حكاية أنثى الجزء 57

من تأليف لبنى السرابي
2021طور الكتابة

محتوى القصة

رواية حكاية أنثى

لهدرة تسرطات ليها ...ايدها فشلو عليهاا مقدرات بااقييي تقول حتى كلمة ...مالها فهاد الزربة لخاايبة ..ودنيها ولاو كيسوطو بسخونية اش غتقولييه

هيبة:تفوو ...تفوو(سدات فمها بايدهاا واقفة مششوكية )شووهة

رجع صونا ليها تكان غيطيح ليها التيليفون وشداتوو كتولول ترددات تجاوبو ولكن شافتو طول وجاوبات باحراج :حم ا الو
هشام: عارف ديرونجيتك فلكونجي ديالك ...

هيبة:حمم ...لا لا اسي هشاام ..قلتي لياا شيي ضوسي فجيممايل ؟ داكوغ نشوفوو

هشام:فين كاينة نتي !
هيبة:كالسة فاوطيل ***
هشام: غنجي حداك نصوني وهبطيي لكان ممكن داكوغ ...

هيبة:واخة

قطع عليهاا خلاها شادة تيليفونهاا مشوكية دخلات لجيمايل فعلا لقات معاد مسيفط ليها لبلاان تماا

لبسات عليهاا سروال وتيشورت نص كوم مشطات شعرها ونشفاتو مزيان رشات ريحتها فقط وهزات لبيسي ديالهاا هزاتو تحسبا لطوارئ فلخدمة ولكن مضنتهاشش تكون بهاد السرعة !

صونا وكانت هيا هابطة دارت نضاضر شمسية تفادا الاحراج معااه خرجات من لاوطيل بانت ليها طموبيلتو واقفة كتشوفيه من تحت نضاضر كيهدر فتيليفون تحنا جيهة لباب لقدامي حلو من لدااخل ودفعو باش يتحل ...ركبات كتفتف وحناكها مزنكين ...قطع التيليفون وشااف فيهاا كيرمش

هشام: هيبة
هيبة:نعام ...سي هششاام (بغات تلفو )شفت لبلان لي سيفط معااد فجيمايل
هشام:خليي داكشي اباغ ...نوضضحوو شي حوايج بيغصونيل
هيبة(تحرجات)سي هشاام مديرهاش مني قلة صواب عفااك شي مرات مكنوزنشش هدرتي

هشام:واخة ...نكلسو اطاابل ونهدرو

ترفض !اتكمل داكشي لي بقا حركات ليه راسها بالايجاب وديمارا طموبيلتو سااكت وهيا سااكتة ...توقف قدام مقهى من جوج طوابق خدا بلاصة بعيدة على صداع و رواج الشاريع وجلسو اونفاص مع جامع لفناا كيطلو عليه من طيراس ...دورات راسها ليجهة الساحة كتشوف فيها عمراات

هشام:تشربي شي حاجة ؟
ورات راسها جيهتهم لقات السرباي واقف وقالت :كافي كخيم
هشام:كافي نواغ ...ميغسي
مشا وتقاد فلكلسة ..تمعنات فييه مزياان تحت نضاضر ...هوا من النوع لي ديما كلاص فاللبسة معمرها شافتو بسورفيت او شورط او تريكو حيت طبيعة خدمتو هيا هادي ...دابا لا لابس تيشورت بيض نص كوم بعقاد فلكول او سروال فلبيج ساعة وخاتم فايدو فقط

هشام:نهدرو ولا حتى تشربي قهوتك
هيبة (رجعات شعرها اللور وحيدات نضاضر من صواب ) خود راحتك
هشام:شنو داك لميساج ؟ عمري قللة عليك لحياا فهاد لعام لي خدمتي معاياا
هيبة:حشاا سي هشاام ... ولكن مديرهاش مني قلة صواب ...درتي معايا بزاف وقفتي معاياا وانا غير موظفة فالشركة ...انا نكون بلاصت مراتك مغيعجبنيش لحاال راجلي يتلاقاا مع موضفتو خارج نطاق الخدمة ...داكشي علاش خرجات ليا ديك لهدرة

بغا يهدر وتحطات القهوة قدامهم شكروه ومشا ونطق بصوت جوهري هادئ ؛سمعيني اهيبة ...كنبغي ديما نهدر معاك ومكتجيبهاش لفرصة ...ومعرفتش رأيك ولكن غنجيك من اللخر ...انا واحد الانسان معقول اه اه لا لا
انا مطلق هادي عماين ... لي شفتي معاياا هاديك طليقتي مااشي مرتيي


هيبة(بصدمة )هنن مطلقيين ! كتبانو مفاهمين (عاقت براسها )زعمة حمم اا
هشام:مطلقين ماشي معناتهاا عديان ا هيبة ...حنا جوج تنااس لقينا راسناا فطريق مسدودة قررناا نساليو

هيبة(سكتات شوية )ولكن كنتو تقدرو تصبرو على ود وليداتكم

هشام(سكت شوية كيشوفيها ) شكون قاليك عنديب وليدات
هيبة:سيلياا قالت ليا عندها خوهاا ...الياس

رتاشف من قهوتوو ساكت كيرمش بحالا تفكر شي حااجة وسهى فكاسو كيدور فيه بتأني وهز عيونوو لعسلية ضاربة فيهم شميسة لي مبقا ليها غير ساعاات باش تغرب ...متنكرش سهات فيه توعات على راسها وهبطات راسها كتسنااه يهرس داك الصمت لي طول

هشام :الياس ...ولدي ولكن هادي عاماين باش ...باش ماات (بحزن)الله يرحمو

خبر الموت ولا بد ميخلي فيك أثر مكتمحيه لا لياام ولا السنين ممكن رجال مكيبينوش على حزنهم بزااف ولكن اصعب احساس يجربو الانسان هوا يفقد كبدتو ..كيولي عايش بدون رووح ديما روح الفقيد كتبقاا جنبوو

هيبة بدورهاا تشوكاات وحسات بلحمها تبوورش بخبار لمووت دغيا طاح فبالهاا جنينها لي فقداتو قبل حتى متشوف عويناتوو ولكن حساات بييه وحساات بتفرفيرو الاول قبل ميضيع منها

هيبة(سرطات ريقهاا) الله ارحموو
هشام :امين (تنهد )قضاء الله
هيبة:كيفاش مات (شافتو هز فيها عينيه وتحرجات )سمحلياا ...بلاش متعاود الى غ
هشام:لاا ماشي مشكيل ...كانت عندو تسع سنين

هيبة(بحزن )ياربي
هشام: كان عندو التوحد .... كان كيلعب مع شي دراري ومعرفتش كيفاش طاح من سرجم
هيبة(خرجو عينيهاا بصدمة )اويلي ...كيفاش ..اويلي كيفاش طاح من شرجم ونتوما فين كنتوو ...فيه التوحد علاش تخليوه بووحدوو مع دراري (عرفات راسها كتخربق بحالا كتأنبوو وضربات الطم مخلياه كيشوفيهاا

هشام: يمكن هدشي علاش انا ومو طلقناا
هيبة:كيفاش ؟
هشام(مسح على وجهوو ) شوفي ...مغنقولش ليك هيا كانت خاايبة ولا انا كنت مزياان ...كلنا عندنا نسبة من الغلط ...تيقوليك ديما السبب اللخر ماهوا الا نقطة فيضات كاس عاامر اسباب ...ومن بين الاسباب ليي خلا داك زواج يتهدم هياا نسيبتي بغيت نقول نسيبتي ساابقا....(ممازح )الناس عندهم نسيبة وانا كانت سوسة ... لحاجة لي كانت كاتوقع بيني وبين بنتهاا كانت كتوصلها اونديطااي بلا زيادة بلا نقصاان ...السيدة كنحس بيها عايشة معاياا فلبييت فهمتي شنو بغيت نقصد

