اقبح شعور فالدنيا هو الشعور بالخذلان الشعور بالضلم والشمتة ...صعيييب انك تقبل تضلم ونتا بريئ وماقادرش دير حتى شي حاجة الي ثتبت برائتك وتنقد السمعة ديالك ...واقبح حاجة هي انك تشوه سمعة العائلة باكملها على شيء نتا مدرتيهش والمصيبة الاكبر جهدك ديال سهر الايام والليالي يمشي ليك يتمسح كانه مكانش ابدا ....شكون غايتيق بيك يا فلان ....
جات اسمهان حداها كطبطب عليها حيث عارفاها ماتقدرش ديرها وعارفاها بنت الناس ماشي من نوع الي يسفر وحاضرة ليها فكاع خدمتها كتقنها وكتحرس عليها ...
اسمهان : مينة تهدني حبيبتي عاد فكري لا تكوني سجلتي الضوصي فشي قنت من الماك ديالك ...
مينة "دايرة ايدها على فمها ماقادراش تهضر باقي الصدمة لاعبة عليها " ...
عزالدين"جا عند اسمهان كيمسح على جبهتو حشم من الحاج وباقي رجال الي كانو كيشوفو بخذلان وحسرة " : ديها اسمهان بنتي من بعد ونهضرو
اسمهان : كون هاني سي عزالدين ...اجي معايا ...
جراتها اول حاجة جمعات الماك ديالها وداكشي كامل هزاتو وخرجات هي وياها غاديا مرفوعة خلات الفريق الي معاها شي كيشوف فشي وسرباية كيفرقو فاتاي والحلوة تيديرو خدمتهم مامدينها فتاحاجة ....حتى وصلات لسيارة دارت ليها اسمهان داكشي لور ...
اسمهان : حبيبتي عطيني كونطاكت انا نسوق ونوصلك ...
مينة "حطات ايدها على ايداسمهان وشافت فيها واحد دمعة هابطة ليها وحجبانها مقوسين بحزن " : لاا بغيت نمشي وحدي ...
اسمهان : عافاك امينة راكي قطعتي ليا قلبي خليني نوصلك ويكون خير كوني هانية انا عارفاك مضلومة غير تنفسي وبردي باش تعرفي تفكري ...
مينة : هذاكشي علاش خليني نمشي وحدي غير سيري عندهم انا غانعرف اش غاندير "بغات تهضر وهي تحبسها " الله يخليك خليني وسيري عافاك ...
شافت حتى عيات ومشات تتحسر عليها وكضور تشوف فيها الي تكات على طوموبيل دارت ايديها على جبهتها وتكات ....حتى تحطات ايد على كتفها ...
مينة : اسمهااان عافااك الى ما خليني اهى اهى ...تمدات لايد وجراتها ضورتها ...هزات راسها وشافت فيه ....شنو بغيتي نتااااا ؟؟؟؟ شنوووو بغيتيييي ....اشنو تاني جاي تشمت ؟
رياض : مينة هادشي...
مينة "صعرات زاد كمل عليها وهي دفعو من صدرو كتغوت .." : وااااعطييييني تيساااااااع وبعد مني واش عطيتك الي تستحق ؟ واش قلتي شنو بغيتي ؟؟؟ ياك انا خاينة وكدابة ياك ضحكت على صاحبك حتى دار مابغا ؟ ياك غا كنضور برجال ؟ واسيدي بعد مني ...
واش انا كلشي فشلت فيه ؟ واش جهدي اعبااااد الله جهدي اخى اهى شهر وانا صباح وعشية وليل ونهار وفوقت الغفلة والفراغ كنخدم عليه يتمسح ليا ويحطو مشروع ماليه ؟ كيفاااش اعباد الله وشكوووووون غايتيق بيا واااشكوننن "جهلات" وحقي مشااااااااااااااا واااحقي مشاااااااااا....
قبل ماتنخار شافها بغات تهبل حناكها ندبتهم وشعرها شنتفاتو ماعرفات فين تعطي راسها قبل مدير شي حاجة جرها بجهد جمعها معاها بتصرفيقة حتى شهقاات شهقة تقولي روحها بغات تخرج وكون مادار ليها هاكاك كانت غادي دخل فنوبك الجنون حيث صافي دنيا دياقت عليها بقات غا تصطى ليه تم قبل ماتهضر جرها وخشاها فيه معنقها بجوج ايدين زامط عليها باش ماتحركش ....
رياض : واخا ديري الي درتي واخا نعايرك مانبغيش ليك فحال هاد النوع من الضلم ...تهدني وغادي نوقف معاك حتى تبيني حقك وللبقية حديث اخر ...
بصح هو تسرع فااحكم عليها وضلمها واذاها ببعض الكلام الي نقولها هانها فشرفها وفعرضها ولكن باش يشوف هاد الضلم كتعرض ليه وهو عارف خدمتها ومجربها وخدم معاها وشافها من عينيها كيفاش حسات بطعنة الغدر الي اختارقت قلبها الضعيييف عكس شخصيتها الي كانت قوية ...صحيح اتاهمها اتهامات خطيرة لكن الي وقع خلاه يعيد التفكير ويراجع شحال من حاجة والي باش يعرف خاص يبحث ويعاون الى مضلومة غايبين ليها حقها ...بدات تدفع فيه حتى خرجات راسها رشافت فيه كتنخصص...
مينة : ماتعاونيش عطيني غا بتيساع اخويا ...خليك بعيد عليا الله يرحم ليك باك ...
رياض : غادي نبعد ولكن حتى نلقا ليك حقك ...بيني وبينك بغيتك تخدمي هاذ الخدمة وتاخذي تصميم الشركات بجوج ...بلا مانافقك خدمتك هي الي غادي تناسب كنهضر معاك عمليا ماشي عاطفيا ...ونتي الى ثايقة فراسك وصلي وقلبي على حقك خودي من الناس الي بغاو يعاونوك خلي كلشي يعاونك باش توصلي لحقك خلي المشاكيل الشخصية الي بيناتنا ...
وقلبي على حقك فينما كان حيث هادي سمعتك العملية الى فعلا بنت رمسيس بيني حقك وبحثي عليه فنما كان عاد ديك ساعة نعطيك بتيساع ...فكري فمستقبلك الى مارجعتيش حقك راه حتى شركة مغاتقبل تخدمك والى درتي مشروعك راسك ضوصيك راه توسخ الى مرجعتيش برائتك ...خليني نوصلك وتهدني عاد فكري وانا بدوري غادي نعرف كيفاش وقع هادشي ...
مينة"بقات حادرك راسها كل كلمة قالها بصح عندو فيها الحق دير اي حاجة باش ترجع حقها هزات الكونطاكت وضارت جيهة المقود" : غادي نوصل راسي راسي شكرا على الاهتمام اسي رياض نهار وقفت على رجلي مكنتيش بجنبي نهار ربي كتبت عليا المكتوب مكنتيش جنبي ..
رياض : واليوم انا جنبك فوقت الي ربي كتب عليك المكتوب ...
ماداتهاش فهضرتو ركبات وديمارات طموبيل وزادت مخلياه كيشوف وحتى هو محكرش خلاها على خاطرها بصح خاصها تبقى وحدها حتى تهدن ...بقا هو واقف خاشي ايديه فجيابو حتى جبد اللفون ...
رياض : شنو كدير نتا دابا ،،؟؟ غذا فالصباح نلقاك عندي فالدار ...ماتفوتش دقيقة تعطلها نعرف شغلي مع خليقة مك ...بغيتك تبحث ليا على شي حاجة …
قطع معاه ومشا حتى هو ركب فسيارتو وزاد من بعد ما اعتاذر من الحاج ومشا حتى هو لوجهة فين بغا ...مشا حتى هو يعيد حساباتو ويرتب افكارو لا يكون ضلمها حتى فاشياء اخرى فاتت ...
غاديا فالطريق وبالها مشغول في جيهة اخرى وعقلها مرفوووع ...طبعا الضلم مايبغيه حد لتاحد الا اذا كان باغي يسلك راسو راه كيضلم شي حد باغي يبني سعادتو على تعاسة غيرو راه كيضطر يضلم ولا الي قاطع ايدو من رحمة الله ...غاديا سايقة فداك الليل وغاديا وماحاساش براسها راها خرجات لطريق وفاتت فاس وطوموبيل موراها كتسني وهي ماجايبة خبار تابعة طريق وبالها لهييييه ودموعها نازلين مترجمين الحرقة الي فصدرها وقلبها ....خصوصا مع الاغنية الي تطلقات فراديو ...
مينة : اهى اهى ...اربييييييييي حرااااام اش درت فحياتي ااااااش ...اهى ...مع هزات راسها حتى طلقات فران مجهد وقفات عند طوموبيلتو الي كون مادار هكاك مكانتش غاتديها فيه ...
مينة "شهقات وشدات على صدرها " ...
شير ليها باش تطلق سينيال وتبلاصي جنب وشير لسيارة الي دازت اعتاذر منها حتى ضار وجا وراها وخرج من سيارتو معيط ليها باش تخرج ...وحتى هي مكانتش من العاگزين خرجات كتجري حل ليها دراعو فحال شافت باها كتحس بيه فحالو فحال يوسف ...شكون من غيرو فردة باها والعاطيه العاهد يتهلى ليه فبناتو …
من بعد ما تعشات او نقولو غير نقبات خاطرها مهانيش مقلقة من ناحيته الي ماعرفاتش واش ترجع تهضر معاه ولا اشنو دير ...عاودات ليامنك شنو جرا ونصحاتها حتى تعشا وتخليه شوي عاد تهضر معاه اذا وقع العكس وماهضرش معاها ديك ساعة هي غادي تدخل ...كملو العشا وطلعات لبيت بدلات ولبسات شورط وضوني ساتان بلا سوتيان دخلات حكات سنيناتها وغسلات وجهها نشفاتو عاد خرجات كتنشف شربات البيلول ...ومشات تخشات في فراشها دخلات لواتساب طلات عليه مكانش داخل ....خلات ليه ميساج فيه حتى كمشات عينيها وشدات رجلها عطاتها صداع ...
نوار : ايييي ...فففف علاش تترجع ليا بصداع ...تفكرات شنو قالت ليها ماماها بانه عادي مع اصحاب الهرس الى فورصات على رجلها غادي تصرها ووصاتها تاخذ بومادا تدهنها ليها وداكشي الي دارت هزاتها من المجر ودهناتها عاد دارت ليها باندة وتكات ...
