جالسين فالصالة كايتبادلو اطراف الحديث ، بعدما تجمعات الطبلة ، كايدوي بهداوة وهضرتو مخلطة بالجدية ، مقابل مع عبد الله اللي كايوزن ويشوف بعينيه ماينكرش جاه ولد الناس و داخل سوق راسو ، و قد الݣانة ..
العم: هادا ما كان اسي عبد الله! اليوم جينا ناويين الحلال وطالبين يد بنتك لولدنا !!
عبد الله: الله يسر الامور اسي ؟ اش سماك الله اشريف ؟
العم : مصطفى اسي عبد الله ! {اشار مراتو} هادي مولات الدار و جاهد ولد خويا الله يرحمو مربيه انا بحالو بحال ولادي جوج لي نكتاب
عبد الله: { بنفس ثقيل }الله يرحمو و يوسع عليه! قول جاهد يتيم ؟
جاهد : { تنهد بصعوبة } لا الواليدة حية ترزق لكن سنة الحياة تزوجت و عندي خواتاتي بنات منها الله يستر على ولايانا
كلمة خلات عبد الله يعاود افكارو ! واضح ان الناس ماشي الملاغة ، بما ان عندو ام و خواتات الا انه عارف حجم مسؤولية الانثى ، كان عبد الله تيتمنى تكون خطوة زواجهم بالاصول و شرع الله ، من الخطبة و النظرة الشرعية لكن المكتاب ، بنفسو عرف على راسو و على نسيبو احمد ، قدمو ضيافة و رجعو لحوارهم
جاهد : {كايدوز يديها على للحيتو} الله يجيبنا فصواب ، بما انك قابل نتمنى نسمع شروطك لهاد زواج و طلباتكم
عبد الله : {هز صبعو بإنش فوق ركبتو أشار بنفي} ماعندي لا شروط لا طلبات ، هداك شرع الله نزلو يحلل بيه المرأة، انا من عندي الا لقيت مانعطي راه نعطي ، و كانطلب الله ياخد روحي وانا مهني عليهم، راهم بناتي و مسؤوليتي أمام الله سبحانه وتعالى
العم : الله يطول عمرك تشوف ولاد ولادهم ! حقا البنت ماشي هي الولد ولكن هاد زمان فمشاكلهم بحال بحال! انت ماتشرط و ولدنا مايفرط ههه
عبد الله: {بنفس اشارة صبع ماكد كلامو} طالب المعقول و المعقول و المعقول ، الدنيا دايزة مايدوم غير أفعالنا وجهنا مع سيدي ربي
جاهد: ونعم بالله ! اللي فجهدي راه ربي مطالع عليه
احمد: احم !! حاليا راك فالمغرب ..
جاهد: هاد الساعة حنا مع الأحباب! ساعة اخرى يعلم الله ، كانفكر نستقر
عبد الله: شحال هادي باش دخلتي بلاد الغربة؟ واش هولندا ؟
جاهد : دانمارك ! وقول دخلت لها انا عندي ديك سبعة و عشرين عام
عبد الله : تبارك الله ! كول شي طناش عام دالغربة و اكثر
جاهد: تماما ! عيينا و صعيب تعيش فبلد ماشي مسلمة!
احمد: مشيتي قراية ؟
جاهد :{تنحنح بجدية} لا دخلت مزوج !
دقيقة صمت سادت فالصالون ! دخل مزوج لبلاد الغربة ، كان شك احمد فمحلو ، باش دخل دانمارك انت لا دراسة لا خلفية عائلة غنية لا كادر صحيح راك دخل مزوج !
عبد الله: عندك شي اولاد؟
جاهد : الا الحاج مارزقنيش الله !
فعروبية بعييدة ، مرا طريحة فالفراش مكاتحركش كاتشوف فجيهة وحدة ، زوج عيالات وحدة مݣعداها ، ووحدة كاتمسح ليها ، وملامح وجههم كاتدل ان تا وحدة معاجبها الحال ، هناء باغية تقج راسها بالفقصة ، جايبها بزز مع تلاقات ليهم مع العطلة ستاغل الفرصة ، ممولفاش تمارة العروبية ، و صوت الكلاب كاينبحو ودراري صغار كايلعبو ، ودار ديال الحجر و التراب ، كاين اللي كايشوفها من جيهة اخرى ، بلدة نقية وجو زوين ، والبساطة محاطة بيها ، ولكن هناء لا ، خصوصا جات مجبرة ..
هناء: اختي مالنا على حالتنا وديك حورية بااتت ماصبحات !
نجوى: حورية ؟ ههه راها فطنجة تبقى ليك هنا قالك ..
هناء: وبناتها مقطوعين ليهم اليدين ؟!
نجوى:قالك برجالاتهم !!
هناء:{زفرات} عييت والله تا عييت يخخ !
نجوى: زيدي لبسيها زراقت بالبرد !
هناء:{خنزرات فيها} لبسيها نتي نيت !
نجوى:{جمعات شطايطها و خرجات فيها عينيها حتى للجدر} اشوفي اديك هااه ماشي حيت بنت المدينة تحسبي رااسك !! اسمعي وفيقييي نخدموو بالنووبة ولا الهضرة مع خويا سمير !!
خرجات و خلاتها مصدومة ، جمعات النفس وطلقاتها وشافت فحمااتها الله غير كاتشوف بعينيها والدمعة هابطة ليها من عينيها ، لبساتها بالنفخة بلا ماتراعي ليها ، وخرجات كان سمير جالس فوسط الدار مع خوه قدامهم وراق ...
سمير:{حك راسه} افف اصاحبي شحال دالمصاريف خارجين من بين يدينا !!
عادل:شوف نتا تكلف بتحاليل وانا دوايات !!
سمير:من نيتك اصاحبي ؟ شحال عندها تحاليل هنا ..
عادل: ها نتا مجموع 2000 درهم ..
سمير: وراك مطور مع راسك ؟ ودوايات ..
عادل:مالك قليل النية راه تحاليل مرة وحدة ، اما دوايات كل مرة يتقاضاو ناخد ليها !!
سمير: اممم اوا هادي عندك ..
عادل:ستقر عندنا هنا من الاحسن والله راكم مونسينا!!
سمير: اخويا ما نخبي عليك عندي دراري كايقراو وكدا !!
عادل: اوا اخويا بخاطرك دابا كاينة العطلة ؟!
سمير:اممم تلت شهور ..
عادل: اوا واخا ها نتوما جالسين معانا تا تفوت ..
سمير:{جمع الوقفة} هادا ما كان نخليك ، شوية نطلع المدينة العشية نجي..
عادل: تهلا...
ناض سمير هاز الوراق فيديه ، للبيت يبدل حوايجو ويطلع المدينة ، غير دخل مع الباب لقاها واقفة ! ، حاطة يديها على نصها عرفها غاتبدا سد الباب ، وشاف فيها عاقد دراعو ..
سمير:مالنا تااني على هااد الهضرة ، بناتها كون قدرو كون جاو ها هي مرات عادل تتعاونو عليها !!
هناء: اااش غاتهز هاااديك تهز غير رااااسها العرووبية ، قلت ليها غير تعااوني لبسها ماابغااتش ..
سمير: هناااء جمعي رااااسك! ديري الاجر وسكتي !!
هناء: وااش عمرك شفتي شيي اجر يكون بزز ؟! مابغيتش مااابغيتش مااابغيتش اعبااد الله ..
سمير: شوف ليك على هضرة ! دابا كون كانت مك بلاصتها ماتقوليش هاكا ..
هناء:اخوياا اناا مي الله يرحمها كون طاحت نجيبو ليها فرملية مانكرفصوش بنات الناس !!
سمير:نتي راك مريضة فمخك ! كانقول اليوم تبدل غدا تبدل ونتي عاد ما زايدة فيه ، ماعرفتي الله يسامح ليك على طريقها ..
هناء:{ظغطات على الحروف} انا مانادمة على والو ، ومك دير ليها حل ..
سمير: عرفتي شنو بعدي من قدامي ..
هناء:فين غادي باقي كاندوي !!
سمير: خارج !!
هناء: فيين!
سمير: ماسوقكش ..
هز تجاكيطة و سوارتو وخرج خلاها مغددة ، ومعصبة غير بوحدها كاتنفث نار من نيفها
هناء: سير الله يليكيها ليك ! كرهت جنس رجال من با وطلع الفوق، انانيين انانيييين..
فالصالون جالسين هضرة تجبد هضرة ، واسئلة من طرف عبد الله اللي كايبقى اب خايف على بنتوو ، شافت فيهم رشيدة اللي بعاد عليها شوية ، حيت الصالون مفتوح على زوج جيهات وطويل ومقسم ..
رشيدة:وفين هي عروستنا بغينا نشوفوها الا ما كان مانع ..
عبد الله: مرحبا الشريفة ..
ناض وقف فالباب كايعيط لسناء اللي كانت فالكوزينة مع خولة خرجات عندو ...
سناء: نعام أبي ..
عبد الله: كلمي اختك السيدة مرات عم جاهد بغات تشوفها ..
سناء:واخا
وخولة فالكوزينة ، كاتفيبري برجليها ، وتعض على فمها متوترة ومعصبة فنفس الوقت ، حتى رجعات عندها سناء ..
خولة: تآمن بالله ؟! اقسم بالله مكانعرف عليه غير السمية والمدينة ..
حمد: ضبري راسك يكون اللي يكون متتلاقايش معاه ..
خولة:{حركات راسها بالنفي} والله ما درت شي حاجة خايبة الله شاهد علياااا ..
حمد: يمكن نتي ماعندكش معايا ولكن انا مانبغي ليك ضرر غير الجلسة فالقهوة بوحدها شبهة ! وهاد التقاليد ديالنا والزيار اللي غاديين بيه ماشي غريب الواليدة ديالي كانت معرفة ديال مك الله يرحمها وحنا تربينا مجموعين عندنا عيب المرا تخرج بوحدها عيب تسافر بوحدها فياماتنا حنايا فالجامعة كانو كايوصلو ليها غير دراري ، نتي اللي معزتك عند الواليد بوحديتها وخلاك تكملي قرايتك
خولة: حتى انا كنت نعم البنت ونعم التربية ، تانا ماكنتش مغطسة راسكم فالتراب تاانا الحجاب مكانتش دايراه عن قناعة ولكن دايراه ، عمري خرجت بلا خبارو ولا سافرت بلا خبارو والقراية هو اللي جابنا باش نقراو وكون مجباناش ماعندي ماندير وقريت وكنت كانجيب نقط ، و انا نقولك واحد الحاجة اخويا حمد عندي واحد المبدأ فحياتي ماعرفتش واش كون كنت ماقريتش واش يتغير وهو مانديش راجل مزوج..
حمد: هادشي ماكتب الله كنتي كاتعرفيه ولالا راه طلع مزوج..
خولة: انا هاد زواج مموافقاش عليه ، انا راجل مزوج مانتزوجش بيه مابغيتش من حقي لا إكراه في الدين ،
حمد: مايكونش رااسك قااسح ، سمعي لكلام باك راه مقسح من جيهتك بزاف ، الجلسة اللي دار معاهم حيت شاف الناس فيهم واحد المعقول والجدية..
حمد:نقصي صوتك الله يرضي عليك ، الميساجات الكثار غير الناس ديال التفلية ، نتي جلسي مع السيد سمعيه على مقال راه مصفي حساباتو ! وجامع وراقو ماعرفت واش واقف على طلاق ولا عندو موافقة يعني مغاتلقايش مشكل خاص غير تهضرو وحط لباك كلشي فوق الطبلة السيد بخيرو وخميرو مغاينقصك معاه تا شي حاجة
خولة: ماانجلسش معااه اسيديي مانجلسش اش بيني وبينووو كاااع والله لا تزوجت بييه ..
عبد الله:{هابط من الدروج وهضرتها وفدنيها} بديتي تاااني ..
خولة:{عينيها حمرين} مزووج ياااك مزوج وبااغي تخليني نتزوج بيه والله ماندخل ضرة شنو كايوقع بين الضرايرات واش انا غانقد على ضرة ..
عبد الله: غاتزوجي بيه اخولة ، ماسقاات ليك معرفتك وزايدون نتي اللي كاتعرفيه ونتي اللي جايباه وموافقة عليه
خولة: ماكنتش كانعرفو مكاانعرفوش ، واول لقاء تلاقاني كان باغي العنوان يقصد الدار
عبد الله: ماللي بغا العنوان كان عليك تجيبيه للدار نيشان! و غاتزوجي ويديك فوق راسك ..
خولة:بغيتو اقتلوني ولا بغيتوني ننتاحر زوجوني ليه..زوجووني لراجل مزوج
عبد الله: ها السخط ها الرضى !! نتي تختاري ...
كلامو نزل عليها بحال الصاعقة ورفعات فيه عينيها عامرين دموع ممتيقاش وطلعات كاتجري فالدروج وتبعاتها سناء حتى هي ، تلاحت على السرير كاتبكي وتشهق وتحرك راسها بالنفي ..
سناء:{كاتبكي معاها} حبيبتي ماديريش فراسك هاد الحالة ..
خولة: شمتت راسي اختي شمت راااسي وشمتوني ولاد الكلاب بسباهم غانتلاح لتزويجة ماليها لا ساس لا راس حياتي كلها كانختار..
سناء: العاار لا ما تهدني ، قدر الله وما شاء فعل ..
خولة:{كاتحرك راسها بالنفي وتبكي} غاندير اللي فجهدي هاد تزويجة ماتكملش والا مشى حتى فرض عليا راسو مايستناش مني خولة اللي كان كايعرف فالميساجات
بعد مرور اسبوع ، فالبادية عند هناء ، كاتلبس لعجوزتها وتسوط طلعات ليها التمارة فراسها ، لبسااتها وقادات ليها الغطا ، وخرجات غير كاتنݣر بوحدها كلشي تجمع عليها ، و حتى النوطة ديالها مشات عند مها المدينة وحلاتها بوحدها واحلة ، من تسياق تصبان التخمال تمارة الدراري وزايداها العجوزة ، سمعات صوتها كايتردد من طرفو زفرات عارفة مكايعيط ليها الا على شي مصيبة ..
هناء:{خرجات عندو} اش كاين ؟!
