اصبحنا و أصبح الملك لله فاقت خاطرها مروع نفس السيناريو كيتعاود معاها ناضت للطواليط دغيا كترد و كتمسح الدم لي كيخرجلها من نيفها صافي عياات كل مرة هاكا و قررات تمشي للطبيب تشوف اش بيها ..خرجات من دوش لبسات حوايجها و هبطات لتحت تفطر مالقات حتى واحد عاد شافت يوسف و فيروز هابطين من دروج و جلسو يفطرو
فيروز: احم صباح الخير حنان
حنان: صباح نور شفتك خرجتي من بيتك صافي تشافيتي
فيروز: اه الحمد لله بيخير ولكن كيبانليا خصك تعالجي راسك حتى نتي
حنان: علاه مالي انا
فيروز: ضعافيتي و وجهك ذبال و عينيك زورق من لتحت
الزنبقة: فيروز عندها لحق احنان هادي مدة و انا كنلاحظ بلي صحتك نقصات و زيد عليها كترعفي ديما
حنان:(خنزرات فيه) علاه لي عايش فهاد الدار غادي يبقا بصحتو و زايدون مكنتسناش منكم تقولولي اش ندير انا كنت غادية عند طبيب
فيروز: انا غير راعيتلك باش نهار عرسي انا و يوسف تكوني منورة
حنان:(معنقاها و كتجر فيها ) يالاه نمشيو لدار (ركبو اللور و طول طريق حفيظة كتبكي و ختها كتسكت فيها حتى وصلو للدار و دخلو لبيتها) واعافاك سكتي قطعتيلي قلبي
حفيظة: انا منقدرش نعيش بلا بيه انا نفرط فكولشي غير ارجعلي فهد اهئ اهئ ظلمني اهئ اهئ مادرت والو
حنان: شنو دااارلك عاوديلي و الله او نتلاقا بيه غادي نوريه باش مايعاودش ابكيك
الزنبقة: اصبري بعدا غير نفهمو اش واقع و ديك ساعة انا نتفاهم معاه
حفيظة: اهئ اهئ انا لي غلطت ماشي هو انااا لي ضيعت كولشي انا حماارة
حنان: سكتي من لبكا و عاوديلي
حفيظة:(كتعاودلها كلشي من الالف للياء و هي كتبكي و تشهق حتى سالات)
حنان:(بأسى) اش درتي احفيظة اش هاد المشكل ياربي
الزنبقة: فهد فاهم لبلان غلط و لكن تصروفاتك اكدوليه العكس
حفيظة: اهئ اهئ صافي طلقني دابا ماغاديش اسمحلي
حنان:(عنقاتها) اكون خير تهدني كلشي كيفوت
حفيظة: غااااادي نموووت احنااان اهئ اهئ
حنان: نتي غلطتي و دابا ماعليك غير تسناي دابا يرجع اهضر معاك
حفيظة: و الى مارجعش اهئ اهئ هو طلقني
الزنبقة: انا غادي نهضر معاه
حفيظة لا صافي خليوه على خاطرو اهئ اهئ
حنان: مسحي دموعك من لبكا و نعسي ترتاحي شوية راك عيانة
حفيظة: (كتحركلهاراسها باه ) بقاي معايا
حنان: واخا (شافت ف الزنبقة و هو فهمها و خرج و سد لباب و هي تكات حداها كتلعبلها فشعرها و كتسكتها)
حفيظة: تبدلات حياتنا بزااف توحشت الكاريان ياريت بقينا فيه ندمت ندمت بزاف على شنو كنت كندير
حنان: (تنهدات) كنا عايشين هانيين واخا صعيبة الحياة ولكن كنا كنتقاتلو مع زمان كلشي تبدل نهار عرفنا شناهوا الحب لي حرق قلبنا توحشت الكاريان حتى انا و ياريت ماتبدلاتش حياتنا (شافت فيها لقاتها ناعسة و باستلها راسها ) ….
خرجات من لبيت و هي تلاقا مع حورية كتهضر مع يوسف
حورية: بب صافا (سلمات عليها بلابيز)
حنان: الحمد لله و نتي
حورية: حتى انا قالي يوسف جات حفيظة ناري توحشتها
حنان: اه جات و راها ناعسة دابا
حورية: انمشي لعندها
حنان: اوك حتى نلحق عليك
حورية: اوك(مشات)
الزنبقة: يالاه نمشيو للطبيب دابا
حنان: بلاش خليها مرة اخرى مانخليش ختي بوحدها
الزنبقة: ماغاديش تبقا بوحدها راه معاها حورية
حنان: هي محتاجاني انا ماغاديش نخليها خصوصا انها معارفة حتى حاجا عليك و على فيروز
الزنبقة: كان عليك تقوليهالها
حنان: شنو نقولها بلي راجلي ايتزوج عليا
فيروز: و شنو اديري تخبي عليها
حنان: (ضارت لعندها) ماعلموكش واليديك الى تصنطتي على شيواحد راه حشومة
فيروز: كنت دايزة من حداكم و سمعتكم و زيد عليها الهضرة ضايرة عليا و من حقي نهضر (شدات فيد الزنبقة) او لا احبيبي
الزنبقة: اه ابب عندك الحق
فيروز: كلشي خصو يعرف بلي قريب انولي مدام موقاديري
حنان:(تنهدات) بعدي على حفيظة و صاف و شي لاخر ربحي بيه
الزنبقة:(حيد يدو من يد فيروز ) انا عندي خدمتي انمشي دابا باي
حنان: انا وافقت نمشي معاك ولكن فيروز علاش اتمشي معاناا
سراج: هي لي قالتهالك
حنان: اه هي و مادام كتخبي عليا مابقيتش انمشي باي
سراج: لا لا صبري سمعيني اش انقولك راه منين عطا الزنبقة الكوهينور لفيروز و جابتهالي مابقا عندها مادير مع يوسف و تقدر تمشي ولكن انا على قبلك قلتلها تصبر باش فوقما رشقاتلك انمشيو
حنان: ولكن انا مابغيتهاش تمشي معانا
سراج: صافي ماغاديش تمشي معانا غا تهناي قليلة عرسها هي و الزنبقة انصيفط لعندها رجالي يهربوها و تمشي ديك ساعة فينما بغات و انا وياك انمشيو لبلاصة ماعارفها حتى واحد
حنان: اممم واخا
سراج: يالاه غير ماتبقايش مقلقة
حنان: عرس يوسف سيمانة الجاية
سراج: مابقا قد مافات و اتهناي من هاد لكابوس
حنان: و غادي نرد دقتي (قطعات عليه و دخلات للفيلا مشات لبيتها لقات حورية جالسة ) فين حفيظة
حورية: فدوش
حنان: فيقتيها
حورية: اه باش مايتخربقلهاش نعاس حتى ليل و تنعس
حنان: كانت عيانة منين جات حيت تخاصمات مع فهد و قالتلي طلقها
حورية: اويلي اشنو واقع
حنان:(عاوداتلها) دابا هو فاهم غلاط و حتى هي مادارت فيها مايصلاح
حورية: موشكييلة هادي المهم دابا خاصها تنسى اش وقع و تبدل الجو شوية و ان شاء الله ايتحل المشكل
حنان: الى كان كيبغيها راه غادي يتحل و ايرجع لعندها
حورية: لي مكتابين لبعضياتهم عمرهم غادي يتفارقو
حنان: اه عندك الحق
حفيظة:(خرجات من دوش ملوية عليها فوطة و كتنشف شعرها)
حنان و حورية مصدومات من الوشام لي دايرة حيت عاد شافتو حنان طول الفترة كانت حفيظة كتخبعو فاش كتلبس حوايج مستورين و هاهي تفضحات دابا
حفيظة: مالكم كتشوفو فيا هاكا
حنان: اش دييك لفضييحة فصحتك شكوووون دار فيك هاد لفضيييحة
حفيظة:(عاد نتابهات للوشام و بقات كترجف) خليني غير نشرحلك
حنان:(حيدات سبرديلتها و شيرات عليها) يا القحبة بقا لمك غا لوشااااام ضسرتي
حفيظة:(نقزات و تخبعات مور حورية) لميييمة احنان ماضربيش خليني غير نشرحلك....
حورية: أه و يالاه نديرو شوبينغ غير لبسي حوايجك نيت
حفيظة: واخا (هزات لحوايج و مشات لدوش لبسات دوبياس فلبيض و صابة كحلة و تيشرت بيضة و سبادري بيضة و خرجات عندهم) يالاه نمشيو
حنان: يالاه
حورية: سبقوني انمشي نجيب كارط غيشي ديالي و نجي
هبطات حنان و حفيظة لتحت و حفيظة غير كتبركك بعينيها
حفيظة: دارك زوييينة احنان
حنان: منين جاها كلها كحلة بحال سعدي
حفيظة: بالعكس راجلك عندو الذوق و كبييرة ويلي شوفي غير جردة كيف دايرة ايجريو فيها الخيول
حنان: كاين اسطبل د لخيول
حفيظة: هادشي واااعر احم بغيت نسولك فين هو شاكمة
حنان: راه كاين فانجلترا كيقابل الخدمة د يوسف
حفيظة: اااه مزيان مكتهضريش معاه
حنان: بدل نمرتو و قالي يوسف بلي خدمتو سرية بلا منهضر معاه
حفيظة: اه اوك (ضورات وجهها و هي تشوف فيروز جايا عندهم) و شكون هاد زعرة
حنان:(عضات على شنايفها بعصبية) فيرووز
فيروز: اهلا نتي خت حنان مرحبا بيك عندنا
حفيظة:(بابتسامة) ارحب بيك الخير و نتي هي رئيسة الخدم ياك
حنان:(نفاجرات بالضحك) هههههههههههههههه تماماااا
فيروز:(تقرصات) بزااف علييك انا هي الكل بالكل هنا
حفيظة: (ربعات يديها) كيفاش الكل بالكل انا كنعرف حنان هي مولات الدار
فيروز: علاه ختك حنان ماقالتش ليك
حنان: فيروز بدلي ساعة بأخرى يالاه نمشيو احفيظة
فيروز: لا لا خليها تعرف الحقيقة ولا كتخبي عليها
حفيظة: اشمن حقيقة احنان اش كتقول هادي
فيروز: انا هي مرات الزنبقة السابقة و دابا تجمع شملنا ورجعت خطيبتو و سيمانة الجاية انكون مراتو احبيبة
حفيظة: هاويلي اش كتقولي
حنان: صافي رتاحيتي اوا قودي من قدامي
حفيظة: واش بصح هادشي احنان و نتي خليتي هادشي اوقع
حنان: اه بصح و ماعندي ماندير
حفيظة: لا مزياااان تبارك الله
فيروز: و مرة اخرى تعلمي تهضري معايا مزيان
حفيظة:(عويشة كتشطحلها فوق راسها) اييه ماقلتي عيب (طارت عليها لشعرها نتفاتها و كتريش فيها) و ياك القحبة دخلتي بين ختي و راجلها و كتقوليها بوجهك حمر ياكما كيحسابلكم هاد لبنت ماعندها حد راااااه عندها ختها
فيروز: طلقي منييي اهئ اهئ
حفيظة: ليووووم اسمعو خبارك جيران
حنان:(بعدات عليهم و كتشوف فختها كتنتف فيروز و كضحك) هاديك عطي لمها
الزنبقة: اوك (كيشوف ففيروز كتبكي) و لاش جبدتيها نتي
فيروز: اهئ اهئ انا غير قلتليها بلي انا انولي مرتك
الزنبقة: صاااافي حتى مانكونش عارفك تحركي من قدامي سيري قادي حالتك تفووو صبحنا على الله (مشا)
حورية:(ركبات فطوموبيل ديالها و هي تشوف ف لبنات. و هوما يطلقوها بضحكة) هههههههههه اناري كيدرتيلها بردتيلي قلبي
حنان: ريشاتها ههههههه
حفيظة: خلي مها و كل مرة انتلاقاها انعصيها هههههه
حورية: تبرا منكم يوسف
حفيظة: تفو كرهتو ماتما بلان دار (شافت فختها ) و نتي صابرة عليه
حنان: قالك كيبغيها و بغا يتزوجها و قلتلو طلقني مابغاش ولكن يا مهم حتى انا ماغادي نخرج من ديك دار حتى نفدي فيهم لقديم و جديد غا صبري
حفيظة: عطي لمهم
حورية: ههههه المهم نساو علينا هادشي ليوم انفوجووو على قلبنا و ماغادي نهضرو على حتى شي قواد فهمتوو
حفيظة: اه انا اصلا خاص نساه حيت صافي طلقني و عمرني انعاود نشوفو
حنان: صافي نساي الهم انساك ههههه
حورية:(كسيرات) هههههه يالاه
مشاو للمحلات و بداو كيقيسو شنو بغاو و كيضحكو و يقشبو كيحاولو انساو اش بيهم و همهم لي غير زايد شراو كلشي و مشاو لمطعم كيتغداو و يتعاودو و يضحكو و شوية يتقلقو و يعاودو يضحكو
حورية: هههههه كرشي كضرني بكثرة الضحك
حنان: انا بقاتلي فبالي غير نتفة لي نتفاتها
حفيظة: اصلا عارفة راسي عيشورية واخا نمشي حتى لميريكان هههههه
حورية: اوا زيدو نمشيو الربعة هادي
حفيظة: اووف مابغيتش نمشي لتماك
حنان: حتى انا
حورية: زيدي راه ايغوت علينا يوسف
حنان: مالو شغلووو
حفيظة ؛ واييه حنان شنو بانلك نمشيو لدار لي كان عطانا معتصم
حنان: والله حتى فكرة زوينة ولكن ماعندناش ساروت
