نوار من بعيد كتقوليه سيييير بعينيها حتى ضار ياسين وهي تجمد ...
المشكيل هنا ماشي غير خوفها من ردة فعل ياسين وحدها وانما حتى الى كبر المشكيل وباها كاين تما غادي يعرف كلشي وهي تموت وباها ميعرفش انها كانت كتعرف دراري وتواعد معاهم في هذاك السن الي هي فيه وغادي طيح من عينيه بحكم كانت عزيزة عليه داخلة سوق راسها ومحتارمة راسها ...
سعيد "شاف فيها وشاف فياسين " : خويا كتجيك شي حاجة ؟
فين الي يجاوبك راه جايك فحال الاعصار هز ايديه ماعطاه حتى فرصة فين يهضر عطاه لكمة لوجه جمع ليه فيها منخر وفم بجهد حتى طاح لارض بفعل تاتير ضربة ونزل ليه بقا يعطيه وينطح هز رجلو قبسو ...
لاخور ماحيلتو لدقة لوجه ماحيلتو لكرش دم منخرو وفمو دايز حتى بقا فايدين ياسين الي ناض من فوق منو صدرو منفوخ ...فاش تتوصل بيه العصبية كيتعماو ليه العينين بزاف وياويل الي جا فطريقو وهذا طبع فيه من صغرو والى حرن على حاجة وخا تنطابق سما مع لارض يبقا مقاتل عليها حتى يشدها ...حتى جا يوسف وفؤاد الي لقاو هذاك مليوح كيقلب فوجهو ...
يوسف : ارسول الله اش هادشي ؟؟؟ مال هذا ...
فؤاد : شنو واقع هنا ؟ "شاف فياسين " ياسين. ؟
ياسين : نوض تگعد عليا من هنا "كيمسح طرف فمو من الكشاكش بصبعو " ...تكاااعد ...
سعيد : معندي فين نوض حتى يجيو البوليس اسيدي اش هاد تعدو على ناس "بغا ينوض ليه تاهو لكن مقدرش باقي دايخ بدق " ...منايضش حتى ندير القانون مع هذا .."كان جاي ليه ياسين يعاودو "
فؤاد "جهد صوته" : ياسييين "شاف فيه بشوفة كان تيديرها ليهم فصغرهم وكيلبدو مكيعاودوهاش معاه " دخل الشومبر يلاه ...
ياسين "بقا يكدد فسنانو وهو يضرب دورة دخل شومبر يقلب على نوار " ...
اما هذاك تحدر عندو فؤاد عطاه جوج كلمات وهو ينوض تحرك من تما خلاه يدير الي عجبو يدعيه يدير شنو مابغا مهم يقصرو شر قبل متجي المريضة الي دابا جايبينها فسانسور ..حتى خرجوها منو
خرج هو وياه باش يشوفوها وفطريقو سولو مالو مع هذاك مقاليه تا حاجة من الي عرف حدو قاليه قلب على خلا عشتو وعطيتها ليه ..عارف ياسين مكيوصلش ويعطي لواحد الى مجبدو او لقاه ديجا على سبة ...
ياسين : شي واحد مجرد يتبسل ليا على عرضي وشرفي يحسب راسو عند ربي ...فين هي دابا ؟؟؟لاش طافياه مافهمتش ...
يوسف : من خيبها قاعدة فيها ...ماتكونش تخلعات ؟ كانت حاضرة ...
ياسين "تنهد وغمض عينيه زعما مع الاسف حضرات " ...
يوسف : صاااافي انا الي عارفها ...كنت غا كنوضها انا ومها كلقاوها غبرات عليها لارض ..هالي مبغيت ...
اش نقوليكم قلبو عليها الكلينيك كلو ضاروه بعدا غير هما بزوج ويعيطو والو تيليفون طافي ...طلعو لفوق لا تكون جات والو حتى لقاو يسرى تما وفؤاد تاهو ولا خرج معاهم يقلب عيطو لفيلا لا تكون جات راسها مجاتش ...والفجر بغا ياذن وفين هي. ؟؟
خلاو يامنة معاها الفرملية ومشاو يقلبو عليها مكايناش ولاو طلعو عند يامنة وبقا هو يقلب ويوسف بقا واقف عند باب الجناح الي فيه شومبر يامنة لا تجي حتى هو قلبو بالغرف الي فيه قلبهم سول والو غبرات عليها لارض ...جا ايساف وعلي والحبيب طلعو عند يامنة شافوها وعرفو بالي وقع ...ومشاو تاهما يقلبو معاه حتى بدا يتعصب من بعد ما نفس عصبيتو شوي فهذاك رجع تاني يتنيرفا بتقلاب عليها ....
ياسين : ولاااااااااش طافية الخرااااا ...
علي : اتهدن راه معندها فين تمشي ...
ياسين : وعلاش مالقيناهاش ؟؟؟؟
ايساف : هكا كدير هي الى خافت ولا الى كان غوات ولا شي حاجة كتهرب وتخبا ...
ياسين : فين ممكن تكون كتخبا ؟؟؟ واااعباد الله مرتي ماعارفها كيدايرة ...
تم جاي محمد الحبيب من جردة ...حتى هو قلب معاهم حتى وقف عليهم كيلهث ...
م.الحبيب : وتقووول برات عليها لارض ...رجعت ريما لعادتها القديمة ...
ايساف : دابا لقاوها تحت شي ناموسية ...اجي عيط لخالة توصي سيكيريتي يقلبو فلي شومبر الي ميقدرش يدخل ليهم شي حد من غير اطار طبي ...هي كدخل حيث عارفينها بنت يسرى مكيهضر معاها حد ....
داكشي الي كان توزعو هنا وهنا كل واحد مشا يقلب عليها ...يسرى كلفات سيكيريتي الي تما حتى هما يقلبو ...والو برات عليها لارض فين زادت ؟ الله اعلم ...
واحد شوي حتى كيسمع تزعزيع تحت سرير الي ناعسة فيه يامنة ...كتشوف فيه وتحرك فشفارها وهو كيشوف فيها كتشير ليه بعينيها لتحت منها ...
فؤاد "عقد حجبانو " : شنو لتحت. ؟؟
هبط راسو تحت من سريرها وهي تبان ليه مع سرير عالي واوطوماتيك على حسب التحكم بحركات النوم او الاستلقاء ...جامعة رجليها عندها شاف فيها وهي ترمش فيه ...عينيه حمرين باكية بجهد ...من خوفها الي وقع قالت راه غايخلطوني بزوج ولا يعرف باها بعلاقتها بسعيد هي الي زادت على ما بيها ...
فؤاد : نوار !!!
نوار : عمو فؤاااد "دلات شنايفها "
فؤاد : خرجي خرجي من تما بعدا ...شنو وصلك هنا ؟؟ مد ليها ايدو خرجات من تحت ناموسية جابت ليامنة ضحك حتى ضورات وجهها حيث حسات بيها وفاش كانت داخلة وهي فوق البياص قشعتها ...
فؤاد "خرجها وهي تخشا فيه " : شش ماوقع باس ابنتي ...شنو هاد الحالة مخلياهم قالبين دنيا عليك ؟
فؤاد : ماهي برجلة ياسين يمد عليك ايدو ما هي بخصايل فيه يمد ايدو على امراة ويمدها على عرضه ومرته ؟ ..."جبد تيليفون عيط ليهم وهي تكمش فيه زاد عنقها عندو كيطمنها ماتخافش " ..
نوار : بابا بابا ...
فؤاد : باك معندو ميدير ليك راكي مرت راجل دابا هو الي مسؤل عليك ...تهدني بنتي ...
واحد شوي حتى دقو فالباب هي طاح منها نص وخشات وجهها في حضن فؤاد ...ساعاك دخل ايساف وعلي والحبيب وولاد الهم عارفينها بغات تموت بالخلعة كملو عليها كل واحد كيهز ليها حجبانو بطريقة كضحك زعما كحلتيها هههه ...
علي"ضاصرين قدام فؤاد عارفهم فيهم طنز ما قاطعها فيهم " : ناري ناري باك شيباني
ايساف : مك الحلوفة "خنزر فيه فؤاد " اا سمحي ليا الخالة يسرى اتنضحك ...
علي : مشاو يوصيو مالين لامورگ (جناح الموتى ) يوجدو واحد البلاصة خخخخ
شبعو فيها طنز والي هربات بسبابهم لقاوهم فجيهة لاخرا داكشي باش تعطلو عاد جاو ...قرب يصبح الحال وريگاطة ناضت فداك الكلينيك عاد دخلات يسرى هي لولة خنزرات فيها كانت غاتعطيها غا شاف فيها فؤاد باش تسكت ...اما لالة ومالي بقات منخششة في فؤاد ...حتى جا يوسف ووراه ياسين الي داخل وحجبانو راسمين حداش ...ما دوا ما تكلم شافها ودور عينيه جيهة مو مشا لعندها ...
نوار : بقات حاضياه بنص عين ...
يوسف : دابا نتفاهمو ابنتي من بعد ...
فؤاد : يوسف !!! براجلها ولا لا ؟
يوسف : كون دارت اعتبار ليه مادير هاد الحالة خويا ...دارت راجل وباقي فتبرهيشها ؟؟
فؤاد "بصوت غليض وخااتر " : يووسف ..
يوسف "هز ايديه " : ساعة الله ...
ياسين "تحنى عند ميمتو " : الحنانة شوية ؟؟
يامنة : امممم ...
يسرى : ماخاصهاش اولدي تكتر الهضرة شوية على الفتحة ...
فؤاد "حلفت نوار لا هي تبعد منو " : ديري ليها شي حاجة خاصها تنعس لا ؟
يسرى : هاني درت ليها مهدئ شوي وتنعس ...غير سيرو صباح ورجعو مخاصهاش قوة الهضرة عند راسها ...
ياسين "باس ليها راسها " : تهلاي فراسك صباح انا عندك ..."باسها وتم غادي " الوليد تبقى هنا ؟
فؤاد : سير دي مرتك وتهدن "خنزر فيه " ويااك ...
ياسين "وخا تعصب مقالوش ليه مكيقدرش يضور فيهم حدو كيغضب باش ينهض فيهم مكيقدرش وفؤاد عارفو مزال مقلق وعاطيه كامل الحق لان كلشي من تخطيط يامنة مخليه على خاطرو حتى ينفارد هو وياه ويهضر معاه يفسر ليه ..." : صافي الوليد ..
يوسف ؛ نوار يلاه سيري مع راجلك ..
نوار "بقات ترمش فيه وتخطف شوفة فياسين الي مشافش فيها كاع زاد كمل عليها " : و واخا ...
نوار "كون لقات تغززهم بسنانها ما تكره ...خنزرات فيهم ومشات تبعاتو حتى هبطو لتحت ووصلو عند طوموبيل حل سيارة حتى ركبات ومشا هو ركب ...
تكحازت جنب ومرة مرة تحضيه بنص عين حتى تقاد فبلاصتو وبدات طوموبيل تتصوني من لداخل ...
ياسين "كيشوف قدامو " : صايبي سمطة ...
نوار : اا اه واخا "بصوت منخفض " ...قادتها عاد سكتات وهو يكسيري حتى تهزات طوموبيل كانت غاتغوت غمضات عينيها وهو غادي بيها طاير بواحد سرعة قلبها عند فمها ...غادي غادي حتى خرج على ازرو وضرب فطزيق شحال حتى قالت فاي خلا يگزرني ما فيهاش...وماحدو كيطول فطريق ماحد سرعة كتزيد وهي قلبها عند فمها ....
نوار : اه غير هضرة فالفيس ومن بعد ما قدرتش ممولفاش ندير مواعيد اهى ...
ياسين : تعقلي شنو قلت ليك على هاديك ناديا ؟
نوار "غوبشت " : مالها اش جبدنا فيها "
ياسين "هز فيها عينيه " : شنو دابا ؟
نوار : اه اه "كتنخصص" عقلت قلتي ليا معندك ماتعرفي فيها سوا كان بيني وبينها علاقة سوا لا كتبقى ماضي المهم هو دابا والمستقبل الي فات ماشغلنا فيه ...
ياسين : وفي نضرك هادشي كينطابق غير عليا انا ؟؟؟ ماشي عليك ؟
نوار : خفت ...
ياسين : الي كيجعر ويجهل ملتي هو تبرهيش الي كيعصب عدو ربي هو قلة النية والثقة ...واش فنضرك غانضربك ؟ نمد عليك ايدي ابنت الناس ؟ شنو انا فملك الله الي نقوليك ماشغلكش فالماضي ديالي ونتي نحاسبك عليه ؟ اااا ؟ الي صعر ملتي هو راجل يتبسل على مرتي ....حتى نكون ولد العطايا حتى نديرها ...
نوار "الصمت " ...
ياسين "ضرب على صدرو بجهد " : الي زاد ضرني وعصبني هو عارفينك وعارفين طبعك وعارفين كتقلقي واش كديري وانا قدامهم كي الحمار معارف عليك والو ...نوار كوني صريحة معايا وبيني ليا طبعك والخوف حيديه منك حيث الى بقيتي هاكا ما صريحاش والي ضراتك كتكمديعا وتخافي كوني هانية مغانكملوش ابنت عمي ....
نوار : لا لا ...غير ...
ياسين : من بعد من بعد ونهضرو ماعليش مغانقول والو ...بدلي ساعة باخرى احسن ...
طلق سينيال وتسنى واحد سيارة حتى دازت عاد خرج لطريق وقلب ضورة رجع بيها لفيلا ...
رجع بيها لفيلا معاوداتش معاه الهضرة خلاتو على خاطرو حسات براسها فعلا هذا ماشي تصرف انها تخاف منو بهاد درجة والا علاش تزوجاتو ..ياك كانت ديما كتحلم بيه وفوسط احلامها كتقول نتحملو ونبغيه كيف ما هو وفعلا مادام قاليها ماضيه معندو علاقة علاش تاهي تخاف ؟ غيرته عليها بهاديك درجة خلاتها تزيد تبغيه ...انه دمو حامي وسخون على ودها عرضه وشرفو كيتبسلو عليه طبيعي تكون ردة فعله هكاك والا ماشي رجلة يخلي راجل يتبسل عليها ومن الفوق ينطق بكلام الي مخاصوش يقولو لانسانة متزوجة وحداها راجلها ...الى سكت راه ديوتي ومعندوش حس رجولة ولا غيرة على حرمته ..والي زاد ضرها انه قلب عليها دنيا وجهل وهي بقات مخبية مراعاتش كاع لمشاعر ديالو ...والي حسك ليها قلبها وصرها اكثر انه بهاد تصرفات الى متفاهموش مغايبقاوش يكملو فزواجهم وهما من دابا فالمشاكيل وعاد تزوجو مكاملاش حتى سيمانة .....
