رسالة مشفرة معناها مشفر من عند سي ياسين رمسيس الفحم ...في هاد اللحضة بالذات معرفات شنو دير واش تنوض تلحق عليه فين قاليها ولا تبقى متبتة ...شنو دير ما ديييير ؟ بقات تلولب فعينيها وسط ديك الكاشة حتى ناضت حبسات الايباد سدتها وناضت هزات بينوارها من حداها لبساتو عليها ...وهي توقف ...
مشات من حداها وخرجات من صالون دخلات لكوزينة فين كاينين العيالات وهي تجي عينها فعينين يامنة غمزاتها وشيرات ليها باش تبعها...
يسرى : فين غاديا ؟
نوار"تزنگت" : غير هنا علاش ؟
يسرى"طلعتها وهبطتها" : غيييير سولتك ...
يامنة : اجي بنتي معايا ...
حركات ليها راسها وتبعاتها تا خرجو قدام الباب طلو على صالون الي عند الباب جالس فيه يوسف ومصطفى اما فؤاد فالبيت كيخدم فشي خدمة ويهضر فالتيليفون لهيه فموسكو مع ايلاف ...
علي"خبط ايديه" : كلشي عندها مصفرط هادي لا حول ولا قوة الا بالله ...
اشرف : وجهك بيض اش دايرة ليه
حسناء"ميقات فيه" : بيض من عند سيدي ربي
اشرف : ااه سمحي ليا اخويا ...
البشير "شير لعلي" : نرشمها ليك ؟
علي : اشنيه اختي ؟ تانا با ...
اسامة : زعما يخطبها ليك تا تكبر ...
علي"شاف فيها مخرج عينيه وهز صباعو 👌🏻" : يااااا واخا نكون باير وماشي ضاربين فيا سبعة الموجات ومبخريني بزغب الماعز وزغب الفار ليتيم وشحمة ناموسة وجناح ذبانة الغضبانة وشفار النملة الهجالة منشوف سعدي "شير ليها " مع هاد مفرگة المنخر خنونة دنيا من عهد الفينيقيين وغيس الصروبة فيها وحلوقها ديال براح بياع دوا البول الي فسوق مااانرشم نموت عزري ...
حسناء "دارت ايديها على نصها حتى عوجو راسهم كل من اسامة واشرف رافعين حاجبهم يتسناو كلاش ديالها " : انا باغيا نقرا ماباغيا نترشم لا من رجال ولا منك ...با قالت ليك مي دواك متنساهش …
علي"شاف ف حسناء" : شكون بنت زبيطة اديك المخننة ...
حسناء "وقفات كتطوي فسربيتة " : واااا شيخة عندها بنتها اسمها حنان تاهي شيخة هي الي جاوبتكم ...
علي : احححح حسيت بقلبي هبط ...
اسامة : فين كاينة ؟
علي : بعمولتك ...
حسناء : ماتعطيني منعطيك ...
علي : تعطاك فراس ...
حسناء : يتبقي ستر ..."مشات "
علي"ضار شاف فجدو الي كيكمع" : وشوف ليك سي البشير ما ساهل ...
اشرف : ميقتلوك غا ملي يقوليك زمان الحشمة ...
توحشها توحشها بزاف تنور ليه الفيرما دارو رزقو ترجع تعيش معاه تحت سقف واحد ...نوار بالنسبة ليه دابا فوق العشق شي حاجة الي ضروري تكون فحياتو كتكملو لدرجة عامين وهو مخلص ليها رغم انه كان ممكن يتزوج غيرها ومن حق حقو ...لكن حبو ليها الضروف الي عاشوها خلاتو ياجل شي حاجة سميتها ارتباط جرب وشاف وعاش ولكن فراقها مقدرش عليه ...
نوار : نتلاقاو بتخبية وتوجاد العرس حسن من اللول ...
ياسين "حرك راسو" : كل توخيرة فيها خيرة ..."عاود باسها فحنكها بقا يبوس يبوس تا بغا ياكلها وهي كتضحك" شهد معندو حد ...
نوار"كتعييييوج" : وصافي هههههه
ياسين : يلاه سيري ...
نوار : تبعني ...
ياسين : شي شوي نكمي ونجي ...
حركات ليه راسها وقادات بينوارها ومشات خرجات تبعها تا قربها لنص بقا واقف حاضيها تا ضارت ودخلات عاد هو رجع كيكمي كمل ومشا تاهو تبعها من بعد ...
صباح يوم ممطر فالبادية دخاخن طالعة ديال لخباز والحماحم وريحة القهوة معطرة تعطعط ...السبعة ديال صباح حلات عينيها على صوت الحركة فالبيت لقات سارة كتلبس فبيجامة جديدة ...
نوار"لقات طبيل عامر ديال رفيسة البطبوط مع براد اتاي منعنع وحداه ابريق قهوة معطرة ريحتها تشق راس(رفيسة
البطبوط الالة بطبوط سخون فرتتوه مزيان على شكل نداغي وشحرو بصلة زوج ريوس او حسب شحال بغيتو مع بزاف ومليحة فزيت زيتون غير شحروها من بعد تهبط زيدوها فوق بطبوط الي فرتتو وزيدو عليها تيمينجة يابسة مطحونة مع زعتر تيمينجة هي فحال نعناع كينسمو بيها اتاي كتشريها تيبسيها فالضل تتيبس الي ملقاتش تيمينجة تدير شي منسم فحال فليو ...كتديري شوي فوق داكشي وزيت وتخلطيهم مزيااان وتحطيها وبالصحة)
طاحت فيها عمية تاكل وتقول ماكليت تا شبعات وناضت غسلات ايديها ودخلات بدلات بيجامة ولبسات وحدة اخرا تابطات دراع سارة ومشات فاتجاه الفيرما توادع مع امها بينما رجعات هي ومينة ختها بعد يومين...
ياسين"واقف قدام الطوموبيل مع يوسف وفؤاد ومصطفى كيتسناو يسرى تخرج باش تيسر مع يوسف حتى بانت ليه نوارة جايا وجهها مزنگ بالبرد وفمها حمررر ابتاسمات ليه ومشات دخلات "
فؤاد : .بلاصة الخيل اولدي كتبقا بلاصة الخيل ...شوف مع ميمتك خاطيني من لغا العيالات شافيك الله راك مولاي سلطان دابا"طبطب عليه ومشا"
ياسين"تعصب وضار عند نجود مشربن" : من بعد العرس تا مخلوق من مخاليق الله ميطرف بساحتي ..."شاف فيه مخرج عينيه" والفاهم يفهم ( هههه زعما تاحد ميوقف ليه فعودو)
نجود : ههههه ديك ساعة القانون وشرع واقفين معاك الله اودي ...
يامنة"هازا فايدها واحد طبگ (طبگ مصنوع من شريط السمار وكاين ديال ميكة لكن الي هازا يامنة ديال سمار طبيعي )....حطاتو ليهم تما عامر بحبة حلاوة باقي فازگة " : هاكي ا مريم دي هادي لقدام الباب ابنتي جيهة باب دار(حيث داخلين الكوزينة الي لور فين كطيب نعيمة لخدامة ) ...
مريم : واخا خالتي .."شذاتو من عندها ومشات ...
نجوى"كتجمع فالعجينة ديال غريبة " : ومتنسايش ما زهر المركز ...وجيبي معاك مسكة حرة من الكوزينة ديال دار ...
فنيدة "كتفسخ ليهم فاللوز" : اييييه شوووف المكاتيب ونامسينا(هي كتعني ولبارح لكن بصيغة الهضرة ديالها قصدات واحد النهار هههه ) كنا نقولو نوجدو لفحم فالصيف شي تما شي هنا ايييوى كتاب الي كتاب وربي كتب فهاد العام ولابد ...
يامنة : هههه ايوى ربي كيوخر كل توخيرة فيها خيرة ...
نجوى : واحد نوار مسولتيش فيها يومين هادي مشتها ...
نجوى : واهداي عليا توجاد العروسة بهاد طريقة بحلااتو امي فنيدة ...اللحم يرجع رطيطب ويشقشق وخا هي زينة وزينها ناعم رطب وليني عروسة هي العروسة نهار عرسها يبان عليها السر فوق السر ...
فنيدة : فهادي غلبتيني وخا عروسة يامنة منكذبشاااي زينة تبارك الله ودخل القلب غاا الله يهدين ديك ليام مخليت محطيت فيها "هزات صبعها شيرات ليامنة " وليني را غير من حرقتي على ولدي راكي عارفة يامنة عوينة وحدة وسط خوتاتو وراكي مجربة الكبدة عينيا تعماو ولساني تطلق...
يامنة "تنهداات على هضرتها" : يابتي نساااي را كل وحدة عندها كبدتها تشوف عليها الويل وتعض فيها بايديها وسنانها وتهز دقات دنيا ودين فضهرها غير متشوفهم مقلقين ...نساااي اختي فنيدة ونشطي معانا هانتي كتوجد لعرسو راسك كانه ولدك ...
فنيدة : على رقبتي لا ولدي نوجد ليه فحالو فحال عبد الغني ...
نجوى : ايوى الله يسهل عليهم بجوج ...فين سارة تجي ضرب لينا ويلي ضحكو ونشطو تاني ...
فنيدة"هزات واحد جوج كيسان وحطات صينية قدامها وبدات صرب قبل طلقات حلوقها " : سعد يالالة وفرحي يا لالة جوجت ولييييدي وحيدت اللومة ..."بدات ترد عليها نجوى دخلات واحد جارة اسمها عيدة تاهي مع سلام عليكم بدات تزغرت وتصفق ..."
اما في هاد الوقيتة من بعد ما وجدات ليها طاسة عامرة بالحنة مخلطة بالعشوب جابت ليها حسناء ما دافي فمقراج ومداتو ليها عاد هي خرجات من دوش لاوية عليها بينوار بيض ديال ساتان شعرها فازگ ...
سارة"شافت فيها" : ويلي مسخوطة غطي شعرك ..."لاحت ليها زيف" غطي قبل لا يضربك البرد بينما خلطت ليك هاد تخليطة ...
نوار"شدات زيف دارتو لشعرها" : غانديرها لشعري ؟
سارة : لا دهنيها لاحمك كامل وبقاي فدوش يخون تا تنشفي مزيان وشلليها ...
نوار"جلسات حداها ربعات رجليها" : شنو هذا درتي ...
سارة"كتخلط بايديها" : حنة (مدقوقة بالفردو الي هو مهراز العود هو افضل باش كيدقو فيه الاعشاب ويشططوهم يعني كغرباوهم كيجي منيل مدقوق فحال فورص ) حمص مطحون تاهو وعكر فاسي وشبة والورد اييوى واداد...
نوار"حدرات راسها كتشم " : الله ريحة غزالة...
سارة : تا لحمك يشربو من بعد نهار الحمام فاش تضفر ليك عگوزتك شعرك وتعومي وتشوفي كي تخرجي تشقشقي ...يهربك بيك ياسين ويسد عليك هههه
حرك ليه راسو ومشا وفؤاد واحد اللحضة عينيه ولاو حمرين حيث كيشوف خوتو كيخافو من ياسين ماشي خوف انما خوف الاحترام كيسمعو ليه ممنوع يهزو فيه العين داكشي الي تربا عليه ومع خوتو رباه فولادو وعائلته الي هو "الاحترااااام" ...
يوسف "تقابل كيشوف" : هادشي زيييين عجبني ...
