أحييني بشوقك الجزء 36 والأخير

من تأليف Soukaina Ahnani
2021

محتوى القصة

رواية أحييني بشوقك

طلعات راسها لعنقوو شمشماات مزيان حتا طلعات معاه التبوريشة وبسم فحين هي قالت: بدلتي الريحة؟؟؟

رد بغرابة: لا.. علاش

نسييمة؛ والو غير سولت

تنهد وقال: غدا خاصني نطلع لفاس.. تمشي معايا؟

ردت: وعلاش غادي؟

رد: كنت قلت ليك عندي تما شي خدمة

طلعات حاجب بشك قائلة: خدمة نيت ولا بحال ديك المرة

زفر قالب وجهو وبتعب قال: داك الموضوع صافي سديه..العلاج هاني متبعو ويكون خير أن شاء الله .. دابة قولي ليا واش غاتمشي معايا ولا لا

هزات كتفها بحيرة: ماعرفتش ..ماعندي كيندير نسومة والباتيسري شكون يقابلهم

سي محمد: غير يوماين ..بنتنا هالحااجة تقابلها ونجيبو خدامة تعاون فالدار ..والخدمة شوفي شكون ينوب عليك بيما رجعتي وتراجعي حساباتك

نسيمة: على مابان ليا فكرتي لكشي

تحنا بااسها وقال: خلينا نمشيو تبدلي الجو شوية وتحيدي علك هاد الغضبة ديال والو

ضارت ليه وضحكات مغددة: ديال والوو.. سبحاان الله غضباانة غييير هاكااك ياك الشريف

ناض كايزفر: بلا ماتبداي تاني راسي غايتفرق

نسيمة: ملي غايتفرق تفرق علياا وماتهضرنيش اصلااا

ناضت زعفانة وجرها معنقهاا من ضهرها ومبسم بليونة: كون قدرت گااع ماتلقايني تانتلوا عليك من الباارح ..واصافي احبيبتي، سمحيلياا وعمرها مازال تعاود

هرباات نيفهاا منوو ووجهها مخسراه: واخا غير حيدد

رد بعناد: حتا تسمحي ليا

نسيمة: لللله يساامح ففف بعد شوية

دفعاتو فاش جاتها التبوييعة وجراات للحمام تاتزرب.. تبعهاا بسرعة ولقاها عند لاشاس محنية تاترد وروحها بغات تخرج

سي محمد: مالكي.. نسيمة ماالك!!!؟؟؟ "تحنا عندها بخوف كايجمع ليها شعرها" ..ففففف شفتي كترة الشكلااط شكاادير

طلعات الرااس سخفاانة وبزز باش نوضها للاڤاابو تغسل وجهها لي بسرعة صفار وعينيها دخلو ..مسح ليها وجهها وهي تاترد النفس وعلى قلبها حاطة ايدها

سي محمد: بشوية عليك ..اجي معاياا ترتاحي


خداها للسرير تكاات سخفانة تاترد طااقطتها وكلما شمات ريحتو تاتبغي تزيدتترد...
غطاها ونزل يجيب كاس العاصير باش ترد الروح وهي تاتشوف للسقف مغوبشة وتاتفكر ...
....

عزيزة من جهة خرا ..القلب كايخبط بالخلعة، والجرأة مرة تحضر مرتين تغبر
..ضرباات الطناش وهي باركة وسط ضوء الشمووع فقط وشعرهاا المجعد كل مرة يعنكشهل وتردو اللور.. كسيوة بنفسجية توب حريري أملس على جسدها الناعم والمعطر برائحة الكرز.. لون ااختارتو بعنااية وجا مع فصالتها ولون بشرتها
..الفخاض عريانين والصدر نصو واضح والرجلين حفيانين مزينهم خلخال رقيق دهبي بخميسة حمرة.. گلص وردي باارد وعينين مجبدين بالآيلاينر مع خدود حومر طبيعياا ورموش مرفوعة بعفوية وكل مرة يفرفرو .. سمعات الحس فالكولوار حبس عند الباب والسوارت من الجيب تايخرجو
..قفز قلبها ووقفاات تالفة وتاتبت رااسها ماتهربش وتبقاا فبلاصتها حاصلة..
توقف تبت وترزن. .. عادي تقدر ديرها وتفوتها للعين
..رددات الكلام بيننها وبين نفسها تاتقوا بيه لكن فورما تفتح البااب طاارت نيشاان وصوت الخلخلاال فاضحها مع دالك ماشافهاش وعاد بغا يشعل الضو تشووكا وحبس..
طلع حواجبو تايشوف فداكشي لي قدامو.. الشموع فالارض والورد منتور جنبهم وريحتو تاضرب للنيف..
جلسة الفطويات لي كانت قبالة الباب تحيدات وتحطات بلاصتها طبلة طوييلة بزووج كراساا، فوقها غطا حريري بيج منتور عليه الورد وشمع طوييل حمر على جناابها مع صحون مقلوبة وطجين مغطي رفقة بسيطلات صغار بالحوت ومزوقين بالكروفيت من الفوق مع مملحات تانيين مزيننين الوجبة وعصير افوكة وفروي سيك وسالاد فروي من داكشي

..جممع الحجباان وحل الفم تاااايشوف ويعاود..
رجع جوج خطوات اللور طلع راسو فرقم البطمة وشاف يمين شماال كايتأكد واش نيت نييت داارو ولا زبلها ودخل لشي داار خرا.. حك مؤخرة راسو دايخ ودارها فيد الله دخل ساد الباب ماحيد لاسباطو لالكاسكيطة على وجهو وبدا نيشان كايعيط وعليها يقلب

أنور: عزيزة.. عزيييزة

دخل للكوزينة ..بعدها بيت النعاس والحمام وبيوت آخرين لكن مكاين ليها اتر و عاد غايبدا يتشوش هو يتفتح باب البالكو وخرجات منو، شعرها كايطيرو الريح والخجل تايقطر من عينيها..
وحل وحلة وحدة وحصل فالبلوكاج ماعاودش تحرك، طلع نزل وماعرف فين يشوف وفين يركز ..زاد حشمها كتر والافكاار فدماغها في تضارب حاولاات تتدكر شنو الخطوة المقبلة ولساانها كايترعد ويتلف الكلمات ..

عزيزة: ع على سلامتك

حرك راسو ورجع للباب حلو مخنزر وعااود طل على الرقم مزياان عاد دخل مرة خراا كاايردد

أنور: بالرب تاداري

جمعات حجبانها تاتشوف فيه وهو كدالك: م مالك ..ماعجبكش

أنور: لا واش نتي مرااتي نييت نييت..
مراتي؟

حلات فمها: هاا

صورها على نفسها بحال الأميرة وهي ففستانها تاتشوف بغرابة مافااهماش مالو: شنو؟

أنور: عزيزة نتي متأكدة ياك.. الطبيبة ماوكلاتكش شي عجب ولا عوض طير ليك البوشونة طيرراات حاجة خراا

عزيزة: علاش مالي


رد مخمور فيها تايطلع ويهبط: ماالك نيت وفين كنتي مخبية عليا هاد الزين كااامل ..

بدا يضحك وهي فحشمتها غرقاات ووحلات: و واصافي ..ماتزيدش تحشمني عافاك

رد: بلاتي بقاي بلاصتك نبدل وهاني معاك

طار كايزرب لبيت النعاس وهي قالت:
نسخن العشا؟

رد عليها: شبعااااان

ماعارتش لكلاموو اهتمام وهزات الطاجين للكوزينة حطاتو يسخن وعاد بدات ريحتو تعطي وتباان .. لحم البگري بالبصلة والزبيب والبرقوق التعسيلة ياسلام والريحة دايزها الكلام..

أنور دوش بالخف تعطر مزياان ولبس شورط بيض مقطن .. خرج مفسح من صدرو والضحكة من الودن للودن ساعة لقاها عاد حطات الطاجين فوق الطبلة وبركات متبسمة وتاتحاول تخبي توترها الشديد

عزيزة: اجي تعشا.. العشية

قرب للطبلة تايشوف وزااد ضحك بجنب فمو: لافووكا.. والحوت؟ "طلع فيها حاجب وهي رمشاات بهدوء

عزيزة: آه، ماعجبكش؟

أنور: لا عجبني...عجبني

برك وهي قربات ليه كااسو وبدات تمد ليه
أنور: بسم الله

شرب لافوكا كااملة وهي بابتسامة قالت: دوق من الطاجين شوف واش غايعجبك

مسح فمو: بلاش باغي نعس خفيف

ردت تاترمش فيه بتردد: ت تعس من دابة ..لاواه

ضحك حتا تسدو عينيه وقرب عندها مصغر عينيه والفضول واكلو: بغيت غيير نعرف شكون الجن لي تسلط عليك هااد النهار

سرطات ريقها ماراضياش تجبد سمية نسيمة قدامو وقالت بخدوود حومر من الحشمة: بغيت غير نفرحك وصافي

أنور: زعزعتي لمي المجااج هههه ..نوضي نوضي نعاود نشوفك

شافت فيه مغبنة وبغاات تبكي: واصافي أنور واعافاك راه بزز باش باركة هاكداا شوف غير شوفاتك كيف دايرين

أنور: لا لا بالرب تاتنوضي ..دابة يالله

ناضت بزز تاتغبن وهو تسفح على الكرسي حتا وقفات قداامو مزيرة على ايدييها وماقادراش تشوف فيه

عزيزة: هاني

حك صدرو وعينيه تعسلو: اححح اقلبي "نااض بخطاوي تقاال متلمس شفايفهاا وهي قلبها بالخلعة تهز وتلف

أنور: فين كنتي مخبية عليا هاد الزين كاامل وحارماني منو ..فين

زيراات على ايدها وبشفايف تاايترعدو نطقاات مترددة: ك كلو ديالك اعمارت داري

بعد وجهو بشوية عاقدهم وقال: نعام

رمشات فيه تتللوي عينيها: و واراك سمعتيني

أنور: لا ماسمعتش غير عاوديها

طلعات النفس وطلقاتها: كلو ديالك اعمارت داري

سكت حتاااا سكت وضربها بضحكة صدماتها وماتوقعاتهااااش منو.. غوبشاات وزااد وجهها حماار وهو حدااها كايطيح بالضحك ويحط رااسو عند كتفهااا بهستيرية مااقدرش يحبس حتا دخل ليها الشك فراسها

عزيزة: و واش قلت شي حاجة ماشي هي هاديك؟

أنور: ههههه ..عمااارت ههههههههه لا بلاااتي هههههههه بلاتي بلاتي عمااارت ههههه

عزيزة: حشوووما عليك

أنور: وابلاتي غير هههههه

ردت مقلقة منو : مابقييت غانقوليك واالو كنت ناوية نزيد شحال من حاجة سااعة شوف شنو كادير

خلااتو ودخلات للبيت مقلقة وعليه سداات الباب.. تبعها كاايحبس الضحكة ويدق عليها تحل عليه: عزيزة هههه واحلي الله يرضي عليك.. غير حلي رااه ماشي عليك كاانضحك هههههههه


ضرها خاطرها وديك الزعامة لي زعمااتها باش تنطق وتهضر معاه بطلاقة وبلا خوف هدمها بردة فعلو لي ماتوقعاتهاش كيفما هو ماتوقعش منها كلام بحال هادا ولا ليلة بحال هادي ولا الطريقة باش قالتها..
الصدمة رجعات ليه ضحك ماقدرش يحبسو وكلما دق بلا ماتجاوبوو كاايزيد يتنادم معاه الحال حتا جمع الضحك فخطرة ورجع قال بصوت خفيف

أنور: حبيبتي.. واحلي الباب عافاك ..غير ندوي معاك

ردت بانزعاج ووجهها غايطلطق بالحمورية: عافاك خليني بوحدي دابة

رد: واعافاك نتي لاما حلي.. غير نشرح ليك ..واعافاك

ناضت خطوة تديها وخطوة تردها.. حلت ليه الباب ورجعات فوق السرير باركة حانية عينيها وعاقدة حواجبها بقلق ..جلس جنبها تنهد وبعد شعرها من حنكها قائل بنبرة خفيفة

أنور: تقلقتي مني

هزات كتف قالبة شفايفها بحال البنت الصغيرة حبس ضحكتو من جديد بزز ورجع قال

أنور: غير قولي، واش تقلقي؟

شافت فيه وبداات تكب المزودة والبكية شاداها: انا زعما كنت بااغة نفرحك ومانبقاش كل مرة نحشم الى بغيت نقول شي حااجة ..وحتا الى كانت شي كلمة زوينة بغيتك تسمعها مني اناا بوحدي ماشي شي وحدة خراا ومن الصباح وانا تانوجد ونقااد وباغة غير...