سمير: عيط ليا باك ..خاصنا نمشيو
هناء:{بلعات ريقها} اش قال ؟! فين نمشيو
سمير: ختك غاتطيح العقد بغاوك تحضري معاهم
هناء:{بدهشة} سلم عليه شنق عليه ؟ كي داير هاد زواج ؟
سمير:{بطنز} كاتريݣلي ولا كيفاش ؟! واش اختك لي تزوج ولا اختي؟
هناء: اوا سيدي زواج بقوامو !! باش نمشي نحضر بوالو
سمير: كيفاش هادي تاني هاد والو ؟
هناء: اخويا مغاديش نحضر ببيجامة محرتكة !! شري ليا شي قفطان و حوايج لولاد تا هما ماعندهمش ! و شي صباط ماعنديش و الحبيب خاصو سبرديلة و آية تاهيا
هناء:{حطات يديها على نصها} حوايج المدرسة للمدرسة ! و حوايج الحظور للحظور ، راه عندك
سمير:{غوت} واااش مكااتشووفيش الظرووف ولا كيفااش ؟! مي مرييضة تحاليل قاضاو ليا الجيب وانا اللي كانصرف على الدار وولدك اللي حطيت عليه دم جوفي فالرباط فكلينيك دالفلوس وهو باقي مريض ، حساب ليك انا مدير بنك ولا كيفاش ؟! راني غير طالب معاشو ..
هناء:كوون كنتي قلبك علينا واخا تكون سعااي ماتخلينااا مخصصين من والو ، عييت اخويا عييت بغيت نفركع ، عندك ليهود ماشي عائلة مخلييني هازة الهم بوحدي ، اخوياااا تلقى ليااا حل لهاادشي راه طلع ليا فرااس ، مرضت مرضت ، رااني بناادم ماشي خدامة بالضو ..
سمير:{جبدها من شعرها} بغيتي تبداي تاني !! تاقاي شري ..
هناء: هاني فين قلتها ليك ديما حال فالواتساب بليل ماخليني هنا غادي دالع ماعاجبنيش هاد الايام ..
سمير: لا حول ولا قوه الا بالله ! بغيتي تمشي تحضري لختك نلقاك واجدة !
هناء: ومك ؟!
سمير: خرجي سوقها !!
خرج وخبط الباب وهي وراه مصغرة عينيها ، معاجبهاش حالو عاطيها للضحك وتكركير مع تيليفون اللي مكايحيدش من ودنيه ، وديما حال فواتساب دخلها الشك ..
هناء: جرب دير عليا وحدة ! وحدة ! الا ماسمحت فيك باولادك بفقرك بهمك نزيد خطوة
فالدار عندهم واقفة سناء فالكوزينة مع المرا اللي مولفة خولة تجيب فالمناسباات ، قدامهم طناجر وتوابل و اللحم والدجاج ، بما انه اليوم ضريب الصداق عرضو ناس من العائلة وجابو طيابة تتكلف بالطياب ..
الطيابة: واقيلا خاصني نزيد !!
سناء: ماعرفت اخالتي على حسب ناس اللي حاضرين !!
الطيابة:خاص نعرفو شحال ديال المجالس !
سناء:اللهم تجي بالكثير ولا القليل ! كلشي بغيناه يشبع ! والا شاط نصدقوه !
الطيابة: وعليه ابنتي ..
سناء: غير هو حاولي تسربي الامور ..
الطيابة:كوني هانية كلشي هو هاداك الدجاج قرب يطيب و اللحم راه واجد غير نوجدو واحد طنجرة صغيرة نزيدو فيه اللحم للاحتياط
سناء: كاين شي مريقة طايبة !!
الطيابة:{حلات الطنجرة} ايه ابنتي كاين .
سناء: العار لما ديري شوية فطبيسيل لولاد ..
الطيابة: واخا مرحبا ..
سناء: راني معولة عليك ..
الطيابة: لهيا ودي سنين ديال الحرفة !
سناء: عارفة اللي كاين لهيا ودي..
_سناااااء سناااااء ..
سناء:{خرجات عندو} نعام اش كاين !!
حمد:الرجال راه بداو كايدخلو مانلقاكش كادوري هنااا !!
سناء:حتى توصيني عارفني غانخرج؟!
حمد: هاني درتها حلقة فودنيك يقولك عقلك شي حاجة ..
سناء: صافي فهمنا !!
حمد:{طلعها ونزلها} سيري لبسي خمارك ..
سناء:{دون تعبير} واخا شي حاجة خرا !!
خنزر فيها وقلب الدورة ، لقى عبد الله واقف مع الباب هاز تيليفون فيديها ووقف عليه ..
حمد: الحاج ..
عبد الله:{هز فيه راسو} آ ولدي ..
حمد: كاين شي خبار فين وصلو !!
عبد الله: والله ماعرفت ! ..
حمد: من الاحسن دوز ليه تيليفون ..
عبد الله: واعليه ..
حمد:, نطلع ليك نمرة ؟!
عبد الله: ها هي طالعة لولة بارح صونا ليا ..
حمد: واخا الله يسمعنا خبار الخير !!
عبد الله :{بعد دقائق قليلة} آلو السلام عليكم ...
جاهد: الحاج آش خبارك ..
عبد الله: الحمد الله ! فين وصلتي اولدي !
جاهد: رانا فطريق شوية ندوزو !!
عبد الله: الله يوصلكم على خير !!
جاهد: اللهم أمين ..
قطع معاه مكمل طريقه ، معاه عائلته وزوج طومبيلات تابعينهم فيهم باقي العائلة ، جاو قبل نهار من فاس ، كرا ليهم جاهد دار ، الوراق كلشي واجد جمع كلشي وصيفطو لعبد الله اللي جمع وراق بنتو ودفعو كلشي العدول اللي دفعهم المحكمة مع موافقة الزوجة ، واليوم عندهم موعد يسينيو العقد ..
خولة:{دموعها ناشفين} حتى هو ماحنش ؟! واخا دويت معاه ..
سيمانة كاملة وهي كاتطلب فيه و تعاود ، ماخلات منين دازت لباها بكات وترجات ووالو والو واش حن فيها ، حتى هو اللي قالت ولد الناس ماتلقاش معاه مشكل ماحنش فيها !!
"فــــــلاش بـــاك"
🔙🔙🔙
مرت يومان على الخطبة الملعونة ، كاتلعن فراسها وعلى نهار لي تبعت فيه كلامها، يومين مرو من دموع و العذاب ، تتفيق بالدوا و تنعس بالدوا، الى حين طلب منها عبد الله لاكارط تما اكد لها ان الامور على قدم وساق و زواج لا محال منه ، بدات تتقلب على تلفونها لي لقاتو تحت وسادة فيه بعض مكالمات من سونطر و صديقتها و السعودي كدالك اما حس جاهد ماكاينش دوزت ليه الخط وبعد ثواني جوابها
جاهد : السلام عليكم
خولة: { بصوت معصب تتنخصص} سمع نقول ليك واحد جوج كلمات {سكتت تتمسح دموعها} لا هما فالحقيقة اكثر ، الله ياخد فيك الحق على هاد شمتة لي شمتيني اجاهد
جاهد : {تنحنح بصوت رجولي} دبا تتسماي مجيتي داركم و رد الاعتبار شمتة ؟ ماسمعنا بهدا من قبل
خولة : هاد كلام الدين و صحاب للحيا ماشي عليا ، مانضربكش على شعا وتقول هنا نبات ؟ راه زيف فوق راسي غصب و اي حاجة شفتيها فيا غير مظاهر
جاهد : لاحول ولا قوة الا بالله! علاش تتسسيئي ليك اخولة، شنو هو دبا المشكل؟
خولة: اويلي هدا باغي يحمقني ! اسمع اسي جاهد انا ماندخلش على ضرة و مااناخدش راجل مزوج ! عطا الله لبنات سير شوف ليك لي تبغيك بمراتك
جاهد : {بصوت خشن }انا ختياري طاح عليك نتي ! كنت كانتمنى ظروف تجمعنا حسن من هادي لكن قدر الله ما شاء فعل ! كما سبق وقلت ليك انا نيتي من الاول صافية ماكنتش مكثر معاك الكلام لا نتعلق فيك ولا نعلقك فيا ويكون للقدر كلام اخر! قررت حتى نزل البلاد وتكوني امام وجهي ونحط لك وراقي
خولة: اسيدي مسامحاااك ! غير فوتني مانتعلق فيك مانعلقك فيا! شفتي واخا كون ماكتباتهاش لنا ظروف عمرني نشوف فراجل مزوج، عندك يغرك جوج كلمات الدين لي فمي وتقول هادي من أصحاب زوجي خذ بيدي الجنة ولو بأربعة نساء! انا باااغة راجل وااااحد واااحد ليااا انااااا ونزيدك انا مابغاكش ترضاها ليك ؟
جاهد : الكلمة خرجت من فمي ! وعطيت وعد لباك مانشوفك مانقرب لك حتى نطيح العقد تما عندنا كلام آخر و لكل ذي حق حقه! فرعاية الله
قطع عليها خلاها تتغوت و تصرخ حتى سخفت ! هكا
كملت اسبوع الى حين اليوم
🔚🔚🔚
هبطات على كاس دالما اللي فيه الدوا كاتنهج ، عينيها منفوخين ومحاطة بيهم الحمورية ، وجهها شاحب ..
سناء:{دوزات يديها على ظهرها} صافي اخولة كلشي غايدوز غير صبري ..
خولة:{رفعات فيها راسها عينيها مغرغرين} غايديني معاه اليوم ..
سناء: ماعرفت ..
خولة:{حركات راسها دمعة كاتنزل سخونة} غايديني معاه اليوم؟ شنو قاليك با واش غايصيفطني من العدول لعندو
سناء: خولة راك عارفة با وعاارفة شنو دوز علينا وعارفة كنتي الصغيرة وبغا يقريك و يبدل معاك بزاف دالحوايج وحنا كنا موافقين كانقولو بعدا ختي الصغيرة تعيش ، ولكن هادو نتيجة فعايلك مكاين ما ولكن !
هبطو التحت كان باها واقف مع حمد ، الشوفة هي الاخرى ماشافتش فيه قالبة وجهها ، حلو الباب ووخرجو و تما فين تبلاصات طموبيلة سمير ونزلات هناء ، رمات نظرة على خولة وبتاسمات بتشفي ، قلبات خولة مافيها اللي يتصادع معاها ، رمى ليهم عبد الله السلام وكملو طريقهم عند العدول اللي كان قريب ، والجيران كايطلو من الشراجم ، كانو طموبيلات مبلاصيين قدام باب العدول دخلو الداخل ، دخل معاها باها وجلسو ما رافعاش عينيها جيهته نهائيا ، جالس العدول لابس جلابيته معاه عدل اخر ..
العدول: سيادنا على بركة الله هادي زوجة هادا زوج عطيوني ليكارط ديالكم
{مدو لي كارط و بداو الدعاء "الحمد لله نستعينه ونستغفره ونعوذ به من شرور أنفسنا وسيئات أعمالنا ، من يهد الله فلا مضل له، ومن يضلل فلا هادي له ، وأشهد أن لا إله إلا الله ، وأشهد أن محمداً عبده ورسوله ”
بداو الإجراءات بعد القبول اللفظي من زوجين مضات خولة ومضا من وراها جاهد وتعلنو زوج وزوجة و عطاهم روسي التوصيل ديالهم ، وخولة مغمضة عينيها حابسة دموعها ، قلبها كايحرقها خرجو وكلشي كايبارك ليهم ، وجاهد مرة مرة كايلوح ليها شوفة ، وخرجو ركبو فالطوموبيل متاجهين لدار خولة
تقسمو على زوج العيالات فالصالون الفوق و الرجال التحت ، لا زغاريت لا أغاني الجو صاقر ، تحط ليهم أتاي مع الحلويات عاد اللحم و الدجاج إلى آخره ، و خولة فبيتها كاتوزع عينيها على الهدايا اللي دخلو ليها ، عارفينها عروسة جديدة وكلشي جا على غفلة خداو ليها من كل حاجة تحتاجها من بيجامات ماكياج و غيره ، سمعات الدقان فالباب ماهزاتش راسها حتى تحل و تشد ، رفعات راسها وهي تعقد حواجبها ..
خولة: اش كاديري هنا ؟!
هناء: جيت نبارك لختي الحبيبة ..
خولة:{بحدة} خرجييي..
هناء: ماشي غير تجري على ختك الكبيرة ؟! فين تربيتي ..
هناء:من ديما كانقول مكاتسوايش ! من ديما و طلعتي قد هضرتي ..
خولة: هناء يا غادي تشرحي اش كاتقصدي ولا الباب كاتعرفيه فين جا !!
هناء:{متابعة كلامها} تلات بيك خطافة الرجال ! ماحشمتيش ضوري على راجل مزوج !!
خولة:{ناضت معصبة} هناااااء سيري بحااالك ..
هناء:{ممسوقاش} لهاد الدرجة ميت ليك الحوت ؟ لهاد درجة مالقيتي اللي يقبل بيك ! ديما تعايريني و تقولي راجلي غايدخل عليا ضرة ! و كنت كانقول يا ربي بعد منو بنات الحرام ! وها نتي اليوم وليتي ضرة ! ..
جراتها من شالها وهبطاتها للارض وهبطات عليها كاتعض و تقرص ممجننة وهضرتها كتاكل فيهاا ، وهي تحت منها كاتغوت كاتضرب حتى هي وخولة مبعدة وجهها كاتنتف فيهااا ....
طاحت فالارض شادة على كرشها موجعة و عينيها عليها شرار ، و هناء شافت فيها كاتنهج وجهها حمر ، شالها طاح و قميشات فعنقها وجهها حمر بالتصرفيق ما خلات فيها غير اللي نساات ..
هناء: تفووو على ماااركة ، الله ينزل عليك اللعنة الحمد الله مي ماتت قبل ماتشوف العݣرب كي ولات ، الحمد الله ياا ربي الله يرحمها فهاد نهاار اللهما موتة ديال الله ولا موتة ديال الفقصة ..
تصمرات بلاصتها وعينيها تغرغرو ، قلبها تقسم للنص ، وهناء خرجات مع الباب كاتقاد شالها ، بصح تشفات حيت دخلات ضرة ولكن غير شافت الكادويات الخير اللي دخلو شداتها الفقصة ، دمعو هبطات من عينيها و هضرتها كاتعاود فودنيها ..
شافت فيها باستغراب حيت ماتناقشاتش معاها ، كاتشوفها كاتجبد قفطان خفيف من الماريو و ماكياجها ، و كاتلبس عليها ساهية فالفراغ لدرجة كلماتها ما مرة ما زوج دون رد ، خرجات وحالها معاجبهاش ..
