هااا نقيطات العسل شرفو بعد اشهر الوحم والحمل وهاهي نهاية وهن على وهن قد اكتملت...بعد عذاب الولادة الي حريقو ولحظاتو كانك كتعاود دوزي عذاب تسعة اشهر فهاد السوايع غير هي بالحريق الي يعد ثاني الم بعد الحرق ...
برا كان جو الانتظار على الاعصاب ...يوسف مرة يمشي ويجي مرة يجلس الي جالسين فشومبر كيوجدو ليها حوايجها وحوايج البنيات الى فكها الله طبعا فنضرهم حيث مزال معلموش بشنو طرا واش تفكات على خير او لا ...
فؤاد "صونا ليه تيليفون كان الحبيب" : ولدي ...
م.الحبيب : الوليد امضرا ؟
فؤاد : على مولانا ولدي على مولانا ..
الحبيب : وايلي من الفجر ودابا رالوحدة الليل ..
فؤاد : يكون خير يكون خير دعي اولدي دعي بالفكاك والله يسمعنا خبار الخير...
م.الحبيب : الله يسمعنا خبار الخير ...مهم را هاجر الوليد غاتجي غذا فالصباح بكري فالطيارة قطعت ليها بغات تسبقني تبقا معاكم تما شوف الي يتلقا ليها فالدراري ولا رسليها شي طاكسي كورصة الله يحفضك ...
فؤاد : مرتك بنتي وبنتي ميجيبها غير باها ...الوقت الي تيسر فيه علمني نجيبها راسي ولدي ...
الحبيب"بفرحة" : الله يعمر دارك ...وعليه ...باش مكان علمني ...
فؤاد : هنا ولدي هنا من هاد جيه ...الله يرضي عليك ...
قطع معاها واحد جوج دقايق بالحساب تا طلعات الفرملية لعندهم باش تجيب ليها شي حاجة تهبطها ليهم تا وقفاتها يامنة الي عرفتها...
يامنة : ابنتي امضرا ؟
الفرملية"تبسمات ليهم وناضو تجمعو حداها بغاو يعرفو اش واقع" : مبروك عليكم تفكات على خير يترباو فعزكم ...
يامنة : ههههههه الله اكبر الله على حنينة ...
يوسف"بالدعقة ضار عنق صهيب تا هزو كيدور بيه"
صهيب : اهيا نعل شيطان ماشي يسرى انا ...
يوسف : تهههههه الفرحة الفرحة ...
الياس : واااخويااا"تعانقو بثلاثة بيهم " على سلامة نخشيشة ...
يوسف : الله يسلمكم اخوتي ههههه ..."شاف ف فؤاد" خويااا ههههههه
فؤاد"سرح ليه ايديه بزوج " : يوسف ...
يوسف"ترمى فاحضان خوه بتعنيقة رجولية اخوية دافية تعنيقة فرحة نفسها فاش ولدات مينة غير الفرق كانت النفوس مزال مريضة من غيبوبة ياسين والي وقع ليه كان مزال الجرح جديد .." : مبروك علينا انا وياك هههههه ولينا جدود ...
فؤاد : بالفرحات عليا خويا بالفرحات ..."باس ليوسف راسو وطبطب عليه " ربي فك الوحايل والله يخلي لمتنا مجموعة لدوام ...
يوسف : اللهم امييين "شاف فيامنة " الفجلة وليتي جدة هههههههه اييييييه اليام ايام جيتي بنت سطاش العام ...
هزو البنية الثانية حدا ختها من بعد ما قطعات ليها الحبل سري وخلاتو مشدود البوط بمقيبط ...داوها تا مسحو ليها شوي ودارو ليها سمطة غوز مكتوب فيها nawar ramssis اسم الام و تاريخ فاش تزادو 13/9 ...ولواتهم فايزار فالغوز وجابتهم لنوار الي كانت كتخيط ليها وحطاتهم حداها ...
يسرى"هزات البنت الي تزادت لولة وباستها وعاودت" : واربييييي على لفريز اربي على المنيات زوينات الله ...وماما حبيبة ...تشوفي ماما ؟ اممم تشوفي بابا ..."داتها تال عند ياسين الي كيشوف وعينيه كيلمعو بدموع ..."
الفرملية"عطاتو اخر عنقود الي خرجت بالفتيح مدتها ليه خاشية صبعها هادي ومطلعة واحد الحاجب عندها تقيبات زين فخدودها فاش كتبغي تبكي وتجبد حناكها..." : بسم الله ...
ياسين"باس رويسها وحناكها" : الله على بنتي الله ..."عض شنايفو بحب باغي ياكلها ورجع اذن ليها تاهي وعطا نفس الدعاء "
يسرى : ارا باش يلبسوهم ويطلعوهم لفوق حدا لا شومبغ ...
مدها ليها تا باس راسها وداز باس لاخرا تاهي وداوهم يبدلو ليهم من بعد ما جات الفرملية جايبة صاك من فوق فيه حويجاتهم وليكوش خهخخ ...باس نوار فجبهتها ودعا معاها بالشفاء وطلب السماحة ...كملو ليها ودوزوها لجيهة الانعاش الي غير تما نيت فداك الجناح ...
كملو ليها ودوزوها نيشان الانعاش بينما ترتاح من تعب العملية وخاصها فترة ديال راحة ريتما ترجع كل حاجة لبلاصتها عاد يطلعوها لشومبر ديالها لتبداأ مرحلة العذاب مع الالم ما بعد العملية الي كيكون عذاب من نوع اااخر ...
يسرى : الغراز اولدي قل من سيمانة يطيح الخايط مادرتش ليها غراز كتار غير شوي باش عاونت غير ثلاثة ...والعملية عشرين يوم وتبرا ليها ولكن خاصها تبقا مراقباها وشحال من حاجة غانكون معاها باش تبرا دغيا ...
هادي هي الدنيا واحد مزيود وواحد ميت واحد تخلقات فيه الروح بينما واحد اخور تهزات الروح ...زوج رواح انضافو لعائلة رمسيس زوج بنيات عطاهم رب العباد مؤنسات غاليات ...نقيطات العسل على قلوبهم تزادو بعد عذاب وعناء طويل ...شرفونا ونورو العائلة ...
ياسين"وصل الطابق فين جالسين شي قدام شومبر ديالها وشي لداخل فشومبر ...شاف يامنة الي ناضت كتضحك وتلاحت عليه عنقها تا بغا يهزها" : حنانتي...
يامنة : احنينة على سلااامتها على سلامتها...
ياسين : الله يسلمك اميمتي "باس راسها"
فؤاد"تسالم معاه وعنقو عناق طويييييل " : على سلامتك الحنان على سلامتك ربي فك الوحايل وبشرنا ...
ياسين"باس ليه راسو" : الله يسلمك الوليد ...
يوسف : واااا فحم الفعايل ...
ياسين : نسيبي وجد بناتي ...
يوسف : هاااح ومزينها سمية هااح على ولد الفجلة هاح قاليك تاهو ولا بابا ...
تسالم معاهم ياسين معنقينو كاملين فارحانين ويضحكو تا تبعاتو يسرى الي مشات تشوف البنيات فين حطوهم ...تا دخلات عليهم ...
يوسف : ها جدة يسرى جات ...
يسرى : جد هو نتا انا باقي صغيرة انا ويامنة هههههه "تسالمات مع يامنة " شرفناك هههه
يامنة : وهذا الجهد ههههه...فين حطو البنيات ؟
يسرى : تمشي تشوفيهم ؟
فؤاد : فين ؟
يسرى : غاتخرج من هنا دور على ليسر را مقابل مع هاد شومبر نيت ...انا نوريكم ...
يامنة : هاحنا نشوفوهم ونتوما تبعونا ...ميمتي عيطي لنجوى وسارة باش يوجدو على حساب صباح بكري يقضيو الغراض ...
تحركات هي وفؤاد ويسرى مشات معاهم بزوج تال عند القاعة الي فيها الرضع الي عاد تزادو ...ووقفو كيشوفو تا جات واحد لانفيغمييغ حلات ليهم الباب وتبسمات ليسرى ..
يسرى : وريهم البنيات توام الي عاد تزادو شي ساعة ونص هادي ...
حركات ليها راسها ومشات يسرى لحقات عليهم لشومبغ...اما يامنة وفؤاد الاجداد الي مزالين جداد ...وقفو كيشوفو حتى تمات جايا لبنت جارا كونة متحركة فيها زوج كونات فيهم البنيات بزوج ملويات فايزار بيض مطروز بالغوز ...
يوسف : ومن قاال تزوج بياسين والي جرا وهاهما رجعو وجابو هاذ الوريدات ...ومن قال نتي بنت عمي تزوجي ب خويا فؤاد وتولدي ياسين ونولد انا ونتناسبو ...
فؤاد"ضار عندو رافع حاجبو" : من قال نتزوج بيها ؟ من قال ؟ مكان لحد يد فهادشي وكان ؟
يوسف"عرفو كيمعني عليه الي نهار جاب ليه الورقة يسني باش تزوج بيامنة بلا ميعرف" : هاااا !! الله ما انا لاهتا باك الله يرحمو ... ياك جخلطتي كلشي داك نهار كلشي طحنتيه عصا ..."شافو رفع حاجبو وخنزر"واهههههههن شوف هانتا فين وصلتي شتي ؟وليتي جد ...
يامنة : بالعما واش باينة عليك جد نتا هههه ههههههه
يوسف : دخلي بخيط بيض اجدة فجلة ..
يامنة :"شافت فالبنية بدات تبكي وفمها محلول ووجهها تزنگ " وينااا حنينة لا لا ...
فؤاد"كيشوف فالفرملية جابت ليها بيبغون فيها لويزة تشربها بيدما طلعات نوار ترتاح وترضعهم ...كيشوف فدوك الفجيلات الي كينغشو وسط دوك ليزور ...حس بقلبو
كينوغش ليه كيشوفهم بكرات باهم وبكرات حفايدو هو ...وطبعا البكر ديما مكانتو وحدها فشكل ...ماحسش براسو الا وهو مغمض عينيه ونطق بصوت شبه مسموع " : جعلكم ربي درية صالحة ...كي نور باكم قلبي نورتو ليا نور قلبي يا وريداتي ...وعينيا ...وياويل الي يقرب لعينيا...
وصلات الاخبار لباقي العائلة حيث من الي عرفو بحالتها شي بقا سهران شي نعس كيتسنى اش غادير يتاصلو بيهم ...الا وحدة الي كانت شادة طريق جايا هي وراجلها وعگوزتها.…
مينة : بزاف اماما قاصحة عليها ..."مسحات دميعة نازلة" عزات عليا ياربي على ختي الله..
يسرى : مكتاب عليها وصافي الحمد لله الي تفكات على خير...نتي قربتي ؟
مينة : انا فبني ملال مزال شوي على مراكش ...
يسرى : يلاه سيري طريق سلامة غير توصلي دي عگوزتك لدار ترتاح صباح وجيو ...
قطعات معاها وضارت لقات يامنة كتقاد ففراش السرير ديال نوار ...اما نجود مشات جا ليها واحد فالدراري الي مشا تا طل على البنيات ودا ميعاود لاخرين هههههه ومشات بقات غير هي وياها وياسين را لتحت كيشوب قهوة ويكمي باش يبقى فايق تيطلعو نوار فالصباح بكري ...
يامنة : الي غاتصايب هنا معاش تجي. ؟
يسرى : طلبتها تجي بكري دغيا توجد قبل ماتفيق نوار ...
يامنة : شنو تبدا تاكل ؟
يسرى : ماغاتاكل والو تشرب غير لويزة صافي حتى يطير البنج وتنفس (تحزق خههه) عاد ديك ساعة تعدي بالصوبات وشي حاجة تبقى تجري ليها كرشها على حساب ميجيهاش القبط والا غاتكرفص ايامنة ويطرطقو الغراز ...
يامنة : الله يحفض ...صافي ديك ساعة نطحن ليها الباربا تشربها تبقى مجريا ليها كريشتها بالحق تاتبدا تاكل ..."تنهدات" الله ياربي على حنينة غراز وفتيحة ياربي...
يسرى "كتمسح فعينيها وتفوه " : عيييت ايامنة والله ...دابا مندخلش نشوفها بقات تما ترتاح دوزي نعسي شوي ونوضو ها ياسين يفيقنا لا كانت شي حاجة ...
لتحت حدا الاستقبال المقابل مع باب المصحة ...متواجدين كراسي تما جالس فوقهم مفرق رجليه وحاني على ركابيه شاد كاس القهوة من بعد ما خرج تا كما ورجع دخل ....كيحرك فالكاس وشاد تيليفون كيشوف تصيوراتهم فاش يلاه تزادو وفاش حطوهم لنوار حدا عنقها وهي غايبة مجابت ليهم الخبار ...تا وقف عليه فؤاد ...
فؤاد"شافت فيه يامنة وشاف هو فياسين" : يكون خير ...ان شاء الله ولدي ان شاء الله ...
"عودة من فلاش باك"...
ياسين"ضار شاف فباه " : فين وصلنا فالسميات باش نشريو دبيحة ونسميو الله وسمياتهم...
فؤاد : جوج سميات على سميات الغاليات اللولة زينة ولدات شامة ولدات غزالي يامنة ..."نال شرف تسميتهم فؤاد ويامنة باستشارة يوسف ويسرى الي فرحو بزاف"
ياسين "رجع شاف قدامو وقال الموذن الله اكبر الله اكبر ونطق باسم البنيات " : زينة وشامة رمسيس ...
"زينة شامة" احلى الاسامي ...
كيف نطقهم حس بقلبو كيضرب بالفرحة ...سميات بناتو ...بناتي وشحال هاد الكلمة جاتو حنيييينة وخفيفة على القلب الي غير ينطقها يبدا يفرفر...بناتي الي بين ليلة وضحاها خرجو لدنيا وولاو تحت جناحو ...عائلتو الصغيرة المتكونة من الاب الام وزوج بنيات ...وكيف قال...
ياسين : لغيت بسمياتهم شربت العسل ...
فؤاد : يترباو فعزك وعزنا ولدي ...
ياسين"ضار شاف فيه مدة وقرب راسو باسو ليه" : امين الوليد ...
كمل فؤاد سيجارة ديالو وديمارا ياسين الطموبيل خرجو من الكلينيك وشدو الطريق نيشان لفيرما لكن ماشي فين ساكن مشا الفيرما جديدة ...وقفو وخرج خلا فؤاد كيتسناه مزال مفهم والو لحد الساعة ...تا تم خارج هاز زوج صبكان ناپولي كبار كحلين ...حل الكوفر بكونطاكت تاتهز وقرب شاف باه صيكان باستغراب ...
فؤاد"فهمو حيث كان من قبل عارف اش بغا يدير عاطيه غير فكرة سطحية انه غايصدق لكن معرفش اش بالضبط" : الله يرضي عليك...
ركبو بزوج فداك الفجر وتوجهو نيشان لمركاش لمامونية بالضبط مشفى عمومي ...صونا لسيد الي عارفو غايكون بيرمانونص حيث هو الحارس ...توجه ليه نيشان وخرج لقاه كيتسناه هز معاهم صيكان ودخلو لداخل وزعو حويجات زيادة وليكوش على النساء تما تكلفات واحد لفرملية الي تاكد انها بصح وزعاتهم عليهم ...
فرقهم على الي والدات تما كاين الي مافحالهاش معندهاش باش تكسي تريبية تا جاب ليها الله هاد الحويجات وليكوش ...صدق علاش ما قد تا خواو صيكان ودور مع العساس وسيكيريتي تما ورجعو ادراجهم ....
صباح جديد هاد المرة تزادو زوج فردات ماشي فرد واحد انما زوج رواح جديدة نضافت لعائلة رمسيس ...زوج هبيزات نبيزات فرتيتات الي خلاها اشرف فاش شاف صورتهم من جا اسامة جاب نجود ...
تحل الباب ودخلو بياص متنقل دافيعنها
زوج فرمليات مبتاسمات لقاو يامنة ويسرى واقفات كيوجدو مع البنت الي كملات اخر لمسات البيفيه ديال زيادة الي كان مزين الغرفة بالوان وردية وبيضاء ...لحايط فيه ورود وردية وبيضاء طبيعية على شكل زوج قلوبة وسط منهم اسماء البنيات zina chama....ولوسط مكتوب mami nawar عاد طابلة فيها صابلي بريستيج بالالوان غوز وبيض على شكل دمى وكريريسات وعاد شوكولا مستف وكيسان العصير والتحلية وضيافة الي مقدمة عبارة عن كنافة وعش الطير بالبيطاش والجبنة ...مقدمة من محل الوردة الشامية تما فمراكش(نصحكم بيه كنافتهم متشبعيش منها ).…
يامنة"قربات عندها باستها فجبهتها" : على سلامتك ابنتي على سلامتك ...
نوار"غمضات عينيها بابتسامة ليها" ...
