حكاية أنثى الجزء 56

من تأليف لبنى السرابي
2021طور الكتابة

محتوى القصة

رواية حكاية أنثى

جرات شال كحل دارتو على شعرهاا بقاو زغيبات كيطلو من لقدام ونزلات بوجه شااحب ...شافت طموبيلتو ومشات حانية عينيهاا كتسمع فآذان العصر

خرج من طموبييل ملي شافهاا تقدم جيهتها او وقف كيتسناها توصل عندو ...تبسم ليها ونطق بصوت هادئ:كيبقيتي ؟
هيبة:الحمد لله...جاتني خبارو بليي ماا°°°ت دار كسيدة ملي كانو تابعينو لبوليس

رمش فيها ونطق :وصلاتنيي الخباار ...هوا لي ختار نهايتو تكون هكاا كون ما هوا كنتي تكوني نتيي ...ميبقاش فيك لحال

هيبة:مابغيتش نشمت فييه ...ولكن مابقاش فييا ومبغيتش ربي يسمح لييه
هشام(حك دقنو )اجي نكلسو فطموبيل نهدر معااك (حل ليها لباب من جيهتها كلسات ومشا لبلاصتوو بان ليها صاكهاا لوسط هزاتو حلاتو بينما هوا دخل وسد وراه بابوو

حل لبواط لي بينها وبينو وهز منوو دوا ديالها وقال:كتقلبي على هداا ؟
هيبة(شافت فيه ) ممم
هشام:هيبة ...عارفة ششنو كتشربيي ؟ هدا ماشي دوا ..هداا درووݣ س°°°م اهيبة

هيبة:نتا معارفش منااش دزت
هشام:دزتي من عين لبراا ؟ عاارفهاا واش نتي بووحدك لي تكرفصتيي ا هيبة ؟ نتي بووحدك لي تمرمدتي ؟ راه هادي هيا دنياا واش فاي مشكيل تنوضي تشربيي هاد دوا ؟ تق°°تلي فرااسك ....كتق°°°تلي فشبابك وفحيااتك ...راه ميمكنش ...ميمكنش تعيشي نورغمال لبقيتي تابعة هاد الس°°م ...

هيبة:عااارفة ولكن مقادراش ...دوا تنعاس منقدرشش نعيش بلا بيه ...هاد دوا الى مشربتوش كنحس براسي كنرجف

هشام؛كتصلي اهيبة ؟ (بقات كاتشوفيه كانها دايرة دنب وفعلا دايراه فحق راسها فحق الله سبحانه ) مكتصلييش

هيبة:الله اسمح ليياا
هشام: شتي دوا الاكت°°ئاب شنو هواا ...جوج ركعاات ماشي مليون ...جوج ركعاات شكي فيهم بكيي خوي قلببك ...قراي القراان تاتحسي بقلبك رتااح عوض تنعسي بدوا ...نعسي بسورة البقرة فودنييك ...نفسيتك غترتااح قلبك غيرتااح

*وَنُنـزلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ*

هشام:هيبة ...نتي بنت مأدبة زوينة درويشة ...وبااقة صغييرة 25 سنة رااه عاد قلتي باسم الله فدنياا ...تخرجي على راسك بهاد الس°°م ؟ عندك 21 يوم ترتاحي فيهاا ...بغيتك ترجعيي هيبة وحدة خراا ...هيبة بلااا دوايات مخايفااش

كتسمع لييه وساكتة صوتو هادئ وحنين دخل ليها احساس داافئ وحسسها بالامان نوعا ماا ...هزات عينيها فييه لقاتو كيشوفيها وحركات ليه راسها بواخة

هشام:الله يزيد فراحتك
هيبة:وراحتك حتى نتا اسي هشاام

تبسم ليها بهدوء نطق :امين
مد ليها دواهاا وقال:ياريت متشربيهش نهار على نهار غتولفيي
هيبة:غنحاول ....شكرا على لوقفة ديالك معاياا ...عمري نساها ليك اسي هشاام

هشام:مابيناتنااش ...(شاف شعرها باينة فازك ...نطق قبل متحل لباب )غطي شعرك تحرك لبرد وهوا فاازك

تبسمات لييه وفعلا رمات الشال على راسهاا حلات طموبيل كيضرب فيها لبرد وشجر كيتحرك دغيا طلعات حيت لعجاج رون دنيا لتحت دخلات لدار كتحك فعينيهاا وكترمي فالشال

حيدات لعباية ودخلات لدوش كتشوف فلمرااية وكتجمع فشعرها تغسل وجها ....تفكرات هدرتوو وتقالتو فلهدرة وكيفاش نصحهاا بطريقتو

فعلا نفدات هدرتو توضات وخرجات فرشات سجادة لبسات عباية تصلاة تاع الغالية عريضة ومنها شالهاا ...صلاة لوقات بتلاتا من صبح تالعصر وكلسات على صلااية كتبكي كتبكيي وتدعيي وتسكت وترجع تدعي وطلب ربيي يسر ليهاا ...هزات تيليفونها بغات دخل ليوتوب دير سورة البقرة توصلها ميساج فلواتسااب دخلات لقاتو هشام كان اودييو فيه ساعتين ونصف حلاتو وتفاجئات بسورة البقرة ....طلقاتهاا وحطاتها فوق المخدة لقات راسها بعدات على ربيي وعلى صلاتهاا بسيف مدنيا تلعب بيها كيبغاات

بكات تحسات بخاطرهاا رتاح وعنييها تلصقوو نجات ربيي فسرهاا وبدموعهاا ترجات ...معرفاتش امتاا غفاات والقران مسموع فلبيت كامل ...دخلات الغالية طل عليها لقاتها نعسات ردات لباب وخلاتها


**
مرت تلات اياام من الوااقعة وقفات اقباال بطموبلتهاا جنب المقب°°°رة و هيبة حداهاا وقالت: على النعت لي عطاني شهيد ...الصف اللخر على ليمن

هيبة:واخة
نزلات من طموبيل كتشوف فجنابها دخلات كتقلب بعينيهاا غادية نيشاان وسط لقبورة كتشووف مرعودة لبارح كانو فوق لارض ليوم غطاهم ترااب ...اه يادنياا شحال من واحد طمع فييك وفاللخر اخرتو ترااب

