نور الياسين الجزء 44

معنى نحيدو غناية حاشاك هي منبقاوش نعاودو فنفس الهضرة ونفس الموضوع اللهم نديرو ليه حد ونحيدو علينا نفس الهضرة والعناد فيها ...هادي طبعا بمفهوم الصيغة باش تقالت وشنو الموضوع هذا هو شرحها ...هي جملة كتقال لعدة مواضيع يكفي تعرفي باشمن صيغة جات وكل وكيفاش كينطقها وعلاش تقالت ...المعنى الشامل هو منبقاوش نعاودو نفس الحاجة …

ياسين"حيد داك الكبطو لاحو فوق الفوطوي تما وتلاح حداه حيد الطاقية تا دوز على شعرو رجعو لور عاد رجعها حس بخطواتها نازلين وضور راسو بانت ليه جايا لاوية عليها بينوار ودايرة قب فيه ودينات ارنوب شادة تيليفون فايدها وحناكها مزنگين "

نوار"وصلات عندو وقلبها كيضرب عرفاتو تعصب من خوفه عليها" : ياسين ...

ياسين"شير ليها حداه " : هنا ...

نوار"زمات شفايفها وتوجهات فين نعت ليها بايدو قادات القب وكتخشي فشعرها بتوتر تاجلسات حداه .." : هاني .."هزات فيه عينيها لقاتو كيشوف قدامو حجبانو مرفوعين " قلقتك عليا بزاف ياك ...سمح ليا والله من الفرحة والي وقع نسيت راسي حتى راسي مبقاش كيضرني وليت مرتاحة و ...

ياسين : نوار الي نتي فيه ماعندكش الحق تحكمي فالدوا كيف بغيتي ...وقت دواك هو الوقت مايكون لا نسيان لا اهمال منك مادا بيا تبقاي مرتاحة بلا بيه بالفرحات ...

نوار"تنهدات بحزن " : مابغيتش نكذب عليك ولكن ماكرهتش منبقاش نشربو ديما بغيت نبقا عادي مابغيتش نرجع نطيح مابغيتش نرجع نتقلق ولا نتعصب ...

ياسين : فاش تحكمي فردات الفعل ديالك تحيدي منك نفكير البلا قياس ...هناي فدماغك وفكري بالعقل وشوي بشوي عليك ...دواك يبقا معاون معاك ..."شاف فيها مزيان"

ملي رجعتي بعقلك كبرتي ونضجتي بديت براسك شوي بشوي مابقيتيش طايشة فعقلك مابقيتيش تسرعي فهضرتك وليتي قادة ودراعك غادي ويمضا نهار فكرتي تبداي بنفسك وراسك تما فين كانت البدية الواعرة وفتيها مايجيش اهمالك لعلاج ودواك يقلب ليك كلشي ...ماتقوليش مبقيتش كنتعصب وفرحانة نسا دوايا ...وياك تنسايه بديتيه بديتيه كملي والطبيب هو الي يحدد ليك واش ترجعي تنقصيه ولا تحيديه ..."هز ليها ايدها كمش عليها" تاواحدفينا مكامل وتاواحد فينا ما صحيح الي ممرضاتو علة تمرضو كحة ...باش نكملو تلاخر ونديرو دارنا ووليداتنا لا بغا الله كوني على بال ...الفنيدة غير مرة فنهار ماشي مية مرة فالنهار حسبيه حلوى حسبيه كاس ما كتشربيه فديك الوقت ...ملي كضرك المعدة يضرك راسك العيا سخانة شنو كديري ليهم ؟

نوار : كنشرب دوا باش يفوتوني ...

ياسين : الى ضرك راسك بالشمش شنو كديري ليه ؟

نوار : كنشرب دوليبران ولا شي دوا ديال راس ...

ياسين : ملي كتشربيه باش كتحسي ؟

نوار : كيفوتني راسي وكنعس ...

ياسين : الدوا الي كتشربي فنيدة كتعاون باش ميضركش راسك وملي تكوني معصبة ولا شي حاجة فوق طاقتنا حنا الانسان ربي سخر لينا الدوا شفاء لكل داء ماشي ناقص منا ايد ولا رجل ماشي مخلينا عايبين وسط ناس ...راكي دوزتي وعشتي مع ناس خلق الله ناقصين وعايشين عيشة ناس الكاملين وحسن منهم جات غير ف فنيدة كتشرب فحال الما مخلياك هانية فوقالهنا ومرتاحة فوق الراحة بالي غادوزي نهارك مخير لا بغا الله ؟…

نوار"تبسمات ليه بعويناتها " : قنعتيني هههه

ياسين "رفع حاجبو" : كنتي منقتانعاش ؟؟

نوار : لا لا مقتانعة غير صافي منبقاش نساه كون هاني ...

ياسين : تعاود تاني نرجع لحلوفي ومكاين بو عرس ...

نوار : ههههه لا لا عافاك مابقاش قد مافات صبر عافاك ...

ياسين"سرح ليها كف ايدها وباسو وعاود" : صااابر صابر ...

سمعو صوت السيارة ديال الحبيب دخلات حتى سمعو اصواتهم جايين داخلين بعدات نوار من حدا ياسين شوي تا ضار شاف فيها ورجع شاف فيهم ...

الحبيب"لنوار" : صافا نوار ؟؟

نوار "كتحك فوذنها من تحت" : الحمد لله مزيانة موقع والو ...

اشرف : ياكما طيحوك المسلمين ؟

ياسين"هز فيه راسو وشاف فيه واااحد مولاتي شوفة هي غير عادية وليني لاشرف ماهي بعادية .."

اشرف "صرط ريقو" : نمشي نطلع نعس عرفتو علاش حيث الى ناغبرتش شي خنشوشاي غاناكول ماكلا طبلاي نهار العيدااااي اويلااااي يا ياسيناااااي مالك تتشوفيا هكاك ياكما بغيتي تسلخنااااي ...وااامااااااي"را تاحد ما هضر ما قرب غا وحدوفنفن وطار من تما طلع يجري…

علي : الوجه صندالة "شاف فنوار" خلعتينا عليك ابتي ...

نوار: لا مزيانة متشطنش عليا ...

ياسين"ضار عندها " : راسك وصدرك ؟

نوار : لا من شربتو مبقاش كيضرني بقا كينقص تا تعشيت وطلعت وليت مزيانة ...

ياسين"دوز ليها على دراعها كيمسح عليهم هادشي قدام عينين الحبيب وعلي الي تكا راسو على كتف الحبيب" : يلاه طلعي رتاحي

علي"كيهضر حدا وذنين الحبيب" : يحرق اصل مي الي مزال مخلي راسي عزبزب (عازب زعما)

الحبيب : كاينش الي مصبرني لحلالي باقي ليه سيمانة وارا برع شيشان ...

بقاو واقفين حاضين الحبايب بزوج كيفاش كيهضر معاها ولا قبل ميجيو الطريقة الي شفنا فيها او قريناها كيفاش تعامل معاها فالهضرة كيفاش وصل ليها المعلومة وكيفاش سمعات ليه ...فالاول كانو هادي طريقة حوارهم لكن ماشي بهاد طريقة هو كيهضر بهدوء وهي كتسمع ليه ودخلها لودنيها وتوزنها ...ابدا كان النصح ديالو فيه تهديد امر وخاصك تكون عارفة الحاجة او تعلمي بين ليلة وضحاها وضغط ومحاصرة من جميع الجوايه ممخلينهاش تصرف براحة وحرية وهي كانت قبل كتسمع الحاجة وكتمشيييي مع الريح وتعاود المشكيل من جديذ ومكتعلمش ...اما حاليا الحوار كينضج والاحترام لطرف لاخور حاضر والاهم الخاطر كيوساع وكل حاجة بالخاطر وفالوقت ...

...الحبيب وعلي طلعو لبيوتهم من بعد ما تهناو عليها ومشاو قبل ميطرطق ليهم شي عرق مع الفحم وفحمتو ...

ياسين "ساط النفس وناض" : طلعي نعسي ...

نوار"تاهي ناضت كتقاد فالبينوار" :مغاطلعش ؟

ياسين "كيجيد الباكية ديال كارو من جيب الكبوط وبريكي وراهم ليها " : شوي ونطلع...

نوار"عرفات راسها مع تقليقة تعصب وخاصو باش يتهدن " : وخا تصبح على خير ...

ياسين "حرك ليها راسو تسناها تا طلعات ومشا هو خرج عند الباب لبس كبوطو وخرج جردة جلس تا كما ليه مع راسو عاد بقا شوي تحت نجوم والسمرا (برد قارص) بدات طيح عاد جمع الوقفة ومشا طلع تاهو لبيتو ينعس ...

كتمشي ايام وتجي ليام ...وهي ليام كتعاود ولكن العمر الي راه غادي والي فات را فات والي جاي راه جاي ...حلات عينيها على صوت المنبه الي حققاتو على ساعة التاسعة صباحا ...كيف العادة طفاتو وناضت من فراشها كتحك فكرشها وضهرها وتفوه تا مشات لحمام قضات حاجتها وغسلات وجهها وحكات سنيناتها

وخرجات لبسات جلابة وهزات صاكها الي جمعات فيه حوايجها ديال لحمام واتخوس ديالها فيها لوازم الي تحتاج دارت صاك فجنب ولبسات فرجليها وهبطات لقات يامنة وسارة لابسين جلالبهم وحاطين صيكانهم قدامهم حتى جات مينة تاهي من فاس لحقات عليهم ...

فاتت ايام على اخر حدث الغذ ليه مشا ياسين لمراكش لفيرما مودعها على امل يرجع بعد ايام قليلة على حسب حفلة عقد الحبيب وزواجه الي خاص ولابد يكون معاه خوه الكبير ويحضر ليه ...

نوار : صباح الخيييير ...

الكل : صباح النور ...

نوار "لمينة " : عنداك تسخفي لينا ...

مينة : لا منسخف والو هههه فين ماما ؟

يسرى"نازلة هازة صاكها فايدها تاهي" : ففف هاني صباح الخير ...

نوار"مشات هزات من عندها صاك" : عيطي ليا ديك ساعة نهز معاك صاك ...

يسرى : ماتقيل والو بنتي ..."شافت فيامنة " مشينا ؟

يامنة : يلاه مشينا ...

يسرى : ياك منسينا والو ؟

يامنة : باقي غير نرجعو ناكد على طيابة ...

يسرى : طيابة وتريتور باش يتحرك هنا لداخل وبرا على حسب الطلبة را خليهم عليا نتي شوفي غير بيت الحبيب وداكشي ديال العروسة ...

يامنة "ابتاسمات ليها ابتسامة شكر" : لهلا يخطيك ...

تسناو نجود تا خرجات تاهي وخرجو كاملين لحمام فطوموبيلة مينة ويسرى ...ومشاو فاتجاه الحمام ...اما رجال والقصد هنا يوسف صهيب فاكانو فالمطار ديال فاس فاستقبال الياس ونجوى الي نزلو من طيارة والي غايبقاو طيلة الايام حتى يدوز عرس ياسين تاهو ...

اشرف"نزل من سيارة ديال الحبيب ومعاه علي وحتى ايساف ..." : وتحميمة الغذايد يا ربي ...

الحبيب"خرج وجهو مزنگ بقبية كحلة وسروالها داير طاقية والقب من الفوق خرج مطحطح" : فففف واش حمام ولا جهنم هذاك ؟

علي"نزل وجلس فدرجة ديال باب الفيلا لداخل " : واربيييي غانموووت اولاد لحرام لاش عطيتوني النزق نحك ليه ضهرو جهل طبنطبابن مي "هز واحد الحجرة لقاها غا صدفة شير على اشرف بيها" يحرق طواسل مك انت ...

اشرف"بعد راسو كانت غاتجي فيه" : تا تا تا الي قلتي ليا ارا نحك ليك ضهرك ...

علي"خرج فيه عينيه وعوج راسو" : وياااا القح...يييييييبة ...تابع طواسل مي حك ليا ضهري ونحك ليك ..."شاف ف ايساف الي تاهو داير طاقية وخاشي ايديه فجياب القبية تاهو ووجهو حمر بالسخونية ..."خليتي الكسال بانت ليك فيا انا ؟ مالك مدرتي كي سيادك وخليتي با ابراهيم يحك ليك تحكك قدرة ...

اشرف : با براهيم سخفو ايساف ضهرو عرض من البيرنابيو(ملعب ديال ريال مدريد). ..

ايساف"خرج فيه عينيه" : اداك الحمار ...

الحبيب "هز ايدو فايساف" : سكت سكت سكااات راجل مسكين قد الكمشة تسرحتي ليه وتنشرتي كي القح*** مبقيتي نضتي ولا يحك وزغب ايديك وصدرك وحل فيهم الوسخ يخوي فالما ونتا تخوي تا سخفتي راجل ...فين بقا يبان ليه شي حكان من بعد ما حك ليك ؟

ايساف : سر ديلمي جاي مع صاحبي لحمام حيث عريس نوقف معاه ومخلي مرتي فالسبيطار...

علي "كيلالي حيث سخف " : وخا تكون جهنم متكون حارة بحرورية هاد الحمام ياربي ...والي كيلوح العواد يسخن حمام قالو ليه ولاد ابولهب جايين ماقالوش ليه ولاد رمسيس واقيلة ...

بقاو هكاك تا تنفسو شوي يلاه دخلو لداخل وهما يلقاو فؤاد جاي خارج من المكتب ديالو ...شاف فالحبيب جاو عندو سلمو عليه ...

فؤاد : بالصحة وراحة ...

الكل : يعطيك الصحة "حادرين راسهم" ...

فؤاد : الوراق واجدين ؟

الحبيب : واجدين الوليد…العدول غايجيبو ياسين غذا ان شاء الله دار معاه قبل ميرجع لفيرما ...

فؤاد : على بركة الله ...رتاح مع راسك ...

الحبيب : ياسين على حد علمي شاد طريق الليلة اكد عليك ؟

فؤاد"حرك ليه راسو" : الليلة ان شاء الله ...

رجعو العيالات من الحمام من بعد ماتحمحمو من داكشي ..مع دخلو نجوى والياس وصلو وراهم ...

يامنة : نجوى حبيبتيييييي على سلااامتك ...

نجوى : الله يسلمك هههه "ضارت عندهم سلمات عليهم سلمو على الياس وسلم على نجود ومشا لصالون مع خوتو تا وصلو عليه بقية دراري سلمو عليه من بعد ما سلمو على نجوى ...واحد شوي هبطات نوار دايرة زيف حياتي على راسها عاقداه وبيجامة وتقاشر فرجليها وبانطوفة ...

نوار"سلمات على نجوى بعناق جد جد حااااار " : خالتو حبيبة ديالي توحشتك توحشتك بزااااف والله ...

نجوى"عينيها مغرغرين كدوز بايديها على ضهر نوار" : ياحبيبة خليتي عليا بلاصتك ابنتي ...

يسرى : شفتي بلاصتها قداش كتبقى ههههه اش نقول انا الي سنين من كانت فكرشي وهي معايا حتى غبرات عليا جهد عام وزيادة ...

نجود : ودابا غاتمشي عليكم بجوج هادي سنة الحياة ابنتي الي غادي غادي والي مشا مشا ...

نجوى"طبطبات ليها على ايدها وقربات حداها مزيان" : امضرا قربتو شي ولا ؟

نوار"بخجل حركات ليها راسها" : من بعد عرس الحبيب غادي يكون عرسنا لهيه راكي عارفة تفاصل كلهم هههه .."حنحنت"

نجوى : ان شاء الله قريب مابقا قد ما فات ...

يامنة "هازا تيليفونها وتصوني لياسين" : منعرف واش خرج ياسين ولا مزال ؟

نوار : قاليا غايخرج فالليل باش يصبح صباح هنا ...

يامنة : وخا غير يجاوبني نقوليه يعيط لفنيدة ونعيمة يبداو يوجدو تما يخملو الدار والبيوتة ...

نوار : علاش ؟

يسرى : ويلي هههههه واقيلة باغا تروحي تما ولا نسيتي ؟

نوار"تزنگات" : اه احم ن صافي نسيت هههه

يامنة : تهدني بنتي تهدني شفتك بديتي توتري من دابا ...

سارة : وحسبيها عاودت من جديد تاني ترجع لدارها حدا راجلها من بعد غيبة طويلة را قولي كلشي من جديد الله يكمل عليكم بالخير احنينة ...

النهار ديال الحمام داز بالضحك والنشاط جاو شي ناس من العائلة باركو ليهم ومشاو لدار القديمة فين جلسو بينما وصل العقد والتحضيرات قايمة وشي يتقدا من هنا وشي من لهيه ...كل فين مدهي كيعاون فالتوجاد وهكا داز نهار حتى وصل الليل تحط العشا تعشاو ومشاو العيالات كيوجدو فالحلوى ف الطباسل بالاشكال شكلاط ولوز وكاوكاو وفقاص ببعض من اونواعه تا كملوهم كاملين تقريبا الربعة ديال صباح وهما معاهم ...

ناضو كل مشات ترتاح فبيتها الي حدا راجلها والي وحدها تا جات مينة دقات على نوار ودخلات عندها لقاتها كتهضر معاه ...

مينة"هازا مخيدتها فايدها وشيرات ليها كتهضر بالاشارات" : هاني غانعس حداك ...

نوار"حركات ليها راسها وكملت كلامها مع ياسين" : لا شربتو والله ...

ياسين"كيكمي ومخرج ايدو الي فيها الكترو من شرجم ولايد لاخرا كيسوق بيها ...حداه الحاج مصطفى واسامة مسرح لور شاد الفون " : .كلشي مزال فايق ؟

نوار : لا طلعو قبيلة قادينا الحلاوي فطباسل تقريبا وجدنا كلشي حيث صباح غايصبح تريتور ومع الغذا غانديو دفوع لدار هاجر ...

ياسين : مزيان مزيان ..يلاه سيري نعسي صباح ميعادنا ...

قطعات معاه وضارت تكات حدا ختها فوق ناموسية جرات عليها الغذا وطبطب عليها وعلى كريشتها ...

مينة : هههه فرحانة بيه شفتك كتر مني ...

