حكاية أنثى الجزء 63

شهيد:اقباال ...اقباال(كيحرك فوجهها وهيا غيبات ليه وترخات بين ايدوو

غوتات انصااف وجات كتجري زاطمة برجلها على الزاج لمشتت فلارض كتحرك فيها ولخوف تسلل لقلبهاا ودموع تلاقاو فذقنهاا

حياة الرجلين باش تنوض فشلو علييها كالسة فلكولوار مقابلة معاهم كتبكي وحالتها حالة

ناض وقف هزها بين ايدوو مرخية وانصاف سابقاه بالجري كتحل فلباب وحلات ليه السانسوور شادة فايدها

انصاف:هءهءهءه ختيي فيقي هءهءه مالهاا مبغاتش تحل عينيها قولياا مالهاا

تلاقاو مع حياة لتحت هابطة كتجري فدروج عاد فااقت من الصدمة دارها فطموبيل فحضن انصاف مشات بغات تركب فطموبيلتهاا حتى جات غيثة او الغالية كيجريو لعندها

الغالية:شهيد داز طاير من حداناا ياك لابااس

غيثة:اش وااقع مالك كتبكيي

حياة:اقباال ...اقبال سخفاات داها لسبيطار

خبطات جناابها وقالت؛اويليي مالها

مجاوباتهاش مشات ركبات فطموبيلتها وبلا عكز عليهم ركبو معااهاا والغالية دارت عزا فطموبيل ولمن غيرجعو اللومة ...الغيثة لي كان اخر حدث هوا بلانهم حياة سااكتة كتبكي حيت عارفة الدقة لكبيرة جات من جيهتها

الغالية(جاهلة )هدشي لي بغيتيي ابنت لحرااام ...قتلييهاا قتلييها واخرتك تلاحي فزنااقيي ميعقل عليك حد

غيثة (طاحو دموعها )ماما حرام علييك براكة هءهءهءه

الغاليية(بلغدايد)قتلتييني الله يااخد فييك الحق اغييتة ...الله اياخد فيك الحق

كلمة ضراتهاا ...قسحاتهاا فخاطرها بجهد ...مجاوباتش حدها طلقات لعنان لبكااها ماحيلتها لعينيها ماحيلتهاا لختها ولا الهدرة لي خداات قاااسحة

خداوها من عندهم وكلسو كيتسنااو فكولوار لكلينيك غادين جاين

شهيد(جا عندهم )واش تعصبات ! شنو وقع خليتها بخير

هزات انصاف عينيها حمرين فحياة كأنها كتعاتبهاا بعينيهاا ورجعات هبطاتهم سااكتة ...الاخيرة شافت نظرتها كأنها كتقوليها نتي سباب ...دخلاتها سوق رااسهاا ولسانها تعقد على لهدرة

اما غيثة كتلوم فرااسهاا وعينيها منشفوش من دمووع كتسقطرهم دم ...كتشوف فراسها ولات هيا مصدر مشاكيلهم ...مصدر نكد فحياتهم

كتزيد تبكي وكتزيد تكرر كلام لغالية فراسهاا ..صونا تيليفون شهيد وجبدو كيسووط

شهيد:لواليدة

مينة:الوو شهيد وافينك

كيسمع بكا اسماعيل فاضح الدنياا وقال:مالوو !

مينة(بانفعال )كيفاش مالو بغا موو ...واش لاحتو من صبااح مفكراتش فييه

شهيد:لواليدة ياك بغيتي تشدييه وشدييه داباا

مينة :ولف غير موو من قبيلة كيبكيي رضعناه بدلت ليه والوو ...انا جاية لدار

شهيد(تنهد كيمسح وجهو )مكاين فين تجي الواليدة راه كاينين فسبيطار

ميمة:ياك لبااس

شهيد:اقباال طاحت ليا فدار معرفتش شنو وقع...جيبي ليا اسمااعيل هناا

امينة:واخة فينك

عطاها لعنوان وكلس كيتسنا شي خبار ...حتى خرج عندهم طبيب وقال: نتوما عائلتها ؟

شهيك(فمو نشف ولسانو تقال )ش شنو واقع

د:متخلعوش ...السيدة عندها شي مشاكيل !

شهيد:لاا

د: غير باش نحطكم فالصورة اسيدي ...المدام ديالك تعرضات لإنهيار عصبيي ...كيوقع نتيجة الضغوطات ...مبغيتش نخلعكم ولكن بهاكاا راه كيولي خطر كريز كاغدياك (ازمة قلبية ) نتمنى مبقاش تعاود هاد لحالة ....

شهيد: دابا واش فااقت !

د:عطيناها ديكالمون خدينا ليها تخطيط القلب ودابا راها كترتاح ...الله اخليكم انا كنتأسف ملي كنلقا شي بنت شاابة وصلات لهاد لحاالة !...ردو بالكم عليهاا

الغالية (بدموع )واش فاقت (بغات تلاح على ايدو )انا مزاوكة فييك هءهءه بنتيي بنتي

د(بعد ايدو):الالة بنتك شوية وتفيق ...ضروري تبقا ورا متفيق باش نشوفوهاا ابخي تقدر تخرج...بالشفاء ان شاء الله

شهيد(بخفوت )امين

شد واحد لكرسي بعيد عليهم وشد راسوو كيسمع بكا الغالية هز عينو لبنات حياة كلسات فلارض كتبكي وغيثة وانصاف ضامة ايدهاا بدعاء ودموع دايزين

ملي عزيزة عليهم لهاد الدرجة علاش وصلوها هناا ؟

هاد السؤال جا فبالو يمكن يكون عندو نصيب من وصولها لهنا بتراكم الاحدات ولكن ميكونش قدهم

صونا تيليفونو وجبدو حتى لقا جابر جاوبو بصوت متعب وقال:جابر صافا (كيحك عينيه )

جابر:بخير اخاي ...صونيتي عليا لا ؟

شهيد: اه قبيلة

جابر:ياك هانيية لوقت صوتك مهواش

شهيد؛ اقباال فسبيطار اجابر تاصلت بيك قبيلة بغيت نسوللك واش كاينة فلمحال حيت مكتجاوبنيش ...ملي مشيت لدار لقيتها طايحة هبط نجيب لاپاراي تاع طونسيون طلعت لقيتها كتغوت حتى طاحت بكريز

جابر:اش كتقول اصاحبيي ؟ ف فينك نتاا فين

كلسات حياة فلارض كيتسقطرو دموعهاا بندم لوكان يسيق لعالم كلو خبار خيانتها متسيقش اقبال بهاد الطريقة ....كيفاش اتقدر تشوف فيها ؟ تهدر معاهاا ؟ كيفاش غيبقا وجهها من ورا مشافتها فبيت النعاس مع راجل هوا نفسو ولد خو راجلها ولي معتابرو ولدو

كالسة غيثة حتى هيا فلقنت ..عينيها نقطة من الدم تفشو شوية ولكن بقاو حمريين بزااف نيفها حمر بكترت البكا لي بكاتو من لبارح ليووم مسكتاتش ...قلبها ضرهاا ...

