كانت حفيظة كتمشى بحال الميتا فالشانطي الطوموبيلات كيدوزو عليها و كيتلوطو عليها و شي مرات كيوقفو اما هي كانت قطيطة فازكة بالماء و كترجف و دموعها مابغاوش احبسو مضمرة لاقصى درجة ماعارفاش فين تمشي و فين تجي و الظلام طاح و غير لقطاطعية لي كيضورو خافت على روحها بزاف خاصة أنها كتسمع كلام خاسر و مضايقات حتى صافي طفح الكيل و رجعات كتجري مرة أخرى...كتجري بالجهد ناوية تمشي عند فهد لدارو بقات كتجري كتجري و الجلابة معكلاها واخا هكك ماوقفاتش بالرغم من أن الطريق طويييلة ماوقفاتش ابدا و رجعااات الشتا كطيح مرة أخرى و البرد كيصوط فيها ...اما فهد فكان جمع حوايجو و جار لافاليز ديالو وصل لباب الفيلا و حل المظل باش اتدرق من شتا و متوجه لسيارتو ركب فيها و عطا أمر للسائق انه يتحرك قبل مايفوت موعد الطيارة ديالو حيت فايت ليه بدل الموعد و ردو مع العشرة و هو معصب حيت ماقدرش اوصل لحفيظة و الأمل الوحيد لي كان عندو تبخر و مشا ….بقا كيشوف فالبرق و الرعد و قلبو كيخفق بحال البرق و الرعد حتى وقفات سيارتو و شدات لفران بسرعة
فهد: اشوااااقع
السائق: سيدي شي بنت خرجات فطريق
فهد:(كيحاول اشوف من السرجم شكون حتى كيقلع بعض الملامح ديالها و هي مهبطة راسها كتنهج و اتسخف هبط بسرعة عندها ) حفيييظة
حفيظة:(عيانة و مهلوكة) فهد
فهد:(عنقها بقوة و هو مامصدقش فرح بزااااف و فرحتو ماليها حدود ) توحشتك بزاااااف كنت فااااقد الأمل من انني نشوفك ولكن ربي كبييير لاقاااني بيييك (بعد منها اشوف فيها و لقاها ترخات و سخفانة ) حفيييييظة (كيضرب على حناكها غير بشوية و فالاخير هزها و حطها فطوموبيل متاجه بيها لدارو هبط و هزها مرة أخرى و دخلها لدار و هوما كيقطرو بجووج حتى حطها فوق النموسية دبيتو و قاس حرارتها لقاها كتشوط خاف عليها بزاااف بزاااف ماعرف باش تبلى ناض عيط للطبيب فتيليفون و رجع جلس حداها شادلها فيديها) صبري احبيييبتي طبييب قريييب اوصل
حفيظة: (كتخربق فالهضرة ) فهد ختي ...تزوجها..مشات
فهد:(كيبوس ليها يديها) كولشي ايكون مزيان احفيظة
كتخربق فالهضرة و هو مافاهم والو الاهم عندو هو تبرا و تهبط حرارتها ...وصل طبيب و مشا فهد عندو فتحلو و طلعو عندها دخل و عطاها حقنة و بعض دوايات و طمن فهد على حالتها و بلي راه غير البرد لي قاسها و منهنا لغدا اتكون بيخير ….شكرو فهد و وصلو للباب و رجع عند حفيظة جلس حدا راسها كيعتاني بيها حتى داه نعاس و هو حاط راسو على راسها ….اما فايت يوسي كيكو و بضبط فقصر اوسمان كانت الحفلة بااااديااا و لقبايل كولهم وصلو و دخلو و كيتعشاو و ناشطين و فرحانين برجوع اوسمان حتى من قبيلة ايت عمر و عبيد كانت حاضرة بالرغم من عدم الاستقرار لي كاين بيناتهم ولكن صااابرييين...كان عمر كيقلب بعينيه على مايا و غير كدوز من حداه كتسخر كيعجبو لحال و يفرح و هي مرة مرة كتستارق النظر و تبتاسم ليه حتى عيط ليها اوسمان
مايا: شنو اخويا
اوسمان: بغيتك تمشي للمحطة
مايا: اويلي المحطة فهاد الوقت
اوسمان: ضروووري خاصك تمشي غادي تجي واحد البنت من لمدينة جيبيها لهنا
مايا: بنت ؟ هاحي شكون هادي؟؟؟
اوسمان: سميتها كوهينور ماتكثريش الهضرة راني وصيت واحد من رجال امشي معاك و سيرو قبل مايعيق بيكم شيواحد
مايا: (كتهرنن) حتى بغا يبدا احيدوس عاد عرفتي تسخرني
اوسمان: ماااياااا
مايا: واصافي هاني مشيييت
خرجات مايا من دار مع الراجل لي وصا خوها و هو رجع لعند الناس و جالس حدا باه بالدراعية و كيبان مهيب و عليه النور حتى بدأ باه كيهضر
مبارك: من ليوم ولدي اوسمان هو المير ديال ايت يوسي
كولشي صفق و فرح بهادشي من غير الحساد لي هوما سعيد و قبيلة ايت عمر و عبيد لي كيتقرصو بوووحدهم وواصلة فيهم للعظم..و فجأة بدأت فرقة احيدوس كتغني و خرجو لعيالات تخالطو مع رجال كيتفرجو فاحيدوس و كولهم فرحانين بهاد الليلة ...اما مايا فكانت وصلات للمحطة و وصل الكار ايضا و كوهينور هبطات منو من بعد ماقاليها الشيفور بلي وصلات و بقات مسمرة قدام الكار حتى جات عندها مايا
مايا:(مترددة تسول خاصة أن كوهينور كانت مازال بالنقاب) احم واش نتي كوهينور
كوهينور:(حيدات النقاب من على وجهها ) اه انا هي
مايا: ماشاء الله زوييينة خويا وصاني نجيبك يالاه نمشيو
كوهينور: صبري (حيدات جلابة كانت لابسة سروال كحل مزير و قميجة بيضة طالعة فوق السرة و طلقات شعرها الطويل لي واصل لطرمتها و هي ضور عندها) دابا يالاه نمشيو
مايا: (كطلع فيها و تهبط مصدومة) نمشيو نمشيو ...
كوهينور: (هزات لافاليز و غادية جنب مايت) شنو سميتك
مايا: سميتي مايا
كوهينور: متشرفين (كتشوف فالاحياء) انا اول مرة نجي لهنا
مايا: ايييه قليل لي كيعرف هاد لبلاصة
كوهينور: اه
بقاو كيمشيو و مايا غادي تاكل كوهينور بالشوفات ديالها اما كوهينور كاع مامسوقاش رآها كتشوف فجنابها و تتمنظر حتى وصلو لدارهم شافت كوهينور ضواو و سمعات الشطيح و الرديح و هي ضور عند مايا
دخلات كوهينور للدار حطات لافاليز ديالها فالارض و كتشوف الناس مجموعين كيشطحو و فرحانين و هي ماعارفاش حتى عندمن اتمشي و شكون تسول بقات مبلوكيا بلاصتها و داك الجو مختاااااالف عليييهاااا خاصة أنها كتشوف كاع لعيالات و لبنات لابسين جلالب و رجال بالدراعيات و كتسمع اغاني بلغة مختااالفة عمرها سمعاتها و شطيح فشكل و الات موسيقية مختلفة ايضا ...شوية و هي تلمح مايا بعيدة كتفرج و هزات لافاليز ديالها و بغات تمشي عندها و هي دوز من حدا رابحة و فاطنة لي كانو كيصفقو و كيضحكو حتى نغزات فاطنة رابحة
فاطنة:(كطلع و تهبط فكوهينور) رابحة شكون هادي
رابحة: بحالي بحالك شوفي لباسها كيف داير
فاطنة: (سدات على فمها) اويييلي بااااينة جاية من لمدييينة تكون جات تابعة اوسمان
رابحة: هااحي والله حتى تموت خالتي يطو بالفقصة
فاطنة: ههه هي لي من صباح و تحلم تزوجلو بنت من نهنا
رابحة: باراكا ماتبقاي تشفاي حتى لدابا مازال مازال ماعارفين والو
فاطنة: شوفي شوفي هاهياك مشات جيهت احيدوس
كوهينور كانت مبتاسمة بهاد الجو الجديد و هي غادة فاتجاه مايا و كدافع مع الناس باش توصل ليها ماكانتش عارفة صدمتها اتكون كبيييرة فاش اتوصل و اتعرف بلي اوسمان لي جابها لهنا ..اوسمان لي كان كيضحك و فرحان حيت ولا لمير و ايفرح واليديه وكيصفق و كيشوف فاحيدوس حتى لمح مايا واقفة مع زهرة و هنية واستنتج ان كوهينور كاينة هنا
لحسن: ومكنهضرش على راسي كنهضر عليك نتا راه نورة كتسناك سنوات من نهار مشيتي
اوسمان: اواشمن الموسخة كتبقا مسخة
لحسن: و الله اخويا مانعسات مع شيواحد من غيرك من نهار مشيتي وا حن عليها
مبارك:(حط يدو على كتف اوسمان و حسن) علاش كتهضرو اولادي
لحسن: واالو اعمي غير كنقشب مع اوسمان دابا ولا هو لمير وخصو يتزوج
اوسمان:(خنزر فلحسن) الليعطينا وجهك
مبارك: لحسن مك راه وصلات و ماعاجبها حال رآه خليتها مع ايطو
لحسن: اودي كون غير خليتيها فايت حمزة
مبارك: ياك المرضي و شكون اشاركنا فالفرحة ديالنا
لحسن: راه ماغاديش اعجبها الحال حيت عرضنا ايت عمر و عبيد
مبارك: (تنهد ) الساعة الله اولدي
….عند ايطو فبيتها كانت واقفة كتناقش هي و يامنة(ام لحسن) و لكبيرة جالسة كتسمع ليهم
يامنة: صافي كلمتي مابقاتش خدامة فهاد الدار كولشي درتوه و عرضتوني بحال الضيفة
ايطو: ماشي هكك ايامنة نتي كنتي فايت حمزة و اوسمان لبارح لي جا و مبارك قالك والو نديرو زردة و نتي عارفة ماكايناش هضرة فوق هضرتو
يامنة: اه و دابا ماكايناش هضرة فوق هضرت ولدك اوسمان
ايطو:(بنبرة حادة) اش كاتقصدي ايامنة
يامنة: ولدك رجع من لمدينة ماعارفش عاداتنا و التقاليد ديالنا و بغيتيه هو لي يحكم
ايطو : ماتنسايش بلي ولدي تولد هنا على هاد الأرض و كبر هنا و تربا افضل تربية
يامنة: افضل تربية؟ هاء عليها مشا و خلاكم كون ماشي سعيد و لحسن ماكانش مبارك ايدير ككاع هاد الخير
لكبيرة: مبارك عندو لخير بلا لحسن و سعيد و لكن معاهم زاد الخير تبارك الله و حنا مكنفرقوش بين ولادنا ايامنة
يامنة: انا اوسمان عزيز عليا و الله شاهد ولكن كية راجلي باااقااا فقلبي كيفاش قدرتو تعرضو ايت عمر و عبيد
لكبيرة: خصهم احضرو باش اشوفو بلي شمل تلم و مايضحكوش فينا
ايطو: الليهديك ايامنة تعلي شيطان و خلي لفرحة تكمل
يامنة: اعوذ بالله من الشيطان الرجيم
لكبيرة: يالاه نخرجو من نهنا راه لعيالات ايبداو اهضرو فينا..
