اما اليتيم فلا تقهر ...ف عن ابي الدرداء (رضي الله عنه ) قال : اتى النبي صلى الله عليه وسلم رجل يشكو قلبه، قال : "اتحب ان يلين قلبك ، وتدرك حاجتك ؟ ارحم اليتيم وامسح راسه واطعمه من طعامك يلن قلبك وتدرك حاجتك ".
ان ترحم يتيم ان تساعد يتيم ان تفرح قلبه هادشي الي وقع مع اشرف فوسط عائلة رمسيس ماحسسوش انه متبنى وغييير كيخسرو عليه فلوس وكيقريوه لااا بل حسسوه انه فعلا ولدهم خوهم منهم وفيهم رجعو ليه حقو كيف ممكن يرجعوه لواحد فيهم يعني را ما ناقص عليهم بوالو ...هكا فرح وحس براسو انه فعلا منهم وفيهم ...قضية هشام تلفقو ليه
تهم الي بصح دايرهم وجا الوقت الي ربي سلط ليه ياسين وحتم ليه ورباه ورسلو من لفوق فين يتربى وهادشي قدام عينين اشرف الي رتاح قلبو وحس رجع ليه حقو وهذا مكيعنيش ان الي سمعو من هشام على والدين اشرف را غالط كيبقى بصح ولكن طريقة باش تقالت جرحها اكبر وعميييق ...
تماسا الحال رجع اشرف لفيرما واخا مزال قلبو مجروح لكن احسن من قبل عالاقل حس بالدفء الاسري معاه حس بخوه الكبير الي فعلا حس بيه خوه الكبير بصح وخا ماشي بالدم ....اما ياسين رجع لبنك حتى كمل الخدمة لقا اخت عيسى مشات خذات الرد منهم ...اما
فنفس الوقيتة وفي مدينة ازرو كانت واقفة كتشوف فالدويرة معاها راوية كتقلب وتسول ...
صفية "حدرات عينيها " : مزاال وبغا فرصة كيف قلت ليك ولكن انا فكرت حتى فهضرتك غير هادشي الي عارفاه ومتاكدة منو ..
راوية : وباش جاوبتيه ؟
صفية "هزات كتافها " : ماعطيتو حتى اجابة ...
راوية : شوفي بنتي نتي فحالك فحال اي بنت حلمت تمنات بغات ...خاصك تعرفي ان الحلم شيء والواقع شيء اخر تماما ...لا جيتي تفكري بمنطق ماشي كلشي كيصدقو ليه الاحلام كيف بغا هذا الى تحققو ...وانا ماشي مابغيتكش انا ولدي متستاهليهش نتي حسن من ولدي بالف درجة ....
صفية : وانا على هضرتك وهادشي الي قلتي والي عشت عرفت انني ماشي من سهمو
راوية : ماشي ماديا ابنتي نتي ماشي من سهمو حيث نتي قلبك كبير ودغيا كتسكتي على حقك وتحني راس ...يقدر يرجع يحگرك ونرجع تاني نهز همو وهمكم بجوج ...ثيقي بيا ولدي الى رجع بغا فرصة غير باش يصحح الغلط ديالو لا غير ...
صفية : عرفت اخالتي عرفت ..."تنهدات " انا دابا بديت حياتي نستقر هنا هاد اليومين ونرتاح بمرة ...
شوية وهو يتم جاي سمسار الي بقا كيهضر برا مدة كافية حتى وقف عليهم ...
راوية : معاش نجيو باش تسني العقد ...
السمسار "باسف " : مدام مع الاسف دار ماليها مابقاوش بغاو يكريو ...
صفية "خرجات عينيها " : كيفاش ؟؟؟
راوية : كيفشا مبقاوش كيتفلاو ؟
سمسار : غير سمحي ليا والله ما عرفت حتى اتاصل بيا مولاها كنعتاذر منكم ...الى بغيتي عطيني يومين نشوف ليك وحدينات غيرها ...
راوية : لا شكرا الله يسهل ..."جرات صفية الي مافهمت والو وخرجو من تما "...
سالا الخدمة ورجع لدارو لعند احبابو ومرتو وخوتو ...وقف السيارة هز من حداه واحد ثلاثة ساشيات وحدة غوز ولاخرينات كحلين ...هز الفيستة فدراعو وخرج تا كمل الكارو طفاه برجليه ساس حوايجو ودخل لداخل سمع صوت الضحك والهضرة ارتاح قلبو من جيهتهم كاملين ...ياسين قد ما هو صعيب وقاصح قد ما قلبو حنين وبيض كينور الي حداه الى خدمو وقت ماحتاجيتيه تلقاه هادشي علاش نورالياسين....
ياسين "حنحن ...لقاهم جالسين كيضحكو وشادين فنوار كيف العادة ...حتى ضارو شافو فيه واولهم نوار الي ابتاسمات بفرحة وناضت لعندو " : كاندي ديالي ..."باس راسها وهبط ايدو ورا ضهرها كيمسح عليه "
نوار "بورشها وحشمها بديك كاندي حتى طلعاتها تزنيگة " : احم عاد وصلتي ولا كنتي غير هنا عند الخدامة (حيث وقت الزيتون كيكونو الخدامة خدامين ليل ونهار ناس كتعبر وطحن وامولا نوبة ) ...
ياسين : لا من مراكش لهنا ..."شاف فاشرف " مزيان صحتك هاد العشية ؟
اشرف : الحمد لله خويا بيخير ...
ياسين : بقا متبع دوا متنساهش...
اشرف : واخا خويا ...
نوار "حدرات عينيها لساشيات وقربات ليه حيث غا تتشوف داكشي تتعرفو شاري ليها شي حاجة وتموت على الكادويات " : احم ش شنو هادو ؟
حلات ساشية وهي تجبد منها بواط كبيرة من شكلاط الي على شكل قطع محشو بنكهات مختلفة ...
اشرف : اربييي قسااامة ...
نوار : لااااا ...
اشرف : تاكلي فيه جنابك وسهال يومين تف ...
اسامة : تعطيك كلوتها ماتعطيك شكلاط ...
كملات وجبدات واحد ساشية وسط منها صغيرة مكتوب فيها "عبد الصمد القرشي " بواط كتحل ..فتحاتها ولقات ريحة بمستخلصات العود العربي ..."
نوار : واااو عبد الصمد القرشي ...
اشرف : بيت العود والعنبر ولعطور ...
اسامة : تا فين تتعرف هادشي
اشرف : كنت تنشوفو ف اشهارات فرمضان هههه...
اسامة : بصحة الالة ...
نوار : حل حتى نتا متنسيونيش ..
اسامة : ريحة الحراق نوضي جري شوفي اش حرقتي ...
نوار"صغرت فيه عينيها وعيبات صوته " : طفييييتو قبيلة الفهيم ...حل نشوفو ...
حل ساشية ديالو تاهو لقا فيها واحد البارفان كيموووووت عليه وشحااال مابقا خذاه ولا دارو ملي جا يضرب الكرفي على قلبو مسكين ومعاه بواط شوكولا الاسود المر الي كيعجبو ...
اسامة : سييير يا خويا الله يعطيك مانويتي ...
نوار : اشرف !!
اشرف : مابغيتش نحل تانطلع نعس ...
اسامة ونوار : اشرااااف ...
اشرف : يااا خرااا ...
حل تاهو ساشية ديالو لقا بواط شوكولا الي بالكوك معشوووق اشرف باش عرف ياسين وكيفاش المهم عرفو عزيز عليه وخذا ليه منو ليه من نفس المحل ليهم بثلاثة ...ومعاه بارفان خطييير غير شمة منو خرجات ليه العقل خفيفة وفنفس الوقت خطيييرة كتبقا ريحتها تعطي ...
اشرف : حاس بالذبان غايجي قلت نش يفهم كرو غير مرحب به ...
صبح الصباح حلات عويناتها كتسمع صوت تقرقيب فالدوش عرفاتو هو الي فاق بكري طلات على تيليفون قلبات الساعة لقاتها الخمسة ونص ديال صباح ...بقات كتحك فعويناتها حسات بوجع خفيف وخا قربات تحيد منها مرة مرة كينغزها الوجع ...ناضت من فراش ضارت لا تكون خرجات ليها ...عاد ناضت عينيها مغمضين شوي بنعاس وكتفوه هزات من المجر فوطة صحية دارتها فجيب البيجامة وجلسات فوق ناموسية كتفوه وتحك فعينيها حتى خرج كيمسح وجهو ...
ياسين "ناض وخبط رجليه تا تقادت سبرديلا شير ليها تجي عندو " : ياذن العصر نتي واسامة واشرف غايجيبكم سالم وبا تاهما غايحضرو ...
نوار "بفرحة " : الله ...صافي ان شاء الله ...
باسها في فمها بوسة طويييلة حتى رجعها تشلقيم كفااااية باش يشبع من شهد شفايفها ...هبط لتحت وهي رجعات نعسات شوي تا وصل الوقت وفاقت هبطات توجد الفطور ...
في مدينة ازرو بالضبط خرج من الدار كيحك فايديه باش يسخنهم الثلج كيطيح والبرررد قاارص مقادرش يعري راسو ولا داير غير طاقية وصباعات ...يلاه غايركب فالسيارة حتى بانت ليه سيارة الحبيب داخلة وبلاصات عند رجليه نزل منها مغوبش ...
ايساف : كيفاش الخو ...
الحبيب : كيفاش امك ...
ايساف : الصباح لله ...