دخلات مينة بجلابتهاا ونظارات شمسية على شعرهاا هازة اسماعيل فايدها ملوي ف بطانيتو زرقة شافتها انصاف ومشات عندها تشد اسماعيل عطاتو ليها حضناتوو كان كيبكي حتى سكت ...بقات مينة كتشووف وانصاف شداتو كتراري بييه دغيا سكت

مينة:اش واقع ...الغالية

الغالية (مسحات دموعها)مكتاب الله معرفتش

مينة:ياك غير سخفات مالكم دايرين هاد لعزو كلو اويلي ! تء

مششات عند شهيد لجيهة لخرا كلسات حداه كتستفسر وشرح ليها حالتها

مينة:اش عصبها ؟ دابزتو ؟

شهيد: لا الواليدة كنا بخيرر اشمن مدابزة ...معرفتش اش وقع ليهااخليتها لخير جيت لقيتها فحالة مغيرة

مينة (لمطات فمهاا كتسووط )مكتووب هدا ...ها علاش قلت ليها كلسي فدارك قابلي ولدك ..بغات تيتمو

شهيد(بنفعال )وصاافي

مينة : غا قلناا تء لا حول ولا قوة الا بالله

بان ليه جابر ونااض لعندو سلم عليه من وجهو كيعاود لييه شنو وقع من ديبار ...دور وجهو جابر مخنزر فحياة لي هزات عينها فيه رمقهاا بنظرة قااسحة خلاتها تهبط راسهاا بخجل من داكشي لي دارت

واقفة غيثة دايرة ايدها اللور ومتكية على الحيط ...شافتوو وقلبها ضرب دورات وجههاا كتمسح فعينيها وهوا عاطيها بجنب بعيد عليها صوتو مكيوصلهاش ... دورات راسها لجيهتوو كيفاش واقف كيهدر وماشافش جيهتها بتاتا كانها مكايناش فداك لمجمع كلوو داير ايدو ليسر فجنبوو مشات عينيها لصباعو ...الخاتم مكاينش ...زيرات على ايدها وراها كترمش بزاف حيت عينيها كل مرة كيحرقوهاا

خرجات لفرملية وقالت:نتوما عائلة اقبال ؟

ناض شهيد وتبعوه وقال:اه فاقت !

_على سلامتها اسيدي راها فااقت ...طبيب كيوصيي باش ترتاح او لحاجة لي تعصبهاا تبعد منهاا

شهيد:التخطيط خرج مزيان ؟

_مزيان الحمد لله معندكم مناش تخافو ...على سلامتهاا ...غيطلعوها شومبر 100

تنفسات براحة ومشااو هوماا طلعوو مردوش لبال ليها كانت خرجات من لكلينيك كتبكي ...غادية بدون توقف كتنخصص حتى وقفات حدا صور تاع جردة كلسات كتنهج وكتبكيي وتمسح نيوفهاا

فعلا شحال جهد اقبال تهز فهبالها جات تحسب لقات راسها سباب كلشي الحبس سبيطار شنو مزال خااص ! ... دارت بيها دنياا

ملي كتلقاا كلشي ضدك كلشي محملك مسؤولية شي حاجة كتحس بالضغط كتحس براسك بوحدك غادي تنفاجر هكاك غيثة لي داز يشوفها كتبكي يزيد ويخليهاا هزات عينيها فطريق مضببين بدموع بان ليها قاطع طريق عندهاا شهقات وسط بكيتها كتمسح فدمووعهاا ونيفوهاا وكتسرط الغصة لي تكونات فحلقهاا ...قلبها كيضرب يضرب غير بوحدو ماحدو كيقرب جيهتهاا داير كاسكيط لابس دجين او قاميجة نص كم

جابر:اش كديري هناا ؟(شافها مجاوبااتش )امعاك كندوي

غيثة:شنوو

جابر:شوفي فياا

غيثة (هزات عينيها فييه ) شنو

جابر: اش كديري هناا

علاش مسولنيش على عيني لي حمرين ؟ مبانوش ليه ؟منتاابهش لياا زعمة ؟

اسئلة جات فبالها ملي هزات عينيها فيه هبطاتهم وقالت: جيتي تقولياا نتي سباب هدشي كلو ! عارفة

جابر: بقيتي كدوري تجبتيها فرااسك تااني ! اش هاد لحالة فكمارتك هاه

غيثة:مالي كيجيتك ؟

جابر:غلاضيتي وزيانيتي جات معاك الرااحة ...كنت هاز علييك تقل اناا ؟ كنت معيشك فلعداب اناا اغيثة ياااك

غيثة(سرطات ريقها كتشووف لجيهة لخرا حتى دور ليها وجهها عندو بجهد )ااه

جابر:جاااوبي اش هاد لحالة درتي فراسك ...حيدي داك لفولار نشووف

غيثة(فمها كيترعد )ماشي سووقك

جابر:غيثة

غيثة(بدلت كتبكي كي شي مشة )بغيتتي تشفااا فياا حتى نتا هءهءههءهءهء

جابر(سكت شوية وقال )فين عمري تشفيت فييك اغيثة ! نهار كنتي كتغلطي عندمن كتجي تجريي !...نهار كتحصليي لمن كتعيطي يجي يفكك ...عمريي تشفيت فييك ؟ جاوبي

غتكدب لقالت تشفيتي غتكدب لقالت شي كلمة خرا من غير لاا

غيثة من صغرهاا مولات الزبايل الى مدارتها كبيرة ديرها صغيرة نهار كتبغي تهرب من سبان لغالية ونتيف حيااة وهضرة اقباال كتهرب لجابر كتعلق فييه وتخبا ورا ظهرو بحال بنت صغيرة

بلا متجاوبوو بدات كتحل فالشاال حتى بان شعرها حالتوو كتسناا صوتووو حتى سمعات دقة جاات فلحيط حدا ودنهاا خلاهاا تقفز وتحل عينيهاا بخوف ...لقاتو جمع تخنزيرتوو

جابر:اش هدشيي ؟

غيثة:هءهء مكنتش عارفة غيوقع هكاا هءهءه

جابر: داك نهار طليتيه بلقمل ...داباا صفيتي فييه اغيثة هاا ربيتتي داك الشعر باش تحشييه ....شكون هاد لحماار لي جا يتعلم فييك