هيبة:ممم

هشام؛ملي كيوقع شي مشكيل بيني وبين بنتها مكيدوزش نهار كنلقاها شادة طرييق لمكناس مع لعلم هيا من مراكش شوفيي طخاجي لي كضرب ...باش تجي تالعندي وتقولياا افلان انا معطيتكش بنتيي تبكيهاا الى مبغيتيهاش ردها لياا

هيبة(غلب عليها الضحك )اويلي ههه

هشام:صبرناا حيت درنا وليداات طليقتي عندهاا 30 يعني ماشي وحدة صغيرة لي تغلط وتمشي لمها تنصحها ...ولكن هيا تربات هكاك خاصها تعاود كلشي لمها ومها ماشي شي وحدة ليي اتقوليهاا عادي وكدا لاا هيا خاصها هي كلمة باش تجي تخرج ليا حلقيي بلغوات ...شفتي ديك ديك ا شكتقولو ل ام الراجل

هيبة:ههه لعكوزة ولا لحماة


هشام:هادييك هيا لي عندي دوك لعݣايز لمشرااارين لي كدخل راسها فشبووقات لي ماشي ليهاا ....كانت كتجي كتكلس بشهورة ههه عندي واحد لواليد الله اهديه نݣاار جمع نݣير لعيالات هوا وياها كيبقاو شد ليا نقطع ليك كيديروني انا لوسط

هيية:ههههه بزاف
هشام: حاولت غير نوصل لييك شوية شنو كتعني ليا نسيبة
هيبة:ولكن تاني ماشي كلهم بحال بحال...بنادم طوب وحجر
هشام:فعلاا غير انا تلاقيت بيها حجرة والحمد لله تفكيت منهاا ..وخة قسوحية راسهاا هيا لي دات ولدي لهلااك كنشوف تنعيا وكنقول ارزاق...واحد نهار تناقشت انا وبنتهاا ...نقاش كبير شوية موراهاا مشيت لطنجة على ود شي خدمة ...لقيتها جات وراياا ملي عاودات ليها بنتها طبعاا ... جات هزات حوايجهاا كلهم حوايج دراري اي حاجة كتخصها داتها قالت لياا سيفط لبنتي براتهاا ....لبنت ملي كنبغي نهدر معاها مها كتقطع عليها التيليفون ...باش انا نترباا ومنبقاش نغوت على بنتهاا ولا نخاصم عليهاا..... فوسط هاد لمخاصمة هزات بنتهاا ومشاات عند عائلتها لشي عراضة معقلتش ...غفلو على لولد طلع لسطح تابع دراري طلعو فوق لحاشية وهوا تابعهم هوما عارفين هوا لاا ! هوا كيدير غير لي داروو حيت معارفش ...لولد خاصو مرااقبة هيا خلاتو بووحدو...زلق طاح كلاهاا ديال بصح مخليت فيين جريت بييه ولكن قدر الله ما شاء فعل توفى

هيبة:الله اكبر ...الله يرحموو
هشام(تبدلات نظرتو لحزن )اميين ..هيا فعلا مكتابة من عند الله ولكن هوما عندهم ايد فداكشيي ...موراها بشي شهوراا رجعات ...ورجعنا وحدين خريين جامعانا سيلياا ولكن وصلنا لحد ...واحد لحد لي منقدروش نكملوو بجوج فدار وحدة واحد فينا خاصو يخرج باش ديك البنت لي بقات ..تعيش فجو زويين ...اللهم واليدين مفارقيين ولا جوج عايشيين فدار وحدة ومعايشينش

هيبة:صعيبة صرااحة ... الله اخلي ليك سيليا ويكبرها فعزك

هشام:باش تكبر سيليا قريبة لياا وميوقعش موقع لخوهاا ... من ورا طلاق كان شرطي هوا تبقا فمكنااس نتكلف ب بنتي واناا حداها خديت ليها اباغطومون ...حيت انا طلقت مهاا ماشي طلقت بنتي ...بنتي كنشوفها يومياا ...حيت منقدرش نعيش بلا بيهاا ..باراكا عليا غير خوهاا لي مشاا مشبعتش منو

هيبة(حركات راسها بالايجاب ملقات متقول ) بصح...ورا موت ولدك مكملتووش
هشام(رمش فيها )شوفي اهيبة ...الى تهرسات واحد ربطة من سنسلة كتنقص هكاك وقع ليناا وقعو بزاف تلحوايج لي صاافي وصلوناا لفراق حسن ونبقاو مزيانين على وجه بنتنا ...بوان فيناال

هيبة(طمرات حيت ميقدرش يقول كلشي حتى هيا راه مقالتش كلشي )

هشام:هيبة انا نجبتكش هناا نشكي علييك علاش طلقت ولاا اش وقع باش طلقت ...داكشي خليتوو ونسيتو كااع ..داباا اهيبة كاين لحاضر باغي نعيشوو ...
هيبة(كتشرب القهوة وقلبها غيخرج من بلاصتوو بدقان ) انن

هشام(بجدية ) حرت منين نبدا ليك ولكن غنجيك فاص ...هيبة ...فهاد لعام لي عرفتك شفت فييك لمواصفات لي بغييتهم يكونوو فالانسانة لي نكمل معاها حياتي ...وخة هكاك معمري قللت عليك الحياا وللا شفتي مني شي عيب ...عاجباني وهاني كنقولها ليك داباا بلا الغااز ...تقبلي تزوجي بياا ؟

كترمش بعينيهاا وايديها تبلوكااو صدمة خلات قلبها يخرج من بلاصتوو...وقفات مفزوعة تطاح لكاس تاع لقهوة ديالهاا وبعدات ليقيسهاا

هشام:مطراا بااس ...تحرقتي ؟

هيبة:لاا لا

عيط لسرباي جا مسح وهياا خرجات كتزرب قبل ميلحق عليهاا شدات طاكسي وزادت شادة على صدرهاا

ملحق 10/10/2021

خرجات من الدووش كتسمع ف شهيد كيلعب مع ولدها فلبييت دخلات لابسة بينوار وردي وكتنشف فشعرها ...تبسمات ليهم وقالت:فقتوو

شهيد:نعااس تت اسمااعييل عينيه كحليين ...شابهني
اقبال::نديرو ليك خاطرك ...حيت انا عيني فلݣرونة

شهيد:حتى هدا نظر ههه (هز عينو فيها لقاها هازة لحوايج وغادية لدوش ورجع شاف فولدو ساكت )كغغ كغغ


لقاها رجعات ب بيجامة بيتية وقال:ناس ولات تحشم تبدل قدامنا ولا
اقبال:غير مشطت شعري وصافي وسرجم محلول
شهيد:لواليدة عارضة عليكم لعشاا
اقبال:شكون حناا
شهيد:نتي ولبنات ولغالية ....عيد ميلاد ملاك
اقبال:مقلتيهاش لياا
شهيد؛تلهييت اما براسي واللههيلا نيستوو ...معرفت كاع شنو ناخد ليها

اقبال:خود ليها داكشي لي كتشوفو خاصهاا

متكي اسماعيل على صدرو ومتبع معاها هيا لي كتجمع فحوايج اسماعيل فلماريو تاعو وقال كيضحك :كلشي عندها خاصها غير راجل
اقبال:ههه تسمعك مينة تولي مبتسم رغم الاعاقة

شهيد:فكرتيني ...لبارح رجعت هدرت مع جابر ...السيد مقسح نييت من جيهة غيثة ومصمم على طلاق

توقفات على اشنو كدير وششافت فيه كتنهد وقالت:الغلط لي درناا كاملين هوا صلحنا غلط بغلط كفسس منو ...كنت عارفاهم بجوج مغيتوالموش وحدة كتشرق ولاخر كيغرب

