بقات كتصوني ليه تصوني على امل يجاوبها وفكل خيبة امل كيزيد بالها يتشغل عليه اكثر ...حيث ميمكنش ميعيطش ميمكنش يطفي تيليفون وهو بالو مشغول عليها ملي مرضات وهو هاز ليها الهم ولو بايديه الامر مكانش خلاها بوحدها ...لكن الضروف كتكون اقوى مننا وكتحكم علينا مع الاسف ...كل واحد فيهم فجيه وكل واحد فيهم كيعاني فقنت ...
وصلو لدار مع الدخلة تلاقات ليها يامنة عند باب بيت الجلاس فين كيجلسو ...
يامنة : امضرا بنتي ...
نوار "عنقاتها بحزن " : قالت ليا عندي فقر الدم ...
نجود : الله ...يا بنيتي را باينة فيك من وجهك هاد التواخير تسقط من دم ...ماعليش تبعي دواك وكولي ماكلتك مزيان ...
يامنة "دوزات على حناكها " : يا حنينة ديالي ...يكون خير ابنتي ماخفتي والو ماحتال يجي باك تكوني لباس ...
سارة : خاصها تاكل مزيان وماكلة خاصة ...فيها الحديد ابنتي ونساي عليك اتاي ...
مينة : هادشي الي قالت ليها طبيبة عطاتها ورقة فيها نوع الماكلة ...
سارة : تبع دواها والماكلة ماتهز هم ليها عارفين اش غاتاكل لهادشي ...عاوني تا بدوا العرب ابنتي ...
مينة : تاهو قالت ليها عاوني بيه مهم تاكل ماكلة فيها حديد كثير ...
نجود : قلتيها لراجلك ابنتي؟
يامنة : امضرا هضر معاك ؟؟
نوار "باسف " : لا وباقي طافي خلعني عليه اخالتو ...
نوار : قاليا اسامة انا غانمشي لدار نشوفو ولا نقلب عليه فشي كوري ولا الارض ...
يامنة : يادلي الى مالقاهش تم را فالخدمة وليني يشعل تليفونو ...
نجود : خبار الخير ابنتي خبار الخير ...
بقات معاهم شوي حتى جا اشرف وجا صهيب حيث كان غير فازرو تما ...وجد الغذا طبعا مع اكل خاص بيها بجانب الغذا لكن بحذر مع شنو كتاكل وشنو فيه الي ماشي صحي ...بقات تصوني حتى عيات وخلاتو تيجاوبها اسامة ...كلات غي شوي نقبات لا هي لا يامنة بقا بالهم مشغول عليه بزاف ...واخا يامنة نقولو ولفات لكن نوار مزال هادشي جديد عليها ...عيات وطلعات مستاذنة منهم بحجة ترتاح باش تراجع ....بقات كتسنى يعيط والو حتى غفات بيها عينها ومشااات بنعاس ....
في المساء وبالضبط في مصحة الاطلس ...ناعس في السرير فايدو سيروم فيه المهدئ ...جاه واحد النعاس عجييييب ديك اللحضة قبل ميمشي ...
ياسين "غالب عليه النعاس " : اسااامة ...نوااار ...
مصطفى : ورتاح اولدي دابا يهضر معاها غير رتاح ...
باش غايجاوبهم وكي غايدير لسان تقااال ومشا فسابع نومة من بعد صراع مع الالم الي بقا صابر ليه ...حتى دق الباب ودخل الطبيب ومعاه فرملية الي مشات كتشوف السيروم ....
مصطفى : امضرا اش عندو ؟؟
اسامة : دكتور شنو خرج فالراديو ...
دكتور : على ماشفت فالراديو مكسح بزاف فالضلع الايمن لدرجة ماخاصوش يتحرك بزاف الحمد لله جات غير الي كنت خايف منو لانه كان على شوي ويوقع ليه نزيف داخلي غير لولا لطف الله وستر ...بالنسبة للكدمات الي فوجهو راه عالجناهم ليه مدة وغايبراو ...
اسامة : واش نعس بفعل المهدئ ؟
الدكتور : وي غير يفيق صباح ويقدر يمشي ...نعاود نبهم ميتحركش بزاف متخليوهش يفورصي على راسو لانه معرض لنزيف فاي لحضة ...حيث مقصح بزاف على شوي ويوقع كسر… المنطقة الي تضرب فيها ماشي ساهلة وعلى كل …ذاتنا كاملة منستاهنوش بيها ...صباح نعطيكم لوغدونونص يتبعها الراحة تم الراحة والاهم العناية الدوا خاص شي حد يديرو ليه ...غانعطيه شهادة طبية عشرين يوم …
مصطفى : واخا ان شاء الله ...
دكتور : غير رتاحو مغاديش يفيق دابا تال صباح ...
اسامة : شكرا دكتور ...
خرج الطبيب بعدما اكد على لفرملية شنو دير واكد انها تعطيه تقرير كل ساعتين ...مخلينو مشااا فواحد راحة الي ما بعدها راحة الي كتجي من بعد الم فضيع كيما كان نوعه ...
مع صباح يوم جديد مع صوت القرآن الكريم مطلوق فالدار لتحت ...خلاه يفتح عينيه ويمشيييي مع التجويد ديال ذاك المقرئ الي كيجود فايات الذكر الحكيم ...حتى دق عليه الباب ...
رياض : الوليدة دخلي ...
ماجدة "حلات الباب ودخلات عندو بلباسها البلدي هاد المرة فالابيض " : ولدي كي صبحتي ...
مداتهم ليه ناض بشوي بمعاونة منها تا تعكز عليهم وتمشاو بشوي حتى هبطو لتحت عاد حطات الفطور كل ميتشهى نفسو بالحب وبفرحة ان ولدها رجع ليها من الموت را شي حاجة الي بزاف ولله الحمد ...كبات ليه حليب وكحزات ليه الكاس ....
رياض : خاصني نعرف شكون الي دار لمينة رمسيس هادشي سايكو غير اداة باش دارو ليها هذاكشي ..."ضحك باستهزاء" وخا هادشي وراه غير حسد غيرة عمل يعني ماغتوصلش لدرجة اكثر من انها تكون فقط غيرة عمل ومنصب ...
انس : زعما ؟؟
رياض : شكون غايطمع فبنت بهادشي من غير هادشي الي قلت ليك ...كون ما وقع ليا هادشي كون خدمت معاك حتى انا وتحركت ...
انس : شكون فنضرك ؟
رياض : هادشي الي بغينا نعرفو ابني كلخي ...
واحد جالس هنا خدام وكابل من هنا وكابل من لهيه وحداه اركان الي مكانش عندو حصة هاد النهار ف استغل الوضع وجا بطلب من فؤاد الي مخسرش ليه ...
ايساف : دخلات "كينعت بصبعو " هنا هضرات مع هذا الي مكلف ب الكاميرات ...عاد دخلات لبيرو ديال الباطرون وهضرات من تيليفونو الي محطوط تما ....هنتا فهاد تسجيل لاخور مشات لبيرو ديال مينة يمكن كانت فشي بلاصة تما باش خلات الماك ديالها حيث مينة مكتفرقش عليه ...هنا استغلت الفرصة باش دخلات ليه ديك سيستيم…
اركان : اذا هي ليها علاقة وطيدة بالباطرون حتى زاعمة وهضرات من تيليفونو ...شوف هاهي دخلات لماك ديالو ...عارفة المود باس ؟؟
ايساف : يقدر تعرفو من خلال الحمار الي جالس فداك البيت ...
فؤاد : خدمات بالماك ديالو تواصلت معاه بيه ...تيليفونها ما خدماتوش ...
اركان : وعلاش مهضراتش معاه هي نيشان ؟
ايساف : تحيد عليها الشبهة ...او ...
فؤاد : هو فايت خدام معاه من هنا ...وهي عارفة ...كتعرفو مزيان قريبة ليه ...
اركان : بنت صغيرة باش تكون مرتو او ممكن ؟
فؤاد "داير ايديه جامعهم عند فمو ونطق بختووورية " : بنتووو....
ايساف واركان هزو فيه عينيهم ورجعو شافو فيها ...شنو علاقتها هي وشنو دارت ليها مينة وعلاش ؟ هادشي كلو ممكن تجاوب عليه مينة الى تعرفات عليها وفعلا مسافة طريق داز الوقت حتى جابها لعندهم ....
مينة : عمو فؤاد !!
فؤاد : بنتي اجي شوفي هنا معندناش الوقت ...
ايساف : اجي مينة ....
مينة "قربات حداهم وضور ليها البيسي كتشوف " : وييي
ايساف : مهم هادي هي الي تواصلت مع سايكو ...كلشي عرفناه وزدنا تاكدنا ...كتعرفي هاد خيتي ؟
مينة "شافت فيه بصدمة " : هو انا كنت عارفاها معندهاش معايا من لول لكن عمري ما ضنيت غادير هادشي ...
فؤاد : شكون هي ؟
مينة : هادي بنت الباطرون عز الدين حتى هي مهندسة ولكن قدم مني ...ولكن شنو درت ليها ؟
فؤاد : شنو درتي ليهم بجوج ؟؟؟
ايساف "هز فيه عينيه " : شكون ؟؟
مينة : شكون ؟؟؟
فؤاد "هز صبعو كيحرك فيه وحادر راسو كيفكر قبل مينطق شحاااال ..." : هي وباها ...
مينة : كيفاش ؟
فؤاد : فنظرك هادشي مغاديش يكون معاون معاها ؟؟؟ وحتى الى ماعرفش غايعرف ...الى شفتو هنا كلشي خدماتو بزربة والوقت باش تمسح كلشي يا اما غاتمسح وتخلي شي حاجة يا اما مغاتمسحش كلشي ....
ايلاف "ضحك " : ههههه حتى اذا ما كانش بعلم باها غادي يعرف من بعد وغايعرفها هي الي دخلات ليه هي الوحيدة الي غاتكون عارفة ماك ديال باها او لا ؟
مينة : بصح هي الي كانت كدخل الى مكانش هو كتنوب عليه ...
ايلاف : وهو كيف قلتو مادام خدمات ب الپسودو او اللقب ديال باها اذن راه غايعرف باي طريقة او واخذة الاذن منو ...
مينة : فصراحة تصدمت فاش عرفت هو حيث ديما كيكون فجنبي كيسبقني انا ...يعني منضنش يكون عارف ...
من بعد ليلة هادئة ونوم عميييييق دوزو وهو مرتاح ...كتب ليه الطبيب على الخروج فالصباح ...جا كل من سالم ومصطفى واسامة عاونوه حتى نزل وركب فسيارة وشدو طريق الفيرما ...وصلو ودخل لصالون يرتاح شوي ...وجهو من جيهة العين فيه كدمة منفوخة ومن جيهة الفم تاهي منفوخة ...