دخلات لفيلا لداخل اما هو بقا فجردة وجبد كارو متكي على الكرسي وكيخمم فالوضع الي فيه الام ديالو والي جرا وباش خباو عليه كيزيد يتفقص اكثر ويتعصب ويشعل سيجارة تابعة لاخرا ...اما هي طلعات لغرفة ديالهم وجبدات حوايجها ديال دار بلادتهم وتكات فوق ناموسية كتشوف فسقف ومرة مرة ضور بجنب تفكر حتى ناضت لبالكون وطلات عليه لقاتو
مفرق رجليه وحاط عليهم مرافقو داير ايديه على راسو والگارو شاعل كيدوز على شعرو ويكمي ويهز راسو ينفخ ...ما عارف ما يدير ماعارف فين يحط راسو ولا شنو يدير هذا الله ...من طبعو هو شخص صريح معندوش مع الكذوب المعقول ديالو نيشان مكيبغيه حد فالوقت الي ناس بغات النفاق فنفاق ولحيس الكابة هو عندو شن طن وكيبغي كلشي يكون فحالو مكيتحلمش شخص المنافق هو عدوه ...شخص المبرهش فتفكيرو كيعصبو ...على نقشة كيشعل الى درتي هاه ولا هاه ....المعقول ديالو قليل في زمن عم فيه النفاق الي اصبح هو الي خدام وقاضي الغراض ....
بقات هي فايقة وهو كذالك دخلو طراري طلعو يرتاحو ليهم شوي بينما صبح الحال ويرجعو يشوفو يامنة ...حتى صبح الصباح وهي مزال فايقة ناضت طلات عليه لقاتو متكي حاط راسو على الفوطوي ونعس محسش براسو قتلو العيا وتمارة طريق والي داز قواه عيات ...ضارت
ومشات لبسات عليها كاب طويل بكمايمو فالازرق فوق بيجامة شيبية وهزات من الماريو واحد المانطة ديال خيط صغيرة ...خشات رجليها فبانطوفة عادية وخرجات من البيت هبطات كتعرج حاسا بالعيا فرجلها حيث بقات كتمشي بيها غير بصباط عادي نهار كلو وطريق وزيد لاكلينيك ...حتى غاتخرج لقات راوية ونجود فايقين غادين لمطبخ ...
خلاهم ومشات خرجات لعندو لقاتو مشاا حال فمو وصوت شخيرو بالعيا كيتسمع فحال سيمفونية خفيييفة ...غطاتو وقادات ليه الغطا وهي تحيد ليه الكارو من ايدو الي بقا حتى طفا فايدو محسش بيه ...وهي تم غاديا باش توجد ليه فطورو ديال صباح دكة اتاي الي كيبغي هي لولة عاد تفيقو حتى قبطها من ايدها وجرها تلاحت جنبو عنقها ...
مشات كتجري كضحك ومخلياه كيخاصم ويعرعر على ديك رجل الي عاطياها علاش تقلب ...دخلات لكوزينة صاوبات ليه اتاي ومشا هو طلع لفوق حيد حوايجو ودخل يدوش توگض وخرج بدل لبس غير تيشرت بيض وسروال سورفيت عادي ...لبس كلاكيط ديال زنقة نشف شعرو ورجعو لور فيكساه بجيل هز سوارتو وتيليفون وهبط لقاها حاطا ليه اتاي وطفاية حداه ديال الگارو ...اما هي طلعات بدلات حوايجها لبسات غير سورفيت فالگري صيفية ولبسات فوقها كاب فالاسود بلا كمايم حيث من لور ممغطايش قصيرة ...ولبسات
سبرديلة ميديكال ديالها جمعات شعرها اسفنجة مزيان وهزات تيليفونها وهبطات لقات دراري فاقو وهي لحقات عليه جردة غير فطرو وخرج هو وياها عاد تبعوهم دراري وكلشي مشاو يشوفو يامنة كيف صبحات ...يوسف مبقاش هضر معاها مخلي حتى هو حتى تهدا الوقت عاد يدير معاها جلسة بيناتهم يفقهها ويوگضها كيف مغايدير فؤاد مع ياسين وخا عارفو راجل يعول عليه ...
وقت الضهيرة بين الوحدة ديال النهار والثانية ...ركن سيارة بجنب عاقد غوباشتو رجع التغوبيشة والصحكة غابت ...بزز منو جاي بقرار منو خادو باش يبري ذمتو وميضلم حد ؟ او باغي يشد ضد مع راسو ؟ او شنو الهدف من هاد الخطوة ؟ باغي ينتاقم ؟ الله اعلم معاه حتى هو ...دقات عليه شرجم وهو يشوف فيها ورفع حاجبو وشير ليها براسو دوز تركب ...
مشات لجيهة الي حداه حلات الباب عينيها كيشوفو فلارض ...مقذراتش تشوف فيه كل مكتشوف فيه كتفكر العلاقة الي دارو وفين فحال شي اذاة فرغ فيها الكبت ديالو وخواه وضيعها فرشفها من الفوق ...وخا متشردة وخا غلطو كتبقى انسانة حتى هي ...
ايساف "مكيشوفش فيها " : وراقك ؟؟
صفية "بصوت ضعيف " : ه ها هما .."وراتو الملف شدو بنترة كان غايطير ليها ايدها معاه حتى جمعتها كتحك فيها ...قراه لقا وراقها ناضيين ..."
ايساف"حط الملف قدامو وكدد ضفارو باغي يدير بناقص لكن والو كيبرك على راسو باش يبقى عند قراره الي خداه ومن وراه غرض ما " : شوفي نتي ...مدة بسيطة ستة الشهور الى كترنا غادي تاخذي براتك وشي بركة وعطي لخنشوشي تيساع ..."غوت " تفاهمنا ..؟؟
صفية "قفزها حتى حسات بالبكية وجاوبات كترعد مسحات دموعها بطرف كمايمها " : و احم تفاهمنا ...
يله كيف قالتها كسيرا بجهد حتى ضربات ايدها مع قدامها مكانتش دايرة سمطة ...كمدتها وهي تقاد سمطة وكحزات بجنب ...وكسيرا بيها لعند العدول فالمحكمة فين غايسنيو عقد الزواج الي كان غايكون باسم ريم وايساف هاهو ربي كتب المكتاب وغايتكتب باسم صفية وايساف ...
مع شروق شمس يوم اخر قبل ماتحل عينيها كان فؤاد مدد حداها فوق فوطوي كيقرا فالتيليفون داير نضاضرو ديال شوف ماغمضاتش ليه العين طول داك الوقت وهو حداها ماتحركاتش المهدئ لي عطاتها يسرى بقا مغيبها باش تزيد ترتاح اكثر مع الفتحة عاد مزال جديدة ...مرة مرة كينوض يطل عليها ويقلبها ولا كتجي يسرى او وحدة فالممرضات يراقبو حالتها ...حتا شرقات شمس وجاو عندها ...
مجموعين عند راسها طبعا ماشي كلهم فوج بفوج كيدخلو عندها ...
ياسين : كيف صبحتي اليوم ؟
يامنة "كتهضر بشوييي " : الح مد لله ولدي ...
نوار "باستها فراسها وايدها " : خالتو شوية ؟
يامنة : ح نينة ديالي شوية بنتي ...
الحبيب : حنانة صباح الخير ...موگضة زين ديالي ...
يامنة"ابتاسمت " : هههه واشوي بشوي ...
علي : خالتي الفجلة فيقي معانا بغيناك ترگضي تمشي تخطبي ليا ضروري من الحضور ديالك ....
سارة "شافت فيه " : اش من خطبة ؟ اهياتا ...
صهيب : خطبة الجمعة باش يسمع شوية لدين ديالو ...
علي : تي خليني نهضر مع الفجلة ...
يامنة "شادة فمها باش مضحكش بزاف وشادة كرشها من جنب " : هههه عاافاك اولدي كرشي كضرني هههه ...
فؤاد : بشوية عليك ...
الحبيب : تا سكت من ضحك اصحبي ...
نوار واقفة حدا ياسين كيشوفو فيهم ...خرجو من عندها باش يخليوها ترتاح حتى يرجعو ثاني فالعشية وهكا غايبقاو حتى يسمح ليها طبيب باش تخرج من المشفى ...بقا غير يوسف وصهيب والياس ونوار وياسين والحبيب اما الاغلبية مشاو ...
نوار "دارت صبعها في فمها وضارت شافت فياسين الي غمزها باش تمشي معاه " : واخا بابا ...
يوسف "سبقها خرج وهي تبعو حتى خرجو من شومبر بقات تابعاه حتى دخلو سانسور وهي دايرة صبعها في فمها عارفة راسها اش كيتسناها ...حتى خرجو لجردة ديال كلينيك نيشان دازو من قدام يسرى دايرة ايديها فجيوبة طابلية وحاضياهم من شرجم " ...
يوسف "هز ايدو " : بنتي سمعي مني شنو غانقوليك ...غانهضر معاك قبل بصفتي وما غايبغي ليك الخير تاحد كتر من باك ...
نوار "حدرات عينيها " : واخا ...
يوسف : بنتي نتي الصغيرة عندي ونتي نور عينيا نتي وختك مينة ...جابك لينا الله فحال النور نور علينا حياتنا ف واحد الوقت الي ميمتك فقدات الامل انها تولد الولاد في خلقة تامة ...حتى حملات بيك وراكي عارفة شنو وقع كنا خايفين عليك تزادي مريضة ...لكن
ربي كبير جابك كاملة مكمولة وخا مشكيل رجليك هذاك مكيتسماش مشكيل مادمك قادرة تمشي تهضر ضحكي تشوفي تعاملي عادي فرق سنتمترات الي فرجلك ممشكل حتى اشكال فحياتك ...قرة عينينا نتي وختك ...ختك مرزنة راسها وبعقلها ومتبتة منخافش عليها ....الغلط الي درت هو فششتك وانا فرحان بهادشي ...شحال في عمرك ؟ عشرين عام ابنتي ...
ملي وصلتي سن رشد صافي قادرة تحكمي في قراراتك وديري عقلك فما بالك وصلتي لعشرين عام ...والمشكيل ماشي هنا المشكيل انك درتي دارك وتزوجتي يعني مسؤلة على راجل غيري انا ...الي عليا انني كبرتك وربيتك وغاتبقاي نتي هي نتي الي تبدل هو المسؤلية تزادت عندك غذا ولا بعدو غاديري ولادك "كيعبر بايديه جمعهم وحطهم فوق كتفها "
غاتهزيهم هنا على كتافك ابنتي ونتي الي غاتعطيهم الحنان ونتي دابا نوبتك تفششي ولادك وتردي بالك لراجلك ودي وجيبي معاه ...الى هو عصبي فوتي الي تعصبو الى زاد فيه كاينة واحد الحاجة اسمها كل واحد يبدل ساعة باخرى ...
غاتقولي كندافع عليه ؟ اه كندافع عليه فهاد الحالة ابنتي فشوشك هاد المرة ولا تبرهيش ...مخليا دنيا مقربلة عليك وصاقلة هاد القاعدة مدرتيها من سنين هادي ...
نوار : حيث خفتو يضربني ...
يوسف : ياسين يضربك ؟ علاش ؟ ااا وخا عارفو مكيضربش ولكن فهاد الحالة علاش يضربك ؟ نتي الي قلتي لهذاك يتبسل عليك ؟ راجل يشوف مرتو كيتبسلو عليها غايسكت ؟ ديوتي هو ؟ كون سمعتو كون كملت عليه معاه ....
يوسف : زواج اخد ورد ياسين ماشي حيث ولد خويا نتي راكي بنتي فضل ليا منو لكن نجي مع الحق كبر فعيني وكيزيد يكبر قاد على مسؤلية وفايتها لهيه ...ياسين سمعته فدوار وفبلايص اخرى باش كيعاون ناس واصلة الله يرضي عليه ....
وغير هادشي كلو ابنتي الزواج هو هذا تحملي ويتحمل وخودي وعطي وتنازلي ويتنازل عوايد فيك قديمة ممناسباش لحياة زوجية حيديها ...وبدليها بعوايد جديدة وهكا غا تفاهمو ...شفتيه صعر تعصب بدلي ساعة باخرى ولا كوني نتي هي الما الي كيطفي العافية ...تفاهمنا ؟
نوار : تفاهمنا بابا ...
يوسف : اجي بوسي بوك ...
نوار "تلاحت عليه عنقاتو وباستو من حناكو بزوج بقجتهم ليه " : هههههه
يوسف : ينعل مك هاديك تبقيجة تديرها ليا يسرتي ...
نوار : ههههههه ...
يوسف "خبط فخدو " : ويلي ويلي على نص عقل وليت نصح فيها على راجلها ...نوضي تكعدي من وجهي سيري عندو ...
ياسين"سرح ايديه كيتشبح ويتفوه " : عشية خاص شوية ترتاح الوليدة ...جاي با واسامة فطريق باش نجيبوهم معانا ...
نوار : اااه مزيان صافي ...
يوسف : راجع لهيه ؟
ياسين : كنفكر الى خرجت لوليدة نديها لهيه الى تقدر وسمحو ليها تبقا قدامي ...
يوسف : هضرتي مع باك ...
ياسين : مزال حتى تخرج وتهدن الوقت ...
يوسف : الخدمة شنو وقع فيها ...
ياسين : الخدمة نهار لول فالشهر ...الحفلة غادوز ليوم هضرت مع الحاج تفهم الوضع لكن كاين عشا من بعد فاش نمشي تما ...
يوسف : اه ايوى مزيان ...يلاه سيرو نتوما قضيو غراضكم انا غانمشي عند دراري طالعين لفاس لشركة خلينا ايساف مشا وحدو ليوم نشوف معاه واحد سلعة ...
ياسين : خاصكم شي مساعدة ؟
يوسف : لا هاد ساعة مزال غا هو واحد الكليان جاي الشهر الي جاي بغا سلعة كتييرة كيبني فشي مشروع ...
ياسين : فين المشكيل ؟
يوسف : راسل غير نائب عليه مبغاش يبان هو وضروري خاصو يبان حيث طالب سلعة كثيرة وغاتجي من البرازيل خاصو يحضر باش نحسبو ليه حتى ثمن الديوانة ....
ياسين : ديك ساعة عيط ليا قبل نشوفو اش كاين ...
ياسين وخا مكيخدمش معاهم وخدمتو كلها فالفيرما واراضيه والكوري الا انه فالامور المالية وضريبية والمحاسبة كيلجئو ليه حيث دماغ هو فهاد ضومين ودغيا كيلقا ليهم الحل وخا شي مرات كيستغرق ايام باش كيلقاه ....عنق نوار جنب وتحركو بزوج ركبو وزادو لفيلا ....اما
ايساف الي هضر عليه والي عند بالو راه فالشركة خرج فوقيتة الغذا ديك ساعة مشاو المحكمة بعد ساعتين من الزمن ...خذا بيها طريق الرجعة وهي غاديا صاقلة باغا تهضر وما قدراتش ...
صفية : احم ...مم وخا تديني عند ناس ...
