سهيت كنفكر حتى طرطق صبحانو حدا عيني قالي سبحان الله ! فاش كتفكري
تنهدت قلت ليه والو.. واش صافي ساليتي
قالي: مالكي فاش كنتي كفكري
قلت ليه والو غير سهيت وصافي
قالي اجي معايا للفيستيير ندوش بزربة ونمشيو
دخلت معاه كان فيستيير فيه دوش واحد حدا واحد بلا بيبان غير زاجات وبقيت كنشوف فيه كيدوش قالي مدي ليا شامبو و باندوش مديتهم ليه كانو عندو فشكراتو وزرب على راسو ماكاملاش عشرة دقايق ومدين ليه فوطة خرج عندي جاني الصهد فداك الفيستيير وجلابة سخنات عليا قلت ليه فشلانة سربي راسك نخرجو من هنا الصهد
بغيني نخرجي كالاني قالي كيقرب ليا وانا كنعاني مع ليزوغمون زاد كمل عليا وزيرني مع الحيط وانا كنهرب وجهي باغا نخرج فاللخر استسلمت وجلست شوية كنتحابو حتى دبت بحال الصهد اللي هابط مع الحيوط عاد طلقني قالي غنديك معايا لهلندا
قلت ليه ليه لا لا مغنمشيش عندي الشغل هنا ماعندي كي ندير
بقا عليا غتمشي وعلاش مابغيتيش تمشي وانا كنبرر فاللخر خرجت خليتو لبس حوايج وبعدت على الفيستيير نتنفس والهوا كيضربني .. درت يدي على جني كنمشي ونجي ونش على وجهي والدنيا خاوية غير انا اللي تما حتى بانت ليا واحد خيتي البنت داخلة .. تكون عندها مابين 23 24 سنة دايرة صباغة نحاسية لشعرها ومتوسط الطول سامبل وزوينة فوجها زينها مختالف عليا وطويلة ورقيقة ومن نضرتها باينة متعجرفة ولابسة مزيان من لباسها باينة لباس عليها وخفيفة لا فمشيتها لا فحركاتها .. كان خو جاد نزل مع الدروج دورت وجههي مابغيتش نشوف فيه ومشات عندو كضحك سلمات عليه بلابيز قالت ليه
-هاااي هشام صافا كيسكو تي غاكونط مزيان .. جاد هنا ؟
دورت وجهي شفت فيها ضحك ليها شوية باينة عليه جدي بلا قياس من دو المعقديين اللي ميضحكو ميخليو اللي يضحك كنكره ديك العقلية وهوا واحد منهم . قال ليها اه كاين وقالت ليه فين هوا قاليها فالفيستيير قالت اه داكوغ صافي ميغسي اتخي بيان طو . ضارت جايا جيهتي وهي تحل عينيها فيها فاش شافتني وخففات الحركة وتبدل لونها بقات كتشوف فيا وفديك اللحضة نيت خرج جاد لابس سورفيت سروال كحل ديال القطن واسع شي شوية من لفوق وكيهبط ويتمجع حتى للتحت وكيجي مزير بحال شوية بحال سليم وعندو باندة صغيرة من لتحت و من الخصوشيورو مدليين .. طلعو شوية مع رجليه والتقاشر بيضين باينين وسبرديلة كحلة ولابس من لفو شي حاجة محلة ماعرفتش واش تيشورط ولا بودي مهم فيه نايم صغير فالجنب وفوق كابيتشو كحل كله دافي محلول وداير القب على راسو والطاقية كحلة وجاب داير يديه فجياب وهاز راسو مهدن والتقة فالنفس والتخزز .. وقف حدايا ويديه فجيابو وفمو حمر وعينيه حتى هما فيهم الحمورية شوية مع الدوش .. الحقيقة زوين عاطي وطياح وستيلو بوحدو كيحمقني .. شافت فيه ديك البنت ومشات عندو كضحك سلمات ليه وهوا على نفس الوضعية قالت ليها جاد صافا .. شخبارك شكتعاود .. تي مومونك فين غبرتي
تنهد وقال بملل: باها راه هوا رئيس الجمعية لالعاب القوى غتكوني كتسمعي بيه راه هوا نيت مدير ديال واحد الشركة ديال الطيران الخاصة .. وواحلو انا فالحلاقم
استغربت قلت ليه علاش مالو معاك ؟
قالي: مابغاش يرشحني للاملبيات هاد العام .. حيت عندنا متخب فيه لاعبين بزااف من كل مدينة والواعرين هما اللي كيترشحو .. وميمكنش ليا نمثل المغرب فالاولمبيات الى ماقبلوش ليا حيت كتمثل المنتخب كامل فهمتي
قلت ليه : انا كنعرف غير المنتخب ديال الكورة
ضحك وقالي: لا راه كل رياضة عندها المنتخب واخا تشارك فردي ماشي جماعي .. علاش نتي كيحساب ليك غير اجي ومتل البلاد ولعب فالعاب القوى
قلت ليه: حسابني شاركتي راسك وصافي
قالي: وراه هادشي علاش ماحاملش انا لاولمبيات ونبقا فالمنتخب كااع .. باغي نتعزل ونهني راسي وميمكنش ليك تعزل حتى تشهر وتولي بطل قدو قداش باش يتواصلو معاك نيشان وتمشي تلعب راسك مهني بحال دابا غنمشي لهلندا غنعلب مكاين اللي يفرع ليا راسي وكتمثل بلادك الى ربحتي .. ماشي نتا معارفك حتى واحد وباغي تلعب ..بزز منك تلتازم بقوانين الجمعية والرئيس ديالها و المنتخب ديالك وباها هي مابغاش يرشحني وقالي واحد الهضرة .
قلت ليه شنو قالك ؟ : قالي تنفخ عليا وقالهم يلعب واللي داها وعندو مؤهلات هوا اللي غادي يشارك وانا ديجا مقيد فالاولامبيات مع اللولا اللي ديما كيبقاو فالفينال وواخا هاكا رجعني لور ومع ذلك لعبت مع العادي فالمنتخب وطلعت وعاودو قيدوني ووصلاتني واحد الهضرة قاليهم يمشي يمثل بلجيكا علاش جاي نافخ لينا راسنا راه مغيدير والو هاداك وماعندوش معايا ولا انا عندي مع ديلمو وغنفرتكها معاهم سالينا من هاد الحسابات كاملة
تعجبت من هادشي اللي قال ماحسابش ليا كاين هاد المشاكل فالرياضة وهاد السم والحسابات وقلت ليه ياك مغتبقاش تشارك فلاولمبيات
قالي: هاد الكومبة هي اللي غتبين كلشي.. الى ربحت هادا اللي غنلعب معاه .. صاافي غنتهى فمرة
قلت ليه : نتا عندك مشكل مع باها وطحتي مع بنتو !!
قالي: هاد العام عاد وقع هاد المشكل وبلاا هادشي كامل انا وياها مكنتفاهموش وغاديش نتفاهمو وصافي سالينا داك الفيلم خاصني ضاروري نربح المقابلة فهلندا باش منرجعش للمنتخب غنضطر نشارك مرة اخرى فاولامبيات باش نلعب .. مشاكيل
مابغيتش نسولو اكثر على علاقتو بيها صافي بان لبلان حسيت باللي رانيا كانت كدفع عليه كبير حيت بنت الرئيس وكتحسب راسها وتتباها وكتشوفو قل منها واخا تكون تبغيه ولا كيعجبها ربما كتعجرفة حيت بنت فلان هادشي اللي استنتجت ، واخا جاني الفضول نزيد نعرف اكثر عليها وعلى علاقتها معاه لاكن مابغيتش نطيح النيفو ديالي ونعطيها قسمة ونبينها مهمة بالنسبة ليا وقلت ليه
صافب نسا عليك داكشي اللي فات دابا ركز فهاد المقابلة لي عندك خاصك تاخدها وتبين انك بطل عالمي ... تقدر تاخدها راه تبارك الله كتلعب وعندك تقنيات ديالك الخاصة بيك فاللعب والمغرب كامل غيفرح فاش تاخدها ... عرفتي الى غلبتي هادا راك بطل عالمي بدون منازع غيزيدو يتفتحو ليك ابواب اخرى
قالي: ان شاء الله داكشي اللي بغينا وغنديرو مافجهدنا
قلت ليه: لا ماشي غدير مافجهدك ... راك غتعطي جهدك كامل و تزيد تريني وانا متأكدة غادي تاخدها وتشرفنا ونعاودو نتعرضو ليك فالمطار .. عرفتي راه متصورش على احساس حسيت فاش خديتي البطولة .. راه منقدرش نوصف ليك شحال فرحت حتى بكيت
كملنا الطريق ردني للبارا باش يهز طموبيلتو وجلسنا شوية فطموبيل كنترومانساو قالي والو غتمشي معايا مابغاش يمشي بوحدو .. دوزنا وقيت زوين والشتا كتصب علينا حتى لواحد الوقت وتفارقت معاه رجعت لداري نرتاح ونقاد اموري وشغالاتي اللي تعرمات عليا ... ها البني وبا من جهة .. ها مشاكيل الخدمة والسطوك من جهة .. ها السفر مع جاد .. ها مشكل الهرمونات حتى هوا .. والطبيبة .. بغيت نرتاح ماقديت وزيد الدعوة اللي رفعت على ديك خيتي وباقا متابعاها والمصحة تدخلات حيت رونتها معاهم .. كنحط راسي على المخدة باش نعس كنبدا نحسب فالمطارق ..شحال قدني براكة غير المرض النفسي ديالي كيلعب عليا ويدير ليا الوساويس لو لا الدوا لا ماعرفتش شنو ممكن يوقع ليا بسبب الوسواس اللي كيدور بيا من كاع الجوايه .