سالم : والحمد الله عالسلامة اخويي ...
ياسين"شاد جنبو مع دارو ليه باندة طبية " : الله يسلمك ...
سالم : اسامة بقا هنا نتا صباح ميعادنا مشا علينا سوق ...
ياسين : الغنم الي بغاو ناس ؟
مصطفى : يااا ودي ديها فجنبك وصحتك الغنم حالها ساهل راه عارفين اش غايديرو ليها ...
سالم : ولا تخاف شاي ...الي مبعناش هاد سوق عشية ندوزهم لفيرما ديال بن طلحة طلب منا نيت عشرة ريوس ملاح هما الي غاندوزهم ليه ...والحساب ديال هاد شهر راه كلشي عندك تااترتاح وحسبو بخاطرك ...دوزو بخير ...
ياسين "تجبد فوق سداري كيكمش عينيه مع جنبو " : اسامة عطيني تيليفوني ...
اسامة : واخا خويا "مد ليه تيليفونو " هاك ...
تمات خارجة نعيمة من الكوزينة تال عندو ...
نعيمة : وليدي كي بقيتي ...احح الله ياربي يعطيه القطع فليدين ...
ياسين : ماعليش كل خلص فعلو ..."كيدوز الخط ليامنة " ...
يامنة : خلعتينا عليك ياولدي البارح كون ما عيطتي لمرتك صباح وهدنتيها كون دارت فراسها حالة ...وخاطرنا را ماااهانيش اولدي ...ماهانيش تنجيو عندك ...
ياسين : ماكرهت الحنانة ...عندها قرايتها ايام الله طويلة تهلاي فراسك وفيها وخا مفششة ماعليش جات عليها ...حضي معاها تشرب دوا وماكلتها …
يامنة : وراني مهلية فيها ملي كانت لحيمة حمرة ...نتا اولدي الي تهلا فراسك ...ماتشغلش بالي عليك رتاح ومتحركش ...والله ياخذ الحق فالي كان سباب ...
ياسين : امين ...
يامنة : شحال عطاك طبيب فشهادة طبية ؟ ،
ياسين : عشرين يوم ...
يامنة : وحاول اولدي على وجهي الله يرضي عليك حاول تبقى فبلاصتك الله يرضي عليك ...
ياسين : غا هناي ميكون غا خاطرك ...
يامنة : ربي يحفضك ليا نتا وخوتك ...
بقا يهضر معاها يطمنها عليه حتى رتاحت شوي ...ولكن واش قلبها غايرتاح الى مشافتوش ؟ ابدا قلب الام مكيهناش حتى كتشوفو وتقيس ولادها بايديها ...بحلول المساء لهاد اليوم مع اذان صلاة العشاء ...بقا ناعس غييير فالصالون من بعد ماشرب دواه واستاذنات نعيمة وخرج جدو يصلي كيف العادة ...
ياسين "ماااشي فسابع نومة مرتاااح ...لكن الي كينغش ليه فايدو وفشعرو مخلاهش يكمل نعاس حتى بدا يحل فعويناتو وحجبانو راسكين حداش ب تغوبيشة ديال نعاس وديال شنو هادشي هههه طلعات معاه ديك ريحة لكيوت الي كيسميها الي كيميزها بالي هي ديالها مكاينش من غيرها ...بلاتي ؟ واش هي ؟ حل عينيه لقاها عند وجهو كتدوز بايدها على شعرو وشادة فايدو : نوار !!!
في نفس الساعة لكن في وجهة اخرى وبمدينة افران بالضبط ...تحل الباب بجهد حتى كان غايجي لارض ...دخل عليهم بالنظرة الي كتحيد فور مكيحط رجليه فالفيلا مع عائلتو وسط ولادو ومرته كيولي الزوج والاب منبع الامن ...لكن كترجع الى رجع الشخص المفيوزي النظرة الي مكترحمش اي شخص تعدا الحدود او حاول يلعب بذيلو ....ههه فما بالك لو تعدى على عرضو وارضو ومالو ؟ (عائلتو وكل ميخصو ) ....
فؤاد "دفع عليهم الباب داخل طاوي كمايم القميجة السوداء اللباس الكلاس ديالو الي كيلقا فيه راحتو كيف ديما ..تقابل معاهم دار ايديه على خصرو كيشوف فيهم بزوج ...ماعرفو باش تبلاو حتى لقاو روسهم حدا بعضياتهم ...بنت في عمر 32 سنة شعرها مصبوغ بالبلاتيني وحروفها قهويين وعينيها خضرين بشرة صافي حليب ...وحداها باها الحاج عز الدين الي معروف قبل ...كيشوف فيهم بواحد نضرة حاااادة صلبة كتبعث فيك الرعب من اطراف صباعك ....
جا حداه ايلاف تاهو بنفس لباس فؤاد غا ايلاف قميجة بيضة ...تقابلو معاهم بزوج ...
عزالدين "شاف ف فؤاد " : الحاج ....
فؤاد : هضر "زعما هضر بلا قوة فريع الراس والبلا بلا كيبغي نيشان تهضر بلا زواق ولا بدايات حط اش عندك من لاخر ..."
عز الدين "حدر راسو " : بحق العشرة الي دوزنا وبحق المعروف سمح ليا "حدر راسو بغا يبكي ...
صهيب "حتى هو جا باش يسمع " : من احسن تهضري وتهضرو بجوج حيث ا بنتي بلا منطول عليك الى كذبتي ومبغيتيش تهضري وعاندتي وقويتي معانا شلا هضرة خاوية مااغاتسلكيش ...كلشي ضدك عرفتي سرقة تصميم ؟ واتهام البنت وتسرقي تصميم ولد اخور دمجيه مع تصميم وتلوحي الباطل عالبنت ؟ ...زيد "حك صباعو فحوايجو فحال كيمضي " ....
الى زدت شي بركة من عندي ويعلم الله اش مخبية زيد غانزيدوك تا ضواصا ناااضيين لقيناهم اسي الحاج خدام بيهم مع هاكر ف حوايج خارجة عالقانون ...الشركة ديالك عطينا يومين بالحساب تصبح مشمعة ..."ابتاسم ليه " طلقينا ابنتي ...غير هضري نتي اللولة عاد باك ...
رجاء "غززات فمها وهزات كتافها " : صافي انا الي درت داكشي ...و بابا مدار والو كلشي مني ...
رجاء : حيث بكل بساطة انا اعوام وانا كندمر جات بنتكم "دخلات مينة فهاد اللحضة غير شافتها كحلات بالعما " هااااااذييييي جات موريا جلسات ستة شهور ودارت الي كنبنيه هادي اعوام ؟ علاش ؟
عز الدين : تصميمها كان غايختاروه هو الي غايكون تصميم الشركة العملاقة الي كتبنى دابا ...ووحدة ف ازمور فالجديدة ...بتصميمها كانت اكبر شركة هندسة الديكور فامريكا غاتاخذها لكن في الفرع الي هنا فالمغريب ...تصميم ديكور اكبر المشاريع يعني بداية الاحتراف ...
صهيب : ايه وبنتك اش صممت ؟
رجاء "الصمت " ...
عز الذين "بغا يبكي " : فاش تتجي فالولاد اسي صهيب كيتعماو ليك العينين من لول مكنتش عارف نهار زغبها الله نسات ممسحاتش الهضرة بينها وبين سايكو ...تما اعتارفت ليا ..."هز ايديه " اش ندير ندخل بنتي الحبس ولا نخرج على مستقبلها الي هي متسوقتش ليه ؟ را بنتي الوحيدة هادي هادشي الي عطاني فيها الله ....
صهيب : يعني مكنتيش غاتسمح من لول لكن فاش لقيتها دارت فعلتها والي عطا الله عطاه تسترتي عليها ...
عز الدين : ماعرفت حتى اليوم التاني فاش وقعات لمينة ديك الواقعة انا من لول داعم مينة حيث كتخدم بدراعها ...بنتي فششتها بلا قياس كلشي عندها كيجي الحاجة الوحيدة الي دمرت فيها هي قرايتها ...تما دخلها الدغل ...
رجاء : بابااا ...
عز الدين : هادشي الي بغيتي ليا ابنتي ؟ شفتي فين وصلتي راسك ووصلتيني ؟ "هز عينيه في فؤاد حتى طاحت دمعة من عينو " الولاد الحاج راك والدهم وعارف بحق الكبدة ..."هز ايديه وخبطهم بشوي بخيبة امل " الي درتيه نستاهلو وسمح ليا وسمحي ليا ابنتي ...
تم داخل اركان عندهم ...شاف ف مينة وعيط ليها ....
اركان : كتعرفي رياض المرابط ؟
مينة : اه هو الي مسؤل على شركة الي درت التصميم الداخلي ديالها الي فالجديدة ازمور وهو الي ديجا خدمت ليه الفيلا من داخل ...
فؤاد : مالو ؟؟؟
اركان : كان كيقلب حتى هو على براءة مينة وقصد سايكو نيشان لكن الحمار رسل ليه زوج على موطور وضربوه هادي جايا لزوج الاسابيع ..
مينة "دارت ايدها على فمها بشهقة عاد عرفات "
صهيب : ارسول الله ...
الي عارف بحق الكبدة را غايفهم المعنى الحقيقي الي قصذو عز الدين فهضرتو ...المشكيل الي وقع لمينة ماهو الا حسد وغيرة عمل ومنصب وعقلية ...هاذشي الي وقع لمينة راه كيعيشوه الناس فالخدامي وما اكثر باش واحد يضمن بلاصتو ولا يشوف واحد فايتو فالعقلية والذكاء والخدمة وكان قلبو كحل مافيهش ذرة صدق ومحبة ونقطة بياض راه الحسد عاميه وقاتلو وممكن يدير اي حاجة حتى انه يوصل القتل علاش لا باش هو يضمن راسو فالي بغاه وميفوتوش تاحد ....حروب العمل والمناصب والعقول جاري بيها العمل فحال الغابة عامرة دياب ونتا وزهرك يا ترضى بالي قسم ليك الله يا تقاتل معاهم يا تموت ...
فؤاد "مشا قرب ليه تا قرب لعند وجهو " : فوجه ولادي نقتل ونتقاتل باش نربيهم ولادي ربيتهم يدمرو راسهم ...نهار يربي دراع نهار تولي كلمتو قد دراعو ( زعما كيف دراعو كيف كلمتو حااارين ) حارين مع العدو ورجالة فالفعل وحلاوة فالكلام والايام وتمارة كتنجرهم ...الفشوش فقاموسي مكاينش ...نهار يطيحو العدو الي مطيحهم ميطيحوش براسهم ونهار ينوضو فكل نوضة معلمين فيها ...الدنيا فيها الشر وفيها الخير ....مقاتلين مع شر وماشيين فواد الخير ....والفاهم يفهم ....
