الامر غريب ومضحك في نفس الوقت ...بثلاثة بيهم نالت اعجابهم بديك الطلة او الاطلالة باش كانت جايا غيراتها كليا من الشعر للبس لكلشي فيها تبدل ...هي ضفية عندها جمال خاص وخا ليام مكانتش معاها وكانت ضدها وخا ضروف والدنيا قسات عليها لكن هذا ابدا ما غير من جمالها فقط انها كانت مكرفصة وبزاف ...مرة مسخة مرة فيها تراب مرة حوايجها كيبقاو بالاسابيع نفسهم ...الجوع الهم النعاس برا الجمال غايتخبا تحت من هادشي ...قلة النضافة والاهتمام غايتخبا ....بزاف ديال الاسباب الي مكتساعدش او قلة الامكانيات وانعدامها كيتكرفص بنادم ....
الحبيب : اويلي شكون مرتك ؟
ايساف "كيشير ليه بايدو وفنفس الوقت مفيكسي فيها عينيه " : و هاديك الي تزوجت ديك وا ركز ركززز القلاوي ...
ايساف "ابتاسم بغيض وضار عندهم " : باقي على ذمتي تحت عصمتي ...
الحبيب : اووووه مون ديووو تطور ملحوظ ...
ايساف : تطور مك ...سير هضر مع مع سير هضر معاها تستر دوك الكتاف ...
الحبيب : سير انت اخويا غيرو على عيالاتكم قنتوهم بوسوهم وانا نشوف ونفك وحايلكم ...البعابع نعماس ...ياك على ذمتك ؟ وسير سترهم ليها بكتافك راك عريض نيت كي وثيقة الاستقلال ...
اركان : وصراحة اساط راك مدي زين تبااارك الرحمن ...
ايساف "خنزر فيه " : ساط خلينا مزيانين وخا غانتفرقو واخا ما بيناتنا والو كتبقى مزال مزوجة بيا او لا ...
اركان "حط خمسة على فمو " : سمح لنا نعماس ...
صفية لحضة وصولها حطاتها راوية وايلاف تما مع طوموبيلات مبلاصيين مشافوهمش ...نزلات ب واحد الكسوة كحلة تحت ركبة وكتافها ماشي عريانين بضبط وانما لكمايم تا لفوق ب لورغانزا يعني مبينين درعينها وكتافها اما الباقي كلو مستور ...وصباط طالون ديالو قصير متناسب مع مشيتها حيث اول مرة تلبسو ...وشعر الي كان فشكل تصبغ بالاسود وتصاوب مع تقطيعة جاتها واااو ...اضافة الى روتوشات الميكاب الي فوجهها والكحل الي برز عينيها الخضرين ...هازا فايدها صاك فنفس لون الكسوة لكن ضاير بيه الدوغي ...
اركان : واخا لبد الستون اصحبي (زعما ضمص وسكت ) غاتنوض صداع بلا ماتهضر غاتشوفك تدير بناقص على ما بان ليا فالبادج الي فكسوتها را من طلاب المعهد الي تابع لهاد المعهد الي داير حفلة ...كيديرو ليهم فورماسيون و تعليم اللغة عاد ياخذو ديبلوك ويختارو شعبة فهذا الكبير الي كنقري فيه انا الايكو ...(الايكونومي) ...
صفية كيف وصلات بانت ليها واحد البنت وواحد الولد كيقراو معاها تطلقات معاهم فالهضرة وكونو صداقة دراسة ووقفات معاهم ...الولد اصلا صغر منها واخا كيبان مگضر وطويل ...
صفية : سلام ...باقي مدخلتوش ؟
امينة : مزال اختي حتى يجي البروف يدخل وندخلو ...
صفية : انور خويا داك البوليكوب الي حط لينا فيه ترجمة واش مزال عندك ؟
انور : مزال عندي الى بغيتي نجيبو ليك تصوريه ؟
صفية : عاافاك محتاجاه بغيت نحفضو ...
انور : را كتير قاصح عليك ...
صفية : مكنلقا منقرا بغيت لاهي فيه الوقت منها نيت نراجع ونحفض ...الانجليزية عندي معكلة مزال ممطلوقاش فالدروس لولة ...
انور : صباح يكون عندك ...
صفية : شكرا "ايوى كضور وتشوف شكون جا وشكون ماجاش ودنيا وخا مرتابكة حيث اول مرة كتدخل وسط مجمع من ناس ودنيا عامرة جاها نوع من رهبة حتى وجهها ولا بيض وزاد بياض هي فاش قوادت عليها من شافتو واقف مربع ايديه وعينيه عليها ...جمعات ضحكة ورجعات خطوات بلور " ...لا لا لااا
امينة : مالك ؟؟
صفية : تفووو ...نااري بغيت نمشيي فحالي ...
امينة : ويل شيطان اش واقع ؟
ايساف "قشعها كتشوف فيه وشافها بغات ترجع ولاخرا كتشد فيها " : الحبيييييييييب "كينغز فيه والحبيب ضاير حاضي هو واركان واحد البنت كتشوف فيهم " ...وااا لقواد ...
الحبيب : مشكيييلة هادي ...تت ..." مشا لعندها فطريقو دازت من حداه ديك البنت للي كانت حاضياه ."...زينك غا ديال الي يخطفك لشي غابة حدا موكلي فتى الادغال ..."هزات فيه راسها وهو يهز راسو وزاد دار راسو ماشي هو الي هضر ههههه ...
خلا ايساف جرو اركان ودخلو لداخل القاعة الي كانت مصاوبة وديدجي خدام فيها لداخل طالق اغاني هادئة والبيفي محطوط عامر باشهى الاكلات ...اما الحبيب مشا كيزرب لحق عليها قبل ماتمشي حتى شدها من دراعها ...
الحبيب : ششش صفية تهدني غير انا ...
صفية "بغات تبكي " : عافاك بغيت نمشي اش كيدير هو هنا ؟
الحبيب : صاحب ياسين اركان عرض عليه حيث كيقري هنا را تشوفيه تعرفيه وجيت معاه ...
صفية : بغيت نمشي ...
الحبيب : ماكاين فين غادية حضري وفوجي مغاديش يوصلك ونتي الى سمعتي هضرتي متخليهش يوصلك ومتبينيش ليه الخوف راكي وسط الناس اقل حاجة غادي غوتي غاينوضو ليه ...ياك بغيتي تفرقي معاه ؟
صفية : اه ونهار الاثنين غاتشوف معايا خالتي شي دار ونكري بعيد عليه ...واخا فازرو ماعليش ماغانبقاش عند الناس متقلة عليهن ...
الحبيب : عارف وهضرات معايا عمتي راوية على الخدمة سيمانة جايا غانشوف ليك فازرو واحد سيد صاحبي مخم باقي تفاصيل غاتعرفي فاش تخدمي ...المهم اشنو كديري بديتي تعتامدي على راسك كملي ماشي تشوفيه وتولي تغوتي ولا تهربي ...تعاملي كانه واحد من ناس لا غير ...
صفية : واخا ...احم ياك مغايوصلنيش ؟
الحبيب : هو الي قاليا هضر معاها مغاديش نقرب ليها تكمل عادي ديرني مكاينش ...
صفية : صافي ...عافاك متبعدش الى كان غايجي ولا شي حاجة رجعو ...وسمح ليا خويا برزطتك معايا ...
امينة "من بعيد " : صفية يلاه را عيط لينا البروف ...
انور : يلاه اصفية ...
صفية : هاني جايا ..."ابتاسمات ليه حضات جنابها وبعيذ ما بانش ليها وهي تدخل " ...
دخل حتى هو من وراها قاد القميجة وحل زوج صدايف الفوقانيين طوا كمايمو طبعا لا هو لا ياسين لا اسامة تيديرو هاد الحركة الي هي نفس حركة فؤاد باها هادشي علاش كيقوليك من شابه اباه فما ضلم ...لقاهم جالسين فواحد طابلة جنب شي اطر تربوية ...
ايوى بدات الحفلة وتقديم على المنصة حدا ديدجي وبعدها اغاني عاد الهضرة ...حتى وصل وقت تقديم او ترحيب بمديد المعهد الكبير الي تابع ليه داك المعهد فين كتقرا صفية ....ناض اركان هو الي عطاوه باش يقدمو ...
اركان : مرحبا بجميع الطلاب والمتدربين بكلا المعهدين ومرحبا بجميع الاطر التربوية الاساتذة والمدربين ...وحتى المدراء ...نبغي نقدم ليكم شكر كبير على حفاوة الاستقبال وشكر اكبر لمعهد الي قام بتنظيم هاد الحفل ...ونبغي نرحب ترحيب كبيييير بمدير المعهد العالي بمدينة فاس العاصمة العلمية ...الاستاذ خالد العزوزي ...
بدا تصفيق الحاضرين ...حتى خرج من وسطهم واحد السيد فا الخمسينيات من عمره بلحية فيها الشيب وشعر يكسوه كذلك الشيب لكن مهلي فراسو بزاف ومگضر ...متقولش عليه داك السن خمسيني وسيييم ...حك فلحيتو بحركة جنتلمانية داز من حدا فين جالسة صفية مشافش حيث غير غادي باش يلقي الكلمة وضرب صاك ديال صفية حتى طاح ...
خالد : اوو باغدون مادموزيل "تحدر بكل لباقة هزو وحطو ليها وشاف فيها مبتاسم " سمحي ليا "طبطب ليها على كتافها "
ايساف : واش دايرين ركن تعارف تم ولا بغا يلقي الكلمة حداها تا جيب ليه كرسي ...
الحبيب : الكرسي هو الي غانخرگو (نهرسو عليك ولا نرميه عليك ولا نخشيه فراسك ) على طاسيلة مك ...دخل سوق راسك ..
ايساف : هااء وغا شناه تعطل وهو كيهضر معاها ...
مشا من بعد ما اعتاذر لعند اركان شكرو وخذا الميكرو من عندو قدم تحية وشكر ورحب بالحضور تحت تصفيقات وهبط مشا لبلاصتو فين جالس ...ومشا اركان حتى هو وبدا الحفل ...
ايساف "قوس فيه حجبانو وضار شاف فيه بنص عين " : الطنز فيه وفيه والطنز ديال ماليه من غيرهم را حشيان هضرة ...وحشان الهضرة را ديال طيابات نعماس ....
الحبيب : السمطة كدور والبزيم كيشحط ...
اركان : نديرو فقرة المصارعة اخوتي فالحفلة ولا بلاش ؟
من شافها ومن جلس وهو حاضيها بعينيه محيدهمش عليها لا بل عفوا ربعة العينين حاضينها عينين ايساف وعينين المدير خالد الي ابتسامتها بقات ليه فبالو ...واش ممكن يكون اعجاب من اول نضرة ...الاعجاب التقليدي الي كنعرفو ؟ وهذا هو الي وقع بالضبط مع الخمسيني العازب على قولة الحبيب ...
بعيدا على اجواء الحفل بمدينة فاس ...في مدينة او بالضبط نواحي مراكش فالبادية ...بعد ما تعشاو كيف العادة الخالة نعيمة كانت باقا معطلة حيث كتعاون يامنة فتوجاد بعض الاكلات الي غاتحتاج الغذ ليه وشي تواشا باش تديهم نوار لان وصل وقت باش ترجع لازرو طبعا غير وحدها حيث يامنة غاتبقا ايام اخرى مع ياسين ....
ياسين"مدهي مع تيليفونو كيهضر بلا ميشوف فيها وشاد جنبو الي كيقرصو مرة مرة " : شنو بغيتي ؟
نوار : بغيت شي عصير شي موناضة ...
