واش بصح الحب للحبيب الاول ام ممكن يجي شي حب ينسينا فيه ؟ طبعا الحب الاول مكتنساش ممكن يجي الحب تاني يخلينا نبغيوه كتر من الاول وممكن لا وعلى حسب واش الشخص قدر يتملك قلبنا كتر من لول وسكنو وقدر يفوز بيه هو ...
دازو الايام وتوجاد مينة ماحابسش طبعا كتعرفو العرس ليلة العمر تدبيرها عام خاصها تكون ليلة متنساش طبعا حسب الامكانيات الي عندو را عندو والي معندوش ليه الله يعوضو ...مابقاش بزاف قد اسبوع ويكون العرس الي واخيرا مينة غادي تكون امراة وعندها راجل كيبغيها ويحميها ...امراة الي غادير الولاد وتكون اسرة صغيرة وكل بالمكتاب ....
حلات عينيها على صوت الهاتف طلات لقاتها مينة نيت هي الي كتصوني ليها ...
قطعات معاها وناضت من فراشها توجهات لدوش دوشات خفيف وخرجات خذات ماتلبس كسيوة فالبوردو جات كلوش وعندها جيوب لبساتها ولبسات عليها فيست فالاسود ولبسات سبرديلا من بعد مانشفات شعرها بسيشوار وهزات لوازمها عاد خرجات لتحت نزلات لقات كلشي كاين تا من يامنة الي جات هادي اسبوع باش جات هي ودراري يعني دار تنغش وعامرة ...
نوار : صباح الخير خالتو "باستها"
يامنة : صباح خير حنينة ...يلاه فطري را راوية كتسناك تاهي ...
"فطرات مع دراري فجو فيه ضحك وشدان طبعا بااقين مراعين ليها لا تقلق وهي على سبة وخا نقص منها لكن لحالتها وضروفها راعاو ليها ...حتى وقفات عليهم راوية ...
راوية : كنت كنقلب عليك ...
نوار : هاني فين كنتي ؟
راوية : كنت مع صفية شربات دوا وخليتها مع ميمة وجيت ...
نوار : يلاه "ناضت هي وياها خرجو وشدو طريق لفاس نيشان فين دايرة معاهم مينة طلعو عند الخياطة الي عطاتها تقيس القفطان ..
مينة : خليه غير هاكا جاك زويين بزاف حسن من القفطان ديال لعقد "دارت ايدها على حناكها " جاك غزااال بزاف ...
خرجو بتلاتة بيهم دوزوها تال شركة ومشاو اما هي طلعات نيشان لفوق مشات لمكتب ديال حسن ودقات مبتاسمة ...
نوار : وخا ندخل ؟
حسن"كان كيهضر فتيليفون ضار وغمزها دخل وشير ليها تجلس " : سي سي توتي بيني گراااتسيي ...اااا كي كوزا ؟ سيي ...
نوار"جلسات ولكن وجهها ماشي تالهيه الشي الي لاحضو حسن .." ..
حسن "كمل وشاف فيها" : مالك ؟
نوار : مماليش غير عييت جيت من خياطة لهنا بزز باش تفكيت من ختي وعمتي تا قلت ليهم راني غانجي هنا نشوفك ...
حسن "جمع الابتسامة " : ياكما قالو ليك شي حاجة قلقاتك ؟
نوار "عوجات فمها" : راك عارف الهضرة ...
حسن : عارف وعارفة بالي كل ما قلتي ليهم غاتشوفيني مغايبغيوش ؟
نوار "هزات فيه عينيها" : علاش ؟
حسن : حيث واخا هكاك كنبقا محرم عليك يعني شوي غاتجيهم عيب ونتوما ناس متحفضين ...داكشي باش كنقوليك نشوفك فالشركة ...
نوار : شنو ندير دابا ؟
حسن"ضحك ودور راسو لهيه عض على شنايفو ورجع شاف فيها داير ايديه على حنكو " : نوار ...
نوار : نعام ...
حسن : هاد الهضرة جايا لشهر وانا كنفكر فيها وبغيت نقولها ليك ولكن بنتي ليا عاد خارجة من علاقة زواج مكملش ومشاكيل مجاتش نقولها ليك واخا عام وزيادة باش ساليتي ...نوار مابغيتش نبقاو نتلاقاو فشركة بهدف صداقة ...غاتكتر عليك الهضرة حيث نتي كتبقاي انثى مطلقة فمجتمع مكيرحمش انا جيتك نيشان حيث باغيك من سنيييين غير مكتابيتيش ليا فالاول ...نتمنى تفهميني وتفكري فهضرتي …
نوار "عرفاتو لاش كيلمح " : مافهمتش شنو بغيتي ؟
حسن : بغيت تكون علاقتنا رسمية الى تفاهمنا نكملو ...يعني بغيت نخطبك على سنة الله ورسوله ...الى تفاهمنا تزوجي بيا ؟
حسن الزياني هو شخص الي حاليا نقولو شخص بعقلو فترتيب الجمل بعقلو فالحوار ممكن يقنعك ويخليك تفكر فهضرته عندو وسيلة اقناع فشكل كيهضر معاك بالمنطق الواقع الي خاصنا نحلو عينينا عليه ...فلول مابغاش يدخل ويفاتحها فالموضوع لانه بالنسبة ليه وقت غير مناسب وخصوصا عاد جات من بلاد بعيدة الي مشات باش تنسا فيها او تعايش مع جرحها منقولوش تداوى بالمرة ...الا انه بمرور الايام وتعارف اكثر فضل انه يدخلو فعلاقة رسمية بالحلال باش يشوفو واش طور علاقتهم او لا او بالمعنى الي ذرو هو مابغاش ينعتو فيها حيث فالاول والاخير كيبقى محررررررررم علييييييها ...
نوار"منقولوش تفاجئت منقولوش تصدمت بل نقولو انها كانت عارفاه كيميل ليها ولكن ماشي لدرجة يطلب زواج بهاد سرعة ..."
حسن : ماغاديش نقوليك عطيني جوابك دابا مغاديش نضغط عليك انا جيتك نيشان وعطيتك لمحة بل عطيتك تقريبا شنو باغي واش كنت باغي ..."سرح ايديه " زيادة على ذلك مبغيتش انسانة فحالك عندها مكانة كبيرة فقلبي ينعتو فيها ...مانكروش اننا وسط مجتمع ابدا ولن يرحم ...
نوار"كملات عليه " : المراة المطلقة ...عارفة "بابتسامة ثقة "
حسن : ماقصدتش اهانة ...قصدي واضح وعطيتك السبب المهم والوحيد هو انني بغيتك بالحلال سوا مطلقة او عازبة المهم بغيتك بالحلال والحلال كياخذ وقت تفكير خصوصا ماشي بزاف باش كنهضرو ...
نوار : ولكن كنهضرو غير فاطار محترم لا غير ...مجيتي لشركة نشوفك ونهضرو ونضحكو انا ضنيتها فاطار العمل وصداقة من بعيد ...
حسن : هادشي الي كاين ...
نوار"بقات كتشوف وعينيها فنقطة بعيدة "
حسن : انا عطيتك مقصودي وجيت قاصد الباب نيشان فكري من اليوم لوقت الي بغيتي خوديه ...
نوار"صرطات ريقها من لداخل ديالها كمية توتر كبيرة لكن بزز كتصنع القوة واللا مبالاة وكتسمع ليه لهضرته الي وخا كانت عارفاه كيميل ليها من خلال تصرفاتو الا انها مكانتش تضن غايطلبها لزواج !!! وبهاد سرعة كانها تفكرات عرض ياسين ليها بزواج بيه تاهو نوعا ما كان طلب سريع ..حنحنات وناضت هازة صاكها" : احم غانمشي ...
حسن "ناض وقف تاهو كيشوف فيها ويتفحص ملامحها باش يعرف ردة فعلها فتلقي هاد الطلب المفاجئ" : غاتمشي لمكتب تخدمي ؟
نوار : لا غادي نهز لوراق ونديهم معايا معنديش الگانة نخدم هنا ...
حسن : غاتفكري فهضرتي ؟
نوار"كتشتت نضر باش متشوفش فيه في حين هو متابع كل حركاتها بالتفصيل " : ماعرفتش منعطيكش امل "هزات فيه عينها" راك عارف ...
حسن "غمض عينيه" : عااارف ...
نوار: نخليك ...
خرجات من عندو مشات لمكتب نيشان خذات الملفات الي بغات تخدمهم دارتهم فصاكها وسدات وهزات تيليفونها عيطات لمينة الي كاينة فالفيلا المرابط ...هزات داكشي وخرجات سدات مكتب باها ومشات ...
"فيلا المرابط" ...
كتهز فحوايج الي شرات وكتحيد ليهم تيكيت وتعلق فالماريو وتطوي وترتب ...حتى تحل الباب وخرج لاوي عليه فوطة وفوطة كينشف بيها شعرو هز عينيه فيها ...
رياض : مرتي الرزينة كتطوي فالحوايج ...
مينة "ضحكات بشوي " : هههه وشنو بغيتي ندير ؟
رياض : كملي خيرك مابقا والو لعرس ...
مينة "حطات واحد كسوة وضارت عندو مربعة ايديها" : ايه ومن بعد...
رياض"لاح لفوطة باش كينشف راسو وقرب ليها جرها من سمطة سروال هووب قربها ملصقها معاه ومحاوط ايديه ورا ضهرها كيطلعهم وينزلهم بطريقة بورشتها تا عسلت عينيها" : هااااا وديري بحسابك عندنا واحد خمسطاش ليوم من ورا لعرس مسافرين شهر العسل خااااص ا بب "حط شنايفو على شنايفها بقبلة خفيفة "
مينة "شافت ليه فعينيه " : فييين ؟
رياض : surprise مون بب داموووغ ..."داز لحنكها باسو بوسة تا تسمعات " شهر عسل نخليك فيه فرحانة وطالبة شرع حتى تقولي برااااكة عليا راني فرحت وطبت ...
مينة "كمشات عينيها" : ممكن الفرحة نعيا منها ايه نقول براكة حيث كترة الفرحة كتقلق ...ولكن طبت شنو زعما ...
رياض : شوفيش انتي "هبط لمؤخرتها حط عليها ايدو وعبزها"ياك شروطك طبقتهم وخدام كنطبق فيهم والله يقدرني ونبقا عند وعدي ...عطيتك فرصة من خطبة طولناها حتى داز عام ودرنا لعقد وزيد خدمتك متخرجيش منها وتكملي طموحك بالفرحات عليا وزيد اش بغيتي اخور ؟
مينة "دورات ايديها على عنقو " : منتعطلوش فالولاد ...
رياض : واش انا كرهت ؟ من دابا كون طلقتينا هادي شهرين كون عندك تسع شهور ...
مينة "بقات تزمش فيه " تسع شهور ؟
رياض : متحكريش ..
مينة : كمل اش كنتي كتشرح ...
