ماعرفات يامنة باش تبلات وماعرف الحبيب واسامة فهاد اللحظة شنو يتصرفو ولكن مابيدهم حيلة ماقدروش يهزو فيه العين ولا انهم يقلقوه ويتعصب وهو اصلا فغنى على هادشي ...ومخاصوش يتصدم حتى يتفرش ليه الخبر على مهل حفاظا على ذاكرة ديالو تبقا سليمة وميضروش راسو ...ولكن كيف كنقولو تحطو فموقف ديال الكلاب معندهم ميعملو ...الان هو ردة الفعل كيفاش غاتكون ؟؟؟
يامنة"دارت ايدها على فمها خصوصا فاش شافتو تشعط وبانت من عينيه ...ونطقات بينها وبين نفسها بصوت شبه مسموع" : ياربي تلطف ياربي ...
الحبيب "دار ايدو على جبهتو كيحك فيها بتوتر"
اسامة"ربع ايديه وايد هزها دارها على فمو الي محلول"...
ياسين"عينيه مبقاوش كيرمشو كيقلب فيها ويعاود ويرجع يقيص فوجهها وحناكها وراسها ...تلفت بيه لارض ودنيا تلف بيه الحال ...هز عينيه وضار جيهة مو ويرجع يضور بجنابو ويعاود يشوف فيها ...حتى حبس وحدر راسو دارو بين ايديه ..." : الله ...
الحبيب"حرك راسو بزربة خرج من شومبر كيقلب على باه يعيط فالتيليفون باش يقولها لطبيب " : الوليييد فينك ...واخا سمعني ...
اما عندو هو فالشومبر ...بصوت يامنة مقربة عندو وكتهضر معاه بشوي لا يدير شي رد فعل عصبي يغوت يعاير يقول علاش وكيفاش كتحاول معاه بالهداوة كيف ما وصاهم طبيب حيث واحذ نهار جمعهم كاملين وحطهم بصورة وعطاهم تعليمات لهاد المرحلة ...
ياسين"عض شنايفو تا عصر عينيه وهادشي مبينوش ليامنة حيث بقا حادر راسو ...صبر قد ما قدو وخذا نفس بزز تا هزو عينيه حمرييين " : اش واقع اميمتي اش واقع وشنو وقع وانا مكاينش ...
يامنة"هادي بادرة عطاها ليها باش تجلس فكرسي حطاتو قدامو" : كل خير اولدي كل خير...مكاين غير المزيان وهادشي يفرحك بعدا عاد سمع تفاصيل كاملة كبيدتي ...
ياسين"هز راسو بجهد بغا يخنزر حتى بانت ليه نوار كتقلب على ضهرها وضارت عطاتهم بضهر وديك الدورة الي ضارت كتكمش عينيها وتشد تحت كرشها غير باش ضور خاصها شحال ...وشحاااال ياربي عزات عليه فهاد اللحظة وشحال ...قلبو ضرب بجهد وهو كيشوف كتلة الفشوش هازا فشوش على جوج ههههه "
ياسين : خرجني ..."هز عينيه شاف فيها تاهي مجابت خبار" خرجني غير عند الباب "شاف ف يامنة " عاودي ليا ...
اسامة"جر كرسي بلور تا بعد وضورو وهو محد كرسي كيضور وهو حاضيها تا ماقدش وضور راسو خرجو عند الباب " : مرتاح هنا ؟
ياسين"الصمت"
يامنة "بغات اي حاجة تنقدها حيث معرفتش كيفاش تصرف معاه وخصوصا كتشوفو مزير باينة من وجهو ...حتى بان ليها فؤاد والحبيب جايين يجريو وجاي معاهم واحد طبيب ماشي محمد " : ها فؤاااااد ...
فؤاد"وصل عندو" : ياسين !! مالك شنو واقع ؟
ياسين"كان حادر راسو كيشوف لتحت تا هز فيه عينيه ودار حركة بايدو" : انا الي بغيت نعرف شنو واقع ...
الطبيب"حنحن" : انا دكتور الي مناوب على دكتور محمد...قريت لملف ديالك وعارف حالتك ايطاب باغ ايطاب ...
ياسين "حرك راسو" : واخا واااخا قول ليا شنو كاين ...عااارف محتاجين صبر معايا وتانا راني عاض فالصبر واااا قهرة دنيا ودين شاداني هنا ماخاطر عندي ما والو صابر باش منشطن تاحد معايا...صابر باش منضرش الي تضرو معايا ...راني حاس وعارف غير من عينيهم باينة تكرفصصو ....دقة بدقة ماشين معايا؟؟؟"حط ايدو على صدرو" هاني محاول وكنحاول وكترة الهضرة دابا بلا فايدة وانا صابر وكنتسنى ..."غوت بجهد" وااااا رحموني رحموني را عقلي على قدي ومرتي لداخل معارف تا شنو بيها ...الوليد من عينيه هاز هم دنيا ودين ....رحمو العبد ضعيف ...اش واقع "عصر عينيه وخدا نفس بجهد وطلقها تقولي الاكسيجين كان مقادي ليه " ...
فهاد اللحظة بصح عطلو عليه وعيقو انهم واحد يلوحو لاخور را واخا يكون اكثر ناس صبرا مغاديش يصبر وهو عقلو دابا على قدو ...عاد بدا كيرود الذاكرة على احداث شديدة دازت وعاد بدات كترجع ليه مزيان ...فقط لابد من صبر ولابد من وجود الطبيب الي غايعرف ليه ...والدكتور محمد الي عارف حالتو مناوبتو سالات وهو كان مقرر الغذ ليه يقوليهم يقولو ليه ...لكن ملي وقع الي وقع اتاصل بيه وخبرو انهم خاصهم يهضرو معاه على الي معارفوش والي عندو هو حدث غادي يشوكيه ....
الطبيب"شاف فيهم ورجع شاف فيه " : هنا سي ياسين بلاصة فيها ناس راك عارف"شاف فالساعة " وقيتة ديال زيارة مربجة دنيا هنا...فيك ميمشي لشومبر ديالك نعاود ليك كلشي من الف للياء وديك ساعة رجع عند مرتك ...
ياسين"شير ليهم بمعنى واخا...فالحين غمز لاسامة وداه غادي بيه تا ضار عند يامنة " : بقاي معاها بقااااي ...
يامنة : واخا هاني دااابا..."دخلات عندها"
اما فؤاد والحبيب مشاو تبعوه هو والطبيب الي اتاصل بمحمد كيعاود ليه ويعطيه شنو يتصرف ...هما اخاصئييين عارفين الحالة والتوتبع ديالها ...حتى دخلوه لشومبر وتعاونو خوتو عليه تا تكاوه فوق الناموسية وجر طبيب الكرسي جلس قدامو باش ميهضرش ويعرفو انه بغا يهضر ديك ساعة ...خلا خوتو وباه معاه حيث وجودهم ضروري باش يحكيو ليه ...
الطبيب : الي شفتي ماشي حاجة الي خايبة حاجة نتا بغيتيها تمنيتيها بما انك متزوج يعني باغي دار ووليدات ...او لا ؟
فؤاد"حنحن وجلس فالكرسي فين كان طبيب عطاه ليه ووقف ربع ايدو كيسمع لحديث الي غايدور بين الاب والابن ..." : ولدي ...
...اسامة شاف فالحبيب والحبيب شاف فيه وحرك ليه حجبانو بمعنى الله يلطف ...
ياسين"عوج راسو" : سهل عليا راكم طولتو ..
فؤاد"تنهد" : الايام ديال الله لولة ولا نقول وناكد ...الشهر لول الي غبتي فيه عرفات بالروح قلبها يضرب مع قلبها ...اشارة زينة تعطاتنا نشدو فيها بايدينا وسنانا حتى ترجع لينا ...امانة مولاها نهار يرجع نعطيوها ليه ..
ياسين"تكا راسو كيشوف فيه وصداع قالب ليه راس وصابر كيسمع فداك الامل الي كيشرح صدر والقلب ..." ..
فؤاد"اكد ليه بعينيه وعينيه فعينيه " : شكون هذا الي ميفرح ب روح فالكرش من دمو ولحمو ...كبدة كبدتك والكبدة المعاودة كبدتي ابكري ...
ياسين "كيسمع ويتفكر كترجع ليه ذاكرة لنهار كانو يتسناو شي ولد ولا بنت يكون منهم يعوض الي ضاعو ...الي ضاااعو الي ضاااعو هادي بحد ذاتها تفكرها تزاد صداعو حتى طلق انين بصوت " : مممممم ..."هز صبعو ودوز على ناضرو وحجبانو راسمين حداش معقودين بجهد "
فؤاد"رفع حاجبو" : ششش ياسين !!!
ياسين"حرك راسو" : كمل كمل ...
فؤاد"شاف فالطبيب الي اشار ليه بعينيه باش يكمل ورجع شاف فياسين " : صبرات ودوزات فترة وحمها على ماعارف مازال فيه نيت "حدر راسو وهزو بمعنى" شافاك الله تكمل معاها الطريق ابكري هادي زينة والشينة"الخايبة" هي لا خليتيها وحدها ومااعضيتي فالصبر ...
ياسين : مممم تت فففف...شحال عندها دابا ؟
فؤاد : سادس نيشان ...
ياسين"خرج عينيه " : شحال ؟ "بانت ليه كرشها كبيرة على سادس " وعلا..."يلاه بغا يكمل تا مابقاش حس براسو داك صداع مع تفكير وباه كيهضر وهو يكفكر ويرجع الذكريات خطرة وحدة ورجع لتفكيرو شحال تسناو يولدو وشي مشاكيل دازت بان ليه شوي من الحاجة على فراغ على حاجة رجعات قوا وقوا بزاااف على ذاكرة وصبر بزاف لصداع ..." مممممممم تتت
شد نواضرو وزيييير عليهم تا ضور راسو وعاود مابقاش قدر يصبر حتى بغا يجهل راسو مابقاش قدر يسيطر على صداع تا دازت دمعة من عينو بداك الحر ديال راسو تزير وعروقاتو ولات تكب ....حتى باش يكمل ليه را عندها توام ويفرحو صدق ممكمل والو ...
حيث قوا بزاف على تفكير وصبر بزاف تا مبقاش قد ...
فؤاد"بالخلعة ناض وقف وجهو ولا صفر" : ياسين ياااسين ...
طبيب"وجد شوكة وضربها ليه فايدو تا شذوه جوج فرامليا بقا شحال كينين براسو حيث صبر الالم لكن طاقة صبر نفدت ومبقاش قد ...تسناه تا بان ليه بدا يتهدن كيشوف وحيد ايدو من على راسو كيكمش فيها ويعاود شحاال تا شاف فباه عينيه فعينيه تا غمضهم " : ششش خليوه دابا ...
فؤاد"قلبه ضرب ليه فالحلق" : شنو ش وقع ؟؟
طبيب "شاف فياسين الي مشااا " : خليه اليوم تالصباح عاد يفيق ...
رد فعل كان ضروري فاي وقت تقال ليه سوا بهاد طريقة او اخرى ...اليوم كان اقوى من انه لو حضروه لانه تصدم على تفكر وزاد فتفكيرو وقوا على راسو الشي الي خلاه يمرض بهاد طريقة ...زوج ناس حدا بعضياتهم فغرف مختلفة ...ياسين الي عانا من اثر الصدمة ...ونوار الي عانات من صبر وعذاب الحمل فحالتها...ايام عسيرة كدوز عليهم والصبر هو الحل ليهم كاملين ....
فؤاد : علاش ؟؟؟
الطبيب : خاصو يرتاح هادشي ضروري فحالتو كيف شرح ليك بروفيسور محمد ...صباح يفيق ويرجع عادي يتصرف عادي ...
خرج طبيب من بعد ما اكد عليهم يخليوه يرتاح اصلا مغايحسش بيهم لانه نعس بفعل المهدئ يرتاح ...خرجهم فؤاد وخرجو لقاو يامنة عند الباب بغات تدخل حتى وقفها وشرح ليها تخليه ...بغات تبدا تبكي لكن حبسها فيها حيث عيا من البكا وهادشي منعو عليهم كلشي يبقو فطاقة ايجابية مدام تحطات عائلة المريض بالصورة حيث دورهم مهم ليه كونه عاد فاق من الغيبوبة ...
في هاد اللحظة بالصبط في مدينة ازرو ...جات صفية خلات ياسين حدا رميساء حيث بغات تمشي هي وراوية يشوفو ياسين وايساف مكاينش خلاتو معاها بلعاني باش ميبقاش فيها الحال من القمعة الي تعطات ليها عليه من طرف سارة ...
سارة"شافتو ناعس فكونته خاشي صبعو في فمو ويشخر مع راساتو" : انا نزلت نعطي لخوك مروان ياكل ...
رميساء : علي فينهو ؟
سارة : راه دالح مع اشرف يضهر ليا مشاو لفاس تاهما ...ردي ليه البال را رضاعتو عطاتها ليك عارفة قياس ياك ...
سارة"بغات تدارك القمعة الي قمعتها ديك المرة" : بغيناك تكوني حارة ولا هبيلة وتجوجتي انا نحضيهم لبنتي راني انا ولدت على سبعطاش تانا باقي برهوشة مكنت نعرف ليهم والو ...شوي بشوي تعلمت ...يامنة مع ياسين فاش يلاه تزاد عاوناتها غير ميمتك نجود ومي زينة الله يرحمها ...لا قصيت عليك غير بغيتك تحراري وصافي اما عليا انا نشدهم ليك بسناني هههه
رميساء : ههههه ان شاء الله ..."تبسمات ليها وخرجات خلاتها معاه طلات عليه باستو من جبهتو وتقادت تكات حداه فالناموسية شدات الماك ديالها داخلة كتراجع فشي دروس عندها مع اخر امتحان الي غاترجع دوزو فالشهر جاي وعليه غاتشد الماستر ديالها ...واخا سنها كبر من نوار بشهور لكن عندها تصرفات تقولي بنت سطاش لعام واخا هبيلة لكن حشومية مع رجال غير ولاد عائلتها… ياسين كلو كتحشم منو بزاف ...
