هاد الكلمة بقد ما صعيبة تقال بقد ما صعيبة تواجه بيها شخص ...واخا هذا غير احتمال لان تحاليل جابو شك والاعراض ايضا ...لكن باش تقال ليك مباشرة ف هذا يعني انه احتمال كبير انه مصاب بيه ...الصدى ديال هاد الكلمة بقات كيتردد فوذانهم وخصوصا يوسف هاد الكلمة كيسمعها بعييييدة حتى كمش بايديه على جناب الكرسي وزييييررر عليه ....
مروة "باسف " : خاصني نتاكد بالفحوصات الدقييقة من سكانير وليريم وبزاف باش نتاكدو نتمنى من الله مايكونش وحتى الى مكانش يكون السل لان تشخصيهم نفسو ...لكن الي عندي هنا كيشير لهادشي ...
يوسف : شنو دابا ندير.؟ ماا فففف "مسح على جبهتو بالتلفة " ...سمحي ليا وحدر راسو ...
مروة : الي قلت ليك ...
خوذ كونجي هاد الايام غادي نكتب ليك على شهادة طبية بالمدة الي غادي تدير ...
صهيب : شحال مدة الفحوصات ؟
مروة : تقريبا سيمانة على حسب حتى نساليوهم غالبا اقل من سيمانة ...ياخذ موعد ليريم دابا غانتاصل باش ناخذ ليه موعد فالمصحة الي كنخدم فيها و سكانير حتى هو لكن كيبقا ليريم ادق الى اضطر لعملية ولا شي فحص كيعطينا تدقيق اكثر ...غاتبدا من غذا اسي يوسف مخاصش تعطل باش عليها نشوفو شنو نبداو ...
صدمة مااا بعدها صدمة اش ندير واش نقول واش غايعرفو ولا ميعرفوش واش نقول لولادي ومرتي وخوتي اش ؟ ...الخبر نزل عليهم بزوج فحال الصاعقة ...خرجو بزوج واحد فيهم مصدوم محطم ولاخور غير كيشوف ...ركبو فسيارة شحاال وهما واقفين بيها تاحد فيهم ما قدر ينطق بكلمك باقي راسهم كيدندن بشنو عرفو سرطان !!! يعني موت !!!
شكون الي كيعرف عندو سرطان وميفكرش فالموت ؟ ...
يوسف "حك وجهو بجهد وضار شاف ف صهيب بان ليه وجهو تزنگ ووذنيه كذلك ومناخرو جناوحهم كيفرفو " : تههههههه اداك الثور باغي تنطح شي حد ؟
صهيب "الصمت" ...
يوسف : وااا صهيب هههه ...سرطان الرئة ههه تا ياك قالو كيجي الي كيكميو ؟ وانا نهار جربتو فيه ملخني فؤاد سلخة كتر من سلخة ديال نهار ساق الخبار تزوج بالفجلة هههه ...
صهيب "الصمت "
يوسف "خبط ليه على كتافو حتى مشا وجا " : وااا صحيبي ...
صهيب "جمع فمو بعضة شحال عاد تنهد وضار شاف فيه " : شكااين ؟
يوسف : تا راه قالت ليك احتمال اصحبي تفائل وانااا الي مريض محاسش بيه ...غير احتمال اعشيري ...
صهيب : زعما مغايكونش ياك ؟
يوسف : تا بليمين مكاين راه هاد الطبة (الاطباء ) غا تيرگعو كاين الي غا ضاربو البرد كيقولو ليه فيك بومزوي ...
يوسف : ههههه عقل الصغر ...تعقل فاش جاتك السخانة ونتا تبدا تهتهت قلتي لميمة راه يوسف واحد المرة قاليا خلي الميمة تسافر وندخلو شي جوجات على كيفنا لدار نقصرو ...
صهيب "طرطق بالضحك " : اميييمتي غيير وليت لباس ملختنا بجوج وجمعت تا الياس حيث تعطل ماجا تالاش من وقت وجمعتنا بثلاثة مفهم والو ....
يوسف : ايييه وتعقل نهار حصلني فؤاد يلاااه جريت جرة من الكارو وقف عليا ...
صهيب : هههههههههههه حصل ليك دخان فمنخرك وفمك ماعرفتي تصرطو ولا تبخو غير قجك ونتا تنفخو ليه على وحهو مع تصرفيقة رعد ضرب ههههههه
يوسف : هاديك كانت اول مرة واخر مرة هههه وزعما هي الي دير ليا سرطان الرئة ؟ حيث خنت ثيقة خويا والوليد ؟ داكشي علاش رباوني وعلاش مشا خويا لموت باش منخرجوش طريق وميخصنا خير ؟
صهيب "رجع تفكر المرض " ...
يوسف "ماحسش براسو حتى نزلو دموعو يجرييييييو شاف فصهيب " : انا الى جات عليا رااني مبغيييتش نموت مبغييييتش ...لمن نخلي بناتي ومرتي ؟ لمن نخليك ونخلي خوتي ...اش غايديرو من ورايا وكيفاش غايعيشو ...مابغيت نعذبهم وانا فالدنيا نعذبهم وانا ميت ؟ ...
مسافة الطريق خرجو على مدينة مراكش الحمراء وخذاو طريق واحد طريق اغواطيم جات فطريق تاحناوت بالضبط لواحد المجمع سميتو لو دووم ...le dôme....فيه مسابح وريسطورات عائلية وسهرات بالليل ...وصل وبلاصا سيارة وخرجو ضار جيهة يامنة عاونها حتى خرجات تابطات دراعو ونوار شادة في يامنة من جيهة لاخرا وغاديات ويضحكو بزوج وياسين وسطهم بديك نضرة تقولي بغا يضارب الحاجة الي متشبه بوها حرااام ....هو فلداخل ديالو فرحان وراضي على لمتهم وحداه مبمتو هي اهم شيء
ميمتو راضية عليه وفرحانة انه بجنبها وممشاش تاني بعد لبلاصة بعيدة وخلاها اسيرة دموعها تاني وكل ليلة تاصل بيه فرحان انه لقا بنت الناس الي خلاتو يستقر ويقرر زواج بيها ونصيبو الي كان هو نوار ...دخلو مع قبل كان مخلص كيف العادة مجهز قبل غير عطاهم تيكيت ودخلو لداخل ....عطا
لمكلف تما سمية ودخلو ل بلاصة فطابلة مقابلة مع المسبح دنيا مغربية ومضللة تما ...في جيهة لاخرا الناس كتعوم وجيهة لاخرا مبعدين عليهم شوي هي فين جلسو والموسيقى خدامة ...جلسو فبلاصتهم ....
ايوى داز الوقت حتى هزو المشروبات كملات جلاصها بحب وداز الوقت قرب حداها عنقها ومو مقابلة معاهم حتى صونا ليها الفون كان فؤاد ...
ياسين "ناض ونوض معاه نوار شاف فمو باش يخليها تهضر براحتها ويضورو تما لمسبح لاخور بينما جابو ليهم الغذا الي وصاو عليه مشاوي وشلايض وداكشي المرافق ليه وفريت ..." : يلاه معايا ...
عنقها وتمو غادين واحد مسافة حتى بعدو شي شوي تما كتشوف وغادين حتى فتح الحديث معاها ...
ياسين : شنو بغيتي تمشي مع الحنانة ولا تبقاي حتى نديك ؟
نوار : نبقا معاك حتى تديني انت ...
ياسين : معاش عندك الدخول ؟
نوار : نهار سبعة فالشهر ...
ياسين : مبقاش بزاف ...نبقا نديك ونجيبك انا الي خصاتك غادي توصلك وقت الي كان عندي خاوي غانجي عندك وقت العطلة غانجيبك ...من هنا يومين غادي توصلك كارط گيشي ديال حسابك الي فتحت ليك ...
نوار : ولكن عندي انا حساب ديالي ...
ياسين : ماعليش حوليه لهذا جديد ديال البنك الي خدام فيه ولا خليه وخدمي ب دو كارط ...والي خصاتك هاني كنأكد عليك خوديها ومتخصصيش راسك والى صعابت عليك قوليها نبغي نكون على علم باي حاجة عليك ومتخلينيش نتشطن عليك تفاهمنا ؟
نوار : اوكاي واخا ...
ياسين : الله يرضي عليك ...
رجعو لعند يامنة جابو ليهم الغذا تغذاو فجو زوين عائلي مغربي بين ضحك يامنة ونوار وبين جماعتهم مع ياسين وتوصياتو هضر مع باه وهضرو معاه وهضرو مع يسرى وراوية سولوهم على الطريق الي كانو قراب يدخلو لازرو ...
ياسين : شنو تشربو شي حاجة دابا ؟
يامنة : اييه علاش لا ...نوار بنيتي ؟
نوار "بابتسامة صغرات فيه عينيها " : بغيت گلاص ...
ياسين "شير الولد وجا عندو خذا طلباتهم كلهم ...نص ساعة كانو حاطينهم ليهم نوار غير شافت الگلاص وهي تجرو عينيها فيهم القلوبة من ديما عشقها هو الگلاص ( عنداكم تقولو كتوحم وتهبلو ) ...
نوار "كتاكل وتبنن وتلحس " : اممم
ياسين "جالس مفرق رجليه كيكمي بعيد عليهم شييي شوي نفث دخان وضار ديك جيه شد فمو بصباعو بزوج ومرة يعضعض فيهم من هاد الخليقة الهبيلة بيمن مزوج ولااا هي حشمت "
بقاو جالسين حتى وصلات جوج ونص ديال نهار وهما جالسين كيتبردو تما ياسين منغامس مع تيليفونو كيهضر مع الفيرما سالم والخدامة وحتى مع جدو وهضر مع باه ثاني والاشغال ...مرة يهضر معاهم نيت يشد معاهم جماعة غيز كيدير الخاطر باش ميحسوش بالقنط ...
نوار : ياسين ...
ياسين "كيشوف فتيليفون وكيهضر " : نعااام
نوار : احم واخا نمشي لهيييييه "كتشير بصبعها "
ياسين "هز فيها راسو وشاف فين شافت كانت بلاصة فيها العاب وواحد الطيشة (مرجيحة مهم تزعلل ههه ) ...
يامنة : ساعف ساعف ووسع خاطرك معاها دابا غاتوليو عايشين وحدكم من هنا لقدام وخا دير ليها خاطرها صبر تاتولف انا الي ربيتها وعارفة طبعها كي داير هي حنينة ودرويشة ولكن حاجتها كتولي وحدة اخرا عليها ...ماتقصحش معاها وساعف ...
ياسين : واا هذا هو الزواج مشكيل تابع لاخور نعرفو بيه طبع لاخور ...يكون خير الحنانة ...
في هاد اللحضة كانت طابلة مقابلة معاهم عاد لخو وجلسو بزوجات هي واختها كيتسناو فيه يدخل من برا كان كيهضر ويكشكش فالفون كيف العادة وشكون من غيرو المختل عيسى المنصوري ...
