وقف بغا يمشي يجبد حوايج ما يلبس حتى تلاحت عليه عنقاتو من كرشو وراسها حدراتو وحطاتو على كرشو كتحكك وجهها بحركة شجاعة منها اول مرة تزعم وتديرها وخا راجلها ولكن كحركة شجاعة منها انها تعنقو وهو كاعي ومعصب ...وهادشي علاش قاليها منين جبتي هاد القوة يمكن حيت زعمات وتشجعات وبادرت هي ...
ياسين "بدون ردة فعل بادية على ملامح ديالو كانو كيف دخل معصب كيف بقاو هكاك " : منين جبتي هاد القوة ؟؟؟
نوار "بقات ترمش فيه وهي لداخل ديالها عالم بيه الله مخلط خلعة وخوف وتوتر وزعامة مخلطة دعوة عندها " : س سمح ليا ...عاافاك ...
ياسين : بدلي ساعة باخرى نوار
نوار : عااف..."نزلو دموعها يجريو " ...
ياسين "هز صبعو حطو على فمو وخنزر فيها " : س ك تييييي من البكا منسمعكش ...
ياسين "مجاوبهاش باقي صدرو وقلبو عامر من داكشي الي وقع مبغاش يهضر لا يصدق مخصر الهضرة وجارحها ...كيحاول مااا امكن يكبت الغضب ديالو مزال خاطرو ضارو من الهضرة الي سمع عليها وخا عارفها هي ما بيدها والو سوى انها لقاتهم فطريقها ...هز تيشرت وشورط وبوكسر دخل دوش قدام عينيها واقفة ودايرة صبعها في فمها مدلية شنافتها وعينيها مغرغرين عز عليها حيث عارفة معنى داك لكلام فحق اي رجل اهانة كبيرة فالعرض والشرف ....دغيا لبسهم وخرج هز باكية الگارو وبريكة خشا رجليه فكلاكيط وخرج من البيت مخلي تيليفون كلو مهزوش ..."
هبط لتحت بان ليه بين يامنة وفؤاد ضو شاعل وهو يمشي دق الباب ...
يامنة : دخل اولدي ...
حل الباب ودخل لقا فؤاد حداها شاد تيليفون ولابتوب قدامو مركز معاه فالخدمة ...
يامنة : وعلاه نتا ولدي مدخلتي تال دابا شطنتيني عليك ..."مشا عندها باس ليها ايدها وسلم على باه تاهو وجلس حداهم حيث بيت كبيير فيه طابلة صغيرة بكراساها ..."
ياسين : الدهوة والمشاكيل مكيساليوش ...
فؤاد : المشاكيل عمرهم يساليو العقل خاصو يحضر اولدي والخاطر يكون فيه تيساع ...
ياسين : هذا الله وكان ..."شاف فيامنة كيهضر ويحك بصبعو الي فيه البريكة فلحيتو " ... صحتك ليوم ؟
يامنة : مزياانة شوية بشوية ...غير نتا الي مشوشني عليك ...فين غادي خارج فهاد الليل والكماية هلكتي بيها ريتك ...
ياسين : الحنانة غير كوني نتي لباس ماعليش فالباقي ساعة الله بلا متهولي عليا راكي عارفاني كيف داير ...وراه هذا الله راسي ودماغي بزاف عليهم يلاه يلاه ...
فؤاد "شاف فيامنة وغمزها تكايس عليه حيث عارفو دقة وصلات بيه فين بغات خاصو تيساع الخاطر ويتنفس على راحتو " : ماعليش هذا الله ...
ياسين "ناض باس ليها راسها " : تباتي فراحة الله ..."سلم عليهم وخرج من البيت ودار كلها ما وقف حتى لبرا شعل الكارو وبدا يكمي واحد تابع لاخور ...
اما هي ملي مشا وهي بقات واقف فشرجم حاضيا امتا يخرج حتى بان ليها خرج وبعد بعيد شوي ...تنهدات من اعماقها كل مكتزيد تعمق كل مكتعرف ان المسؤلية بصح دخلتها وخاصها تدير بحسابها وان حياة العزوبية ودعاتها ودابا هي فمرحلة جديدة فحياتها والحلم والاحلام
الي كانت كتبني فعقلها معاه ما هما الا مجرد احلام وهي دابا فالواقع ديال بصح مكاين لا ضحك لا لعب ...بقا شحال حتى حسات براسها عيات بالوقفة وهي تمشي لفراشها تكات فيه بقات حاضية لباب امتا يدخل حتى داتها عينها بلا ماتحس ...
ماحلاتهم الا على صوت الديك كيصيح وصوت البقر اصوات جديدة ماشي صوت الهدوء الي ولفات عليه ...بقات شحاال كتشوف حتى ناضت ضارت جيهتو ملقاتوش لقات بلاصتو كما هي والضاهر انه مانعسش حداها ولا مانعسش كاااع ...قلبات التيليفون لقاتها تمنية صباح ...دخلات غسلات وجهها وطرفات
حالتها وهي تخرج لبسات حوايج ضراعة صيفية فالبيج متوسطاها خميسة مذهبة طويلة حد الكعبة ديال قطن ...جمعات شعرها اللور ودارت بونضو فالبيج خشات رجليها فصندالة صبع مذهبة ...بقات شحال كتشوف فراسها مكديرش نقطة ماكياج ولا والو وعمرها زعمات حتى ديرو من ديما كتحشم قدام باها وفاش كتدير حاجة بسيطة ماسكارا ولا ايلاينر كيبداو يطنزو عليها بديك هاي هاي هاي وكتحشم كدير بناقص هههه
تفكرات هضرة عمتها مع هضرتهم الي كينصحوها مدام مزوجة الا واصبح عندها الحق دير داكشي تمتع راسها وراجلها معاها ويكتعو بعضياتهم حلالا طيبا ...مشات لكوافوز جبدات بارفانها واحد نوع جديد اول مرة غاديرو وعمرو شمو فيها رشاتو هزات ايلاينر دارتو من لاخر ديما كيعذبها ساعاك مالقاتش مشكيل دغيا تصاوب ليها ودارت ماسكارا ...شافت راسها فالمراية ...لقات شفار طلعو والعينين تجبدو ههههه ...
نوار : اويلي عينيا "كتقلب فيهم وتجبد وترجع " ...لا لا ماشي دابا تااال ليل نبغي نعس اويلي وحدا عمو فؤاد وغايشوفني علي والحبيب يبداو عليا فطنز واسامة ...لا لا الليل نديرو ..."هزات لانجيت وقرعة ديماكيون من الكوافوز وبدات تمسح رجعت وجهها كي كان مع المسيح ولا جناب عينيها حمر الي شافها يحساب ليه باكية ...اكتفات غير بريحة ونزلات وجهها مزنگ...
لقات الفطور كيتحط ويامنة جالسة هي ويسرى الي عاد سوانات ليها الفتحة ...محمد الحبيب تاهو عاد خارج من صالون كيحك فعينيه وينش فذبان ...
نوار : صباح الخييير "مشات باست امها ويامنة " ...خالتو كيف صبحتي ؟
نوار "عضات فمها قبل مدلي شنايفها بحزن وحدرات راسها " : مزال ...قاليا بدلي ساعة باخرى وخليتو على خاطرو ...
يامنة "تنهدات بحرقة عليها عزات عليها " : ماعليش ابنتي غير خليه قلبو بيض دغيا كينسى غير متعانديش معاه مزيان ملي مشديتيش ضد ...
نوار : فقت مالقيتوش يمكن مباتش فالبيت ...
يامنة : صبااح مع ستة داز عندي ومشا مع باه لمراكش يقضيو غراضهم ويجي ...
يسرى : دابا تصالحو غير من هادي تعلمي ابنتي الله يرضي عليك راكي مابقيتيش ديال راسك ...تفاهمنا ماما ...؟
نوار "حركات راسها " : وااخا ...
الحبيب : هههههاي الي تقالت هنا خرجت من لهيه ..فين داك ديب ديال ولد العميم ...
علي "دخل معاها نيشان " : اذكر ديب يجي هاني الحب جيت راه قلت ليك كتوحشني مبغيتيش تعتارف ...
الحبيب "متكي على مخدتو وداير ايديه على حنكو باقي عينيه حمرين بنعاس وخدام يتفوه " : واهليييي كون يحساب ليا كون ذكرت مليار ولا خنشوشك ...
علي "شاف فنوار " : تا شهاد صباح صباح الاناقة ...نوضي سلمي على خوك نوووضي ..
لحبيب "بتباتة باقي دايخ بنعاس …سرح رجلو تا سرحها ورجع جمعها وسرحها بجهد ركلو تا جا لارض وتقلب طبسييل زيتون فوق راسو ..." : الى ما حضرش خويا كاين انا ...سيدة مزوجة تنوض تسلم عليك ؟ بغيتو كون حضر ليك وتشوف سلام كي داير نيت يومين هادي ونتا تقوليا كالني سلام ...دوز يدوزك مع خوتك ديال بارح ...
يامنة : اويلي اقليل الاداب ضربتيه …طل عليه ...
نوار : عههههنهتن ...
الحبيب "طل عليه لقاه كيكدد في فمو كيتحلف عليه ووجهو عامر زيتون " : لحم راس مخضر بزيتون ههههه ...
علي : الى ما كويت مك من وذنيك راني يهودي ...
ايوى هذا هو حالهم عالاقل قدرو يكسرو شوي التوتر الي واقع لنوار فخاطرها قدرو يضحكوها شوي ويفوجو عليها لكن الي فالقلب فالقلب وقلبها مع ياسين الي مزال خاطرها ضارها من جيهتو والي هو حاليا ف الولاية ديال الامن الوطني ب باب الخميس مراكش ....جالس هو وباه فالمكتب ديال الكوميسير عادل ...حتى دخل عليهم وناضو وقفو احتراما ليه ...
عادل : وايليي الحاج جلس جلس راك فمقام الوليد ..."باس ليه راسو " كي بقات الصحة ...
فؤاد : الله يرضي عليك ...حامدين الله ...
عادل "شاف فياسين " : ياسين سمح لينا البارح مكنتش وانا الي وصيتهم متشوفوش حيث عارفك غادي دير شي كارثة فيه خاصني نكون حاضر ...
ياسين : واهلي تانتا ...تت ...
عادل : ايوى حتى منعرفكش اصحبي ..
ياسين : من لاخر طلقني ...
عادل : شنو بغيتي دير غاتنازل على دعوة ...
ياسين "خنزر فيه زعما من نيتك ؟ " ...
عادل : غير قلت العشرة وكنا صحاب ...
فؤاد "تكا ودار رجل فوق فخدو لاخور ..." : فعايلو دازو عليا ودازو ناس عرفناهم قد شعر الشيب الي كسا راسنا منهم عشرتهم هانت ومنهم الي عشرتو ثقل بالذهب ...مادامك عايش فالدنيا عمرك توقع شنو كاين تحت كحل الراس اولد الناس ...
عادل : مع الاسف كلامك حكيم الحاج ..."شاف ف ياسين " مدام الحاج كاين منهافش عليك .."دوز الخط من فيكس المكتب " دخلو مول قضية الفيرما ديال رمسيس عندي هنا .....
شي خمسة دقايق وهما جالسين حتى دق الباب ودخلوه شادينو من دراعو حتى دخلوه كان ياسين داير ايديه على ذقنو حتى هز راسو فاش شافو وهما يتحولو نظراته لنظرات حادة الشرار والعافية تقدري تميزيهم منهم ....اما فؤاد بقا كيما هو ماتحرك ما دار تا رد فعل ...
عادل : عبد الغني بن زاكور السن 33 سنة كنتي اسي غادي معلق تقطع لحدود لالميريا غا زهر مكانش معاك ياك الزين ...
عبد الغني "شاف في فؤاد وحدر راسو باسف من ايامو كيحتارمو ولكن كيفاش تا دار هاد الفعلة الله واعلم "
عادل : هاد ناس او بالاحرى سي ياسين مقدم شكاية ضدك وبالدلائل الي عندنا عرفناك نتا هو الي شعلتي العافية جيهة البير وخسرتي الموطور حتى انفاجر لولا ستر الله كان غايدير كارثة فالدار كلها لان سلوكة ديالو حدا المگانة ديال ضو الي مسؤلة على الفيرما ...
