علات عينيها بصدفة و هيا تشوفو جالس و على وجهو ابتسامة انتصار و نضرة شيطانية داير رجل فوق خوة و يدو حاطها على جنب الكورسي لي جالس فيه و كيضرب بصبعانو عليه
للحضة نتابهها الخوف و ديق التنفس لا ماشي بهاذ السهوولة ميمكنش ليها حتى وصلات عاد ترجع خاصها دستجمع قواها خاصها تحكم فراسها
اما معتصم فكان مرتاح وأخيرا لقاها جالسة بعيدة عليه فقط ببضع كراسي مزال دايرا نيقابها كتبان ليه مرتاحة معندها حتى مشكل كان بامكانو يمشي ليها فنفس اللحضة ولكن غادي دير مشكيل فالطائرة عليها تسنى حتى تنزل الطيارة داك ساع يكوون كلام ثااني
دازت زوج ساعات و نص و حطات الطائرة فمطار طنجة الدولي بداو الناس كينوضو من بيلايصهووم و معتصم مزال جالس كيشوفها شنو كتصنع خاشيا راسها فالساك كتقلب علا شيحاجة و هو باغيها تزيد تعطل يالاه يالاه يكونو الناس نزلو
بقا جالس حتى شاف تقريبا الناس كلهووم نزلو بقا غير هو و أمين و الموضيفات و بعض الناس وقف وقاد الفيست ديالو و تمشا بخطا ثابتة حتى وصل حداها كانت ناضت من بلاصتها و تقابلو عيونهووم تبسم ابتسامتو المعهودة ابتسامة الانتصار و نضراتو الشيطانية كتفحص كل انش فيها واخا مباين منها والو
زاد قرب خطوات عندها و هيا نضرات الصدمة باينين من عينيها كل ما قرب خطوة هيا كتبعد بزووج خطواات حتى حبسها الهيكل ديال الطيارة صاف مبقاش عندها فين تزيد و هو مزال كيقرب صتى قرب يلتاصق فيها
معتصم تحنى لعندها و قرب لودنيها: وأخيرا لقيتك المشة ديالي يسحاب ليك غادي تقدري تهربي توء توء توء يمكن مزال مكتعرفيني حيت أنا معتصم البارودى ولي بغيتها كناخذها وأي حاجة درتها فبالي كنحققها و نتي من الحاجات لي درتهووم فبالي و حققتهووم و ليووم نتي درتي أكبر غلط فحياتك فكرتي أنكي تهربي من مملكتي و نتي مكتعرفيش لي دخل لمملكتي مكيخرجش ولي خدا حاجتي مكيسلمش من شري و نتي مشيتي وخديتي حاجتي معاااك
و علا يديه لجيهت خمارها باش يحيدو ليها حط يدو على خمارها و هيا كتشوف فيه بصدمة و متبعة ليه يدو فين غاديا حتى شافتو غادي يحيد نقابها و هيا ترفع يديها و عطاتو بسقلة خلات صوتها كيتردد فالمكان كلو
كانت فبيتها جالسة يوماين و هو كيصوني عليها و مكاتجاوبوش قلبها كيقول ليها تجاوبو و توافق ووعقلها كيقول ليها لا حيت القرار لي غادي تاخذو غادي يخليها تبعد على واليديها من بعد مكانت ققرات معمرها تخلييهوم أو تبعد علييهووم
لالة مليكة طلات على بنتها لي يوماين ووهيا ماشي على بعضها حالها تبدل و ولات غير كتفكر و ساهية و معضم الوقت ديالها فالبيت فاش كتجي من الخدمة
وصلات حداها و جلسات: مالكي ابنتي شنو لي شاغل ليك بالك و مطير النعاس من عينييك( و شدات ليها فيديها)
سعاد شافت فمها و تبسمات ابتسامة شاحبة: والو اماما غير العيا دالخدمة و النعاس طاير عليا