غزلان "حيدات نضاضر شمس دارتهم فوق شعرها " : اووو واعر هنا
ايمان "كتشبه لغزلان وشوي من عيسى شعرها كحل وعينيها كحلين ومكحلاهم ودايرة عكر مارون ماط تاهي طالقة شعرها " : ياختي كون هي جبنا معانا نسرين ...
غزلان : اش اوا بيتي بيها خلي البنت تتوجد غاديا ل ان سي جي ديالها ...
نوار غير بان ليها هي معقلاتش عليه لكن غي بان ليها وهي تنوض باش ميجيش ياسين ويتجبد صداع غير راجل حداها كيصعر ...ناضت بزربة والدعقة طاح ليها تيليفون كاع مردات ليه البال ومشات كتزرب ...
رجعات لعندهم كتزرب وانفاسها متسارعة وجهها مخطوف منو لون حتى جلسات بجهد فوق الكرسي ...
ياسين"هز عينيه خنزر فيها من الجلسة الي دارت كانت غاطيح بالكرسي " : تت بشوية عليك ...شنو واقع ؟
نوار "كتلهت " : واالو غير عييت بتزعليل وجيت ...همم ..."هزات الكاس ديال لما تكات عليه كلو "...
ياسين "حاضيها تنفسها مامنتاضمش ضار لبلاصة فين كانت مكان تاحد وضار بجنابو ماقشع حد لافات بنت كانت مقابلة معاهم مركزش فيها شوفة ولو ركز كان غايعرفها او تشبه ليه لعيسى وجاب الله مجاوش تما ...ورجع شاف فنوار " : هضر معاك شي حد ؟
نوار : لا لا والله …
ياسين : مزيان ...هاد المرة الى بغيتي ترجعي نمشي معاك بقاي حتى تشبعي ...
نوار : واخا ..."ضارت تهز تيليفونها مالقاتوش وهي تضور عند ياسين " تيليفوني !!!
يامنة : ديتيه معاك ابنتي ...
نوار : فينهو مكاينش ؟؟
ياسين : خليتيه تما فين كنتي ؟
نوار : ماعرفتش !!!
ياسين : غير بقاي انا نشوف معندو فين يمشي هنا مأمنين الدنيا ...
نوار : يقدر نسيتو فين كنت كنتزعلل ...
مجاوبهاش وناض مشا حتى لفين كانت جالسة وهز تيليفونو كيصوني عليه والو مسمعوش ...بقا تما كيضور والو حتى مشا بلاصة سيكيريتي الي تما وبلغهم بنوع الهاتف الي كيقلب عليه ووزعو دراري تما كيقلبو عليه وبلغو الي كيطلق الاغاني ومشا هو حداهم فطابلة كيتسنى يجي شي حد يقوليه ولا يلقاوه ...
نوار : غايكون داه شي حد ولا شفروه "بحزن "
يامنة : الى مشا بنتي دا الباس ماتجيش غا فيك ...
ياسين : الى مالقاوش يتعوض نتي الي متعوضيش ماعليش كتوقع ...
نوار : فيه دوك تصاورنا ...وكادو منك ...
ياسين : نرجعهم ليك بالكونت ديال ايكلود غير تهناي ...
غزلان "سمعات تحنحينتو " : الو واش تيليفون البنت الي كانت حدا زعلولة ؟
ياسين : راجلها هذا ...فين نتي ؟
غزلان : انا حدا البيسين الكبير بالضبط واحد طابلة وحدها قريبة ليه بزاف .. ولا عرفتي شنو هي نعت ليا فين كاينين ها خويا غايجيبو ليك راه عندو ...
نعت ليها ياسين فين كاينين بالصدفة كانو قدامهم وشافتو ....رجع قالها لنوار عاد رتاحت بقاو يتسناو شحااال حتى وقف عليهم هزات راسها فيه لقاتو ماد ليها تيليفونها ...
عيسى : تفضلي ...راكي مشيتي وخليتيني كنعيط ليك ...
ياسين "رفع حاجبو شاف فيه ورجع شاف فنوار ناض على وقفتو جرو من الكول شنق عليه وهز راسو عطاه بنطحة تا تلاح بقا يكالي يكالي باش ميطيحش لكن كانت نطحة اقوى واستسلم طاح فلابيسين حتى غوتتت نوار وكاع عباد الله ناضو يشوفو ...
الدنيا كلها الي تما الناس الي جالسين تما كلشي ناض يطل وجاو سيكيريتي تايجريو يتدخلو ولا يشوفو شنو واقع ...
ايمان "ناضت دايرة ايديها على حناكها " : وييييلييي ستغفيرت الله (استغفر الله ) يعتيييه القتع فدوك ليدين ...
غزلان : واااااو ...اش واقع ...
مشات كتزرب لعندو فين طاح اما ياسين بقا واقف كيتسناه يخرج يملخ مو تاني ...نوار مشات حدا يامنة تخشات فيها قلبها بغا يسكت ودموعها على طرف عينيها...
فين ياسين الي يسمعك شربن عليه ...عيسى طلع من الما تاهو مشربن عليه ...
عيسى : يحرق زا... الي حطك ...مال عدو ربك غا انت الي ايديك عندك ؟؟؟
غزلان : عيسى خويا الله يخلي ليك ميمتك قصر الشر ...
عيسى "حل كمايم القميجة طواهم ...ومشا لياسين بغا يضربو خوا بيه تا كان غايجي لارض غفلو ومشا ليه ضربو برجلو حتى جا لارض تلاح عليه جاو سيكيريتي كيبغيو يفكو كيدفعهم نزل عليه بضرب وعيسى فواحد اللحضة تاهو عطاه بونية جاتو لجنب عينو خلات توازنو يختل شوي حتى عيسى راه بجهدو ماشي ياسين مكاين ماجهد منو تا ياسين انسان والانسان فلحضات كيضعاف ماشي قوي معمرو يتهزم ...فهاد اللحضة استغلها عيسى وعاودو ببونية ناض على جهدو تاهو نطحو تاني ...شاعاك فواحد اللقطة غفلو ياسين وجمعو بنص جا لارض ...
نوار "كتجذب " : خاااالتييييي هضري معاااه ...اهى ..."كتجدب من ضربة الي شافتو كلا ومن الخوف وشلا تجمع فيها "
يامنة : يااااربي اش هاد المصيبة ...
جاو تاني يفكو والو بقا يعطيه لاخور تيطاكي مرة ومرة تجي فيه دقة ياسين تحت عينو فعضم الحنك خرج منو دم بضربة وجنب فمو حيث كان دمو فاير دغيا خرج ...ولكن الجهد الي تعطله فديك اللحضة راه ميعلم بيه غير الله مغزف عليه مخلف غير كيشوفو كيتفكر خوه وايساف والماضي جنونو كيتجننو ....
يامنة "غوتات على حر جهدها " : ياااااااااااااسيييييييييييييين
ياسين "حبس وضار شاف فيها لقا وجهها بيض وعينيها خارجين فيه ...رجعات ايامات فاش كان صغير وكانت تجهد صوتها وتحول دوك نضرات كانو كيخافو منها ولادها "
يامنة "خنزرات فيه عينيها خارجين ولاو بيضين " : تحرك من تما يالااااه ...
ياسين "طلق نفس من صدرو فحال العافية الى ضربت فوجهك نارها گاااديا "
يامنة : هضااااارت تحرك ...
طلق منو وناض جاو سيكيريتي هزوه باش ينوض حيث تجرتل وجاو خواتاتو عندو كيقلبو فيه اما ياسين مشا لعند مو ...
يامنة : يلاه فحالنا ...
حتى تم جاي المكلف تما في المركب ...
المكلف : سي ياسين ...
ياسين "ضار مخنزر فيه " : شنو ؟؟؟
المكلف : نخبرو البوليس على هادشي ؟
ياسين : الي مناسبك ديرو الى كان شي خسائر راك عارفني وعارف العنوان والعيب والعار الى ما عطيتش تعويض "هز ايدو " بلا فريع الكر دابا ..."شاف فمو ومشا شدها " يلاه ..."ضار شاف ف نوار يلاه بغا يهضر وهي تهز تيليفون كتفتف ومشات حدا يامنة وتمو غادين "نغزاتو يامنة باش يسكت ميهضرش معاها حيث الى هضر تموت ليه تم ....
مشاو ليسارة حل لباب وقاد يامنة فبلاصتها ركبات نوار وكسيرا فالبلاصة تا تحكو روايد فلارض خلاو بلاصتهم كحلللة ....
عيسى "كيلهث جابو ليه شوي الثلج مكعبات ف فكاس وهزاتو غزلان غير حطتها ليه على جنب حنكو وهو يبعد راسو " : حيدي عليا القلاوي ...
ايمان : اخليها تكمد ليك جرحة ...
عيسى : مابغيتش فوتو جرتي هاد ساعة "لاح ليها الكونطاكت " هزي طوموبيل وسيرو ...
غزلان : ويل شيطان ونتا غاتبقى هاكا ؟ شكون هذا الي دار ليك هاد الحالة ؟
ايمان : يعطيه القطع فليدين حيوااان ...
عيسى "هز فيها عينيه بشرار " : واش قلت لعدو ربكم تقااااااودو ؟
هزات لكونطاكت وخرجات هي واختها مخلينو ...فك المشكيل عباد الله رجعو جلسو بقاو غير كيشوفو مفهمو والو اما هو هز تيليفون الي جاب الله ماطاحش فالما كان حاطو فطبلة فاش بغا يجيب ليها تيليفون ...دوز الخط ...
عيسى : جيب ليا رينج الكحلة ل فين غانرسل ليك وصي ليا على زوج رجال بغيتهم ...
فاش ركبو وكسيرا ما هضر حد ما تكلم فيهم لا يامنة ولات سكتات حتى هي ملي سمع ليها مابقاتش تاهي تجاحدات معاه وخلاتو على خاطرو المهم تكسر صداع وتفكت الجقلة ...نوار ركبات حداه ما هضرات ما تكلمت مادارت تاحاجة خوفا من انه ينوض ليها حيث الغلط الاول منها انها جات بديك الحالة كانه جاري عليها شي حد وماقالتش شنو وقع وحتى ولو ما قالتش كان عليها تجي عادية ما ثيرش شكوك ...ولكن ياسين الي عصبو والي صعرو هو عيسى ك شخص بحد ذاتو ومازال مغايدوزش ليها حتى يعرف شنو وقع عليه غايتصرف ...يمكن هكا او يمكن عصبيتو الي غاتخليه يتصرف تصرف ماشي فمحلو ؟ كلشي ممكن طالما مازال ما بينش شنو فراسو فهاد اللحضة ومن اش كيغلي بالضبط ....غيرة؟ ولا اش ....
غادي منيسر فطريق نساا واش معاه مو ولا مرتو غادي بواحد سرعة شبه مهولة الي داز من حداه يخليه كيكلاكصوني ولا يسب ...
