بدخولو لي مكيبشرش على لخير و داير ابتسامة زائفة موراها وجه موسخ كيخبيه المنصب ديالو و مكانتو المرموقة فالمجتمع، قربات منو هبة سلمات عليه و القا التحية على افراد العائلة و هو كيشوف ف عشق لي ناضت من بلاصتها
عشق: كنتو كتسناو لغول اوا نخليكم معاه
محسن: ديابلا فين غادة؟
عشق:(بابتسامة) كيقولو فاش كيهضرو الملائكة كيغبر الشيطان و من طبيعة الحال ماغاديش نصنف راسي من الملائكة
محسن: هادا شرف انك توصفيني بملاك
عشق: (بغرور) ملاك السيئات (تخطاتو كطقطق ب طالونها خلاتهم مافاهمينش لمحادثة لكن الميساج وصل)
جسور: خليتلكم الراحة انمشي
شيماء: (شداتو فيدو) جسووور صبر بغيت نهضر معاك فواحد لموضوع (غمزات شفق لي حمارو حنيكاتها و قلبها كيضرب)
جسور: تقدري تأجلي الموضوع؟
شيماء: الموضوع مكيتأجلش
جسور: اوك يالاه نخرجو للجردة
خرجو للجردة بجوج و جلسو فواحد لجليسة هو حاط رجل على رجل و كيشوف فيها كيتسناها تدوي و هي جالسة بتوتر و كتبتاسم ليه و تفرك صباع يديها
جسور: واش واقعة شيحاجا؟
شيماء: لا ماواقع والو اولدي
جسور: اوا شنو؟
شيماء: ولدي نتا عارف راسك كبرتي و تبارك الله وليتي راجل و جنرال فدولة و انا مفتاخرة بيك و جا لوقت فاش خصك تفكر دير دار و مرا و وليدات
جسور:(مسح على راسو) انا مكنفكرش فزواج
شيماء: عارفة اولدي ولكن غادي تتحمس منين تعرف لبنت لي بغيتلك راك كتعرفها
جسور: علامن كتهضري؟
شيماء: على شفق هي بنت مربية و ظريفة و كنعرفوها و ماغاديش تلقا حسن منها
جسور: (بانفعال) شنووو؟
شيماء: مالك ؟
جسور: الوليدة انا كنحتارمك و هضرتك على عيني وراسي ولكن ماتدخليش فحياتي و هادشي لي كطلبي مني راه عمرو يكون انا و شفق عمر تربط شي علاقة بيناتنا
شيماء: علاه مالها شفق
جسور: المشكلة مااااشي فشفق انما فيا انا ماباغيييش نتزوج و حتى فاش نبغي نتزوج انا لي غادي نختار شريكة حياتي
شيماء: ياك اولدي وليت انا زايد ناقص
جسور:(شد يدها) الوليدة كنحتارمك بزاف انما ماتدخليش فحياتي و هادي اخر مرة نسمع هاد الهضرة
باس يدها و ناض بحالو خارج و بقات متبعالو نظرات خيبة الامل...كانت وصلات بطوموبيل لعمارة فين كاينة شقتها و قبل ماتهبط لمحات كارطا مقلوبة محطوطة موراها فالمقعد الخلفي...ضارت و هزاتها فيديها لقاتها على شكل مخالب نمر و عامرة بدم و مكتوب فيها "أنشوفك في القريب " see you soon خرجات من طوموبيل و هازة فيدها لبطاقة و طالعة للشقة ديالها دخلات و جلسات كتخمم كيفاش اتفك من هاد الورطة لي حصلات راسها فيها
فلقصر كانو كيهضرو و يسمعو لكلام محسن لي اصلا جا بدون الرغبة ديالو يعني مضطر يسايس حتى ياخد لي بغاه من هبة قدر يقنعهم بعلاقتو معاها و بلي ناوي لخير و باغي خطوبة رسمية هوما تحطو امام الأمر الواقع و قررو يرضاو بالوضع مادام هبة عاجبها لحال و موافقة عليه، دخل عندهم نزار و فهم بلي محسن جا يخطب و تلاقا معاه يالاه بغا يمشي