مليكة زادت قربات عند بنتها: واش الخدمة لي عاملا فيك هاذ الحالة ولا شيحاجة آخرة؟؟؟
سعاد تلبكاات و طلعاات عليها الحمورية عيا من عادتها حشومية و مكتعرفش تكذب أو تخبي شي حاجة خصوصا على واليديها و ختها عبير
بقات ساكتة شوية و كتشوف فالأرض و من بعد بلعات ريقها و شافت فماماها: بصراحة اماما جاوني خطاااب
مليكة تبسماات و عيونها لمعو من الفرحة و تلاحت على بنتها كتعنقها: الله على بنتي كبرات و جاوها الخطاب
سعاد حشمات و دوات بصوت منخفض : فالحقيقة اماما أنا مكنعرفوش بززاف شفتو غير شي أربعة أو 5 ديال المرات فاش كنت فأستراليا (سكتات شوية و كملات ) هو المحقق لي كان كيبحث على ختي الله يرحمها
مليكة بحزن: الله يرحمها ياربي و يوسع ليها ختك ماتت صغيرة قبل منفرحو بيها(و حطات يديها على خد سعاد ) ولكن نتي غادي نفرحو بيك انشاء الله.... الموهيم يكون هاذ العريس عاجبك و كتبغيه
سعاد شافت باحراج ف ماماها: هو ماشي كنبغيه ولكن دار شي حاجة لي خلاتني مربوطة معارفا شنو ندير و عاد أنا مبغاش نخليكووم حيت إلى وافقت غادي نضطر نرجع لاستراليا ونبعد عليكووم
مليكة كتسمع لكلام بنتها حتى سكتات: إلى كان جوابك على ودنا ابنتي فحنى اصلا أنا و باباك ناويين نبقاو نسافرو مغاديش نحبسو راسنا فالحياة فكوني اكيدة قرارك مغاديش يأثر فينا حيت حنا الربح لي عندنا هو نتي تكووني بيخير ولكن بغيت نعرف شنو هيا الحاجة لي دارها و خلاتك مربوطة و معارفة شنو تعملي؟؟؟
سعاد تقادات فجلستها و بداات تعاود ل ماماها من أول نهار تلاقات دانيال لحد النهار لي صونا عليها و تلاقاتو و صدمتها فاش عرفات بلي هو سلم على ودها وحارب عائلتو و بلي ناوي و باغي الحلال معاها ياغي يجي لدارهووم بلا ميبقى غادي جاي بيها باغيها تكون مراتو على سنة الله ورسوله و تكوون حلالو قدام النااس
كل ماقالتو سعاد لماماها و لالة مليكة الابتسامة مفرقاتش فمها دليل على الرضى ديالها على هاذشي لي كتسمعو خلات بنتها حتى سالات الكلام عاد دوات
مليكة شدات يد بنتها: شوفي ابنتي على لي عاودتي لي فالولد شاريك و باغيك ..... باغيك لدرجة مشى وبحث على دينك و ولا مسلم على قبلك و بدل سميتو و حارب عائلتو و هاذشي كامل كيدل على العشق ديالو لييك فنتي مرضية و ربي جاب ليك هاذ الانسان و إلى سمعتي مني غادي نقوليك راه مغاديش تلقاي حسن منو و وافقي ابنتي
سعاد حنات عينيها من الخجل:ولكن اماما أنا واعدتكووم بلي عمريني نخاليكووم و غادي نبقى ديما جنبكووم
مليكة عنقات بنتها بابتسامة: أحسن حاجة عندي هيا نشوفك فدارك ابنتي معا الانسان لي شاريك و على مابان ليا هذا هو الشخص المناسب
سعاد بادلات ماماها العناق و فنفس اللحضة صونا التيليفوون مليكة بعدات على بنتها و مدات ليها التيليفوون: جاوبيه و قولي لييه بلي نتي موافقة و قولي ليه يجي لدار و باباك أنا غادي ندوي معاه
