مشعوذة الملك الجزء الخامس والأخير

من تأليف Victoria Kaelin
2021

محتوى القصة

رواية مشعوذة الملك

فلغد ليه...
بدات اشعة الشمس تدخل من نافذة جناح كوثر الكبيرة حتى جات على عينيها و بدات تحس بشي واحد تيفييق فيها..حلات عينيها لقات رثوك قدامها و بدون شعور تلاحت عليه عنقاتو...
كوثر: رثووووووك
رثوك: ااش واقع معااك نتي و الملك حااس ماشايفكش ايااام هادي!
كوثر: وقع بزاااف وقع بزااااف لي مابغيتش نتفكرو ابدااا!!!
رثوك: واخا غير تهدنيي خصك تاخدي دوش و ترتاحي قبل ماتقابلي عائلتك
كوثر: ماعندي خاطر لحتى حاجة حاسة باغية نبكي نبكي و نبكيييييي
رثوك: واخا صافي رتااحي ولكن وجدي راسك غير تقولي ليهم بعدا بلي راكي هنا غيتسطاو باش يلقاوك
ناضت كوثر بزز من فوق الناموسية و دخلات ديريكت للدوش تغسل حالتها و تحييد عليها هاد الفستاان لي كلما تتحس بملمسو عليها عادما تيزيد يفكرها فشااه و لي جاي من موراه..دوشات غير بالزربة و لوات عليها الفوطة..نشفات شعرها و مشات لاحت عليها كسوة خفيفة تحت الركبة و خرجات من الجناح..هبطات مع الدروج و هي تتشوف فأرجاء القصر تقول اعوااام ماشافتوو و فداخلها حنين لعائلتها لي توحشاتهم..حطات رجليها فوق الأرضية و بدات تتمشا تتقلب عليهم حتى دخلات لقاعة الأكل تما فين كان بيجاد و هاجر جالسين و قدامهم الفطور لي مزال ماتقاس تيتسناو فشي اخبار من سالار و وجدان حتى سمعو شي حس و هوما يضورو و تما كانت الصدمة!!!!..هاجر ناضت فالبلاصة تتجري حتى تلاحت عليها تتعنق فيها و تبووس و تبكييي بواحد الهيستييرية مامصدقااااش بلي بنتهااا بعد ايااام من اختفائها ولات قدااام عينيها دابااا...
هاجر: بنتيييي بنتيييي اهئ بنتييي رجعتييييي
كوثر تتبكي: ا ه ا ماما رجعت اهئ رجععععت
بيجاد ناض عنقهم بجوج: و اخيرااا سالا هادشي و بنتنااا رجعات لينااا!!!
كوثر: اهئ بابااااا
بقاو على داك الوضع مامصدقييينش بلي انتهى هاد الكابوس و بنتهم و أميرتهم رجعات ليهم..جروها جلسوها بيناتهم ماباغيينش يتفارقو معاها تما فين بداو الأسئلة...
هاجر: كيفاش حتى جيتي لهنا واش سالار و وجدان معامن جيتي؟هوما لي لقاوك؟؟
كوثر: لا كاعما شفتهم فالحقيقة داك الملك هو لي رجعني
بيجاد زيير على يدو بغضب: و يطييح بين يدياااا!!!
كوثر بتعب: بابا عفاك مابقيتش باغية نتفكر حتى حاجة بغيت نسا هادشي كاملو داكشي علاش مابغيتكومش حتى نتوما تجبدوه ليا مزال
بيجاد: ياااكما تعدااا عليييك ولا دار ليك شي حاجة؟؟؟؟
كوثر: لا مادار ليا والوو عفاك ا بابا بغييت نسا هادشييي
هاجر عنقاتها تتربت على ضهرها: رتاحي ا بنتي حنا مغنجبدوش هاد السيرة غير رتاحي
بيجاد شاف فيها بتعبير من نييتك باقي شحاال من حاجة مجهولة و ماعارفينهاش و هي تسكتو بعينيها صحة البنت اهم من كلشي دابا المهم رجعات ليهم سالمة و مابيها والو...
هاجر تتحاول تخليها تحس مزيان: اجي ا بنتي تفطري معانا انا غنقول للطباخ يصوب فطورك المفضل...
كوثر: لا ا ماما مابغيت والو بغيت غير نعس هبطت غير باش تعرفو بلي رجعت و صافي بغيت غير نبقا فجناحي عافاكووم...
هاجر شافت فبيجاد بحزن و رجعات شافت فيها: واش متأكدة بلي نتي بيخير ا بنتي؟
بيجاد: واش بصاح مادار ليك هاداك والو؟!!
كوثر ناضت بتعب: غنمشي نرتاح فجناحي اهم حاجة انني قدامكم داباا و بااقة عايشة(غرغرو عينيها)امااا ماكنتش غنكوون اصلاا!
خرجات من تما بخطوات سريعة حتى طلعات لجناحها و سدات عليها فيه عاد قدرات تنفاجر بالبكا على خاطرها...
هاجر حطات يديها على يد بيجاد بقلق: غير خليها عاد رجعات من تما فاش ترتاح غادي تقول ليا كلشي
بيجاد: تنتمنى هادشي!...
اما كوثر كانت تتبكي و رثوك تيهدن فيهاا...
رثوك: عفاك ا كوثر ماتبكيش!
كوثر ببكاء: اهئ صعييبة بزاااف صعيييبة عليااا بزاااف نكتاشف انني هي الجثة و هي الروح! انني اناا الموت و هي الحيااة!!...

دوزات كوثر نهارها سادة عليها فجناحها مابغات تشوف ولا تدوي مع حتى واحد فقط رثوك لي تيواسيها و هي غارقة فبكائها و صمتها صعيب عليها تقبل هادشي..اما وجدان و سالار فاقو بجوج..سالار فجناحو و وجدان فغرفتها ماعاقلينش بالضبط اش وقع من غير انهم كانو غاديين للقصر الملكي حتى اختفو...

فلغد ليه...
داز النهار كيفما هو ماتبدلات حتى حاجة فكوثر كلما تتفكر الموضوع تتنفاجر بالبكا و تكمش ليها فناموسيتها عيات معاها هاجر تعرف مالها و ياكما داير ليها داك الملك شي حاجة ولكن والوو ماقدرات تجبد منها حتى هضرة..بقات على هاد الحال ايام قليلة حتى وصلات ليلة المرحلة الثالثة من القمر..مرحلة "الربع الأول" من القمر..كانت كيف العادة ملوية فغطائها متكية اما النعاس قليل فاش تيجيها حتى ضرب منتصف الليل لي تيعلن على هاد الليلة المميزة..حلات عينيها لي كانت ساداهم فجأة و ناضت جارة عليها الغطا حتى تقابلات مع المرايا..كلشي وقع بدون شعور جسدها لي تحرك من تلقاء نفسو..شافت إنعكاسها فيها و شافت حالتها قداش ولات مزرية ولكن لي بدا تيبان شوية بشوية هو انه هاد الانعكاس غادي و تيتلاشا حتى بانت بلاصتو هيئة وحدة خرى أو بالأحرى شخص اخور..كوثر حلات عينيها على جهدهم تتشوف براعة بشحمها و لحمها قدام عينيها فالمرايا ولكن واخدة شكل انعكاسها فالمرايا!!..كانت باقة بنفس الحوايج لي ماتت بيهم باقة بنفس الذبوول و الموت باقة بنفس فستان الزفاف الدموي...
براعة مهبطة حجبانها و تتشوف فيها بواحد الحزن: هادي هي الليلة الثالثة من مراحل القمر و مزال ماوليت مع شاه..علاش ا كوثر؟؟؟علاش ا جسدي؟!
كوثر حطات يديها على صدرها راجعة خطوة للوراء: اناااا ماشي جسددددك هدااا جسدددي..دياااالي!!!!
براعة: لا نتي جسدي! و انا روحك!! انا ضحييت بجسدي السابق باش نتملك دياالك و نرجع نعيش مع شااه!(غرغرو عينيها) ولكن علاش حرمتيني من هادشي؟! علاش تفارقتي معاه؟!!!علاااش؟؟؟واش مابقيتش فيك؟؟ماابقاش فيك الظلم لي عشتو و كيفااش فرقاتني المووت بأبشع طريقة عليه؟؟
كوثر: انا متفهمة وضعك و تنتأسف على لي وقع ليك ولكن باش تجي تقولي ليااا بعد 20 عام بلي انا عااايشة بفضلك و كان خصني نموووت من شحال هادي مغنتقبلهااااش!!!!
براعة: الأمر كان انه فااش يعرف شااه انني رووحك خااص يبغيني تااني فهاد الزمن و نكوون معااه و نتزوجوو قبل مايساليو مراحل القمر الثمانية!!
كوثر: سييري تزوجي بييه شكون حبسك؟؟؟
براعة: واش متتفهميش!؟ انا روح و لازمني جسدك المادي يعني الى غنتزوج بشاه تيعني خاصك تزوجي بيه نتي باش اناا نتسما تزوجت بيه و نرجع نحيا من جديد!!
كوثر بدهشة: صبري صبري شنو قلتي؟؟!!تعاودي تحياااي من جديد؟؟؟؟يعني الى تزوجت بيييه غادي تستولي على جسدي و يوليي ديااالك؟؟؟!!!
براعة: تماما هادي هي التضحية لي قدمتها للشيطان!
كوثر هزات عليها صبعها بغضب: واااش وجهك هاداااك ولا شنووو؟؟؟؟؟بااااغية تمحينيييي من الووجوووود و ترجعي نتييي!!!! واش مامركتيييش ولا شنو؟؟؟؟؟
براعة عقدات حجبانها: انا قلت ليك ليكاين! هادشي لي خصو يتطبق نتي اصلا كنتي مييتة من الاول نتييي مجرد جسسد مجرررد اعضااااء مجرررد لحممم مجرررد وججججه و اطراااف!!!!!
كوثر خشات يديها على جهدها فالمرايا بلكمة حتى تفرشخاات و تجرحااات طالقة دماياتها و بجنون تتغووت: اناااااا مااااشي جسدددد اناااا ماشي مييييتةةةةة اناااا كوووثرررر اناااا عاااايشة و حياااتي هادييييي(هبطو دموعها فوق قطع المرآة) اناااا ماشي مونيكتك انا غنعييش كيف بغيييت انااا اهئ اهئ
رثوك قرب منها بعدما داز كلشي قدام عينيه حتى نوضها من الارض: يديك تتنزف!
كوثر: متيهمنيييششش هادشييي متيتقاارنش بالنزييف لي فالداااخل ديالييي(تتخبط فصدرها) غيحمقووونيي اهئ اهئ
رثوك عنقها: لحسن الحظ جناحك بعيد على جناح واليديك اما كون سمعو هاد الصداع ماعرفتش اش كان غيوقع..تهدني عفاك ا كوثر اجي معايا نداويو هاد اليد...
ناضت بإنكسار حتى مشات معاه للحمام بينما المرايا المهرسة كان باقي فيها انعكاس براعة لي كانو ملامحها جد غاضبة و ابدا متتبشرش بالخير...
براعة: الى ماتزوجتش بشااه قبل انتهاء مراحل القمر الثماانية تضحييتي غتمشيي غيير هكاك!! و ديك الساعة نتي لي غتموتي!!!...