ايساف "بدون اي اهتمام " : لا ...
صفية : و فين غانمشي ؟
ايساف "مجاوبهاش خلاها بلاكة " ...لا هي لا هو بزوج بيهم غلطو بزوج بيهم يتحملو مسؤليتهم ...كان بامكانو انه يعطيها فلوس يعاونها شرط انه ميتزوجهاش ...لكن كنبقاو حنا فمجتمع مكيرحمش المراة بصفة عامة ...دارت علاقة غير شرعية هي الي كتسمى زانية راجل معندو تا غلط كيبقى راجل ...
اغتاصبها هي الي زانية ماشي هو ...ديما المجتمع ضالم المراة ومحتاقرها ...وحتى وخا تزوج وطلق كتنقص نضرتهم ليها ...زواجو بيها ما هو الا باش لغرض ما يا غايصلح غلطو عالاقل الى طلقها تسمى مطلقة ماشي مهمشة ويعاونها بمبلغ مادي من الفوق باش يصلح غلطو عند الله ...يا اما انتقام لداكشي
الي دارت ليه ريم يا اما احتاقر نساء ومبقاش قادر يثيق فتا وحدة ومعذور انسانة من ايام ثانوي وهما مخططين لحياتهم زوجية فالاخير طلع معاه القالب وصبع شيء طبيعي ثقته تنقص هذا اذا ما انعدمت ....مشا بيها طريق ازرو مسافة طريق حتى كانو وصلو ليها ودخل لفيلا ديالهم وبلاثا لقا باه وامو جالسين ومعاهم جاد خوه الصغير ....
اساف : سلام عليكم ...
اسلاف : مرحبتين ولدي ...ايش في …جمعتنا …خير ؟
راوية : اشنو هاد جمعة على غفلة ومخليتيني تنطلع لعند يامنة نطل عليها ...
صفية "جايا مكمشة فيايديها مشابكاهم وتتزير عليهم جامعة شعرها وجايا غير بجلابة عادية فالبلومارين ...حتى وقفات حداه حادرة راسها وعينيها فلارض " ...
ايلاف : هاي مو البنت الي ؟؟؟
ايساف : هاي يا بي مرتي على سنة الله ورسوله بعد مدة ما تبقى هون راح تروح لحالها ...
راوية "وقفات ودارت ايدها على فمها " : تزوجتو ؟؟؟
ايساف : واحد المدة غاتبقى هنا شوفي ليها شي بيت ولا شي صالون فين تبقا تبات حتى دوز ستة شهور والله يعاون العونات ...
راوية : وعلاش ستة شهور بالضبط ؟
ايساف : انا الي عارف علاش الوليدة ..."ضرب دورة وخرج ركب فطوموبيلتو وزاد كيبرا حتى تحكو روايد مع لارض خلاهم شي كيشوف فشي " ...
راوية "شافت فيها طلعتها وهبطتها منضرها وهي حادرة عينيها مقادراش تتشوف فيهم وحالتها المادية والعائلية الي عاودو ليها عليها خلاتها تعز عليها وخا مكتعرفهاش " : من يومي با وخويا علموني نآوي ونعاون والي فقلبو شر مول النية كيربح ...
ايلاف"ناض تاهو " : ايش راح نسوي ...
راوية : جاد سير عند خالتي راضية قوليها تدي مريم لبيت الي كان ديالك يوجدوه ...
جلستها حداهم ...ايلاف بقا كيشوف حتى عيا استغفر مولاه وناض من حداهم خرج طلع ليه دم ولدو حطهم قدام هاد الامر وخا هما الي اقتارحو عليه لكن قاليهم هضرة وصدق راجع لهضرتهم مبقاو فهمو معاه والو وحتى مسالة ستة شهور كان ممكن فشهرين يطلقها ولا ثلاثة او سيمانة ويرسلها فحالها وهكا صلح غلط ديالو ...اشنو الهدف الله واعلم ...
راوية : تت لا اله الا الله ...شنو وصلك لهادشي ابنتي علاش ضيعتي راسك وطحتي نتي وياه فهاد المشكيل ...
صفية "كتهضر وفمها كيترعد" : ال احم الي وقع هاديك الليلة عارفاه غلطي انني ماقاومتوش ...خليتو دار ما بغا "نزلو دموعها كيجريو .." الجوع قهرني ضبابة عمات ليا عيني اهى اهى ...الشهوة غلبتني ...وحيث هو كان اهى اهى ...
راوية "عقدت حجبانها " : شنو كان ؟؟
صفية "مسحت دموعها ونطقات منخرها حمرر بالبكا " : كان كيعجبني كان قدامي فحال الحلم ...فحال سندريلا لقات فارس احلامها الي يقدر ينقذها من الفقر وقلة الشي ...قلت فديك اللحضة غير شافني عجبتو يقدر يكون شعور متبادل ...حتى عرفتو سكران وخليتو دار ما بغا ...
"تنهدات وهزات عينيها لسما " الضروف حكمات عليا يجريو عليا من دارنا من بعد موت واليديا وحيث انا بنت …عمي دا كلشي فالورث وجرا عليا ...ونتشرذ نعيش غير فزنقة وناكل من الي كيشيط من زبل والي صدق عليا قابلة بيه ...قلت نمشي نبذل اللمدينة ونخدم ...الي وصلني كان بغا يغتاصبني وتمرمدت قطع ليا حوايجي حتى هربت
الي شاف حوايجي كيخاف وميخدمنيش حتى لقيت راسي جالسة حدا البنك والي جا يعطين درهم عشرة خبز سكار ...المهم صدقة ...بقيت غير بدوك الحوايج والي صدقو عليا والي لقيت فزبل حتى لديك الليلة وقع الي وقع وغير عائلة عاوناتني حتى داوني
لطبيب شحال وانا ناعسة فيه وقع ليا نزيف ف ف فاش دخل عليا اهى اهى ...من تما وهما مهليين فيا فحال ملائكة حطهم الله فطريقي لكن حدهم ولادهم عرفوني كانو غايجريو عليا لكن بقاو معايا بزز حتى عطاهم السي يوسف وعد انه غايجيبني من عندهم ...
ملي غبر جراو عليا ورجعت لعالم تشرد حتى لقاني هو وقاليا نتزوجو ووجدت وعطيتو وراقي ديالي لاكارط والحالة المدنية الي عندي صاوبهم اليوم دغيا و ت زوجنا ...
راوية "بقات ساااهية فيها كتسمع من ناحية عزات عليها من ناحية بقا فيها ولدها واخا عاودات ليها ماعارفة عليها والو وطبيعي ما ترتاحش ليها ..." :تت ...كيعجبك وبنيتي عليه حتى هو امال واحلام ؟
صفية "سكتات مبقات لقات متقول " ...
بقات غير تتشوف وهي تنوض نوضتها وداتها لبيت الي وجدو ليها وراتها دوش وحطو ليها الفوطات طلبات من مريم تطلع لبيت راوية تجبد ليها بيجامة من دياولها وتحطهم ليها فاش تدوش ...
دخلات لدوش الي مجهز كلو لاشاص لافابو بلاصة فين دوش ضاير بيها زاج وخا صغير مقادينو حيث كان ديال جاد من قبل ...عاضا شفايفها وتتشوف فيه وتقلب وتقيص ...
صفية : ايساف تمنيت تشوفيا مراتك وحبيبتك بلاصة هاديك الي كنتي كتجيبها معاك لبنك وشاد ليها فايدها ...فلول كاان حلم نعيش معاك ودابا ولا حقيقة ..."وسط دموعها نطقات ب الم " ...حتى انا واحد النهار كان عندي عائلة ...
وصلو لفيلا مع غايدخلو حتى صونا ليه تيليفون وهو كيسد فطوموبيل ...وقفات حداه حيث شير ليها باش تبقى حداه وهو يجاوب على الاتصال ...
ياسين "الحوار بالانجليزية " : سامويل ...
سامويل : هييي بروو هو ار يو ؟
ياسين : گود … يو ؟
سامويل : ام اوكاي ناو ...
ياسين : what's the problem ?شنو المشكيل ؟
سامويل : نو نو فاين ...But I will be in Morocco next Friday ...لكن غادي نكون فالمغرب جمعة جايا ...
ياسين : گود ...ويلكم ...مزيان مرحبااا ...When the plane takes off, let me know beforehand ...فاش تقلع طيارة علمني قبل ...
سامويل : اوكاي ...
قطع معاه وهو يشد فايد نوار وهزها باسها ليها حتى تمات جايا مينة هازا شكارة فكتفها وصاكها فايدها وتيليفون وكونطاكت فلايد لاخرا شافتهم وهي تضحك ...بقات نوار ضور فعينيها ...
مينة ؛ ماعرفتش لكن قالت بغاتك كاينة شي حفلة بمانسبة نجاحكم عاد تجمعو مع كان اغلبكم مسافر وعاد تافقو قالت ليك الى غاتحضري قوليها ليها ...مهم انا مشيت شوفي هضري معاها ولا شنو غاديري ..."مشات "
ياسين "كيسمع ويشوف فنوار شنو غادير واش غاتشاورو ولا تصرف من راسها " ...
نوار : اااه دايرينها فواحد القاعة ..لكن ..."ضارت عند ياسين وحطات ايدها على صدرو بلا متشعر " ...وخا نحضر معاهم ؟
ياسين "فرح من لداخل انه ولات كدير بحسابو وخاصها تشاور معاه شد ايدها وباسها من وسط " : امتا كاينة ؟
نوار : ماعرفتش حتى نهضر معاها يقدر اخر سيمانة حيث كانو متافقين فاي ويكاند ...
ياسين : غير الگروب ديالكم ؟
نوار : اه وحدو مبغيناش اي كروب اخور يتزاد علينا حيث مكنعرفوهمش بزاف ماشي مندامجين ...
ياسين"شد تيليفونو كيشوف فيه ويهضر " : سوليها الى بعيدة شوي ميمكنش حيث طالعين لهيه اول سيمانة جايا ...جاي عندنا ضيف يقدر تجي معاه مرتو ...
نوار : اه واخا ...واش الي هضرتي معاه دابا ...
ياسين : هو ...
طلعو لفوق مع دخل مشا لدوش حيد حوايجو تقاد مع المراية وجبد طوندوز وبدا يخفف لحيتو من جناب واقف غير ببوكسر كحل ...الحرقة برات ليه بمداومة الدوا نشفات ليه وخا بقا الاقر ديالها ...حتى دقات عليه ...
نوار : را حوايجك حطيتهم ليك ...
ياسين : جيبيهم ليا هنا ...
نوار : اا واخا ..."ضارت هزتهم وهي تدق عليه وحلات الباب مدتهم ليه من عند الباب ...حتى تجبدو ايديها وتجرات لعندو سد الباب والحوايج تلاحو فلارض ...لصقها مع صدرو وهبط ايديه تحت مؤخرتها جمعها بايديه مزيااان ...تم غادي بيها هكاك ملصقها معاه وعينيها تفيكساو عليه حيث صدمها وغفلها وزرب عليها هههههههه
ياسين "قادها مع لافابو وهزها حطها فوقو حيث دايرة بيه رخامة ومسطح عاد لافابو بعيد " : شنو نديرو دابا ؟
نوار : تلبس حوايجك "تترمش "
ياسين : قلتها ليك ؟
نوار : قلتي ليا وجدي ليا منلبس ...
ياسين : مبقيتش بغيت ...
نوار : و و امم "حدرت عينيها متبعة ايديه شنو كيديرو كيحيدو ليها لفوقي .." اممن شنو ...
ياسين "خشا وجهو فعنقها وضور ايديه عليها كيبوس فعنقها ...ببوسات خفااااف كيحط راس شفايفو ويبوس ...خرج لسانو ولحس ليها عنقها حتى غمضات عينيها وهي تعنقو بلا متحس ...ما فيقها غا سوتيان الي حلهم طررراق وهي تخرج عينيها ....
ياسين "شاف فيها تلاح عليها بقبلة دخل فيها لسانو دوزو على قنات الي في فمها لداخل وهو يخرجو عض ليها شنافتها بجهد حتى غوتات وخرج منها دم
عضها في فمها حتى غوتات وخرج ليها دم من شنافتها ...محيدش ليها سوتيان بقاو غير محلولين ...ما حيلتها تشد فيهم وتغطي صدرها ما حيلتها لفمها الي غفلها بديك العضة ...
نوار "حابسة البكية " : ايي علاااش ...انئ..
ياسين : شنو يحساب ليك غاندوز ليك داكشي الي درتي صباح ؟
نوار : راه قلت ليييك مابيني وبينو والو ...
ياسين "هز ايديه على شكل بونية حتى غمضات عينيها يحساب ليها غايضربها ساعاك خبط لبلاكار الي معلق حداها " : شنو جبدنا فداك زا** "مشعرش خصر الهضرة الغيرة تتكلم " ...
نوار : ش شنو ..."كتمسح في فمها "
ياسين : فعايل تبرهيش الي درتي ...
نوار : غيي غير خفت "حدرات راسها " ...
ياسين : انا وحش ؟
نوار : لاااا ...
ياسين : وشنو ؟
نوار : ياسين هههه "خنزر فيها وهي تجمع ضحكة وهضرات هاد المرة بعقل " ...ياسين انا ماشي غير خفت منك ...انا عمري ما حضرت لشي حد كيضرب شي حد كيف كدير …بابا الى وقع مشكيل مع شي حد كيعقل عليه حتى كنمشيو عاد من بعد كيتفاهم معاه ولا كيرسلنا نبعدو حتى يتفاهم معاه وعاد غييير شي جوج مرات عمري حضرت لغوات ديما انا عزيزة عليهم
عمرهم غوتو عليا ولا ضربوني داكشي علاش خفت وحيث كنشوفك ايدك سابقاك كنخاف تفوت فيا ضربة وحيث الي وقع البارح مرضيتش نبان بواحد صورة انني كندير علاقات ...كون تعرف علاش تعرفت علي"سكتات كانت غاتزلق ليها تقول ليه على ود باش نساك ديك ساعة"
ياسين : علاش ؟؟؟ نوار شنو تفاهمنا ؟ صراحة ثم الصراحة والكذوب لا ..."خنزر فيها " وااياك
نوار : تعرفت عليه كنت غير ب بغيت نجرب وصافي
ياسين : شنو تجربي ؟
نوار : غير حب التجربة مراهقة وصافي ولكن مقدرتش داكشي علاش رباني بابا الى كان حلال نتفاهمو الى غير تفلية وباينة من لول نعطي تيساع ومن احسن نشوف قرايتي حتى نامن مستقبلي عاد نشوف داكشي ديك ساعة قاليا تولي عارفة صح من الغلط وتميزي ...