خولة:{تمتمات} بسببك ا عريس الغفلة تعايرت بخطافة الرجال ! شكون ما كانت تكون حسب راسك عندك مرا وحدة {هزات راسها فالمرايا بقوة} وحدة اللي غاتحررها عليك غير بلاتي
خرجات من بيتها بقفطانها حاطة ماكياج خفيف بزاف على وجهها غير باش تغطي الصفورية ، كاتوزع عينيها و عقلها خدام كايخمم ، تاجهات للصالون حداها سناء و دخلات عليهم ، كانت الحالة رشيدة جالسة جنب أم جاهد وزوج بنات وحدة كبيرة شوية وحدة صغيرة ، و شي عيالات آخرين ، دازت سلماات عليهم كاملين بالصواب و هما كايعبرو فيها ، كاين اللي كاتشكر من قلبها و كاين اللي كاتجامل فقط ..
سناء: ديري عقلك الله يهديك !! مناقصنا شوهة دابا راه زواج تزوجتيه واللي عطا الله عطاه بلا ما تزيدي تكحليها علينا ..
خولة:{الصمت} ..
جيهان:{اخت جاهد} واش نمشي نعيط ليه ؟
غيثة:من الاحسن غير صوني عليه مغايبغيش تمشي فين كاينين الرجال راك عارفاه ...
جيهان: واخا انا نصوني ليه ..
دوزات ليه الخط بعد اقناع وافق يطلع ، وقفات فرحانة ربما ماقريبش ليها بزاف بل بعيد شوية عليها مكايدويو الا عن شهور ولكن الاخ كايبقى اخ، وهي الاخت الصغر منو بشوية شابة في أواخر العشرينيات مزوجة و عندها ولد عاد بعدها ختها اللي داخلة فالعشرينيات من عمرهم ، ناضت سناء وتحنات عند خولة ..
سناء: حبيبتي انا غادي نخرج ..
خولة:{شدات يديها} بقاي معايا ..
سناء:ماكرهتش ولكن دابا غايدخل راجلك راك عارفة ..
خولة:راجلي ؟!!
سناء: صافي ا خولة هنينا ، غانمشي الكوزينة ..
خولة:{تأفأفات} اوك..
دخل جاهد مع الباب و رفعو فيه عينيهم الا هي اللي حادرة راسها ، مكرهة ماكرهاتش تنوض تهرب ، جلسوه حداها و هو كايحك لحيته جبهته عرقانة حشمان وهي غير ساكتة
قربات ليهم ختو هازة فيديها طبسيل ديال التميرات و مدات لجاهد قربو لفم خولة عضات منها حتى قاست صبعو تحنحن بحرج وهي كاتطلع النفس بزز متوترة وحشمانة ، و نفس العملية تكررات مدات ليه هي التمر من بعد دازو للخواتم و لبسها و هو مندهش من ملمس يديها اللي رطب وصباعها رقاق بحال مانكان جاها هو هاداك ..
جاهد: اللهم الف بين قلبي وقلب زوجتي كما الفت بين قلوب عبادك. اللهم سخره لي كما سخرت البحر لموسى ، والحمدالله والصلاة على نبينا محمد صلى الله عليه وسلم..
خولة:{عينيها دامعين بصوت خافت} امين ..
رشيدة:مبروك عليكم الله يكمل بالخير ..
غيثة: بالذرية الصالحة ان شاء الله ..
جاهد:{باس ليهم الراس} اللهم آمين ..
مدو ليه سرتلة فيها تلاتة دبراصلي هناء عينيها تجبدوو واقفة مع الباب وخولة عينيها فالارض سالا وقالت الخالة رشيدة مبتاسمة
رشيدة: اوا اولدي قبلة عروس راها حلالك..
قرب ليها بتوتر وهي كاترعد قرب لجبهتها وباسها ببطئ مطول البوسة ..
جاهد:مبروك علينا ..
خولة:{نزلو دموعها فصمت} ..
جاهد:{همس ليها بصوت كايبورش} شش ماتبكيش ..
خولة:{قلبها كايضرب} صص افي ..
جاهد:{بعد منها كايتنهد ووقال لمرت عمو} ها خاطركم خاطري..
عبد الله: فعايلك سبابك بقيتي تعفري على النعمة ها فين وصلتي !
خولة: النعمة اللي تعفرت عليها ! غير باش مانطيحش فتزويجة بحال هادي !
عبد الله: اللي وقع وقع ! على الله ديري عقلك ..
خولة: واش انا بلا عقل ! واخا نكون بلا عقل ماتزوجنيش راجل ماختاريتوش ..
عبد الله:لا حول ولا قوة إلا بالله ! اللي سمعك يقول شي واحد ماعندو لا راس لا رجلين ! سمعي مايجيك مليح الراجل تبارك الله عليه ! العقل و الدين و برزقو ! اش بغيتي كثر من هاكا ..
خولة:و أبي فهمني رااه مزوج مزوووج !
عبد الله: وها هو مزوج الشرع عطا ربعة !
خولة:{حركات راسها بالنفي} زمانا ماشي ديال الهضرة واخا يكونو الرجال تقاضاو من الدنيا ماتزرفنيش هاد تزريفة ..
عبد الله:تزريفة ؟ شكون دارها ليك ! نضتي عصيتي الله وخرجتي معاه ..
خولة: اويلي على عصيت الله ! اقسم بالله غير خرجت معاه عادي !
عبد الله: الله يرضي عليك هاد الموضوع اللحظة اللي سنيتي فيها عقد زواجك تسد !! دابا راه اللي عطا الله عطاه ! و المكتاب كتاب ! الاهم هو ديري عقلك ! وترصاي فدارك ..
عبد الله: شفتي ابنتي علاياش زوجتك لهاد السيد بصح حيت عرفت ، يطرا اللي يطرا يخليك فدارك يصونك ويحافظ عليك عندو مو وعندو خواتات كايخاف عليهم مايتكرفص على بنات الناس عندو دين واخلاق مايفوتهم ..
خولة:{حدرات راسها} غانمشي اليوم ..
عبد الله: عندك يومين جمعي فيها حوايجك ..
خولة: واخا ..
عبد الله: انا راضي عليك وقسوتي عليك مكادل غير على معزتك ديري عقلك وجلسي فدارك وديري ولادك هما اللي يدومو ليك ، اما كثرة اللغا مافيها حتى فايدة !
خولة: ان شاء الله ..
عبد الله:الله يرضي عليك ..
خولة:{باست يديه} آمين ..
عبد الله: رتاحي انا غانمشي نجلس مع ناس ..
خولة: واخا ..
خرج وخلاها ساهية كاتفكر فهضرتو اللي قال عليه ، ولكن قضية انها ضرة مكاتصرطش ليها ، وعندها فضول كبير من جيهتها ، هزات البواطة وحلاتها لقاات سرتلة ديال الدهب زوينة بتاسمات وشافت فيها بحب
تهز العشا من عندهم ، وبعد اخد ورد ناضو اهل العريس جمعو الوقفة و هبط معاهم عبد الله حتى للباب قرب جاهد لعبد الله فين ما كايسمعهم حد..
عبد الله: باقي الحال !
جاهد: الله يجعل البراكة اسي الحاج ..
عبد الله: وعليه ! اللي بغيتوها..
جاهد:{مد ليه ضرف} ها صداق بنتك !
عبد الله: الله يخلف ويكثر خيرك ! ..
جاهد:{حنحن بصوت جدي} كانعلمك آ عمي من دابا مغاديش ندير العرس هادشي كافي وموفي واهم حاجة درت اشهار بين عائلتي ..
عبد الله: الامر بين يدين بنتي ! بغات تفرح براسها ماعليك الا تنتظر حتى تروحها ..
جاهد:ما كاين مشكل ! من هنا ليومين نجي وراها !
عبد الله: الله يسهل عليكم ..
جاهد:{باس راسو باحترام} مع السلامة ..
عبد الله: طريق السلامة ..
فالبيت عند خولة اللي جالسة على السرير منشورين حداها كاضوات ، وسناء حداها اما عن هناء مشات بحالها ..
سناء: تبارك الله اختي راجل زوين ولد الناس و بخيرو ! شوفي بعينيك .. صبري واللي دارها الله هي اللي تكون ..
دخلات الداخل و حيدات البيجامة بقات ب شورط وديباردور قصار وبويض ، شافت الكسوة اللي ختارت وبتاسمات وبدات تلبس بشوية والكوافورة كاتعاونها ، حتى لبساتها جاتها عبار من الفوق ومفرفرة من التحت ..
كوافورة: ندير ليك مشيطة ؟!.
خولة:{عاجبها زينها} لا طلقيه ..
طلقات ليها شعرها وقاداتو ولبسات الطالون وخرجات عند سناء اللي شرعات عينيها وبدات تقرا عليها المعوذتين ، وخولة غير كاتضحك رجعات ليها الثقة فالنفس والغرور اللي كان فيها زمان كاتحس براسها اجمل وحدة فالكرة الأرضية ..
.
.
.
بعد ساعات فالدار عندهم العيالات فالصالون و الرجال فالگاراج دار عبد الله جلسة تما ، وخولة فبيتها حطات عليها سناء السلهام مكاتبانش ، دايرين حفلة غير بيناتهم و صافي ناس قلال حاضرين ، ناضت بشوية وهي مزيرة شادة دموعها عارفة باللي قرب وقت اللي تمشي فيه ، عنقاتها سناء كاتبارك ليها و دموع فعينيها ..
سناء:الله يكمل عليك احبيبتي ، الحمد الله اللي حياني حتى شفتك عروسة..
خولة:{هبطو دموعها} صافي غادي نمشي ؟ غانمشي لبلاصة بعييدة على دارنااا ، مع واحد مكانحملوش ..
سناء:مسحي عينيك راك عروسة اللي كتاب كتاب دابا ، ديري عقلك و السيد مافيه مايتعاب ..
خولة:{مقاداش تحبس دموعها} تا واحد مكايفهمني فهاد الدنيا كون غير كانت ماما عايشة هي اللي تواسيني ..
سناء:سمعيني نوصيك ، حتى الا كتب الله وتلاقيتي مع ضرتك عليك بالتيقار والاحترام ، عطيها تيساع تعطيه ليك كوني نتي مولات العقل ، وماتغيريش منها و لا تحقدي عليها كون كان فيها خير و كايشوف حياتو معاها مايتزوجش بيك علم الله بالضروف ، واخا يكونو عندو عشرة كوني الضو اللي كايشوف بيناتهم صافي احبيبتي ..
خولة:ماتقوليش ليا هاد الهضرة والله مانطول معاه ..
سناء: أعوذ بالله !! اش هاد..
عبد الله:{داخل مع الباب} خولة ..
خولة:{دارت عندو بشوية} أبي..
عبد الله:{باس ليها راسها} مبروك عليك ، ديري عقلك وحافظي على دارك ..
خولة: ان شاء الله ..
عبد الله:الله يرضي عليك ، زيدي السيد كايستنى مع الباب ..
خولة:{نزلات راسها بغات تحبس دموعها ماقدراتش وحطات يديها على وجهها كاتشهق} غادي نتوحشك أبي بزااف ..
عبد الله:{حك عينيه} الله يهديك آ بنتي دار باك مفتوحة ليك ماللي تبغي اجي تا واحد مايحبسك..
خولة: {باست يديه} الله يخليك ليا. .
نزلات من الدار دموعها هابطين كاتودعهم ، كانت السيارة فباب الدار ركبات وشافت فيهم من الزاج كاتشير ليهم وتبكي ، بقات كاتشوف فيهم حتى فاتتت الطومويبل الدرب كاتحس بالغرااابة ، سناء الداخل كاتبكي عليها ، وهناء غير كاتشوف بغيرة ماضناتش راجلها يكون هاكا ..
جاهد:{مد ليها كلينيكش} مسحي عينيك براكة ماتبكي ..
خولة:{مسحات عينيها} شكرا ..
جاهد:{نطق بصوت جوهري} مابيناتناش الياقوتة !!
في مقهى شعبي جالسة سهيلة لابسة كسوة فالحمر وطالقة شعرها و دايرة ماكياج ملفت ، صابغة ضفارها و كاتهز كاس دالقهوة بشوية كاتنخوا عليه ، وهو جالس قدامها كايبتالع ريقه وعينيها على شقة الصدر اللي كاتبان ، وهي كاتحلون قدامو ..
سهيلة: حبيبي مالك بنتي ليا ماشي هو هاداك ..
محسن: {حك لحيته} لا ما كاين والو غير الصهد شوية ..
سهيلة:{دوزات لسانها على فمها} وي الصهد ..
محسن:قولي ليا احبيبة فوقاش غانديرو اللي تافقنا عليه ..
سهيلة:{ببلاهة} شنو ؟!
محسن:ياك قلنا نسافرو بزوج ؟!
سهيلة:{بنظرات ساحرة} وي نسافرو ، مي راه عندي ظروفي ..
محسن:شمن ضروف ؟! مكاتيقيش فيا ؟ انا مابغيتش نرجع لتما وطولت الكونجي على قبلك و نتي مابغيتيش تضحي على ودي {دور راسو مقلق}..
سهيلة:{حطات يديها على كتفو} الله يهديك واش انا مانتيقش فيك ؟ نتا عارفني كانبغيك ..
ففندق راقي تركنات السيارة و نزل منها ، حل لزوجته الباب ونزلات حتى هي بسلهام تحتو تكشيطة البيضة وحل الكوفر هز باليزة صغيرة ، و قرب ليها شد يديها بغات تفلتها ولكن زير عليها بيديه ، زيرات على سنانها كاتهدن راسها ، و كعادتها بمشيتها الواثقة 100٪ ، مكاين اللي يهدها خنفورتها فالسما ، مشاو للاستقبال حط ليهم الكارط ديالو تاكدو من الهوية ، وجا واحد هز ليهم الباليزة حتى السويت و هوما تابعينو ، دخلو للبيت هو شاف فيها مدة ، ودخل للبالكون ماتسوقاتش ديماكات وجهها وحيدات الكسوة ، و جمعات شعرها ، بعد مدة خرج من البالكون ووقف عليها ، رفعات راسها فيه هازة حاجبها ، و هو حاضيها بنظرة غامضة ..
