يوسف "غوت عليهم تا قفزو " : واااااش غاتحركو عليا هناااا ؟؟؟؟
نوار مابقات كتسمع والو غير ياسين مشا مشااا ياسين الى فات حتى مشا را كيبقا تما مكيرجع على شحااااال ...هذا يعني انه تقلق وتقليقة ديالو خايبة !!! بغات تبكي والو من صدمة بقات غير كتسمع باها يغوت من هنا والحبيب يطلب فيوسف ويزاوگ ...حتى ...
الحبيب"طلقها بواااحد مولاتي ضحكة تا تبعو اسامة " : هههههههههههههههههههههههههههه
يوسف "دفع ليه ايدو " : تحاااايد عليا من هنا ما ضحك ما والو بسالة ديال البراهش ...اش قاليكم راسكم ؟ كون حتى خرجنا كلام العيب كتر من هاكا ؟ فين بغينا نوصلو ؟ اش هاد تبرهيش ؟
الحبيب واسامة خلعهم يوسف جاو لعندو قربو ليه كيبوسو ليه فراسو ويطلبو سماحة ندمو على اللحضة الي فكرو يضحكو معاه فيها ...الحبيب يبوس من هنا واسامة وهو كيبعد فيهم عصبوه بجهد ....
يوسف : حيد عليا من هنا ...
الحبيب : وحق الله تا تسمح لينا هههههه ...
نوار "كتقلب بعينيها " : واااا فين هو ؟؟
اسامة : را مشا لخدمة صباح بكررييييييييي يمكن حيث فقنا ملقيناهش وعلى ما قالت لحنانة مشا صباح بكرييييي ...
يوسف "بقا تا تنفس وهز فيهم عينيه " : ما مشا فين ...
الحبيب " شاف فيه " : كيفاش ،؟
يوسف : داك الضحك الباسل فتناه باشوااااط ...
نوار : كيفاش ؟ مافهمت والو .؟؟
مينة : بابا ؟؟
يوسف "جر نوار عنقها بجنب " : انا جبت الامانة لماليها ...سمعو صوت السيارة دخلات من الباب الكبير
نوار : كيفاش ؟ "تهز قلبها فاش سمعات صوتها وفيها هو الي توحشات وجهو وريحتو و صوته الي ايام هادي مسمعاتو ما تطربات ودنها بيه ..."
ياسين"نزل من سيارة راجع ادراجو من مراكش وصل لعندهم " : على سلامة ...
ياسين "قرب حدا نوار باس راسها بلا ميشوف فيها ويهضر معاها وسلم على يوسف ومينة " : عااد وصلت ...
الحبيب واسامة حلو فامهم بواحد طريقة كضحك ...صدق يوسف دايرها بيهم
ياسين : دخلو نتوما و"ضور وجهو جيهة نوار بلا ميشوف فيها " اجي معايا نتي ...
يوسف : ها امانتك شوف واش ناقصاها بياسة ..
ياسين : مادام عندك …هاني عليها ...
تمات مينة ويوسف غادي جيهة دار حتى قرب يوسف لعند الحبيب وحد ايدو على كتفو ...
يوسف : داك الجامع الي تخرجتو منو انا بنيت ليه الساس اولدي ...وايلي ديرها بيا انا ؟ حتى ميكونش شاويني الكاويني المعلمني باك عاد ضحك عليا ...ايييييه ماعليش مرة جايا ...
مشا ياسين وموراه نوار الي قلبها كيفرفر بالفرحة واخا باقي لان مصدومة من شوفته وباقي وذنيها كيزنزنو من الهضرة حتى قالت را مشا وخلاها لكن حبها ليه خلاها ماثيقش انه وشوفتو دابا وخصوصا وهي توحشاتو بزاااف بغات غير يعنقها تشم ريحتو لكن هاد البرود الي مزال كيعاملها بيه مافهماتوش ...حل ليها سيارة ركبات حداه وركب تاهو تا ديمارا بطوموبيل قبل مايكسيري ...
ياسين "كيشوف قدامو " : سمطة ...
نوار : اا اه واخا "بدات تقاد فيها حتى حط ايدو على ايدها وقادها ليها من عند كتافها وصدرها غير كيحط ايدو كتبورش ..." احم ...
ياسين : شربتي دوا ديالك قبل فطور ؟
نوار"كتحك فشعرها بتوتر" : اه فاش فقت فطريق قبل مندخلو ...ولكن باقي مفطرتش ...
مينة : ههههه ورا عشر ايام هادي ماهضر معاها ما سول راها تصدم ...
يوسف "مسح ايدو وضار شاف فيها كيضحك " : ههههه شكون قاليك ماسولش ،
مينة "جمعات ضحكة كتشوف فيه بتساؤل " : كيفاش ؟
يوسف : كل صباح وعشية كيعيط ليا من نمرة اخرا كيسول عليها شنو كلات شنو شربات شنو دارت واش كتشرب دواها صحتها ضاحكة ناشطة مابقا غايدير الكاميرا ...فنضرك نقطع نسوبية هاد النسي عندي ؟ الى هو فحم الفعايل را مع ختك بيض الفعايل ...دار شي حوايج مدرتهمش انا ...ماعادا الى كانت ختك جاها سخط وبغات تفرق عليه راها ضيعات راجل يحلفو بيه رجال ...
مشا بيها واحد المساااافة حتى خرجو لطريق وشد طريق لمراكش مسافة الطريق حتى كان فالمدينة وصل قدام واحد الريسطو ...
ياسين "سكت طوموبيل وضار عندها " : نزلي ...
نوار "فكات السانتيغ ونزلات لقاتو واقف كيتسنا فيها ضارت لعندو حط ايدو على كتافها حسات بضو ضربها غير كيتحرك كطلع معاها ريحة ديالو الي توحشات ماكرهاتش تخشش فيه وتشبعو بوسان ...دخلو لداخل جلسو فطابلة فوق الفوطوي لداخل سخون وصا على فطور كامل ...تسناو واحد شوي " ..
ياسين"خشا كونطاكت فجيبو وجبد تيليفون ديالو شعلو من بعد ما كان طافيه وفنفس الوقت كيهضر" : مزيانة صحتك ؟
نوار : مزيانة ونتا ؟
ياسين : مزيان مزيان ...
نوار "ترددات واحد لحضة وهي تنطق " : علاش كنتي طافي تيليفون ومكنتيش فالفيرما ...
ياسين "هز ايدو بشوي وحطها " : خدام هنا وهنا ...احسن هاكا باش نكمل الخدمة ونرتاح شوي ...
نوار : اليوم ماخدامش ؟
ياسين : شنو ليوم ؟
نوار : اخر شهر "خرجات عينيها بشوي " اااااه اليوم راس السنة ...
ياسين : نهار الاثنين غاتبداي عندي ...
نوار : عندك فالبنك ؟
ياسين : وفين من غيرو ...
نوار"ابتاسمت " : ان شاء الله ...
ياسين "هز فيها عينيه ونطق بجدية " : نوار !!
نوار : نعام ..
ياسين : ارتاحيتي ؟
نوار : من اش ؟
ياسين : مني ...
نوار "بنفي " : عمرك ما ضريتيني لدرجة نتمنى نرتاح منك ...انا الي مني لافوت ...
