هزو راسهم مصعوقين ، كايشوفوه واقف عاقد حواجبه ، موجه نظراته ليهم ، بلعات خولة ريقها كاتفكر باللي أكيد غايكون سمعهم ، الصهدة طلعات معاهم بزوج حمارو ، وهو تمشى جيهتهم بختورية ، وبشوية عليه تا وقف عليهم ، وجلس وسطهم ، بدات خولة تفرك يديها بتوتر ..
عبد الله:مالكم سكتو زيدو كملو ؟!
خولة:أبي ان..
عبد الله:{بهدوء} شش الله يرضي عليك ، الا ماكنتيش غاتقولي لي كاين من الأحسن تسكتي حيت غانتقلق منك ،
هناء:{حدرات الراس} مكاين والو أبي ..
عبد الله: شنو واقع بيناتكم نتوما بزوج !
خولة:{بتعلثم} ل لا والو...
عبد الله: الكدوب لا ..
هناء:{عرفات باللي حصلو} مكاين والو آ أبي ، انا كنت كاندوي مع خولة وننصحها بلوسي ، وهي ماعرفت مالها ، مابغاتش زواج قلت باللي كاينة شي حاجة ..
خولة:{خرجات عينيها} كدااابة ، أبي ماتيقهاااااش ..
عبد الله:{هز يدو} ماترفعيش صوتك أبنتي ..
خولة؛{بصوت مغنغن} وراه هي باغية تطيح الباطل نسكت ليها ..
عبد الله:{شاف فهناء} عندك شي حاجة على هادشي لي كاتقولي ..
هناء:{بلعات ريقها} لا أكيد راه غير انا ختها وباغية ليها مصلاحتها هادا ما كان والله وبغيت ننصحها ..
خولة: مااتنصحينييش نصحي راسك ..
عبد الله:قال الرسول صلى الله عليه وسلم"الدين نصيحة" ، وعلاش ماتبغيش نصيحة..
هناء:{بانتصار} داكشي لي كانقول بغيت ننصحها وصافي ..
عبد الله:{بابتسامة هادئة} ولكن للنصيحة شروط ، تنصحي بالغوات نصيحة ؟! هادي مكاتبقاش نصيحة ..
هناء:انا باغية ليها الخير وبصفتي ختها الكبيرة كانبغي ليها غير الحاجة زوينة ولكن هي ماتقبلاتهااااش ، والله تا خاصها شي حل تقدر تكون مثقفة ولا شي حاجة الله أعلم ..
عبد الله:{عقد حواجبه شوية} اش هاد الهضرة ، شمن ثقاف مالها مكاتصليش ولا مكاتقراش القرآن ؟! ..
هناء:{لوات فمها} اممم اوا لا مكانش الثقاف يكون حاجة اخرى !!
خولة:{بانتصار} سيري المغياارة ، لقيتيني حسن منك ، والله تا كاتغاري ..
هناء:{تغرغرو عينيها} باش حسن مني باش نغير أصلا؟؟؟ ..
خولة:{ضحكات} هه بلا مانقول ..
عبد الله:{بغضب} خااااولة ، أستغفر الله العظيم ، آخر مرة نقولك سكتيي ...
خولة:{تكمشات} واخا أبي ..
عبد الله:{مسح على لحيته بهدوء} الغيرة وداك تخربيق عمر خاص يكون بين الخواتات ! ، الا كنتي قلتي هاد الهضرة باش نتعصب عليها ، هادشي ماوقعش غير ماشعلاتني عليك آ بنتي ،
خولة:وانا اش درت ؟! ..
عبد الله:{هز فيها عينيه} علاش خليتي ختك تغار ؟!..
خولة:{خرجات عينيها} شنو هه اويلي كيفااش ؟؟؟!
عبد الله:{بحكمة} الغيرة مكاتكونش غير فطرية في الانسان ، الغيرة كاتدخل للقلب بعوامل ، الا كان يحساب ليك كاين لي غاير وكاين لي مكايغير وكايتغار منو و علاش مثلا؟ انا نهار يجي عندي خويا ولا صاحبي ، مضيوم مخصوص من شي حاجة نقطع من لحمي و نعطيه , { آشار أصدره} حاجة ولو نكون محتاجها غير ياخد بصحتو مهم مايبقاش مقلق بلاصة ما نسكتو ب "اوا الله يفرجها " ايه بصح الله يفرجها ولكن تا نتا عرف تواسي ، ماشي تبين أن الحاجة لي ماعندوش عندك ..
خولة:انا والله ما ...
عبد الله:{حبسها بيدو} خليني نكمل الله يرضي عليك. ..
خولة:{حدرات راسها} واخا أبي ..
عبد الله؛مثلا صاحبي ساكن فسكن اقتصادي ، دارو على قد الحال ماهياش ، كايتقطر الما من السقف ، ولا باردة بلا قياس ! ، شنو خاص ندير فهاد الحالة ؟! ، اما حسن نقوليه تا حد مالقاها كي بغاها ، ولا نقوليه تانا ياله خديت واحد الكليمة اش نقوليك ، ولا لا انا عندي الدار سخونة ؟؟! ، واش ليها معنى ؟ ، نتي نهار تجي عندك ختك خاصها كسوة خاصها أي حاااجة وقفي معاها ، بلاصة ما تبيني ليها راسك فأحسن الحالات ، وفالواقع ممكن تكوني نتي مخصوصة كثر منها وعندك فراغ لي خلاك تباني عليها ! ..
خولة:{بلعات ريقها مقلقة} أبي والله مكانقصد شي حاجة ..
عبد الله:هادا هو المشكل كاتقصدي بلا ما تقصدي ، كانكون مع الإمام الشريف عبد الرحمان ، كايبقى يعاود ليا على الناس لي كايجيو عندو ، على قبل يلقى ليهم حل ديني ، مؤخرا جات عندو بنت {دوز يديه على لحيته} فالمفاد ان ليها صديقة كاتغار منها وهي عزيزة عندها فنفس الوقت قاليها وعلاش كاتغار ؟ ، عرفتي شنو قالت ، اولا حيت أنا زوينة عليها وقارية عليها ولي رزق كثير وميسورة الحال عكسها !! ضحك الامام وقال " والله يا ابنتي ، ماعرفت ما نقول هل هاذا بالمشكل؟ ، قالت ليه اه ، وهو يجاوبها المشكل منك نتي ماشي منها حيت كون ماكنتيش مغرورة وكاتبيني انك حسن منها هي اصلا مكانتش غاتحس" فهمتي المقصود ولالا ..
"ياله غاتدوي خولة وهي تقاطعهم شهقة قوية تابعاها تنخصيصة من القلب ، ورفعو عينيهم بدهشة كايشوفو هناء كاتبكي وكاتشهد ، وسعات خولة عينيها بدهشة عارفاتها غاتبدا تاني !!
كانت حاطة وجهها بين يديها كاتبكي بصوت عالي مضيومة ، كاتخرج شنو فقلبها من حزن ومآسي وبؤس ، تخلط عليها كلشي ، رجعو ليها أحاسيسها فاش كانت كاتجي وتلقى خولة محلية بأحسن الجواهر ، ولابسة أثمن الملابس ، كيفاش كانت كاتحس وهي ليها خمار كاتلبسو صيف وشتا ،، وصباطها المقشر ، كانت كاتتحرق كثر وهي كاتشوفها كل مرة مبدلة تيليفون وهي نوكيا مهرس اللي كاتملك ،
عبد الله:{طبطب على كتافها بأسف} حبسي الله يرضي عليك ويقوي إيمانك ..
هناء:{حطات يديها على صدرها كاتبكي} عييييت اناا عييت وتقهررت ومليييت ، كوون غير مت حسن من هااادشي ..
عبد الله:{عقد حواجبه} أعوذ بالله ، اش هاد الكلام ، مانبغيش نسمعو مرة خرا ..
هناء:{دموعها مابغاوش يحبسو} لفوقاااش لفووقاش ، بغيت نعرف اش درت فحياتي تا وقع ليا هادشي ، شكون صرفت فيه شر تا نتاقم ليه ربي مني ..
عبد الله: المؤمن المصاب كايبغيه الله ، وكايبتاليه ويقيس مقياس صبره ، ولكل صبور ثواب عند الله عز وجل ، ستغفري مولاك ..
هناء:{كاتحاول تسمح دموعها اللي هابطين كايجريو} أستغفر الله العظيم واتوب اليه ..
عبد الله:{تبعها بعينيه تا مشات} دابا مزيان ، قولي ليا آ بنتي آش عندك ؟
هناء:آ ودي اش نقوليك ، مانبغيش نشطنك معايا ..
عبد الله:الا ما هزيت عليك دقة انا لي باك شكون يهزها عليك ؟! ..
هناء:الله يخليكم لينا يا ربي ..
عبد الله:اللهما امين ، زيدي الله يرضي عليك كانسمعك .. واش على راجلك؟
هناء:{حدرات عينيها} وشكون من غيرو ، كانشوف طريقنا ممسلكاش ، موحال تا نكملو ..و
عبد الله: لعني الشيطان استغفر الله ، اش هاد الهضرة ؟! ..
هناء:{مسحات عينيها بكمها} عييت نعلو ونخزيه ، صبرت على قبل آية و زيد ، والحبيب ، دابا مانقدرش وصلت لحدي صافي ..
عبد الله:اش دار ليك ؟! ، ضربك ؟ خانك هانك؟
هناء:{بلعات ريقها وقالت بنكران} لا لا ، أبي سمير مكايخليني لا نخرج لا ندرج محجر على الفلوس مايطلقهم ..
عبد الله:{بهدوء} اش ديري بالخروج؟ كايجيب غير الفتنة ،؟! ..
هناء:الله يهديك راه كايقولو عصر السرعة هادا شكون باقي كايقول هاد الهضرة ، المرا ضروري تخرج ، تتقدا ، انا راه شهوتي نختار حويجات لوليداتي على دوقي ، نشري ميعنات انا لي نختارهم ونتولهم ..
عبد الله:والفلوس ؟! ، مخليك بالجوع وبلا حوايج ؟!
هناء:الماكلة كايتسخر الحوايج اش نقوليك ، مني انا معاه هاه {جرات جلابتها } كانعرف سيدي ربي وهادي ، عمرو يقوليه عقلو طل شويش على هاد المرا شوف اش خاصها ..
عبد الله:ودابا علاياش جبتوها؟!
هناء:{غززات فمها} الصراحة انا ..