خلاتها و ناضت من بلاصتها سعاد تسنات حتى خرجات ماماها وسدات باب البيت هاد شافت فنمرتو و تبسمات و خدات نفس طويل و فتحات الخط بلا متدوي
دانيال أو نقولو أحمد يوماين هو كيصوني باغي يعرف جوابها حتى فقد الأمل و هيا تجاوبو
أحمد بفرحة:الو سعاد راه تشوشت عليه يومين وانا كنصوني
سعاد حاسة بالفرحة و ساكتة مقاداش تدوي لسانها تربط معارفا كيف غادي تقوليه بلي هيا موافقة لدرجة يديها كيترعدو عمرها معاشت هاذ الوضع أو عرفات شي حد من غير واليديها و عمتها و راجلها الله يرحمهووم و فالخدمة كتخلي العلاقة رسمية معا أي حد حدودية لدرجة كبيرة
أحمد كيدوي و هيا ساكتة حتى بدا كيعيطليها: سعاد واش مكتسمعينيش سعاد الو سعاد
سعاد بابتسامة:أنا موافقة
أحمد فحالا تطرش ممتيقش لي سمع: كيككيفاااش مسمعتكش مزياان
سعاد و هيا مزينكة ولات كي مطيشة: بغغيييت نقوليك بلي أنا موافقة على الطلب ديالك و مرحبا بيك عندنا فأي وقت
أحمد طاير من الفرحة: بصح بصح ناض من بلاصتو بقا غادي جاي فالشومبر و التيليفون مزال فودنيه أنا سمعت مزيان ياكي يعني نتي موافقة تزوجي بيا؟؟
سعاد حركات براسها بآه فحالي كيشوفها: وي أنا موافقة و غدا غادي يتصل بيك بابا باش تدويو.
قالت ليه هاذ زوج كلمات و قطعات خلاتو طاير بالفرحة و أخيرا وافقات وأخيرا غادي تكوون ليه وأخيرا غادي يحقق رغبتو
و نبعدو من تطوان و نمشيو عند اكراام لي كانت عاد سالات خدمتها وصلات العاشرة ديال الليل الوقت لي كتخرج فيه ديما من خدمتها
حطات الطابلية و لبسات جلابيتها مبغا لي يتبسل عليها ملي مات باباها وهيا ولات تلبس الواسع و الطويل حيت مبغاش تسمع كلام الناس بلي مبقاش لي يحكم و هيا كدير لي بغات
أهم حاجة عندها هيا سمعتها مكتدوي معا حد حتى من البنات صحاباتها مبقاوش كيسولو عليها حيت المسؤولية ديال الدار و ديال جداتها و دواها كلشي على اكرام خاصها توفر كلشي فالدار فمبقاش عندها الوقت للبنات أو الخروج من الصباح و هيا فالريسطو كتغسل فالمواعن حتى نالليل
تمشات و هيا مترددة عند الباطرون باغيا يعطيها خلصتها واخا كتعيى مدتهرب منو حيت كيتبسل عليها فالاول بين ليها بلي كيحسبها فحال بنتو و لكن هو غراضو حاجة آخرة من آخرة مرة ضربها لترمتها فاش كانت دايزة من حداه و هيا كدتجنبو و المشكيل إلى خرجات معندهاش بديل
وصلات حدى البيرو ديالو بقات واقفة لثواني و ستجمعات قواها و دقات زوج دقات و تسنات حتى عطاها الإذن باش تدخل عاد فتحات الباب
دخلات و عينيها فالأرض ناض المدير من بلاصتو و تم غادي اتجاهها حتى وصل عندها
المدير: الزوينة شنو بغيتي(وبغا يحط صبعو على خدها و لكن هيا بعدات وشافت فيه شوفات كلهوم غضب)
اكرام: بغيت غير الفلوس ديالي ليوم السبت
المدير: مكن من شبان ليك فشي قصارة انا و نتي و نعطيك الدوبل على 3 ديال المرات