خرجو من البيت مخالطين مع الرجال حتى هوما و كيشوفو فاحيدوس حتى دخلات كوهينور وسط منهم كتبقلل فعينيها و كتشوف فيهم و حتى هوما كيشوفو فيها ...وقفات الفرقة الغنا و شطيح وتصدمو من لباس كوهينور و كيتساءلو شكون هادي
مبارك: شكون هادي
اوسمان: (مشا وقف قبالت كوهينور و على محياه ابتسامة شر ) مرحبا بيك
كوهينور:(مصدومة من هادشي لي كتشوف قدامها و كترجف على شوية طيح و تهد) اش اش كدير نتا هنا
يامنة: يطو شكون هاد لبنت لي جاب ولدك
ايطو: ولدي مكيجيييبش هاد نوع لدار لكبيرة
لكبيرة: اللينجينا من شوهة دابا لعيالات ايبقاو اهضرو علينا
اوسمان: نتي فداري دابا
فاطنة: شتي هاشنو قلتلك والله حتى حبيبتو هادي
رابحة: سكتي افاطنة ايسمعوك لعيالات و يديرو لينا لفضيحة
مبارك: وااااش مشيييتي لمدينة و جبتي هاد لخطية لهنا غير باش تشوه بالشرف ديااالنا
كوهينور: لا لا اسيدي ماتفهمش غلاط سمحووولي ههه (ضارت عند الناس ) سمحو لينا الاخوااان انا غلطت فالعنوان كنت انمشي عند واحد الناس اخرين و تخالطتو ليا (كدير ضحكة صفرة و هزات باليزتها و قلبات الضورة بغات تسلت) كملو النشاط الليعاونكم
اوسمان:(جبد الفردي و هو يطلق الرصاصة لفوق فالسما حتى كولشي سقل و هي يبسات بلاصتها بلا مادور) غادي تزيدي تحركي خطوة انقتلك (ضار عند مايا) ديها لبيتك و ماتخرجوش
مايا:(كتشوف ف عمر و مشات هزات لافاليز دكوهينور و كتجرها) زييدي قبل مايقتلنا
اوسمان:(هزها من شعرها ) واش انا جبتك لهنا باش نخليك تمشي بحالك؟؟ كتحلمي
كوهينور: اهئ اهئ داكشي كاملو لي درت معاك انا ندمت عليه اهئ اهئ من غدا نمشي نردك لخدمتك
اوسمان: كنسعاااالك انا ابنت القحبة ؟؟؟ (صرفقها) كااااع داك التكبر و البخ لي كان فييك غاااادي نحيدووو منك و كنقسم ليك برب العالمين غادي ندمك و نخليك شرويييطة فهاد لبلاد و انعااااود لدينمك ترااابي
كوهينور: اهئ اهئ انا تعاااقبت بما فيه الكفاااية عفااااك خليني نمشي بحالي اهئ اهئ اهئ
اوسمان: اتبقااااي هناااا (كيوعتها فشعرها) غااااادي تعييشي اكفس ايام حياااتك بااااش نعلمك طيحي الباطل و ظلمي الناس
كوهينور: اهئ اهئ عفااااك طلق مني اهئ اهئ
اوسمان:(رماها فوق النموسية و طلع فوقها غارس صباعو فالفك ديالها) غااااادي تعرفي اوسماااان شكووون هو واااش كيسواااا
كوهينور:(خنزرات فيه) مااابغيييت نعرف حتى حاجا و لا كيهمني نعرف قود عليا عطيني التيساع
اوسمان:(بقا كيصرفق فيها بكل قوتو و هي كتغوت ) ومااااازاااااالة كتهضري القحبة القوااااااادة اللينعلزااااااملبووووك
كوهينور: بعد منيييييي اهئ اهئ (كطاكي الضربات ديالو ولكن شحال قدها فالاخير ناض عليها و خلاها سخفانة كتبكي و الدم كيسيل من وجهها)
اوسمان: (كيمسح وجهو بعصبية) ماااازاااال مااااشفتي وااالو هادا غير شوية من بزاااف (خرج اوسمان من لبيت لقا رابحة و فاطنة و مايا فالباب كانو كيتصنطو غير شافوه خرج و هوما يجمعو راسهم اما لوخرين فكان كل واحد مشا لبيتو ينعس) فين هو الواليد
رابحة: كولشي مشا ينعس اخويا
فاطنة: أه باش غدا يوجدو للخطوبة ديالك
اوسمان: (تنهد ) استغفر الله (كيهضر مع مايا) شوفي خليها من ليوم تنعس معاك فالبيت مابغيتش عينك تمشي من حداها
مايا: واخا اخويا
اوسمان: تصبحو على خير (مشا لبيتو انعس و مايا و لوايسات دخلو لعند كوهينور لقاوها كتبكي و الدم فوجهها و سخفانة على النموسية)
فاطنة: الله الله ياربي كلات قتلة دلعصى
مايا:(كتنوض فيها) كوهينور نتي بيخير
رابحة: كنوور؟
فاطنة:(شادة فكرشها) شنو سميتها
رابحة: انا سمعت كنور
مايا: واش البنت مهلوكة و نتوما كتقشبو
فاطنة: ههههههه والله حتى سميتها كنور واش ضامة السمن و لا ضامة الحريرة
كوهينور:(كتبكي و كتنخسس على زهرها لعوج و فين طيحها و تكعدات و جلسات)
فاطنة:(وقفات) زيدي ارابحة زيدي راه مايا كتجري علينا من بيتها صافي لقات صاحبة جديدة
رابحة: ماقالت عيب البنت خصها ترتاح (ابتاسمات ) تصبحي على خير
كوهينور: تصبحو على خير
خرجو لوايسات و مايا ناضت كتوجد لكوهينور فين تنعس حتى عيطات ليها
مايا: هاني درت ليك سداري ديالك باش تنعسي مرتاحة
كوهينور: شكرا بزاف
مايا: هانيا مع شي رتاحي تصبحي على خير
كوهينور: (تنهدات ) و نتي من اهلو
صبح صباح جديد فاقت حنان كتكسل و لأول مرة تحس براسها فرحانة بزاف و مرتاحة بقات كترمش فعويناتها حتى دخلو عندها الخدامات و هي تقفز كتشوف فيهم و هوما داخلين كيوجدو ليها لحوايج لي وصلوها فدريسينغ و كيوجدولها الحمام و حطو ليها لفطور فوق ركابيها و هي غير كتبقلل فعينيها مافاهمة حتى لعبة ...بغات تنوض و هوما يتعرضو ليها حانيين راسهم و كيهضرو معاها بلغة كاع مكتفهمها غير مسايراهم و هوما منين عرفوها مفهماتش عليهم بداو كيعطيوها الاشارات جيهت الحمام دخلات و لقات البانيو عامر و حيدات حوايجها و دخلات فيه جاها فاللول سخون و منبعد عاد ترخات فيه و جلسو حداها خدامات كيديرولها مساج ليديها و راسها و هي سادة عينيها حتى ناضت شللات صحتها و عرضولها البينوار و خرجات فطرات و كتشوف فيهم واقفين عليها و شيوحدات كيوجدولها حوايجها جبدو ليها سروال كحل و قميجة بيضة و سبادري بيضة و دوبياس فالبيض و ناضت لبساتهم و هوما خرجو و ماهي الى دقائق خرجات حتى هي باغا تشوف الدار عجباتها بزاااف واسعة و مضوية و الخدم فكل بلاصة كيعناو فيها حتى ضارت بغات تمشي و هي تلمح الشاكمة و توترات مامتيقاش عينيها مشات عندو كتجري
حنان: محمد (ضورااتو عندها) اش اش كديير هنا انا وصيتك تبقا حتى تجي عندك حفيظة
الشاكمة: (تنهد ) ماخلانيش يوسف جابني بزز عليا
حنان: كييييفاااااش جابك بزز عليييك و حفيييظة فييين هي
الشاكمة: مااااعرفتش من البااااارح مابانت
حنان:(ضارت بيها الدنيا منين سمعات بلي مالقاوهاش و شداتها اللقوة رجعات جوج خطوات لور و مشات كتهبط بزربة فدروج كدور موراها حتى تصاطحات مع حورية) فييين فييينو
حورية: حنااان مااالك كترجفي
حنان: يوووسف فييينو بغييتو
حورية:(اشارتلها للمكتب ديالو ) كاين فالمكتب
حنان: (خلاتها و مشات كتجري فتحات الباب عليه و دخلات اما هو كان خدام مركز على شغلو حتى سمع باب تحل) فيييينهاااا ختي
حنان:(انفاجرات بالبكا) اهئ اهئ و الى مالقيتيهاش اهئ اهئ اعلم الله فيين هي واش مغطية ولالا و شكون معاها ياكما تكرفصو عليها اهئ اهئ ختي انا لي ربيتها بهاد ليدين(هازة يديها قدامو) انا مهاااا و انا باااهاااا كيفااااش مابغيتينيش نخاف عليييها و انا تقاتلت و درت هادشي كاملو على قبلها اهئ اهئ
الزنبقة: كنوااااعدك غاااادي نجييبها حتى لعندك سمحيلي حيت كدبت عليك
حنان: عمرني نسمح ليك اهئ اهئ (ناضت خرجات كتبكي مشات نيشان لبيتها و سدات على راسها و الزنبقة كره راسو حيت كدب عليها ولكن مابغاش اخلعها و كيدير لي فجهدو باش القا حفيظة )
اما حفيظة فكانت يالاه كتفيق من نعاس ماعاقلاش على راسها فين و معامن يالاه تكعدات شوي لقات راسها فحضن فهد و الخرقة فازكة على راسها ابتاسمات شوية و حطات يديها على وجهو
حفيظة:(كتحرك فيه) فهد ...فهد
فهد:(ناض قافز كيشوف فيها و كيفحصها بعينيه) حفييظة كيبقيتي مزيااان خفت عليك كثر من لقياااس
حفيظة:(بقات كتشوف فنقطة وحدة و دموعها شلال) اهئ اهئ
فهد: عفاااك ماتبكييش قوليلي مالك
حفيظة: منيين انعاااودلك و كيفااش انعاودلك شنو طرالي قبل مانجي لميريكان و نتلاقا و منبعد و شنو وقع
فهد:(منين سمع سميتو تشوووكا و لونو تخطف و ماعرف اش اقووول ) منييييين كتعرفي الزنبقة دوي
حفيظة: (عاوداتلو حفيظة كولشي من الالف للياء و مانسات حتى حاجا و هو كيتصنط ليها و مصدوم و كيمسحلها دموعها و يواسيها حتى كملاتلو) اهئ اهئ و هي خلاتني
فهد: وشكووون قالك هي لي خلاتك راه تقدر يكون هو لي جبرها تتزوج بيه
حفيظة: اهئ اهئ مانسمحش ليها اهئ اهئ (شداتلو فيدو) نتا اول واحد فكرت فيه فاش وقعلي هادشي و كنت باغا نجي عندك شحال هادا ولكن جاو هاد المشاكيل واحد مور واحد وماقدرتش نجي عندك
فهد: مكيهمش داكشي دابا نتي معايا و ماتخافي من والو صافي نوضي دوشي و ترتاحي انا انوجد لفطور
حفيظة: واخا صافي
فهد:(باسها فحنكها و ناض هبط للكوزينة و هو كيضور تماك ما عارف مايدير متوتر و شاد تيليفونو فيدو حتى استسلم و صونا على الزنبقة) الو
الزنبقة:(كان جالس فالبيرو ديالو حاط يديه على راسو و مقلق حتى جاه اتصال) الو فهد
فهد: حفيظة كاينة عندي
الزنبقة: حفيظة؟؟ منييين كتعرفها نتاااا
فهد: ماشي مهم منين كنعرفها المهم هي معايا و غادي تبقا معايا مايمكنش ليا نسمح فيها راه نفسيتها مضمرة و كتقول بلي ختها سمحات فيها
الزنبقة: ولكن راه ضروري خاصها تشوفها حنان راه تسطات بالبكا
فهد؛ شوف مكيهمني حتى واحد فيكم لي كيهمني هو حفيظة انا راه كنبغيها ايوسف و ماغادي نخلي حتى شعرة تقاس منها
الزنبقة: اوك خليها عندك
فهد: و كنتمنى انها ماتعرف بحتى طريقة من الطرق بلي عائلتي كانو مافيووزيين انا دابا وليت موودل و حياتي هي الشهرة و داكشي ماعندي ماندير بيه
الزنبقة: عارف هادشي و ماغاديش تعرف حتى هي ولكن من الأحسن تصارحها
فهد: خيرك عليا سابق حيت عتقتيني ماشي مرة ماشي جوج من ناس كانو بغاو اقتلوني
الزنبقة: واليديك كنت كنعرفهم مزيااان و عزاز عليا و هاداك كان واجب
فهد: شكراا
الزنبقة: مازالة ديك النمرة كتعيط ليك
فهد: اه باقي عيطاتلي و هضر معايا داك الزامل و مازال كيهدد فيا
الزنبقة: واش حفيظة كانت جزء من الخطة ؟
فهد:(بقا ساكت شوية عاض على شنايفو) كان امرني باش نتقرب منها و نآذيها و مقدرتش صدقت كنبغيها و مابغيتش نضيعها
الزنبقة: و شنو درتي معاه
فهد: قطعت عليه مابقيتش كنجاوبو كنحاول نبعد ما امكن على هاد العالم د الاجرام
الزنبقة: و حتى انا راه كنحاول نخليك بعييد المهم تهلا ليا فحفيظة و شكرا حيت علمتيني فين هي
فهد: العفو هادا واجب ولكن ماغاديش نجيبها ليكم الى هي مابغاتش
الزنبقة: لا من الاحسن بلا ماتجيبها من الافضل ابقا الماضي ديالك مخبي عليها
فهد: (تنهد) اه يالاه باي
الزنبقة: باي ….
