نور الياسين الجزء 42

من تأليف Sana mina
2021

محتوى القصة

رواية نور الياسين

دخل فؤاد هو وياسين وتوجه ناحية الكرسي ديالو الي كان فالواجهة ...اكتفى فقط بالقاء السلام بصوته ...مشاااااافش جيهة يوسف ولا عرفو تا واش كاين الشي الي ضر وحز فخاطر يوسف بجهد ...
فؤاد : جلسو ...
جلسو كاملين وتقابلو مع شاشة الي فيها اتصال الحبيب والياس ...
صهيب"جبد الملفات وزعهم عليهم كاملين فيهم العقد بالنسخ باش يقراوه والنسخة الاصلية بقات حتى يسنيو فيها كاملين ...: هادو العقد ديال شراكة بنسبة خمسة فالمية اخويا "شاف فالحبيب والياس" وصلكم الفاكس ياك عندكم هادوك الوراق قدامكم نتوما
الياس"حرك ليه راسو" : كلشي هو هذاك ...
الحبيب : هو هذاك ...
صهيب : مزيان دابا قراو العقد بان خويا فؤاد الي شرا نسبة خمسة فالمية ...
الحبيب : سيي قريتها هاهي هنا مزيان ...
الياس : مزيانة ...
صهيب : لكن حول الاسهم لاسم الي مزال معارفينوش حنا والي عندو هو دابا كلكم غادي تعرفو شكون دخل معانا شريك بديك النسبة بصفة نهائية ورسمية ...
يوسف"كيقرا هز فيه راسو" : شكون ؟
صهيب "حول النظر ديالو لفؤاد وحرك ليه راسو وفواد بدورهم غمض عينيه وحلهم زعما شكرا " : تفضل اخويا ...
جلس صهيب فكرسيه وحنحن فؤاد منظف حلقو باش يبدا الكلام ...جبد الملف الي جاب معاه ...
فؤاد"حل الملف" : الاسهم شريتهم انا كيفاش وعلاش داكشي راجع ليا ...كلفت محامي غير صهيب "شاف فصهيب" ماشي تقليل منك ...
صهيب : الله اودي خود راحتك اخويا "حادر راسو"
فؤاد : منشكش انك نتا كلشي عندنا بيك باش ماشي بالقانون والمعرفة ...نرجعو لهضرتنا ...حولت هاد الاسهم لشخص منا وفينا ومخرجش منا وهادشي كان عليا نديرو شحال هادي لكن عطيت فرصة لبراني الي كيبقو براني طال زمان ولا قصار اخرتو راه غدار والي قاس
عينينا نتقبو ليه عينيه ...
ياسين"غزز سنانو وكفوف ايديه تكورو تا تسقط منهم دم وعوج راسو بعصبية تا طرطق عنقو هز فيه يوسف عينيه لاحض حركاتو الي تبدلو ووجهو الي تزير ...
صهيب : مشا فحالو الي مشا بدون مبرر اوبليجي نفسخو شراكة بيناتنا ومن حقنا ...
فؤاد : اللازم درناه ومزال العاطي يعطي...
الياس : حولتي الاسهم لشي حد ؟
فؤاد. "هز الملف وجبد ديك الورقة وشير لصهيب يجي عندو قرب ليه عطاه يقراها هو لول "
صهيب"دار ايدو على فمو مدهشر وهز فيه عينيه" : وايلي ..."رجع جلس فالكرسي "
فؤاد"هز عينيه فاشرف" : اشرف كتسمع وتعلم ؟
اشرف "شاف فيه" : ها ؟ اه هاني كنسمع ...احم ولكن علاش واش محتاجيني فشي حاجة ؟
ياسين : فكل خير غير سمع سمع ...
اشرف "حدر راسو وحركو بجنب" : ايه واخا ...
يوسف "حنحن ونطق بحال تاهو حس را اشرف " : مرحبا بالشريك الى كان منا وفينا مزيان خيرنا ميديه غيرنا ...
ياسين"حك لحيتو وعوج ليه راسو" : ايييه خيرنا ميديه غيرنا ....
يوسف"دور راسو لهيه زعما هاحنا بدينا هههه "
صهيب "شاف فيوسف وقاليه بفمو بشوي " : نتا تتحشي هضرة زوينة وخايبة بلا متحس ونسيبك اي بغيت نقول ولد خوك كيكنطرولي فيك حاضي ليك فمك داخلة والخارجة ...
يوسف : ونتا دير ستيلو الحمر وراه ...
صهيب : رجع بنتك راجلها طيبتو ليا مصاطتي (ترمتي) ماشي غا گلبي ...
اشرف"جاتو ضحكة" : كخم
فؤاد"عدوه الي يدير ليه شوشرة تا خبط طابلة طارو ونزلو" : شنو كاين ؟
صهيب "تدعق" : بغينا نرجعو مرت يوسف لياسين تانا بغينا نشوفو شريك شكون
اشرف : ههههههههههههههههههههه
الحبيب : تههههه عمي كي خضر ...
يوسف : ترجع مك سالمة ....
فؤاد "خنزر فيهم وهما يصهطو تاحد مابقا هضر الا ايساف "
ايساف : خالي كمل شكون شريك باش نسنيو ونكملو الخدمة ...
فؤاد "دفع الورقة ناحيتهم هزها يوسف وقراها حتى حل فمو وتاكد من شكوكه واحساسو ..." : اشرف ولدي نتا ولدي وخو دراري وتانتا عندك حقك معانا ...مرحبا بيك اولدي
ياسين "حرك ليه راسو " : مرحبا بيك اخويا شريك فالشركة بنسبة خمسة فالمية ...
اشرف"كان كيسمع ولكن مكانش كيسمع مزيان را هو تا كمل ياسين وهو يهز راسو " : ن كيفاش ؟ "شير لراسو وحط ايدو على صدرو" انا ؟
فؤاد : نتا حصتك وحقك فالشركة تتبت ونتا من مالين شي بصحتك اولدي ...
اشرف"جاه واحد الصمت وسكون واحد سكتة مسكين سكت تا حدر راسو هما كيقراو الورقة الي تنسخات وترسلات ليهم شي فتيليفون وشي فالفاكس حداه فحال الياس مع كان فالمكتب ...كيقراو ايساف ابتاسم اما اشرف مسكين صدرو كيطلع وينزل وراسو مبقاش هزو
ياسين"حدر راسو معوجو فيه كيشوف ليه فوجهو" : اشرف ؟؟
يوسف"ضار عندو تاهو " : اشرف مالك ؟
فؤاد"جمع حجبانو " : ششش اشرف !!
ياسين"ناض من الكرسي توجه ناحيتو وحط ايدو على كتفو هزو ليه وهز ليه راسو تا شاف ليه فوجهو اش نقوليكم را واحد نضرة عينيه مغرغرين ومزيريييييييين ووجهو يقطع فصماصيم القلب " : تت اشرف !!!
اشرف"كيبغي ينطق ولكن مسكين مقجوووووووج " : ا اا ن نن ب ب اا "تنهد بشهقة تا طاحو ليه دموعو كيجرييييييييو " انااااا انااااا ونااااااري "هز طرف كمايم قبية ومسح عينيه هاد الحركة خلاتهم عينيهم دمعو اما فؤاد دار ايدو على حنكو كيشوووف فيه...اشرف كيبغي يهضر كتحبسو البكية تا ولا يشهق"

فؤاد بقا حاضيهم وحاضي ردود فعل اي واحد فيهم وحتى الي فالاتصال لمح الحبيب الي شير ليه بعينيه وقاليه خير ما عملتي اما يوسف وصهيب مشاو عند اشرف طبطبو عليه وايساف تاهو ....بقاو دموعو دايزين مزير مسكين من صدمة مضنش غايديرو معاه هادشي ماشي حيث مغايتهلاوش فيه ولا هو مكيحسش براسو
را ماشي منهم لا من الي حل عينيه وهو ولدهم منهم الي يشدوه يشدو تاهو ميحتاجش كاع يفكر را خاصهم يكتبو ليه ولا يضمن حقو مسكين عندو هااانيا ضارب دنيا بركلة عايش بخير وسط عايلتو ...
فؤاد "جر ملف سنا فيه هو لول وكحزو لصهيب غمزو بمعنى عطيهم يسنيو وناض كيقاد فكمايم قميجتو غمز لياسين باش يتنفس اشرف ويدخلو عندو يهضر معاه ومشا هو لمكتب الكبير ..."
داكشي الي وقع سناو كاملين فانتظار يجي الياس يكمل تاهو ...بقا تا تنفس "
صهيب : سني سني اودا سنبل سني اولدي هههه
ايساف "شاف فيه" : وتا توگض معانا ااااشريك ...
اشرف"باقي مسكين فيه تنخصيصة " : ن ن و واخخ خا نسني ..."شاف فياسين "
ياسين : سني وسير عند الوليد بغاك ...ماتعطلش عليه راه راجع ...
اشرف "حرك راسو" : و واخا ..."كيهز كمايمو سمسح عينيه وترجع تزيرو البكية وينزلو دموعو يجرييييييييو ..سنا وعطاهم الورقة "
صهيب : تنين جي مع تمنية ونص بدا معانا غاتكون تحت سطاج تكمل شهر مزيان تخدم معانا ممزيانش رجع دي اطيسطاسيون ديالك ...
يوسف : تهدن تهدن ..."شافو تحمس"
صهيب : ههههه كنضحك مهم بغيتي تخدم بيها معانا خاصك تبقى دخل تعلم وحضر وقيد والى جيتي عليا حصتك كلف بيها شي حد نهار يكون شي اجتماع نعيطو ليك ...
اشرف"حادر راسو" : الي درتوه انا معاكم ...
بقاو يضحكو معاه تا شوي وخرج من تم وضار لمكتب دق على فؤاد حل ليه الباب من داخل وهو يدخل لقاه واقف فالشرجم كيشوف فبرا حتى ضار شاف فيه ...
فؤاد"شير ليه يجي عندو " : اجي ...
اشرف"رجعو دموعو يجرييييييو مسكين بغا يهبل مشا بزربة عندو تلاح عليه تخش فيه " : لهلا يخطيك عليا الوليد ...
فؤاد"باس ليه راسو من فوق ومسح ليه على ضهرو" : حقك اولدي حقك ..."قابل ليه وجهو معاه" عندك حقك هنا كون قدو وزيد ترجل وعرف
بحق الوقت وخبي فلوسك تحت منك دنيا وزمان هادو را اليوم ليك وغذا عليك ...وزن هضرتها وذوقها راني عانيها ...تفاهمنا ...
اشرف : تفاهمنا هنا من هاد جيهة ...
فؤاد : الله يرضي عليك ..."دق الباب" شكون ؟
ايساف : انا اخالي ...
اشرف : نمشي نشوف اش ندير ؟
فؤاد : بدا من دابا سير عند صهيب ويوسف وذراري تعرف اش كاين ...
حرك ليه راسو وهز ليه ايدو باسها وعاودها تا رضى عليه عاد ضرب دورة وحل الباب لقا ايساف وياسين ابتاسم ليه ومشا مخليهم دخلو بزوج وسدو الباب وراهم ...جلس ياسين وايساف قدام فؤاد فالمكتب ...
فؤاد"شير لايساف " : خبار الخير ...
ايساف"نضف حلقو كيلملم فالهضرة الي بغا يقول ومنين يبدا !! " : احم خالي بغيت نهضر معاك نصحني والي شرتي عليا بيه نديرو مهما كان ...
فؤاد : كمل ...
ايساف : باش منزوقش ليك الهضرة نبدا نيشان اخالي انا عارف راسي غالط فغالط من ساسي تالراسي واي عقاب انا راضي بيه ...
فؤاد : كتر من عقاب الضمير الي عايش فيه تا خلاك تهضر بهاد الهضرة كافي وموفي ...
ايساف"حررك ليه راسو زعما عندااك صح " : داكشي لاش بغيت نصحيتك ومشورتك وبغيت تحط رجليك معايا ...
فؤاد : المقصود ؟
ايساف : بغيت نعرف كيفاش نرجع مرتي اخالي عارف راسي مدرت فيها ميليق ودرت فالطة مايصلحها لا قانون لا عبد سوى رب العالمين الي غايفرج ...جري معايا فالحلال نرجعها ونمجع شملي معاها ...
فؤاد : هادشي ياما هضرنا فيه نصحنا ضربنا نفينا "خرج فيه عينيه كيفكرو فايثيوبيا الي نفاه ليها" باش متوصلش لعذاب الضمير الي نتا فيه يعذبك كتر من الي داز عليك مني ومن واليديك ...
ايساف : خالي ...
ياسين "هز ايدو " : قلتي جود عليا بهضرتك ونصايحك خليه يهضر وتحمل وسمع على وذنيك تيتنقاو ليك لا بغيتي توصل لمرادك ...
ايساف : واخا كمل اخالي سمح ليا ...
فؤاد : بغيتي ترجع مرتك ؟ انا مغانفعك بوالو سوى نهضر معاك نتا تلجم فمك وتحسب حسابك وبدل من راسك لراسك ونضف نفسك …
ايساف : كيفاش نبدا ؟
ياسين : سير خطوة بخطوة شوي بشوي الي جرا وطرا تحملو… وياك فمك يجيبها ليك ...كلنا كنتعصبو ويمكن كتر منك ...
فؤاد : ولجام فمنا شادين ...حسب كل هضرة قبل متخرجها ...
ياسين : الوليد الى هضر را يهضر بالحق اما باش يدخل ويرجعها ليك ويهضر معاها را بين المراة وراجل مكيدخل حد ...وزن هاد الهضرة وذوقها تاهي مني ...

