فتحاات عينيها مع ظلام البيت، داايخة وراسها عاطيها الصداع بسبب الجوع والارهاق و من البارح ماطاحت اللقمة ففمها ..حااولات شوية تنوض وبدات فجناابها تاتشوف وترمش لدقائق قليلة قبلماا تمد ايديها لضو البيت شعلااتو ونااضت بصعووبة لساكها حدا البااب جراتو عندها وحلااتو.. هزات تليفونها والساارج دارتو فالضو ووقفات بزز نصلات جلالتها وبقات ببيجامة قطنية فالبيض كانت لابساها لتحت وشعرها بقا مطلوق على طولتو
طلعات للفراش مرة أخرى شااداها التبوريشة، حرارتها كاترتافع وكرشها كاتغرغر بالجوع.. زيراات عليها بألم مخسرة وجهها الشااحب واللون منو تصفا حتال للحظة بداو دموعها يطييحو..
قطرة ورا قطرة حتا هبطات راسهاا على رجليها تاتبكي بحرقة وصدرها كايتهز من بلاصتو
.. تاتبكي من خوفها، من زهرها والوضع لي ولاات فيه ..تاتبكي على حياتها وعلى حالتهاا ..ماعندها لا واليدين تسند عليهم لاحرفة عليها تعول لااورت تهز بيه رااسها..
دهب قليل لي بقاا عندها ماسخاتش بيه والباقي باعتو بتمن رخييص يالله يهزها لأياام قليلة وبعدهاا غاتبقا الله كرييم ربنا خلقتنا فزمن عامر بالدياب والاستغلاليين
تزير خاااطرها ومسحات دموعها كاااتشهق ووجهها حماار وتنفخ بقوة البكا..
هزات تليفونها شعلاتو ومع تفتح رجع تبلوكاا ليها بسبب قوة الرسائل والاشعارات اللي وصلوها مع المكالمات لي مجاوبااتش عليهم
..حكاات جنااب جبهتها لي بداا يعطيها فالحريق مافيها لي يحرك لساانها ويهضر أو ينااقش موضوع معين ويبدا يفسر
... اتاصلات مباشرة بمطعم الوجبات السريعة ريزيرڤات على سالاد وعاصير الليمون عطاتهم العنوان ورداتو يتسارجا عاد ناضت للحمام لي عندها فالغرفة..
قضات حاجتها غسلات ايديها و وجهها مزياان وبفوطة نقية نشفااتو، طلعات راسهاا فالمراية وتحسسات مكان الصفعة على خدها.. لقاتها بردات شوية وبدات تزول واخا كانت مجرد صفعة لكن حيت من ايديه هو حسااتها رعدة ودازت على كماارتهاا لدرجة تزنزينتها باقة فودنها كاتصفر
عزيزة: بلاتي
حبس الدقان فباب الغرفة وهي لبساات زيفها هزات بزطامها وحتا طلات على شكون واقف براا عاد فتحاتو شوية لعامل المحل لي تاصلات بيه
....: الآنسة عزيزة ياك؟
خدات طلبيتها قائلة: آه هي أنا ..شحال عندي عافاك؟
عطاها الفاكتورة تشوف التمن خلصااتو وقال: شكرا اختي الله يعاون
سدات الباب مزياان ورجعات دخلاات حاطة عشاها فوق السرير وبداات تنقب منو شوية وتبزز على راسها تااكل حتا رجعات الجهد شوية عااد جمعاات الزبل رمااتو ورجعات بااركة وتليفونها فايدها.. بلا ماتفكر جوج مرات قلبات على إسم نسيمة ودوزااتو تاتسناهاا تجاوب
خرجاات ممن الحمام بشوميز سوداء قصيرة وتاتسرح شعرها الناعم.. سمعات تليفونها كايصوني حطات المشطة وهزاتو قارنة حواجبها لكن فورما شافت إسم عزيزة تهز قلبها بالخلعة وبلهفة جاوبات
صباح جديد.. صبحات فيه الغالية مع نسيمة فالكوزينة كايحطو الفطور وأنور لي داز عليهم فوقت متأخر من الليل نازل من الدروج بعدما بات معاهم بعد إلحاح من الغالية ورا ماشافت حالتو...
