نور الياسين الجزء 53

من تأليف Sana mina
2021

محتوى القصة

رواية نور الياسين


سبحان الي يبيتها فشان ويصبحها فشان وسبحان الي يبدل الاقدار وسبحان الي يغير لاحوال الى احوال ...وسبحان الي يكتب عليك المكتاب كيما كنتي تكون وفينما كان ...سبحانك يا جليل لا اعتراض على حكمك ...

"فلاش باك"...

بعد ايام ديال الصدمة بشوفته بديك الحالة الي ماتقدريش تشوفي شخص وخا بعيد كنتي كتشوفو فشكل حتى تشوفو فشكل اخور مغير مغير للاسوء فمابالك اذا كان اقرب الناس ليك ...تعددات عليه زيارة ماشي كلشي دقة وحدة وانما واحد بواحد ويبقاو شوي وفين وفين باش ميكثفوش عليه دقة وحدة وياخذ طاقة سلبية خصوصا ان الي دخل عندو كيتبهض من الحال الي وصل ليه جسمو ووجهو ...

واليوم كيوم من الايام الي مرت مر تقريبا شهر على الحادث الي وقع ليه ...كيتسمع قريب ليه صوت تجويد القرآن الكريم بقراءة ايات منه ...

صوت اقرب الناس ليه صوت الحنان الرضى الهيبة صوت الاب صوت القلب المعصور على فلذة الكبد والمكوي المشوي عليه لكن فيه امل كبييير وترجي ...

فؤاد "صوت كيجود بخشوع تام حتى وصل لواحد الوقت " : « ثُمَّ كُلِي مِنْ كُلِّ الثَّمَرَاتِ فَاسْلُكِي سُبُلَ رَبِّكِ ذُلُلًا يَخْرُجُ "وصوته تغيير تدبدب وقف واحد اللحضة غمض عينيه شحال

تا صرط ريقو وتنفس عاد كمل "

....مِنْ بُطُونِهَا شَرَابٌ مُخْتَلِفٌ أَلْوَانُهُ فِيهِ شِفَاءٌ لِلنَّاسِ إِنَّ فِي ذَلِكَ لَآيَةً لِقَوْمٍ يَتَفَكَّرُونَ » الآية 69 من سورة النحل.

بقا يقرا هو كيقرا عليه عند راسو وفنفس الوقت كيرتاح نيت تاهو وديك الغمة الي فصدرو كتحيد ويرتاااح كانه كيلقا شي دوا الي يخليه بدون تفكير صداع الرأس او حرقة او اي غم كاتم عليه ...كانه بلاصة النار كتولي برودة ودفء راااحة بمعنى الكلة ....كيتزوع فبلاصة اليأس أمل ...كمل ماتيسر ...

فؤاد"سد المصحف" : صدق الله العظيم"باس المصحف وحطو حدا راسو فوق كومدينو ...حدا واحد الجهاز من الاجهزة الموصولة ليه ...قرب لعندو ودوز ايديه على راسو وهبط باسو من جبهتو وكل مكيقيصو كيحس بيه بارد كيزيد يتعصر ويبغي يدفيييه مايكرهش مايكرهش ..."

الله يشافي الله يشافي...يااارب الناس اذهب الباس واشفي انت الشافي المعافي ..." عاود باسو تاني تا غمض عينيه واستنشق ريحتو كيشم غير ريحة الدوا ...وقف وضار جيهة الباب وخرج مشا من تما وخرج من باب اخور عاد وصل لواحد الممر لقا يامنة جالسة معنقة نوار وحداها مينة كريشتها لفمها ورياض واقف عند راسهم ....

فؤاد"شاف فيامنة" : مالها ؟

يامنة"دوات بحزن عليها" : سخفة وترجاع هلكوها راك عارف...

فؤاد"عيط ليها بصوت خاااتر" : نواااار ...

نوار"هزات غيه راسها وشافت فيه بعينيها ووجهها ضعاااف عينيها دخلو عنقها تمص ...دوات بصوت عياااان بجهد حيث عاد رجعات كاع الي فكرشها وشنو الي فكرشها من غير الما ودوا " : هاااه عمي ...

فؤاد "حط ايدو على راسها كانت دايرة شال باهمال عليها ولابسة جليليبة ربيعية غير الي عندها فدار صهيب جابوها ليها ..." : اجي. معايا ...

حركات ليه راسها وناضت وهي توقفو مينة بصوتها وقفات بزز حيث فاواخر ايام حملها عاونها رياض تا وقفات ...

مينة : عمي"عضات في فمها تا وقفات" عميي نقدر ندخل عندو انا ورياض ؟

فؤاد"حرك ليها راسو وتنهد" : خوك واجب عليك تشوفيه ابنتي ..."شاف فيامنة الي مهمومة تاهي كل نهار هما فالسبيطار اما فؤاد صباح وعشية ...حرك ليها راسو بطريقة هي فهماتها وهي الي كتفهمها معناها هاني جاي "

تمشات مينة هي ورياض دخلات هي لولة شافتو بقات غير خمسة دقايق وخرجات ودخل رياض حتى هو ...وخرجو جلسو حدا يامنة حتى شاف رياض ساعتو ..

رياض"تحنى على مينة " : خاصني نتحرك دابا نخليك ولا نديك معايا ؟

مينة"هزات فيه عينيها وكمشات ملامحها بترجي" : عافاك بغيت نبقى الليلة مع نوار فبرطما عمي صهيب صباح جي ليا ...

رياض : حالتك ماشي ديال تباتي فشي بلاصة كيما كانت ماشي فايام عادية باش تبقاي ...

مينة "حركات راسها" : واخا واخا حتى نشوف بابا ...

يوسف "تم جاي من عند الله حتى وقف عليهم وسلم عليهم" : فين نوار وخويا ؟

مينة"كتنهج" : مشات معاه غير هنا ويرجعو ...

يوسف"بخوف" : ياكما عيات ثاني ؟

يامنة : لا مشا يهضر معاها "شافت فيه وحركات ليه عينيها زعما احسن يهضر معاها حيث فاش كيهضر فؤاد كيرتاحو لانه كيدوي اولا بالعقل بالثبات بالحكمة وكيوزن كل كلمة كيقولها ...عارفينو غايهضر معاها وينصحها لانها محتاجة نصيحتو هو بالذات "

يوسف : ايوا خير خير احسن مادار...

رياض "شاف فيه " : سي يوسف مينة هاهي معاك وقت الي بغات تجي علمني ولا تجيبها معاك ...

يوسف"قرب ربت ليه على كتفو " : الله يرضي عليك اولدي واخا كون هاني...


توجه هو وياها كانت غاديا جنبو حتى جرها عنقها بجنب جات تحت باطو طبطب ليها على كتفها وباس فوق راسها وتمشا هو وياها حتى نزلو لتحت وخرجو لبرا ...بعدها بعيد شوي على تما فين تنفس لانه وجهها كان مسقوط من دم حيث عاد ردات الي فكرشها ديك الساعة ...

فؤاد"وقفو حدا شي شجيرات تما عاد مسقيين بالما كانو ديال الرنج والزهر ديالهم متفتح مع موسم الربيع ...والبرودة تما كان واحد الكرسي ديال العساس دالباركينغ ...شاف فيه فؤاد وطلبو يعطيه كرسي ومدو ليه "

العساس"عطاه واحد اخور" : هاك الحاج جلس نتا على هذا ...

فؤاد"حط ايدو على صدرو" : يعمر دارك ..."شاف فنوار الي مشابكة ايديها كتفرك فيهم وحادرة عينيها" شوية ؟

نوار"هزات فيه راسها ورجعات حدراتو ونطقات بصوت ضعيف" : شوية شوية الحمد لله...

فؤاد : الحمد لله كلمة زينة فالوقت الزينة وزينة فالوقت شينة ..."هزات راسها بدون متشوف فيه" الحمد لله على ما اعطى وما اخذ ...لو رجعنا بالوقت اللور نحاولو نبدلو يوقع الي وقع سوا بهاد طريقة وسوا بغيرها ...

الي وقع لينا والي طرا لزمانك (راجلك) مشيئة رب العباد مختابرنا واش نصبرو سوا مات واش نصبرو سوا عايش حطنا فهاد الاختيار وحطنا فهادشي حيث مومنين والمومن مصاب ...لا نتي قادرة تغيري بغبينتك وبكاك وشكاك ولا هو قادر يغير بتجبيدة الي هو عليها ...هاهو عايش بين ايدين رحمن مازاد ما نقص ...

شهر ونتي فالعذاب مابينو هو وبين روح الرحمن الي فروحك(الجنين) ...حنا واليديه وواليه ماعندنا منديرو من غير الدعاء لا زيارة فادت لا بكاما وشكانا فاد ..."حط ايدو على كتفها وحركها تهز فيه راسها وتشوف فيه "

نتي واجب عليك الصبر واجب عليك تدعي واحلة فروحك ودعاك مستجاب فهاد الوقت ...صبري وعضي فالصبر وحافضي على ثلاثة الامانات الي خلاهم ليك الفحم نهار يحن الله عطيهم ليه وهديه الفرحة وبلاصة الفرحة ربع فرحات ...

نوار"بتساؤل" : كيفاش ؟

فؤاد : عطيه ثلاثة الامانات"شاف قدامو ونطق" اللولة نتي وثانية روح الرحمن وثالثة رزقو الي حافضتي عليه ...

نوار"تنهدات حيث فهماتو" : ضروري نمشي "دمعو عينيها" مساخياش نخليه ونمشي اهى"مسحات دميعاتها بطرف كمايمها وتعاود تمسح ودموعها غير مزادو تسرسبو كي الحجر" والله ما قادرة مسخيتش نخليه ونبعد عليه ولفت كل نهار نجي نشوفو ونمسح ليه وجهو وايديه ...

فؤاد : الشوفان ابنتي ميبرد الجوف ...الزيارة زيارة والى ماكان فيها خوذ وعطي ماهي بزيارة ...الي تشوفيه فيه اليوم تشوفيه بيه غذا ...نهار وقف عليك ووقف معاك خدام لهيه وحداك مسول عليك من لهيه وحداك ...شداتو خدمتو وبالو ماهنا عليك وهو تما ونتي فبلاد بعيدة (على المانيا فين كانت) قضا الغراص بتيليفون ووصا عليك ...جا الوقت الي تعطي ماعندك تانتي وعاد دابا نتي تعطاوك جوج امانات الي فكرشك ورزق راجلك الي هو رزقك ...

"تفكرو" نهار الي جا عندهم سالم عند مصطفى هو لول فاش دار زيارة ثانية لياسين ...وفاتحهم بالموضوع ...

سالم : سي مصطفى نتا عارف مابقيتي قاد على مقابلة ملي وسع ياسين الله يشافيه الرزق كان مقابلو من بعيد ونهار الي رجع بدل العادة (السيستيم) ايوى ونتا كنتي مقابل غير فيرما لداخل ...كوريات لاراضي الخدامة دار الحليب القديمة وجديدة والفيرما جديدة عاد تزادو ...ثلث سنين وهو واقف عليهم ....

مصطفى"حادر راسو دايرو بين ايديه كان مهموم حيث لقاه عاد خرج من عند ياسين " : واش المعمول اسالم ...

سالم : اسامة رجع لقرايتو بامر من سي الحاج رمسيس باه ميصيبشاااي يگابل داكشي ايوى و انا راك عارف خدمتي برا ليدارة(الادارة) مكلف بيها هو ...خلاص المعلمية ولابد كريديات واقفين ...القرض الفلاحي جهدو مدة يصبر بسباب الحالة وليني الله يحفض مكاين موت را مزال ممعفيش راك عارف ...شي سلعة خاصة نتقداوها لشحال من حاجة ...الوقت وقفت را جايا لخمسطاش اليوم باش طاح كلشي وقف ...الخرفان جوج سواق هادي متباعو ...شلااا وشوية اسي مصطفى ...

مصطفى : المعنى ؟

سالم : على حد علمي والي عارف هادي مدة ملي جات المرأة عندو كان يغيب ويكلفها هي تخلص وتعطي تواصل كلفها بشلا وحتى الى ماعرفتش داك الكوفر هي الي تگد تحلو وتوقف على كلشي وخا غير من دارها مهم تعطينا فلوس سلعة ...اغلبية صابرين تيتگعد بسلامة وليني كاين الي ميصبر وميركم ميخلي رحمة ربي تنزل گد ماجلسنا لازم ترجع وتحرك لينا شغل لابد نتحركو ومنضيعوش لولد الناس وولدنا وخونا الفحم ...

فؤاد"وقف عليهم وسمع الهضرة كاملة خلاه تا كمل كلشي وحنحن ضارو لعندو " : عطيها من ايام الله ونجيبها لموضع راجلها ورزقو ورزقها ..

سالم"وقف وحدر راسو" : وعليه الحاج انا بعدا رجع نتحرك على ود الخرفان نديهم لسواق بينما تيسرت ونكمل فين حبسنا ...


رجعات بيهم الذاكرة من كلام سالم ديك المرة ...الحياة كتستمر لكن الرزق مخاصش يوقف لانه غايضيع وشكون غايبقى صابر على رزقو تا يحن الله على مول الشي الي هو براسو بين ايدين الرحمن واش غايبقى هكاك ولا يرجع يفيق ولا يتعرض لنوبك قلبية تسبب فسحب الاجهزة عليه وبالتالي يموت الموت البطيء ...

نوار"مع جالسين تحت ديك شجرة فيها الزهر كتعطي ريحتو حسساتها بالراحة وخففات عليها الم ترجاع والمعدة لانها صباح وعشية وهي مخارجاش من طواليط والدوش وفينما شداتها تخوي...تنهدات وخذات نفس" : والى بغيت نجي نشوفو ؟

فؤاد : كل نهار خبارو عندك نهار يوصل وقت زيارتك ليه نجيبك راسي لعندو ...هاهو ما فايق ما حي ما كيت ناعس ..كي اليوم كي غذا كي بعدو ...وقفي على رزقو نتي عشتي معاه وعلمك ووعاك عليه ...عطاك سرو وعطاك تغرادو امنك على الغالي ورخيص ...

انا نتوگض گد الي نتوگض كنبقا باه مرة ليه مرة ليهم خوتو مرة لميمتو ..."ضرب على كتفها بشوي" نتي مولات دارو عمارتها الهازة همو وشغلو من غيرك مكاين الي يوقف ليه عليه مرتو فدارو وفغيابو راجل ...بقاي تما فالدار ووقفي على رزق راسك معاك اسامة ...

معاك يامنة تاهي تمشي عندك مرة مرة تبقى معاك ...مرة انا مرة الحباب واليديك ...سيري بنتي فين توسعي خاطرك وتفرجي على همك وغمك ماتبقاي فبلاصة فيها هم وبكا ...سيري فين يكبر الي فروحك بخاطرو وحافضي عليه وعلى راسك تا الى كتب الله ورجع الغالي ...وحنا عند الله ...

نوار"هزات نفس تا هزاتها وطلقاتها بتنهيدة طويييييلة ...ماقالت ماتكلمت موالو حدرات راسها كتسمع ليه ...وعرفات انه الى موقفاتش على شغل راجلها كلشي غايمشي ويضيع وهما دابا مكاين تا جديد فحالتو الا ان الكريز مرجعاتش ليه وهادي حاجة عالاقل شوي مفرحة مؤقتا...."

بقا معاها شحال كينصح فيها وينصح حتى تفاجات شوية وهضرات معاه بكات وخشاها فحضنو طبطب عليها ...

فؤاد : تهلاي ليا فراسك وفالكبدة الغالية (ولد ولدو الي فكرشها)...ودعي وصلي وعمري ليسر بذكر الحكيم ...دعواتك باذن الله مقبولة الله يفرج تايجي الفرج ...

وقفات هي وياه وكانو متوجهين لداخل حتى وقفات وضارت كتشوف دوك الزهرات الي فالشجرة كتشم فيهم وتعاود وتنهد لصقات ليه تما متحركت ههههه حتى جا وقطع ليها منهم بزاااف عطاه العساس كاغط ودارهم ليها فيه وبقات غاديا معاه وتشمشم فيهم حتى بانت ليها يامنة ومشات كتزرب لعندها حطات الكاغط وجلسات حداها حطات راسها على كتفها تما فين لقات راحتها على كتف يامنة وحضن يامنة ووجه يامنة وخا كاسيه الحزن كيبان ليها هي بشوش كيفوج عليها وكثير شي فاش كتهضر كتبقى حاضياها وتشوف فيها ...

كل نهار توصلها الماكلة يبغيو يوكلوها بزز كتاكل وتنوض ترجع كل نهار كتضعاف وتنقص ...