صبحت على الفيزا كنقاد فيها .. سير واجي حتى دفعتها وتهنيت وعلمت جاد بيها وسولتو شنو كيدير قالي فلاصال . قالي واحد الراس سيري عندو شوفيه .. من الساعة اللي عرفت رانيا كتمشي لتما وانا مشطونة .. ماقادراش نتحمل القرب ديالها منو وكنتخيلها كدور بيه من هنا ومن هنا وهوا كيضحك معاها حتى عنقاتو وبقات عليه بالكلام المعسول وبما انني مكندير معاه حتى علاقة فمستحيل مايكونش كيدير علاقة والا فراه عندو مرض ولا عندو مشكل .. هاد النقطة حتى هي كتزيد تمرضني وعارفة ومتأكدة مغاديش يصوم بلا منكدب على راسي بالحب والزواق حيت الحب بوحدو والشهوة والرغبة بوحدها اكيد عندو جهة اخرى من غير انا . شديت الطريق حتى قربت لاصال وتاصلات بيا بشرى قالت ليا راه جات من الصين كانت عندها شي ديبلاسمو تما وبغات تشوفني والحقيقة هي ان بشرى الوحيدة اللي صدقات ليا من الصحابات كاملين وحتى الهضرة كنرتاح معاها فيها وتوحشتها لاكن الديفو ديالها كتسافر بزاف وخدمتها كتحتم عليها تخرج برا وتجلس شهور . توحشتها وفرحت تفاجأت وقلت ليها بغيت نشوفك ودرت معاها فالكافي ديالنا اللي كنجلسو فيها انا وياها وخليتها تبدلو عليها وتسبقني على بيدمن بعدا نشوف غير جاد ونلحق عليها
هاد المرة مكاين لا جلابة لا زمر بغيت نبين لرانيا بشكون بدلها الى شفتها تما باش مايحسابش ليها بوحدها اللي كاينة . صايبت شعري وحيدت الصباغة اللي دوزت بيها السفر عاودت وحدة اخرى نقية وقاديت دفاري ولبست قميجة بيضاء طويلة شوية فوق الركبة ولبست فوقها جيلي ديال الصوف قهو مزخرف قصر منها شوية وليبا موس لون لحمي وليبوط بحال جلد التمساح فيه لون واحد فالقهوي لامع ودرت عليا مونطو كلاسيكي توبو واقف رطب فالقهوي فاتح وصاكي واكسسواراتي وساعتي اللي هداني والريحة ومشيت دخلت بشوية عليا كنشوف كي دايرة الاجواء . كان واحد لتحت غالاستقبال سولتو على جاد الهواري قالي شكون نتي اللي كتسولي عليه قلت ليه انا خطيبتو ووراني بلاصتو كان عندهم اسانسور طلعت فيه وكانو الرياضيين ديال المنتخب تما حيت كما قال داك لاصال مكيلعبش فيه اي كان .. مشيت لواحد القاعة عندها جوج بيبان كبار حومر بحال الخزانة وحليت واحد الباب كان لاصال كبير عبارة عن بيت كبير بحال شي كراج كبير وطويل فيه عرام ديال الحديد ومدور كامل بالمرايات وطايي فالارض ازرق متول وزوين وكان جاد واقف الوسط بوحدو لابس غير شورط وسيرديلة شاد واحد جوج كوردات طوال حوكحل مسرحين قدامو وغلاض بزاف وكييخبط فيهم وخوا كيتلواو مع الارض .. شافني دخلت حيت كان مقابل مع الباب محني ضهرور كيلتريني وحبس رخا يديه شادهم وهوا علىنفس الوضعية مصغر عينيه فيا ومبتاسم متوقعش نجي عندو .. رديت الباب مورايا ودخلت قلت ليه تبارك الله على البطل ديالي .. راك كتجتاهد . وقف كامل عرقان والعروق بارزين فعنقو ويديها والمعصم ديالو وكنت غنعنقو قالي متعنقينيش عرقان وعطاني فمو وهوا كيمسح يديه فوطة بستو وقالي كي طرا ليك جيتي لهنا
دورت عيني قلت ليه بوحدك ؟
قالي: بوحدي ... باغا تفرجي فيا كتريني ..جلسي
هز الماء خواه على فمو وقلت ليه : لا غير كنت دايزة من هنا .. غادي نمشي غير بغيت نشوفك
قالي: فين غادية عندك شي حاجة؟
قلت ليه لا صاحبتي جات من السويد بغيت نتلاقاها شحال هادي ماشفتها
مشيت كنضور ونشوف لاصال قلت ليه هادي هي بلاصتك؟
قالي هي هادي بلاصتي
عطاني وقت وحبس الرياضة وجا موريا حط يدو على ضهري قالي جلسي بلاتي شوية وسيري
تلفت قلت ليه غنتعطل حتى تسالي وعيط ليا وبدينا كنهضرو على لاصال وعلى الفيزا قالي عوال عليك تمشي معايا لهولندا قلت ليه نشاء الله وجلست انا وياه شوية حتى هوا جلس قدامي على واحد الحديدة فيدو الماء وبدينا كنهضرو .. سكت شوية وقلت ليه ياكما كضايقك رانيا هنا ؟
ضحك وجرني من حنكي قالي : لا .. خوي راسك من هادشي
قلت ليه : لا غير كنسول .. واش مكتجيش عندك لهنا
قالي: قلت ليك خوي راسك من هادشي .. مابقا والو وغانخرج من هنا
تنهدت وقلت ليه جاد نتا تابعك مقابلة مهمة ... ماتخليش شي حاجة تأثر عليك ولا تلهيك عليها راك عارف اهميتها قداش .. ديرها بين عينيك غير هي بوحدها خلي عليك اللعب والتخربيق الخاوي مغادي يوصلك لحتى حاجة .. هاد المقابلة خاصك ضاروري تربح فيها مافيها لا ان ولا حتى ومافيهاش يمكن ولا شي حاجة اخرى . فيها حاجة وحدة غادي تربح وصاافي
سكت بقا شحال كيشوف فيا حاني عندي ويديه على ركبيه وهز يدو على ركبتي ضربها وحكها قالي
- ماتخافيش .. غادي نربح كوني هانية
نضت وقت وعقلي مشطون كيو ليا شي احداث فمخي ضروني فراسي وزادت هاد رانيا بهمها وكن غيروما عارفاهاش كي دايرة .. من نهار عرفتو وهي سر فرر مكتساليش ومتأكدة مغاديش تعطيه تيساع خصوصا دابا مللي رجع همة وشان والله متستسلم هاي هاي . هزيت همها وهم شي حاجة اخرى الى كان كيديرها وملهي معاها وقلت ليه بالهداوة على الله يفهمني ويفهمي مقصودي
- شوف .. ركز على مستقبلك .. راه كولشي يتعوض وكولشي غنلقاه كيدور بيك وكيتسناك .. لاكن الفرصة كتعطا مرة وحدة والى ضيعتيها موحال تعاود تعطا .. نسا عليك اي حاجة غتاخد من وقت . نسا صحابك نسا كولشي .. حتى انا الى بغيتي تميك عليا فهاد الفترة ماعنديش مشكل والله منتقلق حيت هادي مقابلة ماشي شي حاجة ساهلة وكتفرق بسهولة.