رمات عينيها كتشوف على حد شوف قبورة قدام قبورة جداد وقفات فالقبر الاخير شافت اسمو على الحجرة زيرات على ايديهاا كترمش
هيبة:ربي خدا ليا حقي منك ومزال ندعي ربي يزيد فعدابك كل نهار عشت فييه غندعي فييك ماشي معااك ....حسبي الله ونعم الوكيل فييك ....بغيتي تقت°°°لني الساعة ربيي قتلك ...لقا ترااب لي مكنتيش كترضى حتى تقيسوو بايديك ...ليوم نتاا عاطي وجهك لييه ...تعيا تجبر ابنادم اخرتك كف°°°ن بيض ويغطيك ترااب ...الى كنتي مزياان راك خليتي لي يترحم عليك ...كنتي قااهر خليتي لي يدعي فييك (شافت فلقبر)ونتا خليتي لي يدعي فييك (تبسماات )غنجيب نقااشة ونفرح ونششطح لي ينكدها علياا ماا°°°°ت وكلاه الدود

رجعات خطوات وعطات بظهرها لقبوورة كتزرب بحالا تابعها شي حد خرجات من الروضة كتنهج لقات اقبال فطموبيل كتسناا ركبات جنبها ويحدات زيف وقالت:مشيناا

اقباا:وخة

فطريق برونشات تيليفونها مع الطموبيل وطلقات الشعبيي كتشطح وتغني واقبال كتشوف فيها

هيبة(طفات تيليفون ) اقباال حطيني بغيت نتمشا شوية هناا
اقباال:بوحدك ؟
هيبة(حركات راسها بحماس )ممم خصاني شحال من حاجة

اقبال:وخة الزين نحطك

وقفات الطموبيل فالشاريع وقالت بتأكيد ؛نهبط معاك
هيبة:لاا والله انا غنمشي بوحدي ...توحشت نسرح رجلي شوية فلمدينة ...نتقدا حويجات مكيااج ...شوفي قولي لماما مديرش لعشاا ...انا غنتقداا نديرو شي بسطيلة شهوة منها ...غنتقدا كلشي متهزيش لهم

اقبال:لي بان لييك
باستها وخرجات كتقاد فشعرها ...سدات طموبيل ومشاات فطريق شادة فالسمطة تاع صاكها
تقداات مشات صايبات شعرها دارت سوان فرحانة براسها


بجوج بيهم عايشين كأنهم عروسيين فاول اياامهم ...شهر العسل والقلوبة خارجين ليهم من لعينين قولها وضحك عليهاا ...سهير ضحك لعب ...من طنجة شدوها لتطوان وبعدها الحسيمة كراو دار صغيرة جنب البحر عايشين الحب ومكيفكروش لغدا شنو كااين

فحضن بعضهم مكمشين فلفرااش حاطة راسها على صدرو مظلمين البييت ...صونا تيليفونها مرة وجوج حتى تقلبات لجيهتها كتااوب جارة على لحمها لعاري لغطا ...لقات اقبال كتااصل...شافت فهود لقاتو نااعس وجاوبات جنبو
حياة:بيلوو
اقبال:كنصوني من قبيلة ...شوشتينيي
حياة:ممم مسمعتوش كنت نااعسة(كتاوب )عااد فقت ففف

اقبال:سافرتي باش تنعسي تالطناش تاع نهار
حياة:منعست تالربعة داكشي باش ...كيداير صغيور توحشتوو
اقبال:لبااس
حياة:كيف بقات هيبة
اقبال:هاهياا مزياانة لحد الساعة ...قاتليك بغات تسافر بووحدها
حياة:احسن حاجة دير تسافر تفوج ليها
اقبال: مم تا انا داكشي لي قلت من الاحسن تبدل لجو بوحدهاا

تقلب هود لجيهتها كيكحب زيرات على التيلفوون طافجة من بلاصتهاا وسدات ليه فموو حابسة فيه لكحبة

اقبال:حيااة ...الو الوو
تلفات ومعرفات باش تجااوب بدات كترون وصوتها بان فيه التوتر :اقبال...نعام مبقيتش كنسمعك

اقبال: شكون معاك ؟
حياة:صاحبتيي ...جميلة
اقبال:مم وخة ...نخليك داباا نمشي نشوف اسماعيل
حياة:واخة بسلامة

تاكدات بلي قطعاات هزات مخدة رماتها على هود لي كيشوف فيها مبوق بنعااس
حياة:تفوو
بقا متبعها بلعين تدخلات لدوش ورما عليه لمخدة مشابعش نعااس

***

مشا لخدمة ورجع لقاها مزال نااعسة علاش لا وهيا كتشد السهرة تالايتها وقت بالتيليفون ...دخل لبيت لقا تيليفون كيصوني سيلونص ...مشا لجيهتها بانت ليه سميرة ...هز تيليفون وحل لخط كيسمع صوت رااجل
سمير:الوو ...والنعااسة ...الوو ...الوو غيثة !

قطع عليه كيشوف فالتيليفون بغا يحلو لقا لكود و فنفس لوقت لبصمة تاع ايدها ...هز صبعهاا حل بيه التيليفوون ورجع كلس جنب رجلهاا .. عروق فراسوو تبنجو علييه بلعصااب

دخل لواتساب لقا بزاف تلميساجات وصلو فنمرة سميرة دخل قراهم

_كنصوني ليك السعاتي يمكن ريزو قليل
_دومان دوزي عندي ضروري موجد ليك شي حاجة غتعجبك

مزير على التيليفون فايدو وكيفلي فييه بوجه محقوون بدم طاح فلانسطاغرام لي مخبيه فضوسيات متدي فيهم متجيب ...طاح على روينة تقزاب مكياج فيدوات

كسوة تاع لعرس ؟ تكااشط ؟ وهو يكمش حجبانو باستفهام ...دخل لطاك لي دايرة لتحت لباج تاع سمير عرف معناه اسم سميرة كيدوز فتصااور حتى طاح فتصاورها عندوو فيديوات كيصايب ليها لمكيااج ...كيقاد ليها لكوليي على عنقهاا لي اصلا باين من لكسوة ...حس بلما تكب ليه مع ضهرو بقوة لفشلة لي فشل قدام هاد تصاور

