حكاية أنثى الجزء 61

من تأليف لبنى السرابي
2021طور الكتابة

محتوى القصة

رواية حكاية أنثى

♥️الحب الذي يولد فجأة يدوم طويلا ♥️

بتكشيطة هماوية تقداتها مع دهاازها اكسسوارات دهبية مزيينة ودنيها او عنقهاا ... "خيط الريح" فجبهتها مرصع بحجيرات مواتين مع تكشيطة ...بشعر مموج طايح على كتافها صندالة طالون

اقبال:هيبة ونوضي راه جاو
هيبة:صافي (وقفات )كي جيت ؟
اقبال؛غزالة اختي الله اكمل علليك (عنقاتهاا) الله اكمل بعقلك اختي ...دا لحنينة ونوارت دار
هيبة(بحب )لهلا يخطيك اختي (باست ايدها وزيرات عليها ) نتيي هيا كلشي
اقبال:باغة تبكييني ؟ ياله ياله شوفي ناسك راه غيدخلو داباا وبشوية لطيحي تاني
ضحكات وهيا كتهز جلايل تكشيطة كلشي مقاد ومصاايب
مشات لصالون مينة تاهيا كاينة كلشي حاضر لكليسة لي موجدين كاشهار لزواج ...تحل لباب كان هشام بكوستيم اسود وشوميز بيضة ريحتو سابقااه ...تبسماات هيبة وقربات لباب تستقبلهم هيا واقبال والغالية
حارت واش تمد ليه ايدهاا ولا تسلم عليه من وجهو ...تقل وتخليه هوا يدير لي عجبوو ...سلمات على مو اول شيء وهوا كيسلم على مهاا
هيبة:خالتي مرحباا بييك
نزهة:الله اكبر بيك الحبيبة مبروك عليكم الله يطول العشرة ويتاوي بيناتكم بلخير
هيبة(من قلبها )اميين ياربيي
دخلات سيليا بقفطان وتاج على راسهاا فرحانة فتحات ايدها لهيبة وتحنات عنقاتهاا وناضت تبسمات لهشام وغلب عليها الضحك

هيبة:ههه السلام
هاشم:السلام بخير (مد ليها ايدو وضحك سلمات عليه وزير عليهاا

سلمات على الحاج وادريس ودخلو لصالون
فوق طبلة السيجور تحطو تلاتا ديال طيافر بلخضر مغطين بغطاهم

الحاج:ابنتي ..الله اكمل كلشي مباغك ومسعود الله تعالى يعطيكم سعد زيين
الكل :امين

كلسات حشمانة حدا هششام كتفرك فايدها وكتبسم فيمينهاا نزهة فحضنها سيلياا
هيبة:سيلياا جاك القفطان زوييين
سيليا:ههه شراتو ليا لميماا (هزات رجلها )شوفي سباط تا انا فيه طالون صغيور
هيبة:بصحتك ...حم خالتي لبااس كيدايرة مع صحيحة
نزهة:الحمد لله ابنتي
الغالية: مرحباا بييكم
الحاج(هز عينو فيها كيفرنس ) تغ حب بيك جنة ونعاايمها الالة الغالية ...الله يأد السعد ان شاء الله
الغالية:امين ياربي

غيثة فلبيت تدخلاات عندها انصاف وقالت:انصاف ...جا دكالي ؟
انصاف:مم معرفتش اختي ...مسمعتش صووتو
غيثة:مم صافي

**
حياة:مرحبا بيكم (حطات طباسل لحلوة والحاج عينيه فلتو لييه لحياة )

الحاج(بخفوت )يلالة وياسيدي على نحل وفين جامع عسلو ...الزيين كيولد زين اسيدي غبي لحبيب ...

كلسات مقابلة معااه كضحك بقفطان اسود خفيف بلا صمطة شدات سيلييا كتعرف عليههاا وكضحك مع نزهة

هشام (استاغل هدرتهم وشاف فهيبة حدااه وقرب جيهتها ) زوينة تبارك الله
هيبة(ضحكات ) عويناتك
هشام:يكما تعطلنا عليكم ... خرج ليا بلان كان خاصني نمشي نكمل شي خدمة
هيبة:لا عادي ...غدا غنمشي لمراكش
هشام:مم ...تمشي معاياا
ضحكات بتوتر وقالت؛غير سيرر قضي شغالك انا مزال خاصني شحال من حاجة
هشام؛غنخلي ليك سوارت دار ... باش تمشي ليهاا لبغيتي تدي شي حاجة
هيبة:اه حسن ..غنمشي غدا انا وحياة باش نقادو لكوزينة ولفراش
هشام: الى خاصك لي تعاونك قوليها لواليدة تعيط ل سيدة تاع لميناج
هيبة:لا ميحتااجش (تبسمات وقالت بحب )الله ارجعك على خير
هشام (بحب اكتر )غتوحشيني زعمة !

كانت كتشوف فيه وهبطات راسهاا كضحك مسحات نيفها بخجل وقال:اه ...ونتاا ههه
هشام: من داباا شافها ضحكات وضحك معاها ورجع لحوارو مع شهيد
هشام:جابر مكاينش
شهيد: كان ف فاس على ود شي خدمة ...مدخلش لدار بكري


الكلسة طولات تحط لعشا وتبعو اتااي مونسين بيه لكلسة حتى نحنح هشام منوضهم من كلستهم
الغالية:كلسو اولدي مزال الحال
هشام :لا هادا لوقت انا نيت شاد طريق غدا ياله نرتاح شوية

الغالية:الله اوصلك على خير
كلشي وقف كيتوادع وشوش هشام لهيبة فودنهاا وحركات راسها بواخة ومشات بيه حتى البييت سسدات الباب من وراها وقلبها كيضرب على جهدو ...شافت فيه وقالت:نعام
جبد جوا بيض من جيبو دخلاني تاع لڤيست ومدو ليها وقال:هدا صداقك
هيبة(شداتو )شكرا
هشام(مد ليها سوارت او كارط ݣيشي وقال ) هادو سويرتات ولمزال خاصة شي حاجة فدار اولا خصاك
هيبة: صافي ...وخة

