تسارات فدار كيف بغات واسعة وكبيرة مشمشة دغيا رتاحت فيها مسخاتش تخرج منها ك كل انثى كتبغي تملك دارها وتأتتها على دوقها توضع لمستهاا فكل انش من حيوطها ..معرفاتش واش دارها اكسبري وخواها من لفراش لقديم ولا بصح كانت عندو لفكرة قبل ميعرفها...لمهيم عجبها لحال انه تحاجة مغتبقا من طليقتو لي تفكرها بليي كانت قبل منها خصوصا بيت نعاس لي اهم حاجة فعلاققتهم
هبطو ناشطين مع سيلياا لي كتنقز غسلو ودخلو لصالون بدات نزهة كتحط وناضت هيبة تعاونها
نزهة:غير كلسي ابنتي غنحط
هيبة:نعاونك اخالتيي راه غادي غير نحول
نزهة:واخة الحبيبة
تبسمات عطاتها بانطوفة وتبعاتها لكوزينة مجهزة ومتولة على حقها وطريقها تحاجة مناقصاهاا من اجهزة وماعن لفريع دوق الفاسي كاين وحاضر بقوة ف طبقة ديالهم
عطاتها طباسل وفرشيطات داتهم كتحط فطبلة لكل بلاصة طبسيل ...جابت لموناضة وبلاطو تاع لكيسان ولماا وجابت طبسيل تاع صلاد مخلطة او ما يسمى بالجردة
الحاج:الله امتعك بالصحة الالة نزهة
نزهة:بصحتكم ...هيبة زيدي حدا هشام ابنتي دخلي
دخلات بقات كتزيد تزيد تلصقات حداه او سيلياا كالسة فجنبهاا ياله بغاو يقولو بسم الله دخل ادريس داير كاسكيط على راسو بشورط تاع دجين وتيشورت
دريس(هز عينو فيه ) واشش كانبان لييك غير اناا ! نوض شوف سيدك مروان اش كيرون ف فاس
الحاج؛تباغك الله كون غيغ بحالو ... داغ وليداتو وداغو وخدام في امان الله نتا معغفتش كيفاش تنقزتي لطبيب انا بعدا مندخلكش حتى من شتيوات ...نلأك فالزنأة (نلقاك فالزنقة )نألب طرأن باش منشوفشاي وجهك
الحاج؛متبأشي تمازح معياا منداك نهاغيات وانا الضغسة موجعاااني الالة نزهة واااه اشمن طبيب او لا ميحزانون هاااه غاك زيغو
دريس:رجع نعمرها ليك ب لفورص الواليد
الخاج(هز ايدو)متعمغ لي شااي اسيدي الله اغحمك اسيد البشيغ عمغتي لي الضغوس حتى عيتي عمغي تشكيت...سيغ سيغ لي فيك كافيك
دريس(باس ايدو )الحمد لله
ميق فيه مضارب مع واحد لبيسطاش مبغاتش تحل ونزهة كضحك عليه بهمس هيا ودريس لاحها ليه تشظها وقال:حل حلل الله امتعك بغضا تالبيسطاش يبيعوه مغشوش
***
وصلو ل سويسرا المغرب مدينة التلوج والطبيعة افران ..حلات زاج دخلات مع نيفهاا اجواء طبيعية وهواء نقي نوعا ما حيت مكاينش بنادم بزاف ولكثرت الشجر فلمدينة الهواء تيكون نقي ...خداو شومبر فاوطيل قرب جردة لكبيرة لافران لجو مضبب ومسخونش بزاف
حس بيها مامرتاحاش الى تعرات قدامو ملي كانت عندها سبع شهور ولات كتحاشا تعرا قدامو غير الى جا غفلة ..بقا مسايرها حتى عراها وتبعهم ملابسها السفلية متلمس جسمها بلطف حتى استقراي ايدو على بعض الشريطات فكرشها مزال حمرين شادين غير فجناب وخة مبقاتش لكرش بقاو هوما
معظم النساء مغنقولش كلشي كيعانيو من تمدد الجلد كاين لي كيشكل فحياتو فرق فعلاقتو مع الطرف التااني ...كتولي حشمانة تبدل ...حشمانة تعاشرو باش ميشوفش ندوبهاا ضريبة الامومة ..مخاصش لواحد يحشم من شي حاجة جابت لييه ملاك صغير لدنياا ...والراجل لي يقول لاش نتي تشرطتي .! عفت !
