على نغمات وكلمات السيدة فيروز ...الي كتسمع ليها فداك الصباح من بعد ما جات من الرياضة الصباحية الي دارت ...كتشرب كاسها ديال القهوة الصباحية ...التيليفون فوذنيها ....
مينة : ماكاين لاش نرجعو نتشاوفو ...
رياض : عارف مزال واخذة مني موقف ...
وإذا ضيعني الهـوى شي صيف.. بقلبك بتلاقيني..
وخبيني ولا تخبيني.. خـبـيني ولا تخبيـني..
لياليـك.. بعينيّ.. شبابيـك مضويّة..
سفّـرني يا حبيـبي.. سفرني بلياليك..
وأنا أقـول لا تنسى.. على طـول.. لا تنسى..
وعيـونك تاخدني.. وتوعدني بلياليـك..
لياليك..
مينة : موقف مواقف احداث شلا موقع فحياتي يخليني نعرف انني منقدرش نتبع السعادة كيف ماكانت ...حيث غادي ترجع عليا ببكا ليالي وعذاب ايام واكتئاب لشهوور ...
رياض : وشنو دابا ؟
مينة : خلي السعاذة الي تبعني ...سمح ليا بغيت نقطع جاني اتصال مهم ...
رياض : بلاتي مينة ماتقطعيش ...
مينة : سي المرابط بلا احراج الله يخليك ...
رياض : انا مصر نهضر معاك ضروري عارف مقلقة مني وعارف نتي واحد الانسانة عاطية وقرك لناس واكثرية للرجال ...مستقلة وباغا غير تكوني مستقبلك وانا مقدر هادشي ...انا بغيت نهضر معاك فواحد سيجي ضروري الى ما هضرتش معاك فيه غانبقا مازم ...
مينة "تنهدات " : كيف وليتي شوية بعدا ؟
رياض "بابتسامة " : الحمد لله لهلا يخطيك ...
مينة : كتقدر تخرج وتمشى ؟
رياض : شوي كيوصلني شيفور بطوموبيل ...
مينة : اذا نتا الي تجي عندي لهنا لازرو منجيش عندك انا ...حيث نتا الي بغيتي تشوفني ماشي انا ...
رياض "كان يحساب ليه تتسول فيه حبا فيه هههه كشماتو " : احم "عاود حنحن " احم ايه ماقلتي عيب ...فاش نخرج ونشد طريق لعندكم ...غانعيط ليك …
مينة : مرحبا بيناتنا تيليفون ...
قطع معاها حطات التيليفون رجعات كتشرب قهوتها حتى وقف عليها باها ...هزات فيه عينيها وضحكات احلى صباحات من بعد غيابه عليهم ولات كتصبح بيهم فاش كتشوفو كاين او راه وجوده حاضر فدار ...
مينة : صبااح الانوار بابا ...
يوسف "جر كرسي وجلس حداها " : صباح الخييير ...عاد جيتي من لامارش ...
مينة : شي شوية دخلت خذيت قهوة كحلة من عند ماما وجيت ...
يوسف : ماكرهت نمشي معاك وليني البحر تما ممنوع عليا هاد الفترة ...
مينة : غيير سيمانة ونرجع ...
يوسف : وامتا غاترجعي باش تشدي البروجي ؟
مينة : شهر من وراها نبدا ان شاء الله ...
يوسف : غايخصك تكري ولا يعطيوك سكنى ؟
مينة : فالغالب سكنى من عندهم ...
يوسف : الله يجيب التيسير ابنتي ..."هز فيها عينو " ...شنو وقع مع عز الدين ؟
مينة "جمعات الابتسامة " : اودييي ابابا اش نقول واش منقولش ...قصة طوييييييلة ابابا وخا كانت خايبة او قاسية كانت محزنة او كضر فالخاطر المهم النتيجة الي كتشوف فيها دابا قدامك ...
يوسف : الي هي ؟
مينة : انني فطريق الاحتراف فالمجال ديالي وفطريق صنع مستقبل ليا كيف كتسنى والمهم انني كنت وسط عمامي الي ماخلاونيش نحس انني وحدي وسط ولادهم الي مخلاونيش نتضلم ونعيش الضلم ويمشي مستقبلي ...بسبابهم انا دايا رجع ليا حقي وشرفي وانا دابا غاناخذ احد اكبر المشاريع ومع تعويض ...
يوسف : هادشي ماشي جديد على عمامك نتي بنتهم ...غير عاودي نسمع منك نتي ابنتي عاودي شنو وقع ليك وشنو ضرك ...الي عشتيه ومكنتش حاضر ليه قوليه والي قلقك فرغيه انا باك والى عاودتي غاترتاحي حيث من الي وليتي تعرفي وقلبك بدا يهز لهموم ونتي كتشاركيني فيهم ...
مينة : نتا عيان ونزيد عليك ...
يوسف : عياني غييير المرض ديال الذات ليه دواه وغايمشي نتي ابنتي الي دواك خرجي همومك وهانتي مرتاحة ...
سالات مراجاعتها وناضت كتحك فعينيها من تعب ديال دراسة ...تشبحات مزيان وتفوهات ورجعت جمعات كتوبتها ادواتها حتى صونا ليها التيليفون كانت نمرتو من بعد ما جلس ليه يومين اضطر يرجع لان شي مشاكل وقعو ليه فالفيرما وقرب يرجع لخدمة فاضطر انه يرجع ...
الحبيب : ومن بعد زيدي ندخلوك لمدينة تداخلي مع عباد الله ...
نوار : اووكاااي ...
ايساف : عنداك طيري لشي حد راسو ....
داكشي الي دارت بقاو معاها شوي بشوي خدامين كيوريوها تفاصيل كيفاش ترجع بلور ولا تزيد فسرعة بعض القوانين كيفاش طبقهم ...
ايساف : دابا نتا تتوريها فهادشي وكاع مكطبقو ...
الحبيب : قالها الي تيحرق ضو الحمر وشابع بروصيات ...
ايساف : امك ...
نوار : ندخلو لجيهة سوق ؟
الحبيب : ايساف رد بال معاها هاد الوقت دنيا عامرة ...
ايساف : مزيان ...
نوار ما تسناتش تا اش يقولو ليها دير وتبع معاهم دقة بدقة هي غييير صافي تيسرات وشحال من حاجة عرفات ليها تقريبا اغلبهم عقلات عليهم ودارتهم وصلات وهي تكسيري بجهد وطلعات ...
كل واحد مشا فين غادي ...سول ايساف على صهيب لقاو سارة ويامنة جاو من فاس ...لقاه فالمكتب ديالو لفوق ولا طلع لعندو دق عليه حتى رد عليه وعطاه الاذن باش يدخل ...
صهيب : متوقع هادشي او لا ؟ ياك هادشي الي كنتي باغي شحال هادي ...
ايساف : ههههههه ايه ايه ...
صهيب : كاين شي حاجة كضحك تما ولا عاجبك طنز الي وليتي عاطيه قتلة ؟
ايساف : افين طنزت اخالي يهديك الله ...دابا بغيت نسولك هي الي رفعات دعوى ؟
صهيب : هي مادام تزوجتيها صلحتي الغلط البنت فهمات راسها ومابغاتش تبقى تعذب وتضرب وتعنف ا ولدي ايساف ...
ايساف : من حقها لا من حقها ...
صهيب : ايوى هاني وريتك دعوى ...
ايساف : امتا الجلسة ؟
صهيب : الجلسة تحددات النص فالشهر جاي يعني شهر ديسمبر ما بقا والو ...
ايساف "حط ليه لملف وناض كيسوس فسروالو " : الله يجيب التيسير شكرا على الابلاغ ...
صهيب : هذا واجب ...ماشي شي حاجة مغانتعذبش حيث اتفاق بين طرفين كاين دغيا تطلقو ...
ايساف : داكشي الله يسهل عالجميع ...احم يلاه سلام عليكم انا خارج مع الحبيب ...
خرج من عندو وهبط لقا الحبيب باقي مانزلش مشا لجردة وجلس حتى جات مينة جلسات حداه كيهضرو ويضحكو ...
ايساف : لقات الكرا ؟
مينة : مزال تتشوف واحد زوج برطمات وحدة منهم غاتاخذها ...
ايساف : الخدمة ؟
مينة : علاش كتسول ا ايساف عليها ؟
ايساف : مزالها مرتي فالوراق من حقي نسول ...
مينة : مرتك خاص تكون فالوراق وشرعا وحتى فقلبك ا ايساف ولكن هادشي مكاينش وزواجكم ماشي حقيقي الوغ معندك بيها غراض ...
ايساف : ما قلتي عيب ..."رجع كيشوف قدامو داير ايدو على حنكو كيشوف فقطرات شتا كيطيحو شوي بشوي فوق ربيع كيبان كيلمع ...طلق نفس سخوونة خرجات دخان من فمو ..."
مينة : عندها واحد لايفينمون غاتحضر ليها هاد سيمانة ...
ايساف : شكون منضمها ؟
مينة : غير بيناتهم الكروب دايرين جمعة بيناتهم وداروها ...
نوار : انا مشيت عند بابا ومينة ..."ناضت خرجات من عندهم خلاتهم واشرف تخشا فواحد الكوان شاد تيليفون كيتكونيكطا بالبابجي ...مشات لصالون الي حدا الباب وهي دوز من حدا المري بان ليها الكونطاكت ووقفات كتشوف فيه وتبتاسم ...نوار من الاشخاص الي الى حطت شي حاجة فراسها ديرها يا طارت معزة يا نذبات بقرة ....
في هاد اللحضة كان سايق الحبيب غادين بغاو يشدو طريق افران حتى ...