عبد الله: درتي شي حاجة؟!
هناء:{بحرج} هزيت ليه الفلوس وخرجت بلا خبارو ..
عبد الله:الفلوس هاداك حقك ، ولكن الخروج ممتافقش معاك ؟! ..
هناء:مادرت هاكا تا كانت وصلات بيا العظم، مكايبغينيش نخرج ، ياله مؤخرا ولا شوية يخليني نوصل لهنا ..
عبد الله:هاد الموضوع ندوي معاه عليه ، ولكن عمرك تعاوديه !! ، فخبارك المرا لي كاتخرج من دار بلا خبار راجلها كل خطوة تخطيها كايلعنوها الملائكة تاترجع للدار ؟!
هناء:{بندم} والله تا ندمت ، وتا الفلوس ..
عبد الله:اللي غانقول ليك ماشي كانشعجك عليه !! ، ماشي حرام ، ولكن عيب ، فين عرفتي واش يحتاجهم؟!
هناء:ماهزيتش ليه من فلوس التقدية ، وهو زير عليا بزااف ، بغيت تانا بحالي بحال العيالات نخرج ونشري..
عبد الله:وهادشي علاش دابزتو؟
هناء:{حركات راسها بالايجاب} اممم ..
عبد الله:الشيطان دخل بيناتكم وكان ..
هناء:اودي شمن شيطان الا بقى هاكا موحال تا نكملو !!
عبد الله: لا إله إلا الله ، عطيني نمرتو بغيت ندوي معاه ..
هناء:بلاش والله ..
عبد الله:{بحزم} راه دويت ..
هناء:{بقلة حيلة جبدات تيليفون} هاك نفتي عليك ..
عبد الله:{قيد النكرة ولاحظ تيليفون كاع مشقشق} خااااولة خااااولة ...
خولة:{خرجات من الكوزينة عينيها منفوخين} نعام؟
عبد الله:جيبي ليا تيليفونك القديم ..
خولة:{بلعات ريقها} اا باقي كانحتاجو ..
عبد الله:{رفع حاجبه} اوا اري الجديد ! ..
خولة:اا لا انجيب ليك هاداك
{مشات طايرة للبيت معصبة مع راسها ، كانت ناوية تبيعو وقشعات من الطيارة انه ناوي يعطيه لهناء ، والمصيبة تقدر ترجع كاع داكشي القديم ، جبداتو كاتمشي وتمسح ، تا عيط ليها باها هبطات كاتجري بعدما مسحات كلشي ، وحطاتو فوق الطبلة ورجعات الكوزينة مفقوصة} ..
خولة:نتا لي بغيتي ... {سكتات كاتفكر ، كانت خارجة عند سهيلة كعادتها ، قضات معاها وقت فالضحك والتعاويد ، حتى بغات تمشي بحالها مع الدورة كاتصادم مع محسن ، لي طلب منها نمرتها ، رغم رفضها القاطع في الاول ولكنه أصر وحيت عارفة جيرانهم باغيين غير فمن يهضرو عطاتها ليه باش تتفك منو حيت مابغاش يتحرك ،}
خولة:{قلبات عينيها} ياله شديت الإجازة كانقلب على خدمة ..
محسن:اها مزيان .. لقيتي شي ولا والو ..
خولة:والو هاد ساعة ..
محسن:اوا مزيان ..
خولة:ممكن نسولك ؟
محسن:اهاه مرحبا ..
خولة:كيفاش تا مشيتي لفرانسا ..
محسن:{ضحك} هه ياكما باغية تمشي
خولة:{فنفسها:بحالا علمك الله} ههه غير سولت
محسن:هه مرحبا ، داتني ختي فاش كنت صغير ..
خولة:اممم وعندك الوراق
محسن:وي درناهم مع الوقت!
خولة:{بفضول} كيفاش توالفتي مع الوضع..
محسن:يكذب عليك الكاذب ! الغربة يمكن صعيبة ولكن مايمكنش ماتعجبكش ..
خولة:و ختك كانت تما ؟!
محسن: وي داها راجلها فاش ياله تزوجات ..
خولة:{بهمس,} شووف ليك المزهارات
محسن:اش قلتي ؟
خولة:الا والو ! واش باقي عايش معاها لحد الان
محسن:{ضحك} لا من نيتك ، غا جمعت راسي وشديت الحرفة وانا نكري دار وحدي ..
خولة: اممم درتي خير
محسن:اييه
خولة:وفاش خدام دابا ؟!
محسن: مع راجل ختي عندو كاراج طموبيلات
خولة:اوا الله يوفق
محسن: اللهم امين! قولي ليا اخولة كي دايرة الحالة الاجتماعية {ضحك}
خولة:كيفاش ؟
محسن:مخطوبة مرتابطة ولا ديال راسك ؟
خولة:ديال راسي هاد ساع ..
محسن:زعما مكاينش شي حد ..
خولة:كاينين شي ناس داويين فيا ولكن انا مابغيتش ..
محسن: و علاش ماتبغيش ؟
خولة:حيت لوس ختي ، وانا كانتفادا المشاكل ..
محسن:{بتردد} الا درت اول خطوة توافقي ؟
خولة:زعما تخطبني ؟
محسن: الا بغا الله !
خولة:{عضات على فمها} نوافق ..
محسن:ندوي مع باك ويكون خير ..
خولة{معارفاش واش زربات ولالا} صافي ..
غير سالات المكالمة ، حط البورطابل كايخمم ، حك لحيته بحيرة ، ديجا دوا مع مو عليها ، كان جوابها يسول عليها ويكون خير ، مكاين مع حسن من مول الحانوت ، الشخص لي عندو كاع ضواسا الناس ، جلس معاه كايدوي بعفوية ، ويسول بلا ما يعيق بيه ، سمعتهم سابقاهم خير الناس ، تما فين قرر يدير اول خطوة ويقنعها تعطيه النمرة ، يدي ويجيب معاها فالهضرة باش يعرف رأيها ، هز تيليفونو مدوز أبيل كاميرة لمو دقائق جاه الرد ، وجها المنور المبتسم كاتشير ليه بيديها ..
مغنية:الحبيب ..
محسن:{بابتسامة كايشير ليها} الوااليدة آش خبارك ؟
مغنية:{كاتقرب تيليفون من ودنها} الحمد الله آ ولدي الحمد الله على كل حال .
محسن:وا الحنانة خليني نشوف وجهك بعدي كاميرة ،
مغنية:{بعداتها} هانا هانا ..
محسن؛كي دايرة مع صحة؟
مغنية: راانيي لبااس وبصحيحتي ، فاش زرت بيت الله !
محسن:راكي فدار سامية ؟
مغنية: اييه ! عاد عرفت علاياش كاتجيو هنا و مكاتسخاوش
محسن: ههههه هي عجباتك فرانسا ؟
مغنية:ايه اولدي على بلاد النصارى شحال واعرة تعيش مرتاح
مغنية:ديما كاندعي معاك ، كانقول يا ربي سهل ليا كبدتي ، وفرحو ما توريني فيه ضر ، ويسر ليه حياتو ، ما يسكنو لا هم لا غم يا ربي الحبيب ، يا ربي يهديك لطريقو ، ويلاقيك ببنت الناس لي تليق ليك وتليق ليها ، ودير دارك تا نتا و وليداتك ، ربي الحبيب ..
محسن:{بتاسم بحب} الله يخليك ليا الواليدة ، وراه سولت على ديك البنت لي قلت ليك عليها .
مغنية: اوا تايانا سولت بهيجة ، لي كانت ساكنة حدانا قبل ما ترحل ..
محسن:اوا شنو قالت ليك
مغنية:ناس مزيانين الله يعمرها دار وباها من خير الناس ، مكايخرجش من الجامع ، ما شاء الله ..
محسن:{حك راسو} هادا ما قالو ليا ! اوا اش بان ليك
مغنية:توكل على الله ، بعدا دويتي معاها
محسن:{نكر} لا مابغاتش تعطيني نمرة ، سيدة مربية وبنت دارهم ، غير سهيلة دوات ليا معاها ،
مغنية:{صغرات عينيها} اوا اش قالت ..
محسن:اش تقول قالت ليها ، يقصد باب الدار ..
مغنية: مزيااان اوا هاكا يكونو بنات الناس ..
محسن:تانا ما قلت والو ، ندوي مع باها ويكون خير ..
مغنية:نتا راك زرݣ فالهضرة ! شوف سي عبد الرحمان
محسن،:شكون هادا
مغنية:الفقيه دالجامع ...
محسن:والله ما عرفت ما ندير !
مغنية:دير لي قوتلك عليه ، نجي إن شاء الله ونشوفو هاد الولية كيفنا هي وكيف عاملة فالعقلية دياها ..
محسن:صافي ان شاء الله .. راضية عليا الغالية؟
مغنية:راضية عليك المرضي ، ولايني شوف نقولك هاد العايلة الا عجپتْني هي هاديك ، ماعجبثنيش عا بلا ماتقولي هايدا ولا هايدا ، نشوفو الخلق دياها ويكون خير
محسن:{حرك راسو} وصافي الواليدة مايكون غير خاطرك فوق كلشي ، تعجبك ان شاء الله ، بنت داخلة سوق راسها ، وراك عارفاني ما زعمت تا شفت لي كاين ..
مغنية:دابا نتا تعرف ، نجي وتكون هضرة تانية ، ولكن سمع نوصيك ، هاد الهضرة ديرها حلقة فودنيك
محسن:اش تما الواليدة هاني كانسمع
مغنية:ماتديهاش معاك من العام لولي ! تا دوز بعدا واحد عماين ويكون خير ..
محسن:وايلي توصيني الواليدة كوني هانية..
مغنية:اوا صافي الله يرضي عليك تهلا فراسك ..
محسن:حتى نتي تهلاي ..
مغنية:{دارت ليه باي باي} ياله بسلامة الغالي
قطع مع مو وتنهد براحة ، وعارف نوعية دمو تعجبها خولة ، عزيز عليها الصواب و السترة ، وهادشي كاين فيها كايستنى غير تجي مو من فرانسا مع ختو ! و دابا غايخصو ينقز لمرحلة الجاية ويتكلم مع الإمام !
في اليوم الموالي ، مع اقتراب صلاة العصر ، خرج من الدار لابس فوقية ، حتى وصل الجامع كان باقي الحال شوية على الآذان دخل وصلا ركعتين تحية المسجد ، وناض شاف جيهة الامام اللي كان جالس شاد كتاب الله كايقرا فيه ، تحنحن باش يرد ليه البال وتمشى جيهته ، وفعلا لمحو الامام وقرا الاسطر الأخيرة..
