ماعرف شنو هادشي الي وقع معاها ...ماعرف باش تبلى كل همو هو قلبه الي ضرب بجهد حيث بصح تخلع عليها ..علاش دم خرج واخا نقيطات خفاف لكن علاش ؟ ماشي اول مرة تنعس معاه عاشو علاقات حميمية ساخنة احيانا عنيفة شوي لكن عمرو ما جرا هادشي يا كنتعس عادية او مهدودة ...
ياسين : ماشي اول مرة كنعيشو الي بيناتنا عمرو وقع ليك هاكا ...شنو المشكيل ؟
نوار"ناضت كتغطي فراسها بالغطا لواتو عليها
ياسين : بلاتي ماتحركيش ...
نوار"كتمسح دموعها " : علاااش ...كحكح ...
ياسين : شش يقدر يوقع ليك ايموغاجي ...تت ماعرفتش تسناي شوي ونوضي ..."مسح على راسو مافهم والو حالتها جاتو فشكل....ناض لبس البوكسر بالخفوقف لحضة كيفكر شنو يدير تدعق حتى هو وتخلع عليها من لفوق ...
جا حداها ..." خاصك تشوفي طبيبة ..."حك شفايفو بسنانو كيفكر " هضري مع يسرى ...
نوار"خرجات عينيها " : لا لا شنو نقوليها ...
ياسين "رفع حاجبو " : نوار هاديك الحنانة ديالك غادي تفهمك هي حسن عاد هي اختصاصية هي تنصحك ...هضري معاها دابا ...باش نعرفو شنو نديرو
نوار : نن لا لا ...
ياسين : نوااار هادشي مافيهش حشومة ...صحتك هي اللولة وشنو ؟ نديك عند وحدة غير الوليدة ديالك ؟؟؟
نوار "الصمت "
ياسين : فايقة دابا ؟
نوار"قلبها كيضرب ومزززنننگة " : ي ي يمكن ...
ياسين "ناض من حداها " : انا داخل ندوش هضري معاها الي كانت قوليها باش نعرفو شنو هادشي ..."قرب لعند ماكد الشوفة " صحتك انوار هي كلشي والصحة متفرطيش فيها بمبدأ حشومة ...تفاهمنا ،
نوار"حركات راسها ب اه " : و واخا ...
مشا لدوش وخلاها كتشوف مترددة واش تعيط ولا لا ...وخاصها تعيط ماشي غير حيث ياسين اكد عليها وخافت منو وانما بصح الالم الي حسات بيه اثناء الايلاج خلعها حتى هي ...قبطات الهاتف وايديها كيترعدو ...حتى دوزات الخط ل يسرى ...بعد رنات متواصلة ...
نوار : اممم ..ماعرفتش شنو وقع كنحس بموس دخل حتى خرج مني شوية دم ...
يسرى : كيفاش واش بزاف ولا غي نقيطات ...
نوار : لا غيي نقيطات ...ماما سمحي ليا هضرتي قليلة ولكن حشمت عافاك فهميني ...
يسرى : ماما هادشي عادي بالنسبة ليك معايا وعادي بالنسبة ليك ك مريضة جيتي عندي ...هادشي داخلة فيه صحتك ابنتي اي حاجة ضراتك قوليها كيف كانت هادشي مافيهش عيب مادام تالمتي ....
نوار : عارفة ...
يسرى : مقلقة من شي حاجة ؟
نوار : لا ممقلقاش ...
يسرى : ماما قولي شنو ضرك نفسيا باش كتحسي شكون قلقك ...ماتخليش فنفسك حيث ابنتي نتي الي غادي تازمي بدرجة لولة واكثر ...سمعتيني ؟
ياسين "حك لحيتو وحنحن تحرج نوعا ما ولكن للضرورة احكام " : شنو السبب ؟
يسرى : قبل اي حاجة ولدي فهادشي الي وقع ماتحشمش اعتابر راسك جيتي نتا وياها فزيارة اختصاصية نسائية ياما كيجيو عندي نساء برجالهم باش كنشرح ليهم الحالة فحضور الزوج ديالهم يعني شريكهم ....
ياسين"مسك بين عينيه بصباعو وشير بايدو " : الله اودي ...عارف ...
يسرى : واش نوار كتحس بيها فالفراش نوعا ما متهربة ؟ ماباغاكش تقرب ليها يعني هاد المرة حسيتي بيها ماشي كيف المرات ؟
ياسين : سيي حسيت "شاف فنوار الي مشابكة ايديها كتشوف فيهم وحناكها بغاو يطرطقو "
يسرى : هاد الحالة الي وقعات لنوار Médicalement appelé vaginisme ,, Il a souvent plusieurs causes ( زعما حالة كيسميوها طبيا فاجينيزم ...كيكون لعدة اسباب )
ياسين : Exactement?
يسرى "تنهدات " : هو التشنج المهبلي بالعربية ...راجع لعدة اسباب ...
التعرض لعنف جنسي سابق أو صدمة جنسية
علاقة جنسية سابقة مؤلمة
عوامل نفسية....
ياسين : اللولين اكيد ماكاينينش ..
يسرى : كيبقا العامل النفسي وداكشي علاش سولتها هي واش مقلقة ولا بيها شي حاجة ...
ياسين : وشنو ممكن يكون قلقها ..."شاف فيها ثاني لقاها هزات فيه عينيها "
يسرى : شي مرات حنا النسا الي كيكون مقلقنا واخا نقولوه مكنوصلوش الفكرة بالضبط صعيييب تفهمنا ...وخا نحطوك بالصورة ...نوار بنتي عندها مشاكل نفسية من صغرها بسباب رجلها معندها الثقة الكاملة فراسها دغيا كتقلق وعلى سبة ...زيادة على كانت كتعاني معاك من الصغر راك عارف حبها ليك كيفاش كان اولدي وعاد الي حضرت ليه معاك والغيرة ...راك حضرتي وسمعتي نهار جاتها سخانة العقل الباطني ديالها شنو قال ...
يسرى : خليها على خاااطرها خاصها راحة ويتوفر ليها جو الي يفتح نفسها ميكونش عليها الضغط وحاول ما امكن تبقا تسولها وتطلق من جيهتك وهي اصلا واخا هكاك كتعاود ليك اكثر علينا حنا ...غانقوليك فحوصات لكن فحوصات التشنج المهبلي او الفاجينيزم كيطلبو الا اذا كانت قبل عانات مشاكيل جسدية وعنف جنسي اثناء العلاقة ....
ياسين : ايه ؟
يسرى: فالدخلة عانات من النزيف المستمر "ياسين حك جبهتو حشششمم ههه " تا هذا مسبب من مسببات التشجنج المهبلي حيث داك الخوف بقا مرافقها ...مشاكيل الاخيرة والي سابقة فينما تقلقت بزاااف دابا غادي تكنزز يعني هي كتزير راسها والدم الي وقع نتيجة الاختراق بزز وهي مزيرة ...الى حبس منها مزيان ماحبسش ضروري تشوف طبيبة نسائية فمراكش وغانصحك ب واحد الدكتورة ....
وماتنساش من احسن دير الرياضة لتفريغ الطاقة السلبية ...غير هادشي حاول تبقى تشاركها همومها هي الى كتقوليها همومك خليها تبقا تعاود ليك على نهارها وشنو داز فيه ...على وجهي حاول معاها راك عارف ...
ياسين : متوصينيش فعينيا ...
يسرى : هي الان وخا مبقاتش كذكر ولكن را كانت كترد اللومة ليا حيث كنت بغيت نجهضها فاش كنت حاملة بيها "نزلات دمعة من عينيها " …تهلى فيها ولدي الله يرضي عليك ...
ابتاسمات من اخر جملة قال كتفرح بزاااف فاش كتسمع منو هاد الهضرة كتزيد تاكد وتطمأن وتفرح ان بنتها بين ايادي امينة كتر منها ...حيث عارفة ان بنتها شخصيتها حساسة بزاااف وخا فعمر كبير لكن هذا مكيعنيش انها خاصها تنضج بزز ...يمكن كترة
الضغط عليها من صغر يمكن من كترة طنز عليها عند بالهم راها عارفة ضحكهم ولكن احيانا او غالبا داك الطنز الى كتر كيولي الواحد يحس بالتنمر بكمية كتيرة ونوار متعرضة لتنمر بززاف ...وخا كضحك وتعطيهم مشي ولا تهرنن لكن الي فالنفس ما يعلم بيه غير الله ....
ناضت بزربة بدلات لبسات بيجامة غيير شورط وديباردور بلا سوتيان ( بغات دير ليه الاغراء بلا متحس ينضو يفرع طبنمها تم نعل بو شي ڤاجينيزم ) ...ورجعات تخشات حداه فالفراش ريحتها تشقشق وتنوض راگد كيوت فحال شي حلوة طوفيطة هههه ...بقا هو شاد التيليفون كيخدم بيه ويهضر باتصالاتو ...حتى سالا وصار لقاها تاهي شادة تيليفون ...
ياسين : ماجاكش نعاس ؟
نوار : شييي شوي مزال ..."شافت فيه " ونتا ؟
ياسين "تحرك تخشا حداها دار مرفقو مسند بيه وايدو على راسو " : كنت كنهضر قطعت بيي هاد اليومين غانمشي ...
نوار"لاحت تيليفون وعينيها غرغرو .." : ف فين ؟
ياسين"طل عليها وهز ليها راسها من ذقنها " : ششش نوار عندي غير ربعيام حتى لخمسيام الى كثرت ...خاصني نفك الكونطرا مع سيد ولا غانصدق فمشكيل كبير ....
نوار : علاش ،
ياسين : بغا نسني ليه بالي خرجت باش يقدر يكري دار لناس خرين ...خاص نخلص ونكمل شي وراق تما ...
نوار : يحساب ليا غاتمشي لجبل ...
ياسين "دار راسو ماسمعهاش ميك عليها " : غير ايام قليلة نقضي غراضي ونرجع ...بزز باش خذيت كونجي كملت خدمة سيمانة جايا واجلت مواعيد ناس الي عندي باش خويت دوك ليام يعني عندي التزامات اهم هنا ونتي لولة فيهم ميمكنش نخليك وحدك ....
نوار "براحة " : واخا ان شاء الله ...و شكون غايوصلني ؟
ياسين : اسامة ...دابا هاد الايام الي غانغيب هما تختبار ليك خدمي بلا بيا وانا مكاينش تحملي مسؤلية وحدك ...تاهي مزيانة ...وهو مع ربعة تلقايه قدام البنك ...
نوار : الخدمة الي خليتي ليا ديال خدامة هنا ؟
ياسين : براكة عليك الي خدمتي ليوم الباقي حتى نرجع ونكملو ماعليش هما كيصبرو الى تعطلت سيمانة مخلصتهمش عارفين نخلصهم منضيعهمش ...
نوار : ياسين ...
ياسين : نوارتو ...
نوار "دارت ايدها على فمها " : ههههه بغيت نسولك قالت ليا ماما ديري لاصال انا شحااال هادي فاش شديت الباك وجلست داك العام كنت درتو وحبست لدابا ...
ياسين : لاصال غذا نمشيو فاش نخرجو من الخدمة غاندوزو نقيدك فيه ...ملي تسالي من حصص سوگان دوزي ليه نيشان ...الايام الي مافيهاش انا اسامة غايخدم شيفور عندك الالة ...
نوار : سروو هههههه ...
تخشات فيه مرتاحة من هضرتو والوعود الي كيعطيها ...ولكن راحتها مكدومش دقائق كتحس بلحضة قلبها كيضرب وشي احساس كيخالجها فشكاااال ...بقات هكاك حتى غفات بيها عينيها ...وهاكا داز الليل وصبح الحال ...رجعات ثاني يوم البنك ...دازت لخدمتها وهو طلع لفوق لبيرو دبالو ولخدمتو ...
نوار"كمشات حجبانها " : ياسمين ختي عافاك نسولك ؟
ياسمين : وي تفضلي شنو خاصك ...
يلاه غاتشرح ليها حتى وقفات عليهم لالة مادموزيل شالوطية ...غويلان ...عفوا غزلان ...