فلغد ليه...
كانو العائلة لتحت جالسين فطاولة الفطور بتعابير غير مفرحة ابداا...
بيجاد: واش مغتهبطش حتى اليوم تفطر معانا؟؟
هاجر: دات ليها الخدامة الفطور
سالار: حالتها ماشي حتال لهيه ابدا مايمكنش مايكونش دار ليها هاداك شي حاجة!
بيجاد: داكشي لي قلت ل امك ولكن مابغاتش تفهم!!
هاجر: راه دويت معاها شحال من مرة و حاولت نفهم منها ولو غير مالها و والو كل مرة تتنفي انه دار ليها شي حاجة غتكون غير باقة متأثرة بفراقنا راه ماغابتش علينا القليل!
بيجاد تنهد: تنتمنى هادشي مابغيتش نشوف بنتنا تضيع قدام عينينا و حنا جالسين متنديرو والو باش غينفعها تسد عليها فداك الجناح!؟
هاجر حدرات عينيها: توحشت بنتي لي كانت حيوية و تتعشق الحياة لي كانت ديما ضاحكة و خارجة و منورة حياتنا داباا ولات بحال شي شمعة مطفية!
سالار: انا غنجرب ندوي معاها نوبتي واخا متتسمعش مني ولكن احسن من هاد السكوت
بيجاد: شوف معاها ممكن تسمع من شي واحد قريب ليها فالعمر
مسح سالار فمو بالسريبتة و ناض طالع لعند كوثر...
هاجر تنهدات: ماكرهتش شي سفر لشي طبيعة مافيها حد يالاه تقاد حياتنا من جديد
بيجاد حط يدو على يدها: نسالي شي خدمة عندي و نمشييو اهم حاجة بنتنا تحس براسها مزيان...
فجناح كوثر..تسمع الدقان فالباب..حلات كوثر عينيها لي تيتسدو بتعب و حركات يديها بعياء حتى تحل الباب من تلقاء نفسو..دخل سالار لقا الجناح كولووو مرون الماكلة هنا الحوايج مشتتين لهييه و هي ملوية فالغطا د ناموسيتها...
سالار بدهشة: كوثر! شنو هاد الحالة كلها؟؟؟
كوثر طلعات فيه راسها بزز: والو..اش بغيتي؟
سالار: كيفاش اش بغيت؟؟واش نتي حمقة!؟ علااش وصلتي راسك لهادشي كاملو؟؟؟
كوثر: مغتفهمونيش بغيت مساحة لراسي هاد الساعة
سالار: اشمن مساحة!؟ المساحة خديتيها و بالزيااادة ايااام و نتي سادة علييك و ها النتيجة! واش شفتي حالتك؟؟شفتي وجهك فالمراايا؟؟؟فين كوثر لي تنعرررف؟؟فين ديك البنت العنيييدة لي متدير غير لي فرااسها و اي واااحد تتفرض عليه قوتها؟!!فييينها؟؟؟!!!
كوثر: مابقاااتش دابااا مابقااااتش حياااتي تخربقااات ولات خليييط ولااات مشروووكة مابقااتش غييير ديالي بوووحدي مااابقيتش ديااال راسسييي!!!
سالار: و علاش هادشي؟؟واش استسلمتي؟ واش راضية بهادشي لي نتي تتعيشيه!؟
كوثر غرغرو عينيها: اكيييد ماراااضياااش بيييه و مااابغيتوووش وليت تنتمنى نعيييش فقط كأي انسااانة عااادية وليييت تنحسد البشررر على التوااازن لي عندهم تنحسسسد بحاالك حيت ماعااشوش لي تنعيشووو!
سالار قرب منها حتى شدها من دراعها و نوضها: داكشي علاش بغيتك توكضي داااباا و توجدي رااسك تقاومي هاادشي و توقفي على رجليك مرة اخرى!!!
كوثر نفاجرات بالبكا: عيييت ا خويا عيييت عيييت من التفكييير عييت نبقا بوووحدييي محتاااجاكم محتاااجة عائلتييي اهئ اهئ
سالار عنقها تيربت على ضهرها و هي تتبكي حلفات لا سكتات من البكا فقط تتبكي و تطلب منو يعاااونهاا ترجع كيف كااانت مابقاتش قادة على تحمل هادشي كاملو!! مابقاتش قادة تهز هاد الحمل الثقيل بوحدها على كتافها! خاصها معامن تشاركو ولو غيير باللمة ماشي تعاود ليهم الحقيقة المرة لي كتاشفاتها و لي غادي غير تزيد تشطن و تمرض بيها عائلتها بدورها! كيفاش غيكونو واليديها الى عرفو انه كان مكتاب ليهم تزاد عندهم بنيتة ميتة؟؟و غير تضحية قديمة لي تدخلات و انقداتها باش فالأخير تبغي جسدها تملكو و تستغلو باش هي ترجع!!...
سالار بقات فيه بزااف عمرو شافها فهاد الحالة طول حياتو: صافي تهدني عفاك مابغيتش نشوفك هاكا
كوثر: قوول ليااا كيفاش غنخررج راسي من هااد الحاالة كيفاش غنخرج راسي من هاد الكآبة لي تنعيشها؟؟؟
سالار: اول حاجة غتقادي حالتك و تهبطي تفطري معاناا راه توحشناك معانا فالطاولة
كوثر تتمسح دموعها: واخاا
سالار ضور راسو فالجناح: و خاص حتى هاد الجناح يتجمع مايمكنش ابدا يعيش واحد نورمال هنا! (طلق منها) غنتسناك فالتحت
حركات ليه راسها بالموافقة و مشات دخلات للدوش اما هو هبط يعلمهم انها غتهبط تفطر معاهم..دوشات كوثر و خرجات لاوية عليها الفوطة تلبس شي حاجة من الدريسينغ..لقات رثوك واقف عليها و لي كان حاضر طول الوقت...
رثوك قرب منها و حط يديه فوق كتافها: كوني قوية انا عارف و متأكد انك غتجاوزي هاد المحنة خاص فقط تقبلي هادشي و صافي
كوثر حركات ليه راسها: غنحاول خاصني اصلا ندوز وقيت مع واليديا شحال بقا لجميع مراحل القمر الثمانية يساليو؟
رثوك: بقات 35يوم بالضبط و يساليو المراحل كلها باش يبدا تاني القمر دورة جديدة خرى من بعد...
كوثر تنهدات بعمق و شافت فيه: غنحاول نستمتع بهاد 35يوم لي بقات ليا من حياتي و ندوزها مع عائلتي تنفضل نموت ولا نتزوج بواحد متيبغينيش اصلا! تنفضل نمووت ولا نتمحا من الوجود بديك الطريقة لي تتحلم بيها ديك براعة!!
رثوك عنقها: محتارم قرارك..و حتى انا غنبقا طول الوقت بجنبك حتال مماتك..غنكون حارس قبرك و عمرني غنفارق حداه!
كوثر زييرات على شفاهها حابسة الدموع و حركات ليه راسها بالموافقة مبتسمة بإنكسار: عارفة هادشي..نتا الوحيد لي غتبقا ليا من هاد الدنيا لي ماكنتش غنحل فيها عينيا اصلا...

لبسات عليها حوايجها و قادات شعرها و هبطات لعندهم..كانو الخدامات غاديات جايات تيعمرو فالطبلة كتر ما هي عامرة بطلب من هاجر لي غير سمعات من سالار انه كوثر غتهبط تفطر معاهم ناضت بالزربة تتوجد ماقاداها فرحة و اخيرا غتجمع العائلة كيف قبل و بنتهم غتعطيهم فرصة يعرفو شنو بيها..تقدمات بخطواتها المسموعة بفعل الحذاء ديالها حتى سلمات معاهم و جلسات فمكانها...
هاجر بفرحة: ماتصوريش قداش فرحانة ا بنتي فاش قال ليا خوك بلي غتهبطي تفطري معانا
بيجاد: بنت بيجاد حتى حاجة متتأثر عليها! كيفما كاانت صلبة و قاصحة بحال باها!
هاجر: بعد ليا من بنتي القصوحية ماجاتش الا معاك بنتي حنينة و انا لي عارفة قلبها قداش هشيش
كوثر تقبط عليها خاطرها و بارتباك حاولات تبدل الموضوع: ف فين سالار؟؟
بيجاد: مشا يجيب صاحبتو
كوثر: وجدان؟ و علاش؟
هاجر: ديما تتسول فيك مسكينة شحال تعذبات معانا و شحال قلبات غير باش تلقاك فاش كنتي مختفية
كوثر هبطات حجبانها: ولكن انا وياها...
هاجر فهمات قصدها و غمزاتها: رغم الاختلاف بيناتكم و كيفاش كنتو ديما مدابزات ماكانتش باغية ابدا تكوني مختفية ديك البنت قلبها كبيير و بنت الناس بصراحة ولدي سالار عرف اش يختار
كوثر: اش يختار؟ ياكما خطبتو ليه بلا خباري؟
بيجاد: واش ضروري يكون الاختيار متعلق بالزواج و الخطوبة؟
هاجر: تنظن كاينة شي علاقة بيناتهم غير مزال مافاتحناش بالموضوع
كوثر: و واش عادي بالنسبة ليك ا بابا يتزوج ولدك بساحرة؟
بيجاد: الى باغاها علاش مانبغيش؟ زائد البنت شفنا منها غير الخير علاه مالي انا مزوج بنصف مشعوذة
هاجر شافت فيه: ههه ياك..مهم مغنتسالو ليهم غير مبارك و مسعود الى بغاو بعضياتهم
كوثر هبطات حجبانها: زعمة نقدر نكون عمة قبل 35يوم...؟
هاجر: هههه اويلي اش تتقولي ا بنتي مايمكنش هادشي حتى يتزوجو بعدا زائد واش غيكونو باغيين الوليدات من الديبار ولا لا
بيجاد: علاش بالضبط 35يوم؟الرقم تيبان محدد بطريقة مريبة!
كوثر بارتباك: لا والو غير جاني فبالي و صافييي
شوية دخلو عليهم سالار و وجدان لي كانت هازة واحد الباكي لي تيحطو فيه الهدايا..سلمات معاهم و قدمات الباكي لكوثر...
وجدان: هدية بسيطة بمناسبة رجوعك
كوثر شداتها من عندها و حطاتها على جنب: شكرا ليك مكاين لاش...
سالار جر ليها الكرسي حتى جلسات بيناتهم: ماتقوليش هادشي
كوثر: شكون قال غتولي ضريفة هكا معايا كنتي ديما مسمومة
وجدان: الواحد تيتبدل مع المدة و الظروف
هاجر: يالاه تفضلو
فطرو مجموعين من بعد مشاو كل من سالار و بيجاد للخدمة مخليينهم بتلاتة...
هاجر: انا غنوض نشوف الطباخين شغيديرو لينا للغداء سيري ا كوثر مع وجدان للحديقة
كوثر: واخاا
ناضو بجوجات و مشاو تيتمشاو بجنب بعض وسط من الحديقة الخضراء لي كانت ملكية بامتياز...
وجدان: بصراحة لحد الآن ماعرفتش كيفاش حتى ملك المشعوذين خطفك و شنو بغا منك طبعا الى بغيتي تجاوبيني
كوثر تنهدات بعمق: القضية معقدة بزااف و كبييرة..اكبر مني و منك و من الكل حاجة عمرها تصوراتها مشعوذة بحالي كانت تتجري غير ورا كشف الشوافات و تحصين المقابر
وجدان: هادشي واضح غير من مكانتو مايمكنش ملك مشعوذين على قدو يخطف مشعوذة عادية الا و القضية جد خطيرة أو فيك شي حاجة مميزة جذباتو
كوثر: فالحقيقة بجوجهوم
وجدان حطات يديها على فمها بابتسامة: احم ياكما وقع فحبك ههه؟
كوثر بان الحزن فعينيها الذبلانين و بصوت خافت قالت: ياريت...
وجدان: شنو قلتي؟
كوثر: للأسف تيبغي وحدة خرى
وجدان هبطات حجبانها بأسف: اووه تصحابلي..اصلا هو لي خاسر بصراحة نتي بنت زوينة و كان احتمال كبير يكون تيكن ليك المشاعر مادام هو لي رجعك و قلتي انه مآداكش
كوثر: رجعني حيت سالا غراضو و مابقا لاش نبقا باقي تما
وجدان وقفات و حطات يدها فوق كتف كوثر: كوثر..انا وياك قد قد فالعمر و بجوجنا بنات تقدري تيقي فيا و تعاودي ليا اش واقع معاك و تنأكد ليك بلي حتى واحد مغيعرف هادشي
كوثر خدات نفس عمييق: واخا غنعاود ليك حيت وصلت لواحد المرحلة مايمكنش ليا نبقا ساكتة مزال...
وجدان: تيقي بيا غادي ترتاحي من بعد ماتحمليش مسؤولية هادشي كاملو بوحدك!
كوثر سكتات لثواني مييلة راسها تتشوف فالأرض تتفكر منين غتبدا ليها حتى قررات تبدا القصة من الاوول صافي حتال هنا و حبس الى بقات مزال ساكتة غتفرقع على شي واحد!..بدات القصة من ليلة القمر الجديد لي هي ليلة عيد ميلادهاا حتال فاش تفارقات مع شااه و شافت برااعة فالمرايا ماعرفاتش شحاال د الوقت دااز ولكن غير عطاتها وجدان الضو الاخضر ولات بحالا سارطة كاسيطة تتعااود و تعااود و تعاود بلاا ماتحبس كلشي فجراتو عليهااا ماحسااتش بالوقت لي دااز ولا داتها فملامح و تعابير وجدان المصدومة من سماع هادشي كانت باغية فقط تفررغ و تسوس هاد الحمل الثقيييل...
كوثر لي ولا وجهها حمر بالدموع لي هبطو بوحدهم و هي تتعاود: و دابا قررت نعيش هاد 35يوم لي بقات ليا نعيشها بلا مانفكر فهادشي و ندوز وقت زوين مع عائلتي قبل مايعرفو انه بنتهم الصغيرة غتموت
وجدان عنقاتها بدوون مقدماات تتبكي: اوييلي ا كوووثر هادشي كاملوو كنتي مخبياااه اويليييي شنوو هادشي تنسمممع شنو هادشي!!!!!...
كوثر سدات عينيها بألم: للأسف هدا هو القدر..عاجلا ام اجلا مكتاب ليا نموت غير عيواض نموت رضيعة تعطات ليا فرصة نشوف الحياة لمدة 20عام فقط و نموت...