يامنة"شافتها ناضت كتزرب لدوش فبرطما صهيب " : كيضعاف هو كضعاف هي بجوج ياربي ...

يسرى"شافت فساعة" : خاص نمشيو دابا عند طبيب الصرع ديالها باش يشوفها ثاني قبل متمشي غذا فالصباح ...

يامنة : بلاتي تنفس ونمشيو من تما نطلعو عند ياسين...

فؤاد"خارج من بيت كيعقد فصدايف القميجة وحجبانو عاقدين ميتين وربعين عينيه مكيبشروش بالخير هاد نضرة يامنة بوحدها الي كتعرف معناها حيث عاشت معاه عمر نييييت الي تحفض نظراتو خصوصا هاد نظرة الي كتشوفها غير فروسيا ايام نسر موسكو فالشباب ...مهزش فيها عينيه ونطق بصوت خشن مزعزع " : الحبيب شوي يكون هنا هو وهاجر يديكم معاه ...

يامنة : خارج !! غادي تلحق علينا تما ياك ؟

فؤاد : ضروري ...

واحد شوي حتى خرجات نوار وجهها مسقوط منو دم كتنهج وشادة على فمها ...حتى وقفات وجات حدا يسرى حيث يامنة كانت كتهضر مع فؤاد حدا الباب ...قربات ليها وحشمات تنطق وتقوليها خصوصا فهاد الضرف ليها اسبوع وهي باغيا تقولها وكتكمدها فقلبها وتبات

الليل كلو تقلب وتفكر فيها مكتجيهاش ريحتها انما مشهياها وصافي ...

نوار"جراتها من جنب البيجامة " : ماما

يسرى : ابنتي"حطات كفها على حنك نوار وقاستها" شوية ماما ؟ بغيتي تاكلي شي حاجة ؟

نوار"حركات راسها بلا " : بغيت نقوليك شي حاجة ومعرفتش "مسحات عينها بطرف كمها بواحد الحركة تقطع فالقلب "

يسرى : اماما شنو حب خاطرك قولي ماتخليهاش فخاطرك "فؤاد ركز سمع عليها "

نوار : شي سيمانة هادي وانا بغيتها وقلت غير مشهية وصافي حتى دزت من حداها قبيلة ..وتفكرتها كانت كتديرو لينا خالتي يامنة ..

يامنة"ضارت عندها" : احنينة اش مشهية ؟ قولي قولي ...

نوار : بغيت هاديك الي كنتي كديري لينا فقصرية لهيه فالفيرما انا وياسييي"تقطع ليها صوت حيث زهقات ليها البكية وزادت ذكرات سميتو تاهي" اممم ياسين ...فيها لبن ...

يامنة : دشيشة ياك ؟ (دشيشة هي البلبولة او درة كتبقى طيب فالما تا تنشف منو وتحطيها فقصرية وتبرديها باللبن ) ...نديرها لبنتي نديييييرها "حطات ايديها على صدرها" هي دابا نييييييت وكوليها ...


رجعات كتزرب وخلات فؤاد خرج مشا كيزرب بطوموبيل اجل غراضو علاش كان غادي وسبقها هي اللولة ...مشا كيطير حتى خذا ليها البلبولة من عند واحد الفيرما فجوايه فاس باقي عاد مصايبة ومشا فاتجاه الحانوت كيبيع اللبن بالعبار هو الي بغات وخذا ليها ربعة ايترو ومكرهش يزيد خدا بزاف من البلبولة هالعار غير تقنع تاكل وتشبع وترتاح ... القصة أُخذت من قصص مدرب.. يجيبو ليها الي بغات وخا يكون نص الليل ولا ربعة صباح ميعطلوهاش ...

جلسات يامنة تا خذات من عندو ومشا هو دارتها طيب على خاطرها فوق الفاخر حطات المجمر فالبالكون وخرجو هما كاملين من بعد ما جات هاجر والحبيب وداهم عند طبيب ديالها تا شافها وخبراتو انها غاترجع لفيرما وعطا الملف فالجيمايل لطبيب الي متبعة عندو فمراكش باش يبقا معاها مراقبها كيف ما ذكرت خففو ليها لادوز بزاااف حيث هي عندها صرع ديال الاعصاب وهاد النوع ادوية ديالو خطيرة على الجنين خصوصا دوا ديال الاعصاب ...وباش تعاون تاهي وتحسن نفسيتها وتجنب نوبة جديدة الي ممكن متكونش فصالحها وخا نسبة سبعين فالمية مكيوقع حتى شي مشكيل لجنين بالنسبة لصرع لان صرع جاها غير مؤخرا ماشي وراثي فيها وغير ديال اعصاب ...وباس ترتاح نفسيا فصلو انها تعيش وحمها فدارها فجو هواه طبيعي ومنها توقف على رزقها ...

اما فؤاد كيف عطاها داكشي توجه نيشان لعند ايلاف مسافة طريق حتى كان فازرو ومشاو لواحد ديبو ديالهم ديال خشب الي كان فيه وحداه ورشك باهم القديمة ...كانو كيحطو فيه سلعة وحتى سلع شركة ديبو كبييييييير وفيه الخشب شي بقايا قدام ومسدود ومحروس ...

فؤاد"نزل من سيارة حجبانو يخيطو تريكو عينيه نظرات نارية مجهدة تخليك تخاف تشوف فيه حيث مكتعرفش شنو كيفكر وباش حاس فهاد اللحضة والي حاس بيه ميعلم بيه غير الله ..لقا ايلاف كيتسناه " : الخبار ؟

ايلاف : راهم لداخل ...

فؤاد"حرك ليه راسو ومشا سبق وتبعو ايلاف تا دخل ومشا طووووول ودخل تا لقاهم واحد عريان كامل والبرد قتلو تما واقف كيمشي ويجي ويحك فدراعو والي هو المراكشي وعيسى حداه جالس حادر راسو ولاخرين عريانين خصوصا داك ولد رويسي وجهو ولا صفر ..."

المراكشي"شاف فيه ورجع تفافا تا نزلات البولة دايرة طريق وكيقفقف بالبرد باغي غير يتغطا مارحمو حد وقتلو جوع كيولكوه مرة فشحال"

عيسى"هز راسو ف فؤاد ولكن عينيه كيشوفو لتحت حشمان منو" : الحاج ...

ايلاف : عيسى سد فمك ..

عيسى"هز ايديه باستسلام وحطهم" : ديرو الي بغيتو من حقكم خليني نهضر وديك ساعة حكمو ...

ايلاف : سد فمك ..."قاطعو فؤاد بتحنيحنة زعما خليه يهضر"

فؤاد : مانضلمو منتضلمو ...جملة من الغالي

عيسى "حدر راسو وبدا يهضر عاود ليهم كلشي من طاق طاق لسلام عليكم ..." : الي درتوه يستاهل فلول بيناتنا مشاكيل ولكن الحاج عمرني نويت ليه الموت كان غذر ومنكذبش دخلت لولدك شلا مدرت اما باش نقتلو

راه عشيري فواحد الوقت وكليت وشربت من طعامكم وخا نكون ولد الكلاب كنغدرش هاد الغدرة ..."شاف فالمراكشي وشير ليه براسو" حتى غدرني هاد ولد الكلب .."ماقدرش يخصر الهضرة قدام فؤاد"

ايلاف : بس سمحتي يدخلو كوكايين وسط طلاب ويبليو دراري ...

عيسى : عيبنا كاين اسي ايلاف عيبي كاين راني داخل وسط ناس "شاف ففؤاد وحدر عينيه جاتو الهيبة منو حيث من صغرو كان كيحلم يكون فحالو هذاكشي علاش دخل بالمكلخ وسط المافية تا تورط" خدمتي كنديرها هي هادي "هز ايديه باستسلام ثاني" عيبي غايبقا معايا تنموت الي عطا الله عطاااه ...هاد المرة كنقسم ليك بالله الى مانويت ندخل ولدك صغير فهادشي وهاد ولد لحرام تصرف من راسو....


"سكت واحد مدة وعاود نطق كيستانف كلامو حيث كل مكيهضر ويبرر كيتفكر دارهم باه الي غايكون تاني كيسول عليه حيث تيليفونو داوه ليه ...عندهم .."

عيسى : جمعتهم وبعدتهم تانهار تسالي وكنت غانعطيهم ليك راسي ...لي وقع لياسين تخطيط من هاد الحمار(المراكشي) مع ولد رويسي باش يدخل لدرب الي فيه هذاك الز..."سكت وكمل" ممنوع يدخل ليه حيث معاه عداوة تافقو ونسقو تا استدرجو ومشا تما ووقع مشكيل مع دوك شماكرية ...شماكرية مكيعرفوش ياسين كيعرفو غير ولد رويسي ...دارها القواد وتزرف فيها ولد الناس "سرح ايديه " هذا الي كاين الحاج وعاد عرفتو تا وقع الي وقع ...والي بان ليك ديرو ...

ايلاف"تنهد بجهد وضار عند فؤاد" : شو نعمل ...

فؤاد : شوف عماد فين وصل مع تيليفون ياسين ؟

ايلاف : التيليفون لقاوه فالدارالبيضاء ...

فؤاد "ضار رافع حاجبو بمعنى كيفاش " ...

ايلاف : بيوم الحادث بتعرف الاستغلال وخصوصا وقت الناس تكون مجموعة ...استغلو الوضع وسرقوه ليه ..."شاف جيهة هادوك " ماشي من هاد جماعة واا جماعتنا ...سرقة عادية ...لقاوه في درب غلف لكن بما انه ايفون مقفول صعب ينفتح شوي ...بالاشارة والايدونتيفيون اي او اس بسرعة لقوه ...بعد يومين يكون عندك ..

فؤاد : الي تضلم هناه الله والي ضلم كحال عليه المكتوب ..."شاف فعيسى شحاااال حتى نواه وقال هادي هي نهاية ...قلبه بغا يخرج من بلاصتو "

عيسى "سنانو من داخل كيتقرقبو كيفكر فباه الي طلب عليه فمو مرت باه خوتاتو وهو وحيدهم...الى مشا مو تمشي فيها تفكر حالة يامنة كيغاتكون تاهي فحال مو الى فقداتو ...احساس صعيب فهاد اللحضة ...

خلاه كيفكر لعاقبتو ولدنياه واخرتو اش دار فحياتو واش غايدي معاه لقبر ...بقا كيشوف فيه فؤاد وشاف فلاخرين خلاهم كل واحد كيفكر فنهاية ديالو لاخرين رويسي عزيز توفيق عمرهم شافو هاد الجو مولفين مضاربة سيوفة ماس حجر كيلوات الميزان العصي المضا ...جاو هنا بان ليهم انواع سلاح الي هادك الي مولفين ميجيوش قدام هادو الي هنا غير نضرات ورعب فين عاشو لو ضاربو وسط شي درب بالرب الجليل ميكون كيخلع كي هذا خصوصا كلهم ملابسينش وقتلهم البرد اما المراكش !! هذاك را ليه واحد سيمانة وهو فواحد الصندوق ديال البوزخر فين كيجيبو سلعة ...محبوس فيه مبردينو مخلينو فيه مزلوط يبول تما ويخرا تما هذا الى كال شي واااحد جوج سميانات عيشهم فيهم جحيييييم لو ماتو ارحم ...مرة رما عليه طوبات خلاه كيطير وينزل ...دخل ليه تلفازة وشعل ليه فيلم او وثائقي فيه غير تگزارت عباد الله كتشلخ عباد الله ريوس كطير الايدين دميات الاموات ...شعل ليه فيلم على عذاب القبر خلاه كيغزل والقران مطلوق بصوت واحد كيبورش يخليك توب بلهلا يطريه لموك ومزال العاطي يعطي داكشي الي دار لمراكشي عمر المراكشي كان يفكر فهاد العذاب ...عذبو نفسيا قبل من جسديا هذا على البرد الي هلكو وقتلو مكرهش وخا غير خنشة ديال شتب يتغطا بيها

واخا غير كلينيكس وها العار ...هادشي كامل وهو كيشوف خلاهم تا سهاو حتى غفلهم بواحد ربعة القرطاسات تطلقو تا طارو هادوك لسما ونزلو اما لاخرين بالو وعاودو والي فيهم سخف المراكشي جلس لضص وتسرح بالخلعة ...

فؤاد"هز فيه عينيه وبقا يقرب يقرب لعندو والمراكشي كيبغي يهضر وصوته كيتسمع فيه رعدة "

المراكشي : ها ها ل ها ل ععععار الحاج رحمني "باقي دوك افلام دبيحة وافلام عذاب القبر والموتى كيتغسلو بين عينيه رغمو عليه يشوفهم كل نهار وكل نهار يذكرو باخرته وقبره الي الخوف فيه مرعب لدرجة متصورش "

فؤاد"عض على سنانو تا عضهم وغمض عينيه رجع ليه تفكيرو لولدو الي لقاه بارد وبغا يدفيه وديك تبوريشة ورعدة الي كانت فيه وقالتها ليه طبيبة الي سعفات ياسين فلول بالي شداتو ...قلبه تحسك ونطق بلا ميشوف فيه وشاف ف ايلاف " نهار تدفا كسدة كبدتي (ياسين) نهار يرتاح ليا الكبدة الغالية ...موصيهم يرسلوه لابعد بلاد مع مافيا تابعة ليه هو ميرجعش ميشوفش ولدو الي يلاه تزاد ..."خرج برا وصل حد سيارته وهز راسو لسما نطق بصوت منخفض "

فؤاد : طفيها را شعلات فيا ومايطفيها غير شوفة عينيه ..."حك على صدره وحك وحك " تقهرت وجهدي تقادا....


ااااه من هاد الدنيا وااااخ من كحل الراس كلشي ممكن يغدرك فهاد الزمان حتى من راسك وكتغدرو...معود عليك انسان قوي صنديد جبل ميهزك ريح لفحة ماتحرقك ...ريح ماتحركك صبع مياثر فيك ...الرعب فحال البرد عندك ...حتى كتجي الوقت وتغير الاحوال ويتكتب عليك المكتاب كتقلب 180 درجة وكتعكس شخصيتك والي مغبرو داخلك كيبان ومكتبقاش قادر تسيطر على احاسيسك وحزنك وممكن تنهار بسرعة ...

خلا ايلاف تما ووصاه شنو يدير عاد رجع ادراجو شاد طريق فاس مسافة الطريق حتى كان قدام مشفى مركب الحسن الثاني ...لقاهم عاد وصلو من عند طبيب الاعصاب ...

يامنة"وقفات وتوجهات عندو تاهي لا تقل عنه يمكن اكثر مزال هو شاد فراسو بزز اما هي تا من ضعف ضعافت هي الاخرى...كان حتى الحبيب وهاجر "

فؤاد : نوار ؟

يامنة "شيرات ليه " : دخلات عندو تشوفو قبل متمشي ...

فؤاد"داير ايديه على نصو حرك ليها راسو وضار كيشوف بعييييد "

يامنة"دوزات بايدها على دراعو كتمسح عليه ونطقات بسؤال على حالو الي معجبهاش " : مالك وقعات شي حاجة ؟

فؤاد : حال دنيا مايعجب يامنة ما يعجب .."عض على فمو... شنايفو مبقاوش كيبانو باللحية الي كثافت بجهد" يكون خير يكون خير ...فايلي ترتاحي تفرحي ...

يامنة"تنهدات وحطات راسها على دراعو باستو وطبطبات عليه ورجعات جلسات حدا يسرى حتى جا صهيب ويوسف والياس وبقاو كيتسناو نوار تخرج من عند ياسين ..."

ياسين الي حالتو ماتقلش على حالتهم الفرق هو انه مجايب خبار وخا حالتو نقصات عنقو هو الاخر تمص بان عليه ضعف نيت فقط طولة الي طويل را هي هي ...شعرو تزاد كثافة وطول ولحيتو تاهي لانه مزال كيتغذا ومزال مؤشراته الحيوية خدامين يعني غاينمو طبيعي ...

وخا كلشي عندو مزال هو هو...

نوار"لبسات اللبسة المعقمة ودارت كمامة وطاقية تاهي معقمة غطاو ليها اي حاجة حتى من رجليها...قربات ليه وديييما فينما تقرب عندو كانها اول مرة تشوفو قلبها كيدوزو عليه الماس وخاطرها كيمرض حتى كيمنعو عليها متشوفوش وتعطيهم وعد انها تصبر وتدي على وضعو ...كل مكتقرب كل ماتنخصيصة كتطلع ماساخيااااااش تخليه مساخياش تمشي وتخليه ...هبطات راسها عندو وقربات شفايفها الي كانو كيترعدو كتمسح دموعها وتعاود ...تا باستو فجبهتو وعاودت ...