فؤاد "كيشوف فيه مكرهش يطحنو ولكن من بعد الذي قيل " : الي فيه كافيه وموفيه وغايزيد يكمل عليه ...شنو نمد ايدي على راجل كبير ؟؟ نمد ايدي على بنات الناس مادام المحكمة قاضيا الغراض شنو كاين ما حسن ....
صهيب : كلشي ضدهم حتى الشركة غاتسد وداك خينا تاهو صباح نقدموه لبلويس بتهمة الي عندو زائد تهمة محاولة القتل العمد ...دوك زوج الي رسل متهزش الهم انا نجيبهم ...
ايساف : على سلامتك ا مينة ...
مينة "كانت كتبكي حيث بقا فيها رياض ...مسحات دموعها " : الله يسلمك ...
عز الذين : بنتي سمحي ليا ...
مينة : الى عليك انتا معمري شفت منك العيب حتى لهادشي الي وقع ...ربي كبير تاديت انا فحياتي بما فيه الكفاية ...المسامحة ربي الى سامحك معندي مندير انا قدام الله ...الي بغيت نطلب هو الله ياخذ الحق وربي كياخذ الحق ...معمري نسا هادشي ...
عز الدين : بقات حاجة ...بنتي بعد غذا اخر اجل لتقديم التصاميم ...هضري مع الحاج براذة وعطيه تصميمك هو غاياخذو ويعتاذر منك ماتضيعيش هاذ الفرصة ابنتي...
فؤاد : ايلاف تكلف "جر مينة عنقها وخرج هو وياها لبرا خلاوهم يتكلفو بيهم باش تسد القضية ..." شنو غاديري ،؟
مينة : ماعرفتش شنو بان ليك ؟
فؤاد : ربي بغا ليك تاخذي حقك بقات يومين صباح سيري عند الحاج عطيه تصميمك ...
مينة : مابقيتش بغيت غير مني بانت براءتي ...
فؤاد : سيري ديري شنو قلت ليك ...ماتسنايش الحاجة تجي عندك سيري نتي وراها قلبي على مستقبلك فينما كان تبعيه صنعي شخصيتك بايديك ومتسنايهاش تصنع من عند العبد ....فهمتيني ؟
مينة "حركات راسها بالايجاب " : فهمتك "عنقاتو وحطات راسها على صدرو " شكرا عمو فؤاد من غيرك نتا وعمامي معمر حقي غايبان ...
فؤاد "طبطب عليها " : حقك مكتاب ليه على ايدينا يبان الى ما بانش بينا حنا يبان بطريقة غير ...ربي كبير ....
مينة : وخا تقول لايساف يوصلني الى كمل ؟
فؤاد : انا نوصلك غادي تما عندي منقضي ...
مينة : واخا يلاه ...
فؤاد : تسناي هنا ...
دخل لداخل اكد عليهم وشكرا اركان على وقفتو معاهم ...حتى هو استاذن منهم وخذا طريق الرجعة لفاس لدارو من بعد ما سالات مهمتو ...على امل يتلاقاو فاخر الاسبوع حيث غايمشي يشوف صاحبو ياسين ويهنيه على سلامتو ...عاد خرج تاهو وركب فالسيارة وحداه مينة ....
فؤاد : الصباح ديري بحسابك تمشي معايا لقاس ...
مينة : ايه ولكن علاش ؟
فؤاد "مركز فالطريق حتى سنا ليه ضو الطموبيلات الي جايين فالطريق المعاكسة فعينيه قبل ميضور عندها وينطق " : نشوفو هاد رياض المرابط ...
مينة "قلبها نزل ليها عند الركابي " : هااا ...
اكفس شعور هو انك تكون مريض وماحداك حد من غير راسك ...وخا تكون عايش وحدك من الي عقلتي ونتا تدمر عا راسك ومرضك تمرضو راسك وتشافى راسك ...لكن من بين اجمل الاحاسيس هو انه تحس بدفئ بجنبك كيبعث ليك الراحة الي بعدها اطمئنان وشفاء هو انك تشوفك اقرب ناس ليك حداك ومجمعين حداك وملمومين حداك كيعتانيو بيك ...ياسين هاد الاحساس ما حسوش من شحاااال هادي كان كلشي كيديرو راسو القليييييل فين كتجي يامنة تتشوفو وتصادف معاه مرض ومكيمرضش الى مرض كيصبر لمرضو ...لكن الي وقع ليه هاد النهار بصح خاصو الراحة والي يقابلو لانه مهما قصاح صعاب كيبقى انسان خلقو ربي من طين ....جالسين حداه كيتحط العشا الي كان من داكشي واحد طاجين كبير ديال اللحم غير الرقبة والهبرة مخضر بالزيتون واللوز مقلي ....وجنبو شلايض ...
الحبيب : هاح الله امتا وجدتيه ،؟
يامنة"بوجه بشوش" : زدت غا شليضات انا هههه …
ياسين : عذبتي راسك الخالة دارت العشا ...
يامنة : زدت عليه هاد الخير اولدي …دارتو الله يعطيها الصحة ...
اسامة : توحشت طيابك الحنانة ..،
يامنة : كول بصحتك انا معاكم تتعياو مني ..
ياسين : العيا من الحنانة ماكاين فقاموسنا ...
نوار : قادر تنوض تاكل ...
ياسين "شاف فيها " : قادر ندير كلشي ..."وغمزها"....
الحبيب "ضار عند اسامة " : زيتونة ؟
اسامة : من يد منعدمها ازين "حابسين الضحكة ..."
الحبيب"شير ليه بايدو " : يشويني فيك ...
اسامة : يعتيك الذل ...
ياسين"باغي ينوض وهز فيهم حاجبو حيث كترو طنز " : مالنا ؟
مصطفى : مخيرة ولله الحمد ..."شاف فنوار " بنتي كي بقيتي شوية ؟
نوار : شوية الحمد لله ا با ...
مصطفى : مكتاب عليكم بجوج هاد المكتاب كلشي من عند الله زين ...
يامنة : بسم الله ا با ...
مصطفى : يا بسم الله .."شاف فياسين " ولدي صباح بغاو يجيو رجال دوار يشوفوك ويهنيوك بسلامتك ...والى عرفو جات ميمتك را غايجيو شي عيالات ...دير الواجب اولدي معاهم راك عزيز عندهم ...
ياسين : مرحبا بيهم "دار ايديه على جنبو كينوض بشويييي تا تقاد فبلاصتو ولا وجهو عرقان حيث بصح مكيقدرش يتحرك " ...دار دارهم الواجب ضروري نديروه ...
مصطفى : يا دلي هادشي ماخافي عليك ...
يامنة : العيالات مرحبا بيهم مرحبا بالي جا وسول يسول فيهم الخير ...
تعشاو وكملو وتجمعات طابلة ...ناضت نوار تغسل الماعن بزز مخلاتهاش يامنة لكن هي اصرت تجمع دنيا وتنقيها ...وخا مفششة لكن الاحترام حاضر وهو اساس عائلة رمسيس ...طلع ياسين لبيت بشوييي دقة دقة معاوناه نوار حتى دخل البيت خرج الحبيب وبقات هي معاه ....
بقا واقف شحال مخسر وجهو كيتسنا صداع يحبس حيث تحرك …حتىيزگا عليه عاد يتحرك فين بغا ....
نوار : باقي فيك صداع ؟
ياسين : شوي "كمش عينيه " فففف اجي عندي ...
نوار : واخاا "مشات عندو شد فيها وضار تم غادي بشوي حتى دخل لطواليط بغا يقضي حاجتو خااصوو يهبط سروال وميقدرش اييييوى را تيبقى انسان ...اش غايعمل ؟ مادام مزوج ومرتو حداه اش كتصنع ؟ "
نوار : نخليك ؟
ياسين : معندك فين تحركي بقاي ...
نوار "عينيها خرجو " : شنو ندير ؟؟
ياسين : هبطيه ليا ....
صرطات ريقها فعقلها نهبط ليه سروال ؟ اويلي مااا سمعنا بهذا هههه ولكن مادام عاشراتو عاشو علاقات وتشاركو الاجساد كيف خلاها هو اللحم عاللحم وربي يرحم ...وهو دابا مريض ودور الزوجة تعاونو وتوقف معاه فمرضو كيف كيوقف معاها بلا متقولها ليه كيفهمها ويديرها بلا متنطقها ...هادشي ديرو راسها وتشجع لان عرضها عرضو وعرضو عرضها ... ديال بعضياتهم المساندة فالشدة والمرض والفرح والقرح والمشاكيل ....
نوار : و و واخا ...احم "حكات وجهها وقرفادتها وهبطات ليه سروال بشوي بلا متشوف فيه شتتات النضر ديالها هنا ولهيه بغات تهبطو مع كتهبط بشوي حصل ليها ...هزات راسها ...
نوار "عرفات ان المعلم منفوخ هو الي شادو ههههههههه عرفات رزقها مضخااام هههه " : هاا فهمت فهمت ...احم ...
الخراجة هبطاتو بجهد مع مرخي مشا وجا شوي تا شد فجنبو مكمممش عينيه ...
ياسين : ففففف
نوار : سمح ليا سمح ليا ...
ياسين "هز ايديه زعما ماعليش .."
نوار وقفات حداه ": نمشي نحك سناني بينما كملتي ؟
ياسين : سيري ...
مشات هزات شيتة دسنان ديالها ومعجون اسنان حكاتهم ما سالات حتى كمل هو وغسل بواحد تيو ديال وضوء كيكون جنب لاشاص تما عاد عيط ليها هزات سروال بنفس طريقة باش هبطاتو باسها فشفايفها بشكر ليها وعاوناتو تا مشا جيهة لافابو حك سنانو تاهو ونضف حالتو ومشاو لناموسية تا جلس فيها بشوي ...صونا ليها الفون وصونا ليه تاهو كان فؤاد ...
ياسين : الوليد امضرا ؟؟
فؤاد : سالات ..."عاود ليه " ...
ياسين : الحسد فينما مشيتي التيقار مكاينش والو ...
فؤاد : كل يخلص فعلو ...شوية نتا ؟
ياسين : حامدين الله ...
فؤاد : نسالي غذا ونطلع عندكم ...
ياسين : نتسناوك ...
فؤاد : بالشفا ولدي والله يرضي عليك ...