طلات لحمها كامل وتسنات حتى نشفات دوشات رميساء الي عاونتها وطلات ليها بتوصيات من سارة وجداها وخالاتها الي جاو تاهما دار سارة كبيرة ومجموعين فيها بضحك ونشاط كل عشية كيضربو ويوجدو مع يامنة فالحلوة ...تشللات
من بعد ما عاونتها رميساء كتغسل ليها وتقدا ليها شنو بغات وفرحااانا منها كتحاول تعوضها على الكلام الجارح الي سمعاتو ليها ديك المرة ومنها كتوجد تاهي وفرحانا بوجود عرس تقليدي فالبادية ...خوجات ونشفات ولبسات بيجامة سخونة ودافية ...دارت زيف على شعرها عقداتو وعطاتها شال سخون تاهو لواتو عليها
ذهنات فازلين وشوية عكر الفاسي لرجليها ولبسات عليهم تقاشر (كاين خميرة وعكر فاسي ولا سيروم ودوا الحمر والحامض كطليهم رجليك وديري عليهم ميكة وتقاشر واحد ساعة وحيدي ميكة ورجعي تقاشر باش ميتخنقوش رجليك وتباتي بيهم وصباح سيري لحمام الى مقدرتيش سي نو تدار هاد القضية يومين قبل الحمام ونتي كل ليلة كديريها ايوى فاش تمشي لحمام وسوووخاات كتخرج من رجليك وكيبانو ومن تعومي ذهنيهم بفازلين ولبسي عليهم تقاشر كيبقاو رجلين رطبين وينقيوهم )
نوار : ماشي شي حاجة وجهي مافيه والو كندير غير دانون مسوس وعكر فاسي صافي وعينيا الخيار...
يسرى : باش كتغسلي ؟
نوار : غيير الما فاتر كيف قلتي ليا ...وكنشرب كل نهار فالصباح ما دافي وفالنهار عالاقل زوج ايترو ما كيف وصيتيني ...(الما مهم بزاااف البشرة عالاقل زوج ايطرو ما فالنهار كيما شربتوه بكثرة كيما البشرة كتولي نضرة ومتشبعة كيبان فيها وخا ديرو مية ماسك وماسك را الما الي كيزينها )...
شافت فيها باستغراب. كتسائل على شكون الي كيتسناها قدام الباب ...
نوار : شكون ؟
يسرى : ويلاه وتشوفي ...
دارت القب ديال بينوار ولات تبان فحال شي وحدة كبيييييرة مع ديك شدة زيف حياتي وشال والقب ...تبعاتها تا خرجات وهي تهز عينيها فيه كان عاطي بالضهر وهي تشهق دارت ايدها على فمها كتضحك...
نوار : هيييييييي سليماااااااااااان"غوتات تا نقز وضار لعندها مشات كتجرييييي عندو ماحتال يهضر تا تلاحت عليه عنقاتو كان شوي يطيح"
سليمان : اهيا ناري تي بشوي ...
نوار"كتهضر وضحك فرحانة بجهد اقرب واحد ليها فعز الازمة وخرجها منها ووقف جنبها هو سليمان ليه مكانة خاااصة عندها بجهد" : توحشتك توحشتك بزاااااف وااااو فرحتييييني ...
سليمان"ضربها راسها بخفة" : تي حمقة مالي الي منحضر لعرسك راني خوك الحمارة ...
نوار : هههههه امتا جيتي ؟
سليمان : شكون جاب رميساء ...
نوار : ويلي كاع ماقالتها ليا ...
سليمان : وصيتها مشيت تال دار جدي وشفت الوليد وجيت ...مفاجئة البغلة"طلعها وهبطها" وليتي فحال جداة الوليدة عيدة الله يرحمها...
يسرى : ههههههه مسخوط صافي"دخلات هي ومينة وخلاتهم "
سليمان"دار ايديه على ذقنه" : اهههههع عشنااا وشفنا تا شفنا هاد تگرديفة اييييه باقي نعل واحد نهار قالت ليا "كيعيب فيها" عمرييييي رجع ليه يبعد منااااااااي يدير نفس ...
نوار : اصااافي سليمان نسا ...علاش كتفكرني ...
سليمان : مرة مرة تفكري قلت ليك من بعد غاتبقا ذكريات نضحكو عليها انك تفكري الي داز كيطكرك بدرس تعلمتيه باش تعاود تستمري وتبقاي على شخصيتك الي صنعتي جديدة ...دابا باش كتحسي بهاد زواج...
نوار"تنهدات كتهضر وتبتاسم" : فرحانة بزاااف حاسا براسي غاندخل فمسؤلية كيف كيقول ياسين ساسها صحيح احساس فشكل زوين على قبل وخا كنت فرحانا غانتزوج بواحد كنت باغياه من صغري كان فشكل فحال ماعرفتش كيفاش نوصف ليك ...
سليمان : زواج بدون مشاعر ...
نوار : فحال هكاك وخا كيبغيني مكانش كيبين ...
سليمان : الي عشتوه نجركم بجوج نتي تعلمتي توجدي راسك قويتي راسك غاديا فطريق صحيح باش تفهميه وهو تنجر باش يفهمك ويحس براسو بالي فعلا كيبغيك ناشي غييير كيبغيك وبغاك لزواج ...المشاكل كتقوي رابط كيما كان ...الى مقواتوش كتخرجنا بتجربة مكتسبة...
مشا هو ودخلات هي لحقات عليهم لداخل فين جالسين لقاتهم بداو كيضربو ناشطين العيالات كيوجدو فالحلوة الي مكلفين بيها شي اشكاال بينما الاشكال لاخرى خدامين عليها فالفيرما عند ياسين ...الضرب ونشاط وتوجاد خدام على قدم وساق....
وصل الليل ودخلات البيت تكا تا دخلات مينة عليها ...
مينة : انا مشيت ...
نوار : مغاتباتيش معايا ؟
مينة : راجلي حبيبة كيعيط ...
نوار : علاش مجاتش خالتي ماجدة ؟
مينة : بعد غذا غايمشي يجيبها رياض ونجي نبات معاك ...امتا العقد ؟
يعني نهار يشدها من الوحش الي فيه من جيهتها غااا يمرمدها تمرمييييييد ...ههههههه طبعا هذا ماجاب ليها الله حيث عاشت معاه علاقات فالفراش عارفاه مجنون عليها بالاضافة الى العضااان العقاب الخاص بيه من جيهتها ...عاد تفكرات اي زبلة دارتها كيقوليها جمعي الحساب يعني را الى جينا نحيبو را كيتسالها كارني محماد ديال الحانوت ديال العضااااااان ....
اصبح يوم جديد فالبادية على صوت الابقار والحيونات الكلاب كتنبح وعباد الله غاديا جايا الفيرما ناس داخلة خارجة ...خرجات يامنة من البيت هي وفؤاد من بعد ما لبس وخرج باش يخويو ساحة لعيالات الي غايدخلو ...حتى صونا ليه ياسين ...
ياسين : الوليد حضر دابا ...
فؤاد : خبار الخير ...
ياسين : ناوين البركة على ايديك نتا وبا دوز لينا على ضروبة من ضروبات الي جبنا نتا سمي الله والباقي عليا ...
فؤاد : انا عندك لا بغا الله "قطع معاه وشاف فيامنة قالها ليها"
يامنة : ويلي وقوليه يتسنى نمشي معاك
فؤاد : شنو مالك ؟ كاينين رجال يامنة ...
يامنة : عااافاك را العادة غير صبر ...بعدا خاص واحد الحاجة ؟
فؤاد : ماعليش ديريها ..."شاف فيها ورفع حاجبو" شنو تاني ؟؟
يامنة : الي غايذبح نتا"حرك ليها راسو" الي غايذبح خاصو يدير قتيب فراسو ...
فؤاد"عقد حجبانو" : كيفاش ؟
يامنة : ماااشي قتيب الي كنشويو فيه ..هذا زيف طويييل فيه هذوب ديال حرير الي كانت كتشد بيه ميمة زينة فراسها عقلتي ؟ خ خاص ي ي ي يديرو الي غايذبح فراسو يعني يشد بيه ...
فؤاد "خرج عينيه" : يامنااااااا ؟؟؟؟ شنو كتخربقي عليا هنا ؟
يامنة"تكات على صدرو " : صافي نقول لياسين هو يدبح ويديرو ...ولا يديرو با ...وراه عادة انننن
فؤاد"بعدها من عليه" : نبقاو تابعين العادة ترجعونا عيالات ؟"جهد صوته" لا حول ولا قوة الا بالله"
مشا من حداها كيحسبن وهي دايرة ايديها على فمها حابسة ضحكة وكتفتف وتضحك وليني را هادي هي عادة العروبية (او عندنا حنا بعدا) ضروري يديرو لبهيمة الي غاتذبح حنة فجبهتها وفالدفوع كيكونو دايرين ليها حنة وحتى ربطة نعناع شادين ليها بيها راسها معلمينها حدا العالام بزيف بيض عند الكروسة الي فيها دفوع الي جايبين اهل العريس لدار العروسة ...
يامنة : وخا تسنى غير ندي حنينة بعدا ههههه ...
نجوى : سيري دي هاد زيف عالاقل غير باك ولا شوفي ياسين لا بغا ليك .."مدات ليها زلافة ديال الحنة ...
يامنة : اجي معايا را رجال تما ...
مشات هي وياها وجات تا يسرى تبعاتهم ومينة مشاو كاملين لساحة الي تما فين موقف الضروبات تا وقفات حدا باسين قالت ليه على الحنة ما اعتارضش بالعكس خلا ليها مجال وبدات هي ونجوى كيطليو ليهم واقفات شادهم اسامة واشرف وعلي وحتى سليمان لبسو بوط ديال ميكة وصهيب واقف هو ويوسف والياس تاهو وحتى رياض زيدوه او زيد راسو يلبس البوط هههههه
رياض : حبيت راسي ههههه
الياس : ههههههه وليتي تبان نسيب يوسف بصح ...
يوسف "ضربو لقرفادة" : هاد الوقت كان مزور ...
الياس : وااا ولدي حداااك ونتا مزال ضرب ...
صهيب : تولي جد يبقى يعصي فوالديك ...
ياسين"لاح الكارو " : بسم الله الوليد ؟
فؤاد : على بركة الله ...
اسامة : واش نتكيو هادي ...
علي"قال بشوي" : خههههه عجبتني هاد نتكي حبيتها...
اسامة : ههههه سكت يمسخ مك ...
اشرف : نمغطوها اخويا ...
علي : كنضن نمغطوها مقااااودة خههه..
اسامة : ويني مشطبة هادي تا هنينا ههههههه
ياسين "يلاه غايهضر وهي تجي حداه يامنة نغزاتو" : الحنانة مالك ؟
يامنة : هانتي ليك كيسمعو باش يتم جايني هااانتي ...
ياسين : الحنانة طليتي شنو بغيتي ؟ الله يرضي عليك من عندي سيري بعدي شوي باش يسمي الله يذبح هادشي الي باغيا را ماشي تالهيه ...الى بغا هو نيت واخا عارف تنطابق سما مع لارض ميديرها انا منخليهش ...
يامنة : ياسيييين ...
ياسين"شاف فيها " : الحنانة !!!
يامنة : وهااانتي ليك ...
مصطفى : انا نديرو ابنتي غير بقاي على خاطرك ...