ياسين : نوااار !! شنو هضرت اخر مرة ؟
نوار"حكات جبهتها جاتها الغمة وضيم بعد لحضة من تفكير وتردد حتى لقات راسها كتهضر شنو ما فخاطرها " : ياسين انا من صغري وانا كنشوف دارنا وكلشي كيقوليا عنداك تحركي عنداك ديري هادي غادي ضرك رجليك ...عنداك تمرضي ...الى جاتني سخانة كلشي كيوقف ليا عند راسي ...نوار متلبسيش هادي را غايضربك البرد ...نوار رجليك ...نوار ماتديريش
حتى يجي ويوصلك ...الطوموبيل هي لاخرة مخلاونيش نقيصها حتى الى قلت ليهم غادي نولي نسوق كيضحكو عليا ...ااايه عارفاهم خايفين عليا "نزلات ليها دمعة وشافت فيه هو لي مابغاش يقمعها بالعكس عجبو لحال فاش سرحات لسانها " ولكن هادشي را كيخنق وبزاااف
بغيت حتى انا نكون فحالهم نخرج ميهضروش معايا نسوق طوموبيل ...ندير الي بغيت بلا ميقهروني ويقمعوني تحت مبرر را متعرفيش وخايفين عليا ...انا الحاجة الوحيدة الي كنعرفها هي كنقرا ونطيب ...
ياسين : وشنو الي خلاك من لول ماتزعميش ؟ علاش حتى لدابا عاد كلشي بغيتي ديريه فخطرة ؟
ياسين : هادشي مزيان كيفرح ولكن نوار شي حاجات كنديرهم انا متقدريش عليهم ...والي صعاب نعلمك ليهم غير قوليها تاحاجة متخبيها ...
نوار"هزات كتافها وعينيها لتحت " : ماعرفتش ...
ياسين : انا شكون علمني ؟
نوار : تعلمتي راسك ...
ياسين : تاحد مكيعلم راسو راسو ...الي عرفتها جربتها وتعلمت ليها الي جاتني صعيبة دربوني عليها ...تعلمت من صغري وتعايشت مع دنيا وزنقة وديابها ...نتي هادشي مشفتيهش فصغرك وبغيتي تعلمي دقة وحدة ؟
نوار "الصمت "
ياسين : حسبي راسك عندك عشر سنين وعاد بديتي تعلمي وتواجهي دنيا ولكن "هز صبعو " فعايل عشر سنين مديريهمش كطيبي تبارك الله عليك ...كتقراي هادشي الي بغيت مستقبلك عندي بدنيا قراي وثقفي وبحثي واندامجي مع ناس الي جاك براني تعرفي عليه غير بشوي بشوي وانا معاك ...
نوار"كتسمع ليه "
ياسين : الى نصحتك ونصحوك لمصلاحتك مانصحوكش حيث تزوجتي وعندك مسؤلية ...نساي مسؤلية زواج "شاف فيها بجدية " تعلمي باش توگضي لراسك غذا ولا بعدو الى مشيت عند الله واخا ماعرفناش عمرنا عند الله امتا اجلو ولكن ديما ديري بهاد الحساب را خاصك تعلمي لراسك هو لول عاد لناس بدرجة ثانية ...دنيا وناسها وكحل راس فيها واعر …تفاهمنا ؟
نوار"حركات راسها ب نعم "
ياسين : هادشي كامل مغاديش ديريه دقة وحدة غانبداو شوي بشوي ..."حط ايدو على ايدها وكمش فيها " غادي نبدا بحاجة مادامك جيتي عندي دوزي سطاج غادي ندخلك هاد شهر لمدرسة تعلمي طلقي رجليك فسوگان عاد سوگي معايا دقة بدقة ...
نوار"هزات عينيها مصدومة " بصح ؟
ياسين : نهار تنين بداي ...بغيت منك حاجة وحدة الي ضراتك والي بغيتي تقوليها هضري معايا فيها ...شوية بشوي خرجي شنو ضارك ونعالجوه ...
يمكن لو كانت كتهضر معاه ديما بهاد الحوار الي هضرات بيه والي ديييما هو كيبغيها تهضر بيه وشحال من مرة كيوصل ليها باش تطلق معاه فحال هاكا ...تطلق معاه نوار اللولة الي عرف الي كانت كتقوليه شنو ضارها قبل ميبغيها ويتزوجو لو بييييخير ...
ياسين "كيشوف فيها كتاكل ميتة بجوع من تعب طريق وسفر ونعاس " : بشوية عليك هاحنا هنا كولي بخاطرك ...
نوار"شافت فيه ونقصات " : هههه مكليتش ليل كلو كنت ناعسة حيث غير تعشينا وخرجنا ...
ياسين : السفر كاين خاصني ضروري نفك الكونطرا مع مول دار ...
نوار"بقلق " : غاتعطل ،
ياسين : سيمانة ونرجع على حسب ...
بقات كتفطر وتاهو كيفطر معاها غير نقب صافي خلاها تاكل وتشبع ..الدنيا هي هادي الغيار كيوقع بين المزوجين هاهما تصالحو وتقادو ممكن غيارهم يحبس هنا ممكن يكون غيار خفيف من هنا لقدام وممكن يكون غيار اكبر ...المشاكيل ولابد منها والعسل كاين ولكن را ماااشي ديما كيكون العسل والى تبعك كحل راس عول على عيشتك غاتولي قطران ....
رجع فؤاد من مراكش دخل لفيرما مدخل سلعة الي كلفو ياسين بيها او فؤاد الي تطوع باش يجيبها هو حيث عرف غاتجي مرتو خذا عليه الخدمة باش يهضرو براحتهم بلا ازعاج ...
فؤاد "حس بالحريق فصدرو ... شدو بايدو وغمض عينيه الي غرغرو ليه ولاو حمرييييييين "
اسامة "كيبوس ليه فرجليه ويطلب حتى حط عليه ايدو " ...
واحد المنظر كيبورش اللحم خصوصا ليه شهور ماهضر معاه صعيييييب تكون مخاصم مع باك او باك مكيشوفش فوجهك وباك عندك واحد الشخص الي مقدس مهما درتي او فعلتي مكتقدرش تخاصم معاه ...خاصة اسامة مع باه فؤاد الشخص الي مكيقدش يهز فيه العين اي واحد الا ولادو الي عندو بدنيا مفششين عليه وقت الفشوش ومحتارمين وقت الاحترام كيفاش باك الي منع خوتو من انهم يمشيو فالحرام والبلية ونتا تضرب هاد الاشواط وتهرسو من هاد الناحية ...كيفاش طلق ليك اللعب وخلاك دير ما بغيتي وتلوي ليه دراعو وتخدل ثيقتو فيك ؟ العقاب الوحيد الي عطاه وخلاه يتنجر من لداخل وهو فاش قلب عليه وجهو وهادي حاجة الي صعييييييييييييبة بزاف عند ولاد فؤاد رمسيس...
اسامة "حط عليه فؤاد ايدو من فوق كتفو وكمش عليه حتى هز فيه عينيه حمرييييين "
فؤاد "ما نطق بحتى كلمة ولا حرف حك على صدرو الي حرقو عاد نوضو من كتفو تا وقف وقابلو معاه ...شاف فيه فؤاد بنظرات ممزوجة بين جدية صرامة عتاب حنييين شي حاجة الي ميمكنش تفسريها الا لما كنتي اب او ام نضرات خاصين غير بالولاد فلذات الاكباد ..."
اسامة : سمح ليا الوليد سمح ليا والله مابقيت قدرت على مخاصمتك ليا ...كتشوفني كنضحك ومتلف الوقت ولكن را جيهتك ضلام الى مسمحتي ليا حياتي متنورش ..."باس ليه ايدو " كلنا كنغلطو وانا تعلمت من غلطي وهاني كنتعلم وباغي نتعلم ...
فؤاد "عض على فمو وحد ايديه على حناكو ضربهم بخفة ضربات متتالية قبل ميقرب ليه راسو وباسو فيه ...هنا نمل سرح فذات اسامة وعرفو بالي سمح ليه ...عاد زاد فحدة نظرته وعينيه فعينين اسامة ...زعما لا تعاود الكرة ...خبط ليه على كتافو بمعنى الله يرضي عليك ومشا خرج مخليه جلس لارض داير ايديه بين راسو ...