نوار"نطقات بهمس " : انا غانمشي لدارنا انا وياك غانمشي ان شاء الله نشوف تما نشوف اش خاص ونوقف ليك على رزقك كون هاني تاحاجة ماضيع كاينة انا ومعايا خوتك وولاد عمامك رجال وخا الي فيهم بعاد مهم معايا وعمامي وكلشي معايا ...خليتهم ليا امانة بلا ماتحس وانا غانحافظ عليها نحافظ عليها "مسحات تاني دموعها" كيف كتقول غير هنا (تهنى) من جهيتها غيير هنا ...

الفرملية"جات" : مدام خاص تخرجي ميمكنش تبقاي بزاف ...

نوار"ضارت عندها نطقات بصوت مبحوح بالبكا" : هاااه ...اه نخرج نخرج"تحنات باست ليه جبهتو وطولااااااات وعاودت باست " والله مساخيا بيك والله مساخيا ..."عاودت باستو "الله يكون معاك ومعايا ...الله يكون معاك ادوايا اهى اهى ...

ضارت وخرجات من الغرفة وخرجات لعندهم كتمسح دموعها بطرف كمايمها حابسة ترويعة الي فيها ثاني ومع المشفى خانز بريحة دوا وريحة الزفورة ديال دمايات وخا كينقيوه مزيان مع توالي الحوادث را توصل وخا يكونو فطابق ستين ...تحركات حدا فؤاد الي شير ليها تجي حداه هو ويوسف حيث كانو واقفين ...عنقها فجنبو ويوسف باس راسها وطبطب ليها على كتفها...مشات يامنة هي والحبيب باش يدخلو واحد بواحد عندو غير خمسة دقايق فقط ويخرج ...

نوار"هزات فيه.راسها وشافت فيه " : عمي واش ميقدروش ينقصو ليه من شعرو ولحيتو ؟

فؤاد : نرجع نقصها ليه"عاودها" نرجع ابنتي ...

يوسف "مربع ايديه هز ايدو دوزها على لحيتو بتعب" : معاش خارجين غذا اخويا ؟

فؤاد : الفجر بحول الله ...

يوسف : انا ندير شي يومين ونهبط عندها نيت عندي خدمة فمراكش ...

نوار "تمخششات ففؤاد وزاد عنقها عرفها مساخياش وكتحاول تمالك راسها ..." : دوختني ريحة ديال هنا "قالتها بصوت منخفض سمعها يوسف"

يوسف : يلاه هبطي بينما جاو باش تحركي ترتاحي ابنتي عندك فياق بكري ..."خرجات من حضن فؤاد وشدها خشا ايدها فدراعو تابطاتهم وتكات راسها عليه وتوجه بيها لبرا غادي ورجليها فاشلين حالتها فاشلة والوحم قهرها ومرة تشد تحت كرشها كينغزوها شي وجيعات ...

بقاو هاكاك تا نزلو كاملين من بعد ما شافوه وكاين الي مشافوش لان زيارات خاص تكون عليه قليلة وماشي كل نهار ...

الله اكبر الله اكبر ...اذان صلاة الفجر سمعوه وهما شادين الطريق فؤاد الي سايق مركز مع طريق شاف البلاكة ديال الخرجة وقال بسم الله ودعاء السفر ...هز عينيه فالمرايا شاف نوار كانت حاطا راسها على زاج حتى هزات راسها وضارت شافت فمدينة فاس الي خارجين منها تنهدات ...

نوار"بصوت منخفض بينها وبين راسها " : خليت راسي عندك اياسين راني غيييير غاديا ندير الواجب ..."كمشات عينيها مبقاتش صبرت وبدات تبكي حتى تسمع صوتها كتنخصص "اهى اهى اهى ...اهى اهى ...


يسرى"ضارت بجهد عندها" : بسم الله عليك ابنتي مالك ؟

يامنة"ضارت " : نوار مالك "تاهي بدات تبكي " اهى اهى مالك احنينة ؟

فؤاد"هز ايدو وشد ايد يامنة زيررر عليها وغمض عينو وحلها بمعنى خليها ونطق بثوت خااااتر " : الرجا فالله ...

يامنة"خرجات نفس بجهد وغمضات عينيها ضارت جيهة شرجم " : يااااااربي تشوف من حالنا يااااربي ...

يسرى"ضمت نوار ليها حطات راسها على صدرها" : ششش ابنتي يهديك الله الى ما صبري عضي فالنفس عارفين قاصحة عليك ولكن نتي دابا تحطيتي فموقف الي بزز منك تصبري ...

موقف وخا وسط هادشي منقولش قاصح بالعكس زوين حيث غاتصبري على ود الي فكرشك وتصبري باش ترتاحي تما تقابلي رزق راجلك غير بعدا تاتخلصي الخدامة وتدفعي فلوس الكريديات ونيت ترتاحي فنفسيتك اماما ...نفسيتك مهمة بغيتي يعاود يرجع ليك الوجع تاني وتمرضي وبزز باش نوقفو الي فكرشك هاد المرة غادي تصطري تبقاي ناعسة متنوضيش كنقوليك هادشي بحكمي طبيبة مختصة ماشي ماماك ...

فؤاد"كيسوق وكيسمع اش كتقول مزيان توگضها تاهي مزيان تجي معاها وخا غاترجع بعد اسبوع لان مينة عندها ولادة "

نوار"بدات كتنقص من بكاها حتى سكتات وطلقات تنهيدة تقب الودنين ..."

يسرى"هزات من صاكها اتخوس فيها دوا ديال نوار " : هاكي شربي هذا لول ..."دوا صرع الي عطاها طبيب وصلات وقيتو " ...

نوار"خرجات راسها من حضنها مسحات دموعها وباقي فيها شهقة ديال تنخصيص...عطاتها دوا وعطاتها قرعة سيدي علي ...ورجعات تكات حتى ماحساتش براسها تا تغمضو عينيها وغفااتت ..."

يامنة"ضارت عندها" : نعسات ؟

يسرى "حركات راسها" : اممم نعسات ...

زاد كسيرا فؤاد تا قرب صبح الحال بانت سما زرقة وتوجهو لواحد الكافي باش تفطر هي وتاكل وتشرب دوا لاخور ديالها وترتاح من طريق حيث خاصها كل شوي توقف ترتاح ....

هاكا بقاو تا وصلات ثلاثة ديال لعشية لقاتهم في الدوار واخذين طريق الفيرما فديك البيست ...وصلو قدام الباب وجا سالم كيجري حل ليهم الباب حتى دخلو ووقفو خرج اسامة من دار هو ومصطفى كيزربو حتى وقفو عليهم من خرجو من سيارة ....

اسامة"شاف فباه بغا يمشي عندو وخاف حيث مهضرش معاه ملي قاليه كلشي فؤاد مدار تا حاجة ماغضبش عليه موالو غير تدها مع اخر نوبة وقعات لياسين ..."

فؤاد "حرك ليه راسو يجي عندو ..." : اجي ...

ماترددش غير بمجرد ماشاف تلميحة من عينيه مشا كيزرب لعندو تلاح عليه معنقو ....

اسامة"ماصبرش كيبكييييييييييي شي بكيات يضرو فالقلب ويحرقو صدر ..." : تشوييييييت وكنتشوى مايحس بيا تاحد مايحس بيا حد الوليد ...ندمت ندمت ولگيتها ليه ...

فؤاد : اساااامة "بختورية" دعي الندامة متفيد ما ضر ...الي ندم راه تعلم ...

اسامة"سكت من البكا وشد ايدو باسها ليه وضار عند مو باس راسها وايديها وسلم على يسرى ووصل عند نوار هي عصرات عينيها وهو خسر سيفتو ضور وجهو لهيه عينيه دازو بدموع حتى ضار عندها عنقها عناااق حااار..." :

نورتي دارك اختي نورتي دارك ...

نوار"حطات راسها على كتفو كانها كتساراح وعيات وهي تنطق" : داري نورها ديال بصح راه طافي هاد ساعة ..."هزات عينيها لسما ونطقات متمتمة بشفايفها" ياااااربي شوف من حالو وحالي ...

فاصلات العناق ومشات عند مصطفى تاهو عنقاتو وباست ايديه رضى عليها وهو الاخر حالو من حالهم يمكن انه مكمدها فقلبو ومتضرع لله غكل صلاة ليه كيدعي من قلبو لان ياسين ماشي غير حفيدو ياسين ولدو الي رباه من عمر سبع سنوات ....

يامنة : يلاه بنتي دخلي ترتاحي راكي عيانة ...

مزالين كيهضرو حتى سمعو صوت سيارة وضارو كاملين يشوفو شكون دخل حتى تفاجئو ...وقفو حدا سيارة فؤاد حتى نزل منها ونزلات هي وضار حل الباب لوراني هز منو الكرسي ...

يسرى : ايساف صفية !!!

ايساف"هاز الكرسي الي فيه ياسين صغيور وجات حداه صفية تا وصلو عندهم " : قصة مأخوذة من 9esa.com.. سبقتونا هههه..."هز عينيه ففؤاد الي حرك ليه راسو "

فؤاد : الله يرضي عليكم ....


هاكا دازت ليام ومشات وايام جات ...الوضع هو الوضع الدراري …علي رجع يقرا من بعد خمسطاش اليوم على الي وقع لياسين كان لابد يرجع عند ختو سليمان كذلك ومو نجوى تحتمات عليهم كل يرجع لاشغالو وخا خلاو قلوبهم وبالهم مع ياسين لكن باصرار من فؤاد امرهم باش يرجعو لاشغالهم ويوقفو عليها والي بغا يبقى مع ياسين يبقا معاه بقلبو ويدعي ليه افضل من انه يضيع اشغالو وقرايته الدعاء هو الي كيوقف مع الواحد اكثر خاصة لكان من القلب...نفس شيء اشرف تاهو باش ميضيعش فامتحاناتو ...

اما نوار الوحم الي عمرها حسات بيه فحملها لول ومحساتش راها حاملة هاهي كتصرف فيه كل نهار بالعذاب الشديد لا ماكلة كاتبقى لا خاطر مقاد والوجع فكرشها كيشدها حتى كتقول طاح ليا وتصبرها يسرى الي بقات معاها ديك الايام تا عيطات ليها مينة الي كان عندها عملية قيصرية فالغذ ليه لان وضع ولادتها ميسمحش ليها تولد طبيعي حيث عندها منطقة الحوض ضيقة مستحيل تولد طبيعي ...

تسالمات معاها بعناق حااار وبكا ومشات رجعات مع يوسف وبقات معاها يامنة واشرف الي جا حيث عندو العطلة وامتحاناتو مزال مكاينينش الى بقا يحفظ فالدار ...كل سيمانة يجي عندها شي حد من فاس او ازرو ...حتى جات نجود بقات معاها تاهي وايساف وصفية من الي جاو مفارقوهاش كتمشي يامنة وترجع عندها حتى دازت شهرين اخرى وهاهي ثاني غاترجع عندها...

"عودة من الفلاش باك"...

دخلات سيارة فؤاد لفيرما ووقف خرج سلم عليه سالم سولو على احوال ياسين لكن الجواب نفسو لا جديد المهم ان النوبة مرجعاتش ليه بعدا حاليا راهم هانييين ولكن حتى لامتا ؟؟...

يامنة"كتقاد فشالها ضارت شافت صفية خارجة هازا ياسين مغطياه بمانطة حيث محرك البرد شوي مع وصلو فالعشرة صباح ...سلمات عليها وسلمات على فؤاد" : اهلان بنتي ..."باست راس الوليد كان ناااعس ويهنهن فنعاسو" حنينة كيحلم ...

صفية"تبسمات بشوي" : منعسش فالليل بالبكا ..."حطات عليه حنكها كتقيص فيه واش سخون"

يامنة : مريض ؟

صفية "حركات راسها" : اه مرض ليا عييت ومحسيتش نعست وبقات غير نوار معاه مسكينة تا هبطات ليه سخانة ...

فؤاد"كيضور هنا وهنا مع كان كيكمي لاح كارو عفط عليه " : نوار ؟

صفية "حادرة عينيها وكتهضر" : مع ايساف فالكوري فين كيدفعو لحليب مشات تعطيهم خلاصهم تما وتشد الفلوس ديال الحليب الي تدفع ولكن "شافت فساعتها" دابا غاتلقاها لدار الحليب الي بدات كتخدم ...

يامنة"ضارت عندو" : تمشي تجيبها ؟

فؤاد"حرك ليها راسو وضار لطوموبيل ركب فيها ورجع مارش اغييغ تا خرج وتوجه لدار الحليب ...

حطات روجيستر قدامها كتحسب بكالكيلاتريس وتدوز الفلوس وتجمع فالماصويات بلاستيك وتعطي لايساف يحط فواحد صندوقة ويحسب معاها...

ايساف : هانتي هادو ديال سالم عطيهم ليه هو غايفرق الكانزة على لخدامة الي فالفدادن"كانزة هي خلاص كل خمسطاش اليوم" ...هادشي الي هنا خليه ليا غادي ندوزو فالبيسي فليكسيل ...

نوار"كتكمش عينيها وتهضر" : ففف هذاك البيسي ديال مكتب فورماطيتيه ؟

ايساف : مزيان هذاك راني قلتها ليك وخدمتي بيه ورجعت ليك ضواصا الي فيه ودرنا الكاميرات هنا وصلناهم بيه تي مالك نسيتي ؟

نوار"حكات جبهتها وتاففات بتعب" : والله حتى نسيت ...ففف معرفت واش جات خالتي يامنة ولا لا ...

ايساف : غاتكون جات "شاف فساعتو" يكونو وصلو يمكن..."شاف فيها" دابا هادشي ناضي هنا "وقف " ونوضي رتاحي ليك براكة راكي عيانة بزاف وجهك مشا منو دم ...

نوار"سدات روجيستر وهزاتو خشاتو فكوفر فور سدات عليه ولفلوس مكتحطهمش فيه كتحطهم فالكوفر رئيسي الي فبيت نعاس ديالها هي وياسين ...حطات ايدها على كريشتها كريشة ذات الاربع شهور ونصف بارزة باينة حيث هي من نوع الي صدق بصح كيكرش فحال صفية

غير نوار كتر منها...لابسة جلابة مخزانية فالصفر بارد وجامعة شعرها كعكة مهملة قتلها صهد واخا جو ربيعي ...يلاه غاتمشي تا حسات بنغزة حسكاتها تا تكات بايديها على المكتب ...

نوار : امممممم ...

ايساف"خرج عينيه " : ناري مالك ؟

نوار"حطات ايديها لتحت كرشها كتدوز " : فففف اممم "حسات بتبويعة ماجات فين تحرك تا رجعات كلشي حداه كاع الفطور الي فطرات خواتو تا سخفت وجا كيزرب جلسها على الكرسي ...


جلابة واااسعة عليها ووجهها تمص ولات فيها غير الكسدة ....ضعافت بالمزيان وتهلكت وباينة غير الكرش .."

ايساف"مشا كيزرب جاب ليها الما شربها ورش عليها على وجهها " : شوية ؟

ايساف"دوز على وجهو بتعب معاها " : مكتنعسيش بالليل وتفيقي ترجعي ...عاد هبطات ليك سخانة كون ما طلعات عندك صفية كون فين وصلتي ؟ كون ما ميمة جات تبات معاك مكنتيش تعلمينا راك كتمرضي بالليل ...هلكتي راسك انوار شوفي حالتك بقاو فيك غير العضام ....

نوار"حادرة راسها وكتغزز فشفايفها...حركات راسها بنفي " راني جالسة على عيني ايساف جالسة على عيني ...عييييت اخويا تقهرت بغيت راجلي حدايا هاني هزيت الحمل ولكن راني كنبقى غير ولية ضعيفة وخا كتعاوني معايا صفية معايا اشرف الي رجع لازرو هادي يومين ...وخا تاحد ماخلاني "

هزات راسها لفوق ودموعها هوادين ونطقات بصوت عالي يحسك القلب " وراااااااا بلاااااصتو وحدهاااااا اهى اهى براااكة راني عيييت مبقيتش صابرة ...