جابر(بهدوء )غيثة ...غيثة
تحركات من بلاصتها كتحك عينيهاا ) ممم

قلبات عينيها فيه لقات. كالس حدا رجليهاا قفزات ملي شافتو شاد تيليفون ومن هدشي كلو محلوول كيشوف فيه ...قفزات وعينيها مغمضين بنعاس معرفات باش تبلات بدا قلبها كيضرب على جهد وقالت:نعاام

وقف قبالتهاا كتشوفيه غيسكت ليها لقلب
جابر:هاكي...جاوبيي سميرة ...ولا سمير حسن ؟
حيدات عليها لغطا بغات تبدا تشرح ليه ونطق عينيه فييها وقال:بغيتك اغيثة ...بغيتك وربي شاهد علياا ..ولكن نتي شنو درتي ...القلب لي بغاك نهار على نهار كترجعيه كحل من جيهتك ...وهدا جهد

غيثة:جابر غي سمعني ن
جابر:غيثة متشرحي لياا متقولي لياا كلشي بااين كلشي وااضح صاافي هدا الحد ...وهدا الجهد عاماين دازت كل نهار نقول ليوم غدا تبدليي حيت بنادم كيتبدل نتي لاا ؟ طبعك هوا طبعك .... (عطاها التيليفون ) ديري لي بغيتي داباا ...حرمتي علياا ....قدام الله اغيثة كنرمي عليك طلااق ...بقات بيناتنا لورقة ...غدا ولا بعدو توصلك

ملحق 06/10/2021

جابر:نتي مطلقة اغيثة ...جمعيي اي حاجة ديالك فهاد دار وسيري ...سيري عيشي داكشي لي بغيتي وليي باكية علييه
غيثة(قلبها كيضرب من الصدمة ...عاد فاقت مامستوعباش اش ضاير بيهاا ) كدوي بصح ...جابر!

جابر: ياك هدشي لي باغية ؟ طلاق ...هاهوا غتااخديه وترتااحي

خرج سد وراها لباب ومشا كلس فالصالون كيتنهد ويمسح على وجهوو بحزن

**

بجوج بيهم كانو فدوش كيضحكو واسماعيل حاطينو فلبانيو تاعو فلازرق كيدوشو ليه اول دوش لييه من بعدما جمع صحيحتو شوية

اقبال(بخوف )عنداك يزلق اشهييد ...صغيور
شهيد:شديه من راسوو ...لا لا ماشي هكاك ديري ايد لتحت

اقبال:هههههه وزمر ركز معاياا فين غنحط ايدي داباا ...دير ليه ديك لعيبة على راسو ليدخل ليه الما العينيه
شهيد (كلس على ركابييه لابس غير شورط قصير فقط )ااه فكرتيني (حلها كانت من السيليكون كدور على الراس وكتغطي حتى الودينات على شكل كسكييط دارها ليها وبدا كيخوي ليه لما بشوية على راسوو

اقبال:تزاد عندو شعر تبارك الله قوي
شهيد:نقرعو لييه
اقبال:ااه راه فالسنة خاصو يتحيد نهار سبعيام
شهيد:خفت نقيسو كان صغيور بزااف تاني ....خلي تالغدا ونحسنو لييه باش ينوض زويين ان شاء الله ...
اقبال:ان شاء الله ...بلاتي نكب عليه لماا ...براكة علييه
شهيد:شوفي ق****تو منفوخين

اقبال(لاحت عليه لماا )الله امسخك
شهيد:حتى بابا يكبر ويطيح ليا تيتيز يجيب لباباه نمااري (جاتو ضربة لكتففوو شدها كيضحك )احااح هههه ياله كنتي اقبال قلبتيهاا بوشعيب عندو بزيزلات تاني

اقبال:لقيتي ايدي تانية مربووكة اما نورييك لهدرة ...عطيني لفووطة بدا كيبكيي
عطاها لفووطة ولواتو عليهاا .. خرجاتو لبييت كيبكي فيه نعااس

اقبال:صافيي اماما صاافيي ششش
شهيد جلس وراها وهيا كتلبس لولدهاا عنقها من كرشهاا وباسها فكتفهاا وقال :جيتي زوينة ونتي ماما
اقبال(شافت فيه كضحك )كيف كنت فاللول
شهيد:كنتي زوينة وزدتي زيانيتي (سكت شوية وكمل )اسماعيل خاصنا نخاويوه فاقرب وقت
اقباال :خوي ليك ركاابي كبر بعدا غير هداا

شهيد:تبعاك تبعااك الحوبينوو ههه
لبساتوو وعطاتو كيرضع وقال:تاكلي شي حاجة ؟
اقبال:شوية وندير لغدا غير ينعس
شهيد:غير رتااحي نطيب شي حاجة دغياا ...كنطيح بنعاس
اقبال:وباغي التااني
شهيد:طيران بيبي هههههه

ناض لكوزينة يجبد اش يطيب حتى صونا تيليفونو فوق الطبلة هزو دغيا حابس ليه الصوت لقا نمرة جابر طالعة جاوب كيحل التلاجة

شهيد:با جابر لبااس
جابر(بغير نفس )الحمد لله ...
شهيد(تقاد فلوقفة )هانية لوقت اجابر ؟صوتك مهواش
جابر:تقدر تجيب اقباال وتجيو داباا ..عندي لدار
شهيد:اش واقع ؟
جابر:جيو بعدا
شهيد:صافي واخة غنجيو

حط ماطيشة من ايديه ومشا لبييت لقا اقباال عاد حطات ولدها ينعس وخارجة
اقبال:مالك
شهيد:تاصل بيها جابر داباا ...قالياا جيو عندي نتا واقبال ضروري
اقبال:علاش اش واقع
شهيد:مااشرح ليا والوو
اقبال:نمشيو دابا ؟
شهيد:اسماعيل ؟
اقباال:نشوف انصااف تجي تقابلو تنجي
شهيد:صافي واخة ...نلبس حوايجي دغياا بينما وجدتي
اقبال(هزات تيليفونهاا )وغير بشوية لتفيقوو عفاك

نزلو حدا دار جابر وطلعو فاتجاه دارو دقات اقبال لباب وحل عليها جابر بوجه خالي من لملامح
شهيد:جابر ياك لباس
جابر؛ماشي فلباب دخلو
اقبال:فين غيثة ؟
جابر:راها فلبييت