هبطات من البيت من بعد ما ودعات رياض الي مشا لشركة تما ونزلات هي الكوزينة عند عگوزتها ...لقاتها واقفة على الخدامة كتعطيها شنو تقطع ...مشات لثلاجة هزات منها قرعة الما وخوات منها فكاس شرباتو كلو ورجعاتها ...
ماجدة : مامشيتيش مع رياض ابنتي ؟
مينة : صبحت عيانة اخالتي غادي نخدم غير هنا فدار ...
ماجدة "بقلق" : مالك ابنتي ؟
مينة : غير ضرني راسي بزاف ...
ماجدة"قربات ليها قاست جبهتها" : مافيك سخانة ابنتي ..جلسي بعدا جلسي ...
مينة : بلاتي بعدا نجيب الماك ديالي والخدمة نكملها حداكم ...
ماجدة : واخا بنتي سيري ...
مينة "تمات غاديا وهي ترجع " : احم غادي نخرج غير هنا ناخذ شي حاجة ونرجع حقا ...
ماجدة : رسلي العساس ولا شي حد ...
مينة "حكات راسها من لور بخجل " : حسن نمشي انا هههه
ماجدة : شنو تاخدي هههه ياكما فوطة صحية ؟
مينة : اا اه هي ...
ماجدة : واخا بنتي سيري ...
مشات هزات صاكها وسوارت وخرجات مشات بالسيارة واحد نص ساعة ورجعات هازا فايدها ساشية تا وصلات عندهم ...
مينة : هاني جيييت ...اففف مدي ليا عافاك اخالتي كاس تالما ..."كبات ليها الخدامة الما تكات عليه شرباتو تقولي واكلة الملحة "
ماجدة : اه اه شلا عطش ابنتي ...
مينة : وحق الله تقولي كنت نتسابق ...
ماجدة : نعمرو شي كاس اتاي تخدمي حدايا ..
مينة : انا نطلع ونزل دابا ...
تمات غاديا تا ضربات ساشية مع قنت طابلة وهي طيح ليها وتشتت داكشي ...تحنات ماجدة كتهز معاها وهي تهز فايدها كرطونة ديال تيست ديال الحمل ...
ماجدة"عينيها غرغرو " : تيست !! "شافت فيها" ياكما ؟؟
مينة "تزنگات وبدات تحنحن وتحك فعنقها" : خ خالتي مابغيتش نتأمل ونأملكم معايا بغيت حتى نتاكد ...
ماجدة : شحال باش تعطلتي ؟
مينة : كنت كنقول ليوم تجي ليوم تجي حتى ليوم وصلت عشر ايام وقررت ناخذو ...
ماجدة"دارت ايدها على فمها" : يااربي يابنتي يفرحك ويفرحنا والى مكانش ابنتي مرة اخرى ...
مينة : نتمنى يكون اخالتي ..عافاك متقولي لرياض والو ...
ماجدة : منقولش منقولش غير هو ماديريه تالغذا فالصباح بكري حسن باش تاكدي ...
مينة : داكشي الي غاندير ...
ماجدة : خلي عندي تيست لا يشوفو رياض صباح نشوفو انا وياك ابنتي والله يفرحك ...
مينة "باست ليها راسها" : امييين ويفرحنا جيمع دعي معايا عافاك ...
ماجدة : الله يرزقكم ذرية صالحة ياربي ...
هزات مينة ساشية وماجدة تيست طلعو داتو لبيتها ورجعو نزلو مينة كتكمل خدمتها وماجدة هي والخدامة كتوجد اتاي والغذا ...
~~اما في مدينة هامبورغ الالمانية ...~~~
نجوى : نوار اجي ابنتي تيليفونك كيصوني ..
نوار "من بيتها " : خالتي انا نكمل لباس ونجي نجاوب جاوبي بلاصتي عافاك دغيا نخرج ...
نجوى : واخا بنتي ..."مسحات ايديها وهزات تيليفونها لقاتو ياسين يلاه فتحات الخط باقي ماقالت والو "
ياسين : نوارة ياسينها ....
نجوى : ههههههه هادي غير مرات عم ياسينها ...
ياسين"حك شفايفو بشنانو وغمض عينيه " : تت ...الخالة نجوى ...
نجوى : نوار اولدي هاهي تجي كانت كتعوم داكشي باش قالت ليا نجاوب "هزات عينيها بانت ليها جايا وشعرها فازگ وتسخت بمنخرها" هاهي ولدي "مدات ليها تيليفون" يابنتي لبسي مزيان هالبرد ضربك تاني...
نوار"ابتاسمات ليها كتحك فراسها " : واخا ..."دات تيليفون ودخلات لبيتها سداتو "
ياسين : ملابساش مزيان ياك ؟
نوار : احم لا را مخدمين سخونية متخافش ...
ياسين : تكوني بين عينيا وقدامي عاد نهنا عليك انوار ...
نوار : وهاد العامين الي كنت غايبة عليك ؟
ياسين : بالي معاك غير مكابرين وغادين مع الوقت الي بغات لينا هادشي ..عارفك بين ايدين واليديك وعمك منخافش عليك ...
نوار : ماتخافش عليا مزيانة والله ...
ياسين : بصحة الحمام ...
نوار : يعطيك صحة ...ساليتو ؟
ياسين : سالينا انا راجع دابا لفيرما ..."زير عينيه" دي طريق وجيبها ...
نوار : وصلتي ؟
ياسين : وصلت شوية هذا من المطار هزيت "طلق سينيال كيدور ويشوف فطريق عاد نطق" طوموبيل هاني قربت لدار ...
نوار : لداار هههه "قالتها بواحد صوت حس بيه ياسين فشكل "
ياسين : دارنا دارنا دارك ماتوحشتيهاش ؟
نوار"تزيرات" : امممم
ياسين "عرفها تفكرات بنادم الي طاح والي جرا اخر مرة فيها حيث ملي دارها لسبيطار هاديك مشيتها عامين هادي " : الي فات مات شنو هضرنا ؟
نوار : الي فات مات ولكن مزال منسيتش نكذب عليك ؟
ياسين : حاشا الي فخاطرك خرجيه ...
نوار : هو هووو "هزات ايدها مسحات على جبهتها " انا توحشتها وترحشت كلشي ديالنا ماعرفتش جاني الحنين ليهم حسيت براسي خاصني نكون تم هاديك هي بلاصتي معاك ...
ياسين : ايه كملي "دخل ووقف قادم دار لداخل كيسمع ليها" ...
نوار : را صعيييب نرجع تما ومنتفكرش ...ماعرفتش خايفة ...
ياسين : ف نيتك رجوع ؟
نوار : اه ...
ياسين : النية كاينة القلب هاني ونتي معايا الباقي غير بدايات الي صعيبة كيف بديتي الي صعب من هادشي قادرة تبداي هادي كتبقى غير خوف من الوهم الي مصورو ليك عقلك ...
نوار "الصمت"
ياسين"بغا يبدل الموضوع " : شنو بغيتي توريني بعدا ؟
نوار "بابتسامة " : هو بغيت نقوليك حاجة غاتعجبك وبغيت نوريك حاجة حتى يوصل وقتها فواحد الوقت زوييييين عندي ونرسلها ليك ...
ياسين : يااااك بعدا ..بداي ديال دابا ...
نوار : الكونطرول الي درت ديال فقر دم وليزانليز (تحاليل) غاديا مزيان حسن من قبل ...وغانقص دوا...
ياسين"بفرحة" : هادي خبار ديال الخير ...الله يدومها...

اصبح يوم جديد الساعة تشير لسادسة صباحا كيف فاقت ناضت من حداه من بعد ليلة حميمية ساخنة بيناتهم طاحو عيانين من بعد ما دوشو وتوضاو ...هزات بينوار لواتو عليها خلاتو ناعس وناضت خرجات من البيت لقات ماجدة خرجات تاهي من البيت وجايبة الباكية ديال تيست هبطو بزوج لتحت ...
ماجدة "مداتو ليها" : هاكي دخلي ديريه انا نمشي ندير ما يطيب لفطور ...
مينة : واخا"شداتو من عندها ودخلات لدوش الي لتحت فدار ديال لاكاف وجبدات التيست هزات من البول ديال نقيطات دارتهم فيه وحطاتو تما وخرجات لعندها عاونتها فتوجاد الفطور حتى جات الخدامة وطلعات لفوق بدلات حوايجها وخرجات من البيت مخليا رياض فاق ودخل يغسل ويبدل تاهو ونزلات بزربة حطات صاكها وشكارتها ديال لماك ومشات كتزرب دخلات باش تشوفو ...
ماجدة "كطل عليها واش جايا حتى بان ليها رياض هابط كيقاد فالگرافاط ديالو ويسوف فساعتو .." : ولدي فقتي ؟
رياض "رفع حاجبو " : رجع نعس ؟
ماجدة : لا فيق ...
رياض : هههههه الوليدة مالك ؟
ماجدة"بانت ليها مينة جايا ووجهها مسقوط منو دم " : جلس جلس تفطر عاد سيرو .."شاف فمينة وغمزاتها ملي مشا يجلس "
مينة "هزات فيها عينيها وحركات ليها راسها بالايجاب "
ماجدة : الله الله ...
رياض"هز عينيه" : امالك ؟
ماجدة"غمزاتها مينة تسكت" : الله ها مينة بنتي جات يلاه جلسو تفطرو ...
رياض"هز راسو فمينة الي عنقاتو واقفة ليه عند راسو " : اصباح الخير ازين كي صبحتي ...
مينة "خرجات فيه عينيها" : بيييخير يسول فيك الخير ...
رياض : جلسي جلسي وكان ..."كمش فيها عينيه" مال وجهك صفر ؟
مينة "جلسات حداه" : مماليش ...
رياض : جعتي ياك ؟
مينة"عرفاتو اش كيلمح هههه " : اه جعت واش تتسكت شوي انت ؟
رياض : هاهو ساكت ...
حطو الفطور وفطرو مجموعين فجو ديال ضحك ونشاط بيناتهم ولوحان الهضرة ديال رياض ...ناض وقف هو وياها تسالمو مع ماجدة وخرجو بزوج ركبات معاه فطرموبيلتو وزادو فطريق غاديين ...
رياض : كي طرا بغيتي تركبي مع راجلك ازين ؟
مينة : حيث خاصني نهضر معاك اراجلي العزيز ...
رياض : حلوة حلوة ديك راجلي من فمك اري عليها شي واحد خفيف ...
مينة "هزات باكية فاين كانت غاضربو بيها غا شدها من عندها وحطها "
رياض : فمي مبري مني قدامك ...هاني بب قولي ...
مينة : ما وصلش وقت نفكرو فالولاد ؟
رياض"نقص سرعة وضار عندها" : و بغيناهم من اول زواج الله اودي ...
مينة : يعني واجد ؟
رياض : وقت الي حبيتي جيبي ليا نسخة مني ازين واقف عليه ...
مينة : باغي غير نسخة منك ياك ؟
رياض : وا نكذب عليك تجيني نسخة منك يولي عندي تلاتة فؤاد رمسيس اختي براكة عليا غا عمك هيبتو قاتلاني بالخلعة نخاف نعطس فوجهك يخرج ليا يعطين جوج كلمات من هضرتو يخليني نتخضخض عام ...
مينة "ضحكها" : نههههههههههه لا لا غير كيبان ليك راك معقول احبيبة ديالي"قربات باست ليه حنكو "وقف هنا جنب ...
رياض : واحد فطوموبيل ولا ؟ صبري نشوف شي بلاصة مضرگة ...
مينة : اااا رياض واش هبلتي اويلي را بغيت نهضر معاك خليك من المسخ ويلي ...
رياض"طلق سينيال وبلاصا فواحد سطاسيون كان قريب نيت تم دخل ليه " : هاني الالة ...
مينة : بغيتك تعرف شي حاجة عرفتها هاااد صباح انا وخالتي ...
رياض : اش طبختو ؟
مينة "دورات ليه وجهو وبقجات ليه حناكو تا خرج فمو وباستو فيه " : رياضي انا عندي ليك خبار زوييييينة ...
رياض : دابا قلنا ليك نضرگو مبغيتيش بستينا قدام العباد ...ااا خبار الخير ...
مينة : رياض انا حاملة ...
رياض : من الخير الله اودي ..."حبس الهضرة وشاف فيها مرمشش"
مينة : ههههههه مالك. ؟ بسم الله عليك ...
رياض : كيفاش حاملة ؟ اويلي ...
مينة : يغيس فيه شيطان ...
رياض"بحرا بدات دور ليه الهضرة تا خرج عينيه" : د دخلت عليك بالله ؟
مينة : والله "عينيها غرغرو مسحات بصبعها نقيطة دميعة من عينها" عاد صباح درت تيست وخرج بوزيتيف ...
رياض : مينة مينة الله يرضي عليك ياك متاكدة "قبط ليها وجهها " ياك ؟
مينة : متاكدة ومزال نمشي عند ماما تاكد لينا ...
رياض"عينيه ولاو حمرين " : الله اكبر الله اكبر ..."باس ليها جبهتها وحناكها وراس منخرها يبوس ويعاود تا جر ليها شنيفاتها ضرب ليها واحد مولاتي تشلقيمة تا طيبهم ليها"
مينة : فمي طلب معاك شرع خسرتي ليا الگلوص ...
رياض "حط ايدو على كرشها" : دابا هنا غايكبر ...
مينة : ان شاء الله ..
رياض"حك على وجهو بفرحة مخلطة بحماس وتوتر ماعرف مايقول " : اللهم لك الحمد اللهم لك الحمد "عاود باس ليها راسها" الله يفك وحايلك على خير .."عنقها بجهد" الحمد لله ...
مينة : الحمد لله "حطات ايدها على كرشها لتحت كتمسح عليها وعلى وجهها فرحة كبييييييرة …