غزلان : شنو هادشي ؟
ياسمين : وي ختي غزلان
غزلان : هاد الحساب ديال هذا ديال موسيو لطيفي تيرا 3000dh علاش مكتوب هنا 5000dh ...
ياسمين : ماعرفتش انا يمكن انصاف ...
انصاف : نو ختي غزلان فاش جا معرفش ل كارط گيشي وجا سحب من هنا ...
نوار "هزات ايدها " : انا الي تكلفت بيه ..ولكن حطيت نفس المونطون (الرقم او المبلغ) ...
غزلان "غمضات عينيها بنفاذ صبر " : مادام نوار نتي عاد بديتي ...هادشي ماخاصش يتعطاك نتي مستواك مزال موصلش باش نتي تعي لناس الفلوس ...فين مشا الفرق ؟؟
نوار : م فهمتش ...ميمكنش انا متاكدة حطيت المبلغ صحيح ...
غزلان "تحنات على ايديها مكالية بيهم " : كوني مرات المدير كوني بنت عادية كوني الي كنتي ..."خنزرات فيها " الفرق يبان دابا ..."
غزلان : ماعرفتش انا كنعرف الخدمة تكون مضبوطة ومقادة ..."ابتاسمات بغيض " الخدمة خدمة هادشي الي علمنا المدير ....يلاه نص ساعة ونجي ..."مشات وخلاتها البكية تهز فيها وتحط "
لمياء "هزات فيهم عينيها وحبست الحركة " : ويلي مالكم ؟ اه طلبني لزواج ...واحد صاحبو هو شريك فالفرع ديال فاس اسميتو جمال را كان فالليلة ديال اطلاق المشروع ...
مينة"بدات تحنحن " : احم ايه ؟
لمياء : قاليه هضر معاها وقاليا را جمال فحالي الي نقولو ليك هو ولد ناس ...تت حيث انا كنعزف موسيو رياض من واحد الخدمة خدمتها ليهم شحااال هادي فالشركة ...محترم بزاف ضحوكي وفنفس الوقت مكيضصرش عليه الناس غير الي قراب ليه بزاف ...سمعة ديالو الله يعمرها دار....
امل : واش صاحبو خطبك ...
لمياء : ويييي هههه ابغيت نخلعكم ونقوليكم رياض ...
مينة : هههه وايلي على تخلعينا مالك ماتستاهليش رياض هههه ...احم ...
مينة : هههههه الله يمسخك نتي وكان ..."شافت ف لمياء " صرااحة تستاهلي ازين مبرووك الله يكمل عليك بالخير ...
لمياء : مغسييي مابييل ...الخطوبة شهر جاي ان شاء الله ضرووري تحضري ...
امل : واو دغيا ...
لمياء : وشنو را تمنية وعشرين عام اصاحبتي نوصل ثلاثييين ...
مينة : لا متوصليش تزوجي ...
لمياء : منكذبش عليك مادام جا الي كان عاجبني وانا وصلت لهاد سن الله يجعل شي بركة ضرت سافرت جلت عرفت ...بغيت وتخدلت ما مرة ما زوج مهم راني دوزت وعرفت ولاد لحرام من المزيانين ...باش نعرف كيفاش نجيغي (نسير) زواجي ...ونكون قد المسؤلية ...نوصل ثلاثين انااا وزهري واش لقا ولد ناس الي بغيت ..ماحدي فالعشربنات عندي حق الاختيار هاني اختاريت ...
مينة "حكات نواضرها " : مبروك احبيبة ...
لمياء : العقبة ليك امينة "شافت ف امل " اما امل را براجلها ...
امل ؛ الحمد لله وبولدي معمرين عليا ومدفييني ندخل نلقا يحيى كيجري يعنقني نعطيه حلوة ولا اللعبة الي كتعجبو وراجل يدخل من ورايا يعنقني فاش نكون كنطيب ...
دق الباب وهزو عينيهم كيطلو شكون حتى دخل بلباس كلاس ذو هيبة ...هزو عينيهم من تحت غااادين طالعين لفوق حتى حققو فيه نقص من شعرو اكثر وقاد لحيتو كيبان فشكللل وريحتو تعطييي وتهبل ...
ابتاسم ليهم ومشا لبيرو ديالو ...ضارت مينة عندهم مكمشة حجبانها ...واش تبدلات فيه شي حاجة ؟
لمياء : واااقيلة كيحب ...
مينة : هاا "ضورات راسها رجعت ترسم " مستغربة من دخولو بواحد طريقة مولفتهاش فيه "....
بغات تبكي تغوت بغات تنتفها تندب ليها حناكها ماكرهاتش فهاد اللحضة تجمع عليها كلشي مابين صراخها عليها ونوار غالطة وهادشي ميتعطاها من اول ...البنات بقاو يشوفو ماعرفو ما يديرو ...وناس كدخل وتخرج وسيكيريتي كيجي يسول على مشكيل شي حد عندو فلاكارط گيشي باش يقدر يعاونو على برا فالماشين ديال گيشي ...
ياسمين : انصاف !!
انصاف "قربات عندها " : ماتخافيش اختي غير تهدني ...
انصاف : ها مشكيل تحل ومشكيل الي هنا ...انشوفو الى مالقيناش كيفاش نصححو من احسن طلعي عند شاف هو الي غايفكك ...
نوار : شكون ؟
ياسمين : لو ديغيكتوغ ولا هي نيت غزلان ...من احسن طلعي عند المدير را راجلك ...
نوار : واخا راجلي مكيبيغيش يدخل خدمة بامور شخصية ...
انصاف : واخا تهدني بعدا انا نعيط لعز الدين ...
ياسمين : هو غايفك المشكيل....عالله ...
منال : غير جلسو انا نعيط ليه من فيكس ..."هزات فيكس " عزالدين واحد البريكول دااابا نزل عندي ...الى سولك عماد قوليه يتبعك ...دااابا عاافاك را وقع واحد البخوبليم ...تودسويت ...
واحد الخمسة دقايق حتى تم جاي واحد الولد شاب قصيور شوي ...وصل عندهم شرحو ليه المشكيل ...مشا لبيسي الي خدمات منو نوار ودخل لسيستيم ديالو...بقا شحال شي عشرة دقايق ...وهو يضور عندهم ...
عزالدين : ختي هذا هنا تسجل ولكن الى غايتقاد المشكيل را البيسي الرئيسي الي كياكد هو ديال سي ياسين من هنا كيمشي ل بيسي شاف المالية عاد لسي ياسين ...من احسن طلعي عندو هو يقاد ليكم المشكيل .،.قبل ميدوز هادشي ف غولوفي دبونكيغ ...
غزلان"ضحكات بلطف " : هههه ماعليش احبيبة را هو كيقوليا متعيطيش ليا بيها ...جيست ياسين سيك ...
نوار "غززات سنانها يلاه غاتشوفها وهي تهز عينيها كتشوف فيه تمات غاديا عندو ضربات فيها وهو يدخل سد الباب وراه "
كاين الخبيث وكاين الاخبث كاين الوقح وكاين الاوقح منو ...كاين ولد لحرام وكاين ولد القح** ...كاين المنافق وكاين الي عندو ستين وجه ...غزلان كانت نوع او شخصية بغات غير تخدم بشهادتها ...حتى دخلات البنك ووقع ليها فيه الي وقع وحتى قربها جنب ياسين بذل من شخصيتها لكن باش توصل لهاد الخبث شنو ورا هاد التغيير فشخصية لهاد درجة !! واش هي انتقام ام حرب لشنو بغات توصل بالضبط ...
نوار "حطات ايدها على جبهتها " : ففف ...
غزلان : الي فازي نزلي قادي المشكيل قبل ميصدق ياسين معصب ...
كتهضر معاها تقول ماشييي االي كانت كتستفز فيها قبيلة ...كتهضر معاها تقووول ماشي الي تنفخات عليها والى جات تشرح لياسين مع الاسف غايكون معاها هي الحق ...ونوار بطبعها غايحساب ليه زادت فيه ...
غزلان : را فاجتماع دابا مكيبغيش الي يبرزطو..."خلاتها كتهضر وهي تمشي نيشان لعندو المكتب يا دبحة يا ربحة ...المهم تفقص ديك خيتي الي بدات كدير ليها الگواطخ بالغدايد من اول ايامها فسطاج ...خلاتها كتفتخ برجليها ماكرهاتش تدها وتلوحها برا البنك ..."
غزلان : تفووو على برهوشة ديال لخلا ....العرجة الي بقات ليا فالحساب ...ايييخخ ...
وصلات لباب المكتب ديالو وهي تهز ايدها بغات تدق وخافت ضورات وجهها نصف دورة عرفتها واقفة كتراقبها ...وهي دور دقات الباب ..
ياسين "هز راسو حيث ماشي فمكتب ديالو الي ديال زاج كان غايشوفها لكن دابا هو فمكتب الاجتماعات ...ف سمعات صوته كيقول " ويي ..."ورك عالبوطون تسمعات ززززز طررق تحل الباب وهي دخل وجهها صفر ...هز فيها عينيه كان متكي عالكرسي شاد ملف فاتحو وستيلو فايدو طاوي كمايم القميجة على كمايم تريكو الخايط الي فالبلومارين " وييي ...مدام نوار !!
نوار : احم م مم موسيو ياسين واخا نهضر معاك ؟
ياسين : كاين شي مشكيل ؟؟
نوار "حركات راسها ب اه" : وييي ...
ياسين "حط الملف وناض " : كملو انا جاي ونعطيكم القرار ..."خلاهم وخرج مشات وراه تا حل المكتب وهما يدخلو ...ضار شاف فيها " بيك شي حاجة ؟ "كيتفحصها بعينيه بانت ليه فوجهها ماشي طبيعي " واقع شي مشكيل ؟
نوار : مم ف احم واحد المشكيل بارح تيرا واحد سيد "عاودات ليه كلشي " ودابا عندك نتا الي تصحح ليا ...
ياسين : شكون كلفك بهادشي من اول نهار ليك ؟
نوار : انصاف ...
ياسين "كدد فمو ودار ايدو على خصرو وايدو شد بيها لحيتو كيحك فيها ويفكر " : شنو قالت ليك شاف دو فينونص ،؟
نوار : تنفخات عليا وقالت ليا دابا يحضر الفرق "عينيها غرغرو " الى ماتصححش المشكيل نعطيها لفرق فلوس ؟ فرق ديال الفين درهم ...
ياسين : علاش تعطيه وهو مزال سي جيست ايغوغ دي شيفخ ...صافي انا غادي نصححو ...هذا داز لكن متبقايش تشدي هادشي مزال ماشي نيفو ديالك ....الغلط الى تعاود انوار ماغاديش نعتقك ...كيف عطيت انذار لناس غيرك عطيتو ليك وكيف عاودو الغلط كيتحملو مسؤليتهم ...سمعتيني ؟ شنو قلت ؟
نوار"مسحات عينها " : منعاودش ندير خدمة ماشي خدمتي والله ...
دخلات جيهة طواليط تاني غسلات وجهها شحال من مرة عالله تفيق من نعاس ...تنفسات شوي وهي تجلس فواحد الجليسة تما فطواليط باش ترتاح شوي وراسها يرتاح ...
وصل ياسين البنك طلع لبيرو ديالو تا قاد شي خدمة فخمسة دقايق وخرج سد البيرو ...عاد مشا وصا عماد ومشاااافش كاع جيهة غزلان الي كانت كتعيط ليه ...ضرب فيها رمشا لسانسور نزل طابق الارضي ...
ياسين "لقا انصاف بوحدها " : مدام نوار !!
انصاف : م م ماعرفتش انا عاد جيت كنت لفوق فطاج تاني ...
ياسين : فين لاخرين ؟؟
انصاف : عيط ليهم قسم موارد البشرية ولكن مدام نوار ممشاتش معاهم حيث فاش كنت هابطة بانت ليا غي منال وياسمين فالمكتب ديالو ...
ياسين "جبد الفون يصوني ليها حتى سمعو كان فصاكها تما ..." : عاد وصلتي ؟
انصاف : ويي موسيو ...
ياسين : دخلي شوفي ...تت صافي بقاي ...