تبسمات ليه وهو باس راسها وبرك معاهم
الغالية: صباح الخير اولدي.. ارتاحيتي شوية بعدا
رد بنبرة باردة: الحمدلله "طلع عينيه فنسيمة" صونات لك هاد الصباح
نسيمة: لا اخويا..جربت نعاود نصوني ولكن طفات تليفونها
الغالية: يكون خير إن شاء الله غير ترتاح شوية وغااتعاون تصوني عليك اولدي كون هاني.. كول شي حاجة ترد الجهد شوف تحت عينيك كيف ولا بالعياا
كمل كاسو وناض: نخليكم.. الله يعاون
خرج بلاما يجاوب الغالية لي عليه تاتعيط.. ركب طموبيلتو وأول مادار هو يهز تليفونو وبدا على أخبارها يسول
....
الغالية: علم الله ماالهم حتا وصلو لهاد الماصل "تنهداات وخاطرها عليهم ضرها" لا حول ولا قوة إلا بالله
نسيمة: عزيزة تقلبات قلبة وحدة.. خلعاتني عليها والله
الغالية: ايييه.. كايقولك ابنتي الله ينجيك من السااكت الى دواا
ردت: الصبر وخلاص
الغالية: حقا فكرتيني.. واش صونيتي على راجلك ؟
سرطات الدغمة لي ففمها وهزات كاس العاصير تاترتاشف منو: اليوم لا.. وعلى ماقالي العشية إن شاء الله غايرجع
الغالية: إن شاء الله الله يجيبو على خير
نسيمة: هو مولف تايساافر على قبل الخدمة أمي الغالية؟
ردت: واهي فالصراحة ابنتي لا.. ولايني ماتعرفي دابة فاش فرق الخدمة مع عمو يكمن مابقا تايتيق فحد و وولا باغي يوقف على شغالو بيدو
حركات راسها تاتنهد وبنبرة مبهمة قالت: بصح.. الله معاه مسكين
الغالية: هادا مكان، الله ييسر ليه.. هاز حمل تقييل من نهار مات الحاج الله يوسع عليه ضيقة القبور فهاد النهار
نسيمة: الله يرحمو
الغالية: اميين ابنتي.. ولدي سي محمد من صغرو وهو هااز مسؤولية كبر من عمرو وغير تايخمم.. واخا كنت نشوفو ساكت وتايضحك ديما كان الهم فعينيه ومارتااح حتاا كبر الحرفة لي ورتها من المرحوم ورجع سميتو تابتة فسوق التوااب
نسيمة: بصح.. سي محمد صبار وكايكاافح الى بغا يوصل لشي حاجة.. ولكن العيب لي فيه هو غامص وسكوتي بلا قيااس
الغالية: همو مكايعلم بيه حد من غير لي خلقوو..ولف يكون سكووتي ماتعرفي شنو فقلبو
نطقات بعفوية وفكلامها عتاب ماقدراتش تتحكم فيه: ولكن مراتو لا أمي الغالية.. الى مشاركنيش همو لمن غايعاود؟؟ البراني؟؟.. كون جينا كولا يسكت ويخبي لي عندو رااه عمرناا نزيدو القدام فعلاقتناا ديماا واحد الحيط غايبقا حابسني عليه
صغرات عينيها مشوشة وحطات كأس اتاي من يدها: ياك لاباس ابنتي.. ياكما كاين شي مشكل بيناتكم حتا نتوما
الغالية: ورااواخا يبانلك هاكدااك، سي محمد رااه وااحد خوااف منو ماكان مازال تعرفيه
غوبشات مستغربة: مناش غايخاف
ردت: كايخاف ابنتي يفقد الناس لي تايبغي.. تقهر بزااف مسكين ملي مات المرحوم وولد عمو لي كان بحال خوه هاكا مكايتفارقوش.. ورجع تقهر فااش وصلتو للفراق، وزييد وزييد
اشتاق لريحتها فدارو من الساعة لي خرجات منها مابقا قد يدخل ليها واخا غير باش يبدل عليه حوايجو..
اشتاق لصوتها فودانو وتصرفاتها بين عينيه وجسدها بين ايديه..