سكتو لي لحضة حتى هزات عينيها فييه وغلب عليها الضحك وحتى هوا ضحك وقال:مالك كضحكي هه
هيبة:ههه والوو
هشام:مي ضحكتك زوينة
تمادا بايدو رجع ليها شعر ورا ودنها لقاهم سخاان .ايديه دافيين حرقو بشرتهاا وخربقو دقات قلبهاا حسات بخطوتو كتقرب وحتى هيا قربات ليه كتلوح عليه سحرها بنضرات خجولة وابتسامة انثوية دوباتوو ميمكنش يفوت لحضة بحال هادي ...شافتو كيقرب ليهاا غمضات عينيهاا بدون شعور مجرورة جيهتو قلبها يمكن ليه يسمعوو فداك السكون لي حسو بيه ...لامس نيفها بنفيوو ...

تحل لباب وقفزو مبعدين على بعضياتهم قلبها كيضرب بلخلعة حيت كانت فصمت حتى دخلات سيلياا

سيلياا :باباا
هشام؛نعام ابنتيي
سيليا(شدات ليه فايدو برجاء )نبقا مع طاطا هيبة (كتنقز )عفاااك عفااك عفاك منديرش بسالة والله منديرهاش
هشام: غدا وغتجي عندك دابا نمشيو لدار مجبتيش حتى باش تبدلي
سيلياا:عفااك ...طاطا نبقا معاك
هيبة:خليهاا معاياا ليوم
تقاد فلوقفة وقال: تقدر تصوني مهاا تبغي تهدر معاها
هيبة(شافت الساعة ) كتصوني ليها مع 12 تاع الليل !
هشام:فصبااح
هيبة:غير تفطر وغنمشيو غدا ياله نسالي شغال لي عنديي فلويكاند
هشام:صافي واخة
سيليا:ياااس ...ميغسي بابا
تبسم ليها وداعب نيفها وهزها وقال:ياله ديري لبابا بيزو كبيرة

عنقاتوو وبااستو بجهد فحناكو وهيبة كتبسم ليهم

صدق من قال :اول حبيب للفتاة والدها♥️


طلقات منوو هبطات شاف فهيبة وهبطات راسها باحراج وقال:معليش لوقت كلو ديالناا
كلمة زادت على مابيهاا مصات شفايفها جامعة الضحكة باغتها بقبلة على حنكها جارها من خصرها شوية ونطق قريب ليها :تهلاي فراسك

خرجو من لبييت وسيليا مشات عند اقبال لي هازة اسماعيل

سيليا:طاطا طاطا غنبقا معاكم
اقبال:بصاااح ههه مرحبا بيك ابنتي
بفرحة ودعات جدها وجداها وعمهاا

كلسات هيبة كتحيد فصندالة ضبراتها وكتنش على رجليهاا

ناصر:مينة نمشيو حتى حناا !
شهيد:مالكم زربانين ...كلسو تالغدا باتو
مينة:لا لا نمشي لداري كنبدل لفراش مكيجيني كاع نعاس ...نهار كنبات شكون كتبقا تقرقب فوق لبييت
كانت حياة شاد تيليفون وقالت:هاديك انا اخالتيي كيضربني حمار الليل كيعجبنني نوض ندردك

هيبة:هههههه الله امسخك لعنداك اخالتي عمرنا دردكنا ...اقبال كتسمعي شي حاجة
اقبال:لاا عمري سمعت
مينة:و انا كنسمع ...كتسهرو ؟ يمكن مكتنعسو تالنصاصات الليل ...
حياة:شوية وصافي
مينة(شافت فغيثة )غيثة ليي داك التيليفون ايخرج عليهاا ...نقصي منو ابنتيي غضيعي ععينيك

غيثة (طفاتو وربعات ايدها )سمعا وطااعة اخالتي
مينة:مبغاش ترجعي لرااجلك

نحنح ناصر نحنح شهيد والله متسوقاات وقالت:نتوما بنات ليوم مبقيتو بغيتو استقرار كلمة جوج نوض طلقني
غيثة:وخالتي داكشي بيني وبينو
الغالية:الله اهديهم
مينة:لا سمحي ليا الغالية خاصك تنصحيها وتهديهاا وتوريها الصح من الغلط تبقاي تشوفي فيها هكا
غيثة (هزات واحد الحاجب )علاه مالي اخالتي
شهيد:الواليدة ...نوضي نوصلكم نجي نعس
ناصر(زقف )اييه نمشييو دابا نوضي امينة تكوني عيتي تانتي فلكوزينة
مينة (ناضت كتهز فشال )اوى فسبيل الله
الغالبة(ميقات كتبركم تحت سنانها وقالت)الله ايتبت الاجر
حياة: اخالتيي نقصي شوية من لماعن هلكتيني بلغسيل
اقبال(خرجو عينيهاا فيها )حياة
حياة:والله العضيم ههه لماعن كيوللدو عندك
مينة:نتي مولفة تشقاي فطبسيل واحد ! اوى الى مكناش نشقاو فلماعن كاملين لاش الالة نشريوهم
حياة:عندك الصح

سلمات عليهم وخرجات خلات لبنات وراها شادين النميمة
حياة:نوضي نتي نشوفو اش جابو


هبطات ليها عينيها لسيلياا لي كتلعب فايد اسماعيل وتخبا علييه
العالبة:غير نوضيي مالها راه كتلعب

ناضو جابو طيافر بتلاتاا حلوهم لقاو تشكيلةمن دهاز زوين كل حاجة فكررطونتها مدورة بسينة فدونتيل بلخضر والاصفر
دارت الغالية رجل هنا ورجل هناا كتحل وتكتااشف

حياة:هادي توب جوهرة ! ياختي غزااال وهداك اشنوهوا ؟
الغالية :حتى هدا توب ...كريب ديال يي جلابة تجيك زوينة
شنو ديك لكرطونة طويلة
حيدات ليها حياة لبابي كادو من لفوق وحيدات لكرطونة لقات فيها لباس الصلاة فاللون البييج طويل معاه قرأن فنفس اللون وصلاية وتسبيح او تسبيح اليكتروني كيتوضع فليد