قطع معاه لقاها كملات وتتبقشش فالميكا ديال دوا ديالها وكتقلب هنا وهنا ....
ياسين : مبغيتيش تنعسي ؟
نوار : بغيت ...شربت غير دوا ديالي وكنقلب فالدوا ديالك ...واقيلة باقي ليك واحد لا ؟
نوار : وا شربتو وكملتو والله ...ولكن خاصك تكمل دوا ديالك عاد نعس ...
"شافت جنابها كتقلب خاص الما هو خلاها تبقشش تما على خاطرها تيشوفها اش غاتصنع حيث هو كيقوليها عندي دوا قليل وهي والو خاصها تقلب على دوا ومتهنى تيشربو كلو يعني ميخليش شي دوا ناقص ...بقا يبقشش فتيليفونو كيشوف الايمايلات ديالو ويتصفح الانترنيت ...ناضت هبطات جابت جابت الما المعدني لياسين باش يشرب ذوا حيث الما الي فالفيرما ديال البير ....
نوار : الما ديالك ...
ياسين : ماعييتيش نتي ؟؟
نوار : وا عييت ولكن تا تشرب دواك كامل باش ميجيكش صداع ...
ياسين : مافيا صداع هاد صداع ...نوار رتاحي ماعليش الى نسيتو غادي نشربو ولا نفكرك ...
هو را بصح السرعة تقتل بصح شي مرات العقل عندنا كا يدندن يهبل يتكولخ وشي مرات تيجيبها لينا اما لا تجمعت قلة العقل مع السرعة مع الكلاخ مع الهبال لا يمكن التخيل ...
نوار "زغب شعرها وقف من الموقف الي حطات راسها فيه " : ك كيف كيفاش ؟ "صرطات ريقها "
ياسين "بقا مبرد " : كيف سمعتي ...مافهمتيش ثاني ؟
نوار"حركات راسها ب لا " : اهء ...ق قل قلتي مباغيش دوا راك مرتاح دابا ياك ؟
ياسين : بانت ليك حالتي ديال راحة ؟
نوار "حركات راسها تاني ب لا " : اهء ...وشنو ندير ليك ؟
ياسين : كيف سمعتي ثاني ...
نوار : ياسين ...
ياسين "دوز بصبعو على حناكها " : نعااام ...
نوار "خسرات سيفتها " : ضراتني رجلي ...
ياسين"يموت ويهبلها غا بالطمز ديالو الخاص " : ها الدوا ديال صداع عندك ديري ليا وندير ليك ..."بقج ليها شنيفاتها بكل برودة " لكل داء دواء الا الموت ...
نوار"شافت الكرطونة فايدها وهي تلوحها فحال لاحت وسخة ههههههههه "
ياسين : مالك ؟؟
نوار "عوجات فيه راسها بغات تدمع " : ياسيييين ...
ياسين "حك لحيتو ومنخرو وهو يشد جنبو وتگعد بشوييي تا تقاد وعاود نفس الحركة حتى وقف ..." : مدي ليا هذيك الكرطونة ...
نوار: علاش ...
ياسين : تت ...عطيني ...
مدتها ليه بزز صافي شافها بغات طيح ليه تما غا وحدها تقولي بغات تقتل روح ...وهو را غير شاد فيها ...عارف اش غايدير ليهم وكيفاش وهو اصلا مخرجين ليه هاد قويلبات غيييير الى احتاجهم لكن غايستعملهم بطريقة اخرى وكون شاف لوغدونونص فاش تكتبات قبل ميخرج اسامة ياخذها ليه من الصيدلية ماكانش ابدا غاياخذهم حيث عندو اختيار يا هما فولطارين او ديفال او مهدئ للالم اخور عطاهم الله خاصين ....
ياسين "حل الكرطونة وجبد القويلب منها شاف فيها " : نوضي اجي معايا ...
نوار : فين ؟
ياسين "حمر فيها " : غانعاود الهضرة ؟
ناضت بلهلا يطريه ليها وقفات حط ايدو على كتفها وتم غادي هو وياها تا قادها جيهة طواليط وسد الباب ...صرطات ريقها كتسنى غير يقوليها ديريه ...الما نزل فركابي حيث موقف محرج ماشي ساهل ههههه حل القويلب تا حلو بشوي ...
نوار : همم اش غادير ؟
ياسين : ششششت ...
بقات كتشوف فيه وجهها تزنگ ...شد ليها ايدها ودار فيها القويلب وحط كفو عليه هو وسط كفها وكمش ايديه عليهم خلا القويلب وسط كفها وكفو وشد ايديها هزها لشفايفو كيبوس فيها ويشوووف فيها ويقرب وعينيه مشاو لشفايفها حتى تحطو شفايفو عليهم بقبلة دااااافية وحنيييييينة غمضات فيها عينيها منتشيا مع داك الاحساس حتى نسات امر التحاميل وكلشي شي عشرة دقايق وهو مدخلها فمود تقبيل الخفيييييف واحد احساس فشكل حتى فصل القبلة ....
ياسين "شاف فايدها ورجع باسها عاد حيد ايدو وهز القويلب معسو بصبعو تا ولا بومادا وشاف فيها " : دهنيه ...
نوار : فين ؟
ياسين "هز تيشرت على جنبو بان ليها زرق بقعة زرقة بلاصة ضربة قداااش تا تخلعت وشدات على صدرها " : هنا ...
نوار : غانضرك لا ؟
ياسين "تنهد " : لا غير دهني بشويييي غانصبر ماعليش ...
دهنات ليه ديك البلاصة بشوي فحال خايفة قنبولة طرطق ...كانت خايفة غير لا توعتو خصوصا ضربة كتضر فالخاطر ...بقات شحال وتاهو صابر وشاد الخاطر ومكانتش كضرو بالعكس فحال كتمرر على والو ...تا كملت وهبط تيشرت قبط ايديها وباسهم بزوج ....
ياسين : هانتي درتي ليا الدوا الي بقا ..."ركز فيها الشوفة " شنو بان ليك ندير هاد العجب ولا نخليك ديريه ؟ فالصغر مادرتو ونديرو فالكبر ...
نوار : ولكن هاكا غايهمد صداع ...
ياسين : كاتنبشي ديريهم ليا بصح ؟
نوار "خرجات عينيها " ؛ اويلي لا ...صافي صافي هههه "جرها عنقها بجنب وتم غادين تا مشاو لناموسية تكا كيف العادة بالخاطر بشوي تا تقاد وتاهي كذلك غطاتو وتغطات وطفاو ضو نعسو في راحة الله ....
على الاصوات الطبيعية حلات عينيها ...ضورات وجهها لقاتو نااعس اول مرة غاتفيق تلقاه ناعس وهو فهاد اللحضة لقا راحتو وبقا ناعس وشكون فينا الي ميلقاش الراحة وميستغلهاش ...ناضت من الفراش كتمشى بشوي لا تفيقو حيث عز عليها فداك الوضع الراجل الي مولفاه وحش طيحو المرض ...ماشي عيب تعاونو يعطي راحة لراسو وتوفر ليه الراحة والهدوء كيف هو موفرو ليها ....دخلات لدوش غسلات
ابتاسمات ليها وبدات تدي لطابلة وتجيب بالنسبة لحبيبة مشا صباح بكري مسكين طريق الي جابتو داتو حيث عندو لخدمة وملي مشا يوسف بقا عليهم دق كلهم خدامين تايرجع حيث دايرين تا خدمتو ...واحد شوي حتى نزل ياسين جاي بشوي عليه شعرو مخربق مبدل حوايجو على ديال بارح ....
ياسين "هاز فايدو گارو وبريكة " : صباح الخير ...
نوار "قربات حداه " : صباح الخير كون عيطتي ليا نهبط انا وياك ...
اوما ليها براسو وخرج تا كما عند الباب وكيشوف فالدنيا من بعيييييييد بانو ليه الخدامة داخلين من ورا سور لاخور مدخلين شي كرارس فيهم الغبار (سماد ديال الارض ) وشي داخل شي خارج ...حتى صونا ليه التيليفون ....
ياسين : الحاج عمر ...
عمر "الراجل الي خدام معاه والي شدو فالبنك فاش كان كيضارب مع عيسى " : سي ياسين صباح الخير ...كي صبحتي اولدي ...
ياسين : مزيان الحاج مزيان ...يعمر دارك ...
عمر : الحمد لله ...ولدي الحمد لله على سلامة والله يجيب الشفا ولدي ...اتاصلت بيك الى هاد العشية مسموح بغينا نجيو الكوادر الي فالبنك نزوروك الى ما فيها ازعاج ا ولدي ...
ياسين : الله اودي دار ديالكم وصدرها مفتوح ليكم وقت الي جيتو ...مرحبا الحاج ميحتاج تسول ...
عمر :عارف اولدي الدار الكبيرة والقلب الكبير ...غا هو ضروري نعلمو وكان ...وهو هذا ملتقانا عشية ان شاء الله اولدي وماتكلفوش راسكم فتاحاجة زيارة خفيفة ضريفة نهنيوك بسلامة ونمأنو عليك صافي ...
ياسين : ماتهز هم مرحبا بيك ...
قطع معاه خشا تيليفون فجيبو كمل اخر جرة من السيجارة ودخل بشوي تا وصل لصالون وجلس لقاهم حطو طابلة معمرة مقادة شوي ودخل اسامة ومصطفى تاهو تجمعو على الفطور ...
بدات تاكل فداك الخبز الي وجدوه ليها ...
نوار : اممم بنين اخالتو والله تا بنين ...
ياسين : شنو داكشي ؟
يامنة : عشوب بلدية ل فقر دم مزيانين اولدي ...
ياسين : جاك بنين ؟
نوار : اممم بزااف ...
ياسين : بصحتك ...
مصطفى : ولدي من ورا صلاة الضهر ان شاء الله جاي الفاطمي وولد الحاج عياد وسي نعمان و ولد صبيطة والتاقي والقايد ولاجودان شاف يشوفوك هادو بعدا عاد شي رجال من ورا العصر ...
ياسين : مرحبا شي غذا نوجدوه ؟
مصطفى : ضروري راك عارف رجال وكالة ...
ياسين "شاف فيامنة" : الحنانة اللحم غادي يجيبو ليك سالم دابا ...شوفي مع الخالة ترجدو لغذا ...
يامنة : تهنى ولدي ...
ياسين : العشية جايين موضفين الي عندي فالبنك تاهما عندهم غير وقت خفيف ويرجعو ...
يامنة : خير ربي موجود الي جا مرحبا وزيد القدام ...