رياض "هز ايدو وخبطها لترمة تا قفزات على طولها" : نطيبك ازين نطيييبك ...على هاد الغدايد "رفع ليها حجبانو بطريقة طفولية " والفاااهم يفهم ...
الخدمة الخدمة وجري من هنا ووجد من هنا هالي مدهي مع توجاد العرس الي مبقا ليه سوى ايام تفصلنا عليه ...هالي مدهي مع الخدمة فالفيرما والبنك وهنا نقولو ياسين الي جالس فالكرسي ديال مكتب ديالو شاد واحد الملف قدامو كيقرا فالوراق الي فيه بتمعن داير نضاضر دالشوف ومع داك اللباس الكلاص المختصر فالاسود ...داير صباع ايدو على فمو مرة مرة كيخللهم فلحيتو كيحكها ويتمعن فدوك الوراق حتى دق الباب وهز عينيه ...هبط ايدو ورك عالبوطون تحل الباب ودخل ...
ياسين "شير ليه يجلس قدامو وحط الملف حيد نضاضر وشاف فيه داير رجل على رجل مفرقهم " : تفضل الحاج اسماعيل ...
اسماعيل : سي ياسين الله يرضي عليك اولدي قبلتي تشوفني ...
ياسين : الله اودي مرحبا قول شنو عندك ...
اسماعيل "جبد من جيبو واحد الشيك ومدو ليه " : بغيت نصرف هاد شيك ...
ياسين"خذاه من عندو وقراه وقرا المبلغ الي فيه ." : المبلغ الي فيه الحاج امتا بغيتيه ؟
اسماعيل : ماكرهت هاد نهار اولدي ..
ياسين"كيتمعن فالشيك والمبلغ حطو وشاف فيه " : الحاج المبلغ الي بغيتي فيومين وصعيب يوجد ليك ...
ياسين : مبلغ كبيير بزاف من بعد نعيط لصاحب شيك الي سناه ليك نتاكدو قول اجراءات عاد نوجدو المبلغ ...فالفترة الحالية مكاينش هاد المبلغ فحوزة البنك ...يعني القليلة المدة الي نعطيك هي دي جوغ" عشر ايام" ...
اسماعيل "خرج عينيه " : الله ياولدي الله وانا عندي اخر اجل نخلص ماليهم هي غذا ...وكيندير ؟
ياسين "تكا على الكرسي شابك ايديه " : مع الاسف مالقيت ليك جهد ...
اسماعيل : يرحم ليك واليديك اولدي حاول تصرفو ليا هاد النهار الى ماخلصتش الكريدي الصباح كلشي غايمشي ليا ...
ياسين : الحاج انا مسؤول على فلوس ماليهم نقدر نتساهل معاك فبزاف ديال الحاجات حتى انني نقرب ليك الموعد من دي جوغ ل سيمانة ولكن باش نعطيك امل يكون غذا والله الحاج ماكرهت ليك ...
اسماعيل "مسح العرق من وجهو وبدا يفك ازرار القميجة " : الله اكبر ...ياربي ...
ياسين"بقا كيشوووف فيه عز عليه رجل مسن يشوفو فداك المنضر بغا يبكي ..." : شكون ناس الي كيتسالوك الكريدي ؟
اسماعيل "شاف فيه " : شي ناس عطاوني سلعة ديال لخشب وصراحة الله صبرو عليا ستة شهور بدون منخلص وخا عاطيني توصيل بهادشي وسنيت عليه ...الى ماخلصتش غذا يتدفع المحكمة اليوم الي من وراه ...عاد بعت شي رزق وعطاني سيد هاد البقية فالشيك منكمل البيع حتى نصرفو وانا بغيت نصرفو باش نخلص الكريدي الي قلت ليك دابا …
ياسين "كمش عينيه " : ديال لخشب ؟
اسماعيل : واه ولدي ...
ياسين "حك ذقنو بغا يتاكد " : فين كاينة ؟
اسماعيل : هي فرع ديالها فالدار البيضاء والرئيسي ف فاس كيقولو ليهم رمسيس للخشب ...
ياسين"غمض عينيه وضور وجهو لهيه " : تت وف** "دوز على وجهو وضار عند الحاج .." الحاج سير كون هاني مغادي يديرو ليك والو نهار يتصرف شيك انا بنفسي غادي نعيط ليك ...
اسماعيل : كيفاش ؟ كتعرفهم ؟
ياسين"حرك ليه راسو " : قلت ليك كون هاني من هاد ناحية هي كون هاني وكلمة رجال ...
اسماعيل : معندي منقول الله ينور طريقك الله يسهل عليك اولدي ...هاني غاندير فيك ثقتي ..
ياسين : كلمة رجاااال الحاج منعطيوه العاهد تنكونو قادين بيه ...سير هنيتي من هاد ناحية ...
اسماعيل "ناض وقف " : الله يرضي عليك اولدي الله يرضي عليك ...
ياسين : سير دابا يوجد المبلغ نعيط ليك وجي ديه ...
خرج الراجل فرحان او نقولو شبه مرتاااح انه عطاه وعد مادام قاليه هاكا اذن عارف شكون مالين الشركة وغير خرج هز ياسين تيليفونو ودوز الخط نيشان ل يوسف ...
يوسف : ياسين ...
ياسين : سي يوسف عاش من سمع صوتك ...
يوسف : الله يبارك فيك ...اش هاد تفكيرة سيمانة هادي ...
ياسين : واحد سيد "عاود ليه على راجل " ضمنو من جيهتي ايوسف الفلوس ميوجدو ليه حتى لسيمانة تعاون وكان ...
يوسف : من جيهتي غيير هنا وشوف سي حسن هو هضر معاه باش يرجع الملف ميعطيهش لصهيب ولا لمحامي لاخور لا يديه هو ...صهيب تيسالي هاد اليومين را طلع لاكادير تاهو داير كي سريع تساوت غايخيط فطرقان ...
ياسين : شكون حسن ؟ شريك جديد ؟
يوسف : حسن زياني هو هذااك ...
ياسين : رسل ليا نمرتو نتفاهم معاه ...
كمل معاه المكالمة ورسل ليه فالبلاصة نمرة ديال حسن الي بغاه يهضر معاه غير رسلها ليه دخل عندو الشاف دفينونص عطاه الملفات الي سنا وخرج عاد هز تيليفون ودوز لخط لنمرة حسن الي صونا وصنا وصنا مجاوبوش وهو يعيط ليوسف تاني الي عرف ان حسن فاجتماع دابا عاد دوز لخط ل محمد الحبيب عالله هو يعاونو احسن ...
الحبيب : وخويا اش نقوليك انا مسؤول على المالية وفعلا انا الي دوزت الملف ديالو الى ماخلصش يدوز لملفات عند صهيب ولكن را عند حسن الملفات كاملين وانا مكاينش دابا فالشركة ايساف مغاديش ينفعك حيث مسؤول على سيستيم وانضمة شركة حاليا ...عمي الياس العلاقات العامة ...الملفات بقاو عند حسن هو الي سناهم مع امضاءات اعضاء مجلس الادارة باش يدوزهم صهيب ...
ياسين "عصبو " : فيكم شلا وشوية نتوما ...مالكم "خبط ستيلو تا سمعو الحبيب وتكمش حيث عارفو عدوه كترة الخيلوطة ههه " على ستين واحد عاودو تفريق المهام مالكم فهاد نضام الخوا الخاوي بناقص من الهة مو هادشي ...
الحبيب : واخ"قطع عليه خلاه كيرمش حيث قوا عليه هههه ..." اويلي انا اش درت را الوليد الي دار هاد سيستيم يناري ...
هاجر : مالك ؟
الحبيب"كانو جالسين فريسطو باش يتغذاو" : واغير مع خويا معصب منعرف مالو ...
هاجر : واش على الي قلتي ليه دابا ؟ ههههه صراحة دوختيه ودوختيني انا معاك ...بزاف علاش تايدوزو عند سي حسن براكة سي يوسف هو الراس الكبيرة ...
الحبيب : كاين ما كبر هو الوليد ولكن باش كيكون كلشي مقاد خاص كاملين يدوزو علينا ...وهاد سيد را صبرنا عليه ...مااعلينا قولي ليا ...
هاجر : شنو ؟
الحبيب : باقي خوك انا ولا فرقتنا ميمتنا والخاوة حدها هنا ازين ؟
هاجر"دارت ايدها على فمها حابسة ضحكة " : اويلي هههه
الحبيب : يغيس فيه شيطااان ...وبراااكة ...
في هاد اللحضة من بعد ما عصبووه نيييت عاود هز تيليفون ودوز الخط لحسن من بعد زوج محاولات تا كان غايدير بناقص وهو يجاوبو فالبلاصة ...
ياسين : حسن الزياني ؟
حسن"عاد خارج من الاجتماع كيسني فالوراق الي عاطياه السكريتيرة بالواقفية " : سي هو هذا شكون معايا ؟
قطع معاه بقا شحال كيشوف فالاخير حدر راسو ومشا فاتجاه المكتب ديالو مع دخل مع سد الباب بجهد تا تسمع على برا حط دوك الملفات وجلس فوق الكرسي فك ازرار القميص زوج الفوقانيين وفك الكرافاط ...ودار راسو بين ايديه كيماصي فيه ...حتى هز الفيكس وصونا لكاتبة ديالو ..
حسن : جيبي ليا دوليبران دابا ..."قطع معاها ورجع يماصي فراسو من داك صداع الي رجع ليه ديال شقيقة ثاني الي كيعاني منها" ففففف "جابت ليه دوليبران رما قرص منو فالكاس تا تشتش مزيان وتكا عليه شربو وبقا شحاال تا حس براسو شي شوي نقص صداع وهي تصوني ليه مو "
غيتة : ولدي مجايش را باك كيتسنا فيك ...
حسن : جاااي جاي غير تسناوني تما باش نتغذاو ...
غيتة : صوتك مالو ؟
حسن : صداع فراسي ...
غيتة : رجعات ليك شقيقة ؟ اش واقع ؟
حسن : ماديريش فبالك هاني "وقف هز تيليفون وساروت وسد الماك وتم خارج من المكتب " هاني جاي عندكم دابا ..."قطع معاها وقف على سكريتيرة " ملف اسماعيل توفيق يبقى عندي فالمكتب يجي سي يوسف عطيه ليه را هو عارف ..."رما ليها هاد الهضرة ومشا مخنزر "
قدام المراية جالسة كتصايب فشعرها بالبريسا وصلا الگصة دوزاتها وخا موحلاتش بحكم شعرها ناعم وزوين دغيا دوزات عليه بالبريسا وبوكلاتو شوي ...هزات ماسكارا دارتها لشفارها وخذات مرطب شفايف دارتو مزيان مطمطات شفايفها ورجعات هزات گلوص غوز خفيف ماط دارتو ليهم عاد رشات بارفانها وناضت قادات فراشتها الي كانت فالازرق ملكي وهي دق عليها مينة ...
مينة "طلات تاهي لابسة فراشة غير هي فالصومو " : يلاه نزلي ...