قطع الزنبقة الخط و هو كيفكر كيفاش ايصالح حنان و يطمن قلبها على ختها ...نفض افكارو و مشا ناض قدام لوحة فنية حيدها من الحيط و بانت لوحة الكترونية ..دخل الرمز السري لي كان بدلو هادي يوماين و تحلات خزانة الكتب باش تعطي طريق آخر و غرفة اخرى ...مشا دخل ليها و كل مرة كيوصل حدا شي باب كيدير رمز سري عاد وصل لصندوق الكتروني و زجاجي كانت فيه الكوهينور كيشوف فيها و كيرسم خطة جديدة فعقلو...ماهي الى دقائق جبد تيليفونو و هو يصوني لتاجر المجوهرات و لي على قبلو بغا يرد الكوهينور ليه …
الزنبقة:(مبتاسم و هو يهضر بثقة) شحال من مليار اتعطي على قبل الكوهينور
….(كيهضر بصوت غليض ماشي ديالو غير مسجل) نعطيك لي بغيتي
الزنبقة: و الى مابغيتش نعطيهالك
….انضمرك
الزنبقة: ماتقدر دير والو بلا الكوهينور و داكشي علاش انا سابقك بخطوة
….عارف بلي تزوجتي ببنت سميتها حنان لي كانت متنكرة بصفة ولد و كانت كتقاتل فالكاريان قبل مايشوفها معتصم و يخدمها عندو حارسة شخصية لبنتو كوهينور و عارف ايضا ان ختها حفيظة مشات لأمريكا و تلاقات مع فهد
الزنبقة:(مبتاسم) نتا لي صونيتي على فهد و كتهددو
….اه انا بالاضافة انني عارف بلي حفيظة مخاصمة مع ختها بسبب سراج لي لعب على دماغها و عارف ان كوهينور كاينة فمنطقة سميتها ايت يوسي كيكو عند عائلة اوسمان
الزنبقة: شنو اتستافد من هادشي كاملو
….الكوهينور ماشي مجرد جوهرة بل هي مفتاح لمنظمة لوسيفر و بيها نقدر نسيطر على العالم و نضمرو
الزنبقة: ماكفاكمش بلي ضمرتو فلسطين، سوريا ، العراق اليمن مازال باغيين ضمرو العالم
….هادي سنة الحياة القوي كياكل الضعيف
الزنبقة: طول عمري و انا كنسرق و لكن عمرني آذيت شيواحد بريء
….انا عارف بلي نتا شفار و عندك ضمير و داكشي كاع لي كتسرقو كيمشي لملجأ الأيتام و مناطق الحروب
الزنبقة: (كيهددو بصوتو) الكوهينور ماغاديش توصل ليدك طول ما انا عااايش
….نتا ، حنان ، حفيظة، فهد ، اوسمان و كوهينور مرحبا بيكم فاللعبة ديالي (قطع)
الزنبقة زير التيليفون فالقبضة ديالو و هو كيستشعر خطر التهديد لي واقع عليهم و خصو باي طريق احمي الناس لي ضايرين بيه ...خرج من تماك و البيبان كيتسدو حتى خرج فخطرة دار الرمز السري و رد اللوحة بلاصتها و خرج من البيرو مشا لبيت حنان كيدق حتى ماجاوباتوش و هو يدخل مالقاهاش و رجع خرج مشا لعند أحد الخادمات سولها عليها قالتلو كاينة فغرفة الالات الرياضية مشا هبط عندها لقاها عرقانة كدير فالطراكسيون و عينيها فيهم الغضب شافت فيه و هي تنوض كتريني فالحديد و هو مازال متبع ليها العينين كيشوف حركاتها الرشيقة و قوامها الممشوق و شرارة الغضب لي فعينيها ...خلاها حتى سالات و مشات كدير كومبا مع دمية من مطاط و مشا وقف من موراها
الزنبقة: حنان بغيت نهضر معاك
حنان:(كضرب فديك الدمية بكل قوة و سرعة و ماداتهاش فيه )
الزنبقة: حناااان باراكا علييك اتسخفي
حنان:(ضارت عندو بحركة سريعة موجهة ليه كروشية لوجهو جاب الله تفاداها و بقات كتهاجمو)
الزنبقة:(كيتفادا الدقات ديالها و كيرجع لور) وا هداااي
حنان:(طلعات رجلها كتبغي ضربو ) قود عليا
الزنبقة:(شعل و هو يشدلها رجلها و جمعها بنص حتى طاحت متكية على ظهرها بغات تنوض و هو يجي فوقها حابسها) ماااالك على هاد لقبااااحة كاملها
حنان:(كتنهج) قلتلك قود عليا و بعد مني ماتهضرش معااايا
الزنبقة:(شد الفك ديالها مزير عليك و جامعلها فمها على شكل بوسة) داك نهار صرفقتك على قبل هاد الكلمة و هاد المرة غادي نبوسك
حنان:(كتقولو لا بعينيها )
الزنبقة:(رخا من الفك ديالها مبتاسم ) مالك مابغيتيش تبوسيني
حنان:(تزنكات كتشوف تحت منها) بعددد مني ماتبوسني مانبوسك
الزنبقة: كتجي زويينة فاش كتحشمي هههه
حنان: انا مخاصمة معاك مابغييييتش نهضرك صافي (دفعاتو و ناضت)
الزنبقة:(ناض حتى هو) راه لقيت حفيظة
حنان:(ضارت عندو بسرعة ) بصصح؟؟ فييين لقييتيييها فين هي
الزنبقة: ياك قلتي مابغيتيش دوي معايا اوا بعدي مني
حنان: والا(شادة فدراعو) قولي فيينها عفاااك
الزنبقة: لا منقولكش
حنان: واصافي انبقا نهضر معاك القلاوي دوي (سدات فمها كتشوف فيه و كترجع لور ) والله ماقصدت خرجات بوحدها
كان ناعس حداها عريانين منبعد ما دوزو ليلة حمراء بكل المقاييس و عبرو حدود الشهوة لي طلعات بيهم لسابع سماوات ...خلا شوقها ليه و اشتياقها بالرجوع ديالو اعبر على كل كلمة و نظرة و لمسة فتلك الليلة اما هو فكان كيمارس معاها كأنه كيشكرها على الصبر ديالها معاه و الحب ديالها لي كيتزاد فقلبها نهار على نهار فما بالكم بسنوات فاش كان غابر من بلادو و بقات وفية ليه و كتحتارمو و اي حاجا خصاتو كيجي عندها كان سميتها نور اه النور لي كينور حياة اي واحد دخلات لحياتو و كتخلي لياليه معاها عمرهوم اتنساهم ...خدمتها عاهرة فزنقة العيون المعروف بالمومسات اشكال و أنواع فيهم الصغيرة و الكبيرة ، بنت دارهم ضحكو عليها و السلكوطة كل وحدة و ظروفها و لكن اسم واحد كيجمعهم عاهرات ايت يوسي لي كيجيو عندهم رجال من كل جهة و كيعيش اللحظة غير ب عشرين درهم مكمشة و هاد العاهرات عزلوهم على البنات الحورات غير بالسبنية بحيث ان العاهرات مكيديروش السبنية اما الحورات و بنات العائلة لكبيرة كيخرجو و على رأسهم الفولار ...كان اوسمان يالاه كيفيق و شعر نور مغطي على وجهو و كيحيدو و ناض بشوية كيلبس حوايجو حتى فاقت كتشوف فيه و مبتاسمة
نورة: و منها نيت نفتح كري و طبوني للرجال لي بغا يجي يحوي
اوسمان: اتاخدي فلوس كثييرة غير تاجري فصحتك هههه
نورة: هههه اتخرج دابا عنداك اشوفك شيواحد
اوسمان: و منبعد اعاودو لراسهم
نورة: اه نسيت بلي المير مكيهضر معاه حتى واحد هههه
اوسمان: داكشي لي كاين (غمزها) تهلاي فراسك
خرج متاجه لدارو اما كوهينور كانت يالاه فاقت كتفوه تكعدات لقات مايا كتجمع البيت
كوهينور: صباح الخير
مايا:(مبتاسمة) صباح النور
كوهينور:(هزات مرايا من صاكها كتشوف فوجهها) اللياخد فيه الحق خربقلي كمارتي
مايا: نوضي سيري للكابينة بولي الى كتبولي و غسلي وجهك راه انتجمعو دابا فالطبلة دلفطور
كوهينور: شناهي الكابينة
مايا: بيت الما
كوهينور: اه كتقصدي طواليط
مايا : هاديك نوضي
كوهينور: (ناضت ) فين هي( خرجات معاها مايا نعتات ليها و مشات دخلات لداك طواليط البلدي ماعرفاتلوش كاع ولفات العصري و هي تسلم امرها لله قضات حاجتها و ناضت غسلات و جهها و رجعات للبيت مالقاتش مايا و هي تستنتج بلي مشات تفطر المهم لبسات شورط تجين و ديباردور اسود و طلقات شعرها و لبسات سبادري فالابيض و دارت ماكياج باش مايبانش أثر ضرابي لي عطاها اوسمان و هي تخرج لقات دار خاوية ماكاين حتى حس و هي طل من البالكون لقات بلي دايرين طبلة لتحت طويييلة و حادرة و هوما دايرين لوسايد باش اجلسو و هي تهبط عندهم لقاتهم مجموعين من غير اوسمان لي ماكاينش)
كوهينور: صباح الخير
طلعو فيها راسهم مصدومين كيشوفو فيها و فلبسها دراري سعيد و لحسن حشمو و هبطو راسهم
مبارك: اش هاااااد قلة لحيااااا
كوهينور:(جلسات حداهم) شنو
يامنة: كوووولشي هادشي من اوسمان هادي تربية يدك
ايطو: (كتخنزر فكوهينور) ولدي مربي حسن منك و ماعندو علاقة بهاد الاشكال
فاطنة:(كتهضر مع رابحة) غدا و لا بعدو تصدق مطيرة لينا رجالنا
رابحة: حضي غير راجلها هاهواك كيشوف فيها من تحت الدف اما راجلي ماطلعش فيها العين
كوهينور: احم ممكن نهضر (ضارو كيشوفو فيها) أولا انا سميتي كوهينور ماشي كنور و مابغيتش شي سمية أخرى و ثانيا انا وولدكم اوسمان مابيناتنا حتى حاجا اصلا مكيحملني مكنحملو و انرجع منين جيت دااابا
ايطو: اوا لااااش جيتي
كوهينور: زهري لي جابني لهنا اما مانجييش
يامنة: فوقاش اتمشي
كوهينور: من دابا غير عاونوني نخرج بحالي
لكبيرة: هي بصح اوسمان ماكانش كيكدب و ماجابكش باش اتزوجك
لحسن كيهضر مع سعيد : زعما شنو فيها إلى تزوجها
سعيد: هانتا كتشوف إلى مشا حتى تزوجها اجريو عليه لا هو لا هي
لحسن: واش ضروري نبقاو نتزوجو هاديك لي كيختارولنا ديما
سعيد: هادشي لي عطا الله و حتى اوسمان راه ليوم نمشيو نخطبولو بنت زعير