غيثة:كنت كندير الشوتينك تاع تكاشط (شافت فيه )هوا لي دار ليا لماكيااج هءهء سميتو سمير كالياا ندير ليك برودوي جديد ونخلصك ههءء

جابر:بغل ) تهنيتيي داباا يااك بردو جناابك ؟ سمير ؟ لي مقيداه بسميرة يااك

غيثة:هءهءه والله مبيناتناا شي حاجة هءهء غير على وديت الشوتينغ وشعر

جابر:فين كاين عندو هاد الصالون

غيثة:فشاريع ***

جابر:تحركي لداركم

غيثة:غير خليني هنا (بتخصيص) دابا نمشي

تنهد وعطاها بضهر غادي تقالت :جابر

تلفت عندهاا تشافها جاية وقال:شنو

تلاحت فحضنو مزيرة عليه خلاتو كيرمش معارف ميدير ...بغا يهز ايدوو ورجع هبطها حسات بيه مدار حتى ردة فعل طلقات منو وعطاتو بالظهر راجعة لكلينيك

بقا واقف مدة قبل مايمشي لطموبيلتوو فاتجاه الشاريع لي قالت لييه مغلغل وقف حدا فين نعتو ليه الناس دار لكاسكيط ونظاظر كحليين ونزل كيقاد فسروال حل لباب لقا غير لبنات ومشا لعند السيدة فالاستقبال

جابر(بحدة )كاين سمير ؟

_عندك شي غونديفو معاه

جابر:بنت ليك كنشبه لييه ؟ كلمي لياا لخراا قبل ماا نقلب عليه هاد روين

مشات كتفتف شافها فين دخلات وتبعهاا جار لبااب وراه بان ليه كيقاد لميكاب لشي بنت

محس تشنق عليه جابر جمعو مع لحيط من عنقوو تطاحت الشيتة وشهقات لبنت

سمير؛اش كدير شكون نتاا

جابر(قرب ليه )اناا لي غنفرع مك ...الى مفتيش علييك غيثة

سمير:شوف اخوياا خلينيا غير نتفااهموو داكشي لي وقع رااه سوء

زير عليه وقال:اتعطيها التيسااع مرحبااا مغتعطيهااش غنسيفط لي يقاد لجد مك وجهك مزياااان اش قلتي

سمير:نفوتهاا (حرك راسوو باه )والله مباقي نهدر معااها غي طلق اصااحببي وبلا شوهة غتجري ليا على لكلياان

طلق منو ودفعو على طبلة لي فيهاا عرام تاع لمكياج كلشي تشتت فلارض ...عطاه بالظهر وخرج كيقاد فلكاسكيط من تماا كلشي كيشوف ويتوشوش اش واقع

***

وقفو بطموبيل قدام الشركة حطهاا وقالت :نتا مغدخلش ؟

هشام: عنديي اجتمااع الزين مع الربعة ونجي

هيبة:وخة

تحنا باسها من حنكهاا كان جاي قدامهم معاد شافهم وهبط عينيه دخل لشركة ..نزلات حتى هي مودعااه ودخلات فرحانة ومنورة ...طلعات لبيرو ديالهاا خدامة ...صونات لبنات تاحد مجاوبهاا عاودات كتصوني او والو

هيبة:مال هادو تااني تء

دخل معااد لعندها وحطات التيليفون وقال:هيبة مغيجيش سي هشام !

هيبة:عندو اجتماع هاد لعشية علاش

معاد:بغيت نعطيه لكونجي ديالي يسنيه (حطو حداها )هاهوا عندك ياك

هيبة:صافي واخة ...كيدايرة لبنية

معاد:بخخيير

هيبة:شنو سميتيها

معاد:هداية

هيبة:وينوو الله احفضهاا ههه

معاد؛امين اختيي ...نسولك

هيبة:ويي

معاد: نتي وسي هشام مزوجين ؟

هيبة (رجعات شعرها ورا ودنها )مم ااه

معاد:بصح ؟ مبرووك

هيبة:الله ايبارك فييك

معاد:دابا عاد عرفت علاش صدر حسن لمرااكش

هيبة(حشمات )ههه داكشي

معاد:مزيان اختي ...ولكن كان مزوج

هيبة:لا ديڤوغصي شي تلت سنين دابا

معاد:ااه بوون ...نخلييك ليجي يجري علياا حتى اناا هههه

هيبة:اوى سير

تبسسمات ليه حتى مشا وجمعاتها وقالت:يخ تبرݣيݣ فيينما مشيتي

***

تحل لباب عليهاا كتشوف بهدوء فلبييت اعصابها هادئين حيت مرخية بالمهدئ لي عطاوها رخا ليها اعصاابهاا ...شافتهم دخلوو عندهاا شهيد انصاف او الغالية وميينة اما حتى حياة بقات حدا الباب خايفة ودارت السبة ب لحمام

شهيد(قرب عندهاا كيطمائن عليها بخوف ) صافا كتحسي مزياان

اقباال:شنو وقع ؟

الغالية:بنتي شوية (شداات ايدهاا )مزياانة

اقباال:مزياانة ...اسماعيل

شهيد(طلبب من انصاف تعطيه ليه قاد ليها سرير وشداتوو حاضنااه كتبوس فيه

مينة: على سلامتك ا اقبال

حركات اقبال راسها. بااه كتبوس فولدها كانها عمر طويل مشافتوو تنهدات وهي كتستنشق ريحتو

شهيد(داعب شعرهاا بحب) كتحسي بشي حاجة ؟

اقباال:كنحس بايدي ليسر تقيلة علياا

شهيد(تقاد فلوقفة)زيري عليا

اقبال:كنحس براسي مرخية

شهيد:نشوف طبيب ونجي مخفتيش

خرج من عندها تلاقاا ب حياة جاية وجهها صفر تلقات ليه وقالت:فين غادي

شهيد:نششوف طبيب كتحس بايدها تقيلة

حياة:منااش

شهيد:العصاب ممكن سيري انا جاي

وقفات قدام لباب معرفات واش دخل ولا ترجع ...غمضات عينيها ودخلات هزات راسها فاقبال وتجمعو دموع فعيينيهاا رتاعش صوتهاا وقالت:على سلامتك اختي

اقبال(هزات عينيهاا فيها حاضنة ولدها شافت فيها ببرود وغمضات عينيها منهدة ) انصاف شدي اسماعيل

انصاف:وخة اختي

دخل شهيد معاه طبيب بعدو كلهم طلب منهم يخرجو بقا غير شهيد

طبيب:باش كتحسي

اقبال:هاد لايد كنحس بيها تقيلة ولحريق حتى فعنقيي

بيب:اول مرة كتحسي هكا

اقباال: لا ملي كنتعصب كيوقع ليا هكا

د: الاعصاب ابنتي هوما لي كيديرو هكاك ...نتي مزاال ام جديدة ردي بالك لصحتك داكوغ ...