بقا شحال كيشوف وحادر راسو الي شافو يقول راه مضلوم ومداير تاحاجة ولكن كاع الدلائل كانت ضدو علاش دار هكا وشنو السبب ...بقا كيشوف فيه ياسين وايدو كيكمشها على شكل بونية مرة مرة كيبغي ينوض ليه ينطحو حتى كيحنحن باه ....
عادل "كيشوف فالملف " : شنو تتقول اسي عبد الغني ...
عبد الغني : ماعندي منقول ..."شاف فياسين " الصحبة والعشرة قلتي هنا حدها سالات داك النهار وانا غانقوليك ماعمرها تسالي وخا درت هادشي ولكن نتمنى تعذرني وتفهمني ...الي نطلب منك هو على وجه داكشي الي دوزنا وصحبة القديمة ماتخلينيش نخسر وراقي باش كنمشي لبرا خدمتي تما هي باش كنعيل الدار ونعاونهم الوليد راك عارفو قلة صنعة والجلاس فدار عيا من تافلاحت ( الفلاحة ) وباقين جوج خواتاتي بلا زواج ...سمح ليا بزاف هادشي مدرتوش عن قصد "حدر راسو ورجع هزو شاف ف فؤاد " الحاج عارف كلشي كيغلط وربي كيسماح ونتا عارف بحق الله والدين سمح ليا بزاف ...هادشي مدرتوش عن قصد
فؤاد "صغر فيه عينيه كيحك بصبعو تحت شفايفو " : المعنى ...
عبد الغني : الفاهم يفهم الحاج ...
كان غاينوض ياسين يعطيه بنطحة حتى هضر فؤاد بصوت مجهد قاليه جلس ماعاودهاش معاه خبط ايدو فوق المكتب حتى حنحن عادل باش يتبت ...بقا فؤاد كيشوف فيه كانه بغا يفهم من كلامو اش كيقصد ...حتى اذن عادل باش يسني ليه فالمحضر الي تقدم ضدو ...
فؤاد : خود عقوبتك ووراقك ماتخافش عليهم ...
ياسين : الوليد ؟؟؟؟
فؤاد : كلمتي ماتعاود الله يرضي عليك ...
عبد الغني "غمض ليه عينيه وحلهم ك شكر ليه وتمو غادين بيه حتى ضار شاف ف ياسين " : مبروك ما درتي هههه النصيب كان كيهضر ديك ساعة فاش خطبتها عرفتك باغيها ليك ...هذا المكتاب اصاحبي ..."حدر راسو وداوه خرجوه من المكتب " ....
طريق رجعة كلها ياسين مهضر ما تكلم مادوا على شنو قال باه ما بغاش كاع يتناقش معاه صافي عطا الكلمة يضبر منو راسو هو عارف ...شدوها طريق وحدة حتى دخلو لدوار مع ديك العشرة ونص تالصباح ...دخلو لدار لقاو يسرى ويامنة جالسين وعلي والحبيب خارجين ...
ياسين : الحنانة شوية ؟
يامنة : لحمد لله هاد ساعة ...فطرتو ؟
فؤاد : باقين على الله ...
ياسين ضار هنا وهنا كيقلب عليها بعينيه حتى سمع حسها فالكوزينة هي و نعيمة ...
ياسين "ناض " : انا طالع ...
طلع لفوق لبيت حيد الحوايج الرسميين الي لابس كيلبس فتيشرت حتى صونا ليه الفون كان داك صاحبو ساموييل الي عيط ليه ...
ياسين "الحوار بالانجليزية " : hey ...
سامويل : بروووو ...المهيم باش منتعطلش عليك غذا فالصباح عندنا الطيارة يعني بعد غذ سنكون بمطار مراكش ...
ياسين : اوكاي نبقى على اتصال ..."قطع معاه ولاح تيليفون فوق الناموسية ...حتى تحل الباب وهي دخل بشوية كترمش فيه ...وايديها مشابكاهم كتلعب بصباعها بتوثر ...
نوار : احم ...ياسين ...
ياسين "مكيشوفش فيها كيلبس قدامها " : نعام ...
نوار : ف فطرتي ؟
ياسين : لاا ...
نوار : نوجد ليك فطورك معانا اتاي وخبز مريح ؟
ياسين : وشنو تاني ؟
نوار : اتاي الي كتشرب درتو انا و بطبوط مريح بزيت زيتون والعسل الحر وحلوى دواز اتاي ...بغيتي شي حاجة اخرى "على نيتها هي مباركة ملي تجاوب معاها ههه "
ياسين : بغييت ...
نوار : شنو ؟
ياسين "ضار دورة بسرعة شد ليها ايديها بجوج بزربة دارهم وراها وكمش عليهم بايدو لصقها مع الماريو مافهمت والو لقات راسها ضهرها مع ماريو وهو قدامها شد ليها بزازلها من لتحت بقجهم بايدو تا خرجو بزوج "
نوار "حفضاتو هههه " : لا لا عااافاك متعضنييييش اهى ...واععع "شكون سمعك خرج نصهم قدامو وهو يخشي وجهو بيناتهم خرج لسانو تا لحسهم بشوي تهزات وتحطات " اااااح ...اهننن ...
نوار : نسمع ليك ومنمشي تانتشاور معاك والى غانبعد تتكون ولا يكون اسامة ولا با ولا شي حد من دار ومن احسن تتكون انتا ...
ياسين : هادشي ما طبقش ما درتي بيه ماشفناه ...ماعليش هادي تعلم الي ضرني وقصحني هي الهضرة الي تقالت عليك طبيعي ومن حقي عرضي وشرفي ومالي وحرمتي ...هو الي ضرني الي ضرني ماعطاوكش قيمة ورخصوك ونتي بنت الناس والجواد الى مكنتش معاك القيمة والشان ديريهم لراسك خدمي عزك الي كبرتي عليه مطيحيش بيا وبراسك نهار قلت ليك نتي مني وفيا ...
مزيان ملي قلت ليك بدلي ساعة باخرى وبدلتيها هاكا نبغيك خليني حتى نتهدن وديك ساعة نهضرو ...المعاندة هي عدوتي وشدان ضد طالما عارف انه فمصلاحتك ...تفاهمنا ؟
نوار"فرحات " : اه تفاهمنا غير متقلقش ...
ياسين : عادي انا "طلقها وجرها عندو عنقها وحتى هي عنقاتو ...باسها فعنقها ...
ياسين "باسها فعنقها يحساب ليها صافي ساعاك هههههه هاااايهاااات ...عضها فعنقها واااحد العضة حتى غوتات ماااطلقها حتى جبد ليها جلدة خلاها زرقااااا وعاودها وحدة اخرى فجهة ثانية حتى نزلو دموعها هههههه وحش صافي " : عنقك حلا من العسل ...
نوار "شادة عنقها " : غايشوفوها اهى باش غانغطيها ؟
ياسين "قاد تيشرت ديالو " : عطا الله باش تغطيها ...هادي ماعجبتنيش عريانة فزاف من الصدر لبسي شي حاجة وغطي داك العجب الي فعنقك ...يلاه دغيا وهبطي تفطري .."خلاها وخرج ههههه وطيري نتي طرطقي هههه "
مالقات مادير من غير انها تمشي تلبس كاب فوق ديك دراعة ...وباش تغطي العضات مالقات ماتغطي وباش تغطي ...مشات لواحد فوندوتان ليكيد ( سائل ) دارتو ليها وزادت فوقو واحد غبرة وعاودت تاني حتى ضرگات ليها ولكن مرة مرة كتغطي بايدها حتى تبرزطات وهي تلوي عليها شال غطاتهم ...غايقهرها صهد لكن ماعندها مادير العذاب الي سايرة دوزو هو هذا والعقوبة هاهي كتاخذ فيها وفكها يا من وحلتيها ...نزلات لعندهم بغات تبكي ههع...جاب الله الحبيب وعلي مكاينينش واشامة كيف العادة راه غايب فواحد من السواق مع جدو ...
يسرى : مالك ؟
نوار "شافت فياسين لقاتو كااع ما مديها فيها " : مماليش ...
يسرى : علاش دايرة داك شال ابنتي وصهد ...
نوار : عنقي عريان مع هاد ضراعة حتى نسالي ونطلع نبدلها ونحيدو ...
يامنة : ولدي فطر ...فؤاد...
فؤاد : شربتي دواك ؟
يامنة : شربتو باقي واحد حتى نفطر ...
فؤاد : يومين هكاك وغانطلعو لمراكش على قبل المختص الي غايشوفك ...
يسرى : ايييه دكتور معتصم عطاني عليه طبيب الي دار ليك عملية معلومات عليه من ابرز المختصين ...
يامنة : واخا ان شاء الله ...
داز الوقت فطرو وناض ياسين خرج لخدمة ديالو ...حتى جاه اتصال بان العشاء ديال التعيين ديالو غايكون اخر الاسبوع ...
الحاج (لمدير السابق) : راني باغي نشوف الحاج الحمد لله على سلامة الوليدة ملي ولات لباس مرحبا بيكم ...بغيت نيت نشوفو ونهضر معاه شحال هادي ماهضرنا ...
ياسين : مرحبا الحاج ...
الحاج : معزتك عندي كبيرة اولدي العشا درتو على ودك دازت الحفلة هذا عشا غير بيناتنا حنا رجالي وعيالاتهم تاهما حاضرين غانديرو فالفيلا عندي فجردة ...باش تعرف معزتك عندي قداش ههه
ياسين : يعمر دارك الحاج ...الله اودي ...ان شاء الله على موعدنا ...
قطع معاه وتيسر لاشغالو لحق على علي والحبيب لقاهم كاع داك الكوري نوضو فيه رفع بتقلاب وتسوال وعلي قاليك والو باغي يحلب من صغرو عزيز عليه يحلب البقر ...حتى رجعهم ياسين باش يمشيو يتغذاو ....
وصل الليل كل رجع لدارو كل شد ركنة مع ولادو ...الليل ليل ...عند العشا جالسين كيتعشاو مجموعين بيناتهم ...
الحبيب : تي ماخنقكش هذاك الشال ؟
نوار"حناكها تزنگو " : ل الكليما باردة و ...
ياسين : شنو ليك نتا ؟؟؟
الحبيب : اا؟ والو احم ...
علي : عههع ...
الحبيب : تهجرو انت ...
يامنة ما تعشاتش معاهم عيات وتعشات بكري راقبت ليها يسرى الضغط وكلشي عاد مشات نعسات وفؤاد حتى هو كينعسو بكري ...كملو العشا وناض ياسين خرج برا يكمي ...بغات نعيمة تجمع طابلة حتى ....
يسرى : نوضي نوار جمعي نتي طابلة خالتك عيات ...
نوار"ناضت ديك ساعة " : واخا ..خالتي غير رتاحي نتي سيري انا نجمع دنيا ...
نعيمة : وخا بنتي الله يصبحكم على خير ..."لبسات جلابتها ودات عشاها وداكشي الي جمعو ليها عطاوه ليها من مونة والي كيخصها ومشات اما الحبيب وعلي مشاو طلعو لفوق فين كينعسو ...يسرى مشات عند نوار الكوزينة لقاتها دايرة طابلية وكتغسل فالماعن ربعات ايديها وكتشوف فيها جابت ليها ضحكة كتشوف ديك كتلة صغيرة الي ولدات هاهي كتجمع فدارها وتغسل ..."
يسرى : هههه تبارك على مامي الحادكة ...هكا نبغيك قومي بدارك وراجلك ....سالي وطلعي قادي حالتك وعطري راسك خليه يبقى يشوف فيك غير نتي كيف بغاك وميندمش عليك ...
نوار : صباح درت ماكياج وحيدتو حشمت من عمو ودراري ...
يسرى : لا لا قدامهم لا بينك وبين راجلك متعيه ومتعو بعضياتكم ابنتي ...ماتنسايش راكي كنتي باغياه وربي كتبو ليك ماضيعيهش من بين ايديك هو حلالك دابا ...وياك من هنا لقدام فعلاقتكم فالفراش تمشي تقولي ليه لا مبغيتش متخليهش ينفرك هادشي هضرنا فيه وعاودنا ...