شهيد:مكتااب
اقباال:كلشي بلمكتااب
شهيد:قلت ليه متزربش ...ولكن مكنضنش جابر ناوي على طلاق
اقبال:الله يسهل علييه وعليها ...شي مرات لفراق تيكون حل

سكت مرجعش هدر كيداعب ظهر ولدو حتى حس بيه نعس وقلبو فبلااصتو مشا عندها لكوزينة جاها من اللور حفياان محساتش بيه تزيرها بايدوو تشهقاات وغطس راسو فعنقها ونطق بخفوت :توحشتك
اقبال؛هه شوية ولا بزاف

قاسهاا بحجروو فجنابها تبعدات كضحك !قال:لهلا يزيد كتر امدام
اقبال:ههههه الله امسخك

خشا ايدو من تحت التيشورت كينعنكش فيهاا وقال:غنجيبو غير بلبووسان معااك

دفعاتو عليها كضحك وقالت:تجيك فراس
شهيد (دورهاا محاصرها مع لبوطاجي كتشوفيه وضحك )ياك تبغيها لياا
اقبال:برا ولباس علييك المزنطط
شهيد(ضحك كيقبل فمها )وافتخر الحيبان ...شنو قلتي نمشييو ؟
اقبال:نباتو !
شهيد:لي بان ليك
اقبال(بامتناع )بلاش ...مغنرتاحش ولدك قهرني بالسهير
شهيد:صافي واخة ...نلبسس نمشيي ناخد شي حاجة او نرجع نلقاكم واجديين ؟
اقبال:صافي


الغالية:غيثة ...وا غيثة
كالسة قبالتها رجل على رجل شادة التيليفون وقالت:ممم
الغالية:نوضي نصبي لحريرة راه كلشي كاين
غيثة:مافيااش عييت
الغالية:عيتي ! كنهزو عليك حجر لواد اوى الله انعلك ابنتيي
غيثة(حطات تيليفون )ماما !
الغالية:اش كاين
غيثة:ندير ليك لحريرة ولكن نخرج
الغالية:تخرجي (حركات ليها راسها باه وهزات الغالية ايديها ودارت 👌)هااا منين دخليي وها منين تخرجيي ...شتي لفتي داك لباب بلاا بياا راني خلييت دل على المكناسياات المعزة

غيثة(بصدمة )وعلاش هدشي كلو ؟
الغالية:غتكلسي فداركم ...معززة ومكرمة يااك درتي البااك وحفضيي ...الامتحان بقات ليه ابنت لحرام 10 اياام ونتي كالسة تخندشي بدااك لمشقووف اشعند جد بوك فييه

غيثة:لي خلااه جابر كمليه لياا نتيي (ناضت كتنتر )اللهم الزنقة ولا هاد لعيشةة تاع لحببس

الغالية:كون جربتي الحبسس كون عرفتي بقييمة الدنيا السلكووطة ..خارجة ليا من جنب الله اعطييك جلية ابنت لحراام
زدحات غيثة لباب تاع لبيت تقفزات انصاف لي كانت ناعسة
انصاف:حشومة عليك خلعتيني ففف

غيثة(بعصيية )وليت كنخلع اناا عندي لكروون
انصاف(كتشوف فيهاا ) مقلت والو اويلي مالكي كدوري فيا
غيثة(حلات لماريو كتنتر )ندور فيك نتي جردة ...نعل ديلمها حيااة...مكاين لي عايش لحياة قد حيااة تلقايها كدور فالحسييمة لا راجل لا خراا وانا طليتوو هناا

انصاف:تمشي معانا لعيد ميلاد ملاك
غيثة:عند مينة!
انصاف:ااه
غيتة (كتعيط )مامااا ومامااا ....مماماا

الغالية:اااش بغيتي
غيثة:غتمشي عند مينة ؟
الغالية:ولبسسو هدا لوقت مبقا والو لمغرب
غيثة:منمشيش

مجهاش لجواب حتى تحل لباب وفايدهاا صندالة تاع صبع من دوك لقاسحيين غوتات غيثة وجرات انصاف من سروالها وقفاتها قدامهاا

انصاف:صافي اماما صافي
غيثة:شنو قلت شنوو مبغيتش نمشي عند ديك لعقرووشة
الغالية:غتزمي علياا دلقوشك تباركة الله والله لي نديرو فيييك اغيتووش مقراوه لا طبة لا فقهة ..(حطات ايدهاا فوق حلقها )واصلة هناا اغيثة دنوبك على رااسك ...شتي ومتنجحي فهاد لبااك ...نغزك ونفرسك كي لكلاب هاا ختك كتشهد ...نوريي لجد بووك شوتيت ولا شنوتيغ

رجعات سسدات عليهم لباب وكلسات غيثة كتبكيي وتقول مبكييت وانصاف كتسكت وخة كدور فيهاا ولفات طبع غيثة
غيثة:هءهءه شي نهار تلقاني معلقة راسيي فشي حديدة هءهءه

انصاف:اختيي عارفاك غدوري فياا ولكن راه هداكشي غير تخربيق قراي لي ينفعك شدي لباك ديالك وتبعي شي حاجة بقرايتك حسن لييك من داك لمسخ لي لبستي داك نهار

غيثة:نهار غندير علاش نرجع غنق***دد منهنا كماارتي توحشو غير تشوفوهاا كي الناس عقلو عليهاا

ملحق 12/10/2021

بعد المغرب والظلام طاح شوية ...وقف شهيد بطموبيل واقبال شادة لبيبي اللور والغالية لقدام ..لابسة جلابة فلموطارد وهازة شعرها لفوق ولبنات مقادين لحالة ...غيثة بتيشورت قصير وسروال طاي هوت وانصاف بكسوة نص كوم كحلة طويلة فايتة الركبة مع صباط پلا جات كيوت

دخلو كيضحكو فاستقبالهم ناصر بضراعية تاع دار شد اسماعيل فايزار تاعو كيسمي الله ويقرا لمعودتين علييه جات مينة كترحب تدلخوو

الغالية (لاقبال ) سبحان من بيتها فشان وصبحها فشاان
تبسمات اقبال وغمضات عينيهاا وفخاطرها كتقول لي فلقلب فلقلب

مينو: اراى لييا لكبدة لمعااودة
جات ملاك كتجري فدروج خطفاتو لباها من ايدو كتبووس فيه
شهيد:ابشوية اعود لقمااري تفدعسيه لياا ندعييك

مينة:اهاه شكون كيهدر نفكرك نهار كتهزها دلدلها من رجلهاا كي نونوس
الغالية:هههه كيكبرو كينسااو
مينة:لانسا نفكروو ..اراي ابنتيي نبوس الزييين لغاليي ...بسم الله بسم الله
ياله شداتو تبدا تراري كالسة حدا الغالية بدا كيبكي وتسكت
الغالية:الاا الااا اوليدي زويين الاا الغزاال ...اجي اجي عند ميمة اجي
شداتو من عندهاا حطاتوو على كتفهاا كطبطب لييه وهوا يسكت...مينة شافت ف الغالية داير ايدها على حنكهاا

مينة:ارااي هاد لهبيرة نبكي بوه شوية
شداتو من عندهاا بدا كينغنغ
مينة:اااه هدا ولف غاريحتكم ...وريحتي انا تلفهاا ؟ ياك اولد لعوج عشريام وانا معاك

اقباال:غير مجيتيهش فنهارو
شهيد: الله اخليني ليك غا انا
ميمة :صبغنيي (شافت فغيثة )غيثة لبااس كيداير جابر
غيثة: سوليني على راسي اخالتي انا وجابر ساليناا
كتقرص فيها الغالية تطابت

مينة:احااي على ساليتوو وعلاش
ناصر:وبيناتهم ... مالك نتيي

مينة:اوى نعرفو زعمة راه حنا عائلة
الغالية:والو غير قلة لعقل شوية وصافيي الله اهدي مخلق
غيثة(ميقاات )بعقلي الحمد لله

