تحت الفرااش تكاات بتعب.. طول الليل مانعساتو بالتفكير غير تاتخمم وحتا هاد الليلة باينة فيها غاتمر طوييلة وهم الشك مايزول بسهوولة وااخا عيات ففراشها تقلب والضو فوقها شاعل تاتسنا فنسيمة لي واعداتها يسهرو بزوج غير طل على بنتها وسي محمد وتجي.. تنهدات تاتقلب فالفراش وترمش حتا جاها العطش وناضت تاتنزل بيجامتها وتقاد الزيف لي على راسها حاطة.. فتحات الباب خارجة منو ومع الدورة دالكولوار حبسات على صوت نسيمة العالي وهي فبيت نعاسها مع راجلها كايتتاقشو لكن الصوت عالي ومسموع بسبب الباب لي بقا شوية مفتوح
ردت: هااادي رااه مرااتك لي تاتهضر معااهاا ماشي شي أي وحدة وااخاا..و كلنااا عندنا مشااكل اسيمو والى جيناا نسكتو وكل واحد يقلب وجهو على لاخر ويهرب فين غاننولييو؟
مسح وجهو مكره وقال: ساليتي؟ ندخل ندوش داابة
تنهداات فيه مطولة شوفتها وقالت بصوت خفيف؛ ساااليت.. حسن لياا ننعس مع عزييزة هاد الليلة ومنهاا نيت نخليك ترتاح مع مشاااكلك
خلااتو وخرجاات تاتحبس فعينيها الدموع وتحااول على رااسها تبرد.. وقفات قدام بيت عزيزة تاتقااد أنفاسها عاد فتحاتو ودخلات بابتساامة مزيفة لقاتها وسط البيت وااقفة ومن ملامحها باين القلق
نسيمة: مسا الخير ههه.. ياكما تعطلت عليك
ردت بتوتر وفيها تاترمش: ل لا عادي الالة..حاولت نتكا شوية بما رجعتي ساعة ماقديتش
ردت: تعالي نبركو لتحت حسن ..نصيب ليك قهيوة؟
تبعاتها هابطين للأسفل: بغيت غير نشرب حاسة بحلقي ناشف
ردت هازة كتفها بانصياع: اللي بان ليك "شرباات من كاسها جغمة وقالت باهتمام" فكرتيني الالة.. واش خرجو التحاليل لي قلتي ليا؟
نسيمة: مازال ..ولكن مابقا والو
عزيزة: الله يسمعكم خير الالة ويرزقكم لي نتوما متمنيينو
تنهدات متبسمة: امييين.. نتوما تاتفكرو فالولاد من دابة ولا باقي؟
ردت: ماعرفتش.. لي جابها الله مرحبا بيها واخا سي أنور عمري سمعتو دكرهم
نسيمة: الله يرزقكم الدرية الصالحة احبيبتي
ردت: آمين الالة وحتا نتوما
نسيمة: ياربي اميين
كملات قهوتها فالكلام ورغم أنها شرباتها معصرة حسااات بالتعب وسط الكلام وورا مادازو عدة ساعات من السهر نااضت تاتكسل بعياء مسات على عزيزة ولبيتها تمات طالعة.. خلاتهاا فالكوزينة بعدما غسلات دوك الكيساان طلعات حتا هي ترتاح بيما يصبح ويفتح ولدارها تولي ....
تفتح باب المصعد ومنو خرجات عزيزة بجلابتها الأنيقة ونسيمة جنبهاا بمونطو طويل خيطو خفيف.. حلات الساك جبدات منو سوارت الدار فتحاتو ودخلات متبسمة وقالت
عزيزة: دخلي الالة مرحبا بيك
ردت نسيمة بتعب وللكوزينة ناوية تمشي: بغيت غانشرب وندگ فحاالي عرفتي شحال من حاجة باقة تابعاني
عزيزة: بركي غير فطري معايا بعدا
شرباات كاس تالما باارد وحطاتو قائلة: لا وتگول.. غاندوز للپاتيسري بعداا نطل عليهم تماا وكيف نلقا الفرصة غانصوني عليك
تنهدات بأسى وقالت باستسلام: واخا اللي بان ليك
سلماات عليها متبسمة: بسلامة احبيبتي
ردت: بسلامة..وسمحي ليا عدبتك معااياا
ردت: عدابك رااحة
خرجاات وهي سدات الباب ورااها ولدارها داخلة تاتحيد الفولار ..فينماا دورات عينيها تاتلقا روينتو فكل بلاصة، منينماا داز يحيد ويرمي العشاا لي كلا بااقي على الطبلة محطووط حتا الفراش فوق الفوطوي تاع الصالون مخربق والواضح أنه نعس تماا فاش مكانتش..