يسرى : براافو هانتي بديتي تعلمي ..."باستها " تباتي فراحة الله بنتي ...طلعات لفوق البيت دخلات ملقاتوش سمعات صوت رشاشة فالدوش وهي تحيد شال عاد تنفسات طلات على العضات لقاتهم مباينينش بزاف دم تجمع فيهم ...كتقلب فيهم وتعاود ودوز بايدها على عنقها بواحد طريقة عاضة شنافتها حتى حسات بايدو كتقطر بما بااارد هبطات ليها قطرة شاقة طريقها بين فرقة صدرها ...
ياسين "شدها من ايدها وجرها وراه تابعاه وكضحك حتى تلاحت فوق ناموسية بجهد وهي تجمع ضحكة ....طلع فوق منها هبط ايدو تحت ضراعة وتم غادي مطلعها بغات تدوي وهو يخرج فيها عينيه ...حتى بدات تصرط ريق وهو غادي مطلعهم حتى حط ايدو نيشان فوق الكيلوط وبالضبط فوق هز ضراعة بغا يشوف وهي تجمع رجليها ...
هبط لفخدها باسو وعاود جرو بفمو حتى تاوهات وهو يحتي عليها بعضة خفيفة هي يحساب ليها غايعضها فحال عنقها ههههه حتى بغات تغوت وهو يمصو ليها تخلطت ليها تبوريشة مع قشعريرة فبلاصة كانت غاتغوت قالت ...
نوار : اااااعححححح ااا...
فهاد اللحضة كان خارج الحبيب من دوش وباب بيتهم قريب ليه كان مبسم شوي سمعها بعييدة ...
البيت كان شوي مبسم يعني ماشي محلول مشرع غير ما مسدودش مزياان ...ومع غوتات بجهد فواحد اللحضة الشي الي وصل لمسامع الحبيب ولكن مفرزهاش مزيان بحكم كان صوت بعيد بزاف لان البيت فاش كيتسد كيولي عازل صوت نضرا لحايط مبني بدوبل يعني سمك ديالو عريض ...مافرزش وكمل طريقو فين كان ماشي ...
نوار : اعحححح ...اممننم...
ياسين "خرج فيها عينيه وخط صبعو على فمو " : شششت ...مالك ؟
نوار : ي يحساب ليا اتعضني ...
ياسين : ومن بعد ؟؟
نوار "بصوت حنين غنوج ههه " : وااتقصحنييي ...
ياسين : كتر ما انا مقصح ؟
نوار : مقصح !!
ياسين "باش يشرح ليها هبط لعنقها وعطاها بوسة فيه قبل ميمصو ليها ويهبط ببوساتو وهو خدام كيبوس ولا يمص حتى وصل لعضة من العضات الي عضها فعنقها ...وشاف فيها ..." : كيوعتوك ؟
ياسين "رفع حاجبو " : شنو الي خلاك متاكدة غانعضك ؟ درتي شي حاجة من ورايا ؟ ولا مكتيقيش فيا ؟
نوار "خرجات عينيها " : لا لا ...صافي خليها غير تتبرا ..
ياسين "خرج فيها عينيه " : هي ناوية ديري علاش ؟ ؟
نوار : واعع اهى ولااا مغانديرش ...دعقتيني هنن ...
ياسين : دعقتك !! "جات بغات تهضر تحنى شلقمها فدوك شفايف وطول هاد المرة واحد المدة حتى حس بيها ترخات وباقي مكالي باش ميرميش ثقل ديالو عليها ...ماقنعش وماااشبعش من فهما فينما يبغي يحيد يلقا راسو مباغيش يحيد فمو حتى خشا لسانو ضار على فمها من لداخل اما هي كتمشي معاه مرة تمشي فريتم ديالو مرة تلف متعرف منين تشدو ...كمش ليها ايديها بزوج خشاهم وسط ايدو وطلعهم فوق راسها ...ورجع هبط لعنقها باسها بوسة خفيفة فوقها ...
ياسين : دابا يبراو ...ياك ممقصحينكش. ؟
نوار : لا غير بقاو زرقين وخا نلبس مستور من هنا "كتوريه " خاصهم يتغطاو بشال وصهد كينخقني...
ياسين : كاينة لاكليم غير متجهديهاش تاني كيف كانلقاك منزلة دوگري ديال حرارة بزاف ...
نوار : واخا ...
ياسين : شنو نكملو ؟ "حط ايدو على حنكها كيدوز عليه بحناان " ...
نوار "بغات تقول الي ليها ليها وتخليه يدير مابغا بغات تقول لا مزال بغات تقول تكايس عليا ...بقات غييير ساكتة ..." ..
رجع هبط راسو باسها تاني فشفايفها وعنقها كيمصو مصة خفيفة حتى كتاوه ...تم هابط ببوساتو كيبوس وايدو هبطات لتحت تاني حطها فوق فخدها كيدير حركات فوق منو ويرجع يضورها لترمة لور خدام كيبوس ويشلقم حتى مشات معاه فالمود وهو يشحطها حتى قفزت وناض من فوق منها كيمسح في فمو ويلهث ...
ياسين : باغيك كتر من قبل وكل نهار كنزيد على الي قبله ...الدار عامرة هاد ساعة …هاد الليلة بعدا في راحة الله …وجدي راسك غذا باش تمشي معايا لعشا عند المدير القديم ...
غير هبط هو بقات كتشوف شحال قبل ماتمشي لماريو حيدات هاديك الي لابسة وجبدات وحدة ديال قطن غير سميطات من كتاف وفوق ركبة فالخضر سميطاتها كحلين وفيها كتبة من قدام بالكحل ...عاد حل الباب ودخل هاز فايدو قرعة ديال ما و زيف فحال رزمة صغيرة ...
ياسين "قرب ليها وحط زيف فوق لعضات حتى بعدات " : ششش زگاااي ...غير ثلج هذا ...
نوار : باارد ...
ياسين : ماعليش صبري ...شدي مزيان وخليه حتى نقوليك حيديه وحيديه ..."حركات ليه راسها وهو يطبطب ليها على ضهرها وحرك ايديه بلطف قبل ميبوسها فحنكها " ...اجي تنعسي ...
مشا هو لبلاصتو وهي كذلك بقات حاطا داكشي مرة فعضة ومرة فعضة اخرى هز تيليفونو وجرها عنقها فوق صدرو حتى شوي حيداتهم وطفا تيليفون زاد تخشا وخشها فيه ونعسو ....
صوت الديك كيقوقع كيعلن بداية صباح جديد تاني ليهم فالعروبية ...ريحة الدخان ديال خباز وريحة البقر والخرفان ريحة طبيعية ديال بصح ...كانت تمنية ونص ديال صباح بداو كيحطو فوق طابلة مجموعين ...اول واحد حاطين ليه قهوة كحلة ديالو هو فؤاد وحتى بات يامنة حاطينها فوق صال امونجي برا فجردة ديال فيرما كيكمي ويهضر مع نسيبو ويتناقشو ...
مصطفى : وضهر ليا العجب فيه وكان هاد دري ميحساب ليا يخرج منو العجب ...
فؤاد : من عينيه بان ليا شي حاجة شوية ونطلع عندو نفهم منو شنو كاين ...
مصطفى : وداكشي الي لقا ياسين فجنب الموطور ديال البير راه ديالو ...بريكة واحد سنسلة كان يديرها فعنگو (عنقو ) ...
فؤاد : ماعليش هذا مكتاب "شرب قهوته وكما من سيجارته وهو كيفكر شنو عارف وفهم وحدووو نسر موسكو الي عارف فاش كيفكر ولاش غايوصل ) حتى تم جاي ياسين عامر كلو غيس لابس البوط رحداه اسامة تاهو عامر غيس...
فؤاد : من الخير اولدي ( زعما تمارة من وراها غالخير ) ...
علي : واربي واربي وااربي كرشي كضحك وسخفت ضحكة وانا ما سخفت هههههههههههههههه
اسامة ناض علق هو لبرا هرب ....
حتى ناض ياسين على وقفتو كيشوف حوايجو ودنيا الي تطلات هز عينو فيهم مخنزررر ...
حتى ناض على وقفتو مخنزرر فيهم اسامة الي عارفو اصلا مقود سوايع وساير كيقاد فضواصاه هرب لبرا اما هما حلفت ضحكة لا هي بغات تحيد ليهم وغا ما عطاهم ربي فداك الضحك حتى بقات ضحك يسرى ويامنة تاهما اما نوار بغات تبكي ...
الحبيب "صافي لبدها وجمع ضحكة ههه ناض هز كاغط مسح بيه دنيا وجات نعيمة مسحات داكشي الي شتتو حتى شدو من عندها ومسح هو وعلي جاتهم حشومة تجمع زبلهم وهي امراة كبيرة ...مسح ومشا لكوزينة لاح داكشي ورجع حتى دخل اسامة تاهو ساكت كان شيئا لم يكن ...
خرج ياسين يكمي برا بقات هي كتفطر ...اما هو كيف خرج كيكمي جبد تيليفونو الي صونا ليه كانت شركة خاصة طلب منها كوموند باسمو ...عيطو ليه واكدو انه غاتوصلو فالامانة اليوم ...كما حتى سالا وركب فسيارة بيكوب وزاد لاشغالو ...
حتى وصل العصر ورجع ما تغذاش كاع فالدار ...كيف دخل هاز فايدو ساشية …لقا عليهم سلام لقا يامنة قدام دار مفرشين ليها وجالسة تحنى باسها فراسها هي ويسرى ...وجلس حداهم ...
ياسين : ماكرهنا الحنانة تمشي معايا ...
يامنة : كيف انا كيف فؤاد "طبطبات على ايد فؤاد " ...
ياسين : الوليد شوي ووجد راسك ...
فؤاد : ماتشغل بالك بيا غير هنا وقت الي كان نمشي معاكم ...
يسرى : كيف دايرة اشغالك مزيانة ولدي ؟ عيط ليا يوسف قاليا يقدر يجي شي يومين هنا ...
ياسين : الخير موجود ولله الحمد ...يوسف دارو هادي وقت الي جا مفتوح بابها ليه ...فين نوار ودراري ؟
يسرى : دراري مشاو لدار جد علي وطالعين لفوق يقدر يطلعو لمراكش تايتعشاو ويرجعو ...ونوار فالبيت لفوق كتوجد ما تلبس
ياسين : مزيان ...استاذن وطلع لفوق عندها لقاها معرمة الحوايج فوق ناموسية وكتشوف فيهم ما عرفات ما تلبس وحايرة مع العرا ...واقفة ومكروازية رجليها ودايرة صبعها في فمها ...شعرها محربق خصلات خارجين واخرين داخلين ..حتى جاها من لور وباسها في عنقها بوسة حتى تسمعت وقفزت ...
ياسين : شنو غانعرف لهادشي انا ؟ لبسي الي كان غايكون مستور ...لبسك الى سمعتي الهضرة راه زين منوحلش معاك ...
نوار : غانلبس جلابة جديدة باقي ملبستهاش ديال لعقد ..
ياسين "كيسمع فيها تعاود حدو قاليها " : جلابة سترة حسن ليك من داكشي لاخور ...
نوار : واخا ..."خلاها ودخل لدوش يدوش مزيااان اما هي قبل دوشات ونشفات شعرها ...هزات ديك جلابة لي كانت فصومو حطاتها ولاخرين رداتهم وهزات دوبياس جداد فالبيض حيث هي عروسة طبعا راه كتسمع لهضرة انها خاصها تلبس الوان مفتوحة ...حتى خرج الدخان خارج من لحمو دوش مزيان بما سخون كينشف فشعرو بفوطة ...دخلات
هي موراه بدلات ولبسات داكشي حتى خرجات لابسة اما هو نشف حالتو ولبس طقم اسود كلاص بكرافاط ديالو كحلة كان كيقاد فيها حتى زيرها ومشا مشط شعرو رجعو لور وفيكساه بجيل ...لبس تقاشر وصباط عقد سيورته عاد تاهي لبسات صباطها وتقادت مع المراية وبغات تبدا دير فايلاينر وكحل وعكر خفيف حتى وقف عليها ...