وجدان: ناااري هادشي شحاال خطيير!!! و داك ملك المشعوذين كيفاااش عطاتو خااطرو يعااملك بحال شي سلعةةةة!!! اما ديك الروووح صدقاات كتررر منو قداااش استغلااالية!!!هادو مرااض و حكلك تمرضي هاكااا!!!
كوثر تتبكي: مرضووني اختي مرضوووني شوية لي بقا لياا غنحماااق اهئ اهئ
وجدان شافت فيها: ماعرفت مانقوول لييك واش مكاين حتاشي حل كااع والو؟؟؟؟
كوثر زييرات على شفاهها تتبكي: لا مكاينش..هادي هي التضحية و انا لي غندفع ثمنها دابااا
وجدان: لا نتي ماعلييك والووو ماخصش ابدااا تدفعي ثمن حتى حاجة!!! وااحد كان بااغي رووحك باش يزرعها فديك الجثة المزييفة لي عندووو و الرووح صدقااات اصلا ديال لي باغي يضحيي على قبلها!!! الروييينة صافي!!!
كوثر: داكشي علاش تفارقنا أو بالأحرى انا لي تفارقت معاه حيت ماتقبلتش هادشي ابدااا علاش ديييما الحقيقة تتكون مرة؟!!!
وجدان: للأسف هادي هي الحياااة ولكن الى ماكان حتاشي حل كاع واش نقدر نقول ليك نستمتعو بوقتنا فهاد 35يوم؟؟؟
كوثر بتاسمات بحزن: ااه
وجدان بتاسمات حتى هي: واش تقبلي تكوني صاحبتي؟
كوثر حركات ليها راسها بالموافقة: اكيد بعد هادشي كاملو غيكون مزيان نموت و عندي صديقة لي عمرها كانت عندي هه
وجدان عنقاتها: غنخليوها افضل 35يوم فحياتك!
كوثر شهقات: اكيييد
بعدو من بعض تيمسحو فدموعهم و كملو طريقهم تيتجولو فالحديقة مقررين مايجبدوش سيرة هاد الموضوع مرة خرى ابدا غيخليو الايام تدوز على خاطرها و يستمتعو بوقتهم مع بعض حتى يحين أجل كوثر...
وصلات وقت الغداء و تجمعو العائلة مرة اخرى فالطاولة مع وجدان اكيد..تيتغداو و خالقين الجو لكوثر لي بدات تطلق معاهم شوية بشوية صافي خدات قرارها النهائي و غتمووت و راسها مرفووع مغتزوج لا بواحد متيبغيهاش ولا غتستسلم لتضحية روح براعة!...

داز النهار بشكل عادي تتحاول تستاعد فيه كوثر حياتها لي فقدات حيويتها و معاها وجدان لي كانو جالسات هي وياها تياكلو لاكلاص فالحديقة و الجو فالعشية شحال زوين بريحو الخفيفة لي تداعب فثيابهم...
وجدان: قولي ليا بغيت نسولك فين لقيتي قلادة القمر لي فعنقك؟
كوثر حطات يديها على عنقها عاد تفكرات شي قلادة: نسيتها كاع كان هداها ليا داك الملك
وجدان: العجب علاش غيهديها لمشعوذة هاد القلادة خاصة فقط بسحرة القمر و تيلبسوها ساحرات القمر باش يتعرفو وسط من انواع السحرة لخرين (حطات يديها عل عنقها)بحال ديالي
كوثر بإنزعاج: عادي هو ماعاطيهاش لياا عاطيهاا لي ساكناني!!
وجدان: دابا نتي روحك د واحد المخلوقة سابقا لي هي هجينة من سحرة القمر و المشعوذين..عمرني تخييلت شي نهار نتزوج شي مشعوذ ناري غريب!
كوثر: هداك هو الحب انا لي شفت واليديها كيفاش تغرمو ببعضياتهم! الحب هو انك تبغي الشخص بلاا مصااالح بلا مقااابل بلاا ماتديهاا لا فالعرق ولا الأصل ولا اللون ولا الشكل! و للأسف انا مالقيتش هادشي..كلشي بغاني لمصلاحتو...
وجدان: ماتقوليش هكاك نتي غير مزال مالقيتي الشخص المناسب لي يقدرك
كوثر: امتى غنلقاه؟ زعمة غنلقاه قبل 35يوم؟(ضحكات بسخرية) مستحيل! هه
وجدان هبطات حجبانها بقلق: انا بصراحة تخربقت مع داك الملك من جهة تنقول بلي تيبغيك و من جهة خرى تيبان انه تيبغي لوخرى ماعرفتش انا و تلفت ماحساك نتي
كوثر: هاداك قلت ليك غير مستغلني متيبغينيش! دابا تلقايه تيفكر و ينبر كيفاش يخرج مني روح مرتو العزيزة و يرجعها لديك الجثة المزيفة نيت حيت فخامة الملك تيحمااق عليهااا و على كمارتهاا واخاا تكون فدااخلي ولكن الوجه تيبقا دياالي!
وجدان: يعني هاد الملك تابع غير الشكل؟
كوثر: لا ماشي هكاك حيت كون كان بصاح مكانش غيضحي و يتسنا طول الوقت على قبل كمارة وحدة قابلت فداك القصر بنات اجمل منها
وجدان: و دابا شنو غاديري معاها؟
كوثر: خليها تغمال تما انا مغنسمعش لكلامها هدا جسدي داااتي فملكي و دياالي ماشي ديالهاا باش تحكم فيه و كجسد تنختار نمووت و ياكلو الدود ولا تستغلووو باش يقيس فيهااا داك الملك المجنون!

وجدان: رغم قوتك فإتخاد هاد القرار الصعب و تحمل مسؤوليتو الا انه تتبقاي الضحية فهادشي كاملو ا كوثر(بحزن)غتموتي فعمر صغير و غير هكاك شحال صعيب يكون قدرك منسوج بهاد الطريقة
كوثر: عارفة ليكاين و اول خطوة غنديرها باش نعيش مرتاحة قبل مانموت هي نتخلا على هاد الشعوذة
وجدان بصدمة: كيفاش؟!
كوثر: اه قررت نوقف هادشي ماديت منها غير المشاكل و الهموم زائد كنت طول الوقت تندير حوايج مكانش بابا ابدا غيقبل بيهم ولا تيتمنى بنتو تديرهم غنعتازل و نطلب منو السماحة ولو مايعرفش علاياش تنطلبها
وجدان حطات يدها على كتفها حابسة الدموع حيت فغيمون حسات بجدية الوضع كوثر لي كانت حياتها كلها شعوذة و مستمتعة بيها قررات تعتازل!!!راه مستحيل!!...
كوثر: عادي عادي بحال هاد التغييرات تيخليونا نضجو و نفكرو بحكمة (ناضت)تمشي معايا؟
وجدان دوزات اصابعها تحت عينيها بالزربة: واخااا
مشاو للقبو..القبو لي بدا منو كلشيي القبو لي كتاشفات فيه كوثر الصغيرة الشعوذة و إرث جدتها الباتول..و دابا عازمة باش تنهي فيه كلشي..بدات تتجبد فكاع الكتب كلشي لاحتو فالأرض..المعدات..الأدوات..المكونات كلشيي لاحتوو..فجأة وقف عليها رثوك...
رثوك: كوثر شنو تديري؟؟؟؟
كوثر: غنسالي لي بديتو بيدي و غنوضع ليه حد من الجذر لي بدا فيه
رثوك: ولكن علاش؟؟؟
كوثر: ببساطة حيت عيييت!
رثوك: واش متأكدة من هادشي لي تتديريه؟ واش بصاح باغية تعتازلي الحاجة لي كانت متعتك فهاد الحياة؟
كوثر: و اشمن حياة بقات ليا مزال؟ حياتي تتلاشا ا رثوك ايام معدودة لي بقات ليا نعيشها!!
رثوك احترم قرارها: واخا على خاطرك
بقات كوثر تتقرا فواحد التعويذة حتى شعلات العافية فالقبو كاملو كانت تتلتاهم فلي جا فطريقها..رجعات وجدان خطوات للوراء اما كوثر بقات واقفة مسمرة فبلاصتها و لمعة ألسنة اللهب تتبرق فعيونها الذبلانين تتشوف فكتبها بل عالمها تيتآكل قدامها و بعد دقائق غيولي كولو رماد أسود...
كوثر: الوداع لمكان كان يوما من الأيام ملجأ لي و عالما يحتضنني...