اكرام تعصبات من كلامو: أنا جييت هنا باش نخدم بعرق كتافي مجيتش نقح**
المدير تبسم ابتسامة استفزازية: ههههه كلكووم كتمثلو فالأول الشريفات العفيفات وونتووم طينة واحدة( وزاد قرب شد يديها) حشومة هاذ اليديديات يضربو تمارة هاذو غير ديال الخواتم
وقرب اتجاهها باغي يبوسها اكرام بدات كلها ترعد حيدات يديها منو بالزربة بغات تخرج ولكن هو حبسها معا الحيط
المدير :فين هاربة الزوينة مزال مسالينا
إكرام ولات كلها كترعد جمعات جهدها كلو وضرباتو بركبة رجليها نحجرو حتى طاح فالأرض و دفلات عليييه: تففو فحالك هوما لي كيخليو البنات يخرجو على الطريق و شافت ناحية البيرو كانو الفلوس محطوطين مشات ليهووم هزات حسابها و رجعات لعندو ضرباتو لكرشو ر خرجات كتجري خلاتو مزال فالأرض طايح و شاد فحجرو عاطيه الحرييق
رفعات اصبعها السبابة فوجهو و بدات تغوت عليه :انت كيف تتجرأ وتلمس حجابي و تتقرب فيني هيييك وين المسؤول هووون و الله لشرشحك بقسم الشرطة من انت لحتى تتعدى عليي؟؟
معتصم تصدم صدمة ثانية على الصدمة ديال ديك الطرشة لي عطاتها لييه كيسمع ليها هذا ماشي صوتها وطريقة الكلام ديال الخليج
معتصم شاف ف أمين و رجع شاف فييها.......
و فنفس الوقت كانت واقفة فباب المطار كتشوف شي طاكسي باغيا تمشي دغيا قبل ميلحق عليها ثواني و هو يوقف حداها واحد
حطات الشنطة فالكوفر و ركبات و شافت فالشيفوور: لاكار ديال التران أخاي الله يحفضك
الشيفور ديمارا وزاد وعبير كتفكر هاهيا وصلات دابا ولكن خاصها تهرب قبل ميلقاها كتحمد الله حيت تبادلات البلاصة معا ديك المرا و جلسات فبلاصة مخزونة ولي زاد شفع ليها هيا الطائرة كانت جاية من دبي و شحال من واحدة كانت تماك دايرة النيقااب
وغير حطات الطيارة و الناس ناضو من بلايصهووم هيا سلتات بسرعة لدرجة دازت من حدا أمين وهو معرفهااش
فاقت من شرودها لقات راسها علاين توصل و هيا توقف الشيفور : غير هنايا أخاي
الشيفور: ولكن باقي شوية أختي
عبير : حيت ساكنة فهاذ البلاصة صحبتي و باغيا نمشي عندها و جبدات ليه الدولار الأسترالي الشيفور بقا غير كيشوف فيه
عبير : سمحلي اخاي مزال مصرفت
الشيفور: ماشي مشكييل أختي هانية
و نزلات عبير خدات باليزتها و بدات غادية لواحد التجمع سكاني ضارت لقات الشيفور مشا و هيا تدخل معا واحد الدريبة حيدات عليها داك النيقاب و لبسات منطوها و رجعات كتجري و ركبات فطاكسي صغير وصلها للمحطة و تماك صرفات شوية ديال الفلوس باش خلصات بيهووم التاكسي و ركبات فأول كاار لقاتو خارج معرفاش فين غادة الموهييم ميلقاهاش و تبعد عليييه
غادية فطريق مجهولة هاذ الليلة عارفة فين غادة و فاش بصباح الصباح علم الله فين غادي تكوون
شافت حداها واحد المرا وهازة فيديها بنية صغيرة بدات تبسم ليها و تضحك معاها حتى جا الكريسور كيسولها على الورقة