ابتسم مهبط راسو كيحرك بالايجاب وقالي ماتبقايش تفكري هاكا .. كولشي غيدوز مزيان ومكاين حتى حاجة تلهيني هني بالك
حرك ليا راسو وباسني ومشيت خليتو ورايا حتى للباب وضرت بقيت كنشوف فيه مطولا ..بغيتو يفوز بالمقابلة حيت الفوز ديالو فوز ديالي حتى انا . حتى انا كنفرح وكنبكي بالفرحة كانني انا اللي ربحت وهم هاد المقابلة همي حتى انا وعايشة معاه كل تفاصيلها دقة بدقة وبغيتو يديها باش مايبقاش فهاد المنتخب ويعطي الدقة لدام الرئيس اللي قبل منو ومن القدرات دياله ويعطي الدقة لكاع اللي قالو عمرو يدير شي حاجة ولا يوصل .. كنتسنا نعيش ديك المتعة ديال رد الصاع وكنتمنا مايتخبطش حيت البلاصة مارتاحيتش ليها وفيها واحد الطاقة سلبية كبيرة امتى غير يخرج من هنا . تنهدت اعمق تنهيدة وابتسمت ليه فاش هز عينو شاف فيا وهوا شاد وضعية البدئ فالرياضة وضحكت ليه درت ليه باي باي وخرجت سديت الباب .. يالاه وصلت للاسانسور وانا نتلاقا خوه خارج منو جا فوجهي وتصدم فاش شافني وحتى انا تصدمت ماحملتش نشوفو ولا نخرج فيه ديما كنتفكر المعيور والسبان والسكرة والمرض اللي شافني فيه . وقف ابتسم ليا وقالي صافا . كولشي مزيان
دورت وجهي وقلت ليه الحمد لله شكرا
قالي: جيتي تشوفي جاد
حركت راسي بابتسامة صفرة وقلت ليه اه
بقا كيتلوى باغي يقول شي حاجة وماعرفش باش يبدا وقالي شوفي .. دابا نتي عارفة عندو مقابلة مهمة .. من الاحسن ماتبقايش تجي عندو لهنا باش يركز على شغلو .. حيت اللى بقيتي كتجي لهنا مغتخليهش يركز وسي ميو تبعدي حاليا على قبل مصلاحتو .. هادشي الى كنتي باغيا ليه الخير
هضرتو طيحات ليا الما فالركابي مارضييييتش يهضر معايا بديك الطريقة ولا يقول ليا هاد الهضرة وكمدتها واخا تشوطت وقات ليه بنفس الصواب اللي كيمثل عليا بيه
- باش تعرف اهمية هاد المقابلة عندي حتى انا . وشحال كنتمنى يفوز بيها ... مغاديش نقول ليه هاد الهضرة هادي وغادي ندوزها بجمعة دالما حيت الى سمع هادشي موحال حتى واش تمشيو لهاد هولندا ماشي حتى تشاركو فالمقابلة .
دخلت لاسانسور قبل ميهضر مابغيتش نزيد نسمع شي هضرة تمرضني وسديت عليا هبطت كنترعد حاسة بالفقصة ومابردتش غدايدي دوك جوج كلمات ماقضاو ليا والو ماطفاش ليا نار الهضرة اللي عطاني ونزلت كنغلي هبطت لتحت وخرجت بالزربة من باب الكلوب ويالاه هابطة فالدروج ديال باب الزنقة حيت كانت جردة وضاير بيها الصور عاد الخرجة للشارع وكانو لداخل طموبيلات محطوطين .. شفت رانيا نازلة من واحد الطموبيل كي دايرة واخا حتى انا طموبيلتي ماشي ساهلة لاكن خرج موديل جديد عليها خرجاتو هي ومفركسة فواحد توني .. كانت شميسة والارض فازكة لاكن البرد .. درت راسي ماشفتهاش وهزيت خنافري وانا نسمعها كتقول ليا هييه.. هااه.
هاي هاي على هييه خدامة عند باها انا تهيه عليا . ماديتهاش فيها وكملت غادية جيهة طموبيلتي وتبعاتني وقفاتني قالت ليا كنعيط .. ماسمعتينيش؟
ضرت شفت فيها وقلت ليها بابتسامة ااه سمعت شي صوت ولاكن سحابليا كتعطي على شي كانيش ديالك ! حيت انا ماسميتيش هيه!
ابتسمت وقالت ليا: لا .. كنت كنعيط ليك . نتي.. واش تسجلتي عندنا فالنادي؟ حيت جوج مرات متابعين كنشوفك كتجي عنا وممنوع شي واحد يدخل وهوا مامنخارطش
ابتسمت وقلت ليها : لا احبيبة ... كما راكي عارفة واقيلة .. المقابلة ديال جاد قريبة .. ومحتاج للدعم المعنوي داكشي علاش غتشوفيني هنا مرة مرة ... علاش واش عندك شي اشكال؟ ... اه حقا .. مارعفتكش شكون تكوني ؟
قالت ليا : انا مولات الكلوب . وكتهضر ببرودة وتايقة فراسها زعما باز ليها والله مكتحشم ! .. وكملاتها قاليت ليا كنتمنا منعاودش نشوفك هنا مرة اخرى
ضحكت وربعت يدي شفت فيها مزيااان وقلت ليها : من حقك .. ولاكن غندي معايا داكشي علاش كنجي لهنا .. باش ترتاحي من وجهي فمرة ! ايوا بااز
مشبت خليتها واقفة حسابها شدات السما بيديها .. بحال هادو كيحستبوليهم الناس لعبة فيديهم ولفو يآمرو وينهيو ويحركو بنادم كما بغاو حتى ضسرو كيسحاب ليهم راسهم غيرو هما اللي كاينين .
لحت ليها واحد الشوفة خليتها تما واقفة نوريها الهضرة والتقة فالنفس الزايدة وكنت شوية نبزق حدا رجلها من السرجم نوريها الرد الزنقاوي لاكن ماجاتش وحشومة فحق جاد نبين باللي اختيارو زنقاوي ومحشر وماشي ديال وجهه ..بغيت نبين ليها جاد شكون اختار .. وشكون بغا .. ولاش بدلها وواخا تعيا تجبد ماتوصلينش وعمرها توصلني حيت اصلا كن كان باغيها وباغي فيها شي حوايج غيبقا معاها ميسمحش فيها بمجرد ما عرفني ولا حتى قبل مايعرفني ، لاكن واخا عطيتها بقا عقلي مع جاد وكنقول ميمكنش يديروشي حاجة ماهياش ويعطيها وقت .. هوا شخص مرزن وخاتر ماشي خفيف .. والصراحة مابقاتش فالسن بقات فالانسان كفاش داير . ومع ذلك صونيت جوج مرات مجاوبش حتى تقطع عاد عاود صونا ليا قلت ليه الو جاد علاش مكتجاوبش
قالي : كنت كنترينب راك جيتي وشفتيني! مالك مخلوعة ؟
قلت ليه والو غير حيت مجاوبتيش وصافي
قطع عليا وعاود صونا ديك الساعة فآبيل فيديو وانا كنسوق شفتو باقي كما خليتو وقالي ماسمعتوش كيصوني .. دابا تهنيتي؟
قلت ليه حتى انا اه صافي بلا منشعر حيت فعلا تهنيت وبالي مع الطريق وقالي يالاه تهلاي تا للعشية نهضرو . حركت ليه راسي وقطع عاد رتاحيت شوية حيت مليون فكرة طاحت ليا فراسي فاش مجاوبش وكنت كنطق بالتفكير
شديت طريقي للكافي اللي درت مع بشرى فيها وكانت خارج المدينة فواحد الفيلا وطريقها خاوية غادية كلها اشجار فالجناب قصار ودنيا خاوية وشوك . وحيت الكافي زوينة ونقية كنفضلو نجلسو فيها ونبعدو على الناس والوجوه المألوفة . دخلت حطيت طموبيل وطلعت لقيت بشرى فلاتيراس جالسة كتسناني كنقتها وتحابينا ويالاه جلسنا سولنا فبعضياتنا شوية قالت ليا كضحك هاي هاي الاللة وليتي مشهورة مابقيناش نقدو عليك
بديت كنضحك وقلت ليها راكي متابعة اخبارب بعدا
قاليت ليا ايوا شنو .. نتي دابا ما نهضرش عليك .. ولاكن صدمتيني .. جاد الهواري اصاحبتي طلعتي طلعة وحدة من البوليسي اللي خليت كتخنخني عليه لجاد الهواري !