نوار : واش جاو ؟
مينة : جاو را من قبيلة وهو يصوني ليا بغا يطلع ههه
نوار"حبسات ضحكة " : طلعيه هههه
مينة : الله يمسخك نتي وياه ...يلاه را جاو حتى عائلة سليماني وعائلة زياني وشي ناس ...يلاه شوي ويبداو طلبة ...
نوار : عائلة زياني ؟؟
مينة : هممم جا حسن مترأسهم وجا ايساف وجاي حتى ياسين راه فطريق قرب يدخل ...
نوار : دابا هادو طلبة فين فالجردة ياك حيث سمعت صوتهم من جردة ...
نوار"هزات تيليفونها وخشات رجليها فبلغة وتابطات دراع مينة غادية وتعرج حيث ملبساتش سوميلة او نقولو من ديك مرة فاش قررات ولات قليل فين كتلبسها" : يلاه صافي نهبطو ...
خرجات هي وياها من البيت فطريقهم تلاقاو برميساء جروها تاهي وصفية تاهي نزلات معاهم تاهي لابسة قفيطين سااامبل مريح ونزلو عند العيالات لتحت لقاو سلام وزغرتو بدخول مينة الي دخلات متوترة ومزنگة غير كضحك باش تخبي داك ستريس الي شدها ...وجلسو فصالون كبير وقدامو صالون مفتوح عليه تاهو فيه شي عيالات ماشي بزاف حيث هاد ليلة فيها طلبة حضرو فيها رجال مكانوش فالعقد ...
يامنة "كتهضر مع ياسين " : اولدي وصلتو ؟ فينك ...
ياسين : داخل نيشان لعند لوليد رجال برا ...
يامنة : ودخل نشوفك ونشوف با دورو من لور راني توحشتك قلبي كيفرفر فاش كدخل عليا هنا ...
ياسين : كاااع الحنانة ...يلاه نشوفك لور ...
قطعات معاه وهي تمشي كتزرب تا خرجات من لور ولقاتهم سلمات على باها وسلمات عليه عنقاتو كيبوس فراسها ويعاود عاد مشا مصطفى هو واسامة الي جا سلم عليه وداه لجردة وبقا ياسين مع يامنة كيهضرو حتى استاذن ومشا لعند باه وعمامو سلم عليهم وجلس حداهم كيتسناو فطلبة يدخلو من جامع ...
نوار"حطات ايدها على كتافو " : ماتقلقش غانبقا نجي ...فكل عطلة ...بغيت نكمل قراية تما وعاد احم ...
يوسف : مزيان ...شنو ؟
نوار"رمشات فيه" : بغيت نقوليك على حسن الي معاكم ...
يوسف "ضار مستغرب" : مالو ؟
نوار"ضحكات تا تسدو عينيها" : هههه بغا يتزوج بيا بيا بيا بيا ...هاد الجملة مشات ليه نيشان لوذنين وشاف ضحكتها بملامحها وصوتها ...كان جاي عندهم باش يسول عليها كيف بقات حيث مشافهاش من داااك نهار الي طاحت فيه مهضرش معاها كيسول غير من بعيد ...جاتو لوذنين ....فااا مالقا ميدير سوى انه ضرب دورة ومشا من تما مع يتصادف مع باه فوجهو تاهو هابط يكمي ...
فؤاد"كيشوف فيه " : مالك ؟
ياسين"هز فيه عينيه حمرين …ضحكتها فاش قالتها محيداتش من بالو " : غير كنت بغيت نكمي ونسول على نوار يمكن كتهضر مع باها ...
فؤاد "صغر فيه عينيه مزيان " : خبار الخير ...
ياسين "حك بسنانو شنايفو تا حكهم وضار لهيه ورجع شاف فباه " : عادي الوليد الفرحة كتكمل فهاد البيت الله يوفق الجميع "هز عينيه لسما "نعياو نكابرو ونكابرو ضروري منتقصحو ونتهرسو ونطيحو ونوضو وباش نكملو لقدام نصبرو بزز منا ونكملو تلاخر ..."زير على كفوف ايديه تا تسقطو من دم " السهل كان سهل وصبح السهل الممتنع ...الله يكمل بالخير ...
بمجرد ماقالتها ليه وخبراتو بانت على محياه الصدمة والذهول ...مكانش كيضن ان حسن غايطلبها لزواج يمكن عفوية يوسف وثقتو فبناتو كبيييرة عارفهم مربيات ويمكن مكيضنش ومكيطيحش فبالو هادشي حيث ناس مغاديش طمع فيهم ومعاهم رجال ضايرين بيهم خوتهم ولاد عمامهم وعمامهم وخوالهم وبزاف يعني عائلة قد ما هي محافضة وصارمة قد ما هي طالقة لعب لولادها قد ماهي ميتدارش بيها وحاضية صواريها ....
يوسف"رفع حاجبو بصدمة " : كيفاش ؟
نوار "حطات ايدها على فمها من كترة ما حشمات من باها وفي نفس الوقت ما قادراش تخبي عليه جاها ضحك ممكن باش تخبي خجلها ...ممكن استهزاء يعلم الله اش وباش كتحس والي مواضحش " : هادشي الي قلت ...
يوسف : كيفاش بغا يتزوج بيك شرحي ليا ابنتي هادشي الي كتقولي حيث زربتي عليا ...
نوار : انا نعاود ليك ..
يوسف"هز صبعو" : قبل متهضري نوصيك عطيني تفاصيل ابنتي ...
نوار"حركات ليه راسها": واخا ...احم
نخليوها كتحكي ليه كيفاش الحكاية بكل تفاصيلها ونمشي لعند النص لاخور الي تكسر وخا يعيا يخبي واخا يعيا يكابر ...
فؤاد : الله يسهل عالجميع من طرف تالطرف ...والله يصاوب القلوب وتجبر ...
ياسين : جبر الخاطر والقلب خاصو زمان من ليام ويمكن سنين ...
فؤاد : شنو كاين ؟
ياسين : قد ما وصل الوقت يجيو ناس ويبغيو الحلال كتبقى بنت الناس ...
فؤاد : هادشي ضروري وديرو بين عينيك ...
ياسين"تنهد وهز عينيه لسما " : عاارف ...
فؤاد : ماعليش الصبر وكان اولدي ...
ياسين : واعرة غير البدية ...
فؤاد : البدية راك باديها وبديتيها ومزالك فالبدية شحال قدك تعاود وتعاود عطي لراسك راحة وعطي لراسك فرصة ومحاولة ...
ياسين"حدر راسو وشاف فيه" : فرصة لمن ومحاولة فاش ...
فؤاد"ساط دخان لفوووق ونطق " : فرصة لراسك مع ناس ممكن مرة ثانية وممكن لمرة ثانية فاللولة ...
ياسين "دلك عينيه بتعب " : هذاك شريك جديد الي فشركة ...داك خونا ...
فؤاد "رفع حاجبو " : مالو ؟
ياسين : عارف عليه الشادة والفادة ياك ؟
فؤاد : رجل البراني ماتعتب عندي الا وعارف شنو تحت راسها ورجليها وفاش كتفكر ...المفيد ؟
ياسين : طالب الحلال ...
فؤاد : معامن ؟
ياسين : نسوبية مع يوسف ..."غمزو " راك عارف كترة تسوال ديك المرة شنو من وراها ...
فؤاد "عاد عرف لاش جا وقاليه هاد الهضرة قبيلة " : زواج من نوار ..."حك لحيتو "طلب زواج من حق الي نوا الحلال منعارضوش ...
ياسين : اكيد ...
فؤاد "حقق فيه شوفة شحااال ومصغر فيه عينيه لمح لمعة حزن فعينيه طبعا عارفو مقصح وغايزيد يتقصح " : خاطرك مقصح كثر وزاد ...
ياسين"شاف فيه ورجع شاف قدامو" : كون على يقين من هادشي ...
فؤاد : لو تاحت الفرصة تقدر ترجع الي ضاع ؟
ياسين : الي ضاع هو الي بغا يضيع الوليد ...الي ضاع هو الي بغا يمشي ومزال مقرر يمشي ولو تعاد زمان كان غايمشي ..."سرح ليه ايديه " شنو بغيتيني ندير ؟
فؤاد : عارف راها تقدر تعيش مع واحد غيرك ...
ياسين: عارف ومعندي مندير سوى نبغي ليها الخير عارف سوق نسا وشنو فيه وسوقها هي عامر فاي لحضة تطلب ويكون عليها القبول ...الى نوات مع ولد ناس متسالني غير الله يسهل ...
فؤاد : ها واحد سما الله وطلبها ...
ياسين : وهذا وقت مناسب ؟
فؤاد : هانتا قلتيها بفمك سوق النسا عامر غذا ولا بعدو لا مكانش هو يكون غيرو ...ماغتبقا بلا ولد الناس اولدي ...
ياسين"حرك راسو وقال " : واااعرة البدية واعرة ...
فؤاد : لو جيتي عليا سير رتاح دابا ونعس ويصبح ويفتح وماحد ليام كتجي ماحد كلشي كيوضاح ...
شاف فيها يوسف من بعد الهضرة الي عاودات ليه على حسن ...هي كتعاود وحناكها كيتزنگو ماشي من حسن وانما من الموضوع كلو ...
يوسف : وابنتي ماقال عيب دخل من الباب ونوا المعقول ...شنو بان ليك نتي ؟
نوار"هزات كتافها" : مابان ليا والو ...
يوسف : الحلال ماشي عيب …
نوار : بابا ...
يوسف : قولي شنو كاين ابنتي قولي ...
نوار "حطات راسها على كتفو كتعاود باش متشوفش فيه " : مزال ابابا مزال ...الوقت ماشي مناسب باش نعاود تجربة اخرى ابابا انا مزال مريضة ماعرفاش واش غايصبر ليا تاهو ولا لا والى كان خاطرو ضيق ...والى مكانش كيصبر لطبعي ...جربت وتوقفت على قرايتي وشحال من حاجة ...
يوسف : اذن ؟
نوار"الصمت "
يوسف : نوار !!
نوار"طلقت ااه بتنهيدة " : هو انا مزال ماشي حمل تجربة زواج جديدة ابابا ..مزااال ...مناسياش ...المهم خاصني نفكر بزاف قبل منهضر…
يوسف "باس ليها راسها وزاد نخششها فيه" : لا جيتي عليا وهادشي الي شفت وكنشوف راك مناسياش وعمرك ماتنساي ابنتي ...نوضي تنعسي ويصبح ويفتح وكلشي يبان مع الوقت ...
شروق شمس يوم جديد بمدينة ازرو بالضبط في الفيلا ...حلات عينيها على صوت الهضرة ولغا ومشي ومجي ...ناضت دغيا قضات روتينها ولبسات بيجامة صيفية تحت ركبة جمعات شعرها وخشات رجليها فصندالة صبع هزات تيليفونها وخرجات من البيت تلاقات بمرت عمها سارة هازا فايدها واحد سلة وشي ساشيات فايديها ...
نوار : فين ماما ؟
سارة : مشات مع مينة عند نگافة ...