اشتاق حتا الشوق خنقو وبان عليه الإرهاق بين ليلة وضحاها فغيابها، واخا مولف للسهير بحكم خدمتو ..لكن دقتها طيحااتو للأرض راكع تاالف وراسو تشقق بقوة التفكير
دااز الوقت بسرعة وهو على حالو بااقي، بارك تايفكر فيها وبس ماقااد يركز فحتا حاجة من غيرها وتايحسب الدقايق للوقت فين غايلقاوها ليه ديك الساعة عاد غايباالي.. صونا تليفونو فوق المكتب هزو وجاوب بنبرة جافة ماعندو خاطر حتا للكلام
انور: الو
سي محمد: وعليكم السلام ..فين شادها الشريف
تنهد وفوق النفس نطق: هاحنا
سي محمد: كاين شي خبار؟ واخا من صوتك باين العربون
رد؛ قريب نلقاها، مابقا والو
سي محمد: ايوا وآااش ناوي
رد: على خزيت
ضحك وهو صاايگ وفالطريق مركز: خزيت گااع
زفر وقلبو كاايحكو: نكدب عليك.. عمري فحياتي تجففت بحال هاد التجفيفة، ولكن واخا، الخير فيما هو قادم
سي محمد: هادو هو العيالات، لي عمرك دقتيه كايدوقوه ليك ههه هانية دابة تنساا
رد: إلا هادي عمرها تنساا.. تليفووني بلوكيتو بليزاپيل ولا طالب معايا الشرع وهي حلفاات لاهزاتو، واخا نكون عدوهااا
سي محمد: مايكون غير الخير إن شاء الله.. انا شاد الطريق دكازا دابة قربت نوصل
أنور: قاديتي گاع شغاالك
رد: تقريبا.. درنا اللازم والباقي على الله
أنور: اللهم يسر
تنهد: آمين.. ندوز عليك ولا نديرو فين نتلاقااو
رد : لي بان ليك
سي محمد: دوز دوز لفين مولفين وتسنااني تما بيما وصلت عليك
أنور: سير اصاحبي طل على مراتك ومك بعداا حتاال من بعد ونتشاوفو
سي محمد: غانسبقك نتاا اللول اسيدي غير نوض من تماا باراكة ماتحمق راسك بالتخمام
تنهد وناض وقف: واخا اسيدي.. هاني سابقك
سي محمد: نصف ساعة هاكدااك وهاني معاك
أنور: تهلا
لبس عليه الجاكيط ديالو وخرج من الكوميساريا.. ركب وزاد مع الطريق كاايحك عينيه من التعب هو يبدا يصوني ليه تليفونو، هزو وجااوب ببرود
أنور: الو
عزيزة: الو
خرج عينيه وقلب الشااشة كايتأكد من رقمهاا ونطق مجنن عليهااا والغضب عمااه
أنور: فيينك.. نطقي فيييينك القل****** فييين طجييتي من البااارح
سدات عينيها من صوتو العالي وبحرج قدام سائق الطاكسي خففات صوتها وقالت: بغيت نهضر معاك فموضوع مهم
ضرب الفوولون بغضب وبلا ماايشعر زاد فالسرعة: الق**** لي غاندوييو فييه انااا ويااااك.. واااش عااارفة حاالتي كي ولاات ملي فقت وماالقيتكش حداايا ولالا.. زاايدااها مااقدرتي حتاااا تجااوبيني وااخاا غير بميسااج ومصونية على صاحبتك قبل مني أنااا نسطح رااااسي مع الحيط لهلاااا يقلب اصل ***** مي
غوبشات تاترجف وبصوتها الخفيف قالت: الى غاتبقا هاكدا تغوت من الاحسن نقطع حتاا تكون باغي تهضر
ردت: يسحاابلك الفراق سااهل عليا؟ هااد التقليبة لي درت لحيااتي سااهلة؟ أنور رااه كون تعرف شنوو هاادة فقلبي دااابة يستحيل تتحمل.. انااا عمري حتااا فت ساعة مقاادة برا الدار بووحدي عااسااك نستاقل برااسي؟؟ كوون تعرف الخلعة لي تانحس بييهاا داابة وأنااا بووحدي وسط ربعة الحيووط، فبلااصة متانعرف فيها حد ومامعايا حد من غير الله.. ولكن عييت.. عييت نجمع فقلبي ونقوول ماالي داايرة هاكااا.. عييت ماانبقاا حمل تقييل علييكم وغير دمدومة وحماارة تزاادت فحيااتكم ..عييييت ا أنور عييت عييييت
أنور: باراكة عاافاك "سرط رييقوو مزيير على عيينيييه وكلامها فيه تايحرق" صاافي عافااك بااراكة
عزيزة: غانقطع.. تصبح على خير
تقاال الكلام لي خاصو يتقال والفم عن المباح عبر .. سالوو دموع الحصرة وحرقة القلب المجروح ..تزير الخااطر وتكوا بناار الفراق والندم ..كلها من جيهتو مضرور ووسط ماهااز فقلبو محصوور تاايتعصر وسط قبضة المكتاب والدياب ...