شهيد:وايديها ؟

د: اتعطيك لفرملية لوغدونونص لي غنكتب ليها ...اتاخد دوا لقات تحسن مزيان ملقاتوش غتجي نديرو ليها ل غاديو مي غير دوا ايكون تحسن (طبطب على ايدها )او تحاول على صحيحتها ان شاء الله مفاهمين ؟

اقبال:ان شاء الله ...نقدر نخرج

د:نوغمالموون خاصك تبقاي ليوما

اقبال:هكا عاد غنزيد نمرض عندي ولد صغير منقدرش نبعد علييه

شهيد:غنرد ليها لباال

د: داكوغ غنسني لييك ورقة لخروج مي ابخي رجعي باش نديرو كونتروول داكوغ من هنا سيمانة فلكابيني ديالي ...تما الى بقا لحريق فكتفك غنديرو لغاديو

شهيد:ان شاء الله

خرج مخلي شهيد معاهاا هز ايدها باسهاا وقال: تقلتي على غيثة ! دابا دير عقلها علاش تمرضي راسك ؟

اقبال: معرفتش شنو وقع لياا

شهيد:رتااحي متبقايش تفكري بزااف

دخلو عندها عطاها اسماعيل رضعاتو ونعس فحضنها مرتااح تكات حتى هياا كتلعب بايدو

إقبال: فين غيثة ؟

قبل ميهضر شي حد دخلات وقالت:انا هنا اختي

قربات عندها كتبكي

اقبال:معيتيش من لبكا

غيثة:سمحيلياا ديما معصبااك

مينة:علاش اش دارت

شهيد:شش تء

اقبال:وخة تخليوني مع حياة واحد دقيقة !

كلشي سكت كيشوفو ف حياة باستفسار ..نصاعو لطلبهاا وخرجوو مخلينهم بجوج قربات بخطوات بطيئة توقفاتها اقبال

اقبال:وقفي تما بلاش متقربي احيااة

حياة(طاحو دموعها وهزات ايدها بطلب )عطيني فرصة نشرح ليك

اقبال:شحال ونتي معااه

حياة (طاحو دموعها وعضات على فمها )ملي مشا محمد لحج

اقبال:عاام دابا احياة

حياة:لا تفارقناا لمدة هءه بعدت عليه تعييت ا اقباال (مسحات نيفها ) عمري بغيت شي حد فحياتي ا اقبال ونتي عارفة هدشي ...ولكن هوا بغيتوو ومعرفتش علااش

اقبال: حيت بغغيتيه تنوضي تنعسي معااه وتخوني راجلك ؟ حيت كتبغيه تلاقاو فلحرام ا حياة ....شحال ونتي معاه هكاا

حياة ؛ملي جيت ...تبعنيي بعدتو تعيييت...مقدرتش وخة عارفة هدشي حرام

اقبال:شنو اخرة هدشي

حياة(حركات راسها بنفي)والو !

اقبال:لحتي راسك فلعافية وعارفة مكاين والوو

كلسات مهبطة راسهاا ودموعها هابطين

اقبال:ماحدك معااه ...وماحدك مزوجة بمحمد وماحدك غادية فلحراام ميشرفنيش تكوني ختيي وميشرفنييش تهدري معاياا وميشرفنيش ولدي يعيط ليك خالتيي ...بغيتيه ....خرجي من هاد لباب وعمرك توري ليا وجهك فحيااتي احياة

حياة:اقباال سمحيليا هءهءه

اقبال:صعييب ...غتجمعي حوايجك وغتمشييي غطلقي من داك الراجل وغتفرقي من هاد تريكة كلهاا وغترجعي فحالك ...قبل هدشي متورينيش وجهك

حياة:اق

اقبال:خرجي ....خرجي احيااة...باركة جهدي مشا على ناس ميستاهلوش ....عيت....وصحتي غتهد على والو ...طفراتو مك ؟ شوفي فياا طفراتو فلحرام ؟ تنساا ؟ نسيتي نتيي جاوبي نسيتي

حركات راسها بلاا وكملات اقباال وقالت :هدشي لي درتي غير طلبي يخرج لييك طريف ....غينسااك ينسااك حتى يعطيك شي دقة متعرفيها منين جاتك ...مقداش ومغنكونش معااك فهادشيي ... يعني دابا طريق لي تسلكك شديهاا

تكات راسها على لمخدة كتنهد وحياة نشفات عينيها وناضت جامعة راسهاا وقالت:غنمشي وغندير هدشي لي قلتي حيت اصلا هدشي لي كنت نااوية (شدات ليها فايدها وزيرات عليها باش مطلقهاش )غير سمحيليا اختي الله اخلي ليك صحيحتك

اقبال:صحتي هديتوها ولي عطا الله عطاه

ملحق 17/11/2021

تحل لباب تقفزو ودخلات هيبة صفراء ملي مجاوبوهاش تاصلات بشهيد عطاها لخبار جابها هشام بجري

هيبة(قربات لاقبال مخلوعة ) اش وقع لييك ا اقبال ...علاش تعصبتيي

اقبال:شكون قالها لييك ...مكاين والو اهييبة

هيبة:صونيت ليكم حتى عيييت تحد مجاوبنيي تشطنت وصونيت لشهيد قاليا اش كاين ...مال ختي شنو عندها شكون عصبك احبيبتي

اقبال:ماتشغليش بالك اهيبة انا بخير ...داكشي وقع بوحدو انا معاقلاش على راسيي ...اصلا شوية ونخرج (طبطبات على ايدها )نتي بخير!

هيبة(بحب )بخير اختي

اقبال:مرتاحة

حركات راسها باه بابتسامة خجوولة ونطقات اقباال:الله افرحك

هيبة:امين اختي ...عفاك مبقيتيش تخلعينا علييك ...

اقبال(تنهدات )ماشي لخااطري

بقاو معااها حتى خرجات شادة ولدها حاضناه ركبات اللور ساكتة ومينة القدام شهيد كيشوف فيهاا عارفها مخبية شي حاجة فقلبها مباغاش تقولها وهدشي مرضو فراسوو ...شنو غيكون وصلها لهاد لحالة ومابغاش تقولو اكيد متعلق بخواتاتها ...ملي كتوصل لخواتاتها كتولي كتومة وكلمة متخرج من لسانها عليهم الا لحوايج لي كيحضر فيهم

هشام:شوية ختك كي بقات

هيبة:شوية

هشام:نمشيو لدار ولا مزال بغيتي تكلسي معاها

هيبة:غير نطمن عليهاا ونهز شي حوايج ديالي واخة

هشام:ؤكي

هيبة:مقلتش لييك

هشام(شد ايدها باسها وتبسمات )نعام الزين ديالي

هيبة:كنت فلبيرو جا عندي معاد وقالياا واشش نتي او هشام تزوجتو

هشام(شاف جيهتهاا)وشنو وصلو لهاد السؤال اش دخلو هوا

هيبة:ماعرفتش ...