تعاونو الفرمليات تا حولوها لبلاصتها وقادوها فالسرير هزوه بالريمونت شوي گعدوها جهد الي تشوف فقط ماشي تجي جالسة ...وخرجو قايلين الحمد لله عالسلامة بابتسامة تخليك تبغي تجي لهاد الكلينيك وهذا هو الدافع الاول...غغيير خرجو وتحل الباب دخل هو ....
ياسين"قرب لعندها وتحنى باس جبهتها ونيفها عاطيهم بالضهر...كيدوز على حنكها وعينيه فعينيها بحب وعشق لهاد كتلة الفشوش الي مسميها هو الي ولات ام ورجعاتو اب " : نوار ...شوية كاندي ؟.
ياسين"بقا كيشوف فيها وشحال عزت عليه ...تنهد وشاف فيها بحب ونطق بنفس نبرة صوتها غير هو صوته مدعدع خشن " : ماعليش بمغفرة الذنوب ان شاء الله ..."وقف شاف فيسرى الي كانت كتهضر فالتيليفون مع يوسف يجي وقطعات" ميمكنش تاخذ دي كالمون ؟
يسرى : سي تاخذو الى تجاهد عليها بزاف ومتحملاتوش دابا متاخد والو واحد شوي شي ساعتين هكاك يدخلو ليها البنيات باش تبدا ترضعهم ...
نوار"شافت فيامنة الي عند راسها ونغزتها بايدها تا حدرات فيها عينيها" : بغيت نشوفهم...
نوار"حطات راسها وهزات عينيها لسقف كتغمضهم وتحلهم جهد شي عشرة دقايق تا تحل الباب وضارو كلهم حيث كلهم غايشوفوهم اول مرة نيشان يقيسوهم الا ياسين الي هزهم وهما عاد خارجين من الكرش ..."
يسرى"جايا هي وواحد الفرملية جارا زوج كونات فيهم ايزور غوز " : ها ماماااا هاحنا داخلين سوفو(نشوفو) ماماتيييي ...
ياسين"عض شنايفو وعينيه رجعو لمعو فيهم واحد البريق فشكل كتحس بعينيه فيهم حنية وحب واماان لهادوك الكتلات ديال لحم الي ادخلين اول مرة تشوفهم امهم ويتحطو بين احضانها ...شاف فنوار الي مضورة راسها جيهتهم وهما جايين عندها وحدة كتنغنغ ببكية صغيورة كتحس بيها كضرب ليها فقلبها ...ورجع شاف فيهم وشاف فالعائلة كتشوف فيهم ويضحكو وصهيب والياس ويوسف مشاو يجريو ليهم ينغشو معاهم ويبوسوهم ..."
يوسف"مد ايدو لايد وحدة وايد لايد لاخرا تا كمشو فيه بزوجات " : لاااااااهياربي الله ياربي الله وسعدي وفرحي بالفريزة المعاودة(ولد مينة شحمة المعاودة وهادو الفريزة لمعاودة هههه )
الفرملية"بابتسامة" : بونجوووغ مدااام ...
يامنة"هزات وحدة بين دراعهاا" : ياااربي ماشاء الله ياربي "باستها فجبهتها تا قرب عندها ياسين عنق يامنة وهي محتاضنهم كيشوف فوحدة من كباديه...هزات فيه عينيها" ها بابا شفتيه ...
ياسين"مد ليها ايديه باش تعطيها ليه تا حطتها ليه بين دراعو .." : الله ...
نوار : اراوهم ليا نشوفهم ...
يوسف : عطيهم لماماهم عطيهم ...
فهاد اللحضة تحركات يامنة هازا لكبيرة الي فسمطتها حطو ليها تا ساعة فاش تزادت باش تعلمها مها وتعقل عليها ...وثانية نفس شيء حيث تزادو فحال فحال يعقلو عليهم بينما يعرفو شكون الكبيرة من صغيرة ...قربات ليها يامنة وقرب ياسين وشعور الاحتضان ديال فلذات الكبد على مشارف ....
يامنة : بسم الله ..."حطات ليها وحدة بين دراعها ليمن "
نوار"غير حطاتها كتنغش قلبها طاح بين رجليها كيضرب يضرب يضرب حسات بالنمل سرح فيها تا نزلات دمعها سرررر وهي كتشوف فقطعة منها بين حضنها تا باستها فجبهتها" : يا ماما ...
لوحة هي لوحة دافية بداية الامومة بداية الحنان بداية الامان ...انتي الامان انتي الحنان من تحت قدميك لنا الجنااان عندما تضحكين تضحك الحياة تزهر الامال في طريقنا نحس بالاماااااان ...امييي امي اميييي نبض قلبك نبع الحنااان....
لوحة ترسمات فهاد اللحضة المفششة الصغيورة ديال ال رمسيس هاهي ولات ام لطفلتين كيف الوريدات ...لوحة خلاتهم كاملين ميفلتوش اللحضة ويصوروها باش توثق عندهم ...حتى لواحد اللحضة هزو ايدياتهم وحدة مع جات نيشان كتشوف فيها نوار وتبتاسم ودموعها دايزين حطتها ليها على فمها تا باستها كانها كتقوليها ماتبكيش اماما وثانية حطت ايديتها على قلبها بلا شعور ...وحدة مسحت دمعتها وثانية واساتها ...
يسرى"دايرة ايديها تحت ذقنها حاضية المنضر" : سبحان الله ...
نوار"بدات تكمش عينيها تا نزل ليها العرق من جبهتها" : اننننننننن وااااااااااااربييييييي ...
ياسين "بخوف " : مالك ؟
نوار : امممممم "جات يسرى ويامنة شافوها بدات تفشل حيدو ليها البنات الي مبقاوش بغاو يسكتو من البكا وهي تغوت " صداااااااااااع ياربي صدااااااع ....
الولادة كيف مكانت راه ماشي ساهلة سوا طبيعية او غير طبيعية كتبقى ولادة بالعذاب ومراحلها مراحل ...وفالاخير كنقولو الله يسمح لينا من الواليدين ...
ال رمسيس داز عليهم وداز البداية كانت حب من طرف واحد حب الطفولة ...تعارف تبادل الاعجاب ...زواج تعارف ما وراء الزواج سالا بالطلاق حتى تعارفو من جديد وكان ساس متين دازو من الصعاب ...كتاب
عليهم المكتاب وربي لدعوات استجاب وبان "نور ياسين" المعنى ديالو من اول ما بدات القصة لحد الساعة ...وها ياسين رزقو الله بزوج نويويرات زادو نورو حياتو تحت جناحو ...وها ياسين اصبح اب وهاهو غايعرف معنى الكبدة بحق وحقيق ...والحياة كتستمر بحلوها ومرها ...
يسرى : غير صبري بنتي صبري دابا يحبس عليك...
ياسين : عطيها شي كالم ؟
يسرى"كتفكر من بعد حركات راسها" : نعطيها نعطيها..."خرجات مشات تجيب ليها الكالم من تحت عند طبيبة الي بغات تخرج من مناوبتها تما...باش تبرد عليها صداع الفتحة لانها ماشي غير من سيزاغيان حتى من لتحت الغراز الي دايرين ليها ...حيث مزال مشرباتش دوا ديال صرع الي غايخفف عليها وخاصها تكون مكالمية ومتضغطش باش متجيهاش لكريز ...علمات طبيب لفرملية باش تجي تعطيها الكالم بعدا يهدن عليها صداع لان صداع ما بعد الفتحة فاش كيطير البنج را ربي الي عالم بيه صعيب شي حد يتحملو بل مستحيل وهادشي من ضمن الميزات الي فالمرأة وخاص تقدر لكونها كتصبر لهاد نوع من انواع الالم والعذاب ....
نوار"مغمضة عينيها مقادراش تتهضر كتحس بالصداع وباش يتكالما عليها كيرجع يتجاهد بزااااف واحد العشرة دقايق عاد يدير مفعولو " : ممممممممممممممممممم اهى اهى مممممم
ياسين"تحنى باس جبهتها" : بمغفرة الذنوب ...
نوار"عاضة فايدها " : اعنننننععنننممممم اهى ...
يوسف "كيشوف فيها كتالم وضرو خاطرو حيث تا مينة حضر ليها فاش بدات تبكي وتلالي بالالم ديال مابعد البنج ..." : بالشفاء بنتي بالشفاء...
مزال كيتفكر فمينة حتى تدق الباب وطلات براسها مبتاسمة كتشوف فيهم مجموعين حدا نوار ...
مينة : هاا انا جييييت هههه "دخلات هي ورياض وعگوزتها تاوصلات سلمات عليهم ومشات عند نوار الي سترها ياسين بايزار مزيان وقاد ليها شعرها وهي كاع ما هنا بالصداع الي بدا كيهمد بفعل المهدئ الي عطاوه ليها ..." نوار حبيبة ديالي .."تحنات باستها" على سلامتك ...
نوار"غمضات عينيها وحلاتهم "
مينة : شوية ؟ "شافت وجهها مزنگ" مالك ؟
يسرى : صداع اماما صداع راك عارفة ...
مينة"كمشات سيفتها" : اووو الله يشافيك ياربي.."ضارت تشوف بانو ليها كونات البنيات" وينووو على خالتو انااا...
رياض : تباارك الله تبارك الله...على سلامتك ختي نوار"شاف فياسين وتعانق معاه " على سلامة بابا هههه
ياسين : الله يسلمك الله يسلمك ...يجيكم الخير ..."قرب لام رياض باس راسها وايذها" يجيك الخير اميمتي ...
ماجدة : الله اودي ياولدي ...على سلامتك يترباو فعزكم ياربي ..."قربات لكوناتهم وهزات بنية الي بقات ولاخرا كانت هازاها مينة ...باستها فرويسها وايديتها وهي تحط ليها بواطة حمرة فكونتها وبواظة حمرة فكونة لاخرا .." ماشاء الله يترباو فعزكم ...
مينة"باستها وحطاتها وباست لاخرا تاهي الي هزتها وعاودت حطاتها ...جبدات من صاكها تاهي زوج بواطات كحلات حطات لكل وحدة بواطتها" : هاهي بحال بحال لا تمشيو تقلقو هههه
ضحكو كاملين حيث عارفين توام يقدرو يكونو مفاهمين يثدرو ميكونوش مفاهمين ولكن را توام دييييما لا مكانوش مفاهمين را فالفعايل بات مات مفاهمين ..بقاو معاها شوي واستاذنو مشاو كاملين بقات غير يسرى ويامنة ...حيث عشية غاتجي نجود والبقية يشوفوها مبغاوش تبثى دار خاوية ناس بداو يجيو يهنيو بسلامة نوار ويوجدو لنافسة الي غاتخرج بعد ايام ...
تدق الباب وحنحن ياسين باش يدخل ...تا دخل بهيبتو الوقارية ديالو وجهو باينة فيه الفرحة الي مفرحهاش بحالها فولادة ولادو طبعا هادي الكبدة المعاودة فرحتها مدوبلة ...وجايا موراه هاجر الي مشا جابها من المطار ...
فؤاد"قرب لنوار وباس راسها" : بنتي على سلامتك ...
نوار"قبطات ايدو باستها وتبسمات بتعب فيها نعاااس" : الله يسلمك عمي ...
هاجر"سلمات عليها بابتسامة" : على سلامتك اماما ههههه
نوار"ضحكات بشوي وتعصر فعينيها" : ههه الله يسلمك ...
فؤاد "ضار شاف فيامنة الي جايا هازا ليه وحدة من بنيات كتضحك وشحال فرحة يامنة متعطيها لحد ياربييي ...مدتها ليه" : بسم الله الله اكبر ..."تحنى باش جبهتها وطول فالبوسة جاتو لحيمة رطيبة وصوت انفاسها مادة شنيفاتها وفكها سفلي كيترعد..وجابت ليه تا لاخرا تاهي باسها بقا شحال هازها ورجع حطها قرب ليه ياسين وعنقو بجنب "
ياسين"مد صبعو شير ليه على الي بانت غمازتها فاش تبسمات غير مع ملايكتها ..." : هادي الكبيرة ..."وراه سمطة الي فيها ساعة فاش تزادت" وهادي "وراه ثانية الي رافعة حاجب وناعسة مادة شنايفها " الصغيرة ...
فؤاد"بشويييي نطق" : ماشاء الرحمن ...
ياسين"شاف فنوار الي كتشوف معسلة عينيها بالعيا" : الكبيرة ؟
نوار"شافت فيسرى باش تحنى عندها وقالت ليها فوذنيها"
يسرى"شافت فيهم وضحكات" : اسيدي قالت ليك الكبيرة زينة والصغيرة شامة هههه
فؤاد : جعلكم الله من الذرية الصالحة
دازت مدة هكاك رتاحت فيها نوار نعسات شوي وخا صداع رجع تاني كيعطيها جهد ديالو عاودت ليها تاني المهدئ باش يكالميها تاني حيث متقدرش تحملو بينما رجعات تشرب الدوا ديال صرع الي متبعة ...
يسرى"تحنات عندها" : ماما خاصك تهزيهم ..
نوار"حركات راسها" : عطيهم ليا نشوفهم ههه
يامنة : عاونيها نتي انا نجيب ليها لولة بعدا "هزات الكبيرة الي دارو ليها گريميط فيه سميتها الي عرفات بيها مينة ووجداتو ليها عند الذهايبي وهذا كان الكادو ديالها..." ها لالة زينة "باستها فحنيكها" امااح على لمنيات ماااح ...
نوار"هزات ليها يسرى ناموسية تا تگعدات جات جالسة شوي ...عاااد حطات ليها يامنة البنية بين دراعها وسط احضانها حسات بقلبها كينغش ههه " : حبييييبة ديالييييي هههه "عينيها غرغرو" مااما ...
زينة"كتمد فمها وتخشي ايدها تاني تمصمصها"
نوار"شافت فماماها" : ياكما ترضع ؟
يسرى : ماعليك غير تصبري تاليل بينما حيد منك الكالمون الي درنا ليك اماما ونيت تكمل ربعة وعشرين ساعة ...
تحل الباب ودخل ياسين من بعد ما جا من الفيرما جاو معاه البقية نجود سارة ونجوى ورميساء سلمو عليها ورجعو مع صهيب والياس ...بقا يوسف شوية جات مينة تاهي عاودت امانت عليها ومشات بقا غير ياسين ويسرى ويامنة ...
شد رجليها ودورهم بشويييي ويسرى شاداها وهي تلالي بصداع ...تا قادهم فلارض ...عطاها دراعو شدات فيه وعاونها تا وقفات بزز حسات بالدوخة على شوي كانت غاطيح كون ما زير عليها ...بزز باش وقفات مسندة عليه كانت غاتعاونها تا يسرى ولكن طلب منها تبقى هي ويامنة اما البنيات كانو داوهم لبلايصهم فالغرفة ديال رضع ...بقات كتمشى وراسها كيدور حاسا بلعية ...
ياسين"غادي معاها دقة بدقة " : شوية ؟
نوار"حاسة بالردة": ماقدرتش اياسين ماقدرتش ففف...
ياسين : غير بركي فالنفس ...
نوار"ضرتها الفتحة مقدراتش بغات تسخف تا كانت غاتطيح كون ما شدها" : لا لا مقدرتش عافاك رجعني ...اووعععع
ياسين : شش مالك ؟
نوار : بغيت نرجع اوووع"دارت ايدها على فمها ماحيلتها لترجاع ولا لمشية الي مقدراتش تزيد يلاه غايخرجو مزالين عند الباب"
يسرى : بغيتي ترجعي ؟ "مشات كتزرب جابت ليها بانيو تما ومداتو ليها جلسها فوق فوطوي تما بشوي حيث مبقاتش قدرت توقف بغات تطيح ضرتها الفتحة والغراز والتقيا وصدزع را الي صبر را ها بونجور ديالو ...غير عطاه ليها وهي تبدا ترجع فالمياهي ويسرى كتجمع ليها فشعرها ...عاد تكات راسها تتنفس "
ياسين "بنفس نبرتها" : ونوااارته ...شكون الي ليه الحق وتزادو الحق تاهو على حقي يرضع ؟
نوار"ماسخ وخا تكون وسط الموت " : هههه حرام عليك ميبقاوش فيك ؟
ياسين : واخا لالة ...نشوفو شنو ديري ...
...داز وقت شوي ...
نوار : ففف بغيت ندخل لطواليط ...
ياسين : حيدو ليك داكشي ؟(تيو ديال البول)
نوار "حركات راسها" : حيدووه ...
ياسين : تبدلي ؟
نوار"تزنگت"
ياسين : تت ...وكنسول تانا نيت ...اجي كاندي اجي .."تحنى تا شلقمها شوي ماحدهم راس فراس ...عاونها تا وقفت بشويييي عليها وبالخااااطر براحتها باش متعگرش مسندة عليه يلاه غايتحركو دخلات يامنة شافتو غادي بيها غمزها وحركات راسها جايبة ليها لويزة تشربها فقظ هي باش تعدي بينما تنفسات وتولي تشرب عادي وتاكل لكن بدون اكل فيه الغاز...