حتى سمعات صوت التيليفون طارت هزاتو يحساب ليها هو رسل ليها ميساج ساعاك مكانش هو لقاتو اشرف الي راسل ليها ميساج ...
اشرف : نزلي لجردة بغاك الحبيب ...
نوار : راني بغيت نعس فايقة بكري نقرا ...
اشرف : تانا فايق بكري هبطي راه مزال لحال ...
شافت حتى عيات اصلا طالعة بكري نفضات الغطا ولبسات عليها واحد بيجامة طويلة قبل لبسات سوتيان … ونزلات لتحت لقات الحبيب واشرف والياس جالسين منغمين على واحد الكاس د اتاي الا يامنة وفؤاد وسارة كل طلع لبيتو وسارة طلعات تنعس مروان حيث حتى هو عندو مدرسة صباح ...
نوار "تخشات وسط الحبيب والياس بجهد جلسات حتى طارو ونزلو " ...
الياس : الراااگد ابنتي راااگد ...
الحبيب : مرات خويا بصحة الصباغة المائية هههههه
الياس : تا صبغت شعرها ؟ وتنقول مال هادي فحال مخوية عليها القهوة ...
الياس : اشرف نوض قول لحاجة توصي البنات يوجدو واحد صينية اتاي لفحم العينين راه جاي نووض اولدي ...
اشرف : ابلاتي نشوفو صينيتها كي غاتخرج ههههههه يا قودتييييهااااا...
الحبيب : لا لا ماشي لهاد الدرجة غير غايكون تقلق وصافي خويا كيبغي غير تشاوريه الى قاليك لا عرفي لمصلاحتك وهادشي منضنش غايشد عليه تقليقة مايستاهلش اتلقايه غير خلا تال صباح ويهضر معاك ...وزايدون حتى نتي قولي ليه شنو ماتبغيش وشوفي حتى هو غايدير بشوارك ...
ماتجاوبتش معاه اصلا ماافيهاش الي يتجابد معاه ولا يشد فيه طلعات تاني وحيدات بيجامة رجعات تخشات ففراشها هزات الفون تشوف فالساعة حتى لقات ميساج منو ...
ياسين : نعسي وبدلي ساعة باخرى مغاديش نهضر دابا ...
نوار"المهيم جاوبها ضحكات وهي تصوني ليه من بعد تردد كبيييييير قررات تهضر والي ليها ليها ...شحال عاد جاوبها ما قالش الو " : ياسييين
ياسين : نوار سيري نعسي ...
نوار : الااااا…مابغيتكش تبقى مقلق على حاجة ماكنتش عارفاها كانت كتقوليا ماما من الاخطاء نتعلم انا غلطت ماسولتكش واصلا ماشي لون معيق والله غير بغيت نجرب حيث عمري ما صبغتو …
ياسين "كان متكي غير بشورط قصير لايح عليه ايزار ..." : تعديتي ليا على بلادي وممتلكاتي ...وحاجتي الي تعدا عليها مكندوزهاش ليه ولا كانت زينة علاش يتعدا عليها ؟ ....ماعليش "طولها بشكل ميطمنش" مااااعليش...
بقات معنقاه وتبكي وتشكي حتى عاودات ليه كلشي اش وقع وحتى هو كان عارف من عز الدين حيث صاحبو هو ويوسف وهما الي هضرو معاه حتى عيط ليها باش بدات تسطاجي عاد تبدا الخدمة قبل ...كان هاد التصميم غاياخذها لبعيييييد ساعاك كان وكان وخاب الضن ...بقات تعاود ليه كلشي وتشكي حتى سكتات مابقات زادت كلمة ...
صهيب : كل مشكيلة ليها حل وكل ضالم غاياخذ حقو ...راكي مع صهيب السباعي خرج عمك الي دايرين ليه الف حساب كي شعرة من العجينة واش هادشي غايخفا علينا ...
مينة : بغيت عمو فؤاد ...
صهيب : وانا ؟
مينة : نتا هو بابا ...ماعليش بغيتو حتى هو مابغيتش نمشي لدار دابا ...تقدر تعيط ليه ؟
صهيب : تمشي لداري الي في فاس ؟
مينة "حركات راسها بالايجاب " ...
صهيب : اجي تبعيني ويكون خير ابنتي عليا بالطلاق ثلاث تنجيب ليك حقك ...
صهيب : غير ملي ضحكتي ابنتي تهون سارة نعل والديها هاديك اخرتها ليا واخرتي ليها ...زيدي زيدي وكان ...
مسحات عينيها وعطاها قرعة الما شرباتها حتى تهدنت الي عندو من صهيب وفحالو مغايخصو حتى خير ...شدوها نيشان لبارطما ديال صهيب اصلا كانت باقا غير في فاس دغيا ركعو حتى وصلو وطلعو تفكرات اخر نهار ليها فهاد البارطما هو النهار الي ودعو فيه يوسف فاش كان غادي يمشي لرحلة العلاج ...
مينة "كتشوف فدروج وفالباب دخلات كتضور طلات على البيت فين كان ناعس حسات بالخنقة والبكية حابساها حتى طرطقات بالبكا " : اهى اهى ...كون كان بابا كاع مايوقع ليا هاكا ...اهى ...توحشتووووووو توحشتوو ...
صهيب : ششش بنتي يوسف مامشاش بمرة يوسف مشا باش يرجع مزيان وصحتو مزيانة وزايدون الى مكاينش يوسف كاين انا كاين الياس معاك فؤاد رمسيس قدو قداش غا سميتو ماتخلي حتى ولد لحرام يديرها بيك والي دارها كياخذ عزاه كون نهار لول طلقيته على داك الحمار شماتة الي كنتي معاه كون واهليييي ..."حط ايدو على كتفها " من كل غلطة كناخذو عبرة وفكل عيرة كتزيد تقوينا
وفكل قوة مكتبقاش تدار بينا ...هادي هي الدنيا وكوني هانيا حقك نجيبوه ليك متني متلت ...
اومات ليه براسها ومشات جلسات دقائق حتى كان جايب ليها القهوة حطها ليها وليه حتى هو ...
صهيب : الماك ديالك معاك ؟
مينة : هاهو حدايا ...
صهيب : ماعندك حتى شي مشكيل مع شي حد خدام معاك ؟
مينة : لا لا ابدا اصلا عاد ستة شهور باش بديت معاهم هادي شهرين باش دخلت خدمة وساليت سطاج ...معمري كان عندي معاهم مشكيل ...
صهيب "رشف من قهوته مصغر عينيه ورجع شاف فيها " : شكون كان فالحفلة ؟
مينة : الحاج كراتي والسعدي والحاج برادة الي دار العشا وواحد عاد دخل معاهم شراكة راه كيعرف بابا باه سي المرابط ...
صهيب "رفع حاجبو " : رياض ؟؟؟
مينة : اه ...
صهيب : هاااكاااوا على سلگوط كبر ...واخا واخا ...عندك الماك هنا شعليه وخودي وقتك وقلبيه فليييه حتى تاكدي واش كاين شي ضوصي مخبيا فيه شي ضوصي اخور تقدري تلقايه فيه ماعرفتي مهم عطيه الخاطر وخودي وقتك ...
مينة : واخا ...
ناض من حداها ومشا لبالكون دوز الخط ...دازت تقريبا شي ساعتين حتى صونا لباب ومشا حل ...كان واقف بهيبتو الرجولية سبحان من خلقه الزمان غير مكايزيد ليه فالهيبة وقوة الشخصية ...هاز صويك فيه حوايج مينة…مع حل الباب ...
صهيب : زيد خويا دخل راها فالصالون ..
دخل وقف عليها ونطق بصوت خشن غليييض مع تحنحينة ...
فؤاد : مينة ...
هزات فيه راسها فحال كبيتي عليها كمية الامااان فحال قلتي ليها هالفرج جاك بلا شعور وقفات ...
مينة : الله ...عمو فؤاااااد...
زويييين الاحساس بالحب والمصالحة من بعد خصام زوين تعيشي هادشي مع حلالك تخاصمو وتصالحو وتمشكلو ولكن واش غايصبرو كي صبرو ناس غير متزوجين وعايشين المشاكيل الزوجية ...خاص الي عقلو صغار فواحد لحضة الطرف لاخور يكبرو هادي هي العلاقة كل كيعدل الكفة كل كيهز لاخور ويدوزها فوجه لاخور ...نعسات مرتاحة من بعد ما تفاهمت معاه ولكن واش غايدوزها ليها ؟ تاحد ماعرف شنو فداك راس ديال الغموض عندو ....
الراحة لقاتها مينة من بعد ما ضارو بيها عمامها السند القوي ليها من الي حلات عينيها ...جلسات حداه وقدامهم صهيب ...
فؤاد : عطيني الماك ديالك ...
مينة "مداتو ليه " : هاهو ...
شدو عندو دخل ليه ...قلب كاع الي ممكن كيعرف دخل لسيستيم ديالو ...هز تيليفونو هضر مع ايلاف بالروسية باش ميفهمو تاحد وهي ماديرش فبالها ...بقاو على تواصل فؤاد خدام من هنا وايساف من عندو ....
ايلاف : لك الله يلعنو ايش هاد ...
فؤاد : شنو هاكر صحيح ؟
ايلاف : والله اقوى هاكر شفت لا هالوكيت (دابا) طلعنا خمايل (مكلخين)
فؤاد : هضر على راسك ...شنو دابا غادي يغلبني ؟؟؟
ايلاف : لا بس ماسح كل ايشي فسيستيم الاي او اس بدنا هاكر اصح منو فهمت ؟
فؤاد : تاحاجة ما صعيبة علينا ...
ايلاف : بنلاقي بس الهاكر الي ماسح من سيستيم كل ايشي وفي حدا دخل ودخل التصميم المزور يعني بلمغربي دخل شي حد واستغلها مشغولة ودخلو دغيا وخرج ...باش غانعرفو شكون غالبا غياكون مستغل حتى سيستيم الكاميرات وماسح اللحضة ماغاديش تخفا عليه مادام هو كا هاكر صحيح لهاد درجة راه هادي مادوزش عليه ...الحل هو اننا خاصنا واحد اكثر منو ولا فحالو فالدماغ ...
فؤاد : قطع دابا ...
قطع معاه وضار قاليها شنو كاين ....
مينة : شنو غادي ندير "بغات تزهق ليها دمعة " عافاك راه مستقبلي وسمعتي اعمو فؤاد عااافاك ...