جاهد: مرتاحة ؟ نبدوا بالخطوة لي تبث الغرس
خولة: ( بنظرات استغراب ) كفاش ؟
جاهد : ( اشار صلاية بعيونو ) الصلاة عماد الدين
خولة:نحطو كلشي بلاصتو و نصليو على ما اظن ، لان الفرصة مالقيتهاش وانا عايشة مع الف سؤال و سؤاال
جاهد:{جلس امامها بباحة رجولية} كولشي بوقتو زوين ! الماضي يترمى و زواجنا هو الحاضر
خولة:{تعصبات} اسيدي غاتحط ليا كلشي فوق الطبلة !! من زواجك من كلشي !! نهار صونيت ليك كنت واضحة معاك انني ماباغاش الزواج من راجل مزوج لكنك ماسمعتيش ليا ودرتي اللي فراسك !!
جاهد: كلمة الرجال !! انا واعدت باك نتسمى برهوش ؟
خولة: تجبرني نعيش مع واحد عايش مع جوج عيالات !{ بحرارة تتكلم} انا واحد انسانة حااارة حااارى باغة راجل ليا بووووحدي بوووووحدي
جاهد: {مسح على وجهو} لا حول ولا قوة الا بالله ! لاحظي باني تنحاول نسهل امور نخلي ليلتنا دوز علة احسن مايرام لكن راسك قاصح
خولة: ما شي راسي قاصح ! نفسي حارة ! كنت حاطة معيار نتزوج واحد فاسخ خطوبة ولا ارمل ممكن مطلق لكن مزوج ؟ لا الف لا
جاهد:{قطب حواجبه} نقولها و نكررها ، قسمة ونصيب! انا الآلة نهار دويت معاك الله عالم بنيتي خليتي ميساجاتي معلقين شحال من مرة قلنا ماعليش بنت الحلال فنظري و ممكن ماتيقاش ممكن تعتبر هادشي تفلية لان ولاد حرام ماخلاو لولاد حلال والو هاد وقت ! و كتاب و تلاقيتك بغرض الحلال و شاءت الأقدار يحصلنا باك ! قلنا ماعليش جينا درنا خطوة رسمية ووعد الرجال تحط ! و على رقبتي ما كان يتهز ! صونيتي قلتي شي كلام ماعجبنيش ! ومزالنا نتحاسبو عليه راداني برهوش ! من لاخر ابنت الناس انا نحطك فوق راسي ! واجباتك و حقوقك اوامر ! فالمقابل بغيت الاحترام لان بهاد شخصية ديالك مانمشيوش بعيد، عند بالك راكي قوية و لكن اسلوبك كايتمثل فيه انانية كبيرة !{ تنهد رامقها بشوفات زاثقين} و مرتي اللولة ممظطرة تعرفي عليها والو ! حيت ماعمرك مغاتشوفيها بمفهوم اخر خليتها فدانمارك ختيارها ! والسلام عليكم ورحمة الله ..
جملتو اخيرة كانت مثل بركان داخلها ! قدرت تسرط كولشي الا ديك بقات قدانمارك ! علاش هيا تبقى معززة مكرمة تما وانا هنا؟ لان العز فنظرها كلو فاروبا
خولة{: كاتغزز شفايفها} ماقلتي عيب ! هيا درتي لها راحتها فدانمارك وانا ادير ليا راحتي هنا ، مانحسش راني رويدة سكور ؟ ولا زوجة ديال كونجي ؟ ولا اسئلة لولاد وتهزهم تعطيهم لمرأتك
جاهد : {غمض عينيك تيحك جبهتو{بعدتي بزاااااف
خولة: ظالماك ؟ انا تنعرف واحد السيدة جاو واحد ولد امو تزوجها اسبوعين فيه خطبة و زواج واباها قالها لي دارت كاغطها تعكب دارها ، لان فنظرهم العقد هو زواج ، لكن زواج هو شروط لس تيتحطو فداك العقد و هو داك الزوج واش اهل للمسؤولية! تزوجها و دخل بيها ومشا من تما مارجع ، صدقا حاملة و تعذبت عذاب اليم من الوحم قاصح للولادة لي تممرددات فثراب مع صبيطار مخزن ولدت بمشقة انفس ورجعت فجوج مسؤوليات وراجل تابع امو ، فاخير بنتها مرضت بالسرطان وماتت ، لمن نحملو مسؤولية؟ للزوجة ولا الاب ولا الزوج ولا مجتمع لي ماتيرحمش ؟
جاهد: ( بتأثر ) حسبي الله ونعم الوكيل ! اااخولة ، انا ماشي ملقط ولا ولد حرام ،{ضرب فصدرو بخفة} انا براسي ضحية فزواج كان جزائي منو عطين كل نيتي
خولة: ( تزيرت دموع فعيونها ) من حقي نعرف فين تنحط رجلي! اما هاد انا ماشي ولد حرام وانا وانا ؟ كلو كلام خاوي لاني تعلمت الراجل تيبان فالمواقف و المصايب
جاهد : {بابتسامة فارغة} صدقيني اخولة! ويجي الوقت لي نعاود ليك وتفهمي امري {شاف ساعة لقاها تسعود} نشوفو العشا ونأجلو صلاة من الخير ومن الخاطر الالة بنات
ناض من على السرير لبس حوايجو بعد علاقة حميمية طالت غيابها هي ضارت جيهة خرا ممسوقاش ليه ودموعها طاحو ، قلبها كايضرها بلا قياس ، حك شعرو وشاف فيها وقال ..
الاستاذ:{بتاسم} وانا كانبان ليك كبير ؟! ياله عندي 24 ..
سناء:اا..
الاستاذ:شنو قلتي ..
شافت فيه وضحكات بشوية بغات تموت بالحشمة وخرجات كاتجري ، وهو فهمها انها وافقات وما قاداتو فرحة ، مشات هي الدار نااشطة وضاااحكة وعينيها كايبريو بالحب ، ماتوقعاتش منو هاد الخطوة دخلات لدارهم وسمعات الهضرة فالصالون ، عقدات حواجبها ، وقربات فين كان جالس باها ومها و مرا وولد من العائلة ، لاحت السلام وياله غاتطلع عيط ليها باها..
عبد الله: سناااء اجي ابنتي دخلي..
سناء:{بلعات ريقها} نعام أبي ..
عبد الله:جلسي ..
سناء:{باست يد المرا وجلسات ومها كاتشوف فيها بحسرة} ....
عبد الله: فين كنتي ؟!
سناء: للمدرسة. .
عبد الله:{بصرامة} من اليوم اخر مرة تعتبي فيها ..
سناء:{عينيها تغرغرو} علاش اش درت ؟!!
عبد الله:{بصوت قاطع} ولد اللا زوليخة طالب يديك على سنة الله ورسوله ! وانا وافقت ..
عينيها توسعوو وخرجاتهم، قلبها تعصر تعصاار ، ورفعات عينيها كاتشوف فيه ، كان فديك الوقت بلحية طويلة ورقييق حادر راسو مكايهزش عينيه ، قلبها كاينزف دم ماقدراتش تدوي ولا تزيد معاه فالهضرة
فعلا تزوجو ومشات لبيت الزوجية ، ماقدراتش تتقبل انها ولات مزوجة ، عاطياها غير البكا ، حتى فليلتهم ماخلاتوش يقيسها بقات كاتغوت وتبكي ، و بعد منها داز اسبوع على زواجها ، و هي ماقدراتش تتقبلو ..
حمد:سناء سنااء ..
سناء:{عاطياه بالظهر} امم..
حمد:{جلس حداها} قولي ليا مالك ؟ علاش دايرة هاد الحالة ..
سناء:{عينيها حمرين} مدايرة والو ..
حمد: مافهمتش واش غانبقاو خوت ! الله مكايبغيش هادشي ..
سناء:{ببكاء} واش انا قد زواج ياك قلتها ليك قبل قلت ليك مباغاكش و ماقاداش على المسؤولية ولكن بقيتي مصر ..
حمد:{زفر} صبري راه معاك تقاضى ! مكاتشوفيش راسك عيقتي دابا تزوجنا واللي عطا الله عطاه ..
سناء:{ضارت شافت فيه} عطيني وقت عافاك عطيني غير وقت و كانواعدك ندير كاع اللي بغيتي ..
توجه للبلاكار يهز حوايجو اللي جنب حوايجها ، هز فوقية و قاس بالغلط واحد التريكو ديالها وطاح ، تأفأف وتحنا يهزو وفعلا هزو وهي طيح منو واحد الكارطة ، هزها بتساؤل كان الورد مرسوم عليها وحمرة ، وقلبها وهو يلقى داكشي اللي جمد ليه الركابي وبقى حال عينيه ..
حمد:{قرا بصوت عالي ممستوعبش} حبيبتي سناء انقل لك بكل حب مشاعري تجاهك ، اعلم انك فتاة خجولة ولم اتمكن ان انظر الى أعينك الجميلة والقاك كلمات عشقي لك ، لكن هذه البطاقة اكثر شجاعة مني متأكد ان احساسي سيصل لكِ ، فانت تبادليني نفس الشعور أتمنى من أعماق قلبي ان يجمعنا القدر ، وتصبحين زوجتي على سنة الله ورسوله {بلع ريقه ماقدرش يكمل يديه كايرجفو} "أستاذك ومعشوقك فؤاد" !!
دفعاااتو وناضت راااجعة باللور كااتبكيي ، حتى تقنتااات مع الحييط ، و هو ناااض عينيه حمرين متاااجه جيهتها ، كاتحرك راسها بلااا و تطلب فيه بعينيها وكاتغوت..
حاولات و حاولات تفلت منو ، ولكن مقنتة فالزواية ديال الغرفة ، ظهرها تقسم بكثرة ممدخلها فالحيط ، يد مزير عليها ويد كايهبط ليها فالسروال ، و هي كااتغووت و تحااول تفلت ، مع كل محااولة كاايجمع معاها بالصمطة ، لحمها ولا زرق ، نجح فانه يهبط ليها السروال ، وقرب ليها وهي كاتحاول تبعد عاايفة وخاايفة ، و كااتطلب فيه و كاتحاول تبعدوو ، تعصب وهز الصمطة الفووق ونزل عليها بالجههد و مع الشحطة مع دخل عليها ، دخل عليها وهي وااقفة عينيها خرجووو حتى لحدهم مآلمة ، روحها بغاات تخرج ، آنين كايخرج من فمها و هو ممسوقش كايرضي مكبوتاتو ويلهث ، حتى سالا وطلع سروالو وبعد بشوية وهي طيح الارض كاتوجع عينيها محلولين على آخرهم ..
حمد:حمدي الله حيت لقيتك عزبة ، اما كون قتلتك بيدي
🔙🔙🔙🔙🔙
على هاد الذكرى الآليمة سدات عينيها مابغاتش تفكر ، ودموعها نازلين بعد الضرب والاغتصاب و العيشة الكحلة بغاها تبغيه
في مقهى داخل الفندق ، جالس شاد تيليفون عند ودنو كايدوي مع الخالة رشيدة و كايحتاسي القهوة ، و يتبادلو مواضيع ، قريبة ليه من مو براسها ، كايتعاود معاها وحاسبها الأم الروحية ديالو ..
رشيدة:اولدي ما عندك مادير غير الصبر وصافي ..
جاهد: ها حنا صابرين الخالة حتى يحن مولانا ..
رشيدة:شوف اولدي سمع نوصيك العيالاات ماشي بحال بحال ديرها فراسك ، كلها وعجينتها سايس معاها و كان..
جاهد:مسايسين حتى نشوفو هادشي فين يخرج ..
رشيدة:الله يرضي عليك الحبيب الله يرضي عليك ، ربي يعوضك ان شاء الله وطلع هاد سيدة بنت الناس ..
جاهد:ان شاء الله ..
رشيدة: سمحي ليا الغالي غير سمح ليا ..
جاهد: نتي ما درتي والو آ الخالة مكاتب ربي هادا ..
رشيدة:و نعم بالله ..
جاهد: هادشي اللي كاين ..
رشيدة: اليوم غاديين لفاس واش غاتمشي ؟
جاهد:{حك لحيته} غاندوز شي ايامات ففاس هو الاول ..
رشيدة: اوا واخا الله يرضي عليك ، طلع عند مرتك انا عاطيتك التصريح عاود ليها اللي كاين من حقها
جاهد:الله يحفظك لينا..
رشيدة: آ مين آ وليدي خليت ليك راحة الله ..
مشات وناض حتى هو وعقلو خدام ، دخل للسويت ديالهم كانت خولة جالسة على السرير كاتصبغ فضفارها ، مارفعاتش فيه عينيها ..
جاهد: خولة ..
خولة: اممم ..
جاهد: خاصنا ندويو !!
خولة:{ممسوقاش} شنو ...
جاهد:{حمر فيها} حطي داك الزبل وركزي معايا ..
خولة:{حطاتو كاتأفأف} نعاام ..
جاهد:{بجدية} باغية تعرفي قصة زواجي ؟!
خولة:{بنبرة واثقة} طبعا بغيت نعرف !! ..
جاهد:{تنهد} بشرط ماتقاطعينيش ..
خولة: اووك ..
جاهد:{سهى مدة وبدا كايعاود ليها بصوتو الجوهري} انا انسان بسيط مات الاب ديالي كنت فسن صغير تقريبا مابقيتش عاقل عليه ، ومي {سكت مدة} كانت فعز سبابها جاها مكتابها وتزوجات وراجلها ماتقبلنيش ، هزني عمي رباني هو ومراتو عمري حسيت بالفرق بيني وبين ولادهم ، كبرت ودرت لافاك تبعت الشعبة المفضلة ديالي العلوم الشرعية ، قريت وكافحت جات إجازة وراها ماجيستر و راها الدكتوره {حرك يديه فالهوا} من بعد كلشي مشا باح الاحلام والطموحات ، كنت متوقع غير نسالي نلقى قدامي خدمة لكني كنت غالط وجد غالط خصوصا الشعبة اللي تبعت مافيهاش آفاق ، مكتاب الله ماعندي ما ندير ، كلشي بدا من نهار مشينا نحضرو واحد العرس فالعروبية ، من عائلة مرات عمي و ...
"فــلاش باك"
فعرس فالعروبية ، كلشي نااشط الجو نقيي و دايرين قيطون جالسين فيه النساء ، فداخل القيطون جالسة الخالة رشيدة بقفطانها جنبها واحد المرا ، مهلية فراسها كايدويو بيناتهم ..
