غربات شمس داك اليووم وكلها لدارو دخل ..ففيلا العوماري ..الحيوط الطواال الاتات الفخم والبيوت الكتاار ..مقابل عدد قليل من افراد العائلة
غالبيتهم بحال الغرباء شي مايتسوق لشي وكلها مديها فشبوقاتو من غير سيمحمد مراتو وجداه وبنتو نسومة هوما الوحيدبن مهتمين ببعض رغم أن الغالية مرة مرة تاتجلس مع ابنها عبد الجليل لكن علاقتها معاه زادت انغالقات اكتر من الاول بسبب غيابو الدائم اما حتا مراتو ولات مدياها فحياتها فقط وولدها عايش فعالمو بوحدو مع صحابو وقرايتو وحياتو
نسيمة: لا والو غير وصلات شي سلعة جديدة للخدمة وتبرزطت معاها شوية.. هادا ماكان
جمع سي محمد حواجبو ورد بجدية: هاد الخدمة وافقت عليها النهار اللول حيت مابغيتش نحرمك من حلم طفولتك ونيت تلقاي فاش دوزي الوقت.. ساعة هاد الايام كلها ونتي ماشي هي هاديك.. وعلى مابانلياا من هنا للقدام مغايجينا من وراها غير الصداع
مجاوبااتوش حدها شافت فيه و الغالية نطقات قصد تقاد الوضع شوية: ا إن شاء الله يكون خير ابنتي.. رخفي فك النفس وماصغطيش على راسك الله يرضي عليك
ردت بتنهيدة: إن شاء الله ..غانطل على نسوم واش نعساات
طلع. فيها الشوفة فاش ناضت وقال: كملي عشاك بعدا
ردت: شبعت بصحتكم
خلاتهم ومع الدروج طلعات ..زفر ومسح فمو قائل بين شفايفو: الصبر
الغالية: الله يصلح الحال اولدي .. إن شاء الله مايكون غير الخير
حرك ليها راسو: امين الحاجة
صغرات عيونها المنكمشة وباهتمام قالت: اجي داك الصگع شنو تايعاود.. مابقينا سمعنا عليه خبار وحتا تليفونو كل مرة تانلقاه طافي
رد: بدل النمرة الحاجة وهاد الأيام تايرحل ..شي نهار غايدوز يشوفك خاص غير ترخف عندو الوقت شوية
الغالية: ايوا اولدي الله يكون فالعواان
رد وهو ناايض كايتكسل: امين ..تصبحي على خير وماتنسايش دواك
باس راسها ردت كاترضي عليه: واخا اولدي الله يرضي عليك
خلاها وطلع قاصد غرفة نومهم وبتعب كايلوب رقبتو.. تلاقا بيها فالكولواار ناوية تنزل وقال بتساؤل
سي محمد: نعسات؟؟
نسيمة: آه.. نصيب ليك قهيوة معايا
باس جبهتها بحنية وقال: ماكرهتش ..توحشتك القهيوة من تحت ايديك
بركات قبالتو وهزات كاسها براحة ايديها كاتدفا بيه وعيوونها على منظر حديقة الڤيلا والضواو لي شاعلين تما .. سي محمد خدا رشفة وفيها تايشوف.. حط الكاس طفا التليفون وقال مطلع النفس
سي محمد: نسيمة "شافت فيه ساكتة وهو تكلم" عندك شي مشكل
ردت: بحالاش
سي محمد: حاس بلي مخبية شي حاجة وهي لي مبرزطاك فهاد الأيام.. هضري هاني كانسمع
طولات فيه الشوفة وبعد تنهيدة طويلة رجعات قلبات عينيها وقالت: ماعندي والو غير بان ليك
سي محمد: متأكدة من هاد الكلام
رجعات شافت فيه قائلة بتبات: ماعندي علاش نخبي شي حاجة خصوصا عليك نتاا.. زوينة غانقولها خايبة غانقولها، راك راجلي ولا نسيتي ؟