ايساف : نوار كل ليلة تبكي كل صلاة تختميها بدعاء وتبكي مرضتي فصحتك وجيتي هنا باش ترتاحي زدتي تازمتي كتر شهرين وحنا معاك مخليتكش وقفت معاك حيث وخا توقفي على رزق راجلك خاصك رجال ورا ضهرك باش ميحگروش عليك ...تبارك الله عليك وقفتي وضغطتي على نفسك هازا روح فكرشك ...ولكن شحال جهدك شحال ؟ شحال ما جلستي غادي تعرفي ان الدنيا هي هادي كلشي فيها فايت فينما كانت ولادة فمقابل فالجيهة لاخرا كاينة موت هادي هي دنيا هكا غادين فيها ...شوفي نتي واش وصل الوقت الي خاص تبيني راسك انك قد المسؤولية ؟ راكي وليتي مولات الدار عايشة مع ثلاثة النفوس مشيتي على روتين والنضام الي درتيه نتي ....واش غاتبقاي هاكا كتسناي ؟

"صرخة فوجهها تا تحركو خصلات شعرها بانفاس ديك الصرخة ..."واااااااااااا فييييييييييقي فيييييقي براكة من دراما فيقي فين تفيق النفس وتلقاك عندك النفس راكي مولاة ستة النفوس ...بلا منعد ليك شحال من نفس تحملتي مسؤليتها وخا معاك نتي راكي بلاصتو ساس ديالهم صبرتي وضغطتي على راسك تا وقفيت على كلشي رجعتي نفس فالفيرما وخا معاك حنا را كلشي منك ...كي صبرتي زيدي انوار الله يرضي عليك"باس جبهتها" مابقاش بزاف وتشدي الي فكرشك بين ايديك ماعرفتي من هنا لغذا اش كاين ....

وصل فؤاد قدام دار الحليب جديذة ديال نوار لقا واحد البيكوب هازا لور سيتيرنا فيها الحليب كيقيدو فواحد الكارني ويهزو فشي برامل خاويين ...بعد طموبيل عليهم باش من يبغيو يخرجو يلقاو فين ...حتى نزل وتوجه لداخل عندهم فالمكتب تما ...

اما يامنة دخلات هي وصفية لداخل لقا اسامة مشا لمراكش يقرا سلمات على نعيمة ومشات بدلات حوايجها وخرجات قدام الباب كتسنى فؤاد يجي هو ونوار ...

"فمدينة" فاس بالضبط فالمشفى فين باقي فحم العينين فين باقي الشاب الي داز من عمرو ثلاث اشهر وهو غايب لا رد فعل لا والو كاع المؤشرات بقاو كيما هما حالتو بقات كيما هي ...ماتبدلاات ماتحسنات موالو ...كل سيمانة كيجي فؤاد يتقص ليه لحيتو ومن شعرو ويمسح ليه وجهو بما زمزم ويقرا عند راسو واحد خمسة دقايق ويخرج ...هاد النهار دخل عندو من بعد

غياب اشهر عليه من اخر عملية دار ليه ...هاهو رجع ثاني لعندو يشوف حالتو بما انه جا لمغرب استغل الضرف حيث جا تما نيت لمشفى وجا عندو يشوف حالتو ونيت كان غايرجع على قبلو ...

موسى"كيشوف فيه ويشوف فالتقرير الي عطاه منصف " : كاين نقص ؟ "ضار عندو"

منصف"حرك ليه راسو" : مع الاسف

موسى"مشا عندو حل ليه عينيه كيقلب فيه تا جا طبيب لاخور ديال الاعصاب دق ودخل من بعد ماتوجد ولبس وتعقم ...الاطباء عندهم الحق يدخلو لانه ديجا كيكونو واجدين واخذين تلاقيح لان اي فيروس ممكن يتعرض ليه ويدخل ليه هذاكشي علاش مكيفوتوش ربع ساعة الي بغا يزورو اما الاطباء ممكن يبقاو كيف سبق الذكر واخذين تلاقيح على هادشي ...." دكتوغ محمد تفضل ...

محمد"حرك راسو وتوجه عندو حل ليه عينيه وشعل بيل كيقلب فيهم يعاود يدير الحديدة فايديه " : نو دوكتوغ كيفما خليناه مكاينش تحسن او اي سيني الكتريك جديد ماشية و تضعاف

موسى "دار ايدو على لحيتو كيحك فيها...شاف ف منصف وشاف فمحمد " : شنو بان ليكم ؟

منصف : كلشي قدامك "تنهد وهز حجبانو وحطهم ..." خاص يكون تحسن ماشي ينقص بروفيسور علوي ...

موسى "حرك راسو وهو كيشوف فياسين الي خلاه فشكل جا لقاه فشكل مبدلللللل لواحد درجة كاضر فخاطر الخاطر ...عض شنايفو وبدا يحكهم بسنانو ..." : بفففف "هز ايديه وخبطهم على جنابو بشوي وضار خرج وتبعوه تال برا حيد الطاقية والكمامة وشاف فيهم ..."

منصف : الكريز مرجعاتش يمكن هذا مزيان ...ولكن شهور وهو فنفس الحالة ...

محمد : كاينين الي بقاو كثر منو ...

منصف : عائلاتهم مسخاوش بيهم وصافي"شاف فموسى" شنو بروف ؟

موسى : الى استمر هادشي نعيط لباه ولا سومين بخوشين يوجد راسو الى بغا يسني باش نسحبو الاجهزة من تما لقدام ..."عوج فمو باسف " ...


وقف كيتسنا البيكوب تخرج حتى شافو واحد من العاملين تما وجا قاصدو سلم عليه وحادر راسو كان شاب فسن الخامس والعشرين لابس حوايجو لكن داير جيلي فيه اسم دار الحليب الي مشارك فيها ياسين ماشي ديال نوار جديدة حيث ديالها مزال متحركاتش حيث باقا جديدة جالسة فقط فيها كتخدم فنصيب راجلها ديال دار لحليب لاخرى ديالو يعني ادارة ديك دار الحليب ناقلاها لهادي جديدة ومنها تعلم بلا متحس حتى يحن الله وتفتحها ومنها تبقا محلولة ومحركة وماضيعهاش ....

فؤاد : سماعيل ...

سماعيل : الحاج نورتي على سلامة ...

فؤاد : الخدمة مزيانة ؟

سماعيل : ولله الحمد كلشي هو هذاك هاد ساعة ..كي بقا سي ياسين "قالها باسف وحزن"

فؤاد"شاف بعيد وحرك راسو بغصة فقلبو كل مكيتذكر ليه السؤال عليه ...ونفس الجملة كتقال هادي اربع شهور وهي " : دعي معاه دعي معاه الحمد لله ...

سماعيل : الله يشافيه ويسمعنا خبار الخير عليه ...باش مكان غاتكون عندي واحد المشية لفاس نطرگ تم نسول فيه ونشوفو ...

فؤاد"تنهد" : فيك الخير اولدي ...الله يرضي عليك"هز راسو شاف جيهة المكتب لداخل وشير ليه " كيدايرة ؟

سماعيل "شاف فين شير ليه وفهم انه سولو على نوار" : عاضة فالصبر الحاج خدمة كثيرة عليها شلا حسابات لقات واقفين وشلا كريديات هنا حتى جا سي ايساف وحتى اشرف تاهو عاون

شي يومين وحنا نجمعو فالحشابات وخلصنا مالين الكاميو ديال لحليب وشدينا فلوس لاخرين دوزتهم فحساب سي ياسين وحسبات عاون ايساف فالحساب ديال بيسي وعاود لينا سيستيم ديال كاميرات كامل من جديد ...كانو شي ولاد لكلب حاشاك

خشرو الكاميرا ديال دار الحليب لفرع لاخور القديم تا عاودنا كلشي ...

فؤاد"عقد حجبانو" : شي مشكيل ؟

سماعيل "حرك راسو" : راك عارف شفرة يستغلو مالين شي مكاينينش والغفلة ...سي منصور كان فالعمرة بقا ياسين حاضيها وشريك لاخور مراد مشا لفرنسا فالوقت الي تضرب ياسين ايوى تغفلات الوقت ...

فؤاد : تسالي غذا جيب ليا سمياتهم ...

سماعيل"هبط راسو وهزو" : كون هاني ..."شاف جيهة نوار الي فالمكتب" خاصها ترتاح الحاج باينة من وجهها قاصح عليها ...واحد النهار غير بصدفة بغيت ناخذ لبون دكوموند خليتهم عندها باش نديهم

يحساب ليا ناعسة على المكتب كنفيق فيها باش تعطيهم ليا مافاقتش عرفتها سخفات عيطت لايساف يجي من الفدادن وبقيت رش ليها فالما عاد فاقت وجهها صفر ...جا ايساف وداها فطوموبيل ....مرة ثانية وقع نفس المشكيل ...

واخا رزق راجلها كتبقى ولية الحاج كلشي عليها ...وعاد مكانتش عارفة شحال من حاجة حتى وريتها انا الخدمة هنا وراها سالم تعاون ايساف واسامة تاهو را خدام يجي من قراية نيشان لخدمة يطير لسواق ..."هضر باسف" خاصها ترتاح شوي الحاج ...(اسماعيل خدام فدار الحليب فنفس الوقت ولد جيران تما فالدوار ...)ياسين كان هاز هادشي حيث بداه دقة دقة ماشي لقاه واجد فدقة "شاف فيه " فهمتي الفرق؟ ياسين قاد وبدراعو تبارك الله اما هي را كتبقى انسان ضعيف ودابا واحلة فروحها ضعف بزاف ...

فؤاد"كيسمع ليه وفنفس الوقت عينيه كتشوف جيهة المكتب حتى بانت ليه خارجة شاد فيها ايساف وجايا شادة تحت كرشها ضعاااافت تا ماقدت ...نفس منضر ياسين نفس منضرها الفرق واحد روحو بين سما ولارض وهي روحها فيها وروح اخرى فيها وغير واقفة ...طبطب على كتف اسماعيل الي سلم عليه حدر راسو ومشا "

نوار"كتمشى سخفانة " : فين طوموبيلتك ؟

ايساف: جلسي هنا هاني نجيبها ندخلها ونمشيو ...

فؤاد"وقف عليهم" : مكاين لاش يلاه معايا ...

نوار"خرجات عينيها مع شحال مشافتو شي خمسطاش اليوم مجاش لعندها فحال شافت ياسين حسات بقلبها كيضرب وتفاجا عليها الحال تا صحكات وعينيها غرغرو" : عميييييييي ..."جرها خشاها فحضنو تمخششات فيه كتعنق وتبكي وهو يبوس على راسها ويعاود ويرضي عليها ويطبطب"...

فؤاد : ششش نوااار ...

نوار : اهى اهى توحشتكم اعمي توحشتكم اهى ظولتو عليا الغيبة بزااااف ...اهى اهى ...

فؤاد : المسامحة طولنا عليك ابنتي المسامحة ...

نوار"شهقات واحد شهقة مع تنهيدة تقولي معرفت اش لقات لقات واحد راحة تفاجا عليها قلبها فحال تكوني كنتي محبوسة عند ناس مكتعرفيهمش دنيا غريبة عليك حتى جاو داركم واهلك وجابوك هكاك وقع ليها " : اننننن اهى اهى "خاشيا راسها فصدرو ومكمشة فيه " مباقيش تخليييييونيييييييييي اهى اهى ...توحشتكم وتوحشتووووو اهى اهى ...

فؤاد"هز راسو لسما عينيه ولاو حمرين صوتها رقيييوق بالبكا وانينها وتنهيداتها حسكوه من لداخل ضرو خاطرو واصلا مضرور " : سيمانة وترجعي صومي رمضان حدا راجلك ...


بقات معنقاه شحال تا تنفسات عليها شوي بعدا فرغات الي فقلبها بالبكا وتاهو عطاها الخاطر وديما عاطيه ليها من زمان ماشي عاد ...عطاها ايساف الما تاني شرباتو تا رتاحت وعنقها بجنب وداها لطوموبيل حل ليها الباب ركبات حداه وتكات عالكوسان وركب ايساف لور ورجع بيهم فاتجاه الفيرما ...وصلو لقاو يامنة عند الباب ديال دار هي وصفية كتراري بياسين ....

نوار"مشات شادة تحت كرشها وتزرب وتعرج مع رجلها وبغا يبدا تقل الله يحسن العوان وصافي ...تلاحت عليها عنقاتها تاهي شحاااال وهي تعنق ومخشية فيها تا بكاو بجوجات قلبهم طاب وعرف كيف طاب ...دخلو لداخل لقات نجود حاطا صينية اتاي قدامها ونعيمة كتجيب فدواز اتاي والفاكية ..."

يامنة"كتدوز على ضهر نوار وتمسح " : شوية بنتي ؟

نوار"حركات راسها بتعب" : شوية وصافي الحمد لله ..."حدرت راسها"

نجود"تنهدات" : ولبارح جاتها سخانة شوية كون ما صفية طلعات تسول فيها كاع منعلمو ...

يامنة"شدات على قلبها" : تم نقل القصة من 9isas modareb.. يا بنيتي بقاي تنعسي حداهم لتحت ...

نجود"نقزات" : وليت كنعس حداها فالبيت ...

فؤاد"شاف فايساف وشير ليه يتبعو ...ناض مشا خرج عند الباب فديك الجليسة ووقف جبد كارو شعلو بدا يكمي وايساف جا حداه ...ضار عندو " : الخدمة هنا ؟

ايساف "حنحن" : احم ...كلشي تقريبا وقف على رجليه كريديات تخلصو فشهورة ديالهم وسيمانة جايا يتخللص شهر لاخور ...الحوالا وقف عليهم اسامة وسالم تا حيدو دوك الريوس الي كانو بقاو متبعاوش فدوك ربعة سواق الي فاتو ...

دار الحليب جمعنا الحسابات ووقفنا كلشي ناضي ...باقي الفيرما جديدة باقي فيها الخدامة مزال مكملوش داك البير ...الفدادن قرب وقت الحصاد اما زيتون مزال موصل وقتو ..."دار ايديه على نصو وشاف جيهة الفدان الي مقابل مع الفيرما وهضر تا على لفدادن لاخرى " قرب وقت المشمشاش وشي غلة تاهي راهم خدامين عليها والبحيرات على ماعاود ليا سالم واقف عليهم سمحمد "خدام اخور" ...

فؤاد"شاف قدامو وحك لحيتو بصباعو الي متسوطهم الگارو" : الخيل ؟

ايساف : الخيل الي بقات الشهلة راها مقابلينها وليني را مابقاتش كيف كانت تا قلنا رجعات عادي وليني رجعت لحالتها مرة توقف مرة ترجع لحالتها ...

فؤاد : الخدامة الي وقع معاهم المشكيل تكلف بيهم وعطيني سمياتهم ..."يتكلف بيهم ايساف يدعيهم وسمياتهم يتدخل فؤاد بطريقتو يتفاهم معاهم حيث حصلوهم خسرو الكاميرات استغلو الغفلة وغير نوار الي واقفة ديك ساعة تا خرج ليهم ايساف واسامة من حيث لا يدرون هههه "

ايساف : متخممش خالي متخممش ...

فؤاد"ضار لاح الكارو عسف عليه وضار عندو ضرب ليه كتافو خبطات نيت برجولية ..." : الله يرضي عليك اولدي الله يرضي عليك ..."باس ليه راسو بوسة رضى على وقفتو مع نوار " ...

ايساف : قبل متكون مرت ولد خالي الي هو خويا الكبير راها ختي صغيرة قبل منو قبل متكون بنت خالي ...نوار عشرة وصحبة ...منخليش ختي وياسين خيرو سابق ياسين وقف مع مرتي فواحد الوقت الي كان خاص نكون انا وموقفتش معاها ...

بقاو شوي كيهضرو كيعاود ليه على الفيرما والخدمة ورزق حتى مشا معاه ضارو عند الشهلة دخل شافها كانت جالسة وقدامها بانيو الما والتبن هكاك مخلياه هاد نهار مكلاتش منو ...بقا شحال كيشوف ...حتى رجع دخل لداخل لقا نوار طلعات لفوق تبدل ومعاها يامنة وصفية ونجود لتحت مع نعيمة كتنصب الغذا ...

ولا خرج هو وايساف ركبو ومشاو لفيرما جديدة يشوفوها ويشوف رزق ولدو كيف داير وفين واصل حيث لازم يكون تاهو واقف وداو معاهم مصطفى ...

اما عند نوار فالبيت خرجات من دوش لابسة عليها بينوار الحمام ودايرة فوطة على شعرها حيث تقيات بزاف وتقاسو ليها حوايجها ...

يامنة"جبدات ليها بيجامة قطن كولون كحل تريكو قطن بيض فيه كتبة بالكحل وعطاتها دوبياس ...مشات لداخل لبساتهم وخرجات حتى شهقات يامنة حيث باينة فيها غالكرش " : الله ...

صفية "بغات تلطف الجو حيث شافت يامنة مع خلاتها جايا شهر تقريبا مكاملش فهاد الفترة ضعافت " : ههههه شفتي بقات فيها غير الكريشة ...

يامنة : ااا ؟ اهه اه كريشة عندك كبيرة واخا ربع شهور ونص ياك ؟

نوار"حركات راسها مهضراتش"

يامنة : نشفي شعرك بعدا ولبسي ديباردور ولا شي حاجة تحت تريكو البرد واخا هكاك ابنتي ..."


