في الفوطويات ديال جردة الي مقابلين مع المسبح جليسة الي كنعرفو دايريها تما كبيرة مخشية فضليلة مبني عليها سواري من جناب ممكن تغطيها بالباش اوطوماتيك وممكن تعريها …جالسة فوق الفوطوي حادرة راسها كتسحت بمنخرها وتنخصيصة مزال فيها كتزاورها ...
ايديها حادراهم وكتلعب بصباعها بتوتر ورجليها كتهزهزهم وتفكر عينيها فنقطة فالارض مرة مرة كتهز ايدها تمسح دميعاتها الي كيخونوها ...حتى تم جاي فايدو بلاطو فيه قرعة الما وكيسان وباكية دوليبران ...حطها فوق طابلة
وجلس حيد لكاسكيط من على راسو رجع شعرو لور وتقابل معاها هز كاس دار فيه دوليبران وخوا فيه الما وكحزو ليها كيتشتش...
ياسين "شاف فيها " : نوار ...
نوار "نطقات على وضعيتها تا تهزو كتافها بقولها" : اممم ...
ياسين"رجعت بيه الذاكرة لقبل قليل فاش كان عاد وصل ودخل من الباب الي لور تا قشعها كتسمع فالصالون كان تاهو قريب حضا ملامح وجهها وركز على صوت الهضرة المنبعثة من صالون فرز غير هضرة فؤاد حيث كان صوته مجهد شوي ...راقب حركاتها تا بانت ليه كتزرب ووجهها مزير مجيف رجع بلور فواحد دخيلة تا مشات خرجات ...رجع من تفكيرو من شافها هزات كاس شرباتو كامل " : براكة على عينيك وصحتك ...
نوار : بصح براكة ...
ياسين : بغيتي تمرضي ؟ سمعتي صدرك وصوت الي كيدير ؟
نوار"كتسمع تشحريجة ديال صذرها عامر بالبرد " : غادي نشرب سيرو ويفوتني الحال شوي ...
ياسين : ان شاء الله ..."تگعد مسرح صباعو وملاقيهم مع بعضياتهم كيشوف فيها حادرة راسها ومقدراتش تهزو " : نوار ...
نوار : نعاااام "بصوت مغنغن "
ياسين : بصح براكة عليك من البكا براكة عليك من الغبينة والمرض ...عند بالك انا ساكت مكنحس بوالو ؟
نوار : شي مرات كنقول براكة شي مرات كصبر شي مرات مكنبقاش قادرة نتحمل ...ملي كنجي هنا وانا طايح عليا ضيم وقلبي كيضرني "نزلو دموعها دغيا " كنقول نضحك ونحاول نسا ووالو ...شحال من مرة كندير براسي راني ميتة بضحك وفرحانة وانا لااااا ...
ياسين"حرك ليها راسو بمعنى فهمتك " : ونتي لداخل ربي الي عالم بيه عافية شاعلة ومعصورة مانتي من المغبونين مانتي من المرتاحين فخاطرهم ...حتى تقولي ضحك والفرحة على بابها تزورني وترجعي من لول وجديد ...
نوار"هزات كتافها وشافت فيه عينيها مجغمين بالدم ديال لبكا " : ونكون انا سباب حتى انا عاطيا لراسي لحق ويمكن نكون انا سباب الكبير ...
ياسين"كيسمع لهضرتها الي مانقولش تبدلات وانما ولاو فيها اضافات ايجابية ..." : مايمكن للحوار بيناتنا الى زاد غايكون عندنا طعم لهضرتنا وتنغميني ونغمك ؟
نوار"ابتاسمات بجنب " : يمكن ...
ياسين "شاف فيوسف عاد داخل بسيارتو هو ويسرى ووقفو " : لهضرتنا مدة طوييييلة رتاحي دابا ونهضرو من بعد عندنا كلام طويل ونفكو لعقدة خصلة بخصلة ... ماتنسايش راك نتي الي كاينة عندي ومانبدلك بغيرك من النسا ولا يغيرك عليا شي حد ...
نوار"حركات ليه راسها حشمات من هضرته وكلامو ليها المعسول كيييف ماكان ...فلتت ليها ابتسامة لكن سرعان ما جمعتها باش متبينش ...سمعت صوت باها كيعيط وجاي ووقفات هي وياسين" : بابا ...
يوسف "خرج عينيه من صدمة " ؛ يااااا مبدل الاحوال ..."شاف فياسين " لا تخرج قبل ان تقول الله اكبر ...
ياسين"تاهو معطلوش هههه " : الله واكبر ...
بقات معنقاه حتى رجعات تضحك على كلامو هو وياسين واحد قال ولاخور رد عليه شن طن فالبلاصة ...حتى تمات جايا يسرى عندهم الي كانت كتهضر فالتيليفون مع راوية ...ووقفات عليهم ...
يسرى : نوار مالك ؟
يوسف : قالت مسخاتش بينا مابقاتش بغات تمشي ...
نوار: هههه لاعنداك غانمشي نمشي ...
ياسين"سمع شنو قالت وضمص صرطها لعب بشنايفو من لداخل ودار كانه ماسمعش حتى حنحن" : ندخل نشوف الواليدين ...
يسرى : واخا ولدي ...
يوسف"شاف فيسرى" : مال راوية ؟
يسرى : خاصني نمشي لعيادة صفية عندها الايكو ليوم ومتبعة معايا منصيبش نخليها ل دكتور سناء الي معايا ...
مشات كتزرب دخلات حسات براسها بدا يتنفس وتنفس هي كلها وفي قلبها واحد ترفريفة ديال لفرحة راحة مهم احساس زوين كتحس بيه يمكن اول مرة تحس بيه بدا يطلع معاها وراحة البال لكن كل مكترجع تفكر شنو وقع قبل يومين كترجع تعبس وجهها ويزيدو ضربات قلبها ...طلعات لفوق هزات سورفيت لبساتها وخشات رجليها فبالغين دغيا هزات تيليفونها وهي تخرج تصادفات مع ياسين جاي طالع لبيتو ...
ياسين : خارجة ؟
نوار : اه خارجة مع ماما غادي تمشي لعيادة حيث صفية غادير الايكو عندها موعد اليوم ...
ياسين "حرك ليها راسو" : مزياان ...ماتعطليش باش مكان نسالي شي امور هنا ونهضرو ..."كمش عينيه فوجهها عاد لاحض واحد قميشة خفيفة " حنكك ؟
نوار"حطات ايدها على حنكها" : م مالو ؟
ياسين : نسولك نتي ...ضرباتك شي حاجة ؟"صغر عينيه" جاتني ضربة خطا (ضربة غلط او غدر ) ...
نوار"بنفي " : غير بان ليك ضربت راسي مع باب طوموبيل ..."تفكرات شنو قالت لفؤاد وهذا الي قدامها ياسين ...فالاخير " ياسين ...
ياسين : عينيه ...
نوار"تزنگات تا بدات ضحك وتكحب" : اكحكح احم ..."تشجعات ونطقات" حتى نجي وهضر معاك خاصني نقوليك شي حاجة ...
نوار : هممم واخا ...تبسمات ليه وهي تمشا ونزلات خلاتو دخل البيت ونزلات هي وصلات على يسرى ركبات حداها وانطالقو لعيادة نيشان مع وصولهم لقاو راوية تاهي عاد واصلة هي وصفية الي جايا بكسيوة صيفية بلا كمايم طويلة تالتحت لابسة عليها كاب طويل وجامعة شعرها لور هازاه بمقبط شعر وحاطا ايدها على كريشتها الي بارزة شوي ....
يسرى"سلمات عليهم " : كي بقيتي شوية ؟ نقص الوحم ياك ؟
نوار"من بعد ما تسالمات معاهم حطات ايدها على كريشة صفية " : كبرات تبارك الله وخا عندك شهورة قلال ؟
يسرى"دخلات لمكتب هي وياهم ومشات لايكو كتوجد فيه وتهضر" : عندها شهر رابع من النوع الي كيكرش كيف كنقولو شوفي تبارك الله ...
صفية : حسيت براسي بديت نتقل ...
نوار : غاتشوفي شنو عندك ؟
صفية "حركات ليها راسها" : وييي كنضن عندي بنت ...
راوية : هاحنا نشوفو غا هو نطمنو على صحتو بعدا وصحتك ابنتي ...
يسرى: اجي حبيبتي هنا تكاي ...
تمشات لعندها وطلعات تكات فوق البياص تما غطاتها بايزار عاد هزات الكسيوة تا عرات ليها كريشتها الي ولات سمراء مع الكلف ...خوات ليها البرودوي وحطات لاباراي عليها بدات كدوز وتضغط مزززياان تا كتبغي دخلها ودور عليها تا بان في الايكو قدامها ...
يسرى : هاااحنا بنا تاني ..."وركات عالبوطون وتطلق دقات القلب ...دگدگدگدگ كتسمع مجهدة تا غمضات صفية عينيها بالفرحة ودمعو ليها ..."
يسرى "كتقلب وتهضر وعينيها على الايكو" : مزيااانة ولله الحمد وتا تحاليل مزيانين الي عطاتني كنت خايفة غير من السكر ديال لحمل لكن حمد لله كلشي مزيان ...غير صبري دابا يفوتك الوحم ...
نوار"نقزات " : اه اه احسن اصفية والله تشوفيه لمن كيشبه هههه
صفية "قبطات ايد راوية " : يا خالتي يا عمي ايلاف يا ياسين ...ياسين خيرو فالوحم منساهش ...
نوار"سكتات وهي تحني راسها على ايدها وحطات ايدها لاخرا على فمها كتسمع "
يسرى "ابتاسمات" : الالة بغيتي بنت ؟
صفية "بفرحة " : ماكرهتش ...بنت ؟
يسرى"كمشات سيفتها" : ااااسمحي ليا اماما حبيبة انا رااجل وغانكون سيد رجال ...
راوية"خرجات عينيها" : و ولد ؟
صفية : ولد ؟
يسرى : ولد ابنتي ولد يتربى فعزك ...
ونقوووول مرحبا بايساف الصغير خهخخخخ ...
رجعات صفية هي وراوية لفيلا وطلعات ترتاح من بعد ما كلات وشربات دوا ...دخلات لدوش طلقات روبيني ديال بينوار تا عمر بالما وخوات فيه باندوش تا رغواتو وزادت فيه زيت الخزامى وجات راوية شعلات ليها شميعات معطرين ليها المكان لبسات پينوارها ديال فوطة ووقفات تا قادات ليها البينوار ...
راوية : يلاه بنتي دخلي ترخاي ليا مع راسك ...
صفية "تمات غاديا راوية وجراتها من ايدها تا شافت فيها" : عمر خيرك منساه وكيف هاد الوليد الي فكرشي ولدي را ولدك وعندك حق فيه ...
راوية : نتي نوضي وتفكي غير بسلامة وديك ساعة نتناوبو عليه ...
راوية "سكتات تا سكتات وحطات ايدها عليها" : انا معاك ابنتي غا هو الى نهار بغا يشوفو منقولش متحرميهش منو ولكن ماتحرميش ولدك من باه شوفي غا على ولدك اما لا على باه ميستاهلوش وخا ولدي "تزيرات" ماعليش دخلي ترخاي ورتاحي مبغيتكش تعصبي ...
صفية "حركات راسها وتسناتها تا خرجات وهي تحيد الپينوار وحطات رجليها فالما حسات بقشعريرة سرات معاها تا دخلات وتخشات فيه وحطات راسها فالمخيدة صغيرة الي حطات ليها وتكااات ...حطات ايدها على كرشها كدوز عليها بلطف وحنان حاسة بالبكية ديال فرحة ...
صفية : حمدت ربي وشكرتو زرعك فكرشي ...حمدت ربي وشكرتو الي غاتكبر فيا وتولد وتكون ونيس ليا تقوليا ميمتي ونرضى عليك وتكبر قدامي ونقريك ونفرح بيك ...تنوسني وتعوضني على الوحدة واليتم والدل الي عشتو مع باك ....كبر اولدي كبر احبيب ماما وجي كون نتا ولدي وبويا وخويا والحامي ضهري ...
قطعات عليه وهي تحط تيليفون فطابلة وشافت فياسين الي وقف عليها ...
ياسين"هز سروالو شوي من عند ركابيه تا جلس وحط رجل على رجل مفرقهم .." : سليمان ؟
نوار : اه عيط سول فيا وسول على الوراق الي صايبت ...
ياسين : شنو درتي فيهم ؟
نوار : دفعتهم لترجمة ايام ويوجدو ...
ياسين : مزيان ...
نوار "ترددات قبل متنطق " : ياسين ...
ياسين : نعااام ...
نوار : يمكن قبل كنت كنخبي عليك شحال من حاجة ماشي انا هكاك دايرة ولكن كنت كنخاف وكنتفادا شحال من حاجة حتى وليت مكنقولش بزاف الي جات كنخبيها ...معرفتش واش كانت قاعدة فيا خايبة ولا زوينة ...