نوار: شنو هذاكشي ؟
سارة : هادو دوك الي فيهم الحلوة الي غادي توزع مينة فاخر العرس مع الحلوى الكبيرة ...
رميساء : نتي كلشي يدير بحسابو على قبلك كلشي باغيك...تزوجتي وطلقتي وبااااقا في فشوشك بااااااااااقي نوار خاصها متقلقش لا تمرض نوار نوار نوااااار ....خوووويا بغا يضربني حيث نواااار عيطات "حبسات صدرها كيطلع ويهبط "
نوار : ياك ارميساء ...
رميساء : اااااه توگضي على راسك ماشي حسص نتي صغيرة فينا راكي الكل فالكل ماشي حيث مريضة وضاراك رجلك وكتعصبي راكي كلشي ...ااااااااوه اوه الي داز ينهصرني باش متقلقيش ...
نوار : سييييري فحالك ارميساء سيري ...
رميساء : غاديا كيف شفتي غير مشوقة نجلس معاك غا بكاية ومريضة ...يااااخ ...
مع ضارت غاتمشي غاديا حتى شدات ليها ايد فدراعها وجرها بجهد تا ضارت لعندو عينيه مخنزريييييين فيها وحمررررين يخلع ويقتل بالخلعة ...هز ايدو تال سما ونزلها ليها لحنك تا وقفات نوار ...
علي"قرب ليها اكثر ومزير على درعانها" : تقودي من هنا ولا نطحن عدو ربك فهاد نهار ..."دفعها بجهد تا طارت من تما كتنخصص .."
نوار"دارت ايدها على فمها" : علي "عينيها فيه مشربن " علاش ضربتيها ؟
علي "شاف فيها" : نطحن عدو ربها قليلة ترابي حتى يجي عمي فؤاد ...
بقات واقفة هي وعلي هو صدرو كيطلع ويهبط وهي بقات مصدومة او نقولو مصدومة من رميساااء كلها الي تطلقات عليها بهاديك الهضرة الي اعتابراتها صحيييحة مية فالمية ...حتى قرب ليها علي وحط ايدو على متفها كيشوف فيها ...
علي : نوار ماديري فبالك والو ...
نوار"رجعات شافت فيه وهي تبتاسم" : علي را قالت صح ...مادير فبالك والو نتا والله عادي ...
علي : نوار !!
نوار"طبطبات على كتفو " : والله ما مقلقة بالعكس خليها تقول لي بغات حيث كيبقا بصح الي قالت ...
علي"دوز على وجهو بقلة صبر وحيلة " : مزال نتفاهم معاها ومزال نهضر مع الوليد .."هز ايدو" مزال خاصها تربى كتر الى زادت تفلت من ليدين قلة الادب انوار عارفاها معندناش ...
نوار"جلسات فوق الكرسي مابغاتش تزيد طين بلة وتغير الموضوع ...هزات كتافها" : دابا شكون غايعاوني فهادشي ؟
علي"جلس حداها" : انا نعاونك اخويتي نعاونك ...
نوار : يلاه عمر معايا كل حاجة هز منها وحدة وديرها هنا ...
نوار"ضحكات" : هههههه شعرها زوين تفرق عليها مالك ماعارفش رميساء ...ماعلينا كمل كمل ...
علي : ههههه عارف "هز عينيه شاف فيها شوفة طويلة كانت تتصايب وتبتاسم ولكن ابتسامة فوووق الخاطر وصافي ...حنحن ورجع يكمل معاها رسل لدراري ميساج وجاو كاملين تجمعو على دوك الكميسات تفارضو صايبوهم وهي كتعقد الخيوط ديالهم خيط على شكل قنب مذهبة وخيط وردي مع ابيض عطاو ديكور غزااال " حطو فالسلات تا عمرو وزادو اخرين حتى عمرو سلة الكبيرة عاد معاها سليلات صغار باش سلة كبيرة تلوحها مينة وسليلات صغار يتفرقو على ضياف الي مشدوش ...
اشرف : على رقبتي الى تشهيت نتزوج ونعاود على قبل هاد توجاد ...
علي : تقد على تصاحيب نتا بقا لمك غا زواج ...
اشرف : تجربي احبيبة ،؟
علي" تم جاي ليه وهو يجلسو سليمان لارض " : والله تنوري مك حبيبة باش طالعة ...
نوار : هاد سيمانة لا كنمشي مع مينة ولا ماما راك عارف اش كاين ...
سليمان : مزال غاديا لهيه ؟
نوار"بحزن " : اه مزال ...
سليمان : خلي تاتمشي معايا انوار ...مزال عندك ما تقضي ...
نوار : مكاين لاش نبقى اسليمان ...
سليمان : كاين لاش تبقاي مك وباك غاتخوا عليهم دار واخا دار عامرة ولكن غاتخوى غاتنقص عليهم بنت ...كوني تسمعي وفكري فيهم ولو مرة وحدة ...
نوار"تنهدات" : ماعرفتش والله ماعرفت كنتزير محدي كنبقى هنا اسليمان ...درت برايك وجيت وتواجهت ...
سليمان : شنو قررتي فهضرة هذاك سيد ؟
نوار"عوجات فمها " : ما قررت والو ...عطاني مهلة نفكر الوقت الي خديت ...
سليمان : عطيني المفيد انوار شنو بغيتي شنو غاتجاوبيه ؟
نوار : فنظرك ؟
سليمان : ماعرغتش شوفي نتي شنو فنظرك الامر كيهمك نتي ...والى جيتي لمعقول منطقيا فالحالة العادية را الى وافقتي ماشي عيب والى موافقتيش ماشي عيب ...
نوار : وفالحالة ديالي الى وافقت ماشي عيب ولكن عيب وقرار ماشي فمحله حيث باقي مواجداش لزواج ...
سليمان : هو قاليك زواج ؟
نوار "بنفي " : لا نتعرفو الى تفاهمنا نكملو بزواج ...
سليمان : هضرة معقولة ...
نوار : هادشي فاش كنفكر ...هاد الايام كلها وفاش هضرت مع بابا ديك الايام تاهو حطيتو بالصورة ...
سليمان : شنو فكرتي ؟
نوار "شافت فدراري كانو واقفين لهيه من بعد ما ناضو من حداهم وكل مشا يقضي اش كاين " : هاني كنهضر معاه هو باغيني وكان كيبغيني على ما قال من صغري ...
سليمان : ايه ؟
نوار : انا مستمرة فحياتي وهاني كنهضر معاه لكن حاليا باش نوافق على الخطوبة عاد زواج مابغيتش نضلمو معايا ...كنبقى فالاول والاخير انسانة مازگياش ومامستقراش فعقلي وتفكيري ...يعني باش تفهم بغيت نخلي كلشي كما هو عليه كل حاجة بوقتها زوينة ...غانبقاو نهضرو عادي حتى نكون مستعدة حيث خطوة زواج وخطوبة واخا تكون حتى نتفاهمو را فحال وافقت على زواج نيشان ...
سليمان : هادشي فراسو ؟
نوار"حركات راسها " : فراسو مبدئيا ...وعارف شنو كاين نهار نكون مستعدة انني نفتح قلبي نهار نفتحو غايكون نهار الي غانوافق على زواج مباشرة ..."شافت فيه بنظرة حزينة وشيرات لقلبها" هذا مزال فيه شخص لول ( ياسين) وصعيييب باش يتيحد دغيا ....
على اثر هاد الكلام الي كان بينها وبين سليمان استنتج واحد الحاجة من خلال هضرتها انها بدات كتصارح راسها ومكتخبيش وتكدب وتكبح مشاعرها وتكبتهم ...كتقول وتصارح راسها ..
سليمان"دار رجل على رجل " : تبقاو تلاقاو ؟ ماشي ماجاتش ؟
نوار : لا ماغانتلاقاوش الا فاطار الخدمة والهضرة فتيليفون ...انا قد ماجلست غانمشي لهيه نرجع ...اما باش نوافق على الخطبة مامستعداش حيث غادي نربط راسي بشكل شبه رسمي بيه وعاد غانتفاهمو ..."سكات وعاودت نطقت " اه هو ولد ناس ضريف معايا وباغيني من شحال هادي ...ولكن سوى خطوبة سوا زواج راهم تقريبا فحال فحال ...الخطوبة كتبقى وعد بزواج ...
سليمان "داير صباعو على حنكو متكي عليهم " : نوار عام وزيادة ونتي مفارقة مع ياسين عام وزيادة قدرتي تعايشي وعام وزيادة منسيتيهش ...ياك ؟
نوار : عمري مانساه ...
سليمان : مزال كتبغيه كيف لول ؟
نوار "حدرات راسها" : ممكن مزال كنبغيه كيف لول ...
سليمان : ونتي مزال كتبغيه كيف لول خطوة باش تبداي مع حسن كيخص تكوني عالاقل بديتي كتوالفي بانك انسانة حرة رسميا ...
نوار : مفهمتش ...
سليمان : خاصك تولفي انك بغيتي ياسين وفبلاصة مكتبغيه تولي كنت كنبغيه ...ونتي خط رجعة معاه ماباغاهش ...ضنا منك انه عمرو مابغاك وبغاك فقط تطبيقا لاية من استطاع منكم الباءة فليتزوج ...انه شفق عليك وضغط على راسو باش يحقق ليك حلمك انك كنتي كتحلمي تزوجي بيه وبغيتيه من صغر صغرك ...
نوار "قررات تسكت ومتهضرش حيث الي قالتو را قااالتو وكيف قالو الايام والوقت كداوي وناس كتعلم وتعلم وتحك وتحتك عاد كتفهم وتنجر وهادشي الي عطا الله "
وصل النهار ديال ليلة الحنة الدنيا عامرة بالعيالات فالجردة قررات مينة انها تكون ليلة قبل ليلة العرس دير فيها الحنة على حقها وطريقها ...هاد صباح ناضت من وعاسها وهزات صاكها فيه شنو تحتاج باش تنزل وتمشي عند راوية تلحق على مينك الي غاتبقا عندها ومن عندها غاتخرج ...
لبسات جلابة خفيفة فالخضر بارد وجمعات شعرها دارت نضاضرها دشمس فوق راسها وهزات صاك وهي تخرج بانت ليها رميساء خارجة من بيتهم شافت فيها يلاه غاتهضر رميساء وهي تمشي نوار كتزرب ونزلات مع دروج ...
نوار"شافت يسرى" : ماما صباح الخير ...
يسرى : صباح نور"كتجمع شعرها باش دير زيف على راسها محزمة وتعيط فتيليفونات وتعاون فالعياالات " برزطوني ها نگافة ها طيابة ها تريتور هذا الله ...
خرجات نوار ركبات فسيارة مع سفيان ومشا بيها فاتجاه الفيلا عند مينة الي كانت كتصايب ليها الكوافورة شعرها ومكياجها ...الي من بعد سويعات حتى كانت واجدة بابهى حلة عروس قمر سواد الشعر المفرود على طوله ومبوكلي من تحت ولفوق نفخاتو ليها ودارت ليها تاج ذهب مرصع باحجار ملونة ومتوسطاهم حجرة خضراء على ولن القفطان ديال موبرا الي مطروز بصم ذهبي جاي كلوش تال تحت عريييض عاطيها روعة منضر عروس فليلة الحناء ...