نوار : وراه حبيب خالتو هههه ...

مينة : منعرف علاش الحبيب وهاجر مباغين عرس ...

نوار : الحبيب وهاجر تافقو على عشا خفيف ضريف وطلبة ...

مينة : العقد غايدار فدار هاجر ...

نوار : اممم ...

مينة : اجي نتي مزال باغا ديري صوفيا وزيرة ديالك ؟

نوار"سبلات فيها عينيها وهي تولي ضحكت" : الا لا منديرها ماديرني غير ضحكت...

مينة : ويادلي اصلا هي متمشيش البنت كتقرا وخدامة نتي را الوزيرة تبقا معاك سيمانة قبل عرسك على حد ما قالت ليا خالتو يامنة وسارة ...

نوار : وسيمانة تجلس معايا فالفيرما ؟ منخليهاش ماعندها ماتجلس تما ...

مينة "رفعت فيها حاجبها" : تهدني بسم الله عليك ...هادشي كلو حيث مسح ليها ياسين الحنة...

نوار"تزيرت من تفكرت الحدث الي شافت" : مييييييينة ...

مينة : ههههههه الله يستر ياربي ...

بقاو يهضرو ويدردشو اخت وختها تا لقات مينة راسها معنقاها نوار راس مينة فوق صدر نوار كتفلي ليها ويهضرو ماحسو براسهم تا غفاااااو فسابع نومة ...

صوت المشي والمجي والهراج فالدار واصوات الناس كتيرة غاديا جايا....واقفة قدام المرايا هي ومينة الي واقفة حدا الماريو كتلبس فقفطانها موڤ بارد وسميطة صم باش مرشوش فالفضي ...اما نوار قادت شعرها ومشات هزات قفطانها الذهبي بالفوقي وتحتي ...قادات

ليه مضمة ذهب رقيقة ديالو ...هزات صندالتها طالون كعب ديالو عالي ...هزات صاك ديالها وخرجات هي ومينة الي طلقات شعرها طويل ونفشاتو تاهي ونزلو بزوج ...

يسرى "لقاتها تاهي جايا بقفطان فالاسود هازا جلايلها وصاك صغير ذهبي فايدها ...شافت فنوار" : بنتي يلاه را كيتسناو ...

نزلو الام وبناتها لتحت لقاو الياس وصهيب ويوسف بتلاتة ضاربين ليا جليلبات مخزانية فالالوان يوسف مارون وصهيب فالبوردو والياس فالبيض ...وحداهم دراري والحبيب متوسطهم بجلابة بيضة وتحتي فوقية بيضة وبلغة صفرا بتقاشر بيضين واقف حدا طموبيلتو المزوقة ...

يوسف"شاف بناتو ومرتو ومع حداه رياض ب كومبلي كلاس كحل نغز نسيبو بمرفقو" : ورق ليا على الكبادي ورق...

رياض"حك صدرو كيشوف فمينة بديك طولة وضعر الكحل طويل والقفطان الموڤ" : المووووف ومعامن جاي اسيدي ...

يوسف "شاف فيسرى لابسة القفطان كحل" : الاسود يليق بيسرتي ...

مشاو دراري كيقادو فالهدايا ديال دفوع فالسيارات وطيافر ديالهم كلشي فالسيارات الي كانو بكترة ...وقفو العيالات كاملين حدا بعضياتهم ولبسو جلالبهم وشي لبس غير مونطو ...وقفات نوار حدا دراري ومنهم اسامة الي كان ضارب ليا حطة قميجة وسروال فصالة وصباط كحل وفوق واحد مونطو حيث دخل شهر حداش والبرد قارص شوي تما مع منطقة ثلجية ...مقاد لحية ومرجع تاهو شعرو لور ...

اسامة : هاي هاي هاي على مرت خويا والذهبي نعماس ...

نوار : فين جدي مصطفى ...

اسامة : اههههههه اهههههه قولي فين ياسين مالك حشمتي تسولي على راجلك ...

نوار"قلبها ضرب" : ههههه احم واخا فين هو ؟

اسامة : وا كان هنا مع شوي باش وصلنا ماجيناش نيشان هنا مشينا تالفاس جاب لحبيب شي وراق جبنا معانا اركان ورجعنا اكد عالعدول ...ملي وصل لهنا سول عليك لقاك باقي ناعسة مقدرش يفيقك ...يلاه لبس وتقاد حتى عيطو ليه مشا لدار سليماني ...

نوار"جمعات ضحكة" : كيفاش ؟ علاش مشا تما ؟

اسامة : والله منعرف بعدا سمعت مشا لدار سليماني ممشا ..."حك راسو" ...

نوار"الصمت...هزات جلايلها ورجعات بخطاويها مشات حدا يسرى ويوسف ومينة ورياض وجهها مبدل ماهضرات ماتكلمات ...حتى بانت ليها يامنة جايا لعند يسرى "

يامنة : يسرى يلاه غير ركبو ها ياسين وصل وفؤاد ركب غير يدخل زيدو صافي ؟

يوسف : صافي الفجلة كوني هانية ...

يامنة : تريتور ؟

يوسف : داكشي تكلفت بيه انا ويسرى ودراري غير هناي را بداو ماحتال نرجعو نلقاو دنيا واجدة هنا ...

يامنة"قربات ليوسف " : لهلا يخطيك اخويا ...

يوسف"باس ليها راسها" : تي راكي الفجلة والحبيب ولد الفجلة وام نيسيبي عااوثاني ..

يامنة"شافت فنوار" : ان شاء الله ...

يوسف "عنق نوار بجنب" : ياك ابنتي ...

نوار"حركات غير راسها ماقالت تا حرف لمحات سيارتو داخلة وقف نزل منها تاهو ضارب ليك جلابة ديال مليفا بيج مخلي لحية مغوفلة شوي وشعرو مرجعو لور ببلغة بالمارون وتقاشر ...هاز تيليفونو كيصوني ويعاود ...يلاه غايهز عينيه يقلب عليها حيث متشوق وموحشها بزاف حتى وقف عليه فؤاد ...

فؤاد : لميمة واشرف معاك ...

ياسين"شاف فيه" : شكون تاني ؟

فؤاد : الي بقا متخليهش ..."رفع حاجبو" نوار خليها مع واليديها تاتولي تحت جناحك وكون معاها...

ياسين : الفاهم يفهم ولا ؟

فؤاد : سنة الله هي هادي الاحترام واجب مخافيش عليا معاك ...الي قدامنا شفناه الي ورانا الله عالم بيه (لهلا يوريك را باااسها في فمها ا فؤاد وحق الله وها البنات شاهدين) ...

ياسين : مابقا قد مافات تحت جناح ترجع تاني ...

فؤاد : الله يتاوي بالخير ..."ضار شير ليامنة والبقية غمزهم باش يتحركو يلاه غايشوفها حتى بانت ليه طوموبيلة يوسف محركة باش يخرجو ماحتال يعيط ليها كلاكصوناو عليه جات نجود عاونها اشرف تا ركبات من بعد ما حل ليها ياسين بكونطاكت ...ركب اشرف وركب هو مشا الحبيب ركب وحداه ايساف ولور علي اما فؤاد ركب هو ويامنة وركب وراهم اخر العنقود اسامة ...البقية ركبو فسياراتهم تحل باب الفيلا وبدا الكلاكصون ...وصلو قدام باب دار سليماني لقاو الناس خارجين برا فاستقبالهم ...كلاكصون ديال طوموبيلات خدام وصوت الموسيقى لداخل خدام فين كاينة العروسة الي لابسة اللبسة الخضرا ديال موبرا مطروزة بصم ذهبي فبرزة خضراء ديال الحنة مغطية وجهها بالفوال ....رحبو بيهم بالتمر والحليب وزغاريت جاو رجال عائلة هاجر استقبلو رجال ما نزلاتش نوار هي ومينة والعيالات حتى دخلو رجال عاد خرجو العياالات استقبلوهم العيالات ودخلو مفرقين ...

صلاااااااة وسلااااام على رسول الااااا الجاه الى جاه سيدنا محمد الله معااااا الجاه العالي ...

نوار"كتشوف حتى قفزتها سارة بتزغرييييييتة حااااااارة ....دخلو طيافر بالصلاة وسلام والموسيقى خدامة حتى بداو اللعابات يضربو ويغنيو ...جلسو وحطو طيافر الي كانو عامرين بالهدايا الي جابو لعروسة والي اختارو شي منو تلاتة وشي منو ربعة وشي منو زوج ...عاد كملو ليها بزلفلوس وطبعا مادام عايشة وغاتعيش مع هاد العائلة اكيد مغايخصها خير معاهم ...

يامنة"مشات لعند عروستها سلمات عليها برجه بشوش وحنون وشكون الي ميفرحش وعكوزتو فحال يامنة : مبروووك احنينة مبروك ابنتي الله يكمل عليكم بالخير والله يرضي عليكم ...

هاجر"باست ليها ايدها من تحت الفوال مادا رجيلاتها لنقيش" : الله يبارك فيك اخالتي ويحفضك لينا ...

نزلات يامنة من البرزة واللعابات خدامين بضرب والغنا ...وهي تجلس حدا نوار الي كان تيليفونها كيصوني يصوني ولا من يجاوب ...

يامنة"حسات بتيليفونها كيصوني شافت فيه لقاتو ياسين " : اولدي ...

ياسين : تيليفون دوزيه لنوار ...

يامنة : واخا ولدي"نغزات نوار الي شافت فيها ومدات ليها تيليفون بانت ليها اسم ياسين ولدي " بغا يهضر معاك ...

نوار"شداتو من عندها" : الو ...

ياسين : تحركي خرجي من تما لقايني برا حدا طوموبيل ...

نوار"تنهدات وقالت كلمة وحدة مكتراتش الهضرة.": واخا ...

عطات ليامنة تيليفون وناضت هزات جلايلها دارتهم تبتتهم فالمضمة خلات صاكها حدا مينك ومشات خرجات من داك صالون الي فيه العروسة على انغام ...

اللعابات : واش دايرة ليه عاجباه اش دايرة لييييييه اش دايرة ليه عاجباه اش ذايرة لييييه ...عاا جواج النية ووعزيزة عليه اش دايرة لييييييه هاااا ...

خرجات من صالون وفي طريقها تلاقات ب صوفيا هابطة من فوق هازا تاهي جلايلها ونازلة بتكشيطة فالاحمر ملكي طالقة شعرها الناعم تاهي والقصيصة على عينيها دايرة ايلاينر طويل فعينيها فحال نيفرتيتي ...شافت نوار وتبسمات ...

صوفيا : نوااار حبيبة مرحبااا ...

نوار"تبسمات ليها تاهي" : صوفيا ترحب بيك جنة احبيبة ...

صوفيا : فين غاديا خارجة ؟

نوار : غير برا ونرجع عيطو ليا ...

صوفيا : اه ايوى متعطليش باش تنقشي معانا تانتي ...

نوار : ايه واخا ...

تبسمات ليها تاني ومشات لاخرا دخلات صالون وهي خرجات من تما لزنقة كدور فعينيها تا سمعات سميتها بوصته تهز قلبها وتحط توحشاتو بزاف غاب عليها ايام قليلة وتوحشاتو ...ضارت تشوف وهو يبان ليها واقف عند باب الامامي ديال مقود دطوموبيل حلو شوي وفايدو كونطاكت ...

ياسين "شير ليها" : ركبي ...

نوار : فين غانمشيو ؟

ياسين"شاف فيها ماهضرش"

نوار "ركعات قادت جلايلها ومشات بلا متعاود الهضرة وركبات بقا حاضيها ووجهها ملامح ديالو مبدلين ماشي كيف كيعرفهم عارفها فتقليقتها ضحكتها مرضها وغيرتها ملامحها كيفاش كيكونو...حل باب وركب تاهو دار سانتيغ وديمارا تا كسيرا تهزات طموبيل وتحطت ومشا مسرع ...

نوار"ضارت شافتو مغوبش" : فين غانمشيو ؟

ياسين "نطق عااادي بصوت مدعدع" : الفيلا...

نوار : نسينا شي حاجة ؟

ياسين "حرك راسو"

تكات عاالكوسان كتسناه يوصل تشوف اش كاين ...وصل بيها الفيلا تحل الباب ودخل نزلو بزوج من سيارة شافت فيه وهو ينعت ليها تبعو لداخل لقاو تريتور خدام كيقاد فدنيا تما وطوابل ...وهي تبعو تا وصلو لممر الي تما ودخل مكتب باه ...دخلات وسدو وراها....

ياسين"ربع ايذيه" : مالك ؟

نوار"ضارت شافت فيه" : مفهمتش ...

ياسين : نوار مالك ؟ شنو واقع ؟

نوار"نزلات عينيها بحزن دغيا دخلات معاه فالهضرة بلا مقدمات وهادي احسن حاجة ولات فيها ماشي دوك المقدمات الي اصلا مافيهم فايدة وفالاخير كيتخاصمو" : ماجيتيش عندي تسلم عليا ..."حادرة عينيها"

ياسين"رفع حاجبو" : هادشي الي كاين ؟

نوار"الصمت"

ياسين : نوار ؟؟

نوار"كمشت حجبانها" : كيحساب ليا غاتجي عندي انا لولة تسلم عليا تسول فيا ولكن نتا كيف جيتي مشيتي تقدا ومشيتي عند هادوك ...

ياسين : شكون هادوك ؟

نوار "جمعت تا جمعت ومع تفقصت دغيا طرطقت وهي تغمض عينيها وبدات تغوت " : علاش مشيتي عند هادوك الي عندهم هاديك علاش وانا

خليتيني مسولتيش مصونيتي ما وااااالو دغيا مشيتي عند دار سليماني الي عندهم ديك صوفيا الي مسحتي ليها حنة لاش لااااش اهى وانا توحشتك بزاف ونتا مشيتي ...

ياسين"خرج عينيه" : دار سليماني ؟

نوار"حركات راسها" : قالها ليا اسامة ...

نوار : متاكدة دار سليماني ؟

نوار"شافت فيه " : اه قالها ليا اسااامة

ياسين : اسامة شكون قالها ليه ؟

نوار : قاليا سمع ...

ياسين "عض شنايفو بغا ينطحها هي واسامة ههههه " : اش ليا بدار سليماني انا تانسبقهم "جهد صوته تا قفزت" اش ليا ؟؟؟

نوار : م ممشيتيش عندهم ؟

ياسين : لاش نمشي ؟

نوار : ممشيتيش ؟

ياسين : لاش نمشي ؟

نوار"ضحكات" : ههههه ممشيتيش ..."جمعت ضحكة حيث شافتو على ملامح ديالو والفوق عاض شنايفو هاد العضة كتعرف وراها عضة كبييييييييييييييرة .." ياسين شوف نقوليك ...انجييييييييييك صراحة ...

ياسين : هضري ...

نوار: انا والله حتى توحشتك بزاف بغيت نشوفك ولكن ملقيتكش ونتا عارفني عندي حساسية من تما "كتقرب لباب باش دير ليه صابونة ههه" وانا والله مكنصبر...نتا تايقة فيك ولكن را بنادم ولد لحرام الي صاير بيك ....و"كتورك عالبواني بغات تحلو حتى ماعرفاتو كيفاش دار تا طار لعندها مدورها و حاصرها من جوج جوايه شد ليها ايد وايد لاخرا هزهم بزوج ودفعها تا تزدحت مع الحايط ...

ياسين"خنزر فيها" : فين غاديا ؟

نوار "قلبها حس بيه كيضرب ليه فصدرو" : ياسين سمح ليا انا ممزياناش ...

ياسين : عارف ...

نوار"شبحات ليه عينيها كضحك تلفو" : فين كنتي سولت عليك خنههههههخخ..

ياسين"قرب مزيااان لعندها شاف ليها فوجهها وعينيها نيشان " : مشيت لدار واحد كنيتو سليمان قريب لكنيتهم داكشي باش اسامة دا ريح من جيهة غير ...بغا شي وراق ديال خدمة مزروبين خطفت وقت ديتهم ليه...

نوار"كترمش فيه" : صافي ...

ياسين"يلاه غايقول ليها وهو يحبس من تفكر المراة الي لقا عند طريق الفيلا ووقف "

"فلاش باك"...

وقف ونزل لعندها لقاها متكية ورعدة شاداها مغطينها بكاشة من تما ولكن دنيا باااردة وهي فزنقة ...

ياسين"عيط لعساس جا كيجري عندو" : دخلوها لبيت عندكم شوف حالتها ولا ديها لطبيب...

هي : اوووهوووي اهووو يا داابا نسخن دابا ...

ياسين"شاف فيها" : عاجبك هاد الحالة الي نتي فيها ؟ ياك وصيتك ترجعي لباادك شنو رجعك ؟

هي "شافت فيه مركزة فعينيه" : حرش الهضرة والوقفة ...نجمتك عالية "نزلات دمعة من عينيها" اش وقع ليها فييين مشات كانت مضوية عالعباد حتى طفاااات ...ديها فيهم ورد بالك هذا جهدي عليك ...هاد الهضرة قولها ليه قووووولها ليييييه...موووحال باقي النور يا طفيت يا طفا .."هزات فيه عينيها" نقول ونقول را ربي

الي كيقول ...رجعني قلبي الي مهناش "ركزات فعينيه" من دابا لثلث وقاات ...(تلاتة الاوقات)

رجعات بيه الذاكرة لكلام المرأة المسنة الي قالت ليه وحيث هو مؤمن برب العالمين سبحانه وتعالى معارش كلامها اي اهتمام ورجح انه كلشي باقدار الله وحده هو الي كيكتب هو الي كيحيي وهو الي يميت وهو على كل شيء قدييير ...مشات بيه ذاكرة كيتفكر ما فيقو من سهوته غير ايدها الباردة الي حطاتها فوق لحيتو تا رجع النظر ليها ...

نوار : فين مشيتي ؟

ياسين : شكون الي مخربق ليا ساس العقل من غيرك ؟

نوار"تبسمات تا ضحكات" : ههههه انا ديما مخربقاه مزيان ولا خايب بفعايلي ديما ...

ياسين : ياك بعدا ...