ياسين : بين العينين شهلين الي شفتهم انا ومشافهم غيري ...
نوار : هههه صافي نديرو ...
ياسين "بكل برووود هههه " : لا مغاديري والو اشهلة العياني ..."هز ديك ساشية حطها قدامها وشاف فيها ...
ياسين : هادي تال غذا بليل وغاتشوفي شنو فيها ...
نوار : علاش غذا بليل...
ياسين : حيث هي حاجة ليل ...حطيها ليا فالماريو ...ويالاه دغيا انا لتحت ...
...متكية كتشوف فسقف ليها ثلاث ايام ملي جات وهي نعاسها مخربق …تاحد مكاين فدار…تبدل عليها المكان او نقولو رجعات لمكان الي كانت عليه من قبل صحيح كانو على قد الحال لكن كانت فيوم من الايام وفواحد الوقت حتى هي كدخل لدارهم وتنعس قبل متفقد السند ليها والي كانت وحيدتهم وتلات بيها لايام تقلب على من يصدق عليها غييير باش تاكل ...حتى تزعطات فرجل احلامها ووصلات فين وصلات دابا سفق غير سقف بيتهم الي من بعد ولا سقفها هو سما ولا تحت باش ديال شي حانوت ...فترة زمنية عاشتها ديال تشرد هلكاتها بمعنى الكلمة ...
صفية "دارت ايدها على فمها كتكحب حلقها نشف " : كحكح ..."ضارت بغات تشرب لقات قرعة خاوية ..." ..كيف غاندير نجيب الما ؟ ...شافت حتى عيات وهي تنوض خشات رجليها فصندالة ...تمشات بشوييي حلات الباب ومع فيلا غير صغيرة ماشي كبيرة عقلات على المطبخ فين كاين ...تمشات ببطئ حتى وصلات ليه بقات كتلبد حتى وصلات ثلاجة غييير حلتها بان ليها داكشي مشارجي ...اش منك يا فرماج حمر ومربع ومثلث ودانون واش منك يا عصير
مع كانت ثلاجة كبيرة ديال زوج بيبان عاد حدا فريزر اي المجمد بجنبها ...كل حاجة فبلاصتها ...حسات بجوع فكرشها وبدات تلذذ ...
صفية : احح الله ماكلة ...فيا جووع ...نااري هادشي كنشوفو غير ف حوانت ولا فتلفازة ..."بان ليها كورة ديال فرماج حمر " الله ..."دوزات بلسانها على شفايفها وهي تهزها وهزات فرماج لاخور وكاشير ...مشات قلبات على خبز فين كاين بان ليها فران حلاتو لقات نص كوميرة ...هزات موس حلاتها دهنات فرماج وقطعات رونديلات من كاشير ودارت طروفة كباار ديال فرماج حمر غير كتقطع وما كتقنع ...رجعات داكشي بلاصتو بانت ليها قرعة ديال عصير حامض كباتها فكاس كبير وبدات تاكل وتهضر ...
صفية : الله هادشي بنيين ...اممم ...هفشيايت فف .."صرطات وهي تهضر كتشوف فكوزينة قدااش ...كلها برخام وبلاكارات كيدايرين ..كطل على جردة وبيسين صغير ..." ..دابا انا مرات ولدهم وعايشة هنا ؟ هههههه مرات ايساف ابوجودة ومن عائلة رمسيس المعروفة هنا ..."جمعات ضحكة فاش
تفكرات انه لا يبادلها اية مشاعر ولو جزء لا يتجزأ...ليست سوى مدة زمنية وتمشي لحال سبيلها وهادشي كاامل الي ولات فيه الرفاهية والغنى غايتبخر وحتى فرصة انه يبغيها غايتبخرووو...لان عرفات انه صعيب ومستحييل يشوفها كا انثى يعشقها وزوجة يبغيها ....
سمعات طقطقات اصابع فوق رخام وهي ضور كانت متكية على بوطاجي حتى وقفات وحطات الخبز بجهد شوي ويطيح ...شافت فيه كتصرط ريقها ...
ايساف"ربع ايديه " : كملي شنو كنتي كتالفي ..
صفية "الصمت " ...
ايساف : مرات ولدهم ههههه ...وايلي ؟
صفية "كترمش فيه حتى حدرات عينيها وجمعات فمها " ...
ايساف : شنو كديري هنا ؟
صفية : جاني العطش جيت نشرب وحسيت ب جوع و ب درت مناكل ...
ايساف : هههه قولي شفتي الي عمرك ما كليتيه وقلتي تاكليه ...قولي هادشي الي كتاكلي عاااد اول مرة فحياتك كتاكليه ...شفتي راسك وسط الناس الي عمرك تحاكيتي معاهم ولا شفتيهم ...اه نسيت الناس الي شفتي فالبنك الي كنتي كتهزي ايديك "كيهضر ويقرب ليها " ..كتقولي عالله ...صدقة عالله ...
صفية "عينيها غرغرو بدموع " : لا عمري ماقلتها كانو كيعطيوني هما اهى ...كنت كنبغي غير ناكل ولا شي حد يعاوني نخدم ...
ايساف : باااش ههههه بتقحبين ولا تهزي رجلك كيف درتي ليا ...هو "طلعها وهبطها " زين زينة وجايبة تمن ولكن راك مقادياش ابنتي سوى انك تلاحيتي فطريقي تا بين ليا الله بسبابك خبث العيالات بجمييييع انواعه ...
خلاها كترمش ولات ذهنات غير شفايفها ورشات ريحتها وحطاتها فصاكها دارت تيليفونها ولبسات صباطها وهو هز سوارت وكونطات وتيليفون خشاهم فجيبو وعنقها باس ليها راسها وهبطو لتحت لقاو فؤاد تاهو بطقم اسود بزوج رجال الي شافهم يصلي عالنبي واحد مگضر على لاخور ...جلسو شوي حتى قرب المغرب وناضو ...سلمو على يامنة ويسرى وعنقو نوار وسطهم وخرجو ركب فؤاد حدا ياسين ونوار اللور وزادو لمراكش نيشان ...حتى وصلو ودخلو لمدينة شدو طريق المسيرة حتى فاتو اسيما ووصلو لفيلات الي تما واحد الفيلا جات بغيدة شوي كان ضلام الحال ...وبلاصاو قدامها وخرجو لقاو زوج رجال لابسين جلالب بيضين فالاستقبال ...غير شافوهم ودخل واحد منهم عيط لمول دار حتى خرج ...
الحاج "شاف فؤاد وبدا يضحك ويقول ما ضحكت " : سي رمسييييس هذااا .."تسالم معاه ...عااش من شافك ...
ياسين "شد ليها فايدها وكمش فيها وشاف فيه غمض عينيه وحلهم زعما هي .."
الحاج"ابتاسم ليها " : مرحبا بنتي دخلو دخلو
حنحن فؤاد ودخل سبقو وهو غادي وراه وكيضحك فرحان بيهم ومعرفته بفؤاد قدييييمة من زمان ملي كان كليان عندهم ...من احد اكبر الزبائن عندهم ...بقاو تابعينو وياسين معنق نوار حداه وكتشوف ...ملابساش صباط ميديكال غاديا وتعرج وهو معاها دقة دقة مبغاش يقوليها علاش ملبستيهش بغاها تكون طبيعية وعلى خاطرها تحس براسها عااادية جدا ...حتى
دخلو لجردة حدا لابيسين لقاو شي رجال قلال هما وعيالاتهم كل جالسين فطبلة كيهضرو وغير رجال الي لباس عليهم ...منهم حتى عائلة ومقربين ...وراهم طابلة ديالهم كانت مصايبة فوق منها عصائر ومملحات محطوطين ...قاد ياسين كرسي لنوار جلسات فيه عاد فؤاد جلس يلاه بغا يجلس هو حتى عيط ليه الحاج هو وفؤاد باش يعرفهم على شي ناس مهمين ...
ياسين "هضر لنوار فوذنها " : مرتاحة ؟ تجي حدايا ؟
نوار"ابتاسمت ليه " : لا لا مرتاحة غير سير ..
ياسين "باسها فناضرها وحل صدايف الفيستة وقاد وقفتو بكل رجولية حنحن بصوته الغليض ومشا لحق على فؤاد والحاج وقف معاهم كيجيو ناس يسلمو عليهم ويهضرو ...
عند الباب ديال جردة دخل حتى هو بكامل اناقته موقف شعرو بجيل بديك طولة تاهو وتجريدة الزين راه زين والوقفة شامخة ولكن فعايل ولاد لحرام ما خاطينو ...جا عندو واحد من رجال الي تما سلم عليه ...حتى جا الحاج خلا ياسين وفؤاد كيهضرو مع شي واحد كيعرفوه معرفة كبييرة ...
الحاج : ولدييي عيسى ...مرحبااا مرحباا ...
عيسى "باس ليه ايدو اباش يقتلك باحترام الكبار عشرة لضص زعما هههه " : الحاج عاش من شافك ...
الحاج : غيبة طويلة هادي ...
عيسى : المشاغيل وكان… بين هنا نشوفو الوليدين وبين خدمة برا وفاس راك عارف ...
الحاج : ايوى هادي هي دنيا ...اجي معايا نعرفك على شي ناس ...
عيسى "حط ايدو على صدرو " : غييير عفيني دابا من بعد ونتعرف عليهم عاد وصلت بغيت غير نرتاح بعدا وانا معاك فاش ما بغيتي ..
الحاج : ايه ...اجي نيت جلس معاهم فطابلة راك تعرفهم بينما سالاو يجيو وسلم عليهم نيت ...
ابتاسم ليه ومشا معاه حتى لطابلة وراه شاف بنت جالسة تما حدر ليه راسو وهزو وخلا الحاج مشا عندهم وهو مشا حتى لطابلة وجر كرسي جلس حداها ...
عيسى : سمحي ليا ياك ما جالس شي حد هنا حداك ...
نوار "شافت فيه جلس حداها وخا بعيد شوي ولكن راه فالكرسي الي حدا كرسيها...نطقات ومبعدة حيث مكتعرفوش وراجل غريب من الفوق .. " : جالس حدايا راجلي ...
عيسى : اه سمحي ليا "وناض من حداها بكل لباقة "…
ياسين كان واقف كيهضر مع ناس بعاد شوي حدا لابيسين ...حك راسو
فؤاد : سير حدا مرتك انا هنا ماتخليهاش وحدها ...
ياسين : وعليه ..."ضار باش يمشي عندها مع دورة الي ضار لقاه جالس حداها وكيضحك وهي مبعدة راسها وضارت عطاتو بضهر حتى ناض عيسى من حداها ...فؤاد شاف فيه لقاه مخنزر شاف فين كيشوف ...
فؤاد "وررك ليه على ايدو ..."
ياسين "كيهضر ووجهو تبدل فيه لون اصلا مشربن عليه من شحال " : الي تما مرتي هي حاجتي والبراني لا شششاااف فييييها هرست ليه عضامو وعدوي شنو عاااقبته ؟؟ "ضور راسو شاف ف بااه وعينيه ولاو حمرين..
فؤاد : الي شاد بايدي ولدي فيا منصفيها ليه بلا متهز الهم ...كلشي بتباتة وعند وقتو زين ...الى نتا مرتك حاجتك نتا ولدي من صلبي ودمي ومنفرط فيه ...
ضار كيشوف فيه عينيه حمريين بجهد ...محلف عليه من شحال هادي من مشكيل اسامة مرورا بمشكيل ايساف الي تسبب ليه فيه ...شي حاجات تسبب فيهم بقصذ وغير قصد اذاو اقرب ناس لياسين وهاهو كيشوف فيه تاني جالس حدا مرته صحيح الغيرة لكن اسباب اخرى خلاتو غير شافو شربن عليه ...
فؤاد : ياسيين هضرت معاك او لا ؟
ياسين "كررز على سنيه " : ال و لييييييد ...
فؤاد : ه ض ااااارت ..."خنزر فيه " ...
ياسين "غمض عينيه وهز راسو باش ينفض العصبية حتى نفخ وزفر انفاس سخووونة كيحاول ماااا امكن يبرررد ويتكالما ...كيبغي يتجنن فؤاد كيضغط عليه " ...