فؤاد "عقد حجبانو " : سمعتك هي سمعتي مانبغيش الي يقرب لجيهتي ويحك نحااسي خلا عشتو على ايدي مادامني حي معاك ومادامك كنيتك رمسيس سمعتك نقية ومكاينش العبد الي يضلمك ...
صهيب : قاليك خاص هاكر بنفس الكفاءة ديال هذا الي دخل ليها ل ماك ديالها ولسيستيم سواء ديال كاميرات الخدمة ولا سيستيم الماك ؟
فؤاد : مابغيناش فحال دماغو بغينا الي دماغو دماغ عليه ...
صهيب "شاف فيه شحال باش فؤاد يفهم "
فؤاد "زير على سمية صهيب " : ص هييييييييييييب ....
صهيب "حدر راسو " : خويا غادي نقوليك حاجة فضومين ديال تاموحاميت كلشي جائز باش نلقا البرائة احيانا كنتضامن مع مجرم قاطع ايدو من رحمة الله باش نخرج فلان اخور برائة حيث مضلوم ...وسمح ليا الى تعقل على ايام مشيت ل صوفيا فبلغاريا مشيت انا ويوسف على قبل برائة انسان قبل ميكون كيهمني وكيمسني (
لاح ليه هاد الهضرة حيث نهار تشد فؤاد فايام كانو تاهموه بالقتل مشا صهيب لصوفيا عاصمة بلغاريا باش بحث وقلب حتى جاب ليه برائتو لاح ليه هادشي بالالغاز وهو فهم )
فؤاد : شنو دابا ؟
صهيب : الدماغ الي كنقلبو عليه مكاينش من غيرو الى جبتيه غادي يطحن مو ويجبد ليك الي بغيتي مكاينش من غيرو الجن ديال ايساف ...غير لوح ليه العفو شي ايام وخلي شي يدوز فوجه شي ...
مينة "شرعات عينيها " : ااااه ايساف اعمو ايساف حتى هو هاكر صحيح نسيتي الي صمم سيستيم الشركة مكيقدروش يختارقوها ...
في كل كربة وضيق فرج من رب العالمين ...ولكل مشكل حل ...شكون يقول ان حل لمشكل ما هو مشكل سابق ؟ شكون كان يقول ان الحل ممكن يكون فايدين ايساف ؟ ايساف الي كان سباب فمشكيل كبيييير لزم عليه انه يتنفى فمكان غريب وبعيد وقاااهر لا ماكلة كي ناس لا حياة كي ناس غريبة عليه بزاف بدون انترنيت هاتف ملابس منك لدوك البلايص نتا وزهرك واش تعيش واش تعايش واش تقدر تسلك راسك ...واش تربى وتعرف بحق النعمة الي تكبرتي عليها ومنها ربي سلط عليك هاد الغضب ديالو فسيفة هاد المنفى الي تنفيتي فيه ....
ربي كبير ويمهل ولا يهمل ...الي تعدا على شي حد ضلمو كياخذ جزاتو والي ضلم يتيم ربي كيعاقبو ...وهادشي الي وقع لايساف مجرد تفكر انك تعيش فبلاد غريبة مافيها حتى حياة مستقرة ولا ماكلة لا سكن لا اي حاجة مريحة فبلاصة شبه صحرا ....وفي الثلث الخالي...لكم المخيلة وغاتعرفو نوع لعذاب على حسب شخصياتكم نتوما واش تقدرو تحملو او لا....
هاديك الليلة باتت تما احتاجت وقت تبقى وحدها وتريح راسها من بعد ما طمنوها عمامها وشكون الي عندو فحال هذوك العمام ويخاف ؟ طبعا الراحة والامان كتحسي بيهم فاش كيكون عندك سند ....عطاها فؤاد الحوايج الي جمعت ليها يامنة الكل عرف فالدار لهيه لكن فؤاد وصاهم تاحد مايهضر معاها فقط يخليو هما الي غايتكلفو ...خذاتهم ودخلات دوشات دوش دافي ريحات عضامها وراسها من البكا رسلات لنوار ميساج طمنتها عليها وتكات نعسات ديك ساعة من بعد الامان الي عطاوها جاتها راحة ونعسااات ريحات راسها ....
صباح يوم جديد على الكل ...جالسة فوق الكرسي عند الباب من بعد ما فطرات فطور بزربة اكتفات بقهوة وتويشيات خذاهم ليها صهيب من المخبزة فطرات هي وياه خلاها ومشا المحكمة لاشغالو والشركة وهي بقات حتى جمعات وهاهي جالسة كتلبس فصباطها هازا صاكها ...حتى تدق الباب ناضت حلاتو ...
مينة : عمووو الياااس "عنقاتو بتنهيييدة " ...
الياس : عشيرة عمها ..."دخل" ...غاديا ميسرة لخدمة ولا ؟
مينة : تت لا غادي نشوف سي عز الدين قاليا دوزي عندي المكتب ههههه باينة غايجري عليا ...
الياس : يجري عليك ؟ الى فايت ليه عاض فبزولة مو غاينطقها ...ناسي مو الخير الي مصرفين فيه واخا مكنحملش نمن لكن الواحد يدير بلوجه ...
مينة : الخدمة خدمة العم راك عارف ...
الياس : الخدمة هي الوجه فخدمتك وجهك الي كيلعب دور واخلاقك ...فين عمر شي كليان تشكى ياك كيجيو على وجهك وخدمتك وا يدير بالحساب ...لا ساعفتيني الى قال كلمة هك ولا هك عطيه تيساع ديري مشروعك راكي دوزتي سطاج تقريبا عندك الخبرة
مينة : مزااال الخبرة هاد ساعة تا دوز عليك دكاكة والحريث منو نيت هادشي الي داز عليا ...
الياس : يكون خير ابنتي متخمميش معاك حنا حقك يجي تال عند رجليك ...
هزات صاكها تابطات دراعو وخرجو سدو الباب ونزلو ركب هو سايق وهي حداه وزاد بيها لشركة فين خدامة هي بلاصا سيارة تحت خلاتو لتحت ...
مينة : باش مكان نعيط ليك ...
الياس : انا هنا كنتسناك ...
مينة : الي بغيتي واخا ...
طلعات لشركة لقات فالاستقبال الي معاها سولو فيها كي بقات شي سلم عليها وشي شاف غيييير من بعييد وصافي ومتحسر ...دقات على الباطرون حتى حل ليها الباب ودخلات عندو بكل ثقة هازا راسها ومتبتة ...
مينة : سي عز الدين ...
عزالدين "داير نضاضرو فوق منخرو وشاف فيها من فوقهم " : تفضلي بنتي ...
مينة "جلسات قدامو " : احم ...قلتي ليا ندوز عندك ..."حدرات راسها كتلعب بصباعها قبل متهزو ونطقات " الي وقع البارح بلا منبرر ليك هادي خدمتي معاك شحاال من شهر مغاديش نقوليك راك تعرفني ولا عارف عائلتي ههه يكفي الاهانة ديال بارح بالي انا شفارة وكنشفر عرق حد اخور ...الي نقوليك اسي عز الدين عرق كتافي وجهدي
انا اسي عز الدين الي ضاع ما ضاع عرق تاحد انا الي تمسح ليا ودارو ليا خدمة واحد خور هادشي الي كنقوليك طبعا نتا ماغاديش ثيق بيه كتشوف الي قدامك كتشوف ارض الواقع شنو فيها والواقع الي قدامك كيبين انني شفرت تصميم وتصميمي ضاع شكون غايثيق طبعا انا بلاصتك ماغاديش نثيق "حدرات راسها وجمعات فمها كاتمة البكية ومقصحة خاطرها " ...
عزالدين "الي سمع كل كلمة قالتها طبعا هو عيط ليها باش يسمعها شنو تقول يسمع اقوالها عاد يقول اقوالو هو ...حيد نضاضرو وربع ايديه ونطق " : بنتي راكي كتعرفي الخدمة ديالنا عارفة بالي كلفتك باش توجدي تصميم الي غادي نوريوه ليهم راه ماشي غير شركة ديالنا الي مقدمة تصميمها شركات منافسين لينا على ديكور هاد الشركة الي شبه عملاقة ...واش عرفتي شنو تصممي لشركة ولاد برادة والشركاء ديالو ؟ عرفتي البروجي علاش خدامين ؟
مينة"حادرة راسها" : من بين اكبر المشاريع في فاس لحد الان ...
عزالدين : وعارفة بالي ممكن يقدمو بيك دعوى بنتي ...كنهضر معاك فمجال العملي راكي قارية وعارفة الخدمة خدمة بنتي ورغم ذلك سي الحاج بوجه باك سي يوسف وانا كنعرفكم وخير داركم عليا كثييييير ماخليناش الولد مول التصميم يرفع عليك دعوى وعالاقل انا شخصيا مثيقك ابنتي وعارفك وهضرت معاه انا والحاج ...لذلك ابنتي ...
مينة "وقفات قبل ميقولها ومدات ليه ايدها " : سي عز الدين غذا استقالتي تكون عندك وغذا الى ممكن نجمع حوايجي ومنزيد نحطك فموقف محرج ..
عزالدين : بنتي....
مينة : عارفة ومتاكدة اسي الحاج ثقتك فيا ...الي نقوليك هو نهار نجيب برائتي ديك ساعة لينا هضرة ...بلا منطول الخدمة خدمة اسي الحاج كلشي بالتباتة وكلشي بالعقل خير الكلام ما قل ودل اعتذر منك بزااااف على الي وقع ....
عزالدين" وقف وسلم عليها " : يكون خير ابنتي الله يسر ليك ...
حدرات راسها وهزاتو بابتسامة وخرجات زادت مع الطريق ...مشات بدون ما تلفت لشي حد مخليا اسمهان كتعيط ليها وماداتهاش فيها غاديا وفصدرها نغصة كاتمة عليها فواحد الوقت كانت فرحانة باغا تخلق ضجة بتصميمها الي من بدات وهي كتفكر ليه وسهرات عليه و فلحضة هاهو كلشي تهدم ليها ما تسد عليها سانسور حتى كانت غاتهبل غير تسد تطلقات بشهقة كانت كاتمها كتبكي وتحك فصدرها وقلبها كيحرقهااااااا على الفشل الي صرا ليها والاحساس باش كتحس قتلها وحسكها ....