ضرب دورة ومشا دخل لجيهة الممر ومشا جيهة الطواليط مالقاهاش ...يلاه غايمشي يشوف برا وهي تعيط ليه ...
نوار : ياسيين هاني ...
ياسين "ضار مخنزر " : فين كنتي ؟؟؟
نوار : خرجت برا من لور ضرب فيا برد باش نفيق ههه جاني نعاس ...
ياسين "قرب ليها قاسها فحنكها " : كتعياي ؟
نوار : شييي شوي ...
ياسين : من غذا غايولي عندك غير نص نهار نتي غير سطاجيير فالعادي سطاجيير ديال ليزيكول كنعطيوهم غير نص نهار ...
نوار : صافي احسن خرجو حتى هزات صاكها عاد خرجو برا "تابطات دراعو وحطات راسها عليهم " نمشيييو ؟
ياسين : مرتاحة ؟
نوار : دابا اه ...
ياسين "ركبو فسيارة " : نقضيو غراض ؟
نوار : اينا غراض ؟
ياسين "كيديماري دور لفولون وخرج لطريق كيهضر " : غراض الي وقفتينا فيه البارح ...
نوار"تفكرات الكوية الي مكملتش " : احم ...فيا جوع ...
ياسين : كولي ماحدك مرتاحة ...
نوار : هننن ...
ياسين "غادييين كسيرا ما بقاش هضرو بقا مركز فطريق يدخل ويخرج من شواريع ودروبة ...حتى وصل لسيارة تعليم جات فطريق الي اصلا كتدي لطريق دوار يعني فطريق الرئيسية فواحد شارع وهو يوقف سيارة " : نزلي ...."كان الصمت مجاوباتوش ضار لعندها وهو يعقد حجبانو وحدر عينيه لتحت " نوووو نوااار !!! ...
وقف سيارة قدام المدرسة الي جات فطريق ديال الفيلاج الي فيه الدوار والفيرما ...
ياسين : نزلي ..."هي ماجاوباتوش وهو ضار باش يشوفها فاش قالها ليها حتى شاف فيها وكمش حجبانو .." ...نووو نوار "هبط عينيه لتحت لقاها مشابكة صبيعاتها كانت مضورة وجهها جيهة زاجة حتى غفااات وتحدر راسها لتحت وعواج ..." نوار "قرب ليها قاس شعرها دوز عليه حتى هبط لذقنها گعد راسها وضور ليها وجهها ناحيتو كانت فساااابع نومة ..." كاندي ششش نوار ..
نوار : امممم
ياسين : حلي عينيك ...
نوار"حلاتهم فيه بشويي عاد وعات را مشات بيها عينها" : نعست ...
ياسين : غادي تمشي معاك الحنانة وغادي نبقا معاك فالاتصال ديك ساعة منخليكش وحدك "قبط ايديها بزوج باسهم ...بقا شاد فيهم وهز عينيه فيها " خاصني نرجع نفضي الامور تما ونسالي الالتزامات الي بقاو عليا ...جيت باش نداوي خويا ونرجع صدقت باغيك ومزوج بيك ...الله يجعل شي بركة الخير والاستقرار معاك حدايا واهلي حدايا ورزقي معايا شنو بغيت كتر ،
نوار"بابتسامة فرح وخجل " : ربعيام كافياك ؟
ياسين : مزيانة يلاه نسالي على تيساع باش ميبقاوش يفرعو ليا راسي من بعد ...
نوار : احسن ...غذا معاش عندك طيارة ؟
ياسين : ربعة العشية ..
نوار : يعني غذا مغاديش تخدم ؟
ياسين : لا ...
نوار : واخا منمشيش غذا ؟
ياسين : علاش ؟
نوار "بترجي " : بغيت نبقى معاك نهار كلو عااافاك متخسرش ليا خاطري خليني معاك نجمع ليك حوايجك مهم ندير الي كان "عينيها غرغرو " غاتمشي تبقى بعيد لهيه ...
ياسين : كنبقى بعيد عليك بليام وشهور شنو الفرق دابا ؟
نوار : ماعرفتش غير بغيت نبقى معاك "تلهفت عليه بجهد " عااافاك ...
ياسين "بقا كيشووووووف فيها حتى هز ايدو ودوزها على حناكها وطلع بصبعو تحت عينها مسح ليها دمعة قبل ماتنزل " : وخا ماعليش ماعليش ...
نوار "بلا شعور تلاحت عليه عنقاتو من دراعو حتى باس ليها راسها وعنكش ليها شعرها " : نزلو ...
ياسين : فايقة مزيان ؟
نوار : دابا مزيان ...بغيت نشرب عطشت ...
نزلو بزوج حتى مشا خذا ليها قرعة الما من عند واحد مول الحانوت عطاها ليها تكات عليها تقولي واكلة الملحة ...عاد دخل هو وياها لمدرسة قدمها لسيد صاحبو الي تافق معاه عليها باش يعلمها ...
حركات ليه راسها ومشات ركبات مع المدرب فسيارة نوع رونو كليو ...وخلاها تا تاكد انها مشات شير ليه المدرب عاد مشا هو لطوموبيل دخل وجبد لماك ديالو كمل الخدمة محدو جالس جالس مستغل الوقت باش يحيد عليه الي تحيدات خفافت ...خشااا راسو تا لقا راسو دخل فازيد من ساعة وهو تما كيتسنى ...هز عينيه فساعتو تا تاكد
وشاف قدامو لا تكون جات ساعاك مزال ماجاو ...سد الماك وكمل الخدمة وهز الفون دوز ليها الخط ...شحاال مجاوباتوش عاود صونا تاني شحااال عاد جاوبات ....
ياسين : فينكم ؟؟
نوار : هاحنا جايين ...هههه مشينا لشاريع فيه سوق ووو مم "مبقاتش جاوبت معرف فين تدهات
يلاه قطع حتى قشع طوموبيل جايا حتى وقفات عند رجليه وهي فيها كضحك ضارت شكرات المدرب وخرجات لعندو ...ركبو فالسيارة كسيرا فاتجاه الدار ...
ياسين : مزيان ليوم ؟
نوار : مزيااان صاافي نقدر نسوق طوموبيلتك دابا ...
ياسين"شافها تحمست بزاف هههه " : ان شاء الله ...
كانت كدوش خرجات من دوش نشفات وذهنات شعرها بكريم بعد الاستحمام وسيروم خلاتو ملوي ففوطة تا مشات لبسات حوايج الخروج ومونطو بلومارين ديال دان حطاتو فوق ناموسية عاد مشات طلقات شعرها ونشفاتو بالخف بسيشوار وتطلق على طولو كحل كي الليل ...كيف معروف عليها شابهة خوتها حرشين وملامحهم كحلة وشعرهم كحل وسمرين شوي حتى هي...كبر السن ابدا واش خلا شعرها يشيب فقط بان عليها سنها من ملامح وجهها ...اما جسمهت الرياضة كديرها مخلياه زوييين ....
كملات وجمعات شعرها لفوق شوي وخلات القصيصة قدام ...وهزات المونطو فاييدها وصاكها فيه لوازم فايد يلاه غاتهز التيليفون حتى صونا ليها شافت الرقم كان ايساف قلبي (مسمياه فالتيليفون ايساف قلبي ) ...
راوية : حتى لدابا ..."قطعات عليه وحطاتو فالصاك وهي تخرج من البيت نزلات لتحت " كريمة حبيبة وجدي ليا لحوت نقضي شي غراض ونرجع مورا المغرب نشرملو على حساب غذا لغذا ...
كريمة : واخا خالتي ...والعشا ؟
راوية : ديري ليك نتي شنو بغيتي اما لينا ايلاف معشي برا وانا غانخرج نتعشا برا مع شي عيالات ...
راوية "هزات فيه عينيها " : لا غير تعشا انت ممسالياش انا ...
ايساف "مقرب ليها " : تتعشاي معايا ...
راوية : لا ..."تمات غاديا تخطاتو حتى جرها من ايديها " ايساف طلق خليني نمشي دايرة مع الناس ...
ايساف : بدي اتعشى مع امي انا ...
راوية : ماعليش غير تعشى مع مرتك انا حتى وكان تسالي ...
ايساف : نعل جد طاسيلتها هادي الي تمنعني على ميمتي تا وكان نسالي ...انا وقتي كلو ديالك يا تراب الرضى الي بمشي عليه ...ايش هاد ...ولك گلبي بشيلو من مكااانو وبعطيكي ياه لا تعيشي ...
راوية : عندك كلشي فحال فحال كي حلوفك كي كذوبك اولد كرشي ...
ايساف : نبوس ديك الراس ديال مولات ديك الكرش الي هزت هاد زفاط (كداب ) تانا هاد بوراس... حق الي ليه الحق وحق الله ومن بعث محمد وحق سيدي ربي ...وحياااة البطن هااي الي حملتني تسع شهور ناقص اسبوعين ...
راوية : عارف راسك خارج قبل الوقت مفرفر فكرشي الي هزاتك عساك دابا ...
ايساف : خليني نكمل الحلفة ...
راوية : زييد ...
ايساف : الى كنبات ففاس ولا عند خالي ولا فدار جدي مرتي مكنباتش عندها ..مرة وحدة ...
راوية : ولاش كتحلف ...
ايساف : مابتش ضرصة ضرتني خلاتني عاس تما بقيت حتى صبح الحال ...واش انا يهودي نخلي ميمتي ...راني سولت عليك مكنتيش كنتي غايبة لافران نتي والوليد بقيتو اكثر من يومين تما ...اش كنتو تديرو طيط ا طيط اسلاگط ؟
ايساف : فين شتو تاهو ولا يبان كي زهر مرة فعامين ...يكونش تجوج عليك ؟
راوية : معدنكم واحد كي تفكر نتا يفكر هو ...
ايساف "بزربة قرب ليها جرها نخششها فيه ويبوس فداك الراس " : والله تا تسمحي ليا يااالاه ...
راوية "صبرات وهذا جهد " : ههههه الله يمسخك حيد المسخوط ...
ايساف : رضي عليك الكميشة ...والله ماتجي شي بنت المراة قدامك ...راني هاضر وعاني هضرتي ...بالمعنى ...والله الى غير مشاغيل شركة تلاو عليا حيث جلست ورجعت رجعو ليا خدمة خالي يوسف والحبيب حيث كان فالفيرما ...كنسافر هنا وهنا ونوقف عالسلعة وزيد سيستيم شوكة انا شادو خاصني نقابلو ...
راوية "تنهدات " : توحشتك الحمار ...
ايساف : متكونيش كثر مني زريعة البسباس "هزات فيه راسها وهو يعضعض سنانو ويغمز زعما اتنضحك " نخرجو دابا نطلعو لفاس نتسراو تما ونبقاو تنتعشاو ونرجعو فحالنا عيانين ونعسي نتي كي الاميرة مرتااحة وانا نعس كي الكلب ...ههههههه ...
رجعو لفيرما مرتااحين ناشطين دارت اول محاولة لتعلم فالسياقة رجعات فرحااانة رغم التعب ...كي دخل بدل وخرج لخدمة الفيرما يشوف الخدامة وسالم وهي مشات لدوش دوشات وخرجات لبسات سوفيت بيتوتية دافية على شكل قبية گرونا بسروالها ...ومشات لتيليفون هزاتو كتقلب جاوبات مينة فاوديوات كتسول فيها وتعطيها اخبارها الي ديكا كتسول فيها مكيفوتوش بعضياتهم ...ورسلات ليسرى طمناتها عليها ...
كملات وهي تدوز جيهة تصاور جلسات تا نقصات شوي منهم الي ماليهم لزمة وسكرين شوت ...ودازت جيهة الاتصالات والمكالمات خصوصا الابليكاسيون ...
نوار : خاصني نمسحهم ...تت حتى نسمع الي مهم نخليه ..."حطات لفون من بعد ما سداتو ...تكات لووور حاطا راسها كتشوف فالسقف وهي تفكر ليلة البارح ...الالم الي حسات بيه فوقت الايلاج حتى كمشات عينها وشدات كرشها بمجرد ماتفكرات الماس الي حطات بيهم ...ناضت وقفات تمات غادية وهي تحدر عينيها لرجليها لقاتهم منفوخين شوي ...