نزار: نقولك مبروك عليك
محسن: الله ابارك فيك
نزار: اذن منين جيتي تخطب خصك تكون فكرتي فمستقبل شركتك
محسن: شركتي ماغاديش دير افلاس انا غادي نضبر على لفلوس و نعاود نمولها
نزار: اوك كيما بغيتي انا درت لي عليا و لباقي عليك
محسن:(قرب منو و همسلو) كنحييك حيت تقمصتي دور رجل اعمال بامتياز
نزار: كتهضر على نزار سقراط الى نسيتي نفكرك
تخطاه بكل جبروت و زاد تحت الدهشة د محسن داك لولد صغير لي كيعيطولو برهوش هاهو تحمل المسؤولية و رجع راجل كيلوي ليه يديه ، سمعات أماني المحادثة ديالهم و قررات تستاغل افلاس شركة محسن لصالحها باش ابعد على بنتها حيت عمرها اترضا بعلاقتهم واخا تسايس و فجهة اخرى كان هو مشا عند صخر للدار هاد الاخير عاد فايق من نعاس و خاسر
جسور: عركتيها شراب لبارح؟
صخر:(كيشرب قهوتو و مازال لابس حوايج دار) ماتفكرنيش
جسور: شنو خلاك تشرب؟
صخر: شكون من غيرها.؟
جسور: واش غادي تخلي باباك يتزوج بيها؟
صخر: ماعندي ماندير هي باغياه خليها تعرف حقيقتو
جسور: كون كنت بلاصتك غادي نهرب بيها و نتزوجها
صخر: اوا راك فبلاصتي نيت نسيتي راسك كتجري مور عشق
جسور: انا و عشق ولينا بجوج
صخر: وااايلي
جسور: وي علاقة حرة شرطاتها عليا
صخر:(ربع يديه) كيفاش علاقة حرة ؟
جسور: يعني مانتأملش منها تبغيني او نبغيها و نهار تبغي تقطع علاقتها معايا مانحبسهاش
صخر: و نتا رضيتي بهاد الشرط؟
جسور: حيت باغيها فحياتي رضيت
صخر: ماتنكرش بلي مكتحس حتى بحاجا من جهتها؟
جسور: كنحس باعجاب كبير خايفو يتحول لحب من طرف واحد انا عارفها كيف دايرة ماعندها ماتخسر
صخر: خصك تخليها تبغيك
جسور: غادي تبغيني و انا متأكد الى ماشي دابا باقي عندنا لعمر كاملو
صخر: عارفك تقدر عليها
جسور: (ناض) انمشي عندها
صخر: تهلا
….خرج من دار صخر راكب ف سكوتر ديالو و متاجه بأقصى سرعة ل لعندها بدات كطيح شتا و فزكاتو، توقف قدام مشتل دلورد شاف ورود حمراء و خدا بوكي و كمل طريقو لعندها ، كان برق و شتا و دنيا خاوية، بقا برا و صونا ليها
جسور: (فازك) هبطي عندي
عشق: فيين
جسور: لتحت كنتسناك
عشق: واخا (هبطات عندو بسرعة وقفات قدام باب العمارة كتشوف ف شتا و كتعيطلو يدخل و هو كيقولها بسبابتو لا اجي نتي، خرجات لعندو و ماوصلات حتى فزكات كاملها) واش حماقيتي ايضربك البرد
جسور: (حيد الكاسك) كتخافي عليا؟
عشق: لا كنخاف على راسي الى بقيت معاك هنا ايضربني لبرد
جسور: (عطاها بوكي دلورد) على قبل عينيك و ضحكتك الحبيبة
عشق:(كتشوف ف لبوكي و تبدلو ملامحها ) شنو المناسبة؟
جسور: مكاينة حتى مناسبة بغيت نعطيهلك
عشق: زويين بصراحة عمر شيواحد عطاني بوكي دلورد
جسور:(بدهشة) واش بصح؟
عشق: كانو كيجيوني ديكادو غاليين اما الورد نو
جسور: كتعجبني البساطة
عشق: عجباتني حتى انا