حفيظة: الى كان عقلي ينفعني كنت كندير واحد اللعبة ماعرفتش واش باقيا ولالا يالاه نمشيو
حورية: كيفاش اش انديرو فديك دار و فوقاش عطاهالكم معتصم
حنان: كتعرفي معتصم؟؛
حورية:(بلعات ريقها) اه راه عم يوسف
حفيظة: غادي نباتو فديك دار تبعوني
ناضو خرجو و مشاو للدار و وقفو قدام لباب و هبطات حفيظة كتحفر شوية ناضت
حفيظة: لقيتها فين حطيتها بقات ههههه
حنان: كنتي كدفني الساروت ماعندي مايتسالك ههه
دخلو للدار و شعلو الضو لقاوها كيما خلاوها
حنان: خاص نقيوها
حفيظة: اه (حلات ثلاجة) و خاصنا الماكلة
حنان: حورية سيري نتي تقضاي الخضرة و كاع داكشي لي نحتاجو و انا و حفيظة انديرو الميناج
حورية: اه صاف واخا
في ايت يوسي كيكو كان الهرج باقي خصوصا فاش سمعو الناس بلي المير تزوج و عرسو هاد سيمانة و دارهم كاع مكتخوا من الناس كان كل واحد مشغول حيت عمر ليوم اياخد مايا لدارها وجدولها الخيل لي اتركب عليه و العاةلة لبسات حوايجها و كيطبلو و يغنيو ... دخل عمر عند مايا
عمر : اتاسانو (كيطلعها و يهبطها حيت لابسة كسوة دالعرس) جيتي زوينة
مايا: زوينة فعينيك احوبينو عمر قولي فين اتديني
عمر: ماتخافيش ماغاديش نديك لقبيلتي حيت مابقات كتجمعني بيهم حتى حاجا و انا بعت كلشي لي كنملك تماك و شريت فقبيلتكم فيرمة كبيرة و دار فوسطها و اتعيشي معززة مكرمة
مايا: هادشي كاملو على قبلي
عمر: و مازال اتشوفي كثر و كثر (شدلها فيدها و خرجو من لبيت و لعيالات كيرميو عليهم الورد و ماء الزهر و كيزغرتو و يغنيو ركبها فالخيل و غادي بيها لدارهم و عائلتها فرحانة بيهم و تابعينهم من لور هازين الهدية)
معتصم: موحى غادي نصيفطك لكازا تجيب لحوايج لبنتي و دهازها
موحى: امرك اسيدي
معتصم: يالاه سير دابا نيت ….
وصلات مايا لدارها جديدة و دخلات و هي فرحانة و كلشي كيبارك ليها و منبعد ما سالاو التقاليد ديالهم بغاو اودعوها
لكبيرة: (زغرتاتلها فوذنها) يويويويويوو داتو و داتو والله اما خلاتو ا اوسمان يا جردة عليك اطيح ندا اكوهينور الوردة عليك اطيح ندا
تبعوها العيالات كيغنيو و خرجو من دار كوهينور و اوسمان كيموتو بالضحك و ايطو منفخة حتى وصلو لدارهم
اما عند حنان هي و حفيظة سالاو شقا و كانت الشمس كتغرب و حورية جابتلهم التقضية و ناضو كيديرو لعشا خلاو الكوكوت فوق البوطة و جلسو يرتاحو و كيتفرجو فتلفازة
حفيظة: حنان عرفتي شكون توحشت اوسماان
حنان: اييه اعلم الله فين وصل
حفيظة: انصوني عليه
حنان: وايلي حافظة نمرتو
حفيظة: اه منها نيت نسولو على واحد كوهينور ههه
حنان: صبري صبري كوهينور مع اوسمان ؟؟؟
حفيظة: اه راه صيفطتها عندووو
حنان: اناااري يكوون قتلهاااا واش نتي حمقة
حفيظة: ششت كيصوني تيليفون
اوسمان:(جيد تيليفونو كيلقا نمرة غريبة كتصوني عليه جاوب ) الو
اوسمان: انا انصيفطلك احفيظة العنوان فميساج و غدا اجيو
حفيظة: ان شاء الله
اوسمان : يالاه تهلاو فراسكم
حنان: باي و مبروك عليكم
كوهينور: الله أبارك فيك (قطعات)
حفيظة: هههه انا سباب حتى تزوجو شتي كندير الخير
حنان: هههه الليمسخك اوا غدا نمشيو
حورية: اتمشيو
حنان: غادي تمشي معانا
حورية: اوا غير نشوفو يوسف بعدا واش ابغي اناري كاع ماقلنالو انباتو (شعلات تيليفونها ) اويلي 15 ابيل من عندو
حنان:(كتشوف تيليفونها) حتى انا طفي طفي تيليفون ماناقصنا صداع و نوضو نحطو الماكلة فيا جوووع
ناضو لبنات حطو يتعشاو و ماعلابالهمش بلي الزنبقة كيقلب عليهم و قلبو ايسكت و خايف على حنان تكون هضرتها بصح و ماغاديش ترجع عندو آمر رجالو اقلبو عليهم و كيصوني ليهم و هوما كاع مكيجاوبوه و بقا هكك ليلة كاملها...ناضو لبنات كل وحدة مشات لبيتها تنعس و كيفكرو لغدا غير فوقاش اوصل امشيو عند كوهينور متحمسين بزاااف….
اصبحنا و أصبح الملك لله
فبلاصة مهجورة و معزولة على التجمعات السكنية جات فبرا المدينة كان سراج كيتسنى شخص باش اعطيليه الكوهينور ...وصلو رجال البوص و غمضوليه عينيه و خداوه لبلاصة و جلسوه فالكرسي و هو باقي كيتسنى
سراج:(كيسمع الخطوات قبالتو و فجأة تقطعو صوت الخطوات و تحيدلو الزيف من على عينيه و بقا كيشوف حتى توضحاتلو الصورة و هو مصدوم) لا ميمكنش نتا هو البوص كيفاش هادشي
….الدنيا كتفاجأنا بزاف و كلشي ممكن فيها
سراج:(كيبلع ريقو ) طول هاد المدة كنتي بيناتنا و حنا ماجايبين للدنيا خبار حتى من الزنبقة لي مكدوز عليه حتى حاجا ماقدرش اوصل ليك
….الزنبقة خالف بالوعد ديالو ليا و مصيرو الموت ولكن نتا ذكي عليه و ختاريتي تخدم معايا نتا و فيروز انا فقط استاغليت قصة حبهم لصاليحي
سراج: (جبد بواطة صغيرة ) الكوهينور كاينة هنا
….(خداها ) و خمسمية مليار دازت للكونط ديالك و بغيتك تغبر ولكن قبل ماتمشي خصك تقتل الزنبقة
سراج: انا تحت امرك
ناض سراج و ردولو الغطاء على عينيه و خرجوه وصلوه حتى للمدينة و مشاو…..اما الزنبقة ف منعسش الليل كاملو و هو كيقلب على لبنات و كاع الافكار فبالو طاحو عليه و كيزيد اتعصب ...بقا كيصوني على حورية و هي طافية تيليفون ...كانت خارجة من دوش و لبسات حوايجها و عاد شعلات تيليفونها و تبدلو فيها الالوان فاش شافت ليزابيل كثرو بقات شوية و هو يصونيلها تاني…
حورية: حنا فدار حنان لي كان عطاهالها معتصم او (قطع عليها) اويلي قطع عليا اويلي ليوم اجمعنا جملة
الزنبقة:(بقا مكسيري فطريق ماتعطلش باش اوصل و بقا كيزدح فالباب)
حفيظة:(كتوجد لفطور هي و ختها) اويلي شكووون كيزدح فلباب
حنان: (بخوف) طلعي لبيتك و سدي عليك يالاه
مشات حفيظة كتجري لبيتها و توجهات حنان بخطوات بطيئة خايفة و ماعارفاش شكون كيدق حلات لباب و رجعات لور حتى شافتو عاد ردات النفس فيها و شدات فقلبها لي كيزدح
الزنبقة: هااااااد زااااامل دعقلك اش كيقوووولك بغيييت غييير نفهم الكلبة لاااااش مكتجاوبيش فتيليفون (شدها من دراعها مزير عليها) ماكاتراعي لحد مكتقوليش فبالك يوووسف ايتشوش عليااااا او يوسف قلبوووو ايخرج بالخوووف (كيضرب فالحيط) لبااااارح ليل كاااملو و انا كنقلب عليكم ماشفتش نعااااس (جبدها من شعرها) كان كيحسابلي غير شيواحد لي قتلكم و لا اغتاصبكم شنوووو فيييهااا الى جاااوبتي اولا علمتيني بلي اتنعسي هنا
حنان:(باقا كتشوف فيه بدون تعابير ) اش هاد بخوف كاملو
حفيظة:(هبطات هي و حورية كيتسلتو و كيشوفو يوسف مكشكش على حنان) اويلي مالو
حورية: ناري شوفيه كيفاش تعصب
الزنبقة: (هز يدو حتى هزها و هو ينزل عليها بتصرفيقة طاحت للارض) و ماازااال فيييك لي يهضر الكلبة دايراااها قد راااسك (كيتسناها تنوض) نوضي تهزي نمشيو
حنان:(سخفات )
الزنبقة: حنااااان نوضي (تحنا عندها ضورها و لقاها سخفانة) حناااان (تبدلو لمورال و بقا كيطبطب عليها ) حنان فيقي
الزنبقة:(خرج لبرا جبد كارو كيكمي و كيدابز مع راسو ) زعما ضروري تمشي و سيماااانة من لفوق دابا انا مانشوفهاش سيمانة اووف منقدرش نصبر
حفيظة: نحلف عليه الى كيبغيك
حنان:(شافت فيه شوفة ديال منيتك) منيتك
حفيظة: سيد خاف عليك كون مكنتيش كتهميه والله ميتسوق ليك
حنان : الزنبقة هاكا داير عزيز عليه امتالك اي حاجا
حورية: نوضو تلبسو حوايجكم باش نمشيو
حفيظة: صبرو نفطرو بعدا حنان سيري نتي لبسي حوايجك و انا و حورية نحطو لفطور صافي
حنان: واخا(ناضت بالتقالة طلعات لبيتها حيدات حوايجها ولبسات كسيوة كحلة بلييدين لاسقة عليها و من فوقها كاب و طلقات شعرها و دارت مكياج خفيف )
الزنبقة:(دخل لدار لقا حفيظة و حورية كيوجدو لفطور) فين حنان
حفيظة: فبيتها
الزنبقة: فين بيتها
حفيظة: البيت تالية فالكولوار
الزنبقة: (طلع لعندها و حل لبيت بلا ميدق و دخل لعندها شافها لابسة و مقادة راسها )
حنان: شنو بغيتي راه واخا منعرف اشدير راه انمشي
الزنبقة:(غادي فاتجاهها وقف قبالتها و عنقها مزير عليها ماباغيش اطلق منها حنان شداتها تبوريشة من ديك تعنيقة حتى كتبغي تبادلو العناق و كتراجع) تهلااي فراسك وعنداك توقعلك شيحاجا و اي حاجا وقعات صوني ليا نجي عندك و فاش نصوني ليك جاوبيني ماتخلينيش نبقا مشوش و ماتعطليش تماك رجعي دغيا
حنان: ان شاء الله (خرجات من بيت تخطاتو و قلبها كيضرب هبطات لتحت كتفطر و تبعها كيفطر معاهم حتى وصلو ليفاليز لي وصات عليهم حورية و ناضو هزو شنو يحتاجو و حطو كولشي فالكوفر )
الزنبقة: حورية تهلاي فراسك و فيهم اي حاجا قوليهالي
حورية: ماتخافش تهلا فراسك حتى نتا
الزنبقة:(شد فيد حنان و قربها لعندو و همسليها ) انتوحشك
حنان: (ارتابكات و بعدات منو) و انا لا (مشات ركبات فطوموبيل و انطالقو لايت يوسي كيكو و الزنبقة صافط من موراهم ليكارد احضيوهم و مشا هو للدار داخل كاره راسو و مشا للبيرو حتى كيجيه اتصال )
الزنبقة: الو
الشاكمة: افيين شفتك نسيتيني
الزنبقة : هه تنساك لموت راه قلتلك اجي و نتا عجبك تبقا تماك
الشاكمة: الحياة زوينة هنا ماسخيتش هه فينها حنان لباس عليها
الزنبقة:(تنهد) بيخير راه جات عندها حفيظة و مشاو هوما و حورية احضرو لعرس كوهينور
الشاكمة: عرس كوهينور مزيان
الزنبقة: اشمن مزيان راه ايبقاو سيمانة فأيت يوسي كيكو
الشاكمة: صبر صبر فين قلتيلي مشاو؟
الزنبقة: ايت يوسي كيكو علاه
الشاكمة: على هادشي صونيتلك نتا كلفتيني نراقب الكوهينور اوا راه مابقاتش عند سراج هو عطاها لشخص اخر
الزنبقة: عطاها للبوص
الشاكمة: و البوص كاين فأيت يوسي كيكو خصك تبع لبنات ايوسف حياتهم تقدر تكون فخطر
الزنبقة: شيييت (كيحك فراسو) شكوون البوووص شكوون خاص ضروري نوصليه
الشاكمة: انا فالمطار و جاي دابا للمغرب نتلاقاو ف كيكو
الزنبقة: ان شاء الله (قطع عليه) مابقا والو و انتهناو من هاد اللعب كاملوو و هادي ماشي صدفة عااادية عرس كوهينور ماجاش هكك و شنو علاقة البوص بهاد العرس زعما يكون معتصم لا هو ماشي ذكي لديك الدرجة اذن شكووون .....