سكتها بقبلة نااعمة لشفايفها سكتها من الكلام ومحا گااع لي كانت غاتقولو عاد نطق بينهم وصوتو كايبورش اللحم

أنور: ششش ..ينعل بوه هاد الفم لامازال ضحك ..نتي ماشي غير فرحتيني ..طيرتي لد*** البلاكة ديال دمااغي شوفي كيوليت كلي سخون

سرطات ريقها تاترمش بسرعة وقاست صدرو بتردد حتا حساات برجفة خفيفة سرات عليه وقالت بقلق

عزيزة: ياكما غاتمرض؟

رد بجنون كاينهج وقربها ليه كايحمقو: مريض بيك الكبيدة.. مريض بيك ونتي دوااياا

ردت: الله ينجيك

أنور: شمن كلام كنتي غاتقولي .. هضري هاني كانسمع

قالت وهي راجعة اللور حشماانة وزاد فيها لسق: ص صافي والو


رد: غير قولي


عزيزة: ن نسيت

رد بصوت ضعيف: خليني نسمعهم منك احبيبتي ..نسمعهم منك غير نتي

تكاها وعليها تكا وراماا صبرو تحد وتقاادا وبلهفة غرق فرقبتهاا حتا نطقات بحروف متقطعين

عزيزة: م مازال ماتعشيتي

رد تاالف فيها وماعارف باش يبدا: غانتعشاا بهاد حلوة الكراميل لي قداامي ..شهاد الريحة والرطوبية كاملة باغة تجهليني

ردت سارطة ريقها وعيونها قافلاهم باستسلام: ل لا

وسط لهفة لمسااتو وقبلاتو فتحات فمها تاترجف والبكية بين عينيها ناطقة بصوت كايبورش اللحم

عزيزة: تانبغيك

حبس عند ودنهاا عاض على فمو وشاف فيها كايلهت: شنو

شدات وجهو بين ايديهااا والدمعة من عينها سالت: نتا .. نتا حبيبي انا.. وقلبي انا بوحدي..ديالي بوحدي .. تانبغيك بزاف ا أنور ..بزاف

رمش وكلامها مع العضاام دخل ليه.. تحنا باسها لجبتها وبصدق قال: تانمووت عليك وتانبغيك بجنون.. حياتي بلا بيك ظلام احبيبتي

عزيزة: الله يخليك ليا ا.. اعمارت داري

هزها من وجهها وعلى شفايفها ترماا عطشاان رييقوو نااشف وقلبو بغاا يخرج من مكاانو ..جرحهاا وهو تايبووس بااغي يسرطهم ويندغهم نديغ عااد ممكن روحو تهدن وقلبو شوية يسكت لكنها حطات ايدها على صدرو ونطقاات بهمس

عزيزة: ا بشوية

رد ملهوف: باغي نااكلك ..ناكلك

..حااول يرخف معاهاا وكبت مشاعرو الجياشة فورما شاافها بدات تطلق وايديهاا كايستكشفوو جسدوو لأول مرة ..حول قبلاتو لعنقها هي ترجف وبعدات

أنور: ماتحبسيش احياتي ..غاتقتليني هاد الليلة

عزيزة: ب بشوية عافاك

أنور: كلشي غايوقع كيفما نتي باغة.. كلشي ديالك اليوم

كمل مابدااا فمو بايديه حيد ليها الكسوة ورجع عليها تحنا وايدو على الشورط.. رخفاات النفس وحاولات ماتفكرش فالالم وتلاهي نفسها بيه.. زعماات وتجرآت ومعااه حااولات تولي زوجة كاملة كماا يجب .. دقة شيمااء وغزلها عليه وشنو دارت ونوات دير على قبلو خلاا غيرة عزيزة تزند وتشعل وبلاااماا تحس دخلات فتحدي معاها ومع نفسها كدالك ..
مرة تعنقو.. مرة تبوسو تحت ودنيه حتا تاتسمع تنهيدة من قلبو خارجة.. مرة تهمس بكلام غير مفهوم مرة تكتافي بآهاات رقيقة حتا بداا فعملية الايلاج قبل ماتحس .. الألم قل والمتعة غلباات والحب الصادق انتصر ..
سمع صوتهاا معااه وتجاوبها حمقو، على فراشهم توحدو مستمتعين بزووج حتا نور الصباح بدا عليهم يطلع كجسد واحد على فراش واحد


الغالية: غايسافر!!! عاوتاني

نسيمة شحرات البرااد وحطاتو فالصينية ديالو قائلة: ايوا هادشي لي قال ..ومازال ماعرفت وااش نمشي معاه ولا لا

الغالية: ايوا ابنيتي الى كان ضروري ماعندنا مانديرو من غير الصبر..و كون جيتي عليا انا سيري مع راجلك حسن ليك ..منها تونسيه ومنها تبدلي الجو شوية راحالتكم هاد ليامات ماعاجبانيش .. واخا تنشوف ونبقاا ساكتة ومطمرة

رمشات بحرج وقالت مهربة عينيها: مكاين والو امي الغالية

الغالية: والمهم انا غير نصحتك

وجدو طبلة الفطور على حقها وطريقها حتا تم سي محمد نازل مع الدرووج بحوايج الخروج وهاز بنتو نسومة فايدو ..باس راس الغالية وقال وهو ضاير جهة نسيمة يصبح عليها

سي محمد: صباح الخير

نسيمة: صباح....

شدات فمها حااسة بالتبوييعة ومن حداهم طاارت تاتجري للحماام حتا خلعاتهم بزوج

الغالية: غير خليك خليك اولدي هاني تابعاهاا

دخل يحط نسومة فالصالون باش ماتخلعش والغالية تبعاتها للحمام لي لتحت جنب للكوزينة.. لقاتها محنية على ركابيها كاترد
هي تقول بخوف

الغالية: ياك شي باس مكاين ابنتي.. مالكي

ناضت سخفانة غسلاات وجهها وهزات فوطة تاتنشفو ورتد النفس

نسيمة: الحمدلله

الغالية:: كليتي شي حاجة حتا ضراتك

حركات راسها فالنفي والدوخة شاداها: ماعرفت ماالي مع ريحة سي محمد وقتماا شميتها نفسي تاتسد وتاتجيني الردة.. افف حتا فالصباح وقعلي هاكداا

فكات حواجبها بدهشة وقالت: ايمتاا هادشي.؟

ردت: غير هاد لياامات.. ماتشغليش بالك يقدر غير المعدة

دخلاتها للحمام تحت استغراب نسيمة وقاالت بصوت خاافت: بلاتي ابنتي وركزي معااياا مزيان.. ايمتاا كاان خاص تجيك حق الشهر؟

غوبشات باستغراب: واقلة تعطلاات بشي يامات ..علاش؟

بسماات وعينيها بدااو يبريو: ايوا ابنتي ويلا ماخفت نكدب راكي حااملة هههه بالحق بلااتي نتاكدو بعداا بلاما نسبقو الفرح بليلة ههههه

ردت بحرج والغصة فحلقها: لا لا ..مايمكنش امي الغالية مانضنش


الغالية: وعلاش.. الى كتبها ربي ماعند العبد مايدير ديري غير النية ابنتي والكمال على الله

قبل ماتجاوبها وقف عليهم محمد ونظرات الخوف فعينيه: ياك لاباس ..شوية دابة؟

جاوباتو تالفة بكلام الغالية وغير تاترمش: ا آه الحمد لله

سي محمد: خاصك دوزي على هاد قوة الرداان هادشي ماشي عادي ويمكن يكون شي تسمم

ردت الغالية بعفوية كاضحك: الله يحفظهاا اودي يمكن خبار الخير

غوبش: كيفاش؟

نسيمة: والو هه .. إن شاء الله ندوز ونشوف .. ياالله سربيو الفطور غايبرد

سبقااتهم تاتحك رقبتهاا وهوما ورااها جايين.. بركات بلاصتهاا وراما هزات نسومة وبداو مجموعين كايفطرو فصمت من غير الغالية لي ضحكتها مزينة ملامحها وكل مرة تشوف فيهم وترضي


حتا ناضت تصلي صلاتها عاد نسيمة شوية تنفساات من قوة الحرج ..سي محمد مسح فمو وبجدية شاف فيها وقال

سي محمد: واحد الشوية طلعي جمعي لي غايخصنا فهاد اليوماين.. ساعة هاكاك ونرجع باش نمشيو

طلعات حواجبها متفاجئة: نمشيو؟ انا وياك

رد: مازال ماقررتي

نسيمة: ماقلتش بلي موافقة غانمشي

سي محمد: يوماين مادات ماجابت ولكن مزيانة لنفسيتناا بزوج ..يالله معاياا ومغاتندميش

تنهداات تاتفكر وقالت بعد صمت ونظرات ملحة من طرفو: واخا اسيدي ..سير عالله

بسم وناض باس رأسها برضى قبلماا يخرج من الفيلا ..مسحات لنسومة و طلعااتها لبيتها تلعب عاد هي دخلاات لبيت نعاسهم.. جبدات سااك كبير تجمع فيه اللي خاص وفنفس الوقت دوزاات رقم عزيزة داارت اوط باغلوه حتا تفتح الخط وجاوباتها بصوت خفيف ونااعم

عزيزة: الو

ردت وهي تاتجمع الحوايج: صباح النور لالة العروسة

ضحكات بخجل وقالت: صباح الخير الالة ههه

نسيمة: نحلف عليها دابة لاحنااكك غايطرطقو بالحشمة وغير من ديك الضحيكة باينة كلشي داز هو هادااك.. ياك

عضاات شفتهاا كاتمة ضحكاتها الرنانة ونطقات بصوت رقييق من الحشمة

عزيزة: الحمد لله ..نتي فخدمتك دابة؟

نسيمة: هههه تانجمع الحوايج.. قالك الالة غانطلعو لفاس

رمشات شاردة: فاس

نسيمة: اايه فاس .. شفتك سكتتي

تنهداات من قلبها وقالت بحصرة: غير جات فبالي شحاال من حاجة

نسيمة: دكرياات هوما.. كونما كنتي مزوجة كون ديتك معايا

عزيزة: ماعليش الالة .. الله يوصلكم على خير

ردت مبتاسمة: امييين احبيبتي.. تهلاي فرااسك.. إن شاء الله اناا حااسة بلي من هاد النهار غادة تبداي صفحة جديدة وفرحة جديدة فحياتك

تبسماات بأمل ومن قلبها قالت: إن شاء الله ياربي

نسيمة: راجلك فخدمتو ؟

عزيزة: ههه مازال.. عاد دخل يدوش ويمشي

طلعات حاجبها بمباغتة: هاي هاي هي ليلة البارح كانت جاامحة هههه

حنحنات بحرج: شوية

نسيمة: ياكما مقصحة بزاف تاني

ردت بعفوية: حتا سالينا عاد حسيت شوية بالوجع.. ولكن درت البومادة لي وصفات ليا الطبيبة والحمد لله ماشي بحال اللول

نسيمة: ايوا الحمد لله ..نخليك الزين حتا نوصل وندويو

عزيزة: واخا الالة الله يوصلكم على خير وسلمي على مي الغالية بزاف ونسومة وسيدي محمد

نسيمة: هههه مبلغ.. بسلامة عليك


خرج من الحمام مع قطعاات وناضت تاتقاد ففراشهم.. ضربات فيها ريحتو قبلنا عندو دور وياخدها ببوسة صباحية حلوة عاضهاا لفمها حتا توجعات وهو قال كايضحك من عينيه

أنور: صباح الحب التبويقة ديالي

ردت حشمانة وتاتمسح فمها: قصحتيني

قلدها قائل: شهيتييني

عزيزة: هههه .. شناهية التبويقة

بسم بهيام كايمرر ايدو على خدها: هي عزيزة

ردت كاضحك: ههههه وأنور شناهية

أنور: السمية لي عجباتك قوليها

عزيزة: ممم حتا نفكر

قرب كتر ناوي على لي ناويه وقال وهو حاط عينيه بين عينيها وشفايفها: نفكروو فيها بزووج

فهمات القصد وبدات غير ترمش بالتلفة: ر راه تابعاك خدمتك

رد: مااحظي تابعك مازاال يجريو عليا عاد نتهناا

سكتها وسكت معاها فقبلة طويلة وممارسة صباحية تفتح النفس وتقاد المجااج

.....