دازت ثلاث ايام على الجميع الحال هو الحال باقي الحبيب فموسكو من بعد داك نهار رجع فؤاد فاش سالاو الاجتماع ديك ساعة طار لمطار ورجع لمرته وولدو فموسكو ...اما يوسف رجع لدار صهيب مزال جالس فيها خذا كونجي ديك المدة مارجعش لشركة بقا بين دار صهيب ويرجع لازرو يشوف نجود ومرتو ويعاود يطلع لفاس....
اما نوار فهاد المدة يومين مبقاتش هضرات مع ياسين الي هي تشغلات وهو تشغل بزاااااف فالفيرما والخدمة كيبقا تال سبعة العشية وهو فالبنك ومراكش عاد كيرجع لفيرما ينعس ونفس شيء الغذ ليه ...
فصباح اليوم رابع حلات عينيها على صوت الهضرة سليمان الي خارج باش يمشي الكلية خرج هو وباه وبقات نجوى فاقت نوار داك صباح معندهاش دروس فالصباح ...خرجات من البيت من بعد ما غسلات وحكات سنانها ومشطات شعرها وخرجات عند نجوى لقاتها كطيب فالقهوة ريحتها عاطية ...
نوار : صباح الخير خالتو ...اممم ريحة العطور ...
نجوى : صباح النووو ابنتي ...ريحة العطور عاد وصلات الكوليا من دار حليتها هزيتهم هما لولين ..
نوار : توحشتهم ...
نجوى : جلسي نفطرو تسنيتك تفيقي نفطر انا وياك ...
نوار"جلسات وهزات تيليفونها ونطقات بلا متحس" : ليوم عيد ميلادو ...
نجوى"حطات صينية كتضحك" : عيد ميلاد الفحم ...
نوار"حشمات" : ااا ؟
نجوى "شابكات ايديها ودارتهم تحت ذقنها" : عادي عادي بنتي بالفرحات تفكريه ...
نوار : وخا ماجاتش ؟
نجوى : واخا ماشي راجلك دابا راه كانت بيناتكم عشرة وتشاركتو سقف واحد وكانو غايكونو عندكم وليدات ...وكيبقا ولد عمك عمرك تنسايه ...
نوار"حركات ليها راسها" : عمري منساه ...
نجوى : باغيا ترجعي ليه ابنتي ؟
نوار"حدرات راسها وحركاتو " : ولكن بابا مابغاش ...
نجوى : باباك عطيه غير وقتو ابنتي وميكون غير الخير ...شوي بشوي ماشي كلشي دقة وحدة ...
نوار"تنهدات": عااارفة ...ولكن ماخاصش نطولو ...
نجوى : توحشتي راجلك ولا هههه
نوار"ابتاسمات بخجل " : هههههه خالتي ...
نجوى : عادي را دوزنا هادشي انوار قد ما جلستي الى فالمكتاب وكنتو ملاقيين فالسما را غاترجعو ..."عوجات فيها راسها" عندك ليه شي كادو ؟
نوار "شافت فيها" : خاص تنكون تما ونشوفو وشووووووووووووف امتا نشوفو ...فففف"حكات راسها كتهضر منغنغة "
نجوى : الى كتاب ورجعتو كي غاديري ؟ نتي هنا كتقراي وهو را كلشي عندو تما شنو غاديري ،
نوار"عوجات فمها" : ماعرفتش والله من لتما تما يحن الله هادشي الي كيقول ليا هو نيت ...
نجوى : هادي هضرة معقولة ولكن نوصيك ابنتي بداي تفكري من دابا وخططي شنو غاديري وشنو يكون وحسبي حسابك ...هنا راك يلاه كتقراي غير اللغة باش تشدي ديبلوم ديال عامين مزال مبديتيش قراية فشي ايكول ...
نوار: داكشي الي غاندير ..
نجوى : خذيتي ليه شي كادو بعدا ؟
نوار: هو خذيتو ولكن منعطيه ليه تانجي انا تما ومغانجي حتى لعطلة ديال نوييل ...
نجوى : ممكن تعطيه ليه نهار عيد ميلادو ممكن ؟
نوار : هههههه وراه مكاينش هو شي يومين هادي ما هضرت معاه ...
نجوى : الله الله توحشتيه ومن وجهك باينة توحشتيه بزاااف ...هههههه ابنتي نوصيك لا رجعتو تهلاو فبعضياتكم بزاااف والمشاكيل حلوها بيناتكم كيما كانت الي داز عليكم قاصح وماشي ساهل شوي كنتي تهبلي بقلة العقل لا نتي لا هو ...
نوار : غلطنا بجوج فحق بعضياتنا ...
نجوى : بزاااف ..."تنهدات" فطري فطري"
فطرو وهضرو تا كملو وهزات نوار كاس قهوة وخرجات لبالكون الي لور وهزات كتابها ودفترها
نوار : انا هنا فالبالكون نراجع هاني فالبالكون ...
نجوى : واخا بنتي سيري ...
جلسات حلات دفترها وكتاب وحطات كاس قهوة وناضت هزات تيليفون تصوني ليه باش تبارك ليه عيد ميلادو حيث من بارح وهي تصوني تيليفون طافي ...وتاني دابا ...
نوار : تت طافي تاني ...معرفت مالو يحل تيليفون غير نعيط ونعرف ...ففف توحشتو بززااف ...
"هزات عينيها كتشوف قدامها حتى شمات ريحة ماغريباش عليها خصوصا مخلطة بريحة سجائر ودوك سجائر نوعهم عارفاااه مزيان ولكن
اش قالت ؟ قالت غير من كترة الوحش را بدات تشم ريحتو وتسمع تا سميتو ممكن حيث هادشي كيوقع بززف ...لكن ماعرفاتش بالي را بصح هو نيت الي جا ما ثيقات حتى حسات بايديه فوق كتافها قرب مزيااان ...
نوار "هزات راسها لسما مغمضة عينيها وكضحك" : لااااااا هههههههه ويلي ياكما هبلت تاني ...
ياسين"قرب لراسها باسو وطووووول فالبوسة مزياااان وقرب لوذنيها ونطق بصوت بورشها بجهههد " : ما هبلتي والو انا الي هبلتيني معاك ...مايكون شوقك ليا كثر من شوقي بزايد تا ضربت فبلدان وقطعت بحور وطرقان باش نجي عند الي استوطنات ليا كاع الاوطان ...
نوار"ضارت عندو وتلاحت عليه عنقاتو تنخششات فيه " : ياسيييييين هههههه والله الى نتا ...
ياسين "باسها فحنكها" : توحشت الكبيدة ديالي ...

كتشوف فيه ممصدقاش واش هو الي قدامها ضرب طرقان بصح وبحور وجو تا جا لعندها حيث توحشها ....حب حسات بيه فشكل غير حب اللول حب داااافي عشق العشق ...شوق الشوق حب الحب ...حطات ايديها على حناكها كتضحك بخجل ممصدقاااش ...
نوار : هههههه والله الى جيتي ..."حيدات ايديها تا بانو حنيكاتها المزنگيييين" ...
ياسين"قرص ليها حنكها بشوي " : شنو يحساب ليا منجيش ؟
نوار "كتحرك راسها بنفي " : لا هههههه يحساب ليا غيييير كتهدني باش منبقاش مقلقة ...
ياسين: راجل هو الكلمة ماي كاندي ...
دقات نجوى وهما يدورو بزوج عندها ...
نجوى"كتضحك " : هاهو جا شفتيه"غمزاتها"...
نوار"خرجات عينيها بشوي " : احم اه شفتو هههه
ياسين"قرب عنق نجوى من كتافها" : شي حد توحشني ولا ؟
نجوى"هزات ليه حجبانها وحطاتهم" : بزاااف كاع ...
نوار"حدرات عينيها وفمها بدا يترعد بالخجل حيث المقصود هي وحبيبها قدامها كيتغزل فيها بشكل غير مباشر مع مرت عمها "
نجوى : ههههه هزي عينيك ابنتي ياسين هذا ...
ياسين"دور راسو كيشوف فيها فخجلها الي مزال فيها لقطات الي كيعشق فيها ...ماكرهش يشدها يخشيها فيه ويسد عليها وتبقا غير ليه ويلعن نهار الي خلاه يفرط فيها "
نجوى"طبطبات عليه" : جلسو ولدي نجيب كاس اتاي ولا غاتكوني عييتي من سفر دخل دوش وتخرج تلقانا وجدناه مع تقيوتاتو(مرافق ديالو)
نوار"هزات فيه عينيها" : اه احسن ...
ياسين "حرك ليهم راسو ...خرجو بتلاتة بيهم هو تبع نجوى داتو لبيت اسلام فيه دوش وحط فاليز ديالو تما غايبات واسلام يبات مع سليمان خوه ..."
نجوى : ها دوش كيسخن راسو انفوا تطلق الما ولدي ها الفوطة ..
ياسين"باس ليها راسها" : يعمر دارك ...
ابتاسمات ليه وخلاتو تما بدا كيحيد فحوايجو وصلات على نوار لقاتها بدات هي توجد اتاي ...
نجوى : غاتوجديه نتي انا غانجبد الحلوة هههه سبحان الله جا معاها نيشان تاهي يلاه رسلاتها ليا ماماك ...
نوار "طلات على كريطنات بانت ليها اسم المحل" : واااااو المحل الي كناخذو من عندو والي دوموندينا عندهم حلوة العرس نسيتي ؟
نجوى : اااه ديال مونيا ...
نوار : حطي حطي انا ندير براد يتشحر هو را مغايتعطلش ديجا غايكون عايم عاد جاي غايدير غييير دوش خفيف ...
نجوى : هههههه واي واي ...
نوار"خشات راسها بين كتافها بكياتة " : ماتديش عليا اخالتي صافي ههههه
نجوى : عيطي لسليمان شوفيه واش غايتعطل والياس صونا ليا قاليا كيف يوصل غايجي ...
نوار"تفكرات" : ااااجي فخبارك غايجي ؟
نجوى"ضحكات" : هههههه من الباااارح الالة هاهو جا يدوز معاك عيد ميلادو بنفسو ...يلاه قرقبي ديري شي مفاجئة ليلة ...
نوار"دارت ايدها على فمها مصدومة " : ناااري عليك اخالتي ههههه "جمعت ضحكة وتقلبو ملامحها لحزن " بابا ...
نجوى : ماتخافي والو مفراسوش مكاين منين يعرف عمك الياس متافق معاه ...باك غير بغا يتفشش عليك مساخيش بيك اما هو را تاهو مدوز وعارف ..."غمزتها " عيييييشي ابنتي شبابك مع راجلك عيشي ...
نوار : عطيني تيليفوني قبل ميخرج ...
نجوى "مداتو ليها"
نوار"مسحات ايديها وحطات البراد ودوزات الخط طلقات سبيكر هضرات مع سليمان " : سليمااان ...ياسين جا ...
سليمان : ياكما مشيتي نتي را كدور ليك نقشة الله يستر ...
نوار : حااامض ...
سليمان : واخا الحامض واخا ...اتنسالي ونجي انا دابا فالكخانكنهاوس (المستشفى)...واحد ساعتين ونجي...
نوار: وسمعني بغيت نوصيك ...انا غارسليك فواتساب شنو تجيب اووكاي ...
سليمان : طلقي راسك يلاه ...
قطعات معاه وكتبات ليه شنو يجيب ...حتى سمعو صوت تحنحينتو هزات فيه عينيها طاح منها نص واقف عليهم بكل هيبة وجولية فيه حجبانو المعقودين وشعرو المخربق الكثيف طايح على عينيه تا هزو بايدو الي تطوات ودراعو تورمو لابس تيشرت بلومارين وسروال سورفيت ..
ياسين : واحد الكاس ...
نوار : انا غانجيب ليك كاسك .."حرك ليها راسو
نجوى"شافتها كتكب كاس اتاي" : حتى تدي صينية ابنتي…
نوار: لا هاد كاس كيبغي يتنغم بيه مع الگارو حتى يكمي فالبالكون عاد يدخل هي هاديك بينما جا عمي الياس ..."هزات الكاس فبلاطو صغير حداه قرعة الما صغيرة جديدة ماء معدني وخرجات عندو خلات نجوى كتشوف كيفاش هاد زوج تفرقو وهما عارفين ادق تفاصيل بعضياتهم وهادشي مبان حتى لبعد الفراق…

هزات البلاطو وخرجات وصلات عليه البالكون وبالفعل لقاتو واقف يلاه جبد كارو من البكية ضربها تا خرج وهزو دارو في فمو ودار ايديه تا شعل بالبريكة جبد تا جبد وطلق دخان لفووووق ..سمع حسها وهو يدور شافها حطات البلاطو فيه شنو بغا وهي عرفات وجابتو ليه راسها يعني قال كلمة فحال مو كلي هي فهمات وجابت نيشان ...
ياسين"هز كاس شرب منو وتمذق " : اتاي ديالك هذا ...
نوار : عرفتيه هههه
ياسين : نميز ايديك فين خدمو وشنو دارو ...عشرة انوار العشرة ومزال العاطي يعطي "جرها تا باس ليها جبهتها وعاود هاد ساعة را معدي غير بهاد البوسات وهذا الله .."
نوار"شافت فيه وجاتها ضحكة " : ياسيييين هههه ي احم ...
ياسين"كمش حجبانو" : شنو مالك ؟
نوار : ب هههههه بابا مفراسوش جيتي …نتا متافق مع عمو الياس وسليمان واسلام مغايقولوش را جيتي تاحد ماعرفك هنا باش ميعرفش بابا ههههههههههههههه"تطوات كضحك "
ياسين : ايه ولينا نتخباو على باك شتي فين وصلنا معاه ...
نوار : هههههههههههههههههههههههه كانتخيل الى عرف ههههههه راك عارف بابا ..
ياسين "حرك راسو يمين شمال وساط دخان " : مسبات دنيا ودين يحطهم فيا ...
نوار : لاباس معندوش الفيزاعاد تقادات ليه ودفع باش يجددها هههههههههع
ياسين : جا الله من جهتنا ..."حنحن ومشا جلس مفرق رجليه " اجي جلسي اجي ...
نوار"جلسات وتقابلت معاه " : شحال غاتبقى هنا ؟
ياسين : عندي فور دايز كاندي جاست فور دايز ..(ربعيام اكاندي فقط ربعيام )...
نوار"بحزن" : ماشي بزاف ...
ياسين "طفا الگارو فطفاية وهز فيها عينيه " : نوار كلشي قدامك وكلشي عندك راكي كتشوفي الحالة ديالي لو بايدي نبقى معاك ديما ومنوقفش فطريق مستقبل قرايتك ...
نوار : عااارفة رزقك كلو لهيه ...
ياسين : خليينا من يوسف وخلينا من كلشي نسولك وجاوبي بنيشان ...
نوار"حركات ليه راسها"
ياسين "شير ليها بصبعو " : عندك استعداد ترجعي معايا لفين كاين معايا فكلشي ...
نوار"تنهدات " : كيف قلتي من هنا لتما يحن الله ...والى حن بابا غادي نهضرو فهادشي
ياسين : وانا منزيد نحكر خليك فقرايتك ديها فيها تا لديك ساعة ونهضرو لا تبرزطي راسك ولا تفكيرك تفاهمنا ؟
نوار : تفاهمنا ...
ياسين"ناض" : يلاه ندخلو "شاف الباب ديال دار من بعيد مع جا مقابل مع بالكون " سي الياس هذا ...
نوار"ناضت تاهي تبعاتو وخرجو تسالم مع الياس وجلسو فالصالون تما وجات نوار عند نجوى هزات صينية ونجوى تبعاتها طباسل الحلوى ومرافق اتاي ...حطوهم وجلسو حداهم ...
الياس"شاف فنوار وغمزها" : تبعك لعند طواحين اش بغيتي ...
نوار"كحزات شوي را ماحاساش براسها را حدا ياسين " : هههههه شفتي ...
نجوى "هي والياس تلاقاو وعندهم تفتح شوي فعقلهم ،،طنزهم وحدهم" : شوف وجهها كي نور وضحك ...
الياس : ايييه كان طافي فيه ضو عندنا غا جا ورك عالقرص شعل الضو...
نوار : عمو الياس صافي صافي اسكت ..
الياس"تگعد كيشوف فيها ويضرب بصبعو فوق طابلة " : دخلت عليك بالله ومتكذبي ابنت يوسف دابا ما فرحاناش را جا ؟
ياسين"دور وجهو عندها وحدر عينيه لايديها لقاها كتكحز حداه وماحساش" : موحال اسي ...
الياس : هادشي الي بان ليا ...
ياسين : ضرب نتا طرقان وطلع لسحبان(السحاب زعما فالطيارة ) ...
الياس : ودخل لديوانة تخضخض عاد خرج عيان ووصل لدار ...
ياسين : وماااتلقا بنادم لمجيتك فرحان ..."حرك ليه راسو " سي الياس طيارة الي جابتني تردني ؟
نوار : لا لا فرحانة والله تا فرحانة ههههه وصافي براكة شربو اتاي ...
نجوى : عاد كبيناه كيسانهم عامرين ابنتي حضري عقلك ...هههههه
الياس"ضرب المخدة" : ديرها لفرحة ديرها ...
ما فكها غا تيليفون ياسين صونا …
ياسين "هز تيليفون جاه اتصال بانت ليه اسم يامنة " : الحنانة ...
يامنة : حنينة وصلتي ؟
ياسين : وصلت وصلت ...
يامنة : راني كنصوني وتيليفونك كان طافي قلت تاتوصل ونعيط …
ياسين "كيدوز على كرشو " : راكي عارفة الليل وصباح مع الخمسة طفيتو طيارة وشلا فريع ...
يامنة : اولدي البكر عيد ميلاد سعيد اولدي بصحة وسلامة ورزق وباش متمنيتي ...
ياسين : اللهم امين احنانتي ...هادشي مكبرناش عليه وكان ؟
يامنة : والو ولدي هو الي منساه را تاريخ واشمن تاريخ اولدي هههههه
ياسين : يعمر دارك اميمتي ويحفضك ليا ...
يامنة : الله يرضي عليك احنينة ويجمع شملك مع مرتك ...
ياسين"مد ايديه حك لنوار كتفها وطلق تنهيدة كبييييرة " : اللهم امين اميمتي ...
سالا معاها الهضرة وحط تيليفون من بعد ما تلقى تهاني من البقية من عائلتو ...
ياسين"ضار عند نوار " : وجدي راسك نخرجو دابا ...
نوار : فييين نمشيو ؟
ياسين "حط رجلو الي كانت فوق رجل لاخرا ودار ايديه فوق السداري على وضعية النهوض" : نوبتك اغزالي خرجيني ...
نوار"تفكرات اش كاين وناضت" : واخا يلاه نمشيو ...نتغذاو برا ...
ياسين : نتغذاااااو برا الالة ضروري ...