ياسين : تانتا مديروش وهضرتي متعاودش صلاة عالنبي ..."تحرك من حداهم خلاهم يشوفو ماعاودوهاش معاه ...تكاو دراري وحدة من ضروبات وهو يجي فؤاد مد ليه ياسين جنوي
فؤاد : بسم الله بسم الله اللهم بارك ..."دوز عليها تدويزة وحدة خلاها تشرشر بدماياتها سليمان يصور ودراري كاملين كيوثقو اللحضة ..تحنى ياسين كيسلخ فلولة وثانية ذبحها مصطفى العيالات كيصليو عالنبي ويزغرتو ...ياسين كيسلخ لاخرى ولاخرى كيسلخها الگزار لاخور الي جابو ...تا كمل وخلا ليه تگراض ووصى تحط فالفريزر الكبير على ود نهار صدقة ديال يوم عقد القران بالليل ...
توزعو دراري كل واحد مشا يدير مهمة هالي مشا لمراكش يتسخر هالي غير فالدوار كيقضي ولالة العروسة هاد النهار طلات نيلة وخلاتها فيها غاتبقا تال نهار الحمام الي غايكون عندو طقس خاص بيهم هو وطقس حمام العريس تاهو ولكن
هادشي غايكون ليلة الي لغذ ليه غايكون العرس يعني ليلة قبل العرس كيكون لحمام ديالهم ذاك نهار عندو طقوس وحدهم عاد نهار العرس طقوس خااااصة جدا ....
ياسين"دوز لخط لمو" : الدار عامرة ؟
يامنة : شي شوية بغيتي شي حاجة ؟
ياسين : نطلع ندوش عندي مشية لمراكش ...
يامنة : واخا غير جي نخوي ليك عند الباب طلع ديريكت ..."قطع معاها وخرج من الكوري ومشا ركب فالطموبيل تم غادي تا قرب لفيرما حدا دار سارة بانت ليه واقفة فالجردة لكن عاطية بالضهر كتهضر مع سليمان ..." نوااار دوري كاندي دوري ..."تسنا والو صدقات دخلات وشير ليه سليمان عرفها قالها ليه سليمان وهي عاقت بيه غايبغي يشوفها وهي دخلو عض شنايفو" ارا ماعندك وتجمعي اراااماعندك"حدر راسو ودور الفولون ودخل لفيرما لداخل مشا تا وصل عند الساحة الي قدام الباب ديال دار ووقف حل باب وخرج لقا يامنة واقفة ومغيرة وجههها زعما مقلقة منو ...
ياسين "دار صباعو على عينيه كيمسد فيهم" : ماعرفت راسي واش باغي ندير الحلال ولا داخل لجهاد ..."عض شنايفو بالفقصة وضرب الحايط ببونية" فااااك ...bullshit ...(زعما تفاهات ههههه )…
خلاتو بغا ياكل راسو بالفقصة والغدايد بهاد تقاليد الي عند بالو ملمين غير بالعروسة تا صدقو خاشينو تاهو فيهم ووسطهم والعائلة ومزااال العاطي يعطي مزال غانشوفو افراد هما فالاسرة غايدخلو ويساهمو تاهما فهاد تقاليد وحضورهم ومساهمتهم ضروورية جدا ...شاف تا عيا وطلع الفوق مشا لبيت لاخور الي فالدار الفواقنية طاج ثالث هو فين حول حوايجو والدار وسطانية مخليها لمهندس ديكور لي جا هو وشي معلمية ...كانت تقريبا العصر كياذن لقاهم خرجو ...
دخل لبيت حط لوازم ديالو وهز فوطة جديدة واتخوس ديال دوش وخرج مشا لدوش الي تما حيث مدايروش فالبيت فحال بيتو ...طلق رشاشة واحد شوي بينما حيد حوايجو كان لقاها سخنات والبخار طلع سخن دوش ودخل تحت منها غسل راسو مزيان وجسمو كامل وخرج لاوي على نصو الفوطة كان سم ديال برد لفوق حيث ممسخنش دار فوقانية طافيين ...دخل لبيت
جبد قميجة بيضة وسروال فصالة كحل لبسهم مشا لواحد الفاليز صغيرة حلها لقا فيها مجموعة من الگرافاطات جبد وحدة كحلة قادها عليه وعقدها وداز هز تريكو خايط كحل بلا كمايم لبسو لبس تقاشر رجع شعرو لور فيكساه بجيل
رش بارفان ديالو وهو مقابل مع المراية كمل لمسات ديالو دوز على لحيتو بمشيطة رقيقة وقاد المسطاج لبس مونطو كحل تروا كار لبس صباط كحل لماع يعني تقاد مزيان ...هز تيليفون دوز الخط ليامنة تخوي ساحة بينما خرج وبالفعل داكشي الي كان ...
ياسين"باس ليها راسها" : انا مشيت شنو خاصك ؟
يامنة : معشي برا ،
ياسين : شي رجال جاو على حساب العرس يلاه وصلو نتعشا معاهم ونشوف ليهم دار ديال عماد فين يباتو ونجي ...
يامنة : غير غذا الصباح مزال شي مقدية نكملو بيها حوايج دفوع ...باك مسافر مغايرجع تال عشية...
ياسين : من هنا لصباح يحن الله ..."شاف فيها مزيان وجر ليها حناكها بصباعو زوج عاض فشنايفو" رضاك عليا بالدنيا وضحتك ليا فوجهي غانياني على مال دنيا ماجاتش تقلقي على شي حاجة مغاتزيدك متنقصك سوا الغيار بيناتنا ؟ العكس انا مولاه لا عارف الحاجة ماهياش احنانتي ...
نوار : احم كنوجد لعرس ونتوجد باش يكون عرسنا مميز بلدي كيف كيعجبني ويعجك حتى انت كل حاجة بلدية تقليدية ..."بدات تطلق باش تقنعو زعماكينات ههههه " باش نهار العرس نكون زوينة وااخا عارفة راسي زوينة كيف ماكنت فعينيك ...ياااك ..."كترمش وتسنى الرد ديالو"
ياسين : زيدي قنعيني ...
نوار : ووو اصلا ديما انا معاك لدوام وبجنبك ومعمري نتفرق عليك وخا يكون الي كان ...
قطع معاها بقات كتشوف وخا عارفاه من غير ميتوحشها كيموت عليها فكل حالاتها وفالفراش كيهبل عليها ...وحش عامين ليها مغايجيش قدامو وحش الايام على قولته هو ...
وصلات العشية تقريبا مع اذان العشاء كيف وصل هو عيط ليها ومشا لعند الضيوف ديالو الي منهم جا من امريكا زيارة وفنفس الوقت باش يحضرو لعرسو ...ويتعشا معاهم ...اما هي دخلات عامت ومن تم مغاديش تبقى تطلي حتى لنهار يوم الحمام ديال العروس عاد غادي ديرها ويكون طقس من طقوس تاهو ...
دق الباب وهي دخل يامنة لعندهم لقاتهم فالصالون مجموعين كيتسناو فالعشا ...
يامنة : مسا الخييييير ياهل المكان ...
نوار"ناضت كتزرب لعندها تلاحت عليها عنقاتها حيث ليها ايام مشافتها" : خالتووو توحشتك ...
يامنة"بقات معنقاها على صدرها" : سعدي وفرحي بعروستي توحشتني ...
سارة : جيتي برجليك اقدام الخير ...
يامنة : خبار الخير ...
سارة : تحضري معانا لواحد القصرية ديال فتات شطبة عااد كطيب من ايدين مي الي كتعجبك...
يامنة : را هي وميمة نجود حاضرين داكشي لاش جيت ايوى الخوف لا يغفلوهم ...
صبيحة : مخفتي والو تعشاي وسيري ...
يامنة : غلبتوني ...
سارة : بركي بركي ...
جلسات معاهم فالصالون واحد شوي دخلات مينة كانت مع رياض فمراكش عاد جاو ودخلات تسالمت مع يامنة وجلسو قبل ماتجي القصرية يتجمعو عليها جابت حسناء لمها صينية ديال لمجامع فيهم اتاي سكار ونعناع وجابت ليها بوسطة صغيرة حطات ليها المقراج رداتو يطيب ...
صبيحة : مي فينهي ؟ قوليها حفيدة مي زينة جات ...
حسناء : قلتها ليها فاش دخلت وقالت ليك تفتل العجينة وتجي (تفتل باش كديرها في فتاة الشطبة)
يسرى : اااربي شنو كديرو فيها راني ديما نجي نذوقها من عندكم وكتعجبني ...
يامنة : درتها شحال من مرة لهيه فازرو...
مينة : ووو كتحمقني فاش كديري فيها زيت الزيتون ...اححح دايرنها لعشا ؟ "ريوگها دازو"
سارة : معندك متاكلي فيها فيها المساخن ابنتي ممزياناش ليك تاتولدي ونديرها ليك فنفاسك...
دقيق ورشيه بالما دافي وبقاي تفتلي بايديك فحال كتبغي تحربليها تا تولي فحال كسكسو غلييييضة هيلي حلي كوموط ورميها وحركي وشدي حب رشاد صهديه فالمقلة ولوحيه فيها والمساخن وراس فلفلة حارة وحركي طيب ديك العجينة الي فتلتي وحطيها فقصرية وخوي عليها زيت بلدية "شافت قصرية جايا " وهااهي بالصحة وراحة ....
يسرى "عطاتها ريحتها" : الله ...
ام سارة : تي بنت زينة هنا ولاو"تسالمت معاها" زيدو مرحبا بيكم ...واااااااااا حسنااااو وبتليهودي جيبي زلايف الحلبة لهن (هنا)
حسناء : وتي صبري امي انا جايا ...
صبيحة : يگطعها فيك قويعيدة ياهاد البرهوشة ...
تجمعو على ديك القصرية وسماو الله شي خمسطاء الوحدة يتعشاو ويغنيو ويضربو تا جابو لمينة طبسيلها دخلات فيه عمية وعمرو اتاي فرقوه وبذاو يغنيو على المجمع ...
ام سارة : هادي را تسخن ليك ابنتي "على نوار" الوالدة لا كان شي برد وتنقيك لا جاب الله تخرجي تولدي بيه فيه ...
يسرى : ان شاء الله هههههه
نوار "حشمانة" : ان شاء الله ...
مينة "نغزتها" : باغيا بيه فيه ؟ تشربي الفنيد ؟
نوار "حركات راسها بنفي " : لا مغاديش نشربو الي بغاها الله هي الي تكون …
مينة : عجبتيني دابا ...ابعدا معرفت واش غاتوحمي ولا لا فحال انا محاسا بوالو تقولي كاع ماحاملا كون ما كندير لايكو...
اصبح يوم جديد مشرق فالبادية هاد صباح كان مشتي شتا مع سبعة الصباح خيط من السما خير ربي كينزل وعباد الله تحمدو وتشكرو على الشتا الي غاتفيض عليهم الخير هذا في حال مجاتش شي رعدة طيح ليهم الغلة الي فالشجر ...ريحة القهوة معطرة فوق المجمر ابريق طويل دخانو طالع بريحة القهوة الي فيه صوت المقراج كيصفر وناس داخلة خارجة ...حلات عينيها على لمسات صبيعات منبع الحنان ديالها الام الي صابرة ليها لهبالها فشوشها عندها بالدنيا ...هاهي المفششة كبرات ولدار راجلها باذن الله رجعات ...على ريحة القهوة ولمساتها حلات عينها..
يسرى : صباح الخير...