قتلانني بالضحك بقينا نضحكو ونتراشقو وقلت ليها راني كبيرة عليه بشي ربع سنين ونص ولا خمس سنين عارفاها؟
ميعات عينيها وفمها وقالت ليها : هأ... كبيرة عليه بربهة ولا خمسة زعما راكي كبيرة عليه بربعين عام .. راه غير ربع سنين! انا كبيرة على ختي بست سنين كتبان هي كبيرة عليا ماشي انا دينا كيقولو ليها واش نتي الكبيرة
قلت ليها حتى انا ماعندي مشكل عادي وحتى هوا غير الناس كيبداو يهضرو
جراتني وقالت ليا : شتي بيني وبينك .. يكون داكشي ناضي وقاضي الغرض يكون كبر منك ولا صغر منك المهم يكون داكشي هوا هاداك .. هاداك اللي عليه العمدة
قتلاتني بالضحك ولاكن راه بشرى بوحدها عندها واحد العقلية هاربة .. بكثرة ماسافرات وجالت وشافت انواع اشكال ديال الجنسيات وخدمات مع ناس واصلين ومن غيرو هادشي كبيرة بعقلها وكبر مني وكتفهمني ودائما محايدة ولو لا السفر وديبلاسمون لا كنت ديما لاسقة فيها ومعاها . من واحد الناحية ترونكيل تقيلة وبعقلها ومن ناحية اخرى تعضر معاك فجميع المواضيع وضحك وكول مع راسها . بقينا كنهضرو ونضحكو وقلت ليها غير سكتي انا راني عندي الهرمونات زايدين كنسخن دغيا ومصيبة كحلة وليت نشري الدوا
قالت ليا مالكي عليها ياختي معاك جاد الهواري وكتشري الدوا .. طلقي السخون وعيشي الى ثلاتين عام راك فتيها ودوزتيها عمرك كتشوفي وساكتة ..
قلت ليها انا مابغاش نضيع جاد .. الى درت معاه شي حاجة مكاين جواج مكاين ولاد غنبقاو فالمصاحبة اللهم خليني باش يفكر يتزوج .. انا اصاحبتي الى قضينا دابا الغرض! علاش غنتزوجو اصلا
ضحكاتني وقلت ليها والله مانطفيه داكشي اللي بقا !... انا قلت ليه من جاد نخلاق
قالت ليا الى من جاد تخلاقي نوضي تزوجي بيه وشوفي ديري ليه وديك الساعة شعلي الضواو ماشي بخال واحد صاحبتي جالسة كنضهر انا وياها ربعطاش لعام مزوجة عمرهم شعلو الضوء كينعسو فالضلام
ضحكتاني وقلت ليها لالا والله جاد لا طفاه هوا كيبغي يشوف ويتفرج
قالت ليا هي راكي جربتي
قلت ليها ولاكن واحد المرة فرنسا كنا غنديرو وجات ليغيكل
قالت ليا وعندك الكمارة اللي تخليه يشعل الضوء ! .. انا واخا هاكاك منقدرش يا ختي
قلت ليها لالا احبيبة عاادي واش زعما على العيوب!!!... مالو هوا زعما مصنوع من الذهب ! عااادي انا ماعنديش ديك الفكرة ديال لا ... طفي .. لا ماعرفت شنو ... تقدر تكون فداك الاول اما مت بعد صافي يتفرج حتى يشبع مالنا اختي مانعيشوش نحرمو راسنا فالحرام وفالحلال!
(غتكون فالقصة ثقافة جنسية)
بدات كضحك وقالت ليا واغير تزوجيه .. تزوجيه راه السخونية اللي فيك غتلوحك شي نهار من السرجم عريانة .
قلت ليها واييييه غير سكتي راه جامعة ليه لكريدي ديال 30 عام
ضحكت وقلت ليها : انا اككككثر وحدة مزغلة باش تكون فبالك وحيدتو كامل ماخليت حتى شعرة ... واخا زعرة .. حجباني يعطيوك الخبار شوفي كي غلاض ماشي خفاف وشفاري عندي كتار .. ولاكن زعر ورطب فهمتي .. دابا حيدتو ولات اللحمة رطبة ولاكن راه فديك البلاصة كان عندي كثييف وتهنيت منو فمرة رجع ارض قاحلة
قالت ليا وا وريني فين درتيه راه ماعنديش الوقت يالاه نسالي الحصص مزال غنسافر
قلت ليها يالاه دابا حيت حتى انا غنمشي مع جاد لهولندا وبدات كضحك قالت ليا جاد يا جاد كن تشوف اشنو كيوجد ليك هه
نضنا كنضحكو تاصلت بالعيادة قلت ليها غنجيو ناخدو رونديفو لصاحبتي وانا خصني حصة مزروبة .. مادام غادية غادية نحيدها عليا ومشينا كانت العيادة كبيرة و اقية ولاكن فيها ثلاتة ديال الطبيبات شاركينها .. سولت على الطبيبة ديالي لقيتها خارجة ومكان عندي حتى حل من غير نشوف مع طبيبة اخرى من بعد ما عطينا لبشرى رونديفو .. دخلت كنهضر انا وياها باش نحيط الحشمة والستريس وطلعت على البياص حيدت كولشي وبدات تخدم على دوم الزغبات اللي ناضو وتابعاهم حتى للوسط وانا معاوناها برجلي حتى لواحد اللحضة وقالت ليا واش دايرة الفيلر!!
قلت ليها والله ماعارفة اول مرة نعرف باللي الفيلر كيدار تما
ضحكات وقالت ليا اااه كاين اللي كيقول ليها راجلها سيري ديريه وكاين اللي كتجي راسها راه فرق باين .. فالعلاقات الجنسية كاع الرجال كيبغيو مايو منفوخ مكاينش اللي مايموتش عليه
ضحت واحد الضحكة فرحت ! الله على زهر صااافي غنشد جاد مغيتفنفنش معايا غنصدمو وتحمست قلت كنضحك قلت ليها اهاه زيدي عفاك شرحي ليا هادشي راه مهم خاصني نعرفو
بقات كضحك قالت ليا عجبك الحال
قلت ليها معلوم عجبني الحال نتي كتقولي ليا كيموتو على التبطبيط ومنفرحش ! .. وكيجيو عاااادي ينفخو ؟ فين بالضبط كينفخو حتى انا راه نفخ ماعنديش مشكل
بدات كضحك قالت ليا : كيجيو كيقادو ليلفغ وكينفخوهم .. كاين اللي كيقصهم ولاكن هاداك اكبر خطأ كيندمو عليه كتموت من بعد الرغبة الجنسية وحتى الراجل كيمل.. اما الفيلر راه كينفخو بيه ليليفغ والوسط كامل الضورة ديال الفرج كلها كتنفخ ولاكن بالقياس كاين عبارات كيتخادو ديال النفخ
قالت ليا لاااا واياك تزيدي على هاكا صافي داكشي اللي كيجيو يديروه راه عندك خليفة .... وقليييل واحد النسبة قليلة اللي كيكونو طبيعين هاكا انا الاغلبية غير كينفخو واول مرة نصادف شي بنت هاكا عندها نفخ طبيعي
قلت ليها : ايوا اختي انا مباركة مسعودة راه ماجيتش وكنت سخونة غير هاكاك
قالت ليا : شنو؟
قلت ليها والو غير العرمونات عندي زايدين .. دابا صافي غير هاد الحصة وصافي ميأثر ليا هادشي على النفخ
ضحكات وقالت ليا الحاجة الطبيعية ماعندك مناش تخافي منها ..