جسور: طلعي نتساراو فلمدينة
عشق: فهاد شتا؟
جسور: اه ايعجبك لحال (طبعات موراه و عطاها لكاسك و دار لكاسك حتى هو و نطالقو بسرعة فشوارع لمدينة الخاوية معنقاه فصدرو و مستمتعة و هو كيضحك معاها لي شافهم ايقول جوج كيعشقو بعضياتهم و فالحقيقة هوما جوج ماكتجمعهم حتى علاقة، وقف لموطور فواحد ساحة كبيرة فيها نافورة و نزلات كتجري)
عشق: فخبارك تفكرت فاش كنت كنرقص البالي و انا صغيرة
جسور: مافخباريش كنتي كترقصي لبالي
عشق: مازال ماعارف والو عليا (بدات كدير حركات لبالي تحت شتا و هو كيشوف فيها و يبتاسم...شوية ناض توجه عندها حاوط خصرها و بدا كيشوف ف عينيها و حطلها يدها على قلبو)
جسور: لي شافك هاكا مايقولش ديابلا
عشق: غادي يقولو عشق هادي
جسور:(كيحرك شفايفو مع شفايفها) اسم على مسمى
انقضات عليه كتبوس فيه و كتلتاهم شنايفو بحال العطشان و هو مامقصرش كيبوسها و شتا كطيح عليهم و عايشين فجو رومانسي و ماملاحظينش عينين النمر كترقبهم من طوموبيل منين نطالقو و هي تابعاهم ووقفات فاش وقفو، هبط زاج و كيشوف فيهم كيتباوسو، قرم حجبانو و تعصب و نطق بجوج كلمات فتيليفون لي كان محطوط على وذنو
تايغر: بيتر...قتلو
قطع الاتصال و بين عينيه علاقة غير عادية ايستاغل أواصرها، قبلة فالشفاه تمنى تكون ليه بوحدو، و ماتقدمهاش لشخص آخر لكن جسور مكانش اي شخص ،منين فضلاتو ديابلا على رجال لوخرين رغم أن تايغر عرفها مدة مكتجاوزش يوماين إلا بأن ذكاءها قدرات تسلبلو قلبو و عقلو ، أو واخا مشاعرو ليها كانت محرمة و جريمة فحق بلادو أمريكا الا انه تجرأ و بغا العدوة الروسية تكون ليه أو تكون للموت لي قرر انه اتاخدها بطريقة مهينة ….كل واحد عايش صراع بين نفسو و كان أنين كيتسمع على بعد كيلوميترات ف مكان مهجور، انين الالم و الغضب و التعذيب لي كيطرا ليه بلا ذنب أو يمكن ذنبو الوحيد هو أن كولشي كيعتابرو يدها اليمنى يعني لي قاس ديك اليد بحال الى كيقيس ديابلا نيشان...عامر دمايات من راسو لرجليه، و مليوح فالأرض قرب منو بيتر لي ماخلاش شيواحد من رجال يعذبو و خدا هاد المهمة بنفسو
بيتر: عذابك غادي يسالي (هز المسدس)
ارتورو:(ابتاسم ف عز الالم ديالو) شنو كتسنى يالاه تيري
بيتر: (تحنى عندو) ماغاديش تبقا بوحدك فجهنم لأن ديابلا قريبة اتلحق عليك
ارتورو: (دفل عليه) ديابلا غادي تقتلكم كااااملكم عاد اتموت عمركم اتعيشو داك نهار لي اتشوفوها كتموت فييه
بيتر:(مسح دفلة لي كانت عامرة بدم من وجهو و حط المسدس على راسو) باااي
غمض عينيه كيتسنا الموت فإذا بأحد رجال بيتر دخل عندو يعلمو بشيحاجا استغل ارتورو الوضع و خطف لفردي من عند بيتر و ضرب راجل لي دخل و قرب لعند بيتر ضربو بظهر الفردي لراسو
ارتورو: اي لحظة كنغفلو فيها كتكون هي سباب موتنا (كينهج) ماغاديش نقتلك ولكن غادي نستمتع بمنظر الديابلا و هي كتعذبك
