مشعوذة الملك الجزء الرابع

من تأليف Victoria Kaelin
2021

محتوى القصة

رواية مشعوذة الملك

كوثر حطات يديها على فمها بصدمة: مايم مايمكنش...
شاه: هاد السائل الأحمر لي تتشوفيه هو دمائها و لي هوما الدماء لي تيجريو فعروقك دابا! الساعة الرملية تترمز للوقت و الإنتظار و شحال تنتسنا يوصل هاد النهار!
كوثر عينيها عمرو بالدموع: مامصدقاش هاادشي لااا جدة مايمكنش اهئ اهئ
شاه: بغيتي تأكدي من هادشي؟
كوثر تتبكي: مغنتييق حتى نشووف بعينيااا اهئ
شاه فرقع اصابعو حتى بانت بلورتو السحرية قدام كوثر..هزات فيها عينيها المدمعين لي غاديين و تيوساعو بالصدمة و هي تتشوف فإنعكاسها شاه واقف كيفما هو ماتبدل والو فشكلو و الباتول عند رجليه جالسة على ركابيها جابدة خنجر..دوزاتو على راحة يديها و الملك ماد ليها القلادة لي كانت فارغة..اعتصرت يديها فيها حتى عمراتها بدمائها...
الباتول: تنعقد بدمائي روح حفيدتي إبنة الأمير بيجاد الإسلام الفارسي و النصف مشعوذة هاجر آل سعدان للملك شاه اليامن الثالث...
الملك حرك يدو حتى خدا القلادة منها و عطاها بضهرو...
كوثر مصدوومة مغطية فمهاا بيديهااا و عينيها حمرين بالدموع حيت قدرات تعرف عليها هي نفسها لي مرسومة فبعض اللوحات لي فقبوها: اهئ اهئ علاااش علاااااااش
شاه فرقع اصابعو و اختفت البلورة السحرية..فجأة تسمعات الساعة تدق على منتصف الليل نيشان...

فنفس الوقت عند سالار و وجدان ناضت هاد الأخيرة فالبلاصة هازة راسها فالسماء كان القمر هلال كامل...
وجدان لي كانت فالغابة جالسة وسط دائرة سحرية رسماتها و وسط منها حاطة الخريطة و مضورة عليها بعض البلورات لي تيعاونو فتشرب طاقة ضوء القمر بشكل أسرع و شموع..جبدات كتاب تعاويذها قالبة الصفحات حتى وقفات فصفحة تعاويذ طقس هلال الصبح..بقات تتقراهم و تقراااهم سادة عينيها و فخارج الدائرة واقف سالار تيشوف فيها...

نرجعو لعند كوثر و الملك...
شاه: الوقت وصل! مابغيتش نشوف حتى مقاومة هاد المرة!
كوثر رجعات خطوات للوراء حاسة بالخطر: ماتقررربش منييي مااافيكم ثقة!!انا لي تصحاب ليااا بلي تتبغيني!!!
شاه بدهشة: تنبغيك!؟
كوثر: اااه و شنو ديك البوووسة و داك الاهتمام كاملوو؟؟؟باغي غير تستغلنيي على قبل دييك الجثة ديااالك!!
حركات يديها حتى خرجات منهم العافية: غنحرررقكك نتاااا ويااااهاااا!!!
شاه هز يدو مسرحها حتى طفات ديك العافية و هو يجمع قبضتو حتى تجرات لعندو ولكن تحكمات فراسها و بعدات: هادشي لي خصو يكوون رووحك خصها تكون ليا! لجسد براعة! روحك ماشي فملكك من الاول!
كوثر عقدات حجبانها بغضب: مااااشييي نتومااا لي تتقرروووو اناااا ديال رااااسي و روووحي فجسدددي يعني دياااالي و براااعتك عمرهاااا تحللللم بيهاااا و نتااا عمرك تحلمممم تاخدها مني!!!!!
سدااات عينيهاا تتمتم بتعااويذ كتييرة فوووقت وجييز تعااويذ ماشي د الشعوذة و انما د سحر القمر! بدا جسم كوثر تيتهز فالهوااء و تيلمع و يبرق بالفضي بحال لون القمر و الريح مضوراهاا...فنفس الوقت وجدان حلات عينيها بالجهد لي مكانش فيهم البؤبؤ ابدااا...
وجدان: لقيييتهااا!!! استشعرت مكانها!!!
شافت فالخريطة لقات الطريق مرسوم لفين كاين القصر كان متواجد فغابة بعيييدة على المدينة و حد مابقا تيضور تمااا من البشر ناضت دغيا سدات عينيها و حلاتهم بالزربة رجع بؤبؤهم و مشات عند سالار...
سالار شدها من كتافها: لقيتيهااا؟؟؟
وجدان حركات ليه راسها بفرحة: اااه اااه هاهيا هناا
سالار عنقها لعندوو: كنت عااارفك غتديريهااا!!!
وجدان بتاسمات بخجل: زييد نمشييو البلاصة بعييدة يالاه غنوصلو
مشاو دغيا ركبو فالطونوبيل و شدو الطريق...
شاه هز حاجبو: خصك تفهمي انك قربان و هدا هو الواجب ديالك خاصك تديريه سوا بغيتي ولا كرهتي! هدا عقد دموي ماشي لعبة!!
كوثر: متيهمنييييشششش واش انا لي عقدتو معاااك؟؟؟لاااا!!!!! اذن لاااااا
سرحات يديها المتشبعين بطاقة القمر هاجمة عليه بهجمة سحرية حتى فجأة بدات تتفقد توازنها حاسة غاطيح اختفى الملك من مكانو فرمشة عين و شدها بين يديه قبل ماطيح فالأرض...
كوثر مخرجة عينيها حاسة بالتنفس تيتقطع منها: شهااد د دشييي ماغاتخدد دش ر روحييي
شاه مخلوع عليها: ماااشي انا مادرت ليك والووو!!!(شادها من ذقنها) شوفييي فيا!!!
كوثر عينيها بداو تيتقلبو و الدوخة شادااها و جسمها فشل عليهاا: م ماتقيصنيش ما ماغات اخدش لي بغيتي...
شاه تيفييق فيها بشوية: حلييي عينيييك!!!!ماااالك؟!!!!
سدات عينيها لايحة راسها و جسمها ترخا بين يديه....
شاه غوت بعصبية: كوووووووثر!!!!!!!!....
فنفس الوقت فطريق بعيدة كان تيتسمع صوت عجلات عربة و احصنة جارينها..و فديك العربة كانت ليساء جالسة حالتها حالة بالتكرفيص و قدامها باها شادين الطريق يغبرها من المملكة بعد الفضيحة لي دارت ليه..فجأة ترسمات ابتسامة فشفاهها و قالت فخاطرها "البرهوشة الغبية يالاه ماشد فيها مفعول العقار ديالي..كان خاص يشد فيها فالبلاصة!(كمشات عينيها)غريب أمرها"...

شاه مابقا تيفكر فحتى حاااجة فديك اللحظة اختفى من تماا و بان فجناحوو حاطهاا فوق سريرو...
شاه تيفييق فيها: كوووثر كووووثر فيقيييي!!!!
لا رد منهاا...
شاه غوووت: بهاااااااااررررر!!!!!
بهار جات بأقصى سرعة: ا امرك جلالتك...
شاه معصصصب: عيييطييي علللللى حكييييم القصر دااابااااا
بهار غبرااات تتجري عييطات عليه و ولاو عندو فالبلاصة...
شاه مااقدرش يستووعب الأمر لاا مايمكنش المشهد نفسو تيتعااود تاااني قدااامو مايمكنش لييه يفقد أملوو الوحيييد!!!
الحكيم تدخل بعد ماسمح ليه شاه بهادشي و دوز بمعداتو د الشعوذة على كوثر تيفحصها تحت انضار شاه الخااايفة عليهااا...
الحكيم هز راسو فالملك: الانسة تلعنات بتعويذة ا جلالتك
شاه: اينااا تعوييييذة؟؟؟؟
الحكيم: لسبب من الأسباب ا جلالتك ماقادرش نعرف بالضبط حيت تركيبة جسد الآنسة غير عادية
شاه هاز حاجبو بعصبية: كيفاش غير عااادية؟؟؟؟
الحكيم بتوتر: مااعرفتش اول مرة نفحص حالة بحال هادي...
شاه اشار ليه يخرج حيت فيه شي اعصاب يقدر يخرجهم فأي واحد دابا..خدا نفس عميق و هز راسو فيها كيف مستلقية على سريرو و سخفانة...
شاه: اش واااقع ليك؟؟!!!ماااالك!!!
جلس على طرف السرير بغا يجرب يشوف بنفسو اينا لعنة لي تصابت بيها بل الأهم شكون هدا ولا هادي لي غيلعنها؟!!...

فنفس الوقت العجوز كان عاقد حجبانو و مزيير على يديه و هو تيشوف فيهم من وعائو: ديييك المفضلة اللعيينة!!بسببهااا الطقس فشل و للمرة الثانية!!!(بقا غادي جاي تيفكر) لا لا خاصني شي طريقة لي نقدر نبطل بيها اللعنة ولو الملك غادي يحيي ديك الغبية ديالووو ولكن كلشيي يهوون على قبل النتييجة و الصدمة لي غتجي مورا هادشي...

حاول شاه يعرف شنو سبب فقدان كوثر لوعيها ولكن مالقا حتاشي مؤشر ولا شي راس خيط القضية بحال كيف قال الحكيم ماقادرش يعرف شنو بيها فقط انها ملعونة و هادي حاجة باينة وضوح الشمس الاهم هو السبب! بقا تيدوز يدو على شعرها و عقلو مخربق اليووم كان ناوي يضحي بيهاا ولكن غير شافها سخفانة خلاا كلشي حتى من ثابوت براعة ماتلفتش جيهتو..لأول مرة الملك شاه مايعرف مايدير هي حية و تتنفس ولكن فاقدة للوعي بدون مايعرف السبب! حط راسو على المخدة حداها بقلة حيلة ممكن تكون عيانة و استنزفات طاقتها؟خصوصا بديك الهيئة القمرية لي بانت عليها؟ ضمها لحضنو تيدوز يديه على شعرها غارق فتفكيرو غيتسنا حتاال غداا ممكن تكون كيف قال غير عيانة و محتاجة الراحة و غداا غتفيق بحال كاع الصباحات لي دوزاتهم معااه...

فلغد ليه...
بدات كوثر تتحل عينيها شوية بشوية حتى حلاتهم بقوة لقات شاه ناعس حداها غير تحركات بشوية و هو يحل عينيه فالبلاصة تصدم فاش شافها فايقة...
شاه بدون شعور عنقها لعندو مزيير عليها: فقتييي!!!ماوقع ليك والووو بعدا!!!
كوثر بعدات منو بشوية تتفحص ملامحو باستغراب: اش وقع؟؟؟علاش انا هنا؟؟؟
شاه ناض: رتاحي داباا من بعد و ندويو!
كوثر شادة راسها لي تيضرها: لا مغنرتاااحش حتى نعرررف اينااا قلب عندك!!!
شاه ضار لعندها: خصك تفهمي بلي هدا هو القدر و هكا ترسم!
كوثر حطات يديها على صدرها: اشمن قدر هدا؟؟؟اشمن قدررر؟؟؟الظلم هدا بعينيه!!!شنو ذنبييي؟؟؟؟عاااد حطيت رجليي فعشريين عااام باقي الحيااة قدااامي عندي احلااام عندي أمنيااات عندي مخططااات مستقبلية باش يجي ملك مشعوذيين فالأخير يبغي يقتاالع روحي من بلاصتهااا على قبل يرجع زوجتووو الميتة بقروووون هادي من الموت؟؟؟؟عمرررني فحيااااتي شفت شي واااحد بالأناااااانية دياااالك حط راااسك بلاااصتي كووون نتااا توفرووو فيك الشروط غضحي براسك؟؟؟؟
شاه عقد حجبانو: اكيييد غنضحييي و بدووون تفكيييير!!!!
كوثر حسات بغصة فقلبها: مامصدقاااش بلي كاين شي واحد متعلللق بشي شخص لهاد الدرجة طوول هاد المدةة(حطات يديها على فمها) كاع لي عشتووو معاك حاسااه وهم ولا شييي حلم و فقت منوو (غرغرو عينيها)طول الوقت كنت بالنسبة ليك مجرد قربان و أضحية لزوجتك العزيزة...
شاه عطاها بضهرو بدات تتلعب ليه تاني على ضميرو: للمرة الثانية تخسري الطقس!!!شنو ندير انا دابااا؟؟!!نتسنااا 7 اياام خرى!!! نتسناا المرحلة الثااالثة!!! نتسنااا يوصل الربع الأول من القمر؟؟؟؟
كوثر زييرات على يديها بغضب: علاش جدة ضحاات بيااا علاش انااا بالضبط؟؟؟شنو المقابل لي خداات منك باش تضحيي بياا شنو هااد الحاااجة المهممممة بزاااااف لي غتخليها تدير فيا هكا؟؟؟؟
شاه ضار شاف فيها: المقابل كان انني نختمها فالوثيقة الملكية لقصر عائلتك و نمكنها من نسج القدر د واليديك...
كوثر بصدمة: كيفاش؟؟!!!ولكن هي قالت ختمات راسها!
شاه هز راسو: لا انا لي ختمتها! كلشي كان بالمساعدة ديالي انا! ..

💡ملاحظة بسيطة بالنسبة للمشعوذين فاش تيصوبو شي عقار ولا شي لعنة و تيلعنو بيها شي واحد فراه وقتما تفعلات ديك اللعنة أي خدمات تيحسو بهادشي داكشي علاش بيينت ليساء حسات بيها و عاد عرفات داكشي لي صوباتو شد فكوثر.