نوار"هزات كتيفاتها" : يلاه نمشيو ؟

ياسين : جينا باش نمشيو ؟

نوار : منرجعوش ؟

ياسين : خلينا غير هنا مكاين حد يرتاح لينا راسنا شوي من صداع راس وبنادم ...

نوار : وعقد ديال الحبيب خوك وخويا حتى انا...

ياسين"قرب لعند وجهها كتر كيهضر ونفس ديالو كضرب ليها فوجهها بورشتها" : الي تزوج الله يكمل عليه الالة ...

نوار"حطات ايدها على عقاد ديال جلابة كتلعب بيهم" : كيتسناوني باش نقش مع العروسة ...

ياسين"حدر عينيه لايدها" : ونتي ماشي عروسة ؟

نوار"عسلات عويناتها بضحكة " : يلاه بديت توجاد ...

ياسين : شنو وجدتي ؟

نوار : الحوايج حطيتهم عند الخياط .."ياسين شد ليها ايدها كمش عليها كيلعب بصبعاتها" والحلوة الي غانديو معانا من هنا ...وحوايج جداد الي قالت ليا خالتو ندي معايا كلشي جدييد ...

ياسين : شنو الحوايج الي شريتي وشنو خاصك ؟

نوار : بزاف ...

ياسين"شاف فساعتو" : داكشي الي عليا بحسب العادة متهزي همو ...بغيتي نمشيو بالعادة على حقها وطريقها هناي من هاد جيهة ...

نوار"حنحنات مزيرة باش تسولو" : غانمشيو ايام قبل العقد والعرس تما ؟"هزات فيه عينيها فيهم لمعة حزن"

ياسين : ضروري ...شوفي شنو تفاهمتي مع الحنانة هي تعلمك شنو كاين لا هي لا الحنانة ديالك(يسرى) ...

نوار : واخا ...

بالنسبة لعادة ديال العرس بطلب منها وحيث هما نفس العائلة غادي تمشي حتى لفيرما ايام قبل توجد راسها ولكن وخا نفس العائلة غادي تكون فدار غير الفيرما حتى تخرج لفيرما الي هي دارها ودارراجلها عروسة نيشان ...كيفاش وشنو غايكون من هنا لتما غادي نشوفو علاش رصاو وتافقو ...

ياسين"باس ليها جنب فمها ماكرهش يرجع يشلقمها مزيان لكن ما باليد حيلة عاطي لكلمة لباه ولراسو من بعد يكون الاحترام قبل مايولي حلالها وتولي حلالو" : صافي هانية دابا ؟

نوار : هانيا ...

ياسين : تنفستي قبل مايطرطق ليك عرق ؟

نوار"حبست ضحكة " : لا لا عادي عارفة اش كاين ...

ياسين"رفع فيها حجبانو " : ما قلتي عيب ...يلاه مشينا ...

نوار : مشينا ...

عنقها بجنب وخرجو من المكتب سدو وراه وتمو غادين هكاك مرة مرة كيحك ليها على كتفها حتى خرجو ركبو فالسيارة ورجعو لدار السليماني دخل هو جيهة الرجال وجلس بالضبط حدا الحبيب ومن جيهة لاخرا باه تاهو ...

ياسين"ضرب على فخد الحبيب" : الله يكمل بالخير ...

الحبيب"فرحان ومن بارك ليه خوه زاد فرح اكثر" : يحفضك ليا خويا الحبيب ...العقبة ليك ان شاء الله ترجع المياه لمجاريها ...

ياسين : ان شاء الله لا بغا الله ضروري ...متعطلش محتاجك ديك ليام ...

الحبيب : حسب عشر ايام نكون عندك تما ...ياك مرحب بمرت خوك ؟"كيضحك"

ياسين"غوبش فيه" : وايلي ..."زعما شنو هادشي كتقول "

الحبيب : عارف اودي غير ضاحك هههه

ياسين : داري دارك الحبيب رزق خوك را رزقك المراة ديالك راك شريكتك كلشي ديالكم هادشي ميحتاج تفكر فيه ولا تسول فيه مرة جايا منبغيش هاد الهضرة تسمع ولا تشوف وجهي لاخور"زعما يتقلق منو تقليقة خايبة "

الحبيب : الايا منصيبش تقلق مني ...حسب عشر ايام وهاحنا عندك نيت يبدا توجاد عرسك شحال وحنا نتسناو فيه كنتي غاتسبق صدقت سابقك ...

ياسين : النصيب ومكانيب رب العالمين ماعرفنا شكون سابق من لاحق ...

الحبيب : هادي هي الدنيا ...امضرا وجدتي داك المكان ؟

ياسين : قول واجد لا بغا الله ...

ياااا والشميشة وفوق البحر ...الشميشة فوق البحر ...يااا وصيادة فوق الصخر الصيادة فوووق الصخر ...وعلى الصنارة وسط البحر صنارة وسط البحر ...يا وعلى شواية فوق الجمر شواية فوووق الجمر ...يا وعلى حبيبي وصبر وهاجر بنت الكبر لالة العرايس وفم التمر وعليك راني ندمر وزيد اهااه والحبيب اهاااه ...

اشرف "عض شنايفو كيفيبري" : اححح وكون غا عيطت ليا خالتي فتيحة نضرب معاها ...

اسامة : شكون فتيحة ا فتيحة ؟ (زاا...هههه )

اشرف : الي كواااااتك ومسحات هي وخلاتك وربعمية مكمشة خلصااااتك القحييييييييييييييبة"بغا يضربو اسامة " الوليييييييد ...

حبسو الضرب وضحكو العيالات ...نقزات وحدة من اللعابات غليضة وصوتها مضعضع اسمها فتيحة ..

فتيحة : اش سميت النسيب جديد الللا زبيدة

زبيدة : محمد الحبيب ...

فتيحة : على اسم النبي الحبيب عليه الصلاة والسلام ...

الكل رد عليه الصلاة والسلام ...

فتيحة"طلقات حلقها الغليض رنان مع هما جاو فالفوقي ورجال فالصوالن الي فالسفلي .." : يااااا وعطيو المشاكيل بالضهر وماعليكم بالصبر ...يا والحبيب يا سيد الرجال

الحبيب يا سيد رجال ...وراك ديتي زينة البنات يا الحبيب يا سيد رجال ...الحبيب يا سيد الرجال ...ورا النقرة فين يغبر نحاسك هاهي جاتك اسيد رجال وراها وتاتك هااااااااهاه ...

سكتو وهي تنوض وحدة طلقاتها بتزغريتة حارة وتبعتها تانية وثالثة ...الكل فرحان وناشط ومنهم العروسة فرحتها ماعاطياها لحد ...ملي تعرفات عليه وهي فرحانة وعلى وجهها البسمة والبشاشة ...حتى بغاو بعضياتهم فضل ضروف الي كانت فدار رمسيس شوي قاصحة ومشحونة نضرا لشرخ الي وقع اثناء الطلاق والخلافات الي وقعات ....

هاجر"هضرات فوذنين مها" : عيطين لنوار ومينة عاد صوفيا بينما كملات سخرة ...

زبيدة"ضارت عند نوار" : اجي بنتي تنقشي ...

نوار"ناضت وقفات متوجهك لعندها جلسات حدا النقاشة وضارت عند هاجر شافت ايديها دايرة غير نقش خفيف" : مبروووك هاجر ...

هاجر : الله يبارك فيك الحبيبة ديالي ...

النقاشة : شنو ندير ليك عامر ولا خفيف ؟

نوار "تفكرات تابعها عرسها ونقش اللهم ديرو خفيف باش دغيا يمشي ودير ديال عرسها" : لا غير صبيعات خفاف صافي .."حركات ليها راسها وبدات تنقش ليها ...تا كملات ليها نقش صبيعات عيطاتلمينة الي جات تاهي نقشات غير صبع واحد وتبعاتهم صوفيا تاهي ...

"عند الرجال" ...

ياسين "صونا ليه التيليفون هضر فوذنين باه والحبيب وناض وقف ...شاف فنسيب الحبيب يعني اب هاجر ...": الحاج السليماني العدول لتحت ...

الحاج."وقف" : مرحبا .."عيط لواحد من دراري تما" دخل سي المعطي ...

بعد خمسة دقايق تما جاي العدول داخل هاز شكارتو ولابس تاهو جلابة مخزانية مزرقطة برمادي والبيض وداير طاقية كحلة ...

المعطي : سلاام عليكم يا اهل المكان وضياف ...

الكل : عليكم سلااام ...

الحاج سليماني : تفضي اسي الحاج مرحبا مرحبا ...

فؤاد"جالس فارض هيبتو تما مربع ايديه كيشوف تا جا سلم عليه العدول وهضر معاه شوي عاد برك قدام طابلة قدمو ليه اتاي والحلوة قدامو وتقدمو اتاي والحلاوي لرجال وتا النساء سرباوهم من بعد ما تهزو طيافر دفوع ديال الهدية الي جابو دخلوه لبيتها وسدات عليه ام العروسة بنفسها تا حد مكيدخل ليه من غير ختها او مها وساروت عند الام ..

"من بعد ما شربو اتاي والحلاوي تهزو صنيات بمجامعهم ...جالسين فصالون سفلي قد الخلا جامع ازيد من خمسين واحد تقريبا ...عاد الفوقي ...هو عقد لكن جمعو فيه كلشي اقتاصرت فقط على زوج لبسات وحدة

ديال الحنة ولاخرا بيضة بالسلهام باش غاتروح لدار مع الحبيب ...

العدول"جبد روجيستر ووراقهم" : اسيادي نبداو على بركة الله"حدر عينيه من تحت نضاضر شوف كيشوف فالحاج "سي سليماني واجد ؟

سليماني : واجدين "شاف فالحبيب " اجي ولدي حدايا ...

ايساف"قرب ليه" : نوض ازوين نوض شوف انقوليك كنت بغيت نصحك البارح وليني نخلي مك تا تقرب تسني ...

الحبيب : خليني نوض الحمار"شافهم مدهيين" ندمت لاش نضت من حدا خويا والوليد وجيت حداك

ايساف : حااااق ربي تتسمع ...

الحبيب : شنو ؟

ايساف : العزوبية زينة اخاااا حق الله ...متبقاش تخرج بالليل وترجع وقت بغيتي متبقاش تشوف عشرانك ...

الحبيب : راني عارف ...

ايساف : ستندم حيث لا ينفع الندم س..."

ياسين : الحبييييب !!!

الحبيب"وقف على طولته " : هاني هاني ...

حنحن وناض مشا لعند العدول ونسيبو اما ايساف رجع تسرح متكي على المخدة وحداه علي ..

علي : دابا شنو غايستافذ من هضرتك ؟

ايساف : حبيت نشوشرو ساعاك ...

اشرف : هخخخخ شرشرك هههن "ايساف عض لسانو تا عضو وهو يهز مخدة من ورا واحد راجل نساه ولا مشافوش تا ضهر راجل دار زددااااووو ...

راجل : الله ...

ايساف"عض شنايفو مخرج عينيه " : سمح ليا سمح ليا هههههه

فؤاد "خنزر فيه": ايساااف ؟؟؟

ايساف "شاف ف فؤاد صرط ريقو " : خالي والله مشتو ..."شافو خنزر وغوبش ولا يتفتف تا باس لداك راجل راسو" سمح ليا الحاج ...

اشرف وعلي واسامة حبسو ضحكة بززز وبزززز مقادريييييينش يضحكو خصوصا فؤاد حاضيهم اشرف ولا يحك فحناكو ...: بغيت نضح حا حا حاااااااااااااااااك اربااااااي...

علي"حدر راسو لتحت كيجمع فشي فرتيتات ديال حلوى " : ن ق احم نقي هههههههه نقي زربية خوتي نقيها ..."كيحك فلحيتو بغا يهبل بالضحك " ...

اسامة "كيخبط فقرفادتو تاهو بغا يسخف بالضحك ...ولا غير يخبط ويكحب ويضور فراسو

ايساف"عض شنايفو وضور وجهو لهيه" : يلاه لقاو ميضحكو علينا ...تتت اخااايت ...

كسر العدول الجو بهضرتو بالجهد من بعد ما خذا لكارط ناسيونال ديال الحبيب واب العروس عطاه لاكارط ديالها ...

العدول : تقدمتو بطلب لعقد زواج على سنة الله ورسوله ...وكيل العروس حاضر ...

"بدا يعمر تما فواحد الورقة يعمر يعمر وداك روجيستر خدا ارقام ليكارط وعمرسميات ...جهد شي ربع ساعة وهو خدام ...شاف فاب العروس

"فين العروس الحاج ...

الحاج: موجودة الحاج ...

مشا لعندهم لصالون ما طلش حدو عطا خبر باش هاجر تنوض وتبعو ...بالفعل عيطو ليها وهي تنوض حادرة راسها تابطات دراع باها الي باس ليها راسها وباست ليه ايدو تا رضى عليها داها لواحد صالون تما جابو ليها روجيستر وقرب لعدول دخل عندها سمع

موافقتها عطا الحبيب سنا تما وهي عطاها باها سنات من بعد تعلنو بالي ولاو زوج وزوجة على سنة الله ورسوله ...

ياسين"ناض وقف وباس لخوه راسو" : الله يجعل ايامك كلها فرح ورزق ويبارك ليك فحلالك "باس ليه راسو وعنقو عناق رجولي واحد لحضة فشكل بيناتهم ...

اسامة"عنق خوه " : مبروك اخويا الله يكمل عليك بالخير ...

الحبيب : الله يبارك فيك"صرفق ليه حنكو بشوي" دير عقلك تانتا وشد الهمة باش تبع خوتك...

اسامة"حدر راسو" ان شاء الله هههه

الحبيب"شاف باه الي وقف ومد ليه ايدو باش يجي عندو" : الوليييد ..."قرب ليه عنقو وباس ليه راسو"

فؤاد : جعل ربي ايامك كلها سعادة ورزق وتيسير فحياتك ...الله يرضي عليك دنيا واخرة احنين خوتك ودرويش طبع ...عمري منهز همك طريقك هادية وعقلك متبت منخافش عليك ودابا زدت هنيت عليك ...نتا واحد من عينيا وطرف من كبدتي نهار تفرح نفرح بدوبل عليك نهار تبكي

قلبي يبكي عليك دم ...الله يفرحك والله يرضي عليك بارك الله لكما وجمع بينكما فخير ...

الحبيب"باس ليه ايدو " : الله يعمر دارك الوليد

طلقو الزغاريت واحدة تابعة لاخرا جاو العيالات باركو لهاجر وختها ومها تسالمو وباركو لبعضياتكم باركات ليامنة وباركو ليها بزواج ولدها ...فرحو وزغرتو وكل بارك لاخور والاتصالات من برا شي يبارك لشي رجعو لعابات يضربو تا وصل وقت الغذا الي تذفع لرجال هما لولين تا كملو ودفعو العيالات عاد

بداو الرجال يخرجو شي تابع شي ...

يامنة"من بعد ما تغذاو وتجمعات دنيا ودخلات هاجر باللبسة البيضة ...ضربو ونضطو وفرحو ودازت الجليسة من داكشي ...وقفات كتقاد فالكاب ديالها فوق القفطان تاهي لابساه بيض وقادت شالها" : يلاه الحاجة هاحنا سبقناكم ...

زبيدة : غير ياذن المغرب نكملو ليها فاليزاتها ونعيط ليك نكونو جايين ...

يسرى"ناضت كتهضر فالفون شيرات ليامنة " : تريتور را وجد جليسة طلبة ...انا نخرج مع يوسف نسبقو ...

يامنة : فين مينة ونوار ؟

نوار"قربات ليها" : هاني مينة مشات هي ورياض وخالتي ماجدة وميمة سعاد ...

يامنة : صافي نتي بقاي معايا تنمشيو انا وياك وياسين ...

يسرى : يلاه انا مشيت مع نجوى نسبق يلاه نشوف اش دار ...

حركات ليها يامنة راسها وبقات تا زكات مع زبيدة اما صوفيا طلعات مع هاجر تقاد معاها حوايجها ...رجعات يامنة بقات هي ونوار ونجود تا عيط ليها ياسين بالي لتحت كيتسناهم نزلو كاملين ...البقية كلشي مشا لفيلا قبل ميجيو طلبة الي غايديرو صدقة على نيك زواج ....

يامنة"شافت ياسين بان ليها راكب وكيتسناهم " : نوار حنينة ركبي حداه نتي انا ركب حدا ميمتك نجود ...

نوار"هازا جلايلها بطرف صبعانها حيث الحنة محرتتهاش بقات هكاك كتفرتت شوي بشوي" : وخا تحلي ليا الباب ههههه

يامنة "شافتها مخربقة" : وخا زيدي هههه "حلات ليها الباب وهي تركب حداه ويامنة بقات تا عاونات نجود "

ياسين"شاف حنتها مع ملي تفرقو قبيلة ماشافها " : بالصحة الحنة ...

نوار"كتقلب صباعها وعينيها محدورين" : الله يعطيك صحة ...

ياسين"شاف فالمرايا لور" : صافي ؟

يامنة : سير اولدي صافي ...

قاد الفيتاس وديمارا زاد مع طريق فاتجاه الفيلا من بعد مسافة حتى دخلو لقاو دنيا مقادة تما ورجال واقفين كانت جوايه المغرب باقي ليه ساعة وشوي عاد ياذن ...ركن سيارة ودخلو من لور وطلعو كل مشات تبدل ...

يامنة تاكدات هي والعيالات من بيت الحبيب الي عاود من زيرو وقادو وجاب موبيليا جديدة ناموسية وكلشي وعاودو من جديد ...فرشات ليهم الفراش ...وخا غادي توصل هاجر والغذا ليه فالصباح بكري غادي يسافر ...

نوار"دخلات لبيتها مشات حرتات ديك حنة الي بقات طلات عليها ولات حمراا بجهد شماتها وغمضات عينيها تموت عليها ...عاد خرجات حيدات تكشيطتها تنفسات جمعاتها وعلقاتها وهي هكاك ببرميدا وضوني ...

عاد مشات هزات واحد قميس كاشيري مخدوم براندة فلونو لبساتو جاها ضيق على كي قبل حيث كان عندها من ايام العقد لول فاش كانت ضعيفة ...جلسات تا رتاحت شوي وهي تنوض خرجات من بيت ونزلات تحت عندهم العيالات ...