نفض الزنبقة هاد الافكار من راسو خاصو الحق حنان ولكن قرر حتى لغدا و يمشي لعندها جبد تيليفونو و صونا ليها باش انبهها
حنان:(باقيين غاديين فطريق شافتو كيصوني و هي تجاوبو) الو
الزنبقة: حنان بغيت نوصيك ردي لبال منين توصلي و اي حاجا بانتلك غريبة صوني ليا
حنان: علاش كتقول هاكا اشنو واقع
الزنبقة: كنظن بلي كاين الخطر فلبلاصة لي اتمشي ليها
حنان: مكاين حتى خطر راك صيفطتي معانا ليكارد
الزنبقة: (تنهد) تهلاي فراسك احبيبتي
حنان:(قلبها وقف من ديك حبيبتي بلعات ريقها و غمضات عينيها بعد ماحسات بيهم كيغرغرو ليها بدموع ) باي
الزنبقة: باي (دخل لبيتو بخطوات بطيئة عيان حيت منعسش لبارح. حيد حوايجو و دخل دوش منين خرج ..مشا لبلاكار حلو اجبد مايلبس و بقا كيشوف فحوايج حنان...جبد واحد الكسوة و بقا كيشم فيها ريحتها ...لبس حوايجو و خدا معاه الكسوة و نعس فالناموسية معنقها حتى داه نعاس ….فأمريكا وفدارهم لي من آخر نقاش ولات بحال الكابوس مرونة و مظلمة و هو ناعس فوق الطبلة و حداه قراعي ديال شراب… كان كيشرب ماشي حيت تخاصم مع حفيظة ولكن كان كيشرب حيت قلب عليها أيام و عاد عرف من المطار بلي مشات للمغرب قلبو كيضرو و كيحس بلي كولشي تخلى عليه ...فاق فقط على صوت تيليفونو كيصوني و كالعادة كانت الصحافة كتسولو فين هي روبي و لكن هاد المرة كان المندجر لي مصوني ليه...جاوبو بالتقالة و عينيه مسدودين)
فهد: الو
المندجر: واش ماناويش تجي تسني على الكونطرا ديالك راه الماركة ديال غوشي شحال و هي طالباك
فهد: صاف هاني جاي
المندجر: واش ماعرفتيش شيحاجا على روبي
فهد:(قطع عليه ماجاوبوش و ناض مشا لبيتو و دوش لبس حوايجو و استاقل طوموبيلتو و مشا للشركة و هو غادي فاتجاه مكتب المندجر سمع محادثة)
المندجر: و اخيرا شرفتينا و جيتي
آدم: عيطتيلي علاش لي منجيش
المندجر: و نتا عارف بلي معيطتلكش على شي خدمة انا عيطتلك على قبل روبي حيت آخر مرة كانت معاك
آدم: اممم ماعرفتش
المندجر: آآآدم فينهااا روووبي
آدم: اووف (ناض ساخط) معرفتش فين هي ولكن كان وقعلينا مشكل
المندجر: اشناهو المشكل
آدم: مشينا للمطعم انا وياها و كذبت عليها بلي كاينة حفلة فالاوطيل هي فالاول مابغاتش تمشي ولكن بززت عليها و مشات و مالقات والو تعصبات عليا و انا كنت طامع فيها و درت هاكا حاولت نغتاصبها و بقات كتقاوم قالتلي بلي هي مزوجة بفهد بصراحة صدماتني ولكن كنت مقرر انني انعس معاها تهجمت عليها ولكن القحبة ضرباتني بفاز فراسي و هربات ماعقلتش شنو وقع حيت سخفت
فهد:(سمع لهضرتو و عروقو برزو تعصب كثر من لقياس عينيه حومر بالاعصاب و صدرو كيطلع و يهبط دخل لعندهم بالزعاف و مازال كيشوف فيه) كييفاااش طاوعااااتك نفسك تعدا علييهااا الزامل (غادي فاتجاهو ببطء ) كييييفاااااش حتى منبعد ماعرفتيها راها مزوجة حاولتي تغتااااااصبهااااا
آدم:(كيرجف) فهد انا كنت سكران ماكنتش واعي
فهد:(قجو و طلعو مع الحييييط كيخنق فيه و خلاه كيفركل) غاااااادي نقتلك
المندجر: فهد عفاااك طلقوووو غاااادي يمووووت فهد ماتوسخش ايديك (مشا كيعيط لسيكيريتي فتيليفون)
فهد: (رما آدم على الحائط الزجاجي ديال البيرو حتى تشخشخ و نزل عليها بالضرب لوجهو) عرفتيييييي انااااااا شنوووو درت الحماااار اناااااا ضربتهااااا بهاااااد ليديييين اناااااا سبيتها و عايرتها و قللت من قيمتها و تاهمتها بشيحاجا مادارتهااااش اناااا رااااه طلقتهاااااا (كيضربووو حتى بغا يهبط و آدم سخف و دمايات خارجين من وجهو و فهد مازال كيضرب بالحرقة لي فيه كيضرب حيت حس براسو ظلم حفيظة كيضرب حيت كيموت بلا بيها و هي عمرها فكرات تخونو ماناض حتى حس بسيكيريتي كيجبدوه و هو باقي باغي يضرب) طلقووووو منيييي انقتلوووو بربي حتى نقتلوووو
المندجر: بلييز فهد تهدن
فهد:(نزل على المندجر بكروشية) كووولشي بسبابك نتاااا لي ماخليتيناش نعلنو بلي حنا مزوجين و عارف بلي نتا لي قلبتيها حتى ولات معمية بالفلوس و الشهرة و عرفتي شنو خلينالك كووولشي لا انا لا حفيظة انرجعو لهاد ضومين حيت انا انتخلى على راسي غير على قبلها (خرج مكشكش من الشركة و الصحافة كتصور فيه قاليهم كولشي و فضح الضواسا ديال المندجر و آدم و انطالق لدارو كان قلبو كيضرو حيت ظلمها ولكن فرح حيت غادي يرجع ليها و يكونو بجوج و قبل ما يدير أي خطوة جبد تيليفونو و صونا ليها و يديه كيرجفو خايف من ردة فعلها)
حفيظة:(كانت كتشوف فالطريق. و حاطة ليزيات فوذنيها حتى كتحبس لموسيقى و كتشوف صونيت قفزات فاش قرأت سميتو بقات مدة عاد جاوبات بلا متهضر)
حفيظة:(كتمسح دموعها و كضحك) ههه واش بصح غادي يجي عندي
حنان: اه قلتلو فين حنا و ايجي هههه
حفيظة: الحمد لله
….فالمطار كانت يالاه هبطات الطائرة ديال الشاكمة خرج و استاقل طوموبيل ديالو و غادي فاتجاه دار الزنبقة ...وصل فتحولو ليكارد لباب عاد وصل للدار دخل و بقا كيتكسل عياا حتى كيسمع صوت من موراه
فيروز: شكون نتا
الشاكمة:(ضار عندها عقلها) اش كديري هنا
فيروز: اووف لي تلاقيت بيه و يسولني شكون انا مكتعياوش
الشاكمة: (قلب عينيه) فين الزنبقة
فيروز: ناعس فبيتو مازال ماجاوبتيني شكون نتا
الشاكمة: ماشي شغلك (كيشوف لخباشي لي فوجهها) سيري تلاهاي غا مع وجهك داوييه و نتي بحال الى درتي كسيدة
فيروز: ماشي كسيدة غير واحد الحيوانة خت حنان دارت فيا هاكا ماعرفتش اش هاد الاشكال كيدخل الزنبقة لدارو
الشاكمة:(ابتاسم) مالقيتي شكون تجبدي غير حفيظة هههه صايباتلك الشغل تستاهلي اكبيرة الحيوانات
فيروز: كيفاش كتجرأ تهضر معايا بهاد الطريقة
الشاكمة:(بغا يجاوبها و سكت منين سمعو هضر)
الزنبقة: فيروووز لزمي حدك و ماتهضريييش معاه هاكا
فيروز: ولكن راه هو لي…
الزنبقة: (غوت عليها) طلعي لبيتك باراكا من المشاكيل
فيروز:(كتخنزر فشاكمة و مشات)
شاكمة: تريكت لافار (كيشوف فالزنبقة) اش كدير هاد خيتي هنا
الزنبقة:(ابتاسم ليه و مشا سلم عليه) داخل شاعل سلم عليا بعدا
شاكمة: (سلم عليه سلام رجولي ) سمحلي غير تفاجأت فاش شفتها
الزنبقة: قصة طويلة هادي منبعد نعاودهالك ياك قلتيلي اتمشي لكيكو فاش توصل للمغرب
شاكمة: كنت انمشي و تفكرت بلي ماعارفش لبلاصة لي اتكون فيها حنان و جيت عندك نمشيو بجوج
الزنبقة: حتى انا ماعارفش و مابغيتش نقولها بلي انجي باش متقلقش
الزنبقة:(ماخلاش الشاكمة يكمل و عنقو) حتى انا توحشتك اصاحبي و بزاااف دار دارك دير لي عجبك(همسلو فوذنو) ماتهضر فحتى حاجا راه فيروز كتصنط عليها (شاف فيه ) سير ترتاح فبيتك و مرحبا بيك مرة اخرى
الشاكمة: (ابتاسم من ذكاء الزنبقة) واخا اصاحبي (مشا لبيتو اما الزنبقة ضرب الضورة و رجع حتى هو لبيتو و هي تخرج فيروز من مور واحد الحيط كانت كتصنط عليهم)
فيروز: اممم خاص نقول هادشي لسراج (فتحات تيليفونها مكيطلعش ليها الريزو) اووف ماشادش الريزو اش واااقع (مكانتش عارفة بلي الزنبقة لعب ليها فتيليفونها و خلاه مكيشدش الريزو باش ماتهضر مع تاواحد) ...
