بغا يهز فيه عينيه حتى ولا ناض نيشان وقفتو مشا طاااااير ليه تا دفع البنت جات طايحة ويوسف ماحتال يستوعب لقاه ردخو مع الباب وحاتيها عليه بقجة ...
ياسين"صافي غير بان ليه صعر مابقاش عقل المنطق عندو ..." : ز....
يوسف"ماعرف باش تبلى مافهم والو" : ششش ياسين ياسين تهدن تهدن اولذي"ولا كيشوف غير فياسين الي بان ليه على اخرو ماعرف تا مالو علاش ...نوض منال ومشا ليه كيجري شد ليه ايدو الي مزيرة على قرجوطة حسن الي غزز سنانو كيشد ليه ايدو باش يطلق ووالو
حسن : قغغغ ط طلق طلااااااق خقغغغ ...
ياسين"عينيه خرجو عليه مبقاوش كيرمشو وايدو مبقاتش بغات تفرق على عنق حسن": روووح لق...تمك تخرج اولد لعطااااااااياااا ...
غوت بصوته المبحوح وبجهد تا قفز ديك البنت منال ضار عندها يوسف ...
يوسف : طيري عيطي لصهيب ولسكيريتي ..."شافها
كترعد وهو يغوت عليها تا قفزت " طيييييييري يلاه ..."مشات كتجري بغات تخرج لقاتو مزيرو عند الباب وهي دور الباب الي كيخرج لقاعة الاجتماعات وخرجات منها ومشات كتجري دير شنو قاليها ...اما هو مشا لعند ياسين شاف هذا بغا يموت ليه فايديه ...وهو يقرب ليه كيهدن فيه " ولدي ياسين الله
يرضي عليك تهدن طلق منو نعرفو اش كاين وديك ساعة دير الي بغيتي ...ششش ياسييين "مد ايدو لضهر ياسين كيمسح عليه باش يرطاب شوي ساعاك معااامن نتا ..."
ياسين"عوج راسو بالعرض البطيئ تا شاف ف يوسف عينيه فااالتين " : زا...يحط ايدو على حاجتي ؟ حاجتي الي "ضار عند حسن وهو يهز راسو تا هزو وعطاه بيه لراس وطلقو طاح لارض ماعزف ياخذ انفاسو ولا يشد لارض من دوخة ....
يوسف : اش واقع هييييييه هي هي ياسين"بان ليه ياسين مشا حيد القبية الي كان لابس سادها بسنسلة تا بقا بتيشرت ومشا لحسن يلاه بغا يعطيه برجلو حتو ناض حسن هز ايدو بغا يعطيه ببونية وهر يخوي عليه ياسين وضار لهيه شد ليه ايدو لواها ليه ورا ضهرو ...
حسن "بعصبية نيفو دايز بدم ويغوت تاهو صعر عليه " : طلاق طلاااااااااق ينعل..."عض لسانو بغا يعطيه بلور ياسين كالاه...
يوسف"شاف صهيب جا ومشا ليهم باش يفرقهم جا تا الحبيب تاهو لقاهم مشادين وشي يفك فشي جا تا ايساف وتبعوه سيكيريتي جرو ياسين بربعة بيهم وسيكيريتي جرو
حسن تاهو ...
ياسين"كيبغي يتفك منهم ويتهز تالسما ويغوت جنونوعليه صاعر تا شعرو طاح ليه على عينيه" : طلقو زااا...واااعععع
الحبيب : ياسييييين تهدن تهدن اخويا ...
ياسين"عض لسانو ماكرهش يطير عليه يطحنو مابغاو يطلقوه غيييييير كيتفكر را قاس نوار كيطيرو جنون الي فيه جنونهم كيطيرو وياااااخوتي تهز ليهم تا تهز ودفعهم جملة وحدك تا شوي ايساف يجي على راسو غا شد فقنت المكتب ...
ايساف : وااااووو وووو يااااسين تهدن ...
ياسين"طار بطيرتو مشا لحسن الي شادينو سيكيريتي وهو يهز رجلو تا هزها وجابها ليه الكرش ودفع هادوك وشدو تاني وعطاه ببونية لوجه ماعزف يشد كرشو ولا وجهو ...
يوسف "غوت بحر جهدو " : ياسيييييييييييين ...
ياسين"وقف "
صهيب"نطق تاهو" : ياسين تهدن هضرنا معاك الله يرضي عليك"هضر معاه غييير بشوي عاد سمع ياسين ليهم اما قبل كانو وذنيه مصمكين كيبان ليه غير هذاك " الله يرضي عليك ...
ياسين"صدرو كيطلع ويهبط تيشرت تهز لفوق وبانت كرشو تا جا الحبيب خوه بغا يهبطو ليه وهز ايدو حبسو"
ياسين"هز صبعو مغزززف عليه باغي يرجع ياكلو " : اقسم برب الكعبة ومايحيط من خنشوشي حتى نطحن الهة العطايا الي حطاتو ...
يوسف "غمز الحبيب" : سيرو مكتب ديالك ...
الحبيب"مشا عند خوه وحط ايدو على كتفو" : خويا الى عزيز عليك اجي معايا يرحم باك والحنانة اجي معايا ...الي بغيتيه يكون غير اجي ...
ياسين"عينيه غير على حسن الي كيمسح دم وراسو كيدور مع غفلو بنطحات جاه مجهد عليه واصلا مكانش جاي معول غايلقا ياسين كان حاي باش يهضر مع يوسف لشنو بغا يهضر معاه هو الي عالم والله ...لكن مسااااوء الصدف لقاتو بياسين الي اصلا مغزف عليه وكووون طلقوه عليه ميخلي فيه عضم صحيح ...عطاه بعض الدقات هما بسااااط عند ياسين وغير حشم وسمع لعمامو حبس وتهدن بزز ...
الحبيب : بوجهي اخويا يلاه معايا ..."حط ايدو على كتفو وحط راسو على ضهرو هاد الحركة تيديرها ليه من صغرو فحال كيطلبو من كانو صغار وياسين كيلبي ليه طلب "
ياسين"طلق نفس تا غمض عينيه وحلهم وهو يمشي باش يخرج ويتبعو الحبيب الي غمزو صهيب باش يبقا معاه وغمز تا ايساف باش يتبعهم معاه يلاه وصل عند الباب حتى طار حسن من بلاصتو ومشا لواحد الفاز تما بصعرة الي فيه ماعرفوه كيفاش طار غفلهم
ماعرفوه امتا طار من بلاصتو غفل الهدنة الي وقعات ودراري خارجين وهو يطير هز الفاز الي تما وغوت بحر جهدو بصعرة الي فيه شير بالفاز على ياسين الي غييييير ضار من زهر ربي ورضاة الواليدين كحز غيييير شويييييييي وهي دوز ليه من حدا وجهو
يوسف"دار راسو بين ايديه " : عنداااااااااااك
صهيب :نااااري ...
جات الفاز فالحايط تشخشات تا خرجو عينيهم ولكن اااااااجي رجع ياسين لصوابو الي بزز باش تهدن حتى غزز سناااانو ودور لسانو وخرجو عضو وهو يدور بزربة مشا ليه طاير وحسن كذلك تلاقاو فالنص اصلا حسن كان محيد الفيستة ...هز ايدو عطا لياسين بونية لوجه تا ضار وبسرعة تاهو رجع ليه البونية تا ولاو عطيني نعطيك ...
سيكيريتي جاو يجريو ودراري يفكو وروينة ناضت تما وصل الغوات لداك طابق تما وجاو موضفين كيطلو والموضفات دايرين ايديهم على حناكهم خايفين وناضت ريگاطة والمصارعة كيتسمع صوت البونيات زدف نطح ...دراري بغاو يفكو مبغاو يتفكو ليهم سيكيريتي واحد جوج سخفو ههههه تا عيطو بطالكي لاخرين يطلعو عندهم ...بلحضة ضربو ياسين وجمعو بنص تا طاح لارض وطلع فوقو كيعطيه بالبونيات ويغوت ربي الي حلقو جهلو واااحد جهلة ما فسوقها ميتعاود ...
ياسين"كيتحلف ويعطي ويغوت تا صوتو مشا ليه " : تحاااااااط ايديك على عياالات رجال اولد القح....ااااااااااااااااه نقتل عدو ربك ...
حسن "كيغزز فسنيه" : اااااش دخل عدو ربك نتا ااااااش ؟؟
ياسين "غا قالها ليه فحال وركتي عالبوطون لحمر ...شد ليه ايدو تاااااا شدها وهو يشابك صباعو مع صباع حسن وهو يدير ليهم طرررررررررااااااق تا غوت حسن ربي الي خلقو ...وراه اش دخلو ...
يوسف"دخل مع طرطيقة تا شد راسو " : ياااااسيييييييييييين واااااحبسو عليا الخراااااااااا هنا ...
جاو سيكيريتي لاخرين بربعة مشا لياسين وجروه بزز كيتنتر ليهم ولاخر غييير تهز من عليه وهو يتلوا فلارض بحر لايد الي طرطقها ليه ياسين كيغوت ويصعر تا بح ليه صوته ...
يوسف"تحنى عليه (يوسف مزال لان معارفش القصة ) " : ششش تهدن اولدي "هز راسو فصهيب" عيط لومبيلونص دغيا ولا شوف شي حد نديوه سبيطار ...
ايساف"هز تيليفون كيعيط لومبيلونص " : انا نعيط ليها خالي غير شوفو ولا شي حد يجيب ثلج ولا شي حاجة...الو ...
حسن : اعععععععععععع "وجهو مجلخ دم ويغوت بحر الالم ديال ايدو " واااااعععععع ماااا قصااااااااادتش ماااقصاااادتش اعععععع اممم"كمش عينيه كيتركل بالالم وليني طرطق ليه دوك صباع ونيييت من صدفة فالايد الي صرفقت نوار ...
ياسين"جروه سيكيريتي بزز ومعاهم الحبيب تاهو تا دخلوه مكتب الحبيب وسد عليه الحبيب وهو معاه هز تيليفون عيط لباه فالبلاصة بلغو بشنو وقع ...كيدور جنب فمو دايز بدم وجنب حاجبو تاهو وشاد صبعو عاضو ويمشي ويجي يمشي ويجي صاعر وصدرو كيطلع ويهبط .
ياسين : بلا حشمة ولا حيا بوجه عادي داخل "خرج لسانو وعضو" تتت
فؤاد "فايت قايل ليه راني لا شفتو منرحموش وعرفو مغايعقلش عليه " : فينك ؟
ياسين : مكتب الحبيب ...
فؤاد : بقا تما هضر مع عمك لهاد زمر كامل حطو بصورة ..."جهد صوته" نهار نهضر انا تسمع هضرتي هادي عذرتك فيها سبب باين...بقا تما تايطيرو بالخرا لشي جايحة ...
ياسين : هنى عليا(تهنى من جيهتي زعما)
فؤاد : حنانتك بلا مدوز عندها سير لارضك تاتوصل عليك هي ماتشوف وجهك ..(حيث وجهو مضروب) رخي النفس والوقت تا نجي ...
ياسين : صافي ...
قطع معاه ورجع كيدور تا تقابل مع شرجم رجع شعرو لور بعصبية وبقا كيشوف فالشرجم وبرا تا دق الباب ودخل يوسف ضار عندو ...
يوسف : امال نوار خاشيها تاهي ..."هز فيه ياسين عينيه مخنزر" مالها قلتي منبغي الي يقرب ليها والي قاسها نطحن..."مكملش عاد فهم البلان فيه نوار" شنو وقع ليها ؟
صهيب : شنو ياكما بينها وبينو شي حاجة تا طحنتي سيد دار ليها شي حاجة ..
ياسين"غوت تا قفزو " : حااااااجتي تقاااااست ايوسف تقاااااااااااست "كيضرب فوق البيرو " واااااا عدو رب ربو حط عليها ايدو بنتك ضربها الحماااااااااااار ...واش نطحن عدو ربو غا هكاااااك "هز فيهم عينيه خارجين بغا يجهل تا شعرو رجع تخربق تاني "
يوسف"خرج عينيه" : كيفاش ؟ ضربها ؟
صهيب"غمض عينيه ودور وجهو "
يوسف"مشا عند ياسين " : كيفاش ضربها ؟
ياسين : تت "دور وجهو المخنزر ورجع شاف فيه وعاود ليه اش وقع بالتفصيل ...ضار يوسف بغا يمشي وهو يشدو ياسين من دراعو ضورو تا رجعو عندو " بنتك معاها وحامينها رجال نهار تغفلنا حامات على راسها ورجعنا خدينا ليها حقها ...بنتك عرضي مانجيش قدامك وليني ايوسف منبغي الي يمد عليها ايدو تا بضحك والي مدها را تطحن ومزال العاطي يعطي كون كملت كون قتلتو ..دابا انا نقوليك رسالة من الوليد قاليك تهدن …بقا كيشوف فيه فاش بلغو برسالة فؤاد غير مباشرة عاد وقف …
صهيب : كون يحساب ليا كون خليتك زدتيه جوج ضلعات ارا ندير عليهم ملحة ونگددهم ...