........
فرانات سيارة سي محمد عند عتبة الڤيلا.. نزل كايحيد نظاظرو بابتساامة ونسيمة فالباب وااقفة لوحدها على استقباالو
نسيمة: على السلامة
عنقااتو وعليها كاايتنهد فعنقهاا ويترخا: الله يسلمك
بغات تبعد وزاد عليها زير ماسااخيش: خليك ماازاال
ردت كاضحك: توحشتيني
رد: لدرجة بغييت نخشيك فضلوعي
نسيمة: مي الغالية فالصالون تاتنسااك هي ونسوم.. حشومة نتعطلو عليهم
باس رقبتهاا مجنن حتا طلعاتها التبوريشة عاد بعد منيم فعينيها الشوفة: توحشتيني بعداا ولا والو
ضحك قالب وجهو وهي هزاتها لعندهاا رغم انزاعجهاا وللباب توجهات
سي محمد: ماتعطليش علياا
نسيمة: كون هاني
نسومة: تصبح على خير ابااباا
رد: تصبحي على خير اكبيدتي غداا كيف تفيقي غاتلقايني حداك
نسومة: واخا واعنداك
خرجو من البيت لغرفة نسومة.. فحين هو بدا يفك لزرار قميصو وجبد تليفونو كاايجرب الاتصال بأنور.. ماجاوبوش مرة أخرى تنهد بقلق ودخل للواطساب راسل ليه اوديو
سي محمد: انور جااوب فينك راه تشوشت علييك.. على الأقل جاوبني نعرف شوااقع اصااحبي
سدات باب بيتهم ولعندو داخلة كان فوق السرير بارك بعدما غير حوايجو وفتليفونو مركز.. حس بيها وطلع فيها الشوفة مبسم وليها مد ايدو.. بميوعة شدات فيه جلسها حداه كايلعب فشعرها بنعومة وعلى عينيها معسل الشوفة ومنيم صوتو
نسيمة: يكون خير.. يمكن بغا يبرك بوحدو ويجمع افكارو شوية
رد: يمكن .. خلينا منو دابة وتعاالي نخدم شوية على ولادي
تحنا عليها بقبل حنينة وهي تاتلوا وضحك محلونة حتا تكاها على السرير وفيها طلع وجهو كايتمعن فملامحها الشوفة.. بسمات ساهية فعينيه وشوية صغراتهم قائلة
نسيمة: مشهي ييكونو عندنا الولاد؟
رد بابتسامة وتنهيدة طويلة رافقات جوابو: كاين لي كره يكون أب
نسيمة: غاتكون احسن أب فالدنيا.. خصوصا إلى كانو عندنا الدراري
رد: باغي غير البنات أنا.. ويكونو بزاف تايشبهو ليك
محات شوية ابتسامتها وبتهكم نطقات: والى كان شي واحد فينا لي فيه المشكل وماكتاابش
سكت فيها تايشوف وهي ملتاهفة لجوابو.. نزل عينيه عليها وقال: فيها خير
نسيمة: المهم هو حنا بجوج مع بعضيااتنا.. ومعانا بنتنا هادا هو الأهم
سي محمد: بصح كلامك؟
طلعات حاجب: عندك فيها الشك؟
سكت بلاماا يجاوب وعلى شفايفها نزل بقبل ملتهفة وفنفس الوقت ايدو على ازرار قميصها الحريري......
.......
زاد نص الليل والنعاس دب فالجفون..