الكونطاكت او التواصل بين فؤاد ولادو معلمهم حركات وكلمات كلشي ما قل ودل لكن معانيهم كثيرة يعني بلااا منقوي الهضرة فهم راسك يعني بلاااا منكترو بلا بلا عرف المعنى ودخلو مع عضامك ...فشكل تواصل ديالو معاهم والى طاح واااحد كيطيح نصو ...او كيمرض كلو واخا هو شخص صنديد صرامة هي عنوان ملامح وجهو الا ان فلذة الكبد فلذة الكبد …
بقا شحال اسامة وهو جالس داير ايديه على راسو حس بيه بغا يطير من بلاصته وفنفس الوقت قلبو كيفرفر بالفرحة دابا عااا اكتاملت فرحته وغايعيش مزياان مرتاح البال ...ناض مشا لبيتو يدوش باش يخفاف عليه راسو ...
اما فؤاد كيف خرج من دار توجه ناحية الارض صونا ليه الفون مشا يهضر بخصوص الخدمة المتعلقة بموسكو ...يامنة مشات لعند سارة لدارهم بقات معاها مخلية المجال لاسامة وفؤاد اما لاخرين فيييين كاينين ؟ هما الان فواحد من الكوريات الخاصين بدواجن ...
يوسف "داير ايديه ورا ضهرو وداير البافيط (الكمامة على فمو ومنخرو " : بان ليا دجاج كثير هاد المرة ؟
سالم : وااه ...
مينة : مزيان ...
سالم : ما مزيان والو خاص يتباع كلو كيما تباع وقلال كيما حسن الى بقا لحمو ميبقاش مزيان لماكلة غايبقا غير لبيض وخسارة غاتكون ...
كان الحبيب تاهو معاهم مشا هو لديك جيه كيهضر مع واحد تما كيعرفو من الخدامة كيوريه وسالم عيط ليه واحد استاذن منهم حتى يرجع ..
يوسف "ضار عند مينة مستغل الفرصة " : شتي رزق ماليه كيداير كل وفين مصرف رزقو ...
مينة : زوينة الفيرما وهادشي ولكن تمارتها صعيبة ...
يوسف : تمارتها فوق تمارتك وتمارتي هذا رزق كيتفرق باش يشريوه ناس من رزقهم وكاين الي كيسترزق بيه ...غا الكوري وحدو تمارته قاصحة بهايم دجاج حليب زيد لارض زيتون ...زيد خدامة دخل هادي خرج هذا بيع شوف هذا عيط ليه فلان من دوار خور زيد بزاف وزايدها بخدمة البنك ....فين غايحط هاد راس عندو ...
مينة : بزاف عليه الله يحسن العوان ...
يوسف : عاد حضي الخدامة واخا داير فيهم ثيقة خصوصا سالم الي كان شاد ليه كلشي الا انه خاص يعاود من وراهم ...
مينة : وكيفاش كان مقابل وهو فامريكا ؟
يوسف : مكلف جدو وفؤاد كيمشي يطل مرة مرة ياكد ليه وزيد هو من بعيد كيشوف اش دخل فالكونط ويحسب بدماغو كيعرف اش ناقص وحافض امتا سلعة كتوجد حسب كل فصل متخميش عليه ...مخو مبرمج على داكشي ...
مينة : فففف بزاف انا غير مشروعي وراسي ضرني ...
يوسف : غاطلعي من مراكش ؟
مينة : مراكش جديدة قريب الحال دغيا ...
يوسف "وقف وتقابل معاها " : بنتي جيني نيشان الي فات داز والي دازت على راس بتعليمة ...غيررو والي وراه والي جاي ...ديريني صديق ديالك ...مناوياش ديري دارك ؟
لا راجل حداك لا ولاد ضايرين بيك ...انا وميمتك معاك غذا ولا بعدو ربي يدي الامانة ها عمامك معاك غذا ولا بعدو كل شاد طريقو ...الى خفتي جربي وعاودي جربي ...الى مكانش هذاك غايكون لاخور ...ديري دارك ووليدات الى مشيتي صباح تخدمي فاخر نهار تخرجي ونتي عوالة تحلي الباب ودفعيه تلقايهم عند رجليك كيتسناو فيك الى مالقيتي الحب فراجلك تلقاي فوليداتك الى مابغيتيش تعطيه الحب الحب غاتعطيه لوليداتك بمشاعر صادقة ...دنيا مابغاتش غير تقصاحي على كلشي ...
قصاحي على هادي ورطبي مع هادي واجهي وتواجهي ...قصاحي مع البراني ورطابي مع دمك ...الي جرا ليك را فااات ابنتي وكيف رجعتي وقفتي وتعايشتي مع الوضع تا وليتي هاكا قادرة تعاودي تعايشي مع راجل باغيك وشاريك ...الى مكانش هذا الي خطبك يكون مع لاخور ...
مينة "بغات تهضر"
يوسف : انا نصحتك حيث نتي بنتي حيث الى قلت ليك شي حاجة عرفيها را خرجتها من قلبي وباغي مصلاحتك وشكون غايبغي ليك مصلاحتك اكثر من باك ؟ ...ماقلتش ليك وافقي عليه ولكن انا هضرت ليك بصفة عامة عليه وعلى الي بعدو ...
يوسف "دار ليها حركة بايديه كيولول " : بلاتي تكبر هي بعدا ويييييييييليييييييي نوار تولد ليا حفيييد ...هوهوووي ...
مينة : هههههههههه ...
يوسف : ههههه اودي الي سبقت فيكم هي هاديك مهم عطيوني حفايد وكترو ليا نهزهم وندور بيهم ...قبل ميدي مول الامانة امانتو ..
مينة : الله يطول فعمرك
هادوك كانو نصائح من اب لبنتو نصائح من شخص فايت وعايش تجارب وكينصح من قلبو بنتو وما باغي ليها غير تكون فرحانة وبييخير خصوصا تجربة الي كرات منها مينة والي كانت كفيلة باش خلاتها سدات قلبها على الحب ولكن واش تفتح مرة اخرى ؟ ....
وصلات العشية تقريبا اذن العصر رجع ياسين ونوار من مراكش واستاذن ياسين من بعد ما بدل حوايجو ولبس حوايج باش يقدر يتحرك فالارض والفيرما ...اما العيالات فا لبسو لباسهم وتحركو خارجين عند الباب ايام باش جاو قبل ...
يامنة "كتقاد فشالها الي جا فنفس لون الجلابة الي لابسة ..." : ميمة نجود ساليتي ؟
نجود "جالسة وكتلوح عليها شال ديال خايط كبيير " : موجودة بنتي ...
خرجو كيتسناوه برا باش يمشيو معاهم عند الناس الي موجدين گوتي وداكشي على حسب مجيتهم باش يشوف البنت الي شافتها يامنة مسبقا وخا من بعيد وعطاتها سارة عليها معلومات بحكم كتجيها ...حتى وصل عليهم ريحتو تعطي موقف ليك شعر وضارب حطة يا سلااام الي مبغاتوش را مسخيطة هههه داز من حدا يوسف ...
يوسف "طلعو وهبطو " : عندك العقد ليلة ؟
الحبيب : لااا غادي غير نشوف ..
يوسف : هادشي غا شوفان وضارب هاد الحطة ...
الحبيب : نتفاهمو بعدا لا تكون البنت مبززينها ...
يوسف : والى متفاهمتوش ؟
الحبيب : next....
واحد الدويرة هي مصلوووحة مقادة قدامها جريدة تهبل بغرسها وحداها الكلاب ضرووري الوسط القروي هو هذا فين ما مشيتي كتلقاهم ....وصلو عند الباب بعد الحبيب حادر راسو نقولو فرحان علاش الي ميكونش فرحان شخص بغا يكمل دينو اختار الطريقة التقليدية كاي راجل ممكن يختارها طريقة تقليدية قديمة شوي لكن فضلها بغا يجرب زهرو فزواج تقليدي من هاد نوع بغاها تكون صبارة معاه وخا هو شخص ضحوكي حنين بجهد صبار حتى هو غير ديفو فيه الى فات تا ناض وخا مكينوضش بسهولة كيكون خااايب ....