تهز حسن فالاسعاف وجاو شي وحدين من الاسعاف لاخرا تال عند ياسين عيط ليهم الحبيب وطلعو… بزز باش داواو ليه دوك جروح الي فوجهو ...واحد لحضة كمش ايدو ليمنى وتاوه من الالم فيها ...
ياسين"كمش عينيه "
الحبيب : مالك ضاراك شي حاجة .؟
ياسين"هز ايدو وحرك راسو" : لا مزيان"حط صباعو على سبارادرا فحاجبو" الحنانة دير يومين ورسلها مع اسامة راه جاي عندكم ليوم … يرجع رسلها معاه تبقى معايا شي ايام تجي ..
الحبيب : واخا واش غاتجي قبل نتا ياك ؟
ياسين : من هنا تما يحن رب العباد .."كمش عينيه وكيماصي ايدو الي ضراتو "
الحبيب : واش تمشي دير ليها راديو ياكما تفلعصت ليك ( لهلا يوريك را فايت مهرس منها)
الحبيب"حرك ليه راسو ومشا مكتب يوسف الي ناضت فيه روينة كيقادو فيه هز جاكيط وجا مدها ليه " : غادي دابا ؟
ياسين : تعطلت كون ما خليقة زم...تت استغفر الله العظيم ...خاصني نتحرك يلاه نوصل فالعشية ...
تسالم مع خوه وخرج نزل من سانسور لاكاف وركب فالسيارة وطار خرج من تما شدها طريق وحدة ...وفالطريق جاه اتصال من حبيبة القلب علاش ناضت صمكة هادي كلها والي طحن ليا سيدي البشرية على قبلها وشكون فحالها( نهار ضاربو عليا جوج كانو جوج مشاش بغاو من عندي لحوت 😐) ...
دخلات سيارة ديالو تاهو مسكين جاي طاحن طريق باش يجيب سخرة ليامنة من فيرما دياسين يلاه وصل سلم عالعساس وسفيان تما ودخل ركن سيارة كيلبس فجاكيط حيث كان برد بدا ...دخل لداخل كيقلب حتى بانت ليه نازلة ووجها كيضحك فينما تشوف واحد من ولادها قلبها كيفرفر ...
اسامة : وضروري ...مهم را زبدة وداك سمن الي محتاجين زيتون وداكشي وتا زيت البلدية كلشي فالكوف والرايب والبيض بلدي...وخليييني نسلم على حبيب قلبيييي الي جااااي نعمااااس ...مشا لنجود مشافتوش تا نغزها من جنابها كانت شوي تجمعها معاه بتصرفيقة ...
اسامة : ااااويلي بغات تشرشم ليا الحنااااك ..
نجود : ينعل جدر والديك كون تا خصرت الهضرة ...
اسامة "حدر راسو " : حيث توحشت ميمة ياك جاي على ودها ...
سارة "سلم عليها" : شتي جاي على ودك اخالتي ونتي تتعايري فيه ...
نجود "شافت فيه بنص عيني وهي تزلق ليها ضحكة " : زيد بوسني زيد الكلب ...
اسامة : احبتش انا احبتش هاتي بوسة "تلاح عليها يعنق ويبوس تا خنقها " اححح شهد من ميمة البركة ورضى ...
نجود : قتلتييييني اولد فؤاااد مشابه بوك لا نتا لا داك المخنتر ...
صفية"خرجات ووقفات كتفكر" : والله كون نتحمحم بينما جات تلقاني عمت بلا متعذب معايا براكة غالعذاب ديال الحمل هازاه معايا"بدات تحك" الوسخ داير خدمتو ينااري ...
حيدات حوايجها وبقات غير بدوبياس وغاديا وتحك فكرشها يحساب ليها وسخ وهي غير مع كتكبر وعندها كبيرة وخا فهاد شهور جلد كيتجبد ...دخلات طلقات رشاشة وطلقات شوفو تا سخن دوش مزيان وطلق بخار وهي تدخل عمرات سطل وخواتو عليها تا رطبات راسها ...
هزات عينيها ف حك صابون بلدي بعكر فاسي ...وحداه صابون بلدي عادي وناضت مشات لعادي حيث الي فيه عشوب ماديرهمش مع الكلف الى فات حتى دارت دوك وصفات الكلف مكيبقاش يتحيد وهي كلفات من لحمها ولا سمررر ...هزات الحك وهو يطيح ليها لاخور كان دايب قاسو الما وداب تا تخوا فلارض ...
صفية : ييي بففف ..خليه تنسالي " رجعات دخلات وسدات عليها وذهنات صابون تا رطابت وهي تبدا تحك علاش قدات تا حسات براسها عيات وهي تحل شعرها
غسلاتو مزيان ودارت باندوش وتشللات وهزات واحد زيت ديال خرامى خوات منو قطيرات فالما وتشللات بيه وهي تخرج لبسات بينوارها ودارت فوطة على شعرها وتمات غاديا وزغبية نساااات حك صابون الي مخوي مع تحط رجليها والحمام وهي سخونة وهي تمشي بيها
بصابون وهي تزلق وااااحد زلقة تا تهزات لسما وتردخات مع لارض تا غوتات لربي الي خلقها حسات بداكشي فكرشها تقلب واحد القلبة تا شداتها وجعة حسكات ليها ضهر ولتحت ...
في هاد اللحضة بالضبط في الفيرما راجع من الخدمة فالبنك جاي كيكمي فالكارو تا دخل الفيرما وبلاصا سيارة ودخل لدار طلع نيشان يبدل حوايجو وهو يدوز ليها الخط مكالمة فيديو ...حتى بانت ليه جالسة فالبالكون وحداها لابتوب دايرة ايدها على حنكها كتشوف فيه ...
ياسين : كبيدة ديالي ...
نوار : نعاام ...عاد وصلتي ؟
ياسين "كيحل فصدافي القميجة تا حلها كاملة وهو يبان ليها داك صدر الي ياما تكات عليه وتلمساتو حسات بقلبها زدح تا كحبت " : ششش تهدني مزال جاي الخير ...
نوار: ااا ا اينا خير ؟
ياسين : حفار بلادك "غمزها"
نوار"تگعدات كتفكر حفار بلادك هو المعلم كان كيقولها ليها وهي طلع معاها مولاااتي تزنيگة تا شوي تشرگ ليها" : احم ن نخليك تبدل وعيط ليا ...
الضابط "حط ليه المينوط على ايديه وسدو" : تما وتعرف اشريف ...تحرك قدامي بلا كثرة هضرة ...
ياسين "هز فيه عينيه " : كدوز فيا سطاج ولا ؟"خنزر فيه" البدايات بضمير مع الوقت معرفة واخرتها عطيني فلوس القهوة ...تهدن اشريف...
الكل واقف تقريبا شي خدامة من عندو فالارض كانو جايين حتى تصادفو مع بوليس ووقفو يشوفو وسالم الي عيط لياسين ويلغو باش ينزل ومصطفى الجد ...حطو ليه المينوط وسدوهم وتاهو كيشوووف فيهم شنو كيصنعو مبدئيا ماشي معاهم بتطبيق القانون اي خوذو راااحتكم ...لكن ...
ياسين : شنو تهمة بسلامة ؟
الضابط : لتما وغادي تعرف ...
مصطفى : تريت اولدي تريت كلشي بالمفااهمة والعقل ...را مولا رزق كبير هنا ومعروف واش تديوه بهاد شكل يتبعكم اولدي مافيها باس ...
الضابط"جر ياسين واحد لحضة بجهد " : يتحرك من الهضرة الحاج معندناش وقت ...
ياسين"خرج عينيه ورفع حاجبو فيه " : ششش عارفين خدمتك هادي ..."بعد مرفقو تاهو بجهد من ايدين ضابط ...يلاه غايهضر حتى جاه اتصال ..."
ياسين"كيمسد فالمعصم ديالو وعينيه على ضابط بدون ميرمشهم حاضييييه حاضيه وكيتحرك ليه بالعرض البطييء ...
ياسين "تم ضاير باش يطلع " : با نجيب كونطاكت ونزل ...طحنا دنيا ودمرنا فليام عاشرنا كحل راس من بلاد لبلاد باش درنا بلاصتنا وحفرنا سميتنا ماجاتش ولاد اليوم يحطو علينا العينين ...(زعما يحضيوني لا نهرب ) ...
طلع بزربة هز تيليفونو وكونطاكت ديالو ورما عليه قبية فوق داك تيشرت ونزل لقا واحد زوج بوليس واقفين شير ليهم وتبعوه ركبو واحد حداه وواحد معاه وجدو تاهو لور ...وكسيرا تبع سطافيط دالبوليس تحت مرآى ناس ديال دوار وجيران ....
"فيلا راوية" ...
ياااربي واشمن وجع هو كيحسك فيها واشمن عذاب الي هي فيه دابا ...وجهها كلو عرق وزاد بداك الوجع الي شدها ...وشكون يعتقها ؟ لا احد هاد ساعة هي والله الي معاها ويشوف من حالها ...
وقفات سيارة قدام الباب ونزلات منها هي بنفسها رجعات ومن محاسن الصدف كملات غراضها بزربة ...دخلات ...
راوية : كريمة فين صفية ؟
كريمة : الفوق ابنتي ...
طلعات راوية لبيتها تا حطات كونطاكت ولوازم وحيدات حوايجها ولبسات ديال دار بالخف ...عاد خرجات باش تدخل عندها تعاونها فالحمام ...دقات الباب ودخلات كتقلب عليها بعينيها ...
راوية "ناضت بجهد الي فيها طارت لتيليفون ديال صفية فتحاتو وعيطات لومبيلونص ...ورجعات عندها" : هاحنا غادين ابنتي غااادين"عينيها غرغرو بدموع" غاادين متخافيش غير ذكري الله ذكري الله ...
ناضت مشات كتزرب جابت ليها مخدة حطاتها ليها تحت راسها ونزلات لتحت تزرب لومبيلونص حتى بان ليها ايساف داخل عيااان كيحك فعينيه ...
ايساف"هز عينيه فراوية " : انا نجيب غير شي حاجة من مكتب لاكاف لتحت ونمشي ...
راوية "فحال بان ليها معرفت اش مشات كتجري ترمات عليه تطلب وتبكي" : انا مزاااااااوگة ولدي صفية صفيييييييياااااااا الولد وهي غايمشييييو اهى اهى ...."حطات ايدها على صدرها انا عارفة مباغي ولاد غااا عتقها ومتهز هم عااااااااااار ميمتك اولدي ...
ايساف ماعرف باش تبلى كيشوف فرارية فداك المنضر كلها كترعد والهضرة الي قالت ليه هز راسو وعينيه خارجين ...ماعرف اش يقول حتى مشا كيجري نقز تلاتة درجات ربعة ودخل البيت تبعاتو راوية حتى لقاوها فديك الحالة ...
ايساف : ص صفية !!!"كيشوف حالتها شادة كرشها من تحت وتعض فالفوطة ...ربي عطاه العقل فهاد اللحضة دار ايدو تحت راسها وايد تحت ضهرها وهزها بين دراعو ..." طيري سبقيني لطوموبيل ديماريها ...كونطاكت باقي فيها....
ماعرفت كيف دارت مشات كتزرب خارجة ببيجامتها الله يلعن الي عرف راسو اش لابس فهاد اللحظات المستعجلة كيكون الانسان مرفوع على الدنيا واش فيها واشمن بديهيات كاينين واشنو الروتين واش واش ...نزلات لطوموبيلتو وهي ديماريها اما هو حاوطها وهي شادة تحت كرشها القدرة باش تهضر ولا تغوت مابقاتش هلكها الوجع ....
ايساف"نازل بيها وكيشوف ليها فوجهها الي تندا بالعرق وحالتها فمها ولا بيض مسكينة ": ششش ماتخافي والو كلشي غايكون مزيان متخافيش عليه ...
صفية "بصوت مبحوح بالكاد باش كتنطق" : دير الي دير غير عتق ليا كبدتي عااااااف ..."مقدرتش تكمل عيااات " ...
ايساف"باس ليها جبهتها " : كوني هانيا كوني هانيا ..."نزل بيها كيزرب لقا راوية حالا الباب لوراني وطارت ركبات حداه من بعد ما قادها ضار جيهة المقود ومافكرش مرة وجوج طار فالبلاصة خرج مخلين الاسعاف تجي ولا تجلس اصلا ديما كتبقى شحال عاد تجي اللهم يعتقو الموقف مادام ربي حطو فالطريق وكان هو الي جا ...وصلو نيشان لاقرب مشفى تما وهو نفسو الكلينيك الي كانت خدامة فيه يسرى من بعد ما دوزات ليها راوية خرجات كتجري من العيادة ...
يسرى"غاديا معاهم كتزرب " : الله يشوف من حالها راوية كوني هانيا ...