يامنة "شافت السرعة مكتبشرش ونوار ايدها مكنززة على جنب الكوسان " : ياسين نعل شيطان وتهدن اولدي ...ياسين ولدي نقص من سرعة واستغفر مولاك ياسيييين "جهدات صوتها " ياسيييييييييين
ياسين "شاف فيها من المراية ورجع نقص من سرعة ...ما ضارش جيهة نوار ومبغاش يضور حيث الى ضار شاف فيها غايرجع لومة عليها وتصدق القضية خارجة لعار ..."
بقاو غادين الصمت سيد الموقف ممزوج بجو مشحون حتى وصلو لدوار ودخلو لفيرما فرانا وحل الباب ضار حلو على نوار ويامنة حتى خرجات ...بغا يعاونها "
يامنة : غير خلي نوار تمشي معايا سير بدل ساعة باخرى من بعد ...
وصل الليل ودخلات سيارة حتى وقفات يحساب ليها هو لكن وقع العكس كان علي والحبيب عاد دخلو من مراكش ...لقاو سلام ...
الحبيب : واحد سلااام ...
يامنة : على سلامتكم ...
علي "مشا تلاح حدا يامنة تا تهز بيها سداري " : اححح سموحات ...
الحبيب : فين ياسين ...
يامنة : خارج ...
علي "ضار شاف فنوار مكمشة فالقنت شادا تيليفون حالا واتساب لا يدخل وتهضر معاه تسولو فين هو لكن والو جربات تصوني بلا متحس يامنة كان طافي " : مال هادي يبست تم ؟
الحبيب "جلس حداها " : مال مرت خويا ؟
يامنة : اهيا خليها عليك ...
علي : شميت ريحة المخاصمة ...
الحبيب : ياكما نوضتو صمكة ...
يامنة : ساعة الله ...
الحبيب"غير ملامحو " : الحنانة اش واقع ؟
نوار ما هضراتش بالها غير مع ياسين حتى انها هضرات مع امها وعلماتها بالي وصلو غير هضرات معاها ودارت لخاطر اما خاطرها بقا مع ياسين ...شافت يامنة تا عيات وقالت ليهم شنو وقع ...
الحبيب "عقد حجبانو " : وليني حمار هذا ...وشنو دار ياسين ؟
نوار "بقات ساكتة حتى نطقات " : مشا يبدل ساعة باخرا ومشا مضروب جنب وجهو وفمو ...وبااااقي ماجاش ...
علي : تانتي خليه يبدل ساعة باخرى ياسين الي كنعرفو راه وعر منو مكاين عندنا غير يشربن سكتي تايبرد وديك ساعة تفاهمو ...
الحبيب : ماشي تسكتي شوفيه مهدن وهضري معاه وتفاهمو ...تحاوري معاه وفهميه وتاهو راه غيفهمك ...وياسين الي كنعرفو راه مكيمشيش حتى كيتهدن راكي حضرتي ليه مع اسامة والي داز شنو دار ...ملي مشا بدل ساعة باخرى غا باش متعيشيش معاه الوجه الخايب ويصدق مصرف فيك العار ولا يجيب فيك شي دقة ....
نوار "نقزات بلا ماتشعر " : كنت غاندير دجاج محمر كيعجبو ولكن الي وقع مابقيتش درتو ...
علي"حل فمو " : هاااا...كنتي غاديريه ؟
الحبيب : هاااح دجاج محمر ...اجي امتا تعلمتي ليه ؟
يامنة : هههه انا علمتها متخافش كتعرف طيبو ...
الحبيب" : واش حبسك ؟
علي : نوضي تگعدي ديريه راني صباح راجع فحالي ...
الحبيب : غا نوضي دابا يجي ياكلو الى ما بغاش لهلا يدوقو ليه ...
يامنة : الحبييييب ...
في هاد الاثناء في مدينة ازرو من بعد ما تعشاو كاملين الا راوية وصفية الي كيف وصلو دخلو لقاو غير ايلاف دخلات راوية لبيتها هي وياه ينعسو اما صفية مشات لبيتها تاهي تخشات في فراشها النعاس ماجاهاش وصلات لوحدة ونص ديال ليل ...تسمع صوت سيارة من النافذة ديال بيتها لتحت الي كطل على الجردة وحداها البارك ...بقات شحااااال سيازة شاعلة وصوت ضرب فيها ...حتى تسد بابها ودخل الساروت كيدخلو فالباب وكيفلت ليه ...بقا مضارب معاه بغا يحلو والو ...
جبد الفون شعل ضو عليه حتى خشا ساروت وحل الباب ودخل سدو ومشا داخل حتى ضار جيهة الكوزينة شعل ضو طل هنا وهنا وخرج خلا ضو مشعول ...مشا لصالون شعل ضو طل هنا وهنا خلا ضو مشعول تاهو تم ههههه بقا هنا وهنا حتى شعل ضواو التحت كاملين تا من طواليط دخل ليها وخرج مشا لواحد طوالة تما ووقف
ايساف "كيصغر عينيه فالبيت الي قدامو " : ديالمن هاد البيت ؟
بغا يخشي ساروت عند بالو خاشيه مع جاي متمل نيييييييت بشراب ...طيح ساروت فلارض هو وتيليفون وغادي وكيكتاشف تقول دار عمرو شافها ...كانت هي متكية كتسمع فصوته كيحل فالباب ومسمعاتش راه جاي حتى حل عليها الباب على جهدو وشعل ضو وهي تنوض ..
صفية "شدات على صدرها وشهقات " : هييييي ..
ايساف "شاف فيها طلعها وهبطها كانت لابسة بيجامة عندها تحتي سميطات وسروالها ساتان فالغوز ...جامعة شعرها لفوق اسفنجة مهملة ...عض على شنايفو حتى قلبها ضحك " : عهههههههههه تي واش تاني فينما نسكر تخرجي ليا فطريقي نحويك ؟
صفية "قلبها بغا يسكت رجعت ليها ذكرى الليلة الي وقعات فيها الواقعة ..." ...
ايساف "جاتو هيستيرية ديال ضحك " : وااا طبونك كيعشق السكرة اموناموغ عههههخ ...يا زهري مكوز يا ربي مكتب عليا هاد المكتوب حيث مكنحشمش ...يا نتي يا القحبااااا خارجة فعودي نهار نميل ونبلط ....
صفية : خ خرج عافاك ...
ايساف : في ارضي وبلادي تاتقولي ليا خرج ؟ اخر واحد قالها عرفتي اش وقع ليه ؟ هااا ؟ "غوت بجهد تا قفزت " جااااااوبيييييي
صفية "طارت ونزلت بغات تبكي بالخلعة " : ا ا اشش ..
ايساف : حويتو حخخههههههههههه
صفية : اهى عافاك مادير والو ...
ايساف : مغاديش ندير ليك والو نتي الي غاديري ازين ..."دوز على لحيتو كيتمعن فيها " لاطاي حاضرة يا بنت الهازة ...العينين قتالين وخا مضببة عليا الوقت فعينيا ماعليش طغيتي ..."عض شنايفو " غا كنسكر طلعي ليا فجوكير كنقيم ...
صفية "ولات كترعد رجع ليها الالم الي حسات بيه فاش ديفيرجاها حيث ما رحمهاش ديك اللحضة ...ما بان ليها غير تهرب ...جات ماشي باش تهرب زربات ومشات تخطاتو حتى شدها من دراعها وجرها بزز قابلها معاه " : عاافاااك اهى ...
ايساف : ماتخافيييش ...يا غير ديفيرجيتك يعني ما بقا ميضرك وتزوجتك يعني حلالي ...اييييييوى اش غايمنعك ..."غوت " سيري رجعي فين كنتييييي تحركييييي ...
صفية "طلقاتها بغوتة " : وااااااااااعووووووو عتقوونييييي خالتي راويااااااامممممممم "فين غواتها دغيا سد ليها فمها بفمو لجمو ليها بقبلة عنيفة حتى دفعها تزدحات مع الحايط بجهد حسات بضهرها لفقرات ديالو تهرسو ودموعها دايزين وسط قبلاتو العنيفة كيبوس ويتذوق فدموعها ....حتى دفعها هكاك كيبوس فيها وهي كتبعد فيه ولاحها فوق ناموسية ...
ايساف : تحليتي ليا بلا زواج بخاطرك حتى تزوجتك وتسديتي ليا كتبتي عليا ذنب كتبتيه ...دابا راكي حلالي بالخاطر بزز غاتقضي ياك هادشي الي كنتي كتحلمي بيييه ؟
ناضت مسكينة كانت ديك ساعة نعيمة رجعات لدارها وهي تنوض منها تنسي شوي وتخليه على خاطرو لانه فعلا الى ما مشاش بدل ساعة باخرا مغاديش يتفاهمو وهادي ميزة مكانتش فيه ملي تزوج بيها عارفها مغاديش تقدر على عصبيتو وحن فيها والحنان هي المسزة الي فيه من الاصل ف ولا كيفضل يمشي يبدل ساعةباخرا الله يجعلو يبقا يومين ...ناضت لكوزينة
دخلات معاها حتى يامنة جلسات حداها والدراري مشاو لفوق يدوشو ...جلسات فطابلة عطاتها ربيع تنقيه ونوار جبدات زوج دجاجات من الفريزر دارتهم يدوبو وبدات توجد ليهم شرمولة ديالهم وقطعات الخضرة دارتها تصلق باش ديرها جردة شلاضة والفريت تاهو ...حطات الموناضة تبرد وتعاونت هي ويامنة حتى شرملوه وعمروه بالفيغميسيل والكبادي وحامض مصير ...
بعد سويعات حتى كان وجد وتحط هو وشلاضة والطابلة مقادة متيولة تحت توصيات يامنة الي علماتها وكتعطيها تعليمات ديك ساعة شنو دير ومنها تعلم ...عيطات لدراري ينزلو ...
الحبيب : وااادووزي تعشاي دابا يجي دااابا يجي يملخ عشتك مالك مزروبة على عضامك ...
علي : كولي باش تلقاي فين تاكلي دق وما تقصحيش ...
نوار: مابغيتش ناكل غير تعشاو ...
علي : اااتي بليييمين مايدوز وما كانت الكريمة حدانا ...
الحبيب : نترزا فولادي الي فبي(كان غيقول بيضاتي وحبس ) احم فولادي الي مشفتهم وماكليتي لا كليت ...
يامنة : بنتي تعشاي راه هضرنا الله يرضي عليك ...
حطو العشا وتعشاو الدراري خالقينها ويامنة شوي كضحك معاهم عارفاه مغايجيش اما نوار الي قلبها مقبوط عليه ...كملو العشا تحط ديسير حتى هو ووالو ماجاش بقاو كيهضرو مجمعين الضحك وطنز ديالهم غير باش يهدنو الجو ساعاك والو بالها مشغول ...دخلات يامنة شربات دوا ونعسات ودراري بقاو التحت اما نوار طلعات لبيت ...