ياسين "ناض بشوي عاض على شنايفو مع جنبو " : سيري عند الحنانة ولا الخالة ولا شوفي ثلاجة شنو فيها ...خوذي عصير حسن ليك ...الى مالقيتيش صباح وصي عليه يجي تال عندك ...
نوار : اااه حگا واقيلة كاين الرايب عاد جابوه صباح نشوف واش دارتو خالتي نعيمة فالثلاجة (الرايب كيبقى برا تيروب عاد كيدار فثلاجة ...كاين طريقة ديال رايب ..ايترو حليب كنفيضو نص ايترو من يفيض هكاك طايب ونزيدو عليه سنيدة حسب ذوق وكاس دانون فاني والحليب البارد لاخور نخلطوه ونديرو فقرعة نسدو عليه ونغطيوه بمانطة ونديروه فضل تحت شي بلاصة تمنية سوايع عاد قلبيه تلقايه راب وديريه فثلاجة يبرد وبصحة ) ...
اسامة : واحد صاحبي را صاحب الحبيب حتى هو عندو عرس وعارض عليا بغيت ندير الواجب معاه كيف ماكان وقف معايا دوك الايام ...
ياسين : عمران ؟؟
اسامة : اه هو ؟
ياسين : سير ومتفوتش سيمانة عندك الخدمة هاد ليام الي جايا كاين زيتون ...
اسامة : واخا كون هاني ...
دخل لداخل فرحان اولا هو غادي لازرو بطلب من ياسين يوصل نوار ويرجع وزاد طلبو هاد الطلب باش يبقى ...دخل لداخل لقا يامنة ايد فالمقلة وايد فالفران ونوار مخشية فثلاجة بان ليها رايب باقي سخون ...ومشات لواحد القرعة بانت ليها بيضة ...
اسامة : اش كديري نتي ...
نوار : ماعرفتش فين داك رايب لاخور وهذا الي فثلاجة باقي سخون "وراتو ديك القرعة " يمكن هادي ...
يامنة : راه سخونة غاتكون تاهي اشمن قرعة هاديك را موحال رايب ...
نوار : لا هو حيث هادو فين كيديرو رايب ...
يامنة : تاهي سخونة ...
نوار : هادي باردة شوي لاخرا الي سخونة بزاف ماشي ديال نشربها يمكن عاد مديورة ...
يامنة : خودي عصير ابنتي صباح دي معاك عشرة ايطرو ...
نوار : واااه واه بزاف طيارة ماتهزش ليا ...
يامنة : مخلص عليك الباگاج مع الكار غايتلقا ليهم الياس ولا صهيب ولا واحد فدراري ...
نوار "عوجات فمها " : ماخليتونيش نشرب اتاي ...
اسامة : ماعرفت انا مالي مخشي وسط العيالات ...كبي كبي معاك كاس من داك رايب تم جيبيه معاك وسيري عند راجلك ...
خرج هو مخليها هزات القرعة حتى باش تسول نعيمة مكايناش مشات تجيب شي حاجة خاصة من بيت المونة ...كبات زوج كيسان ودارتهم فصينية ومشات عند اسامة ...
نوار : هاك ...
حطات ليه الكاس قدامو ...وهو يدخل ياسين ونعيمة ...
نعيمة : ختي يامنة عطيني واحد القرعة تما راه حدا الثلاجة لتحت محطوطة عيشك عطيها ليا نعطيها لياسين را جابها ليا قبيلة قاليا عطيها ليه را غايجي ليها وتعطل ماجاش تال دابا ...را مديورة فقرعة من دوك القراعي فين كنديرو رايب ...را دوا بيض تقيييل كيتخلط ... لياسين را جا ليها عبد العزيز بغاو يخلطوها مع دوا على قبل الدودة الي فالزرع فلارض "
نوار : يلاه رشفات جغمة ماشي شربات يلاه ذاقت منها بدات تصرط وهي ترش كاع داكشي فاسامة واسامة شرب جغمة نيت جاه مذاااق لا يطااااق وخاااانز ...بداو يتراشو ...
ياسين : شنو كاين ؟ "حيث كان عبد العزيز كيتسناه برا باش يعطيه القرعة ...خرج عينيه " نوار شنو شربتو ؟؟؟
نعيمة "خرجات تتولول هي ويامنة " : ولدي ياكما شربو من دوا ...
اسامة "ضرب ايديه بالخلعة ديال دوا الي شرب دار ليه حركة فحال ساري كول من تتقول هاهو ..." : ياااا شربناه تال زداگداااااگ ..."مشا يجري يدير صبعو باش يتقيا ......"
الخشونة والصلابة والصرامة والجندية والصنديدية الي فياسين الي فيه غاطيحهم ليه نوار غييير بتصرفاتها العفوية الزااايدة ونسطر عليها ....تاحاجة مكتقتلو بالخلعة قد الوالدين ونوار فهاذ اللحضة الى وقعات ليها شي حاجة ...او في اي وقت كانت فخطر .....
يامنة : يااا ويل الشيطان ...اويلي را سم هذاك ..."وجهها مشا منو الدم " واش شربتيه ولا شنو
ياسين "شاف الكاس ماخاويش " : ماشربتيهش ياك ؟
نوار : م م ماعرفتش انا ذقتو ورميتو ....واش غايضرني اهى ...مم
مدات ايدها حلات المجر وجبدات ريحة ديالو رشاتها طلعتها مع نيوفها مدات لاسامة تاهو شمها ...بقاو طريق كلها وهما هكاك مسافة الطريق حتى دخلهم لاقرب مشفى ماعرفو كلينيك ولا حكومي مهم اقرب واحد وقادوه روايد سيارة لمستشفى كان مستشفى محمد السادس ...دخلهم لجيهة المستعجلات ...دخلوهم وبقا ياسين هو ويامنة برا كيتسناو ....
يامنة : ياربي خير ...واش ولدي سم ياك ؟
ياسين : دوا كنداويو بيه راكي عارفة هذا ثقييل كيتخلط مع الما باش كيرشو ..."كيدوز على وجهو مخلوع بصح حيث لا يستهان بداك دوا راه سم ..." ...فففففف
يامنة : يكون خير يكون خير ...
شي ساعة وهما كيتسناو حتى خرج عندهم طبيب ديال المستعجلات ....
ياسين : حالتهم ؟؟؟
الطبيب : شنو الدوا الي شربو بالضبط ؟؟
ياسين : دوا ديال الفلاحة عندو التوصيل ديالو ...بغينا نعرفو حالتهم عااد سول على منين جا دوا ولا لا "مخنزر فيه "
دكتور : انا كنسول حيث خاصني نعرف واش شربوه عن طريق الغلط او محاولة الانتحار ...
دكتور : حيث كيجيونا حالات انتحار شاربين نفس السم او نوع اخور من سموم هادشي طبيعي نسولوه باش نعرف واش نعيط لبوليس او طبيب نفسي (هادشي را بصح هاكا كيديرو جاينهم واكلين سم اش غايعرف طبيب را غلطو ...ضروري من هاد سؤال )
يامنة : ولدي تهدن ...دكتور شنو حالتهم واش لباس ياك موقع حتى شي حاجة الي نخافو منها ؟
دكتور : موقع والو غسلنا ليهم المعدة بالفحوصات الي درنا والايكو الحمد لله ماخذاوش كمية كبيرة الي تاتر عليهم فقط غسيل المعدة وسيروم المقويات وغايخرجو ...
ياسين "مابقاش تيشوف فيه كيسمع غير شنو تيقول حيث طلع ليه دم اصلا ...سكت حسن مايهضر يطبز ليها العين معاه ..."
يامنة : امتا يخرجو ؟
الطبيب : غير يسالي سيروم ويخرجو عادي غادي نكتب ليهم اوغدونونص على حسب المعدة ساعة ويقدرو يمشيو ...بالشفاء ...
مشا من بعد ما وراهم فين يدخلو عندهم ...لقاوهم ناعسين واحد هنا ولاخرا تما دايرين ليهم سيروم وكيشوفو فسقف ...
اسامة : طريقك كحلة ابنت عمي ...مالكي خضرة مالك ...على اخر ايامي رجعوني منتاحر…
ياسين : نهار ترجعي لدارك مرة وحدة شوفي شنو خاص وشنو نضام الي ديري فيها وسيري عليه وبقاي تسولي وعرفي ...هاديك دارك الي غاتعيشي فيها معايا ...
نوار"ابتسمت" : واخا ...ياسين ...
ياسين : نعام ؟
نوار : خاصني شهادة طبية نديها نهار تنين لمعهد ...
ياسين : عندك ثلاث ايام قبل ...خاصك الايام الي جيتي فيهم هنا ديال لمخزن غايعطيوك غير ديال الايام الي مرضتي فيها فداك الوقت ودوزتي عندهم ...الي ايامها فاتو ومكنتيش مدوزة خاصك ديال بريفي ...وصيت صهيب يوجد ليك وحدة توصلي غذا وشديها من عندو ...
نوار : بصح ؟
ياسين : كنكذب ؟ مرة جايا متغيبيش على قرايتك انوار ...ندير شي ايام ونجي تما انا والحنانة ...
نوار : ماتعطلش ....
ياسين : الى بغا الله نجي ومنتعطلش ماتخرجيش شي عجب قبل منجي وميكون غا خاطرك ...
نوار "سبلات فيه عينيها " : ههههههه انحاول ...
اسامة : ههههههه لا صافي غا تهنى اخويا غاتجي على يومين …
في مدينة فاس ...الحفلة باقي خدامة كانت الساعة تشير لعاشرة ليلا ...ناضو ناس لبيفي الي محطوط هزو شنو حبات خاطرهم ...وفالجهة لاخرا باقي جالس ايساف والحبيب الي جاب ليهم اركان العصير على طلبهم ...
ايساف : جاني جوع اصحبي وهذا العصير الخامس طيبتي ليا مصارني بيه نتا ...
الحبيب : نوض نجيب راسي ميجيب ليا حد ...
ايساف : جيب ليا معاك شي لعبة من تم ...
الحبيب "ضار شاف فيه " : نوض جيب راسك وسرح مراودك راك من صباح ونتا مفيكسي تما ...عجباتك البلاصة فموقع استراتيجي للحضية ؟؟
اركان : نوض اصحبي تحرك قضي ليك غراضك راسك وفوت عليك هاديك بنت الناس ياك باغي تعطيها تيساع ماباغيهاش خليها عليك فالتقار اخويا تشوف حياتها ...هانتا كتشوف هاهي كتوقف على رجليها نقدتوها من الزنقة صلحتي غلطك دفعتي الثمن كل يمشي لطريقو اولد الناس ...هاني دويت معاك راني كبر منك وعارف وشايف ...ودوا معاك ياسين تاهو والفاهم يفهم....
ايساف : مالكم بجوج ضرتو فيا ؟ من نيتك اصحبي تانت ؟ شكون قاليك مقابلها ولا منبگ على النمي ...دور تقود نتا وهو من صباح ونتا وياه حشيان الهضرة ...تقاود عليا شكون داها فيك وفيه وفيها ...تبي كيدايرين ..."ناض قاد قميجة ورا سروال وزاد ضرب فيهم مشا اتجاه البيفي ...
الحبيب : اووو دار قلب وكرامة ...
اركان : دار القلا***وي ...را بانت ليه ناضت ...
الحبيب .: العفووو ...
مشاو تبعوه واحد جاه من هنا ولاخور من لهيه ...اما واحد صفية ناضت تاهي مشات لبيفي قبل مينوض ايساف ومشات لجيهة لاخرا كتهز هي وامينة وكيهضرو حتى جا حداها هو نيييت نفس الشخص الخمسيني العازب على قول الحبيب ...