كلسو قدامو فالصالون تبدا هدرتو وعينيه فلارض وقال:اقبال هدشي لي غيوقع مغيبدل والوو من معزتك لا نتي ولا خوتاتك ولا لغالية ...كان عندك الحق زواجي انا وغيثثة اكبر غلطة درناهاا لا هيا قدرات تولفني ...ولا انا قدرت نرضى بطباعهاا...وصلنا لحد طرييق ومخلات ليا فين نزييد

اقبال:اش وقع تاني !
جابر: لكدووب وتخبيية وبزاف تلحوايج تقولهم ليك هيا لكانت فرحانة بيهم ...
اقبال:نوض نشوفهاا ...لي يريحكم اجابر نديروه لواحد كيشري راحة نفسو ماشي لعكس
حرك راسو باه كيتنهد وناضت هيا فاتجاه البيت خلات الحوار بين شهيد وجابر

حلات لباب بانت ليها باليزة واقفة ولخرى فوق السرير كتردخ فيها لحوايج وتنخصص

اقبال:غيثة
غيثة(شافت ختهاا ومشات ترمات فيها كتبكيي )هءههءءهء هءهءهءهءههءه

اقباال:علاش كتبكي داباا
غيثة(بعدات عليها رجعات كتجمع فشراوطها ودمع )يحساب لييه غنبكيي ورااه ولا نبكي علييه هءهءهءه بلعكس غنفرح معقد لااخور ...هءهءهء مدرتش علاش يبقا فيا لحاال ...لخلااا وجلاا نجيب سيد سيدوو وحسن منوو ومفتح علييه معقد باغي مراا تعجن وتشطح وتحط حوايجها بليل لييه ؟ اناا بزااف علييه ....بزاف علييه هءهءه ...يحساب ليه لطلقني غنمووت ؟ عااد غترجع فييها لحيااة لي دا لياا

سدات لباليزة لخرى مدابزة مع شعرهاا جمعات كااع حوايجها لمشطة هي اللخرة مخلاتهااش ودموعها مبغاوش يحبسسو وسبان فييه تلبساات كسوة حد الركبة ضد فييه وخلات شعرها ملطلووق خلات فرجلها كلاكيط وبدات كتخرج فالشانطات لقاع داار ...كيسمع لباليزة كتجر وقلبو كيزيد يتعصر ...هدا الحد كلها يشد طريق لي تريحو ...حتى لين غيبقا ليوم دير عقلها غدا ديرو ...بانت ليه بلكسوة واقفة مخنزرة عينيها حمرين مكتشوفش فيه

غيثة:اقباال نمشيو اختي !
اقبال(شافت فجابر لي هبط عينو كيفرك فايدو ويتلف فيهم مزادش كلمة وحدة )وخة
وقف شهيد ربت على ضهر جابر وخرج جر الشانطاا ومشات تجيب لخرى خرجاتها ليه حدا الباب ورجعات تهز اش بقا

اقبال:جاابر ...ميبقاش فيك الحال ...معرفت اش غنقوليك ...نتوما بجوج طبعكم مصالحش البعض

جابر(بصوت خافت ) قلت زمان يبدل طبااع ويرطابو لقلوب ...السعاتي قلبي لي طااب وطبعي غلاب ا اقبال ...
اقبال(وقفات) مكااتيب ...

خرجات هازة شانطة صغيرة فايدها وصاك شهيدد هبط لباليزة اللولة وطلع لتانية قادهم فلكوفر وكريمة محنية على لبلكاار فلمحال ديالهاا كتشوف وقلبها كيضرب تشافت اقبال هازة صااك دارتو اللور

شافت فييه وزادت سادة لباب بجهدها حتى سد عينيه من صداعو وتنهد كيحك ايديك مع بعضهم ساكت كالس فبلاصتو متحركش

هبطات هازة باليزتهاا شدها من عندهاا شهيد دارها اللور حيت لكوفر عمر ...هزات عينيها فكريمة لي تبسمات ليهاا باستفزاز واشارت ليها بصباعهاا *باي * كانت بغات تركب وسدات لباب مشات لكريمة شااعلة لبولة لحمراا

غيثة:رااه خليتو لييك. سيري واسييه
كريمة:اوى الحمد لله جا نهار او وقف على كلاامي ...نهار داي برهوششة هاد نهار كان ضروري يكون
غيثة:هوا كيموووت علياا وهدشي نتي عاارفااه اكبييدة ...وكون عيني فييه نديرو خااتم فصبيعاتيي ! دابا سيري خودي شيااطتي ...يالشاايطة يالطماعة فرجال مزوجيين ...

كريمة:كون عرفتي ليه لبااسس علييك ....خلييك مع سلاݣط بحالك اما رجال خليهم لاليااتك (دارت ايدها على صدرها ) ياله سيري تلعبيي الزيين ...لييوم نبيع لخبز فاابور ههههه

شعلات فيها لعاافية وحمارت مشاات ورجعات ليهاا دفعات من فوق لكونطوار جوج باكيات تاع ميلفاي عامريين حتى تزلعو فلرض

غيثة:جمعي شيااطة ...مكيجمع شياطة غير لكلباات
كريمة(مبرداا ) منديرش راسي فنخالة الزين ...هدا نهار كبيير عنديي

مشات كتنفخ وتصوط ...اقبال بقات فالطموبيل مدخلاتش ومعرفاتش حتى علاش كيهدرو ...ركبات اللور بلا متشوف فجناابها

سكت كلشي فالطموبييل ...لا عتاب لا كلاام

غصة وحلات لغيثة فلحلق كتعض فشنايفها باغة طيرهم ... حتى وصلو لدار

**

دخلات لدار فرحاانة ماشطة ومقاادة لقات الغالية كتراري ب اسماعيل وتغني ليه وهوا محطوط فوق الرولاكس فالصالون وانصاف كتحفض لكتوبة فوق الطبلة

هزو فيها عينيهم بابتسامة وجها منور والضحكة واصلة لودنها ...شعر صبغاتو بلون عسلي جاها زوين مع بيوضيتها قدات ليه التقطيعة

هيبة:كي جييت ههه
الغالية:العين الخايبة متشوف فييك ابنتي تزرع فوجهك نور
انصاف:جيتي زويينة اختي
هيبة:(وراتها الصاشية )هادو حويجات خديتهم لاسماعيل حتى تقيسيهم لييه اماما
الغالية(ششداتها كتفلي فيها )زيينين يجيوه
هيبة:وهادي لانصااف
انصاف(بفرحة )شكرا اختيي لهلا يخطييك
كانت سبرديلة فاللون الاسود فرحت بيها قدااش