نوار"حطات ايدها على فمها كتفوه" : صباح النووور...
يسرى : نوضي تفطري باش نبداو نوجدو لحمامك ...
نوار : واش غاتجي خالتو يامنة هنا ؟
سارة"دخلات" : وااايه يلاه يلاه بعد غذا غاديري العقد ...
اش يردو غفلهم وهو ينقز ومع صردي على من جوداتو(جيد بزاف) واعر طار ونقز اشرف بان ليه جاي ضار لصق على الكاميو من جنب كيغوت هههههه ...
سليمان : واناااري سلامة سلام "طارو نزلو تابعينو كيعيطو لشي رجال وهو كيجري عاطي بگرونو ساعاك من سخط ربي مغايضرب وااحد البنت واقفة مع مها جاب ليها نطحة لترمة طارت جات فوق غيس عامر حموم ...
هي : واااااااااامااااااي اهى اهى ..."هزات عينيها بان ليها راس حمار كياكل ويشوف فيها عاد طلت لقات راسها شوي تجي تحت من الحمار وكلها تطلات من جناب ومسيعيدتها بالغيس والحموم " وممن ماااااايي حماااااااار واعوووو....
مع كترة بنادم توضرات عليها مها ..حتى جا سليمان اما علي ورجال تبعو الحولي يشدوه وتجوقت دنيا ...
سليمان"مد ليها ايدو تشد فيه كمشات فيه تكميشة الغدايد والحمار خرج ديالو قداش كان غايطلقها عليها ببولة كون ما جرها سليمان بجهد نوضها على بونت يبول عليها الحمار ...تا عنقها جرها وبعدها جلسها كلها مغيسة وعامرة ريحة حموم وخنز ههههه تا سد نيفو" : ياك ماتقصحتي ؟"كيتفحصها بعينيه كانت مسكينة بجليليبتها كاشمير سخونة بيج وشال ديال كاشمير غليض لاوياه على عنقها وشعرها كحل وطويل كلو تجلخ ...تا بدات تبكي
سليمان : اجي تشربي وتهدني دابا تلقاك بقا غير هنا نمشي عند البراح راهو لهيه يقول سميتك باش تجي عندك نيشان ...اسمك ؟
هي : اسميتي ضحى اهى اهى ...
سليمان : بقاي هنا متحركيش انا نقولها ليه ..."بقا كيشوف فيها" ساكنين غير هنا ياك ؟
ضحى : وااه فدوار الي جنب ..."حرك ليها راسو ومشا مخليها كتنخصص معرفت تشد ايدها ولا ترمتها واش تجلس عليها ولا تبقى واقفة" ...
و كاي عروس كتوجد لحمامها نوار هاد النهار كتستعد باش توجد لحمامها بالطريقة ديال هاد دوار طريقة من طرق العادات والثرات من ثراث البلاد المغرب العااامر والغني بالثراث بجميع المناطق كل منطقة وشنو كتميز بعادتها ...هاد النهار فضلو يكون فيه الحمام وعادة الحنة الي غادي طلي بالطقس من طقوس الي غادي نبين ...واقفة رميساء عليها الي قالتها ليها كتسخر تجيبها ولا تعطيها تلبس ..
رميساء : الحمام حتى لغدا فالصباح انوصي خالتي صبيحة ...
حركات ليها راسها بقات رميساء كتوجد معاها وتسخر ليها ...اما فالفيرما عند يامنة برامي كبار ديال كسكسو كيفور ودنيا عامرة ...وجدو القصاري كبار سگاوهم بالتفاية وكل قصرية فيها لحومات خير كثيرة ...
راوية "وقفات عليهم جات فالصباح بكرييي" : هاني واجدة ...
فنيدة "خرجات هازا قصرية فوق راسها ديال كسكسو مغطي بالميكا وزيف باش يبقى سخون" : يلاه بسم الله وااا نعيمة مريم جيبو العلام ليامنة ...
يامنة : ههههه قلتوها ليسرى ؟
نجود ؛ قلتها ليها را موجدة ليك ...
يامنة : يلاه تحركو...
خرجو شي عشرة العيالات ستة منهم هازين القصاري فوق ريوسهم ونجود جابو ليها سطيلة ديال فضة عامرة بتخليطة الحنة فيها العشوب منسمة (الي ذكرت سابقا دارت نوار) ...خلطوها بالضرب واللعب ديك ساعة قبل ميخرجو ...
راوية : كحلي عينيك ايامنة عرس ولدك الكبير هذا ...
يامنة : ههههه ايهااااي بغيتي خوك الكبير يدير ليا نهار نصدقو بلا عرس ...
نجوى : هههههه محرمو عليك وليني تبارك الله عينيك بالكحل فتنة ماشاء الله ..."ضحكو كاملين بدات وحدة من العيالات صلاة عالنبي جابو ليامنة عصا ديال قصب طوييييييلة رابطينها من فوق بزيف حياتي بيض مدوه ليها وتما سابقاهم مقدمة المجمع "
صلااااة وسلاااام على رسول الله الااااااا جاه الا جاه سيدنا محمد الله معاااااا جاه العالي "طلقو حلوقهم وخرجو لسانهم بواحد تزغرييييتة حاااارة تصمك الوذنين ...غادين وسط دوار كيغنيو ويزغرتو ويامنة شادة العصا وهازاها فحال العلام...
المراة الي كانت غاديا انضمت المجمع مرحبين بيها ...فهاد اللحضة قربو لباب دار سارة عيطو ليسرى الي كانت لابسة قفطان تاهي فالبوردو وعطاوها عصا فحال يامنة غير هي دارو ليها قتيب الي هو زيف ديال حرير حمر وفيه خطوط صفرين وزواق خضر داروه فحال شكل العلم ...
يسرى : اهههههههه اويلي نضاربو انا وياها ..
صبيحة : وتي غاديري العادة ..فين نوار لبسات ؟
رميساء : لبسات اخالتي ..."واحد شوي وهما يعيطو ليهم بلغوهم بحضور العيالات ويامنة اي اهل العريس واصلا سمعو ضرب والشطيح والغنا وزغاريت ...وااااا هي العريس وراني زوجتك اهااااه ...وااهيا العروس ورا سيد رجال داك اهااااه .."صوت طارات كيتسمع وطعارج ...وااا سعدي يالالة زوجت وليييد وحيدت لومة عليا..."
وقفات يسرى عند باب جردة ديال دار على برا هازا العلام تا جات يامنة هازا العلام غا بانت ليها يسرى واقفة طرطقات بضحك وراوية تا هي لصقات فنجوى ميتين بالضحك ...
يامنة"من بعيد" : اااهيا ردي بالك ام العريس كتغلب...
يسرى : هههههه وا غا قضي قضي نشوفو وكان ...
تقابلو مع بعضياتهم وبداو يضاربو بالعصي وحدة تعطي لاخرا فحال المسايفة وميتات بالضحك فهاد لقطة كان دايز علي واشرف جايين خاشيين ايديهم فجيابهم قاتل ديلمهم البرد قضعو ستون وهو يوقف اشرف ...
اشرف : اويلي الحنانة والخالة"مخرج عينيه"
علي : اويلس مالهم ...جري جري قول لعمي فؤاد ولا بلاتي "دوز الخط ليوسف "
يلاه شكون يقنع را غير عادة من العادات كيديروها وطبعا خاص ام العريس تربح دليل انها ربحات باش تدي عروستها وبما ان يامنة بنت دوار فيها عرق القصوحية ديالهم ايوى را ام العريس بقات تا طيحات ليها العصا ومدتها ليها يسرى وتعانقو كيباركو لبعضياتهم ودخلو لداخل عند العروسة الي غايتسناو باش تخرج طلي ليها شي مزوارة الحنة لشعرها وذاتها.....
كانو جايين كل من يوسف وصهيب والياس من بعد ما عرفو تا خرجو قالوها لمصطفى هو لي سكتهم ووقفهم وشرح ليهم ...
مصطفى : تا شكون قاليك هادشي ؟
يوسف "شاف علي واشرف داخلين " : اجي لهنا باش نمشيو نفكو ...
علي"جاي كيلهت عند بالو بغا يفك " : هاني زيد العميم ناري مالهم ؟
اشرف"رجع بلور حيث لمح عينين عمامو فيهم نضرات ديال تحلاف كيعرفو ان وراهم واحد صفعة لقرفادة ولا شي سلخة ديال العصا" : انه فخ يااا جووورج ..."رجع وهرب كان شوي يشدو الياس غا فرتح ليه"
الياس : علااااااا رقبتي تا نعلق والديك من شفارك غااا تجيني تبان ليا حسن ليك غبر ساسك هاد نهار ...
يوسف"قرفد علي هو وصهيب" : اش ندير لوالديك طيرتيها منا خلعة ؟ ااااك شي باس مكاين ؟
صهيب"نزل عليه لقرفادة" : عينك تقتلني قبل الوقت اداك مسخوط ؟
علي : تا ريح الوليد ووليت قد الحلوف باقي تعطيني ...تا شور ...
صهيب : نعل بوك على هاد صنعة الي فيك ..
مصطفى : هههههه تا شور عليه يا را معارفينش العادة غير يضحكو ولدي هاديك عادة مرحبين بيهم لهيه ...
يامنة هزات من سطيلة الحنة وتحت الغنا بدات تطلي ليها الحنة وكل طرف من شعر كضفرو بالحنة ودير ليهم خويط حمر تا كملو ليها شعرها وضفروه ضفيرات الحنة ...فالوقيتة
الي كانت يامنة كضفر ليها وتطلي الحنة صبيحة شدات زيف حياتي كتغني وتهز تمرة تغطس فزعفران وتحط على زيف ولا يبان فيه بقع زعفران وهزاتو دارتو ليها على شعرها من فوق وعقداتو بقا ضفيرات خارجين ودارو ليها واحد الخيط فيه سبعة تمرات فيهم سبعة العملات فضية ولصقوهم ليها فاواحد ضفرة المجموع ديال ضفرات كانو سبعة ...واحد العقد فيه خميسة الوسط وخميسات صغار داروه ليها فجبهتها فحال شكل خيط روح ...طلات ليها فجنب نواضرها مزيان وبداو يضربو تاني معاهم يامنة كتصفق بايديها ...نجود نغزات يسرى قربات ليها تسمع ...
نجود : نوضي بوسي بنتك ورضي عليها هدنيها "شافتها عينيها غرغرو واحد دمعة قشعاتها يامنة هابطة ليها من حنكها ...وزعو الحنة الي بقات فسطيلة على العيالات تما وطبعا راوية وسارة الي كيفرقو
سارة : هاد سطل ديال لعروسة انا نعطيه لرميساء تدخل تدهنو عليها ونتي سطل لاخور عطيهم يطليو ...
راوية : علاش مال هذاك ؟
سارة : الوقت خايبة نسا مافيهم ثقة ...تانشرح ليك..."حركات ليها راسها عيطات لرميساء وتبعتها طلي ماتبقى على نوار ...فهاذ اللحضة بداو يغنيو اغنية حزينة ونوار جات عندها يسرى غيييير حطت عليها ايدها وهي تهز فيها نوار عينيها حمرييييين ....
يسرى : ماما مالك ؟
يامنة"حطات ايدها على ضهر نوار كتمسح عليه" : ماعليش غير بكي بنتي ...