حركات ليه راسها وناضت لبيتها ومشا هو لبيت كل واحد فيهم لبس ملابس الخريف وتقاد ...
ياسين "شاف فالياس " : كونطاكت ...
الياس"لاحو ليه هزات صاكها دارتو فايدها وخرجو بزوج تال عند الباب وهو يعيط ليها لاح ليها الكونطاكت"
ياسين : سوگي نتي ...
نوار : مخفتيش نخرجك فحايط ...
ياسين : ماتلوحينا غافالواد والباقي دايز ليه دوا ..."مشات ركبات كضحك وركب هو حداها قادو سانتيغ وديمارات تمات غاديا بالقاعدة والقاعدة ديالها هي هو عندو فحال غاديا فوق فكيرين(فكرون) "
ياسين"ضار عندها رافع حاجبو" : نوار هذا الحد ؟
نوار "شافت فيه ورجعت ركزت مع طريق " : لا را هنا خاث الاحترام برا را ماشي فحال المغريب اياسين ...
ياسين : وايلي ؟
نوار : هههههه عارفة عارف برا قبل مني غا هنا حيث يلاه بديت مزال ممسموحش ليا بسرعة اكثر هههه
ياسين"شير ليها بصبعو بجنب" : طلقي سينيال ووقفي هنا ..."دارت شنو قاليها " خرجي خرجي ...
نوار"خرجات وضارت فين كان جالس " : را متعرفش فين نمشيو بعدا ؟
ياسين "رجع كسيرا وخدم المابس فالموقع الي رسليه سليمان فالواتس" : لفين بديتي اول مرة ملي جيتي لهنا ...
نوار"حلات فمها وصرطات ريقها وعينيها رجعو غرغرو خصوصا من تفكرات اول خطوة فاش حطات رجليها هنا قبل عامين" ...ياسين فلول كنت ف برلين ...
"فلاش باك"...
بالعاصمة الالمانية برلين ...على الجسر المطل على قلعة شارلوتنبورغ مكبطة مزيااان خاشية ايديها فجيب وخا دايرة صباعات لكن البرد كان رهيييب لاوية على عنقها كاشكول ...واقفة كتشوف فالقلعة من بعيييد ...وكتفكر وتفكر ...كتفكر فالايام كيف كانت والضروف الي عاشت فيها وكيف اصبحت عليه الان ...قرار قد ما جاها ساهل قد ما هو صعيب وهي كتعيشو ...اول مرة تحط رجليها فبلاد خارج المغرب اول مرة تشوف هاد العالم الي هي واقفة فارضو....نزلات دمعة كتجرييي من عينيها يلاه غاتبدا تبكي حتى تحطات ايد على كتفها ...
سليمان : ياك حالفة ماتبكي ...غاتقولي لا غير البرد ..البرد هنا اختي منخرك كيجمد حسبلاه دموعك ...مسحي مسحي وهاكي شربي هاد القهوة لا تبرد بزز باش وصلات نوبتي دغيا ...هههه قلت ليهم بلعاني غادي بيها لواحد سيدة كتوحم وسخفات ليا وطيحتها ضرورة ..."ضحكات على هضرته لهبيلة وفعايلو
نوار"حنحنات": عنداك يعرف راني هنا ...
سليمان : ههه انا مغاديش نقول … هو كاع ما بقا مديها فيك غير تهناي ماكيجبدك كاع ومكيسولش عليك ومابقاش مسالي هاد الايام غادي مسافر ...ياك طلقتو اش بغيتي فيه ؟
"رجوع"...
ياسين"رفع حاجبو بطنز" : وياك تفرقنا ومبغيتيش تهضري معايا علاش كتسولي فيا ؟
نوار"مسحات دميعة خانتها" : ههههه حيث كنتي كتصوني ليا ....
ياسين : اخر مرة عند علي فالنهار الي صونيت ليه نهضر معاك اخر محاولة نرجعك لعقلك وليا ...

نوار"شافتو وقف جنب واحد الجريدة وبلاصا سيارة وخرجو بزوج شدها من ايدها كمش فيها وتمو غادين وهي تستانف هضرتها" : كنت معمية كان خاطري شي حاجة فوق مريض صدري شاعلة فيه العافية تقريبا كلشي كنت كنشوفيه ضلام فضلام مبقيتش عرفت صح من الغلط غير حاجة وحدة هي تعطيوني تيساع وخصوصا نتا"شافت فيه وعينيها دايزين بدموع
ياسين "شير ليها لراسو" : انا براسي دنيا ضلمات فعينيا كتباني ليا غير نتي نسييييت الوليدات الي مشاو نسيت البشري كامل ...البال والخاطر والعقل كان كيشوف فيك غير نتي ...
نوار : الي فقلبي بقا عمرو تحيد ولكن الي وقع ليا خلاني نشك اياسين اه شكيت فيك وبالهضرة الي سمعت وهضرة ناس وزواجنا الي جا بزربة ...
ياسين"وقف تقابل معاها" : عمري ما بغيتك وبغيتك غير نحللك (يعني باش ينعس معاها غير فالحلال كيف قالت هي قبل مجرد تفريغ شهوة )
نوار : اه اياسين هكا تصور ليا وماايمكنش اياسين زواجنا بزربة اه تقليدي بغيتيني وقلتي نتفاهمو وتزيد تبغيني ...غير فهمني اياسين الي وقع ليا واش ماشي من حقي نمرض ؟
ياسين : من حقك تمرضي تشكي تبكي تهرسي تعذبي ..."حط صبعو فصدرو" هادشي عشتو بدوبل عليك انوار ...
نوار"بصدمة " : علاش ؟
ياسين : واحد ما قدرش يوصليك الي بغيتيه نتي را باغيك نيت ماشي يشارك معاك الفراش وحدو ماشي يدير الحلال باش ميعصاش الله حيث نتي بنت عمو ...حلالنا جا بزربة بصح الوقت مساعفناش باش تزيد العشرة وتعرفي بالي نتي ..."هز ايدها وحطها على جيهة قلبو " هنا وشديتيه وعمرك تحيدي منو وخا تلوحيه ....
نوار"زيرات على عينيها تا عصرت دموعها" : طلاق الفراق الي وقع كان مزيان فحقنا اهى اهى ي يااك ؟
ياسين "حرك ليها راسو " : شي مرات الشرخ الي كيجرا كيفرق نعرفو بحقنا نفكرو نعاشرو ناس غيرنا نعرفو الفرق ونقارنو واش نستاهلو فرصة ثانية مع غيرنا ولا مع بعضياتنا ...
نوار : ماقدرتش اياسين نعطي فرصة لشي حد من غيرك والله ما قدرت بديت نحل عينيا ...
ياسين : بدينا نحلو عينيا ومزال العاطي يعطي ...تعقلي نهار قلت ليك عمري منفوتك الا الى ماجات منك ؟
نوار : وجات مني ...
ياسين : هاد المرة وخا تلوحي راسك جبل منفرقك .."باس ليها ايدياتها " غير هناي ونتي دابا راكي كتحسي وعشتي وشفتي ...
نوار : ياسين ...
ياسين : نعام...
نوار"ابتاسمات لديك الكلمة ورجعات نطقات " : شنو وقع ليك ديك ليام ...
ياسين : درت المراة والولاد ...
نوار : تهههههههه وبصح كنهضر ...
ياسين "عوج راسو باستهزاء " : ياك قلتي يدير نفس ويشوف لي تبغيه ..."هز ايديه" درت غا ما طلبتي شحال عندي من نوار ...
نوار "شافت فيه شحال " : قووول ...
ياسين : يلاه نتغذاو وبالليل لينا هضرة وكلام كاين ميتقال ...وغير نتي الي غاتعرفيه كوني على بال ....

رجعو خرجو من ديك الجريدة وركبو فالسيارة رجع خدم المابس وهي نيت بدات توريه تا لغاه وتبع نعتها هي حتى وقفو قدام واحد المطعم كيقدم اكلات لديدة من ذوقها هي جلسو واختارو شنو يتغذاو ...
شوي جابو ليهم الغذا كان ريسطو زوين ماشي ديال تبوزيق...حطو ليهم الي طلبو ومعاه دي صالاد فجناب وليصوص والمشروبات سماو لله وبداو الاكل ...دوزو نص نهار لول كلو خارجين مشاو يدورو فشي اماكن سياحية حتى جاها ميساج من نجوى ان باها ومها كيعيطو عليها لكن مكانتش مخدمة الانترنيت ...رجعو ديك ساعة هضرات معاهم من دخلات البيت ...
يسرى : ها باباك ابنتي بغا يهضر معاك .."ضارت عندو وغمزاتو يجي "
نوار : بابا هاني ...مالك ؟
يوسف : كيوليتي شوية بعدا بنتي ؟
نوار : شوية بابا مزيانة دابا ...
يوسف"حدر راسو وضحك جنب" : لاناليز ديالك مزيانين قالو ليا ...
نوار : الحمد لله وغانقص دوا ديال فقر دم حتى منبقاش نشربو ...
يوسف "حرك راسو ولكن فنفس الوقت وجهو فشكل كيبان واحد سكووون كيبان فيه فشكل " : الحمد لله ابنتي هادي خبار الي كنبغي نسمع ديما كوني مزيانة ...
نوار : لهلا يخطيك عليا بابا ...
يوسف"سكت شحااال وضار بجنب كيشوف ويلملم فالكلام قبل ميضور عندها شاف فيها وهي ضورات وجهها كتحقق فملامح ديالو من تيليفون" : نوار بنتي ...
نوار : ابابا ...
يوسف : سمعي الهضرة الي نقوليك وفهميني ومن وراها عووومي بحرك ابنتي وماتقاطعيني ..
نوار : و واخا بابا ...
يوسف : قبل 22 عام جاتني واحد الملاك بغاها الله ابنتي مابغيناش نطيحوها لخاطرنا خفنا عليها تمرض وتعذب خفنا عليها تكرفص اما لا جات علينا نحطوها فعينينا ونتكرفصو حنا عندنا كي زبدة حنينة ...تزادت وربي مخيبناش حيث ربي بغاها مشكيل رجليها عاااادي جدا ...كبرات النوارة الي نوراتنا وهادشي علاش سميناها نوار اسم بغاتو ميمتك وانا بغيتو معاها ...نقيطة ولات مية غرام هههه
نوار : ههههه ياك ؟
يوسف : صهيب مكنيها عليك حيث تزاديتي ضعيفة ومافيك والو ...الميك غرام ولات نخشيشة ديال باها وكبرات وهي فعينيه مية غرام ديك نقيطة الي كان خايف عليها وهي فالكرش بالمشاكيل بقا داك الخوف ابنتي حتى كبرتي ...
ومزال لخوف كبر معايا يعني ابنتي ماشي عاد وليت نخاف ولا خوف الولاد عادي لااا خوف تربا معايا من الي كنتي فالكرش اش ديري كبدتي منكرش هشيشة بزاااف خصوصا عليك ...المية غرام كبرات وبغات تزوج ب فحم الفعايل ...
نوار"ضحكات وسط دموعها" : ههههههههه
يوسف : ايييه فحم الفعايل قاليا نحطها فعينيا هي ولات عينيا تال هنا مزيان هذا هو راجل وياسين ديما يبقى راجل وسيد رجال فعينيا ولكن قدام بنتي را مرضات عيات تعذبات رجع الخوف ابنتي ديال زمان ولادتك من جديد ...الي كنتي غاتموتي ومك مرضات بزاف ...وانا
شنو كان خاصني ندير ؟ نصبر ونكمدها باش نخفف على يسرى ..نهار جابوك حطوك نوذن ليك فوذيناتك كمشتي ليا فصبعي قلبي نزل تا بان ليا ضو فحال نور دغيا سنا ومشا تما ابنتي الكبدة دوبلات من جيهتك ...
نوار : بابا اهى اهى ...
يوسف"تزير " : اااااا بنتي يا بنتي والله مابغيت ليك الي يمرضك راني خايف غير عليك والله ابنتي الى كبدتي هشيشة تال عندكم نتي وختك مكنبقاش نوزن ابنتي ...تعذريني ؟
نوار : اه نعذرك ابابا الي بغيتيها نديرها وانا فرحانا غييير بقا ناشط وتانا ناشطة ...
يوسف : نسولك ابنتي"مسح عينيه وصباعو كيترعدو...سكت تا تنفس حيث حبساتو غصة " واش متاكدة باغيا ترجعي لياسين ونتي عارفة راك راجعة تحملي مسؤلية من جد وجديد وتحملي ابنتي تحملي بمعناها ...
نوار"بقات تا حبسات دموعها ونطقات بصوت مخنووق من بعد ما تنهدت " : بابا نهار الي وقع را حنا الي درنا هادشي واكثر واحد هو انا ...الي وقع ابابا كان مزيان لينا عرفنا بحق بعضياتنا وجربنا مع ناس من غيرنا ما قدرناش تعذبت مرضت رجعت ضحكت وضحكتي كانت فووووق الخاطر...نهار الي هضرنا ضحكت لكن هاد المرة ابابا ضحكتي من خاطري ضحكتي مرتاحة حتى حسن ملي كنت مزوجة...بغيتي نقوليك صراحة ومنكذبش عليك ...
ياسين فاش كنفكر كيف كنت عايشة معاه كنت حاسا بشي حد حاميني من دنيا منخافش منفكرش لشنو جاي ...ياسين هو كلشي شي حاجة حليت عليها عينيا وكبرات معايا ورا صعيييييب ابابا باش تنسا صعيب نساه ونحيدو من قلبي ...
يوسف"مسح عينيه" : الله يمسخ والديك كوني تحشمي ...
نوار"ضحكت" : ههههههه سمح ليا تحمست ...
يوسف "ابتاسم جنب" : بنتي الي عليا راني درتو الي فجهدي قلتو وخرجتو ...من هنا لقدام ابنتي نتي تحملي مسؤليتك راكي عرفتي بحق زواج وطلاق وجمعتي كلشي ...قولي لداك فحم الهوتات(الهميزات ) الي عندكم تما والي استغل معندي فيزة وخلاني مربوط معندي كي ندير نجي عندك …"خرجات عينيها من صدمة " يجيب دوك القوالب ديال سكار ويجي يرجعك بشان والمرشان ويجيب شيوخ الكبار يهضرو فيك من بعد الغالي الكبير عمك فؤاد والله وماكان هادشي لا عطيتك ليه...ومعندي منقول سوا ضبرو محاينكم ديك ساعة …والله يرضي عليك …