مينة:اوى جابر كيبان الله اعمر ليه الداار
اقبال(بغات تسد الموضوع )السعاتو لله. ...عنداك راه تقياا شوية
ميننة:اه اه اراي لفوطة ديالوو ...ملاك طفيي ابنتي على لمقراج هاني جااية ..هاكي شدييه نععسييه
الغالية:بلاتي نجي نعاونك
مينة: ايه نوضي

ملاك (كالسة حدا انصاف فلقنت كيتوشوش ) مجاوبتيهش
انصاف(حركات راسها بلا )اش بيني وبينو
ملاك:وشنو اديريي ! عندك رونديفو معاه فشهر 6

انصاف:منمشيش بووحدي
ملاك:صافي نمشي معاك
انصاف:لاا مكيحشمش منك ...ندي معاياا ماما ولا اقبال
ملاك:هههه كتعفري على نعمة الشرفة ابنت لحراام
انصاف: انا باغة نقراا املااك داك تخربيق بعيد علياا وماشي ديالي ...مالك نتي متصااحبي ؟
ملاك: مجانيش شي بوݣوص يفرح القلب (ضحكات) اكنضحك معااك ... داكشي كيجيني غير تخربييق ومزال وقتوو الحب ملحووق ..مزال مضربش قلبي لشي حد

انصاف: ههههه اوى سكتيي

غيثة شادة التيليفون كتمسح فتصاور حيت عمر ليهاا ... بدات كطلع تصاورر تبداو كيطلعو ليها تصاورها مع جابر هادي فلبييت ...هادي فلكوزينة هادي فطموبيل ...فشي خرجة مرة فشحاال فلبحر فلعروبية عند جداه ...حدا لبيير ! تفكرات لبيير وطاحت فبالها ديك الليلة حبسات تبسييمة تخرج من فمها وزماتوو كتفكرهاا ..داتها تبورشات عليها ميقات من جديد ملي شافت تصويرة دايرة فيها الزيف محاملاهش وساطت مبعدة الافكار طيح عليهاا تاني ...مسحاتهاا وتبعاتهاا تصاور خرين ديالها معااه ...وقفات عند تصويرة لي خداتهاا فطريق دنيا وراهم خضرة او فيهاا عشبة صفرة بما يعرف ب ''الحارة "" كل واحد شنو كيسميها فمنطقتو كتنوض عشوائيا فلبلاد وكتكون نوارتها صفرة
مصورين قدامهاا ضاحك داير نضاضر ومحني وراهاا حاطة ايدها على حنكوو وضاحكة تاهياا ...زومات عليهاا تعياات وخرجات من تصاور دخلات لواتسااب بملل كتجاوب فلميساجات ...دخلات تمسح لكونفيرصاصيون معاه ...هدرتهم قليلة باردة مافيهاش حب او اهتمام
_جيب معااك
_عنداك تنساا
_خاص هادي
خاص ديك
تقدات لبوطة
_خاصني فلوس !

كانت هادي هدرتها معااه يقدر يجاوبهاا ب ok او يخلي ليها فيي تيسالي خدمتوو

أين الحوار ؟

العلاقة بين جوج تاع النااس اي كوبل او زوجين كيبغيو بعضياتهم او علاقة تقليدية ...الا ولازم يكون حواار اهتمام ... المودة ولي هوما اساس العلااقة ...الى مكانوش هاد جوج ... الحب معندوو حتى دور حيت دغياا كيطفاا مع الحياة لي ولا بد ليها من مشااكل يحليوهاا

_المودة
_الاهتمام

جوج تلحوايج لكانو عندك اتفهم معنى العلاقاات ...اتفهم بلي دنياا مدايراش على افلان راني كنبغييك وكنحمااق علييك بليي شخص مقرب لييك اعتارف بلحب ديالو لييك ماشي معناتها راه ايكون طوب فحياتك ...ب بسااطة الحب مكافييش لازموو اهتمام ومودة باش يستامر ويعيش

خرجات من لمحادثة كتمرش...بقا فيها الحال حيت واحد نهار قالت نجرب نبغيه ولكن ملقااتش لي يجرها عندوو ...لكلمات لي واقعهم جميل على ادان الانثى كيخليوها ترااقص على انوثثهاا وتحس براسها ملكة على قلبو ...حبيبة ...وريدة ...الغزالة وكلمات الغزل الكثييرة ...كانت منعدمة الى لاحهاا كيلوحها فقط وسط لعلاقة بشكل عابر وسديناا ...ولكن وخة هكاك اللومة اترجع ليهاا حيت هياا لي طايشة وانانية وتحاجة مكتعجبهاا


سدات تيليفون كدور فيه ساكتة حتى تحطات ايد على كتفها داعباتها ..هزات عينيها لقاتهاا اقباال
اقباال:مالك

غيثة(جاهاا صوتها بحال دوا تحط على جرح ...عينيها لكباار بيااضهم اصبح احمر بتغرغيرة وهبطات عينيهاا وقالت:والو

اقبال:نخرجو برا ؟

حركات راسها باه ناضت اقباال مخلية ولدها لناصر وشهيد وخرجات تابعاها غيثة حدرات عينيهاا وتبعاتها تخرجو لقدام دار

اقبال:غيثة ..مالك
غيثة(مربعة ايدها وعينيها فلارض مسحات طرف عينيها )والو اختي
اقبال:مكنعرفكش ؟

غيثة(هزات راسها فيهاا ) نتوما كتعرفو غير جابر راجل مزياان وغييتة برهوشة عمرها دير عقلهاا ...كتشوفو غير لي قدام عينيكم ..كتشوفو غيرر جابر مكتشوفوش حياتي معااه ا اقبال
اقبال(تنهدات)شنو خاصصنا نعرفو ؟

غيثة: يمكن ماما وكانت كتسمع كلمات زوينين من عند هداك لي هرب وخلاناا ...انا عمري سمعتهاا كيفاش بغيتوني نبغييه غير قولي لياا ...واش انا كرهت ؟ جابر الانسان لي كان عزيز علياا حااجة وجابر كرااجلي حاجة خراا مبغيتهااش ...شفتي حتى ديك الزين ليي عادية يلوحها مكنسمعهاش بزااف غير لبغا يطنز علييا ...كيلوح ليا كلمة زوينة مرة فشهر بحالا كيتخلص عليهاا. ولكن لاا ملي كيبغي حاجتو دغيا كيتقلب حنين (طاحو دموعها)هدشي نتوما مكتشوفوهش ...انا لي كنشوفوو حيت انا لي عايشة معااه بليل وبنهار

اقبال كتسمع وساكتة كتشوف فيهاا حتى خوات قلبها وسالات كتبكي ...جراتها اقباال عندها عنقاتها وقالت: داباا كل واحد فيكم غيشد طريق ...ديها فقرايتك وخوي راسك من هدشي

حركات راسها بااه وهيا فحضنها كتنخصص وقالت:دوي مع ماما هءهءهء بحالا كالسة على خاطرهاا هءههء

اقبال:واخة ...ونقصي شوية من داك تيليفوون

حركات راسها باه حلات ليها طموبيل عطاتها تمسح وجهها

**


معرفاتشش فين مشاات بالطاكسي تلقات راسهاا بعدات ورجعات ل اوطيل عقلهاا مغييب ...وقع السؤال عليها كيف شي حجرة تقيلة خنقاتها

خلصات الطاكسي وهبطات كيضرب فيها لبرد تاع لمغرب ...لجو تنفس على بنهار ودنيا مروجة ب النااس ...كتشوف هنا وهناا حتى جات عينيها فيه مبااشرة واقف مكروازي رجليه على طموبيل مقابل معاها جامع ايديه القدام كيشوف فيها بملامح جامدة متحركش من بلاصتوو...تنهدات وكتاافهاا طاحو متقدرش تبدل طريق حيت واقف حدا باب لاوطيل