نوار : ففف عيييت بالسيف ميتنفخو ...تت
لبسات بانطوفتها وهي تمشي جيهة الماريو حلاتو ومشات جيهة واحد البلاصة فحوايجها وخشات ايدها غييير خشاتها حتى سمعات تحنحينتو ماعرفاتو امتا جا وهي تخطف ايدها بالزربة ...
نوار "كيبوس ليها فعنقها حتى كطويه بشوي ومراداش لبال ليه غاادي بيها دار ليها فحال تنويم الملعون " : وااا هههن ...حيث انا كيوت ...وتاحد ما كيوت فدار الا انا ...كنجيب عليهم فشوشي ههههه
ياسين "وصلها لناموسية وايديه كيطلعو ويهبطو مع جنابها بطريقة تتبورش...كيهضر بصوت متمل هااايم فيها وموحش " : والى قلتها ليك انا بشنو كتحسي ...
نوار : ب اححح "حط ايدو فوق كرشها " بالفرحة خههههه ..."حدرات عينيها لقاتو كيهبط فسروال ديالها .." ياسين م.."تلاح ليها على شفايفها بالبوسان حتى دخلات فالمود وترفعات معاها حتى تجردو من الملابس وينعل بو شي بشار لتحت ...هز ليها رجليها تاني وهي دفعو بجهد تا هز عينيه فيها مخنزر ...
هز فيها عينيه مخنزر حيث مزال حتى ما خشاه دفعاتو ...من بعد مداعبات وقبل ساخنة ودغدغات وضحك من طرفها وتوحويح ترفعات لسما حتى غمضات عينيها وعضات شفايفها ...من حسات بيه هز ليها رجليها وغييير قاسها راس وهي تفيق ودفعات بحركة لا اراديا خوفا منها لا يقصحها ....
نوار "عاضة صباعها بشوي " : غاتقصحني ...
ياسين : باااش ؟؟ مزال مدرت والو ...
نوار : خ خفت ...
ياسين "ضور وجهو لهيه مغمض عينيه شحال وهو يضور عندها وهبط لتحت وذنيها جر شحمتها حتى تاوهات وباسها فعنقها بوسات خفاف متتالية عاد طلع لوذنيها نطق بصوت فحال لفحيح " : وشنو نتقصح حتى انا ؟
نوار "طوات عنقها " : بشوية م ما امممم لا لا مااا عافاك ..."ذفعاتو تاني حتى تعصب وهو ينوض من فوقها مابقا دار والو ...
ياسين"هز صبعو بغا يهضر ولا دار بناقص ومشا لدوش سد الباب بجهد خلاها البكية حابساها مكرهاتوش تبقا غير هي وياه فعلاقة لكن بمجرد مكيوصل المعقول الايلاج تقولي واش صرفقها ولا منعرف ...ناضت لوات عليها ايزار وخرج هو لاوي عليه فوطة وكينشف ضرب فيها وزاد هز حوايجو لبسهم وهز سوارتو وتيليفون ...
ياسين "غادي خارج وكيهضر " : كنتسناك لتحت ...
نوار"يلاه غاتهضر وهو يخرج وسد الباب ...زمات فمها ودخلات لدوش دوش عليها ...كملات ولحقات عليه لتحت لقاتو كيهضر فالتيليفون وكيكمي كانو حدا رجليه زوج گارويات كماهم وزادو تالت ...دارت القب فوق الشال الي دارت على شعرها سارد حتى لقات فطريقها يامنة ...
يامنة : تخرجي لفدان هنا ؟
نوار"باستها فحنكها " : تخرجي معانا ؟
يامنة : ماكرهت ابنتي وليني عمك فؤاد جاي من مراكش دابا يبغي يدوش ويبدل حوايجو ونعطيه ياكل شوي ....
نوار : نسيييت ...عنداك تنسا هذاك دبدوب الي وريتيني عندك فدارك لي لهيه ...
اسامة "ضار لهيه حابس ضحكة " : ويلي با دبدوب...
ياسين : مناسيهش غير تهناي"شير لاسامة براسو تا بعد شوي عاد دوز على شعرها من فوق هابط تا شد ليها فحناكها كان عاطي لاسامة يضهرو العريض ...مشاف والو ...تحدر باسها فشفايفها تا تزنگات وبدات تحنحن حشمات من اسامة ..."
نوار "بغات تنعقو الفزعية وهزات رجلها بلا ماتحس لا اراديا جات ركبتها ف المعلم ومع شحال ما فرغ كانو منفوخين ههههه تا خرج عينيه
يامنة : يمكن غير حيث اول مرة غاتكوني وحدك ممعاك حتى حد ...هادي هي الفرصة بنتي باش تعلمي تكوني وحدك لانك لو مكانش معاك ياسين كنتي غاتخدمي وتنفاتحي على دنيا وتعرفي ناس جداد ...نتي عشتي غير فمحيط صغير فيه ناس محدودين ...حتى الى خرجتي دوري وتفوجي كيمشي معاك اشرف او ايساف وشي مرات الحبيب ولا مينة ولا باك ولا حنا ...
هادي فرصة فين تفرضي راسك وتفرضي شخصيتك ...وضحكي وتنشطي وتعرفي تواجهي الحياة بحلوها ومرها تواجهي وتعلمي ومطيحيش ...السطاج عندك هو بداية مرحلة جديدة ليك فالحياة تبيني شخصيتك وتطوري قدراتك باش تبرزي كفاءتك ..."بابتسامة "
يامنة : ابدا ابنتي انا دنيا علمتني وعلمني زواجي بعمك والمشاكيل الي عشنا وكان هو الدرع الحامي ليا هو الي علمني ...يمكن انا كنت فلول حشومية بزاف ولكن قرايتي الي قريت وسطاج الي دوزت فشركة شحال من مرة وسفر الي سافرت لبلدان كثيرة مع فؤاد عرفاتني على ناس ...تحاور ديالي مع ولادي قريت معاهم تمارينهم ...الزمان الي كبر ليا عقلي ...
تحملت مسؤلية شقا ديال دار وطياب على 12 عام حيث حليت عيني لقيت راسي وسط با وجدة الله يرحمها كانت قاصحة كبرت وعيات هي انا مني كلشي طياب شقا تصبان خاصني نمشي لمدرسة حتى نكون وجدت الغذا وطيبت الخبز ...
هادشي نتي طياب متوحليش فيه شقا تاهو غادي تولي عايشة معاه ديما راك غاديا وفين حطيناك كلقاوك ...لكن مسؤلية الكبيرة وتعامل مع ناس وتواصل الخدمة وسفر وتداخل مع ناس هو الي غايعلمك هادشي ولكن "حطات صبعها فراس نوار" خاصك تبداي براسك تصالحي مع ذاتك ابنتي ...
نوار : هضرتك صحيحة ...
يامنة : شوية بشوية ...هاني قلتها ونعاودها بنتي الى نتي بغيتي تبدلي من راسك تحسي براسك ديما ايجابية تعرفي على ناس هضري وتحاوري وخرجي سافري ...زعمي راسك على شي حاجات نتييي منعتيهم على راسك بمبدأ رجلي رجلي ...مال رجلك هي الي كتفكر بلاصتك ؟ كتهضر بلاصتك ؟ رجلك عندها حل ...عملية صغيرة وهانتي مزيانة مع ترويض ...مابغيتيش عملية ها سوميلة ديالك غييير جلدة فرجل فحال الي عندنا فصبابط وصنادل فحال سوميلة ميديكال الي لناس الي كيضرهم ضهرهم ...ناس عندهم اعاقات كبيييرة وواصلين لاعلى المراتب ....المكفوفين ولاو اساتذة دابا مربيي الاجيال ...وزني هضرتي وحلي قلبك غاتعيشي مرتاحة البال ...
نوار"قربات لعندها وباستها " : لهلا يخطيك عليا ...
يامنة : هادي الي قلت ليك غير هضرة نصيحة مني ...باش تحسي بيها حتى تعيشيها عاد تعرفي قيمتها وكيفاش قلتها ليك "طبطبات عليها" يلاه نوضي متعطليش اسامة هاهو غايجيب طوموبيلة ياسين من گراج باش يوصلك ...
نوار : واخاا "ناضت بالخف تهزت وقفت مشات لدوش غسلات ورتبات حالتها وبدلات عاد مشات لماريو جبدات شوميز زرقة وسروال دجين رجليه حد الكعبة ...عاد كاب ديال خايط طويل فالكريمي ....لبساتهم ولبسات بوط قصير وهزات لوازمها كانت خارجة حتى قشعات خاتم زواج شحال مابقات دارتو ...مشات ليه لبساتو فصبيعاتها عاد خرجات نزلات لتحت ...
فالطريق غادي بيها اسامة وشاد معاها الحتيت مرة يضحكها مرة يطنز عليها وهكذا ...
حتى وصلها قدام البنك ونزل هو وياها ...غير وصلو عند الباب وهي ضور عندو ...
نوار : صافي غير سير ...
اسامة : غير دخلي انا هنا ...
نوار : وخا صافي ...
اسامة : 12 نكون هنا ان شاء الله ...
نوار : صافي ان شاء الله ...
دخلات سلمات على البنات وبدات يومها العملي فانتظار يعيط ليها ياسين يطمنها عليه ...
انصاف : نوار هاكي دي هادو طبعيهم ضروري باش نطلعهم لغزلان الفوق ...
خطات من عندها الوراق ومشات لجيهة الفوطوكوبي كانت طابعة كبيرة كيجيو ليها بزاف على حسب كترة الوراق وفيها حتى الالوان ...يلاه بدات كطبع وكتسنى الوراق يساليو حتى وقف عليها واحد الولد عاد دخل سطاجيير الامس لكن كان فالطابق الثاني ...
هو : salut ...
نوار"هزات فيه عينيها " : سلام ...
هو "حك نيفو " : احم واش وراق الي غطبعي كثار ولا غاتقسميهم ...
نوار "دايرة مسافة وحاجز فالكلام " : مفهمتش ؟
هو : بغيت نطبع هاد زوج وراق الكوبي لي عندي خاصها طونير (مداد ديال فوطوكوبي ولانبريمونت هههه ) ...الى عندك كثار ممكن تخليني نصور الى بغيتي حيث خاصني نطلعهم لفوق ضروري ايغجون ...
نوار"شافت ان عندها ازيد من مية ورقة تسنات تا تصورو عشرة وحيداتهم عنقاتهم وكحزات " : واخا ماشي مشكيل ...
هو : يحفضك ....
طبع وراقيه بالفرحات تا كملهم عاد وقف تقابل معاها بابتسامة شكر ...
هو : شكرا بزاااف وسمحي ليا ...
نوار"مكتشوفش فيه " : هانية خويا ..."رجعات كطبع ...
هو : نتي خدامة هنا ...
نوار : لا سطاجيير ...
هو : اوسي سطاجيير ولكن غييير مؤقتا من بعد غادي نبدا الخدمة رسميا ...سميتي منصف والى احتاجيتي شي حاجة مرحبا ...
نوار"حنحنات وهزات ايدها الي فيها خاتم زواج دخلات بيها خصلات شعرها " : شكرا ...
منصف : انا مكتب ديالي هنا انا مسؤول على لاكوي الي فيها نتي شي مشكيل وقع قوليها ليا ورا وصيت البنات الي معاك ...
نوار"هزات فيه عينيها وهو يهز ايدو ودار حركة بصبعو حك بيه صبعو لي فيه خاتمو زعما حتى انا مزوج " : ااه داكوغ ميغسي ...
كملات الطبيع وهزات الوراق معافرة معاهم وتمات غاديا غاديا حتى خرجات فغزلان وهما يتشتتو الوراق تا كلشي ضار يشوف ...
نوار : لاااا ...
غزلان : هيييي بشوية…
نوار"دارت راسها مسمعتهاش وتحنات لوراق كتجمع فيهم "
غزلان : جو بونس كنهضر معاك ؟
نوار"عضات شنايفها " : ماشفتكش ...
غزلان : هاد الوراق غادي تحطي النسخة الاصلية وجيبي ليا الكوبي واجي بغيتك عندي فالمكتب عندك خدمة ...