اوسمان:(داخل مع لباب لابس دراعية ) السلام عليكم
كولهم: و عليكم السلام
اوسمان:(بغا يجلس و هو يشوف ف كوهينور اش لابسة خنزر فيها و هو يمشي هزها من يديها) واش مني حمقااااا اش هاد لباس تحركي (كيجرها من يديها و كولشي ناض كيشوف)
مبارك: اوسمااان بعد من لبنت
اوسمان: هاااادي خصها تربا
ايطو: راااه اتمشي بحالها
اوسمان: ماعندها فييين تمشي اتبقا هنااا
كوهينور : وا طلق منيييي
اوسمان:(دخلها للبيت) وااااش القحبتيمااااك مااالقيتي ماتلبسي غير هااادشي (صرفقها)
كوهينور: اهئ اهئ بعد مني اش درت ليك
اوسمان: الى كنتي مولفة تقحبين فداركوم انا عندي هنا اتجمعي كرك
كوهينور: هادااا لباسي اهئ اهئ
اوسمان: لا خرجي زمليييهم بهاد لباس اقليلة الشرف من ليووووم اتحتارمي عائلتي و مكااااين غير طوييل
كوهينور: شوف خليني نمشي بحالي فخطرة
اوسماان: كتحلمي (خرج خلاها تماك و هبط كيفطر)
لكبيرة: مامنحقكش ضربها
اوسمان:(كيهضر مع لبنات) عطيوها شي حاجا محتارمة تلبسها
لكبيرة: راه كنهضر معاك
اوسمان: انا لي جبتها و انا لي انتكلف بيها
لكبيرة: مرة اخرى نشوفك كتهز عليها يديك انسخط عليك
اوسمان: لالة راه هاديك لفعة انااا لي عااارفها
لكبيرة: لي كيدخل لهاد الدار مكنعاملوهش خايب سمعتيني
اوسمان: واخا واخا
ايطو: نوضو قادو راسكم و داكشي لي انديو باش نمشيو نخطبو الناس كيتسناونا
فاطنة و رابحة:واخا اخالتي
يامنة:الى مشينا كاملنا شكون ايبقا مع كنور
اوسمان:(شداتو ضحكة من ديك كنور و شد راسو بزز) انا انسد عليها فالبيت ماتخافوش
مبارك: يالاه نوضو مامساليينش...
ناضو عائلة اوسمان كيلبسو حوايجهم و كيوجدو الكادويات و الكارطونات ديال السكار و الحنة باش يديوهم معاهم اما اوسمان مشا الحمام ديال دارهم لي كان كاملو بالرخام و مكيبانش بكثرة البخار لي فيه بقا كيدوش باش يتقاد لأنه عريس و خاص اكون فأبهى حلة بالرغم من أنه ماحاملش هاد زواج ولكن ايبغي يدير الخاطر لواليديه و خصوصا أنه كان بعيد عليهم و خلاهم غضبانين عليه اما كوهينور فكانت فالبيت كتبكي حتى دخلات عندها مايا
مايا: واصافي باراكا من لبكا نتي من لبارح و نتي كتبكي
كوهينور: اهئ اهئ و ماشفتيهش هو فين ما ترشقلو اجمع معايا بتصرفيقة
مايا: اربي شنو درتيلو حتى كيديرلك هاكا راه ماعمرو ضرب شي بنت ياك انا ختو و ماعمرو ضربني
كوهينور:(مابغاتش تهضر فداك الموضوع) خليه دابا يعرف الغلط ديالو
مايا: واراه مشا للحمام و الحمام كاين فالقنت ديال الدار
كوهينور: واخا صافي (خرجات من البيت بدوك لحوايج نيت كاع ماحشمات و مشات كتقلب على لحمام كاع مابان ليها و شوية و هي تلاقا مع زهرة ) كتكوتا اجي عندي
زهرة: نعام
كوهينور: فين كاين الحمام ديالكم
زهرة:(شداتلها فيدها و كتجرها باش توريها) اجي معايا
مشات كوهينور مع زهرة حتى وراتها الحمام فين جا و هي تمشي بحالها و بقات كوهينور مسمرة قدام داك لباب ديال لخشب طويل. و مضيق و كتساءل كيفاش كاين لحمام هنا قربات للباب و دفعاتو شوية بيديها حتى تحل و هو يضربلها البخار فوجهها بقات دقائق عاد توضحات ليها الرؤية و شافت حمام بحال ديال الملوك كولو رخام و سقايات فكل بلاصة و سخووون بزاف ...سدات الباب و دخلات و هي تهبط وجهها شافت فسبرديلتها اتفزك هبطات حيداتها و دخلات بالحفا كتمشى غير بشوية و كتسمع الماء كيتكب عرفات بلي اوسمان كيغسل و قريب منها بقات كتبع الصوت حتى وقفات بعيد عليه كتشوف فيه و حالة فمها هااحححح على العضلات و ليزابدو و ملوي على الخصر ديالو فوطة و فزكات و هو كيلوح الماء على ذاتو و كوهينور مازال كتشوف فيه و كتشوف فالماء كيعبر على الجسم ديالو اما هو كان حاس بلي شيواحد واقف موراه بقا جامد شوية و عاد ضار كيشوف فيها بتساؤل
اوسمان: اش كديري هنا
كوهينور:(جمعات فمها) بغيت نهضر معاك
اوسمان: مابانت ليك غير هاد لبلاصة تدوي معايا فيها ايشوفنا شيواحد ايفهمنا غلاط
كوهينور: جيت غير نقولك بلي ميمكنش ليك تخليني فدار بوحدي و تحبسني
اوسمان: ماعندي مانديرلك نتي كطيري من المقلة و خفيفة شوفي غير باش خارجة عندهم
كوهينور: و باش بغيتيني نخرج راه هاكا كنلبس
اوسمان: ف كازا اه ولكن هنا لا راه عيب
كوهينور: اوا راه مكانتش فخباري
اوسمان: هاهي فخبارك
كوهينور: ديني معاكم
اوسمان: فين
كوهينور: ياك غادي يخطبو ليك اوا ديوني معاكم
اوسمان: لا
كوهينور: علاش والله ماندير شيحاجا انلبس طويل و نبقا غير حدا مايا
اوسمان: بأي صفة باغا تمشي
كوهينور: ضيفة و بغيت نشوف العادات و التقاليد ديالكم شنو فيها
اوسمان: أممم كنحس بلي فيك لغدر
كوهينور: انااا بالعمى
اوسمان: اوك انخليك تمشي بشرط
كوهينور: شنو هو
اوسمان: اجي دوزيلي الصابون على ظهري
كوهينور: واخا (مشات عندو مادة ليه يدها باش اعطيها الكيس دوز ليه و هو بقا كيشوف فديك اليد و هو يلاحظ لوشام و جبدها عندو حتى طاحت فحجرو و قريبة ليه ) اش كديير
اوسمان: هاد لوشام غطيه مابغيت حتى واحد اشوفو
كوهينور: واراه يكونو شافوه داركم صباح
اوسمان: راك غير كتزيدي تكرهيهم فيك
كوهينور: و انا مالي اصلا دابا نرجع منين جيت
اوسمان: غير حلمي عمرك ترجعي منين جيتي
كوهينور: عارفاك مكتحملنيش و باغي تفدي فيا لقديم و جديد و دابا طلقني خليني ندوزليك على ظهرك باش نمشي
اوسمان:(هز الطاس عمرو بالماء و كيخوي عليها غير بشوية فوق راسها حتى فزكات ) و الى مابغيتش
كوهينور: انا راه مكنحشمش راه انصدق مغتاصباك هنا
اوسمان: نوضي نوضي الماسخة سرك نيت غير لقحوب
كوهينور:(شدات لكيس دخلاتو فيدها و كتحك ليه و ضحك ) ههههه لا زعما نتا مافيكش الزملة
اوسمان: باراكا خرجي من نهنا قبل مانبدل الرأي ديالي
كوهينور: و عاين غير نكمل ليك (كدوز يديها عليه غير بشوية و كتشلل ليه) ساليت يالاه تشاو
خرجات من الحمام كدير الضحكة الشريرة ديالها و هي ناوية على خزيت بقات كتقطر بالماء فطريق حتى وصلات للبيت عند مايا
كوهينور: اويلي مالك سكتي دابا تلسقي فينا مونتيف مادرناهش
مايا: و اش ماشيا كديري عندو فالحمام واش هبلتي
كوهينور: قلتلو غير اخليني نمشي معاكم و حكيتلو ظهرو و جيت
مايا: (كتندب حناكها) والله و تسمعك ايطو والله حتى تقتلك
كوهينور: واصافي هنينا عطيني شيحاجا نلبسها باش نمشي معاكم
مايا: خلاك تمشي
كوهينور : اه اوا طلقينا
عطاتها مايا فراشة فالازرق الملكي مرصعة بالجواهر و مغطية ولكن جاتها مزيرة على المفاتن ديالها جات كتهبل و طلقات شعرها و دارت ماكياج خفيف و لبسات صباط بلا فالاسود
مايا؛ هاي هاي جيتي كتحمقي ولكن احنينتي خاصك ديري سبنية بلا ماتقولي اتخرجي بداك شعر هكك
كوهينور: انحطها غير على راسي ماغاديش نديرها و نشنق راسي فيها
مايا:(كانت لابسة حتى هي قميص فالكرونة و دايرة سبنية ف الصم ذهبي ) و كيجيت انا
كوهينور: جيتي كتحمقي من مور مانخطبو لأوسمان و نزوجوك من موراه هههه
مايا:(تبدلو ملامحها للحزن) انا ماغاديش نتزوج
كوهينور: علاش
مايا؛ حيت الدري لي كنبغيه ماغاديش ابغيوه عائلتي
كوهينور: هانا عاوتاني على الحب كاع مافخباري بلي كتبغي شيواحد
مايا: شش عنداك اسمعوك و الله حتى يقتلوني حنا عندنا الحب محرم كنتزوجو غير هادوك لي بغاو عائلتنا واصاف
كوهينور: ماتخافيش مني غادي تزوجي بهاداك لي كتبغي انا معاك و كنواعدك انعاونك (عنقاتها)
مايا: يالاه نهبطو دابا راه يما كتعيط كلهم وجدو
هبطات كل من مايا و كوهينور لقاو كولشي واجد و كولشي لابس حوايجو غير شافو كوهينور و هوما يكحلو بالعما
اوسمان:(هابط من دروج لابس دراعية فالصفر و بلغة بيضة و جاي كيحمق اللحية مرتبة و شعر مطلعو لفوق هااح عليه و صاف ) مالك اش واقع (كيشوف ف كوهينور كيفاش طلعات زوينة بلا قياس و جا معاها طويل بقا غير كيشوف فيها )
ايطو: اولدي هاد لبنت قالت بغات تمشي معانا
اوسمان: انا لي قلتلها تمشي ماغاديش تبقا بوحدها هنا
مبارك: و شنو ايقولو الناس علينا
اوسمان: هي ضيفة و خص نيت نحيدو ليهم داك شك يالاه زيدو قدامي
مبارك: على بركة الله …
خرجو ابطالنا سدو الباب ديال الدار و ركبو فطوموبيلات كاملهم و مشاو قاصدين الدار ديال زعير ...