بعد من حدا لباب تاع الطموبيل وحلو شافت فيه وشافت فلباب قلبها غايخرج من بلاصتوو ...جروها رجليهاا ليه وعقلهاا وقلبها مضاربيين بيين الصح والغلط بيين تنخلوو وتمشي طلع وبيين تركب معااه ومدبرها حكييم ...تبعات قلبهاا لي فمعظم قراراتها متعلقين بييه مرة ربحة مرة دبحة ونهارر كتفكر بلعقل تيكون فات لحال عليه

هكا وقع لقات راسهاا مضاربة مع ريحتو فطموبيل حتى هجم على وحدتها مني سد لباب من جيهتوو...ماتحركش ...ماهدرش هوا كيشوف قدامو وهيا عينيهاا لتحت كتلعب بالسمطة تاع الصااك ساكتة ...شكون غيهرس هاد سكاات القا** تل بينهم

خامة صوتوو فيها دفئ او واحد النوع من الرااحة ودرجة الاقنااع فصوتو رهيبة يمكن مع خدمتوو او تجارب الحيااة والمحيط تهوا مسؤول على بزاف تاع لحوايج ...نطق بهدووء تام من بعد مكلس جنب كيشوف جيهتها

هشام(سد الطموبيل من حداه كان اول صوت يكسر الصمت المحيط بيهم غمضات عينيهاا تجاها صوتو ) غتخليني نكمل هدرتي وديك السسااع لي يريحك اهيبة ...سمعيني عفاك هيبة شوفي فياا

شافت فييه بنظرة خوف نظرة تايهة معارفة راسها لا فين غادية لا فين جااية

هشام: كلنا دزنا من تجربة فاشلة ...هدشي مكيعنيش نسدو على راسناا ونبقاوو نفكرو فلي فات ونلومو راسسنا على شي حوايج مشااو صافي ولي وقع وقع ! انا جيتك نيشاان حيت قصدي معرووف ..مباغي لا نلعب بييك ولاا نتفلا علييك

هيبة:سي هشاام هدشي لي كطلب راه ميمكنش ...خرجت من زواج كان عمري غيمشي فييه ...وبغيتيني نفكر نتزوج مزاال

هشام:كتشبهيني بيه ؟
هيبة:حاشة ...فرق كبيير ولكن ...انا ولييت خاايفة مبقيتش قادرة نتيق فحد
هشام:حتى ليين مغيجيش واحد نهار تفكري ديري وليدات ! ديري حياتك حتى نتيي ...ششنو ؟ غتبقااي حياتك كلهاا كتفكري فلي داز وتخافي وتكمشيي ...حنى فهاد
دنياا غير نص ...وربي خلقنا باش نقلبو على نصناا التااني ... ربيي خلق حواء لادم باش تكملوو وتكون ونيستوو ...علاش لي ميخلقش غير حواء ولا غير ادم ؟ نتي باغة تكملي بووحدك علاش اهيبة

هيبة:حيت دازت علياا
هششام:حتى انا دوزت حقي ...الحمد لله باقي واقف وباقي باغي نكمل حياتي مع مرا لي تفهمني ونفهمهاا

هيبة(هبطو دموعها )صعيب علياا نسى داكشي لي داز ..معرفتش والله منقدرش

هشام(سكت شوية )سمعيني عفاك ... انا خديت الوقت لي يكفيني باش نختارك نتيي تكملي معايا حيااتي

هيبة:ولكن اناا من ديما كنشوفك راجل مزوج ومحتارماك
هشام؛حيت انا كنت محتارمك عمري قللت عليك الحياا عام هادي ونتي قدام عيني

هيبة:منقدرش والله سمحلياا

هشام:مالكي معكسة ! ومبغاش تفرحي غتبقاي هكا ؟ عايشة فهاد لازون ...شنو خاصك لوقت ؟

هيبة:معرفتش
هشام؛ انا مكنطلبش منك نتزوجو من غدا ...نخلي ليك لوقت فين تعرفيني وترتااحي لياا

هيبة:او بنتك
هشام: مالها بنتي !... غتقرر فبلاصتي ! بنتي فبلاصة ونتيي فبلاصة
هيبة:زعمة ولا مبغاتش
هشام؛ نتي عزيزة عليها ها وحدة ...تانيا لوقت لي تعرفي علياا تعرفي على بنتيي ...سيلياا مغنلقاش معاها مشكيل ...حيت بنت باباهاا ...لمشكيل لقيتو غير مع هيبة لهرابة

مسحات دموعها ساكتة كتشوف قداامهاا وسكت مخليها كتفكر بوحدهاا وقال: جابتها الفرصة ..انا كالس سيمانة فمراكش انا وسيلياا ...نݣلسو اونوصبل اشاك فواا وديك السااع جاوبينيي


هيبة:وشنو ضمن ليا لوجه باش نشوفك دابا تبدلو من بعد
هشام:الضامن الله ولكن ربي شاهد عليا وجه لي عطاني ربيي مخدموو مع كلشي ...منحتاجش وجه اخور ...ربي عاطينيي القبول (ضحك )

تبسمات مدورة راسهاا لجنب ورجعات هبطاتو كتنهد
هشام:شنو داباا اهيبة ...نقولو الله يسخر ؟

هيبة:منقدر نقوليك والوو دابا خليني نفكر

هشام(سكت ششوي وكمل )وخة على خاطرك صباح جاوبيني ...غنتسنا جوابك اهيبة ...اه وهادشي مغيبدلش شي حاجة فلخدمة ...الى مقبلتييش غيبقا الاحترام بحال ديما تحاجة مغتبدل والى قبلتي غايكون احتراام زوين (بطنز ) الاحترام هوا كلشي

هاد لكلمة هيا لي قالتها فميساج ضحكاات محركة راسها بالايجاب وقالت:وخة ...حل لباب نمشي ؟
هشام:على خاطرك (حل طموبيل ) هيبة...غنتسنا جوابك ...فكريي وردي علياا
هيبة:ايكون خير.
هشام:بلي فيه الخير ان شاء الله

ملحق 14/10/2021

ليل طاح تعشاو وغيثة كتنغز ف مها باش ينوضوو

اقبال:نمشيو ؟
شهيد:واخة ..اوى هادي لوقت تصبحو على خير
مينة:مالك زربان شاد طريق برشيد !
الغالية:اوى طناش هادي تاحنا ياله ياله
ناصر:كلسوو معانا هاد الليلة
مينة:مكاين فين تمشييو باتو الليل هدا وانا مزال مشبعت من هاد ولدي حبيبيي ...يخلي لياا لي يسهر عند مامي (شداه فايدهاا )ربيي كلسوو
شاف شهيد فاقبال غمضات عينيها بقبول وشافت فلبنات باش يريحو ساطت غيثة وكلسات محاملاش تبات

مينة: هاد لخوينيز غاا شهيد فصغر ياك انااصر
ناصر(حقق فيه ) شوية ..شوية داي لييه
الغالية: لا لاا غير اقباال ...حتى تربيتو دريويش
مينة:علاه مال شهيد واعر ؟ لا لا يا الغالية اش كتعرفي ...غير شهيد معندك متزيدي

اقبال:يكون غير بصحتوو داكشي لي بغيناا
مينة:علاش بعدا كترضعيه لحليب تاع لفرمسيان !
اقبال:حيت مع لوقت مغنكونش معاه ديما يولف هكا ويولف هكا
مينة:علاه ناوية ترجعي لخدمتك ؟ وتربية كيدير ليها
اقباال:ناوية ان شاء الله ...غير يكمل شهراين ويشد راسو شويية غادي نرجع لخدمتي ...كاينين لبنات كاينة جدااه

الغالية:عطا الله لي يشدو مالنا نفرطو فييه

مينة: اوى جيبيه لياا مك عياات تاهيا
الغالية:ولاد بناتيي منعياا عليهم نهزهم وخة نكون زحافة

شهيد:لي عيات تشدو على لخرا هههه مالكم
مينة:مم تهكا مزيان ياك اخوينز تجي عند ماميي

***

شي مرات ربي كيعطينا بزاف تالفرص باش نراجعو نفسناا ونرجعو من شي طريق معندها فين توصلناا من غير لهلاك
فنفس لوقت الشيطان كيزين لينا ديك الحاجة وكيخلييك تقول غلطة وحدة مدات ما جاابت ...تكطيح فالاكفس ...