دخلها لطواليط بشوي عليها تا عاونها ماقدراتش تهضر حدها مزنگة ومزيرة كتشوف فيه تحنى حيد ليها سروال بيجامة الي سمطة ديالو فوق كرشها باش ميعگرهاش فالفتحة ...ماقدرتش تهضر حيث عارفاه ميتزعزعزش الى ما قضا معاها...عاونها تا جلسات فلاشاص ومشا يجيب ليها لمعقم باش تغسل والمطهر ...
نوار"الصمت"
ياسين "كمش عينيه فهم انها مقدراتش تغسل " : عطيني كاندي عطيني "شد من عندها المطهر وجاب سطيلة من تما دار فيها شوي المطهر ووقفها تسندت عليه وغسل ليها بشوييي عارف كاينين الغراز وغسل ليها بالقاعدة غييير بشوييي باش متعگرش ونشف ليها مزياان وعاود جاب بيطادين خواه عليهم وخرج جاب صاكها ...
يسرى : شنو بغيتي منو ولدي ؟
ياسين"مبغاش يقول فوطة صحية باش ميتحرجوش ومتحرجش نوار " : باش تمسح وجهها ..."حركات ليه راسها ودخل عطاها صاك وراتو شنو يهز شافها مزنگة " وايلي نوار فحالي فحالك ...
نوار : احم ..."جبدات ليه كيلوط جديذ وقادات الفوطة صحية الي كتكون خاصة بالنافسات ماشي العادية الي كنعرفو ...وعطاتو ليه حيدات لاخرا غلفاتها ورماتها حداها فالزبل (حاشاكم) ولبسها كيلوط وسروال ووقفها تا غسلات وجهها وباسها وعاد خرجها لبلاصتها ...مع خرجو دخلو السلاگط وجاه لفت رباعي ....
بقاو معاها يضحكو مجمعين تا جات جدات نوار اي ام يسرى وخالها سلمو عليها بقاو معاها شحال تا دخل ياسين سلمو عليه ومشاو لفيرما يرتاحو حيث غاتبقا غير جداها اما خال يسرى ومرتو غايمشيو ...دخلو البنيات عليهم يبكيو مساكتييينش تا ضار ياسين عاقد حجبانو ...
ياسين : مالهم ...
لفرملية : خاصهم يرضعو موسيو ...
يسرى : صافي بنتي انا نعطيهم ليها شكرا ..."حركات راسها بابتسامة ومشات خرجات جاو دراري باسوهم وكل عطى هدية ديالو كل واش تقدا ليهم فرحانين بيهم بجهد ...تا خرجاتهم يامنة وبقات غير يسرى ونوار وياسين والبنيات ...هزات وحدة عطاتها ليها وحطتها فحضنها كتبوس فيها ..." يلاه جبدي باش ترضعيها ...
نوار"بفرحة معارفاش اش كيتسناها مسكينة " : واخاا ..."شد عليها ياسين البنت تا جبدات صدرها وحطاتو ليها في فمها كتجر فالخوا وتجر تا تجر ليها لحم وبالتالي جرات من صدرها حسات بجرة فالفتحة والغراز ...مزال مجرباتش جرة فاش كيطيبو الحلمات تاهي عذابها وحدو " اعععععععععع"مصات فمها تا حوالو ليها عينيها" اممممممممممممم فففففف فففففف...
بقات ترضعها والبنية خرج داك اللبا(اول قطرات الحليب ) ديال صدر امها بقات تمص تا طلقات صدرها وهزاتها ييرى دارتها على كتفها وتسناتها تا تگرعات ونيت تشوف نوار وباسين باش يتعلمو...عاد عطاتها ثانية وارا ليك لعذاب من جديد ما كملات رضاعة تا ولات تنخصص وسخفت عاد حطاتهم ...
نوار"حاطة حنكها على ايديها بزوج كتشوف فيهم بتعب حاسا بزديح تحت وففتحة ولا اله الا الله ...ضحكات بتعب وراسها محزوم بزيف" : هههه متخافش عليهم ...
ياسين : واخا لالة وااخا ...
في هاد الاثناء كان جاي صهيب ويوسف والياس الي شدو يومين يبقاو تتخرج نوار باش يرجعو فين يجي الحبيب وايساف الي بقات عليهم الخدمة فالشركة ....صونا تيليفون صهيب
صهيب : احم الو ...
موسى : سي صهيب هذا ؟
صهيب : اييه هو هذا شكون معايا ؟
موسى : معاك دكتور موسى العلوي الى بقيتي عاقل عليا...
صهيب : اييييه الله اودي مالي منعقل عليك خيرك سابق ...كي طرا تفكرتينا هههه
موسى : ديما فالبال اسي صهيب "حنحن" مهم انا ففاس دابا الى مساليين بغيت نجي عندكم انا والوليدة لازرو واحد زيارة ...بغيت حتى سي الحاج فؤاد يكون …
صهيب : ايييه مرحبا تشرفو ...هضرتي مع خويا الكبير حيث حنا فمراكش باش نكونو حاضرين نعرفو امتا يجي راك عارف هو كلشي ...
موسى : اييه حتى تكونو تما وعلمني محتاج نيت تكونو كاملين وبالاخص نتا حيث نتا مول شي ...
موسى "جاب ليه ضحك" : ههههه بغينا نديو من عندك بنتك المصون على سنة الله ورسوله ماتهضرش دابا تنجيو وديك ساعة لينا هضرة وكلام...
صهيب"ماشي صدمو را شعشطو ضو ضربو تا خرج عينيه " : اويلي حي ؟ بنتي ؟ رميساء ؟ لا لا لا بنتي معاقة مسكينة من ذوي الاحتياجات الخاصة ...انننن تا واش تتهضر بصح ؟
بقا موسى كيبلق فعينيه ...عارفو هبيل من هضرة رميساء عليه فاش طورات علاقتهم من بعد السوء الفهم الي كان وقع على اثرو عرف موسى ان كلاديس هي الي دازت لتيليفونو وجاوبتها على الميساجات وبمساعدة واحد الفام دميناج ديال المشفى تما فليل مغربية هي الي عاونتها حتى انها هي كتبات ليها حيث موسى تيليفونو مدايرش ليه الكود لانه ببساطة رجل بعقلو معندوش مع الكود فالتيليفون ممساليش باش يدير شي كود ولا يبقا راد بالو مع التيليفونات الشي الي سهل على گلاديس تا دخلات لفيس بفضول تعرف البنت الي شغلات تفكير موسى واخا عارفة انها علاقتها بيه غاتسالي فاي لحضة غايبغي ينوي زواج حيث السيد العمر ديالو كبر وناقوس الخطر بدا كيدق عندها واخا عارفة. ومنتاضرة ...
"فلاش باك"...
موسى"ملي عرف بشنو دارت...مزير على سنانو" : مليكة "الفام دميناج " صاحبتك ؟
موسى : ممم بيااان ...الوغ الى بغيتي البيستي ديالك مايجريوش عليها وفوق من هادشي الى فات تا جراو عليها من هنا غانوصي لوديغيكتوغ دلوبيطال هنا يكتب ورقة بانها ماتلقاش خدمة واخا تبغي تدفع فبلايص اخرى ..."ابتاسم بغيض كيشوف فيها بواحد نضرة هي عارفاها" الوغ ؟
كلاديس : جو سوي ديزولي موسى ..."حبست البكية " انا الي قلت ليها وانا نتحمل ...
موسى : علاقتنا هنا سالات دوموزيل ...نتي عارفة كانت غاتسالي فاي لحضة من شحال هادي ...مابغيتش نقولها بهاد طريقة ولكن نتي صورتك واحترامي ليك خسرتيه بهاد تصرف كنتي بعقلك ..."هز ايدو وشير ليها الي دموعها نزلو ومسحتهم بالخف" تقدري تمشي ...الدار غير بقاي فيها غادي نرجع لداري لولة ...
كلاديس : داكوغ "حدرات راسها ومشات ماتلفتاتش جيهتو ...هاديك مشيتها سنات على كونجي شهر ومشات سافرت باش تزجع وتحول لمشفى اخر بطلب منها " ...
تنهد وبقا شحال كيفكر تا ابتاسم فاش تفكر رميساء الي صعرات عليه وكيفاش صعرتها هبيلة ....بقات العلاقة عادية ماشي ضاصرة عليه ومضاصرش عليها وبحكم السن ديالو …كل نهار تقريبا كيهضرو الا اذا غاب شي اسبوع الي هو داك الاسبوع فاش مشا لافريقيا لبعتة عمل ومؤتمر....
"عودة من فلاش باك"...
موسى"جاتو ضحكة من هضرته" : هههههه ياك اسي السباعي ...
صهيب "كان بغا يكمل غا نغزو يوسف من لور يتوگض " : احم ههههه غاتنبسط مع ولدي ...ماعلينا مرحبا ولدي مرحبا ..نوصل نعلم خويا نشوفو الوقيتة الي غانكونو فيها تما حيث مزال شي شوي مع ياسين تزادت عندو تريبية ومدهيين معاه ...
موسى : مبروووك يتربى فعزكم ..."شاف فساعتو" وخا ان شاء الله انا باقي هنا شي شهر هكاك بحول الله ...
قطع معاه من بعد ماسلاو الهضرة وضار صهيب عاود ليهم فهمهم مزيان شنو قاليه وشنو كاين ...
يوسف : ومالك خضر وهبيل مالك ؟
الياس : رديتي البنت معاقة كاع من نيتك ؟
صهيب "مارضاش" : واااصدمني دخل فالموضوع طول وعرض ...
يوسف : عادي مالو اش بغيتيه يعلمك ؟ ناس فاش تبغي تخطب كيقولو اش كاين ولا طالبين ضيف الله وسيد باقي صغير باش يقول هضرة كبيرة ...
الياس : جاه نيشان وصافي ...
صهيب : وصدمني اصحبي بغا بنتي لزواج !!
يوسف : ومالها ماتستاهلش ؟ يتمناها الف واحد حسن منو كاااع ...
صهيب : ماقلنشاي غير هو عرفتو غير بروفيسور وصافي مضنيتش يخطب بنتي يعني مفاجئة وصافي اما بنتي را ميستاهلها حد حيث ثمينة الي نعطيها ليه يديرها فعينيه واخا يعطيني كلمة رجال منتيقش ...تانا بنتي را نخشيشتي يحساب ليك غا انت ...
الياس : امممم مايتيقشاي ..."شاف فيوسف من مراية وضحك" عههههههه
يوسف : صهيب ...
صهيب : اش بغيتي ...
يوسف : واش خايف على بنتك ولا مراضيش تزوجها باش متولدش وتولي جد ؟
صهيب "بدا يلولب فعينيه" : ياعوذ بالله وتبقى بايرة ؟ الا لا لا را بنتي ميعرف ليها حد من غيري انا باها وخوها وميمتها ...وكيييييه ...
يوسف : مممممم
الياس"خبط ليه فوق فخدو تا تهز وتحط" : اولله مراضي تجوجها باش متولدش وتولي جد ويعيطو ليك ولادها ...باسيدي با سيدي ...
صهيب : ابا موك ...
يوسف : المسخ لمسخ ...كي شتي بلا متولد غاتبقا شباب انت ؟!
صهيب : شباااااب شباب تا شاط الضحكة هي هي والبسمة تحنت عشرة وسوفل يضرب فعشرة ...تالموطور..."حبس كان غايتحمس ههه" هنن
يوسف : العيب والشيب والله يتبقي ستر وكان ...
الياس : قد ماجلستي تجوجهم اودي اصهيب ...واخا يولدو وتولي جد را نعمة سىل يوسف على نعمة الي عندو ولله الحمد ...
يوسف : هاااححخ على حفايدي نهزهم نهرب بيهم ليجعلهم ميقولو تا مي لالة...
صهيب"حنحن بابتسامة" : ههههههه اودييي غانضحك غا فاجئني وصافي ...الى فالنصيب علاش لا المهم غير يتهلى ليا فيها را صبارة بزاف كتسمعها فوجهها ومكتهضرش شلا معايرناها ومدرنا مكتردش الهضرة براكة عليا غير قرات ووصلات مزيان الله يرضي عليها را عيني هاديك وكبدتي منقدرش نفرط فيها بغيت غير الي يتهلى فيها حسن مني ونكون هاني عليها...
الياس : اجي نسولك وكون بغا علي يتزوج اش تقول من تمشي تخطب ليه ؟
يوسف : خضر هروي هاعلاش فؤاد خاص يكون حاضر اما لا جات عليه ينطق منعرف اشمن عجب غايخرج فيه ...
صهيب : لاش علي يتزوج وهو عاجز مسيكين ميقدرش يجيب ولاد ..."هز عينيه لفوق ورجع شاف فيهم وبدا يفرنس"
الغذ ليه فالصباح قبل ميدخلو عندها دخلات لطواليط على اساس تبول حتى كيف كنقولو جاب الله تيسير وتنفسات وبهاكا تقدر تشرب الما ولا تاكل لكن غير الاكل الي مفيهش الغاز ولا الي يدير القبط ...داكشي باش غايركزو ليها على صوبات بخضر خالية من الغازات ...
دوزات ايامها فالمصحة الي قدمات ليها افضل رعاية طبعا كتخلص را يتهلاو فيك شيء طبيعي ...دوزات خمس ايام خمس كيف اي نافسة ولدات ...حتى تسمح ليها بالخروج وعطاوها كتيب موعد تلاقيح البنيات الي غايكون بعد خمسة عشر يوم ...قادو البنيات فكوناتهم كل وحدة فكونة ديالها جداد من Chicco ...غطاوهم ....
ياسين"شاد فنوار تا جلسات فكرسي متحرك" : مشينا ؟
نوار"ضارت تشوف فجنابها " : فيه شامة وزينة ؟
ياسين : تخطفو ...
نوار : ههههههه كتضحك "شافتو شاف فيها بمعنى من نيتك هاد سؤال" هههه نسول على بناتي منسولش ...
توجه بيها ناحية المصعد ونزلو لتحت خرجو لقاو يوسف وفؤاد دخلو البنيات حطوهم لور وقادو ليهم بلايصهم معاهم يسرى وسارة الي جات بلاصة يامنة الي بقات كتوجد فالفيرما لاستقبالهم ...وصلها تالطوموبيل ديالو وركبها لقدام وركب هو ناحية القيادة وفؤاد ويوسف فطوموبيل لاخرا ...
ياسين"شاف فالمرايا" : نعسو ؟
سارة : هاد ساعة ناعسات ساعة اخرى الله معاك ههههه
نوار : علاش ؟
يسرى : تعاودي ترضعي تاني هههه كل ساعتين نسيتي ولا مالك ...
نوار"غمضات عينيها تفكرت صدرها الي تفلح ليها بالرضاعة كل مكيجرو كيجرو ليها عينيها"
يالي خلاوها هما هاد ساعة راهم ناعسات وبقاو ناعسات تا شدو طريق بالخاطر وصلو لفيرما ودخلو لداخل لقاو فالباب كل من يامنة ونجوى وهاجر ورميساء وجدات نوار ...غير وقفات طوموبيل ضارو وخرجو البنيات هازينهم باش يدخلو لدار باهم وامهم ودارهم نيت ...
مصطفى "بابتسامة فرحان بدارو الي كبرات وكتر فيها النفوس" : تبااارك الله تبارك الله "باسهم بين عويناتهم حاس بعينيه مدمعين تا قشعوهم وخصوصا يامنة الي عينيها غرغرو "
يامنة : بااا ...
مصطفى"نزلات دمعة سررر على حنكو" : عمرتو عليا ولدي عمرتو عليا من بعد ما كانت دويرتي فيها غا الحاجة زينة ويامنة بنتي ...
يامنة"تفكرات فاش كانت غير هي وهو وزينة ...ايام كانت تجي من مدرسة وتوجد الغذا وتفيق لفجر توجد الفطور قبل متمشي تقرا ...الزنگ الي كانو عايشين تحت منو وقطرات الما ديال شتا كيدخل عليهم لدار يعمرها وتضطر بايدياتها صغار تسدو تايبردو عليها بالكز والسمرة ...حتى تزوجات ولدات وواحد من
ولادها الي هو بكرها رجع عاش مع باها رباه وعمر عليه هاهو تزوج وتزادوه نفوس وعمرات دار وبسبابو تا تنورات دارو وكبرات ...وهاعلاش كيف قالت يامنة " : نورالياسين ...
ياسين"هز فيها عينيه وغمضهم بمعنى سمعتك ورجع شاف فجدو ومشا لعندو قبط ايديه بزوج باسهم وباس راسو بحب" : النور نورك ابا لا خطيتينا خطاتنا البركة ...طول ربي فعمرك وتشوف ولاد ولادي ان شاء الله ...
مصطفى : ههههه اودي غا من شفت ولاد ولاد بنتي هذاك رباح ...الله يرضي عليك اولدي ..."نوار قرب باس راسها وباست ليه ايدو" على سلامتك ابنتي يترباو فعزك ...