نوار"دخلات كوزينة " : ماما ضرتني رجلي بزاف ...

يسرى : درتي ليها باندة ديالها ؟

نوار : لا مدرتهاش ...يمكن طالون ضرني ...

يسرى : ونتي محيدتيهش من رجليك باش تنفسي ومفيهش سوميلة الي تعاونك اااابنتي ...

يامنة "واقفة كتستف فبلاطويات حلوة " : ماعليش باليل تبغي تنعسي دوشي وفالدوش خلي شوي ما سخون ديري فيه مليحة والخل وديري فيه رجليك را يرتاحو ليك ...

نجوى "شافت قفطانها" : ماجاكش مزير ابنتي ؟

نوار"شافتو كتقلب فيه " : ماعرفتش هذا مفصل عليا من عام لعقد لول ...

مينة"جالسة كتشرب فعصير" : هههههه ورا مزير عليك ...

راوية"كانت تتهضر مع صفية وكملات معاها وهي تهز عينيها فيها طلعتها وهبطتها" : وبنتي را غلاضيتي ...دوري نشوف ؟

نوار"دارت "

راوية : لور ابنتي مزير ...

نوار : ياك مغانكونش مع رجال غير بيناتنا ؟

راوية : وااانتي تعرفي ..

هزات كتافها وجلسات حداهم ...

داز الوقت وجاو الطلبة من بعد ما اذن العشا تجمعو رجال وجات هاجر فالسيازة مع باها ومها وختها وسيارات العائلة ديالها وراهم تلقاو ليهم بزغاريت وتمر معمر والحليب بما زهر ...تا استقبلوهم وصلاو عالنبي بالعادة وترحيب الحار ...

دارو الطلبة قراو ما تيسر وتدفع العشا تبعو اتاي والحلوى الكل حاضر جميع العائلة وناس الي عرضو عليهم دوزوه طلبة وعشا من داكشي كلشي فخم ...كان بانكان يكون عرسو فخم لكن الحبيب وهاجر فضلو داكشي يكون خفيف واحتارمو قرارهم ....

هاجر"جات بلبستها البيضة ماشافهاش الحبيب فقط فتصاور الي رسلت ليه ...طلعات لبيت ديالهم لفوق معاها امها وصوفيا ويامنة تا دخلات حادرة راسها دايرة قب سلهام على راسها وشعرها مطلوق مبوكلي ...جلسات فوق ناموسية مفرشة فراش ابيض "

يامنة"حطات المبيخرة " : مرحبااا بيك ابنتي نورتي بيتك الله يجعل كلشي مبارك ومسعود ...

يسرى : مبروك احبيبة ومرحبا بيك وسط ناسك واهلك جداد ...

هاجر"حادرة راسها كتدلك فايديها بتوتر" : الله يبارك فيك اخالتي ...

يامنة"جلسات حداها" : متخافيش ابنتي انا ميمتك ويسرى تاهي را حنا كلنا هنا واحد الي ضرك يضرنا والي يفرحك يفرحنا ...

هاجر"شدات ليها ايدها باستها ليها" : براكة عليا عگوزتي نتي وعائلتي جديدة نتوما مبغيت والو ...الله يجيبنا فالصواب ان شاء الله ...

يامنة "شافت فزبيدة " الحاجة دار داركم ها البيت "شافت فصوفيا " مرحبا بيكم ابنتي ..."غمزات زبيدة" بقاي معاها"زعما هضري معاها وفقهييها ووصيها حيث الام لازم تبقا توصي بنتها وتهضر معاها بينما جا العريس ..."

نزلات يامنة ويسرى كيضحكو ويهضرو تال تحت الي خوا مبقا فيه حد تا من الحاج مشا بقاو غير هما ...لقات نوار لتحت هي ومينة ...

نوار "قربات لماماها" : ماما واش غايباتو معانا ؟

يسرى : ايه معانا را بيت مينة غاينعسو فيه تاتمشي هاجر صباح ويرجعو فحالهم ...

نوار"عوجات فمها"

يسرى : امالك ؟

نوار : مماليش ...ففف انا نخرج برا شوي...

يسرى : وخا وسلمي على ياسين معاك ...

نوار"كانت غاديا وهي ذور عند مها" : ماماااا ...

يسرى : هههههه

خرجات قدام الباب دورات وجهها بان ليها واقف بعيييد حدا لابيسين ...رحداه رجال تريتور الي كيمشيو ويجيو يجمعو فالدنيا ...نسات راسها واشنو لابسة تا مشات عندو هكاك كتعرج عيطات ليه وهو يدور عندها كيكمي فالگارو مبدل الجلابة ولبس كومبلي كحل بقميجة بيضة حيد الفيستة ولبس عليها كبوط كحل بالقب كبير ...

ياسين "طلعها وهبطها ماعجبوش شنو لابسة جاه مزير حيد المونطو ومشا كيزرب لبسو ليها ولات تبان فيه كي القشة وسط منو" : رجعي دخلي...

نوار : علاش ؟

ياسين"جهد صوته تا قفزت" رجعيييي دخلي ...

نوار"معاوداتش معاه الهضرة وهي دور مزيرة ودخلات ما ضارت لا هنا لا لهيه خلات عمتها تعيط ليها هي ومينة وطلعات لفوق لبيتها سدات عليها ...حطات لكبوط ديالو فوق ناموسية ومشات لماريو جبدات بيجامتها لبساتها وهي دخل عليها مينة لقاتها عاد بغات تنعس ...

مينة : مالك ؟

نوار"تغطات مقلقة " : مماليش اجي نعسي نتي غاتبقاي سهرانة ؟ مشا رياض وخالتي ؟

مينة : مشاو وصباح راجع باش يديني ...

نوار "حركات ليها راسها"

مينة : مالك مع ياسين تاني ؟

نوار"هزات كتافها" : مماليش ماعرفتوش مالو .."دلات شنيفاتها"

مينة : قلنا ليك را مزير ...

نوار"شافت فيها" : والله حتى نسيتو قلت حنا لتحت عيالات دراري مدخلوش جيهتنا بقيت غير معاكم ونسيتو ...وهو تنفخ عليا"صوتها نغنغن"

مينة : اش غاديري دابا ؟ تنعسي ؟

نوار : لا شوية ونمشي عندو ولا نهضر معاه ...اصلا من حقو يتعصب ويتقلق كانو رجال وانا خزجت هكاك وزيد كان البرد وهو كيقوليا منخرجش لبرد ناقصة الحوايج ...الغلط ديالي ...

مينة"صفقات" : براااافو هكا نبغيك كتعجبيني فاش كتعتارفي ...

نوار : ولكن هو تنفخ عليا ...دابا نرجعها ليه ...

مينة : فاش ابنتي ؟

نوار : انا عارفة .."هزات الفون تصوني ليه وهي تسمعو كيصوني فالكبوط " تيليفونو خلاه هنا ..."هزاتو من الكبوط وهو يبان ليها كيصوني باسمها "الشهلة ديالي" عضات شنيفاتها بحب وناضت قلبات على كبوطها ولبساتو فوق بيجامة دافية الي لابسة بسروال خشات رجليها فبانطوفة ...هزات مونطوه وتيليفونو ونزلات تحت سولات عليه لقاتو باقي فين خلاتو ...كان واقف عاطي بالضهر كيكمي وهي تقيسو بصبيعها صغير ...

ياسين"ضار عندها شاف فيها "

نوار"مدات ليه كبوطو وتيليفونو " : نسيتيهم ...

ياسين "شدهم من بعد ما شافها شنو لابسة تهنى راها دافية عاد لبس كبوطو" : فحالي فحالك مادام عندك مناسيهمش ..

نوار"خشات ايديها فجيب جمعات فمها كتلملم الهضرة شنو تقوليه" : عرفت راسي لبست مزير وهنا رجال والله حتى تدعقت نسيت واش لابساه ...مع كان مفصل فالعقد لول ديالنا على قدي وعريض ودابا يمكن مبقيتش ضعيفة وتزير عليا ...

ياسين : مبغيتش تخرجي بيه حتى قدامي مادامني مزال مارجعتش حلالك ...

نوار : عارفة "هزات فيه عينيها ونطقات " حتى ولو متكونش نتا وخا متكونش راجلي ولا غاتولي راجلي غادي نحتارم راسي ..."تبسمات كي تفكرات كانت بغات تعطي راسها فرصة تعيش حياتها ايام رجعات من المانيا وبغات تكون متفتحة وتلبس الي بغات" ههههه

واحد الوقت قلت نعيش حياتي ولبس الي بغيت وماسوق حد فيا "عوجات كتفها" بغيت نطير وصافي كيف قاليا سليمان ...

ياسين : قولي بغيتي تشدي ضد معايا ...

نوار : هههههه وماعرفت شنو كان كيقوليا راسي ...المهم دابا توگضت اااشي شوي"كتصغر ليه مسافة بصبعها" اللباس الى غانحتارم اول حاجة نحتارم راسي واليديا ونتا ندير ليكم اعتبار ...شي حاجة اخرا غادي ندير صداع ونجيبها فراسي تاني وانا "عينيها غرغرو" مبقيتش قادرة نعاود نرجع لعذاب تاني ...

ياسين "شد ايدها وجرها وراه غادي بيها حتى بعدو من تما حدا واحد شجيرة ووقف وحدهم .. " عارفك محتارمة راسك قبل من واليديك وقبل مني ..."شد ليها ايدها باسها من كفها كيشم ريحة حنتها" الصبر راني مصبر راسي باش ما عطا الله ...زيدي غير شوي قريبة ليا وكملي عليا بداك لبس وماحنا فخير وانا راجل وعيبي واحد...

نوار"حبست ضحكة كتمايل " : علاش ...

ياسين : عامين ديال لفراق كنتي بعيدة مصبرني البعد رجعت شفتك قريبة خربقتي ليا ساس رجوع كان اتفاقنا صبر بدا يتقادا كل مرة جاي نشوفك بحجة وزيارة ..."حط ليها ايدها على صدرو حسات بقلبه كيضرب بجهد يلاه غايهضر حتى سمع صوت فؤاد ..."

فؤاد"بصوت مجهد شوي تا قفزات نوار" : ياسين الحرمة ليها واليها هاد ساعة …ساعة التالية بالحلال وطلع لجبل نتا والي خرج كلمة عليك ديك ساعة تحسب عليه عيب ...

ياسين"رفع حاجبو" : عشنا وشفنا الحنّان (الوليد) تا توخرنا لاقين سلاكة مع النسيب ووحلنا مع الوليد .."غمزو" خلي الما منين يدوز ودير بوجه الفراق الي كان طويل …

فؤاد : لسان حسن يذكر العسل ميذكر القطران ...الله يحفضنا من داك النهار...الشيطان حرامي قادر يدخل بين عشرة فما بالك جوج ...عيشو الخطبة بالاصول تمشي عندك بعزها ولا لا"شاف فنوار الي حادرة راسها حشمااانة " امولات العادة وشان والمرشان ؟

هضرة فؤاد على حق تماااما وخا هما كانو مزوجين فايتين فالحب والعلاقة لكن هما دابا حاليا مفارقين واقع بيناتهم طلاق يعني مبقاتش حلالو باش يدير فيها الي بغا (زعما يبوسها شعنقها يشلقمها كيف كنقولو حنا هنا بيناتنا ) ومادام اختارت العادة التقليدية فالزواج فواجب لا عليه ولا عليها باش يتجمعو ويختلي بيها بغير موجد شرع ..هذا اذا طبقنا هضرتها الي لمح ليها فؤاد رالاحتراااام التام لديننا ...مسرعوش فالزواج ....

فؤاد"غير غمزو شاف فيها وحرك ليها راسو باش تحرك " : تحركي طلعي نعسي الفجر على وصول ...

نوار"جمعات كول كاب عندها وحدرات راسها كتحنحن مهزااااااتش ابدا عينيها مشات حناكها بغاو يطرطقو بالسخونية والخجل بدون متزيد معاه الهضرة .."

ياسين"هز راسو كيحك لحيتو" : ما بلانش هذا الوليد ماااا بلانش وكاان"قالها بطريقة خااااترة ههه"

فؤاد"ساس جلابتو من تحت وقاد ساعتو وهو على اهبة الاستعداد باش يمشي تاهو" : الاصول اصول بلا لغا ولا كترة المغانة ...تبات فراحة الله ..."مشا"

ياسين"حرك ليه راسو ودار ايديه على خصرو كيشوووف فيه هذا الي مكانش يضن غايخرج ليه فعودو ونااااري لا خرج ليك النسر فعودك را يوسف يديروها بيه وقدام عينيه كااع مايحس بيهم وكلشي لكن فؤاااد ؟؟؟ اههههه اولله لا دارت بيه ..." : وااخا واااخا سيدي ...

بقا تا كما واحد الكارو اخور تنغم بيه كملو ومشا تاهو طلع لبيتو ....

"غرفة الحبيب"...

بقات جالسة بلباسها بسلهام بيض والقب ديالو مغطيا بيه راسها تا خبا ليها وجهها ...حادرة عينيها على تيليفون كدوز فتصاور العقد والعرس ...ملي جا تصور معاها فالحنة وهز ليها فوال والعقد فاش سناتو وركبو الخواتم وتصور معاها فاللبسة تكشيطة بيضة يعني خذاو تصاور مع بعضياتهم لذكرى ...من تم مشا ماشافهاش تا جات ومشافها حتى لدابا عاد غايدخل عندها ...

فوق سرير مفرش بالابيض ومطرز ...كانت كتشوف فالتصاور والفيديوات الي وصلوها من صوفيا الي رسلهم ليها المصور وتصاور الي رسليها ديالو هو فالعقد فاش كان كيسني وحدا سميتها فالروجيستر دار ليها سيلفي ...ضحكات على طريقة باش صور راسووحاط صبعو الي فيه الخاتم حدا سميتها ...

هاجر : اممم ههههههه هبييييل ديالي ..."زمات فمها مبتاسمة حتى عوجات راسها كتشووووف فيه زرقة العينين الضحكة البيضاء الحجبان غلاض شهبين واللحية البنية طولة ديالو والفورمة والاهم وجهو البشوش الي حمقها كلو على بعضو كتشوف فيه غير هو الي دخل حياتها حب نقي صافي حتى تكلل بالزواج ...واش تبغي كتر من كرم ربي عليها بهادشي ،

الحبيب"واقف مربع ايديه كان مبدل الجلابة باش دار العقد ولبس الكلاس طقم اسود بصباط لماع كحل ...حيد الفيستة وحطها وهادشي را دخل بلا متحس بيه ...حتى نطق وهي تقفز" : كون يحساب ليا ضحكي هاد ضحكة النادرة من تصاور الي درت كون شبعت مرتي سيلفيات ..

هاجر"شدات على قلبها وغمضات عينيها" : فففف خلعتييييني حرام عليك ...كيفاش دخلتي ماحسيت كاع بيك ...

الحبيب"قرب لعندها" : سر المهنة او نقول نتي الي عقلك ماااشي هنا ...

هاجر"حيدات القب الي على راسها وبان وجهها مزيااان مصاوب بميكاب احترااافي برز ملامحها البشوشة وعطاها ميزة خاصة الي بانت فعينين الحبيب الي عض شنايفو بلا شعور حتى لقا راسو مشا بخطاويه لعندها وجلس حداها .."

الحبيب"قبط ايدها وهزها لفمو باسها وخلاها وسط ايديه كيتلمس فيها ويشوف ليها فوجهها " : جيتي زوييينة بزاف ..."عينيه على عينيها الي كيطلعو ويهبطو فيه بتوتر خوف وخجل مجموعين فيها فهاد اللحضة .." ربي رزقني بيك وشفت فيك مولات الدار فالوقت الي كنت كنقلب ومالقيتش وشوف الصدف ههههه تزوجت باخت الي رعفتها فالصغر ...

هاجر : ههههههه ياااك هاد الحادثة متنساهاش ...ضربتيها على شفار ؟ويلي خايبة ههههه

الحبيب"حك ورا عنقو" : وااا الصغر شكون يعقل ديك ساعة ...

هاجر"بلا متحس دفعاتو بمرفقها بغنج" : هبييييل ...

الحبيب"رفع حاجبو لهاد الحركة المفاجئة حتى صدق تاهو دافعها بنفس الطريقة". : هبيييييل وكيبغي مولات العقل ...

هاجر"تزنگات" : احم ههههه

الحبيب "حط صبعو على حنكها لقاه سخون " : كيحشم زين ديالي انا ..."قرب بشويييي لحنكها وباسها فيه بقا مطووووول بوسة واستنشاق لريحتها تا نزل بفمو كيبوس يبوس حتى وصل لعنقها وطبع عليه قبلة وهي تطويه تبورشت ..شاف فعينيها" : كنبغيك بزااااف هاجر كنبغيك وبغيت كلشي فيك ضحكتك ،رزانتك ،بشاشتك، قلبك البيض ،وراسك الخفيف والهضرة بصواب والاهم ديك ضحكة على اي حاجة كنشوفها فوجهك هي الي خلاتني نشوفك وحدك فعينيا كتفرحي ليا القلب وتفرحيني وخا نكون فمود الحزن ولا العصبية كنحس بيك كتبرديني بمجرد منشوف هاد الضحكة ...واش بغيت كتر من هاكا ...نتي غير كوني مراة صبارة معايا وحتى الى ما رتاحيتيش هنا نقدرو نعزلو دار وحدنا ..

هاجر"تبسمات ليه " : الحبيب انا فاش تعرفت عليك راني تعرفت عليك نتا تعرفت على طيبة ديالك قلبك البيض ضحكتك الضحك ديالك تقشاب ديالك تدراوشت الي فيك وحنين ...عارفاك قاد وتقدر دير ليا ديور ولكن انا واحد البنت ...مولفة جو العائلة حيث واحد وقت كنت عايشة فدار جدي قبل ميتعزل بابا ويدير دارو ...داركم الحبيب ناس متكرهش تبقا مجموع معاهم ناس الخير صيتهم سابق وناس الكرم وحنان مع البراني فمابالك مع بعضياتهم ...في نضرك شنو نبغي حسن من هادشي ؟

هي كتهضر وهو كيشوف فيها وعلى عينيه لمعة حب وافتخاار وفرحة كبيييييييييرة رزقو ربي بيها وياربي تكمل ليه ويكمل عليه بالخير ...كل مكتنطق كلمة كل مكيزيد قلبه يفرفر ...ما شعرش براسو حتى شد ليها ورا شعرها خشا فيه صباعو تخللو داخل فروته حتى جرها بجهد لعندو حط جبهتو على جبهتها وانفاسو الحارقة كتلفحها وخصوصا عينيه على شفايفها ...