ياسين : وعندو الحق ...ديك ساعة اما دابا انا معاك وحداك وكلشي ديريه معايا اي حاجة عيشيها معايا ...لا الحياة الجنسية لا التصاحيب وداكشي الي حرمو مولانا خارج الحلال ابنت الحلال غايكون معايا انا ...حيث انا راجلك حلالك كلشي جائز معايا ...والي معرفتيهاش انا نعلمها ليك ...تفاهمنا ؟"حدر راسو شاف فيها من تحت "
نوار "جاوبات براسها بنعم " ...
كان يحساب ليها غاتمشي بدات تسد فسوتيان وهو يحبسها بصوته ...
نوار "بقات ترمش طلعات معاها تزنيگة حتى لمنخرها وهي تصرط ريقها " : شنوو ..
ياسين "ما شرحش ليها هبطها وضورها وقفها لصقها معاه وطار عليها لشنايفها كيبوس فيهم ويجرهم يعصرهم بفمو ويحلو حتى كيعاود يجمعهم تاني وهيبط لشفة تحتية كيجرها بفمو حتى كيجبدها وايديه هابطين مع ضهرها وكيزيد يقربها عندو ويتمحكك عليها فصل القبلة خلاها حالا فمها وهبط لعنقها جرو بفمو وبين صدرها لحسو وخدام كيعبز ليها فالمؤخرة وكيمشيو ويجي يتمحكك عليها ويطلع ويهز فيها حتى بعد كيلهث وشد ليها وجهها بين ايديه ...
ياسين : عطيتك من شفايفي ذقتيهم وذقت ليك شهد من شفايفك حتى زدتي حييتي وخليتيني بغيت المزيد ...وفيقتي الي مابغيتو ليك يفيق هاد ساعة مسايس معاك وشاد ليك الخاطر راني فحالي فحال رجال بغيت من مراتي حقي ونعطيها حقها وبزايد ...تعمري عليا داري وتشاركيني حياتي وتخليني ندگ وتادي فجوفك وندير ساس متين فيه ...
نوار : مافهمتش ...
ياسين : عند التطبيق تفهمي ...هاد ساعة الى فهمتي غاتفهميه مسخ وعند تطبيق حق من حقوقنا بزوج ...نوار عام مااكافياش كل مانشوفك نختلي بيك كنبغي تكون اول ليلة ليك ...
نوار "عضات شنايفها مالقات متقول "
ياسين : ان اهدم الجبل بضفاري اهون من انني نقول لمرتي رحميني ...الى مشيتي لدارك لهيه وجدي راسك والخوف حيديه من بالك وعيشي معايا راكي مرت راجل ...
نوار "فحال فهمت بالي قد ما صبر صبرو غايتقادا ماحدها حداه وجاها من لاخر رغبته فيها كتزيد وتزيذ وهذا من احد الاسباب الي خلاه يتزوج بيها ..."
ياسين "تحنى باسها في فمها وبقا شحااال مطول حتى سد ليها سوتيان ونطق " : خليه يدير طريق من بعد غايعجبك وتقولي هل من مزيد "خبط ليها حناكها بلطف "
يااا الي بهبالها مجهلاني ...تتمشي لدارك لهيه حتاااا نمشيو "شحطها تاني تا قفزت حلت فمها وهو يغفلها شلقمها ونطق وسط فمها بانفاس سخونة " my candy (الحلويات ديالي ) ..."قرصها فروس بزازلها "
نوار : اححح ...ضريتيني ...
ياسين"رفع حاجبو وخرج عينيه بتخنزيرة" : وااايلي ...كتر مني ؟ "شير ليها بصباع سبابة ايديه بزوج… شافت فين شير ...هبطات عينيها لقات تما منفوخ وواقف شافت فيه وهي تخرجهم بغات تضور تخرج صدقات كتجري بلور كون ما غوت عليها كون جابت ربحة هههه "
خرجات من عندو حناكها مزنگين اول مرة كتهبط عينيها جيهة المعلم عندو وتلقاه بهاديك طريقة منفوخ ههههه وزيد كلام الغزل الي كيقوليها فيه او عفوا المسخ الي كان يقوليها فيه خلا وجهها ترتافع حرارته خصوصا انها ماشي مفهماتوش وانما شي فهماتو وشي كدير راسها مفهماتوش ...حالها حال اي بنت اول مرة غاتعيش علاقة بصح لا بل علاقة كاملة فانتظارها ...كيفاش غايتعامل معاها باش غاتحس ؟ غاتعيش معاه اللحضة او غادي تخاف ولا شنو غاتكون علاقتهم الجنسية ؟ ...حاليا كل الي مسيطر
عليها هو الخوف من دخلة اي بصريح العبارة التوعيتة الي غاتوعت باش يخرجو ليها نقيطات دم وتفتض بكارتها واش غايقصحها ولا شنو ؟ هادشي بالصبط وبالتفصيل الي كايروج فعقلها ...مولات النص عقل ....
لبسات حوايجها بالخف قبل ميخرج هاز حوايجو فايديه لقاها بغات تخرج ...
ياسين : فين غاديا ؟
نوار : لبس حوايج برا حيث حوايجي فبيتي لاخور ...
ياسين : تسناي "بقات واقفة حداه حتى لبس حوايجو عاد تم جاي لعندها ووقف تقابل معاها كيهضر " ...اخر مرة نشوفك كتجري بهاديك طريقة ..."جهد صوته " تفاهمنا ؟؟؟
نوار"عضات شنافتها " : واخا تفاهمنا ...
ياسين "تحنى باسها في فمها جيهة لعضة الي بقا فيها دم مجموع " : سيري انا لتحت غانكمي تلقايني تما ...
نوار : اووك ...خرجات تتزرب ..هي راه فالقراية ذكية ايييوى فالمعقول الله يجيب وشي مرات تتبغي دير تابهلالت ا باش تسلك ...تتزرب وعقلها غايب حتى خرجات فيه ...
يوسف "هز حاجبو ومتبت" : سييدك وراجل لالاك ...هضر مقاد وبلا تنفاخ ونقص صوتك ...ولا نوض لوالديك نعطيك علاش تقلب ولينا قد القب قد سطل ؟ ...
ما تحرك يوسف ما والو بقا هكاك جالس عالكرسي حاط رجل على رجل وشاد ستيلو فايديه كيلعب بيه وكيهضر خااتر ...حدو خنزر فيه ...
يوسف : هو اقتراحي ...ايه ومن بعد ؟ شنو درتي ؟
صهيب : قلتي مابغيتيش خليناك على خاطرك نضتي خليتي روينة سيدة فاتحة بنادم كان مخلوع عليها عقلو غايب ومشيتي نتا دغيا طرقتي المسمار وتزوجتيها ...
الياس "عقد فيه حجبانو " : علاش هاد ستة شهور بعدا كاع قلتي والو ...
صهيب : ههههه كونطرا CDD ا خويا معندك ما تسالو قايم بشغالو ...نهار العقد تاع بصح سكر فيه وجاب لينا الربحة الي هادي باش دار العقد تاع بصح الي فلح فيه ....
يوسف : سولناك ؟
ايساف : انا الي عارف ...معندهاش علاش تقلقكم فقط طولت المدة على ودها هي ...
الياس : لا ناوي على شي حاجة تقيصها نتفاهم معاك انا لول ...
يوسف : دير الي دارت تغلط ضبر راسها فوت عليك ضرب حنا عمرنا مدينا ايدينا على عيالاتنا ايه خوتنا يعصيونا ولكن عمرنا ضربناهم مرة وحدة ضربت ميمتك وندمت عليها ...
ايساف "وقف " : كنضن هاديك على ذمتي الشي لاخور ماشي شغلكم فيه الخال راني كبير وقاد براسي ..."خلاهم ومشا خرج كيتنتر"
صهيب : ياك لمك الحمار نهار طحتي عاونوني ودابا مني لراسي ...بليميييييين لا باقي عاودت علونتك وهااا "لحس صبعو وحط فطابلة " عقل عليها ....
يوسف : مشطبة كحلة هادي ...
الياس : خليوه يضبر راسو الي علينا درناه هاهو صحح اش دار المرحلة جايا هو الي مكلف بيها ...
صهيب : لهلا يردو ...
وصلات العشية تقريبا كياذن المغرب ...من بعد ما جابهم من المطار كيف وصلو داهم نيشان لعندها مع دخلة ماعرفو باش تبلاو تصدمو انها كانت صحة سلام حتى ولات دابا فالسرير نجاة من الموت الصبارة الي معمرها شكات هاهي حيدات طرف منها باش نقذو حياتها ...
مصطفى : ياك شوية بنيتي ماكتحسي بوجع صداع ؟
يامنة "ولات تتهضر بشوي " : شوية با شوية حمد لله ...
اسامة "كيبوس ايدها " : بصح ؟ يعني قادرة تجري ؟
يامنة : هههه الله يمسخك اش غانجري ...
اسامة : وراكي باقا صغيرة تمنية وربعين عام الوليدة باقي عاد قالت بسم الله ...
يامنة : ههههه ياك ...
نوار : مضحكهاش راه كضرها الفتحة ...
اسامة "بان ليه ياسين خارج مع فؤاد هبطو لتحت جردة وضار شاف فيها وعيبها" : ننننا نااا...اجي تعلمتي لمسمن والملوي ...
يامنة : هههههه لا لا كتعرف اولدي علمتها انا راسي شحال من حاجة ...
اسامة : زعما تقدر تجيب فحال طيابك ؟؟
يامنة : وحسن كااع هههه ..
اسامة "هز عينيه شاف فيها شحاااال " : وايلي ؟ لا لا لا وتقووووول شهد هو الي فايدين الوليدة ...
مصطفى : ههههه تا ميمتك راه غير الحاجة زينة الله يواليها برحمة الله هي الي علمتها وعاد تعلمت من زهور جارتنا ...شوي بشوي تعلم ...
نوار : والله ا با حتى كنعرف ...
اسامة : هاحنا غارجعو تما وفرجينا حداكتك ...
ياسين "دخل هو وباه وسمعو اخر جملة .." : علاش بغيتيها ؟ "عنقها بجنب "
اسامة : اا غير كنضحك زعما راها حادكة وكتعلم ...
ياسين : ماعليش الي معرفت ليها تعلمها ...
فؤاد "تحنى عند يامنة وهضر " : غزالي شوية دابا ؟
يامنة : الحمد لله شوية "كمشات ليه فايدو " ..
شوي حتى دخل طبيب الي دار ليها الجراحة ..طلب منهم يخرجو الا فؤاد بقا معاها ...راقب حالتها وشاف جرحة من بعد ما كلف فرملية تسوانيها ليها ...
طبيب : كلشي مزيان الحمد لله ...كيف هضرت معاك سي فؤاد الاسبوع جاي تقدر تبدا مع المختص الي قلت ليك على المرارة غير مسالة دوا والوقت وتولي مزيانة اما من ناحية شي مشكيل معندك مناش تخاف ...
فؤاد : الحمد لله ...امتا تخرج ؟
طبيب : فوت غذا وبعدو صباح تخرج ان شاء الله ...
يامنة : وخا نسولك واش نقدر نضرب طريق ؟
فؤاد "شاف فيها " : كيفاش ؟
طبيب : شنو بغيتي تمشي لشي بلاصة بعيدة ؟
يامنة : ولدي عايش فمراكش بغيت نبقى عندو ...
طبيب : الى مرتاحة عندو ماشي مشكيل خاص تردي لبال طريق على ود الفتحة وصافي ا مدام رمسيس ...
فؤاد : كلشي مزيان نردو البال غير تبقى مرتاحة ..."ابتاسم ليهم طبيب وخرج خلاه كيسول فيها " ...علاش ؟
يامنة : عارفاه غايتبرزط عليا وغايتشطن يبقى من خدمتو لهنا طريق وعندو مشاكل فالفيرما وغايخدم خليني نبقى معاه حتى نبرا ونرجعو فحالنا ...
فؤاد "باس ليها راسها " : بهادي غلبتيني اعمارتي هناي من هاد ناحية غير رتاحي ...
تتوالى الساعات والاحداث ...كيمر الوقت وصحتها كتزيد تحسن مع مرور الساعات ...قاليه فؤاد برغبة يامنة حس بقلبه فرفر وروحه رجعات انه كان هو هاز لهم لا تولي ماتبغيش تجي معاه لكن من الي جا القرار منها ف غاتكون بحالة جيدة وخي قدام عينيه وغايجمع عائلته جنبو وخا غير مؤقتا ...اما واحد ايساف ملي حط ليهم هاديك مابقا كيجي لدار حتى كينعسو يومين وهو كيبقا غايب غير كايشوفش وجهها ...هاد المرة مشا لفيلا ديال جدو حيث كانو مجموعين تما بحكم يامنة غاتخرج الغذ ليه وتمشي نيشان لدار ياسين ...دخل لقا دراري ورجال جالسين فجردة الا فؤاد مع يامنة طبعا ...
اشرف : ههههخ كان كيبان قبل ضحوكي ودرويش دابا تنشوفيه واحد الممثل نسيت سميتو مهم تيضرب العيالات وقتال فحال هك "ماتهنى اشرف تا جاتو دقة بواحد سربيتة لوجه " ...
ايساف"خنزر فيه " : غانبدا بيك نتا لول وماسكتي ...
ياسين : باقي كنتسنى ...
ايساف : الي قلت هو لي كاين اخويا ...
ياسين "هز صبعو قدامو " : دابا هي مرتك حلالك "وقفو بايدو ✋🏻" انا كنهضر ولا لا ؟ ...صححتي غلاطك عقدتي عليها تال هنا مزيان ...شي حاجة من وراها لا انا لا خوالك لا كلشي واليديك ماشغلنا فيك ...نتا دابا راجل قاد براسك ...نتا وضميرك وشوف نتا اش ناوي
الي عليا بينت ليك هاديك بنت الناس لولة ما من نصيبكش وشوف اش كانت ناوية وفين وصلات ويعلم بيها الله تاهي ...الى عينك فشي حاجة اخرى منك راسك هنا حدنا معاك الباقي عليك " ناض " مبروك مادرتي ...
يوسف : جلس تعشا فين غادي بعدا ...
ياسين : انا راجع
خلاهم معاه عطاه جوج كلمات مفيدين وفنفس الوقت ميساج ليه وهو وراسو كيبقى هو فالاول والاخير هو صاحب قراراته وهو مسؤل عليهم ...طلع لبيت لفوق دخل حط تيليفون يتشارجا قلب عليها عرفها فبيتها لول ...دخل لقاها واقفة قدام الماريو كتجمع فحوايجها الي غايخصوها ثاني ...بتيشرت طويل وكولون ....حتى جاها من لور وخشا ايديه بزوج شابكهم عند كرشها ....
ياسين : اااارا ما عندك ..."هز ليها راسها باسها في فمها واحد جوج دقايق وهو كيبوس حتى هبط ايديه لور لقا راسو غايتزير ثاني وهو يبقج ليها شنايفها بجهد حتى مشا راسها وجا ...عاد طلق منها وخرج هز باكية الكارو وبريكة ونزل عندهم جردة ...