الياس "نزلات كتمسح فعينيها وشافها خرج من طوموبيل لعندها شدها وعنقها تاهو ترمات فيه كتبكيييي وتقول مابكيت خلاها على خاطرها تا سالات وسكتات لحضة صمت كتسترجع انفاسها من بعد ما بكات الي بكات " : الالة مينة براكة واش عطيناك العاهد ؟
مينة : والو "بصوت مغنغن" غير بغيت نفس على راسي وصافي يلاه نمشيو لدار لهيه ؟
لكل ضيق نهايته الفرج باذن الله فقط الصبر والصبر والدعاء والتضرع الى الله ربي كيجيب الفرج من عندو فقط لازم وقت والصمطك راها كضور والبزيم راه كيشحط ...خذاها لدار صهيب هو اللول عاد هزات اغراضها والشكارة ديال الخدمة عاد شدو طريق لازرو مسافة الطريق حتى كانو تم مع دخلو ركن سيارة ونزلات لقات نوار عاد مدخلها الشيفور عاد وصلات من ليسطا ....كيف شافتها نزلات كتزرب لعندها ....
نوار : مييييينة ختيييييي ...
مينة : حبيبتي "حلات ليها دراعها تلاحت عليها عنقاااتها بجهدددد زوج اخوات معندش بعضياتهم غير هما زوج بنات من صلب يوسف الي مكيفوتوش بعضياتهم وحدة احن من لاخرى على لاخرى ووحدة كتهز على وحدة ولكن الدق اغلبه على مينة من حيهة نوار ...
نوار : غادي دوزي نتي هههه قاليك عمو صهيب دوزي عندنا تعشاي نتي وصفية وايلاف راه غايجي هو وعمو فؤاد ...
راوية : واخا ان شاء الله ...
قطعات معاها وجلسات تما شوي حتى جات يامنة هضرو مع يسرى سولو على احوال يوسف ...
نوار : معرفتش مال ياسين ماعجبنيش صوته ...
يامنة : ياكما معصب فالخدمة ؟
نوار : قاليا هو فالفيرما دابا كنسمع حداه الغوات ...
يامنة : اويلي اشمن غوات ...
نوار : قاليا من بعد ونهضر ليك وقطع ...
يامنة : خير ياربي سلامة ...
#في فيلا ايلاف ...
كانت جالسة فالجردة حتى ف جليسة مضللة على شمس كتشوف فالمسبح الصغير من بعد ما قطعات مع نوار عيطات لجاد سولات عليه وعلى الاحوال ديالو ...حتى دخلات صفية من برا هازا صاك جنبها ودفتر فايدها ....شيرات ليها وجات لعندها ...
صفية "بعد تردد " : واخا ان شاء الله ...بغيت نرتاح ونتغذا ونراجع عندي امتحان فالبداية خاصني نوجد ليه ...
راوية : الله يوفق ....
ابتاسمات ليها وناضت مشات دارت كيف قالت ليها وهي بقات مقابلة لابتوب ديالها كتوجد فيه تقارير طلبهم منها الياس فينا يخص الشركة مرة مرة كتعاونهم بخصوص ضومين الي قرات وممنعهاش ايلاف من خدمتها مرة مرة كتعطيهم تقارير ولا ترجم ليهم بعض الطلبات ....حتى شوي ودخل ايلاف ....
ايلاف : مرحباااا "تحنى باسها في فمها كانت واقفة صفية كتشوف فيهم من زاج كتبتاسم كيعجبوها بزاف شي مرات كانت كتمنى تكون كيفهم ...هازا كاس الما فايديها "
راوية : اهليييين حبيب قلبي ...
ايلاف : هلا وكيفو وكيف خواريفو ...
راوية : ههههه مزيااان بشوفتك احبيبي ...
ايلاف : يسلمو قلبي ...ايش بتعملي ...
راوية : شي تقارير بغاني الياس نترجمهم ليه بلغة الايكو ديال فرنسا على حسب شي سلعة ...
ايلاف : الله يوفقك ...احم "شاف قدامو جامع عينيه ماقادرش ينطق قدامها " ...احم ...
مع قالها مع طاح الكاس ديال الما تشااااااخ حتى تهرس عند رجلين صفية ....عينيها ولا كيتغمضو ويتحلو فور ما كتسمع سيرتو وجهها تخطف منو لون لكن سرعان ما زيرت على راسها وغمضااات عينيها وحلتهم كتحرب راسها باش تولي طبيعية وسيرة ايساف ماتاثرش عليها باش تبني قوة شخصيتها ....
وصل الليل …في عاصمة اديس ابابا في واحد من المنازل الي تما ...واقفين ربعة ليگارد سمريييييين قد سخط لابسين كومبلي كحل ومنضرهم كيخلع ...جابوه من ديك المنطقة كيف لاحوه كيف هزوه كلو مجرتل لابس غير من عند شي ناس عايشين تما كيقلبو على قوتهم ....حطوه فواحد البيت غير جالس ولا حالتو ....اللحية تغوفلات وكبرت بزاف ...والعينين دخلو بجوع وقلة الماكلة والفقصة الي كان فيها ...حيدو ليه الباندة على عينيه نقاوه وغسلو ليه وهو مكيتحركش ...وهزوه تاني مغمضين ليه العينين حتى رماوه فهيليكوبتر عاد حلوهم وقادوه عطاوه باسبور ديالو ووراقو باش يكون داكشي قانوني ....فاش يمشي لطيارة الخاصة …
انور : كيبان فحال الى تزنزن الهضرة صارطها ومستووه ...ابعدا الي قلناها ليه كيديرها ولكن الصوت باش يهضر مكاينش ...
فؤاد "عقد غوباشتو " ....
وصل وقت العشا جات راوية وصفية وايلاف ...دخلو لقاوهم فالصالون ...سلمو عليهم وجلسو تحط العشا كيف العادة على حقو وطريقو ...هاد المرة نجود الي واقفة عليه ...تعشاو الرحال وحدهم وعيالات وحدهم ...حتى تعشاو وتحط اتاي عاد عيط فؤاد لراوية الي جات عندو هي وايلاف حداه ...بلغها باشنو كاين وطبعا متقدرش تهضر حيث عارفة اشنو كاين وعارفة فؤاد شنو ناوي ...
راوية : عافاك اخويا واخا تبقى صفية هنا معاكم ؟
فؤاد : داركم هادي ميحتاجش تشاوري معايا ...
ايلاف : تبقى هون ؟
راوية : حسن ماتلاقاش بيه ...
فؤاد : الي عجبك ...
راوية "هزات فيه عينيها مدمعين " : غايجي غذا ؟
فؤاد : ان شاء الله ...راوية !!!
راوية : هاني هاني اهى "دارت ايديها على وجهها كتبكي حتى حط ايدو عليها"
فؤاد : راوية ...الي دار الذنب استاهل العقوبة ...راه فمقام ولادي الي نديرو لولادي نديرو ليه ...
راوية : ياريت كون خرج لولادك يااريت اهى ...
فؤاد : غادي يرجع فحالهم ...
ايلاف : ما ربما يكون اتعلم درسه ...
فؤاد : هادشي الي بغينا ...
بعد ساعات من الطيران حط الرحال بمراكش عاد من مراكش لفاس بالمطار من المطار خذاوه نيشان لازرو لكن ماشي في الفيلات بزوج وانما لدار القدييييمة ديال ال رمسيس الي بالمدينة حطوه تما ...بعد ساعة من الزمن وصلات سيارة فؤاد وايلاف ودخلو ...
ايلاف : لساتو على حالو ؟
انور : هو هو ...كيدير كلشي لكن باش يهضر مكيهضرش ...
فؤاد : حل الباب ...
حل عليه الباب ودخلو بزوج لقاوه واقف متكي على النافذة وكيشوف ...بدون ميحرك اي ساكن فاش دخلو ...
ايلاف : ايساف ؟؟؟
ايساف "ضار شاف فيهم ورجع ضور راسو " ...
فؤاد : هضر معاه ...
ايلاف "قرب ليه " : ابني ايش فيك ؟
ايساف "الصمت" ...
ايلاف : صار لك ايشي هونيك ؟؟
ايساف "الصمت "
فؤاد "مخنزر " : تحرك معانا لدار ...يلاه ...
ايلاف "طبطب عليه باش يتحرك " : يلاه ابني نروح ...
ضار ايساف ومشا سبق باه هبط لتحت تبع فؤاد وطلع فطوموبيل ...منضر ديالو يضر الخاطر عينيه دخلو ولحية كبرات ...والهضرة مشات بان عليه العيا وجوع والقهرة والعذاب ...ركب فالسيارة لور وسد الباب وجلس ركب ايلاف حدا فؤاد وانطالقو نيشان لفيلا ديال ايلاف ..دخلو ليها ومشا طلع نيشان لبيتو ...
فؤاد : خليه ليوم على خاطرو يرتاح وصباح يقضي الغراض ...طلع شرح ليه شنو كاين ...
ايلاف : تمام رفيقي ...
فؤاد "قرب وربت على كتف ايلاف " : يكون خير يكون خير ...
ايلاف : ما زودناها شوي ؟
فؤاد : مات ؟
ايلاف : الله يستر ...
فؤاد : عارفني نخليه بلا منراقبو من بعيد ؟ شنو سنين ومينين دوزنا عارفني نغفل شي حاجة ؟؟؟؟"خرج فيه عينيه "
ايلاف : روح الله محيي البطن الي حملك ...ان شا الله تجيب نتيجة ...
مشا فؤاد خرج وطلع ايلاف لعندو دق عليه ودخل لقاه متكي فوق الناموسية ومغمض عينيه فحال شي واحد مشافش الراحة سنيييين عاد لقاها هو الي وقع لايلاف...جلس حداه وحط ايديه على كتافو ...
ايلاف : ابني ايش صرلك احكي معي سمعني صوتك ...
ايساف "حل عينيه زرقين شاف فسقف " ...
ايلاف : ايش صار لصوتك ؟
ايساف "الصمت " ...
ايلاف "عينيه ولاو حمرين " : ايش صار لصوتك ابني...
ايساف "بقا يشوف فالسقف حتى هبط عينيه شاف فيه غوبش وضار لجيهة لاخرا عاطيه بالضهر " ...
ايلاف : راحتك ارتاح بعدين بنحكي ...لازم تشد حيلك بدنا ياك تساعد انسان بريئ ما الو ذنب بها الحياة سوى انه بدها تعيش وتنسا الي صارلها ...انسانة من وعييت عالدنيا انضلمت بحياتها ...بدنا ياك تساعد مينة لان مستقبلها ضاع ...