دخلوها كيجريو وايساف وراوية تابعينها تا دخلو لجيهة البلوك عاد توقفت راوية وايساف الي دار ايديه فوق راسو وعينيه خارجين مصدوم من الي وقع ...ضار عند مو ...
ايساف "جلس على طولتو فواحد الكرسي تما من الكراسا وحدر راسو دارو بين ايديه ماعرف اش يقول واش يهضر ...لواحد لحضة رجع ليه الهضرة الي سمعات منو والكلام
الجارح الي نطق بيه كي السم ودخل ليها مع العظام والالم باش حسات وقلبها الي تقسم وتفطر وتعذبات معاه من نهار عرفاتوو فديك الليلة المشؤمة ...
صفية : ولو نعيش حياتي كلها خدامة ونهز ولدي بسناني ومنرجعش نشوفيك ...عيييييت منك ومن اهاناتك وضربك ليا وخا نكون حمااارة مديرش ليا هاد الحالة وخا نكون جايا من ..."حبست" ههههه وراه جايا من زنقة اصلا ....عمري
منسمح ليك واخا ينوض با ومي من القبر عمري ماباقي نشوفيك راجلي وخا نكون ميتة على تراب رجليك ولا واكلة عليك شراوط ...عرفتي علاش"خنزرات فيه بعينيها الخضرين" حيث هذا الحد وهادي هي طاقتي معاك ...وولدي هو الي منقتلش وخا تموت نتا ...وعطييييني تيسااااع ..."
راوية "مشات عندو وحطات ايدها على راسو كتدوز على شعرو الكثيف " : يكون خير اولدي ...
ايساف"طلق ايديه وهز راسو كيشوف فنقطة بعيييدة وعينيه حمررين " : الى قالو الفم والانانية خايبين را بصح خايبين "شاف فيها "
راوية : مافهمتش ...
ايساف"ضحك بجنب " : الله الوليدة وراكي عارفاني اش عنيت ..."شير لراسو" شفتي انا انا ولد لحرام "هز ايدو" ماشي قصد بيكم نتوما حاااشا ...انا ولد لحرام بفعايلي وانانيتي وفمي الماضي اذيت ناس بريييئة ومزال كنادي فيهم ومزاااال ..."شير جيهة البلوك" شفتي هاد بنت الناس العذاب الي شافتو معايا مشافتوش وهي فالزنقة "نزلت ليه دمعة خفيفة "
راوية "كتسمع ليه وتبكي فصمت...تا جلسات حداه"
ايساف "رفع حجبانو وسرح ايديه" : اشمن عذاب هذا الي انا فيه ؟ كيغاندير نبدا معاها من لول واشمن فرصة نطلب منها ثاني اشمن فرصة ...الى كانت شي فرصة
انا الي خاصني نعطيها لراسي عالله راسي يسمح ليا على قلة العقل والانانية ...ايييه مابغيتش الولاد دابا ولكن "خرج فيها عينيه وشير تاني جيهة البلوك" الي لداخل
را ولدي ياك ولد "تبسم" ولدي من دمي ولحمي مغاديش نكرو والي لداخل عليها دق كلو منها توكل منها هازا روح كتهز منها وتمص منها وتعافر وتعذب وطيح وتنوض باش تولد هذاك الولد الي فكرشها شافت
عليه الويل ؟ مني انا الي بديت وملي هزاتو فكرشها وهي طيح وتنوض عليه وكنت مزال نعطيها فالهضرة ودق ودق ودق وندك فيها بالهضرة ...شفتي الانانية والفم الماضي فين وصلنا ؟ يقدر يضيعو بجوج ماااشي بطيحة الحمام "ضرب صدرو زدف زدف تا شدات ليه ايدو على شوي يهرس القفص صدري ديالو "
خشيت راسي فالخدمة حتى من خدمة ليل سيستيم شركة شديتو باش نخشي راسي ومنفكرش ومنعيشش العذاب ...ووالو ...
راوية "حدرت راسها"
ايساف : هزي راسك اميمتي هزي راسك نتي الي تهزيه هزيتي يتيمة وتهليتي فيها كتر من ولادك ...نتي الي ترفعي راسك اميمتي ...
راوية : قبل منهز اليتيمة راني هزيت مرت ولدي وولد ولدي ...واش انا نخليهم فزنقة ؟ حتى منكونش بنت رمسيس واخت وتربية خالك فؤاد...
ايساف"حرك راسو" : شيم ال رمسيس ...اش خذيت انا غالعيوب جمعتهم وحطيتهم فيا ..."هز راسو كيصوط حتى فك ازرار القميجة عالله تفك ديقتو ويتنفس ...بقاو هكاك كيتسناو ازيد من ساعتين وهما مرة ينوض يمشي ويجي مرة يجلس وتنوض هي ...تخرج عندهم يسرى حيدات الكمامة ...
من بعد ازيد من ساعتين ديال الانتظار تما انتظار الي حسو بيه عام معارفين اش غايكون وشنو الحالة كاع الاحتمالات حطوهم فعقلهم واقرب احتمال ان البيبي ممكن يموت ويمشي وصفية تازم ويتازمو معاها ...قبل ماتخرج عندهم يسرى كانت معاها فقاعة الفحص وهي الي شرفات عليها بمساعدة اخصائي نساء وتوليد اخور ...
ياسر"كيشوف معاها وفنفس الوقت حاضي الضغط والمؤشرات" : فالشهر السادس ...
يسرى : اكزاكتومون ...
ياسر : دونك (اذن) ...
بقاو معاها فالفحوصات ومراقبة وشلا مدارو ليها حتى خرجات عندهم يسرى حيدات الكمامة طلقات نفس وتنفسات لانها بالعيا ازيد من ساعتين وهي فالضغط معاها ومراقباها ...ناضت عندها راوية وايساف ...
راوية : ختي يسرى ؟
يسرى"ساطت نفس بتعب " : الحمد لله حاليا بزز باش فلتت منها لان البيبي تقبل ...من لطف الله موقع ليه والو والوجع كان من حركة البيبي فالكرش بديك طريقة زائد الفزعة الي تفزعات ...
الوجع نقص والفحوصات اكدات انه مكاين حتى كسور فقط رضوض فالجيهة الخلفية من ضهر ...
ايساف : يعني ؟
يسرى "تنهدات" : البيبي باقي مقبل فاي لحضة توقع ولادة مبكرة الي حنا مبغينهاش تكون هادشي علاش ضروري تبقى هنا حتى لشهر تاسع الى عندنا زهر توصل ليه ...من هنا لذاك الوقت غاتبقا هنا وهي ناعسة ...
راوية"دارت ايدها على راسها" : الله ياربي الله اهى اهى ...
ايساف"صرط ريقو تا دار ايدو على جبهتو كيحك فيها " : ففففف
يسرى : الحمد لله موقع ليه والو رغم ذلك مسيكين متشبت باغي الدنيا باغي ميمتو هههه شوفو من هاد ناحية ...خاصها تبقى تحت المراقبة المستمرة طيلة ماتبقى من حملها ..."حطات ايدها على كتف ايساف" طلب ربي اولدي طلب ربي هو الي قادر على كلشي ...
راوية : ونعم بالله "مسحات عينيها" فين هي دابا ؟
يسرى : لفوق ناعسة حتى ليل تفيق عاد جيو عندها تشوفوها و "شافت فايساف وغمزات راوية " ماتجهدش راسها وتعصب ...
راوية : وااخا يسرى حبيبتي واخا كوني هانية ..
"ولاية الامن بمراكش" ...
في مكتب العميد جالس كيتسنى تايدخل المحامي الي عيط ليه صهيب باش يتكلف بياسين لان صهيب مكاينش كيف يذير يجي حتى يعرف تهمة شنو هي ...
المحامي : شكون المشتكي وشنو التهمة على حسب علمي اسي العميد الي وصلني شكاية مدفوعة فحق الموكل ديال ياسين رمسيس ...
العميد"كيحرك راسو" : "حل الملف وبدا يقرا ليهم" المشتكي قدم شكاية كيتاهم موكل ديالك بالاعتداء بالضرب حتى الموت ...مما تسبب فكسر اصابعه الخمس فاليد اليمنو وبعض الكدمات فالوجه والبطن ...هادشي جا من تقرير طبي قدمو بنفسو مصاحب بتسجيل الكاميرا من النهار الي وقع فيه الاعتداء فشركة رمسيس للخشب ب فاس ...
العميد"كيشوف فيه ويصغر فعينيه" : وايلي وعلى الي مديرو دييييييرو اودي وتفتوتو لهيه
المحامي"رفع حاجبو مستغرب من هضرة العميد"
ياسين"هز فيه عينيه" : دير اللازم ...
العميد : راك الي مجبدك متمد عليه ايدو دمك حار اودا ياسين الفحم دمك حااااار ...
ياسين"جنع حجبانو مستغرب من هضرته ...حدر عينيه لاسم العميد" : بنسودة منصف .."صغر فيه عينيه كيتذكر"
منصف : هههههههه بلا ماتفكر را موصي عليك عماد صحيبك ...انا راني شفتك غا جوج مرات فواحد المجمع وعماد عاود ليا عليك ...
ياسين : هانتا كتشوف بعينيك ...
المحامي : سيادة العميد بما انك شفتي كلشي حتى هو را مقصرش من حقو ...فهاد الحالة شنو غايكون ؟
منصف"باسف ماعرف اش يدير ليه" : خاص المشتكي يتنازل سي نو غايطلع لعند وكيل الملك وهنا مهمتنا كتسالي ...في حالة وحدة نقدر ونهضر مع حسن الزياني بيني وبينو راك عارف تهديدات وشلا بطريقتي الى بقا مصر "شاف فياسين باسف" غا سمح ليا
ياسين : الله اودي دير خدمتك انا معاااك خود راحتك ...
دق الباب وهو يدخل واحد شرطي بلغ العميد بوصول حسن اما المحامي ديالو كان قبل هنا وهو الي قدم شكاية نيابة عنه ...ناض من تما وخرج لعندو لقاه واقف عاطي بضهر ب مونطو بالقب وايد محيد ليها الكمامة ديالها وهازها بباندة ...
منصف : سير ديهم المكتب لاخور انا جاي ..."شاف فحسن ورجع دخل عند ياسين والمحامي هز ملف وخرج من عندهم مشا لمكتب لاخور ودخل تبعو الضابط وراه الي جاب ياسين ...وجلس ولاخور حداه ..."حسن الزياني جيتي بنفسك ولا ...
حسن : جيت نكمل الاجراءات باش نمشي عندي طيارة من دابا يومين ...
منصف : دابا تمشي ملي قدمتي شكاية اسيدي عرف را طيح وتنوض وطيح وتنوض وخاصك تبقى هنا تايدوز الي شكيتي عليه عند الموكل ...وشلا وشوية من اجراءااااات اصحبي ...وفلاخر غايدفع واحد جوج ريالات ويخرج دغيا .....
حسن "حك شنايفو بسنانو" : حقي كنت ناخذو بايدي ومااانكرش غلبني فهادي ...لجأت القانون ياخذ حقي حنا ماشي فغابة اسيادة العميد او لا"غمزو"
بقا يشوف فيه العميد منصف ويسمع شنو كيقول ...خلاه حتى كمل ورجع فتح الملف ديال شكاية قراها ليه ...وقدمها ليه يشوفها ويشوف اش من تهم غايزيد ...
منصف"كان داير ايديه تحت ذقنو ضار عند ضابط شير ليه باش ينوض وناض تاهو" : سالي دغيا مزال عندنا ميدار وناس غيركم كي وجاهكم ما شكيت عليكم ..."خرج من تم ومخليهم راس فالراس "
حسن : شنو واقع ؟
المحامي "جبد تيليفونو وعيط لنمرة " : محمد الحبيب رمسيس بغا يهضر معاك قاليك وجه الصحبة والعشرة خليه يهضر معاك ونتا دير الي بغيتي كيبقى من حقك ...
حسن"شاف تا عيا " : عيط ليه ...
دوز ليه الخط بعد دقيقة جاوب الحبيب ...
حسن : الحبيب ...
الحبيب"كان جاي فطريق من فاس لازرو فالليل ديك ساعة حيث من العصر وياسين فالمحكمة .." : صاحبي وعشيري ياك ؟
حسن : الحبيب راك شفتي شنو وقع ؟ كون درت ليه هكاك مغايقدمش شكاية ضدي ؟
الحبيب : مغايقدمهاش ...عرفتي علاش ؟ حيث مغايديرش فحالك نطيرو تنطيرو عامرين عيوب ومزيايانا مكنمدوش ايدينا على عيالاتنا خوتاتنا نمدو عليهم ايدينا الى دارو الغلط من حقنا تربية هاديك ...باش نمد ايدي على بنت بلا موجب شرع هادي ما من حقكش ...
حسن : جاي طالب سماحة من سي يوسف راني عارف راسي اش درت مالومكش ومالومهاش مديت ايدي وعارف راسي ولد لحرام ايدي سابقاني مصبرتش ...