اما عند فهد فكان مع حفيظة كيغسلو لماعن ديال لفطور حتى وقف كيشوف فيها بنظرات حب و مبتاسم و هي ضور عندو مبتاسمة
فهد: بغيتك غير نتي و ماشي شغلي فشيحاجا أخرى (باس راسها) شنو بغيتي نديرو هاد نهار
حفيظة: خلي نبقاو غير فدار
فهد: موجد ليك واحد المفاجأة
حفيظة: شنو هي ههه
فهد: الى بغيتي تعرفيها خاص نخرجو نتعشاو برا
حفيظة:(كتشوف فحالتها ) ماعندي مانلبس
فهد:(حط يديه على حناكها ) على قبل هاد لعوينات اعمري غادي نخرجو نشريو لحوايج ههه
حفيظة: ههه شكرا
فهد: شكرا خشيها فطرمتك
حفيظة: وا هاحنا على تزوميل عاوتاني
فهد:(هزها و هز سوارت ديال طوموبيل ) هاني انوريك تزوميل كيف داير
حفيظة: هبطني فين غادي بيا هههه
فهد: انمشيو نشريو لحوايج لي بغيتي
حفيظة: اوا هبطني
فهد: لاءح عاجبني نهزك نتي سوقك
خشاها فطوموبيل و ركب و مشا فاتجاه محلات لحوايج و طالق الموسيقى على جهدها و هوما كيغنيو معاها حتى وصلو لأول محل و دخلو بجوج مشات حفيظة كتعزل لحوايج لي كيعجبوها و فهد كيعاونها و كيختار ليها لحوايج لي كيعجبوه و دخلات كتقيس و كتخرج عندو و هو كيقولها شكون جاتها زوينة و شكون لا حتى سالاو و مشاو خلصو و خداو لحوايج فساشيات و خرجو مشاو شراو من البرغر من ماكدونالز و رجعو للدار دخلو و مشات حفيظة دوشات و لبسات سروال قندريسي فالاسود و تيشورط فالابيض و جمعات شعرها على شكل كعكة و هبطات عند فهد كياكلو و يضحكو
فهد: مابغيتيش تلاقاي مع ختك
حفيظة:(حبسات من الماكلة ) لا
فهد: ماظلميهاش ماعرفتي ظروفها
حفيظة: اكونو دوك الظروف كيما بغاو اكونو ماتخلينيش
فهد: هي راه عمرها خلاتك و نتي صغيرة ماتنسايش هي لي رباتك و دارت شحال من حاجا على قبلك
حفيظة: معرفتش انا مقلقة منها
فهد: الى بغيتي راه انلقاها غير بتيليفون واحد
حفيظة: لا خليها هي تقلب عليا و من الأحسن بلا منهضر معاها دابا حتى نتهدن
عزيز: شكون هادي ولا كالعادة غادي تبقا معاها شوية و تمشي للجديد
فهد: لا هادي للدوام ان شاء الله و هاهي حدايا كتسلم عليك
عزيز: ولدي فهد كيحب هههه جديدة عليا هادي
فهد: طيحاتني الوليد راه سحراتلي سحراتلي ههههه
حفيظة:(كضربو و هي كضحك ) حشووومة عليك ههه
عزيز: اوا عيشو الحياة نتوما لمن عطات ههه
فهد : الليحفظاااك اوا و نتا كاين شي حوتات تماك
عزيز: سير الليمسخك
فهد: (كيهضر مع حفيظة) راه غير حشم قدامك هههه
عزيز: زعما انا ماعلياش الله هههه
فهد: واااا عقنااااا بيييك ههه صافي سير تلاح
عزيز: الليعاونك و تهلى فالحوتا
فهد: ضروري راه هي لي نكساب هه (قطع)
حفيظة: ههههه باك مفروح بحالك
فهد: حنا عائلة مفروحة عليها جيتيني على الكانة ههه
حفيظة: هههه اييه
بقا فهد كيضحك مع حفيظة و كيقشب غير باش اشوف ضحكتها لي كتسحرو و كتخليه هايم فيها و كتسطيييه و فجهة أخرى كان شخص آخر جالس فالجردة و حاط رجليه فلابيسين كيفكر فحفيظة و بالو ماهانيش و كيحس بتأنيب الضمير حيت خلاها تماك و كيتمنى يلقاها و هاد المرة عمرو اخليها حتى جلسات حداه حنان و خشات رجليها فالماء و ضرباتو بكتفها
حنان: شاكمة فاش كتفكر
شاكمة: فحفيظة
حنان:(تنهدات) قالي يوسف لقاها
شاكمة: (ضار عندها بسرعة) فييين هي كيدايرة بيخير عليها
حنان: ماعرفتش قالي حتى ليل و يقولي
شاكمة: علاه بسلامة اش كيدير صباح
حنان: قالي عندو خدمة و مابغيتش نصدعو
شاكمة: كيتعامل معاك مزيان بعدا؟
حنان: اه مزيان
شاكمة: الى ماكانش كيتعامل معاك مزيان نمشيو منهنا ماعندنا مانديرو بصداع نتي عارفة بلي مادوزناش قليل انا وياك
حنان: اييه اعشيري انا وياك راه منين كان فعمرنا 5 سنين و دابا راه 25 عام
شاكمة: عشرة عمر و على هادشي بغيت ندوي معاك فواحد الموضوع
حنان: شنو هو
شاكمة: فاش نلقاو حفيظة بغيت نتزوج بيها
حنان: كدوي منيتك
شاكمة: اه حيت كنبغيها بزاف
حنان: من فوقاش
شاكمة: منين كنا كنربيوها بجوج و الحب كيكبر فقلبي من جيهتها و كنتسنى نهار لي نتجمعو انا وياها فلحلال
حنان: وهي ؟؟
شاكمة: حتى هي كتبغيني انا وياها كنا مرتبطين
حنان: فوووقاش هادشي وبلا خباري
شاكمة: الحب مكيشاورش و بغيت نتزوج بيها
حنان:(ابتاسمات ) ماغاديش نلقا شيواحد حسن منك ليها و الى بغيتو بعضياتكم الليكمل بالخير
شاكمة: شكرا انسيبتي لعزيزة هه
حنان: هههه العفو العفو
جلسو كيقشبو تماك و كيضحكو و ينساو الهم و كل واحد فيهم ماعارفش بلي سيدي ربي مكتب قدر آخر لكل شخص هوما كيخططو و ربي كيدير غير لي مكتاب و صاف و فايت يوسي كيكو كتاب لكوهينور تحضر للخطبة ديال اوسمان دخلو لدار زعير بالزغاريت و الصلاة على النبي و كلهم فرحانين من غير كوهينور لي كتفكر كيفاش دير تخرج من تماك و تهرب هي مابيها لا خطبة لا تفواج هي بيها تهرب من داك الحبس واخا ماعارفاش راسها فين اتمشي ولكن أي بلاصة اتمشي ليها اتكون حسن من اوسمان و عائلتو ماعليناش دخلو و جلسو و هوما كيهضرو و عائلة العروسة ماخلاوش من جهدهم باش اكونو فالمستوى ولكن واخا هكك شبعو تبركيك فكوهينور من بعد ما سمعو بلي اوسمان لي جابها واخا هكك معندهم مايديرو مادام جاو طالبين راغبين يد بنتهم ميرا لي غير وصلو عيط ليها باها باش دخل كانت آية فالجمال عوينات خوضر و شعر زعر و حروفها امازيغية دخلات حانية راسها و كلشي فرحان بيها خصوصا ايطو لي جلساتها حداها كدعي معاها بالخير و كتشكر فيها اما اوسمان ماطلعش فيها شوفة بقا حاضي غير كوهينور خايفها دير شي زبلة و الناس لاحظو دوك شوفات و فهموه غلط كالعادة اما كوهينور بقات مبتاسمة كتشوف فالعروسة و الحنة لي كيديرولها و كتبقا تسول مايا لاش كيصلاح هادشي و لاش كتصلاح هادي و هي كتجاوبها حتى جابو لخواتم ووقف اوسمان حدا ميرا باش اركبو لخواتم فتح لبواط باش اجبد لخاتم و شوية طاحلو لخاتم من يدو بقا كيتدحرج حتى وصل لحدا رجل ديال كوهينور و هي تحنى هزاتو و مشات عندو عطاتولو
كوهينور: هاك
اوسمان : (كيشوف فيها و كيشوف فالخاتم ) ميمكنش نركبو ليها
كوهينور: علاش
لكبيرة: عندنا عادة الى طاح خاتم لعروسة كيعني بلي فال خايب و ماخصهاش تلبسو
كوهينور: هادشي غير خرافات
ايطو: هادو عاااداتنا ماشي خرافات احتارمي راسك
كوهينور:(كتشوف فالخاتم ) خسارة زوين بزاف (لبساتو فيدها و ضارت عند مايا كضحك ) شوفي جاني هو هاداك
كولشي بقا كيشوف فيها مصدوم حيت لبساتو و كضحك و مشات وقفات حدا مايا لي كتنغز فيها باش تصقر
ايطو:(كدوز يدها على شعر ميرا) والله ابنتي حتى نجيبلك خاتم حسن من هادا و غالي عليه. راك مارخيصاش عندنا
زعير: راحنا عارفين لي كاين اختي لهلا اخطيكم
اوسمان: اوا حتى لشي نهار أخر و نلبسو لخواتم (كيخنزر فكوهينور الزبلة لي كان متوقعها منها هاهي دارتها )
زعير: جلسو عفاكم ها لغدا واجد مرحبا بيكم
مبارك : ارحب بيك الخير
فاطنة:(كتوشوش لرابحة فلوذن) ليوم خدات الخاتم و غدا اتاخد الولد
رابحة: علامن كتهضري
فاطنة: على كنور
رابحة: سعداتو الى داها راه زوينة مالها
فاطنة: باين عربونها غير من لباس لي خرجات بيه لبارح كون غير داها نيشان لزنقة لعيون
رابحة: سكتي و حشمي من هاد الهضرة عرفي بلي راه عندنا لبنات حتى حنا و الدنيا كدور
فاطنة: لهلا يحيي لي يقلل من قيمة بنتي و الله حتى ناكلو بسناني
رابحة: حمدي الله و شكريه بنتك ماخرجاتش بحالك و داخلة سوق راسها
فاطنة: اه كون خرجات بحالي كون بزاف ماكان
رابحة: سكتينا صافي …
مايا:(كتوشوش هي و كوهينور) اش قالك راسك منين درتي هاد لخاتم
كوهينور: اللينجيني الله ابعد بلايا على بلاه ويلي ميمكنش (بغات تحيدو مابغاش ) مابغاش اتحيد هاد زمر
مايا: دابا غير رصاي حتى لدار و اتسمعي لمنقي خيارو
كوهينور:(كتهضر مع راسها) اودي الى بقيت ليكم هنا مايقولها حد لحد