باغي لولاد وفنفس لوقت باغي لمرا تبقا كانها باقة بنت ...فيزيكمون غير كتولد المرا داتها كتبدل ممكن تكون ضعيفة تغلاضض وممكن تكون غليضة وتضعاف ...كلف وتصبغات تمدد الجسم من الانتفاخ المفاجئ هدشي كلشي كيوقع لجسم المرأة من الحمل الى ما بعده ...ويجي هوا لي مهاز تحاجة من هادشي ..ما تقل تسع شهور ماسهر ما كبر يقوليك هدشي مخاصوش يكون
الى بغيتي داتك بغيتي جسمك كيفما هوا ...تواحد كيفما بغا يكون غيقلل منك ..تااوحدة ما بشرتهاا صافية ميا ف لمياا لابد من خلل
شهيد:عادي (نازل مع عنقها ) مغيبقاوش هكاا (دوز بشفايفو عليهم حتى بورشهاا كيبوس فكرشها خلاها تكمش معاه ) سي نوغمال راك ديجا والدة احبيبة ولاپو ديالك (باسها فكرشها حتى دخلاتهاا )رطبة ...كلك رطبة (طلع باسها فودنها وقال)مارشميلو ديالي
تبسماات لييه اسم مسميها بييه فينماا بغاا حاجتو منها كيلوحو ليها فودنيهاا ... كيبدع فانه يخليهاا منساجمة معاه بلا حواجز
شهيد فقلب اقبال هوا لانسان لي خرجها من واحد لقوقعة رمات راسها فيهاا ملي خلاها ومشاا ..رجع حيا فيها اقبال المراهقة لي كانت كتخبي اعجابها بييه تحت نظرات الصداقة ..اما هوا فكان صادق معاها من اول يوم عرفها فيه ...حبهم كان بريء ومزال محافظ على برائتو ..يمكن هكا علاش مزال واقف ...منساجمة معاه حتى هيا كتبقا انثى وعندها ما يكفيها باش تغري رجل قوامها ...كلامهاا ..وضحكتها واقبال رغم خجلها كتحاول تغلب عليه وتعيش حياتها كما يجب
**
قبولك لذاتك بما فيها من مزايا وعيوب،
سقطات وهفوات،
وضوحك وصدقك مع نفسك،
تصالحك مع رغباتك وحاجاتك،
محبتك لنفسك بمافيها من تشوهات،
وقصص ألم.
كل هذه الأمور تجعل منك انسان واعي و مدرك وقوي، قبول الذات يفتح لك بوابة السلام، التي لو ولجتها لا شيء بعدها سيخيفك.
فمامدى قبولك لذاتك؟
**
خرجات من الدار ركبات فطمووبيلتها ماوقفات حتى لقدام الاپارطومون لي مولفة تلاقى فيها مع هود..... پاركات الطموبيل و طلعات عينيها كايلمعو بالفرحة كاتبغي غير ايمتى تلاقى بيه و ترمى فحضنو... حبها ليه تخطى الحدود لدرجة أنها مابقاتش كاتفرق بين الحلال و الحرام.....
دقات فالباب وهو يحل عليها لابس شورط و عريان من الفوق عوجات فيه راااسها بابتسامة انثوية وهو يجرها من يدها... دخلها سد لباب وهو يقنتها قبل ماتنطق بكلمة نزل على شفايفها بقبلة جااااامحة تخاااالط فيها ريقهم مابعد منها حتى حبس فييها النفس....
هود (حاط نيفو على نيفها) : ما بلوند
حياة (كاتنهج) : ليه*** دي ديالي
هزها من خصرها حتى ضورات عليه رجليها غادي فاتجاه بيت النعاس و هما كاايتبادلو القبل..... غااااصو فعلاقتهم المحرمة و خيانتهم المتكررة باسم الحب...داكشي لي بداوه فوق الناموسية كملوه فالدوش و خرجو كااايضحكو....