هيبة:ااه هادي هيا لي قالياا جابتها خالتي نزهة من الحج
الغالية:علاه حاجة ؟
هيبة:ااه
الغالية:ومالك متقوليها مخلياني كنقوليها نزهة حرفية
اقبال:اش فيهاا
الغالبة:ولاا زارت داك لمقاام ونقولو ليها سميتيها حرفية ...تبارك الله هدشي زيين ...تواب غزاالين ...هدا سباط وصاك ديالو
حياة(هزاتو قيساتو )كاليطي زوينة غيجيك هوا هداك انا حاني كبير
غيثة:مكابنبنش دوبياس
هيبة(خرجات عينيهاا فيها )سكتي شوية
حياة(هزات صنديقة مشبكة بلعود مربعة حلاتها حياة لقات فيها بواطة مربعة او وحدة صغر منهاا لقات فيا لاونصومبل ولخرا فيها براصلي رقيق
حياة: تناسبتي مع دهايبيي ياختي
هيبة:زوين هداا عجبني
انصاف:كلشي زوين اختي بصحتك
اقبال:لمهيم هوا يكون المعقول ...هدشي مكيدومش
حياة:لا لا باينة فيهم الله اعمر ليهم دار

سيليا (قربات لهيبة وتكات عليهاا )
هيبة:سيليا فيك نعاس !
سيليا:اه اطاطا
انصاف:نعطيها شي حاجة تبدل بيها
هيبة:سيري مع انصااف احبيبة تغسلي وبدلي
سيليا:نعس حداك!
هيبة:بيان سيغ ياله سيري
داتها انصااف لبيت بدلات ليهاا وهوما شافو دوك لكادوات وجمعو كلشي اقبال هبطات لدارها كلشي تخشا فبلاصتو وحياة نعسات فالصالون كيف عادتهاا كتلقا راحتها فلهدرة تالاشمن وقت....

هود:راني نبغيك هناا احبيبة
حياة:تزيد معايا شهر تولي تهدر حسن مني لعربية احبيبي ههه
هود:راني نتعلم عليك نتي
حياة:على قبلي احبيبة هه
هود:فوالا على قبلك ههه تجي عندي !
حياة:نن منقدرش غدا غنمشي مع ختي لدارهاا عندها شلا ميدار
هود:مفهمتش !
عاوداتها ليه فرونسي وقال:اه بون داكوغ ما فلوغ ...مي متعطلش علياا

حياة: بقات لينا هاد السيمانة ونمشيو
هود:وي سي صاا
حياة(تلصقو عينيها بنعاس )كبيييدة ...بونوي
هود:بونوي ما بلوند
حياة: جوتيم
هود؛ اوسي شيغي

قطعات معااه كتلعب فتيليفون فضلاام وساهية
*****
ليوم التاالي بدات هيبة كتوحد فدارهاا معاوناها حياة وانصاف اما غيثة اقتانعات بلقراية فدولة لعدة امتيازات او وافقات دفعات لباك ديالهاا ولكارط وبيان النقط تاعهاا وطلب خطي تابع لبرونش لي ختارت وهيا ساج فام

شحال تاع طلع وهبط حتى دفعاات بلكشاايف جات فاخر لحضة

دازو يوماين وراهاا انصاف كتسنا النتيجة ديالهاا صفارت غير بلخلعة خافت كلشي يمشي فلبرد ويضيع كاع احلامها

اما هيبة عايشة فرحة كتمناها دوم كالسة فلبيرو ديالها خدامة طلع عندها معاد بشي ميلفات وقال :مهدرش سي هشام ليوم !

هيبة:لا علاش شي مشكيل !
معاد:تاصل بيا حسن عاد داباا
هيبة(تهز قلبها )اوى
معاد:قالياا وقعات شي اكسيدون دو تخفاي فالشونتي
هيبة(فمها يبس )شكوون ...كيفاش وقع كنصوني ليه مكيجااوبش
معاد:تهواا معرفش مكانش ملي جاا سمع غير لهدرة ولومبيلونص وروينة ...تاصلي بالباطرون قوليها لييه ...يكما هشام يكون تقاس حيت كنتاصل بيه حتى انا والو

صفارت بلخلعة هزات التيليفون كتصوني لييه وتعاود مكيجاوبش وترجع تعااود

دخل لباطرون زربان وقال بلفرنسية:هبة جاوبك هشاام ؟
هيبة:لاا
ففف كطاسطروف
ياله بغات تسولوو اشنو واقع نزل كيجري بلا ميشرح ليها الامر كلو خلاها كي الحنش المقطوع رااسو دوخة شداتهاا

مبقات ليها لا خدمة لا والو حاسة بقلبها غيخرج عينيها تحقنو بدموع الخوف ..عاد كانت فرحانة ! عاد كانت كتشوف دنيا ضحكاات ليهاا ...دغيا بغات تبدا طيح فدوامتها السوداء من جديد بعدما خرجات منهاا وتفتحات على الحياة والضحكة رجعات ...بعدما ولات كتنعس بلا دواا وبلا احلاام بخليوها تفيق مرعوبة

طناش كان خاصها تخرج من لبيرو معرفاتش لوقت طيبات لبيرو بسير واجي والتيليفون مسكتش ...نزلات تسول عليه لقات كلشي خرج بوحدها كدور فالشركة من غير المعلمية فلاتولي كتسمع صوت الحديد ولماكينة لي كتقطع دايرو صداع ...طلعات مغيبة معارفة لمن التااصل صونا تيليفونها وقفزات تبانت ليها الغالية كاتبة على نمرتها ماما
هيبة:الو ماما
الغالية:وافينك متغدايش
هيبة(نضفات حلقها من الرجفة لي شداتها )غير تغداو مزال واحلة فلخدمة معندييش لوقت
الغالية:واخة ابنتي