ميل راسو وقال براحة نسبية: الى هاكا الله المعين ..شنو بان ليك تاخدي استراحة نرتاحو فيها بزوج
ردت: نسافرو لشي بللاصة؟
سي محمد: متلا.. خاصني نطل على شي خدمة ففاس ويقدر نتعطل.. تمشي معايا؟
بسمو عيونها وسرحو فاش سمعات سمية المدينة ..خرجات نفس طوييل من صدرها ونطقات بحصرة
نسيمة: اييه افاس ..لي عشتو فديك المدينة عمري ننسااه
ابتاسم بدورو وقال بمباغتة: هاد المرة غاترجعي وحدة وبحياة خرا ..نرجعو شوية الدكريات ونتفكرو الطفولة
هزات كتفها: علاش لا ..ولكن ماشي دابة
سي محمد؛ الصيف مابقا ليه والو
نسيمة: عندنا طريطمو معين عند الطبيبة ولا نسيتي ..باقي لدابة ماجبتيش التحاليل؟
تبدل وجهو مفاجآه بسؤالها بعدما كان مرتاح فالجلسة ومبسم ..سكت شوية وهي عليه ماحيداتش عينيها حتا قال
سي محمد: يسحابلي نسيتي الموضوع
ردت مهدنة صوتها: باالعكس.. نتا عارف هاد الموضوع شحال هو مهم بالنسبة ليا ..ولكن مابغيتكش تحس بلي تانصغط عليك ..يعني قلتها مرة وجوج وتلاتة ونتا عارف راسك مامضغوطش لديك الدرجة تاع مايكونش عندك الوقت فين تجيبهم.. هادا علاش خليتك على راحتك
سكت عاقد حواجبو، مزير على ايدو واللون من وجهو تغير.. سرط الغصة فحلقو وقال ضاغط على نفسو: جبتهم
طلع حاجبها وقالت: بصااح
سي محمد: المشكل مني انا
ردت ببرود: اينا مشكل؟؟
طلع النفس مخنوق وهبط ايديه لركابيه تايدور الخاتم فصبعو وبعد تردد صعييب وصمت من جيهتها قال: عندي واحد المشكل فالحيوانات المنوية ..ولكن ماتخافيش.. سولت ولقيت بلي كايتعاالج سوا بالدوا ولا وبعض الاعشاب
بقات على حالها سااكتة وغير تاتشوف.. طلع فيها عينيه محرط نوعا ما من نظراتها ليه وسكوتها الرهيب: ماغاتقولي والو ؟
ردت بوجه باارد ونبرة أبرد رغم حدتها: خليتي ليا مانقول؟..محمد شنو أنا بالنسبة ليك
رد وصوتو خفيف: كيفاش شنو نتي بالنسبة ليا؟
نسيمة : كيف سمعتيها.. انا شكون فحياتك
سي محمد: ماقصدتش نخبي عليه ولكن ديك الظروف كانت قوا مني
نسيمة: ماجبدتس موضوع انك خبيتي ولا لا.. بغيت غير نعرف أنا شكون فحياتك؟ "سكت وقربات ليه اكتر مصرة على جوابو
نسيمة: يالله قوول.. شكون اناا
رد بتنهيدة من الاعماق: نتي مراتي
بسمات بعصبية وحركات راسها: مرااتك .. ايوا اسيدي نهار تفهم هاد الكلمة شنو تااتعني زييد نتناقشو ديك الساعة
نااضت ووقف فالبلاصة شادها: نسيمة بلاتي...
قاطعاتو ونتراات ايدها: طلق مني ماتمسنييش
دخلات لبيتهم جراات غطا الناموسية ومخدتها هزاتهم بلاما تهتم ليه وخرجات من البيت نازلة للصالون ..شعلات التلفاازة مغددة ورمات الفراش على السداري مخشية تحتو ومصوبة عينيها على التلفااز تاتنفس بعصبية والحرقة قاابطة قلبها ومزيراه حتا لعندها هبط..