ياسين : قاعدة زوينة الى خبيتي باش تفاداي صداع ...قاعدة خايبة الى الي خبيتيه فيه صداع ولكن ماخاصوش يتخبا خاص يتحط ليه حد شي حاجة الي نتي متقدريش تحطي ليها حد قوليها لشي واحد الي قادر وعارف كيفاش يتصرف ويحط الحد ويربي ...
نوار"حركات راسها" : فهمت ولكن انا قررت نبقا نقول كلشي منخبيش بغيت نبقى صريحة فاي حاجة و احم"حدرات عينيها" خصوصا م معاك ...
ياسين : ديما معايا ديما ...
نوار"ابتاسمات بخجل "
ياسين"تگعد تقابل معاها" : بغيت صراحتك تبقى معايا الي ضراتك شكيها عليا نتشاركو فيها ماعليش كيما كانت وخا تكون فيها صداع ماتخافيش دي عليا الى تعصبت ولا انفاعلت ماغاديش نقرب ليك ..."حط ايدو على صدرو ضربو " بغيت دق يجيني انا وميجيكش نتي ...نضرب ونتضرب عليك وميقيصكش شي حد ...
نوار : عاارفة ...غير هو انا نقذر نحامي على راسي هههه الكيك بوكسينغ مدرتهاش غير هكاك تفريغ طاقة سلبية ...
ياسين "رفع حاجبو" : بغيتي تسلخي عباد الله ولا ؟
نوار"ضحكات" : هههههههه اه نقدر ندير معاك ماتش ...
ياسين : ماتش كااع ؟
نوار : ماتش كاع ...
ياسين : الله اودي ...مرحبا ...
نوار"جمعات ضحكة لجدية " : ياسين بغيت نقوليك شي حاجة خاصك تعرفها ومبغيتش نخبي عليك وعااافاك بغيتك تفهمني ومتعصبش را مكاينش من غيرك الي يحد هادشي ...
ياسين"بقلق " : شنو واقع نوار ؟
نوار : ماتعصبش بزاف تبقى بيني وبينك والي كان نفكوه بزوج ...واعدتيني ...
ياسين"وخا ممطمنش بزز قالها" : كلمة رجال ..
نوار "ضارت تشوف لا يكون جاي شي حد " : الضربة الي فحنكي ...
ياسين"عقد حجبانو ونطق من لخر" : ش شكوون ضربك ...
نوار "تصدمت باش عرف " : هو انا رديت حقي بايديا ....ولكن بغيتك نتا تاخذ ليا حقي …
ياسين"غمض عينيه وصدرو كيطلع وينزل كيطلع وينزل " : عن ديييييي جوج عينين جووووووج عينين هما نتي "خبط ايدو فوق طابلة تا تشق زاج الي فيها وقفزت وقفت " كيفاش نتهدن ؟
نوار : واخا واخا انا غانقوليك ...
ياسين"حدر راسو وهزو عينيه مشربنين" : شكوووون ...
نوار : ح حس الشريك حسن ...
ياسين"لو كان تشوفو الفك ديالو كيفاش دار وطرطق وعروقو بانو منقدرش نوصل لوصف كيفاش وقع لوجهو ...ناض على وقفتو وجهدو تم غادي بلا عقل مشربن وهي تابعاه وهو عينيه مكيرمشوش كيبان ليه غير هو يطحنو وميحنش فيه ...
نوار"تابعاه " : ياسين ...عافاك تسنى نمشي معاك ...
ياسين"دخل من لور طلع يجري كينقز دروج ضرب فالحبيب تا طاح لارض مافهم والو ..
الحبيب : ياربي سلامة مالو ؟
هز كونطاكت ونزل ركب فطوموبيل وهو كيتفكر هضرته الي كان كيقول ديما عليها" : الحاجة حاجتي والي شاف فحاجتي نطحنو والي تعدا عليها ؟ "رجع لواقع ...ورك عالكسيراتور تا قفزات طوموبيل طار منير بيها وتسمعت لعندهم لداخل ومشا مكسيري ب سرعة المئة ...
"فلاش باك"…نهار المقاطعة…
نوار : عرفتي علاش ؟ حيث ياسين حسن منك وهمرك تكون فبلاصتو ولا حسن منو وعمري منبغيك احسن عمري منبغيك ...
حسن"عينيه تجغمو ولاو حمرييين ماهضرش كيسمع ليها شنو كتقول وكل كلمة كتقولها كتنزل عليه فحال لموس ماضي كيحسكو ...لانه فالوقت الي لقاها تزوجات يمكن تقلق ويمكن مكانش كيشوف ان الباب مفتوح قدامو ...لكن هاد المرة فاش تلاقا بيها كانت اولا مطلقة حرة ما عندها حتى شي وعد او عهد ...وحتى تقربها ليه بدافع صداقة وانها كتعطيه وقت ويهضرو خلاه يزيد يتعلق بيها ويرجع يبني امال واحلام معاها ...ناهيك على انها
فلول مارفضاتش طلب زواج وانما كانت كتاخذ وقت وتفكير ...قولها بانها محتاجة وقت باش تعرف عليه ما ربما يعوضها على انها تنسى ياسين وتقدر تعطيه فرصة ويتزوجو ...بزاف ديال العوامل الي خلاتو يبني امل وممكن كان كبير بالنسبة ليه الشي الي خلاه يتصرف بعصبية وتسرع خاصة انه حسن من النوع المشكاك والموسوس وسريع الانفعال فيما يخص الغيرة المجنووونة ....
نوار "زمات فمها تا زماتو ورجعات طلقاتو ونطقات" : حسن نتا عمرك مخليتيني نتقرب ليك نتا بالعكس غير مكتزيد تبعذني عليك ...انا هضرت معاك وشفتك وتشاركت معاك الهضرة وبعض المواقف ولكن نتا معمرك بينتي ليا انك كتسحبني جيهتك وانما غير كتنفرني منك ...هادشي علاش انا مبغيتش نتزوج بيك حيث نتا مشكاك وموسوس وديما كتجبد ليا الشخص الي انا بغيت نساه ومقدرتش فما بالك بهاد تصرفات ديالك نساه ؟ ابدا مستحيل نساه ومستحيل نبغي شي حد من وراه ولنفرض بغيت مغاديش نبغيه بالطريقة الي بغيت بيها ياسين...
حسن : شنوو دابا ؟
نوار : ماموافقاش على زواج ابدا منك الله يجيب ليك الي تستاهلك اما انا حاليا مزااال خاصني شحال عاد نسا واحد شخص من كان قلبي صغيييير وهو فيه وكبر فيه تا دار جذور وصعيييب نحيدو ...ونتا ممعاونيش غير مازايد وكتشك وتوسوس وغايبقا عايش بيناتنا وصداع بيناتنا ...
حسن : نتي الي ممعاونانيش نتي الي فينما نهضر معاااااك كتبقاي تصدي فيا نتاصل بيك كتقطعي نهضر معاك مكتجاوبي على شحال ولا مكتجاوبيش ...نتي الي درتي حاجز بيناتنا ومخليتينيش نتقرب ليك ونسيك ...نتي الي كتفلاي...
نوار : كنتفلى ؟ حسن انا مشيت ..."تمات غاديا وهو يشدها من دراعها وحفرررر صباعو فيها تا تاوهات من الالم " ايييي طلق مني ...
حسن"قرب ليها عند وجهها " : تسنيييييييييتك من شحال وانا كنتسنى جوابك مرة تقوليييييي نفكر مرة خلينا نتعرفو ونهضرو مرة مابقيتش بغيت كاترجعي تاني نعاودو نتفاهمو"زاااد ورررك تا غمضات عينيها وزاد قرب عند عينيها كيشوف في فمها وعينيها ويتحلف ويتغددددد بغا يطرطق صافي ..."
نوار"غمضات عينيها " : طلق منييييي"دفعات ليه ايدو بجهذ " هااا علاش نتا متليقش ليا هاعلاش عمري نبغيك واااحد عرفتو وااحد بغيتو هو ياسين كان الى تعصب كيخرج يبرد مخليت مادرت ليه مادرت فيه وعمرو فكر يمد ايذو عليا عمرو وعمرو اذاني ...نتا مشكاك وموسوس وعمري منكمل معاك وياسين حسن منك بالف درجة .."قربات ليه مخنزرة هز ايدو تا
هزها وهي بغات تكالي هو بصعرة تا كان غايصرفقها وهي تبعد ونزل ايدو عليها باش يعطيها لحنك مع بعدات جابها ليها فجنب فطرف صباعو يعني كان غايطرشها طرشة قاااصحة لكن هي بعدات باش تعطي ضربك هجوم جاتها ضربة فلاخر تا بان ليها البرق وشدات حنكها مابقات دارت لا هجوم لا هم يحزنون ...هزات فيه عينيها لقاتو وجهو مزير ....
حسن : تق** من قدااااامي ..."هز ايدو وخبط البارشوك ديال طوموبيل بجهد يخبط ويخبط ويعرعر تا عباد الله ضارو يشوفو وصوته مجهد جاهل وغادي وكيجهل ويصعر ...اما نوار صدرها بقا يطلع ويهبط تا حبستها البكية تم جايها باش يعرعر فوجهها ما شعراتش براسها
تا هزات رجليها وعطاتها ليه بغفلة منو لكرشو تا زواتو وهزات ايدها عطاتو ببونية لوجه جاتو لمنخر ماعرف راسو باش تبلى يلاه هز راسو باش يعطيها وهي تغفلو عطاتو لحجرو تا بان ليه ضو وحس بسخفة طلعات معاه تا خرج عينيه وطاح لارض شاد تما ...
نوار"محساتش بمنخرها دايز بدم وهي ضور كتغوت " : عتقووووني بغا يضربنيييييي "غوتات وشداتها بجرية لطوموبيل كتزرب وهي تهز كونطاكت مابغاش يتخشا بكترة مكترعد بزز باش تخشا وديمارات بدعقة وركات بجهد تا تهزات طوموبيل وطارت من تما غير ساقت في امان الله مخلياه تم معرفاتو ناض ولا تبعها ولا مات ....
"عودة"....
غادي طاااااير بطوموبيل وهي تمشي دخلات لدار باش تهز الكونطاكت طلعات كتزرب وهي تهزو يلاه نزلات غاديا بلور حتى وقفها صوته المزعزع وهي تغمض عينيها بغات تبكي حيث عرفت راسها عااااق وعايق بيها اصلا ...
فؤاد"مخنزر واحد تخنزيرة " : وقفيييي ...
نوار"ضارت وهي حادرة راسها وعينيها وقلبها كيضرب " : ه ها هاني عمي فؤاد ...
فؤاد"قرب ليها وهو على تخنزيرتو مكيرمشش مد ايدو شد من عندها كونطاكت" : تبعيني ...
نوار"حركات راسها وتبعاتو مشا لطوموبيلتو هو ركبو فيها وكسيرا طار من تما خرجو غادين ماهضر فؤاد ماااتكلم ما ضار جيهتها ...حدو جبد تيليفون فاش صونا ليه قاليهم يبقاو على بال ...
نوار"ضارت عند فؤاد " : عمي فؤاد ف...
فؤاد"هز ايدو وقفها" : عارف وقاد بشغالي "حط صبعو على فمو بمعنى حسك قطعيه وداكشي الي دارت مابقاتش قدرات تا تهز راسها فيه عساك تهضر ..."
اما ياسين ملي طار بطوموبيل مكسيري باقصى سرعة تا خرج من بيست ديال الغابة وخرج لمدينة طاااير ماوقف حتى لعند دار الزياني بالضبط وقف بواحد مولاي الفران دار تا تسمع وروايد تحكو ...نزل مشربن عينيه كيشوفو فنقطة وحدة هي دااااك الباب يتحل ويخرج منو الق**اد وشوووف واش يشوف ربي من حيهتو ولا يشوف ربي من جيهة ياسين الي فهاد اللحضة مكيشوف تا حاجة من غير انه يشدو يطحنو طحنة الغدايد ويزيدو طحنة فوق طحنة وشوووف واش يبرد بمجرد مكيفكر انه قاس ليه نوار الي هو بنفسو ما عمرو فكر تا تفكير يمد عليها ايذو ويجي ولد البراني يحطها عليها بلا موجب شرع ...وخا هي بنت عمو وتشعل فيه العافية وتنوض رفع فيه فما بالك نوار روح ديال قلب ياسين ...
ياسين"دق الباب بجهد وسرسر ويعاود يدق ويسرسر مكيهضررررررش كيتسنو يتحل الباب ويعزف شغلو ..."
غيتة "لداخل ناضت من بلاصتها شادة قلبها" : ياربي سلامة شكون ؟ "ضارت عندو لقاتو ناض تاهو وقف " الحاج شكون هادشي ؟
الحاج : وشكون عرف ...نمشي نحل نشوف هاد البسالة شنو هاد دقان فهاد الوقت وبهاد طريقة ؟ سيبة هنا ؟
الحاج"خرج من البيت ونزل لتحت مغوبش وكيتسنى يحل باش يشوف شكون هذا الي كيدق عليهم بهاد طريقة ....حل عليه الباب وهو يدور ياسين مخنزر ومشربن هز فيه عينيه" : سي رمسيس !!!