ققطعات معاهاا كالسة على نار كتسسناا شيي خباار وكدعي فسرهاا باش ربي ميهرسش فيها فرحتها حتى من دمووغ طيحاتهم على زهرهاا كتنخصص

ملحق 06/11/2021

العينين تنفخو وحمارو جوج وصلات ولا خبار عليه صونا تيليفونها وناضت كتفتف خاب املها ملي لقات نمرة معرفتهاش قالت غتكون غير الخدمة...صونات وعاودات عاد جاوبات بصصوت مبحوح باين فيه لبكا حاولات ما امكن متبينش

هيبة(مسحات نيفوها لي تخنقو )الو
جاها صوتوو برد ليها لما فركاابيي وقال:هيبة معاك هشام
هيبة:هشام (انفاجرات بلبكاا بصوت )هءهه حشوما علييك اهشام

معرف باش تبلاا وقال:كيفاش هيبة ماالك ...الو ..الو هيبة علاش كتبكي شنو وااقع
هيبة(ببكاء)هءه من صباح واناا كنصوني لييك كمل عليا معاك قاليا وقعات شي اكسيدون فالشونتي فين كنتي هءهءه تخلعت

هششام:هيبة سكتي من لبكا بعدا باش نفهمك ...وا هيبة انصونيي ليك ابيل فيديو وجاوبيني فواتسااب
هيبة(بتنخصيصة) ننتا بخير
هشام؛وا هيبة جاوبيني ابيل ونهدرو عفاك

قطع عليها جرات كلينيكس كتمسح قبل متجاوب ...دارت ايدها على فمها وجاوباات حابسة عينيها من دموع شافتو لابس جيلي صفر فوق الشوميز وكيحيد لكاسك تاع الشونتي حطو فلكرسي حداه وشاف فيها وقال:علاش لبكاا ؟ شوفي عينيك كيف ولاو

هبطات عينيها سااكتة حيت اتهدر اتبكي عارفة راسها وطبعها كيداير مسبقة دموع على لهدرة

هشام:ايه وقعات اكسيدون دو تخڤاي ...واحد السيد من الشونتي كان طالع لفوق مكانش داير السمطة وطاح

هيبة:يكما وقعات ليه شي حاجة
هشام:تقسح شوية ...تهرس فايدو جاب الله مكانش طالع لفوق غير فجنب ...عاد جيت من سبيطار (تمعن الشوفة فيها غالبة عليه تبسيمة )خفتي علياا
هبطات عينيها كتمسح دمعة قبل ما تهبط وقالت:خفت بزااف
هشام:مخفتي والو احبيبتي راني بخير
تسرط ليها لسانهاا ومعرفات باش تجاوب اول مرة يقولها ليهاا طلعاتها التزنيكة واللقوة والضحكة كلشي تخلط عليهاا

هشام:ههه معجباتكش
هيببة(غلبات عليها الضحكة )مم هههه لاا عجباتني
هشام (ضحك مع ضحكتهاا ) فين وصلتي فدارك
هيبة:ساليتها
هشام:حتى انا نسالي مع ستا ونشد طيارة
هيبة(قلبها فرفر)الله اجيبك على خير
هشام:امين ياربي...نلقاك فدار ؟
هيبة (بتوتر ) مم حم معرفتش ..مزال بزاف تلحجات مجبتهومش من دار ...
هشام: ماشي مشكيل فينما جبتيهم ...صافي !

هيبة(رجعات شعرها ورا ودنها )حم واخة ان شاء الله

هاشم:ان شاء الله ...اه نسيت تيليفوني ديشارجا هادي نمرة تاع الخدمة

هيبة:واخة ...خم هشام رد بالك لراسك
هام:وااخة الالة هيبة ...البكاية (تبسم ليها)
هيبة:هه وقطع خليني نمشي نتغدا
هشام:سديت ليك الشهية هههه سمحي لياا ههه
قطعات معااه دغياا مود الفرحة رجع من بعد ساعة لبكاء رجعات لحيويتهاا وخرجات تغدا دغيا وترجع

***
كالسة انصاف كل مرة طل على اقبال تشوفها واش جات

حياة:انصااف دوختيني (حكات جبهتها )
الغالية:مالك
حياة:غير ديك الزمرة بغات تجيني مرضاتني تاني
الغالية:دكي لبرا قبل متهلكك
حياة:عدفتهاا طبت...

غيثة:ماما غنمشي لصالون نقص من شعري شوية
حياة:اراى نقص ليك هنا لاش الصالون
غيثة:لا اختي ...مكيطوالش لياا ملي كتقطعيه ليا
حياة:يااك ابنت لحرام اوى الله انعلك

***

الغالية:انا معندي فلووس
غيثة:وبااز بزطامك عامر بلحشيش !
الغالية: تاتخدميي
غيثة:وراه غنخدم دوري معايا باش ندور معاك
الغالية:عااارفك يابنيتي غادي ديدري راسك مكتعرفيناش (كدور فراسها )حنييينة فييا
غيثة:كضلميني !
الغاللية : يااا وايه الله الله

دخلات اقبال هازة ولدهاا...مشات عندها انصاف كتجري قبلها كيضرب وقالت:شنوو ...اقبال وا نجحت جاوبيني
داعبات كتفها والاخيرة كتقرا ملامح اقبال تعرف جوابهاا

اقبال: درتي جهدك كلوو ؟
انصاف (شفايفها كيترعدو وعينيها تعمرو دموع)منجحتش !
شافت فييها وضحكات وقالت:نجحتي

انصاف(غوتات مامتيقااش عنقات اقبال كتبكيي ولخرا فرحاانة ليهاا حيت واخيرا اترجع تكمل قرايتها

انصاف:هءهءه مامتيقااش
عنقات حياة لي زغرتات وقالت:هانتي شوف ليك على بنات الغاليية قرايات ياختااي
شافت فيها اقبال بصمت ورجعات شافت ف انصاف