هز التليكموند من حداها نقص الصوت وعندها ضار قائل بهدوء
سي محمد: طلعي تنعسي فبيتك
خنزرات فيه كتر: خليتها ليك اسيدي ..خوود فيها راااحة راحتك
سكت رغم أنه تقاس من كلامها وقلب عليها عينيه للتلفاز.. تنهد وهي رجعات نعساات معصبة ومطايقااش تشوف وجهو ولا حداها ينعس.. سكت حتا سكت كايقااد االكلام ويفتح فمو ويسدو حتااا طلع النفس ونطق
سي محمد: ماقصدتش نخبي عليك ..سمحي ليا
ردت ببرود: جات معطلة.. وعرفت فيهاا قيمتي مزياان
سي محمد: المشكل فيا اناا انسييمة .. واخا هاكاك ماتقبلتوش وتصدمت بكترة مااكنت متأكد بلي ماعندي حتا حاجة غلط
نسيمة: كنتي تقوولها لياا.. اجي علمني وحطني أمام الأمر الواقع مااشي حتا ترشق ليك عاد تصارحني ..هادشي طبعاا الى كنتي معتابرني مرتك
زفر مخنووق: كنت بااغي نصارحك
ردت عااقداهم: ايمتا.. حتا داازت تقريبا شهر وغير انا لي فتحتو معاك امااا كون خليتك على رااحتك علم الله وااش غاتجبد حسوو گااع
سي محمد: نتي كنتي مزيييرة على هاد الموضوع وبااغاه بأي طريقة حتا خلعتيني
خرجات عينيها فيه: ااانا خلعتك
رد بتبات فكلامو: نكدب؟.. ردة فعلك خلعااتني وقلت ماغاتقبليهااش .. تماا سكتت وفكرت نقلب على العلاج بعدا ديك السااعة نفااتحك بيه
نسيمة: ملي جبدنااا موضوع طليقتك وقلتي بلي هي لي متاتولدش ونتاا ماعندك حتا مشكل .. نسيتي هادي؟
سي محمد: وكلاامي كان صحيح، انا برااصي تصدمت فاش عرفتها وكون كنت مخبي شي حاجة مانمشييش ندير التحاليل وندور علك هاد الدورة كااملة
كرزات على سنانها بعصبية: قبل گاااع مايخرجوو التحاليل ونتاا ماشي هو هاداااك.. تانقول رااه غير مع الخدمة غير مع الضغط والمشاكيل، ساااعة عرفتي ضحك علياا مزيان
قلب. وجهو كاايزفر ويزير عينيه من حريق الراس لي طلع عليه تنهد مطول ورجع شاف فيه قائل بنبرة خفيفة وصوت مبرد
سي محمد: صدقيني ماقصدت لانخبي والا نشطنك بهاد الموضوع.. انا النهار لي مشيت معاك عند الطبيبة، مع دخلت سولاتني على شي مسائل، وعرفات بلي عندي إعاقة "سكت كايتنهد بغصة" على رجلي لي مبتورة ..قالت بلي الإعاقة الجسدية كايكون عندها دخل فالانجاب خصوصا الى كان قراب من الخص*****
غوبشاات تاتحلل كلامو: هادشي علاش خرجتي من عندها مقلق
رد: آه.. كنت كانتسنا التحاليل بفارغ الصبر ولكن فاش خرجو زدت تصدمت ..ماعرفت مانقولك ديك الساعة وفضلت نقلب على حل بلا مانخلعك معاياا ونزدقو مبرزطين بزوج
ردت ببرود: كنت عارفة
طلع حاجبو مافاهمش: شنو لي كنتي عارفة
ردت: شنو فالتحاليل والنهار بالضبط لي خديتيهم فيه
سكت شوية تايشووف ويحلل عاد قال: ايمتا عرفتي
نسيمة: من أول مرة عرفتهاا.. مول النية ديما يغلب امحمد تعيا ماتخبي غاتفضح تفضح.. ولكن يااخساارة كنت باغااها تجي منك قبل مانعرفها من جهة خراا ونتصدم
طلع النفس باحرااج وحك عنقو ماحاملش راسو: راه گلت ليك لي كاين وعلاش خبيت
نسيمة: تصبح على خير
تقلبات على جنبها وتغطاات مخليااه تايزفر ويعااود وكل مرة فيها يشوف
فالصالون بارك، مسرح ايدو وفاللوز كايهرمش ومرة مرة يضرب طليلة على الكوزينة فين واقفة عزيزة تاتغسل ماعن العشا ..
وقفات غادة معاه للباب: الله يعااونك وييسر ليك امرك
أنور: امين الكبيدة ..سدي وم....