ياسين"على نفس الملامح " : الحاج ولدك ؟؟
الحاج "باستغراب" : حسن ؟ مكاينش اولدي ...
غيتة : ولدي ياسين مالك ؟ واش واقعة شي حاجة خلعتينا ؟
ياسين : فيين مشا ؟؟؟ فين ؟؟؟
الحاج : قبيلة كانت عندو طيارة مع ربعة مشا لهيه لروما شي سيمانة ويرجع ...
ياسين"سرح حجبانو وضار لهيه كيحك لحيتو يحك يحك ...وهو يضور عندهم " : المعدن كيبان فالشدة ورجلة ماشي بضرب العيالات النثوة "هز عينيه شاف ف الحاج " الى ساخي عليه عمرو يرجع يعتب البلاد هنا ...
الحاج : كيفاش ساخي عليه عمرو ؟ اش هاد الهضرة ؟؟.
غيتة"حطات ايدها على كتف الحاج " : الحاج غير دخل انا نهضر معاه ...
الحاج "شاف فياسين يلاه بغا يهضر معاه وهي تورك عليه غيتة "
غيتة : الحااااج "شاف فيها" نهضر معاه را فحال ولدي حسن انا عارفة اش كاين الحاج غير تهدن من بعد ونعاود ليك ...
الحاج "شاف فيه" : المعدن والاصل زين والادب حاضر اما نعرف شغلي وهضرتي معاك ...
ضار ودخل كيحسبن على هضرة ياسين ومشا مخلي غيتة واقفة معاه ردات الباب شوي ووقفات قدامو ...
غيتة :عرفت اش واقع وعارفة الحق معاك اولدي ...
ياسين : يمد ايدو عليا ولا على واحد فخوتي منهم ليه الى حگرهم نوقف فوجهو ومنرحموش اما يمد ايدو على بناتنا يحسب ايامو معايا والى مد ايدو على بنت عمي والي هي كانت مرتي فالاصل را والله منرحمو الحاجة والله ماننرحمووووو "كيقول فيها مغززز بغا يطريق وناااااري وجا الله من جيهتو اما كان لقاه يطحنو يطحنو ماعرفنا واش حسن المرضي واا ياسين المرضي فهاد لحضة"
غيتة "حطات ايدها على كتفو كنوع من تهدئ" : جا الله من جيهتو نقول ...ولدي منكذب واااالو را ولدي وعارفاه ...مريييييض اياسين مريض واخا خطب نوار فديك ليام قلت غاتهدنو هي وليني راه الي فيه فيه حتى قلت مبقاتش فيه العصبية وشك والوسواس الي ياما داوا عليه عند اطباء نفسيين وشقيقة الي هلكاتو ساعة والو ...
ماكرهش يتشافى ويرجع طبيعي ولكن ما باليد حيلة ...ملي وقع الي وقع جا ديك العشية بغا يبكي تتفقص ومارضاااش يوقع ليه داكشي ...حاجة الي خلاتو يرتاح ان نوار"شافت طوموبيل الي وقفات كانت ديال فؤاد" على ما قاليا دافعت على راسها ومخلاتش من حقها ...ماعرفتش واش هو الي مرضي ولا نتا ولكن را مشا ماشي هرب انما مشا يبعد وقد ما جلس غايرجع ويطلب سماحة را والله اولدي ماكرهش يكون عادي ولكن"عينيها غرغرو"
ياسين"كيسمع ليها فواحد لحضة عزات عليه هي الي ام والام هي الي كتهز دق على ولادها ولكن هادشي مكيشفعش انه لااا طاح فيه را ميخليهش صحيح ..."
غيتة : غير تهدن اولدي الى جا انااا نجي تال عندكم ونبوس ليكم "بغات تبوس ليه ايدو " رجليكم ونطلب سماحة عاد هو ها عار الله مسحها فيا و"شافت فنوار" مسحيها فيا ابنتي ...
غيتة"شافت فيه" : سمح لينا الحاج ومسحها فيا والى جا انا نجيبو تال عندك ودير فيه مابغيتي غا لا ترزينيش فيه را عوينة الي عندي انا متااايبة الله وطالبة رجا الحاج دير غا بوجهي راني عارفاه والله ميقصد غا ربي كتب ليه هادشي يعيا يتحكم والغالب الله وكلنا عيوب وخطائين ...وراه مشا باش يرتاح ويتعالج لكاين شي علاج ...
فؤاد : الى بغيتو منتسناهش حتى يرجع نجيبو فينما كان وخا فاخر دنيا ...نتي عندك عوينة وحدة بغات ترزيني فعينيا واحد تابع لاخور بمسبتو لو ما لطف الله ومالقاهش لو مالطف الله كان يقتلو ويدخل الحبس ومعندي كي ندير نفكو كنبقى انسان ومعنديش سلطة على الله سبحانه وتعالى الي نجاه ليا من الحبس ولا الموت لو مالطف...
غيتة : مسحها فوجهي الحاج مسحها فوجهي وولدي انا نضمنو يعطي تيساع وحقكم غايرجع ليكم غا هو ديرو بوجهي را هو الي عندي راني دفعت عليه دم گلبي تا عاش ليا وكبر وهو الي صدق ليا ...راكم مجربين حر الكبدة ...
فؤاد "حرك راسو وعيط لياسين كلمة وحدة قالها ورجع ياسين معاودهاش معاه قرب لعند باه وقال"
ياسين : راه راجع راجع وهاني هاد ساعة غانبدل ساعة بختها وميتسناو مني والو ..."مشا ركب وزاد يبدل ساعة باخرى اما هو جر نوار وركبو زادو مع طريق " ...
رجعات نوار هي وفؤاد مع طريق من بعد ما خلاو ياسين ركب وزاد وركبو حتى هما وزادو حمد الله فؤاد وشكرو انه موقع لياسين ولا لتاحد شي حاجة ووخا يكون حسن كان غايتدخل وميخليهش يمد ايذو ولكن هاد المرة جات فالواليدين وشحال صعيبة واليديك يطلبو عليك ؟ را اكفس حاجة هي هادي ...فؤاد ولا ياسين نقولو تهدنو نوعا ما فوجه الام الي كانت كطلب اما باش ينساو حسن وميندموهش ابدا واش تفوتهم ولا يخليوها فيه مبدئيا على ما عاودت الحاجة لياسين خلاهم يتهدنو انها مخلاتش من حقها وهذا هو السؤال الي سولو ليها فؤاد والي وخا سولها هز فخاطرو من جيهتها ....
نوار"عاودات ليه شنو وقع بالتفصيل " : وهادشي اعمي الي وقع "عينيها غرغرو " ملي رجعت لدار مبغيتش نقولها ليكم حيث دافعت على راسي حسيت براسي درت شي حاجة بدون منحتاج مساعدة شي حد هادشي الي خلاني خبيت وزيد عليها والله اعمي حتى خفت ينوض صداع ....
فؤاد"ضار مخنزر" : ملي قلتيها لياسين ماخفتيش ؟
نوار"قفزت وحدرات راسها" : حيث مابغيتش ما"مالقات متقول لانه ضنات انه مفراسوش را بدات تهضر هي وياسين وبداو يجربو يصلحو علاقتهم وبالي هي بغات تكون مع ياسين صادقة فكلشي " …
فؤاد "رجع شاف قدامو وقال كلام معمرها كانت توقع غاتسمعو منو " : لو كنتي جيتي عندي نفك المشكيل وياسين كان يعرف بطريقتي ولا بطريقة منك حتى نتفاهم مع هذاك ...لا الوقت مناسب لا طريقة مناسبة ...
نوار : يمكن فكرت بطريقة غالطة يحساب ليا انه خاصني نقوليه باش يعرف حيث "وتزيرت مقدراتش تقوليه را كنصلحو علاقتنا هادشي علاش تا كتبغي تقوليه وترجع تسكت وهنا كتبان هي الغالطة ...حنحنات وهي تقرر تقولها ليه " عمي خاصني نقوليك اشنو كاين ...
فؤاد"هز غير ايدو بلا ميشوف فيها وشير ليها بمعنى شنو كاين" ...
نوار"كتهضر وحشمااااانة ميتة خصوصا فواد تقرليه انا وياسين بدينا كنتفاهمو وبغينا نهضرو ونجربو نصحلو علاقتنا را عندها هي فحال اكثر من الخجل ..." : انا وياه رجعنا باش احم نهضرو نفكو مشاكيل الي بيناتنا"كمشات عينيها بالحشمة "
فؤاد : تفكي مشكيل بديتي بهذا ؟
نوار : مابغيتش نخبي عليه والله سكت وكانت غلطتي انني سكت ولكن را والله مخليت من حقي راني عاودت ليك ...والله تا خفت فاللول اعمي والله"جاتها البكية" دابا انا كنبان غالطة ولكن نيتي منخبي عليه والو والى خبيت عليكن فلول مبغيتش صذاع ماعرفتش فلول قلت منقولش لكن فكرت انني منبقاش نخبي اي حاجة كيما كانت تكون والله اعمي ماتقلقش مني عااافاك اهى اهى ...
كلشي نصبر ليه الا تقلق مني نتا عافاك سمح ليا عمري مباقي نعاود عمري والله الى نيتي زوينة وعطاني العاهد ميديرش شي حاجة الي تخليه يتسرع والله ...عافاك سمح ليا اهى اهى "مدات ايدها جرت ليه ايدو تبوسها وهو يحيدها ولعن شيطان مغمض عينيه بنفاذ صبر ورجع جرها عنقها عندو بجنب وسايق "
فؤاد : لا حول ولا قوة الا بالله ..."يلاه غايهضر وهو يصوني ليه تيليفونو كان يوسف " يوسف ...
يوسف : خويا شنو واقع مال نوار وفين ياسين مافهمنا والو مال ياسين ؟
فؤاد : ساعة شيطان وغضب مع كحل راس ...
يوسف : معامن ؟
فؤاد : ساعة الله متحكرش ...رجع تما ؟
يوسف : لا مرجعش ماجاش ملي مشا نتا معاك نوار مالها تاهي ؟
فؤاد : كلام بين بنتي وبيني ...
يوسف : هااا دردشو صافي ...
قطع معاه ورجع كشيرا فؤاد زاد فالسرعة عيط لياسين فالتيليفون الي جاوبو ديك ساعة ...
فؤاد : فينك ؟
ياسين"نطق بصوت مبحوح" : مبدل ساعة باخرى الوليد خاطري مهانيش باش نرجع لدار ...
ياسين : غير نعسي يكون خير…دابا نرجع ماعندي عليك لين ...مرجوعي لعندك ...
قطع وهي دور عند فؤاد الي شاف فيها ورجع شاف قدامو وقال ...
فؤاد : يرجع وهضرو ...تبتي وعرفي شنو كتخرجي ووزني هضرتك ...
حركات ليه راسها .…مسافة طريق حتى كانو داخلين لفيلا دخل هو سبقها وطلع لبيت تا وصلات عليه يامنة باش يبدل وتشوف اش واقع اما هي اشنو دارت طلعات البيت من بعد ما لقاتهم شي طلع ينعس وشي مزال خارج وشي جالس يتفرج كل واش دار طلعات لبيتها ودخلات بدلات حوايجها ومشات تكات كتفكر وتعاود فالاحداث وفالي جرا ...بقات شحال تا سمعات صوت سيارة ديالو بالي دخل ناضت تتجري شافتو دخل وهي ترجع تكات ونعسااات ....
~~~اصبح يوم جديد ...من بعد ما فطرو استاذنات ومشات لجردة كتقرا فالرواية بينما وصل وقت الغذا الي كان مخصص لحوت ...خلاتهم كيوجدو فيه ..و.خرجات لجردة ومشات جلسات شادة روايتها كتقرا فيها حتى هزات عينيها فطوموبيلتو داخلة من الباب ركن فالبلاصة وخرج منها كيكمي تكا واحد شوي عليها كيكمي حتى لاح الكارو عسف عليه طفاه عاد هز ايديه لفوووف وطرطق عنقو ورجع حدر راسو بان ليها من بعيد بقا شحااال حادرو تا هزو وتم غادي وهو يدور شاف فيها ...وتم جاي عندها...
نوار"وقفات" : ياسين جيتي ...
ياسين"حرك راسو وتلاح جلس تقابل معاها" : جلسي ...
نوار"جلسات"
ياسين "شاف فيها " : عاودي شنو درتي نتي بالضبط ؟ وخا متسنايش مني نساه الحق حق ويرجع وخا يمشي لاخر دنيا"قالها مخنزر"
نوار"حطات ايدها على فمها غلبتها ضحكة من تفكرات عطاتو تاهي " : نعاود ليك ولكن عرف را مخليييتش من حقي ههههههه
ياسين : شوي بشوي الالة معندنا لين على بعضياتنا ...
بقات تشوفيه وهي تبتاسم من خجلها وحدرات راسها ...بعدا شوي تهدن وخا عارفاه والله مينساها فيه ويرجع ليه دقة وميمشي تا يطحنو الى شافو قدامو غير هي وباه الي هذنوه ويمكن فؤاد عارف طريقة باش يرجعو لان الاكيد والمؤكد والله لا فلتوها ليه ال رمسيس من طرف تال طرف ...بقات كتشوف وحادرة راسها ...