غيثة:انا كاع مفرحتي ليا ا اقبال بحال هكاا ! وانا زعمة راه لبااك
اقبال:نتي غنعلق مك من دوك شفار شي نهار على هاد لغيرة لمزفتة ديالك
غيثة:اغير كنضحك (قرصات انصاف من حنكهاا )مبرووك الزين

انصاف(قسحاتها وضحكات ) ولاش القرصة ههه الله ايبارك فيك اختي
غيثة:دابا شنو غترجع تقراا ؟
اقبال:غترجع ان شاء الله دفعت ليها الضوسيي فنفسس الليسي فين دوزات

الغالية:دابا خاصكم الزردة نديرو شي عشا فاعل تارك ملي تجي هيبة
اقبال: لاا هيبة ليوم غتبات فدارها
حياة:جاي راجلها !
اقبال:ممم ...غنمشي عند مينة ...انصاف تمشي معاياا راه جات ملاك
انصاف:بصح وخة نمشي


**
من ورا مخرجو ناضت غيثة لبسات عليها بدجين لاصق ختارت تيشورت نص كوم قصير من لقدام وطويل من اللور شوية ...ماكات وطلقات شعرهاا ضارب ليها ظهرها كلو و نازل فوق مؤخرتها ..لبسات سبرديلتها وخرجات خلات الغالية ناعسة وكلشي خرج

شدات طاكسي لصالون سمير داخلة كتلعب بشعرهاا وتضضحك وكتصور فسطوريات زعمة قبل وبعد

سمير:لغزالة ديالناا
غيثة(تبسمات ليه بمجاملة ) صافا سمير
سمير:طوب ملي جيتي ..صافا ؟
غيثة:تخي بياان ههه
سمير:احسن حاجة هوا جيتي هاد لوقت باش ناخد راحتي معااك ...يكما تابعاك شي حاجة
غيثة:لا لا
سمير:حيت غياخد شوية لوقت

كلسها قدام لمراية كيلعب بخصلات شعرها وقال: الزغبة عندك مانيفيك وقوي جامي صبغتيه ؟
غيثة:لاا اول مرة ....ياك برودوي زوين بعدا !
سمير: زويين غيعجبك نتيجتو حتى لي برودوي لي فييه ماشي شي حاجة خايبة ...اتقطعيه ؟
غيثة:ماشي بزااف غير لي بوانت صافي ولفتو طويل ...منقدرش نقس منوو
سمير:داكووغ اجي معاياا نغسلوه ابخي نبداو نتي تقدري ديري كاع لمراحل فسطوريات ماشي مشكيل او طاكيني

غيثة:ههه ضروري

فعلا هوا لي تكلف بيها غسل ليها شعرهاا بدا كيخلط برودوي مع برودوي ودرجة اللون لي بغات وراها لكطالوك وختارت شنو بغاات ..بدا كيصبغ ويطوي فلاليمينيوم الامر لي ستغرق وقت طويل حيت شعرها طويل وكتير

غسل ليها شعرهاا من بعد ساعة باش بدل ليها لون الشعر رجع صفر سحب ليها اللون من شعرها باش اللون لي بغات يصدق ليها
العشية كلها وهوا كيخلط ويلصق ليهاا
سمير:مريم جيبي شي عصير ل غيثة
غيثة(عيات ) مزال
سمير: ههههه طول هدشي اوى لبغيتي لون زوين ...لي بغا لعسل يصبر لقريص نحل
غيثة:على الله يخرج لون لي بغيت
سمير:بيان سيغ ايخرج راه لكاليطي هادي ...كتيقي فياا بيان سيغ
غيثة:كونما تقت فيك منعطيكش شعري ..ولكن راه دوخني هدشي
سمير:سي نوغمال الزين واحد نص ساعة وتنساي هدشي كلو
فلهدرة ملهيين كتشرب فلعصير ومجمعة معااه شاف فساعتو وقال:دغيا داز لوقت ...اجي معاياا
غيثة:واخيراا
مشات معاه جيهى لفابو تحنات يغسل ليها شعرهاا داير ليكات سودااء كب على شعرها لماا دافئ وغمضات عينيهاا كتحس بايده كدلك فروة راسها بلطف ...شوية حبس ..كتحس بيه كيجر شعرهاا وكيتبعو من جدور ...كان كيهظر معاها تا سكت وحلات عينيها
هزات راسها وهيا متكية باش تشوف وراها لقات وحدة من لبنات حاطة ايدها على فمها مشوكية وناضت قافزة حتى لقات شعرها فايد سمير لي بغتاتو ملي ناضت ضربات فخاضها وقالت:شعريي

سمير (كيحاول يهدئها ) غيثة تهدني سي نوغمال يطيح شعر شي مرات ...عادي اجي نكمل ليك الغسيل
غيثة(قربات لفاابو لقاتو فيه شعر جرات شعرها من اللور باقي فازك ومزال فيه لبروودوي جاتو لقاتو كي لاستييك ...قلبها كيضرب على جهد وهيا كتشد فايدها كمشة تاع شعر من جدر)هءهءههء اش هدشييي اسمييير مال شعريي هكااا كي لااستيييك (غوتات )دويييي
ياله بغا يهدر طاح ليها لبرودوي فعينيها بجوج تغوتات بلحرييق
سمير(قرب ليها )سدو لباب من صدااع

غيثة(كتغوت بلحريق )عينييييي وااا عينييييي هءهءهءه واااااع

ملحق 08/11/2021

سمير:اجي نغسل لييك اغيثة غير تهدنيي موقع والو

تنترات منوو كدفع فيه وعينيها مسدودين وشعرهاا حالتوو كتغوت وتركل ليه
_اختي اجي نغسلو ليك شعرك باش نشوفو اش وقع
هزوهاا جوجات كتبكي وتعدد كلسوها على لكرسي كيغسلو ليها فشعرها عاضين على فمهم كيشوفو فسمير
خبطات رجليها كتبكيي وعيينيهاا مقادراش تحلهم بلحريق
غيثة:اماما عيني هءهءهءهء خ
حرام عليك شنو درتي ليا لششعريي هءهءه
سمير:راه موقع والو
البنات شافو فبعضياتهم وهوماا كيجمعو فشعر لي كيجرووه مع لبرودوي بحال لاستيك مطاطي كيطرطا فايديهم معلك ...ماحدهم كيغسلو وشعر كيطيح بشكل رهيب محيلتها ليعينيهاا ماحيلتها لشعرهاا لي غسلووه ب شومبوان مسايسين معاها