كوثر تتحاول تستوعب كلامو: شنوو هاد المنطق؟؟؟كيفاش باغية تنسج قدر واليديااا و تجمعهم مع بعضيااتهم بااش يولدوووني اناا..(عاد سرات معاها)ص صبر صبر يعني كان هدفها من الاول تجمعهم باش يولدوني باش تاخد روحي ماشي باش تصلح و تكفر على الغلط لي دارتو مع بابا؟؟؟؟
شاه: ماشي بالضبط ولكن تقريبا...
كوثر: اشمنننن تقريبااااا (شادة راسها)غتسطيييونيييي غتخرجووو لياااا العقلللل
شاه: حالتك ماشي ديال الهضرة ابدااا و إفسادك للمرحلة الثانية غير متيزيد يأخر فهاد الواجب! فكري مزيااان فهادشي حيت فالأخير غتسلمي روحك غتسلميها بغيتي ولا كرهتي!
خرج من الجناح و سدو عليها مخليها مزييرة يديها بعصبية...
كوثر: فالأحلاااام ديااالك و مغنسلممممكش رووحييي!!!

فبرج الصحراء..كان العجوز جالس تيراقبهم من وعائو هادي هي خدمتو اصلا ماعندو حتى حاجة خرى فحياتو يديرها...
العجوز باستغراب: اللعنة صبحات مابقاتش! مايمكنش هادشي و انا لي كنت ناوي نتدخل نبطلها بشي طريقة صدقات اختفت فاليوم الموالي! (تيفكر) جسد هاد المشعوذة غير عادي..(ناض تيمشي و يجي جامع يدو موراه) بحالا..(سد عين و حل لوخرا) ضد اللعنات..المفروض العقار لي صوبات المفضلة المعوجة يلعنها فالبلاصة..باغياها تمرض ولكن بانو الأعراض فديك الليلة فقط! زائد ديك الهيئة القمرية! (كمش عينيه) لا لا مايمكنش يكون...(شد فراسو) لا لا غير تنهتر هادشي مستحيل! (زيير على قبضتو بغضب) بنفسيي تأكدت من موتها!!...

فواحد الخلا وقفات طونوبيل سالار على جنب و وجدان شادة الخريطة تتفوه...
سالار: غناخدو اقرب اوطيل يبان لينا و من بعد نكملو الطريق
وجدان بدات تتكسل: ناري عييت و انا جالسة هاد المدة كاملها
سالار: الطريق تقولي مابغاتش تسالي
وجدان: اهم حاجة انه عندنا الخريطة و قدما بقينا غنوصلو...

داز النهار بشكل عادي كوثر مسجونة فجناح الملك لي سد عليها تما اما هو غبر حسو من ديك الساعة...
كانت مستلقية على السرير تتفكر و تنبر اش واقع ليها هاد المدة كاملها كيفاش تخربقات و كيفاش خلات الملك يلعب بمشاعرها كيفاش تتميل ليه و تحس باغية غير تقرب منو و تكون فحضنو..غطات وجهها بيديها مافاهمة والوو حتى من عائلتها نساتهم فهاد المدة حتى من رثوك قرينها ضارت فيه و نعتاتو بالخادم فوجهو..ناضت تتشوف فالمرايا تمايا..تتشوف فحالتها و تتفكر..شنو هادشي ا كوثر؟؟شنو هاد الحالة لي وصلتي ليها؟؟فين كوثر القديمة!!فين تمردك و قصوحية راسك؟!من فاش زادت المسافة بينها و بين شاه و هي مخربقة ولكن داباا بحالا رجعات وعيها و تصفا ذهنها..(حدرات عينيها بحزن)حتى كتاشفات مكانتها عندو عاد فاقت من الgلبة..حبو لبراعة شي حاجة جنونية شكون هي بالسلامة باش تحييد ليها روحها هي باش تعطاا ليها؟؟باش حسن منها هاد براعة كاااع؟؟؟!!!ولكن الاكبر فهادشي ماشي الملك لي كان من لول مبيين شرو بل الجدة لي كانت مثلها الأعلى و شخص دايراه فأعلى المراتب تكون هي السباب؟؟!هي لي ضحات بيها و على قبل سبب بحال هاداك!!!!مابقات حتى ثقة على هاد الحساب خصها تخرج من هنا خصها تغبررر حتى من عائلتها مغترجعش لعندهم مابقات تتيق فحتى واحد داباا خصها تبقا بوحدها حتى تعرف شنو غتديير..ضورات راسها فالجناح تشوف واش كاينة شي حاجة لي تقدر تعاونها و اول حاجة دارتها هي مشات للبيرو ديال الملك اكيد اي واحد غيحط اشيائو المهمة فالبيرو خصوصا ملك..حلات المجر تتنبش فيه و تقلب بين الاوراق حتى لقات رسمة مرسوم فيها الملك واقف نفس وقفتو الملكية المعتادة مبتاسم بفرحة و حداه واقفة بنت زوينة تتشبه لي كاينة فالثابوت كانو ملابسهم تيبيينو انهم ديال العرسان..كوثر زييرات على الرسمة تتشوف فيهم كيف كانو فرحانين...
كوثر: حتى ظنيت انك محروم من القدرة على الابتسام! فرحان ليا مع هاد الجثة! (غرغرو عينيها بلا شعور) و انا مااالييي من هاادشي كاملووو مرتوو و معرسيين(هبطو دموعها) لاش البكا لااش...

فجأة لمحات تاريخ الرسمة لي مكتوب فالتحت ديالها..و المفاجأة انه نفسو تاريخ ولادتها من ناحية اليوم و الشهر!!..هزات حجبانها باستغراب و هي تلمح شي حاجة تتلمع بين وراق المجر..حطات الرسمة على جنب و هزاتها لقاتو خاتم من الأحجار الكريمة المتنوعة و من حجمو و شكلو باين ديال البنات..بقات تضور فيه و تشوفو بتمعن حتى سمعات خطوات جاييين و هي تجمع داكشي كاملو خبات الخاتم فصدرها و جلسات على طرف السرير...
دخل شاه عندها ديريكت لقاها جالسة ضامة يديها و دايرة فيه شي شوفات بدوك العينين المدمعين...
شاه: فكرتي مزيان فهادشي؟؟
كوثر خنزرات فيه: ماغنفكررش!!واش متتفهمش واش باغيني نتاااحر؟؟؟
شاه عقد حجبانو: راك نتي لي متتفهميييش!! القدر جمع واليديك باش يولدوووك حيت بهاكا غيتوفرووو الشرووط!
كوثر ناضت مخنزرة: و شنووو هوما هاد الشرووط بالسلامة؟؟؟؟
شاه: الشرووط هوما القربااان يكون هجين أي خليط بين دماء ملكية آدمية و دماء ملكية شعوذية...
كوثر بدهشة: شروط بهاد البساطة؟؟؟؟؟اي واااحد تقدر تخليه هاكااا ماشي غير انا!
شاه: فداك الزمن و حتى بعدو بمئات السنين ممنوع التزاوج بين البشر و المشعوذين يعني مستحيل نلقا قربان فديك الوقت! ولكن فالقرن 21 غيتكسر هاد القانون!
كوثر تمعنات فكلامو: صبر صبر ك كيفاش دماء ملكية شعوذية؟؟؟الدماء الملكية الآدمية فهمتها و تترمز لبابا ولكن اش جاب الملكية لماما؟؟؟ياك آل سعدان كانو غير مشعوذين تيخدمو عائلة بابا؟؟؟
شاه جمع يديه موراه نافخ صدرو: عمرك تسائلتي كيفاش عندك قوة كبيرة؟و كيفاش تعتابرتي تاني اقوى مشعوذة فقصري بعدي انا طبعا؟عمرك فكرتي منين جاية ديك القوة؟
كوثر: اكييييد من عملي الجاااد و مثابرتييي و تعلميي المكثف للشعوذة!
شاه هز حاجبو و مييل راسو بتعبير من نيتك: من غير هادشي ا سمو الأميرة كلشي كاين فدمائك الملكية اصلا
كوثر شافت فيه بدهشة: ماتقولش ليا بلي ديك الجدة ماشي كيف تنظن اكتر من اللازم!!؟
شاه: واش متأكدة باغية تعرفي على ماضيها؟
كوثر: اكيييد بغيت نعرف كلشييي ماشيي تخططووو موراا ضهري و انا مافراسي مايتعاااود!
شاه: جلسي!
كوثر جلسات فوق كرسي الطاولة و جلس قدامها...
كوثر: تنسمعك!
شاه شبك اصابعو مع بعض: من شحال هادي فمملكة خرى..مملكة بيير في فرنسا..مملكة بيير هي مملكة مشعوذين تمايا..كان الملك ديالها عندو بنت هي الكبيرة عاد موراها الأمراء و الأميرات..كانت عرقلة بالنسبة لخوها لي جا من بعدها حيت خايف تشرك معاه الحكم فالمستقبل داكشي علاش قاد باها الملك زواج سياسي بينها و بين أمير مملكة فيسبوتشي لي كاينة في إيطاليا..الأميرة رفضات هادشي حيت طول حياتها تتمنى تزوج عن حب ماشي بهاد الطريقة داكشي علاش هربات من المملكة و عبرات الحدود حتى دخلات لمملكة كينتاريا لي هي مملكتي انا في المغرب..طلبات مقابلتي و وافقت فاش قالت انها أميرة من بيير..عاودات ليا قصتها و كيفاش ناويين يزوجوها بزز باش يتهناو منها و يحييدوها من الحكم و طلبات مني تبقا فالمملكة و تكون من شعبي و بالمقابل غادي تخلا على مكانتها كأميرة و غتعيش كأي مشعوذة عادية..تم الإتفاق و خدات منزل فوسط المملكة و عاشت حياة عادية متخلية على الرفاهية لي كانت عليها من قبل...
كوثر: و شنو بخصوص عائلتها؟؟؟ماقلبوش عليها؟
شاه: المشعوذين متيعرفوش شنو هي العائلة بلعكس فاش هربات عادما تهناو منها النتيجة هي هي سوا تزوجات سوا هربات هوما المستفدين فالأخير من هادشي و الأخ استلم الحكم...
كوثر: و شنو وقع ليها من بعد فمملكتك؟؟؟
شاه: دازو أشهر و بدات دورة استلام المشعوذين رخصة الخروج من المملكة باش يتخالطو مع البشر فالعالم الخارجي..لفت هادشي انتباهها و شاركات و بفضل قوتها الكبيرة و دمائها الملكية قدرات تدير بلاصتها و استلمات الرخصة..تما فين قررات تخرج من المملكة و تخالط مع البشر و اول واحد لفتات انتباهو هو الملك نائل نوري الفارسي..لي هو جدك و الأب ديال أبوك بيجاد..داكشي علاش عقد معاها عقد تكون مشعوذة عندو فالقصر الملكي ديالو..قبلات بهادشي حيت عجباتها الحياة بين البشر و تما فين تعرفات على مشعوذ القصر اسمو تميم و وقع انجذاب و اعجاب بيناتهم حتى تزوجو و ولات هي كبيرة مشعوذين القصر نظرا لقوة دمائها الملكية لي ماعارفهم حد...
كوثر بدات القصة تتوضاح مزيان قدام عينيها شوية بشوية...
شاه: حتى وصل النهار لي غتبدا تقلب فيه الأمور..فاش الملك طاح ففراش الموت...
كوثر: النهار لي غادي يبدا فيه الأمير الأكبر يخطط كيفاش يستولي على الحكم ولكن الأمير الأصغر كان معتارض طريقو حيت كان محبووب عند الشعب و قوي ببطولاتو
شاه: و جا طلب منها تمحي خوه من طريقو باش هو لي يستالم العرش ولكن بطريقة ماتبانش انه اغتيال حيت غيكون هو مركز الشبوهات و لكن الأمراء كاملين كانو عزاز عليها و كبرو قدام عينيها كاملين داكشي علاش حاولات تلقا طريقة بديلة لي تطبق فيها كلام الأخ الأكبر لي هددها تنفذ اوامرو و فنفس الوقت ماتآديش الأخ الأصغر...
كوثر: و هاد الأميرة المشعوذة هي الباتول آل سعدان
شاه: لا الباتول آل سعدان ما هو الا اسم عربي مستعار باش يمكنها تختالط مع البشر المغاربة بسلاسة..اسمها الحقيقي هو باتريسيا آل روبسبيير و هي أميرة مملكة بيير سابقا...