الإمام:{سد الكتاب المبين} صدق الله العظيم ..
محسن:السلام عليكم ، سمحليا حيت قاطعتك..
الامام:{هز يدو} لا حرج في ذلك ، زيد جلس ، باقي الحال على الصلاة جيتي بكري ..
الامام:{بابتسامة صافية} الله ! ، نتا لي كنتي شاد طريق البحر ..
محسن:اه !
الإمام:{طبطب على كتفو} ما شاء الله ، سي محمد راه كان صاحبي ديال القلب ، شحال جمع معانا وشحال وقف معانا ، وحتى نتا كنت عاقل عليك فصغرك ، قبل ما تمشي لهيه تبارك الله ..
الإمام:يقدر الإنسان بتوفيق من الله تعالى يتغلب على بزاف من نزعات الشر ، فالزواج أغض للبصر ، وأحصن للفرج ، وهادشي بينو النبي صلى الله عليه وسلم .. بقوله : " يا معشر الشباب من استطاع منكم الباءة فليتزوج فإنه أغض للبصر وأحصن للفرج ... "
محسن:صدق رسول الله .. اححم بعد موت الواليد ، مكاينش شي شخص يوقف معايا ويرشدني ، كشخص كبير قلت نقصدك ونديرها فيد الله ..
الامام:{شاف فيه بتمعن} مرحبا ، شنو محتاج آ ولدي ؟
محسن:الا بغيتي طبعا ، تدوي ليا مع الأب ديال السيدة لي نويتها للحلال ..
الإمام:على الراس والعين ! ، شكون هاد السيد ..
محسن:الحاج الخضايري ، لي ساكن فالدرب الاخر !
الإمام:سي عبد الله ؟!
محسن:{حرك رأسه بالايجاب} اه ..
الإمام:{برضى} ما شاء الله عليك ، ختاريتي احسن الناس ، السي عبد الله والله شاهد على ما أقوله ، خير الناس ومن أحسن ما قابلت فحياتي ، معروف بأخلاقه وتدينه ، مكايخطاش الصلوات الخمس في المسجد ..
محسن:الله يبارك ليه ..
الإمام:اللهما أمين ، فوقاش تبغي نكلمه ..
محسن: احم كايجي فهاد الوقت الجامع؟
الامام:نعم بالتأكيد ..
محسن:بعد صلاة العصر الا بغا الله ..
الامام:مرحبا ..!
محسن:{قبل ليه رأسه} الله يحفظك اسي الشريف ..
الامام:{طبطب على يدو} الله يسهل عليك ، غانطلع نأذن ان شاء الله نخليك جالس ..
حرك رأسه بالايجاب وجلس تما كايخمم ، حتى بداو كايدخلو الناس ، رمى عينيه كايقلب تا لمحو داخل من بعيد كعادته ، راجل ذات هيبة ووجه يحمل الوقار ، بجلباب ابيض هاز تسبيح فيديه ، الله أكبر الله أكبر ، أذن الآذان بصوت كايبورش اللحم حتى سالا ، ولتاحق الامام شاد بلاصته ، وبداو الصلاة بخشوع تام من الجميع ، منظر جميل ونور شريف عاطي منهم ، حتى سالاو وانساحب الكل ، وقف عبد الله كايقاد طربوشه ، حتى وقف عليه الإمام بوجه وقور..
الإمام:تقبل الله منك صالح اعمالك ان شاء الله ..
عبد الله:اللهم أمين ...
الإمام:لباس عليك السي عبد الله ..
عبد الله: الحمد للّٰه والشكر له ، ونتا اسي شريف اش خبارك..
الإمام:{رفع صبعه للسماء} كانحمد الله .. عندي ليك شي هضرة الا جات على خاطرك ..
عبد الله:مرحبا تفضل لهيا ودي ماتحتاج مشاورة ..
الإمام:الله يعمر دارك اسي عبد الله ، قبيلة جا واحد سيد كلمني عليك ..
عبد الله:ياك خير ..
الإمام:كل خير ان شاء الله .. السيد بغا الحلال وقصد الدار الكبيرة ما شاء الله عليه ، طالب يد بنتك ليه ..
عبد الله:{شاف فيه} شكون هادا ؟!..
الإمام:{حرك راسه} انسان ماعندي ما نقول فيه صراحةً ، مثقف وواعي و راجل ونص يتعول عليه ، هو كايكون ففرانسا وخدام تما ..
عبد الله: ولد من ؟
الامام: ولد االفكانسي ، عرفتيه ..
عبد الله:{بعد تفكير} لهيا ودي هاد سيد من خير ناس كان حرݣ فصغرو ..الله يرحمو ويوسع عليه
الامام:اللهما امين يارب ..
عبد الله:دابا شغانقوليك ، الري ما ريي ، نشوف البنت ويكون خير ..
الامام:وعليه اسي عبد الله ..
طلعات للسطح مخنوقة هازة شبكة الحوايج فيديها ، فيها حوايج ولادها وبدات تنشر ، عيانة من ونݣير خولة ، وحتى راجلها لي ماعندها عليه خبار وفكلتا الأحوال يوقع لي يوقع الطلاق مساهلش وكلامها ما خرج من قلبها ، كملات نشير وتوجهات للحيط كاطل حتى سمعات صوت كايعيط ليها ..
الجارة:العايلة العايلة ..
هناء:{تقلبات} معايا ولا؟
الجارة: اه معاك نتي قربي نقولك ..
هناء:{قربات} هاني ...
الجارة:{بابتسامة} كي عاملة بيخير ؟!..
هناء:الحمد الله !!
الجارة:كمعقلتينش؟
هناء:{صغرات عينيها} شوية واها ..
نجية:انايا نجية اللي قرات معاك ف الابتدائي الا عاقلة ..
نجية:انا الراجل دياي تعرفت عليه ف واحد العورس ، شافني وعجبتو وجا لدار با خطبني اوا يانا راني خرجت وراك من القراية غير بعام مشابعاشي قراية ومواعياشي ، اوا تجوجت وسكنا فالعروبية ، من سيمانة لولانية نوضناها مع بعضياتنا السبب اش والله ما عرفت ، والعݣوزة ظل تبكي معايا وتواسي ، حيت السيد تقلب ولا باغي ليا عا سبة وصافي ، ويانا هادشي عصبني راني بالكرامة ديالي الحامد الله ، ماعجباتنيشي ديك الحالة لي كنت فيها ، وكاتجي واحد البنت عندنا مرة مرة ، كاتقولي عݣوزتي راها بنت خت راجلها تخيلي معايا البنت تجي ديما ديما وانا كانشوفها عيقات وكادجي عا فالوقيتات اللي كايكون راجلي فالدار ، دويت مع عݣوزتي قلت ليها راه ماشي عدل ، خاص تحشم شوي على راسها ، قالت ليا ماتخافي من شاي راها ختو بالرضاعة ..
وهناء:وهي بصح ختو ..
نجية: عا خليني نكمل ليك .
هناء:اوا زيدي..
نجية:اوا يا الحبيبة ديالي فاش قاتلي راها ختو بالرضاعة ، قلت ما عليش وهدات فيا دار نار لي شعلت فيا ، مع كادوز 21 يوم من زواجي ، سيد صافي عرفتي واحد الحالة ولا فيها صافي كانحوسو نعطيه شي موس يخشيه فيا ، بكثرة ديك الكره لي شفت فعينو ، واحد نهار جا وقف عليا وقالي صافي انا مابغيتكشي ، سيري بحالك عليا ، قولت ليه اش هادشي كادقول واش من نيتك ، قالي لي عندي قولتو مانعاودشي الهضرة ، قلت ليه وناس اش يقولو عليا ؟! , رد عليا ضبري راسك انا خارج سوقك ، لقيت انسانة ياخرا لي دفهمني ، عرفتي راكبيا فشلو عليا بالصدمة ماقدرتشي نتحرك من بلاصتي قوتلو شكوناهي هادي؟! ، قالي حليمة ، عرفتي فديك اللحظة بغيت نموت فبلاصتي كانقول ليه كيفاش حليمة يا ختك فرضاعة قالي مشي يا الحمقة شمن ختي ، هادي راها الخطيبة ديالي ! ..
هناء:ويلي ويلي ! اياو ضحك عليك ..
نجية:{بحزن} اوا ماشي لخاطرو اختي اقسم بالله ..
هناء:علاش ماشي لخاطرو ؟
نجية:سحرت ليه الكافرة بالله ..
هناء:و شكون قالك سحرات ليه ؟!..
نجية:واحد المرا كادجي ديما عند مي ، قالت ليها البنية ديالك ماهياشي ، عرفتي كانت حالتي وليت صفرة ورقيقة كي العود الله يستر ..
هناء:عارفة نتي غير قولي ليه حيت الى عرف ضربتيها بالمدلك ايضربك !
آية:{بخوف} ناء صافي نقونها نيه ..
هناء:اوا الله يرضي عليك ..
واقفة بزز حاطة ثلج على راسها وعينيها ، مقادراش تحلهم وراسها دايخ حاسة بالحݣرة وكلشي تخلط عليها ، تا سمعات سميتها كاتردد فأركان الدار ، حلات عين بزز ، ودوخة شادة فيها بزز قدرات تميز صوت باها ناضت لبسات بانطوفتها ، بوجه صفر مابقات فيه تا نقيطة دم ، وخرجات من البيت فين كان جالس باها هاز فرجليه حفيدتو وخوتها جالسين حداها كانو مع باهم ياله دخلو ، اما آية مكانتش بغات تخرج معاه ..
عبد الله:{عقد حواجبه من حالتها} لا إله إلا الله اش هاد الحالة؟
خولة:{بغات تبكي مقاداش} أبي شووف اش دارو لياا ..
عبد الله:هنينا واجي جلسي ..
خولة:{جلسات قريبة ليه} نعام أبي ..
عبد الله:علاش ضربتي بنت ختك ..
خولة:{بعبوس} هي بدات ترون ليا كوزينة ..
عبد الله:ومن بعد ؟ البنت قدك تتجابهي معاها..
خولة:اابي راها كاتقلب المواعن دويت مع مها مابغاتش تدوي معااها وأصلا شمن ضرب ؟ راها بزقات وسط وجهي حاشاك ..