من الصدمة شهقات مضناتش غايوافق بهاد السرعة واخا عارفاه رغم الرفض الا انه غايجي واحد النهار ويقدر يرطاب ...من خلال الحديث واخر الحديث غاتقدر تميز انه مزااال خوفان عليها ومزاااال فيه تردد انها ترجع لياسين ...
يوسف ماشي شخص كيكره ياسين بالعكس كلنا عشنا وعارفين شنو ياسين بالنسبة ليوسف قبل ميولي نسيبو ...ولكن منخبيوش ومنكروش ان الزواج ديال العائلة كيخلق بعض الشحنات هذا اذا مكانوش شحنات كبار ممكن خصام كبير
شق انكسار وقطع العلاقات ...عائلة رمسيس رغم ترابط الي كبروه بيناتهم من الصغر الا ان الخصام الي وقع زعزع استقرار العائلة وخا من كبيرها لصغيرها كيحتارمو بعضياتهم وميقدروش يقولو لا لي كير منهم لكن الي جرا بعد طلاق وديك الفترة خلا واحد شوي الفراغ بيناتهم وكيفكنقولو راهم شادين فبعضياتهم غا بزز ...وخوف يوسف على بنتو ماشي غير انها تعاود تمرض او او لكن خوفه انه الى وقعو مشاكيل عاوتاني هاد المرة يقدر يخسرو بعضياتهم ديما وهو هذا هو الخوف الكبير عندو ...
نوار"عينيها تحولو لنضرة فرحة ممزوجة بصدمة " : بابا !!!
يوسف : كنضن سمعتي اش قلت وعاودت .."هز صبعو شير ليها" الي وقع بيناتكم من هنا لقدام ابنتي فكوه راسكم ونهار نسمع جيتي تشكاي ولا لقاك كتبكي تما مغانعاونك مندور جيهتك "اكد بعينيه" ياك منك ليه مسؤولة على راسك انا الي عليا درتو ...
نوار"كتحرك فراسها وعاضة شنيفاتها مبغاتش تبكي مزال مسحات دموعها مزيان وتنفسات" : كون هاني بابا متخاف عليا والو ...
يوسف"عوج راسو" : ايوى نتمنى "هز فيها عينيه" راني داوي على الشيوخ وباش يطلبك ماشي كنتفلى ...
نوار : هههه انا نوصليه ليه رسالة وديك ساعة بيناتكم ...
يوسف : ماقلتي عيب ..."نظف حلقو" هانتي رحعتي ليه شنو غاديري تما ،
نوار"هزات كتافها" : نهضرو ونتفاهمو ديك ساعة ...
يوسف : نتي تعرفي بنتي نتي تعرفي ...
نوار : احم بابا داك العام مكملتش وعلى ماعرفت فاخر العام دارو ليا طرد ...ولكن سولت الي كانو كيقراو معايا قالو ليا عندي لحق ندوزو حر ...واش تقدر تاكد ليا ؟
يوسف : نتاكد ماشي مشكيل نسول ليك ...
بقات تهضر معاه شحال جات يسرى تاهي هضرات معاها وضحكو جهد ساعة ونص وهي مخشية فالبيت حتى دقات نجوى عليها عاد قطعات ...
نوار لبسات حوايج دار بيجامة تيشرت وكولون لاصق وخا تيشرت طويل شوي مع غلاضت ورجليها اصلا من صغرها زينين مبطبطين من سيقان كملو كولون كان بيج وتيشرت كحل وفيه كتبك بيج كانت غاتلبس بينوار وهي تخليه بلاش وخرجات بان ليها عمها وياسين وسليمان واسلام فالصالون ومشات عند نجوى ...خرجات فرحانة مشات عند نجوى دخلات عليها وبلغاتها بشنو قال يوسف ...
نجوى: هنية عليك ابنتي على سلااااامتكم والله يكمل عليك بالخير ويحفضكم من شر عوتاني ...
نوار : اللهم امييين ...
نجوى : ماتقوليها ليه تا تحطي الحلوى ...
نوار"هزات طابلية ديال شقا فرحانة لبساتها عليها كتهضر وتعقد فيها" : فين هي الحلوى ؟
نجوى"شيرات ليها" : رااا هي فالثلاجة ...حلي نشوفوها ...
نوار : واخا طلي لا يكون جاي ..."مشات ثلاجة جبدات كرطونة كبيرة عليها اسم مخبزة كداهم حلاتها وجات نجوى "
نجوى : وااو نتي الي رسلتي شنو بغيتي ؟
نوار"حركات راسها" : شكون من غيري هههه ...
نجوى : هالعشا كيوجد وها الحلوى كاينة ...
نوار : صافي نكمل معاك انا ندير شلاضة الخضرا ..."هزات الحلوى رجعتها لثلاجة حتى سمعو تحنيحنة ديالو عيط باسم نوار ..."
نوار"طلات براسها" : هاني جايا ...
مسحات ايديها وخرجات لعندو لقاتو واقف هاز باكية الكارو فايديه وبريكي ...وقفات عليه فالكولوار الي كيدي الجردة لور الصغيييرة قد الدار ...
نوار : نعااام "عينيها كيلمعو "
ياسين "يلاه غايهضر وهو يشوف دوك رجلين المزير عليهم الكولون " : شنو داك سروال لابسة ؟
نوار"حدرات راسها لرجليها وشافت فيه" : بيجامة سروال كولون بيجامة احم ع علاش ؟ مالو ؟
ياسين : ملابسة والو على هاد الحساب ملابسة والو تحركي لبسي شي حاجة من غيرو ...
نوار : راني فدارنا دار عمي وهادوك خوتي عادي ...
ياسين : دار عمك على راس والعين الي برا ولاد عمك انااااا كلي هاد ساعة ما حلالش عليك "خرج عينيه" قبل مكنتش انوار دابا كاين …كون مباينش بديك الحالة (مزير) منلاحضش دابا الله يرضي عليك سيري حيديه سيري حيديه ...
نوار"هاد الله يرضي عليك سيري حيديه سييري حيديه اتتعرفو را باااات مات معصب را غير تيسايس تيرجعها تحت منو هههههههه " : وااا ياسين ...
ياسين"هز فيها عينيه مخنزر زعما شنو "
نوار : راك لاحضتي غيييير حيث كتبغيني ..."رفع حجبانو مصدوم ماحتال يهضر وهي طييييير فرتحت لبيت تبدل كولون ..."
ياسين"دار ايديه على نصو بقا كيشووووووف كيفاش زمتاتو ههههه حك شفايفو بسنانو وبقا واقف عاد " : مفششة الفعايل ...تت
حرك راسو يمين شمال وضار دورة ومشا خرج لجردة يكمي نسا تا علاش كان باغيها ...يتبقي الستر...

بقا فالجردة كيكمي ويهضر فالتيليفون حل الماك ديالو الي جابو معاه ودار واحد الاجتماع مستعجل قرا فيه الملفات الي خاص يقرا غير بينو وبين شاف المالية وعطاه تعليمات باش يصرف شحال من شيك لناس من بعد ما تاكدو منو باذن منو ...عاد كمل وهضر مع باه وخوه اسامة والحبيب ...حتى شم ريحة ديالها هز راسو ...
ياسين "شير ليها تجلس قدامو " : جلسي ...
نوار : شوي ويوجد العشا ...فيك جوع ...
ياسين"شاد الكارو بين صباعو وكيدوز على شفايفو بيهم " : شي شوية ..."تنهدات وابتسامة بغات تفلت ليها "
ياسين"قشعها وقراها فسما " : خبار الخير ...
نوار"هزات كتافها" : كل خير غير فرحانا ...
ياسين : الفرحة الي فيك زادت عليها فرحة دابا نعرفها نعرفها على اي الله يدومها ...
نوار : اامييين ...هضرتي مع عمو فؤاد ؟
ياسين"حرك ليها راسو " : بغيتي تهضري معاه ؟
نوار : اه ولكن حتى لغذا غايكون ناعسين ولا ممساليش ...
ياسين : من ناحية نعاس مزال المسالية ممساليش مكاينش فالدار ...
نوار : اه ايوى صباح نعيط ليه ...بانت ليها نجوى من بعيد هازا الطباسل وشيرات ليها" يلاه نوض العشا وجد ..."وقفات بسرعة بانت راها بدلات ولبسات بيجامة بسروال عادي "
ياسين"سد الماك وناض عنقها بجنب جر ليها حنيكاتها الي حس بيهم تزادو على اخر مرة فزواجهم " : تبارك الله تبارك الله ...
نوار : نهههههه مالك ...
ياسين : الخير تزاد ولله الحمد اللهم بارك ...
نوار"حطت جبهتها على صدرو من جنب " : وراني وليت لباااس هههه وليت كناكل بزاف ...
ياسين : مزياان بقاي هاكا ...
تمشاو هكاك تا دخلو وتفرقو عند الطوالة مشات هي كوزينة وهو مشا غسل ايديه وفمو وخرج حط صندالتو ودخل صالون تلاح حداه عمو شاف تيليفون شوي وحطو فوق كوطية صالون ... حتى دخلات هازا صينية كبيرة فيها ثلاثة ذجاجات معمرين ومزوقين وضايرة بيهم خضيرة مصوطية عاد صينية شلاضة الخضرة وعاد ليصوص مزوقين طابلة على حقها وطريقها
ياسين : الخالة عذبناك معانا الخير هذا وبزايد تبارك الله ...
نجوى : مادرت وااالو من مقامك اولدي وهاد الخير را من ايدين النخشيشة ديال يوسف ...
ياسين"هز عينيه فنوار" : زعما هي نيت ؟
نوار"هزات فيه عينيها مصدومة " : ياااك ...
ياسين"حدر راسو وهز ايديه" : والعجب ...
سليمان "حاضي تصرفاتهم بزوج كيف ولات " : تانا طاح ليا العجب را مكانت دير والو ...
نوار"خرجات عينيها فسليمان "
نجوى : الله يمسخك نتا ههههه حشومة عليكم ...لا ولدي هي الي كانت طيب وتعلمات وكنت نمشي لمغريب هي الي هزات ليا دار ...
الياس : منكدبو عالله ماحتال نفيق لقاها وجدات الفطور الغذا كي شتي تاحد مكيكون هنا ايوى العشا را ناضي نعسو شبعانين ناشطين ونمشيو فاطرين ضاحكين الله يرضي عليها ...
سليمان : غاتخلي علينا بلاصتها قداش لا مشات ..."شاف فيها كيضحك هي تزنگات وزادت دابا "
ياسين "هو عارفها من اولها كانت حادگة ليها مع الطبخ وخا فشوشها وصغرها ديك الساعة كانت تتقن طبخ وكانت كتقرا ...وكل مكيسمع دابا انها هزات دار بعزارا الي فيها من عمها كيزيد يفتاخر بيها ويفرح انها الي وقع ليها جاب نتيجة لصالحها هي...داير ايدو على حنكو كيسمع حتى " : نوار هي هادي مهما كحالت دنيا عليها القلب بيض وحنين ...
اسلام : اووووو ههههههه
سليمان : ووووووو اش بغيتي ...
الياس : هااااا لمعقووووول ...
نجوى "طبطبات عليها" : سمعي سمعي ههههه
نوار"ضحكات حشمااانة بجهد وقلبها كيضرب فرحتها مسايعاهاش واخيرا بدات دنيا تضحك ليها وتفرح " : هههههه لهلا ي احم لهلا يخطيك ...
نجوى "بغات تعتقها من الخجل " : يلاه بسم الله ..."شير ليها براسو تجي تجلس حداه وبالفعل داكشي الي دارت جات حداه سماو الله كياكلو ويتبننو ...حتى كملو وناضت نوار كتهز ومعاها نجوى ...مشاو بزربة لكوزينة جا سليمان كيعاون نجوى وبقا الياس واسلام معاه اما نوار مشات لبيت هزات الكادو وخرجات عندهم ...
ياسين "بدا يهضر مع الياس ويتناقشو امور الشركة ويهضرو فالاسهم الي تحولت لاشرف حتى ناض اسلام طفا ضو وهز فيهم عينيه ماحتال يهضر تا بانو ليه جايين نوار هازا الحلوة وكيعايدو فيه ...رفع حاجبو مصدوم يحساب ليه نسات ولا مداتهاش فيه ولا تناسات من فرحتها بمجيتو عندها ...حتى حطات الحلوة ...
نوار"تشعل ضو " : عيد ميلاد سعيييد داك العام مكنتي والي قبلو مكنتش وهاد العام كاينة والعام جاي ان شاء الله ...
ياسين"شبح عينيه مغمضهم بشكر وامتنان وفرحة بيها ناض وتقابل معاها قرب باس ليها جبهتها وشاف فيها" : وكل العوام جايا معايا ...
الياس "شير بايدو وقرب لنجوى " : عيد ميلادي امتا نتي ؟
نجوى : نهار تزاديتي ...
الياس : واخا بنت المصفرط ...ليلة نكرفطك (زعما نخضخضك زعما يسخفها فالفراش)