الحبيب : مع الاسف كتزبلو وترونو ويوحلو فيها رمسيس هما الي معروفين ...
الحبيب : اش دخلك فيها ؟ يوصلها ميوصلها اش قربك تا تسلخو ؟ هانتا جبتيها فكر كرك الزا*** هاهو قدم بيك دعوى وعيط لكوميسير ليوسف مع الاسف وصلها ليه حيث كيعرفو مابغاوش يجيو يهزو مك من وسط داركم ...
ايساف : واش شوية لباس ؟ يومين هادي وهو كيتبع مراك مزوجة "هز ايدو " بلا ديك اسطوانة الحامضة مايتبعهاش وخا نتفرقو مااايتبعاش حيث اصلا مغاديش نتفرقو هي ستين ...
الحبيب "حل فمو بالصدمة " : كيفاش مغاديش تفرقو ؟
ايساف : حيث مغاديش نتفرقو ..عطيت لراسي فرصة معاها وخا ماعطاتنيش جواب مهم كنتسنى ...وميتبعهاش عندي دليل الكاميرات ديال تما حيث كاينين ثلاثة الفيلات كبار كاينين كاميرات نعطيك ساعة ودقيقة امتا كيجي وفاش كتمشي وكيتبعها ...نقدر نزيد شحال من حاجة باش تعاوني نغرقو ...
الحبيب : تزيد تضلم ا ايساف ؟ براكة غا هذاك دليل اش بغيتي عندو ؟
ايساف : لا مغانضلمش غادي نبحث حتى لقا شي حاجة ضدو ...
كيف خرج شد الطريق المؤدية لطريق الدوار المجاور ليهم ...مامشاش بسيارته هز السيارة ديال السلعة باش تضرب ليه البيست مزيان ...وصل لدوار ودخل جيهة فين بانيين الخزاين وداكشي تجهيزات الموسم ...وقف سيارة وخرج توجه ناحية الحاج عياد سول عليه ولقاه جالس مع رجال والخيالة على واحد طروحة ديال المطلوع مريح (بطبوط ) ها الي بزيت هالي بزبدة هالي بالعسل وزبدة ...والبيض مصلوق وصينيات برارد اتاي والحلاوي من عند ناس الدوار ...
ياسين : صباح الخير ...
عياد : واا صباح الرباح زيد زيد الفحم مد ايديك ...
ياسين "تقدم ناحيتهم ميردش عليهم العراضة وخا غير ندغة مهم يدير صواب " : الله اودي ...
وهو كيهضر معاه لدهم واقف بديك الوقفة المهيبة ديالو مسرج مقاد ...حتى تحطات عليه ايدو وضارت عالسرج هبطات جيهة فين كيحطو رجليهم ولوات عليها سلك مااااضي طبطبات عليه بدا يتحرك ويصدر صوته ...ماجاو فين يضورو لقاوه كيتحرك برجليه ويهزهم حتى مشا ليه ياسين طبيب عليه وطلع فوق منو تحرك بيه بيه بشوييييي تما وضرب بيه حركاات بايديه جهد نهار كلو حتى وصلات الوقيتة الي كيوجدو فيها وناس بداو يجيو من كاع الدواور المجاورة ...وتجمعات دنيا ها ناس مجموعين دراري ورجال وعيالات دوار ورجال من مدن اخرا والقياد والشيوخ ورجال الاعمال مالين الفيرمات الي تما ...
تمات جايا سيارة سايقها سالم حداه مصطفى ووراه نوار واسامة واشرف ...حتى بلاثاو لور وضارو جيهة الخزانة فين وراهم سالم الي نعت ليه عياد ...
نوار "جايا بجلابة الدان بيج وبوط كحل معندوش سوميلا جايا كتعرج ولاوية عليها كاشكول ماروج وطالقة شعرها جامعاه من قدام ب بوندو نفس لون كاشكول ...كتضور بجنابها تقلب عليه بعينيها " : فين هو ياسين ؟
اسامة : غايكون مع السربة(هما الغرسان فوق الخيالة ومتقدهم المقدم هو تقولي الشاف ديالهم ) الخيالة كيلبسو ...
نوار : اش غايلبسو ...
اسامة : تكشيطة ...اش غايلبسو سراول وصبابط الحركة والخنجر الي فجنب والعمامة الي فراس ...فهمتي ؟
نوار : اااه يعني مع هااادوووك ؟
يلاه كتوريه حتى حط ايدو على كتفها ضارت لقاتو لابس مقاد وااامولاتي كي جا بداك زي ديالهم طيااااح خيااااال رجل حرش كاع دوك الي تما بقاو يشوفو فيه خصوصا بنات دوار حيث مفورمي وزييين زينو عربي ...
عاود تاني رجعو لاخرين ديال ولاد شرقي تاهما عطاو حقهم ...ولاخرين ...حتى رجعات نوبة ف حركة ياسين ...وصلو لنص وهو يغوت عليهم المقدم ...
وااااالهدة ...
هزو لمكاحل لفووووق ...
وااااالحفيض الله ...
حتى تهز لعود بيه فوقت الطلقة
ياسين"غوت بحر صوته الغليض " : لااااااااا ... ضرب العود لخيل لاخور وخرجو طلقات من المكحلة على بعضياتهم ...
نوار "دارت صباعها فوذنيها وغمضات عينيها باش متسمعش داك الصوت المجهد الي كيزعزع لارض ...مدة حلات عينيها وهي تلقا عباد الله كيتجراو والعيلات كيغوتو وينذبو والحالة والرجال يتجاراو ...
نوار : شنو شنو واقع ..."شدات وحدة كتجري " اش واقع ؟
وااااا ضربووو ضربو وااااا قتلووو ...ورزاااه فميمتو وباقي صغير ...
نوار : شك شكووون ....
واااا لفحم ....
نوار "غوتات بحر جهدها تا ضببات عينيها ": ياااااسيييييييييييييييييييييييييييييييييييييييين "طاحت لارض وعباد الله تجارا حداها ونعل الي داها فيها "
مع وقعت الواقعة ناضت الغوتة رجال يصليو على رسول الله ويكبرو والعيالات يغوتو ويولولو و يندبو والروينة ...جاو القياد يتجاراو ومعاهم حتى الشرطة الي كانت حاضرة فالمسابقة ...تجمعت عليهم الجقلة ...
فديك اللحضة ياسين بغا يهز المكحلة لفوق العود مابقاش صبر وهو يحرن وتهز بيه تالفوق قاس الخيل لاخور الي تهز تاهو وترونت القضية المكاحل كانو اصلا دايرين صباعهم على اهبة الاستعداد لطلقة حتى تخالطو وهما يخرجو الطلقات بزوج طاحو بيهم الخير لاخرين سبقوهم عاد طاحو ...
فهاد اللحضة ملي سمعات كيقولو قتلو رزاه قميمتو والمراة الي قالت ليها الفحم ..شكون من غير الفحم هو ياسين الملقب ب فحم العينين فالدوار ...شكون من غير راجلها الي حلمات بيه من طفولتها وهي كتعشق شي حاجة اسمها ياسين ...يجي الفراق بهاد الغفلة...شي حاجة الي متقبلهاش عقلها حتى طاحت الضبابة على عينيها وغابت عن الوعي بنادم يجري ويتجارا حداها وشكون داها فيها من غير واحد السيدة
وبنتها برانيات على المنطقة الضاهر عليهم من المدينة ...
السيدة : ويل الشيطان ...عهوود اجي ابنتي شوفي السيدة اش وقع ليها ..."تحنات عندها هزات ليها راسها كتضرب ليها فحنيكاتها بخفة " بنتي بسم الله عليك ...عهوووود جيبي ريحة من صاكي بنتي ...
فييييين هو ياسين الي وقع را وقع والي جرى را جرى ...
اسامة ومصطفى واشرف تخشاو وسط المعماعة ...
اسامة : اش وقع ااااش وقع ليييييه "عقلو خرج عينيه فالتين بغا يهبل ...كيدفع فعباد الله والبوليس رجعو الناس " ...
في مدينة ازمور واقفة كتكمل التصميم ...دعقها شعرها وهي تجمعو اسفنجة بواحد الباندة جبداتها من صاك ...وقفات وربعات ايديها معوجة راسها كتشوف فتصميم قدامها ...
مينة : حسيت شي حاجة ناقصة فالاستقبال ديال الملحق الي جنب ...
رياض : عندك رسم لول ؟
مينة "مشات لمكتب جبداتو وجات سرحاتو قدامو جلس هو فوق كرسي وجات هي حداه بدات توريه " : هو هذا ولكن جاني شوييييي اوفر فالشوفة الى طبقناه ...خاص نقص لوان يكونو اكثر سادة على الوان متفتحة ...
رياض : الى نقصتي درجات وزدتي فدرجات لاخرين اتحسي براسك داخل ملحق شركة عملاقة ...
مينة : اااااكزاااكتمون ...وكون خليت هادو وزدت فتحت غاتحس براسك داخل لملحق ديال مؤسسة تعليمية "عوجت فمها بضحك " ...
هبطات تهز ستيلو جا حدا رجليه هزاتو بغات تنوض وهي تهز راسها حتى ضرباتو مع تحت طابلة وهي تشدو بايديها واختل توازنها حتى جات مسعودتها لارض خلاتو حال فمو ماعرف اش وقع ...
رياض : يناري هادي مالها ...
مينة "ماعرفت تحك راسها ولا ترمتها " : اييي ...
رياض : تتحمسي بزاف هههههه ...اري ايدك نوضي ...