هذا هو حال ناس الجود والكرم حال ناس البادية وناس المدينة ...الدنيا فيها طوب وحجر كاين الي ولد الخير وكابر فالخير وكاين الي مشافش الخير لكن عينيه كبيرة وعزيز عليه الخير فاش مسك عليه الله وكاين الي ولد الخير لكن هو قرزاز سقرام بخيل وكاين الي جوع وكل وكيدار ليه الله ....فطرو مجموعين كيف العادة اسامة الي متفرقش من حدا يامنة شهيواتها فالفطور كلا منهم وحيد الوحش الي كان موحشها ...وصلات وقيتة الخدمة ديالو ومشا ...ياسين بقا تما فالدار ماقدرش ينوض عطاه جنبو الصداع ...
الحاج "واحد اخور " : اسيدي كبيرك نتا اتاي كرشك كبيرة عاد صباح ضربتي ستة البطبوطات بزيت البلدي الخاترة عاد مطحونة وجوج برارد اتاي ...تا فين غادي يا ...
مصطفى : ههههه خليه هذاك كرشو كبيرة ولد الخير غا ياكل لينا اسي مايخصو خير ...
ياسين : مرحبا بيكم ...
هذا هو حال ناس البادية ورجالها الطنز وضحك ونشاط جاري فدم والماكلة هي الاساس عاد ديور ورث اراضي مشاكيل وشلا مكيهضرو عليه ميتقاداو من هضرة ومن ماكلة ...تحطت صنية اتاي بدوازها و الغذا على حقو وطريقو وديسير ...وبقاو حتى خرجو مسلمين على ياسين وراضيين عليه ...
مشا شرب دوا وتكا غير تما سدو عليه شراجم وخلاوه ياخذ راحتو ...تا فاق على صوت التيليفون عيطو ليه مالين البنك بالي شي ساعة من بعد ما يخرجو ...
ياسين "هز حجبانو " : تت هذا انا الي غانديرو ليك غايدفيك ويضخ الدم فيك ..ويداوي ليك رجليك "هز ليها ايدو وحطها فوق حجرو ههههه الالوان هربو من وجهها طبعا اشمن لون غايكون ؟
هذا هو حالها معاه هههه الطنز تا تقول ولفات عليه عاد يخرج ليها بطنز جديد يتلفها تاني على القبلة ...كيعشق شي حاجة سميتها نحشمها ونخليها تولول ولا يتبدل ليها اللون ...
بقاو قولها وضحك عليها هضرة رجال هي هادي ما تقادا ماتكمل وطنزهم هو هذا ...هاد سيد عند ياسين عزيز وصاحبو ومتعامل معاه ومكيفوتوش ...ولكن عقليتو دقة قديييييمة عقلية ناس الاستعمار
نوار ؛ كون كان اسامة ينفعنا ...
يامنة : عيطي غييير لبا يشد من عندك صينية بنتي ...
نوار : صافي اريها ليا ...
عطاتها صينية اتاي برارد خاويين ...حتى ترجع لمجامع الي فيهم اتاي وسكار وليقامة باش يعمرو مصطفى ...
عباس : وايلي ...هانتا مريض وعيان ايد هنا وايد فالخدمة لاخرا ودار ...تزوجتي ولله الحمد ...
ياسين : الحمد لله الواليدين مزيانين وحدانا ...
مصطفى : واش غايخص كتر من هك ؟
عباس : اسيدي تدير المراة الثانية ؟؟؟
هاد الهضرة طاحت على مسامع اذن نوار حتى طيحات صنية ومع فيها كيسان البلار باقين جداد وصينية ديال الفضة دقة تقليدية غير طاحت طاحت بكيسانها تشاااااااخ حتى وقف ياسين بالخلعة حس بجنبو ضربو موووس ماااضي ...
اللحضة الي شدات الصينية من عند يامنة توجات جيهة الممر الي كيدي الباب ديال زنقة الي مقابل معاه نيت في نفس الطوالة الثالون الكبيييييير شاد من طرف تال طرف مخصص تما لضياف الي كيجيو وبعيد على دار لداخل ...غير وصلات ووقفات بغات تحط صينية باش دق ويخرج الجد مصطفى ياخذها من عندها ...حتى بدات كتسمع ضحك راجل والهضرة ...
عباس "عاد الرجال فالبادية او رجال كبار بصفة عامة كيضحكو وضحكهم كيبان فحال جدي هذاك هو ضحك وطنز بين رجال الي حنا كيحساب لينا بصح خصوصا انه نطقها وعلى ملامح وجهو الجدية " : مناويش تدير المراة الثانية ؟
مع كانت كتسمع وكتسناه يسكت لوهلة باش دق ويسمعوها حتى سمعات شنو قال وهي طيح صينية بالي فيها تشاااااخ تسمعات على جهدها بالخلعة ياسين وقف بجهد تا حس بموس ماضي في جنبو ...
ياسين "عض سنانو وخرج عينيه بالالم ...ومع ذلك كمل ومشا كيخطوي تايشوف اش واقع " ...
يامنة : هيييي ياربي سلامة اش وقع ...
نعيمة : طلي ياكما طاحت عليها صينية الله يا بنيتي الله ...
مصطفى : ارسول الله رسول الله ...
ياسين "خرج عندها لقاها محنية كتهز فزاج الكيسان واييديها كيترعدو حابسة البكية وودنيها كيصفرو بالهضرة الي قال راجل وجهها ولا بيض ...": نوار !!! بلاتي بلاتي ماتقيصيش ...
نوار "بغات تحط جرحتها زاجة فصبعها " : اييي ...
ياسين "غوت " : بلااااتي ...تت ...
نوار : ما ما شفتش "كترعد " ماشفتش مادرتهاش بلعاني ...
تم غادي بيها لدوش لداخل داز من حدا يامنة الي كانت واقفة بغات تمشي تشوفها ساعاك جا هو وياها ...
يامنة : احح الله را لالكول باقي تما الي كنت كنعقم بيه الفتحة ديرو ليها حسن غسل ليها بيه "شافتو غادي شاد جنبو وتبعاتهم لدوش "سير عند راجل انا نبقى معاها ...
ياسين : ماعليش غير خليني ...غسلي صبعك ...
نوار : ماشفتش مااا "حابسة البكية قلبها كيضرب مابيها لا صبعها لا هم يحزنون كيدور فدماغها غير المراة الثانية وااااجي قنعها را راجل غا طانز مع ياسين ....غسلات صبعها تا نقص منو دم وعطاتها يامنة لالكول خواتو عليها ..." اححح كيحرق ...
نوار : اممم ...ففف صافي ياسين عافاك كيحرق ..."عاضة على سنانها حرقها لالكول ولكن ماااااشي الالم الي كيحرق ياسين فداك الجنب بديك الحركة المفاجئة الي دار ...ة ففففف...
ياسين : ششش صبري ..."عاقد حجبانو " الحنانة عطيني سبارادرا من تما (لصقة ديال جرح طبية ) ...جبداتها من تم ومدتها ليه خوا شوي لالكول فقطن وحطو على جرحة ضغططط عليه وصور سبارادرا ...ماتسوق لا لراجل لا لتاحد اصلا عارف جدو غايتكلف ...
ياسين : ماوقع باس معمرك طيح شي حاجة كيسان الي كان لهلا يردو نتيييييي متقربيش ليهم ماتقيصيهمش حتى يتجمعو بشي حاجة ...
نوار : غير تدعقت وتخلعت و "كتزم فمها شوي وتعاود ترجع تهضر باش تتحبس البكية ماتخرجش .." ووو "هزات ايدها مسحات عينيها ودلات شنيفاتها ...صافي مابقاتش هضرت حدرت عينيها كتلعب بشفايفها كاتمة بكية بزز ...لداخل عافية تتغلي وتجذب ...
يامنة "عزات عليها " : ياحنينة ما وقع باس هرسي وضربي وعاودي هرسي بالخاطر وبلا خاطر دارك هادي وماعنك هادو ابنيتي وراجلك هذا ...غاتقلقي على كيسان هزي وحدين غيرهم وهرسيهم بخاطرك مكاين الي يهضر معاك هادشي الي هنا را فدارك هادي ...
لشفايفها حطات مرطب مصمصاتهم مزيان تا دخل فيهم ورطبهم ...شعرها هزاتو وجمعاتو عاادي مخربق بدون متدير ليه شدة جاها غزااال مع تقطيعة كبرات وقوة شعرها بانت غزالة فيها ...هزات سنسلة ديال جاكيط سورفيت وتوجهات ل كرسي جلسات فيه حتى لبسات فرجليها سبرديلا بلا سيور بالخف ...ناضت هزات صاكها فايدها وهزات تيليفونها ونزلات لتحت لقات نجود جالسة معاها فؤاد كيهضرو وقدامو كاس القهوة ...نيت وقيتة ورا الغذا ...
مينة : عمو فؤاد ...
فؤاد "هز فيها عينيه " : صافي ؟؟
مينة : صافي نمشيو ؟
فؤاد "ناض كيهبط فكمايم القميجة ويعقد فيهم " : في امان الله ...الوليدة !!
نجود : الله يسهل عليكم اولدي ...في امان الله وحفضه ...
تحرك هو قدامها غادي بهيبة وهي تابعاه وقلبها كيضرب فتسعين ...ركبو فسيارة فؤاد نيت خلات ديالها وركبات معاه ....
فؤاد "انطالق بالسيارة كيشوف فالمري وكيهضر " : فين ؟
مينة "كيفهمو هضرته من صغر كيعرفوه اش قاصد خير الكلام ما قل ودل عندو كيف العادة " : احم الفيلا الي خدمت ليه فيها عقلتي كنتي وصلتيني واحد نهار ...
فؤاد : مزيان ...
زاد كسيرا طريق فاس ...طول الطريق وهي كتعاود ليه وتفرغ وتشكي ...وهو كيتصنط وطبعا الحكمة والنصيحة ديالهم هو مولاها ...عاطيها الخاطر كيسمع ليها ...مينة تربية فؤاد من صغرها عزيزة عليه عندو مميزة حيث كتشبه ليه فالعقل وتباتة ...وهو الي وقف معاها تا قرات الهندسة وزاد وقف معاها تا خرجات من دائرة الحزن فالاشهر الي وقع ليها فيهم مشكيل العرس والمهدي الي تخلا عليها فليلة عرسهم ....
تسناها حتى نزلات وهو ينزل ضار جيهة الكوف كتشوف شنو غايهز منو حتى بان ليها هاز ساشية مكتوب فيها اسم محل شوكولا وساشية اخرا فيها اسم محل اتواب رجال التقليدية كيعرفوه يعني غايكون واخد شي تفصيلة توب ملكية نوع الغالي ....
فؤاد : صواب زيارة المريض والشكر ...