..غسلات اللي خاصو يتغسل من الماعن طواات الفرااش سدات عليه بلاصتو جمعاات الزربية فووق الطبلة وكباات الماا محنية ليه تاتفرك وتمسح الغباابر لي تحت الفطواات والطبالي..
كرطاات الما لوسط الدار ودخلات لبيت النعاس كدالك هزات حوايج الصابون للاماشين وبداات تغير فالكوفرلي تااع السرير رمات كلشي يتصبن شعلات علييهم وجراات النااموسية للجنب هي والكوافورات قااصدة تصيق تحتهم..
هزات من الماا كباات باش تحك هي تحبس لماا شافت توب مكمش حدا رجل السرير ملي دفعاتو تجر داك التوب معاه..
مسحات شوية ايديها وليه مشاات جرات السرير بااش يتحيد وبين ايديها هزااتو مسرحااه ..بيكيني موڤي انتوي.. لون ماعندهااش فالملابس الداخلية ديالها وهاداا اللي بين ايديها تاع وحدة أخرى من غيرها.. وسط بيتهاا وتحت فراشها وفراش راجلها بيكيني ديال مرا أخرى ...
صفاار وجهها ودقة قوية وسط حلقها تسمرات ..ماعرفات فااش ممكن تفكر شنو تقول كيفااش حتاا تتصرف. عينيها على البيكيني جمدوو لتوااني بعدهاا خرجاات من البيت مخنووقة وفايديها مزيراه.. بركاات تاترد النفس والكلوندير من السراجم دااخل كاايبرد علييهاا شوية ..كل مرة تشوف فيه وتسرط الرييق واخا شفايفها كايرجفو ودماغها تبلوكا وداخ
حطات كأس من القهوة وطرف من تشيز كيك صنع ايديها فوق طبلة مع باب الپاتيسري مقابلة وبركات هازة تليفونها فايد.. طولات الشوفة فرقم تليفونو قبل مابيه تتاصل وبتنهيدة فتح الخط وقال
سي محمد: صباح الخير
ردت: صباح النور.. فينك
رد: وصلت نسومة وانا فالمحل دابة.. نتي فالپاتيسري؟
ردت بهدوء: آه وعاد بركت تانفطر
سي محمد: بالصحة
نسيمة: الله يعطيك الصحة "لوات لسانها بضيق وقالت" مازال غاتسافر؟
بتنهيدة رد: مازال
نسيمة: وممكن تتكرم وتقولي ايمتا ناوي ولا مانستاهلش نعرف؟
نسيمة: هي لقيتي الدار مقلوبة ههه الرجال هوما هادو معندك ماديري
عزيزة: لالة نسيمة
ردت: نعام احبيبتي
بغصة فحلقها نطقات: كاظني.. بلي سي أنور ممكن يخونني؟
تنهداات قائلة باهتمام: بااقي نفس الموضوع شااغل بالك؟.. عزيزة يهديك الله حيدي منك هاد الشك راه غادي غير يمرضك.. أنور تايبغيك و عاد بديتو حيااتكم وقلتو فيها بسم الله، باينة فيه ولد الناس وماانظنش يدير شي حاجة بحال هادي ..تاتسمعيني؟
عزيزة: شكوون هادا وكيفااش مرااتو تاتجري عليه وتايجي عندك نتي
ردت ببرود: مراتو حشومية بزااف معاااه.. خصوصا فالنعااس ومتاتعطيهش المتعة لي هو بااغيهاا منهاا دااكشي علاااش تاتعصبو وعياا مايصبر ربع شهوور كاملة، هو مامولفش هاكااك مع البنات لي كان كايعرف.. هادشي علاش كايدوز معايا وقتو مرة مرة "رااقباات بمتعة خفية ملامح عزيزة لي تاتغير وقالت بندم مزيف
شيماء: آه غلطت ودخلت لفرااش مراا مزوجة مع راجل مزوج ..ولكن رااه تانبغييه.. تانبغييه اعزييزة وحتااا هو مامعاونتيش بااش ننسااه
فتحااات شفايفها الجاافة ونطقاات بهمس بصعوبة تسمع: كادوي على أنور.. تاتهضري على راااجلي؟؟ رااجلي اناا
ضار السااروت فالبااب وتفتح عليهم بزوج.. ضاارت ليه شيماء لي سرعاانماا تقلب وجهها للصدمة عكس عزيزة لي ماحولااتش ليه الشوفة بقات فمكانها متسمرة ودااتها بااردة تاترعد عليهاا
جمع تخنزيرة حااااارة بين عينيه قبل ماصفع الباب وعندهم دخل ناطق وهو مغزز سنانو
أنور: وعليكم السلام.. شوااقع هنا