حطو لعيالات للناس ياكلو و كلشي تجمع فالطبالي دايرين عشرة عشرة لعيالات بوحدهم و رجال بوحدهم حتى ناضت كوهينور عند وحدة تماك طلبات منها تديها لطواليط تحت انظار كولشي خاصة اوسمان لي بغا اتبعها ولكن جايا معيقة ...وصلات كوهينور للطواليط و خلات حتى مشات هاديك لي وصلاتها و هي تسلت مع لباب لبسات صباطها و بقات غادة خطوة خطوة حتى خرجات و هي طلق رجليها للريح بقات كتجري كتجري حتى عرفات راسها بعدات عاد وقفات كتلهث تقطعات فيها نفس و بقات كترتاح و كتمشى بشوية عليها و كتسول الناس على المحطة حتى وصلات ليها ودخلات كتسول على الكار ديال كازا قالولها غادي يوصل مع 10 دليل و كانت يالاه 3 جلسات كتسنى و هي خايفة الى عرفوها غابرة اول حاجا ايديروها غادي يمشيو للمحطة و هي مابغاتش هادشي ولكن ماعندها مادير بقات كتسنى تماك حتى جاو شي دراري جلسو حداها كيتغامزو عليها و بقاو كيضسرو عليها و هي كتجنبهم حتى بداو كيقيسو فيها و هي تخنزر فيهم ...و منبعيد كانت نورة مع الفرقة ديال شيخات ديالها راكبين فالناقل حتى لمحات دراري كيضسرو على كوهينور و مابغاتش هاكا و هبطات مشات عندهم وقفات عليهم بحال البوليس
نورة: مالنا اش واقع
دراري شافوها كحلو بالعمى عارفينها قاسحة و مكتحشمش و كتعطيهم علاش كيقلبو
….خارجا لينا فعودنا تفو
نورة: سير شوف ختك راه هازة رجليها فالزنقة و مرة أخرى منين تعطيك لفلوس سولها منين كتجيبهم
ضربو طم و ناضو من تماك مشاو بحالهم
كوهينور: شكرا
نورة: نتي غريبة على هنا منين جيتي
كوهينور: من كازا
نورة: و عندمن كنتي
كوهينور: عند اوسمان
نورة: اوسمان؟ ااااه نتي هي لبنت لي جاب ههه شنو سميتك
كوهينور: كوهينور و نتي
نورة: (كطرطق المسكة) سميتي نورة و شنو كديري هنا
كوهينور:(بقات ساكتا)
نورة: ماشي ليوم ايخطبو بنت زعير و من لباسك باينة كنتي معاهم
كوهينور : هربت
نورة: ويلت مك ليوم يذبحك الى لقاك
كوهينور: بغيت نمشي بحالي لكازا مابغيتش نبقا هنا
نورة: فوقاش ايجي الكار
كوهينور: قالي مع 10
نورة: اوا منهنا ساعة ايكون اوسمان لقاك و قتلك زيدي معايا زيدي حتى توصل العشرة و نجيبك هنا
كوهينور: حلفي بالله شكرااا بزاف عمرني نسا خيرك
نورة: اودي مكاين مشكل كون غير لقيت لي يعاوني منين حتاجيت
مشات كوهينور مع نورة ركبات فالنقل حدا شيخات و هوما كيهبطو فيها و يطلعو و عاطيينها للتقشاب
شيخة: الله اودي انورة شي بياسة جديدة هادي
نورة: هادشي ضيييفة عندي اختشي
شيخة: مرحبا بيها و الف مرحبا غير نوصلو للدار و نغنيو ليها
نورة: اراي عليها شي ميزان (ضربات فالباب) تحرك امول النقل دينا لزنقة لعيووون
مول النقل: هي لولة
...بقا النقل غادي و كوهينور كتشوف داك الجو جديد عليها عمرها شافت الشيخات غير فالتلفازة و حياها الله حتى شافتهم و ركبات معاهم حتى وصلو للزنقة لعيون غير هبطو و هي تشوف داك المنظر لي عمرها تنساه عيالات اشكال و أنواع معريات فالباب و رجال كيدخلو عندهم و اصوات الضحكات كتعالى فالزناقي و هي لاسقة فنورة و غادية معاها حتى وصلو لدارها و دخلو هي و شيخات و جلسو
نورة: نص نص اوا يالشيخات جيبو عليها شي ميزان (هزات البندير كطبل و تغني) و العاليااااا كييييدايرااا لميييمة
شيخات: الله الله
نورة: وا العالياااا كيدايرة لحبيبة
شيخات : الله الله
نورة: وا مريييضة بزاااف و شااادة لفرااش و باغا نشوووفها الله يا الله وا العالي ياه كي دايرة الميمة وا الله يا الله
وا العلي ياه كي دايرة الحنينة وا الله يا الله
وا مريضة بزاف و شادة الفراش و باغا نشوفها
وا الله يا الله !
وا لا مشات ليا مي و شكون بقا عندي وا حن يا العالي
وا الله يا الله ! (ضربات الضربة لخرة ديال النهاية و حبسو الشيخات و ضارت مسحات واحد الدمعة)
كوهينور: علاش كتبكي
نورة: تفكرت مي لي مريضة بفقستي
كوهينور: انا راه ماعنديش مي تمنيت نشوفها و نهضر معاها و نشبع منها
نورة: متوووشيين وكيلنا ربي
….عند زعير تغداو عائلة اوسمان و تافقو على ضريب صداق و العرس الشهر الجاي و تمو خارجين حتى شد اوسمان مايا
اوسمان: فينها كوهينور
مايا: ماعرفتش مارجعاتش حدايا
اوسمان: كيفاش مارجعاتش حداك
يامنة: منين بغات تمشي لبيت الما مارجعاتش
اوسمان:(سد عينيه بغضب و عرفها دارت لي فراسها و هربات و ضار عند سعيد) خودهم للدار و نتا الحسن زيد معايا
مبارك: فين باغي تمشي
اوسمان: غادي نقلب عليها اتكون مشات للمحطة
ايطو: خليها تمشي الما و شطابة حتى لقاع لبحر
اوسمان: هادي تالية ليها
ايطو:(شداتو من دراعو) اوسمان الى سمعو عائلة لعروسة بهادشي ماغاديش اعجبهم الحال واش بغيتي سيرتنا تبقا على كل لسان
اوسمان:(تحداها بعينيه) كوهينور غادي ترجع لدار و ماعندها فين تمشي (نتر يدو منها و خرج مع لحسن ركب فطوموبيل و مشاو للمحطة ديريكت اما عائلتو رجعو لدارهم و هوما مفقوسين و كيخممو و منين اوسمان مالقاهاش فالمحطة رجع للدار كيصوط بغا يقتل راسو بالفقصة كيفاش غبرات على عينيه كرههاااا باغي يفدي فيها لقديم و جديد غير صبار تجي لبين يديه )
اوسمان :كييييفااااااش حتى مارديتووولهاااش لبال
ايطو: قلناااا ليك خليها فالدار و سد عليها
اوسمان: لعباتها عليا الحمااارة ولكن اقسم بالله و توصل ليدي مانرحمها
لكبيرة: اوسمان راه دويينا و قلتلك ماتحطش عليها يدك
اوسمان: اجدا داك نوع مكيعرفش الرحمة هاديك غير ديال لعصا حتى تقاد
لكبيرة: لبنت باقي صغيرة و طايشة
اوسمان: و فييينها دابا فينها اكون غير شيواحد داها لشي قرينة كيدييير فيها شرع يديه لكلبة لوخرا سري انا لي تايق فيها
مبارك: بشوية عليك اوسمان دابا نلقاوها
سعيد: اصلا طاحت علينا بحال المنتف
اوسمان: دخل نتا سوق راسك ماشي شغلك ديها فمرتك لي حاملة
سعيد: وصلنا لهاد لهضرة
اوسمان: راني عارفكم ماحاملين فيا حتى شعرة و صابر معااااكم اوا خليييوني مزيااان
فاطنة: حتى انا مانبقاش فالدار لي مابغاوناش ماليها زيد نمشيو اسعيد
مبارك: الليهديكم ماشي وقت هاد لهضرة راه غير معصب ماعارف اش كيقول
سعيد : و يطرطق علينا حنا على ود بنت ماعندها لا اصل لا مفصل جايا من زناقي
اوسمان: (مشا عندو معصب حتى شدو لحسن) هاديك لي كتقول عليها ماعندها لا اصل ولا مفصل و جايا من زناقي راه عندها لفلوس لي عمرك تحلم بيييهم نتا و عاااايشة عيشة لقصور لي عمرك شفتيهم و لا سمعتي بيهم و تقدر تشريك نتا و تريكتك
يامنة: اش وصلنا لهاد الهضرة اوسمااان سد فمك
اوسمان مشا خرج من دار و لحسن تابعو مشا معاه و بقات القضية مرونة فدار و حتى واحد مافاهم اش واقع
ايطو: من اللول مارتاحيتش ليها و كنت عارفاها ادير غير المشاكيل حنا لي معمرنا تخاصمنا جات هي بنت لبارح خاصماتنا
لكبيرة: هاد لخصام كان لابد يكون و هي مادارت والو غير جات فطريق و لصقتيلها كولشي
مبارك: بااااراااااكا هضرتوووو بزاااف كل واااااحد امشي لشغلو
ناض كولشي مشا لبيتو و هوما كيفكرو لكوهينور لي غابرة و ماعارفينش فينها غير كيتمناو ماتوقعلها حتى حاجا و يحصلو فيها ماناقصهم صداع و لا شوها مع الناس اما فكازا بقات كتسنى حنان الليل اوصل بفارغ الصبر و هي قدام سرجم ديال بيتها كتشوف الغروب و عاجبها المنظر بزاف و مستأنسة بيه غير غربات شمس فخطرة غمضات عينيها مبتاسمة كتصنط للموسيقى ديال ذكرى الاسامي هي هي و بقات معاها حتى تسالات و حلات عينيها و ناضت خرجات من لبيت ديالها و مشات وقفات قدام لبيت ديال يوسف كتستاعد باش دق الباب و تشجعات دقات جوج دقات
الزنبقة:(كيلبس سبرديلتو) دخل
حنان:( دخلات عندو ) ياكما صدعتك
الزنبقة: لا دخلي
حنان: فين بغيتي تمشي
الزنبقة: انا خارج
حنان: كيفاش خارج نتا قلتيلي اتقولي فين هي ختي
الزنبقة: حتى نرجع و نقولك (هز تيليفونو و خرج من البيت و حنان تابعاه بحال لحمقة )