مينة : لا غانوض انا متعذبش راس"ماخلاهاش تكمل هضرتها ناض وشدها من كتافها تا نوضها وقفات تقابلت معاه ...
مينة "حطات ايدها على دراعو طبطبات عليه بشوي باش يسكت " : يزين ايامك اخويا ماوقع والو دي كالم ...
رياض "تصدم " : زعما مكاينش واحد كلاش ؟
مينة : الي حك نحاسي كيلقا باسي ...
رياض : صافي تانا نيت والله مكنحشم ...
بقات كتسكت فيها ديك المراة وبنتها بزز...عاد انتابهات ليها كاع جلابتها مطلية بتراب والغيس وبوطها تاهو وواحد رجل عاطياها صداع وهي مع الخلعة والبكا باااقي ماداتهاش فيها ...حتى جا راجل هاديك السيدة ...
الاب : ايييه را وقع مشكيل زوج خيالة واحد جات فيه الضربة را طايح مغيب ...
نوار "غااا سمعتها دارت ليها فوذنيها طنين ماحساتش حتى ناضت من حداهم هكاك مسكينة كتجري وتعرج برجلها خلاتهم يغوتو عليها تبعها راجل بامر من مرتو وهي غاديا وتغوت وتجري وتعرج حتى تعكلات كانت غاتجي على فمها كون ما شدتها ايدين اسامة واشرف ...
اشرف : الخيال الي حداه تضرب واقف معاه هو والبوليس ولومبيلونص هزاتو ...
بزز باش تهدنت ليهم وجلسات جلسو حداها جات المراة وراجلها والبنت واحد بنية فعمر تلاتين سنة جايين غير سفر وسياحة اطمأنو عليها وعرفو اشنو واقع ...اما ياسين الوقيتة الي تهز الخيل ضرب لاخور خجو طلقات طلقة الولد ضربت فسما وطلقة ياسين جات الولد فكتفو ...
عياد : اش وقع لادهم اعلال ؟
علال : ومجروح لقينا شي سلك ملوي فالسرج وبقا يجرح فيه تا حك ليه وغرق الجرح ...
نوار"ناضت من بلاصتها كتنخصص " : يا ياسيييين اهى اهى ...
ياسين "خلعاتو " : مالك ؟؟ اش وقع ليك ؟
نوار : قالو ليا مات متي اهى اهى ...
ياسين : شش بلاتي تهدني فينكم ؟ عطيني اسامة ...
اسامة "شد من عندها تيليفون " : خويا هاحنا فالخزانة ديال فين كان جالس القايد والكوميسير ...
قطع عليه ديك الساعة ومشا كيزرب حتى وصل عليهم غاااا شافها مابقا بان ليه تاحد من غيرها طار عليها قدامهم عينيه خارجين كلها مبهدلة عامرة ترباني وغيس غير شافتو
ناضت كتجري تاهي تلاحت عليه كتبكي وتقول مابكيت فحال شافت روح جديدة دخلات لذاتها فحال شافت قلبها رجع ليه النبض ...اما هو منضرها بغا يسكت ليه القلب ...( وانا وبنات البار القلب طاب ههههه)
ياسين "بالخلعة معرف باش يهضر " : باايبي كاندي وات هاب....تت ش شنو وقع ليك ؟؟
ماعرف باش تبلى هي عنقاتو تبكي وتزيد تضغط عليه حتى خلات كاع الي تما كيشوفو وبقات فيهم عندها بكية كطيح عليك الضيم ...
نوار : ياسييييين اهى اهى ...
ياسين "بعدها عليه وقابلها معاه كيقلب فيها كلها " : نوار !! مالك ؟ اش هادشي وقع ليك ...
نوار : اش وقع ليك انت اهى اهى ...قالو ليا متي قتلووووك اهى "اختل توازنها كانت غاطيح كون ما شدها "
ياسين : نوار مالك !! انا مزيان موقع ليا والو مالك نتي شكون دار ليك هاد الحالة ؟ هضري بلا بكا الله يرحم باك ...
اسامة : كانت جالسة وفاش وقع المشكيل ناضت كتسول قالو ليها الي سمعتي ...
مصطفى : ناس العروبية هما هادو طيح البگرة يكتر جنوي والمضا ...
نوار : لا لا اممم "غمضات عينيها حسات بموس ضرب رجلها الي ضاراها " اييييي
ياسين "صعر" : نوار تحركي معايا يلاه بلا قوة الهضرة ...
جرها وراه كتعرج ما قدراتش ولا ضار تحنى وهزها لاح لاسامة الكونطاكت يسبقو يحل طوموبيل وخلا مصطفى شكر الناس الي عاونوها ومشا اشرف واسامة معاه ...ركبها حداه وكسيرا بطرموبيل
خرج من دوار شد طريق مراكش نص ساعة حتى وصل لاقرب مشفى كيعرف تما كان مستشفى محمد السادس الجامعي الي اصلا مشا ليه داك الي تضرب نيت كان غادي تابعو قبل ميلقا نوار بديك الحالة ....
كيف وصل ضار حل الطوموبيل وهي تخرج تمشات على رجليها ماخلاتوش يهزها ...
ياسين : قادرة تمشي ؟
نوار"حركات راسها " : اه قادرة كنحس بيها شوي ...
اسامة : داك الكالمون الي شربات فطوموبيل هو الي همدها عليها ...
ياسين : وخا دخلي نشوفو مالها بعدا ...ما ضراك حتى حاجة من غيرها ؟
نوار : لا لا ..."قربات ليه عنقاتو بجنب ونخششات فيه راسها كانها كتقوليك غير خليني حداك غير بقا حدايا انا ماثيقت ما وقع ليك والو بحركاتها العفوية خلاتو بلا عقل عليها وتاهو زاد جرها نخششها فيه كيقوليها هانا حداك هانا بيخير ماتخافي والو ...ماضرك تاحاجة وانا كاين والى ضراتك راني كنت غايب ....
عنقها بجنب ودخلو لجيهة المستعجلات جاب الله لقاو دنيا مخففة دغيا دخلات لداخل دخل معاها حتى دارو ليها راديو مستعجل خلص راديو وبقا معاها حتى داروه ورجعو عند طبيبة الي تما ...
دكتورة : مافيها حتى حاجة الحمد لله ديجا كانت مهرسة ياك ؟
نوار : اه ..ولكن هي اصلا عندي ناقصة ...
دكتورة : هذاكشي علاش ضراتك داك التفاوت وديجا مهرسة كان عليك تردي ليها البال وخا صحيحة كانت غاضرك ..على اي ديري ليها هاد بانضة ماتعسفيش عليها واحد سيمانة وهاد بومادا وهذا كالمون الى عطاتك صداع ...
ياسين شد من عندها لوغدونونص وشكروها وناض هو وياها ...
ياسين : بقاي هنا مع اسامة واشرف انا نشوف الولد كيف بقا ونجي ...اسامة ...
اسامة : نعام خويا ...
ياسين "جبد من جيبو لفلوس عطاهم ليه " : تقدا هادشي الي هنا من فرمسيان انا شوي ونجي ...
مشا وخلا الفراشات وزقاقازيق والعصافير كيفرفرو فكرشها حتى ضحكات وحناكها رجع ليهم دم ...من بعد ما كان وجهها مسقود من الدم ....
اما هو مشا وتيليفون فوذنيه كيعيط حتى عطاوه فيه كاين بالضبط ومشا لمستشفى الي ملاصق معاه ...دخل لواحد طوالة مقابل معاها البلوك حتى لقا واليه واقفين ...
ياسين : امضرا ؟
اب الولد : قاليك مزيان ...اش درتو عرفتو شكون ؟
ياسين : شاكين ...
اب الولد : قبيلة الحمداني ياك ...
نقز خو الولد الي كان جاي شاف ياسين كحل بالعما جا يجري يلاه غايطير عليه يشنق عليه ماعرفش حتى كيفاش لقا ياسين الي شانق عليه وزدحو مع الحايط ...وهو برهوش بغا يدير فيها واعر ...
ياسين "زاد ورررك عليه حتى بغا يقجو وعينيه خرجو نطق بزوج كلمة خاااااااترة بثقاااالة ..." : ت هدن (تهدن ) ...
بقا شانق عليه ولاخور يترطى حتى جا ليه باه ووقفو عاد طلقو ياسين كان بغا يعطيه وهو يجمعها معاه باه بتصرفيقة تا تكون وحشم وسكت شاد حنكو ورا غير برهوش عندو تمنطاش العام ...
مشا الولد كيخطوي مراضيش خرج من تما بقا ياسين وبات الولد معاه شوي تا اطمان عليه وسلم عالحاج وخذا منو موعد باش يجي لعندو لداك دوار ديال الولد الي تضرب ويعتاذر منو ويزيد يطمأن عليه كيما كان الحال كيبقى الولد تضرب على ايد ياسين الي من صوتب وتانيب الضمير مغايخليهش ...وهادشي
را فينا اغلبية كتبغي تكفر على الغلط ديالك ضربتي شي حد او تسببتي ليه فشي حاجة ...وطبعا كاين الي معندوش حس الضمير ...لكن هادشي كيوقع اغلبية فالدواور والمواسم فكاع الحوادث الي كتوقع ليهم ...
خوج من تما ومشا فين خلاهم جالسين لقا اسامة خدا ليها داكشي وجاب ليها قرعة الما وما تاكل حيث كانت حاساس بالسخفة ...