جلسات فوق ناموسية شادا تيليفون فايدها معارفاهش تا فين هو ...الوحدة دليل الجوج التلاتة تصباح الربعة حتى غفات معاش الله واعلم وهو ماجاش ضربتها لفيقة مع الستة صباح شاهقة ...طلات هنا وهنا لا يكون جا ودار الحس والو ...سمعات صوت التحت هبطات كدردب مع دروج تجري تابعة صوت تقرقيب حتى لقات غير مصطفى كان جاي عاد دخل من جامع كيردد فالباقيات ...
نوار : با احم صباح الخير ...
مصطفى : صباح الخير ابنتي ...
نوار : واش ياسين خرج ؟
مصطفى : ونزل هو بعدا بنتي تايخرج ...
نوار : هاا "اذن ماجاش كاع " ...اه صافي يقدر خرج بكري مشفتيهش حيث مكاينش ..
مصطفى : واش مفيقك ابنتي فهاد الوقت تشطنتي عليه ولا ...
نوار : مكايجاوبنيش تيليفون طافي وتخلعت عليه ...
مصطفى : دابا يجي معندو فين يمشي الى ماكان شي سلعة خاص يجيبها بكري وكان...
ايييييوى فينك يا ياسين رمسيس فين شديتي الطريق وفين اراضيييك ؟ اشنو وقع ليك طفيتي تيليفون وشغلتي وهولتي العباد عليك ...فيييين الاراضي الاراضي فواااحد الخلا قريب لواحد الواحة ديال النخل ...كسدة ممددة وصباع الايد كيتحركو مرعودين ...الدم خارج من النيف والفم وايد مطوية جيهة لاخرا ورجل مهرسة لور مطرطقة...ساس ايديه وضار شاف فيهم ...
-"شير بايدو "تحركو من هنا نتوما ....
النعاس طار عليها من الي غفات عينها وضرباتها الفيقة هاديك هي فيقتها واستغلات الوضع دخلات لكوزينة حلات تلاجة جبدات الحليب الي تما دارتو يفيض وجدات القهوة المعطرة دارتها تبخ على نار مهيلة كيف علماتها نعيمة باش تفوح ريحتها احسن من العصارة الي تما ...ودارت الما يطيب فالمقراج مادام باقي الحال اللهم فالمقراج حسن من ديال ضو ...
وجدات داكشي الي عرفت ليه وخا كتعلم راسها خفيف دغيا كاتدخل الحاجة لراسها لكن فهاد اللحضة بالها مشطون عليه ماشي خايفة من اش يدير ليها ولكن خايفة عليه مشا معصب وهو من نوع مكيتحكمش فعصبيتو ...يعلم الله اش جرا ليه ...الوساويس خدامة القلب ما هاني ...فين راك يا زماني ....
نعيمة "كتضور عليها طابلية شقا " : نعجن شي طرح ديال لمسمن ..عجنتها قبل البارح بالعشية وخليتها تانجي دغيا نخبزو ...
نوار"بغير نفس " : واخا ...انا قاديت الفطور الى بغيتي تزيديه ...انا غانمشي عند خالتي يامنة الى بغات شي حاجة ...
خلاتها كتوجد اش خاص وهي مشات دقات على بيت يامنة ودخلات لقاتها فايقة كتشرب دواها صبحات عليها ومشات حداها تخشات كتشكي وتبكي من خوفها عليه كيف العادة ويامنة حتى هي كتصبرها لكن حتى هي من لداخل ديالها خايفة عليه ...
ساس ايديه وضار شاف فيهم ....
- تحركو من هنا نتوما ...
- شنو نديرو معاهم ؟
- ماديرو والو خليوهم هنا الي عليكم تحركو غبرو من هنا ....مشاو هما وبقا هو عند راس هادوك جوج جبد الفون من جيب ودوز لخط شحال عاد جاوبو ....
هو : شنو نديرو سي ايلاف ؟
ايلاف : روح انت كمان ..."قطع معاه وعيط لفؤاد فالبلاصة " كل ايشي تمام ...
فؤاد : مزيااان ...
ايلاف : ولو ...ايش بدك تساوي مع عيسى ...
فؤاد : ساليت لكبار ونسالي لصغار الي مشايفهمش واش كاينين ؟ الي زاد فيه وقلب على خلا عشتو عطيها ليه ...
ايلاف : تمام ...
قطع معاه ديك ساعة ... وضار لعندو كان واقف بعيييذ متكي على طوموبيل كيكمي وكيشوف بعييييد ديك الغوباشة للي عاقد لا حول لها ولا قوة ...حتى وقف وحط عليه ايدو على كتفو ...
فؤاد : البكر ديالي ...
ياسين "بلا ميشوف فيه طبطب عليه بايدو " : رضايا ...
فؤاد : الي كان بيناتكم حلوه بيناتكم بين المراة وراجلها بيناتهم ميدخل فيه عبد ويعلم بيه الله ...الي نفتي ليك عليه رايي هو وسع خاطرك معاها راك عارفها فتية فعقلها وعارفك نتا واعر عليها بين طبعك وطبعها بزاف ...سمع منها وعرف والى كانت غالطة صحح بالعقل وبعد على ضرب نهار نعرفك مديتي عليها ايدك ديك ساعة مغاديش نشوف فيك ولدي ...
ياسين : ماضرتنيش هي ماضرني تاحاجة منها الي وقع "زير على ايدو وكزز على سنانو حتى غمض عينيه وضار جيهة لاخرا " استغفر الله العلي العضيم ....شنو ندير مع هذاك ؟
فؤاد : خليه يلعب جهدو يعيا وينعس ...
ياسين : ماعليش ماعليش ...
فؤاد : يلاه تحرك نمشي نشوف حنانتك ...
تنهد شحااال حتى كمل الگارو لاحو وعسف عليه وضار ركبو بزوج في اتجاه الفيرما ....
كانت هي مع يامنة ديك ساعة بدات نعيمة كتحط فالفطور حتى تحل عليهم الباب ...ودخل فؤاد
يامنة "ضحك وجهها غير شافتو نسات اش واقع " : فؤااااااد !!
ابتاسمات ليهم نوار وخرجات خلاتهم بزوج مشا هو نيشان باس ليها راسها وقبل شفايفها شفايف عمارة الدار تاعو بكل حب كانهم عاد تزوجو وبغاو بعضياتهم ...
صوت العصافير حطو عند النافذة كيقرقبو بمنقارهم فزاج ...بدا كيتحرك حتى تقلب ضار جيهة لاخرا وتغطا ...صوت تنخصيصها محبسش الليلة كلها ...لحمها كلو مزوق بالضرب.. حاطا راسها على لمخدة وممددة ففراشها ودموعها دايزين ...كتفكر اش وقع فالليلة الماضية كيفاش مارس عليها العنف بلا ميرحمها ولا يسمع عذابها وياثر فيه ...
"فلاش باك"...
جردها من حوايجها بقات غير بسوتيان وكيلوط كتلوى تحت منو ...من بعد ما مشا سد الباب بساروت وسد شرجم باش ميسمعها حد ...
ايساف "طلع فوق منها مكالي بايديه كيشوف فيها بشهوة غير شوفات العادية لاا كتبان قدامو جسد خاصو ياخذ منو ويفرغ فيه كبتو مكيشوفش بكاها مكيشوفش طلبها لرحمة منو ضميرو تمسح فحال حطيتي ايساف بلا ضمير ولا رحمة ولا شفقة ...الوجه الخايب شافتو هي الوجه المضلم شافتو هي وهي الي كتعاني منو دابا ...باش دافع على راسها ما دافعتش اكتفات بالبكاء والترجي ...
ايساف "وصل عند وجهها عينيه حمرين اللون الاخضر فيهم ولا مشعشع ووجهو حمرر عروقو منفوخين منضر ديالو كيخلع " : ششش "حط صبعو على شنيفاتها حتى بدا كيلعب بيهم وهي كتشوف فيه…كيضور على عنقها يشمشم فيه ويوصل عند فمها وايدو كتلمس جسمها حتى قرب لوجهها غمضان عينيها ...
صفية "بدات كتدفع برجليها باش يميل وتهرب ولكن كان اقوى منها " : وبعد منييييييييييييييييييي....وااععععععععععع عتقونيييييييييييييييييييي...
هي كتناجي وتصرخ باعلى صوتها حست بحلقها تجرح وهي كتغوت ...هز ايدو حتى هزها ونزل عليها بتصرفيقة حتى بان ليها رعدد ...وعاودها تاني لحنك لاخور
ايساف "شدها من حناكها وضغط عليهم حتى خرج فمها ونطق" : تهضضضررررييييي نفرع زا*** الي حطك ....
صفية "دموعها شلال على خدودها ماقدراتش تهضر حيث حاكم ليها حناكها وضاغط عليهم حتى ضروها بجهد مع طرشة الي باقي راسها كيزنزن عليها " : اهى اهى..."طلق منها " ...خليني ما عندي جهد ليك ...خليني نمشي فحالي والله الى ندمت ندااااااامت...اه بغيتك وحلمت بيه وحلمت بفلوسك ولحضة دخلني طمع من جيهتكم فلول "كانت داخلة على احلام الطمع هادشي علاش قلت ليكم عينيها ماشي خوت "ولكن ندمت ما بقيتش بغيت ...
غا قالت ليه هاد الهضرة فحال قلتي ليه هااا علاش نتا مكتحملهاش يعني الطمع وهي سباب لاش ولتي لهاد الحالة والي جرا ليك والي مخبيه ...
ايساف "فحال حطيتي ليه الملح عالجرح غيير سمع ديك كنت طامعة وبانية احلامي هي الي عزل من هضرتها وهي علاش كان يقلب حتى صعر وعينيه خرجو بالصعرة وجهو حمررر عاود هز ايدو ونزل عليها بجهد تا طوش دم من منخرها وناض من من فوق منها كيضرب على صدرو "
انااا من لول كنت عارف زاااام** الي ولدك قحبة بنت القحاااااب يا بنت الهازة عااااااارف ...اناا الي ولد زوادة مشيت لعدو ربك "كشاكشو خارجة " قلت نرضي ضميري غا جبت زبور مك وهرب ضمير مبقاش "مسح على ايديه " طااااار ...
صفية"شادة وجهها من حر طرشة " : اهى اهى صافي انا مسااامحاك مسامحاك بغيت نمشي عافاك "ناضت من الفراش كتقلب على ماتلبس وتفتف " ...
ايساف "غوت بجهد حتى قفزت " : جاااااااالسيييي...