قاطعاتو مكملة كلامو: وماتحلي على حد هههه واخا امون شاف
انور: نتي هي مون شااف
دفعاتو بالضحك شاادة الباب: واسير لخدمتك غاتعطل
رد: آه اگلبي ااه
عزيزة: ههههه
سدات بابها عليها ودخلاات تاتحك شعرها وبوحدها ضحك ..خرجات ملاية خفيفة من بيتهم تكات على السداري مغطية بيها وفالتلفازة تاتفرج وتنقب من اللوز قدامها
صباح الخير.. صباح تمارة وهز حط ..صباح الرحيل للملجأ الجديد وصباح الخدمة فالحلوياات وتامارة من هنا لهيه كنوع من التناسي فالمشااكل ..
...
وقفات طموبيلتو عند حي مهدن وسااكت جاي ورا الشاريع .. نقي مكاالمي ومن بيباان العمارة بااينة فيه شلا وشلا.. نزل ناوي يفتح ليها الباب لكن حلاتو قبل ماعندنا يوصل وقالت مبسمة والحماس كايبري فعينيها
عزيزة: واش هاد العمارة لي بابها باج؟
عقد حواجبو تحت االكاسكيطة ومد ليها ايدو: اري يدك ونقصي داك الضحك شوية
عزيزة: هههه متحمسة نشووفها
زاد خنزر: واراه دويت زعما
زيرات شفايفها واخا الضحكة شاداها وقالت بهدوء: صافي سمح ليا غير زيد يالله
توجه لباب العمارة مشابك ايدها مع ايدو ..وقف ليه الكونسييرج ضااحك ومكايشووفش جهة عزيزة بسبب تخنزيرة أنور والطريقة باش شاادها
الكونسييرج: على السلامة الشااف نهبط ليك الباگاج من الكوفر؟
رماا ليه السواارت: وطلعهم معاك عافاك
رد: كون هاني
خلاه وزاادو داخلين ..طلع فالمصعد للطابق الرابع وخرجو منو تايجبد السوارت وهي تاتبسم وحاضيااه ..فتح البااب ضرباات فيها ريحة الخشب والسبااغة وأشار ليها دخل هي اللولة
أنور: هااهي الالة تفضلي
سبقاات رجلها اليمنى ودخلات تاتسرح عينيها بدهشة وتردد: ماشاء الله بسم الله
كولواار دااير فوقو ترية تاتبري وحداه جليسة من ليفوطوي جلد بني مع طبيلة ديالهم .. فالجنب صاالون بلدي فالاحمر والدهبي مفتوح مع صالون رومي نفس اللون والتوب موبرة مع زربية وااحد تركية الصنع وطويلة جامعاهم بزوج ..كوزينة تصميم عصري فاللون البيج كلشي جديد وبميكتو حلات وسدات وقلباات بحال بنت تسع سنين من هنا لهنا وهو حاظيها بوجه مبشور وشايفها بحال الفراشة حداه.. طلات على البيوت بتلاتة واحد بيت النعاس مفرش م دااكشي والزوج لخرين خااويين .. حلات البالكو لي وسط الداار دخلات ليه تاتنفس برااحة وتشوف فالخضورة تحت العمارة والبيسين تايعومو فيه الدراري الصغاار حتا حاوطها بعناق داافء وقبلة حميمية فالخد خلات عيونها تسد وهو ينطق بنبرة خااترة وتبسيمة خطيرة فالفم
حرك راسو: تماا ..وديك الزااجة لي قدامك مباااشرة هو السرجم ديال البيرو فين خدام.. يعني الى مااكنتش خارج لشي تحقيق غاادة غير تغووتي من هنا وااااا أنور.. خمسة دقايق تلقايني عندك
علات حواجبها: نغوت علك من هنا؟؟
رد: آه
عزيزة: ااااه باش يقولو بلي الكوميسير أنور مزوج حمقة
ضحك وعنقهاا لحضنو: انا لملتك لي حمااقيت من نهار عرفتك انااا
تدق باب الدار حتا انتابه ليه عاد حط الكونسييرج السوارت فوق البلاكار لي جنب البااب والباليزات كدالك
دوزاات سوايع فالخدمة حتال وقيتة الغداا ورجعات بسرعة للفيلا ..وجدااتو وحطاتو على الطبلة كلات منو شوية هي والغالية فقط وعاود ناضت رااجعة لخدمتها حتال العشية عااد سالاات حصيلة هاد اليوم من العمل ... لبسات حوايجها وخرجاات للشاريع ركبات فطاكسي وتماا عاد حلاات ساكها وهزات تليفونها منو شعلاتو وسيفطات ليه ميساج خفيف ظريف وسريع