مع قالها مع ضار ايساف بالجهد جلس كيشوف فيه ...
ايلاف : انت الوحيد الي راح تساعدها ...يعني بحكي معك مغربي ...الوحيد الي غادي يساعد مينة هو انت بغناك ترجع دماغ الهاكر الي كنتي مخدمو ملي كانت عندك 16 سنة ...يا نابغة ...
خيوط شمس تسللات من بين ستائر النافذة ...اقتراب بداية فصل الخريف على الابواب ...على صوت المنبه حلات عينيها بزز حتى طفاتو بقات جهد شي خمسة دقايق تا عاود صونا رنة غاپيل ...طفاتو عاد ناضت شافت ساعة كانت سبعة صباح ...نفضات الغطا ودخلات قضات حاجتها وتوضات عاد حكات سنانها وغسلات وجهها وخرجات كتنشف بدلات عليها كلشي لبسات كسيوة طويلة فالصفر بارد وفوقها فيست كحلة جمعات شعرها لور بمقبط صغير ورجعات خصلات لقداام ...
هزات الطابلية فدراعها وصاكها دارت فيه دفتر ولوازم راه فيه والالة الحاسبة و plan comptable ....المهم وجدات راسها شافت فتيليفونها مكانش منو اي اتصال من البارح فقط رسالة فيها انه كان مبرزط حتى يسالي ويهضر معاها ...وزاد تشغل بالها عليه ...
نزلات لتحت لقات كلشي فالفطور كيفطرو الا فؤاد الي مكانش فداك الصباح ...
نوار : صباح الخير ...
صهيب : صباح الخير ابنتي ...فطري غادي نديكم انا الشيفور عندو مايقضي فهاد الصباح ...
اشرف : واش العميم ماديروش واحد القضية ...
صهيب : الي هي ...
اشرف : شريو ولا عطيونا طوموبيل انا نسوگها ولا نوار نوصلو بعضياتنا راه عندنا شوي تفاوت فالتوقيت العميم ...
صهيب : تا هذا نضر ...ومن نعطيك طوموبيل تسوكها نتا جن كحل مكتشورش وهانتاا قلتي فرق بيناتكم فالتوقيت ...تسوگها نوار ؟
نوار "نقزات " : اه نسوگها والله ...
الحبيب : فين عمرك سگتي ؟ من نهار شديتي البيرمي ما طلقتي رجليك فسوگان ...
بقاو يفطرو ويضحكو مفوجين بعدا شوي ومينة حتى هي رجعات ليها الابتسامة وعلاش ماترجعش وهي متاكدة ان حقها الى مارجعوهش ليها باذن الله غايرجع يرجع مادام مضلومة ...جات يامنة جلسات حداهم من بعد ما شربات دوا ....فطرو وكل ناض لاشغالو صهيب وصل نوار واشرف لايسطا وزاد هو لفاس ....وصلو عند الباب داخلين بزوج حتى لحقات عليها وصال كيف العادة لبسو بلوزاتهم نوار ووصال فالابيض و اشرف فالازرق حيث قطاع الصناعي والصيانة ...
داخلين حتى بان ليهم المتدربين مجمعين وشي كيطل من القاعات لبرا فواحد جيهة نايضة صمكة بين زوج دريات بزوج كانو كيعرفو اشرف وطبعا هو اساس الصمكة الي نايضة ...
كل دخل لقاعة ديالو يقرا ...وجقلة تفرتكت والي مشاو الادارة مشاو وشكون غايعقل عليهم وهما منوضين صمكة فالمؤسسة ...حتى دوزو الساعات ديالهم كيف العادة…
حتى كتقول تقادات الوقت ومدوز حياتك مقادة مكاين حتى مشكل لحد الان حتى كتعواج من شي قنت ميمكنش حياتك تكون مقادة حياتك كلها وخا يكون عندك مال قارون وماخاصك خير ...البال مكيرتاحش الا اذا كنتي قريب من الله فالوقت فاش كتلجأ ليه كينزل عليك الراحة والسكينة باش تقدر تفكر ومن بعدها كيفرج عليك ....
راجع من خدمتو هاد المرة بكرييي سالا الاجتماع ورتب الامور فالبنك وبعض اللقاءات ببعض العملاء وغيرهم حتى وقف الخدمة وشاف كل الي خاص يكون على اطلاع بيه وخرج فوقت ابكر بزاف مع وقيتة الغذا ...شد طريق لفيرما حتى دخل ودوز الاتصال ليها ...
ياسين : نوارت الدار ...
نوار : ياسين...فين كنتي ...
ياسين"بصوت حنين " : توحشتيني ...
نوار "جمعات فمها بخجل وصحكات هنا كيعرفها بالي بصح توحشاتو غير كتحشم باش تقولها ليه ...حنحنات " : اااه ...
ياسين"تنهد " : وقع الي مكان لا فالبال ولا الحسبان ...تسناي "شاف قدامو طلق سينيال حتى بلاصا قدام الدار…بقا فالسيارة ...وبدا يعاود ليها " ...
#فلاش باك ...
كان راجع من الخدمة كيف العادة باش يدوش ويرتاح عاد ياكل ويخرج يشوف اشغال الفيرما الي مكتقاداش بالفعل دخل داكشي الي دار لقا الخالة نعيمة حاطا ليه الماكلة سلم على جدو الي توضى باش يخرج لجامع ريتما ياذن العصر حيث رجع بكري شوي من البنك ...حتى دق الباب ودخل اسامة ...
اسامة : خويا تكلم ...
ياسين : لمن ؟
اسامة : بغاوك برا لاجودان شاف والقايد ...
ياسين "رفع حاجبو " : شنو ؟ "ناض وقف ساس حوايجو ومشا غسل ايديه مزيان ووجهو نشف وخرج هو واسامة لبرا فاتو دار بشوي عند الباب الكبير حتى لقاو الشيخ وزوج جوندارم اجودان واجودان شاف والقايد ومصطفى وحداهم راجل فنيدة اي بات عبد الغني وفنيدة ...
هاز راجلها كرطونة سكار حاطها حداه ...
ياسين : شنو واقع ؟؟؟
فنيدة غيييير شافتو وهي تمشي تتزرب لعندو ودموعها على خدها ...وقفات ليه عند وجهو ...
فنيدة : ولدي ياسين انا فعاارك اولدي الى ما سمح لولدي راه مادار والو اولدي اهى ..."بغات تبوس ليه ايدو وجرها "
ياسين : اعوذ بالله ...
فنيدة "خبطات على صدرها " : انااا ولدي الي شعلت العافية هاني گدام جدارمية ...
ياسين "خنزر " : شنو ؟ كيفاش ؟
فنيدة : عبد الغني ولدي ماشي هو الي شعل ليك العافية ولدي انااا الي شعلتها هو ولدي مسكين غا ضرگ عليا وهو الي لاح ديك البريكة باش تعرفو هو ...مبغاش لميمتو تدخل الحبس ودخل بلاصتي هو الي غطا عليا ....
ياسين "هز ايدو وراسو لتحت صعر حيث حس براسو ضلم الولد فهاد اللحضة " : لو تعرفيني الخالة وتعرفي تربيتي مندخل مراة بمقام ميمتي مصرفة فيا الخير فصغري ودارتني مع ولادها لحبس على حاجة تعوض ...ولدك كان صاحبي دخل باقي صغير يتربى والوليد ضمن ليه وراقو ميتحيدوش....نتي الي كبيرة ماديال تمرميد على والو ...
ترمات عليه كتبكي وتقول مابكيت ...
فنيدة : انا عارفة نتا ولد الخير وعارفة راسي غلطت وجيت نطلب سماح ونرمي العار الى ما سمح ليه وخرجو راني نضل نبكي ونبات نبكي هادي شهر وانا مضيومة على كبدتي اولدي ...
حميد : هانتا ها سي العلوي لاجودان ديالنا وشيخ بن عريبة وسي موحى القايد كلو ...
موحى : جيت فوجه سي ياسين الي خيرو كبير علينا ...لا هو لا الحاج مصطفى والحاج فؤاد ..
بقا غير كيشوف جامع ايديه شنو غايقول ما يقول ؟ اشنو غايدير حداه جدو كيهدي الوضع وحداه بات الولد وحداه اسامة الي عاد رجع من السوق جاي يتعذا ويدخل يقرا بحكم عاطيه ياسين نص نهار يقرا فيه شنو بغا ....المقدم واقف وجوج من جوندارم معرفة كلهم تلقاو ليه وهي وسط منهم كاع نادبة حناكها وناتفة شعرها ....وحداها العيالات كيجرو ....
مصطفى : لا حول ولا قوة الا بالله العلي العضيم ...
المقدم : اش قلتي ولدي دير الما منين يدوز على وجهنا ...
لاجودان شاف : ولدي ياسين فك الجرة تجمع دنيا الله يرضي عليك كلنا جينا لعندك ...
حادر راسو حجبانو مجموعين كيمضي فسنانو كل مكيتفكر شنو وقع ودار ليه والهضرة الي سمع خلاتو يعيد حساباتو ...غمض عينيه وضار جيهة لاخرا مبعد …دار ايديه على نصو هز راسو لسما وزفر انفاس سخونة....حتى جات كتجري ترمات ليه على رجليه وتبكي لربي الي خلقها ....تحنى لعندها ...
ااااولدي انا رامية عليك العاااار اولدي سمح ليا العاااار لحتو عند رجليك اولدي وسمح لينا دير بوجه العشرة القديمة ...
حميد : دير بوجه ليام زينة الي دوزنا ...
ياسين "تحنى لعندها ونوضها مابغاهاش تحنى على رجليه ...حتى ناضت كتبكي ونادمة ..." : كنشوف الخير السابق كندير بوجهو كنشوف وجه ناس فوتو فيا الزينة ...الى كان هكا وهاد الهضرة صحيحة الله يسامح مايكون غا خاطرك ...
فنيدة "بغات تبوس ليه ايدو وخطفها صدق هو الي بايسها ليها " : الله يرضي عليك قد مانت واعر قد مانت ولد الناس وحنين سير الله يفرحك دنيا واخرى سير الله يكمل عليك ...سمح ليا ولدي سمح ليا على دعاوي الي دعيت عليك ...رجعو عليا وكنت انا غانترزى فولدي ...
ياسين "باس ليها راسها وضور ايديه عليها ضامها " : الله يسامح ...
