قصة ليست بالقصة الخارقة للعادة، قصة من أنامل بسيطة الواقع يأخذ أكبر مساحة فيها بالتأكيد.. مكايهم لا مال لا لباس ، ما بقات بالطويل والعريض ! ومابقات بالقصير والحصير ، بقات فالقلب الصافي ، والعقل الناضي ، مابقاتش فالجسد ولا الجمال ، بقات ف "جوهر الروح 🗝️"
قصتنا ببساطة تكتبات وبأحداث ثقيلة تقررات، قصة سهرنا عليها و على افكارها، قبل مانبدا كانبغي نشكر شكر جد جد خاص للصديقة والكاتبة سوسو على مساعدتها وحمل متاعب القصة معي، من كل الجهات.. هي الساس ديال القصة كونها فكرتها ❤️
💎 جوهـــــــر الـــروح 💎
بقلمي المتواضع: Sa Ja (saja Farissi) 📠
فكرة سوسو الإدريسي
_من الشارع الرئيسي خطوة بخطوة هيا صديقتها قاصدين مكتب المحامي ، طلعو العمارة و دخلو المكتب نتظرو حتى تفرغ مكتب الكاتبة و لقاو السلام و حطو سيفياتهم بجوج بدون زيادة فالكلام خرجو كما دخلو ! رغم أنهم فاقدين الامل فهاد دفيع سيفيات للشتى مجالات مع ذلك يدفعو ويعاودو ، ادا بيهم خارجين للساحة حتى للمحو تجمعات و من العدم المخ زن تيجري عليهم ومالقاو غير يهزوو رجليهم و يجريو تيسمعو وراهم صراخ عن كلمات...
_عندااااااااااك عندااااااااك
_هربووووو هربووووو ..
_ شد شددد ..
_ والله مااانتحركووووو من هنااا ..
_حقنااااااا كااانطااالبووو بحقنا...
إختلفت الجمل والمعاني وهوما كايقاومو الدق لي كايتعطى ليهم ، شي هارب وشي واقف بصمود بوجه ذو كبرياء مراضيينش يستسلمو ، كاين لي حاول يغادر المكان لكن للأسف وبسبب الاكتضاض لي كلاها راها كلاها ولي صطمو عليه على فالارض كايحاول يقاوم ينوض ، الدنيا تروبلاات الغوات بالجهد ، تخباو البنات مع واحد الدخيلة تما وطاحو على ركابيهم كاينهجو ، هادي هي حالتهم خصوصا الأساتذة المتعاقدين ، كايجريو على حق عادي من حقوقهم كمواطنين ، باغيين حياة وباغيين يحصدو بعدما زرعو ، عمرهم تفنى من طفولتهم لشبابهم بين الوراق و الاستيقاظ باكرا ، تحملو البرد القارص والحرارة المفرطة ، من اجل يحققو حلمهم وحلم واليديهم ويفرحوهم ، يتزوجو ويبنيو مستقبلهم بخدمتهم مرسمين ، ماشي بحال شخص متعاقد فرمشة عين تلقى راسك عاطل على العمل ، فكرة واحد تدور في رأس جميع لي جاو لهاد المكان يطالبو بحقوقهم رغم أنهم عارفين أن الدقة مغايهزوها الا عظامهم ، ومن الاشخاص لي هربو فآخر لحظة ونقذو راسهم زوج بنات في مقتبل العمر تخباو مع واحد دخيلة دقائق كايردو نفس قبل ماتكلم إحدى الفتاتين كاتمتم
سهيلة:{رفعات عينيها كاتنهج} ناري على حصلة وناااري اسيدي ربي
خولة:{بتاسمات باستهزاء} فريع الراس و حق الله ! واش دارو لهم الجنوية على عنق باش يمضيو على تعاقد
سهيلة:{بغبينة} من حقهم اختي ! نهار تالي يقولو لهم الله يعاون اشاون
خولة:{ناضت تكات على الحيط} حتى هاداك حقك ماعندكش الحق فيه .. عييتي سيري تكمشي وضبري على شي خدمة خرا
خولة:{بجدية} راه خدمة شريفة ما فيها مايتعاب ها بنادم واكل طرف دالخبز بالحلال حسن من ألف وحدة راها فطريق الحرام ، هادي هي البلاد البينكة راه صارفينها على اللي طالقين بحابحهم ! اليوم ناكل دق الغد ليه نوكلو . حتى ربي يوصلنا فين بغينا ..
سهيلة:{طلات تشوف} زيدي نتمشاو ,
خولة:{شدات في ذراعها} زيدي ،
سهيلة:{وقفات جنب الطريق} ها حنا وصلنا ! الله يهديك على راسك اصاحبتي نوضي تزوجي على راسك عليك خطاب
خولة:{بهدوء} أحلامي ممقتاصراش على الزواج ! آخر حاجة نديرها هي هادي ! طبعا الا لقيت لي يستاهل وحدة بحالي ! مانجيش و ندي من الطرف ، واحد يكون مثقف بدارو بفلوسو عاطي العين يناسب زيني ، نكمل قرايتي والا سهل عليا الله وكنت خدامة يخليني فخدمتي ، هنا نقول واخا !
سهيلة:{تأفأفات بضيق} واش غير هادشي ؟ أي علاقة زوجية خاص تكون مبنية على الصح ماشي على أمور سطحية ، تزيدي ماشي تنقصي ! بقات فعاطي العين ؟
خولة:{ضحكات بخفوت} طول عمري وانا ذواقة بشهادة الجميع ! تجي لنهار عرسي نسمع ديك يا ختي خايب عليها ݣاعما عندها دوق ! هادشي لي بغيتي ؟ مانبغيهاش راسي صراحة !
سهيلة:{تنهدات وباستها} مالقيت ما نقول ! من بعد ونهضرو فهادشي دبا بسلامة نلقى ميمتي كاتستناني
خولة:مبلغ الزين !
كل وحدة كملات طريقها لدارها ، بأمل نهار يرجعو لتما يتعينو كأيها الناس ، يخدمو ويكافحو كأي شخص باغي مستقبل مستقر وخدمة مرسمة ضامنها في يديه ، الزمان غدار كل مرة شنو كايبين ، خولة من نهار شدات الإجازة وهي كاتكافح وتقلب على خدمة هنا ولهيه ، بدون اي رد في الأخير كأي شخص دفعات للتعليم لتتلقى الصفعة أنها خاصها توقع عقد تعاقدي فأي لحظة يقدر ينتاهي ، وهي بغات شي حاجة لي موثقة ماشي كل مرة تبقى تاكل الدق ودير اضراب ومظاهرات كما الأساتذة الحاليين المتعدى عليهم لهدا انسحبت بالمراحل الأخيرة ، هي فتاة في أول العشرينيات ذات نصيب من الجمال ، كيما معروفين الشماليين والناس شلوح الحرار بزينهم الطبيعي المليح وبشرتهم النقية ، وعينيهم اللي كايسحرو ، دخلات لدارهم فهدوء تام حتى هزات أعينها ماللي سمعات صوت رجولي وقربات ليه محنية باست يديه وقالت بخفوت ...
خولة: السلام عليكم أبي
طلع فيها كايشوف لباسها عاد حرك رأسه برضى ، كالعادة بهندامها الطويل في نفس الوقت أنيق ، عبارة عن فستان زهري واسع فيه خيط من الخصر وشال مناسب معاه ، من ديما باها كاينبهها للباس المستور ، حتى ولا هو ستيلها كاتفنن فيه ماشي ضروري العرا باش تبان في قمة أناقتها ، باها راجل كبير في العمر قافل الستين انسان محافظ لأقصى درجة بلحية فايتة ذقنه وجلبابه والتسبيح لي عمر يخطى يدو ، وفمه اللي كاينطق غير كلام الله ،
عبد الله:{هاز تسبيح فيديه} وعليكم السلام ورحمه الله تعالى وبركاته ، عساه خيرا ؟
خولة:{بحزن} الحمد الله على كل حال ، بحال ديما !
حميد:{حرك رأسه بحكمة} عسى أن تكرهوا شيئا وهو خير لكم
خولة:صدق الله العظيم {سمعات حس الفوق} واش هنا شي حد ؟
حميد:هنا ختك هناء طلعي الفوق !
خولة:{حركات راسها }
طلعات الفوق بفرحة ، حتى عقدات حواجبها كاتشوف كاتنهض في ولادها .. كاتنبههم من البسالة .. حتى صرفقات الدري الصغير محمرة فيه ... الحاجة لي مكاتحملهاش هي العنف ضد الاطفال ... شدات ليها يديها كاتبعد الوليد لي كايبكي ..
هناء:{بفرحة} خولة كي داايرة اخيتي ..
خولة:{سلمات عليها بصواب} الحمد الله !! اش راك سايرة ديري لااش كاتضربيهم !!
هناء:اختي قهرووني فصحتي من صباح وهوما ينقزو ليا فوق راسي تا أبي هبط التحت من صداعهم ..
هناء:{حمرات فولادها} يتحرك فيكم شي حد نهارو ماطلع فيه الشمس !!
تكمشو فبعضياتهم كايتنخصصو بدق لي كلاو واخا غير خفيف ، وهبطو هي وختها مشادين ، هناء كبر من خولة بالقليل ، تزوجات في سن صغير أقل من السن القانوني ، ولو باقة في ريعان شبابها ولكن ذبلات بالتكرفيس والتمارة ولات تبان اكبر من سنها ، خصوصا مع الاولاد وتربيتهم تشغلات على نفسها ، وحتى راجلها متشدد مكاتخرج ما كاتدرج نهار كايخليها تطل على باها كاتحسبو عيد ، بدلات خولة حوايجها كان باها خرج الجامع وتجمعو هي وختها في الكوزينة كايوجدو الغدا ويتعاودو ...
خولة:{بهمس مخفي} كون غير مادرتش هاد الخرقة مايفرقوش بيني وبين الكور العينين ملونين و شعر زعر تا هو كاين ! خسارة والله ظلمنا ابا بهاد الزيف
هناء:{بإستغراب} اش كاتمتمي تما ؟
خولة:{رفعات فيها راسها} فوتيني عليك اهناء شوفي ولادك راهم تيبكيو
هناء : راهم ولاد ختك زعما؟
خولة: لي ولد شي يربيه الله يرحم والدين
في مكان آخر بعيد عليهم بكيلوميترات عديدة ، وبالظبط في سبتة المحتلة ، واقفة في الكوزينة كاتقاد الحوت ، امرأة متوسطة العمر جسمها رقيق ، كل شوية كاتتنهد بدماغ مشغول ، حتى كانت غاتقطع يديها بدون ما تشعر سرعان ماخطفاتها وشهقات ، حطات داكشي وغسلات يديها حتى سمعات صوته ورائها كايدوي بصوت عالي ،
أحمد: واا المرااا فينك ؟
سناء:هااني اسي احمد !!
أحمد:{عاقد حواجبه} من الصبح وانا نعيط فين كنتي !
سناء:{بتوتر} لا غير هنا , كنت ساهية وصافي
أحمد:{خرج فيها عينيه الكوحل} فاش عندك ماتسهاي بالسلامة بغيتي تخليني نعصى فيك الله ؟ آاا
سناء:{حدرات راسها بالحݣرة} لا غير مع با شحال ما دويت معاه !
أحمد:{خسر سيفته} يخليها سلعة لا نتي لا داك باك ! حطينا نحنجرو قلبي طلع معاك !
سناء:{كاترعد} هاني غير نقلي الحوت نحط !
أحمد:ما تقلي ماتزمري غير سربينا مصارني كايتلصقو !
سناء:{حركات راسها بالرجفة} وو اخا كون هاني ،
شاف فيها بملامح مشمأزة وخرج ، خلاها شادة فمها حابسة شهقاتها ، في عمر الزهور تزوجات كانت في بداية مراهقتها بدات معاه حياتها ، بعدما جا خطبها على أساس شخص متاقي الله من الناس المتدينين ، وتمشي معاه لسبتة ما في اليد حيلة ، تزوجات بيه تحت أمر باها ، وها هي الآن في بداية ثلاثينيات ملامحها فاتو الخمسينات ، صابرة على قبل ولادها ومولفة العيشة تحت الخوف والدق ، هادي هي حياتها باختصار عايشة الجحيم قبل الآخرة ، مسحات دموعها وكمشات عينيها حيت مسات بالغلط جنب عينيها المتورم والزرق كايدل على اثر الحݣرة والتعنيف ، بدات كاتحضر للمائدة بخفة وعقلها مشغول مع دارهم ، سنين ما زارتهم وشهور ما تواصلات مع اختها الصغرى باش تطمنها على باها ، تنهدات بحرقة قبل ما تسمع صوت ندائه وهزات الاكل كاتوصل للطابلة تا سالات وجلسات حداه !