بعد ليلة حميمة جمعاتهم كيف كل لياليهم من بعد اول علاقة جمعاتهم ...كان شغف ...حب ...ولهفة ..خلات عينيهم تغمض على بزاف تلحوايج او يمكن كيتعماو فسبيل يعيشو اللحظة !

خرجات من دوش كضحك مزنݣة لاوية عليهاا فوطة وكضحك وهود من وراها كيمسح شعرو بفوطة

هود(بلفرنسية ) قمشتيني
حياة:هههه اللفعة مكتقمش ..كتقرص
ضحك وتلاح على سرير متبع ليها لعيين كيقاد لفوطة على نصو وهياا قداموو كتنشف شعرها وكتجبد ماتلبس
هود: كديري ليا تعديب هكا !
شافت فيه كتلبس وقالت:غمض عينيك ههه

لبسات شوميز منو لحمهاا مع سليب ومشاات تخشات حداه كتنشف شعرها لفازك..

هود:غيخصني نرجع لالمانياا سيمانة جاية

حياة(كانت حاطة راسها على صصدرو وهزاتوو :ياك قلتي لياا غدوز معايا لڤاكونص ؟

هود:سيي ولكن خرجات خدمة ايغجون ...انا وصاحبي كنوجدو فواحد لصال دي سبوغ خاصني شي حاجة فلماطريال ضروري نمشيي
حياة(باستو فعنقو ) ولفتك
هود(شدها من عنقها وخلاها قريبة لييه وهبط على فمها بقبل ثائرة )اوسي شيغي ...مي اينفوا نساليي غنجي عندك
حياة(كتلعب فصدرو )لفرنسا ؟
هود؛اتحاولي طلقي فاسرع وقت ابخي انشوف ليك اباغطومون ف پاغي بعيدة على الحاج

حياة(كتلعب فصدرو)منادمش !
هود(باسها فعنقهاا ) نن بويسك جوتيم اي طوا ؟
حياة(نطقات بلعربية كداعب شفايفو بضفرانها لحمرين )كنحاول مندمش

عوجها على لفرااش كيهبط ليها فدوك سميطات تاع الشوميز وهيا كتجبد لييه وضحكهم واصل فيين تسمعو تيليفون كيصوني ...بعدات راسها كتنهج وقالت:بلاتي غيكونو لبناات

تسللات كتغطي فصدرها وضحك هزات تيليفون من شارج دغيا تلاشات ضحكتها ملي شافت نمرتو وشافت فهود

هود؛ جاوبي
حياة(مصات شفايفها كتسوط ) محمد
هود (ببرود) جاوبي

ساطت وفتحتت الخط وقالت؛الو سيمحمد
جاها صوتو عيان كينهج شوية وقال: حياة لبااس
حياة:لباس الحمد لله ...صوتك مهواش
محمد:عيان شوية احيااة راني ف فرانساا دابا عيت من اسبانياا موالمنيش جوهاا بزاف
حياة:اوى رتااح فدارك حسن

محمد؛حياة ...راني محتااج لييك داباا ..عياان بزااف احياة

حياة: محمد نتا عارف شحال ماجيت (كدور فعينيها وهود قبالتها فلبالكون كيكمي عاطيها بضهر ) جي نتاا لمغريب
محمد:راني مبقيتش قادر نتحرك حتى من بلاصتيي عاد نشد طيارة !

حياة:وخة ..نسالي شي شغال ونجي امحمد
محمد:حتى ل مت تكوني حداياا (بصوت باين فيه حزن )حتى هود ملي طل عليا ف فرانسا مباقيش شفتوو ...تبدل علياا بزااف حتى لهضرة فتيليفون مبقاشش كيهدر

سكتات كترمش وكتشوف فهود محني على لبالكون كيكمي كيتسناها تسالي ويدخل جاها صصوت محمد كينادي عليها ورجعات لوعيها معاه
حياة:معااك معاك...متقلقش ايكون شاغلاه شي حاجة
محمد؛حياتو هيا اللولة ...غنسيفط ليك فلوس روتور جي عفااك محتاجك

حياة:واخ

قطعات معاه وحطات تيلفون كتشوفييه ...صوتو عياان واحساس رهيب تملكها ..شافت فهود من لمرااية جاي كيقرب لعندها تحاوطها بدراعوو باسها فحنكها
حياة: عمك مريض (توقف فعنقها وهز راسو فيها ) بغاني نجي عندو
هود: اتمشي

حياة:جو سي باا
هود: تمشي عندو ضروري ...نتلقاو تماا
تنهدات وبعدات راسها ملي شافتو بغا يبوسها وقالت: انحبسو هدششي اهود

هود:لو ميم سوجي حياة
حياة:اه لوميم ...كنخونو عمك او هوا مرييض اونبليس ملي جيتي عمرك هدرتي معااه

هود(هبط عينيه )منقدرش
حياة: داكشي علاش نحبسوو هدشيي تانطلق !
هود:تقدري ؟
حياة(طلقات منوو ) من اللول مكناش ندخلو فهدشيي تانطلق
هود(جرها عندو تغوتات وزيرها عندو لاحها على سرير )نفكرو فهادشي من بعد ؟ دابا مشغوليين

***

طلعات لاوطيل كتمشي وتجي وهدرتو كدور فراسها بحال شي كسيطة مسجلة

عيات وداخت بسير واجي فشومبر ...كلسات شدات لارض ...هيبة ماشي من النوع لي ياخد بعض القرارات بوحدوو وقرار بحال هدا لا يمكن باقي تقرر تاخدو لوحدهاا ...تجربة كفات او وفاات ....علماتهاا متزربش وتسول وتعطي وقت
هزات تيليفونهاا كتبات ميساج ل اقبال

هيبة:بيلو نتي هناا
طلعات ليها جوج شرطات بقات كتسناا على احر من الجمر باش تشوف اقبال لميساج غيرر طلعو جوج شرطات زرقيين قلبها بدا كيضرب وكتامل فضفرها بتوتر

اقبال:نعام الزين ...
هيبة:ايسوو نعس ؟
اقبال: بزز ههه نتي بخير ؟ كيجاتك مراكش
هيبة:غزاالة ياختيي حبيتهاا ههه
اقبال:مزيان رتاحي مع راسك
هيبة: بغيت نهدر معاك
اقبال:الله يسمعنا خيير ...بلاتي شوية ونصوني ليك نهدرو بخاطرناا !
هيبة:واخة اختي ...بينما صليت لعشا
اقبال:الله اقبل ...الله اخليك ديما مداومة على صلاتك ...متفرطيش فيها مرة خرا
هيبة:الله ينعل الشيطان

ناضت توضات صلااة وكلسات على سجادة ترن تيليفونها وناضت كتعتر فلعباية هزاتو وجاوبات
اقبال: ساليتي
هيبة:عاد داباا ...راك باقة عند مينة !
اقبال:اييه طلعت لفوق انا وشهيد خليت الغالية معاها ...ياله قوليي نسمع شنو عندك

هيبة:معرفتش منين نبدا ليك
اقبال:خير الامور اوسطها
هيبة:هشام عقلتي عليه ؟

اقبال:هشام ...هشام ...ششكون هشام ؟
هيبة:لباطرون ديالي
اقبال:ااه اييه عرفتو مالو ؟
هيبة:تلاقيت بييه هناا
اقبال: غتبقاي تقطري عليا بلهدرة اهيبة ؟ جيني من اللخر شنو كاين مالو هاد هشام ومالك نتي بعدا كتفتفي علياا

هيبة:غنقولييك لي كااين بلا متقاطعيني واخة ! وسمعيني
مشيت لريسطو نتغدا حتى .....