حطاات يدها على عنقها مقجووجة بالبكاا وبسرعة فاتتهم تاتجري للكوزينة تشرب.. تغيرو ملامحو للخوف وقبل مايفيق ويتبعها نطقات شيماء بتوتر
شيماء:: بانلي انا حسن نمشي
خنزر فيها مكره: قررردي بلااصتك
سوورت باب الداار وتبعها للكوزينة لقاها على الطبلة محنية كااتخنق ووجهها بقوة البكاا حمار وتنفخ.. دبت فداتو الرعب وماحس حتا تحنااا كايردد بعصبية
أنور: عزييزة ماالكي .. شنو وااقع هضري معايااا
بلا مافيه تشوف زيراات على الجاكيط لي لابس و بصعوبة نطقاات: ب غيت ..الماا..الما
فتح التلاجة بسرعة جبد قرعة بااردة وكب ليها تشرب وترد شوية النفس ..نصل الجااكيط لي كان لابس بقا بتيشورت سودااء مزيرة على لحموو وعروق رقبتو منفوخين حااس بشي حاجة ماهيااش ومصيبة وااقعاات فغيابو.. رااقبها حتا سالات داك الكااس ونظمات أنفاسها شوية عاد نطق بعصبية
شيماء جاوبااتها هااد المرة بلساان مااضي والشمتة لي دفناات فقلبها رجعات حياات من جديد
شيماء: سيري شووفي رااااسك بعدا أما أنا بزااف علييك
أنور: رجعي نتي اللور حتااا نتفااهمو.. ونتي غاتزميه ولا قسما بالله حتااا نعصم مك.. ق**** عليااا من دااري نعااود نشوووفك فيهااا غان*** ل**** العين
ضحكات بوقاحة وقالت: علاااه كدبت اسي الكوميسيير.. ضرتي وضورتي حتااا تگهمتي هههه و فالاخير طحتي فوحدة معدبااك وتاز*** ماقداات تبرعو ليك ههه ولا يااكما الرجولة تاعك مشات في خبر كاان.. ومااقديتي تصور منها حتا توحويحة امسكين "غمزات عزيزة لي وراه وااقفة تاتحرق" ياااك الزين.. ولا كدبت؟
مع كملاات جرها جرة وحدة من كول الشوميز لي لابسة ومن داارو تم مخرجهاا مججروورة ورااه والشووفيز فائدة تقطعات.. رمااها حدا الاسنسوور كاايلهت بسرعة وبشوفات شااعلين قاال
أنور: غاانتفااهم مع اصل مك من بعد.. داابة غاتهزي يال*** تق**** من هااد الدرب ولا قسمااا بلي حطني حنااا لي غانديرو فيك عمرك شفتييه
دفل ورجع ادرااجو بعدما لمح بنص عين نهاد لي من بابها تاطل عليه لكن كيف شافتو دخلات سادة عليها.. خبط البااب بالجهد وتم لعندها دااخل.. ناضت بصعوووبة غاارقة فدموعها وبلساان تقيل نطقاات
عزيزة:علااش... علاااش دير لياا هاكا عل .....
جمعها معاها بصفعة حاارة رماتها على الفوطوي وتحنااا هااز ليها رااسها لعندو وقاال بنبرة غااضبة وصلات بيه للحد
أنور: فقتي الحمااارة..فقتي الدمدوومةولا نززييدك وحدة خراااا ترد ليك الرااس
عزيزة: تاضربني !!؟؟
دفع رااسها مكره ونااض شااعلة فيه ناار شااخدة: غااانشططب بأصل مك لااارض.. قلت ليك بعدي من ***** ولا لا ..هااهومااا ضورووك بينااتهم وبدااو يلووحو زبلهم فدااري لي عمري دخلت ليها حتا بينتة تاع الگاارو فاش كنت تاع رااسي عااد دابة ملي تزوجت.. قلتهااا ولااا ماقلتهااش.. جاااوبي
مشاا وجاا كااينفخ كي التور برااسو كايتحلف وبتاتا مابغااتش تبرد ليه : بالحق انااا لي حماار.. مخلي ليهم دمدوومة يضورووهاا كيف بغااو اماا من اللول نسد علياا هااد الخ*** بيمااا قلبت ك***
سكتات تاترجف دموعها فصمت دايزين وكلاامو تايترسب فدماغها حرف بحرف.. فحين هو بحر العصبية لي فيه ولااا غاادي جااي حداها شااعل وايديه مغزفين كايترعدو ولي جاات فباالو كاينطقهاا
فرس سناانوو مطول فيها الشووفة قبلمااا يهز جاكيط ديالو ومع البااب يخرج.. نزل لتحت وهو تايسب ويعرق تحت سنانو دموو سخن تايفور وغير تقيسو يتفرگع عليك ..