ياسين : وخا دافعتي على راسك منبغيش الي يمد عليك ايدو ...شفع ليه رب العالمين وبعدو من طريقي ...اما رحمة ربي تنزل عليه وشوف تشوف واش ينوض منها..."مهدن بزز على ودها هي باش ميخلعاهاش وهما فطريقهم لتفاهم"
نوار"حركات راسها" : عاارفة اش كاين ...انا وخا يوقع الي يوقع منخبيش عليك وقررت نقوليك نتا بغيت نوضح ليك ومنكذبش عليك وعمري باقي نكذب عليك الا فحالات الكذب البيض ...
ياسين : كان عليك تقوليها من ديك ساعة ...
نوار : ماقدرتش نهضر فاش قررت منخبيش قلتها ليك نتا والي خلاني فلول مقلتش انني فرحت حيث تصرفت من راسي ...هادشي علاش قلت ليك رياضتي مجاتش عبت تعلمتها باش نخوي طاقة سلبية الي فيا ونفس على راسي وتنفعني فهاد الحالات الى مكنتيش نتا ...
ياسين"رفع حاجبو" : الى مكنتش انا وهما ؟
نوار"تبسمت " : ممكن تكون كاين غير نتا فوجودك منهزش لهم تاحد ميقيصني وفبعادك مغانخلي حد يقيصني ...ماتبقاش خايف عليا وهاز الهم ونزيدك هموم ...
ياسين : ماعرفتي همك راحة ليا انا ؟
نوار: وماعرفتي بغيت راحتك ونحيد عليك هم الخوف عليا ؟
نوار كتسمع هضرتو كتحس بيها داخلة مع عروقها كتحس بيه باغي غير فوقاش يهضرو ويصفيو الخواطر كلامهم بزوج مكيتقاداش ومزال العاطي يعطي مزال جلاسهم مع بعض مطول فيه قوليا ونقوليك ...
ياسين : مزال نهضرو انوار هاد ليام كل مرة عطيني شنو عندك وكوني هانية كيما كانت هضرتك نسمعها ومنناخذش فخاطري منك ولا نتقلق حيث الي فات فات ماعلينا غير نكملو كلامنا وكملي الي فخاطرك وخرجيه كيما كان حتى نوصلو لطرف لاخر …
نوار : متقلقش ...
ياسين : عارفة عمري نتقلق منك يوقع الي يوقع ...
نوار"هزات ايدها وحكات قرفادتها بتوتر وخجل ورجعات خصلة من شعرها ورا وذنيها ورجعات خرجتها معرفت كيف دير " : بغيت نقوليك شي حاجة ؟
ياسين"رجع غوبش" : شنو مزال باقي ؟
نوار"شافت فيه بنفي" : لا لا مكاين والو ...
ياسين : شنو ؟
نوار"هزات فيه عينيها ونطقات هاد المرة من كل قلبها" : سمح ليا بزاااف ...
ياسين : علاش شنو درتي ؟
نوار"هزات كتافها" : درت بزاف بزاااف ...
ياسين : منهم ؟
نوار : غلطت فحقك ...
ياسين : نعاودها ليك تاني ...تانا غلطت فحقك ...
نوار : شحال من حاجة وقعات فغيابك وقدامك وشحال من حاجة شفتها وعشتها خلاتني نفكر ونشوف انني انا مني لافوت ...
ياسين : وانا حسيت براسي موصلتش ليك الي هنا "شير لقلبو " بطريقة الصح والمعنى يوصل ليك لجدورك وتحسي بيه ..."تگعد " نوار هذا هو الوقت فين نوقفو ساسنا على صح وتعرفي الي يضرني ونعرف الي يضرك بلا منحسو
نوار"تبسمات ليه ومشات داخلة وتبعها هو من لور مع دخلات لقاتهم مجموعين شي واقف شي كيضحك جات وقفات وتبعها هو تاهو وقف "
يسرى : غذا معروضين ابنتي عند مينة ....كلشي ...
نوار : بصح ان شاء الله ...
مينة "شافت فياسين الي وقف حدا نوار" : تانتا اياسين نتا لول ...
ياسين : مرحبا الله ودي ...
رجعو يهضرو ويتناقشو وفؤاد كيهضر وياكد على مينة واحد اللحضة ياسين قرب لحدا نوار مزيان
ياسين "شافها شنو لابسة دبيك بيجامة الي بينتها امراة فعينيه انتابه ليها لابساها فالازرق فيها كارويات بكحل وخطوط بالابيض ومع بياضها الناعم وشعرها كذلك هبلااتو " : كاع لوان جاو معاك ...
نوار"حنحنات تا بانو حناكها مزنگين وهي تعسل عينيها بخجل من هضرته مستغل انشغالهم بالهضرة حيث فاش كيهضر فؤاد كيبقاو يشوفو فيه ويسمعو ليه " : لهلا يخطيك عليا ...
ياسين : وعليا ..." تا تاكد مشايفهم حد وقرب تال عند وذنيها ونطق بصوت باح وانفاس سخوونة يااربي تبورييييشة تا بورشها ولكن ماااشي بتبوريشة الكلمة الي سمعات والي اول مرة تسمعها وياااربي كي نطقها بداك صوت ذو هيبة وبكل حب قالها ليها تا ضرب قلبها فتسعين وحسات براسها سخن "
ياسين"طلق تنهيدة طوييييلة كيحك فصدرو وقال" : كنبغييييك ..."حنحن ومشا دخل تلاح جلس متكي وحط رجل فوق رجل كيسمع شنو كيقول باه"
كنبغيييك ،،ياااه شحال خرجات فشكل من فمو وشحال سرات معاها كيف البلسم خلييي عليك الصذمة الي شداتها وصعقة الي تصعقات حيث معمرو قالها ليها بهاد طريقة كنبغيييك نيشان كان بالنسبة ليها كيعبر بيها بافعال بكلمات غيييير الي كنعرفو لكن هادي وحيث اول مرة نطقها ونطقها من قلب قلبو واعماقو حسات براسها سخن تا بانت فحناكها اما هو مشا جلس حدا فؤاد ودار رجل على رجل كيسمع لشنو كيقول ...
مينة "شافت فنوار من بعيد وناضت مشات وقفات حداها فين كانت واقفة حدا رخامة ديال باب صالون ..." : نوار !! مالك ؟
يوسف"سمع مينة حيث دوات بجهد" : مالها ؟ "شاف فنوار لقا وجهها حمررر وعينيها مغرغرين ودايرة شبه ابتسامة " : نوار مالك ؟
سؤال مينة بصوت مرتفع سمعو يوسف ويوسف سمعاتو يسرى حتى ضارو البقية وشافو فيها وطبعا حيث الخوف عليها لان صحتها مزال على قد الحال ومزال الخوف عليها لا تجيها شي حالة من حالة الاعصاب وطيح ثاني ...يعني اي تغيير بان على وجهها را يستدعي الخوف ولو يكون طفييف ...
نوار"فاقت من القلبة الي قلبها فحم الفعايل على اثر تحريكها من كتفها بايد مينة " : هاا مالك ؟
يسرى : مالك ابنتي ياكما ضرك راسك ؟
نوار"شافت فيها وهي تنفي براسها" : لا لا مابيا والو ...غير سخن الجو هنا يم"حكات راسها" يمكن ...
فؤاد"كيشوف فيها " : خرجي تنفسي ...
نوار : اه واخا احم نخرج ...
صهيب : سيري سيري برا نفسي شوي وجهك تزير ..
ياسين"الصمت داير حنكو متكيه على ايدو وحاضي شي وشي كيشوف وخصوصا كيرجع يركز عليها "
نوار"حنحنات وهي تقاد فالوقفة وقادت بيجامتها واستاذنات مشات كتزرب وحاسا بقلبها بغا يخرج من بلاصتو تا وصلات لبرا وجلسات فالفوطوي تلاحت بجهد شادة على قلبها الي كيضرب يضرب يضرب وهي تحط ايديها على حناكها كتقيص فيهم وراسها باقي فيه طنييين ديال ديك الكلمة الي واخا تعيا وتعيش الي تعيش وتسمع الي سمعات وخا تعاود هاد الكلمة بزاف الا ان باش تقالت قبل لحضات بديك الطريقة عمرها متنسا ....حتى لقات راسها كتبتاسم وتزيد وتزيد حتى ولات كضحك وعينيها مجغمين ...
علاش لان كل مكتسمع منو وتعيش شحال من حاجة كتلقى راسها فمقارنة من نوع اخور
وكتزيد تلوم راسها اكثر على تسرعها ويمكن ضلمها ليه ...رغم ان فالحقيقة كلها بزوج ضلمو بعضياتهم …
هزات تيليفونها وناضت مشات بعدات لهييييييه حدا لمسبح من الجهة لاخرا ودوزات اتصال فيديو لسليمان الي جاوبها ديك ساعة ...
نوار : سليمان "كتهضر وتبتاسم اراسها وعينيها مغرغرين"
سليمان "شاف فيها وكمش عينيه وكيرجع يشوف قدامو ": كضحكي ولا تبكي ...اش وقع تاني لاح ليك شي كلمة خربقو ليك سلوكة هههه..
نوار"بغات تهضر ومن فرحتها ىصدمتها بغات طرطق بالبكا وتغوت وضحك" : شي حاجة الي بزااااف ...
سليمان : وايلي ...تسناي نخلص فلاكيس
نوار"عرفاتو فسوبر ماركت " : واخا انا نتسناك ...
سليمان : بينما كملتي البكا وتوگضي متقطعيش بقاي معايا ...
نوار"حركات ليه راسها وهي تمشي لطابلة تما الي بكراساها وجلسات كان واحد فاز صغير محطوط تكات عليه تيليفون وربعات ايديها كتسنا فيه يخلص وهي كتمسح دموعها وتاخذ نفس وترجع تاني لديك الكلمة ويديرو دموعها فرررر ...خلاصة القول باش نطقها نطقها خلا احاسيسو يزيدو يبانو بالي صادقين والكلمة الى كانت صادقة را كتعطي تاثير قوي للمتلقي
سليمان "كمل وخرج هاز ساشيات تا دارهم فالكوف وحل طوموبيل دخل قاد سانتيغ وقابل تيليفون معاه وهو كيقاد " : قولي شنو مخلي هاد التخربيقة فوجهك مانتي ضاحكة ومكملة مانتي باكية ومكملة ...بغيتي تغوتي ؟
نوار: ههههه ماكرهتش والله ...
سليمان : عطيني شنو كاين ؟
نوار"قالت ليه شنو وقع من هضرت مع ياسين وشنو قاليها قبل قليل " : بزاااف ...
سليمان : ايوى هانتي مامشيتي تا خليتيه ينطقها ...في شخص ياسين وطبعو الي فحالو عندهم الحب افعال بزاف الى قال كلمة زوينة عرفيها بصح كاينة والى قلل ماشي
من نوع الي يكثر الغزل ...
نوار : زعما ارتاكبنا غلط وطلقنا ؟
سليمان : الغلط الي ارتاكبتو خلاكم تصلحو اغلاط واغلاط وتزيدو تقربو وتفهمو بعضياتكم وتعطيو فرصة باش تعرفو على بعضياتكم ...
اذن الضهر لقا مينة هزات طوموبيلتها ومشات طلعات لفاس من بعد ما عيطات لعمتها وعرضات عليها هي وصفية لعندها لفاس يتعشاو عندهم ومشات تقدا وتوصل على رياض ...اما البعض طلع الفوق يدوش ويوجد باش يتجمعو ويطلعو كلهم لفاس ياسين طلع توضى وخرج هو ويوسف وصهيب وفؤاد يصليو والحبيب تاهو معاهم ...اما نوار طلعات لبيتها هزات من ماريو شنو تلبس وحطاتهم وهي تمشي لتيليفونها هزاتو ودوزات لخط لايساف الي حسات بيه نساوه وتاحد متفكرو تقريبا من غير الحبيب العشير ديالو ...
نوار"من بعد رنات جاوبها" : ايسااف فينك ...
ايساف : مدهي مع الخدمة واحد سيستيم خسر فشركة كنصايب فيه انا ودراري ...
ايساف : لهلا يخطيك عليا ابنتي وعشيرتي والي قريبة ليا ومخلاتنيش فتا وقت ...وانا فالوقت الي كنتي محتاجاني خليتك...
نوار : كل كيخلص وكيعيش الي خاصو يتعلم منو ...نتا كنتي اقرب واحد ليا ومن بعد جا سليمان والى جيت نفكر غالقا تاحد متخلى عليا غير انا الي مكنتش كنعرف نتصرف حتى مرضت راسي ...نتمنى تشوف الي وقع ليا وديرو عبرة وتفكر تجمع شملك مع صفية وولدك وخا ممتقبلوش ...
ايساف : تهلاي فراسك دابا نتشاوفو عشية ...