بقات هي حتى كملات حوايجها بجميع هزات شنو يخصها من مستحضرات وداكشي الي باقي خاصها ...سدات الفاليز وجراتها داتها لبيتهم حطاتها عند الباب عاد خرجات هبطات عند ماماها الي جات من بيرمانونص ديالها كملاتها ودخلات دوشات ولبسات حوايجها عاد هبطات تلاقاو عند الباب ...
نوار "عنقاتها جنب " : ماميييي ...
يسرى : بنتييييي ...فين مينة ...
نوار : هاهي هابطة كتهضر فتيليفون ...
سارة "جايا داخلة " : غييير رجعو نجلسو فصالون ...
يسرى : علاش ؟
سارة : جا اركان و واحد الولد صحاب ياسين يشوفوه ويباركو ليه سلامة يامنة ...
طلقات منها وطلعات لفوق لقات مينة فطريقها هبطات وهي مشات لبيتهم لقاتو كيتشارجا وكيصوري فنفس الوقت شافتو وهي تلقا اسم elizabeth ...
نوار : شكون هاد اليزابيث ؟ بففف "هزات كتافها " ااتكون غير من الي كان معاهم فجبل كيديرو تريب ..."الغيرة شعلات فيها وتتحاول تنفس على راسها بهاد زوج كلمات باش مطيحش معاه فالمشاكل ....ساعاك والو عاود صونا ...
نوار : تيليفون راجلي يااه عادي الى جاوبت ...
"يلاه بغات تبرك حتى لقاتو جاي طالع كيشوف فيها كتشوف فتيليفون حنحن وهي طير لسما ونزلات ..." ا قلتي ل خالتو سارة نجيب ليك تيليفون ...
ياسين : وشنو المشكيل دابا ..."شد تيليفون من عندها شاف لقا اسم اليزابيث " ..
نوار : "كتدخل فخصلات شعرها وتحيدهم من فمها " : احم ...شك كون هادي ...
ياسين "هز عينيه فيها " مرات هذاك الي هضر معايا البارح ...
نوار : علاش عيطات بزاف ل انا مقلبتش غي فاش حيدتو من شارج بان ليا صونات اكثر من عشرة لمرات ....
ياسين : جاوبتيها ؟
نوار : الا ...
ياسين : مزيان ماعليش ..."ضار هنا وهنا وهو يدفعها لبيتها كان حداهم غادي دافعها وسد البيت برجليه حتى لاحها فوق ناموسية وطلع فوق منها مكالي بايديه ..." حسبيت شحال عيطات كااع ...
نوار : الااا غي طلع ليا ..
ياسين : شنوو ما غرتيش ؟
نوار "دارت صبعها في فمها وهي ضحك " :هههه
ياسين : شنو ؟؟
نوار : وااالو ...
ياسين "هبط ايدو وكيشوف فيها هز تيسرت وخشاها طلعها بشويييي بصباعو كيتحركو فوق كرشها ويسرح كيف ايدو حتى يدوز على كرشها بحركات بطيييئة ويخلي صبعو يستقر على صرتها يدوز عليها حتى دخلات كرشها وخرجات عاد طلع لصدرها وحط ثبعو فالخط بين ثدي وثدي وطلعو بشويييي حتى غمضات عينها وهو يحتيها عليها بقرصة وهي تغوت ...وناض من فوق منها ..." : هاهي غاتجي نهار جمعة وتشوفيها ...
نوار "كتحك القرصة " : اييي ...غايبقاو بزاف ...
ياسين : على حسب عطلتهم "كيبقشش فتيليفون " ...
نوار : صافي واخا ان شاء الله ...
ياسين "شافها وقفات طلعها وهبطها " : هذا الي لابسة نزلتي بيه "خنزر فيها " ...
نوار : ااا ؟ اه ..
ياسين : عاجبك هكا مزير عليك ؟ شافوك لابساه ؟
نوار : مزال يلاه هبطت مع ماما وهي ترسلني سارة نجيب ليك تيليفون ...
ياسين : كون شافوك بيه ؟ كون جا اركان وعصام ولقااوك لابساه ؟؟؟ شنو انا رعواني "بغات تهضر وهو يغوت بجهد تا قفزات ولات ترعد " ...طيري بدلي عليا الخراااااا ...
ما عاودتش الهضرة مشا وجهها مزنگ ماحيلتها القرصة ما حيلتها لغوتة الي غوت دار فيها بوتفتاف مشات تجري لماريو هزات منو بيجامة طويلة قطن ومع نص كم لبسات فوقها كاب قطن طويل حتى سكاناها عاد خرج هو هبط وهي نزلات عندهم لتحت صالون لقات راوية حتى هي جات وهاد المرة جابت معاها شيف جديد وعنصر جديد انضاف للعائلة ....
نوار : عمييتو "مشات سلمات عليها وسلمات على صفية الي جالسة وحادرة عينيها " ...
راوية "شافتها كتشوف فيها " : هادي صفية احم م احم مرات ايساف ابنتي ..
نوار "ابتاسمت ليها " : متشرفين مرحبا بيك ...
صفية "بصوت منخفض " : ربي يخليك ...
ماجات تهضر حتى دخل عليهم ايساف كي رعدة لقا مو جابتها غزز سنانو بغا ياكلهم ...ماشافهاش فاش جات حتى وصلاتو الخبار بالي جات وجابتها معاها ...
ايساف "غوت عليها واول مرة كيديرها " : ماااا تجيبيهااااش ماشي شغلك فيها خليها فدار معندها ماتخشا هنا معانا مدة عندها وتقاااااود علياااا "ماحس حتى جاتو طرشة لحنك حتى وقفو كلهم ونوار دارت ايدها على فمها "
ياسين"دخل حيث سمعو صوت غواتو " : شنو واقع هنا ؟؟؟
حتى جاتو طرشة ضورات ليه الوجه ديك جيه وتصورو صباعها في حنكو عمر راوية ضربات ولادها حتى مدات ايدها عليه ...صفية جراتها مينة خشاتها فيها حيث خافت لا يدوز ليها مع طرشة صعراتو ...
راوية : الي يخصر الهضرة قدام واليديه قليل تربية والى مربيتكش نعاودك وخا قدك قد شحط ...غبر عليا وجهك من هنا "غوتات عليه " غااااابر عليا كمارتك ...
ايساف : واخااا "معاودهاش طار من حداها وخرج ركب فسيارته خلا يوسف وصهيب تاهما دخلو والياس بقا مع اركان وعصام واشرف عارفين اش واقع متحركوش ...حتى كسيرا وتسمع صوت راويد تحكو بجهد فلارض خلاو الحموم ...
ياسين : راوية اجي معايا لمكتب ...
راوية "عوجات راسها حتى نزلو دموعها " : ولدي غير خليني ...
ياسين : رااوية اجي معايا ماعليش ...
جرها وعنقها بجنب باس ليها راسها وداها معاه لمكتب ...باش يهضر معاها اما صفية دموعها محبسوش حتى ولات تنخصص عزات على نوار ومينة …
نجود : لا حول ولا قوة الا بالله ...نوار بنتي عطيها الما تشرب عطيها ...
نوار "مشات خوات ليها كاس الما شداتو من عندها مينة الي كانت مخشية فيها وكتنخصص "
مينة : هاكي ختي سكتي من البكا عافاك ...كل مشكيل وليه حل ...
صفية : اهى اهى قلت ليها منمشيش مبغيتش ن جب نجبد مشاكيل ومبغاتش وحشمت منها ...اهى اهى اهى اهى ...
نجود : هادشي عادي يوقع هاكا عولي عليها الى جينا لواقع ابنيتي ...وتاهو عقلو ماكاينش وترفع مابقى يحشم من مو كون سمعو باه ليلتو كحلة جاب الله خرج ...
مينة "كدوز ليها على ضهرها" : شش ماعليش غير صبري دابا يفرج الله ...مرحبا بيك معانا والى ضراتك شي حاجة كاينة انا وكاينة نوار ماما خالتو نجوى هاهي وسارة ...وحتى عميتو راوية راه قلبها كبير ...
صفية : اهى اهى اصلا هي الي واقفة معايا ...
مينة : ماعليش صبري حتى يفرج الله ...
بقات نوار جالسة طاوية رجلها جالسة عليها ورجل الي عرجة منها مسرحاها ودايرة ايدها على خدها عينيها غرغرو وهي كتشوف فيها حيث عرفات قصتها ...واحد نص ساعة حتى جات راوية من عند ياسين ...عينيها منفوخين بالبكا مسحاتهم ودخلات جلسات حدا صفية شافت فيها نجود وهي تغمزها باش تهدن حركات ليها راسها وتنهدات ...
تحط العشا لرجال فجردة والعيالات طبعا فصالون ...تجمعو على طابلة من بعد ما عيطو ليامنة سولو فيها على امل صباح تخرج بسلامة ...كملو لعشا وحطو صينية اتاي ...
مينة : معاش غاتمشيو ؟
نوار : صباح بكرييي قبل متخرج خالتو يامنة ...
مينة : اسامة وصلو ؟
نوار : اه وصلو قبيييلة ..."تسمع صوت ميساج من تيليفون نوار ...لقاتو ميساج من ياسين ( انا غادي مع اركان وعصام ...طلعي لبيت ورتاحي حتى نجي متنعسيش مغاديش نتعطل ...
نوار : واخا ...
ياسين : بغيتي شي حاجة نجيبها ليك معايا ؟
نوار : لا لا واش غايجي ايساف هنا ؟ حيث عميتو بايتة هي ومرت ايساف ...
يسرى : ماما الحداش هادي ديال ليل ونتوما غاتمشيو فربعة صباح على ما قلتي ليا ...يلاه ترتاحي ...
راوية : سيري باش توجدو ليامنة راه غانجيو حنا كاملين تقريبا تما شي يومين من ورا ما توصل وترتاح ...
يسرى : هانتي اش بغيتي دار كلها راحلة عندك لدارك هههه
نوار : بصح ؟ صافي نوض نمشي نعس ...
الفرحة انه دار غاتجمع عندها في قلبها كبيرة بزاف لدرجة نسات اش كتبات لياسين او نقولو تهدنات ...نوار عمرها خصرات الهضرة لكن باش تكتب ليه هاديك الكلمة راه وخا تكوني تتخصري الهضرة وتقوليها لشخص كتحشمي منو او من غير نوار عامة شخص كتحترميه ممكن انك تغييي ايلم باش تنسا الزلة الكتابية الي درتي ....شربات معاهم اتاي وتمنات ليهم ليلة سعيدة وطلعات لفوق …
نجوى : سارة علي امتا غادي ؟
سارة : مشات عليه طيارة البارح مع مشكيل يامنة ...كان ناوي اصلا يزيد شي ايام فاش كان بغا يمشي عند ياسين لبلاد ووقع الي وقع ...
نجوى : فاش يقطع غانقطعو انا وياه بزوج غاديا راجعة لعند دراري مشكيل وقع ل ريان تما تبرزط معاه غادي نمشي عندهم نبقا تما تايوصل عرس ياسين ونوار ان شاء الله قبل بشي شهر ونجي ...
يسرى : وايلييي ؟ حتى لداك الوقت عاد تجي ؟ والياس ؟
نجوى : الياس مابقاش حمل يمشي تما قهراتو الغربة خلا ريان مكلف ليه وناوي يبقى هنا ...اش غاندير هادو هما دراري تمارتهم وخا كبرو محتاجينا ...وحتى انا بغيت نمشي نكمل ديك فورماسيون الي بديت راهم غايسبقوني فتسجال ...
يسرى : ايوى الله يوفق ...كنت بغيت نمشي على حسب واحد مؤتمر على واحد برودوي عاد تلونصا جديد ديال معالجة العقم والتاخر فالانجاب ولكن اجلوه حتى لديسمبر..
راوية "غاديا " : داكشي الي كتعرفي ديال المزوجين عالله تفقه شوي ديك خراجتك الي والدة راكي عارفاه دابا نوريه ليك ..."خلاتهم وطلعات بصاكها لعندها دقات عليها فبيت ياسين مالقاتها وهي تفكر بالي غاتكون فبيتها دقات وهي دخل لقاتها كتوجد ماتلبس فاش يبغيو يمشيو ...
راوية : وجدتي ؟
نوار ؛ عميتو ...اه هاني غاديا بيهم لبيت ...
راوية : واخا اجي جلسي جبت ليك معايا شي حاجة ..."جلسات هي وياها فوق ناموسية وجبدات من ساكها واحد ساشية باقي مسدودة وعليها سكوتش مغلفة مزيان مكتوبة بالفرنسية "
نوار : شنو هذا عميتو ؟
راوية : هذا ابنت يا مرت ولد خويا ...عاد وصلني الصباح من فرنسا بالكوموند ..."حلاتو وهي تجبد باك ومنهم برودوي اسمو sendex...
حلاتو قدامها وجبدات واحد القرعة ديال برودوي مكتوبة عليه اسم sendex ...ومعاه باك ديال غسول للوجه و كريم ديال الجسم وكريم اليدين وسبراي من vicoria secret...
نوار : الله …هادو ليا ؟
راوية : ااايه هادو من كادو ديال خطوبتك والعقد ديالك ...عاد وصلو الكوموند كتبقى خمسطاش ليوم عاد كتوصلك ونتي وزهرك ...مهم هادو ديال فيكتوريا راكي عارفاهم كل حاجة ولاش وكاين حتى كريم zones sensibles راكي عارفة ...فرنسية منخافش عليك فيها راكي غاتقراي وعارفة امتا كيدارو اكثرية مور دوش بساعة من بعد ما تبردي عاد ديريهم مديريهمش ومذهنيش ومترشيش حتى ريحة حتى يبرد لحمك من سخونية حمام او دوش ...وهذا sendex سمعي ليا شنو غانقوليك عليه ...هذا مطهر ومعطر ومبيض فنفس الوقت ديال منطقة الحميمية يعني توتو ديالك والبلاصة فين كيخرجو الافرازات ...وماحدك مزال مادخلش عليك ومزال بنت غسلي بيه مورا ليغيگل كينقي الوسخ الي كيبقى منها وريحة ...وفاش تولي امراة غسلي بيه جوج مرات فسيمانة صافي من احسن متكتريش الغسيل بيه يوميا ...كيعقم وكيخلي ريحة زوينة تما وكينضف بقايا الافرازات اليومية الي كتبقى وتخلي ريحة وخا نتي تبارك الله عليك نقية فحالتك وفلحمك ...
نوار : انا ديما كنتوضى وكنغسل ...
راوية : مزيان ...راني عارفاك غا هذا مزيان كيعقم وحتى ميخليش الالتهابات والحكة تجيك ومع المدة كيخلي منطقة نقية وميخليهاش تولي غامقة يعني كيبيض مع المدة ...