نوار : اميين ابا فعزنا كاملين ...
سلمو عليها وجات رميساء هازا طبسيل تمر معمر بالگركاع ولوز مداتو ليها هزات تميرة كلاتها وجات هاجر هازا بلاطو الحليب بما زهر هزات كاس شرباتو ...
حركات راسها وهي تدخل غير مدات رجلها ليمنى وهما يتطلقو زغاريت تا قفزو دراري لداخل كان ايساف والحبيب الي سمع صوت وخرج هو وايساف لقاو نوار وياسين داخلين وهازين البنيات ...هما كانو جاو قبل متخرج شافوها وسلمو عليهم ودابا فالدار باش يحضرو لصدقة الي غايديرو بالمناسبة ودبيحة ....
نوار"جلسات فالصالون بشوي " : الله توحشت داري...
نجود : على سلامتك بنيتي ...
جات نعيمة وفنيدة سلمو عليها وطلقوها بتزغريتة حااارة وجات صبيحة وام سارة وختها الي كانت فبني ملال تاهي ...تجمعو العيالات فالصالون ورجال فالصالون لاخور ...تحطو القصاري ديال هربر(قمح مفرتت طايب فالحليب) كملوه وحطو ليهم اتاي الي عمر بالطريقة تقليدية حطو المجامع وصواني تا طاب الما وعمروه فالصالون ...اما البنيات طلعوهم جداياتهم لفوق بلايصهم وحطو لنوار لاباراي باش تسمعهم الى فاقو ...ورجعو للمة العائلية ...
اشرف"شاف فعلي" : فين داكشي انت ؟
علي : اش اش ؟ مدايرش بغيتي عمي فؤاد يعلقني ...
اسامة : فين سليمان يهضر معاه يبغي حيث سليمان بعقلو ...
اشرف : داك السكوتي يخرج منو العجب والله لا قالها ...
نوار : نعطيك تيليفوني عطيه لعلي ولا ايساف ولا اشرف مهم شي حد يصور بيه ...
ياسين : دابا نشوف خلي عندك تيليفونك ."لبس ومشا جبد كلاكيطة تصبع " رتاحي نتي ماحد نقيطات العسل ناعسين ...رتاحي وعند راسك حلي المجر الي حدا راسك و هزي شي حاجة من تم ...
نوار : هههه واخا ...اجي عندي نشوف ...
ياسين"رفع حاجبو من اش قالت اول مرة تقولها " : هاهو لالة ..."قرب عندها وشداتو من كول تيشرت وقرباتو ليها باستو فشنايفو بوسة مطولة تا صدماتو خصوصا عينيها فيهم واحد لمعة وفرحة حنييييييينة "
نوار : لهلا يخطيك عليا يا راجلي وبات بناتي ...
ياسين"عاودها تاني تا شلقمها" : لهلا يخطيك نتي يا صبارة ديالي وحنانة بناتي "باس راسها" الله يرضي عليك ...
لبس فرجليه وتوجه ناحية بناتو باسهم وسما عليهم وخلاها تكات وخرج نزل لتحت ديريكت مشا لورا لفيرما لقا فؤاد ويوسف والياس ودراري واقفين كيشدو مع سالم العجولة ولاخرين مع عبدو الحوالا ...اول حاجة بدا ..
ياسين"قادو ليه الحولي لول وشدو من ذقنو جبدو وشد الموس ماااضي وكبييير سما الله باسم البنت الكبيرة هي لولة ضروري" : يا بسم الله بسم الله اسمها زينة زينة ..."ودوز تدويزة وحدة خلا دمياتو تشرشر وهو كيخرخر،،عاود جابو ليه الحولي الثاني ...وعاود " بسم الله يا بسم الله اسمها شامة شاامة ..."دوز تدويزة وحدة خلاه يشرشر بدماياتو ..."
...وصلو لحوالا تانيين وعطا لفؤاد الي يدوز عليه وبالفعل سما الله ودوز وتاني عطاه ليوسف تاهو يدوز عليه ومد الجنوي لصهيب ....
صهيب"شير ليه جيهة الفولات وتفكر ايام ما نطق فسبوع زيادة ياسين وقال على الفولات كيشبهو لقلاوي فؤاد " : ههههههه تعقل على هاد الفولات فاش قلت ليك يكونو قد دياول فؤاد الي لاصقين فيه "طرطق بالضحك" ههههههه ورا بصح كيجيوني غير قدهم ....
يوسف : هههه الله يمسخك فين شفتيهم نتا مالك هترتي ...
صهيب : ومنعرف غا تفكرتهم وصافي هههه"ضرب على كتفو وجا يدور وهو يلقاه واقف خاشي ايديه فجياب سروال سورفيت وكيشووووف فيه رافع حاجبو .." ياااااااااااربي نموت ياااااربي ..."هز عينيه فيوسف خارجين بغا يمووووت " لااااااه تمسخووووط لله تا مسخوط "كيبغي يطيح ويشدو يوسف الي فشل بالضحك"
يوسف : وغا تهدن ههههههههه "شاف ففؤاد الي حرك راسو بلا حول ولا قوة الا بالله ومشا" هههههه وصافي اصاحبي ...
صهيب "طاح تمرمغ ليه تما تا جا الياس ميت بالضحك" : 34 عام باش يلاه تنسات هاني عاودتها....وييييييييييويويويويوو...
الحاصول صهيب السباعي هو هذا مهما دازو السنين والمنين را مابدل فيه والو وعلى قولة الفردة ديالو را ماحدو كيكبر وهو كيهتر المهم شباب فالقلب ...مالقا فين يعطي وجهو هاد المرة المرة فولادة ياسين فكو ياسين لكن هاد المرة فكو غير صوت الهاتف ديالو الي كان من المحامي الي تولى على قضية الحادث الي وقع لياسين في فاس ...
يوسف"مشا صهيب كيهضر فالتيليفون باغي يبكي ...دوز على لحيتو دموعو دايزين بالضحك تا كحب " : ااكحكح هههههههه مصييييبة كحلة هذا صافي ...
اسلام : االوليد را فجيلة هاديك .."شافو جاي ليه وهو يهرب" واععع تكلم لعمتي راوية راها لهيه تتعيط "فرتح مابان ليه غا جاد ولد راوية جرو وزادو " ....
يوسف : هاد دري عندك كيبان ليا فيه توحد كون مت ولدك نشك ...
الياس : فيه المتني والمثلث هذاك يجمعني انا وياك ويشيط الخير را غير مركز مع القرايا كيجيك هكاك كيشد العطلة يتسيف ...
اما فالبيت تكات واحد نص ساعة تا طلعات يسرى هي وراوية الي هازا صينية اتاي باللويزة ومعاها شوية كيكة رطبة باش دوز غير شوية متكترش تاتبرا الجرحة والغراز باش ميجيهاش القبط ويتفكو ليها...
يسرى"نايضة عند نوار حلات بواطة الدوا وتوجهات لعندها جلسات جنبها " : مزال دابا يطيح...اري بنتي اجي راوية عطيها شي حاجة تعض فيها "
نوار"بدات البكية تجيها حيث باش تسواني ليها را صعيبة تسواني لفتحة وتصبر ليها..." : بشوية عفاك فففف ...
حركات ليها راسها وعلاات الحوايج على كرشها تا عرات على لفتحة حيدات سبارادرا وعراتها غير كتقرب ليها كتقفز نوار ...كتسواني ليها وحشمانة منها حيث الفتحة جات فوق الفرج نيشان صغيرة ...خوات بيطادين مسحاتها ودارت ليكانت وبدات تعصررررررررر فيها وماحدها كتعصر ونوار كتبغي تموت تا سخفت"
يسرى : شش صبري بنتي الله يرضي عليك "عاودت عصرتها مزياااان تا فشلات ليها نوار وسخفت وهادشي كديرو باش تعصر لحم بيديها باش تشوف واش تلم مزيان او لا او كاين شي فتحات صغار تفتحو من حركة تا كملت وتاكدت عاد سوناتها ودارت ليها فاصمة خوات عليها بيطادين ودارت سبارادرا خاصة بالما الى بغات تعوم ..." صافي بنتي رتاحي انا نشوف البنيات ."
ياسين "حرك راسو وضار عند شامة هزها بين دراعو لحيمة رطيبة ورويحتها تدخل فنيف حمقاتو غا خاشي وجهو ويبوس" : الله بابا الله ..."مشا جلس حداها باس راسها وبقا شاد شامة بين ايديه كيشوف فيها ويشوف فنوار كيلاحض شبه بيناتهم قوي ..." شنو انا الي مسخر ولا ؟
نوار"ضحكات بتعب" : هههههه هادشي الي عطا الله ..."قاصت صدرها الي تنفخ" ارا نرضعها ...
مدها ليها بين حضنها تا جبدات صدرها بدات ترضعها وتلالي هاديك تمص وتمص معاها جرحة والغراز رزيادة صدرها مفلح طايب برضاعة مزال مبراش خلاتو دغيا لبس تيشرت وسروال تا شعرو ممشطو مشا لعندها عاونها لا تفشل وتطيحها ...عاد
سالات وهز البنية على كتفو كيدوز على ضهرها تا تگرعت ونعسات ليه فالبلاصة ...عاد سمعو صوت زينة الي علنات على استيقاظها ووصول نوبتها تاهي فرضاعة ...حط لاخرا وهزها كيشوف فيها ويبوس...
ياسين : زينة باها "باسها بين عويناتها" شنو بابا تانتي وكان ؟ "باس منخرها وعطاها لنوار تاهي رضعتها ودوزات حقها مسكينة عندها كلشي بالدوبل ...تا نعسات وحطها وضار عندها جاب بواطة ديال دوا وعاونها تا فرقات رجليها مزيان من بعد ماحيدات سروال وكيلوط ...داوا ليها الغراز ...
طول هاد ستة ايام وهو مقابلها يداوي لتحت ويعطيها توضى ويوضيها هو وينشف مقابلها دقة بدقة باش دغيا تبرا ومتعذبش لانه شاف عذابها وسمع على عذابها من الي حملات وهر فغيبوبة يعني الي تحملاتو صعيب تحملو البنت الي بعقلها وشخصيتها قوية هاهي المفششة تحملاتو وصبرات يعني الشخصية القوية ماشي بالفم وردان الهضرة وتخراج العينين من اليلام عليكم الشخصية القوية كتكتاسب من تجارب هما الي كيقويو والمشاكيل الي كينجروك ...
نوار : ههههه ولا عافاك غير باش تبقى فالذكرى مع تصاور الي صورناهم نحمعهم ...
ياسين : لا مريضة نوار مريضة بزاف ماحيلتك لسيزاغيان ولا لداكشي؟ والبنات مينزلوش عند العيالات ...الله يرضي عليك ...
نوار : البنات مغاديش ينزلو غانبقا معاهم انا وفاش نزل نسلم على العيالات الي جاو يباركو ندير صواب ونطلع غاتبقا معاهم هاجر ولا صفية ولا رميساء عطا الله من يحضيهم ولا خالتو نجوى ...وانا منتعگرش غانخليوه تادوز يومين ونديروهم غير بيناتنا باش ميبقاوش العيالات
كل نهار تجي وحدة تبارك نجمعهم دقة وحدة يتغذاو وياكلو الحلوة وينشطو ويمشيو ...راك عارف هنا دوار ناس كيجيو بزاف نتا مارخيصش عليهم ههههه ...
ياسين"شافيها بنص عين" : نتي وكان رخيصة ؟
نوار : لا غالية غير قول اه عافاك وزايدون ياك داري هادي ندير الي بغيت ...
ياسين"بقا كيشووووف فيها ويالالة ولات مولات دار على لمفششة تاهي ...تنهد وقبط ايديها باس كفوفهم وشاف فيها" : ديري يالالة دارك مكاين الي يحاسبك ..."باسها فشنايفها" يلاه هاني مشيت "شاف فساعتو" العشا جايين الموضفين الي كنت خدام معاهم فالبنك باش يتعشاو ...
خرج من عندها وفطريقو تلاقا باشرف جاي عاد مدوش تاهو بداو زغيبات شعرو ينوضو تاني ...تالقاه فالطريق ووقفو ...
اشرف : خويا واخا ندخل عند نوار نشوفها ؟
ياسين : لا ...
اشرف : ااا ؟ اه واخا صافي تاتهبط ونشوفها "تم غادي مزير يحساب ليه قمعو تا رجعو من طريق شادو من دراعو "
ياسين"طرشو لحناكو بشوي وعض شنايفو " : كتشاور ؟ هادي كانت علاش تشاور ...نوار ختك قبل منعرفها انا ميحتاجش تشاور واش دخل غير دق تتشوفها واش ديسبونيبل (زعما متاحة ماكتبدلش ولا ماعرياناش ...حيث البيت واخا ناموسية فيه جليسة قدامو فين يجلسو)
جالسة فوق الكرسي وشادة ولدها بين ايديها كترضع فيه برضاعة وتضحك معاه ...ناضو ليه سنينات بربعة مضارب معاهم وينتش فرضاعة ويبجغط غا وحدو ويضحك مع مو وهي تشوف ليه وتبتاسم كل مكيكبر كل مالولد كيخرج نسخة من ايساف ...تا بان ليها الولد بدا يتشعبط ويمد فايديه هزات راسها بان ليها ايلاف جدو جاي ويصحك ليه تا وصل عندهم ...
ايلاف"جلس حداها فكرشي مقابل ليها وحطو فوق فخدو...نطق بالدارجة على قبلها" شريتي ليه سبراي ؟
صفية : مشا ايساف هنا ياخذو ليه ..."حكات جبهتها"
ايلاف"شاف فيها ونطق" : بنتي ليا مهمومة بنتي من الي جيتي ...شنو واقع ؟
صفية "تنهدات" : والله اعمي الى ضايرة بيا ...الولد كبر وانا وباه مختالفين ...كنبقى نفكر ليل ونهار الى ماخرجتش من دار واستقريت ونبقا معاكم يكبر يلقاني انا فبيت وباه فبيت كيفاش تشرح ليه ماشي فحال نسكن وحدي معاه عالاقل يعرف را مفارقين وسبب منطقي علاش ساكنة وحدي ...
ايلاف"دار ايدو على فمو كيفكر" : بنتي عارفة الي درتيه حنا معاك فيه ياك ؟"حركات راسها" مغانجيش لا من جيهتك لا من جيهتو ...هو دار غلط ماشي خانك مع شي وحدة كان مشكيل ديالو هو ضرب وفمو خايب ياك ؟ وتانتي نهار دخلتي دخلتي بسباب غلطة ...
صفية : عارفة ...
ايلاف : بزوج بيكم غالطين وهاد الولد ماشي مابغاهش هو كان رافض فكرة الولاد وهو فهاد سن بغا تعيشو وتعرفو كتر على بعضياتكم ميربطوكمش الولاد على بعضياتكم ...وقع الي وقع وحملتي بيه ماكنتيش حاسبة ليها وتاهو ...خذا وقت كبير
على ماتعلم وتربى وهانتي كتشوفيه كيفاش ولا داير مع ولدو قيسيه فعينيه ماتقربيش ليه ...من حقك الى مابغيتيهش ولكن كتشوفي كيدير كتر من جهدو باش تسامحو كيحاول كتر من جهدو يربي راسو ...
صفية"الصمت"
ايلاف : فخبارك كلقاه كل فجر كينوض يصلي وكنسمع دعاه كيطلب ربي يسمح ليه اذى يتيمة وتعدى عليها لو مرجعتيش غايبقى ديما يطلب السماحة كل فجر كيفيق يصلي وفينما تاحت فرصة نمشيو لجمعة كلقاه خارج عينيه حمرين ...ندم بزاف تا شاب راسو ...ربي غفور رحيم ...ربي كيسامح كيعطي فرص لعبادو شكون حتا الي منعطيوش ؟
صفية"دموعها دازو حادرة راسها وتمسح فعينيها الي فلارض كيشوفو نطقات بصوت منغنغ" : تانا ماكرهتش ولدي يتربى بيني وبين باه غير ديك الهضرة بقات كتطلع وتهبط فيا ...
ايلاف : بنتي اي قرار خذيتيه معمرنا نتخلاو عليك راكي وليتي مننا وفينا ولدتي لينا ولد من دمنا ولحمنا تشاركنا دم بهاد الوليد ...
صفية "حركات راسها" : تانا حايرة بين نسكن وحدي وبين نرجع فكرت بزاااف اعمي ..."هزات عينيها شافت فايساف الي كان جاي ومسحات دموعها ونطقات" نحاول نعطي فرصة ....
ايلاف : عطي فرصة الى ضيعها انا مستعد نجيب ليك ورقة طلاقك بايدي ...كلشي فوجه "باس حناك ياسين" هذا نخشيشة ديال قلبي "وقف" هاني دخلتو معايا ...هضري معاه ابنتي ...."مشا"
ايساف : فين دا ليا ولدي هذا ؟ اويلي ؟
صفية"ضحكت" : ههههه خطفو باك خطف ولدك سير دعيه ههههه لا حول الله يارب ...