رشيدة: تبارك الله عليه شد الدكتوره ديالو والخدمة مجابش الله ، اش غانقوليك اختي ولد شهوة منو تبارك الله كون ربيتو مايطلع ليا بحال هاكا ، مكايطلعش عينيه وحاضي غير قرايتو ..
المرا: ما شاء الله عليه ، {سكتات مدة} والا جاب ليه الله شي مرا مايزوجش ؟
رشيدة: الله يا ختي انا ماكرهت ، ولكن هو رافض الزواج قبل مايخدم ..
المرا: الا !! يمشي للخارج !!
رشيدة:{بعد تفكير} شكون هادي ؟
المرا:بنتي شادية ما يلقى حسن منها ماتلقى حسن منو ، بان ليا السيد ضريف هو اللي يليق ليها ..
رشيدة: الضرافة الله يعمرها دار مانكدبش عليك , شادية اللي كاتكون فالدانمارك ؟
المرا: اييه بنتي الكبيرة ، ماكرهتش دير دارها اليوم قبل غدا ، و يجيب ليها الله اللي يدير ليها العقل ومانلقاش حسن من تربية يديك..
رشيدة:اوا شغانقوليك ، نشوفو شنو يقول الدري ونرد عليك ..
تنهد تنهيدة هو كايسترجع السنوات الماضية ! اكثر من عشر سنين من زواج، هز نظراو فيها هيا كاترمقو بنظرة غامضة ! فضول و اكتشاف ولكن اكيد من طريقته كاين مرار
جاهد : وفعلا بكلام العائلة تقاربهم شكروها ليا و شكروني ليها
خولة : شحال كان فعمرها
جاهد :{بصرامة}ماتقطاعنيش..
خولة:{تنهدات} واخ ..
جاهد:جاهد:داز شهر تعارفنا فيه ورصينا الأمور و كانت إنسانة مزيانة و مثقفة و قارية ، من بعد وقعات الخطبة و مشات هي لتما بحكم خدامة ماتقدرش تبطل و دازو شهورة آخرين ورجعات درنا اللاكط من بعد دخلنا فالروينة دالوراق باش نمشيو لتما ، وهي بين هنا ولهيه حتى خرجو وطلعت لتما ، الأمر كان صعيب حلم الغربة تحقق فعلا لكن الشعور بالغرابة كان غالب ناس مكاتعرفهومش ثقافة بعيدة على التقاليد اللي كبرتي عليها شوارع مختلفين قد ما كانت زوينة قد ما كانت صعيبة فبداية الأمر حتى يسر الله و قدرت نولف شوية وانا وياها متفاهمين رغم أن لباسها مكانش كايعجبني و لكن مخليها تفهم راسها ، حتى دازو شهرين و كانتصدم منها وعرفت اللي عمري توقعت يكون فشريكة حياتي ولكن ما قدر الله وما شاء فعل
"فلاش باك"
داخل الدار عيط باسميتها بدون رد ، عقد حواجبه باستفسار و بقى كايقلب عليها بعينيه والو ، دخل فالكوزينة و هو يلمحها من الباب الزجاجي ، واقفة عاطياه بالظهر فالجردة ، بتاسم و توجه عندها غير قرب عقد حواجبه كايشمشم ، بلع ريقها بصعوبة كايحاول ينفي الافكار اللي فراسو ..
جاهد:شادية ..
شادية:{كانت ساهية ضارت مفزوعة} صمت
جاهد:{بعدم تصديق} كااارووو !!
شادية:{معصبة مربعة يديها تتصوط ) وي !!
جاهد:{ برزانة حاول يبرد قضية ) مبلية بيه ؟ ولا اشار ليه بيديه لوقفتها} فقط معصبة
شادية:غير شي مرات ...
جاهد:{العرق كايتصبب من جبهته} اش قربك لهااد السم ؟ اي مشكل فهاد عالم عندو الحل كما تنقولو مدبرها حكيم
شادية:{بلا مبالاة تتسف فكارو تتسوط ) هضرتك زوينة! لكن شي حوايج ماتنتحكمش بيهم! تنظن عاد نبداو تعارف مزيان ، انا تنكمي من لاخر، حياتي هادي ديك هضرة حرام نتي مراة وبلابلا جيم با ! من احسن تولف
شادية:{هزات حاجبها} الوراق لي قلبوها ! كن كنا متبادلين ادوار تاخد وحدة بحالي كبيرة عليك
جاهد: العمر ماشي مقياس ، نتي عارفة خلفية تفكيري، انا واحد انسان صريح الا بان ل ان الدين لي شاد فيه تعقد ؟ الله يسامحك لان دين ديالي تيقول العمر بين المرأة وراجل ماشي حرام ولا عيب ، والا شفت مراتي تتغلط نصلح و نصح ، و صاابر للبااسك اللي ماعندو حتى صلة بالاسلام ! و عدم صلاتك و زايداه بالݣارو ؟ ههه هو شوية تصدمت ولكن شنو علاقة هادشي بالوراق ونا مزوجك بنية ؟ واحد بلاصتي يشد كارو يكميه معاك و بيس ولكن ماشي نوع حياة لي بغيت
شادية:{تأفأفات من جديتو } سي فغي ! مانواعدك بوالو وخليني دبا بوحدي
شادية:{خرجات عينيها} شنوو ! عائلتي لاااش ..راه منين رشدت لي هضرني ولا غوت عليا نوقفو عند حدو
جاهد:{بحزم} نتي تعرفي ..
جاهد: الاا مادرتيش حل لراسك نتي اللي تزيديها عليك
شادية:{زيرات على سنانها} صمت
جاهد: لاحول ولا قوة الا بالله
🔙🔙🔙🔙
خولة: حاجة عادية ! هدا هو مشكل؟
جاهد: خولة خليني نكمل الله يرضي عليك ..
خولة: واخا ..
جاهد: فعلا واعداتني من بعد عدة محاولات اقناع بالخاطر ودازت مدة وانا مكانشوف عليها والو ، من غير لباسها اللي كان كاينرفزني مي ماكانش عندي حق قانون ضدي تما بشوية كانحاول نقنعها بالحجاب لكنها رافضة رفض تام وحتارمت رغبتها ، مرة مرة كاتخرج تسهر مع صحاباتها رغم ان المووضوع تجادلنا فيه شحال من مرة ، و من بعد قلت غاتكون قطعات لان ريحتو ماتدورش فدار ، حتى لواحد النهار دخلات للدار مع الجوج ديال الليل وحيت تعطلت وماللي جيت مالقيتهاش..
"فلاش باك"
كايمشي ويجي فالدار ويشوف الساعة اللي فيديه ، معصب وكايدوز يدو على وجهه مستغفر الله من جهوة خايف عليها من جهة غاضب ، حتى سمع صوت الباب و توجه عاقد يديه عند صدرو ، حتى بانت ليه بكسوة قصيرة كاتبين لحمها كامل تقريبا ، وضاربة ماكياج صارخ ، و اللي جاب ليه التمام كاتمايل ..
جاهد: اش هاد الوقت آ مدام !!
شادية:{دايخة} اااااه نبداو تاني ..
جاهد:غاتوقفي هنااا و تقولي لياااا اش هاااد الحالة..فين كنتي؟ معامن؟
بقى كايشوف يديه كايترعدو بالاعصاب ، معارف ما يدير وحيت مكاتسكرش بااينة مولفاااه حط يديه على جبهته كايخمم ، شنو يدير معاها ، وعاد خدمة عندو ممرسماش ومكاينش الوراق .. دائما كايحاول يرصي معاها الأمور ، ولكن قلبو شاعلة فيه العافية على رجولتو اللي مرهونة فأول الزواج ..
من بعد ثلات سنوات خدم خدمة زوينة فواحد الشركة ، وكراو دار جديدة وشرا ليه سيارة و أمورهم تحسنت ، وهي شدات الطريق رغم نوباتها العصبية و خرجوها بدون إذن ، و جا الصيف و خرجو ليه وراق ، و قدر يقنعها انهم يهبطو للمغرب ، وفعلا هبطو ما خلا فين داها و مدلعها كل الدلع واللي حطات عليها يديها كايشريها ، و تقربو كثر لبعضهم ، كان فالاوطيل واقف كايحرك رجليه مستنيها وهي داخلة للحمام كاتبدل ..
جاهد:شاادية ..
شادية: هااني احبيبو خارجة ..
جاهد: رااه تعطلنا وو{تكوانسا فاش حلات الباب وطلع وهبط فيها وهي كاتحرك بدلع ، واقفة قدامو بجلابة مخزانية كلااس و زيف} ..
شادية:كي جيتك ؟ ..
جاهد:{قرب ليها دوز يديه ورا ظهرها فرحان بيها} الله ! جاتك زوينة الله يكملك بعقلك ..
شادية:و راه غا اليوم ..
جاهد:{باس جبهتها} مهم درتي خطوة أولى كلشي يجي مع الوقت ..
جاهد:{شد يديها} المودة و العشرة كثر من الحب بنفسو ..
خولة:و شنو وقع حملات ؟
جاهد:{حرك ليها راسو} وي ..
خولة: كيفاش ؟ ونتا ماعندكش ولاد ..
جاهد:{تنهد بآسى وغمض عينيه كايفكر} ..
"فلاش باك"
بعدما دوزو العطلة فالمغرب رجعو للدانمارك ، وتفاهمهم زاد كثر وكثر ، خصوصا بعدما حملات شادية بطفلهم الاول وهي فشهورها الأولى كان فقمة السعادة ، عاطيهااا كاع اللي حلات فيها فمها ، كان جالس فالصالون كايشرب فقهوتو ، حتى سمع صوتها وهي كاتغوت ..
شادية:جااااااهد جااااااهد ..
جاهد:{نااض مفزوع} شااادية مااالك .
شادية:{عاضة على فمها} ااااه ، جاااهد ..
جاهد:{طلع كايجري فالدروج و حل الباب لقاها طايحة فالارض كاتبكي و توجع حاطة يديها على كرشها} شااادية ، شنووو وااقع ..
جاهد:{تالف}استغفر الله ، نووضي نمشيووو السبييطااار..
شادية:{حركات راسها بنفي} لل ا ماانقدرش نووض ..
مسح على شعرو وحاول يثبت راسو خايف عليها و على إبنه ، و عيط الاسعاف مدازش بزاف حتى وصلو للصبيطار و دخلوها ، جلس شاد على راسو تاالف ، بعد ساعات خرج من عندها الطبيب وهبط الكمامة ناض عندو مزروب ..
جاهد:شنوو واقع مالها ..
الطبيب:{بآسف} فقدنا البيبي للاسف !! حالة الام كانت حرجة و نزفات بلا قياس و بالتالي ماقدرناش نعتقوه ..
جاهد:{زير على يديه مسمر} شنوو سبب ؟ علااش وقع ليها هاكا ..
الطبيب: لقينا فدمها مادة ساامة ! كاتتعاطى لشي حاجة ..
جاهد:{دماغو وقف} مكاتعاطى لوالو !
الطبيب:هادشي ما بانليش الفحوصات بينو ان فدمها مادة ساامة ! وحديثة كانضن ان فالاربعة وعشرين دقيقة الاخرين عاد خداتها !!
جاهد:{غمض عينيه} وفاقت ؟
الطبيب: باقي ! دوز معانا يومين نتاكدو من سلامتها تقدر تخرج ...
جاهد:شكرا ..
🔙🔙
جاهد:{دوز يديه على شعرو} بحالا غير البارح ديك اللقطة باقية لحد الان بين عيني ! ماقدراتش تتحيد ولا تتمحى قلبي تمزق ، ما زاد عليا الا كذوبها وهماتني انها تغيرت ! فالاخير كانت تتعاطى مخدرات فاتت سطاج كارو ! وعلم الله اش كانت كادير اخر حتى قتلات ولدها !!
خولة:شنو مصبرك عليها مافهمتش ! واش الوراق لهاد درجة مهمين عندك !!
جاهد: عمر كان زواج الوراق فهاد تلت سنين كانو وراقي تحتي ! كان بنسبة ليا زواج الواليدين أولا ! مافكرتش نستاغلها ، و انا كشخص ضد الطلاق نهائيا من اول مشكل واخا نوصل لافان ديال الصبر كانقاوم ، ماشي انا اللي نطلق و نضيع بنت الناس فحياتها قلت راها تغير و شدات طريق معيشها فلوسي فلوسها معاون والدين ! ، و فعلا كون كنت فالمغرب وكان عندي خطيبة ولا زوجة مثلها مانتقبلهاش ! لكن الفرق انها كانت فالدانمارك من شحال ! وتما عالم آخر عندهم هادشي عادي ، و كنت مسايس معاها حتى يهديها الله و دائما كاننصحها ونشد بيها ونحتارمها ، حيت هي كبر مني فالسن رغم ان الفرق مكانش كبير بزاف ، و تانيا مابغيتش نسبب للخالة رشيدة مشاكل مع عائلتها يكفي غير الخير اللي دارت فيا !! حتى الا تعصبت وهزيت معاها الضد توصلني للحبس ولو غير الضد يكفي اتصال واحد كلمة من فمها نضرب حياتي كاملة فالحبس !
خولة:وبقيتي معاها ؟! حتى فاش قتلات ولدك
جاهد:{حرك راسو} تقدري تقولي بداية التغيير باش مانكدبش عليك مكانش زواج اولى اولوياتي ، زعما طلق هادي زوج هادي!! لانه تما ياله دوزنا خمس سنين الزواج الأولى عام المغرب وجاية شي ربع سنين هنا الغربة ! لكن تما فين قتانعت ماقدرتش نزيد نصبر لطيشها وبسببابها تجهض ولدنا ! كنت بوراقي وخدمتي الحمد الله ! و فعلا بلغت مرات عمي اول وحدة نعاود لها كولشي وخليتها هيا تكلف وخويت لها الدار باش ماتلصق فيا حتى منتيف
خولة: خمس سنين ؟! يعني ماطلقتيهاش فديك الوقت !!
جاهد:ماطلقتهاش ! حيت وقع ما لم يكن فالحسبان!