أحمد:{عقد حواجبه} مالنا على هادشي كامل ؟! جابو ليك باك !
سنا،:{بتالعات ريقها} درت غير بحال العادة وصافي والله !
أحمد:{بنظرات مستحقرة} هي أنا عور ؟ كولي ياك يوقف ليك فحلقك ويهنيني من خليقتك !
سناء:{حدرات راسها فصمت وشافت بنتها مكاتاكلش} مالك آ بنتي ؟
سناء:{بصوت كايترعد} ماتخلعهاش عافاك درية صغيرة مكاتعرفش !
أحمد:انااااا لي مكااانعرفش ااماااا هاد الشياااطين أعووذ بالله منهم كايعرفوو الجن الكحل ..
رقية:{طلقاتها ببكية مابقاتش سكتات}
سناء:{ناضت كاطبطب عليها} صااافي صافي احبيبتي !!
أحمد:{غوت} سكتيييهاااا
ناض ولدها الصغير من النعاس كايبكي وبنيتها كاتبكي ، وزايد عليها راجلها بغواتو شداتها الدوخة ، وزيرات على راسها كاتغووووت حتى طااحت الارض كاتتركل ولادها تخلعوو ، وتا أحمد بلع ريقه خايف يسمعوهم الجيران ويصدقو معيطين البوليس وهي وجها معنف ، مشا عندها كاينوضها ويسكتها حتى تهدات سخفانة ، دري سكت اما البنت مابغاتش تعصب وجمع معاها بتصرفيقة حتى طاحت سكتات كاتخنصص بخوف خايفة تبكي بالجهد ويضربها ، حتى حلات سناء عينيها كاتنهد وترد النفس كأنها كانت في بئر عميق بدون أوكسيجين ..
أحمد:شش غاتشوهينا مع الجيران اش بغيتي ؟
سناء:{كاتمتم بصعوبة} الماا ..
أحمد:{عطاها تشرب خايف تجيها ديك الحالة} شي حاجة خرا نجيبها ليك غير ماتغوتيش ؟
سناء:{لقاتها فرصة} بغيت ندوي مع دارنا ..
أحمد:ولكن...
سناء:{بوعد} والله ما نقول شي حاجة غير نسول !
أحمد:{شاف فيها بقلة حيلة ومد ليها تيليفون} هااااكي ولكن هااااه ولااااا هاااااه شهدي على راسك
تحط الغدا وتغداو في جو زوين خصوصا مع كليمات ولاد هناء الحلوين ، منشطين الجو تعاونو على الطبلة جمعوها وجلسو حدا باهم كايدويو فمواضيع مختلفة خصوصا في ما يخص الدين الى أخره ، حتى رن الهاتف الخاص بخولة ، شافت نمرة ممسجلاهاش كمشات ملامحها بإستغراب وقال باها
عبد الله:شكون تما آ بنتي ؟
خولة: الله أعلم ! نمرة ممقيداش عندي !
عبد الله: عطيني نجاوب لا يكون شي راجل !
خولة:{مدات ليه تيليفون كاتشوف بإستغراب وفضول}
عبد الله: السلام عليكم !!
سناء:{غير سمعات صوتو عينيها تغرغرو} أبي كيف حالك ؟
عبد الله:{تنهد بحرارة} سناء هادي نتي آ بنتي ! كي دايرة مع الصحة لباس !
سناء:{بصوت مرتجف} الحمد الله الحمد الله !! نتوما كي دايرين ؟
عبد الله:{حاس بيها مغيرة} الحمد الله ! ياك هانية بعدا راجلك كايتهلا فيك !
سناء:{زيرات على فمها بالجههد} اه كون هاني من جيهتي !
عبد الله:{ماقدرش يكمل} هاك ختك خولة خليتك في راحة الله !
سناء: {كاتمنع دموعها من النزول} مع السلامة تهلا فراسك !
خولة:{بلهفة} سنوووءة كي دايرة !!
سناء:بيخير اختي بيخير الحمد الله ! ونتي اش خبارك ؟
عبد الله ناض غادر في صمت ، قلبه كايتقطع على كبدته من الشوق والندم ، ندم حيت زوجها في سن صغير وماتشافت ما تشوفات ، ندم حيت عطاها راجل ماعرف عليه والو من غير انه رجل دين ، بزاف دالحوايج ندم عليهم ، وعمرو يفكر يعاودهم مع بنته الصغرى مخليها واخدة حريتها في حدود ، عمر يذكر ليها حس زواج كيما يكون هاد شخص لي يدق باب داره من غير الا ختارته بنفسها ، مكملة المكالمة مع اختها كاتسولها على أصغر التفاصيل ، وهي عاطياها الخاطر ضامة بنيتها بين يديها كاطبطب عليها وتدوي مع ختها وطمنها بكلام مزيف ..
خولة:قولي لي أختي مغاتجيش ؟ خمس سنين ماشفتك وغير بالخطفة !!
سناء:{بحزن} والله ما كرهت اكبيدتي ، ولكن اش عندي ماندير هادا هو حالي مرة مرة نبقى نطمن عليكم !
خولة:{في محاولة تبدل الموضوع} وخنيفيسة كبرات ؟
سناء:{بتاسمات} ها هي حدايا مخشية فيا !
خولة:كملات 3 سنين دبا ياك ؟
سناء:اممم !
خولة: عثمان اش خبارو !!
سناء:{بتسامتها ختافات} راه فداخلية ماللي بدا العام ما شفتو !
خولة:{تصدمات} اويلي على داخلية !!
سناء:{هزات راسها في راجلها الجاي} اوا هادا ما كان اختي !
خولة:دبا علاش صيفطتوه لتما ؟
سناء:{كاتبلع ريقها} مبلغ اختي نخليك دبا وسلمي على أبي وهناء !
جاء الليل ختها غادرات بحالها وهي مخشية في بيتها شادة بين يديها تيليفون ، كاتشوف في تصاورها بإعجاب فرحانة بزينها ، كاتنهد كاتمنى لو تقدر تحطهم وتأسر العالم بجمالها ولو حاطة صورة واقفة فيها بكاملها لكن مغطية الوجه ، حتى جاتها رسالة بتاسمات في سرها بتباهي وحلاتها كانت تحية ، لوات فمها ودخلات البروفيل كان لايح بعض تصاورو ماتيقاتش باللي هو ولكن بدافع الملل دخلات وجاوباتو كاتضحك ..
خولة:وعليكم السلام ورحمه الله !
كايقول المثل قلة مايدار مصيبة ، هادا ما وقع مع خولة مالقات ما دير ، طالعة هابطة في الانستغرام وتقارن نفسها مع الممثلات مفتاخرة بجمالها الطبيعي ممحتاجة لا ماكياج لا والو هادشي لي كاتردد في نفسها ، لقاتو مصيفط ليها تاني عضات على فمها بتردد وزعمات دخلات للميساج ..
.....: كي دايرة بيخير ؟
خولة:{كتبات ليه} الحمد الله أخويا ونتا !
.....: الحمد الله ممكن نتعارفو ؟!
خولة:{بعد ثواني} من عندك !
.....: جاهد 35 عام من فاس مقيم في الدنمارك و نتي ؟
خولة:{كاتفكر واش تقول الحقيقة ولالا} اممم خولة 24 عام!
عمر نيتها تعطيها كيما كانت تكون ، مقالتش ليه مدينتها هي غراضها دوز الوقت وتتفلا وتجمع وتطوي كيما العادة ، هي ماشي من الناس المتدينين ولا المتشددين بل غير بالسمية ، واخدة شنعة على ظهر باها ، أفكارها متقلبة مرة داخلة سوق راسها مرة عزيز عليها النحل ، ولكن مكاتفوتش محادثة مواقع تواصل بالعكس كاتفلا ودوز وقيتة وتعطي بلوك ، بقات جالسة مكانها حتى سمعات الدقان في بابها ...
غير سمعات سميتو طلعات معاها سخونية ، وجهها حمار كاتشوف فيها بصدمة ، مكانتش ضاناه هو اللي جا ، بلعات ريقها و شافت في المرا لي كاتستنى ردة فعلها على نار وحلات فمها ونطقات ...
خولة: سليم آخالتي ؟
ضحكة شريرة وراء صمتها ، غير مصدقة الخبر تحنحنات باش ماتبينش وعاودات هزات راسها بغرور لمعة غريبة ظهرات في عيونها ، كالمنتصر في سباق ، والمرا مراقباها بثبات وترقب كاتستنى ردة فعلها عقدات ملامحها بانزعاج حيت مجاهاش الرد وعاودات سؤالها ..
المرا: اوا آش قلتي آ بنيتي ؟
خولة:{هزات عينيها بهدوء} اوا اش نقول لك اخالتي كولشي فالمكتاب
المرا:{بتاسمات} اياه الحنينة سال على المكتاب
خولة:{مطات فمها كاتلاعب بالكلمات} اوا اخالتي آش غادي نقول ليك ! مانلقاش حسن منك ومن ولدك , ولكن فهاد الوقيتة ياله بديت حياتي ! باقي ياله غانخدم وزيد وزيد مانقدرش على مسؤولية الزواج !
المرا:{بهتات إبتسامتها} الله يا بنتي باغا ترديها فوجهي ؟ ولدي يصبر معاك تا تخدمي !
خولة:{كاتلعب في يديها} اوا اخالتي ماعينيش في زواج وماقاداش عليه هاد الساعة و ابا شاغل ليا بالي اكثر من اي حاجة ، مانجرجرش معايا ولد الناس !
المرا:{تنهدات بخيبة} اوا بخاطرك آ بنتي ! كنت متمنياك عروستي وبلاصة بنتي لي ماعنديش ،
خولة:{برقة} اوا المكتاب ما عندنا ما نديرو ! الله يجيب ليه مااحسن
المرا:زعما ماتقدريش تفكري باقي أبنتي ؟ ، راه وليدي دفع لدار تتبنى غير على ودك كان عوال يجمع راسو .. !
خولة:مكاينش شي حاجة نفكر فيها ، غير باش ماتبنيوش أمل ، كاين شلا بنات ناس يستاهلو ولدك !
المرا:{جمعات الوقفة} ما قلتي عيب نخليوك في راحة الله !
خولة:لا لا حشومة تمشيو هاكا ! غير كويس أتاي !
المرا:{بامتناع تام} لا بلا ماتعذبي راسك ! ، شربناه عاد جينا !
خولة:{ببرود} اوا بخاطرك تهلاي في راسك !
وصلاتهم الباب ورجعات كاتسمع صوت رجال خرجو ، هاد المرة ممناعتش ضحكتها بل طلقاتها بخفوت ، حتى توجهات لبيتها بمكر لبسات حوايجها كالعادة مقادة الحالة بكسيوة في الموف ، هزات ساكها متناسق مع اللبيسة وخرجات ، كان باها حاط كرسي قدام الباب جالس التسبيح فيدو كايتأمل فالشوارع والازقة ، وقفات قدامو حانية راسها ...
عبد الله: فين غادية آ بنتي ؟
خولة:{بتوتر} غانمشي غير عند الجارة صيفطات ليا فتلفون ..
عبد الله:{مالقى ما يقول} واخا سيري الله يرضي عليك ..
باست يديه وتمشات ، قصدت دار صاحبتها قريبة بيناتهم غير زوج زناقي ، كاتمشى بحال النعامة كاتلقى كلام الغزل و المدح ، وهي مبتاسمة بخفة هازة نيفها فالسما ، راضية على راسها وزينها تا وصلات لدار صاحبتها ، رنات الجرس دقائق خرجات صديقتها بلباسها المنزلي البسيط ، بلا ماتبين سكاناتها بعينيها كاتفكر كيفاش كاتكون هي فدارهم ، رفعات راسها كاتخفي ابتسامتها ..
خولة:{بآسف مخبية ابتسامتها} ايه صراحة صدمني حتى انا
سهيلة:{تتزير على يديها كاترجف} مابقى ليه غير زواج الفلوس قهوة كنا نتقاسموها
خولة:{حطات رجل على رجل بنوع من التشفي} وقالك الالة دفع يبني دار باش يخطبني ..ونتي تتقولي ليا فلوس القهوة! راه غير كلا فيك واشرب
سهيلة:{حطات يديها على وجهها كايطلعو شهقاتها} ح رام عليه ولد الحرام الله يلگيها ليه ..