نوار " كانت كتشوف فيهم وعاضة على شفايفها ديما كتفرحها كتعامل معاهم كانها صاحبتهم ماشي عمتهم والى دارو هاكا ولا هاك عاد كتستعمل سلاح العمة ...حطاتهم حداها وهي تلاح عليها عنقاتها وباستها من حنكها " : شكرا بزاااف عمييتو ...
نوار : منكذبش عليك حتى انا متيقتش فلول وحتى قررت نشوف حياتي القدام خصوصا فاش جا هو كنت كنقول مغايشوفش فيا وانا مجرد بنت عمو فقط ...حيث قبل كنت عايشة على الاحلام حتى بان قدامي وبانت ديك الي جات وعرفت انه يقدر يكون باغي شي وحدة وبديت كنفيق من الواقع حتى صدمني بطلبو بزواج بيا ....
راوية : غير المكتاب ياسين راجل وتاهو ولدي ونتي بنتي مبغيتش العداوة تنوض بين الخوت بسبابكم ولكن ملي ياسين الي بغاك متاكدة انه غايديرك فعينيه وقاد بيك ومن نوع الي مكيشركش حياته الخاصة معامن ما كان حتى واليديه مكيدخلوش فيه ....غير كوني صبارة تانتي معاه ...وقومي بيه ...
راوية : هاد الوقت ابنتي مااا بقاوش الناس الي دارو العقد وعرسهم بعيد كيصبرو ...الى كان عرسك باقي ليه شهر تال شهر ونص ايه مافيها باس يصبر لكن نتي تال صيف جاي عاد ديروه وغايصبر ؟ هادشي ابنتي راه بيناتكم خصوصياتكم انا الي عليا غير نفقهك فحالي فحال ميمتك ونعطيك نصيحة لوجه الله طالما عايشة معاه تحت سقف واحد هاد الشهر الي باقي ليك قبل ماترجعي لقرايتك راه مغايصبرش وفنفس الوقت مغاديش يبزز عليك كلشي بخاطرك وراجل راه راجل طالما ماعطيتيهش حقو وكتعطيه فرصة يتزير من جيهتك غايضطر يمشي لجيهة اخرى والعيالات عليه تما عالجهد لا فدوار لا هنا لا في فاس لا فبرا ...وماتجيش تتبكي وتشكي من الخيانة ...وخا معقول راه فالاول والاخير همو فحجرو ...ونتي تعرفي ....
نوار "دارت ليها طن اخر جملة قال الرجال همهم فحجرهم ...وهي تغوبش " ...
ياااربي تفهم راني توحشت نكتب على صيكص خلاها يوسف هههههههه
بقات تشرح ليها وتفهمها بالتي هي احسن وعطاتها درس من دروس الي كتعطيها وتنصحهم بيها من فاش كانت صغيرة حتى وصلاتها لدرس الزوجية ...هزات هذاكشي الي جابت ليها دارتو ففاليز ديالها وسدات عليهم وهزات حوايجها الي غاتلبس وهي تمشي حطاتهم فبيتها هي وياسين ...ترددات شحااال فالاخير ولات تشجعات وقررات حيدات بيجامة ولبسات وحدة حد ركبة بلا كمايم منها نيت يجي يلقاها باللباس الي كيعجبو عليها وفنفس الوقت تهوى من الخنقة الي كانت لابسة ...ذهنات ايديها بكريم ليلي مرطب وشفايفها تاهما رطباتهم ...عاد هزات لغطا وتخشات ففراشها ...هزات الفون قلبات ساعة لقاتها نصف ساعة دازت بعد منتصف الليل ...دخلات تشوف واش داخل مداخلش ساد الكونيكسيون هو كااع ...ماتمشي لعينها غير لاخر جملة كتبات ليه وهي تخرج عينيها كانت حتى نساتها ...ومشكيل ما بقات اعتاذرت ولا صححتها خلاتها هكاك ههههه
ماعندها كااع زهر هي تتعاود حتى سمعات باب البيت تحل ...محساتش امتا وصلات طوموبيل من برا يمكن كان جا قبل فاش كانت تتهضر مع راوية او مرداتش البال او مسمعاتش ...المهم ماحتال فين تستوعب حتى كان دخل ولقاها شادا تيليفون وعينيها فجيهة الباب كتعضعض فشفافيها وكتشوف فيه ...حناكها كيوزوزو بسخونية ...
نوار : ي ياسيين ..
ياسين "كيتصرف عادي …ماجبدش ليها حس الميساج ويعلم الله شنو تحت راسو وامتا غايجبدو ليها واش غايدير ولا مابغاش يحوجها اكثر ...شكون عرف
" : شنو مزال منعستيش ؟
نوار : هاا ؟ ا لا مزال عاد ناوية ...
ياسين : وشنو سهرك ؟
نوار : غير كانت معايا عميتو وجبدت حوايجي الي غالبس صباح ...
ياسين "كيحل فصدافي القميجة ويحيد فيها ..." : مزياان ...
نوار : عاد جيتي ؟
ياسين : عااد جيت ..."حيد سروال بقا غير ببوكسر ...يحساب ليها غايلبس شي حاجة اخرى ساعاك حط هادوك فسلة ديال وسخ من بعد ما حيد من سروال تيليفون وبزطامو وكونطاكت ...حطهم فوق كومدينو حدا راسها الا تيليفون هزو فايديه ومشا جيهة فين كينعس وتلاح حداها ...
عادل : ههههه عارف عارف غير قلت ليك وصافي حيث عارفك دمك حامي مغاتصبرش ليه وليني متخافش كلشي بايدك نتا مول دعوة ونتا الي قادر تخليه ولا تنازل ليه ...طالما مكاينش اضرار جسدية لحقات لا بيك ولا بالي تما عندك ...
ياسين : دير خدمتك وخليك مني انا ...
قطع معاه وضار شاف فيها لقاها دايرة ايديها تحت حناكها كانت كتشوف فيه كيهضر حتى نعسات ومجابت ليه خبار ...تحنى شلقمها وهي ناعسة حتى ضارت عطاتو بضهر وكوزت ليه ...
ياسين : فاااك ...تت .."قربها من كرشها لعندو حتى عنقها بقا شحال كيفكر شنو تابعو غذا من طريق فيرما وشلا مطارق خاصو يطرقهم ...حياتو ملي جا وهي عامرة بالاحداث وشلا مكيتسناه لا هو لا ديك الي نخششها فيه ...بقا هكاك حتى داتو عينو حتى هو....
بمسافة طريق الي ضربو من الفجرية حتى الثانية بعد الزوال عاد لقاتهم داخلين لبيست الي كتدي لفيرما نيشان ...تعطلو فطريق الفطور والغذا طبعا هو عندو هانية واخا مياكلش ماشي مشكيل كيشدها طريق وحدة لكن هاد المرة معاه شريكة حياتو وجنس لطيف ضعيف ميقدرش يتحمل شنو كيتحمل هو ضروري خاصها تاكل وترتاح ويضربها الهواء من طريق الطويلة ...مسافة طريق حتى دخلو الفيرما لقاو الخدامة فالارض الي قدام الفيلا خدامين يدخلو فالخوخ فصنادق فواحد البيكوب كيشريه الشاري من تما نيشان لسوق ...
نوار "بدات تمطمط " : مم الخووخ ...
ياسين : غاتلقايه فدار لداخل ضروري كيبقى حق الدار عندي وحقوق ماليهم هما لولين ...
نوار : كيفاش حقوق ماليهم ؟
ياسين : الحباب كيوصلهم حقهم جيران المعرفة الي وصاني الخير موجود ولله الحمد ...
نوار : اااه فهمت ...
ياسين : هبطي وطلعي لفوق ترتاحي الي بغيتي ...
نوار : ونتا ؟
ياسين : نسلم على سيد ونجي عندك مزال طالع لمراكش لكوميسارية راكي عارفة شنو كاين ...شنو بغيتيني توحشتيني ؟
ياسين : جايين فطريق ياذن المغرب تكون هي هنا ...خرجو من سيارة وطلعات هي لفوق قبل لقات مصطفى عاد توضى وخارج كيكحب ضاربو البرد وهي تسلم عليه وطلعات دوشات بالخف ولبسات حوايج دار وهي تهبط عاد دخل ياسين عندها ...لقاها فالكوزينة واقفة كتشوف شنو دير ...
ياسين "جاها من لور وضور ايديه على كرشها حتى طلعهم لفوق جيهة صدرها وكمشو بايديه حتى دفعها لصقها مع بوطاجي وخشا وجهو فعنقها كيهضر " : شنو كديري ؟
نوار "قلبها كيولي يضرب فاش كيقرب ليها واحد احساس فشكل متنكرش انه كيرفعها معاه " : ماعرفتش شنو ندير ...بغيت ندير گوتي لعشية قبل ماتجي خالتو يامنة وعمو فؤاد ...
ياسين "باسها فعنقها وضورها عندو … هبط راسو باسها فشفايفها حتى غمضات عينيها ومشات معاه كيلتاهم فيهم ويزيد يضغط عليها يقربها ليه اكثر حتى هبط لعنقها مصمصو ليها حتى تاوهات عاد هز راسو شاف فيها وتنهد كيلهث " : نوار صبر راه تقادا ...يا تزعمي يا نزعمك ...
نوار"جمعات فمها وهي تبتاسم وحدرات راسها حطاتو على صدرو حشمانة " ...
ياسين : ماعليش ماعليش يكون خير هاد المرة … كلشي بالهضرة وزعامة الا داكشي بالخاطر "باس ليها جبهتها وعنكش ليها شعرها وخرج ركب فسيارة وكسيرا خذا طريق مراكش ...اما هي بقات شحال كتفكر وتخمم فالاخير توصلات لقرار هاد مرة متحبسوش وتخليه يتمادا حتى تشوف فين غايوصل والي ليها ليها الاهم تبقى متبعة نصائح راوية وتخلي حالتها وذاتها ديما نقية وعلى استعداد لاي علاقة غاتكون مدامها امراة متزوجة الان...هزات طابلية طويلة لبساتها وجمعات شعرها كعكة لفوق ...دارت يوتيب وختارت شحال من كيك وقبل دارت فالعجانة عجينة لمسمن خدماتها وخلاتها كتعجن فيها
حتى جا اسامة حنحن قبل مايدخل لا تكون ملابساش ولا شي لعبة ...حتى قالت ليه يدخل عاد طل عليها ....
نوار : قاليا المغرب يكونو هنا ...غايكون معاهم حتى الحبيب ...
اسامة : وايلي مرحبااا ...على علمي العائلة كلها جايا هنا...غير شمري على دراعك وبقاي تفيقي مع الفجرية يلاه تعجني ثلاتين خبزة غير لينا امرات خويا ...
نوار : اويلي ؟
اسامة : شنو ؟ يحساب ليك راكي مولات دار هنا شمري على دراعك ياك قلتي حادگة وعلماتك الوليدة ؟
نوار : ايه ...
اسامة : غير تنضحك معاك مالنا رعاوين نخليوك تخدمي علينا ...قضي غير مع راجلك تهلاي فيه وحنا ماتهزي لينا هم ناكلو معاكم للي قسم الله ...
نوار : واخا هكاك راني حادگة انا غانوريك المسمن الي شكيتي فيا عليه ...
اسامة : هههههه لا باينة ..."شاف فالعجانة وهي ضور شافت فيها لقاتها كضور غير على طحين مادارت ليها لا ما لا خميرة لا ملحة لا هم يحزنون علاش طلقتها تدلك ؟ الله واعلم ...مشات تجري طفاتها " كتبي ليا شنو خاصك وخبزي المسمن بينما جبت ليك الخميرة وعاد زيدي عليه الما فطبسيل فاش تحطيه ...
نوار "مالقات ماتقول هذا الله بقات تشوف فيه " :
اسامة : كتبي كتبييييي طلقيني ماحد طوموبيل سالم كاينة ...الله يعطيك غا عقل وماتهربيهش لخويا هذاك هو رباح ...
نوار : والله حتى حادگة غير كتجي كنتمسخ ...
اسامة "سرح ايديه وضحك " : ههههههاااي ربي كيبين الحق ...راه تنقوليهم مكتعرفش مكيتيقوش بيا ..."قيدات ليه شنو بغات وخرج كيضحك عليها عاد مشات دفات الما وزادت شنو خاص وخدمتها من جديد ....
قبل مايجي ياسين كانت وجدات الكيك اربع انواع وحدة بشكلاط وتانية بالگرگاع وتمر وتالتة بالمول العجيب لقاتو تما كاين فاش كتكون يامنة كدير كيكة ديالو ووحدة عاد رداتها فالفران ديال بسبوسة ...المسمن خلات نعيمة الي جات وقفات معاها كتوجد وهي الي وراتها شحال من حاجة امراة فعقدها الخامس طيبة القلب من زمان وهي خدامة عند ياسين عزيز عليها من الي بدا يكبر الفيرما وهي كتطيب ليهم وكلشي ديرو ومعمرو استغنى عليها ...
نوار : انا غانخرج برا حدا شجر لهيه ...
نعيمة : فخبار راجلك ؟
نوار : اه قاليا ماحد باقي الحال مضوي ماشي مشكيل ...غير يدوي العصر رجعي
نعيمة : غايكون قاليك غير على قدام دار ماشي لارض .... واا ردي بالك عنداك تبعدي على هنا ...اليوم الخميس كاين سوق الي هنا فدوار تما دنيا عامرة كيجيو شي رجال جايبين الكسيبة الي بقات ماتباعتش والكاميو ديال البال كيهزو من عندو ...
نعيمة : واكون غا سعفتيني تايكون معاك راجلك راه كاينين شي رجال مزال معارفينكش ومايبغيش مرته تخرج يشوفوها وهو مكاينش الله يرضي عليك راجلك راه واعر وفزعي ايدو سابقاه وتما رجال الكاميويات والبيكوبات خضرين وهراويين (خضرين كيتبسلو وعينيهم غير عالعيالات ) ونتي برانية عاد جديدة هنا عاطية لعين ...
نوار : متخافيش مغانوصلهمش ...
نعيمة : واهداي عليا نتي تعرفي...
حيدات طابلية وهي تطلع لبسات كاب طويل كيتعقد على شكل بينوار ...فوق بيجامة ولبسات بانطوفة ميديكال ديالها هزات تيليفونها دارتو فجيبها وهي تخرج ...بقات سارحة حتى بعدات على باب دار وزااادت حتى دخلات وسط شجيرات تما ...بانت ليها واحد المشيشة ...
نوار : ويييينووو ..."بغات تبعها وهي تبعد هربات " ..تت اجي لهنا ..."بقات تابعاها حتى لقات راسها وسط شجر ديال زيتون ...بان ليها اسامة واقف بعيد مع جدو .." هاا اسامة وبا نمشي معاهم ..."بقات غاديا حتى بغات توصل عليهم لقاتهم ركبو فواحد الكاميو مع واحد ...كتعيط ماسمعها حد بقات كتزرب والو حتى زادو وهي توقف ...ضارت هنا وهنا لقات راسها بعدات بزاف خرجات من الگرياج الي مضورينو على دار ...ووصلات لارض ...