كوثر اندهشات: ماتوقعتش ابداا تكوون أميرة!! شنو وقع من بعد؟ عارفة انها جمداات بابا كتمثاال ولكن بغيتك تعااود لياا نتاا!بغيت نعرف كيفاش حتى حنااات فبابااا و ماحنااتش فيا انا!
شاه: فكرات فطريقة وحدة لي غتخليها ترضي كلا الطرفين و هي تجمد الأمير الأصغر على شكل تمثال باش توقف عمرو و تخبيه بهاكا غيكون مييت فأعين الكل ولكن هو باقي حي يعني حققات طلب الأكبر و ماقتلاتش الأصغر!
كوثر: هادشي عارفاه مزياان كمل...
شاه: فاش جمدات الأب ديالك و حولاتو لتمثال خباتو فمكان سري حتى واحد ماعارفو و لكن بدا يتنادم معاها الحال كيفاش غتحرم هاد الأمير من حياتو لي باقة قدامو...
كوثر قاطعاتو: ااه و انا هاانية تضحي بروووحي؟؟؟!!
شاه خنزر فيها تخليه يكمل الى بغات تعرف شي حاجة و هي تسكت...
شاه: لقات طريقة ولكن بالسحر الأسود و من المعروف انه السحر الأسود تيتطلب قرابين بشرية أو ارواح الى كان طلب كبير اما الأمور البساط فراه قرابين الحيوانات كافية..الطريقة هي ختم نفسها فوثيقة لي تكون تتمرر بين العصور تما فين نسجات خطتها الذكية..لعنة التحجر لي طبقات على الأمير مستحيل تتفك الا بطريقة وحدة هي لمس وحدة من سليلاتها للتمثال ولكن ماشي اي سليلة بل الوحيدة المختارة من طرفها لي تكون زوجة الأمير مستقبلا...
كوثر: و من بين كل السليلات وقع اختيارها على ماما...
شاه: اه..باتريسيا كانت عندها رؤيا و بعد طويل المدى للمستقبل قدرات تنبأ بشحال من حاجة و منهم مواصفات الزوجة لي تليق بالأمير من سليلاتها و قبل ماتجمدو لاحت ليه راس الخيط و قالت ليه انك غتبقا مجمد حتى تجي سليلتي لي فالقرن 21 و تفك لعنتك
كوثر: داكشي علاش بابا تيكرهها حيت قبل ماتجمدو كتاشف نييتها و عرف انها لي لعناتو و مفتاح خلاصو هي وحدة من حفيداتها..هادشي فاهمااه كولو لي مابغاش يتفهم ليا علاش بغات تضحي بيا الى كان عزيز عليها بابا و ماما تتعتابر من حفيداتها؟؟علاش؟!
شاه: باتريسيا باش تجمد الأمير طوول دوك السنوات حتال القرن 21 و تبقا اللعنة حتال الوقت المناسب فين تجمعو مع امك عطات سنوات كتيرة من حياتها بالمقابل كتضحية زائد دوك التنبؤات الكتيرة لي دارت باش تعرف اينا حفيدة تليق بيه..قدمات فوق نص عمرها كقربان باش يتقاد هاد المخطط كاملو بسلاسة حتى بقاو ليها فقط سنوات قليييلة تعيشهم.. ماحسات حتى لقات عدد السنوات لي بقا ليها ماكافيش باش تضحي بيه تختم راسها فالوثيقة و تبقا فيها روحها حتى تقدر تقابل الأمير و حفيدتها مع بعضياتهم فالمستقبل و تحكي ليه القصة كاملها..فكرات حتى عيات و هي ت...
كوثر قاطعاتو: تلجأ ليك!
شاه: تماما...
كوثر بسخرية: و تما فين لقيتي الفرصة حيت كلشي بالمقابل
شاه: هادي هي الحياة مبنية على المقايضة و المقابل!
كوثر: تفضل كمل...
شاه: فاش جات عندي كان 3 ايام من بعد موت براعة..كنت ديك الساعة متنفكر فحتى حاجة ابدا من غيرها و اعادة احيائها ماقدرتش ابدا نصدق انه نهار عرسي مع البنت لي تنبغي تموت فيه! داكشي علاش حاولت بشتى الطرق نعاود نحييها ولكن حتى طريقة مانجحااتش من غير وحدة لي كانت فعاالة ولكن شروطها مستحيلة!
كوثر: قربان يكون هجين لي هو مزيج بين دماء آدمية ملكية و دماء ملكية شعوذية...
شاه: جات عاودات ليا القصة كلها من تهديد الأمير الأكبر و طلبو حتال مخططها لي مابقا ليه والو تساليه...

"فلاش باك"
كانت مليوحة عند رجليه و جلايل ردائها الأسود متناثرين فوق أرضية عرشو..يديها ضاماهوم لعندها بخوف و عويناتها المسحوبين المكحلين مهبطاهوم متيتهزوش فوق من جبروتو الطاغي و هالتو القوية القاتمة تتسناه بجسدها المتوتر يجاوب على الكلام لي قالت ليه و الطلب لي جات على قبلو..دازو دقائق من السكوت بلا ماتسمع لا رد لا جواب هادشي لي خلا قلبها يزيد فخفقانو و خوفها يكبر اكتر حتى حسات بيه قاد جلستو الملكية بعدما كان مسند على يدو غارق فتفكيرو...

شاه: و شنو المقابل؟

زادت حدرات راسها تتلعب بأصابعها المتوترة: شنو تقدر وحدة بحالي تعطيه لفخامتك و نتا كنوز الدنيا و حكمتها كلهوم عندك
و للحظة مفاجئة استوعب الأمر استوعب حاجة مهمة بزاااااف ضايرة وسط من كلمات طلبها ليه بالضبط..هز بؤبؤ عينيه الأخضر القاتم فيها و بكل شموخ و جدية نطق: القرباااان!!!!...ناوية تزوجي الأمير بحفيدتك فالمستقبل!!بنتهم غتكوون القربااان (مامصدقش) و اخيرااا لقيت الحل!!!
تسلل كلامو لمسامعها مخليها مصدومة فالأرض و تتبلع فريقها من كلامو: ك كيفاش قربان ا جلالتك؟
شاه: القربان لي تيتعطاا فإعادة إحياء الموتى! لازمهم يولدو بنت حيت براعة بنت!!بغييت رووحها!!
الباتول مزييرة على اطراف فستانها: منقدرش..منقدرش...
شاه ناض مخنزر فيها: هدااا مااااشي اختياااار بل أمر!!!!!هي الوحيييدة لي عندي حاااليااا مانقدرش نفللللت هاد الفرصصة!!!!
الباتول بخوف: ولكن ا فخامتك الواليدين و القرون الجاية فاش غيتلاقاو يتزوجو عاد غتزاد بنتهم هادي راه مدة طويييلة
شاه بغضب: متيهمنيييييش ولو نتسناهاااا العمر كولوووو غنرجع براااعة غنرجعهاااا!!!موووتها عمرووو غيتنسااا ليااا كيفاااش لقيتهااا مقتووولة كيفاااش حرمونيييي منهااا!!!!
الباتول: انا متفهمة هادشي ولكن غتقتل وحدة على قبل تحيي خرى؟ و مزال وحدة من سليلاتي...
شاه: بغيتي المساعدة باش تكملي مخططك غنقدم المساعدة اللازمة كلهاا ولكن بالمقابل رووح بنتهم بغيتها تعهد لياا و بعقد دموي مزااال ماشي الوثائق!!!
الباتول هزات راسها بصدمة حتال العقد الدموي مامنو هروب و متيتلغا حتى تتطبق اتفاقية العقد اي غيبقا تابع الحفيدة(كوثر) على روحها مدى الحياااة حتى ياخدها منها عاد غيتلغا!...
الباتول بتردد: فخامتك عطيني غير مهلة نفكر راه ماساهلاش و صعيبة عليا(بحزن) واش انا باغية نصلح غلطي مع باها نجي ندير افضع حاجة و نقتل ليه بنتو...
شاه بنضرة متفحصة: تأثرتي بزاف بالبشر وليتي تحني فالعائلة ولا تفكرتي الماضي كيفاش بغاو يبعدوك من الحكم كيفما بغاو يبعدو هاد الأمير حتى هو؟..على كل 24ساعة يوصلني الجواب ولا (بتهديد)غناخد لي بغيت بزز!....

كوثر عقدات حجبانها: يعني نتااا لي بززتي عليها هادشي!!!
شاه هز حاجبو: لا غنفلت فرصة بحال هادي!!زائد مابززتش عليها حتى حااجة بغات نعاونهاا ضروري من المقابل!!
كوثر عصبهااا كيفاش تيدوي عليهاا بحالا هي غير شي سلعة و ماعندهااا حتى قيييمة: صاافي خووفتيهاا هددتيهااا و هي حيت ماتقدرش توقف قداام سيااادتك حدراات ليك الراااس و تعااقدات معااك يااك؟!!!
شاه كاتم اعصابو: خليني نكممممل!!!
كوثر شدات راسها: كمل غتحمقوني نتا وياها غير كمل باش تطييرو ليا هادشي لي بقا من عقلي

"فلاش باك"
كان جالس شاه فقاعة العرش حتى دخلات الباتول ضامة يديها و حادرة راسها...
شاه هز حاجبو: تنسمعك!
الباتول: انا قابلة بالتعاقد...
جبد شاه القلادة و ناض اشار ليها تقرب..تحنات عند رجليه جالسة على ركابيها جابدة خنجر..دوزاتو على راحة يديها و الملك ماد ليها القلادة لي كانت فارغة..اعتصرت يديها فيها حتى عمراتها بدمائها...
الباتول: تنعقد بدمائي روح حفيدتي إبنة الأمير بيجاد الإسلام الفارسي و النصف مشعوذة هاجر آل سعدان للملك شاه اليامن الثالث...
الملك حرك يدو حتى خدا القلادة منها و عطاها بضهرو...
شاه رجع جلس فكرسي عرشو: و دابا غندويو على المساعدة لي بغيتي
الباتول جبدات واحد المفتاح ذهبي صغير مسدود فزجاجة شفافة صغيرة مع وريقة ملوية و مداتها ليه: تنطلب منك تعطي هادي لحفيدتي كوثر...
شاه قاطعها: كوثر؟
الباتول: كوثر هو اسم الحفيدة لي باغي جلالتك روحها..تنطلب منك تعطيها هادي
شاه عقد حجبانو: فاش تتفكري ا باتريسيا؟!!!
الباتول: النهار لي غادي تردد تاخد روحها..النهار لي غتعرف عليها و تدخل لحياتك..النهار لي غتحس بيها و تحس بيك هو لي غتحلو فيه هاد الزجاجة نتا وياهاا
شاه: باتريسيا! براكة من الألغاز ديالك!
الباتول تتطلبو: بغيتك تواعدني عفاك انا تنترجاك ا جلالتك نهار تحس بلي تتميل ليها حل الزجاجة معاها...
شاه بغضب: واش نتي حمقققة!!!!؟اشمن غنميييل ليييها انا وااش بااغي نقتااالع روووحهااا و نزرعها فبراعة!!!!
الباتول: واخا غير حقق ليا طلبي
شاه شد داكشي من عندها مخنزر...
الباتول بان التعب على وجهها: و بخصوص المساعدة بغيت تختم روحي فالوثيقة الملكية ديال قصر عائلة الفارسي انا خديتها من قصرهم بلا خبار حد(جبداتها و مداتها ليه)
شاه شدها من عندها هاز حاجبو: و علاش هادشي بالضبط؟
الباتول: فاش غتكون روحي مختومة فالوثيقة غترجع لمكانها و تمرر عبر اجيال عائلة الفارسي حتى غتوصل ل يونس الفارسي لي هو سليلهم لي غيتصادف مع المدة لي غتبطل لعنة الأمير التمثال من طرف حفيدتي هاجر و غادي يتعرفو على بعض باش يسلمو وثيقة ملكية القصر و تما فين غادي نحكي ليه الحكاية كيفاش حتى اضطريت ندير هادشي كاملو
شاه: الحكاية من غير اسمي و مبتغياي طبعا
الباتول: اكيد جلالتك
شاه: واخا غندير هادشي ولكن روحك غتبقا مقييدة حتى ناخد ديال حفيدتك الثانية!
الباتول بدهشة: ولكن علاش؟
شاه شاف فيها ببرود: باتريسيا..راني ماشي اعمى!!انا عارف الى خليت روحك طليقة غتبغي تنبهي القربان!!دوك المشاعر جهة العائلة لي خديتيهم من تأثرك بالبشر اكبر عرقلة فمخططي!!
الباتول: ولكن...
شاه قاطعها: الكلااام حسم!!!و العقد تم!!
الباتول حسات بشوية د الدوخة و هي تتماسك: امرك جلالتك
شاه لاحظ هادشي: استنزفتي عمرك كولو على قبل هاد العائلة الملكية عمرني شفت وحدة بسذاجتك! كان بإمكانك فقط تقتليه بلعنة مرضية أو بشي وباء و يموت(بنضرات حادة)صدقتي نتي لي غتموتي بلاصتو!
الباتول هزات راسها بعياء: عارفة بلي بقاو ليا ايام قليلة فقط لي نعيشها ولكن غنموت و انا ناسجة تاريخ على قدو
شاه: و انا غنرجع من خلالو اغلى ممتلكاتي!!
بجوجهم مافاهمينش بعض رغم انه بجوجهم دايرين هادشي كاملو على قبل الاشخاص لي تيهموهم..الملك شاه باغي يرجع زوجتو الميتة من الموت و أنانيتوو الطاغية مخلياه مامسوقش للقربان لي هي بنت حتى هي من حقها تعيش!..الباتول سلكات طريق صعيبة و بقات تضحي فسنوات حياتها الطويلة حتى بقاو ليها ايام معدودة تعيشهم و لجآت للملك و كلشي فسبيل تصلح غلطها مع الأمير و تبني ليه حياة زوينة فالمستقبل مع حفيدتها ولكن على حساب موت بنتو!...
"نهاية الفلاشباك"
كوثر مزييرة على يديها: نتااا هووو مووول هادشيي كاملووو نتااا لي بززتي عليهاااا هي ماكااانتش باغييية نتااا لي بززتي عليهااا!!!!
شاه: خفضي من صوووتك!!!!
كوثر ناضت بغضب: مغنخفضضضوووششششش تنكرررهك سمعتي تنكرررررهك!!!!!
شاه ناض شدها من كتافها و غوت فوجهها: حبسييييي من الصببياااانية ديالك و ديييري عقللللك!!!متنحكيييش ليك هنايااا باش تقللليي من احترامي!!
كوثر شافت فيه بحقد: لدابا مزال مابغيتي تعيق براسك و تفهم القصة كاملها لدابا مزال مابغيتي تعرف انك غتحرم بنت خرى من العيش باش تحيي وحدة ماتت بقرون هادي! بغيت نعرف غير مناااش مصنوووع امااا الحدييد راك فتييه!!عمرك و متيساااليش كيفمااا كنتي قبل مع الجدة رااك داباا قدااامي!! مابقيت فاهمة والو من كترة ما قلبك حجر!! الى بغيتي روحي لهاد الدرجة كلها باش ترجع مرتك الحبيبة من الموت (هزات يدو حطاتها على قلبها) يالاااه قتالعهااا دابااا!!!!