وصل الليل و بعدما تعشاو العائلة ناض كل واحد لجناحو مخليين الخدامات تيجمعو فالطاولة...
كوثر سرعات فخطواتها الخفيفة حتى تبعات بيجاد: بابا...
بيجاد وقف باستغراب: شنو بغات الأميرة ديالي؟
كوثر: بغيت تعاود ليا على حياتك كأمير بحال فاش كنت صغيرة
بيجاد بتاسم بشوية و حط يدو فوق راسها: واخا يدوزو سنين غتبقاي أميرتي الصغيرة لي تيعجبوها بطولات باها فشبابو
كوثر حركات ليه راسها بالموافقة: اكيد
بيجاد حط يدو على كتفها و داها معاه للمكتبة ديال القصر فين جلس فوق فوتوي كبير و هي جلسات قدامو فواحد اخر..بدا فسرد قصة من قصص بطولاتو لي عاشها و هو أمير شاب ليها..كانت مستمتعة بسماعو تيعاود و يشرح ليها هادي شنو معناها باللغة القديمة و هادي لاش تصلاح كانت منغمسة وسط احداثو لي تيحكيها ماحسات غير بدموعها هابطين...
بيجاد بدهشة ناض لعندها: كوثر؟؟مالكي تتبكي؟!
كوثر عنقاتو تتبكي: سمح لياااا اهئ اهئ
بيجاد باستغراب: علاياش غنسمح ليك؟؟؟
كوثر:والووو غير سمح لياا قوول سمحت ليييك بلا ماتسولني على السبب عفاااك
بيجاد مافاهم والو: كيفاش؟؟؟واش وقعات معاك شي حاجة؟؟
كوثر: لا غير دير بكلامي عفااااك
بيجاد تيربت على ضهرها مستغرب: مادرتي ليا والو باش تطلبي السماحة اصلا(بعد منها و شد وجهها بين يديه) أميرتي ماخصهاش تبكييي بغيت نشوفها ديما فرحاانة داكشي علاش قررنا انا و امك غدا بالعشية نشدو الطريق لواحد الكووخ فواحد المنطقة خارج المدينة فيها الطبيعة حجزنا فيه حتى ترجعي صحتك
كوثر بتعبيرها الباكي: ماعرفت مانقوول
بيجاد: ماتبكيش فقط كلشي غيتقاد و يرجع كيف كان
كوثر: و انا تايقة بلي هادشي لي غيكون بفضلكم
مسحات دموعها و ناضت مستأذنة منو: غنمشي نعس دابا متشوقة للسفر غدا
بيجاد: واخا رتاحي
خرجات كوثر من المكتبة و هي تصادف هاجر كانت واقفة تما بعينيها المغرغرين فاش شافت داك المشهد بين الأب و بنتو..تقدمات كوثر حتى باست ليها يديها بجوج و تمنات ليها ليلة سعيدة...
بيجاد لي خرج لقا هاجر قدامو شوية لي بقا ليها تبكي: مالكي حتى نتي؟؟
هاجر: والوو غير فكرني داك الديكور فيناا انا وياااك قدااش كنتي تتهتم بياا بطريقتك الخاصة واخا كانو فيك قووة الأوامر هنننن دابا غنبكي(تلاحت عليه عنقاتو) تنبغيييك بزاااااف
بيجاد معنقها هاز حاجبو: وليتي حساسة تاني بزاف ياكما...؟(قصدو ليغيكل)
هاجر: بحال والووو(تخشات فيه تتشم فصدرو)تنحمااق عليك اهئ
بيجاد تحنا بشوية حتى هزها من ورا ركابيها لي ضوراتهم على خصرو و تم غادي بيها لجناحهم: علاياش تتقلبي دابا امم؟
هاجر شافت فعينيه بحب: عليك!
بيجاد بتاسم بمكر تيشوف فحبيبتو لي باقة جميلة كيف تغرم بيها اول مرة: واخا دازو سنين باقي تنشوف قدامي هاجر لي سلبات عقلي و قلبي بطيبتها و حلاوتها
هاجر حطات يديها على وجهو و تحنات تتبوس فشفاهو اما هو غير باستو البوسة الاولى انغامس معاها تيمتص فشفاهها بشغف و تيروي فعطشوو..دخلها للجناح و لصقها مع الحيط هاز ليها يديها و تيجردها من ملابسها و هي منسجمة معاه فتبادل القبل حتى لواحد اللحظة مرر الطريق لرجولتو داخل انوثتها بنفس الوضعية هو واقف و هي مضورة رجليها على خصرو...
بيجاد عضها فشفاهها: اش بان ليك نولدو لكوثر شي خوها ولا ختها صغار؟
هاجر تتأوه: و و والا واش غنديرو الحفاد الى صدق سالار مع وجدان
جرها من عنقها بقوة تيبوس فيها حتى حطها فوق الناموسية و كملو فيها لي بداوه...

في حين كانت كوثر تطل من البالكون و تتشوف فالسما المظلمة: كتاب تعاويذي الخاص بقا معاه..كنت ناوية ندفنو فاش عتازلت ولكن بقا معاه..بفف شكون غيديها فيه تلقاه حرقو ولا رماه حيت متنهموش تيفكر غير فبراعتو...
رثوك بان موراها: واش نمشي للمملكة نطلب من فخامته يرجعو ليك؟
كوثر: مابغيت والو بغيت غير نعيش مرتاحة و صافي هادشي لي بغيت
رثوك: غدا غتبداي اول خطوة فحياتك
كوثر: قصدك لي بقا ليا من حياتي
رثوك: مهم استمتعي و نساي كلشي
كوثر حييدات قلادة القمر لي فعنقها و رماتها من الشرجم ماهاماهاش: راسي تم راسي تم راسي!
رثوك: مرحبا بعودة كوثر الفارسي! المشعوذة المتمردة!
شافت قدامها ساهية و الريح تيدي فشعرها يا ترى كيفاش غتكون آخرتها؟؟؟....

بعد 34يوم...............

دازو 34 يوم من حياة كوثر متل البرق نهار على نهار تتزيد تقرب فيه اكتر و اكتر من عائلتها..حسنات علاقتها الأخوية مع سالار حتى حييدات ديك المعاندة لي بيناتهم و فنفس الوقت كبرات علاقتها مع وجدان لي ولاو أقرب الصحابات من كترة ماتعاشرو لدرجة تتشوفها يوميا و كل وحدة تتمشي عند الأخرى و تزورها يخرجو مع بعض و يدوزو وقت ممتع تحت انضار واليديها هاجر و بيجاد لي فرحانين بإسترجاع بنتهم لبسمتها و حياتها غافلين على الجانب المظلم من هاد السعادة لي هو تضحية براعة لي باقة تتطاردها طول مراحل القمر لي دازو و هي تتفكرها بالتضحية و تبزز عليها ترجع مع شاه و تزوج بيه ولكن كوثر متتعطيهاش فرصة ابداا تديرها بحالا مكايناش حتى تتعيا و تلاشا قدامها..دازو جميع المراحل التالية: المرحلة الرابعة "الصبح الحدب"..المرحلة الخامسة "إكتمال القمر"..المرحلة السادسة "تضائل محدب"..المرحلة السابعة "الربع الأخير" و المرحلة الثامنة و الأخيرة لي ليلتها غتدق فمنتصف ليل اليوم المسماة ب "تراجع الهلال"...

فجناح كوثر كانت هاد الأخيرة فالدريسينغ ديالها تتقيص فالفساتين و تشوف كيف مواتيينها فالمرايا و موراها وجدان تتعطيها أرائها على كل قطعة...
وجدان: تنظن الختام يكون احسن بألوان مبهجة و مفتوحة
كوثر: اصلا بعدت على الالوان الغامقة و السواد من فاش عتازلت الشعوذة حتى من الألوان تيأثرو علينا يا بشكل سلبي أو إيجابي
وجدان: وي بصاح..مهم نتي ختاري لي عجبك فيهم حيت كلهم زوينين و جايين معاك
كوثر بتاسمات: شكرا..و نتي شنو غتلبسي؟
وجدان: انا فساتيني ديما واجدين لأي مناسبة ههه
كوثر: واه نسيت بلي معايا الممثلة المسرحية المرموقة وجدان عريف ههه
وجدان: ويلي هاهيا غتبدا تاني..انا فرحانة بزاف لهاد الحفلة لي نظمتيها و فنفس الوقت..(هبطات حجبانها بحزن)
كوثر قربات منها تطمأنها بعينيها: ماتخافيش كلشي غيدوز هو هاداك تنشكرك على وقفتك بجنبي من داك النهار الى هاد اللحظة لي راك واقفة فيها قدامي..أديتي دور الصديقة على أكمل وجه و هادشي كافي بالنسبة ليا
وجدان غرغرو عينيها: مانقدرش ا كوثر مانقدرش راك غتموتي..شنو غندير؟؟فاش غنقدر نعاونك؟؟كيفاش غنوقفو هادشي؟؟؟؟
كوثر:مكاين حتاشي حل التضحية ماعطاتني حتاشي اختيار اصلا انا الضحية و المنبوذة هنا! ماعنديش الحق نعيش وسط من هاد اللعبة! يا نتزوج بالملك و نسلم جسدي لروح مرتو المريضة! يا يدوزو جميع مراحل القمر و نموت فالليلة الأخيرة فيهم و اكيد ختاريت الإختيار الأخير!
وجدان عنقاتها: 10 د الليل هادي يعني بقات ساعتاين بالضبط ا كوثر!!!
كوثر: و غتكون كافية نودعكم فيها بطريقتي
وجدان: كوثر...
كوثر: صافي ا وجدان سيري للحمام غسلي وجهك و قادي حالتك انا غنلبس و نهبط سبقيني غيكون سالار تيقلب عليك
وجدان بقات شحال تتشوف فيها عاد انصرفات اما هي تنهدات واخدة نفس عميق دغيا داز الوقت و ها ساعتها وصلات..بعد ساعتاين غتنتاقل للحياة الأخرى و تودع هاد العالم لي عاشت فيه غير بالصدفة بسبب تضحية براعة القديمة..شحال صعيب تعرف راسك امتى غتموت بالتاريخ و الساعة! و الأصعب من ذلك عائلتك ماعارفينش هادشي!..قررات و اخيرا اينا فستان غتلبس فيهم و وجدات راسها من المايكاب حتال تسريحة الشعر الراقية كانت تتبان أميرة بمعنى الكلمة ابدا مابقاتش كوثر المشعوذة لي هملات طلتها بسبب شعوذتها و اعمالها..خرجات من الجناح و هبطات للقاعة لي منظمة فيها الحفلة..حفلة وداعها للكل حتى من الخدم عرضاتهم بصفتهم حضور و يعتابرو اليوم يوم عطلة ليهم..لمحاتها هاجر و بتاسمات شحال فرحانة لفرح بنتها..مشات لعندهم لطاولة العشاء يتعشاو مجموعين كعائلة هو الأول مع حديث مطول و ممتع بيناتهم حتى كلاو و سالاو عاد ناضت كوثر لواحد القنت فالقاعة فيه بيانو..جرات كرسيه حتى جلسات بلباقة عليه هازة راسها فيهم لمحات بيجاد تيبتاسم ليها شحال هادي ماشاف أميرتو تتعزف البيانو من فاش تعلماتو فصغرها فرحان بزاف انه رجعات كيف بغاها تكوون..حطات اصابعها الرقيقة فوق اللوحات و بدات فالعزف وسط صمت مرييب كسروه انغام عزفها المتقن..كان الكل لي فالقاعة تيبتاسم منساجم مع العزف الا وجدان لي كانت تتشوف فالساعة بعينيها المغرغرين و تتفكر كلام كوثر...
"فلاش باك"
وجدان: مادام عارفة راسك امتى غتموتي بالضبط شنو هي اخر حاجة غاديريها؟
كوثر بتاسمات: غنعزف على البيانو حتى نفارق الحياة
"نهاية الفلاشباك"
وجدان هبطو دموعها:(ناوية تعزفي حتى تحبسي من العزف قدامهم..باغية تستمري حتى توقفي بسبب الموت!)

سدات كوثر عينيها تتعزف مقطوعة بعنوان "الوداع الأخير"..بدات بشرتها المشرقة تتلاشا اشراقتها شوية بشوية و تنفسها تيصعاب و مع ذلك بقات مستمرة فالعزف مصرة تكمل على الأقل حتال الأخير..تكمل وداعها الأخير ليهم...
كوثر:(35يوم خلاتني نعرف بحق الكنز لي كان بين يديا ديما..عائلتي لي ماعطيتهاش الوقت و بقيت تنجري ورا الشعوذة و إرثها..شكرا ليكم..شكرا على حبكم ليا بدون مقابل..شكرا حيت كبرتوني حتى وصلت لهاد العمر..شكرا على حنان الأم و حماية الأب و عطف الأخ و رعاية الصديقة...)
حلات عينيها تشوف وجوههم للمرة الأخيرة لقاتهم تيبتاسمو من غير وجدان لي حابسة البكا بزز بيناتهم..و هي تسدهم مبتسمة و اصابعها غاديين يضغطو على اللوحة الأخيرة من البيانو باش تختم المقطوعة و تختم معاها اخر دقيقة من حياتها..بدا جسد كوثر تيترخا و قلبها نبضاتو تتخربق..فديك اللحظة بالضبط حسات بوجودو موراها و شمات ريحتو لي سابقاه قبل ماتميل تطيح من على الكرسي حتى حسات بيه شادها و بزز باش تتحل فعينيها تشوفو....
كوثر بعياء: ن نتا....
شاه لي كان لابس كومبلي فالكرونا: كوثر...
كوثر طلعات راسها بزز حاسة بالروح تتجبد من جسدها لقات الكل مجمدين فبلاصتهم بفعل من شاه: الوداع ا شاه....