ايساف : مالك كنتي تبكي ؟
صفية"شافت فيه وحركات راسها" : هممم ديما دموعي سبابهم واحد ...
ايساف : هنن باينة انا شكون من غيري الى مكنتش تلصق فيا ..."جلس " اش درت ليك الالة ؟
ايساف : بغيتي تدي الولد وهو باقي صغير"عينيه غرغرو" احم ...باقي صغير عالاقل غير يكمل العام والى عليا نخلي ليك الفيلا ونطلع لداري الي ففاس متكرفصيهش معاك فديور الكرا وتكرفصي تانتي ...جاي
وقيتة سنان تاني جاي جلبة كيمرضو وخاص تقابليه والي يقابلو معاك تا الى مرض فالليل شكون يديه ليك ؟ مزال معندكش طوموبيل مزال مخديتيش بيرمي ديالك ...صبري غير تيكمل جلباتو يشد فراسو وسيري ....
صفية : كتهمك راحتي ؟
ايساف : راحتك فوق راحتي اصفية راحة ولدي وراحتك على حساب حياتي منترددش ..عارف كنت خايب ومقصرتش معاك من جهدي ...ماتقوليش غير كنت طايش قولي كنت حاس براسي بغيت نطير مدخلش معايا المسؤلية كنت باغيك غير نتي معايا مكنتش باغي نتربط بالولاد ديك ساعة تا جابو الله ...فلحضة غضب متحكمتش فلساني....
صفية : تقدر تعاودها تاني ...
ايساف : ههههه الي تعلم من الي داز عليه يبقى ديما كيتفكر ويلجم فمو ها علاش الي دازت على راس بتعليمة ...داكشي الي قلت خرج فوق قلبي غير باش نبرد على غضبي ...ودابا راك شفتي مخليتي مقلتي ومزال ونصبر منهضرش ....
صفية : واخا نتفرقو ...
ايساف"غمض عينو تا زهقات دمعة بلا ميحس مبايناش ولكن قشعتها صفية " : و احم واخا نتفرقو نبقا محتارمك حيث بصحك كنبغيك اصفية الى تفرقنا راني فرطت فاجمل نعمة جات لعندي فواحد ليلة من الليالي ...ليلة فيها انا ونتي وضو القمر وكلمة حب لاليسا ....
صفية : عطيتك اغلى ما نملك بخاااطري ...تانا غالطة وكنحاول نصلح غلطي قدام الله ...
ايساف : كلنا كنغلطو وخير الخطائون التوابون ...
صفية "تنهدات شحاااال ودموعها دايزين " : هاد العائلة اولا عطاها ليا الله اكبر كنز عوضاتني على دارنا واليتم بسبابك انت ...كنت كنشوفك فالبنك كتجي مع هاديك تيري الفلوس وكنقول كون كنت انا بلاصتها بقيت نحلم نحلم تا بغيتك ...والباقي كتعرفو ...
ايساف : بلاصتك فقلبي وعقلي اما هي بلاصتها ذكرى ودازت تمحات ...
صفية "شافت فيه وقالت " : الله يسامح فرصة ثانية وغانعطيها ليك فرصة نجمعو ولدنا ...مانقدرش نيتم ولدي وباه عايش الي عشتو مابغيتش نعيشو لولدي مادام باه كيحاول يخليه معاه ..."ماشعرش ايساف تا ناض على وقفتو جرها عندو كيعنق ويبوس فراسها ويضحك فرحتو ماتعطيها لحد وفرصة تعطاتو بزز ومخاصوش يضيعها"...
داز العشا الي كان لتحت خوات دنيا من العيالات كلهم طلعو لفوق شي مع نوار شي فالصالونات مجموعين تا خرجات نوار جلسات معاهم باش متقنطش ونيت وسط دارهم جابت ليها يامنة البنيات وحدة بوحدة حطاتهم حداها ...تا حطو ليهم العشا وانصرفو الموضفين الي مع ياسين الي خرج ليه قرار على ود الخدمة وجاو بلغوه بيه مباشرة حيث كان رئيس البنك الرئيسي ديال فين خدام ياسين ...
هاجر"تبسمات" : ناويين غير قلنا يدوز عام ان شاء الله ونحيد الفنيد هههه
نوار : متشوقة نشوف ولد الحبيب ياختي ولا هاجر رقم جوج ههههه ...
لتحت كانو مجموعين تقريبا كلهم الا الدراري والحبيب وايساف الي كل غاطس فقنت ...
ياسين"ساط الدخان لديك جيه وضار عند صهيب" : شنو قال سي البشير "المحامي "
صهيب "كان داير صبعو ففمو كيشوف فالتيليفون تا وصلو الايمايل ديال قرار المحكمة وقراه ليه " : سمع جيتي مع القرار عاد نطقو الحكم قبيلة دوا معايا كان بغا يدخل طولات المحكمة تالعشرة ليل عاد كملو ....
فؤاد : امضرا ؟
صهيب"كيقرا ليهم" : الحكم على توفيق الزياني الملقب بسبيطة "الالقاب الي ذكرت فاش ضربو دوك جوج ياسين لجنبو توفيق هو الي ضربو ضربة لجنب ليمن وضربة فالعرق لتحت " بالسجن 12 نافذة غير قابلة للطعن ...والحكم
على منتصر العيان بالسجن 10 سنوات نافذة غير قابلة للطعن ...تا راني ماوصيت البشير تا عرفت اش وصيت را نجلس ليهم لارض وليني انا من العائلة ممسموحش ليا وخا سباعي ....مبروك اسي ياسين ...
ياسين : اللهم لك الحمد ...
فؤاد : الله يمهل ولا يهمل ..."ربت على كتف ياسين" ربي كبييير ...
فهاد اللحضة اتاصل اركان بياسين الي يلاه تلقى الخبر وفاش تتجي الاخبار المفرحة تتجي دقة وحدة ...ناض بعد وجاوب كيكمي باش ميتخنقش يوسف الي كان كيعاني من السل فما قبل ...
اركان : الين اخا الكبيشي ؟
ياسين : مالك ماجيتي ؟
اركان : عاد جيت من شمال ساريت المدام وجيت صباح انا عندك وليني بينقوليك اخبار ماعرفتها تفرح ولا تقول منو لمولاه ...
ياسين : شنو ؟
اركان : خونا فالله ماقالهاش ليك الوليد ؟
ياسين : تت لا شكون ؟
اركان : المراكش قتل راسو البارح عاد وصلاتني الخبار من عماد الي جاتهم الخبار من قنصلية الاكوادور فين كان ...
قطع معاه وهو يضور شير لباه الي جا عندو وعاود ليه شنو كاين وشنو قاليه اركان ...
فؤاد : جابها فراسو ...
ياسين"بشك" : مقتلش راسو ؟
فؤاد"مقدرش يقوليه را قتلوه المافيا حيث ممنوع يخرج اسرارهم وزيادة مكيدخلش ولادو فهادشي مبعدهم على داك العالم قد ما قدر" : لا قتل راسو ...جابها فراسو مالقاها مع الله ولا مع العبد ...
فؤاد "شاف فيه وحرك راسو" : المعنى وضاح والمغزى هو ...ماريا رمز العذرية رمز البنت مسمية على امنا مريم بلغاهم "هضرتهم"هما ماريا ...السيدة حسات بحمل نوار فيه جوج بنات فداك الوقت وعلم الغيب اولدي لله وحده ...المعنى هو هذا ...ماريا ماريا ...جوج بنات من صلبك وصلب نوار ...
مينة : غير عايلة خالتي سارة ونجوى صافي شي لاخور كلشي مشا لبنية الي برا حسن من داروها دراري ...."شافت فالبنيات ملبساهم كل وحدة قفيطين فيه خمسة سنتيم ههههه ديال جوهرة يالالة فحال مهم غير هما جوهرة فالغوز نعماس وراندة ودايرين سنيسلاتهم وكرامطهم فيهم سمياتهم يالاااالة وهزيهم وهربي وخطفيهم لباهم ومهم ..." ونانا على خالتي ونانا على رابعة ديال لحم ..."تحنات باستهم كانو فايقات نيت كملو عشر ايام من عمرهم حلو عويناتهم وباقي ديك تلوليبة ديال عينين هي النضرة الي ولفوها فالكرش " الله ...
مشاو البنات وبقات مينة مع نوار تا تدق الباب كان ياسين الي دق وخا بيتو خاف لاتكون شي وحدة كتبدل عند نوار واستاذن .تا قالت ليه غير يدخل ودخل ...ابتاسمات ليه مينة سلمات عليه ومشات خلاتهم مع مشافهمش من الي فاق لفجر حتى لدابا مع جوج ديال نهار عاد دخل وشاف نوار والبنيات الي خذاو ليه العقل ...
ياسين"باس جبهتها وجلس حداها تا تكا على ضهرو وساط بتعب" : الله ...
مشا يدوش وخرج لبس غير بوكسر وشورط وتلاح فناموسية متكي كيقلب فالتيليفون تا دقات يامنة الباب الي كانت لابسة قفطان فالبيج وجامعة شعرها لايحة شال باهمال ...شدات فيها وتمو خارجين …نزلات ببليغة ديال صم مطروز فيها ورجيلاتها منقوشين ناهيك على ايديها تاهما نقش خفيف ودايرة كوليي ديال ذهب طوانگ وسنسلة مبرومة ووسط منها قلب وگورميط خذاهم ليها كادو ديال الولادة هو الي قاليهت حلي المجر غاتلقاي شي حاجة فيه كان هو الكادو ...وخاتم مارياج الي عندها ديجا ...توجهات لجيهة البنية لقات ماماها تاهي بقفطان ومعاها البنات وسارة ونجوى اما نجود دخلات لداخل مع العيالات مقادين طوابل على حقهم وطريقهم تنضيم راقي وخا فالدوار كلشي متول تريتور جا من مراكش ...مع دخلة كتسمع صوت طارة كتعاود وتزكا يعني كيوجدو باش يبداو غير ساعتين تلاتة سوايع ويعطيوهم ياكلو ويضحكو حيث طلبة غايكونو بالليل وغايجيو رجالة كاين الي غايجي باش يهني بسلامة ياسين كلو من الموت ...مع بانت ليهم وهي تنوض وحدة من العيالات ...
صلااااة وسلااااام على رسول الله ...تا كملات وطلقوها بزغاريت خلاوها مزنگة وحشمانة خطاويها تفاوتو ههههه حيث كانو الاعين كاملة عليها هالي تتشوفها من ساسها راسها هااي حسداتها حيث مزوجة بالفحم ديال دوار واحد من اسيادو ...هالي كانت حاطة عليه العين داتو ليها نوار هههه ...هالي عجباتها وصلات عالنبي وها وها ....
اسامة : اللهم العمش ولا العمى "زعما اللهم يزهاو لور على هادو ولا كون دوزوها غا صدقات" سييير سيري يانوار لهلا يهرس فيك شي عضم ..
علي : هضرات ووفات اما كنا ندوزوها غا مد طاس لعربي لخماس الي كلا وحك سنانو بصبعو ...
بداو اللعابات كيغنيو وناضت وحدة كتشطح ودور على العيالات يعلقو ليها جات عند مينة وعكوزتها وهزات البوط وقالت وهي كتهز فيه شافت فمينة الي شبه رمسيس واضح عليها ...
سمية : نتي خت الفحم ...
مينة : ههههه بنت عمو اش تغني عليه وتخلي راجلي ؟
سمية : اش سماه الله ؟
مينة : رياض"هزات من بزاطمها ميتين درهم علقاتها ليها اييييييييوى شداتها اغنية وحدة مكاين غا رياض يعطيك صحة رياض محنت عشرة هاك بلاك مسالات تا تشقلبات وجات رجلها ممدودة عريانة وزيف شبكة طاح على شعرها الكحل "
يوسف : كنبغي موك ينعلديلموك ..."حك على صدرو" تاتجيني تاتجيني وناكلك فحبيز ...
سمية "ضارت عندهم" : وااااكاين الشي وراه قضا على الفرشي سيدي يوسف لمعمر عيني لالة يسرى هااااااها "ردو عليها ورد عليها تا يوسف" ...
يوسف : هاااهاه ..."خبط فوق البيرو"
سمية : شحال والدين ؟
يسرى"شيرات ليها لمينة ولنوار" : هاادو ...
سمية : يااا شواية فوق جمر شوايا فوق جمر يااا وصوصيط فوق الجمر صوصيط فوق جمر وراه يوسف سيدهم ...وركانيه عند يسرى تعلم مطالعة بيه وعارفة اش تم ياااهااااه ...
يوسف"خرج عينيه تا ضار خشا وجهو سطل ديال زبل دالوراق كيقلب على ورقة اشنو هي الله واعلم " : هاه ويلي هاااه ستغفور الله اداك هاااه قطع داك شقف هاااه ...اويلي نططع انا ...
اشرف مسكين بكترة ضحك ناض دار بالناقص هو كاع غادي مسكين كي زومبي المعوق هو وعلي واسامة من كترة ضحك غادي بايدو الي فيها تيليفون ممدودة على نفس الوضعية باش قرب بيها يسمع يوسف هههع...
ماكلمو ضحك تا صافي كاملين تعوقو حتى جا سليمان وعاودو ليه شنو طرا تاهو ماسكتش من ضحك كلشي على سارة الي حطات راجلها بوجهو هي هبيلة وهو هبيل وكملو الباهية ...كمل السبوع الي داز على حقو وطريقو تا من الاكل كان زوين دجاج محمر ومعمر ومزوق من فوق بشحال من حاجة خلاتو يكون دجاج بريستيج وتبعوه بسطيلة الحوت وعاد لحم بالبرقوق وشريحة تركية والمشماش عاد ديسير فيه بزاف انواع الي تشهى النفس ...والمونادا عاد حلاوي مشكلين تقريبا عشرين نوع الشي الي خلا ناس تهضر وتشكر ...
فالعشية من بعد ما فات المغرب واذان العشاء قرب دنيا خوات من العيالات وبداو رجال كيعمرو البنية الي غايجيو فيها الطلبة ...الفوق فالبيت من بعد ما رضعاتهم كانت يامنة الي كتبدل ليهم ليكوش ...
يامنة "هزات زينة تا لبساتها سريويل قطني فالبيض من بعد ليكوش ودارت ليها باندة فشعرها هزاتو ليها من على عويناتها" : يالالة ويا حنينة ميمتها "باستها" سيري بنتي تگمطك ميمة "مداتها لمجود الي كانت موجدة الگماط ومسرحة ليزار بيض فاش تكمطها عاد هزات شامة بدلات ليها ليكوش تاهي " اجي نتي الخوينزة اجي ههههه الله ياربي على رويحة الله ...
نوار : مكيفيقوش بالليل ههههه
يامنة : من الخير يخليوك نيت ترتاحي ...هانتي غير تسمعيهم بداو يبكيو حاولي تنوضي يلاه يلاه ترضعيهم باش معييوكش ...
يامنة : مكنتش عارفة غانخليك تمرضي وتعلقي بيه والله ماكان فنيتي غير الخير بصح ماكرهتكش تكوني مرت ولدي ساعاك ربي مخيبنيش "عنقتها عندها كتدوز على شعرها" بنتي ومرت ولدي ...
نجود : مرة جايا لجمي فمك ههههه هادي صدقت كون ما صدقاتش فين بغينا نوليو لقيتي ولدك بعقلو وكان ...
على اثر هضرتهم تا دق ودخل نيييت عمرو طويل لقا نجود وقفات بغات تمشي باس راسها وايدها ومشات خرجت وناضت يامنة تاهي باسها ومشات تا توخر هو ونوار الي قبل شفايفها وتوجه بدل عليه ولبس قميجة بيضة وسروال فصالة كحل خارج من البيت كيعقد فسمطة سروال تا وقفات كتمشى بشوي لعندو وبدات تقاد ليه صدايف القميجة ...
قادات ليه العقاد وبقا تا خذاو راحتهم فالقبل مدة على شوي يزدحها مع الحايط غا حضر عقلو حيث مزال مريضة ونافسة من الفوق ماطلق منها تا ولاو ينهجو بجوج ...
ياسين : هذا الله ...تت .."مشات جلسات كضحك حدا البنيات وتكات ترتاح كتشوف فيه تقابل مع المري مشط شعرو رجعو لور ودوز على لحيتو عاد هز ساعتو دارها ولبس تقاشرو كحلين ...شاف فالروايح وشاف فيها من المري ...
ياسين"حرك راسو ورشها من بعيد ودوز على لحيتو قاد حالتو مزيان حل صدايف فوقيين زوج تا بان زغب صدرو عاد مشا جلس لبس صباطو " : لاخصاتك شي حاجة هضري معايا ...