ركب فطموبيلتو وديماارا مكسيري بدون وجهة معينة حتااا سمع أدان العصر عااد وقف جنب الطرييق جاامع قبضة قوية وعلى ايدو حطها كاايخمم وراسو كايطبخ.. هز التليفون دووز رقم سي محمد وكيف فتح الخط قال
انور: سيمو..فينك؟
رد: وعليكم السلام.. ياك لاباس
انور: دوز عندي للبليصة الى كنتي مسالي
سي محمد: حااليا مانقدرش لقيتيني عاد دخلت للدار.. دوز عندي نتا
زفر عاض على سنانو وقال: صافي بلاش.. تهلا
تكلم قبل مايقطع عليه: دوز اصاحبي ومن تما نحرجو بجووج.. ياك هانية بعداا ؟
رد: مت هانية.. شوية وهاني معاك
سي محمد: غانتسناك ..الله يعاون
حط التليفون فوق الطبلة ونسيمة بفضول قالت: ياك لاباس مالو
حك بين عينيه وقال: ماعرفتش.. هاهو جاي
نسيمة: بوحدو؟
رد: على ماقال راه بوحدو
بنبرة قلقة نطقات: على الله غير مايكونش شي مشكل .. عزيزة عييت نصوني عليها وحرام واش بغات تجاوب فالصباح اصلا حسيت بيها ماهياش
شاف فيها متنهد: سوقهم هاداك .. كان باش نعاونو غايطلبوها منا مكانش يضبرو لمحاينهم هاداك كايبقا راجلها وهي مراتو
زفراات والحيرة كلاتها: الصبر
لوات لساانها وسط فمها وفيه شافت بنص عينها: ايوا ونتاا.. ايمتا ناوي على هاد السفر
نسيمة: علاش ماتسيفطش شي وااحد هو لي يقضي ليك امورك
تنهد وفيها شاف: نمشي انا حسن.. وغير يوماين وهاني معاك تاني
طلعاات نفس طويل وقالت بتهكم: متأكد غير الخدمة لي مبرزطاك ؟ "سكت بدون رد وكملات كلامها قائلة" إلى كنت درت ليك شي حاجة أولى مقلق مني قولها عافاك.. مانسمحش ليك الى كنت اناا السبب وماقلتيهاش ليا
شااف فيها قارن حواجبو: مكاين والو من هاد الهضرة بالعكس.. خوي راسك من هادشي
جمع حجباانو بقلق وناض بعدما وجه ليها كلامو: دخلي طلي على بنتك
ناضت جامعة كيسان القهوة ومن الكوزينة دخلات فحين أنور تم داخل لعندو فاش لقااه وسط الجردة واقف كايسنااه وعينيه عليه مصغرين حاس بشي مشكل واقع
سي محمد: السلام عليكم
رد بخاطر مغير: وعليكم السلام
سي محمد: عساه خير.. ياك لاباس
برك وخدا كاس الما فوق الطبلة نزل عليه حتال لافان وحطو راد ضهرو للور وحمورية عينيه مازال وااضحة
أنور: نوض نوض نبدلو السيكتور
سي محمد: لفين؟
رد مخنزر: خاصني القااصح يلله يلله ..ومافياا مانمشي بوحدي
رد: ياك الشريف.. ناوي تحرم علياا صلاتي ربعبن يوم ولا كيفاش
أنور: ونتاا مالك غاتخلطوو ليااا
رد بهدوء: برك شرب الماا وعاود ليااا مالك
رد: مخنووق ومعصب مع ***.. الى ماغاديش صافي هانية نمشي بوحدي
سي محمد: أنور ..قول بعدا أعود بالله من الشيطان الرجيم
مسح وجهو مغزف وقال: الله ينعلو ويخزيه.. واخا راه الشيطان هو بناادم اسيمو
سي محمد: هضر مالك.. مشكل فالخدمة ؟ ..ولا ياكما مع المدام
رد: مع الباشار لي مااكاايوقرش
سي محمد: ضروري من المشاكل هادي هي الدنياا ..راك كوميسير وبحال هادشي تايدوز على عينك كل نهار..