نسيمة ومحمد خدااو الطريق لفاس ..
خمس ساعات تحولات لسبعة بسباب كل مرة خاصو يوقف ليهاا باش ترد وينزل يغسل ليهاا وجهها حيت بالسخفة مابقاتش قادرة تهز الراس
..نيرڤااو هاد الموضوع وخلعوو كترما عصبو مع دالك سكت وكيف وصلو للدخلة ديال فاس حبس فمطعم زوين خدا فطور ليهم بزوج وهي من الحلاوة كتراات تاتاكل وتعاود تحت نظرااتو
.. سالاو وخرجوو من تماا مكملين طريقهم وقبلماا يديهاا للأوطيل لي حجز داز للعيادة طبية نسائية شافتهاا وغوبشات فيه بانزعاج

نسيمة: علاش جينا هنا؟

حيد السمطة وهبط حال عليها الباب: هبطي نشوفو بعدا مالك عاد نكملو الطريق

ردت: مابياا والو يمكن غيرر المعدة

سي محمد: مااشفتيش حالتك كيف ولاات؟ هبطي الله يرضي عليك غير نطمأن عليك بعدا ديك الساعة نمشيو للأوطيل باش ترتاحي

نسيمة: تأ

نزلات معاه فوق النفس خلص و دخلات عند الطبيبة فحين هو بقا بارك كايتسناها وملاهي فالاخبار من تليفونو.. دقائق قليلة حتا عاود خرجات لعندو تاترمش بوجه جامد ..ناض ناوي يدخل عند الطبيبة وبقلق قال

سي محمد: علاش ماعيطتيش ليا ملي ساليتي.. شنو قالت ليك شنو عندك؟


نسيمة: مكاين لاش دخل.. قالت ليا غدا خاصني نرجع لعندها على قبل شي تحاليل

سي محمد: ديريهم دابة حسن

ردت: خاصني مانكونش فاطرة أفضل.. احم ماعليش غدا ونرجع بوحدي الى كنتي مشغول

حرك رااسو ودرعها لعندو: ماتخافيش يكون خير إن شاء الله ..حتال غدا ونعاود نجيبك

نسيمة: إن شاء الله

رجعو للطوموبيل وهاد المرة بالها مامعاهاش مرفوع وتايفكر طول الطريق حتا وصلو للاوطيل مع بداية الغروب

.. خدا سوارت البيت لي حجز كمل الإجراءات وطلب منهم بعد ساعتين يطلعو ليه العشاا للشومبر ديالهم ..
طلعوو وكيف حل الباب دخلات للحمام تاتنهد بتعب خدات دوش سخوون خففات بيه عضامها وخرجاات مخشية فبينوار قطني كبير وتحت الكوفرلي تاع السرير وتخشات مستسلمة للنعاااس وتاتريح نفسها من تعب السفر

..غطاها مزيان سي محمد دوش حتا هو وخرج للبالكو كايصوني على الغالية..
علمها بلي وصلو بيخير وعلى خير سول على نسومة وعلى الأحوال فالفيلا حتا تطمأن خاطرو عاد رجع دخل متكي جنبها وتايتفرج فالتلفازة قدامو

..


..فاقت بعد مدة على مداعبات فرموش عينيها حلاتهم على وجهو بسماات والنعاس مازال فيها شاد فحين هو قال كايضحك بالتقالة

سي محمد: النعاسة.. شركتي الليل بالنهار

تكسلاات كاتفوه وقالت بصوت مبحوح: عييت فالطريق

رد: نوضي تاكلي شوية العشا رااه وصل

بللات شفايفها وقالت بلهفة: بغيت الفريز.. عرفتي ناعسة وتانحلم بيه

ضحك على كلامها وقال: نجيبو ليك الفريز الفريزة دياالي غير نوضي خلاص هههه

طلعات باستو فحنكوو حتا تفاجأ وقالت تاتشوف فيه انش بانش والابتسامة مزينة وجهها بعفوية

نسيمة: واخا ريحتك خايبة .. نتاا فن ووجهك زويين

ضحك مصغر فيها عينيه: ياك الالة ههه تاتشكري فينا دابة ولا تاتسبي

ردت من نيتها: والله حتا ريحتك ولات فشكل

غوبش بشك وقال: داوية من نيتك

نسيمة: بدلها حسن

ناضت ببرود مخلياه تايشم فرااسو ويعاود دازت على العشا فوق الطبلة وحلات التلاجة مباشرة ..لقات بواطة الفريز تماا هوما يسيلو ريوقهاا وفالبلاصة هزااتو خدات معاه الشكلااط وبركاات تاتاكل وتبنن على خاطرهاا وسي محمد رجع دخل للحمام كايعاود فالدوش مرة خرا


الجو بارد مغيم والشمس يادوب ساطعة فالسما مع دالك الصهدة والسخونية لي حاسة بيهم نسيمة من كترة التوتر ماحاس بيها حد والعرق من جبهتها هابط..
ناضت من السرير الطبي تاتقاد البودي ديالها تبعات الطبيبة للمكتب وبركات تاترجف وقلبها غايخرج

نسيمة: امضرا الدكتورة

كملات قراءة التحاليل قدامها وبابتسامة طلعات فيها الشوفة وقالت: مبرووك عليك امدام.. راكي حاملة

حلات فمها وعينيها حبسو من الرميش بقوة الصدمة: حاملة ؟؟

ردت محركة راسها بتأكيد: آه حاملة امدام وفالاسابيع الأولى

نسيمة: ه ههه ههههه واش.. واش متأكدة ..انا حاملة؟؟ حااملة

ضحكات على ردة فعلها وقالت: مليون فالمية ..غير هوو الحمل مازال فالبدايات ديالو لهادا خاصك الراحة وتبعي دواك ونظام غدائي معين ..جا معاك راجلك؟

ردت دايخة وبالفرحة ايديها تايرجفو: ا ا لا مجاش.. و واش متأكدة ادكتورة اناا حاملة

ردت بجدية: واش كان عندكم شي إشكال فالانجاب داكشي علاش شاكة هاكدا؟

نسيمة: بصراحة اه كان عندنا مشكل فالحمل.. زعما راجلي هو لي كان عندو مشكل وبدا فالعلاج ولكن يالله دابة شهر ونص

ردت: ماعرفتش شنو المشكل لي عند الزوج ديالك ولكن كانظن الله شاف من جيهتكم وكتب هاد الحمل.. شحال من واحد ماعندو حتا مشكل ورغم دالك مازال كاجاب الله وبالمقابلل كاين لي ربي تايرزقو بلاماا يكون حاسبها

جاوباتها كااضحك وعينيها دمعو: بصح ونعم بالله ههه ففرحتتيني بزااف ادكتوورة هههه شكرا بزااف

بابتسامة ردت: العفو ..رجعي عندي مرة خرا نتي وزوجك على قبل شي نصائح ليكم بزوج وهاد الأدوية لي كتبت ليك ضروري تستعمليهم فهاد الفترة

خدات من عندها الورقة مع ورقة التحاليل لي تاتبت حملهاا: إن شاء الله ..بسلامة عليك وشكرا مرة خراا

ردت: العفو امدام اليوسفي الله يتبت حملك على خير

نسيمة: امييين

خرجاات من عندها كاتخشي الوراقي فالساك وصباعها تايترعدو
..خرجات برا العيادة فاتجاه سياارة سي محمد فين بارك تايتسنااها ركباات كاضحك وهو غير تايشووف ويرمش

سي محمد: ايوا.. شنو كالت لك؟

نسيمة: والو غير الإرهاق ههه

رد بشك: الارهاق وتاضحكي

عنقااتو بلاماا تحس طلع حوااجبو بتفااجأ وزادتو ببوسة ماتوقعهااش منهاا وبقا غير يشوف

نسيمة: متأكدة العمر دياالي .. هههه سوق سوق فيااا الجوع

ضحك بجنب فمو كايتعجب: بستيني لا؟

ردت: مالها ماعجباتكش

سي محمد: لا عجباتني .. سبحان مبدل الأحوال

ديمااراا ورجعات عنقاتو من ايدو حتا بدا يضحك ودرعهاا بحظنا بيد وايد كايصوگ بيهاا

سي محمد: توحشت منك هاد الشغب

نسيمة: حتا انا توحشتك ههه

طلع فيها حاجب بمباغتة: مابقيتش خانز و
ريحتي خاايبة وغير نبعد منك حسن

جبدات عينيها وبدات تقلبهم ببراءة: انا قلت هاد الكلاام

سي محمد: لا انااا ههههه
باس راسها وقال باهتمام: عطاتك شي دوا بعدا ناخدوه معانا فالطريق؟

رمشات تاتفكر عاد هضرات: لا راه قالت ليا غير نرتاح وصافي.. عطاتني دوا مدهئ ولكن عندي بحالو ماشي شي حاجة

رد: هي لاتبعي كلاامهاا وعطيتي لراسك الراحة

نسيمة: إن شاء الله

سي محمد: غانوصلك للاوطيل احبيبتي عندي دابة مانقضي دابة، ولكن كيف نسالي عانجي نخرجك نضورو شوية

ردت مبتاسمة: خود راحتك


وقف عند باب الاوطيل وضار شاف فيها وكاينبهها
سي محمد: ماتخرجي فين واخا مدينتك هادي ..تسناي حتا نجي ونتسااراو فيها بزوج

ردت : صاافي كون هاني

باسها لخدها وقال: يالله بسلامة.. تهلاي

نسيمة: الله يعاونك

رد: امين

نزلاات ودخلات للاوطيل عاد هو ديمارا لخدمتو ..طلعات كاتزرب ومع دخلات وسدات باب الشومبر بدات تغووت وبالفرحة تبكي..
ماقدااتها سما ولا ارض تاضحك وتعاود وفرحتها ماتعطيها لحد ..فرحة غاتنور حياتها وتوردها وشحال زوين يكرمك الله بشي حاجة ماكنتيش متوقعااها وقطعتي منها اليأس فمرة
...قرات فالتحاليل وعاوداات بلا ملل ولا كلل عاد تفكرات لي ناوية عليه وهزات تليفون الاوطيل متاصلة بالاستقبال

نسيمة: الو

....: وي مادام اليوسفي تفضلي

ردت: الله يخليك محتاجة لشي اغراض الى ممكن ترسلوهم ليا

....: مرحبا شنو خاصك

..


عزيزة حطات گصعة الرفيسة بالدجااج البلدي فوق الطبلة ريحتها عااطية ياسلام ومنظرها كايشهي.. خرج من الحمام وراما غسل ايديه وبرك قدامها تايضحك ويبلل شفايفو

أنور: بسم الله ..هاادشي تايشهي ههه

ضحكات عاجبها تناءو الدائم على ماكلتها وبنعومة قالت: بصحتك

تكلم وهو كاايدوق : الله يعطيك الصحة كيف ديما هي هاديك

عزيزة: بالصحة والراحة

بدات حتا هي الماكلة وبنص عين حاضياه باغة دوي ومترددة .. ضرب النص فالگصعة عاد حطات معلقتها وقالت ببحة خفيفة ولطيفة

عزيزة: أنور "رد بهمهمة وكملات" كنت باغة ندوي معاك فواحد الموضوع

غمزها وفمو عامر: اش تما

ردت: حتا تاكل ماعليش

أنور: غير هضري ياك لاباس

عزيزة: لا لاباس..غير ، لالة نسيمة كيفما نتا عارف عندها باتيسري ديالها وغير نسائية.. يعني فيها غير العيالات

رد: اها

عزيزة: و و قالت ليا بغاتني نخدم معاها فيها

جمع حجبانو وقال متفاجأ: تخدمي؟


ردت وهي تاترمش فيه بتردد خايفة من الرفض: آه الى بغيتي

زاد خنزر وحفظ صوتو اكتر: وعلاش تخدمي.. مخصصك من شي حاجة انا ؟

عزيزة: لا حاشا ماشي هاكدا قصدت.. غير

أنور: غير اش

ميلات وجهها بحزن قائلة: كانقنط بوحدي فالدار و وباغا فاش نتلاها شوية.. لالة نسيمة راه بحال ختي غادة غير نعاونها وندوز الوقت معاها

رد بجدية: غاديري تمارة لراسك على والو دابة يولي عندك باش تلاهاي

عزيزة: شنو هو؟

بسم: شي فنكوش ولا فنكوشة بحالك

بسمات بدورها وقالت: إن شاء الله.. ولكن من هنا حتال لتما خليني نبقت نمشي نعاونها واخا غير سويعات قلال فالنهار.. وكانواعدك غانكون فالدار قبل حتا ماترجع

تنهد مامرتاحش للفكرة وقال: وشكون غايبقا يديك ويجيبك كل مرة؟

عزيزة: نجي فطاكسي

رد: غايبقا بالي مشغول معاك.. وفهاد الوقت مابقات تقة لافرجال لافعياالات اللهم الواحد يتركن باش يرتاح

سرطاات الغصة لحلقها وحركاات راسها حابسة الدموع من عينيها: واخا ..انا غانجمع هادشي