فؤاد : ششش ماشي داباا ماااشي دابا كل حاجة فوقتها زوينة برد وعرف وقتاش وامتا ...
ياسين "حل عينيه وضار شاف فيه " : ماعليش ...
فؤاد : شنو ؟؟؟
ياسين : تهنا من جيهتي ...
فؤاد : الله يرضي عليك "طلق منو وقاد فيستة ديالو ضور عنقو يمين شمال طرطقو عاد مشا فاتجاه مرتو محاول ما امكن يتهدن بزز منو وعارف فؤاد انه مغايدير تاحاجة مادام هضر معاه وقاليه تهنى عليا ...لقاها شادا كاس عصير وكتشرب وتنقب وشادا تيليفونها كتفرج ف فيس ولا انسطا ولا تهضر فواتساب ملاهية وقتها مسكينة حتى باسها فراسها وجلس حداها ومهضرش تسناها تتقوليه هي ...
ضور وجهو جيهة لاخرى غمض عينيه تاني صذرو راه العافية شاعلة فيه والو كون ما باه قاليه مايدير والو كون طحنو تما ولا طحنو بعضياتهم ولا شوف صمكة كيف كانت غاتكون لكن فواد فكر لولدو اولا قبل كل شيء سمعته هي دابا وجهو هو دابا خاص يكون وجهو نقي وسمعته مزيانة عصيبته غاتخرج عليه وهو دابا ف حفلة مقامة على شرفه انه غايتسلم منصب وكادر مهم وكبير وهو ادارة بنك كبير في مراكش ...يعني وجهك هو خدمتك ...
نوار"بان ليها صذرو كيطلع ويهبط وضاير جيهة لاخرا كيحك فلحيته ولا يمسح منخرو ولا يهز راسو يصوط " : مالك ؟
ياسين "ضار شاف فيها وغمض عينيه حرك راسو بنفي زعما والو ... وجبد باكية الكارو خبطها حتى جبد كارو وكحز منها شوي شعلو حتى كما منو شوي بدون ما يجاوبها "
اما هي رجعات حدرت راسها فتيليفون خلاتو يكمي حتى كملو ومرة مرة كيشوف فباه مرادش لبال لجنابو شكون جالس وكيشوف فيه ...حتى نطقات نوار…
نوار : احم واحد سيد جا بغا يجلس وقلت ليه جالس حدايا راجلي ومشا ...واش طابلة فيها غير انا وانت وعمو فؤاد ...
ياسين "هضرتها نفساته وفرحاته بعدا ": هاد ساعة غير حنا وحسن ملي غير حنا قوة بنادم مابغيناها "عنقها وقربها ليه ونزل هضر فوذنها " شكون قلتي ليه جالس حداك ؟
ياسين : حلليها يعني خلي نكونو راجل ومرته بصح انوار ...هادي راك فاهماها ...مغاديش نبقاو ماحدنا حدا بعضياتنا فحال لخوت ولا نقضيو غير بالسطحي الي حتى سطحي بصح ما درناه ...
نوار "من خجلها ابتاسمت وحطات راسها على صدره مالقات ما تقوليه عندو صح ك راجل بغا حقو راه صبر عليها ومن حقو يطالب بحقوقو مادام هما حلال بعضياتهم ..."
ياسين : ندوزو هاد الليلة باش ما عطا الله وكان ...حتى تم جاي فؤاد حل صدافي الفيستة وجلس حداهم حتى جا المدير السابق ومعاه زوج رجال اطر سابقة فالبنك ومعاهم رجل كبير فالسن غير وصلو عندهم ناضو بثلاثة وقفو احتراما ليه حتى عرفو عليهم بانه من احد زبناء الكبار عندهم فالبنك ووصا ياسين يتهلى فيه من بعدو ...
الحاج : سي ياسين نعرفك بواحد من شباب الي ولا رجل اعمال واحد اكبر العملاء عندنا فالبنك والي خيره سابق فتعامل معانا ...
ياسين : مرحبا ...
حتى خرج من وراه مبتاسم ليه اول مرة غايشوفو من بعد غياب طويل ...
عيسى : صديق الدرااسة ديالو الحاج ..."مد ليه ايدو "
ياسين "غا شافو كحل بالعما هههههع "
غيير شافو وهو يكحل بالعما وفؤاد حاضي الموقف ونوار بان ليها ياسين بدل ملامح ديالو لملامح الي كيخلعوها حتى كمشات ليه فدراعو ...
الحاج : عيسى المنصور ...صديق الدراسة يلاه اسي ههههه
عيسى "كيضحك وماد ليه ايدو هاد نضرة حس بيها ياسين استفزاز ليه ..." : هههه شنو مغاتسلمش على صاحبك ؟
الحاج "جمع ضحكة " : شي مشكيل ا ولدي ...
فؤاد "ضغط على ياسين بلا ميشوفوه ..." ...
ياسين "ضار شاف فباه ورجع شاف فيه ..وشاف ايدو الممدودة وحلف لا هو بغا يسلم عليه حتى جمع ايدو عندو " : كل خير الحاج ..."وعينيه فعينين عيسى الي بغاو يشتتو ليه راس لو كانو قرطاس "
الحاج "تحرج وحنحن كيضحك " : اههه ماعليش ...المهم نتمنى ترتاحو اولدي مرحبا بيكم مرة اخرى ...
عيسى : هههه ماعليش مولفين انا وياه الحاج هاكا هادي صحبتنا راك عارف صحاب كيف دايرين …
مشا هو وعيسى الي بقا كيضحك ويشوف فياسين حتى شاف نوار الي جلس حداها وقالت ليه جالس حدايا راجلي شادة فدراع ياسين ومكمشة فيها باقي حاضيها كيفاش شادة فيه حتى جلس وهو حاضيهم ...كيفاش تنفس وضار عنكش ليها شعرها وباس ليها ايدها وجلسها حداه عنقها بجنب وحداهم فؤاد الي كان قدوة ليه باغي يوصل فين واصل فؤاد ويكون حسن منو لكن العقل الي عندو مريض ومفرفر ومختل عقليا فتفكيرو هو الي خلاه يمشي لطريق الضلام وكان كيشوف ياسين واصل مراتب عليا فالقرايا وهو لا حدو كيقرا داكشي على حدو قدو فالقرايا يعني متوسط ماشي مجتهد ومكانش عاطي قرايا اهمية حدو دم سنانو ياسين الي كان بين قرايا وخدمة ودمير وتمارة ويمشي لعروبية وفنفس الوقت دماغ فالقرايا والحساب ....
بدات موسيقى الملحون وجاو سرباية تصافو هازين طيافر فايديهم وحاطينهم فوق كتافهم وسربيتة بيضة مطرزة بطرز الفاسي على دراعهم ...كانو ستة سرباية يعني ستة طبلات توجه كل واحد فيهم على انغام موسيقى الملحون ...الطابلة
الي فيها ياسين جلسو فيها غير رجال الكوادر والاعمال والحاج بنفسو فيها غي ناس المهمة طبعا وهما جالسين مع مدير بنك سابق ومدير بنك جديد شاب طموح كاريزما وهيبة وحداه صاحب الهيبة الكبيرة الراس الكبيرة فؤاد المعروف بهيبته وحضورو والشخصية الي عاطياه حضور قوي وجدية صارمة ...وتتوسطهم
واحد الحلوة وسط الصرامة والجدية كاينة واحد الكتلة من الكياتة والكريمة المخفوقة بجليستها على حدها قدها حداها راجلها وجيهة لاخرا عمها وشيخها فنفس الوقت ...كتبان حلوة الفريز وسط من حلوة فليو الكحلة ههههه ...
حتى حطو طيفور وسط طبلة مجهزة بطباسل لكل واحد وفورشيط ومعيلقة وموس مهم بترتيب محطوطين وكيسان مونادا راقييين ومذهبين وقراعي مونادا وسرابت مطرزين بذهبي ...حلو طيفور وهي تبان بسطيلة الحوت كبيرة وعامرة مزينة ب
كروفيت رويال والحامض مزوق ومقاد وجنابها بيض السمان و بريوات عامرين بالفرماج فوق منها ...سماو الله وشرعو فالاكل بطريقة راقية ...كملو وحطو ليهم تاني صينية طويلة فيها نص حولي مشوي مزوق بالكفتة من فوق كواري و عواد معمرين بفرماج حمر وكونيشو وجنابو ليصوص و صوص باربيكيو ...
كاين الي كلا وكاين الي غير نقب ...جالسين معاهم عيالاتهم منهم واحد سيدة لابسة شبه قفطان فالخضر بارد ومخدوم براندة وصم نحاسي ...جامعة شعرها اسفنجة شوي فعمر الثلاثينات ...من الي جلسات نوار وهي حاضياها ...حتى ردو ليها البال ومنهم راجلها ...لقاها دايرة ايدها على حنكها وتشوف فيها ...
هو : اجمعي اياتا عينيك على البنت بيطيريها بعينيك ...
هي : غييير خليني راني معذورة حمقاتني ماشاء الله ...شافت فيها ...شنو سميتك ...
نوار "بخجل " : نوار ...
هي : ياختي اسم على مسمى .."مدات ليها ايذها " انا سميتي علياء ...غا سمحي ليا راني كنتوحم وحمقتيني الحال ما يشاور هههه "تاهي حشمات ولكن راه عينيها ما تزحزحوش من عليها شافت فياسين " : مراتك ياك ...
ياسين "حرك ليها راسو ب اه " ...
علياء : الله يخليها ليك ...كيوتة وحبابة من شوفة ..ياربي غا سمح ليا ماقدرت منبقا نشوف فيها ياربي تحميها ليك ...
راجلها "شاف فياسين...حشماتو ههه " : غا سمحي لينا سي ياسين الحمل والوحم ما يشاور "
ياسين : ماعليش معذورة ...فك الله وحايلك ...
نوار : ههههه "جمعات فمها بخجل حتى قبط ليها ياسين ايدها من تحت طابلة وبدا يتلمس فيها ...المراة كتشوف فيها وياسين كيتلمس ايدها حتى داز لفخدها تا هو كيتلمس فيه صافي قلبها طلع لحلقها ورجع هبط لتحت عرفااااتو اش ناوي يدير تاني بغات تبكي ...
ماحنتهاش نيييت بقا يتلمس ففخدها كتشوف فيه كتلقا وجهو مطمر كان تا حاجة مكاينة حتى قرصها وهي ...
نوار "غوتت كي المشة ههه " : اييي ...
عالياء : مالك ...
ياسين "شاف فيها وحط ايدو على كتفها كيطبطب عليها رجع ملامح ديالو لخوف كيتفحصها زعما " : شنو مالك ؟ "شافت فيه كي المشة حنحن وهو يضور ساف قدامو غمض عينيه سلم على واحد من بعيد " ...
ناضت شادة وراها وكتواگع (كتألم) وتبكي ...بذات كتندم على نهار الي قالت يتزوج بيا ويسترني ونهار الي فكرات تحلم بيه فارس احلامها تاكدات ان الحلم شيء والواقع ما هو الا شيء اااخر تماما ونتا وزهرك فهاد الحياة ...جمعات داكشي الي طاح ليها كتجمع وتمسح فعينيها وضهرها كيصادعها ...
كان هو واقف حدا الكوزينة كيسمع ويضحك باستهزاء ...حتى دخل عليهم وهي تشوف فيه ورجعات بلور ...
ايساف : هههه طحتي ...علاش كتكذبي ؟ قولي انا الي دفعتك وطيحتك باش تجي ضربني ولا بغيتي ديري راسك بعقلك باش متجبديش ليا صداع ؟
راوية : ايساف شنو كاين ؟
ايلاف "دخل من سمع صوتهم " : ايس صاير هون ...
راوية : هاحنا كنشوفو شنو واقع ..."كتشوف فيه وف صفية الي بدات ترعد فاش دخل عرفات غاتنوض بينو وبين واليديه " ...
صفية : اهى واااالو والله موقع والو غير طحت ...جاني جوع وجيت ناكل ...هاني نجمع هادشي ..."تحنات كتجمع " ...
ايساف : هههههه لا حول ولا قوة الا بالله ...نوضي تلاحي لبيتك يلاه ...