الحبيب : ماتصبرش تصبر هاديك ضبر راسك اسيدي ايدك متمدش على السيدة ...ياسين طحني انا خوه على قبلها وبغيتيه يرحمك ؟ هانتا قلتيها بفمك كل ايدو سابقاه را يموت ويقتل عليها وماتقمشش سلخ وطحن ليا العباد فشردها تجي نتا بغيتيه يسكت ؟
حسن"الصمت كيسمع ليه وقلبه كيتشوى حيث كيبغيها بزااف ..."
الحبيب : ضاربتو تانتا ماخليتيش من حقك هههه واهلي كنتي غاتصفيها ليه بالفاز لولا لطف رب العالمين كان فالانعاش بلاصة مانتا هاز ايدك دابا ...فين كنتي بغيتي توصل مع الوليد انا صحبتي الي خسرتيها عمامي ولاخر فينا اشرف يدخلك فاقرب حايط ...شفتي فين نوصلو ؟ ولكن لا هادشي مبغيناش وكنحاولو منوصلوش لهاد المرحلة ديال كلشي ينوض يجندخ على قبل واحد مننا ..تا دابا عندك كامل الحق انك تدعيه وتشتكي بيه من حقك دير الي بغيتي حقك هذاك وانا معاك ...غا هو الى مزال عندك عزيز الى مزال عندك عزيز وعشيرك وباقي عشيرك دير بوحهي انا احسن بوجهي وتنازل على دعوى مانقوليك لا كون هاني غانتفاهم ليك مع ياسين لا والو غير طلب على وجهي انا الي مزيان معاك قدم تنازل وخلينا نقصرو كلشي علينا بلاصة مايدخل راس الكبيرك وتصدق نتامخشي بلاصتو ولهلاااااا يوصلنا ليها الله يستر...
حسن"هز عينيه فالباب الي تحل ودخل منو العميد " ....
الساعة الواحدة ليلا امام الولاية ديال الامن الوطني ...خرج كيلبس فالكبوط حيث تحرك برد باااارد ...جابو ليه سالم من الدار ...مزال ماخرجش من الباب حتى ضرب كتفو. واحد خينا مدخلينو لتما ...
ياسين : تت سمح ليا ..."هز عينيه حتى بان ليه واقف مربع ايديه " الوليد ...
فؤاد "تسالم معاه" : ساليتو ؟
ياسين : اجراءات وصافي ...كيفاش تنازل ماعرفتش ...
المحامي : على حد علمي الي عرفت دابا هضر معاه الحبيب ...
الحبيب : شي كيدوز فوجه شي اخويا ...بوجه العشرة الي بقات منها نقطة را سمع وتنازل ...مابغينا ندخلو الوليد
ياسين"هز عينيه فباه" : الواليد ممسالي لعب البراهش الحبيب ..يعمر دارك يعمر دارك ...رتاح دابا صباح لينا هضرة وكلام ...
الحبيب : تبات فراحة الله خويا ...
قطع معاه وخرج هو وفؤاد تال برا عند البارك لقاو مصطفى وسالم واقفين كيهضرو تا وقفو عليهم ...وركبو فالسيارة ومشاو فاتجاه الدوار سبعة صباح عاد لبس حوايج الخدمة ...ونزل تحت لقا جدو وباه كيهضرو بزوج ...
ياسين : صباح الخير
فؤاد : البكر مبكر ولخدمتو ميسر (البكر هو ياسين مبكر فايق بكري. لخدمتو ميسر )...
ياسين : ناشط الوليد الحنانة جايا اليوم ياك ...
فؤاد : وكثر من هادشي فين لقاه ؟
مصطفى : هههههه والعقبة تانتا تجي عندك مرتك ...
ياسين"تنهد" : ان شاء الله ان شاااء الله…الله اودي..صونا تيليفون ياسين كان منصف " سي منصف اش باقي مزال ياك لباس ؟
منصف : هههه والو باس ...غا بغيت نسول فيك صاحبك يوصي ...وفكرتيني داك الضابط الي جابك من تم جاني اتصال من فوق جاه انتقال لصحرا ...طريقك صعيبة اصحبي ...
ياسين "كيسمع " : مزيان من الخير ..."قطع معاه وشاف ف فؤاد زعما نتا دخلتي"
فؤاد : لا ما مديت ايدي نحرك شفافي المعرفة زينة فالبلاد ...دير غالخير يوصلك واخا غا تشاش قاضي ومكفي وموفي ...
تحط الفطور وفطرو مجموعين جا سالم دخل بيما انه مكاينش العيالات من غير نعيمة الي خدامة وهما كاينين رجال دخل يفطر معاهم وصاه ياسين على شحال من حاجة ودار معاهم غايرجع بكري من الخدمة ...سولو على يامنة جايا فالطريق هي واسامة ...استاذن منهم وخرج ركب فالسيارة مسافة طريق حتى دخل لمراكش ووقف قدام البنك خرج من سيارة عطا الكونطاكت لسيكيريتي ودخل ثاني هاذ المرة البنك تنضمات كيدخل يلقاهم كل فبوسط ديالو خدام كيوصل ويطلع نيشان لمكتب ديالو ...دخل وسد عليه تا جا الشاف دفينونص دق عليه عطاه شي ملفات ديال قروض ...
ياسين "كيقرا فواحد الملف" : هذا الشيك ديالو ممقبولش ...وضمانات الي عاطينا هذا مكافيينش لمونطون الي طالب ...خلي ليا هادو حتى نعيط ليك ونعطيك لي غوفيزي ...
حرك ليه راسو وخرج من المكتب اما هو شعل لماك ديالو وقابلو معاه ...تا قاد مسائل ديالو عاد شاف فساعتو لقاها العشرة ونص دوز ليها الاتصال نيشان ...
ياسين : مزال ناعسة ؟
نوار : لا لا عاد كنت كنهضر مع ايساف .."بحزن" صفية طاحت وغاتبقى ناعسة تما حتى تكمل شهور ديالها ...
ياسين"عض سنانو وكمش عينيه باسف " : الله اكبر ...ودابا هي شوية ؟
ياسين : ضروري نرجع هنا وعاد نرجع تما لازرو عندي شي خدمة مزيرة هنا فالبنك وخدامي هما فالفيرما ...مزال نوجد فين تجي مولات الدار ...ونجيبها معايا قبل منعرف شروطها ...
نوار : الاااء مانجي حتى نرجع نديرو لعقد عاد نجي تما وشروطي بيهم باش غاتعرف واش تحيبني ولا لا ...
ياسين : والقياد حنا ساهلين مع باك "هز عينيه فالباب وورك عالبوطون تا دخل واحد من الموضفين عطاه ملفات واستاذن منو وخرج "
نوار : واش غانكون خطبة رسمية ...
ياسين"تكا حنكو على ايدو " : نوار شنو غاتكون ؟ انا كرهت نديك من دابا من العدول لعندي ...شرطك وشرط باك وفنيتي انا باغي نجيبك بالعادة الي مدرتهاش ليك ومدرتيهتش لراسك ...عامين انوار الله يجعل شي بركة رجعي لدارك بشانك ومرشانك ...
نوار"قنعها سلگوط" : هههه ورا من شروطي داخلة فيهم العادة ديالي ...
ياسين : من هنا لتما ربي تما ...
نوار"كمشات عينيها ودارت ايديها جمعتهم تحت ذقنها وربعت رجليها قربت ليه من ليكخون دتيليفون" : شرح ليا شنو قلتي قبيلة عااافاك ...
ياسين : سوربرايز …
نوار : وعاافااك ...
ياسين"بقا كيشوف فديك الكياتة الي قدامو كتحرك هاد المرة دارت ليه العقل يا سيدي ...تگعد ودار ايديه جمعهم تحت ذقنو وقرب كيشوف فيها ...وهي تزنگ ولات تهضر معاها وهو حلف لا جاوبها بقا غير كيشوف فيها ...
نوار : ياسين مالك احم "حدرت عينيها ورجعات شافت فيه باش يهضر ويحيد عينيه عليها حيث وتروها شوفاتو ووالو بقا مفيكسي شوفة فيها حتى عض شنايفو بطريقة فشكل ..." ياويلي هذا مالو ؟ ياسين"كتشير ليه ..." وياسين متبقاش تطول شوفة ...ففففف"دارت ايديها تحت حناكها مزنكين " وصااافي ...
ياسين : زيانيتي لا ؟
نوار : اها م احم ماعرفتش ..."هزات فيه نص عينيها لقاتو رحع تاني لشوفاتو " وماااما صافي ...هههههه وحرام عليك كتحشمني ...
ياسين : درنا شي فشي ومزال تحشمي ؟
نوار"خرجات عينيها" : اعننن ...
ياسين"تنهد كيشوف فيها وعلى ذكر شي فشي تفكر ايااام فاش كانت مريضة وطاح ليها بنادم ...
دخل عندها الانعاش مزال ناعسة بالكالم الي عاطينها ...دوز ليها على شعرها وهضر ليها فوذنيها ...وختمها بكلمة ماهي كنبغيك ماهي كنعشقك انما هي كتر منهم كاملين ...كلمة ! لا جملة قد ماهي بسيطة قد ماهي خارجة من قلبه بصح ولاول مرة يقولها ليها فوذنيها وهي كاع ماجايبة لدنيا خبار ...
ياسين " من بعد ما كمل هضرته" : نوار يا نوار وفين وصل بيك الحال ..."نطق فوذنيها بصوت منخفض" هيام عشقك موشوم فالقلب تالموت(الهيام هو جنون العشق )....
نوار"كتشير ليه بايديها حيث سيد مشاااا " : اويلي فين مشيتي ...كمل ليا شنو هي سوربريز؟
ياسين : جنة من جنان الرحمن فيها روي العطشان كيما كان ...حاجتك ديالك حتى وكان تجي وتفهمي ...جي لبلادك وموضعك ...وغاتعرفي اش قاصد بهضرتي مزيان"لقاها مركزة فيه شوفة وهو يغمزها" ...
في الطابق الثاني من المصحة وبالضبط في احدى الغرف القريبة من جناح الانعاش ...واقف متردد قدام الباب وايدو كتقرب تبغي تحل البواني وكيرجع باللور ...هز ايدو وخشا صباع ايديه ففروة راسو بقلة حيلة وتوتر وتردد ...ساط انفاس حارقة وضار جلس فواحد من الكراسا المتواجدين ...هز راسو لفووووق ماعارف
اش يدير واش يقول ...تالفة بيه الوقت ودنيا باغي يشوفها ويهضر معاها وخايف ترفضو وتمرض وهي مسببة وحالتها ماااهي تسمح ...قاطع افكارو المخربقة صوت باه الي طلع ولقاه جالس تما ...
ايلاف : ايساف !! ايش صار ؟
ايساف "ناض باس ليه ايدو وراسو " : يابييي ..."هز ايديه وحطهم " الي صار صار مكتوب رب العالمين ...
ايلاف : ونعم بالله "حط ايدو على كتف ايساف مطبطب عليه" وين هي ؟
ايساف : راحت تجيب كم غرض من البيت وتجي ...صبح كانو خوالي ونسوانهن عندها ورجعت معهن...
ايلاف : فيك تفوت معي ؟
ايساف"شاف فيه ثاني" : والله ماني عارف خايف تتعصب ولا ايشي ...
ايلاف : حسب ما حكت لي امك انك انت الي ساعدتها ...يعني فيه نوع من الجميل من طرفك ايش ماكان مراح تعمل اي ايشي ...
ايساف"بقا كيشووووف فالاخير ناض وقف عنقو ومشاو دق الباب ودخل ايلاف هو لول عاد تبعو ايساف ...طلو عليها كانت نااعسة ايد فوق كرشها ...جامعة ليها شعرها ومغطية بمانطة ديال دار مسخنين الغرفة كانت دااافية ...وحداها فرملية كتراقبها كل شوي ...شافت فيهم الفرملية وهي تخرج خلاتهم معاها ...
ايساف "كيهضر بشوي" : ناعسة ...
ايلاف : مرتاحة ...
ايساف : طيحة نيييت كلاتها لو مجاتش الوليدة وانا يعلم الله شنو كان يوقع ...
صفية "حلات عينيها من بعد نومة طويلة شافت فالسقف كتبغي تصرط ريقها ولكن حلقها نااااشف ...هبطات عينيها تا شافتهم لمحات ايساف ورجعت بدلت شوفتها لايلاف كان ايساف غير موجود ..." : عمي"بصوت باح"
ايلاف"قرب عندها" : كيف بقيتي شوية ؟
صفية"حركات راسها وفنفس الوقت ايدها كدوزها على قرجوطتها"
ايساف : بغيتي تشربي ؟
صفية "الصمت خلاتو بلاكة "
ايلاف : بنتي بدك تشربي ؟
صفية : امممم ...