ناضت بسرعة هازة الگصعة للكوزينة وبقا فيها الحال حيت رفض.. بداات تغسلهاا وحابسة دموعها غير بزز حتا وقف حداها مغوبش وحاط ايدو على البوطاجي مميل فيها راسو وخاطرو ضارو

أنور: تقلقتي؟

ردت بحرقة: لا

تنهد من اعمااقو وقال: على مصلاحتك دااوي.. نتي راه ماتاشوفيش قوة المصائب لي تادوز على راسي كل نهاار واخا تكوني ساادة عليك بابك تايبقا بالي مشغول معااك عاسااك ونتي فبلاصة خرا

عزيزة: فهمت.. صافي ماديرش فبالك

أنور: تأ.. واش دابة موضوع بحال هادا غايبرزطك ؟

شاغت فيه برجاء وبعينيها تاطلبو: واخا خليني غير نجرب بعدااا.. غير يامات قلاال وشوف ديك الساعة واش تصلاح ليا ولا لا

تنهد مرة أخرى واصرارها كايضعفو حتا قال فوق النفس: هادشي مابانش ليا فيه.. ولكن غاندير بخاطرك غير هو نهار تحملي بركي فداارك الخدمة ممنوع

عزيزة: ههههه بصح

غسلات ايديها وعنقااتو فرحاانة كاضحك وتردد: شكرا بزااف

أنور: وراه الى ماعجباتنيش ولا شفتك تااتجي عياانة غانبركك ..هضرة وحدة مانعاودوهاش

حركات راسها بسرعة: كون هااني هههه


انور: كاتقلبي على تامارة وخلاص

ردت بصوتها الرقيق بلطافة: ماشي هاكااك.. انا ولالة نسيمة من ديما كان حلمنا هو يكون عندنا شي باتيسري زوينة وكبيرة.. هاداا علاش ماكرهتش غير ايمتاا نبدا معاها فالخدمة

انور: المهم ..السيدة دابة راها مسافرة حتا ترجع ورصي معاها الأمور، كوني مرا وديري حدود مع بنادم.. راني تايق فيك

عزيزة: كون هاني والله ماتخاف

رد مشوش عليها: الى ماخفت على التبويقة ديالي علامن غانخاف

عنقاتو مرة اخرى حتا تبسم وعلى خدها باسها
عزيزة: الله يخليك ليا

أنور: اميين ..تهلاي دابة غادي، نتشاوفو العشية

تبعاتو للباب: واخا بسلامة عليك

غسل ايديه وهز الجاكيط ديالو وخرج ..طارت لتليفونها نيشان تادوز نمرة نسيمة وفمها تاياكلها باغة غير ايمتااا تزف ليها الخبر الساار .. لقات تليفونهاا طافي عاودات مرة أخرى ونفس الشيء استغربات شوية لكن حطاتو بيما شعلاتو عاد تعاود تصوني عليهاا وكملات جميع الطبلة ...

....

ادن أدان المغرب مع وصول محمد لباب الاوطيل.. نزل فاتح صدايف الشوميز طاووي الكمام وتايتنهد بعيااء
..خدا كارط الشومبر وطلع كايجبد عنقووو مع فتح الباب طلع حااجب وفيها هبط العين وطلع..
منورة قدامو بكسيوة طوييلة فاللون الابيض بسميطات رقاق وشعرها طالقاه ..تبسم ودخل عاد غايدوي هو يشوف قوة البالونات ملونين فالبيت على السرير وفالأرض وطبلة الاكل مزوقة بشموع معطرة مع طارطة بالشكلاط.. ضحك حتا نعسو عينيها وعندها قرب عاجبو الحااال وعلى شفايفها طبع قبلة حلوة خلاتها تزيد تبسم

سي محمد: اش هاد المفاجأة ههه

نسيمة: عجباتك؟

رجع بااسها وزيرها بالجهد خاشيها فضلوعو: تانموت عليك

نسيمة: هههه تعاالا زيد

خداتو للطبلة لكن باش ياكل من الطرطة أو فقط يدوق منها ماقدرش وقال بأسف: مافياش احبيبتي والله ..باغي غير نرتاح شوية باش فالليل نخرجو على راحتناا

ردت تاتغبن: وانا لمن جبتهااا ياك

دار ليها خاطرها وكلا قطعة صغيرة: هاناا ..كون كانت من تحت ايديك نسرطها كاملة

نسيمة: ماعليش ههه هاك حل هادي

خدا منها علبة مستطيلة خشبية.. شاف فيها متبسم والتغوبيشة بين عينيه كايفتح العلبة ويقول

سي محمد: ماتقوليش ليا كادو

نسيمة: واحسن كادو جاك فحياتك ههه

طلع حاجب وفتحو: اهااا


سكتات متحمسة لردة فعلو وبزز باش حابسة الضحكة.. فتح ورقة التحاليل مستغرب بدا فيها يقرا كلمة بكلمة وملامحو تتغير.. هز فيها راسو مصدوم شد فوجهها بيد موسع عينيه وقاال مامصدقس

سي محمد: حااملة !!!!؟؟؟؟

ردت كااضحك والدموع ترققو فعينيها: ههههه آه هههههه حاملة حاااملة هههه

تخلطات ليه الضحكة مع الصدمة حتا حماارو عينيه وقال بلسان كاايرجف: غانوبي اب ..غايولي عندي ولدي ولاااا بنتي منك

نسيمة: آه اعمري اااه ههههه

عنقااتو بسعاادة ودموعها ناازلين زيرها بالجهد وغوت بحر جهدوو حتااا سالت دمعة طوييلة من عينووو وقلبو غاايخرج من قوة الفرحة

سي محمد: غااانولي اب ..نسيييمة غااايتزاااد عندي ولد.. طرف مني انسيييمة وغااانشووفوو كل نهاااار وهو تايكبر فكرشك حتااال النهااار لي غاايتولد فييه ههههه

نسيمة: هههههه إن شاء الله ياااربي

طلق منها بسرعة وتحنااا رااكع ودمووعو داايزييين تايضحك: حمدتك ياربي وشكرتك..حمدتك ياربي وشكرتك هههه الحمد لله الحمد لله

تحناات لعندو حاطة ايدهاا على كتفو وتاتمسح وجهها.. توقعات فرحتو تكون كبيرة بالحمل لكن بهاد اللهفة ماتصوراتهاش

نسيمة: ربي شااف من حاالنا ورزقناا بيه امحمد ..

سي محمد: الحمد لله "حط جبهتو على جبهتها كاايضحك وقاال" تانبغييك بزااف.. بزااف

نسيمة: حتا انااا.. مااتبكيش احيااتي

رد وهي تاتمسح عينيه من الدموع: فرحان كترمااا تصوري.. نتوما لي عندي اعمري.. نتي وبنتي ومي.. دابة غاايزااد عندناا فرد جدييد ..طرف مني انسيييمة هههه ولدي

ردت كااضحك: نسخة صغيرة منك فكلشي هههه

رد بلهفة: بصح

نسيمة: هههههه ويلى كاان بنت

سي محمد: المهم منك ومني وااخا حاااسو ولد هههه ولكن لي كتبهاا ربي هي لي تكون

نسيمة: هههههه

عنقهاا بالجهد وبعمق باااس جبهتها وقال برضى ورااحة نفسية رهيبة: لهلااا يخطييك عليااا هههه مشهية شي حااجة.؟؟.. نتوما فهاد الفترة تاتشهااو يااكمااا باغة شي حاجة نجيبها ليك

ردت هازة كتف: هاد الساعة وااالو باراكة عليااا غير نشوفك فرحاان

سي محمد: نوضي نخرجوو غانديير فيك شي مصييبة الى بقييت هاكاااا كانترعد ههه

قرباات جيهتو كتر وهو بعد لايتهور: وداكشي عاادي يمكن راه تايقولو بلي تايسهل الولادة

سي محمد: خلي حتا نتأكدو من الطبييبة عاااد نفدي فيك كلللشي هههه ..نوضي


وقفهاا من الأرض وماقدرش يقااوم قبلة عمييقة من شفايفها اولااا قبلمااا يبعد بسرعة كاايضحك وهي كدالك حلات السااك هزات مونطو طويل فالبيج لبساااتو فوق الكسوة وخداا ايدها خاارجين من الاوطيل على رجليهم كل مرة يبوس كف ايدهاا وفيها يتغزل ماعرف فين يحطها ولا لمن يعطي فرحتوو وقلبوو كايجري باحسااس جديد سراا ليه مع العروق


تساراا بيها بين شوارع فاس وعلى أي أكلة حطاات صبعها يشري .. گلية ولا صوفة ولا طاي بوهااري لي عجباتها تاخدها وباغة غير تمشاا وتشم الهواء النقي حدااه..
عجبها الدللع لي محسسها بيه بتصرفاتو واخا هو شخصيتو حنينة تايدير الخاطر ويراعي بلا قياس لكن معاها فوت لادوز وزاد كمل لي خاص دابة فاش عرفها حاملة يدور يدور وينطق بخوف

سي محمد: عنداك يكون فيك البرد.. باغة تشربي؟؟ مشهية تاكلي شي حاجة.. ناخد ليك هادي.. باغة تمشي هناا ولا لهيه

الاهتماام فكل نقطة وهي لقات علامن تحط الراس وتفشش..
بركات على أهم الكراسي فالطروطواار حط ليها الصوفة دياالهاا وهز تليفوونو يجاوب على بعض الاتصالات غير حداها ومراقبها بنص عين.. استغلاات الفرصة وجبدات تليفونها شعلااتو ولقات عدة مكالمات فايتينها من الپاتيسري وعزيزة.. سبقات عزيزة اولا وعالقرص جااوباتها كاضحك

عزيزة: الو

نسيمة: الزين .. سمحي ليا كنت طافيااه فالصباح ونسييت مانشعلو

ردت بتفهم: ماشي مشكيل الالة.. كيف دوزتي نهارك؟

نسيمة: عااادي ..ههه عندي ليك خبار غاتفرحك

قالت وهي كاضحك بسعاادة وحمااس: حتا انا

نسيمة: الله يسمعنا خير

عزيزة: بداي نتي بعداا

نسيمة: نتي اللولة غاسيري

عزيزة: سي أنور وافق نخدم معااك ههههه

طلعات حواجبها وضحكات: بصح.. اييوا هادي خبار ززينة ههه كيف نرجع لكازا ومرحبااا بيك فمحاالك

عزيزة: ربي يخليك الالة ..نتي شمن خبار عندك؟

طلعاات النفس وقاالت عاضة شفايفها بفرحة عارمة: انا حاملة

وسعات عينيها: حااملة.. بصح بصح

نسيمة: ااه هههه

هزات رااسها تاتزغرت من الفرحة ونسيمة تاضحك على ردة فعلها تحت مراقبة سي محمد ليها

عزيزة : هههه غانوللي خاالة الالة يااك

نسيمة: احلى خااالة فالدنياا هههه

عزيزة: فرحت ليك بزااف الله يتبت حملك على خير ويترباا فعزكم نتي وسيدي محمد ياربي

نسيمة: امييين ياربي ..العقبة ليك احبيبتي

تنهدات مبتاسمة بحب: اللهم اميين

نسيمة: نخليك داابة ..ملي نجي لكاازااا ندوز عليك ومن تما نمشيو للباتيسري تشوفي الخدمة كيف دايرة ونيت نتحتتو على گاع هادشي


عزيزة: وااخا الالة ..خليت لك الرااحة ردي البال لراسك


ردت: كوني هاانية


قطعات رداتو لجيبها وبدات من الحليوات لي شرات تاتاكل حتا حسات بشي حد جنبها جلس..حولات ليه الشوفة ولقاتها مرا كبيرة فالعمر بعكازها وجلابة نقية وأنيقة مع زيف متلت معقود على الراس ومغطي شوية من شيباتها..