ياسين : يلاه هي دابا ..."ناضت ضور ايديها ورا ضهرو وشادها من كتفها اسامة واشرف مشاو خرجو سبقوهم وهو غادي بيها شوي بشوي ...
ياسين : امتا توضاي ؟
نوار : كيفاش ؟
ياسين : امتا توضاي تعومي ...
نوار"فمهاتو تزنگات وبدات تحنحن " : احم غ غذا ...
ياسين : ان شاء الله ان شاء الله ...
خلاها حالة فمها عرفاتو توحشها بزاف مابقا قادر يصبر حتى بدا يسول فيها امتا توضا من ليغيگل وهاذشي مكيضحكش حيث عارفة توحيشة ديالو كيدايرة كيشدها يمرمدها ويسخفها عاد يشبع ...
غادي فداك الكولوار تما بشوي عليهم حتى سمعات صوت رجالي حرش ...
نوار رمسيس ...
ضار ياسين عاقد حجبانو هو لول عاد نوار ...
نوار"صغرات فيه عينيها وهزات عينيها فياسين لقاتو كيشوف فيه تاهو مغوبش " ...
واااايلي قبيلة رمسيس نوار رمسيس القراية ديال لقسم ...
نوار "ابتاسمات " : سليييييييييم ههههه ...وااااواو..."تم جاي من بعيد مزال موصل عندها "
دائما فاش كنتلاقاو باشخاص كانو فالماضي كيعنيو لينا ...كانو اشخاص قراب لينا خصوصا زملاء الدراسة الي غييير كنشوفوهم كنرجعو الحنين ديال ايام الدراسة والماضي ديال داك الوقت البراءة والطفولة ...كتحس بواحد الدفء كيرجعك لسنواااات لوور ...ميمكنش ماتفاجئ وتفرح وتبتاسم خصوصا نوار مع سليم زملاء دراسة بزاااف ...
نوار "بقات تترمش فيه " : فحاااال خويا ...
سليم "وصل لعندها كيضحك شاب سميمر قدو قدها فالطول كيبانو حدا ياسين كي سنافر وهو شرشبيل ...مد ايدو سلم عليها باحترام مقللوش ابدا " : عاش من شافك مفاجئة كبيرة هادي ...
نوار"حنحنات حاسا بواحد الايد على كتفها بغات تحفرو هزات فيه عينيها لقاتو مغوبش فيه وكيحك فلحيتو " : حتى انا مفاجئة خويا سليم احم هذا ياسين ولد عمي وراجلي ...
سليم "شاف فيه وابتاسم مد ليه ايدو " : سي ياسين تشرفت بمعرفتك ...
سليم ؛ مبروك اختي والله حتى فرحت ليك الي ربي كمل عليك وحقق.."خرجات فيه عينيها حيث كان عارفها كانت كتقوليه فصغرها هضرة طفولة انا غايزوجوني لولد عمي ياسين " احم مبروك ...
سليم : الله يجيب الشفاء ...احم ياك باقي عندك الانسطا ؟ "شاف فياسين " ماشي مشكيل غير بغينا نجمعو كروب الابتدائي واعدادي باغين نديرو اجتماع راك عارف " ...
ياسين "الصمت لحد الان مدار تا تصرف " ...
نوار : دابا مكندخلش ليه ...
سليم : مهم كوني على بال را لينى صاحبتنا غاتاجوتيك ودخلك الى معندكش مشكيل بداعي صداقة زمالة اخويا ...
جرها ياسين غادي كيزرب بلا ميرد ليها البال راها كتعرج حتى حبساتو ...
نوار : رجلي عفااك ...
ياسين : تت ...تمشى معاها وغادي مكون مزير ...غير بمجرد ميهضر عليها راجل تتشعل فيه العافية ...مكيقدرش يصبر ولا يتحكم فالغيرة ...حتى وصلو الطوموبيل لقاو اسامة واشرف تما حل ليها الباب ركبات وهو يسدو بجهد تا قفزو لاخرين ما فهمو والو ...ضارو ركبو وحتى هو ضار ركب جيهة لاخرا وخبط الباب بجهد ...
ياسين"ضار عندها مكشكش " : ولينا رجل كرسي هنا ؟؟ توحشتيه نتي كااااع ...
نوار : لا لا…
هز ايدو وقفها باش متزيدش تهضر وهي بغات غير تبرر صدقت غالبا عليها ضحكة ...هي وسليم كانو اعز اصدقاء دراسة من داك نوع الي بقاو قراو فالابتدائي اعدادي وهما فنفس القسم حتى تفرقو فالثانوي كل دار شعبة ديالو وبقاو على تواصل حتى مشا سليم يقرا فمراكش الطب وهي بقات في ازرو ....
نوار : سليم ؟ علااش غير جمعة كروب بيناتنا والله عااافاك را "غمضات عينيها فاش هز ايدو وخبطها مع الفولون تا تطلق لكلاكصون قفز واحد الخدام هاز شي صندوق طاح ليه ..."
ياسين : بنات ؟ مرحبا معاكم رجال راهم ولاو رجال ...القل..(عض لسانو بغيض وحبس الهضرة ) اش هضرت ؟
نوار : غانشوف غي البنات وصافي ...ولكن فالفيس كاينة مجموعة قدماء الابتدائيي والثانوي راهم عندهم فيس بوك مغاياجوتيونيش كاينين غير تعاليق وضحك ونتفكرو اوقات الدراسة ...
شافت فيه لقاو ضور وجهو كيحك لحيتو بجهالة وكيعضعض فشنايفو هاد الحركة من وراها شي خبطة مع زاج الى محشمتش ...
نوار : صافي مغاندخلوش والله اصلا انسطا معنديش فيه دراري غير عائلتي ونتا كنت رسلتها ليك ومدخلتينيش "حدرات عينيها بحزن " نتا ومدخلتيني وندخل البراني ...
ياسين "ضار مقوس فيها حجبانو " : وايليييي ؟؟
نوار "هزات كتافها " : والله ...
ياسين "زفر بجهد انفاس حااارة هز راسو لفوووق شحاال وهبط ايديه جبد تيليفونو من جيبو ومدو ليها " : دخلي ليه را قدامك دخلي راسك الكود ميحتاجش تعرفيه نفس كود كارط گيشي هادشي الي بقيت عاقل ...
"جرها من ورا راسها تا قربها ليه كيشوف فيها " انا براسي مداخل ليه مرة فالعام كري ممساليش لهاد تخربيق ونخليك بلاش؟ لو شفتها وكنت مدخل لهاد تخربيق غاتكوني نتي اول وحدة ندخل فدارنا ...مزيان دابا ؟
نوار "على نيتها " : هههههه علاش غانترخا صافي غير كنضحك معاك مهم انا معاك ...
ياسين : لا ضروري منها ...
نوار : لا بلاش والله الى غير كنضحك ...
ياسين "خنزر فيها بلعاني " : وانا مكنضحكش انوار ...
نوار : وااخا الي بغيتي ...
ياسين : يلاه نزلي نسالي شي خدمة ونجي .."قرب عندها باسها في حنكها ونزلات تا مشات بشوي قدامو وهو كيشوف فيها عوج فمو ونطق " طيور الجنة ديالي ...
يوم الاثنين الساعة التاسعة ونصف صباحا ...امام محكمة قضاء الاسرة بفاس ...وصل بالسيارة ديالو امام المحكمة ترجل منها كيقلب عليها بعينيه هنا وهنا حتى سمع النداء ديالها ليه لمحها جايا من بعيد لعندو حتى قصداتو ووصلات عندو ...
صفية "خاشية ايديها فجياب مونطو كحل دايرة على راسها شال مورد ولاوية عليها كاشكول كحل .." : عمي صهيب ...
صهيب : بنتي مالك ماتسنيتي تنوصلك انا ؟
صفية : جابتني خالتي راىية عندها شي خدمة فشركة هنا وحطاتني تا شافتك وقفتي عاد مشات تكمل وتوصل عليا لمحكمة ...
صهيب : اااه ...صافي متاكدة بنتي من قرارك ...
صفية "ابتاسمات ليه بغير نفس " : هههه اش غاندير هادشي متوقع عادي اعمي ...كان اتفاق بيناتنا ووصل الوقت ...
تسناها تا دخلات وهز تيليفونو دوز ليه الخط ...صونا مرة اللولة تانية ثالثة والو واش جاوب هو يحلف ميجاوب ولاخور يحلف يصوني ...حتى طلع ليه الدم ...
صهيب : وليني نمرود هذا ...
صفية : واش مغايجيش اعمي ؟
صهيب : ماعرفت مابن ليا والو ...
صفية : واشنو غايوقع ؟
صهيب : الى تنازلتي على حقوقك وعطيتي اسباب لي عندك الملف فيه اوراق المشفى ضرب والتعنيف جسدي ونفسي فهاد الجلسة يتفضى كلشي ...والى جا وسهل ليك الامور من الخير بلا منقدم الملف ...
صفية : فففف ...
بقاو يتسناو تا وصلات العشرة وقسمين ناضو بغاو يدخلو حتى وقف بسيارته ونزل منها داير كاسكيط كحلة ونضاضر كحلين وسورفيت كحلة جاي ضارب كحل فكحل مع ديك تگضيرة (ديري بناقص من شي طلاق هههه ) ...
ايساف"سد طوموبيل بالكونطاكت بلا ميشوف حيث عينيه غير عليها كيشوف فيها غا هي حتى وصل عندهم " : الخال ...تعطلت عليكم ؟
صهيب : كنتي ناوي ؟
ايساف : لا لا غير شدتني واحد كسيدة لقيتها فطريق هما الي عطلوني ...