بقات تقرا حتى سمعات صوت ميساج من سطوري حطاتها فيها صورتها كتضحك بغمازتها عندها جمال عربي سارة محطوطة ...طلات تشوف حتى بان ليها ميساج على سطوري فيه
موسى : La beauté de la Perse
رميساء"كمشت حجبانها ورفعات حاجب" : ااشن ؟ "نسات ورسلتها هههه " ويلي ويلييييي "مسحتها لكن قراها ديك ساعة "
موسى : هههههه
رميساء : راني فهمتك ولكن كيفاش جمال بلاد الفرس ...
موسى : سي جيست كمنطيغ على ڤوتخ سطوري با دي تو ...
رميساء : عرفنا ...
موسى : مزيان ...
رميساء : vu "خلاتها ليه زعما "
موسى فهاد اللحضة جابت ليه ضحك بديك اشن هههه بقا يضحك ويعض فشواربو ويرحع يشوف سطوري حمقاتو حيث طالقة شعرها القوي الكحل وزينها كيف وصفو فارسي ...ماحس حتى لقاها حداه مربعة ايديها وكتشوف فين كيشوف ...
موسى : كوا ؟
گلاديس : شكون هادي ؟
موسى : وحدة ...
گلاديس"رفعات حاجبها" : ا بون ؟
موسى : اي كوا ؟
گلاديس : وعلاش كتشوف فيها ومطول فالنظر اليها ؟
موسى : سي مون افيغ سي پا طون افيغ ..(سوقي وماشي سوقك )
گلاديس : ياااك ؟
موسى "تنهد" : گلاديس ماشي اي وحدة شفتها راني اونكوبل معاها ولا ف غولاسيون داموغ ولا مزوجين ...سي جيست سطوري "خنزر فيها" وجو سوي ليبغ نشوف الي بغيت ...مابغيتش نجرحك گلاديس ...
گلاديس"كتحرك راسها" : ديما عندك نيشان وخا تكون غاتجرح ماتخليهاش فقلبك هادشي الي حلاني بغيتك وخا عارفة ماعنديش مستقبل معاك "صوتها تدبدب بالبكية" وخا هكاك نهار تبغي تعيش حياتك مع بنت من دينك وبلادك خاصني وقت ...
موسى "بقات فيه وباس راسها" : هاد ساعة مكاين والو عيشي لحضة ومن هنا لتما معرفناش شنو غايكون...غير سطوري لبنت عرفت عائلتها ماشي هي ..."عنقها وباس راسها" هاني عند الله معاها "قالها بدارجة"
جاه ميساج من عندها ثاني ...
رميساء : كي درتي دخلتي عندي لفيس ؟؟؟
موسى "جاوبها وهو معنق گلاديس" : حارقاني فكرشي تا صليت عالنبي ورسلتي دوموند دانفيت وزايداها بتخراج العينين ...
رميساء : الله يستر ياربي ...
موسى : امين لمدعين ...
اصبح يوم جديد يوم اخر مر على حياته فالمشفى اليوم من بعد ما دوز نهار عصيييب جدا ختمو بصدمة الحمل الي عرف بيه والحالة الي شاف فيها نوار ضراتو فخاطرو بزاف شلا متجمع عليه ذاكرتو الي تحملت فوق القياس ...
دخل دكتور محمد ...عليه …
محمد : صباح الخير...
ياسين"مافيه ميهضر غمض عينيه وحلهم" ..
محمد : مزيان ليوم ؟
ياسين : الحمد لله ..."هز فيه راسو" شي حد برا ؟
محمد : العائلة ديالك ضروري ...محتاج شي حاجة ولا "غمزو"
محمد : ههههههه مرحبا ..."ضار شاف فرملية دخلات ليه لكرسي وعاونو تا ناض جا ايساف دخل حيث كان معاهم تما وتعاون معاه وجلس فيه .." متعطلش شوي ويجي لمروض باش تمشى شوي ...
ياسين : ان شاء الله ...
ايساف : يلاه خويا يلاه"رجع كرسي لور وضورو وخرجو هكاك بلا ميفطر دارو ليه خاطرو حيث عارفينو خلقو ضيق مغايفطرش تيشوف مرتو وهما باغين غير خاطرو ....لقاهم عند الباب سلمات عليه يامنة وشاف ففؤاد ...
فؤاد : تهدن وسير بالخاطر "غمزو"
ياسين : لااا توصي ياسين على مرتو ...
.حل الباب ودخلو لقاها ناعسة مجايبة خبار مع سخانة الي جاتها البارح شدوها مسكينة معاهم يومين حتى يطمأنو عليها وعلى الاجنة الي فكريشتها...
ياسين"شاف فايساف وغمزو "
ايساف"قربو تالعندها " : انا خرجت ..."حرك راسو وضار خرج سد الباب وخلاه معاها راس فالراس ...دايرة ايدها على خدها ونااعسة جامعة شعرها لفوق كعكة ووجهها مسقوط منو دم واخا ناعسة كتنهج ...ولايد لاخرا على كرشها ...المنضر حمقو كان متمني يشوفها من اول لكن ربي مكتبش ليه ...
كيتفكر انها دوزات وحمها وحدها بلا بيه !! رجع كيتفكر انها تكون داخت تقيات بكات فالليل ...عانات قاصات وخا معاها دار كاملين لكن وجودو اغنى منهم ...رجع كيتفكر شوي بشوي ويصغر عينيه تاني ...راسو بدا يوزوز لكن غير شي حاجة لان نص تفكير مشا لبارح تا وجع ذاكرة شوي بشوي ...
ياسين"قرب اكثر وتحنى شد ايديتها هزها من على كرشها وكمش فيها تا قربها لفمو باسها .." : كاندي ديالي ...
نوار"بدات تحل فمها وتسدو وترمش عينيها المسدودي كركوبتهم كتدور باش تحلهم حتى حلاتهم معسلين بنعاس كتشووووووف حتى شافتو قدامها وهي تكمش حجبانها كتركز فيه واش هو ولا لا ...ها علاش الغيبوبة ماشي ساهلة هي غير ليلة وصبحات فاقدة ذاكرة واحد دقيقة هههه " : ياسييين "بصوت منخفض "
ياسين"جاوبها بنفس نبرة صوتها" : نواارته ...
نوار"تبسمات " : صباح الخير ...احم"حلات عينيها على جهدهم تا بدات تغطي بليزار وناضت بجهد تا توجعت " امممم
ياسين "حط ايدو فوق كرشها كيدوز عليها " : البارح ضربتني شي حاجة هنا "غمزها" شنو هنا ؟
نوار"دارت صبعها في فمها وضحكات بخجل " : وحدة فيهم ضرباتك ههههه
ياسين"رفع حاجبو" : وحدة فيهم ؟ كيفاش على شنو كاين هنا ؟ تسرحي على ضهرك ..."تسرحات كيف قاليها"
رجع حط ايدو على كريشتها وهي حاضياه كتشوف فيه كيفاش كيشوف فكرشها وكيفاش ايدو مادها وكترعد ليه بلا ميحس ...حاولات تسكت وتخليه يكتاشف رااااسو ...شافتو بخاطرو واخا مرض نيييت لكن باينة عليه الفرحة وخا مسكين كيتعذب مع الذاكرة وصداعها الا انه متحمل باش يرتاح من بعد ...هي مريضة وهو مريض وليهم الله ....حط ايدو ودوزها على كرشها تا تحركات رجل ضربات فيها وحس بيها تا قفزات نوار ....
نوار : ااا هههههه ...
ياسين"شاف فيها" : شنو ؟
نوار : غير تحركت ليا ...
ياسين "خرج عينيه " : بنت ...
نوار"مبتاااااسمة وسهااات وهي كتهضر وهي تنطق " : جوج بنات "عضات على شنايفها بفرحة وخا عيانة مسكينة شوفتو وهو حداها كيقيص كرشها نساتها مرضها ونسات انه تا فهادي غادي يتصدم حتى هزات فيه عينيها لقاتو مشوكي ...ااااش اوا هادشي فين غادي احمادي بهادشي ههههههه "
ياسين"مصدوم قلبه بدا يضرب وراسو ضرو تاني فاش تفكر توينز الي ماتو قبل وذاكرة ثاني بدات ترجع بعض الاحداث الاخرى ...ماحس براسو حتى تكى على الكرسي بجهد مستسلم وشاد على راسو الي هزو الفوووووق كيصارع صداع وفنفس الوقت ...غمض عينيه ونطق بصوت بينو وبين نفسو " : الله ياااربي الله "طولها" كبيدااات ونقيطات العسل فقلب باهم ....
شعور واحساس سرا فذاتو تبورش لواحد درجة مكانش متوقع غادي يوصل ليها..ايه من طول حياتو وهو متمني يوقف على رجليه يكون راسو ونهار يستعد يتزوج يدير دارو واكيد اول حاجة هي الوليدات يزينو حياته ويسمع كلمة بابا ...الكلمة الي تخليه يهز المسؤلية وهو فرحااان ...يرجع من بعد يوم متعب يلقا مراتو ووليداتو كيتسناو حضن دافي ليه وليهم ...
ياسين الي كان جاي غير على وديت خوه ويشوف رزقو هاهو من بعد سنوات تجمع مع البنت الي كانت كتبغيه من الي عرفاتو وكبر معاها الحب ديالو اصبحت حب حياتو وام لوليداتو والاجمل والاروع والاكيت من هذا هي ام لزوج بنيات فدقة وحدة ...توأم !! بنات من صلبو ...كيفاش غايتعامل مع الوضع وفاش غايتزادو ويكبرو وشلاااا طريق قدامهم اي التربية غاتدوبل على زوج ....
كان متمني واحد هو اللول من بعد ثاني لاربما ثالث وشوف شنو كيحلم ...لكن ربي عطاه زوج فدقة وحدة ...وهما عند الله حتى يتزادو في خلقة تامة باذن الله ...
ياسين"بقا داير ايديه على فمو وكيشوف لفوووق تا لمعو عينيه بالفرحة ودهشة وصدمة ..." : الله يااارب...
نوار"بورشها لمنظر ديالو وردة الفعل الي عطا حتى دارت ايدها على فمها وعينيها مغرغرين من تاثير الي دارو ليها " ...
ياسين"بقا شحال كيحمد الله بينو وبين نفسو" : ياارب لك الحمد ياارب لك الحمد ..."ساط نفس وهبط وجهو ليها لقاها كتشوف فيه بعينين حب ودفء ...الكاندي ديالو غاتولي ام ...قبط ليها ايدها وباسها من كفها مطول ورجع شاف فيها" شنو كتحسي دابا مزيانة ؟ شوية؟ "قاس ليها حنكها بكف ايدو كيتحسس وفنفس الوقت كيدوز بصباعو عليهم "
قطع معاه وحط تيليفون حداها وعاود شاف فيها شحال كيشوف فيها فعينيها ف شفايفها ويرجع يدور دورة ويمشي لكريشتها يبقى كيشووووف فيها ويتفكر شوي بشوي لياليهم ...شوي بشوي كترجع ليه ذاكرتو باقي الاحداث ذكرايات حتى كيحس بوخزة فراسو فاش كيقوي اكثر من الطاقة ديالو ....
نوار"دارت ايدها فوق كرشها تا بدات تحك وتخسر سيفتها" : فففف...
ياسين"شافها كتحك وتعاود" : مالك ؟
نوار : كتبقا تاكلني بزااف ...اوووو ...
ياسين : حبسي براكة "مد ايدو لكرشها وبدا يحك ليها فيها وهي استحلاااتها تا حطات راسها وغمضات عينيها شافها ترخات مستمتعة " كاااع ...
نوار"حلات عينيها وضحكت" : هههه رتاحيت ...
يلاه بغا يجاوبها وهو يدق الباب نطق ياسين بالاذن من بعد ما غطاها ودخل فؤاد تبعاتو يامنة هازا الماكلة ف قفيفات وتبعها يوسف ويسرى الي عاد جاو ...
يامنة : صباح الخييير"كتحط فوق طويبلة تما "
ياسين : ميمتي "باس ايدها"
يامنة : الله يرضي عليك كي صبحتي حنينة ...
ياسين : الحمد لله الحمد لله ...
فؤاد"لنوار" : شوية بنتي ؟
نوار"حركات راسها كتحاول تنوض حشمات تمغط قدامو " : الحمد لله شوية ..."كتكمش عينيها وشادة كرشها باش تنوض تقادت فالجلسة تا جابت ليها يامنة فطورها وياسين عطاتو فطور ديالو ...واقفين ليهم عند راسهم كيفطرو بزوج وياسين ياكد على نوار تاكل مزيان تا نسا راسو هو كاع ...
ياسين : عااارف الحنانة عارف مافيها باس ناكد وكان هادشي الي عطا الله فالطبع والطبع غلاب ...
حركات ليه راسها كضحك وفرحانة من شافت وجهو نور بفرحتو بحمل مرته رغم انها دازت عليه وماحد مسكين كيتفكر ويعرف راسو كيضرو ويبقى حتى يكمل ذاكرتو ...داه فؤاد خارج بيه وضار كيطمنها واكد انه راجع باش يكملو هضرتهم وتعاود ليه على وحمها كيداز ولياليها بلا بيه ...لقا المروض كيتسناه ...
المروض : بلا ماتطلع تكا غادي نخدمو اليوم المشي درتي الحركات الي وصيتك ؟
ياسين"حرك راسو" ...