مرت تلاثة ايام صبيطار كل مايفعل مو ملتزم الصمت، والديها عرفو مالقاو لها جهد ولا لقاو لوجه باش يتكلمو ، اول حاجة دارها هيا
هز وراقو و حوايجو كاملين وخوا الدار مابغاش يتجمع معاها فبلاصة وحدة لا طيح عليه شي باطل و يضرب كل صبرو فزيرو ، بعدما جابها من الصبيطار ، مابغاش يهضر معاها نهائيا حيت يقدر ينفاعل ، على ما استقر مؤقتا فاوطيل، تاني حاجة تبعها هيا اشد محامية ترفع ليه دعوة طلاق بسبب الأضرار نفسية معها و سببها لإجهاض ولدها ،كان متبع حياتو بعيد عليها ومتجاهل مكالمات والديها، لأنه فاض بيه الكاس، صبر و تنازل و لو ضمن مستقبلو قال نكمل معها ربما يهديها الله، جاه اتصال من محامية لأول مقابلة بينهم ، لكن مثل ما مولفاه دائما مفاجآت ، رفضت الطلاق بالدموع وكاتقول انها كاتبغيه وباغة راجلها و متششدة بيه ، وهو كان قرارتو ثابث الطلاق هو طلاق حيت تقبات الورقة معاه ، جرجراااتو عااام طولو وقعو فيه اربعة جلسات تتأجل لان شادية رافضة طلاق القانون تيأيد وصل الصيف و شد كونجي ونزل المغرب زار الأحباب و نفس شوية و قرر يدفع فبرطمة لان الامور ميسرة حمد لله ، و فيوم جات عندو الخالة رشيدة وجلسات كايهضرو ..
رشيدة: ! مكاينش حل آخر من غير الطلاق ! ماشي يمشي دينك حرام !! صبرتي تولدي صبري لذل
جاهد: داكشي اللي كاين الخالة صافي صبرنا ماخرج لينا والو من هادشي ! الله يسهل على الجميع ، بصح هاد الاخيرة {دوز يديه على وجهه} ماتوقعتهاش منها...كنا غاديين مزيان ولو تتخسر فقوة الفلوس تنقول حقها هداك!
جاهد:الله يسمح ليها !! ما شي طيحاتو طيحاتو ولكن راه دارت لي يطيحو ، الله يجعلها المغفرة للذنوب
رشيدة:و الله يعوضك مرة جاية نختار ليك بيدي بنت اصول
جاهد: الله يحفظك ليا الخالة ! لكن مرة جاية مانتزوجش الا عن اقتناع تام واللي بغاها خاطري ..
رشيدة: الله يسهل عليك هادا ما نقول ! باقي ما كاين والو !!
جاهد: عيينا مانتجرجرو فالمحاكم ولكن هي هي ! حالفة لا تطلق !! عيت نحلل فيها والو ، مرة تقول هادي هيا المرأة مرة تتقلب مرة غير ساكتة
رشيدة: لا حول ولا قوة الا بالله ! كون عرفتها هاكا كاع مانعرفك عليها ...ولا نزطمك فهاد تزويجة
جاهد: مكتاب الله هادا !
رشيدة: ونعم بالله !!
🔙🔙🔙
خولة:وبقيتو هاكا حتى لدابا مابغاتش طلاق ؟!..
جاهد:ماتسبقيش احداث ! فعلا رصينا الامور و تافقنا على الطلاق ..بعد معاناة ، تدخل اباها وقنعها ، ماعرفتش واش فعلا نذمت ولا فعلا كاين الحب من اتجاها ولكن لي مابغاتش تفعمو اني غسلت عليها يدي رجعت عندي زايد ناقص بلعكس رجعت باغي غير لفكاك باللتي هيا احسن لدرجة تلاقيتها وسمعت ليها
"فلاش باك"
فمقهى هادئ جالسين قدامهم كافي ، وهي حاطة رجل على رجل لابسة كسوة طويلة وجامعة شعرها و ممكثراش الماكياج ..
شادية:{شدات يديه} عافاك آ جاهد فكر !! انا نذمت و تبدلت تيق بيا ، تنبغيك وبيناتنا حب
جاهد:{جمع يديه} فين هو الحب ؟ طيحي بكلمتي الارض ؟ ولا تكذبي عليا و توهميني ؟! ولا تقتلي ليا ولدي ؟!.
شادية:ماقتلتوش أناااا ، والله تا كنت كانحاول نقص ولكن ماقدرتش نقاوم ..شيطااان غرني وشي افكار فراسي ضروني
جاهد: اللي وقع وقع ! ولكن راك عييتيني آ شادية ! وهادي ماشي خدمة كاديريها معايا !! عام نتي مجرجراني فطلاق ، ماقداتكش خمس سنين ونا صابر؟
شادية:ماتراجعش ؟!
جاهد: مكاينش فين نتراجع..الله يجعل بركة
شادية: حيت شديتي الوراق والجنسية ...
جاهد:{بجدية} نتي اكثر وحدة عارفة شنو صبرني فاول واااه حتى مستقبلي صبرني انا ماشي كذاب ولا منافق ! و صبري معاك ماشي على الوراق ولا غيرهم حيت بإمكاني من الاول نسوسك و نمشي نضبر على راسي ، لكني صبري معاك كان من القلب والله شاهد..قلت كارو حالو ساهل ، وفعلا تبتثى انك تغيرتي كنا تنتظرو اول مولود لينا لكن نتي ريبتي كولشي !
شادية:{بنذم } ...الا طلاق عاجبك اوك موافقة
جاهد: الله يعوضك بما حسن ..
🔙🔙🔙🔙
خولة:ولكن !! راه موراها شي ست السنين دوزتو؟ علاش ماطلقتوش !
جاهد: المشكل ما شي كان فطلاق لانه فقط امضاء ! تربطت بلي عشتو
خولة: شرح ليا
جاهد:{حك عينيه وتنهد} من بعد يومين بالظبط كنت فالخدمة حتى كايجيني اتصال اللي قلبني !!
"فلاش باك"
كان خدام على البيسي داير النظاظر على عينيه بكل تركيز ، حتى سمع التيليفون كايصوني وهزو ..
جاهد:آلو !!
.......:زوج شادية بنعيسى !!
جاهد:{باستفسار} وي شكون معايا ..
.......: كاندويو معاك من مستشفى ****** مراتك دارت حادثة سير خطيرة .
_كان داك نهار عاصفة ثلجية ! عشرة دقايق انا تنسخن فطموبيل بقوة برودة ، مسافة الطريق وصلت لقيت ممر فيه اباها تيبكي ومعاه عائلة دانماركية تتبكي ، سولت وعاودت غير تيبكيو ، حتى خرج دكتور لي معاها مات وهيا دخلت كومة
🔚🔚
خولة: شكون معاها؟ شحال هيا الكومة ؟
جاهد : ( تنهيدة حارة ) كانت مع صاحبها !! شيء عاادي عندهم ،المراة تتطلق شافت لي يفوج عليها كانو سكرانين
خولة: السلامة يا ربي! اوا هيا ؟
جاهد : رهناتني ورهنات عائلتها معاها !! العامين هيا عاد فاقت !! هاد المدة كلها تحبس قلبها شي جوج مرات تارتجع من موت ، تابدات تتستاجب شوية بشوية لكن عن مدة العامين حلت عينيها وتاتهضر ولكن الرجلين واليد ليسرية تشللو . ..
تنهد تنهيدة طوييلة كأنه عيا و هو شحال كايعاود ، حلقه نشف حك جبهته بعياء و خولة كاتشوف بفضول باغياه يكمل ليها ، هز كاس دالما كان على الكوافوز و شرب منوو ، ورد النفس عاد كمل كلامه ...
جاهد: عماين عماين دازت بحال الريح ، حتى واحد ما هدا عائلتها حالتهم كاتدمي القلب قبل العين ، و حالتها كثر تحاليل كثيرة حتى قلنا محال تفيق ، من بعد مدة طويلة فاقت مكاتكلم مكاتنطق غير ساكتة وساهية ، بحال الا كانت ممصدقاش انها حية ..
خولة:كان عندها مشكل فالنطق ؟!.
جاهد:لا الاطباء وصفو حالتها أنها حالة نفسية ماعندهاش علاقة بالجسد ، و ما زاد على مابيها هو شللها رجليها مابقاوش ديالها و الاطباء نفاو شي آمل كبير ديال العلاج !! من غير يديها لي كانت محتاجة فقط ترويض !! حنا و ماقدرناش نتيقو السيدة اللي كانت كاتمشي على رجليها بصحتها و عافيتها ولات جالسة فبلاصة وحدة عساك هي !!
خولة: بقيتي معاها فالدار..
جاهد:ما عندي ما نبقى معاها بعد كلشي شفقتي عليها مكايعنيش انني تناسيت شكون كان معاها فحادث السير !! فعلا شفقت ووقفت معاها لكن الخيانة تبقى خيانة لو وجد ألف عذر !!
خولة: و الطلاق ياك كنتي دفعتي الملف المحامية تتكلف ..
جاهد:فعلا الملف بقى بلاصتو !! وبقيت على تواصل معاها كاتنصحني و ترشدني باش القضية ماتنزلش ، ودرت معاها غير توقف على رجليها الطلاق يتم !!
خولة:ياك سواء تطلقتوا ولالا مغايزيدها والو ؟ وكنتو واقفين على الطلاق ..
جاهد: وي بصح كنا واقفين على الطلاق ! لكن ماشي من الصواب السيدة جالسة شادة قنت واحد مكاتكلم مكاتهضر داخلة فاكتئاب حاد ونوقف عليها بورقة الطلاق نقول ليها سني هنا !
خولة: رجعتي لديك دار معاها؟!
جاهد: أبداً ! مايمكنش ليا نجلس معاها قلت ليك اللي كاين ، وقوفي معاها ما كان الا بدافع الإنسانية ماكنتش داير فرق بين هي على ذمتي ولا مطلقة ! حيت مابقيتش حاسبها مني ، لكن ممنساش انها فواحد الوقت و قفات معايا تا درت وراقي !!
خولة:وفين مشات ؟!
جاهد: واليديها داوها عندهم ، والله يحسن العون زوج ممرضات مقابلينها وحدة الصبح وحدة العشية ، السيدة كان كادير كلشي راسها صبحات مشللة الماكلة قاطعاها كايدوزوها ليها غير فالدوايات و فيتامينات ، طواليط هي الأخرى ماتقدرش تكون عندها خصوصية فيها ، كايبدلو ليها ليكوش و شي حوايج واخا تكون حجر تبقى فيك ..
خولة:وكنتي كاتهبط المغرب ..
جاهد: ماكنتش كانهبط غير واحد المرة فديك عماين جبت عمي والخالة رشيدة جلسو معايا واحد شهرين ، فديك المدة اللي طاحت فيها ، منها الخالة تشوف مها دشادية وتواسيها حيت من عائلتها ..
خولة:وبقيتو هاكا !!
جاهد: على الاقل فديك عماين الحاجة الزوينة هي تطورت فخدمتي و ترقيت لمنصب اكبر من هاداك ، ولات عندي واحد المكانة مهمة فالشركة ، الباقي يعوضو الله ..
خولة:عمرها دارت عملية ولا جربات ؟!
جاهد: دوك ربع سنين اللي دازو ما خلاو عائلتها فين جراو بيها ، ولكن قدر الله وما شاء فعل ، كتب ليها الله تبقى فديك الحالة ، و انا زدت تشغلت كثر مازرتش البلاد و الخالة كل مرة مصدعاني نهبط نشوفها !!
خولة:و هبطتي ؟!
جاهد:{تنهد} من داك الوقت ياله دابا هبطت ، قررت نستاقر هنا من الاحسن ، واخا دوزت سنين ديك البلاد كاتبقى بعيدة عليا وثقافتها ممناسبانيش ، حنا كانرتاح كثر..
خولة: وبقات تما هي !!
جاهد: وي بقات تما ماعندها ما دير هنا ،
خولة: ماكنتيش كاتهضرها !
جاهد: كيما قلت بدافع الإنسانية كنت كانسول فيها ! ولكن داك القلب اللي يسامح وينسى مابقاش انا ماشي ديوثي ولا بلا نفس اللي نكمل مع مرا مشات مع غيري وهي على ذمتي !! نتمناو ليها الشفاء والله يسهل عليها فما حسن ..
خولة:{مسحات على وجهها} من بعد قررتي تزوج ؟!!
جاهد:{حرك راسو} أكيد ! و من حقي وفعلا الخالة رشيدة كانت كاتلح عليا كل مرة و الاخبار وصلت لعند عائلتها و قالو ليا دير لي محللك الله ، حاولت نشوف شي وحدة من تما ولكن فكرة الاستقرار فالمغرب كانت راكبة ليا بالدماغ
وقف بوقفتو متجه جتب بالكو تيتحذث باللغة أجنبية واضح من طريقة انه تيتكلم مع صديق مهم راجل ! كان حوار طويل للدرجة خولة بقوة تفكير مشا راسها وجا بقوة تعب دخلت فراشها ودماغها خدام وعينيها كايتغمضو
صبح الصباح عند سهيلة ، خرجات من الدار لابسة سروال جينز و تيشورت عاقداه عند الصرة وهازة شعرها الفوق ، كاتمشى بالنخوة والراس مرفوع ، وصلات لراس الدرب وهزات تيليفون حاضية بعينيها ..
سهيلة: شوية و نكونو تما عندك تتهز ؟!
....:كاين شي بعدا ولا ناوية تضحكي علينا ؟!
سهيلة: واش انا عندي وقت الضحك ؟! توكض معانا...
....:باقي مارصينا الأمور على 2000 درهم ..
سهيلة:{على أعصابها} اللهم 2000 درهم ولا بلاش كاع أش قلتي ؟! هاه ولا هاه ماتفاهمناش عليها ! رزقك تشدو ..راك جالس تاتشمس
....:ها حنا نشوفو ! عندك واجدة ؟
سهيلة:واش يحساب ليك كانضحك ؟ البارح مشيت معاه برجلي حتى للبانكة جبدهم الزرقة على ختها! ولكن للشلاهبي اللي حطو قالك والو يمشي معايا يشوف ! حگا خايف عليا ..
....:وا خونا منووخ مع رااسو ! شاف توت و داخ ! كاين شي بن المرا بعقلو يعطي 2 مليون ونص ؟!
سهيلة:{ضحكات بمكر} الحلوة بلوز غالية هاد الايام
....:ماعندي مايتسالك ، تغديتي بيه قبل لايتعشى بيك..
سهيلة: مزال ماذقناه ! الا زيرتي معايا
....:براكتك الآلة ! حطي غير عومااار ونقتل معاك ..
سهيلة:أش وصلنا القتيل خلينا غير فهادشي !! {سمعات صوت محرك السيارة} عرفتي شنو قطع خونا وصل وتحرك سربينا نلقاك تم..
....:كوني هااانية ..