عاودات ليها بديطاي المفصل كلشيي استتغرق منها لوقت وهيا دودود واقبال غير زيدي اوى

هيبة:اشنو. بان ليك !

ملحق 16/10/2021

اقبال:شنو بان لييك نتيي اهيبة
هيبة:معرفتش ...مبغيتش نزرب ..فنفس لوقت هوا انسان الله يعمرها دار عمرو قلل عليا لعفة واخة معضم الاوقات تنكونو غير انا وياه فلبيررو لفوق ...شحال من مرة وصلنيي معمرو فات معايا لحدود

اقبال:هدشي كلو لي قلتي مزياان ...ولكن راه ميمكنشش تحكمي على لواحد من طرف واحد ...الى مشيتي عند هاد مراتو راه تاهيا دير عدر لراسها باش تخرج منو هوا لعيب ....كيبقا فيا غير دوك لوليدات لي مكيعرفو اشمن طريق يشدو

هيبة:هوا شرح ليا شنو كايين ومزال غنهدرو حيت مقدرت نسولو على والوو

اقبال: شنو غنقوليك اهيبة ! منقدرش نقولييك ديري ومديريشش حيت هاد السيد نتي لي كتعرفييه ...لحاجة لي ندير معاك هوا نسول علييه وزيد حتى جابر كيعرفوو صباح نمشي نهدر معااه

هيبة:مغاندير والوو حتى تجاوببيني ... وخة مقال عيب قاليا خودي وقتك
اقبال:خووديي وقتك وفكري ودوريها فبالك ...هيبة
هيبة:نعام اختي
اقباال: مبغيتكش تعاودي نفس الغلط وتنساي واحد بواحد ...داكشي راه مامسلكش ..عاد السيد الى ماكنتيش بغاه من قلبك رجعي اللور

هيبة(كلسسات على سجادة)غنكدب علييك الى قلت ليك مكيعجبنيش ...ولكن عمري هزييت فيه عيني ...تصرفاتو ا اقباال كيخليوه يدخل لخاطرك بلا متحسي (تبسسمات ) كيبين ليك الرجلة شنو كتعني

اقبال:متأكدة هدشي غير اعجاب ! هدشي غير كنتي عارفاه مزوج !

هيبة:داكشي علاش كنت باغة نخرج من لخدمة ...حيت مبغيتش نزيد نتعلق بيه و نصدق معلقة فين نتفلق
اقباال:نقولو فيها خير

هيبة:فيها خير

اقباال:ماحدك صليتي لعشااء ...صلي معاك جوج ركعات صلاة الاستخارة وخليها فيد الله هوا يصلح حالك ويجبر بخاطرك
هيبة:ونعم بالله اختي غنصليهاا ويدير ليا ربي لخير ...الى فيه لخير بغيتوو ...والى كنت نزيد نتعدب الله يبعدو علياا

اقباال:امييين ياربي...اللهم يسر ...نعسي رتااحي يصبح ويفتح باش ما كان غنرد عليك جوابك

هيبة:غنتسناك ...تباتي فراحة الله اختي

اقبال:راحتي من رااحتك

تبسمات هيبة برضى وقطعات لخط وقلبها تفاجى شوية ...ناضت كبراتت وصلاة جوج تركعاات بنية التيسيير حطات حوايجها ودخلات فلفراش كتقلب على نعااس لي طار من عينيهاا ...تعسلو عينيها بنعااس واستسلمات لييه

على قول الله اكبر احلو عينيهاا براحة بقات كتسمع للادان حتى سالا وناضت بلا عكز كتاوب شعلات ضو شومبر ومشات لدوش كتجمع شعرها رجعات موضيية فرشات سجادتهاا وقامت صلاتهاا بخشوع بنية تيسير امورهاا ...موراها رجعات نعساات

من بعدما وصلات الغالية والبنات خلات معاهم اسماعيل اما شهيد مشا لخدمتو كيف كل صباح
وقفات قدام لمحال ديالها لقات مهدي حل وكيشطب فلمحال ويمسح

اقبال:مهدي صباح لخير
مهدي(تبسم ليهاا ) لمعلمة واللهيلا تفاجا خاطري ملي شتك
تبسمات وهزات دفتر من فوق لبيرو :توحشتيني ولا
مهدي:دايرة لومبيونصص هههه كيراه صغيور
اقبال:لبااس ...ديالمن ديك الطموبيل !
مهدي:ديال مول لمخبازة لي فدورا
اقباال:علاه بدلهاا !
مهدي:اوى ليام عطاتوو
اقبال:اللهم لا حسد
مهدي؛محاسدينوش الالة
اقبال:الى خاص شي حاجة صوني ليا ..انا مشيت

حطات دفتر وتمشاات لجيهة جابر حانية راسهاا وصلات لمحل لقات كريمة واقفة مع جابر نتابهات ليهاا وناضت خارجة
كريمة:اقبال لبااس اختي
اقبال:لباس اكريمة ونتي
كريمة:الحمد لله (شافت فجابر)دكالي خليت ليك لخير ...متنساش ليا داكشي الله يستر عليك
جابر:ان شاء الله

تبعاتها اقبال بعينيها تمشات ورجعات شافت فجابر

جابر:بغات شي خدمة
اقبال: مزيان ...
جابر:كيداير اسماعيل
اقباا:لبااس خليتو مع لبناات
جابر:كلسي متبقايش واقفة
جرات كرسي كلسات وجا كلس حداهاا سكتو شوية وتطق كيكح فعينه

جابر:ييكما الغالية مرضات من ورا مجات غيثة
اقبال: هاهيا مرضات شنو غتصور ! هدشي كان غيوقع واحد نهار اجابر حيت هاد زواج مبداش مقاد طبيعي يساليي

جابر:صعيب تلقا راسك بووحدك لي كتر باش مطيحووش
اقباال:حتى هيا كتقول هدرتها اجاابر ...ولكانت هدرتها بصح ...راكم بجوج غالطين حتى هاد زواج منجحش ... مبقا لاش نهدرو فهادشي ...حيت بين الراجل ولمرا مكيعلم بيه غير لي خلقوو ...حاجة وحدة لي نقدر نقوليك الحواار راه مزيان وضروري يكون بين جوج تناس

جابر:بحال غيثة !
اقبال: غيثة راه من النوع لي تاكل ليها دماغهاا بجوج كليماات معسليين ...كادو خريجة ...هدشي مصعيبش ولكن باش ديرو نتاا لي صعييب انا ويااك تكرفصناا حتى مبقيناش عارفين نعيشو لنااس ...انا بديت كنتعلم ولكن نتاا لاا باقي شاد فزمانك ...هاد لجيل راه مبقاش باغي هكاا اجابر

تنهد مهبط راسو كيعض فشنايفوو ويطرطق فصباعو
اقباا:على اي هدشي سالا ومبقاش لاش نهدرو فيه ...جيتك فموضوع اخور
جابر:لي هوا ؟
اقبال:هشام لباطرون تاع هيبة كتعرفو

جابر:وايليي خدمت ليه ما مرة ما جوج كتر من صالوون عاد زيد لبيباان او لبلكارات وتخربيق اخور ...مالو
اقباال:بغا يتزوج بهيبة قاليك

جابر(تصدم)اش كتققوليي ؟ السيد راه مزوج او بولادو
اقبال:طلق ...او ولدو مات هادي عاماين بقات ليه لبنية بوحدهاا