المروض : دااكوغ ...الوغ غادي نعطيك هادي "حط ليه حديدة علاش يتسند فحال عكاز لكن يتكا عليها بايديه يبقا مسند عليها...وعاونو هو وفؤاد تا ناض وقف بزز حاس بفشل فرجليه وصداع فيهم وقواه غادي تخور فاي لحضة ورعدة فرجليه هذا غير انهم راگدين عليه ..." مزيااان ...تكا عليها ...غادي نبقا شادك تا تحرك رجليك ...
ياسين"حرك راسو ومزير بسنانو معافر باش يتقدم بخطوة لقدام ...بقا شاد فيه المروض وفنفس الوقت هو مسند على العكاز الي على شكل حديدات لاصقين ...هز رجلو بشوييي بزز تا تقدم خطوة ...رجليه كيترعدو ...دار خطوة ثانية فرق بيناتهم دقائق ...غير هو بغا يحطها وهو يفشل وفلتات ليه وطاح على طولتو " : فاااااااك "ضرب بايدو على شكل بونية فلارض
ياسين "شاف فيه " : هادي هضرتك فاش رميت خطاويا على عام ؟ (فاش كان صغير)...
فؤاد : لحگتي لعام طرتي مع طيور ابكري بيه فيه ...
هو الهضرة الي قالو بجوج كاتجيب ضحكة هههههه لكن حوارهم ديما متمرين يلوحو كلاشات من تحت دف بالمعاني والالغاز وفسر يا ولد ناس الجواد ...ما مدش ليه ايدو ما والو خلاه ينوض راسو تا جلس مسرح رجليه عاونو المروض من بعد ما تنفس وعاود من جديد الخطوات شي نص ساعة مابغاش يعيييه وخلاه يرتاح ومشا المروض ...
ياسين "داير دراعو على عينيه مغمضهم " : شي شوي ونمشي عند نوار ...
دق الباب ودخل الدكتور محمد الي وصلات ساعة باش يهضر معاه فالحصة ديال ترويض الذاكرة ...لقا اركان كيهضر معاه ويضحك وفؤاد واقف فالشرجم بعيد كيهضر فالفون ...حنحن وضارو عندو ...خلاوه معاه وحدهم ...جر كرسي وجلس حداه ...
محمد : شوية راسك ؟
ياسين : شوية شوية ...
محمد "حك لحيتو وكيشوف فيه " : ياسين رمسيس ...حل عينيه لقا راسو وسط السبيطار ناس فرحانة بفياقو وناس تبدلات عليه ..."صغر عينيه" عرفتي بحمل المدام الي مكانش فراسك ...تفكرتي شي حاجات ذاكرتك عمرات بداكشي الي مشا منها فشحال من حاجة ياك ؟
ياسين "حرك راسو" : شي مزيان وشي فيه تشاش وشي خاوي ..."كيحك راسو بصبعو" ماعرفتش شنو واقع بالضبط علاش كنحس بهادشي "سرح ايدو وشاف فيه رافع حجبانو مقلق حيث بدا راسو كيدي ويجيب "
محمد : طبيعي حيث نعستي شهور اسي ياسين ...اربع شهور ...عارف علاش ؟
ياسين : شي عارفو وشي معقلتش .."كيمسد بصباعو نواضرو ويشوف لتحت وطبيب حاضيييه كيفاش غايدير ردة الفعل الى بذا يتفكر يخيليه شحال تايشوفو فورصا ويحبسو " شي بنت صغيرة اليا ...وااحد تشاديت معاه ..ضرب بني ..."عصر عينيه كيسترجع " فففف
محمد "طل عليه" : وقع شجار ؟
ياسين "كيحرك راسو" : فحال هكاك..."حط ايدو على جنبو ..." هنا و ..."حط ايدو جيهة ضربة الموت الي تضرب اي لتحت بلاصة شريان الحرقفي ديال القلب" فاش تت فاش درت ترويض هاد الايام ...
محمد : لقيتي مشكيل فرجليك شي حاجة مخلياك عاجز شوية كتحس بديك المنطقة جيهة بين الفخد وكرشك كتقل عليك ...
ياسين"بتاكيد" : اكزاكت...شوية باش طحت تقصحت ..."حط ايدو على ضربة " هادي وجنابي عندهم علاقة بالي وقع ليا ..."كيتفكر ويعصر عينيه باش يرجع احداث ويجاوبو" ناس مجموعة ...هذاك ويمكن ش شي حذ اخور هجمو ..."غمض عينيه ضرو راسو " تتت
محمد : مهم راك غادي ...سيي تعرضتي لحادث من قبل دوك الاشخاص جوج ...وقع ليك غيسك فالعملية دخلتي فغيبوبة كاطخ موا...البقية كيفاش عاشو الوضع وكيفاش تلقاو الخبر ...من بعد يحكيوه ليك ...غادي تعطيك
لانفيغمييغ واحد دوليبران لراسك باش يرتاح من صداع تاني وغذا نكملو ...سيمانة وتقدر تخرج ...بالنسبة لمشي هاديك طبيعي من ضربة مزال ماثرة ليك على المشي شوية بشوية من بعد غادي يعطيك عكاكز فاش تبغي تخرج ...
بالنسبة ل orthophonie. (معالج النطق) مبقا عندك بيه غراض لانك مزيان دابا فهضرتك محاسش بثقل فالهضرة ؟
ياسين : قبل نفس قليلة ...دابا مزيان ...
محمد : مزياان ...نخليك دابا موعدنا غذا ..."حرك ليه راسو ومشا خرج دخل اركان كي العجاجة تا وقف عليه "
اركان : ااا تانا نعاود ليك على سكر الي درت فيك ...مالك تتحنزز تخلع فيا نطيح ليك ..."طاح عالكرسي كيتركل وياسين مطلع فيه حجبانو " وييييويو بغا يدير فيا الملحة هاد لمرة وييييويو بغا يقتلني "....
دازت تقريبا يومين بالضبط على اخر حدث ..شرقات شمس يوم جديد ايام الصهد حيث فصل صيف دخل الزمت وصهودات لعلك ترضى ...الشي الي خلاها تفيق فوقت ابكر تا سدات شراجم حيث ذخلات شمس وشعلات لاكليم باش تقدر تكمل نعاسها...تلاحت فوق ناموسية منشورة مخليا الماك محلول تا طفا راسو وتيليفون فجيه والوراق فجيه ...لا هي لا علي عندهم امتحانات الماستر ...واخا علي كبر منها الا انه واحد الوقت حبس القراية من الاجازة وبقا اعوام عاد رجع كمل فالمانيا بتدخلات والفلوس تقبل فواحد المعهد فين يكمل الماستر ديالو فالتخصص الي اختار اما رميساء بقات مكملة ماحبساتش من اجازتها لماستر ...هادشي علاش هما فحال فحال فالقراية ....
سارة "حلات عليها الباب لقات البيت باااارد مگلاصي وهي ناعسة منشورة " : الله يا بنتي الله بغيتي تموتي ماشي تمرضي ...رميساء نوضي را العشرة هادي ..
رميساء "بان ليها بوسط مبارطاجي على شي باج فيه جسم انسان ومركزين على جيهة العروق ديال لقلب الي قراب لمنطقة لحساسة بزاف ماشي فين تضرب ياسين ...وصورة ديال واحد بصح كاع باقلو باينين هههه لكن صورة مكاشيا الى بغيتي تدخل ليها تحمل مسؤليتك ديك ساعة كتكون فيها عين وتقدر تدخل لا بغيتي ...هي وصلات وكليكات تا بان ليها تيغراد كامل عههههه ...والباج مشافتهاش ديالمن والفيس الي مبارطاجيها شكون مشات غير صورة ...وهي تكمنطي " : الله ينزل عليكم المسخ ..."رجعات حطات الفون وشربات كاس اتاي كتكمل فيه بعد خمس دقائق تا سمعات طرن طررن ...
موسى "دار ليها غياجي كيضحك وجاوبها فكمنطير " : كل يتحمل مسؤليتو هذا علم وليس بتفاهة ...
رميساء : كنت شوي ونشك انك ماشي طبيب كون ما درتي لوبيغاسيون لياسين ...
موسى : بغيتي تقولي ديما مكونيكطي ؟
رميساء : هانتا فهمتي ...
موسى : هههههه واخا لالة الخارجة فعودي ..."مبقاش جاوبها سد ديك ساعة ...دخلات لفيس ديالو لقات انه كيبارطاجي مرة فسيمانة غير هاد النهار والبارح الي دخل وكونه من احد اكبر الاطر فداك لاكلينيك الي مبارطاجي صفحتو وهاديك كانت حالة بحث عليها ونجحات ليه سريريا ...بقات تقرا تالقات راسها هي الي ديما مكونيكطيا وبصح خارجة فعودو ههههه " ...
رميساء "رسلت ليه ميساج فيه" : ديزولي بزاف غير ضحكت معاك اسي لبروفيسور ديالنا" ...السيد بروفيسور كبير ووازن وانا جالسة نطنز عليه ...
ملي عرف بالحمل وتوأم وهو داير طيارة كل ماسمحات ليه الفرصة يمشي عندها ميخليهاش يبقى معاها ...الفرحة نساتو شنو داز عليها وهي اصلا عاودت مرضات وكتبقى غير ناعسة مكيسخاش يفيقها وتعذب غير الى بغات تاكل وتشرب دوا ديالها ...واليوم العشية الي غاذي تخرج فيه هي باش تمشي لدار من بعد ما تحسنات حالتها شوي وطمنو على البنيات ...جلسها فؤاد فوق الكرسي المتحرك ...
نوار"شافت فيها بشوفة من نيتك" : اشمن برد اماما..."كتكحب" كحكح ...
يوسف : ضربك البرد ابنتي ...
فؤاد : نتحركو عند ياسين !!
نوار"شافت فيه وحركات راسها" : اه اه غايبقا مشطون ...
يسرى : سلمي عليه ومتعطليش متبقايش جالسة بزاف اماما...
حركات راسها ودفع بيها فؤاد هو الي مكلف بيها واقف معاها لا هي لا ياسين ...كل مكيتهلى كل مكياكد ان الامانات الي وصا عليهم ياسين ماهما الا نوار والبنيات ...والامانة رابعة شكون هي ؟ ...داها تالشومبر عندو لقاو المروض عاد خرج ثاني من عندو ...غير دخلات وهو يتگعد جلس ماد ليها ايدو ...
ياسين"بغا يتگعد ماقدرش" : الحنانة عاونيها تجي حدايا ..."شاف في فؤاد الي غمزو باش يخليوهم وحدهم وداكشي الي كان غير شاف فيسوف فهمو جر يسرى ومشاو كاملين بقات غير يامنة نوضاتها بشوي شادة تحت كرشها تا مشات جلسات حداه ...استاذنات يامنة وخرجات خلاتهم "...
نوار"رمشات فيه وهو يغمزها تا تزنگو حناكها " : مممم سيمانة عاد تخرج ...
ياسين"كيحك فمو على حناكها ويبوس بشوي هنا وهنا وايدو كدوز على كريشتها فجنابها ولفوق تالتحت وهي كتهضر وهو خدام تا تنهد ليها فوذنها" : قاااصحة كاندي قاصحة سيمانة وايام على قدها...نصبرو نصبرو فشرد نقيطات العسل...
نوار"تجمعات ابتسامتها كي تفكرات شنو كانت كتشهى ومقدراتش تقولو فديك الفترة الي كان هو بين الحياة والموت ...هو كيصارع وهي كتصارع وتقاسي ...سهات فنقطة قدامها وهي كتفكر ليالي الي جاتها سخانة وكانت كتكمدها راسها وتداوي راسها بدون متشطنهم وتسمى راها كتفشش وهما فحالة حزن عليه ...شحال من حاجة كانت فنفسها ماقدراتش تقولها حتى سهاات ونسات ونطقات بشوييييي بصوت شبه مسموع " : كبيدة مشوية ..
ياسين" كان كيبوس فكرشها وهز راسو" : نعام ؟
نوار"شافت فيه وحنحنات" : غادي نرحعو لدارنا لهيه ؟
ياسين "حرك راسو وكمش حجبانو كيتفكر " : الشهلة والفحم ...الشهلة والفحم خير ...."شاف فيها" مابقا قد مافات كل واحد يرجع لقبر الحياة ديالو ...
نوار"عينيها خرجو ماشي من هضرته انما من الفحم وشهلة الي تذكر وكيفاش تذكرهم ياااناري واش غاتقوليه على الفحم " : الشهلة والفحم...وو ففف
ياسين"غمض عينيه وحلهم" : شهلة ليا والفحم ليك ...وخيل جديدة لكبيدات باهم "طبطب على كرشها" ...
نوار"صرطات ريقها وعينيها غرغرو كي تفكرات نهار تضرب الفحم مع تضرب هو وداك اليوم الاسود الي عاشتو حتى نزلو دموعها وحسات بالبنيات فكرشها طلعو لفوق وتكمشو تا حس بتقلباتهم فوق ايديه "
ياسين : نوار !! مالك ؟
اش تقول وشنو متقولش ومدى تعلقه بالخيل تعلق كبيييير. بزاف والى فات تاعرف فهاد اللحضة ماهو في حال زينة ولا خبار تسر الخاطر ...ضيم دنيا يطيح عليه وهو مزال تا معرف بالاحداث كاملة صدمة ورا صدمة
ياسين "حرك راسو " : مالهم ؟ "صغر فيها عينيه" واقعة شي حاجة ؟
نوار"بنفي " : وااالو موقع والو ...