سمير:غيثة سمعيني ...هدشي كيوقع

غيثة:اش كيوقع (بلغوات )خرجتي لياااا على شعري هءهءه وربييي ولاا ولا هءهءهءهءه

نشفو ليها شعرهاا تنترات منهم وناضت مشات ل جيهة لمراية كتشوف وضبابة على ععينيها مقدراتش تحلهم مزياان كيحرقووها

كدور فشعرهاا لي تݣرض بمعنى الكلمة كتجر وكيتبعها فايدها على طولتوو

غيثة:اويلي اش هدشيي (بخوف )اويلي شعري مشااا اويلييي اويليي هءهءههء
سمير:كلسي غير كلسي نفهم شنو وقع ...غيثة جامي وقع لياا هكا لشي كلياانة ...معرفتش شنو وقع ...اراي سوشوار نتي شنوو كتشووفيي
جابو ليه السوشوار وهيا حانية راسهاا كتبكيي و تعدد وهوا كينشف ليها فييه ...لون خرج لا علاقة على لي بغاتوو بغاتو نحاسي جاهاا ليموني صافي هنااا قربات تهبل بلغوات تسخفات لييهم فلارض جابو لما والريحة وسدو لباب حايرين غير معااهاا تفيق تغوت

كلسوها فلفوطوي عينيها تنفخوو بزااف بلحريق ولبكاا ودمووع رجعات شروويطة وشعر ولا ليها مكرض ومعلك ...شادة التيليفون كتنخصص كتقلب على نمرة حياة تجي تديها
سمير:غيثة والله تغنصلح ليك شعرك

غيثة(بغل )هءهءه الله ياخد فيك الحق اسمير هءهءه شوهتيني وشوهتي ليا شعريي

غادي جاي معصب غضرب ليه الطر فالانسطاغرام وكاع لي مأبونين عندها كيتسناو النتيجة عيا يساوي معااهاا وهيا كتموت بلبكاا ....غيثة جوج حوايج الى مشاو ليهاا تقدر تشلل فيهاا ...شعرهاا وزينها
******
متكية فحضنو بملابس خفيفة كيتفرجو ف فيلم مغربي
هود:راني نتفرج فيلم صيني !
حياة:ههههه مكتفهم تا قل** غير واخد الشنعة على لمغاربة
هود(ضربها لمؤخرتها)راني نفهم نتي اش تقوليي
حياة(كضحك )اش قلت
هود(ضحك )ق**ة
حياة(كتموت بالضحك على لهجتو )اش كتعني
هود (ضحك وحط ليها ايدها على حجرو )هادو !
حياة:ههههههه حسن جدا (ضغطات عليه ) نطيبهم ليك لعشاا
هود(استحلاهاا ونطق بلفرنسية منيم عينو فيها ) كوليه نتي منقولش ليك لا

حياة:بلاتي نشوف تيليفوني كيصوني
هود:نن اجي هناا بوسيه
حياة:نوض تق** مالو جاي من الحج !

تسلات منو وناضت كتحرك مؤهلاتها قدام عينو تجبد حيت كان متكي وضربها لمؤخرتهاا تهربات وقال: مكتقوليش هدشي ملي كيطلع معاك

حياة:عطيه لهرس احح يحساب ليك راسك فكومباا ؟ ...سكت سكت ختي

هود(تافف )متقوليش اتمشي
حياة:ششش ...الو غيثة

غيثة (بصوت باكي كتنخصص )هءهءه حيااة هءهءه
حياة(تحشو ليها ركابي )ماالك ...غيثة ماالك دوي لاش كتبكي
غيثة:هؤهءهءه اجي عندي عفاااك شعري مشاااا

حياة(غوتات)يابنت الق** فييينك
عيثة:ف صالون *** هءهءه

قطعات معاهاا ومشات كتهز فحوايجها كتلبس قدامو

هود:اش واقع
حياة:غنمشي نشوف ختي ونجي
هود:داكوغ

خرجات بزربة وشدات طريق لعند غيثة نعتات ليها الصالون فين كاين ومشات ليه منيرة من بكاها باينة شي موصيبة فشعرهاا ...قشعات الصالون ونزلات من طموبيل كتزب لقاتو مسدود وبدات كدق فزااج بانت ليها غيثة كالسة فلفوطوي والصالون خاوي جات وحدة من لبنات كتجري حلات لباب ودخلات حياة كتجري عندها غير شافت لون شعر خبطات وجها كتندب وقالت:اوييييلييي على بنت لحرااام اويلي على السلكوووطة اويلي اش دارت
جاي يهدر معاها سمير ودفعاتو ومشات لغيثة مع داتها من شعرهاا تبعها فايدها تلاحتو مخلوعة وشافت فسمير بغل

حياة:اش هدشييي !! اش هاد لقلا**

سمير:معرفتش اش وقع
حياة:شكون غيعرف اناا...يا ولاد القح** خرجتو على شعرهااا (بلغوات )والله تنشوه الز** بوكم فهاد الصونتر (بلغوات)اش درتوووو ليها اشمن برووودوي

سمير: سحبت ليها اللون ودرت ليها برودوي*** كنخدم بهادشي ديما جامي وقع بحال هكاا

مشات بغات طير عليه والبنات كيجروو فيها قلبات عليه واحد لكرسي وغيثة كتبكي ولي داز من الشاريع كيطل على الغوات لي نايض لداخل

جرات ليها وجها بنتير وقالت:مال عينيك

غيثة:هء هء دخل ليا لبرودويي هءهءهءه كيحرقوني احيااة
نوضاتهاا كتنخصص عينيها مغمضيين

حياة:عقل علياا الز** والله تنرجل لق* لي حطك الشووهة لي ندير لييك تعاودها لحفاار قبرك