خولة:{رفعات حاجبها مبردة} اويلي تتبكي عليه ؟ مات
يستاهلش
_بكات بردات سهيلة عيونها جغمو من دم و روحها تتحرق ، و الغريب ان خولة لي هيا صديقتها تترمي لها كلام السام كلو برود كانها تتقولها
_خولة لالاك
بعد مرور أيام ، جالسة فبيتها شادة الستون مع داك خونا ، طالقة عليه العمق ديالها ، غاتتخنق بقوة القنطة ولقاتو فطريقها ، حتى صونا ليها تيليفون كانت ختها ، مجاوباتش فديك الدقيقة ، حيت كانت كاتكتب ميساج ، تيليفون بقى كايصوني تا قطع الخط ، ثواني نفس الشيء ووصلها ميساج ..
"عافاك اختي جاوبيني ضروري"
"قلبها تهز من بلاصتو ودوزات الخط دغيا ، جاوباتها ، حتى كاتسمع غير بكاء حار وأنين ، ماقدراتش تفرز هضرتها "
قطعات تيليفون ولبسات بزربة ماعرفات كي دارت ليهم هزات تيليفونها ، وخرجات كاتجري حمدات الله حيت باها مكاينش ، شدات طاكسي يوصلها عند ختها لي دارها غير فنواحي مابعيداش بزااف ، شادة على قلبها كاتقفقف بالاعصاب
خولة:سربييي آخويا الله يستر عليك
مول الطاكسي: وا ختي من صباح ونتي تقولي سربي ، راه هادا الجهد !
خولة:راااه قضية حياااة ولاااا مووت ..عرفنا جهدك اكثر و طلق داك تلفون من يديك
مول الطاكسي:{زاد كسيرا} غير الله يحضر السلامة ، دعي مانلقاوش البوليس ، الى دارو لي بروصي نتي تخلصي ..ها تلفون حطيناه
خولة:{ذاتها كاتغزل} واخا كون هاني على حسابي ..
دقائق وقفات قدام باب الدار لاحت ليه الفلوس وتوجهات الباب كادق بجهااالة ، مكاتقشعش قدامها ، حتى حل ليها راجل ختها الباب كرشو سابقاه ، عقد فيها حواجبه وطلعها ونزلها ..
سمير: مالنا ياك لباس ؟
خولة:{صدرها كايطلع ويهبط} حيد من الطريق ..بغيت اختي
خولة:{تحت سنانها} أقسم برب الكعبة وماحيدتي من قدااامي ، شوهتك توصل حتى الاطلس !
سمير:{ساط مغلغل} دخلي لا باغة دخلي ماغاديش تخلعيني
دفعااااتو بقووة ودخلات ، كادور عينيها فالدار الشياطين كاينقزو فوق راسها ، عدوها اللي يحݣر المرا خصوصا الى كانت هاد المرا وحدة من خواتاتها ، وجهها حمر كايغلي ، كاتقلب على ختها بعينيها ، حتى وقف قدامها راجل ختها عاقد حواجبه بقوة واخا غليض وعامر ولكن قصير ، لقات الفرصة كي تخرج فيه عينيها ..
سمير:{عض على فمو كايتحلف} مزيااان والله تا مزيااان السيدة زعماااات ، دابا غادي دوري ترجعي لدااركم ولا نجمعك معاهم ..مراااتي من حقي ندير فيها لي بغيت
خولة:{قربات ليه بشجااعة} زيد ضرب نشوووف ! الجمعية المخيرة في المغرب تقرقرب عليك !! وتشوف واش وانا ولا نتا ، تعلم ترفع يديك على بنات سيادك ..مراتك راها بقانون ما شي تقتلها تقول مراتي
خولة:{هابطة فدروج كاتحلف} اقسم بالله وتتبعنااااا حتى ندير يدي فودني ونجمع عليك عباد الله ..
سمير:{كايدوي تحت سنانه مغزف} وقفييييييي ....هناااااء
"هبطاات كااتعاااير وهووو كايتحلف من الفوق ، هناء ضامة ولادها حالتها حالة كاتبكي بدل دمووع دم ، ولادها مخلووعين مخشيين فيها ، وخولة خارجة كاتغزل شدات طاكسيي غاديين لدارهم ماسكتاتش في الطريق من الدعاوي ، حالفاها فيه "
أسبوع داز ، أسبوع دالبكا والشكا والنواح والدعاوي ، شادة الفراش غارقة فدموعها مقالوش لباهم اللي كاين ، قالو ليه طاحت فالدروج ، واخا ما هو غشيم حدر الراس ومانقطش ، كانت جالسة خولة كاتوكل بنت ختها الصغيرة ، حتى سمعات صوت الجرس ، تأفأفات وقادات شالها وحلات الباب ، لقاتو واقف قدامها هاز ميكات فيديه عقدات حواجبها ياله ناوية ، تسوط فيه وهو يوصل باها من الجامع ،
عبد الله:السلام عليكم !
سمير:{باس يديه باحترام} أهلا أعمي ، كي داير مع صحيحة لباس ؟
عبد الله: الحمد الله أولدي زيد دخل ماتبقاش في الباب ..
سمير:{بنظرات انتصار لخولة} واخا اعمي هي اللولة ..
عبد الله:{أوما ليها} زيدي ابنتي !
خولة:{فهمات قصده وحركات راسها بغيض} واخا أبي كون هاني ..
مشات الكوزينة كاتزدح المواعن ودارت الما يطيب ، عاد طلعات عند ختها علماتها بقدوم زوجها ، اللي مكانتش من المعݣازين لحلحات عليها تا جابت ليها شي حاجة من حوايجها ، وشوية ديال الزينة ، وجلسات بلاصتها مصطنعة القلق ، تا سمعات دقان في البيت بتاسمات بخفة وجمعاتها في الحين ...
سمير:{كايتمسكن} ياا ودي انا جاي ليك ندمااان عمر داود مايعاود ، تمنيت لو كان تقطعات يدي قبل ماتحط عليك !
هناء:امممم ..
سمير:{جرها كايبوس راسها وهي كاتعفر عليه} وصافي الله يهديك .. دار خاوية بلا بيك قتلني جوع من وراك
هناء:{عاجبها الحال ودفعاتو بشوية} صبغني صبغني درية صغيرة أنا ..
سمير: وصافي آزين دقلبي أمت وليداتي ، حياتي بلا بيك ضلام ترضاي تفارقيني مع ولادي؟
هناء:حاشاا ما أنا بنت الحرام !
سمير:وهي آش ؟
هناء:اوا يكون خير !
سمير:{بفرحة} هي نمشيو؟
هناء:تا نتغداو !
باس راسها كايراضي فيها ويتغزل بيها ، وهي جايبة عليه فشوشها كاتعفر عليه ، حتى مابغاش يعيق وهبط التحت ، غير شافتو خولة خنزرات فيه وحطات ليهم اتاي وطلعات عند ختها كاتجري ، لقاتها كاترش الريحة لي جاب ليها وتضحك بحال الهبيلة ..
هناء:ماتعاونينيش عاوني غير راسك ، انا قادة بشغالي ..
خولة:{كاتتحلف فيها} شفتي وباااقي تجي عندي كاتشكي والله تانن...
هناء:{قاطعاتها} مانجيش اختي مانجيش غير هنينا براكة ماتوسوسي ليا عليه بحالا راه ماعرفت اش دار نمشي نعمر داري ونسخن فراشي ماشي تا يدخل شي شاطة ماطة وانا هنا ...
خولة:اوووك ! أصلااا انااا اش داني الله يقطع ليا لساني لا باقي دخلت بين المزوجين ..
خرجات من تما معصبة ودخلات لبيتها سادة الباب ، وهزات تيليفونها سرعان ما لينات ملامحها ولقات رسالة من مول دعوتها ، ودخلات ليه حتى علات حاجبها كاتقرا الميساج
"كانقول غير اللي كاين ، اوا قولي ليا آ خولة ، مرتابطة مخطوبة ولا عازبة هاد الساعة "
خولة:نوو ماعنديش مع داكشي !
"الله يكملك بعقلك"
كملات معاه الهضرة ، مكاتفوتش الحدود ومبينة ليه أن هي ماشي بحال أي وحدة بالعكس مولات العقل والتباتة ، مع هي مثقفة وقارية كتوبة فين ما حطها يلقاها ، ممكبراش ليه الشان ، المجاوبة على ݣانتها ونهار على نهار كايتعجب بذكائها ، ولكن وهي مآمنة أنه فقط حساب مزيف ، ونهار تقولها ليها ݣانتها البلوك المخير غايكون من نصيبه
كملات دورانها فالسوشل ميديا ، حتى كاتتلقى رسالة أخرى ، حلات فمها وضحكات ، كانت من سعودي معرفة قديمة ، شحال تهلا فيها بالكادوات وشحال من حاجة جاتها من عندو تفكرات آخر مكالمة بيناتهم وبتاسمات ، تحنحنات ودخلات للميساج وقراتو للمرة الثانية باش تعرف كيفاش تجاوبو ..
"السلام عليكم حبيبتي شو خبارك شتݣتلك "
خولة:اهلا أهلا ابو سعود ، وانا كمان اشتقت الك ..
"من زمان ما تكلمنا ، من وقت ما كلمتني بالفيديو"
خولة:اوووه على الايام ما حلاهم ، مو مشكلة رح عوضك !
"ڨولي لي حبيبتي تكلمتي شي مع ابوكي على موضوع خطوبتنا"
خولة:{ضحكات فسرها} نعم حبيبي إلتلو عنك !
"لا والله ؟ ، انتي نعمة من عند ربنا ، هي إمتى بجيب العيلة وبتكرم لحضرتج ؟ "
خولة:{تأفأفات} هو نتا بتعرف منيح شو الضروف اللي عم مر منها ، كلها شهور ونجتمع مع بعض ..!
"والله متشوڨ للحظة لي رح تكوني فيها لإيلي ، رح إچعلك ملكة كل اللي خاطرك فيه رح يوصل حتى تمك "
خولة:بعرف بعرف ربي يحفظك يا ابو سعود ، كنت مستنية هديتي الشهر الفايت كان عيد ميلادي زعلتني منك .. !
" يا بعد عمري ، والله ما في عڨلي انه كان عيد ميلاد الڨمر ، هديتك توصلك ع السريع"
خولة: يعني بترسل لي هدية ؟
" عشرة آلاف درهم مغربية رح تكون عندك هلئ"
خولة:{بفرحة} بشكرك من ڨلبي ، يا أب اولادي المستقبلي ..
"ما تشكريني يا غاليه ! دَ أليل في حݣك "
خولة:بخليك على شان إءضي كم حاجة !
"مع السلامة حبيبتي ماتنسي تاخدي بيزاتج"
خولة:{رمات التيليفون على سرير) الله على كامبو واش من نيتو ، بقى ليا غير حولي نضحك شهرين ونهجرو بقية عمري ، في الاخر نبلز ويديهم ليا كن من شي جنسية اخرى نغامر ولكن سعودي لا و الف لا ! ، حساب ليه ناعسة على وذني بنات بلادي مدوزين تما الصراط ، آش داني اصلا ندوي معاه أبيل فيديو! ، الله يدير تاويل الخير نمشي ندوش حسن ليا ! ونخرج نشد فليساتي اححح !
فرنسات وناضت جمعات حوايجها ، دخلات فركات راسها وخرجات ، نشفات راسها ولبسات حوايجها ، وخرجات كان باها فالصالة شاد فيدو القرآن كايقراه ، وقفات قدامو كاتغزز شفايفها ، وهو حيد نظاظره وحط القرآن الكريم للجنب وطلع فيها عينيه !
عبد الله:فين غادية آ بنتي ؟
خولة: نجيب شي فلوس المنحة ابي !
عبد الله:{عقد حواجبه} شمن منحة آ بنتي ياك ساليتي داك العام !
خولة{بكلام واثق} لا نسيتي ديك العام كان عندهم ضعف في الميزانية ماشديتش خلاصي ، ودبا تاصلو بيا من الجامعة قالك يعوضو الطلاب !
عبد الله:انا مكانفهمش فهادشي سيري الله يرضي عليك !
خولة:{باست يديه} آمين أبي ..