عبير: فين غادي هاذ الكار أخاي؟؟
الكريسور: غادي بزااف ديال البلايص أختي
عبير: آخر محطة فين؟؟؟
الكريسور: أكادير أختي اخر محطة
عبير جبدات الفلوس:هاك قطع ليا لأكادير
الكريسور خدا البيل ديال التيليفون باش يشوف الصرف معا الضلام مكيبان والو رد ليها الصرف و عطاها الورقة و رجع لبلاصتو
أما معتصم فكان داير حالة مشا لكاميرات المراقبة ديال خروج المسافرين و عرف شمن طاكسي ركبات عقل عليها غير بالباليزة لي عندها
فبيرو تاكسي ديال طنجة صوناو على الشيفور لي جا و هو لي وصل معتصم للبلاصة لي قالت ليهووم و تماااك بقا كيفتش فديك المجمع السكني لي كانو كل الشقق فيه مزال مسدودين حتى حد مساكن فييهووم
معتصم وقف للحضة كيحس بدماغو وقف كيشوف فاتجاه لاكار ديال التران و مشاو يشوفو واش ركباات والو دوزو كل كاميرات لي فالبيبان ديال الدخووول مكاين حتى منقبة دخلات ولا حتى شي واحدة كتشبه لعبير وصل النص ديال الليل و والو ملقاو حتى حاجة
أمين و قف عند معتصم: واش ميمكنش تكوون مشات عند واليديها؟؟
معتصم: لا ممشاتش مكينش الآثار ديالها تماك فين غادي تكوون مشات
معتصم شاف فأمين : هاذي مشات ليا من بالي( و تمو غاديين على الله يلقاوها)
فمحطة الكيراان كيدورو بين المسافرين كيقلبو ليجبروها ولكن والو حسها مكاينش معتصم راسو تنفخ عليييه فين غادي تكوون مشاات لدارهووم ممشاتش حتى عائلتها معندهوم خبار عليها
أمين دخل للمحطة سول على الكيران لي خرجو هاذ الليلة من 10 ديال الليل للساعة لي كيحبسو فيها ولقا كينين 6 ديال كيران لي خرجو فهذاك الوقت
أمين كيدوي معا واحد الكريسور تماك: بغيتك تسونيلي على هالشيافر ديال كاع هاذ الكيران
الكريسور: راه أخويا معنديش نمرهووم راني مزال جديد خاصك تدوي معا عبد القادر هو لي مكلف هنايا و يقدر يكوون عندو نوامرهوم كلهووم
أمين: صوني عليه يجي دابا
الكريسور : شعنصوني عليه الخاوة أصلا راه 5 ديال الصباح هاذي موحال واش يجاوب
معتصم وقف حداهووم: صوني عليه دابا أو عطينا نمرتو و خدا رزمة ديال الفلوس مدها لييه
الكريسور غير شاف الفلووس عيونو تحلو و ضرسة العقل بانت جيد التيليفون من جيبو و دوز النمرة كيتسناه يصوني ولكن عطاتو العلبة الصوتية عاود المرة الثانية نفس الشي و شاف فمعتصم و أمين: والو ادراري طافي التيليفوون
معتصم: كتعرف عنوانو؟؟ فين ساكن؟؟
الكريسور: والله الخاوة مكنعرف فين ساكن ولكن تسناواه راه معا 7 يكون جا
معتصم زاد تعصب: مكاين حد كيعرف فين ساكن؟؟
الكريسور: والو الخاوة حيت هو حدودي
أمين حط يدو على كتف معتصم: غادي نتسناو معندنا منديرو و فاش نعرفو البلاصة لي مشات غادي نتبعوها وتماك عندنا منلقاوها
أمين كون هاني راه دويت معاه و كيتساين غير يعرف شمن مدينة باش يسبقنا