نسيمة: جبتي نسومة؟
رد كتابة: جبتها ..راجعة للدار نتي؟
ردت: انا فالطاكسي
رجعاتو للساك وكانت عند باب الڤيلا واصلة ..خلصات لي عليها وهبطاات داخلة مع الباب وتاتسمع صوتهم فالصالون مجمعين الغالية وسي محمد بحوايج الدار باارك و نسومة فحظنو تاضحك معاهم وتجمع مرة مرة
نسييمة: السلام عليكم
الغالية: وعليكم السلام ابنتي
سي محمد: وعليكم السلام
نخلات شوفاتو ليها و حدها تحنات باست نسومة وناضت
نسيمة: نبدل حوايجي وهاني نازلة عندكم
الغالية: واخا ابنيتي
طلعات الفوق دخلات لبيتهم تاتحيد صدايف الشوميز ومع حطات الساك دخل هو.. دارت راسها ماشافتوش واخا صوت تنهيداتو واصلين حتال عندهاا ..حيدات حوايجها حداه ولبسات بيجامة كولون مع تيشورت وبوليرو مشبك من ليدين فوقهم عاد نطق كايتنهد
سي محمد: من الصباح وأنا كانصوني ..حرام تجاوبي واخا غير زوج دقايق
ردت وهي باركة على طبلتها تاتمشط شعرها:'الخدمة كانت مزيرة
قرب ولعند خدها تحنا وقال: مازال هازة فخاطرك
ردت: مانعرف
سي محمد: نسيمة الله يرضي عليك كبري عقلك
جاوباتو مبرردة وكل مرة تبعد عليه: انا برهووشة اسيدي غير قيلني عليك هاد الساعة
سي محمد: ماقاايلكش حتا تسمحي لياا وتصفي خاطرك من جيهتي
طفات على البوطة وقالت متوجهة للباركو: والو غير الكوزينة ..عجباتك الدار؟
ردت كاضحك بسعادة: بزاف ..عرفتي غزالة ومفوجة حتا البلاصة لي جاات فيها زوينة.. والكومييارية ورا الداار مباشرة بينااتنا غير شارع كبير والمرافق لي تحت الدار
نسيمة: هي غاتكون فيها قوة الصداع من براا؟
ردت:: لا لا السراجم مااتايسمعوش گاع الالة والحي مكاالمي ومهدن بزاف هههه
ضحكات وهي تاتسمع لضحكاتها وقالت: الله يدومهاا ياربي
عزيزة: امين ..تعشيتو ولا مازال
ردت : لقيتينا عاد ناويين
عزيزة: بصحتكم.. انا اليوم درت الحوت للغدا وداكشي لي شاط منو هن باش غانتعشت واحد الشوية
نسيمة: الحوت باش؟
ردت: كواري فالطاجين.. تايعجب أنور وطلبني عليه فالصباح بكري
رطبات شفايفها ونطقات: اححح اصاحبتي شهيتيني فيه
عزيزة::هههه سمحي ليا الالة مادرتهاش بلعاني
نسيمة: دابة الحظاش..يمكن موحال يكون شي واحد مازال حال وعندو طاجين كواري؟ ياك
عزيزة: كانظن الريسطورات مازال حالين
نسيمة: لا انا تشهيت طاجبن الكواري بلدي من دوك السناكات.. ولكن غايكونو سدو اولا مامطيبينوش
عزيزة: والله ماعرفت نسول ليك؟
نسيمة: لا لا صافي ماديريش فبالك حتال غدا ونطيبو ليهم
عزيزة: إن شاء الله الالة
ردت: تصبحي على خير الزين
عزيزة: ونتي بألف خير
...
قطعات وجهزات العشا كامل لفوق طاولة الأكل عاد شافت جهة الصالون وبدات تعيط
نسيمة: مي الغالية الطبلة واجدة
الغالية: يابسم الله
ناضت هي وسي محمد بركو على الطلبة وهي معاهم تاياكلو فصمت وعلى صحونهم حادرين الراس.. سالاو عشاتهم وكلها لبيتو طلع كحال نسيمة لي حتا قادات الكوزينة عاد تبعاتو تاتحك ايدها وتتنهد بسرعة
دخلات نيشان للحمام غسلات وجهها وسنانها عاد خرجات للبيت وهزات نيشان التليفون راسلة ليه ميساج ..حطاتو وبدات تحيد فالبينوار وطلق شعرها هو يدخل بابتسامة مزينة عينيه كايسد عليهم بابهم
الليل زاد فظلامو ..الجو برد وتحرك الغربي داخل من البالكو ديال بيت نعاسهم مطير الخامية عليه..