حميد "جا لعندو " : هذا المضنون فيك عارفك ولد الناس والخير ...الي داروه مسحو فيا ...شحاا من مرة كنبغي نجي نطلب سماحة وكنحشم منك اولدي ...
ياسين "باس ليه راسو " : حاشا الحاج بلاصتك كبيرة ...
تسالمو ورجعات تقريبا المياه لمجاريها لقاوه ولد الناس حشم منهم ناس كبار وهي قد الام ديالو وسيد قد باه فاش تتشوف الوليدين تيطلبو كتحشم ماعادا الى كان قلبك حجر ...الياو او الزمن هو الي غايرجع كلشي كيكان او ممكن يرجع احسن من ما كان ....
#عودة...
نوار : ودابا غايخرج ؟
ياسين : هو خارج خارج والتنازل درتو لحنانة ديالو … هي اعتارفت بالي دارت داكشي ...
نوار : ااه ...
ياسين "تنهد " : تجي عندي هاد سيمانة ؟
نوار "ابتاسمات " : ماكرهتش ولكن قارية حتى سبت ...
ياسين "عض على شنافتو وغمض عينيه باسف " : مااعليش ايام الله طويلة ...
نوار : ياسين ...
ياسين : شنو درتي تاني ؟
نوار : هههههه لا لا مدرت والو بغيت غير نسولك ...
ياسين : سولي ...
نوار : عمو صهيب والياس بغاو نخرجو حيث البارح خرجو مع مينة مع داكشي الي وقع ليها ...
ياسين : ايه عاود ليا الوليد ...
نوار : قاليا الياس نتشاور معاك واش نخرج معاهم ولا لا ...
ياسين : وفنظرك انا غادي نمنعك على عمامك الي رباوك ؟
نوار : وا قلت نتشاور معاك ونسولك باش تكون فخبارك ...
ياسين : الي خاص يكون فخباري مكنعلمش بيه والي عادي ميحتاجش نعرفو كتعلميني بيه ...
في مدينة فاس وبالضبط فيلا رياض المرابط ...نزلات بلباسها البلدي قفطان ديال دار فالگرونة وشال فالصابلي ...بوجهها البشوش جلسات فصالون كيشوف فجردة كانت وقيتة العصر ...حتى دخل من زنقة كيهضر فالفون ووجهو مخنزر ...
رياض : زا** لي ولدك غادي تجيبو فينما كان ...ماخافيش عليا سايكو هو الوحيد الي يقدر يدير هاد العجب ...
انس : وا سي رياض راه منجيوش ونضلموه عرفتي راه عرفك كتقلب عليه وراه مامزيانش اسي رياض...
رياض : واش هضرت معاك ؟؟؟ شنو قلت انا "غوت تا ضارت امو تتشوف فيه " سااااايكو تجيبو ليا منين ما كان ...
رياض : نحاول ولكن ان شاء الله منخليكش تعشاي وحدك ...
ماجدة : سير الله يغطيك ويفرشك بالرضى ...
باس راسها ومشا خرج مد ايدو حل طوموبيل بالكونطاكت جاه تيليفون جاوب...
رياض : شنو كاين عندك ؟
انس : كاين هاهو ...
رياض : هاني جاي "يلاه غايضور باش يركب مع شانطي حتى تم جاي واحد الموطور t-max....يلاه جا يضور جمعو بضربة تاتهز لسما وطاح فوق لبارشوك ديال طوموبيل هبط لارض دماياتو دايزة ...بدون مايحرك ساكن ....
سبحان الي يبيتها فشان ويصبحها في شان ...سبحان الي يخلي دقيقة فشكل والدقيقك الي من وراها تكون فشكل غيييير ...الدنيا فايتة شكون قال تكون بيخير دابا وبعد دقيقة حتى تولي فعداد الاموات ...الي كان يقول غاندير وندير اليوم غذا اصبح فشيء غير ...اش خاصك يا الانسان سوى انك تجمع ما تدي معاك من حسنات الى جمعتيها يا فلان ...ورضاة الواليدين ...هادشي علاش خاص تقول ديما غاندير باذن الله وان شاء الله والى بغا الله ....
بعد جوج.دقايق طار الموطور كيف ضربو ضرب الدورة حتى جات طوموبيل كانت مولاتها غي دايزة من تما حيث الحي كلو فيلات وهي جات منعازلة شوي ...فرانات وهي الي حضرات لضربة فاش تضرب ...نزلات كترجي لعندو وفوذنيها تيليفون ...جاو شي رجال تما كيجريو ومنهم العساس الي فالحي ديال لفيلات الي تما ...
البنت"شافت الكونطاكت بقا ليه فصباعو حي جاي خاشي ديك لعيبة الي ضارية فصبعو وبقات لاصقة فيه " : واش ساكن هنا ؟
العساس : سي رياض هذا ...
البنت : شي حد فدارهم يجي الله يستر عليك عيطت لومبيلونص ...ماتقيصووووهش الله يخليكم ...
حيث عيطات لديال المخزن تتعطل وهي تصاب بالصدفة طبيبة فقسم المستعجلات ...دارت اللازم من اسعافات اولية ...
حتى خرجات الحاجة ماجدة ( ام رياض اسمها ماجدة راه تذكرات سبعلاف مرة منلقاش ديك شكون ماجدة )...كتجري نص شالها طاح عاد كانت تجمع فصينية اتاي الي شربو وجمعو عليها هادي عشرة دقايق ولا اكثر حتى كتجيها خبارو ؟؟ اش هاد المكتوب الي كتبو سيدي ربي واش هاد الصدمة ....
البنت : خالتي خالتي شدي فراسك الله يخليك كوني مع الله يكون معاك ...
ماجدة "شافت فيها عينيها مكيرمشوش وجهها ولا صفر تسقط منو دم بالصدمة شوطاتها غا كتشوف قلبها كيزدح وراسها تشعط كتحس بحريق وطنين فوذنيها ...غير اصوات الرجال واقفين شي كيتمنى ليه يعيش شي كيقول مات مسكين الله يرحمو ...ولكن هاد الام ؟ عندها وحيدها واش غاتقبل وهو واحد الي عندها يديه ربي عندو ...معامن تعيش وهو الي معمر عليها راجل بدراعو وحافض على ورث باه .....جات الاسعاف كتغوت قفات عند راسو حلو الباب بزربة كيقلبو فيه ويويجدو البياص فين يهزوه …عطاتهم البنت تقرير على حالتو وبداو خدمتهم …
تحنات على ركابيها كتشوف فيه عينيها مكيرمشوش من صدمة شعر راسها وقف وقلبها كيضرب ليها فحلقها ....كتسمع شهقة صغيرة تاليها شهقة اكبر الي موراها حتى طلقاتها بشهقة كبييييييرة تبعها صوت صرختها ...
ماجدة : وااااااااااا ولدييييييييييييييي ولدييي ولديييييييي ...وااااااا المرضييييي اولدي ولدي ...واااا وحيديييييييي ...واعتقوووووه ليا عتقوووه ليا ولا ترزيوني فيه ...يااااربي راه غير عوينة وحدة الي عندي ياااااربي ....
الاسعاف هزو ليه راسو وداروه ووسط واحد البلاكا شاداه مفيكسينو عليه باش ميتزعزعش ليه ...
النبض ضعييييييييف بزاف ....
ماجدة "كتشوف فيهم كيحسبو باش يهزوه دغيا طلعوه " : ياااربي نقص من عمري وعطيه ليه ياربي يومي قبل يومو ...
ماجدة : الي صبرني على فراق كبدتي الي فاتت مااابقيت نقدر نصبر على كبدتي وهو عوينتي الي بقات ليا مشات عين وبقات عين ..."نزلات دمعة شاقة طريقها على تجاعيد خفيفة من خدودها "
شافت البنت هزوه وهي تجرها داتها معاها فالسيارة طلقات لومبيلونص صوتها وطارت بيه وموراهم البنت والام ديال زوج قلوب غاديين واحد نبضو ضعيف قريب لتوقف والثاني قلب كيتحرق ويتشوى عليه لا يوقف ويتبعو حتى هو …لا تدري نفس في اي ارض تموت وكيف سيكون الموت ؟ ومن السابق من اللاحق ...الذين كانو يقولون الامس سنفعل شيئا غذا هما هم اليوم في قبورهم ...
هادشي ماقلتوش باش نقول راه ماات وانما عطيت مثال لشحال من واحد كيقول غذا ندير وندير ولا راه الليلة بايت ففراشو غذا راه بات فقبرو ...وشحال من واحد كان يهضر معاك صحة سلام وبعد دقائق تتجيك خبارو وشحال من شاب كان يضحك مع ميمتو فلحضة طار لميمتو ...هادشي علاش الله يطول فالعمر والله يرزقنا حسن الخاتمة ...
جالس فالجردة ...كيشوف مزال الصدمة ماثرة عليه ...صعيب بزاااف انك تكون فحياة حتى تلقا راسك بين ليلة وضحاها وسط حياة الفقر المدقع والجوع ومكان غرييييييييب بزاف عليك ..حنا غييير الى مشينا لشي عروبية ما فيها لا ريزو ووسط اهلك كتبغي تقتلك القنطة وتفقصي فمابالك فالقرن الافريقي وسط ناس غراب عليك ومعندك لا هااتف لا اكل لا والو ...شنو غايكون احساسك ....جالس داير ايدو على راسو متكي وكيشوف فالشمس كتغرب وسانية فالمسبح قدامو الشعا كيضرب فعينيه الخضرين عاطيه واحد الجاذبية فيهم سبحان من صورهم ...رجع بيه الزمن وهو بوحدو تما كيغوت لربي الي خلقو ...وكل نهار كيغوت حتى كيبغي يجهل طيلة الاسبوعين الي جلسها تما واكثر ....
ايساف : ولاااااااااااااااا ....وفين اناااااا اعباد الله بغيتو تجهلوني ...واااااااعدوووو ربكم رجعوني القح***** والخرااااااا فين انا ينعل زا*** بوكم ....وااااااالقلا*** وااااعععععععععععععع ...كيغوت بقا غير يتصطا غاا حفضو الله ...اش كيدير فين هو اش تما ناس غراب ولادهم العضومة مساكن خارجين ليهم وكروشهم تنفخات بجوع...عقاب كان جد قاسي ...كياكل غير الى جاع كيلقا واحد الاسرة مطيبة روز هو باش عاش تقريبا ...والو الماكلة تقريبا منعدمة ...بقا كل نهار تجيه الهيستيريا ريغوت يغوت حتى بح ليه صوت موراها مشا بكثرة الغوات .....