حنان: كيفاش حتى ترجع راه انا من صباح كنتسنى ليل يوصل باش نعرف
الزنبقة:(ضار عندها بسرعة عينيه فعينيها ) حنان عندي واحد الخدمة مهمة غير انرجع و انقولك كولشي صافي
مشا الزنبقة خرج و خلاها تماك مكسورة بقا فيها الحال حيت جرجرها هاد المدة كاملها و ماقاليها والو و لكن عذراتو حيت خدمتو هي لولة ...مشا ركب فطوموبيلتو و انطالق لفندق مارينا باش اتلاقا مع فيروز و قلبو كيضرب فالتسعين اما حنان بقات تماك واقفة بغات ترجع لبيتها و هي تلاقا مع حورية )
حورية: لغزالة لباس عليك
حنان: اهلا فين غبرتي
حورية: كنت فالخدمة عاد جيت (شداتها من يدها جلسو فالفوتوي)
حنان: عمرني سولتك فاش كتخدمي
حورية: انا كنصمم الملابس و كندير بروفا ففن الاتيكيت
حنان: لولة فهمتها و الثانية لا ههه
حورية: زعما كنعلم طريقة ديال الهضرة و التعامل و الماكلة فهمتي
حورية: ولكن كاااين اعجاااب و هو المرحلة الاولى دالحب
حنان: راه ماخلاني نشوف حتى وجهو
حورية: راه صعيب عليه هادشي غير صبري و تقربيلو شوية بشوية
حنان: انا مرتاحة هاكا بلا متشطني بالك
حورية : راه ماعمرني شفتو منجذب لشي بنت اخرى حتى ليك داكشي علاش كنشجعك
حنان: حتى انا كتعجبني الشهامة لي فيه و الرجولة
حورية: و عليها كنشوفك مناسبة ليه حيت مكتشوفيش المظاهر
حنان: اوا يكون غير خير
حورية: امييين
...وصل الزنبقة للاوطيل و جلس شوية فطوموبيلتو كيفكر و يفكر و فالاخير تشجع و دخل نيشان متاجه للغرفة لي كانت فيها فيروز لابسة كسوة لاسقة فالموبرا غرونة معرية من صدر و مزيرة على الخصر و واصلة للفخاد و شعرها دايرالو بوكلي و متقلة لماكياج و كدير فريحتها حتى تدق بابها و دارت ابتسامة خبيثة و مشات و حلات لباب و هي كتشوف فيه و حتى هو ضربات فيه ريحتها و بقا مبلوكي فيها كيشوف بلي جات زوينة بلا قياس و دارتلو اشارة براسها باش ادخل و سدات لباب من وراها
فيروز: كان كيحسابلي ماغاديش تجي
الزنبقة: حاولت مانجيش ولكن رجليا جاو كيجريو عندك
فيروز:(شبكات يدها مع يدو و هي كتبتاسم ليه) كنواعدك ماغاديش تندم
الزنبقة: شنو كديري افيروز لاش باغا توصلي
فيروز : بغيتك نتا و صافي واخا تزوجتي وولات عندك حياة أخرى
الزنبقة: ماتفهميش غلاط انا و حنان مابيناتنا والو و عمر اتكون بيناتنا شيحاجا
فيروز: طلقها اذن و خلينا نرجعو انا وياك
الزنبقة: لا منقدرش
فيروز: علاش و انا ؟؟
الزنبقة: معرفتش
فيروز: نتا ماتايقش فيا ولكن أي حاجا اطلبها مني انديرها غير باش نرجعو انا وياك
فيروز:(عنقاتو و دايرة ابتسامة ديال الشر) حتى انا كنبغيك احبيبي و انبقا ديما ليك
الزنبقة: بغيت علاقتنا تبقا مخبعة هاد لفترة
فيروز: حتى لاش؟
الزنبقة: حتى نلقا الوقت المناسب و نعلن بلي انتزوجو
فيروز:(كتصطانع الفرحة) كتهضر بصح و اخيييرا غادي نرجعو
الزنبقة: اه غادي نرجعو
فيروز:(عنقاتو) كنبغييييك بزاااف
الزنبقة:(مبادلها العناق) حتى انا كنبغيك
بقاو هاد الجوج كيتبادلو العناق غير الفرق ان فيروز كتعنقو عناق الغدر اما هو فمعنقها منيتو و قلبو فرحان ماعارفش الغدر لي كيتعرضلو و مادارش بحساب حنان لي يالاه نهار باش تزوجها و هاهوا كيخون فيها بلا كيفكر...كانت جالسة مع حورية كيهضرو و جا شاكمة حداهم و كيقشبو و ينساو الهم حتى صونا تيليفون لحورية
سراج: انا بغيت نبهك و نفيقك على شحال من حاجا خليني نجي و نقولك كولشي …
حنان:(ضارت عند حورية ) بعدي ليكارد
حورية: واش منيتك احنان تيقتيه هاداك راه واحد المخلوض غادي يجبد غير صداع
حنان: خليه اجي نسمعوه اش بغا يقوول و منها نيت نعرف فين كاين يوسف
حورية: آمري لله (ناضت كتخفف الحراسة و كتآمر ليكارد ابعدو)
حنان:(رجعات كتهضر مع سراج) تقدر تجي (قطعات الخط و هي كتشوف فتيليفون و كتحاول تمالك راسها و كتسناه بأحر من الجمر )
شاكمة: الى عرف الزنبقة بلي سراج ايجي لهنا غادي يتعصب بزاف
حنان: غادي يمشي قبل مايجي هو
شاكمة: حنان نتي دابا راك مزوجة ماخاصكش تلاقاي معاه و تهضري معاه بلا العلم ديال راجلك
حورية: هاداك بغا يضمر علاقتك مع الزنبقة و صاف
حنان: صااااافي سكتوووو مااااااتهضرووووش انا بغيييت نسمع اش بغا يقولي و الى كانت هضرتو ماشي منطقية غادي نجري عليه
سراج:(كان داخل مع لباب و سمع الكلمة لي قالتها فتالي) ماتحتاجيش تجري عليا حيت هادشي لي انقولك مليون فالمية صحيح
حورية: دغيا وصلتي
سراج:(مبتاسم) كنت قريب منهنا
حنان: شنو بغيتي تقولي
سراج: يوسف كيخونك
حنان: كيخونني؟؟؟
سراج: هو كيعرف امرأة وحدة آخرى لي هي ختي فيروز و كيبغيها بزاااف و قادر ابيع الدنيا بلي فيها على قبلها
حورية: اووووه زدتي فيييه خرج منهنا
سراج: منااااش خايفة احورية خايفة تعرف حنان الحقيقة و بلي يوسف كاين عندها دابا فالاوطيل
حنان: باراكا من هاد تخربيق يوسف ماغاديش يديرها
سراج: علاش ميديرهاش هاديك راه كانت مراتو و حبيبتو مادوزوش قليل عشرة عمر بيناتهم
حنان: هااانتا قلتيها كااااانت مرااااتو و مابقاااتش و انا لي كاااينة
سراج: ماتنسايش بلي تزوجتي زواج ديال الدل حيت نتي لي عرضتي راسك عليه و هو غير باش انتاقم مني قبل اتزوج بيك اما كاع مكيعبرك و لا كيضرب ليك لحساب شوفي غير لبارح تزوجتو و ناض هو مشا عندها للأوطيل
حنان: (مشات عندو كتبتاسم و عينيها حمارو و تجمعو فيهم دموع حتى تقابلات معاه) يكفي انني ماقبلتش نتزوج بيك نتا و فضلتو هو عليك و هادشي علاش قلبك عامر بالحقد و كطيح عليه الباطل يوسف كون كان بغا ختك كان ايرجع معاها قبل مانبان فحياتو و لكن هو مابغاهاش
سراج: (مبتاسم و هو معصب) صححي المعلومات ديالك ختي هي لي مابغاتوش و هو تابعها بحال الكلب و إشارة وحدة منها رداتو ليها و نتي هزك لما و الى ماتيقتينيش فاش اجي يوسف و صارحيه و شوفي شنو يقولك
حنان: (غمضات عينيه هبطولها دموع و رجعات حلاتهم) خرج عليااااا منهناااااا قبل مانحفر ليك قبر فالجردة خرررررج
سراج:(تنهد و هو كيحس بالنصر بداكشي لي دار ) تصبحو على خير و أحلام سعيدة ههه
خرج سراج راكب فطوموبيلتو و متاجه لدارو و هو كيحس بلي قريب اوصل لحنان هاد الاخيرة لي بقا فيها لحال حسات براسها مدلولة و سمعات خل وذنيها هي تايقة فيوسف بزاااف و متقدرش تيق ديك الهضرة لي قال سراج مشات جلسات و هي قلبها مقبوط عليها و لي زاد دخلها شك هو سكوت حورية و شاكمة و ضارت عندهم
حنان: علاش سكتو ماتقولوليش بلي تيقتو الهضرة ديالو
حورية: بطبيعة الحال متيقناش هو راه عينو فيك داكشي علاش كيدير الفتنة بيناتكم بصح يوسف كان مزوج بفيروز و كان كيحماااق عليها و لي شافهم كيقول عمرهم اتفارقو ولكن طلع الحب ديالها ليه مغشوش و بانت على حقيقتها نهار دار الزنبقة كسيدة و تخلات عليه (شداتلها فيديها) هو ماغاديش ارجع ليها ماغاديش انسى كيفاش غدراتو
شاكمة: كنتمنى كون قلت نفس الهضرة عليه
حنان: شنو كتقصد
شاكمة: نهار فاش تزوجتو و سبقتونا للدار عيطاتلو فيروز و قالتلو بلي كتبغيه و بغات تلاقا معاه و عنقاتو بلا حشمة و بلا حية
حنان: هادشي كاملو وااقع و ماقلتيلي والو
شاكمة: شنو بغيتيني نقولك كنتي مشغولة مع حفيظة و كتفكري فيها
حنان: الراجل لي من مورا ساعة من زواجنا هضر معاها و عنقها يكون دابا راه ناعس معاها
حورية: مادخليييش لراااسك هاد الأفكار اليهديك
حنان: و لنفترض انه بصح تلاقا بيها كيفاش انواجهو غير قوليلي
حورية: صافي دابا يجي و سوليه و كولشي ايكون مزيان
حنان:(حاطة يديها على راسها ) ماقادراش نفكر و لا نتخيل شيحاجا صافي انتسناه حتى يقولي كولشي (كتشوف فالساعة) 12 هادي و هو باقي ماجا
حورية: طولي بالك هو غادي يجي
شاكمة: حنان خصك تصبري و ماتعصبيش ماعرفتي اقدر اكون مظلوم
حنان: تعطل بزاااف امحمد لأمتى هادشي اوووف ...