هذا الشيء الي دارت را مااااشي فشوش وانما طيش وتحدي تحدات راسها من تاني مرة لازمها تعلم وبجنبها شي حد الي يزيد يخليها تعلم وطلق رجليها عاد تقدر تزعم وتهز طوموبيل راسها لكن الي خايب فيها هو انها بغات تعلم فدقة وحدة وليس خطوة بخطوة ....
رجع من طريق وقلب الدورة تبعها فين زادت بسيارة ...من نفس الطريق مشاو كيجرييييو ...
ايساف : ونااااااري نااااري ناري ...
الحبيب : طلب سلامة ميكون والو شقفتك حالها ساهل ...
ايساف : انا كنطلب ميوق والو هاااانية بغيت ميوقع والو باش لوح والديها فالبير يقلب عليها ياسين يقلب عليا يوسف يندب يحندب مااااسوقيش نبرد غدايدي وسلام ...
الحبيب : مصيبة كحلة هادي وحق الله ...بففففف...
اما واحد لالة مولاتي ومالي غاديا ومركزة مع طريق ولا من فوق هادشي غادية بسرعة دنيا كتنشنش بشتا والبرد ودنيا شبه خاوية فالمنطقة لقااات راحتها ...ماداتش معاها التيليفون ...شذات طريق البيست وغاديا راها غاديا طريق وحدة لا دوزة لا ضوضان لا والو طريق مسرحة ....حتى خرجات لشارع وغاديا بسرعة ....
نوار : وااااااففففف ...تفووو ...
غاديا بسرعة ماشافتش الضو الاحمر مزال ممتعوداش عليه فاتو وزادت حتى وقفها البوليسي كيشير بايديه ...
نوار "بلاصات جنب بغات تفراني هزات رجليها بزربة مشات طوموبيل وجات بجهد حتى غوتت " : واااععع ...ففففف ..كتقلب باش تحبس طوموبيل حيث بقات غاديا بشويييي ماحابساش حتى وقف عليها البوليسي كيدق فزاج ...
الشرطي : وقفييها وقفييييها ...حلي زااج ...
نوار "هبطات زاج " : واخا واخا ...
الشرطي : هزي الفرانامان را تما وغاتحبس ...
هزاتو كيف قاليها وهي توقف طوموبيل ...
الشرطي : نزلي اختي وعطيني الوراق ...
نوار "شافت فيه ببرائة " : ماجبتش البيرمي ديالي و ووراقها يمكن "شافت المجر لي جنب ضرباتو وتحل بان ليها واحد بوشيط ميكة مكتوب فيها اسم التامينات هزاتهم ...
الشرطي : كارط گغيز و لاسورانس والبيرمي ديالك كاينين ؟
نوار : كلشي كاين الا البيرمي راني غير هزيتها من دار هاني غير هنا كنتعلم نسوق ونطلق رجلي وبقيت تابعة طريق تا خرجت لشاريع ...
الشرطي : شحال فعمرك ؟ فين ساكنة ؟
نوار : عشرين سنة وساكنك هنا فالفيلات الي فالغابة هنا ...
كيهضر معاه حتى جات واحد سيارة BMW كاتكات كحلة وقفات ورا سيارة ايساف ...
ماسمعاتش معامن كيهضر حيث سادة زاج وفنفس الوقت هو بعد لهيه كيهضر ...حتى جات سيارة سوداء بي ام وقفات ورا سيارة ايساف ...تحل الباب وترجل منها بكامل هبيتو بكامل تخنيزرتو ونضرته المعهودة الوقفة والمشية كتخليك تبقا حال فمك شكون هذا الي بهاد الشخصية الي من بعيد موزونة ومتبتة وذات هيبة طاغية ...حتى دق عليها زاج ...
ياسين "مابغاش يبين را تعصب غمض عينيه تاااا خذا نفس " : شنو درتي انوار ؟؟؟ شنوو درتي ؟
نوار : ياسييين اهى اهى و...
ياسين"خنزر بجهد " سكتيييييييي من البكاا وهاااضري مقاد ...
نوار "رجعت الشهقة " : هء ...بغيت غير نهزها ونزعم نسوگ را مدرت والو غير حرقت ضو ما ضربتها مع تاحاجة كلكم خايفين لا نضربها را مندير والو راني ماشي برهوشة الي ندير هاكا اياسين اهى"جمعت البكية ومسحت دميعاتها" ...
ياسين "ماشعرش براسو تا غوت بصعرة " : مااااااااااتهزي تاااا خرااا كحل متهزي ماتقربي واش كانو معاك قبيلة ؟؟؟ صافي تسناي تايساليو ويعاود واحد فيهم معاك نجي انا ونعاود معاك ...علااااش كذيري الي قاليك راسك ؟؟؟
وصلو لفيلا لقاو كلشي جالس كيتسنا غير نزلات جرها فؤاد بجنبو معنقها حتى دخلو لداخل لقاو صهيب ويوسف واقفين ....
يوسف : نوار !!! اش هادشي درتي ؟ ااا ؟؟ اش هاد تبرهيش الي فيك ؟؟
صهيب : واش هبلتي ولا مالك بغيتي تهزيها هزي بيرميك قوليها يكون معاك شي حد ؟؟
فؤاد "حنحن تا شافو فيه وحد صبعو على فمو " : مالنا اش كاين ؟
يوسف : كون وقع ليها شي حاجة ؟؟؟
يسرى : الله يا بنتي خلعتيني عليك غا قولي راكي خارجة ...
فؤاد : مااالنا اش كاين ؟؟ واقيلة هضرت ؟ علاش هادشي كلو شنو فيها الى هزات وحدة فطوموبيلات ؟ ياك عندها بيرمي ديالها ماكاين حتى عيب تهزها وتزعم الي معندوش بيرمي تعلم راسو ...
يوسف : ماقلنا والو خويا غير يكون معاها شي حد تاتعلم مزيان ...
فؤاد : شكون علمك نتا ؟؟؟
يوسف "حدر راسو " : تعلمت. راسي ...
فؤاد : صهيب !!! شكون كان يهز طوموبيل بلا علمنا ؟؟؟
صهيب : انا خويا انا ...
فؤاد : علاش نتا تزعم ونتا وهو واشرف وياسين وكلشي الا هي لا ؟؟؟ اشمن عيب الى هزات وزعمات ؟ طوموبيلات كاملين فيهم الحماية الي معمرو قرب لطوموبيل مغايوقع ليه والو ..."جهد صوته " وتاااااااااحد ماتزاد معلم هنا "هز فيهم عينيه مخنزر بغيض " ...
بقا يعطيهم كلاش تابع لاخور تا حشمو وحدرو راسهم وهي مخشية جنبو تتبكي بالحس ...حتى طمنها وباس راسها يمكن فؤاد الشخص الوحيد الي كيفهمها ويفهمها ويوحها بطريقتو ويخليها تكبر وتوعى بطريقتو ماشي بطريقة الصراخ والتانيب والعقاب ...عطاهم كلاشات وفنفس الوقت حتى هي تعلم وتاخذ هادشي الي وقع بعين الاعتبااااار ...باس راسها وولات طلعات لبيتها لفوق مانزلاتش منو بقات تبكي حتى نعسات ...
يسرى "كدق عليها " : نوار بنتي هبطي تعشاي "حلات الباب عليها لقاتها مخشية وناااعسة فسابع نومة وتنخصيصها كيتسمع وسط نعاس ..."
يسرى : ماما فيقي ...
نوار "الصمت " ...
يسرى "تنهدات وناضت مخلياها على راحتها ناعسة ...خرجات من البيت طفات عليها الضو وهبطات لتحت لعندهم ...لقات يوسف كيشرب فدواه وغادي طالع لفوق ..." : كليتي ماكلتك ؟
يوسف : غير شوي مافياش شربت دوا وهاني طالع نرتاح ...
طلع لفوق كان غادي لبيتو حتى ولا غير الوجهة ومشا لعندها دق الباب ودخل كيطل ويعيط ...
يوسف : نوار بنتي ..."طل عليها فعلا ناعسة دخل وسد الباب وراه ومشا حتى لعندها فين ناعسة حتى تاكد انا مغطة كلها ومغنبرة فالمانطة ...جلس حداها حط ايدو على شعرها دوز عليه ...
يوسف : حمدي الله ما جاكش دابا تلقايه واقف ليك عند راسك ...تبتي ابنتي تبتي بغيتي الحاجة قوليها وميخصك خير ...فحال هادشي فكري فيه قبل عاااد ديريه ...تفاهمنا ؟
نوار "تلاحت عليه عنقاتو وباستو من ايدو " : سمح ليا وتصبح على خير بابا ...
يوسف : الله يرضي عليك ...
ناض من حداها وخرج من البيت مخليها جالسة فوسط فراسها كتشوف وتحك فعينيها حتى سمعات صوت طرن ...ضارت لقات ميساج من تيليفونها هزاتو لقاتو من yassine ♥️...
ياسين : غذا سيري لعيد ميلاد ومتعطليش بزاف ...
نوار "جاوباتو كضحك فرحها بهاد الميساج وخا معصب منها را حاضي صواريه معاها وفرحها وخا هكاك " : وااخا هههه يحفضك ليا ...رسلاتو بالفرحة ماتسوقاتش اش قالت المهم انها فرحت وصافي ويستاااهل تقوليه حتى كنبغيك وتفوتها ...نفضات فراشها
وناضت خشات رجليها فبانطوفتها ونزلات لتحت كلها شهية الي تفتحات ليها من هضرات مع باها وصلحو الامور ومن رسل ليها ياسين ميساج ...لقات ايساف جاي كان كيغسل فايديه باش يدخل يتعشا حيث لقاه العشا فالفيلا...