قربات تسالي الحفلة بانتهاء بعض الفقرات التي اوشكت على الانتهاء والقاظ اخر الكلمات فيها...وصل وقت الرجوع كل واحد لحال سبيلو ...بقات واقفة حدا واحد السارية بعيد كتعيط فالتيليفون ...منضرها زوييين وهي زوينة وماشاظ الله جمالها عطاه ليها ربي سبحان من صورو فيها ماشي ديال تكرفيص وتلاويح فزناقي لكن ربي كتب عليها المكاتيب وماعندنا مانديرو امام قضاء الله ...شافها خالد واقفة وحدها وماغايستغلش الفرصة ؟ ابدا ...
خالد : هشام (هشام هو اركان الي قلت ليكم اسمو هشام لكن صحابو والكليكة تيقولو ليه اركان ) ...
اركان : سي خالد مرحبا ...
خالد : هاديك البنت كتعرفها ؟
اركان "شاف فين نعت ليه " : اه هاديك الاخت صفية كتقرا فالمعهد ديال لغات ...وهي مرات هذاك السيد ...
خالد : اااه بون مزوجة ؟ حيث شفتها واقفة وحدها قلت اذا مالقات الي يوصلها عيط ليها نوصلها فطريقي ...
اركان : كنضن غايوصلها سي الحبيب ...
خالد : ياك مرات هذاك السيد او لا ؟
اركان : ااا اه را هو الي غايوصلها ...
خالد : بون داكوغ ...ميغسي هشام ...متنساش الاجتماع غذا واخا الاحد ضروري على حسب المنهج الي غادي تكملو عليه ...
اركان : في علمي سي خالد ان شاء الله ...
ابتاسم ليه ومشا اما هي بقات واقفة كتسنى حتى جا عندها الحبيب ...
الحبيب : واخا تسنايني هنا نمشي نجيب طوموبيل ؟
صفية : واخا انا نتسناك برا واخا ...
الحبيب : غير بقاي هنا برا بارد الحال ...
صفية : واخا ...
مشا الحبيب خرج برا يجيب طوموبيل ...اما هي بقات واقفة حتى وقف عليها ...
صفية "هزات عينيها وهي تركع بلور " ...
ايساف "هز ايديه موقفها " : تهدني مغاندير والو والله مغاندير حاجة ...عارف كتخافي وعندك الحق ...
ايساف : ششش نوووو نووو ماتخافيش عارف راسي خايب وكنت خايب غير تهدني والله مغاندير حاجة ...ناس كيشوفو مسحي دموعك وخلينا نهضرو ...
صفية : ما بقا فاش نهضرو انا مدرت ليك والو غلطي وصححتو ومنكرت والو ...ومرحمتينيش وبردتي فيا غدايدك وخا معرفتش علاش ...اهى ...بعد مني الله يخليك ..."خلاتو وهي تبعد مشات كتزرب ودموعها دايزين وهي غاديا غاديا ومعارفة فين غاديا غير مبعدة حتى خرجات من تما ودخلات لواحد الممر الي خرجها ورا لوطيل برا ...عاد وقفات ....
صفية "كتبكي وتنخصص وتجمع فالبكية وتطلق انهارت بالبكا مبقاتش قطرت تسكت بزز كتنش على راسها وتمسح دموعها حتى خذات نفس عميييييق حتى شهقت وهي ترد نفس ومسحات دموعها كتشم فالهوا ...تحطات ايد على كتفها طارت ونزلت تا غوتات " : ااااااا بعد مني ...
خالد : ششش غير انا ...ياك مكاين باس ؟
صفية : يحساب ليا واحد ...
خالد : تعدا عليك شي حد ؟ مالك باش نبلغو الامن ديال هنا ؟
صفية : لا لا غير مشاكيل وصافي فحياتي ...شكرا بزاف لهلا يخطيك ...
خالد : محتاجة الي يوصلك ؟ سولت هشام قاليا غايوصلك راجلك ...
صفية : معنديش راجلي "حنحنات " كان عندي حنا مفارقين دابا اصلا مكانش زواج غير تصحيح غلط لا غير ...
خالد : كاين فاش تركبي ؟
صفية "بقات تفكر " : لا الي غايوصلني خسرات ليه طوموبيل ...وانا ساكنة فازرو ..
خالد : اووو ...انا نوصلك الى معندكش مشكيل ...انا ساكن تما دار الوالدين غادي نشوفهم ونرجع صباح هنا ...
صفية : ماعرفتش ...عرفتي شنو واخا انا غانمشي لداخل ونشوف الولد وغاتلقاني برا من دابا عشرة دقايق ...
خالد ؛ كنتسناك ...
ابتاسمات ليه ومشات لداخل لقات الحبيب كيقلب عليها وهي توقف عليه ...
صفية : الحبيب خويا سمح ليا بزاف ...لقيت الي يوصلني شكرا بزاف غير سير بلا متبرزط ...
الحبيب "كمش حجبانو " : شكون غايوصلك ؟
صفية : المدير ديال لمعهد هاديك طريقو يعني بلا متوصلني وتعاود ترجع وليل هذا خويا ...
م.الحبيب : صفية ختي غاتسمحي ليا ولكن بغيتي راي ديالي راكي مزال مزوجة ماجاتش واحد غريب يوصلك ...
صفية : انا اصلا غريبة عليكم كلكم اخويا انا غي بنت يتيمة درتو فيها خير الي عمري نساه ...من احسن نمشي معاه وخا عيب ولكن لضرورة احكام انا عارفة غايمشي معاك وخا متبغيش ومبغيت مشاكيل كنحاول ما امكن نعطيه تيساع ...راني بعدت وهو جا تبعني يهضر معايا ...شنو بغا مني ياك باغي يطلقني ...
الحبيب : كيفاش جا عندك فاش خرجت دابا ؟
صفية "حركات ليه راسها " : احم انا غانمشي معندك مناش تخاف را غايكون حتى البنت الي كتقرا معايا تاهي غايوصلها ...
خلاتو ومشات لبرا ...ضار يقلب على ايساف مالقاهش ...مشا يقلب عليه هو واركان والو بقاو يتسناوه برا حتى تم جاي طاوي كمايم قميجتو وجاي متمر كان شيئا لم يكن ...
الحبيب : فين كنتي ؟
ايساف : مشيت غا نغسل ايدي ...يلاه مشينا ؟
الحبيب : يلاه را مبقاتش غاديا معايا ...
ايساف : وايلي ...بلاش يلاه ...
تمو غادين وقفو يتسناو اركان حتى تم جاي هو وياها ...
الحبيب : روايد بربعة مفشوشين ؟؟ "تفيكسا واحد شوي عينيه مرمشوش حتى صغرهم وهي دير ليه طن …دار ل ضورة طيييييييط وضار جيهة ايساف وقرب ليه هضر بشوييي " خاص الي يعاود مك فطهارة انت ...اليهودي قبيلة بني حريدم ...
مع نسمات الصباح مع قطرات الندى مع الصباح نهار بااارد جدا ومغيم كيعلن على بداية البرد والامطار التي تليها من بعد اشهر قليلة بداية تساقط الثلوج ...اليوم من بعد ايام ما جات من عند ياسين هي واسامة ...رجعات لقرايتها ورجعات لطبيعتها بداية الامتحانات اللولة بداية المراجعة والكفاح باش توصل لنقطة الي بغات والوعد الي عطات لياسين الي تاهو واعدها مايبخلش عليها ...قبل مايجي عندها فهاد الايام ...كانت فالجردة جالسة فوق واحد الكرسي كتحفض ومقابلة مع لابيسين الي خواوه من الما حيث برد الحال ...حطات الكتاب الي كانت كتراجع فيه وقررات ترتاح شوي ...هزات كاس ديال الحليب وشكلاط ...حتى جاها اتصال من ياسين ...
نوار : صباح الخييير ...
ياسين : صباح النور نوارة داري ...
نوار : كيف بقيتي ليوم ؟
ياسين : مزيان الحمد لله ...شنو كديري ؟
نوار : كنت كنراجع ودابا كنرتاح كنشرب حليب وشوكولا ...
قطعات معاه بقات كتشرب فكاس الحليب وهي تنوض حطاتو ومشات حدا واحد الوردة كانت متفتحة وخا جو مغيم كان لونها زهري ...قربات ليها وتحنات كتشم فيها وفيها قطرات الندى بااردين استنشقاتها ...كتقلب فيها وتشوف ...حتى بدات كتفكر وتغني ...
Je voudrais oublier le temps
Pour un soupir, pour un instant
Une parenthèse après la course
Et partir où mon cœur me pousse
Je voudrais retrouver mes traces
Où est ma vie, où est ma place?
Et garder l'or de mon passé
Au chaud dans mon jardin secret
Je voudrais passer l'océan
Croiser le vol d'un goéland
Penser à tout ce que j'ai vu
Ou bien aller vers l'inconnu
بدات كتبع معاها وتغني كيف ولفات اغنيتها معاه من الصغر ...ديييما كيطلقوها فاش كيكون هازها بطوموبيل ولا موصلها ولا غير بزوج عززززييييزة عليهم بزاف تقدرو تقولو هي اغنيتهم ديالتهم ...هي كتغني وهو كيكمل معاها ...حتى وصلات لهاد المقطع
Je voudrais décrocher la lune
Je voudrais même sauver la Terre
Mais avant tout
Je voudrais parler à mon père
Parler à mon père
اريد التحدث مع ابي ...."سيلين ديون"وسمعات صوتو …
نوار "غمضات عينيها ودموعها دايزيييين كتقول " : يااااربي ياااربي منكونش كنحلم ياااااربي "حلات عينيها كتشهق ....طلقات ااااه مع شافت رجليه هزات عينيها " الله الله ...با بب بااابا باباااااا "غوتات بجهد " اهى اهى ناضت كتجرييي لعندو تلاحت عليه ...كمشت فيه تكميشة الغدايد ...
يوسف "داير البافيط (الكمامة ) : وااا التخت ديال ولادي اخر العنقود الهبيل هههههه ....بشوي راني باقي مريض نعل والديك ...
يا ابي الغالي تبقى طلتك وحدها ويبقى حنانك وحده ويبقى حضنك غير الاحضان ...وتبقى يا يوسف رمسيس اقرب الناس…
"فلاش باك"...
بقاو بربعة بيهم ...صفية من بعد ما تلاقات باركان الي جات معاه حيث المدير او خالد ما غايقدرش مع الاسف يوصلها نضرا لحالة العجلات الاربع الي لقاهم مفشوشين دقة وحدة ...امر غريب جدا ...الشي الي خلا الحبييب يعرف شكوون الفاعل ....
الحبيب : حق الله الى وليتي تدير فعايل لبراهش ليهودية ...
ايساف"ضار شاف فيه جامع ضحكة " : اش كتخربق انت ؟؟؟
الحبيب"عض شنايفو بالفقصة مع هاد البرهوش الي حداه ههه ضار شاف في اركان وصفية " : احم ...ختي صفية سيري مع اركان لطوموبيل ركبي لقدام ...
صفية : ولكن ...
الحبيب : صفية ختي معندك حتى حل سوا الى بغيتي تمشي فالكار ولا طاكسي ؟
اركان : الكار كاين واحد مع ربعة صباح دايز من ازرو غادي لكازا واحد تركب فيه كاين مع جوج تاليل تايدي لمراكش كيدوز على ازرو ...وطاكسيات دابا يمكن حابسين ...
ايساف : شوفو ليها ساتيام ولا سوبراتور قطعو ليها الورقة ولا عرفتي شوفو شي خطاف ...
الحبيب : ايه هذا حل مزيان ...سير قطع اركان ورقة وجيبها لايساف
ايساف : علاش ؟
الحبيب : باش تركب انت فواحد فيهم حيث غانوصلو سيدة منخليوهاش تمشي فالكيران والطاكسيات ولا الخطافة اوجه الخطف ...