صهيب : اذن مكاينين مشاكيل مكاين تا عرقلة مقصودة منك ؟ حيث باقي ربع ساعة ويعطيو ...
ايساف : لا ولكن الى سمحتي واخا نهضر معاها ؟
صهيب "ضار عندها " : ممكن تهضري معاه هاهو جا مكاين مشكيل معكس ما والو ...
صفية "بقات تتشوف فيه حتى طمنها بعينيه " : احم و واخا ...
صهيب : هاني لداخل نشوف شي وراق ..."مشا وخلاهم بزوج كانت جالسة حت جلس قفازي مقابل معاها كيشوف فيها ...تنهد وحيد نضاضرو تقابل معاها هي حدرات عينيها "
ايساف : صفية ...الي وقع قبل ابنت الناس مكانش عندي لا ضمير لا ملة ولا حيا الي تصرفت معاك هكاك ...اي كان عذر عندي ميشفعش لشنو درت ليك ...هادشي مكيعنيش انك ماشي غالطة بزوجنا غلطنا والي كنهضر عليه الي درتو انا "ضرب على صدرو " ربي مغايسمح ليا الى ماسمحتي ليا من قلبك ابنت الناس ....
صفية "بصوت شبه مسموع مغنغن " : الله يسامح ...
ايساف : صفية قبل مندخلو الله يخليك ابنت الناس عطيني فرصة غيير فرصة مدة نتعرفو على بعضياتنا نخرجو نهضرو كاننا عاد عرفنا بعضياتنا مغانقيسك منقرب ليك ...ديري فحال الى عاد كنتعرف عليك انا جيت وكنقوليك منطلقوش انا الي قلت ليك نطلقك هاني كنقوليك منطلقوش ...ماشي باش تسمحي ليا ولكن فعلا بصح بغيت نعرفك عن قرب ....
صفية : شنو تعرف عليا ؟ ماشي مشكيل نطلقو وغانبقاو على تواصل ...اصدقاء خوت كون اكيد تقوليا سلام نردها عليك وانا ضاحكة ...لكن تقول نتعرفو وحنا مزوجين مكاين لاش ...راني واخا عشت فترة فزنقة را اصلي هو اصلي غير دنيا قسات عليا ولاحتني لزنقة ...الحمد لله ربي سلطك عليا واخا عانيت لكن بسبابك جاب ليا الله عائلتك تهلاو فيا ووقفوني على رجليا ...
ايساف : مبغيتش نطلقو ...
صفية : غانبقاو اصدقاء وخوت را قلت ليك عطيتك الكلمة ...
حبيبتي حبيبتي هاذ الكلمات وصلوها فحال الصدى حلات فمها فيه عينيها مابقاوش كيرمشو بقات غير كتشوفيه بعينيها الخضراوتين مقابلين مع عينيه الخضراوتين وحجبانو مقوسين حتى هز ايديه على شكل ترجي 🙏🏻...
وقف السيارة قدام البنك واليوم هو يوم العمل يوم الاثنين الي الكل تقريبا خدام الموضفين وحتى ناس الي عندو شي شغل كيصبح يقضيه فيه ...قاد القميجة وسمطة مزيان وعينيه كيشوفو بنضرة جديدة وصرامة ...عطا لحارس الامن الكونطاكت باش يضور ليه طوموبيل يبلاصيها جيهة البنك ...ودخل اول حاجة مشا على غفلة لماكتب الي لتحت حتى وقف عليهم ما عرفو باش تبلاو الي كانو مجمعات طارو ونزلو ولاو يتفتفو كحالت على ديل ديماهم ...
ياسين "عيط لمسؤول الي تما اسمو حمزة " ...
حمزة "وصل لعندو " : سي ياسين مرحبا ...
ياسين : ملفات دوك جوجات الي كانو واقفات تما ...الملفات باش دخلو ...
حمزة : هادو يلاه ستة شهور باش جاو دابا يكونو عندك ...
ياسين : يلاه تحرك دابا ...
خلاه وزاد خرج اما حمزة مشا لهادوك خياتي الي لقاهم كيهضرو مجمعات وعطاهم علاش يقلبو وبلغهم باشنو طلب منو ياسين خلاهم كيندبو ويحندبو ...اصلا خاص يشوف السير الذاتية ديالهم واش يستاهلو يخدمو تما ولا لا حيث كاين الي حسن منهم فشواهد والسطاجات ومالقاش فرصة ...
طلع فالسانسور لفوووق. مع دخلة عيط لعماد ومشا لمكتب ...حتى لحق عليه ...
عماد : موسيو صباح الخير ...
ياسين "حيد الفيستة وبقا غير بقميجة بيضة وگرافاط كحلة مرجع شعرو القوي لور منفوخ عاطيه واحد الجاذبية اضافة الى طولته وزينو والجدية فهضرته والعينين ...نطق كيقلب فشي ملفات قدامو من بعد ما جلس " : بلغ سي عمر وشاف المالية وسي اسماعيل ونتا اجتماع من دابا ساعة ...
عماد : واخا موسيو ...
ياسين : يلاه خدمتك ...
دازت عشرة دقايق دخل عندو حمزة من بعد ما عطاه الاذن عطاه الملفات ديال دوك البنات ...
ياسين : جلس ...
حمزة : وخا ..
حل الملفات قرا سمياتهم والسير الذاتية ...حتى غوبش وهز فيه عينيه مخنزر ...
ياسين : منال بنسودة حاصلة على شهادة الباكلوريا ناقص تجارب مهنية سابقة سطاجات دايرة جوج ...اش كدير بسلامة هنا ؟ اش كتعرف دير ؟
حمزة :احم هي بنت اخت اسماعيل الكادر الي هنا سي ياسين ...
ياسين :وااايلي ...صافي هبط عند عادل (السيكيريتي ) دخلو بلاصة سي عمر...
حمزة : مفهمتش سي ياسين ...
ياسين : ماستر دراسات فرنسية حسن منك ومني ومن قبيلة هادي الي داخلة بالباك وحدو ...خدام بدراعو باش يطلع شوي بشوي ما لقاش فرصة يدخل بقرايته را كيضرب فالكرفي مهم قاد براسو ...ممعول على حد ...
حمزة "حدر راسو "
ياسين : فين العدل ؟ ..."بغا ياكل جنابو " صباح عطيها انذار كانز جوغ تعطيني تقرير غانطلبو منك تكتبو بخط ايدها وتجاوب على تيست على غفلة قادة بيه نعطيها فرصة ستة شهور سطاج اضافية وتهبط على البوسط الي كانت فيه وتاخذ بوسط بحسب شهادتها ...
حمزة : واخا سي ياسين ...والى سولني سي اسماعيل ...
ياسين : اسماعيل بنفسو دوز سنين عاد وصل ليوسط الي هو فيه ...درت بوجهو راجل كبير ...اما كبيرها تشد خلصتها والباب الحباب ...
حمزة : واخا سي ياسين ...
ياسين "حدر راسو لملف لاخور " : هادي تبقى عطيها انذار تقاد فخدمتها ميعجبها حال ...كيف مكان الحال بوسط ديالها بشهادة اجازة فالاقتصاد وخبرة فشحال من سطاج ...ماعليش ...
حمزة : واخا موسيو ...
ياسين : عطيني ملفات الناس الي بغاو يدوزو سطاج على حسب ليكول ...ودير بحساب واحد السيدة غاتجي سطاج الشهر جاي ...
شاف فيه لقاه مصدوم حيث رقق صوته تحلفي عليه امراة ومن خيبها عادة فيه ...وهو يطرطق بالضحك ...
علي : ههههههههههههههههه وحق الله ماتغوت ماتنفخ ...هههههه عارف عارف الخدمة ..."تنشر بالضحك " ااااربي ماتقول والو ماضربش الله يحفضك والله غير بغيت نضحك سمح ليا سمح ليا ههههه احترماتي نعماس …
ياسين : علي !!!امتا جيتي ؟
علي "شير بصبعو لارض " : هااادي رجلي من المطار ديال المنارة ...جيت عندك نيشان...
ياسين "بقا مصدوم شوي ناض وقف وتوجه ناحيته تسالم معاه " : على سلامة ...عارف بعدا الخدمة هادي ...
علي : هههه عارف عارف وكلمة حابيبي غير ضحكت عارفك ماديال هاد تبرهيش اسمح ليا ...
ياسين : ماعليش .."شير ليه لكرسي " جلس ...
جلس علي وتقابل معاه ياسين تاهو جلس فك النرافاط من عليه ...
علي"حنحن " : احم كنت بغيت ندوز نيشان لازرو قلت ندوز عندك شي صحابي الي جاو معايا عرفتيهم فريد ونزار بغاو يحطو فلوسهم هنا فالبنك حيث عندهم شي مشروع واقتارحت عليهم البنك عندك ...
ياسين : مرحبا بيهم ...
علي : هاد الشهر حابسين خدمة وقراية على حسب راس العام داكشي باش استغلينا وجينا بينما جمعو وراق المشروع...راك عارف الاجراءات وداكشي ديالهم ...
ياسين : وقت الي جاو مرحبا ...غير علمني باش نكون هنا ...شي مرات كنخرج برا الغذا ديال خدمة لعملاء ...
علي "حرك راسو " : فهمت فهمت ...انا عشية نتحرك لازرو حتى نرجع عندهم ونعيط ليك ..