و أخييرااا وصلو ابطالنا لأيت يوسي كيكو مع الدخلة صونات حفيظة لأوسمان قالتلو راه وصلو و ماقالها حتى لواحد خرج من دار واخا ايطو و لكبيرة ماخلاوهش قالك لعريس ميخرجش من دارو يخافو يسحرو ليه شيوحدين هه ماعليناش سلت من حداهم و بقات حفيظة كتنعت ليه فين كاينين وصل لعندهم و هو فرحان…
اوسمان : و اخيييرااا شفتكم
حفيظة: اوسماني (سلمات عليه بيدها) لباس عليك (كطلعو و تهبطو) هاي هاي هاي جابادووور تيتزتي العريس تبارك الله ماشاء الله مبروووك
اوسمان: بشوية عليك البجغوطة ههههه وحدة وحدة
حفيظة: البجغوطة سبقاتك فالزواج
اوسمان: (تصدم) واايلي ماعرضتيينيييش شكوون هادااا
حفيظة: منبعد و تعرف هههه
اوسمان:(كيشوف ف حنان ) سكتي نسلمو (سلم على حنان حتى هي بيدو ) لباس عليك اختي كيدرتي مزيان
حنان:(بابتسامة) بيخير الحمد لله او نتا
اوسمان: حتى انا الحمد لله
حنان: مبرووك علييك
اوسمان: الله أبارك فيك لعقبة لييك
حنان: هههه تزوجت
اوسمان: وا لا وا لا اش هادشي فوقاش تزوجتو
حفيظة: راه قلتلك منبعد و نعاودلك ههه المهم هادي حورية
اوسمان:(كيشوف فيها امرأة هادئة فاواخر الثلاثينات مرزنة و جميلة. و انيقة ) متشرفين و مرحبا بيك
حورية:(بابتسامة) أرحب بيك الخير و الله اكمل عليكم بالخير نتا و كوهينور
اوسمان: اميين
حنان : و ياالاه نمشيو توحشت كوهينور
اوسمان: فخباركم ماقلتلهاش بلي اتجيو الى شافتكم اتفرح بزاااف
ركبو فطوموبيل و كملات حورية صوكان و اوسمان كينعتلها فين حتى وصلو لدار شااامخة و عريقة دازو فيها اجيال كتبعث بالسلطة و الرقي بقاو لبنات كيشوفو فالقصر من برا عجبهم حيت كان بطراز امازيغي و بابو مقوس و الفوق ديالو عين باش تبعد الحسد و الشر..هبطو ليكارد ايضا فاش شافو كلشي هبط و آمراتهم حورية اجبدو ليفاليز و يتبعوهم….دخلو للدار لي كانت فيها العائلة و ناضو كيشوفو شكون هادو لي جاب اوسمان و كيرحب بيهم حتى غوتات كوهينور و هابطة فدروج كتجري
كوهينور: حنااااااان (كتغوت و كضحك و تلاحت على حنان كتعنق فيها ) توحشتك توحشتك بزاااااف وااااع فرحتيني
حنان: (مبادلاها العناق كضحك) هههههه توحشتك حتى انا بزاااف بزاااااف هههه (مابغاوش اطلقو من بعضياتهم غا كيتعانقو)
كوهينور: عويناتك لي زوينين و نتي كاملك زوينة اخليك ليلي حبيبتي (ضارت عند حفيظة عنقاتها) لباس عليك
حفيظة: ههه 😅 كيحسابلي اتقجيني
كوهينور: ههه لا لا كون ماصيفطتينيش لهنا ماكنتش انلقا زماني و زوجي قرة عيني ههه (همساتلها) ولكن عنداك تسيق عكوزتي لخبار بلي نتي لي صيفطتيني لهنا اتقطعك طراف طراف هههه
حفيظة: هههه مدوزة عليك الحرب
كوهينور:(دارتلها بيديها حركة بمعنى هادشي لي عطا الله و سلمات على حورية) اهلا لبااس علييك
حورية: لباس الحمد لله او نتي بيخير مبروك عليك
كوهينور: الله أبارك فيك شكراا بزااف خيرك عمرني نساه
مشاو معاها سلمو على لعيالات و رجال و هوما كيرحبو بيهم
كوهينور: هادي فاطنة مرت ولد عم اوسمان سعيد و رابحة مرت لحسن ولد عم اوسمان و لبنات صغار هنية بنت فاطنة و زهرة بنت رابحة و هادي عكوزتي ايطو و هادي لالة لكبيرة جدة اوسمان و هادا عمي مبارك و خالتي يامنة ام لحسن هه و هادي مايا خت اوسمان حتى هي عاد كيف تزوجات بعمر و اتحضر معايا لعرسي
حنان و حفيظة و حورية: متشرفيين
فاطنة: كنور (كتبتاسم) شكون هاد لبنات
حفيظة:(تزلعات بالضحك) كولشي على كنور ههههههه (كتنغزها حنان تسكت)
كوهينور: صاف مشات لهيبة هادو صحاباتي بحال خواتاتي و خيرهم ليا عمرني ننساه الله اخليهم ليا
لكبيرة: اميين و الحاجة لي عزيزة على بنتي كنور عزيزة علينا حتى حنا
حورية: ربي يخليك الالة لكبيرة
مبارك: مزيان ابنتي منين عرضتي على عائلتك باش افرحو معاك
كوهينور: اه اعمي انفرح بزاف
مايا: اوا شفتي ايما ها كوهينور عرضات على صحاباتها و انا مخليتينيش نعرض على صحاباتي
ايطو: علاه ابنتي صحاباتك هوما صحاباتها
مايا: علاه مال صحاباتي
ايطو: صحاباتك غا كيشوفو منين اطيحوك اما صحابات كوهينور راك سمعتيها قالت خيرهم سابق عليها
حفيظة: ختك تيتيزة ا اوسمان كنتي عاودتيلي على عائلتك
كوهينور: شنووو علاش ماقلتيهالييش ناااري كتعرفي ماما عااوديلي عليها (كتجرها واخداها للبيت و حورية كتشوف فمعتصم لي باقي كيشوف فيها بنظرة مامفهوماش تبعوهم لبنات للبيت و سدو عليهم ) قوووليلي كنت صااااحبت ماما عاوديلي عليها بلييز
حورية: ههه ماماك كانت من اطيب خلق الله و ظريفة و الله اعمرها دار
كوهينور: (بعلامات حزن) ياريتها مازال حية كانت اتفرح معايا
فاطنة: اوا لاواه و حنا اش كنديرو الى مافرحناش معاك
حورية: (حطات يدها على خد كوهينور ) اعتابريني بحالها
كوهينور:(عنقاتها) شكراا
رابحة: ههه اوا يالعفريتاا مامشيتي حتى طيحتي اوسمان
مايا: انااا اصلا كنت عارفة بلي كيبغيها و كتبغيه
فاطنة: هههه قولي لينا كيفاش وقع هادشي
حنان: اه اكوهينور عاوديلينا كيفاش حتى بغيتيه و بغاك و نتوما كنتو بحال المش و الفار
حفيظة: اه و زيدي عليها خرجتيه من خدمتو
كوهينور: هه بصراحة ماكناش كنتحاملو و لكن فاش جيت لهنا فهمت بزاف د لحاجات و تعلمت امور كنت غافلة عليها بغيتو و بغيت عائلتو ربا فيا التواضع و خدا قلبي و بطبيعة الحال كان خاصني نطيحو فشباكي حتى انا اوا فالتالي طاح و تزوج بيا هههه اما خدمتو راه رجع ليها
رابحة: هي اترجعو للمدينة
كوهينور: لاا انبقاو هنا بلا منرجعو عاجبني لحال هنا
فاطنة: واش كاينة شي وحدة كتبغي تعيش مع لعكوزة الهبيلة
كوهينور: هناك الله منها ههههه
فاطنة: منيين اختي ها يامنة ها ايطو ها لكبيرة ربي هناني من وحدة و صافطلي ثلاثة بلاصتهم هههه
مايا: اناري انا بعدا منقدرش نتخاصم مع عمر كيفاش قدرتي تخاصمي نتي مع راجلك
حنان: هههه دابا يجي عندها لهنا
كوهينور: اييه منها نشوفو سعيد الحظ ديالك
فاطنة: (كتهضر مع حنان ) و نتي مامزوجاش اختي
حنان كانت اتجاوب و سبقاتها كوهينور
كوهينور: فخباركم حنان كانت حارسة شخصية ديالي (عاوداتلهم القصة كيمووتو بالضحك) و انا كان كيحسابلي ولد تزعطت ههههههههه
هنية: واااو هي بصح كتقاتلي مع رجال و كتغلبيهم
حنان:(ابتسامة) ههه عادي فاش كتولفي كيجيك عادي
سمعو دقان فالباب و حلات رابحة كانو ليكارد كيدخلو ليفاليز و خرجو و ناضت حورية حلات ليفاليز دارت الاحتياط و جابت ليكادو بزاف و بقات كتفرقهم على لبنات و خلات كادويات ايطو و لكبيرة و يامنة حتى تخرج و تعطيهلهم و حتى رجال جابتلهم و عطات لعيالاتهم اعطيوهم ليهم و جلسات حدا كوهينور...