نوار : خدمتي انا غير فهاد طاج ...هادشي الي قاليا ياسين "حنحنت " لو ديغيكتوغ ...
غزلان : انا عندي الصلاحية عليك عندي الحق نعيط ليك الى احتاجيت الي يعاوني فالموضفين او لي سطاجيير ...بغيتي تعلمي ؟ الوغ تعلمي من هنا ومن هنا ...هذا هو دور سطاجييغ ..."طلعتها وهبطتها " كنتسناك عندنا خدمة كثيرة بغيتك تعاونيني فيها "قربات ليها" هادشي مغاينفعك بيه والو حيث عندي الحق نعيط ليك تعاونيني الى بغيت "ضربت فيها وزادت طلعات لبيرو ديالها "
اما لالة ومالي طلعات لبيرو وفتخاتو وجلسات كتهضر بنفخة ...
غزلان : بقات ليا برهوشة عايشة تحت جناح ياسين ...كي فرقتو شمل بغيت عمركم تلاقاو ...اصلا معيور فيا فيا اللهم نبرد غذايدي اش غاتعطيني هاد الخدمة غير صداع راس ...نوصل مرادي وديك ساعة لا جا القرار يجريو عليا تقودو عليا جملة ...
ماعليها غييير صبر واخا صبرها مسكينة مقادي اصلا ومعندها خاطر ومريضة ومعصبة بدون سبب او بدون معرفة شنو سبب الي مرضها هاكا زائد مريضة ومرضها مامعروفش شناهو اصلا ...وزادت كملات عليها غزلان ...ف لا حول ولا قوة الا بالله ...حطات دوك الوراق ...
ياسين : مزال ليا طيارة ثانية ..."واقف فالمطار كيتسنى النداء واستغل الفرصة باش يهضر معاها ..." مال صوتك عيان ؟؟
نوار : غير يمكن مع كنت كنقاد فوراق كتار داكشي باش "مابغاتش تكتر باش ميتقلقش " معاش غاتوصل ؟
ياسين : على حسب ..."شاف فساعتو " يلاه كاندي نخليك دابا ..تهلاي ليا فراسك وصحتك واخا ؟
نوار : اوكاي حتى انتا ..."قطع الخط وتوجه ناحية البوابة يلاه غايدخل حتى حس بضو ضربو فصدرو تا تحنى بشوي كون ما واحد شدو ..."
ار يو اوكاي ،
ياسين"غمض عينيه تا مشات نخصة ورجع شاف فسيد وهز ايدو طبطب عليه " : فاين ثانكس ..."بقا حتى تنفس عاد دخل البوابة مع الركاب ...اما هي كيف قطعات طمان قلبها نوعا ما عليه عاد هزات الوراق ومشات طلعات لعندها بغير نفس ولا خاطر فحال غاديا عند جهنم الكحلة ...دقات فالباب وهي تنوض حلاتو بساروت لابسة كسوة ديال خيط فالبيج لااصقة على طايتها حد ركبة ومع فورمتها زوينة بزاف عندها طرف من لور ماشي كبير بزاف وانما ملفت حتى جمال وجهها جذاب (هاد وصف تانعطيكم ماشي عندو ابعاد ولكن باش نفسر ليكم كل واش عاطيه ربي وماحامدش الله اش كيجي الحسد والبغض والقلب الكحل قدامو زين ...)
غزلان"شيرات ليها قدام المكتب " : جلسي ..."رجعات بلاصتها" فففف ...بلا منطول الهضرة مهم هادو الوراق الي عندك Combien y en a-t-il
نوار : مية ورقة ...
غزلان : دونك غادي"حلات لابتوب " هذا غادي تخدمي بيه فيه الحسابات ديالهم هنا هاهما قدامك غادي تقارنيهم شوفي ل montant finale ...
نوار"خرجات عينيها " : كلهم ؟؟؟
غزلان "رفعات حاجبها " : شنو المشكيل ؟
نوار : مغاديش نساليهم دغيا واونبليس خاص شي حد يعاوني يحساب ليا غانعاونك فيهم يعني نخدموهم بزوج ...انا حدي 12 وغانخرج عندي غير نص نهار ؟
نوار "كتعضعض فشفايفها بالفقصة " : الى لقيتيني مورا ضهر غيير ديري ما بغيتي ..."رجعات تكمل خدمتها الي واخا تكون يومين متساليها "....
تخشات وسط الوراق وانغامسات وسط الخدمة والحساب وتدقيق حتى ضرها راسها وجاها واحد نعاس جد جد رهيييييب ...ازيد من ساعتين وهي مهزاتش راس وهادوك الوراق مزال تا ربع ما ضرباتو فيهم ....وصلات ثلاثة سوايع واكثر وغزلان مزال ماجات وهي باقي كتحسب ...
نوار"حطات ايديها على نواضرها " : ففف راااسي راااسي ياااربي شكون يعاوني "شافت ساعتها لقاتها حداش ونص ..." باقي ليا نص ساعة ...نرتاح خمسة دقايق ونرجع نكمل وخا غير ربعين ورقة ..."ربعات ايديها وحطات عليهم راسها باش يرتاح ماحساتش كاع تا مشاااات بيها عينها ...فهاد اللحضة تيليفونها كيصوني بنمرة اسامة ولا من مجيب ..."
ياسمين : بب تيليفون نوار تيصوني من قبيلة نطلعو ليها ؟
انصاف : طلعيه يقدر يكون راجلها ولا لوسها الي قالت كيوصلها ...
منال : بعران راها خارجة من صباح مشا المدير خرجو رجليها شواري (كتكره غزلان ههه )
ياسمين : صافي انا نطلعو ليها ...
هزاتو من صاك وهو مزال تيصوني ومشات سانسور يلاه دخلات ليه حتى تحل وهي دخل الانسة المصون وجه الشر المدفون ...
غزلان "شافت تيليفون كيصوني "
ياسمين"كمشات عينيها " : احم "وركات على جنب باش دار سيلونص "
تحل سانسور وهي تخرج هي وياها نفس طاج سبقات غزلان وتبعاتها ياسمين حتى وصلات لمكتب ديالها وهي ضور عندها غزلان ...
غزلان : محتاجة شي حاجة ؟
ياسمين "عضات صبعها " : تيليفون نوار كيصوني واقيلة لوسها جا باش يديها حيث هادي 12:15 دقيقة كتخرج هي ...
غزلان : non مابقاتش غاتخرج فنص نهار لول عالاقل ليوم عندها خدمة حتى تساليها ...
ياسمين : هاا ...واخا نعطيها تيليفونها ؟
غزلان : نن هبطيه لتحت تاتسالي ونعطيها بوز استراحة عاد تجاوب ..."مشات دخلات سدات الباب وخلات يامين كتشوف ...غير دخلات وهي تبان ليها خاااشية راسها وداخلة فسابع نومة وكتشخر ...
غزلان "بصوت مرتافع " : اتباااارك الله وبشخير كاااع ...اااا مدااام "زادت فحدة صوت " اااااااشريفة مرات المدير "هي كتفوت ولكن مكتشيرش بايديها حيث كاميرا مكتسمعش صوت انما غير بصورة وحركات ...زادت غوتت " نواااار
غزلان : نگغااا ماما ...نوضي غسلي وجهك وكملي الخدمة ...
نوار"غوبشات فيها " : تت غاتكون وصلات طناش ...
غزلان : مزال وقت بوز تال وحدة هي نوضي بتغسلي وجهك ورجعي كملي خاصنا نساليوهم ...
نوار"مغوبشة وعدوها الي يفيقها بهاد طريقة را غييير حاسا براسها وحدها وكتحاول مااا امكن تجنب صداعات ...جمعات الوراق الي حسبات فجنب معلماهم وخلات الوراق الي باقي هزاتهم " : حتى لغذا ونكمل ...
غزلان : مدام ماعطيتكش لوطغيزاسيون كنضن ...
نوار"كتقاد فشعرها الي تخربق ومكتشوفش فيها " : لوطوغيزاسيون خذيتها من الشاف ديالكم ...الى غلطت خلي غلطي حتى يجي ويحاسبني ...ومرة اخرى ماتبقايش ديري ليا فحال هاكا ومتهضريش معايا بتنفاخ ولا غادي نضطر نقولها ليه ويتصرف معاك لحد ساعة راني مزال مدايرة تا شي ايغوغ ولا خطأ فالخدمة خدمتي كنديرها ...انا كنبقا جيييست سطاجييغ عاد بادية اول سطاج ليها ماديريش عليا كلشي دقة وحدة وشي حاجة فوق طاقتي ...
غزلان "وقفات " : بلاتي بلاتي ...تقوليها ليه ؟ شنو غايدير مثلا "ربعات ايديها " غايجري عليا ؟ معندوش الحق واخا مدير را كيبقا تاهو خدام عند ناس القرار الى درت خطأ فادح اما الى خدمت صلاحيتي الي عندي فيها الحق لا نتي لا ياسين غادي تحسابوني ...
نوار : اسميتو لو ديغيكتوغ ماشي ياسين ...ياسين انا عندي الحق نقولها ليه وهاني انا كنحتارمو فالعمل ديالو ...وهاد كلمة ياسين حتى يجي ونقولها ليه الى بغيتي نشوفو اشمن صلاحية تعطاك باش تقوليها ليه سيك ..
نوار : نوااار نوااار نوااارهااا نوار نوار الي قالتها تتاكدو اااا تااااااا تاكدو وانا متيقونيش نيشان فاش نقولهاااااااا "غوتات تا طل سيكيريتي عليها وناس دايزين كيشوفو فيها جاهلة وجهها تجيف بالفقصة " نوااار نوار صغيرة برهوشة مكتعرفش ....واعععععععع
ياسين "ماعرف اش يدير " : اوكاي اوكاي تهدني انا الغالط انا ...غادي نج"قطعات عليه ماشي هي قطعت انما الهاتف طفا وكان من الخير ...لاحتو فالصاك وهي تسمع صوت ضحكتها "
غزلان "مربعة ايديها " : فاش كنقوليك اش كاين را عندي صح ...واش مزااال لحد الان ثايقة فيه ؟
نوار"الصمت كتنخصص اعصابها فلتو وشدات كرشها من تحت وايدها كتحس بيها تقييييلة ..."
غزلان : دابا رجعي لخدمتك ربعة خرجي ...
نوار "الصمت "
غزلان : الكنية رمسيس والعقل ديالهم ماديتي منو والو ...لو شوييي تخدمي دماغك فحال ولد عمك غيييير نقطة منو غاتولي فاهمة وعارفة وكتعرفي بحق الخدمة
نوار "الصمت عصرررات عينيها وسنانها عضات فيهم " ...
غزلان : معاك كنهضر ...
نوار "الصمت "
غزلان : واش حتى التحاور معندك حتى تواصل مع الناس معندكش ...نصحك لوجه الله اختي تعلمي تحملي مسؤلية فهضرتك ونتي حتى هضرتك فيها تبرهيش تقولي بنت عشر سنين ...باز لهاد راجل الي متحملك على مكيعاود ليا عيسى خويا ياسين حتى من راسو بين راسو معندوش الخاطر وعساك يشد ليك الخاطر ...رخف....
غزلان"شدات حنكها وهي تصعر تاهي على اعصابها هزات ايديها وعاوداتها لنوار لحنك تا ضارت ...حتى جا سيكيريتي " : كلبببة تحطي عليا ايديك ؟؟؟ اااا ...تحااااطي عليا ايديك وانا با الي ولدني مضربني ؟؟؟ "خنزرات فيها وشنقات على نوار من لكول "نوار عينيها فيهم ضبابة ودموعها دايزين وغزلان كتدي فيها وتجيب وماحساش بيها قربات تولي جلدة مسكينة ...قبل ماتهنار دات فوذنيها هاد الكلام
غزلان "صعرات على اخرها بغا يفك سيكيريتي وهي تجري عليه " : دااااك راجللك كيخاف يحس بذنب جيهتك ماشي حبا فيك ...فكري غيييير فكري كون كنتي مرتو بصح يحطك حداه فالمكتب كيف كيحطو رجال عيالاتهم والله وخا يكون قدامو المخزن ميحيرو فيهم ...ونتي حاطك فادنى مستوى وحدة لفوووق راها سطاجيير غير فحالك فحالها تاهي نفس نيفو ديالك ...عرفتي علااااش ؟ عرجة مافايدة بوالو عرجة فرجل وعرجة فالعقل بزااف عليك تكوني مرات ياسين بزاااف عليك ...جوج كلمات طلقي دموعك وفشوشك فالهضرة ....