دازت 3 ديال الساعات عاد وصل سي عبد القادر بغا يفتح البيرو ديالو وهو يلقاهووم واقفين كي قباضين الرووح مسكين تلبك خصوصا فاش شاف معتصم كيف واقف باين من الطيارة واصلة بيه للعضم
سي عبد القادر: ياك لاباس الشرفة؟؟
الكريسور مشا وعاود لييه شنو كاين و أمين مد ليه رزمة ديال الفلووس
سي عبد القادر شاف فيهووم همزة و شمن همزة هاذي على الصباح: واخا دخلو جلسو أنا غادي نصوني عليهووم كلهووم عطيوني غير المواصفات ديال البنت
أمين: كانت لابسة نيقاب و عندها شنطة ديال السفر فالكحل و فيها كتابة فالذهبي و ساكادو فالكحل حتى هو
جلس عبد القادر و بدى يصوني على الكريسورا ديال دووك الكيراان حتى واحد مركبات معاه شي واحدة بهاذ المواصفاات ووفاش مكيلقاش كيسولهووم واش ركبات معاهووم شي واحدة كانو تصرفاتها غراب شوية
واحد من الكريسورا بقا ساكت كيتفكر و هو يدوي: واهو الصراحة ركبات معانا واحدة وقفاتنا فالطريق مدخلاتش المحطة و مكانتش طبيعية
معتصم خدا التيليفوون بالزربة من عند الراجل و دوى: كيفاش ماشي طبيعية
الكريسور: كانت كتجري فاش ركبات كانت فحالة شي حد كان وراها لدرجة معرفاتش الكار فين غادي
معتصم: واش كانت عندها باليزة؟؟
الكريسور: آه كانت عندها ولكن مدرتهاش فالكوفر حيت كنا قلعنا حطاتها غير من فوق الكورسي ديالها
معتصم بدا يرتاح نسبيا: و فين وصلتوها؟؟
الكريسور: راه قطعات لأكادير عاد وصلنا هاذي شي ربع ساعة
معتصم: اوكي شكرا و حلاوتك غادي تلقاها كتسناك....حط التيليفون وشاف فأمين : لقيناها و تبسم غادي نمشيو لأكادير
أمين تبسم و تبعو خارجين من المحطة و التيليفون فيديه كيصوني على توفيق باش يسبقهووم لتمااك
اما عند عبير كانت كتضوور فساحة جامع الفنا حتى شافت الكروسات ديال موالين الليمون ووهيا تم غاديا عند واحد
عبير: خويا واحد الكاس ديال الليمون
نرجعو قبل ب 3 ساعات
وصل الكار لمحطة مراكش و الناس كاين لي نزل و كاين لي بقا عبير شافت الكريسور مشغوول معا الناس معا كان مزال مدوخ بالنعاس وقفات و خدات الباليزة ديالها و الساك و نزلات من الباب الورانية ديال الكار و بقات غادية كتسلت باش ميرضش ليها البال حتى خرجات من المحطة و وقفات أول تاكسي
نزلات على داك العصير دقة واحدة و خلصاتو و تمات غادية لواحد القهوة كتحس بالسخفة كثر من 24 ساعة مكالت ملي نزلات دبي مطاحت النعمة فكرشها من غير الماء
مدة وهيا جالسة فالقهوة حتى فطرات و كحسات براسها هيا هاذيك عاد عيطات للسرباي باش تخلصو
السرباي: كتشوفي داك الراجل هذاك باحمد سمسار معروف أي حاجة يغيتيها يلقاها ليك دار ،كراج ،شقة
عبير :شكرا ليك أخويا( و خلصاتو و خلات ليه الصرف و ناضت فاتجاه بامحمد)
عبير: السلام عليكم الحاج
بامحمد: شاف اتجاهها وعليكم السلام ابنتي شحاب الخاطر؟؟
عبير: واش نقدر نجلس؟؟
بامحمد: اياه ابنتي مرحبا.