شاه هزها بين يديه: مكاين حتاشي ودااع!!
كوثر شفاهها بياضو و بشرتها صفارت: ه هاد هادشي ل ليكاين..مغنتز وجش ب ييك ن نتا مت متتبغينيش
شاه حرك يدو حتى ولات مهزوزة فالهوا و حط الثانية فوق وجهها مقرب منها اكتر: شكون قال ليك هادشي!!!؟؟؟
كوثر عينيها غرغرو و حاسة بالموت: قالها ليا حبك لبراعة..و كيفاش كنتي باغي تسلبني هاد الحياة باش تحييها هي و ترجعها تاني! هاني دابا غنموت بلا ماتعذب راسك!!
شاه تقابل مع عيونها بنضرة خوف..خوف من فقداانو ليها: طول هاد المدة كنت تنفكر فقط فشكون لي ملكات قلبي..واش زوجتي الميتة لي باغي نرجعها! ولا القربان لي كنت مراقبها طول حياتها!!
كوثر هبطو دموعها: و بالطبع الجواب هو مرتك ماشي انا..الفائزة فهاد اللعبة هي براعة الروح ماشي كوثر الجسد!
شاه شد وجهها بين يديه بجوج و لأول مرة تبان لمعة فعيونو الخضراء القاتمة..لمعة حياة..شاف لثواني فملامحها الجميلة لي تتذبال بين يديه و هو يسد عينيه حاط جبهتو على جبهتها و نيفو على نيفها مستسلم لدقات قلبو لي تيضرب بسميتها: لا! ختاريتك نتي! انا تنبغيك نتي ا كوثر!!!....
فور إلقائو لهاد الكلمات الصادمة لصق شفاهو مع شفاهها تيمتص فيهم بواحد الشوق مخليها مصدومة اولا من كلامو و ثانيا من هاد البوسة..اما هو باسها بشكل مطول و بعد تيشوف فيها تيسترجع انفاسو و تيشوف فالأثر لي خلاه كلامو و فعلو عليها!...
كوثر مصدومة: كيفاش؟؟؟(طاحت دمعة فعينها اليسرى فقط) علاش ا شاه؟؟؟(تبدل صوتها لديال براعة) علاش ا شااااه؟؟؟؟؟؟اناااا هي حبيبببتك مرااااتك لي ماااااتت ظلماااااا لي ضحااات بجسدها و كلشييي باااش ترجع ليييك!!!!!دابا تتختااار هاااد اللحمممم بلاصتي!!!انا الروووح انا كلشييي انااا مرااااتك!!!!!!
شاه: حتى انا ضحيت بوقتي و حياتي على قبلك ا براعة! لدرجة كنت غنسلب روح كوثر باش نرجعك نتي! ولكن كنتي طول الوقت مجرد وهم! ماكنتيش نتي حبي الحقيقي..ماكنتيش شريكتي لي محطوطة سميتها حدا سميتي! اسم "كوثر الفارسي" هو لي كان محفور حدا اسم الملك شاه!
براعة بانت قدامو بصورتها الشفافة متل الشبح كانت تتبكي و حالتها حالة: كسرتييي قلبي!!! وطيتييي عليه!!!دمرتيي مشااااعري!!!علااااش؟؟؟؟؟
شاه: جاوبتك ا براعة!
كوثر لي باقة تتحس بالعياء: 00:00 هادي! علاش انا باقة حية؟!
شاه: "القدر على شكل خاااتم..خااتم نااادر مرصع بالأحجار الكريمة المتنوعة الملونة..خاتم جمع حب قوووي و توج حفل زفااااف كبيييير لي ولا دموي..نهار يعتارف الملك بحقيقتو و يتلبس لمالكتو كلشي غيتكشف..."
كوثر بدهشة: هادشي كان مكتوب فمذكرات جدتي!
شاه: اللغز كان معناه انه نهار نعرف بمشاعري الحقيقية كلشي غيتكشف..باتريسيا كانت عارفة بكلشي و تنبآت بكلشي..عرفاتني غنوقع فحب حفيدتها داكشي علاش ماعارضاتش التضحية لي دارت حيت تضحيتها اصلا لي تدخلات و غييرات الأقدار ديال تضحية براعة!
براعة تتبكي: لا ا شاااه اهئ ماتخلينيييش اهئ خصك تشوف جسد ااخررر لي نقدر نتملكو باش نعيشش معااك انا هي المرأة الوحيدة لي فحياااتك!!!!
شاه شاف فيها بأسف: كنتي..دابا للأسف فاش حليت عينيا و عطيت مهلة تفكير لنفسي لقيت انك مجرد وهم و كلشي كان شفقة من موتك التراجيدي...
كوثر مامصدقاش اش تتسمعو: مانقدرش نتييق هاد الكلام عقلي مايقدرش يتقبل انك نتا لي كنتي باغي تقتالع روحي جاي تتقول ليا تتبغيني؟؟
شاه: بقات حاجة وحدة باش نوضعو حد لهادشي بشكل نهائي...!
فرقع اصابعو و هوما يبداو تيتحركو الحضور و العائلة لي كانو مجمدين حتى تفاجئو فاش لمحو كوثر مهزوزة فالهواء و معاها راجل غريب عليهم..شاه حرك يدو حتى وقفات و باليد الثانية جبد علبة صغيرة عتيقة الشكل و باهضة الزخرفة بالأحجار حتى حلها قدامها بل قدام الكل عارض خاتم من الأحجار الكريمة النادرة...
شاه: كوثر الفارسي..ابنة بيجاد الإسلام الفارسي و هاجر آل سعدان واش تقبلي تزوجي بيا؟؟؟

كوثر حلات فمها بالصدمة اما واليديها و البقية خرجو عينيهم من لي شاافوه و سمعوووه!!!...
براعة حطات يديها على وجهها تتبكي: لا لا لاااا اهئ لااااا!!!!!
كوثر شافت فيها و رجعات شافت فشاه بتردد..ضارت عند عائلتها لي مصدومين مافاهمين والو و رجعات تاني شافت فبراعة لي تتبكي و تنفي براسها غتحماق عاد شافت فشاه لي باقي ماد الخاتم تيتسنا فالجواب....
شاه: رُبِط قدري مع قدرك و ماضييّ مع حاضرك...
كوثر سدات عينيها حاطة يديها على قلبها لي تينبض و يخفق باقي الحياة فداخلها: و لكن غنموت...
شاه: مغتموتيش!!!واش مافهمتيش قصد باتريسيا!!؟؟انا تنعتارف بحقيقتي داباا لي هي انني تنبغيك نتيي!!!!
فجأة تسمع صوت رثوك مورا كوثر من بعيد: عتااارفي ا كووووثر!!!!عتاااارفيييي!!!!قولي ليه لي كاااين فقلببببك!!!!قولي لي كنتي مخبيااااه و ماراااضياااش تبيينييييه طول هاد السنوااااات قووووليهااااا ولاااا غنقوووولهاااااا اناااا!!!
كوثر سدات عينيهاااا و زييرات على يديها مغوتة بأعلى صوووتها حتى تردد فأرجاء القاعة كاملها: واخاااااا اناااا غنقوووولهااا اصلاااا غنموووت غنمووووت!!!!(جمعات الجهد و قالت بصوت عالي) كنت طوووول الووووقت تنبغييي مووول العينييين الخضريييين الغااااامقييييين!!!!كنت طوووول الوقت تنكر هادشييي و متنبغييش نبيينووو بسبب كبريااائي كنتيييي نوعي المفضلللل من الأولللل من غير صداااعك و غواااتك طبعاااا (شافت فيه بعينيها المغرغرين)كنتتتتت طول الوقت تنتمنااااك تبغيني اناااا ماشييي هي حيييت تنبغيييييك!!!!!!!....

براعة خرجات عينيها العامرين بالدموع بصدمة: لااا لاااا مايمكننننش لاااا تضحييتيي اهئ اهئ تضحييتيييي....
شاه عنقها بقوة ضامها لحضنو: حبنا متبااادل عرفتي شنو تيعني هادشي؟؟؟(بعد منها بشوية)
كوثر: شنو تيعني؟
شاه: بلي اكيد مغتموتيش!
فجأة تقلعات قلادة الساعة الرملية الحمراء من عنق شاه حتى طارت فالهواء و ولات بيناتهم..بدا تيتسمع صوت تشقق زجاجها حتى تهرسات و تبخر الدم لي فداخلها فالهوا...
كوثر بدهشة: القلادة لي فيها دم جدة تدمرات!
شاه: هادشي تيعني انه العقد الدموي لي كان بيني و بين باتريسيا تبطل دابا و تيعني ايضا انه...
شاف فبراعة لي كانت تتختافي بشكل تدريجي قدامهم...
براعة بخوف: لا ا شاااه عفاااك تنبغييييك اهئ ماديرش فيا هادشيييي اهئ مابغييييتششششش!
شاه: هادشي لي كان خصو يكون ا براعة..مكانش عليك تقايضي مع الشيطان ابدا! كان عليك تقبلي قدرك..قدرنا!
بقات تتنفي الأمر و تعبر على حبها ليه بالبكااء حتى تلاشات بشكل كلي قدامهم!...
كوثر بدهشة: وااش صاافي؟؟؟؟اش وقع معاها؟؟؟فين اختفت؟؟؟
شاه: غتمشي للمكان المناسب لي كان خاص تمشي ليه من الأول..عالم الأرواح...
كوثر: و روح جدة المقيدة؟؟؟
شاه: طلقت سراحها من شحال هادي و رجعات حتى هي لعالم الأرواح...
كوثر: و دابا شنووو؟؟؟اش وقع حتى تبدلات الأمور و خدات هاد المنحى؟؟!!!كيفاش حتى انا باقة حية؟؟
شاه: جاوبيني هو الأول على طلبي! واش تقبلي تزوجي بيا؟!!
كوثر بثقة مدات ليه يدها: ااه انا قابلة بعد داك الإعترااف المتبادل مانقدرش نكر حتى حاجة مزال...
شاه لبس ليها الخاتم و شد فيديها و هوما يختافيو من تما مخليين الكل تيتسائل اش واااقع؟؟؟؟...
بانو فجناح الملك لي جلسها فجليسة البالكون تما تيشوف فعينيها بواحد الحب كبير..حييد خاتم من خواتمو و جبد علبة فيها خاتم بتصميم رجولي مزيناه نفس الحجرة الكريمة لي فديال كوثر و مدو ليها...
شاه: باش يكملو المراسم خاص تلبسيني حتى انا الخاتم...
شداتو من عندو حتى لبساتو ليه و قبل ماتبعد يديها شدهم و زاد قربها منو...
شاه: توحشتك بزاف..(حط يدو على حنكها) كانت اطول فترة فحياتي!
كوثر شافت فعيونو بواحد اللمعة حاسة بقلبها غيخرج من بلاصتو و مشاعرها الدفينة غادية تباان دابااا: ماتصورتش ابدا بلي غتختارني انا! ولا بلي غتكون تتبغيني!
شاه: القدر تنسج بهاد الطريقة و كلشي بدا يبان من النهار لي تفارقنا فيه...