ايلاف"ضار عند ايساغ حرك ليه راسو وغمزو بمعنى غير سلك وصبر ورجع لعندها" : كيف حفيدي ؟
صفية "ابتاسمات تا عضات فمها باش تقادت شوي فبلاصتها..عاد رخات نفس وهضرات" : هاهو كنت غانزرب عليه مسيكين هههه
ايساف"جاب كاس الما عطاه لباه يمدو ليها وشاف ايدها الي كدوز على كريشتها المنتفخة نيت ..."
ايلاف : ماعليش صبري مابقاش بزاف ...
صفية : نصبر نصبر غير يصبر تاهو معايا تانولدو ...
ايلاف : اي هييك ها ..."صونا ليه تيليفون لقاه فؤاد وفي هاد الحالة لازم يجاوب ديك ساعة هادي عادة بينو وبين فؤاد على ود الخدمة ..." برجع سمحولي ..."جاوب وتم غادي مخليها هي وايساف الراااس فالراس "
ايساف"كان مربع ايديه كيشوف تا حنحن ونطق " : ياكما فيك صداع فضهرك ...
ايساف : كااينة ..."حنحن" مهم انا تما وخا معندي فايدة ليك مهم انا حداك تما وخا ممحتاجانيش ومباغانيش غير خليني ماعليش ...
صفية : وخا هكاك بلاش غير خرج ..اه باش منساش شكرا حيث عتقتيني كون ما نتا يعلم الله فين وصلت ...
ايساف : قلة العقل كتجيبها لبنادم باي طريقة كانت باش تعرفي را حنا بنادم كنغلطو فاقرب ناس لينا وحبابنا ..."قصد غلط فحقها هي بهضرته الجارحة وخا هي اقرب ناس ليه واحب ناس ليه وقصد تاني هي غلطات الي عامت وحدها تا طاحت وعلاين تقتل البيبي وتاهو اقرب حاجة ليها واحبها" واجب عليا وبزز مني ومن قلبي وبخااطري نعتقك ميحتاجش تشكريني…
خلاها كتشوف ومشا لفوتوي كان تما قريب لنافذة ديال الغرفة وجلس جبد تيليفونو وحط رجل على رجل مفرقهم ودخل يبقشش فالتيليفون ...خلاها كتشوف فيه ومخنزرة ...مابقات هضرت ماتكلمت مابقا ليها ميتجاحد فالاصل عيانة وشاحبة ومعندها نفس الي تزيد تقابح معاه ولا تغوت تلجمات ب البيبي الي في مرحلة الخطر وماخاصهاش اي انفعال او شي حاجة الي فايتة طاقتها الحالية شوي ...ضورات وجهها لهيه وخلاتو تم سطل بلا تقرقيب ...
ايساف"هز فيها عينيه شافها ضارت لهيه محاملاهش يبقى حداها وهي تفلت ليه الابتسامة حرك راسو يمين شمال ورجع كيشوف فتيليفون "....
"فيلا" المرابط ب فاس ...
وقيتة الغذ يوم الجمعة طبعا والعادات المغربية تقريبا ماشي كلشي ولكن تقريبا عند المغاربة كاملين هاد نهار كيكون مخصص ل كسكس المغربي ...واقفة ماجدة كترد التفويرة الاخيرة قبل مياذن الضهر لصلاة الجمعة ...تحل الباب برا ودخلات مينة لابسة جليليبة فالصومو بارد ودايرة زيف حياتي على راسها وشال وهازا صاك كبير شوي ...
مينة"وقفات عند سارية ديال كوزينة " : هاني جيييت ...
مينة "زلقت ليها ضحكة وهي تجمعها بزز" : يلاه شد ...
رياض"جا جلس حداها من بعد ما مو مشات طل عالبرمة ديال الخضرة دكسكسو وقرب ليها كيشمشم " : اح ريحة داك باندوش ديال كوك الكوك ديالي ...
مينة : وااااا كواك ههههههه
رياض : اشوفي راني خويسر شوي خصوصا مع مرتي مكاين غالخسران احمادي ...
مينة "كتنغز فيه بمرفقها" : وخسر براحتك ولكن خالتي حشومة اويلي هههههه
رياض : غير كنشوفك كينوضو فيا جميع الاجهزة وخصوصا الحب الحب ديالي ليك فشكاااال ...وزايدون انا غادي من دابا يومين راجع لازمور غير وحدي منشوفك حتى لعرس ولد عمك الحبيب يعني عشريييين يوم قااصحة عليا ...
مينة "تنهدات" : ومكرهتش نمشي معاك ولكن خدمتي تقريبا كملتها زايدون الي فكرشي مابغيتش نتكرفص عليه بطرقان عالاقل تنولدو ...
رياض"حك لحيتو" : من هنا لتولدي غانكون جيت هنا لفاس بصفة نهائية حيث الفرع الي تما غايشدو الحاج وانا غانشد هذا بغيت نبقا حداك وحدا ميمتي ...احسن نسالي اموري تما ونجي هنا بصفة نهائية تما نطلع غير لاكان اجتماع ضروري ....
مينة : احسن حاجة غاتديرها ...وانا نيت غانبدا تخطيط ديال البني ديال شركة ديالي"هندسة ديكور"و نشوف مهندسة كانت كتقرا معايا ديال المعمار هي تكلف ليا و"جمعات فمها وحطات ايدها عليه وهي توقف " اممععععع ...
ماجدة : وهاديك الى مبغاتش متبزز عليها را قلنا ليك صبر اويلي ...
رياض"دوز على شعرو" : واا هادشيييي كيبان ليا ما هكاكش تاااال متبغيش تنعس حدايا مالاعبش مرتي تحتي مني ...
ماجدة"خرجت فيه عينيها" : الماسخ الله يمسخك ...
رياض : وشوفي عقلك الوليدة فين زاد الله يستر ...وتحت مني زعما تحت جناحي وبجنبي ..."بانت ليه مينة جايا كتمسح في فمها مشات لكاس الما تما شرباتو كلو وهي تنفس شوييي...قرب ليها كيدوز على ضهرها" شوي حبيبتي ؟
مينة : شوي تقلبت ليا المعدة فففف ...
رياض : ياكما كنقلقك وماحاملانيش ؟
مينة : علاه اش درتي ؟
رياض : بالعما ومدرت عمرني ندير غا متكرهينيش لوح راسي من سطح ...
بالمطار الدولي بمدينة فاس من بعد ساعات طيران من برلين لدار البيضاء عاد من الدار البيضاء لفاس ...بعد عناء سفر من يوم امس وصلات طيارتها لديار المغربية وبالضبط فاس سايس ...دوزات روتينيات الاجراءات من جمارك ...وقفات كتسنا الفاليزات ديالها تقريبا زوج كبار ووحدة صغيرة ...عاد زوجات اخرين ولكن ماشي ديالها...وقفات كتشوف فيهم حتى ضارت تشوف وهو يبان ليها عاد طلقاتو ديوانة ...
علي"عنقها بجنب خارجين" : تي زيذي زيدي هو فار طحين والد فار الگبص وزاهية فيران ...
نوار : هههههه ...
خرجو من المطار لقا طموبيلتو فالبارك مخليها ليه صهيب فالصباح بكري باش كيف يوصل يهزها لان صهيب عندو محاكمات وقضايا فديك الوقيتة فاش يوصلو و مبغاوش يوسف يجي ولا شي حد اقتارح عليه يحطها ليه تما ويمشي هو يتكلف ...حل الكوفوحطو الفاليز شي عمرو الكوف وشي فالور عاد ركبو وزادو لازرو نيشان
نوار : ماعرفت واش غايكونو كاملين ولا لا ...
علي"ضار شاف فيها ورجع شاف فطريق " : علاش مقال ليك العميم يوسف شكون كاين ؟
نوار"بجقات فمها" : قاليا كلشي الا خالتو يامنة وعمي فؤاد مزال غايجيو فالعشية مع ياسين ...
علي : نهههههن هاد دورارة كاملة على ياسين ابنت الهم ...
نوار"تزنگت" : اويلي هههههه لا لا غير قلت ليك ...
علي : امممم ..ممم ..تشروطي عليه اليهودية وقالت ليك قوووليييييه"كيعيبها" يدير نفس قولييييه يبعد مني ...
نوار : واصااافي نسا فترة وفاتت ...
علي : دابا درتو نفس بجوج ومبعدتوش ...فترة دازت صعيبة نيت تعلمتو فيها ...
نوار : صعييييييبة نيييييت ...
علي : وكون حتى تزوج ؟
نوار"قلبها بدا يزدح بمجرد تفكر ان ياسين كان ممكن يتزوج ديك الفترة كتبغي تموت وكتزيد تلعن راسها انه كان فاي لحضة يتزوج ولا كل واحد فيهم يشوف حياتو ومتاكدش انها متقدرش تفرق عليه وهاهي دابا زادت ماتت عليه وهو اكد ليها انه هايم فعشقها لجنون ..." : ااا لا لا مدارهاش ميديرهاش ...
علي : ونتي عرفتي ؟ عرفتي ديك الهضرة الي قلتي را قاصحة ااايه كنتي مرفوعة مريضة ولكن بالنسبة لينا حنا رجال را قاصحة كون مكان ميت عليك والله تيديرها ونبصم عليها ...علاش ؟ حيث عامين فراق كانت كافية كل واحد را يرجع يدير دارو مع شخص اخور وكان ممكن يكون دار الولاد دابا ...وزيادة على ذلك كامل مخصو والو بدارو خدمتو وخميرو ونتي مبقيتيش بغيتيه را كان عندو كامل الحق وتاحد مكان غايلومو ...
هادشي علاش شديي فداك سيد كيف شاد فيك وشاريك بفلوس دنيا وباغي راحتك قبل راسو ...
علي : مزال مدرتوش الحلال عقدكم من جديد تااا يجي يطلبك من باك يوافق سيدي يوسف ونهضرو فاللازم عاد نشوفو موافقتك ...ديرو عقدكم وسيرو تكوغطو فالخلا نعل الي يقوليكم اااح ...
نوار : احشم ...
علي : ماقلت تا عييب نتي الي مخك شاد ركنة مع ابو لهب ...
نوار : را ولد عمي غادي نبقاو نتشاوفو فالدار بينما وصل العقد والعرس وعرس الحبيب غايكون فيه منهضرش معاه ؟ واش كتهضر بصح ؟
علي : والى حفات ليك لقاك معاه وحدكم بليميييين تا نعلقك من شفارك ...
نوار : عليييييي
علي : ما علي ما حبسيييي ما نمييييي ...انقول ويتسمع سمعتيني واخا ولد عمك راكم درتو واحد الوقت شي فشي وكنتو غاتجيبو وليدات تتمشي
تي طليتي ليه على عراضو وتتقولي ولد عمي ماهو خوك كان راجلك تشركتو الفراش تشاركتو شلاااا وشوي "كان غايكمل كون ما سكتاتو بغوتة اعلم الله كون وصل المسائل الكيكسية "
نوار"قلبها بدا يضرب فاش كتسمع سميتو وغاتشوفو عاوتاني مباشرة " : و احم واخا ...يلاه ...
دخلو كاملين لداخل من برا وطلعات هي وعلي كل مشا لبيتو دخلات بدلات حوايجها وجمعات حوايج الحمام كيف وصاتها يسرى فصاك وسدات عليه ومشات لفراشها رسلات لياسين ميساج بانها وصلات لدار وغاترتاح ...بقات تا عيطو ليها لغذا جا صهيب ويوسف سلمات عليهم وطلعات نجود هي وسارة الي جاو من فاس من بعد زيارة صفية سلمات عليهم تاهما بعناق طوييييل ...تغذاو وطلعات لفوق جابت صاك ولوازم الحمام ...من بعد ساعتين رجعو سخفااانات وقيتة المغرب هكاك مزال ماذن ...
"مزال كيهضرو حتى سمعو صوت السيارة ديالتها نيييت ...مشات نوار كتزرب خرجات طل عليها تا بانت ليها نازلة هي ورياض وماجدة زربات باش وصلات عندهم سلمات على رياض وماجدة ووصلات لمينة عنقاتها ....
نوار"حطات ايدها على كرشها" : حبيب خالتو غايجي ...
مينة : هههه غايجي ان شاء الله ويصدعك ...
نوار : يصدعني ماشي مشكيل ...
دخلو لداخل سلمو على الكل ودار عمرات وتجمعو ال رمسيس جا تا من اشرف وراوية وايلاف اما ايساف بقا في فاس حالف ميتحرك من داك الكلينيك ...بدا العشا كيطيب فالطناجر اش منك يا دجاج ولحم على شكل طنجية والديسير كتشم فريحة ديال الطياب فحال الى تقولي عرس خصوصا مصحوبة بريحة الفاخر ودار عامرة لمتهم زوينة وترحيبهم بضياف احلى ...
يسرى"دخلات عليهم" : بلا متنزلو شوي ويوصلو جاي معاه شي رجال وسفيان جاب الحاجة (ام سفيان) ...
نوار : اه قاليا غاتجي ...