جابر:الله اكبر ...(بتاثر)مسكيين كان عندو واحد لولد تبارك الله زوين كان قاليا يمكن فيه التوحد
اقبال:داكشي لي قال لهيبة ...شنو كتعرف علييه ؟
جابر: السيد الله اعمر ليه دار هوا لكبير فخوتوو فاسي وعندو دار فشارع ***
اقبال:ڤيلات !
جابر:مقابل مع لفيلات ...ديور لكباار لي لبلان ديالهم بحال لفيلا غير هوا سمحو ليهم يبنيو r+3 ...بانين واحد دار هوا وخوه اش غنقوليك تبارك الله خوتو الى مخفت نكدب كلهم مزوجين ..غير بااه لي بان ليياا نمرة

اقبال:بحالاش ؟
جابر:ذيب ...مشيت نركب ليهم لبلكرات فلكوزينة ...جاب كرسي وكلس حدا رااسيي نص نهار وهوا مقلز فوق لكرسي معيااش لمهيم لبق ميزهق معرت اش قاليه راسوو نخون شي كاسرونة ولا شي براد تاع اتااي

اقبال:هههه كل وهموو
جابر:لمهيم هشاام راه الله اعمر ليه دار وتاني راه متعرفي لواحد حتى تعاشريه
اقبال:بصح

صونا تيليفونها وهزاتو جاوبات شهيد وقالت:نعام
شهيد:المحقق كونان باقة كتسولي على السيرة الداتية تاع هشام
اقبال:بحالا علمك الله
شهيد:شحال تعطيني نعطيك قصتو بديطااي
اقبال:كتعرفو
شهيد:وهدري بعداا شحال تعطيني
وقفات مخلية جابر كيخمم بعدات شوية وقالت:اش غنعطيك
شهيد:برعن نبرعك
اقبال:هههه هضر من لملااغة اش كاين
شهيد:دوزي عندي لفاغماصي نديرو كوية فوق دوليبران ونعطيك اش كاين
اقبال:كتفلا عليا داباا
شهيد:مبغيتيش دوليبران ؟ كاين براصفاان ...براصيطامول ممم مجود لخير الحيبان
اقباا(مسايراه )واخة نجي ولكن واش بصح عارف !
شهيد(بجدية )غير دوزيي نعطيك تبركيكة هههه صدق معريفة
اقبال(تنهدات )من صحابك ! صافي خلات
شهيد :لا لا هداك ميتصاحبش مع هبيل بحالي هناك الله هداك معقد ههههههه ودوزي ابنت الغالية

حلات عينيها على ضو داخل من لبالكون شافت ساعة لقاتها 9 واقفة تكسلات بلاصتهاا وهزات تيليفونها فتحات لكونيكسيون بداو بعض لميساجات كيوصلو منهم تاع الغالية اسعد الله صباحكم ولورد وشي فيديو تاع مشة ولات كتهدر ان لم تقل سبحان الله اعلم الشيطان يمنعك ضحكاات وقالت: ويلي على ماما هههه مزال كتششوف تما توصلها ميساج من هشام ...ضرب قلبهاا كيتساابق يخرج بقات كتشوف فلمحادثة قبل مدخل ياله بغات دخل تجاوب وصل اوديو من اقبال فيه 5 دقايق ولات كترعد بلخلعة ...تقدات فبلاصتهاا وطلقات لاوديو كتصنت جابت ليها اصلو وفصلو وخوتو وتريكتو كاملة وفعلا اكدات كلامها وسباب طلااقو

هيبة:شكون قاليك هدشي
اقبال: شهيد وجابر
هيبة:حتى شهيد كيعرفوو
اقبال: مينة كتعرف موو ...
هيبة:احااي صافي باين لعربون
اقبال: شهيد كيقول بلي درويشة ومرا حدودية حتى مينة كتعرفها غير حيت كانو كيقراو الدروس تاع القران فجامع
هيبة:مينة ؟ كتقرا دروس القران فجامع

اقبال:ايييه
هيبة:هههههه نااري ديك السيدة راه جامعاهم كلهم ههه
اقبال:ماعلينا هاني وصلت لييك لخبار
هيبة:وشنو داباا ...نزعم ؟ خفت
اقبال: داكشي تاع كتب ليوم تزوج غدا مغنقبلوش لييك ...ديرو واحد لفترة تعرفو فيها على بعضياتكم ...حيت كاع هدشي لي قلت لييك مكيسوا والوو ...نتي خاصك تعرفي معامن غتعيشي ومتعرفي لواحد حتى تعاشريه

هيبة:الله يدير لي فيها لخير

اقبال:اللهم اميين

تكات راسها على لمخدة كتفكر تقفزها تيليفونها فوق صدرها هزاتو وطلعات نمرتو. تسنات شوية وجاوبات كلها كتغزل جاها صوتوو الهادئ ببحة صبااحية زادتو جمال

هشام:صباح النور
هيبة:صباح لخير
هشام:كيصبحتي !
هيبة:الحمد لله (سكتات شوية )ونتا ؟
هشام:اناا ...مزال كنتسنا فشي ناس يعطيوني جوابهم ديك الساع عاد نقول واش صافاا ! ولا مصافات ...فكل الاحوال الحمد لله

هيبة(ضحكات )ههه حم كيراها سيلياا
هشام:نعااسة سيلياا ...سيبوسيبل نفطرو اونصومبل ؟
هيبة:داباا ؟
هشام! لا مع لغدا ...بيان سيغ دابا ههه
هيبة(ضحكات وقالت)مم واخة
هشام:نحسبها موافقة
هيبة(ضحكات بصوت انثويي نطقات )مالك زربان
هشام:بهدوء) مزرباانش غير باش نعرف اشمن صفة نفطرو ...خطيبتي ولاا كوم امي
هيبة(عضاات على فمها لي ضرها بتبسيمة جاها صوتو على صبااح كي لعسل على قلبهاا )معرفتش
هشام:دونك انا نعرف ! نخليوها خطيبتي احسن ...شنو قلتي ممم
هيبة(سكتات كتاكل فضفارها تعاود نطق

هشام:نقبل سكاتك ؟
هيبة:ممم
هشام :دونك نلقاك من هنا نص سااعة لتحت
هيبة:ولكن عندي بزاف تلاسئلة
هشام؛نهار كلو ديالك انا شاد كونجي
هيبة:هههه وخة
هشام:غتلقايني لتحت كنتسنااك اهيبة ..اتوت
هيبة:ؤك داكوغ

لاحت تيليفون فور ماقطعات عندها نص ساعة توجد فيهاا وتكون بحلة رائعة جبدات شانطة كلها خملاتها لبسات كلشي وجربات كلشي ...حتى استقرات فشوميز بلو غوا او سروال اسود كلاص من توب ...خشات مقدمة الشوميز فسروال دارت سمطة تاعو على شكل عقدة من لقدام هزات صاك اسود وطالون اسود مكات وجها بشكل خفيف ...رشات ريحتهاا بقا ليها غير السباط مرشاتش فيه ...دهنات ايدهاا ولبسات اكسسواراتها فايدها من تشكيلة خواتم فاصابعها وبراسلي وساعة
وصلها ميساج منو كيقول فيه بلي لتحت ...خرجات مخلية شومبر دايخة بريحتهاا ...دخلات السانسور كتحدد لكلوز وتمسح منو شوي وتشوف فلبسة كي جاتها

بان ليهاا وقف بسياارتو متكي عليهاا كيتسناهاا توصل عندوو تقاد فلوقفة وهيا راه عواجت ليهاا حيت مقابل معاهاا وصلات عندو بزز قلبها غيخرج من بلاصتو

هيبة:حم صباح لخير (مجهاش الرد وشافت فيه وتزنيكة طلعاتها )صباخ لخير
هشام(بدون وعي )غير لمبغاش

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.