قطعات وضارت راسمة على فمها ابتسامة مغرية ، شير ليها و غمزها و فعلا ركبات معاه ، قرب ليها بقبلة جنب فمها و هي ضحكات ليه ..
سهيلة:نمشيو ؟!
محسن:{حك تحتو مزير} نمشيو آ حبيبة ..
سهيلة:لهلا يخطيك عليا ..
محسن: شنو نمشيو محكمة نعطيوه فلوسو؟
سهيلة:غانمشيو لواحد المحامي كاين جنب المحكمة...هو ولد حرام لي دفع ليه الدعوة
محسن: القضية تما مرونة لا ؟!
سهيلة:ماعندنا مانديرو السيد معناد قالك المحامي ديالو تما ..
محسن: نشوفو هادشي فين يوصل ! جمعتي حوايجك ؟
سهيلة: وي جامعة! نطرقو مسمار و نسلم على الواليدة ونزيدو
شداتهم و زلدت مع زوبير و دخلو الداخل و طلعو فالدروج ، حتى غبرو من قدامو وهي تضحك تا لودنيها ، وجبدات صاكها كاتحسب ..
سهيلة: نحسبوها !!
زوبير :{القلوبة خرجو من عينيه} عطيني الفين درهم نحسب خطواتي
سهيلة:{عطاتهم ليه بتعالي} هاك اسيدي على خدمتك النقية ، زدت ليك واحد 500 درهم ..
زوبيريخليك ليااا الصاااطة! الا كان شي بريكول آخر هاني معاك !!
سهيلة: مكاين بو بريكول ! تلاقاني فطريق ماتخسر عليا حتى سلام
جلسو فالدروج كايهضرو و يتلفو الوقت ، حتى شوية نزلو ومشى هو وهي ركبات فالطوموبيل هازة ملف الوراق على اساس تنازل وشيك قديم وحطات يديها ورا عنقو مقربة ليه ..
ساق الطومبيل بسرعة حتى بعد دقائق فاتو ديك البلاصة ، ودخلو لواحد الخلا ، وسهيلة هازة حاجبها ، وقف الطومويبل للجنب وقرب ليها ، كثر وكثر حتى تخالطو أنفاسهم ، وحط شفايفو على شفايفها ، كايبوسها بشهوانية ، مدارت حتى ردة فعل وزعم كثر و دخل يديه مع سروالها ، و كايغرق كثر مع شفايفها ، حتى حسات بيديه قاست البلاصة المحظورة وزيرات عليها ، فعلا تحركو مشاعرها كانثى لكن دفعاتو بلبقة مبتاسمة ابتسامة صفراء ..
ماسمعش عليها وقرب ليها كثر ، وهي كاتحاول تبعدو حيت رغم كلشي حتى هي عندها مشاعر و غريزة ، دخل راسو مع عنقها كايبوسها بجنون ويزير على صدرها بيديه ، حسات بالحرارة طلعات معاها وهو كان كايزيد يتمادا كثر كثر ، مد يديه حل ليها صدفة السروال ودخل يديه ..
لكن قاطعو صوت الهاتف وحيدها ، وهي قلبها ضرب ، قادات حوايجها..
سهيلة:{كاتخاطب راسها:ويلي ويلي اش درت اش درت ، خليتو يقرب لياا اش درتي اسهيلة اش} ياله نمشيو من هنا ..
محسن:{كمل المكالمة}سمحي ليا ماحسيتش براسي ..
سهيلة:{بابتسامة صفراء} واخ ..
كملو طريقهم يوصلها الدار ، وهي طلقات شعرها يغطي الحمورية اللي على عنقها ، نزلها بعدما باسها وهي مشات كاطير للدار هزت باليزتها ، اما هو قلب الضورة ضاحك .
سهيلة:حبيبتي هاني غانمشي...
أمينة:وسخيتي آ بنتي ؟!
سهيلة:ماعندي ما ندير آ ماما ! نخدم على راسي و نجي نكون ضامنة مستقبلي ..
سهيلة: جوووج مليون من زلال الله يخلف على خولة وصافي
فاقت الصباح كاتكسل ، وحلات عينيها كاتستوعب فين هي كمشات عينيها حاسة بالثقل حداها ، دوزات عينيها كاتشوفو عاطيها بالظهر ناعس ، مخلي مساحة بيناتهم ، بقات كاتشوف فيه مدة ، جاتها غريبة تفيق حدا راجل ، تنهدات و ناضت للحمام ، قضات روتينها الصباحي وبدلات تما عاد خرجاتو لقاتو ناض كايحك فعينيه ، شافيها وبتاسم ليها و دخل الحمام ، بعد مدة خرج ، و طلع وهبط فيها وحرك راسو يرضى للباسها اللي كايناسبو ، وقال ليها بوجه بشوش
جاهد:نعستي مزيان ؟!!
خولة:الحمد الله
جاهد:نزلو نفطرو ؟
خولة: واخا..
فسح ليها الطريق دوز هي الاولى وتمشات وتبعها ، مكايطولش فيها شوفة ، هبطو للكافي اللي كاينة ف الاوطيل وجلسو ، تايسول فيها شنو تبغي وياخد ليها من عندو واخد بالو معاها باش ماتحشمش منو ، وهي غير كاتشوف بعينيها ، ماتنكرش ان تصرفاتو جد شهمة ، سولها عاد عيط للݣارصون و دوا معاه هو ماخلاش ليه فرصة فين يدوي معاها ولا يسولها ..
جاهد:صافي غير هادشي ؟!
خولة:وي!!
جاهد: براحتك ، شنو بان ليك نسافرو نبدلو الجو !
خولة:فين ؟!
جاهد:شنو بغيتي نتي ؟! نمشيو لداركم هو الاول ولا نهبطو لفاس ونشوفو الوجهة اللي تشدو ؟!
خولة:{بصوت هادئ} انا ماكرهتش نبعد على العالم !!
جاهد:{بنظرة حنينة} بشرط تكوني معايا !!
خولة:{بنظرة غامضة} موافقة !!
جاهد:{بتاسم ليها} ها الفطور وصل كولي ، ونشوفو فين تشهات خاطر الياقوتة تمشي ..
خولة:{هبطات راسها ساكتة والسرباي كايحط ليهم}..
السرباي:بالصحة والراحة..
جاهد:{بتاسم ليه} الله يسهل عليك..
خولة:{هزات فيه عينيها كاتعض فمها من الداخل} جاني سؤال فبالي !!
جاهد:{كياكل وكايهضر} تفضلي ..
خولة:زعما مراتك مكاتصرفش عليها ؟!
جاهد:الدولة مكلفة بجميع الامور ! كون محتاجاني بشي حاجة مانبخلش عليها ..الضمان الاجتماعي مكلف بيها، مخصص لها جوج فرمليات ، كنت وخ خرجت من الدار كنت تنخلص مسائلها كاملة حتة وقعت الحادثة و خرجت منها ، باش لخص ليك فعيني و فعيون العائلة حنا تتجمعنا ورقة فقط لازمها امضاء و يتبطل داك الزواج
خولة:ولكن كاتبقى مراتك ؟! كايخصك تصرف عليها تحتاج شلا حوايج الا ؟!
جاهد: ماقلتش العكس ؟ نهار تحتاجني مرحبا
خولة: الصمت!
جاهد:{مسح على وجهو} عجبك الفطور؟
خولة:{بجواب اخر } مكاتشوفش راسك أناني ؟!
جاهد:{هز حاجبه صدماته} اناا ؟!
خولة:وي نتا !! باشمن حق تخليها مزوجة بيك !!
جاهد:{مسح فمو} هي اللي خلاتني مزوج بيها مجبر بيها !! انا فقط راعيت لحالتها كون جات عليا من غدا ناخد طلاقي لان قلبي بارد من جيهتها ! لكن اطبائها النفسيين نصحونا تنجنبو امور لي تتكون نقطة تحول بحياتها ! يقدر يزداد اكتئابها كثر خصوصا حد الان ما تكلمات ...
خولة:ياك قلتي باركات ليك !
جاهد:هضرة خاوية ! نتي شي مرات كاتخرجي بنادم على طوعو باستفزازك !! كان شعوري نجاوبك بداك لجواب
خولة: مكاتشوفهاش وطل عليها !
جاهد:فالمناسبات ...اللي سمعت دازت من شي كريز خصوصا حتى باها مرض و مها قلبات لهم حياتهم
خولة: هنا فين قلت اناني ! علاش تبقى معلقة بواحد مكاتشوفو من شهر لشهر مكايصرف عليها ما والو.
جاهد:بحالا كانخوي الما فالرملة ! مصاب كون تنطق ولا تحسن حالتها مانخليها معلقة بيا مانتعلق بيها ! كيفاش بغيتيني نبقى معاها بعد كاع داكشي اللي دارت ؟! راه نتنازل على الشراب على ݣارو اما الخيانة أبدا {تزير} علم الله فيه وصلوا ! لأن العلاقات غير الشرعية مكاتحبسش فالهضرة والخروج !!
خولة:{حسات بيه مقسح} هادشي كان عليك تصارحني بيه نهار اول
جاهد:{حك جبهته بعياء} خاولة ! كل مرة كاترجعيني مكانسواش كثر من الاول ! {شير لنفسه} انا كشخص ومبادئ ماللي باك لقاني معاك ، وانا غرضي كان الحلال مانقدرش نتراجع ! ماشي شماتة نخليك وسط الطريق ..نهار اول كنت نعاود لك كولشي
خولة: لاحول ولا قوة الا بالله
جاهد: احسن ماقلتي هاد الصباح !!
مدة صمت من جيهتها ، هضرتو دخلات لاعماقها وبقات كاتحللها ، إنسان عمر صادفات بحالو فحياتها وفعلا يومين مع بعضهم عمر لاحظات من طرفو نظرات ماشي حتى لهيه واخا هي مراتو و من حقو ، كايجمعهم سرير واحد لكنه عمرو قرب ليها كثر من اللازم ولا قاسها واخا بالغلط ، كايحتارمها فاش كاتبغي تبدل ولا تدوي مع ختها كايخرج ، لاحظات كاع هاد تفاصيل ، كملو فطورهم وهي ساهية مرة مرة كاتشوف فيه ويبتاسم ليها بدفئ ، طلعات جمعات حوايجها وشدو الطريق ، وطولها وهو مراقب راحتها ..
_ياكما شاداك دوخة؟
_مرتاحة ؟
_جاك الجوع ؟!
حتى وصلو لوجهتهم ...لي هيا مدينة اكادير بعض مسافة طويلة
خولة : اوك !! شوف بعدا شي قوة نجلسو نشربو شي حاجة لما سخن
جاهد : {شاف فيها رجعت حمرة وقف سطوب شاف يمين شمال واقف بوحدو} قربي نشوف شنو بوجهك
خولة :{ كولشي الا و جها قربت بسرعة} شي حبوبة ؟ اويلي
قرب منها طبع قبلة على جبهتها و ابتسم
جاهد : تموتي على وجهك
خولة : هو لي خلاك تجي كاتجري
جاهد:{نزل راسو كايضحك} سبحان الله
واقف حدا دارها كايحرك رجليه ويستناها تنزل ، شاف الساعة فيديه فات على الوقت اللي تافقو عليه 5 دقائق وهي مبانتش و تيليفون مكاتجاوبش فيه ، كاينفي الافكار اللي رواداته , شاف واحد الجارة خرجات من الدار رمات ليه السلام و بتاسم ليها داير راسو غير واقف وصافي تيليفون فيديه ، جاها عادي حيت ولد الدرب ، دقات على أم سهيلة دقائق قليلة حلات عليها ، وهو يطلق ودنيه كايسمع ليهم بلا مايبين..
أمينة:مرحبا مرحبا ، زيدي دخلي ..
الجارة:مرة أخرى ان شاء الله ، غير جيت نقول ليك غدا دايرين صدقة 40 يوم لعݣوزتي ، والو تجي ..
محسن:يمكن ماعنديش دليل البوليس! ولكن مك غير حدانا نشووهكم فهاااد الدرب ..
سهيلة:ياك آ خويا ؟!..سبحاااان الله الخطيبة الأولى وماتسواش ودابا دوز الجارة ! كاع هادو ظالمينك ونتا و مك اللي مساكن ؟ اخرتكم يجريو عليكم من درب راه عندو سمعتو ..
محسن:{مغدد} يحساب ليك قطعتي الواد ونشفو رجليك ؟! ولا مانجبدكش ؟ باقي نجيبك حتى لعند رجلي ..
سهيلة:{ضحكات} كاتضحكني والله !! صاحبي و دورتي معايا درت عليك بالسيف ؟ لا غير جاوبني ..
محسن:هااداااك رزقي القح••ة رزقيييي..
سهيلة:دابا دوك زوج فرانك دارو ليك هاد الحريق كامل ؟! مصاب غير تقدني فالكرااا !!
محسن:بعتيي رااااسك رخييص ..
سهيلة:سير آ ولدي عند مك راها كاتستناك ، و هادي تعلمك وتفوت عليك بنات الناس ، وحدة بغيتو تردوها خدامة وانا تردني قح•ة ..
محسن: دابا عاد كاتدافعي على صاحبتك ..
سهيلة:مكاندافع على حد ، هاداك حسد الله يشافيني ، دار فيها الله خير اما داك راجل لا كان بقى ليها ، ولكن أمة يهودي محال تسلم ، سير وخليني عليك وحمد ربك حيت جات غير فزوج ملاين !!
قطعات عليه وهو معصب وصدرو طاالع هااابط ، مشموووت مابغاااتش تتسرط ليه كااع انهاااا ضحكاااات عليه ،
وصلو للاوطيل ومشى كالعادة للاستقبال ، هزو ليهم باليزاتهم وطلعو ، و خولة كاتضور فراسها اوطيل نقي وديال الطبقة الراقية مجهز من كلشي ، دخلو السويت ديالهم وحطو ليهم لي ڤاليز شكرهم جاهد ، و هي هزات بيجامة طويلة ودخلات للحمام ، اما هو بدل حوايجه وحل الصاك جبد منو البيسي ديالو ، وجلس خدام عليه ، داز الوقت وخرجات من الحمام ريحة الباندوش والكريمات فايحة منها ..
جاهد:{بتاسم ليها} بالصحة ..