حسات كأنه هاد الوجه ماخافيش عليها رغم أنها ماعرفاتهااش لكن المرا بقات فوجهها كاتبسم وبصوت فاسي رقيق قالت: مادوقينيشي شويوش من هاد الحليوات الحليوة

بابتسامة مأدبة مدات ليهاا منهم وقالت: هاكي .. ا حاسا بحالا تانعرفك فشي بلاصة لا

ضحكات المرا ببشاشة حتا عينيها تكمشو وقالت: هههه ايوا شوف وكاان

ردت بحيرة وتاتحاول تتدكر فين شافتها: والله ماعرفت.. ولكن وجهك ماخافيش علياا

ردت: تااياانا ألبي هايداا محسسني سبحاان الله ..عطيني كفك عطيني

نسيمة: علاش؟؟

ردت: نعاود نقراا لك مكتابك اش تايأوول

وسعات عينيها بتدكر: ااه هههه صافي عاااد تفكرت .. نتي هي الشريفة لي كنت تلاقيتها فالكار شحال هادي ياااك ؟

ضحكات مرة أخرى وقالت: هي اناااا ماعندي مانتساالك هههه

نسيمة: ههه وسميتك نسيمة بحالي

ردت: اييه وكان معاك واحد خاك باقي ستيتوو اسمو عمر ..ياك

نسيمة: آه .. دابة راه عايش مع واليدياا بزوج انا جيت مع راجلي هناا

ردت: تباتاارك الله ..ايوا مبرووك عليك الحماالة هههه

حطات يدها على بطنهاا بسعاادة وقالت: كيفاش عرفتيها ديك المرة؟

ردت: ربي ورااهالي وسبحاان الله انا هايدااا عااملة

نسيمة: الله يبارك فيك ههه

المرا: اري اري ديك اليد نشووف لك الزمان ياابنيتي اش بائي مخبي لك

شافت بسرعة وراها ياكمااا محمد حاضيهم لكن لقااتو منشااغل بالكلام وتايحك حاجبو بتركييز

نسيمة: واخا هاكي ولكن بالزربة قبل ماايجي راجلي

ردت: ديري النية وهاتيهاا لياا ... يابسم الله ..

قوصات حجاابنها تاتقرا الخطوط بصبع ايدها التانية ونسيمة تاترمش مرة فيها مرة فايدها حتا دخلات ليها الشك

نسيمة: شنوو.. كااينة شي حاجة ماشي هي هاديك؟

تنهداات وشافت فيها: وااشمااشا نقولك ابنتي ...

سي محمد: السلام عليكم "طلعو فيه الشوفة بزوج نسيمة خطفات ايدها بسرعة وهو بجدية نطق

سي محمد: اش واقع هنا

نسيمة: و والو

نطقات المرا كاتوزنو بعينيها: تينا هو محمد ههه تبارك الله حجااب الله رااجلك مزييون ابنيتي

نسيمة: ربي يخليك

رد: الله يكبر بيك الشريفة "شاف فنسيمة وقال" واش تاتعرفيها

ردت بتوتر: لا لا غير بركات حدايا وخلاص

المرا: ايوا هاتي نقراا ليكم بزوج ماحدكم هناا

طلع حااجب وعطاها ودنو: اش غاتقراي؟

ردت: الكف ..نشوف ليكم المكتاب اش مخبي

طول فيها الشوفة حتا طول وضار لنسيمة خنزر وقال بكلام واحد ماوراه هضرة: نوضي فحاالك

نسيمة: و ولكن

رد: نوضي

المرا: اويلي شعندااك تعصبتي يااوليدي

سي محمد: الله يعفوو .. نوضي نتي


هزات سااكها وتبعااتو تاتنففخ وهو مخنزر بانزعااج

نسيمة: حشومة علييك امحمد حشمتيني مع السيدة

رد: من جد عقلك بااغا تعطيهاا تقراا لك الفاال.. مافراسكش بلي حراام

قلبات عينيها تاترمش: و وانا غير غانجرب نيتي صافية

سي محمد: آه باينة.. زيدي قدامي

نفخاات من نيفها مقلقة وللاوطيل رجعو تايتناگرو طوول الطريق حتا دخلو للشومبر ..زدحات باب الحماام فوجهو حتا خنزر ونوااا يسعمهاا خل ودنيهااا لكن فآخر لحظة جمع فمو وزير على سناانو كايبررد السوق

..بدل حواايجو وتسناها حتاا خرجات لاابسة بينواار الحماام عاد هو دخل يغسل وجهو وسنانو، تخشاات ناعسة بلاصتهااا عاقداهم والفضول بغاا يااكلها تموت وتعرف شنو كانت بااغة تقول ولي زاد فقصهاا هي الطريقة بااش نوضها من تماا
..سداات عينيها ملي خرج حساات بيه حدااها تكااا شوية حتااا عليها لسق وبزز منهاا عنقهاا مزيرهاا لعندوو وعلى ريحتو الخانزة ترخات ونعساات


...........................


انتشر خبر الحمل بين العائلات بزوج عمت الفرحة والبهجة فالأجواء وفالفيلا فرحو بيها من اولماا وصلوو .. دموع الغالية ساالو حورية غير تاتزغرت وعبد الله يطلعها بالرضا وينزلها بيه هزووها على كفوف الرااحة ولأن الحمل فبدايتو وشوية حساس قرر سي محمد أنها تحبس من الخدمة وتشد الركنة بزز واخا عيات فيه طلب وترغب ينفد لي بغاات وحبات خاطرها قبل حتاا ماتكملها على فمها تلقااها حداهاا على طبق من ذهب الا قضية الخدمة وانهااا تحرك بزااف وتكتر الوقوف مااعليهاا نقاش
اضطراات تفكر فالبديل وبهاكداا استعانت بعزيزة لي كانت ونعم السند.. راسها خفيف ودكي رغم سداجتها احياانا و واخا الضرافات واللطافة الزائدة قدرات دير بلاصتهاا بين البناات ولي نصحاتها بيهااا نسيمة تاتنفد فالحين مهنيااها من جهة الخدمة ومرة مرة تجي عندهاا طل ويبركو بالسواايع على الهضرة وتقرقيب النااب

..تجبداات الأيام لأسابيع والأسابيع لشهوور بحلوها ومرهاا .. الكريشة تاتنفخ والهم معاها كايتزااد حتااا وصلو لأول أيام رمضان المباارك وهي فالشهر الساابع.. كرشهاا لفمهاا واصلة مسرحة فباانيو ديال المااا فاسترخاء تااع والرغوة سايحة على الجنااب
..الحناك تنفخو وتوردوو بسخونية الحمام الرجيلات طبزوو وحماارو گداامهم وزادو حمقوو مولاهم الصدر وقف و خرج وتمانياتون زاادت للعين عطاات من غير تنويرة الوجه ونعومة الابتساامة كلما فكريشتها شافت ..اييه الحمل والفشووش معاامن جاا يالالة
..صوناا التليفون فطبيلة الزاج حدااهاا تلفتات ليه و هزاتو تاتشووف شكون هي تجاوب فالحين


نسيمة: الو

سي محمد: السلام.. كي بقيتي

ناضت من البانيو عاصة على فمها بشوية تاتسند بجناابو وجسدها بالماا داايز: الحمد لله "هزات فووطة بيد تاتمسح ودوي فنفس الوقت" ترخيت شوية دابة فاش دوشت

رد بجدية: لبسي عليك مزياان ودخلي ترتاحي.. انا جاي فالطريق وغاندوز على السوق.. خاصاكم شي حاجة؟

ردت: تقدية رمضان مازال محطوطة وماخاص منها والو

سي محمد: ونتي ؟ مشهية شي حاجة نجيبها لك معاياا

بسمات: هاد الساعة لااا احبيبي الله يجيبك على خير

سي محمد: امين ..شوية ونكون فالداار

نسيمة: الله يعاون

سي محمد: ارتاحي هاني كانوصي ونعاود

ضحكات قبلما تقطع ونشفات داتها و شعرها مزياان بالسشوار.. لبساات ملابس قطنية سخاان وصابو طبي فرجليهاا قبلما من البيت تخرج ولعندهم نااززلة و تاتسمع صداع الدراري الصغار فزربية الصالون باركين ..

الآداب والهدوء والرزانة فالحديث والتصرفات من نصيب عمر ..شاد جلسة وحدة بابتسامة خفيفة تايعلي عينو لنسومة ويعاود ينزلها لورقتو فين تايخطط فحين هي تاتلعب مع رضيع فالاشهر الاولى وضحك فرحانة بييه حتا وقفات عليهم نييمة ونزلات عندو تهزوو

نسيمة: اححح الله اجي اميدو ااجي ههه ماما فين هي؟

ردت عليها نسومة: عند ميمة فالكوزينة تايديرو الفطوور.. فراسك انا صايمة

نسيمة: مزيااان تيقتك ههه حااميدو ..توحشتي ختك يااك الفنيون

نسووم: ههه غايعاود ينتفك الى عنقتيه بزااف

ردت وهي كاضحك معاه: لا لا ماغاينتفش ختوو ..ياك البوگووص يااك

بركات على السداري حدااهم ولعندها ناض عمر تايرمش بالتقالة فالورقة البيضاء لي هاز وبنبرة تابتة نطق

عمر: شوفي هادي

خداهاا منو بابتساامة تاتمعن قوة الارقاام والمعادلات الصعبة لي حلها.. رمشاات فيهم مزياان وبدون جدوى ماقشعات تاوزة ومع دالك ضحكاات مشجعااه وقالت

نسيمة: براافووو.. تبارك الله عليك ههه .. سير احبيبي علم هاديك شوية رااه عييت معاها تشد ليا الحساب ووالو

ضارت ليها نسومة بسرعة: انا امامي

نسيمة: خليه يوريك امامي

عمر: بصح نوريها انا؟

ردت: معلووم الدكي ديال العائلة

هبط عينيه ببطئ لكرشها وقال: الكريشة كبرات

تلقائيا حطات عليها ايدها كاضحك قبلما تجاوبو: آه شفتي قداش ولاات


عمر: غايولي حتا هو خويا !

ردت: لا غاتولي نتاا خالو

عمر: ولكن قد خويا أحمد بيناتهم اشهر قليلة

ضحكات كادوز ايدها على شعرو: واخا هاكاك حيت ولد ختك راه نتاا خالو

عمر: فهمت

نسيمة: هههه متحمس تشوفوو يااك

ضارت لعندهم نسومة بانزعاج: واماتبقااوش دويو عليه بحالا ولد راه بنت اماامي

ردت نسيمة وبالهداوة حاولات تفهمها: راه دوينا فهاد الموضوع احبيبتي ربي بغا يكون عندك خووك ماشي ختك

نسومة: واااناا بغييت بنت اوووف وحتااا الطبيب قلت لييه شنوو بغييت

تكلم عمر وسط حديتهم موجه كلامو الجدي لنسيمة ختو: بصح.. كون غير كانت بنت حسن

نسيمة: حتاا نتااا باغي بنت

رد بتبات: باغي نكون غير انا خوها بوحدي

نسوومة: شوفي حتا عمر بغاا بنت وعافاك امامي عافاك

ضحكات مالاقية ماتقوول مازاال: وااخا يكون خير إن شاء الله

نسوومة: اوووف

عمر: نقدرو نخدمو بالبيسي

نسيمة: خودو رااحتكم احبيبي..غانهز معايا أحمد باش مااايصدعكمش حاول تخدم معاها حتا الحروف

حرك راسو مبسم قليلا: واخا


لعبات فشعرو وخرجاات فاتجاه للكوزينة منين خارجة الروائح الزكية ..جراات كرسي تبرك وقالت تاتشمشم وترمي العين للشهيوات

نسيمة: ايوا الحادگاات.. اش تماا

ردت الغالية ببشااشة كاضحك: موجود الخيير

حورية كيف شاافتها هازة احمد ولدهااا كحلات بالعما وقالت مخرجة عينيها: يااتي حطييه حطييه انااري دااابة يعاااود يقمشك

نفخاات بعناد: وازدتو فيه اماامااا افف

حورية: راجلك راه غااتاايحشم مني أما يضوور فيااا نيشاان لاااعاود شافني عطيتو لك تهزيه

قلبات عينيها بانزعاج: هاداك كون لقا يسد علياا يديرهاا.. خدمتي هي اللخرة وفرطت فييها بااقة هنا حرقتها

ردت الغالية وهي فالمسمن تاتقاد: خايف عليك ابنتي بالسيف

نسيمة: قولي خايف على ولدو امي الغالية

حورية: ايوا و ولدو شكون هازاه معزة؟

الغالية: هههه فرحة الولد اللول هي هااادي ماعلك غير بالصبر

تنهدات قائلة: هو لي مسلكني هاد الساعة الصبر وخلاص ..اش وجدتو تماا..