مهدر متكلم حدو واقف مربع ايدو كيتسناها تخرج
داتها لطموبيل شعرهاا مشوه عطاتها شال و قبية خفيفة من اللور لبساتها ودارت القب وسمير دغيا طيحو الريدوو وهوما لداخل

حياة:الله يسد عليكم بيبان الرحمة (شافت فغيثة)تبكي على عمرك الق** صاافي داباا ساليتي ك** بان ليك فشعرك نضتي حيدتي ليه اللون اش قاليك عقلك

غيثة:حياااة عينيي كيحرقوني بزاااف
حياة:القوا***ة غادية عند هاد ميخيي يالحماارة لقاوك بهلة خوررووك كيبغاو كيجيرب فييك لبرودوياات جداد الكلبة....انا لديلمك لي كنصبغ تاا كطلع ليا صباغة فك*ي عمري سحبت اللون تجي نتيي شعرك شهوااااا منوو تعطييه لقوا** تاع للخلا يلعب بييه

ملحق 09/11/2021

تغلغلات سباتها تابرداات وقفات قدام الصيدلية تاع شهيد خلاتها فطموبيل ودخلات كتجري تراجعة ومعاها شهييد ..جا كيقلب ليها فعينيهاا

شهيد:اش درتي اغيثة اش درتيي
حياة:واش نديها لسبيطار ؟ شو عينيها كي تنفخوو
شهيد: انعطيهاا دوا دغيا...كتكوني هااانية كتنوضي تزبليهاا

مشا كيجري رجع ب شاصية تاع دوايات وقال:اتمشي دابا لدار كاينين هنا جوج تقطيرا وما تغسل بيه عينيهاا ...وبوماضة ديرهم ايرجوون الى تزاد عليها الحال صوني ليا
حياة:واخة صافي

وصلو لداار شادة ليها فايدهاا طلعاتها لسانسوور كتصوني لاقبال

طلعات لدار كتصوني تحلات عليها انصاف شادة اسماعيل

حياة:فين اقباال
انصاف:خليتها لتحت (شهقاات )اويلييي غيييثة

خرجات الغالية من دوش كتهز فسروالها ملي سمعات لغاا فدار وشهقة تاع انصااف

الغالية:مالكم اش كاايين
حياة(كلسات غيثة ) الو اقباال طلعي طلعي
الغالية(كطل على غيثة لي مهبطة القب كتنخصص )امالك اجحمومة ؟ اش من موصيبة درتيي
انصاف:غيثة مال عينيك
الغالية:مالها ...هزي رااسك نشووف (هزاتو ليها بزعفة )تييي هز (خبطات جنابهاا ملي شافت شعر )اويلي ميمتي ...اش هدشي الكلبة

حياة:الحمارة مشات تصبغ شعرها صدقات لا شعر لا عينين ...اراي ا انصاف اسماعيل سيريي عاونيها تغسل وجهاا

طلعات اقبال ب بيجامة تاع دار فايديها سوارت وقالت:اش كاين مخلين لباب محلول
الغالية:اجي تشووفيي الكلبة اش دارت (خبطاتهاا لضهرهاا )بنت لحراام غتديني القببر ...اش هادشيي

اقبال ( شافت فغيثة لقات عينيها منفوخين وشعر معلك ولونو مايل ليموني )اش درتي نتيي ؟...مال عينك
حياة:دخل ليها برودوي لعينيها (غوتات)تكعدي غسلي كمارتك وديري دواا يابنت لحرام كتقلبي على لعمى فابور

اقباا(شافت ليها عينيها وتنهدات )مكتبردو حتى كتجيبوها فرااسكم ...اش هاد لحالة درتي فشعرك ؟

غيثة:هءهءهءه والله ميحسابلي هكا هءهءهء
الغالية:نوضي غسلي كمارتك دعيتك الله ...سستي لياا صحتيي امميمتيي على هاد السلكوطة اميمتي غتقتلنيي وتجي ليا على صحتي

اقبال:فين لقيتيها نتي !
حياة:عيطات لياا
اقباال:فين كنتي ؟
حياة: مشيت نتقدا حتى صونات لياا (بغات تلفها )شهيد لي عطاني دوا مشيت عندو نيشان
اقبال:مزيان ..اراي ليا اسماعيل نعسو
حياة:مامشيتيش لخدمة
اقبال:غدا ان شاء الله نمشي مساليتش ليوم
حياة(حكات عنقها )جابر لباس عليه...اش كيعاود
اقبال(شافت فيها ) لبااس علييه كيعاود غير الخير

***

حبه جنة أنا عشت فيها
قربه فرحة حلمت بيها
ده اللي بيه إحلو عمري
ده اللي أنا هديله عمري
ياما ليالي بستنى لقاه

مهما قتله واتحكاله
مستحيل أوصف جماله
رقة الدنيا في عيونه
قلبي كان الله في عونه
من اللي أنا حسيته معاه

كل يوم ألقى روحي بتنده ليه
على العموم مش هخبي وأداري عليه
إنه غيرني وسرقني وإن أنا اتعلقت بيه

اللي فات من حياتي ضايع قبليه
فيه حاجات حلوة حصلتلي على إيديه
كل لحظة تزيد غلاوتة وناوي يعمل تاني إيه

كدندن بفرحة على نغمات اغنية شيرين *حبه جنه*

فلكوزينة واقفة بعدماا خرجات من لخدمة مع 5 دازت لصالون دارت بلحالة وقدات شعرهاا وضفيرات فرحانة براسها علاش لا وهيا عروس جديدة