مينة : لهلا يخطيك عمو ...
تمشات قدامو تا دخلو عند العساس الي وصاه رياض عليهم دخلهم تحل باب دار من طرف الخادمة الي استقبلاتهم وعند الباب الثاني كانت الحاجة ماجدة ام رياض بنفسها مستقبلاهم لزوم الصواب وحيث كتعرفهم من ناحية الاسم وعرفات مينة انها كانت خطيبة مهدي والي وقع ....
ماجدة : مرحبااا وسهلا بالناس الخيار ...
مينة "سلمات عليها " : ترحب بيك جنة الحاجة ...
فؤاد "مشتت نضر احترام ليها " : سلام عليكم ...
ماجدة : مرحبا الحاج مرحبا تفضلو ...
تبعوها لداخل تا لصالون الكبير الي كان فيه رياض فور ما سمع صوت وقف حتى دخلو لعندو ...تصدم فاش شاف فؤاد بنفسو...
مينة "شافت فيه حناكها تزنگو " : احم سلام سي رياض على سلامة خروجك ...
رياض"بابتسامة حنييينة ودافية " : الله يسلمك ...
فؤاد "نطق بداك الصوت المهيب " : الحمد لله عالسلامة ...الله يجيب الشفا...
رياض"سلم عليه كيصوط فريقو حيث فؤاد بالضبط ماشي غير كيحشم منو كيتفكر حتى الموقف مع يوسف خوه فصغر. رياض كيمرگ على تصرفاتو الطايشة وقلة الادب الي كانت فيه " : احم سي الحاج رمسيس مرحبا وسهلا زارتنا البركة ..."تفضلو جلس الحاج ...
فؤاد " دوك الساشيات حطهم فوق الطابلة الي تما وجلس عاد جلسو هما "
ماجدة : الله اودي هي اللولة سمحو ليا من فرحتي بيكم نسيت ...
فؤاد : ماتعذبي راسك الحاجة مجية خفيفة ...
ماجدة : ولو ولو ماعليش هههه ...ناضت توجد اتاي وبقاو هما ...حتى حنحن فؤاد ونطق ...
فؤاد : الي دار الخير معانا غير نقطة ( غيير شوي ) مانساوه والي دار معانا بحر نغفرو ليه الي فات والي جاي ...الي درتي على قبل الغالية مينة ميتقدر لا بمال ولا بجاه ...الله يرضي عليك اولدي من غير مشكيلتك مع يوسف من قبل والقرابة الي بينك وبين عدو الله (على مهدي ) خيرك منساوهش ...
مينة ورياض هاد اللحضة خرجو عينيهم قدقد ....ايييييه يخفا على فؤاد اش وقع بين رياض ويوسف زمان ؟ ويخفا عليه اش كيجي مهدي الي خلا مينة ؟ معااامن نتوما ...
وخا مهدي فقط مو مراضعة مع ام رياض فصغر غير شي ايام وكانو غير معرفة بعيدة ماشي مقربات مهدي الي كان صاحب رياض ...
رياض "صرط ريقو وحدر عينيه كيهضر " : لا لا الحاج هادشي من واجب ديالي نشوف ضلم ونسكت عليه ؟ هادشي الي متربيتش عليه ...انا كنعرف سايكو ماغاديش نكذب الحاج ونافقك ...فايت ليا تعاملت معاه ونهار وقع مشكيل وبحث عرفت هادي غير فعايلو هو ...نهار بغيت نتلاقا بيه هههه هانتا تشوف اش وقع ...ولو تعاود الموقف لا قدر الله نعاود نبحث وهاني كنبحث ...الاخت مينة كنعرف خدمتها ....
طبعا حيث فايت خدمت ليا هنا فالفيلا ...الشركاء الي معايا فالشركة سي برادة وبناني ولاخرين وخصوصا برادة عارفين كفاءتها سي عز الدين لو ما خباش على بنتو وتستر عليها ...
فؤاد "بقا شحال رافع حاجبو تيسوووف فيها اش تتقول وكيفاش تتهضر ويضور يشوف فرياض " : ماعليش ...
رياض : الي مهم دابا حق المضلوم رجع اسي الحاج ...الي فات مات ومنو نتعلمو الي جاي نردو بالنا ...الى باقي باغا ترجعي تخدمي تصميم الشركة سي برادة غايجي تال عندك ...
مينة "شافت ف فؤاد الي غمزها وهي ضور شافت فيه ونطقات " : تت انا الي غانمشي عند سي برادة كيف ما كان الحال الحاج كيمشي بالخدمة وعاد دار معايا المزيان مخلاش الولد المهندس لاخور الي تدمج تصميمو مع تصميمي
يقدم بيا دعوة هذا فحد ذاتو خير ما ساعدش باش سمعتي العملية فالمستقبل تخسر ...الاثنين ان شاء الله نمشي عندو ....
رياض"تنهد " : انا الي سمحي ليا "قالها حيث عندها بعد اخور " ...
بقاو حتى جات الحاجة حطات اتاي وتابعاها البنت حطات المرافق ديالو قامو بالواجب على حقو وطريقو شي نص ساعة موراها وناض فؤاد تمنى ليه الشفاء وشكرو مجددا وتا مينة كذلك وهكذا دازت الزيارة الخفيفة الضريفة كان حوار بعقلو وخا فيه كلاشات من تحت دف لكن كانو بعقلهم وكل واحد را عرف مقامو ....
اما فواحد الجهة في الفيلا في ازرو ...كانت راوية وصفية ونجود وسارة جالسين ...
صفية "جمعت ضحكة " : احم ...نهار الاثنين غادي نشوف الدار الي قلتي ليا باش نشوف ...
راوية : فين ابنتي ؟ صافي متاكدة ؟
صفية : متاكدة ...يلاه يلاه ...
راوية : الي بغيتي ابنتي فينما كانت راحتك مرحبا ...
صفية : احم ...نهار السبت كاين واحد الحفلة دايرينها لاستاذ فواحد لوطيل في فاس ..
راوية ؛ فاس !! ايه
صفية : دايرينها القسم كامل ومنها حفلة غايجي فيها مدير واحد المعهد الي تابع لهذا حيث فاش كنكملو فورماسيون راكي عارفة كتكون فرصة اننا نكملو فهاد المعهد تقني متخصص فالشعبة الي بغينا ...
راوية : الى هاكا ايه ابنتي سيري انا نوصلك وقت الي بغيتي ولا نوصي شيفور ...
صفية : الي كان توصل حداش ليل يرجعني مبغيتش نتعطل ...
راوية : واخا بنتي ...سبت صباح يلاه معايا عند الكوافورة تقادي ...متنسايش المضهر مهم فهادشي الي كتقراي والي غاتقراي مستقبلا خاصك تعلمي شحال من حاجة ...
صفية : هادشي الي بغيت غانمشي معاك هههه ..
سارة : يلاه حلقي عالحالة وتبدلي لينا ...وخا راكي زينة تبارك الله ماخاصك خير ...
صفية "بخجل " : هههه شكرا خالتي لهلا يخطيك ...
تجمعو دوك الكيسان ...وتنقات دنيا تما ...دخل ياسين لعند الحاج الي خلاه مع مصطفى جدو ...جلس وجهو مبدل عليه علامات الالم فجنبو ومكابر ....
مصطفى : ياك مكاين باس ؟
ياسين : مكاين باس ابا هادشي كيوقع "غمزو "
عباس : ماعليش اولدي داو الباس داو الباس العيالات هما هادو الى مطيحو يهرسو عقل العيالات هو هذا ...
ياسين : كلشي مكتاب الله مافيه لا مراة لا راجل ...كلنا دم ولحم وانسان كنبقاو ولاد تسع شهور ولا قل مهم كرش مراة الي خرجتنا ...
عباس : داكشي ولدي هههه ...غا دكرنا المراة الثانية وشوف هههه الباس الباس معندك ما بغيتيها غاا بسطنا معاك ...
ياسين : خوذ راحتك الحاج ...
تعاود تقادت الصينية فالكوزينة وهي جالسة وساهية وعينيها حمرين ...
يامنة : نوار بنتي مالكي ؟
نوار"شافت فيها" : همم ؟ احم لا لا ...
يامنة : اجي بنتي معايا لصالون رتاحي من صباح ونتي فالكوزينة معايا وجهك ولا صفر ...
نعيمة : سيري بنيتي راكي مريضة وسخيفينة صحتك على قد الحال ...
نوار : واخا ...
ناضت تبعات يامنة جلسو فالصالة الي تما ...تكات فوق سداري دارت ايديها على حناكها وكتشوف فنقطة بعيدة الشي الي قلق يامنة من جيهتها ...ماشي على برجها ماشي على مودها حابسة البكية ...ومع ذلك حالفة ماتبكي ...كل مرة تبكي كل مرة تهرنن بغات تتبت انه ميمكنش يديرها وثيق فيه ...سمعو راجل خرج وصوت خطوات ثقال حتى دخل مصطقى وتبعو ياسين الي قلب عليها بعينيه بانت ليه متكية فديك الحالة ...
ياسين "تمشا بشوي مزير على سنانو مع جنبو الي شادو حتى جلس حداها وحط ايديه على شعرها " : كاندي مالك ؟
دخل اسامة مع وقيتة العصر ...لقاهم حالسين ومصطفى معاهم ويامنة ...
اسامة : واحد سلام ...
يامنة : سلاام حنينة فيك جوع تاكل ؟
اسامة : بزاااف ...ايه الى موجود ندخل ناكلو بلا متحطي ليا نقاد راسي ...
يامنة : راه فكوزينة كاينة نعيمة ولدي ...
ياسين "شاف فمو وغمزها " : مالها ؟
يامنة : يضهر ليا عيات من صباح وهي فالكوزينة عاونتنا ...
ياسين : كنتي ترتاحي نوار راكي مريضة شوفي وجهك كي ولا ...مالك عزيز عليك المعاندة كتر مني ...
نوار : ماااشي مشكيل ...
ياسين : نوار !! كنعرفك ولا لا ؟؟؟ ضراك شي حاجة سمعتي شي حاجة ؟ ماتشغلينيش عليك الله يرصي عليك ...مانا فصحتي مانا فصحتك ...غاتبقاي هاكا طلعي ليا دم وتقهريني عليك ؟؟؟
نوار"الصمت " ...
ياسين : نوار ؟؟؟؟
نوار : عيييت بغيت نعس ...
ياسين"بغا يصعر" : شنو ؟؟
يامنة : شش "نطقات بصوت منخافض " ياسيييين ...
ياسين "شاف فيها " ...
يامنة : خليها من بعد اولدي ...