فجيهة أخرى كانت فبيتها كترسم الايلاينر على عينها من بعد مالبسات غوب سواري فالاخضر الملكي طويلة و مفتوحة جيهت صدر حتى كتبان شقة ديال صدرها و لفخاد و معرية من ظهر جات رائعة و منحوتا على طايتها المتناسقة و لي كتبري و لي زايدها جمال هو شعرها الاسود المتموج لي واصل لحد مؤخرتها عاطيها رونق فائق و أنوثة آسرة هزات ريحتها و دارتها و هي كتستنشق عبيرها و كطلع و تهبط فراسها و كتشوف من خلال لمراية واش ناقصاها شيحاجا ولا صافي وجدات و توجهات ناحية الطالون الاسود ديالها و لبساتو و كتشوف باب البيت كيتحل و هو داخل متوجه عندها لمحات سباطو السود و سروال اسود و هي غادة كطلع عينيها كتزيد كتشوف اناقتو حيث انه لابس قميجة فالابيض و كوستيم فالاسود و مطلع شعرو لفوق و داير ابتسامة على وجهو اعتادلات فالوقفة و هي كتنفس بسرعة و قلبها كيضرب اما هو توجه عندها هز يدها و باسها ليها و قرب لوذنها و همس
فهد: جيتي كتحمقي بزاف
حفيظة:(حشمات و توردو خدودها و كتشوف فيه بحنية) حتى نتا جيتي زوين
فهد:(ابتاسم حتى بانو الانياب ديالو و خرج شال من جيبو كان والذهبي و دارو عليها) غادي نغمض ليك عينيك و اتمشي معايا
حفيظة: فين
فهد: تيقي بيا (غمضلها عينيها بالشال و تأكد انها مكتشوف حتى حاجا و بقا شاد فيدها دايها معاه هبطها فالدروج و بقا غادي بيها و هي شادة فيه مزيان خايفة طيح حتى حيدلها الشال من على عينيها وشافت منظر جد جميل فالجردة كانو قناديل مضويين و عاطيين منظر رائع و طبلة فالوسط مزينة برداء أحمر و شموع معطرة و أكل محطوط فالطباسل زاد بيها للطبلة و جر الكرسي حتى جلسات و عاد جلس هو قدامها كيشوف فيها ) كيجاك هادشي
حفيظة: واعر بزاااف فوقاش وجدتي هادشي بلا مانتابه
فهد: ههه فاش كنتي كتلبسي حوايجك كولشي وجدتو
حفيظة: (تنهدات) زوين بزاف
فهد: فيك جوع نبداو الماكلة ؟
حفيظة: وي ههه
بداو كياكلو و هوما فرحانين و كيهضرو و يجبدو مواضيع اغلبها كتسالي بالضحك فالتالي حتى قاطعاتو حفيظة
حفيظة: شنو هي المفاجأة لي قلتيلي
فهد: (حطلها قدامها بواط طويل نتاع سنسلة) فتحيه
حفيظة:(فتحاتو و زادت تبهرات منين شافت سنسلة مكتوب عليها روبي و ديال الدياموند) واااو (هزاتها فيديها كتشوف فيها ) زوينة بزاااف
فهد: هادا كادو بسيط و بداية جديدة لداكشي لي غادي يجي
حفيظة: شنو ايجي من بعد
فهد:(حيدلها سنسلة من يديها و توجه موراها حيد شعر على عنقها و كيركبها ليها ) مرحبا بيك لعالم الفن روبي
حفيظة:(ضارت عندو ) شنو كتقصد
فهد:(جلس على رجليه راكع و كيشوف ليها فعينيها ) داك نهار فاش غنيتي فالسفينة شافك أكبر منتج فامريكا و بدا كيقلب عليك ووصاني باش نلقاك و ديري البوم من انتاجو
حفيظة:(فرحانة ) هههه كتهضر بصح ويلي واش كنحلم
فهد: لا نتي مكتحلميييش و نتي قدرتي تحققي الحلم ديالك و اتولي من بين أكبر المشاهير
فهد: ربي كيبغينا بجوج حيت لاقانا بجوج و عمرنا نتفارقو
حفيظة: فوقاش انمشيو لأمريكا
فهد: فوقما بغيتي احياتي نتي غير آمري (ضرب كاسو مع كاسها بالشوية و شرب رشفة من النبيذ و شربات هي ايضا و رجعو كيهضرو و يخططو لحياتهم و كيتمناو هاد الفرحة دوم عليهم )
اما فأيت يوسي كيكو كانت كوهينور مزال جماعة مع نورة و رباعة شيخات ديالها حتى شافت فالساعة
كوهينور: اوييييلي الوحدة هادي يكووون مشاااا عليا الكار
نورة: اودي تلهييينا مع شطيح و النشاط حتى نسينا راسنا
كوهينور: شنو غادي ندير دابا
نورة: ماعليك غير تصبري حتى لغدا
كوهينور: و الى لقاني اوسمان
نورة : ماعندو كيفاش القاك غير تهناي
كوهينور: و الى جا لهنا
نورة: كيجي لهنا غير الى بغا يحوي
كوهينور: تف قليل العفة
نورة: هههههه مالك ياكما جاتك الغيرة عليه
كوهينور: الليستر كاع مكنحملو
نورة: واغير شوفي و فكري مزيااان راه راجل بحال اوسمان مكيفلتو حد
كوهينور: اعطيه غبييينة ماعندي ماندير بيه
نورة: اوا بااااز ليك كون كنت بلاصتك كون ضرت بيه و خليتو يبغيني
كوهينور: و شنو كيمنعك من هادشي ياك كيجي لعندك
نورة: واهي فصراحة كنبغيه ولكن منقدرش نتمنى انه يكون ديالي حيت فالتالي انا غير قحبة
كوهينور: ولكن واخا هكك نتي قلبك بيض و تستاهلي كل خير
نورة: شفتي القحبة كتحلم غير دخل لفلوس عمرها تحلم بشيواحد ابغيها و نتي ضربي لحديد ماحدو سخون و ضوري بيه
كوهينور: واراه مكيحملني مكنحملو
نورة: نتي رطابي شوية و تشوفي الى ماطاحش فيك
كوهينور: دابا راه معندي ماندير بهاد الهضرة بغيت غير نرجع لدارنا بحالي
نورة: عندك عائلتك فكازا
كوهينور:(عضات على شنايفها) عندي غير بابا
نورة: و كيفاش قدر اصيفطك لهنا
كوهينور: ماصافطنيش هو مشا لروسيا و انا كنت مخطوفة و انتزوج و هربت نهار العرس و وصلت لهنا
نورة: هادشي فشكل عندك (كتهضر مع الشيخات ) صافي كل وحدة تمشي لدارها تصبحو على خير
خرجو شيخات و بقات نورة مع كوهينور
نورة: قوليلي علاش هربتي واش مالقاكش بنت
كوهينور: اويلي راه ماتزوجناش راه هربت
نورة: و علاش
كوهينور: حيت مكنبغيهش و زيد عليها بغا يتزوجني غير باش اعذبني
نورة: اييه حتى نتي زهرك عاطي زكو لجيهت سوق ماعليناش ماعليناش
كوهينور: فيا نعاااس
نورة: تلاحي نعسو مشا لحال
طق طق طق
كوهينور: شكون كيدق
نورة:ششش سيري تخبعي فالبلاكار انا انحل نشوف
مشات كوهينور نخبعها و كطل من شقة الباب تشوف شكون حتى حلات نورة لباب و هو يدخل اوسمان
نورة:(عرقات و بدأت كدخل فالهضرة و تخرج) عاودات جاتني
اوسمان: مكتعرفيش تكدبي اش واقع
نورة: لا حتى حاجا اش بغا يوقع
اوسمان:(شدها من يدها مزير عليها ) هضريييي شنوووو وااقع
نورة: قلتلك حتى حاجا طلق مني وعتيني
اوسمان: (كيضغط على الحروف و كيغوت) ماااااتعصبييينيييش حسن ليك و هضري قبل مانسلخك هنايا
كوهينور:(خافت بزاف خصوصا منين شافتو تعصب و شاد نورة بديك طريقة و كتوجع و بلا شعور خرجات من لبلاكار و غوتات ) طللااااااق منهااااا
اوسمان:(ضار عند كوهينور كيشوف فيها بصدمة شنو كدير هنا و نورة كتشوف فيها بعتاب علاش خرجات ...طلق من نورة و مشا عند كوهينور جمعها معاها بتصرفيقة و شدها من شعرها) لديييينمك لاااااعبااااها علياااااا و تقت فيييك و دييتك تشوفي كيكدوز الخطبة ديالنا و نتي بلا حشمة بلا حيا هربتييييي و خليتييييني بحال لحمق كنقلب عليييك
كوهينور: اهئ اهئ بغيييت نرجع منين جيت مابغيتش نبقا هنا
اوسمان: غادي ترجعي لقبرك و اندفنك بيدي نوريييييك ضساااارة كيف داااايرة (كيجرها من شعرها)
نورة: اوووسمان طلق من لبنت اتقتلها
اوسمان صرفق نورة بظهر يدو حتى طاحت للأرض و دفع الباب برجلو كيجر كوهينور فالزنقة من شعرها و هي كتغوت كاع عباد الله خرجات كتفرج اش واقع وهو غير كيضرب فيها و يسب و يلعن فيها حتى وصلها للكوري لي كيحطو فيه لغنم و لكسيبة و دخلها و سد لباب و ضار عندها بكل حقد و غل و هو ماناويش على خير اما هي بقات كتقفقف بلاصتها عارفة بلي هادي تالية ديالها و ماغاديش تنجا منها ...
الزنبقة الفضية الجزء السابع
محتوى القصة
التنقل بين الأجزاء