حياة(كاتلبس فحوايجها) : جاني الجووع
هود(باسها فحنكها) : لبسي باش نخرجو ناكلو برا
حياة (قربات ليه كتلعب فزغيبات على صدرو كيتبادلو القبل بخفة ) ملي غنمشيو لفرنساا شنو نديرو
هود: داري ...هاد لوضع مغيطولش غنلقاو حل فلقريب
حياة:زوينة المانية
هود(تبسم بجانيبة ضربها لمؤخرتهاا ) الى دفيتيني اتكون زوينة
حياة:ههههه كيعجبني التلج
هود(باس شفايفهاا وجرهم معاه )جوتيم
حياة(بلعربية )كنبغيك
هود:كنبغيك سي صا !
حياة:ههه وي كبيدة
لبسو حوايجهم و خرجو ركبو فالطموبيل غاديين مشادين اليدين الموسيقى منشطااهم حتى نطقات حياة
حياة : اشنوو غناكلو
هود : لي پواصون
حياة (ضحكات) : كان علييينا ناكلووهم قبل مااان***
هود (فهمها و ضحك) : ههه راني نفهم.. نتغداو و نرجعو لأپاغطومون
حياة (خرجات عينيها) : والله لا دقتيه
هود (مد يدو قرصها فجنبها) : كوا
حياة : ايييي ماتقرصش " شافت قدامها" راااااك غاطلع فوق الطروطواااار " قاد الطموووبيل و حبس لفرااان وهي تسمع زدااااف من وراهم حتى مشاااو و جاو" وااااااااع
خرج من الطموبيل وهو يلقى واحد الطموبيل داخلة فيه.... مع كان غادي فالطريق عادي و فجأة حبس لفران السيد لي وراه ماعرف باش تبلى و صدق ضاربو..... هبطات حياة حتى هي كاتشوف معاه وهو ينزل السيد لي ضربهم مكشكش
السيد : بهااايم واااااش مشلل لجد مك ولا مااالك غادي حتى وقفتي تفووو لبار شوك اولاد لق**
حياة (خرجات فيه عينيها قبل ماينطق هود نطقات) : يكما كنقح** معاك الق** تبقا ترعد علياا راك نتا لي لاصق فكرناا
السيد (طلعها و هبطها) : مدااااويش معاك القلا*** (شافها مقزبة ودفل )كترتو القح**
هنا شاف فيه هود من بعدما مشا يجيب تيليفونو من طموبيل وقال وهوا حاني راسو نطق بلفرنسية وقال:اش قلتي !
طلعو وهبطوو وخة الحجم لا يسااعد دفع جبهة معااه :شدي الخراا ديالك تكافيتو مع سواعدة كتمشيو لݣور انعيط لبوليس اناا
مجا فين يكمل الكلمة حتى حس بلكمة قوية نزلات عليه لفك من طرف هود...
هود (بعينين حمرييين) : اش تقووول
حياة : عطييييييييه عطيييي لز**** لي حطو
من زهر السيد هود أكثر حاجة كايفهمها هي تخسار الهضرة.... نزل عليه بكروشي و شنق علييييه ملصقو مع الطموبيل و بدا كااايعطيه حتى تجمعو عليهم الناس شي كااايتفرج شي كاايحاول يفك بدا لخبيط منهنا ومنهناا ولكن لي كلا لعصاا هوا لي مخدم فمو كتر من ايديه مخلا حتى كلمة قالها لهود ليي مغيعرفش يسبو عربية اللهم يخدم ايديه ....
حياة فاللول كانت كاتشجعو بسبب الكلمة لي قال ليها ولكن فاللخر بدات كاتحاول تبرد فيه حيت خمج لسيد وجهو....