الام : مرحبااا وسهلا بلالة يامنة مرحبااا ...
يامنة "بابتسامة حنونة " : ترحب بيك جنة ...
الام : زيدو مرحبا مرحبا...
سارة : فين امبارك اسعدية؟
سعدية : هاهو جاااي ...
سارة : ها الولد برا ميدخلش الى ماجا الحاج ...
السعدية : هاهو "بان ليها جاي كيقاد فطاقية ويعقد فسمطة سروال عاد خارج من طواليط وحالتو مسخة حاشاكم ...مالقات فين تخشي وجهها " ...اهههه هاهو زيد امبارك دخل خو الفحم ...
سعدية "كتدوز بايديها على رجلين بنتها وتهضر بكل وقاحة " : وابغيناها تكون بدارها وحدها سكنة مجموعة تجيب غالمشاكيل وتبارك الله نتوما ولاد الخير را يجيب ليها تا فيلا ...
يامنة : الى تفاهمت معاه هو متسالنا غا الله يكمل مسالة السكنى الحاجة را هو الي غايتفاهم معاها عليها حنا ولادنا مكندخلو فيهم يكفي القلب يكون طيب مافيه لا سم لا حقد ...
سارة : وميكونش طمع هذا ماكان ...
سعدي : ويادلي الطمع را شين (خايب )والي طمع را يرجع عليه ...
سارة : وبالمعنى والفاهم يفهم ...
يامنة : واخا يهضر معاها ؟ الى ماليها تا مشكيل .،.
سعدية : وايلي على الي ميهضرو مرحبا عيطي ليه ولا بنتي دخلي البيت ديال تلفازة تايلحق عليك ...
بالفعل ناضت هي ومها… ساااكتة لحد الان البنت مزال مهضرت ما يمعو صوتها ما تكلمات معاهم ماعارفو تا واش كتهضر ولا زيزونة ولا ضاربة مها اللقوة ...بعدا الطابلة را معمريييينها من طقطق تال سلام عليكم بكاع الي تحب الخاطر والي عندهم داكشي الي قسم الله مهم مخلاوش كيف معروف على ناس العروبية وطبعا را كاين الي سقرام وكاين وكاين ناس اشكال والوان ...دخلات لبيت فين كيتفرجو فتلفازة لقات خوتها ناعسين وهازين رجليهم مركزين مع تلفازة كيتفرجو فرسوم حتى قفزتهم كتجري عليهم بصندالة ....
سعدية : بركي هنا تايجي الولد ...
خلاتها وخرجات واحد شوي حتى كتسمع تحنيحنتو داخل حادر راسو ...
الحبيب : سلام عليكم ...
نبيلة "الصمت" ...
الحبيب "جلس مقابل معاها شابك ايديه باش يبدا الهضرة وتهز فيه عينيها الي فحال عينيه " : لباس عليك ؟
نبيلة "كون غا سكتات وما نطقات واااحد صوت طلقات ليه كون مكانت قدامو قول بياع سردين واحد صوت مدعدع تقولي راجل فهيئة انثى " : الحمد لله ونتا ...
الحبيب "مع خلعاتو وحلت ليه تا ولا يكحب " : كحكح كحكح احم بيخير "دار ايدو على قرجوطتو " كتقراي ،
نبيلة "شمرات على دراعها تا يحساب ليه غاتسلخو ههههه " : الواهيا اش نقرا كبيييير كاتريام من تما وانا نتسنا فمكتوبي الي يخطبني ويشري ليا ايفون ...
الحبيب"خرج عينيه " : هااا ايفون ؟ ايناهو ؟
نبيلة "جبدات من جيبها ايفون سانك محرود من لور وفيه صباغة ضفار معلماه بيها " : الي فيه تلاتة الكميرات ايفون اكس ماكي ...
الحبيب"طلعها وهبطها هي زين را زييييينة تبارك الله ولكن باش نفع هاد زين والعقل لاروب ومن فوق صغيييرة ناااري وقتليه مياخذهاش صغيرة ...حنحن شافت فيه " : حطي داك تيليفون نهضرو ...
نبيلة : غاا ميساج حيث لحت فيديو ف طيكطوك ...
الحبيب : طيكطوك !! لا حول ولا قوة الا بالله ...شوفي فيا ...عمرك صغيير ابنت الناس كون كملتي قرايتك وولد ناس غايجيك فينما كنتي واخا كتقراي ماشي تجلسي تسنايه هاد الوقت غييير وقت باك ومك وواليدينا ...هادشي فاش خاشيا راسك را مينفعك بوالو فقرايتك غير تضياع الوقت وتشوف مشاكيل ناس وصلت ونتي مضيعة وقتك كتقراي مشاكيلهم ....
نبيلة : وبا خرجني ومي قالت ليا غانتزوج ولد رمسيس الى بغيت ...
الحبيب : ولد رمسيس را باغي مراة ديال زمان ماشي مضاربة مع طيكطوووك "كيعيب فهضرتها" باغا ايفون اكس ماكس ايه ومن تولدي غذا ولا بعدو ؟
الحبيب : بغينتزوج !! بغيتي تزوجي ؟ واخا الله ان شاء الله .."جمع الوقفة " الله يسهل عليك احم "حنحن وخرج من البيت نيشان لبرا تابعو مبارك يجري ويعيط ليه ...
الحبيب : بلغ الحنانة هاني سبقتها لدار ...
مبارك : امدرا تفاهمتو شي وكان ؟
الحبيب "حك لحيتو " : بنتك عندها سن القانوني باقي موصلاتو اشريف اشمن زواج هذا ؟
مبارك ؛ ومالها مها راني خداها على سطاش ونص ...
الحبيب ؛ اللهم بارك ..يكون خير الشريف تانهضرو معاكم "ابتاسم ليه. ومشا " ...
ايوى هذا هو الحال ماشي من اول مرة غايلقا بنت ناس وممكن جدا يلقاها من مرة لولة وهو وزهرو وتش هزات ليه مغرفتو ...
رجعو من عندهم مخلين ليهم هضرة مفادها حتى نعيطو ليكم ويكون خير هذا هو الحال سوا رفضو او لا متفاهموش مكيقولو والو جملة كتقال ها حنا على تواصل تنعيطو ليكم تعييطة تانية كتاكد انهم بغاو البنت على سنة الله يكفي انهم يرجعو يتفاهمو على الخطبة اما الى معيطوش ف النصيب هو هذا الخير فالي جاي ...
اليوم الاثنين هو اول يوم غادي تبدا فيه نوار الخدمة الى جانب زوجها ...واليوم عاد غاتشوفو مزيان حيث امس والي قبلو كان مشغول مكيجي حتى كيلقاها ناعسة ...اول ماحلات عينيها حلاتهم على دغدغات بوساتو...
نوار"حسات بقلبها كيضرب يكذب عليها الكذاب الي يقول راها مرتاحة ابدا واش مرتاحة يمكن اول مرة غاتدخل فعالم الجدية ديال ياسين عالم صرامة الخدمة ديال بصح ...الكد والعمل ديال مافيش يما ارحميني هي هادي ديالهم ...حنحنات ولات ناضت من فراشها قاداتو مخلياه كيكمل لباسو ودخلات هي لدوش تقضي حاجتها وتغسل ...."
ياسين : متعطليش انا لتحت نكمي ونهضر مع الوليد ...
نوار : واخا انا دغيا نهبط ...