جاوبات بواخا وقطعات وناضت لدوش سخناتو وهي دخل ليه ذهنات بالصابون بلدي مزيان وحكات مزيااان بواحد الطاقة ايجابية ...تا كملت مع كانت ذاهنة شعرها بماسك زيت زيت زيتون مافيهش الملحة وزيت الخروع وزيت لافوكا وزيت الخزامى خلطتهم ودارتهم ليه وخلاتو فشعرها ساعة قبل متعوم ومخرجتش من البيت بقات مدهية توجد حوايج وتقاد وتهضر فالتيليفون تا وصلت ساعة عاد دخلت لدوش .. حلات شعرها وفركاتو مزيان عاد غسلاتو ودارت ليه ماسك ما بعد شامبو خلاتو وغسلات بباندوش كتدير فهادشي وهي ناشطة ...كملات وشللات شعرها وتشللات مزيان وكملت روتينها ديال الغسيل عاد خرجات لابسة بينوار ودايرة فوطة على شعرها وخشات رجليها فبانطوفة ديال الفوطة بيضة وخرجت حناكها حمرررين ووسخوونة ووجهها يقدر بالما ...
ذهنات جسمها ورجليها من الاقدام مزيان بفازلين طبيعية عاد لبسات دوبياس ولبسات ضوني كحل سماطي عاد لبسات فوق منو قميجة بيضة كم طويلة تحت ركبة وسليم بلومارين عاد مشات حلات شعرها رنشفاتو ب سوشوار وهزاتو لفوق كعكة مهملة حيث حسات بصهد مقدراتش تخليه مطلوق ...
امام المرآة وقفات ووجهها قادات بدون ميكاب لكن اكتفات فقط بگلوص غوز خفييييف ولبارفانها الخفيف رشات ...دارت ساعتها وگورميط ذهب ديال ضفيرة فمعصمها ودارت سنسلة الي كان جاب ليها باها فيها اسمها لبسات تقاشر بيضين قصار مع بالغين كحلة بلا سوميلة هزات تيليفون وصاك وهي تسمع دقان ...
نوار : ماما ؟
يسرى"حلات طلات عليها براسها" : حافضة دقتي ...
نوار : هههه معروفة ...
يسرى "كانت لابسة جلابة في صفر بارد بالسفيفة ولايحة عليها شال مورد فلون جلابة على شعرها الاسود ..." : واجدة هبطي لتحت بينما تجمعنا باش نمشيو ...
نوار : انا نخرج معاك دابا ...
حركات ليها راسها هزات شنو تهز وخرجات من البيت معنقاها بجنب وجايا وتعرج تا لاحضتها يسرى ..
يسرى : ماما مبقيتيش كتلبسي سوميلا ديالك ؟
نوار : من شحال هادي وولفت بلا بيها تقريبا ...
يسرى"وقفات وضارت عندها " : علاش مبقيتيش بغيتي تلبسيها ؟ قرار منك ولا كتعاندي ؟
نوار"بنفي" : بالعكس قرار مني ولفت نتعايش معاها عشت ف محيط الي كندوز كيكون عادي مكيشوف فيا حد مكينعت فيا حد شفت ناس عندهم اعاقات كيار ومتعايشين عادي كان معندهم والو والاهم فين كندير لاصال الكوتش ديال عندو اعاقة وهو بطل عالمي ...انا اعاقتي فيها سنتمترات قادرة نغيرهم ونرجعهم عاديين بعملية بسيطة وخا فيها تمارة قادرة نتحمل ولكن ...
يسرى : ولكن اش ،
نوار : ولكن كيبان ليا وكنفكر انني نبقا بيها ومندير والو مادام متقبلاها ودابا عندي عادي جدا ...
يسرى "شافت فيها باعجاب وافتخار لتفكيرها الي بدا كينضج وتتقبل راسها!! " : يعني غاتعايشي عادي ...
نوار"ابتاسمات ليها": ورا اصلا اكتر من واحد وعشرين عام وانا متعايشة معاها غير الى مبغيتش نتقبلها عادي هههه ..."كتهضر معاها وهي تقشع ياسين خارج من الممر الي فيه بيتو ونزل من دروج حادر راسو وكيهضر فالفون حدها سمعت فاش قال الحاج سليماني هذا وهي تجمد ملامحها " هاد دار سليماني اماما وليت كنسمع بيهم بزاف ...
نزلو كاملين العائلة ديال رمسيس كبرات وتجمعات وهاهي غادا وكتكبر ...جات راوية هي وصفية الي كريشتها غادا وكتبرز اكثر ...ووقفو كاملين صهيب هز مرتو ونجود ومروان ولدو اما رميساء وعلي مشاو لبرلين لان الموسم دراسي بدا تقريبا عندهم ...زاد صهيب طلع سبقهم وفؤاد مشا هو ويامنة وواشرف معاهم هذاك سبق وطلع ركب فطوموبيلة فؤاد حلها تالقاه جالس تيفرنس والخلعة قاتلاه من فؤاد وواخا هكاك ميحشمش ...بقا غير ياسين والحبيب و عائلة يوسف ...
يوسف "شاف فياسين" : تحرك نتا دابا ؟
ياسين "مد الكونطاكت حل طوموبيل وتم ضاير " : دابا نيت ...
م.الحبيب : ياسين نمشي معاك ...
ياسين : ومحتاج تشاور ؟ تحرك يلاه ...
م.الحبيب"تحرك تاهو ضارب ليك حطة قميجة كحلة حال صدايفها الفوقيين وسروال كحل وموقف شعرو الذهبي ومقاد لحية وريحة تعطعط تهبل ...مشا حدا خوه وعنقو بجنب وتمو غادين تا ركبو بزوج وضار ياسين يطل واش جايا حتى بانت ليه خارجة عنقات باها وباستو وتمو غادين يضحكو وهي تضحك تا بانو ضروصها ...عاد كسيرا وخرج من الفيلا شد طريق فاس تاهو وتبعاتو طوموبيلة يوسف تاهي ...
لمة العائلة مع الاحباب عندها طعم فشكل خصوصا فاش كتكون معروض لواحد البلاصة الي فيها ناس مكبرين بيك وناس ولاد ناس من اطيب خلق الله وباغين اللمة باش ما عطا الله ...هادشي الي وقع لعائلة رياض الام ماجدة ورياض هما عايشين بزوج هاهما تزاد عليهم طرف ثالث الي هو مينة وصبحات منهم وفيهم وتناسبو مع عائلة كبيرة ...
استقبلوهم كيف العادة باستقبال رحب عند الباب ودخلو كيف مولفين رجال فصالون وفالصالون المقابل ليه العيالات ...اما فبيت مينة كانت نوار واقفة كتشوف شنو جاب ليها رياض والهدايا وكيفاش مدوزة زواجها ...
نوار : البيت زوين ...
مينة "حطات ايدها على كتف ختها" : حتى نتي زوينة شفت وجهك منور ؟ شنو سر ؟
نوار : وااالو عادية علاش باينة فيا ؟
مينة "غمزتها" : من حناكك ...
نوار"حطات ايدها على حناكها" : م مالهم ؟
مينة : ممالهم والو مخبية شي حاجة ؟
نوار : لا لا ممخبية والو ...هههه يلاه نمشيو لعندهم ..
مينة دارت براسها ميكات وخا لاحضت تغيير فوجه ختها لكن شنو سبب تغيير مصيرها تعرف ...خرجو من البيت وتوجهو لصالون عند العيالات فين جالسين على صينية اتاي مجمعين من بعد تحط الغذا على حقو وطريقو وتقدم ديسير والمشروبات ...
نوار"كتنقي فبنانة وهو يجيها ميساج جبدات تيليفون تشوف شكون لقاتها رسالة منو "
نوار "بنفي " : لا لا غير بغيت نخرج ونهضر مع سليمان ونرجع صافي ؟
يسرى : وخا بنتي سيري ...
فهاد اللحضة ياسين استاذن وخرج بحجة باش ينزل يكمي اما نوار مشات لطواليط تما غسلات ايديها وحاسا بقلبها كيضرب فتسعين ...جاها ميساج من ايساف بالي جا وطلع لعندهم وخا معطل ...جاوباتو وخرجات ضارت دورة ويلاه غاتنزل حتى وقفها صوت الحبيب جاي ...
م.الحبيب : افين غاديا ؟
نوار : هابطة لجردة نتنفس ونهضر مع سليمان ...
الحبيب : اجي نخرجو جردة الي لقدام حسن لور كاين ياسين كيكمي بلا متمشي ...
نوار"مالقات متقوليه " : و واخا كاين ياسين احم ...
الحبيب"رفع حاجبو " : اش بغيتي فيه را تيكمي وكيهضر فالتيليفون مع نسيبي المستقبلي ههههخ
نوار : شكون نسيب ؟
الحبيب : بات هاجر الي غانخطب ...ويمكن حتى مع صوفيا كيتاقشو شي حاجة على ود الكونط ...قاليا بلا ميوصل عليا حد لجردة شوف كيف دير ميهبط حد ووصا تا رياض بغا يتنغم بالكارو ...
نوار"دارت ليه مسافة " : يلاه دخل اش كتسنى فيك الهضرة بزاااااف "ضربت فيه ورجعت مقلقة حابسة البكية "
الحبيب "تبعها بعينيه تا مشات" يناري هادي مالها .."هو الي قاليه ياسين دارو ماعارفش نوار غاتلاقا بيه "
مشات نوار بغات تبكي بالفقصة والعافية شاعلة فقلبها وهي تجلس حدا يسرى ويامنة مربعة ايديها وتيتسمع غير صوت انفاسها كتهنهن بشوي ...ضارت عندها يسرى تتشوف مالها بانت ليها مزيرة وهي تقلق من جيهتها" ...
يسرى : مالك رجعتي دغيا ؟ مال وجهك ؟
نوار : مابقيتش نزلت غسلت غير ايدي صافي سليمان مكاينش تايرجع ...جاها ميساج منو شافتو"
ياسين : فينك ؟
نوار"جاوباتو فالبلاصة معطلاتوش هههه " : غييير بقا تهضر راك ممساليش هضر مع ديك صوفيا تاااتسالي ليا على خاطرك ونهضرو ...دنيا هانية هاانية وممقلقاش غييير قضي غراض سبق هاديك صوفيا هي لولة ماشي مشكيل… هي لولة ؟ وانا لاخرة ...
ياسين "جاوبها فالبلاصة غاتقتلو ميحيدهاش طبيب" : ميكون غير خاطر خاطرك ...
نوار"قراتو وهما يطرطقو عينيها تا غوتات قفزات يامنة والي حداها" : تفوووو ...
يسرى : امالك ؟ ياربي سلامة ؟
نوار"ربعت ايديها وغوبشت" ...
بقات تفقص غا وحدها هي را صوفيا ماكاين والو وهي مجرد خدامة مع باها ووقع ليهم مشكيل فالكونط فالبنك الي اصلا احد فروعو مدير ديالو هو ياسين ...والحاج سليماني الي هاضر معاه ومفاهم معاه وعطاه نمرة بنتو باش تعطيه تاكيد ويصايب ليهم المشكيل لانها كانت احد الايام متواجدة بمراكش وطلعات قضات الغراض فالبنك ...مجرد عمل وكمل لا غير ...
شاف ميساجها بقا غير كيشوف فهاد الكتلة الي كيبغي هبيلة وصافي ...خلاها على خاطرها اصلا مبغاش يحكر جات مزيان مجاتش احسن لان يوسف هبط لعندو هو وصهيب وفؤاد باش يكمي فؤاد على خاطرو تاهو ...داز الوقت والعراضة تاهي دازت بالضحك ونشاط ووصل وقت المغادرة بقات مينة فالفيلا حتى الغد ليه عاد تجي وترجع دوز الايام مع نوار ....
وصلو لازرو فالليل من بعد الغذا والماكلة الي كلاو عند دار المرابط نص فيهم مابغاش يتعشا والنص لاخور كلا شي حاجة خفيفة وكاين الي مرجعش من فاس وبقا يدوز الويكاند ...
نوار"هبطات من فوق من بعد ما بدلات هازا رواية وايباد ديالها ودفتر ونازلة لقات باها فطريق طالع " : بابا طالع تنعس ؟
ياسين :..."هز ايدها وحطها فوق قلبو وكمش مزيان حسات بقلبو تاهو كيزدح بجهد " هذا عامر بوحدة عطيتها كلمتي وهي والي معندي عليها لين ..."قرب اكثر باس ليها جبهتها وطووول فالبوسة تا حطات ايديها بزوج على صدرو وكمش ليها فايديها ورجع باس كفوفها واحد بواحد وشاف فيها " مية وحدة ووحدة تجي ومانساتني فيك ...عندي نوار وحدة الي كاينة… نزيدك ؟
نوار"حدرت راسها كضحك " : هههه بزاااف ...
ياسين"هز صباعو ودوز ليها على حنكها بلطف تا بورشها وطلعو معاها الفراشات فكرشها دغدغوها " : نوار الاصل والباقي تصنع وتقليد ...الكلمات لاخرة مشايفهمش لان الكلمة لولة مخلياني نشوف غير فيها الي هي نتي الحبيبة ديالي وديالي وحدي ...