حياة : هوووود براااااكة ياله نمشييييو " كاتجر فيه بحالا كاتجر حجرة" هوووود صااافي "سمعات صوت الفارگو قلبها طاح بين رجليها" اويلي لبوووووليس هوووووود
وااااالو السيد ترفع كاايعطيه بلا مااينطق بكلمة.... حياة وجهها صفار و قلبها قرب يسكت بالخلعة خصوصا مني شافت البوليس وقفو حداهم و نزلو من الفارگو كاايبعدو فالناس
ملحق 02/11/2021
بعدوه عليه بصعوبة كيبان بحال شي ثور جاهل وسط جوج تاع لبوليس كييهضر بلفرونسي وتشاش كيطاير من فمو جااهل على الراجل لي حنا راسو رااعف
سبان من السمطة لتحت بلفرونسيي ماهوا سباان ومكيبردش لقلب
شاف تعيا مشا جاب وراقوو ومشا معاهم مبورد وسطهم كيبانو كي لمشاش مزعموش عليه وغير هوما بجوج خافو خاصهم يدوروه رباعة عاد يزعموو
*كون سبع لياكلوك دياب * هاد العبارة بزااف كيستعملوهاا القوي دائما كيحكر على الضعيف ...فواحد لبلاد السعيدة واحد النوع من الناس مغنقولش كلشي ...كيحتارمك سوا على فلوسك او على قوتك لي كتر منوو شافك قوا منو كيدير ليك اعتبار ...شافك تحت منوو كيشطب بيك لارض كيفما بغا باش يبين راه حسن منك وفاايتك بزااف
جابر: مزوجة وكدوري مع سلااكط احيااة (بلغوات)اش خااصك
حياة(بدات كترعد هيا لي مكتحملش لي يحط عليها ايدو جا جابر معتابراه خوهاا مقدراتش تخرج معاه العيب وفضلات تسكت كترمش ) راك فهمتي غلط
جابر:فهمت غلط ؟ شنو كديري هناا ! شنوو
حياة:هداك راه ولد خو محمد جاب ليا شي صخرة وكنت معااه ...واش كتعرف السيد قولييه يتنازل على الشكاية مقادين على مشاكيل ...يسسمعها محمد يمرض وهوا ديجا مرييض عفاك اجابر
جابر:عرفتي وتكوني كتكدبي
حياة: حتى داباا دخل ويعطيوك سمييتو وكنيتو الى ماتيقتيش ...راه هداك خيناا لي جبدو بالهدرة وسبوو انا مسكتش ليه ناض صداع وضاربوو ...عفاك اجابر ...واش كتعرفوو
جابر(مسح على وجهوو مامتيقش سيناريو لي عطاتتوو )ولد عمي
تبتات عيننيها فييه كتشوفييه وهوا كيشرح ليها وهيا عقلها شد طريق تطاح لفيديو فبالها جا سؤال لبالها... زعمة يكون شافوو
طاح جابر فالراس وسمير قبالتهاا ...مقاد لحالة وروايح كيتشااير بقا خاصو على لمرا غير صباغة فالظفار ...حس الرجولة مكاينش غير كيفرنس والتعناب عشرة لضس ...طيبهااا تعنااب ...رطب بحكم خدمتو تقريبا غير مع لعيلات ...مداز داك لغدا حتى بغات طفج من بلاصتهاا
سمير:اشنو قلتي
غيثة:ممم فاش !
سمير:ف الشوتينغ لي قلت ليك دابا عااد
غيثة:امتا
سمير:غدا نيت فلعشية مع ديك لوحدة جي باش العشية تبقا ليناا
غيثة:كاين شي فلووس بعدا هههه راني واقفة عليهم
سمير: انا نعطي لغزالة بلا خدمة ...شحال خااصك (جبد بزطامو
غيثة:اويلي جمع فلوسك ...شنو بيناتنا حتى تعطيني ولا نعطييك !
شهيد:جابت المعدل زوين لا بغات بريڤي واش يحساب ليها القراية بلفلوس هيا كلشي ! تما راه كيتقبل غير على 10 وهيا جايبة 13 يعني مونصيون من الاحسن تمشي لدولة غتخدم مخيرة والديبلوم صالح حتى على برا اما بريڤي تخدم فلكلينيك اما دولة قليل
قطعو معااها بزز وناضووشو وخرجو مع وقيت المغرب لجو زويين على رجليهم كيتمشاو فشارع وشهيد جار لبوسيت تاع اسماعيل وهوا مقابل معااهم
ملحق 04/11/2021
فلمحل التجاري الخاص بالتجهيزات المنزلية واقفة كتختاار وتعزل فالديكورات والافرشة او اواني منزلية
هيبة:هشام
هشام(كان بعيد عليها كيشوف ف ماشين تاع القهوة سمع ندائها وجا حداها ) نعام
هيبة:شوف هاد طبيسلات زوينين ؟
هشام:لي بان لييك
هيبة: ناخد هاد سربيس زوين فيه طباسل فلبيض فيهم دوغي !