الحبيب : الله يخليك ليا

هاجر"غمضات عويناتها" : ويدوم عشرتنا...

بقا حاط جبهتو على جبهتها ومنخرو لصقو مع منخرها حتى بدا كيحو عليه ويقرب تا حط شفايفو لاول مرة على شفايفها حسات بضو ضربها وقلبها كيصرب كيضرب كيضرب حيث اول مرة غايلمسها وبهاد طريقة نيشان ...تنهدات ليه وسط فمو حتى زاد فالوتيرة وزاد ضغط بشفايفو على شفايفها كيبوس فيهم وهي كتماشا معاه غير تابعة

كسار شفايفو فين غادي ...حتى حلات فمها باش تنفس هو استغل الفرصة دغيا خشا لسانو لداخل ورجع زاد فلادوز تاني ليتبادلا قبل من دافية الى فرنسية مخلياه هو الي يتحكم فشفايفها الي حس بمذاق العسل فيهم ورطبييييييين وسخنو فاش باسها فيهم ...كيضغط ب بصباعو من لور وصوت انفاسو الي متسارعة

هي انفاسها الي كتقلب على الاكسجين ما فكها غييير صوت الباب كيدق يدق يدق تا فصل القبلة كيلهت وفمو حمرررررر اما هي خلاااص ...ناض وقف كيلهت ومشا حل الباب مع الناموسية جات مضرگة وعاد ممر صغير هيلي الباب ...

الحبيب"حل الباب وهو يلقا اشرف مربع ايديه " : ياك شي باس مكاين ؟

اشرف"صغر عينيه في فمو" : واش واقعة شي حاجة ؟

اشرف "خنزر فيه" : شنو ؟؟؟ اش كاين ؟

اشرف : سمعت صوت الغوات جيهة بيتك يحساب ليا عندك ياك مكاين باس ؟

الحبيب"دار فيه واحد شوفة واااااحد الشوفة ديال الى ماااا طرتيش من قدامي" : اشرف ...

اشرف "حابس ضحكة" ن نعااام ...

الحبيب : شفارك ...

اشرف"دار صباعو على شفارو"

الحبيب : نعلقك بترعيفة بنطحة نجيب طاسيلة مك بياس موزع فجوميا شحال تعطي ؟

اشرف"خسر سيفتو وقلب الدورة "

الحبيب سد الباب ورجع كيحل فالعقاد ديال القميجة لقاها واقفة كتحك فايديها وتعض فشفايفها حتى جا من وراها وعمقها حط اييديه فوق ايديها وهزهم حطهم على كرشها كيتمايل بيها تا باسها فعنقها بوسة هزاتها لسما ...

الحبيب : نعسوش ؟

هاجر : احم خاصني نحيد هادي ..

الحبيب : حيديها ...

هاجر حركات ليه راسها ومشات لفاليز هزات واحد الساشية مكتوبة فيها shein ...وهزات جلايلها ودخلات لدوش تما خلاتو كيحل فالقميجة تا حلها كاملة ...دخلات جهد نص ساعة تا جا دق عليها ...

الحبيب : واش نعاونك ؟

هاجر"كتعقد فحزام البينوار ديال ساتان بيض تحت ركبة ...وقفات قدام المرايا جمعات شعرها فوق وبدات تمسح ميكاب ديالها ..." : انا نمسح غير هادشي فوجهي ونخرج ...الى عييتي نعس ...

الحبيب "خرج عينيه" : نعس ؟ والله يامك تا سهران معاك الليلة ...قاليك نعس ...

كملات وهزات ديك تكشيطة حطتها فوق دراعها وهي تخشي رجليها ف بانطوفة ديال ريش ديال شوميز دونوي ...وهي تحل الباب وخرجات تا بان ليها متكي لابس ديك القميجة محلولة ...هز فيها عينيه وهو يفكسيهم ...

الحبيب : البيض يااا لالة ..."حط تيليفون ووقف تا شد من عندها ديك تكشيطة حطها فساشية وحطها فوق الفاليز ...مد ليها ايدو شدها وتم غادي بيها تا وقفها ماقبلها معاه..." اجي الالة البنات اجي ...

هاجر "كتحنحن" : احم فيا نعاس بزاااف "كتفوه "

الحبيب"حدر راسو وهزو" : نعسو نعسو الله اودي ..."قربها ليه اكثر تا لصقت مع صدرو دار ايدو ورا ضهرها كيمسح عليه من فوق ولتحت استحلى رطوبية والحرير ديال البينوار ...ويخشي صباعو ف الحزام ويدورو مزيان حتى كيزير عليها ويزيد يزدحها ماحتال تهضر تا رجع تلاح عليها بقبلة من جديد

هاد المرة كيبوس ويتمحكك عليها وايدو طالعة هابطة تا نزلات المؤخرة حتى عجنها ليها وهي تنين ليه وسط فمو وكمشات عينيها دغيا حيدهم وفصل القبلة باش تنفس لقاها كترعد ...

الحبيب : ماخفتي والو غير تهدني وطلقي راسك الى تزيرتي غاتجيبيها فراسك نتي وتمحنيني معاك ...

هاجر : و و احم واخا احم و...

الحبيب"دوز بصبعو على شفايفها" : شششش تهدني تهدني ...

حركات ليه راسها رجع تاني كيبوس فيها تا رطبها شي شوي ورجع بقبلاتو هاد المرة نزل لرقبتها كيبوس فيها ويمص حتى كيجر جلدة وتهز ليه بين ايديه كيلصق عليها ويتمحكك تا حس براسو تزيرر نييييت ...ورجع لفمها بقبل فرنسية حتى حل ليها

حزام البينوار...طاح فحال الريح بانو كتافها العريانين وسميطات دونتيل بدات تخبي بايديها حتى حبسها مخرج عينيه "

الحبيب : شششش رزقي ديالي نتمتع بيه بعينيا قبل ايديا وفمي ...

هاجر : الحبييييييب

الحبيب : طييييك دل ههههه "يلاه غايرجع يبوسها وهو يدق عليه الباب تاني ...غزز سنانو" تتت مشكييييلة هادي شكون تاني ..."شير ليها تبقا تما ومشا هو كيسد فالقميجة وحل الباب طل غير براسو لقاه علي ..." امالك ؟؟؟؟

علي "حابس ضحكة حيث شعر الحبيب تخربق شي على عينيه شي لهيه " : شعرك شاد ريزو ل لبوركينفاسو هههههههه"خنزر فيه " احم بغيت غير نشوف واش عندك

الحبيب : شنووو ؟؟؟؟ را بغينا نعسو هذا ما وقت الدقان اتبي فرعتو لديلمي كر كري اش كاين ؟؟

علي : بغيت محكة ديال الگدام الى عندك را رارارا"شاف فيه لقاه كيقلب على شي حاجة وهاد الحاجة هي اش ؟ باش يشير عليه بيها كيما كانت تا قشعو شاف فاز جنب تما يلاه مشا ليه وطار كي زواق فرتح من تم خلاه يسب ويلعن طاسيلة وسلسفيل ...

...رجع لعندها لقاها كتغطي بايديها وهو يحبسها ...

الحبيب : ولا هما فقصوني نتي رطبيني ...

هاجر"كضحك" : هههههههه كيضحكو معاك ...

الحبيب : ضحك البناااية هذا را نطحن عدو ربهم وليني داك سنبل اغا وعويليش (علي) فار الصربة ابلاتي ...

هاجر"زعمات وقبطات ليه حناكو كتدوز عليهم بحنان" : مااعليش هههههه غير صبر ...

الحبيب "غمزها " : على قولة الوليد الصبر كيدبر اغزاااالي ..."دور ايديه ورا ضهرها بغفلة منها رجع يبوسها تاني تا دخلها فالمود دغيا زربا خفا وايدو كتهبط سماطي حتى نزلو شوي ولاحها فوق ناموسية تا شهقات ماحتال تهضر حيد القميجة وبقا هكاك من فوق عريان بصدر الشهيب ...

هاجر : الحبييييييب بشوية ...

الحبيب : ههههه تي اش بشوية خلينا نعيشو اللحضة قبل ميجيو فتيلن الادغال وموكلي ...

هاجر"حاصرها بايديه وخشا وجهو فعنقها كيبوس فيها كتهضر وتبورش ليه " : اااا هههه بشوي شكون موكلي ...

الحبيب"كيبوس ويمص ويرجع يتباوس معاها في فمها تا طيبو ...يلاه حيد الشوميز وهي تخرج عينيها بدات تغطي وهو يحبسها" :ويااااك ....غييييير طلقي والله مناديك غيييير سطحي متخافيش ...

هاجر : سطحي "رتاحت بعدا واخا غير اليوم"

الحبيب : دابا سطحي وتانمشيو ل مالييزيا ونهبطو لقاع دار ...

هاجر"طرطقات بضحك المخبولة وخلاتو يدير ما بغا تا حيد ليها شوميز كامل تعرا ليه صدر اييييييوى سطحي ؟ هايييييهاااات اهاجر يا ديل ديماك تايفرع يماك وهذا الي كان نزل على جسمها بالقبلات وكرشها وصرتها كتهز ليه لسما وتعنقو حتى هبط صبعو لتحت ومع اول مرة

الضواو ضربو فيها عضات شنايفها الي بداو يترعدو هو كيدوز لتحت وهي كتنين تحت منو ...

هاجر : اننننن لا لا اش هادشي اااااا صااافي فففففف

الحبيب"تزير حيد سروال دغيا بالخف يلاه كتنفس حتى طلع تاني فوقها تاني رجعها لسخونية والاهات هزات رجليها ودوراتهم ورا ضهرو كتكمش عليه وضفارها عليه مهبطاهم عينيها تسدو وفمها كاااالتو وهي كتاوه تحت منو يلاه مشات حتى حسات ب العضو ديالو

عند راس ما عطلهاش استغل فرصة واجدة وهو يطلعو دغيا تا طلقاتها بوااااحد الغوتة كتقمممشششش فيه وهو معقلش عليها باش متبردش ومتبغيش استغل الفرصة تا كمل وخشا منو حس بشي حاجة سخونة فيه طل لتحت وخرجو دار صبعو تما لقا فيه نقيطات دم ...

الحبيب"هز فيها راسو لقاها سخفاانة وكتبكييييي...باس ليها جبهتها" : ششش اللهم هاكا ولا تبقاي تنواي وتاجلي ...

هاجر : بعد مني اهى اهى ...

الحبيب"هز راسو" : حاااااق ربي ونبي محمد تا تمسحيها فيا ...

هاجر"كتكمش عينيها" : حيد را شدني الوجع اااااااااي امممم اهى ...

الحبيب"جمع ضحكة " : اويلي مالك ؟

هاجر : حيد اهى انى ...

الحبيب"ناض بزربة لبس بوكسر ومشا حداها قبط ايديها" : و واش نديك طبيب ولا شنو ؟

هاجر"كتلوى ليه وتوجع " : اعععععععع اهى اهى ...

الحبيب : هاجر ؟!!!!"قلبو ولا يضرب تخلع ووجهو تسقط منو دم " واش اش مالك ...

هاجر"هزات عليها الغطا وتكاااات جامعة رجليها" : شفتي الخلعة كيدايرة ؟

الحبيب"النقطة الي بقات طيحتها ليه ههههههه" مواقع ليك والو ياك ؟

هاجر : تعرف غير نتا تغفل"كمشات عينيها" حيد را قصحتيني غير صابرة مبغيتش نتحرك باش ميوقعش ليها ايمواغاجي الوحش ...

الحبيب"كيرمش فيها"

هاجر : نوض دوش ولا "قاطعهم صوت دقان تاني" شوف شكون كيدق ...

الحبيب "رجع تخنزيرة وناض بزربة هز تيشرت وشورط لبسهم بالخف " : تغطاي مزيان انا جاي ونتفاهمو على هاد الخلعة ..."شاف فيها بنضرة فشكل تا تكمشت وهو يمشي لباب حلو بجهد لقاه ايسااااااف ...

ايساف"متكي على الحايط برا " : صاحبييييي

الحبيب"بلا ميهضر مشا طار عليه بقجة لصقو مع الحايط وصرخ فوجهو باعلى صوت تا قفزات هاجر " وااااااا يحرق اصل طواسل طبااااابن مك الكلب زاااا.... عدو رب ربي فرعتو ليا كري ينعل طاسيلتكم ....اااااش بغيتي ؟ اااا واحد بغا محكة ونتا اختي سميرة اش بغيتي ؟

ايساف"كيشوف فيه فوق وباغي يفك راسو لصق عليه " : غير طلقني نفذ بجلدي ونمشي الله منعاود ندور اساد ...

الحبيب"فقصو" : اش بغيتي اااااش ؟؟؟

ايساف : راني قلت نبات هنا اييييييوى كي شتي صباح خاص نكون عند المدام راني خليتها هاد نهار ...

الحبيب : خليقة عدو ربك تهنات منها تهناااااات منها ...

ايساف : اييييه راجع ليها حبقلبي هاديك ...وشور تتت الله واااا هانتاااااا ...

الحبيب"زدحو مع الحايط تا دار اييييو " : طلقني بغيت نعس الحال صبح عندي طيارة مع بو نبر اتبي ...

ايساف : بغيت ندخل نعوم تقدر تحك ليا ضهري ؟

الحبيب"طلقو بشوييييييي " : نعام ؟

ايساف : المحكة حك بيها علي گدامو ...اشرف كان باغي واحد شوي شااابان"شامبوان" كل واحد كيعوم حاجة انا بغيت غاا دوز ليا على ضهري ...ووو"طلعو وهبطو تا شاف ايدو مزيييييرة كتستعد باش تعطيه وااااحد البونية بغوتة يفيق وينوض ويخرج كاااع الي فالفيلا ..." انمشي نعطي تيساع ...عاد مشيت الحمام ضهري باقي نقي ...اسيدي ساعة سعيدة ومبارك

مادرتي والله يكمل بخير والعزيز على ميتمو"دار واااحد تنقيزة طار من حداه كان تابعو غااا شدو ياسين الي وقف عليه حيث سمع الغوات جاب الله لاخرين سادين بيوتة ديالهم ...ايساف فرتح هذاك هبط عند لاخرين ...

ياسين : مالك شنو واقع ؟

الحبيب"كيتنفس بجهد" : الى قتلت عدو ربهم يتحسب عليا جريمة ولا عيب ؟

ياسين : نوضوك من نعاسك ؟

الحبيب : فرعو ليا كري ...

ياسين : قتل عليا الخرا صداع الراس ..."باس ليه راسو" تهدن ماعليش صحاب هما هادو ...سير نعس عندك طيارة ...

الحبيب"ضار غادي ويبغم" : يقطع ديلمها صحبة ...ييييخ ...ابلاتي بلاتي ...مشا دخل البيت خلاه واقف تا دخل اما ايساف هبط عندهم لجردة جاي كيضحك يضحك مييييييييت ...

ايساف : وااااااااكوااااك الحق

اشرف : كنحس براسي بكترة ضحك كي زومبي معاق هههههههههههههههههههههههههههههههههههههههههه

اسامة : نطلع نطلب فوطة ديال حمام ههههههه

علي : طلع يكفنك بيها ههههههههههههههههههه اودي الله يكمل عليه بالخير ...رجولة يستاهل ...

رجع لبيتو دخل لقاها متكية كتكمع ما حكرش معاها ولا تبسم على فعايلها خرجاتها منو ...خلاها ترتاح وزاد غذاها نزل قبل راسها ودوز على شعرها ...

الحبيب : كنبغي مك الحمقة ...

هاجر"ضحكات وهزات ايدها دوزات على لحيتو عاطياه بضهر " : حتى انا ههههه يلاه اجي نعس شي شوية ونوض ندوش ونرجع نقاد حوايج باش نكونو واجدين صباح ...

الحبيب"تخشا حداها تغطا " : واخا زين ديالي ..."بقاو هكاك تا غفات ضار هو هز واحد البواطة فواحد ساشية مكتوب عليها اسم محل الذهب وحطها ليها حدا راسها كهدية ...واحد شوي شاف فالتيليفون باش يشوف ساعة حتى لقا ميساج من وكالة خذا منها شي حاجة اكدو ليه الكونفيرماسيون بالي غاتوصلو من بعد اسبوعين ..."

شروق شمس يوم جديد في عائلة رمسيس ...مع صبح الحال خرجو العرسان من بعد ما قدمو ليهم الفطور ...وبلغات العروسة يامنة وامها بالي ليلة دازت على خير وبالي صبحات هاديك ليلة ...زغرتو وفرحو وباركو ليها تا نزل الحبيب منزل الفاليزات وحطهم فالكوف ديال طموبيل ...

هاجر"كتشوف فالبراصليات ذهب الي خدا ليها" ...تسالمو معاهم وودعوهم على امل يدوز شهر عسل بالهنا وانطالقو فاتجاه المطار ....

اما نوار قشعات فؤاد وياسين واقفين لهييييييه كيهضرو وهي تحنحن مستاذنة وعلى وجهها الحزن بجهد ...حكات صدرها الي كيحرقها ...ومشات لعندهم تا وقفات عليهم ....

نوار : صباح الخير ...

ياسين : صباح النوور ...

فؤاد : صباح الخير ابنتي ...

نوار"هزات في فؤاد عينيها مغرغرين " : عمو واخا نهضر معاك ؟

ياسين"كمش فيها عينيه " : هانيا نتي ؟ مال وجهك ...

نوار"تبسمات بغير نفس " : مماليش غير بغيت عمو نهضر معاه "شافت ففؤاد" واخاا .؟؟

فؤاد "حنحن" : وقتي كلو ليك ابنتي "دوز على شعرها" مال مرت ولدي باذن الله...