عبير: بغيت شي دويرية للكرا ابا محمد ومحتاجاها ليوم
باحمد: راه كينين ديور ابنتي ولكن كبار واش كاين معاك شي حد وا بوحدك؟؟
عبير: لا كاينة غير بوحدي و بغيت شي دويرية صغيرة جهدي ليا بوحدي.
باحمد:وا بنتي كاينين ديور ولكن كبار و غاليين شوية ولكن كاين واحد البنت باغيا تكري بيت عندها فالدار
عبير سكتات شوية : واش هاذ البنت تيقة ابامحمد راه معندي حد هنا
باحمدذ: راه بنت صاحبي الله يرحمو مات وخلاها هيا وجداتها ساكنين فالسكن الاقتصادي و قالت تكري واحد البيت دتعاون بيه على المصاريف.
عبير: صاف اباحمد بغيت نكريه و مكرهتش دابا حيت عاد جاية من السفر وبغيت نرتاح
باحمد: يالله نوضي نمشيو اصلا حتى انا ساكن تماك
عند اكرام كانت فايقة و جالسة فالصالون و حاطة الفلوس مقصماهوم على دوا ديال جداتها و الما والضو و شاطت ليها 100 درهم هيا لي بقات ليها كتشوف كتحسب و ترجع تحسب كتلقى 100 درهم هيا لي غادي تشيط شنو غادي دير بيها و الدار خاوية البوطة علاين تسالا و الثلاجة خاوية مكاين خضرة مكاين والو فالدار
شوية و هيا تسمع الدقان ناضت من بلاصتها
اكرام من ورا الباب:شكووون
باحمد: هذا أنا ابنتي حمد السمسار
اكرام غير سمعات صوتو تمنات يكون جايب ليها شي واحدة تكري داك البيت و فتحات الباب: باحمد لاباس عليك؟؟(كتشوف فيه و كتشوف فعبير لي كانت واقفة جنبو)
باحمد:الحمد لله ابنتي هاني جبت ليك هاذ السيدة باغيا تكري من عندك داك البيت
باحمد:وريها ابنتي داك البيت لي قلتي باش تشوف واش يعجبها؟؟
اكرام: آجي أختي تشوفي هذا هو البيت شوفي فيه البالكو و مهوي بناموسيتو بمارييوه بكلشي خاص تجيبي غير باليزتك و هذا الدوش ولاكن غادي نشركوه هو و الكوزينة
عبير عجبها البيت و الدوش نقي و حتى الكوزينة زوينة و حتى البنت بانت ليها ضريفة و بنت دارهووم: زوين اختي ولكن شحال الكرا؟؟
اكرام:700 درهم فالشهر و نتي غادي تجيبي التقدية ديالك و غادي تخلصي معايا النص فالما و الضو
عبير : شافت فباحمد صافي الحاج غادي ناخدو
باحمد على بركة الله أنا غادي نمشي نقاد الكونترا ونجيبها ليكووم تكوني قاديتي امورك
عبير تبسمات ليه وخدات شي براكة دارتها ليه فيديه
اكرام: نخليك تقادي امورك أختي بين ما رجع با حمد
عبير حطات باليزتها و جبدات الحوايج لي جابت معاها حطاتهووم فالبلاكار و شافت فالوراق لي جابت ليها نيرمين خزناتهوووم و هيا تلقى واحد الملف مشافتوش فاش كانت فاستراليا معا الزربة مرداتش ليه البال فتحاتو و هيا تلقى فيه الشواهد ديالها لي كانو معاها فاش تحولات للقصر ديال معتصم كلشي هو هذاك ديبلومها ديال مربية الأطفال كلشي هو هذاك كن غير الكنية لي كانت مبدلة ولكن نفس الاسم
تبسمات نيرمين دارت فيها خير فكرات فكل حاجة حطات داك الملف فالماريو و حيدات دوك الحوالق و دوك الخلاخل بزوج ودوك الخواتم و السنسلة و الكورميط و خزناتهوووم عاد خرجات عند اكرام لي كانت جالسة فالصالون...