نوار : نااري بعدت ...
بقات واقفة تما كتشوف ...حتى بانو ليها رجال تما واقفين وجاو جوج كاميويات ديال البال ( الي كيهزو تبن والفصة ) ..نزلو منها وقفو مع سالم ...
فهاد اللحضة وصل ياسين من مراكش ونزل من طوموبيل دخل لقا غير نعيمة واقفة حدا الفران كطل على بسبوسة وكتوجد ليها سقوة ديال القطر ...
ياسين : الخالة فين نوار ؟
نعيمة : ولدي خرجات غير قدام الباب شوف لا تكون حدا لفدان الي قدام دار ...
ياسين "عقد غوباشتو " : شنو غايوصلها تما ؟ كاين سوق اليوم ورجال كيجيبو البال والي بقا من الكسيبة ...
نعيمة : راه وصيتها ماتبعدش غاتلقاها غير هنا ...
خلاها فالكوزينة وخرج مخنزر دارت ايدها على حنكها كتولول وكتطلب الله يلقاها غير هنا مابعداتش ولا تكحال من عندو عارف رجال سوق خضرين وباسلين ...خرج مشا لفدان تما مالقاهاش مشا بعد يقلب عليها وكيعيط فتيليفون ريزو مكاينش فيه بغا يطرطق ...اما هي بغات ترجع وهي تلف ضارت هنا وهنا ماعرفات فين تشد مع الفريما مضورين عليها بگرياج مشوك وعليه الضرگ و الشوك ديال نبگ من جيهة لارض هي خرجات عليه وفاتو بقات سارحة وكتشوف ...مغايزغبها الله وهي دوز من حدا واحد جوج جالسين فوق شي حجرات كيكميو ماركيز وقدامهم دكة ديال اتاي ...
هو : وااا عياد تا برگگ ليا فالزين الي جاي ...
عياد "حناكو كي طبل حمرين بشمش وهو كلو مصدي سنانو تقولي عاض فخرية فاش فرنس " : والزين الخنيفري هذا ياربي ...العرابي ...
العرابي : ههههه باينة زين خميسات هما الي بيضات وموردات من دوك الحناك ...يجي معاهم الموزون غايضحك ...
عياد "حرك طاقيتو حتى حك سنطيحتو وشاف فيها " : وااازين ...
نوار : ضارت شافت فيه وخنزرات بغات ضور ...
عياد : ترگدي بالف ؟ ( معناها هي واش تنعسي معايا بالف ريال يعني خمسين درهم هههه والمشكيل ماشي هنا هي مافهمتهاش المصيبة الكحلة هي الفزعي الواعر فالنضرة المعصبة والحادة… الايد السابقة لسانو ...جاتو فالوذنين نيشان مع وقفتو عليها ..." ..
.يوم عامر باحداث جديدة منها الي زوينة ومنها الي عادية ومنها الي سيئة عند البعض ...طبعا الي بدات تضحك ليه دنيا من جديد بعد معانات عاشتها سنين وهي كاتمة حزنها الي حطم ليها قلبها وكسرها وخلاها تضرب على شي حاجة اسمها راجل فحياتها وترجع ثيق فيهم ...ساهية فتفكيرها والخدامة كيمشيو ويجيو قدامها وخدامة كتلعب فسنسلة الي فعنقها وعينيها ساهيين مكيرمشوش كيشوفو فنقطة بعيييدة عميين على شي حاجة اسمها ايد كتشير قدامهم...حتى قاسها فكتفها ...
مينة "حدرات عينيها لايدو الي قاستها في كتفها وهي تهز فيه عينيها خنزرات فيه" : ايييه شنو كدير ؟
رياض" : من قبيلة وانا نعيط ليك وجيت لعندك كنشير ليك مكتشوفيش حتى قستك عاد فقتي من سهوتك ...
مينة : بالي مكانش هنا ...
رياض : وفين سارح ...
مينة : فاش غايهمك ؟
رياض "رفع حاجبو " : فوالو اختي سمحي ليا ...
مينة : ماعليش ...شنو محتاجني دابا ؟
رياض"شاف فيها شحال خاشي ايديه فجيابو ..." : اجي معايا نعرفك على واحد الشخص مهم عندي وحتى هو عندو راي ف شنو بغا يتصايب هنا ...
مينة : شنو خاص كاين شي مشكيل ؟
رياض "مشا قدامها" : تبعيني لجردة برا وغاتعرفي ...
بقات تشوف فيه مشا حتى خرج لجردة وهي تبعو تشوف شكون كاين ...حتى خرجات ولقاتو جالس قدام طابلة وحداه سيدة فعمر الستينات عينيها كبار وعسليين من بعيد كيبانو دايرة شال بيض ولابسة جلابة بيضة وعلى وجهها النور ...
مينة "وقفات قدامهم " : سلام عليكم ...
رياض : عليكم سلام ...جلسي تفضلي ...
مينة "كتشوف فيه وفالمراة الي شافتها وتبسمات " : وي مسيو رياض هاني ...
ماجدة : يحفضك ربي من كل شر ترحب بيك جنة بنتي ونعايمها ...
رياض "حنحن " : الوليدة بغات واحد جيهة هنا ركن فين تصلي ...الى عندك الوقت من ورا هادشي ومعندك مشكيل تقدري تقاديه ليها ودوزيه مع الخدمة ونتفاهمو على الثمن باش مكاين دوزيه مع الحساب ...
مينة : امم ههه "حكات جبهتها " فصراحة من ورا هادشي عندي خدمة ف فيلا واحد دكتور هنا حداكم خدمة كتيييرة وعاد شركة خدات العربون منو ونسقت معاه امتا نبدا ...ولكن ملي ركن الصلاة غاندير تحيز ...يعني غانخصص ليها واحد ساعتين ديال بوز عندي تما ومجي نوقف على خدمته مغادي يطول الى كتر خمس ايام وندير ليها شنو بغات ...
ماجدة : بنتي الى تعدبي بالخدمة هنا ولهيه بلاش ابنتي لهلا يخطيك فحال الى درتيه ...
مينة "قوسات حجبانها فيه " : هههه لهلا يخطيك شكرا ...لا لا معنديش مشكيل وخصوصا شي حاجة فيها الاجر عندي بالفرحات ...
ماجدة : الله يكملك بعقلك ابنتي ...من زويناتك ماشاء الله كدخلي لخاطر ...
مينة : ربي يخليك اخالتي من ذوقك وقلبك طيب "ناضت " احم انا نشوف فين وصلو مهم باقي شي ايام ونكمل الخدمة هنا ..."شافت فرياض" ممكن تجي معايا نعطيك شي حاجة تجيبها ليا مجبتش طوموبيل معايا ...
رياض "ناض وقف " : مرحبا شنو خاص ؟
ماجدة : ديها نتا اولدي تجيب شنو خاصها ...
مينة : بلاش ميحتاجش غير شي حاجة بسيطة ...
رياض : شنو خاص ...
مينة : واحد باگيط فيها جوج ميترو قوليه يقسمها على زوج يعني ميترو ميترو ميعطيكش الي مقسومة يعطيك الي طويلة عاد يقسمها ويجي حتى لحافة يضغط عليها وماشي الي حرشة الي ملسة مهم كتكون مع فايونص الي ذهبي هي تتكون ذهبية ...عرفتيها ؟
رياض "داخ هههه " : شنو هي ؟؟؟
مينة "دارت ايديها على نصها " : اويلي ههههه
رياض : اجي معايا خوديها راسك حسن من هادشي واخا تشرحي ليا مغانعقلش ومغانفهمش ...
مشات قدامو وهي تفكر نسات مذكرة ديالها فوق طابلة ضربات جبهتها وهي ضور بجهد راجعة خرجات ليه فصدرو شدات فيه بايديها كمشات ليه فقميجتو وهي تهز راسها فيه
رياض : اووبس .."بصوت خافت " ...بشوية عليك ...
مينة "بعدات " : مشفتكش ...اش وقع ؟
رياض : هرستي ليا صدري ...
مينة : نعاام ؟ تت "مشات هزات مذكرتها وهي تزيد قدامو سبقاتو " يلاه زيد تبعني دغيا باش منتعطلوش الوقت الوقت ممساعدنيش خاصني نسالي باش نشد خدامي ماليهم كيتسناو وانا كنتعطل هنا ...
رياض : ياااك وا سمحي لينا ...
مينة "بكل برود" : ماعليش هانية ...
فااش تيوصل الامر براجل يتهان فالشرف ديالو او عرضه ولا حرمه فالراجل ديال بصح كيدافع عليه باش ما عطا باي طريقة كانت المهم الطعن او المس بالشرف ديالو ميوصلش ليه ...باش انك تسمع كلمة او جملة كاتقال فحق المراة ديالك قليلة الادب فلو كنتي رعواني او ديوثي ولاابد ما تصرف ...فما بالك لو كان واحد بشخصية ياسين ايدو سابقاه العصبية على نقشة كيفور دمو ...ف كيفاش غايتصرف اذا سمع على مرتو كتساوم فالنعاس كانها عاهرة او بدارجة قحبة عطاية ؟ حاشاكم ولكن مكاينش ما اابشع من هاد الكلمة لانها هي الي قصدو بيها هادوك زوج الي شوف الله واش غايجي من جيهتهم ...
نوار "ضارت لقاتو وراها باش تهضر ركزات هي غير على وجهو الي تبدل وتزير وعروق تنفخو ليه وايديه كمشو على شكل بونية والفك ديالو كيتحرك وهي تهز ايدها كترعد حطاتها على فمها ونطقات بصوت بالكاد كيتسمع " : ي ياسين ..
فينهو ياسين الي يجاوبك عينيه في جنابهم ضلام وقدامهم غير جوج ناس الي شافاوه واحد فيهم بالدعقة حط الكاس وطاح ليه تخوى لاخور لاح الگارو وناض وقف ...
تمات غاديا وكتشوف من وراها فيه وتاهو فاش شافها كتشوف خنزر فيها حتى ضارت مباقتش ضارت تشوفيه ....غاديا ورا سالم وكترعد هي مخافتش منو هو انه يضربها او يعايرها اكثر من انها خايفة شنو غايدير وشنو غايتصرف حيث فاش كيصعر مكيبقاش يشوف شنو قدامو قد ماهو معقول وحنين قد ما هو عنيف ومصعور بجهد ...هذا هو الجانب سيء الي فيه ....
دوك زوج ماحتال يهضرو يقولو ليه سمح لينا ما عزفش عياد شنو داكشي الي كان جايه حدو بان ليه راس تعوج وتهز مع ذقنو هز ليه راسو جا لارض ...لاخور تاهو هز رجلو وهو يركلو وسط كرشو حتى ضارو دوك الشيافر ديال كاميو شافوه وجاو يجريو ويصليو عالنبي ...
ارسول الله ارسول الله ....وا فحم العينين نعل الشيطان اولدي ...اش غايفكو ما يفكو الي قرب ليه يدفعو تا يتلاح مشا لاخور تحدر عليه وهطاه براسو جوج مرات مكزز مكيغوت مكيقول والو غير
كينطح ويعطي فالدق دوك زوج اصلا اش فايدهم ما يضربو غالخواف على خوه ما جاو فين يفهمو كان خلطهم بجوج ...لاخور طحنو عصا خلا وجهو كلو دمايا غا بنطيح فينما جات دقة مشا لعياد مول الكلمة ....
ياسين "لاصق سنانو مع بعضياتهم وجهو كيترعد بالصعرة ...هز حجرة وهو يحطها ليه فوق ديالو وبرك ليه بيها على خصيتيه بجهد حتى غوت لربي الي خلقو " ....
عياد : واااععععععععععععععع لاااا ...وااااربييييييييييي ...عااايشك الميييييمة رحمنييييي "اخيب حاجة هو الراجل يتقصح فدوك الخصيتين بمجرد مكيسمع تهديد بيهم كيكوشر ويتبورش فما بالك يتقاسو ليه ولا يوقع ليهم هاكا اكثر مكان حساس عندهم هو تما ...وتقوووول مرحموش "
حتى جا سالم كيجري ويولول ...بان ليه ياسين القميجة لصقات على ضهرو بالعرق ووجهو حمررر حتى ولا زرق صافي مات عليه ...
سالم : ياسين الله يرضي عليك تهدن ...غا خليهم ليا عار الله سيِّب الحرام ...
والو واش سمعو ولا عرفو شنو قال ...ولا حتى واش جا ...كل مكيغوت هذاك كل مكيزيد يبرك عليه بحجرة حتى ولاو دموعو دايزين ....تا صافي سخف ليه بين ايديه رجال الي تما دارو ايديهم فوق راسهم ...بغاو يفكو حيث عارفين ياسين مكيجيش ويضلم والى فات تا شد شي حد ضلمو مكيعقلش عليه ...ويدخلو بخيط بيض
ساعاك والو حتى سخف هذاك وناض عليه بتقباس يقبس هذا ولاخور حتى جا جدو واسامة كيجريو وصلو ليهم الخبار وهو يغوت جدو عليه بحر جهدو ...
مصطفى : يااااسييييييين وگف (وقف) يلاااااه ...
غير غوت عليه جدو وهو يحيد من فوقهم خلاهم جرتيلة طحنهم وعرف كي طحنهم واحد ايدو تطوات مع ضرب لاحو جا لارض وهي تطوا ليه غاتكون تهرسات لا محالة ...وجهو تبدل ولا زرق وصدرو تنفخ ....
مصطفى : يلاااه تحرك من هنا سير بدل ساعة باخرى ...
ياسين "الصمت " ...
مصطفى : هضرت معااااك يلاااه ...
معاودهاش معاه دفع حجرة برجلو وضار زاد بعد من تما حتى وصل لفيرما ركب فطوموبيل وكسيرا بجهد تاتسمع صوتها من تم ...
مصطفى : دي هادو اسالم لسبيطار شوف كي ديرو ليهم ...
سالم : وخا الحاج ...
اما هي اش دارت غير وصلها سالم لدار وهي دخل وجهها صفر ...لقات نعيمة جالسة تولول وتسنا فيها غير دخلات وهي تلقا ليها ...لقاتها وجهها مبدل وكترعد عرفات الدعوة ماتعجبش مابغاتش تقوليها ياك حدرتك وكدا باش ماتكملش عليها حدها جرتها معاها لكوزينة وجلستها جابت ليها كاس ديال الما عطاتو ليها شداتو كترعد من توتر والخوف وكلشي تخلط عليها ...
نعيمة : تهدني ابنتي غير تهدني مغايدير ليك والو ...
نوار "دموعها واقفين " : والله ما بغيت نبعد راني غير بان ليا اسامة وبا تبعتهم حتى خرجت على كرياج وتلفت ...ننن ...
نعيمة : تهدني ابنتي تهدني ...فين هو ياسين بعدا ...