سكت مزير فكو وسيمو رجع قال: زيد نطلعو للبحر عالله تبرد شوية
رد: لا صافي.. غير خلينا هاكداا باركين
سي محمد::ماغاتقولش مالك
تنهد قالب وجهو وزاد فحدة التخنزيرة لي داير: مكاين مايتقال.. مزمرة عليا الوقت نيت وفينما نقادهاا تعواج من جهة خراا
رد: الصبر.. دابة كلشي يتصايب غير بالعقل ا أنور.. الأعصاب ماعندهم باش يفيدو
أنور: بنادم تايخرج منك النگة بلهلا بطريق ل... مك "طلع النفس وقال مغير الموضوع" بالحق كيف گلتي نتا، الصبر .. شفتك ماخدامش اليوم؟
سي محمد: مسافر إن شاء الله
أنور: فين؟
رد: طالع لفاس نقاد شي خدمة فالمعمل ونشوف الأمور تما
أنور: وعلاش نتا لي غاطلع.. دير كيف ديما وسيفط شي حد
تنهد قائل وأفكارو مخربقين: هاد المرة كتاب انا نمشي
صغر عينيها بشك وقال: عندك شي حاجة مبرزطاك ؟
رد: بحال داكشي
أنور: اللهم يسر
سي محمد: اميين
خرجات عندهم الغالية تاترحب بأنور وتقاشب معاه فالهضرة كيف العادة.. الجو المكهرب برد شوية وتقاد لما غيرو الموضوع لحاجة أخرى وبزز عليه برك حتا دارو الكاسكروط مجموعين واخا نسيمة سولاتو على عزيزة لكن جاوبها ب "عيانة" وخلا ليها القوص مفتوح ماعارفة لاشنو واقع والا شنو سبب غيابها..
تعاشات العشية ومع أدان العشاء نااض أنور متوادع معاهم ..داز لخدمتو طل عليها شوية ولقلة التركيز رجع للدار مباشرة..
مع دخل خرج تنهيدة طويلة فاش تفكر لي وقع ..رما السوارت بعشوائية ولبيت نعاسهم توجه كايحيد حوايجو..
ردات كلشي لبلاصتو وتحت فراش ابيض نقي تخشاات غارقة فالنعاس رغم خطوط الدموع لي خدها مرسومين وطبعة ايدو لي مازال على خدها اليمين مصورة..
تزير عليه خاطرو وملامحو تغيراات حتا كره راسو ومافيه .. حيد السمطة لي لاابس وحداها تخشا بلاما يبدل حوايجو فقط عنقها من اللور عليها مزير وعلى أنفاسها الهادئة بدات عينو تديه شوية بشوية
باس بنتو نسومة بحراارة كايودعها بالتي هي أحسن ويفهمها بلي عليها غايغيب فترة قصيرة ويرجع.. وقفات الغالية كدالك حابسة دموعها بزز وبرزانة معتادة فصوتها قالت بابتسامة مزينة ملامحها العجوز
الغالية: رد الباال لراسك اولدي، وسوق بالشوية راه الليل هادا والطريق خايبة
تنهداات نسيمة والضييم عليها طااح فجأة، ناضت مغير حاالها وبالخنقة لي شداتهاا نطقات: غانطلع نجيب ليك تليفونك
قبل مايجاوبها طلعاات مع الدروج لبيتهم محاولة ما أمكن تهدن من نفسها وتاتسمح دمعة خانتها وسالت..
خدات التليفون من فوق الطبلة وغير بغات تخرج صادفات حقيبة سوداء صغيرة حاطها حدا الباب قصد أنه يديها معاه ومن جنبها لمحات خيط السارجور خارج..
هزاتها دخل السارج ومع فتحاتها استغرباات من مجموعة من الأقراص (أدوية) عمرها شافتهم عندو من قبل وملف للتحاليل الطبية ..قوصات حواجبها وفتحات الملف تزامنا مع سماااع خطوات للباب تاتقرب قدرات تقرا جملة وحدة وهي "ضعف" قبلماا دغيا تردو وتسد السلسة مع هو فتح البااب ودخل منزل حواجبو لما شاف الحقيبة فايدها
نسيمة: لقيتيني خارجة عندكم
خدا منها الحقيبة وقال: نسيتهاا هنا
ردت: هادا علاش كنت مهبطاها ليك قلت غاتكون داير فيها وراق الخدمة وغاتحتاجهم
ردت بهيام: غير ساعة فغيابك تاتقتلني بالشوق.. يوماين سهلتيها؟
بسم من عينيه مجننو كلامها وعندها زااد قرب واخد شفايفها فقبلة معسلة بنكهة الشوق قدر يفصلها بصعوبة وقال
سي محمد: تانموت عليك ..نتي وبنتي هوما احلى حاجة وقعات فحياتي، كاندعي الله كل نهار يحفظكم ليا
بسماات خايفة الغصة لي فقلبها: امين ياربي ..الله يخليك تاج فوق راسنا
تنهد: امين
درعهاا وبجوج نزلو للأسفل.. خرجو معاه للباب هي والغالية ونسومة ودعهم بسرعة محاملش عليهم يبعد وركب مديمااري وطريق طويلة شااد فظلام الليل وسكاتو .. خلا عيونها مصغرة عليه بسهوة وعلى كلام الغالية غفلات حتا حركاتها عاد فاقت وفيها شافت
الغالية: واش سمعتيني ابنتي؟
ردت بتمتمة: ا آه سمعتك
كملات كلاامها وفأتر الروايض تاتشوف: الله يسهل عليه ماصعاب ويكون ليه عوين
تنهدات قائلة: امين.. الله المستعان
الغالية: زيدي ابنتي ندخلو البرد عليك
نسيمة: واخا
هزات عليهاا نسومة ودخلو للڤيلا ساادين عليهم البااب وكل وحدة لغرفتها طلعات ترتاح ......