يسرى : اويلي علاش ؟ ماما ؟
نوار"شدات فايد يسرى وباستها وتبوووووس وتعاود تبوس وتعاود وتنخصص بالبكا " : اهى اهى مااما ...سمحي ليا بزااااف على الي درت ليك ..."بالاغنية الي غناو
على الام جاها حنين واحد اللحضة تفكرات القمعات الي كانت كتقمع يسرى جاتها حالة فحال نقولو وعات اكثر شنو دارت طاااح عليها ضيم انهاغاتبعد عليها وتخليها وحدها وحدة مشات بعيد ولاخرا تاهي بعدات بقات وحدها كانها عمرها ولداتهم...مشعراتش حتى تحنات وهي تنزل ليها على رجليها كتبوس يسرى دهشرت مينة تخلعات تا بدات تبكي وتنخصص...
يسرى"تحنات عليها كتبكييي" : بنتي مالك اهى اويلي مالها...
يامنة "كتمسح دموعها" : غير خليها رضي عليها وصافي...
يسرى "نوضاتها وعنقاتها" : انا مسامحاك ابنتي من نيتك نهز من جيهتك راكي بنتي يوقع الي يوقع راكي كبدتي ...
يسرى "شافت امها عاد وصلات من سفر هي ومرات خالها داخلين ونطقات فوذن نوار" : انا مغطياك ومفرشاك بالرضى ...
لحظات جد مؤثرة وصدمة للبعض خصوصا من جيهة يسرى الي تبهضات بطريقة كيفاش تحنات نوار على رجليها تبوس وتعاود يعني هنا ممكن لخصو ان نوار بصح وعاات على شنو دارت في حق مها وشنو تسببات ليها وابدا عمرها تشكات ولا نقصات منها وكتبقا نوار وحدة من عويناتها وطرف من كبدتها الي عمرها تفرط فيها...
يسرى"بقات معنقاها كيتمايلو ويبكيو" : براكة بنتي الله يرضي عليك فرحي ونشطي ربي سهل عليك وشاف فيك ورجعتي لراجلك ودارك كسف كنتي تمناي وحلمتي ربي رجع عطاك فرصة معاه ماتضيعيهاش ومتفرطيش فراسك هو لول عاد هو ...الحياة فرص وربي نعم عليكم بالفرصة الثانية ...اما انا حياتي كلها ليكم نتي وختك وخا تولدو ولاد ولادكم لا ربي طول ليا فعمري راني منخطاكمش الله يرضي عليك الله يرضي عليك الله يرضي عليك..."باشتها فحنكها وقابلات معاها وجهها كتشوف فيها وتسمح ليها عويناتها" صافي ماما ...
وطبعا كيف كتجرا العادة عند ال رمسيس اكيييد ومؤكد وجدو قصاري خاصين دفعوهم لجامع والعائلات الي معندهمش كل دار منهم قصرية من خيرات الفيرما على حقها وطريقها وهادشي ماجديدش على ياسين كلو وجدو وال رمسيس...
هكاك دوزو ديك الغذا وبقاو يضربو ويغنيو تا تدفع اتاي وحليوات والعائلة مجموعة وناشطين ...حتى دخلات واحد سيارة لدوار وصلات لفيرما ودخلات كتكلاكصوني حتى خرجو دراري كاملين من كبيرهم لصغيرهم ...
يوسف : اتا شكون هادشي ...
صهيب : واه واه واه شكون جااااا ...
علي "مشا كيزرب هو واسامة واشرف لعندو تلاحو عنقوه بتلاتة " : وااااااااااا ولد العم شرفنا...
تلاحو عليه يعنقو حتى طاح وطاحو فوقو ميتين بالضحك يضاربو ويترامكو معاه وهو ميت بالضحك ومرته حداه كتضحك تا مشات لعند رجال سلمات عليهم واحد بواحد كتبتاسم حشمانة جايا بجليليتها فالغوز بارد وطالقة شعرها ...
يوسف : على سلامتكم ابنتي...
هاجر : الله يسلمك عمي ...
الياس : معاش وصلتو من لهيه ؟
هاجر : بارح بالليل بقينا رتاحينا شوي ومشينا لفيلا حتى خذا طوموبيل وجينا ...
محمد الحبيب"تم جاي تعانق معاهم" : واه واه واه ...
صهيب : عالسلامة اسي العريس خو العريس
الحبيب "دوز على شعرو" : الله يسلمك العميم ليكم وحشة حق ربي"ضور وجهو" فين الوليد وياسين ...
يوسف : باك الليل يرجع مسافر وياسين هاهو دابا يتم جاي مشا لمراكش يجيب وراق ديالو ...
هاجر : فين كاينة دار خالتي سارة ؟
اشرف : دار الي ملاصقة مع فيرما ...
الحبيب : تسناي نتحرك معاك منها عيطي ليا الحنانة نشوفها توحشتها هي ونويجيدة ..."نزل عليه صهيب لراس" اييي تا شنو ؟ بدينا بالله ياربي والعصا ثاني ...
الحبيب : لا عيشك الا هي لقا سلاكة مع الوليد وهي لا ...
يوسف : سير دي مرتك قبل لا يساليو ...دار امتا جايين ؟
هاجر : غايجيو نهار العرس ان شاء الله ...
تحركات هي ومحمد الحبيب مشاو لعند دار سارة غير وصلو لقات الباب محلول عيالات داخلين خارجين حتى بانت ليه سارة عند الباب عيط ليها غير شافتو وهي طلقها بتزغريتة وحدة تابعة لاخرا وتصلي عالنبي وتعيط ليامنة ...
الحبيب : ياااااااا زيدي زيدي يا الحنانااااو الفجلة مرات نسر ام سيييييدي ياسين وسيدي الحبيب وراس المحكة ديال اسامة تي زيدي بوسي خالك زيدي "حتاها عليها بتعنيقة تا هزها"...تي مال والديك وليتي ثقيلة غلاضيتي ازين....
يامنة"صرفقاتو لحنك بشوي" : نعل والديك البغل...
الحبيب : تطرشي فيا ؟
يامنة"سلمات على هاجر تعنق وتبوس فرحانة بيهم وهي دور عندو" : ايه ومن بعد ؟
الحبيب : غادي ندعيك بتهمة الطرش ...
يامنة"صرفقاتو" : هاهي وحدة قدام شهود اولدي...
الحبيب : شوف ليك الفجلة مبقات ساهلة ...
من بعد عناق وسلام وترحيب بالعرسان الي جاو جداد من شهر العسل استقبلوهم من دار سارة ودخلو هاجر التاحقات باللمة من بعد ما سلمات عليهم وعلى العروسة وتاهي دارو ليها حقها من الحنة دارت شوي فايديها وغناو عليها هي والحبيب ...وصلات العشية مع المغرب تفرتك المجمع وبقات يسرى مع مينة وسعاد ومرات خال يسرى فدار سارة مع نوار كيوجدو معاها فحوايج الحمام الي غاديرو يوم الغذ مع الصباح ...
سارة : سميه صابر البنت غذا تخرج نوار من الحمام وتبعيها عومي وحيديها عليك...
نوار : بدات كتحكني فراسي ...
يسرى : حيث بدات تنشف ابنتي غير صبري...
هادي هي اجواء الحنة الي قبل الحمام كيفاش دازت بطقوسها وطبعا طقس من طقوس فهاديك المنطقة وبلادنا كيف كنعرفو غنية بجهد بطقوس زواج كل منطقة باش كتمتاز من ثراث وثقافات ...انا فقط عطيتهم واحدة من طقوس الي فبلادنا وعادة من عادات الزواج والعرس الي تما ...باكلاتها وباسماء اكلاتها وكيفاش كنسميوها حنا مع شرح الاكلة باش كتعرفو شنو كنسميوها ونتوما شنو كتسما عندكم…
صباح يوم جديد في الدوار وعادة توجاد العرس قايمة على قدم وساق ...ككل صباح كيكون الفطور لول وهو حريرة بيضة وتميرات ولا بيصارة ولا حريرة درة وقهيوة معطرة عاد فطور العشرة كيكون فطور نيت بطبوط مريح بزبدة ولا زيت وبراد اتاي ...من بعد ما فطرات الفطور ثاني دخلات هي ورميساء هزات حوايجها ...
يسرى : يلاه را حما الحمام ...
نوار"كتحك فراسها وذاتها حيث طنطنات بالوصفات الي طلات مسكينة ههههع" : احمحخ. امي ندخل نحيد هادشي ...وشكون غايحك ليا ؟
يسرى : متكتريش مشي ابنتي ...باش تجي تعومي تانتي الى قدرتي ..."حركات ليها راسها ومشات اما نوار جمعات حوايجها فواحد زيف حياتي جديد بيض ...هزاتهم ليها رميساء وهي تبقا شوي وخرجات لقات البنات من دوار كيتسناوها ومعاهم رميساء...عطاتها سارة شوية زيت زيتون وشوية دقيق ...
سارة : هاكي شوي زيت ابنتي ...
ام سارة : شربي جغيمة وخويها فوق الدقيق وسنيدة وبسبسيهم بصبعك وياك تنطقي تا ترشيهم فالحمام ...
حركات ليها راسها وهي دير شنو دارت ليها جغمات من زيت زيتون وخواتو فوق شوية دقيق القمح وسنيدة فطاسة وبسبساتهم بصباعها وهزات طاسة وشميعان بيضين وهي تخرج وبداو بنات كيضربو بطعارج وغادين وراها تا وقفات وبقاو جهد ربع ساعة كيضربو عاد سمات الله سارة وطلبات منها دخل لحمام الي دايرين ورا دار ...
هزات الدقيق الي صايبت فطاسة ورشاتو فقنيتات الحمام وهزات شميعات حطاتهم فدوك القنيتات وشعلاتهم خلاتهم مشعولين وجلسات لقات سطولة معمرين وسدو عليها حيدات حوايجها ودخلات فداك البيت وبدات تخوي فما سخون ...هزات طاسة فيها صابون بلدي فيه صقلة (شبة حمص مطحون زيت فليو نيلة عكر فاسي وذهنات لحمها ورجليها مزيان ...بقات كتسنى تا عرقات وهو يتحل الباب ودخلات عليها حتى حلات فمها مدهشرة ...)
نوار : خالتو صبيحة !!!!
صبيحة"دخلات عليها محيدة حوايج غير بواحد صاية وجلسات حداها " : تسرحي بنتي نجرك هههه
نوار : هههههه وابشوية عافاك ...
صبيحة : غير زيدي كوني هانية..."خوات عليها ما تشللات من صابون وهي تفرش ليها جلدة وعطاتها ايدها سمات الله وبدات تحك ليها تا سرحتها كسلتها مزياااان وشي حكااات دارتهم ليها حارين تا بغات تموت ليها وسط ايديها مسالات ليها تا تنشرت ليها" وتي توگضي يا ويلي ههههههه
نوار : قتلتيييني اخالتي حرام عليك...
صبيحة : تعلمي تحراري راكي غاتعيشي هنا وسط رزقك كوني حارة ودراعك ماضي وحار ..."سرحتها كدلك ليها وهزت ليها رجليها دلكات ليها مراودها(قزيبتها وصرفقتها مزيان زعما باش تزيد تجواد هههه )
نوار : واعوووو بلاااااش بلاش را ...
صبيحة : شنو ؟
نوار"كانت غاتقوليها را ياسين غايقضي الغراض فتصرفيق هههههع" : راني مزيانة والله اهى وتي طلقيني نغسل شعري سخفت امممم ...