هادشي كامل كيتفكرو حتى غمض عينيه وضور راسو لجهة لاخرا طلق تنهيدة ...وفتفكيرو شحال من حاجة عاشها وفنفسو كيقول ياريت الي جرا ماكان احساس الندم بشحاال من حاجة تملكو فهاد اللحضة احساس بالنعمة الي كان عايشها وافتاقدنا فديك الفترة فاش غاب ....تانيب او عفوا الضمير بدا كيمشي ويرجع وبدا يلعب عليه ويقارن ويربط ...هادي كامل حتى تحطات ايد على كتفو تهز وضار ...
راوية "رغم انها قسات عليه حتى هي مطاوعهاش قلبها انها ماتجيش تشوفو ...شنو نديرو كيبقى قلب الام وايساف عند راوية فشكل هو بكرها واقرب واحد ليها على جاد " : ولدي ...
ايساف "ضار شاف فيها شحااال واحد نضرة دار فيها عينيه بانت فيهم لمعة ديال العتاب ديال علااش اميمتي هاد العقاب القاسي بهاد المعنى ...طبعا باش يهضر مكاين حدر عينيه ورجع شاف قدامو "
راوية "ضارت جلسات حداه حيث جالس فديك الجليسة الي فجردة مضللة ودنيا بدات تبرد مع دخول الخريف " : مابغيتيش تهضر معايا ؟ ميمتك تقلق منها ؟ ...علاش مابغيتيش تهضر ؟
ايساف "دار ايدو على حنكو متكي ولايد لاخرا مزير بيها باغي يهضر ويعاير ويعاتب لكن صوته مغايسمعو حد ...خاصو يتداوا ومجهود خاصو راحة لايام عاد ممكن يرجع " ...
راوية : غير نطق اولدي الله يرضي عليك قلبي قطعتيه ليا ...اش بيك ؟ ...
ايساف "الصمت " ...
راوية "تنهدات " : شنو غادي دير ؟
ايساف "كتبقى الام وتاهي مقطرة ليه من عينيه ...جبد تيليفون من جيبو وكتب فيه حطو حداه وكحزو ليها بدون ميشوف جيهتها هزاتو وقراتو " : ديار ديال الله ...مالها مينة ؟
راوية " شافت فيه " : اش غانقول اولدي ولاد لحرام عطاهم الله غير هما ...الي تقول راه راه درويش هو الي كتجي فيه ...راك عارف مينة من الي وقع ليها داكشي فايام مهدي وهي داخلة سوق راسها مكتجبد حد بغات غير تعيش وتكون راسها بدراعها وتحقق داكشي الي قرات وتوصل بيه لفوق ...ولكن شكون خلاها ؟ "بقات تعاود ليه وتعاود ..." ...ايوى هادشي الي وقع ..
ايساف "جمع فمو وعض شنافتو بغيض على الي جرا ليها ...هز تيليفونو حتى سمعو صوت سيازة دخلات من الباب نزلو منها بزوج شافوه وتوجهو ناحيتهم ...راوية غير شافت ايلاف هاز فايديه شكارة ومعاه حتى مينة وناضت وقفات ...
مينة "قربات لعندو وهي تنطق " : خويا ايساف ...
ايساف "هز راسو شاف فيها وهو ينوض بزربة وقف حل ليها دراعو وهي ترما عليه عنقاتو وتاهو كذلك معنقها وكيضرب على ضهرها فحال تيقوليها يكون خير " ...
مينة : شنو وقع ليك اخويا حتى وليتي هاكا ؟"عينيها غرغرو عز عليها حيث رجع فواحد المنضر واخا يكون عدوك " ...رجع كيف كنتي عافاك مابغيت والو حقي عند الله ...
شاف فيها عينيها تسرسبو بالدموع ماعرفش مسكين حتى جرها لعندو عنقها كيبوس فراسها ويطبطب عليها عاد قابلها معاه طبطب على كتافها وهز تيليفونو كتب ليها وعطاها قرات ...هادشي كامل تحت عينين راوية وايلاف الي وقف حداها كيشوفو فيهم ...
مينة "شدات تيليفون وقرات " : غادي نعاونك اليوم قبل غذا غير تهناي ...حقك مغايضيعش غاندير الي فجهدي غير متبكيش انتي الي بعقلك فيهم نتي الي من الناس الي عمري شفت منهم العيب ...متستاهليش هادشي يوقع ليك ...
مينة "ابتاسمات تتمسح فعينيها " : عارفة ايساف عارفة ديما كنتي كتعاوني من الي عقلنا ...لهلا يخطيك ...
ايساف "رجع كتب ليها " : حنا خوت امينة هذا واجب عليا ..."شافت فيه وهي تمشي عنقاتو ...
في هاد اللحضة بالضبط كانت صفية في بيت نوار القديم من الي عرفات انه جا وهي تما تحت توصيات فؤاد باش ميعتبش عندهم عالاقل حتى يتحل المشكيل ويعرفو شنو كاين ...هضرات معاها راوية وايلاف وجات لفيلا مازال ماتقدرش تكري فجيهة اخرا حتى توقف على رجليها وهي دابا عاد فبداياتها ....ولكن هادشي كامل مبغاتوش يكون والشي الي دفعها للتفكير ب...
صفية "واقفة فشرجم كتشوف برا " : هادشي ماخاصش يبقى هاكا ...خاصني ندير حل مادام مع ناس مزيانين وقفو معايا غادي يعاونوني ونخرج من هنا نوقف على رجلي ..."دق الباب " ...غير دخل ...
دخلات كطل برويسها الكيوت ابتاسمات ليها وهي دخل كتعرج حيث ملابساش الميديكال ديالها ...لابسة حوايج الدار مخليا شعرها مطلوق فازگ عاد مدوشة ...
صفية : ههههه اويلي على نسمح ليك عادي راني كنت عايشة فترة فالزنقة ...كنت كنعدي وصافي كنبقى مكمشة فالمانطة حدا البنكة ونعطي راسي لحايط حتى كيفرج الله ...
نوار : وكيفاش كتغسلي ،
صفية : داكشي الي جمعت كنمشي بيه الحمام كنشري ساشيات ديال شامبوان منهم نغسل شعري ومنهم كندير بيهم صابون حتى شريت شبكة عرفتي باش كيغسلو الماعن وصابونة الكف ...كنبقى نجمع داكشي الي صدقو عليا نخبيه لحمام وشي الماكلة وشي مرات مكنمشيش كنبقا هكاك ...كان عندي الصابون وداكشي جبتو معايا لكن كلشي مشا فديك البيكوب الي مولاها كان بغا يتكرفص عليا ...
نوار : حماااار ...
صفية "حدرات راسها وضحكات " : هههه حياة التشرد هي هادي كتعلمي تعولي على راسك فاي حاجة وخا قلة الماكلة والشي غير باش ميتعداش عليك شي ديب ...
نوار : وتعدا عليك ايساف ...الحمااار ...
صفية : شش ماتقوليش هاكا لا جينا الحق انا وياه غالطين انا بنيت عليه احلام اليقضة بنيتهم على شخص بعيد عليا ...لقيتو قدامي فلحضة ضعف عطيتو الحاجة الي علاش تقاتلت باش متمشيش فالحرام صدقات ماشي فالحرام وبرغبة مني ....وفلحضة طمعت نكون مرتو باش يصرف عليا رنعيش حياة الثراء وتا انا نوقف
قدام البنك ونصدق على ناس ولا ندوز ويشوفو فيا وانا غاديا هازا راسي لسما وحاسا براسي ...ههه فواحد الوقت بغيتو على طمع من بعد وليت بغيتو هو كشخص ...
نوار : علاش تمشي ؟ هانتي معانا متشوفيهش متديهاش فيه ...انا كنعرفو مزيان غير متديهاش فيه ومغايقربش ليك ...
صفية : مابغيتش نشوفو مابغيتش نتصادف معاه انوار ...مابغيتش .."جلسات فوق الكرسي تما ..." بغيت غير تا نخدم هاد الفترة ونخرج نكري وندفع طلاق ...
نوار"حطات عليها ايدها " : مغاديش يوصلك وخا انا كنشوف احسن انك تشوفيه عادي مادام مغاديش يبقى يوصلك ...حيث مادامك عايشة معانا راه غادي تشوفيه تشوفيه ...
بقات معاه مينة مشا ايلاف دخل المكتب تبعاتو راوية باش تعلم البنات يوجدو اتاي وگوتي ومينك بقات جالسة حداه شد من عندها الماك شعلو وشافو حتى شافو ...بقا داخل ليه ما سولهاش ما قرب ولكن حدو قاليها باش تشرح ليه شكون كيدخل عندها وشكون كيخرج وشكون مسؤول على سيستيم عندهم فكاميرات المراقبة وحتى سيستيم باش خدامين ف الحواسيب عندهم ديال بيرويات ...
مينة : معايا واحد البنت فالبيرو ولكن قدمات استقالتها ومشات لواحد الشركة ...وبقيت غير بوحدي ...
ايساف"تيبقشش فلابتوب ..كيبقشش يبقشش ...شاف فيها ونعت ليها بشفايفو " : تيليفون"نطقها بلا صوت وهي فهماتو "
مينة : تيليفوني ؟ علاش ؟ واخا هاهو ...
ايساف "شد تيليفون وناض خلاها طبطب عليها زعما هاني جاي مشا دغيا مع عندهم نفس نوع تيليفون هي وياه ايفون ...مشا بزربة جاب الشارجور ديالو حيد منو الكابلي وربطو مع الماك وربط تيليفون معاه ...وعطاها دخلات الكود ديال تيليفونها ...دخل ليه مشا لايتونز ...بقا جهد شي نص ساعة وهو داخل كيبقشش واحد الوقت مابقاش ضار جيهتها ...دار ايديه جمعهم وحطهم تحت ذقنو كيشوووف ...
ايساف "تسنى حتى تشارجا عاد حيد الكابلي وعطاها تيليفون " ...
مينة : شكون الي دار ليا هادشي ...
ايلاف "جا وجلس كيتسنى " : امضرا ...
ايساف "ضار ديك جيه جاتو ضحكة " ...