تكات فوق النموسية كتحس براحة شحال محسات بيها كتحس بالاستقرار و أخيرا نجحات تهرب منو عارفاه دابا يكون شاد الطريق لأكادير يفتش عليها ولكن عمرو مغادي يلقاها
حطات يديها على كرشها وبدات كتماصيها بشكل دائري حتى مشات لعالم آخر ونعسات
وصلات العشية عاد وصل معتصم و أمين لأكادير أول حاجة داروها للمحطة يسولو واش شافوها تماك سولو كاع الشيفورات كيوريوهوم صورتها حتى حد مشافها
معتصم و أمين خرجو من المحطة لقاو توفيق واقف كيتسناهووم
توفيق: واش لقيتوها؟؟
أمين:حتى حد مشافها فالمحطة
توفيق: نمشيو نسولو فالاوطيلات و البانسيونات لي كينين هنا
معتصم : غادي نصيفط ليك صورتها و غادي نتفرقو كل واحد غادي يفتش فجيهة باش منضيعووش الوقت
توفيق: معتصم حنى غادي نقلبو ولكن خاصك تعرف فحالة كنفتشو على ابرة فكومة قش
معتصم قرب لعند توفيق: غادي نلقاها وغادي نرجعها معايا لعند ولدها رجلي على رجليها
أمين شاف حالة معتصم لي باغي غير شكون يجبدو واهو يدخل بيناتهووم: صاف غادي نلقاوها دابا كل واحد يشد جيهة باش منويدوش نضيعو الوقت ولي لقاها يصوني
معتصم ركب فطموبيلتو و كسيرا كذلك توفيق و أمين كل واحد مشا فجيهة ورجال توفيق و رجال معتصم لي جاو معاه كلهووم تفرقو فالاوطيلات ديال المدينة و السماسرية لي معروفيين و صورة عبير عندهووم
الليل كلو و هوما كيقلبو والو مكاين حتى خبار عليها و حتى حد مشافها
توفيق: معتصم يالله نرتاحو ووغدا نكملو التقلاب عليها راه الى مرتحناش مغاديش نقلبو على خاطرنا
معتصم: مغادي نرتاح حتى نلقاها و تم غادي مخليهووم بالو معاها خايف عليها لتوقع ليها شيحاجة خايف لميشوفش ولدو أو بنتو لي جايين فالطرييق ضربات ليه كلشي فالزيرو كاع مخططاتو تدمرو
صباح صباح جديد و الشميسة طلت على عبير شمس الحرية شمس دافية بداية لحياة دافية ناضت من بلاصتها من بعد منعسات نهار كلو و ليل كامل محساتش براسها خرجات من البيت لقات اكرام جالسة هيا و جداتها
اكرام: صباح الخير أختي عبير
عبير بابتسامة صباح الخير
الجدة شافت فاكرام: هاذي هيا لي مرات عندنا ابنتي
اكرام: آه اجدة و شافت فعبير: آجي تفطري معانا أختي
عبير: راه مزال متقديت
اكرام ناضت من بلاصتها و شدات يديها و جراتها للطابلة: اتي اجي كولي داك ساع سيري تقداار أنا نيت باغيا نخرج نتقدا إلى بغيتي نمشيو أنا ونتي
عبير: جلسات و هيا تشوف الزيتون كحل محسات براسها حتى حطات الطبسيل حداها و بدات تاكل حتى سالاتو كلو و الحاجة كتشوف فيها
الجدة: شحال عندك من شهر ابنتي
عبير شافت فيها: مفهمتكش الحاجة
الجدة : نتي كتوحمي ياك
عبير حطات ديك العضم لي كان مزال ففمها: عندي تقريبا شهرين
جرح لا يذمل الجزء السادس
محتوى القصة
التنقل بين الأجزاء