هيبة:نرتاح نصلي ونوجد ليكم بسطيلة ياسلام ...اه مقلتش ليك اماما ...راني قطعت فلكار ...غنمشي نسافر واحد سيمانة نفوج شوية ...بغيت ندي انصاف معايا ولكن الامتحان تابعهاا

الغالية:انصاف خليها تنديها معاياا لمولاي يعقوب
هيبة:تسخن عضامها
الغالية:هههه نزورها الشرفة ههه
هيبة:هههه يكما تقلقتي ا انصاف حيت مديتكش
انصاف:لااا اختي والله متقلقت ...سيري بصحتك تفوجي حتى نتيي ...اقبال تاهيا عاد ولدات منخليوهاش بوحدهاا
هيبة:وخة الزين .. الى مفهمتيش شي حاجة قوليها لياا انا فلكوزينة

مشات بدلات توضات وصلات الضهر لي فاتها ...دخلات لكوزينة بفرحة طلقات الاغاني فتيليفونهاا دارت طابلية وبدات فلبسطيلة كدندن ومرة مرة توري لانصاف شي حاجة وتفهمها اش كاين

سمعو الصونيت فلباب ناضت انصاف تحل والغالية شادة اسماعيل شادة ليه الرضاعة

انصاف(شافت غيثة قدامهاا )غيثة
مجاوباتش الاخيرة جرات الشانطة ديالهاا ودخلاتهاا لقلب الدار وتبعوها شوانطهاا بجوج جارينهم اقبال وشهيد
دخلهم تماا وقال:اقبال خاصني نمشيي
اقبال:غير سير صافي
مشا وهيا سسدات لباب والغالية كتشوف ولما تكب ليها فركابي ...طلات هيبة مبتاسمة تشافت شوانط د فلكولوار وغيثة كلسات فالصالون قالبة وجهها

الغالية(كتمشي وتجي بشوية كتراري ف اسماعيل وكتربت لييه على جنابو باش ينعس وكتشوف فغيثة وقالت:صاافي ! درتي لي فرااسك ...جايبة لياا شوانطك باغة تديري فراشة فسطح ؟

غيثة: الى تقلت علييك قوليها لياا
الغالية:نوضيي ياله توصليي لبغيتي الزنقة الله يطليك بيهاا مالها غريبة علييك

غيثة(بصدمة رجفو شفايفها )ياااك اماماا كتجري عليا

ملحق 07/10/2021

الغالية :اناا بردتيي ليا لماا فركابيي نتوقع منك غير لخاايبة يا بنيتي وانا لي مك وجفرتيني بفعاييلك ...ولد النااس اش يقوول هاا ؟

غيثة(طاحو دموعهاا مرضاتش ) نتوما ليي بززتو علياا داك زواج ...شنو كتسناوني نبوس ليه رجليه صباح وعشية حيت تزوجني ؟

الغاليية: دنوبك على رااسك ...وعلاش هاد لمرة تاني

بقات كتشوف فيهاا تنطقات هيبة: متقوليش عرف بشوتينغ

اقبال(باستفسار )تعاش الشوتينغ (كتشوفيهم كلهم سكتوو كيدورو فعينيها )راني دويت ...اشمن شوتينغ ...كاينة شي حاجة مفراسيش
الغالية:ياله دوي ...خرجي عينيك كي بوعبولة كي خرجتيهم فينا داك نهاار ...دويي ابنت لحراايمي

غيثة: اشنو فيهاا ...اقبال نتي عارفة شنو كنبغي مدرتش شي حاجة ليي عييب درت شوتينك عند واحد السيدة كتبييع القفاطن ...ها انصاف كانت معااياا

خرجات انصاف عينيها وتزنكاات ملي شافت فيهاا اقباال هبطات عينيهاا صهدات حسات بعينيها كيجلدوهاا
اقبال:وهدشي مكانش فراس جابر
غيثة:كون قلتها لييه ميبغييش ...هوا غير كسوة كيدير ليا فيها الركن المفتي بحالا السيد امام فجامع ...مشغلوش فياا حياتي هاديك حلمي هداك مغاديش ندفنو حيت تزوجت بيه نعيش على طياب ولعجينة مجايبنيش من سوق الجملة

الغالية:غير جايبك فنصاص الليل دايعة فلمدن كي لكلبة
غيثة:ماما حرام علييك هدشي (غرغو عينيها ) ولا عرفتي اش ديريي (ناضت )ديريني مت نمشيي لشي قنت حسن لياا هءهءهء

اقبال:كلسي اللرض من الطيران ....
غيثة(بتنخصيص )سمعتيها اش كتقول ؟
اقبال:معنديش جهد لغوات ا غيثة كلسي اللرض ...بغيتي طلاق ؟ هوا لي غاديي يكون ...هانتي فدار مك معززة مكرمة (مسحات على ايديها )صفحة وطويناهاا ...نتبعوو اشنو باغة ديريي بهاد الاحلام ديالك ...لباك مبقا ليه والوو غتكلسي اتحفضي ...مكاين لا شوتينك ...لا دوران لا خروج لا زمر حتى تنجحي

غيثة(كتلبد فعينيها )الى منجحتش ؟
اقباال : تمنااي اغيثة تنجحي حسن متعرفي شنو غيوقع الى منجحتيش...الخدمة كتسناك ...لي يليق بيك

الغالية:داك لفشوش لخاوي مبقااش ابنتي ...حيت مبقاش ليا جهدوو ... نوضي ستفي دااك لبݣاج لي جايبة معااك مرحلة تحوايج جيران معاك ؟

غيثة(جمعات ايدهاا كتسسووط)افف

***

فدارر متوسطة فقلب المدينة كراوهاا تلتياام يدوزو فيها ايامهم

واقف عليها فلكوزينة لابسة غير تيشورت ديالو وسلييب لاصقهاا بشورط قصيير مزيرها عندوو وهيا كدير ليه فلبغرير على وعدها وسعدها حتى من لمقلة شراتهاا
كان معضم حوارههم بلفرنسية
حياة:هاد لبغرير مكيصدقش الى شافوه جوج
هود(كان خاشي رااسو فعنقهاا ويتحاك مع عنقها مشايفش هوا كاع فشي بغرير )بوغكواا