اسامة "وقف قدام البنك حتى بانت ليه نوار شانقك عليها غزلان من صدمة وصعرة حل الباب ديال طوموبيل ومشا كينقز تا وصل عليهم بلا ميشعر طرش غزلان صمك ليها الودنين تا جاتها دوخة وضارت ودفعها بجهد تا جات لارض
جا سيكيريتي عيط لاخرين وجاو عند اسامة وهي يغوت عليهم بالجهد وعرفهم شكون هو وهادي شكون ...
اسامة : تاا قواد ولد القح*** ما يقرب ولا نفرگع لديمكم راااس ...حتى يجي ياسين ونشوفو هاد الفعايل ...هز القوادة من هنا ولا لوحو ديلمها فزبل ...
تحنى على نوار الي كتنخصص وهضرة وحدة كتدور ليها فوذنها والهضرة ديال راكي غير عرجة مافايدة بوالو عرجة فرجل وعرجة فالعقل بزااف عليك تكوني مرات ياسين بزاااف عليك ...جوج كلمات طلقي دموعك وفشوشك فالهضرة ....وقفها من كتافها ايد مرخية وايد شادة بيها تحت كرشها بالعصب حسات بالماس كيختارقوها...
اسامة "شاف سميتو مبغاش يجاوبو حتى يركبها " : واخا نوضي "ضار شاف ديك خيتي هازينها من تحت بيطانها راسها دايخ " يلاه نمشيو ...
عاونها تا وقفات وداها بشويييش عليها تالطوموبيل هز ليها صاكها وتاكد فيه كلشي عاد ركب وقاد ليها سانتيغ عزات عليه تا قلبو تقطع من جيهتها بداك المنضر شنقات عليها هاديك مكرهش يعاود ليها طريحة ديال العصا تا ضرب الفولون بجهد تا قفزات من بلاصتها ...عطاها قرعة الما "
نوار "كتنخصص" خء خء اهى م ما ماا مااا اهى بغييييتش ...
اسامة : غييير بززي على راسك عافاك ...
بزز باش شربات جغمة وحطات راسها على الكوسان وديمارا هو طار بسيارة ناحية الفيرما طول طريق وهو كيضور يشوف فيها حتى لواحد لحضة ضار وهو يلقاها نعسااات حالا فمها وصوت تنخصيصها كيتسمع ...حتى وصل الفيرما وهو يدخل لداخل تال دار ونزل ضار جيهتها حل الباب وفيقها بشوي ...
اسامة : نوار فيقي ...
نوار"حلات عينيها بشوي تا شحال عاد ستوعبات وهي تنوض ونزلات " ...
اسامة : صاكك ...
نوار "مجاوباتوش ومشات حتى هزو سد طوموبيل وتبعها تال داخل لقا يامنة واقفة كتسول فيها ونوار مكتجاوبش حتى طلعات الفوق لبيت ودخلات نيشان لدوش حيدات حوايجها وطلقات عليها ما سخون ...اما يامنة شدات من عند اسامة الي مد ليها صاك "
يامنة : اويلي مالها ؟
اسامة : ينعل بو بنادم الحگار "كمش ايدو وضربها مع الحايط " ...
يامنة : اويلي اش واقع ؟
اسامة : ففف عطيها صاكها وتيليفون ديريه يتشارجا واقيلة طفا حيث صونا ليا ياسين وهي فاش صونيت ليها تخرج لقيتو طافي ...تا نهضر معاه ونجي نعاود ليك ...عطيها شي حاجة من عشوب الي كتعطيني فاتاي كيهدنو ...
يامنة : واخا نتسناك ..."دخلات صاوبات ليها عشوب مهدئة يانسون على لويزة وحطاتهم فغراف بلا متحليهم دارتهم فبلاطو وطلعات لفوق حلات الباب ودخلات حطات بلاطو وحطات صاك جبدات منو تيليفون دارتو ليها يتشارجا حتى بانت ليها خارجة مهدنة ولابسة بينوار استحمام وفوطة فوق راسها ...
يامنة : حنينة شوية ؟ باقي كضرك كرشك ؟
نوار"حركات راسها بلا "
يامنة "قربات ليها وجرتها حطات ليها راسها على صدرها ونوار بدورها دورات ايديها عليها وهي تخرج وااحد تنهيدة ..." مال حنينة عصبوها ليا ؟ يكون ولدي الوحش ياسين ...
نوار"الصمت "
يامنة : ماعليش هانتي شربي هذا بينما وجدت ليك غذاك هبطي تاكليه وشربي دوا ديالك ...ماتقلقيش على دوا تاهو را صحتك اهم ليك من بنادم وكلشي ...
نوار"حركات راسها " ...
يامنة : الى حسيتي راسك مزال مقلقة وضراتك كرشك تاني هضري مع ماماك تقوليك اش ديري ...
باست ليها راسها وخرجات من بيت خلاتها لبسات بيجامة دافية وخلات شعرها ملوي فزيف وتخشات ففراشها حابسة البكية حسات بالحگرة وهضرت غزلان تطلع وتهبط فخاطرها ...سمعات صوت تيليفون ضارت تشوف لقاتو ياسين ...غمضات عينيها وتزرزرو دموعها فحال مرجان ...بقا يصوني تا طفا وهو يجيها ميساج بالي رسالة صوتية عندها ....
هزاتو ودخلات جيهة رسائل صوتية سمعات هضرتو ياسين"تحسبا لضروفها كيدير ليها بات مات الخاطر غير متعصبش ...ماتهنى حتى رسلات ليه رسالة فيها ...
تفكرات هضرت مها فاش قالت ليها شنو دير الى تعصبات مافيها ميهضر معاها تحس بيها مقلقة وتعيط ليها فامشات جيهة مكالمات الي دايراهم اطومواتيكمون يتسجلو دوزات تسجيل الي عاودت ليها شنو دير فيه ...حتى كملاتو ..تفكرات موعد سيارة تعليم كان غايكون دابا لكن مافيها ميمشي لخاطر هرسوه ليها ...بقات كدوز تسجيلات تا لمحت عينها تسجيل الي قبل ماتهضر معاها مها كان بنفس تاريخ وساعة اما دقائق غير هما مفاوتين ...طلقاتو تسمع كان حوار بين يسرى وياسين ...بقات تسمع شنو قالت ليه يسرى حتى ...
يسرى : راك عارف فاش عرفتيها كتبغيك قبل …من صغرها وحبها كبر فيك حتى عرفتي نهار سخانة ...غييير ساعف وصبر معاها"وذنيها دارو طننننننننن حسات بحريق فصدرها حتى تبلوكا ليها وقلبها ضرب ليها فراسها ...لدرجة وقفات عاودات تسجيل شحال من مرة وعينيها كتغمض فيهم وتحل ...
امام اطلالة البحر الساحر الازرق وامواجه الي كتسمع وتعطي صوت خاااص كيمشي الاذن على شكل نغمات خااصين مكيعرف بحقهم غيير الشخص الي عاشق للبحر ونفسو كتفتح فالبحر وريحة البحر (منهم انا شخصيا واخا ماشي بنت منطقة البحر) فنجان من القهوة الساخنة بدون سكر والبخار ديالها المصحوب بريحتها الي ممزوجة بريحة البحر وجنبها قرعة الما فوق طابلة قدامها فوطوي فاللون الاسود ...من بعد مكالمة الهاتفية الي كانت نوعا ما مفاجئة ليه ...
رياض : انا في الكافي الي كتشوف فالبحر الي كنا درنا فيها اخر اجتماع ديك المرة ...تماما ...احم ياك هانية ؟ اووك مرحبا ...
حط الفون وتقابل مع اطلالة البحر كانت جوايه العصر ديك ساعة ...رجع هز الفون كيجاوب على رسائل الايمايلات وهضر مع الام ديالو طمنها عليه واطمأن عليها ...تقريبا نص ساعة حتى وقفات عليه ...هز فيها راسو وباتاسم ابتسامة خفييييفة ...
رياض "وقف " : مينة ...
مينة "سادة فمها كتبتاسم ولداخل ديالها كمية ضربات القلب والتوتر ورهبة والخجل الي تما رهيييبة كابتاها بزز ...رجعات نطقات " : رياض ...
رياض"خرج عينيه شوي مصدوم من اسمو الي نطقات حاف بدون رسميات " : جلسي "شير ليها لفوطوطي حداه "
مينة "جلسات وحطات صاك جنبها وكونطات وتيليفون فوق طابلة " : ياك مسالي واحد شوي ؟
رياض : داكوغ"شير لنادل الي جا خذا طلب ديالو ومشا " ...محتاجاني فشي حاجة ؟
مينة "ابتاسمت وعينيها لارض دايرة رجل على رجل ومعوجاهم لتحت" : هههههه احم جيت نهضر معاك اولا ...بلا مندخل فتفاصيل ومقدمات الي اصلا مغانقول فيهم والو زوج كلمات كيدورو تحت اسم مقدمة ههه
رياض : ههههه الله اودي غير هضري ومتسكتيش ...
مينة : من غير الي فات فحياتي والي طبعا عرفتيه وعرفتي حجم المعاناة الي مريت منها نتا عارف ماشي ساهل نرةع نتيق فشي حد او اي راجل بغا يتزوج بيا او بغاني حيث حتى هذاك سيد بلا منذكر سميتو تاهو كنا فرحانين كنوجدو كلشي وجدناه حاجة بحاجة ...بفففف ....
رياض : اختاصري هادشي عارفو بلا مضغطي على راسك ...
مينة "هزات فيه عينيها " : بغيت ندخل فتجربة لثاني مرة ونجرب حضي هاد المرة ...بغيت نعاود نوجع الثقة عالاقل الى ماشي فالرجال تكون فراجل واحد ...
رياض"ناض تگعد وربع ايديه تقابل معاها " : مينة ...نهار بغيت نخطبك حتى تاكدت انني بغيتك هادي اولا حتى تاكدت انك انتي انسانة مناسبة ليا قبل منبغيك كا امراة لتعمر عليا حياتي وداري ...وخا شخصبتك قوية الا انك انسانة عقلانية كتهضر بحكمة وكتحسب كلامها قبل متنطقو بدون تجريح ...انسانة دازت من تجربة خلاتك قاسية حتى "هز ايدو " لا قدر الله وتعاودت تجربة ماشي باش نقوليك
غانعاودها انا لا غير باش تعرفي الى طرات او طراو مشاكيل غاتكوني كسبتي مناعة ديال قدرة تحمل وتعرفي كيفاش تواجهي بدون ما تنهاري وتمرضي ...عندك خدمتك عقلك ذكي وقلبك البيض وعائلتك من عائلات الي معروفة وتعرفات بدراع وترابي الخلوقة الي تناسب معاكم راضية عليه ميمتو ...كنقول هادشي وانا شفت وعاشرت وسمعت بيكم وعارف شمعتكم زيادة على انني عرفتك عن قرب وخا مابيناتنا والو لكن هذا الي كتاب ...بغيتك ابنت رمسيس ودخلتي لهاد القلب "شير لقلبو " ماتخرجي منو حتى تخرج روحي ...
مينة : الله يحفض ...
رياض"ضحك " : هههه...مينة الي ماعرفك خسرك ماشي باش نكسبك ونخليك تبغيني وانما بصح هادشي حتى الى مبغيتينش هادي شهادة خوديها من عندي ...
مينة "كتسمع هضرتو وقلبها كيضرب رياض قدامها زين وجاذبية ووسامة وحروشة وهمة وشان ومقام اي بنت تمناه زوج ليها .." : فكرت فهضرتك وفكرت فالعرض ديالك وطلبك لزواج جيتي لدارنا ودخلتي بابنا وهضرتي مع بابا كبرتي بيا وبقيتي شاد لخاطر هاد المدة كاملة ...بينتي معدنك ووقفتي معايا وقفة رجال ..."هزات فيه عينيها " غادي نعطي راسي فرصة ماشي باش نجربك حيث لو عاودتيها او خيبتي ضني تاكد انك غادي تمشي كي مشا غيرك ويجي واحد بلاصتك ...