وافرحة هي ماكنتش عارفة حقيقة هادشي اول مرة فحياتي نسمع ليه وعمرها طاحت فبالي ! شكون قالي غينفخو العيالات ديك البلاصة وشوف فين وصلو وفين مشاو وانا مزالو فدار عفلون ومزال شحال من حاجة ماعارفهاش وشووف تشوف امتا نعرفها ! فعمري 33 داخلة على 34 وثلاتين وغافلة على شحال من حاجة .. باقا كيحسابني باللي الفير كيدار غير للفم ولاكن راه صدماتني جوج صدمات . اللولة هي ان الفيلر كيدار تما يجملو بيه ديك البلاصة ويعطيوها نضارة وينفخوها باش تزيدهم احساس اكثر واعجاب الراجل بداك التبطين والثانية هي انني مبطنة وانا مافراسي والو!. بلحق هادي طلعات ليا المورال خرجت من عندها فرحانة عاجبني الحال خصوصا فاش قالت ليا قلال اللي طبيعين فهادشي تما حسيت براسي مختالفة وسبيييسيال خلاها جاد واخا فالصراحة كنت كنكره داك التبطين مكانش كيعجبني فاش كنبغيو نتضوا ودوك ليليفغ كنت كنكرهم ماكرهتش كن مكانوش وكن كنت جلدة على العضم حيت كان كيحسابني عيب و خايب واكفس ماعندي لاكن تبدلات نضريتي وحبيييت كلام الطبيبة خصوصا فاش قالت ليا راه كيتولي الجلدة مترهلة كيجددو ليها الشباب بالفيلر و ينفخوها تما حمدت الله اللي مارانيش مجلودة وبخيري وخميري وارتاحيت بقيت كنفكر كنقول مع راسي نهار غادي نعس مع جاد ماعرفت كفاش غتكون ردة فعله .. متشوقة . تفوو شتي عقلي شنو ولا فيه وباش عامر !.. راه ميمكنش راه مرضت انا خاصني شي حل حيت مابقيتش قادرة نصبر .. وحتى الدوا خايفة منو نشربو ولا يقطع ليا الحواس مزالة مترددة . خرجت انا وبشرى قالت ليا مال وجهك احمر قلت ليها والو غير حشمت ومشينا كنتجمعو طعلتها معايا باش نوصلها لطموبيلتها ونمشي بحالي
وصلت بشرى وتميت راجعة بحالي كان بين بلاصة فين حطات طموبيلتها والمدينة واحد المسافة خاوية لاسكنة لا والو غير الشجر والدنيا خاوية طريق وطنية عادية مشيت معاها والضلام وكنفكر وطالقة الموسيقى فطريقي راجعة بحالي حتى شوية طاحت شي حاجة قدامي فوق الزاجة ماعرفتش شداكشي واش بيض ولا شنو داك العجب وكملت مخفضة السرعة بغيت نمسحو بسويرغلاص لاكن عاد مازاد تطلا حجب عليا الرئية وشديت ليمن وقفت وكنرش فالماء ونمسح بسويركلاص ووالو داكشي كيزيد يسلق حتى طلا ليا الزاجة كلها ماعرفتش كفاش نمسحو والبيض مشكيلة كيتعلك مابغاش يتحيد ومنقدرش نكنل طريق مكنشوف والو وجلست بلاصتي الطموبيلات غادين كيدوزو والضلام .. خفت نزل مسحو بكلينيكس والليل ويخرج ليا مول البيضة نيت اللي ضربني وبقيت فبلاصتي سادة عليا وكنترعد ونزيد شوية ونوقف ونزيد ونوقف وكنصوني لجاد نشوف فين هوا الى مسالي يجي يفكني . جاوبني قالي يالاه خارج من لاصال قلت ليه راني فالطريق ها فين كنت ها فين غادية والضلام طريق كتدي وتجيب وراه شي حد لاح عليا بيضة وجيت نمسحها تطلات وانا حاصلة .. ماخلانيش نكمل هضرتي خلعني قالي بقاي فطموبيل متخرجيش انا غنجي دابا فينك بالضبط
دورت عيني تخلعت من صوتو يالاه غنقول ليه فين انا وهوا يخرج ليا واحد طار ليا على الزاج حل فمو وخرج لسانو كيخلع خلعني حتى غوت وطاح تيليفون من يدي وقلبي بغا يسكت وكمل ليا واحد اخر من الواج اللي من الجهة لخرى طار على الزاجة بنفس الطريقة خلعني بحال شي وحوش وجههم كحل ومشرطين كيخلعو ماقدرتش نتنفس الخلعة تلفاتني يدي بداو يشطحو ماعرفتش نتحكم فيهم وباغا نزيد نهرب بالخلعة تلف عليا كلشي ماعرفت ندير حتى حاجة حتى رجلي بداو كيشطحو ماقدرت حتى نكسيري ..
شفت الموت بعيني بالخلعة وهبطت وجهي كنغوت بهستيرية خفت نهز راسي ونحل عيني وهما نشوف فيهم وبديت نبكي ونشطح فبلاصتي .. هزيت غير تيليفون بين رجلي ماشفت لا فيمين لا فيسار وهما كيدفعو فالباب باغيين يحلو الطموبيل وكيدورو بيا من ليمن وليسر وانا كنشوف فيهم وطايحة بالخلعة . احساس مانتمناه لحتى واحد واخا يكون وكلني السم حيت صعيب وصعيب بزاف . لقيت تيليفون كيصوني وتلفت ماقدرتش نركز .. كنبغي نركز كندوخ وجاوبتش قالي بواحد الطريقة مخلوع شنو وقع شنو طرا واش لباس
كيهضر وكنسمع واحد الصوت مجهد بزاف .. صوت طموبيلتو فالطريق وفاش كتكون جابدة على مية وثمانين كتعطي داك الصوت وهي اصلا فيها السرعة مجهدة واخا يمشي بستين ماشي بحال الطموبيلات العادية عرفتو جاي عندي قلت ليه انا هافين وكنبكي ونغوت وصوت الضرب فالطموبيل كيخلعوني بيه باش نحل الباب ..قلت ليه جري غادي يخرجوني من الطموبيل عفاك جري عتقني غيشدوني ومع الكلمة اللخرى ضرب واحد بواحد الحجرة كبيرة فالزاج اللي حدا الكرسي اللي حدايا وبظا يدفع فيه وانا كنغوت وبلخلعة ديماريت زدت واخا معارفاش فين كنمشي المهم زدت وواحد فيهم طالع ليا على الكابو قدامي وكيضرب وكيسبو ويعايرو بقيت مكسيريا حتى حسيت بيها خرجات على الطريق زلقات فالهبطة بيا وبديت نرجع اللور نطلع وكنرجف وفمي نشف بالخلعة باغا غير نهرب.. وكندفع الطموبيل ترجع اللور وتقاتل وهي كتشطح بيا تطلع شوية وتهبط وشادة الفران باش متزيدش تهبط .. واحد الحالة حصلت فيها بين نرجع اللور ومانولقش القدام وكملو ليا لخرين لحقو عليا وكيضربو بالحجر ويفتتو الزاج وانا باغا نرجع اللور حتى لواحد اللحضة دخل واحد يدو باغي يفتح الباب وماعرفش منين بقا كيتفتف بيدو والطموبيل كتعصر ودير الصوت .. قاومت وغنقاوم حتى لاخر نفس الى كنت غنموت وانا كندافع على راسي غير نموت ومنعيشش داكشي اللي غادي يديرو فيا خصوصا فاش تهرس زاج الطموبيل وفرحو وضحك واحد ليا قالي حبيبة... ماعندك فين تشهربي
حسيت براسي تخنقت النفس ولات تسابق فصدري وقلبي وبقيت كنجاهد والباب مابغاش يتحل ليه وماعرفش منين يحلو حتا جا واحد اخر دخل يدو وراسو وانا نسمع الباب تحل .. غير سمعتو تحل حسيت ببراسي غنسخف وبديت نغوت ونزيد نعصر فالطموبيل بحال شي حمقة وهوا يدخل عندي كان شمكار كلو مخسر بغا يجرني من يدي بقيت كنهرب وهزيت رجلي هبطات بيا الطموبيل دخلات فواحد الشجرة وتخبطت انا وهاداك اللي كيجرني لاكن مازلقات بزاف كانت الشجرة قدامي دغيا حداتها وجلست نغوت لربي لي خلقني وهوا كيقول زيدي خرجي .. خرجي يا بنت*** .. خرجي ليوم غ*****
سمعت ديك الكلمة درت يدي على ودني كنغوت ونفركل فبلاصتي ونضرب فراسي قلت ليهم خودو داكشي اللي بغيتو هاهوا صاكي خودو كولشي خليوني نمشي بحالي لاكن قرب ليا شميت ريحتو خانزة ودني من يدي حل الباب اللي جيهتي ودفعني لبار طحت ماعرفت اش داكشي طحت عليه واش شوك واش حجر المهم ماحسيتش بقوة الخلعة ونضت بالزربة وقفة كنجري طلعت بغيت نخرج للطريق لاكن جرني واحد اخر من شعري هبني فلحدورة قالي باغا تهربي يا بنت ****.. زيدي .. زيدي نوريك لمك
شديت فراسب وكنغوت وهوا يجي واحد اخر ثالت حط عليا الجنوبية كان طويل كيخلع وكيدور عينيه فبلاصتهم قالي غتسكتي دابا ولا غنخشي فمك هاد المضا .. تحركي بلا هضرة وبالسكااات
تلفات ليا الهضرة وهما شاديني بجوج والثالت فالطموبيل كيقلب فيها .. قلت وانا كنقرقب فسناني خودو اللي بغيتو خودو كولشي خليوني نمشي بحالي .. خودو الطنوبيل غير طلقو مني نمشي
شد ليا واحد بوولتي برك عليها بيدو حتى غوت وشديت صدري قالي سكتي ... سكتي***** هنا بغينا هاد ***** ...وبخاطرك ولا بزز
عرفت راسي مشيت فيها وتدمرت لاكن مابغيتش نستسلم قلت ليه عفاك اخويا .. عفاك غير ماضربنيش غندير ليكم خاطركم
بديت كنعاود ليه بالتفاصيل كل دقيقة عشتها وكل ثانية وشنو سمعت وشنو تقال وكفاش دافعت على راسي حتى لاخر رمق وكفاش كنت كنطلب الله ينجيني ويحميني ويوصل هوا عندي قبل ماتكرفصو عليا . كحز عندي عنقني وضحك قالي حربية مع راسك .. ماعندي مانتسالك مزياان
مرضوني بالهضرة ولاكن انا اللي درتها لراسي وكرهت راسي وحياتي وحتى جاد كرهتو وكرهت الموقف اللي حطيت فيه راسي قدام بابا وقدام جاد ومجرد التفكير فيه كيأزمني .. شربت المهدئ وكثرة الهضرة فوق من راسي مكتساليش .. رجعت كنتمى الموت وهاد المرة من اعماق قلبي وشراييني . خديت الدوا اللي كنت قطعت ونعست مرة اخرى اطول نعسة غبت فيها على الواقع وغابو فيها مشاعري حتى هما ورتاحيت .