هناء:لا كداااااابة اقسم بالله تااا كذابة هي ضربات ليا بنتي ، وانا قلت ليها علاش وهي تجرني من شالي وهانتا ها القمشة {ورات ليه قمشة فجيهتها} بالدليل وبنتي صغيرة ماتعرفش دارت عقلها فيها ، وجرات وراها تا طاحت على العتبة دالباب ..
خولة:وكاااتحلفي ااكااافرة ؟ ماااحشمتيييش ؟ ، والله ما طحت ..
هناء:طحتييي ..
خولة:مااااطحتتتتش نتي ضربتيييني ..
عبد الله:اواااااا هنيونااااا ...
خولة:{تكمشات} ..
عبد الله:نجيب القرآن تحلفو عليه ؟ ، واللي حصلتها كاذبة اقسم بالله نهارها ما يطلع فيه الشمس الله عز وجل كبر من حلوفكم الكاذب ..
خولة:{حركات راسها بنفي} لا لا ماتجيبوش ..
هناء:{بثقة كاذبة} جيبووو ...
خولة رجليها فاشلين عليها ، حيت ماتقدرش تمس القرآن لان فيها الحيض ، دموعها هبطو وعينها كاتوزوز ، وراسها ثقيل ، تا رجع باها بملامح هادئة كايستغفر مولاه ، هاز كتاب الله بين يديه بود ، كأنه هاز شيء بااهض الثمن وغااالي ، يمكن ماشي ماديا لكن معنويا وكقيمة يفوق كل مال العالم بأسره حطو على الطبلة بهدوء ..
عبد الله:ياله شكون تحلف !..
خولة:{حركات راسها كاتبكي} أقسم بالله مكانكذب ، الله يعطيني الموت الا كذبت ..
عبد الله:اوا ها القرآن حلفي ..
خولة:{بقهرة} مانقدرش مانقدرش ..
عبد الله:{شاف فهناء} نتي حلفي ..
هناء:{فنفسها: يا ربي تسمح ليا غير هاد المرا} اقسم بالله العظيم انني مكانكذبش قدام هاد الكتاب المبين ..
عبد الله:{هز يدو ونزل على خولة للحنك لاول مرة فحياتو}لعنة الله عليك ! كاتحلفي بالله على الكذوب ؟ ، عارفة شكون هو الله ولالا؟ ..
خولة:{شهقااات بحرقة} الله يعطيني الموووت والعمااااا يا ربي الا كذبت ظلمتيني ..
عبد الله:{بغضب شديد} كاتحلفي بالله على الكذوووب دوييي ؟؟ واش انا مربيكم كانسعى ندخل على ودكم جنة بغيتو ترجعوني لنار ! عارفة عقوبة الحلف بالله كذبا ولالا ؟ عارفة ان الكاذب باسم الله ! أوجب الله له النار وحرم عليه الجنة ..
داز الليل و صبح الصباح ، بدون ماتغمض خولة عينيها شبعات غير بكا بالفقصة والحݣرة وتصرفيقة باها ، كلشي تجمع عليها مع هي ففترة حساسة ، حاسة بقلبها عامر وخاص تخويه , وترجع دقتها كاملة مكمولة ، فنفس الوقت مجروحة من جيهة باها بزاف ، حيت فحياتو ما رفع عليها صوتو ولا مد يدو ، مبدئه كان الحوار دوما ، لكن فعلا الدين خط أحمر بنسبة ليه ، مايبغيش ليها الضر ، غسلات وجهها راسي بغا يطرطق وعينيها صبحات زرقة ومنفوخة لدرجة كبيرة لا بقلة النعاس ولا دقة لي مكانتش سهلة ، هبطات التحت على غير عادتها بشعر معنكش وحوايج مقلوبين ، كان باها جالس قدامو كاس دالقهوة ، حيت خولة تعطلات ما هبطات هناء تكلفات بالفطور وخرجات تقضي حاجة ...
خولة:{بلا سلام ولا كلام} بغيت ندوي معاك ..
عبد الله:{شاف فيها بهدوء} وعليكم السلام ورحمه الله ..
خولة:{بلعات ريقها} نسيت..
عبد الله:{حرك راسو} جلسي ..
خولة: بغيت ندوي معاك على زواج !!!
عبد الله:تانا بغيت ندوي معاك على هاد الموضوع ..
خولة:{تنهدات}شنوو؟
عبد الله:تقدم ليك سيد آخر !
خولة:شكون هادا ؟
عبد الله:واحد سيد كايكون ففرانسا ..
خولة:{عرفاتو شكون} اوا ؟
عبد الله:{بهدوء} عندك زوج اختيارات ، يا تدي العسكري ولا لي كايكون فالخارج ...
خولة:{مخنوقة} اللي كايكون فالخارج !
عبد الله:مأكدة؟
خولة:{حركات راسها بايجاب} اه متأكدة ..
عبد الله:والصلاة على النبي ! مكاينش رجوع فالهضرة ولا تحاشيمة مع ناس ..
خولة:{بنظرة حزينة} بغيتي تهنى مني ؟
عبد الله:بغيت نتهنى عليك ..
خولة:كاتشوف راحتك فزواجي ؟
عبد الله:كانشوف راحتي فراحتك ، ونهار ديري دارك حسن مايضربوك الحيوط..
خولة:{بحزن} البارح ضربتيني ..
عبد الله:والا عاودتيها نضربك ..
خولة:ولكن انا مادرت والو ..
عبد الله:شش ماندويوش فهاد الموضوع غير يعصبني ..
خولة:{حابسة دموعها} كلامك الكبير أبي ..
عبد الله:ياله سير قادي قهوة ..
خولة:{مسحات عينها} وهادي ؟
عبد الله:{بغا يجبر خاطرها} مكايدوزش عليا صباح على قهوتك ..
خولة:{بتاسمات بحزن} ياك بعدا ..
عبد الله:خولة بلا ماتقلقي مني ونتي عارفة معزتك عندي خاصة شوية ، واش انا نمد عليك يدي ؟
خولة:{حدرات راسها} ولكن علاش تيقتيها وانا لا ..
عبد الله:هي حلفات على المصحف ونتي لا ..
خولة:عندي اسبابي ..
عبد الله:صافي الله يسامح ماتبقايش مقلقة من باك !
خولة:{باست يديه} عمري نتقلق منك ..
عبد الله:{بابتسامة لينة} ياله قادي قهوة وشي فطور ليك ولولاد ختك ، راه كايبقاو ولاد صغار مدارو والو ..
خولة:{بتاسمات} واخا أبي ، كون هاني ..
فمكان بعيد بالقليل ، لابسة جلابتها ودارت طربوش خولة لقاتوو قدامها ونظاظر ، حاطة شال على فمها باش مايعقلها حد ، ووصلات لواحد الدار غير حطات فيها رجليها قلبها تقبض وتزير بالجههد ، تجاهلات دقات قلبها و دقات ، قبل ماتتفاجئ مع الدقة مع الحلة قلبها ولا كايشطح بالخوف ، تحلات الباب غير شوية مبان حد وتسمع صوت عجوز كايصدر الازعاج فالودنين بسبب الرقة والحدة ديالو ...
المرأة: سمي الله وزيدي ! نعثو لك ولا قاصداني
هناء: ({ قلبها كايضرب } إلا بغا الله منعثة
المراة : زيدي تبعيني قلبك عامر اخيتي!
الرجوع الى مليلية ، صوت سكون الليل ، في الداخلية الكل نائم ، من غيره هو اللي عازم على قرار وشاد فيه ، حل نص عين كايسمع الطلاب لي معاه ناعسين كايسخرو رمى الغطا وناض بشوية كايحاول ما يصدر تا صوت ، توجه للطاولة حاضي الحارسة اللي كاينة فالباب ناعسة كاتشخر ، باغي يتأكد واش ناعسة بصح ولا لا ، دار راسو غايشرب الما شرب وعينيه كايلعبو ، حتى طمأن انها نائمة 100 ٪ ، ورجع ادراجه للطواليط اللي كاين تما هاز موس ، وسد عليه الباب وطلع فوق كرسي المياه ، كايخمم كيفاش يحل الشرجم بدون مايهرسو ، بما انه غير بزجاج والخشب فالجناب، دخل الموس بين الزاج والخشب وبدا يطلع تا حس بالسرجم كايترعد دليل على ان الزجاج غايطيح ، طلع يديه الصغار وجرو ، تاسمع حركة من وراه قلبو دار زداااف ..
......:اش كادير هنا ..
عثمان:{تقلب عاد تنفس براحة} آحمد خلعتيني ..
أحمد:فين غادي ؟
عثمان:دوي بشوية ، انا غانخرج بحالي من هنا تقهرت ..
أحمد:{بهمس} ديني معاك الله يحفظك !
عثمان:اشمن نديك من نيتك ! ، وواليديك ؟
أحمد:{بغصة} شمن واليدين ، عايش معذب ديني معاك ..
عثمان:{غمض عينيه} واخا واخا ، زيد شد معايا ..
أحمد:{حرك راسو} اش ندير ؟
عثمان:حاول تزعزع الزاج من ديك جيهة ..
أحمد:واخا !
طلع معاه كايحاولو يجروه بكل جهدهم بدون مايصدرو اي صوت ، حتى نجحو عاون عثمان أحمد تا نقز للجهة الأخرى ، عاد طلع هو ، وملاحظش طرف زجاج صغير لاصق تما تا جرح يديه ، عض على فمو وعينيه تغرغرو مابغاش يصدر صوت ، نقز تا هو ومايجي غير على رجلو صدر آااه خافتة شاد على ركبته ، وصاحبو كايشوف معاه بقلق ، حتى لمحو ضوء قريب ليهم كايتضرب ، يبدو ان التنقيزة صدرات صوت ، شد أحمد عثمان وهربو كايجريو نقزو مع الحيط وعطاو رجليهم للريح وعثمان متكي على أحمد برجل وحدة كايحاول يجري محارب الآلم الفضيع لي كايحس بيه، ومع البحر قريب ليهم وصلو لتما وجلسو تحت الصخر ، وعثمان حاط يديه على ركبته ، والآلم كايتزاد كان لابس سروال ، طلعو تا لركبة ، كايشوف العظم بحالا تزعزع ، عصر عينيه حابس دموعو ...
....:{صوت قريب منهم} هيييه اش كاديرو هنا ؟!