خرجات جبدات ماتلبس ...قميجة بيضة طويلة حد ركبة وفوق منها جيلي فالصومو وسروال دجين وصباط فحال البوط فيه سوميلا ديالو مقادا ليها العبار ديال رجليها ...مشطات شعرها وطلقاتو دارت عكر غوز خفيييف ورشات بارفانها هزات صاكها فيه لوازمها ونزلات لتحت صبحات عليهم شربات دواها وفطرات عاد خرجات عندو لقاتو واقف مع فؤاد ...
ياسين : فطرتي مزيان ؟
نوار"كتدخل خصلة من شعرها لصقات على شفايفها مع العكر " : ااه فطرت ...
دخل فؤاد لداخل وركبو هما فسيارة ماهضر ماتكلم انطالق خرج من الفيرما وشد طريق البيست تا خرج طريق الرئيسية عاد شدها طوالة حتى وصل لمراكش وضرب دورة شد طريق البنك مسافة ساعة لاروب من الفيرما لبنك حتى لقاتهم قدام البنك ...
ياسين : بلاتي ...
نوار"ضارت شافت فيه هز كلينيكس وحطو على فمها جبدو ليها تا حرقها " : اييي علاش ...
ياسين : الخدمة تكون هي هاديك المضهر كاين ميحتاجش داك الصباغة في فمك مصبوغ من عند الله ...
نوار : وهادشي الي كنعرف انا غير بغيت نديرو ممعيقش ...
ياسين : انا جاني معيق ...تحركي نزلي ...
نزلو بزوج بيهم عطا ساروت لسيكيريتي ودخلو لبنك اول حاجة ضار جيهة الجناح الي لتحت وهي تابعاه تا وصل عند الموارد البشرية ...
ياسين : خدمتك هنا على حسب النيفو ديالك ..الله المعين "طبطب عليها ومشا لسانسور طلع مخليها مع الولد الي وراها فين تمشي ..."
في هاد الاثناء هو طلع لفوق مشا نيشان لمكتب ديالو معيط لكوادر الكبيرة باش يبداو الاجتماع من هنا عشرة دقايق ...اما هي مشا معاها الولد حتى لواحد الكونطوار فيه ربعة الكراسا كاين فالواجهة عند الاستقبال ...
شريف : هادي انصاف وهادي منال وهادي ياسمين ...ياسمين وانصاف سطاجيير معاك ...هادو اسبوعين باش بداو هما غايوريوك كيفاش تخدمي بالنسبة لشي حد بغا يسحب من الرصيد ديالو مبلغ قليل ..الي مفهمتيهاش اكثر ها المكتب عارفاه فين ...
نوار : شكرا ...
ابتاسم ليها ومشا تعرفات على البنات تما غير ابتسامة وسلام فقط بدون متداخل معاهم وعاطية تيقار بانية حاجز بيناتهم لا يتخطى سوا سلام وهضرة الخدمة ...بدات البنت كتوريها فالبيسي حتى تحط الملف بجهد كاع وراقو تشتتو وواحد تشير جا لنوار مسكينة فوجهها غزلان : شنو هاد خدمة زبل ؟؟؟ ..."طلعات وهبطات فيهم اما نوار تحدرات حيث الملف عما ليها عينيها "....
ماا رداتش البال كاع شكون ضربات هي وصلات وضرباتهم بدوك الوراق هبطات من الفوق مشربنة عليهم ...خلاتهم كيتفتفو الا نوار الي بقات شادة عينيها وتحك فيها حيث قصحاتها فيها ...
غزلان : شنوووو هاد خدمة زبل ؟؟؟؟
ياسمين "كتفتف" : ش ش ش شنو ل ل المشكيل مادموزيل غزلان ؟
غزلان "صرطات القمعة بزز " : اربي سمحي ليا والله كاشفتك تعصبت مع الخدمة ترونات "خنزرات فهادوك " تحركو صلحو المشكيل من هنا نص ساعة يكون عندي ..."
ياسمين : واخا دابا نقادوه ...
مشات غزلان كتدور وتشوف فيها حتى طلعات لفوق اما نوار بقات شحااال وهي كتنش بزز باش همدات عليها ...
ياسمين : ختي شوية ؟
نوار"حركات راسها باه " : شوية ...
ياسمين : انا نعاونك انصاف غاتبقى مع منال يصححو الغلط الي وقع ...
نوار : واخا اجي نكملو ...
كمدات ضربة الي تضربات مابقاتش جبدات الهضرة رجعو البنات او ياسمين خاصة كتوري فيها وكيستقبلو الناس الي كدخل كتعالج مشكسل او كتستفسر او كيشرحو ليهم طريقة البنك وشروط باش يشجعو الناس تفتح عندهم حاسب بنكي او يبقاو مستمرين فالتعامل معاهم ...
ياسمين : مازال متعرفيش ليطاج ...هههه ولا توحشتي موسيو ...
نوار"حمارو خدودها " : ا ههه لا غير نعاونكم حسن ماتجي تبدا تغوت ...
ياسمين : ماعرفتش "شافت ف انصاف " تقدر تمشي هي ماشي مشكيل ؟
انصاف : معندكش مشكيل اختي سيري مزيان نيت باش تحفض هنا ..."مدات ليها الملف " هانتي را طاج ثالث غاتمشي نيشان المكتب الكبير ديال مدير را بجنبو مكتب فيه شاف ديال فينونص را هو هذاك ...الى ماعرفتيش فدخلة ينعتو ليك مكتب غزلان ...
نوار : واخا صافي كوني هانية "قادات الحوايج وناض قابطة من عندها الملف تمشات تالسانسور وركات على رقم طاج وطالعة قلبها كيضرب وجهها مزنگ ولكن حالفة تا تمشي وتشجع باش ماتبقاش ديك الرهبة وتوتر الي كتكون فيها ....وصلا فين نعتات ليها انصاف ووقفات كتشوف ...وتقلب بعينيها....حتى وقفها صوت ....
شنو بغيتي ؟؟؟
ضورات وجهها ناحيته وهي تبتاسم مغمضة عينيها الي ولات وحدة منهم حمرااا ومدمعة ليها ....
ضورات وجهها ناحية الصوت الي سولها شنو بغات وهي تبتاسم ليه ...ومخبية التوتر ديالها بابتسامة الكيوت الي على وجهها ...
نوار : بغيت مكتب شاف المالية ...
عماد : واش نتي جديدة هنا ؟
نوار: اه انا عاد بديت سطاج هاد صباح ...
عماد : شنو بغيتي الاخت غزلان ؟
نوار "وراتو الملف " : ملف فيه الاوراق الي صححنا فيهم الغلط الي وقع ...هي عارفة ..
نوار"حطات صباعها على عينها" : ل لا علاش ؟ واش باينة ؟
عماد : حمرة بزاف ...شوفي شي حاجة ليها اختي مهم مكتب غزلان هاهو ...
نوار"ابتاسمات ليه وحدرات راسها " : شكرا .."مشات مخلياه تاهو مشا لخدمتو كيف وصلات المكتب طلات من بعد ما قرات البلاكة وتاكدات انه مكتب غزلان دقات كتشوف المكتب فارغ ...بقات واقفة حتى تحل باب المكتب ديال الاجتماعات وخرجات منو وجهها مزير ومزروبة " ...
غزلان "شافت فيها وخنزرات واحد اللحضة عاد تداركت ورجعات ملامح عادية بزز " : احم نوار !! "شافت عينيها وقلبها نزل لركابيها " مدرتي والو لعينيك ؟ ...
نوار"ببرود " : ملف الاوراق هاهما تصححو بغاو يجيبوه لكن كانو لي كليون مقدروش يخليوهم ...
غزلان : ودخلي بعدا "بغات تدير اي حاجة ولا قفارت على جد باباين مها هاد نهار " دخلي عافك ندير ليك لعينك شي حاجة "شدات حناكها " وييييليييي اش درت ...