حورية:(عطاتها صندوق صغير) هادا كادو كان ديال ماماك (فتحاتو و دار موسيقة زوينة و خرجو تصاور ام كوهينور و بقات كتشوف فيهم)
كوهينور: اجمل كادو شكرا بزااف
حنان: و حتى انا جبتلك كادو (عطاتها غوب حمرة زوينة بزاف) كنتمنى تعجبك
كوهينور: واااعرة
حفيظة: و حتى انا جبتلك كادو (جبداتلها تيكي ديال حفلة ديال سعد لمجرد) مازال ماخداهم حتى واحد و جبتلك نتي و اوسمان
كوهينور: اخليكم ليلي شكرا بزاف هااححح فرحتووني
رابحة: الله اعطيكم الخير
فاطنة: الله ارحم الوالدين
حنان: مرحبا
مايا: يالاه نتعشاو راه اكون وجد
كوهينور: اه يالاه
خرجو لبنات فرحانين كيضحكو و كلشي كيرحب بيهم تقسمو لعيالات تعشاو بوحدهم و رجال بوحدهم داز جو بسيط متواضع و زوين و كيتعاودو حتى كيسمعو لعيالات كيهضرو بالشلحة و يرجعو اترجمولهم بقاو هاكا حتى شبعو
معتصم: (شدها من دراعها) عشرين عام احورية فين كنتي ماخليت فين قلبت عليك
حورية:(كتبلغ ريقها) و علاش كتقلب عليا (شافت فيه بعينيها مدمعين) كنتي عايش فرحان مع مراتك
معتصم:(زير عليها) نتي عارفة و انا عارف اش كاين لهاد الدرجة حقدتي و هزيتي فقلبك
حورية: راه كانت صاااحبتي امعتصم كانت كتبغيك و كنتي كتبغيها
معتصم: كون انعيش مرتاح كون ماعطيتينيش اغلى ماعندك و غبرتي عمرني عشت فرحان معاها كان كيحسابلي كنبغيها و نتي خربقيتيني و مشيتي
حورية: (طاحولها دموع) كنت كنبغيك وماكانش كيحسابلي كتبغيك حتى هي و نتا ماقلتيلي والو عطيتك كولشي و فاش عرفتكم اتزوجو خرجت من حياتكم
معتصم: جاكلين كانت حاسة بيا نهار مشيتي كيفاش تبدلت و ماخلينا فين قلبنا عليك حتى فاش كانت حاملة بكوهينور كانت باغا غير فوقاش تلاقا بيك و تودعك كانت عارفة راسها اتموت و مالقاتكش
حورية: (كتمسح دموعها) ربي عوضك ببنت غزالة الله اخليها ليك
معتصم: ماكانش قلبك كيضرك فاش مشيتي؟
حورية: (شافت فيه ) بالعكس رتاحييت (شددات عليها و فلتات يديها منو و مشات لبيت سدات عليها و تكات على لباب كتبكي بصمت قلبها رجع تزعزع مرة أخرى الحب صعييب و فاش كنبغيو مرة وحدة عمرنا كنساو قصتهم قصة فشكل كانت هي و جاكلين ام كوهينور كيبغيو نفس الراجل لي هو معتصم لي كان بضورو كتعجبو جاكلين و كيرتاح معاها اما حورية فكان ديما كيتخاصم معاها و يسبها و يضربها لكن بالرغم من داكشي كانت كتجبدو فيها شيحاجا تقرب منها خلاها تبغيه و لكن دار غلط كلفو عشرين عام من حياتهم غلط و نعس مع جاكلين حملات منو و ماتخلاش عليها بالعكس طلب منها زواج و حورية ماكان فخبارها والو حتى جا عندها واحد نهار سكران اعتارف ليها بحبو و هي بدورها سلمات ليه راسها و فاليوم التالي قالتلها جاكلين بلي كتبغي معتصم و بغا يتزوج بيها طاح عليها الخبر بحال الصاعقة ولكن تملكات راسها و فرحاتلها واخا كولشي لكن شحال قدها تصبر باتت ماصبحات...معتصم رجع بحال الحمق من وراها كيقلب عليها ولكن كان محتارم جاكلين كيديرلها خاطرها حتى ولدات و ماتت و حلف ماعمرو يدخل لمرا على بنتو و كبر كوهينور فالخنات و الفشوش….بقات قصتهم هاكا هو ماتزوجشش و هي حرمات رجال عليها مقابلة خدمتها و عمرها رجعات للمغرب حتى نهار سمعات بلي الزنبقة دار كسيدة و كانت كتعرفو منين يالاه تولد مشات لعندو بقات معاه واساتو كانت هي لكتف لي كيتكا عليه نهار كضيق بيه الدنيا حورية عندها مكانة خاصة فقلبو و حتى هي عزيز عليها و حاولات تكره معتصم على فعلتو لي دار مع يوسف لكن لا هي لا يوسف عارفين علاش معتصم دار هكك و شنو الاسرار القادمة لي جايين...مسحات دموعها شريط حياتها داز قدام عينيها...دخلو لبنات لعندها كيسولو فيها حيت غبرات و خدات لافاليز ديالها هي و حنان و حفيظة و داتهم رابحة كل وحدة لبيتها باش يرتاحو حيت غدا احداث جديدة غادي تقلب موازيين القصة)....
لم تطلب من الله سوى أن يبعث لها رجلاً يحبّها ويحميها ، يُهدي لها اسمه وتهدي له ذريّة صالحة . وعندما دخل حياتها أمير لم تصدّق سخاء القدر . حطّت طائرته في قلبها ونزل منها تسبقه سلال الورود والهدايا ووشوشات هاتفيّة تقول « ستكونين لي » .
أيّام من الدوار العشقي... ثمّ فتحت عينيها يومًا على أزيز طائرته . طار الحلم نحو امرأة أخرى ومعه حلمها بثوب أبيض . ما زالت منذ أعوام في المطار تراقب حركة الهبوط والإقلاع . هي لا تتوقّع عودته ، لكن ما عاد بإمكانها أن ترضى بغير حبّ يأتي من السماء في طائرة خاصّة . ما استطاعت أن تنسى أنّها كانت لأيّام أميرة.. لكنّها نسيت لأعوام أن تعيش كامرأة 💔
كوهينور: اصبااح نوور و الياسميين (كتفيق حنان) نووضي ماكاينش وقت للنعاس عندنا بزاف مايدار
حنان:(شافت فكوهينور ماعجبهاش لحال) فخبارك ولدك عندو زهر حيت لقا كوهينور تبارك الله زوينة زينها مخلط بين مغريبي و برازيلي و معقلة و من عائلة عندها الحسب و النسب
يامنة: حتى حنا عائلة لباس عليها و عندها الحسب و النسب و عندنا تقاليدنا اهم حاجا
حورية: و تقاليدكم شنو كيقولو؟
يامنة: عندنا الشرف اهم حاجا و خاص نعرفوها بعدا واش بنت ولا مرا
كوهينور:(تصمكات) كي كيفاش اويلي
حفيظة: مازال كتآمنو بهاد العادات الليهديكم
ايطو: هضري الالة لكبيرة ولا قلت شي عيب
لكبيرة: قبل ماتهضري فهادشي تفكري بنتك لي ماشفناش سروالها
مايا: ماما جدة عندها الحق حتى انا خالفت شحال من حاجا
ايطو: سكتي نتي بعدا هاداك لي قاسك راه مزوج بيك اما هادي(كطلع فكوهينور و تهبطها) اعلم الله فين ضيعات شرفها و باغا تلسق فولدي
حورية:(ناضت) مدام ايطو حنا حتى لدابا محتارمينك حتارمينا حتى حنا
كولشي ناض
ايطو: و انا مامفاكاش و رجلي برجلها لعند طبيبة دااابا تشوفلي واش بنت ولالا
كوهينور:(كتبكي و شادة فحنان) مانمشيش معاك اهئ اهئ انا باقا بنت و اوسمان الى عرف هادشي ايتقلق منك
ايطو: هااا لي قلنا لبنت دايرة شي فضيحة دوي
حنان:(جرات كوهينور و خرجو لساحة لتحت) يالاه نمشيو بحالنا وا ها لمرض كيف داير
كوهينور: بقات كتقولي انا محكوكة و انلسق فيك مونتيف اهئ اهئ و بغات تاخدني لطبيبة تقلبني واش عزبة ولالا اهئ اهئ اوسمان انا كنبغيك و كنحتارم عائلتك ولكن منقدرش نتهان فكرامتي و نسكت صافي انمشي
اوسمان: (عنقها حتى خلاها تهدنات و بقا كيهضر معاها) نتي مراتي اكوهينور ماتزوجت بيك حتى اقتانعت بيك نتي مكتهمنيش العذرية ديالك كتهميني نتي كنبغيك نتي اما البكارة راه غير جلدة ماشي رمز للعفة
كوهينور: ولكن عائلتك مكيفهموش هادشي
اوسمان: الى كنتي بغيتي تمشي انمشي معاك و الى بغيتي غادي يطلبو منك سماحة كاملهم غير ماتخلينيش
كوهينور: و انا بغيت نجلس معاكم ولكن راه ماماك مكتحملنيش و انا ماغاديش نبعدك عليهم اتكرهني كثر
اوسمان: انا نعوضك على كولشي غير صبري معايا (باسها فجبهتها) صافي
كوهينور: صافي
اوسمان: منسمعكش مرة اخرى كتقولي اتخليني
كوهينور: (كتلعب بصبعانها) انبقا معاك غير كنت معصبة
اوسمان:(شدلها فيدها) اجي معايا (هبطو لتحت قابطلها فيديها و عينيه فيهم شرارة) طلبي منها سماحة (كيشوف ف ايطو)
ايطو: لهلا يحييها حتى نطلب منها سماحة
اوسمان: ماشي غير منها اطلبي سماحة اطلبيها من معتصم و ضيافنا
مبارك: اوسمان حشومة ماتهضرش مع مك هاكدا
لكبيرة: راه نتا لي خصك تنقي لديك مرتك لوذنين باش تحشم شوية
معتصم: حنا مابغينا حد اطلب منا سماحة انمشييو
كوهينور: بابا (كترغبو بعينيها )
معتصم: بزاف هادشي اكوهينور هادا راه ماشي الحب هادا راه ذل
حورية: بعدا هو داير ليها العز ماشي بحال شيوحدين (لاحتلو لهضرة بيناتهم و هي مكتشوفش فيه)
معتصم: ماجلستيش نديرولك عزك حتى نتي دغيا طرتي (جوابو على طرف لسانو)
اوسمان: بأشمن حق كتدخلو فشبوقات لي ماشي شغلكم هااا مرتي و حووور فيييهااا تكون متقوبة مسدودة انااا قابل عليها ماشي نتوما لي كتحددو داكشي بيني و بينهااا
ايطو: ياك اولدي و انا بغيت غير مصلاحتك و مابغيتكش تقولب
اوسمان: اخليني الالة نتقولب مشاتلك نتي شيحاجا ياك انا عاجباني مرتاح معاها مكيهمنيش الدم لي ايخرج منها
مبارك: حشم يا هاد لولد حشمنا حنا ماحشمتي نتا احتارم غا لعيالات لي كاينين اودي قزدراتك لمدينة
اوسمان: كنبقا صاااابر حتى كطلعوني على طوعي حشموو نتوما لي هنتوها فشرافها و ديك لمدينة لي كتهضر عليها هي لي انرجع ليها نيت اوا ربحو بكولشي
مبارك: اولدي الله اهديك دير عقلك صافي هاهيا ايطو غادي طلب سماحة
ايطو: صااافي بدلاتك و جراتك عندها لعبات بيك كيما بغات كنت عارفاها اترجع منين جيتي لفعة لوخرا
اوسمان: هي اصلا مابغاتش تمشي و عجبها تجلس معاكم و انا لي قلتلها نمشيو اوا وقروها عليكم عطيوها احترامها الى كنت عزيز عليكم ديرو بوجهي راه مرتي هادي و فاش قللتو عليها لعفة طعنتوني فشرافي حتى انا
لكبيرة: تبارك الله عليك اولدي هادي هي زينة لهضرة
ايطو: (كترطا) سمحيلي
كوهينور: مسمعتكش
ايطو:(كتخنزر فيها)
اوسمان: قالتلك ماسمعاتكش و حتى انا مسمعتش و حتى واحد ماسمعك
ايطو:(علات صوتها) سمحيلي و سمحلي حتى نتا اسي معتصم و حتى نتوما البنات سمحولي ماغاديش تعاود
معتصم:(كيتنهد) اودي كون جات عليا نمشي انا وبنتي و نساو كاع واش تلاقينا
كوهينور: فين انمشيو ابابا راني مزوجة و كنبغي راجلي
معتصم: الله اخليك بالخلا
حورية:(ضحكها) ههههه كون صبرت انعيش كثر من هادشي
معتصم: (خنزر فيها) راك من صباح كتقلبي عليا توحشتي سمطة صحتك كضرك
حورية: انوووض جمع راسك وليتي شارف ماكتقدر حتى تمشى(باراكا من لكدوب سيد سبورتيف)
معتصم: داكشي لي بديتيه فيا كملاتولي هاد لبنت ولكن راني باقي قاسح ياكما تجربي
حورية: ماعندي مانجرب
معتصم: اه حيت عارفاني مكنتفاكش و كتعجبك حلاوة يدي و حلاوة(غمزها)
حورية: احم بقات فداكشي الله استر
معتصم: عليها تزوجتي نيت
حورية:(خنزرات فيه و سكتات)
اوسمان: اوك دابا منين حلينا المشكل كول واحد امشي لشغلو (مشا تقابل مع مو و كيهضر بشوية) و نهار الدخلة انشوفو شكون عندو الحق انا ولا نتي (مشا عند كوهينور ابتاسم ليها و كل واحد مشا لشغلو...و فدروج كانت جالسة حنان حاطة يدها على راسها كتسناهم اساليو باش تشوف اش ايديرو و باش ايتليوها حتى شداتها دوخة و جلسات حتى جات عندها لكبيرة كتحرك فيها)
لكبيرة: بنتي ياك لاباس
حنان: بيخير بيخير غير كنحس بالدوخة
لكبيرة:(شافت فيها مطولا و ابتاسمات) امكن جهدتي راسك فاش زدحتي داك لكيدار
حنان:(ابتسامة) اه داكشي
لكبيرة: اوا طلعي ابنتي للبيت عند كوهينور راه مشات معاها ختك و حورية و انا انمشي للكوزينة نوقف على لبنات كيوجدو لحلوة و رجالنا مشاو كيعرضو عباد الله فالقبايل الاخرى
حنان: اه (طلعات للبيت عند لبنات و جلسات حداهم)
حفيظة: هاي هاي سيد كيبغيك دااافع عليك
كوهينور: الله اخليه ليا
حورية: بازلك صابرة عليهم كيعصبو
كوهينور: انا على قبل اوسمان نصبر على كولشي هه
حنان: بحال الى حطينا بنت و هزينا وحدة اخرى واش بصح هادي كوهينور لمفششة ههه
كوهينور: انا تولدت من جديد هههه
حنان: اوا الله اخليكم لبعضياتكم
حفيظة: الاهم من هادشي هو كاينة العراسية احح النشاط ههه
حورية: شنو انديرو ليوم
كوهينور: ماعرفتش حتى انا داكشي على حساب التقاليد ديالهم اقالتلي بعدا رابحة نلبس جوهرة بيضة و شربيل بيض و نبقا نلبس غا لبيض هاد سيمانة و هاد ليلة قالتلي ايرقدوني فالحنة ولا منعرف هههه
حنان: هههه امكن باش غدا نمشيو للحمام
كوهينور: اه عندهم هنا حمام غزال وواسع اندخلو نغسلو فيه
بقاو لبنات كيقشبو و كيضحكو نساو كاع واش طرا شي مشكل و فجيهة اخرى كان وصل يوسف و شاكمة لكيكو دخلو و خرج شاكمة يسول على دار ديال اشهبون شوية شافها بنظراتها الحادة و شعرها الاسود الحريري و جلابتها لي لاسقة على المفاتن ديالها و قصيرة خلات سيقانها البويض ابانو شوية كانت كتشري الخضرة فالسوق حتى بدات كتساب مع واحد راجل و نوضوها قربالة فسوق مشا تدخل بيناتهم
شاكمة : اش واقع مالك مع لبنت بعد منها
الراجل: ماشي سوقك هادي راه نصابة كنجي عندها كتردني
نورة: اسير تبعد مني واش مكتفهمش بشار كيف داير
الراجل: ياااك نسيتي راسك شكون نتي الموسخة شكون نتي لي مترضايش بيا ولا حلال على ولد مبارك و حرام على غيرو (بغا يجبدها من شعرها)
شاكمة: (دفعو حتى طاح ) قلتلك بعد منها
راجل:(ناض) كدفعني اولد القحبة انورييييك (بغا يضربو و هو يجبد الشاكمة الفردي ووجهو ليه)
شاكمة: تشهد على روحك
الزنبقة:(هبط ل محمد يدو و الناس كيشوفو الشكل د يوسف لي كان بالماسك جاهم غريب و ضار عند راجل) سيير منهنا(هرب الراجل ) واش نتا حمق جابدلينا الصداع
شاكمة:(ضار كيشوف ف نورة ) سيري لدارك اختي (ماخلالهاش الفرصة فين تشكرو و تحرك هو و الزنبقة ) كان ايضربها اش بغيتيني ندير
الزنبقة: حنا ماعارفينش فين حنا و عندمن جينا و عادات هاد لمنطقة باينة مختالفة علينا
شاكمة: (لقا واحد لولد صغير) اجي نسولك كتعرف دار ديال اشهبون
الولد: اه
شاكمة: خودني ليها
الولد: واخا
الزنبقة: يالاه نركبو فطوموبيل(ركبو فطوموبيل و انطالقو) ...