ياسين : معندك فين غادي طلع لعندي تما حتى ترجع مع اشرف ونوار ...
علي : وايلي عندك هما ...
ياسين : عندهم عطلة دوزتها عندي ...
علي : واا ممعولش نوصل وندخل اخويا هههه
ياسين "خنزر فيه " : جاي عند براني ؟
علي : لا عند خويا ...
ياسين "ضار هز الفيستة لبسها " : تحرك معايا ...
علي : غير خدم اخويا منشدكش انا نمشي راسي ...
ياسين "مشا سابقو كيبقشش فتليفون " : كنت خارج لتما نيت ...
علي "ناض " :واخا على بركة الله ...
خرجو بزوج تم غادي ياسين سابق وكيهضر مع هذا وهذا حتى وصل لعند مكتب عمر طل عليه ...
ياسين : سي عمر انا غادي لعند الحاج الفطواكي ...
عمر"ناض لعندو " : مول الفيرما الي حداك تما ...غايرجع القرض الي خذا ؟
ياسين : الانذار كيوصلو ماعليش هاد المرة نمشي انا راسي حيث معرفة ...
عمر : واخا سي ياسين ...
خرج من عندو فطريقو تلاقات بيه غزلان جايا بكسوة الخيط بيضة عازلة قوامها جامعة شعرها الفوق وهازا فايدها ملف ...وتقرقب بداك البوط الكحل ....
غزلان : موسيو واحد دقيقة ...
ياسين"جبد الكونطاكت من حيبو ومدو لعلي " : سبقني لطوموبيل عطيه لسيكيريتي هو غايجيبها ليك
شد من عندو علي الكونطاكت ومشا هبط لتحت خذا الفاليز ديالو من عند السيكيريتي وعطاه كونطاكت يجيب ليه طوموبيل ...اما ياسين وقف مقابل معاها ...
ياسين : Qu'est ce qu'il y a (شنو تما )
غزلان : بون موسيو الاخت ديالي احم باغدون الانسة ايمان المنصوري جات وبغات كيفاش تقرب التاريخ الي عطيتي ...
ياسين "بغا يجمع غزلان وايمان وخوهم يطحن مهم ماكره لكن الله غالب ...كدد سنانو واحد اللحضة ولعن الشيطان ..." : المبلغ الي طالبة تسحب ؟
غزلان : 900 مليون ...
ياسين : مزيااان ...الكوفخ عندنا شحال فيه ؟ بلاتي فاي بنك هاد المبلغ وحتى قل منو كيتسخب بسهولة ؟ لا ...ناهيك على المبلغ ممتوفرش عندنا ...البنك ديالنا هااااااذا ديالنا السياسية ديالو وشروط الي فيه سنا عليهم سيكم عيسى المنصوري ووافق عليهم ياك ؟
غزلان : وي ...
ياسين : تحركي لخدمتك ...نهار يوصل ويوجدو فلوسو تجي تاخذهم بالفرحات وتاخذ راحتها ومرحبين بيها ...غير هادشي مكاينش منين يتعطاوها سوى لا عطيتيهم ليها من عندك ...
قبل ماتهضر تحرك من قدامها ومشا هبط فسانسور لحق على علي لقاه جالس كيهضر فالتيليفون مع باه صهيب ...
علي : هاهو الوليد ..."مد ليه تيليفون " ...
ياسين "شد الفون " : سي صهيب ..
صهيب : وتا جا عندك المصفرط وما قالها ...
ياسين : مرحبا بيه ...
صهيب : وتهلا فيه اولد الخو ...
ياسين : الي قاد يرجع راسو ولية قاد يتهلا فراسو ...
صهيب : اااياو ؟
ياسين : في امان الله هنيتي عليه ماتهز هم ...
توجهو نيشان لدوار مسافة الطريق والوقت حتى كانو تما ...دخلو لفيرما لقاو اشرف عند الباب واسامة عاد دخل من الخدمة من السوق ...حتى وقف عليهم بغوتة غوتو بثلاثة ...
علي : وااااااالفراخ ...
اشرف : وااالفروج ...
اسامة : طيارة بقر ...
تعانقو بثلاثة بقاو ينقزو ويضحكو ...وخا علي كبر منهم لمن هما كلهم دابرين هكا مع بعضياتهم حتى مع ولاد الياس تريكة وحدة ...ياسين صدعوه فراسو طلع نيشان لفوق كيعيط فالتيليفون لنوار تبعو ...مشات بغات طلع لقات علي داخل ...
علي : واااا...اجي شكون هادي "طلعها وهبطها كانت دايرة زيف عاد عايمة وشادا راسها وحناكها حمرين ..
اسامة "قرصو من جنبو تا زغرت " : را مرت خوك هادي ...
اشرف : كاااع هذا طنز ...
علي "سرح ايديه " : تعالي حدايا زيدي وعنقيني ...
اشرف : سير حداه وياسيييين يمرمدكم ...
نوار : ههههه علييييي توحشتك "تسالمت معاه عنقاتو حيث ياسين مكيمنعهاش من انها تشلم عليهم حيث خوتها كبرات معاهم وتاحد ما طمع فيها وهي ديال راسها متعاملين معاها بنتهم وختهم صغيرة ...
علي : هايهاي هاي وليتي مولات دار ...
نوار : وري وشوار ...
اسامة : ايه حتى كيتخلى عشك ..."دار حركة بصباعو " يااااااو نعاودها ليك كي الخبييييرة يا بن عمي ...
علي : لووحش ...
اسامة : ماشي را بغات طيب المسمن قبل متعجنو ...
نوار : واش مكتنساش ؟
اسامة : الى يوم الدين ...
يلاه بغات تهضر حتى قفزهم كاملين صوت ياسين الي وقف عند الدروج غوت بسميتها .....
ياسين : خارج دابا عندي خدمة هنا نكملها نطلع لمراكش نسني شي وراق ونجي نيشان "كمل لباس ولبس سروال قاد ليه سمطة وقاد الكرافاط بلومارين ولبس فيستة بلومارين قاد شعرو تاني ورش بارفانو لبس تقاشر جداد وصباطو جلس وكيشير ليها ...
ياسين : اجي عندي ...
نوار"قربات ليه حاوطها بايديه وهو جالس حتى جابها فوق حجرو ...باسها فعنقها " : بصحة ...
نوار"بخجل " : يعطيك الصحة ...
ياسين : عاوناتك الخالة ...
نوار : اه هي الي حمات ليا العواد ...و ...
ياسين "رفع حاجبو " : حمات ليا ؟ تعلمتي ...
نوار : ههههه علمتني كيفاش نحمي الحمام والخباز باقي غير كيفاش لوحو فالخباز ونقابلو ومنخليهش يتحرق ...
ياسين "خشا ايدو من تحت تريكو تا قفزت ": وشنو تاني ...
نوار : ححح ايديك باردين تاني ...
ياسين "باسها فشفايفها " : وشنو كديري الى مسخنتيهم ...
نوار "بغا يقتلها بهاد الهضرة ...ضورات ايديها وجبدات ليه ايدو ولايد لاخرا جمعاتهم او بغات تجمعهم بين كفوفها ساعاك كفوفها صغار على خبطاتو ...بقات تحك فيهم زعما باش يسخنو " : مزيان دابا ؟
ياسين : خاصهم سخونيتك لاخرا ...
نوار "دارت ايديها على وجهها مخبية " : ياسيييين ...
ياسين : نعاام الالة ...
نوار : وااا حشم ...
ياسين : الى حشمت بقيت هنا مادرنا مادرت ما دفيتي ماسخنتيني ..."خطف تشليقمات من شفايفها توحشها ملي توضات ما قاسها واليوم عامت فالحمام حيث قبل كانت رجلها ضاراها ما بغاش يكرفصها .."
نوار : غاتعطل ،
ياسين : زربانة ؟
نوار : ااا الا لا غير سولت على حساب العشا ....ههههه
ياسين : غانتعشا معاكم الى بغا الله غا ديري بحسابي وبحسابي...والفاهم يفهم "خبطها لمؤخرة تا قفزت ووقفت وناض هو " راكي فهمتي حناكك عطاو الجواب ...مصمصهم ليها وباس راسها وخرج تيسر لخدمتو ...
قبل فمدينة فاس كان صهيب كيتسناهم يدخلو لعندو حتى تمو جايين بزوج هي مزنگة وحادرة راسها ما قادرة تهضر بحتى كلمة ...حتى وقف عليه صعصع الي جاي وكيفرنس وما خاصو تا خير ...
صهيب : طلقني دخلو عندي منقضي ...
ايساف : وماالك بشوية تاحنا را قضية ...
صهيب : ايييه قضي قضي ودخل طلقني ...ياك مكاين لا اعتراض لا والو ؟ تمشي تجبد ليا شي منتيف نصدق كنطلب عليك تاني ...لاخور را كيتهدد راني غامسمت الوقت ...
واقفة فالكوزينة كتطيب فالعشا ومعاها الخالة نعيمة حيث غادير عشا ملوكي بمناسبة قدوم علي وترحيب بيه ...خذامة تتقطع فالقزبر بالقطاعة ...وريحة طياب تعطعط ...حتى دخل عندهم علي من بعد ما حنحن ...
نوار : علي غير دخل اخويا ماشي مشكيل ...
علي "طل عليهم " : الخااالة نعيمة ليك وحشة ...
نعيمة : اهلاان ولدي على سلامتك ...