(زعما نخضخضك زعما يسخفها فالفراش)
نجوى : الله يمسخك اويلي ...صافي شوف شوف...
نوار"ابتاسمات" : ان شاء الله ..."دارت ايدها على حنكها من الخجل وفرحة " دابا عندي جوج كادويات ...
ياسين : كاااع .....قللتي ...
نوار : ههههه هادشي علاش قدرت ...
ياسين : غانتي براكة "واقفين قبالة بعضياتهم قراب بزاف ...هزات ساشية ديال كادو ومداتها ليه .."حلها ...
ياسين "شدها من عندها بدا يحل فيها لقا فيها واحد البياسة كان كيقلب عليها من فاش كانت فازرو وسمعاتو كيهضر فتيليفون مع سالم مالقاهاش وهي باش غايخدم واحد البير جديد مالقاهاش وخلا البير تا يكوموندي عليها على ما عرفت ...كمش عينيه كيتفكر وشاف فيها" نوار ؟
نوار : محتاجها وعيطت لجدي سولت فيه وتما سولتو شنو هي وقلبت عليها انا وسليمان وهنا عارف فالمانيا هادشي كاين ودوريجين ...
سليمان : ولقاها علي فبرلين وصا عليها وخذاها ...ونوار خلصات ...
ياسين"دار ايدو على لحيتو " : غاليا عليك لا ...
نوار"حنحنات وقالتها ليه بشوي" : تاحاجة متغلا عليك .."حدرات عينيها حيث حداها البقية
ياسين"عض شنايفو شحاااال كيشوف فالبياسة وفنفس الوقت فرحان لي انها فكرات فيه بهاد طريقة يعني هذا تفصيل فكرات فيه باش تعاونو وتفرحو را شي حاجة بزاف ..حط الساشية " : كااندي نوار ..."باس ليها جبينها بوسة مطولة تا شدات ليه فدراعو عاد قابلها معاه " لهلا يخطيك عليا ...
نوار : باقي كادو تاني ...

ابتاسمات ليه وحناكها حمرييين كل مكتقرب ليه كتشم بريحتو كتحس براسها بغات تخشا فيه وتبقا معنقااه وتاهو كذلك ...حرك ليها راسو بمعنى شنو هو او فين هو ...
نوار : قاليك بابا هههههه
ياسين "رفع حاجبو" : بلاتي كيفاش ؟ عرفني هنا ؟
نوار : ههههههه عااارفك كيفاش معرفتش هههه
ياسين"شاف ف الياس"
الياس "كينفي" : يقطعني على ولادي لانا قلتها ليه ...
نوار : وغا سمع دابا نعرفو كيفاش ...
ياسين : كملي كملي ...
نوار : قاليك ههههه "كتبغي تقول وحشمات"
ياسين. : هضري ...
نوار"قربات ليه تا عطاها وذنيه وهي تهضر ومع انفاسها سخونة بورشاتو " : قاليك الى بغيتي ترجعني جيب شيوخ الكبار والكبير الي هو عمو فؤاد وجيو طلبوني وجيب السكار ههههههه
ياسين "خرج عينيه " : وايلي ...
عاودات ليه رسالة بالتفصييييل كلو ...
ياسين : ماطلب غالموجود الله ودي ...
باركو ليه لاخرين وعطاوه لكادويات غير صواب وصافي وحشم منهم اما هو ماعندو مع هادشي غير ديك مرة دار الخاطر وهاد المرة تصادف جا عندها لالمانيا ...قطعو الكاطو كلا منها شوي وناض غمزها تبعو لبالكون الي سدو ليه زاج ديالو كيشوفو غير منو باش ميدخلش البرد القارص ...هزات كاس اتاي وتبعاتو لقاتو كيشعل الكارو وجلسات حداه....
ياسين : معندي ميتسالك ...
نوار : منساش هههه ..
ياسين "هز فيها عينيه " : تولفيها ليا قاعيدة ...تفششيني ولا ...
نوار : حتى نتا كتفششني ..
ياسين : شحال عندي منك ..."ساط دخان ورجع كيحك لحيتو ويشوف لبعييييييد ...حتى بدا يهضر " كنت ومزال وباقي ...
نوار"حنحنات " : احم معاودتيش ليا شنو دوزتي فديك ليام ...
ياسين"حول نظر ديالو ليها " : الي ذاز فات كان قاصح ويضر فالخاطر بالحق ماعليش كل دوزها من جيه مادام وصلنا لهاد نتيجة من الخير والي كتبو لينا ربي را من الخير ...
نوار "حدرات عينيها " : مكانتش حاسا براسي واش حاملة ...كانو فيا شي حاجات كنت كنخاف لا ضحك عليا ولا تعاير ولا تنفخ عليا "وقفات ليها دمعة فعينيها"
ياسين "كيشوف فيها وتفكر نهار لقا قميجتو مخبياها وعاودات ليه يامنة على لوحم "
نوار : باش نعرف را حمل مكنتش عارفة واصلا كنت كنشرب الفنيد باش يمشي ليا بالي ليه مغايمشيش ...
ياسين : باش تعرف راسك را نتا سباب هاذشي عذاب وحدو انوار عذاب وحدو ...
نوار : شنو وقع ؟
ياسين رجعات بيه الذاكرة لداك العام فاش تراكم عليه كلشي وعيا يصبر ويبين لناس را عادي وصابر في حين هو كان كل ليلة كيجي بسخانتو ...
"فلاش باك"....
من بعد ما خرجات نوار من سبيطار ومشات رجع لخدمة خذا كونجي بشهادة طبية فيها عشرين يوم ...وصل المساء وكيف العادة من صبح الله وهو خارج يخيط فالطرقان ويمشي لهنا وهنا غا باش مايدخل لدار يدخل نيشان لنعاس ينعس ...مع كيدخل كيحس بتبورييييشة شاداه من ساسو تالراسو ...
مصطفى : ولدي ياك لباس ..
ياسين"هز ايدو بمعنى لباس ...وطلع نيشان لفوق ...دخل البيت ومشا لدوش حيد حوايجو ودخل تحت رشاشة سخووونة عالله تدفيه كل مكيقيصو الما كيعض فسنانو فحال ضربو ضو كيخرج مكزز سنانو لابس بينوار هالعار يسخن ...لبس حوايجو وتخشا تحت تلاتة المانطات كيحاول يسخن والتبوريشة قاتلاه ...
مصطفى "دق عليه" : ولدي غاندخل ...
ياسين"كحب "
دخل مصطفى لعندو لقاه مخشي تحت المانطات ومع هو مگضر كيبانو مانطات فحال تلة ...هز عليه الغطا لقا وجهو حمرررررر ...
مصطفى"حط ايدو على جبهتو لقاها باردة " : راسك بارد اولدي واش ضاربك البرد ولا مالك غا هضر الله يرضي عليك ...
ياسين"عاقد حجبانو باش يهضر مكيهضرش هز ليه ايدو زعما خليني .."
مصطفى : لا حول ولا قوة الا بالله ...واش تاكل ..
ياسين"الصمت"
مصطفى شاف تا عيا ومشا كيحسبن هبط لعند نعيمة توجد ليه مياكل وطلعو ليه اما هو بقا هكاك والو مسخنوهش دوك مانطات الي حتى زاد جوج ...واحد نص ساعة حتى بدا كيطلع ويهبط بترعيدة ووينين وداك الصوت عندو مدعدع كيتسمع الانين مجهد ...بقا هكاك كتجيه تبوريشة طلع ليه سخانة
يلوح المانط وينوض بزز منو تالدوش يخوي عليه ما بارد على وجهو تا يبرد بزز وترجع تبوريشة يهز دوليبران يشربو يحس براسو رتاح شوي وينعس تاني تا تهزو تبوريشة وهكاك لياليه ومع صباح يهضرو معاه يسولو عليه كيجاوب بزز يبين را مزيان وصافي ويوصي ميهضرو تايهضر...كل ليلة نفس الحالة ...
صباح داك اليوم ناض بزز منو راسو فحال البيضة خااامجة وفمو فيه مذاق الصدأ..دوش من عرق المرض ومشا لبس حوايجو ونزل خرج كيكمي ومشا نيشان لطوموبيل كسيرا وخرج من تما غادي فالطريق حتى بدات تبان ليه ضبابة كيحك فعينيه يحك ووالو ...
ياسين : تت فاااك شنو هاد لق*** "كيحك ووالو خفف سرعة وطلق سينيال باش يركن جنب حتى سمع صوت الكلاكصون مجهد واخر حاجة عقل عليها هي داك الكلاكسون ...

اخر حاجة سمعها هي صوت الكلاكسون مجهد تما ماعقل على والو حس بالغشاوة زادت على عينيه ومشااا اش وقع ماعرفش ماحل عينيه حتى حلهم على سقف فيه ترية صغيرة بيضة وعند راسو شي حد كيشعل ضو على عينيه يشوف ويتاكد ...
دكتور : صافا ؟ كتسمعني ؟
ياسين"حرك ليه راسو"
دكتور : بون مزياان الحمد لله على سلامة ..."شاف فراجل تما" مزيان هو دابا ...
راجل"كبير فالسن شوي " : الحمد لله الحمد لله ..."شير ليه طبيب وخرج يوصي فرمليات تما وراجل قرب ليه لقاه كيقلب بعينيه عاد وعى دايرين ليه سيروم وواحد الايد عليها باندة ومفيكسينها ليه " ولدي على سلامتك ...
ياسين"بصوت مبحوح بالكاد كيتسمع" : شنو وقع ؟
الراجل : انا جاي من جيهة لاخرا حتى بانت ليا طموبيلتك كتعوج وترجع تقاد كلاكصونيت عليك باش توگض كان يحساب ليا نعاس ساعة قاليا طبيب ضغط نزل ليك كنتي مريض اولدي ؟
ياسين : شوية وكان ...
راجل : والحمد لله على سلامتك فرانيتي فالوسط وضربتك انا من جنب بطوموبيل وضربت ليك الباب قدر الله هادشي وقع اما كان غايكون كفس ولا يكون كاميو ربي كتب ليك عمر جديد ...وسمح ليا ...
ياسين"هز ايدو كيشوف فيها وشاف فيه بمعنى مالها "
الراجل : وقع ليك شق خفيف فيها خليها مفيكسيا اولدي طبيب قاليك عشرين يوم وحيدها ...يكمل سيروم وتقدر تخرج لا بغيتي نعاونك اولدي ...
ياسين : يعمر دارك وسمح ليا نتا وكان ...
راجل : غا ملي خرجات هاكا كلشي مزيان ...واش نعيط لداركم عندكم عمدك واليديك مرتك ولا شي حد ؟
ياسين "نطق بصوت عيااان وهااااز " : هاد ساعة غا وحدي ومعايا الله ...معايا الله (طولها)
الراجل : ونعم بالله اولدي ...
ياسين : غير تيسر ماعليش قادر وكاين من يجيبني كون هاني ...
راجل : ايوى الحمد لله .."سلم عليه وبقا تا اطمان عليه عاد خرج راجل...بقا تا كمل ليه سيروم وناض كلو مبهدل وشعرو مخربق وعياااان عطاوه باندة هز بيها ايدو ...
خرج من الكلينيك كان بغا يخلص ساعاك لقا داك راجل مسكين تكلف خذا نمرتو وعنوانو تا يرسليه الفلوس حيث الغلط وخا هكاك ديال ياسين ...عيط فالفون سول على طموبيل نعتو ليه فين كاينة ...خلاها تما وعيط لوكاسيون كرا طوموبيل جابوها ليه من بعد ساعة ...ركب فيها وعيط لباه الي عرف اش كاين ووصاه ميقول لتاحد جاب الله كان فموسكو اما يمشي مزروب وخا هكاك عارفو تقيل قادر يريزوني وميخلي حد يحس بيه...وصا من يجيب طوموبيل يصاوبوها ليه اما هو شدها نيشان وسافر بقا عشرين يوم وهو مسافر ...
"رجوع"...
ياسين"كيحرك فايديه من عند المعصم فين وقع الشق ..." : الحنانة لدابا ماعارفاش من بعد مجيتي من العشرين يوم جات هي بيومين عندي ..."ما حبس غير على سماعو صوت تنخصيص وشهيق بشوي هز عينيه فيها "
ياسين"ناض لعندها تحنى على ركابيه " : نوار !! شنو هضرنا ؟
نوار"كتنخصص" : اهى اهى ميمكنش اياسين مايمكنش هادشي تقولو ونبقا عادي اياسين اهى اهى ...
ياسين "دور وجهو لهيه تا عض شنايفو ورجع شاف فيها" : هادشي داز كامل عادي كل مرض فجيه ...هادشي الي وقع ليا عااادي الي كيضر هو الي هنا"شير لقلبه "
نوار : كي كيفاش اهى ..."كتمسح دموعها وتعاود"
ياسين : شي واحد كيبكي دم من لداخل شي حاجة متصبري ليها لا نتي لا انا (زعما هو مرض فخاطرو بزاف ومكاينش ما صعب من واحد حزين باكي من داخل ومدمر وخاصو قدام ناس يبين العكس وصبر را اقسى شعور واحد اقوى انواع العذاب النفسي مرض راسو وداوا راسو ودار كسيدة راسو وتشافا راسو تا من ميمتو الي خاص تكون حداه مكاينة ..)
نوار : وكيفاش صبرتي ؟
ياسين"هز صبعو لفوق" : كان معايا الله ...معايا الله وانا وحدي ...صبر فصبر تا تعايشت عادي ...
في مدينة موسكو من بعد ما تعشاو كل طلع بينو ينعس الحبيب غايرجع لغذ ليه فالصباح حتى تبعو يامنة من بعد يومين ...دخلو البيت بزوج حيدات بينوارها وتخشات ففراشها تا خرج فؤاد من دوش وتخشا حداها ...
في غرق الليل تا طاااب نعاسهم ودازو سويعات ...كتهزهز من بلاصتها وتنين ...
يامنة : انننن مممممم ...اننن حيدو حيدوووو انننن ...
فؤاد"حل عينيه ورفع حاجبو كيسمع "
يامنة : انننننممننن اننننن اهى ...وااا شنو هادشي ياربي ...اممممم ..
فؤاد"تگعد شوي ضار عندها" : ششش يامنة ؟؟ يامنة .."كيحرك فيها ويطل عليها شعل ضو فيوز لقا وجهها عرفااااان ...." : انننن
فؤاد : يامنة سمي الله وتعودي من شيطان ...ششش يامنة ...
يامنة : اننننن "حلات عينيها على غوتة مجهدة تا خلعاتو عليها " لااااااااااااااا لااااااااا "شهقات واحد شهقة طوييييلة تا يحساب ليه روحها بغات تخرج تاهي فحال شهقة ياسين فاش حلم ..."
فؤاد : بسم الله الرحمن الرحيم بسم الله رحمن رحيم ...
يامنة"كدور بجنابها وتبعد بايديها" : دد ددو...حيدهم بزاااف بزاف ...اهى "هزات الضوني وعرات على كرشها كتقلب فجنبها ليمن لفوق وتمسح ..." كان هنا هنا …بغاو يحيدوها ليا ...امممم ...