رياض"كمش ايدو على شكل بونية " : ايهاااي ...
مينة : حيث حتى انا كنفكر فيك كيف ما فكرتي فيا وحتى انا بغيت نكون معاك كيف ما بغيتي تكون معايا ...انا موافقة على زواج ...
رياض"دور وجهو كيضحك حتى ناض وقف " : هههههه دورة درتي ليا "قرب باس ليها راسها ورجع جلس قبط ليها ايدها باسها " ان شاء الله نكون احسن من الي فات وتكوني ملكة فدارك ووسط حبابك الي هما انا وميمتي لا بغيتي ...
مينة : عندي شرط ...
رياض"جمع ضحكة ورفع حاجبو " : الي هو ...
مينة : سمع اش غادي نقوليك ....اولا ....
ضغط تابع ضغط مشكيل تابع لاخور النفسية مرضات القلب تحطم العقل ترفع ...فينما تبغي تقادها وتقاد كيجي مشكيل كيرجعها هي الي منها لافوت ...عدم توازنها وتحكمها فالامور الي جاوها دقة وحدة متتابعين خرجات او خرج ليها كلشي على سيطرة ...اضطربات نفسية تازمات كلشي تخربق وشي تخلط مع شي ...شنو الحل ...ممكن الحل كيكون فاخذ فترة استراحة او ممكن الحل يكون ف تفريق الاشياء واعادة التوزيع من جديد ...بنفسية جيدة بدروس وعبر اخذت و بتجارب مررنا بيها وخبرات كسبناها ...
عاودات التسجيل كتر من مرة لدرجة حفضات كل كلمة وهي منصدقاش ماعرفات اشنو دير من صدمتها لسانها تشل حتى جلسات لارض وتخبطات وتيليفون فايدها مخلية تسجيل دايز ...
ياسين : حيث نتي مميزة عندي حيث انا شخص باغي الحلال نهار بغيتك عرفتك بنت ناس الي مناسبة ليا بغيتك حيث انا شايف فيك مرتي ...
"فلاش باك اخر"...
ياسين "حد ايدو على ايدها " ماشي حيث عندك نقص راكي شخص ناقص بالعكس هاديك ميزة عطاها ليك الله ميزك بيها ...علاش مكتفكريش ديري عملية ؟ تشجعي وديريها وحتى الى مدرتيهاش عندي هانية ....
نواااااااار كبري عقلك نوااااار واجهي عندااااك يزغبك الله وتبرهشي ...عندااااك راكي مزوجة وعندك مسؤلية ياسين يتمناه اي بنت وجاب ليك الله حقق ليك حلمك وهاهو راجلك عنداك ضيعيه بتبرهيشة وفشوشك ...
ياسين : نوااار واش الي قلتو نعاودو ؟ علاش عزيز عليك تجهليني ؟ هادشي الي فيك غايوصلنا لي ميعجبش راني خاااطري ومشادار لراسي ...
غزلان : خووووويا كان كيقول ياسين معندوش الخاطر مع راسو ديما مضارب غير مع راسو ونتي قاتلك الفشوش فهضرتك فيها الفشوش ياسين غير خايف يحس بالذنب من جيهتك داير ليك الخاطر ...
"رجوع"...
جميع الافكار والذكريات السلبية فحالتها هما الي بانو ليها دابا وهما الي ربطتهم بالتسجيل وتا شي حاجة ايجابية طبعا مغادي تبان وهذا هو حالنا الى طحنا فحالتها او مشابهة لحالتها ...
كاع المشاكيل وصغوطات وحدة تابعة لاخرى بكترة بكترة والعيا كتولد الانفجار ...ناضت على وقفتها دوزات الخط لمها نيشان ...
نوار"هزات ايدها وخبطتها لحنكها وغوتات واااحد الغوتة " : واااااااااااااااااا مبغيييييييييييتش مااااابغيييييييييييييتش واااا قهرتوني عذبتوووووني ...'اااااع"غوتات حتى تسمع حر صوتها لتحت مع البيت بابو محلول ووصلات لمسامع يامنة وفؤاد واسامة الي كان داخل وتيليفون مطلوق الخط كيهضر مع ياسين من الزهر المكوز"
كتغوت لربي الي خلقها حتى يسرى رجليها فشلو عليها ودموعها نزلو ولات غير تقفقف عمرها حضرات ليها بهاد الانهيار حيث ديما ساكتة وكتخبي يمكن اول مرة كتسمعها جاهلة بهاد الطريقة ...هذا هو حال الشخص الي كيدك فقلبو هادي هي علاش كنلمح ونوصي صحتكم تم صحتكم واهم حاجة الصحة النفسية بالدرجة الولى الى كنتي متفائل ومتصالح مع ذاتك كنتي شخص ايجابي ديما ومواجه دنيا بالضحك تاكد ان نسبة كبيييرة غاتشافا من اي مرض فيك او عالاقل كتكون عندك حماية ومكتستسلمش او كتعيش حياتك باش ماعطا الله ومدخلش فحالة الاكتئاب والغبينة والضغط والسلبية حيث كون اكيد انت الاول المتضرر من صحتك ...
فؤاد "جا كيجري هو واسامة ووراهم يامنة ماعزفو باش تبلاو " : نوار ...
نوار"كتجذب وتخبط فراسها وتيليفون طاح والخط مطلوق من جوج جوايه ها يسرى من تيليفون نوار وياسين من تيليفون اسامة ..." : واااااااا لا لا لا لا ...
يامنة : نوار بسم الله عليك نوااار ...اويلي مالها ...
فؤاد "حضر عقلو طار لعندها شدها من ايديها وهي كتركل وتهز ومراقب لسانها لا تصرطو من كترة الضغط ها اش ممكن يوقع ...بدا يقرا عليها القران ايات من سورة البقرة واية الكرسي واخر سورة من سورة البقرة (هادو الى
طاح شي حد بالاعصاب او اي صرع ها شنو يتقرا عليه ...كيقرا يقرا واسامة نزل كيجري مخلي تيليفونو ماعرف واش حطو او خلاه مابقا كاع تسوق لياسين ولا لغيروطاار نزل جاب قرعة ديال الما ...
اسامة : الوليدة فيقي معانا الله يخليك ...
يامنة "شادة قلبها وعينيها خارجين فالمنضر الي قدامها من صدمتها "
فؤاد كيقرا وعينيه عليها حتى بدات كتهدن وعينيها كيتسدو خطرة وحدة ...دنيا مشاااات فعينيها والعالم الي فيه مشاااا اصوات بعيييييدة كتسمعها كانها غارقة فبير وكتحس بالما الي فجنابها داااافي وهي ماعارفاش وماشاعراش بالي داك الما هو الدم الي نزل ليها من لتحت حتى تطلا تحتها كااامل وفين الوعي الوعي تفقد والقلب ضرباتو خفافت ....
ياسين "فهاد اللحضة كيسمع غواتها ماعرف باش تبلى عينيه خرجو ولسانو تشل باش يهضر مابقا عرف مايدير كيعيط باسم اسامة نوار حتى ولا جهل تاهو كيغوت ويصرخ باعلى صوته كان فواحد الشارع كيف وصل مشا ديريكت يفضي امورو ...لكن الي سمع خلاه خرج على العالم تاهو الي تما كيغوت بحر جهدو بسميتها وشكووون تسوق ليه " : كاندي !!
كاندي كااااندي نواااااااااار"غوت حتى بح ليه الصوت ديالو " نواااااااار ...
فين هي نوار او كاندي ديالك وشكون حاس بالعافية الي شعلات فيها تا طاحت منهاوة ومغمى عليها من تم ما بقاتش حسات بدنيا واش فيها وماهي الا فدنيا كلها ضلام ...حدها كتحس غير تزعزيع البياص غادين كيجريو بيها مدخلينها لمستعجلات ...
يامنة"كتسمح دموعها مدات ل فؤاد ملفها الصحي " : فؤاد عطيهم هذا باش يعرفو حالتها كاملة ويديرو بالحساب "ديما الى كان عندكم ملف ديال الطبيب ووقع ليكم مشكيل من هاد نوع مستعجل هزوه معاكم باش كيتحط طبيب فالصورة " ...
فؤاد"شدو من عندها وتبع نوار الي ليزار باش مغطينها تا هو تقاس بالدم ومنخرها كلو دمايات بقاو من نزيف الي وقع ...حتى وصلو لباب ووقفو طبيب وعطاه ليه " فيه حالتها المرضية ...
طبيب : ان شاء الله يكون خير غير تسناو ..."دخل وراها بزربة" ....
صوت الهاتف كيرن ...كانو متكيين وهي فوق صدرو مداروش علاقة وانما غير مداعبات سطحية لا غير ...لفوق عريان وتحت سروال دجين اما هي غير بتيشرت وكولون ...حاطة عليه راسها وقلبها كيضرب بجهد اول مرة تعيش معاه هاد المداعبات قبل كانو قبل عنيفة كان ضرب وجرح واهانة واعتداء لكن هاد المرة عاشت معاه اللحضة بحب حسات بقلبو كيضرب فاش كيبوسها ويتلمسها وهي كذلك قلبها كيضرب فاش كتبوسو وتعنقو ...شعور فشكل كيخالجها ...(فصل ثالث غايكونو فلاش باك عليهم)
فؤاد : حضري عقلك وتبتي مايكون غير الخير ...مادام حنا معاها مخفتي والو ...
يسرى : اش قالو ليكم "دموعها ماحابسينش جايبها ايساف جايا من العيادة نيشان شادة طريق" يوسف ماجاوبنيش وانا جايا ...
فؤاد : انا غادي نهضر معاه ...حضري عقلك وذكري الله كلشي بيد الله وحده لا ملجأ الا اليه ...تهدني ...فينكم ؟
يسرى : مالقيتش بيي طيارة وجايين فطريق ...
فؤاد : في امان الله ...
عطا لاسامة التيليفون ورجع جلس حدا يامنة كيقرا القران ويدعي فسرو تهدن الامور ...ساعتين وزيادة وطبيب لداخل وهما كيتسناو ياسين مابقاش عيط ولا صونا ابدا وهادشي زاد خلعهم تاهو ...
حالة الي واقعة مكانت عالبال ولا الخاطر هادشي الى سلطو عليك الله ماعليك غير تدعي وتصبر راسك المؤمن مصاب ومبتلى ...واحد الشوي حتى خرجات عندهم الفرملية ...
يامنة "وقفات " : امضرا بنتي ...
الفرملية : بغينا فصيلة الدم ديالها دااااابا ...
فؤاد : الفصيلة الي عندها فحالك اسامة ...
اسامة : عندي فحالها انا نتبرع ...
فرملية : دابا دخل معانا ...اجي معايا نوجدك باش تبدا ...
يامنة : اش خبارها ؟؟
الفرملية : مانقدر نعطيكم تاحاجة حتى يعطيني المختص الاذن ..دعيو معاها "دخلات مع اسامة الي مشا يوجدوه اما نوار ...فهاد اللحضة حالتها فايد رب العالمين الرحمن ...نضفوها كاملة من تحت ودارو جميع الفحوصات اللازمة بناء على تقريرها الطبي ومرضها ...سلوكة ملصقينهم ليها وسيروم من هنا وكيس الدم الوحيد المتبقي ففصيلتها معلقينو ليها ...هازا رجليها فوق واحد زوج حديدات والمختصة كتقلب فيها وتوقف فالنزيف ...اما نوار فمها شبه محلول والاكسجين دايز تيو من نيفها ....
جاو كيجريو وصوت الالة كيغوت وهي معافرة ليها ساعتين وهي مضاربة من بعد ما عطاوها مهدئ حسب الفحوصات والحالة ديالها باش تبقى ناعسة وتستقر حالتها لكن النزيف عاود رجع من جديد...حتى ولا العرق كينزل لطبيبة من نواضرها ....
خاصنا نحيدوه دابا كنحركو باش نقطعو وكيوقع نزيف ...