عثمان:{تقلب جبينه كايقطر بالعرق} شكون نتا ؟
.....:{صغر عينيه} مغريبي؟
عثمان:{حرك راسه بالايجاب}
....:مممم اش كاديرو فهاد الوقت هنا!
أحمد:اا جينا نشمو الهوا
...؛عليا انا؟!
عثمان:{بشجاعة} ونتا اش كادير هنا ؟
.....:{رفع حاجبه} بغيت نمشي لاسبانيا !
عثمان:{بثقة} تا حنا !
....:{ضحك باستهزاء} وايلي ! كاين الحبة؟
عثمان:كاينة !
....:شحال !
عثمان:{بذكاء} اللي تحتاجو !
...:{حك ذقنه باهتمام} مطور مع راسك !
عثمان:اش قلتي! كاين شي ولا نشوفو جيهة اخرى !
....:تا ريح اصاط شمن ! اللعاقة كاينة ! مرحبا ، زيدو تحركو 15 دقيقة شرطة البحر تجي ..
أحمد:مقسح فرجلو !
....:نعاونوه لهيا ودي !
عثمان:{عقد حواجبه بحيرة هامس لصديقه} كاين شي حريگ بين مليلية واسبانيا ! اش كايخور .
أحمد:شش ، المهم هو نمشيو من هنا ماتفكرش بزاف ..
جا رجع عندهم ، وعاون عثمان يوقف ، هو ماشي بحال ولاد الوقت مكاتبانش عليه 14 خصوصا طلع طويل وسميين ، ركبهم فالزوارق مع جوج دراري اخرين جبد ليه عثمان فلوس كان خازنهم ، سارقهم لباه فآخر مرة مشا فالعطلة ، ونطالقو مع كايغطسو كثر مابقاو كايشوفو والو غير ضبابة ، بقى غادي بيهم كثر من نص ساعة حتى وصلو لواحد البلاصة فيها الرمال ، وقف القارب ..
.....:ياله الله يعاونكم !
عثمان:{عقد حواجبه مآلم} من نيتك هادي اسبانيا ؟
.....:{بخبث} اه ..
عثمان:{ممتيقش} علاش ماهنا لا حراس لا والو مايمكنش !
.......:{دفعهم تا طاحو على الرملة} تلاحو ساعتي سالات فلوسي شديتهم !
بقاو. كايشوفو معجبين ، وهاداك تحرك كايضحك ويغوت عاد صرات معاهم انه ضحك عليهم ، ولكن كيفاش مافهموش بقاو كايدورو فداك الليل ، قلبهم كايدق بالخوف خصوصا معارفينش فين هما ، حتى دازو على واحد سكايري شاد القرعة وكايغني بالدارجة المغربية ..
السكايري: اللييل يااا الليل ااااه الليل ياااا الليل !
عثمان:{خرج عينيه} Noooo Marruecos !!
شهقات قلبها قرب يوقف بالخلعة ، و مات ليها ديك المرا ماقدرات دير والو ، تبعاتها رجليها كاينعسو عليها ، ويديها راجفين ، حتى دخلو البيت مع الدخلة شهقات ، من كمية الحروزة ، والكتابات على الصور ، طلعات نفس وشعر جسمها وقف حاسة بالغاشي معاهم فالبيت ..
المرأة:{بطيبة} جلسي آ بنتي ماتخافي من والو ..
هناء:{ومات ليها كاتجرف} اممم ..
المرأة:{بدفئ} يمكن خلعتك ، سمحي ليا وكان ، انا مرا كاتسعى للخير ماشي انسانة خايبة .ظظ
هنا:ء{تنفساات بعمق} مم ماشي مشكل ..
المرأة:{هزات عينيها بطريقة غريبة} غير دخلتي الحومة ، عرفت قصدك ليا ..
هناء:اه..
المرأة:لاش جيتي لهنا ..
هناء:{بإستغراب} اححم ، جيت نشوف على راسي و راجلي ووليداتي ..
المرأة:مرحبا ، سميتك سمية مك ..
هناء:هناء بنت فاضمة بنت عبد الله ..
المرأة:ماسولتكش على باك ..
هناء:{فركات يديها} ككيفاش؟
المرأة؛حنا مكانسولوش على الاب ..
هناء:{مابغاتش تزيد تسول} واخا ..
المرأة:عندك شي تصويرة حسن ؟
هناء:{حركات راسها وجبدات صورة من صاكها مع ولادها} ها هي ..
هزات الشوافة سطل فيه ماء بارد ، حطاتو بين رجلين هناء ، وكبات الرصاص ذايب فالما ، حتى طلع منو فوار وستنتات شوية حتى بردات قطعة الدون، وهزاتو من السطل ، وبدات تشوف فيه مدة طويلة كأنها كاتقرا فيه ..
المرأة:{هزات عينيها بسرعة البرق} اهيا بنتي ، اش عندك هنا ..
هناء:{حركات راسها بخوف} شنو
المرأة:{بصوت رخيم} حاجة قبيحة ترشات فباب دارك ! ...
هناء:{شهقات بصدمة} كيفاش ؟ شنو هادي
المرأة:مانقدرش نقول ، ولكن حاجة قبيحة من النجاسة ، دارو ليك على التفريق ، والراجل لي تكون كلمتو مسموعة!
هناء:شكون هادو ..
المرأة:{كاتكتب فواحد الورقة بخط غير واضح} امم مانقولكش ، غير ردي بالك من العقارب لي كادخلي لدارك ..
هناء:مكايجي عندي حد ، واش من العائلة ..
المرأة:الغريب كايدخل ياكل ويخرج بحالو عكس القريب ..
المرأة:تنوضي قبل منوو تهزي قطعة السكر ، دوزيها ففمك وحطيها فالبراد دأتاي !
هناء:اويلي ..
المرأة:الا بغيتي حل !
هناء:واخا ..
المرأة:و رخي شوية فمك ، ونتي تطلقي غير السم ..
هناء:{حركات راسها} واخا ..
المرأة:رجعي عندي ورا شهر ..
هناء:واخا ..
المرأة:{ميقات} فلوسي يكونو مكمولين ...
هناء: ان شاء الله ..
خرجات وهزات داكشي ، كاتقرقب بسنانها ، بحالا غمة تكونات على قلبها ، دارت نظاظر ودازت من داك الشارع ، مراداش البال العينين اللي مترقبينها ، مصدومين من وجودها فهاد المكان ..!
صوت الغوات كاايتسمع من الدار ، غوات مقهور ، وصياح يقهر القلب ، دموع منسكبة على الخدين ، وجه حمر مقموش وغوات مجنون كايصدر منها ، ولو يكون قلبك من الحجر قسح ، غاتبقى فيك هاد الام الحزينة وهي كتناشد ربها برجاء ...
رقية:{مخلوعة كاتبكي} مّا مّا {قربات عندها كاتمشى تا قاستها}
سناء{مخها مبلوكي دفعااتها بكل قوتها} بعديي منييييي ...
جابتها فالارض كاتبكي بالجهد طالقة زݣوتها ، شد أحمد راسو مخنزر فيها مباغيش يفوت فيها شي دقة ، حيت عارفها محاساش براسها وماشي ساهلة تفقد ولدها ، بلا ما يحس تحنا عند بنتو وهزها ببطئ فحضنه ، تا صعقه الضوء مشوكي كايتفكر آخر مرة هزها فيها ، طبعا معاقلش رائحة طفولية تسللات مع قلبه قبل نيفه ، زاد ضمها بدون ما يحس ، تا سكتات كاتشعبط فصدرو وهو واقف مبلوكي ..
دازو أيام قليلة ، سمير مكاين تا خبار عليه وكاتقول لولدها يدير شي سبة يصوني ليه والو كما أنها دارت الواتساب و عيطات ليه منو لكن والو نهار جديد و طلعات من الكوزينة هازا كاس دالما تديه لولدها اللي صدعها ، حلات الباب وشرعات معاه عينيها ! جرااات عند ولدها اللي كان جالس فالارض فيدو قرعة الما كايشرب فيها وماشي أي قرعة ! قرعة كانت حاطة فيها داك الكتابة أو الحرز اللي عطاتها ديك السيدة اللي مشات عندها حسات بالعرق هبط مع ظهرها ، جراتو من يدو داياه للحمام كاتنفس بخوف و توتر شديدين ...
صقر كايشوف فيها وهي كتنفث النار من جيوبها الأنفية ، خايفة يمرضوو ولا شي حاجة حيت مافيهش اللعب ولكن الذنب ذنبها اللي خلاتها فطريقو حطات يديها على صدرها اللي تزير، وعطاتو قرصة ففخضو تا طار ونزل و خرج من تما كايجري ، ردات النفس معصبة ! وهبطت التحت عند باها كاشفة على وجهها اللي تداوا من الجروح اثار خفيفة ديال القميش اللي قمشات راسها هما اللي بقاو ولكن رجعاتها فبنتها ...
هناء:السلام !
عبد الله:وعليكم السلام ..
هناء:{جلسات حداه فالصالون} تشرب قهوة..
عبد الله: لا آ بنتي ولكن ديريها لراسك الا بغيتي ..
عبد الله:والله مافنيتي ا بنتي ، الا محتاجة شي حاجة قوليها ماتحشميش ..
هناء:تا نحضر بعدا ! ماشي حشومة ختها الكبيرة و معاها فنفس الدار و مقايلة ليا أنها غاتخطب !
عبد الله:أش غانقوليك آ بنتي !!
هناء:ولوسي ؟
عبد الله:الله يجيب ليه بنت الناس تصونو !!
هناء:{حطات يديها على راسها} وفين ندير وجهي مع ناسي ياك هو سباق !
عبد الله: خاطرها و ما بغات مايمكنش نبززو عليها شي حاجة بحال هادي !!
هناء:{عينيها ولاو حمرين} علاش هي و ماشي حنا ؟
عبد الله:{عقد حواجبه} كيفاش ؟
هناء:{عينيها معميين} عقلتي واش عقلتي كيفاش زوجتينا أنا و سناء بلا ماتشاورنا {عينيها تحقنو بالدموع} يمكن انا شوية و هي ؟ عقلتي كيفاش كانت كاتبكي وطلبك ماتزوجهاش ؟ و دابا وليتي مكايس عليها هي ؟ دابا عاد فاق ليك الضمير ..
عبد الله:{صدرو تزير عليه} الله غفور رحيم !!
هناء:الله غفور الا غلطتي بينك و بينو !