من بعد ساعة كانت سيارة ديال ياسين كلاكصونات تا تحل الباب ودخل مخرج ايديه فيها گارو شاعلو كيكمي فيه سلم عالعساس ودخل بلاصا سيارة ونزل هو وجدو واسامة ...نزل منها بكومبلي كحل فكحل مقاد حالتو نقص من لحية وخلا مسطاج طويل شوي وشعرو مرجعو لور ...نوار سمعو الطوموبيل ووصلها الخبر انه دخل وقفات ومشات جيهة شرجم كطل عليه تا بان ليها من فوق بديك الوقفة وديك تگديرة ولباس الي ضارب مشعراتش حتى عضات شنيفاتها...
يوسف خرج لاستقبالهم وصهيب تاهو واشرف والحبيب وعلي ...تسالمو معاهم ...
يوسف : عالسلاامة ...
ياسين "ضار يشوف وهما يدخلو ستة طموبيلات دقة وحدة مصافين وحدة تابعة لاخرا اش منك يا ميرسيديس كلاس رينج فورد وداسيا دوستر ...وقفو فديك ساحة ..ضار عند يوسف" : مرحب بضياف الله ؟
ياسين"هز حجبانو مفهمش وهو يشير ليه يوسف لباب تا بانو ليه عشرة طوموبيلات داخلين تا دخلو لداخل تا عمرات الجردة بطوموبيلات وشي بلاصا قدام الفيلا ..." : شنو هادشي ؟
يوسف : رجال دين وقياد معرفة ورجال كبار عارفين بحق الزمان مردوهاش فوجهي باش نجمعهم مع ضيافك ونرمي العار لوجه الوحيد الي مقامو عالي عندي وغالي والراس الكبيرة"ضار عند فؤاد عاد خارج بكل هيبة بجلابة مخزانية رجالية فالخزي " لخويا الكبير ...قبل ماترد مرتك نطلب نصافيو القلوب…
مع قالها اذن اذان العشاء ..الله اكبر الله الله واكبر ...
نقدرو نقولو عادة متوارثة من الاجداد ديالنا فحالة وقع خصام بين طرفين وطرف بغا الصلح وفي حالة كان خصام قوي كيلجأ الطرف المطالب بالصبح بانه يجي ويجيب معاه شخص او اشخاص الي الطرف لاخور نقولو يحشم منهم او باش يكبر بيه ويطلب منو السماحة ...ويعلي ليه مقامو على قولتهم ...هاد القضية
كتكون بزااف فزوج الحالات كيديروها بزاف فحالة القتل عائلة القاتل كتحي طلب سماحة وهنا كتدخل الدية(فييها وفيها) ممكن يقبلو سماحة ولا يفرضو عليهم شروط على حسب شنو بغاو ...والحالة ثانية هي قضية الارث طرفين تخاصمو على شي ارث ما بيناتهم لدرجة كيوصلو العار وخصام كبييييير ممكن يوقع فيه الحالة الاولى الي ذكرت وهي القتل ....هادشي
علاش فحالة صلح كيجيبو ناس كبار وكيف وقع مع يوسف جاب اصحاب الدين فحال امام الجامع الي حداهم وامام جامع اخر صاحبو ...الكلام كثير وشرح مطول فقط عطيت اختصار ومثال والمثال الي غادي نبين هو مثال يوسف الي بغا يطلب السماحة والصلح مع خوه الكبير لما بدر منه من كلام جارح وعار و طلب ياسين رجوع زوجة السابقة ديالو من جديد على سنة الله ورسوله ...
يوسف"قبل ميوصل خوه سكت مابقاش هضر حتى يتكلم امام الضيوف الي نزلو ومشاو كاملين فاستقبالهم ..." : مرحباااا وسهلا مرحبااا ..."مشا لضياف ديال ياسين هما لولين سلم عليهم واحد بالواحد ورحب بيهم عاد وصل لدياولو هو ...جاو كاملين كيشكروه على الاستقبال ...حتى وقفو سلمو على
جد ياسين وعم فؤاد فنفس الوقت وفؤاد وصهيب وبقية رجال العائلة الي كانو واقفين فاستقبالهم ...العيالات مشاو جناح لاخور الي فيه زوج صالونات كبار وجلسو فيه مبعدين من جناح الرجال لانهم كانو سطاش راجل بالاضافة ل رجال العائلة ....
لقاو طبالي وصواني اتاي كباار ومجامع ديالهم وجالس في الجنب واحد سيد كبير فالسن معرفة هو الي غايعمر اتاي بالصواب ...حاطين ربعة طبالي الي كاينين فالصالون الكبييير على قدو طويل كيهز ربعة طبالي يعني ربعة القعدات ب ميدات صغار ضايرين بيهم بالخشب ديال عرعار ...وحطاين فيهم بلاطويات حلاوي اتاي وفاكية. وقراعي الماء المعدني ...جليسة ديال طلب رجوع او خطبة من اول وجديد وطلب سماحة ...
يوسف"وقف مقابل ليهم " : اولا مرحبا بيكم شرفتونا ونورتونا ..."ردو عليه شي الله يكبر بيك وشي بارك الله وفيك و..." سي ياسين مرحبا بضيافك مشرفينا ...
ياسين"جالس مفرق رجليه وداير ايد على ركبتو وثانية كيدوز بيها على لحيتو ...حرك ليه راسو ودار ايدو على صدرو" : يعمر دارك العم ...
يوسف : اسيادنا ملي شرفتونا "ضياف ياسين" زدتونا على ضيافي وكبرات اللمة ونورت الدار بيكم وكبرتو بينا الله يعلي مقامو اكثر واكثر ...قبل
منشربو هاد الكويس ديال اتاي ونشركو طعام ..."شاف في فؤاد وشير ليه بصبعو" هاد سيد ماشي خويا الكبير ...وانما بويا وسند ديالي والقدوة ديالي ...
فؤاد"رافع حاجبو وحادر عينيه وسااكت كيسمع باش يهز فيه عينيه والله ما هزهم "
يوسف : اسيادي الخير الي دارو فينا هاد سيد خير كبييييير ومزال يجري ويجاري ...بحر الحكمة بحر الكرامة بحر صلابة بحر الجدية والصرامة تجمعو فيه وعطاو هيبة الي متقدش تا تهز عينيك فيه ونتا كتهضر ...
نقز واحد القايد جا من طرف يوسف
القايد : سي رمسيس فؤاد صيت سابق الصورة الله اودي الخير سااابق ...
يوسف : بصح خيرو فينا حنا وشي مرات يسبق الناس علينا وحنا فرحانين حتى علمها فينا وكبرناها فولادنا ومنهم هاد البكر ديال عائلتنا"شير لياسين" ياسين الفحم هههههه فحم العينين سمية سماها عليه باه راكم عارفين الملامح وانا كنسميه فحم الفعايل ...
ضحكو تما فالمجمع ...
الحبيب "قرب لعلي" : هذا الي قال عليه فحم العينين حيث عينيه حرشين وكحلين وشعرو كحل ...را خويا ...
علي : خههههه هو كحل ونتا شهب
اشرف "دار ايديه على فمو وقرب لعلي " : واحد رومي واحد بلدي ...
علي : لا الحبيب كروازي ...
الحبيب : قل..."نغزو عليه يسكت لا يصدق جاري عليه فؤاد "...
يوسف : ولكن بصح ولد الناس ...ماشي حيث ولد خويا وانما المعدن ديالو بان وباين من صغرو الدراع حار وماضي ويحلفو بيه رجال راكم عارفين سميتو دارها لراسو بدراعو ما عاونو لا باه لا حنا كبر راسو براسو ...
"حدر راسو وعاود هزو شاف ف صهيب الي غمزو باش يكمل وميحشمش ..نضف حلقو وقال" واحد الوقت وقعو شي مشاكيل بينو وبين مرتو الي هي بنتي وكتب ربي الفراق ...انا من طبعي اسيادي كبدتي واعرة وفمي من الي عرفت راسي وهو فالت قلت غانكبر ونوزن ساعاك كبرت وتفلست ههههه"عاودو ضحكو "
مولف ندور فيه نعايرو وماشاء الله عمرو ردها فوجهي ولا قلل مني ولا هز فيا عينيه ولداااابا مزال على طبعه الله يرضي عليه ...وقع واحد المشكيل وتقلق مني خويا الكبير اسيادي وانا هاد خويا را الى ما طلبت منو سماحة عمر نهاري يدوز مزيان ونبقا مقلق ومضيوم تانموت ...واش عمركم شفتو الوردة كتبقا بلا ما عايشة ؟ عمركم شفتو الوردة مفتحة بلا شمش وعمركم شفتو ال رمسيس ضاحكين بلا وجود راس الكبيرة سي فؤاد الحاج رمسيس ....
يوسف "عينيه غرغرو وضار لعندو قرب ليه " : انا طالب منو وقدامكم السماحة ...را منبقاش كي ناس وما سمحتي ليا خويا ...
ياسين"دار ايدو على فمو ورفع حجبانو ونزلهم كيشوف فيوسف كيفاش ولا والوضع الي كاين دابا ...حول عينيه لباه لقاه عينيه لتحت وحجبانو مهزوزين ...قرب لواحد سيد امام جا معاه " : رطب القلب الحاج بكلام الله ولا كلامك الوليد تزير ..."زعما يرطبو بشي اية قرانية ولا يهضر هو نيت ممكن يحشم منو " ...
فؤاد بقا حادر عينيه وحجبانو مرفوعين وفعلا تزير ماشي حيث مابغاش يتسامح مع خوه وانما تزير لهضرة خوه عليه وكيفاش كبر بيه قدام الناس وطلب السماحة وكيفاش هضر عليه ...ايديه وحدة فوق ركبتو وتانية فوق فخدو واحد زوج صباع كيحكو فبعضياتهم ومزال حادر راسو تا نقز داك الامام الي كان هو الكبير فدوك الائمة الي تما ...اسميتو الحاج عبد العظيم ...
ع.العظيم"حنحن" : سي الحاج هز راسك وشوف فيا ...
فؤاد"هز فيه عينيه وهو على نفس الوضعية "
ع.العظيم : طلب الصلح ناس وصلو لعار كبييير ومادارو هاد القضية الي دار خوك كبر بيك قدام العباد الي هنا ..اش قلتي اسي فؤاد ؟
فؤاد "سكت تا سكت ونطق" : بلا طلب بلا مجيبة بلا ميكبر بيا راسي عالي وكبير بيهم بخوتي دراعي الي واقفين معايا فالحارة والحلوة الهازين هما وداري وولادي فغيابي بلا منهز هم ولا تفكير ...مايحتاجش يدير هادشي والي دارو
يبقى موشوم فالعقل وفالقلب .."ناض وقف " بلا منكتر هضرة وكلام ...هضرتك على راس والعين الحاج عبد العظيم ...وخويا ميحتاج يطلب سماحة خويا لا عايرته ولا ضرت فيه را خويا فمقام ولدي ماشي بكلمة دايرة وخصام عادي نقلب عليه وجهي ...هاديك قرصة وذن باش يعلم ان
الي كيخرج من الفم كيبقى يخفر فالقلب لازم يتربى ويتعلم يوزن قبل ميتكلم ..."سرح ايديه ليوسف الي تلاح عليه بدون مايعاود الهضرة وعنقو بجهد تا خبطو لضهرو بجهد ونطق ليه فوذنيه بشوييي " مرة جايا وزن هضرتك كيما نتا تقتل على بناتك
انا نمحي البشري من الوجود على ولادي وكل مقاتل على كبدته "خبطو لضهرو بجهد "
اشرف : ساس ليه رية الي يلاه تشافات ...
يوسف"تبسم وعينيه حمرين " : كون هاني انا سيدي الي دار شي نخرج سوق ونهني راسي وكل يضبر لمخو ...
فؤاد : هضرة المعقول وناس الكبار ...
الحاج"قرب حدا ياسين الي حدر راسو مقرب ليه باش يسمعو" : هاا المشكيل لول تفك ...بدا بقضيتك اولذي...
اسامة : واخا خويا ..."مشا اسامة هو ودراري لطوموبيل ياسين وواحد طوموبيل اخرا ديال واحد سيد كان فيها غا وحدو ...هزو كراطن سكار كل واحد دا كرطونة دخلها و الحنة ...وكراطن ديال تمر نوع الجيد ...
مينة "كطل هي ونوار من بالكون بيتها" : يااالالة ناس مكبرين بييييك ...
راوية "تبسمات ليها وحطات عليها ايدها" : هاد المرة بنتي ماعندك لين على راجلك باغيين بعضياتكم كان حلم ليك وصبح من نصيبك را ماشي كلشي كيتحقق ليه الحبم ديالو ...رزقك
بيه ربي حافضي عليه وتاهو را رزثو بيك يحافض عليك ...الي كان بيناتكم حدو باب داركم ميخرج لا لبراني لا لقريب هذا جهد نشوفو واش تفكوها بيناتكم ...