.....
مسح على وجهوو كايستاعد يفيق.. النهار عاد بداا يطلع والشمس تاتسطع..
نااض بوحدو فالبيت بلاصتها حداه خاوية لكن دفئها تحسسو قبل ماينوض كايتفوه للحمام.. غسل وجهو ونصل التيشورت عليه دوش بالخف خرج لاوي عليه فوطة وعليها كاينادي
أنور: عزييزة.. عزييزة
ضاار وسط الدار والحس مقطوع ..عادة ريحة القهوة تاتكون فايحة فگاع القنات ولباب العمارة تاتوصل و فاش تايكون بايت معاها متايمشي لخدمتو الا وهو فاطر فطور مضخم ..
خرج من الكوزينة عاقدهم دخل للحمام التاني فالداار طل ورجع سدو فاش لقاه خااوي وتوجه للغرف الأخرى وحدة ورا وحدة.. كايقلب ويخبط وقلبو مع كل تانية تايزييد بعنف اكبر يخبط
حل آخر وااحد بوجه مخطووف ورجع قلبو لباب الداار مامتيقش لي تايدور فبالو وصدمة م*ودة معاه كااطلع
وقف الطاكسي وطلع عينيه فالمراية وقال: وصلنا الالة
من سهوتها فاقت ورمات نظراتها للخارج لقات راسها فقيسارية كبيرة وبالناس عامرة رغم أنه عااد بدا الصباح..
سرطات ريقها والارتباك عليها بان لكن مازعماتش تنزل وبتوتر واضح شافت فسائق الطكسي وقالت
عزيزة: الله يخليك ، تقدر تزيدني للقدام شوية يمكن يكون شي مول الدهب آخر تماا
رد: هنا اختي غاتلقاايهم مستفين واحد حدا وااحد اختاري فيهم لي عجبك ، ولكن الى بغيتي نديك لهادو لي فالشاريع مرحبا
بصوت خافت جاوباتو: آه اخويا حسن
رد: واخا اختي مرحبا
رجع ديمارا وزااد مع الشارع شوية حتا وقف قدام محل بائع الدهب مباشرة..
ارتاحت نفسها شوية وحلات بزطامها، لقات فيه عشرين درهم فقط هي لي تكساب خلصات بيها الطاكسي وبقات الله كريم.. هبطاات تاتنهد هازة معاها سااك حجم كبيير بني فحال لون جلابتهاا ولعند الدهايبي دخلاات تاترمش بحيااء وتجمع الكلام فلسانها فحين هو تبسم ليها وناض من مكانو
عزيز: السلام عليكم
رد: وعليكم السلام ابنتي.. مرحبا اش حب الخاطر
ردت : الله يبارك فيك اسيدي.. بغيت عافاك نبيع شي حاجة ديالي تاع الدهب
برحبة صدر قال: آه مرحبا .. غير هو الدهب هاد الساعة نازل شوية
عزيزة: ماشي مشكل "حلات جيب فساكها ومنو جبدات كميسة كبيرة مطرزة بالطرز الفاسي والدهايبي حااضيها بعيون مصغرة وفساك الحوايج تايشوف.. فتحاتها ومنها جبدات سلسلة دهبية تاتبري وتلاتة الدبالج منقوشين حطاتهم على الزاجة وقالت" هادو عافاك
رد مركز فيهم الشوفة: ايه واحد الدقيقة
جبد لي خااص وتأكد من أنه دهب.. شاف فالدهب ورجع فيهاا شاف مبلل شفايفو بمكر وقال بعد صمت: هاد السلسلة غانعطيك فيها 1000 درهم.. وهادو بتلاتة 2600
غوبشات: هي شحال
رد: 3600 درهم
عزيزة: ماشي رخصتيهم بزااف؟
قاد طاقيتو وقال: هادا هو تمن السوق ابنتي وكيف قلت ليك الدهب نزل بزااف فهاد الفترة.. بغيتيه مرحبا مابغيتيش مرحبا
رد: على بركة الله "جبد الفلوس حسبهم قدامها داارهم ليها فجواا وعطاه ليها متبسم" بسم الله ابنتي
خدااتهم بغير رضى وقالت فوق النفس: شكرا.. الله يعاونك
رد: اللهم امين
حشاتهم فالسااك وخرجات مزيرة عليه وعينيها غير تايضورو .. مخبية الخووف لي مجتاح قلبهاا وفكل خطوة تاتحاول تشجع نفسهاا باش تزيد للقداام ..شيراات لطاكسي جديد ركباات اللور وقالت تاتلهت
عزيزة: ديني ل شي اوطيل عافاك.. يكون متوسط ماغالي مارخيص
رد: واخا الالة
..............