طلات على الساعة وعاود نفخات كل مرة تسيفط ليه ميساج يسربي وتحسب الدقايق والتواني.. كرشها تاتلواا من الحوت كواري تخلااق ولعابها بغا يسيل بحالا عمرها كلاتو وملتااهفة دوقو
..سمعات حس الطموبيل هي تنوض تاتزرب طلات من البالكو وشافتو دخل مع باب الفيلا وهاز بلاسكية كبيرة معاه .. تسناتو فوق العافية حتا حل الباب كاايزفر بالعيااا هي طير ليه ديك البلاستيكة من ايدو باقي حتا ماادخل وبركات فوق الزربية جنب السرير تاتحلها
سد الباب مغوبش فيها وقال: غابشوية مالك على هاد الجعرة
شافت فيه وهازة دااك الخبز لي جاب: وادابة انا واش قلت الطااجين ولاا وجيبو ليا مصاايب فالخبز؟
رد: المهم جبتو وبزز ماازاال
قلبات عينيها تاتبرگم ..داقت منو وجبدات الموناضة كانيط كادوز بيها وهو حيد التيشوورت سد البالكو وخدم الكليما تسخن البيت
سي محمد: نوضي من الأرض نوضي دابة طلع معاك البرودة
هزات كتفها: لا غير خليني
سي محمد: العنااد كون كان بنادم "رما حداها مخدة وحط ليها شاال غليض على كتافها" تغطاي بعدا بهادا
دوزاتو عليها بالنفخة وتاتاكل جوج دغمات للحنك ودوز بالموناضة.. تكاا حداها على ايدو طااوي رجليه ورجليها مسرحين حدااه وبلقين ..سكت فيها تايشووف واش تحشم وتفهم راسها ولكن واالو قلبات عليه قلبة وحدة بحالا مكاينش هامااها غير كرشهاا لي غاتعواج وفمها بالماكلة عاامر
سدات وراه الباب ودخلات مهمومة للبيت تاتبدل من باليزتها
..مازال حتا مافرحات بالدار الجديدة أو قاداتها على شهوتها ..كانت عوالة تفيق ليها مع النبووري تسيق وتخمل وتبدل الديكوور وتشوف شنو خاص وشنو زايد..
ساعة وقع مالم يكن في الحسبان ومع صلاة الفجر كان هو عاد دخل للدار برك حتا ساالات ورماها ليهاا بدون سابق انذار "غدا نمشيو الطبيبة" .. خلاها فبلاصتها كاتغزل مالقاات مازال ماتقول والخلعة غلباات عليها حتا صبح الصباح عاد صونات على نسيمة تاتعاودي وتخوي ...
خدات ساكها البيج وزادت خارجة من الدار بجلابة منبتة شيببية مع سبيبيط على شكل بليغة فالاسود وفولار بالوان فاتحين ..ركبات معااه وهزات قرعة الما مباشرة تاتشرب باش التوتر يخف ..ديمارا بشوية وكايحاول معاها يهضر فعدة مواضيع بااش تلف وتنساا حتاا وصلو للعياادة عاد حبس وهبطو طالعين عند الطبيبة المكلفة بحالتها
وقفات قبلما عند الطبيبة دخل وبتردد قالت: يااك ماغانتقصحش
أنور: نتي حيااتي وروحي ..نتي لي عندي فهاد الدنيا ومنك كللشي.. نتي اعزيزة وليت داير فيك مي وبنتي ومرااتي وحبيبتي
نطقات بتأتر والدموع بغاو ينزلو: حتا نتا وربي على كلامي شاهد الى معزتك عندي تفوق اي حااجة
رجع بااسهم وبااس جبهتها كاايتنهد: الله يحفظك ليا العمر ويخلينا دييما مجموعين
ردت: اميين الله يطول ليا فعمرك
أنور: ههه ..اجي معايا
هبط وهبطات ورااه عااد لاحظات مكتب الكاتب العمومي ..حبسات بلاصتها مافاهمة والو وشداتو قبلما يدخلو كاتستسفر
عزيزة: شنو جينا نديرو هنا؟؟