ايلاف "غوت " : ايساااااف ..."خنزر فيه "
ايساف "شاف فيه " : مرتي وانا حر فيها بيي ايش بدك ؟
ايلاف : بديش اغلط فيك وفكر عيد تربيتي الك...ايش صاار فيك ابدا ما كنت هيك ...
راوية : شككني فيه واش ولدي شككني فييييه ...واش مكتحسش ؟ واش هبلتي ولا مالك ؟ راها مرتك اااااه تقبلها نتا وهي غلطتو بزوج ...مشات هي ونتا جبتيها لاااااش ...وياك تقول تصحح غلطك ويااااك ...حيث هاد الفعايل الي كدير فهاد اليتيمة راه ذنوب فذنوب حرام عليك الى دخلتيها فانتقام ربي غايحسابك فدنيا قبل الاخرة ....غانتبرا منك...."عينيها غرغرو "
ايساف "شاف فصفية وعينيه ولاو حمرين ...مشا ليها هزها من دراعها وداها وجابها خضخضها " : قلت ليك تلاحي لبيتك ؟ ولا بغيتي تجمعي ؟ تخدمي مع الخدامات نعطيوك خلصتك كل شهر ...منها تجمعي راسك نيت تعلمي كيفاش تولي نقية من لوسخ الي كنتي فيه ..."شاف فباه "
بدي ساعدها ماتروح ل العهر بييي ...بديش ياها تروح تعمل حالها شرموطة "مع قالها هز باه ايدو تال سما وطرشو وعاودو تاني حتى دارت راوية ايديها على راسها وقلبها تقبط معمرها توقعات ايساف الولد ضحوكي نشيط الي هاز هم واليديه بدرجة لولة ومحتارمهم يتقلب وتقلب شخصيته لهاد درجة " ...
ايلاف : الله ياخذ فيك الحق ...اذا مديت ايدك عليها ربي ما راح ينساها لك البنت يتيمة البنت يتيييمة واما اليتييم فلا تقهر ...حسبي الله ونعم الوكيل ...بنت خانتك هي ايش ذنبها بنت طلعت غذارة هي ايش دخلها ...هاي بنت وهذييكي بنت لك ربي فرق الروس كل راس مانو مثل بعض ...وانت حرك وسمك وانتقامك صبيته على ها اليتيمي ...
مشا كشكاشو خارجة وكيردد في فمو ...اما اليتيم فلا تقهر وايساف ولاو عينيه حمرين ضار شاف فيها وداها وجابها حتى دفعها تلاحت تاني لارض عروق نواضره خرجو وصعر دفعها وخلا مو كتغوت ومشا خرج ...حتى هبطات عندها كتهز فيها ...
راوية : معندك فين غادا نتي دابا مرت ولدي بغا ولا كره وماشي انا الي لوح مرت ولدي فزنقة كيما بغات تكون ...هادي ولات دارك وهو الله ياخذ الحق الى ضلمك ....حسبي الله ونعم الوكيل ...
شافت فيه واحد شوفة زعما بغا يهبلها وهذا ماكان هههه ...شافت فعلياء وهي تبتاسم ليها بزز باش متبينش هههه ...
نوار : م ماماليش ماماليش ههه ...
ابتاسمت ليها وهي ترجع تاكل كملو العشا وحطو ليهم اتاي وحلويات مشكلة ...اشمنك يا معمرة بلوز وكاوكاو وحلاوي شكلاط ونخوة داكشي تقليدي مكاينش حاجة بريستيج ...داز العشا نوعا ما فجو عادي وسط ناس هاي وناس عادية هكا وهكا ووسط جو مشحون ...اضطر عيسى يمشي قبل وهو فراسو ياسين غادي ويضحك وتحت راسو شلا وشلا فداك الراس المجنون الغير عادي ...مزال ما كملات سهرة ناضو استاذنو باش يرجعو
فحالهم سلمو على ناس تما ومشا معاهم الحاج حتى الباب بشكر وترحيب لمرات جايا وودع ياسين وبارك ليه المنصب ديالو على امل يبدا الاسبوع المقبل اول نهار ليه فالعمل كمدير احد اكبر فروع البنك بمراكش الحمراء ....خداو طريق الرجعة لدوار فذاك الليل ...حطات نوار راسها على زاج من العيا غفاات ما حسات حتى لقات راسها بين دراعو هازها وطالع بيها لفوق ...
نوار "كتحك عينيها ونطقات بصوت خفيف " : وصلنا ؟
ياسين : شش غير نعسي وصلنا ...
نوار"دخلها لبيت وحطها " : بغيت نبدل ...
ياسين : فيك نعاس ولا تمشي معايا ؟
نوار "شافت فيه " : فين ؟
ياسين : لمطار "شاف فساعته ورجع شاف قدامو كيحيد فالفيستة ويحل فكرافاط " ...نجيب هذاك سيد ومرته ندوزهم لوطيل صباح يجيو هنا ...
نوار : اه نمشي معاك ...
ياسين "حل قميجة وقرب باسها فشفايفها " : خليك بلا متبدلي انا نحيد هادو ولبس شي حاجة خفيفة ونمشيو ...
ابتاسمات ليه بقات لابسة هاديك جلابة وهو حيد داكشي رسمي ولبس تيشرت بيض وشورط دجين كحل لبس سبرديلا بيضة عاد هز كونطاكت وتيليفونو عنقها بجنب وهبطو تاني لقاو سهيييط فالدار كلشي نعس الا فؤاد شاعل ضو فبيته هو ويامنة ...خرجو ركبو سيارة ورجعو ادراجهم هاد المرة لمطار مراكش المنارة ...
في هاد الوقيتة وفي جيهة اخرى كان ناعس ويركل ويغوت بشوي لابس غير شورط ولفوق عريان لايح الغطا ونص فوق ناموسية ونص لاخور فلارض ...حال فمو مرة يغوت مرة يركل برجلو ...
اشرف "كيجريييي يجري ويغوت لربي الي خلقو وهذاكشي كيشوف فيه ضخم وضلام وتابعو واشرف يغوت ويولول ..." : وااعوووو واربي وااربي فوتناااااااي ...غانعيط ليك لخويا تاني اولد الفقيرة ....وااععععع وبين غا وجهك وكون راجل ....
بقا يجري ويغوت يجري حتى لقا راسو فدرب مسدود ما كيخرجش وحبس كيلهث وقلبه كيضرب ...صاافي هذا الله وربي الي غايحفض ولا اله الا الله ....
اشرف : ننن ننن ففف ببب بعد منييييي ...ب ببب عد ..."ضار يشوفو لقا ضلام كبيييييييير جاي جيهتو جاي جاااي بغا يتلاح عليه دار ايديه على وجهو كيغوت حتى سمع مياااو ...حل عينيه لقاها مشة صغيرة بيضة ...وهي ضربو الفيقة ...
اشرف "شاف فسقف عرف راسو كيحلم وهو ينوض وجلس تقاد دار ايدو على حنكو بغا يبكي " : الناااااس يحلمو بمستقبلهم وشنو غا يجرا فيه يااااو انا تا لحلم ما مقاد جاري عليا جن لقيتو مش ومنوض الهيلالة ...مال زهري مكوز تا فالحلم يا سيدي ياربي ...ناس كبيييرهم كبيرهم يحلمو بالكوا يصبحو يتوضاو الى سولوك تقوليهم استحلمت ...انا تا داك الاستحلام ماشتو فالحلم ..."شاف فساعة لقاها جوج ونص ديال ليل " ايوى شتي ...
تا باش نفيق لقاه صبح الحال مالقيتو صبح ...غانبقا غانحلم وهذا الله ..
بدا يحسب بصباعو ويعد ...
مانا من الي كواو كي ناس مانا من الي حلمو كي ناس ...حلمات عندي ملاوطة ...عمري شفت واحد كيحلم بفكرون دايز فتران كيكمي حتى لقا راسو كيتفرج فالريال والبارصا حتى لقيت لعابة ديال بارصا كيلعبو مع الرجاء البيضاوي وداز الفكرون شير ليا ....حياتي كلها هبيلة وزادني تا لحلم ....فييينك انوار الي كنت نعاود ليها ...يخ تفو ...
ب مطار مراكش المنارة جالسين فكراسا لداخل مع الناس الي كيتسناو طيارة القادمة من مطار لوس انجلوس الدولي ...صرحات فتاة الاستقبال بوصول الركاب القادمين من تما الى البوابة وهو ينوض هو وياها شد ليها فايدها زير عليهم واقفين كيشوفو فالناس خارجة حتى بان ليه واحد مگضر وطويل عريض ...ومعاه مرتو تاهي سمرة شوي لونها برازيلي ...هازين صيكانهم لور وفاليزاتهم فايديهم ...غير شافو ...
سامويل "ضحك وضار شاف فيها " : راه ياسين ..."الحوار بالانجليزية " ...
وصلو لعندو بعد ما كملو اجراءات الوراق ...حتى شرع ايديه وتم جاي وكيضحك ليه بجهد صديق ديالو حتى هو فاش كان فامريكا وجارو فنفس الوقت تما ساكن حداه ...
سامويل ؛ برووو هيللووو ..."تعانق هو وياه "
ياسين : سام ...كيف حالك ؟
سامويل : بخير ...
اليزابيث "ضحكات تا تغمضو عينيها مشات باش تعنقو ساعاك بعدها بلباقة وسلم عليها بايدو ..." : اهههه ياسين توحشتك ...
ياسين"مشافش فيها حدو نطق وعينيه فلارض " : على سلامتكم
سامويل "لاحض نوار وهو يبتاسم ليها وسلم من بعيد احتراما لياسين عارفو كيفاش داير وتربيتهم على عيالاتهم " : مرحباا ...ومبروك زواجكم ...
نوار "ابتاسمات بخجل " : شكرا ...
اليزابيث "بلا مضحك " : مبروك زواج ...
نوار : شكرا ...
ياسين : تمشيو لدار ترتاحو ؟ ...
سامويل ؛ مبغيناش الازعاج فهاد الوقت "شاف فساعة المطار " ساعة معطلة ...دينا ناخذو غرفتين فشي اوطيل حتى لغذا ونجيو ...
ياسين : على راحتكم ...
شد فنوار وسبقهم هو وياها حل ليها الباب قدامي ركبات وركبو هما لور من بعد ما دار ليهم حوايجهم فالكوفر وزاد بيهم لاقرب اوطيل نيت قريب تما فشارع محمد السادس دخل معاهم حتى زگاو وخداو جوج غرف ليهم بزوج ...عاد تسالم معاه وهو يخرج هو ونوار كانت ساعة الرابعة فجرا ...في الطريق...
نوار "بغات تسولو وحشمت حتى كتحنحن وكتولي تقول بلاش ..."
نوار"تزنگت فاش سمعت بغاو ينعسو " : اممم اه ...واش هكا دايرين فعقلهم ؟ فاش كنتفرج فشي مسلسل واقع فحال keeping up with the kardashians (مسلسل الواقع للاخوات كارديشيانز ) شي علاقات عندهم عادي هي ممزوجاش براجلها ومعاه فدار والدين وعادي وكاينة الي مع راجلها ومتافقة تكون مع واحد اخور (يعني تنعس مع واحد اخور واخا مزوجة ومتافقة مع راجلها ) ومتافقين ....واش هاذشي عادي عندهم
ياسين "سايق وكيهضر " : اختلاف ثقافات وفكر هكاك دايرين مدام صراحة بيناتهم كل واش دار ليه الله فعقلو الي ممفاهمينش الي عندو غيرة الي محافضين ...مهم صراحة بيناتهم ...هادشي الي ذكرتي بصح كاين ...عادي جدا ...
نوار "خرجات عينيها " : كيفاش عادي جدا ...عادي تكون مرتك مع واحد اخور ونتا متفاهم معاها"نسات راسها الغيرة بدات تحرك فيها يحساب ليها تاهو غايمشي مع وحدة عادي عندو نسات دمه الحامي الي منوض روينة وصمكة (لحرب ) على ودها لاحت داكشي الي دار فسطل زيل هههع محسات حتى فرانا طوموبيل بجهد حتى مشات وجات دارت ايدها على فمها بلزتها ...