بقا تيشوف فيها شحال بتردد و هو يبعد منها جامع يدو و عاطيها بضهرو...
كوثر ربعات يديها: شفتي! ماقادرش تاخدها!!!نتااا لي خصك تفكر مزيااان فأش باااغي!!!!
شاه تقدم خطوات للأمام و خرج رادخ باب الجناح موراه ساد عليها تما...
كوثر عقدات حجبانها بالنفخة: سيررر بغيت ليييك العذاااب كيفما معذبنييي!!!
مشات تحل النوافذ لقاتهم مسدودين و ماباغيينش يتحلوو ابدااا جرات للبالكون حتى هو بوابتو مسدودة هدا حابسها هناياا بحال شي عصفورة فقفص..رجعات لوسط الجناح تضور فيه عاضة صبعها تتفكر مايمكنش تبقا هنا مزاال الى تردد فهاد اللحظة لي تحداتو فيه هادشي متيعنيش انه غيتردد المرة الجاية! هو لي كيف جابها النهار الاول علقها بالقوة و حاول يقتالع روحها من جسدها بزز! هو لي حاول هادشي للمرة الثانية كونما سخفات ليه تمايا!! و باينة غير تيتسنا فالليلة الثالثة يعاود فيها نفس الفعلة! و غيبقا يحااول و يحاااول حتى ياخد لي بغا!!مايمكنش شخص يتسنا حاجة لمدة قروووون فاش توصل و يحين وقتها يتردد مزال!!!..هادشي لي طاح فيه شاه لي مشا سد عليه فقاعة عرشو و جلس فوق كرسيه تسند على يدو غارق فتفكيرو و فوق الطاولة لي جنب الكرسي محطوطة بلورتو السحرية لي كانت بحال شي تلفاز شاف فيه مسلسل..مسلسل لي عنوانو "كوثر"..حط يدو على راسو تيتفكر كيفاش بدا هادشي و امتى؟؟؟....

"فلاش باك"
شاه هاز وثيقة ملكية عائلة الفارسي لقصرهم و فالأرض جالسة الباتول وسط من دائرة منقوشة و مرسومة برموز و طلاسم فالأرض..كان جسدهاا نحييف و ملامحها ذااابلة و وجهها اصفر كااع داك الجمال ديالها واش ذبل من كترة ماحطات عمرها كولو فهادشي...
شاه: اليوم هو يوم أجلك...
الباتول بصوت منخفض باين عليه التعب: ا ااه انا مستعدة
شاه هز يدو تيقرا فالتعويذة بصوت مرتفع و باليد الثانية شاد الوثيقة..بدات الريح تضوور على الباتول فحدود الدائرة فقط مع دخان و اضوااء مضورين جسدها..سدات عينيها بإنكسار و هي تتحس بروحها تتجبد من بلاصتها..غرغرو عينيها و بداو يهبطو منهم الدموع ماشي من ألم طقس انفصال الروح عن الجسد بل من مصير حفيدتها لي قدماتو بيديها لهاد الملك..كانت اخر نظرة ليها فوجه شاه لي قرب يختمها و اخر كلمة ليها كانت "ماتقتلهاش" و هي تنفاصل روحها على جسدها حتى سكنات الوثيقة و بقا جسدها جثة هامدة فأرضية الدائرة لي حبسو رياحها و طقوسها...
شاه شاف فالوثيقة و شاف فجثتها: اكبر تضحية نشوفها طول حياتي الطويلة! (بعدم رضى) مانقتلهاش؟ ياريت كون كانت فهاد الزمن كان كلشي غيدوز فالبلاصة! (شد القلادة لي فعنقو) نهار غادي تلمع القلادة و تزاد حرارة الدماء لي فيها غيكون بداية تحضيرات قرباني!
شاف فجثة الباتول بنضرة أخيرة و آمر يقادوها فثابوت و تم ليها جنازة...
دازو سنين حتى ولاو قرون من بعد موت الباتول..و الملك شاه و كيف كل الملوك المشعوذين تتعطاهم قوة قريبة من الخلود..الخلود تيخلي الشخص واخا تدير ليه لي درتي متيموووتش و تيبقا عايش مدى الحياة ولكن القوة لي عند الملك شاه هي الحياة الطويلة ماشي الخلود داكشي علاش باقي عايش لحد الان و بنفس الشكل و الهيئة..و كيفاش تيموتو يا تيقررو موتهم بنفسهم من كترة الحياة الطويلة لي عاشوها و مابقاوش باغيينها و هدا انتحار بحد ذاتو يا قوة تغلب قوتهم و تقتلهم...
حتال واحد النهار كان شاه جالس فالبيرو ديالو مركز على بعض الوثائق حتى فجأة حس بحرااارة عالية فعنقووو..جبد القلادة لقاها تتلمع باللون الأحمر و الدم داخلها تيغلي بالحرارة لدرجة خلق فقاعات! حرك يديه حتى بانت بلورتو السحرية و هو يجبد فالبلاصة قصر عائلة الفارسي تيشوف فيه..كانت هاجر هازة اختبار الحمل لي كان إجابي بجوج شريطات حمريين و معنقة بيجااد بفرحة تتخبرو بحملهااا..جرا عندهم سالار لي كانت عندو عامين و نص و داروه وسط منهم فرحانين...
هاجر غاطير بالفرحة: واااقيلة غتكووون عندناا بنت هااد المرة هههه من ديما باغية نولد بنت و ولد
بيجاد ماقاد فرحة: ماكرهتش حتى انا شي أميرة صغيرة فقصرناا ولكن ماشي مهم يكون ولد ولا بنت المهم صحتو تكون مزياانة
كان شاه تيشاهد هاد المشهد الحميمي و كيف فرحانين بنضرات غريبة و بتمعن تيشوف فكرش هاجر لي تيقيسها بيجاد(باقة مسطحة)...
شاه: القربان ولات فكرش الأم دابا غنتسنا ولادتها....

"بعد 9 أشهر"..فغرفة الولادة تيتسمعو صرخاااات الألم و الوجع..كانت هاجر مزييرة على اطراف سرير التوليد و معاها جوج قابلات تيولدو فيهاا...
القابلة: دفعييي ا مداام مابقااا والووو دفعييي عاونيناااا
هاجر مزييرة كلها عرقاانة و مزنكة و تتبكي: اهئ اهئ غنمووت اهئ
القابلة2 تتقوي فيها: دفيييعة وحدة لي بقات ليك دفييعة وحدة زيديي ا مداام راه الراس تيبان لينا
جمعااات جهدهااا كاملووو و دفعاات بالجههد كااتمة صراخها و هي تلوح راسها على المخدة تترد انفاسهاا المتقطعة..جبدو الرضيعة لي خرجاات بشكل كاامل من بعد ديك الدفعة و هزوها تيتفقدووها خصها تغووت باش يتأكدو من سلامتها...

هاجر حركات راسها بتعب: بنتي..بنتي بغيت نشوف بنتي قربوها ليا(تتنفس بثقل)
القابلات شافو فبعضياتهم بخوف الرضيعة مزال ماغوتات ماتحركات و بداو يحاولو معاها...
هاجر مالقات حتى جواب و هي تجمع شوية د الجهد لي بقا عندها حتى طلات عليهم بانت ليها الرضيعة متتحركش و هي تصدم: بنتييييييي!!!!اهئ بنتي ماتقولوووش ليا تزادت مييييتةةةةة!!!!
مشات عندها دغيا وحدة فيهم تتسكتها و تطمأنها ولكن والو تقول تتزيد عليهااا و القابلة لوخرا تتحاول حتى فجأة تسمع بحال صوت الشهقة خارج من صدر الرضيعة حتى رجع ليها النفس و بدات تغووت و تبكييي...
القابلات تنهدوو براااحة صدقات عايشة و هاجر تتبكي و تبكي كانت غتسطااا مدوها ليها بدماياتها و هي تضمها لحضنها مكملة بكاها حلفات ماتسكت باقي داك المنضر الميت ديالها قدام عينيها..فاش تهدنات شوية داوهم بجوج يغسلو ليهم باش ينقلوهم للغرفة..كان رثوك طول الوقت واقف تما تيتسنا فولادة مالكتو لي شوية كانت غتكون محسوبة فعداد الموتى..بعدما قادوهم داوهم للبيت فين تيتسناها بيجاد اما سالار شاداه شريفة مراة السليل ديالو يونس...
بيجاد غير تحل الباب ناض ديريكت تحنا لعندها معنقهااا بفرحة و تيشوف فبنتو كيف مضورينها فحويجات غوز...
بيجاد: ههه ماقادااني فرررحة ولات عندنا أميرة تنور لينا القصر
هاجر بابتسامة: شنو غنسميوها؟؟
بيجاد هزها من الكرسي المتحرك باش جابوها حتى حطها فوق السرير لي تما و هوما ينصارفو الممرضات مخليينهم على راحتهم...
بيجاد تيشوف فيها بفرحة مامصدقش بلي ولات عندو أميرة صغيرة من بعد الأميرة ديالو هاجر: كوثر..معناه الكثير من الخير و المال..الكثير من كل شيء..اسم زوين يليق بأميرة زوينة
هاجر عجبها الإسم: عجبني(حطات يديها على يدو)
بيجاد شدها من وجهها حتى باسها بوسة مطولة فشفاهها: تنبغيك بزاف هاجري..أميرتي القوية لي صبرات حتى هداتني هاد الهدية الجميلة...
رثوك كان واقف تيشوفهم و بالطبع هوما متيشوفوهش: كوثر..يعني اسمي غيكون رثوك..كوثر الأميرة المشعوذة لي غتكون مالكتي و قربان ملك المشعوذين فالمستقبل..(هاد المعلومات البسيطة عادي يعرفهم حيت تيبقا قرينها داكشي علاش رثوك عارف شحال من حاجة ولكن ماعندوش الحق ابدا يدوي ولا غيلقا عقاب عسيير عند الملك)
اما شاه اكييييد شاف ولادة قربانو و كل تفاصيلهاا راه قربانو هاديك و لي غيضحي بروحها باش يحيي اغلى ممتلكاتو للحظة كان قلبو غيوقف من الدهشة فاش شاف عدم حركتهااا و لكن غير تحركات و غوتات رجعات فييه الرووح كان مغيعرف مايدير الى الوقت لي ضييعو كامل تيتسنا فيها تمووت ليه فاللخر قبل ماياخد روحها!!
شاه: القربان تزادت دابا..(شاف فكتاب تعاويذو الخاص) تنظن العقد الدموي لي درنا انا و باتريسيا أثر على تاريخ ولادتها حتى ولا نفسو تاريخ موت براعة بالشهر و اليوم حتى من الوقت..بقات دابا حاجة وحدة نتسنا حتى تكمل عمر 20عام نفسو العمر لي ماتت فيه براعة باش يكونو الشروط 100% مضبوطين..(تيشوف فيهم بتسائل) ماعرفتش كيفاش غتطلع وحدة امها نية و عندها روح الدعابة و ابوها عنيد و مغرور!....

دازو الأيام حتى ولاو أعوام و ديك الرضيعة لي شاف ولادتها قدام عينيه غادية و تتكبر بحال شي وردة تتنمو و تفتح حتى وقع اول تواصل بيناتهم بالصدفة...

"مقتطف"
هاجر ناضت: تصبحي على خير دابا من بعد و ندويو فهادشي
كوثر لمحات المخطوطة: شنو هاديك بعدا؟
هاجر تلفتات: هادي هي الوثيقة لي تتبين ملكية العائلة الملكية لهاد القصر و لي نفسها ختمات فيها الباتول راسها حتى قالت لينا الحقيقة
كوثر: واخا نشوفها؟
هاجر قربات منها مداتها ليها غير شداتها كوثر و هي تضرب فعقلها كومة من الأحداث العابرة بسرعة بحال شي شريط سنمائي سرييييع و اخر حاجة قدرات تلتاقطها ذاكرتها منهوم هي عيوون رجل خضرااء قااتمة..شهقاات مبعدة لايحة المخطوطة و هاجر قربات منها بتسائل: مالكي؟؟
كوثر: والوو عياانة بغيت نعسس
هاجر: نعسيي داز على عقلك الصغير بزااف اليوم رتاحي
خرجات هاجر من الجناح مخلية كوثر مكمشة فغطاها تتحاول تنساا عيون الرجل المخيفة حتى داها النعاس...
شاه عقد حجبانو فاش حس بوجودهاا المادي فاش قاست الوثيقة حيت هو لي ختم روح الباتول فيها داكشي علاش حسات بيه و بهالتو القوية رغم صغر سنها و جهلها للمخطط الكبير لي مورطين فيه روحها الصغيرة...
شاه مقابل مع بلورتو تيشوف فكوثر لي كانت عندها 12عام هنا: هاد المشعوذة الصغيرة قدرات تحس بهالتي غير من لمسها للوثيقة! (قاس القلادة لي فعنقو) تنظن هادشي متعلق بالعقد الدموي لي عقدتو بدماء جدتها و لي نفسهم دمائها..(صغر عينيه فكتاب تعاويذ الباتول لي تورث لكوثر) كانت باغياها تطلع مشعوذة كاملة!...
"من بعد سنوات" فاش تعلمات كوثر للشعوذة و متاهنات تحصين المقابر لراسها...
شاه حاط يدو على وجهو ب لا حول: فاش تتفكر هاد المشعوذة! تحصين المقابر!! و مقابلة المشعوذين البشريين المزيفين!(الشوافات و الفقهة ماشي المشعوذين لي داوية عليهم قصتنا بالطريقة الخيالية لي خلقتها) مشعوذة ساذجة!!...