حياة:هكاك ...عمر قهوة اهود
هود(كيبوس فيها)مامساليش
حياة(بلعربية )اش كديرر ...كتخرا لويزة
هود:لويزة ...شهاداا
حياة:طيكطوووك
هود(قرصها فمؤ*** خرتها )انضرب مك
حياة(هزات فيه راسها كضحك ) ههه ضرب نشووف

هود(عضها من كتفها تغوتات ملقات هي شعروو نتفااتو منوو )اعع حيااة
حياة:نعل حياة مك طلق الق**د

طلق منهاا وطلقات من شعرها شادة كتفها معضوض وقالت:الله اغبر ليك سفينة الهايش
هود(كرجع شعرو اللور وكيضحك )ههههههه منفهمكش اش تقول ..مي تستاهل

ياله بغات تعطيه صونا ليه التيليفون فلبيت كيتشارجاا ...شعل كارو وغادي بيه فايدو منش **وي بيه تالبيت ...رد وراه لباب ومشا لتيليفون طلعات ليه اسم مانويلا جاوبها بلفرنسية كيضحك ومرتاح معاها فلهدرة ...كانت بغات دير لبغرير فلمقلة وسمعاتو كيضحك هزات لمقلة فايدها ومشات لجيهة لبيت طالقة ودنيهاا لقات لبيت مردود

هود:ههههه مانويلاا صافاا ....وي وي سوبيغ بيان ....حتى اناا بزااف ...

كان عاطيها بضهر حس براسوو طنطن بدقة من اللور معرف باش تبلاا

حتى طاح ليه التيليفون مجا فين يتوكض تصااحت بصوتهاا

حياة:شكون هاديي ؟ شكووون اهووود
كلس فوق سرير قدامها شاد راسوو من اللور لقاها شادة لمقلة وقال:تي فوو او كوا ؟ ضربني بهاادي تي ملاض والله (كمش عينو بالم )اااه فااا** ك

حياة(جعرات)اتقول شكون ولاا ق"" نفكسهم فهاد لمقلة يالق** شكون مانويلااا از**

هود؛حيياة مانويلا سي ما كوزين اش تخربق اتسكت ولا نوض نهرس لمك فمك

حياة(بتحدي )نووض ...نوض نورييك تهراس لفم بشحال كيطلع اليهو**

هود(ناض جاعر عليها راسو تقيل بالضربة لي عطاتو بلمقلة بغا يقرب ليهاا وعطاتها لغواات هزها من وسطها كيف الريشة زير ليها على ستر ***ينك لي لابسة حتى تخشاو فيها لخي ط كيف دارت لبنت فلبار غوتات بغات تخرج رووحهاا وهوا مبرد

هود:هههههه الي فازي ضربنيي
حياة: وطلقنيي اعععع وهوود حرام علييك
هود(لاحها على سرير مزير ليها على ستر ***ينݣ بايدو كيضحك عليهاا وهيا كتجبد لييه تجروو حاكمهاا غمزها وقال:شنو داباا همم

حياة : وكضرنيي وكضرني اععع

هود:نطلقك بششرط !
حياة:شنوو
هود:ندير لي بغييت معاك
حياة:بحالاش
هود:بحالاش ؟ (هزهاا شانق ليها على ستر **ينݣ محنهاا داها تالكووينة لقا لبوطة شاعلة هز قرعة تاع نوتيلا صغيرة وقال)ليوم غن *** بطعم الشوكلاط

حياة:وخة غير طلقنيي


عضات على فمهاا لقات هي حج ***رو تكمش عليه تطيحهاا بلا ميفكر طاحت على لارض تقرقب ليها راسهاا مع زليج دوخهاا تطاح عليهاا كيضحك وهز ايدو قداامها وجهو مزنك بالضحك وقال:شحال هادوو ههههه

حياة:راسييي

حيد ليها ستر ***ينك وتريكوو وهيا منها لضس جا فوقهاا كيحل فلقرعة باغراء وهياا تحتو غير بسوتياان وقال: اياي شنو يتسنااك الحليوة

حياة:شكون منويلا ؟
هود(باسها فعنقها )ما كوزين
حياة(مغمضة عينيها معا قبلة وايديه كيحلو فالسوتيان )هاد بنت خالتك بغات تزوجها ليك مك
هود:مم ؟
حياة(دوزات لسانها على فمها ونطقات بغنج) نعستي معاها تاهياا
هود:(كيلعب بشعرهاا ) يس مي داباا كبرات وتزوجات فامريكا

حياة:عندكم عادي تنعسو مع وحدة من لفامي ومن بعد تضحكو عاديي وتهدرو عاادي
هود(هز راسو كيضحك ) عادي
حياة(بغات تندب)اويلاااي
هود(سد ليها فمهاا)شتت سيلونس

***
يوم جديد دافئ فاقت هيبة كلها نشاط دوشات بلا متقيس شعرها لي صايبات صلاة صبح ولبسات حوايجها عبارة عن سورفيت صيفية وسبرديلة وهزات فالييز صغيرة وصاكهاا خرجات لصالون لقات الغالية موجدة ليها فطور زوين وكالسة نااشطة
كلسات هيبة كتفطر
الغالية: ردي لبال لراسك ....لعطاك شي حد شي حاجة فلكار متشديهاش ...هاك شمي ولا هاك كولي
هيبة:مكناكلش فطريق اماما
الغالية:وماانعرف بنادم راه خايب يشوفك شي واحد بوحدك يضسر علييكك ...حضي حوايجك عفا بنتي
هيبة:واااخة

الغالية:حلمت بييك حلمة زوييينة يابنتي فقت فرحااانة صليت لفجر وداعيييت معاااك تبين لحال

هيبة(تبسمات )خير وسلااام شنو حلمتي بياا اماما
الغالية: هازة واحدة لبنية غزالة غزالة تبارك الله وباينة فيك فرحااانة وجهك منوور
هيبة:عرفتي شحال توحشت نكون هكا كي قلتيي
الغالية:غير حلمة ابنتي وقلبي تفاجا علياا ...سيري بغيت ربي يحط قدامك غير ولاد الماس ويبعد عليك ولاد لحرام ولعين الخيبة
هيبة:امييين اماما ....هاني مشييت
الغالية:تمشي بالطاكسي !
هيبة:لاا اقبال هيا لي فيقاتني هههه اندق عليها تديني ...اجي شدي اسماعيل حيت شهيد كان خدام بليل نااعس