هشام؛ لي عجبك خودييه
تبسمات ليه وكلسات كتختار كيسان طبااسل كاع لي يخص فلكوزينة الشاريو عمراتو من اواني منزلية مشاو لناحية لفرااش بيوت نعاس كتختار وتشوف تلفات كلشي عاجبها ومكرهتتشش كل نهار تبدلو
هيبة:هدا زويين ولكن مغلينو بزاف
هشام:على حسب نوع لعود ...كيبان صحيح عجبك ؟
شافت التمن البااهض وحمقها فنفس لوقت وسكتات كتفكر وقالت :معرفتش ...هوا زوين حم ولكن نشوفو واحد اخور نجيبو دورة
قال واخة وكملو دورانهم فينما توقف على شي ناموسية يجيها لاخور فبالها حمقها ومجاش لي يعمر عينها بعدوو ولات غير غادية وكتقول هدا خفيف هدا رقيق لونو خايب لا مزوينش شاف تعيا وقال :نرجعو ل داك اللول
غادية جنبوو طلقات ايدها جنب ايدوو واقفين كيهدرو مع البائع على التمن والتوصيل ...
غادين لناحية الزرابي الارضية ...لامس ايدها بصباع ايدو وحتى هياا محبساتش رغبتها باش تشد ايدو ...ل لحظة شابك ايدو مع ايديها حتى حساات بدغدغة فمعدتها من لفرحة...مهزاتش عينيها فييه وكملو طريقهم وايديهم مشابكة ...ختارو نوع زرابي لي بغااو تاع لبيت لكولوار دوشش ولكوزينة ...صال ا مونجي تريات تاع دار ديكورات
مخرج من تما تاحط فلووس صحييحة وهيا خارجة كتفرنس حيت محاطة فيهم حتى ريال
ركبو فالسياارة وقال:هلكني جووع
هيبة:ههه تعطلنااا نييت دابا تسعود من 6 وحنا من هادي لهادي ...ودابا امتا غيجيبو هدشي !
هشام:غدا تقريباا مع ديك 6 تاع العشية باش نكونو تماا وتعرفي فين تحطي كل حاجة بايدك
هيبة:واخة
هشام؛هيبة لخميس غنمشي لمراكش او مغنجي حتى لتنين
هيبة:ااه على لبروجي
هششام:ايه ضروري نمشي تما عندي شي رينيون مع شحال من واحد
هيبة: عرفت
وقف فسطوب وشاف جيهتها وقال:شنو درناا فلعقد
هيبة:حمم معرفتش
هشام:مناسبك غدا تجمعي وريقاتك وبعد غدا نتكاتبو ...باش نسافر بخاطري حتى انا وورا منجي غنديرو شي حاجة بسيطة بيناتناا شنو قلتي
هيبة:ايكون خير ...وخة
هشام(بابتسامة ) كل خير ان شاء الله ...نمشيو نتعشااو !
هيبة:نديو معانا سيلياا ! قبيلة بقات فياا بغات تخرج
هششام:واخ نتاصل بلواليدة توجدها لياا
باغتها ملي شد ايدها داعبها وسط ايدو تحسس دففئهم ورطوبيتهم وقال:مرتاحة !
هيبة(بتوتر )ها ام اه مرتااحة ونتاا
هشام:بزاف غدا خودي صباح قضي فيه لغراض عاد جي لخدمة صافي
هيبة:صافي
طلق من ايدهاا وكمل طريقو وهيا لفراشات كيلعبو ليها فكرشهاا بلفرحة كانت جيعانة حتى شبعات
**
صباح كاين الكل كيتسناه بفارغ الصبر ...كاينة لي نعسات فرحانة ككتسناا صباح يطلع ...كاينة لي ليل كلو غادية جااية ونعاس حلف ميزور عينيهاا كتفكر واش جابر يقدر يوصلها لاقبال وشنو غتقوليهاا من لفووق ...حسات بحجم الموصيبة لي غرقات فيها والمشكيلة مبقاتش قادرة طلع منها حاسة براسها ولات انانية وكتفكر غير فسعادتها حالياا وخة عارفة هدشي معندو فين يزيد
قبل ميفيقوو خرجات مع السبعة بملابس رياضية وقفات بطموبيلتها حدا لكوميسارية كتسنا محمد يجي يتنازل على الشكاية كتعض فضفارها بتوتر وكتسووط
اما هيبة مع تمنية خرجات رابطة الاتصال ب اقباال
هيبة:ختي يكما فيقتك !