خرجات من دار متاجهة لمنزل صديقتها ، وهي كاتخايل الفلوس اش دير بيهم وفين تخبيهم ، وصلات لدار ودقات عليها حتى طلات عليها قاالت ليها تستنى شوية ، تݣلاصات تما عاد خرجات صاحبتها ، طلعاتها وهبطاتها بعينيها بنظرات غير مفهومين ، كاتشوف شعرها مقاد مطلوق ، سروال بويفراند خاشية فيه تريكو ، حاطة زينة خفيفة على وجهها , بانت في قمة أناقتها ، بلعات ريقها وبتاسمات بزز ..
سهيلة:سمحيلي تعطلت عليك !
خولة:{بابتسامة خبث تتعني ردها لك فساعة الخير } لا ماشي مشكيل ، يمكن نسيتي الكاب !
سهيلة:نوو مغانلبسوش ! زيدي {شدات في يديها غاديين من تما}
خولة: اوا غير زيدي واخا مجاتش تمشي بهاد اللباس اصاحبتي
خولة:{خنزرات فيها} واش من نيتك اصاحبتي مالي من داك نوع ! سمحي ليا انا عمري ندير شي حاجة تعصى ربي الحمد الله محتارمة راسي وأبي ، مكاندوي مع رجال مانتمشى معاهم هادو صيفطاتهم عمتي من الخارج !
سهيلة؛{حسات بدق عليها} تهدني ما قلت والو ، غير زيدي !
أصعب حاجة تحس بهضرة ناقصة متاجهة ليك ، ولكن نتا حاط ثقة تامة فالشخص لي معاك وعاطيه مكانة خاصة ، ماباغيش تخسرو ، لدرجة توهم راسك انه هو اللي عندو الحق ، وصلو للبنكة وقالت خولة لسهيلة تستناها برا وسحبات مبلغ صغير منهم وخرجات عينيها كايشعو بالفرحة ، وتاجهات ديريكت لمحل الهواتف وسهيلة كاتشوف فيها بتعجب ، خدات هاتف آخر موديل وخرجو من تما !!
توادعات مع صاحبتها وتوجهات لصالون تجميل ، و دخلات نافخة ريشها هازة راسها الفوق المشية بالعبار ، مطلعة حاجب كعادتها شدات بليصة وحطات رجل على اختها كاتشوف فالبنات لي تما وتضحك فنفسها ، حيت مايوصلوهاش لجمالها بنسبة ليها حتى وقفات عليها بنت خدامة تما باينة معرفة قديمة وسلمات عليها ...
صباح:هاي هاي شكون جا اليوم !! فين غبورك ؟
خولة:{بابتسامة خفيفة} غير مع الدنيا !
صباح:{جلسات حداها} اوا كاملين رانا مع الدنيا ، أش حب الخاطر !
خولة:{غمزاتها}الخاطر حاب كلشي تا نفكر ونوزن !
صباح:ايه مرحبا الصالون ديالك ما نتي غريبة علينا ! ..
خولة:اشمن نتي عارفة أبي مايبغيش ، اما كون زعمت .. !
صباح:حالتك صعيبة عبلة جيبي المشطة رقيقة!!
خولة:{قادات الجلسة} شوفي جبدي مشطة جديدة عنداك!!!
صباح:يا ودي كوني هانية !! كي بغيتي نديرو ليك ؟ نخليه بوكلي ولا نسرحو ؟
خولة:نوو سرحيه يبقى هاكا !! ياك يجيب ليا مدة ؟
صباح:اش كاتعرفي علينا خدمة نقية الا مابقاش كاع خمس شهور على ضمانتي ..
خولة:اوا ها حنا نشوفو !
سرحات ليها شعرها وجابت مشطة جديدة كيما قالت ليها ، وقسماتو وجابت الكيراتين كادير وتجبد شعرها بقى مجبد وجابت سيشوار نشفاتو ليها ، حتى ولا بحال الحرير كايلمع مع لونه زعر وهي بيضة جات بحال شي ݣاورية ،
صباح:ها نتي على لالة خولة منورة ما شاء الله ..
خولة:{بثقة} بحال العادة ، مكاينة تا حاجة جديدة ..!
صباح:{ضحكات} ايه الالة ، شوفي خودي ليك شي شامبوان مايكونش فيه الصوديوم وبعدي ليا من كثرة ماسكات و داكشي الا بغيتي شي حاجة جي عندي ..
خولة:{ساهية مع شعرها} اممم ..
صباح: شنو تبغي آخر ؟
خولة:{هزات يديها برقة} تهلاي ليا فالظفيرات !
صباح: ندير ليك جيل ؟
خولة:زوين بعدا ؟
صباح:هو نوع كايبقى مدة طويلة،وقوي بزاف مقارنة مع طلاء الاظافر العادي وكايبانو لامعين ،
خولة:شحال كايبقى ؟
صباح:يقدر يبقى ليك حتى ل3 ديال السيمانات !!
خولة: توكلي على الله ..!
صباح:عبلة جيبي ديك الآلة دالظفران !!
خولة:{شافتها وصفرات} هاي هاي دخلتي الجديد !
صباح:{غمزاتها} ايه الالة ونتي أول وحدة تحطي فيها يديك ورجيلات !!
خولة:{ضحكات بغرور} ههه عرفي باللي هادي دوم ليك مدة طويلة !!
صباح:لهيا ودي ..
كملو ليها الظفران ودارت مساج خفيف ، عاد خرجات من تما كاتشعل حناكها حمرين ، لي داز يلوح كليمة معسلة ، وهي هازة راسها الفوق ، دازت على محلات الماكياج هزات البركة وختماتها بمحل ديال الذهب ، شرات خويتم كايلمع جا مع بياض يديها ، وخرجات كاتشالي بيه ، بحال شي بورجوازية وهادشي لي بغات ، حسات براحة نفسية ...
كاتهزهز رجليها صيفطات الحانوت كاتستناه يجي ، دورات عينيها تا كاتشقع جارها كايبلاصي طموبيل ، قادات شعرها وقفتها بلا ماتعيق كاتسكانيه بعينيها ، صغير ومبوكص فيه أي حاجة تبغيها بنت الوقت ، ومن هادشي ملعق وكايكون في الخاريج خرج من طموبيل كايقاد سرواله كايتمشى بنخوه . وهي حمارت غير بوحدها ، علاش لا اش ينقصها باش مايتعجب بيها هادشي اللي كايدور فراسها قبل مايدوز من حداها مبتسم ..
محسن:{دار يديه فحسب} لا بقات مع راجلها ..ساامية مابقاتش ديالنا ههه
سهيلة:اممم حيت كانصيفط ليها ميساج متتجاوبش ..
محسن:كانت غيرت نمرة على مااظن
سهيلة:اوا صافي من بعد عطيها نمرتي عفاك توحشتها بزاف راه من صغر مع بعضنا
محسن:اهاه مرحبا ، قيدي ! {مد ليها تيليفون}
سهيلة:{قربات تزغرت بالفرحة} هاك..
محسن:صافي اختي ، مهم نخليك عندي ما نقضي ..
سهيلة: واخا الله يعاونك!
محسن:امين
ياله يزيد بحالو وهي تضرب فيهم ريحتها هزو عينيهم دقة وحدة ، قوقة ݣاورية محجبة كاتمشى على رجليها ، لابسة كسوة جديدة فالأحمر واتاتها ، دايرة زينة خفيفة على ملامحها برزو كثر بلا مشية النعامة والراس مرفوع ، والصدر مدفوع والظهر مستقيم ، في قمة أناقتها كاتبان من الطبقة الغنية ، وهي شافتهم واقفين زادت بتاسمات ، بيناتنا المستفين كايلمعو ، ضحكتها كاتهلك وهي مخبية عينيها بنظاظر طلع فيه تنزل ،
غادر من تما خلا خولة مصطنعة الخجل ، دافنة راسها الارض بحال شي ملاك ، قبل ما توادع مع صديقتها وترجع ادراجها ، شخص بحال محسن ممكن يعجب اي وحدة ، وحتى خولة ماشي بريئة من هاد الناحية ، غير خرجات خولة من الدرب جا برهوش مد سخرة لسهيلة لي معصبة غير بوحدها عايقة وعارفاه دار سبة ، قبل ما يرجع يوقف عندها للمرة الثالثة كايحك رأسه ..
سهيلة:{بلا ما تحس} شنوو بغيتي ؟!
محسن:صراحة طلب صغير ماديريهاش مني قلة صواب !
سهيلة:{بدات تفهم المبتغى} وي ؟
محسن:{تحنح} هاد صاحبتك؟ مخطوبة ولا ديال راسها ؟
سهيلة:{بلعات ريقها بالغيض} ماعرفتش علاش تتسولني انتا بدات؟ اصلا هاديك غير معرفة ما شي صاحبتي و تاني حاجة حيت عندي عزيز من الاحسن غير بعد !
محسن:{بإستغراب} علاش نبعد زعما ؟
سهيلة:{حدرات راسها} صراحة ماعرفت ما نقوليك حشمت ..! مهم راك مانخافش عليك تتطيرها فالسما
سهيلة : ( تنهدت بحرقة ) ماعندي مانقول ليك سول على راسك سيدة كلها شبهات
محسن:شمن شبوهات ابعدا ؟
سهيلة:ماتصلاحش ليك والله !
محسن:{عصباته بتعاويد لكلام} شمن شبوهات ؟؟؟؟؟
سهيلة:{بهمس} عندك تبان ليك هاكا وتقول هنا نبات ؟ زيف والاخوان غير كاتموه بيه الشعب !! انا لي معاشراها
محسن: اها ؟ مابقاتش غير معرفة؟ مهم سيري طلعي اختي مانشدكش
_ هادي حالهم مع الدنيا عشرة أيام دازو بالحساب ، فيه خولة تفششات تا تݣرعات ، الحوايج والحالة مقادة ، جابت زوج عيالات خملو الدار من الفوق تا التحت ، بالبيوت بكلشي ولات كاتشعل وهي فحال الأميرة جالسة حاطة رجل على رجل ! ، اليوم جايا ختها هناء صيفطات المخبزة شرات كرواصات والرغايف ، كلشي من برا لي عليها دارت قهوة ، بنسبة لضفار باها فبالو انها كاتحيدهم فالخروج حيت هي من صغرها فدارهم تتطلق شعورات وتهلا فروحها ، وفي خاطره بما أنها تتخرج بلباس محتارم فلا حرج في ذلك ، سمعات صوت الصونيت ناضت حلات الباب لقات ولادها اختها فوجهها ...
خولة:{بابتسامة صفراء} هه اعلا
هناء:{قربات عندها } لباس عليك ؟
خولة:{بسلام ناقص} اهلا اهلا ، الحمد الله ..
هناء:{رفعات راسها تتشوف ف الزنقة} زيدي زيدي ندخلو ، بنادم ما عندو ما يدار تايبقى حاضيك من شراجم ! {دخلو ومدات ليها ميكات} هاكي شدي دي الكوزينة ..
خولة:لاش عذبتي راسك .. كلشي كاين !
هناء: اوا ما فيها باس .. شي حاجة بسيطة ..
دخلات خولة الكوزينة حطات دوك ميكات ، وديجا اتاي كان واجد محطوط فالصينية ، هزاته وحطات على الطبلة تتوصل الاكل ، وهناء تتشوف فيها معجبة ودور راسها فالدار لي تتشعل بالنقا ، حتى وجهها شافته في الزليج ، مع كاتحط خولة طبسيل وهي تقشع خاتم الذهب تا يلمع ، وهي حرام واش يتخاطى ليها الذهب ... عقدات حواجبها بحدة وامتانعات على الكلام ..
خولة: السيمانة الفايتة كنتي عند عائلة راجلك !
هناء:{بالها مشغول} اممم ، كنت غانجي ولكن عݣوزتي مرضات ومشيت طليت عليها ...
خولة:اممم مزيان ...
هناء:{بجدية كادور كاس اتاي فيديها} انا وياك مكانخبيوش على بعضياتنا واخا شنو ما وقع ياك ؟
خولة:{دورات عينيها} اهاه ..
هناء:دبا بيني وبينك و كوني معايا صريحة ..
خولة:خلعتيني دوي ديريكت !!
هناء:منين جاك داك الخاتم ؟
خولة:{تصمكات} منين غايكون جاني ؟
هناء:{بحدة} تا أنا سولتك !!!
خولة:مافهمتش علاش هاد الهضرة دبا ! الله يخلي ليا أبي مهلي فيا !!