هكا كان حال الملك شاه بحال شي رجل متابع مسلسل و كل حلقة غير لي قبل منها و غادي و تيكتاشف فشخصيات و احداث قصتو مع البطلة الوحيدة فيه لي هي قربانو كوثر لي تتخليه باغي يشوف الحلقة الموالية من حياتها بلا هواه..عاش معاها الحلوة و المرة شاف حزنها و فرحها حتى حفظ تفاصيلها كلهم لقا راسو مدمن عليها ولكن ماعاقش انه هاد المراقبة كلها خلاتو طول هاد الوقت صدق تيميل ليها حيت موهم راسو انه باقي تيبغي براعة و هادشي كاملو على قبلها ولكن واش بصاح صادق فكلامو؟ أو لمشاعرو الدفينة رأي اخر؟....
"فالوقت الحاضر"

شاه حاط يدو على راسو: ماعرفتش شنو ندير!!! بغيت روحها و فنفس الوقت مابغيتش نقتلها!!(تفكر هضرة الباتول فاش عطاتو الزجاجة) "نهار تحس بلي تتميل ليها حل الزجاجة معاها"...
جبد الزجاجة و بقا ساهي فيها تيقلب فيها بين اصابعو..فنفس الوقت فواحد الغاابة..كان راكن سالار طونوبيلتو و وجدان واقفة هازة الخريطة تتشوف فالكهف لي قدامهم...
وجدان: الخريطة تتقول انه مورا هاد الكهف غنلقاو المملكة
سالار: شنو غنديرو دابا؟؟
وجدان حسات بدغدغة من حقيبتها و هو يطل منها أرنب: اووه سيلين شنو؟
سيلين هي الروح المرافقة ديال وجدان..الأرواح المرافقة هوما الحيوانات الأليفة ديال السحرة كل ساحر عندو روحو المرافقة على شكل حيوان معين و خدمتهم بحال القرين كيفما القرين تيعاون المشعوذ الروح المرافقة تتعاون الساحر...
وجدان شافت فسالار: قالت انها استشعرت هالة قوية من بعيد يعني المملكة خلف هاد الكهف
سالار: واخا تفضلي ندخلو
وجدان: ولكن اولا خاص تعرف اننا غندخلو للمملكة المشعوذين لي حتى واحد فينا ماشي منهم..انا ساحرة و نتا بشري يعني وجودنا غير مرحب بيه ولكن كاينة طريقة لي هي كتاب تعاويذ كوثر لي جبت معايا غيعطي هالة على انه حنا مشعوذين و غيمكننا من نعبرو المملكة بحال شي رخصة
سالار: فكرة ذكية! ولكن كيفاش حتى قدرتي تهزيه معاك فالصاك؟
وجدان: خالتي هاجر لي حطاتو فيها بيديها داكشي علاش مالقيتش مشكل اما ماغيبغينيش انا
سالار: واخا تفضلي
تقدمات وجدان خطوات للأمام و بجنبها سالار حتى دخلو للكهف المظلم..شوية بشوية بدا تيبان النور ديالو حتى خرجو فمكان اخر لا علاقة بالغابة لي على برا كأنهم ختارقو بعد أو عالم تاني..شافو حولهم كان الظلام قرب يطيح ولكن الدنيا باقة مضوية شوية و قدامهم حقل واااسع من الربيع عاد تتبان المملكة من بعيد و القصر الملكي قداش...
وجدان شافت فيه بابتسامة: نجحنااا!!!و اخيررااا!
سالار شدها من دراعها و تقدمو للأمام داخلين للمملكة...
وجدان جبدات قريعة صغيرة زجاجية من حقيبتها فيها غبار تيلمع بحال لبريو: هدا غبار النجوم غادي يخفي وجودنا و هالتي كساحرة باش نمشيو للقصر الملكي فين كاينة كوثر قاديتو فليلة هلال الصبح
سالار: احسن حاجة باش مانلقاوش مشاكل
رشات عليه وجدان داك الغبار و رشاتو على نفسها فجأة ولاو متيبانووش كأن اجسادهم ولات شفافة..شدو فبعضياتهم و كملو طريقهم قاصدين القصر الملكي...

بقا شاه تيحرك فديك الزجاجة بين اصابعو سااهي تيفكر مزيااان حتى حسم و قرر قرارو..ناض من على كرسيه و خرج من القاعة غادي لجناحو فين حابس كوثر كانت هاد الأخيرة متكية فوق الناموسية بدورها تتشوف فداك الخاتم و تمييز فكل حجرة كريمة و جوهرة فيه على لوخرى حتى سمعات الباب تحل و هي تقفز مخبياه فصدرها..شاه دخل لعندها لقاها مربعة فناموسييتو و وقف عليها نافخ صدرو كيف العادة...
كوثر عاقدة حجبانها: ياكما تنادم معاك الحال و باغي تاخد روحي دابا؟؟
شاه مامساليش لهضورها لي متيتقاداوش: قربي لهنا!
كوثر مقصحة راسها: لي بغاني يجي لعندي
شاه زيير على يدو بعصبية: قلت ليك قربييي لهنا و مانعاااودش هضرتييي!!!
كوثر غوتات: والااا مابغييييتش!!!
شاه جبد الزجاجة غير شافتها و هي تنوض لعندو فالبلاصة: هااادي لي قاالت الجدة!!!!
شاه: شدي غطاها
كوثر حطات اصابعها فوق الغطا و حط شاه اصابعو على ديالها باش يحلوها مع بعض كيف ذكرات الباتول..هزات فيه عويناتها لثواني تتشوف فيه عن قرب و هي تحدرهم فاش حساتو مستعد يحلها..حلو الزجاجة دقة وحدة و جبدو الرسالة الملوية فيها و المفتاح الذهبي...
كوثر: تنظن خاص نقراو الورقة هو الاول
شاه فك الرسالة حتى ولات مسرحة قدامهم و هي تقرب تطل عليها..المكتوب فيها هو "ضعو المفتاح فوق كتاب تعاويذي الخاص و البقية خلاص"
كوثر هزات راسها فشاه: كتاب تعاويذها الخاص يعني كتاب تعاويذي! ولكن مكاينش معايا!
شاه بمجرد فرقعة من اصابعو ولا الكتاب بين يديها بعدما كان محطوط فحقيبة وجدان هاد الأخيرة لي وقفات بدهشة و هي تتمشا مع سالار وسط المملكة...
وجدان: سالار الكتاب اختفى!!!غتبان هالتنا الحقيقية دابااا!!!
سالار بتوتر: و شنو غنديرووو دابااا؟؟؟
وجدان: وااا جرررري
المشعوذين لي كانو حولهم و لي متيشوفوهمش بفضل غبار النجوم المرشوش عليهم بداو تيستغربو فاش حسو بيناتهم بهالة السحرة و البشر دقة وحدة..شدو وجدان و سالار فبعضياتهم و ضربوها بجرية حتال المشعوذين مامعاهمش اللعب بقاو تيجريو و يجرييييو خالقين جدل بالهالة ديالهم بين الشعب كلشي تيقلب على هاد الساحرة و البشري لي بيناتهم حتى وقفو قدام بوابة القصر الملكي الكبييييرة و لي كانت مسدودة و قدامها حراس بدروعهم حارسينها...
وجدان شافت فسالار: صبر غير نستعمل...
مزال ماكملات هضرتها اختفت هي وياه من تما حتى تحبسو فواحد البلاصة..فنفس الوقت كان شاه ساد عينيه بعصبية البشري خو المشعوذة و صاحبتو الساحرة لي بقاو ليه فالحساب استشعر وجودهم من فاش حطو رجليهم فالمملكة لا كتاب تعاويذ ولا هالتو حماوهم منو غير مامساليش ليهم دابا اهم حاجة عندو الروينة لي نايضة مع هاد المشعوذة لي رونات ليه تفكيرو و مخططو...
كوثر شافت فيه: بقا نحطو الساروت فوق منو
شاه هز الساروت و حطو فوق الكتاب لي بين يدين كوثر حتى فجأة بداو يلمعوو بضوء ذهبيي خلا الكتاب يبدل شكلو من العين الخضراء لي متوسطاه الى مفتاح ذهبي متوسطو...
كوثر بدهشة: واااو غلاف كتابي تبدل!!!
شاه: حاس حتى داخلو غيتبدل
كوثر حلات صفحاتو و هي تصدم بالفعل تبدل!!من تعاويذ الجدة لي فيه دابا ولا عبارة على مذكراتها!...
كوثر: هادو مذكراتها!!!المفتاح تيحول كتاب التعاويذ لمذكرات!!
شاه: تقنية ذكية ماغريبش تصدر من وحدة بحال باتريسيا..جلسي نشوفو اش كاتبة
جلسات كوثر فوق فوتوي تما و جلس حداها..الصفحات الأولين كانو على بداية عيش حياتها فمملكة كينتاريا حتال فاش غادراتها باش تولي مشعوذة قصر عائلة الفارسي الملكية..من بعد الصفحات لي موراهم كانت تتحكي على مخططها و عقدها مع الملك و كلشي..كانت تدوز كوثر الصفحات و تقرا هي و شاه حتى وقفات فصفحة فشكل على الصفحات لخرين كان فيها ختم فالوسط و كتبة مغطية كل بياض الصفحة...
كوثر تتقرا لي مكتوب: بعدما خدا الملك قرارو ياخد روح حفيدتي قررت قبل مانعقد معاه العقد الدموي يعطيني مهلة باش نفكر فيها و لكن انا كنت تنخطط نستعمل دوك السنوات لي بقاو ليا من حياتي مادام مكافيينش نضحي بيهم باش نختم راسي فالوثيقة غيكونو كافيين كتضحية باش نتنبأ بمستقبلو مع حفيدتي و مستقبلهم بجوج غيبان ليهم من الختم..جلالة الملك شاه اليامن الثالث و حفيدتي الأميرة المشعوذة كوثر غتكونو تتقراو هاد الأسطر بجوج الى وفا الملك بكلمتو..بغيتكم بجوج تحطو يديكم فوق الختم هو لي غيختاصر ليكم جميع الأحداث فذاكرتكم..الأحداث لي شفتها من تنبؤي بمستقبلكم مع بعض...
هزات كوثر راسها فشاه: واش مستعد؟

شاه للحظة تردد حيت خايف من واحد الناحية يشوف شي حاجة ماتعجبوش..شاف فيها لقاها تتسنا فيه..سبقات يديها حطاتها و هو يتبعها ديالو فوق الختم فجأة حسو بصعقة خلاتهم يتبلوكاو فبلاصتهم محركة عقولهم فقط لي غاصت وسط من كومة الأحداث لي خلاتها ليهم الباتول فالختم و لي تتنتاقل دابا لذاكرتهم....
كانو كل من شاه و كوثر تيشوفو بعضياتهم فقاعة كبيرة من قاعات قصر الملك مضورينهم الحضور لي كانو من كبار شعب المملكة و عائلة كوثر هاد الأخيرة لي كانت لابسة فستاان زفاااف ملكي و حداها شاه ببدلتو الملكية د الزفاف..كانو تيبانو عرسااان فرحااانين تقول ماشي هوما ابدااا الملك شاااه لي باغي ينتازع روحهااا و هي المشعوذة كوثر لي كرهاتو بسبب هادشي..تسمع صوت فراسهم..صوت انثى رقيق شاه لي مييزو و هو صوت الباتول تتقول "القدر على شكل خاااتم..خااتم نااادر مرصع بالأحجار الكريمة المتنوعة الملونة..خاتم جمع حب قوووي و توج حفل زفااااف كبيييير لي ولا دموي..نهار يعتارف الملك بحقيقتو و يتلبس لمالكتو كلشي غيتكشف..."
غير سالات كلامها و هوما يرجعو لوعيهم تيشوفو فبعضياتهم بدهشة...
شاه: الخااتم لي على شكل القدر!!!خاتم برااااعة!! ولكن علاش انا وياك مزوجين فالنبوءة!؟
كوثر: مااانعرف ولكن نفس شكل الخااااتم لي...!!!(جبداتو بالزربة من صدرها)
شاه عقد حجبانو: نتي شنوو تيدييير عندك تماا؟؟؟؟!!!
كوثر: نسااا دابااا تنظن خاصني نلبسو؟
شاه مابااغيش: هدااا الخاااتم لي قدمتو لبرااعة فعرسنااا هو لي عقدت بيه ارواااحنا كأزواج!!!
كوثر مخنزرة: انا تنطبق لي قالتو الجدة لا غير شي نهار يطرطق فيك شي عرق بهاد براعة
يالاه بغات تخشيه فصبعها قدام عدم رضاه حتى فجأة تحلات بوابة من العدم حتى خرجات منها يد مكمشة بالتجاعيد و كلها عروق ماحسات بيها حتى تحطات على كتفها و جراتها بقوة لعندها..كوثر خرجات عينيها بصدمة فشاه و اخر حاجة نطقات بيها قبل ماتجبد و تختفي قدامو هي سميتو....
شاه بصدمة: كووووووووثر!!!!!!....