تحنى عندو و خدا سوارت طوموبيل و خرج بسرعة من المكان كيعرج متاجه للسيارة لي دغيا استاقلها و توجه بسرعة للقصر لبلاصة الوحيدة لي يقدر يحتامي بيها و يلقا فيها ديابلا و يعلمها بالشر لكبير لي جاي فطريق...بدا كيفيق بيتر من ضربة لي عطاه ارتورو لراسو و خرج بسرعة كيلعن و يسب فهاد زهر، جبد تيليفووون و صونا لتايغر لي كان شاد طريق لمدينة
تايغر: شنو كاين؟
بيتر: داك زامل هرب
تايغر: شنووو؟؟ كييفاش هرب؟
بيتر: ضربني لراسي و هرب
تايغر: مهمة وحدة عطيتهالك ماقدرتيش تنفذها اللينعل زاملبوك
قطع عليه و هضر مع رجالو يمشيو للشقة ديال ديابلا الى لقاو ارتورو يقتلوه و هو توجه للقصر بسرعة قصوى تحسبا لأي حاجا ، كان كيتاصل بديابلا لي تيليفونها بقا فالشقة و هي اصلا فعالم اخر مع جسور، وصل ارتورو للقصر و نزل من طوموبيل باغي يدخل لمحاتو هبة لي كانت داخلة للدار و عليها علامات صدمة من المنظر ديالو و مشات كتجري عندو
هبة: ارتووورو شنوو واقع لييك
ارتورو: ديااابلا فينهااا
هبة: يالااه ندخلو للداخل و قول شكون دار فيك هاد لحالة
...كان ايهضر كون ما لقرطاس دخل لظهرو و تقطعات فيه النفس، هبة كتشوف فيه و دموع طاحوليها من عينيها و شداتو فيديها و طاحو بجوج على الارض، طوموبيل تايغر ضربات ضورة بسرعة و خرجات من المنطقة ديال لقصر…..
دخلات هي و ياه للشقة ديالها كيضحكو و فازكين بشتا، فيديها هازة لبوكي دلورد و فيديه هازها هو كيبوس فيها بلهفة،
عشق: باش تعرف بلي صعييب دير علاقة مع وحدة زاملة بحالي
جسور:(غلباتو ضحكة) ههههه زملتك زوينة
عشق: اجييي نوريهاااالك
جسور:(حبس ضحكة و شد فيديها) بغيت نقولك واحد لحاجا باش ماشي تسمعيها و تقلقي
عشق: (بعدات عليه شوية) شنو؟
جسور: الوليدة ليوم قالت كتعجبها شفق و بغاتني نتزوجها
عشق: اييه و منبعد؟
جسور: كيفاش و منبعد؟ راه ختك
عشق: و شنو زعما الى ختي غادي نمنعك و لا نخاصم عليك (هزات كتافها) انا عارفة بلي عشق كيبغيوها لزهو و شفق لزواج
جسور:(جبدها عندو) شوفيلي فعيني نقولك (شافت فيه عاقدة غوباشتها) كاينة عشق و اتبقا عشق و انا عمرني نفكر فشفق
عشق: اوا قول لماماك ماتبقاش تتدخل فلي مكيعنيهاش
جسور: كتبقا مي و كنحتارمها ولكن انا مسؤول على قراراتي
عشق: اوا دابا منين هضرنا (حطات يديها على عنقو) نبداو؟
جسور: (كيعصبها) اممم حتى نفكر
عشق:(دفعاتو على لفوتوي) ماشي لخاااطرك
يالاه كانت غادي تحنى عندو و سمعات تيليفونها كيصوني، مشات هزاتو و جاوبات و الابتسامة مافارقاتش وجهها لكن فورما سمعات الخبر تبدلو ملامحها لغضب و صدمة و حزن و دموع تحجرو ليها فعينيها، طاح ليها تيليفون من يدها و هي باقا فنفس الوضعية، قرب منها جسور بقلق و حط يدو على كتافها و ضورها عندو و شاف ديك لحالة لي هي فيها
جسور: شنو واااقع؟ مالك
عشق: (بصوت خافت و فيه بحة حزن) هرسولي يدي...