خولة:ماااتبغيييي لياااا مانبغيييي ليييك !! انااا ماشي درية صغيرة ! وداكشي لي عندك فباالك غير حيديه !! انا لااالات البنااات ماانضرش بسمعة أبي فهمتي !
هناء: شووووفي الااا كايبان ليك باااا مساهل معاك غير حيت كااايدير عين ميكا! راه توصلو خبارك يدوز عليك من الودن لودن !
خولة:{زيرات على يديها بعصبية} شمن خبااااار ؟ واش عارفة اش تتخرجي من ديك الفم ولاالااا ؟
هناء:{قربات ليها جلساتها} شوفي ما قلتش ليك كاتفسدي ! ولكن منين جاوك الفلوس ؟ شوفي الحبيبة ديالي انا بغيت غير مصلاحتك مايغروكش الكادوات راه ياكلك و يرميك عظم ؟
خولة:آش هااااد الهضرررة ؟؟ وااااش تاايحسااب ليك عندي 10 سنين ولاااا مراااهقة ؟!! ولااا يحساب ليك قاتلني جووع كااادواات ؟ انا شحفت رجال شلااغمية تابعيني من زنقة ل زنقة {دورات صبعها فالسما} ووو عندااك يحساب ليك كاايتزللو ؟ لا لا يا الحبيبة {ضربات على صدرها} نمرررة بااااك ولااا داركم الكلام ما معاك الولية !!
هناء:{ساطت} اش وصلنا لهادشي كامل ؟ انا بغيت غير مصلاحتك راه مايجيش بنادم و يلبسك ذهوبات !! ماتقوليش ليا با راه كايتقاتل مع فلوس تقاعد ؟
خولة:دبا هادشي كامل حيت شريت خاتم ذهب ؟! صراحة كنت غانموت ومانعرفك !
هناء:{بصدمة} اويلي من نيتك تتدوي ؟ واش انا خاصيني ذهوبات ؟ سناسلي غملو فالبلاكار ! انا بغيت مصلاحتك بغيتك تمشي بعزك ! بغيت با طول عمرو رافع عنݣو !
خولة:مصلاحتي عارفاها! سيد رجال نجيبو وهااا هي { بزقات فصبعها ودارت كروة على الحيط} عرس لي ندير يكون على سيرة كل لساان راجل شهوة منو ! بدراعو وبقاعو همة وشان يدورني العالم ! لا ما جبتو ما نكونش انا خولة
هناء:واش حنا هنا تانخاطرو ولا شنو تانديرو ؟ شكون قاليك ما تجيبيش ؟ دابا وليت انا هي الدفلة الحارة ؟
خولة:خرجي ليا سوقي آ ختي ! خولة متتقول تا تقد ..! ما يدور العام تا نكون فدار راجلي ..!
هناء:{عصباتها} بقااااات فدااااار رااااجلي ؟ والله و ما كنتي مرااااا و صنتي رااااسك ! الاا حساب ليك نسيتيني رااك غاالطة {وقفات وقفاتها معاها مخرجة فيها عينيها} أقسم بالله العظيم ونسمممع عليك قد هاكاا نهاااارك مااايطلع فيه الشمس !!
خولة:والله تااا أب...
هناء:{قاطعاتها وزيرات ليها على دراعها} بققااات فأبي ولااا أمي؟ ولاااا هاد اللباس المجرجر ؟؟ انااا وياااك عااارفين مزيااااان أن هااادشي درناااه بدوون رغبتنااا {ضربات على صدرها} غير نتي مزهااارة علييناااا لقيتي باا حنن قلبووو وندم علييناااا ! امااا كوون راك منااا .. عندااااك تقووولي لااا انا ذكية داكشي علاااش ! رااك غاالطة أبنتييي غااالطة ، تاااانااا عندي أحلام وطموووحات كنت باااغااا نقراااا ونتخير معامن نكمل حياااتي ! تااا سنااء عندهااا احلااام بحالك ! ايييه يمكن ماانوصلوووش لزيينك ! ولكن ديريها حلقة فودنييييك ! الزين كاايتكمش ، والعافية شحال ما كانت مخبية تتحت التبن راه يطلع دخااانهاا !
خولة:{سداتها ليها فوجهها} الله يعطيك مصيييبة تفووووو ؛
دخل الدار ناشط ، هاز فيديه ميكات تلقات ليه بنته باسها وهزها وحط ميكات فكوزينة ، بانت ليه هناء تتصلي ، جلس فالصالون كايقشب مع بنتو ويضحك معاها ، حتى خرجات من البيت عاقدة حواجبها باينة فيها معصبة نقشة تشعل ، هو حس بيها ماشي تا لتما لكن تجاهل الأمر ونطق..
سمير:خويا امين جاي اليوم ! راه جبت ليك تقدية ديري لينا شي عشا فاعل تارك ، تلقاه موحش ماكلة البلاد !
هناء:{ضحكات مغددة} هادي الهضرة لي تقول ؟! جايب ندير العشا ، بلاصة ما دخل عليا المقلي و المفور وتقول لا تعذبيشاي ليا !
سمير:واش طاير ليك ولا مالك ؟ ديري باش نحمرو وجهنا براكة من الفهامات !
هناء:اوا لا حطيت فيهم يدي تانا !
سمير:مالنا آ المرا آ ش كاين ؟
هناء:{بتهجم}ممالي والو !! مالي كي بنت ليك ؟
سمير:اوا كاتباني معصبة ؟
هناء:ممعصباش عطيوني غير تيساع !!!
سمير:{خنزر فيها} براكة ماتنفخي عليا هنا لا ننفخ ليك ديك كمارة! جي من الاخر آش تما ؟
هناء:{هزات صباعها تتحسب} نسولك ، فين عمرك دخلي فيديك شي كادو فاعل تارك ؟ ذهب من صداقي ما طاح فيدي واخا غير بالغلط حدي نشوفو عند قراناتي ! وعاد ما هما قرانات ، كون ولدت بكري كو بناتي قدهم ! ، عمرك قلتي ليا يا الكلبة ماتشقايش راسك ، جيبي لي تعاونك {ضحكات مغددة} هه وعلاش ديرها ؟ تتعرف غير هناء طيبي هناء صبني هناء زمري !
هناء:{خرجات فيه عينيها} غير عليا اناا ماعندكش! اما على حد آخر شايطين عليك ، آ يحساب ليك خبارك ماتتوصلش ؟ ، ولكن انا عارفة كي نخرجهم منك !
سمير:{خنزر فيها} لا راه بان ليا ضسرتك !
هناء:ايييه ماضسرنيش ! علاش تضسرني ؟ أنا غير هناء وجه الجفاف والكوزينة! مانخرج ماندرج مانشري ذهوبات تيليفون ها هو من عام جوع عمر تبدل ! دار تتخمل على قلبي مايعاوني حد ما يجيب ليا حد لي تهز معايا واخا غير زربية ! ، هادشي كامل غير حيت أنا هناء مقارياش هاني جالسة خليقة ربي كتاكل وتشرب وتخمل {ساست يديها} والو بااحح مكانسوى بصلة !
سمير:بان ليا قلبك عامر ؟ آ سمعي ما يجيك مليح من نهار طلقت ليك البزيم وخليتك تعتبي باب برا ونتي اللور اللور ! مالنا شنو معاجبكش؟ واكلة شاربة مكسية !
هناء:ا{تتشير لراسها} نااااا راااه بنااادم بنااااادم ! وقبلل مااانكووون بنادم مرااااااا مرااااا ! بغيت مرة وحدة غير مرة وحدة تتفكرني كي كاع العيالات ! مرة وحدة تحط فيدي خاتم ولا سنسلة فعنقي واخا تكون ديال الجالوق ! نقووول ورااا ظهري راااجل !
سمير:{رفع يدو} والله حتى تتقلبي علياااااا ! آش عندك ؟ محامداش ربي اوا اختي ! انا عايش قد جيبي ، بوڤري تايضبر نهارو
هناء:مااابقاتش فالجيب ! واش سيدة كون تزوجت بكري نبلزها ! معززة مكرمة ؟ ها الخواتم ها البيجامات ! وانا لي مزوجة نشري من العيد العيد عاد الااااا ؟
سمير:على من تتدوي ؟ خولة ؟
هناء:{مفقوصة} وعلى من؟
سمير:{ساط} ديك سيدة فيها غير الديرونج اصاحبي !
هناء: انااا دير معايا حل ! كلشي نصبر ليه الااا مانعيشش مستوى لي نستاحقو !
سمير:اشمن مستوى ؟ واش انا مقاتل على ود طرف دالخبز نعطيه ليك نتي ديري بيه ذهب ولا ماعرفت ليه ؟ سيري ديري عشاك سيري ! ماتبقايش تشوفي شنو عند بنادم ! اما ديك عوراجة ديال ختك المنافقة ؟ راك ماتعرفيها منين تجيبهم ، نعيش بالحلال ونمشي عريان ، حسن ليا !
هناء:ماتقولش ليا منين تجيبهم ! انا لي عندي قلتو تعطيني حقي من شهريتك ونبينا عليه السلام !
سمير:نعطيك الخ°را اللي تتطليه زوينة هادي ؟
كون كنتي مرا وقادة بحالها تجيبيهم غير بتلحليح ! ونتي خدامة تخرجي عينيك فيا ، بحالا كان كايخدم فيهم باك !
هناء:{ماصات جبهتها} انا راه شي نهار تسكت لياااا القلب ! وهاد العشا لا طاح فكرشك لا نتا لا خوك ، عطا الله ريسطوات باش تعرف عيالات قادات ؟!
سمير:{قطب حواجبه} يمكن بردو عليك عظامك شحال ماكليتيها ؟
هناء:{تفكرات هضرة خولة} اواااا حربشش تحط عليا يديك ! راه كاينين جمعيات الحمد الله !
سمير:{بسخرية} فاش تغيري من شي واحد ! تقلبي ضدو ماشي تعاودي كلامو ! وليني هاد ختك نمرة وا شمن نمرة! والله وندير فيك يدي واخا تعيطي لمول الشي شخصيا ، لا بقيتي حية وهاني فين قلتها ليك و خليني ترونكيل !
هناء:{عارفة راسها فيها غا الجبهة} هادشي لي كادير والله ما هو هاداك اسمير ! ، راه من مسؤوليتك ماتخليني مخصوصة من تا حاجة ! واش انا سيدة صغر مني وبايرة فدار باها لي عندها ماعندي انا لي براجلي ؟
هناء:لااااا نذكرهاااا دير فيييك النفس ، وختييي راهااااا بحالي غير مطاااحتش فزهري المتعوووس لي هو نتااااا ؟ اش بيني وبينها من فرق ؟ بقاات فزين دبا يذبالها بقات فالقراية ؟ دابا تكبر تنسى ليها ، راه بقااااات فالدراااع الحااار عمر طفروو لا بقات على داك الحال؟
سمير:{رفع صوته} ديك زهر لي تتعيبي فيه بغاااوه مااالقاوه ! أقسم بالله لي خلقني وخلقك و ماتنوضي توجدي لينا ما نحنجرو ! خبارك يعاودوها لولين ، نتي عارفاني فاش تانتنيرفااا !
هناء:والله وما كان على وجه خوك لي عمر جبد عيب ! تانشوفوا فين توصل ! ها حنا غاديين نديرو هاد العشا بغيتو يرݣد فكرشك !
ناضت للكوزينة كاتزدح فالمواعن ، هو لعن الشيطان ورجع جلس يتفرج ، بما ان اليوم جا خوه مابغاش يحس بالجو مشحون ، اما هاد نهار كون رجع ليها ظهرها رطب من كرشها ، عشرة سنين عارفها وخابزها مزيان ، وعرف ان الامور ميسرة عند اختها خلا قلبها يتغير ، وكأي أنثى تتبغي هي لي تكون مميزة ، دازو ساعات ريحة طياب عاطي من كوزينة ، سمع سمير صوت الباب ناض مبسم ونزل فدروج بيدو يحل ليه الباب ، حل الباب بلهفة ، باغي يلمح اخوه الصغير كي بدلو العسكر ، تبادلو عناق رجولي كايتسالمو ، لقاء الإخوة بعد غبرة طويلة، كان شاب وسيم كحال شباب اليوم ، مهلي فراسو الكتاف عراض واللحية ، جيران تايطلو من شراجم بفضول
سمير:على سلامتك آ خويا !