وقف ونزل لتحت توجه نيشان عند باه فين واقف هو والحبيب وايساف وايلاف ومصطفى ورياض الي جا تاهو فبلاصة يوسف...اما دراري را فالبنية لداخل كيعاونو وشي طالع لفوق يلبس كل فين مدهي تا جا اركان لحق عليه كان جا صباح هو والام ديالو ومرتو وبقا ....
اركان"شاف ففؤاد وفياسين" : دار الي واخذ بالكريدي على حسب صالير عطاوني عشرين عام عاد نكمل ضربت فيها ثلاث سنين ودابا من بغيت ندوز الصباح عيطات ليا البنكة بالي تخلص الكريدي كامل وطلبت صاحبي يعرف شكون خلص عاد دابا عطاني الاسم ...
ياسين "قرب وجرو من كتافو شاف فباه الي غمزو" : صاحبي الي تعذب وتقهر على قبلي صاحبي الي شاف الويل فمرضي وطيحتي صاحبي الي مرض بسبابي ماشي صاحبي هذا خويا هادشي الي درت قليل ا هشام قليل بزاف فحقك هذا جهدي علاش قدرت ...بصحتك دار وبحتي انا بصاحبي وعشيري ...
اركان"بغا يهضر خنقوه دموعو ماعرفش اش يدير حيث دار الي خلصها ليه ياسين كانت الحلم ديالو ومسكين حيث استاذا خدا كريدي ودوزها نيشان خلا البنك الي تكلف وعطاوه عشرين عام جا ياسين خلص ليه كلشي " : وااا مممم "مسح دموعو بطرف كمايمو" وسكار ماشي خسارة فيك هههههه تفوو حيد عليا ...
الصحبة ديالهم ماشي اي صحبة صحبة ياسين واركان اي هشام صحبة طويييييييييلة هما كانو اربع صحاب ياسين اركان عبد الغني وعيسى ...شاءت الاقدار وتفرقو عيسى قضا عليه الطمع وتبع انه يكون فحال فؤاد رمسيس عاش بهوس هاد الحلم تا خشا راسو وسط المافيا الي فؤاد براسو ماقدرش يخرج منها ...حتى دخل ليها وعمرو مايخرج من بعد ما طلق فؤاد سراحو حيث مكانش ليه دخل بالي طرا لياسين من تما وهو مبعد وعائلتو بعدها ختو غزلان مشات لفرنسا تعرفات على واحد وعاشت معاه الحب بصح وتزوجات ومشاو يعيشو تما ...
عبد الغني واعد ياسين انه يجي فشهر ديسمبر حيث غايخطب واحد البنت شافتها ليه مو ورشموها يعني خلاو الكلمة بيدما يجي هو باش يديرو العقد والعرس الي غايوقف عليه ياسين معاه بنفسو ..
"بعد مرور عاااام" ...
حال الكوف ديال السيارة كيحط فالفاليز لابس تيشرت خضرة مزيرة عليه حيث رجع لرياضة من جديد ورجع لعملو فالبنك ...هاد النهار قربو يكملو البنيات عام على ولادتهم الي قرر غايديروه فازرو بحكم كاين عقد قران رميساء بموسى وقرر فؤاد الي يديرو ليهم تما ...هز راسو بانت ليه جايا جارا فاليز اخرا وغوبش ...
ياسين : عندنا غير ربعيام نوار لاش هادشي كلو ؟؟؟
نوار : هادو كادويات الي تقديت لرميساء من سمارين انا وخالتو يامنة فيهم تفصيلات تكاشط وقفاطن وشي حوايج وبلاغي ديال مراكش داكشي هماوي اياسين ...
اما عند فؤاد حطهم فكراساهم دارهم على قبلهم تا مشا تقداهم ولينما يجي يهزهم ويخرجهم تالمراكش يدورهم وخا غير فطوموبيل ويرجعهم ليه ناعسات يشخرو ...مدات ليه زينة المبطبطة النسخة من يامنة ايديها شافت تيليفونو "
زينة"مدات ليه فمها زعما بوسني وهي را حركة كديرها هي وشامة لا بغاو حاجتهم حيث كيضعفو قدام حركاتهم وعاقو بالقالب ولاو يديروها " : اننن دوو ..."جدو"
فؤاد"ماشي غير ضعاف را بغا ياكلهم اويلي على نسر موسكو اش دارو فيه ...جبد تيليفونو ومدو ليها" : هاهو بنتي"باس جبهتها"
يامنة : هههه اويلي را ديال الخدمة دابا تخصرو بريوگها ...
فؤاد : فشرد ريحانات لهلا يقلب ..."سد الباب وضار ركب خلاها كضحك وضارت عند زينة شدات تيليفون خشاتو ففمها ولهلا يقلب"
خرج ياسين من الفيرما وتبعو هو باش يشدو طريق اختارو العشية باش يشدهم الليل حيث فصل الصيف والحرارة على البنات يمشيو فالبرودة وخا الكليما فسيارة ...حتى وقف كان كاميو ديال دار لحليب ديالو وديال نوار ....
يامنة : ميخليوهش يرتاح ههههه
مصطفى : رزقو يا بنتي رزقو هذا اش يدير كلشي يوقف عليه بايدو ابنتي لما كان را كحل راس خايب راك شتي اش طرا ديك المرة ...
فؤاد : هادي هي الامانة اغزالي ...
يامنة "باستفهام" : شمن امانة "كطبطب على شامة الي بغات تنعس"
فؤاد"رجعات بيه الذاكرة لحلم الي جاه على ياسين الي وقف عليه "
ياسين : ربعة الامانات ديالي ...جيت نديهم ...
فؤاد"رجع من التفكير ونطق" : الامانة لولة نوار ثانية وثالثة زينة البنات وشامتهم(زينة وشامة) رزقو يامنة رزقو الي خلاه ليا ديك الوقت ...رزقو هو الامانة رابعة نهار فاق وتوگض هاهو جا داهم وداها ...
ما اعز من الولد الا ولد الولد وكيف كنقولو كنا الكبدة المعاودة معزتها كتكون بدوبل ومحبتهم زايدة بدوبل على الولد ...وهادشي الي وقع لبنات ياسين ونفس الشيء غايوقع لاولاد الحبيب واسامة وهادشي مافيهش شك عند يامنة وفؤاد مكيميزوش بين ولادهم وحتى ولاد ولادهم ...
شدوها طريق وحدة طبعا كل محطة كينزلو يرتاحو ولا ياكلو على ود البنيات باش ترضعهم نوار الي مزال كترضعهم من صدرها رضاعة فقط كتعطيها ليهم الا اذا بغات تدير ليهم صوبا او عصير طبيعي...
صباح صباح يوم جديد فمدينة ازرو المدينة الي افتاقدناها فهاد الاونة الاخيرة طبعا كان تركيز كلو على الفيرما ديال ياسين واجواء الدوار وولادة نوار ...اليوم فهاد الصباح كانو مجتامعين كلهم من بعد ما وصلو بوقت متاخر طلعو لفوق يرتاحو ...هاهما فالصالون مجموعين على لفطور ك عائلة كبيييرة ....
يامنة : شكون غايحضر ليوم من غير عائلتو ؟
سارة : غير مي وصبيحة ختي خوتاتاي بقاو مع با تيجيو فشهر 12 لعرس ان شاء الله ...
نجوى : ديك ساعة غانجي غير انا والياس دراري غايبقاو تما...
نوار"كتوكل فشامة اما زينة مزال مفاقت ليها من نعاس غير شامة الي وخا فحالها فحال ختها الا انها حركية شوي ودغيا كتفيق ماشي فحال زينة تختوخة ونعاسها ثقيل ..." : تريتور الي مكلف ؟
سارة : الا غير حنا جايا واحد تباخة دابا را وجدنا ليها لكوزينة الي فالملحق ...
يسرى"هبطات هازا صاكها ولوازمها تا جلسات سلمات عليهم " : صباح الخييير ."باست راس شامة " ياختي على رويحات يامامي انا ..سكون لابس ليا لغوز سكوون "كانت ملبساها كيسوة قطنية غوز بسميطات "
نجوى"رجعات ليها شعرها من على عينيها" : يانا حميشات بغاو يكملو ليا العام يانا معيزات معريين ليا درعييين ...
يسرى : تختوخة لاخرا مفاقتش ؟
نوار : باقا ناعسة ...
يامنة : بسلامتهم "خشات وجهها فعنق شامة كتبوس ودغدغ فيها وهي ميتة بضحك" ياختي على ضحيكات وشويمات ...
شامة : اغغغغهههههههههههه ممم اممم "كتحك شنايفها بدوك سنينات ربعة تمضي فيهم وضحكتها كتحمق عندها غمازة فذقنها وزينها جامع مزيج بين نوار ويامنة وحتى زينة فحالها لكن شبهها ليامنة غالب ..." امممم "مدت ليها فمها عيشة البواسة كي ختها ودارت ليها بصبعها جيهة فمها زعما بوسيني ويامنة ماشي من العاجزين شذتها ماطلقتها هههه "
ياسين"ناض من بلاصتو كيقلب فبريكة وباكية الكارو من جيبو واش كاينين " : انا برا شنو خاصكم ؟
سارة : ولدي الله يرضي عليك بغيت داك بخور زوين ديال حج الي كتاخذ من عند صاحبك الي ففاس ...الى كان كيفاش توصي يرسلوه لينا ...
علي"تم نازل تا حيدهم من عليه غاشافوه تاهو وبداو يتركلو ويضحكو معاه " : اغوغوغو احححح على زين لفتان زيدي بوس يعطي لمكم الباسر على زينكم يترزا اشرف فزينو ..
اشرف : دعيتك لواحد مولانا ...
طلعات لوجه عليه باستو فجبهتو حناكو وعنقاتو من وجهو وهو ميت بضحك معاها ...تا كوزات لاشرف ...
اشرف"شاف فساعتو" : مع العشرة عندي واحد الاجتماع مع شي ناس جايين ياخذو واحد سلعة ورسلني العميم يوسف باش نكونفيرمي معاهم شحال بغاو ونجيب ليه الوراق هنا ...
علي : مطالعش لشركة ؟
اشرف : لا مكاين خدمة من ورا هادشي راك عارف ليوم العقد ديال ختك دنيا غاتعمر العشية شكون يتسخر وباك تاهو ممشاش ... "نوار دخلات وهما خرجو برا جردة شادين البنات كيلعبو معاهم" ...
علي : مشا دا الوراق ديالها لعدول الي غايجي عشية مع سي طبيب نسيبنا حاشاك كي شتي تناسبنا مع طبيب وخالتي يسرى طبيب لا ضرك زوكك شي نهار بالباسر يعطيوك شي تريتمون ...
اشرف "يلاه بغا يهضر وزينة الي كتشعبط فعلي كوزات تاهي ليه وهي تزعق ليها الحزقة تسمعات على جهدها فوجه اشرف نيشان "
علي : ااااكا البارود ...
اشرف : بدا بهادي هي لولة عاد شوف زكي ...
بقات اخر بنت فعائلة رمسيس الي عزباء ...بنت صهيب رميساء البنت الي صبارة كيف قال باها وزين الفارسي كيف نعتها موسى الي بعد لحضات غايولي راجلها شرعا وقانونا من بعد فترة خطوبة دامت سنة خلاتهم يتعرفو على بعضياتهم اكثر حتى اقتانع بصح انها البنت الي مناسبة ليه وبغاها ...فلول كان اعجاب بزينة فالتالي اعجاب بشخصيتها وطريقة هضرتها وكيفاش البنا محافضة وخا كتهضر معاه هضرتها حدودية ماشي ضاصرة ورامية راسها عليه ...
فغرفتها جالسة فوق كرسي قدام الكوافوز من بعد ما كملات ليها الميكاب ارتست اخر لمسات على وجهها وشعرها...الي اكتفات انها تخليه سامبل بدون اي اضافات وتاج صغير فوق راسها وميكاب ناعم ومع حروفها الحرشين فحال سارة عينين كبار وحجبان غلاض مقادين على طولهم نقاتهم ليها من جناب عاد تقادت فورمتهم وبان جمالها اكثر ناهي على طول شعرها الاسود الي شافها ميقولش بنت صهيب الاشقر وخت علي الاشقر ...بقطان اخضر ملكي مطرز بالصم ومضمة رقيقة الدهب مزينة من لوسط ببروش فيه حجيرات بالالوان وصباط طالون ذهبي ....
نوار"دخلات عليها هازا ساشية فيها اسم محل الذهب تاهي داخلة بقفطانها فالومو مطرز طرز خفيف فالفضي وسميطة فضية رقيقة طالقة شعرها وجامعة خصلات لور خفاف والقصة الي قطعات مكحلة عينيها كحل خفيف وعكر غوز خفيف ...هازا جلايلها وكضحك باعجاب لرميساء" : وينووو جيتي غزالة هههه
رميساء : بصح "كتنش على عينيها الي ولاو حمرين بالمكايج حيث مكديروش بزاف " ففف غايدوزو دموعي ...
نوار : دابا ينشفو غير صبري"مدات ليها ساشية " هاذي عطاها ليك ياسين كادو ديال العقد ...
رميساء"قبطاتها بفرحة كتجبد فيها بواطة حلاتها لقاتها سلسلة ذهب مبروكة وعمارتها على شكل لوزة مرصعة بالحجر كانت من اختيار نوار وهو…وهو الي خلصها كادو ليها " : يالله شحال فنة غزال غزالة يحفضو ليا ربي يخليكم شكرا بزاااف "باستها فحنكها" لبسيها ليا
نوار"لبستها ليها" ؛ بصحتك "طبطبات عليها" مهم نزلي را جات الحناية والعدول شوي ويجي مع بابا وعمو فؤاد ...
رميساء : بابا لتحت"حركات ليها راسها بمعنى اه ...وقفات تا تابطات دراعها ونزلات لتحت غير هبطت لقات تقريبا كلشي حتى راوية جات بكرييي هي وايلاف وجاد حتى تبعاتها صفية وايساف ...
اليوم يوم عقد قران رميساء وموسى الطبيب المعجزة الي رسلو الله لال رمسيس كان سبب باش ياسين تنقد سبب من عند الله واخا دخل فغيبوبة الا انه كان سبب فانقاذو ...نزلات مع دخلة بداو يصليو عالنبي منهم سارة الي
عينيها غرغرو وهي كتشوف نسخة منها كتزوج هاهي تهنات عليها وهم البنات حيداتو عليها وعطاتها لانسان الي يصونها ...باست ليها راسها وترجهات لبلاصتها فين كاينة الي كتحني حاطة طبلة مقادة مزوقة بزواق بلدي شمع ملبس بالموبرا مطروزة بالصم الخضر والبيض مزوق بالحنة وريدات وقالب سكار ملبس تاهو وشمع شاعل والزلافة ملبسة ومحطوطة عامرة بالحنة والبخور مطلوق جلسة الحنة بلدية بامتياز ...
تمو داخلين كاملين معاهم العريس الي كان فلباس تقليدي جبادور فوق منها جلابة سوسدي فالبيض وبلغة صفرة واحد مولاتي تكضيرة فيه متبت مرزن وكيبان شارب عقلو مبتاسم ابتسامة خفيفة جايا معاه الام ديالو وزوج خوتو واحد كبر منو ولاخور صغر منو ...عاد واحد السيد كبير شوي فالسن كان خالو الي ساكن معاهم هو ومرتو اما ولادو مكانوش حيث سافرو يبداو قرايتهم برا المغرب وواحد منهم داخل المغرب دار الميدسين فمراكش ...
يامنة : مرحباااا بلالة طاهرة مرحبااا ...
طاهرة"ام موسى شافتها وضحكات تا بانو ضروصها سيدة ضحوكية وقلبها كيبان بيض من شوفة فوجهها البشوش" : ربي يخليك ترحب بيك جنة "تسالمت معاهم دخلوها لصالون عند العيالات هي ومرات خالو ودخل موسى وخالو وخوتو عندهم تما مع رجالة والعدول الي جا ...
توالات زغاريت وصلاة عالنبي بداو المراسيم ديال عقد القران حتى جا صهيب الي لابس ليك اسيدي جلابة كرونة سووووسدي تاهيو وتحتها جبدور بسروال قندريسي حنحن تا سكتو ودخل عندها حادر راسو ...
صهيب : تعالي بنتي معايا ..."وقفات كترعد تا مشات معاه وفطريقهم لصالون فين كاين موسى وفؤاد والعدول وعلي الي كيصور للحضة بالكاميرا وايساف بلابارا كانون ...شاف فيها وقال" شوفي الى دخلتي قولي لعدول مبغتيش
رميساء : علاش ابابا ...
صهيب : را عاودو ليا عليه كيسوط العيالات الي لقاها فزنقة يصرفق مها ...انا بوك ونقوليك ينعل بوك ...
رميساء : حرام عليك ابابا ميديرهاش هههه
صهيب"طلعها وهبطها" : سيري ينعل جدر والديك امممم مزينك نتي وياه دخلي دخلي راني شاك فيه هو الي غايتم جايني غضبان ...