مينة : شنو ؟
ايساف "كتب ليها فالتيليفون وعطاها قرات " : مازال عاد قلت بسم الله القضية صعيبة داكشي مسيكيريزي ...خاصني نختارق نضام الامن ديال الشركة ديالكم هي اللولة دابا دخلت غير لتيليفونك والماك ديالك ...
مينة : شنو دابا ؟
ايساف : خاصك الصبر ...
مينة : ماعنديش مشكيل مهم دابا بغيت غير تصميم ديالي يرجع ليا ...
ايلاف : يعني محتاج وكت ( وقت ) بحسب ما فهمت …
ايساف "ماشافش فيه وانما شاف فمينة " ...
مينة : شنو دابا ...
ايساف "طبطب عليها زعما يكون خير ..."
بقات معاهم مينة حتى كلاو وبقات مع ايساف شوي وناضت بغات تخلي ليه الماك ساعاك قاليها غير تديه معندو بيه غراض ...حسات بان خدمتها بعيييييييدة ...مشات حانية راسها سلمات عليهم ومشات مع ايلاف يوصلها ...
ايلاف "غاديين فالطريق " : ماتخافي بنتي كل ايشي راح يكون تمام ...
مينة : بان ليا من عينيه القضية بعيدة ...
ايلاف : مش هيك ...بس ايلاف صالو مدة طوييييييلة ما دخل بهيك ايشي من ايام ما اشتغل بالشركة ...
مينة : بغيت غير تصميم ديالي والله ما بقيت مهتمة شكون دار هادشي بغيت تصميم ديالي بيه غاتبان برائتي وجهدي مايمشيش ليا .."عينيها بداو يغرغرو " بغيت جهدي اعمو ايلاف اهى اهى ...
ايلاف "دار سينيال ووقف سيارة جنب " : ششش لك والله ماتخافي والله بنتي بعون الله ماراح نخليكي بلا ما يرجع حقك ومن فوقو بوسة كمان ...لك انتي بنت السبع اخو السبع معك رجال ورا ضهرك ...ايساف مابيخليكي الا ما يعرف ...صهيب بيخليهم يتختخو بالحبوس اولاد الخمايل ...انا وعمك فؤاد حسابهن معانا وحدو ...
مينة : ياربي ...
يلاه طلق سينيال تاني ورجع لطريق حتى جاه ميساج شاف تيليفون وهو يقراه كان من ايساف ...
ايساف : البيت الي فلاكاف غادي نحلو ومابغيت تاحد يهبط عندي ...الا الماكلة وماكينة القهوة تهبط عندي هي والما والقهوة وتاحد ما يفرع ليا راسي ...ثلاث ايام الى تعطلت كا ابعد تقدير نفرتك الزمر كلو ....هاد القضية تسد تاحد مايجبدها تنقوليكم ....البيت الي سديتو هادي سنين هاني غانحلو ...
ايلاف "ضحك تا بانو ضروصو " : لك هاذا ابني الي بعرف رجاااال رغم انو كان حمار بغير وقت لكن عقلو ابتدا يرجع لراسو ....
مينة : شنو شنو ؟؟؟
ايلاف : فيش ايشي انسي كل ايشي صار لحتى قلك احكي بتحكي ...الي صار الك ما بتحكي فيه ...تمام ؟
مينة"هزات كتافها معجبة " : واخا ...
ايلاف " زاد كسيرا وكيبتاسم " : والله خراب بيتك اجاك يالي فكرت مجرد تفكير انك تقرب لحدا بيخص ايلاف او عيلة ال رمسيس ...
تيدوز الوقت شي كيبقا على حالو وشي كتغير عليه ليام ...داك النهار الي نقلو فيه رياض على وجه السرعة مع التقرير الي عطاتهم الطبيبة الي هي نفسها لقاتو فطريق وشهدات على الحادثة ...كيف دخلو مشات كتجري دخلات لبسات حوايج الخدمة ومشات لحقات عليهم مخلية الام برا بداك القفطان وشال مخربق ليها على شعرها الاسود رغم كبر سنها ...فمها ولا بيض ونشف ليها جلسات على كرسي تما حاطا ايدها على صدرها كتحك فيه مرة مرة تطفي العافية الي فيه ...
ماجدة : ياربي يا وليدي الله ...الله ياربي على وليدي وعلى كبدتي الله ...الله ياربي وعلى الكبدة ثانية تمشي ليا الله ...ياربي الى عندي شي رضى من واليديا رجعو ليا ياربي ...الله ياربي راني كنتشوى على عوينتي الله ...
#لداخل في المستعجلات فجناح الفحص المستعجل ....
الفرملية : دكتورة سمية الضغط نازل بزاااف ...
سمية "البنت الي حضرات ليه " : ضربي ليه *** ...
الفرملية : واخا دابا "طارت كتجري " ...
سمية : شنو فالراديو اسمير ؟؟؟
سمير "الي معاها كيشوف فالشاشة ديال راديو حط البلاكة ..." : عندو كسر فالرجل اليمنى ووحدة من الفقرات مفاوتة ...وعندو تختر دم فهاد المنطقة بالضبط من راسو …
سمية : المعنى ؟؟؟
سمير : يعني تدخل جراحي على الفور ...
سمية : دابا وجدو البلوك ووجدو العملية ...
سمير : شكون غايجي ؟؟؟
سمية "شافت فيه " : غادي نعيط لبروفيسور العلواني ...
سمير : غاتعيطي لباك ؟؟؟
سمية : وشنو ؟ راه خدمتو هو اقرب واحد لينا ..."شافت فيه " الولد وحيد عند مو خلينا نديرو خدمتنا ا سمير والي قسمنا عليها اول ما تخرجنا ؟؟؟
لداخل كيتقاتلو وبرا ام كتقاتل باش تطفي النار الي شعلات فيها وشحال خايب الانتظار واش غايقولو واش غايكون من بعد ...جالسة مرة تقرا القران ومرة تهز كفوفها وتدعي لرحمٰن يرجع ليها الكبدة الي ماجايبة خبار سوى انه بين الحياة والموت ...حتى خرجات عندها ...
سمية "وقفات عند راسها " : الحاجة ...
ماجدة "شافتها وبغات توقف وهي تخوا بيها رجلها كانت غاطيح لو ما شدتها" : امضرا ...
سمية : الحاجة الي نقوليك هو دعي معاه ...عندو كسر فالرجل اليمنى ووحدة من الفقرات ديال عنقو تفاوتت ليه ...
ماجدة : الله على وليدي الله ...اهى اهى ...مزال مافاقش ،
سمية "بوجه حزين " : لا الحاجة عندو عملية دابا على راسو شوي ويوصل البروفيسور الي غايديرها ليه ...
ماجدة "حطات ايدها على صدرها " : ياك قلتي عندو كسر وتفاوت ففقرات عنقو ؟ و علاش راسو ؟؟
سمية : الحاجة الضربة جاتو فراسو وقع ليه نزيف لكن المنطقة الي درنا ليها راديو لقينا تختر الدم فيها ومنطقة حساسة شوي يعني خاصها تدخل بروفيسور مختص وعندو تجربة كبييييرة ...وتدخل سريع ...من زهرو الحاجة الاب ديالي كاين وربي بغاه يحضر ...اما الاغلبية بابا كيكون في فرنسا ...يعني هادي حاجة مبشرة بالخير ...الي بغينا هو تدعي معاه حنا كنديرو الي فجهدنا الحاجة وربي هو الي كيكمل ...ماتخافيش ديري املك فالله وفينا وحنا الي علينا غانديروه قبل كل شي هادي خدمتنا ...
ماجدة"غير تتكابر اما على بونت وطيح" : ربي يخليك ابنتي ...امتا غايدخل يديرها ...
سمية : هاهو الوليد جاي فطريق كلشي كنوجدو فيه يعني قل من ساعة يبدا العملية ...دعي معاه ..
ماجدة : واش نتي حضرتي فاش تضرب ؟
سمية : شفت كلشي من الصدفة كنت راجعة لدار حيث انا ساكنة حداكم نيت عاد رحلنا لفيلا الي حداكم ...شوفي هادشي بايجابية حضرني الله فطريقو درت ليه اسعافات والوليد هو الي غايدير ليه العملية ماشي غانشكرو ليك ولكن راه من امهر البروفيسورات فهاد المجال يعني Neurochirurgien..."جراح المخ والاعصاب "…كبير...
ماجدة : يعني ...
سمية : جراح فالمخ والاعصاب ...يعني عملية دقييييقة غاتطلب شوي الوقت والدعاء ..."طبطبات على كتفها " الله يجيب ليه الشفاء هو دابا بين ايدي الله تعالى اولا والعبد ...ارتاحي ليك بينما يدخل غادي نعلمك ..
ماجدة ؛ الله يرضي عليك ...
حنات ليها راسها وهزاتو خلاتها شادة فالكرسي ورجليها كيترعدو حتى جلسات كتطلب الله وترجاه ينقذ ليها ويوشف من حال ولدها الي بين الحياة والموت ومكاين ما حسن من واليديك يدعيو معاك يا فلان يالي نتا دابا رجل عند مولاك ورجل عند دنياك ...
يومين الي دازو بالحساب يومين فيها الي كيتسنى الله يشوف من حالو ويرجع لميمتو ...وفيها الي باقي كيتسنى ربي يرجع ليه حقو ...والي دوز قرايتو كيف الناس عادية والي كيمشي لخدمتو ....هاد النهار كان يوم الخميس ...دخلات سيارة الي سايقها محمد الشيفور ...راكب حداه اشرف ولور راكبة نوار كانت تقريبا ستة ونص ديال لعشية ...نزلو
نوار "كتقيص فشفايفها " : ففف تا فمي تقشر ..."هزات من تما واحد كاكاويت مرطب ذهنات بيه شفايفها بقات تمصمص فيهم حتى رطاب شوي ..." دق عليها الباب لبسات بينوارها بزربة حلاتو وخرجات غير راسها ...
الحبيب "كان دايز ودق عليها " : نص عقل هبطي تاكلي راه تيعيطو ...
نوار : هاني لبس ونهبط ...
الحبيب : يلاه ...
مشا الحبيب وسدات هي الباب جبدات بيجامة تيشرت وسروال فالشيبي لبساتهم دغيا ...رجعات الحوايج لبلاصتهم ...ومشات هبطات ...لحقات عليهم وجلسات وسطهم كانت حتو صفية تاهي ...والحبيب وصهيب والياس المهم كلشي كاين ....
نور الياسين الجزء 20
محتوى القصة
التنقل بين الأجزاء