يوم جديد ...واقفة قدام المري كتلبس فحوايجها تريكو طويل ديال الخايط فالبيج الكول ديالو طالع وعريض ...لبسات معاه كولون مبطن سخون ديال البرد فالماغون ...جمعات شعرها لور ولبسات بوط فالبيج سوميلة ديالو مصاوبة على حساب رجليها دارتها فيه باش قادت ليها توازن سنتمتري ديال رجل لاخرا ...رشات البارفان ديالها ...تا كملات لبسات مونطوها هزات صاكها وساشية فيها كادو ديال وصال هبطات لقات يسرى ويوسف سلمات عليهم لقات مينة كتسناها ...
نوار : بابا انا مشيت ...
يوسف : هاد عيد ميلادات من امتا وليتي كتمشي ليهم ؟
نوار : وبابا حتى انتا غير بغيت نمشي وصال عزيزة عليا ومبغيتش نقلقها ...
يسرى : ماعليش را شاورت ياسين خليها تفوج ..
يوسف : لا لا معندي مشكيل غير جاتني عجب نوار تزعم تمشي ...سيري بنتي بالصحة ومتعطليش ...
مينة : يلاه دغيا ...
مشات معاها وصلاتها لدار وصال تما تاكدات تا حلات عليها الباب وسلمات عليها شيرات لمينة ودخلات وزادت مينة لريسطو فين دايرة مع رياض الي ولا اجل الموعد حتى لهاد النهار لضرف خارج عن ارادتو باعتذار منو ليها تفهمات الوضع ...
رجعو البنات ينشطو ونوار خدات راحتها حيدات المونطو وجلسات كتضحك معاهم ويتصورو وناشطين وتلعب بايديها مع الموسيقى ...وتيليفون كيوصني ومسمعاتوش بقا يصوني شي ستة المرات واكثر حتى سكت ....داز الوقت حتى صونا الباب ....
وصال "حلات الباب تصدمات " : اوووو اسلاااااااام ..."عيطات لبنت خالتها من كوزينة "نبيييييلة ..اجييييي اسلام جااا ...
نبيلة "ناضت تجري شافتو تلاحت عليه ضورات رجليها على خصرو دفن وجهو فعنقها " : باااااييبيييييي ...
اسلام : العمرررر ...
وصال : احم "نسااات نوار " دخل دخل ازين والله الى توحشتك ...
اسلام : ابلاااتي ...مرحب ب يونس ؟؟
وصال "طلات لقات واحد الولذ اش نقوليك تبوكيصة وتبوديرة وطولة ياااا جدكم شعرو قوي وكحل وملامحو حرشة ولحية ياا سلام اتزعطي بزز " : احم مرحبااا دخل اخويا ...
يونس "دخل كيبتاسم نطق بصوت خشن " : شكراا ختي ...دخلو وسدات الباب دخلاتهم لصالون لاخور بعيد على فين جالسين بنات لاخرين دخلات معاهم نبيلة ورجعات وصال قادت الحلوة باش تدخلها ويشعلو شمع...نوار عاد شافت تيليفون هزاتو كتولول ...
نوار : احم وصال عافاك نقصي صوت شوي ..."تسنات تا نقصات صوت ومشات خرجات لبالكون الي فنهاية الكولوار كتهضر " عااافاك سمح ليا والله ما سمعتو موسيقى خدامة ...
ياسين "عاقد ربعة فسطاش " : ديما نفس المشكيييل ؟؟؟؟
نوار : واا غاا برد برد والله راني هزيتو دابا وشفت اتصالاتك ويلاه غانعيط صونيتي قلت ليها تنقص اصلا هذا عيد ميلاد را ضروري تكون موسيقى مجهدة ..
ياسين : وحدكم ؟
نوار"مشافتش شكون دخل اصلا حيث دخلتهم وصال لصالون لاخور بعيد..." : غيير وحدنا خرجات ام وصال وباها ...
ياسين : وايلي ؟؟؟؟ بقيتو وحدكم ؟
نوار : اه غي حنا هنا بنات ...
ياسين "مسد عينيه بصباعو وزفر انفاس سخونة ييله غاينطق حتى ...تقطع صوت الموسيقى و ...
نوار خرجات عينيها من صدمة راسها شوك عليها اما واحد مولاي ياسين فالله واعلم كيفاش تلقى الي سمع ...
مااا عرفاش فين غاديا بيا ليام هاهي بدات تفتح وضحك ليا ولكن الي جرا ليا والي عشتو مرارا وتكرارا خلاني نخاف من الي جاي والمستقبل وحتى الحاضر فاي لحضة ...ملي حطاتها عند دار وصال كسيرات بسيارة لوجهة فين قاليها غايكون فواحد ريسو تما فازرو ...وقفات قدامو بقات شحاااال كتشوف متوترة من شوفتو مرة جديدة علاش هاد توتر كيوقع ليها ؟ الله واعلم ...نزلات من سيارة ساداها ومخليا ايديها على الباب واقفة شي خمسة دقايق وهي كتفكر حتى قاطع سهوتها وتفكيرها صوت الهاتف الي كيصوني ....
مينة "جاوباتو " : هاني عاد وصلت فينك ؟
رياض : انا لدااخل دافي برا كاين البرد ...
مينة : واخا انا جايا ...قطعات عليه وسدات المونطو الي لابسة الي كان فالاسود الدخان كيخرج من فمها بفعل البرد القارص ...وقطرات الشتاء الي خدامة ...دخلات لريسطو ومشات لداااخل فين نعت ليها وعرفات قلبات عليه بعينيها حتى لمحاتو جالس شاد الفون هازو لفوق شوي مقابلو مع وجهو حيث الباندة ديال لعنق مزال مفيكسياه ميتحركش بيه ...ورجل الي مهرسة مسرحها وطاقية الخايط فراسو عاطياه جاذبية خاااصة لا تقاوم ...
رياض "يلاه هز عينيه كيشوف واش جات حتى توقف عليها واقفة خاشية ايديها فجيابها كتشوف شير بايدو " : هاني ...
مينة "تقدمات ناحيته كلها توثر فلول لكن ضغطات على راسها " : سلاام "فكات ازرار المونطو باش تجلس... بغا يجر ليها الكرسي" لا لا غير رتاح .."جلسات " ..
رياض : شكرا على لاكسيبطاسيون ...
مينة : مرحبا ...
رياض : مابغيتش ناخذ شي حاجة حتى تجي شنو تشربي ؟
مينة : كاپوتشينو ...
رياض "شير بصبعو حتى جا عندو عطاه الطلبية ومشا ...ضار شاف في مينة " : علاش كنتي رافضة تشوفيني ؟
رياض : الحمد لله .."سكت شحااال كيشوف ويلملم الكلمات الي باش بغا يبدا " مينة رمسيس باش غانبدا وباش غانكمل ...الي بغيت منك هو تسمعيني حتى الاخيييير وديك ساعة الي بغيتي ديريه ...
مينة : تفضل ...
رياض : غانبدا بمهدي ولد خالتي خالتي فقط رضعات مع الوليدة واحد فترة قصيرة وخا خواتات برضاعة لكن علاقتهم ماشي قرااااب غير كيتلاقاو فمناسبات احيانا كيتسالمو الاحوال وصافي باش نقوليك علاقة وطيدة مكايناش ...
مينة : ايه و...
رياض "هز ايدو حبسها " : مهدي انا تعرفت عليه ف بروكسيل علاقة عمل ومو الي طلبات واحد نهار الوليدة باش نعاونو يخدم وبالفعل خدم تما تكونات صداقة بقات مستمرة ...نهار الي
جيت عندك لمكتب وتاهمتك كنت قبل مشيت لبروكسيل نقلب عليه حتى لقيتو بزز ...عرفت ان عمك فؤاد هددو ميوصلش المغريب او ميوصلش جيهة الي فيها انتي سولتو وعرفت انه نتي الي كان خاطبها حيث صداقة ديالي انا وياه متكونات حتى تفاقتو ومشا لبروكسيل هاجر
مينة : باش نصحح ليك ما تفارقناش انا ومهدي ...
رياض : كيفاش ؟ وشنو ؟
مينة"ابتاسمات ليه ونطقات " : فرقني ربي عليه حيث انا حسن منو ...حيث الطيبون لطيبات والخبيتون للخبيتات...والمعنى شامل بنادم كلو ماشي غير مهدي...
رياض"صرط الكلاش برشفة من القهوة الي جاب النادل ههه " : سولتو اش واقع وهو الي قاليا داكشي الي قلت ليك ...
رياض : كنعتاذر منك بزااف انا ماعرفتش الحقيقة كيفاش الي عرفت هو ان مهدي خبيث ونتي طيبة .."رد الكلاش بطريقة لبقة مدح ليها " ...اي كان وكيما كان انا كنعتاذر منك ...
مينة : نسولك سؤال ؟
رياض : تفضلي مرحبا ...
مينة : هو قاليك وكذب عليك وضلمني رغم انه غاتكون سولتي وعرفتي اش كاين ...علاش انفاعلتي ؟ ياك مشكيل بيني وبين مهدي نتا شنو مشا ليك تتنفاعل وتاهمني داك الاتهام ؟ عرفتي باش تاهمتيني ؟
رياض : عرفت وسمحي ليا مهما درت مغانقدش نوفي حقك فالاعتذار ...
مينة : مزال ماجاوبتينيش ؟
رياض "الضمت " ...
مينة : اعتذارك مقبول عرفتي علاش حيث عرضتي حياتك لخطر على قبل باش تجيب برائتي يمكن شفع ليك انك تيقتيني انني مضلومة وبريئة قبل متبان ...لو كنتي سولتي وتيقتيني قبل متاهمني قبل كنتي غاتعرف انني بنت ناس ماشي حيث عمي فؤاد وبابا يوسف غانكون طايشة وممربياش هادشي مكاين ف عائلتنا والي ذار ذنب كيستاهل العقوبة ...
رياض : عرفت ...