ياسين : تت ..."شد فجنبو وناض مخلي ليهم دار كلها هز باكية الكارو وبريكة وخرج هو مبدل ساعة كاع ...واهلييي على فشوش وشلا فشوش وقولي مالك اش بيك لا هي صقلات مابغات تهضر ...خرج كما ليه كارو وتاني وثالث خرجات عندو يامنة ...
يامنة : وسع خاطرك اولدي معاها غاتكون مقلقها شي حاجة صبر تنفس وتعاود ليك ميمكنش تقلق غير هكاك ...
ياسين : انا الحنانة نبقااااا شد الخاطر فشش ايه على راسي وعينيا ماقلت والو مرتي هادي وديالي ومني وفيا بزز وبالخاطر نفششها ...الحنانة !! ماعليش تانا راني بنادم نعرف اش كاين اش واقع...فشوشها جا عليها الى درت شي حاجة عرفت اش واقع ...ماعارفش نصبر ؟ نتي عارفاني نصبر ؟ وايلي فحال ماعارفانيش ...
يامنة : هادشي الي عطاها الله فعقلها ...شد ليها الخاطر را واليديها بعاد وخا تزوجات كتبقى موحشاهم مرضها ورجليها وشلا اولدي ...غير ساعف على وجهي الله يرضي عليك ...
ياسين "هز راسو طلق نفس حااااارة سرح حجبانو ورجع شاف فيها" : دخلي شوفيها شوي ونجي وجدو شي حاجة الموضفين الي عندي شي شوي ويدخلو هاهما فطريق ...
يامنة : واخا ولدي ...
دخلات كيف قاليها وموراها كمل هو الكارو ديالو حتى كملو وبقا تا برد عاد دخل بشوي عليه على امل يشوف مالها ...لقاها باقي متكية فين خلاها مصطفى مشا لبيتو يصلي العصر ...واسامة شاد كتاب كيقرا فيه ويراجع ...مشا حداها ...
ياسين : نوضي اجي معايا نهضر معاك ...
نوار"مخسرة وجهها " عافاك خليني عيانة والله ...
ياسين : نوضي اجي معايا نوار بلا قوة الهضرة الله يرضي عليك ...
نوار : عافاك ...
ياسين "جهد صوته تا قفز اسامة " : نواااار !!!
نوار"ناضت ديك ساعة وقفات " : واخا هاني ...
ياسين "عنقها بجنب نخششها جنبو وتمو غادين حتى خرج بيها لبرا فديك الجليسة تما الي مفرشين بزرابي بلدية وكواش بلديين ...جلس بشوي مسند عليها وجلسات حداه ..." : مالك ؟
نوار : وااالو ...
ياسين : متاكدة ؟
نوار"الصمت" ...
ياسين : ماضرك والو ؟
نوار "بقات شحااااال تا بغات تقول ولكن ولات سكتت ": غيير عيييت ...
ياسين : علاش تعياي ؟ راحتك هي لولة راكي مريضة ماتفورصيش على راسك ...
مزال كيهضرو حتى تمو داخلين ثلاثة سيارات زوج كاتكات رونو و فورد كاتكات تاهي ...وقف ياسين ...
نوار : ندخل ؟
ياسين "شاف فيها كانت مستورة " : بقاي معايا ...
بقات معاه حتى خرجو ربعة رجال منهم شبابا ورجال كبار فالسن شوي وزوج اخرين منهم عمر الي خدام معاه وطوموبيل لاخرا فيها زوج عيالات وحدة كبيرة شوي فعمر الاربعينات ...توجهو كاملين ...لعندو ...
عمر : سي ياسين ولذي على سلامة ...
ياسين : مرحبا سي عمر مرحبا الله يسلمك ...
سي ياسين على سلامة ...ولدي على سلامتك ...
ياسين : مرحبا مرحبا ...
رحب بيهم حتى جات ديك المراة ...
ولدي على سلامتك ..
ياسين : الحاجة مرحبا مرحبا الله يسلمك ...
الحاجة : بنتي على سلامت سي ياسين ...
نوار : الله يسلمك خالتي ...
ياسين : المدام ديالي الحاجة ...
الحاجة : تبارك الله ...
عمر : على سلامتو ابنتي ..."شاف فيها " ...فينهي ؟
الحاجة : هاهي جايا ضارت تشوفها حتى بانت ليها جايا بسروال دجين زرق مزير عليها وتيشرت بيض وسبرديلا بيضة طالقة شعرها دايرة ...هازا صاكها فايدها وبوكي الورد وساشية شكلاط قربات لعندهم عطات ريحتها من بعيد ...
ياسين "عقد غوباشتو حتى شد فيه عمر " ...دخلو مرحبا بيكم ...
عمر : ولدي كتبقى موضفة وجات دير صواب وخا اختو عارفك مول صواب ...
غزلان : سي ياسين على سلامتك ...كي بقيتي. ؟
نوار "خشات ايدها بين دراعو وهبطاتها بسلااااسة حتى لايدو وشابكت صباعهم زيرات عليهم ..."
كمشات ليه فايديه مشابكة صباعهم تا زيرت عليه ...حس بيها وعرف انها عرفتها بلا ميقوليها شكون يكفي انها سمعات عمر شنو قال وشافتها وهنا استنتجات ناهيييك على ان المراة كتحس بالخطر دبال مراة اخرا يمكن حتى انه ميهضرش تقدر تشك فيها ...عارف نوار هبيلة تتموت غيرة عليه ولمن هاد الغيرة را الى كانت زايدة تيكون ليها اضرار فالمستقبل وفالعلاقة بين الطرفين كيما كان نوعهم لكن اكثرهم هم العاشقين ...
غزلان "بحرج " : احم شكرا ختي الحمد لله على سلامتو ...وسمح ليا سي ياسين على ...
ياسين : مرحبا بزيارتك اختي ...
حدرات راسها مابقاتش عاودت فهمات انه مابغاش يهضر فداكشي وهو فعلا مابغاش تهضر فداك الموضوع جات لعندو زيارة وهي دابا ضيفة تاخذ صوابها وغاتمشي مادام جات حتى لعندو وقامت بزيارة رغم ان خوها تاهو مضروب ووقع بينو وبين ياسين مشكيل كبير بسبابها ...زيارتها غريبة مفاجئة من جيه وعادية كونو المدير ديالها من جيه ...معقدة القضية ومفاجئة فكلا الاحوال ....
قبل مايدخل عندهم لصالون وقفاتو نوار شوي حدا الصالون ...
دخلات يامنة من بعد ما دارت شالها داخلة بوجهها المنور البشوش المحب الي شافها تدخل ليه لخاطر ...وعلاش لا وهي يامنة الفجلة فخامة الاسم تكفي ...كيف العادة الصواب هو لسانها وفعلها وبشاشتها نطقات مرحبة بيهم ...
غزلان "ناضت مبتاسمة لعندها شدات ايدها وباستها" : خالتي الحمد على سلامة سي ياسين ...
يامنة "بابتسامة فوق قلبها مسكينة بزز عليها تبتاسم حيث وخا هكاك كتبقى اخت الي ادى ليها ولدها واي ام راه مغاتصرفش عادي " : الله يسلمك ...
اسامة "قرب حدا نوار " : شكون هاد توت الذي لا يموت ؟
نوار : اخت الحمار الي وقع معاه المشكيل ...
اسامة "شرع عينيه " : شنوو ؟؟ اخت عيسى ؟؟ نااااري على كمارة عندها ...
نوار : جات مع الموضفين قاليك زيارة بسباب خوها. تضرب ياسين ...
اسامة : ورا راجلك غير تضرب فجنبو لاخور را قسم ليه ايدو وفرشخ وشرشم لوالديه الكمارة ...تمشي تشوف خوها فضل ليها وهي جايا لعند السيد اشمن لوجيك عندها هادي ...وجهها متريني اصحبي...
نوار : يعطيها ضربة هي وخوها وهي كتر وجدر ،،،
اسامة : اللهم امي.."حبس وضار عندها " شش واش كتبغي تغيري ولا غرتي ولا شعلتي ولا نطلب ياسين يخليك تسدي عليها فبيت نتي وياها واحد فيكم يخرج ؟
نوار : ماكرهتش ...
اسامة : ههههههه ...شتفيها كي سلمت عالوليدة تتشري المعرفة على ضهر الحنانة ...
نوار : وعلاش زعما ؟
اسامة : يقدر كيعجبها يااس...."غمض عينيه ماقدرش يدور ولا يتحرك ولا يدير اي حاجة بقا مفيكسي حيث الى ناض قوادت عليه الى ضار قوادت عليه الى بقا مفيكسي قوااادت عليه ثاني ..." يقدر عجبها جدي مصطفى بغيت نقول ...😐.."شاف فيها " غاتنضحك معاك غاتنبسط معاك ...
تعطاهم صوابهم تحط الگوتي مشكل هاد المرة رسل ياسين باش تقداو الحلوة وشحال من حاجة من مراكش من المخبزات وتوصيات مملحات ...حيث من صباح نعيمة ويامنة ونوار كانو فالكوزينة نوار باقي ممتعوداش على ضياف العروبية ممكن ضيف يجيك على غفلة خاص توجدي وتقادي وتحطي ماكلة يعني ضروري يكون تغلاق اي الماكلة الي تشبع ...بقاو حتى هضرو وكلاو وشربو اتاي والقهوة عاد ناضو متنيين ليه الشفاء ومهنينو بسلامتو في جو متوتر بين غزلان ونوار وياسين الي محاملش مجيتها لكن بزز منو رحب بيها ...
على طاولة العشاء الي كان خفيف محطوط كيتعشاو جميع ...حتى من مصطفى معاهم ...
ضارت شافتو تيخنزر والو مانزلش عينيه عرفات انها عيقات وهو را باز الي صابر ليها ...بقا كيخنزر فيها جهد شي خمسة دقايق وهي ترجع بدات تاكل بزز منها ...حتى كملات معيفة ...تجمعت الطابلة وتمسحات وكل مشا لبلاصتو ينعس ...طلع كيف العادة بشوي عليه حتى وصلو لبيت دخل ومشا لبالكون ...
الي مخلي راوية تعاون صفية بهاد اللطف هو تكفير على غلط ايساف مع صفية ...شي مرات تيضحيو الواليدين على قبل ولادهم ...صفية يتيمة وحيدة راوية عطات العاهد انها تعاونها وتوقف معاها حتى توقف على رجليها وتخرج تسكن وتخدمها عاد غاتكون كملات وعدها ...قليل ناس الي فحال راوية
وعائلة رمسيس الي كيقدمو الخير والمساعدة فزمن كل كيقول اراسي لكن هما كيمشيو بمدا نعاونو باش لا طحنا لقاو ربي معانا يعاونا ...