علي"باس ليها راسها " : الله يسلمك ...الله واش ريحة دجاج بدغميرة ولا منخري غيس ...
نعيمة "تسنات تا خرجو دراري " : واايلي بنتي المراة اللحلاحة غلبات سحارة ...نتي ربي عاطيك زين قبول دخلي الخاطر داير عليك الي ميدار ماشاء الله عليكم ..."غمزتها " جوج كلمات رطبين من لسانك وتلحليحات منك يرطاب ...راكي مرتو شهور هادي مغاديش تقولي كتحشمي ...(لهلا يوريك)
نوار : واخا انا غانطلع عندو ...
نعيمة : سيري لا غوت غادي غير يغوت هذا جهدو معاك مايضربك ميقرب ليك الفحم ماديال هاد لفعايل ...
بقات تهضر معاها تا طمنتها وهي تزعم وتمات خارجة غاديا طالعة عندو حتى لقات اشرف جايب شي ميكات ديالو وصاه يجيب من طموبيل شنو فيها ...
اشرف : فين ياسين ؟
نوار : لفوق انا طالعة عندو ...
اشرف : هاكي هادو بغاهم من طوموبيل ...
شداتهم من عندو وطلعات لبيت دخلات لقاتو فدوش ...دقات عليه ...
ياسين : شنو ؟؟؟
نوار : اشرف جاب ليك شي ميكات وصيتيهم يجيبهم ...
ياسين : حطيهم تما حتى نخرج ...ماتحليهمش ...
نوار : واخا وانا كنتيناك نجبد ليك ماتلبس ؟ "ماجاوبهاش ولات مشات وبغات تحطهم وهي طيح ليها الميكة من دوك الميكات خرجات منها قميجة بيضة ...
نوار : فففف "تحنات هزاتها باش تردها حتى قشعات واحد طبعة ديال شفايف احمر شفاه عند الكول ديال العنق ...بالصدمة فمها نمل ولسانها تعقد ...حتى جلسات لارض ...
اي وحدة فبلاصة نوار تلقا الي لقات دابا وفاغراض راجلها غادي تحس باحساس الغيرة الي غايبدا يتحكم فيها اولا عاااد تشوف واش بصح ديالو او لا عاد واش تحكم فتصرفاتها قبل ماضلم حتى تاكد ...ولكن فشخصية نوار الي متسرعة واي حاجة كتخص ياسين والي تقرب ليه تجننها فمابالك لو لقات حاجتو ...خصوصا انه قاليها ماتحليهمش ...طاح قلبها تنمل عليها لسانها شعرها وقف ...حتى جلسات لارض ...
نوار"كتشوف فالقميجة وكتصرط فريقها غمضات عينيها مابغاتش تبكي ولا دير اي تصرف ولاول مرة زيرات راسها بزز باش ماتبكيش ولا تغوت ...رجعات نظرها لقميجة كتشوف فيها وفطبعة نيشان ...يلاه غاتقلبها حتى سمعات صوت الروبيني تسد خشاتها فالميكا وناضت بزربة حطاتها ووقفات كترعد حيث حابسة راسها بزز ...حتى خرج كيشنف فوجهو وايديه ...
ياسين "شاف فيها لقا وجهها مزير " : مالك ؟
نوار"كتهضر وتصرط ريق صوتها مقجوج " : و والو ...انا غانهبط ..."تمات غاديا حتى وقفها بصوته باش ضور تشوف فيه ما قادراش ..."
ياسين "شير ليها لميكات " : شكون جاب هادو ؟
نوار : اشرف ...
ياسين : سيري هبطي ...
خرجات من البيت دمعة نقزت ليها وعينيها مغرغرين كتبقا تصرط وتحبس بزز باش متبكيش ولا تغوت العافية فصذرها شاعلة خنقة شاداها غصة فحلقها ...وعلاش الي متشدها وهي الغيرة غاتقتلها ...فكرة ان ياسين يخونها ؟ ابدا واش طيح فالبال ...كتقول ياسين رجل صارم جدي مرزن متبت مكتفي بيها افعالو وتصرفاته وهضرته معاها كتوحي على انه كيموت عليها وكيشوف غير نوارته ....
تمات غاديا حتى وقفات انتابهات لراسها انها كتعرج ...رجع فبالها انه واحد شخص ربط راسو بيها ناقصة زائد انها كدير مشاكل بعفويتها وتبرهيشها ممكن يكون خانها على هادشي ؟ حطات ايديها على وجهها وخرجات كتجري قدام الباب بعدات شوي ...حطات ايدها على صدرها كتنفس وتاخذ من الهواء النقي كتحاول ما امكن تهدن باش دخل لدار عادي ...
علي "تم داخل " : واحد ميكة ديالي بقات عندك را يمكن هي ديالي ..."شاف القميجة ديالو فايدين ياسين الي ضار لعندو مخنزر هز فيه علي عينيه وشاف فاشرف الي حل فمو واسامة الي مبقاش كيرمش ونوار ماعرفت ضحك ولا تلاح على ياسين تعنقو ..." : الميكا ديالي القميجة ماشي ديالي ...اش هاد المسخ " كون لقا لارض تشق وتبلعو ...بقا يلولب فعينيه" ....
نوار فهاد اللحضة اول مرة كتحس براسها دارت انجاز انها تحكمات فراسها وحاولات ما امكن تسيطر على الافكار الخبيثة الي كيجيوها وفعلا ثاقت فيه وبصح ما ضلماتوش ...ياسين ابدا مكان ولا غايكون شخص كيخون مراتو ...شخص اكتفى بنوار مراتو وعينيه باش كيشوف المدللة ديالو اي المفششة ...يخون وهو مزوج ابدا ما دارها وهو عزابي الي كانو معاه كان كيعرفهم بثقالة ماشي خفيف وقليل الادب ...
ياسين "خشا القميجة فالميكة " : شنو هادشي ؟
علي : احم القميجة وميكة ...
عطاها ليه ياسين عند صدرو شدها ووجه علي تجمع فيه الدم تزنگ واحد تزنيگة حشم منو بزاف ....
ياسين : فين با ؟
نوار "بابتسامة " : هاهو دخل البيت كيهضر مع خالتو يامنة ويجي ...
رجعات لكوزينة لقات نعيمة كتقاد فداكشي حطات صينية الاليمنيوم طويلة الي فيها جريدة ديال الخضرة داتها لطابلة وحطات طبيسلات كيسان قادات كلشي ودراري ناضو كيعاونو فيها تاهما حتى قادت طابلة وزوقاتها رجعات متيولة خرج مصطفى لعندهم وهي مشات عند ياسين برا لقاتو حاط راسو على لحايط وهاز وجهو لسما كيكمي ويبخ دخان لفوق ...
نوار : ياسين دخل تعشا ...
شاف فيها ورجع ناض لاح الكارو عسف عليه ...تسناتو حتى ناض وتم جاي يحساب ليها واش غايعنقها بجنب ساعاك تخطاها ومشا ...ما فهمات والو علاش مشا علاش ناقص الهضرة معاها ...دخلات تبعاته تاهي لقاهم جالسين مجموعين غاسلين ايديهم وكيتسناوه تا دخل غسل ايديه سلمات عليه نعيمة ومشات دات عشاها ...
ياسين : بسم الله ...
في هاد اللحضة في مدينة الجديدة في عشاء عمل كيجمع المدير وفريق المهندسين كاملين لا المعماريين ولا ديال الديكور ...
رياض : من دابا اسبوعين غادي ترجع الانسة مينة باش تبدا التطبيق ديال تصميم على ارض الواقع ...
نقز واحد من المهندسين ...امتا غايكون الافتتاح ديال الفرع لاخور ؟
رياض : حتى يكملو جميع الفروع ...
ايوب "قرب لمينة " : كيفاش غاترجعي ؟
مينة "ضارت شافت فيه ....ايوب كتعرفو غير فديك لونتوغاج الي تما فالخدمة مؤخرا " : كنت غانمشي مع عمي لكن انا تعطلت وهو كان خاص يرجع ...غانرجع غير فساتيام ...
"بغات تهضر حتى رفع صوته ضارو لاخرين هزات فيه عينيها لقاتو لاول مرة داير واااحد مولاتي تخنزيرة فيها فيها ديال لقتيلة " تحركي معاه نقلبكم بجوج فديك طوموبيل ...
مينة : اااا شريف واش من نيتك ؟ "تمات غاديا حتى شدها من دراعها بجهد تا تحفرو صباعو فلحمها " اااي مالك ؟ واش من نيتك نتا طلق مني ...
رياض : اقسم برب العباد وتعتبي معاه غذا وملقاكش كتسنايني نمشيو بزوج حتى ندير ليك فضيحة نغرق ليك شقف "زاد فالحدة ديال نضراته على غير العادة جهل بدون سبب ولكن السبب رئيسي را معروف وقالو ليها بالمباشر ..." زيدي قدامي نوصلك ...
مينة : ماتوصلنيش ماااااتوصلنييييش ...باش من حق ؟ حيث مدير ديالي ؟ غادي تجري عليا ؟
رياض : راك مغاتقديش عليها زيدي بلا تبلبيل فالهضرة ...وايوب وخا يوصلك ؟ وانا لا ؟ "غوت بحر صوته تا خرجو الي فريسطو تما وعباد الله ضارت " وااااااااااعباد الله غاتجهلني بنت رمسيس وااا ..."سدات ليه فمو بايديها "
مينة : ششش صافي صافي نمشي معاك ...
رياض"باسها فكفها " : ريحة ايديك زوينة ...