مينة"كتقلب ف الاكسسوار ديال لبسة وشعرها وميكاب ما تقيل ما خفيف بين وبين وعكر بوردو ماط وهايلايت ذهبي مع فاغاجو فالخوخي ...ابتاسمات " : الله يعطيك صحة ...
نوار : هههه فالعقد زوينة ودابا لاا نتي عروسة جيتي غزالة والله "عنقاتها" الله يفرحك ...
مينة "طبطبات ليها على ضهرها" ويفرحك ياااربي ...
جات سيارة ديال يوسف سايقها هو نيت ومعاه صهيب بداو يكلاكصونيو عليهم هزات نوار جلايلها وخرجات طلات عليهم كانو واقفين بسيارة مزوقة ...
نوار"كحزات الگصة من على عينيها مخلية شعرها سامبل جات فشكل ناعمة ومع قفطان بلومارين لون بان عليها زويين وهي بيضة ناعمة .." بابا هاهي خارجة ....
صهيب : تا ورق ليا على الكريمة ولات حجر كريم ...تا شهاد الجمال ؟
نوار"تزنگات " : هههه عمي صاافي ...
صهيب : تي الي كاينة نتييييي ابنتي ...
يوسف : ومكاين ما حسن ...عيطي لخاترة الي لداخل تخرج .."عينيه غرغرو كيشوف بناتو كبرو دوك الي كانو صغارات فاللفة هاهما قدام عينيه وحدة غاتمشي لدارها بعادتها وفرحانة ولاخرا المكسورة القلب الي تاهي ممكن فاي لحضة ترجع عروسة وتغادرو تاهي ..."
يوسف "مسح دمعة من عينيه خصوصا فاش شاف مينة خارجة ومعاها نگافة وحدة من نگافات الي بقاو فالفيلا جايا معاها " : هم البنات حتى المامات ...
في الفيلا فين مقام الحفلة ديال الحناء جاو اللعابات الي عيطو ليهم حيث غاتكون الحفلة فالصالونات وعيااالات بيناتهم ...كانو مزال كيقادو ويتسناو فمينة تجي عاد يبداو ...فاللور فالجردة حدا المسبح من جيهة لاخرا بعيذ على الباب فين كيدخلو العيالات ...واقفين دراري شي كيتقدا وشي كيعاون ويجيب من هنا وشي كيستقبل شي رجال جاو بعاد مع عيالاتهم وبناتهم دايرين ليهم استقبال لور ...
مع الفيلا كبيرة بزاف مكيبانوش ليهم العيالات الي اصلا لداخل ...وزوار والمدعويين من بلدان بعيدة حاضرين ...
عند الباب منين كيدخلو ناس واقفة يامنة وحداها يسرى تاهما بقفاطنهم بابهى حلة ...ونجود تاهي واقفة معاهم ...
يامنة : غير يجي عيط ليا باش نطلع نسبقو نعطيه حوايج الي غايحضر بيهم ...ها مينة شوي وتجي هي ونوار ...
ياسين : شكون مشا يجيبهم ؟
يامنة : يوسف وصهيب ...وعايلة العريس جاااو هما وماجدة ...ورياض را مع رجال مع الياس حتى يجي باك ...
ياسين : انا شوي وندخل عندهم ...
يامنة : فين الحاجة ام سفيان ؟
ياسين : شوي ونجيبها ..تعيط ليا اما سفيان را مدهي مكاينش كيف يدير يجيبها ...
يامنة : امتا نواو يديرو العقد ؟
ياسين : تفاهم مع الحاج (بات البنت الي خطبو لسفيان ) من هنا لاخر شهر يديرو الحلال ...
يامنة : ايوى مزيان الله يسهل عليه ديك البنية زوييينة العقبة لدراري وخوتك ...و"بغات تقول ولعقبة ليك وسكتات ضارت تشوف شكون بانو ليها بنات سليماني مع مهم " هااا وحدة ناويها خوك لحلال ...
ياسين : شكون ؟
يامنة : بنت سليماني هههه هاجر را يحوم باغيها قاليك تانشوفها واش بغات ونخطبها عجباتو وتعرف عليها اسيدي ههه
ياسين : الله يكمل بالخير ...تعطل ...
يامنة : الله يسر ليه كان كيعرف ختها صغيرة صوفيا هي الي ضرب كنا قلنا ليه شوفها غير بضحك ...ساعاك عجباتو الكبيرة هاجر ...
دخلات كل من هاجر بنت السليماني الي بدات علاقتها بالحبيب غير هضرة وخروج ودخول مزال مصارحها بتا شي حاجة رسمية مابغاش حتى هو يزرب عليها وفنفس الوقت هاهو كيتعرف عليها ومن الي شافها صراحة شافها لحلال ماشي تفلية ومن شاف ردة فعلها انها مضصراتش عليه ديك ضصارة مخلية علاقتهم فاطار الاحترام ،،العمل ،،ضحك وخا ضحوكية بشوشة لكن انسانة ثقيييلة متبتة مافيهاش الخفة وهادشي الي بغا الحبيب الى جانب الجمال الي سلبو ...
جايا بقفطان فالبيج وذهبي وشعر مطلوق على طولو تاهو سامبل ومصايب ...وميكاب خفيف ...وحداها مها بتكشيطة فالمسكي الفوقي مورد بوريدات مسكيين وتحتي لون موحد بحزام الصم ذهبي تقليدي بخدمة ليد ...وشال على راسها رنصاضر شوف قاع الكاس ...وقفو كيشوفو توصل عليهم ختها
لهاجر صغيرة ...حتى تمات جايا كتضحك وعينيها مسدودين بضحكتها الي زوينة بزاف جامعة شعرها لفوق شوي والگصة على عينيها ميكاب قليييل فقط ايلاينر وماسكارا وعكر غوز خفيف وقفطان فالشيبي بلا حزام ....
هاجر : ويلي مالك ؟
صوفيا : ههههه عكلني الطالون كنت غانطيح ...
االام : ونتي ردي بالك ويلي ...
هاجر : مكتعرفيش لطالون اش قربك ليه كون طحتي شكون يجمعك ...
صوفيا : نجمع راسي حتى نتي ربي كاين هو الحامي .."لحقات عليهم هازا صويكها عنقات ختها ومها ودخلو "
يامنة "شافتها " : ايييوى لاخرى صوفيا زويييينة بزاف ...راا هي تاهي الله يجيب ليها سعدها تاهي ....
ياسين"ماعرفش كيفاش تا هز عينو ومشات ليه نيشان ليها خصوصا فاش ضحكات وتسدو عينيها وديك الگصة الي نفخات باش تبعدها على عينيها " : ماااعرفتيها ديالت من …كلشي عند الله مقسم ...والي فالنصيب غايوصل يا بعيد يا قريب ..
بسرعة اشاح النظر عليها ورجع تقابل مع يامنة وشاف فيها ونطق موجه ليها الكلام ...من بعد ما حنحن خاشي ايديه فجياب الگندورة او ضراعة البلومارين الي لابس صيفية ...
هزو جلايلهم وخرجو على برا عند الباب فين وقفات طوموبيل قربات تال باب ...بداو العيالات يصليو عالنبي ...
صلاااااااا وسلااااااام علييييك ارسول الله الى جاه الى جاه سيدنا محمد الله معاااااا جاااه العالي ....مع زغاريت العيالات وصوت اللعابات كيضربو كيتسمع ...من على برا مع دايرين ليهم البيفان وجالسات وسط صالون بماترييل ديالهم متراساهم وحدة هي الي شادة الميكرو وكتغني وضرب ليهم الميزان ...
نزلات مينة هي لولة دايرة الفوال على وجهها جاو كل من يسرى وام رياض ماجدة الي كانت متانقة ب قفطان ذهبي وشال فالمسكي مرشوش برشيشات صم ذهبي دايرة ميكاب خفيف بمناسبة عرس وحيدها رياض ...كانو نكافات خرجو وقادوها هما ربعة الي جاو هاد نهار الخاص بالحناء لابسين لباس موحدة مزيج بين الابيض مذهب فوق ونص تحتاني موبرا خضرا مطروزة بصم ذهبي ...جامعات كمايمهم بشمار ديال صم لون طرز ....جاو مكملين لوحة الحناء ديال العروس وجات لوحة فنية مزينة بالوان الحناء ...
عاد نزلات نوار هازا فايدها صاك وداكشي الي فيه لوازم كتقاد فجلايلها ...قربات حدا ماماها عنقتها بجنب وتمو غادين نكافات كيصليو عالنبي قايدين مينة بشوي بشوي من بعد ما عطاوها التمر والحليب ودوقو الحاضرين الواقفين تما ...حتى دخلوها لصالون وجلسوها فالبرزة المزينة بالموبرا واقفة خضرا ومطروزة بالصم طريزات بلديين ومرشوشين برزة كبييرة وقدامها طابلة تاهي مزينة وقالب سكار مغطي بغطا موبرا وطبسيل طوس فيه بيض منقوش بالحنة و كراطن حليب ملبسين بالغطا موبرا فشكل برزة ومرشوشين بصقلي ...و
جناب البرزة زوج بوكيات ورد كبار خلاصة القول برزة من طراز البلدي تليق بعروس ليلة الحناء ...
غير جلسات وهما يجيبو ليها مخيدات تحت رجليها سرحاتهم فوقهم رجيلاتها مقادة ضفارها فخونسيز ...جات نقاشة مع نكافة ووجدات ليها الحنة بداو اللعابات كيضربو والعيالات شي ناض يشطح وشي كيضرب ياديه والبنات هالي ناضت تشطح وسالفها مطلوق كتبرز مواهبها لدار رمسيس عالله تدي اعجاب وحدة منهم وتبغيها لولدها وتبارك الله ال رمسيس ناس مطلوبين لنسب هههه ...
ابتاسمات ليها نوار وهزات جلايلها ومشات خرجات طلعات لبيتها تجيب ليها صباط طالون قصير فنفس نمرة الي كتلبس هزاتو من بلاثة صبابط المناسبات ونزلاتو ليها بكل فرح وسرووور ...
وضحكي يا البنية يا البنية وضحكي جات معاك وضحكي يا البنية وضحكي جات معاك ...والحبيب الي بغيتي وراه جالس حداك ...وضحكي يا البنية وضحكي جات معاك ...وضحكي يا مينة وضحكي جات معاك وضحكي يتاغزالة وضحكي جات معاك ...وضحكي يا البنية وضحكي جات معاااك ...وصحكي يا نوار وضحكي جات معاك ...وضحكي يا نوار براكة من العذاب وضحكي يااا البنية وضحكي جااات معااااك ...اييييي ...