خرج من باب الداار كاايزرب بعدما لبس بالخف والتليفون فودنو وااخا كايعطيوه أن رقمها طافي كايعاود يصووني مرة بعد مرة ..
توجه لبااب نهاد مبااشرة طلع ايدو طلعة وحدة وبداا فيه يخبط بالدقان ديال البوليس حتا فتحاات البااب مخطوف لونها وقالت مخلوعة منو
نهاد: الشاف؟
بحدة نطق: باانت ليك عزييزة اليووم؟
ردت: ل لا هادي مدة مابقيت شفتها
رد: ودييك **** تاع صاحبتك
نهاد: ح حتا هي
زفر مغزف وزااد مخليها غير تاتشوف مافاهمة واالو ..
خرج من باب العماارة وقبل مايركب طموبيلتو دوز رقم اخر وداارو فودنو كايتسناها تجاوب
نسيمة: الو ..
رد بلهفة: ختي نسيمة عزيزة معاك؟
حطات الكاس من ايدها وحجبانها تعقدو بخوف: لا ماشفتهاش من البارح.. ياك لاباس؟؟
لست أهرب من شيء، و لا أستبعد أحدًا بعينه، إنما بي حاجة ملحة للمساحة الشخصية، لعزلة يستوعب المرء فيها تسارع الأحداث التي مضت، و يستعيد فيها المقدرة على تحمل ما سيحدث.. لصوت العقل قبل القلب ولكلام حكيم يخبرني أن لا تجعل عمرك يقف انتظارًا لأحد ، لا تقضهِ ندمًا على مافات، لا تأسف على جميلٍ زرعته ولم يُثمر، ولا تحزن على أمرٍ كتبه الله عليك وإن آلمك ..فقط امض واترك اوجاعك للزمن.. هي بها كفيلة..
...
فتحات باب الغرفة ودخلات معلية راسها وتاتشوف فالارجاء برهبة.. حطات الساك جنب خزانة خشبية عليها تلفاز صغير ودخلات بخطاوي بطيئة بعدما سدات الباب مزياان وعلى البيت بدات تسرح عينيها وقلبها بندقات سريعة كاينبض
.. عمرها استقلات بنفسهاا ولو ليوم واحد فقط تعتامد فيه على رااسها وتهز رجليها لفينما بغاات لوحدها بفلوسها ومسؤوليتها على كتافها ماعلى حتا حد
..الوضع قدما هو جديد ومشوق للي عينو بعيدة عليه، تايخلع وقمة فالرعب للي عاش نفس الأمر ..لكن جابتها الظروف وهادشي لي ربي كتب
حيدات من رجليها وبركاات على السرير الابيض محيدة الفولار على راسها باش شوية تتنفس وعلى جنبها وتكاات سااهية فالحائط والحزن فعينيهاا مظلم ...