صبيحة "طلقتها وجرت سطل كتعمر فيه جبدات ليها لاتروس عطاتها ليها تغسل شعرها " : ديريه قدامك وغسليه باش يتغسل مزيان ...انا نشلل هادشي راني دخلت انا حسن مادخل كسالة الي كنعرفو مافيهم ثيقة نتي عروسة يطمعو فيك ولاد لحرام موجودين..."
يسرى"دارت ايدها على فمها كضحك" : هههه الله يستر ياربي تنفسي تنفسي ...
ااااامصلي عليييك ارسول الله ااامصلي علييييك ارسول الله ....صليو عالنبي العيالات ...بداو يصليو عالنبي واقفين حدا شي راجال بداو كينصبو فالخيمة او كيف كنقولو ليها الخزانة او البنية وهي كتكون بلدية كتبنى نهار العرس لكن بما انه اليوم يوم جديد يوم عقد القران ديال الفحم واحد من رجال الدوار المعروفين والعزيز عند الكبير وصغير ...
بداو كيبنيو ازيد من ربعة الخزاين كباااار قد صخط فداك الخلا الي قدامهم والبلاصة الفارغة بناو فيها ...بتوصية من ياسين وفؤاد ومصطفى ...
سالم : نترزا فصحتي الى قصرت الفحم ...سير الله يكمل عليك بالخير…
يوسف : شكون غايتغذا ؟
ياسين"ضار لعندو " : الي دخل لتما(الخزانة ) سجمعوهم فطوابل يوكلوهم الي بغا يدي معاه يعطيوه ...
يوسف : الماكلة كافية ؟
ياسين : كافية وموفية سالم واسامة وبا واقفين على هادشي ...
يوسف : صدقة لدوار كلو على هاد الحساب"ضربو لكتفو" الله يرضي عليك...
ياسين : فسبيل الله ..."ساس ايديه" انا طالع ندوش ولبس باش مكان توجد هي عيط ليا...
يوسف : غير تيسر غادي نتلاقاو عند العدول ...
ياسين : الله الله عليها...
حرك ليه راسو ومشا طلع لدار لفوق دخل يدوش مزيااان دوش بالفرحة وعلى الخاطر تا خرج نشف راسو مزيان ولبس حوايجو جلابة سوسدي بيضة وتحتي ديالها فوقية وتقاشر بيضين
تقابل مع المراية مشط شعرو الكثيف رجعو لور وفيكساه بجيل وقاد لحيتو الي شذبها فالصباح الباك كيف صلى الفجر ...غير تقاد قبل ميرش بارفانو مشا فرش صلاية وكبر وبدا يصلي زوج ركعات في سبيل تيسير العقد ديالهم وهز كفوفو لسما كيدعي دعاء التيسييير حتى كمل وجمع صلاية ومشا خشا رجليه فالبلغة جديييدة ومشا لماريو هز منو واحد ساشية هز تيليفونو ولوازم ديالو بزطامو سما الله ..
ياسين : يا بسم الله على بركة الله اللهم بارك ..."خرج من البيت ونزل طاح ثاني طل عليهم لقا المهندس خدام وسول اسامة قاليه بقا ليه يومين بالحساب ويكمل كلشي ...ونزل تحت حتى لقا كل من راوية ويامنة ونجود ونعيمة وفنيدة وهاجر واقفين عليه غيييير نزل ...
يامنة : صلاااااااة وسلااااام على رسول الله الااااااا جاه "صوتها واحد لحضة تذبذب حسو بيها بغات تبكي وكملو عليها وهو ينزل شد ايدياتها باسهم بزوج وراسها"
ياسين : وياااااك تنزليهم اميمتي وياك ...
يامنة"حبساتها" : الله يكمل عليك جا النهار الي شفت بكري بصح عريس وسيد العرسان ربي كتب عليا نشوف وليداتي عرسان الله يسهل عليكم والله يرضي عليكم ...
نجود : الله يكمل بخير اولدي ...
ياسين"باس راسها وباس راس راوية حدر راسو جيهة هاجر لقا عليها سلام من بعيد" : اللهم امييين ...
يامنة : سير را باك كيعيط ...شكون غادي معاكم ؟
ياسين : يوسف والعروسة الوليد وانا...
يامنة : اللهم بارك الله يرضي عليك احنينة...
حرك راسو غييير خرج عطاهم بالضهر وهما يصليو على نبي يزغرتو ويزغرتو ودنيا عامرة ريحة طياب تعطعط ها دجاج لحم وكساكس عرس عاطية ريحتو من داكشي...
من بعد ما حفرو رجال واحد سنتمترات طوالة فلارض وعمروها بالغبار وتراب وغرسو فيها قلل ديال نحاس وديال تراب فين دارو طياب الي غايتقدم فديك الخزانة ...اشمنك يا هبيل جا جلس ووكلوه اشمن يا متشرد طلاب الي دايز عبير سبيل وكلوه صدقة ديال بصح ....
لقا ياسين فؤاد واقف تاهو بجلابة بزيوية فالزيتي واقف بطولتو وهيبتو كيتسنى البكر ديالو حتى لحق عليه ووقف ...
فؤاد : مشينا باذن الله ...
ياسين : مشينا ...
ركبو بزوج فالسيارة تحت زغارتي العيالات الي كانو وراهم من بعيييييد ومشاو ...
في هاد الاثناء عروسة العرايس عروسة دوار بجلابة سوسدي مسكية وتحتي ديالها خشات رجليها فبليغة مسكية جات سارة عطاتها سلهام بيض بالقب ...هزات فيها عينيها مدايراش نقطة المكياج فقط ريحة وصويك فايدها ...
سارة: رمي عليك القب وبقاي مغطية تاتسنيو العقد ..."مدات ليها شوية جاوي دارتو ليها فكف ايدها" بقاي دايراه فايدك الي غاتسني بيها العقد ومن تجي عطي منو شوي شوي لبنات واولهم رميساء الوزيرة ديالك ..."
يسرى"دخلات": ماما يلاه را باباك كيتسنا برا معاه مينة ...
نوار : غاتمشي معايا ؟
يسرى : لا غاتمشي غير نتي وياه وصهيب والياس را كيضارب معاهم لصقو فيه ههههه
نوار : ههههه خليهم يمشيو معايا ضروري انا نخرج..."تحت زغاريت وصلاة على نبي خرجات دايرة القب على راسها تبعوها يزغرتو تا خرجات عند يوسف الي شد فايدها حتى تحطو عليه زوج ايدين وحدة دالياس ولاخرى دصهيب "
يوسف : وااااالعفو ...
الياس وصهيب : على الي تلفو ...
نوار: ههههه عنقاتهم" : يخليكم ليا يلاه كاملين...
صهيب : ناس تتعرف توزن وتخرج كلام حلو...حلو ليها الباب ركبات حدا يوسف وهما لور وانطالقو مباااشرة لمدينة مراكش نيشان عند مكتب العدول الي غايكتب ليهم عقد القران من جديد لانهم من بعد طلاق دازت عامين ومبقاش رجوع لبيت زوجية ولا من العدة انما يتعاود عقد جديد نفس اوراق زواج تدفعات باستثناء ورقة تزادت
ولانهم مطلقين دفعو ليهم ورقة الطلاق الى جانب الوثائق المطلوبة كتدفع لعدول الي هوا المسؤول عن عقد الزواج بمجرد مده بالوثائق الازمة
وكيف كل زواج كيكون عند العدول سوا فالدار ولا عند مكتب العدول كيتقدمو اوراق الزواج كيف ذكرت لكن في حالة رجوع المطلقين لبعضهم من جديد من بعد فراق دام مدة طويلة فاتو فيها مدة العدة وفي حالة نوار وياسين فاتت عامين فلابد انهم يعاودو الوراق من جديذ فقط اضافة ورقة الطلاق الاول بجنبهم والعدول هو الي كيتكلف بالبقية من القاضي والسجل فمحكمة الاسرة عاد كيجيو يسنيو عند العقد الي تقدمو بطلب ديالو ...امام احدى المكاتب ديال العدول ...وقفات سيارة ديال ياسين الي جاب معاه تا جدو ...نزلو بثلاثة مقادين مسكسفين...كيتسناو وصول يوسف ...
ياسين : ماتعطلوش ؟
مصطفى : ههههه اصبر على خبزتك ...
فؤاد : الصبر زين تهدن وذكر الله بينما وصلو ..
ياسين"دوز على وجهو متكي على طموبيل حتى صونا ليه يوسف كيبلغو بوصولهم نعت ليه مزيان حتى وقف عليهم ونزل هو وصهيب والياس الا هي ولحق عليه ...
يوسف"تاهو بجلابة كاملين بالبلدي " : امضرا ؟
ياسين : كنتسناو الحاج(لعدول) يعيط ...
يوسف : ايوى صافي اللهم بارك ...
ياسين"حرك ليه راسو وهزو كيقلب عليها بعينيه حتى بانت ليه جالسة مدورة وجهها وحاطا ايدها على ذقنها كتشوف من شرجم ...وعلى راسها القب ديال سلهام بليمييين ماقشع فيها شي حاجة ..." : متنزلش ؟
ياسين "عض شنايفو بالفقصة مكرهش ينطحو يلاه غايهضر وهو يخرج العدول عيط ليهم حركو ليه راسهم ومشاو كاملين زوج شهود كانو حاضرين وقفو قدام مكتب العدول الي بدا الاجراء الروتيني ديالو بقا يكتب ويهضر ويسول اب العروس حتى عطا لياسين يسني ...
يوسف"هز روجيستر ومشا هو والعدول لعندها حل عليها الباب وسولها العدول جاوبات وهو يعيها ستيلو شداتو بصبيعاتها وبدات تسني وعطاتو ليه باس ليها يوسف راسها ورضى عليها ...ورجع هو والعدول ...
العدول : ايوى سيدي مبارك ومسعود والله يكمل بالخير وهاد المرة رجعة رجعة دوام باذن الله ...
ياسين"بفرحة" : اللهم امييين يارب...
العدول : هانتا ولدي يومين ونجي عندك نجيب ليك العقد كون هاني ...
ياسين : متنساش تحضر لصدقة والعرس ...
العدول : ان شاء الله ...
خرجو من تما وقفو قدام الساحة الي واقفين فيها طوموبيلات ...ووقفو كاملين كيباركو ليه ...
يوسف : اللهم يسر هاد المرة الله يرضي على ولدي اي مشكيل بعدوني انا وخويا"عنق فؤاد" خليونا فتيقار...
فؤاد "طبطب عليه " : مكاين الي يدخل فيهم من اليوم ...
ياسين : ان شاء الله بالدوام والتفاهم كون هاني من جيهتها يوسف كون هاني من بعد ربي منعطيك عاهد الا من بعد ربي ولكن دير فبالك كانت وغاتبقى ديما فعيني كيف هي مرتي هي بنتي وختي ونور ديال داري ...
صهيب : الله يسهل عليكم...
الياس : تهلى فيها وخا عارف مكاين ماحسن منك ...
ياسين : ضروري ...
يوسف "شاف العدول عيط ليه هو وفؤاد " : هاني جاي ...
مشاو بزوج وهو يمد الياس لياسين كونطاكت طوموبيلة يوسف ...
صهيب : طلق راسك هاحنا نعطلوهم ..."مشا كيزرب طار لطوموبيلة يوسف حتى دخل عليها طارت ونزلت "
ياسين : شش خلي القب عليك ..."ديمارا طموبيل وكسيرا تا تحكو روايد ...خرج من تما وطار خرج من مراكش وشد طريق ...