ايساف "ربع ايديه " : بغيت نعرف واش انا ولد عمتك صاحبك ولا ضرتك ...
الحبيب : واخا على جدر والديك تليتي ليا لمراهقة المتاخرة على اخر ايامك ؟
ايساف : حبييييت هاد المراهقة وميجي منها ازين ...
استغفر الحبيب مولاه وتهدن ورجع كسيرا من جديد حتى وصلو لازرو دخلها لفيلا ديالهم فين باقا جالسة معاهم ونزل تا دخل معاها لقا صهيب باقي فايق هو والياس سلم عليهم ورجع ركب لقا ايساف باقي لور ...
سارة "حطات ايدها على كتف مينة " : عندك نماذج قدامك هنا غيييير فداركم ...بداي بقصة يامنة كيفاش تزوجات وكيفاش تحط عمك فؤاد تحت الامر الواقع مرورا بيا انا مع صهيب كيفاش تزوج بيا كنت هاربة من زواج راجل قد جدي وانا فعمري سطاش لعام ...شوفي زواج ختك بياسين كيفاش جا عجباتو وخطبها شوفي ايساف البنت الي بغا صدقت غدارة حطيه مثال قدامك ...
مينة : ولكن ايساف غادي يطلق حتى هو معندوش زهر فحالي ...
سارة : ونتي عرفتي اش كاين من هنا لقدام ؟ ناس ودنيا هي هادي الحياة تجارب منها كنتعلمو ونزيدو لقدام ...دنيا فرص ...ماتقوليش لا غايصدق غذار بالعكس عطي فرصة لاي واحد عيشي وجربي حتى يصدق المهم نتي كوني قوية وماتخلينمش يهزموك كيف وقع من قبل مع مهدي ...
مينة : يكون خير ...
ليل جامع ناس وناس وكل دار اش فيها من احداث ومشاكل وهموم او افراح ...خلف كل باب قصة من قصص الناس والف حكاية تروى ...من بعد ما تسالا السيروم حيدوه ليهم وقدرو انهم ينوضو ويخرجو من المشفى ...وصلو لفيرما وكل واحد مشا لبيتو يرتاح ...
نوار "شادة كرشها " : كرشي فشكل ...
ياسين "بغا يحيد تيشرت ولكن جنبو بقا عاطيه صداع والحركات الي تحرك بزاف تكوانسا ليه "
نوار "شافتو ما قادرش وهي تمشي لعندو " : نعاونك ؟
حرك ليها راسو هزات ليه تيشرت بشوييي وهي هازاه وكيبان جنبو وكرشو حتى وصلات لصدرو هز ايديه وتكونو تورمات بقات حاضياهم وكتشوف نسات راسها وبقات ساهية فيهم وفداك الوشام فدراعو حتى لفوق وداك صدر المبندر الي قدامها ودوك الخيورات باش مزوجة ...هو حيد تيشرت وبقا هكاك كيتسناها تتفيق مبغاش يفلت الفرصة يبقا يشوف فيها وهي كتمعن فيه هاذ اللقطة عجباتو ...حتى هزات فيه عينيها وهي توگض وجهها ولا حمررر ...بدات تصرط فريقها ...
ياسين"حط صبعو على حنكها كيمرر عليه بلطف " : كاندي ديالي ...
ياسين "هبط راسو لشفايفها ملتاهمهم بقبلة حسات بواحد شعوور خلاها تفافات حتى شدات بايديها الكوافوز كالات بيه راسها مخلياه كياكل ليها فشنيفاتها وعاجبها الحال ...مغمضة عويناتها اما هو سخن عليها ماحسش براسو حتى هزها بجهد وهو يضربو ضو فصل القبلة وحطها " : فااااك ...ففففف....
ماشعرش براسو حتى هزها بغا يشبع من شهد شفايفها الي ماحسش براسو وهو كيمصمص فيهم ويقبل ويلتاهم فيهم مرة قبل هادية مرة قبل متعمقة وفرنسية ...لكن فاش هزها نسا جنبو ونسا راسو حتى ضربو ضو وخصوصا انه مفروض عليه راحة تفاديا لشي حركة مفاجئة خاطئة غادي تقدر توقع ليه الاسوء ...
نوار : اشنو مالك ؟؟؟ ضرك بزاف ؟
ياسين "تعصب معاه ممخليه يدير تاحاجة" : ما تت مزيان مزيان ...جيبي ليا هذاك دوا الي تما وهادوك الي ذهنتي ليا بيهم اجي معايا لدوش ...
اما في احدى النوادي الليلية ...كانت شلة من سبعة الناس ...الحبيب و ايساف وثلاثة دراري وزوج بنات وحدة منهم كانت كتعرف ايساف بزاف فاش كان مع ريم فديك الايام ...من عام وزيادة وهي في فرنسا ...
الحبيب "استغل انشغال لاخرين بالهضرة مع بعضياتهم وقرب لايساف بينو وبينو " : شش اش كتخربق انت ؟ واخا واقف عالطلاق وخا مابيناتكم والو راك باقي مزوج واخا هكاك هاديك سيدة راها كتبقى مرتك الى حين الانفصال ...عاد كنتي منوض عليها جدبة ميوصلها حد وديك فعايل الي درتي باش توصلها معانا ...اش كاين ؟
ايساف : قصارة شيشة ا لحبيب را عارفني انا وسماح ودراري ...سماح كانت قريبة ليا مافيها عيب او لا مابغيتيش تجي معانا ...دونك خليني نمشي نفوج على راسي نسا الهم الي كنت فيه والي داز عليا ...
الحبيب : حتى منكونش كنعرفك نتا وسماح راكم تشاركتو لحم عاللحم نعستي معاها ما مرة ما جوج اولا ؟؟؟ نكونو واقعيين بلا الغاز ...
ايساف : الحبيب حنا رجال عيبنا واحد ...
الحبيب : متافق معاك عيبنا واحد انا جات عليا عازب معندي لا مراة لا ولاد ...
اصبح يوم جديد في البادية ...صبحات حالتهم كاملين مزيانة ...وصل وقت الرجوع ...خذاو طريق نيشان لمطار توادع معاهم واكد على اسامة يرد لبال ليها مزيان حتى يوصلو ويجيبهم الحبيب معاه لازرو ....ساعات ديال السفر حتى كانو ف فاس ...لقاو الحبيب فاستقبالهم ومعاه حتى ايساف ...
نوار "بفرحات شحال ماشافت ايساف وايساف كان اقرب واحد ليها فيهم مشات كتزرب لعندو " : اسووووووفييييي
ايساف : الكرييييييمة ...اجي لمك هنا زيدي بوسي خوك ...
نوار "عنقاتو " : توحشتك ...
ايساف : كون تشوفي انا ...اش نديرو تزوجتي ونسيتينا ...
نوار : ههههه لا منسيتكمش ...
الحبيب : اسامة كي بقيتو ...
ايساف : اااه تي قالو ليا كنتي بغيتي تنتاحري ..
اسامة : وحق ربي الى بسبابها يحساب ليهم غا محاولة انتحار ...حفضنا الله ...
نوار : وماشي هكاك ...
ايساف "نسا وجمع ليها وجهها بايدو كيف موالفين قبل ماتزوج " : زيييدي زيدي فيك فعايل نتي الى مدرتي كارثة ماتهناي ...
وصلو لازرو ....عند الذخلة لقاو فؤاد كان جاي خارج وكيهضر فالتيليفون ...
فؤاد : ماديرو والو ...نسالي ونجي نشوفو ...انا الي كنقول اش كاين واخاااا "بصوت مجهد يزعزع المكان " تحااااارك ...
نوار "شافتو قطع " : عمو فؤاااد "مشات لعندو سلمات عليه " ...
فؤاد : بنتي كيف بقيتي شوي ؟
نوار : مزيانة الحمد لله ...
اسامة دخل مازم كل مكيشوف باه مزال مكيهضرش معاه كيضرو خاطرو ...وكيزيد يتشجع على قراره ...دخل سلم عليهم لداخل وبقات نوار تا سلمات على فؤاد ومشا عاد دخلات ...
ايساف "شاف فساعتو " : الخو نتحرك دابا لدار ...
الحبيب : في امان الله ...
ايساف هز عينيه بانت ليه صفية من بعيد خارجة وجامعة شعرها مع تقطيعة الي دارت ليه ولون زادها جمال والبيجامة الي كانت قطنية فالغوز بارد بالقب ...جاتو فشكل اليوم ...كتهضر فالتيليفون ...
ايساف "صغر عينيه" : هادي ولات تهضر فتليفون ؟
الحبيب : شكون "ضار يشوف " تت خويا سير لا عندك شي شغل انا متايب الله ...
صفية : الهضرة مغادي تعاوني بوالو ...انا سمحت ليك فوجه واليديك الي ولاد ناس وفوجه هاد ناس الي هنا ...اما نتا الي جمعني بيك غلط وتصحح وورقة ...وغادي نطلق نطلق وتقطع ..كنبقى بنت ناس عاشت سنوات فزنقة حاولو يتعذاو عليها ذياب فلاخر كلاوها ...
ايساف : مني طلقي شنو غاديري ،
صفية : ونتا سوقك ؟
حل فمو من هول الصدمة ديال ردها خلاتو كيشوف ...اااااارررعد....
هزات وراقها من الطابلة الي بقاو وهزات ادواتها ...ومشات خلاتو مربع ايديه وكيشوف فيها كيفاش تبدلات ...الاختلاط بناس واعيين ومثقفين والقراية خلاوها تعيد بناء شخصيتها مدة لا بأس بيها قدرات تخليها تبدا توقف من جديد وتكون شخصيتها وتبدا تواجه الناس ومتخلي حد يضحك عليها ولا ينقص منها ..واش فعلا بدات تبان ليه ويحس بيها واش هما مشاعر دفينة كانو فيه من شحال هادي وكان كابتهم ومبغاش او مرضاش يبينهم حيث تغدر ومابقاش كيثيق واش واش ؟ اش كيوقع ليه ؟ هادشي بدا يبان فاش كل واحد فيهم فاق على راسو من جميع الجهات وهادشي بدا يبان ويطلع ومقدروش يسيطرو على مشاعزهم بزوج
.جمع ناتبقى من كرامتو وضار مشا فحالو لدارهم هز طوموبيلتو الي بقات تما وزاد ماوقف تالفيلا ديالهم دخل نيشان لبيتو لدوش دوش وخرج لاوي عليه الفوطة ...
ايساف "هز تيليفون دوز لخط وفنفس الوقت كيمسح " : باقا ناعسة ولا ؟
سماح "بصوت غالب عليه نعاس " : اممم ...
ايساف : هاد الليلة غير لغي السهرة غذا ان شاء الله نتلاقاو غايكون معانا عماد تاهو ...
هاكا داز النهار عندهم كل تلهى فشغلو وكاين الي عندو يوم راحة ...حتى داز النهار وداز الوقت وجا نهار جديد رجعات نوار لقرايتها هي واشرف رجعو يمشيو مع بعضياتهم ...
اشرف : حاااق ربي الى ليك وحشة ...
نوار : هههههه حتى انا توحشتك ...
اشرف : كتمشي عند راجلك متنساي حبابك ...
نوار : كان مريض مسكين ...
اشرف : ايوى ديري واجب اتجاه زوجك ...حتى واجب لاخور تاهو ...كي شتي ياسين عزيز عندي را خويا ومنبغيش خويا تنقصو شي حاجة قومي معاه بالواجب ...
نوار : رجعتي تاني لهضرتك الماسخة ...