ياسين "حك على كرشها" : ومال وريقات الحنة ؟
"بعد" ايااام وايام روتينية فالمشفى وعند الكل تقريبا ...ايام طويلة مشافتش فيها نوار ياسين بطبيعة الحال بزز عليها ماتجيش لعندو لان المسافة اولا طويلة عليها طريق وطلع هبط فالمشفى والمرض ماشي فالصالح ديالها كيهضرو ويتواصلو فقط فالفون ...ولكن واش الفون يبرد الجوف ؟ ....
مع الصباح تحل عليه الباب ودخل المروض كيف العادة لعندو باش يتمشى تاني شوي طيلة هاد الايام وهو يوميا معاه ولا كيرمي الخطوات حتى كمل معاه وعطاه العكاكز يولي يتحرك بيهم راسو ويرمي الخطوات راسو ...مشا ودخل عندو الطبيب تاني استرجع معاه الذكريات ...
محمد : هانتا تقريبا كملتي شهر ...
ياسين : شحال جهدي هنا ،
محمد : نكملو ليك شي فحوصات بقاو ونكمل معاه هاد اليومين والله يجيب التيسير ...لكن خاصك كل 15 جوغ تجي تكونطرولي ...
ياسين : ان شاء الله ...
محمد"حنحن" : خاطر مزيان ؟ "حك لحيتو"
ياسين : ولله الحمد ...
محمد "خرج فيه عينيه بشوي كياكد ليه" : نهار تحس بشي حاجة ماشي هي هاديك من ناحية تفكير النفسية من اي حاجة مجاتكش فالايام الي فاتو او تعاودت ليك بؤس هلوسات او فجوج فحياتك يعني حاس براسك فوق الارض ماشي مزيان ...علمني ...
ياسين"حرك راسو"
محمد : نكملو باقي الفحوصات وديك ساعة تقدر تخرج وترجع فكل كونطرول ليك ...
ياسين"شاف فيه" : شنو السبب فاش عرفت وتقريبا تفكرت لي وقع ...راسي "كمش عينيه وعوج فمو "
محمد"فهمو" : عادي عادي ملي عاودو ليك داركم على الي جرا فورصيتي على ذاكرة باش تسترجع الاحداث فين توقف عقلك فاش طحتي حتى دخلتي فغيبوبة ...دابا تقريبا عرفتي الي طرا ليك ...هادشي غاتبقى تعاني منو وخا تقريبا عرفتي كلشي لكن غايبقا مرة مرة صداع ملازمك ماشي بزاف حتى تكمل شهرين على باش فقتي وشهر ثالث ترجع عادي جدا وتمارس حياتك اليومية بشكل عادي ...
شكرو وناض استاذن ...تقريبا دازت الايام كلها عرف فيها الاحداث الي وقعو ليه تقريبا كلشي عرفو من فؤاد وشي من يامنة وشي من الي زاروه عمامو ودراري والاحوال عاود ليه شوي بشوي بحسب حالتو مع توصيات فينما يجيه صداع فراسو يحبسو حتى يرتاح ويكملو ليه الباقي من بعد وهكا حتى وصل الي وصل ليه حاليا....كيف العادة بعد لحظات حتى دخل فؤاد هاد المرة الي جايب معاه الفطور مجاتش يامنة او بالاحرى مخلاهاش ياسين تجي حيث كتوجد لنوار وليهم حوايج وشنو يديو بناء على الطلب ديالو هو ...
فؤاد : البكر...
ياسين : صباح الخير ..."حط ليه الفطور وسماو الله كيفطرو ويهضرو " شنو درتي ؟
فؤاد"حط كاس القهوة " : تهنى عليها ..."سكت شحال ونطق " دار واليديك مامقنعة ؟
فؤاد : ضروري ..."ساس ايديه وهز كلينيكس كيمسح ويهضر" هي متحتاجش ...ولكن راحة راحة انا معاها ...
ياسين : من هنا لديك ساعة نكون متيسر فحالي تانا .."تنهد" هذا جهد الوليد صبرت وعضيت فالصبر نرجع لداري ورزقي ..."مد ايدو وقبطها باسها" يعمر دارك الوليد يعمر دارك ...الله يطول فالعمر وتحضر لولاد ولادهم ...
فؤاد"غمض عينيه ببشاشة وحلهم" : ان شاء الله ...
هكا بقات هضرتهم وزيارتو ليه كل نهار مكيجي تايبغي ينعس ياسين عاد يتحرك طيلة هاد الاشهر لا الي غاب فيهم ولا حتى من بعد شهر فاش فاق ...اما نوار فهي فهاد اللحضة متكية فوق الناموسية حاطة طبسيل ديال خوخ راشاه بالسكر سنيدة وشوية القرفة بزز باش خلاوها ترشها ...
"مزال كتضحك تا جاها ميساج من عند اشرف حلاتو وعارفة طنز الي فيه حيث عاد كانت كتهضر معاه فالواتساب وشادين فيها ..." واش سولتي ياسين را كيجيبو ليه بانيو يحط المساييل (بول و....هههههع شادين فيها) را مبقاش واقيلة
كيديرو كتمشي معاه فرملية توقف عليه تايكمل ...وييييويو تغراد راجلك شافوه ...مزال كتقرا بالفقصة رسلات ليه " : والله تنقولها لياسين "طرقات ليه بلوك ومسحات هضرتو ههههههههه"
من بعد ليالي السهر فالمراجعة والتحضيرات لامتحان حاسات براسها انها كملات وفهمات وخاصها ايام راحة باش ترجع وتدوز الامتحان الي باقي ليها اقل من اسبوع وتمشي هي وعلي لبرلين يكملو امتحاناتهم الي بقات ويرجعو مع نجوى وسليمان واسلام حيث العطلة صيفية هي هادي ...من الي هضرات معاه داك النهار وخلات ليه ميساج ما بقا دخل تا ندمات لاش قالت ليه نتا ديما داخل ههههه ولكن الي مدارياش انه بصح هو مرة فسيمانك تقريبا كيدخل ولا فاش كيكون فوقت راحة او ايام الراحة ...كل نهار كتشوف واش رسل حتى مبقاتش تسوقت او تقريبا نسااتو هي كاع ...
رميساء"خرجات من دوش كتمسح وجهها هزات الفون صونات لعلي الي جاوب وهو مكرشخ بنعاس مكوز " : اويلي ناعس ؟
علي : غانجي ندگج مك على ها تنواض ...اش بغيتي الحبسة ...
رميساء : ياااه كاااع متتحشم ...
علي "مغمض عينيه وهز رجلو مشافش اسامة حيث ناعسين فالصالون كيف جاو من سهرة الامس نعسو شي فالعتبة وشي فسداري عند راس الجد مصطفى فاق لفجر لقاهم مشتتين مالقا ميجمع ضرب اخماس فاسداس ومشا يصلي مع راسو ...هز رجلو نزل على اسامة لراس تا ناض كيطل وضار شاف فيه دفل عليه ورجع نعس هههههه" : واااااا الكلبة والق...استغفر الله ...الحمارية اش بغيتي ....
رميساء : امتا تجي را عندنا نهار الاحد طيارة ..
علي : را نتي الي غاتجي معاهم عندنا الديبار من مراكش ...الاحد مع بونبر ...يلاه دوبي يعطيك الباسر ..."مجات فين تهضر قطع عليها خلاها تبرق ...بغات تحط التيليفون حتى طلع ليها ميساج شافت لقاتو هو الي جاوبها ..."
موسى : مرحبا ..."كلمة وحدها ماعرفاتو قمعها ولا نقص منها ولا مقلق ولا تقلق ولا شنو ...تاهي باش تاكد ومتبينش تسنات تااا لبسات عليها حوايج لخروج سروال بوي فراند وتيشرت فالموف ...جمعات شعرها فوق كعكة مهملة ذهنات بكريم واقي لشمس ...هزات تيليفون دارتو فصاكها فجنب وشارجور ...لبسات صبادري رشات ريحتها وخرجاات من البيت تلاقات بيوسف خارج من البيت ...
يوسف. : فزعية كي بوك زيدي زيدي "خشا ليها ايدها فدراعو وتمو هابطين بزوج " انضحك مع بنت الخو ...فين خارجة بعدا ؟
رميساء : اسيدي غاديا ندي ياسين صغير لعند عميتو راوية لفيلا ونبقا معاهم تنتعشا ونرجع باش نجمع حوايجي حقاااش العميم غانمشي مع نوار لهيه لفيرما حيث غانمشي من مراكش لمطار ...
يوسف : هاااا كاك ...كاين من يوصلك ولا نوصلك ...
رميساء : غانشوف سفيان ولكن وصلني انت حسن ...
يوسف : زيدي زيدي "تسناها تا مشات جابت ياسين فكونتو من عند سارة الي رضعاتو ونعس غطاتو وعطاتو ليها هو وصاكو ديال حوايجو ...وتمات هازاه ...خاشية راسها وتبوس فيه وتشمشم بغات تاكلو تقاديه فدغمة ومع حنيكاتو مبطبطين ومن يحل عويناتو الخضرين ينغش ليك فقلبك ....
يوسف : عنداك تقاديه ابنتي ماحنا فخير مع ايلاف اما ايساف لقاو سلاكة ...
رميساء"حطاتو لور وسدات الباب" : ههههه كينزل ليا فقلبي هاد نخشوش ..."ركبات حداه وانطالق يوسف اما هي هزات الفون عاااد رسلات ميساج ليه وكتبات ..." ياااه تكونيكطيتي ...
موسى"بعد خمس دقائق " : علاش كنتي كتسنايني ؟
رميساء : نووو غير ميساج هذا رسلتو شي سيمانة را تاريخ قدامك ...
موسى : عاد ساليت نجاوب ممساليش ...اي شكرا على السؤال (الحوار كامل بالفرنسية ) ...
رميساء"رفعات حاجبها" : لا هانية الله اودي ..."😏" كان يحساب لينا ساكن ف الفيس ...
موسى : ونتي سوقك ؟
رميساء"خرجات عينيها تا ضربو فزاج ورجعو شعرها تشوكا قلبها حسات بيه بغا يسكت من كتر ماضرب عمرها ماخذات قمعة فقط غير من دارهم خوها باها مها وعمامها كل عائلة وهادشي عندها عادي لكن من البراني وخصوصا هو جاتها اكبر واول قمعة تشوكيها فالتاريخ ...مابقاتش جاوبت ...
رميساء"فاقت من سهوة وصدمة وضارت عندو كتحنحن" : والو والو ...احم غير قريت خبر مزوينش ...
يوسف : ياك لباس ؟
رميساء"شافت انه غايلصق وخاصها تجاوب بالي كان " : واحد اليوتيوبر مات ليه باه مسكين كنت كنشوفو معاه ديما فالفلوگ ...وولفتو ..
يوسف : وكاان ...الله يرحمو... ابويا مات قبل منو كاااع ...نوضي الله يسمخك ازريعة بوك ينعل بوك ...نزلي را وصلنا دي المبزوط لمو "خرج وضار عندو تا باس ونغوش معاه وهزو باش يعطيه ليها "
رميساء "ديك ساعة فاااتت المحادتة بشحال ...رسلات ليه " : واخا سمح ليا عندك صح ...انا الي مكنحشمش "رسلاتو ودارت ليه بلوك وخرجات من فيس شافت فعمها قربات شدات من عندو الكونة ودخلات لدار عمتها راوية اما يوسف انطالق وزاد لفاس لاشغالو ...
الايام السوداء غادرات المكان وحلت بلاصتها ايام الضحكة ...ولكن واش اي حاجة كدوم ؟ ابدا تاحاجة مكدوم وهادي هي الدنيا اليوم كحل غذا بيض وغذا شكل اخور ...ايام الهم كدوز وتجي ايام الفرح وتعاود ترجع ايام الهم وهاهي غاديا وها دنيا غاديا ...
دازت اليومين بخير وسلام عند البعض وعند البعض بالتفكير والحال هنا عند رميساء وخا مكتعرفوش وهضرو غييير هضرة خفيفة لكن الي وقع ليها معاه حسات براسها تقلقات بصح منو خذات ايامها ديال تفكير ورجعات نساتو كانه لم يكن ....اما عند نوار نهار وصل وقت رجوعها وجدو حوايجها ولوازمها سبقو فالسيارة مع الياس الي قرر هو يمشي معاها من بعد ما جا من السفر من المانيا وحدو حتى تلحق عليه نجوى وسليمان فاش تشد العطلة ...كي فاق ياسين اطمان عليه عاد رجع لالمانيا ديك الوقت بدواعي العمل الي شاد تما ...ويسرى ويامنة ونجود ورميساء اما فؤاد غادي يبقى حتى يجي مع ياسين نيشان ...جات سيارة الاسعاف بطلب من ياسين لفؤاد هي الي تحضر وتديها حفاضا على راحتها وراحة التوأم الي فكرشها ...ماحد مزال تقدر تسافر لانه اذا وصلات لسابع الثقل اكثر والشهور الاخيرة كتولي متعبة جدا وهي مريضة اصلا ...مسافة الطريق من الصباح حتى لعشية عاد وصلات ودخلات لفيرما نيشان نزلوها ومشات نيشان لبيت الي لتحت هو فين تكات ...
يسرى"قادات ليها المخدة تحت رجليها حيث تنفخو بطريق " : ايييي رجليك تنفخو ....
يسرى : الطريق عليها وخا لومبيلونص ...جيبي بنتي شي بانيو فيه ما دافي قوليها لخالتك يامنة ولا مي نعيمة نديروه رجليها شوي ترتاح ...
حركات ليها راسها ومشات ويسرى قربات قاست ليها جبينها لا تكون فيها سخانة تاني ...لقاتها غير دافية ...تعب الطريق والحمل والمرض عوامل كلها تخليها ماتبقاش تجاوب وتعيا ..."صونا تيليفونها طلات عليه يسرى لقاتو باسم Yassine ♥️"
يسرى : الو ولدي انا يسرى ...