نوار "بشوي" : ياسسيييييين فين غادي ...بابا وعمو ؟
ياسين : شششت "مد ايدو وشد ليها ايدها كمش عليها وباسها من كفها " شنو ندير فيك دابا ؟
نوار : ههههه عااافاك متخصرش ليا العادة ...
ياسين : ماخفتي واالو تهناي ..."عض شنايفو وضار لواحد البيت بعد شوي ووقف يلاه غاتهضر وهو يضور عندها خلا ليها القب على وجهها وزاد حدرو حتى خلا غير جيهة شفايفها وهز ليها ذقنها وهو يقرب تاااا قرب وطار عليها لشنايف حتاها عليها ببوسة تا مشا راسها تزدح مع زاج طموبيل وناض من بلاصتو شوي فوق منها يلاه غاتنيين وهو يضغط عليها بايدو
بقا يبوس يبوس ويشلقم ليها فشنايفها تا طول جهد دقايق وهو على ديك الحال ماختمها الا بجرة جر ليها شنيفاتها تا جرهم بمصة خلاهم كيوزوزو وهو يطلق واحد تنهيدة ...
مشافش ليها فوجهها خلاه مضرك بالقب الطويل حدو خذا رشفة من ثغرها الي كيسميه الشهد ...يلاه غايكسيري وهو يلقا زوج طوموبيلات واقفين قدامو ...منهم طموبيلتو الي خرج منها فؤاد عاقد حجبانو ومعصببب ...
ياسين : نوار ...
نوار "مشافتش كتسمع غير صوته" : نعام مالك ...
ياسين : لا عرفتي وصبرتي شهدي ولا خفتي ذكري الله ..."خرج من سيارة وشاف فباه" دير بوجه الرضى الي واخذ من عندك "هز ايدو"وعد رجال عطيتو ليك درت حلالي نعطيها هدية الحلال (العقد) وماشتها مشافتني حتى لنهار تروح لعند"غمزو" ...
خذا شنو بغا باي طريقة كانت خذا منها شوي بلل بيه الشحفة ديال عطش الشوق من جيهتها باش ما كانت طريقة خذا شنو بغا وسلاااام ...بقا فؤاد مفيكسي وجهو على مود تخنزيرة ضاربها فيه والعصبية را معصب حيث دارها بيه ...
ركب فالسيارة ديال يوسف اما سيارة لاخرا هي ديال ليكارد الي موزع تما بعاد مكيشوفهم حد وفنفس الوقت حاضيين ...عاد سيارة الي خلا قدام المكتب ديال لعدول كان جابها فؤاد وفيها دراري ومصطفى معاهم خرج يوسف ...
الياس : دور دورة وتسبو فينا الي جات ولينا بشلاغمنا وولادنا ومزال تتسبوها فينا ...
يوسف : وديروها فين تجيكم غا بلاتي ...
صهيب"خسر فيه سيفتو وطلعو وهبطو مزيان " : سيييير سيييير تت كي ڤووولگيغ ...
ياسين"حك لحيتو كيسمع فيهم يتناگرو ضار يشوف باه وهو يهز ايدو شير ليه باش يوقف وحل باب القدامي مشا لمجر الي قدام مصطفى حيث جالس فالامام وجبد ديك ساشية وخرج مشا فاتجاه طوموبيلة يوسف الي ولا مشا تاهو لطوموبيلتو ركب لور ومخلي فؤاد يسوق " : هدية الحلال (العقد) ...
فؤاد"شير ليه براسو بلا ميشوف فيه زعما عطيها...ضار جيهتها حل ليه فؤاد زاجة الي حداها وحط ليها ساشية فوق حجرها ومشا لجيهة طوموبيل كسيراو بزوج وانطالقو فاتجاه الفيرما ...مع قربو يوصلو وصل البلاغ لسليمان الي قالها ليه باه ...
سليمان : الفجلة هاهما بغاو يدخلو ...
يامنة : وعيط لسارة وميمتك يخرجو ...
حرك ليها راسو ومشا عيط فتيليفون قالها لمو وخرجو من دار سارة وشي من دار ياسين تجمعو كاملين غير وصلو سيارات عند دخلة لقاوهم ملقين ليهم ...فؤاد مبلغاه يامنة بشنو غايكون داكشي باش ضار لور تا نزل بعيد وخلا يوسف الي يسوق ...
طوطوطوطوطططططط طوطوطططططط هذا يوسف الي طالق كلاكسون غير وقفو ونزل ياسين تلاقاو ليه بالمريشات ديال فضة فيهم زهر وجات يسرى هي ومينة عند نوار حلو ليها الباب تا نزلات حادر راسها مغطية بالقب كتشوف لتحت ...
يامنة"مشات عنقات ياسين الي باس ايدها وراسها كانو واقفين حداه غييير مقربين هما عائلة ومن جيهة سارة غير ختها صبيحة ومها وسارة وفنيدة ومريم و نعيمة ونجود مكانوش بزاف ولكن عادة دوار يسمعو ضرب يوقفو من بعيد يشوفو...جاو خوتو باركو ليه ونجود وراوية وسليمان واشرف وعلي كلشي الي موجود ورياض الي وصل هو ومو باركو ليه .."
يامنة "عنقات نوار" : مبروووك اعروستي من جديد هههه
نوار"تكات على صدرها" : الله يبارك فيك...
وقفوها حدا ياسين وجابو ليهم طبسيل طوس عامر بالتمر معمر على شكيلات هاللوز گرگاع وحتى لكوك ...واونسومبل ديال بريق طاوس وفناجن ديالو فيه حليب بما زهر ...هزات نوار تميرة كلات منها وشربات الحليب وحتى ياسين فحالها ...
يامنة"هزات الفنجان الي بقا من نوار " : رميساء هاكي شربي ...
رميساء : يحفضك ليا فجيلة "تكات عليه شرباتو كلو ...
بداو يزغرتو ويصليو عالنبي وهزات سارة ابريق الحليب فرقاتو على رجال تا تاكدات انه تشرب كلو وداتو غسلاتو(حليب الي فيه زهر ديال العروسة وياااااكم وياكم تخليوه تاهو يهزو شي حد من غير ام العروسة ولا تاكدو انه تشرب تاااهو كيسخرو بيه وحاجة العروسة اكثر الحوايج مطلوبين فعالم سحر را كيدمرو ويدمرو ويدمرو عائلات ويشتتو شمل ويمرضو فالصحة واكبر المساوء)
نوار"ورات لسارة ايدها وهي تغمزها ": رميساء.."تكلمات ليها وعطاتها من داك جاوي شافت فمريم عيطات ليها وعطاتها منو هذا غييير عادة باش الي خذات من عندها تبعها فالزواج باذن الله الواحد الاحد هادو كيبقاو غير عادات وتفاؤلات وكلشي بالمكاتيب تكون غير نية زوينة والقلب صافي رمافيه حسد ربي كيسهل عليك اما الي فقلبو بغض وحقد وضغينة سوا
لشخص كيعرفو ولا مكيعرفوش فكون اكيد غادي تبقا غير بلاصتك " …
شاف ياسين الدنيا عمرات شير لمو براسو وهي تشير ليه زعما صافي غير سير ...حرك راسو ومشا لفيرما وخلاهم كيزغرتو تا دخلو مع نوار لدار سارة فين خدام اللعب وضرب وريحة طياب تعطعط فالدوار ...دخل لفيرما لقاها خاوية لتحت فيها غير نعيمة ونجود وراوية تما جالسين حاضيين ...وطلع هو لبيت طل على المهندس تاكد ان داك الطاج خدام وغايسالي والفراش بدا كيدخل جديد ...ورجع طلع لطاج ثالث دوز التيليفون لصحابو الي جاو من امريكا واكد عليهم الحضور فالليل الي غايكونو طلبة عاد الغذ ليه فالصباح فين غايكون الصربة الي غاتبدا ...خصص الموسم فيه ثلاث ايام على ود العرس ...هز من الماريو شي وراق ونزل لتحت لقا باه واقف كيهضر فالتيليفون غير كمل ...
ياسين : صافي هي هاديك نديك تشوف دراري الي جاو من لهيه ونرجعو ...
فؤاد : الليلة يوصل عمك ايلاف تاهو جاي ...
ياسين : بحضور فرد من دار كتنور الدار وتكمل اللمة وتزاد الفرحة العم ايلاف ميحتاجش نرحبو بيه حضورو واجب ...
فؤاد : داكشي الي كاين ...يلاه وكان الي قضيناها فالبكرة لينا بالفايدة وتكسبنا وقت...
حرك ليه راسو. وتحركو فاتجاه طموبيل من بعد ما وصا جدو واسامة وخوه الحبيب والدراري وعمامو يوقفو على تما بينما جا هو وياه من مراكش ...
الفرح هو هذا هادي اربع ايام دابا الي دازت وكل نهار الطياب دوزنا فيها حنة العروس وحمامها والعقد ودابا فهاد النهار جديد من بعد ما دوزو صدقة ديال العقد ...هاد الصباح وجد راسو لبس جلابة بزيوية بيضة ...وخشا رجليه فبلغة بيضة وخرج من البيت كيسمع فيه لتحت كيوجدو فالهدايا ديال دفوع وخرج هو لبرا ومشا الاسطبل لعند لفحم عاد من تم يهزو ويمشي مالين الصربة فين يوجد راسو باش يبدا معاهم الحركة اول نهار ..
جالسة فوق ناموسية وحداها امها ورميساء ومينة كيوجدو ليها فاللباس الي غاتلبس باش تستقبل عگوزتها وناسها اي دار عمها الي غاجيبو ليها دفوع ...كتقلب فداك الگرميط الي جاب ليها ديال ذهب مضفور ضفرة غليضة ...تقيس فيه وتعاود وتبتاسم حيث هاد نوع كتموت عليه وعرفها وخذاه ليها هذية العقد ...
يسرى"شافت فيها وضحكات" : عجبك بزاف هههه
نوار : حمقني غزااال بزاف ...
مينة : عجبني حتى انا ذوق الي كيعجبك انوار...
..."رجعات كتوجد ليها اللباس وتقاد ...اما فالجيهة ديال الاسطبل جا ياسين وركب فوق الفحم بلا ميسرجوه ليه ...
سالم : تما يسرجوه ؟
ياسين "شاد لجام" : لعندهم ...وصلو عليا ...
علي : غير سير هاحنا لاحقين عليك غير يجيو العمام وعمي ايلاف ونتحركو وراك..."حرك ليهم راسو وجر لجام وزاد بالفحم فاتجاه فين مبنية خزانة الصربة ...بقاو واقفين تما كيتسناو فالعمام يجيو حتى سمعو واحد تصفيرة طوييييلة...
ايوى بقاو يتجاراو تما ويشيرو عليه فالحجر صدقو قالبينها انتفاضة الحجر شي يضرب وشي هارب تا تمو جايين العمام باش يلحقو عينم يمشيو لقاو دنيا عامرة مضاربة بالحجر ايساف هارب وتابعينو واحد شوي صدقو هاربين وتابعهم ايساف مشربن وهذا هو الاستقبال الي وقع هههههه ...مافكهم غير يوسف ومصطفى خصوصا من شافو فؤاد جاي كلشي فرتح حدا رجال وتبتو ...
يوسف : اسيرو الله يمسخكم ...
صهيب : غا هو الي كان خاصكم ...