مينة "ناضت " : مجاوبتينيش على سؤالي حيث عارف انه معندك حتى دخل الي وقع بيني وبين داك سيد صلاة عالنبي ربي فرق ريوس كل وطبعو كاين زين وكاين الخايب كاين الشرير وكاين الخيِّر وكاين ولد لحرام ومهدي من نوع الاخير ...تهلى فراسك اموسيو المرابط ..."مشات "
رياض "هي غاديا وهو كيشوف فيها ماشية " : رد فعلي كان قاصح عليك وعلاش ؟ هذا هو جواب سؤالك حيث دخلتي لقلب ابنت رمسيس والي عطا الله عطاااه ...
فاللحضة الي عيط ليها وصال نسااات نوار يمكن تدهات او مشا من بالها او يمكن حيث دخلات هادوك لصالون كانو بعاد ...
ياسين "قطع عليها التيليفون مابغاش يزيد يهضر حيث الى هضر غايصدق خارج لعار وكلمة تقدر تجرح العمر كااامل ...لاح التيليفون وجلس مفرق رجليه حاط عليهم مرافقو وجامع قبضات ايديه عند فمو كلو كيترعد بالاعصاب ...
دخل عندو مصطفى لبيت حيث سمع صوته كيغوت جاهل ...
مصطفى : ياك شي باس مكاين ؟ مالك ؟؟؟
ياسين "الصمت كيبانو غير جواوح منخرو كيفرفرو كي الثور الي غايهيج فاي لحضة .."
مصطفى : الفحم !!! ...
ياسين "باقي داير ايديه في فمو هز غير ربعة صباع ونطق " : ساعة الله ...
مصطفى : لكل ديق مخرج ولكل كربة فرج ...
ياسين "الصمت صدرو كيطلع وينزل ...شاف تا عيا عرفو واصلة بيه فهاد الحالة تا حد مكيهضر معاه باش مايهيجوهش والى ناض خااايب صعيب يتهدن ...داكشي باش بدل ساعة باخرى وخرج من البيت ...بقا ياسين جالس جالس على اعصابو ...الصعرة كتنغل فيه من لداخل صدرو تنفخ كون لقا شي حاجة ينطحها ويبرد غدايدو ميكرهش ...ليس انه خبات عليه وليس انها ماقالتش ليه را كاينين لااا عارف انه هادشي ماديروش لكن هادشي كامل حاجة وحدة كتاكل فيه وهي الغيرة المجنونة ...
ماحداهش بعيدة عليه ماحداهش هذا الي نطق بهاد الكلام ربي جا من جيهة الولد اما شكون يفكو منو الى ما طحتو عصا ...بقا هاكاك حتى صرخ بحر جهدو دنيا تما تصمكت حتى بح صوته ....
بقات كتسنى حدا الدار بعدات شي شوي وضرگات باش متبعهاش وصال الي كانت تتصوني ليها حتى طفاتو عليها ودخلات بلوكاتها من الاتصالات وهي كتبكي وتنخصص ...مسحات دموعها صونات لمينة لقات تيليفونها خارج التغطية ...بقات تصوني والو ماقدراتش تعيط لباها ولا لمها حيص غايتخلعو عليها ...حتى صونا ليها ياسين تاني ...
قطع عليها وهي دوز الخط لقات غي هو الشخص الي مولفة تتعيط ليه فاش قبل ماتزوج والي كان اقرب شخص ليها فيهم كاملين الشخص الي ديما كيشوفها حزينة كيخرجها نهار كلو يدورها حتى يرجع ليها مودها ...جاوبها ديك ساعة ماعطلهاش ...
نوار : هاني نرسليك العنوان اهى ...واخا هانا ...
بقات جهد شي ربع ساعة جاب الله كان فازرو ماكاينش في فاس وهي عارفاه كاين فديك اللحضة على ود الخدمة شداتو فازرو على قبل شي سلعة تما ...مسافة ربع ساعة حتى وقف ليها عند رجليها بالسيارة الي هزات راسها ...
ايساف : لا مغانوصلكش حتى تقولي ليا مالك وتهدني عاد نديك لدار ...
نوار "بقات مخشية فيه كتبكي تبكي حتى سالات " : احم ...
ايساف : تسناي ..."ترجل من سيارة قطع شانطي شد قرعة الما من واحد الحانوت تما ودخل " ...هاكي شربي وتنفسي عاد هضري ..
يمكن عيات من توبيخ الناس ليها يمكن تضغطات زيادة عن اللزوم يمكن هي عيات من هاد طبع الي فيها ...يمكن حسات بضغط شديد من ناحية ياسين اش تشرح ليه واش تقول وهي ما بيدها والو ...يمكن يمكن ...الي باين وواصح هو انها انهارت وعيات وانفاجرات يمكن جات فايساف لكن ماعليش المهم خرجات اش تضغط فيها ....
ماهضرش معاها خلاها كتشرب وتنفس وكسيرا بيها حتى وقف قدام واحد المقهى ...
ايساف : نزلي ...
نوار"بامتناع " : غييير خليني عافاك ..
ايساف : واغير نزلي غاتمشي عند جداك ولا دار ووجهك هكاك ؟ باين مقلقة من طيارة غاتفقصي باك وجداك مطفراه ؟ ...نزلي هضري ونصلحو اش غايتصلح ...مخاصمة مع ياسين ؟
بقلة حيلة ونفاذ صبر نزلات دخلات هي وياه لقهوى لداخل جلسو فطابلة طلب لييها حليب او شكولا وهو كاس قهوة مقطرة بسكار زيادة ...
ياسين بقا جالس فوق الناموسية كيتنفس بعصبية حتى جاه ميساج منها بالي جا ليها ايساف قراه وقراه وعاود قراه حتى بقا كيشوف فيه طفا ديفغويا تيليفون (يعني تسد ) وهو كيشوف وصدرو كيغلي ونااااري الي جا جبدو فهاد اللحضة ناااري ميعقلش عليه لكن مع الاسف ناض وخرج من البيت خبط الباب بجهد حتى تزعزعو الحيوط ...هبط لتحت وخرج برا مشا منير عند الخدامة لقا اسامة جاي ...
اسامة : خويا ...
ياسين : شنووو ؟؟؟؟ شنووووووو؟
اسامة "خلعو " : و والو غير دوك الخرفان واحد منهم مولاه قال تاي...
ياسين "غوت حتى ضارو الخدامة الي خدامين فالزيتون كيسوسو فالشجر بواحد العصا ومفرشين ميكات كبار تحت كل شجرة ..." : شنوووو فرعتو ليا كر كري اش كاين مكنعرفو تقضيو تااا قل*** راسكم ؟؟؟ ضروري ياسين دير فعل ترك خرا ...قضي راااسك قضيييي راسك را قد شحط الحماااار ..."مخرج عينيه لواحددرجة منضر وجهو كيخل عروق فراسو تورمو وعنقو تجبد ...
اسامة : واخا خويا سمح ليا ...
ياسين : طير من كمارتي دابا تقاااااود عليا ...
سالم : اسامة سير قضي اش وصيتك اولدي سير ...
مشا اسامة مافاهم والو اما ياسين ركب فالسيارة الي تما وكسيرا حتى تهزت وضارو روايد فالخوا مخلين العجاج طاير تما تا تسمع صوت الكسيراتو والفران مجهد خلا عباد الله كتشوف ...
سالم : يااااربي السلامة ...
اما فهاد اللحضة جابو ليهم الطلب ديالهم حطو قدامها وهي دايرة ايديها على حنكها من بعد ما كملات ليه الهضرة على شنو وقع ...
ايساف : شكون هاد سلگوط ؟؟
نوار "شافت فيه " : وااااه انا فين غانعرفو ماشفتوش فاش دخلو والله ما شفتهم انا هادشي الي فراسي وماكدة عليها ...
ايساف : ماشي مسالة ثقة بلا متحلفي غايثيق ولكن مسالة الغيرة على هادوك الي دخلو القضية كلها معلكة وهو را شوي مجهد بزاف كاع على نقشة وتجي القضية فمرتو راه تفكيرو بلدي هو ...ماعليك غير تبردي ...
ايساف : ااااارا معندك غانتي والكلبة الي كاينين فهاد البلاد ...طلعي لفوق غاتلقاي نوار ...
طلعات لفوق سبقاتو لقات نوار جلسات حداها من بعد نا تسالمو ...
صفية : نوار ؟!مالك ؟
نوار : وااالو ...عيطت لايساف يوصلني مالقيتش الي يجيبني من عيد ميلاد ..."صونا تيليفونها شافتو "
ايساف : جاوبيه ...
نوار "بقات كتشوف فيه تشوف وهي تقطع عليه وطفات التيليفون بخطرة " ...
ايساف "تصدم من رد فعلها ..." اااش درتي ...
نوار : احسن نطفيه ونعطي تيساع والي بغا يوقع يوقع ياك انا الي خايبة ومفششة وكندير وكندير ؟ كضغطو عليا بزاف يا اما كتفششوني يا اما نوار لاش كديري لاش كديري توار سكتي نوار علاش كتبكي نوار نوار نوار دارت غير فالقرايا اما حاجة اخرا لا بزاااااف على نوار بزااااااف ...
ايساف : طفيتي تيليفون على ياسين المسخوطة غاتنوضي علينا رفع ؟ شعلي تيليفون ...
نوار : سوقك ؟
ايساف : ياك اخبزي ...
ماعرف ومابقا فهم والو منها ...صفية مافهمات والو اصلا اشنو الموضوع ...شي مرات كتصرف نوار بعفوية وكيجيوها مشاكيل من وراها شي مرات كتصرف بلعاني براسها القاصح شي مرات مكتعرفش تصرف وكتبرهش ...يمكن تصرفاتها بهاد شكل قد ما هي عفوية وزوينة ولكن ماشي فمحلها هي انسانة فعمر الواحد والعشرين تقريبا انسانة كبيرة وخاص فسنها تكون واعية وكل مكيدوز عليها زمن تكبر فعقلها لكن لقات لفشوش قدامها وضصارة طبيعي هادشي الي غايوقع ف شخصية نوار الزمن والتربية من جديد هو الي غايخليها نحك وتنجر ...