حركات ليها راسها جبدات ليها بودي بيض قطن لاصق عاد لبسات لفوقي ديال بيجامة حسات بدفا ...نشفات شعرها بفوطة وجمعاتو ...حسات بعيا شديييد وجلسات فوق ناموسية كتنهج ..

نوار : فففف ...

يامنة"بقلق" : مالك ابنتي ؟

نوار"بتعب" ؛ بغيت نعس عيييت "حطات راسها على المخدة وهي جالسة " بغيت نعس مافياش مياكل اخالتو غير خليني نعس ...

صفية "كمشت حجبانها" : ياكما فيك سخانة تلني ؟

نوار"مجاوبتهاش بغات غير تنعس وكتنهج شادة تحت كرشها"

يامنة "شافت فصفية الي شافت فيها وحدرات عينيها بحزن ونطقات يامنة بشوي متسمعش نوار" : اجي معايا ...

"ناضت صفية هزات ياسين عندها وخرجات عند الباب وسولتها" من امتا بدات كتجيها ؟

صفية : معرفتش امتا هي ملي لقيتها طالعة ليها ومقايلاش من تم ولات تبات معاها ميمة شوف امتا كانت كتجيها مكتقولش لينا را ضاراها شي حاجة هذاكشي علاش كنبقا انا ولا ميمة

ولا خالتي نعيمة رادين معاها البال طلعات نطلعو هبطات نهبطو وخلاص ايساف واسامة وحتى با مصطفى حاضي معاها ...خالتي يامنة نوار مكرفصة بزااف ومكمداها ...عالاقل جيتي نتي وعمي فؤاد شوي تفاجات وخصوصا نتي راكي عارفة وحمها كلو عليك كاع حواجك كانت تبات معنقاهم ...

يامنة"نزلو دموعها بلا متحس ومسحتهم ديك ساعة " : هبطي بنتي لتحت وقولي لنعيمة تطحن ليها عصير ديال حليب وبنان وتفاح وفريز وخبيز فيه فرماج وكاشير ديال دار وجيبيه ليا نعطيها تاكل شوي ...ودي ياسين حطيه ناعس متكتريش عليه الهزان ميولفوش ...

صفية : واخا هي دابا...

خلاتها نزلات وهي هزات راسها تاتنهدات ضارها خاطرها على هادي الي لداخل كتعاني هنا وراجلها بعيد لا هو وحمها لا هو حضر ليها وهي مكمداها وساكتة ...حلات الباب ودخلات لقاتها مزال متكية كيف خلاتها...ضارت عندها وهزات ليها رجليها قاداتهم فوق ناموسية سرحتهم ليها وتمحازت عندها كدوز ليها على شعرها وحناكها الي دخلو ....

يامنة"بصوت حنين" : حنينة ديالي...مالك"كتقيص ليها فراسها لقاتو سخون شوي" ضارك راسك ؟

نوار"حلات عينيها وشافت فيها" : غييير عييت ..

يامنة "بغات تضحكها وخا هي براسها مكضحكش الحزن مغيم على قلبها " : ههه شفتي الولاد شحال صعاب ؟ هكا دازت عليا فولادي...

نوار"هبطات عينيها ونطقات بشوييي" : كان معاك عمي فؤاااد ...

يامنة"عضات شفايفها حابسة البكية حيث عرفتها قصدات ان ممعاهاش ياسين" : ف ولادة ياسين مكانش معايا واحد شهر وشهر اخور وقيتات كنت محتاجاه فيهم مكانش تاهو مشا موسكو وقع ليه مشكيل عيينا نتسناوه يعيط

حيث هو خاص تيعيط ليك عاد تعيطي ليه من ميكونش مسالي ممنوع نعيطو ...كنت وقيتة حساسة خاص يكون معايا وقفو معايا خوتو رجال كي واقفين معاك حنا تا فرج الله وجا حضر ليا ...يعني حاسة بيك ويمكن دزت من اش كدوزي غير فرق كل وكيفاش عاشت المعاناة "مسحات دمعتها بطرف كمها" ههههه وان شاء الله الفرج يكون نتي بقاي مواضبة على صلاتك ابنتي ...ومتحبسيش دعاء متحبسيش ...ماغانبقاوش بزاف هنا فهاد سيمانة نرجعو ان شاء الله مدام كلشي قاديتيه ...

نوار : غاتديوني نشوفو يااك ؟

يامنة : ضروري ابنتي متوحشتيهش ؟

نوار"قالتها بواحد صوت وطوييييييلة تا تذبذب ليها بفعل البكاء " : وبزاااااااف بزااااف اهى ...اهى اهى ...كانتفكر اش كنت كندير ليه ايام طلاق اهى كنتفكر فاش قلت ليه دير نفس وبعد عليا اهى ...كون يحساب ليا

منتفرقش عليه كون يحساب ليا منديرش هذاكشي ونتبرهش اهى ...قصحت معاه وضريتو فخاطرو ندمت اخالتي ندمت وتوحشتو ومنقدرش نتفارق عليه ومنصبرش يخليني والله منصبر اخالتي والله منقدر اهى ...

يامنة : ششش"باست ليها حنكها" الله يحفضو الله يحفضو ابنتي بردي وصبري الله يرضي عليك مابقا غير ايام ونرجعو اصلا خاصك تمشي تشوفي ماماك حيث عندك كونطرول غاديريه تما را قالت ليك توصلي الخامس

وماتبقايش تحركي بزاف على قبل رجليك ومتنسايش سوميلة تبقاي تلبسيها (حيث الحوامل الي عندهم نقص او عرجين كيوصلو ابتداء من الخامس كيخص يقل عندهم المشي ويرتاحو باش ميثقلوش على العمود الفقري باش ميعياش ...)

نوار"الصمت ..وجهها سيفتو خاسرة عيانة حجبانها مقوسين منضرها يطيح الضيم

بقات معاها تا ناضت حلات على صفية مدخلة بلاطو فيه عصير والخبز الي قالت ليها ومشات حداها نوضاتها بزز وكلاتها كل دغمة كتصرطها بزز وعينيها مدمعين ...شربات عصير بارد حيث حليب جبداتو بارد من ثلاجة .."

يامنة "ضارت عند صفية " : باقين ناس دوار كيجيو ؟

صفية "حركات راسها" : كيجيو غير يدوي العصر كيجيو عندها العيالات تا من گوتي كيجيبوه ومن عرفوها كتوحم ديما مدخلين الماكلة خصوصا خالتي صبيحة وخالتي ام سارة ...ورجال كيجلس معاهم ايساف وعمي مصطفى واسامة فاش كيجيو من ورا العشا كيشربو اتاس يسولو على الحال ويمشيو ...

يامنة : الله يجيهم الخير ..."ضارت عند نوار لقاتها غفااات وندغة في فمها " الله ياربي ...


هكاك بقات معاها داك النهار وبالليل منعساتش حداها نجود نعسات حداها هي نيت يامنة مخلاتهاش كل شوية تنوض فالليل تقيص ليها جبهتها وتقلبها تلقاها غير دافية والى سخنات كتدير ليها كمادات وتعصر الحامض تحليه وتعطيه ليها تشربو ...وتعيط ليسرى فهاد الايام تسولها عليها وتدير معاها ابيل فيديو تعرف اعراض الي فيها وتعطيها اش دير دازو الايام وهما على داك الحال ولا فؤاد بقا من شاف حالتها مسخاش عليه يخليها...

هاكا دازو الايام ووصل النهار الي غايمشيو فيه حتى وقف فؤاد الخدمة فهاد سيمانة فالفيرما والكوريات نضا معاهم كلشي كلف اسامة الي باقي كيقرا ميجي تال نص فرمضان وكلف سالم سبق الخلاص ديال شهرين لسالم باش غير يوصل الوقت يخلص الخدامة خذا السلعة الي غاتخص ووصاه الي خصات يدوز ليه فالحساب نيشان ...

مسافة الطريق ساعات حتى كانو هو فالطموبيل مع نوار ويامنة وايساف معاه صفية وياسين ونجود ...ساعات طريق حتى كانو فدخلة ديال ازرو وصلو مع اذان المغرب لقاتهم دخلو لفيلا ووقف لقاهم خارجين كيتسناو فيهم ....

يوسف "مشا لعند بنتو" : نوااار بنتي "عنقها خشاها فيه يبوس على راسها ويعاود تا دمعو عينيه عزات عليه وحسكاتو فاش شافها فديك الحال عيانة وغير مكابرة " كي وصلتي ؟

نوار"بتعب" : شوية شوية ..."كتسوط وشادة كرشها"

يسرى"قربات عنقاتها وباستها وعاودت " : شوية بنتي ؟

نوار : شوية ماما توحشتكم "تخشات فيسرى معنقاها" بزااف ...

يسرى : كون تشوفي حنا نورتينا بنتي ...

مينة"طلات عليها" : واحد ختك متوحشتيهاش ؟

نوار"خرجات راسها من حضن يسرى وشافت فيها بتعب تا ضحك وديك الابتسامة مبقاتش كتديرهم والو غييير دابلة وعيانة ومهمومة وحزينة ...قربات ليها وعنقاتها تاهي تا بدات تبكي بشوي " تانتي توحشتك بزاف اختي حبيبتي...

مينة : حبيبة ديالي ..."باستها "

نوار"شافت فيها" : فين إياد "ولد مينة "

مينة : راه لفوق ناعس رتاحي وطلعي نجيبو تال عندك ..."حركات ليها راسها ومشات سلمات على البقية واشرف تاهو وتسالمو كاملين تجمعو كاملين فالفيلا تا جات راوية تاهي وايلاف ...حتى رياض كان تعشاو ومشا خلا مينة بايتة معاهم ومع ختها ...

اصبح يوم جديد على الكل ...كي فاق فؤاد توضى صلا الفجر ولبس حوايجو وخرج هو بكرييي مخلي يامنة عاد كتقاد فالحوايج باش يفيقو لاخرين ويمشيو لفاس يشوفو ياسين ...اما هو خرج مشا سبقهم بكرييي...وصل لعندو لمشفى لقا اركان تاهو عاد وصل ..

فؤاد"شاف ساعة كانت تسعود" : مبكر ؟

اركان : جيت عبرت سكار وضربت لانسولين وخذيتها حيث تقادات ليا وقلت نطلع نشوفو ونمشي خدام مع العشرة ...

فؤاد"طبطب ليه على كتافو وعنقو بجنب وتمشا هو وياه تا طلعو لفوق لقاو نيت منصف خارج من عندو ...حرك ليه فؤاد راسو "

منصف : الحاج جابك الله دكتور موسى كاين دابا وكان ناوي يعيط ليك بغا يهضر معاك ...

فؤاد"قلبه رفرف بالخلعة تا هرب من وحهو لون " : خبار الخير ؟

منصف : دخل شوف ولدك ولا تسبقو هو لول ؟

فؤاد : فين هو ؟

منصف : اجي عندي لمكتب ديالي ..."حرك ليه فؤاد راسو ضار عند اركان غمزو باش يدخل ومشا هو تبع منصف تال مكتب ديالو لقا موسى تاهو عاد جا حيث كان تما نيت وكان الغذ ليه غايرجع لفرنسا ..."

موسى"سلم على فؤاد" : الحاج نورتي ...

فؤاد"جلس " : بنورك اولدي بنورك ..."شاف فيه " خبار خير جديدة ؟

موسى"شاف فمنصف ورجع شاف فيه جلس وتكا على الكرسي ...تنهد تا تنهد" : الحاج نتا عارفني مكنخبيش هادي طبيعة فيا ...كنحط بالصورة وكنجي نيشان ...

فؤاد : كمل نيشان ...

موسى : دابا جايا ل كاتخ موا ( اربع اشهر) وهو على نفس الحال هادي سيمانة تقريبا درنا نفس الفحوصات مكاين حتى جديد سوى انه كاين نقص مكاينش تحسن ...

فؤاد "صرط ريقو الي نشف ديك ساعة " : شنو كاين ؟

موسى "حدر راسو ورجع شاف فيه" : مدام مكاينش تحسن اذن نقدر نقوليك استعد لاي احتمال غايوقع ...الدماغ خدام التنفس ضعيف دقات القلب ضعافو شوي على الي كان ...مدة طالت ...سي الحاج من هنا لقدام دير فبالك احتمال امضاء ورقة سحب الاجهزة الى بغيتيه مايبقاش معذب ...

فؤاد"خرج فيه عينيه " : نقتل ولدي ياك ؟

موسى : الى بقا كينقص خاصك توجد لهاد الاحتمال ...ومزال احتمال رجوع الكخيز كاغدياك وارد…

فؤاد : نسني باش نقتل كبدتي ياك ؟

موسى "الصمت...مالقا ميقوليه "

فؤاد : سولتك ؟

موسى : هذا كيبقى احتمال وتوجاد لنفسية عائلة المريض اما انا غاندير الي فجهدي والي فجهدي درتو ... قصة من قصص مدرب.. بالنسبة ليا ك طبيب وخترت فهاد المهنة كنقوليك هاد الهضرة ...

فؤاد : بالنسبة ليك ك انسان طاح فهاد المكان (زعما هاد الموقف) ؟

موسى "شاف فيه " : منسخاش ...

فؤاد"ناض وقف تا وقف وتحنى لعندو كيشوف فيه عينيه ولاو حمرين حس بروحو زهقات منو وخاطرو شعلات فيه العافية ديال اول مرة شاف ياسين مضروب " : تبقى طالعة هابطة يبقى صدر عاطي وشاد ضفارو نحيدهم بالفرحات لحيتو نقصها ،،نقيه ونقرا على راسو صباح وعشية نشوف نفس طالعة فيه وهابطة واخا غير بلعاني فيييه ومانسخا نهز ولدي خشبة ونحطو تحت تراب ...الى ثقل عليكم كبدتي نهزو فعينيا ونسد عليه "هز راسو الفوق وهز صبعو شير لسما" وياااربي جعل يومي قبل يوم طراف كبدتي (ولادو) ومنلغاش (منقولش) من وراهم هادي ساعة من ساعات الله يحضر فيها نبي رسول الله ...


كلام خارج من اعماق اعماق بركان منفجر في قلبه ...كلام كل كلمة فيه وكيعنيها بالحرف وليها معاني كبيرة كتحمل قهرة والم وحرقة على كبدته ...كلشي صبر ليه وكلشي حاول يضغط عليه باش يصبر الناس الضايرة بيه المحروقة على ياسين ...ولكن انك تحط فموقف ديال تمضي على ورقة موت ابنك كبدتك الي ليك شهور ونتا كتشوى وتلوى بالحرقة عليها رماحاس بيك حد ؟ ف تال هادي وصعيييب يتحمل ...

فؤاد"عينيه خارجين فيه" : كثرة لغا بلا فايدة بلاا فايدة ...

منصف"شاف في موسى الي كان يشوف ففؤاد بنضرة منقولوش شفقة وانما نضرة انه حاس بيه لان منصف حضر ل رضوان خو موسى وحضر لحادثة حيث خوه مات فنفس هاد المشفى نيت ..." : وخا الحاج من حقك غير جلس رتاح ...

فؤاد : راحة ماهي بجلاس ولا نعاس راحة بشوفة الحباب مرتاحين البال ...راحتي مزاااال مبانت ...

موسى"بقا كيسمع ليه مقاطعوش منفنفش ابدا بالعكس خلاه يقول كلشي الي بغا حيث اولا كيبقى واحد مضرور على شخص مريض كتكون عندو الاولوية والحق انه يدير رد فعل كيما كان ومعندوش الحق يقاطعو ابدا ...حدر راسو ورجع هزو فمنصف" : منصف ممكن تخلينا وحدنا ...

منصف : اكيد بروفيسور ..."حرك ليه راسو واستاذن وخرج من المكتب مخلي فؤاد وموسى طيط ا طيط "

موسى "شاف ف فؤاد" : الحاج ..احم ...عندك الحق فكل كلمة قلتيها ...كنهضر معاك دابا بصفتي واحد عاش قول نفس التجربة ...

فؤاد : سخا عليك ؟ (زعما شخص الي تحطيتي تانتا فموقف بحالي مع ياسين)

موسى : مسخاش ولكن الله بغاه بطريقة اخرا "تنهد حادر عينيه بحزن" كون تحطيت فموقف ديالك "سكت"

فؤاد"كيشوووف فيه ومصغر فيه عينيه رمق فيهم نضرة حزن كبيييييرة يعني سيد عااايش تجربة وفايتها لهيه "

موسى : محطوط بين جوج حاجات ...كوني طبيب عطيتك الحالة والاحتمالات وكوني انسان غانقوليك والله منسخا تانا ولكن الى بقا هكاك جات وقت وسكت ليه دماغ وولا عايش غير بالاجهزة ماشي فحال ولدك مزال دماغو خدام تنفس وضربات ضعاف كنت نحيدهم منخليهش معذب ...