نوار"هزات عينيها فياسين الي كان خاشي ايديه فجياب سروال بمجرد ما قال فؤاد مرت ولدي غمزها ياسين .." : هههه ربي يخليك اعمي ...

فؤاد : تمشي معايا لمكتب ؟

نوار"حركات راسها"

جرها عنقها غادين وهي دور عند ياسين عوجات ليه راسها وتمتمات بشفايفها سمح ليا ...حرك ليها راسو زعما ابتي الدنيا هانيا ...ضار يشوف قدامو جبد كارو وشعلو كيكمي ...

اما هي مشات مع فؤاد لمكتب دخلو وسدو جلس فالكرسي وشير ليها تكلس مقابلة معاه ...

فؤاد : هضري بنتي ...

نوار"حادرة راسها كتلعب بصباعها وتمسد فيهم وتعاود وفمها كيترعد ...كتنطق كتقول ااا اا "

فؤاد"كمش حجبانو " : مالك ابنتي ؟

نوار"كتبغي تهضر وتجمع شفايفها كتحبس البكية " : انا ب ب بارح فاش طلعت نن نعست وانا نحلم ...

فؤاد : خير وسلامة ...

نوار"حركات راسها" : خير وسلام ...ممم يمكن دايرة بالي بزاف كنفكر بزاف فالي"كتشير وراها بايدها الي ولات حمرااا بكترت ممسدتها" فات الي وقع فالفيرما فاش طحت و و مممم "زمات فمها كاتمة البكية عيات تجمع فيها ساعاك والو غير ما نزلو دموووعها حيث كانت امس صحة سلام تا رجعات تفكرات الي فات وحلمات بيه ماشي حلم لمستقبل وانما كان حلم فاش كنتفكرو شي حاجة قبل نعاس ولا كنفكرو فيهاكتوقع لينا وكنحلمو بيها ..." اهى اهى اهى ...تفكرت ورجعت حلمت بكل الي وقع ليها عشتو فالحلم بالتفصييييييل اخى اهى ...

فؤاد"خلعاتو تا ناض وقف وتحنى عندها" : تهدني بنتي الي فات مات تعلمتي منو دوزتي الشدة والقرح ودوزتي ماداز على بني ادم ف سنين داز عليك نتي فعام تعلمتي وفقتي لراسك ونصيبك لا بغا الله ترجعي لراجلك ...شنو الي خلاك تعزليني من دونهم وتهضري ليا فهادشي

نوار : اهى اهى حيث نتا كتفهم كلشي وكتفهمني ...ياسين الى قلت ليه غايزيد يخاف عليا ويقدر يتصرف بشنو كنرتاح انا والي يريحني ...

فؤاد"حدر راسو معوجو لوجهها" : هادي مزيانة ؟

نوار"بنفي " : ممزياناش ...هو ديما كيبغي الي تريحني بلاصة مكيمرض هو فمقابل راحتي ...الى عرف شنو قلت ليك وشنو غانقوليك يقدر يبدل حياتو على قبلي وانا منبغيش ليه هادشي ...

فؤاد : علاش ؟

نوار"دموعها دايزين": ياسين كينورني على حسابو هو كيفرحني على حساب فرحتو موفر ليا راحة وانا وخا نكون طايشة مبرهشة وخا نكون مفششة منبغيش ليه هادشي ...علاش ديما هو كيهز دق باش يريحنا علاش كيضغط على راسو باش نرتاح انا ؟ "شافت فيه عينيها حمريييييين"

علاش ديما حنا لولين وهو مسكين لا ؟ علاش انا غانكون مرتو ومنهزش ليه الهم ؟

فؤاد"دار ايدو على لحيتو كيسمع ليها" : علاش هاذشي شنو مالك ؟

نوار : انا انا اهى اهى بغيت رجع لداري ولكن خايفة نحط رجلي ونتفكر كلشي ويرجع ليا من جديد ...وخا فرحانة خايفة حيث اخر مرة مشيت كان وقع المشكيل ...."حطات ايدها على صدرها كتحك فيه" را والله حتى قلبي كيتحرق عليه وعلى راسي ووليداتي الي مشاو وخا معرفتش بيهم ...بغيتك تعاوني وتقوليا باش نبدا باش نمشي تما ونتشجع والله اعمي واخا نقول ونعاود مغاديش تحس بالي كنتشوى فاش كنفكر غانرجع تما ونتفكر ....اهى اهى ...

فؤاد"طبطب على ايديها وجرها عندو عنقها " : بغيتي ترجعي لدارك كي ناس ماشي فوق طاقتك ...

نوار"حطات راسها على كتفو كتمسح منخرها ودموعها وتنخصص" : فوق طاقتي باش نفرحو حيث تاهو كيدير فوق طاقة طاقتو باش نفرح ونضحك ...عاوني حيث نتا "تبسمات" كيقوليا بحر الحكمة …

فؤاد "حرك راسو" : بداي بساهلة هي الواعرة فوقت واحد ...

نوار"هزات راسها كتمسح عينيها" : كيفاش ؟

فؤاد : دوري بجنابك تلقاي جوابك ...

كيف مكنعرفو كااااملين فؤاد رمسيس دييييما من ايام زمن قليل الكلام وكثييير المعنى ...كيخدم بزاااف سياسة ما قل ودل هو خير الكلام ...وهادشي الي وقع دابا مع نوار من خلال حديثها معاه لمس انها باغا تكمل في حياتها مع ياسين وترجع لراجلها هاد المرة على الحلوة والمرة ...لكن مزال عندها تخوف وحزن كبييييييير من انها ترجع تشوف ديك البلاصة الفيرما والبلاد فين وقع ليها اااخر حدث منو مابقاتش وصلاتها ولا حطت فيها رجليها ...الي وقع ليها دابا وهو انها خايفة ترجع ليها احداث كيف حلماتها والحلم الي حلمات ليس له اي صلة بحدث مستقبلي هو حلم فقط كيوقع لينا فاش كنكونو كنفكرو فشي حدث بزاف وقع لينا فالسابق وتخوفات وترددات وتفكير كثير كنحلمو بيه هو نفس داكشي الي فكرنا حتى انا حلمات بالحدث الي وقع ليها هو نفسو تعاود ليها فالحلم هادشي علاش فاقت خاطرها مريض وخافت اكثر من الخطوة الاولى ديالها تما ...

نوار"مسحات عينيها وعاودت كتجمع النفس وتسحت بمنخرها" : يعني كيفاش ؟

فؤاد : فكري فهضرتي مزيان فكري فالخطوة والكلام الي خرجتيه دابا حسبيه اول بدية ليك ...وديريه هدف قدامك وسيري لعندو ...

نوار"صغرات عينيها كتركز فهضرتو وتخمم" : فحال الى فهمتك ...

فؤاد : الفهم نص الجواب ...بداي باش ما بديتي المهم ديري طريقك ...

نوار"حركات ليه راسها وهي تنوض وناض حتى هو معاها عنقاتو وهزات ليه ايدو باستها ليه " : لهلا يخطيك عليا عمي ...

فؤاد"طبطب على راسها" : الله يرضي عليك طرق ورد مادامك كتفكري بالعقل ...وخا هكاك مرة مرة طيشي وتفششي عليه عدلي الكفة ...

نوار : مفهمتش ...

فؤاد : مرة بعقلك مرة طايشة مرة بفشوشك مرة معصبة مرة ضحكي مرة صغري عقلك راكي عارفة كل كلمة فين تحطيها وتاكدي انك تحطيها فبلاصتها صحيحة باش تعدلي كفة زواجك والاهم وقت شدة كوني مراة حارة وجنبك فيه راجلك وحدو ...

حركات ليه راسها...بعض النصائح مفيدة من شخص حكيم فحال فؤاد من شخص عارف بحق الزمان واش داز عليه خذا منو تجارب وتنجر فيه مزيان حتى حط لينا شخصية فحال فؤااااد رمسيس وفخامة الاسم تكفي ...خرجات من المكتب هي وياه استاذنات منو وضارت لطواليط الي تما جنب المكتب سدات عليها حتى غسلات وجهها وبقات تا تنفسات وتنفسو عينيها نشفاتو وخرجات لعندهم لقاتهم مجموعين فالصالون الا ياسين ...

نوار"جلسات حدا يسرى" : ماما مينة مشات ؟

يسرى : جا رياض ومشات سولات عليك كنتي مع عمك "كمشت فيها عينيها" كنتي تبكي ؟

نوار"بنفي " : لا غير كنت كنهضر مع عمو فؤاد تفكرت الي فات ونصحني راكي عارفة ...

يوسف"نقز حيث سمعها" : بنتي الي فات مات حنا ولاد اليوم تفاهمنا ؟

نوار : تفاهمنا ...

واحد شوي حتى نزل ياسين لابس قميجة بيضة وفوقها جيلي ديال الخيط سروال دجين زرق وكبوط فايدو هاز تيليفون كيهضر حتى وصل وهو يقطع ...

ياسين"شاف فنوار نيشان بان ليه وجهها ماهوش وضاهر عليها كانت كتبكي ...شوي حول نظر ديالو ل يامنة والبقية " : في امان الله ...

يامنة"ناضت لعندو" : فين اولدي ؟

ياسين "شاف فساعتو" : طالع لفاس مغذي تما نرجع باش نشد طريق "شاف فنوار" اجي نهضر معاك ...

نوار"حركات ليه راسها وناضت"

ياسين "غمز يوسف " : هانيا ؟ "زعما واش تقدر تمشي نهضر معاها "

يوسف "شير ليه بايدو" : هانيا ولدي هانيا ...

شير ليها براسو تبعو وخرج تبعاتو تا خرج برا ومشا لطابلة حط المونطو فوق كرسي لاخور وكحز ليها كرسي باش تجلس عاد ضار هو جلس مقابل ليها ...حط تيليفون وباكية الكارو وسوارت ...

ياسين : مالك ؟

نوار : مماليش ...

ياسين : نواااار ...

نوار"حكات جبهتها بطرف صباعها الي نصهم مغطيه كم البيجامة " : مقلقة حيث غاتمشي "نزلو واحد زوج دمعات مسحتهم ديك ساع"

ياسين"قوس حجبانو" : راجعة من ورايا عروسة ليا راجعة لدارك ساسك حدايا حدا راجلك ...

نوار"تبسمات وسط دموعها" : ان شاء الله ...

ياسين : فرحانة ؟

نوار"زلقت ليها ضحكة خفيفة " : هههه شنو بان ليك ؟ ..

ياسين "قبط ليها ايدها وباسها" : بان ليا موحال كاينة فرحة فعينيك ...غير الضيم والدموع ..."مد صبعو مسح ليها عينيها" ماشي براكة على عينيا ؟

نوار"حدرت عينيها ورجعات شافت فيه" : بصح براكة عليهم ...احم ما بقا والو لعرس ...

ياسين : هادشي علاش جيت لهنا نهضرو ...عشية راجع لهيه راجع معايا اسامة وبا ...

نوار : غاترجع هنا ؟

ياسين : على حسب الى خصات شي حاجة ضرورية ...يلاه نوجد فين تجي وتنوري دارك ...

نوار"عضات شنيفاتها بخجل"

ياسين"كيتلمس ايديتها تا رجع زير عليها باش تشوف فيه" : شنو مايخصك والي بغيتيه يحضر ...الحوايج الي كانو تما تصدقو فسبيل الله بدخلتك دخلي بحوايج جداد من ليف ليا ...

نوار"حركات ليه راسها": كيف قلت ليك البارح راني احم بديت كنوجد ...هاد المرة كنشري راسي الي خصني ...

ياسين"مد ايدو لكبوط جبد بزطامو كيحك فشنايفو بسنانو...كارط گيشي حطها فوق طابلة رجع بزطام وكحزها بايدو لعندها" : هادي وصلات غير البارح السيد الي مشيت عندو سي سليماني الي قاليك اسامة عرفتيه ...

نوار"حبست ضحكة" : صافي ...

ياسين : لا كملي نيت ...المهم سيد الي دزت عندو على شي وراق كان فمراكش داز البنك الي خدام فيه على شي وراق ووصيتو يجيب ليا لانفلوب الي فيه الكود ديالها ...جديدة ...

نوار : واش ليا ؟

ياسين"حرك ليها راسو" : ليك ...فيها الي قسم الله يكفي ويشيط وكل شوي ندوز ليك فالحساب قضي بيهم شنو خاصك ...

دارت ايديها على حناكها فرحانة وكتزيد تاكد انها لازم تشجع اكثر وهو نيت بلا ميشعر خلاها تزيد خطوة انها ترجع تحط رجليها فديك البلاد من جديذ ولما لا تبدا كيف قال صفحة جديدة بكلشي جديذ ...كحزها ليها حدرات عينيها ليها بانت ليها كارط باسم البنك الي فيه هو ومن فوق ڤيزا ...

ياسين : بصحتك ...

نوار : لهلا يخطيك عليا ...

ياسين : الحاجة الي واجبة عليا من الخاطر بالفرحات عليا ...والحاجة الي نعطيها ليك هي رزقك كيف رزق راجلك من حقك ...

شافت تا شافت وهي تنوض لعندو بلا مقدمات وبدون تردد مشات عنقاتو بحب حتى صدماتو ...حطات راسها على كتفو ...

نوار : كلشي ناخذو جديد كلشي

ياسين"دوز بايديه على ضهرها كيمسح عليه" : وماتقصريش ...

نوار : واخا كون هاني ...

ياسين"فصل العناق قابل وجهها دارو وسط كفوف ايديه " : مابقاش بزاف يلاه نمشي نهضر مع الناس ونوجد المكان لعادة وشان والمرشان الي بغيتي ...وصداقك تما وتعرفيه ...

نوار : صداقي ؟

ياسين : ضروري من صداق ..."طبطب ليها على حناكها وناض وقف ...شاف فيها وصغر عينيه كيفكر " عندك شي حاجة تاخذيها من فاس ؟

نوار"حيدات زغيبات من فمها دخلو ليها مع البرد" : اه خاصني نجيب شي حوايج خيطتهم من عند الخياطة وناخذ شي حوايج من عند واحد البنت من المول خذاتهم ليا بالكوموند ...

ياسين : معامن غاديا ؟

نوار : اليوم غانمشي غير وحدي يقدر ناخذ طوموبيل ولا يديني سفيان ولا اشرف ...

ياسين : تسوگي ؟

نوار"رمشات فيه " : ميمكنش ياك ؟

ياسين"حس بيها تقلقت حيث مسكينة متقدرش تسوق الا اذا مكان معاها شي حد نظرا لاصحاب الصرع مبدئيا خاص يكون معاهم مرافق هذا اذا متمنعش عليهم سوگان " : تت ..سيري طلعي بدلي انا هنا واجي معايا عندي

منقضي تما نديك قضي شنو خاصك ونرجعك معايا فالعشية ...

نوار : عمو فؤاد ...

ياسين : ولد عمك انا نوار ولد عمك قبل منكون واحد الوقت حلالك …غير طلعي الوليد ويوسف خليهم عليا ...

نوار : صافي واخا .."هزات كارط كيشي ومشات دخلات طلعات لفوق من بعد ما بلغات يسرى ويامنة بالي غاتمشي معاه عاد طلعات نيشان جبدات حوايج ماتلبس دخلات دوش تا غسلات وجهها وخرجات نشفاتو ولبسات هزات تيليفونها ولبسات فرجليها هزات بزطام دارتو فصاك وهزات مونطوها ونزلات لتحت ...لقات ياسين واقف مع يوسف وفؤاد كيهضرو حدا طموبيل…

نوار"كتلبس مونطوها شافت ففؤاد"

ياسين : الوليد مشينا ؟

فؤاد"حرك ليه راسو وهاد تحريكة راس كيعرف معناها غير ياسين وهو" : سير وكان سير ماعليش

ياسين : يعمر دااارك ...

يوسف"عنقها بجنب " : سيري بنتي سيري ..

نوار"شافت ف فؤاد الي حرك ليها راسو كيطمنها وهي تحدر راسها حلات باب طوموبيل وركبات كتقاد سانتيغ اما يوسف ضار ومشا دخل بقا غير ياسين وفؤاد ..."

ياسين : سمح لينا وكان ...

فؤاد : حضي ورد البال اما الي فداك راس عندك ميقد عليه غير رب العباد ...

ياسين : ساعف ساعف ...الي جدتي بيه ووصيتي عليه كون هاني من جيهتو عاطيك وعد رجال"حط ايدو على صدرو"

فؤاد : ايوى الله يجيبنا فالصواب ...ماعليا والو منك لمولاك ...حتارم العادة الي شرطاتها عليك وكان ...

ياسين : هنا من هاد جيهة عادة ناس زمان ...

"شير ليه زعما سير سير النزق ههههه مشا ضار ركب فجيهة ديالو تاكد انها قادت سانتيغ عاد كسيرا وانطالق نيشان فاتجاه مدينة فاس ...مسافة طريق الي

دازت بين هضرة بيناتهم ولوحان كلام منو هو وضروري ميلوح ليها شي كلمات بمعاني يخليها ضحك فرحانة انها حداه شادين طريق باش تمشي معاه وتقدا لدهاز عرسها معاه مع

حب الطفولة حب كبر معاها ومقدراتش تحيدو وخا دازو ضروف وضروف قاصحة ووقع الفراق لكن الي فالقلب را بقا فالقلب وحتى انه تزاد وساس متان (ولا متين) ...

ياسين"وصل قدام واحد البناية فيها البنك خلاها فطوموبيل وطلع تا خذا غراضو من تما شي ملفات ونزل لعندها لقاها شادة تيليفون كانت كتهضر" : تعطلت ؟

نوار"بنفي": لا "تبسمات" كنت كنهضر مع سليمان...قاليا غايجي العرس ههههه

ياسين "حط ملف فالمجر قدامها ورجع تقاد كيشوف فيها" : مزيااان ..الله اودي ..

نوار "طفات تيليفون" : صافي ساليتي ؟ قلتي بغيتي تغذا ياكما عارض عليك شي حد ؟

ياسين : كنت دابر مع اركان كاين وحدو فالدار دار معايا نسالي نخرجو نتغذاو بجوج ...