أمين:{بملامح مبشورة بتاسم تا بان صف أسنانه المرتبة} الله يسلمك
بعدما سالاو عشاهم اللي مغربي 100٪ ، عادات وتقاليد اي مرا مغربية حرة وإكرامها لضيافها ، من لحم بالبرقوق لدجاج بالدغميرة ، ختماتها بالديسير وجلسات تقشب معاه ، بدون اي حرج فمثابة أخ أصغر ، لانه يصغرها بسنوات لو قليلة ، تسول عليه وعلى أحواله ، حتى في الأخير سكتات طالقة غير ودنيها ومبتاسمة واخا قلبها معالم بيه غير الله و خاطرها هارب ..
سمير:اوا اسي امين ولفتي الخدمة ؟!
أمين: كانعديو وكان !
سمير:كاين شي ترقية ؟
أمين:هاد الساعة والو !
سمير:انا كانشوف باللي ماتماش !
أمين:مكاينش البديل !
سمير: مالك اصاحبي هاكا ؟ نتا قلبتي ؟!
أمين:هاني قلبت مالي انخدم استاذ ؟! ياله عندنا شهادة الاعدادي ما جا قدامي غير العسكر !
سمير:اوا نتا ماصبرتيش لقرايتك ! شحال عيا فيك الحاج الله يرحمو ونتا هو نتا !!
أمين:{تنهد} دابا عاد دخل معايا الصح ، كون كملت قرايتي نمشي بعيد ، كون راني جالس فالبيرو هاني ! بلاصة ما نخدم 16 ساعة نخدم 4 ! بلاصة الصالير كاتضاعف ..
هناء:{تدخلات} اوا كلشي بالمكتاب كاين اللي قرا و ماطفرو !!
أمين:اختي هناء هاديك غير خضرة فوق الطعام صراحةً ! تكون عندك شهادة كبيرة من يديك شحال ما جريتي وتعذبتي تلقايها فالاخر ..
هناء:دابا اللي فات مات ماتلومش راسك وربي يدير اللي فيها الخير !
أمين:فعلا هادشي اللي كاين
هضرة تجبد هضرة ، حتى ضحك سمير بلا مايبين كايشوف خوه كايحل فمو يهضر ويرجع يسكت ، عرف مزيان اش باغي يقول ، نفسه الموضوع لي هبط عليه المغرب ونغزو ...
أمين:{عرفو علاياش داوي} ااه ! ، باقي ناويين الا كتاب !
هناء:{باستفهام} علاياش داويين ؟
أمين:اختي هناء ناوي نجمع راسي الا كتاب !
هناء:{بفرحة صادقة} الله يسر ليك شكون هاد بنت ناس ؟
أمين:والو باقي تانقلب لي تناسبني ، ونرتاح ليها مرا ليا !
سمير:{بجدية} خير ما درتي ! علاين تدخل ف 30 ، تلقى على من تحط راس ودير تا نتا ولادك ، بنسبة لمعارفي راه عارف عائلتنا ما فيها تا وحدة باقية عزبة ! اما لي بعيد نخليوه بعيد ...
أمين:وا هو فعائلة الواليد كاين الخير ! ولايني خاطري هارب منهم ..
سمير:{خسر سيفته} ماتماش ! هادوك ما عليهم هضرة ..
هادي و هادي بنت فلان بنت فرتان ، ما خلاو ما قتارح سمير عليه ، اما على هناء بقات في التيساع ! , ماتبغي صداع نهار توقع شي حاجة اصبع الاتهام يتشارو ليها وهي عارفة لي كاين ، تا سكتو ورفع امين عينيه فهناء وقال ..
أمين: اونتي آ ختي هناء ماتشوفيش ليا شي وحدة !
هناء:{تفاجآت} أا ! صراحة مكانعرف حد زعما !
أمين:غير شي بنت ناس من عائلتك والو ! مايهمني زين وحتى لا فايت فيها زواج مكاين عيب ..
هناء:{حكات رقبتها كاتحاول تبقى بعيدة} صراحة والله ما عرفت ، عائلتي شحال ما تجمعت معاهم شي حد قريب مكانعرف حد !
سمير:{صغر فيها عينو} متأكدة متتعرفي حد ؟
هناء:{مافهماتش لاش كايلمح} كيفاش زعما ؟
سمير:{هز كاس الما كان حداه وشرب وقال بهدوء} خولة !
أمين:علاش لا ! ختي هناء ترونكيل والله يعمرها دار ، مانلقاش حسن من فاميلتها !
هناء:{تتحك يديها مع بعضهم} و لكن ..
سمير:{قاطعها بلا مابيين} دوي مع باك !
هناء:{كلامه مافيهش نقاش تنهدات بقلة حيلة} تا حنا مانلقاوش حسن منك ، ندوي معاهم ويكون خير
بقات مبلقة عينيها تغزز فمها ، ختها حالفة معاها لا دوات ، ورجعات شافت فيه دري نقي بخدمته ، ما فيه ما يتعاب مصواب ومأدب ديما ختها كاطيح على الزهر المليح ، ورجعات حنات الراس باش ماتعيقش ..
ملــيلــية..!
الهم و الغم استوطنو قلبها من جديد ، أيام كحلة اكثر من العتمة لي كانت فيها من الاول ، بقوة مع الدمعة ساكنة جفونها تصاحبات مع خدودها لي عمرهم نشفو ، تبكي وتنوح ولا حد يواسي ولا يحط يدو على كتفها ، نعاس مابغى يزورها كاتفكر فكبدتها ، واش ناعس ، واش واكل ولا قاهرو الجوع كيما قهرها الزمان ، الغصة واحلة فحلقها ، مقارياش ولكن تحسب بشهورة فوقاش يجي وتشوفو وتقيس وجهه ، وتتأكد انه بيخير و على خير ، سمعات سوارت تايدورو فالباب و مسحات دمعتها ، جالسة مطمرة وهو دخل بسيفته اللي كاتخلع ولحيته الطويلة ، حيد صباطو ورماهم ورفع راسه فيها ..
أحمد:{بصوت قوي كايخلع} كااين شي مايتكال !
سناء:{ملامحها يابسين بالبكا} كايطيب !
أحمد:{عقد حواجبه} باااينة تاااني مادرتيهش بكريي!
سناء: ل ا لا درتو بكري غير خرجتي نضت نصبتو
أحمد:هااا حنا غانشوفوا ، نتي هي نتي عمر ديري الحاجة مسگدة ..
أحمد:{خرج فيها عينيه الكوحل كي الضلام} قللت لييييك وااالووو مااال طاسيلتك تمووتي فالنݣير ..
سناء:{كأنه كان ناقصها هبطات دموع مقهوورة} نبوووس ليك رجليييك لااا ماشري ليه غير شي بورطابل صغييير ندويو معاه الله يرحم ليك ميمتك ..
أحمد:{غوت تا بانو حلاقمو} بقى ليااااا غير التيلييفون بنت ليييك ناااقص ! واااش انا صيفطتو نتهنى من خليقتووو ومن مصاااريفو بغيتيي نزيييد والله لااا شاافو ياااله وبقااااي تدمعي تماااا ، نووضي لممك جيبي نتغداااا برااااكة من التبلبيل ،
سناء:{حطات يديها على قلبها كاتحاول تطفي آلامها} بغ بغيت غير نطمن عليه {بقهرة} نبوووس رجليييك لااماااصوني المدير قولييه يدوزووو ليينااا الله يخلي ليك ما عز ليك ..
أحمد: نضييع فلوووس التعبئة على الكحلوووش ؟ ، الله يعطيه السرطاااان بغيت ليه ضربة تضربوو ماايفيق ، بغييت لحمووو يهنشروووه الكلاااب تااا يبقاااو فيه غير العظام ولد الحرااام، ديييمااا تابعينيي المشاكل بسباابوووو ..
سناء:{شدات راسها بغات تحماق } ماااااتدعييييش ماااااتدعييييش ، الله ياااخد فيك الحق الله ياااااخد فيييك الحق ، واااش ماعندكش القلب ، واااش ماعندكش الكبدة ؟!!!
أحمد:{شدها من شعرها تا كان غايقلعو من الجدر ولواه على يديه} تتعلي صوووتك على سيااادك الكاافرة بالله ، حلااقمك نجبددهم لييييك ، تحركييي شووووفي ديييك الغداا ولااا نهااارك مااايطلع فيه شمس زيدي قداااامي ...
شدات شعرها كاتبكي دموع ، واخا يكون قلبك محجر تبقى فيك ، ولكن الا كنتي بنادم ماشي انسان خسر مبادئه شحال هادي ، جبدات يديها وهو يتجبد معاه كومة دالشعر ، زادت فحدة بكائها ماشي على شعرها لا ، على الايام لي ضاعو منها وعلى ولدها لي ماعرفات كي دايرة حالتو مع الدنيا ، كون سولوها على شنو الحاجة لي ندمتي عليها من غير زواجك باحمد لي اصلا ماشي بخاطرها كانت تقول ولدت ، هما نبضها ومومو لي كاتشوف بيه ولكن كاتحس براسها هي سبابهم ، ولداتهم باش يتعذبو ..
في مكان بعيد ، وفي داخلية كبيييرة كاتجمع عدة تلاميذ في مختلف الاعمار والاماكن ، في الداخل ديال المبنى في غرفة من الغرف كلشي ناعس الا واحد ، جالس على سريره كايشوف فسقف ، من وجهه باين فيه عيان ومريض ، مقادرش ينعس ، غمض عينيه بآسى عامرين دموع ، تفكر مو فاش كايكون مريض كاتسهر معاه ، وتفششو وتغطيه تكمش فراسو كايترعد بالبرد ، بطانية صغيرة مغطي بيها ورقيقة مكافياش ، شوية وهو يرن الجرس غمض عينيه مزير عليهم ، قبل ما تدخل بنت في مقتبل العمر عاقدة حواجبها وصاحت بصوت قوي باللغة الاسبانية ...
المسؤولة:كلشييي ينووووض يالااااه تا واحد مايبقى هنااااا ..
عثمان:{رمى عينيه عليهم لقاهم شي كايدخل فشي نايضين وهو مقادرش ، خصوصا وهو مريض ومعارفش السيستيم}
المسؤولة:{وقفات عليه عاقدة حواجبها} هيييه نتااا ماتنوضش !
دخل راجل صحيح شوية ، وهزو وهو كايتجابد معاه ويكح ، هادا هو القانون في الصباح الباكر كلشي ينوض يفطر يخرج ، كنتي قاري مقاريش سير ضبر فين تمشي ولا يخليوهم في غرفة أخرى كبيرة وفارغة باش يراجعو ممنوع كليا الضحك واللعب تما ، دخلوه للحمام بمالطته وحطوه فالارض كايغوت اش عندو مايدير شادينو بجوج ، شدو رشاشة الما البارد وجلسو يخويو عليه بلا أي شفقة او رحمة ، ما الاب دياله عطاهم إذن { ربيوه مزيان ، هاد ولد عندي قليل أدب مكايعرفش يدوي مع لي كبر منو ، راسو مايتهز على الكاتبة والا ظطريتو عطيوه العصا تا يسكت ، ومرة أخرى إلا مرض ماتبقاوش تصدعوني يتشافى راسو نتوما قومو بالواجب}
جالسة مخيخة طالع ليها الدم من ختها ، غير كاتسوط بوحدها ، تفقصات نيت وتخمم الى باها رد ليها الخبار شي نهار تتشد الفلوس من عند الحوالا ، بلعات ريقها متأكدة غايدوز عليها بموس حافي من ودن لودن ، هادشي الا معطاهاش لشي شارف وزوجها ، كيما زوج خواتاتها غاصبهم من حياتهم ، وزيد عليها تزيرات ولات تفكر توقع على عقد التعاقد خير من الزلطة .. ! ، حتى سمعات باب الدار تحلات قادات جلستها كاتقاد حوايجها ، حتى دخل الاب ديالها ريحة المسك عاطية منو وهاز تسبيح فيدو كايتمتم بكلام الله ..
عبد الله:السلام عليكم ..
خولة:{ناضت باست يديه} وعليكم السلام أبي ..
عبد الله:{جلس كايسبح وقال ليها} كاين ما يتكال أبنتي ؟
خولة:نعم أبي ، الغدا قرب يوجد ..
عبد الله:الله يرضي عليك ، مادويتش مع عمتك ؟
خولة:{مستغربة} ل لا ، شحال ما دويت معاها
عبد الله:{حرك راسو} خير خير ، شي نهار نزورو عمتك حورية ونهار اخر ان الله نمشيو عن فاطمة من ايام زمان ما دخلنا لدارهم ، شنو قال الرسول صلى الله عليه وسلم على صلة الرحم؟
خولة:{عراقت} شمن حديث ..