عبد الله:{حدر راسو الأرض} يا ريتني مت حسن ما ندير اللي درت نعطي عمري كون يرجع الزمان اللور ولكن مافيديش ، مابغيتش نزيد نظلمها كيما ظلمتكم ! ونتي خاصك تفرحي ليها حيت هي بعدا مالقاتش نفس مصيركم !
هناء:عمري غادي نفرح ليها !! الحالة اللي أنا فيها هي اللي تستاهلها ماشي أنا !
عبد الله:أستغفر الله! أش هاد الهضرة..
هناء:{شمرات بنيفها} أنا مغاديش نحدر لهادشي اليوم نرجع لدار راجلي!
عبد الله:الا كنت عندك عزيز ماتمشي حتى تفوت الخطبة !! والا ماكانسوا عندك والو طريق السلامة !
هناء:ولكن !!
عبد الله:{ناض مجروح منها} اللي عندي قلتلو ..
تبعاتو بعينيها كي غادي حادر راسو عاد بدا كايسرا معاها كلامها ، كأنها اصابته فالمقتل بهضرتها ، الندم تسلل لقلبها وهو غادي راسو فالارض الندم كاينهش فيه ، عينيه تغمرو ولكن تحكم فراسو وتمتم
عبد الله:أستغفر الله
جالسة فالبيت قلبها حاكها معاجبها الحال كاع , خطابة ختها يا حسرة وما ردات الاخبار تا بقى ليه نهار ، نسات الخصام ونسات كلشي هزات تيليفونها معيطة راجلها معصبة ما ناوية تزيد هنا دقيقة ، دقائق كاتصوني وهو كايقطع عليها ، دخلات الواتساب مصيفطة ليه اوديو
هناء:علاش كاتقطع ؟! جاوبني دابا ضروري !!!
سمير:{دخل شاف الاوديو} Vu
هناء:{شعلات اوديو كاتنفث النار من نيفها} مابغيتيش تجاوب ضبر راسك ، اوا سمع آ سيدي قاليك ابا مرحبا بيك لخطوبة خولة !
سمير:{صونا ليها فالحين} شمن خطابة تاني ؟!
هناء:{مغددة} اوا على سلامتك الحبيب ..
سمير:قولي أش تم من الهضرة ؟؟ كيفاش الخطبة ؟ و خويا ؟!!
هناء:{ضحكات} لهيلا قالك شكون داها فيك الحريرة نهار العيد واش هي تخلي ولد فرانسا برزقو وتدي عسكري؟
سمير:{مراضيش} ومالو العسكري بمية راجل ؟ هاد باك مراضيش بينا ولا كيفاش ؟
هناء:أش كاتقولي أنا ؟ على شاوروني ولا داو بريي؟ هياااا لي تتختار و تشرط
سمير:ونتي تا دابا عاد داوية ؟؟
هناء:اليووم عاد سقت الخبار اسيدي مولاي ...عااد الخطيب عائلتو وصلو من فرنسا وجايين الليلة
سمير:دابا تجمعي حوايجك نلقاك هنا باقي تعتبي لتم رجليك يتحشو !!
هناء: كفاش نجمع قشي ؟ ندير شوهة لاختي ؟
سمير: الا باغة ختك تزوج وانتي طلقي جلسي تما !
هناء : آجي ديني
سمير : تديك الموت نتهنى من كمارتك ! برب العزة ماتجي دبا ؟ حتي القاضي لي يفرقنااا
قطعات ليه فوجهو كاتنفث النار معصبة ، هادي ما كانت على البال ، هي ناوية تزوجها لوسها العسكري ، تعيش كي عاشت هي وكفس ، بوحدها اللي تعيش البخل ؟ ، جمعت حوايجها و تتسب نهار جات تسحر ليه شربو ولدها؟ لا كلام نفع معاه لا شوهة نفعت معاه ، خرجات وهي تتسمر كاتشوف خولة واقفة مع واحد المرا و جنبها السخرة من الكاطو الى اخره ..
هناء : ( تتنادي على ولادها ) يلاه باباكم برا
خولة:{باستغراب} فين غادة ؟
هناء:{عقدات حواجبها} و سوقك اختي؟
خولة: اها سمحيلي !
هناء:لاش هاد الكراطن شي مناسبة هادي ؟
خولة: اشمن مناسبة ؟ مكاين والو غير بعض التقدية ديال الشهر ...
هناء:{تتفاد حجابها } بصحتكم الالة الله يزيد ويبارك
خولة:{ببرود هزات حاجب} مع السلامة احبيبة
بقات واقفة تمشات و تبعات ديك المرا اللي جابت الكوزينة ، باش هي تتكلف بالطياب وغسيل المواعن ، ورات ليها الحوايج اللي غاتحتاج فين كاينين وطلعات الفوق لبيتها تكمل ما بدات ..اما هناء تبعت كلام راجلها و مشات دارها! دارت قضية اهبل تربح ، ياك خاوبة ماقالت لها خطوبة؟ اباها ماحاشا ليها ؟ اوا الضد هيا مولاتو دخلت دارها ، ريحة الغبرة كاتعطي من الباب ، والدار مقلوبة سفاها على علاها ، حطات يديها على جبهتها غير الشوفة شداتها الفشلة ، ما حيلتها ل الروينة و التمارة اللي تابعاها ولا الخطابة اللي سمحات فيها ، دخلات ولادها البيت سدات عليهم ، حيدات حوايجها لبسات بيجامتها و عقدات زيف على راسها و بدات التنظيف تا دخل عليها مشربن !
سمير: سمعي مزيان شنو غانقوليك و هاد الهضرة تدخل للراس وتطبق !! ديك دار باك عمرك باقي تصطمي فيها فهمتيي ياك ختك فضلااات داك خينااا على خوويا ! يعني داك العرس اللي ماتمشيش ليه بغيتي تجلسي فدارك معززة مكرمة مرحبا ؟ مابغيتيش اللي بدا يسالي ، ااه و نزيدك !! باقي يوقع بيناتنا شي مشكل وتهزي ولادي وتمشي لدار باك ماتحتاجيش باقي ترجعي لهنا فهمتيييي ؟
هناء:{حاطة راسها الارض} صافي واخا
فالدار عند محسن بعد ثلاثة أيام وصلو فينا مو وختو من فرانسا و هيؤو راسهم الخطبة ! ، جالسين فالصالون مزيزين على الحالة ، الحاجة مغنية بلباسها الكامل بيض حيت ياله جات من بيت الله ، وختو بغوب تحت الركبة فالموف طالقة شعرها و بنيتها الصغيورة تا هي بغوب ديالها ، حاطين قدامهم كراطن فيهم كل خير من تمر وغيره ، وكادوات نسائية من ماكياج وروايح جايين من فرانسا ..
محسن: ها هو التحت ! نمشيو على رجلينا حسن بلاش طوموبيل !
سامية: الاا قالك نمشيو فالطوموبيل ..
محسن:راه غير درب واحد !
سامية:واخا هاكا يتهرس ليا الطالون ديالي ! وزيد عليها راه مانقدوش نهزو هادشي كامل !!
مغنية:عندها الحق ! فين تمشي على الرجلين ..
محسن:صافي اللي بغيتو غير سربيونا !
نزلو للتحت وسامية شادة لبنتها فيديها ، ركبو فسيارة عمهم اللي جا من مدينة بعيدة غير قبل محسن ، حيت هو العم الوحيد اللي بقى ليه ، ركبو السيارة ونطالقو فالطريق تا وصلو لراس الدرب فيت كان واقف الامام كايستناهم ، كان غايوقفو ليه ولكن شير ليهم يكملو طريقهم هو يوصل عليهم ، ركنو الطوموبيل قدام الباب ، حتى وقف عليهم الامام و رمى ليهم سلامو عاد دقو الباب .. !! وحل عبد الله ليهم و سلم عليهم و ماعندوش مع قوة الهضرة حدو قال ..
دخلات للكوزينة مخرجة تنهيدة من القلب ، لأول مرة تحس براسها بوحدها ديال بصح ، الدمعة محجرة فطرف عينيها ، مسحات عينيها ودخلات واقفة على المرا اللي كاطيب و توصي فيها ..
خولة:شوفي آ نعيمة شوية و دخلي اتاي مع حليوات و لوز و كاوكاو !!
نعيمة:نسبق الرجال ؟!
خولة:ضروري ..
نعيمة:صافي كوني هانية !!
خولة:راني معولة عليك !
نعيمة:نعسي على جنب الراحة .. !
تحط اللحم بالبرقوق عاد الدجاج بالدغميرة وختموها بالديسير وخولة تعاونات مع نعيمة ، تجمعات الطبلة ، والرجال بيناتهم عاطينها للهضرة كايقارنو ايام زمان مع دابا وهضرة تجبد هضرة ، و عبد الله غير كايضحك بزز تعصب حيت هناء ضربات فهضرته و مشات بحالها بلا ماتحضر لختها ، وهز فقلبه من جيهتها
حميد:آودي ايامنا احنا ما هي ايام هاد الجيل ، فين كنا عارفين بحق الدنيا ، تهز قالب سكر تحت جلابتك تمشي تخطب ..
عبد الله:{ضحك بثقالة} ايه يا اليام ، فيين مشات ، كي مشات كي مشا الصبر !!
حميد: عندك الحق ، ولاد اليوم مكايعرفوش شي حاجة سميتها الصبر ، كيتنا حنا {بتنهيدة طويلة} اللي حكنا الزمان مزياان مكاناخدوها تا يتسالا الجهد ..
عبد الله:اوا ها حنا كبرنا ولادنا ولاو يعرفو حسن منا ..
حميد:{تقاد فالجلسة} اييه مرحبا ، احم السي عبد الله راك عارف لاش جينا اليوم طالبين راغبين يد بنتكم لولدنا على سنة الله و رسوله ..!
عبد الله:{بتنهيدة حارة} اوا اش غانقولك ، انا من عندي الا كان غايتهلا فبنتي ويصونها مانزيد ليه غير الخير !..
محسن:{تدخل} كون هاني آ عمي ، بنتك نحطها فعيني ..!
عبد الله:كانتمنى ماتكون غير باللسان هي اللي بقات عندي و ماساخيش بيها ..
محسن:لهلا يحشمنا !
حميد:الا كان عندك شي شرط تفضل !!
عبد الله:{بهدوء} مكانآمنش بشي حاجة سميتها الخطبة ! يعني داك الدخول و الخروج ماعنديش معاه نهار تعقد عليها العيب عليا لا تدخلت !