فعلا هبطو لتحت ونطالقات اقبال وهيبة لمحطة كتوصي فيها وتعاود

اقبال: خاصك شي حاجة ؟
هيبة:لاا اختي عنديي من الصالير باقة لياا
اقبال(عطاتها شي حاجة )زيدي هادو خليهم اباغ تحتااجيهم
هيبة:والله حتى عنديي ا ختي
اقبال:متعرفي تحتااجيهم ...غير خليهم عندك
هيبة:الله اخليك لييا
اقبال:خلي تيليفونك خدام وفينما وصلتي صونيي فلوسك خبييهم متبقاي كل مرة جابداهم ...جبدي لقياس لي تحتاجي فطريق
هيبة:صافي واخة

ملحق 08/10/2021

وصلاتها لمحطة تسناتهاا حتى ركبات ف لكار لمؤدي ل مدينة مراكش الحمراء ...مدينة اول مرة تمشي ليهاا فحياتهاا

ركبات شدات بلاصتها طلات لقات اقبال مزال كتسنااها تبسمات ليها بحب من الزااج باست ايديهاا ودارت ليها باي بااي ورجعاتها ليهاا اقبال حتى تحرك لكاار بقات متبعاها حتى مشاات وخرجات ل طموبيلتها

**

دار خوات من وراهاا كيتحرك بملل فيها دخل لكوزينة كيصايب لييه كاس تاع اتااي يتحل بيه دمااغوو ...كيدور فداك لكااس كيخمم شنو كان خاصو يدير باش يخليها تبغيه غير شوية ...واش تهوا غالط ؟

اسئلة كتيرة ضراتو فرااسو يمكن جوابها واحد هوا لفراق جرب لحلول لي عطاتو نفسوو يديرهم معاها او والو ...لقا راسو هوا مقادرش يتعايش مع طباعهاا وهيا مقادراش تقبلوو كزوج كحبيب كرفيق فالفراش

لبس حوايجو وهبط لخدمتوو يبدا يومو كيف ديما ...يغا يحس بلفرق فعدم وجودها محسش ! حيت عمرهاا حسساتوو باهميتو فحياتهاا ...عمرها كتبات ليه ميساج ملي ملقاتوش حداها ...عمرها بينات لييه حبها ...هوا رجل ...و الرجل شرقي افعالو كتبين حبوو ...لكنها انثى ! والانثى كتبغي تبين حبها وتعلنوو لنااس كلهم بلي فلان كتبغييه مكتكتمش اعجابها وخة تبغيي عينها ديما فاضحينهاا ...

رن تيليفونوو فجيب .. حط ستيلو مسح ايدو فسروال وجبد تيليفون طلعات ليه نمرة كريمة بقا شحال كيشوف فيهاا وجاوب

جابر:كريمة بخير
كريمة(بصوت انثوي ) جابر لبااس
جابر:الحمد لله نتي لباس
كريمة:الى كنتي لبااس الحمد لله ههه واقفة حدا مول شفنج لي كيعجبك ...بغيت ناخدو وخفتك تكون فطرتي
جابر:لا لا غير بالصحة فطرت اكريمة
كريمة: بااين فطورك شنو هوا هههه شوف ...ندخل لمحال وسيفط ليا صلااح
جابر:واخة ان شاء الله

قطع معاها كيششوف فتيليفون ورجعو لجيبو متناسي الامر بين لخدمة متلف وقتوو

**
ل 11 ضربات ولالة ام الغيث مزال مجبدة بواحد شورط متعرفو شورط متعرفو كيلوط كل رجل فقنت وتيليفون مخشي حداها ...بقات بوحدها لي ناعسة ...انصاف ناضت جمعات دار وكلسات كتحفض كتسنا الغالية دخل من سويقة باشش تفطر معاها كلشي محطوط فوق الطبلة ...مفهماتش واحد التمريين سيفطاتو لهيبة باش تشرحو ليهاا دارت معاها ابيل كتشرح ليها وانصاف كتسمع باهتمام

دخلات لغالية بقفتهاا جراها كتحيد فالشال
الغالية:غيثة مزال مفاقت
انصاف:مزال عيت نفيق فيهاا
احيدات جلابتهاا ومشات غسلاات ودخلات لبيت دايرة ايدها فجناابها طلعات الريدو وحلات الزاج ولخواميي تضربات فيها الشمش فاص لعينيها تقفزات وقالت بصوت ناعس :ففف ماماا

الغالية:بسييف ميسيفطك ...كتنعسيي تيخناز بولك اش مسهرك ابنت لحراام ...كتبااتيي ترضعيي ....نوضي تكعدي معندك حفااضة متاابعك امتحان كيي النااس


غيثة(حلات عينيها مكمشيين بالضو وشعرها مزلع على كتاافها كتحك عينيهاا وتااوب وكتسمع فنكير على صباح )واش هاد لهدرة متقدريش تقوليها تانووض حرام علييك ففف ...

الغالية(خرجات فيها عينيها )غتنوضيي ياتباركة الله متنوضيشش كي النااس غشتف على ملتك ...منيني خرجتي ياهاد لبنت مننيين لمن شاابهة

غيثة(بدات كتحك فعينيها مدوخة بنعااس )ممم
الغالية:تكعدي تفطري ماباغاش تحفضي ...نوضي ستفيي حوايجك ولا يكما نجيي لبنتي لخداامة تشم ليها لكرااصن
غيثة:وصاافي هاني ناايضة

ناضت حفياانة غادية لدوش تغوتات عليها قفزاتها
الغالية:لبسيي صندااالتك

رجعات لبساتها كتنتر دخلات لدوش والغالية مشات لصالون معصبة ...شربات دواها وباشرات بلفطور مع انصاف لي ساكتة كتفرج ...فيبرا تيليفونها فجيب جبداتوو ...طلعات ليها نمرة ادريس باش صونا داك نهار مسجلاتهاش بقات حافضاهاا ...قطعات عليه ورجعات تيليفون لتحت رجلها
الغالية:شكون ؟