تجرات كوثر بالقوووة من حدا الملك حتى حسات باليد جبداتها حتى طلقاتها تكركبات فالأرض...
كوثر مزييرة على الخاتم فيديها و عظامها مهلوكيين بسبب التكركيبة..طلعات راسها بصعوبة تعرف فين كاينة و تاعت من هاد اليد لي جراتها..لقات رجل عجوووز طوييييل مخنزر واقف عليها و داير فيها شي شوووفااات ديال القتيييلة..فنفس الوقت شاه توجه نيشااان لبلورتووو السحرييية جبد قلادة الساعة الرملية من عنقو ديريكت و حطهاا فوق البلورة باااش تجبد مكان كوثر بدمائها لي اختفت قدام عينيه!!..البلورة الشفافة بدات تترصد مكان كوثر لي كانت مستلقية فالأرض تتنوض منها بصعوبة و رجل عجوز جاي لعندها ناوي على خزيت..شاه خرج عينيه بصدمة و بعصبيييية نطق: مايييييييسسسسسسن!!!!!!!!!!
العجوز تحنا شد كوثر من عنقها و هي فشلانة ونطق بواحد الكره و الغضب: غتنقتتتلك بيدي هاااااد المرررررة باش نتأكد عمررررك ترجعيييي مزااااال
كوثر حطات يديها على يدو تتبعدو بفشل حاسة عظامها بحالا مهرسين: بعددد م منييي شكووون نتااا؟
العجوز بغضب: اناااا لي غنااااخد روووووحك!!!
كوثر: خودها و هنينيي من هاد العذااب..(سدات عينيها بألم)كلشي باغيني نموت عييت من هادشي...
العجوز يالاه زيير على عنقها و بدات تحس بأنفاسها تتقطع حتى وقف عليهم شااه لي شد العجوز من وجهو و عطاه بلكمة خلاتو يتهز من بلاصتو حتى تردخ مع حيط قدو قداااش..بدون تفكييير تحناا عند كوثر لي كانت تتكح فالأرض تترجع انفاسها نية القتل طاااالعة 100% عند هاد الشارف كون تعطل شاه بشوية كان غيلقاها تتلفظ انفاسها الأخيرة!!..عنقها لعندو بقوة خايف عليهااا: كووثر نتي لباااس؟؟؟؟
كوثر حاطة راسها على كتفو بفشل: أناني حتال اخر نفس باغي الروح لنفسك و براعتك اكيد غتعتقني باش تاخدها لراسك
شاه مافكرش ابدااا فهادشي لي قالتووو كان تيشووف غير فرااقهاا عليه قداام عينيييه و هادشي لي مابغاااهش ابدااا!!!...
شاه زيير عليها: مغنخليييكش تموووتي ابدااا حيييت نتييي بلاصتك حدااايااا!!!!
العجوز وقف بصعوبة اللكمة كانت قوية هدا هو الملك شاه باقي قوي واخا يدوزو مئات السنين...
العجوز مصغر فيهم عينيه: ملكنا العزيز لي كان عايش على قبل يرجع جثتو الهامدة من الموت ولا طايح فحب القربان دابا (شداتو الضحكة)هههههه وليتي مثير للشفقة ا شاه شوف كيفاش خايف عليها
شاه ضار لعندو بواحد الشوفة ياربي السلامة: اكبرررر غلط درتووو فحيااااتي هي ماقتلتككككش داك النهاااار!!!!!
العجوز: ههه كنتي باغي تقتل صديقك الوحيد على قبل الممسوخة لي باغي تزوج بيها كون درتي بكلامي داك النهار كاعما توصل لهناا
كوثر شافت فشاه: واش تتعرفو بعضياتكم؟؟؟
العجوز نقز جاوب: ايييييييه يا الممسووووخة رقم 2!!!! معرفة قدييييييمة حتى جاااات الممسوخة الأولى و هرسااات صداقة كانت اقوى من الحجر!
شاه شاف فيها: غنسيفطك دابا للقصر هنا خطير عليك!
كوثر: لا غنبقا هناا(حاولات توقف على رجليها) الأمر تيهمني خاصني نعرف كلشي!!!
العجوز: اكييد غتعرفي اكيييد حيت عاجلا أم اجلا غتلحقي عليهااا حتى نتي!
شاه نوض كوثر حتى وقفات على رجليها و تقابل مع العجوز بملامح متتبشرش بالخير ابدااا: كنت حاااس طول الوقت ولكن ايااام صداااقتناا خلاتني نحاااول نتييق العكس!!!!
العجوز: اناااا الأمير مايسن كيرن ولي عهد مملكة لاندي نتجرد من عرشيي و مملكتي و كلشييي بسبب ممسووووخة هجييينة من الصنفين بجوج!!!و نبقاااا فهاد البرررج مدى الحيااااة!!!
شاه: مغتبقاش تفكر فهادشي حيت هاد المرة ماشي غتلعن بل غتمووووت!
كوثر: شكوون هاد الهجينة؟؟؟؟
مايسن صغر فيها عينيه بكره: نتيييي نييييت!!!!بهاد اليديييين بجوووج قتلتك و داباااا راااجعة بشكل اخور زعمة مغنتعرفش عليك!!!!
كوثر باستغراب: واش نتا حمق فين تنعرفك!؟

شاه شاف فيهم بجوج: نتا شنو تتقصد؟؟؟!!!
مايسن: كنت طووول الوقت شاك ولكن دابا تأكدت!!! شي حاااجة وقعاااات حتى روح الهجينة تتحوووم حول القربان!!!
كوثر بقلة صبر: واااااا ايناااا هجينة؟؟؟؟؟
مايسن غوت بكره: برااااااااااعة!
شاه: كنت متأكد بلي نتااا لي قتلتيهااااا كنت عاااارف ولكن ماااقدرتش نتخيييل هادشييي!!!كيفااااش لصديييق وفيييي يحرم صاااحبوووو من اغلى حااااجة تيملكهاااا؟؟؟!!!
مايسن: وااااش متتفهمممش كيفااااش باغي تزوووج بهجييينةةةةة عيواااااض تشكرني على لييي درتوووو و مستقبل المملكة لي فكرت فيه خليتيييي الأب دياااالي ينفينييي من مملكة لانديييي و من عاااالم المشعوذيييين حتى وليييت فهاد البررررج!!!
شاه زيير على يدو: و كاااانت اقل حاااجة نتاخدها من جيييهتك كااان علياااا نقتلك!!!
كوثر: انا هجينة من الدماء الملكية الآدمية و الدماء الملكية الشعوذية و براااعة اش؟؟؟
شاه: براعة كانت هجينة من السحرة و المشعوذين...
كوثر بدهشة: كيفاش؟!
مايسن: ايييييه الممسووووخة كانت نصف ساحرة نصف مشعوذة داااكشي علاش تستااااهل المووت جميييع السحرة يستااااهلو الموت!!!!
شاه: الموووت نتا الوحييييد لي تستاهلها!!!!
مايسن: كنت تنتسنااا فالنهااار لي غتختااار بيناتهم بفاااارغ الصبر تنتسنااا فاللحظة لي غتضحييي بروووح القرباااان باش ترجعهااا من الموووت ظناا انهااا حبك الحقيقي باااش تصدم فالأخير انك ضحيتيييي بحبك الحقيقي باااش تحيي وحدة مابقااااتووووش!!!!
شاه و كوثر بصدمة: كيفاش؟؟؟!!!.....
مايسن: طول السنواااات لي كان تيراااقبك فيييهم خلااااوه يبغيييك نتييي يتعلللق بيييك نتيييي حتى ولااا عندو احيااااء الممسووووخة مجرد واااااجب ماشييي حبا فيها!!!! و من خلال لي قالتو باتريسيا و تنبآت بيييه خااااتم الزواااج لي كااان ديال ديييك اللعييينة هو لي غيتبث صحة كلاااامي!!!!....

شاه طلق من كوثر بشوية و تقدم لجيهتو حتى شدو من حوايجو: غننننقتتتتلك سمعتيييي غنقتتتلك!!!!!
مايسن: و اكيد مغنموووتش بلا معركة اخيييرة!!
الملك طلق منو راجع بخطوات للوراء و فلمح البصر بدات معركة حاااامية بين جوووج مشعوذيين اقوياااء و لي كااانو واحد النهار أقرب الأصدقاء....
و بينما هوما خالقين الروينة بمعركتهم كانت كوثر تتشوف فالخاتم..خاتم القدر..خاتم زواج براعة لي قدمو ليها الملك..الخاتم لي خلق ضجة فهاد المدة الوجيييزة لي لقاتو فيها..بدات تتقربو من صبعها حتى بدات تدخلو فيه و فراسها تتسائل اش غيوقع؟ حتى استقر فصبعها بشكل كامل...
كوثر: ماوقع وال..(فجأة ضرب قلبهااا بالجههههد و خرجااات عينيها بصدمة جسدهااا تخدر فبلاااصتو بدووون حركة و عينيهااا وقفو من الرمش...)
الملك و مايسن مارضوش ليهاا البال منشاغلين بمعركتهم اما هي مابقاتش تتشوفهم ولا تتشوف البرج لي هوما فيه حسات براسها تهزات حتى ولات فواحد القرية صغيييرة جات خارج حدود مملكة كينتاريا..وسط من الحقول الواااسعة..الربيييع الاخضر الرياااح لي تتدي و تجيب ففستانها لمحات منزل صغير على التلة كانت تتنشر فيه امرأة شااابة زوييينة اغطية بيضاااء مستغلة شمس اليوم المشرقة باش ينشفو..بان ليها راجل لايح رداء على ملابسو و مغطي راسو بقبو جاي من بعيد و قاصد المنزل الصغير حتى وقف على المرأة...
الرجل: صباح الخير انسة ممكن توريني شي فندق فالقرية باغي ندوز ليلة هنا قبل مانكمل طريقي لوجهتي
المرأة: ااه كاين ولكن بعيد شوية مغتوصلوش فالوقت المناسب
الرجل لي كان باين عليه التعب: ااه للأسف...
المرأة لاحظات تعبو و بقا فيها باينة فيه جاي من بلاصة بعييدة: الى غير ليلة وحدة ماشي مشكل غنعطيك غرفة فمنزلي الصغير المتواضع و لغد ليه تقدر تمشي لوجهتك
شكرها الرجل بفرحة و دخلاتو لدارها مرحبة بيه بلي عندها..كانت شابة بسيطة خالقة من بساطتها جنة صغيرة الأثاث رغم انه ماشي فاخر تنظيمو و تناسقو بيين جماليتو زائد النظافة لي تتشم ريحتها من عند الباب...
جلس فوق كرسي طاولة المطبخ و مشات جابت ليه الماء غيكون عطشان...
شرب الكاس كامل و بدا التعارف بيناتهم..عرف منها انها مشعوذة عايشة بشكل معزول على مملكة كينتاريا بعدما انفاصلات على عائلتها و لقات هدوئها بعيد على ضوضاء المدن..اما هو رحال متيبقاش فبلاصة وحدة ديما متنقل من هنا و لهيه تيسافر هادي هي متعتو فهاد الحياة و حتى هو معزول على مملكتو لي ماذكرش اسمها..طاح الظلام و تعشاو بجوج..وراتو فين غينعس و تمنات ليه ليلة سعيدة قبل ماتسد عليها فغرفتها...
شافت كوثر كلشي و هي موجودة معاهم ولكن هوما متيشوفوهاش ابدا حيت هدا ما هو الا استحضار الماضي قدام عينيها و عيشو كيفما هو...
فلغد ليه بعد الفطور شد الرحال طريقو لفين كاين الفندق لي رشداتو ليه المرأة و مشا...دازو اياام حتى ولاو شهر حتى سمعات الدقان واحد المرة فبابها..ناضت حلاتو لقاتو هو...
المرأة باستغراب: نتا هداا!!
الرحال بابتسامة مد ليها علبة صغيرة: جيت نشوفك قبل مانرجع تاني لدياري
المرأة بتسائل: و شنو هادشي؟
الرحال بتاسم: هدية بسيطة كتعبير على شكري لضيافتك
شداتها من عندو بابتسامة حلاتها و هي تلقا فيها خاتم بحجرة كريمة وحدة تيلمع..هزات فيه راسها بفرحة: ا اول مرة يهديني شي راجل هدية...
الرحال: تستاهلي كل خير..تنتمنى تقبليه
المرأة: اكيييد اكيييد (لبساتو)زوين بزاااف
ضايفاتو عندها و من بعد مشا يرجع لديارو..داز الزمن قدام كوثر و لي هو أشهر حتى بان ليها جا تاني لعند المرأة لي غير شافتو فرحااات بيه و هو كذلك..كان تيبان إعجاب كبير بيناتهم خلاها تطلب منو يبقا معاها و وافق..صارحها بمشاعرو من جيهتها و انه طول الوقت كان تيفكر فيها فغيابها تفاجأ فاش صارحاتو حتى هي بنفس الشيء تما فين طلب منها الزواج بدووون تردد ولكن قبل هادشي صارحها بحقيقتو..و لي هي انه ساحر قمر و هي تتبقا مشعوذة..بتاسمات فوجهو و طمأناتو انها من لول كانت عارفة رغم إخفائو لهالتو على المشعوذين..تقبلات حقيقتو و تزوجو رغم اختلاف اجناسهم..داز الوقت بسرعة قدام عينين كوثر حتى بانت ليها نفس المرأة فالفراش حاضنة طفلة رضيعة بين يديها و بسرعة دازت كومة خرى من الاحداث كيفاش كبرات ديك الرضيعة حتى ولات شابة...
المرأة لي كبرات شوية فالعمر: براااعة فييينك(تتعيط ليها)
كوثر بصدمة: براعة!