ماعرفتش شحال كانت فالساعة المهم تهنيت من الهم والغم ديك الوقيتة اللي نعست فيها وفقت لقيت الدار خاوية .. حتى سعاد حشمت منها وحشمت نشوف فيها واخا مدخل حاذرة راسها وتخرج حاذرة راسها .. سولتها فين مشاو قالت ليا مشاو .. وداك السيد راه رجع هاد العشية ك... قاطعتها قلت ليها صافي .. صافي مابغيتش نعرف شي حاجة اخرى .. خليني بوحدي
خرجات خلاتني وبقيت جالسة .. رجعت السينتة ديال حياتي كلها قدام عيني وشنو عشت وشنو شفت ولقيت راسي محتاجة نعيط للطبيبة وعيطت ليها من الفيكس قلت ليها محتاجة نرجع للمصحة .. قالت ليا علاش ياك وليتي لباس قلت ليها لا .. طراو ليا شي حوايج خايبين بزاف ... خاصني نرجع للمصحة عمري ليا الورقة ندخل مصحة من غير هاديك اللي كنت فيها
قطعت معاها وماكليت ماشربت ... خديت الدوا ورجعت نعست واخا كنعاود نفس الخطأ اللي درت فتركيا لاكن هاد المرة عارفة شنو ممكن يوقع ليا ومع ذلك ماهمنيش ونعست قلت واش نصبح ولا منصبحش لاكن صبح الحال ونضت جسد بلا روح .. لبست حوايجي ومشيت عندها للعيادة سبقاتني انا اللولة وجلست ، غير شافتني قالت ليا مالك مال وجهك صفر .. جات تمد ليا كاس ديال الماء شديتو ويدي كترعد بوحدها بلا منلاحض حتى قالت ليا علاش يدك كترعد ؟ عاودات عطاتني ستيلو نشدو باليد لخرة شديتو ويدي كترعد وقالت ليا هضري شنو كاين ؟ شنو وقع ؟
بديت كنعاود ليها وبلا منطيح حتى دمعة حكيت ليها على كولشي اللي شفت واللي عشت وغمضات عينيها تنفسات قالت ليا شوفي .. يديك كيترعدو وهادشي ماشي طبيعي ... حالتك تضهورات اشيماء بزاف لا دوا غيقضي فيك ولا حتى حاجة دابا .. الحل هوا المصحة وحتى واحد من الناس اللي ضايرين بيك خاصو يوصلك
قلت ليها انا حاسة براسي داكشي علاش قلت ليك ندخل للمصحة حيت مابقيتش قادرة .. وحتى باش نسير المحلات ديالي مغاديش نقدر
قالت ليا صحتك اولا ... بيعي كولشي .. بيعي كاع اللي عندك وجمعي فلوسهم حتى تعاودي توقفي على رجليك ... ماخاصك تهزي الهم لحتا حاجة من دابا لفوق .. خاص بالك يخوا .. ويرتاح ومتشوش عليك حتى حاجة . وباش تتهناي من هادشي كامل الحل هوا تبيعي ليبروجي ديالك اللي هازة ليهم الهم و باك ومك الى بغيتي ترتاحي من جيهتهم ديري داك العقد ديالك نتي وجاد سكتيهم وعطيهم التيساع فمرة مايشوفوك ما تشوفيهم .. ولاكن واحد غياكل الدق فهادشي هوا جاد
قلت ليها مابقيتش باغا نشوفو حتى هوا ..
قالت ليا الحل اللي ديري هوا تزوجي مؤقتا على ود واليديك ومن بعد طلقي نتي وياه .. هادشي اللي وقع ليك راه يخليك تكرهي راسك ماشي غير الناس اللي كتبغي
تافقت مع كلام طبيبة ومشيت عليه بالحرف .. وسولاتني واش جيت كنسوق قلت ليها لا جيت فطاكسي ققالت ليا احسن ليك وممنوع السياقة دابا .
اصلا مابقات لا طموبيل لا والو عندي وحالتي يرثى لها كتشفي لعدو . خرجت من عندها فطاكسي وشعلت تيليفوني لقيت بزاف ديال ليزابيل من عند جاد .. سيفطت ليه مسج قلت ليه عفاك العقد اللي قلتي غنديرو انا كنتسناه .
من بعد ما رسلت الرسالة جاني اتصال من رقم اخر كنت لقيتو ديجا متاصل بيا وفتحت الخط كانت مرى كبير فالسن شوية باينة من صوتها قلت ليها الو شكون؟ قالت ليا مامات جاد .. بغيت نقول ليك الله يرضي عليك ابنتي ... خلي جاد يركز على مستقبلو وبعدي منو .. ماشي ديال الزواج فهاد الوقت وانا مقابلاش عليه .. من الساعة اللي قالها لي وانا مريضة الله وحدو اللي عالم بحالتي وقدري هادشي وخليه عليك فالتيساع .. لانتي تصلاحي ليه ولا هوا يصلاح ليك والله يرضي عليك بعدي عليه .. انا كنهضر معاك بشوية بلا صدع بلا مشاكيل .
سمعت شي واحد حداها قالها اري نتفاهم معاها وخدا تيليفون كان خوه العدو اللدود ديالي قالي شوفي الله يحفضك دويت معاك بالادب نعار الاول قلت ليك فوتي عليك السيد مابغيتيش تفهمي بالادب دابا غنخرجو ليها نيشان .. يا اما تعطيه التيساع يا اما غندمك على النهار اللي عرفتينا فيه وكنعاااااود نكررها ليك ... غتعطيه التيساع مرحبااا .. مغتعطيهش التيساع غتشوفي اللي عمرك شفتيه يالاه بسلامة .
النقطة اللي فيضات الكاس . وفعلا فاض الكاس من بعد الهضرة اللي تقالت ليا .. حسيت براسي حشرة .. مانسوا والو .. حسيت براسي عالة على نفسي وعلى واليديا وعلى المجتمع والعالم كله . تكسرو جناحي وتهديت وعاودت تاصلت بديك النمرة نفسها جاوباتني مو وكتهضر مع ولدها كان باغي هوا يجاوبني . قلت ليها شوفي اخالتي .. غير تهناي من هاد الناحية مغاديش يعاود ولدك يذكرني ليك ولا تسمعي سميتي مرة اخرى
قالت ليا سمحي لينا حتى حنا ولاكن راكي عارفة الولد مزال صغير .. مزال قدامو مستقبل .. الله يرضي عليك راه مابغيتش الصدع و...
سكتات سمعت ولدها كيقول ليها شنو تقول وهي مركزة معاه وقالت ليا وخلي هاد الهضرة بيناتنا مابغيتش توصل لجاد وهوا عندو مقابلة خاصو الدعم ... ولا من الاحسن قولي ليه نأجلو موضوع الزواج غير حتى تنجح فالمقابلة ديالك وعاد ديك الساعة كملي حياتك وخليه يكمل حياتو .. الله يسهل عليك وسمحي ليا .. والله ابنتي ماا..