اشرف : اش كاين من غير لمسخ "خرج عينيه " اياااااااك والديك يدغبك الله وتسوليه تاني نتي راك خضرة وهبيلة وكتدي معاك قومان ...
نوار : الي مفهمتهاش شرحها ليا "كتسبل ليه فعينيها "
اشرف : اووووهوووووووووي اهووووي بليمين ما باقي نعاود اختي معاك نتي را يطيرو رقاب يتقطعو ليسيدين والالسنة والهجرة الى الحبشة مشيا على الاقدام ...ابداااا ...
نوار : ههههه وادخل يلاه نتشاوفو مع الوحدة ...
دخل كل واحد فيهم يقرا وهاكا داز عندهم النهار حتى خرجو فالوقت ديالهم ...هاكا دازو ليام حتى لواحد الصباح الي كانت فيه نوار عندها خاوي استغلات داك الصباح الي ولفات
تفيق بكري من بعد ما فطرات هزات كاس ديال حليب وشوكولا ومشات جلسات فجردة مستغلة الجو الي كيعجبها وريحة الشتا الي كتنقط وتعطي ريحة التراب ...حتى جابت معاها اغلى الاحباب واحن شخص فيها واقرب شخص ليها والي ليها شهور ما شافت تقريبا فوت شهرين ديال الغياب ...
يوسف "ضعاف على كيف كان لكن وجهو لون ديالو بدا يرجع لطبيعتو وخا عندو شهور اخرا ديال العلاج ...عزات عليه تا عينيه دمعو " : وااا بنتي هاني جيت نعلي شيطان ...
يسرى "جات موراه " : هههههه خليها حتى تكمل ...
مينة وصهيب والياس واقفين كيشوفو حيث شافوه وسلمو عليه قبل مايسول فنوار وينعتو ليه فين كاينة ....
صهيب : وعليا بليمين تا باغا تبكيني ...
بقات معنقاه وتبكي حتى سالات وهزات راسها كتشوف فيه عينيها تنفخو بالبكا ...
الياس : ياودي يااا ودي يالي بغات دير الولاد ...
صهيب : ياسين كان جالس مكالمي تا قال نوض نتزوج هبيلة ونهني القبيلة ...
يوسف "ضار شاف فيهم " : واش نقوليكم الي فيكم را كافيكم ...نهار تبعدو من بنتي بداك طنز ديالكم نهار الكبيييير ...
صهيب : اودي نهار الكبير هو فاش شرفتينا ...
يسرى : ايييوى را بزز باش خلاوه يخرج حتى تاكدو انني غانوقف عليه يكمل العلاج ولا لا يوسف .؟
يوسف : وااا عرفنا عرفنا خليني مع بنتي دبا...اجي نتي شتك ضعافيتي ياكما كيعطيك العصا داك نسيب الماضي الحار ...
نوار "ضحكات وسط دموعها " : ههههه لا لا مهلي فيا ...
اشرف : ورا مخرجة ليه عقلو العميم عاد شربات سم"نزل عليه ايساف لگرفادة حتى زوا "
اشرف : كون خليتوني قلت ليه را شربت السم وفيها فقر الدم نحيدها عليكم تابعاكم تابعاكم ...
ايساف : والله وما سكتي يا العزي تانهرب منك اللون والدم ...
بفرحة قدوم يوسف بعد غياب طويل رجعات الفرحة الكاملة لدار رمسيس ...اقسى شعور هو تكون فرحان وكاين نقص او غياب شخص مهم فحياتك ...هاكا جرا مع عائلة رمسيس وخا فرحانين لكن غياب زوج الناس يوسف ويسرى خلاهم ماحاسبنش بفرحة كاملة خصوصا ان يوسف غاب لفترة علاج من مرض خطير ...سلمات نوار على يسرى وتاهي بدورها عنقاتها بالبكا ...دخل سلم على نجود الي تاهي قلباتها بكا وعلاش ماتبكيش بالفرحة وواحد من ولادها الي مربية رجع ....
تجمعات العائلة تقريبا وخا ناقص فؤاد وياسين ويامنة لكن من بعد غايرجعو يتلمو كاملين ....
صهيب : شي عشيوة فيها شوا نعماس ...
يوسف "حك على صدرو " : اووو دابا دويتي الفردة ...
صهيب : هاد ليام كنت زنزون ياك ...
الياس : غاتبداو ؟
يوسف : اش خبار الشركة والاحوال ؟
صهيب : كلشي مزيان وهو هذاك نسا الشركة دابا تاترتاح نتا راك كونجي علاج ما سوقك فشركة ...
مينة : شحال باقي ليك ابابا ؟
يسرى : باقي ليه شهور علاج اخرا خاص يبقى داير البافيط باش مايجيهش شي مرض ديال البرد ولا يقدر يعادي وخا فترة العلاج الي دوز حسنات حالتو غادي مزيان لمن باش يرجع صحتو خاص يصبر تاني ...
يوسف : هذا هو الي يتزوج طبيبة ...شبت شبت ديك الايام ...
يسرى : تزوجتيني والي عطا الله عطاه ...
يوسف "باس راسها " : اودي نتي هي رفيقة الدرب نتي تخطايني يضربني الخلا وجلا ...
صهيب "نغز مرتو " : تعلمي تعلمي ...
سارة : اش نتعلم ؟
صهيب : تعلمي حابة ...معامن انا معامن ...
الياس : هاااح توحشت بنت المصفرط ديال مرتي ...هي ودوك ولادي عن جد بوهم ...
نوار ناضت تتصوني في تيليفون ياسين لقاتو طافي ...خلاتو حتى يعيط ليها هو ....
وصلات العشية الكل مجموع في فيلا رمسيس فرحانين برجوع يوسف ليهم ...كلشي مجموع حتى من صفية تاهي ....تحط العشا على شرف رجوع يوسف لكن ماكلة يوسف كانت وحدها ...
نجود : كول اوليدي تقوت ليك رجع صحتك ...
يوسف : والله الى توحشت الماكلة ديال هنا ...
نوار : بابا غاتبقى هنا ياك مغاترجعش تما ...
يوسف : وهاني معاكم بزز باش خلاوني نرجع ولكن معايا مك ماتخافي شاي راكي عارفة ...
مينة ؛ هههههههه كتبقا عند راسك تتشوف واش بقات شي فنيدة ولا الكاس كتشللو حتى تخليه يبري ههههه
نوار : والى مابغيتيش كتضرب ليك البرا ههههه ...
يسرى : البرا منضربها ليك غااا نتي ابنتي فاش كتجيك سخانة وتبداي تهتهتي ليا ...نهار هتهتي وياسين عند..."غمضات عينيها كانت على شوي وتكمل نهار سمعها ياسين اعتارفات بشنو مخزن عقلها الباطني وما قلبها وانها كانت كتبغيه من الصغر " ...
نوار : ياسين كان شي مرة واقف عند راسي وجاتني سخانة ؟ شنو قلت اماما "بخوف " م ماقلت والو ياك ؟
داز العشا وصل وقت النعاس ناض يوسف استاذن باش ينعس حيث عيا وخاصو راحة ويشرب دواه عاد ينعس ...
.صونا تيليفونها شافت المتصل لقاتها نمرة ممسجلاش يعني ماعرفتش ديالمن ...استاذنات وناضت تجاوب بعيد ...
صفية : الو ...
خالد : صفية الخالدي ؟
صفية : اه هي انا شكون معايا ؟
خالد : خالد المدير ديال لمعهد ...
صفية "كمشت حجبانها" : موسيو خالد !!
خالد : اتصالي غريب هههه ...
صفية "باحراج " : لا لا ماشي مشكيل ...واش كاين شي حاجة ؟
خالد : الكاميرات ديال لوطيل بينو ليا بالي واحد من دوك الي كنتي معاهم هو الي داز لبنوات ديال طوموبيل وفشهم ...
صفية : وايلي ؟"دارت ليها طن عرفاتو هو " ولكن علاش دار هاكا متاكد ؟
خالد : انا مابغيتش ندير شي اجراء حتى نسولك وعلى وجهك مادرت والو وخا فحالي فحالك مافهمتش ...دونك ادومان الى ممكن نتلاقا بيك ونهضرو ...
صفية : ماعرفتش ولكن نشوف غذا موسيو خالد ان شاء الله ونهضرو ..."قطعات معاه وضارت باش طلع لبيت لقات راسها فواحد الممر كيدي لجردة مع فاش استاذنات كان الضلام شوي جات ضور وهي تساطح معاه ...
صفية : اييي ...شكون ...اش كدير هنا ؟
ايساف : بامكاااني نحيد تسجيل كاميرات ديال لوطيل ونهني راسي لكن انا بغيتو يعرف ...
صفية : علاش درتي ليه هاكاك ؟؟
ايساف : باش يتعلم يوصل عيالات رجالة هذاك سيد عينيه زايغين ...معندك ماتمشي معاه ...
صفية : ونتا سوقك ؟ اش مشا ليك وا مفهمتش انا وباغين نطلقو كل يمشي فحالو اش مشا ليك عينيه زايغين ولا لا اش غايهمك وااامف"محسات بيه حتى جرها من لكول طار عليها لشنايف ببوسة حتى خرجات عينيها ورجع ليها كلشي بغات تبعدو وهو يدفعها بجهد تا تزدحت مع الحايط وغوتت ليه وسط تشلقيمة الي كيدير ...ديك البوسة حس بضو ضربو وقلبو ضرب بجهد اما هي جمعات شجاتها تا جمعاتها وهي تهز رجلها تا هزتها عطاتها ليه المعلم تا طلق منها وهي تمشي كتجري خلاتو ملوي بغا يسخف ...
ماكان قدامها فها يك اللحضة سوا الشجاعة بزز منها حتى لامتا غاتبقا تخاف ؟ استغلات الوضع كاينة وسط ناس كتار محيطين بيها فاي لحضة تغوت يتجمعو عليه يعني حاسا بالامان ...استغلت الفرصة ودافعت على راسها اصلا الشعور بداك الاحساس فاش كان كيضربها يعنفها ويهينها رجع ليها فاش زدحها مع الحيط وقبلها بشغف وعنف الي هو فالاصل ماعرفش كيفاش تا دار ليها هاكاك واش غيرة شعور بشي حاجة ولا شدان الضد ومرضاش شي احاسيس فيه متضاربة بين الحقيقة والخيال او المزيف ومابين ما كيتحكم فيه العقل الباطني ديالو وشنو فيه ....
ايساف : تفو على زوا*** اااافففففففف ..."تشبح فداك الضص شاد حجرو ودار ايدو على عينيه كيلتاقط انفاسو "
الحبيب : شوية ؟؟
ايساف : سير غا تقود عليا نتا وياه ...
اشرف : اش درت انا ...اجي اش ضربك بعدا تما ؟
ايساف : الي كواك ...
الحبيب : اححح ضربة معلم اا اشرف ...
اشرف : انا الي كلب تنسول عليك ...هااء ...
ايساف : سكتني النم سكتني ...
الحبيب : ونوض اتبي تگعد من تم لا يشوفك شي حد ...نووض ...
ايساف : را قلا**يا الي تضربو هادو غا وصل ونوض دغيا ...سير انا نايض تابعك ...
اشرف بقا يضحك بالحس مشا لا ينوض يجمعو بشي دقة اصلا عارفو غايصعر حيث الدقة الي خذا تتكون من وراها صعرة معتبرة اللهم ينفذ بجلدو لا تجي فيه دقة كيف العادة هههه
الحبيب "بقا واقف ليه عند راسو حتى حس بيه تهدن شوي وتنفس " : مزيان دابا ؟
ايساف "هز ايدو " ...
الحبيب : وصلتي عليها ؟
ايساف : داك تبي عرف را انا الي فشيت ليه روايد ...