رد مبشور وشااد وجهها بحنية بين ايديه : جينا نقادو ليك الوتائق ديال دارك
قوصاات حجبانها مافاهمة والو: داري ؟
رد: دارك وفسميتك خااص غير واحد الوقيع وهاهي تااعك
فتحات فمهاا مبهوظة والتنخيصة شدااتها من المعدة للحلق: و و واش داوي على الدار.. هاديك لي ساكنين فيها غاتولي ديالي اناا
ضحك على ردة فعلها وشابك ايدو مع ايدها: زيدي
عاود جرااتو تاترعد: ب بلاتي نفهم .. علاااش؟
رد: كيفاش علاش ..بغيت
تزاادو دقاات قلبها وغوبشات راافضة الأمر ومابغاش يتسرط ليها: لا لا ا أنور عرق كتافك هاديك مانقدرش
جمع حجبانو وقال شبه مقلق: واش باغة تنيرفيني اعزيزة.. الحاجة لي ديالي راها دياالك حتا نتي هادي ماعليها تقاش ..وديك الدار رااها ديالك كنت حاط فبالي نكتبها فسميتك من نهاار تزوجناا وكانت كاتكمل ليها فالفينيسيوو
عزيزة: ولكن...
قاطعها بصرامة: لي عندي قلتو ظ.زيدي
جرها مامخلي ليها ماتقول دخلو لعند الكاتب العمومي يكمل مابقاا فالاجراءات..عطاها تسني وشدات الستيلو تاترجف مامتيقااش بلي عطاها داار على قدها وماشي اي داار إنما الفخاامة والرقي والكلااس
حطاات الورقة رااجعة اللور وقلبها كايخبط ..قلال بزاف اللحظات فين كانو يجيوها الهدايا والى غلااا شي وااحد منهم تايكون دهب غالبا من عند نسيمة ومن قوة الفرحة كانت متاتنعسش ديك الليلة
..لكن باش تكون داار على قدها.. ملكها وسقف دياالها يحميها من هنا للقداام فالظروف الحرجة وتقول بكل تقة دااري، حيوطي، بيباااني وبيتي وكوزينتي...
تلجم ليها اللسان وبدات غير تاتشوف فيه وهو تايتفاهم على الاجرااءاات ..ماحسات حتا نزلو دموعها وخرجاات من عندهم رااجعة للطموبيل كاتنخصص وترجف كلها
..سالا بسرعة ولحق عليها مخلوع قبل مايدوي ضاارت وفاجآتو بعناق حاار وسط الشااريع والناس فيهم تايشوفو
مادااتهاا فحد ديك اللحظة وبقات عليه مزيرة وهو كدالك عمرو تسوق لبنادم خلاها على راحتها وايدو على ضهرها تاتمر بهدوء وحنية حتا تفشاات وحبسو شوية دموعها عااد طلقاتو وبعدات كااتنخصص وهو بدا يمسح ليها الدموع من حناكها والتقليقة فعينيه
زاد جمع حجبانو: اش هاد الكلام تاني "خدا ايدها لقلبو وهي فيه تاتشوف والناس غادة جاية وحاضياهم" نتي راك هي قلبي.. بنت الناس متخلقة وعارفة بينك وبين اللي خلقك وقلبك مكاينش بحالو.. انا لي عشت فالوسخ والمكروهات ماعرفت كيدرت حتا تلاقيت بوحدة فحاالك.. حتا شكيت گاع واش نستاهلك ولا لا
عزيزة: ماتقولش هاكدا ا أنور
تننهد وباسها بين عينيها: نتي هي عويناتي.. تخطايني نضيع
بسمات بحيااء منزلة عينيها الدامعين: حتا انا
أنور: طلعي احبيبتي نوصلك ..العشية وهاني معاااك
زاد بااسها وفتح ليها الباب طلع.. برك حداها وديما للدار مباشرة نزلات تاتمسح دموعها وهو حظاها حتا دخلاات عاد زاااد لخدمتو.. مع دخلات للعمارة لقات نسيمة باركة عند باب المعد تاتسنااها وتنفخ وكيف شافتها جمعات النوضة تاتسوس كسوتها
نسيمة: على السلامة ياختي تعطلتو
عزيزة: لالة نسيمة!!!