نوار : لا بلاش شكرا ..."مدات ليها الملف " ...
غزلان "قبطاتو من عندها وعينيها على عين نوار الي ولات حمرا ...جات تهضر وهي دور نوار وتمات راجعة ..."
فهاد اللحضة خرج ياسين محيد فيست غير بقميجة وگرافاط مگفض كمايمها وشاد فايدو ستيلو خارج مخنزر وحجبانو مرفوعين لسما سااابعة ...
ياسين "صرخ بالنداء على عماد وهي تجي عينو فنوار غاديا حتى وقفها بصوته " : نوار !!
نوار "وقفات وضورات غي نص فراسها " : وي موسيو ...
ياسين"رفع حاجبو من كلمة ويي موسيو مينكرش انه عجبو الحال فهاد اللحضة يعني اول حاجة كطبق هي التعامل بهاد الالقاب والاحترام اثناء العمل وفصلات الحياة الشخصية على العملية " : كاين شي مشكيل ؟
نوار"حركات راسها ب لا وعينيها عليه حمقها المنضر ديالو فهاد لحضة فييينك اياسين الفلاح دابا كتشوف فيه ياسين المدير الجدي الوسيم الجذاب ...قلبها بغا يخرج من بلاصته مكرهاتش طير عليه تشبع فيه بوسان وتعناق ريوگها دازو عليه فهاد اللحضة حتى بغات تنهد ..." : احم نن غير جبت شي وراق لمادموزيل "شيرات ليه لغزلان " غزلان ...
ياسين : داكوغ الوغ بلاصتك كملي الخدمة ..."صغر فيها عينيه كيشوف فقنت عينيها حيث عاطياه غير بنص الوجه وكتهضر معاه من بعيد " قربي هنا ...
نوار : ها علاش ؟
ياسين "رفع حاجبو "
نوار : واخا ..."قربات ليه شوي كتمسح فعينها حتى قربات وهي تهز وجهها الشي الي خلاه خرج عينو فيها ...
ياسين "عض على شفايفو شحال عاد نطق " : واخا سيري خدمتك حتى نجي ...
نوار : واخا واخا ...
تحركات هي هبطات وهو عيط على غزلان الي طارت كتولول مشات جابت شنو خاص كملو اجتماع بزربة وخرجو الموضفين من عندو وهو بزربة ناض تحرك خرج من المكتب ..
ياسين "غادي كيشوف قدامو داز من حدا عماد " : عماد تبعني تحت عند ايمن ...
عماد : واخا سي ياسين ..."ضار عند نسرين " ناااري اش بغا ايمن ؟
نسرين : ويلي ايمن كاع ؟ شي ان تما بغا يعرفها ...
عماد : واخا نتحرك قبل ميخلطني ..."طار من حداها تبعاو نزل هو وياه لعند الولد الي قاليه تبعني عندو ...
رجعات لعند البنات ورجعات كتكمل خدمتها والي موضفات تما كيعاونوها ومعاها البنات الي سابقينها وحتى الولد الي وصاه عليها مرة مرة كيجي يشرح ليها ولا تمشي عندو كتعطيه الخدمة وفنفس الوقت كتسولو وكيشرح ليها يعني بخصوص قرايا والخدمة دماغها محلووول ليها وشي لاخور هبيلة وقالو ليها زغرتي ...او يمكن تاحد مكيفهمها الا القليل وطبع نوار من الطباع النااادرة ....
نوار"جالسة منغامسة مع الخدمة حتى تحطت الميكة ديال صيدلية عند وجهها هزات عينيها لقاتو واقف " : ي ياسين ...
ياسين"تقاد فبلاصتو وكسيرا بطوموبيل غير تما حداهم فواحد ريسطو ماحتال يوصلو همدات عليها ...نزلات من سيارة كتمسح فعينها حتى دخلو وجلسو لداخل ...طلب ليهم اكل وشاف فيها " : هادي استثنائية ...فالعادة الماكلة كتجي لهنا ولا كيجيبوها معاهم ولا كاين الي كيتسنى تيخرج مع ربعة ...
نوار : نتا حتى كتحي عاد كتغذا ولا كتغذا هنا ؟
ياسين : الى كان فيا جوع كناكل هنا ولا نخرج نتغذا ولا غالبا حتى كنجي ولا كنتغذا مع الكليان ...
نوار : غانولي نجيبو معايا احسن ...
ياسين : تقدري تفيقي بكري ؟
نوار : لا فحال ماما كانت كتوجدو لبابا فلليل الى تشهى ماكلة دار ..هاكا غاندير .."حكات راسها " هههه حيث خاصني ناكل سلاد باربا على حسب دوا وماكلة الي خاصا بيا ...
ياسين : الي بغيتي والي خاصاك نجيبها ليك ولا خوديها ...غير تبعي دواك مزيان ..."شاف فيها كيكاكد شوفة " وجهك جاني ولا صفر بزاف ...
تغذاو وكلات مزيان اما هو كلا علاش قد صافي ولحد الان راه مكااااااالمي مداير تا رد فعل علاش وكيفاش الله اعلم ...تا كمل وقت الغذا ورجع هو وياها ...خلاه دخلات وطلع هو بدل نظرته لنظرة حااادة نظرة ديال القرطاس المشربنة الي لا اله الا الله ....
وصل الطابق وتم غادي مشربن مخلي عماد كيعيط ليه ماداهاش فيه حتى وصل المكتب حلو عليها بجهد شافت فيه وهي توقف كتفتف ...
غزلان : م موسي موسيو ي ياا سين ...
ياسين : جلسييييييي "غوت تا سمعوه برا..."
غزلان "جلسات بجهد تا تزدحت " : هاني هاني ...
ياسين "حط ايديه بزوج عالمكتب خبطهم تا قفزت من بلاصتها مشا بيها الكرسي وجا ...هز فيها عينيه حتى رجعات بلور " : لاليااااتك المخيرة فيهم فايتاك فشواهد ستين شهادة فوق ماستر وقابلة باش عطاها الله ...ونتي ماستر "هز صبعو " وااااحد اشريفة خرجتي بيه العجب ...
غزلان : والله اسي ماق"غوت حتى غمضات عينيها "
ياسين : صوووووتتتك منسمعععععش حاااااااسوووو ...اااااخر مرة ااااخر مرة تنفخي على شي موضف بلا مبرر رسمي وديال بصح وكتنفخيش عليهم ..."خنزر فيها عينيه خارجين " دااابا تعتاذري منهم "قرب لعند وجهها " عرفتي علاش ؟ حيث الغلط الي وقع غلطك نتي ..."شير ليها بعينيه لوراق " الحساب خاص بالمالية المفافية فخدمتها وهازا شوكتها على لالياتها....
"فلاش باك"...
ايمن "مدير قسم المراقبة بالكاميرات " : يمكن مشافتهاش اسي ياسين
نوار "هزات كتافها " : الاحترام را على كلشي ماشي على الي فوق من لاخور فالرتبة ...هادشي الي تعلمنا الاحترام مطبق على كلشي كيبقا غير الخدمة الي موزعة على حسب منصب كل واحد ...ياك ؟
غزلان "جمعات نفس وغمضات عينيها بنفاذ صبر " : احم واخا مادام نوار ...ديزولي على قبيلة كنضن طلبت سماحة قبيلة ...
نوار : قلت ليك ماعليش قبييلة غير نتي الي عاودتي رجعتي هههه ماعليش ماشي مشكيل ...