فدار اوسمان تجمعو العائلة يتغداو منبعد ما صفاو لخواطر و تجمعو رجال مع لعيالات على قصرية ديال رفيسة و هو كيتعاودو و ينسيو الموضوع و بداو الماكلة
حنان:(هزات لقمة بغات تاكل و هي ضربها لكبيرة ليدها طيحاتلها لقمة) علاش درتي هاكا
لكبيرة: راكي حاملة ابنتي ماخصكش تاكلي لمساخن لا قدر الله ايطيحلك ترابي لي فكرشك
حنان: (تصدمات تصوطاو وذنيها) ميمكنش لا انا ماحاملااااش
لكبيرة: ابنتي انا راني قابلة كشفت على بزاف دلعيالات وولدت بزاف و غير من شوفة كنعرف لمرا الحاملة
كوهينور: حناااان حاملة كيفاش فوقاش شكون هادا
يامنة: واش حتى نتي حاملة بلا زواج(كتمعني على مايا)
حفيظة: لا ختي مزوجة
حورية:(ضماتها) مبرووووك
حنان:(كتبكي على زهرها لمخور مادارتش بحساب هادشي كاع) .
كوهينور: بمن تزوجتي ماقلتيلي والو و علاش كتبكي
اوسمان:(عطاها تشرب) شربي احنان رجوع الله
كوهينور: (حلات عينيها بفرحة) سراااج ياك هو راجلك ناري كنت عارفاها باينة كان كيبغييك
بقا كولشي كيبارك ليها هي لي ماقدراتش تهضر بقات غير كدمع و كتشوف فالسماء حيت دارو الطبلة برا باش ياكلو….كيحسابهم دموع الفرحة ولكن هي دموع القهر تخلط عليها كولشي و مايزيد على مابيها غير يوسف لي شافتو داخل مع لباب و شاكمة حداه
الزنبقة:(جبد حنان من موراه و تعصب) حتىىىىىى لدااااااباااااا مااااااعلييييتش صووووتي و مادخلتش يدي فصدرك و جبدت قلبك اواااا خليييني محتاااارم هاد نااااس و عمرك تعااااود ضور بساحة حناااان كتفهم
كوهينور: غادي يعذبك اهئ اهئ
حنان:(كتبتاسم ليها و هضرات بصوت خلا كولشي يتهدن) انا كنبغيه اكوهينور و حتى هو كيبغيني (كتشوف ف يوسف و رجعات شافت فكوهينور) طلع معايا ولد ناس عمرو عذبني ولا قسى عليا يوسف قلبو كبير و حنين واخا كيتعصب مرة مرة ولكن عادي كيتهدن منبعد و كيطلب سماحة ماعرفتش علاش كتكرهوه ولكن انا شفت منو كل خير هادا راه راجلي
كوهينور:(كتمسح دموعها) ووجهو تقبلتيه؟
حنان: شنو اندير بوجهو مادام انا مرتاحة مع قلبو (شداتلو فدراعو) حتى حاجا مكتهمني و انا معاه
اوسمان: اه عندك الحق حضرو لعرسنا بقاو مرحبا بيكم و سمحلي مرة اخرى
معتصم: (قلب وجهو و مشا بحالو)
فاطنة: و علاش داير داك لماسك على وجهو شبهلي فبوجلود
رابحة: كانو كيهضرو على وجهو ماشي شغلنا فيهم
لكبيرة: مرحبا بيكم شنو سميتك اولدي
الزنبقة: يوسف
لكبيرة: يوسف تبارك الله ماشاء الله عندك مرا كطير لعقل الله احفظها ليك و نتا اولدي
شاكمة: سميتي محمد
لكبيرة: زين السمية تبارك الله
ايطو: مرحبا بيكم
مبارك: اجيو تغداو
لكبيرة: رابحة وجدي شيحاجا تاكلها حنان
رابحة: واخا الالة
حنان:(طلقات من يد يوسف مشات للبيت و هو تابعها و سد لباب ضارت عندو معصبة) قلتلك مااااتلحقنييييش علاااااش لحقتيني فيين ما كتكووون كيكونو المشاكيل حطيتيني بوجهي قدامهم مابغيت حتى واحد اعرف بلي مزوجين خصووصا كوهينور باش ماتقلقش حيت عرسها و نتا مادرتيييش بوجهي اهئ اهئ خليتيني نكدب عليهم و نقولهم مرتاحة معاك و مهلي فيا و نتا معيشني فلعذاااب و كدبتي عليهم فاش قلتي كتبغيني اهئ اهئ
الزنبقة: طال زمان ولا قصار كانو ايعرفوك مرتي مالك دابا على هاد لغوات (شدها من يدها ) رجعتي قبيحة غير كتغوتي
حنان:(دفعاتو) حييييت عيتيني قهرتيني صااااافي اهئ اهئ (بدات كتشدها الدوخة و طاحت عليه شدها و خايف عليها كيضربها بشوية لحناكها)
الزنبقة: حنان عفاك فيقي حناااان ماتخلعينيش عليك احبيبتي والله ماكدبت عليك انا كنبغييك كنبغييك بزااف (هزها حطها فوق النموسية خايف ماعارف مايدير خرج لبرا و قاليهم حنان سخفات و ناضو لعيالات دخلو عندها و هو معاهم جالس حداها خايف)
الزنبقة: غادي يكون مرتاح بزاف ماغادي يلقا حتى مشاكل
حنان: ماحسيتش براسي حتى حملت بحال لهبيلة اهئ اهئ علاش هادشي يا سيدي ربي اهئ اهئ
الزنبقة:(عرفها ماغاديش تسكت و جبدها عندو ضمها ليه واخا كدفعو حتى استسلمات ليه و ترخات بين يديه...بقا كيفكر فهضرتها دارلها جرح صعيب تبرا منو ولكن ماشي بيديه...ضحك شوية منين تفكر بلي اعتارف ليها بحبو و هو خايف هو مكيبغيهاش حيت هي صافي تخلطات ليه مع الدم الى مكانتش حنان مكاينش يوسف) حنان تهدنتي نقدرو نهضرو دابا
الزنبقة:(نعل شيطان و سكت ) غادي نمشي نجيب تيست و اديريه نشوفو شنو كاااااين(خرج من لبيت معصب)
حورية:(كانت ادخل و لقاتو خارج) يوسف… اويلي مال هادا (دخلات عند حنان) حبيبتي حنان جبتلك الماكلة كولي مزيااان باش حتى لبيبي ياكل
حنان: حتى نشوف بعدا واش كاين شي بيبي او نن
حورية: علاه
حنان: مشا يشري الطيست باش نتأكدو اوووف ياربي مانكونش حاملة
حورية: صبري صبري ياكما قلتي ليوسف ماباغاش تولدي
حنان: اه قلتهالو و قلتلو كنفضل نموت انا و هادشي لي فكرشي و عمرو يشوفنا
حورية: اويييلي اش درتي حرام عليك نتي ماشفتيهش كيفاش كان فرحان فخبارك كان باغي لولاد و فاش كان مزوج بفيروز ديما مخاصمين على قضية لولاد مابغاتش تولد و هو فين ما كان شي بيبي صغير كيهيزو و كيتمنى اشوف ولادو بين يديه
حنان: يشهد ربي بلي باغا ولدي ولا بنتي ولكن ماغاديش يحلم بيهم لا منخليهش ياخدهم ليا و يحرقلي روحي كثر ما حرقهالي و ياربي منكونش حاملة ياااربي
حورية: الله اهديك
…
الزنبقة:(هبط لتحت وصا احد رجالو اقلب على فارماسي و يجيب تيسط و ميتعطلش شوية كيسمع دراري كيعيطوليه و مشا جلس معاهم) السلام عليكم
اوسمان: و عليكم السلام ماجلستيش معانا بزاف
لحسن: هه اوا الفرحة ديال حمل مراتو نساتو فينا
سعيد: مبروك عليك
الزنبقة: الله أبارك فيك. ولكن انا مجلستش معاكم حيت تلهيت مع مراتي ولكن حيت سبقوني شي ناس هنا و ضيعو صورتي
اوسمان: حاشا اخويا امكن حتى هوما فاهمين امور غلط
الزنبقة: هي كوهينور ماقالتلكش العيب ديالي
اوسمان: قالت ليا كولشي ولكن راك عارف علاش قالت هادشي نتا كنتي خاطفها و اتزوج بيها
معتصم:(كان كيهضر فتيليفون حتى طلع راسو لفوق و شاف يوسف مع كوهينور و خاف و طلع عندهم كيزرب حتى وصل و هي يدفع يوسف ) اش كديييير مع بنتي اش بغيتي منهااا ماكفاكش شنو درتي فيها
كوهينور: بابا يوسف مادار والو حنا غير كنهضرو
معتصم: سكتي هادا مكيتأمنلوش راه جا باش اقتلك
الزنبقة: انا ماشي بحالك انا منقتلش بنت عمي
معتصم: يا خسارة التربية فييك
كوهينور: باااارااااااكا بابا يووووسف مادار والو هو جا عطاني كادو (كتقيس السنسلة فعنقها) هادي ديال جدة ياك انا مكنعرف حتى واحد هو لي قالي
معتصم:(كيشوف فالعقد) اه ديال الواليدة
كوهينور: يوسف ماخايبش كاين سوء تفاهم
معتصم: ماكااااين حتى سوء تفاهم راه خطفك و ضربك و كان بغا يتزوجك باش اعذبك واش نسيتي
كوهينور: شووف نتاااا اشنو درتييلووو
معتصم: ماااادرت والو
الزنبقة: اه مدرتي والو نتا مقتلتيش واليديا فاش كنت صغير باش تاخد فلوسهم و نتا ماتسببتيش ليا فلكسيدة باش تشوهت نتا مكدير وااالووو
معتصم: انا مقتلتهمش اناااا مقتلتش خويا و مراتو عمرني درتهااا و ماشي اناااا لي تسببتلك فالكسيدة نتا ظلمتيني انا مدرتهااااش ولكن نتا عذبتيني ديتيها معاك و ماخليتينيش نوصل ليها كرهتيها فيااا
الزنبقة: اه حتى فاش كنتي موجه ليا لفردي و باغي تقتلني فقلب قصرك كنت غاااالط هاء و حتى هاديك لي قلتي عذبتك بيها هاهياك الى بغاتك من عندي مبروك (مشا من تماك معفر و معصب)
كوهينور:(خايفة على باها) بابا عفاك رتاح(جلساتو و جلسات) انا متيقاك عارفاك ماديرهاش دابا يبان الحق
معتصم: حتى ليمتى هاد لولد غادي يحرقنا كاملين قلبو عامر بالحقد
كوهينور: انا تايقة بلي كلشي ايتصلح ولكن لي مافهمتش شكون هادي لي خداها معاه و عذبك بيها
معتصم:(ابتاسم) حورية
كوهينور: كيفاش واش نتا و حورية (عطات يديها على فمها)
معتصم: هادشي كان شحال هادي كنت كنبغيها و حتى هي و مشات و صافي بقيت مع ماماك و جابتلي اجمل جوهرة لي هي نتي
كوهينور: ولكن ابابا حورية كانت صاحبة ماما كيفاش
معتصم: مافهميش غلط (بعينين حزينتين) القلب مكيشاورش فاش كيطيح فالحب كنت مع ماماك و لكن كنت كنبغي حورية حتى حملات ماماك و عرفات حورية و مشات بحالها انا ماآذيتش ماماك ولو بكلمة كنت كنحتارمها ولكن قلبي ماكانش ليها
كوهينور: و ماتت ماما علاش مارجعتيش لحورية
معتصم: حيت نتي عمرتي الفراغ لي كان فيا و نسيت