صفية "غوتات حتى هي ماشعراتش حيث بصح وصلات لحدها وهي صابرة ومادواتش حيث كتقول حتى هي غلطات وعطات راسها تاهي تحمل الي جرا ليها لكن شحال قدها تصبر ؟ فالاخير غاتنفاجر " : ومااااااغبييييييييييييييتش عطيني تيساااااااااااع عطيييييني تيساااع مابغيتش مابغيتكش مابقيتش بغيتك ...عطيني تيسااااع وطلقني مساامحاااااك "ضربت حناكها حتى هي ونتفات وجهها بالفقصة كلو هبطاتو بالقميش "مابغيت والو حتى فلوس طلاق ما بغتيهمش اهى ...حراااام عليك اعدو الله الله ياخذ فيك الحق الله ياخد فيك الحق ...ااتفووو عليك "دفلة خرجتها ودفلتها عليه لوجه "
ايساف "مسح دفلة مغيلف وطار لعندها شدها من عنقها زير عليها ولاحها فوق ناموسية وطلع فوق منها وجبد سمطة ديال سروالو حيدها كيهضر والحروف كيورررك عليهم صافي مع سكرة والهضرة كيسمع كتشعلو كيما كانت غا صوتها شربنو وزادت عليه بديك صافي مابقاش عقل اش كيدير عينيه مضببين وكيهز سمطة ويشحط فينما جات شحطة كيشحط وهي غواتها لله العلام ماعقلش عليها ماسمعش صوتها ابدااا وذنيه كيديرو طنننننننن ...
في هاد اللحضة في بيت ايلاف وراوية من بعد ما رتاحو من الممارسة الحميمية بيناتهم ضار تسرح وجر ليزار عليه كيلتاقط انفاسو وكيشوف فالسقف من سمع اش واقع لتحت لا احد ...
راوية : وا كبرنا الله يجعل شي بركة هاد التواخير وليت غانقوليك سلام تجرني ويلي مابقيتي تحشم الكبير فولادك تزوج ...
ايلاف : ليش لساتنا شبابا حبيبي مادامنا قادرين وجواتنا شباب ايش يمنع حقي وحقك في الزواج يا خميلة (مكلخة ولا عبيطة ) ...ايه بديش بطل نوم معك كل بتزيد رغبتي فيك "جرها تا شلقمها مزيان تا بدات تدفع فيه ..."
ضارت كضحك عليه ماكيتقاداش تاهو موطورو نحيلة دوريجين ...خشات رجليها فبانطوفتها البيتوتية وهبطات لتحت حتى بانو ليها ضواو كلهم شاعلين ولدها جاد الي يجيب الخبار مشااا لفين كيقرا حيث غايبداو المدارس يتحلو ..
راوية : اويلي شكون شعل هاد ضواو استغفر الله ...
ضارت على البيوت طفاتهم حتى سمعات صوت الغوات من بيت صفية لتحت كتغوت وصوت ضرب كيتسمع ...بالدهشة مشات كتجري حتى تطلق شعرها طويل تسرسب على ضهرها تحت المؤخرة ...ما وقفات حتى حلات الباب على جهدو وهي تحل فمها وعينيها فديك اللحضة خرجو ماعرفت باش تبلات ...صفية مليوحة كتناجي فيه وتطلب وتزاوگ غير بفمها حيث عيااات وجهدها تقادا وهو الضمير الي خلاها هو تمسح ليه من عقلو ...لحمها كلو تدوق ووجهها مقموش ...حالتها تبكي صخر وتشفي العدو ...تعرضت لعنف بطريقة بشعة ...
راوية : ياربي يااااربي اش هادشي ياااربي ياااربي "غوتات لربي الي خلقها حتى ضار ايساف وتوقف على الضرب صدرو كيطلع وينزل وعروقاتو تكب ..."
راوية "غوتات بحر جهدها " : ايلااااااااااااااااف ...اويلي اويلي على ولد لحرام اويلي على ولد كرشي الله ياخذ فيك الحق اعدو الله اهى ..."مشات ليه حتى لوجهو وجمعاتها معاه بجوج طرشات تا ضور وجهو " حسبي الله ونعم الوكييييل حسبي الله ...
مشات لعندها كتشوف فيها ويااااربي قطعات ليها فقلبها ما عرفات منين تقيسها ولا تحط عليها ايدها غير كتقيسها كتقفز ...حتى جا ايلاف لابس تيشرت وشورط وجاي كيشوف وهو يشوف المنضر الي قدامو جاب الله ستراتها بايزار كترعدد ...
ايلاف "ماعاودش سول ولا قال اش مشا ليه نيشان حتاها عليه بقجة تا روحو بغات تخرج وما قدرش يهضر معاه ولا يتحرك يمكن عاد بدا يوعى من شراب ..." : ولك الله لا يوفقك لك الله لا يسامحك ياريييييت رحت غير مكان وماااا فكرت جيبك ...."ضربو بروسية جابو مشبح تا غوتات راوية " ...
راوية : الله ياخذ فيك الحق الله ياخذو فييييك خرج عليا برااااااااااااا عمر وجهك منشوفو ..."غزااات سنانها فقصهاااا وعرف كي فقصها وغددها"
اننننننننن خرااااااااااااااااااااااااااااااااااج "كانت غاتسخف كون ما شدها ايلاف وخنزر فيه طار فالبلاصة خرج وركب سيارة كسيرا ..."
خرج جاب ليهم الما قراعي الي لقا قدامو فثلاجة جابهم عطاهم ليها وخرج دوز الخط لواحد من رجال وصاه يجيب طبيب وعيط لواحد شحاااال هادي ما عيط ليه الا لضرورة الخاااصة كيخدم معاه ومع فؤاد ...في موسكو ...
ايلاف : زافطرا برييديشيز ماسكوڤي ...غذا تجي من موسكو ....
خرج فؤاد هو ويامنة لصالون فين محطوط الفطور لقا قهوته موجدينها ليه فبلاطو ديالو ...جلسات يامنة بلاصتها ...جاو دراري سلمو على فؤاد ...
محمد الحبيب "باسو فراسو " : الوليد على سلامة ...
فؤاد : الله يرضي عليك "طبطب عليه "
علي"مكيقدرش يشوف فيه ديك الرهبة من هيبتو كتخليهم مكيقدروش يشوفو فيه " : العم على سلامتك
فؤاد : الله يسلمك اولدي الله يرضي عليك .."شاف فيه " غذا راجع ؟
علي : الليلة نشد طريق وغذا فالليل عندي طيارة
فؤاد : بالتيسير الى بغا الله ..."حط ايدو على كتف يامنة " حنانة الولاد مرتاحة دابا ؟
يامنة"بابتسامة حطات ايدها على ايدو" : مرتاحة مرتاحة
فؤاد "شرب ما تبقى من قهوته وناض " : نشوف الحاج "عمو" دابا
يامنة : واخا ماتعطلوش على الغذا وشوفو "على ياسينغمزاتو باش يفهم على نوار حولات عينيها ليها بزربة " ...
فؤاد : تهناي و هناي ..."مشا خرج مخليهم بداو يفطرو مالذ وطاب من اطيب فطور البادية الطبيعي "
يامنة "شافت فنوار الي ماشي هنا وماشي على برجها " : بنتي فطري ...
نوار : احم "خسرات وجهها " مافياش ...
م.الحبيب : شفتك غير كتفكري مالك هازاها منين تقالت ...
نوار : ماماليش ...
يلاه غاتهضر حتى سمعو تحنيحنتو وهي تنوض ...
نوار : ياسين ...
علي : اهيا شور اهياتا عطي لعور ...اتي مالك ...
حنحن ودخل حتى قالت ليه يامنة دخل لا يكون شي حد عندهم داكشي باش حنحن ودخل مغوبش بواااحد مولاتي التخنزيرة ضارب حاجة لور طالع ولاخور نازل ...ومتمر ...باقي هكاك ضربة فحنكو لفوق وجيهة فمو ...
يامنة : ولدي صباح الخير ...
ياسين "بصوت خشن من لفوووق لفوق نطق " : صباح الخير ...شوية ليوم ؟ ...
يامنة : لباس اولدي لباس الحمد لله ...جلس تفطر ...
ياسين : من بعد من بعد .."شاف فنوار وضار مشا زعما باش تبعو شافت فيها يامنة ...
ياسين"دوز على وجهو بنفاذ صبر وهبطو لشعرو ورجعو حتى تخربق ليه شعرو ...سبحان الله الخاطر ضيق غا مع راسو والنفس قليلة مكيتحكمش فعصبيتو " : نوار نوار نواااااااار ...
نوار "حدرات راسها جامعة حجبانها بغات تبكي " : كتخلييني نتخلع عليك وكنخاف لا دير شي حاجة ...كتغييب وتغبر ...ااااه كتبدل ساعة باخرى ولكن حتى انا كنخاف عليك اجي غوت هرس دير الي بغيتي ضربني ضربني والله ما نقول. اي مانقول وااااااااالو اهى اهى غير ماتبقاش تخلعني علييييييييييك
جاتها هيستيرية ديال البكا بقا غير كيشوف فيها دموعها دايزين وكتهضر بهول عليه لانه فعلا خلعها كان غايقوليها بدلي ساعة تندوش واجي عقميها بينما ريح راسو بدوش دافي خفيف لكن ما بقا لقا مايدير ماشعرش حتى جرها عندو بجهد حاضنها وكيدوز بايديه على شعرها ...مابغاش اصلا يسولها فين شافت عيسى واش هضرات معاه اولا عارفها وثايق فيها… ثانيا عارف عيسى اش كيسوى ..
ياسين : ششش صافي صاافي ...
نوار : اهى اخى ...
ياسين : نوااااار صافي براكا من البكا لا تزيديش تعصبي عدو ربي تاني ...
نوار"غمضات عينيها عصرتهم بتردد شحال وهي كتفكر حتى نطقات " : بغيت نمشي لازرو ...
شدها من. كتافها قابلها معاه كيشوف هادي اش تتقول واش تتفكر ...هي عينيها مدمعين حمرين ومنخرها تاهو دايز وحمر ...حيث فعلا خلعها عليه هو مكانش ناوي يبقى تال ديك الوقت ويبات برا لكن الي وقع انه رجال عيسى الي تبعوه هما الي عطلوه حتى تدخل فؤاد ورجالو فاخر لحضة الشي الي خلاه تعطل ...والسبب لاخور انه مشا يبدل ساعة باخرا حيث عارف راسو فاش كيتعصب كيخرج على السيطرة وحتى هي يضلمها وخا عارفها مغاتوصل عيسى متقرب ليه ويصدق جامعها حتى هي ....
ياسين : شكيت عليك ؟ شكييييييت عليييييك ؟ لا ...تحركي نزلي لتحت حسن ليك ...
نوار "جلسات فوق ناموسية " : غير خليني نمشي احسن ماشيا ماشي خليني نمشي حيث عييت ملي جيت وانا فمشكيل تابع لاخور وكتهز ليا خاطري والو كنجبد المشاكيل ...والي ضرني اكثر هو كتغبر وكتمشي ايه كتبدل ساعة باخرا ولكن مكتخليش ليا ميساج تريح بالي عليك "شافت فيه ودموعها نازلين " عرفتي البارح منعستش ماكليتش وبقيت فايقة حتى لدابا وانا كنتسنى فيك غير باش تدخل ونشوفك لباس وفلاخر تقوليا بدلي ساعة باخرى ...غانبقاو هاكا ملي جيت لهنا ونتا فالمشاكيل بسبابي نمشي حتى ترتاح ونرتاح حتى انا ....