هشام:شنو قلتي ليه

هيبة(معرفات واشش جوابها غيعجبو ولا لا )حم قلت ليه اه

هشام:مزيان باش نيت يعرف حدودوو تما ها باش قلت لييك مضسريهمش عليك اهيبة

هيبة:وصافي دابا مالك تقلقتي

هشام:بغيتي نخوييي الشركة نبقاو غير انا ويااك اهيبة

هيبة(عضات على فمها حابسة الضحكة ) وصافي عفاك متقلقش

هشام(شاف جيهتها ملين هدرتو )لكنا نعاودو بحال لبارح

حششمهاا ودورات راسها لجيهة لخرى كضحك وقالت:سكت شوية

ضحك معاهاا وكملو طريق لدارهم تجيب ليبقا ليهاا طمن على ختهاا وتمشي لدارها حتى هياا

***

دخلو لدار لي قبل سبقات الغالية وانصاف جمعو رويينة وزاج لي تشتت فلكوزينة

دخلات ساكتة لدار دازت نيشان لبييت حلات لماريو تبدل ساكتة كتخمم تحل لباب دخل شهيد وراها وسدو وتوجه لجيهتهاا حاضنها من اللور بحب تحطات راسها على كتفوو مقابل معاها فلمراية

شهيد:حبيبتي

اقبال:انا بخير متبقاش مشطون

شهيد: انا لي شفت حالتك

اقبال:ماعقلتش .

شهيد:مقلقاك شي حاجة ؟

اقبال:لاا ...فين اسماعيل

شهيد:مع مينة ...نعسي ورتااحي غنتكلف بييه

اقبال(بحب )لهلا يخطييك

شهيد(باسها فعنقهاا )ولهلا يخطيك علياا اعمارت داري

تبسمات ليه بدفئ وخرج مخليها كتلبس بيجامة مريحة ...تكات ففراشهاا غير غمضات عينيها جات صورة حياة وهيا فبيت نعاس قبالتهاا

تقلبات على ظهرهاا كتسنا امتا دوز هاد ليام وتبرد عليها الحرقة شوية

اما حياة طلعات لدار بدموعهاا جبدات شانطة ديالهاا بغات تبدا تدير فلحوايج تدخلات عليها هيببة

هيبة:حياة اش كديري

مسحات عينيها دغيا وضارت عندهاا وقالت: كنجمع فشطايطي (ضحكة بزز ) هدا جهد لي ميبات

هيبة: اويلي اصاحبتي يياك مغتمشي تالسبت جاي !

حياة(مسحات جناب عينيها) لاا غنمشيي .. بغيت نبيع الطموبيل ونرجع ناخد لمحال ليشفناا داك نهار

هيبة:ملي هكاا صافي ...وخة ولفناك

تبسمات وعنقتهاا وقالت:تهلاي فراسك

هيبة(زيرات عليها )مكنحملش هاد تهلاي فراسك ...بحالا مغنشوفكش مزال هههه ماشي ديالك

حياة:ههه ولفتي سبان مبقاش بنادم يدير عقلو

هيبة:حياة معجبتينيش !

حياة:والو اهيبة غير مسخيتشش بيكم وصافي نرجعو لتمارة تاني

هيبة:نتي لي بغيتي تبعدي عليناا

حياة(سهات فلفراغ)بصح انا لي درتها لراسي (تنهدات )

هيبة؛ ان شاء الله ديري الصالون ديالك تولي فرنسا تبان ليك بحال حد سسوالم

حياة:ماشية لحد سولم

هيبة:ههههه وغير جات ف فمي و صافي كل بلاد وزينهاا ...جيت ندي شي حوايج ولكن ملي غدا غادية نگلس نبات معااك

حياة:لاا سيري عند راجلك وصباح جي اصلا منمشي تالعصر باش نقطع وبعد غدا نمشي صافي

هيبة:واخة ابب

هزات الاخيرة شانطة صغيرة ديجا مجموعة جراتها فقلب دار لقات غيثة كالسة فلكوزينة وقالت:غيثة كيبقبتي شوية

هيبة: شوية

غيثة:ديري عقلك

غيثة:بلاشش متبداي حتى نتي وتقولي لياا بسبابك اقبال طاحت بلعصااب ...صافي راني عاارفة(حطات لبنان بزعفة وناضت عينيها مغرغرين تجاوزات هيبة ودخلات لبيت لاخور سدات عليهاا تطلات حياة وقالت:خليهاا ...راه هلكت راسها بكا

هيبة:مكنت غنقوليها والو اصلا ولات على سبة تء

جرات باليزتهاا وزادت من بعدما طمنات على اقباال مشات لدارها اما حياة بدات كتجبد فلحوايج وتعمر لباليزة شي مطوي شي غير كوراتو تماا ...ياله بغات تسد طاحو وراقها فبالها دارت كتقلب فلماريو وهبطات لطموبيل حلات لبواط اكون ملقاتهمش بقات كترمش وطلعات بجري لدار كتقلب فلبييت ورجعات خوات لباليزات كتقلب بياسا بياسا تعياات خلات روينة وخرجات بجري هزات طموبيلتهاا شدات طريق هود كتصوني ليه...التيليفون طافي وصلات. لعمارة ودخلات كتنقز فدروج توصلات كتنهج لباب دورات لبواني لقاتو مسدوود بدات كدق كدق وتيليفونها فودنهاا كتصوني كتجاوبها لعلبة الصوتية....حسات بلعرق هبط معاهاا صفارت ولات كلها كترجف ...عيااات دق جهد سااعة وهيا حدا الباب تطلع وتهبط تسول العساس يقوليها خرج صبااح مبقاش رجع ...ترجع تصوني الخط مشغول.... كلسات فدروج لارض كدور بيهاا وعقلها حبس...صافي هادي اللخرة ليهاا

ملحق 18/11/2021

كلسات فدرووج صفرة نقطة دم مكايناش على وجهها دموع كيدوزو على وجهها بصمت

سمعات خطوات فدروج لتحت وناضت قافزة كطل رجعات كلساات فااشلة على درجة حاسة بداتها عرااقت

حتى بان ليها وقف مهبط لكاسكيط على راسوو وعينه فتيليفون ف ايدو هز عينو يحل لباب تشافها كالسة فدروج حالتها حاالة باينية فيها لخلعة ...قرب ليها باستفسار شد حنااكها

هود: حيااة اشوااقع

حياة(نضفاات حلقهاا سارطة رجفة شفايفهاا )علاش مكتجاوبش

رد وهوا كينوضها من لارض داعم ضهرها بايدو حيت باينة فوجها شوية وطيح :تيليفون طاح فلماا ...مشيت شريت واحد(وراها تيليفون ) ملااك .