اقباال:لاا الزين فاايقة خرجنا نتمشاو صبااح
هيبة:الله الجو زويين تما ياك
اقبال:بزااف ...شنو كديري
هيبة:ياك قلت ليك لبارح غنجمع لوراق
اقبال:حياة تمشي معااك. الى معرفتيش
هيبة:جيت نشوفها صباح لقيتهاا طارت خرجات بكري معرفت ماالها تاهيا من لباارح معجباتنيشش معاودات ليك والو
اقباال: لا معاودات ليا تحااجة ...انا العشية نكون تماا
هيبة:سمحيليا اختي نهار سافرتي تفوجي غنرجعك
اقبال:ماشي مشكيل نهار فيه لكفاية
قطعات معاها وبقات معاها على تواصل فين تمشي وفين تجيي بحكم هيبة من النوع لي ديما اللور وكتسنا اقبال تقضي ليها اغراضها حتى من لكارط اقباال لي كتعاونها تجمع وراقهاا ليهم
**
بان ليها محمد خارج من الكوميسارية ومشات عندو كتزرب وقالت:تنازلتي عليهاا
محمد:تناازلناا وانا وجهيي شكون يقادو
جبدات من الصاك الفين درهم وعطاتها ليه وقالت:هاك
محمد(شدها دارها فجيب )غير تصابيتي من معارف ولد عمي اما والله منتفاك معااه جلاخة خمج ليا وجهي
حياة:وسير قبل ميجي يكمل علييك شديتي لفلوس وتكربع
شاف فيها مطلعها ومهبطها وزاد شاد طاكسي وبقات هيا واقفة كتمشي وتجي جنب واحد الشجرة كتسنا ف هود يباان حتى بان ليهاا نازل من دروج مخنزر كيدير فلكاسكيط ديالو كيقلب عليها بعينوو تبانت لييه مشات عندو بزربة ترمات فحضنو وزير عليهاا...باستو فعنقو ونطقات بلفرنسية :خفت علييك
هود:نتيي مقربوش لييك !
حياة:نن
شد حناكهاا بايدو خطف قبلة من شفايفها بزربة وقالت:حنا فزنقة ويلي
هود:الحبس ودخلنا ليه ششنو مزال
حياة:هههه واش بيتوك مع الجيفة ! هههه اش هاد الريحة
ششدها من ايدها عاد الفرحة نورات وجهها مشات هي لي صاگت وهوا ركب حداهاا ...
داز نهار اخور فتوجااد رجعات حياة لدار قبل متجي اقبال عاونات هيبة فتوجاد لغدا خرجات تقدات معاها شنو خاصهاا فلحوايج وكل مغيخصهاا منساتش سيلياا تقدات ليها لبيسة كاملة ماتسالا نهار حتى رجليهم طابو علييهم بلوقييف
ليوم لموالي مع الصباح صبحات كتحدد فجلابة لي تلبس وشعرها كتبوكلي فييه والغالية فلكوزينة كتوجد فلغدا حيت غيجيو عندهم لغدا كل من نزهة والحاج وهشام من ورا العقد
حياة:لبسي الغوز اصااحبتي كتجيك حسن
هيبة:بصح
غيثة:عندها الصح الغوز كتجيك واعرة لبيضة مالك جاية من لحج ولا شادة حق الله ههههه
قنعوهاا وخدات جلابة فلغوز شراتهاا لبارح مع صاك وسباط فلون بيج بارد مكات ليهاا حياة مكياج خفيف حتى دخلات اقباال بجلابة صيفية وقالت:هيبة مزال مساليتي راه غنتعطلو
حكاية أنثى الجزء 60
محتوى القصة
التنقل بين الأجزاء