بانت قدامها بنت شابة زوينة شعرها قهوي طوييل و عينيها عسليين: هاني ا ماما
المرأة: سيري عاوني باباك فجمع التوت لي فالغابة خصنا نبيعوه فالسوق هاد ليامات
براعة: واخااا ا ماماا
جرات بخطواتها الخفيفة و فستانها البسيط تيديه الريح و يداعب فشعرها حتى دخلات للغابة تتعاون باها فجمع التوت لي غيزيدوه على الخضر لي تيزرعو فأرضهم و تيبيعوها فالسوق...
فنفس الوقت ماكانوش بوحدهم فديك الغابة كان فيها الملك شاه مع صديقو المقرب مايسن لي مكانش عجوز كيف دابا كان شااب وسيم بملابسو الملكية حتى هو تتبين على مكانتو كأمير..كانو راكبين احصنتهم خارجين من المملكة باش يتفقد شاه احوال الخارج بنفسو باغي يزور الأراضي..التفقد عن طريق الزيارة ماشي هو من البلورة السحرية كاين فرق كبير و اكيد الزيارة احسن..خلات براعة باها و هزات السلة تتكمل قطف التوت و هي غادية تتبعد من تما حتى بانو ليها جوج رجال قاصدين تما راكبين على احصنتهم من ملابسهم و هيئتهم باينين من طبقة عاااالية طبقة لي متتصادفهاش ابدا بنت بسيطة بحال براعة...
مايسن لي كان تيدوي مع شاه حس بوجود ثالث بيناتهم و هو يشوف قدامو لقا بنت شابة هازة سلة تتجمع التوت تتشوف فيهم...
مايسن: ماتصحابليش هاد الغابة تيوصلوها الناس!
شاه تلفت شافها: غتكون من الفلاحين
براعة جمعات سلتها و بغات تبعد خايفة منهم حتى وقفو عليها...
شاه: شنو تديري هنا؟؟
براعة واخدة حذرها منهم: و والو غير تنقطف التوت نبيعو شكون نتوما؟
مايسن يالاه غيعلن على هويتهم لي اكيد ناس بسطاء و فقراء بحال براعة مغيكونوش عارفينهم حتى سبق شاه: من المملكة تيبان هاد التوت بجودة عالية
براعة بتاسمات: اه انا لي زرعتو بيدي
شاه: الى مزال مابعتيه انا غنشري السلة لي بين يديك
براعة بفرحة: بصاااح؟؟؟شكرااا على لطفك معايا...

جبد الملك كيس صغير عامر بالقطع الذهبية من حقيبتو لي لاصقة مع الحصان...
شاه: قربي
براعة قربات و هو يمد ليها الكيس و مداتلو هي السلة..حرك شاه يدو حتى بقات مهزوزة السلة فالهوا بوحدها و براعة حلات الكيس تحسب الفلوس تحييد منهم ثمن التوت حيت ماسولهاش عليه خلصها ديريكت...
شاه: بلا ماتحسبي الكيس كولو ليك
براعة بتاسمات و عينيها تيلمعو: شكرا على كرمك سيدي
حرك ليها راسو و جر الحصان حتى ضار و تقدم للأمام..داز كلشي قدام عينين مايسن لي كان تيشوف فيهم بنضرات مامفسرينش حتى فاتوها عاد تكلم...
مايسن: واش حسيتي بلي حسيت بيه؟!
شاه تيشوف قدامو: حسيت
مايسن: علاش كافئتيها!! كيفاش حتى هجينة عايشة فأرضك!
شاه: شنو ذنبها هي الى واليديها مختلفين و واحد منهم ماشي منا؟
مايسن: هالة السحرة لي عندها مالتاقطتيهاش زعمة من قبل؟
شاه: كنت عارف بلي ساحر قمر تيعيش مع مشعوذة فهاد القرية انا لي مابغيتش نتدخل حيت ماعنديش شي مشكل
مايسن ماعاجبوش الحال: هادوك راه اعداائنااا و الى استمر نسل هاد العائلة غادي توحل مملكتك فالمستقبل!
شاه: مايسن! شعبي و انا حر فيه!
سكت مايسن ماعاودش الهضرة مزال معاه..مايسن صديق شاه المقرب لسنيييين طويلة من قبل حتى مايكون شاه ملك و كان غير أمير..مايسن ولي عهد مملكة لاندي د المشعوذين المتواجدة في كندا و تعرف على شاه فإجتماع تم بين ابائهم الملوك فديك الوقت..توسعات صداقتهم حتى ولا تيجي مايسن بزااف للمغرب عند شاه حيت طقس مملكة كينتاريا فيه معتدل و زوين ماشي بحال كندا لي فيها البرد و الثلج بزاف..مايسن و ككل المشعوذين متيحملش السحرة و هوما ألد اعدائو و اعداء بني جنسو و هاد الشابة لي قابلو دابا نتيجة تزاوج مشعوذة منهم بساحر عدو ليهم! شاه تيشوف الامر عادي ولكن مايسن و لي بحالو تتبان ليهم براعة تشوووه و اختلاط قبيح ماخصوش يكون ابدا!...
كوثر لي كانت واقفة شافت كلشي: هدا اول لقاء لشاه مع براعة و داز زوين من غير داك مايسن الشارف لي تيبان هنا صغير لي ماحاملهاش غير حيت فدمائها الشعوذية تيجريو حتى د السحرة!...
بالنسبة لشاه اصل براعة لفت انتباهو و حتى طريقة عيشها البسيطة زائد هيئتها الأنثوية اللطيفة و جمالها البريء..لقا الملك راسو تيمشي لنفس الغابة غير باش يشوفها و يتلاقا بيها و حتى هي عاجبها الحال من تصرفو معاها فأول مرة خصوصا فاش عرفاتو عطاها فوووق الثمن لي تتبيع بيه يعني بيين على سخائو و هاد الصفة اي بنت تتطييحها..استمرو لقائاتهم العادية و براعة عمرها عرفات انه لي قدامها و لي تتعاود ليه على احلامها و يومياتها ملك هاد المملكة كلهاا حتى وصلات علاقتهم لأبعد الحدود فاش بدا تيميل ليهاا و اعجابو بيها كبررر تما فين صارحها و هي اكيد تصدمااات و ماصدقاتش فالاول ولكن ضوراتها فدماغها المال الكثير الملابس الإستثنائية و طريقة كلامو الرسمية متتعبرش ابدا انه غيكون غير شي نبيل من المملكة بل اكبر!..حسات فديك اللحظة بالحشمة حيت ماخلات ماعاودات ليه على حياتها زائد مكانتش تدوي معاه بطريقة رسمية ابدااا ماكانتش عارفة انه هادشي لي خلاه متعلق بيها و تيجي لعندها وقتما كان عندو وقت خاوي..كانت بالنسبة ليه مميزة بعيدة على بنات النبلاء المتصنعات و الجواري لي تيجريو وراء منصب الملكة فاش تزوج بالملك..براعة كانت روح خالصة ورات لشاه كيفاش ممكن الواحد يستمتع بحياتو غير بلي عندو لقا معاها الراحة لي مالقاهاش وسط القصور و الحرير و المجوهرات الغالية..و الحب لي مالقاه عند حتاشي امرأة من قبل...
كوثر كانت تتشوف فيهم كيفاش تيبانو فرحانين و منساجمين حسات بالحزن فداخلها و غيرة حيت ماكرهاتش كون كانت بلاصتها شافت شاه كيفاش قدرها و بغاها قدام عينيهاا هادشي خلاها تمنا ياريت كون تصرف معاها بنفس الطريقة ماشي يكون قااصح و باغي يقتالع روحها باش يرجعها هي...
دازو الأحداث بالزربة تاني حتى توقفو فاليوم المنتظر..اليوم لي تهزااات المملكة بخبر زوااج ملكهم شااه اليااامن الثالث و بشكوون ب هجيينة بسييطة ابنة فلاااح تيبيع الخضر و الفواااكه فالسووق..من جنس السحرة و جنس المشعوذييين عااار المملكة!!...

مايسن كان غيمووووت بالاعصااب توقع كلشييي الا الملك يتماااادى و يطلب منها الزواج و بالتالي غيتوجها ملكتو!!ملكة على مملكة المشعوذييين بأسرهااا!!!هاد الخطوة الكبييرة قادرة تشتت عالمهم و تخلييي شحال من مملكة تزعم تدييير نفس الشيء حيت شاااه كانو عندو حلفااااء كتااار من ملوك الممالك الخرين لي موزعين فدول العالم زائد تيحتاارموه كونو ملك عاادل و عندو كلمة و تيهمو شعبو! الى مشا حتى تزوج بهاد الممسوخة غيحل باااب عمرو غيتسد باااب بزز باش تسد منذ الأزل و لي هوو الصلح مع السحرة!! و هادشي لي ماباغيهش مايسن هو و مجموعة كبييرة من حلفائو!..بقا تيفكر حتى عيا و قرر هدا هو الحل الوحيد هو مايمكنش ليه يآدي صديقو الوحيد ولكن ديك الممسوووخة لي غيدفعها الثمن!!...
كوثر حطات يديها على فمها: غيقتلها!!ناوي يقتلها!!
دازت اللقطة قدام عينيها حتى بانو مراسم الزفاف ديال شاه و براعة كيفاش كانت متألقة بفستانها و جمالها لي آسر الناضرين..كانت لابسة نفس الفستان لي لابساه فالثابوت و شاه فرحان بييها باين كيف تيشوف فيها قداش تيبغييهااا بزاااف و حتى هي كذلك تتحماق عليه و متحمسة بزااف تكون زوجتو و تبقا بجنبو مدى الحياة حتى يموتو بجوج...
جبد الخاتم نفسو لي كاين فصبع كوثر دابا و لبسو ليها و كملو مراسم الزفاف باش يكونو زوج و زوجة قدام الملأ...
اختفى كلشي امام كوثر حتى ولات فجناح الملك لي كانت فيه براعة بوحدها تتوجد راسها لليلتها الأولى معاه..كانت باقة بفستان زفافها تتفك فالورود لي كانو مزيينين شعرها المضفور على جنب حتى سمعات الدقان فالباب..عرفات شكون الطارق كانت خادمة هازة صينية صغيرة فيها تحلية الأرز و اللوز المفضلة عند براعة...
الخادمة: تحليتك المفضلة جلالتك
براعة استغربات حيت ماطلبات والو ولكن علاش لا ماتقبلش هادي باينة ضيافة من اهل القصر ليها..شداتها من عندها بابتسامة و شكراتها..انصارفات الخادمة و براعة دخلات فرحانة بتحليتها للأسف وحدة بحالها ماعارفاش قوانين القصر ولا حروبوو كانت صااافية و نية و ماظناتش ابداا بلي تحليتها المفضلة تكون اخر حاجة تاكلها فحياتها لي عاد غتبدا مع حب حياتها..فور اكمالها للأكل بدات تتحس بألم كبييير فكرشها خلاها تطيح على ركابيها فالأرض تتكح..الكحة تزاادت حتى ولات تتكح الدم فالأرض..براعة خرجات عينيها بصدمة فيديها و الأرض لي كانت كلها دماياات...
براعة تتألم و مافاهمة والو: اش وااقع شنوو هادشييي؟؟؟كح كح(تكب الدم من فمها و تقيااه)ش شهااادشييي(خايفة)شااااه شااااه اهئ..شهاادشييي؟؟...اهئ تنحس بالموووت....