خلاتو واقف مافاهم والو و خرجات كتجري ماعاقلاش على راسها ، مهلة و كانت فطوموبيل و كون ما جسور لي لحقها دغيا و ركب حداها كانت مانعرف شنو غادي دير، كسيرات بسرعة و كتخطا طوموبيلات فلمح البصر، عينيها رجعو حومر و قلبها كيضرب ، جسور كيحاول يفهم مالها عيا يسولها و يكالميها ولكن مكتسمعش، بضع دقائق دارتهم ووصلات للكلينيك بسرعة و هبطات و هبط معاها كيجريو للداخل، دخلات كتنهج و كتشوف ف نيار و قصي قدام غرفة العمليات، ماقدراتش تزيد عندهم و تسولهم حدها وقفات حدا واحد الحيط و جلسات فالارض، أما جسور مشا عندهم كيسولهم شكون فالعمليات منين قالو ليه ارتورو بزاف د الاسئلة تحطو فبالو أولهم شنو دارت ديابلا هاد لمرة حتى دفع ارتورو الثمن، خرجات هبة من العمليات بعد ساعات بصفتها هي لي أشرفت على العملية، يالاه كانت اتهضر ووصلات عندها ديابلا بسرعة شاداها من دراعها و كتغوت بحر جهدها
عشق: قوووولي بلي هو بييخير قولي بلي نجحات العملية و مامااااتش
هبة:(كترجف) عشق تهدني انشرحلك كووولشي
نيار:(شد عشق) رجوع الله اعشق
عشق:(كتهز و تحط) وااااا طلق بربي حتى نريب علييييكم هاد لقلاوي واااا لاااا
هبة: رااااه مامااااتش هو ماماااتش اعشق غير تهدني
عشق: هو بيخير قوليلي بلي بيخير (بصوت هامس كيميل لترجي) واخا تكون غير كدبة
هبة: العملية نجحات ولكن هو باقي ماتجاوزش حالة الخطر
عشق: بغيت نشوفو هو محتاجني
هبة: مايمكنش ليك تشوفيه دابا غادي يدخل ل غرفة الانعاش
عشق: ماااكايهمنيييش بغيت نشوووفو هو عمرو خلاني و انا ماغاديش نخليييه كتفهمي
قصي: بنتي هبة شوفي كيف ديري خليها تشوفي ولا ماغاديش تهدن
هبة:(تنهدات) اوك خمسة دقايق فقط ، اجي معايا تلبسي لبسة باش دخلي
….مشات معاها و لبسات لبسة و دخلات عندو للإنعاش ضايرين بيه سلوكا و سيروم و ناعس على كرشو، قلبها تعصر من المنظر ديالو مارضااااتش تشوفو هكك و تمنات كون هي بلاصتو، ولفاتو واقف شامخ حداها مكيتهزش و دابا طايح فلفراش بين الحياة و الموت، قربات حداه و جلسات كتشوف فيه و مشا بالها لنهار عرفاتو، داك نهار لي تدمرات فيه حياتها و خلقات ديابلا ...
امرأة تدخن الرجال الجزء الثامن
محتوى القصة
التنقل بين الأجزاء