ياسين"جالس فوق ناموسية طالق رجليه كيحركهم فالهواء نوع من رياضة ..نطق وغوباشتو معقودة " : الخالة وصلتو ؟
يسرى : عااد شي نص ساعة ولدي ...
ياسين : نوار ؟؟
يسرى "بقلق على حالتها حيث كتشوف وجهها بيض بياض ماشي طبيعي وفمها بيض " : ناعسة ولدي ناعسة مقادراش تهضر...
ياسين : عيات ياك ؟
يسرى : ضروري ..
ياسين : عذبتها معايا مكانش عليها ياك ...
يسرى" تبسمات" : هههه لا ولدي هادشي كان يوقع وخا تبقا تما ...ماحدها كثقل وهي كتعيا مزيان الي رسلتيها قبل متوصل سابع ...هاهي مبقاش ليها ودخل ليه غير شي سيمانة وايام وهاهي فيه ...
يسرى : عااارفة ولدي وكون مرحعاتش هاد ليام مشيتي تا تولد ...ورزقك وشغلك هنا ...انا خليت لخدمة هاد الشهورة نبقا معاها دقة بدقة تا تولد ...
ياسين : وجودك الخالة نور علينا ...يعمر دارك ...
يسرى : توصيني على بنتي وكبدتي ...وتوصيني على الكبيدات المعاودة (تويميات) هههه ...
ياسين"تنهد ونطق كيشوف فالطبيب داخل عندو كيهضر مع الفرملية على تقرير فحوصات ديالو " : كبدتك وبنتك وكبداتك ...تهلاي فيها مابقاش غير يومين وهانا عندكم ...
قطع معاها وهي تبتاسم فرحانة لبنتها بهاد راجل الي عطاها الله ولد عمها رغم المشاكيل هاهما مع بعضياتهم والاهم زوج بنيات فالطريق وكمية الاهتمام الي عاطيها زوينة وكتعطي دفء وفرحة لقلب ...دخلات رميساء هازا البانيو ومقراج مدفينو ...
رميساء : قالت ليك خالتي يامنة حاولي تفيقيها باش تاكل شوي وتنعس را كتوجد ليها متاكل ...
حركات ليها راسها وحطات البانيو خوات فيه الما ونوضاتها بزز باش تجلس وتحط رجليها فيه اما فهاد اللحظة كي وصلو وكيما كتعرفو ناس البادية غير عرفو بقدومهم جاو جيران الي حداهم تا دخلات كتعيط قفزات كاع الي تما كان علي واشرف اما اسامة فمراكش ...
حسنا : وااااااخالتي الفجلاااااو ...
علي"لصق على اشرف الي عنقو وتكركبو" : وااااااااااا يعطي لمك گرحاااااااااااااو الكلباااااااو المخننااااااااااو يعطي لبوك الباسر وتوفيس يعطيك السالمة وبوغطاط عمرك تنوضي ولا تفيقي ولا تلقاي راحتك ...ابلييييميييين وطاح لاشرف بنادم تندعيك ...
اشرف "شاف فيه كيرمش" : ممممم ؟
قفزاتهم تا طارو ونزلو مع كانو فدخيلة عند باب الذار كي وصلو استقبلوهم وعاونو تا دخلات نوار سلمو عليها عاذ الياس دخل يرتاح والعيالات شي مع نوار شي كيقضي لي جاايين عندهم فالليل راوية وصفية وايساف ...المهيم العائلة كاملة تقريبا غاتجمع فالفيرما ...
حسناء : مالك مالك ...
علي : يميل حالك قد ما جلست نگعد عليك مال مك على هاد الغوات واش مكتعرفيش تهضري بشوي"مخنزر" ...
اشرف : نقصي صوتك البنت را سيدة مريضة لذاخل ...
حسناء "شافت فعلي" : خالتك صبيحة الي هي خت مك ...
علي : انا ناكركم فشردك ...مالها .؟
جات يامنة وقفات عليها سلمات عليها وهي مبتاسمة وحشمانة تقولي ماشي حسينة المخننة الي كانت مخرجة عينيها فدراري تا اشرف ولا يرمش "
ياسين : راني ولد دوار مغايخاف ليا الخافي ...نوار بلا متكتري الهضرة الله يرضي عليك دخلي تشوفيهم ورجعي رتاحي ليك فبيتك مابقاش بزاف وهاني حداك ...قايم بيك وحاضيك ومعاك تا يجيب الله تيسير ....
نوار "تنفسات" : ففف ممممم ان شاء الله ..
قطع معاها وهي تم جايا نعيمة هازا بلاطو فيه طاجين وقرعة العصير وخبز وكاس والما ...حطاتهم ليها فوق طابلة قدامها ...
نعيمة"مبتاسمة بفرحة " : هادي وصا ليك عليها ياسين من سوق الالة ..."عرات ليها طاجين وهي تبان ليها كبدة مشوية ومرشوشة بالكمون كيييف بغاتها ...عرفتو غايجيكم فشكل تبوحيط ولكن را عند الحاملة والموحمة را الجنة رحمة دنيا فحال شي حد لقا الما فوسط صحراء قاحلة ...بغات تهضر وتضحك طلعات ليها شهقة تا نزلو دموعها ...
نوار"حطات ايدها على صدرها " : مممم مم الله ياربييي كبدة كبدة ..."جاها ميساج فالبلاصة "
ياسين : الكلمة الي تخرج من فمك حاسب حسابها(نطقاتها واحد المرة بلا متحس يحساب ليها مسمعهاش) كاينة غير نوار وحدة حنانت بناتي ...
واحد الفرحة على راحة نزلات عليها تقولي لقات الما بعد مدة من العطش الشديد وارتوت ...حتى عينيها دمعو ودازو دميعات منهم ...كتشوف فيها نعيمة كيفاش شهقات وفرحات وبكات بقات غيييير كتسبح وتعاود ...وملي قرات الميساج خلاص شهية على البحري مفتوحة ...مابقات داتها لا فشكون الي جا عندها لا نعيمة كلها ...طارت لخبز وبدات تاكل بواحد طريقة تقولي عاد ذاقت النعمة ...
نعيمة"كبات ليها العصير " : هاكي شربي بسم الله عليك را توحليك ابنتي غير بشوية كملي ونزيدك ...
نوار : راك معارفااااش باش كنحس الله ...
نعيمة"دارت صبعها على فمها مستغربة ومعجبة وشلا" : وعلاه يا بنتي ماقلتيها شهور وحمك دوزتيهم هنا ...طحتي غالمرض ؟ قوليها بنتي قوليها والعيب والعار الى ماحضراتش ...
نوار"بقات تندغ تا شربات من العصير باش صرطات عاد تنهدت ونطقات" : من ياسين كنت بغيتها منو ...اممممم ففف ...
نعيمة"تفكرات ايامها مع الوحم كيفاش كانت كتصبر وتكمدها وكانت تبين انها صااابرة ولكن هي من داخل ديالها محروقة ومشوية ومكوية على راجلها الي كان بين ايدين الرحمٰن...بين بكاها بالليل وسهوتها بالنهار كتكون جالسة هما كيهضرو يحاولو يلطفو الجو ويهرسو مود الكآبة والحزن ...وهي عقلها سااارح فعالم اخر عالم الحزن والالم والعذاب النفسي من جيهة ..شهدات على شحال تحملات وبركات على نفسها ورغم ذلك كانت حريصة على انها تبع دواها خصوصا ديال صرع باش متعرضش لنوبة من جديد ...حريصة على دوا ديال فقر دم فيتامينات ...بزز كتاكل شوي باش تحافظ على الاجنة الي فكرشها ...صبر فصبر وهاهي النتيجة على مشارف دخول الشهر السابع الاشهر الاخيرة الحساسة عند الحامل خصوصا الحامل بالتوأم والاشهر الحساسة عندها بحسب حالة رجليها والثقل الي غاتزيد تعرض ليه ...
نعيمة : الحمد لله الحمد لله ....
نوار"هزات فيها عينيها وفمها عامر" : همممم
نعيمة : كولي بنتي كولي ههههه بشوية توحل ليك ...
بقات حداها تا كلات ومسحات داك طاجين وهي تكي ضهرها لووور كتسراح وتحك على كرشها من فوق دليل الشبع ...
نوار"نطقات بشنو كيقول قلبها " : بزاااف توحشتو فدارو حدايا ...نفيق لقاه كيبدل غادي خارج الخدمة ...يفطر يخرج يشوف الفيرما رزقو عاد يتيسر لبنك توحشتو وهو منور دارو وفيرمة ديالو توحشتو وهو كيعيط نواااار ولا يخنزر فاش كنعصبو "تنهدات وعقلها راجع بيها لشلا ذكريات دازو من اول ما بغاتو وعرف بيها وتخطبو والمشاكل والصعاب الي دازو منهم ..."
لو وقعات ليه شي حاجة معمري كنت غانصبر من وراه يمكن تجيك هضرتي خايبة ولكن هكا انا دايرة معاه ..."حدرات عينيها من بعد هاد الكلام ...حتى هزاتهم من سمعات صوتها الي كتحسي بيه فرحاان بجهد لهضرتها ومهنية على ولدها من جيهتها جاب ليه الله بنت الناس بغاتو بكلشي فيها وحبو كبر معاها وشوف كيف كتهضر عليه رغم الطلاق الي سبب واحد الوقت شرخ بيناتهم ..."
يامنة : وخا يوقع الي يوقع ولدي فالامان معاك فالامان بمعنى اخور امان الي خاصو يكون ليه راه معاك "قربات باست ليها جبهتها" كنت حاسا وخا غير بضحك انك غاتكوني مرت ولدي وكنت ديما كنقولها ليك وربي مخيبنيش ...الله يرضي عليك احنينة ديالي ...
نعيمة : ههههه الله يخليكم لبعضياتكم ...ونوضي بنتي دخلي سلمي على جيرانك ورجعي رتاحي ...
ناضت بشوي شربات كاس الما غسلات فمها مسحات ومشات هي ويامنة بشوية حتى وصلات لصالون لقات سلام ودخلات سلمات عليهم وسلمو عليها من جيهة ياسين....
صبيحة : تقلتي شي ههههه
نوار"حشمانة " : شوية هههه
ام سارة : اييييه ليام دغيا دازت تعقلي على عرسها شحال جلست عندنا توجد تا راحت ...
يسرى : وايييه الحاجة دغيا ...
عبوش "شافت كريشتها" : هادي كرش سابع يضهر ليا ...
نوار : احم بقا ليا شي قل من سيمانة وندخل ليه ...
عبوش : وهي كرش سابع "كتصغر عينيها" كبيرة تبارك الله عالسابع بهاد الحساب واالعبار كيبان ليا متاومة (عندها توام)
يامنة "بغات تضمص" : من فمك لباب السما الحاجة عبوش ...شربي ليك كويس اتاي بزعت كيف بغيتي ...
نوار"خرجات عينيها وشافت فمها ورجعات شافت فيهم" : لا لا مكاين لاش راني بيخير
عبوش"شافت فيها بنص عين" : هادو خباير الفحم ياك راني نعرفو (خباير زعما توصيات) ...حياني عليه من كان صغير كان يقوليا نجيب ليك مرتي تولديها ...ياااو غا دار جوج زغبات(غير بدا يدير لحية ههه ) بدل جلدة ..."طبطبات عليها" الله يفك وحايلك على خير....
حطو ليهم ضيافتهم وكيف ما عارفين ضيافة عندهم هي اتاي والفاكية حلاوي دواز اتاي وعندهم هما فداك الدوار بما انه العشية قرب المغرب اي مابين العصر والمغرب كيكون ضروري من قهوة معطرة كحلة ...ضايفوهم وسلمو عليهم وناضو استاذنو لديورهم واشغالهم ...اما نوار جلسات غير شوي وعيات وخرجت مشات لبيت لي لتحت وتكات فيه...حتى وصل العشا كياذن تا سمعو صوت سيارات زوج داخلين لفيرما ...
رميساء"حلات الباب عليها لقاتها مكونيكطيا ومتكية " : الكريمة المخفوقة ...ها عمي يوسف جا وعميتو راوية ...
نوار"بدات تنوض بشوي تا جلست " : هاني جايا ...
رميساء : نعاونك ؟
نوار"بابتسامة " : قادرة نمشي حبيبتي ..."عاودت اكدت فيها شوفة " مالك كتباني ليا مقلقة نتي ؟
خرجات هي وياها تالبرا عند الباب اصلا كاين صهد وكانت محتاجة شوي تخرج تنفس ...لقات يوسف الي وصل بسيارة هو وراوية وصهيب الي جا وغادي يرجع كون عندو خدمة فمراكش ...وسيارة لاخرا فيها ايساف وصفية والوليد صغير ...ضارت هزاتو وغاديا مغوبشة من مناقشتها مع ايساف فالطريق الي رغم هضرتها كي السم عليه الا انه باقي صابر وعاض فالصبر على قبلها ....
يوسف : واااحد مسا الخير كاين شي عشا ؟
الياس : كاين دحش معمر ...
يوسف : يركلك اخويا يركلك ...
صهيب"كيقاد فسمطة سروال من لور ويدخل فالقميجة " : احح الله شلا صهودات فالطريق مغربي هنا ...
يوسف : الحبيب بقا يكمل شي خدمة تما بينما يرجع صهيب غايجي يجيبها معاه ومع ياسين وفؤاد فاش يجيو ايوا قاليك باش يوجدو لطهارة ديال ولد هاد الجحش"نزل على ايساف لراس تا زگا" ...
ايساف : اااااراسول الله ...الخال شور اصحبي
نوار : خههههه ...غاديرو عندنا طهارة هههه
اشرف : يااه ياسين غايولي راجل ...
نوار"هزات فيه راسها وخنزرت فيه بالحس"
اشرف : ياسين صغير اختي ...