ياسين "عاض على سنانو ...غمض عينيه كيحاول ياخذ نفس وطاقة باش يجاوبها مهدن " : مجبتي ليا حتى مشاكيل ماشكيت عليك ما قلت ليك ضريتيني انا هاكا داير "هز ايديه بجوج" نبدل ساعة باش يتحد الباس ابنت الناس الى تواجهتي معايا وانا صاعر غادي نعصى الله وندير شي تصرف غادي تگدمي فيه ونصدقو فما كفس ...زواج هذا ابنت الناس فيه تضحيات كيف ضحيت على ودك وكنخرج نبدل ساعة باش منزيدوش فالمشاكيل ونعيشو هانيين حتى نتي تحملي وصبري حتى نجي ونهضرو كي ناس ...فبلاصة هادشي راكي عارفاني كلمة جوج نمد ايدي ولا نريب الدنيا "قرب ليها عند وجهها مخنزر حيث بصح فشوشها هاد المرة ماشي فمحلو " وهادشي الي بغيتي ؟ نواجهك ونضربك ؟ هادي هي الي عمرها تكون ولا نديرها والى درتها راني رعواني ولد العيالات وما رباو فيا الرجال غير فعايل الق..."غمض
عينيه وسكت باش ميكملهاش " ففففف "مسح وجهو بتعب وشاف فيها " نوار هبطي لتحت حسن ليك انا جاي من بعد ونهضرو ...
نوار "جاوباتو وهي غاديا فحال شي بنية جارا دبدوبها عندها ست سنين " : بغيت نبقا بوحدي ...كيف قلتي ليا خليني عليك حتى انا خليييك عليا ..."خلاتو كيشوف وخرجات سدات الباب مخلياه غير كيشوف ...من ناحية هي غالطة ومن ناحية هو غالط مابغاش يقوليها تبعوني رجال عيسى باش متخلعش وماتزيدش تبقا تخاف ومن ناحية مابغاها تبقى غا مخلوعة وتحس براسها دايرة ذنب هي مدايراهش اصلا وزايداه بفشوشها الي نوع ديالو مخاصش يكون فالحياة الزوجية وهي كلمة جوج ديني لدارنا ؟
دخل هي مشات لبيت الي كان مخصص لضياف وسدات عليها وتكات فوق ناموسية ضارت لجيهة لاخرا دارت ايدها على حنكها وتكات كتفكر ملي جات وهي كتجبد مشاكيل يا بقصوحية راسها يا بعنادها يا غير المصائب شي مرات كيطيحو عليها غالله كل مرة واش ...كتلاحض خوفها منو شي مرات من لا شيء والي فطبعها خايب مكتقلقش دغيا ولكن فاش كتقلق كتشد فتقليقتها مكيهضروش معاها حتى كتفش راسها وترجع شوي بشوي لطبيعتها ...تقلقات من خوفها عليه ومعارفاش السبب الي خلاه يتعطل ...
نوار "تنهدات فحال شي بنية صغيرة ونطقات من اعمااقها " : كنبغييه والي حلمت بيه حاجة والي كنعيشو حاجة بعييييدة على الي حلمت بيييه ..."حكات حنكها على ايدها وسرحااات كتفكر " ...
الما نازل عليها من رشاشة سخون شوي باش يكمد ليها عضامها ولحمها الي دگدك بالعصا وضرب حدا فمها منفوخ وتحت عينها ليمنى زرق ولحمها كلو مزوق بالسمطة تعرضات لعنف كأنها حيوان ماشي انسان وحناكها عامرين قميش بنديب الي ندبات ...كل مكينزل عليها الما كل مكتگمز (يعني فحال تتقفز فاش كتحس بيه عگرها) ...حتى دخلات عليها راوية طلعات بدلات حوايجها مخليا طبيبة كانت تتكشف عليها وعطاتها مراهم ومعقمات لجرح الي خلفو ليها ضرب والقميش بضفارها حيث ضفار كيكونو مسمومين الى جرحو لحم كيخصك معقم ولا مرهم لميكروبات .....
راوية "جرات سكة الباب ديال دوش الي فيه رشاشة ...شافتها قفزات وكحازت لهيه قطعات ليها قلبها وخصوصا هي كيتخوا الما عليها ودموعها هوادين ..." : شش غير انا بنتي غير انا ...ماتخافيش ...هاكي هادو هما باش تعومي هذا فيه معقم لذاتك وهذا غسلي بيه شعرك قادرة ولا نعاونك ؟
صفية "مدات ايديها خذاتهم من عندها وباش تهضر صوت مشا ليها بالغوات الي غوتت "..
راوية : غسلي وخرجي انا فالبيت باش تلبسي صافي "حركات ليها راسها بالايجاب ...شافت دموعها نزلو فاش بعدات على رشاشة كمشات راوية حجبانها باسف عليها والعافية كتشعل من جيهة ولدها الي خسر ليها وجهها وحطم ليها امالها فتربيتو الي خرجات ليها فالصو "
خرجات وخلاتها مشات جبدات ليها ماتلبس بيجامة قطنية مزال جديدة حيدات ليها البلاكة الي فيها كانت فالزيتي وفيها رسومات كرتون بالاسود والحمر وتقاشر ودوبييس بيضين مشبكين ...حتى خرجات لاوية عليها فوطة فشعرها وبينوار ووجهها كلو كدمات كتحاول راوية تمسك راسها حيث بصح منضرها معنف بشكل يقطع القلب والخاطر ...
جلسات مسكينة ما دوات ماتكلمات بدات كتذهن ليها وهي كتقفز ردموعها دايزين وراوية دموعها حابساهم منضر صفية اليتيمة مايبغيه لا ربي لا عبدو وتكون الي كانت مهما كانت كتبقى يتيمة ماعندها لا حنين لا رحيم ...لا الي يتهلا فيها سوى من باب الشفقة لا غير ...لكن باش الواليدين الي يتهلاو فيها من القلب حيث طرف منهم راهم عند رب العالمين ...
صفية "هضرات بصوت باح بزز باش كيتسمع " : ب ب بغيييت نمشييييي فحححاااليييي ...
راوية : مكاين فين تمشي نتي مرت ولدي دابا فمقام بنتي الي عليا نعاونك تتوقفي على رجليك وسيري عيشي حياتك كي الناس ..."كتهضر وتلبس فيها " والى عليه عطيتك العاهد ابنتي عمرك مزال غاتشوفيه ولا يشوفك ...عندك الباك ديالك هنا ؟
صفية "حركات راسها"
راوية : عطيه ليا وقولي ليا اشمن شعبة بغيتي وندفع ليك انا وايلاف قراي وانا "كضرب على صدرها " منكونش بنت رمسيس الى موقفتش معاك تا درتي بلاصتك وخدمتي ودرتي دارك وكملي ديك ساعة قرايتك ...غادي تخدمي وكملي قرايتك ونهار تقدري تخرجي تكري ولا تقدري تصرفي على راسك وعندك مدخول ديك ساعة سيري من هنا ....واخا بنتي ؟
صفية "غمضات عينيها وتلاحت عليها عنقاتها فحال شي وحدة لقات امها ولقات الحنان هو الي سافتو فراوية وتعاملها معاها هي وايلاف خلاوها تحس براسها انسان حيث هي تعاملو معاها بانسانية وبالانسانية كلقاو اجر كبير عند الله وخصوصا اليتم والي معندوش فهاد الزمان ...حتى الحيون يحتاج الانسانية فما بالك بالانسان الضعيف....
شوي دق ايلاف الباب ودخل شافهم هكاك ووقف شاف في راوية وقال بالدارجة
ايلاف : جات الاخصائية النفسية ...
راوية : دخلها هنا ...
حدر راسو ومشا لعند طبيبة النفسية الي جابو ليها والي وصاتهم طبيبة الي جات شافتها بانها خاصها ضرووري تشوفها لانها مثلها مثل النساء الي تعرضو لعنف من طرف ازواجهم ...
في مدينة ازرو ...فوق الفوطوي جالسين بزوج بيهم راس فالراس من بعد ما اخبرها باشنو وقع فاش دوز واش عرف وبطبيعة الحال غايقوليها وتعرف لانها شريكة حياتو نصفو الثاني غاتهز معاه همو ويتقاسمو همومهم بزوج الزواج فالشدة والمرض والفرح والقرح وحتى فالمعانات ...كتاكل فشفايفها حابسة البكية الي فالاخير ما قدراتش تحبسها ماقدراتش خانوها دموعها وغدرو بيها احاسيسها وانهارت بالبكا ...
يوسف "مابغيش يفشل باش ميزيدش عليها جر ليها ايديها بزوج جمعهم وسط ايديه وباسهم بوسات متفرقة " : راني عااارف وحاس ما بيا والو وااخا يكون غادي نصبر ونكافح باش نبرا ...فصراحة مابغيتكش تعرفي حيث عارفك هشيشة من جيهتي انا وبناتك غادي تعذبي معايا وفلاخر مغادي نلقاو والو غير مرض بسيط ...
يسرى "شافت فيه وشفارها ملاصقين بدموع " : واش هبلتي ايوسف ؟ واش هكا فكرتي ؟ انا نخليك ؟ راني طبييييبة ودايز عليا حالات وشفتهم وقريت عليهم ودازو بين عينيا ...ونتا راجلي وحبيبي وبات بناتي راك نصي الثاني كيفاش نتعذب على قبلك كيفاااش اهى اهى ..."كتنفي براسها وشدات على صدرها كتحك فيه بايديها حسات بشهقة واحلة ليها " مانقدرش ايوسف مانقدرش الا نتا "هزات عينيها " يااااربي تسمح ليا راني مانقدر على فراق حد فعائلتي ياربي ماترزينييييييش فيهم ...
قطعات ليوسف قلبو الي هو كلو مريض عزات عليه وزادت تكفسات عليه القضية كيشوف اقرب ناس ليه غايتعذبو بسبابو وبشباب مرضو ضغط على نفسو وجرها كلها لعندو دافن راسها فصدرو كيدوز على شعرها مخليها تبكي ...
يوسف : ششش مغاديش نموت كنواعدك مغانموتش حتى ضفري معايا جوج شيبات الي بقاو ...نحضرو لولاد بناتنا ونشوفو ولاد ديك نص كيلو ديال نوار الي ماعرفتها واش غاتولد ولا تربي راسها ...
يوسف : كنواعدك والله ...هانتي باش تاكدي شوفي فيا ...
يسرى "شافت فيه كتمسح دموعها " : هاني شنو ...
يوسف : غادي ندوز وغادي تكوني معايا ياك ...نبرا نولي لبسا تولد ديك نص كيلو ديال نوار...