الغالية: كلشي واجد خليناا الحريرة عااد
كاطييب ..غاتوجد مع الفطور نيشااان

نسيمة: مممم ريحتها بدات تعطي

سمعو سيارة سي محمد عند الڤيلا فرانات هي طير ليها حورية الولد من يدهاا

حورية: اري لهناا متاتسمعيش

ردت منزااعجة منها: واغابشوية اناري.. العصبية اللي ولات فيك عمري شفتها الاطيف

حنحن اولا عاد دخل متقل بالتقدية وقال بوقار واحترام: السلام عليكم

ردو عليه والغالية مسحات ايدها تاتشوف شنو جاب: محنتي راسك اولدي كلشي كاين

سي محمد: زدت مازال شوية الحو و السقاطة للولاد

حوية: الله يخلف عليك اولدي هههه

رد: اللهم آمين ..الله يعاونكم

معنا لنسيمة تبعو وداكشي لي دارت تسناا حتا خرجات من الكوزينة عاد شد فيدها مساعدها ولبيتهم طالعين

نسيمة: على سلامتك.. كي كانت الخدمة

قال وهو راد مع خطاويها البال: الحمد لله.. ضرااتك كرشك تاني اليوم؟

ردت: آه جاني شوية حرييق مغصني.. ماجيت فين نتحرك حتا غبر تااني

ضحك بجنب فمو وحل ليها باب البيت:: ولدي عزيز عليه يلعب مع مااماه مرة مرة

نسيمة: لعبو خايب لاكان غير هاكاا

تحناا لكرشهاا باسها فوق الحوايج ورجع على راسها بااس بحنية: لهلا يحرمني منكم

نسيمة: هههه أمين.. اففف نسيت مازال ماصليت العصر

طلع فيها حاجب: تاني

ردت بأسف: مشااا من بالي والله

تنهد وقال: ماعليش بداي داابة ماحدك مفكرة

نسيمة: مد ليا الإسدال ديالي.. اجي دويتي مع صاحبك غايجيو للفطور ياك؟

عطااه ليها من البلاكار وبهدوء قال: الى قدر آه.. الى لا غايجيب غير صاحبتك ويرجع هو يكمل شي خدمة ضرورية مازال تابعاه

نسيمة: الله يصاوب

رد: آمين على الجميع

فرشات الصلااية وراما لبساات إسدال الصلاة وهو بدل حواايحو وهز القرآن الكريم جلس كايقراا منو بتأني بيماا ادن المغرب لكن تفتح باب الغرفة ودخلات عندو نسومة تاتجري تلقا ليها بعنااق حاار وحط المصحف على جنب

سي محمد: اووووه اميرتي جاات تشوفني

نسومة: ههههه ماجيتيش عندي علاااش

رد،ة كنت تانقرا المصحف شوية اباباا ..توحشتيني

ردت: آه بزااااف "بركهاا فحظنوو ولاحظات نسيمة تاتصلي هي تقول بقلق" ياكماا غاتقصح كريشتها

رد بهدوء مبتااسم بحناان: لا ابنتي، الصلاة رياضة وعبادة فنفس الوقت .. عمرها كانت ادية

نسومة: ولكن كاتحناا

سي محمد: واخا هااكاك مفيدة ليها باش تولد دغياا خوك

جمعاات حجبانها بسرعة وانزعااج: وابااباا انا بغيت بنت

رد: ماشي حنا لي كانقررو.. وزايدون ربي بغا. يكون عندك خوك وتكوني نتي الكبيرة باش ديما تردي ليه الباال بحالنااا


جاوبااتو باحباط: ولكن الى كانت بنت غادة تبقاا تلعب معايا بليپوسيط ديالي وتنعس حداياا

بتااسم بحنية تايسهل معاها الكلام: دابة صافي مايمكنش هاد الأمر يتغير.. ولكن الى كنتي مصرة دعي لله وطلبيه باش مرة أخرى يرزقنا ببنت

وسعات عيونها: بصح.. وغايبغي

سي محمد: معلوم ..الى كان قلبك صادق فاالدعاء ديالك غايوصلو بالزربة وغايبغي ..ولكن الى ماكانش فيها خير فالا ..يمكن باغيك تبقاي نتي الأميرة الوحيدة دياالنا

ضحكاات بليوونة وقالت: ههههه واخا هاكاك غانطلبو ونشوف

باس جبيينها بحنية: الله يرضي عليك ..يالله احبيبتي نزلي جمعي ادواتك وغسلي ايديك رتمابقا والو ويأدن

بانصياع قالت: واخا ابابا.. نتا ماغاتجيش تفطر

رد: حتاا تسالي مامي الصلاة

باستو: واخا ..ماتعطلوش

خرجاات تاتجري وهو جلس تايتسنا نسيمة حتاا سالات صلاتها على خاطرها ووقفات تاطوي فالسجادة عاد وقف وقال

سي محمد: الله يقبل

ردت: اميين ..عييت ياربي تسمح لياا

رد: فيها خير.. خليك بالاسدال ديالك

خسرات وجهها بانزعاج: ولكن صهدت

سي محمد: لتحت باارد ..وهاكدااا حسن من داك التزياار والسيد لتحت

وسعات عينيها: جااو

حرك راسو: جااو يالله زيدي

نفحات بلاما تزيد دوي وللأسفل نزل ونزلها معااه ..لقات عزيزة على طبلة الفطور معااهم بااركة بعباية بييج موضيغن وزيف ملفوف بطريقة تركية أنيقة مع بالغين فلون الفولار ..شافتها من الدروج ناازلة هي تنوض كااضحك وعيونها تاتلمع بفرح كحال نسيمة

نسيمة: ههه على السلامة

عنقااتها وقالت: الله يسلمك الاالة ..كيف بقيتي شووية؟

ردت: الحمد لله احبيبتي .. ونتي اش خبارك

عزيزة بالصحة: ولله الحمد كلشي بيخير


سلم عليهاا سي محمد وهو حادر عينيه والجدية فصوتو: ختي عزيزة ..شنو خبارك

ردت بحياء: الحمد لله اسيدي ونتا كيف غادي مع المشاغل

رد: ولله الحمد ..نخليكم

توجه عند أنور لي مع الغالية وااقف كاايضحك ونسيمة قالت

نسيمة: غير الله يسمح ليا منك زيرتك هااد الشهورة فالخدمة ههه

ردت متبسمة برقة: لا لا بالعكس الالة نتي غير تهناي ونعسي على جنب الراحة انا لي علياا غاندير وكتر

طبطباات على ايدها قائلة بصدق: عاارفة وتيقتي فيك كبييرة ماليها حد.. لهلا يخطيك علياا وخلاص

ضحكاات: امين وحتا نتي

أدن أدان المغرب وهوما جنب الدروج واقفين.. دخلو الرجال يصليو وهوما توجهو للطبلة فين باركة الغالية وحورية كل وحدة شداات بلاصتها تايتسناوهم يساليوو الصلاة عاد يبداو الفطور

عزيزة: واش سي عبد الجليل ومراتو ماغايفطروش معاكم

ردت الغالية باستهزاء موجع: فين هو عبد الجليل ابنتي... راااه سافر يدوز رمضان مع مراتو التانية وولادو لخرين..و فيروز ملي عرفات جرات ولدها ومشات حتا هي دوز رمضان مع عائلتهاا

حورية: لفعة امي الغالية ديك عروستك حگل راجلهاا قلب عليهاا وجهو

ردت نسيمة بهدوء: حسن نيت ملي مشات.. كون دوزاتو هناا غااتبقاا غير تفقصك بكلاامهاا

الغالية. تنهداات قائلة: الصبر ابنتي.. الله يصاوب الأمور

نسيمة: اميين ..اححح ااااربي

عصرات عينيها من الوجع لي شدهاا تحت كرشهااا خلاتهم عليها يتخلعو ويعطيوهاا بسرعة تشرب

حورية: بشوية عليك ابنتي تنفسي تنفسي

الغالية: يااكمااا نعيط لمحمد

ردت تاتحرك رااسها وبداا الحال. يفوتها: صافي بلاما تخلعوو راني شوية دابة

تكلماات عزيزة بقلق شديد: واش تاتوجعي بزااف

ردت: لا غير كل شوية ضروري نتقبط وزادوني حتا رجلياا بالحريق

الغالية: حيت ابنتي رجليك صغاار ونتي طوييلة مايصلااحش ليك الغلض وكايمحنوك فالمشي

نسيمة: الصبر ..اففف

عزيزة: واخا هاكاك قريت بلي خاصك تكتري من المشي باش الولادة تسهاال رااه هاد الخمول ماصالحش ليك الالة

حورية: هااالي قلت ولكن شكون يسمع

نسيمة: قوليها لنسييبك أما الطبيبة عيات تنصح و تنبه .. سااعة الخلعة لي تاتشدو باف تايشوفني غير واقفة عمري شفتهاا

الغالية: ومازال ابنتي ماقلتي ليه بداكشي لي قالت ليك الطبيبة

ردت بنفي: لا وماغانقولش

عزيزة: واش على الولادة؟

نسمة؛ آه ..قالت ليا بلي كاين احتمال كبير نولد على سبع شهور


عزيزة: وعلاش ماقلتيهاش ليه الالة

طلعات حاجب: من نيتك هو بلاا والو مخلوع عااد لاعرف بلي هادا شهري غايتسطاا ويدير ليااا اعتكاف فوق النموسيية مانتحرك مانتململ

الغالية: ههههه الخلعة لي تركباات فيه ابنتي عمري شفتو فيهاا تاملي كان يدوز فالباك

حورية: تي راه الولاد صعب من البااك وعاد الولادة اللولة مامولفش هو هادشي

نسيمة: هههه العقبة ليك اعزييزة

ردت بابتسامة: ياربي أمين ويفرح كل مشتااق

الغالية: اميين ابنتي اللهم يرزقكم كاملين الدرية الصاالحة باش تعمرو عليااا الداار ههه

نسيمة: ششش هاهووماا جايين

برك كل وااحد فمكاانوو وراماا ساالاو الصلاة ومعاهم عبد الله لي عاااد جا.. سلم على الجميع ونسيمة شافت فمحمد و قالت بتساؤل

نسيمة: نسومة ماجاتش معاك؟

رد: بغات تاكل مع عمر

ردت: ايوا صافي المهم ماتبقاش بلاش

حنحن ببحة خفيفة وقاال: بسم الله

.......


فطروو وكلها من بلاصتو نااض ..الرجال للجردة خرجوو كايدويو ويتبردو بالهوا العليل حطو ليهم القهوة مع مملحات خفيفة ورجعو يجمعو روينة الفطور رافضين أن نسيمة تعاونهم ولو غير تهز كااس تفاديا للصداعات مع سي محمد الى مشاا حتاا شافهاا.. سالاو ونقااو الدنيا مع أدان العشاء وتماا كلشي فالصالون تجمع لأداء صلاة جمااعية إمامها هو سي عبد الله
..زادو التراااويح نسيمة صلاة فيهم لي قداات عليه وبركاات ترتااح وتنهج وكل مرة تعصر فخااطرهاااا بسبب الوجع لكن ماباغة تخلع حد أو تزيد تشوشم ..سالاو وخرجو مخخليينهم فالصالون بااركات على الهضرة ..عزيزة حداا نسيمة لسقاات وحورية ناضت توجد السحور مع الغالية وعلى حت حت حت بقاااو حتا ضربات الطنااش ونااضو كلهاا لبيتوو سد عليه يرتااح ورا نهار متعب

عزيزة: واش خاصك ضروري تمشي

باس رااسها وهز الجاكيط كايلبسها: الصبر هادي الخدمة.. تبغي نحطك فالداار ولا تبقاي هنا

ردت بحزن وعلى السرير باركة ببيجامة مستورة جابتها معاها: ماعليش انا نتسناك هنااياا

برك بااس ايديهاا ونطق بصووت خفييف وعيان كايشرح ليها لي كاين: نتي عارفة الخدمة كي داايرة.. ماعندها وقت وراك عارفة بزز باش منكت هاد النهاار غير باش ندير لك خاطرك

ردت حانية عينيها: عارفة ..غير كانتوحشك بزاف

ضحك وطل عليها مميل راسو: بزااف ولا غير شوية

عنقااتو حتا ضحك ووقفهاا معااه عاصرها عندوو وقال كايتنهد: على هاد التعنييقة ماغااديش گااع انااا

عزيزة: هههه و فاش يجريو عليك قول أنا السبب

أنور: واراه نتي السبب علاه نكدب

عزيزة: صافي غير سير.. ولكن حاول تجي شوية بكري غير للسحور بعداا

باس على رااسها ورد: وااخا العمر.. تهلاي

عزيزة: الله يعاونك


خرج وهي تنهداات بقلة حيلة.. ماعندها حل من غير الصبر حتا يدير الله تأويل الخيير.. تخشات ففراشها وشعلات التلفزة لي عندها فالبيت تاتلف بيها الوقت بيماا جاها شوية النعااس


فالسقيل والهدوء غرق سي محمد بنوم عمييق ورا وجبة الفطور وصلاة العشاء والتراويح .. تشعل ضوء الغرفة من طرف نسيمة لي جنبو متكية بركاات عرقاانة تاترعد وبتردد حيداات الغطاا.. كيفماا توقعات وقع.. السقية طرطقاات والولادة هي هادي وقيتتها.. خبط قلبهاا حتا خبط وهزات ايدهااا تاتفيق فيييه وتنهج بسرعة