نوار : اه صافي هانتا حطني عند الخياطة وسير انا نسالي ونعيط لمينة توصل عليا لمول تجي بطوموبيلتها ونتا تغذا مع اركان ورجع الى بغيتي تقدر توصلني هي ولا نبات معاها ...

ياسين "خلاها تا دگدگات على خاطرها" : ساليتي هضرة ؟

نوار"حركات ليه راسها"

ياسين : و قلتها ليك ؟ (زعما قلت ليك غانخليك مع مينة ونمشي انا هههههههههه )

بقا كيشوف فيها ورجع كيديماري طوموبيل رافع حجبانو عوج فمو بجنب ...رجعات تكمشات بلاصتها كترمش فعينيها زاد بيها لعمارة ديال الخياطة عندمن كتخيط وقف سيارة ونطق كيشوف قدامو ...

ياسين : معطلة ؟

نوار : غير ربع ساعة ...

ياسين : يلاه قضي بينما كميت ...

نوار: واخااا .."حيدات سانتيغ وهزات صاكها ونزلات من سيارة نيشان طلعات لبارطما هز عينيه هو شاف اسم المحل ديال سيدة دار طررراق حل سانتيغ وترجل من سيارة تكا عليها جبد الگارو وشعلو بدا يكمي ويسوط حتى سمع صوت انثوي كيعيط بسميتو ضار يشوف تا بانت ليه جايا بجليليبة شيبية فلون عينيها وشال على شعرها ذهبي مبتاسمة حالتها تحسنات جايا وتضحك ...

الهام : خويا ياسين ...

ياسين"حدر عينيه" : ختي ...

الهام : كيداير اخويا لباس عليك ...

ياسين : ولله الحمد ونتي صحة مزيانة ؟ معاد ؟

الهام : الحمد لله را كيقرا مدهي مع الحفاضة ...

ياسين : مزيااان ...كلشي عندكم مزيان مخاصكم والو ؟ الخدمة ؟

الهام : الخدمة مزياانة ونزيدك مول القهوة دارني فالحسابات انا نشد الخلاص ...

ياسين : اللهم بارك اللهم بارك ...

الهام : صراحة كلشي من خيرك ربي حطك ليا فحال نقطة النور الي نقدتني من تشرد ودياب الي كانت غاتاكلني وتنهش لحمي ...مهما درت ودرت منوفيكش حقك .."هزات ايدها حبساتو ميهضرش" عارفة هادشي

صدقة ومبغيتيش تسمع هادشي ولكن جابك الله صدفة لاقاتني بيك ليوم باش نعبر ليك على شكري ...بغيت فينما حطيتي رجليك وايديك عمرك تخيب كندعي معاك دييييما فصلاتي الله يعطيك بنت الحلال الي تكون معاك فشدة والفرح وينور طريقك كي نورتيني ...

ياسين : اللهم امين ماعليش تستاهلي نعاودها ليك ...تانا كنت واحد نهار يوقع ليا موقع ليك ونبغي الي يعاوني ...المهم وقفتي على رجليك وطريقك بيضة الله يسر ...

الهام : مرة مرة زورنا فالقهوة نديرو معاك الواجب والي خصاتك شي حاجة وخا عارفة ميخص والو ههههه مهم مساعدة خويا ...

ياسين : يعمر دارك اختي مرحبا ...

حركات ليه راسها توادعت معاه يلاه هز عينيه تا لقا لالة مولاتي باش بلاه الله وبغاها وطاح ومسما عليه حد ...

نوار"بوجه فشكل هازا ساشيات كبار فايديها وجايا تعافر معاهم تا مشا كيزرب عندها" : ماشي مشكيل ...

ياسين"بصوت مدعدع باح وريحة الكارو باقي جديدة عاطية من انفاسو" : عطيني ...

نوار : احم"مداتهم ليه مشا يديرهم فالكوفر وهي مشات ركبات بلاصتها كتقاد فسانتيغ تا جا لقاها كتقاد فيها قاد ديالتو وهي تهز فيه عينيها كتسناه يقوليها شكون هاديك ساعاك ماقاليها والو "

ياسين "ضار شاف فيها" : المول ؟

نوار "حركات راسها" : اممم ...

ياسين"رفع حاجبو على ديك اممم ماحكرش ديمارا طموبيل وزاد فالطريق رجع شاف فيها" : شنو مالك ؟

نوار : ماماليش ...

ياسين"هز ايدو شير " : ياك هانيا ؟ محتاجة تصرطي شي حاجة ؟

نوار"شافت فيه رافعة حجبانها" : فحال اش ؟

ياسين : شنو واحل فداك الحلق خاصو يتطلق ؟

نوار : شنو عندك نتا فداك الحلق وخاصو يتطلق ...

ياسين "عقد حجبانو" : شنو عندي انا ؟

نوار : وشنو عندي انا ؟

ياسين "خرج فيها عينيه مخنزر" : نترادو هنا ؟؟؟

نوار"تلتخات عالكوسان مربعة ايديها وعاقدة سيدي مولاي الغوباشة "

ياسين"فرانا بجهد تا مشات وجات وغوتت " : هضرييييي ...

نوار"حطات ايدها على صدرها" : خلعتيني حرام عليك ..."حدرت عينيها مغمضاهم"

ياسين : شنو كاين ؟

نوار"زمات فمها الغيرة كتاكلها من داخل هههه " : شكون هاديك الي وقفات وسلمتي عليها يااااه ...

ياسين "رفع حاجبو " : الهام ؟

نوار"دارت قدامها مخرجة عينيها بالفقصة هههههه تا هو دارها ليها بلعاني ..." : اويلي على الهام ...

ياسين"دار صباعو على فمو عاض شنايفو كيشوف فيها اش تتسنع فالهضرة جابت ليه تمام ههههه "

نوار : اويلي حي على الهام عارف تا سمية وماخاصو خير اويلي .."بغات تبكي بالفقصة" واويلي ...

ياسين : واخا تهدني ...

نوار : شكون هي ؟

ياسين : الهام ؟؟؟

نوار"خرجات عينيها بغات طرطق " : واااا زيمران ...

ياسين : شششت تهدني ياك لباس ؟

نوار"دارت ايدها على عينيها" : سمح ليا واخا شكون هي ...

ياسين : الهام مفكرك فوالو ؟

نوار : لا ...

ياسين : تت صافي سيري وكان تفكري عاودي سولي ..."بغات تهضر" زيدي نزلي شوفي شنو بغيتي تاخذي ...

نوار "تفكرات الكوموند ديالها فيها شي حوايج منهم مسخ هههه " : انا دغيا نطلع عندها فسانسور ونزل دغيا ...

ياسين"سكت طوموبيل وحيد سانتيغ" : لا نازل معاك نيت نشوفو هنا شنو يخصك مزال تبغيه وانا معاك ورايا ديك ساعة قضي راسك ...

نوار : وغير بقا بلاش يا ...

ياسين"حبس الحركة مزگي فيها شوفة " : نوار

نوار "نسات الهام " : امممم ؟

ياسين : تنزلي لا ؟

نوار"عوجات راسها ودارت فرررتتت نزلات من طوموبيل بلا متناقش عارفة ديك شوفة الي دار كتفرزها هي وحدها "

ياسين "نزل عنقها بجنب " : خاصني ضروري نخرج عيني ؟

نوار"دارت ايدها على حنكها وغاديا معاه مسلمة امرها الله ...عارفاه يلوح شي نويطات ماسخين لا فات تا شافهم وكدعي الله تعطيهم ليها بالسكات متشرح متقرب غاتسكت ..."

ياسين"تمتم ليها بصوت شبه مسموع" : محيداهم محيداهم معايا (على الحوايج ههههه)

حيد كبوط وخلاه فالسيارة ونزل كيبانو كتافو عراضو على قبل اخر مرة من بعد الاحداث ضعاف وصحتو مرضات لكن حاليا نفسية كتحسن وهو غادي وكيرجع كيف كان هادشي علاش النفسية ديالنا مهمة باش تكون مزيانة وفتحسن ...طلعو لفو وسط المحلات غادين وكيشوفو تا وصلات محل المراة ووقفات ...

نوار : غير بقا انا ندخل ونجي ...

ياسين"شاف المحل هز فيه عينيه بان ليه ديال ملابس داخلية نسائية حرك راسو يمين شمال بختورية " : واخا سيري انا هنا ...

خلاتو واقف بعيد شوي هز تيليفون دوا مع اركان بلغو بالي مغايجيش الغذا ...

ياسين : مغدي مع المراة ...

اركان : اااااابشر صحتووووو ...

ياسين "قطع عليه مخلاهش يكمل دغيا قمعو فالبلاصة ههههههه دور عينيه بانت ليه جايا هازا فايديها ساشيات تا وصلات عندو وجهها حمر ..." : شنو داكشي ؟

نوار"كتنفي " : والو غير حوايج داخلية راك عارف ...

ياسين : معارف والو شنو يعرفني فهاد العجب

نوار"رفعات حاجبها زعما معارفش ؟ فين نسا المزلق الجنسي نهار دخلة فين نسا الادوية وتجهيزات دخلة والكادويات ...معارفش ؟ هادشي كامل كتقولو فنفسها...عنقها بجنب وتمشاو كيدورو تما شافت شحال من حاجة خذاتها ووصات ماخرجو تا طلع ليه دم وعدوه

دوران بهاد شكل ...

ياسين : وايلي ساعتين باش تشوفي حاجة وحدة ؟

نوار: وعجبتني وحرت بيناتهم ...

ياسين : كوموندي ماحسن ...تتت وايلييييي "دار ايديه على نصو وقف قدام طموبيل تا طرطق عنقو ومسد ضهرو من لور عاد تطلق ومشا لكوف حط دوك مشتريات الي شرات والي خذات غا هي هالعار تسلك ...ركبو بزوج وضار شاف فيها..." فيك جوع. ؟

نوار : بزاف ...

ياسين : وقيتة دواك نيت يلاه ...شنو مشهية تاكلي ؟

نوار : تشهيت الحوت ...

ياسين : گود تشويس (اختيار زوين) ...

نوار : عارف شي محل ؟

ياسين : نسولو ...

نوار : انا عارفة واحد ريسطو كنت مشيت ليه انا وختي وبابا وماما وااااعر فيه انواع الحوت الي بغيتي بكاع الاشكال فالطياب واحد شرمولة كيدير غزااااالة"كتعاود لالة مولاتي من نييييتهااا"

ياسين : فين كاين ؟

نوار : نوريك ...

ياسين : رسلي ليا لوكايشن يوصلني هنا فطوموبيل ...

نوار : واخا "هزات تيليفونها دخلات رسلات ليه فالواتساب طلع عندو فالتيليفون مبرونشي مع الطوموبيل حددات المابس (الخريطة ) "

ياسين : خارج شوي على هنا ؟ "كسيرا وزاد مع الطريق فاتجاه المطعم مسافة طريق ماشي بززف حتى وقفو تما بلاصا سيارة فالبارك ونزلو بزوج معنقها بجنب غادي ويشمشم ليها فراسها هذا الله عاطي العاهد لباه بغا يتفقص تاهو ما قادر يبوس ولا يقيص ...تا دخلو وبركو فطابلة ..

نوار"تفكرات الهام وهي تقرص تاني " : شكون الهام ...

ياسين"كان كيقلب فالتيليفون تا حبس هز فيها عينيه" : نوار خلينا نتغذاو مزيان ...

نوار : واش مبغيتيش تقوليا بالي سلمتي عليها دخلتي وسكتي ؟

ياسين : ياك شفتيها ؟

نوار : ايه ؟

ياسين : هاني تلاقيت بيها الى نقولها ليك را نقولها ...خارجين ندوزو وقت بجوج قبل منمشي تسرال وداكشي خليه وكان نقوليك راكي عارفاني ولا لا ؟

نوار : واخا صافي الي بغيتي ...

ياسين"دور راسو لهيه ورجع شد ليها ايدها" : خلينا ندوزو نهارنا زوين بيناتنا نكون معاك فاش تاخذي حوايج لعرسك ...هاديك الى كنتي تخدمي عقلك راني معاود ليك عليها ...

نوار"كتفكر.." : والله ماعقلت عليها ...تت ..

ياسين : كنتي تسناي نرجع ونقوليك نهاري اش داز فيه شي ساعة شكون حضر فيها ...نشوفها ومتعرفيش ؟ وايلي ...

نوار : تسنيتك تقول مقلتيش ...

ياسين : عشرة دقايق وسولتي ...

نوار"جاتها ضحكة " : وااا راك عارف ...

ياسين : الغيرة زعما ...

نوار"جمعات فمها مقوسة حجبانها بطريقة طفولية "

ياسين : غيري الالة من حقك بالفرحات عليا ...

نوار : امم داكشي علاش كتبقى تقول سميتها باش تفقصني ...

ياسين : فقصة مزيانة مرة مرة .."غمزها"

نوار : هههههه قنعتيني ...

ياسين "باس ليها ايدها وحطها هز راسو كيشوف فالمحل عجبو وريحة الحوت كتشهي " : فين عرفتو هاد البلاصة ؟

نوار"على نيتها كتفكر مسكينة " : اسيدييييي هاديييي وراها لياااا "دارت ليها طن تفكرات را حسن كان وراه ليها ونساات " عجبك ياك ؟

ياسين : مزيان مخير كااع ...وراه ليك شي حد نتي ؟

نوار : انا ؟؟؟

ياسين : يلاه قلتيها بفمك ...

نوار ؛ بالعما ...

ياسين"صغر عينيه كيشوف فعينيها كيرمشو بزاف وفمها كيترعد " : كاندي ديالي ...

نوار"هزات فيه عينيها كتعض فشفايفها بتوتر" : هااا

ياسين : توحشتيني ؟

نوار"رجعات تبسمات" : ههههه اه ونتا ؟

ياسين "حط دراعو فوق طابلة متبت مقرب لعند وجهها مزيان كيحك فشنايفو بسنانو" : هضري نيشان شنو عندك هضري هضري ...موحشاني؟ موحشاني موحشة شلا وشوية مني..."جهد صوته حيث عارف بالي فاش كترمش ويتبدلو لوان فوجهها" عينيك مبقاو خوت شفارك تبدل ليهم المود ...فمك كيترعد ماشي ترعيدة شهد ...هضري نوارة هضريي هضري ماعليش شنو مخبية ؟

نوار"كمشت عينيها وطلقاتها" : وراه ليا حسن ...

ياسين"حدر راسو باش يتسناها شنو تقول يحساب ليه جات شي نهار وحدها ولا بغات تقول شي حاجة مفراسوش هو ..حتى تصدم بالاسم الي اصلا كيجعرو تاهو غيرته عليها حارة ياربي سلامة ...من سمع الاسم

هز راسو حابس عضة شنايفو بسنانو الي كان كيحكهم بيهم ...شاف فيها بالعرض البطيء " : نعام اختي ؟ …

الي فيه شي حاجة را فيه وخا يدوزو مشاكيل يتنجر ولابد من طبع القديم ميبقا فينا هادشي علاش زمن كينجر والمشاكسل كتقوي وكيف كنقول را الي فيه شي را فيييييه ...نوار مدية من طبع يوسف خفة للسان الهبيل الي غيييييير مدرم ويقول كيما كان والي كان ...

نوار"قلبها ولا يضرب بجهد" : ي ياسين و

ياسين"بدون ميرمش عينيه دايرين واحد نضرة هي را عادية وليني عند نوار كتخلع "

نوار: والله ما عمرنا جينا ك نا كنتشاوفو غير فالشركة وغير هضرة عادية وصافي هو غير واحد النهار كنت عارضة على بابا واقتارحو عليا ديك الوقت مكنتش عارفاه ممزيانش و ...ياسييين متقلقش والله الى غير ماكلتو زوينة جرب وحكم عافاك خلينا نتغذاو مزيانين متقلقش ...ياسين ...

ياسين"فمو مسدود ولكن من نضرتو والفك ديالو الي كيتحر كيدل انه عاض على سنانو بالغدايد وايدو كتكمش تا تسقط منها دم ...غمض عينيه شحاااااااال بزز باش يتهدن ..." : تت ...

"دوز بصباعو على جبهتو كيحك فيها يحك يحك وصدرو كيطلع ويهبط تا هز ايدو وخبط طابلة بجهد تا طارت ونزلت وشي ناس حداهم ضارو يشوفو فيه ...

نوار"حطات ايدها على صدرها" : نوضو من هنا الى مبغيتيش والله نمشيو بلاصة اخرا ...

ياسين"الصمت...بغات تقتلو الغيرة بمجرد ما كيسمع سميتو وسمية الشخص الي كان غايكون معاها لو مرجعوش لو كانت احداث اخرى وقبلات تزوج بيه كان غايكون بلاصتو كتشعل فيه العافية ..."

نوار : نوضو ؟

ياسين"مجاوبهاش جبد كارو من باكية دارو في فمو وشعلو اما هي مزادتش معاه خلاتو حتى يكمي على خاطرو فضلات انها تسكت على انها تبقى تهضر ممكن طبز ليها العين فهاد اللحضة اللهم حتى يتنفس عاد تهضر معاه ...بقا كيكمي حتى وقف عليهم النادل من بعد ما شير ليه بايدو ...

النادل : مرحبا سيدي ...

ياسين"مشافش فيها نطق " : شنو بغيتي ؟

نوار"شافت فيه وحنحنت مرطبة الهضرة" : الي بغيتي نتا خود ليا معاك ...

ياسين"شاف فيها" : نتي الي عارفة هنا ولا لا ؟

النادل : كاين مقالي ومشاوي وكاين ليزويتخ گغاتيني ...

ياسين"رجع شاف فيها ..."

نوار : احم بغيت من لي فخيت ومن ليزويتخ گغاتيني ...

النادل : جوج بلا من الحاجة ؟

ياسين : لا غير واحد واحد ...الى غادي تزيدها نعيط ليك ....