يسرى"ضحكها" : علاش تتقوليها نص كيلو حرام عليك ...ههههه
يوسف : الكادر الي فيها اما كلها بفعايلها نص كيلو ...ماعلينا ...
يسرى : واخا وعلاش ماشي مينة حتى ولادها ؟
يوسف : انا عيني ففحم الفعايل ندي ليه ولادو باش يجذب عليا يعرف غايخلينا نجذبو حنا ...
يسرى : هههههه والله الى راك هبيل وانا دايرة فيك عقلي ...
يوسف "ضحك " : هههههه "حدر راسو ورجع شاف فيها بجدية " ...الي بغاها الله هي الي غاتكون الله يعطيني غا طولة العمر والي كانت تحضر ...
يسرى"هزات الملف الي وراها ديالو كتقرا فيه " : خاصك تبدا اليوم ؟ شنو كتسنى يلاه نمشيو ؟ "ناضت مزال كتسحت بمنخرها مع البكا "
يوسف : كنتسنى الياس باش نعطيه شي ملفات هو الي غايشد بلاصتي فالخدمة غير بزز اما تاهو دار ليا حالة ..."شاف فيها كياكد " وياك تقوليها لمينة ولا نوار ولا شي حد فدار من غيرك نتي والياس وصهيب ...ماتشطنيهمش دابا ...
شوي حتى تم جاي الياس من لداخل هاز فايدو شكارة فيها وراق الخدمة وجاي هاز فايدو لاخرا كاس قهوة كحلة كيحل بيه عينيه حتى وقف عليهم بغير نفس مضرووور من جيهة خوه وهاز دقة غييي ساكت ...
الياس : صباح الخير ...
يوسف ويسرى : صباح الخير ...
يوسف : هزيتي الملفات الي حطيت ليك ؟ وصيت لوليدة توريهم ليك
الياس "حدر عينيه لارض وحط الكاس كيحنحن بغا يهضر ومقدرش حس براسو تشل عن الحركة باش يهضر والو ماقدرش وهادشي كلو سبابو البكية الي حابس بزز ااااااايه بكية ومخيبها بكية الرجال الى بكاو هذا ان دل فانه دل على انه ماصبرش وانهار ...
يوسف : ششش الياس !!! اش قلنا ..."الياس ضور راسو جيهة لاخرا ودارو دموعو سرررررر حتى جرو يوسف وعنقو بجهد تا تخبط عليه " ششش الياس خويا وصاحبي الي منفرطش فيه ...واش هبيل انا نخليكم ؟
الياس : نتا راك با من بعد الوليد وفؤاد نتا هو شريكي وصاحبي وفردتي حتى انا واش نقدر نتفرق على فردتي اعباد الله كلشي نصبر ليه الا واحد مني يمرض ...ااااااخويا راني ماقدرتش اخويا اااخويا صدري شعلات فيه العافية وشكون يطفيها ...
يسرى تاني نزلو دموعها يجرييييو تاهي ...اما يوسف صبر مسكين تا عيا وطاحت ليه دمعة بالخف مسحها وحل عينيه هزهم لسما باش ينشفو ...
يوسف : راني داير جهدي وغانزيد نديرو ونطلب ربي مايفرقني عليكم ويكون غير الخير تفائلو وعاونوني ولا تحطمونيش عافاكم ...
خرج من دوش بدل حوايجو خلا شعرو مخربق معندوش الگانة الي مشات ليه باش يمشطو ويعطيه الخاطر كلشي تيتلاقا عليه لا تمارة لا خدمة لا مشاكيل كل من جيه والي زادو حتى التيليفون الي جاه من عند الكوميسير كيخبرو بالي زوج قدمو بيه دعوى قضائية وهما نفسهم الي دگدگهم عصا وقدمو بيه دعوى غير جاب الله الكوميسير صاحبو اما كانو غايوقفو ليه عند الباب وتولي فضيحة حتى كلف صهيب من بعيد يتكلف وشرح ليه الوضع بانهم تحرشو بيها فارضو وبلادو يعني هما هاجمين معندهم ميصور سوا الخسارة....هبط
لتحت لقا دراري عاد كملو الفطور وكان علي واقف كيعطيوه فالماكلة وداكشي الي عطاه ياسين يديه معاه هو والحبيب لازرو والي يدي معاه هو نيت لالمانيا ممخليه خاصو والو ...لقاهم واقفين برا ومعاهم يامنة ...
علي : يلاه الخالة الفجلة تهلاي فراسك وشكرا على الضيافة اخالتي وسمحووو ليا تقلت عليكم ...
يامنة "صرفقاتو بضحك " : هههه الله يمسخك صوابك كي ماسخ ...
م.الحبيب : شوي وغانتيق ...
علي : ههههه ابغيت نجرب "باسها فراسها " تهلاي نسالي ونجي ان شاء الله ...
الحبيب : الحنانة تنتشاوفو لهيه ...
يامنة : هضر مع باك قوليه راك مشيتي ..
م.الحبيب : ضروري غادي ندوزو عليه اصلا هنا عاد نتيسرو ...
ياسين "جاي بتيشرت وشورط قصير مغوبش وشعرو مخربق وباين عليه مريض ومعندو خاطر " : شنو غادين ؟
علي : وايييه "شافو ماهواش " كتبان عيان لا ؟
يامنة "ضارت شافت فيه بان ليها عينيه حمرين وحطات ايديها على حنكو كتقيس فيه وتقلب وهادي هي الام " ...سخوون يا ولدي ...
ياسين : شش غير جلسي مافياش مافياش الحنانة غير رتاحي..."تم غادي صاير باش يطلع"
يامنة : وغاتبقى مريض هكاك "باسف عليه ساعاك هز غير ايديه وهبطهم ومشا مخليها كتشوف فيه عيان نيييت "الله ياولد كرشي ومن خيبك بعكس ...
شي ساعتين هكاك وهي تنزل نوار كانت فالبيت لاخور الي لفوق مانزلاتش ابدا من الي سلمات على دراري وهي تما حتى من تيليفونها خلاتو فالبيت ديالها هي وياسين ...لقات يامنة فالبيت مع فؤاد كان كيدوش وهي كتحط ليه فحوايجو دخلات لكوزينة لقات نعيمة كتوجد فالغذا ودايرة الخضرا فالخلاط كتطحن فيها ...
نعيمة : بنتيي هاهي وجدات باش تديها لراجلك ...
نوار "استغربات " : علاش ؟؟؟
نعيمة : اويلي راه سخانة طيح فيه وتنزل ابنتي عاد هبطات من عندو يامنة قبل متنزلي ...
ياسين "حل عينو بزز مجبدييين بالسخانة وقال بلا شعور مد ايدو جرها لعندو عنقها وباس ليها راسها بتعب ماحاسش اش كيدير مع سخانة " : غااتقتلييني امفششة الفعايل ...
اول يوم ليه اول الفحوصات الدقيقة الي غادي يبدا فمشوار المرض اول فحوصات الي غاياكدو بناءا عليهم غايبداو رحلة العلاج واش سرطان ورم ام مجردة مرض عادي وعندو نفس الاعراض ...بدا اول الفحوصات الي هما التحاليل عاد عندو موعد باش يدير ليريم وباقي الفحوص الاخرى ولكن كيبقى ليريم او(
هو الادق وهو الي كيعطي النتيجة النهائية ...
مروة "بابتسامة " : ياكما عييتي اسي يوسف ؟
يوسف : لا لا دكتورة مزيان ...
يسرى : شنو حالتو دابا ؟ باقي الفحوصات الى كان ليريم منضنش يحتاجهم لان لولين كافيين ليريم غاياكد او لا ؟
مروة"تحرجات " : اا ؟ اه ليريم غاياكد لينا ...
يسرى : امتا عطيتيه موعد ؟
مروة : غذا فالصباح ان شاء الله التوقيت راه عندو تما ...
ابتاسمات ليهم ومشات مخلياها معاه لبس حوايجو الي لفوق حيث دار راديو لصدرو وناض ...عاد خرجو من الكلينيك بزوج ...
يوسف : واااعليا بليمييييين داك فحم القوافي وولدهم تنخطفهم ...
يسرى "وقفات " : وعلاش هادشي كلو ؟ مالك معاه ...
يوسف : فزعي فزعي مجهد واعر وماضي وحااااررر وعطيتو وحدة هشيشة تقولي ليها سلام تسخف ...
يسرى : الي عطا الله عطاااه عطيتي ولات تحت جناحو معندك عليها لين ...زيد زيد نرجعو تاكل ليك شي حاجة مريض وما مفاك ...
يوسف : اجي ترجعي معايا غذا عند طبيبة ؟ غا بقاي نمشي انا دغيا ونرجع ...
يسرى : يوووووووووووووسااااف رجلي برجلك ...
يوسف : يناري راه نتي الي كاينة وخا هي مزويناش عينيها زرقين وكتهضر مزيان "بيضت فيه عينيها " وجهها كي عرام لفت المحفور خههخخ امتغضبيش تنضحك عماك "دخل لطوموبيل وجرها من حناكها شفط ليها شفاااايف " ....
هبطات من عندو كتزرب دخلات على نعيمة لقاتها بغات طلع بلاطو وشداتو من عندها ...
طلعاتو وحطاتو حدا راسو باقي متختخ ماجايب دنيا خبار وهادي هي السخانة ...معمرها قابلت شي حد كانت هي الي مولفة يقابلوها هي محور الاهتمام والفشوش ودابا تحطات فموقف هي الي تقابل لاول مرة وشكون ؟ زوجها الي قدامها طريح الفراش وسخانة تخضخض فيه ...
نوار "ماعرفتش شنو دير قاست ليه راسو لقاتو طايب جابت المحرار باش كيقيسو درجة الحرارة من علبة الاسعافات تتفكر داكشي الي كتشوف كيديرو وكدير ماماها ...مشات لعندو قربت ليه " : ياسين حل فمك ندير ليك هذا عافاك ...
ماجاوبهاش وعاودت تاني حركاتو عاد حل عينيه ...
ياسين"بصوت منخفض تابعاه البحة" : شنو ؟؟
نوار : خليني ندير ليك هذا تحت لسانك عافاك باش نعبر ليك سخانة شحال فيك ...
ياسين : ما ...بلاش بلاش "ضار عطاها بضهر كيهتهت مباغي لا ياكل لا يشرب باغي غيير ينعس صافي ..."
نوار : وخليني ندير ليك غير هذا ...
ياسين : نوااار الله يرضي عليك ...
نوار : غيير نعبر ونعس ولا كول شوية نعطيك شي دوا ولا شي حاجة ورتاح واش بغيتي تبقا هاكا ؟ عاااافاااك ..