ماخلاهاش ولدها تكمل خدا ليها تيليفون وهضر معايا بالادب قالي شوفي اختي .. الى بصح عزيز عليك جاد باغا ليه الخير ماتشوشيش عليه خليه يفوز بهاد الكومبة .. حنا هدفنا يفوز بيها وماشي وقت الزواج ماشي وقت حتى يوقع شي مشكل يشوش عليه
بقا كيسول على احوالي وعائلتي وبغا يشوفني مور لونتخيمو بقيت كنتهرب من هنا ومن هنا كنعطيه اعذار صحيحة وقطعت معاه وسديت التيليفون فمرة ويدي كيرجفو .. حاسة براسي مريضة والارتجاف زاد كمل عليا وكل مرة كتوقع ليا شي حاجة كيبانو فيا اعراض جاداد .. مابقيتش قادرة نتحكم فشنو كنشد فيدي وحتى لساني رجع كيهضر ويتمتم كنخرج الكلمة بزز
رجعت للدار وقلت لسعاد تجمع ليا حوايجي اللي نحتاج وتسد الباب ورايا فاش نخرج من الفيلا ماتخلي حتى واحد يدخل ليها ماهما كان .. شوية فكرت نكريها من الاحسن وقلت للعساس يقلب على اللي يكري فيلا مفرشة وقالي سمعا وطاعة . جمعت حوايجي كلهم اللي فبيتي واوراقي وكل شيء وهبطت للاكاف كان فيه بيت زايد ستفت فيه كولشي اغراضي واوراقي المهمة خزنتهم فالبوسطة وهنيت راسي .. بقات ليا الطموبيل كلفت العساس بيها قلت ليه يصلحها ترجع كي كانت حيت واخا كالاتها الشجرة مامشاش الموطور و تكلف مشا صلحها ودرتها فالبيع حتى هي .. حيت اصلا شيماء اللي تسوق طموبيل مابقاتش .. وكلي كنفيبري وغادية بلا عقل .. واحد الطريف اللي بقا ليا ريكلت بيه الامور ودرت البارا اللولة والثانية فالبيع .. كلشي تصدم ماعرفوش علاش غنبيع وهي كدخل ليا وخدامة مزيان لا كن الصروف حكمت ولقيت الشاري دغيا .. كانو مالين المحلات نيت اللي كارية عندهم هما نفسهم اللي شراو مني المحل باللي فيه وخرجت هازة يدي فالسماء جمعت كولشي فالبنكة ولاكاف سديناه بساروت كبير ودرت ليه باب دالحديد واخا نكري الفيلا يبقا ليا لاكاف يجمع ليا حوايجي . بقا ليا غير با اللي درت معاه ندير ليه البروجي سيفطت ليه لكونطابل ديالي قاليه باللي شيماء باعت المحلات وغادي تخلص الكريدي ديال البنكةة دفعة وحدة وتكتب ليك البروجي وباللي عطيت الميزاني ديال المشروع كامل لمهندس هوا يتكلف .. درت هادشي على الله نرد شوية ديال الضو اللي طفا ونراضيه واخا داكشي اللي درت لا يغتفر . ابدا ..
كان هاادا هوا الاختيار الانسب بالنسبة ليا وكما قالت ليا الطبيبة خاصني نخوي راسي وخويتو من كلشي الا جاد اللي بقات مطيرقته كضرني فخاطري وكفاش غادي نصارحه ولا شنو نقول ليه من بعد ... انا انسانة مريضة وحياتها كلها مريضة ... عند بالي غنعيش السعادة فاش ندير الفلوس لاكن تحقق الحلم ودرت الفلوس اللي مادراهم حتى واحد .. لاكن مقابل داكشي خلصت بأعز ماعندي .. حياتي .. صحتي .. الناس اللي كنبغي .. وحتى واليديا .. شنو غادي نقول ليهم على العقد ؟ شنو غنقول ليهم على الزواج اللي كيتسناو .. شنو غندير فحياتي المشبكة اللي مابقا ليها لا طعم ولا حتى حاجة. هزيت حوايجي ومشيت برجليا للمصحة في حين كان جاد شاد الطيارة لهولندا ... غير وصلت وشديت البيت ديالي مع المرضى النفسين قررت نقول لماما باللي مكاين لا زواج لا والو وتاصلت بيها قلت ليها انا غنخوي البلاد ونمشي وصافي ماكاين لا زواج لا والو وسديت الموضوع واخا بقات كتبكي وتشكي مالقيت منقول ليها من غير ترضي عليا وصافي على الله نبرا شوية ونرد صحتي . عمرني ضنيت نمرض هاد المرض هادا .. كنعرف المرض عضوي نقدر نتألم نقدر نعاني او ندير عملية .. لاكن عمرني عرفت هاد المرض النفسي اللي عندي وكفاش كيبدا يتطور حتى كيولي عضوي وكفاش الحمق حتى كيفقد عقلو مسكين .. هاد المراحل كلها اللي عشت ودزت منها كنت كنقول غادي نرجع خطوة اللور ونرجع لصحتي لاكن عاد مكنزيد نقرب من الحماق .
سديت تيليفون وقلت لماما نهار نبغيك انا اللي غادي نتاصل بيك وساليت الهضرة وجمعت وطويت وجلست فالمصحة كنتعالج وكنحاول مانفكرش فشي حاجة اللي تزيد تكمل عليا . بقيت دوزت اليوماين اللولة كنمشي ونجي غير تما ونتعرف على الاطباء ونهضر معاهم مرة مرة وفالعشية كنشعل تيلي باش نبقا شادة الخط مع جاد ميقولش غبرات ويبدا يقلب عليا وينسا راسو واخا فكل مرة كنشعل فيها تيلي كنتعدب ونشوف الويل ونكمدها حيت عارفة اخرت هاد المكلمات شنو !
حياتي بردات .. رجعات مملة .. ألمني فقدان البروجيات ديالي بزاف .. وحتى داري اللي سكنو فيها ناس غراب . وزيد على هادشي واليديا الل ماعرفتش اشزكيدكروني بالخير ولالا . بديت كنتجمع مع واحد الطبيب كبير شوية فالعمر عمرو شافني تما وباين فيه طبيب متمكن .. استغرب وقالي شنو كدير بنت صغيرة بحالك هنا شنو المشكل اللي عندك؟
ضحكني وقلت ليه مشاكيلي كتيرة بزااف وهادي ثاني مرة ندخل للمصحة وها الدوا اللي كنشرب . تصدم فاش الدوا وبقا ساكت مطولا مقالي والو وبغا يعرف قصتي لاكن ماحكيت ليه والو من غير الهضرة اللي كنتجمعو عليها انا وياه بعد المرات .. لقيت على الاقل شي واحد يفهمني ونرتاح معاه فديك العيادة .. شاف يديا اللي كيترعدو ولساني اللي كيتمتم فالهضرة وتأسف لحالتي وديما كينصحني ويدعمني حتى لواحد النهار لقاني جالسة فالجردة بوحدي كنشوف فواحد الشجرة وجلس حدايا تنهد وقال اااه شيماء يا شيماء ... ماعرفت اشنو غادي نقول ليك والله لعضيم ... حالتك صعيبة بزااف ومع الوقت غادي تفقدي السيطرة على الحواس ديالك مغاديش تقدري تسيطري عليهم
قلت ليه لحد الساعة ماعرفتش سبب هاد الارتجاف وتمتمة اللي ولات فيا
تنهد وقالي سببها الدوا اللي كتشربي ... كيرخي الاعصاب ويشنجهم باش متقدريش تحكمي فيهم وتسيطري على راسك وتبقاي مهدنة .. هادا هوا السبب ... الدوا اللي كيدير هادشي وغدخلي فدوامة كبيرة ديال الجهاز العصبي كاين اللي كيتشلل .. كاين اللي كيبقا هاكا كيرجف .. كان اللي ميتحكمش فالحركلت ديال يديه .. مع المدة غتبقا يدك تحرك راسها ورجلك وتقدري تمشي وطيحي ..بحال الاعاقة كترجع فهمتيني
شفت فيه يائسة ومابغيتش نوصل لديك الحالة وقلت ليه علاش ماقالوش ليا هادشي
قالي ماعندهم ما يقولو ليك .. الى قالوها ليك مغاديش تاخدي الدوا ... وغادي تزيد تكفس صحتك اكثر من جوانب اخرى... انا ماكرهتش كن مشيتي تعالجي برا ماتبقايش هنا ... تما على الاقل واخا تاخدي الدوا كيتابعوك بالترويض ويخرجوك ويعاونوك مايخليوكش هاكا جالسة بوحدك .