فؤاد "رفع حاجبو وسولو" : دماغ ولدي سكت ؟

موسى"هز فيه عينيه" : لا لا ماسكتش لا الحاج ...

فؤاد : قاصحة قااااصحة ...

موسى"شاف فيه وطبطب ليه على فخدو حيث ضار عندو تقابل معاه فاش بغا يهضر معاه" : الله يدير تاويل ديال الخير الحاج ...كون مع الله يكون معاك ...

خرج من عندو مكسور الخاطر كيف كل مرة كيقول يدخل يخرج باخبار زوينة لكن كيوقع نفس شيء كسر الخاطر لا يجبره الف تعويض ...غادي مع الحايط شاد فيه حتى شافو اركان جاي وجهو مهموم وباين عليه تكسر وتكسر وياااا فؤاد رمسيس الي دوختي المافيا ومهزتتش فيك شعرة ومخلعاتك ب ولو نقشة جا واحد من فلذات كبدتك زرع فيك الرعب والخوف الي عمرك فكرتي تعيشو ...نسر موسكو مكسور الخاطر مرعوب هاهي شفناها والي قلنا عمرنا نشوفوها فيه شفناها...دخل عندو من بعد غياب اسبوع عليه ...دخل شافو كيف ماهو خلاه كيف ما باقي كيف كيدخل بامل ديما كيخرج بخيبة امل وقهرة وحرقة عليه ...

يامنة "نزلات لقات نوار لابسة كسيوة طويلة فالگري وفوقها كاب طويل قطن فالكحل جامعة شعرها كعكة مهملة غير جمعاتو وصافي ماداتهاش فيه ...لقاتها جالسة كتسنى فيها فالصالون حاطين الفطور وهي كتشرب فالدواء وحداها يوسف ومينة كترضع ف اياد ولدها " : صباح الخير ...

الكل : صباح الخير ...

يامنة : فطرتي وشربتي دوا ؟

نوار"حركات ليها راسها"

يامنة "قربات عندها قاست ليها راسها" : مسخوناش ليوم بعدا الحمد لله ...

يوسف "كيشوف كيفاش كتعامل معاها كيحمد الله على هاد السيدة ويحمد الله كاين الي واقف مع بنتو وبناتو ويحمد الله على هاد العائلة الي عندو" : فطري باش نتحركو ...

يامنة : والله مافيا صباااح بكري شربت كويس القهوة صافي ...

نوار"وقفات بسرعة تا شدات تحت متوجعة " : اااا..

يسرى : ااابنتي يهديك الله نوضي بشوي ...

يامنة : بشوية حنينة ...هاحنا نمشيو دابا غير تهدني ...

نوار"شافت ف صهيب" : عمي غانبقاو عندك فدارك واخا ؟ "بصوت منخفض كبقاتش كتهضر بصوت عادي صوتها وليتي بزز باش كتسمعو"

صهيب : وكتشاوري ؟"لاح ليها ساروت" هاكي بنتي هاكي ...

مينة "هزات اياد ووقفو باش يمشيو وهي توقفها نوار" ...

نوار : بقاي معايا فالبرطما لهيه ؟ "شافت فيها بحزن"

مينة "غمضات ليها عينيها وحلتهم" : وخا نبقا معاك واخا حبيبتي ..."شافت فولدها الي ناعس فهمر شهرين غير رياض محطوط منصوط بعدا حاليا .." نبقاو ليوم نصدعو خالتو نوار ...

يوسف "شدو من عندها وسبقهم" : يلاه اولدي يلاه معايا نتا نقادك عندي تايتبعونا"خشا وجهو فيه كيبوس حتى فيقو وطلق زواكتو " ...

نوار"عنقتها مينة وغادين سبقات يامنة ويسرى ونجود وهي غاديا معاها شادة كريشتها وغاديا بشوي وتنهج " : فففف

مينة : لبستي سوميلة ديالك كيف قالت ليك ماما ياك ؟ غير باش ترتاحي...

نوار"حركات ليها راسها حيث خلصها تلبسها باش تقاد ليها ديكالاج ديال رجليها ومع الحمل غاتكرفص بالبيان " : مزااال منرتاحش "قالتها بينها وبين نفسها" ...


مسافة الطريق حتى كانو فمدينة فاس قدام المشفى الي شهرين وزيادة ماوصلاتوش ...مع خرجات من طوموبيل وهي تطلق واحد تنهيدة تا تسمعات عندهم وضارو شافو فيها بحزن وحسرى وقهرة عليها...حاملة ف اربع اشهر ونصف الوقيتة لي كان خاص تكون تحت حماية راجلها يفششها يوحمها ميخليش الي تقلقها ...صدق هو سبابها فهادشي بدون مايقصذ بزوج بيهم كيتعذبو ...

مينة "وقفاتها" : انا غادي نسبقك لدار عندنا نجيب حوايج لاياد وليا ونشوف واحد الخدمة ونشوف خالتي ورياض تانجي معاه قبل ماتجي تلقايني فالبرطما صافي حبيبتي ؟ اياد ميقدرش يدخل راكي عارفة مانعين دراري صغار ...

نوار : واخا ..."رجعات مينة لطوموبيل ديالها ومشات ودخلو هما طلعو لفوق تالقاو فؤاد جالس داير راسو بين ايديه هاد اللقطة فشلات ليهم ركابي يامنة كانت غاتطيح بلور كون ماشدات فيها يسرى وهاجر ...اما نوار وقفات وحسات بكرشها تقلبات تا عينيها تغمضو وتحلو ..." عمييي...

يوسف : خويا ياك لباس ؟ "قلبه كيضرب"

فؤاد"هز فيهم راسو ووقف هو غير مهمو وهما كيشوفو ديك الجلسة الي داير طيحات منهم نص ولاو اي حاجة كيشوفوها كيقولو صافي را مات ولا شي حاجة خايبة ولاو عايشين رعب ..." : ماكاين باس ...

نوار"قربات ليه " : شفتيه ؟

فؤاد"حرك ليها راسو" : واجدة ؟

نوار : اه اه بغيت ندخل نشوفو ..."باس ليها راسها شاف فيهم وقاليهم يجلسو وعنقها هي بجنب غادي معاها شوية بشوية حيث واخا دايرة سوملية كتمشى عرجة وبشوية شادة كريشتها من تحت..حتى وقفات قدام الغرفة لقات موسى عاد خرج من واحد البلوك تما حداهم نيت وجاي عندو عاد غايشوفو هاد نهار "

موسى : المدام ياك ؟

فؤاد "حرك ليه راسو"

موسى : تفضلي معايا ..."طلقات من فؤاد وتمشات وراه عطاوها اللبسة البوني فشعرها وكمامة وغلفات صبيبيطاها تاهو وتبعاتو تا حل ليها الباب ..." خمسة دقايق وياك طاقة سلبية حاولي تكوني ايجابية ...

نوار"حدرات راسها وضارت دخلات وبقا هو كيضوف فيها كيفاش غاديا باينة عليها مكسورة بجهد ومكابرة حتى دعا ليه بالشفاء من كتر ما عزات عليه حالتها واحلة فروحها وبات الي فكرشها بين الحياة والموت ...سد الباب وهي توجهات لعندو ...مع شافتو الوجه تبدل تمص ...ديك زين دبال والوجه شاحب وصفر من جناب غا و الحجبان را هما هما وهاد سيمانة حيث ما حسنش ليه فؤاد لحية غوفلت وشعر تزاد ...

نوار"صرطات ريقها باش متشهقش وحاولات بزز تشد راسها ...ومتبكيش سكتات ولكن دموعها للسيطرة ما قدرات ....دايزين روسهم ...مسحاتهم بطرف كمايم كاب وقربات لعندو ...حطات ايد على طرف سرير وايد كيف العادة على كرشها...شافت فيه تا شافت وفلاتو بعينيها ...الى كانو ناس قلبهم كيضرب وكتحس بيه كيضخ هي كيضرب وكتحس بيه كيضخ العافية كتشوى من لداخل الغصة بغات تقتلها روحها بغات تخرج ...والو مصابراش وخا تكابر تاتعيا ...مقادرااااش على فراقو وصبرها الاحتياطي بدا ينفذ ..تحنات باست ليه جبهتو الباااردة ....وهزات عينيها فيه كتشوف عينيه مغمضين لا حركة لا والو سوى صوت الالات وديك طيييييط طط تششش طييييط طط تشش..." :

هاني جيت تاني هاني جيت وباقي ناعس مبغيتيش تفيق براكة عليك ؟ "كتشوف فكرشها" شوف ربع شهور ونص وانا كنتسنى فيك واخا توحمني غييير هاد شوي الي بقا ليا فشهور الوحم ...فخبارك بغيت كبدة مشوية فحال الي كنتي خذيتي ليا فاش مشينا لافران من ديك القهوة وماقدرتش نقولها ليهم ...

عرفتي علاش ؟ حيث بغيت نتا تاخذها ليا ومقدرتش نقوليهم شي حاجة حيث نتا الي غاتاخذها ليا حالتك ميعلم بيها غير الله ..."غمضت عينيها ونزلو دموعها ورجعات حلتهم كتصرط ريق باش تهضر مزيان " حكيتها وكمدتها وسكت ...حتى تفيق وجيبها ليا ..غادي نصبر ونعض فالصبر حتى تفيق ...عااافاك ماتطولش عااافاك راني واقفة غير بزز...عاااافاك ادوايا متخلينيش ...ماتخليش كاندي ديالك وحدها ماتخليش طيور الجنة وحدها ...

تحل الباب ودخلات فرملية عندها ...مادام خاصك تخرجي ...

نوار"ضارت عندها" : واخا ختي ..."هبطات عندو باستو تاني " غذا فالصباح عندي كونطرول ...بغيت نشوف اش عندي وحالة الي فكرشي..الى خلاوني غذا نشوفك غانقوليك اش كاين ..."عاودت باستو" توحشت صوتك يالحبيب ديالي توحشت كلشي فيك ...

ضارت وخرجات من تما حادرة راسها وجايا بشوية تاتلقا ليها يوسف شدها وداها جلسها ودخلات يامنة من وراها تاهي غير خمسة دقايق تاهي باستو وهضرات معاه شوي ...

يامنة : انا راضية عليك اكبيدتي انا راضية عليك ا بكري ونور عينيا راضية عليك ...الله يشافيك الله يشافيك"هزت راسها لفوق" ياااااربي شوف من حالو يااااااربي ..."


هبطات راسها وباست ليه جبهتو وعاودت وخرجات تاهي " ...

فؤاد"تسناها تا خرجات باش يمشيو عنقها بجنب وتمو غادييين كيمسح ليها على كتفها وهي كتبكي " : شششش

يامنة : تقهرت افؤاد ياربي تسمح ليا راني تقهرت وحمدتك وشكرتك ياربي ولكن ما بيدي حيلة ....

فؤاد"داها لسيارة شاف لاخرين كلشي زاد وداها هي حتى لطوموبيل ركبات حداه وسدو طوموبيل حتى وقف عليه اركان دق فزاج "

اركان"وجه عيان" : بغيتك واحد خمسة دقايق الوليد ...

فؤاد"ضار عند يامنة " : تسناي ...

حل الباب ونزل عندو ووقف ...حتى مد ليه واحد ساشية ...شدها من عندو وحلها ...

اركان : تيليفون ديالو عطاه ليا عماد فاش كنتي فالفيرما هاد سيمانة مشيتي داك نهار وجابو ليا لغذ ليه ...مابغيتش نقولها ليك حتى تجي ...مهم را كيف لقاوه فدرب غلف بقا عندهم فالكوميسارية ...وبالنسبة لدوك الكلاب الي ضربوه الشهر جاي عندهم الجلسة الثانية وكيف وصيتي يكون بالنسبة لحالة لقانونية العميم صهيب يقوليك اش قالو ليه المحاميين ...وتيليفون هاهو عندك ...

فؤاد : مزياان ...

اركان"حنحن ونطق" : شنو قاليك بروفيسور قبيلة ؟

فؤاد"هز راسو شاف لهيه بغا يعاود ليه حيث الى معاودش غايبقا اركان بالو مشغول براكة عليه غير سكار الي ضربو بلا حساب ...تنهد شحال ونطق " : نحط حد لحياة كبدتي ماتمحن ماتمحن معاها العباد ...ماعندبالهمش العافية الي شاعلة ولدي ومصبرها ديك نفس الي كطلع وتهبط وخا مغمض عينيه ...

اركان"خرج عينيه" : ش شنو ب ب"كيرمش بغا يسخف" بغاوك تسني يحيدو الاجهزة ؟ "حرك ليه فؤاد راسو وجات هاد الجملة مع وقفة يامنة وراه "

يامنة : ش ش ااااااااويلي اهى اهى "مزال مكملش فؤاد شرح بالي راه احتمال وارد حتى زادتو يامنة " ...

فؤاد"ضار عندها شافها مخرجة عينيها حتى سهااااات وفمها تحل " : يامنة !!!

يامنة فييييين الي كتعيط ليها مع سمعات مع مشات بيها الذاكرة للوراااااء ....اصوات الناس غاديا جايا فداك المكان وصت قهقهات وضحكات الاطفال ديال دوار ...واحد ربعة الوليدات فعمر سطاش سنة جايين من المدرسة تفرقو زوج مشاو فاتجاه لاخور وزوج تمو جايين ...هز عينيه بانت ليه واقفة قدام الباب كتضحك حيث عارفاه غايكون توحشها بزاااف ...

ياسين"شير لصاحبو" : نتشاوفو فالوقيتة ..

عبدالغني"دار شكارة قدامو" : جيب معاك سماطي ...

ياسين"حرك ليه راسو" ومشا كيجري داير تاهو شكارتو قدامو تا وصل عندها مسرح ايديه حيث تاهي مسرحة ايديها وتلاح عليها بتعنيقة هي تبوس وتعاود وهو ييوس ويعاود تا باس ليها ايدها وراسها...

يامنة"تبسمات مفتاخرة بيه وضحك " : الله يرضي علييييك اكبيدتي ..."دخلو لدار بزوج لقا الغذا كيوجد من تحت ايدياتها الي بنتهم ماتخفا عليه وريحة الطياب ...حط شكارة فالبيت ومشا غسل وجهو ورجليه وبدل حوايجو عاد خرج لعندها كيلبس فتقاشرو ...لقاها واقفة كتغسل فشي ميعنات حتى عنقها من لور كشم فريحتها وهي تنزل لعندو تحنات قفازي وجراتو عندها عنقاتو خشات وجهها فعنقو كتشم ريحتو طفولية ...

يامنة : توحشتيني ولا ؟

ياسين : اه بزاف ...

يامنة : وعلاش بغيتي تعيش هنا وخليتيني مم ؟ سخيتي بميمتك ؟

ياسين"بنفي" : لاااا مسخيتش ولكن عاجبني هنا لقيت راحتي هنا غادي نتعلم شنو بغيت هنا ميمتي ...حتى فالقرايا والحفاضة كنحفض براحتي مكيبرزطني حد وخدام هنا فداكشي الي كيعجبني راكي عارفة الفلاحة ..."تبسم" شنو غاديري"حك شعرو" هادشي الي عطا الله ...

يامنة"كتقيص ليه فلحيتو الي بدات تنبت" : شوف كبرتي وبلغتي وميمتك بعيدة عليك ...

ياسين : القصة نُسِخت من قصص مدرب.. راني راجل ماشي بنت لي نبلغ وانا حداك الحنانة ...

يامنة"ضرباتو بخفة" : ياك اوليدي ههههه ...عندك سطاش لعام وهضرتك كبر منك ...

ياسين"قبط ليها ايديها وباسهم" : والله مكنسخا بيك عيشي معانا هنا ...

يامنة : وباك وخوتك ؟

ياسين"ببرائة " : تاهما ...