هذا هو الي وقع فاليوم الاول كان مشحون نوعا ما من ناحية نوار وغزلان زوجات الجو مكهرب بيناتهم خصوصا الي دار ياسين خلاها محملاتش راسها ومحملاتش نوار الي بسبابها عرف ومشا بحث تالقا اش دارت اما قبل ماتجي نوار كانت كتعايرهم ولا تنفخ عليهم وحيث كيخافو منها مكانوش كيهضرو ....غزلان
وخا شاف مستغلة منصبها وفيها عادة فحال خوها كتحگر الي اقل منها هادشي دايراه غيير فخدمتها داخل العمل اما برا كتصرف عادي راه شادة تيقارها وصافي ....
نوار "شافت ساعة " : ربعة هادي ...
ياسمين "كتگرافي ف الوراق " : بقا غير هادو نحطهم ونخرجو ...غاتبقاي هنا ؟
ياسين "ضار يشوفها حتى تلاحت عليه نيشان لشفايفو باستهم فيه خلات عينيه خرجو من صدمة ..."...
واقفة بعيد كتشوف سيارتو ...وهي تنطق : le début de la fin
اسي ياسين رمسيس ...
حب. نوار لياسين فشكل حب كبر معاها وكان فارس احلامها ورجل احلامها الرجل الي شافت فيه كلشي وحلمات باي حاجة بغات وهو فيها ميمكنش تحلم وميكونش فحلم نوار ياسين ...حتى لنهار الي شافتو على ارض الواقع خصوصا فاش يامنة كبرات فيها قضية انك غاتكوني مرات ولدي وخا قالتها بضحك نوار حساتها بصح وعاشت بيها ...حتى تحطت فالواقع وعاشت معاه مضرات الاعجاب الحقيقية تبعها الحب الحقيقي تبعها زوتج تكتب فالحقيقة وهكذا ...لكن المشاكيل الي عاشت وكتعيش وغاتعيش معمرها دخلاتهم فاحلامها حيث ديما احلامها بناتهم غير عسل فعسل لا غير ...ووخا تبنيهم فالاحلام فاش كيطبقو على ارض الواقع وحقيقة ف كيكونو غيييييير...
الاحلام كنكونو مدخلين معانا الاحباب والاعداء بالوصف الي حنا رسمناه اما الحقيقة والواقع كيكونو الاعداء والحساد او كحل راس وصفو كبر معاه حقدو او ضغينة ديالو ...بياض قلبه او سواده كيكون فيه تربى معاه بحسب الطبع الي عطاه ربي ....
ياسين "ماكفاتوش بوستها الي هرات ليه شفايفو طالب بالمزيدة حتى حر ليها راسها وبقج ليها شنايفها جر من رحيقهم عاد طلقها كتلهت" : دابا مزيان ...
كسيرا بطوموبيل مخليها حاطا ايديها على حناكها ابدا واش هضر معاها بالعكس مابغاش يحشمها باش متبقاش تحشم ومديرش هاد الحركة …
مسافة الطريق حتى كانو قدام الفيرما كيدخلو بلاصا سيارة ونزلات ...
ياسين : سيري دخلي نتي انا جاي ...
نوار : همم واخا ..."مشات كتزرب دخلات اول حاجة دارت سمعات صوت باها فصالون كيهضر منخافض شوي كتعرف ان فؤاد كاين ...
نوار : سلااام ...بابا "سلمات عليه ودازت سلمات على فؤاد و الحبيب وباست ايد نجود ..." فين خالتو يامنة ؟
يوسف : فالكوزينة "حط ايدو على كتفها " كيجاتك الخدمة ...
نوار : كتيرة ولكن زوينة كنتعلم شوي بشوي...
فؤاد"مفرق رجليه بطريقة رجولية وحاط فكل ركبة مرفقو مسند عليه وجامع ايديه ..." : الخدمة خدمة بنتي حيدي الشخصية وحطي بلاصتها العملية ...فيد (مفيدة ) ليك نتي لولة ...
نوار"ابتاسمات ليه " : هداكشي الي درت عمو كون هاني ...
يوسف "شاف ف فؤاد ومشير بايدو لنوار " : شتي شتي فاش كدير عقلها هزها وهرب بيها "خبطها لضهرها بشوي " الله يرضي علييك ...
صوت الرشاشة مطلوق فالدوش كيدوش وهي طلعات ودخلات البيت سمعات صوتها ومشات نيشان لماريو جبدات من صاكها الي جابت فيه مستلزماتها الي كيرافقوها فالسفر ...هزات منو شنو كانت هزات فاش جات من ازرو هي وباها ومينة الي غادرات الامس فاتجاه الجديدة باش تبدا مشروعها فالتطبيق لكن فكرة الموافقة عالزواج مزالت فدماغها كتحاول تناسا لكن كترةع تفكر فيه كتحاول ترفض لكن كتقول بلاتي خلي كلشي كما هو عليه ....
ياسين "خرج من دوش لحمو خارج منو الفوار ديال الما ساخن ...الجو بارد بزاف برا سادين شراجم ومسخنين البيت ...كينشف فشعرو حتى هز فيها راسو بانت ليه كتخشي بزربة " : شنو داكشي ؟
نوار"خرجات راسها من ماريو " : ااا والو غير دوك حوايج الي جبت معايا من ازرو حيدتهم من صاك وبغيت نحطو فشي بلاصة هنا ...
ياسين : حطيه لبيت دخلاني (بيتهم فيه بيت فين هو معلق الاطقم والقوامج مارك سينيي يعني الي مكيستعملهمش الا لخدمة او المناسبات ) هادشي را كتعرفيه راسك ميحتاجش نوريه ليك ...
نوار : عرفت عرفت ..."خشات راسها جبدات صاك سداتو من سنسلة وسدات الماريو بسكة ..." انا غاندخلو ...احم واش غاتهبط دابا ولا تتكمل شنو عندك من حسابات ديال لفيرما ؟
ياسين : حاولي تحفضيه متكتبيهش ...عارفو غير انا حتى من جدي معارفوش وهانتي عرفتيه ...
نوار : علاش معارفوش ؟
ياسين : هو متايقش فراسو كيخاف لا ينسى ويعطيه لشي حد باش يفتحو ليه ...خرج سوق هو من هادشي كان كيدخل لفلوس لبوسطة فالكونط ديالو حتى كيفيرسيهم ليا ورزقو را كيبقى عندو ...
عاود ليها الكود حتى حفضاتو مزيان ...وخرج من بعد ما شرح ليها شنو دير وشنو ماديرش قدامها كلشي فقط هي كتحط الحصص لماليها فكل جوا ...
واقفة فالكوزينة كتدور فالحريرة من بعد ما دارت ليها ووجدات ليها تدويرة ديالها ...ريحتها مجهدة ريحة الكرافص كيعطيو ...واقفة معاها البنت الي كتقابل معاها الكوزينة وشقا الدار ...حتى سمعات صوت الباب ديال برا تحل ...
راوية : بنتي بقاي تحركيها حتى نجي ...
البنت : واخا خالتي ...
راوية "خرجات من الكوزينة كتنشف فايديها ب ورق المطبخ .." : ايلاف جيتي ...
راوية : لا هههه الله اودي حيث كنتي كتعطل هاد الليالي الي فاتو ...
ايلاف "كيشمشم " : ايشووي حريرة اليوم ؟
راوية : وايييه البرد والثلج ماتنفعنا غير هي تشهيتها ...
ايلاف "قرب لعندها ضور ايديه ورا ضهرها ملصقها مع كرشو وصدرو " : فيه حاجات ثانية تدفي ...
راوية "ضرباتو لصدرو وحطات راسها عليه كضحك " : ههههه الله يمسخك ...كبرتي وهترتي ...
ايلاف : ليك ليش والله لو صير بعمر التمانين بدناش نبطل حب وغرام حبيب قلبي انا ...
راوية : يهديك الله را قربتي تولي جدو ..."عوجات فمها "
ايلاف "عقد حجبانو " : كيف ؟ جدو ؟ مين ؟
راوية : اغير تنضحك مالك ما قريبش ها ايساف ها جاد تاهو يكبر يولي راجل تاهو غايبغي يتزوج ايساف كذلك ...