صفية : اش واقع انوار ...
نوار "عوجات فمها بحزن " : الي واقع هو عييت من انني نحلف بالي ماشي ذنبي ووالو الغوات الغوات وتنهصير (تنفاخ ) ...اي حاجة درتها كتجي ضدي واخا نكون ناوياها خير وخا تكون نيتي زوينة عمري مكنفرح ...
ايساف : وفنضرك طفي تيليفون حل ؟
نوار : احسن ...
صفية : غايتخلع عليك ...
نوار : هو قاليا متعيطيش ليا حتى نعيط علاش هو يقول وانا لا ؟ ...
ايساف : لا حول ولا قوة الا بالله ...
صونا لايساف فالبلاصة ...
ايساف : سلااام قول من رب رحيم ..راجلك ...
نوار "كتشوف فيه ماقالت ليه لا طابت لا تحرقت غا كتشوف وساكتة "
ايساف : لجهنم ؟ والله وتعتب شي وحدة تالصق ملتها مع داك الحايط نتي (على صفية ) راك فتي سيبة لهيه "خنزر غيها واحد تخنزيرة ديال فاش كان كيضربها " ...ونتي فاش يجي راجلك قوليه راكي فشي خلا تلاقاو تما...
نوار : مابغيتش نهضر لا معاه لا مع غيرو بغيت نمشي لدار ياك عارفني لباس سولك عليا وصافي والى جا مرحبا بيه ...
ايساف : هايهاي على جون سينا تقدي عليه ؟
نوار : شكون ؟
ايساف : الي ..."نسا راسو كان غايقوليها الي كواك ههه ) احم زيدي قدامي نوصلكم ...
صفية ماهضراتش مازادت معاه كلمة مافيها مايزيد يتغانن معاه ولا تصدق فشي صداع هي في غنى عنه لانه عطات تيساع ولقات راحتها مادام وقفات على رجليها وبعدات من حياة التشرد ...كان فيها ما يدعيه ويدخلو لحبس لكن شنو ذنب واليديه الي عاونوها ووقفو معاها وطلبو سماحة نيابة عنه ....
وصلو عند سيارة سبقات نوار وركبات لور تلاحت انا صفية بغات تركب حداها حتى شدها من مرفقها جرها بجهد وسد الباب ووقفها
الطريق كلها وهو ينگر عليهم اكثرية نوار الي فقصاتو بهتد التصرف حيث تيعرف طبيعة ياسين وشخصيتو اكثر واحد تجيه لضد الرعد يضرب والعافية تشعل والو فات تتعصب ماكيبقاش يميز الصح من الغلط ممكن يغلط فيك حيث ببساطة هو شخص كيبغي العدل المعقول غااا جيه نيشان وماتشديش الضد فالحاجة الي عارف ومتاكد انه فيها مصلحة ليك ولا ليه ومتاديش اي من الطرفين تاكليه بحوايجو ...
ايساف : راه مكيشدس الخاطر انوار خاطرو ضيق بزاف وعصبي بزاف ولكن حنين ومعقول ...ونتي راه فتي الفشوش وضصارة لهيه بغيتي رايي ونصيحتي را الى ضيعتي ياسين من ايديك غااا سيري لوحي راسك من سطح ...
نوار : علاش ديما هو الي مزيان وانا الي خايبة ؟؟ علاش ديما تتقولو ليا هاكا واش ماعيقتيش ا ايساف "بداو دموعها ينزلو " واش تانتا كتقوليا هاكا ؟ نتا الي ربيتيني وكنتي اقرب واحد ليا وليتي كتقوليا هاكا ؟؟؟
ايساف "غمض عينيه ودوز على جبهتو بتعب غادي سايق ضار شاف فصفية الي كانت كتسمع ورجع شاف فيها من المرايا " : يا بتي راني عليك على مصلاحتك را نتي اقرب ليا من ياسين راكي ختي وبنتي وعشيرتي ...انا بغيت ليك الي حسن منك ...وياسين را حسن منك وماكاينش الي تيهلى فيك قد الشخص الي حسن منك ...
نوار : مابغيت والو دابا غير وصلني وسير فحالك عمري باقي نعيط ليك ...وماتبقاش تهضر معايا...
ايساف : لا غانوصلك طبعيهم ونرجعك بغيت نهضر معاك ...
صفية : فاش ؟؟؟
ايساف : فشي حاجة "دور الكونطاكت ديمارا وزاد بيها حتى لمدينة وشتا كتصب بلاصا قدام المكتبة .." شنو بغيتي طبعي انا نطبع ليك ...
صفية : هادو كاملين مغاديش تعرف ليهم خليني نهبط نقضي اصلا مابقيتش بغيت نطبع اجلت تال غذا نتا الي جبتيني هنا ...قول اش بغيتي تقول ورجعني بغيت نراجع را عندي امتحانات ...
ايساف "بنفاذ صبر " : واا عطيني الورقا دغيا بلا قوة الهضرا وااااا صحبييي قويتي عليا بلا فايدة "جهد صوته " طلقي لهنا "بتخنزيرة "
صفية : ففففف
ايساف : غانهرس ليك فمك ...
صفية : هادو كاملين الي فهاد الملف واحد طلب استمارة ديال المعهد الي غانبدا نقرا فيه في فاس العام جاي ...
ايساف : مزال تقياد على داك المعهد اش زاربك ؟
صفية : لا باش يعيطو ليا من لولين ...
ايساف : باش تقراي عند الشارف ؟
صفية "كمشت حجبانها " : شكون شارف ؟
ايساف : الي قربت نخلي عشتو ...
صفية"تتفكر " : المدير ؟ "غوبشت " ونتا مالك نقرا عندو ولا لا ؟ من هنا لتما غايكون كل واحد شد طريقو ...وا مافهمتش والله ...واش عطيتك تيساع علاش وليتي غير تابعني ؟
ايساف "بدون مايجاوبها هز الملف والوراق وخرج ورك عالكونطاكت وسد عليها البيبان خلاها كتجدب ما فهمت فيه والو ايساف الي كان مشبعها عصا وكارهها ونابدها هاهو لاصق فيها وماعاطيهاش مجال فين يتنفس ...واش عقاب وانتقام بطريقة جديدة منو ؟ ولا اش مافهمت والو فقط انها بدات كتخنق من تصرفاته
حتى باش تعطيه تيساع وتبدا حياة جديدة الي بدات فيها ماخلاهاش ...
صفية : اوووف ااووووووف ندمت على النهار الي خليتك دير فيا مابغيتي وعطيتك شرفي برضايا ندمممت تفوووو ااهق "بغات تبكي وحبستها " ...
مشا لمكتبة دغيا طبع ليها الوراق الي بغات ...
ايساف "وجه كلامو لمول المكتبة " : عفاك هذاك ...
الشعور بالندم اقوى واصعب احساس ممكن يواجهو الانسان فحياتو ...انك تندم على شي حاجة كيما كانت شعور كيبقا ياكل فينا ياكل وكيعذبنا هصوصا الى كنتي ضالم شي حد وندمتي عليه ...فما بالك لو ضلمتي انسان ييتم لا حنين لا رحيم ؟ ....
ايساف "تم راجع فايدو ساشية ولايد لاخورا زوج ملفات ملف الاصلي والملف الي فيه النسخ الي بغات ...دخل حطهم ليها فوق حجرها كيقاد فسانتيغ بالخف وديمارا" : كلشي تما ...
بقات كتشوف فايدو الي بقات شادة ايدها كان شاد فيها غامر ايدها بكفو الي كبير مقارنة مع ايدها البسيطة الي على قد الحال ...وفنفس الوقت كتشوف هاد الراجل الي قدامها اش كيصنع بهاد التصرفات الي ولات كتحاشاه وتحدر راسها طالبة السلاك غير باش متجاحدش معاه ويركع يمد ايدو عليها الي ولات عندها فوبيا تقريبا من العنف الجسدي اكثر من النفسي ...
صفية : فلوس البحوث وهاد ساشية اشنو فيها باش نخلصك خليني نشوف ...
ايساف : ديك ربعمية مكمشة الي مادا سيري شري بيها زريعة وديك ساشية تحليها دابا راسك يلصق مع داك جاج ...بغيتي تعرفي شنو هي فاش تحليها غادي تعرفي شنو هي ...تزيدي كلمة "فرانا بجهد تا غوتات كان وجهها غايخرج من زاج كون ما سانتيغ " غاتخرجي من داك باربريز الي قدامك ...
صفية "شدات علو صدرها خلاها كتقفقف بالخلعة " ...
كيف ذخلات سلمات عليهم من بعيد وطلعات لبيتها خطاويها مراجلين وغاديا وكتفكر واحد راس كيقوليها زدتي فيه واحد راس كيقوليها خليك طافية تيليفون والي بغا يوقع يوقع ...دخلات حيدات حوايجها ولبسات بيجامتها دافية فحال قبية بالقب ديال الموبرا فالغوز وسروالها تاهو هابطة على المؤخرة ومستيلية ..جمعات شعرها وبالها
مشغول قلبها كل ساعة كيبقى يضرب اااه عارفاه خايب الى تعصب وبزاف هاد التصرف الي دارت غايكون جاي يخلي عشتها ...وفنفس الوقت حالفة ما تعشل تيليفون ...
نوار "هزات كتافها " : خليه يتهنى شوي من صداعي انا انا اناااا ديما اناااا ...خليه يتنفس راااسو ...خلات تيليفون وخرجات من البيت نزلات لتحت ...لقات باها جالس مع فؤاد وصهيب والياس والحبيب ...بانت ليها صفية داخلة ووراها ايساف ...ابتاسمات ليها وطلعات لبيت تبدل ...