شعل الضو وناض من حداها كب ليها كاس الما وضار حيهتها جلس مقابل ليها وهي باقي قلبها كيضرب من الفزعة ...تكات على داك الكاس كامل شرباتو وزادها تاني يلاه روا ليها ريقها الي نشف ...
فؤاد"حط كفو على حنكها وصبعو كيدوز بيه " : ششش تهدني ...
يامنة "كتلهت وحاطا ايدها على صدرها" : فففف
فؤاد : يكون خير يكون خير غير حلم …
يامنة : استغفر الله العضيم استغفر الله العظيم ..
فؤاد"بقا يدوز على حنكها تا حنات راسها عليه مغمضة عينيها" : رجعي نعسي !؟
يامنة "حركات ليه راسها"
فؤاد"تسناها تا تكات لاح عليها الغطا وضار هو جيهة لاخرا طفا ضو ورجع تخشا حداها فالفراش جرها لعندو معنقها ولاوي دراعو ورا عنقها وهي مسندة عليهم ...قبل جبينها وعاود" : ناس يقولو متعاودش الحلم الخايب كيتسمى كابوس وناس يقولو قولو ورميه ...
يامنة : مافهمتوش اصلا ا فؤاد ..بلا منعاودو خلينا ملي فقت مكان والو من الخير ندعي ربي يلطف بينا وصافي وكيبقى غير كابوس ماشي حقيقة ...
فؤاد"هز ليها راسها وقبل شفايفها شاف فيها كيدوز على شعرها وحناكها " : هكا نبغيك الله يرضي عليك ...
يامنة"باست ليه دراعو وتنخششات فيه" : جاني نعاااس ...
فؤاد"ضار طفا الفيوز " : تباتي فراحة الله ...
"هامبورغ"...
من بعد الحكاية المؤلمة للطرف الاخر الي هو ياسين الي تاهو عاش ضروف يمكن نقولو تاهو نفسية وجسدية يعني تجمعو عليه بزوج مزال هي كانت تتخرج الي فقلبها لقات ناس عاونوها وقفو معاها حتى تخطات هادشي اما هو شكون كان معاه ؟ على قولته من غير الله وحده الي معايا وشكون احسن من الله سبحانه وتعالى ...
كابر قاسا تعافر وعطا الوجه العادي لناس بينما هو لداخل ربي وحده الي عالم وهاز ...
نوار"مدات ايدها لايدو الي فايت تهرس منها بدون علم شي حد " : باقا كضرك ؟
ياسين "بنفي " : لا عادي خدام بيها ...
نوار"شدتها بين ايدياتها كدوز عليها بحنان ماحساسش من قلقها عليها مداتهاش فراسها را شادا ليه ايدو وكتلمس فيها وتلعب بزغب الي فيهم " : انا رجلي باقي كتعطيني صداع ..
ياسين"استحلا شنو كدير ليه " : بزاف ؟
نوار"بنفي" : لا غير الى تلوات ليا ولا الى قويت عليها فلاصال هنا ...
ياسين : مزال متبعة فيه ؟
نوار : مزال وغذا فالصباح عندي ...
ياسين : عندنا ...
نوار : هاء كيفاش ؟ غاتمشي معايا ؟
ياسين"شد ايدياتها باسهم " : ضروري نشوف الكيك بوكسينغ الي كديري ...
نوار"مسحات عينيها" : هههههه فحال الى ممثيقش ؟
ياسين"ناض وقف كيسوس حوايجو" : فحال علمك الله ...
نوار"وقفات تاهي" : صباح وشوف ...
ياسين : نشوفو شنو خاسرين حنا ؟
نوار : واخا ...
ياسين "حنحن" : يلاه سيري نعسي صباح ميعادنا ..."كيتشبح ويطرطق فعضامو"
نوار : عييتي ...
ياسين : بجهد ..."عنقها بجنب وتمو غادين حتى وقف وضار عندها هز صبعو " وياك وااياك هادشي يخرج جوج عارفين نتي والوليد...تشاركت معاك هادشي باش تعرفي شنو داز وشنو فات وكيفاش داير انا وطبعي ماشي كلشي كنعاودو ومكنعاودش كاع تقريبا ...من هنا لقدام عرفي هادشي نهار نكون فديقة را نتي لولة هازا همي وفرحي وشلا ماتهزي معايا وعليا ...
نوار"حركات ليها راسها" : عارفة وو احم "صوتها تغنغن تا ضارت تتشوف لهيه باش متبكيش تاني ورجعت شافت فيه " سمح ليا بزااااااف ...
ياسين"باس راسها وقرب وجهو لعندها من بعد ما دور ليها وجهها تشوف فيه " : نتي سمحي ليا وانا نسمح ليا بجوجنا غلطنا والي داز علينا علمنا ...ماشي هادي نهاية هادي بداية وعرفي را ممكن يجيو مشاكيل وافات وازمات عرفي كيفاش تصرفي معاهم ووسطهم ...هزي همي نهز همك ومشاكيلنا حدها باب بيتنا ماتخرج لغريب والبراني ولا حتى لقريب ...تفاهمنا ؟
نوار"تنهدات" : تفاهمنا ...
تفرقو كل مشا لبيت دخلات هي لبيتها ومع سدات الباب مع مشا لناموسيتها وجلسات كتفكر وتعاود فالهضرة الي قاليها والي عاشو كانت هي معاها واليها عايلتها الي تاهما عايلتو لكن ما وقف معاه تاحد من غير رب العالمين ...
بقا فيها وعز عليها ماقدراتش تمسك نفسها من انها تسيطر على دموعها حسات براسها رغم انه ماشي لخاطرها الي وقع الا انها هي سباب يمكن مفهماتوش يمكن ماثاقتش فيه وماعطات ليهم فرصة يزيدو يتعرفو وهي الكلمة الي قالها ليها قبل زواج هاحنا نتعرفو فزواجنا والعشرة والمشاكيل هي الي كتبت العشرة وتزيد تمتن ساس ...
نوار"دارت صبعها عضاتو بسنانها مغمممضة عينيها كتنخصص" : اننننن اهى اهى اهى ...امممم اهى اهى ..."تفكرات معاملته معاها من بعد ما رجعات اول مرة من المانيا رغم كلشي كان هو سباق لمداوات جروحها ووقيتة الي لقاها في ازمة صرع وكان هو المنقذ ليها من بعد ماخرجت من المشفى اهتم باكلها بكلشي فيها بادق تفاصيلها ...بقات هكاك كتبكي وتنخصص تا ضرها لراسها وناضت شربات واحد من اقراص ديال راس ودخلات دوش غسلات وجهها وخرجات تخشات ففراشها حتى طنطن ليها تيليفون هزاتو لقات ميساج واتساب منو …
ياسين : الى ساليتي البكا نعسي الله يرضي عليك ...
نوار"جاها ضحك عرفاتو عرفها تكمل بكاها فالبيت" : ههههه تبات فراحة الله ...

واقف عريان غير ببوكسر حل الفاليز ديالو وجبد منها سورفيت نواغ بالقب بلا سنسلة وسروال مجموع عند رجلين بالباندة حطها وجبد تقاشر بيضين وهز منها واحد ساشية ديال سبرديلات جبد سبرديلا فبيض وكحل جايبها معاه وحدها هي وسبرديلا اخرا فقط ....لبس سورفيت وتقاشر هز مشطة من لاتخوس ودخل دوش مشط شعرو لور غير عادي مدارش جيل ...عاد خرج هز تيليفون خشاه فجيبو ومشا لبس سبرديلا عاد خرج من البيت تصادف معاها
خارجة من الكوزينة تاهي لابسة قبية بيضة وسروالها وصبادري كحلة شافت فيه وتبسمات مع كان صباح باكر شوي ...
نوار : صباح الخير ...
ياسين"عنقها وباسها من شعرها" : صباح النور.."حك نيفو" مشينا ؟
نوار : تفطر ولا تنرجعو ؟
ياسين : تانرجعو حسن ..."حركات ليه راسها ومشاو خرجو جبد باكية الكارو منها واحد وشعلو بدا يكمي ..."كتمشي على رجليك ...
نوار : على رجلي وكنرجع على رجلي قليييل فين كنجي بطوموبيل .."هزات كتافها" كنستاغلها باش كنوصل واجدة لشي ماتش ههه
ياسين : مزيان ...
تمشاو مسافة مشي حتى وصلات لاصال ودخلو لقات الكوتش ديالها سلمات عليه وعرفات ياسين بيه ...بدات التدريب اول ركلة عطاتها لهذاك الكوتش كانت قوية ...
ياسين"رفع حاجبو وربع ايديه صدماتو وهو ينطق بلا ميحس " : تسيفت ...
بقا كيشوف فيها كيفاش كدرب وتفكر نهار عطاها ضربك لنيف فالفيلا ديال لمرابط عرف انها حركة دفاعية منها على راسها حيث خافت وحست بالخوف فديك البلاصة ...حس بالفخر انه الى رجعو وكتب الله رجوع وشي نهار باتت وحدها قادرة تدافع على راسها وميخافش عليها كيف قبل ...كل مكيزيد يعرف شنو دارت فهاد العامين كل مكيرتاح ويحمد الله ان الفراق واخا كان خايب لكن رجع عليهم بنتيجة مزيانة ...بقا كيشوف فيها حتى كملات ونزلات عندو كتلهت ...
ياسين : هادشي الي عطا الله ...
نوار"خرجات عينيها" : اويلي را ساعة لاروب يمكن ...
ياسين"عوج فمو " : كي والو ...
نوار"شربات من قرعة الما وسدتها دارت ايديها على نصها" : كتعرف لكيك بوكسينغ ؟
ياسين "باقي مربع ايديه" : شنو بان ليك ؟
نوار"شيرات ليه لكوتش وهي دور عندو " : كوتش كان يو اند هيم ؟ (واش ممكن نتا وهو ؟)
كوتش : ويلكم ..
ياسين"شاف فيه " : كوتش"شاف فيه" ايزيت باسيبل فور مي اند هور ؟ واش ممكن انا وهي ؟
نوار"شافت فيه بصدمة وشيرات لراسها" : انا وياك ؟ "تفكرات منخرها " لا لا شكرا فحال انا فحال كوتش ...
ياسين"طلق ايديه ومشا داز من حداها وقرب لعندها بزااف " : نتي ما فحالك حد ...تحركي قدامي يلاه ...
نوار"شافتو مشا " : اويلي غايقسمني على جوج ...
ياسين"سلم عالكوتش سلام ديال رياضيين ودخل غمزو وخلاه تا جا كوتش عندها شير ليها طلع وهو كيضحك عليها.." : يلاه تحركي ...خايفة ؟
نوار : لا مخايفاش غا هو خاص دير تسخينات ...
ياسين : قضيتي الغراض نتي(زعما سخناتو ) لامارش قاضيا همي متهزيه دابا زيدي بلا كترة لفهامات ...
نوار"بقات تشوف وهي تحط القرعة بشوووووي عليها ودارت الباندة تاني بشووييييي عليها"
ياسين : سيري شري زريعة على خاطرك واجي كنتسناك خودي راحتك الله اودي ...
نوار"شافت فيه لقات عينيه ماهماش حيث تعطلات هههه " احم هاني هاني جايا ....
دغيا رجعت قادت باندات وهي تمشي عندو والي ليها ليها ...مع تقابلو هو كيقاد فالباندات وهي كذلك كتدير حركات دارت القفازات ودارهم تاهو ووقفو ...دور ياسين عنقو طرررا طررراق تا قفزات ....
نوار"خلعها" : واش غير ماتش حبي ياااك ؟
ياسين : الي بغيتي ...
نوار : وريني شنو كدير ونقوليك واش صحيح ولا خطا...
ياسين"هز فيها عينيه مخنزر" : نوار !! ياك لباس ؟
نوار : ولاش تطرطق فعنقك ...را غير غانوريك حركاتي ونتا تقوليا ...
ياسين"هي كتعاود وهو كيقاد ويتهز برجليه تا ماعرفت كيفاش حتى غفلها جاب الله خوات عليه وتحنات وضارت لهيه .." : معندي ميتسالك ...
نوار : وبلاتي ماعلمتينيش ...
ياسين : هادشي فيه علمني ؟
تقادات على وضعية الدفاع هزات ايديها على شكل بونيات موجهين ليه وهي تبغي تغفلو هزات رجلها بغات تعطيه خوا عليها وهو يدور وضار وراها وشد ليها ايديها لواهم لور زدحها معاه من ضهرها ....
ياسين"حدر راسو لوذنيها ونطق بصوت يبورش " : شنو بان ليك كنعرف ليه ؟
نوار"قلبها كيضرب" : هااا كت ا شي شوي ...
ياسين"رفع حاجبو " : زعما ؟ ماقلتي عيب ...
طلقها وهي تمشي لهيه تقابلت معاه رجع صفر ليهم الكوتش وبدا ياسين كيوجه ضربات خفيفة وهي كتبعد لحد الان عاطيها الخاطر يلاه بغات تغفلو حتى جمعها بنص جات على ضهرها وجا فوق منها حاط دراعو على عنقها"
نوار : قجيتيني حرام عليك ولي تعلم "بجقات فمها"
ياسين : هادشي مافيه علم ...هو والموت "ناض من فوقها خبط ليها درعينها " والي متعلم ..
رجعو تاني يكملو الجولة بيناتهم ما خلاها تحبس تا بغات تبكي ليه يدور ويعطيها ويغفلها تا تفقصت ليه ...وبدات تغبن هيلي عفا عليها ...
ياسين"كيبوس ليها فراسها " : ماعليش ماعليش نرجعو ونعلمك بطريقتي انا غير هناي ...
نوار"كتلهت بسخفة " : يلاه نرجعو سخفتيني ...
ياسين"كيحيد الباندات حطهم سلم عالكوتش وجرها معنقها تا رجعو لدار مشي تاني عرفاتو على كاع البلايص تما تقريبا ..."