دخلات متابطة دراع باها تا دخلو لواحد صالون من صالونات الفيلا لتحت غير فراسو هماوي ...حادرة راسها مقدراتش تشوف فموسى الي كي دخلات تبسم ابتسامة ثقيلة وقال فنفسو ماشاء الله ...جلسات جنب فؤاد وصهيب تاهو وموسى حداه خالو ...
يوسف : مبروك ابنتي ...
رميساء "بصوت منخفض" : الله يبارك فيك العميم ...
العدول : على بركة الله ..."بدا المراسم ديالو خدا لاكارطات وبقا تا عمر عاد بدا هضرتو المعهودة سول على صداق وسول على واش قابلة بزوج جاوبو وعطاه يسنى عاد تبعاتو هي وكيف بلغ اسامة العيالات بالي العقد تسنى طلقوها بزاغاريت وحدة تابعة لاخرا ...عاد ناضت هي توجهات عندهم ...وتحط العشا الي كانت حاضرة فيه حتى الحاجة ام سفيان وحتى واليدين هاجر اما صوفيا سافرات لمراكش هي وراجلها الي دارو غير عقد ماجلين لعرس تلصيف جاي ...
نوار"هزات جلايلها ولحقات على ياسين لجردة قدام لبيسين فين واقف كيكمي" : توصل الحاجة ياك ؟ وصل معاك خالتي ام هاجر وعمي تاهما ...
ياسين "حرك راسو" : فين البنات ؟
نوار : عند عمو فؤاد ...را لهيه عند الباب
ياسين"طل عليهم لابسات كسيوات ذهبيات بباندة فيها بابيون ذهبية وشادهم بجوج هازهم وواقف مع يوسف الي كيضحك معاهم " : كلاو شي ؟
نوار : كلاو ضروري هههه
ياسين : نتي ؟
نوار"عنقات دراعو وحطات عليه راسها" : حتااا انا ...انا واحد شوي نطلع نرضعهم ...
ياسين : تسنايني تانجي"هزات غيه راسها وغمزها"
نوار : هههههه
ياسين : ساليتي شنو عطيتك تخدمي ؟
نوار : ساليت جوج ديال تمارين واحد لcas وحلت ف tva ديالها حتى تشرحها ليا ...
ياسين : ضروري ...حاولي تساليهم باش نعطيك واحد سيري تخدميها تاهي ...
ياسين : يلاه يلاه ...بادي معاك باش ميرجعوش ليك لمواد توحلي فراطرباج تاني اللهم بداي من دابا باش متعيايش البنات والخدمة فدار الحليب كتير عليك ...دار الحليب خليها لاسامة يتكلف بيها بينما بدا مشروعو ماحتال تكملي قرايتك شديها ذقة وحدة المهم الي نوصيك عليه قرايتك هي لولة براكة الديبلوم الي ضيعتي عليك ...لافاك حسن ليك ...وانا معاك ....
نوار"طلات هنا وهنا مابان ليها حد وهي تعلا بزز باش وصلات جراتو عندها وباستو من فمو" : لهلا يخطيك عليا ..."ايوى را ماتهنات تا شلقمها علاه هو يزگل ؟ بالعما يعميني"
وها واحد لكوبل جديذ واخا انضاف مؤخرا لقصتنا مع ال رمسيس الا اننا منعرفوش شنو مصيرو وهاحنا عرفنا مصيرهم الشابة العشرينية مع الشاب الاربعيني هههه ...طلعات هي وياه لبيتها باش يهضرو قبل ميمشي لفاس ..
رميساء : وو ...ماحتال تكمل هضرتها السيد قرااااب اكثر تا جرها بجهد من ورا عقنها لاصق شفايفو مع شفايفها حسات بقلبها تهز تا تهز ونزل لتااااحت ورجع لبلاصتو كيضرب يضرب يضرب بجهد ...كيقبل فيها قبلة هادئة الي بدات تحول لقبلة غاارقة مخلياه يشرك ريقو مع ريقها تا هز ايدها دارها فعنقو ماشعرش تا تكاها وجا فوق منها كيقبل فيها ويخشي وجهو فعنقها غير مكترت لمناداتها ليه بقا يبوس تا دخلها معاه فالمود جهذ ربع ساعة وصوت قبلاتهم كيتسمع فارجاء الغرفة حتى تگعد مخليها حمرة بالبوسان وهو كينهج ...
موسى : داكوغ مرتي العزيزة ...
رميساء"كتلهت" : فففف "مسحات عينيها " ش شكرا ...
موسى"جر ايدها ونوضها كعدها تا جلست " : هههه يلاه سيري رتاحي تالغذا ونجي نشوفك وبعدو نمشيو نسافرو ..."حركات ليه راسها وناض هو وياها تا وصلاتو عند الباب قبلها من فمها وجبهتها ومشا نزل لاحت عند مو وخوتو مخليها مجخلطة هي وشعرها تا تم جاي خوها كان كيهضر فالتيليفون وشافها يلاه بغات تدخل تهرب تا قفزها "
علي : اديك مسخوطة مالك ؟
رميساء"بلا مدور " : بغيت غير ندخل طواليط ...
علي : وضوري شوفي فيا مالك مشعككة شكون نتفك ؟
رميساء : سوقك ؟
علي : راه غانبرقق موك ياكما يحساب ليك تجوجتي كبرتي عليها ااا ؟ "طلعها وهبطها" زيدي عند خوك الكلبانة زيدي"جرها دورها عندو وعنقها كيبوس على راسها وعينيه مغرغرين ختو هي وياه كي المش مع الفار وليني عمرو فاتها من الي بذاو القراية وهو معاها فبرلين تاكملو ..." هاويلي
غاتخلي خوها هاويلي شكون نتف تا خوك صغير ماديال تنتفيه ولا تقربي ليه ...اشرفي نهار يفكر يبكيك عيطي ليا وكحزي تيساع ...
رميساء : يحفضك ليا "باستو"
علي : وكان ...يلاه سيري هاد المرة قوليه مايخرج تايجمع ليك شعرك اويلي نتفك شوهة شوهة يمسخكم ..."مشا وخلاها بغات تدخل البيت دخلت فالحايط" تبقي ستر ...
هاهي شمعة عيدهم الول انطفأت عيد ميلاد الي اصر فؤاد يديرو ليهم بنفسو شرف على كلشي ...هاز اياد ولذ مينة هنا وولد ايساف هازو يوسف ...والوسط يامنة ويسرى كل هازا بنية ...ملبسينهم كسيوات دونتيل ولورغازنا فالابيض على شكل كسوة حفل زفاف من تصميم فيكتوريان بابيون ورا ضهرهم كبيرة كيبانو فيها كي حلوة لوز مكشكش عليها صابون هههههه...وقدامهم طورطة كبييييرة فيها زوج طبقات الطبقة الاخيرة فيها صورتهم تحت كل صورة اسمهم زينة وشامة فاش يلاه تزادو صورة فيها ضاحكات مع ملايكتهم ...وطورطة كبيرة على شكل فورزن الفيلم الي عزيز عليهم وحداه طورطة ديال bee على شكل نحلة ...ومملحات طبعا والجردة مزينة بنفاخات بيضة ووردية وشيبية حيث بغا يجمع تا عيد ميلاذ ولد ايساف ومينة على حسابو وخا ماشي عيدهم هذا المهم يفرحهم حيث اول شيء خير ايساف كبير كونه هو وصفية وقفو مع نوار فاش كانت حاملة فوقت كان ياسين فغيبوبة مخلاوهاش تعيا ...تاهو منساهش فؤاد ودار ليهم هادشي مع البنات ...حتى طورطات لاخرين دار فيهم تصاور اياد وياسين صغير ...
بداو يغنيو دراري ايساف والحبيب وعلي واشرف واسامة عيد ميلاد الليلة مين ...حتى سالاو وزيدوهم يطفيو معرفوش وطفاو عليهم يسرى ويامنة كيضحكو عليهم ...تا كلمو خذاو تصاور ...
فؤاد"شاد زينة فوق حجرو وشامة فوق حجر يامنة " : شنو تنعسو حدا جدو ليوم ؟
زينة "لاحت راسها لوووور تا شافت فيه كتضحك " : اغغغغغ دوو ...
فالبيت من بعد ماكمل الاحتفال كل طلع يرتاح ينعس والي رجع فحالو ...صايبات ليهم بلاصتهم من بعد ماحيدات ليهم كسيواتهم خلاتهم غير بتيشرت وكوشة صافي هكاك مبيطبطات وحدة ناعسة وحالا فمها وثانية تاهي حالا فمها وتشخر تا خرج فواد كينشف فجسمو وشعرو ولحيتو الي كتقطر ...شاف فيها ...
فؤاد : الگمرات غابو ..."قرب ليها وحاوطها من لور ايدو على كرشها" فؤاااد هههه
فؤاد : بالفرحات ...ساسي متان وجناحي كبر وطوال...الخير جاي عند الحبيب تاهو غذا وبعدو اسامة ...مهما طال زمان بقيتي وغاتبقاي عمارة دار ...
يامنة : جنة ولادك ...
فؤاد : ميمة الحفايد ...
يامنة : راجلي وتاج راسي
فؤاد : غزالي وعمارة داري "ضورها عندو وحنا على شفايفها بقبلة مهما طال زمان كتبقا قبلتو خاترة فيها عشق عاد مزاد بعد سنين وسنين تا فصل القبلة وباس جبهتها" كاتيوشا ديالي ...
يلاه بغا يتخشع معاها تا حيد ليها داك الي لابسة طيحها فوق فوطوي عريض ورطب وبغاو يبداو الالتحام حتى بدات زينة كتبكي فنعاسها وضارت يامنة مخلوعة ...
يامنة : بلاتي نشوف مالها...
فؤاد"ناضت من تحتو" : ضريبة الحفايد واااعرة وكان وااعرة ...يامنة هزي الملايكة ديهم لواليديهم ...
خاشية رجليها بين رجليه الي كيتلمسو فرجليها بمداعبة وايدو الي كتلعب فشعرها ومرة تنزل لضهرها تمسح عليه عن طريق الاصابع الشي الي كيخلي قشعريرة تسرا فجسمها حتى كتغمض عينيها وتبتاسم ابتسامة مصحوبة بانين ....
ياسين "كيشوف فالسقف " : شنو عييتي ؟
نوار : شوية ...دايرة بالي مع البنات الى فاقو يبغيو يرضعو وتجيبهم خالتو يامنة ...
ياسين "سكت ماهضرش سكت كيسمع لصوت انفاسها وتحركاتها الي خلاو الاحتكاك يزيد بيناتهم اكثر وتعاود تشعل العافية فيه من جديد حتى خلاتو يجرها اكثر تا طلعات فوق منو وحط ايديها فوق كتافو كتشوف فيه حمرة بالخجل والحرارة الي بدات كتولد من جديد ..." : كيفاش شرق يتسالا ننك نتي كيفاش ؟ "كيدو بضهر صباع ايدو على حنكها"
نوار"تبسمات وزادت وساعت ابتسامتها تا بدات تضحك " : ههههههههه
ياسين : شنو مالك ؟
نوار : اول ليلة بخاطرك ماحداناش زينة وشامة هههههه "حيث كيقطعوها عليه بزاف المرات هههه"
ياسين : يشدو شوي فراسهم ينعسو فبيتهم ...
نوار"حركات راسها" : ضروري وخا مساخياش ولفتو ناعسين وسطنا ..."كتلعب فزغب صدرو وكتهضر وتضحك تا حسات بيه هزها شوي وحطها عليه بشوي بشوي بشوي داخل تا حلات فمها بشوي بشهقة خفيفة " اااااا ...فففف"عضات ففمها " اممممم...
ياسين"هبط وجهها عندو ورجعها لمود القبل الحارقة الملتهبة الي خلاتها تشد فيه مزيان من عنقو وخدامين على لبوسان من فوق هاك بلاك ومن تحت هاك بلاك تا بداو عروقاتهم بزوج كيتكبو خبط خبط خبط واحد الفترة حتى خبطها عليه بجهد ترمات على صدرو معنقاه كتنهج وهو كذلك ..." : شييييت ...
نوار"كتنهج" : ففف بغيت نشرب ...
عاونها تا رجعات لبلاصتها كتحس بتحتها كيزدح وباقا كتنهج بالنشوة الي وصلو ليها بزوج بقا جهد شي خمسة دقايق تا ارتاح عاد ناض لبس بوكسر وشورط ورما عليه تيشرت وخشا فرجليه كلاكيط وخرج من البيت باش يجيب ليها الما ونيت تاهو يروي عطشو...غير حل الباب وتم غادي تا سمع صوت زينة كتبكي وجايا هازاها يامنة ..
ياسين خلاها كترضع فيها ودخل دوش وتوضى وخرج لبس غير بوكسر وتلاح حداها لقاها نعساتها شدها من عندها حطها فوق صدرو كيدوز عليها تا دخلات هي لدوش دقات عليه يامنة عطاتو شامة الي حسات بزينة وفاقت تاهي ....
ياسين : عذبناكم ميمتي ...
يامنة : ياودي هانية عذاب على بناتي راحة ولدي ههههه...
ياسين"قربها باس راسها" : علمي الوليد يسمح لينا وكان ...
ياسين : تانا داكشي الي عنيت مخليناهش ينعس براحتو ..سموحات ليك وليه .....بينوار ميمتي بينوار ...الله يقلب ساعة بخير....
يامنة : ااا ؟
ياسين : تباتي فراحة الله .…
مشات ..تادخلت جات تحيد البينوار عاد لاحضات انه مقلوب وهضرة ياسين عاد فهمتها هههه…
نوار"خرجات لقاتو هاز شامة كيمشي ويجي بيها " : ههههه عرفتها تاهي تفيق ...اجي ماما اجي .."شداتها من عندو ومشات جلسات كترضع فيها وهو مشا لبلاصتو حداه زينة الوسط تا رضعات شامة ونعاسات عاد حطاتها حداه تاهي ومشات رمات عليها شوميز دونوي بلا سوتيان غير سترينغ وتكات حداه لقاتهم تشعبطو فوقو بجوجات وحدة راسها فوق كرشو وثانية تحت منها شوي تاهي فوق كرشو ..." ههههههه...
نوار"طفات الفيوز وتنخششات حداهم ونعسو بربعة كوخو تا صبح الحال حلات عينيها مالقاتهم لا هما لا هو ...ناضت غسلات وتوضات صلات ولبسات سوفيت صيفية هبطات لقاتهم كيفطرو والبنات وياسين مكاينينش ...
نوار : صباح الخير ...فين البنات خالتي ...
نجوى : داهم يوسف خوجهم شوي هنا ويرجعو ...
نوار : وياسين ؟
يامنة : مشا مع عمك فؤاد يشوفو الفرع الصغير ديال شركة الي غايتبنى هنا فازرو حدا ورشة ديال عمي "بات فؤاد ويوسف والياس وراوية وجد نوار نيت عبد العالي الي زوج يامنة لفؤاد " …باش يشدو اشرف …
نوار"بفرحة" : الله هنية عليه "كبات ليها قهوة وحليب " باش مضيعش. ديك الورشة نيت...
واخا ماشي تخصص ديالو ولكن را غايكمل عام ديال سطاج فالشركة را شد مزيان شوي ...
نجود : الله يرضي عليهم وعليكم ...عاد غانتهنى على اشرف هو الي بقا همو شاغلني هاني تهنيت عليه ...
شروق شمس يوم جديد يوم بعدو مرور السنوات ماااشي بزاف انما مرت ما يكفي ل
…"اربع سنوااات تقريبا"…
حل عينيه على خاااطر خاطرو بعد نومة عميييقة مرييييييحة كيف حس بيها هو ...دور راسو جيهة الطابل دونوي هز تيليفونو شاف الساعة لقاها سبعة صباح يعني خاص ينوض باش يمشي فين كيقرا فمراكش عندو فيها فورماسيون فالتكوين نيت على تجارة مدتها ستة اشهر ....
اشرف"مسد عينيه بماساج وحرك رجليه حتى حس بشي حاجة زامتة ليه فوقهم ..." : اش هادشي "هز رجلو لفوق مافيه ميهبط راسو ههه ومع رجليه مزغباات نيت لقا فيهم شريط ديال لاصيغ لاصق على حقو وطريقو الى حيدها ومع صهد كيقهر فديك البلاد خاصو يبقا لابس سروال تاينوض زغب ...حط راسو
بخااااطر خاطرو شاف فالسقف لولب عينيه جهد شي خمسة دقايق تا هز صباعو دارهم فوذنيه وطلقها بغوتة " وييييييييييييييو ويويويويويويو والله تااانخشيك فالثلاجة واااا برب الجليل لا فكني بوووووووووووك يلعن جد بوووك خرجتو ليا فعودااااااااااااي ...