يامنة : ايه علاش لا ههههه دوز دوز تاكل راك جاي جيعان ...

~~~~~~

يامنة : "رجعات من تفكيرها وكمشات حجبانها وعينيها مغمضيييين ريحتو الي تفكرات جات لنيفها...تا حلتهم نيشان ...عوجت فيه راسها وغوتات عليه بجهد لاول مرة ديرها وتصرخ فوجهو " : مااتسنيييييييييييييييييييييييييييييش ..

"غوتات تا ضارو عباد الله حداهم تما كيشوفو وخصوصا بدات كتهز وتحط بغات تبدا تركل حتى جرا اركان وفؤاد كيشدو فيها وهي كتغوت ربي الي خلقها وندبات تلني حناكها بغات تهبل ليهم تما تا طلقاتهت بحر جهدها"

يامنة : وااااااااااااااااااا كبدتييييييي ولاااااااااااااااا "جرات فؤاد من القميجة مخرجة عينيها تالحدهم اول مرة يشوفها هكاك فحياااتو من نهار بغاها وعشقها بنت سطاش لعام هاهي كتخزج فيه عينيها" …والله وسخا عليك ودرتيها عمر وجهي باقي تشوفو فحياتك…ونتبعو "شهقات تا بغات تسخف" ...


هزوها بجوج تاهزها فؤاد بين ايديه وبعدها من تما تا جاب ليها اركان الما رشو عليها وهي كتبكي وتغوت تا تجمعو عليهم عباد الله ...ماسكتات تا غوت فؤاد بجهد عاد شهقات وسكات كتنخصص وتشوف فيه ...بقا معاها اركان وفؤاد تا سكتت عاد جلس فؤاد وشرح ليها اش كاين بالضبط هيلي تنفسات ...جاب الله هادشي مسمعاتوش نوار الي داها يوسف ترتاح حيث مخاصهاش تبقى واقفة ومستريسيا اما كون حطت ليه داكشي الي فكرشها وماتت....هزها هي واركان وركبات بقا معاها شحال تاتنفست ووجهها رجع عادي عاد كسيرا فاتجاه البرطما فين نوار باش تبقا معاها هاد الايام حتى يدخل رمضان بعد يومين ويرجعو لازرو يدوزوه تما وسيمانة عاد يرجعو يشوفو ياسين تاني ...

فؤاد "وقف قدام العمارة كيشوف قدامو هز فخاطرو بديك الهضرة زادت على مابيه...مشافش فيها ابدا" : نزلي ...

يامنة"ضارت عندو" : متنزلش ترتاح ...

فؤاد"حرك راسو بلا"

يامنة "عرفاتو تقلق" : فؤاااد"عوجات راسها "

فؤاد"تنهد تا تسمعات تنهيدة خرجات مع الكلام الي نطق" : نزلي وكان نزلي...

معاوداتهاش معاه خلاتو على خاطرو تايتنفس ويرجع وتهضر معاه عرفات انه تقلق وتاهي معاتباتوش حيث تاهي قالت هضرة خارج ارادتها تاهي معذروة وعذراتو يعني فهاد الوقت خاصهم يعذرو راسهم وتاحد ميهز من حد لان الاعصاب عيانج وعلى حافة الانهيار...غير طلعات كسيرا بجهد لفين ؟ الله اعلم المهم انه يتنفس شوي....

واقف بوضعية الصلاة كيقرا فالايات قبل ميكبر ويتحنى ...

فؤاد : سبحان ربي العظيم سبحان ربي العظيم سبحان ربي العظيم ...سمع الله لمن حمده ..."

تحنى سجد وكبر وعاود سجد وبدا يتحي حتى كمل وسلم وهو يدور حتى قهرو شعا الي بان قدامو تا كمش عينيه وحجبانو كيسوف وداك نور سد ليه عينيه تا دار ايدو حاجبو باش يشوف وهو يوقف قدامو لابس الابيض كامل وراسو ملوي عليه والقطن في نيفو ...يعني واقف عليه مكفن ...

فؤاد"خرج عينيه تا قلبه ضرب من شافو بداك الكفن ملوي عليه شادو بايدو ولايد لاخرى مكمشها...شد جيهة صدرو وبغا يهضر ولكن ريقو نشف وتحبسات فيه الهضرة ..."

ياسين"وجهو بيض وتحت عينيه قهوي " : غييير انا الحنان ...

فؤاد"بغا يهضر كيعصر عينيه وبزز باش هضر تقولي روح بغات تخرجو" : ع علاش جايني بهاد اللباس ؟

ياسين : ماجاش معايا ؟

فؤاد : لباس ميصبر ليه حد ...

ياسين : لباسنا جميع وجميع المسلمين ...لبيض والحنوط ريحة المسك والعنبر ...والمخير هو اش دينا معانا...اما اخرتنا ارض وحدة الحنان...

فؤاد : سير بدلو الله يرضي عليك كتشويني بيه...

ياسين"اول مرة كيشوفو تبسم نصف تبسيمة " : جيت قاصدك ..."مد ليه ايدو وعرا على شنو فيها كانت قوقعة ديال بحر حلعا وبانو ليه ربعة حبات اللؤلؤ "

فؤاد : مال هادو ؟

ياسين"سدها وباسهم" : امانات ...

فؤاد : نامن عليهم ؟...

ياسين"ضار وعطاه بالضهر" : لا...ديالي"غييير عطاه بالضهر وبان ليه غادي وملوي فالكفن وكيبعد فحال شديتي فؤاد ودرتي ليه الضو ناض على جهدو غادي تابعو ويعيط تابعو ويعيط حتى ضار عندو تاني شاف فيه وتبسم بقا كيشوف فيه ويقرب يشوف ويقرب عندو تا باسو فراسو وعنقو حس بريحتو دخلات ليه مع نيفو

ورجع ضار عطاه بالضهر...

فؤاد : ياسين ياسين واااا بكري ...

ياسين مجاوبوش ابدا هو غادي وفؤاد تابعو باغي يضورو يجرو ...

حتى بان ضو مشعشع ونور قوي ...

فؤاد"حل عينيه وحلها على جهدو بغوتة صمكات ديك البرطما ديال صهيب كلها تا ناضو كلهم " : واااااااااااااااااااااااااااااااااااا وبكريييييييييييييييييييييييييييييييييييي ...

يامنة"جلسات شادة على قلبها وضارت عندو كتهدن فيه" : بسم الله عليك بسم الله عليك ..

فؤاد"حيد ليها ايديها وعينيه خارجين وقف ومشا كيجري عند الحايط كيقلب فيه ويضور وجهو يقلب هنا وهنا تا مشا لباب ديال بيت مع بيت فين ناعسين ديال تلفازة وصالون ناعسة فيه يسرى ومينة وحداها ولدها ونوار فبيت لاخور فناموسية" : ياسين ياسين ضور عندي واااااياسين ....

بقا يفنكش ويبحث تا عقلو بغا يخرج مافاق الا على صوت الاذان ديال الفجر الله اكبر الله اكبر عا حل عينيه من الحلم وعروقاتو تكب ...طاح لارض مسوح رجليه وحاط راسو على الحايط كينهج…


ماعرفو باش تبلاو خصوصا يامنة الي كانت حداه من صدمة كتشوفيه صافي الجهل را جلهو كيقلب هنا وهنا وهي باش توقفو تشللات عرفاتو حلم حلمة نوضاتو بداك شكل لكن باش يتومض يسيطر على راسو هي فقدات سيطرة على راسها كلها حتى تدخل الله سبحانه وفيقو عن طريق صوت الاذان ديال الفجر معلن على استيقاظو...

يامنة"شافتو متكي راسو بان عليه العيا نفسي بجهددددذ تا مابقا قد ...هزات كاس الما وقربات تحنات عندو" : بسم الله عليك بسم الله عليك ...

فؤاد"كينهج وكلو عرقان كان ناعس غير بتيشرت وسروال سورفيت ..." : اعوذ بالله من شيطان رجيم اعوذ بالله من شيطان رجيم ..."شد من عندها لكاس شرب غير جغمة بلل ريقو وعطاه ليها"

يامنة : كل خير افؤاد كل خير بسم الله عليك ..نوض توضى وصلي ترتاح ...

مجاوبهاش بقا واحد شوي تالتاقط النفس وناض كيمسح فوجهو وجبهتو ويدوز على لحيتو الي فزگت بالعرق ...يلاه حل الباب لقا نوار فالكولوار شادة كريشتها وواقفة كتبكي ...مشا قرب عندها وجرها خشاها فحضنو كيمسح عليها ويبوس فراسها ...

نوار : مالك اهى اهى ...مال ياسين اهى ...

فؤاد : ششش كل خير بنتي كل خير ساعة الله ...

نوار"كرشها كتعطيها شوية الوجع مع الخلعة " : اممم...

فؤاد"قابلها معاه مكمش حجبانو بقلق" : مالك ؟

يوسف "تمتم ليه بشوي وغمزو" : تخلعات...

فؤاد"كيشوف فيها عيانة" : رجعي رتاحي بنتي رجعي يكون خير يكون خير ..."باسها فجبهتها" تهلاي فراسك والي فكرشك ابنتي ومتهزي هم ...

نوار"بصوت شبه مسموع سمعو غير هو" : ميمكنش "عنات بيعا زعما ميمكنش منهزش الهم اعمي ميمكنش تقول هاد الجملة راها صعيييبة ...قالتها وتنهدااات تنهيدتها حرقات ليه القلب من لداخل "

فؤاد"طبطب ليها على دراعها كانو كيطمنها ويحسسها بالامان ...هما حركات كيبانو لينا لكن عندهم فيهم معاني كبيييييرة وهازة شلا...رجعات لبيتها فين ناعسة تا دخلات عليها يسرى لقاتها جالسة ..."

يسرى : فيك ميتوضى تصلي الفجر ؟

نوار"حركات ليها راسها"

يسرى : يلاه بنتي نوضي ...

بالفعل توجهات لدوش ودخلات توضات بشوية كتحرك وكتحس بالنهجة فيها كل مكتكبر كرشها كل مالثقل كيزيد ...حتى خرجات لعندها وجهها شاحب وفمها بيض ...

لبسات لباس صلاة وفرشات وحداها يسرى وجات تا يامنة اما مينة بقات كترضع ولدها الي فاق ويوسف وفؤاد خوجو يصليو فالمسجد ...

يسرى"كملو الصلاة وسلمو وبقاو شوي تا دارو دعاء وختمو وضارت عند نوار" : غذا ان شاء الله راجعين لازرو من دابا لسبعة صباح غانمشيو ديري تحاليل

يامنة"باستفهام" : ديالاش ؟

يسرى : ديال فقر الدم باش نشوف الخزان وحتى تحاليل سكر ونعلر ليك طونسيون ...وجهك ماعجبنيش وحالتك راكي تعطلتي على الكونطرول ديالك كان عليك ديريه فاش كملتي الشهر ثالث ...ونتي دابا ربع شهور ونص ...

نوار"حركات راسها وناضت بشوي عاونتها يامنة ويسرى تا وقفات ومشات ماشي لبيت انما لصالون عند مينة ..."

يامنة "ليسرى" : حالتها لور ..."تنهدات"

يسرى : غذا نشوفو اش كاين ...

يامنة : شاكة فشي حاجة ؟

يسرى : مدارتش الايكو الي فات ...بغيت نقلبها غير بايدي بعدا بينما طلعنا لازرو ...

يامنة : ياكما الي فكرشها بيه شي حاجة ؟

يسرى : لا لا متخافيش كون بيه شي حاجة منصبرش عليها...فففف"حكات على جبهتها" قهرتني فخاطري وعرفت كي قهرتني معندهاش زهر ...عاد فاش يوصل لخامس خاصها تجلس لارض متحركش بزاف ...

يامنة : الله يحسن العوان والله يكون معاها ومعانا ياااربي ...

صباح يوم جديد كيف حلو عينيهم او نقولو كيف صبح الحال اما العينين بقاو محلولين تا بانت شمس مع سبعة الصباح لبسات حوايجها ولبسو كاملين توجدو ...دازت نيشان لمختبر دارت تحاليل الي قالت ليها ...عاد دازو لدار فطرو او نقول غير فطرو معاها بزز باش كلات حيث دارت ليزاناليز ...من بعد ما جمعو دار ونقاوها وسدوها حيث غايرجعو لازرو ...

دازو تا طلو على ياسين سولو على اخبارو ...ورجعو لازرو نيشان ودعات مينة وولدها ورياض الي جا سلم عليها وسول على ياسين تاهو ...عاد شدو طريق و طول طريق وهي حاطة راسها على كتف يامنة منها ترتاح منها تدخل فدوامة تفكيرها ومنها تبقى ريحة يامنة فيها وتشتشمها...وصلو نيشان خذاها لعيادة ديال يسرى الي دخلات تسنات تا خرجات واحد سيدة عاد دخلاتها ...

يامنة "عاونتها تا هزات كسوتها وغطاتها يسرى بايزار خلات غير كرشها تال تحت عريانة ..."

يسرى"خوات ليها جيل على كرشها وقادت الايكو وجداتو هزات لاباراي وحطاتها على كرشها تا ضغطات عليها مزيان "

نوار : مممم ...

يسرى : متخافيش متخافيش غير باش نشوف مزيان ..."صغرات عينيها كتشوف فالشاشة وتاكد ...وتعاود تضغط وتدور على كرشها ولتحت...عضات شفايفها مبتاسمة ..." مزيااان ..

نوار : شنو عندي ؟ نقدر نعرف دابا ،

يسرى"تبسمات" : اييه تقدري تعرفي دابا فهاد الشهر تعرفي فيه شحال من حاجة حتى فنهاية فالثالث را كنتي تقدري تعرفي ...


كتشوف فالايكو وتعاود حتى وركات على البوطونة وطلقت ضربات القلب الي دخلو لنوار ويامنة فحال البلسم خلا قلبهم يفرفر خصوصا نوار تا هزات عينيها كتشوف في الايكو ...

يسرى "شيرات ليها براسها وطلقات سونار على تقنية 3D " : شوفي ...هانتي هنا مزيان وركزي معايا هاني غانخدم تخوا دي دابا ....

كملات ليها وعطاتها مسحات وناضت تا عاونتها وقفات وحدرات ليها الكسيوة وتوجهات معاها لمكتب ...جلسات وجلسات كتكتب ليها فواحد لوغدونونص ...

يسرى : هادشي غاناخذو ليك انا اماما تنجيبهم ليك معايا لدار ..."يلاه بغات تهضر وهو يصوني ليها يوسف " الو يوسف ...

يوسف : را جبت تحاليل نرسلهم ليك ؟ ولا "واقف فالمختبر" قالت ليك واش ترسلهم ليك فجيمايل ذابا ؟

يسرى : نُشرت القصة على قصص مدرب.. اه احسن يوسف قوليها ترسلهم فجيمايل يسرى بنسودة را هي عارفاه عندها ...

قطعات معاه وماهي الا جوج دقايق تا وصلها رنة من جيمايل ودخلات ليه ...بقات كتقرا وتشوف شافت فصيلة دم وفقر دم وحتى سكري تاهو ...

يسرى : عندك نسبة فقر دم طالعة بنتي ...وعلى هادشي وتحاليل والسخانة الي كطلع ليك غانكتب ليك هاد دويان وبالنسبة لسوميلا تبقاي تلبسيها ديما راكي عرفتي الحالة كيدايرة دابا ؟

نوار"كتبكيييييي وتنخصص وشادة فكرشها" : اهى اهى ...

يامنة"معنقاها وتبكي معاها تاهي معرفت تهدنها ولا تهدن راسها" : ششش حنينة ديالي الله يرضي عليك ...

يسرى"خرجات فيها عينيها" : نوار!!! اش قلت ليك ؟ توتر والبكا حيديه وحاولي ترفهي على نفسك مابغيناش نرجعو لكريز تاني يزيد ليك لادوز ودوا ديالهم قاصح عليك ونتي حاملة ...

نوار"حبست لبكية وصدرها كيتنخصص " خء خء ...اننننن...

يسرى"ناضت كبات ليها كاس الما من گلاصيير تما وعطاتو ليها وتحنات عند رجليها" : عافا بنتي غير صبري را ربي كيشوف وعالم بحالتك ودعائك ان شاء الله مجاب ...حاولي تبسمي عالاقل غير على صحتكم ابنتي راكم امانات عندنا ...

نوار"الصمت حدها مسحات دموعها وتنهدات بصوت مسموع هاد الشهورة مكاين غير تنهيدات الالم والحزن الي خيم عليهم ..."

يسرى"وقفات" : باش منساش ماتصوميش رمضان ابنتي لازمك تغذية بزاف وصحتك متصبرش لصيام صحتك عيانة والصيام ماشي فالالح ديالك ...خاصك تغذية خاصة واكثر شيء فيتامينات ومقويات عندك دوا عاوني بيه ولكن كملي بالماكلة ضرور وكثري الماء ...

يامنة : حسن ليها متصومش متصبرش هي فاطرة وسخانة كتجيها وعاد نفسية مريضة والماكلة قليلة بزز باش واقفة ...

يسرى"كمشات فايد نوار وباستها فراسها" : انا بنتي صبارة وغاتصبر راها واحلة فروحها والكبدة بدات تجربها من دابا ..صبري معانا مابقاش ليك بزاف الى بغا الله من هنا ربع شهور ونص يفك الله سرحك ...