هاكا دازو ثلاث ايام بضحك وتعرف على شحال من حاجة تما الوقت كان قليل لكن استغلوه بزوج مع بعضياتهم وحتى اليا ونجوى ودراري مالقاوش معاهم مشكيل بالعكس متفتحين وعاطينهم الحرية هما بالفرحات عليهم يشوفوهم مجموعين ...واقف كيقاد فالفاليز حيث الغذ ليه فالصباح بكري غايرجع فالطيارة نيشان لفاس هو لول يشوف يامنة عاد يطلع نيشان لمراكش ...حتى دق الباب ودخل سليمان ...
سليمان : ليام دغيا طارت هههه
ياسين"شاف فيه ورجع كيشوف فالفاليز" : مزال ايام الله طويلة ونتشاوفو الله يطول غالعمر ...
سليمان "قرب حداه" : ان شاء الله نتشاوفو فرجوعكم ياك كاين شي زردة ؟
ياسين : ضروري العادة وتقاليد وضروري حضوركم اجمعين ...
سليمان : القلوب تصافات والخواطر تصافات اش بغينا كتر من هادشي ؟
ياسين "ضار عندو ومد ايديه لكتاف سليمان طبطب عليهم " : الله يعمر دارك على وقفتك ويرحم من رباك على صبرك ...كيما كان الحال والاحوال رجعتي العقل وداويتي الجراح ...
سليمان "ابتاسم ليه " : انا غير ساعدت على تعود والولف وعالجت الكسور والجراح الي داوات را ماليها الي داواوها ...نتا الي داويتيها وداواتك ...الحل كان فالمواجهة كيما كانت مهم تواجهتو وحطيتو نقطكم على الحروف ...
ياسين "حرك ليه راسو "
سليمان : من هنا لقدام الى احتاجيتي شي حاجة انا رهن الاشارة ...
ياسين : ضروري ...
دق الباب حتى حنحن ياسين وهي تحل باب وطلات عليهم براسها شير ليها دخل وهو يمشي سليمان خرج ودخلات هي هازا ليه شي حوايج صبناتهم ونشفو وصلحاتهم ليه ...
نوار"حطاتهم ليه فالفاليز ووجهها حزييين " هاهما ...
ياسين"طل عليها" : نوار !!
نوار"حدرات عينيها حابسة البكية " : بلا متفيقني صباح ...
ياسين : هي سخيتي بيا من دابا ؟
نوار"حركات راسها ب لا " : حيث غادي نجي من وراك بسيمانة ...
ياسين "رفع حجبانو" : كيفاش ؟
نوار"هزات فيه عينيها مغرغرين" : ياسين من البارح وهاد ليام وحتى فاش تصالحنا وجيت انا لهنا وانا كنفكر ..."حنحنت" احم قبل بيومين
كنت هضرت مع بابا على اخر عام خرجت منو ...ودابا مبقيتش كملتو ومدوزتش الامتحان ودارو ليا طرد ...عندي الحق نديرو حر وسول بابا وتاكد ...انا هنا كنقرا غير اللغة عام
موراها العام جاي ندفع لايكول الى بغيت ...انا من الي حليت عيني وانا مقررة غير نقرا وصافي الخدمة الى بغيت نخدم غانخدم فالشركة مع بابا ولا فاش فاش اممم "حدرات راسها كتحك جبهتها بتوتر" كنت صغيرة كان من ضمن احلامي ندير داري مع راجل الي كنبغي وبغيت ..."باقي حادرة عينيها وشيرات ليه براسها " راك عارف ....
ياسين : معايا ...
نوار"حركات راسها" : هادشي علاش قررت وانا مرتاحة نرجع لمغريب وهنا غانبقا نجي ليه مرة مرة الى بغيتي ...
ياسين : ايه ؟
نوار"هزات فيه عينيها" : انا غانرجع بصفة نهائية لهيه ...ومستعدة نرةع لفيرما لكن عندي شروط ...
ياسين : على راس والعين ...
نوار : حتى تجي تخطبني هههه كيف قال بابا وتما نقولهم ...هما ماشي شروط ولكن طلب بسيييط ...
ياسين : نتي امري ماعلينا غالبيو ..."هز ليها وجهها تقابل معاها" تما الى ترجعي ترجعي بعادتك وبشانك وترجعي راسك مرفوع ...ترجعي لدارك وخيرك وترجعي لشهلة الي جبت تشوفيها نيشان ...
نوار : علاش سميتيها شهلة ههههه
ياسين : نهار جبتها حيث هي شهلة عندها شي ميزات خلاوني نسميها شهلة من زمااان كنت باغيها ...تصاور مقاديينش خاصك تشوفيها نيشان ...
نوار "رجعات خصلة من شعرها" : ان شاء الله ...
ياسين : بغيتك تعرفي را قرايتك هي اهم حاجة لراسك لذاتك نفسك قراي وكملي ماعنديش مشكيل نعاونك نقريك ونفهمك وكملي وياك توقفي وخا تبغي تجلسي لدارك قراي القراية ماشي باش نخدمو القراية باش نطورو هذا "شير لراسو " القراية باش نزيدو معلومات نثقفو راسنا نكونو راسنا نوعيو راسنا نهار نطيحو فشي نقاش نعرفو باش نجاوبو ...نعرفو باش نواجهو لحياة ؟ بالقراية وبقراية دنيا وتجاربنا من همومها وفرحها ...هادشي علاش بغيتك تكملي قرايتك واخا نرجعو وخا تكوني فدارك كنلي تما وشدي ديبلومك ورجعي زيديك
ديبلوم غيرو ولا كملي فالجامعة وكملي ليصونص ديالك حتى لماستر دكتوراه تبقا ليك اختيارية تال الى جاو الولاد مخفتي والو انا معاك فيهم غير هو وياك تفرطي فقرايتك الله يرضي عليك ...
نوار : واخا كون هاني ...
ياسين : انا جاي ندير تيليفون ونخرج عندكم ...نهضر مع سالم على البير الي فكيتي لينا حريرتو وهاني معاكم ...
نوار : هههه بصحتك واخا ...
خرجات من البيت فرحانا عطاها طاقة ايجابية وخلاها تطمان انها ماتندمش على قرار رجوعها لمغريب بصفة نهائية وحمدات الله
انها يلاه كتقرا اللغة مابداتش دراستها فشي جامعة او مدرسة او معهد ...ومسالة تبغي تجي لالمانيا معمرها تهز لهم لانه تقدر تدفع من جديد وتطلع ليها فيزا مادام طبقات شروط ديالها واولهم انها ماحرقاتش الفيزا الي عندها ...وعندها بعض شواهد مدتهم ستة اشهر…
في مطار هامبورغ الدولي ...لقاتو دخل لبوابة المتوجهة لطائرة كان معاه غير الياس واسلام الي وصلوه اما هي ماقدراتش وبقات مع نجوى باش تقدا شنو يخصها ..حتى شير ليهم ومشا فاتجاه الطائة بعد نصف ساعة قلعات فاتجاه مطار فاس الي ممكن نشوفو فيه احدااااث ...

مع الصباح وصلات سيارة ديال رياض ومينة قدام العيادة ديال يسرى مع العاشرة صباحا ووقفو قبل متنزل وقفها بسؤاله ...
رياض : واش ماشي صعيب كل شهر نجيو هنا ولا الى كان فحص ضروري ...
مينة : غير تشوف شحال عندي وطمنا وديك ساعة هي تقدر توصي على شي طبيبة في فاس ..."كمشات عينيها" بغيتها هي تدير ليا اول كونطرول ...
رياض : انا معنديش مشكيل نبقا نجيبك ونديك وقتما غا هو صعيب عليك نتي ...على اي نشوفوها شنو تقول هي ....
عنقها وطلعو نيشان لعيادة استقبلاتهم البنت وهي تخرج وقفات ليها عند الباب كانت نوبتها نيشان دخلات عنقاتها تبوس فيها وتعاود فرحانا بزاااف ...
يسرى : فرحتيني اماما مبروك ابنتي "شافت فرياض" مبروك اولدي عليكم ...
رياض "باس ليها راسها" : الله يبارك فيك انسيبتي العزيزة ...
مينة "كتمسح دموع عينيها" : غاتولي جدة كبرتك هههه
يسرى"عوجات ليها راسها" : وايلي كبرنا شحال هادي مع باك شيبني ...
مينة : ههههه حرام عليك راكي عارفاه كيداير ...علاش ماجاش قاليا نشوفك هنا ...
يسرى : عيطو ليه فالشركة جاي شي حد قاليك غايدوز عندك لهيه فاش ترجعي صوني ليه ...
مينة : واخا ...
يسرى : يلاه اجي تسرحي هنا وعطيني دوك تحاليل نقراهم من بعد ...
مدت ليها لونفلوب ديال تحاليل دم وطلعات فوق البياص تسرحات غذات ليها نصها وعرات ليها كرشها وحدرات ليها سروال شوي شعلات الايكو ويدات دوز ليها من بعد ماخوات البرودوي فوقها وهي دور عند رياض …
يسرى : اجي ولدي قرب ...
رياض"دار ايديه كيحك وجهو ولحيتو متوتر" : ايييه نجي "جلس فكرسي حدا مينة كيشوف ف الايكو"
يسرى : ونانا نانا على حبيب ميمة انااا ...
رياض"هز راسو " : فين هو فين ؟ كبير ولا صغير ؟ مابانش ليا ...
مينة "زيرات ليه على ايديه" : ههههه تهدن اويلي ...
يسرى : بسم الله عليك هههه هاااهو "وراتهم نقيطة وذاكشي كيمشي ويجي فشاشة " هو هذا ...
مينة : شحال عندو ؟
يسرى"وركات على واحد بوطون وبدات دور تا بان ليهم فشاشة واحد دائرة دارت وفيها شي اسهم كتحسب .." : اممم ايوى يالالة من بعد سبع شهور ونص غايشرفنا هههه شهر ونص ابنتي يتربى فعزكم ...
مينة "دارت ايدها على فمها وضارت عند رياض باس ليها راسها وجنب فمها تا بعداتو كتضحك لا يمشي يقرب جيهة اخرا هههه "
يسرى"مدات ليها باش تمسح " : هاكي بنتي "ناضت لبيرو وتبعوها بدات تقرا تحاليل " مزيانين احنينة غانكتب ليك هاد دوا خوديه الله يرضي على ماما تبعيه على ود الوحم والفيتامينات وكولي مزيان بعدي على ليفخوي دميغ راهم سخان وبعدي على حاجة سخونية راكي عارفاها ليگاز نتي اصلا مصرانك كيضرك ابنتي ...والاهم ردي بالك لماكلتك ووياك تعصبي ولا تقلقي وخا ماما ،
مينة : واخا كوني هانية ...
رياض"حك نيفو " : دابا واش تبقى تجي هنا من فاس عادي ولا مشكيل ؟
يسرى : لا من احسن اولدي تبع عند طبيبة تما كترة طرقان ماشي فصالحها الله يرضي عليك هادشي علاش اماما سيري عند خالتك نزهة تما هي تبعي معاها وانا نهضر معاها غير تهناي ...
رياض : وياك تقلقي انسيبة راكي نتي الي كاينة يحساب ليك ...
مينة : هههههه"دفعات بكتفها" الله يمسخك كتفرش ياك...
يسرى : اههههههه ااالا يا هانيا واش عندي من غير بناتي ...
رياض : انا ولولد الي جاي اخالتي ...
طرطقو عليه بضحك على هضرته هبيلة ...
في الشركة بالضبط عيط يوسف لاشرف باش يجي ويوصيه اشنو يدير ويعطيه قرار واش يكمل هو يتعلم ولا يكلف شي حد ...وعيطو ليه بلغوه بان واحد الشخص جا باش يشوفو ومصر يهضر معاه ...
يوسف "وهو فالمكتب من بعد ما خرج اشرف من عندو دق الباب" : دخل ...
ياسين"حل الباب عاد واصل من المطار " : يوسف ...
يوسف"هز فيه عينيه" : اه ياسين دخل اولدي دخل .."دار صباعو على فمو مسند عليهم كيشوف فيه " واش جيتي من المطار هنا ؟
ياسين : هادي حطة رجلي اسي يوسف جاي جاي قلنا زيارة وحجة ...
يوسف "سد ملف قدامو وضحك " : ههههه قول الحجة هي الي جابتك ...آتي ولدي ماعندك "ربع ايديه "
ياسين : الي شاورتي عليه هو الي يكون الي قالو ماليها خير البر عاجله ...على هضرتي معاها حاسب فهاد الشهر نجي وندير العادة اسي يوسف عادة بتقاليد وبالشان من مقامها ...واقيلة هضرات معاك ؟
يوسف : ايه قالت ليا قلتي ليها هاد شهر هي علاش ولات غاتجي سيمانة جايا ...ماعلينا ملي تجي يكون خير وديك ساعة ليا كلام معاك ...
ياسين : فوقت الي بغيتي موجود لكلامك ...
يوسف : نرجعو لازرو رتاح اولدي عاد نهضرو ...
ياسين : والو واش عندي الوقت طالع لازرو نسلم عالحنانة وخويا ودار وراجع نيشان ...
يوسف : وايلي اولدي ...
ياسين : غير ساعف وسمح لينا ..."حك لحيتو" ماعلينا دير بحساب يومين نعيط ليك واستقبل زوار والحباب ...نهضرو قبل عاد نشوفو مولات شان وراي وشوار ؟
يوسف"يلاه بغا يهضر حتى دق الباب كانت سكريتيرة منال" : وي دخلي بنتي ...
منال"دخلات عليهم" : احم سي يوسف الى مسالي بغا يشوفك جا دابا ...
يوسف "كمشي عينيه " : شكون ؟
منال"شيرات ليه الباب " : سييي
حل الباب وراها ودخل بكل ثقة جاي مسكسف عالحالة محسن شعرو شوي ولحيتو لابس كومبلي كحل ...طل عليه وابتاسم ابتسامة خفيفة ...
حسن : سي يوسف مسالي نهضرو ...
مسالي نهضرو مسالي نهضرو هاد الجمل تكررو وتعاودو ودخلو ليه لعروق عروق طبل وذنيه وفيقو فيه الي فات حتى غززز سناااااانو وايديه كورهم وغمض عينيه بطريقة كاااااتخلع ...وهو يدور راسو بالعرررررض البطيء حتى بغا يهز فيه عينيه حتى ....

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.