اسامة : اححح هي زاهية حفلة وداكشي العميم ...
الياس : وادخلو من البرد "شاف فنوار" دخلي من البرد نتي براكة عليك ...
عيطات ليهم يامنة ويسرى ودخلو كاملين تجمعو فالصالون على ضحك ونشاط وقولها وشد فيها ...تا وصل وقت العشا وتحط تعشاو مجموعين زوج طوابل حدا بعضياتهم وضاحكين ناشطين ...حتى ناضت نوار استاذنات باش تنعس مسات عليهم غسلات ايديها ومشات لبيت حيدات بينوار بيجامة طويل قطن بارد تا بقات غير بدوني ديالها معرية ليها كرشها شوي وشورط قطن وتكات فوق ناموسية ...هزات تيليفونها رسلات لياسين ميساج سولات فيه ودخلات كتقرا فرواية حتى تحل الباب غطات راسها يحساب ليها باها ولا شي حد ساعاك كانت رميساء الي نسات را غاتجي عندها...
رميساء : حصلتك قبل متنعسي ..."جلسات حداها" ...
نوار : هههه لا مزال"حنحنت" قولي مالك. ؟
رميساء"عوجات فمها" : واش نقوليك ابنت عمي هو را مامالي والو صراحة عادي جدا غير الي وقع جاني فشكل غريب واحد القمعة تعرضت ليها فشكوووول ابت عمي هههع ...
نوار : شكون قمعك ؟
رميساء : منين نبدا ونتا كلك زبدة ...احم عطيني ودنيك انهاود ليك ونتي قولي اش بان ليك ..."حركات ليها راسها وهي تبدا تعاود ونوار كتصدم ههههه رميساء وموسى يا صلاة النبي .." وهالي وقع ...
نوار"جاها ضحك " : ههههه وهو ماعرفتش واش غانفيدك او لا ولكن احم بناء على هضرتو وصوابو الي شفت فالسبيطار وحتى انه كيبان بعقلو على ما قاليا عمو فؤاد را بروفيسور وكلير تا فالعمر ...منضنش يدير هاد الهضرة يقدر بغا يضحك معاك ؟
رميساء : هو رتاحيت ولكن واحد نمرة اليوم فالصباح ديال فرنسا صونات وعاودت شي ثلاثة المرا وصافي مبقاتش عاودت ...
نوار : شوفيها فواتساب ...
رميساء : غاتخفا عليا ؟ شفتها ولكن مدايراش واتساب بهاد نمرة الي صونات ...ومنضنش هو مالو اش بغا فيا تا يخلي خدمتو وشلا ويدير راسو فيا ..."هزات كتافها " الى مزال فالنصيب نتشاوفو را غانتشاوفو ويضبر راسو ...
نوار"تبسمات على هضرتها ..."
رميساء "يلاه بغات تهضر معاها حتى سمعات طررن ودخلات واتساب لقات نمرة غير مسجلة ديال فرنسا غير الي صونات ليها دخلات لصورة لقاتها سكرين اخر محادثة فيها اخر هضرة ليه معاها قبل اسبوع وفيها ميساجها الي فيه " سمح ليا عندك صح انا الي مكنحشمش " وكاتب مع الصورة ...
موسى : ماشي مشكيل لبلوك ...مي نقدر نفهم شنو واقع لهاد الهضرة ؟ ...
بقات شادة الفون وكتشوف ف صفحة المحادثة بينها وبينو معوجة فمها ورافعة حاجبها ...حتى زعزعتها نوار من كتفها تعرف مالها حيث بقات مسمرة ...هزات فيها عينيها وحنحنت نضفات حلقها ووراتها لمحادثة وسكرين ...
نوار : ااا...كاينة شي حاجة واقيلة ...
رميساء "كمشت عينيها" : كيتبوحط عليا ولا كيتريگل هذا ...
نوار"هزات كتافها وعوجات فمها" : ماعرفتش ...رسلي ليه شنو قال "حكات راسها من لور" منضنش يكون هو الي جاوبك ...
رميساء"دارت فيها نضرة ديال من نيتك " : جاوبوني جنونو ولا جنية العاشقة ديالو ياك ...بففف...
نوار : نتي غير رسلي وواجهيه قولي ليه ها اش واقع وفهمي وديك ساعة حكمي ...
رميساء"بقات كتشوووف فيها وتدورها فدماغها وهي تمشي سكرينات الهضرة فماسنجر وسلاتها ليه كاااملة ...بلا متقوليه تا كلمة ودارت ليه طررررااااق اكبر بلوك فواتساب ههههه " : الله"دارت شعرها ورا وذنيها" ها مسمار طرقناه فليتقود ...
صهيب : سيري جاوبي فداك تيليفون نص الليل هذا شكون كيعيط ليك اديك مسخوطة ؟
رميساء"شافت الرقم ديال فرنسا وقلبها بدا يضرب بجهد" : هاا ام يمكن مانويلا صاحبتي ..
صهيب : وهاد مازبيلا ماتعرفش را عندهم هما واحد وقت ناعسين وهنا تاحنا بغينا نكوزو ...سيري جاوبيها ولا سديه ...
الياس"ضار عندو" : تهدن اشعيبة تهدن ...
صهيب : نطااااااح مك ...
رميساء "استاذنات ومشات لبرا كاع هي فديك الجليسة مقابلة مع الباب لا يخرج شي حد متشوفوش ومبعدة شوي وجاوبت " : الو وي ؟
موسى "دوز على شعرو تا ترش الما حيث عاد خارج من دوش كيف رسليها دخل دوش بالخف وخرج لقا داكشي الي رسلات ليه مافهم تا خصية تذكر هههه " : روميساااااء روميساء ..على سلامة ...
رميساء"بالحس" : وي دكتوغ كاين شي مشكيل ؟
موسى : مكاين تا مشكيل اختي والو الله اودي ..."حنحن" ديك الهضرة منين جبتيها ؟ امتا تقالت ليك ؟ البارح ؟
موسى "هو را جاتو ضحكة وضحك ماحبسهاش " : ههههههههههه واخا اخا سمحمد ههههه .."نضف حلقو ." شرحي ليا وديك ساعة الي بغيتيه ديريه عادي جدا ....
رميساء"ساطت بنفاذ صبر" : واااخا واخا سمع اسيدي هادشي را ليه شي يومين را تاريخ قدامك ...انا مقصذت تاعيب وكون يحساب غاتقمعني كون قصدت فوق العيوبات لهيه "رفعات حاجبها" ايحساب ليك درويشة
راني الي قمعني الى براني را منعقلش عليه كي درت ليك هكا ...الى نتا بروفيسور تانا راني على مشارف الماستر باقي ليا ايام …وهاني ندفع دكتورة ونوليو فحال فحال غانتا شعبة وضومين وانا شعبة وضومين ...تقول نقدتي الفحم ولد عمي را كتاب ليه عمر جديد نتا اش درتي ليه اخويا دخلتي ليا ولد عمي فغيبوبة ...علاه حنا من عطيناه ليك مريض قلنا ليك غيبو ربع شهور ؟ الا... بغيناه حي فايق لباس عليه ...
موسى"بغا يسخف بالضحك وهو كيسمعها تطلقات عليه مبقات سكتت " : ههههههههههههههههههه ايه كملي ...
رميساء : نهار دخلت فيك بالزالافة ديال لحريرة كون يحساب ليا كون جبت لمي البرمة نصلق ليك الكرش والمساييل ...
نسمات الهواء النقي ديال داك الجود ديال البادية كيبعث واحد راحة فالنفس وهواء نقيييي كيدخل لصدر كتنفس وصدرك مرتاح وروائح الطبيعة بكلشي فيها كيخليك تعشق داك البلاصة حيث كلشي بيو ماشي مصطنع ...خصوصا هواء الصباح ...الصباح من بعد ما دازت يومين اخرى عليهم ...
واقفة قدام الباب فديك الجليسة من بعد ما فطرات فطورها الصحي ...فضلات انها تخرج شوي تحرك وتنفس الهواء الي كتحس بيه كيريحها خصوصا انها هاد اليومين دازت عليها تاني بالمرض والعيا ملي حسات براسها ولات شوي وعيات من نعاس ناضت تسرح رجليها وذاتها ...
يامنة "تنهدات" : اودي مزال ليه تحاليل وفحوصات عاد يسمح ليه ...يعطيه عكاكز باش يتحرك ويجي ...
نوار"حطات راسها على دراع يامنة وتمات غاديا هي وياها بشوية على مهل تا ضربو طريق شوية بين قدام باب دار لعند الفدان الي ضاير بالفيرما غير شي شجيرات تما عاد كيمشيو طريق ويدخلو لفدان الكبير فين كيدخل كاميو والخدامة ...اما هما جلسو غير حدا دوك شجيرات الي قدام وحدهم ..لقاتها مفرشة ليها تما وحاطة مخيدات معزولين على تما ميشوفهم حد ...جلسات بشوي عاونتها وسرحات رجليها" : الله ...
يامنة : توحشتيه ههههه واتعطل وليني شنو ديري احنينة يكمل مع طبيب ويجي ...البراكة بنتي الي رجع لينا البركة الي رجع ..."عينيها غرغرو " داااازت محنة بنتي وشاف فينا الله ...
نوار"الصمت كتفكر الايام الي دازو وتحزن ولكن سرعان ما كتبتاسم انه وجع صافي ربي شاف فيهم وشاف فيها هي وبنياتها ورجع ليهم باهم الي مغايخليهمش ...رجعات ليها ذاكرة لشنو كان كيحس قبل ميوقع ليه الي وقع ...خصوصا فاش كانو ف سويسرا ..." : كان حااااس ...
يامنة : كيفاش ،
نوار"تنهدت" : كان حاس بالي غاتوقع ليه شي حاجة ...كانت شحال من اشارة وشحال من حاجة كان كيشوفها وكيحس بيها ..."عوجات فمها" حاس ومادارش فيها راسو ...كان كيقول كلشي بيد الله ...
يامنة : هادشي الي وقف معاه ..
نوار : ياسين الى مكانش فدارو ومعايا وحدايا وحدا بناتو مكاين والو ولو كان باقي غايب مكنتش غانعيش الفرحة كيف عايشاها وخا صبرت ليهم كنت كنحس بيهم امانة من باهم ليا ..."حكات عينيها لا تدمع" ياسين هو النور ديالي الى مشا راكي عارفة الضلام كيفاش داير ..."كتدلي شنيفاتها بغات تبكي وكتحبسها ويامنة كتسمع ليهاكيفاش هاد لحيمة الحمرة الي ربات دغيا كبرات وتزوجات ولدها وهاهي غاتجيب ليها منو جوج بنيات وغاتولي ام ...هرمونات الحمل والامومة نضجوها اكثر الي داز عليها نجرها كتر من ايام طلاق والمشاكيل واللجهاض لول ..."
يامنة : لهاد درجة كتبغيه ابنتي ؟
نوار"ضحكات تا دازو شي دميعات" : هههههه كنبغيه ؟ هادي را عادية قولي شي حاجة كتر ..ماعرفتش فين كان عقلي ملي طلبت منو الفراق ...."شافتها نااضت "
يامنة : غير كملي كملي انا غير حداك نجيب حامضة كنسمعك كملي متحبسيش ...
نوار"مسحات دموعها بطرف كمايمها وناشرة رجليها كرشها عند فمها (تعبير مجازي) ...تنهدات ورجعات كتاخذ نفس ...ورجعت تهضر شحال وسكتت من ضارت شافتها مكايناش حداها لقات راسها كتهضر غير وحدها " اويلي خلاتني وحدي ...
ايييييه را خطوة بخطوة وكل خطوة كتاخذ وقت من دقيقة حتى كترمي الخطوة بالعكاكز معافر كيرمي خطاويه ...!وجاي كيتسحت بشوييي بالقاعدة هي مجايبةخبار لشكون جاي مع دايرة كيت كتسمع ودندن ...تا حسات برجلين جنب رجليها لابسين سروال سورفيت قطن كحل مزير من ركبة لتحت على شكل باندة وصبادري بيضة ...طلعات معاها ريحتو تا حسات بقلبها كيزدح ...
ياسين"حيد ليها الكيت جايبها قدامو عاطياه بضهرها وحط ايدو فوق كرشها دوز عليها " : من ديما ياسين لمبردك "باسها فعنقها تا تسمعت"
ياسين : ونا نقدر نخليك كثر من هادشي ؟ "زاد كيحك ايدو فجنابها تا بورشها" تشوقنا للحم عاللحم وربي يرحم "باسها فعنقها ثاني …ضارت عندو مخرجة عينيها بالضحك وهو يغمزها وحط راسها على صدرو وقرب لوذنيها ونطق بصوت مبحووووح وبشوييي وكل حرف نطقو وعطاه حقو " : ت و ححح شتك ...
...بقا معاها شوي كيهضرو ماشي بزاف وحاول ينوض هو وياها لان البلاصة واحد شوي وغاتبدا تعمر حيث ماشي وحدهم فبيتهم باش يختالي بيها ...
ياسين"هو مزال بعكاكزو مزال كايتكل عليهم رجليه مزال فاشلين انهم يوقفو وحدهم فترة طويلة وهي خاصها طراكس تنوضها ههههه طل عليها " : شكون ينوض لاخور ؟
نوار"جاها ضحك" : ههههههه والله ماعرفت ...
ياسين"هز راسو لسما شحال ورجع كيكحاز بلور شد عكاكزو بغا ينوض تا فشل كان غايطيح كون ما شدات فيه هي نيت ...عقد حجبانو حيث شافها ناضت بزربة " : وقفتي بجهد ولا ؟
نوار : غييير شي شوية ...