نوار : ان شاء الله يكون خير ..."حطات ايدها على صدرها " هذا عافية الي كانت فيه مبقاتش وحاسا بفرحة وامان حاسة بواحد راحة خصوصا انني غانكون معاه يعني عمري منهز الهم ...
راوية : ان شاء الله ميكون غير الخير ...
مينة : نوضي لبسي شنو بغيتي تلبسي ؟
نوار : غانزلو دابا ؟
راوية : وشوي ويتحط العشا نزلو الحاجة ام سفيان كتسول عليك باش الى عيط ليك يوسف تكوني تما ...
نوار"فمها كيترعد" : قلبي كيضرب بجهد ...
مينة : عاد بغيتي توتري ههههه
راوية "هزات عينيها ف مينة " : ورا حسبي بداو من اول وجديد وكثر كاع ...هاد المرة من بعد مشاكيل كبار دازو وغبينة وهم الله لا يعيدها...
مينة : شنو غاتلبسي ؟
نوار"دارت ايدها على فمها وضارت جيهة الماريو " : را واحد الفراشة عاد جابها ليا سفيان من عند صبان مع الحوايج الي دا ...فالبلوغوا ...
ناضت راوية جبداتها من ماريو معلقة فراشة فبلوغوا ساامبل ولكن جات من الوسط فيها حزام رقيييق ديال ساتان كيتعقد من لور ...عطاتو ليها دخلات لبساتها وخرجات كتبان فيها فحال شميعة وعلى وجهها تزنيگة وسر طايحين…
مينة : جاتك كتحممق ...
نوار"كتلمس فيها وتدوز على جنابها " : بصح زوينة ؟
راوية : هههههه ولد خويا موحاااال يصبر تاديرو لعرس من هنا لعدول لبيت ...
نوار"تزنگت" : اويلي لا لا ههههه ماشي تال ديك درجة ...احم ...
نوار "كتقوليهم انااا الي عارفة فراشو كيداير " : ندير شوية مكياج ولا بلاش ؟
راوية : ديري غير ماسكارا صافي وخلي وجهك طبيعي تالعرس وديري مكياج حسن ...
بالفعل داكشي الي دارت ورشات بارفان فشفشات شعرها ناعم وخلاتو على طولتو قادت القصيصة ولبسات بليغة فدرجة الثانية ديال لون فراشة ...تابدات دراع ختها وعمتها وخرجو من بيت نزلو صالون عند العياالات...
اما عند الرجال دراري كملو تدخال الكراطن وداكشي وجاو جلسو تقدم اتاي والحلاوي مسربييت من طرف دراري نيت ...حلاو من اتاي والحلاوي حتى حنحن ياسين هز فيه باه عينيه وغمزو باش يباشر الكلام ...والي حول عينيه لواحد رجل هو الكبير فيهم كاملين مسن وداير عليه زمان بعكازو محني ...
فؤاد : الحاج الغالي نورنا بكلامك ...
الغالي "كحكح وشرب شوي من اتاي باش يروي حلقو ونطق بشوي من بعد ما سكتو الرجال تما ...سما الله وقال" : يا بسم الله يا بسم الله ...كحكح احم ...باش نبدا الحديث والكلام صليو عالنبي عليه ازكى الصلاة والسلام عطرو بيها المكان ...
ياسين : اللهم صلي وسلم على سيدنا محمد ...
يوسف"مربع ايديه وحادر راسو" : عليه الصلاة والسلام ...
صهيب : عليه الصلاة والسلام ...
الغالي : اليوم كيشرفني نتقدم من بعد الحاج فؤاد الي طلب مني باش نتقدم فهاد المجمع ديال الحلال وندخل بالخيط الي عند الله فيه اجر كبييييير ...وهو الجمع بين زوج ديال ناس قدر وكتاب كان الفراق بيناتهم ووقع ابغض الحلال الي هو الطلاق ...هضرة وكلام كتيييير ...نختاصروها ف كلام موجه لسي يوسف ..."جهد صوته " اش كاين اسي يوسف ؟
يوسف"حادر راسو " : الله اودي مرحبا بالي جا وجاب ...
الغالي : والنعم فيك اولدي والنعم ...
اليوم وفهاد الليلة والي نطولوه نقصروه اليوم اولدي يوسف جينا طالبين راغبين بنيابة على ولدي الفحم وسي الحاج فؤاد ...برجوع بنتك لهاد ولد الناس من جد وجديد خطبة وطلب بالاصول وبشان والمرشان وهاد المرة متمنيين من العلي القديييير "جهد صوته" يكون رجوعهم دااايم لدوام بحوله ...
يوسف : مرحبا ...
الغالي : على سنة الله ورسوله من جديد ...اش قلتي اولدي ...
يوسف : قلتيها بفمك الحاج برجوع الدايم ان شاء الله وبحضوركم ارجال وقدامكم انا قابل بالطلب وراسي مرفوع بفرحة نرجع نتناسب من جد وجديد مع ولد خويا ومالقاش وعمري لقا ماحسن منو الي فات مات كانت الافات وعلمنا خبرات ...مرحبا وطلب من جيهتي مقبول ...غا هو حاجة ..
الغالي : اما هي ولدي ...
يوسف : نسول مولات شان راك عارف العادات واش باغية رجوع بصفة نهائية ونعطيكم الجواب ...
ياسين : من حقك وحقها خوذ راحتك اسي يوسف ...
يوسف : عطيوني خمسة دقايق نسولها ...
الغالي : سير اولدي سير ...
ناض يوسف خرج من الصالون وتوجه لجيهة لاخرا هز تيليفون وصنا ليسرى .تجي عندو ...
يسرى : وخا تسنا ..."دخلات عند العيالات وعيطات لنوار قرب يوسف حدا الباب باش يسمعها " ماما بنتي سولك باك ورجال وياسين واش قابلة ترجعي لراجلك من اول وجديد ؟
سعاد : ورا ضروري الحشمة وتوتر ابنتي ماشي شي حاجة غريبة "عنقات نوار وباست ليها حنكها" الله يجمعكم فالحلال ياربي...
يسرى ضحكات عليها وخرجات عند يوسف هز ليها راسو وحدرو ومشا دخل لصالون بلغهم بالموافقة ...
ياسين"غمز الراجل"
الغالي : دابا نسولو واش عندها شي شروط اسي يوسف ؟
ياسين : الى كان ممكن اسي يوسف نقدر نهضر مع صاحبة الشان ونشوف شنو شروط ؟
يوسف "هز عينيه ففؤاد الي حرك ليه راسو" : احم ....ايه وخا ولدي ...
فؤاد : يتدفع العشا ومن بعد هضرو ...
ياسين : الله الله عليها ...
تهزو صواني ووجدو الطابلات جمعو رجال فرقوهم فكل طابلة تا قادوهم ...ناض ياسين من تما وخرج من الصالون توجه ناحية الممر الي فيه واحد لافابو كبير بالمرايات ...حيد الفيستة وحل صدافي القميجة طوا الكمايم وغسل ايديه وهزهم كيسوس فيهم هز الفوطة كيمسح تاهز عينيه فالمرايا لمح طيفها دخلات من بعيد ماشافتوش يلاه غايزگي فيها شوفة تا دخلات كي زواق ...
ياسين : ماعرفناها انس ولا من خلق ربي ديال لهيه (الجن ههههه ) ...تت "رجع علق فوطة تما وهز فيستة ديالو فدراعو ومشا لصالون يتشعا مع رجال ...كملو العشا وتدفع ديسير تاهو عاد رجعو تاني حطو اتاي من جديد ...ناض يوسف لعند العيالات عيط ليسرى خرجات عندو ...بلغها بشنو كاين وهي دخل قالتها ليها ...
نوار : ع علاش ؟
الحاجة ام سفيان: سيري بنتي قولي شنو بغيتي وشنو شروطك وتافقو بيناتكم هادشي عادي راكي دزتي منو ههههه
نوار"حكات شنايفها بتوتر ...وناضت هازا الفراشة وتعرج تا لبسات بلغتها وخرجات عند باها" : بابا ...
يوسف. : اجي بنتي معايا تهضري مع ياسين
نوار "حركات ليه راسها وحناكها بغاو يطرطقو دابا عاد غاتشوفو لان فاش جا متلاقاتش بيه ...تا وصلو لبيت نجود كان واقف خاشي
ايديه فجيابو محيد الفيستة بقا هكاك طاوي كمايم القميجة وعاطي بصهر كيتسنى ...بان ليها علي من بعيد دار صباعو بين عينيه ورجع وجههم ليها زعما حاضيك ازين ...هز ياسين عينيه قشع علي ورفع ليه حاجبو ...
ياسين : شي باس مكاين ؟
علي "بالخلعة قفزو " : امباااارك ومسعود...كلشي ديالك "ضار ومشا خرج لجردة هو كاع ..."
يوسف "حرك راسو يمين شمال " : وهاد فار طحين .."شاف فنوار" دخلي ابنتي وهضرو ..."حركات ليه راسها مشا هو وحل ياسين الباب "
ياسين : دخلي ...
نوار"حادرة راسها هزات جلايلها ودخلات تعرج بشوي تا دخلات وسد الباب وراه "
نوار "ضحكت" : هههههه ياه شحال هادي ماسمعتها ممم "جمعات فمها وشافت فيه لقاتو مركز فيها شوفة وعينيه هايمين فيها كيطلعو ويهبطو مع شفايفها " ياسين مالك ثاني ...
ياسين "ماجاوبهااااش وتقول واش حرك شفايفو كيطلعها وهيبطها تبغي تحدر عينيها كيضغط على ايديها وترجع تهزهم فيه "
نوار : ياسين متبقاش تشوفيا هاكا عافاك ..."شافت فيه ووالو كتهضر وهو حاضيها ما كمل ليها الباهية ملي عض شنايفو وهو كيشوف فيها وهي بغات تبكي بالحشمة ومتقدرش تحدر عينيها تا ولات تشتت فالمظر ديالها ...
نوار : صافي نخرجو غايلاحظو تعطلنا لا ؟
ياسين : ماسوق حد فينا هاد ساعة كناقشو باب ساسنا وحياتنا جايا تحت سقف واحد وسط فراش واحد ...مشاركين مخدة وحدة ولحم واحد ...
نوار"خرجات فيه عينيها" : ياسيييين فين غادي ...
ياسين : هاد ساعة لحاجة وحدة ...
نوار : شنو هي ؟
ياسين"تكا عالفوطوي وسرح ايديه " : اجي عندي هنا ...
ياسين "قرب ليها اكثر تا مبقا غير سانتيمات بين شفايفو وشفايفها كتحس بنفسو كتضرب فشنيفاتها " : ماعليش نديو ذنب صغير على جال شهد الي كيترعد ومخلي المستور باغي يعطي سلام ..."عض لسانو وبقج ليها حناكها تا خرجو شنايفها قبل ميحط شفايفو عليهم كانت غاطيح كون ماتبتها من دراعها وايدو مشات ورا راسها خاشي صباعو فشعرها ...
حط شفايفو على شفايفها ...بكمية التوتر بمجرد ماحط شفايفو حسات بكرشها تقلبات كانت على شوي طيح لو متبتها بايدو من دراعها مزيان حكمها وايد لاخرا حيدها ودارها ورا راسها خاشي صباعو فشعرها ...بالاشتياق الي فيه من ناحيتها وتاهي نفس الشيء سمح لنفسو انه يدير ذنب صغير كيف قال هو ويلتاهم شفايفها بقبلة خفييييفة مغمضين عينيهم بزوج ...بقا
مدة قليلة وشفايفو على شفايفها وايدو كتحك فدراعها بلطف حتى فصل القبلة وطلق انفاس سخونة حيث حبس النفس باش يعيش بلمسة شفايفو على شفايفها ...ماقدرش يزيد يكمل فالقبلة لانه لو زاد غايصدق فايت الحدود ماكرهش ياخذ شفايفها اكثر يلتاهمهم يحس بطعمهم الي من اول لمسة من شفايفو خلاوه بلا عقل ولكن لا الوقت يسمح اكثر ولا الضرف يسمح باكثر اما كون جات عليه يتكيها تما وخا يجيو العسكر ...
نوار : ضارب طريق ومزال غادي ضربها فاش تمشي مع ضياف توريهم لوطيل غاتكون عيان ترجع طلع رتاح وصباح نشوفك ...
ياسين : حتى هادي هضرة ...
حركات ليه راسها قادت حوايجها وخرجات هي وياه لقاو يوسف واقف هو وصهيب عند باب الفيلا لداخل ...مشات هي كتزرب فالمشية تا دخلت عند العيالات وجلسات حدا يامنة ويسرى ...اما هو شير ليوسف براسو ودخل عند رجال جلس معاهم ...تافقو الاهالي وتحطو نقاط وباركو ليهم قامو يضيافة الضياف على اكمل وجه ما خرجو من عندهم الا وهما ناشطيين راضيين على حسن الضيافة والصلح الي وقع والمباركة بالخطبة الي كانت بالهمة وشان ...