رغم أن الوقت متأخر ماقدرات لاتنعس والا تمنع عقلها من التفكير والتخماام فحياتها
..كل دقيقة تتنهد وفبلاصتها تقلب وتمسح دموعها لي ماهي قادرة تحبسهم وقلبها بين ضلوعها كايتشواا.. قفزاات وسط ظلام البيت من الخباطاات لي بدات تسمع فباب الغرفة.. ماهو دقان مقاد ماهو مجهد خبييط بحالا تاتگرصي الخبزة شعلات الضو تاترعد وبسرعة نااضت تشوف شكون هاد الحمق لي كايدق عليهاا والفجر بقاو ليه ساعات قلييلة قبل مايأدن
دوزاات السلسلة الفضية لي تاتكون لاسقة فالباب وحلاتو نص فتحة مع دالك الى زاد دفعو ماغايتحلش بسبب السلسلة لكنها تلتباان ليه وتايبان ليها حتاا هي ..جراات حنكهاا فااش تأكداات بلي هو لي قدامها وااقف داير فيها نص شووفة عينيه حمريين نااعسين لابس غير تيشورت أما الجاكيط والكاسكيطة علم الله فين نسااهم
عزيزة: وااش حمااقيتي اشنو جاي تادير عندي هنا فهاد الوقت
دفع البااب لكن ردعاتو السلسة وماتحلش فقال بصوت منخفظ: حلي هادا بعداا
رمشاات بتردد تاتسرط ريقهاا ومنو مخلوعة واخا ماباغاش تبين.. عيا فيها يطلب ويرغب وهي عيات تقصح قلبهااا الرطيطب وتسكت صووتو لكن فالاخير غلبها حتااا تنهدااات وقالت بارتباك
عزيزة: واخا.. ولكن غاندخلك غير شوية تقوول اش ععندك وعااود خرج
تنهد وجمع الوقفة ملهوف يدخل : يالله وااحلي
هزات فيه صبعها بتحدير: وااعقل راااه قلت غير شوية
رد: واصاافي غاحلي ملناا غانااكلوك
فتحاتو بتردد وقناع الصرامة لابسة على وجهها الطفولي وهو دخل كايتمختر فالمشية وقرب نااوي يعنقها لكن بعداات اللور تاتشير ليه للطريق
عزيزة: دخل من هنا
خنزر فيها: مانعنقش
درت هازة شنايفها وعليه غضبانة: لا ماتعنقنيش "سكت مطول فيها الشوفة وماعاجبو حاال حتا قالت متوترة من نظراتو" واادخل
قلب وجهو داخل وهي ورااه تاتشمشم فريحتو وحجبانها مجموعين بشك: وااش بصح سكران..؟
ضار لييها مخنزر: واش لي سكراان تايعقل على لادريسة ويصوگ الطموبيل فكازا من نيتك
ردت: باينة فيك بحالا سكراان
قلب وجهو وزفر منيرڤي وعلى لحيتو حك: غامتقل وصافي
عزيزة: باش
رد بلاما فيها يشوف : بالشراب
وسعاات عينيها بصدمة: هي سكراان.. نتااا سكاايري؟
انور: وابلاغواات خلينا زوينين
عزيزة: زاايدها حتا بالسكرة ا أنور؟
تنهد كايبرگم بين شفايفو وقاال: فين الحماام
ردت قالبة عليه وجهها وايديها ربعاتهم مقلقة: قدامك
أنور: انااا جاي سدي دااك البااب
دخل وتحت لاڤابو نزل وجهو وطلق عليه ما باارد يفيقو شوية ويبرد عليه فحين هي سدات البااب وبركاات على طرف السرير تاتشووف فظفارها وتفكر فحواجب مقرونة حتا خرج عندها وشافت فيه بيهم.. طلع حاجب مامولفش منها دوك الشوفات نيرڤاوه وعصبووه كترما خلعوه
أنور: واش اناا مولف نحلف ليك على الكدوب.. وااقسماا بالله من نهاار عرفتك مااعاود ضرت بشي سلگووطة ولا عطيتهم الفرصة منين يدوزوو ..بالله ..واكبري عقلك شوية اعزيزة "سكتاات وهو ليها زااد قرب حاول يمسها لكن بعدات عليه" حرام هادشي لي تاديري بالله ..وااش انا عندي هاد الزين وهاد الحلاوة والطرااوة ونقلب على الخنز مالي حماقيت
شافت فيه بنص عين تاترمش وبتردد قالت: نتا مافرحانش معاياا اصلا
رد مخنزر: عمري نسمع هاد الكلام من فمك..انا كل نهاار تاندوزو معاك تاانحس فيه بلي بصح عااايش وقلبي حي.. حيت نتي فحيااتي.. أول مرة نحس بلي عندي عاااائلة وشي حد هااز ليا الهم وحااضيني ايمتاا نرجع للداار.. شي حد مهتم لأدق تفاصيل حيااتي وتايرااعي ليااا.. شي حد درت فيه مي وباا وحبيبتي وبنتي "جرها لعندو بتملك وبايدو رفع وجهها لمستااه سااهي فعيونها العسلية" عرفتي غير ريحتك الى داازت من حدا نيوفي تايبقاا قلبي يخبط وبلا بيهاا مابقيتش كانقدر ننعس ..حتاا من داارنا من نهار خرجتي منها ماعااود حطيت فيها رجلي.. وعمري نحط فيها رجلي بلا بيك