ضحكو العيالات على هاد الاغنية ديال لعابات وبداو يشطحو لعابات تلاتة بالموزون ويدورو على العيالات هالي تعلق مية درهم ها ميتين درهم ها خمسين ها مية طبعا تما غير ناس لباس عليهم وحتى من ناس بسطاء داخلين ...دخلات الحاجة تاهي ام سفيان مع العيالات سلمات على مينة وباركت ليها ...وجلسات ...اما فالصالون مجاور جالسة هاجر كتنقش ايديها بزوج كتموت على شي حاجة اسمها الحنة حتى طلبات تعمر ايديها بزوج ...
نوار : معندنا فاش نهضرو صافي غير سيري ...مامقلقاش منك والله ...
رميساء"حركات راسها بزربة كتنفي " : الا لا مقلقة عافاك غير نهضر وسيري الله يخليك والله مكنعس ماشي حيث هددني خويا ولا بزز عليا والله انوار"نزلو دموعها" والله حتى انبني ضميري ووعيت تا لقيت راسي قلت الي كيتقال سمحي ليا بزاااف ...عافاك والله ماقصدت غير تعصبت وضغط عليا خويا والي جا كيدور فيا وكنت عيانة وتعصبت وجات فيك ...
نوار"بقات كتشوف فيها وتسمع ليها وهي تحط ايدها على كتفها" : رميساء الي قلتيه را تقال فلحضة غضب ولحضة غضب كنقولو الي مخبي فقلبنا وبصح حاسين بيه ...فلخضة غضب كنخرجو كلام جارح مكيتنساش لطرف لاخور ...هضرتك انا تقبلتها ومتقلقتش بالعكس حيث بصح الي قلتيه بصح مكذبتيش ....
والى جيتي عليا رميساء غادي نصحك نصيحة وحدة عااافاك مديريش فحالي ومتخليهمش يفششوك ومتخليهمش يديروك نتي محور الاهتمام الي نتي بغيتيه وبغيتي تكوني فحالي حيث الى كنتي فحالي غادي توصلي لمواصل الي واصلة ليها انا ...خوتك وعمامي وبابا وباك راهم كيبغيوك حيث نتي طرف منهم وكلنا دم واحد ماشي حيث كينهصروك ويعايروك راكي ماشي بنتهم ومكيحملوكش بالعكس غير نتي انسانة قادة تعتامدي على راسك وعقلك ماشي هو عقلي ...نصيحتي ليك هي ماتديري فبالك والو الحب الي عاطينو ليك عاطينو ليا غير الاهتمام زايد ليا انا حيث انا كنت حالة خاصة مريضة ورجلي كضرني والي عندو نقص كيلقا اهتمام النقص الجسدي اما الى كان نقص تفكير وعقلي را مغاينفعكش الاهتمام غادي غير تمرضي ...
رميساء"الصمت"
نوار : والي قلتيه را بصح ومغاديش نتقلق الي قلقني هو نتي حاضرة ليا وعارفة الي بيا الي ضرني هو مبغيتش نسمعو منك نتي ...دابا موقع والو نساي بلا مضغطي عليا ...
رميساء : سمحي ليا الي بغيت نقوليك هو ماشي قصدي والله فقط ضغطو عليا وانفاجرت اما "حطات ايدها على ايد نوار الي محطوطة فوق كتفها" بصح ثيقي بيا غير لحضة غضب وانفاجرت اختي اما نتي غاتبقاي ديما وابدا بنت عمي وختي ..."مسحات دموعها" الى عايرتك عايرت راسي حتى انا ...
نوار"خرجات نفس سخووونة وحدرات عينيها شحال وهي تهزهم فيها" : صافي موقع والو نسيت ومسامحاك ...
رميساء"سرحات ايديها" : عنقيني ...
نوار"ابتاسمات وغمضات ليها عينيها وهي تمشي عندها وعنقاتها تا زيرات عليها رميساء بجهد" ...
رميساء : ربي يخليك ليا ابنت عمي وختي ...
نوار"مسحات ليها على ضهرها " : امييين وحتى نتي ...بقاو معانقين تا فيقهم غير تعياط يامنة كتاكد عليهم يتقداو شنو قالت ليهم عاد تفرتكو كل وحدة مشات تقضي اشنو يتقضا ...
اما في الجيهة الورانية ديال الجردة فين جالسين رجال ...جا فؤاد دخل بسيارة من بعد ما وصل من فاس جا نيشان داخل مغوبش ووجهو كيخلع شافو ياسين ودراري تاحد ماهضر معاه قشعوه ضاير جيهة لي لور من دروج وطلع نيشان لبيتو بدون ميشوفو شي حد غييير طلع وهو يدخل حيد قميجة وسروال حطهم فسلة ديال لوسخ ومشا هاكاك جبد الفون ودوز ليها الخط ...
فؤاد"باس ليها راسها ومشا هز حوايجو لبس شنو وجدات ليه وتقاد مشط شعرو ورتب لحيتو ورش بارفانو وجرها عنقها بجنب هي نزلات من دروج عاديين وهو مشا من دروج الي لور ىصل على رجال الي وقفو تا سلمو عليه وجلس حدا خوتو وولادو وولاد خوتو والعائلة ورياض النسيب جديد ...
ياسين : فين الحنانة خليتيها ؟
فؤاد : جيهة النسا ...
ياسين : ساعف الوليد مالخاطرهاش ...
فؤاد : ماعليش بصحتها وراحتها ولدي ...
ياسين"خرج عينيه وضار بالعرض البطيء جيهة باه الي كان كيهضر معاه قبل ساعة كيتحلف وصاعر دابا نازل ويقول بصحتها ؟ " : سبحان الله الوليد ...
فؤاد : لا اله الا الله محمد رسول الله ...ماعليش"خبط ليه على فخدو " هاكا بغات الوقت واحد يقسم على لاخور ويصبر لاخور وهادي هي العشرة ...
ياسين : كتمعني ولا كتعني ...
فؤاد : جمع كلشي وقول فيدني وعلمني ولخبرة كَسّبني ...
في الصالون جلسات نوار حدا نقاشة وعطاتها ايديها تنقش ليها وحداها من جيهة لاخرا صوفيا الي تاهي بدات تنقش ليها غير نوار بقا ليها شوي وتكمل ...مبغاتش تنقش رجليها لانها عندها حركة كثيرة فضلات متنقشهمش ...
ياسين "عوج فمو وحرك راسو " : الله الي عالم بكل واحد ...عايشين ومتعايشين ...
نوار : كل واحد وطبعو كيفاش داير ...
ياسين : الله يفاجيها من عندو ويفاجيها عليك ...تهلاي فراسك انوار راكي ماشي اي وحدة ...
نوار "راكي ماشي اي وحدة دخلات ليها لوذنين " : عارفة ربي يخليك ولهلا يخطيك ...
ياسين "طبطب ليها على كتفها ودخل من تما وهي تمشي بعدات شوي حتى سمعات اسمها وهي ضور لقاتو حسن ...
حسن "شير ليها من بعيد ودار ليها اشارة باش تجي "
نوار "ابتاسمات ليه ومشات قربات تالعندو بعاد شوي لا على رجال ولا عيالات وعامر تما شوي حيث كاين عساسة والخدامة ديال تريتور كيقادو فجردة على حسب العرس حيث كبييييرة قد سخط ...ومالين ضواو مهم عامرة ماشي خاوية ..." : حسن ...
نوار : ماعرفتش اشنو بغيتي تقصد ولكن انا جيتك نيشان الى كتسنا نساه را مغانساهش احسن هو كابر معايا وفيا من الي وعيت كيفاش غانساه فشهور ....انا الي عليا قلتو جيتك تانا نيشان تقبلتي نهضرو تنتفاهمو نهار نقدر على انني نبغي ندخل فزواج وعلاقة رسمية ومسؤلية تاني غانقولها ليك ....اما حاليا مقادراش احسن مقادراش ونتا مهمتك تعوضني وتخليني نقبل بيك ماشي تخليني ناخذ قرار حتى الهضرة منهضرهاش معاك ويمكن حتى سلام منقولوش ليك ...انا انسانة مبقاش عندي لحق حتى نبغي عاد نتزوج حيث دوزت دابا خاصني نلقا الي يعوضني وينسيني "ضارت غاديا" نخليك دابا بيناتنا تيليفون من بعد ..."مشات"
حسن"بقا متبع ليها لعين حتى عض شنايفو بغيض بغا يطرطق تا شد راسو كيدلك فيه حيث بداه صداع ...ضار كيدلك فراسو ويغمض عينيه تا بغا يطيح كون ما شدو واحد من تريتورات شدو ...هز فيه عينيه حمرين " : صافي ...
هو : واش مزيان ؟
حسن"قهرو صداع ثاني وهو يدفع ليه ايدو بجهد تا كان غايطيح " : قلت ليك مزيان صافي بعد ليا من كري ..."مشا مخلي هذاك كيشوف ...تم غادي وهو يقبس واحد الكرسي بجهد تما تا تشلخ خلا عباد الله كيشوفو ...
دخل لدوش غسل ايديه ومشا توضى وخرج صلى المغرب الي اذن ومشا لماريو جبد داك جلابة فحال باه تماما لبسهم ومشط شعرو لور فيكساه بجيل ورش بارفانو دار ساعتو فايدو تقابل مع المرايا تا قاد حالتو وهو يجلس فوق كرسي لبس تقاشر بيضين وخشا رجليه فبلغة بيضة هز تيليفونو وهو يخرج من البيت ونزل لور ...يلاه غادي حتى عيط ليه حسن من بعيد ...وقف ضار عندو داير شبه تخنزيرة فيه ...
حسن"بابتسامة مد ليه ايدو سلم عليه" : سي ياسين عاش من شافك ...
ياسين "بادلو سلام " : عاش من شافك انتا نيت ...
حسن : بارك الله فيك ..."حك نيفو " داك سيد را خلص وقضا الغراض ...
ياسين : ايه عيط ليا فخباري ...
حسن : وخا عارف كلشي رزقكم ولكن الي خصاتك ومالقيتيش دراري كاينين انا موجود مرحبا "كيدلك راسو جاه صداع تاني "
حسن "مكمش عينيه بالم " : يا خويا مرض شقيقة ازمني بزاف ...
ياسين : عندك شي دوا ولا شنو ؟
حسن "بنفي " : لا عييت نشرب والو ...
ياسين"حك لحيتو " : كاين واحد العشوب نسول الخالة كتعرفهم هما ينفعوك ولا يقدرو ماعليش جرب ...
حسن : يكتر خيرك الى نفعوني منساش خيرك ...بزاف على صداعها ومشكيل مخلياني كنتعصب على والو ...عصبية ديال بصح ...
ياسين : ديرها ...ربي يشافي ربي يشافي ...
حسن : امييين لهلا يخطيك اسي ياسين ...
ياسين : دخل ترتاح مع رجال نوصي ليك على شي فنيد عدي بيه ...
حسن : دوليبران الى كان شوي ينفعني سي نو نقدر نتحرك تنجيبو ونجي ...