انصاف:غير ملااك ..تنفطر ونجاوبها

دخلات غيثة مخنزرة مهرس فيها نعااس شادة تيليفون فاييدهاا وكلسات
غيثة:انصاف كاين لحليب !
انصاف:ممم (قلباتو )برد
غيثة:سخنيه ليا الله احفضك
انصاف:واخة
الغالية:كلسي اللرض ...نتي محنية ابنتي ؟ نوضيي سخنييه ولا بردييه
غيثة:ماما مالك معاياا على بوصبييح تااني
انصاف:صافي اماما انا نسخنوو
غيتة(ميقات فيها )لاا غير كلسيي (هزات لبريق بنترة )عندي رجلي ...الله اخليهم لييا

**
مراكش يا مراكش بلاد الخير والخمير بلاد سبعة رجال ...لي دخل ليهاا غير من هواها يتفاجاا ..بجراديها وجوهاا وناسهاا

خلصات لاوطيل وكلسات ترتاح بعد رحلة خدات منها ساعااات ولكن غير وصلات حسات براسهاا عاد فااقت حطات حوايجها فلوطيل علماتهم بوصولهااا ونزلات كدور خداوها رجليها لجامع لفنا قرابة العصر عاد بدا كيعمر والسيياح كل وفين كيتصور ...المْسِيَّحْ ومن لا يعرفه وقفات حداه وجببدات تيليفونها كتصور وكضحك على نكاتوو وحكايتوو وطنزوو ...عطات من صااكها ششوية الصرف ونطالقات من جديد خدات عصير من عند مول الليمون باارد نعش داتهاا وحاسة براسها حرة طلييقة باينة فوجهها ابتسامة عرييضة

خرجات من جامع لفنا تاترجع ليه بليل يكون عامر وتلقا متششووف كتر فيها جووع استقرات عينيها على مكان تاكل فييه عبارة عن ريسطو زوينة وصغيرة طلعات دريجات كتقلب بعينيها فين تكلس كانت نوعا ما خاوية ...جرات كرسي كلساات لقات لموني فوق الطبلة دارت رجل على رجل كتقرا فييه جامعة فمهاا

سمعات صوت طفولي نداهاا بطاطا هيبة مجات فين تفطن حتى جاتها تعنيقة من طفلة شقراء دغيا عرفاتها وبادلاتها العناق وقالت:سيلياا!

سيلياا (بعدات عليها بضحيكة وجوج سنينات لفوق تحيدو )هههه ويي سي مواا
هيبة(باستها )وينوو سكون كلا لييك سنينااتك ههههه
سيلياا :هههههه حيدهم ليا باباا
هيبة:اخليك ليلي الزيين
سيلياا(اشارت ليها لطبلة فين كالسة لقات مهاا) راها ماماا
هيبة(هزات ايدها بابتساامة ولخرى رجعاتها ليها بابتساامة )مزااياان ...ماماك كتعيط لييك
سيلياا:اوك بون ابتي طاطا هيبة
تبسمات ليها ومشات كتجري لطبلة لي فلقنت لاخر ومقابلة معاهم ... هبطات عينيها مع هزاتهم بان ليها هشاام كلس مقابل معاهاا...حسات بتوتر غريب وبدات كترمش مهبطة راسها دايرة راسها مشاافتووش ...هبطات راسها فتيليفونها مهزاتش راسها باقي تحط لبلا لي طلباات ...حطات التيليفون باش تبدا ماكلتها هزات عينها بلا هواهاا لطبلتهم لقاتو متكي على طبلة وعينو فيهاا ...رمشات وتبسمات ابتسامة متوترة غمض عينيه ببطئ ورجع حلهم كيلعب بتيليفون فايدو

هبطات عينيهاا لداك الطبسيل مباغاش تهز راسهاا مزال من طبسيلها لتيليفونهاا حتى كتبغي تزعم تششووف وترجع تهبطهم...حتى عياات وهزات عينيها تعيط على النادل فنفس لوقت تخطف شوفة جيهتو وفعلا كيشوف فيها معرفاتش واش بالصدفة ولا بلفعل حاضيهاا ...محملاتش لبلاان مرتو حدااه كتفتن بزيين وهوا عينو فيهاا ! يعني ماشي نفس الصورة والانطباع لي كيعطي علييه ..يعني هوا واحد ميسوا بصلة

دغيا تقلب عندهاا الجو وناضت من بعدما خلصات مشافتش قدامهاا هبطات كتزرب من لريسطو كتسوط ركبات فطاكسي ومشات ل اوطيل
كلسات فوق سرير كتحيد فسبرديلة تصونا تيليفونها طلات بعينيها بانت ليها نمرتو

هيبة:كلكم بحال بحال
خلاتو كيصوني وناضت لشانطة جبدات مستلزماتها تاع الحمام ودخلات لدووش ...دوشاات وبالها معااه كاع التصرفات لي كان كيدير كيبينوه راجل شهم تبخروو بدوك النضرات لي شافت منوو مؤخراا ...واحد كينصحها بصلااة والقيام باش خاطرها يتفاجا وامورها تصلح يفكر فهادشي وحدا مرتو مزاال

خرجات كتنشف شعرها هزات تيليفونها لقاتو صونا ربعة لمرات حلات لكونيكسيون لقاتو مسيفط ميساج

هشام؛ هيببة ديزولي على ديرونجمون نقدرو نهدرو
طلع ليها دم بغات تحدهاا معاه ولخدمة لي تجمعهم بلاش منهاا
هيبة:فاش !
حطات تيليفون مشات تلبس توصل ميساج ومشات تقراه
هشام:فينك ! (رجع كيكتب متسناتوش وتفركعات عليه فميساج )
هيبة:سي هشاام باشمن صفة غنتلقاو انا ويااك ...الى مفكرتيشش فمراتك فكر غير فولادك بعداا ولا قلتي هادي مطلقة دغيا غنضسر عليهاا ! حتى ديك الخدمة معندي مندير بيها بااقيي ...الاحترام هوا كلشيي

طلع ليها قرااه فنفس لوقت هوا كان كيكتب توصلها ميساجو وقراتوو وخرجو عينيها وتزنكاات
هشام: خاصني واحد لفيشي سيفطو ليك معاد فجيمايل ...جيمايل ديالي مبغاش يخدم الى ممكن تجي باش نشوفوو حيت هوا علاش جيت لمراكش
رجع فلبلاصة جاوبها على لميسااج لي كتباات ب :شنو هدشي امدموزيل ؟

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.