هرباات عينيها عليه تاتزير فيها النفس وهو عليهاا بدا يتكاا والشوق لي فعينيه الملتهبة بداا يبان فلمساتو
عزيزة: واخا و .. و ف فين بقيتي البارح
باس رقبتها مخموور حتا حس بالتبوريشة سرات فداتها عااد جاوب بأنفاس حاارقة: عند الحاجة المغيارة ديالي
ردت تاترجف بين ايديه: م مامغياراش
رد: تيقتك انا
طلع الرااس نااوي يتخشع على شفتيهاا ويطفي ناارو لكن تسمع الادان فتليفونها الشي لي خلاها تبعد اللور كاتنهج وتسرط رييقها قائلة
عزيزة: غ غانصلي الفجر
حرك رااسو بقلة حيلة ومن حدااه دازت للحمام ..برك على كرسي حدا التلفاز المربع حط ايدو على فكو سااهي ووعاقد حواجبو بتفكير.. خرجات لابسة إسدال الصلاة وتاتحااول تجاهل نظراتو تجاهها.. فرشات صلايتها وشرعات فالصلااة وهو فيها ساهي حتا سالات وختماتها بدعاء ماقدرش يسمعو بسبب صوتها المنخفظ .. نطقات اللهم امين وناضت طاوية السجادة وتاتحيد الاسداال.. هز ديكور من فوق الطااولة تايشوف فيه وقال كايحنحن
أنور: فراسك سمع بللي متاتبغيش دير داكشي مع راجلها وتاتبقا مقلقة منو الملائكة تايباتو يلعنو فيها.. قلت زعما يمكن ماتكونش فخبارك
حطات الاسدال بهدوء وبدات ففراشها تاتقاد: فراسي.. والى كلامك عليا انا راه مامنعتك من والو، هاأنا قدامك وباقة مراتك قدام الله والناس.. ولكن الى عطاتك خاطرك تنعس مع وحدة هاازة كية من جيهتك ومامرتاحاش فقلبها فديك العلاقة، ديك الساعة غير دير اللي عجبك
لاحتها ليه بحاال الزاجة فالحلق بقا غير تايشوف بلا مايزيد كلمة وحدة وهي قادات فراشها وتكاات سادة عينيها .. شاف حتاا شااف وطلع نفس طويييل سمعاتو وهي تاتحاول تنعس
خرج من الڤيلا لابس فوقية زرقة وخفيفة قصد صلاة الفجر وبصوت خفيف تاايردد الاستغفار..
فايدو السجادة وكل مرة يرد شعرو الفازگ للورااء، ركب طموبيلتو وزاد لأقرب مسجد فحين نسيمة سالات الدوش وخرجات تاتزير السمطة لپينوارها القطني وعينيها فالبيت تاتسااراا ..قشعات الحقيبة ديالو جنب الپلاكار محطوطة ومسدودة باحكااام هي توجه ليها بسرعة مستغلة غياابو بااش ترضي فضولها وتقضي على الشك فقلبها ...
حطاتها فوق الطبلة حلااتها وجبدات التحاليل عااقدة حواجبها وتاتقرا بعدم فهم
نسيمة: ضعف الحيوانات المنوية؟
بداات تاتحاول تفهم المعنى شوية وتعرف مدى خطورة الأمر لكن بدون جدوى.. هزات تليفونها ودخلات نيشان لگوگل.. كتباات "ضعف الحيوانات المنوية" وضغطات على بحت تواني وخرجو ليها مقالات متعددة ختارت اللولة فيهم و بداات تقرا وحوااجبها بتركيز مجموعين لكن مع كل حرف قلبها تايقفز وتاتزيد تخلع .. حطاات التليفون داايخة وبقات وااقفة غير تاتشووف قدامها وتفكر مع مخها بصوت مسموع
كونماا كان صعيب يتعالج وخطير مايخبيش علياا .. وعلااش اصلا مقالهاااش ؟؟ شنو زعما دييك المرة ملي جبد موضوع طليقتو كدب علياا ؟؟ كدب فاش قال ماعندو حتا مشكل ؟؟ ولااا يااكماا خاف من ردة فعلي.. و يمكن مارضااش ؟؟
تنهداات بعمق بعدما رضاات كلشي بلاصتو وبركاات داايخة وسااهية هضررة تديها وهضرة تجيبها وأخرى ضورهاا حتا تلف .. مااعرفات شمن عدر تعطيه وشنو وااقع معاه، مدى خطورة الأمر وواش ليه علاج أو خطورة على صحتوو ولا غير تاتوهم كلشي وتاحااجة مكاينة ..