عبد الله:قال رسول الله صلى اله عليه وسلم:
(ما مِن ذنبٍ أجدرُ أن يُعجِّلَ اللهُ لصاحبِه العقوبةَ في الدُّنيا مع ما يَدَّخرُ لهُ في الآخرةِ من البَغي وقطيعةِ الرَّحمِ) فهمتي المعنى ولا لا ابنتي؟
خولة:{حركات راسها بالنفي محرجة}..
عبد الله:لا عيب في ذلك ، تا واحد ما خلاق معلم ، أنه تحصل له عقوبة في الدنيا والآخرة، فيجمع له بين العقوبة الدنيوية والأخروية ، وهذا يدل على عظم وخطورة شأن البغي وقطيعة الرحم ، حنا شحال مازرناها وهذا غلط ، والرسول صلى الله عليه وسلم أوصانا بصلة الرحم ، نهار يكون عندك خاوي من الشغال ، نمشيو ان شاء الله الله للجبل توحشت ريحة تراب بلادي ..
خولة:ان شاء الله أبي ..
عبد الله:وسيري طلي لينا على الغدا الله يرضي عليك ، وحطيه لينا ..
خولة:{ناضت حانية راسها} واخا أبي ..
دخلات الكوزينة كاتنش على راسها ، مجرد ما ذكر عمتها ، بلعات ريقها ، هو انسان متقي الله يعرف في الدين الكثير ، قاري كتاب الله وحافظ نص فيه ، ديما على لسانه احاديث نبوية وآيات ، وبغا يطلع بناتو بحالو ، في سن صغير لبسهم الحجاب وصيفطهم لدار القرآن ، قبل مايزوج بناته الأولى سناء ، لشخص سني كايلبس الطويل ولحيته طويلة ، وفرض على سناء تلبس النقاب ، والشخص الثاني هو سمير ، لي دائما تايشوفو فالجامع وتغر بيه ، بقات معاه غير خولة لي حس انه تسرع في خواتاتها و مابغاش يكررها فيها ، ورخف ليها السمطة .. حتى صونا ليه تيليفونه نوكيا الصغير ، هزو مكمش عينيه ودارو فوذنو ..
عبد الله:آلو السلام عليكم .. !
هناء:وعليكم السلام با...{تفكرت} ءء أبي ، كي داير مع الصحة بيخير ..
عبد الله:الحمد الله الحمد الله ، ونتي اش خبارك أبنتي ؟
هناء: مزيان الحمد الله ..!
عبد الله:البارح جيتي ومشيتي عساه خيرا
هناء:{بلعات ريقها} لا لا غير دراري مابغاوش يجلسو عارف دراري صغار ، أبي بغيت ندوي معاك فواحد الموضوع ..
عبد الله:اييه ، الله يسمعنا خبار الخير
هناء:{حشمانة منه} صراحة اش غانقوليك ، ياله جا لوسي من العسكر .. {تتهضر وتحبس محرجة} ..
عبد الله:{بدا يفهم} مزيان الله يرضي عليه ، ماللي قصد الحلال الله يكمل عليه ..
هناء: وبغا نشوفو ليه خولة للحلال ، هو ولد ناس ومربي بخيرو وخميرو ..!
عبد الله:{سكت مدة} هاد الهضرة مكتقالش ف تيليفون ، قال رب العرش العظيم : {وليس البر بأن تأتوا البيوت من ظهورها ولكن البر من اتقى وأتوا البيوت من أبوابها} !
هناء:{مالقات ما تقول} بغينا ناخدو شوارك، عاد يجيب فاميلتو ،
عبد الله:الشوار ما شواري ، ري البنت سابق ، ناخدو شوراها ويكون خير ..
هناء:ولكن أبي نتا عارف خولة مزيان ! تبقى كل مرة شاور وهي ترجع ؟ سيدة كبرات تشوف حياتها واش نتا دايم ليها ..
عبد الله:صافي ابنتي يكون خير
هناء:ما قلتي عيب أبي ، لي كان رد علينا .. !
عبد الله:واعلييه ..
كمل معاها مكالمته وحط تيليفون فوق ركبته كايفكر ، سمير عندو خوه واحد ، شافو مرات قليلة ، عرف على من داوية ، قال فنفسه خير الناس ولكن الا بغات ، عيط بصوت مرتفع باش تسمعو ..
عبد الله:خولة خولة أجي أبنتي ..!
{ سمعات إسمها كايتردد من طرف باها خرجات من الكوزينة تتمسح يديها فكاغيط ، شافت جيهته باستفسار ، كان هاز تسبيح فيديه كايخمم مرة مرة كايحرك شفاهه بالاستغفار تا لمحها ، وما ليها غير براسو راسم ابتسامته الطيبة لي ديما مرافقة وجهه البشوش ، لي خلاتها ترتاح وتتوجه عنده باستفسار ، جلسات حداه كاتشوف فيه وهو شاف فيها بابتسامة .. }
خولة:ياك خير محتاج شي حاجة أبي ؟
عبد الله:كل خير ان شاء الله .. دواو فيك شي ناس !
خولة؛{جمعات ابتسامتها} سمعنا الخير!
عبد الله:{بهدوء} لوس ختك ! هناء ، هداك العسكري
خولة:{كمشات ملامحها} صمت
عبد الله: من العائلة و معروف
خولة: لله يسهل عليه فجهة اخرى ! ماباغاش
عبد الله: لاحول ولا قوة الا بالله! الإنسان تياخد و يجيب فالكلام
خولة: نجيب وندي فالكلام مع لي كاتنعرفش ! اما الباب لي يجيني منو صداع نسدو بمرة
عبد الله: من نهار تناسبنا معاهم تنسع عليه كل الخير! وربي فرق ريوس سمير ماشي هو اخوه
خولة: كلامي لاخر عطيتو ! ما بغيتيش
عبد الله:{تنهد} ابنتي كل مرة مابغيتش مافهمتش ! شنو السبب الا عندك شي حاجة قوليها ماتخزنيهاش !
خولة:{كاتلعب بيديها متوترة} لا والله ما كاينة شي حاجة ! غير مانبغيش ندي شي حد قريب ،خصوصا نساب اختي هناء ، ياغة نبعد لا العين شافت لاقلب وجع
عبد الله:{عقد حواجبه شوية} واش ندخلو فقدر الله ؟
خولة:اا لا لا ماقصدتش هاكا ! ولكن راه مابغيتوش
عبد الله:{كمل كلامه مهدن} شوفي آ بنتي الزواج اللي كاتهربي منو سنة الحياة ونصف الدين ، ماشي معقول كل مرة يجيك رزق وترديه هادا ماشي عدل ، ولاد الخير جاو ومشاو ، ولكن ماشي ديما كانلقاوهم ..
خولة: لي عندي فالمكتاب نوصلها بقدرة الله! غير هاد زواج نساب خطيني منو
عبد الله:{حرك راسه بالنفي} معارفاش ، كون كنتي عارفة تجلسي تفكري مع راسك وفين غادية ، كل مرة رادة واحد بحالا هما مصففين كايستناوك ، زمان كثرة الرجالا مشا هادا زمان اخر ، فين كاتلقاي ولاد الناس قلال ..
خولة:{بلعات ريقها} صمت
عبد الله: نتي باغية توصلي لواحد الحاجة لي الا بغا الله توصلي الا مابغاش واخا تطيري تنزلي
خولة:{فركات يديها} لا أبي ماشي غير هاكا ، شي واحد اخر نقولو واخا ولكن هادا ماشي اي واحد ، كانت قالت ليا هناء كايكون فالعسكر ، وانا ممستعداش نديه عسكري ، مانشوفو على عماين هادا ماشي زواج !
عبد الله:نلقاو حل !
خولة:{رافضة رفض قطعي} لله يسهل عليه
عبد الله:فين باغية توصلي ؟ واش يحساب ليك دايم ليك انا ؟ {حط يديه على صدرو} الله شاهد باللي غير على ودك عاطي جهد واقف , الا جات الموت تديني نمشي مرتاح ، ماشي معذب فقبري ، نبغي نخليك مستقرة دايرة دارك ووليداتك عايشة بيخير وعلى خير ، ماشي ضاربينك الحيوط ومكرفسة وعاصرة على راسك ..
خولة:{تغرغرو عينيها} ماتقولش هاكا أبي ، انا باقي محتاجاك معايا ، مانقدرش تمشي وتخليني لمن !
عبد الله:{بابتسامة صافية} الا وصل الأجل ماعندي ما ندير ! {حط يديه على راسها} شوفي آ بنتي عطي فرصة راسك ، فين ديري دارك ؟
خولة:{حركات راسها بلا} كلامي قلتو العائلة خصوصا داك الناس مانشركش معاهم الطعام لا الدم
عبد الله:{زفر بقلة حيلة} علاش راسك يابس ؟ مخبية عليا شي حاجة قوليها ؟ ريحيني ! ترفضي بلا سبب راه ماشي معقول ! لول ثاني ثالث واا بزاف ! واخا تكوني هجالة !
خولة:مكااينة تا حاجة انا بغيت نخدم ونكون ديال راسي تا نلقى شخص لي مكتبو ليا الله !
عبد الله:{ناض } كلامنا مسالاش ! مابغيتش نتعصب عليك ونكسر خاطرك ، نعطيك فين تخممي و ردي عليا ما باغيش عيب مع ختك وراجلها ، كثرو فيك الفشوش ، مانبقاش صابر ليك راك عييتيني وهديتيني ..
{ مشا من قدامها وهي تبدا تبكي مفقوصة ، كلشي الا شخص من طرف اختها ، وكلام باها خلا فجوة داخلها ، زعما يجي نهار لي يخليها ، هادشي لي عصر على قلبها ، وكلامه الاخير باين انه يزيد شوية ويزوجها بلا خاطرها
خولة : ( مغزفة ) باغة تلصقي ليا لوسك والله لاكانت ليك ، نرجع نخمم لعكوزة و لوسة بحال تراسة و الله داك زواج الذل و الفواطة لا تبعني
في بيتها غادية جاية ، تعض ففمها معصبة نيت ،
جلسات على السرير كاتفيبري برجليها ، وتخمم ها هو جاها سعد آخر ، ولكن هي مارضاتش يكون من طرف ختها ، ناضت تتسوط تاني ، من صباح وهي غادة جاية تا حسات بدوخة ، حسات بقلبها يطرطق على شوية ، ماقدراتش تصبر وهزات تيليفون تدوي مع صاحبتها ، واخا ممولفاش تعطي اش عندها ، تا هي كانت على القرص جاوباتها فالحين ..
سهيلة:{ناشطة} اش طرا وجرا تفكرتينا ؟
خولة:{شوية وتطرطق} اش غادي نقول لك ؟ الا كاينة شي دعوى فهاد نهار بغيت لهادو لي تابعيني لكونصير
سهيلة : فالك كي دعوتك ! اربي سلامة ياك لباس عصبك شي حد تاني ؟!
خولة: البشار !
سهيلة: ( تاتقلب عينيها من شفاية ) مالك حصل عليك باك شي حاجة ؟
بضحكة ستهزاء ، تعياا تقول صاحبتها و بنت جيران و نتاقى ربي فصداقتنا لكن سهيلة ديما سمها واضح ولكن طاحت مع كبيرتهم طلقاتها بتنهيدة و عطاتها لي ماكانش فالحسبان
خولة: الخطاااااب ياااختي ! جاوني الخطااااااب
سهيلة: ( قلبها مشا وجا ) نورمالمون هادي حاجة تفرح لا ؟
خولة: اوا نتي تتزمري فهضرة ! خطاب من تريكة راجل ختي! تقاضاو رجال ، واخ نبقى انا لخرا فالبايرات لا ديتو !
سهيلة:{بفضول} بعدا نتي شفتيه كي داير ؟!
خولة:{معصبة} اش ندير بخليقتووو ! اخر من مرة من عرسها ..
سهيلة: ( بطنز ) ماشفتيه سنين ... مالك هاكا اصاحبتي اويلي بحالا قتل ليك روح ، الله يستر ! يقدر يكون فيه خير
خولة: لي عندي فيه الخير راه تيبني ليا القصر و الحاشية
سهيلة:{بغات تقنعها بأي طريقة} هادا كلام الحق ! لإمتى تبقاي هاكا شلا رجال مزيناتهم فلتيهم من يديك ! يحساب ليك ايبقاو خيطي بيطي طول عمرك .. راه توصلي لعمر محدد احبس هنا! فهاد سن فين كايكون من احسن اعمار عند رجال !