صهيب : عيط ليا البشير بغا شي سلعة من البرازيل ...العود المليح باغيه لشركة الي فجديدة الي بنتك اسيدي تولاتها ...
يوسف : مرحبا واش كتسنى سبقو ...خيرو سابق ...
صهيب : وضروري نعلموك
الياس : انا غانمشي مع مينة لجديدة بما اننا غانتكلفو ليه بسلعة غانبقا معاها ديك سيمانة ...
يوسف : الله يحفضك اخويا مزيان ماتبقاش وحدها ...
فؤاد "نطق كيف العادة تا سمعهم كلهم عاد نطق هو" : الحباب جنبها مايخصها خير الى مشات وحدها تعلم تحمل مسؤليتها هادي من الخير وفضل ..(زعما الى معاها عمها را مزيانة والى كانت وحدها را احسن حيث غاتعلم تخدم وحدها وتسافر وحدها )...
الياس : وايييه غير لقاتني صدقة وصافي من بعد فاش تبدا الخدمة الفعلية ديك ساعة راه غاتكون وحدها ...
يوسف : امتا طالعين تما ؟
الياس : بعد غذا ان شاء الله غانمشيو فطوموبيل ديالي جات سبت والحد نضربو دويرة نيت وتنين نبداو ...
ايساف"بلعاني" : واش ماهضرش معاكم ياسين ؟
نوار"خرجات عينيها وصرطات ريقها حسات بقلبها كيضرب فحلقها.ياودي ياودي على جبهة وسنطيحة الي بغات دير "
فؤاد"داير صباعو على فمو مركز" : مالو ؟ ...
ايساف : غير هضر معايا قبيلة وقطع تيليفون ..
يوسف : لا مهضرش ...
فؤاد : الى قطع هضر معاه الى تشغل بالك سول فيه ...
ايساف : داكشي الي درت تيليفونو طافي ..
فؤاد "هز تيليفون ودوز الخط فهاد اللحضة نوار كون لقات تقتل ايساف " : طافي ...
يوسف : نوار !!
نوار "قفزت " : هممم ااه بابا ...
يوسف : عيط ليك ؟
نوار : احم قبيلة فاش خرجت من العيد ميلاد وقاليا متعيطيش تنعيط ليك ...
الياس : صافي هذا مشفول فشي قنت ...راني درت معاه نرجع من جديدة ندوز عندو بغيت شي زيت بلدية من عندو نرسلها لدراري ونجوى تما ..
يوسف : خليه دابا يسالي ويعيط ...
ناض فؤاد والبقية مشاو يصليو المغرب وبقا ايساف والحبيب ...
اما واحد الجهة وبالضبط البيت الي باقا فيه صفية هاد اليومين فانتظار تحول لدار جديدة الي غاتقرر باش تاخذها وتكريها دفع عامين مسبقا من راوية بزز باش قبلات حيث خسر كتييير عليها...بدلات حوايجها بحوايج الدار ومشات لساشية الي عطاها ايساف هزاتها وحلاتها...كتهز وتشوف كانو زوج ديكسيونير فرنسية وانجليزية وزوج دكيسونير فرنسية وانجليزية مترجمين بالعربية وباكية ستيلويات ملونة ومذكرة فيها الالوان ب ستيلو ديالها فيه ريش فالغوز ...وجوا صغير حلاتو فيه ورقة مكتوب فيها...
ايساف : بدي ياكي تتحمليني ها الايام وب ها الوكيت (هاد الوقت) لداك الوكيت بدك ما تواخذيني ...ومنك السماح ..."بقات غير كتشوف وفنفس الوقت مصدومة" ...
نوار : ياكما تقلق ولا مشغول ولا وقعات ليه شي حاجة ...
ايساف : انا الي كنعرف فياسين الالة الى دار هاد لقطة عرفيه وصل لافان فالطوب ديال الاعصاب ...
نوار : هي اش ،دابا اش نذير راني شرحت ليك انا عيييت "بغات تبدا تبكي " واش ممنحقيش نرتاح من ضغط ؟ حتى هو كيطفي تيليفون وكيبعد علاش هو اه وانا لا ؟
ايساف : قوليها ليه ياك كيقوليك بدلي ساعة باخرا يعني كيعلمك ؟ حتى نتي كان عليك تقوليها ليه ...دابا يا معصب ما بغاش يخرج لعيب معاك يااا ...
نوار : اش ؟
ايساف : جاي منير فطريق على ودك ...
نوار"فشلو ليها ركابي تا شدات فكرسي الي تما جلسات " : و واش غايدير غايضربني ...
ايساف : مع اقرب حايط يلصق والديك ...دابا تعشاي شدي ركنة عيط مرحبا ما عيطش خلي تيليفون ولبديها …خايفة على باك ؟؟ مغايدير والو فدامو ...فصباح وفاي لحضة تلقايه عند راسك ...
صااافي داكشي الي خاص وبقا ليها كملو ليها ايساف وبلعااااني دار ليها هاكا باش تعلم تولي تحكم فتصرفاتها وتدير بحساب الي جاي ...داكشي الي دارت دخلات تعشات بينات كان شيئا لم يكن باش ميعيقوش وباها ميتقلقش ...حتى وصل وقت النعاس الي ماجاهاش اصلا ...طلعات البيت بقات تسناه تسنا يعيط وووالو ...حتى دازت بيها عينيها ماحلتهم تالصباح ناضت نفزوعة لبسات حوايجها بزربة وجمعات ادواتها وهبطات لتحت قالت را غاتلقاه تما والو لقات كلشي كيفطر ...صبحات عليهم ...وجلسات فطرات وعقلها مرفوع ...سالات وناضت دوزات ليه الخط نفس شيء كيصوني وووالو واش جاوبها...
مشات مع الحبيب عند راوية هي ومينة يتغذاو تما...ومشا معاهم اشرف تاهو داز داك الغذا عندهم ضحك الا عندها هي غا كتسمع طوموبيل وقفات كتوقف كتلقاه يا ايلاف جا او شيفور جاب شي مقدية ...عيطات لاسامة كيقوليها مشافوش لان اسامة سافر لشي عروبية لواحد الفيرما ...
ايساف : واتبتي لارض را مجاي حد ...ممساليش غا تهناي ..
نوار : ب باش عرفتي هضر معاك ؟
ايساف : كون جاي كون صبح هنا جلسي لارض متعيقيش ازمر ...
بقات هاكاك كتنوى وتسنى وتقول دابا يجي ووالو واش جا حتى داز النهار تاني بالحساب ووالو نفس شيء ...كيصوني كياكد ليها انه بخير بدون ميقولها ليها غير انه تيليفونو كيصوني هذا دليل على انه بييخير ...
بقات هاكاك كتصوني كترسل ميساج ليه فواتساب مداخلش ليه تقريبا يومين ماشي يومين كاملة وانما تقريبا ...ولات هي بغات غير تسمع صوته ووالو خلاها على خاطرها يمكن ؟ او يمكن مقلق منها انها دارت ليه هاكاك او خلا يومين بدون مشاحنات باش ميضطرش يدير شي تصرف الي مغايعجبش ؟ ولله اعلم اش كيخطط بقات هاكاك كتقول را هو هذا والو ...خصوصا فاش كتسمع شي فران كتولي تجذب بالخلعة ....
وصل الليل وهي تعشا وطلعات لبيت بدلات حوايجها ولبسات ضوني ساتان وشورط ديالو زادت ف دفئ الغرفة من الكليما ...هزات التيليفون كتصوني ليه تاني لكن هاد المرة لقاتو طااافي ...
نوار : اويلي علاش طفاه...ياكما مريض تاني ...
بقات تصوني وتعاود نفس الشيء ....دوزا لخط لايساف الي عاد كان خارج من دوش كينشف صدرو هابط منو الما قطرات ...مشا ليتيليفون هزو جاوبها ديك ساعة ...
ايساف : خبار الخير ...
نوار"بخوف " : طفاه
ايساف : وايلي ...عاودتي سولتي اسامة ؟
نوار : ماكيجاوبوش تاهو ...بدا كيخلعني ...
ايساف : غالبا مشا لشي قنت فين يبرد ومنها ترباي شوي يحساب ليك واش مسالي ليك انوار كل مرة يجي على قبلك بنادم را كيعيا رديبالك وحتى نتي الى عييتي غير قوليها وقولي ليه بغيت وقت تانتي من حقك وتاهو من حقو ..
نوار : عيييت انا بغيت نرتاح ونريح ناس مني ...
ايساف : تاااهو را عطاك وقتك منها ومنها عطا وقت لراسو… واااا اصحبتي را جبدة من مراكش لهنا ...كل ساعة غادي جاي فطيارة يحساب ليك بنادم غا وصل وقطع ؟ رخفي ورخفو ..وتانا رخف را كل واحد كيتعلم من اغلاطو ...
يحساب ليك كنقوليك هاكا انا ملاك ؟ راني جربت وشفت وتشوفت ودابا كنشوف من منضورو هو ومنضورك ومنضوري وكنعطيك نصيحة من قلت ليك خلي تيليفون شاعل خليه متقطعيش عليه ....
نوار : دابا خلعني عليه وندمت والله تا ندمت هاني كندور ونرجع لنقطة ديال انا الي كندير وكنجيبها فراسي ونادي الي معايا ...
ايساف : واش هو غايتقلق منك انوار عطيه ساعتو وكي عطاها ليك ...رخفي كي وخف عليك ويرخف كي رخفتي عليه ...ساعة الله ،،.
نوار : واخا يكون خير ...
قطعات معاه ...
بقا بالها مشغول حتى ندمات على الوقيتة الي فكرات طفي التيليفون عند بالها غايجي ديك ساعة بقات هاكاك حتى مشات بيها عينيها ...