ياسين "ضار مشربن عندها " / تتهضري بصح ؟؟؟؟؟؟
نوار : لا لا غير سولتك حيث قلتي عادي جدا ...ما بصحش هننن مالك ...عنداك تعضني اهى ...
ياسين : هادشي الي كيوقع على ودك وعادي عندي ؟؟؟ بنت ليك لا انا لا تربيتي وشخصيتي وديني يبغيو هادشي …اش تتخربقي ...
نوار : واا غير معرفتش نسولك ...غا سولتك واش عادي مرتك تنعس مع واحد اخور "ويييييويو كون غا سكتت لسان ما فيه عضم ولسان نوار معندوش لا لسان لا فران " ...
ياسين "هز ايدو وحبسها " : سكتي ✋🏻...
هي من عفويتها غير سولات وسؤال باش تقوليه زعما غير رأيو معرفاتش توصلو ليه وطبزت ليها العين ...جات تكحلها عماتها بسؤالها الغبي هههه ...كسيرا وزاد بيها لدار ماهضر ما تكلم اما هي ما دواتش عرفت راسها قودتها وقلقاتو ....وسؤالها ما يتسولش كاع هههه ... ... هي سولات غير على العقلية مجرد رأي ماشي هو كشخص باش تفهمو ما عرفاتش وتاهو عرفها هبيلة فسؤالها ما هضرش معاها سكتها وخلاها تغالى فعقلها والحرب نايضة اش دير وما دير ...وصلو لدار طلعو لبيت حيد حوايجو وتلاح فبلاصته حط تيليفونو وضار ينعس اما هي لبسات بيجامتها وتخشات حداه عاطيها بضهر معصب بلا قياس ما حيلته لعيسى الي باقي صاعر من جيهته ما حيلته لهاد الهبيلة الي تزوج وباغي ينفارد بيها ومالقا وقت ولا حتى الراحة فين يكونو بزوج ...حتى تنهد وهي ضور عندو بقات تشوف فتنفس ديالو ممنتاضمش ...
نوار "كتشوف فيه واش دير ما دير وهي تحط صبعها نغزاتو " : ياسين ...
ياسين : نعسي ...
نوار : عاافاك سمح ليا ...
ياسين : الله يسامح نعسي بدلي ساعة باخرى ...
نوار : لا مغانبدلهاش ...
ياسين "ضار شاف فيها مخنزر ...يلاه بغا يهضر حتى قربات ليه وهي تقرب ليه اكثر غمضات عينيها قربات ليه حتى لصقات معاه وعنقاتو وهي تبوسو في فمو حتى خرج عينيه ..."
ضار شاف فيها مخنزر ...يلاه بغا يهضر حتى قربات ليه وهي تقرب ليه اكثر غمضات عينيها قربات ليه حتى لصقات معاه وعنقاتو وهي تبوسو في فمو حتى خرج عينيه ..." بخطوة جريئة منها واخا هي خطوة عادية بين راجل ومرته لكن هي مع اول مرة غاتكون خطوة صادمة منها نضرا لطبعها وخجلها فاش كيقيصها ولا يقرب منها ديما البادرة منو هو اما لا جا عليها بقا تم ....
نوار "باش تصحح سوء الفهم او تعتاذر منو ولا باش ميبقاش مقلق اضطرات تضغط على نفسها وتشجع قربات ليه تلاصقت معاه وحطات فمها على فمو ...كتسنى يبادلها البوسة حتى تفاجئت بيه محركش فمو وهي تبعد كترمش فيه " : سمح ليا ..."بقات مقربة ليه وكتشوف "
ياسين "بقا كيشوف فيها ...عجبو الحال وعرف نقطة ضعفها هي انه ميتقلقش منها ممكن دير اي حاجة والملعون استغلها فحاجة فراسو ...سكت طمر مبينش الفرحة فعينيه ولا قال شي كلمة تبين انه فرح ..نطق " : شنو درتي دابا ؟
نوار "صرطات ريقها " : اممم ؟
ياسين : شنو درتي دابا ،علاش نسمح ليك ؟
نوار "حدرت عينيها بغات تكحز "
ياسين : تحركي من بلاصتك نتفاهم معاك ...سولتك ؟؟؟
نوار "تتهضر وعينيها لتحت دلات شنيفاتها بغات تبكي..." : على شنو قلت قبيلة ...غير معرفتش نسولك اما انا عارفاك كيف داير ومجاتش اصلا نفكر فيها ...غير حيث كيقولو من عاشر قوما
ياسين : اربعين ليلة صار منهم ...بنت ليك وليت منهم ؟ الي فالدين وفطبعنا ما يتبدل ...هذاك سؤال مكيتسولش كون ما عرفتك كتسولي بنية وفهمتك شنو بغيتي توصلي كون كان حساب غير ...ولي تعرفي تهضر وفكري قبل متسولي ...
نوار : وااخا ...تصبح على خير "ضارت باش تنعس حتى جرها ولصقها معاه ثاني وهاد المرة هو الي حط شفايفو على شفايفها كاتم انفاسها بقبلة دافية وايديه ورا ضهرها كيتحسسو كل انش منو بحركات كيبورشو وكيزيد يلصقها معاه اكثر حتى بدا كيزيد فوتيرة القبلة اكثر ...وكل مكيزيد كيزيد يجعر حتى كيحبس راسو بزز صافي قرب يتصطى عليها ومقدرش مزال يصبر بعدها وقاليها ضور تعطيه بضهر قربها ليه من كرشها لصق ترمتها مع كرشو ....
ياسين "كيهضر فوذنها " : وجدي راسك صباح مغانفطروش هنا ...
نوار : فين غانمشيو ...
ياسين : دابا تعرفي ...ديري بحساب مبعدين شوي نهار كلو حتى ليل عاد نرجعو ...
نوار : واخا ...
ياسين : تولي فحال هكا ميخصك خير معايا ...
نوار : فحال اش هههه
ياسين : كيف عرفتك نهار غيبتي بين دراعي اول مرة شفتيني ...
نوار"زمات فمها مبتاسمة بخجل " : ههههه كان ضاربني البرد داك النهار فاش جيتي ...ومكنتش عارفة غاتجي واول مرة غانشوفك حيث فاش كنتي كتجي كنت صغيرة بزاف ...
ياسين : دابا مزالك صغيرة بزاف ...
نوار : عندي عشرين عام ...
ياسين : ومزال صغيرة فتصرفاتك وهبالك ...ماعليش فشوشك جيبيه عليا واجب ديالي هذاك نهز هبالك ولكن حاولي تخدميه فبلايصو ماشي فاش مكان ...تفاهمنا ...
نوار : تفاهمنا ...
باسها تحت وذنها وزاد عنقها وبقاو هكاك حتى نعسو ليهم شي سويعات قليلة مع صبح صبحية صبح كيلبس فحوايجو خلاها تفيق على خاطرها بدات كترمش فعينيها وتشوف فيه واقف عند الماريو كيلبس ...ضار شاف فيها ونطق ...
لقاتو حط ليها واحد جلابة بقا كيعزل تما وخا ما عارفش لكن عجباتو ولقاها مناسبة ليها لخرجة ...
ياسين : هادي لبسيها ...
نوار "شافتها " : مسافرين ؟
ياسين : لا غير هنا ليل ونرجعو ...
حركات راسها بالايجاب باقي دايخة بنعاس
ياسين : لبسي على راحتك انا لتحت نكمي بينما جيتي ...خلاها كتوگض وخرج هو هبط لتحت يكمي ...
ضورات عينيها لجيهة تيليفون هزاتو لقاتها سبعة ونص صباح ...بقات شوي حتى توگضات وهي تنوض نفضات الغطا وناضت قاداتو وهي كتفوه عاد مشات لدوش قضات حاجتها وروتينها اليومي سنانها ديما محكوكين وحالتها ديما نقية ومهلية فراسها هادشي علماتو ليهم يسرى من الي بداو يتعلمو ...وبدلات كيلوطها صبنات القديم بايديها ...لبسات واحد جديد وسوتيان جداد كانت مدوشة اصلا محتاجتش تدوش ...مشطات شعرها وتقابلت مع جلابة فالمسكي كانت …جوهرة حرة بتحتي ديالها ذهبي ...مخيطة بالصم ذهبي ديال لعرايس
من الثوب الي خدات ليها يامنة بنفسها كادو منها شخصيا بما انه قاليها غايضلو نهار كامل يعني من خرجات العسل ديال لعرسان يعني خرجة ...لبساتها ولبسات تحت منها كولون مسكي حتى هو ...قاداتها ولبسات صبيبيط بلا فذهبي مصايبة ليه سوميلا على حساب رجلها معليينها على لاخرا حتى جابت توازن بين فردات ...
ديجا دايرة طوانگ ذهب صغار حجيرات دارت سنسلتها ولبسات خام مارياج ديالها تقابلت مع المري فردات شعرها خلاتو على راحتو لبسات مكانتها سميطة رقيقة ديال ذهب تاهي ودوك براصلي الي جاب ليها دارت غي واحد مع المگانة وكورميط الي فيه خميسة ايدياتها واخا ضعيفة شوي زوينين وبيضين فحال كريمة ...
ذهنات ايديها بكريم نهاري مرطب من كلينيك الي جابت ليها عمتها رشات بارفانها وحلقات على الحالة عروسة تتبان من طرف لاخور عليها السر والملح ...هزات صاكها بجنب دارت فيه تيليفونها وشارجور وكيت ولوازمها وخرجات من لبيت هبطات فدروج بشوي حتى لقات الحبيب وعلي واقفين ...
نوار "غمضات عينيها ولابسة مزيان اول مرة يشوفوها فهاد الحالة وغايشدو فيها ياربي واش جا مايسكتهم كي غادي تهرب ولا دير راسها ميت دايز من حداهم ...ماجات فين ترجع تا دار علي وقشعها بدا ينغز فالحبيب " : يااالاطيييييف
علي : واااا تا ورق ليا على عمتي حادة ملي تزوجات ...
الحبيب "رمش فيها عينيه الخضرين " : شكون هادي ...
علي : حادة بنت العربي الي فمداولة ...هههخ وتا مرت خوك اويلي ...
الحبيب : تا امتا ولات مولات دار هادي ...حيد كحز ...
شوي دخل ياسين كان كيهضر مع شي واحد من الخدامة ودخل حتى لقاها واقفة معاهم بابهى حلة شاف فيها من فوق لتحت حمقاتو بديك جلابة عروسة ولا احبى منها بانت فعينيه كاملة مكملة بلا مكياج ونازل عليها السر ...
ياسين "حنحن حتى ضارو شافو فيه " : شنو موقفكم هنا ؟؟؟
الحبيب : كنتسناو فالحنانة هي والوليد والخالة يسرى ...شوي وتخرج غادين معاهم لمراكش على ود دكتور الي غاتبع معاه غادين معاهم تال تما ...
ياسين : مزيان ...رد لبال ...
الحبيب : غاتبقى هنا ولا خارج ...
ياسين : خارجين برا مراكش ..."شاف فنوار " يلاه ...
نوار : نسلم على ماما وخالتو يامنة ؟
ياسين : معاك هاد ليام يلاه "قالها ليها ومشا سبقها وهي تحنحن وتمات غاديا ابتاسمات ليهم ومشات تحت انظارهم خارين عليها بضحك حيث غا كتشوف ياسين وهي وسطهم لوان كيتبدلو فيها بالحشمة مزال ممتعوداش عليه راجلها وسط منهم وحيث جا كلشي على غفلة زواجهم على غفلة عاد كيستوعبو انها مرات ياسين بصح ....
ركبات
حداه وقادت سانتيغ وهي تفرد شعرها قادات لور ...
ياسين "شاف فيها " : تسناي هنا ...