كوهينور: لا ابابا نتا مانسيتيش
معتصم: هي صاف مشات و بقات مع الزنبقة باينة عمرليها راسها
كوهينور: لا ابابا الى كنتو كتبغيو بعضياتكم غادي تكونو بجوج هاي هاي هادشي واقع و انا ماجايبة لدنيا خبار ههه فخبارك حورية تيتيزة باقا شادة فراسها
معتصم: الله اعطيك لعقل هههه(ناض كيضحك و كوهينور من موراه كطوب عليه)
..فبلاصة نيت فدار جالسة و جامعة رجليها و هو حداها مصدوم بداكشي لي سمع
شاكمة: دابا صافي راه طلقك
حفيظة: ولكن غادي يجي قالهالي
شاكمة: هو ماخاصووش اتعامل معاك هاكا
حفيظة: ولكن راه انا لي غلطت فحقو
شاكمة: حفيظة ماديريهاش بلا ماترجعي ليه شوفي هو طلقك راه خرجها من فمو انا نتزوج بيك والله حتى باغيك
حفيظة: اش كتقول امحمد انا كنبغيه هو و انفرط فكولشي غير ارجعلي راه تستاهل ماحسن مني
شاكمة: مقدرتش باقي مقدرتش نحيدك من بالي و انبقا كنبغيك شوفي من حالي
حفيظة:(ناضت) انمشي نشوف حنان (مشات و خلاتو جالس مقهور و ماقادرش انساها و ناض حتى هو يمشي عند حنان اشوفها)
حفيظة:(دخلات عند ختها) ختي حبيبتي
حنان:(متكية على نموسية ) فين مشيتي
حفيظة: كنت مع محمد ها هاهو جا
شاكمة: سلام لباس (عنق حنان) توحشتك بزاف
حفيظة: فخباارك حنان حاملة ههه غادي نولي خالة
شاكمة: ااه ههه فخباري مبروك عليك
حنان: محمد علاش ماقلتيليش بلي يوسف ايجي معاك
حورية: كون قالهالك ماكنتيش اتبغي
حفيظة: اه باينة سيد توحشك ماشي بيديه
حنان: هاداك شيطان محمد ماتيقش بيه هو كداب
شاكمة: حنان باينة يوسف كيدير هادشي على شي سبب
حنان: اشمن سبب هادا لي يخليه اقتل فيا و يزطم على كرامتي اذن عاودليك و نتا جاتك عادية
شاكمة: كيبقا راجلك اشبغيتيني ندير
حنان: أه معندك مادير ولكن انا لي عندي مندير و دابا تشوفو
الزنبقة:(دخل للبيت) ها طيست وصل نوضي ديريه
حفيظة: اشمن طيست علاه نتي باقي ماتأكدتي
الزنبقة: نوضي
حنان: نقطعو شك باليقين (ناضت خدات منو طيست و خرجات من لبيت مشات لطواليط دارتو و خرجاتلها النتيجة اجابية ولكن هي ماعرفات والو ماقارياش غير تبعات الاشارات كيفاش دير رجعات للبيت و عطات تيسط ليوسف) شنو كاين
الزنبقة: هههه حاملة
حورية: اوا دابا نقولو مبروووك ههه
حفيظة: ياربي تولدي ثلاثة هاححح
شاكمة: مبروك عليكم
حنان:(هضرات بنبرة حادة و بقلة حيلة) الله ابارك فيكم (رجعات النموسية تكات منفخة )
الزنبقة:(جلس حداها) خصك تهلاي فراسك كثر
حنان: خصك تبعد مني و انتهلا فراسي
الزنبقة: (تنهد) خاصاك شيحاجا مشهية شيحاجا قوليلي
حفيظة: اه احنان قولي نوجدولك كولشي
حنان؛ لا مابغيت والو
حورية: اوا نخليوك ترتاحي (خرجو و ناض يوسف سد لباب و حيد لماسك و حوايجو بدلهم و تكا حداها حاط يديه على وجهو و باين عليه عيان)
نورة: (خارجة كتكمي) اش كدير هنا راك عريس زعما الى شافك شيواحد ايطيحو عليك لباطل
اوسمان: ههه ماجيتش على داكشي لي فراسك ولكن بغيتك تجي هاد ليلة انديرو سهرة و بغيتك تشطحي
نورة: وأهي انا جاية جاية راني قلتلك انشطح نهار عرسك ولكن هاد ليلة ماشي ليلة العرس
اوسمان: جاو عندي ضياف و بغيتك تشطحيلهم جيبي شيخات ولا اجي غير نتي المهم تهلايلي فيهم
نورة: شكون هاد ناس كيدايرين زعما
اوسمان: من لمدينة كيجيو لكوهينور
نورة: اوا الى القضية فيها كوهينور نجييي و هاد ناس مايعرفوش لتاشياخت (غمزاتو) انشطح الشرقي
اوسمان: ههه مرحبا غير اجي و حمريلي وجهي
نورة: اه و سير عند شكيب جيبو حيت هو لي كنتفاهم معاه و كيضرب الدربوكة مزيان
اوسمان: واخا يالاه تهلاي
نورة: الله اعاون….
اوا وصل ليل و ليل طويييل كيجمع الاحباء و العائلة و كيخلي لقلوب كدردك بالشوق و اللهفة و هاكا كان فهد لي يالاه تحطات طيارتو فالمغرب و خرج كيجري باغي غير امتى يوصل لعند حبيبتو حفيظة ...استقل سيارتو و مشا فاتجاهها و عند دار لكبيرة كانت لقمرة مضوية لقصر و شموع فكل بلاصة و ريحة الورد و المسك مالية لمكان و رنة البنادر لي عند لعيالات كتسمك الاذان و صوت ضحكات العائلة كتبعث بالسكون و الطمأنينة كانو رجال جالسين لتحت كيتناقشو و يضحكو شي كيشوف فشي جامعاهم هاد اللمة الزوينة من بعد ما تعشاو و كيتسناو فالسهرة تبدا و كيشوفو فليباف كيتقادو و مول الدربوكة كيقاد الرتم ديالو….لفوق فالبيت كانت كوهينور لابسة قميص واسع و طالع على ركابيها فالابيض و فيه الصم و لابسة شربيلها و مكحلة عويناتها ماشاء الله عليها مضوية و ابتسامتها كثر و لبنات ضايرين بيها لابسين قفاطن و تكاشط و كل وحدة و جمالها حنان كانت لابسة قفطان اسود سفيفة ديالو فالاصفر و مضمة فالذهب و ماكياج تقيل مركزة على عويناتها الخوضر اما حفيظة فلبسات جابادور فالازرق و جمعات شعرها كعكة و دايرة ححتى هي ماكياج صارخ اما حورية فلبسات تكشيطة حمرة و مجدولها خفيف و دارت شعرها بوكلي و ماكياج خفيف و عكر حمر اراك من بعيد اما فاطنة لبسات قفطان جوهرة فالغوز و سبنية بيضة و رابحة قفطان اخضر ملكي مع سبنية و بلا ماكياج و مايا لبسات قفطان فالسومو و طلقات شعرها و هنية قفطان موف و طلقات حتى هي شعرها اما لكبيرة و يامنة و ايطو فلبسو تكاشط مزركشين و عليهم القيمة داكشي بلدي و عتيق...كانو فالبيت مع كوهينور من غير لكبيرة و يامنة و ايطو لي كانو كيوجدو برا الطقوس لي ايديرو لكوهينور
كوهينور: مال بنتك كتبكي
فاطنة:(كتراري بنوميديا) خوباتلي زمان من صباح و انا نسكت
حنان:(كتبتاسم) هاكا كيكونو لولاد صغار
فاطنة:(مبتاسمة) لعقبة ليك دابا تولدي حتى نتي و تعرفي بحقهم
حنان: ان شاء الله
دخلات لعندهم بلا مقدمات كتنهج و باينة عليها كانت كتزرب فالطريق وراتها يامنة لبيت و دخلات
نورة: ناري تعطلت اووف
كلشي كيشوف فيها
كوهينور: نوارتي (عنقاتها) ههه جيتي
نورة: جييت راجلك جا عندي قالي نجي نشطح لضياف لي جاو(كتشوف ف حنان و حفيظة و حورية) خواتاتك هادو امم
كوهينور: هههه صحاباتي بحال خواتاتي (كتوري بيديها) هادي حنان و هادي حفيظة راه كنت عاودتلك عليهم
نورة: ااااه (كتسلم عليهم) اهلا اهلا حصلي الشرف نتلاقا بيكم شحال كتعاود عليكم خصوصا حنان اياربي بصح كدابزي مع رجال اعطيك صحة عليك داكشي لي خاصهم (ضرباتها فكتفها مشات و جات)
حنان: شكرا شكرا
نورة: عادي احبيبتي ههههه (كتشوف ف حورية) و هادشي شكون
كوهينور: هادي حورية احم قريب اتولي مرت بابا
حورية:(تصمكات طرطقات عينيها) اوييلي شنو
حفيظة: راه عقنا بالفيلم داك نهار على شوية تقولي لسي معتصم كنبغيك
حنان: حشمي شوية (كتخنزر فحفيظة)
حورية: كوهينور ماتفهميش غلط
كوهينور: راه عاودلي بابا كولشي مالك ههههه ماتخافيش مافهمتش غلط غير دابا خاص نفكرو كيفاش نزوجوكم
رابحة: واش كاع بنات لمدينة هاكا واش كاينة شي بنت فهاد دنيا كتزوج باها
فاطنة: هههه غدا ولا بعدو اتبغي تزوج اوسمان بالمرأة ثانية
كوهينور: شنااااااهوا و الله لا حلم بيها انا مراتو لولة و ثانية و ثالثة و رابعة
مايا: اصلا خويا اوسمان مايلقاش حسن منك
هنية: اه و مايسخاش بيك هههه
نورة:(لبسات لبسة د الرقص و قادات راسها) ها كيجيتكم
ضارو كيشوفو فيها مصدومين
كوهينور: اش هاد لبس اش جاب الشعبي للشرقي
نورة: واراه غادي نشطح شرقي
حنان: احم ماكيحسابنيش اتكوني هاكا
نورة: هههه انا شيخة و قحبة اش كيحسابك انكون مثلا كنعطي المواعظ
حنان: و واحد كاين معاهم داير لقناع على وجهو راه راجلي
كوهينور: انا بلا مانوصيك على اوسمان ولكن نوصيك على بابا عندااك
مايا: و هانتي حتى عمر بعدي منو
نورة:(شافت ف حفيظة) و نتي علامن بغيتيني نبعد
حفيظة: الله اربح ماكاينش راجلي معاهم هههه
نورة: منيتكم البنات كتوصيوني انا مكنضورش على راجل المزوج و اصلا جيت غير نشطح يالاه الله تعاون نمشي قبل مانسمع الهضرة …
هبطات نورة لتحت دايرة زيف على وجهها و مخلية عينيها يبانو دايرة صوت بخلخالها حتى وصلات لعند رجال جالسين كيرمقوها بالنظرات عجباتهم اما هي رمقات شخص واحد بنظراتها و كتقول مع راسها هادا هو شخص لي عتقني صباح ابتاسمات و حيدات زيف خلات وجهها يبان و كضحك للشاكمة
شاكمة: يوسف هادي لبنت لي فكيتها صباح
الزنبقة: ههه طلعات راقصة شوف اتاكلك بعينيها
شاكمة: الا انا ماشي من داك نوع لي كيطيح مع الشايطات حشوومة
الزنبقة: ههه نشوفو شطيحها ..