ايلاف : ايساف متزوج اذا كمل بوعدو ايش بدنا نحنا غير الله يبارك له ...
راوية : مع صفية ؟ واش من نيتك ؟ امتا بغاها ؟
ايلاف"حك لحيتو باش يهضر بجدية " : راوية حبيبي انا ...هو ما قاليك انه بيعشقها ...كان صريح قال بدو يعيش معاها فرصة جديدة بدو يتعارفو يصير في خروجات حكي غيرة الحب صدقيني مش بيجي فجأة وهو صرح وما كذب ...انتي بدك ابنك يرجع يفتح قلبه ويشوف الحياة من جديد ولا بدك يرجع ايساف الي انكسر قلبه وصار وحش وبدن رحمة ؟ انتي ام والام بتحب اي ايشي يفرح ولادها مو ينكد عليهم ...تمام ؟
راوية "تنهدات بحرقة حتى حكات على جبهتها" : والله ماعرفت راني خايفة نديو تاني ذنوب ديك البنت راك شفتي العذاب الي دوز عليها ...
ايلاف : نصحتيها ؟
راوية : حطيتها بالصورة ...
ايلاف : لكان تتحمل هي مش انتي ...
راوية : معرفتش يضبر راسو ...
ايلاف : لا يكون غرتي منها ولييي فصعونة ...
راوية : ويليييي هههههه وهو صراااحة را مبقيتش كنشوفو بالايام يا خدمة يا عندها يا دارنا ..."هزات كتافها بحزن " انا ميمتو مبقاش حتى كيعيط ليا كيف كان مرة فشحال ...
ايلاف "رفع حاجبو " : صح ؟
راوية "غرغرو عينيها " : والله ...مبقاش كيف كان معمر عليا واخا غا بصحكو وطنزو الباسل فيييين ايلاف الي وقعات يقولها ليا الي ضراتو يعاودها ليا ...دابا كنشوفو غير الى صادفتو فدارنا ولا جاي يبدل واغلبية مكيلقانيش ..."مسحت عينيها قبل ماتنزل دموعها " ...
ايلاف : شش راوية !!!
راوية : خفت يرجع مرتو وميبقاش يديها فيا بمرة الى تصالحو را مغايبقاش يجي هنا "هزات كتافها " ماعرفتش ...خوات عليا دار وانا مولفة جموع ولمة ايلاف ...ونتا كتسافر اغلبية لموسكو ..."انهارت " اهى اهى ...مابغيتش على اخر ايامي نبقا وحدي وولادي ماشي حدايا ...
ايلاف : تت ايش فيك ايش صار حبيبي "قربها عندو حاضنها كيبوس فراسها " لك والله الى خلق السما مابتركك لوحدك والله ...
ياسين "تلاح حداها من جيهة لاخرا " : غير خليهم انا نكمل عليك حيدتي عليا شوي ...
الحبيب : ههههه وزعما ماتعاود من وراها تاكد ...
ياسين : ضروري ...
نوار"ضارت عندو " : علاش تعاود ...
يوسف : وراكي جديدة وعاد شوية بنتي كتنونخي شي وقيتات الى تشتت تركيزك هذا الله ...
نوار "سكتات مابقاتش هضرت حدرت عينيها "
ياسين "حس بيها تقلقت " : المهم الفلوس را هما هما ...الى غلطت را غير فالوراق ...
الحبيب : عندك تخلط ليك سميات الخدامة الي يدي ربعين غايدي عشرين هههههخ ...
يوسف : ايه خلصة ماليها الى مشا ليك غا شوي منين تعوضهم ...
نوار"الصمت" ...
ياسين : ديك ساعة نشوفو ...
تحط العشا طبعا شربات دواها هو لول عاد بداو يتعشاو ...طلعو لبيتهم ..
يلاه غاتمشي لدوش حتى شدها من كرشها ولصق ضهرها مع كرشو خاشي وجهو فعنقها باسها فيه واحد البوسة حتى حسات بجرة بورشتها وقلبها بدا يضرب عرفاتو غايشدها هاد ليلة حيث من لي جات يومين مادروش علاقة غير فلورطاج حيث كان مدهي وكيجي كيلقاها نعسات كيعز عليه يفيقها وتاهي مكانتش كطالبو نوعا ما كتهرب ...
نوار"حناكها تزيرو " : ياسييين
ياسين "كيدغذغ ليها فكرشها " : شششت ...
نوار"طاوية عنقها حيث كيبوس فيه ومن لور كيزيد يلصق عليها من لور بضغط على كرشها وايدو هابطة...حتى وصل لتحت وزيير عليه ..." : اننن ياسيين ماشي "قبل متكمل هضرتها دورها عندو سكتات حتى حط شفايفو على شفايفها بقبلة حااامية كيدخل لسانو يلعب ففمها لداخل وايديه وراها كيلعبو لور ويطلعو مع ضهرها حتى حيد ليها البيجامة وهووو دفعها دافع دافع وهي راجعة بلور حتى تللحت فوق الناموسية بشهقتها ...
نوار : هيييي ..
ياسين "طلع فوق منها وخشا وجهو بين عنقها كيبوس حتى طلع لوذنها ونطق بصوت فحال فحيح " : ماتوحشتينيش ؟
نوار "جاب ليها سخونية من طراف صباعها صغار ...هي موحشاه بززاااف من واحد ناحية ومن ناحية قلبها كيضرب بجهد ...كيجيها واحد احساس انه غايشدها بزاااف وعيااانة وفشكل تضارب الاحاسيس ..." : همممم ...
الاحاسيس اثناء المعاشرة كتكون غير الاحاسيس اصناء التعبير عن الحب ...ممكن فوقت المعاشرة كيكون انسان مرفوع لسما بديك النشوة والشعور الي كيخليه فشكل ...ممكن هو يكون كذاب ويقوليك اه ...ممكن تقولي ليه شنو بغيتي ويديرها ليك ...ممكن تعبر على حبك بصح بطريقة الفراش ...الاهات كيتسمعو الانفاس الساخنة كتخرج ...قطرات الندى على الجبين وشعر ...
تجردو من الملابس بزوج بيهم هو فوق منها مخشي وجهو بين عنقها الي مسلمش من المصات ديالو وصدرها الي جناب حلماتو ولاو حمررررين...وصوت اااه ديالها كيعلى مع كل بوسة كيبوسها ولا لحسة كيلحسها ليها ...حجبانو تلاقاو حيث وصل تاهو لطوب ديال السخونية ....
نوار"ايديها ورا ضهرو مزيرة عليه بضفارها فكل مصة كيمصها ليها من صدرها حتى كتهز " : اااه اممم ...
هبط لفخادها تاهما كيبوسهم بطريقة بطييييييئة وبحب ...جناب فخادها حتى كتحس بنمل تنشر ليها فذاتها جناب الفرج ديالها ...اما ورا ترمتها ولا حمر بتزيييرة الي مزير عليها ...حتى ضورها على كرشها كيبوس فضهرها من تحت وهو غادي كيبوس ويمص حتى حسات بلسعة شعور لادع ...ضو ضربها حتى كتهز وضربات قلبها كتعلى ....
هز ليها رجليها تاني قلشهم لسما باش تسهال عملية الايلاج فاضطر يحطهم فوق كتافو ودخل تاني وهي كتبغي تغوت دموعها دايزييييين هو ماشفهاش حيث كيشوف فالتحت وشادو باش يدخلو واحد لحضة من كترت ما تزير ماحسش حتى دفعو بجهد وهي تغوت لربي الي خلقها كانها كيدخل عليها ماشي فايت ليهم ليالي وهما كينعسو ....
نور الياسين الجزء 30
محتوى القصة
التنقل بين الأجزاء