"فلاش باك"
نرجعو لليلة فاش تفارق شاه مع كوثر و رجعها لعند عائلتها نفسها الليلة لي تكشفات فيها تضحية براعة و كونها الروح و كوثر الجسد...
كان شاه جالس فوق كرسي عرشو بجلستو الملكية غارق فالتخمام و التفكير كيفاش دار القدر بهاد الطريقة و صدقات ديك البنت القربان لي كان طول الوقت تيتسناها غير امتى تكون جاهزة يضحي بروحها باش يرجع زوجتو الميتة عايشة بروح زوجتو و هي كانت مجرد رضيعة ميتة كتاب ليها عمر جديد بديك التضحية!! راه الهباال و الحماق برااسووو غيشد واحد تسنااا قرووون باش يكتاشف هادشي؟!!!...بقا شحال عاد قدر يستوعب الأمر و تما فين هز راسو بملامح متتبشر بالخير ابدااا..بحركة من يدو فقط بان كتاب تعاويذو الخاص من العدم حال صفحاتو فالهواء حتى وقف فوحدة..نطق شاه بالتعويذة لي فيها فجأة خرج دخان اسود من الأرض تابعاه واحد الهيئة سوداء تتخلع كان نفسو الشيطان لي استدعاتو براعة و قايضات معاه...
شاه مييل راسو و شبك يديه مع بعض: تنتسنا فسرد القصة كاملها و كيفاش امر هاد التضحية!!!!!!
الشيطان انحنى من الخوف رغم انه الشياطين كائنات جد متمردة و متتنحاني الا لملكها د عالمهم الا انه تيبقا مجرد شيطان من طبقة متوسطة و لي اكيد شاه اقوى منو...
الشيطان: شنو بغيتي تعرفو جلالتك؟
شاه زيير على يديه: كلشييي كلشيييي من فاش استدعااتك حتااال كيفاش وصلااات الأمور لهاد الحد!! اكييد غتكوون عاااارف كلشي و مقتافي اثر تضحية نتااا الرااابح فيهااا من البداية!!!!
الشيطان: ولكن ا جلالتك التضحية كانت صفقة عادلة خديت ثمن داكشي لي بغاتني نحققو و نتا عارف مزيان انه بسبب بحال هادشي ماتت وحدة من اقوى مشعوذين العصر القديم باتريسيا آل روبسبيير و لي دفعات الثمن غالي و لي هو بحياتها
شاه: كيفاش حتى برااعة هي روح كوثر؟؟شنو هاد الاشتباك؟؟؟
الشيطان: فالحقيقة ا فخامتك القدر تبدل و مكانش ابدا غيكون هكا
شاه هز حاجبو: كيفاش؟؟؟
الشيطان: المقايضة ديالي تمات مع براعة ولكن جيتو نتا و باتريسيا بعد 3 ايام من موراها و تما فين قررتي من خلال قصتها تعقد ليك روح حفيدتها..فاش عطيتيها مهلة يوم كامل مشات ضحات بسنوات حياتها المتبقية و تنبأت و دوك التنبؤات تسببو فخراب تدفق التضحية الاولى حيت مترابطين بنفس الشخص لي هو نتا..براعة بغات ترجع تحيا فبنت قريبة ليك و تليق بيك و نتا اختاريتي البنت لي بغيتي تضحي بروحها باش ترجع براعة تنظن وصلك القصد؟
شاه بدهشة: يعنييي الشرط لي عطاتو براعة فالتضحية دياالها لي هو بغات تعيش و تحيااا فداخل بنت تليق بيا تحقق فاش انا شخصيا ختاريت بنت الأمير و النصف المشعوذة تكون قربان؟!!
الشيطان: تماما ا فخامتك هادشي سبب شق كبير فمجرى الاحداث لي كان مخطط ليهم حيت ثمن تضحية براعة الباهض كان انها ماشي تكتافي تكون روح فجسد و تبقا ذكرى دفينة فجسد البنت لي غتكون جنبك بل كانت باغية تستحوذ علييه يولي ديالها حتى تمحي ملامح البنت و ترجع ديالها!! كيفما كنتي نتا باغي تنتازع روح و تزرعها فالجثة المزيفة لي خليتها ليك باش تعرفها انها ميتة هي بغات تدير العكس انه هي كروح شكلا تغلغل فالجسد و تملكوو!
شاه بصدمة: يعني كانت مخططة انهاا تقتل كوثر من الداخل و على براا!!!كانت باغية ترجع حية بشكل كامل!!باختصار كانت باغية تبعث من جديد ولكن بواسطة جسد اخر لي تخربو!!!
الشيطان: تماما ولكن هنا فين القدر حبس و بدا تدفق جديد التدفق لي خلقاتو تضحية باتريسيا لي ماسمحاتش ابدا بهادشي..باتريسيا منعات فكرة تضحية براعة الأصلية و خلاتها تكون مجرد روح حيات حفيدتها لي كتاب ليها تزاد ميتة و هاكا براعة مغتقدرش تستولي على الجسد و تبعث من جديد الا برغبتك نتا!
شاه بدا تيستوعب الأمر: يعني....
الشيطان: خصك تختار بيناتهم..بين الجسد أو الروح..الزوجة أو القربان...
شاه: و شنو غيوقع فإختيار كل وحدة؟؟
الشيطان: الى ختاريتي براعة غادي تموت كوثر و غادي تستحوذ على جسدها باش تبعث من جديد بأعضاء و عظام كوثر اما الى ختاريتي كوثر غادي تبطل التضحية و غادي تختافي براعة للأبد ترجع لعالم الأرواح و كوثر غتكتاسب روحها الخاصة لي غتعيش بيها من جديد...

شاه بان التوتر فعينيه كيفاش غيدير هادشي؟مايمكنش!!هدا اصعب قرار يتاخدو ولا يتحط فيه طول حياتو الطويلة!ولكن علاش؟؟؟ياك خصو يختار تلقائيا براعة!!!ياك على قبلها بدات هاد القصة كاملها؟!!!ياك كان غيقتل كوثر بيدو شحال من مرة باش يحييها؟؟؟!!!ولكن اش واقع دابا؟!علاش ولا متردد؟شنو دارت ليه هاد القربان حتى خلاتو مخربق هكا و حاير بينها و بين اعز متيملك!!!....
الشيطان: تنظن الإختيار صعيب..هادو هوما التضحيات خاص وحدة فيهم لي تعيش و الثانية تدفع ثمن عيش الأخرى بموتها ولكن حاجة مهمة الى ختاريتي القربان الحب المتبادل هو لي غيحييها من جديد و يخليها تكتاسب روحها الخاصة..يعني واخا تبغيها نتا خاص تبغيك حتى هي باش يكتامل الطقس...
شاه: باتريسيا تنبأت بزواجي من حفيدتها لي شفتو قدام عينيا معاها!!
الشيطان: اذن الاختيار واضح و باين خاص غير الطرف الثاني يعتارف و توصلو ليه ولكن قبل اكتمال مراحل دورة القمر لي حنا فيها..تضحية براعة كونها نصف ساحرة قمر و استعانتها بقوتو فليلة موتها خلات هادشي يكون شرط من شروط الطقوس باش تكتامل...
شاه شاف فالشرجم عاقد حجبانو: الأمور ولات واضحة دابا..انا هو مفتاح هادشي كامل و القادر يوضع حد نهائي ليه..يا براعة يا كوثر...

بعد هاد المحادثة بين الملك شاه و شيطان المقايضة ولات الأمور واضحة قدامو خاص فقط يختار و يحسم كلشي!...كان عايش وسط من حيرة كبيرة ماشي ساهل ابدا يختار بيناتهم..هو لي كان تيحماق على زوجتو الميتة و دار المستحيل باش يرجعها حيت ماقدرش ابدا يستوعب ولا يتقبل حياتو من دونها و كيفاش فليلة عرسهم بالضبط تحرم منها للأبد!...ولكن من الجهة الأخرى تيتفكر واحد البذرة تزرعات فأرض خصبة و بقا مراقبها تتكبر و تفتح حتى ولات وردة حمراء كاملة عاطية ريحتها فالأرجاء لي هوما حياتو هو..الأحاسيس لي تيحسهم من جيهتها غير عادية ابدا و كيفاش تردد يقتلها شحال من مرة! ولكن الأهم واش هادشي كاملو لي تيحس بيه تيحسو من جهة كوثر كوثر؟ولا حيت فداخلها عايشة روح براعة مرتو و حبو لي ماقدرش ينساه...؟!
دازو دوك الأيام لي كانت معذبة فيهم كوثر بسبب الحقيقة المرة عليه بحال شي مكتف ماقادرش يفك راسو تيشوف فيها من بلورتو كيفاش تتعاني ولكن ماعارفش شنو يدير الحل كاملو بين يديه ولكن شكون فيهم غيختار؟!...حتى قرر يسترجع شريط حياتها كاملو لي شافو من البلورة و عاود تبع المراحل كاملين لقا راسو عاش و تقرب بشكل غير مباشر لشخصية كوثر كيفاش كانت مسييرة حياتها و مستمتعة بيها..لقا راسو حافظ جميع تفاصيلها ك كوثر عمرو حس بشي براعة ولو شوية فديك المدة طول الوقت مراقبتو خلاتو يعشق ديك البنت بينو و بين نفسو فقط بلا مايعرف و كان الولف لي ولا من بعد حب!..زائد انوثتها لي اكيد غتجذب اي رجل..تما فين عرف علاش غيختارها حيت ببساطة هي لي ولات مالكة قلبو دابا....
"نهاية الفلاشباك"
كوثر غرغرو عينيها: يعني دابا غنبقا عايشة و مابقيتش عايشة بروح براعة ولات عندي روحي الخاصة بحال اي واحد؟؟؟
شاه: اااه صافي كلشي تقاد
كوثر تنهدات تنهيدة من الاعماق كأنه حمل ثقيييل انزاح على كتافها: انا فرحاانة بزاااف كنت تنتسنا فمووتي و عمرني نشوف عائلتي ولكن دابااا غنقدر نكمل حيااتي عااادي هههه
شاه عنقها بحب: ماتبكيش مابقيتش باغي نشوف الحزن فعينيك(بعد منها شادها فوجهها)بغيتك تسمحي ليا على كل حاجة خايبة درتها ليك و نبداو صفحة جديدة و فصل جديد مقطعين ورقة الماضي لي عشناه..بغيت نكمل معاك حياتي ا كوثر!
كوثر بتاسمات بفرح: حتى انا بغيت نساو كلشي ماشي ساهل لي داز علينا بجوج بغيت نكمل حياتي و نعيش بسعادة مع عائلتي و معاك دابا...
شاه: "لو كانت القبل نجوم لأعطيتك السماء كلها"...
كوثر بتاسمات بخجل: "قل لي ثانية، كيف تحب الشمس القمر كثيرا؟..."
شاه: "لأنه يموت كل ليلة لكي تتنفس هي..."
كوثر: "القمر هو انعكاس قلبك و ضوئه هو وميض حبك..."
شاه: "كنت أبحث عنك في كل قمر..."
كوثر: ربما أحتاجك مثلما يحتاج القمر البحر..."
شاه حط شفايفو على شفايفها ساد عينيه و يديه فوق حنيكاتها تيمتص فيهم بشغف..سدات عينيها براحة و اخيرا سالا هاد الكابوس كاملو و غتعيش بشكل عادي..بعد بشوية حتى باسها فجبهتها و قاد ليها خصلات شعرها المتناثرة برقة تيتأمل فعيونها اللامعة مثل النجوم: "لو كنت القمر أود أن تصبحي سمائي..."
كوثر ضحكات: ههه حبيت هاد الفيغسيون ديالك الجديدة كنتي مخبي عليا هادشي كاملووو وا كون عرفتك هاكا كون واهلي غنكونو عائلة دابا هههه
شاه لأول مرة يبتاسم ليها و يضحك حتى تسمعات ضحكتو: ههه معاك وليت واحد اخور حتى نتي تعلمتي لغزل سحرة القمر من الكتاب لي كنت عطيت ليك
كوثر بصدمة: ويلي ضحكتي!!! وا ضحكتييي(بتاسمات) جات معاك الضحكة
شاه شدها فيديها: ابتداءا من دابا غتولفي عليها حيت غنعيش معاك فسعادة....