الحبيب : اهاااا وعلاش فشيتي ليه روايد ؟
ايساف : غزيييت ...كاين شي منقضيو اخور؟
الحبيب : بقاو غا قلا**يك هاهما تفشو التعادل ...نوض تگعد من تما دابا يجي شي حد ولا بوك يبدا يسول مالك ما مالك ...
الحبيب : انا كنمشي بحسب هضرتك انت غيييييير ديك سيمانة قلتي الله يجيب ليها ماحسن مني ياك ؟ علاش فاش شفتي المدير باغي يوصلها ولا كيهضر معاها كتولي تجذب ولا كتهضر فتيليفون وحاضيها معامن كتهضر ؟ نتا باغي تقصر مع سماح وهي ماعليهاش الله تشوف حياتها ؟
ايساف : شكون قاليك غانقصر مع سماح ؟
الحبيب : ااا بون اذن مغاتلقاوش ؟
ايساف "دار ايد هنا وايد لهيه وتسرح " : ماحدها مراتي فالوراق غادي نحتارمها حتى يطلق الله سراح ...
الحبيب"حل فمو " : اوووهااااا ...
دخلات كتجري سدات البيت بساروت كتفيييبري وترعد ...حابسة البكية وكلشي ماعرفاتش اش وقع الي عارفة انها جات كتجري هاربة منو وخايفة لا يتبعها يعطيها العصا تاني خصوصا انها ضرباتو بديك طريقة ...مشات لطواليط كتغسل وجهها بالما بارد باش تنفس ومتبقاش ترعد ومتوترة بقات تغسل وتشلل فوجهها حتى شهقاات ....سدات روبيني وخرجات نشفات وجهها وتكات ففراشها كتشوف فالسقف وتفكر الحال الي وصلات ليه حياتها فييييين كانت وفين ولات ....والتغييرات الي وقعات فايساف ملي رجع من داك الغياب الطويل الي غاب ف اديس ابابا او عفوا المنفى فين تنفى ...كيفاش رجع مبدل وهاد الايام اكثر معاها هي ...كتفكر
وتفكر وتربط الاحداث حتى مشا بيها التفكير لبنت الي ذكر سموحة ...شكون سموحة ؟ ...رجعت لواقع انه شي حاجة اسمها ايساف من بعد الفراق مغاديش تبقى ...ايام قليلة وغادي تبدل السكنى وتبدا حياة جديدة بوحدها توقف على رجليها وترجع تبقى وحدها لكن هاد المرة بضروف متحسنة وعيشة احسن ومستوى ثقافي في طور التحسين اكثر ....بقات تتفكر وبالها يمشي ويجي هزات الفون حققات المنبه على ساعة الصباح الباكر باش تفيق تمشي تقرا حققاتو ونعسات في سابع نومة …
في نواحي مدينة مراكش فواحد الوازيس (الواحة ) خارج مراكش فين كيتنضمو سهرات ليلية لسياح من مختلف انحاء العالم ....خدامة الموسيقى وجلسة مقادة فواحدة من احدى الخيمات السياحية الي تما ...جالس قدام العافية الي شاعلة هاز ايدو بباندة طبية ووجهو باقي فيه شوي من قميش المضاربة ....
عيسى "هاز الكاس فايدو وكيشوف فنقطة بعييييدة "....الموسيقى خدامة هو كان بعيييد على ديك الضجة الي عامرة بسياح والاكل والمشاريب ...صونا ليه تيليفونو شاف فيه لقاها نمرة غزلان اختو عيات تصوني ليه عيات ترسل خوتاتها باه مو مرت باه الي هي امها نيت ...والو مابغاش يهضر معاها حتى دخل لجيهة الاتصالات وبلوكا رقمها وطفا التيليفون ....
رجع لسهوته كيشوف حتى سمع صوت سيارات فراناو بجهد قدامو تا طارت الغبارية وخرجو منها ربعة ليگارد وسيارة لاخرا زوج ليگار وواحد منهم تقدم ناحيتو ....والغريب انه تا واحد من رجالو ماتحرك كلشي رجع باللور ما قدروش يتحركو ....
عيسى : شكون نتوما ؟؟؟
ماجاوبوش مشا ليه نيشان شدو بقجة من العنق بغا يعطيه عيسى لكن جاو زوج اخرين شدوه ومع مهرس من ايدو ماقدرش يقاومهم ....
شدو بقجة وزييير عليه تا ولا يخرخر ....
سالا وقت اللعب دخل لداركم نهار باقي لقاك كدوز بياسين رمسيس وتريكتو والي قريب ليه ودع خدمتك نايت ديالك وسلعتك الي كتبيع والى لزم الامر حياتك ....راك عارفنا علاش قادين وعارف فؤاد رمسيس فين غايوصلك ؟ ....
هادي دازت ليك مرة جايا مكاينش الي يرحمك سمعتي ولا نعاود ؟ بقا تقلب عليه وتقلب تا تجيبها فراسك اللعب مع الي كبر منك مغاديش تقد عليه ومغاديش ينفعك بتاحاجة ...
قبل مايطلقو عطاه بروسية تا جا مغمى عليه ماجايب دنيا خبار ما حل عينيه حتى لقا دنيا رجعات كيف كانت فحال الى مجاوش دوك سيارات ولا تحلف عليه شي حد ولا هددو حل عينيه لقا سهرة خدامة فحال مخاصهم تا خير ...
عيسى : واخا على عدو ربكم حسابي معاكم خاااايب ...تقاودو عليا من هنا تا واحد منشوفو كيضور حدايا ...تحرررركووووووو"بالغوات " مشاو كيزربو خلاو كيحك فقرجوطتو الي تقج منها وصدرو كيطلع ويهبط ...داكشي الي بغا مالقاهش ولقا الي مابغاش ...مالقاش فؤاد ماجاش عندو ولقا التهديد الي غايقضي عليه
عيسى "زيد على ايديه مارضاش يتهدد ومارضاش يوقع ليه هادشي الي كيبغي يوصل ليه كيتضرب ليه فالزيرو ...ماعندو ميدير سوى يجمع راسو والا غايجيبها فراسو " صونا ليه التيليفون
عيسى : رعاوين الي خدامين گارد تااااا قواد فيهم منعاود نشوفو بدل ليا كلشي وجيب ماكبر …وقبل مايخدمو حتى نشوفهم ...
المراكشي : واخا سي عيسى كون هاني حسابي مع هادوك هو لول …شنو نديرو مع ياسين ؟
عيسى "غمض عينيه مرضاش يقولها" : صافي نسا عليا القلا***ي
المراكشي : منديرو والو منتحركوش ؟
عيسى : راني هضرت واقيلة ؟ غذا غانجي لتما لفاس ...قطع ليا ل كولومبيا نهار السبت ...
المراكشي : السلعة الي تما على شهرين عاد غاتجي ...
عيسى : قطع ليا غادي نبقا كتر من شهرين تما وماشي سوقك الي قلتها ليك ديرها بلاااا فريع الكر ..."قطع عليه ولاح تيليفون تا تشخشخ مع واحد الحجرة " تفو تفو تفوووووووووووو"غوت حتى بح ليه الصوت" ....
صوت المنبه الي رن اكثر من ستة المرات وهي كطفيه وترجع تنعس حتى وصل الوقت وناضت طفاتو شافت فالساعة باقي ليها ساعة على الدخول ...ناضت بتتاقل بزز باش كتحرك فيها النعاس نايضة مخربقة ومكشترة وتيشرت طالع نصو مبين كرشها وشورط الي لابسة قصير نص هابط ونص طالع وشعرها وخا رطب مخربق ...دخلات دوش غسلات حالتها وقضات حاجتها وخرجات لبسات حوايج باش غاتمشي حيث عندها امتحان فالصباح وترجع ....جمعات لوازمها والي تحتاج وهبطات بفرحة اول صباح من بعد غياب طويل غاتصبح عليه ...وشكون من غيرو .....
نوار"عنقاتو من لور وباستو فحنكو تبوس تبوس تبوس " : صباح الخير بابا ...
يوسف : صباح النوار ...
يسرى "سمات عليها تاهي توحشاتهم بجوج وشكون الي مكيتوحش واليديه ؟" : صباح الورد ماما ...اجي فطري وشربي دوا ديالك ...
يسرى : ماما هزي شي حاجة كوليها معاك "قادات ليها الخبز دارتو فكاغط وعطاتو ليها " كولي هذا وبلا قوة الهضرة يلاه ماما ...
يوسف : مك ابنتي مك ...
نوار : هههه واخا يلاه باي باي ...
نجود : الله يوفق ابنتي ...
مشات كتزرب ركبات وصل عليها اشرف تاهو وكسيرا بيهم الشيفور ليسطا ...
داز الوقت شوي وهي تم هابطة كتهضر والابتسامة الي ليها شحااال ...
مينة : وخا ان شاء الله ...شرف كبيييير ليا ...شكرا هههه ....قطعات وتوجهات لفين جالس باها لقاتو فالصالون الي كيطل على جردة جالس شاد تيليفون حتى جات حداه ...
مينة : بابا ههههه
يوسف : ابنتي ...اش مضحكك ضحكينا ؟
مينة "دارت ايديها على فمها بالفرحة " : ماغاتصدقش هههه بابا عرفتي بالي مبقيتش خدامة مع عز الدين ...
يوسف : قلتي ليا تنعاود ليك ...واش سباب هاد الفرحة الله يدومها ...
مينة : كان واحد الشركة طالبة تصاميم مهندسين الديكور يعطيو تصميم الداخلي لشركة الي فازمور فالجديدة ...وهي غاتختار من بينهم احسن واحد والمهندس الي صممو هو الي غاياخذ تصميم ويطبقو عندهم ..
يوسف : ايه ....
مينة "كتهضر وبغات تبكي بالفرحة " : انا الي تقبل تصميم ديالي لاحد الشركات العملاقة تما وانا الي غاندير تصميم الديكور الداخلي ابتداء من الشهر جاي خاصني نمشي لجديدة باش نشوف ونسني معاهم "نزلو دموعها كيجريو " غاد نولي في الطريق للاحتراف ..."هبطات عند ركابيه "
يوسف "عينيه غرغرو " : وايلي ...
مينة : والله ههههههه
يوسف "باسها فجبهتها " : الله يرضي عليك ابنتي هاكا نبغيك وصلي راسك وكملي وكافحي وفيقي على راسك ...نتي ديما رافعة راسي وراضي عليك لا نتي لا ختك عمركم خيبتوني الله يرضي عليكم "مسح عينو " هي شي حفلة ؟
مينة "شافت فماماها الي كانت جايا وقالتها ليها" : باركي ليا ...
مينة : غير سيمانة ونرجع ومن بعد غانرجع تاني نبقى تما تنكمل معاهم ...
يوسف : مزيان الله يسر ...
يسرى : غانديرو حفلة برجوع باباك غايبغيو يجيو ناس يشوفوه اللهم يجمعهم فنهار واحد وحفلة بمناسبة الخدمة ديالك ...
يوسف : وحتى يجي خويا الكبير منقدر ندير والو الى ماكانش هو خليت ليه بناتي رجعت لقيتهم احسن من الي خليتهم وها وحدة تبارك الله شوف فين وصلات ...
مينة : صراحة عمو فؤاد وياسين وايساف وكلشي وقف معايا فاش خرجت من الخدمة كيفاش خرجت ابابا نساليو ونعاود ليك كلشي دابا خلينا فرحانين ...
يوسف : على بركة الله ...الله يرضي عليك ...
مينة : احم ولكن واحد الحاجة ابابا الي مكلف بالشركة تما كتعرفو ...
بوسف "جمع حجبانو" : شكون ؟
مينة : رياض المرابط ...