النادل حرك ليهم راسو ومشا اما هو بقا كيكمي بلا ميهضر طلع ليه دم واش يدير غيرته هبيلة كتر منها ...اما هي مابغاتش تحكر وتقوليه علاش مبغيتيش تاكل خلاتو على خاطرو مادام هي بررات ليه وعطاتو علاش حتى يتفش عاد تكمل ليه ويهضرو مزيان اما دابا هو معصب وهي تزيد فالهضرة على شخص هو النقطة الكحلة عند ياسين هههههه

جاب ليهم الطلبية حطها على حقها وطريقها مع عصير الحامض وكيسان ما فيهم طريفات الحامض ...

نوار"شافت فيه" : مغاديش تاكل معايا ؟

ياسين"شاف تا عيا وولا تنهد و طفا الكارو فطفاية تما وناض من تما مشا حتى غسل ايديه ورجع جلس كلا منهم غير شوي صافي وناض غسل ايديه ثاني اما هي طاحت فيهم عمية قتلها جوع ...كملات وشربات دوا ديالها ..."

نوار"ناضت غسلات ايديها ورجعات لقاتو واقف كيخلص دور مع النادل ...ضار شاف فيها شير ليها براسو ومشات هزات صاكها ومونطو ديالها وتبعاتو حلات باب طوموبيل لقدام وركبات ...حتى ركب تاهو حداها ..." : راجعين ؟

ياسين : يلاه نشد طريق لهيه ...

نوار : ماتبقاش شي شوية ؟

ياسين : ماعنديش الوقت ...

نوار : مقلق بزاف ؟

ياسين "الصمت ماجاوبهاش دور الكونطاكت وديمارا طوموبيل مكسيري الوجهة ازرو ...تكات عالكوسان معاجبها حال حسات بيه تقلق وبزاف يعني حملات راسها ذنب جابتو لمطعم من اختيارها وشكون وراه ليها واقتارحو عليها ؟ حسن عدوها دابا وعدوه هو والغيرة الحامية سيدة الموقف ....وصلو لازرو ودخلو الفيلا بلاصا سيارة ونزلو ضارت باش تهز اغراضها لكن مخلاهاش هزهم هو ودخلو لداخل تا طلع معاها لفوق حطهم ليها قدام باب بيتها ...ونزل ...

دخلات هي حطاتهم وستفاتهم وبدلات حوايجها دغيا بالخف باش تلحق عليه قبل ميمشي ...خرجات من البيت غاديا وكتخشي فبانطوفة فرجليها ونازلة حتى لقات يسرى ...

يسرى : ماما جيتو امضرا خديتي داكشي ؟

نوار"كطل على برا بعينيها" : هممم اه خذيتهم ...

يسرى : اجي وريهم ليا ...

نوار : ماما طلعي شوفيهم نتي حتى نطلع عندك ...

يسرى : ووريني وشرحي ليا ويل شيطان ...

نوار : تت بغيت نشوف ياسين قبل ميمشي اماما...

يسرى : وامزال ممشاش مغايمشي حتى يجي اسامة دابا مشا يتقدا غير هنا يجي عاد يتحرك وزايدون هو غايمشي وميقولهاش ليك ؟

نوار : را مشا مق"حبسات الهضرة مبغاتش تقوليها را مقلق منها وتخاصمو فضلات متبقاش تعاود نفس الغلط هو اي حاجة وقعات بيناتهم تقولها لمها اودارهم وبدات كطبق نصيحة مشاكيلكم ميفوتو باب بيتكم ..." تت يلاه نوريك ...

يسرى : يلاه يلاه "طلعات معاها وبدات توريها ليشوميز دونوي ودو بييس " وريهم لخالتك يامنة باش متشريش منهم فحوايج دهازك ...

نوار"حركات ليها راسها" : واخا واخا ...

رجعات حطاتهم وهي تنزل هي ويسرى لتحت خرجات كطل برا بانت ليها يامنة جايا داخلة ...

نوار : خالتو فين ياسين ...

يامنة : ياسين علاه موصلكش ؟

نوار : راه وصلني وهز معايا حوايج حتى لباب البيت وخليتو نزل ..

يامنة : واقيلة خرج حتى با بغيت نعطيه دوا ديالو مالقيتوش ...

نوار"قلبها ضرب " : ياكما مشا ؟

ماعرفاتو واش مشا ولا طار لشي قرينة يبرد غذايدو ولا غير تما ولا شنو حتى يامنة مفهمات والو زعما يمشي بلا ميقولها ليهم عالاقل مو عالاقل تسيفط مع باها وولدها ...

يامنة : ويلي على يمشي ميقولها ؟ وعلاش يحساب ليك مشا ياكما تخاصمتو ابنتي ...

نوار : لا لا علاش نتخاصمو ...

يامنة : وهاد تسولية احنينة ما ديالت الله ...اش تما هههه

نوار"تنهدات وتلاحت عليها عنقاتها" : مكاين والو خالتو منكذبش عليك غادي نتوحشو ...

يامنة "دورات عليها ايديها غادييين معانقين وتبوش فيها" : وااحنينة بنتي ومرت ولدي البكر ما بقا والو جوج سيمانات لا بغا الله وهانتوما تحت سقف واحد ...صبرتي عامين ديال فراق مافيها باس صبرو ايام ...

نوار : هاحنا صابرين..."هزات فيها راسها " خالتو ...

يامنة : احنينة ...

نوار : دابا نتي ولات عندك حتى مرات ولدك لاخرا ...

يامنة : ايه ههههه مالك جاتك الغيرة ؟

نوار"تنخششت فيها وتشمشم " : انا الاصل ياك ؟

يامنة "ضحكاااات من قلبها" : نسولك ...

نوار : اه سولي ...

يامنة : شكون الي ربيتها ملي كانت لحيمة بمصرانتها وسميتها حنينة ديالي ...وتمنيتها مرت البكر ديالي ...

نوار"فرنسات ليها" : خخهههخ انا ومكاين من غيري انا ...

يامنة : هي مرات ولدي وبنتي منفرزهاش بين ولادي ونتي بنتي وحنينة ديالي قبل متكوني مرت ولدي ...

نوار"باستها فحناكها بجوج " : هكاك اخالتو هاكاااك ...

يامنة : سيري هضري معاه سوليه فين مشا وتوادعي معاه حتى دوز شي ايام ونطلع عندو تما يلاه نبداو توجاد الحلوى وشلا ميخص لعرس ديالهم ...

نوار : واخا انا طالعة نشوف تيليفوني خليتو فالبيت ..."حركات ليها راسها ومشات طلعات البيت جلسات فوق ناموسية ودوزات ليه الخط ...

مخاطبكم غير مشغل حاليا المر...قطعات ديك ساعة ..." علاش طافيه ؟ تت

متكية كيف العادة شادة كتاب فايديها هو رواية ...كتقرا فيها ومركزة حتى كمشات عينيها وبدات كتحرك ...

صفية : امممم فففف

ايساف"كان متكي ومعوج راسو بالنعاس"

صفية : ففف"دورات ايديها كتبرك على القرص يجيو عندها شي وحدة من فرمليات والو تا وحدة ما دخلات " ياربيييي فين هادو ..."جهدات صوتها" هيييييي شي وحدة تجي تعاوني عافاكم ..."عاودت وركات ووالو" واااااا فينكم ...

ايساف"حل عينيه على صوت عياطها حتى هز راسو بجهد بواحد الحركة خلاتو كمش عينيه وغوت " : اوووو فاااااك .."دار ايدو ورا عنقو عاض سنانو حس بيه تلوى مبقاش قدر يضور راسو "

صفية "شافتو وماداتهاش فيه عاودات عيطات" : وفينكم اويلي ..

ايساف"مابقاش داها فعنقو ..شاف فيها" : مالك "ناض شاد عنقو ماقادرش يدور" مالك ؟

صفية : مابغيتكش نتا بغيت الفرمليات"كمشات عينيها وشدات تحت كرشها المنتفخة " امممم

ايساف : هضري نعاونك حتى يجيو وتفاهمي معاهم ..."جهد صوته وتحرك تا غوت تاني" وهضري... اووووففففف..

صفية : بغيت نقضي حاجة اش بغيتي نتا دير ليا راني تزيرت يجيو يعطيوني البانيو ...

ايساف : هذا مكان ؟ انا نديرو ليك ...

صفية : لا ماديرش ليا اسي خليهم هما يديرو نتا معندك حق دير ليا ...

ايساف "ماجاوبهاش مشا جاب البانيو من تحت سرير ديالها" : بلاتي ...

صفية "خرجات فيه عينيها" : عطيه ليا انا نديرو شكرا من هزيتيه من تحت صافي غير خرج خليني نقضي غراض ..

ايساف : تهزي شوي نعاونك بلا كترة هضرة"كيغمض عينيه بالحريق الي عطاه عنقو " دغيا ..

صفية : لا مبغيتش عطيني البانيو ..."خرجات فيه عينيها مخنزرة " والله لا درتيه ليا وسير خرج خليني عليك يرحم ليك باك ...

ايساف"كيتوجع وساكت" : وخا نحطو ليك ونتي ديري انا نخرج تا تقضي ونجي نحيدو ونديه نخويه ...

صفية : وخرج عليا واااااا مبغيتش تحضر ولا تعاون ولا دير شي حاجة ودير قلب وبعد مني راني هضرت هضرة وحدة "كمشت عينيها" اربي الى ماخرج خرج عافاك راني تزيرت بزاف ...

ايساف "شاف فيها ورخا ايديه " : ندير گلب ؟

صفية "بقات كتشوف فيه "

ايساف "عض شنايفو مزيان ...حط ليها البانيو شداتو" شوي وندخل بينما كملتي نخويه ...ندير گلب ؟ واخا دابا نديرو ...

خرج مخليها كتشوف شدات البانيو وتهزات شي شوي حيدات سروال والكيلوط وقضات حاجتها فيه عاد رتاحت حسات بالبولة زيراتها تا وجعتها كملات وهزات بابيي جينيك مرطب بالمطهر مسحات بيه يلاه نيت كتمسح حتى دخل عليها هزات فيه عينيها مخنزرة ...

ايساف : ساليتي ؟

صفية : ياويلي واش بغيتي تولدني قبل الوقت بالفقصة ولا تقتلني ؟ مافهمتش واش لصقة نتا ؟

ايساف : درت قلب ...

صفية : وعلاش معطيتينيش تيساع ؟

ايساف : درتو فاش عرفتك ودخلتي ليه اما قبل مكان عندي كاع الي دخلت ليه غا داخلة وصافي تا جيتي نتي وخليتيني نديرو ..."مد ايديه تحت منها هزها تا تهزت طلع ليها الكيلوط وسروال ...خنزر فيها باش متجاحدش معاه وتاهي مابغاتش تركل اصلا الوضع ميسمحش..."هاني ديت هذا نخويه "غمزها خلاها كتصرفق فحناكها بالغدايد ....

حلات عينيها على صوت الاذان كتسمع فيه وكتشوف فالسقف حتى بدات تقاد ليها الذاكرة وتوگض تفكرات الي وقع فالصباح وعند الغذا وهي تخرج عينيها على جهدهم تا ناضت كتشهق ...ضورات راسها تقلب تيليفون لقاتها سبعة وربع ديال العشية ...

نوار : هييييي اويلي ...ياسيييييين ...اويلي .."كتقلب الاتصالات لقاتو منعيطش ...دخلات واتساب لقاتو مداخل من صباح بكريييي ...حطات تيليفون وناضت بزربة " اويلي واش نعست ماحسيت ؟ اويلي ..."لقات راسها باقا ناعسة بالبيجامة والكاب ديالها فاش كانت كتصوني ليه محساتش براسها حتى دازت بيها عينها وغفات ...

نزلات كتجري لتحت لقات الصالون فيه نجود وسارة ونجوى ويامنة والدراري مكاينينش اما يوسف ويسرى مكاينينش عارفاهم مشاو عند مينة يشوفوها ويرجعو عند جداها سعاد ...وصهيب عاد داخل هو وفؤاد ...

نوار"مشات عند فؤاد وصهيب" : عمو فؤاااد ...

فؤاد : نوارة دار ...

نوار"حنحنات بغات تسولو" : واش ياسين واسامة وجدي مكاينينش ؟

صهيب "رفع حاجبو" : علاش مسلمش عليك ؟ ابنتي راهم مشاو عند المغرب ...

نوار"خرجات عينيها" : كيفاش ؟

فؤاد : شنو واقع ؟

نوار"شافت فيه" : ها م مواقع والو"تزير صوتها جاتها البكية " احم يمكن كنت ناعسة مبغاش يفيقني ...

صهيب : وهو يوسف قاليا راك ناعسة وجات تا عمتك راوية بغات تديك معاها عند مرت ولدها الي بغيتي تشوفيها شفتها رجعات غير وحدها ...

نوار"حكات جبهتها بتوتر" ي ا اه يمكن مسمعتهمش نعست بزاااف ...بففف صافي حتى نهضر معاه كنت بغيت غير نتصيفط معاهم ...

صهيب : ههههه تصيفطي ابنتي جوج سيمانات وهانتي فدارك ...

فؤاد "حس بالوضع ماهواش" : ماعليش ضروري يتحرك تما يلاه يكمل خدمتو يوجد ما يوجد باش يشد كونجي على حسب الحلال الي عندكم ...

نوار : واه داكشي ..."صرطت ريقها"انا طالعة نصوني ليه ونجي ...

طلعات لبيتها البكية حابساها غا بزز تا مشات لتيليفونها هزاتو دوزات ليه الخط لقاتو كيصوني لكن والو واش جاوبها ...

نوار"لاحت تيليفون بجهد لتخاتو " : اويلي مالو على هادشي ؟؟ لاش هادشي كامل يخ ...بففففففف"بغات تكدد بالفقصة ...ناضت مخليا تيليفون وخرجات نزلات لتحت مشات نيشان لمكتب فؤاد دقات عليه "

فؤاد"حنحن بجهد"

نوار"حلات الباب وطلات عليه براسها" : عمو ندخل ؟

فؤاد : الله اودي بنتي ..."شير ليها باش دخل"

نوار"دخلات كتجمع فالكاب وتزير عليه ووجهها ملامح ديالو ماشي تال لهيه ...جلسات مقابلة ليه .." : واش احم هضر معاك ياسين ؟

فؤاد"حيد نضاضر شوف وحد ستيلو وشاف فيها" : واقع شي مشكيل ؟

نوار : احم ...مكيجاوبنيش ...مشا بلا ميسلم عليا يمكن كنت ناعسة وخلاني على راحتي ...

فؤاد : هانتي جاوبتي راسك ابنتي الا لكانت حاجة من غير هادشي ....

نوار"الصمت"

فؤاد : الي كان قد ماكان مغايفوتش ايام ويرجع كيما كان ...لا حاسا بالغلط ديالك منك عالجيه وهو فحالك ...

نوار"حركات ليه راسها"

فؤاد : رجعي هضري معاه ولا عطيه وقت يمكن الوقت ممناسبش باش يجاوب يمكن كيتسنا يتنفس ولا نقولو الغايب حجتو معاه...

نوار "حركات ليه راسها " : يمكن ...

فؤاد : هضرتي مربوطة بالي وقع معاك هي الحل لسؤالك وحل لمشكيل ديالك ...

نوار : مفهمتش والله ...

فؤاد : حتى تزيري عاد ديريها وديك ساعة تلقاي راسك فهمتيني

نوار"داخت هههه" :واخا عمو عالله ..."ناضت من تما مستاذنة منو وخرجات تلاقات بامها وباها عاد داخلين سلمات عليهم وطلعات لفوق بحجة تبدل وتنزل باش تعشا...هزات تيليفون لقاتو مصوني ليها مرة وحدة دغيا دخلات وصونات ليه بقا شحال عاد جاوبها"

نوار : ياسييين ...علاش مشيتي ومتوادعتيش معايا ؟ حشومة عليك ...

ياسين"متكي عالطوموبيل كيشوف فاسامة وجدو داخلين لقهوى وهو بقا حتى يكمي " : كنتي ناعسة ...

نوار.: فيقني ...

ياسين : مكاين لاش مزال نتشاوفو ...

نوار"زمات فمها حسات بيه مقلق نيت" : مقلق مني ؟

ياسين"ساط دخان فوق" : مامقلقش عادي ..

نوار : لا مقلق اياسين عارفاك بقا فيك الحال اه انا بلاصتك نتقلق ونغير عليك كيفك ...

ياسين : كملي ...

نوار : هو غير اقتارحو عليا عارفة مكتحملش تسمع سميتو كيعصبك كتر من اي واحد ومدازش عليه مدة على الي وقع اخر مرة والي دارو معاك حتى نتا ...ولكن را فديييك الوقت الي كان كيبان نيتو مزيانة فالوقت الي كنا مفارقين اياسين كنت كنهضر معاه كان شوي مفوج عليا ...كانت نيتو الحلال ..

ياسين : سيري تعشاي وشربي دوا حطي راسك على المخدة وشوفي شنو خاصك ديري وشنو ما خاصكش ديري ...مهما درت وفعلت معندك لين عليا … منساش واحد الوقت هذاك كان غايكون بلاصتي وكنتي غاتقبلي بيه ؟

نوار: ااا ؟ وهو اياسين ...هو الشخص الي كان بغا يتزوج بيا و...يعني كان و

ياسين"دور وجهو لهيه غمض عينيه باش يتهدن" : جواب مخلخل ...تباتي فراحة الله ابنت الناس…"محتال تجاوب حتى قطع عليها فالبلاصة خلاها خرجات عينيها بصدمة "

اي واحد بلاصتو مجرد ميتذكر اسم الشخص لي كان واحد وقت ممكن يكون بلاصتو مزوج بيها معنقها من غيرو وكيقوليها نوارتي ولا حبيبتي ولا مصطلحات الغزل بلاصتو هو را جنون يركبوه فما بالك حسن الي فوق هادشي زاد انه مد عليها ايدو الي هو كلو مكانش كيفكر تا تفكير يمدها عليها حتى فتفكيرو ...وقوييصحة…

"في المكتب"..

فؤاد "دور الكرسي جيهة الشرجم والتيليفون فوذنيه " : الضحية نهار العيد الكبير توصل توصل والغراض مقضي والمقصود مبلغ ...الصبر قد ما يدبر يداوي....

يتبع...