كلمات من فمه خارجة من اعماق قلبه بمجرد مكتسمعيها كتحسي بيها صادقة فيها كمية حب ليست بالعادية فيها مشاعر كبيييرة معمرها تسالي ...فكيف لو تسمعات باذن الطرف الي كانت متوجهة ليه ؟ هنا نخص الذكر نوار الي كل مكيغازلها كتحس بقلبها فرفر بجهد ماشي تفرفيرة لولة ايام الزواج هادالمرة كتحس براسها طااايرة وكتزيد تاكد ان هي الي كاينة وفرحتها تكبر ولكن حزنها تاهو كيكبر لانها كانت فلحضات غضب شكات فيه لا بل كذبات صدق مشاعره اتجاهها ...
ياسين : ماعليش ..."حرك راسو ومشا مخليها مبتاسمة ودايرة ايدها على حنكها كتشوف فيه ودوك الكتاف الي عراض حب طفولتها وحياتها وزوجها سابق وولد عمها وكيموت عليها وبزاااااف ...وشخصية حرشة بلدية محبوب ومرضي وعصبي وغيور وكلشي فيه كامل مكمول فعينيها رغم العيوب ...ماحسات براسها حتى تنهدات بجهد ...
مشا اشرف دخل بزربة كيولول طار على واحد قرعة الما وكاس تم جايبهم حتى وصل عليهم لقاها جالسة وياسين واقف على راسها ...حط ليها القرعة وخوت ليها الما مدو ليها ياسين تشرب ...تكات على الكاس كلو حتى تنفست ورجع وجهها عادي ....
ياسين : شنو وقع ليك ؟
اشرف "قلبو هبط لسروالو ووقف " : انننن
نوار"هزات عينيها خطفات شوفة فاشرف ورجعات نطقات" : غير كنت كنكتب منساجمة حتى صونا تيليفون وتخلعت وكان جاي اشرف تا هو قفز معايا ههههه ...
ياسين"جا وقف ليها عند راسها وهضر غيييير بشوي ما غوت ما جهد صوته ما والو " : مابقيتيش مخلوعة ؟
نوار"طارت ونزلت ومضارتش عندو حدها حركت راسها "
ياسين : طلعو طلعو الوقت تعطل ..تت "حرك راسو يمين شمال ومشا هاد المرة دخل نيشان وطلع بيتو "
اشرف"شاف فيها رافع حاجبو وميت عليها بضحك " : اش قالو ا سخيفة حصلتي ووديتي خهههه ...
مابقات لقات مادير ومابقا ليها ماتبقى تكتب واصلا تعطل الحال والوقت لذلك هزات ايبدا ودفتارها وتيليفونها ومشات هي واشرف غادين ويتناگرو تا كل طلع لبيتو دخل ليه...حطات داكشي ومشات لمراية مشطات شعرها وضفراتو ومشات ل ماريو حيدات ديك بيجامة وهزات شورط ساتان وضوني ديالو حيدات سوتيان ...
نوار"حيدات سوتيان " : الله ..."حسات براااحة فاش حيداتهم وطبعا هادشي كلنا كنحسو بيها يعني حاجة بديهية هههه ...قادات فراشها وتلاحت فوق ناموسية هزات تيليفونها دخلات كتبقشش فيه هضرات مع صحابها الي تما فهامبورغ زملاء القسم ...حتى وصلها ميساج من ياسين ....
ياسين : غطي راسك غادي نعيط ليك فيديو ...
نوار"ضارت كتقلب بان ليها بينوار ديال ديك الي لابسة ناضت هزاتو ولواتو عليها وعقداتو وهي تكا وهزات الفون جاوباتو عاد صونا عليها فالبلاصة غييير هو ممستورش من فوق …
نوار"هزات نفس تا تنفخ صدرها وطلقاتها ونطقات " : من نهار وقع المشكيل فديك الفترة ولفت وتعايشت ولقيت راحتي تما ملي كل مشا فحالو ...."ياسين كيشوف فيها ويسمع ليها مركز مع كل كلمة قالتها" شفت حياتي تما ...انا ماعرفتش وماقلتش غاتجي هاد
الوقيتة ونرجعو ويمكن حتى نتا شفتي حياتك فالفيرما ومراكش وعرفت بانه عام ماجيتي لهنا حتى لعرس مينة ...يعني كل واحد فينا بدا كياسس فجهة اخرى ...دابا انا بديت تما حتى الى غانرجع بمرة خاصني بزاااف باش نقاد اموري ...
ياسين"حرك ليها راسو" : من حقك ...ماقلتي عيب ...
نوار : بزاف ما وقع كنت معمية وبزاف ما هضرت وضلمتك شحال من حاجة قلتها فحقك كنت ماواعياش او نقول ...
ياسين : كنتي مثايقاش ...
نوار"حركات راسها" : اه فحال هاكا ...
ياسين : وحدة ورا وحدة شلا وشوية من ضغط ...هضرة مزال طويلة بيناتنا ...ماتبغي لا تيليفون لا دق من بعيد ...راجعة عند مينة لفاس ؟
نوار : لا هي غاتجي ولكن بعد غذا غانمشي معاها نفوجو شوية ...
ياسين : ديك ساعة نجي لتما ونتشاوفو نهضرو براحتنا فين ما كان ...
نوار"حطات حنكها على ايدها وعوجات راسها كتبتاسم .." : غاتبقا هنا هاد الايام قبل منمشي ؟
نوار : كنديرها غير هاد يومين مع جري فالوراق وفاش جيت كنت عيانة ...صافي نديرها معاك ...
ياسين : حسن باش نهضرو براحتنا ...
قطعات معاه كل طفا ضو وتجبد نعس حتى رن التيليفون عند راسها وقت روتين خداتو تا وجدات راسها ولبسات سورفيت وسبرديلا جمعات شعرها كعكة مهملة وهزات تيليفونها وخرجات كانت ستة ديال صباح ...حلات الباب وهي تلقاه عاد خارج تاهو بتيشرت كحل وسروال تاهو كحل فيه باندة من عند الكعبة وداير كاسكيط جاي وكيدوز على لحيتو ويردد فالباقيات صالحات حتى وقف شاف فيها وشير ليها براسو تبعو من جيهة دروج لور وتما من تم خرجو بداو لامارش بزوج اول مرة ...
ياسين"راجعين من لامارش مشي " : ومراهقة فيها حنا دابا ...
نوار "ضحكت" : مزال كنهضرو ...
ياسين : الخواطر صافية ؟
نوار : صاافية وخا منهضروش ...
ياسين : ديما نهضرو ونعاودو هضرتنا ماليها حد هضري وعطي شنو عندك خلي ليسر ديالك يرتاح ويخوا الي جات فبالك قوليها شاركيني فيها...ديما بيناتنا هضرة وكلام ولغا وخا يبسال بيناتنا نخليوه منغم وحلو ولا مالح ولا حار المهم مشاركين كلشي منضرك ماضربني ولا ضرينا بعضياتنا نفكو مشكيلنا ...
نوار : كان خاصني نبدا البدية الي كيقول عمو فؤاد البدية الواعرة وهي الي غاتسرح طريق لكلشي ...
ياسين"وقف وشاف فيها" : فحالاش ؟
نوار "حدرات عينيها كتلعب فسنسلة ديالها وكتهضر" : يعني نبدا نقول اول كلمة منحبسهاش فخاطري كيما كانت وخا تكون معيورة عليها غانبدا نقول كلاام هو وكيما كان ونتقبلو انا وراضية عليه طورف لاخور كيما كانت ردة فعلو مهم انا ...
ياسين"حرك راسو بالايجاب " : كيما كانت الكلمة قوليها ديري فبالك ماغاتموتي ما غاتحبسي هي غير هضرة وكلام باش نفكو العقدة ولغام (لغام هما دوك القنبلات المزروعين فلارض مكيبانوش الى عفستي عليهم كيطرطقو)
وهما غادين وكيهضرو بزوج حتى نساو راسهم ولقاو راسهم وصلووو الفيلا حل عليهم العساس ودخلو كان يوسف خرج بكريييي سافر لدار البيضاء ولداخل كانو تقريبا كلهم الا يوسف ...دخلو لقاو الصالون جالشين فيه ومحطوط الفطور شي فايف وشي مزال ناعس ...طلعات نوار لبيتها تدوش وتبدل مخليا ياسين وقف عليهم فالصالون ولقا السلام ...
نجود "قربت ليه وهضرات غير بينو وبينها بشوي تا عطاها وذنو تاهو " : مجية نوار نوراتك ياك ؟
ياسين "رفع حاجبو " : كيفاش عرفتي ؟
نجود ؛ الزماان جاد عليا ودنيا قراتني راني جداك اوليدي ونعرفك من عينيك ..."زادت خفضات صوتها وفؤاد ضار عند يامنة كيهضر معاها يشغلها باش متسمعش " ياكما رجعتو تهضرو ...
ياسين"حرك ليها راسو " : هاحنا على مولانا ...
نجود : وسع خاطرك وكسبها جيهتك هما جوج كلمات معندها عليك لين ومعندك عليها لين تاهي بانت فيها وبدات توگض ووجهها يتگعد دير بالحساب وقريها وتاهي را تقريك كيما كان الحال صبر بزز منك كتبقى ولية ويلاه ناضت من مرضة ودازت عليكم بزوج ...وهنية عليك لا رجعتي مرتك حسن ليك ...
ياسين : نتمناو من الله يسهل علينا وكان ..."طبطب على ايديها " نتي غا دعي معانا وميكون غالخير ...هناي من هاد جيهة هي الي عندي وهاني معاها فالشدة والحلوة ...الي فات مات وهاحنا كنصلحو ونفرشو ساس صحيح فين نرجعو ...
نجود : الله يرضي عليك ...
ياسين"شاف فيامنة " : سخني ليا كاسي ...
يامنة : واخاا .."رجعات داك الكاس وكبات ليه واحد جديد هزو وناض خشا رجليه فسبرديلتو لبسها ومشا خرج برا جلس فالفوطوي جبد كارو شعلو كيكمي ...حتى صونا ليه تيليفونو من سالم ...
ياسين : خبار الخير ...
سالم : الخير الخير ...واشي ناس سولو عليك ...
ياسين : شكون ؟
سالم : واحد سيد قاليك من مراكش تاجر ..
ياسين : الى رجع عطيه نمرتي ولا يتسنا تا وكان نجي سيمانة جايا ...
سالم : واخا ...
ياسين : كلشي مزيان تما ؟ مكاين مشاكيل ؟
سالم : كلشي مزيان حد ساعة الحليب كيتدفع كل نهار واقف عليه جدك راسو وانا بين الارض والارض وديك الارض الي كتوجد فيها الفيرما ثانية ...
ياسين : المهندس الي تما بلغو باش يرسل ليا تخطيط ديالها ...ضروري ...
سالم : توصل توصل ...
قطع معاه كمل كاسو وكارو ديالو ودخل لداخل حط الكاس فطر ليه شوي عاد تم غادي لدروج طلع وفطريقو تلاقا بيها جايا شعرها مزال فازگ وحناكها مزنگين ...
ياسين : بدا الحال يبرد هنا مابقاش وقت تخلي شعرك باقي منشفش يلاه فاتك الحال كتقلبي على مرضة من جديد ؟
نوار : دغيا كينشف غانبقا غير لتحت مغاديش نخرج ...
ياسين : ردي بالك الله يرضي عليك ...
نوار : خارج ؟
ياسين : ندوش ونخرج غادي عند الحاجة ام سفيان ...
نوار : كترتاح عندها هههه
ياسين : زمان الحكمة وصافي (زعما امراة كبيرة علمها زمان الحكمة ) ...
نوار : يعني عارفة بحق الزمان ...
ياسين "دوز ليها على حنكها بصبعو" : هي هاديك ...
نوار: سلم عليها وديني عندها شي نهار ...
ياسين : ضروري ...
حركات ليه راسها مبسمة وهو يتم غادي طالع وهي نازلة حتى رجعات وعيطات ليه وصل لعندها بتساؤل ...
ياسين : خاصاك شي حاجة ؟
نوار : سولتك البارح واش غاتبقا هاد ليام هنا ؟
ياسين : مزال هنا حتى تمشي علاش ؟
نوار"كتشوفيه بعويناتها وقبل متنطق ضهرو بقع حمراء على خدودها من خجلها قبل متنطق وقربات لعندو وقالتها بزز باش خرجتها الي ليها ليها وهادي من الحاجات الي تعلمت تحاول تلوح الكلمة الي كتوحل ليها بزز باش تخزجها تقولها باش تولي تنطقها وتسرح ليها ..." : بغيتك تبقا الى مشيتي وطولتي غادي. ن نتوحشك بزاااف ...قالتها ليه قبل مايهضر نزلات كدردب مع دروج مخلياه كيشوف حتى عض شنايفو بجهد مالقا ليها جهد اما يقنت مها ميطلقها تايعيطو لصالحين ...
طلع لبيتو ودخل نيشان طلق رشاشة سخن دوش وخلا البخار مطلوق عاد مشا حيد حوايجو كلهم بقا ربنا خلقتنا وحطهم فسلة الوسخ (حشاكم) ودخل تخشا تحت منها غسل ودوش مزياااان كيغسل بباندوش ويشوف فداك الوشام الي فدراعو ...كمل وخرج لاوي عليه فوطة ولاخرا كينشف بيها شعرو مشا لماريو جبد تيشرت وسروال دجين حطهم ومشا لتيليفون هزو ودوز الخط حتى جاوباتو ...وهضرو ...