حياة:والوو

بقا شادها حل لباب دخلاات وسد لباب وراها شدها من خصرهاا وونطق بلفرنسية :هدرتي مع ختك ؟

حياة:ممم

تسلات منو دخلات لبييت كدورر فعينيهاا وقف هوا فلباب متبع ليها العين

هود:شنو بغيتي ؟

حياة:غير لكارط ديالي نسيتهاا وخصاني

قرب ليها حاضنها من اللور ونطق مبورشهاا : كتغبري عليا غير شوية كنتوحشك

تبسمات من لمرااية وقال:انا فكرت

حباة:فشنو

هود:مغترجعيش لفرنساا ...انقطعو بيي لالمانياا

حياة:شنو غنديرو فالمانية

هود:تما مكااين لي نتخبااو منوو ...(باسها فعنقهاا )اتعيش معايا

حياة:بصفتي ؟

هود:ماڤي !

حياة:او عمك ؟

هود:نتي غتعيشي معاياا ...بوان فيناال

خرج لكوزينة استاغلات لوقت وجبدات الشانطة لي مخلية تما معظم لي فيها غير لي شوميز دو نوي وملابس داخلية وبيجاماات قصاار ...لقات لوراق فجيب الشانطة كانت نساتهم ملي جاو من طنجة

حياة:حماارة

خباتهم ف صاك دغياا وخرجت

هود:حيااة

حياة:وي

قربات عندوو لكوزينة جرها لعندو باس شفايفهاا ...غمضات عينيها ا ونطق قريب ليها :دومان مون انيف

حياة:جوسي

هود(خدا شفايفهاا بجرأة مخلي لساانو يلعب وسط ثغرهاا ويتحسس جسمهاا بايديه

حياة(فصلات القبلة بتوتر ) غنمشي داباا حم

هود:ميي غداا نتسناك

شافت فيه وحركات راسهاا بااه تسلات منو عطاتو بالظهر ورجعات قالت:هود

هود:وي حبيبة

حياة:شنو ربحتي معاياا

هود(جرها عندو كيضضحك )ولييت نعرف عربي ششوية

حياة(تبسماات ) مزياان

هود:جوتيم

غمضات عينيها منهدة وقالت:جووتيم اوسي

طلقات منو وخرجاات مزيرة على عينيهاا ...غير ركبات فطموبيل لاحت راسهاا على لفولون منهاارة...رجعات راسها على لكرسي مغمضة عينهاا سامحة لدموع تهبط

**

Mon Dieu

يا ربي يا العالي

وليت vieux

واش اللي جرالي

باقي صغير

وهمومي كبيرة

آه واش ندير

شوف من حالي

وبغيت المال

وجريت ورا الدينا

دازت اعوام

عاد حليت عينيا

عارف بلي

الدنيا ما تدوم

وغاب عقلي

وراني ندمان اليوم

يا وتال امتى نبقى عايش فالكدوب

شحال من مرة قلت أنا غنتوب

أنا اللي ظلمت راسي ماشي المكتوب

أنا اللي مشيت فطريق وكلها عيوب

أش نقول

ملي يجي الحساب

واش المعمول

كلشي مقيد فالكتاب

بعيني شايف

اللي يتسناني

وراني خايف

منك يا ميزاني

**

هاهياا في طرق فرنساا الكبييرة بوجه حزين وعينين تحت منهم كحل من كترة التفكير والتخمام ...دوزات يومااين من عداب الضمير وعلاش وعلاش

كترمش وكلمات الاغنية كيدخلو معاهاا بحال لخنجر كينهش جسمها لي حطاتوو فلحرام مقابل ...لحظات من المتعة فقط

كتبغيه؟...كتبغيبه ومتيقنة بليي كتبغييه ولكن فعلتها معندهاش مبرر لخيانتهاا لدينهاا قبل ميكون لزوجهاا...حيت زواجها عمرها اعتارفات بييه باش دير بحسابوو ...كلها اياام وكل يشد طريقوو هدشي علاش معولة

تفكرات اخر لقاء مع اقبال قلبها تزير عليهاا مبقاتش قادرة تسووك برجفة ايدهاا وعيننيها لي ضببو بدموع ...ركنات طموبيل فبلاصة خاوية وهزات قرعة تاع لماا تشرب

***

الغالية (بتنهيدة واقفة على حياة كتسد فالشانطة )مالك نتي واقبال احيااة

حياة:والو تنااقشنا وصافي

هيبة(دخلات كتمد ليها فصاك ) وبغييتي تسافري ونتوما مدابزيين

الغالية(بقلب مهانيش )حيااة ابنتيي الوقت وزمان هداا ...تسيفطي مع ختك وتصالحو وشدي طريق ديك السااع

حياة:وخ...اصلا غنرجع دغياا ...غنبيع طموبيل او نرجع بغيت نعمر واحد الصالون

هيبة:حتى هكا مزيان (شدات فايدها )تبقاي حداناا ههه

غيثة:حياة شنو ندير لشعري

معندهاش لقوة دابز تنهدات وقالت:قطعييه ...وبقايي تعالجيه بزيووت ...ملي نكون جاية غنجيب ليك معايا برودويات لشعرك يعالجوه

غيثة(بحسرة)ضروري نقطعو !