خذاتها لفيلا من بعد ما تاكدات ان ايساف كاين في فاس مع الحبيب تما فدار صهيب ...مشات لفيلا عطاتها شي كسيوات كانت واخذاهم بقاو فالاختيار شنو ما شنو ...
راوية : خودي هادي تجي معاك ونتي وذوقك ابنتي ...
صفية "شافت الكسوة " : زوينة هادي مستورة ...
راوية : ومستيلية من لفوق ...صافي هادي دابا جمعي حوايج الحمام انا طالعة نجيب صاكي ..."خلاتها فالبيت حلات الماريو جبدات منو بيجامة دافية حيث الحال برد تقريبا عندهم مع منطقة ازرو منطقة ثلجية ...وجبدات جلابة الي تلبس الفوق دارت كلشي لوازمها فالصاك من فوطة وكلشي ...وخرجات كتسناها حتى نزلات ومشاو لحمام ...
اما في مدينة فاس كان عاد فايق من النعاس الصوت ديالو نهار على نهار كيتقاد كي الناس ...واقف قدام البالكون بسروال ولفوق عريان على داك الصدر عندو شعرو مخربق وعينيه حمرين بالتدواش هاز فايدو ماگ (غراف) ديال القهوة كحلة بسكار بزايد كيف كيعجبو ...
الحبيب "خارج من الكوزينة بواحد سروال مجرجر وتيشرت ورجلين حفيانين ...تاهو هاز القهوة فايديه ..." : تا مالك ؟ اش كاين ؟
ايساف : عيط ليا اركان ...
الحبيب : اعتارف ليك بالحب ؟
ايساف"ضار شاف فيه طلعو وهبطو " : سير سير …تفو هضرتك مشكودرة كي حالتك ...
الحبيب : غانصرفق مك تايبان الحق ...هضر تانت مقاد ونتا هضرتك مسفحة كي حالتك لمن طالق دوك البادر لا مصاحبة تصاحبتي لا مراة بغيتيها ...اش كاين مالو ؟
ايساف : عارض علينا انا وياك لواحد الحفلة قاليا بينما كاين الحبيب جيبو معاك ...ويكند هذا اصحبي نفوجو ؟
الحبيب : فيها شي تيتزات ولا دنيا حفيانة ؟
ايساف : حفلة فيها شي طلبة وشي ناس عندهم فورماسيون تابعين لواحد المعهد الي لمدير ديالو خالد العزوزي الي كان هذا من عندنا سلعة شحال هادي فاش كان خالي يوسف قبل ميمرض ...
الحبيب : مشينا الله يسمح لينا ؟
ايساف : تسنا تنشوف اركان امتا داكشي قاليا فالعشية مع سبعة ...
الحبيب : نمشيو نشوفو دنيا الى معجبناش الجو نديرو صواب ونتحركو لنايت ديالنا ...
ايساف "ضربو لكتفو تا مشا وجا " / صاحبي الي كيفهم الوحش ولد الوحش ...
الحبيب : ههههه ولد الوحش الي نفاك فالتلت الخالي ههههههه
ايساف "بقا كيشوف فيه " : تديها ف كرك لا ؟
الحبيب : تا تديها فيه ...اجي نسولك نتا ...شنو غادير مع ديك المراة ؟
ايساف : شنو غاتبقى دير معايا ؟ ياك صححت الغلط درت غلط ما كفس ضربتها اذيتها تعديت عليها وندمت ..."لقاه حل فمو " بلا ماتصدم الحبيب ندمت راني كنبقى بنادم مهما يغيب ضميري فلاخر كيرجع وحتى لو مارجعش
مابقا عندها مادير عندي غاتزيد غير تكرفص مانقدرش نتقبلها مرتي وضروفنا الي تلاقينا فيها ماشي تال لهيه ومامناسبينش وحتى ولو هي مابقاتش بغات تشوف وجهي بهاد المعنى عقدتها ...
الحبيب : من ناحية عقدتيها راك وليتي كتبان ليها كتكحل بالعمى ...ايوى الى هاكا وخا قرار معطل كيبقى فمحلو فاي وقت ...خوذ وقتك وعطيها براتها خلي البنت بدات كتشد طريقها وتشوف حياتها نقية بلا تكرفيص فتراب ديال زناقي ...
ايساف"تنهد واحد تنهيدة خارجة من الاعماق " : الله يجيب ليها ما حسن مني ...
اليوم يوم كيدوز الوقت وكدوز ساعات وكيدوز النهار تابعو ليل بعدو شمش جديدة كتشرق ...فاش حلات عينيها كيف العادة مارست روتينها اليومي الصباحي ...لكن هاد المرة دوشات على الصباح ...فاقت لقاتو مكاينش امتا ناض الله واعلم ...هبطات لتحت من بعد ما نشفت شعرها ولبسات ...نزلات لقات يامنة واسامة كيفطرو وهو مكاينش ...
نوار : صباح الخير ...
يامنة : صباح نور اجي بنتي فطري ...
نوار "كتفوه " : فين ياسين ؟
اسامة : مشا مع سالم لشي فيرما هنا ويرجع ...
نوار : وجنبو باقي ضارو ...
يامنة : وماسمعش مني ...
اسامة : لا فطوموبيل ديالو سايقها سالم مريح ليه الكرسي وغايسوق بشوي على قبلو ...ضروري يمشي يعطي الحساب ديال هاذ شهر هو الي كيعطيه ...
نوار : اه الحساب حسبو البارح وعاونتو فيه ...
اسامة "ضرب كفوف ايديه " : صااافي نسات زيرو ولا زادت زيرو ...خلات على خويا قريبا يعلن افلاسو ...
دازت ساعتين وزيادة ومزال مجاش ...بينما وجد الغذا هاد النهار مكايناش نعيمة الي كتعاون يعني الغذا تكلفات بيه يامنة ...من بعد ماجاها تيليفون دخل لقا يامنة كتهضر فالتيليفون مع فؤاد ونوار حداها كتفرج فالتيليفون ...حتى حنحن ...
نوار "ناضت " : ياسين ...تعطلتي ...
ياسين : توحشتيني ؟
نوار : هههه اه ...
ياسين : ماتكونيش كتر مني ..."شاف ف يامنة كتهضر مع فؤاد " ...
يامنة : في امان الله ..."قطعات معاه وشافت فياسين " ...جيتي ولدي ...ما كتشورش اولدي على جنبك هذا الله ...
ياسين : انا الي خدام اميمتي هنا وهنا الى موقفت على الحساب راسي مكاينش الي يوقف عليه يلاه سالينا الحساب من فاش مشيت لهيه لبرا لديال هاد شهر ...وخا با كان واقف عليه وسالم تواحد فيهم ما قدر يجمع حتى جيت ...
نوار : دابا واخا كنتي كتعاونهم من بعيد ما كيقدرو يديرو والو ؟
ياسين : حتى نجي انا مول شي فالكوري والفيرما لور والاراضي الي هنا والحليب والغنم ...الا الفيرما الي هنا انا شريك فيها بالنص بيني وبين با ...
يامنة : حيث هادي دارنا فلول كانت غير تراب وزنگ من بعد صلحها باك يوسف وصهيب والياسي حتى زاد فيها ياسين ورجعها فيرما وشرا دار الي جنبنا شركها مع هادي ولارض الي وراها حازها ليها حتى ولات قد هاكا فهمتي ؟
نوار : اه فهمت دابا ...
ياسين : الي مفهمتيهش من بعد بغيتي تسولي سولي ...هادشي كيبقى رزق راجلك الي هو رزقك حتى نتي ...
نوار : احم ياسين ...دابا كنت كنهضر مع وصال رسلات ليا الكور الي دارو مع عندها غير تلاثة المرات فسيمانة حيدو لينا سبت وقالت ليا دارو لينا شهر سطاج الي كان غايكون فشهر فبراير سبقوه لينا فشهر يناير ....
ياسين : سطاج ديالك محلول امرو دوزيه عندي فالبنك ان شاء الله ...
نوار "بفرحة " : بصح بصح ؟
ياسين : هادشي فيه الكدوب ...
نوار : ههههه مزيان كان بابا كيقوليا دوزيه عندنا فشركة ولا فاش ما بغيتي ولكن البنك احسن غانتعلم منو ...
بحلول المساء ...في مدينة فاس العاصمة العلمية ...فواحد من الفنادق مانقولوش خمس نجوم ولكن فندق زوين وصغير ...اختاروه على قد ميزانية المعهد ...جاو الطلبة منهم ومنهم كيجي ...الي مكلفين راهم كيقادو والضيوف راهم كيشدو بلايصهم ...البيفي مجهز محطوط وديدجي بدا يخدم موسيقى خاصة ...معهد من هاد نوع اكيد غايكون معهد كبير ...وخاص ...
اركان "خرج برا بان ليه ايساف جاي بقميجة كحلة وسروال فصالة كحل مطلع شعرو وصارب حطة مع داك زين الي فيه خلاه كيبان بوكوص شي بنات تما بقاو حاضينو حيث مگضر وعاطي لعين حتى بزينو ...ايوى زين را زين الفعل مع الاسف اش قضى زين الوجه ...بجنبو الحبيب تاهو ضارب ليا حطة كلاس غا هو الفرق قميجة بيضة ...
اركان "تسالم معاهم " : وحوش رمسيس صافا بيان ...
ايساف "بطنز " : تخييييي بيان ا بب ..."تكاو على سيارة ..مكروازيين رجليهم بثلاثة كي الي كيستقبلو العزاية هههه " مندخلوش ؟
اركان : صبر يدخل توت تانا يدخلو ناس ويجي سي خالد وندخلو ...
الحبيب : تيتيز كيبان ليا حاضر العشير هنا ..
ايساف : سير هضر مع شي وحدة وهنيني من خليقتك ...
الحبيب : اه نتا انسان متزوج مكتشوفش فتيتيز ؟ الله يمسخك
اركان "ضار يشوف وهو يتفيكسا بانت ليه جايا من بعيد ..." : واااكواك تا ضرب ليا على واحد القرطاسة جايا ...
ايساف "ضار يشوف تاهو " : ها توت بدا يبان حيد عليا من بابا جابلي بلون الي كان داخل ...
الحبيب : توتة غادية فالمزرعة السعيدة ...
ايساف"كان داير صباعو على فمو حتى تگعد وقف كيشوف فيها مامصدقش " : تريكة الكار غادي والكوا بادي اولاذ الخضخاضة العنابة هادي را مرتي اولاد القحااا***ب ...
نور الياسين الجزء 23
محتوى القصة
التنقل بين الأجزاء