ياسين : معاش غذا ؟ ...مزيان ...
قطع وحط تيليفون فوق الكوميدينو يتشارجا ولبس حوايجو تقاد ورجع شعرو لور فيكساه عاد لبس فرجليه ورش بارفانو وهو يهز تيليفونو وكونطاكت وباكية الكارو وبريكي دارها فجيبو هي وتيليفون وخرج من البيت ونزل نيشان لتحت خرج وركب فطوموبيل وديمارا مكسيري خرج من الفيلا وشدها طوالة تالمدينة ومشا لدار الحاجة ام سفيان الي لقاها مستقبلاه بطرح بطبوط مريح بزيت زيتون الي رسليها حقها منو وبراد اتاي دايزو الكلام ...
من بعد ما سماو الله كلا حقو من داك البطبوط سخووون من المقلة لطبسيل نيشان وهادي هي عادتو ياسين مع هاد سيدة الي نقولو بالنسبة ليه هي اقرب صديقة الى ناس عندهم اصدقاء من عمرهم ياسين عندو صديقة من عمر مو او جداه صديقة جايبة ومدية فالزمان عارفة بحق دنيا حتى الى نصحاتك تنصحك بحكمة وعارفة كحل راس اش ممكن يخرج منو وكتوجهو لطريق الي تخليه يعيد حساباتو ويفكر ويدرس او يسمع ليها ويدير ديك نصيحة المهم تردو لعقلو بهضرتها الخاااترة وتنفعو بحكمها من نسا عارفة بحق العيالات وكيفاش كيفكرو ...
الحاجة"كملو الماكلة وهزات طبسيل داتو وجات كبات ليه كاس اخور عليه يتنغمو بالهضرة ...قادات زيفها ونضاضرها دشوف وشافت فيه " : الحياة تزرعات فيك من جديد ونور بان فوجهك ...كتنور ناس برضاك وسخاوتك وخيرك واحترامك ...كيفاش تا تنور وجهك ...
الحاجة : كان خاصكم بعد باش تشوفو الفجوة الي كانت بيناتكم وتعرفو بحق بعضياتكم تشوف همها وتشوف همك وتعرفو الغلط راكبكم بجوج وتريبو الي فات وتعاودو ساس وتبنيو ضالة الي تغطيكم لطول العمر ...
ياسين "دار ايدو على طقنو كيحك فيه وكيشوف بعييييدة وكيهضر" : كنت حلمت حلمة شفتها شحااال هادي ...مع حليت عيني اذن الفجر "رجع شاف فيها"
الحاجة : رؤيا هاديك ...خير وسلام ؟
ياسين "عاود ليها على الحلمة بكل تفصيلة فيها ..." : وجهها مواضحش كنشوف فيها حاس بيها نوار لكن ماشي هي ...
الحاجة : وقالت ليك وهي حاطة على قلبك الي هو ليسر ديالك على ماقالت غادي يضرب وهي الي شفتي قالت بنت بنوت ؟
ياسين"حرك راسو بالايجاب " : زعما ماشي نوار ؟
الحاجة : ملي شفتي نوار باش حسيتي ؟
ياسين : ليسر ضرب كتر من قبل ...
الحاجة "حنحنات ومصغرة عينيها كتفكر" : قلتي بنت سليماني شنو سميتها ؟
ياسين : صوفيا ...
الحاجة : على ماعقلت جيتي قلتي ليا هزيتي فيها عينيك بلا متشعر ...
ياسين : ماعرفتش كيفاش تا هزيتهم ...يمكن ضنيت...
الحاجة "كتهز فراسها" : يحساب ليك نوار الي دخلات فاش شفتها اولدي راها كتشبه ليها نيييييت وشبه كبييير بيناتهم ...
ياسين : ماركزتش ولكن عندها حركات فالهضرة قريبة لنوار ...
الحاجة "تنهدات" : شفتي فيها نوار من شوقك لنوار بانت ليك فيها هي ...ندوزو لتفسير لول ..صوفيا بنت بنوت باقي عزبة (عذراء)معمرها تزوجت هي بنت بنوت الي خلاتك ترجع تفكر وتفتح قلبك لنوار حتى ضرب من جد وجديد ليها ...ندوزو لتفسير ثاني ...
ياسين "صغر عينيه" : نوار ضحكات لبراني ومن غيرتي عليها رجعات خلاتني منفكرش تكون لشي حد من غيري ورجعت نرجعها ليا وهاحنا غادين ...
الحاجة : وضحكة غاديا وتبان على وجهك وهاهي ضحكاتك نيت هي ...
ياسين "تگعد مركز معاها" : كملي ...
الحاجة "بدات ليه بتفسير مرة اخرى على شكل تالي " : نفسرها ليك ثاني…بنت بنوت الي بغاتك ضحك كيف ضحكات هي …را كيف ضحكات فاش شافتك ضحكات مع البراني باش تنسي فقلبها وتصنع القوة وتحدى راسها حتى رجعات ضحكات ليك من قلبها. ومعاك ..شفتي بنت بنوت حركات ليك ليسر ...شفتي بنت بنوت (صوفيا) كتشوفيها من نوار نفس ضحكتها حركاتها رجعات حياة الي كان ناعس فسبات فيقاتو من الخمول (على قلبه)....بسبابها رجعات ضحكتك وعزمتي ترجع مرتك ولاصلك ...
ياسين : النص لاخر ؟ (زعما نص لاخر من الحلمة )
الحاجة "حطات ايدها على كتفو كطبطب عليه …بين حجبانها ترسمو خطوط عمودية وفاخر عينها وقفات دميعة نقيطة" : ندعي ربي يكون خير .…
بقا كيشوف فملامحها الي تغيرو وعلاش تغيرو حتى رجعات بيه الذاكرة لسيدة الي قرات ليه الكف ديالو تاهي تبدلو ملامح دياله والخوف والحزن بان فعينيها حتى ضارت هربت وليومنا هذا مابقاوش لقاوها !!! بقا كيفكر حتى استغفر الله وتعوذ من الشيطان لان داكشي كيبقى شرك بالله وشعوذات ....
ياسين : شنو تفسيرك ل انا حسن منها ،
الحاجة "حطات صبعها على عينها مسحات ديك نقيطة ديال دمعة وابتاسمات ليه" : هي نفسها نوار تبدلات وولا حسن من لول وهادشي لاحضتيه ...
ياسين : كلامها زيان على قبل الكياتة الي كانت فيها كبرات وزادت حلات كثر ...وليت من كلامها كنذوق ونستمذق ونتمتع على قبل وخا قبل كانت كلها كتعجبني وكلها باغيها بكلشي فيها ...
الحاجة : نضجات على ما قبل ...المشاكيل الي دزتو منهم والي جرا ليها زاد كبرها والى مكانوش مشاكيلنا يعلمونا را معمرنا نتعلمو ونضجو ...
ياسين "مابقاش حكر على نص الثاني بزاااف وقال" : النص الثاني من الحلمة على مولانا ؟
الحاجة "رجعو ملامحها تبدلو " : نترجاو الله الخير نتا انسان مؤمن كتصوم وتصلي وخلااااص الصدقة والخير مع الناس راك من صغرك ماشي بيه ...ايوى الي ضايرين بيك من اهلك وواليك تاهما راهم كيصدقو والصدقة كتلقا علينا البلاء والله يفرج وكان ...
ياسين : اميين امييين ...
بقا شوي كيهضر معاها شحااال تا حس براسو عمر دماغو من النصائح وخوا راسو من السلبية وريح دماغو عاد ناض استاذن باس ليها راسها وخرج رجع ادراجو لفيلا لقا باه خرج طلع لفاس ...
يامنة : طالع لفاس ؟
ياسين : غادي نشوف اركان ...
يامنة : جااا مسكين ...
ياسين : جا الموسم دراسي هذا ...
يامنة : سلم عليه ودير شي نهار محدك هنا عرض عليه هو ومرتو عندنا وخا غير لغذا ...
ياسين : نيت شحال ما كلا تبن ...
يامنة : ههههههه حرام عليك ...
ياسين "حرك راسو" : ضروري ضروري نعرض عليه ...
يامنة : نهار الخميس يعني بعد غذا غادين لدار سليماني راك عارف ...
يامنة : صهيب غايدي سارة لدارهم شي حد من عائلة باها مات ...
ياسين"كمش حجبانو " وايلي ياكما الحاج مغيث ؟
يامنة : واه هو ولدي ...نهار لاربع غاديا تعزيهم وتجي مدرسة ولدهم سيمانة جايا دغيا دير الواجب وترجع ايوى ملي غير نتافقو قالت حتى تحضر لشي الكبير ونيت قالت ليك منكثروش على ناس وحنا كثار تبارك الله هههه
ياسين : ونوار غاتبقى وحدها ...
يامنة : نوار مشات عند مينة شداتها تبات معاها ليلة وماتجي تال بعد غذا بالصباح عيطو ليها مالين طرجمة لشي خطأ تبقى تتقادو وترجع نيشان تمشي معانا ...
زاد فالسرعة مد ايدو دوز ليها الخط يتاصل بيها لكن التيليفون طافي ...عاود وعاود والو طافي ...
ياسين : تت..."حك لحيتو ماعرف مايدير فين يسول عليها ...يعيط لمينة مكاين لاش ومزال معارفينش راهم تقريبا كيرجعو لبعضياتهم حيث هو لحد الان مزال مطلبهاش لرجوع بالحلال ...كي غايدير يسول عليها وماجاتش وخا بنت عمو را غير سؤال من بعيد يعطيوه خبارها ...شاف تا عيا وشدها طواااالة غادي بسرعة حتى وصل لفاس ودخل المدينة تا وصل لدار اركان غير صونا ليه وهبط عندو ...
اركان "تسالم معاه بعناق رجولي " : العشير ليك وحشة ...طلع طلع ...طلع اركان وتبعو ياسين حادر راسو تا حل باب البرطما ودخل لقا سلام بصوته ردات عليه مرات اركان من بعيد عاد دخل لصالون هو وياه …
لبسات حوايج ديال الخروج وهزات صاك فجنب فيه تيليفونها ولبسات فرجليها صابو مديكال وخرجات من البيت كتجمع فشعرها لفوق بمقبط وكريشتها باينة من كسوة زرقة الي لابسة مفضفضة من تحت وفوق منها فيست دجين قصيرة ....لقات الغذا كيتحط وجلسات حداهم فالطابلة فالمقدمة ايلاف وراوية وجاد ...جاد الي فتح الحديث وهما قالو بسم الله كيتغذاو الحوت الي كان فالغذا ديال اليوم ...
جاد : امي ...غذا صباح غانتيسر ...
راوية : صافي اوليدي سخيتي ؟
جاد : هههه والله مكرهت ولكن راك عارفة ...
ايلاف : الله يرضا عليك ابني دراستك اولى ...
راوية : مشفتيش خوك ؟
جاد : شفتو البارح بقيت معاه فدارو وخرجنا ضرنا تا رجعت ...وليوم يقدر نشوفو ..
راوية : ايوى صافي ...
صفية : احم ...
راوية "شافتها " : كولي بنتي ...
صفية : كناكل كناكل عجبني الحوت الي درتي ...
راوية : هههه بصحتك ...
ايلاف : شو طالعة لفاس ؟
صفية "حركات راسها" : غادي يوصلني شيفور عند مينة نيشان ايلاف"شاف فراوية " : شو مو رايحة معها ؟
راوية : عندي شي خدمة لشركة بزاااف داخلة معاهم فحساب ديال لانفونطيغ خاصني نكملو معاهم ...حتى خطبة الحبيب مغادياش ...
ايلاف : انا بخطبة الحبيب عندي سفرة لموسكو ...يلاه بالخطبة الكبيري بنروح الله يبعتلو الي فيه الخير ...
راوية : اصلا غير عشا خفيف باش يتافقو وصافي الخطبة كنضن من بعد خمسطاش اليوم على ما قالت والى تاافقو را هي هاديك يكون كلشي ...
صفية "مسحات وناضت مخلية صاكها تا مشات غسلات وهي ترجع " : انا مشيت ...
صفية "ابتاسمات" : غير يومين عند مينة ونجي را معايا تا نوار ...
راوية"حطات ايدها على كريشة صفية " : وتهلاي حتى فولدي ...
صفية : كوني هاانية ...
راوية : يلاه سيري "مشات ركبات وهي تعيط لشيفور وصاتو عليها ويمشي بالمهل ورجع كسيرا وخرج زاد مسافة الطريق حتى كانت في فاس بالضبط امام فيلا مينة الي صونات ليها وخرجات عندها تلقات ليها هزات معاها صويك صغير ودخلات لداخل ...
نوار"كانت فالكوزينة لتحت فلاكاف ..مسحات ايديها بالفوطة كانت غير بضوني وشورط صافي مشات كتبتاسم تال عند صفية سلمات عليها" : صف صف جيتي ..