نوار "نطقاتها بشوي" : ياااربي يااااربي ..."حطات ايدها على كرشها كتمسح عليها بحنااان وقلبها كيضرب ...ماعرفاتش تفرح الي فكرشها ولا تبقا تاجل فرحتها تايفرج الله وتفرح بمرة حدا راجلها ولا ترجع تفكر را مزالو على حالو والحالة ناقصة ومتعجبش ...كتحس بوجيعات فكرشها "

يسرى : هاد رمضان ابنتي متحركيش ومحدك كتزيدي فشهور وثقلي ونتي متحركيش على ود رجلك وبقاي تلبسي سوميلا باش تقادي ديكالاج على ضهرك ...

نوار "هزات فيها عينيها" : وياسين !! لا بغيت نشوفو...

يسرى : قللي زيارة ابنتي ماشي بزاف فالسيمانة ديري مرة فالسيمانة وتاهو مخاصوش كترت زيارات راكي كتشوفي كدخلي غير خمسة دقايق وباللبسة ...راعي ابنتي راعي...

يامنة : صبري وحجبي الهضرة ...

يسرى"شافت فيها وحركات راسها وشافت فنوار" : عندها صح حجبي الهضرة متقولي والو الي سولك قولي الحمد لله وسدي ...

نوار "حركات ليها راسها رعينيها كيشوفو فلارض".....

يسرى "حطات الستيلو وهزات لوغدونونص" : يلاه غايكون فؤاد عيا وهو يتسنى ...

يامنة"وقفات وعاونات نوار تا وقفات" : يلاه يلاه ...

عيطات يسرى لطبيبة الي معاها رجعات تكمل خدمتها وشكراتها وخرجات لقاو فؤاد كيتسنى فيهم برا هو الي بغا يبقا معاها فاش تمشي تدوز وصابر وشاد الخاطر...

يامنة"ركبات حداه مخلية يسرى كتركب نوار وحطات ايدها على ايدو " : تعطلنا عليك ياك ؟

فؤاد "هز ايدو بمعنى لا دنيا هانية ...شاف فنوار من المراية " : صحتك مزيانة ؟

نوار"غمضات ليه عينيها بمعنى اه"

يامنة"ضارت عندو وشدات ليه فايدو تا شاف فيها وزيرات عليه " : الحمد لله الحمد لله ...خاص غير تهلى فراسها وفالي فكرشها...وربي غايجبر ويعوضنا ان شاء الله "نزلات دمعة كتجري من حنكها وهي كتبتاسم ليه وسط بكاها وهمها" الحمد لله ...


الحالة هي الحالة حتى مرات ايام ودخل الشهر الفضيل ماصامتش كاع كيف كل نهار واقفين عند راسها من الكبير الصغير حاضيين معاها ماكلتها حيث عرفو بالي عندها فقر دم فهاد الشهور الحساسة اي فترة الحمل خاصها ترد البال وتنضم دواها ومتقطعوش وماكلتها تكون مفيدة ليها اكثر باش الي فكرشها يتغذى ...كتمشي مرة فالسيمانة وترجع من طموبيل لطوموبيل ...اليوم 22 من رمضان ....مع الستة صباح فاق من بعد ما نعس ورا صلاة الفجر ...او نقول بقا تا صبح الحال وناض ....

فؤاد"كيعقد صدافي القميجة تا جات عندو يامنة وضار باس ليها راسها" : صباح الخير...

يامنة : صباح النور ..معاش غاترجع باش تديو داكشي ؟

فؤاد"كيهضر ويخشي قميجة فسروال" : نشوف بكري ،،نجيب معايا الحاجة ام سفيان ...

يامنة : اه غاتديها تشوفو مشافتوش من شحال هادي ...

فؤاد"حرك راسو" : مع اذان العصر بحول الله نتيسرو...

يامنة : واخا صافي ان شاء الله ...

رجع باسها فراسها وخرج من البيت نزل لتحت حتى سمع صوت السيارة دخلات ...خرج قدام الباب كيشوف فالتيليفون تا خرجات من السيازة ديال صهيب صهيب وعلي ومعاه رميساء الي جات كتزرب وتبكي مع من تضرب ياسين مجاتش بغات تصطى بالبكا عليه وخصوصا من شافت صورتو مضروب ....تلاحت عليه وعنقاتو ...

رميساء : اهى اهى عميييي فؤاااد اهى اهى

فؤاد "باس راسها" : ششش ...

رميساء : قطع ليا قلبي وضرني فخاطري ماقدرتش نجي ونشوفو ماصبرتش بزز تا ساليت وجيت دابا ...اهى اهى "شافت فيه" غادي عندو ؟

فؤاد"حرك ليها راسو" : رتاحي صباح تشوفيه...

رميساء "عوجات فيه راسها بترجي" : ديني معاك نشوفو دابا عافاك ...وخا يلاه جيت من لمطار نقدر نمشي والله ماعيانة ...

فؤاد"شاف فصهيب ورجع شاف فيها" : صايمة بنتي صايمة ...رتاحي وصباح نديكم ..."شاف فعلي الي جا سلم عليه وباس راسو" الله يرضي عليكم...

علي : صافي صباح ان شاء الله نديوك ..."شاف ففؤاد" تسنى عمي ...دخلات رميساء معاوداتش الهضرة تبعات صهيب ورجع علي عند فؤاد ..."

نمشي معاك ونعاونك قاليا الوليد دايرين صدقة اليوم وعندكم بزاف متقضيو اليوم ...نتحرك معاك الى بغيتي ندي طوموبيلة الوليد ولا نمشي معاك تحتاجني ...

فؤاد"بقا كيشوف فيه حيث عاد واصلين من مطار كازا ماشي تا فاس مابغاش يتعبو وخصوصا صايمين ...يلاه بغا يهضر لقاه سبقو " : تت ..

علي : والله العميم ماتقلق راحتي نعاونك ونيت نشوف خويا ياسين وخا شوف ميبرد جوف اعمي ..."اش يدير فؤاد سلم امرو لله مابغاش يقوليه لا وهما باغيين مساكن يديرو اي حاجة باش يخففو عليه على بعضياتهم على روسهم لان ياسين عندهم ماشي اي واحد ياسين هو كلشي عندهم حلو عينيهم عليه على صيته سمعته ورجولة الي مخدمها معاهم وطيبوبة ديالو حاسبهم خوتو صغار قبل ميكونو ولاد عمامو ...ركب تاهو وديمارا خرج من الفيلا مكسيري نيشان فاتجاه فاس بالصبط مشفى مركب الحسن الثاني باش يطل على ياسين الي ليه اربع اشهر تقريبا وهو على نفس الحال ..."

دخلات رميساء اول حاجة سلمات عليهم كاملين الي فاق والي مزال ناعس را تسناه تيفيق ...واول وحدة كانت يامنة تاليتها نوار الي عنقتها وبقات معنقاها شحاااال ...لقاتها عاد فايقة كتفطر بالحسوة ديال درة هي لولة عاد تفطر فطور عادي وتشرب دوا ....

نوار"بعدات وجهها مكوشرة وراسها كيدور " : اممم براكة خالتي "كتنهج" ففف ...

يامنة"قاصت ليها راسها" : راسك سخون ابنتي شوي ...صافي براكة عليك شربتي زلافة بزز مزيانة رتاحي انا نجيب ليك عصير الليمون ...وشربي دوا هاكي"مداتو ليها"

رميساء"حطات ايها على كريشة نوار" : تبارك الله كبرات شحال دخلتي ؟

نوار "بحزن" : الخامس"حدرات عينيها"

رميساء : الله يفكك على خير يااربي وتسمعي خبار الخير...

نوار : ياااربي اميين ...

اذان صلاة العصر خدام وصل فؤاد وعلي والحاجة ام سفيان الي دخلات عند العيالات لقاو يوسف والحبيب وايساف واشرف والياس وصهيب واقفين كيشارجيو فالطموبيلاات وواحد سطافيط كبيرة كيعمرو فيها ...

اشرف"قرب عند علي سلم عليه" : على سلامتك ..."شاف ففؤاد" الوليد را كلشي ناضي امتا نتحركو"شاف فساعتو" يلاه نوصلو نفرقو هادشي باش نرجعو نتقدا من هنا اش خاصهم ...

فؤاد"شاف فيهم عمرو طموبيل وسدوها " : دابا ..."حرك ليه راسو وركب هو فسطافيط حدا الشيفور سفيان السطافيط عامرة بالفطورات ملككين وطموبيلاتهم وجوج سطافيطات كبار تاهما شير ليهم خرجو سبقو... وديماراو ...

الحبيب"شاف فهاجر " : علمي الوليدة را حنا تحركنا ..."حركات راسها وركب تاهو ديمارا

كان وراه ايساف بطوموبيلتو وتوجه. نيشان تبعوهم ماهي الا مسافة طريق حتى كانو ففاس فالمشفى ...دخلو سيارات من لور ....

نزلو دراري كاملين مع كان باقي لمغرب ساعة تقريبا حلو سطافيطات من لور وهزو الفطورات وطلعو فرقو على كاع دوك عائلات المرضى والمرضى الي كاينين تما سولو على الي يقدرو ياكلو عادي وعائلات المرضى كلهم توزع عليهم الفطور الاطباء الي فالمستعجلات حتى جا رياض تاهو جايب معاه سطافيطات شي ربعة كيف وصاه فؤاد وخلص الفطور تعاونو كاملين ...مع كاينين عائلات جايين من بعيد ماعندهم تاحد كلهم فطرهم تقريبا من بداية رمضان وهو الفطورات كل نهار ...حاول قدر الامكان يدير هاد صدقة وخا سبيطار كبير حاول يصدق قدر الامكان واغلب الفطورات مشات لناس الي تما والمرضى والي كيجيو من بعيد ...

فؤاد"ساس ايديه تسنى تا جاو دراري كان المغرب علاين ياذن " : يلاه تيسرو الله يرضي عليكم...


الي جاه الفطور يدعي ويعاود ومقايلينش شكون كيقولو غير محسن الي مكلف وصافي...

الله اكبر الله اكبر....

فؤاد"جالسين هما فالصالون زوج طوابل عامرين بالفطور طابلة فيها صينيات القهوة اتاي عصائر وطابلة فيها الماكلة ...هز تمرة وكاس الما " : بسم الله اللهم اني لك صمت وعلى رزقك افطرت الله تقبل صيامنا واغفر لنا ذنوبنا ..."كلا تميرة وشرب معاها الما باش كسر صيامو ...هو ودراري يوسف الياس صهيب حداه علي ومروان اشرف الحبيب ايساف اما ايلاف مشا لموسكو مع الاسف باش يشد بلاصة فؤاد ...كاين بات هاجر وسفيان ...كسرو صيامهم وناضو توجهو يصليو صلى بيهم بات هاجر سليماني ...كيكبو فالما ليهم كاملين ويفرقو عليهم يكسرو صيامهم وكاينة الحاجة ام سفيان وراوية وصفية وحتى المراة وبنتها الي كيعاونوهم فالكوزينة ...صلاو تاهما سماو الله وبداو يفطرو ...

الحاجة ام سفيان"عزات عليها نوار بجهد تا كتبغي تبكي بقات فيها بزاف وحسكاتها" : كولي بنتي راكي واحلة فروحك مانقوليكش على قبل الي فكرشك وليني على قبلك بعدا تشدي فراسك باش تقدري تدعي ويسمع الله دعاك ابنتي ..تهلاي فراسك وفصحتك وفالي فكرشك باش متندميش سمعيها مني ابنتي الله يرضي عليك....

نوار"مع ياسين عزيزة عليه الحاجة سمعات ليها وقالت غايفرح الى سمعت ليها نطقات بصوت ضعيف" : واخا..."بدات تاكل بزز عليها وتشرب فالعصير ...سالاو الفطور فانتظار صلاة العشاءوالتراويح ...ناضت يامنة خرجات لجردة تبعها الحبيب وضارو لور لقاو الطياب خدام ...

يامنة"شافت فالطنجرات" : هادو قبل ميجيو الطلبة وصل الماكلة لجامع الله يرضي عليك نتا ودراري "تنهدات عينيها مدمعين"

الحبيب: ...كوني هانية واقفين على كلشي الليلة تايكمل...والماكلة ماتبقاش هنا كلها تصدق ...اذن العشا صلاوه وصلاو تراويح جماعة بدا كسكسو كيتسگى فالقصريات يتغلف بالميكات ويطلع يمشي لجوامع الي فازرو كاملين والناس الي كيعرفو ماتهناو تا كملو كاع الماكلة بقاو غير قصاري ديال طلبة ودجاج الي غايحطو ليهم حيث غايقراو ورا التراويح ...وبالفعل تعشاو مزيان ...بداو يقراو القران من جديد ...

خرجو الطلبة من بعد ما دارو الدعاء وخرجو ناس بقاو غير هما فقط ...طلعو يرتاحو حتى وصلات جوج ونص ديال الليل ونزلو لصالون العيالات كيصليو فالصالون ورجال قايم بيهم فؤاد الصلاة كيديرو قيام الليل من الي بدات العشر الاواخر ....

فؤاد : الله اكبر ..."بداو يصليو ...كيصليو ويرتاحو ياكلو شي حاجة تا تسحرو ورجعو يصليو حتى وصل وقت الختم باش يرتاحو بينما وصل اذان الفجر...

فؤاد"جالس مربع رجليه فوق السجادة شاد تسبيح لابس فوقية بيضة ودراري وراه تاهما لابسين فوقية ...ريحة الند والبخور فالصالون وصالون لاخور والمسك ...هز كفوفو لسما

ونطق بصوت كيبورش لحم كيدعي بصوت خاااتر وفنفس الوقت كيطلع مع العظام ...

ياااااارب اشفي انت الشافي المعافي"كيردو عليه ب ااامين" ياااااربي انت الشافي المعافي يا رحمن يارحيم ...ياااااربي

تشافيه وتشوف من حالو ...ياااااربي فهاد الايام المباركة شوف من حالو وشافيه ...

الكل : اااامين...

فؤاد : يااااربي رجعو لميمتو ومرتو ل كبدتو ...

الكل : اامين

نوار"هزات راسها لسما ونزلو دموعها كتسمع وهازا كفوفها" : يااااااربي امين ياااربي...

فؤاد : يااااربي لا توريني فيه شر يااربي ياااااربي شافيه وشوف من حالنا ياااربي ..."نطقها وصوته تذبذب بغا يبدا يتنخصص" يااااااااار انت الشافي المعافي شافيه شفاء لا يغدر سقما . ...ياااااربي فرجها علينا ياربي را جهد تقادا ياااربي"بداو دراري شي ذموعو دازو شي تزير وتخنق ..."

في هاد اللحضة هما بالدعاء خدامين وفالغرفة ديالو تاهو جنازتو كتناجي الله يتفك من العذاب ماهو فايق ماهو ميت ...بين ايدين الرحمن ...صوت الالات عند راسو ..دخلت فرملية

كتراقب المؤشرات حيث خرجات البنت لاخرى وهي شدات عليها مناوبتها...صوت تشششش طييييييط طط ...صوت الضخات وصوت الاكسجين وصوت الة ضغط ...

فؤاد"مزالو كيدعي " : ياااااربي فرجها علينا ياربي يااااااربي تشافيه ياااربي ياااااااربي تشافيه ياربي ....يااااربي وريني عويناتو كي نهار زيادتو ياااربي"كيتفكر نهار تزاد واول مرة شدو بين ايديه وسما عليه فحم العينين فاش حل عينيه " يااااربي وريني عويناتو ياااااربي"دموعو دازو يجريو "

يااااربي خوذ مني وعطيه ياااربي ...

~~~فحم العينين اسم على مسمى بيض القلب الصلب الصنديد الي قهر عليه القلوب جاو ناس من بلدان بعيدة يزوروه ناس دوار موضفين البنك ديالو ...كلشي تقهر عليه وتحرق ناس وقفات معاه بالخير ودعاء وناس من بعيد تحسرت عليه ودعات معاه ...بقا عايش بالالات ومفرطوش فيه ويحيدوهم يشوفوه كيطلع نفس ويهبطها ميشوفوه تحت تراب ...ماتدي من هاد دنيا غير الي مكتبو ليك رب العباد ...هاهو وسط الاجهزة كيتسنى فرج الله يا موت يا طولة العمر ...وربي مابغا ليه ساعتو توصل حتى وصل الوقت الي كتبو ربي وهو هاد الليلة ..."سبحان ربك رب العزة عما يصفون وسلام على المرسلين والحمد لله رب العاالمين "…

ياسين "مع ختم فؤاد دعاء وهو كيتنخصص فالصالون فجهة اخرى تسمعات فالغرفة فالمشفى " : قخخخخخخخ ..." بانو كركوبات عينيه كيتحركو وعينيه كيرمشو يتحلو ويتسدو بشوي حتى حل عينيه على سقف نيشان "


يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.