قلب الرواايض من محطة الطاكسياات واتااجه لطريق أخرى مكسيري وعينيه بالخووف ممزوج مع الغضب مظلمين.. وسط افكارو رن التليفون شاف الرقم وجاوب بدون مقدمات
أنور: لقيتيها ؟؟
ردت نسيمة باحبااط والغالية عند راسها واقفة: لا مالقيتهاش.. وسولت عليها حتا ماما ولكن قالت بلي ماشافتهاش من آخر مرة مشينا لعندهاا
ضرب الفولون منييرڤي ودموو كاايغلي: فييين غاتكون طجااات فيين.. وااش ماعندهاش شي صاحبتها من فااس ولا شي جاارتكم قدييمة لي ممكن تمشي عندهاا
ردت: لا ويااريت كون كان من غير لايطو .. ولكن السيدة من العزو ديال المرحومة حياة ماعاود جات لكازا وحتا عرسكم راك شفتي غير باركات فالتليفون وماقداتش تجي بسبب ركابيها
أنور: يمكن عندها ولكن مابغاتش تعلمك
ردت بتأكيد لكلامها: كون مشات ضروري ماتعلمني أنا متأكدة.. مابغيتش نسولها بااش بلا ماتشوش ومافيدها واالو
فرس سناانو وقاال مغزف وعلى الطموبيلات كايدوز كيف الريح: صافي اختي أنا غانتصرف
تنهدات نسيمة وقالت باستفسار: واش وقعات شي حاجة بيناتكم؟ دابزتو حتا خوات الدار ولا شنو بالضبط
رد: بحال داكشي.. وااخا هاكاك ماظنيتهاش ديرهاا.. صدماااتني فيها
نسيمة: عزيزة بصح سكوتية ومهدنة.. ولكن المرا اخويا الى تجرحات توقع منها أي حاجة "سكتاات شوية ورجعات قالت" خصوصا الى كان فالموضوع مرا خرا
أنور: عاودات ليك ؟
نسبمة: ماعاودات والو و هادا هو المشكل.. خلاتني حاايرة مافهمت حتا حاجة
حرك رااسو وعلى حروف كلامو ضاغط: انا غانلقاها وبااشما كان ..االى عرفتي أي حاجة علميني عافااك
نسيمة: كون هاني
قطعات معااه مهول بالها والغالية كدالك غير حاطة ايد على ايد وتاتخمم
الغالية: فين غاتكون مشاات؟ البنت يتييمة وماعندها حد من غيرك، ونية مااتعرف الخبيت من الصديق.. الله يااربي وااش هاد المكتااب
نسيمة: ماافهمت والو.. دخت والله
الغالية: يقدر تكون شدات شي اوطيل
نسيمة: ماعرفتش، كولشي ممكن.. اللي خالعني هو عزيزة ماشي قد هادشي.. كون كانت شي وحدة خراا زاعمة وفايقة مانتخلعش قد هاكا، ولكن عزيزة...
طبطباات على ايدها بحنية وقالت:: ربي معاها ابنتي، مغايكون الا لي الله مكتبو غير ريحي بالك دابة إن شاء الله نلقاوها
صونا تليفوونها فالساك جبدااتو بالزربة على أمل تكون هي لي تاتاصل لكن خااب ظنها ملي قراات سمية سيمحمد فالشااشة شافتها الغالية وناضت مخليااهم على راحتهم يتكلمو
سي محمد: سمع..البنت مادام دارت خطوة بحال هادي اذا محتااجة تريح شوية مع دماغها وتفكر.. خليها هاد اليوماين على الأقل ترتب أفكارها شوية ومتأكد ضروري تشعل تليفونهاا باش دوي معاكم.. حتا الى مادواتش معاك نتاا ماغاتبغيش تخلي نسيمة مشوشة عليها
رد: يووماين هه يومااين عاارف شنو يقدر يوقع فيهم ولا لاا؟.. عاارف عزييزة كيف داايرة ؟ سااعة وحدة يمكن ترما فيهاا لشي مصييبة وهي ماعاارفاش
تنهد مطلع رااسو وقال: شنو وقع بيناتكم
رد ببرود: شكات فيا تانخونها
رد؛ زيد
أنور: والباارح عيطات علياا نجي للدار و على هاديك لي شاكة فيها.. مانعرف شنو گاال ليها راسها دير واش الى واجهاتنا بزووج غاترتااح ولا شنو بالضبط
سي محمد: اها زيد
أنور؛ كتر من هاد ****.. تنييرڤيت وقلبتها معاها
قوص حواجبو بشك: ضربتبها
أنور: مديت ايدي على مسألة خراا من غير الشك..وغير منعت راسي اماا كنت ناوي على كتر كونما قلبت ساعة بخراا حييت تستااهل شي ملخة نييت يالله تفيق شوية من تاحيماريت ديالها
سي محمد: شفتي العصبية فين تاتوصل
رد بعصبية زائدة: شنوو فيهااا كون جاات سولااتني اناا وتفهم مني شنوو كااين..هااديك اصلااا كاتبقاا صفحة قديمة داازت والله يعااون علاش تحاسبني عليهاااا
سي محمد: شي حاجة تماا ماشي هي هاديك.. ماغاتجيش وتشك غير هاكااك
زفر مكرره وقال: عارف.. خلي هاد الموضوع من بعد ونقاادو، داابة خاصني غير نلقاها
محمد خفف صوتو وقال: أنور.. دير بنصيحتي وخلي البنت على الأقل هاد النهار ترتااح ..
أحييني بشوقك الجزء 33
محتوى القصة
التنقل بين الأجزاء