صباح اليوم التالي ...كيف العادة لقاتو فاق بكري من بعد راحة نوم من تعب السفر وتمارة ...نزل من الفوق لقا الكل مجموع لتحت الفطورات تمشي وتجي ودار عامرة غير بيهم هما تبارك الله را مكفيين موفيين ...وصل باب صالون عند العيالات ...
نجود : اجي تفطر قبل ميجيو العيالات ...ونيت نشبع من هضرتك راني موحشاك اولدي ...
ياسين : وجهك الي منردهاش ليه ...واحد الكاس من تم ...
نجود : هي الي متعاود ..."كتكب ليه الكاس" ايوى ولدي هنية عليكم ومبارك مغاديرو
سارة : على سلامة رجوعكم ...
ياسين : يعمر داركم الله يسلمك الخالة "شرب من كاسو " ربي مكتب وربي يلاقي ويفرق ...
بقاو يهضرو تا جا اشرف واسامة وعلي عاد نزلو فايقن من نعاس ولابسين حيث غايبغيو يتقداو ...الرجال لاخرين كانو خارجين بكري مشاو شركة اما فواد مشا عند ايلاف طلعو لفاس يشوفو صفية كيف بقات ...يسرى مشات لعيادة ...اما نوار صونا عليها ياسين لقاها عاد نازلة ...تا دخلات عليهم صالون بقبية بيج وسروالها وسبادري ودايرة صاك فايدها …
نوار : صباح الخيير ...
ياسين"ضار شافها " : صباح الخير ...فين غاديا ؟؟
نوار"حيدات سبرديلتها ودخلات جلسات حداه" : كنت غانعيط ليك باش نمشيو عند صفية ...
ياسين"شاف ساعتو" : وحتى لدابا عاد غاتقوليها ؟
نوار : غادي لشي بلاصة ؟ "كترمش فيه" انا قلت نقولها ليك وقت ما مشينا مهم انا واجدة لابسة ...
ياسين "حك لحيتو رافع حاجبو "
نوار : منمشيش ليوم تاتسالي وديني ولا نمشي مع ماما ؟ اصلا غاديين لفاس من بعد باش نتقدا من لهيه ...
ياسين : ماشي هكاك …عندي غراض خاصني نقضيه شي وراق ديال مولاهم نوصلهم ليه هنا فازرو(وراق عاديين لا غير ) ...كنتي تقوليها بالليل نشوفوهم بجوج ...
نجود : ما وقع باس تمشي مع يسرى ...
ياسين : يلاه معايا نعطيه وراقو ونطلعو من تما عيطي ليسرى الى تحرك معانا ...
نوار"بفرحة " : وااخا "جبدات تيليفون ودوزات لمها الخط "
اسامة : المراة ولات تلبس وتقول لزمانها يلاه نخرجو تا را تقلبت الاية ...
اشرف : طيك الدل تقلب على كلشي الا ياسين ...
علي : ايوى را شقلباتو ...
نوار "فطرات وكملات وناضت كتسوس فحوايجها وتمسح ايديها ..." : درت حاجة نتوما راجل ينطح لاخور مقدرتو عليها "قربات لاشرف عند وجهو " نزيد ولا مزال...
اشرف"شير ليها بايدو" : اش تزيدي مثلا توصلي لمسائل سكساوية ..."دارت ايدها على فمها وهي دور لبسات سبرديلتها وخرجات تجري من تم مخليا نجود وسارة يعايرو ودراري يضحكو عليها ..."
اشرف : نعل لميحشم ...
خرجات لعندو برا لقاتو واقف كيهضر ويكمي فالكارو وجات حداه تسناتو تا كمل الهضرة فتيليفون ...شاف فيها عاد شاف فاللباس ...
ياسين "هز كبوط ديالو لبسو " : مجاكش البرد نتي ؟
نوار : لا هادي الي لابسة سخونة ...
ياسين : نتي تعرفي ..."دار حل طوموبيل بالكونطاكت وركبو فيها ...مسافة الطريق كانو عند سيد عطاه امانتو وسلم عليه ومشاو
ياسين : هاني برا "خرج وتبعاتو راوية وايساف تاهو من بعد ما شير لنوار ...بقات كتهضر معاها "
نوار : قصحتي معاه ههههه
صفية : احسن باش يفهم راسو ويعطيني تيساع انوار را وجودو حدايا كيعصبني وجالس ليا على خاطري والله غير كنحشم من خالتي ...
نوار : عطيه فرصة مغاديش نقوليك سمحي ليه الي دارو ميتنساش ولكن انا نقوليك والله ايساف حتى فشكل هو الوحيد كان اقرب شخص ليا وكان كيفهمني وعمرو جرحني غير هو هضرتو فشكل فاش كيتصعب مكيعرفش يهضر اما را والله الى نتي الي فقلبه ...
صفية : كاين فرق انوار ...هاذشي مغاديش تعرفيه وتحسي بيه
مرارة اليتم صعيبة انوار صعيبة خصوصا الى وليتي من بعد ما كنتي بنت الناس حتى ترميتي فزنقة تنعسي وتصبحي فيها لا حنين لا رحيم ويجي واحد يتعدا عليك بالضرب ومعيور والجرح صعييييييبة ....
نوار"تنهدات" : الله يفك وحايلك على خير ..."سلمات عليها وخرجات هبطو كاملين ايساف وراوية مشاو فطريق وياسين ونوار تحركو رجعو لازرو "....
ياسين "حرك راسو" : وقت الي تبغي تحركي نديكم انا..."شاف فساعتو"دابا طالع لافران عند عماد ونجي منتعطلش ...
نوار : صافي واخا ..."حلات الباب باش تخرج وهو يوقفها بايدو من دراعها ودورها عندو شاف فوجهها وشد ليها قب القبية كمشو مع الكول وجرها عندو باس ليها جنب فمها وطلقها" غانعاود الوضو نعاودو هذا الله معاك ...
خرجات من طوموبيل مزنگة وكتضحك عليه الي باطي عليه امتا يتجمعو يفرسها ههههههه
هكا داز الوقت ...وصلات العشية جات يامنة والحبيب ومعاهم هاجر والام ديالها ...وصلو يامنة هي اللولة تال الفيلا ...
يامنة : اربي ما دخلو ديرو معانا الگوتي الحاجة زبيدة ربي لما دخلو مترديهاش فوجهي ...
زبيذة : الله يا يامنة ولا تحلفي شاااي ...وحهك غالي وعزيز ..."شافت فهاجر"
هاجر : منردوهاش فوجه خالتي هههه
يامنة : وشتي الله يرضي عليك ...
زبيدة : وصبري نهضر مع صوفيا تلحق عليا هنا باش ترجعنا معاها فطوموبيل ...
الحبيب : انا نرجعكم وليني ماعليش عيطي لصوفيا تاهي الى كانت هنا ... هاجر : غاتكون جات من القراية ...
زبيدة "خرجات هي ويامنة وعيطات لصوفيا اما هاجر بقات بغات تخرج وهو يجرها الحبيب "
الحبيب"عاود دفعها تاهو بمرفقو " : يعطيك الدل هههههه "قرب باسها فوق ايدها الي فوق حنكها" اح على موك نتي اح...
هاجر : وخليني نمشيو ماما كتعيط ...
الحبيب : دابا دخلها الفجلة عگوزتك تسكتها...
هاجر : احم دابا فين غادي نتا ؟
الحبيب"دوز على شعرو" : واش نقوليك غادي عند الوليد ومن عند الوليد لخياط نجيب جلالب ديالنا عاد نوصل على خويا لافران دايرين سهرة بالليل معانا دراري خوتي ...
هاجر : سهرة امممم ؟
الحبيب : غانجيبو شيخات نزها قبل لا نتحبس
هاجر"خرجات فيه عينيها وتسيفت ليه تا قربات وجهها عندو مزيااان بالدعقة بعد وجهو "
الحبيب : ياربي سلامة ...امالنا ؟
هاجر : اشمن شيخات ؟ مالك معندك مراة ما عندك ولاد ؟
الحبيب"حك على صدرو" : اححح على ولاد وامراة نعل ديلمي انا ..."عوج راسو " لا الله اودي مالي معندي ....تي غا ضحكت غير سهرة مع الخوادري الكبير والصغير وولاد عمي وصحابنا صافي واحد عشيوة بيناتنا ...
هاجر : ايوى منعرف ليك ...
الحبيب"رفع حاجبو" : تي مالنا رعاوين ولا باغي نتزوجو نوض نقلل احترامي لمرتي ؟ تا منكونش ولد رمسيس ...
هاجر : وصافي صافي سمح لينا ...
الحبيب : شي نهار نعلقك من دوك شفار ...
هاجر : اويلي مالك نتا مع شفار ...
الحبيب : عقدتني منهم ختك كانت ديما تقلي ليا سم حيث انا شهب ...
هاجر : ياك رعفتيها ؟ماخليتيش حقك ؟
الحبيب : وتقوووووول ...مزال رعف ختها تاهي ...
هاجر : اويلي مالي اش درت ليك ؟
الحبيب : لا ترعيفة حلااااالا طيبا ...
هاجر "زمت فمها عرفاتو اش قصد هههه " : الله يمسخك يمسخك يمسخك "حلات الباب وخرجات" بيناتنا تيليفون ...
الحبيب : ههههههه واخا المدام واخا ...
كسيرا بالسيارة منطالق نيشان لاغراضو الي قاليها اما هي دخلات لقات الكل مجموع سلمات عليهم بخجل وابتسامة على وجهها مكتحيدش ...جلسات حدا امها تا هبطات نوار ...دخلات سامات عليهم وجلسات حداهم ...
هاجر"قربات لنوار" : الحمد لله على سلامتك ومبروك مغاديري والله الى فرحت ليك ...
نوار : الله يبارك فيك وحتى نتي مبروك عليك ههه غادي نتبعك ان شاء الله ...
هاجر : ان شاء الله ...
نوار : ضروري تحضري العرس
هاجر : قاليا الحبيب غايكون لهيه ياك ؟
نوار : اه فالعروبية ...
هاجر : فخبارك متشوقة نشوف عراسات تما كنحماق على العروبية ...
نوار"حطات ايدها عليها" : مرحبا بيك فاي وقت جي نوريك تما زويييين غايعجبك ...
نوار"شافت فيه حيث تفكرات " : ياسين غادي نقوليك وعااافاك متغوتش وتعصب راني عاد تفكرت وبغيت نقولها ليك ...
ياسين : شنو ؟ غير هضري ماهانيش عليك ماهانيش غير قولي ...
نوار : الفنيد الي كنشرب ..
ياسين : مالو ؟"ناض وقف كيقلب عالكونطاكت فجيبو مالقاهش قشعو لهيه فوق واحد طابلة حدا دراري "
نوار : نسيييتو ...
ياسين : ماشربتيهش ليوم ؟
نوار : مم ل احم"كتحك فصدرها " لا س كتر من يومين ...
ياسين : وعلاش ؟ علاش ؟ ماتقطعيهش انوار تبقاي تشربيه ديما حتى تشوفي طبيب ديالك هو يقوليك شنو كاين ...علاش نوار تعاودي ترجعي من لول عاجبك تبقاي طيحي ؟
نوار : حيث تدهيت بالفرحة و...
ماحتال تكمل هضرتها تقطع عليه التيليفون …
ياسين : نو نو نو نواااااااار لا لا"غوت بحر جهدو تا حبسو دراري الهضرة وضار عندو وقف الحبيب واسامة مشاو كيزربو عندو " نوار نوار لا لا ....فااااااااك ....
الحبيب :' اش واقع خويا مالها ...
ياسين "بالحر كينقز ويغوت لربي الي خلقو ." : نوااااااار نوار لا لا ...
طار لكونطاكت ديال طوموبيل ومشا طاير تا تبعو الحبيب وقفو وشد من عندو ساروت ...
كيدوز الخط تيليفونها طافي هنا كملات ليه الباهية ...قلبو بغا يخرج من بلاصته بالخلعة تا بانت فيه عينيه مبقاوش كيرمشو ...يلاه غايكسيري الحبيب حتى صونات ليه ...
ياسين : نوار !!! نوار غزالي مزيانة ؟ مابيك والو ؟
نوار "كتنفي بايديها" : لا لا مزيانة طفا ليا التيليفون …مشيت رجعت شربتو حيث اصلا هادي وقيتة ديالو بينما شعل تيليفون عيطت ليك ...
ياسين"حط راسو عالكوساان كيتنفس من الخلعة الحبيب خرج من طوموبيل مخلي ليه كونطاكت لا يبغي يمشي ..." : نواااااار ...
نوار"بقا فيها " : سمح ليا قلقتك ...
ياسين : وياك تقطعيه الله يرضي عليك "عض شنايفو" كيبان ليا بلاش من الهة مو داك العرس صباح نديرو الحلال ويلاه معايا ...
نور الياسين الجزء 43
محتوى القصة
التنقل بين الأجزاء