حياة:ضروري حيت زغبة راه مامتت ...تولي جلدة مزيانة وغنجيب ليك صباغة مزيانة صبغيه ولا نسيفطها لييك

غيثة:واخة

حياة:انصاف جيبي ليا اسماعيل

انصاف؛داتو خالتي مينة معاهاا قبيلة

حياة(تنهدات )صافي واخة ...انهبط نشوف اقبال من وراها غنمشي

الغالية:سيري ابنتي

كانت لابسة هزات صاكها لي فيه وراقهاا هبطات الشاانطة لكوفر دايرة نضرات شمسية تخبييي عينيهاا

طلعات لدار اقباال ترددات دق غمضات عينيها ودقات وقلبها تسارعو دقاتوو ...حتى فقدات الامل تحل عليهاا وغادية تاتحل لباب واقفة قدامها ب سورفيت بيتية

اقبال(ببرود)اشكاين

حياة(تنهدات )اقبال انا غاددية داباا ...الله اعطيك منويتي فخاطرك سمحي لياا

اقبال:ساليتي ؟

حياة:عفاك

اقبال:سماحة عندك ساهلة ؟ طلبتي سماحة من الله !...واش (بهمس )عارفة شنوو درتي ولا معارفااش ...عارفة ربي اشنو كيقوول فهادشي لي درتيي ولا معاارفاش ...واش عارفة ربيي مغيسمحش لييك على خيانتك لرااجلك من غير لهوا سمح لييك ...تقدري تمشي عند محمد تقولي ليه افلاان خنتك ومعامن مع ولد خووك لي ربيتيه ...وكبرتييه نعست معااه وشركت معاه لفرااش حيت اش ؟ حيت كنبغييه

الى كاان هوا يهوو ****ديي...ومكيعرف فدين غير رمضاان وششووف تشوف واش نيت كيصوموو ...تجي نتيي ضربي كلشي فلحييط ...مهمك والوو ؟ اشنو داباا الى سمحت لييك اناا صافي قطعتي لواد ونشفو رجلييك ؟

حياة:غنطلق اقبال

اقبال: هاد لكلمة حماااضت من كترت ما كل مرة تنطقي بيهاا بلا والوو...انا كنهدر معاك لمصلااحتك احيااة..ونتي ضبري لراسك بغيتي تعيشي فلوسخ ! معمرك تدكري سميتيي على فمك ولا توصليي خواتاتك بخنزك ...هيبة عاد بداات حيااتهاا ولخرينات مزال صغار مغاديش نخلييك توسخينيي وتوسخيي بلااصتيي بفعايلك احيااة ...وداباا الله اعرضك السلاامة

حياة:اقب(تسد لباب فوجههاا خلا دموعهاا يطيحوو سدات فمهاا وقربتت لباب )سمحي لياا اختي هءهءه عفاااك اقباال

متكية الاخيرة على الباب حاطة كفوف ايدهاا على عينيها رافضة تبكيي ...نزلات مع الباب سادة فمهاا ولخرا ورا الباب كتبكيي

اقبال:الله اسسمح ليك احيااة

دات هاد لكلمة فودنهاا وناضت حتى هيا جامعة راسها كتمسح فعينيهاا كرهات فرنساا كرهات محمد وكرهات هوود واكتر من هدشي كرهات رااسهاا

**

دكريات مظلمة ختمات بيهاا لفاكونص ديالهاا وقفات قدام دار ...نهار اللول قالت هاد دار منخرج منها حتى تكون دياليي دابا باغة غير امتا تخرج منهاا فاسرع وقت ...داخلة كارهة تشوف وجهوو...متاكدة بلي اياامها هنا معدودة كلهاا وقت وغتزيد خلفة مع طريق وراقهاا خباتهم تحت لكوسان تاع الطموبييل غتاخد ومتخلي حد ياخد ليهاا ...سمعات لهدرة جاية من جردة صوت مرا كضحك وصوت محمد معاها

مشات بملامح مامسووحة وتعابير جامدة بنضاصر كحليين ...بان ليها محمد عاطيها بضهر وقدامو سيدة تكون فستيناات فرنسية من لهجتها او ملامحهاا

تقلب محمد يشوف شكون بانت ليه حيااة وناض قافز بفرحة فاتح ايديه ليهاا وقال:ماا فلوووغ واخيراا نورتيي (جرها عنقهاا )ان بون سيغبخيز شيغيي

مهزاتش ايدها دوراتهم عليه تشافت فلمرا كطلع وتهببط فيهاا وهزات ايدهاا لضهرو وتبسمات ابتساامة صفرة وقالت:كيجاتك المفاجأة

فصل العنااق ضااحك باينة فوجهو لفرحة وقال:رجعات فيا الرووح

حياة:مزال نزيد نفااجئك

محمد(قرص حنااكها )زينت البناات ....جاكليين حياة مافاام ...حياة هادي جاكيلن صديقتي او بليس خبيرة فتغدية ...هيا لي مكلفة ليا بريجيم

حياة:مزياان...انمشي ندوش ونرتاح عييت بطريق

محمد؛ؤك شيغي رتااحي

دخلات كتسمع تقرقيب فلكوزينة طلات بانت ليها لا بوون عرفاتها من زي لي لابسة بلزرق بسروال ولفوقي

طلعات فدوروج حتى طلعات لبيت مع حلاتوو مشات كلسات فوق لفوطوي بتعب وجبدات تيليفونهاا حلات لكونيكسيون ولقات روينة تاع لميساجات من هود خلاتهم ومشات لكروب تاع لبنات وكتبات :راني وصلت

خرجات مشات لميساجات هود كتقرا ببرود عكس ليي فقلبهاا ...

كتبات ليهاا ميساج بلعربية وقالت فيه :نساني ..

بلوكاتو مسحات لميساجات ومشات لتصاور ضوسي كان سوكري مخبياه ميلقاه غير لي بقشش نيت فتيليفون بغات تمسحو وتراجعات حطاتو وناضت لدوش مهدودة

ملحق 19/11/2021

دخلات غيثة من براا لابسة دجين او لفوق شوميز لارج فلزرق ودايرة لفولار مقاداه باحترافية تقول البنت محجبة من سنين معلوم وهياا مخلات حتى فيديو من لفات الحجااب فيوتوب

الغالية:امضراا !

غيثة:بلااتي نحط سبرديلتي

انصاف:كيداز الامتحان

جات كلساات حداهم وقالت:داز مزياان بعداا ناريي شحال داكشي عامر ...تقولي كلشي تكب على التمريض ملي بغيتو اناا افف

الغالية: قرااي لباغة تقرااي

غيثة: انصاف جيبي لياا شي حاجة ناكلها فيا لموت تجووع

الغالية:شكون وصلك !