يوسف : ايوى يالاه اسي بقا غايتناسب معايا هي الي بقات ....
مينة"شرعات عينيها" : ممممم ؟؟
وصلات الساعة الثانية عشر بالتمام ...سالات الامتحان الي كان عندها كملات وجمعات اداواتها وخرجات هي ووصال وخرجو بزوج ...
وصال : امتحان طويل اصحبتي ايديا عياو وانا مضاربة مع رقم يخرج ليا فحال لاخور ...
نوار : طويل بزاف حتى انا عيييت ...وماعرفتش الي عليا درتو تيوغيك تا هو خدمتو وعالله ...
وصال : ماعرفتش ان شاء الله ...اجي اشرف مغايخرج تا لوحدة ونص شكون غايوصلك انتي ...
نوار : غانعيط لختي مينة تجيبني ولا يقدر لقا شيفور عند الباب ...غايجي باباك ولا نوصلك معايا ،
وصال : لا غايجي بابا ...را هو نبقا معاك حتى يجي ليك شي حد ؟
نوار : لا بلاش متعطلي عمي غا سيري انا غانبقا هنا حدا الادارة بينما جاو ...
وصال : اووكي يلاه تهلاي ...مشات وخلاتها واقفة حدا واحد ضليلة قريبة الادارة ...كتسنا هزات تيليفون دوزات لمينة كيصوني يصوني حتى تحيد التيليفون من وذنها وهي ضور مخلوعة ...
نوار"الصدمة سرعان ما تحولات لابتسامة " : ياسييييييين هههههه ..."جرها لعندو معنقها وخاشي وجهو فعنقها غير مبالي بشكون كاين ولا مكاين كيعنق ويدوز على ضهرها بلطف ..."
ياسين : شكون غادي يجيبك من غيري وانا كاين ؟
نوار"بقات معنقاه" : انت هههه عاد وصلتو ؟
ياسين : حطيتهم وجيت مازال مادخلتش شفت باك ...
نوار "شافت فيه " : كيف بقا جنبك ؟
ياسين : مزياان هاد ساعة ...يلاه نمشيو ...
نوار : يلاه ههههه "خشات ايديها فدراعو عنقاتو منهم كتبان حداه كي القملة لاصقة فيه ...ركبات فسيارة وحتى هو وزاد بيها لفيلا نيشان فين جالسين دابا كل من يامنة ونجود ويسرى من بعد ما سلمو على يوسف الي مشا مع فؤاد لمكتب يهضرو على احواله وكلشي يحيدو الخوت شوقهم لبعضياتهم ...
يوسف : الله يسلمك اخويا بشوفتك نحمد الله تجمعت وسط احبابي ...
فؤاد : الحمد لله ...دابا مزيان صحتك ؟
يوسف : ولله الحمد هاني كنتعافر مع دوا تنكمل ...الحمد لله مع تحاليل وفحوصات را صحتي غاديا فتحسن داكشي باش خلاوني نخرج لكن بشروط ...
فؤاد : من الخير مع الصبر كيفرج ربي ...هي شي صدقة ؟
يوسف : صدقة وحفلة على ود مينة راك عرفتي ...
فؤاد : مينة تستاهل كل خير على بركة الله اخر السيمانة حفلة وصدقة ان شاء الله...
يوسف : وعليه ....…
…في الصالون …
يامنة : ايوى مزيان دابا البافيط مغاديش يحيدو ؟
يسرى : مزال شوية ...
يامنة : الله يشافيه والحمد لله على سلامتو ...دوزها منا خلعة ...
يسرى : بزااف كون تشوفي اول مابدا العلاج را صافي متشوفيش فيه صبر بزاف ...
يامنة : يوسف صبار بزاف معمري نسا خيرو معايا من اول فاش جيت عروسة هنا وهو واقف معايا ...خير انسان وخير نسيب معامن تناسبنا ...
نجود : ايوى خيرنا ميديه غيرنا هاهي بقات حتى خذاها ولد الجواد ...
يسرى : وييييي وكون تشوفي البارح اش وقع كنت على شوي يفلت ليا فمي ونقوليها را ياسين سمعك كتهتهتي بالسخانة عليه ...
يامنة : ويلييي والى عرفات مغادي يكون حتى مشكيل ...
يامنة"بحسن نية هضرات" : انا كنت متمنياها وخا كنت كنقولها بالضحك ولكن عمري ما كنت كنتوقع تبغيه من صغرها وتبني عليه امال واحلام وكانت عايشة على هادشي ...
يسرى : كون ما تزوجهاش كانت غادي تحماق والى عرفت انه سمعها غادي تحماق وتقول خداني شفقة ...خصوصا شاد ليها الخاطر بزاف ...
يامنة : كانت بانية عليه كلشي ...كون ما ربي كتبو ليها ماعرفنا فين نوصلو ...
دخل عليهم عند الباب كان جاي من عند فؤاد ودخل كيقلب على يسرى حتى سمعهم اش كانو كيقولو خصوصا شنو قالت يسرى وقف عند الباب كيسمع اش كتقول على نوار بغا يكمل لكن الجملة الي وقف عليها والي جات على مسامع ديالو مخلاتوش يزيد يستحمل ...
يوسف : ياسين تزوج بنوار شفقة ؟ ...
يسرى ناضت وقفات بجهد كتشوف فيه ...يوسف ...
يوسف : اش هادشي سمعت ؟؟؟؟؟ يسرى ؟؟؟ ...
نوار "دخلات " : بابا ...
يسرى "خرجات عينيها " : نوار ...
بقا واقف كيشوف وكيتسنى الاجابة من يسرى الي سمع منها هاد الكلام لكن دخول نوار خلا يسرى تخلع لكثر واش سمعت واش غاتقول واش غاتقول ليوسف كلو يااالاه فكها معاه ....
نوار : بابا
يوسف "ضار شاف فيها لقا ياسين جاي هو وفؤاد من بعيد " : بنتي جيتي ..
ياسين"ىصل هو وفؤاد لعندهم شاف فيوسف " : سي يوسف عالسلامة ...
يوسف "هز فيه عينيه يلاه غايهضر ولكن ولا سكت اش غايقول بلاتي يفهم من يسرى بعدا " : ياسييين ..."تعانق هو وياه شحال كيخبط ليه على كتفو ويهنيه بسلامتو ...."
فؤاد : دخلو لداخل ..."دخل سبقهم وتبعوه تاهما جلسو جميع فالصالون جتى جا صهيب والياس تاهما دخلو معاهم الهضرة والسؤالات على الاحوال والرجوع الى الاجتماع مع الاحباب ورجوع يوسف الغالي ...وصل الليل والعشا كيتحضر ويوسف الان باقي ساكت مبقاش هضر لكن طول الجلسة ديالو وهو كيبان ماشي تالهيه ...
مينة : بابا واش عيان ...
يوسف "شاف فيها" : نعام ؟ اا لا بنتي مزيان مزيان ...
يوسف : مرتاحة بنتي مع ياسين "ياسين سمع وهز فيه راسو " ...
نوار : مرتااحة بابا بزااف الحمد لله ...
يوسف : متاكدة ؟
ياسين : تشكا ليك شي حد مني ولا يوسف ...
يوسف "شاف فيه " : كتبقى بنتي وبالي ديما مسغول عليها ...وخا نتا ولد خويا نسول ونعرف هي اهم ليا منك ...
صهيب : ايوااا ....
ياسين "ما هضرش وخا ما فهمش هاد الهضرة كانها نوع من الهجوم بدون سبب ..."...
يوسف "نعل الشيطان ضار شاف فيسرى الي جالسة وحادرة راسها " : يسرى اجي بغيتك ...
يسرى : اا اه واخا ...
ناض مخليهم كيشوفو مكانش فؤاد طلع لبيت وتبعاتو يامنة ومشا خرج لجردة ووقف حتى تبعاتو كتلوي عليها الكاب حيث البرد ...
يسرى : يوسف البرد عليك غادي تخنق ...
يوسف : ماشي مشكيل ...شنو داكشي الي سمعت ؟
يسرى : شنو سمعتي باش نشرح ليك ؟
يوسف : يسرى فحال الى بغيتي تكتري الهضرة ونتي عارفة اش باغي نعرف ياك ؟
يسرى : احم ...يوسف معندك علاش تقلق ولا تشطن بالك الي قصدت انا فالهضرة راك عارف نوار ونواياها عارف انها حساسة بزاف ...
يوسف : راني وقفت وسمعت كلشي ا يسرى ....هضري الله يرضي عليك وقولي شنو كاين ...ماتعصبينيش...
يسرى "دوزات على وجهها وتاففات ومالقات من غير انها تقول اش قالت فالصالون " : هادشي الي قلت ...
يوسف : هادشي هو الي سمعت ...اشمن سخانة جاتها وسمعها ...يسرى واش غاتبقاي تخربقي ليا فالهضرة وتراوغي ؟ الله يرضي عليك هضري وهنيني مخي تشغل والي عطا الله عطاه ...
يسرى : واحد النهار جاتها السخانة قبل ميتزوج بيها ياسين وخربقات الهضرة هلوسات الحمى راك عارف ...وقالت شنو كانت كتسمع يامنة كتقوليها فالصغر وبالصدفة سمع ياسين كلشي ...
يوسف : كانت باغياه من الصغر ؟؟
يسرى"خرجات عينيها حيث الى قالت ليه را كانت كتبغيه من صغر غا تقواااد على نوار ههه " : لا لا د دابا داك نهار كانت تضحك معاها يامنة بهاد الهضرة و فليل جاتها سخانة ومرضات بعني هلوسات باشنو تقال ليها فداك النهار ..
يوسف : متاكدة ؟
يسرى : راني قلت ليك وزايدون انا قلت نوار الى سمعات غايحساب ليها شفقة هادشي را تقال فالايام اللولة فاش خطبها وانا هضرت معاه ماشي دابا دابا راهم قربو يديرو الولاد عاد غادي تنوا لا نتا لا هي ؟ يوسف هاني قلت ليك اش كاين نتا ديها فصحتك اما لا جيتي عليا را تانا كنعرف مصلحة نوار حيث راها بنتي حتى انا او لا ؟
يوسف : ما قلتش العكس مجرد سؤال او لا ؟
يسرى : واش انا عارفني نزوج بنتي ونعطيها لشي حد يشفق عليها ؟ وعلاش غايشفقو اش خاصها ؟ كيفها كيف الناس علاش غايشفق عليها ؟
يوسف : انا سولت وخاصني نعرف بناء على هضرتك ايسرى كيف كانت لداخل متنسايش راكي قلتي عنداك تعرف او لا ...
يسرى : عنداك تعرف هضرنا على الماضي ماشي دابا ايوسف ...دابا انا شرحت ليك ونتمنى ماتدير فبالك والو حيث لو كانت شي حاجة انا لولة امها غانوقف معاها ضد الناس ...وياك تجبد هاد الهضرة حيث معندها حتى شي داعي غادي غيز تجبد صداع وداك ولد الناس ديال ولد خوك الكبير الي جاي على قبلك مريض يدردف فطرقان باش يشوفك مايستاهلش داك الجواب الناشف الي عطيتيه ...وحتى ولو كانت الهضرة بصح ومتايقش فيه ف را الي عطا الله عطااااااه تزوجو ورا قربو يجيبو دراري فالمستقبل ...يلاه دخل را البرد عليك ...
بصح الهضرة الي تقالت مكان ليها حتى داعي لا من جيهة يسرى مكانش عليها تهضر فهاد الموضوع على رايها را ماضي اذن مكانش خاص يتجبد من الاساس ويوسف يفكر بشكل ايجابي فياسين الي كيعرفو وغايعرف نواياه ...خلاتو ودخلات وتبعها لصالون لقاهم باقين جالسين الا نوار طلعات تبذل حوايجها ...لقا ياسين عند الباب تاهو غادي طالع ...