فنفس الوقت كان مايسن العجوز فالأرض تيلفظ انفاسو الأخيرة بعدما هلكو شااه لي ماتحركات فيه الزغبة رغم المعركة الضارية لي دارت بيناتهم..تحنا لعندو و مايسن مطلع راسو بزز...
مايسن: قتلنيي!! تفضل قتلني!! غنموووت و انا على صوااب و درت لي خصو يتدار فالأصل! كونما تزوجتي بديك الممسوخة مغنوصلوش لهادشي ابد...
قبل مايكمل كلامو قتالع شاه قلبو من بلاصتو واضع بهاكا حد لحياتو الطويلة قاتل واحد الشخص كان يوما من الايام صديقو المقرب..ناض من على الارض محطم قلب مايسن الى قطع بيديه بواحد البرود كأنه قاتل حشرة..ضار فالبلاصة لعند كوثر لقاها واقفة مبلوكية مكايناش فهاد العالم و بسرعة قرب منها تما فين لمح خاتم زواج براعة لي فيديها..شاه غير حط يدو على كتافها يفييقها و هو يتهز وعيو حتى هو من تما و ولا حدا كوثر لي تتشوف فبراعة تتموت قدام عينيها...
شاه تيضور عينيه فالمكان عاد لمح براعة فالأرض و هو يتصدم: براااعة!!!
كوثر تلفتات لعندو شافت فيه بحزن كبير و عينيها مغرغرين: رغم انني كنت متنحملش سيرتها و قضية انك باغي روحي باش ترجعها هي ولكن حتال نتشفا فيها ولا نبغي ليها بحال هكا لا...
شاه عنقها بلا مايدوي عينيه على براعة لي مكانش ابدا حاضر فلحظاتها الأخيرة...
كوثر: فين كنتي فاش كانت هي تتموت؟؟
شاه: كنت خارج القصر مع مايسن دعاني للخارج باش يدوي معايا على موضوع مهم تيخص مملكتو و ممانعتش حيت كان صديقي المقرب و ابدا واش نقدر نشك فيه...
كوثر: بعدك منها باش يقتلها على خاطرو و ماتقدرش تدخل باش يتأكد من موتها التام!..خبيييث!...
فجأة تسمعو خطوات داخلين على براعة لي باقة تتقاوم فالمووت و ماحبساااتش من رداان الدم..طلعات راسها بزز مادة يديها تتستنجد و عند بالها حبيبها شاه لي داخل ساعة القاتل بنفسو جاي يتأكد من موت الضحية...
براعة: مايسن؟
مايسن وقف عليها بواحد الحقد فعينيه كون لقا يحرقها و هي حية بلا مايتسنا فالسم لي دار ليها فالتحلية يشد فيها مزيان و يدير خدمتو ولا يخنقها بيديه: جيت نشوف واش سمي داير مفعولو عليك يا الممسوخة اللعينة!
براعة: ش شنو در ت ليك اهئ ي ياك ش شاه ص صاحبك؟
مايسن: ااااه شاه صااااحبي(زيير على يدو)داكشيي علاش مابغيييتش ممسووخة بحااالك تلوث سلالتووو الملكية!! شاه خصو يتزوووج بمشعوذة ماااشي بمسخ هجينة بحااالك!!
براعة نفاجرات بالبكا حاطة يديها على فمها: عمرني شفت شي واحد بالشر دياالك عمرني شفت شي وااحد بحقاارتك اهئ اهئ شااااه اهئ عتقنيييي غنمووووت اهئ
مايسن بسخرية: ههه شاه مع نسختي الحقيقية دابا تيدوي معاه فأمور اهم منك! انا مجرد نسخة جاي نطمأن بلي تقتلتي! اما الحقيقي مع شاهك العزيز لي غيولي أرمل بعد دقائق هههههه(عطاها بضهرو) الوداع يا النصف الساحرة اللعينة!...
خرج من الجناح مخليها مادة يديها تطلب النجدة و غارقة فدماياتها: اهئ اهئ مابغيتش نمووت مااابغيتش نمووووت اهئ مغنموووتش مغنمووووتش!!!!!..هزات براعة راسها فالنافذة بان ليها الليل طاايح و القمر نووور...
براعة: القمر الجديد...اليوم ليلتووو كح كح (حطات يديها لي عامرة دم على قلادة القمر لي فعنقها)انا غنوريك هاد التشوه شنو غيدير...
مدات يديها حتى حلات النافذة من تلقاء نفسها حتى دخل ضوء القمر للجناح..حركات اليد الثانية حتى تهز كتاب تعاويذها الخاص من فوق الطاولة و تحط قدامها فالأرض..كان كتاب تعاويذ منصف فيه تعاويذ المشعوذين و سحرة القمر فنفس الوقت..و بكاع الجهد لي بقا عندها قبل ماينتاشر السم فجسمها كامل حركات صفحاتو حتى وقفات فواحد الصفحة..قرات المكتوب بعينيها بالزربة و هي تغمس اصابعها فدمائها لي فالأرض حتى رسمات نفس الدائرة لي فالصفحة بنقوشها و رموزها السحرية..استلقت فالوسط تتشوف فالسقف و فنفس الوقت شفاهها تيتمتمو بتعاويذ القمر باش يزيد يقويها باش تكمل هادشي..سكتات للحظات و هي تبدا تنطق بالتعويذة لي رسمات على قبلها هاد الدائرة كاملها بصوت عاااالي بكاع الجهد لي بقااا عندهااا حتى فجأة طفاو نصف الشموع لي كانو منورين الجناح و تحركات ريح قوية..هزات راسهاا بتعب بان ليها واقف عليها..شيطاان المقايضة..لي استدعاتو دابا بهيئتو المخييفة لي متتشبه لحتاشي هيئة فعالمنا...
الشيطان بصوتو المرعب: علاش استدعيتيني؟؟!!
براعة تتقاوم الموت: ا انا تن تنمووت...
الشيطان طلعها و هبطها بعيونو الحمراء الدموية: تنشوف هادشي!
براعة: مابغيتش نمووت اهئ ماابغيييتش عاد بادية حيااتي مع الرجل لي تنبغي اهئ
الشيطان: فات الفوت على هاد الكلام! بقاو ليك لحظات فقط و روحك ترجع لعالم الأرواح و تودع هاد العالم!
براعة زييرات على يديها: بغيت منك طلب..نتا شيطاان المقااايضة مادام غنمووت غنموووت بغيت نقاايض معاك...
الشيطان بسخرية: و باش غتقايضي معايا نتي لي على حافة الموت؟!
براعة: ا اناا عا عاارفة ب بلي شيااطين المقايضة ت تيبغيو تضحيات كبار و حتى انا طلبي كبير
الشيطان: تنسمعك!
براعة: انا..ا انا تنقايض بسحري..بشعوذتي و جسدي كولو...
الشيطان هز حاجبو: و شنو المقابل لي بغيتيه مني؟!
براعة: بغيتك تحتاافظ برووحي و تزرعهاا فجسد بنت خرى لي نقدر نعيش معااه بواسطتها..(تتبكي)تنبغيييه بزاااف مابغيتش نتفااارق معااه مابغييتش اهئ يا نموووتو بجووج يا نبقااو بجووج هكا بغييت!...

الشيطان سكت لثواني تيفكر: يعني بغيتي تعيشي فجسد اخر و الجسد يكون معاه؟
براعة: اااه اااه بغيت روحي تزرع فبنت جسدها ميت باش يكون التوازن..انا جسدي تيموت روحي لي باقة اما هي غيكون جسدها ميت الروح لي ماعندهاش..و ت تكون مناسبة لشاه
الشيطان بان ليه ان الصفقة عادلة: تمات المقايضة!
براعة تنهدات براحة وسط من دماياتها: حاجة اخيرة قبل ماتاخد جسدي تنطلبك تخلي نسخة منو كيفما هو باش يعرفني شاه ميتة الى خديتي الجسد كيف قايضت معاك بلا ماتدير هادشي غيتشوش عليا و يتصحاب ليه مختفية
الشيطان مد يدو ليها: اري يديك
براعة مدات يديها حتى شداتها يد الشيطان الكبيرة الموحشة..جرها جرة وحدة و هو يجر روحها معاها لي اتاخدات شكل براعة غير هو شفاف بحال شي شبح و جسدها بقا كيفما هو جثة هامدة فالأرض...
الشيطان: الصفقة لي بيناتنا تمات خديت لي ضحيتي بيه و نتي غتاخدي لي طلبتيه فالمستقبل..البنت لي غتعطا ليها روحك الملك براسو غيختارها...
براعة بتاسمات: و انا غنتسناها حتى تزاد و نرجع نحيا فداخلها معاه و بجنبو من جديد...
دازو هاد الاحداث قدامهم حتى بانت هاجر فالسبيطار تتولد فكوثر لي خرجات من كرش مها متتحرك متتململ..القابلات كانو تيحاولو معاها و هاجر تتغوت و تبكي بياكماا بنتيي تزااادت مييتة و هوما تيحاولو معاهاا بانت روح براعة تطفو فغرفة التوليد حتى دخلات فجسد الرضيعة كوثر تما فين تسمع صووت الشهقة لي رجع فيهاا الروح و بدات تحرك و تغووت و هدا دليل على عيشها....

شاه تلفت لعند كوثر بالعرض البطيء بملامح الصدمة مامصدقش اش شاف بعينيه و اش سمع بودنيه!! شنووو هاد القدر لي ضار بهاد الطريقة الصااااادمة!! باش يكتاشف انه طول الوقت كان باغي ينتاااازع روووح للقربان لي غير تعطاااات ليها اصلاااا!!!!!روووح براااعة كانت طوول الوقت فجسدها!!!....
كوثر تسمعو شهقاتها و هي تلفت شافت فيه بعينيها المدمعين: انااا هي البنت المييتة اهئ يعنييي انا تزااديييت مييتة و رووحها هي لي خلاتني نعيشش اهئ طووول الوقت كانت روحي ديال براااعة اصلا اما انا كنت مييتة اهئ اهئ(غطات وجهها بيديها منفجرة بالبكاء)...

 ◾ توضيح  ◾
القصة مبنية على جوج تضحيات من جوج شخصيات..براعة و الباتول..
براعة كيفما شفتو تسممات و جسدها تيموت يعني جسدها مابقاش صاالح ابدا للعيش و بالتالي غتموت..براعة قبل ماتلفظ انفاسها الأخيرة و تموت استدعات شيطان المقايضة و لي هو شيطان تيتقايض مع المشعوذ بالمقابل اكيد و يحقق ليه لي بغا..براعة قايضات بشعوذتها و سحرها و جسدها يعني لحمها و اعضائها و اطرافها للشيطان باش هو يحقق ليها طلبها الكبير..هاد الطلب هو انه ياخد روحها معااه و تزرع فجسد بنت ميتة باش تم المعادلة حيت مايمكنش تزرع روح فجسد اصلا حي اي عندو روحو! سو روح براعة خصها تزرع فجسد ميت و متنقصدش هنا بشي جسد من شي قبر ولا العضوما جسد عااد مااات زائد مولات هاد الجسد تكون مناسبة لشاااه..بقات روح براعة مع الشيطان كيف تمات المقايضة بيناتهم و دا جسدها و كلشي و بقا مخلي غير نسخة منو كيف طلباتو باش يعرفها شاه ميتة و هاد النسخة هي ديك الجثة لي كاينة فالتابوث حاليا..الروح بقات تتسنا فالجسد المناسب لي غتسكنو حتى وصل موعد ولادة كوثر..كوثر لي هي بنت بيجاد و هاجر و من سلالة الباتوول بالدماااء و كلشي..كوثر مقدر ليهاا اصلاااا تزاد مييتة يعني تولدها مها و هي ميتة! الى دققتو مزيان فالفلاشباك د الولادة راه درتها تزادت متتململش حتى دازو لحظات عاد شهقات و حيااات من بعد عاد بيينت انه الشهقة سرها روح براعة..كوثر هي جسد بكيان بأفكار بحياااة الخ و براعة روح..كوثر جسد ميت فاارغ خاصو روح اما براعة فقدات جسدها فالماضي و خصها جسد يعني بجوجهم تيكملو بعضياتهم ماشي براعة هي كوثر و العكس صحيح نوووو هوما مزييييج عطانااا كوثر لي تتشوفو قدامكم كوثر المتمردة لي شفتو فأول القصة هاديك هي شخصيتهااا ولكن فاش ولات بقرب من شاااه بدات روحها لي هي روح برااعة تتحن لشاااه و باغية تزييد تقرب منوو داكشي علاش شفتو تغييرااات فشخصية كوثر فاش كانت تتقرب من شاه و تتميل ليه زائد هو فاش شحال من مرة فكراتو ببراعة هادشي ناتج عن الروح اما كوثر هي لي طول الوقت باغية ترجع عند عائلتها و ماحاملاااهش حيت خاطفها و مبعدها منهم..روح براعة باغية من ديبار البنت لي غتحييها تكون مع شااه بااش تحس انها باقة عايشة مع شاه داكشي علاش ضحات بروحها قبل ماتموت و دارت هادشي..نرجعو للواجب و شنو كان باغي يدير شاه من الأول ياك كان باغي ياخد روح كوثر باش يحيي براعة؟ جسد كوثر حيا بروح براعة ماشي تحكمات فيه و ولا ديالها هي غير عوضات النقص و صافي حيت كون كان لي فكرتو فيه صحيح علاش اصلا شاه غيبغي يقتالع روح كوثر باش يحييي براعة الى هادشي تيعني انه كوثر غتعيش فجسد براعة كون تم الواجب؟؟

واش شاااه غيبغي كوثر على اساس انها كوثر ولا على اساس انها براعة؟!! و الأهم واش كوثر بعدما عرفات حقيقة انها طول الوقت كانت عايشة بفضل روح براعة اش غتدير؟؟؟

 ◾

شاه قرب منها بغا يعنقها و هي تبعد منو مااباغية حتى واحد يقرب منها فهاد اللحظة...
كوثر: بغيييت نرررجع بغيييت نرجععععع
اختفو من تما و رجعو لأجسادهم لي كانت باقة مجمدة فالبرج...
شاه: مابقيت فاهم والو..واش نتي دابا كنتي طول الوقت براعة و لكن بسمية كوثر؟؟؟
كوثر عقدات حجبانها بغضب: انااا كوثر كووووثرررررر رجعنييي داباااا رجعنييي مابغيتش ندوي مع حتى وااااحد اهئ اهئ
فرقع اصابعو بلا مايتكلم و ولاو فجناحو...
كوثر بإنهيار: بغيت نرجع لعند عاائلتييي بغيييت عائلتييي عاااائلتييي مابقيتش باااغية نبقااا هناااا مابقيييتش باااغية نشوووفك ولا نسمع سييرة هادشييي كاملووو تمنيييت كون نفقد الذااااكرة و مانعرفششش هادشيييي!!!
شاه مد يدو بتردد باغي يهدنها كانت حالتها متتبشرش بالخير ابدا ولكن بعدات منووو و تتردد فقط انها باغية ترجع....
كوثر تتبكي: وا بغيييت نرجع صااافي مابقااا حتى واااجب مابقاااا والووو بغيت نرجع لعند عائلتي اهئ صافي عطيني بالتيساع داباااا (حييدات الخاتم من صبعها و لاحتو)
شاه: تهدني!!!!
كوثر شادة راسها: مغنتهدددنش غترجعني داااباا لعند عاائلتي داااباا اهئ!

شاه سد عينيه بعصبية و حلهم: واخا انا غنرجعك....
كوثر توقفات على البكاء تتمسح فدموعها و هو بقا شحال تيشوف فيهاا مابااغيش يرجعها ابدااا باقي بزااف مايتقااال و مامفهووومش و هي باغية تمشي و تخليه! ولكن بقات فيه حالتها و اكتشافها لحقيقة مرة لي هي انها فالأصل تزادت ميتة!..قرب منها حتى عنقها مزيير عليها ماساخيش بيهاا ابدااا اما هي هاد التعنيقة عادما زادت خلاتها تبغي تبكي تاني و بهمس ردد التعويذة لي خلاتها تختافي بين يديه مثل الرياح باش تولي فجناحها فقصر عائلتها مغمى عليها فوق الناموسية..فرقع اصابعو و اختفو وجدان و سالار بدورهم لي كانو مسجونين فزنزانة فالقصر و رجعهم لديورهوم حتى هوما..هز راسو تيشوف فالشرجم كانت السماء خالية من النجوم و الدنيا مظلمة..حدر عينيه فالأرض تيشوف فالخاتم و هو يهزو من الأرض تيشوف فيه و تيتفكر هادشي كاملو لي شافو معاها..هاهيا دابا رجعات لعند عائلتها و ماباغياش تشوفو مزال بسبب هادشي شنو غيوقع يا ترى؟؟؟...

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.