ياسين "تقاد بعكاكزو تا زگا الوقفة شحااال عاض على شنايفو وضار عندها مخنزر" : نوار ردي البال الله يرضي عليك اخر مرة تعاوديها بغيتي تعاونيني ديها فصحتك فايتاني لهيه ...
نوار "حركات راسها بلا متجاوبو "
ياسين : اجي قربي عندي ...
نوار"قربات ومد شنايفو باسها فحنكها" : صحتك والي فكرشك كثر من صحتي انا قد ماجلست قاد براسي معافر وعاض فالصبر ...
نوار"رمشات فيه" : راني نضت بشوي ...
ياسين"رفع حاجبو زعما من نيتك " : وايلي.. گد الي نمد ايدي لقيتك واقفة ...يهديك الله ...
نوار"تابطات دراعو " : واخا منعاودش صافي ههه
ياسين "تمو غادي بشوي واحد يعكز ولوخرا تعرج وغاديا كي البطريق " : ولااا حفاتها ليك عاوديها...
وصلو عند الباب لقاو فؤاد والحبيب واقفين معاهم يوسف والياس اما صهيب رجع لازرو ...سبقات نوار سلمات على فؤاد والحبيب ..
فؤاد"غا حاضيهم عاض فشنايفو ويشوف فيهم يترادو وخا هكاك عجبو الحال حس بالمياه رجعات لبلاصتها ورجعات لمة كيما كانت تذكر انه فلحضة كانت هاد لمة مغاتكونش لو وقعات لياسين شي حاجة ماشي غير شرخ غادي يوقع وانما كلشي غايتهرس بهاد المعنى ...شي حاجات تفكرهم لو وقعو مكانش غايتخيل حجم الالم والمعانات الي كانو غايعانيوها داكشي باش تنهد ورجع من قوقعة التفكير ونطق بلا ميحس " : الحمد لله ...
جالس فوق الناموسية مكالي بايديه كيحرك رجليه بحركات رياضية راسو ...سمع الباب تحل وهز عينيه بانت ليه داخلة شافت فيه لقاتو غير جالس يعني ماعريان ما والو وهي تشوف رميساء شيرات ليها دخل ...
رميساء"دخلات فاليز ديالو وصاك الي فيه لوازم ديالو حطاتهم " : هاهما خويا بغيتو شي حاجة ؟
ياسين : ولد ايساف الى فايق دخليه نشوفو ...
رميساء"حركات راسها" : واااخا نشوفو دابا...
خرجات وسدات نوار الباب مشات لفاليز ديالو جراتها لعندو ...
ياسين : خليها واجي حدايا ...
نوار"بابتسامة حركات راسها وجلسات حداه كترجع بلور تا تهزو رجليها من على لارض ونطقات وهي كتنهج " : هاني ...
ياسين"ضور ايديه ورا كتافها قربها ليه وقبط ليها حناكها بزوج بجمغهم تا خرجو شنيفاتها وقرب فمو جرهم ليها بيه تا تسمعات شفطة ...ورجع حط ايدو على كرشها كيدوز عليها " : لكونطرول جاي ؟
نوار : كي ندخل فشهر سابع ...من دابا يومين يعني الاثنين اصلا عندي كونطرول عند طبيبة الي تبعت معاها فشهرين الي جيت فيهم هنا ...
ياسين "كيدوز بصباعو على حنيكاتها وشفايفها وكيشوف ليها فعينيها ووجهها وحالتها الي كضر فالخطار حيث وجهها صفر وكتبان ليه مكابرة وصابرة وضاحكة فشردو هو " : مشينا ان شاء الله...كيف دوزتي دوك شهرين هنا ؟ ...
نوار"بقات شحال كتشوف فيه حس بقلبها كيضرب بجهد ونفسها مبقاش منتضم دليل على انها بدات كتسترجع ديك الفترة الي كانت ليها عذاااب عانات منو وحدها وخا كانو معاها ووقفو بجنبها لكن كانت كتصارع الوحم والمرض وحدها وماقالتش شنو ضرها ولا شنو تشهات ...حنحنات وبدات تهضر شوي بشوي" : كان خاصني نرجع نوقف على لخدمة ...احم ماشي نوقف بالمعنى الي فهمتي ...كان خاصني نعطيهم فلوس الخلصة ديال خدامة اغلبية صبرو مقالو والو وكاين الي مبغاش يشد ولكن شي ناس بعاد ماعارفينش بحالتك كان خاص فلوسهم تخلص ولكريديات وصل وقتهم فالخلاص ...
ياسين : خلصتيهم وحدك ؟
نوار"بنفي" : لا كنت كنجبد الفلوس تعقل على روجيستر الي كنتي كتعطيني نقيد فيه خلاص كل واحد وامتا خاصو يتخلص هو علاش مشيت وروجيستر الي وريتيني ديال كريديات الي خلصتو تاريخ كنضرب عليه ...والفلوس كنخزنهم ديال الغلة فالكوفر ...
ياسين"باسها في فمها" : كملي ...وليفاكتيغ ؟
نوار : دوزتهم والباقي قلت حتى ندوز رمضان ونرجع لديال هذاك شهر نيت ...حتى "تبسمات" فقتي هههه
ياسين"باسها في فمها منخرها حناكها داز على وجهها كلو كيبوس بحب بغا ياكلها" : لهلا يخطيك عليا..."رجع شاف فيها مصغر عينيه" ديك الوقت كنتي فعدة فالوحم ؟! ...
في هاد الاثناء كانت رميساء جالسة حدا صفية فالبيت دخلاني كترضع ياسين وكتسنا فيها باش تهزو تديه لياسين الكبير لداخل كيف قالت ليها ...حتى دخل ايساف وهي تهز لغذا غطات بيه صدرها ...
ايساف"رفع حاجبو "
صفية "شافتو طلق لبزولة هزات على كتافها تا تگرع وعطاتو لرميساء تديه ...شافت فيه لقاتو باقي مطلع حجبانو " : شنو مالك ؟
ايساف : دخل عليك براني تا غطيتي صدرك ؟
صفية "الصمت"
ايساف : هضرت معاك ؟
صفية : هاد الهضرة ماشي وقتها ...من بعد ونهضرو الي قلتو ليك فطوموبيل البارح بصح عنيتو...واخا نبغي نفكر نرجعو منقدرش صعيب عليا الحال معاك انا وياك عمرنا نتفاهمو وخا دير معايا المزيان ...مامكتبينش لبعضياتنا علاقتنا من لول كانت غلط وخا جربت وعشت معاك علاقة ...
ايساف : علاقة نتج منها ولد ..."حبسها بايدو" عارف مكنتش باغيه وغلطت بزاف وصبرت ونصبر ليك ...
صفية : غذا كاينة طهارة ديالو خلينا فتوجاد من بعد ما يزگاو ناس فحياتهم نهضرو ...
ايساف : غاتفكري ؟
صفية "هزات كتافها شافت فيه بحزن" : منواعدكش ايساف ...بغيت الاستقرار النفسي وكنشوف وخا نرجع ليك تقدر تعاود نفس الغلط والهضرة الي خرجتي صعييييييب تنسا ايساف صعييييب ...الي تهرس مكيجبرش ...
ايساف"الي فيه شي فيه هههه " : الي تهرس لصقو مو بصكوتش ...
صفية "هزات عينيها بنفاذ صبر ودفعاتو بشوي من قدامها" : حيد خليني نمشي نشوف شنو خاصهم فتوجاد لغذا"شدها من ايدها ولصقها معاه هز ليها راسها من ذقنها بغا يبوسها فشنيفاتها بشوييييي وهي دفعو" حااايد...
ايساف : واااخا ..شنيفات الحلويييين الله تا كنبغيك بجهد حق الي ليه الحق ...
صفية "خنزرات فيه يبغيك الخير..."ضربات فيه وزادت"
ايساف : اجيو دفلو عليا واحد بواحد ...
اذان العصر نيشان جاه لمسامع ديالو حل عينيه على صوته كيشوف شحااال ويسمع فيه حتى كمل وهو يضور راسو كانت متكية على ضهرها ومضورة وجهها لهيه ....غفات هي وياه من فرط التعب من بعد ما تغذاو مشات بيهم عينيهم وهما كيهضرو ويتعاودو بزوج ...هو عيان وهي كذلك مشعروش براسهم تا ضرباتو الفيقة دابا على صوت اذان صلاة العصر...
ياسين"تمتم بفمو بعض الاذكار حتى حس بتحركاتها وضار عندها لقاها مضورة وجهها عندو كتشوف فيه بعويناتها ناعسين"
نوار"بصوت مبحوح" : فقتي ...نعسنا محسيناش...
ياسين "حرك راسو ونطق بصوته الخشن ببحة النعاس" : بزااف ..."ناض بشوي عليه كيعصر فعينيه باش يحرك رجليه تا ضورهم وهز العكاكز"
نوار : فين غادي ؟
ياسين"ضار عندها " : نتوضى .."حركات ليه راسها وخرج هو من البيت لقاهم برا سلم على جدو الي عاد جا لقاه جالس معاهم كيهضرو ويضحكو استاذن منهم ومشا طلع لبيتهم الرئيسي الي لفوق يلاه غايدخل ليه من بعد ما جا ...وصليه وحل الباب دخل لقاه كيما خلاه مجموع مهوي فراشهم مقاد ...سمع صوت وراه وضار لقاها الحنانة ...
يامنة : ياكما تعذبتي فطلوع ؟
ياسين"باس راسها" : لا ميمتي معاونيني هادو لاتهزيش همي ...
ياسين"حط ايديه على صدرو " : ايييه يعمر دارك ..."حركات ليه راسها مبتاسمة واحد الابتسامة فرحااانا بجهد مشا هو دخل لدوش طلق الما يسخن ولانه معندوش القدرة يبقا واقف باش ميكترش ويفشل يطيح حط كرسي وجلس عليه عمر سطل جا يهز الشامبو حتى تمد ليه هز عينيه وهو يخرجهم " نواااار نواااار ...
نوار"باش ميعايرش غمقات عليه وعنقاتو من لور هكاك فازگ بالما وبدات تهضر" : عااافاك والله ما عيييت بالعكس راني رتاحيت وخاصني نحرك رجليا ودورة دموية سولت ماما قالت ليا ماعليش غير منبقاش نفورصي على راسي والحركة مزيانة بغيت نطلع توحشت بيتنا ...واصلا باغا نتوضى نصلي
ياسين : وتوضيني ؟ "شافت فيه وغمزها" الحالة عندك رجلين فاشلين ...البنية ضعيفة"حيث ضعاف مع الغيبوبة والمرض ليزابدو مابقاوش وخا هو مگضر وعامر لكن البنية رياضية مشات وباش يرجعهارا مترجعش الا بالرياضة وتريتمون رياضية وشلا باش كيتكونو ليزابدو وماجاورهما وعاد تناول البروتينات وشلا الى بغاو يبانو دغيا ...هو باش يرجع كيف كان صحيح نيت خاصو يرجع رياضة وداكشي الي كان كيزاول فالفيرما هزات تقل وتمارة كتعطيه بنية جسمانية رياضية ..."
نوار"بقات ترمش فيه من واحد ناحية بقا فيها بجهد فييين ياسين الي كان يهزها هي وربعة منها دابا مسكين هاهو كيرجع فصحتو شويك بشوية ضو كيبان فيه ...شمرات على دراعها " : ندوش ليك ...
حركات ليه راسها ومشات حيدات البينوار الي كانت لابسة وحيدات الضوني وشورط ولبسات بينوار ديال حمام ودخلات عندو حشمانة شاف فيها وطلع حجبانو بلا ميهضر عرفاتو حيدات بينوار وهي تبان كريشتها قدامها قداش وهي ضعييييفة وخا هكاك لقاها ضو على كيف كانت عضيمات دابا بدات تدخل فشهورها لاخرة بدات كتنفخ من كلشي حيث شهية رجعات ونفس تحسنات والحمل بدا ينفخها ...
ياسين : اجي هنا "شير ليها قدامو"
نوار"جلسات قدامو كي قاليها" : شنو غادير ؟
ياسين"مجاوبهاش على سؤالها" : تبدلتي بزاف لا ؟ فين "شحطها لور تا قفزات" هادي ؟
نوار"حكاتها" : اااي حرام عليك ...
ياسين : وايلي وااايلي (زعما مزال مشتي والو) ..
هز طاسة خوتها عليها تا انتافضت مبورشة من الما حسات بنمل سرح فيها...عاود خوا عليها على شعرها ...شاف شامبو ديالها حداه خوا منو دارو ليها فشعرها وفركو ليها مزيان عاد مشطو علاش ماعرف ...خوا الما شللو ليها وهي مهضرات ماتكلمت عجبها الحال افتاقدات هاد اللحضات معاه...جاب صابونة ديال وجه عطاها ليها دارتها لوجهها وعطاها غسلاتو ودار ليها باندوش وجاب صابونة الكف غسل ليها ودنيها مزيان ...وشللها وناضت قدامو ممحيداش الكيلوط ...عطاها كرسيه وجلس هو فالحافة هابطة عليها باش تقاد معاه ومتعذبش … تقابلت معاه غسلات ليه شعرو وصدرها قدامو لكن بعيد مع مكاليه كرشها ...شدو ليها وقاسو كان منفوخ ...
ياسين "مصمصو ليها هي تبورشت وهو حس بالمعلم كيتململ هههه " : الله ...
نوار: اييي بشوي خليني نغسل ليك شعرك ...
ياسين"طلقهم وسلم امرو ليها ...صابر وتوحشها بزاااف ...لكن الوقت حاليا ميسمحش حتى ينفارد بيها ويعرف واش العلاقة مسموح ليه بيها حيث كيشوف حالتها عيانة وسوفل عندها مقادي وغير كتنهج وحرارتها مرة مرة كترتافع ..." : اوووفففف...