كوثر: و لكن اول حاجة خاص نديروها باش نعيشو فهاد السعادة هي عائلتي يتعرفو عليك بعدا و يتقبلو زواجنا(تنهدات)عندي واحد الواليد غير وجد راسك ليه
شاه: عارف مزيان هادشي و حتى نتي خصك تعرفي انك دابا وليتي مرتي و انا راجلك
كوثر بصدمة: اويلي و فين العدول و العقد؟؟؟
شاه: علاه كيفاش تيتزوجو المشعوذين ولا نسيتي فاش حرقتي دوك الكتب كلهم!
كوثر ربعات يديها: زعمة حتى حاجة متتفلت ليك الطواليت لي بقات لييك تقوول ليااا اش تندير فيها
شاه: لا هاديك ابدا واش نبغي نشوفك فيها ولكن شفت كلشي فبلايص خرين
كوثر خرجات فيه عينيها بصدمة حاطة يديها على جسمها: ماتقولش ليا شفتينيييي؟؟؟!!!
شاه حنحن: احم عن غير قصد
كوثر بارتباك: عن غيير قصد و شحاال من مرررة قول عجبووك المنااظر و مخرج عينيييك
شاه: كان بدون شعور تنبقا راجل...
كوثر حشمانة: ويليي ويلييي على موصييبة
شاه: خواتمنا محفورين فيهم اسماء بعضياتنا و عمرهم غيتحييدو من صباعنا حتال الموت
كوثر سرحات يديها تتشوف فخاتم زواجها: مامصدقاش بلي وليت مرتك (شدات فيديه) ردنااا دابااا لعند العااائلة خاص ضروري يعرفوو باش فرحتي تكمل
شاه: واخاا
فرمشة عين اختفو من تما راجعين للقاعة لي تقام فيها الحفل فقصر عائلة الفارسي لي باقيين جالسين فيها بوحدهم بعدما سيفطو الخدم كاملين...
بيجاد شاد راسو: بغيت غير نعرف اش يتصحااب ليه راسوو!!!بلا حشمة بلا حياااء معنق ليااا بنتيي و شاااد فيدييها و لااا داير لياا فيهااا فيلم رومانسييي و طالب يديهاا للزوااج
هاجر جالسة سخفانة: و بنتي لي قبلات بهادشي بلا شوار بلا مانعرفوه شكون
وجدان: راه ملك المشعوذين هادااك ا موسيو الفارسي
سالار بغضب: خااطفها معذبهاا و داباا بكل بسااطة خاطفها تااني بعدما طلب منها الزوااج وااش هدا مختل؟؟!!!
فجأة وقفات عليهم كوثر هي و شاه...
بيجاد غير شافهم ناض ديريكت تلاح على شاه شادو من عنقو تقريبا مقادين فالطول بجوجهم عمالقة من العصر القديم...
كوثر بدهشة: بابااااا طلق منوو كلشيي غيتحل بالهدااوة
بيجاد خنزر فيها: ياااك ا بنتييي هادي هييي تربييتي؟؟واااش انا متنحمللش حس المشعوذييين و نتييي جااايبة ليااا ملكهم كاااع لقلب قصري و قاابلة تزوجي بييه ااا؟؟؟
كوثر: غيير سمعنييي عفاااك راه تنبغييو بعضياتناا ماتوقفش فطريقنا عفاك ا بابا
شاه لي كان واقف كيف الجبل خنزر فبيجاد: طلق مني و سمع شنو تتقول بنتك!
بيجاد شنق عليه: لااا و تيآممممرر انا لي تنآمررر هناااا!!!
هاجر ناضت لعندها: من امتى و نتي باغياااه؟؟؟
كوثر: وا فكيي فكييي من بعد و نجااوبك
تدخل سالار حتى فكهم و بقا شي يخنزر فشي تما حتى جات كوثر قدام شاه موجهة كلامها لعائلتها...
كوثر: سمعوني ولو غير مرة وحدة فحياتكم...
بيجاد: ياك حناا عمرناا كاااع سمعنااك ياااك؟؟؟
كوثر تنهدات: عفاك ا بابا غير هاد المرة خليني ندوي عارفة الموضوع صعيب عليكم تقبلوه ولكن راه تتبقا رغبتي انا بنتكم و لي مافيها حتى عيب شنو فيها الى تزوجت من ملك المشعوذين ياك ا بابا نتا مزوج بوحدة من سلالتهم واخا تكون متتمارسهااش ولكن تيبقاو دمائهم فعروقها! ياك سولتك واش غتقبل بزواج سالار الى قالك غيتزوج من وجدان لي هي ساحرة قلتي ليا ماشي مشكل الى بغاها علاش غتمنعوو؟؟!!اذن علاش غتعارضني انا هاكاا ولا واش داير فرق بيني و بينو؟؟؟
سالار و وجدان شافو فبعضياتهم بصدمة اويلي هادو تيتشاورو فزواجهم و هوماا فين تخطبو ولا بيينو شي حاجة لبعضياتهم بعدا...

بيجاد هز صبعو بغا يدوي و هو يتلعثم فالكلام حيت هضرتها كلها صحيحة: ولكن هداا راه كان خاااطفك!!!واش نتي حمقة؟!!
شاه عقد حجبانو: سمحاات ليا و بدينا صفحة جديدة ماعرفتش علاش باقي تتنبش فالهضرة!!
بيجاد بغضب: انا تنبش فالهضرةةة؟؟؟!!
هاجر شدات راسها: نااااري ا بنتي وااش مالقيتيي ماتيجيبي غير ماركة بحال باك!
كوثر: واصااافي عفاااكم حاولوو تدويو مع بعضياااتكم و متأكدة غتفاهمو
بيجاد مخنزر: علاش غندوي معاه؟؟اش بيني و بينو؟؟؟
شاه: حركات جد طفولية اكيد هادشي لي نتسناه من أمير!
بيجاد بعناد: كيفاش زعمة نتاا ملك غتبغييي تحكم عليااا هنااا رجع منين جيتييي!!
هاجر خدات نفس عميق واش خصها ديما تدخل باش ترد ليه عقلو..قربات من بيجاد و قالت بهداوة: غنخليوكم بجوج تدويو مع بعضياتكم
بيجاد عقد حجبانو: ولكن ا هاجر هداا هو لي خطف بنتنا!!!
هاجر بنضرات ترجي: عفاك دير ليا خاطري شوف بنتنا قداش باغياكم تدويو و تحلو الأمور بالعقل
بيجاد خنزر فشاه: دوز نتا للمكتب ديالي!
شاه عقد حجبانو: ماتآمرش فيا!!
بيجاد سبقو مخنزر و شاه تبعو معفر...
هاجر جلسات بتعب: ناري واش تكافيت مع باك و عنادو تزيدينا حتى هدا
كوثر: مامااا عفاااك!
سالار قرب منها: اجي بعدا كيفاش قضية زواجي انا و وجدان؟؟
وجدان وقفات حداه تبررق فعينيها...
كوثر ربعات يديها: على اساس تنرضعو فصباعنا هنا راه باينة للعمى خطب البنت و براكة من التفلية
وجدان خرجات فيها عينيها بخجل: اويلي ا كوثر!!
سالار حنحن: احمممم
هاجر هزات فيه عينيها: واش بغيتيها نخطبها ليك؟(نيشان)
كوثر بفخر: هدا هو المعقول!
سالار بلع ريقو و شاف فوجدان لي تكمشات بالحشمة حسها تقطع و صبيعاتها غيعواجو من كترة متتلعب بيهم بالتوتر: الى بغات هي...
وجدان هزات راسها بصدمة مطلعاه فيه: كيفاش؟؟؟!!!
سالار: احم انا...
كوثر تتصفق و تشجع: عتااارف ا خويا زييد زييد
سالار شاف فهاجر لي عطاتو لاطاك بيديها: غير زعم ا ولدي راه كلشي مفروش من شحال هادي
وجدان مافاهمة والو: ويليي واش نيت من نيتكم....
سالار قال لي ليها ليها: تنبغيك ا وجدان!...

وجدان حطات يديها على فمها بصدمة: واش بصاح؟
سالار شد فذراعها حتى جرها بشوية و شد فيديها: من فاش كنا صغار و انا معجب بيك ولكن مابغيتش نقول شي حاجة حيت انا لي طلبت النهار الاول نكونو اصدقاء و خفت من ردة فعلك تكوني تتشوفيني فقط كصديق
وجدان غرغرو عينيها بفرحة و زييرات على يديه: حتى انا كنت متخوفة تكون عندك شي وحدة فحياتك و انا غير ديك الصديقة و صافي
كوثر وقفات عليهم: صافي هي نعلنكم زوجا و زوجة؟
هاجر بتاسمات فاش تفكرات اعتراف بيجاد ليها و دابا تتشوف وليداتها قدام عينيها قداش كبرو و ولاو حتى هوما تيعتارفو..دابا سالار لوجدان و ملك المشعوذين لي قبلات تزوج بيه كوثر...
هاجر: ايوا قولي هادشي لواليديك ا بنتي باش نتافقو على النهار لي نجيو نخطبو فيه
وجدان حدرات راسها بخجل: و واخا ا خالتي...
بتاسم سالار بفرحة عاجبوو هادشي كانت وجدان طول الوقت البنت المناسبة الوحيدة لي تيشوفها قدام عينيه بقربها منو طول هاد السنوات و شخصيتها اللطيفة قدرات تملك قلبو و تخليه يبغيها غير التخوف من دائرة الصداقة لي كان منحاصر فيها لي مخلياه ساكت حتى تشجع دابا..اما هي فرحات بزاف حيت هو كرجل لي بيين مشاعرو هو الأول ليها ماشي هي لي كانت طول الوقت معجبة برجولتو و واقعة فحبو..كبريائها كأنثى اكيد مغيخليهاش تلاح على رجل ولو تتموت عليه داكشي علاش بقات ساكتة طول الوقت تتسنا فمبادرتو هو...
وجدان: احم دابا فاش جات كوثر غيخصني نرجع للفندق حتال غدا و نرجع تاني
ودعوها و مشا سالار معاها حيت هو لي غيوصلها حتى وقفو قدام طونوبيلتو...
سالار: و نتي ا وجدان واش تتبغيني؟
وجدان حمارو حنيكاتها بالخجل كتافات غير بتحريك راسها بالإيجاب..قرب منها بابتسامة حتى عنقها من اللور خاشيها وسط حضنو و هي مندهشة و فنفس الوقت متأثرة حيت مامصدقاش بلي هرسو حاجز الصداقة لي بيناتهم غير دابا..باسها فراسها برقة و ضورها لعندو مرجع شعرها للوراء و يدو حطها على عنقها و صبعو على حنكها...
سالار: أحبك
وجدان بلمعة فعينيها: حتى اناا ههه
بقا تيقرب منها حتى حط شفايفو على شفايفها و بيديه متبتها عليه امتص قبلة منهم و بعد مخليها غذوب فحوايجها...
سالار: يستحسن نمشيو قبل ما...
وجدان دغيا تلاحت فالطونوبيل سادة عليها و هو يتبعها تيضحك...