ياسين : تت "مد ايدو" : اريه اريه لهنا .."شدو من عندها دار ليها خاطرها غا بغا يسلك اما من عادتو كيبقى هكاك مريض حتى كاينوض يشرب شي دوا الى تزير عليه الحال وصافي ...دارو تحت لسانو ونعس نساه هههههه حتى سمعاتو كيصوني عيطات ليه تا عيات مابقا جاوبها حيداتو ليه وهي تلقا الحرارة 39,5 * ...
نوار : هيييي طالعة بزاف ..."جاتها الخلعة والخوف عليه "
حتى دق الباب كانت يامنة الي حلات من بعد ما سمعت صوتها جايا بشوية شاذة جنبها وقفات عليها ...
يامنة : امضرا نزلات ليه شوي ؟
نوار "وراتها الميزان " : هانتي شوفي ...
يامنة : شوفي تما كاين شي خافض الحرارة ..
قلبات لقات باكية باقي فيها ساشيات جابت كاس وحطاتهم وهي تمشي يامنة جلسات حداه كتفيق فيه وهو حمررر وجهو طايب وعينيه مجبديين وشعرو مخربق واحد المنضر كيبان وخا مريض ولا كيوت ههههه ...
يامنة "كدوز على شعرو وتقيس فيه وتقلب تقولي وليد صغييير وهو قد شحط ماجبد ما قدر يفيق غاااب مابقا جاب لدنيا لخبار ..." : ياسين يااسييين ولدي واخا تشرب دوا ؟
مشات نوار بزربة خلطاتو ليه وجات كتجري عطاتو ليه شدو من عندها دقة وحدة شربو وتلاح حط عليه مخدة فوق راسو هاد الحركة كتفهمها يامنة زعما خليوني طرونكيل هاد ساعة المطارق كيدنذنو ليه فراسو "
يامنة "شافت فنوار " : دار المخدة على راسو صافي خليه يرتاح دابا تهبط ديه سخانة شي شوية وطلعي شوفي وعطيه الى بغا ياكل ...
نوار : غير هبطي اخالتي الى بغيتي انا غانبقا هنا حداه ...
يامنة : واخا بنتي الي بغيتي ...
ناضت خرجات بشوية هبطات طمنات فؤاد عليه وخلاتهم هزات تيليفونها وتكات فوق فوطوي حداه ...بقات تقلب فتيليفون هضرات مع باباها مجاوبهاش وماماها نفس الشيء خلات ليهم ميساج بقات تقلب وتقلب حتى غفاات بيها عينها حتى لعشية طلات عليهم يامنة لقاتهم ناعسين بجوج وخرجات خلاتهم حتى وصل المغرب اذن ماحسات كاع امتا نعسات حتى كتحس بشي حاجة كتعنكش فيها ...
نوار "كتحاول تحل عينيها مغوبشة باش تركز وتشوف اش هادشي كينغش حتى حلاتهم بان ليها شعرو المخربق وهو هابط بفمو كيبوس فعنقها وينغش " : ياسيييين ...
نوار "ابتاسمت كتحب فعينيها " : ماحسيتش حتى نعست كنت كنصوني لبابا مجاوبني ونعست ...
ياسين : تغذيتي ؟
نوار : لا مزال ...
ياسين "ضربها بلطف على جنبها ضربات متتالية وناض وقف " : يلاه نزلي انا جاي ...
نوار : باقي فيك سخانة ؟
ياسين : لا لا شوية ..."دوز على شعرو كمش عينيه وحلهم " انا ندوش ونهبط ...
تشبحات وهي تنوض كتفوه جمعات شعرها ووقفات حتى حسات بلارض مشات وجات بيها كون ما شدها ياسين كون جات لارض ....
حتى شدها ياسين من جنابها وضور ايديه ورا ضهرها بزربة تدخل كانت غاتجي لارض حسات بدنيا ضارت بيها ...ووجهها ولا صفرر ...حتى جلسها فوق الفوطوي ...جاب ليها كاس الماء عطاها شرباتو
ياسين : شش ..شنو مالك ؟
نوار"دارت صباعها كمشت بين عينيها " : والو غير مع نعاس ...
ياسين : مكانتش فيك قبل ؟ "ميل وجهو كيشوف فيها بتاكيد " ...
نوار : ماعرفتش هي كانت كتجيني فوقيتة القرايا ولكن مبقاتش كتجي بزاف حتى دابا عاودت ...
ياسين : دوزتي عليها ؟
نوار "بنفي " : اهء معمري دوزت كنت كنقول غير حيث مكنفطرش فصباح وشي مرات فطوري معطل هذاكشي باش فاش رجعت كنفطر فالوقت مبقاتش ...
ياسين : فطرتي ليوم قبل منجي صباح ؟
نوار : لا مافطرتش "حدرات راسها وفهم انها كانت مقلقة ديك الساعة "
ياسين "عض شفايفو شحال وهو كيشوف فيها مركز فالاخير " : واخا ماعليش ..هبطي انا جاي ...قادا تهبطي دابا ؟
نوار "بايجاب " : اه اه نقدر عادي دابا ...
ياسين "شد ليها حنيكاتها بقجهم تا خرجو شفايفها باسها فيه " : يلاه نزلي شوفي يوجدو شي حاجة ناكلوها بزوج
ابتاسمات حشمانة من البوسة حيث كانو مخاصمين وبطريقة غير مباشرة تصالحو بلا ميبررو لبعضياتهم ولا يعتاذرو تصالحو بطريقة عفوية وهذا ان دل فانه دل على ان بزوجهم عندهم نقطة مشتركة وهي القلب البيض والحنين رغم كل شيء ...دخل هو دوش بما دافي باش يتوگض من ديما مكيعجبوش يستسلم لمرض رتاح ليه شوي دار ليهم خاطرهم وشرب دوا عطا لراسو راحة خرج من دوش لبس حوايج جداد غير ديال دار حيث مزال مقادرش باش يخرج لحتى بلاصة ومنها يعطي وقت لدارهم يجلس معاهم ويعطيهم حقهم بالاخص واليديه ومرتو الي هبط لقاهم جالسين الا فؤاد الي مشا لجامع ...بزوجات كيهضرو مكالمة فيديو مع يوسف ويسرى ...
ياسين "خلا تيليفون لمو وكحز على الكاميرا تا هضر ليها بشوي فوذنها وهي كتشوف نص وجهها فباها وقال بصوت منخفض " : حاجة المشي والمجي زينة كتعمر جناب وتزيت القنات "هبط ايدو ضورها جيهة جنبها لفوق تا لجنب بزولتها وقرصها حتى غوتت ورجع يهضر مع يوسف " ...
يوسف : اناري مالها ...
ياسين : بغات تجي عندك ومخليتهاش ...
سالاو معاهم المكالمة واطمانو على احوالهم بدون ميقوليهم اش كاين بتوصيات منو ...
صبح يوم جديد عليهم كيف العادة الفياق بكري بذهب مشري …كيف عادتهم حتى ولفاتو نوار تاهي فاقت بكري وهبطات لكوزينة بحيوية ناسية شنو جرا كان شيئا لم يكن ...وجدو الفطور حطوه جا فواد ومصطفى وياسين فطرو مجموعين هاد المرة ...حتى وقف ياسين كان بسورفيت تيشرت وسروالها وسبرديلة ...
ياسين : نوار لبسي شي حاجة طويلة و اجي معايا برا ...
نوار "شافت فيه " : واخاا ..
خرج هو سبق خرج شعل كارو كيكمي بينما وجدات راسها واحد شوي حتى خرجات عندو كتبتاسم جرها عنقها بجنب وتمشا هو وياها حتى لسيارة ركبو بزوج وكسيرا غادي بيها مسافة نيت ....
نوار : واش غادين مراكش ؟كون غير لبست حوايجي
ياسين : هادوك مزيانين ...
هزات كتافها مستغربة فين غادين حتى وقف قدام واحد شجرة وحداها واحد العين دايزة كتجري صاافية ووقف كانت بلاصة نقية وبااردة فيها ربيع مصاوب ومقاد تما وشجر ديال زيتون وتفاح والمانضالين ...نزل ونزلات حتى هي كتشوف ديك دنيا فحال جنة حسات بالبرد وتكمشات فالكاب ديالها حتى جاها من لور وعنقها دفن وجهو فعنقها باسها فيه ...
حرك راسو ومشا جيهة طوموبيل هز تيليفون من شرجم دوز الخط وصاهم على الوقت الي يجيبو اللحم الي يحتاجو وكفتة وصوصيص وداكشي دشلايض وصا عليه يوجدوه فالفيرما ويجيبوه مع شواية والعصير والموناضة مهم خرجة من داكشي وماتنساش الى كملات ...كمل
معاهم وضار لقاها كتفرش مسكينة ومعافرة كيهزهم البرد وتقاد عاضة في فمها ولا تخرج لسانها وتعضو باش كتقاد ...ماكرهش ماااكرهش يتكيها تما على ديك كتلك الفشوش الي عندو ميسالي تتخرج بتوام ....
ياسين "ربع ايديه قطب حجبانو وحنحن " : غلبوك ؟
نوار "شافت فيه وشعرها خصلاتو على وجهها " : لا لا هاني معاهم غيير برد...
شاف تا عيا وعاونها تا فرشو مزيان تبتو بشي مخيدات صغار عاد جلسات حيدات بانطوفتها وتاهو حيد سبرديلتو وتقاشر وجلسو مقابلين مع العين ...
جرها لحضنو غمرها وسطو معنقها مضور ايديه عليها وراسها تحت ذقنو مرة مرة كيبوسها فيه ولا يهبط يهز ليها راسها يشلقمها ...عايشة معاه الحياة السعيدة فهاذ اللحضة لقطات من الزواج الي حلمات بيه ...
نوار "بقات تتشوف حتى حسات بايدو تخشات فصدرها وعبزو ليها حتى زيييرررر عليه وخرج نصو قلبها طاح لركابيها " : ي ياااسين شنو غا دير ...د دد دابا يجي شي حد ...
ياسين : ششش زگاااي ...
غمضات عينيها وزادت كمشتهم خصوصا فاش هبط كيتلمس ويقرص ويعبز وكضور بجنابها مرة مرة لا يجي شي حد وشكوون غايجي وهو موصي وحافض صواريه ...حتى حط راسها وضار جا فوق منها ...
ياسين : شنو ندير دابا ؟؟؟
نوار : وو والو عافاك دابا يجي شي حد ...
ياسين "رفع حاجب ونزل لاخور "
نوار : صافي صافي عرفت ...دابا هو بغيت نقوليك شي حاجة وكنسا و....
فييين هو راه هز ليها رجليها وضورهم ورا ضهرو وتلاح عليها لدوك شنايف الي كانت تعضعض فيهم قبيلة وتهاوش فيه مرحمهمش ماطلقها تا فمها ولا يوزوز ...بدا كيهز ليها فلبيجامة الي كانت لابسة لفوووق يتلمس وشوي يهبط ايدو لتحت سروالو وفوق الكيلوط كيلعب تما ...
نور الياسين الجزء 18
محتوى القصة
التنقل بين الأجزاء