دار دخلت ليها خاوية رجعات فيها الحيااة من جديد ديكورات مواتين مع لون لحيوط وديكورات فراش متول باينة لمسة الانوثة لي كتعطي حيوية لبييت ... نقصات على البوطة لي فوقو طاجين بلحم والبصلة وكاسرونة حداه فيها البرقوق كيتعسل مقطعة الفريت رقداتو فلخل ولملحة وجدات كلشي صايبات صلاد فروي حطاتها فتلاجة تبرد كون قالو ليها هبطي الدار ورجعي بنيهاا اتبنيها بكل سرور حيت الفرحة لي فيها متعطيها الحد ...كتحرك هنا وهناا بحال شي فراشة ..دوزات تجفيفة على لكولوار فرشات فيه زرابي ...دخلات البيت لي تفرش على دوقها وكي بغاات جبدات كوڤرلي فاللون لبيج فرشاتوو وبعدات كتشووف معوجة فمهاا ورجعات حيداتو ودارت لݣري ...لمطاتو وزوقاتو بمخيدات فلغوز ولكري متماشية مع لون الريدوات وديزاين لي عاطية لبييت

لمطاتو ومشات لدريسينك ترتب حوايجهاا لي حطات وتجبد شنو تلبس حوايجو مستفاهم كل حاجة بوحدهاا طلقات ريحة لعوود وسط الدار ...كل مرة طل على الطاجين ودوق وتأكد

هيبة:الله اعطيني الصحة (عضات على فمها كضحك تفكرات كلامها مع عكوزتهاا ملي دخلات لدار
فلاش بااك ***

نزهة:تبارك الله ...تبارك الله تولتيها يا بنتي الله ارضي عليك
هيبة:ربي خليك اخالتي ...دابا انا لي خاصني نستقبلك بتمر والحليب طلعتي عندي ههههه

نزهة:هههه باغة السكر يطلع
هيبة:برا ولباس عليك اخالتي ...كلسي !
نزهة :لااا لا خليني خليت ادريس لتحت كيتسناني نمشي نشوف ختي ونجي
هيبة:وفين سيلياا !
نزهة:اتمشي معاياا ..راه قلتها لباباها ...غيجي ليوم
هيبة :داكشي لي قال لياا ...خالتي (مصات شفايفها ) هشام شنو كيعجبوو ...بغيت نوجد لعشاا ههه ومقدرتش نسولوو
نزهة: لحاجة لبلديية كتعجبوو ابنتي وحاجة دار ياكلهاا بعينيه مغمضين
هيبة:ههههه هيا سيليا شابهاه
نزهة:هههه بجوجهم كيبداو يتوحمو عليا وداباا نتهنا من جيهتوو
هيبة:صافي اخالتي لهلا يخطيك

**

دخلات لدوش دوشات دغياا غير لحمها لوات عليها فوطة ومشات لبييت تقابلات مع مرايتهاا رطبات لحمهاا وشمات ريحتوو وجات فبالها دكرى دخلتهاا مع صديق لي غير تفكراتو قلبها تنوغش عليهاا وتبورشات وكلامو بقا راسخ فبالها

*داهنة لحمك بشي حاجة ؟ ...عفاك دوشي حيت ريحتو مجهدة *

زيرات على القررعة فايدها حتى بغات تحطها ورجعات كلساات كبات فايدها كدهن ...رطبات لحمهاا ورشاتو بسبراي معطرة للجسم برائحة لفاني لي كتعشقو كتبقا ريحتو خفيفة او رطوبة كدوم ...ناضت لسرير فين حاطة بيجامة تاع نعاس من طروا بياس من توب ناعم ستاان فلون الوردي وملابس داخلية بيضاء كلشي جديد ومعطر ناوية تفرح براسهاا كعروس لبساتو كيزلق مع لحمها الرطبة عطاها طاقة ايجاابية وفرحة وريحتها زوينة ...قدام مرايتهاا تزيناات ولعين تكحلات عكرات وكحلات ولعطرها الخفيف رشات

وحتى لمخاد مسلموش من ريحتها ...ناوية ريحتها تغلغلها فكاع دار متخليش مجال لريحة خراا دخل

هكدا هم النسااء ادا عشقن غاارو

شافت راسها فلمراية تاع دريسينك طويلة من بعدما لبسات بانطوفة رطبة ...راضية عن نفسها بكامل الرضى ...هزات تيليفونها دوزات نمرتوو مقابلة مع لمراية عاضة على فمهاا ...جاوبها بصوتو الهدئ وقال:هيبة
هيبة(بانثوية )حبيبي تعطلتي (عضات على فمهاا حابسة الضحكة حيت عمرها قالت ليه هاد لكلمة او اي نوع من الغزل ...تسنات ردو لي جا من ورا سكوتو وقال ممازح
هشام:هاني احبيبة قدام الدار ههه
هيبة:ههه...مرحبا بييك
هشام:نجيب معاياا شي حاجة نتعشاو بيها ؟

هيبة: مكاين لااش ...تقديت
هشام:واخ ...كانز مينيت نكون عندك

قطعات معااه مشات شافت الطاجين ونقصات علييه هزات البرقوق حطاتو فطبيسيل ودارت عليه الزنجلات محمر...كل مرة تمشي تشوف فشرجم تاع لكوزينة لي مقابل مع لبارك مع طلات بان ليهاا هابط من طموبيل شهقات ومشات كتجري كتقاد فشعرهاا وتقاد لبينوار لفوق دايرة لونصومبل لي جا ليها مع لبراصلي وخاتمهاا حلات لبينور شوية تبين الدونتيل لي ف سمييطات لي لابسة لتحت ...ناوية على خزيت هاد الليلة ضحكات عاضة على فمها غير بوحدها وقالت:ناري على بنات الغالية على دودة فيهم ...حلالي ؟ بصحتي ..(هزات كتاافها مشات لباب كتسمع لباب تاع لتحت تسد ...قلبها كيضرب يضرب كطل فهاد لبيت وهاد لبيت كلشي مقاد خلا دار مرونة فتلتياام كلشي تقاد فبلاصتو ...وخة عندو سوارت مبغاش يحل دق فلباب هيا حداه ولكن تقلات مزيرة على فمها من الضحكةة وقربات الباب بحالا عاد وصلات وقالت :شكون

هشام (ضحك بهمس وقال ) ياك عاد قلتي حبيبيي فينك ؟ هه حبيبك راه وصل غتخليه فلباب

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.