ياسين : سير هنيتي الى مكانش نوجدوه ..."كيشوف فيه كيغمض عينيه بالالم وفي المرض مكاين بو حساب ولا حساسيات ...خلاه تا دخل ومشا هو لور جيهة الممر دوز الخط ليامنة الي جاوباتو وصاها تجيب دوليبران وكاس وترسلو ىع خدامة تريتور يجيبوه ليه ....يلاه غايدور صونا ليه تيليفونو
ياسين : هشام "اركان"
اركان : با ياسين انا جيت ونتا طرتي ...
ياسين : شنو بغيت ندير بيك ؟
اركان : لصق ديلمي مع الحايط مهم نشوفك اصحيبي ...ها المدام دخلات عند العيالات ايوى استقبلوها احسن استقبال كتر خيرهم وسي صاحبي نساني ماستقبلني ؟
قطع معاه وهو يضرب دورة غيييير ضرب دورة وهو يخرج فيها للمرة الثانية المرة لولة كانت فاش كان غادي بروجيستر ديال العقد القران ديال مينة وهاهي نفسها لكن هاد المرة خرجات فيه بحنتها تا غوتات بصوتها رقيوق ...
مدو ليها جديد بغات تمسح معرفاتش حيث ايديها منقوشين عامرين ...
ياسين : تت "شد كلينيكس وبدا يمسح ليها هو وعينيه مشتتين نظر ...
نوار"هازا ايديها وضور تقلب عليها باش تعطيها سقوة ديال حنة وتعيط ليها تجي تاكل حلوة وعصير ومقبلات مالحة قبل ميتحط العشا من بعد حتى نعتو ليها فين شافوها مشات ...حتى وصلات عليها يلاه غاتعيط وهي توقف ...كتشوف فيهم تكات راسها على الحايط مضرگة .."
قبل ما تعرف بحبي ليك كان عندي الحق نغير عليك كانت بداية انني نقرب ليك ونبدي اعجابي بيك كان حب خالي من مشاكل حب طفولي حب نقي ...من بعد زواجي بيك عندي الحق رسميا نغير عليك ونشوفك ليا وحدي بالحلال والكل معايا فهاذ الحق يشهد ليا ...من بعد فراقي عليك الغيرة مابقات ليا حق ولازم عليا نكمدها ونكويها فقلبي…
مسحات دميعات خفاف على طرف عينيها وصرطات غصتها الي كانت فحلقها حكات صدرها وخذات نفس عمييييق وطلقاتو بقات شحال تا حست براسها تنفست لكن داك الحريق ديال المنظر الي شافت باقي يكوي فيها ومودها خسر ليها ...تعيا تكذب وتكَذب الا انها عمرها مانكر الاحساس ديال الغيرة على ياسين ...وشكون ياسين حب حياتها وعشقها من نعومة اضافرها ...يكفي ماشفناه وعشناه معاهم غايعطيكم شنو ياسين عند نوار ...ولكن الاقدار كان لها رأي وقرار ...
دخلات لصالون عند مينة فين كاينة البرزة لقاها كملات ايديها ورجليها جات حدا يامنة ووقفات كتشوف فنقطة فارغة وعطات العنان للدخول في حالة سهو وتفكير عميييق...
يامنة "ضارت عندها كتحرك فيها من كتفها تكلم" : نوار !!!
نوار"شافت فيها" : ها نعام ؟
يامنة : مالك ساهية ؟ سيري قولي ليهم يبداو يدفعو لعشا لرجال دابا ...وعيطي فتيليفون لباك يوصي دراري يوقفو على رجال تايسالي العشا ...
نوار"حركات ليها راسها ومشات لكوزينة بلغات نعيمة عاد مشات بعدات شوي عيطات لباها بلغاتو تاهو وعاد مشات لصالون دخلات عند البنات مشات عينها نيشان لصوفيا الي كانت تضحك شافت فيها وفايدها " : مال ايديك ؟
نوار "بزز منها تهضر وتبتاسم باش متعيقش وتحاول تكبح هاد الاحاسيس الحارقة الي كتهلك فيها مع البديك ضرووري تمرمد حتى تولف " : صافي مزيان بقاي جالسة تنشف ليك عاد نوضي قلبت عليك باش نعيط ليك ولكن جيتي ...
هاجر : اجي نتي ديري سقوة ...
نوار "حركات راسها ومشات جلسات حداهم جات رميساء دارت ليها سقوة فالحنة الي نشفات ليها " : نوضي را سالات نقاشة دير ليك تنشف قبل منبداو نتعشاو ...
هاجر"كتفكر حتى خرجات فيها عينيها" : يا احم"نقصات صوتها" ياسييين ؟
صوفيا "حركات راسها بنعم" : وييي...
هاجر : اش خرجك فيه هاد المرة ثاني ..
صوفيا : وحق الله الى صدقة تاني والله مشفتو ومشكيل هو طليتو بالحنة وسخت ليه جلابة وايدي تطلات غا هو مسحها ليا ...
هاجر : مسحها ليك كاااع ؟
صوفيا"غززات سنانها وخرجات فيها عينيها" : سكتيييي اويلي دابا يسمعوك ولا تسمع نوار راه راجلها قبل ميطلقو ...
هاجر : وياك طلقو وزايدون را ولاد العم دابا ...
صوفيا : واخا راه كان راجلها واحد الوقت حشومة نقوليها خرجت فراجلك وها اش وقع ؟ انا عن نفسي غانتقلق خصوصت كانت بيناتهم حب ...
هاجر : ضريفة بزاف نوار قلبها كبير ...
صوفيا : بزاااف كدخل الخاطر ...ولكن نصيب هو هذا مع الاسف "عوجات فمها" شحال الي كنبغيوه مكنلقاوه والخير كنلقاوه فالي مكنبغيوه وهادي هي الدنيا ...الله يحن علينا اجمعين ...
هاجر "كيصوني تيليفونها بنمرة الحبيب شافت فيه " : ايييه باش غانجاوبك انا ..
صوفيا"طلات على تيليفون" : ياااه نسيبنا خخخخهههههه ...
صوفيا : نهار يخطب مناسبين حاسا بيه نسيبنا غاا طلقيه ...اااختي را ولد رمسيس ماتلقايش ماحسن منو الاصل والمفصل ورجولة والسخاوة والحب "حطات ايدها على قلبها " ماكرهتش كون كنت مرات شي واحد من ولادهم ولينييييي مكاااتيب ...اللهم نتي ...
شوي جات صفية هي وراوية دخلو من بعد ما كانو فالصالون جالسين ...نقشات صفية وحدها اما راوية اجلات تيساليو الروينة عاد يتوالاو العيالات لنقيش ...وقفات قدام بابا صالون فين كاينين البنات كطتقلب على نوار مالقاتهاش وهزات جلايلها غاديا بمهل لابسة قفطان فالبوردو وطالقة شعرها مموج اسود على طولو وميكاب فقط ايلاينر وماسكارا وشوية ايشادو مزيج بين بوردو وذهبي خفاااااف وفاغاجو وعكر بوردو ماط ...لابسة صندالة بلا مذهبة وصويك مدهب فايديها ...دخلات كوزينة سولات عليها نعيمة مالقاتها ومشات كتقلب تقلب حتى خرجات قدام الباب على برا كتقلب بعينيها ...ووالو صارت غاديا لور حتى بعدات كتقلب ومالقاتهاش وهي تم راجعة حتى لقاتو واقف مربع قدامها مسكسف عالحال قميجة كحلة نص كم وسروال فصالة موقف شعرو بجيل ...
صفية "مهزاتش فيه عينيها تمات غاديا باش تمشي حتى كحاز عاطيها تلميح باش توقف وهي تهز فيه عينيها مخنزرة فيه " : حيد من قدامي نمشي ...
ايساف : فين تمشي ؟
صفية "خرجات فيه عينيها" : سوقك ؟
ايساف "حرك راسو بنفي " : لا ماسوقيش فصراحة ...
صفية : وهي الى حيدتي من قدامي احسن ..."هزات جلايلها تمشي وجا قدامها" خراااااا حيد من قدامي بلا زمر ...
ايساف : بغيت نهضر معاك "هز ايديه باش يسكتها" ماشي داكشي فبالك نطلب سماحة ولا داكشي ...لا حيث مبقاش عندي الحق نطلب سماحة على الهضرة الي خرجت وقاصحة عندك صح ولكن بغيت نهضر ونسول واش محتاجة شي حاجة ؟
ايساف : عارف ونستاهل ..."عينيه ولاو حمرين وصدرو تغمم وتخنق " الي عجبك ديريه ...قولي غير شنو محتاجة ...
صفية : قلت ليك شنو محتاجة ...
ايساف : شنو ؟
صفية : بغيتي نخسر الهضرة ؟ خلي الاحترام الي شفتيه مني يبقى ولا را غانهضر حتى انا واي هضرة نهضرها را عندي فيها الحق واش بغيت اخر مرة نقولها عطيييييييييني تيساع...
ايساف : فريز طايب بزاف ،
صفية "الصمت "
ايساف"بتاسم ابتسامة خفيفة " : ناخذو ليك ؟
صفية : وخا نكون غانعيش بيه ويقطرو ليا منشدو من عندك ..."حطات ايدها على كريشتها الي بدات تبرز شييييي شوي وخا دخلات فشهر ثالث تقريبا..." وهذا الي فكرشي را ولدي غير انا وحدي انا الي نوحم راسي فيه
وخير خالتي الي مك عمري منساه ووقفتها معايا بدنيا وعلى قبلها وقبل ولاد عمامك وباك غادي نبقا تنولد ...وفوجه داك ولد ناس ولد عمك ياسين را خذاااه ليا وكيوصلني تال باب دار منتحرك مندير اي عذاب الله ينور
طريقو كي وحمني وخذاه ليا عمر خيرو منساه الى يوم دين ...دار الي مداروش بات الي فكرشي غانقول بات حيث مع الاسف باه نتا ومنك وطرف منك ...اما بزااااااف عليك باش تكون باه ...الي شفتو من داركم وياسين لو واليديا موحال كانو يديرو عليا هاكا ....دابا فهمتي ،
ايساف"الصمت...عض شنايفو وضار لهيه كيشوف .."
صفية : ولدي الي فكرشي انا مو وباه وداركم جدودو وواليه عندهم الحق فيه ويمكن كتر مني اما نتا وخا تحلم وخا طيح عند رجلي وروحك تخرج وخا ينوض با من القبر منخليك تقيسو ولا تشم ريحتو ...حيث نتا ماباغيهش ومكنتيش معاه والى بغيتيه را غير ضميرك انبك وصافي وباغي ترضيه اما بزااااف عليك .....
ايساف : نستاهل "كتقول هاد الهضرة وهو كيسمع ليها حيث عارف عندها الحق " الي قلتيه عندك الحق فيه ...
صفية : اذن عطي لوجهي تيساع يرحم باااك ...