ردت: اييه زيدي نطلعو رااه ماعرفتش رقم البرطمة وبقيت هنا كانتسنا
شاافت فالساشياات العامرين و الكبار لي جابت معاها وقالت باستغراب: شنو هادشي كامل؟؟
نسيمة: يااودي غييير زيدي نطلعو وتعرفي
طلعو للدار معاوناها فداكشي لي جاابت.. حلات ليها عزيزة الباب تدخل داكشي للي جابت للصالون وعينيها تايدورو على الديكور والاتات
نسيمة: تباارك الله غزاالة ..عندك الحق ولهيلا يرتاح فيها الواحد
عزيزة تبعاتها من اللور تاضحك وحطو كلشي على الطبلة هي تقول ببريق تايبري فعينيها
عزيزة: كل مرة وشنو ولكن اليوم غالبا مع الحضاش غايكوون هنا
نسيمة: مزياان واازيديي يالله تلحقي توجدي
عاونااتها تهز لي بقا للكوزينة ودخلات لبيتها تغير حوايجها اولا عاد بدات التوجااد مع نسيمة واخا قلبها كايزدح ولحمها كاايترعد ماعارفة لاوااش تكمل وديير لي نسيمة تاتقولو ولا تكمش حسن ماتعورها من شي جهة وتزدق مخسرة كلشي
قااداات لي خااصو يتقاد وخلات النص الكبير على عزيزة فهماتها شنو دير وخلات ليها العصمة حيت تعطل الوقت ومع ضربات العشرة بدا التليفون فساكها غير تايسرسر..
جبداتو مرة خرا وقلبات عينيها فاش لقات نمرتو خلاتو حتا قطع عاد رسلات ليه رسالة عالماه فيها بلي جاية فالطريق ورداتو للساك تاتبرگم
نسيمة: صدار الراس
عزيزة: واش معارفكش عندي
ردت: عارف راه تشاورت معاه عاااد خرجت ..ولكن تعطلت شوية
نطقات باهتمام: وعلاش مجاوبتيهش الالة
تنهدات: مدابزين شوية
طلعات حواجبها بقلق: ياك لاباس ايمتا
ردت ببرود: اياام هادي وانا قالبة عليه ولكن هو لي مادار فيها مايصلاح
عزيزة: واا الله يساامح الالة الى طلب منك السماحة مافيها باس
نسيمة: راك ماعارفاش شنو دار اعزيزة.. غاخليني ساكتة وخلاص
تنهدات تاتفكر فكلامها وناضت واقفة: يكون خير إن شاء الله.. نخليك دابة خاصني نمشي الى تلفتي على شي حاجة صوني علياا وعنداك تنسااي لي وصيتك عليه
عزيزة: واخا وسمحي ليا عدبتك معايا اليوم
نسيمة: عدابك رااحة ههه
خرجات مخلياها تاتكمل مابقا وهي خدات طاكسي للفيلا .. خلصاتو لما وصلات ونزلات دااخلة مع البااب تاتسمع غير السقيل طلعات الفووق ومع بغاات دخل لبيتهم لقاتو فوجهها مخنزر و لابس حواايجو عاد كان نااوي يخرج
زير على سناانو ووجهو بالاعصاب حمار: على السلااامة الشريفة
هز قطعة راميها ففمو وخلاهم مجمعات دخل دوش بالخف وبدل حوايجو بتيشورت بيض مع سروان توني
..خرج من الحماام لقا البيت مافيه حد بكية الشكلاط خاوية فوق طبلتها والكواغط ملووحين جمعهم فالكرطونة وحط تليفونو كايتساارجا هي دخل تاتولوي عندها وتنهد
نسيمة: بزز باش نعساات اففف
بركاات تاترد النفس وهزات تليفونها مرة أخرى.. جاها من اللور محني على ودنها وايديه عند جنااب الطبلة محاصرها.. باسها قبلة خفيفة لحنكها وعينيها تايضورو هنا ولهيه فحين هو نطق ببحة خفيفة هامسة
سي محمد: بااقي ماهداك عليا الله
ردت منتشية برييحتو وغاتهبل: الله يهدينا كاملين ..قرب قرب
أحييني بشوقك الجزء 35
محتوى القصة
التنقل بين الأجزاء