نوار .: مالك ؟
ياسين "حل سانتيغ " : نسيت شي حاجة "نزل من سيارة بزربة طلع دغيا البيت هز داك ساشي الي جاب من الكوموند ..ونزل دغيا حطو ورا سيارة وطلع قاد سانتيغ تاهو فابهى حلة ديما من ايامو
وهو لباسو مقاد ومانتك وديما حالتو نقية وخا الفلاحة كيتمرمد لكن فور مكيسالي كيدوش وينقي حالتو ...تاهو كان لابس سروال فصالة كحل كلاس و قميجة بيضة حال ليها ثلاثة صدايف لفوقيين مزيرة عليه مع عامر من الكتاف ومگضر كيحلها باش تنفس وتقاد ...مرجع شعرو لور منفوخ بالقوة الي فيه ولحية مقادة ومسطاج طويل شوي ...وريحة الي
سابقاه خفيفة مخلطة بريحة الگارو القضية فشمان مقودة ...تقاد وتهز حتى تقاد فبلاصتو عاد ديمارا وكسيرا خرج من دوار وطلع لطريق مراكش حتى وصل لمدينة وخرج عليها شوي من مراكش لهيه خذا واحد طريق شي ربعطا لكلمتر خارج مراكش فواحد الواحة وحداها اوطيل على شكل رياض كبير ...
حتى وصل لواحد الواحة فيها النخيل ووسط منها اوطيل رياض كبير خاص ...بلاصا قدامو ...
ياسين : نزلي ...
نوار : شنو هنا "كتشوف "
ياسين "قرب ليها وشاف فيها اكثر باش توتر " : شنو بان ليك ؟
نزلو بزوج سد طوموبيل وتسناها تا ضارت جيهتو عنقها جنبو واصلة ليه تحت باطو وخا هي ما قصيراش طولها 1,66 لكن هو الي طويل تبارك الله وعاطي لعين ...غير دخلو وهي تنباهر وخا هي كدخل لبلايص غاليين مرة شعبيين كل مرة واش لكن قهاوي وريسطورات مراكش عندهم ديزاين (تصميم) غير...تصميم رياضات فشكل حيث ريسطو كان لداخل ديالو رياض وبرا كتخرجي من لور كاين متسع كبييييييير متسوطو مسبح كبيييير ...ضاير بيه شمع فوسط فوانيس غير كيكون ليل كيشعلو وتبان شمعة مضوية على زواقتهم البلدية ...والمسبح مرشوش فيه الورد باشكالو مزينو ...
وصل معاهم سرباي حتى ل بلاصتهم كانت على شكل فوطويات و لارض مفرشة فيها مخيدات بلديات صغار ومخيدات مطروزين بطرز الحساب فكرونة و مفرشين زريبيات تقليديين بخدمة ليد وصينيات نحاس محطوط فيهم قريعات العطر والورد ومريشات جنبهم ...وسط الطابلة محطوط صينية فيها
زوج زلايف صغار ديال نحاس معمرين بتمر معمر بلوز والكركاع تمر ملكي ...وابريق نحاس فيه حليب منسم بزهر وقدامو فناجن ديالو وجنابهم الورد وريحان ...بقات نوار غير كتشوف حمقها المنضر وريحة الي عاطية والورد كيفتح نفس والطبيعة يا سلام ...
نوار "هزات كتافها " : الي بغيتي غير انا بغيت قهوة وحليب عافاك ...
ياسين : فطور بلدي انا راك عارف ...
السرباي : الله اودي هههه مرحبا "ابتاسم ليه ومشا "
حنحن ياسين كان جالس لارض هو وياها تاني رجل ولاخرا موقفها ومتكي بمرفقو على لمخيدات مقابلة معاه نوار ... هز البريق كب منو فالفناجن هز فنجان وقال ...
ياسين : قربي عندي "شافت فيه وهي تقرب شربها منو شوي حتى ضحكات من هاد الحركة المفاجئة ومراداش لبال لي كيصورهم وموصيهم ياسين ياخذو ليهم صور تذكارية لكل لقطة دوزوها فحال هاد نوع من تصاور كيكون عفوي وزوين ...يصورو اي لقطة بيناتهم مخلصهم غير لهاد الغرض طبعا مع ريسطو تابع لداك رياض الي هو اوطيل اصلا كتخلص وكتريزيرفي طلباتك ماعليك غير تخلص ...
ياسين : علاش لا ..."تاهي شرباتو " ..عطاها تمر وتاهي عطاتو غير داير ليها خاطرها وصافي اما معندوش مع تمر ...
نوار "ضارت شافت جنابها " : وااعر هنا ..."كتشوف ناس قلال " ناس قلال هنا وخا صيف ؟
ياسين "شاف فساعته" : الوقت باقي بكري ...دنيا هنا كيكون سهرات فليل لسياح فالواحات هنا ورحلات بعاد ...الفوج ديال هاد سيمانة فرحلة لاكيمدن داكشي باش استغليت وخذيت اليوم ...
نوار : غايكون غالي كيجيو ليه غير سياح ...
ياسين : عادي كيجيو حتى عائلات مغربية دايرين ليهم ثمن مناسب ونتا وشنو طلبتي كيتزاد ثمن ...ماعليش لواحد عايش مرة وحدة فحياته يمتع راسو والناس الي قراب ليه الخير موجود كيما كانت عينك كبيرة وما بخيلش كيما ربي مسك عليك ....عيشي بمبدأ الفلوس كتمشي وتجي ...
نوار : غانبقاو هنا ؟ هههه عجبني ...
ياسين : نبقاو حتى ليل ونرجعو ...شوي ونطلعو لفوق ...
بداو فالفطور فجو حميمي فيه الخجل مسيطر عليها هي وياه راس فراس فخرجة ليهم ك عرسان جداد ...سالاو الفطور وهو ينوض على وقفتو ساس سروالو وتقاد مد ليها ايدو نوضها وعنقها ...تم غادي بيها حتى دخلو وجا عندهم واحد من تم ...
سي ياسين ...
ياسين "مد ليه كونطاكت " : واجد داكشي ؟
هو : كلشي هو هذاك كيف طلبتي والى ناقص علمني ...
ياسين : ما خاص تاحاجة تنقص ماشي حتى نشوف اش ناقص ...
هو : احم لا كون هاني سي ياسين ..."نوار معنقها وكتشوف ما فاهمة والو لكن انبهارها برياض سل بيها العقل ..." ...جيب ليا داكشي من لكوف ...
هو : واخا مرحبا " مشا هو وهو يجرها مشاو سانسور وطلعو ...مع تحل الباب حلات فمها بانو حلاقمها حتى مد ايدو لفكها وسد ليها فمها " ...ياسين : مزال وقت حلان لفم تا يبلغك المقصود الي ما منو هروب "باسها فشفايفها ببوسة حتى تسمعات "
المنضر الي بان قدامها فور ما تحل سانسور خلاها منباهرة الشي الي خلاها تحل فمها حتى بانو حلاقمها...تحل السانسور نيشان على جناح بلدي قدامو ضواية كبيييييرة شاملة قدام الغرف ديال رياض كلهم وعند دربوز ( لحديد الي كيشدو فيه الى بغاو يطلو على لتحت ) غريسات ضايرين بيه فحال لواية بوريقات خضرين ولورد ...فاش كطل لتحت كتلقى سقاية كبيرة فيها كل قلة من نحاس كتخوي الما ومرشوشة بالورد فالما عاطي دفئ عربي لرياض ...تقدم خطوات
تقابل مع الغرفة ومد ساروت فحال بطاقة الكترونية حل بيها الباب كانت غادخل وهو يحبسها ...
ياسين : شش تسناي "وقفات حتى غفلها وتحنى وهوپ هزها بين دراعو ودخلها حطها وضار سد الباب ...بدات تصرط فريقها وحناكها طلعات معاهم سخونية لكن سرعان ما مشات غير ضارت حطات ايدها على فمها كتشوف فالمنضر الي قدامها ...
نوار : واااو ...
ياسين "جا من وراها وعنقها من كرشها قربها ليه كيتحسس ليها كريشتها ونطق " : شنو عجبك ...
نوار "باش تجاوبو سكتات كتشوف وعينيها كيلمعو وشميعات الي شاعلين سانين فعينيها ...شمع كيطلق عطور الفانيليا ضاير فالغرفة الي تصميمها عربي شراجم والعود ارابيسك والمخاد صغار منتاشرين والورد مرشوش فكل انش ومكان ...والناموسية محطوطة فلارض بلا عود غير فلارض وضايرين بيها اعمدة لايحين فوقها خامية كبيرة مغطياها فالابيض وهي مفرشة بالبيض ب كوفرلي بيض فبيض ومخاد فوقها مستفين وشموع شاعلين ضايرين وزيلفات نحاس معمرين بما زهر وبالورد مزينين ...
ياسين : عجبك ...
نوار "قلبها كيضرب " ؛ وااعر ...غانباتو هنا ؟ علاش مقلتيش ليا كون جبت مانلبس ...
ياسين ؛ تت مغاديش نباتو هنا "حنحن بصوته الغليض نطق " غاندوزو وقيتة بزوج هنا بيناتنا ...بغيت وقيتة راحة البال ليا وليك يرتاح دماغي من تمارة وهضرة بنادم وفريع راس ...ماعليش جينا هنا نريحو بالنا وندوزو وقيتة بيناتنا ...الحوايج ماتهزي همهم "دق الباب باسها فعنقها وضار حل الباب عطاوه صاك وديك ساشية ...ضور مع السيرفس ودخل هازهم فايديه وحطهم ...
ياسين : فحال فحال كيف ليل كيف نهار ايامنا غاتولي كي نهارها كي ليلها ...
نوار : واخاا انا نحلها ..."حطات صاكها الي شدو وحطو فجنب تما ...بدا كيحل فصدافي القميجة كلهم ...حتى ترعها ( حلها بجهد كيحيد فيها من جناب سروال) وحل صدافي الكمايم ضار لقاها كتحل فديك ساشية حتى لقاتها من اسم شي محل فامريكا ...حلات سكوتش الي ملصقة بيها كانت فيها ساشية وكرطونة صغيرة ...جبدات منها ...وهي تزنگ وبدات تمتم وتحنحن وتحك فعنقها ولا تفرد شعرها وتعاود ديرو ورا وذنيها ...
ياسين "دار ايديه على نصو صدرو عريان وحاضيها كيفاش كتشوف ووجها الي تزنگ وفمها الي ولا يترعد ..." ..
نوار"هزاتو كان شوميز دونوي بيض ديال ساتان طويل بينوارو تحت ركبة وهو قصير عند المؤخرة بسترينغ ديالو بيض مرشوش ب الفضي شوي ...معاه ريحة ديالو خاصة بهاداك نوع وخاصة بليالي الحميمية…شماتو وهي تغمض عينيها ..." : شحال زويين ...
ياسين "قرب ليها وحاوطها من كرشها وهو وراها ..هز كرطونة صغيرة حلها كانو فيها زوج برودويات معرفتهمش " : هادو من بعد وتعرفيهم وهادي (على ريحة ) وصيت عليها كاينة غير تما "ريحة كاينة ف امريكا وكاين حتى محلات فاوروبا خاصين بليالي الحميمية نسيت على اسم المحل حتى نسول ونقولو ليكم ...خصوصا بلجيكا ...فيه كل ما يخص لعلاقات الجنسية من عطور زيادة رغبة شوميز دونوي سترينغات بومادات كلشي خاص بالعلاقات الحميمية ولجو ديالها حتى من شموع ليالي الحمراء " ..
نوار : علاش وصيتي عليهم من تما ؟ احم را ام عندي ...
ياسين : هذا مني ليك اول واحد غاتلبسيه هدية من راجلك احسن ...
نوار : اه ...وهادو شنو هما ؟
ياسين : هادو توصل وقيتهم وتعرفيهم ...هادي تهلاي فيها الى سالات ليك قوليها قبل باش نكومندي عليها .."باسها فوذنها ونطق " سيري لبسيه ...
نوار "سكتات حس بقلبها كيضرب من كرشها وهو يضغط عليها بلطف " ...
هي عروسة لبسات البيض غير شافوها تهزو الحلوق وحركو لسان صنع لينا صوت رنان كيعلن بداية حياة بين لالة البنات وسيد رجال ...وفي بيتهم تلاقاو لبسات ليه البيض وفي العشق بداو بلون المحبة والصفا ...ف
سبحان الي زين عروستي بالبيض وهي بنت بنوت ( عذراء ) ...
هادي ماقراهاش من كتاب انا الي الفتها لا يحساب ليكم غا انا درته قراها فكتاب 😌
نور الياسين الجزء 15
محتوى القصة
التنقل بين الأجزاء