ايساف "حدر راسو ودار ليها مساحة دارت ايدها على كرشها ومشات متخطياه وريحتها دخلات ليه لاعماق نيوف نيوفو تا غمض عينيه ونزلات ليه دمعة كانت متحجرة فعينيه دغيا مسحها وضار بعد لهيه جبد كارو شعلو وبقا يكمي فيه تا حس براسو تكالما ورجع دخل عند رجال ...
صفية"عزات عليها حيث تفكرات تويمين الي طاحو": لا لا كوني هانية كنبرد غدايدي ...يلاه انا ندخل نقش دغيا مشهياها ...
دازت ليلة الحناء على حقها وطريقها بالعب وضحك ونشاط وشطيح الي بردات غدايدها فشطيح الي ضحكات ونشطات هالي دات متعاود ...وهادي هي المناسبة وهادشي الي فيها سالاو ومشاو ناس بالنسبة الي بعاد مشاو لفيلا ايلاف وراوية ودار القديمة لولة ديال ال رمسيس فين كانو ساكنين قبل ميمسك عليهم الله ...
بقاو غير شي عيالات ومنهم عايلة السليماني الي كانو كيتسناو فالاب يجي عندهم من فاس حيث كان خدام ومجاش ...
هاجر"قطعات التيليفون" : ماما بابا مزال معطل ...
صوفيا : وباش غانمشيو ؟ مجبتش طوموبيلتنا (طوموبيلة كتبقى الى مكانش باهم يخرجوها هما مرة تديها هاجر مرة صوفيا ) حيث وصلنا هو وقال غايرجع لينا ...
يامنة"قربات حداهم وهضرات مع الام " : زبيدة ختي مزال مجاش الحاج ؟
زبيدة : لا مجايش معطل ففاس ...
يامنة : باتو عندنا الحاجة ...
زبيدة : لا غير عفينا خاصنا نمشيو نرتاحو يلاه صباح نمشيو لحمام ونوجدو راكي عارفة غذا العرس ...
الحبيب : شوفي الي كان سفيان اسامة يهز شي شقفة يمخرها ولا الي كان قولي لنوار غااا هزي طوموبيل من ورانا قابلين انا نهضر معاهم غير وصلو ليا نسابي اعباد الله مرتي المستقبلية في خطر ...
يامنة "شيرات ليه لداخل " : دار سليماني ملقاوش الي يوصلهم كانو دايرين مع الحاج مجايش معطل ...الحبيب قاليا مشا لفاس ودراري كل مشا يوصل شي حد والي مشا يتقدا مكاين من غيرك فيك ميدير خير وصلهم راهم غير وليات ...
يامنة : واخا ولكن باك بغاني لفوق نعطيه دوا وراك عارف مكينعس تنكون حداه عاد نزل ...
ياسين : تت ...وخا ماعليش عيطي ليهم ...
يامنة : الله يرضي عليك ..."قادات شالها ودخلات عيطات ليهم تمو خارجين البنات لبسو عليهم كابات طوال والام كذلك تا وقفو حداه سلمو على يامنة وتواعدو يجيو غذا ل ليلة العمر ...حلات ليهم الباب ركبو البنات لداخل والام حدا ياسين كترضي عليه وتعاود وركب هو زاد بيهم فالطريق ....
زبيدة : الله يرضي عليك اولدي ..
ياسين"كيهضر مكيشوفش فيها" : مرحبا الحاجة ...
هاجر "بابتسامة شكر" : شكرا خويا وسمح لينا برزطناك ...
مسافة الطريق حتى وصلهم دخلو ورجع هو الفيلا خذا تيليفون البنت بقا شي ساعة تدها وعاااد رجع ادراجو عندهم ...صونا فالدار ديالهم وعاود مجاوبوهش ...
ياسين : تت مشكيلة هادي ...
هز تيليفونو صونا ليامنة قاليها شنو كاين ...
يامنة : عيط الحبيب يهضر مع هاجر تحل عليك ويلي فين زادو ...ياكما نعسو ؟
ياسين : وشكون عرف نبقى انا فهاد الخلا هنا ؟
يامنة : غير ساعف اولدي ...
قطع معاها ورجع عيط الحبيب الي صونا ليها وعاود عاد جاوباتو ميتة بالنعاس ..فيقات ختها الي نزلات عندو مخربقة فشعرها وعين مسدودة وهين محلولة وبيجامتها نص كتفها طايح ..
صوفيا"حلات عليه كتحك فشعرها وتفوه ..." : سمح ليا والله مسمعت دقان حيث تعطلتي وعيينا نعست ...
غمض عينيه عطاها الفون وتسناها تا دخلات عاد ركب فسيارتو وزاد ...
شروق شمس يوم جديد يوم ليلة العمر عند لالة البنات ورزينة فيهم لالة مينة رمسيس اكبر حفيدة بنت فعايلك رمسيس ...والي ليوم ليلة العمر عندها مع حلات عينيها مشات هي لحمام تاني لان الحمام قبل مشات ليه مع البنات العايلة وشي بنات خدامين معاها ...واليوم مشات غير تحميمة خفيفة قبل ماتجي الكوافورة الي غادير ليها كل مايلزم لعناية ببشرتها الا الگوماج لان دارتو بالامس اما اليوم يفضل تخلي بشرتها مرتاااحة وترتاح هي كلها فلذلك غاتخرج من حمام وتمشي نيشان لدار عمتها راوية الي اصلا شرط راوية بنات خوها يخرجو فعرسهم من عندها هادشي علاش كتكون عندها والفيلا تخوا وتمشي ليها باش تكون مخصصة غير ليها ولراحة العروس ....
نوار"ناضت على صوت الهاتف كيصوني ليها عند راسها هزاتو وجاوبات بصوت مبحوح بدون متشوف شكون " : الو.. احم ...
حسن"هاز كاس قهوة خارج من دوش لاوي على نصو الفوطة وشعرو مخربق وكيقدر بالما " : صباح الخير انعاسة ...
نوار"كتفوه وتحك عينيها" : مزال الحال ...
حسن : ههههه اينا حال الي مزال الوحدة هادي ...
نوار"خرجات عينيها" : اويلي ومفيقونيش ..
حسن : خلاوك ترتاحي يمكن ...
نوار : خاصني نوض ...
حسن : حتى انا يلاه فقت ودوشت نوضي تانتي فيقي ودوشي توگضي مزيان ...صونيت ليك نهضر معاك فشي حاجة ولكن بان ليا كنتي ناعسة ...
نوار : فاش تهضر معايا خاصاك شي حاجة ؟
حسن"عض شنايفو ونطق بشوي " : خاصاني نتي ...احم بغيت غير نقوليك على البارح كنعتاذر بزاااااف ...
نوار : حسن ...
حسن : نواار ...غير خليني نهضر ...انا نوار فاش كيضرني راسي كنتعصب بزاف هادي عادة خايبة فيا كنعتارف ولكن ولله مالخاطري صداع شقيقة كيعذبني هادشي منبغيهش ليك تحسي بيه حيث صعيب اما مسالة شنو قلتي وشنو بغيتي من حقك وراحتك اهم عندي ...وكيف قلت ليك انا غير مبغيتش ليك القيل والقال ...
حسن "خسر سيفتو" : مع الاسف معنديش معاها ...ريحتها كتعيفني ...
نوار : ياااه تا الحبيب ولد عمي مكيحملهاش واسامة وايساف ولكن ياسين"غمضات عينيها وضربات برجلها لارض على فمها الي جايبها ليها ونسوة الي نسات تا جاتها البكية من هضرتها " احم ...
حسن : الا ياسين ..."ضحك بجنب مستهزء" ...
نوار : انا نخليك دابا ندخل لداخل ..."هزات جلايلها ومشات مبعدة عليه...مخليا ايديه مكرووووزييين على شكل بونية تا تسقط منهم دم وعينيه ولاو حمريييين ...اما هي تمشات تا تلاقات بيه "
ياسين : عاد وصلتي ؟
نوار"شيرات ليه " : كنت لهيه ...
ياسين "كمش عينيه" : كنتي كتبكي ؟
نوار"خرجات عينيها" : لا لا ابدا علاش نبكي فعرس ختي ؟ الى بكيت غير على فراقها وصافي وشفتها عروسة من بعد الي وقع ليها قبل راك عارف ..."تنهدات" فرحت ليها بزاف ...
ياسين : كل ديقة فيها فرج من عند الله ...لو كملات كان زواجها لول مغايكملش حيث ساس مكانش صحيح واحد فيهم كان غدار وبان الحق قبل ماتزرف ...
نوار : الى مكملش زواج را كاين غدر ؟
ياسين : ممكن غدر فواحد منهم حيث واحد كان ولد لحرام ...وكاين الغدر الي خايب وميتغفرش لي هو الغدر الي فالقلب من احساس ومشاعر ...والى كانو الخواطر مصافيينش ...
نوار"حركات راسها ببطئ" : فهمت ...احم ...كنت واقفة مع حسن قاليا قبل بالي قلتي ليه غاتعطيه شي عشوب ما عشوب ...عقلتي ؟ فاش كنتي واقف مع ديك البنت الي مسحتي ليها الحنة ..."يذون متحس ذكرت ليه تفاصيل "
ياسين"رفع حاجبو " : صوفيا بنت الحاج السليماني !!!
نوار"قلبها مشا وجا فاش ذكر سميتها...كانت غاتسخف لو ما ضبطتش راسها بزز " : اه هي ...
ياسين "حرك راسو": عقلت عقلت …منسيتوش عندي كلمة نوجد سمية العشوب من عند الخالة غذا نعطيهم ليه ياخذهم ...
نوار"غرغرو عينيها وهي تبتاسم " : ماعرفتش ولكن شكرا ياسين ..."حكات ورا عنقها بتوتر من داخل كتقتل فراسها باش متبينش حزنها " ...
ياسين "طلعها وهبطها بديك تكشيطة الحمرة الي لابسة تهبل وشعرها ومكياجها زوين ...وهضرتها الي كتقول ..." : مرحبا .."قرب ليها وحك ليها على كتافها بلطف غمض عينيه وحلهم " ...نشوف تانعيا ونكابر تانعيا ،،كيبان ليا ممكن يكون نسيبنا جاي "غمزها" ..كيبقى انسان وحنا ماشي ولاد لحرام بدون رحمة ولا شفقة الي نخليو انسان مريض وحنا عندنا العلاج ...نرحمو باش ربي يرحمنا ..."شاف ليها فعينيها" يا نوار رحمة ربي كتخفف علينا عذاب هم الدنيا والانسان وعذاب القلب ...
نوار "سمعات نسيبنا جاي ومفهمتش مزيان حيث عند بالها معارفش بالي حسن خطبها ولكن كان سؤالها" : ضاراك شي حاجة ياك ؟
ياسين"تنهد بحرقة " : ماشي غير نتي الي خاطرك كيضرك وضارك ...تانا راني دم ولحم غير انا عيبي الي بيا مكيبانش الا لثلاثة واليديا والي عشقاتني وعرفات مابيا لكن فات الفوت على لاخرة...
نور الياسين الجزء 38
محتوى القصة
التنقل بين الأجزاء