مينة "حيداتها بزربة " : وصلني فحالي يرحم باك ..."زادت قدامو حاقدة وكتحلف عليه لا بقات فيه على هاد جهلة المفاجئة الي جهل "
زادت قدامو ساخطة ماحملااااتش الوضع الي حطها فيه ...دارت ايدها على حناكها ووقفات حدا الموبيل حتى سمعات صوت الباب تحل وطوموبيل ضواوها سناو عاد حلات الباب ودخلات جلسات ...عاد ضار هو كيفرنس ودخل حداها ...
رياض : ماتنسايش غذا مع الفجر ...
مينة "الصمت "
رياض : معاك كنهضر ...
مينة : سمعتك ...
رياض : هكاك ...
مينة "زفرات بجهد " : ففففف
رياض : ولااا تقل لهما اف ...
مينة"ضارت خنزرت فيه " : مالك با ولا مي ؟
رياض : فحال هكاك ...
مينة : واش نتا شويك لباس ؟ مالك مافهمتش غبرتي ثلاث ايام بالحساب مبنتيش فيهم وملي جيتي جيتي لعشا نيشان وجاي جاهل ؟ مافهمتكش ؟ انا مهندسة نتا مدير ديالي اه مسؤول عليا ك موضفة عندك هادي فهمناها ...واشنو تفسير غواتك باشمن حق تغوت عليا اسي ؟
طلق سينيال ووقف قدام البحر فواحد البلاصة تما فطريق على شكل بارك لسيارات فين كيوقفو فالصيف الي كيجيو زيارة تما ...كان ليل كيتسمعو غير امواج البحر ...ضار لعندها ...
رياض : انا بغيت نكمل نص ديني ...
مينة : علاه بادي الدين كلوحتى تكمل نصو ؟
رياض : شوووكرا ..."حيد سانتيغ وضار عندها كلو دار ركبتو حدا الفيتاس قريبة ليها تاني رجلو ...باش تواجه مع وجهها ويهضر بطلاقة وبشجاعة ..." مينة معاك بصح ...
رياض : وي مهندسة معاك وكتعرفيها مزيان ...عجباتني والوليدة كانت مصدعاني باش نخطب ونتزوج ...كنت ممديهاش فالفكرة مزال مامقتانعش مزيان ولا تقولي مالقيتش الي تناسبني ...والي وقع ليا الكسيدة الي طرات ليا رجعت من الموت خلاتني نفكر ...الميمة لمن غاتبقى كون تزوجت فديك الفترة مرتي غاتكون ولدات ولا عندنا وليد كون مت يبقى ليها شي حاجة من ريحتي ...العمر قصير ودنيا غدارة فايت خاسر اقرب شخص ليا وليها بقيت غير انا وياها حتى حد معندنا من غير خوالي ...عمي الي بقا مات العام الفايت ...
رياض "ضحك تا بانو دوك سنينات المسيتفين " : هههههه غير كيعجبني فاش كتعصبي سمحي ليا ...والمطلوب منك تفاتحيها الى بغات تعيش معايا اميرة فدارها ميخصها خير خدمتها غاتبقى هي هي ...ماتقوليش ليها شكون غير قولي ليها واحد سيد بغاها لزواج بخيرو وخميرو واحد من اصحاب هاد الشركة ...شاب باقي صغير ...وشوفي اش رأيها عاد نقوليك قولي ليها انا .... غانديرو خطبة وعقد وعرس الى بغاتو نديروه ماعنديش مشكيل عادتها تكون ليها ....وبشروطها...
مينة : عطيني س سم سميتها ...
رياض : كانت حداك ...
مينة : شكون لمياء ؟
رياض : هي لميااء ...
مينة : واخا ان شاء الله ...نقدرو نمشيو ؟
رياض "بقا شحااااال كيشوف فيها تقاد فبلاصتو وقاد سانتيغ " : نمشيو ...سمحي ليا على الروينة الي درت ليك هههه ضحكي باسل ...
مينة : هاء بزااف يا دلي ...
ديمارا طوموبيل ورجع قلب دورة مشا حتى وصلها لدار ونزلات خلاتو كيقوليها على الغذ ليه ماجاوباتوش ولا نطقات بحرف ...
كملو العشا ناض مصطفى يوجد ليهم واحد الدكة ديال اتاي ...ونوار واشرف واسامة ناضو معاها هزو الماعن ...حتى بقات غا هي كتحطهم فالغسابة ديالهم وكتستف فيهم حتى وقف عليها ياسين مغوبش مكيشوفش فيها ...
ياسين : انا فالمكتب هنا طلعي نعسي نتي متسناينيش ..." ومشا بلا ميتسناها شنو تقول
نوار : ها احم واخا ..."خرجات طلات عليه لقاتو مشا جيهة المكتب ...بقات حاضياه مفهمات والو فيه ...وهي ترجع كملات ماعنها ...بغير نفس حاسا بيه ...بيه شي حاجة،، مقلق من شي حاجة ...خدمات لاماشين وغسلات ايديها نشفاتهم ...
نوار : با ( على مصطفى ) انا غانشوف ياسين ونجي ...
مصطفى : شوفيه لا بغا كاس اتاي رجعي بنتي ديه ليه ...
نوار : واخا با ..."خرجات من كوزينة ومشات المكتب دقات ودخلات عليه لقاتو مركز مع الوراق تما ولابتوب قدامو كيطابي فالاكسيل الحسابات ديال الفيرما ورزقو كامل ...كان داير ايدو على فمو ولايد لاخرا فيها ستيلو وقدامو الالة الحاسبة اليدوية تاهي ...هز فيها عينيه وهو على نفس الوضعية ...
نوار "سدات الباب وقربات لعندو " : ياسين مالك ؟
ياسين "نطق بختوورية " : خداااام ...
نوار : لا واش مقلق ؟
ياسين : شنو بان ليك ؟
نوار : علاش واقعة شي حاجة ؟
ياسين "بقا كيخنزر فيها يخنزر يخنزر حتى نطق " : فنظرك انا واحد تغفل عليه شي حاجة ؟ دوز عليا شي حاجة ؟
ياسين : كنخاف عليك كتر من راسي كتر من عينيا كنشوفيك راسي كنشوفيك كلشي كنثيق فيك سمعتي الجملة لاخرة ؟ كنثيق فيك عمر نيتي ماكانت قليلة من جيهتك ...الى قرب ليك شي حد كنخاف عليك الى شافيك شي واحد ساخي عليه عمرو مكنبغيش حاجتي يشوف فيها شي حد ماشي كنقول را غاتمشي عندو هادي ابدا مكانت ولا عمرها طيح ليا فالبال ...غيرتي عليك حيث باغيك ليا وحدي مابغيت يشاركني فيك حد ماشي خايف لا نتي تمشي عندهم ....الفاااهم يفهم ...
نوار"غمضات عينيها عرفاتو عاق بيها حيث وخا دير الي دارت هو الوحيد الي كيفرز وجهها اش حاسا واش بيها شك وزادو تاكدو شكوكو فاش عطا القميجة لعلي وهي ضحك ووجها رجع ليه لونه " : ياسين ...
ياسين : نوار طلعي نعسي عرفتك زيرتي راسك باش مضلمينيش ...ماعليش مقلق من الخدمة وصافي ...
نوار "قربات ليه بزااف بحركة جريئة منها تحنات باست ليه حنكو وعنقاتو بجنب حاطا راسها على راسو " : لا مقلق مني ...
ياسين : واخا خليني نخدم صباح نهضرو ... نوار : لا حتى نعرف بالي ممقلقش ...
ياسين : ما مقلقش منك انوار ما مقلقش طلعي خليني نخدم بخاطري ...
نوار"هزات كتافها " : نبقى حداك ...نجيب ليك اتاي ؟
ياسين : لا مبغيتوش ممساليش ...
نوار : ومتقلقش والله مابغيتش نضلمك وزيرت راسي باش منشكش فيك اااه وخا ماقدرتش وبقيت مزيرة مبغيتش نوصل ونقول حتى نتا قلتي ليا ماتحليهمش وياك ...اشنو غادي بلاصتي ...
نوار : واخا انا غانمشي ...حيث غذا غانمشي بغيت نبقى معاك الليلة بزاف "حدرت عينيها بحزن " ولكن الي بغيتي تصبح على خير ..."وقفات وهي ضور تمات غاديا حتى ....
ياسين "عض شنايفو " : فااااك ..."وناض لعندها بجهد ضورها وزدحها مع الحايط تلاح عليها كيشلقم فيها ويتمحكك "
فهاد اللحضة اشرف واسامة وعلي هزو كيسان اتاي وتحركو غادين خارجين لديك الجليسة يجلسو تما يدوزو سهرة هاز اشرف طبسيل الفاكية واسامة صنية اتاي من بعد ما كبو ل مصطفى ...
علي : فين ياسين كب ليه شي كاس ؟
اسامة : يمكن طلع لفوق شفتو دايز من تما ...
اشرف : حتى نعيط لنوار طلعو ليه ..."تحركو غادين حتى سمعو غوتة نوار بجهد من جيهة المكتب ....
نوار : اااااااااي ....
اسامة : نوار !!! مالها ...حطو الصينية واشرف بقا هاز طبسيل كيجري وعلي وراهم كيجري ويشيتف ومشاو يجريو لمصدر الصوت ديالها لمكتب مخلوعين عليها .....
نور الياسين الجزء 27
محتوى القصة
التنقل بين الأجزاء