تحل باب البيت ودخل بعدما سالا الصلاة شاافها باقة بالبينوار وجمع حواجبو باستغراب
سي محمد: باقة ماصليتي
حط الصلاية بلاصتها وهي نااضت بخاطر مغير عكس كيف خلاها وجهة الحمام قاصدة بلااما تشوف فيه
نسيمة: ل لا عاد ناوية
صغر عيونز بشك: مالك.. وقعات شي حاجة
ردت: والو
دخلات تاتستغفر الله غسلات وجهها وهدنات قلبها شوية عاد خرجاات بلاما تشوف جيهتو ..لبسات ملابس خاصة بالصلاة وتوجهات للقبلة مفرشة سجادتها وهو عين عليها وعين على تليفونو تايتلاها فيه ويتفوه .. سالات غيرات حوايجها ورجعات لبلاصتها طافية الضو تاتحاول تنعس وترتاح شوية وعااطيااه بالضهر حتا حسااتو لجيهتها قرب عنقها من خصرها ووجهو على رقبتها محطوط قائل بصوت مخلط بالنعاس
ردت بسرعة: وماقدرتش.. حاولت بزاف ننساك ولكن كل مرة تانلقاا رااسي جاية لدارك ودايرة السبة بنهاد غير بااش نشوفك.. حتاا فاش سقت لك الخبار تزوجتي ماقدرتش نتحمل.. حااولت وماقديتش نبقااا مربعة ايديااا بلاا ماندير واالو
......
شافها تزيراات وحماارت هو يطفي التسجيل ومد ليها المااا
أنور: شربي ورخفي فك النفس شوية ..كنت بغيتك غير تتأكدي من كلامي ..انا عمري خنتك اعزيزة وعاام هادي وانا عاطيها بالتيسااع ولكن راك سمعتي كلشي على ودنيك
حركات راسها مقجوجة والبكية على طرف عينهاا
أنور: تقتي بيا دابة ؟؟
نطقات بكلام متقطع وقلبهاا كاايتزير بين ضلوعها: و واش سجلتتيها
رد: هادي مكالمة بيني وبينها هاد الصباح.. دوك الأيام كانت ديما مبرزطاني كل مرة نمرة جديدة شي مرات تانبلوكي حسي مسي وشي مرات فاش تايطلع ليا الدم تانسبهاا ونقطع ..ولكن اليوم بردت شوية بااش نجر منها الهضرة وتسمعي على ودنيك شنو كاين
ردت بغصة ودموعها هبطو: الله يخلصها ..عمري نويت فيها الغدر ولا يخرج منها هادشي كامل
تنهد وعندو درعها قصد يخفف عليها شوية: عاارف .. .دابة نسايها من باالك صافي عتابري بحالا عمرك عرفتيها.. خلينا نبداو حياتنا من الاول.. عارف راسي غاالط فبزاف ديال الأمور ولكن محتاج فرصة خرا منك نصلحو فيها كلشي إن شاء الله
مسحات عينيها وبأسى نطقات: حتاا انا غلطت فحقك وفحق راسي ماننكرش.. ولكن الله ياخد الحق
رد: امين.. شنو گلنا دابة؟
شافت فيه بتوتر ونطقات مخففة صوتها اكتر: أنور ..سمح ليا ولكن مانقدرش نرجع لديك الدار مازال.. مابقيتش بااغة نعيش تما الى بصح بغيتينا نرجعو
أنور: دارنا الجديدة مابقا ليها والو وتكمل شوية الصبر هاد الفترة بيما فكيت شي حواايج ديك الساعة نتحولو
ردت: ماشي مشكل.. من هنا لتما نمشيو نكريو واخا غير بيت وكوزينة ..ولانمشيو عند لآلة نسيمة ومي الغالية
رد بنفي وحك مؤخرة راسو كايخمم: لا مابغيتش نتقلو على الناس..ولكن ملي نتي باغة هاكا ماتكوني غير على خاطرك.. نكريو بيما وجدات الدار
بسمات قائلة : شكرا
رد كايمرر ايدو على نعومة خدها الوردي: كوني ليا غير مرتاحة.. هادشي لي بغيت
عزيزة: انا راحتي من راحتك نتاا
سها فيها تايشوف وتنهد براحة اجتاحت قلبو وعاد الروح رجعات فيه: لهلا يخطيك علياا احبيبتي