دكتور : واش ميت ؟
المختصة "شافت فيه " : Malheureusement, le fœtus est mort il y a deux jours
مع الاسف الجنين ميت ليه يومين ...وهي فيها فقر الدم ...نووووووو ...
ناضو كيتجاراو ينقدو الوضع قلبها بدا يسكت ....
ماهي ساعتين ماهي ثلاثة ربعة سوايع الي بقاو على برا كيتسناو كيخرج شي حد مكيعطيهم تا خبار ...لان مابغاوش يقولو ليهم كلشي كامل حتى تستقر حالتها او عالاقل يعزفو يسيطرو عليها او اي حاجة ....
يامنة : ياربي مالهم تعطلو ؟؟
مصطفى : صبري وذكري الله اااا بنتي ...الغايب حجتو معاه ...
فؤاد : تعطلو بزاف ...
اسامة : ياسين مكيجاوبش ...
فؤاد : كيصوني ؟
اسامة : اه ولكن هو كيقطع ..
فؤاد : ماتهضرش حتى بهضر هو الي كان حجتو معاه ...
اسامة : واقيلة سمع على ما عقلت كنت جاي نعطيه يهضر مع الحنانة تا سمعت صوت وطلعت غايكون سمع ...
يامنة"دموعها دازو " : الله ياااربي الله ...
واحد الشوي حتى خرجات المختصة ومعاها دكتور الي فالمستعجلات ...حتى وقفو وجاو عندهم ...
ايناس : بون الي وقع ليها كان انهيار عصبي حاااد كان على شوي يديها ليها عمرها ...باش نحطكم بالصورة هي عندها فقر الدم حاد وقع نزيف هادو كاملين مسببات كيهددو الحياة بشكيل كبييييير ...ربي جا من جيهتها ...حاليا حالتها راه ماشي لباس قدرنا نسيطرو على نزيف وبالتبرع الي تبرع ليها الولد تعتقات لكن حالتها ابدا واش مستقرة ...خصوصا انها جهضات الجنين ديالها ....
فؤاد "حدر راسو وكمش عينيه " : الله اكبر ...
مصطفى : لا حول ولا قوة الا بالله ...
يامنة : الله يااربي الله كانت حاملة ؟
ايناس : وي كانت حاملة فشهر وشي يومين ...
يامنة جلسات على وقفتها تا تزدحت فالكرسي قلبها كينزف وعينيها ماحابسينش من دموع تا حطات ايديها على وجهها ...
ايناس : دابا هي تحت المراقبة كل دقيقة حيث حياتها مزااال فخطر شوي ...خايفين لا يرجع النزيف من جديد لذلك غاتبقا مراقبة طول الوقت ...جلستكم هنا مغاتفيدكم بوالو سوى الانتظار ...."شافت في فؤاد " شكون راجلها ؟
فؤاد : مسافر برا ...
يامنة : هو شيخها وعمها فنفس الوقت ابنتي ...
ايناس : وخا تجي عندي المكتب ؟
فؤاد"شير ليها بمعنى واخا ...استاذنات منهم خلات طبيب يشرح ليهم ومشا فؤاد تبع طبيبة تال مكتب وجلسو ..." : كاين شي مشكيل ؟
ايناس : الجنين كان ميت ليه يومين ...مكانتش عارفة ؟
فؤاد : لا حتى حد حتى هي ...
ايناس : كان ميت اصلا نتيجة الاعصاب وحالتها نفسية ...ضغط اغلبية كيتسبب فسكوت قلب الجنين واتاضح من خلال الفحوصات ان قلبه توقف يومين هادي ...كيفاش مكانتش عارفة ؟
فؤاد : على ماعرفت هي مريضة بفقر الدم ...
ايناس "حركات راسها" : وممنوع عليها تحمل لان الحمل خطييير عليها فهاد الحالة ...حبوب منع الحمل كيحميو بنسبة لكن ماشي مئة بالمئة وزيد عليها دوا فقر الدم تخلطو الادوية كيقضيو على المفعول ديالو ...مكنذبش عليك حالتها كانت خطيرة بزاف اضافة لانهيار ...ضغط انخافض القلب انخافضو دقاتو ...على شوي وكان ربي غاياخدها ...نصيحة مني فاش تفيق وتولي لباس ان شاء الله ...خاثها تشوفطبيب نفسي لحالتها الى ماتعالجتش نفس شيء غايوقع لجنين الثاني الى جابو الله مرة اخرى ...
فؤاد : ان شاء الله ...
ايناس : من بعد يومين غادي نعطيكم تقرير لكن حتى نتاكد من الجنين الي جهضات مزال غانديرو عليه فحوصات ...
فؤاد "عقد حجبانو " : شنو كاين شي مشكيل ؟؟؟
ايناس : معرفتش ومبغيتش نعطيك شي حاجة حتى نتاكد ...
خرج من عندها نيشان لعند يامنة لي طمنها عليها بزز باش خرجو من لكلينيك مخلين فؤاد بقا تما حتى تجي يامنة تجيب شنو غايخص مشات مع اسامة .،..
داز الوقت والحالة مزال مستقرة نسبة الخطر بدات كتقل ...وصلات ربعة صباح حتى تمات جايا يسرى ويوسف الي وصل معاها قد قد و ايساف تاهو ....اما صهيب بقا تما تيجيو صباح تاهما ...
يوسف"جاي كيجري بانت ليه يامنة متكية على فؤاد الي كيقرا فالقران ...كانو رجليه غايخواو بيه غيير شد فراسو ..." : فؤاااد ...
يسرى : بنتييي يامنة بنتي اش وقع ليها ...
فؤاد ويامنة ناضو وقفو تا جا يسوف شد فيه فؤاد من كتفو كان غايطيح كون ما شدو ايساف واسامة هو ويسرى رجليهم فشلو ...
يسرى : كي ب بقات ؟؟
يامنة : شوية شوية غير تهدني عافاك ايسرى ...
يوسف : فين هي مالها ؟؟ اش هادشي خويا هاا ؟
فؤاد : يوسف قضاء الله هو هذا كون مع الله ...
يسرى : يامنة قولي مالها اش وقع ليها ؟؟ علاش هي فالانعاش ؟؟
يوسف"مسكين عينيه غرغرو واقف كيشوف فيامنة الي كتقول اش كاين وفؤاد قدامو حتى تخلخلت وقفتو كون ما شدو ايساف " : حاملة
سبحان الي يبيتها فشان ويصبحها فشان ...هادي هي دنيا وهذا هو مكتابك ياا انسان ...الي وقع لنوار مكان لا عالبال ولا الخاطر ...ملي عرفو الخبار وشنو وقع بالتفصيل وحالتهم ميعلم بيها غير الله ...هنا فين وصلات بيها حالتها النفسية ...هنا فين وصل بيها الحال الي هملات راسها وصحتها ...يومين دازت عليهم كحلة لا يوسف كياكل ولا يسرى كتاكل ...حتى وصلات عليهم مينة فور ما ساقت الاخبار والحبيب حتى هو مسكين جا من خدمتو يجري ...اما اشرف مسكين تاهو من شركة وسطاج لصق فالحبيب ووصل عليهم ....
ونوار الي واقع ليها هادشي عينيها مزال ما حلاتهم وحالتها مزال تحت المراقبة المستمرة ...اش هادشي وقع واش هاد الحال ...
يسرى "جالسة حداها وتدوز على شعرها وحنيكاتها الي هرب منهم لون ووجها الي ولا بيض هو وفمها ...حتى بدات كترمش فعينيها وتحركهم وتلولبهم وهما مغمضين وصبعها كتحرك فيه " : ماما نوار !!
نوار"كتحرك فعينيها حتى حلتهم " : انننن ...
يسرى : ماما شوية ؟ باش كتحسي ؟
نوار : امممم ...
يسرى : اشنو محتاجة ؟ بغيتي شي حاجة ؟ "كتقلب فالايكو حدا راسها وضغط وكتهضر معاها وفنفس الوقت كتورك على الجرس باش يجيو الفرمليات الي متعطلوش دغيا دخلو كيجريو " ...وييي ماما هضري ...
فهاد اللحضة جات الاختصاصية ايناس الي وقفات على يوسف وفؤاد ...
ايناس : راجلها مزال مفخبارو والو ؟
فؤاد : جاي فطريق يمكن يوصل دابا
يوسف "شاف فيه " : هضر معاك ؟
فؤاد : غير دابا فاش هبطت لتحت نكمي ...
يوسف : واش كاين شي مشكيل ؟ مزال معرفتش شنو سبب الانهيار حتى وقع هادشي ...
فؤاد : المشكيل الي قاليك اسامة غير هادشي بين المراة وراجل ميعلم بيهم غير الله وهما ...
ايناس : واخا تجي عندي المكتب نهضر معاكم على شي حاجة خاصكم تعرفوها ...
ناضو بزوج لعندها لمكتب ...
ايناس : بون انا قلت ليك ديجا كنت شاكا فشي حاجة ...هو الي وقع وقع لكن ضروري خاصكم تعرفو ...
يوسف : ش شنو المشكيل ؟
فؤاد : خير ...
فالممر المؤدي لجناح فين ناعسة نوار حتى وصل عليهم ووقف عينيه حمريييين وشعرو مخربق وحالتو تشفي العدو ...
ياسين : نوار !!
يامنة "وقفات" : ولديييي ..
ياسين "جهد صوته " : نوااااار !!! مالها ؟؟؟
يامنة : ولدي ...
الحبيب"حط ايدو على كتفو " : خويا هي دابا معاها فرمليات وطبيبة ميخليوكش دخل دابا سير وصل على الوليد والعميم يوسف تعرف حالتها بينما خلاوك دخل ...
ياسين"مخنزر " : فين ؟؟
ايساف : اصلا دكتورة كتسول عليك يومين هاذي ...
ياسين"غزز سنانو بنفاذ صبر" : ففف فففففففين ؟؟؟؟
الحبيب : اجي معايا المكتب ديالها حدا فين ناعسة نوار فالانعاش ..."بلا ميهضر تبعو حط الصاك لاحو وبقا غادي وفايدو الدبدوب الي وصاتو عليه نوار ...غادي معاه حتى وصلو لمكتب ودخل حتى دخل عليهم ....
فؤاد"ناض وقف لعندو " : وصلتي !!
يوسف : اجي ولدي جلس بغاتك نيت اجي وحضر عقلك اولدي الله يعوضك ..."حدر عينيه صدرو كيحرقو على بنتو بزز باش صبرو فؤاد ...ضور وجهو لهيه بغا يبكي ..."
ياسين : ش شنو وقع ؟؟؟
فؤاد : اجي جلس ...
ياسين : لا غير هضرو بغيت نمشي نشوفها ...
ايناس"شافت ففؤاد الي حادر عينيه وشير ليها براسو باش تقولها ليه " : باش تكون على علم هي كانت فحالة خطييييييرة .."بدات كتعاود ليه كلشي…
فهاد اللحضة يسرى بقات واقفة تا قادوها وجات المختصة لاخرى حيث كانو زوج اختصاصيات واقفين على حالتها الحرجة..."
يسرى : ياسين جا بنتي ...
نوار"حركات راسها بلا ودموعها دازو كتبعد فراسها " : لا لا لا اننن اهى مبغيتوووش ...
ايناس"لياسين" : الجنين توقف قلبه يومين قبل الحادثة ...والي كنت شاكة فيه هو عادة كنعرفو هادشي حتى كتفوت شهرين ...لكن فاش درت ليها الاجهاض شكيت حيث بان ليا اكثر من طرف غير طروفة الي هبطو (الاجهاض كيقطعو جنين طراف باش كينزل دغيا ) ...درنا فحص وتحاليل وزدت تاكدت انها كانت حاملة بتوأم مع الاسف ...توأم مع الاسف ...
بقاو هاد الجمل كيطيحو فوذنيه ويتعاودو حتى طاح على وقفتو وطاح الدبدوب من ايدو الي كان جايب ليها ...
ياسين"نزلو دموعو فحال الالماس كيبريييو هابطين مع خدو ..." : و ولااادي ...
نور الياسين الجزء 31
محتوى القصة
التنقل بين الأجزاء