قالي كاين واحد الدكتور صاحبي فباغي فلوبيتال ديال الامراض النفسية الى عندك امكانيات سيري تعالجي تما احسن ليك .. اما هنا غير غتزيدي تمرضي وصافي .. من الاحسن اللي بعقلو بلا ميدخل لمصحة كيزيد يمرض .. يخلي غير اللي فقد عقلو فمرة وهوا اللي يجلس فيها
قلت ليه انا ماعنديش مشكل فالفلوس نقدر نمشي لأي بلاد وحتى الفيزا دفعتها .. الى قدرتي دير فيا هاد الخير سيفطني لتما عمرني نسا خيرك
قالي الى عندك الامكانيات راه تمشي راسك غادي نعمرو ليك الضوسي ونسيفطوه ليهم هما يستقبلوك .. احسن ليك ما تبقاي هنا
لقيت راحتي وقبلت باش نمشي لفرنسا نتعالج وبديت نجهز راسي وجمعت الشنط ديالي ورحلت من البلاد وخليت كولشي ورايا .. وهربت من كولشي الى نفسي هي اللي ماقدرتش نهرب منها .. مشيت فسيارة خاصة من المطار للمصحة والطريق كلها وانا كنشوف الدنيا والناس وتذكرت فاش جيت ليها انا وجاد .. وفهاد العاصمة اللي عزيزة على قلبي بزاف عتارف ليا بحبه ودوزت معاه اجمل لحضات عمري اللي عمرني ننسا .. ومن ديك اللحضة وهاد المدينة عزيزة عليا وعندها مكانة خاصة فقلبي . دخلت للمصحة كانت مختالفة على اللي كنت فيها فالمغرب .. الطريقة باش استضفوني وعطاوني بيتي وتهلاو فيا ودارو ليا مرافقة سميتها انيتا تتكلف بيا كما النرضى اللي فالمصحة عندهم كل واحد مكلف بيهم فالادوية والنوم ومرتبتين ليهم التوقيت ديالهم . شخصو حالتي النهار الثاني ودارو ليا فحص شامل لجميع الاعضاء ديالي ودارو ليا شبكة ديال الرأس وفحصو ليا عينيا وخملوني كاملة ماخلاو فيا حتى حاجة مافحصوهاش فيا بقيت غير كنشوف دوك الالات اللي كيعبرو بيها حالتي ماعرفتش حتى شنو اللي كيعبرو فيا واش اعصابي واش ضغطي المهم دزت من مراحل كثيرة وكيهضرو معايا بشوية وبالهداوة وانا كنحاول نهضر وكنتمتم مقادراش نخرج الكلمة وماعنديش مع الفرونسي بزاف صعيب عليا نركب جملة . بدلو ليا الدوا اللي كنت كناخد عطاوني واحد اخر مكلفة بيه انيتا انا غير كنشد ونشرب وقايمة بواجبها على اكمل وجه ديما حاضية الساعة . كانت عندهم جردة ومسبح وبركة ماء وبط ووز تما كنت كنخرج انا والمرضى اللي معايا كنلوحو ليهم الماكلة وفتات الخبز .. بديت كذلك حصص الترويض على الحركة والنطق ومنها نيت نولف الفرونسي اللي عندي منها عقدة .. مابقيتش كنسمع حس العربية بمرة كنضطر نهضطر فرونسي واخا غير تخربيق لاكن ليوم غدا ليوم غدا والحوار مع المرضى والترويض بديت كنعرف نهضر معاهم ونفهم .
دوزت شهر الاول وحالتي صعيبة وحتى تيليفون منعوه عليا مابقيتش كنعرف الاخبار شنو فيهم وبغيت نعرف غير جاد واش ربح فالمقابلة ولالا لاكن ماعندي منين نعرف . درت جميع المحاولات باش نعرف ماقدرتش .. لا اتصال لا تواصل لحنى حاجة تعزلت على العلم الخارجي والمواقع وكل شيء وبقيت غير انا والمصحة ، الترويض والطبيعة والادوية والنوم باستمرار والانضباط لمدة سنة كاملة بدون انقطاع
بحال كل يوم كنعيشو فالمصحة صبحت فرحانة حيت غادي يخرجومي لبيكنيك اخيرا وشحال وانا كنطلب نخرج وقنت واخا ولفت المصحة ولفت الناس اللي فيها ولفت العقلية ديالهم .. نسيت على طريقة تفكيري وحتى عقليتي القديمة نسيت عليها انجرفت فالتيار معاهم وليت كنهضر بطلاقة ودرت صداقات مع المرضى اللي بحالي ومع الاطباء والمنرضات .. ولينا عائلة كنحتافلو فالاعياد ديالهم ونفرحو .. ونضحكو تكونات بيناتنا واحد العلاقة وطيدة كنسحو ببعضنا كنحزنو على بعضنا لاكن الحمد لله تجاوزت مشكل الحركة والنطق ورجعت كنتحكم فراسب وكندير الرياضة عندهم حيت مهمة بزاف وجزء من العلاج مكنتغيبش عليها حتى حصة . اللغة اللي كانت عندي منها عقدة وليت كناكلها ماشي غير منهضر بيها والعربية اللي كنت كنهضر ليها تلفات على لساني حيت عمرني خرجت شي حرف عربية على فمي . دخلات ليا آنيتا واحد الكسوة خضرا موردة نلبسها حيت كان الربيع والجو زوين بزاف وغادي نخرج حيت رجعو كيتيقو فيا وكيسمحو ليا نخرج انا وانيتا وحتى حالتي النفسية استقرت ونسيت كولشي .. مابغيت نتفكر حتى حاجة وتعودت على حياتي هاكا وروتيناتي لقيت راحتي النفسية ودزت من تحديات داروهم ليا فالمصحة بلا منعرف باش يختابرو بيها صبري بلا مهدئ ويعرفو بيها ردة افعالي وكانو كيخلقو مشكل وهمي بلا منعرف وكل مرة نوع المشكل اللي كيخلقو ويكبروه وكنت بعفوية كنتجاهل المشكل وكنتعامل معاه بهدوء وبلا انفعال و غير بالعقل حتى تأكدو من علاجي وفحصوني عاد سمحو ليا نخرج ولبست ديك الكسوة ومشيت خرجت مع آنيتا
خرجت من المصحة انا وآنيتا للشارع وهزيت يدي تنفست وشفت فالسما .. احساس زوين من بعد اضلام يضوب والنور .. احساس رائع كتحسو فاش كتفك القيود ديالك وتخرج للحياة والنور وتحرر . فرحت ومشيت انا وانيتا خرجنا درنا بيكنيك فواحد البحيرة ديال الوز والبط وركبنا الفلوكة تسارينا وسط الوزات واسمتعنا بالجو والطبيعة والغابة.. عجبني الحال بزاف احساس زوين تحيا وتتولد من جديد .. دوزنا نهارنا ورجعنا فلعشية مع شوارع باريس ذكروني فيزاف ديال الدكريات اللي عشت فيها وكانو دكريات زوينة .. واخا كنتفكرهم كنبتاسم عكس دكريات زايد كنت كنمرض ونتأزم فاش كنتفكرهم . لاكن دابا لا الذكريات لا غيرها مزال غتأثر عليا وغنقاوم على قبل نفسي ماشي على قبل شي واخد اخر وغنحاول نرعى نفسي ونحضيها ونحافض عليها حيت ماعنديش من غير راسي فهاد الدنيا وصحتي اهم من كل شيء .. بلا بيها مغتقدرش تعيش او تسعد او حتى تبتاسم وانا جربت هادشي وعرفت بقيمة الصحة فاش كنت مريضة وكنشوف الناس صحاح ماعندهم حتى مشكل وحتى حاجة وانا كأنني ملعونة وتأثير السحر عليا .
دزت حدا واحد الكنيسة كانت كدير داك الصوت ديالها وبقيت كنشوووف فيها قلت واش انا ماعندي رب نعبدو ما عندي دين ! كاع هاد الناس عاطيين حق لدينهم وانا كندكر الله غير فالاوقات الكحلة وبديت كنشوف وساهيا كنقلب على راحتي النفسية اللي مزال تالفة .
فاش رجعت للمصحة وسديت عليا فبيتي توضيت وتقابلت مع واحد القنت واخا ماعرفتش القبلة فين جات وباش غنعرفها و اصلا عمرني عرفتها لا وانا حمقة او انا بعقلي .. المهم قبلت راسي وتستر وشفت الساعة قلت يمكن اذن المغرب وماعندي باش نعرفو .. ماعرفتش شنو نصلي وقلت نصلي جوج ركعات وصافي نطلب من ربي السماحة على الله يسمع ليا ويهديني ويترفع عليا هاد البلاء فمرة ويشوف من حالي .
صليت دوك جوج ركعات حسيت براسي باغا نبكي وبكيت وبديت كنشكي على ربي ونبكي حتى تفشيت وسلمت ونضت تكيت فبلاصتي حسيت بواحد الراحة و الطمئنينة عمرني فحياتي حسيت بيها
أنا وبعدي الطوفان الجزء 11
محتوى القصة
التنقل بين الأجزاء