مينة "طفات تيليفون صفية " : فيكس خدام وعاطية تعليمات لرياض الى شي حاجة مهمة شيفور ولا العساس يقوليا شعليه ...خليييينا نبعدو على العالم ريحي دماغك انوار بابا وماما عارفين عارفة اش كندير الى ماكان عندك شي حد ضروري تهضري معاه حبيب ؟ گري ؟
نوار : هااا …م و صافي ديري الي بغيتي "ضارت غاديا وتتبغم بالحس" وياسين اش ندير دابا يتخلع ...
مينة : شكون الي غايتخلع ..
نوار"قفزت تا لاحت الفوطة" : واااالو والو ...ناري ...
هزات تيليفون صفية وداتو مع تيليفونات فين مخبياهم ايييوى جلسات نسائية وحديث نسوان بيناتهم فكرات فيها مينة منها تفوج عليهم بزوجات لان كل وحدة فيهم خاطرها اكفس من لاخرا على حد عليمها فكانت فكرة منها تخرجهم على مود الحزن والواقع الي فيه وتعزلهم فعالم نسوي بيناتهم ....مشات نوار تكمل شنو كتدير الي اصرات هي توجدو بايديها وبالها مشغول على ياسين الي غايكون عيط ليها ولا خلا شي ميساج ....بقا بال العاشقة مع معشوقها ...
بقات مدهية مع الگوتي الي كيف قلت اصرات هي طيب وتوجد من حبها لطبخ الي تزاد عندها اكثر والي كانت كتعلمو فالمانيا جاب نتيجة كان من ضمن الاعمال الي كانت كتنسي بيهم وتنفس على راسها كتصايبو بايديها معتامدة اولا على كيكة الي بدات بيها اللولة ...حتى جات صفية لابسة غير كسيوة قصيرة بسمطيات فالاسود حد ركبة مفضفضة ..
نوار"حركات راسها" : هي هادي ...الي فيها كاس تمر مقطع وكاس گرگاع مهرمش وكاس دقيق وثلاثة البيضات وفيها معيلقة قرفة مطحونة ومعيلقة سكينجبير وقبصة الملح وزوج خماير حمرين ونفس الكاس سنيدة وتاني نفسو معامرش ديال زيت خلطيهم بشوي وديريهم فمول مدهون بزبدة ومرشوش بدقيق ودخليها فران ...ردي بالك عافية مهيييييييلة خليها ساعة لاروب عاد طلي عليها غاتلقايها طابت قلبيها ومن بعد خرجيها وذهنيها بشكلاط دايب مع دانيت خليطهم ودهنيها بيهم ورشي عليها گرگاع مهرمش وبصحة
صفية : اححح تشهي ...
نوار : هههه كتشهي ولكن نتي متاكليهاش حيث هي فيها قرفة وسكينجبير وكركاع ممزيانينش ليك حاملة وتمر كتر كيسهل لولادة بزاف ونتي مزال عليك الحال ...
مينة : اتبااارك الله على دكتورة ختي ...
نوار"طلات عليها وصغرت فيها عينيها" : راني بنت دكتورة نسائية وفاش كنت فالمانيا كنت كنضل نقرا ونبحث فاي حاجة هادشي راك عارفاه فيا غا ملي تزوجت مبقيتش كنقرا كيف كنت ...
نوار"هزات المول فيه الكيكة ودخلاتو لفران كيف شعلاتو دخلاتها ليه حيث خاص فران يكون بارد تحطي فيه كيكة عاد تشعليه هذا سر من اسرار باش كيكة تصدق ليك ...نقصات عليه وضارت عندها" : معندي مندير ليك واعرة عليك ...نعوضها ليك بمسمن شحمة ؟
نوار: كحكح " : لا كنهضرو عادي سلام وتسوال يعني عادي ...
صفية : هادشي الي سولت مزيان انوار بعدا باش ميبقاش جو مشحون بيناتكم وحتى العائلات بزوج ...
نوار"تبينات ليها بحنان" : نتخاصمو تنعياو وعائلتنا عمرها متفرق على بعضياتها حيث هادشي تربينا عليه هو لول الاحترام ومنهزوش العين فالي كبر منا داكشي باش صعيييب نتفرقو ولا نتقلقو من بعضياتنا ...
صفية"ابتاسمات ليها"
مينة : تماااما ...
رجعو يهضرو ويدردشو تا كملو وجابت مينة شيبس ومرافقات وموناضة ولصفية عصير كاس كبير تبقى تكب تتشبع وغير من سعد البول طبعا هههه ...دارو فيلم فبلازما فصالون قد سخط ...اما فالجهة لاخرا من مدينة فاس خدام كيدور فشوارع ويعيط ليها والو تيليفون طافي ...بقا هكاك حتى رجع لفاس فوقت معطل بزاااف وطلع لبيتو تلاح نعس ....
صوت العصافير واصوات غيرها كتعلن على بداية يوم جديد فاق كيف العادة صلى الفجر ورجع لبس حوايج لامارش وخرج يديرها هاد المرة مع باه ورجعو بزوج دوشو وهبطو يفطرو عاد خرج يكمي ومن تم زاد بطوموبيل وهكاك نفس الشيء كيعيط والو تيليفون طافي هنا زاد تقلق اكثر وتفقص بغا غير يسمع صوتها ...ماعرف مايدير سوى يعيط ليامنة تعتقو ...
يامنة : لا لا نسيييت هههه را طافيين تيليفونات على ماقالت ليا يسرى بغات تبقا مينة معاهم هي وصفية مجموعين عندها مخرجوش هما من دار كاع ومخارجينش تال غذا فالصباح عاد تطلقهم ههههه شدات ليهم تيليفونات وطفاتهم وتعزلو على دنيا قاليك خليهم يرتاح راسهم خصوصا نوار ...
ياسين : مالها نوار ؟
يامنة : راك عارف ترتاح شوي غير مقلقة بلا مندخل فتفاصيل ...
ياسين : مزيان ...يلاه نقطع عندي موعد مع ديرماطو ...
ياسين : متسناونيش لعشا ليوم معطل شوي عندي شي خدمة مع اركان ...
يامنة : وااخا ولدي ...
قطع معاها ورااااد مكسيييييري حتى وصل لفاس وصل مع توقيت الموعد نيشان ...اما فجيهة الفيلا عند مينة اش نقول منقوووول وحدة ناعسة فوق فوطوي كرشها عريانة وحاطا ايدها على وجهها ولاخرى ناعسة فلارض مفرشة ليها مينة ودايرة ليها ناموسية ديال لارض كتهز خفيفة حاطا ايدها على كرشها وحلا فمها ...
حتى جات مينة كتنوض فيهم وحدة بوحدة ناضت نوار كتحك فعينيها وتفوه ...اما صفية بقات حالا عينيها ومتكية كتسنا توگض ...
نوار : بغيت ندوش ...
مينة : طلعي لفوق لبيتي راني عاد دوشت تلقايه باقي سخون حسن ليك ...
نوار"حركات ليها راسها وناضت كتحك فضهرها وكرشها وغاديا مهدولة وشعرها مشعكك هههه دوزو سهرة صباحي تلاش من وقت عاد نعسو اما صفية سبقاتهم هاديك مع دجاج ...طلعات لبيت ختها دخلات دوشات وخرجات بذلات حوايجها لبسات بيجامة فوق ركبة وسماطي فيها رسوم فالغوز وبيض وبقات تا نشفات شعرها
بسوشوار باش ميضربها البرد وتسمع المخلل والمنقي خيارو من معا وباها وسي سيد ياسين ...عاد نزلات لقات مينة كتوجد الفطور ومشات جمعات الفراش ونقات دنيا وهوات لتحت ...تحط الفطور ....
نوار"كتحك فراسها وتدور فعينيها وتقلب وما قاداها بلاصتها كي ديييييير ؟ " : مينة امتا تعطيني شقفي ؟
مينة : غذا فاش تمشي عليا فحالك وهنيني "هزات فيها عينيها مخرجاهم بابتسامة " بلا منعاود الهضرة وتعاويذ الهضرة غير كترة لغا بلا فايدة ...
صفية : يا والله الى تهنية تهنية تهنية راسي مغايبقاش يتبخ ومبعدة من اي حاجة غير خالتي وعمي الي شاطنيني ملي عارفين صافي خليني نتعزل ماديت من دنيا غير الهم خلي الي فكرشي يعرف را كاين الهدوء يرتاح تاهو ...
مينة : شتي ناس الي كتقلب على راحة ...ورتاااحي انوار ريحي مخك الله يرضي عليك مابغيتش نتقلق عليك ...
نوار : را راحتي هي الى شعلت تيليفون كاين من يريحيني ...
حدرات نوار راسها كتشرب فحسوة الصباح بالذرة مع الفطور الصباحي وفي نفس الوقت مزيانة لناس الي عندهم فقر دم ...ايوى هي بالها مشغول واحد سيد وصل وقت الغذا وبالو معاها مشطون تاهو امتا يوصل غذا وتحل داك شقف ويمشي لدار المرابط يدق عليهم وهما نسا وحدهم اييييوى ....
ياسين "خشا تيليفونو فجيبو بالنترة " : تت فاك ...
اركان : امالك شي باس مكاين ...
ياسين : سوقك ؟
اركان "ضار عند صاحبهم عماد حيث كانو فريسطو كيتغذاو صحاب مع بعضياتهم " : سمعتيه ؟ قاليك سوقك ...
الشوق كيزيد كانو كل نهار كيتشاوفو فهاد الايام حتى فلحضة مفاجئة غبرات عليه ونقصات يومين من الايام الي كان معول يبقى يشوفها فيها قبل متمشي لالمانيا ...الجلسة كلها مع صحابو تغذاو وناقشو فريسطو ...
عماد : يومين نعطيك المفيذ ونقوليك مسبقا غير هنا من جيهة سي اسامة رمسيس عندي"حط ايدو على صدرو" ...
ياسين : يعمر داركم ...
هز تيليفون تاني كيشوف فيه لا يكون شي ميساج مالقاهش وحطو صافي مباقش عاود يتسنى حتى تجي على خاطرها ....
وصل الليل تاني هبطات صفية من دوش دايرة زيف حياتي على شعرها وحناكها بغاو يطرطقو بسخونية شادة كرشها ونازلة تلهت تا جلسات فالوفوطيات سرحات رجليها جات نوار حطات ليها مخيدة تحت من رجليها ...
صفية : فيا جوووع ...
مينة : ههههه هاهو وجد ...
صفية"طلات" : انعاونكم ؟
نوار : لا طاب صافي غيير رتاحي نتي ...
صفية : شنو درتو ريحة كتشهي ...
نوار : لازانيا بالكفتة ...
مينة : ومكترة ليك فروماج يا لاااالة ...
صفية : الله يعطيكم صحة غانساليو هاد اليومين حتى نخرج قد الفيل ...
مينة : بصحتك ههههه
حطو المول كبييير ديال لازانيا وحطو طباسل وفراشط وقادو طابلة حطو الموناضا وعصير لصفية قطعو لكل وحدة سماو الله وكلاو سالاو وحطات الماعن فماشين خلاتهم يتغسلو ورجعو تاني يسهرو على فيلم ويدردشو تا دازت بيهم عينيهم واولهم صفية ...لكن هاد المرة كل طلعت لبيت نعسات…
فوقت متاخد من الليل نقولو زوج ديال ليل كيتسمع طراااق ما طراااق ..
نوار"كي دلفينة سايحة نعل الي سمع "
عاود تاني طرااااااق ....
نوار"كتشخر اسيدي كاااتشخر غا سير "
جا عندو العساس ووقف عليه سنا ليه ضو البيل على وجهو ...
العساس : كتبان ولد الناس شكون نتا ؟
ياسين : سير الشريف كمل العسة مديهاش فيا ...
العساس : وايلي را خدمتي حيد من هنا ولدي علامن كتشير بالحجر ؟
ياسين "رفع فيه حاجبو " : تيسر الحاج ..
العساس : نعيط البوليس ...
ياسين"بهدوء" : من حقك ...ولد عم مينة وراجل ختها ...
العساس : وياولدي دق من الباب ياويلي ...
ياسين : ونا كرهت غير عطيني الحل انا معاك ..."العساس اصلا فاش سنا عليه شاف وجهو وتفكرو را جا عندهم شحال من مرة وكيجي مينة "
العساس : كاينة مرتك هنا ؟
ياسين : كاااينة وهي علاش داير هاد تا مراهقيت والله يصلح الاحوال ...
العساس"بنص عين " : شلا وحش ...
ياسين"حرك ليه راسو"
العساس : الى ختها يمكن جيهة لاخرا هادي البالكون ديال بيت سي رياض ...دور من جيهة لاخرا ...
ياسين"كان بقميجة كحلة مزيرة عليه حل صدافي فوقيين وحك صدرو من فوق وعض شنايفو بواحد الطريقة تهبل كلها رجولية وعسل فيها عينيه " : هبطي راني توحشتك وقتلني الوحش من جيهتك ... عذبتيني ازينة ليسر عندي (قلبه)
نور الياسين الجزء 40
محتوى القصة
التنقل بين الأجزاء