طبع قبلة خفيفة على خدها ونزل لرقبتها حتا تجمعاات على نفسها مزيرة ايدها وقالت بحرج بعدما بعدات عليه بأدب
عزيزة: خاصني شوية الوقت باش.. نحس براسي نسيت شوية.. داكسي لي وقع ماشي ساهل
تنهد مكمدها وقال: فهمت.. خودي الوقت لي بغيتي المهم هو تكوني مرتاحة
ردت حشمانة منو: شكرا
ناض واقف: غانخرج دابة نقضي واحد الشغل و بعد ساعة هاكاك غانرجع.. نتي جمعي لي خااصك وبدلي حوايجك بيما رجعت
ردت بالايجاب: واخا
أنور: و ماتحلي على حد البااب "هز كاسكيطتو باسها بلهفة وخرج تايمسح شفايفو وهي وراه سدات الباب ووقفات مطلعة راسها وبعد تنهيدة شافت فالبيت وقالت
عزيزة: الحمد لله ياربي
"إن بعد العسر يسرا"
..قدما ضلام الحال وتراكمات الهموم ربي مكايخيبش صاحب النية الصافية وفكل مشكل تايباان لينا حنا عويص وصعب.. فيه فائدة ومزية كاتضاف لحياتنا ..ولكل توخيرة فيها خييرة ..
...
أنور كرا دار مجهزة بفراشها فموقع زوين وهادئ دخلاتها مرتاحة نسبياا وتاتحاول تكمل حياتها عاادي وتتناسا شوية لي وقع واخا ديما بين عينيها مرسوم
نسيمة من خدمتها للدار ومن الدار للروض ديال بنتها ..ساكتة على السر لي حكماات وبسرية تادرس الأمر من بعييد دايرة مافراسها مايتعاود وببساطة باغاه هو لي يجي يفاااتحهاا بالأمر و يحطو فوق الطبلة، هاكااين وهاكاين ابنت الناس ..
ضربات الطم ولكن كتاارو المرات فين تايلقاها غير ساهية تاتفكر أولا فجأة تعصب دون سبب وتسبيها فالخدمة والضغط..
تايشوف حتا يشوف ويهدن هو من جيهتو حتا تلقا راسها عيقاات عاد تاتراجع نفسها وتحاول تبرد ..
زادت على راسها مونطو قادات شعرهاا وخرجاات من البيت هي ونسوم باش توصلها للروض عاد دوز لخدمتها
نسيمة: مي الغالية هاحنا مشينا
ردت عليها من الصالون: الله يعاونك ابنتي
خرجو وشدو طااكسي مجلساها على رجليها وتاياخدو تصيورات بجوج ويضحكو حتاا وقف عند باب الروض عاد فتحات البااب ونزلاتها
نسيمة: يالله سيري احبيبتي لمدراستك.. بيزووو
نسومة: بابا هو لي غايجي يديني ياك أمامي
ردت بابتسامة: كوني هانية والى ماجاش نوريه
ضحكات وبااستها بنعومة: بسلامة
نسيمة: باي باي
حظاتها حتا دخلات لمدراستها عاد رجعات للطاكسي دخلات وسدات الباب قائلة: سير الشريف
لحظات وكان موصلها لپاتيسري " عزيزة لأعز رفقة "
..خلصات ونزلات دااخلة وعينيها مبتاسمين.. الوقت ورا الغدا تاتكون شوية عامرة وعاد ماكاتزيد تعمر.. والجميل هو مختلف أصناف النساء لي فالمقهى والغالبية للمنقباات والمحجات
دخلات للمطبخ تاتحيد المونطو ديالهاا ومبتاسمة للبنات رغم صرامتها وجديتها فالخدمة لكن مطلوقة معااهم والحبل مرة ترخيه مرة تزيرو باش كلامها يبقا مسموع سواء كانت حااظرة ولا غائبة
نسيمة: اهلا البناات
.....: صباح الخير امدام
ردا: صباح النور
علقات ساكها والمونطو فواحد الددخلة قريبة للمطبخ ومخصوصة لتبديل الملابس.. هزات تليفونها دوزات رقم عزيزة تسنات شوية حتا تفتح الخط ووصلها صوتها الرقيق والحنون
أحييني بشوقك الجزء 34
محتوى القصة
التنقل بين الأجزاء