محسن:على الراس والعين ! وبراسي خاصني ندير العقد قبل مانمشي لفرانسا !
عبد الله: غاتخليها هنا ؟!
محسن: نخليها مع مي ، الوراق مايطلعوش مايطلعوش ليها بالزربة وانا عندي الخدمة !!
عبد الله:{حك لحيته} فيها خير !!
بغاو ينتاقلو للصالون باش يقراو الفاتحة ، لكن الامام رفض حيت معاهم متبرجة ، ناض عبد الله عيط لخولة ، تجيب شال ل سامية باش تلبسو ، ودارت كيما قال ليها وخداتو من عندها محرجة ، عاد دخلو للصالون جميع ..
عبد الله:{تحنحن} المهم تافقنا بيناتنا ! الله يكمل عليكم بالخير !!
خولة:{بصوت منخفض} أمين ..
الإمام:ياله اسيادنا نقراو الفاتحة باش نمشيو بحالنا !
عبد الله:باسم الله !! ..
قراو الفاتحة كاملين بيهم ، ماللي سالاو جمعو الوقفة تسالمو بيناتهم ودعاتهم خولة حتى للباب ، وجلسات فالصالون مع باها كاتتنهد بعياء النهار كامل وهي واقفة ..
عبد الله:{جلس رجليه فاشلين} لا حول ولا قوة الا بالله !
أحمد:{حيد ليها التيليفون} الو السي عبد الله ! سناء مقدراتش تهضر مزال مامتأكدينش غير لقينا حوايجو فالبحر ، حي ولا ميت غادي يتلقى ان شاء الله !
عبد الله:{بزز كايخرج النفس} لا إله إلا الله ، الخير اللي غادير فيا و فيها جيبها ليا ولدي الله يرضي عليك ..
أحمد:اعمي فين غانجيبها ..
عبد الله: كون كان فيدي ومكانتش المدينة فيد السبليون انا نصبح عندكم ! ولكن الله غالب بنتي بغيتها عندي هادا ما عندي !!!.
أحمد:يكون خير
كمل معاه الهضرة ، و خولة كاتستنى بلهفة و خوف شنو كايقولو حتى سالا وخبرها بالخبر اللي نزل عليها بحال الصاعقة ، وتكمشات كاتلعب فصباعها بتوتر وتنفس بالزربة ، وهو حاط يدو على راسو مغمض عينيه باسى
فاليوم الموالي ، جا سمير من الخدمة ، و حطات ليه هناء غداه ، كلا و ناض لبيتو يرتاح ، و هز شي وراق ديال الضو و الما كايشوف فيهم القضية عندو مزيرة ، حتى صونا ليه التيليفون وطلعات ليه نمرة خوه ، ترمى على السرير كايتفوه وجاوبو ...
أمين: آ فين
سمير:اش طرا وجرا تفكرتينا !
أمين: اديما مفكركم ..
سمير: اوا سبحان الله ، فين شادها ؟!
أمين: ياله جيت من عند الواليدة..
سمير:وايلي كنتي عندها كون قلتيها ليا نمشيو بزوج ..
أمين:الا اصاحبي الوقت كان عندي مزير صوناو ليا تما غانمشي ..
ناض جمع الوقفة و لبس حوايجو و خرج ، ركب طموبيلته البسيطة ، ونطالق مع الطريق واحد عشرة دقايق كان وصل ، و ركن الطومويبل للجنب ، و دخل لمحو جالس شاد فيدو كاس دالقهوة و ݣارو ضرب ليه على كتفو و جلس ..
سمير: گارو تاني ..
أمين: ديرها البلية ..
سمير: اوا الله يعفو !
أمين:اجي بعدا شفتك كاع مارديتي عليا !
سمير:علاياش ؟
أمين:راك عارف اللي كاين !
سمير:كاتضحك عليا راه خليت ليك ميساج ..
أمين:{ضحك و نتر من الگارو} هه القضية فيها فرنسا ..
سمير:{طبطب على كتفو} ماديرش فبالك ، الله يجيب ليك ما حسن ..
سمير:الله يعمرها دار الصراحة ! باها عاطيني تيقار ، غا هاديك اللي عندي اللي جلاخة باغية طير مع طيووور ..
أمين: اوا لا قلتي جلاخة راها جلاخة نيت
سمير:{تقاد فالجلسة} ياكما دازت على ودنيك شي حاجة ؟
أمين:{طفا الگارو} ديك النهار فالصباح خرجت مع شي دراري صحابي دزنا عند واحد معرفة تقاس بقرطاسة فرجليه فسربيس ! حنا خارجين و ماتجي عيني غير فمراتك خارجة من واحد الدار ، كذبت عيني و قلت موحال ! ولكن راها هيا ماتخفاش عليا تبعتها تدخلات دارهم مع واحد صاحبي جارين على رجلينا تاوصلتها تما بحال صرفقتني و الله
سمير: هناء؟! شمن دار؟
أمين:{بتأكيد} دار الشوافة ! والله واعلم لمن معولة واش ليك ولا لختها لي نيت خطاب جايين غاديين
سمير:{وجهو صفار} بعينيك شفتيها ؟
أمين:واش هادشي فيه الضحك ؟! و نقولها ليك من دابا ، مانعاودش نحط رجلي عندكم ولا ماكلتها طيح فكرشي السيدة عندك ماصافيااش والخير لي ندير فيك ؟ نسد فمي على الواليدة ونحسب خطواتي و ربي رااااه دار ليا تاويل الخير ديك زرافة اختها ماكملش معاها الله
سمير:{مسح على وجهه} خاصني نمشي دابا ..
أمين: وا عنداك دير شي مصيبة ..
سمير:{جمع الوقفة} خليني عليك الله يحفظك !
مشا بلا عقل ! ، نسى حتى ما سلم عليه ، صدرو تزير عليه وودنو حمارو ، ماتوقعش توصل بيها لهاد الدرجة كاملة ، مشا فالطريق معصب ومكسيري كايتحلف عليها ، و دماغو خدام اش يدير ؟!
_يقتلها ويتم ولادو ؟!
_ولا يطلقها ؟!
_و لا يقتل راسو هو نيت !
دخل الدار معصب نيت طالع ليه الدم ، كانو ولادو
فالصالون كايلعبو و هي غابر ليها الحس ، قاليهم يخرجو يلعبو و بالفرحات عليهم خرجو ، وهو جبد الصمطة من السروال وضورها على يدو ، وخباها ورا ظهرو عاض على فمو مشربن ، و نطق بصوت عالي ..
سمير:هناااء فينك ؟!
هناء:هاااني فالبيت ..
سمير:{دخل للبيت كانت جالسة كاتطوي الحوايج سد الباب بالساروت وشاف فيها} فاش كنتي عند باك خرجتي شي مرة ؟
هناء: الااا !
سمير:داوي معاك ؟
هناء:{بنكران} راه قلت ليك لا اويلي فين عندي مانخرج !!
سمير:{بغا يطرطق} باااقي كاااتكذبيي ؟ {هز السمطة الفووق جمعها معاها حتى تسمعاات} تاتكذبييييييي دلمك ( بكل حر تيضرب ) تتكذبييييييييي
هناء:آااااييي بعددد منييي أناااا مااا درت واالوواا.. { شواها و حردها و دار للماريو تيجر حوايجها و يقلب } بعد من حوااايجي
سمير:{ضحك مغدد عليها} يااااك مااا درتي وااالو ؟ يحسااب ليك نااعس على ودني ؟! {غواتها و بكا دراري ضجيج فدماغووو ساس حوايجهم كلهم تينهج } تتسحري ليااا ! تتااتسحري ليااااا اهنااااء شارك معاك ولاد مااتقتيش فيا الله
هناء:{مخرجة عينيها} كااتظلمنييي آ سمييير كااتظلمنييي ..ماتسحرتش لك والا عندك شي دليل حطووو لياااا
سمير:{كشاكشو خارجة عليها جرها من شعرها جرة لغدايد} اهااااا كااانظلمك هي عينين لي شاافوك تيكذبو ياااك ؟! {جرها من شعرها كايديها ويجيبها مرة تانية } على وجه اولااااادي ماغاديش نطيح رووووح و نصدق مضيعهم على ودههههم
هناء:{شدات ليه يديه} شعريييي اعباااا الله ، هاد عينين باغين يفااارقووووناااا و صااافي ..
سمير:{نزل عليها بطرشة} سكتييي الله ينعل طااسيلة ممك ، لي قالها مااايكدبش علياااا و مااعندووو لااااش فهمتيييي ..
شدها مجنن عليها ، كايضرب و يقول ما ضربت وهي كاتغوت و تحلف ليه بنكراان ، تا تنكر حتى دخلات ليه الشك لراسو ، ولكن متاكد ان خوه مايمكنش يكدب نهائيا ، حس بالعروقة دراسو غايطرطقو ، بعد عليها كاينهج ، و وهي مابقى فيها مايتلبق ..
سمير: من اليوم الهضرة بينااتنااا سالااات ، كون ما على وجه الولاااد العدول اللي جمعنا يفرقنااا ولكن الغاالب الله !! ماتحاوليش تقربي مني ، من اليوم فراشنا مفرووق ! والله هو اللي غايحاسبك لا درتي شي حاجة خايبة !! خسارة حياتي اللي ضاعت معاك ، و لا يفلح الساحر من حيث أتى..
{بزق عليها وخرج مخليها كاتبكي و تنين عاد كاتطلع معاها هضرتو ، شدات راسها ها النتيجة دفعايلها زواجها تدمر بيديها ..}
"مليــــليـة"..!
_واقف كايقرا غدا فشي وراق وشاد تلفون، كايحاول اي خبر يوصلو لولدو ، مرة يتصل بالشرطة السواحل مرة يجرب مع القنصلية ، حطو مع صحابو فوطو ديالو فالسوشيل ميديا لكن الخبر، ماهو من الميتين ماهو من الحيين ، دخلت عندو تتبكي و حالتها حالة ..
أحمد: ماعدنا مانديرو من غير الصبر ! باسبور رقية دفعتو الصباح عالله يخرج دغيا..
سناء:{بجدية} غانمشيو المغرب ؟ ماغاديش ضحك عليا بحال السنين لي دازت ؟
أحمد: ماشي لخااااطري ! كرهت كل عام نزل المغرب ؟ فلوس باسبور سلفتها و كانفكر فلوس مركوب ! ماااكنتش عوال على هاد الكارثة
سناء:{بصوت مقجوج} أحمد لا بقيت هنا غاندير شي حاجة فراسي ، مانقدرش نصبر ..!