خولة:{بدلاو الابتسامة} الله يعطيك صحة {ضارت عاطياه بالظهر ، وشعرها الطويل طالقاه وراهاا ، وتحنات كاتقلب فلي ڤاليز مالقااتش اللي كاتقلب عليه و تأفأفاات}
جاهد:{عيان من الطريق}الله يهديك آ خولة ، عاد نهار العرس ما خليتي ما درتي الحرارة بزاف للشعر ممزياناش كاتلفو ، خليه يرتاح ..
خولة:{بعناد} لا آ سيدي ، انا ربي عطاني واحد الشعر ما شاء الله {خمسات ليه} مكايضيع لا بحرارة لا بوالو ..
جاهد:صافي آ خولة مرة أخرى ..
خولة:{حطات يديها على خصرها} باش نتفاهمو من الاول ، نحطو نقط على الحروف ، انا اسيدي وجهي ثم وجهي ثم شعري ثم كلي همااا حياااتي ، و مركز الكون ديالي ، كلشي الااا الجمااال كانبغي الصاالونااات كانبغيي نهتم براسي ، فمتشدنيش ..
طارت من قدامو بلا ماتتجادل معاه ، لبسات عباية و دارت شالها وخرجات عندو ، طلع و نزل فيها برضى ، فسح ليها الطريق نزلو التحت ، ركبو فطموبيل وهو حاضي الطريق ، كايقلب على شي صالون ، مي مارينا مالقاش فيها شي صالون كاين غير بيوتي صونطر
جاهد:{قبل ما تنزل} حاولي ماتتعطليش باش نخرجو نضورك هنا تعجبك البلاصة ..
خولة:{حيدات السانتير} ان شاء الله. .
دخلات الداخل كادور راسها باعجاب فالمكان ، كانت واقفة تتما واحد البنت فالاستقبال ، ووراتها الخدمات اللي كايديرو و طلبات دير سوان لشعرها ، وراتها منين دوز حيت الصونطر كبيير وفيه عدة إيطاجات كل حاجة واختصاصها وجلسات فكرسي من الكراسة متكية وطلقات شعرها دارو ليها السوان و قادوه ليها ، عاد مشات قادات ضفرانها وبدلات ليهم الصباغة بوحدة باردة ، و ناضت عاجبها راسها ، صونات لجاهد اللي كان غير فالنواحي ، وجا لعندها دخل خلص وخرجوا من تما ..
جاهد:بصحتك ..
خولة: الله يعطيك الصحة !!
جاهد:{ركبو فالطوموبيل} ديري السمطة ..
خولة:{قاداتها} ندوزو للاوطيل هو الاول نبدل حوايجي عاد نخرجوا ..
جاهد:على خاطرك ..
ضرب دورة ورجعو الاوطيل ، حلات الباليزة كاتتخير بشوية عليها وهو برا كايستنى فيها ، هزات كسوة فالموف آنيقة لبساتها ، وبقات كاتخير فالشال تحيد و تعاود حتى ناسبها واحد وهداها الله ، ووقفات قدام المرايا كاتحط ماكياج خفيف على وجهها مركزة ..
جاهد:{من برا} خااولة ..
خولة:هاني جاية ..
كملات شغلها بشوية عليها ، ولبسات صندالة شفافة ، عاد خرجات عندو ، شاف فيها وبتاسم ليها باعجاب ، وقرب باس ليها جبهتها ..
جاهد: جيتي زوينة ..
خولة:{تمووت فاللي يشكرها} شكرا ..
جاهد:{شابك يديهم} ياله زيدي ..
خرجو من تما شادين فيدين بعضياتهم ، مرة مرة كايدويو ويتناقشو بهدوء ، و هو عاطيها كثر من الخاطر وكايسمع ليها ،
بداو مشاورهم هما تيكتشفو المدينة مارينا لاكوط ديالها كلها مقاهي و مطاعم و مقاهي اما قضية شوبينج ماطرحات لا عندو لا عندها ، فاخير استقرو بمطعم أمام البحر مستقريت عليه المراكب صغيرو و اطلبو ليهم الاكل ، هيا تتبغي عشاها يكون خفيف طلب ليها سلااد وتحلية اما هو طلب عشاء متكامل ، عينيه غير معاها الا طلات شي زغبة من الفولار كايدخلها ، و كايتناقشو فشلا أمور كل واحد كايعرف شخصية الثاني كثر و كثر
جاهد : بلادنا حمد الله زوينة
خولة: { عجبها لجو } كاين هنا دي بوتيك دي ماخك ؟
جاهد : يكونو! اي مدينة سياحية متقدمة تيكونو فيها
خولة : غدا ان شاء الله ونشوفو
جاهد : مزال خاصاك شي حاجة؟ { تبسم } ولا انتي من نوع لي عندك وخاصك ههه
خولة : هههههه ضحكتيني ههه خاصني تلفون
جاهد : ترجعو فاس صاحبي تيبيعهم شي حاجة أوروبا اوريجينال
كملو عشاهم ، كانو على رجليهم غادين حتى وصلو للسويت ديالهم مع ديك الوحدة ونص ، خولة رجليها تنفخو بالصندالة ، جلسات على الفوتوي اللي حدا السرير وحيداتهم ، ولاو حمرين شاف فيها جاهد ..
جاهد:زيرات عليك صندالة ..
خولة:{كاتماصي رجليها} اممم ..
جاهد:( بصوت رجولي حنين ) شي مساج ؟!
خولة:{تتجس نبض } ماكرهتش ههه زعما نت ماشي من نوع سي السيد
جاهد: اسي السيد ؟ شنو مفهومها عندك ؟ بالنسية ليا غير كايتسد ه الباب لي جامعنا علينا بجوج ، ترجعو انت وياك واحد ، خودي راحتك والا راحتك جات فمساج مرحبا ، رسول الله صلى الله عليه وسلم وصانا بنسائنا خير
خولة:{حكات رقبتها} حيت أغلبية الرجال كاتجيهم فشكل ماعرفتش ، بحالا كااتنقص من قيمتهم ..
جاهد:تنقص من قيمتهم مثلا غير لا دار ليها مساج لرجليها ؟ فاش كاتوقف تشقى عليه لا ؟ ولا فشي حاجة حميمة كايقيس فينما بغا ! غير فهادشي اللي تنقص من قيمتهم !
خولة:{الصمت} ...
جاهد:ياله نوضي جيبي شي كريم ..
ناضت تتزول حجابها بقات بكسوتها شعرها حريري تيلعب وراها جبدات لانجيت مسحات بيه رجليها مزيان ، مافيها اللي عاد دخل تغسلهم وأصلا نقيين ، وهزات كريم من عندها وجلسات حداه على السرير بتردد ، تكات وجر ليها رجليها مبتاسم وشاف فيهم مدة ، بيضين وحومر من التحت ، وصغار وضفارها مقادين ومصبوغين ، جر الكريم وبدا يدهن ليها ويماصي وهي عاد حسات بالراحة ، وبقات كاتشوف فيه مدة ، كل مرة كاتشوف منو شي تصرف اللي كايكبرو فعينيها كثر ، بشخصيته الهادئة مكايقولش لا وكايتهلا فيها ، وكاتسائل مع راسها واش غايبقى ديما هاكا ولا غير سبعيام دالباكور ..
خولة:بغيت نسولك ..
جاهد:{بتاسم ليها} اممم
خولة:واش كاينة شي صعوبة دخول الخارج..
جاهد: مكايناش شي حاجة اللي ساهلة ولا تجي باردة ، ضروري من الصعوبات..
خولة:من صغري وانا كنت كانتمنى نمشي الخارج ، شحال وشحال حلمت ولكن كلشي مشا..
جاهد:{رفع فيها عينيه} علاش كلشي مشا ؟ بغيتي تمشي الخارج تمشي فين كاين المشكل ..
خولة:زعما نتا ممكن تديني وخ مزوج ؟
جاهد:على شنو فيها ؟! فين ما حطيت رجلي تحطيها..
خولة:{عينيها لمعو} نمشيو شي مرة..
جاهد:{بهدوء} نشوفو شي دولة من غير الدنمارك ، حيت ممنوع التعدد تما ، و نديك تتساراي ، غير نقادو ليك الفيزا..
خولة:ولكن انا كنت بغيت نستقرو فدانمارك..
جاهد:الله عالم باللي جاي وشنو غايكون ، كلشي عند الله قريب..
خولة:شكرا بزاف..
جاهد:هاد شكرا ماليها معنى معايا ، اللي ديالي ديالك ! ماعنديش مشكل غير أي خطوة تكون بشواري..
خولة: الله يجيبنا بصواب
جاهد:{قاد رجليها} شوية دابا !
خولة:وي مزيااان .. { بصوت دلع} تانكيووو
جاهد:ياله غانغسل يدي من اللاكريم ،ونعسو مشا الحال ..
خولة:واخا ..
دخل للحمام غسل يديه وتوضى ، وخرج هز سجادة وصلا صلاتو بخشوع تام ، بقات غير كاتشوف بعينيها ماقدراتش ترجع تنعس هاكاك ، بصح شي مرات كاتقطع صلاتها لكن دار ليها دابا تانيب الضمير بلا مايقوليها علاش ولا نوضي تصلي ولا يسبب ليها إحراج ، ناضت ديجا كانت موضية لباست عبايتها وصلات اللي فاتها وهو بتاسم ليها راضي عليها وناض لبس تيشورت آخر وشورط باش يرتاح فالنعسة ، وهي سالات عاد دخلات فالفراش عاطياه بالظهر ، طفا الضو وجا حداها تغطاو بالليزار ، كايشوف فيها مدة طويلة ، وهي صاقرة مد يديه لشعرها اللي جامعاه طلقو ليها بشوية كايستنشق ريحتو..
جاهد:غايعذبك فالنعسة..
خولة: ولفتتت
جاهد : تانا خاصني نولف
بقات على داك الحالة مكاتحركش ، وهو بكل عفوية قربها ليه وضمها من كرشها ليه وقبلها فعنقها وغمض عينيه كايحارب نعاس تشوكات فبلاصتها ، هو بالظبط باسها من عنقها ، زيرات على عينيها و بحالا عطاها إشارة أنه ناوي معاها كثر
جاهد : { جرها عندو خاضنها} ماتحنيش فيا ؟
خولة: (تااتسرط ريقها} احمم جاااهد
جاهد: ماكاين ماجاهد ! نتي مراتي انا راجلك و نتي لي ختاريت ولي بغيت خلينا نطبقو الشرع و نطفيو هاد الشوق
تكمشات بلاصتها مزيرة الغطا وجهها ولا حمر ، واش تمنعوا ؟ ولا دفعوا ، أكيد هي ماشي برهوشة ، عارفة مزيان باللي زواج هادا ماشي اللعب وغدا ولا بعدو غايتم زواجهم ، بقات صاقرة ، دورها عندو بحنان ، شافها مزيرة ، هز يديها باسها بوسات خفاف من كفها ..
جاهد:رخفي على راسك ، ما واقع والو..
خولة:{الصمت}
بقى كايدوز يديه مع دارعها ببطئ كايهدن فيها وبحالا كايهيئها نفسيا ، عارف مزيان باللي اللي بين يدو بدون تجارب حميمية ، وكلشي عندو بالهدوء و الرزانة ، حلات عينيها ببطى كاتشوف ، ابتسامته الحنينة ريحاتها ، بقات كاتشوف فيه مدة مبادلين نظرات ، هو بنظرات إعجاب وهي نظرات غير مفسرة ، معارفاش راسها فين غادية ، قرب ليها بشوية وحيد شعر من على عينيها كايشوف فيهم خووضر كايلمعو ، قرب منها كثر وكثر و هي دقات قلبها كايتسمعو ، تحطو شفايفو على شفايفها بهدووء ورقة ، غير حطهم فقط ، وهي بديك القرب ، تصمكات اول مرة تجرب دوك الأحاسيس ، طبعا عندها ثقافات وعارفة شنو كاين بين الزوجين ، ولكن أنها تعيشو شيء آخر ، القبلة كانت سطحية ، تعمد يتعطل فيها باش تولفها ، وغير حس تنفسها بدا ينتاظم شوية على قبل ، باعد شفايفه بشوية وعاود حطهم ، هاد المرة متعمق فيها كثر كايدوزهم على شفايفها ، و يتحسس طعمها ، غير حس بالنقاوة ، زاد كثر مص ليها شفتها التحتية ، فينك يا خولة ، معارفة كيف تصرف ، كاترعد بحال الفلوس الفازݣ ، قبلاتو زدادو و كايقبل فيها بشغف و رقة مخلطة بشوية ديال الحياء ، رغم كل شيء هو كايبقى انسان بسيط متدين ، بصح فأيام المراهقة تبرهش لكن عمرو وصل لمواصل كبار ، بصح كان مع مراتو ، لكن فرق كبير اللي بين يديه كايحسها صغييرة وفتية منعدمة التجارب ورقييقة ، ورائحة النقاء كاتفووح منها ، قبلة وراء قبلة ويديه كايحركها مع ظهرها ببطئ بدون مايهبطها باش مايخلعهاش من الدقة الأولى ، زعم كثر ودفن راسو فتجويف عنقها ، وغير حط عليه قبلة جسمها تقشعر حسات بتبوريشة واحساااس جديد عليهااا ، وهو لاحظ هادشي وبتاسم عاجبو الحال ، وعطاها قبل آخرى تفنن فعنقها الطويل البيض ، الصهد زداد طير تيشورت وبقى عريان من الفوق ، ويديه بدات تحل ليها بيجامتها ، و هي غير كاترجف فنفس الوقت حاسة بشي حاجة زوينة غالبة على توترها حاسة براسها مع رااجل موزوون وبعقلوو ، ممستخدمش الهمجية نهائيا ، بالعكس بقبلاته كايحسسها أنها إنسانة غااالية ، حيد ليها الفوقاني دالبيجامة ، وبقات قدامو بديباردور كحل عاكس بيااض جسمها ، نزل مع رقبتها بشويية ، وهي كاتبوورش مع كل لمسة منه ، حتى حيد ليها الديباردوور ، وهي كانت غاارقة معاااه ، و مركزةة مع حركاااتووو ، وغير حط يديه ورا ظهرها كايحل ليها السوتيام ، تعكسوو لييه فالاول ، من بعد حيدهم ، هي فديك اللحظة تجمدات مكانها مستوعبة أنها بنصها الفوقااني كاامل معريي قدااموو ، حطات يديها على صدرها حشماانة وهو حيدهم بشوية مبتاسم..
جوهر الروح الجزء الرابع
محتوى القصة
التنقل بين الأجزاء