دارلها اوسمان اشارة بيدو و بدات كتشطح بشوية بشوية و كتمشي مع الرتم ديال الدربوكة بدات الاغنية و هي تشخد لبنت بقات كتلعب بصدرها و طرمتها و كرشها كتفيفري و عويناتها كدير بيهم حركات مثيرة اسخنات الطرح و كولشي حمقو شطيحها...خرجو كوهينور من لبيت بزغارت و الغناء وجلسوها فواحد لجليسة لفوق كطل على رجال و نورة لي كتشطح بيناتهم و ضايرين لبنات بكوهينور و كيشوفو ف ايطو كتخلط الحناء مع الورد و الياسمين و الاعشاب و الزيوت النباتية الطبيعية و هوما كيتفرجو فرقص نورة من لفوق ….خلطات ايطو لحنا مع الما و عطاتها للكبيرة و شدات لكبيرة شعر كوهينور كديرليها الحناء و هي كتقفقف بالبرد
كوهينور : اححح لبرد
لكبيرة: عرفتي شنو معنى هاد القاعيدة عندنا
حنان: شنو كتعني هه
لكبيرة: هاد لقاعيدة كنديروها فليل فاش كيتحرك الهواء باش نشوفو لبنت واش اتصبر مع راجلها ولالا
كوهينور: نصبر نصبر (كترجف)
لكبيرة: هه الله ارضي عليك
سالاتلها و جمعات ليها شعرها بالدرة ديال حياتي و من فوقها سبنية امازيغية و حزمات ليها شعرها مزياااان و شدات يديها بدات كدهن ليها بالحنة و ايضا رجليها و عنقها ووجهها و خلاتها حتى نشفليها داكشي عاد لبساتلها عباية بيضة واخا اتوسخ بالحنة مكاين مشكل و لبسات ليها تقاشر و صباعيات وجابت مجمر هداها و بدات كتبخر ليها بالشبة و الحرمل و لبنات بيناتهم كيهضرو و يضحكو و ماينساوش اشوفو شطيح نورة لي كانت مكتاسحة الجو برقصها المغري و الفاتن و عينيها غير على محمد طول السهرة كتجي حتى لحداه و تبدا تشطح و هو كيهبط عينيه ماباغيش اشوف فيها و يوسف كيموت عليه بالضحك مرة مرة الوح ليه نويطات كيمركو دارت اخر حركة و تسالات الاغنية ديال حلاوة روح و بقات كتنفس بالجهد و كتمشا بخطوات بطيئة لعند محمد حتى وصلات عندو و حنات ليه طاح شعرها للجنب و تدفق صدرها لي كتنهج بيه و الابتسامة مكتفارقهاش و عينيها اياكلوه و هو فهاد اللحظة ماقدرش مايشوفش فيها و ماحس براسو حتى باستو بوسة طويييلة جمعاتلو شنايفو عندها و كتبنن فيهم و كولشي مصدوم لعيالات كيشوفو فيها من لفوق و كيويلو و رجال مبقلين عينيهم فيهم من غير مبارك استغفر الله و ناض جمع الوقفة واخا هكك هوما بجوج ماحسو بوالو هو البوسة دوخاتو و هي كثر منو ...بعدات شوية عليه كتشوف عينيه كيبريو و نطقات بصوت رنان حلو
نورة : هادي الطريقة ديال نورة فاش كتشكر شيواحد (عضات شنافتها و رجعات دوات) شكرا على صباح (قادات وقفتها و ضحكات ضحكة ديال العاهرات زلزلات المسامع ديالهم)
اوسمان: نورة ههه تقدري تمشي دابا و الى بغيتي تجلسي تباتي مرحبا عزيزة و غالية
سعيد: اوسمان هاد الدار محتارمة مكيدخلولهاش الموسخين
لحسن: انا مكنتافقش مع سعيد ولكن هاد المرة انتافق معاه عيب
عمر: فاش كنتو كتفرجو فيها و ريوككم كيسيلو ماكنتوش حاسبينها موسخة حتى لدابا
اوسمان: انا لي طلبت نورة تجي تشطح حيت عارفاها ماتردهاش فوجهي و زيد عليها عزيزة على كوهينور و خيرها سابق
نورة: احم من هادشي كاملو واش حتى نتا اتجلس هنا (كتشوف ف محمد)
الزنبقة: ههههه اه ايجلس هنا طول لعرس
نورة:(كتنقز بلاصتها) ياااي صاف انجلس حتى يسالي لعرس
اوسمان: هههه نورة بلا بسالة
نورة: اش كتعرف عليا
اوسمان: بزااف لي حطيتيه فراسك كيمشي فيها و الشاكمة غير درويش
نورة: (عينيها كيبريو) سميتك شاكمة
شاكمة:(تعصب و ناض وقف قدامها جمع الدفلة ففمو و بزق فالارض) وسختيلي فمي آخر مرة تعاوديها مرة أخرى انتفاهم معاك(دفعها و مشا بحالو و بقات هي بلاصتها تجمعو دموع فعينيها ماكاينش لي كيرفضها حسات بالاهانة هي عمر شيواحد بين ليها بلي رخيصة واخا كلشي عارفها شيخة و قحبة و لكن باش ابينهالها بهاد الطريقة بقا فيها لحال...جمعات راسها و هضرات قدام رجال)
نورة:(بحقد) دابا نشوفو الى ماهترتيش بسمية هاد لمسخة (ضربات ضورة و مشات للبيت)
اوسمان: ماكانش اتعامل معاها هاكا مشا فيها
الزنبقة: انا هاداك كنشك فيه واش عندو ثب راه امبوسيبل مايكونش حس بشيحاجا
اوسمان:(كيشوف ف حنان من مور الزنبقة واقفة) ههههههه عجباتك نورة
الزنبقة: زوينة قولي شنو خدمتها بضبط
اوسمان: (كيديرلو بعينيه اشوف موراه) خدمتها عاهرة و شيخة
الزنبقة: مزيااان (ابتسامة شر)
حنان: لا ياكما نوجد ليك رونديفو معاها
الزنبقة:(تصمك و دار موراه) حاشا ماشي هكك قصدت متفهميش غلط
كوهينور:(كترجف من لحنا لي دارولها) مالك كترطاي ازمر الشطيح و شطحتيه و البوسان و بستيه مالك
نورة: دااااك لحماااار بزق فالارض و قالي اخر مرة ديريها حسيت بالقمعة تفووووو
حفيظة: شاكمة ماشي من نوع لي كتعجبو شي وحدة دغيا انا عارفاه
نورة: غاااادي نخليه هو يطلب مني غير شوفة و ايجي حتى لعندي و الله احييني حتى لداك نهار و دابا تشوفو و تقولو نورة قالت اوووف
حورية: منين كتعرفيه هاء تعصبتي حتى لهاد الدرجة
نورة: صباح تهجم عليا واحد لكلب و هو عتقني منو كبر بزاف فعيني ماكيحسابليش داير هاكا (طاحت على النموسية متكية كترد النفس و كتشوف فالسقف)
كوهينور: راك صدمتيه بداك الفعل لي درتي فاش كنتي كتفكري
نورة: ماعرفتش كنت فرحانة وصاف اووف تزعطت فيه
حفيظة: (كتشوف ف حورية و حورية كتشوف فيها) واو خاصو يتزعط فيك حتى هو
حورية: ولكن ماخاصش تبينيلو راك من داك نوع
نورة: مايمكنش نخبي الشمس بالغربال انا قحبة و شيخة و انجيبو عندي حتى لفراش و الى درت شيحاجا فدماغي كنوصلها (ناضت لبسات حوايجها و مسحات وجهها من الماكياج) و قالي اوسمان نجلس هنا حتى يسالي لعرس
كوهينور: اه مزيان هاكا
نورة:(كتشوف ف كوهينور و ضحكات) هههه المنظر ديالك كيظحك
كوهينور: عاد شفتيني هههه اصلا غدا انتحممو واخا قنطت هاكا
نورة: انعس حداك هاد ليلة اختشي
كوهينور: مرحبا
حورية: اوا تصبحو على خير انمشي نعس
حفيظة: حتى انا يالاه باي
كوهينور و نورة: تصبحو على خير…
وصلات لبيتها معصبة حيدات قفطانها و بقات بدوبياس و كتنكر
حنان: سلكوط مكتسوااااش
الزنبقة: راك فهمتي غلط (شاداه ضحكة)
حنان: اش غلط اش واش نتا بعقلك سير حويها حسن
الزنبقة: علاش انمشي عندها و نتي كاينة
حنان: واياااك تقرب ليا (كتخنزر فيه)
الزنبقة: اصلا سولت عليها حيت زوينة ماقدرتش نقاوم زينها و شطيحها اححح عويناتها قتالين واعرة بزاف و كتحمق هاداك لي اينعس معاها مو داعية معاه
حنان: اااه ماغريباش عليك نتا هاكا زلايلي و عزيز عليك نسا و كنكرهك تفوووو خرج علياااااا
الزنبقة:(شدها من دراعها و حاوط خصرها) ششش كنت كنضحك معاك هههههه ناري كتجي زوينة فاش كتغيري
الزنبقة: وا غيير ضحكت معاك واصاااف ههه والله ماعجباتني سولت عليها على شي شغل آخر واش انا اتعجبني هاديك و نتي عندي
حنان: كداب كدااااب نتا اصلا غدار اهئ اهئ
الزنبقة:(حيد لماسك و نزل على شنايفها بالبوسان كيبوس خلاها كتنتر منو حتى حس بلي تجاوبات معاه عاد طلق منها) ديما خاص نبقا نسكتك هاكا همم (باسها فحنكها و تحت وذنها حتى حس بتبوريشتها و هزها بحال الريشة و نعسها فالنموسية و ناض جاب من لافاليز ديالها سروال و بودي و رجع عندها) ايضربك لبرد (لبسلها حوايجها و ناض بدل عليه حتى هو و تكا حداها ضامها عندو لقاها صقرات ماهضراتش) مالك سكتي مامولفش بيك
حنان: خليينا هانيين ازمر مسينا عالله
الزنبقة: هههههه واخا تصبحي على خير
جمعو لعيالات روينة و كل واحد مشا لبيتو يعني حتى يصبح و يفتح ...
الزنبقة الفضية الجزء 13
محتوى القصة
التنقل بين الأجزاء