كملات ليه وناضت هي مشات لدوش لاخور الي كيتسد بالزاج ديال شخص واحد تشللات حيدات كيلوط وتوضات هزات بينوار لبساتو ولقاتو تاهو لبس بينوار ديالو هز عكاكزو وتم غادي خارج تا وقف طل لا تكون يامنة ساعاك مكايناش عرفات اصلا كاينة نوار خلاتهم براحتهم ...
ياسين"جلس فوق ناموسية نشف ولبس حوايجو تيشرت وسروال سورفيت وتقاشر ...ومشا فرش صلاية وتحنى بشوي تا جلس وصلى جالس ...كمل وسلم لقاها كتصلي تاهي جالسة ...تسناها تا كملات وسلمات عاد نطق وياااريتو ما نطق ...وقف هز عكاكزو وتم خارج " : انا لتحت خارج برا ...
فواحد الدوار من الدواوير القريبة ليهم ...كيف جا اسامة من مراكش سلم على ياسين جاو دراري تغذاو وديك ساعة طلعو بدلو ولبسو وتقادو وتانتكو اسيدي ...اشرف ب تيشرت من levis فالاسود وسروال دجين بلومارين موقف شعر بجيل وريحة تعطعط وعلي الي مسخوط باقي ليه يومين ويرجع لبرلين ضارب ليا حطة قميجة فالگري نص كم وسروال فصالة فالاسود وتاهو موقف ليك شعرو ذهبي ومشذب لحيتو وريحتو تعطعط ...واسامة تيشرت بيض فيه كتبة بالاسود وسروال دجين وتاهو مرجع شعرو لور ياسين فالصغير صافي هههه ...ركبو فسيارة اسامة مخليين ايساف والحبيب كيشوفو فيهم ...
الحبيب : هادو جاوني مغادينش لعرس غير هكاك ...
ايساف : وتا را غير عرس واحد من الخدامة داير قصارة لرجال وعيط ليهم ...
الحبيب"خبط حناكو " : ناااري وقصارة الفلاحة ماتبشر بالخير را غير القراعي يتشايرو وشياخ...
اما هما شدوها مشية وحدة مسافة خمسطاش لكيلمتر لواحد دوار جاب الله طريق معبدة ومصايبة مفيهاش بيست بالحجر...وصلو مع جوايه العصر سولو على عرس فلان ولد فلان دلوهم نيشان تا لقاو الخزانة مبنية وناس كدخل وتخرج باقي مبداش العرس ...
تسناو تا جا خو العريس كيف قاليه ونزلو سلمو عليه وركن اسامة سيارة لداخل بعيدة على ناس فالدار نيت مع ضاير بيها سور ديال تراب ودخلها فين وراه خو العريس ...ودخلو تبعوه تا دخلو صالون كبيييييييير وطويل مفرش غير بزرابي مصايبين بشرويط على ايدين عيالاتهم ومبطنينهم عاد دايرين لحافات ومخاد ...لقاو رجال جالسين على صينيات اتاي ومجامع وشي مجمع مع شي وناس داخلة خارجة وزغاريت ...تسالمو مع العريس ...
اسامة : ومبااارك مسعود العود...
منتصر"ضارب ليك كوستيم كحل وقميجة غوز مسطاجو يعمر مخاد صالون ويشيط ضحك تا بانو سنانو مصديين " : تا الله يبارك فيك اولد الحاج ...على سلامة الفحم ...
اشرف"قرب لعلي " : سنانو هذا غانشوفهم كنصوم يومين ...
علي : يييخ تقول عاض فخرية ..."اابتاسم وسلم عليه" اهههههه مبارك مادرتي ...
منتصر : بركو بركو ...مرحبا بيكم مرحباااا"فرحان ولاد رمسيس جاو لعرسو دنيا مسايعاهش عند بالو را من القياد هههه " تا را مالين شي عندي"شاف فاسامة " هااا وبليمين متمشيو تتنشطو وتاكلو وتمشي ناسيين دنيا...
اشرف"حك على صدرو"
اسامة "ضرب ليه رجلو" : كاين شي فيجطة ؟
منتصر"رد ليه ضربة تا قفز" : كاين بات مات فيجطة تا را غا زينة على ختها مجايب ولد صبايطي ...
اسامة : اوااااو تا را كيضبر عليهم غا هما "ضار عند اشرف وعلي" كيجيبهم من مزاب ولا خريبگة "رش بصباعو " النگعة ديال زين فيهم
نقز واحد حدا العريس .. تا را غا ايدها قويلب سكار...
اشرف : الله يا رسول الله والعزيز على ميمتو ميتخص...زاااهية ...
في هاد الاثناء هما كيضحكو ويهضرو على القصارة الي فيها غير رجال ...فواحد الجيهة فين كاين طايبة قدام سطر ديال الگوامل وطناجر ديال سفة ولحم والبرقوق ...واحد المدوخ منقولش هبيل وانما من نوع الي مدمن بزاف ديما سيلسيون فجيبو والحشيش ...هاز ميكة فيها
سلسيون كينفخ فيها ويفش على نيفو ويغمض عينيه ...سروالو نصو طايح وهاز فايدو واحد القرعة فيها شي تخليطة وجاي ...تا وصل عند التباخة وجلس ...
تباخة : نعطي لولدي وكحز لهيه راك مدوخ لا تگلب ليا على شي طنجرة ...
عصام "حرك راسو وجا بغا يكحز خوات بيه لارض مع مدوخ ...وديييك مولاتي القرعة مفيهاش الغطا طاحت على البرقوق المعسل ...ضار هزها عتق فيها غير شوي اما تقريبا نص الكثير فيها طاح فالمعسل ديال برقوق ...جمعها وخشاها فجيبو وداكشي دخل وترطب فالبرقوق ومع العسل وهو كحلين مبانش ..." ااااو اوو لله...
تباخة٢ : هاد برقوق خلطتيه شي ؟ "كتحرك فيه"
تباخة : طفي عليه وخليه غايبغيو يسبقو الماكلة هيلي يتحركو لخزانة ..."شافت فعصام الي خاشي وجهو فالخبز ينتش فيه" كول اوليدي كول الله يرضي عليك تبت ولا دير شي زبلة تاني من عوايدك ...هاااهيا...
عصام"حدو فرنس ليها باش يقول اش دار العقل اصلا عندو افرفر "...هاهاااااااا..اييي بنيننن...
نزل لتحت لقا نجود وراوية وصفية ويسرى ويامنة جالسين على قهيوة متبوخة معطرة مع العصر هي الي كيديرو حتى كتوجد نعيمة وهما الگوتي ...لقا عليهم سلام وجلس شوي حداهم ...
نجود : شوية ولدي ؟
ياسين "حرك راسو" : ولله الحمد ...
يامنة : نكب ليك قهيوة ولا تسنا اتاي ؟
ياسين "جبد من جيبو باكية الگارو وبريكة " : لا لا ميمتي خارج شوي هنا فين الوليد ؟
ياسين"تنهد" : هادشي الي عطا الله ...واحد براكة ...
يسرى : نقصتي الدوا المهدئ داكشي باش ياك ؟؟
ياسين : هانتي فهمتي ..."شد عكاكزو وقفهم وتسند عليهم ووقف ...واستاذن خرج من تما توجه لبرا تا خرج بان ليه فؤاد بعيد لابس فوقية بيضة كيهضر فالفون بروسية شوية مغربية عرفو كيهضر مع ايلاف ...جلس تما وشعل سيجارة كما فيها نص عاد ضار عندو فؤاد وشير ليه باش يبقى تما عاد ناض وتمشا عندو ..." تحرك معايا عند الشهلة ؟
فؤاد"غمض عينيه وعض شنايفو عرف وصل الوقت الي خاصو يعرف حيث ملي جا وهو كيحاول يجبد الموضوع كيغمق فؤاد باش ميسولش ومخليه تايرتاح ولكن ياسين هو هذا قد ما جلس يعرف بطريقتو راسو قاصح والى شك بليمين لا تدارت بيه ..." : الشهلة ..."تنهد" يلاه...
تحرك هو وياه من تما غادي معاه دقة دقة كيهضر معاه ويحاول فؤاد يوجدو حيث غايعرف يعرف ...تا ضارو جيهة الاسطبل لقاو سالم ودراي الي خدامين تما ...
سالم"جاي ويصرط ريقو" : الفحم عاش من شافك نورتي اخويي نورتي ...
ياسين"حط ايدو على صدرو" : يعمرك دارك ..."ضار فجوايه رافع حاجبو ومصغر عينيه مع شمش ويتعكز يضور يشوف هنا وهنا تا رجع شاف فسالم " واحد شهلة والفحم ...
سالم"شاف ففؤاد الي غمض عينيه وحلهم وهز ايدو قاليه بمعنى انا نهضر" ...
فؤاد : جيب ليه شهلة ...
سالم : هي دابا ..."مشا دخل لداخل واحد خمسة دقايق تا تم مخرجها وراه جايا غييييييير شافت ياسين وهي تبدا تهز رجليها وتحطهم وتصهل ...ياسين شافها وغمض عينيه ببشاشة وعض شنايفو ...مشا كيتعكز ويقرب ليها وهي تصهل بداك صوت تا قرب ليها وهي تحط رجليها وعطاتو راسها وقرب ليها براسو حط جبهتو عليها كيدوز بايدو مكالي بعكاز واحد...
ياسين : شهلة العياااني ...
الشهلة "كتصوط وتدوز براسها على جبهتو واحد المنضر خلا سالم واقف يشوف ويقول سبحان الله وفؤاد ربع ايديه تاهو كيشوف فهاد العضمة ديال الخالق الي حاسا بمولاها وفرحانا لرجوعو ..."
ياسين"بقا كيشوف فيها كتصهل ومرة تسوط بخنافرها دليل على انها ناشطة وتهز ف ديلها القوي بالشعر الذهبي ...هز عينيه فيها لقاها كتحدر راسها وتهزو منيزة بديك الگصة الي فجبهتها" : صحتها ؟
سالم : مخيرة مابقاتش كيف كانت ...
ياسين"تنهد كيحرك راسو ورجع نطق" : الفحم ؟
سالم"ضربات مو اللقوة "
فؤاد"حنحن وتقدم ناحيته وحط ايدو على كتفو تا ضار عندو " : الفحم كتاب ليه عمر جديد هاهو قدامي ...فهاد دنيا متمنيين الي تلگا علينا ...مادينا غير الزين والشين ...الي مكتابة توصل لينا ...ولا شنو ؟
ياسين : كلامك تمر ...
فؤاد"ضار شاف قدامو" : الفحم خيل من الخيول ماااكتاب ليه يبقى فهاد دنيا "ضار شاف فيه لقاه مخرج عينيه ومصدوم " الخيل لا مشا يتعوض اولدي يتعوض ...
ياسين"عينيه خرجو من الصدمة فمو تلجم حس براسو كيدور وصداع خفيف زار راسو حس بالعافية شعلات فصدرو ...تا لاح عكاز واحد وحط ايدو على صدرو كيحك فيه ..."
فؤاد "الصمت خلاه يخرج رد الفعل ويعبر على صدمتو"
ياسين "ضار بالعرض البطيييء جيهة الشهلة وضار جيهة الاسطبل فين كاينة بلاصة الفحم حيث بيتو هو لول ...ورجع شاف فجنابو ماحسش براسو حتى ضار وبدا يعكز غير بعكاز واحد كتافو طاحو وعينيه ولاو حمرين ...
وخا مدوزش معاه بزاف الا انه تعلق بيه وتعلق بيه ملي لقاه صغير عاد زايد وحكايتو معاه حكاية عارفها سالم وعاشها معاه ...سالم حدر راسو متاسف ...بقاو كيشوفو فيه وهو غادي تا وقف وهز عينيه لنقطة بعيدة ونطق بصوت متقطع متدبدب " : لگا عليا الباس لگا عليا الباس...
فؤاد : لگا الباس مكتاب ليه ...
ياسين"عينيه غرغرو وحرك راسو وهو يحدرو وتحدر جلس فوق حجرة تما فحال كرسي صغيرة "...
فؤاد : لگا الباس بغاها ليه الله معندك اعتراض على حكمو ...الخيل يتعوض صحتك اولدي الي متعوض لا بمال لا بجاه ...جربنا معاك الغبينة والنكسة جربنا الغدر جربنا حرقة دنيا ودين وحرقة الولد ...ماعوضنا برجوعك
غير الدعاء لرب العباد لا مالي نفع لا سلطتي نفعات لا صلاحياتي ...لا هيبتي وقفات فوجه الله ...ركعنا ليه وطلبنا وما خيبنا ...حتى رجعك لينا سالم غانم ...
ياسين"الصمت"
فؤاد : هز راسك وحمد الله على ما عطاك ...وشد الهبة والهدية وبدا صفحة من جديد ...هادي من باك الي فرح برجوعك وسط خوتك ...
ياسين"هز راسو وشاف فيه مافاهمش ضور وجهو لقا عمامو واقفين الياس ويوسف وحداهم ايساف والحبيب جاو حدا فؤاد ..."
فؤاد شاف فسالم وحرك ليه راسو وهو يعيط لعبدو صفر ليه حتى تم جاي جار وراه وااااحد مولاي الخيل سبحان من صورو مزال صغير شوي وليني شوفة فيه كتخلي القلب يضرب..
غير خطواتو كتسمع طك طك كيقرقب بحوافرو وتعنگيرتو عاطياه هبة لون البيض فيه يخليك ترتاااح ...."
فؤاد : البيض صفحة جديدة والنور نورك...بصحتك وراحتك ..."ياسين بلا مايشعر ناض وقف تا كان غايطيح كون ما مد ليه الحبيب ايدو وشدو "...
نور الياسين الجزء 55
محتوى القصة
التنقل بين الأجزاء