الياس : مالكم على هاد الحالة "شاف فولدو" بعقلك اولدي زعما...
سليمان : مشتيهش مع جا مع شير علينا بالحجر راسي باقي مقلقل...
علي : هرس ليا الكارط مير حسبي الله...
ايلاف : والله يا ابني ماتكساب العقل...
ايساف : وغا بغينا نخلقو جو نضحكو اووو...
الحبيب"طار عليه شانق عليه" : ياك مرتك تم لاش جاي مخليها وحدها وجاي ؟ مالك خلي غا جاد يجي ونتا برك حدا مرتك ...
ايساف : جاد عندو قرايتو وجاي نحضر لعرس ولد خالي وخويا الكبير سوق مك ...
الحبيب"شاف باه وصل وضار عندو" : الوليد ايساف قاليا سوق مك ...
ايساف"خرج عينيه وشهق" : هييييي ينعل واااا"حبسها من شافو واقف رافع فيهم حجبانو بواحد تخنزيرة وهو يحني راس ومشا لعندو سلم عليه" خالي لباس ...
فؤاد : يلاه تحركو ...
مشاو كاملين لحقو على ياسين غير تما فواحد الخلا فين تبنات صربة دازو من حدا فين كيطيبو شافوهم عاد مشاو وجلسو فالمقدمة ...
يوسف : لا نهار العرس باش يلبسوه ويجي يسلم على مرتو ...
اشرف : غايدير صربة غير ليوم ...
يوسف : ليوم وغذا وصباح العرس لا...
قدام الفيرما جاو ربعة الكارويات (كروسات سايقهو عود ) فرشوهم باللحاف عاد ايزور بيضة ...وبداو الصلاة والسلام على النبي كل امراة هازا فوق راسها ماااشي طيفور انما صينية كبيييرة ديال الفضة وكل صينية فيها حوايج من دهاز والهدايا ديال دفوع الي جايبهم ليها ياسين ويامنة وحتى فؤاد مساهم مكبريييين بيها فوق لهيه....حطوهم
تا عمرو الكروسات والكروسة الرابعة فيها ضروبة اي عجبة دايرين ليها الحنة فجبهتها وربطة ديال نعناع وواحد الزيف معلقينو فالكروسة فعصا بيض فحال العلم...كيعاونهم اسامة وعيطو لاشرف ودراري تا جاو عاونوهم ووقفو معاهم ...
يامنة "لابسة قفطان فخضر بااارد مرصع بالاحجار وصم ودايرة شال ذهبي محزمة ...هزات ايدها تا تحدرو لكمايم وبانو بيضييين فيهم دبيلجات ذهب وخاتمها كتشالي " : صليو عالنبي ويلاه بسم الله ...
صلااااااا وسلااااام علااااااا رسول الله الااااا جاه الى جاه سيدنا محمد الله معاااااااااا جاه العالي ...تزغريتااات حااارات مجموعين عند الكرارس كل من يامنة ونجود بتكشيطة موڤ وحداها راوية بقفطان فالگرونة و ماجدة عگوزة مينة ونجوى وفنيدة ونعيمة ...صلاو عالنبي ...
يامنة : الله ينورك زيدي يلاه را اسامة غايبقا فدار نيت ...
جاو ورا الكرارس هازين صينيات فضة فيهم الدهاز كل حاجة واخذة منها زوج زوج تا عمرات وكلشي جديييييد حتى من مكياج موصى عليه من برا وماركة وصبابط وصيكان وتكاشط باقي ممخيطينش ثواب اخر مكاين مهم الي خذات ليها خلات عباد الله حالين فمهم داكشي جاهم جديد وزين ...عاد صينية التمر والمسكة والحنة ...
بداو يضربو العيالات ويزغرتو وغادين بالدفوع دارو دوزة طويل باش يطوال دفوع لان دار سارة غير جنبهم داكشي لاش طولو دورة حتى وصلو قدام دار سارة وخرجو ليهم يسرى ومينة وام يسرى ومرات خالها زعما اهليات العروسة ودار سارة
معصمها الگرميط الي خدا ليها وفعمقها سنسلة كان واخدها ليها ياسين نيت وسنسلة لي خذا ليها باها فيها سميتها فحال مينة ...مهم الي عندها تزينت بيه باش تباها وتبان عروسة وسطهم ناهيك على الوجه الي مافيه مكياج ولكن تزنيگة توتر غلبات عليها وعطاتها سر ...حطو قدامها الصينيات خلاو يسرى حالا فمها وكل مرة كتزيد تفرح ببنتها الي كبرو بيها ....
وقفو الفرسان فالصربة تستفو لابسين زي فالصفر مقادين العصابات فوق الراس والخنجر فالجنب والمكحلة شادينها بايديهم كاملين مستفين فوق الخيل وهو وسط منهم بعصابة بيضة وصفرة مميز وسطهم معلمينو راه عريس دوار حدا رايس ديال صربة ....
الرايس : واااااا ...
انطالقو كاملين حتى ناضو الرجال كيشوفو فيهم غادين غاديييين منيرين...
الرايس : وااااالهدة ..
الهدة : وهي التحية وحركة البنادق في أيادي الفرسان،
قادو المكحلات القدااااام...
الرايس : واااالطلقة...
الطلقة : سباق الخيل الذي ينتهي بطلقة جماعية قوية ومتزامنة.
قادو الفرسان مكحلات الفووووووق ...
وووو طرااااااق صوت قوي زلزل ارجاء المكان حتى بداو الرجال كيصفقو ...وتزغريتات تزغرتو فدار العروس ...
ريحة دجاج محمر واللحم على شكل طنجية فوق الطناجر كباااار كراوهم ديال نحاس باش يجي طياب بنين ودايزو لكلام طبعا غير لناس الضياف المعروضين ...ريحة طياب تعطعط والفاخر ريحتو تعطي ودنيا ريحة العرس وطقوس ديالو ...نخليو السربة وتبوريدة خدامة ...ونمشيو اتجاه فين كاين ريحة طياب وهي دار العروس طبعا دار سارة ...فالصالون وقفات نوار بداك اللباس جات يامنة سلمات عليها ...
يامنة : الله يجعل كلشي مبارك ومسعود احنينة...
نوار"باست ليها ايدها" : امييين خالتو...
نجود : يلاه بداي ...
يامنة"شافت فيسرى " : يلاه بسم الله"غمزتها"
جات يسرى و ام يسرى وقفو عند نوار وجات رميساء شدات داك الحايك جبداتو شوي وسارة حداها وبدات يسرى كتهز فالهدايا الي جابو ليها ...كتهز كل حاجة تقولها وتلوح فداك الحايك من داخل لتحت عند رجليها ...
يسرى : الالة هادييييي زوج تفاصل من عند سي العريس ياسين ..."لاحتها تما وهزات تفاصل تكاشط تاهما لاحتهم وصبابط تا قربات تكمل دهاز وعمر ليها داك الحايك ولاو حيدو داكشي ورجعات تكمل " هههههه الخير كثير هذا ...
سعاد : الله يعطيه الخيييير ويزيد فرزقو ...
يامنة : بصحتها وراحتها ..
يسرى"هزات شوميز دونوي الفريييع ولكن كلو مشبك ههههههه حشمات يسرى ونوار حادرة عينيها مزال مشافتش " : وهذا ههههههههه هذا اش ؟
نوار"هزات عينيها وهو يبان ليها وهي تخرج عينيها ونطقات بشوييي غير بينها وبين يسرى" : مممم ماما صافي لوحيه متهضريش اويلي ...
مينة : هههههههههههههههه
ماجدة : ويلي يسرى دوزيه دوزيه هههههه
صبيحة : تي مالو عيب هدية راجلها را حلالو .."شافت فنوار وقالت قدام ناس ". راكم مطالعين على عراض بعضياتكم قبل شايفاه وشايفك مالك ...
نوار : خااالتييييي سارة ...
سارة : صبيحة هنينا هههههه
صبيحة : ههههههه ياك بعدا بيني وبينك جيد ياك ؟
نوار : فااااش ؟
صبيحة "دارت حركة فحال ساري كول من كتقول هاهو" : فحل "خلات عباد الله منشورين بالضحك"
نوار : خالتي سارة قولي ليها تسكت اويلي ...
صبيحة : صافي صافي ههههههه ...
كملو داكشي بالضحك وزغاريت ...حتى وصلات لصينية ديال الحنة وجات يامنة هزاتها وخواتها عليها من راسها تاااال لتحت باش زعما يكون فال خير وربي يحن ...كاع العادات الي كيديرو ماهي الا نوايا حسنة بالتيسير والايام زينة وقدام ربح ....
كملو العادة وجلسو كيتسناو اتاي يتدفع عاد يدفعو الغذا مجموعين الهضرة فالصالون ...ناضت نوار البيت باش تهضر معاه حيث كان كيصوني ليها غير دخلات سدات عليها وجاوباتو...
نوار : مسمعتوش كانو كيعطيوني الهدايا ...هههه
ياسين : عجبك ؟
نوار : لهلا يخطيك عليا كلشي غزاال ...
ياسين : بدوام ان شاء الله (زعما ديما غايجيب ليها) ...
نوار : ساليتي ؟
ياسين : تدفع الغذا يتغذاو ونرجعو نكملو ...
نوار : صورتو باش ترسليا نشوف ؟
ياسين : صورنا ...
نوار : كلشي صورته انا حتى نشوفك ونوريه ليك ...
ياسين"الماسخ" : شنو هو حدددي ...
نوار : ههههه وااا الحنة وداكشي الي مشفتيش غاتشوفو ...
ياسين "ماااسخ بردو " : كنتسناه بشوق ...
نوار"تنهدات تا سمعها" : هادشي الي كنعيش هاد الايام زويييين بزاااف فرحة بفرحة ...يمكن الي وقع لينا كان فيه الخير وداكشي علاش كيقولو كل توخيرة ...
ياسين : فيها خيرة ...الحمد لله ...مابقا غير يومين وهانتي عندي تحت جناحي ووسط فراشي ومنورة داري ...عمرك تخطايني ؟
نوار : عمري نخطاك وخا يوقع الي يوقع ايام كانت طيش وعقل مكاينش ...عمري نخليك ولا نتفرق عليك ديما معاك وحداك واي مشكيل بيناتنا نفكوه وخا نصبر ...
صداقك نهار صباحك ...وخا صباحك داز وفات صباح العادة حسن ...
نوار"دارت صبعها في فمها عاضاه" : شنو هو هههه
ياسين : قلت ليك نهار صباحك ...
نوار : وغييير قول ...
ياسين : بسميتك ونتي مولاتو نهار منها حدايا وحدا دارك ومنها تعلمي منو وديريه ...وبسبابو بديت نعرف شهلة العياني حتى دخلات ليسر ديالي...
نوار : ولله مفهمت ...
ياسين : ماعليش صبري وتعرفي ...
نوار "سمعات العياط " : كيعيطو نخليك ؟
ياسين : سيري ...
نوار : بلاتي ...ياسين ...
ياسين : نوارته ...
نوار : كن كنبغيك احبيبي ديالي وحدي ...
ياسين "دار ايدو على لحيتو مصدوم من تسمية الي عطاتو " : كثر منك اكاندي ديالي وحدي ...سيري بدلي ساعة باخرى سيري ...مابقا لينا غير ليلة ونهار وهانتي عندي...ديري بحساب مسافرين ...
نور الياسين الجزء 46
محتوى القصة
التنقل بين الأجزاء