خولة:هاد كلام احبي ماشي ليا! رحم الله عبدا عرف قدره ، وانا قدري كبيير
سهيلة:{بدات تعصبها} بغيت نعرف اش دار ليك اصلا هاد راجل ختك تظلي تعطي فيه ! عمري سمعت دار شي حاجة !
خولة:{تعطي نيتها؟ ابدا} اش عندو ما يدير ! حسو مانحملوش وصافي القلوب عند بعضها!
سهيلة:{تأفأفات} خلينا منو! عرفتي ديك جارنا محسن !
خولة:{كمشات ملامحها} ااه مالو ؟
سهيلة: يا ختي شحال زوين ومرضي ! صيفط ميمتو الحج .. وبدل ديك طوموبيل لي عندو بوحدة خرا واعرة
خولة:همممم ، ما دواش معاك زعما !
سهيلة: ويلي ماكاين غير لي ابيل فيديو و انسطا بيناتنا ، حمقني بالجهد كاريزما واحترام ، عمر خسر معايا ولا قال شي كليمة خايبة ! وسيد طااايح فيااااا من صغر
خولة:اممم الله يخليه لميمته ولد جااركم
{كايقولو شيخة عمرها تنسى هزة الكتف ، هادي حالة سهيلة ، شحال من موقف طاحت فيه كايصرفقها الواقع بسبب كلامها ، غير كاتسرسب ، يمكن حسات انه بسبب كلام لي قالت ليه على صديقتها يكون كرهها ، ومكاينش امل وزيناته فعينين صاحبتها باش تخليه تفاحة محرمة و تذوق منها هي وتخليها تتحسر ، سالات المكالمة وخولة تبلاني فراسها وتعاود }
{☀️☀️ صبحات الشميسة ودخلات مع شرجم بيتها ، حلات عينيها ببطئ ، حتى توكضات وناضت كاتعكز وتفوه بعياء باقي غالب عليها النعاس ، دخلات الحمام قضات روتينها الصباحي ، وخرجات صلات صلاتها لي مرة تقطع مرة تشدها ، عاد هبطات التحت ، دخلات الكوزينة باش توجد الفطور كالعادة ، لقات الحليب مكاينش ، و لا هي لا باها ضروري قهوة مخلطة فالفطور لاحت عليها جلابتها وقادات وجهها لي ما تخليه واخا تكون داخلاها الموت وخرجات كاتطقطق بصباطها ، لقات مول الحانوت لي فحومتهم ساد ساطت مغلغلة غير مع راسها ، وطلعات للحي المجاور نفس الحي لي ساكنة فيه صاحبتها ، تسخرات فاش خاطرها و خرجات تا وقف عليها ظل رفعات فيه راسها ، تا ترفرفر قلبها ، بوسامته وجاذبيته كايبتاسم ليها بصف اسنانه اللامعة قبل ما ينطق بصوت رجولي مبحوح .. }
محسن:{مركز على ملامحها} السلام عليكم صافا ؟!
خولة:{شافت حواليها عاد جاوبات} الحمد الله !
محسن:آش خبارك بخير؟
خولة:{غير تدور عينيها} لله الحمد
محسن:{حرك راسه بالايجاب} جيتي عند سهيلة ؟
خولة:لا جيت نتسخر ! علاش تتسول
محسن: نجرو منك كلام وصافي ! بغيتك فواحد موضوع الا ممكن
خولة: بحالاش هاد موضوع ؟ {بغات تتحرك}
محسن:وقفي دقيقة !!
{بقلة حيلة} بعدا عطيني غير نمرتك !
خولة:{عقدات حواجبها} مكانعطيش نمرتي !!! وخليني بحالي لا يشوفنا شي حد الحومة مخلطة
محسن: ماديريهاش مني قلة صواب ولكن راه حنا عارفين أصول
خولة:{بلا ماتفكر} الا تتفهم اصول قصد باب الدار ! والسلام عليكم هاد وقفة انا لي نتحاسب فيها
محسن: ما قلتي عيب ! ولكن تاني راه ماجاتش ههه غير فهميني
خولة: انت لي فهمني ! بسلامة نتمنى ماتعاودش توقفني بهاد الطريقة مانخسرش وجهي مع الناس !
محسن:{تنهد} راه غادي نجيب نمرتك اخولة ! و الدار نقصدها شوية مفاهمة وصافي
{دازت بحالها بقى حاضيها كايخمم بجدية ، قبل ما يدخل حتى هو الحانوت ، داكشي علاش كان خارج قبل ما يلمحها ، وكأي رجل عاجباه شي بنت ضروري يجبد نمرتها ، ولكن ماللي لقاها بنت المعقول هو مولاه ، متناسي هضرة صاحبتها عليها ، عارف سم العيالات كي داير اما هيا كملت طريقها تتخايل وجه سهيلة
خولة : طايح فيا من صغر ؟ الله يمسخك اصحيبتي
صووت الغواات كاايتسمع وهو كايدق الباب بالجههد وهي وراهاا مكمشة عاارفة راااسها مقفراااها ، وهو كايغوت ويعاود مكشكش ، كايسب ويعاير ، ناضت كاتفيبري بالخلعة ، تنفساات مزيااان قررات تواجهو لإمتى يبقى حاكر عليها ، حلات الباب ، وحتى هو خفيف غير حلاتها جبدهاا من شعرهاا بالجهد ..
سمير:فييين هومااا {ركلها بالجههد تا شدات جنبها موجعة}
هناء:ااااييي مااتضربش صافي برااااكة ..
سمير:{غوت} فييين هوووما ..
هناء:{كاتشهق} فالمجر لي فالمااريو ..
سمير:{حل المجر كان عامر كريمات وعطر وكل ما تحتاجه النسااء} هاااي هاااي مضيعة ليا رزقي على قبل هاد الخراشف ، {هز وبدا يشير للحيط كايهرس وهي نقزات وقفات متناسية حريقها جراتووو من تما سادة المجر طلع ليها الدم وغوتات}
{كادور فجنابها بحال الحمقة ، توجهات عند التلفازة كاتجرها هو غير شافها مشا من اللون ، وجرا قبل ما دير شي مصييبة ، ولكن تشاااااخخخ كااانت خبطاتها مع الارض حتى تهرسااات وتنشر الزااج فصاالووون ، كاانت غاتقلب الطبلة هو شد ليها يديها كايسب ويعاير ويضرب فيها وهي محاساش براااسها ، شداااتهااا السعرة وبركاات كاتغووووت وتنتف وجهها رداتو حاالة بالقميش ، حتى تقلبو عينيها وطاحت سخفانة ، وهو معصب نيت خلاها على الكاتري ، وخرج ساد الباب بالساروت و خرج ممسوقش }
بعد البكا ونواح جمعات الوقفة كاتنخصص ، مشات للبيت كاتجمع الحوايج وتخبط عضامها مفصلين , محلفة فيه ديال بصح ، وقفات فالصالون مغطية وجهها بالخيمار تا سمعات الصوني دالباب حلاتها حتى دخلو ولاها فالثلاثة ، كانو مع عمهم اللي وصلهم ومشا شدات فيديهم وخرجات من الدار شادة الطريق على رجليها ، حتى وصلات لباب دارهم ودقات ، حتى تحل الباب من طرف باها اللي كان غادي الجامع ..
هناء:{باست يديه} السلام عليكم ..
عبد الله: و عليكم السلام ! اهلا دخلي ابنتي مرحبا بيك !
هناء:ترحب بيك الجنة أبي ..
عبد الله:هاني غادي نصلي العصر دخلي خولة كاينة الداخل ..
هناء:واخا الله يتقبل ..
دفعات الباب ودخلات ، جلسات فالصالون مابغاتش تحيد الوشاح على وجهها ، تا تمات هابطة القاتلاها ، طالقة المشهورات ببيجامة جديدة عمر شافتها عندها ، براسلي فيديها كايضرب على الشعا ، قلبها كلاها بقات حالة عينيها
خولة: {باستهزاء} وايلي شكون جا عندي ..
هناء:{ضحكات مفقوصة} جيت عندك؟! دار با هادي
خولة:{رفعات حاجب} مافخباريش!
،{ تمشات كي النعامة جلسات على الفوتوي حاطة رجل على رجل ، رافعة حاجبها فختها ، وتا هناء نفس الشيء جلسات ، ماشي فݣانتها وغير كاتنهد ، كاتلعب فصباعها }
خولة:{بتهكم} وعلاش مخبية وجهك ورينا وجه القمر ، ياك ما فوت فيك شي دقة تاني
هناء:{بانفعال} داكشي بيني و بينو ماشي سوقك فيه ..
خولة:{باستفزاز} تأكدت دابا ..
هناء:{رفعات صوتها معصبة} راه قلت ليك ماشي سوقك !! هادشي ما منووو واالو غير تتجيبي من راسك !!
هناء:{بطنز} بقيتي فيا شفتك بلا راجل !! خفت تتلا بختي الصغيرة شايبة بين الحيوط !!
خولة:لالاك خولة هادي !! يضربوني الحيوط ما ندي عسكري ؟؟ هادي اللي جالسة قدامك {بدات تحسب بصباعها} رادة محامي واساتذة !! وتجي نتي جاية ليا واحد حازقة عليه الدنيا صاليرو كاندوز بيه نهار ؟
هناء:براكة ماتتنفخي بحالاا نتي وزيرة !! كلنا حازقين !! تزوجي و هنينا من صداعك !
خولة:{خرجات فيها عينيها بغضب} واااش شكيت عليييك اختي شكييت عليييك ؟؛ حساب ليك حراافت لياااا فراااجل ؟ {بتأكيد} كون بغيت من غدا نجيب سيد الرجاااال ! ولكن الا زربة على طعام ..
خولة:اااه طفرتووو ! كيتك اللي عايشة كي النعجة ! يحساب ليك انا لي غانقابل العݣوزة نهز ليها ونصبن ونحزر هادي وندير هادي والعيد ما عندي عيد و العطلة ما عندي عطلة مقابلة غير صبن نشر هبط !
هناء:{جمعات الوقفة مكشكشة} خولة ! جمعي رااسك ! عيقتيي سيري شووفي راسك نتي اللي فااات فيك الفوت ! ولكن الهضرة ماشي معاك مع با
خولة:اها اش تقولي ليه ؟
هناء:{باستفزاز} يدي بنتو لشي طبيبة ، راه بزاف هادشي ويلي با ، خدامة رجع رجع الخطاب ! اش عرفنا شنو مخبية ، كنتي ظلي غابرة حقا المدرسة ، مخبية تحت ديك زيف ما عرفناك علاياش طاوية ! لا حقا انا ندي امير نتي مايقبل عليك حتى سعاي!
خولة:{ناضت وجهها حمر} جمعييي رااااسك ، انااا بزاااف عليك ، ولالاااك على نقرب للحراام ، خلطتيني مع داك الكلب اللي مزووجة ، يظل غااطس فالحرااام وبين لحم الشيخااات ، اماا انااا فين توصلييني يا المدلولة كييت سيد مشبعك عصااا ، حيت كي الحمااارة كاتعرفي غير تاكلي وتخراااي كي البهيمة ، تااا الهضرة ماتخرجييهااا مقااادة ، اقسم بالله آ هنااااء وتقلبي علياااا ، تااا نرجع ليك حياااتك كحلة ، وهااااني فين حلفت ..
هناء:{ضحكات منتصرة حيت عصباتها} هه ، راجلي بزاااف علييك ، اش عرف شكون تايكون مع الشيخات من غير الشيخات براسهم ، ونتي دوري دوري ترجعي ليه ، جبت ليك راجل شهوة منوو ورفضتيه كنتي عزيتي عليا يا الحبيبة ..
خولة:ماااعندك مااا نعززز عليك ، اقسم بالله {دارت كرواا على الطبلة} الاا ما ديتوو سيد الرجال مانكوونش خولة ، غير تفرجييي على عينييييك ، وداك عنق النعامة لي جايبة بخريي بيييه ، و ديك الهضرة لي راك سايرة تقولي ، اناا لي نوصلها ل أبيي نوريك ، ونوريك تهجري بيت زوجك غضبانة حرااام ثم حرااام مانبغيش المعصية ..
قصة جوهر الروح
محتوى القصة
التنقل بين الأجزاء