نسيمة: محمد. ..محمد فييق

ناض بالزربة عااقد حجباانو طلعهااا وهبطهااا قائل: ..مالكي

نسيمة: غااانولد

رد ببرود: شنو

ردت كااتنهج وكلها عروقاات: وااغانولد دااابة تهز خلااص

رد ممصدقش والتلفة شداتو: لا ماايمكنش.. مااايمكنش عااد سبع شهووور بااقي شهرين على الولاادة

ردت كاارزة سناانها: هاااالماا ديال السااقية قداامك ماشفتيهش

وقف مخلوووع تايشوف فداك المااا ويرمش: ماايكونش البوول

ردت بالفقصة: لا مونااااضة..جبد ليااا سااكي لي كنت جمعت غااانمشيو للسبيطااار وبلاامااا تقولها لحد خليهم بلاما مايتخلعو علياا

تبلووكااا فبلااصتووو مادواا ماتحرك هي تقول: دااوية مع حييييط

رد تالف ولعنهاا قرب: مايم.. واش متأكدة؟؟

طلعات النفس تاتتبرد عصبيتها: متأكدة والوجع هاهو غاايبدااا.. سربي رااني صاابرة غير بزز والدري غاايخرج

سي محمد: سبع شهوووور

غرجاات فيه صووتها: لا وااش خاصو يتشااور معاااك ايمتااا خاصو يخرج.. عطيييني باااش نبدل ..محمحمممممد

فاق من التلفة ورد مرعوود وراسو كايضور: و وااخااا ..باش تبدلي ياااك

نسيمة: فييين غاااادي هااالبلاااكاار قدااامك

رجع تاالف حل البلاكاار هز ورمااه على وجهها وبدا على السوارت يضور: سوارتي فين ؟

نسيمة: هاادااا لي عطيتيني شوورط ارااا ليااا جلاابتي غاتفقصني

زير سناانو وهز الجلابة عطاهااا ليهااا شاف السوارت فوق الكوافوز هزهم كايترعد وزاد خاارج بلاما ليها يتلفت

سي محمد: يالله زيدي

خرجات عينيها بصدمة وهو خرج حتااا نزل مع الدرووج عاد طلعات معاه بلي مايمكنش تنوض بوحدهاا رجع طلع حل عليهاا البااب وقال ماد ليها ايدو

سي محمد: سمحي ليا نسيت تعااالي نعاونك

ردت: ياربي الصبر.. عاونني نلبس

حيد ليها الكسوة وبداا فالجلابة كايلبسها ويردد بالخلعة لي تركباات فيه: واااش متأكدة غااتولدي ..متأكدة مية فالمية يااك

نسيمة: الى بقيتي هااكة فاقصني غاانولدو لك هنا وضبر محاينك معااه

رد كايترعد: سربي سربي ..شدي فيااا

ردت: هز ليااا الساك غانوض لرااسي


مشاا يهزو وهي بخطوات بطيئة خرجات من البيت تانفس شهييق زفيير والمغص بداا عليهااا يزير مع دالك صاابرة وتاتحااول ماتغوتش
.. سد باب البيت يسحابليها غايهبطو لكن خلااها وتاجه لغرفة الغالية نيشاان حلو عليها والسيدة جاب الله باركة تاتقرا القرآن هو يقول بسرعة

سي محمد: نسيمة واقلة غاتولد هاحناا حنا غادين للسبيطاار

تنفصاات بسرعة تلبس: خباار الخير سير اولدي سبقووني انااا نلبس ونجي وراكم

رد: وااخاااا

الغالية: مالك صفر

نفخ كايترعد: ماعرفت.. المهم هاحنا غادين

خرج لقااها وااقفة فين خلااهاا تاتشوف فيه وتحرك رااسها

نسيمة: لا حول ولا قوة إلا بالله

شد فيهاا وللتحت ناازلين: يالله سربي نمشييو

نسيمة: هادشي غير وصيت.. بشوية غاطيحني ...ااااي

وقف مخلوع: ماالك

زيرااات فمهااا من الوجع وقالت: والو غير زيد زييد

سي محمد: كون صبرتي شهرااين مازاال ماالك معكسة ماالك .. ولا غير حتاال الصبااح بعدااا

نسيمة: واخا غازييد مرة خرااا حدد ليا نتاا التاريخ


حل ليها باب السيارة حتا طلعات وطلع حدااهااا.. ديمااراا بسرعة وهي حدااه تاتلوااا وتحرك ايدهااا على كرشهاا.. ولات كلهاا عرووقاات دموعها ساالو وحاسة كرشهاا تاتقطع بألم حااد ماقدااتش تصبر ليه وبداات تبكي وتغوت بحرقة حتاا فعفعااتو وماابقاا عارف شنوو يديير

نسيمة: سرررربي.. الله ياااااربيييي ااااي

سي محمد: كاااتلفينييي هااكاااا كاااتلفيني

نسيمة: واااسربييي ..اااحححح اربييي

سي محمد: هاااحناااا قربنااا نوصلوز

ردت كاااتبكي وتعض فيييدهااا كل مرة: لا لا هادشي صعييييب .. يااااربي الصبرررر يااااااربييييي



وقف قدام الكلينييييك خرج كااايغوت يجيبو ليه فين يحطووهاا حل عليهاا البااب وعاونااتو الفرملية حتااا خرجوها و تكاات على الباياص دخلووها تااتوجع وصوتهاا كااسر الدنيااا وكاايزيد يخلع سي محمد لي على ايدهاا عاصر ومعااهااا تايجري ويردد

سي محمد: انااا معااك.. انااا معاااك تنفسي تنفسي احبييبتييي مااابقااا واااالووووو


نسيمة: اعععععع اشدااااني نحمل اشدااااانيييي هءهءهء اللله ياااااربيييييييي.. نتااااا السبااااب نتااااا

سي محمد: انااا انااااا غير صبري مااابقاش بزاااف

نسيمة: وكلت عليك اللله هءهءهء اعععع ياااااربيييييييي كااانتقطعع


دخلووها ومنعااتو الطبيبة معااها يدخل سدو فوجهوو البااب هي تحميهااا ليهم لداااخل نوون ياااا كحل العيووون راجلها يدخل معااهاا وحداها يبقاا حتااا تولد


دوخااتهم وبقااات عليهم بالغواات فينماا تبغي شي وحدة تقيسهاا تاطير عليهاا بعضة حاارة لشدة الوجع باش تاتحس وحلفات بحلووفها لا ولداات بلاا بيه..
شافت الطبيبة حتا عياات هي تحل الطبيبة البااب لقااتو غاادي جااي كيف شاافهاا وقف خبرااتو بلي كااين وزاااد تخلع وتبعهاا يغير حواايجو بملابس طبية وااقية.. دخل معااهاا كايطلع الكمامة على وجهوو عااااد ارتااحت نسييمة نسبيااا شد فاييدهاا كااايتكلم ويحااول مااأمكن يهدنهااا ساعة ماحس حتااا فايدوو عضااات بحر جهدهاااا غووت مع غوتااات هي وبداا عليها طلقي طلقي .. فرعو الراس للقابلة وماطلقااتووو حتاا داقت ففمها الدم شد ايدوو كايبردهاا وهي تاتبكي وتغووت حاااسة بالقطييعة فكرشهاا شاادااااهاا وتاتحااول تعصر وتنفس ..رجع ليهاا قرب تايشووف حاالتتهااا كيف ولاات وتايزييد يصفاار ويعرق مابقاا عارف ماايقوول نسا الجرحة لي فايدوو وتلااهاا مع العصرة لي تعصر قلبوو على حاالتهاااا هي كاتبكي وهو تايسرط الرييق ويتحناا لجبينهااا تايبوسو باغي يقوليهااا صبري قااومي لكن حجرة قااصحة على صدرو تحطاات والاحسااس لي هو فييه خلااه داايخ ماحيلتو ليهاا ماحيلتو ليه هو..

حتا جاء الفرج والدري خرج ..طلعاات راسهاا بزز وشعرهاا گااع على جبهتها لسق طلااات عليه مخلووعة بعدمااا حسو تقطع والطبيبة هزااتو من رجليه تاتتحاول معاه باش يخرج الصوت

نسيمة: واش بيخيير.. جاوبوووني ..ولدي مااالو

تكلم محمد وهو عااقدهم بخوف: اشوااقع.. مالووو

نسيمة: علاااش متااايدوييش.. متاايغوتش امحمد خااصو يغوووش

رد: شششش يمكن غير مخنوووق.. دكتوورة جاااوبينااا عافااك ماالو الولد

نسيمة: ولدي.. وللدي مااالووو هضرري

خرج صرخة صغييرة اخييرااا طمأناتهم نسبيااا وعااد ارتاح قلب نسيمة لي كان بالخلعة غايسكت.. ماقدراتش تزييد تحمل جهدها كاامل تقااداا مع الولادة وماحساات برااسها إلا وعينيهاا تايتسدو ببطئ حتا سخفات كلياا مخليااه تايفيقهاا بهستيرية غااايحمااق ويسحابلو شي حاجة وقعات ليهاا


حلات عينيها على أشعة الشمس فغرفتها بالكلينيك.. لقات گاع العائلة عليها ضاايرة ومحمد حداها باارك مغير تيابو وبسمة مرهقة مرسومة على عينيه

سي محمد: على سلامتك.. خلعتيني عليك

تبسماات براحة رغم التعب لي صاب عضامها وصوتها و فيهم تاتشوف واحد واحد: الله يسلمك ههه كلكم هناا

الغالية: كيف بقيتي ابنتي شوية

عزيزة: على سلامتك الالة خلعتيناا عليك بزااف

ردت بهدوء: الحمد لله احبيبتي شوية

عبدالله: على السلامة ابنتي يترباا فعزكم إن شاء الله

نسيمة: امين ياربي

حورية: الله يكبرو على طاعة الله ابنتي وينوضك بيخير وعلى خير

نسيمة: امييين

أنور: مبروك عليكم اختي وعلى سلامتك

ردت بابتسامة وقار: شكرا اخويا العقبة ليكم إن شاء الله

تبسم وشاف فعزيزة لي دارت نفس الشيء: امين ياربي.. سمحو ليا خاصني نمشي دابة "ضرب على كتف سي محمد" سيمو تهلا مبروك اخويا مرة خراا

سي محمد: الله يبارك فيك اخوياا سير الله يعاونك

خرج وكيف سد الباب شافت نسيمة فسي محمد وبعيون تاتلمع قالت: ولظي غايجيبوه ليا دابة

تنهد كايلملم الكلام ففمو عاد قال: ماايمكنش هاد الساعة ..ولكن غانحاول مع الفرملية تجيبو ليك شوية ويردوه لبلاصتو

توگضاات من مكاانهاا بخوف: علاش ماالوو

سبقاتو حورية للكلاام وقالت كاطمأنها: مامالوشااي ابنتي رااه بيخيبر وصحتو مزياانة غير هو قليول شوية وحطوه فالقرعة حتاا يرصي مزياان.. نتي غيير ولي بيخيير وعلى خير وسيري شوفيه الوقت لي بغيتيي

نسيمة: محمد شنو قالت الطبيبة ماالو ولدي

رد بهدوء: الهضرة ديال خالتي صحيحة الوزن ديالو قليل على الطبيعي وخاصو العناية لفترة قصيرة عاد ممكن نديوه معاناا.. ماتخلعيش

ردت تاترعد: وغاااانشوفوو دابة

سي محمد: غانحاول معااهاا تجيبو ليك ..انا راجع

باس رااسهاا وطول كاايتنهد عاد نااض خرج.. تزير خااطرها وتجمعو عليها كل واحد يبرد من جهة باش ماتزيدش تخاف رغم داالك كبدتها ماهناتهااش ومارتاحت حتا تحل الباب مرة أخرى ودخلات الفرملية بابتسامة هازاه وهو نااعس ومولوي على ملاية رطبة فاللون الازرق ملبسينو سلوبيط بيض جامعو كامل زائد صباعيات فيديه وطاقية مغطية راسو ووجهو الاحمر اللون.. قليل فطولو وحجمو براءة ربانية فملامحو الصغيرة جداا وماحدو عندها تايقرب وقلبهاا تايززيد يدق بإحساس رهيب أول مرة تعيشوو لدرجة عينيها دمعت ومن غيرو ماعاود شافت باغة غير ايمتاا لصدرها تهزوو


هزاااتو بين ايديها هاكاك صغير وفشدتو حلااوة.. بكاات وهي تاضحك والكل فيها تايشوف بتأتير قرب سي محمد بااسو لجبهتو وبااسها حتاا هي قائل ببحة خشنة وألم فصوتو