نمشيو عند دوك جوج عمالقة لي كاينين فالمكتب...
بيجاد جالس فالمكتب و شاه جالس فكرسي بكل فخامة ملكية...
شاه: مغتضايفش الملك؟
بيجاد خنزر فيه: متنضايفش بحاالك!!
شاه عقد حجبانو: تأكدت مزياان منين جات قصوحية راس مرتي
بيجاد: لااا و مزااال تتقول لبنتي مرتك و فحضرتي مزاال!
شاه: ماعرفتش بصراحة كيفاش تتفهم الأمور تدوي على بنتك بحال الى ضحك عليها شي بشري و دخلاتو عليكم!
بيجاد: واا خاص نعررفك منيين و كيفااش حتى تسلطتيي عليهاا ماشي غير اجييي و نعطييك بنتي الوحيدة!!!
شاه ربع يديه مطلع راسو: الجدة ديالها لي جمعاتكم نتا و امها لي تنبأت انه زوجتي غتكون بنتكم
بيجاد شد راسو: وانااري واش هاد الباااتول متتقاداااش وااش مااتت قروون هادي و خيالها باقي عاايش وسط عائلتي!!
شاه: هادشي ليكاين انا وقعت فحب بنتك و تنظن خاصني نطلب يديها على طريقة البشر حتى هوما
بيجاد زيير على قبضتو: و علااه شنوو؟! بعد عليا ديك الشعوذة ديالك!!!
شاه: على حد علمي تيجي العريس مع عائلتو باش يخطب..انا ماعنديش عائلة ولا واليدين لي يديرو هادشي يعني غنخطبها بوحدي
بيجاد شبك صباعو تيفكر هادشي فكرو فراسو فاش بغا يخطب هاجر كونما يونس لي من سلالتو لي مشا معاه كأخ: و كيفاش حتى بنتي بغاتك؟؟؟
شاه: القدر...
بيجاد بقا شحال تيفكر و غير هضرة كوثر لي تضور فدماغو كيفاش بغات تزوج بهاد المعفر د الملوك: و علاش غنعطيك بنتي تزوج بيها؟
شاه هز فيه راسو بجدية: حيت مكاينش لي غيتزوج بيها فهاد العالم ولا فهاد الأرض من غيري!
بيجاد: و شنو قادر تدير على قبلها؟؟؟واش غتحافظ عليها؟؟غتدير ليها خاطرها؟؟مغتكونش السبب فدمعتها؟؟؟غتحميهااا و تفديها برووحك؟؟؟؟
شاه: بنتك غتكون التاج لي تيتحط فوق راسي و الملكة لي غتحكم بجنبي و الشريكة لي غتكمل معايا لمماتي و هدا وعد...
بيجاد بقا ساكت شحال..من الوعد لي عطاه و طريقة كلامو باين قد كلمتو: الى زدنا هادشي على بنتي لي بغاتك مغنعارضش هاد الزواج..امتى العرس؟
شاه: من غدا
بيجاد: نتشاور مع مرتي هو الاول!..يمكن ليك تفضل دابا
شاه ناض من تما خاارج لقاا كوثر و هاجر تيتسناو على برا المكتب..هاجر فاش شافتو خرج دخلات عند بيجاد تعرف اش قالو اما كوثر كانت قلقة: شنو قال ليك؟
شاه: صافي كلشي تقاد و قبل بزواجنا
كوثر طارت عليه معنقاه بفرحة: اووووه و اخيرااا غنفررح بخااطري ههههه
شاه معنقها بابتسامة: سيري دابا نتي رتاحي و غدا نشوفك
حركات ليه راسها بابتسامة و هو ياخد قبلة من شفاهها متمني ليها ليلة سعيدة قبل مايتبخر و يختفي قدام عينيها...
كوثر تنهدات: هدا هو الحب اذن..ههه خصني نمشي دغيا لجناحي متشوقة يعرف رثوك بكلشي...

فجناح كوثر كانت هاد الأخيرة لابسة بيجامتها و جالسة فوق ناموسيتها تتعاود لرثوك بواحد الفرحة كبييرة على حياتهاا و مستقبلها مع شاه...
رثوك: كنت عارف بلي معجبة بيه من الأول عقلتي فاش شفتي عينيه لأول مرة سنين هادي؟
كوثر بتاسمات: كنت ديك الساعة صغيرة كيفاش غنعرف شنو هو الإعجاب
رثوك: ولكن انا بصفتي قرينك عارف نوعك المفضل من الرجال
كوثر: بالطبع شاه شخصيتو زوينة و وسيم ولكن داك الغوات لي كان فيه و ديك قصوحية راسو لا لا مابغيتهاش
رثوك: راه نتي لي كنتي تتخرجيهم منو واش ماعقتيش براسك
كوثر: وا صافي نسا نسا (بحماس)ههه غنوجد لعرسي ناري ههه
رثوك عنقها: ماتصوريش قداش انا فرحان حيت مامتيش و كتاب ليك عمر جديد بجانب فخامته لي كان تيبغيك ديما
كوثر غرغرو عينيها: عفاك نسا هادشي دابا غنبكيي ماتصورش قداش احساس انك تكون عارف راسك غتموت بالتاريخ المحدد
رثوك: كلشي سالا دابا و كاع عذابك غيولي راحة...

من بعد هاد الليلة تحقق تنبؤ الباتول لي شافوه كل من شاه و كوثر داك النهار و دابا تيتحقق قدام عينيهم..هي بحلتها الملكية كعروس و هو بحلتو الإستثنائية كعريس..كانو الحضور كبار قبائل مملكة المشعوذين و بعض الشخصيات المرموقة فيها و اكيد عائلة عروسنا كوثر..المملكة كلها تهزات بهاد الخبر المفرح و اخيرا بعد قروون من الحزن و الكآبة لي خييمات على ملكهم الأرمل لقا نصفو الثاني و ملكتهم لي غيتوجها بيديه قدامهم..تقدمات بهار فرحاانة ليهم هازة وسادة صغيرة ملكية فوق منها تاج مرصع بالأحجار الكريمة و الجواهر النادرة حتى قرباتو من الملك لي هزو و حطو على راس كوثر...
شاه: ابتداءا من اليوم كوثر آل كينتاريا هي ملكة مملكتنا...
تسمعو تصفيقات حااارة و عائلتها فرحانين ليها...
هاجر طلعات راسها مبتسمة فبيجاد لي واقف بجنبها: ماقدرتيش تكون ملك فزمنك ولكن بنتك حققات هادشي فزمنها
بيجاد شاف فكوثر لي جلسها شاه فكرسي العرش ديالها حدا كرسيه لي بقا وحيد قرون هادي: ولو على المشعوذين...
سالار لي كان واقف حدا وجدان لي تتصفق: امتى عرسنا حتى حنا؟
وجدان: ههه يقرروه واليدينا انا اهم حاجة عندي اننا مع بعضياتنا
سالار شد يديها باسها و عنقها من كتفها...
كوثر شافت فشاه لي جالس حداها و شابك يدو مع يديها: حفل الزفاف بالفعل طلع تماما كيفما شفناه فالتنبؤ
شاه شاف فيها: ماتصوريش فرحتي..تنبغيك بزاف ملكتي...
كوثر بتاسمات: "روحي سوف تحب روحك في النور و الظلام..."
شاه زيير على يديها برقة: "غروب الشمس في عيناها..حب في شفاهها..صغيرتي سامحيني على كل الخطايا..."
كوثر: "كان غروبها..شروقها..عندما كانت فقط غروبه على طول، فقط شعاع صغير في مجرة النجوم كم كانت حمقاء عندما استقرت من أجل شعاع بينما كان بإمكانها الحصول على الكل..."
شاه: "في النهاية نحن فقط نندم على الفرص التي لم نغتنمها، علاقة خائفون من خوضها، و قرارات انتظرنا طويلا تطبيقها..."
كوثر: "كنا مكتوبين في النجوم..حبي..كل ما فصلنا كان وقتا..الوقت الذي استغرق لقراءة الخريطة التي وضعت في قلوبنا لكي نجد طريق العودة للقاء بعضنا..."
ناض شاه حتى مد ليها يدو: هل لي برقصة؟
شداتو فيديه بابتسامة حتى مشاو لوسط القاعة..حط يدو الثانية على خصرها و بداو تيرقصو بجوج على انغام الموسيقى و فرحة الحضور و العائلة....
"و يدا بيد على إيقاع الأنغام رقصوا تحت ضوء القمر🌙✨..."

بعد سنوات...⏳

كانت جالسة على ركابيها بفستانها الملكي لي متناثرين جلايلو فالأرض..كانت هازة باقة كبيرة من الورد حطاتها فوق قبر..طلعات راسها تتشوف فالسمية "باتريسيا آل روبسبيير"...
كوثر بابتسامة: هاني جيت مرة خرى نطمأن عليك و ندوي معاك شوية على حياتي..بفضلك ولات عندي روحي الخاصة بحال اي كائن و بفضلك وليت مع شخص تنبغيه و تيبغيني..بنيت معاه حياتي و ولدت ليه جوج أمراء و أميرة جميلة..بخصوص الشعوذة رجعت لممراستها و مرتاحة فمهامي كملكة مسييرة بلاد مع ملكها...
فجأة حسات بباقة خرى من الورود تحطات حدا ديالها طلعات راسها لقاتو بيجاد لي بدا الشيب تيكتاسح شعرو البني بالكامل...
بيجاد: حتى انا مدين ليها بالشكر بفضلها كونت عائلة مع أرق انسانة نشوف فحياتي و عرفت شنو هو الحب و العائلة معاها..ولدات ليا أمير و أميرة لي ولدو ليا أحفاد دابا...
كوثر ناضت عنقاتو بعينيها المغرغرين: غنبكي دابااااا اوووه...
وقف عليهم شاه مع بقية العائلة هاز بنتو و حداه واقفين ولادو المتقرابين فالعمر حداهم بنيتة لي شادة ليها هاجر فيديها و اليد الثانية شادها سالار و حداه وجدان...
شاه: الغذاء غيبرد مزال ماساليتي محادثك مع الجدة...
بيجاد هز حاجبو: بنتي و تبقا قدما بغات يبرد غذاء و يطيب اخور!
شاه: راك فقصررري!!!!
بيجاد: قصدك قصر حتى بنتي!!!!
يالاه غيتشادو تاني حتى وقفات عليهم هاجر: بدينا تاني! زيدو زيدو شحال فيكم
سالار هز بنتو: يالاه ا بنتي نجلسو دابا غتلحق علينا عمتك
وجدان ضحكات و شدات فذراعو غاديين..شافت كوثر فالعائلة بابتسامة حب تتشوف فوليداتها و حياتها المنورة بيهم...
شاه لاحظ سكوتها: كوثر؟
كوثر شدات فيدو: لا والو بديت تنحس بالجوع
هاجر شافت فبيجاد بشكل طفولي: مغتشدش ليا فيدي حتى انا؟
بيجاد: واش تتسولي؟
هزها و تم سابق بيها باقي صحيح واخا شرف و هي كيف عادتها تضحك و تقهقه باقة هبيلة واخا تدير الحفاد و الحفاد...
حطات كوثر راسها على كتف شاه بابتسامة: " مثل القمر كنت أمر بمراحل..."
شاه باسها فراسها: "مثل الظلام نورت عتمتي..."

💜💜النــــــــــــــــــهايــــــــــــــة💜💜

قصة نسجت حروفها منذ قرون..ملك اراد إحياء زوجته الميتة بواسطة قربان عبارة عن فتاة من دماء ملكية آدمية و دماء ملكية شعوذية..ليجد نفسه مغرما بها بدون شعور و لكي يتوجها ملكة على عرش قلبه و مملكته..قدرها معه و ماضيه حاضرها✨💜.

تصنيف القصة
يرجى إختيار التصنيفات اللي يمكن يوصفو هاد القصة، التصنيفات كاتساعد بشكل كبير فتقسيم القصص وحتى لي كايقلب على قصة من نوع معين كايلقاها بسرعة.. (يمكن اختيار أكثر من تصنيف)
  • كوميدية
  • رومانسية
  • رعب
  • سفالة
  • أكشن
  • خيال
  • بوليسية
  • حزينة
  • تشويق
  • غموض
  • واقعية
  • دراما
السفالة في القصة
كيفاش يمكن نصنفو هاد القصة؟
  • بدون سفالة
  • القليل من السفالة
  • سفالة مفرطة

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.