يوسف : فين غادي ؟
ياسين : توحشتيني ولا ...
يوسف :وااا قداااش انسيبي ...
ياسين : طالع عند بنتك اسي نشوف واش شربت دواها ...
يوسف : حيث هي مكتشربش دواها والى مشرباتوش وسولتيها كتقوليك شربتو وعينيها كيدورو ...
ياسين "سرح ايديه " : عرف انها مشرباتوش ولا نساتو ...
يوسف : واش كتصنع الى موقفتي لوالديها عند الراس ...
ياسين : هادشي علاش طالع ...
صهيب : واسيير اولدي ومتعطلوش العشا قرب يتحط ...
الياس : ياسين من ورا العشا بغيت نهضر معاك على شي حاجة بغيتها من الفيرما عندك ..
صهيب : ناوي تجيب شي خرفان نشويوهم ...
الياس : ناوي ندير زردة نجيب ضرة على بنت المصفرط ..
ياسين : كنهضر فالحلال انوار يهديك الله "باسها تاني فعنقها مخلي ايدو كتطلع لفوق من تحت ضوني مطلعاه فنس الوقت وصباعو كينغشو حتى كتلوى ليه وسط حضنو الي غامرها من لور مع عريض مكتبانش من وراه ...
نوار : اممهههن ياسيييين كتهرني ...
ياسين "بدا يبوس فيها من عنقها ويمصمص " : مزيان داكشي الي بغينا ...
نوار : ياسيييين كتسناون...فييين اش غاتكمل وهي ضورها بسرعة قبالتو طاير على فمها بقبلة مخليها كتنين وسط فمو وشد ليها ايديها ضورهم على عنقو وايديه كيطلعو ويهبطو مع جنابها وخدام يبوس ويقول ما بست دفعها بجسمو على الماريو تا تزدحت ...
ياسين "هز صبعو وحطو ليها على شنيفاتها بقا حاطو حتى هبطووو وهبط ليها شنيفاتها وغادي هابط بيه هااابط حتى لصرتها وهو فنفس الوقت كيبوس وليد لاخرا ورا مؤخرتها استقرات وجراتها لصقت معاه وقف حيد تيشرت الي كان لابس كيلهت وجرها ضورها ولاحها فوق ناموسية وطلع فوق منها ...
نوار : العشا اياسين غايعيطو لينا و...
ياسين : العشا الى برد نسخنوه ...اجي نسخنك نتي
شكون سمعك انوار سيد غا يبدا يبرا ليه جنبو توالا ليك يحيد الشوق ويرويه على قولة فؤاد رمسيس ...
كيهضر فالتيليفون وفنفس الوقت شاد لابتوب وخدام ...حتى وقف عليه فؤاد مربع ايديه … جا مع راوية وايلاف العشا الي مقام برجوع يوسف ورجوع ياسين جاو يشوفوه جميع حتى هو ...بعد من الانشغال وضجة وقرر يخدم الخدمة الي عطاه الحبيب يعاونو فيها حيث تراكمو عليه الخدمة فالشركة بزاف وتطوع يعاونو ...جلس فالجليسة الي فالجردة مقابلة مع المسبح مستغل الهدوء ...
فؤاد"حنحن " ...
ايساف "شاف فيه وسد لابتوب ووقف " : خالي ...
فؤاد : جلس
ايساف "جلس " : هاني خالي .."حادر راسو "
فؤاد : مانسيتش اشنو درتي على مينة ...مكنساش تاحد من ولادي وحتى نتا منهم ...غلطتي وتعاقبتي وخا مكانش عليا نعاقبك كيما كان العقاب نخليك لمولاك لكن شي مرات التعدي على عبد من عباد مولانا مكاين الي يرحمو من غير رب العالمين كيخليك تدخل ...تعديتي على بنت الناس فوقت من الاوقات كان عندها واليدين وكتاب عليها المكتاب وعاشت اليتم والحرمان الي نتا ماعشتيهش وتكبرتي على نعمة الله وما عرفتيش بحقها ...
ايساف : عاارف ...
فؤاد : عشتي شنو عاشت هي وشفتي عيشة الناس الي بغاو اللقمة الي شايطة عليك تغنيهم والحوايج الي مبردينك مدفيينهم والما الي كتعوم بيه راوي عطشهم والفراش الي مريحك عيشة الملوك عندهم ...شفتي وعشتي باش كتعيط وتواصل مع الناس وضحك معاهم هما عندهم عجب ...
ايساف : هادشي كااامل عرفتو دوزت ايام الجحيم وتقلقت منكم فلول اخالي حيث عقاب واعر وصعيب متقبلتش من بعد نهار على نهار منعرف بحق العقاب اما النعمة وهادشي الي قلتي عرفت بحقو وضرني خاطري وضميري تحرك من اول ليلة ليا تما .. ربي يسمح ليا ...
فؤاد : دعي ربي تسمح ليك بنت الناس وخا غلطتو بجوج كتبقى يتيمة واما اليتيم فلا تقهر ...
ايساف "حدر راسو مابقاش قدر يجاوب"
فؤاد : الي عرف غلطو ورجا الله يسامحو قادر يدير ماكتر ويصحح اغلاط هما ..."طبطب ليه على كتفو " نهار تغلط غاتلقاني فوجهك حتى يدي مول الامانة امانتو. وديك ساعة تعلم تحكم فراسك وفاغلاطك ماعليش تبدا من دابا تعلم وتصحح وتقاد فطريقك وكون راجل يحلفو بيه رجال ماشي تكون ملاك كلنا بني ادم خطاؤون
ايساف : فهمت المعنى اخالي فهمت ...ان شاء الله يكون خير وسمح ليا قللت ادبي معاك شي نهار ...
فؤاد : نهار قللتيه دفعتي الثمن هاكا مع ولادي ماشي غير معاك كون انا نتعامل معاك خايب ونقلل منك مغاديش ندخل فيك عندك واليديك وعندك راسك راك كبرتي وقاد بمسؤليتك ...
ايساف : عاارف ..
فؤاد "ناض قاد كمايم قميجتو كيهضر ويشوف قدامو " : الاثنين رجع لخدمتك ان شاء الله ..."مشا وخلاه كيبتاسم كيشوف فيه غادي تلاقا بالحبيب هضر معاه شوي طبطب عليه ودخل والحبيب جا جلس حدا ايساف ...
الحبيب : كملتي ليا الخدمة ؟
ايساف : هااح نكملها احبي نكملها ازين ...
الحبيب : تحبك لفعة مالك وليتي خضر ...
ايساف "تكا ودار صباعو على حنكو متكي عليه وتيبتاااسم" : واش نقوليك راني رجعت لشركة تنين نبدا ...
شدها من تحت مؤخرتها مزيييررر عليها وبقا هاك بالاك هاك بلاك حتى حبس وتلاح فوق منها معنقها كيلهتو بجوج هي واحد الوجه ولا مطيشة وعروقاتها تكب كلها مصمصة وعريانة ولا قطعة قماش كاينة عليهم ...
مزال كيهضر معاها حتى صونا تيليفونو كانت يامنة الي زاعمة عليه وتعيط باش يهبط يتعشا ...
ياسين : شوي ونزلو الحنانة ...
قطع معاها ونزل على نوار بقج ليها شنايف ببوسة تا خلاها تنهج وشحطها لمؤخرتها بجهد تا غوتت كاع جنابها زوقهم بشحط ...
نوار : ندوش دابا دغيا ...
ناضت بغات تلوي عليها ليزار وهو يحدو ليها فرررر نزل من عليها مشات كتزرب عريانة قدامو مخلياه مشتح كيتسنا دخلات دوشات بالخف واقفة وخرجات كتنشف دخل تاهو قضا الغراض وخرج لبس تيشرت وبوكسير وشورط مشط شعرو لور ...
ياسين "عنقها بجنب " : مزال ما سالينا ...
نوار : ااااا ؟؟؟
ياسين : هبطي تعشاي وتعشاي مزيان ...مازلتي مادرتي والو باش دهشي ...سبقها خلاها جايا وراه وتحسبن ما خلا ليها ما تقول اش غادير هذا هو ياسين وسلام ...هبطو لتحت مشا جيهة رجال تحط العشا وتعشاو جميع عائلة متكاملة ...
من بعد ما تعشا يوسف كان غادي طالع باش يشرب الدوا ديالو الي عندو فهاد الوقت يلاه غايحط رجلو فالدروج حتى سمع تحنحينتو وصوته مناديه ...
ياسين : يوسف ...
يوسف "ضار عندو " : انعام ...
ياسين : اجي معايا بغيتك ...
يوسف : خبار الخير انت هاد بغيتك عندك نتا وبوك وراها شي قضية متاااخمة ...
ياسين "غادي سابقو مشا فاتجاه المكتب ديال باه " : وايلي عاد غاتعرفنا اسي يوسف ...
يوسف : وكل نهار حاجة جديدة اش غانعرف مانعرف ؟
ياسين"شد جنبو" : كل خير انسيبي ...
يوسف : هااا القضية فيها نسيبي ...
دخل شير ليه يجلس فالكرسي وسد الباب مشا تقابل معاه تاهو جلس فالكرسي داير مرافقو فوق فخادو وايديه مفرقين جامع غير صباعهم ...
يوسف : خبار الخير ...
ياسين "دخل ليه فالموضوع نيشان ديييما هادي عادتو حتى كيصدمهم معندوش قوة الزواق والنواق وداكشي .." : ماقلت ليك نسيبي حتى كنتي نسيبي وعمي وصاحبي ...نسيبي حيث واخد ليك بنتك وصاحبي حيث من نهار حليت عيني كانلقاك نتا لول حدايا وعمي حيث عمي خو الوليد اللقب الشرعي ...ولكن ما عمري قلت ليك نتا بات الجوهرة الي عطاها ليا الي
عطاني عينيه وحطهم ليا بين ايديا نتهلى فيهم مادرتهمش بين ايديا درتهم فعينيا ايوسف ...نهار بغيت بنتك لزواج هو النهار الي نويت فيه الحلال ...لا طبعي ولا شخصيتي ولا تربيتي تخليني نغصب راسي على زواج باش نشفق على شي حد ...طبعي راك عارفو الخاطر عندي منعادم علاش نزرف راسي ونتزوج باش نشفق من اول مشكيل نرجعها لدارهم ..."بغا يهضر يوسف وحبسو ياسين " عرفت من الخالة يسرى عاودات ليا ايوسف وماتلومهاش نهار لول هضرات معايا وخافت على بنتها فحالك ...
يوسف "هز ايدو وحطها وتنهد" : اش غانقوليك نهار عطيتها ليك را قلت ليك كيفاش دايرة فششتها بلا قياس ...انا فيا دوا نهضرو راجل لراجل اولدي ولكن هي الى فهمات ولا عرفات هادشي را صعييييب تقبل انها تبقا معاك ...
ياسين : ربي الي كيلاقي وربي الي كيفرق وحنا كنديرو السبب الي فيه البلا وصداع نبعدو منو ...
يوسف : نتمنى نتمنى اياسين نتمنى ...
دق الباب ديال المكتب ...
ياسين : شكون ...
نوار : الى بابا معاك قوليه قالت ليك ماما دوا ديالك ماتعطلش عليه وتكلم اياسين لعمو الياس بغاك ...
ياسين : هاحنا جايين ..."شاف فيوسف وقال " نتا مفششها وانا مفششها وهي مفششة عصبيتي وقصوحية شخصيتي راه جايبة عليا هبالها وبصحتها ...
نور الياسين الجزء 24
محتوى القصة
التنقل بين الأجزاء