سي محمد: الله يسمح لينا منك

شافت فيه لدموع سياالين على خدها: شفتي شحاال زوين ههه ..الحمد لله يااربي .. الحمد لله

سي محمد: الله يرزق كل مشتاق ويخليه ليناا

نطق سي عبد الله بابتسامة عرييضة وهو فحفيدو تايشووف: ماشاء الله.. يتربا فعزكم اولاادي

نسيمة: امين ابااباا ..مي الغالية قربي تشوفيه.. اجي اماما وحتا نتي اعزيزة

الغالية: شفناه ابنتي غير خوودي راحتك معااه

عزيزة: الله يحفظو ليكم من كل شر الالة

نسيمة: امييين هههه

سكتو وهي فيه تاتبوس وتهضر بهمس فحين سي محمد حط ايدو على راسها تايرقيها بالرقية الشرعية هي والولد بزوج حتا نطقات الفرملية بأدب

الفرملية: سمحو ليا ولكن خاصني ندير

شافت فيها بحزن: مازاال عاد شديتو

ردت: لازماك الراحة امدام اليوسفي وحتا هو كدالك .. إن شاء الله غدا ملي تولي شوية سيري عندو بنفسك

سي محمد: ماعليش احبيبتي صبرتي سبع شهور وليلة ديال لعداب.. صبري مازال شوية وربي راه مطالع على كلشي وغايجازيك على صبرك

دمعو عينيها بحرقة: ماساخياش بيه

سي محمد: رااه ولدك و ديالك ماغايحيدو لك حد ..خاصو غير شوية الوقت فين يتعافا من بعد نديوه معانا لداارنا.. متافقين

حركات رأسها و باستو تاتنخصص قربات عزيزة تاتبكي هي كدالك عنقاتهاا ومحمد خداه من عندهاا مقهور وبزز باش كايتكلم ..باسو وعطاه ليها تديه قرب لعندو عبد الله كايربت على كتفو ويردد كلمة الصبر على فمو ..هي المفتااح والحل الوحيد أمامهم


جات ايام وفاتت اياام.. حالتها مع كل يوم تاتحسن وإحساس الأمومة فيهاا تايكبر ويقوى.. ولات قادرة تنوض وتحرك فأرجاء الكلينيك ولعند ولدها كيفما بغاات ورغم أنه رمضان الحر و التعب ديما سي محمد معاهاا فكل خطوة ومرة مرة تجمع عندها العائلة ورا الفطور وتبقاا معاها عزيزة حتا يدوز عليها راجلها عاد تمشي معاه

.. جل يومها تاتقضيه فالقسم الخاص بالاطفال تاتبقا تما باركة بالسوايع حتاا يجي لعندها سي محمد عاد يخرجها بزز باش تاكل وترتاح واخا متاتبغيش مبززة على راسها حتا جا النهار لي خاصها تخرج فيه ولدارها ترجع بالبكاا وبالنحيب باااش تفارقاات مع ولدها رغم أن محمد واعدها يجيبهاا كل يوم لعندو لكنها حساات بألم الفرااق وأنها عليه كاتبعد وزادت مرضات كتر حتا ولات جوج خطوات طيح بالسخفة والطونسيو تاهو تجمع عليهاا
.. فترة قصيرة دازت عليهاا لويل كحل تاتنعس بزز وتفيق بزز تلبس وتركب معااه حتال الكلينيك وحدا ولدها تبرك وكل مرة دخل تسول الطبيبة على حالتو كيف ولاات ايمتاا ممكن تديه معاهاا وحدااها تنعسو ايمتااا تشم رييحتوو الدافئة وتقوم بيه بنفسهاا من ماكلتو لليكوش ديالو ايمتااا يفيقها بالليل ويخليها حتا تبغي تغمض عينها ترتاح عاد ينوض يزوك الدنياا بغواتو باش هي تهزو وتراري بيه ايمتااا ترضعو حليبهاا وتشبعو من حناانهاا وتشبع منو .. بلاما ماتخاف شي حد يجي ويحيدو ليها من ايدهاا .

بقاو اياام واسابيع على هاد الحال حتاا عفا الله وترفع البلااء اخيرا، تحسنات حاالتو بفعل دعواتهم والعناية الفائقة لي تلاقاها فالكلينيك ..فرحات وبكاات فاش خبراتهم الطبيبة بلي ممكن يديوه معاهم غدا لي تايصادف عيد الفطر .. رمضان كامل دوزاتو كحل زحل لاهي لا محمد لي ماحيلتو لولدو ماحيلتو ليها هي لي تاتزيد تأزم خاطرو واخا يعيا يخبي إلا يوم تزف ليها الخبر الساار فرحتها ماعطااتها لحد وهي لي وجداات ليهم الفطور داك اليوم على حقو وطريقو تجمعو عليه كلهم تايبااركو ليهم ويدعيو جمااعة فطرو وكلها ناض لشغاالو وهي كدالك طلعات لبيتهم تاتلبس إسدال الصلاة وسي محمد بارك بفوقيتو البيضة نص عين عليها والأخرى على الرواية لي بين ايديه ومرة مرة يعاود ليها شي جملة عجباتو

نسيمة: خاصك تعلم تقرا قصص ديال الدرااري الصغار باش تلقاا ماتعاود لولادك أما هاادوك باش غاينفعوك ههه

رد: سمعي سمعي .. كيف تُراني أتصرف.. ماذا عساني أفعل وماذا اقول حتا تعلم يا حبيبي قدر نار الحب التي هي بقلبي تحرق

ضحكات على كلامو وهزات فنيتة تاتقاد بيها زيفها فالمراية وسولاات بفضول

نسيمة: ايوا وكيفاش جاوبها؟

رفع حواجبو الخشنة مبتاسم.. حط الكتاب فوق الكرسي وبخطوات بطيئة غادي لعندها وهي من المراية مراقبة تصرفاتو بحدر.. الى أن جرها لأحضانو ضهرها مع صدرو ملتاحم وجرأة لهيبو كاتلفح على قرابة أدنها.. ارتاعشات انفاسها وببسمة حب نطقت هامسة: محمد، كايتسناونا لصلاة حشومة غانتعطل عليهم

كأنو ماسمعش شنو قالت ونطق بصوت اشبه لدغدغة النائم: قال ليها🍁عامليني كصفوف كالمصلين.. لاتتركي الفراغات بيننا

ضورها عندو لقاها كاضحك بخجل طلع حاجب فيها ونطق بخشونة كيأكد كلامو: فهمتي امدام اليوسفي

حركات راسها عاضة على شفتها ..خلات بسمة عاشقة على وجهو ترسم، نزل بحنية باس بين عينيها، نيفها وارتاشف من شفتها الفوقانية وقبل مايتخشع عليها سلتات للور شادة الضحكة: نسيتي رااسك الشريف سبحان الله

خنزر وتم داخل للحمام: عقلي على هاد الفعايل عقلي

ضارت للمراية تضحك: خاصني نعااود هاد الزيف حشومة عليك خسرتيه ليا

رد عليها بعتاب: ماحشوماش عليك نتي اللي خسرتي ليا لوضو؟

نسيمة:: واباااز

ضحكاات وخرجاات نازلة للتحت عند العيالات لقاتهم على اتاي بااركات كايتسناوها غير هي ..نزل سي محمد خرجو يصليو على براا وهوما صلااو فالدار مجموعات من غير نسيمة حتاا سالاو ورجعو بركو كايتلفو الوقت بالهضرة والجموع ونسيمة وسطهم ضاحكة ناشطة ووجهها عاد شوية تنور ورجع فيه الروح


عزيزة: هههه فرحاانة لغداا

نسيمة: غانطير بالفرحة ..بيتو موجود وحويجااتو وكلشي باقي خاص غير هو

عزيزة: الله يحفظو ليكم الالة إن شاء الله تكون آخر الاحزان

تنهدات براحة: اميين العقبة ليك احبيبتي

رمشاات تاضحك فصمت وقالت عاضة شفايفها من الخجل: فالحقيقة.. انا حاملة ههههه

نسيمة: بصح!!!!؟؟؟؟؟؟

بزقات حورية اتاي وشافت فيها: هاااحي قولي والله.. روووووووووووري ههههه

الغالية: هههه مبروك عليكم ابنتي الله يتبت حملك على خير

ردت بسعادة: اميين

نسيمة: هههه صدمتيني ايمتاا هادشي

عزيزة: يوماين هادي عرفتهااا

نسيمة: راجلك قلتيها ليك؟

ردت: آه وفرح بزااف مسكين هههه

نسيمة: الله يتبت حملك على خير وياريي يددوز كلشي هو هادااك

عزيزة: اميين يااربي الله يحفظ ليك ولادك

حورية: اجي نتي شفتك طمرتي على السمية ..باغة تخلي الدري هاكاك

نسيمة: مازال اماما مادويت معاه فهاد الأمر ..فالبداية نيت تاع الحمل ماديناهاش فالسمية ولكن كان داير فبالو نسميوه على اسم المرحوم.. يعني بشير وانا عجباتني بزاف

عزيزة: بشير اليوسفي.. غاتجي معاه غزالة هههه

الغالية: فيها خير ابنتي حتاا ترتاحو من هاد الغمة لي فاتت عليكم عاد سميو على رااحتكم

ردت بابتسامة: إن شاء الله ياربي يكون غير بصحيحتو هادشي لي بغيت

كملو الكلام على منواال آخر وفنفس الوقت ناضو يوجدو الحلاوي بالنواع للعيد حتا تناص الليل عاد كلها لبيتو دخل يرتااح

.. جا الصبااح وجاب معاه شميشة حارة المورال طالع للافاان وسر فشكل طاح على وجهها و عطااها الخاطر تلبس وتزوق قدام مرايتهاا بقفطان جوهرة فاللون الازرق مع بليغة وفولاار بيج فوق الرااس حتا حلات عليها نسومة البااب ودخلات عندها تاتجري بقفطاانها الخفيف وتاجها عواج فالجري

نسومة: ماامي مااامي.. بصح غااتجيبوه اليوووم؟

تحنات تاضحك وتقاد ليهاا تاجها وشعرها: اليوووم احبيبتي هاهو بابا قرب يوصل هههه

نسومة: صغير بزااااف يااك

ردت: آه قد هاكاا وشوية لشوية غايبدا يكبر.. متحمسة تشوفيه؟

ردت بسعادة: آه بزااف هههه.. ولكن مرة خرا بغيت بنيتة واخا؟

نسيمة: يخليك ليلي الامييرة دياالي ههه يالله نزلو احبيبتي زيدي

شدات فيهاا ناازلة عند العيالات بتبسيمة عريييضة تاتصبح عليهم
.. عزيزة باتت تما وكيف فاقو دخلات تعاونهم فالفطور والتوجاد جهزو طبلة فيها مالد وطاب من لملاوي والحلاوي البغرير والكيكات و العواصر كلما تشهاه الخاااطر تما حضر ..بركو تايتلفوها بالهضرة وهي على الجمر گاالسة تاتسناا غيير ايمتاا يوصل حتاا ربي شاف من حالهاا ووقفات سيارة سي محمد عند مدخل الفيلا تخطف قلبهاا وترعد مع تحل الباب ودخل بابتسامة هاازو فالكوسة دياالوو الصغييرة وهو تايرمش حواليه ومخرج شوية لسانو ..

ناضت ماقادرااش تصبرر عنقااتهم بزووج وهزاات كبدتها بين ايدها تاتبوس وتعنق وتبكي والعائلة تادعي وليهم تباارك .. أنور دخل مبتااسم وواقف مع صاحبو فالمحنة لي كان فيهاا بارك لنسيمة ووقف ورا مرااتو معنقهاا وعلى كرشهاا حاط ايدو بحنية وفيهم تايشووفوو ..

وهادي هي الدنيا... مرة الانسان فرحان.. مرة زعفان... مرة العين بالسعادة تلمع... مرة بالم وحرقة تدمع.. مرة قلبك فبير عميق ملئ بالحزن والتعاسة... مرة يرفرف بالفرح والسعادة...

الزمان يدور.... والخداع والغدر مايدوم.... يربح مول النية الصافية والقلب لحنين.... ويخسر لي قلبو مليان ضغينة وكره دفين...

قصتنا قصة!.. ابطال لعبات بيهوم لاقدار.... تلطمو بامواج البحار... كل موجة عندها قصة وحكاية... مرة جميلة مرة حزينة للغاية... زهرة و نزار بالغيرة والشر ماتو... والجد وولد العم فالسجن باتو... والاشخاص لوخرين كلها والاقدار فين رماتو... اما محمد ونسيمة، انور وعزيزة، نالو ماتمناو ولي عليه ناضلو وفالطريق الصحيح سارو...

النهـــاية
تـمـت و الـحـمـد لـله

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.