الرابعة فجرا الاذان كياذن ديك الساعة معلن على صلاة الفجر ...
جااااي بسيارتو بواحد السرعة رهييييييييييبة غادي منير مكيشوفش قدامو شكون دايز وشكون جاي ...كيشوف فنقطة وحدة وهي قدامو يوصل ليها وهذا ماكان ...فواحد اللحضة دوبل واحد السيارة فخط متاصل حتى بان ليه الكاميو جااي الكاميو ....
ياسين : تت شيييت كيكلاكصوني يكحز ووالو بغا يرجع لقا وراه عامر طوموبيلات كيكلاكصونيو وهو بينو والكاميو مسافة طويلة غادي وتنقص باقتراب الشاحنة وتنقص تنقص حتى طلق كلاكصون مجهد ...غوت على حر جهدو ...حتى فاقت ....
نوار"كان كابوس حلمت بيه" : ياسين ياااسييييين "بقات تا تنفست …تشعل ضو عند راسها هزات عينيها لقاتو واقف مربع ايديه كيشوف فيها …تهزات وتحطات بالخلعة حتى غوتات ..."
الي وقع لنوار فهاد اللحضة هو المعنى الحقيقي ديال حلمت وتحققات ليا الحلمة هههه ...بقا بالها مشغول معاه جميع الافكار السلبية والايجابية طاحو فبالها والمسيطر اكثر هما الافكار السلبية ف مادام ماجاوبهاش اطن وقعات ليه شي حاجة خصوصا فاش طفا التيليفون وهذا هو التصور الي وقع ليها والي كيوقع لكاع الناس ...بقا صدرها كيطلع وينزل حمدات الله انها حلمة ...يلاه تنفسات حتى تشعل ضو هزات عينيها لقاتو راقف مربع ايديه
نوار "صرخات باعلى صوتها كمل ليها تمام " : وااااااااااااععع ...يا ي ياسيييين م ماما ...
ياسين "الصمت ...ما بادلهاش العناق هي الي بقات معنقاه .."
نوار : سمح ليا ..
ياسين "حيد ليها ايديها ووقفها تا شافت فيه " : رجعي نعسي ...
نوار : امتا جيتي ؟
ياسين : صباح نهضرو ...
كانو هادو هما الكلمات الي قالهم ليها ما زاد لا كلمة بعدها ...لا الوقت كيسمح انهم يهضرو ولا انه فمود باش يهضر معاهت لحد الان كااتم الغضب ديالو في سبيل انها ماشي حمل يهضر معاها بطريقته فهاد الوقت ....رجع دخل لدوش بدل حوايجو كان عاد واصل من الطريق الليل كلو وهو كيطحن فيها بدون ميرف ليه جفن ...خرج لقاها جالسة فوق ناموسية وكتشوف ماعارفة اش دير واش مادير ...
ياسين : شنو هضرت ؟
نوار "شافت فيه ببرائة " : طار عليا نعااس ...
ياسين "هز من جيب باكية الكارو والبريكي جبد من الماريو جاكيط ...شاف فيها وهو كيلبس " : قد ما تعطل غادي يجيك الوقت ماشي ديال لهضرة ...رجعي نعسي من بعد من بعد ...
نوار : واجي تنعس فين غادي ...
ياسين "مكيشوفش فيها وغادي فاتجاه الباب حلو ونطق " : لا ...
سد الباب وهبط لتحت لقا فؤاد توضى وصلى الفجر وكيلبس فجاكيط وقف تسناه حتى هبط ...
فؤاد : تحركنا ؟
ياسين : في امان الله ...
خرج هو وياه خرجو من الباب وشدوها بجرية فديك الطوالة ....كيديرو لامارش وهما فخضم الرياضة تفتح الحديث من طرف فؤاد ...
فؤاد : ماتقصحش معاها ...
ياسين : ممساليش لعب الدراري ...الوليد انا ماشي مسالي كل مرة نجي من بلاد بعيدة ونطحن فطرقان باش نهضر معاها ؟ عندي خدمتي عندي تمارة الفيرما رزقي ...الى تبعت تبرهيش غادي نتبرهش شي حاجة ماقضيتها ...
فؤاد : مولف تخدم ونتا بعيد ...
ياسين : قبل منخدم فالبنك ...الى ضصرت على رزقي وتفششت عليه جات عليا رزقي انا الي خاسر فيه ولا رابح ... البنك خدمة ماليها رزق ناس مأمنينو عليا ...
فؤاد : صبر مابقا والو وتمشي عندك بمرة ...ديك ساعة عوم بحرك معاها ...غانجي نقوليك نتا الي تصبر ونتا الي تبقا تصبر ...راجل عارف بحق الصبر والدمير ...شافي عمرك كلو ضارب تمارة ...صابر لبزاف وما قصح ...
ياسين : ايه ؟؟
فؤاد : تجي مرتك منك وفيك بنت ماعندها عقل الزمان الي كيدير العقل غاتغلبك ؟ خليها لزمان ينجرها ...نهار تجي عندك ديك ساعة مسؤليتها بزز منها تحملها ،،.ماحدها واليديها حداها ومعاهم سميها فترة الوداع مع الوليدين وفترة تشبع من فشوشها معاهم وديك ساعة منك ليها ...
تعلم تصبر وتحاول تصبر حتى تجي عندي وديك ساعة راها حدايا وبين عيني انا عارف اش ندير معاها ومشاكيلنا بيناتنا وحنا سادين علينا بابنا ومعارفنا حد اش درنا ...
فؤاد : فهادي غلبتيني ...يكون خير ...
تحركو كملو لامارش تا ضربو نيييت مسافة شي ساعة وزيادة ورجعو لفيلا كل قصد بيتو ...دخل فؤاد لقا يامنة عاد فايقة توضات وصلات ...
فؤاد : عمارة داري ...
يامنة : راجلي بات ولادي ...هههه
فؤاد "قرب ليها وجرها عندو حاوطها بايديه متبتها عند صدرو ..." : شحال جهدي كل نهار نشوفك كيف اول نهار شفتك فيه ؟
يامنة : شوف انتا ...مامليتيش مني ...
فؤاد "حدر راسو تا باسها في فمها بقا مطول فالبوسة حل عينيه وفمو باقي في فمها ...نطق " : درنا الولاد وزگينا الوتاد وجايينا الحفاد اعمارة دار ...نمل منك الى كان اسمي غير فؤاد رمسيس ومرتي ماشي يامنة غزالي ...
بان الضو وصبح الصباح ...كان يوم السبت ...تسالمت مينة هي والديها وختها مودعينها هي والياس حيث غايشدو طريق لجديدة وتيسرو فطريقهم ...
يوسف "نازل من دروج " : فين ياسين ؟ قالو ليا جا فالفجر ..
نوار : ها ..اه طالع لفوق ...
يوسف"شافها لابسة " : غادية خارجة ؟
نوار : اه انا وياسين "قلبها كيضرب "
يوسف : اللهم يسر هاني فاالصالون الى سول فيا ...
نوار : ماما مشات لكلينيك ؟
يوسف : مشات دفع شي وراق ومشات تشوف شنو غادي فالعيادة الي غاتعزلها بعيد على الكلينيك ...
نوار : اه صافي ...
دخل يوسف لصالون وهي بقات تما جلسات فوق الفوطوي حتى تم هابط من دروج كيقاد فكمايم القميجة كحلة مدوش ومقاد ...وفدراعو فيست ديال دان مارون ...قرب لعندها كانت شادا تيليفون حتى شمات ريحتو هزات فيه عينيها ...
ياسين : يلاه ...
نوار : واخا ...
ناضت تبعاتو سبقها لسيارة وركبو بزوج فاتجاه اين ؟ هو الي عارف فين ...ملي رجع من لامارش بقا جالس فجردة فداك الكز كيكمي كارو تابع لاخور ويفكر ...وكل مكيفكر كيزيد يتعصب ويجعر ...اش كيفكر وفين غادي ولاش توصل هو بوحدو الي عارف اش كاين ...
خذا مسااافة ديال طريق وخرج على ازرو بسيارة ديالو الي جا بيها من مراكش ...حتى دخل لواحد البيست وصلاتو لواحد التلة كطل من الفووووق على مدينة افران ووقف ...
ياسين "كيفك فسانتيغ وحجبانو عاقدين " : نزلي ...
نوار"ماعارفة اش كاين كون غا سلخها كون لباس لا هو ساكت وهاد سكوت فحال الى سلختيها وكون سلختيها ارحم ...تاهي فكات سانتيغ ونزلات من سيارة ضارت لعندو فين واقف ..." : ياسين ...
ياسين "مع قالتها مع نطق بواحد صوت مجهد طارت ونزلت تا شدت فصدرها " : ااااااااااش ااااااااش انوار ؟؟؟ ياسين يااااسييين ياسين كل مرة ياسين ....علاااش طفيتي التيليفون ملي ياسين ؟؟؟؟ شنو كتسناي ؟؟
نوار : طفيتو حيث عييييت كل مرة انا الي كندير كل مرة نوار ...كنحلف ليك بالله مافراسيش واش كاينين ماشفتهمش واش درتها بلعاني ؟؟؟ علاش كدير هاكا كتخلعني وكل مرة كتغوت عليا ...علاش حتا نتا كطفيه وكتقوليا بدلي ساعة باخرا "نزلو دموعها " نتا اه وانا لا ؟ حتى انا بغيت نرتاح ونبدل ساعة باخرى ...
نوار : ماتشديش معايا ضد والي بغيتي ديريه جيبي عليا فشوشك "كتمسح دموعها " ديري الي بغيتي ...
ياسين : ونتي اش درتي ؟
نوار : طفيت تيليفون ...فاش طفيت تليفون حتى نتا خاصك تفهمني كيف كاطفيه عليا كنعرفك باغي تبدل ساعة باخرى ....