ناض صاعر عرق الي فيه خرجوه ليه بنات ياسين ونوار وزادت عليهم تالبقة الصغيرة بنت الحبيب الي سماوها اريج فعمرها عامين ونص ملي تعلمت تمشي وهي الي لقاتها تجرها تشخشخها والى هضرو ينوض ليهم فؤاد ...
اشرف "خرج من البيت هاز لصقة ديال لاصيغ فيها زغب رجليه...تا لقا علي تاهو جا هو وسليمان واسامة الي عندو العام الاخير فالماستر فجامعة محمد السادس ببن كرير باش يكمل على ليصونص الي خذا فالمات ...وبالتالي اصبح نموذج من النماذج الي فاقت على راسها وبعدات من الادمان الي كان غايكون سبب فالفشل الي تعرض ليه فلول تا خرج من الجامعة ففاس ...
العائلة تقريبا كلها جات الا رميساء وموسى الي كاينين ففرنسا وخدمة موسى الي صعبات انه يجي وحمل رميساء باول طفل ليهم ولد الي بقا ليها شهر وتولد وها سي صهيب غايولي جد بزز منو هههههه ...السبب الي خلا العائلة تجمعات هو سبب مهم واخا تعطل لكن ديما كيف كنقولو كل توخيرة فيها خيرة وهادشي الي وقع والي غانعرفوه من بعد شنو هو ...
علي "جاي يحك فشعرو المخربق" : اتا مالك ؟
اشرف"هز لصقة وراها ليه مشربن" : هاا اش كاين ...
علي : ويلي درتي ليه لاصيغ الماسخ ..
اشرف : قلب على غدو ربي فهاد الصباح ...مبانوش ليك ؟
علي : ههههههه دارتها ليك وحدة فيهم منقدر نقول ايناهي راهم فحال فحال ...
اشرف : فيييييين هما ؟
علي : فين شتهم فييين حيد خليني ندوش ...
في هاد الاثناء كان فالمكتب التحتاني فالفيرما جالس فكرسيه داير نظارات طبية ديال شوف كيشوف فالحسابات ويطرطق فصباعو مرةز مرة يغوبش مرة يعض شنايفو تا تحل عليه الباب ودخل الحنان ديالو صاحبو ومعاه بنية فعمر عامين ونصف شبه الحبيب لاصقة عويناتها زرقين ...
ياسين"شاف فيه وفالبنية" : الوليد ...كبيدة عمها جات ..."شدها من عندو وحطها فوق فخدو باس رويسها ذهبي ...تا بدات تمد ايدها باش تجر اش قدامها لكن بعدهم عليها " شش مالنا البسالة تاني ؟
صفية "خرجات عينيها وطلات لا يبان ليها شي حد " : سير دي بنتك برا وخرج برا اويلي ..."دخلات"
ايساف : ليستر ...
دا البنية الشبيهة لصفية كلها مافيها تاحاجة من ايساف الا ياسين بوحدو ...والي جالس مع يامنة والتويميات فالسيجور برا حاطا ليهم فطورهم ربعة زلايف ديال كورنفليكس شوكولا جوج لزينة وشامة وجوج لياسين واياد ولد مينة الي جات تاهي ورياض باش يحضرو ....
شامة"نغزات ختها " : فوفو "اشرف"
زينة "لولبات عينيها وضارت هنا وهنا" : علفتس"ماعرفتش تعلمو يقولو ديك عرفتش من دراري هههه ...مزال كيبرغمو تا وقف عليهم وبدا يصفق طارو ونزلو وتخشاو ورا يامنة كيترعدو خصوصا من دخل تا ياسين كيقلب عليهم "
اشرف : حصلة الكلااااب يا علي حصلة الكلاب ...
زينة"ماعرفت باش تبلات خصوصا من بان ليها ياسين وقف كيشوف فيهم مستغرب حيث اصلا اشرف ماقاليه والو دخل هو وياه غير صدفة ...ايوى طلقت حلوقها ببكية وتبعتها شامة" : واااااعععع اهى اهى باباااا ...
ياسين "عقد حجبانو" : ششش مالكم ؟
شامة "وجهها دغيا تزنگ ومنخرها هي وزينة ولا كي مطيشة محطوطة ودموعهم دغيا تسرسبو يالاطيييف " : فوفو فوفو اهى ...
علي : ها باطل غاينزل عليك من حيث لا تحتسب عههههه..
بقا اشرف كيشوف فيهم كيتبوحطو تما ...ولا ضار عند ياسين وغمزو زعما غا خليني معاهم ومشا دخل جاب كاس اتاي باش يخرج يتنغم بيه مع الگارو ...مكيضربهمش ومكيعايرش ومكينهضش فيهم لكن مربيهم على الى جهد صوته ميبقاوش يعاودوها من وراه ...هما الاحترام فيهم ميهزوش عينيهم والدليل من خنزر فيهم اشرف حدرو عينيهم ...ومشكييييل منين جابو لاصيغ لا صاق الخبار ياسين او نوار يحطوها فحوايجهم ...ولا اشرف سكت ونعل شيطان ويامنة هضرات معاه وتاهو ميقدرش يخليهم يخليو داربوهم يموت عليهم
غير كملو وخرجو برا لقاو الحبيب وايساف وسليمان واسامة الي شافوه ومشاو كيجريو تلاحو عليه هو والحبيب هزوهم ..
الحبيب : حبايب العميم الحبيب ...
شامة"عنقاتو من عنقو وحطات راسها على راسو" : ههههههههه ...
زينة"معنقة اسامة" : ماما ماماااا ...
نوار"خرجات من طوموبيل هي ويسرى ويوسف ومينة " : اماماا توحشتكم ههههه ..اجي عندي اجي ..."جلسات قفازي تا جاو كيجريو عندها عنقوها بجوجات يبوسو فوجهها ويعاودو تقولي مشافوهاش سيمانة وهي خرجات غير مراكش لافاك ورجعات ..." الله ماما حبيبة ديالي ...
شامة : امتا مسيو ؟
نوار"شافت ساعتها" : شوية ونمشيو ...فين باباك ؟
يوسف "شدهم من ايديهم وداهم معاه" : رااااه عند الشهلة ونورالياسين ...
في حين هما مشاو لفوق كان ايساف كيدوش تا دقات عليه صفية تعطيه الفوطة وهو يجرها بجهد دخلها تا غوتات ويد الباب زدحها مع الحايط خلا عينيها خارجين ...
صفية : اويلي كون تا جا عمي فؤاد و ...اشكون خلاك يا تهضر لجم ليها الفم ببوسة خلات قلبها يضرب ماشعراتش بيه امتا بدا يلتاهم تا لتاهمات معاه تاهي ومع يخون بالدوش حس بالحرارة تا دور ايدو ورا ترمتها عجبنها وهبط سروال وهزها بايديه بزوج تا طلعها مع الحايط وخشا وجهو بين رجليها ماحسات تلقات شفايفو لتحت كيلتاهم فيه تا غوتات بتاوه ...
صفية : ااااح ايسااااف عافاك لا ماشي هنا ...
ايساف"هز راسو شاف فيها" : اش الي ماشي هنا من قبيلة ونتي تمشي وتجي عليا قاطعاعا فيا البارح وانا مشهيك ؟ والله منعقل على موك ...
يلاه غاتهضر تا خشا راسو تاني بدات تاوه وتشد فشعر راسو تا نتفاتو عاد هبطها ودورها بالخف ورك على كرشها تا كوزات ليه كيبوس فعنبقها ويمص وايدو تبعص فكرشها تا حسات بيه طلعو معاها ماجات فين تهضر تا سكتها بالخبيط يخبط يخبط تا هزات راسها فوق وحلات فمها ...
ايساف : واااخا ...هي بنت باباها جاعت اممم ...بقا هاك بلاك هاك بلاك تا فدا فيها القديم وجديد حسات بتحتها نمل عليها ...هزات سروالها وخرجات تايخرج عاد دخل دوش ولد لهم شدها وسطهم ههههه ....
لبساتهم يسرى حوايج الخروج ..كسيوات موردات ودارت ليهم باندات لشعرهم ...عاد لبساتهم صبيبيطهم ...تا جا يوسف طل عليهم ...
تم خارج صهيب من لداخل بقا هو بوحدو وصل على يوسف لطوموبيل الي قاليه اش قالت ولا وجهو مزنك بجهد ...جاب الله فؤاد سبق فالطوموبيل هو ويامنة ونجود ومصطفى ...وطوموبيلة ياسين تاهي سبقت مشاو بقات غير طوموبيلة يوسف و ايساف تا من راوية وايلاف مشاو والياس تاهو مشاو ميتين بالضحك على صهيب ههههه ...
صهيب "ضار عند علي الي كان واقف مع مو كيحاجي ليها" : اش تم امسخوط ...
علي : والو والو يلاه مشينا ....
سارة : هههههه اجي لهنا لاش بغيتي نمرة حسناء ...
علي"ضار عند اشرف واسامة الي حلو عينيهم عالجهد" : هااا امي هنينا را بغيت نسول على لافاك الي دارت هنا واش مزيانة ...
اشرف : ممممم قول عجباتك وصافي ...زيد زيد اولدي زيد ..."جر اسامة ومشاو فطوموبيلة اسامة الي فيها سليمان واسلام تايلحق عليهم علي الي بقا غير هو وسارة وحدهم "
سارة : تفرق على بنت خالتك اداك ياكما شتيها زيانت وكبرت حطيتي عليها العين ؟ هادوك ديال الحلال اولدي ما ديال داكشي ...
علي : اكانت طير من المقلة ...دابا زيانت الله اميمتي تا ناويها المعقول تاااتقاد فقرايتها وهضري مع الخالة صبوحة يحفضك والله تنعجبك ...
صهيب : ازيد زيد زييييد ...فين خوك ؟
مروان : هاني بابا لداخل ههههه
صهيب : اويلي عماو ليا العينين ولا غييسو ...
تحرك علي لعند دراري وزادو طوموبيلات تيسرو لمراكش لاحدى القاعات الي فين مقام حفل داروه طلبة الفوج معامن قرات نوار غير كليكة كانو كيراجعو مع بعضياتهم لا غير كانت كتراجع معاهم نوار فالنهار وبالليل يراجع معاها ياسين الي دوزها عليها نييييييت مارحمهاش غير تسالي يعطيها راحة ويعاود يعطيها دروس تحفض وتمارين تخرجهم ....حتى واحد
الليلة رجعات ليها الكريز بداك ستريس وضغط الشي الي خلاه يتوكض ويرخي معاها وهو كان همو غير يعوضها على قرايتها الي ضيعات بسبابو وبغاها توكض وتوقف باش ترجع تكمل الادارة فشركة ذار الحليب ديالها الي تطورات لاكتر من تصدير الحليب ...واليوم هو يوم الاحتفال بالتخرج ديال نيل شهادة الاجازة في الاقتصاد بميزة حسن ...
علي"كيشوف فالطريق" : افين هادشي ؟
اسامة : فكيليز اصحبي هاحنا قربنا...
اشرف"كيضور يشوف فسليمان الي كيفرنس مع حبيبة قلبو الي تعرف عليها ف المانيا كتقرا الصيدلة اسميتها ضحى ماشي البنت الي لقاها فالسوق هادي وحدة اخرى تا طورات علاقتهم والبنت الي اسمها فداء الي كانت مريضة شاءت الاقدار وتوفات قبل عامين من الصراع مع المرض ..." : امتا العرس نتا ؟"نغزو"
سليمان"شاف فيه كيفرنس" : صيف جاي تا طلقنا نتا...
اشرف"حط ايدو على صدرو" : موااا ؟ انا وحبي مزال تاتخرج ونخطبها ان شاء الله مزربانينيش"تعرف عليها فازرو وتاكد فؤاد انها ماكتحيه والو خوفا لا تكون ختو حيث باش يلقا باه مستحيل ان قلنا ذلك لان اي دليل يوصل ليه شبه منعدم "
سليمان : ههههه ان شاء الله فالصيف ...
اسامة : هاااح زاهية عراسات انا الي مزال مناويش هاد ساعة مهني ...
نزلو كاملين لقاو كلشي ذخل القاعة الي غير وصلات نوار وطلقات من ياسين مشات عند استاذ الي شدها فالبحث والي دازت عليها فالبحث تا شدات الاجازة ديالها...مشات لبسات لباس التخرج وعطاو العميد الكلمة الي عرضو عليه حتى بدا كيعيط لاسماء ...
نوار"تقدمات كتضحك فرحانة بزاااف وصلات لمواصل مكانتش ناوياها وكانت احسن مواصل زوج حب طفولتها حلمها تحقق معاه زوج تويميات وهاهي تخرجات ويط عائلتها الي فششاتها غير باش تقرا لكن هي ربي سلط عليها طريق اخرى الي تنجرات فيها ىطورات شخصيتها عاااد قرات وتخرجات" : شكرا ههههه"تصورات معاه وشافت فياسين الي غمزها وصورها بتيليفون. صورة خلاتو يديرها ف شاشة هااتف ديالو .."
نزلات عندهم لقاتو واقف سرح دراعو ليها تا جات ترمات فيهم حاوطها مزيرها عندو كيبوس فراسها ويعاود فرحان بانجازها لهاد اللحضة الشي الي غايخلي نقطتها دخلها لاحسن ماستر بغات يعني تعبو معاه مضاعش ابدا تا تخشاو ايديات صغار بيناتهم ...
.داز الاحتفال بفرحة وسط اهلها شي ساعة عاد مشاو كاملين تا خذاو صور بيناتهم ...
فؤاد"عنق يامنة بجنب كيشوف فعائلتو الي كيرت ذراري دارو دراري وولادهم دارو دراري وال رمسيس كتكبر هي وال ابوجودة وال سباعي عائلات ثلاثة تجمعو تحت عائلة وحدة هي ال رمسيس ...وهادشي كامل وحداهم مصطفى الجد الي كان غير هو ويامنة وزينة هاهو بعد سنين تزادو عندو نفوس وعائلتو كبرات بزااااف..."
غير كمل الاحتفال سبقات راوية هي اللولة باش يوجدو الاحتفال بالليل صدقة دارتها نوار على حسابها لتخرجها ولخدمتها الي غاترجع تبداها بعد غياب اشهر لضروف القرايا...ركب فؤاد دا معاه هاد المرة بنت الحبيب وركب معاه مصطفى كلشي مشا بقات نوار هي لاخرة ...
نوار : هههههه"دارت ليهم مسافة بصباعها زوج" قد هاكا ماما حبيبي ويكون عندكم خوكم فحال ياشين هههه
زينة"حلات فمها كضحك وضارت عند شامة" : يووووپييييي ...
ياسين"باس جبهتها" : الله يقدرني ونحضر ليك من لول ونفششك فحملك ووحمك الى قدرت وقديت باذن الله وطول ربي فالعمر ...
نوار"تنهدات بفرحة" : اااااه اميييين ههههه
ياسين : بيزو لبابا ...
زينة وشامة "باسوه بجوج " : هاهي يلاه ...
ياسين"حرك راسو ودار نضاضر شمش وكسيرا فاتجاه الفيرما للاحتفال الثاني بالتخرج وتجمع لعائلة عائلة ال رمسيس الي عشنا معاها الحلوة والمرة من اول كوبل قديييم هو فؤد ويامنة يوسف ويسرى صهيب وسارة الياس ونجوى ...الى كوبل الجيل لجديد...
الي عشنا معاهم وشفنا بلا مندكزو من شنو دازو كلهم ابتداء من نوار وياسين حب الطفولة وعود العائلات ...ايساف وصفية غلطة وتصلحات ...الحبيب وهاجر حب صافي بريئ مينة ورياض حب متين بعقلو ...الى اخر الكوبلات الي هاهما على مشارف ...
وهادشي كامل واللمة كاملة والناس الي تجمعات فالدوار كيباركو وهما نفسهم الي جاو يزوروه فاش وقع ليه الحادث ودخل فغيبوبة وهادشي علاش حيث "ياسين رمسيس" خيرو كبيييير بزاف خلوق محترم وخا عصبي لكن عقلو يوزن بزاااف ...عاون وعاون خلاه محبوب وخلاه يكون نور على العباد بفعالو رجولية ....
"فؤاد" : ليام كتمشي وتجي وتبقا هي هي وزمان كيمشي ويمشي على العباد تايشيب راس وفلاخر اش تدي من دنيا سوى حسناتك وسيئاتك ...ياربي حمدتك وشكرتك جمعتي ولدي معايا وسمعتي دعايا وماحرمتيني من اول فرحتي ونوري الي نورني ونور العباد معاه "نور" _الياسين...والفاهم يفهم …
يامنة : اللهم امييين ياربي ...
نور الياسين ...
النهاية تمت بحمد الله ...
هادي هي النهاية وخا بداية عندهم لشلا حيث كل حكاية كتولد وسطها حكاية جديدة وعمر حكاية رمسيس متسالي حالهم حال اي عائلة وناس كدوز من هموم دنيا وافراحها واقراحها ..
نور الياسين الجزء 58 والأخير
محتوى القصة
التنقل بين الأجزاء