سناء:{شافت فيديها زوج دبالج ديال الذهب ذكرى اخيرة من ماماها المتوفية حيداتهم و حطاتهم فيديه} الا تتحووم على ذهب لي من ريحة يما ؟ هاهما غير وصلني عند ابي !
أحمد:{بنظرة قاسية} يكون فبالك كلمة باك تمشي عليا؟ ولا توصلي ديري جوانح ؟ فكري فولدك و فاولادك صغار لي محتاجينك !
خولة: ولد ختي قطع البحر ، ماعرفناه حي ولا ميت ، غير حوايجو اللي مليوحين فالبحر..
أمينة:{حطات يديها على فمها} لا حول ولا قوة الا بالله ، الله يا ربي ..
سهيلة: ان شاء الله يكون بيخير ...
خولة:اللهم امين ،{تݣعدات} تشربو شي حاجة ؟
سهيلة: الا شربنا عاد جينا ..
خولة:{رجعات جلسات} اللي بغيتو ..
سهيلة:{تحنحنات} المهم جينا غير نباركو ليك و صافي غانمشيو ، الله يعطيكم الصبر وتلقاو ولد ختك
خولة:لا اويلي ياله جيتو ماسخيتش بيكم
أمينة: الله يجعل البراكة المهم شفناك ..
خولة:{قربات باست سهيلة} ياله بب تهلاي فراسك والعقبة ليك ان شاء الله
سهيلة:آمين ..
وصلاتهم للباب عاد تنهدات بارتياح ، و دازت للصالون لمحات ديك الگاطو اللي جايبين هزاتو كاتشوف فيه ، ميقات ومشات للكوزينة كباتو فالسطل دالزبل وغسلات يديها عاد طلعات لبيتها ، اما عنهم خرجو من تما و شدو الطريق تا فاتو الدرب ..
سهيلة: دينا الحلوة غير هكاك ماحطاتها لينا ..
أمينة:ديناها فسبيل الله ماشي باش تحطها لينا ..
سهيلة: غير خليها ، طول عمرها كاتنفخ حتى جاب ليها الله فين تخدم خدامة ..
أمينة:نعلي الشيطان اللي حدو فالدنيا مايتشفى ..
فدار هناء اللي عايشة الضيم ، الراجل ما معبرها ما داير بحسابها حتى ما كلتها مايقيسهاش ، وهي مفقوصة بغات تموت ، عاد عرفات عيشة الدل كي دايرة ، الماكلة كيما تتحط تتهز ، ولدها مريض مكايتحرك ، مجموعين عليها من كاع النواحي ، حتى سمعات الكحة ديالو تأفأفات و مشات عندو ..
الحبيب:{حط يديه على كرشو} هنا {حط يد على راسو} و هنا ..
هناء: بزااف ؟
ياله بغى يجاوبها وهو يبدا يتقيا ، وهي خرجات عينيها من القيء ، اللي مكانش عادي فاللون الاسود ، ركابيها فشلو عليها شدات ليه راسو مزيرة عليه و هو عاد ما كايرجع كثر و كثر ، حتى تهد ورجع رأسه الصغير اللور ، وجهه أصفر بحالا الموت ساكناه ..
هنا:{حركات راسها بالنفي} لا لا الدري ماشي طبيعيي افف ياكما من داك الما اللي شرب مانضنش ..
الحبيب:{نطق بصوت ضعيف} كاتحرقني بزاااف .
هناء:{دوزات يديها على شعرو} صبر آ حبيبي دابا يفوتك الحال صبر ، تاكل شي حاجة ..
الحبيب:{حرك راسو بلا} لا مابغيت والو ، فينو بابا ..
هناء: مشا للخدمة دابا يدخل ..
رجع تكا ولحمو كايترعد ، وهي حاضياه بأعين دامعة هادي ايام وحالتو ماهياش ، يمكن هي فالاعماق ديالها عارفة باللي داك الما اللي شرب ولكن ماتقدرش تعتارف بيها حتى لراسها ، حيت هاد المرة سمير غايقتلها بلا مايحن فيها ، يصبر ليها حتى لولادو خط احمر ، سمعات الباب تحل والسوارت كايضورو عرفاتو هو ، تلقات ليه بنتو ، وهزها وهي تقوليه ..
آية:بابا ماشتيش خويا الحبيب مريض ..
سمير:{عقد حواجبه} باش مريض آ بابا ؟
آية:{هزات كتيفاتها} ماعرفتش ..
حطها و زاد للبيت عند ولدو ، لقاه ناعس مسهوت ، مكايتحركش قرب ليه وحط يدو على راسو لقاه سخون كايفور ، دخلاتو الخلعة و حيد ليه الغطا كايحركو ..
الحبيب:{مكاينش فهاد العالم داخلاه السخانة} با با ..
هزو بين دراعو و خرج من البيت وهي تشوفو هناء و خرجات عينيها ، ماقدراتش تزعم و تقرب ليه ، عرفاتو غايديه لطبيب ، ركابيها فشلو خافت تتفضح ، هاديك غادي تكون آخرتها لا محاله ، ركبو فالطوموبيل بشوية و كسيرا جيهة الصبيطار و جا يدخل وهو يتلقى ليه واحد ..
العساس: آ فين غادي آ شريف ؟!
سمير:مكاتشوفش هاز الدري فيدي مريض ؟!
العساس:اوا ما عندي مانقول دخل الا لقيتي شي حد !
سمير:{ضحك مفقوص} كيفاش لا لقيتي شي واحد هادا صبيطار الا ؟
العساس:{هز يديه} والله غالب انا غير عساس ، نتا وزهرك نوصلك للبيرو دياال الفرملية لا مكانتش مشات .
سمير:{دخلو الداخل كايشوف كلشي خاوي كايصفر} مكاين حد !!
العساس: اودي مالقيت مانقول ليك ..
سمير:{وصلو الباب} الله ياخد الحق ..
دق الباب و دخل كانت فرملية جالسة على البيرو دايرة رجل على رجل كاتلعب فالتيلفون ممسوقاش ..
فرملية: اش كاين اسيدي ، اجي و دخل السيبة هنا ؟
سمير: ماجيتش باش نزوركم عندي مريض فيدي الا بغيتو !
ناض تاني كايكح روحو غاتزهق منو ، عاود بدا كايتقيا صافي سمير انا اللون مشا منو كايشوفو كايخرج الكحولية ، والفرملية كاتشوف فيه بشفقة و ناضت هزات تيليفون مدوزة الخط للطبيب ، طمنات سمير ان الطبيب يقدر يجي ، و عطات للحبيب يشرب وهو كايرجع النفس بزز ، بقى كايستنى جهد نص ساعة عاد تم داخل راجل كبير شوية ..
الطبيب:السلام عليكم ..
سمير:{وقف} وعليكم السلام ، عافاك لما شوف ليا الدري !
الطبيب:شنو كايضرو
سمير:{تالف} ماعرفتش .
الطبيب:واخا دوز حطو تما !
حطو ليه على السرير وهو قرب لبس الليݣات ، وكشف على كرشو بدا كايدوز ليه عليه بالجيل ويشوف فالتلفازة ..
الطبيب:كيما سمعتي آ سيدي الولد لا زاد شوية راه غايمشي فيها !
سمير:{يديه كايترعدو} ودابا شنو المعمول !
الطبيب: للاسف ماعندي ما ندير ليك هنا ! ماعندنا آلات كافية ، نعطيك ورقة تمشي للرباط ..
جلس على الكرسي شاد فراسو كايشوف فولدو كيفاش تسمم ؟ ، شنو كلا و شنو وقع ليه غمض عينيه متحلف على هناء مزيان حيت مقابلاتوش !
فاقت فاليوم الموالي حلاقمها تفشو شوية ، فطرات هي و باها و جمعات الدار كل كلامهم على سناء ة ولدها ، عبد الله يتصل و يعاود و سناء تتاكد ليه انهم تينتظرو جواز سفر بنتها ، عاد توجهات لبيتها كاتقاد ضفارها و تمشط فشعرها حتى كاتردو حرير ، شوية تفكرات واحد البلان منوغشها وهي تهز التيليفون تتلعب فيه حتى رن هاتف ،
محسن:{بصوت مبحوح} آلو ازين ديالي! كي بقيتو مع خاطركم من ناحية ولد ختك ؟
محسن: لعرسنا اخولة ! باك قالك خطوبة عندو من مكروهات ، انا باغي نشوفك و نجلس معاك و نهضرو شلا ماتبعنا
خولة: العقد نطيحوه متافقة ! الخاتم و الحوايج مرحبا حقي هداك ولي حللو لله ولكن العرس مانديروش ماروووحش عندك
محسن: علاش بالسلامة ؟ ياك زواج هو هدا ولا كذبت ؟
خولة: لا ماكذبتيش ولكن انا هاد زواج الخاريج بضبظ !!! نهار نشد فيزتي اخويا فيدي ؟ اجي نديرو العرس و روح معاك من غير هادشي ماعنديش غيرو
محسن: {» تزير } خااااولة {سكتت} آ خااااولة
خولة: {بجدية} تنسمعك امحسن
محسن:{عقد حواجبو} مناش خايفة ؟ الوراق خاصهم وقت ، ونتي تكوني محسوبة عليا ! انا لي نصرف عليك و نقوم بيك و من حقي مور عقد ندخل بيك و نخليك فدراي
خولة : هاد دارك؟ هيا الدار والديك؟ ومع امك ؟
محسن: انا ماخبعت عليييك والو !
خولة: حتى انا لي عندي قلتو! الا على دار؟ هانا عايشة مع ابي محضية معززة مكرمة والا على فلوس حتى ابي قايم بيا ، انا صغيرة مفششة لي بغيتها تحضر! انا ماشي ديالت تحطني مع والديك و نضرب فواطة
محسن: اياااه ! وراكي مراتي ؟ وامي هيا امك وباك هو با ! وانا راجلك من حقك طيعيني حتى نتجمعو
خولة: البلان مزوجين وكل واحد فقنت ؟ أمبوسيل نقبل بهادشي !
محسن:علاش شنو فيها ؟!بغيت غير نعرف شنو الشكوك لي عندك
جوهر الروح الجزء الثاني
محتوى القصة
التنقل بين الأجزاء