ياسين : كتعاندي ؟
نوار : لا ولكن انا وصلت لواحد الوقت عييت من ضغط وقت حسيت براسي انا الي خايبة ...انا الي كندير ...اي حاجة وقعات نوار ماديريش نوار غاتجبدي المشاكيل ...نوار تابعها النحس ...نوار ماتحركيش بطوموبيل راسك غاتقلبيها ...نوار نوار ...كلشي خايف عليا ...وحيث غانجيب المشاكيل ....و..."حدرت راسها وسكتت "
ياسين : شنو كملي ؟؟؟...
نوار "هزات كتافها " : ونوار مبرهشة عقلك صغير ديري عقلك تحملي مسؤليتك راكي كبرتي وتزوجتي ..."هزات فيه عينيها حمرين " كلشي بشوي اياسين وغانتعلم ..اه انا برهوشة وعفويتي جايبة ليا تبرهيش ولكن عمري ماكنت كنوي نية خايبة ...هادشي كامل حيث انا نوار الصغيرة المفششة فاش كيوقع مشكيل
را نوار بفشوشها جابت المشاكيل ...مكتكبرش عقلها ...
ياسين "بقا كيسمع ليها عض شفايفو وضار جيهة لاخرا قرب عند التلة الي كطل من فوق على ارتفاع عااال جدا ...هز راسو لسما تااا تنفس وبقا هكاك شحال جهد عشرة دقايق ...عاد صار لعندها لقاها حادرة راسها وكتلعب بصباعها " : اجي عندي هنا ...
نوار "هزات فيه عينيها ومشات لعندو بدون خاطر .." ...
ياسين "بقا كيشوف فيها كيشوف باش بلاه الله وبيمن تزوج " : غادي تقتليني انوار ...تصرفاتك بغيتي ولا كرهتي ديال الصغر ...عقلك سنو كبير ونضجو صغير ...عشرين عام عندك فين غاديا ؟
نوار : كتجي واحد الوقت عندي وفطبعي كنعيا وكنتصرف هاكا ...ولفني هاكا كيف بغيتي نولفك فاش كتعصب "شافت فيه " من حقي ؟
ياسين : شكون قال العكس ؟ وشنو قلت ليك ؟ بغيتي تبقاي وحدك علميني ...وقت طفي تيليفون على غفلة عندو وقاتو ...اما الوقت الي طفيتي فيه تيليفون مكانش وقت مناسب ...
ياسين"المسخ وخا معصب " : الله اودي من الخير ...نعطيها ليك معمرها تقادا ...
نوار "عنقاتو وتنخششت فيه " : لهلا يخطيك عليا ..."دارت صبعها في فمها كضحك " ...
ياسين : كبري عقلك قد ما الانسان كيصبر …الصبر كيدبر والخاطر كايديق ويتقادا ...
هبطات من لبيت لقات فطريقها نجود سلمات عليها وحادرة عينيها ديما كتحشم منها وكتحس بواحد الاحساس فشكل كتحس بيها قريبة ليها ...كتحس بيها فحال كتشوف امها الي غادرتها وخلاتها لا حنين لا رحيم ...
صفية : خالتي كيف بقيتي ...
نجود : وانحمدو الله ابنتي ...غاديا لقرايتك ؟
صفية : اه عندي شي سوايع ليوم مع سبعة العشية ...
نجود : الله يوفقك ابنتي ...
صفية : اللهم امييين ...
نجود : لا يقوليك تمشي من عندنا غادي نساوك ديما جي زوريني ابنتي ومتغبريش ...حسبيني ميمتك حسبيني ختك حسبيني جداك المهم ماتغيبيش ...
صفية "باست ليها راسها " : كوني هانية نسا كلشي الا نتوما منساكمش خيركم سابق ...
نجود : الله يسر ليك ...
خلاتها وخرجات كتزرب على برا الفيلا ...تمشات مسافة باش تخرج لشارع وكتمنى تلقا طاكسي ...والو حتى بانت ليها سيارة ايساف جايا كان قريب الحال يضلام ...
صفية : ونااااري امتا نرحل امتااا ...
ايساف "وقف السيارة حداها هبط زاج " : فين غاديا فهاد الوقت ؟؟
ايساف "شاف قدامو شوي تا تمت غاديا وهو يهبط من السيارة وضار مشا لعندها شدها من دراعها...ضارت شافت فيه لقات عينيه مشربنيين .." : ت حركييييييييييي طلعي ...
ايساف "ضورها هكاك شادها تا داها لطوموبيل حلها ودخلها وضار هو لبلاصتو وركب " : علاش شدان ضذ ملي هاكا ركبي وزيدي فين غاديا ...بلا فريع الكر ...
صفية : واش انا قلت ليك لا صافي اسي واااه ...
ايساف : ياك لباس ؟؟؟؟
صفية : والو وصلني وهنيني ...فففففف ...
ايساف"ضار خنزر فيها ورجع شاف فطريق " : تزيدي تاففي نعرف شغلي ...خليني مزيان باش نكونو مزيانين غاتفرعي لديلمي كري بديك سيديا ديال ياك حنا غانتفرقو غانعاود "كيضور فصبعو " نقوليك افلانة من هنا لتما نتي محسوبة عليا مابغيت ندي تقليد ...براكة الي داز ..
صفية "حطات راسها على زاج كتشوف فطريق مابقات هضرت حتى وصلها لبلاصة فين كتقرا سوايع الاضافية ك تكوين ..." : شكرا ...وشكرا على الكادو ...
ايساف : لا شكر على واجب ...وبالمعنى ...
صفية : مافهمتش ...
ايساف : هذا واجب عليا ...مايحتاجش تشكريني ..."يلاه غاتنزل حتى لمح سيارة ...اينا سيارة ؟ ماغريباااش عليه ...صغر عينيه كيشوف حتى عقل عليها كانت سيارة خالد المدير الي فش " ...هذا اش جاي يدر هنا ؟؟؟
نزلات مافاهمة والو ونزل تاهو ...جات بغات تدخل حتى تم جاي هو بنفسو لعندهم ...
خالد : بونصواغ ...
صفية "بابتسامة. " : بونصواغ موسيو خالد ...
ايساف"شدها جرها بلباقة جابها وراه وقرب لعندو" : سي المدير زيارة هنا ولا صدفة ...
خالد : زيارة وفنفس الوقت صدفة وقعات زوينة وجينا نشوفو الحباب ..."حول نظره لصفية. " عندك الكور دابا ؟
صفية : اه عندي دابا ...
خالد : ايوى دخلي شنو كتسناي ...
ايساف "كيشوف فيه بنضرات نارية " : كتسنى تسلم على راجلها "ضار عند صفية حتى سلم عليها بلابيز خلاها مخرجة عينيها ...قرب عند ودنها كيبان فحال بايسها ولكن فنفس الوقت مستغلها باش يهضر" : جمعي عينيك وضحكي ولا نتقبهم لجدر والديك ونرجعو مساخيط تاني "ورك عليها فجنبها تا ضحكت بزز "
صفية : ااااا ههههههه يلاه نخليك ..احح...
ايساف : هالي مابغينا دخلي دعيناك لقتال المشاش ...
دخلات بسرعة كتجري هاربة وتاالفة ومبعدة من كلشي ...اسلاك ولات طالبة تتعطي تيساع وهذا الله مع ايساف....
خالد"ابتاسم بزز" : ههه فرصة سعيدة مسيو رمسيس ...
ايساف : رمسيس ابو جودة ...
خالد : على اي ...احم اه قبل منساا منسيتيش اعتذار على داكشي الي درتي لروايد ؟
ايساف : انااا ؟؟ مالهم روايد اش درت ليهم ؟
خالد : شوف نتا ...
ايساف : بالعما واش عقلت انا ضواصا ديالي كتار مكنعقلش كاين ضوصي الثقيل نعقل عليه وداكشي الخشبيش ماانكذبش عليك مكنعقلش عليه اذن روايدك ماعقلتش عليهم ...الى بغيتي تقدر دعيني دير فالمحضر خسر ليا روايد ...
خالد : بففف "مشا وخلاه اش غايدير معامن يهضر يدعيه على روايد فشهم وهو قادر يشريهم مرات عديدة " ...
ايساف : اسيير الله يغرق ليك روايد ...
كان يا مكان يا انسان حكايات ال رمسيس عمرها تسالي مهما طال زمان ...هادي هي دنيا يا انسان يوم ليك ويوم عليك ...وهاكا مشات واش غاتدي يا فلان الي جمعتي من دنياك من اعمال ...جالسين رجال فواحد اللحضة من اللحضاات الي جمعاتهم ...ومعاهم فؤاد راس الكبيرة ديال دار ...
صهيب : نهار تنين ا خويا خاصك تحضر الاجتماع ...
فؤاد : ان شاء الله ...
تحط العشا هاد المرة مجموعين مخلطين ماشي مفروقين حيث كان بنادم قليل كاين الي سافر لفاس وكاين الي خرج مع تلاقات بالسبت الويكند كل فين مدخي العائلة كبيرة وكل راس واش قاصد واشمن اشغال عندو ...فؤاد كلا غير شوي ومشا لمكتب يخدم …
اشرف : نوار تنين مكايناش القراية بلا متجي ..
نوار : بصح ؟ اش واقع حيث انا اليوم عندي خاوي اصلا ...
اشرف : علقو اعلان حيث العطلة غاتبدا الاربعاء والاتنين وتلات كاين اجتماع وامتحان ديال شي مهنيين كان ديجا عندهم تكوين ...
ياسين : من الخير "ايدو خدامة كتمتد لورا نوار " الاثنين صباح بكري نتيسرو ...
نور الياسين الجزء 25
محتوى القصة
التنقل بين الأجزاء