نوار"هزات صبعها كيفيبري باش توريها" : ب ب رسلني مع سالم وبقا مع دوك جوووج اهى اهى ...والله ما بغيت نوصل رجال راني غير تلفت ...اخر مرة ااخر مرة ...اهى اهى ...
نعيمة : تي شمن رجال ؟ اش وقع ؟ "عاودات ليها شنو طرا وهي دير ايديها فوق راسها باش تهدنها صدقت مكملة عليها ههههه " ...اهيا ربي سلاااامة يگطعهم على قاعدة ديال المسخ كي خضرين يعطيهم راااگد ويلي ويلي مرت راجل يقولو ليها هاكا ...
نعيمة : غير تهدني نتي ابنتي دابا الى بجوج واحد فيكم ينذب ولاخور صاعر ابنتي راه مغاتوصلو فين ...تنفسي وشربي ليك الما باش تعرفي اش ديري ...
نوار : وخا ...اشنو ندير ...
نعيمة "سمعو صوت طوموبيل ديالو طار من تما " : يااربي سلامة ..
نوار "وقفات " : م مالو ااهى ...
نعيمة : احسن مشا يبدل ساعة باخرى الله يرضي عليه ...ونتي وياك يجي وتهضري خليه هو يقول ولا ميقول سكتي ...عگوزتك وشيخك جايين هدنو الوقت ...الله يرضي عليك نتي تعاندي وهو راه مغاتجيبوها لبر يعجبكم ...انا راني ندوي معاك فمقام ميمتك وعارفة ياسين راني نعرفو ملي كان ولد عشر سنين وانا نعرفو حتى سهل عليه الله وجابني هنا عندو قايم بيا وبولادي اليتامى حتى قراو وراهم باقين يقراو فينمت احتاجوه ميرجعمش خايبين الا ويوقف معاهم وعارفاه اش كيسوى ...
نوار : شنو ندير ؟
نعيمة : الى هضر هو سكتي يسولك جاوبي ماتشديش غالعكس معاه راه يطفى قلبي على الي يريحو ومتشعليش العافية راكي عارفة وفاهمة اش قصدت ...
ناضت ديك ساعة دارت شنو قالت ليها طلعات غسلات وجهها حتى تنفسات شوية اما هو ملي ركب زاد لوجهة غير معروفة ...حتى دخل مصطفى واسامة من بعد ما فكو جرا برا ...لقاوها عاد هابطة باقي وجهها مزنگ ...
مصطفى : تي كي طرا ليه ياسين ...
نوار "مدات شنايفها عاد سكتات وهي تبدا تلاحت عليه كتبكي " : اهى اهى ...والله ما قصدت والله ماعرفتهم منوصلهمش غير بنتي ليا نتا واسامة عيطت ليكم وتبعتكم حتى مشيتو جيت بغيت نرجع تلفت ...
اسامة : واش تبيلو عليك ؟؟؟ راه مفهمنا والو لقيناه طحنهم عصا كون ما با يعلم الله فين كان غايوصلهم ...
مصطفى ؛ صافي بنتي ما وقع باس ...فكينا جرة وهاد المرة ماتحركي شاااي من بلاصتك تا يكون معاك راجلك ولا انا ولا لوسك ...مازلتي متعرفي هنا ورجال دوار نص فيهم الكثير خضر الى معرفوكش يضصرو عليك ...
اسامة : دابا سكتي من البكا دابا تجي الحنانة والوليد ما بغيناهمش يعرفو والو ...
نوار "مسحات دموعها باسها مصطفى فراسها وطبطب عليها باش تهدن " : واخا .،.
اسامة "جرها من دراعها وتم غادي بيها بغا يهدن الوقت لان حتى ياسين الى جا وشافها هكاك غايخرا عليها بالغوات اللهم تهدن وهادشي علاش فعلاقة اي طرفين لازم واحد يضحي اكثر من لاخور وواحد يتنازل على لاخور باش تعدل الكفة هادشي علاش فعلاقة نوار وياسين غانستافذو من شحال من حاجة كتمر عليهم لانه علاقتهم للعبرة اكثر من انها للمتعة " : اجي وريني شنو وجدتي اجي
تنهدات وهي تمشي معاه لكوزينة فين وراتو شنو دارو لحقات عليهم نعيمة تاهي بدات تفيض الحليب الي عاد جابوه ليها ...والقهوة كتوجد فيها ونوار بدات توجد فاتاي على حقو وطريقو واسامة فوق راسها ينگر حتى قلبوها ضحك ...عاد سمعو صوت السيارات داخلين ...
اسامة : الحناااناااو ..."مشا يجري خرج تبعو مصطفى حتى بان ليهم سيارة الاسعاف دخلات وسيارة موراها فيها محمد الحبيب وحداه شخص اخور من بعيد ما فرزوهش شكون ولور تاهو عامر ...غير وصلو حلو باب لوراني وهما يهبطوها معاها فؤاد حتى هو نزل سبقها شاف اسامة وهو يضور راسو جيهة لاخرى ...
غير وصلو حلو باب لوراني وهما يهبطوها معاها فؤاد حتى هو نزل سبقها شاف اسامة وهو يضور راسو جيهة لاخرى ...
حتى خرجو من سيارة كل من محمد الحبيب وحداه يسرى تاهي جات ووراهم علي غير خرج تاهو وبدا يفرنس ليك مع راسو ...
نوار : ماااميييي "تلاحت عليها عنقاتها " ...
يسرى : ابشوية ههههه هاني حنينة جيت ...
نوار : كيحساب ليا مجاياش ...
يسرى : غير شي ايام بينما راقبت ليها جرحة تولي شوية ونرجع منخليش باك ومينة وحدهم ...
نوار : كون غير جا ..
يسرى : محمد الحبيب شد كونجي ديالو ديال شهر تمنية وباك عندو خدمة مزيرة تايسالي ويجي ...
"تمو غادين بيها سلم عليها باها ونوار ودخلوها لتحت البيت الي وجدو ليها مفرش مقاد حطوها فوق ناموسية وخرجو زادت الاسعاف فحالها ."
فؤاد "شاف فنوار " : فين ياسين
نوار : اا خارج اعمو ...
فؤاد ؛ وايلي عارف مو جايا وخرج ؟ شنو واقع هنا "كيشوف فيهم من عينيهم قدر يقشع توتر وعرف اشنو كاين " ...الحاج اجي معايا
يامنة : ياك مكاين باس ؟
مصطفى : مكاين والي غير جاتو خدمة وطار لمراكش يشوف اش كاين انا جيت ملقيتوش ...
نوار؛ على علمي عيطو ليه فكوميسارية على داكشي الي وقع ...
خرج مصطفى هو وفؤاد برا ...تقابل معاه وهضر ...
فؤاد : شنو طرا قبل منجيو ؟؟؟
مصطفى "عارفو متفوتوش تاحاجة اضطر يعاود ليه شنو كاين " : مشا يبدل ساعة باخرى كون ما غوت عليه علم الله كون طحنهم ...داهم سالم لسبيتار (سبيطار )...
يامنة غير دخلوها ونوار مافارقاتهاش حسات بيها ماشي تال لهيه حسات بيها مغيرة وما على برجها ...متكية ليها على كتفها حتى هزات ايدها وحطاتها ليها على شعرها كطبطب عليها ...
يامنة : مالكي حنينة ...
نوار: مماليش ...توحشتكم ...
يسرى : توحشتينا عاد البارح كنتي معانا ...نوار مال وجهك ماشي تال لهيه شنو واقع ...
يامنة "ناضت بجهد وهي توعت " : احح ..مال ياسين ؟
نوار : والو ممالوش ...غير خاصم ليوم على شي رجال تبسلو عليا وهو يصعر ...مزال ماجاش ...
يامنة : يسرى !!! يهديك الله كتشوفي فيها كترعد من قبيلة ووجهها هارب منو لون وتكملي عليها ؟
يسرى : حيث كنعرفها الى ما زبلتها ما تهنى ...هضري ...
نوار "عاودات ليها شنو وقع بالتفصيل مكتقدرش تكذب على مها معلمتهاش تكذب تحت اي ضرف كان " ...
يامنة : يعطيهم الويل كي خضرين راني بنتي وصيتك رجال دوار يعطيهم غا سالمة ...وزيد ماعرفوكش مرتو اما ميشوفوش فيك تا شوفة كنتي تسناي تتمشي معاه ...وليني ماعليش هادي تعلم غا هو سكتي متهضريييش وتجاحدي معاه ...
يسرى : الى هضرات غير يزيد عليها نييييت يعطيهم ليها مكاين الي يهضر معاه ...يعطيك غالويل ابنتي ...دابا غا سكتي متهضري ما تكلمي دابا يتهدن وتفاهمو بيناتكم سمعتيني بيناتكم وياك دخلي شي حد يفكك خليك منك ليه ...
تنهدات نوار وحدرات راسها مبقات لقات ماتقول شادا تيليفون بين ايديها قلبها تكمش ماتنكرش انه بقا فيها ااه بقا فيها راجل يساومو ليه مرتو ويسمعها راه فوق اهانة كبيرة ليه ...كتفكر الخاطر الي كيشد ليها كتشوف كيفاش كيطحن عباد الله حتى من ناديا دگها عصا على ما شرحو ليها وهي كيجي قدامها وكيتهذن على ودها وشوف شنو كدير ليه
واش مزال كتعود على انها تدير عقلها وتنضج باش تحمل المسؤلية لان فحياتها قبل متزوج كان كلشي موفر ليها والي خرج عليها انه غير كانت تقول اي كتلقا كلشي قدامها كيسولها مالك مكيخليوهاش تنفنف ولا ضرها شي حاجة محبوبة بزاف ومفششة لدرجة الفشوش خرج عليها ...نسات راسها وهي تنطق بصوت من تفكيرها مسموع ...
يامنة : الله يا حنينة وعلاش ؟ اجي عندي "تكاتها عليها...بغات تهضر يسرى وهي تغمزها يامنة " ...بنتي راه زواج فيه مشاكيل وهاد المشاكيل هما الي كيخليوك تعلمي وتنضجي ومن كل خطأ. كتعلمي ...مغاديش تجي وتكوني ناضجة وفاهمة من الحطة والحيل ...المشاكيل هي الي كتخلينا نتحملو مسؤلية اش عرفك نتي عاد قلتي بسم الله ...كوني غير تسمعي ومعندك مناش تقلقي ....
بقات تهضر معاها حتى تهدنات وسكتات حتى دخل الحبيب وعلي بزوج عند الباب واحد يدخل فلاخور ...
الحبيب "قهرو ههه " : تا غا لاصق ليا فحلاقمي خليني ندخل خليييني لا نخبط موك تا ضور ...
علي : خليني نشوف مرت خوك قالو ليا هي الي وجدت البسبوسة ريحتها تعطي ...
محمد الحبيب "ضار شاف فيه كون لقا ينطحو ميكرهش " : اجي سير لدار جدك را غير حدا دار هنا سير سول فجداك وجدك امسخوط سيييير ...
علي : لا تناكل البسبوسة ...
اسامة : غا تهنى الى مالقيتيها سقاتها بكولا سبيسيال ههههخخ كلشي ممكن ..."بغات تهضر نوار وهو يتحلف عليها بفمو " تهضري نفرش حسك ...
بقاو يهضرو ويضحكو عند راس يامنة حتى دخل فؤاد والحاج بزوج خرجو لصالون فين حطات ليهم نعيمة ونوار الگوتي كاملين حتى خرجات يامنة كتعكز شادها فؤاد غادي بيها بشوي وشادة جنبها جيهة الفتحة بشوية عليها حتى تكاها فبلاصتها قادوها ليها عاد سماو الله فؤاد ما قدرش يبقى استاذن وخرج هز طوموبيل وزاد يشوفو فين كاين وفنفس الوقت طلع لمراكش على ود قضية ياسين نيت الي وقع ليه المشكيل فالفيرما والي باقي تفاصيل ديالو بضبط غانعرفوها شنو هي وكيفاش وقع ليه ...دازت ديك العشية عادية عند البعض ومتوترة من جيهة نوار كتسنى فوقاش يدخل وما دخلش ...حتى وصل العشا تعشاو ووالو ما دخلش ....
الحبيب : يمسخ مك ...سير سير ...اهيا صباح لقاك عند الباب ...
يامنة : فين غادين ...
الحبيب : بغا يشوف البقرة الي تزعط فيها ياسين "شافت فيه نوار " كتغيري من بقرة يا العجلة ...بغا يشوف غالكوري الي مشينا ليه ديك المرة ...
علي : يلاه تلاحو ..."مشا علي خرج لدار جدو اما هما تجمع العشا وتحط اتاي شربوه ووصلات منتصف الليل وباقي سي ياسين مجاش الي زاد من توتر كل من يامنة ونوار بجهد ...
يسرى : غير طلعي وتسنايه لفوق وقت نعاس هذا ابنتي ماعليش دابا تهدى نفوس ...
داكشي الي دارت طلعات الفوق لبيت اول حاجة بدلات حوايجها ولبسات بيجامة خفيفة بلا كمايم جمعات شعرها لفوق وجلسات فوق ناموسية شادة تيليفون وتتقلب لا يدخل والو مدخلش نهائيا ...وصلات جوج
ديال ليل فؤاد رجع قبل على قبل يامنة باش متشوش وماتبقاش بوحدها ...لقاها ناعسة او دايرة راسها ناعسة حس بيها وبقا حداها ...ونوار بقات مرة طل من شرجم مرة تخرج تشوف فالبالكون حتى عيات يلاه غادخل حتى شافت ضو سنا فالحيط ديال بالون وهي ضور بان ليها دخل وبلاصا سيارة خرج منها قميجة محلولة كلها عريان وكمايمو طوايهم ...خرج عينيه حمرين وحجبانو معقودين واحد منضر يخلع ...
دخل نيشان طلع اما هي غي شافت منضر ديالو ولات تجذب بالخلعة كتصرط فريقها تتسنى غيييير يجي يعطيها دقات يقلبوها يرسلها مع هادوك جوج الي طحن فالفدان ...
نوار : ياااربي ياربي سلامة ...
حل الباب بجهد وخبطو سدو وقفات جامدة كتشوف فيه تم جاي جاي وهي راجعة بلور حتى خلاها بلاكة ودخل لدوش ...حيد ديك القميجة وداكشي الي لابس مرشوش بدم ديال دوك جوج وخرج بغا يمشي لماريو يجبد ما يلبس باش يهبط يشوف يامنة حتى حس براسو مشا وجا وكتلة صغيرة معنقاه من كرشو وحطات راسها على كرشو ....
نوار : عاااافاك سمح ليا عاافاك انا غاا هبيلة وخاصني العصا غير متصعرش عاافاك "هزات راسها فيه وهي تبدا ترمش كي المشة ..."...
نور الياسين الجزء 14
محتوى القصة
التنقل بين الأجزاء