غيثة:اقباال ...مشات لمحال

الغالية: باقة عيانة ومشات

غيثة:لاا مشات غير تعطي لمهدي شي حاجة وتمشي لعند مينة عارضة عليهم ...حياة تكون وصلات ؟

الغالية:وصلاات قبييلة ...السيمانة جاية عندك لجلسة

غيثة(انساحبات )نوض نحط هاد لفولار خنقنيي

مشات لبيت كتحيد فلفولار شافت ف انصاف وقالت:تقطعي ليا شعري

انصاف:قوليها لماما منقدرش

غيثة:مافيا لي يسمع لهدرة ديالهاا

انصاف(باسف)واخة

بدلات حوايجهاا ودخلات شادة لمقص لدوش طلقاتوو حالتوو تحسرات انصاف على داك الساالف لي كاان شهوا منوو كانت غيثة فرحانة بييه دايراه كتر من ولدها كتخاف علييه وديما مهلية فييه

غيثة:هاكي

انصاف:حتى لين نقطع

غيثة:حتى لكتفي

اانصاف(ضرها خاطرها )بزااف

غيثة:وصافي متزيديش علياا ...مكتشوفيش كيف ولا مقطع ...صافي قطعييه

واقفة قدام لمراية تاع دوش وانصاف وراها فنفس طولهاا غيثة عينيها تحجرو بدموع وهيا كتشوف فانصاف كتقطع سدات عينيها كتنخصص بحالا حيدتي ليها كبدتها

نطقات انصاف باسف وقالت:اخلف الله اختي ...غير تهلاي فييه غيرجع كيف كان

حركات راسها باه كتنخص وتمسح فعينيها مسخاتشش بييه

غيثة؛هءهءهءه منقدرش حتى نمشطو هءهء

انصاف :انمشطو لييك وغير بشوية ماخافيش

مدات ليها لمشطة كتدير لمشطة كيتجر شعرها كامل بشكل غير طبيعيي

غيثة:صافي صافيي حبسي هءهءهء حبسي

انصاف (حبسات )وصافي اغغيثة دابا يرجع شوية صبر

كلسات فلارض كتبكي بهيستيرية وشعر مليوح فلارض على طولتوو

دخلات الغالية كتجري لقاتها طايحة فلارض شادة ركابيها كاتبكي...عزات عليها كيفما كان لحال بنتهاا وكبدتهاا ...شافتها مقهورة كتر من القيااس وهيا لي عارفة شنو الشعر بالنسبة لغيثة هوا كلشي

الغالية: اغيتة واش داباا بكاك غيرجع شعرك ! هادي دير ليك عقل وتعرفي اش كديري ابنتيي ...نوضيي بدلي حوايجك نخلط ليك لحنة بلعشووب مشيت تقديتهم لييك باش تبرا جلدة تاع راسك ويتبدل ليك دااك ليموني لي فشعرك

غيثة:شعري مشاا اماما هءههء مشااا

الغالية:غير ملي فلتو لييك عينييك راه لبااس نووضي خلااص ونووضي

مشات الغالية مفقووصة ومقهورة كتخلط الحنة بلعشووب لورد او السدر والعرعاار رقداتهم فلما طااايب كيغلي تطلقو وروناتهم فلحنة

هزات غيثة تيليفونها صورات ديك الحاالة وسيفطاتهاا ل سمير وكتبات ليه

غيثة:والله تنشوهك ...الى مشوهتك رااني بنت لحراام اسمير ...الله يااخد فيك الحق

فلبلاصة صورات سطورياات كيفاش وقع وهيا كتبكيي وتوري فشعر ليي طاح وطݣات سمير ...فلبلاصة وصلها ميسااج من وحدة من لبناات

_اويييلي واش هدشي بصح ولد لحراام كان بغا يكمل بييا

غيثة:بارطاجي هدشيي هداك راه نصااب خرج علياا

_والله تنضرب ليه اكبر شووهة الرعواني لاااخر ...ناري اختيي تكرفص علييك

دغياا سطوري تهز وتلاح فلكروبات خصصوصا ديال مكنااس ضربات ليه الشووهة دارت فوكونط وكتبارطاجي وكتقول لبنات ردو بالكم من هاد الصالون شوف اش دار لواحد لبنت صاحبتي وغادية هكاك من وحدة لوحدة عاد بردات شوية

صونا تيليفونها بنمرة سمير وقطعاات علييه ورجع كيسيفط ليها فلميسااجات ودخلات تقرا

سمير:والله تحشوما علييك ا غيثة ماشي بيدي داكشي لي وقع لييك علاش ديري لياا هكا علاااش واش عارفة شنو درتي ليا ولا لاا ...صاحبك ولا اش كيجيك داك نهار جرا لياا على عرام تاع لكلياان ونتي دابا بسبابك ضاع ليا عرس بزبالة تاع لفلوس ؟

صاحبي شكون صاحبي ؟ اطوماتيكمون راسها مشا لجابر هوا لي فراسو لبلاان ...تبسماات وهيا كتعاود تققرا لميسااج كالسة فلبيت ولحنة ككتخرج من جناب درة وتمسحوو وانصاف حداها كتفرج

غيثة:انصااف ...جابر مشاا لسمير جرا ليه على لكليان

انصاف:حلفي هههه ياله شد يكون سلخوو ؟

غيثة:فين يبان سمير قدام حابر ...ايكون سلخوو نيت ههه

انصاف: غزاا فييه والله

رجعات لتيليفون كتقرا فلميساجات وقالت:رااجلي هداك ماشي صااحبيي. ...ومزال غنضرب لييك شووهة باش تعرف ضيعني فشعري

سمير:راجلك ؟ وباز مزوج بسلكوطة بحالك

غيثة:بزااف عليك اشمااتة تحل ليك لفم ...بقيتي كدور بين لبنات حتى وليتي بحالهم يا ز*** ويمل خاصك على البنات غير حق شهر

قلبوها سباان من السمطة لتحت تاهيا عطاتو حقو وبلوكاتو خلاتو كيكتب

**

دخلات مع طناش لداار كتجري سلمات على عدوزتها وطلعات لدار قبل ميجي هشام ... لي كان خارج على مكناس شوية

قبل متمشي صباح جمعات روينة او نصبات بقا ليها غير دير شلاضة او لفريت مقطعات ومرقداه فلما والخل ...مبغاتش كل مرة تغدا عند عدوزتها بغات تقوم بداارهاا بوحدهاا طلعات سيلياا عندها بجراا

سيليا:طاطااا جيتيي

هيبة(تحنات باستها )جييت احبيبة ديالي

سيليا:فين باباا

هيبة:شوية ويجيي ...فيك جووع ؟

سيليا:ششوية

هيبة:غير يدخل باباك نحط لغداا

سيليا:ؤك داكوغ طاطا

مشات دخلات لبيتهاا والاخيرة كتجري وتجاري فلكوزينة باقة بسبرديلتهاا

مشات حيدات سبرديلة غسلاات وبدلات حوايجهاا ب بيجامة بيتيية ومشات تكمل شقاهاا ...سمعات الساروت تحل صفات بطاطا وطلات من لباب كتمسح ايديهاا وتوجهات عندو بابتساامة

هيبة: حبيبي على سلاامة

هشام (قرب جيهتهاا باسها من فمها )على هاد حبيبي جيت كنجري

هيبة:هههه وغسل علييك شوية ونحط

هشام؛دغيا وجدتيي ...نغسل نجي نعاونك

هيبة:لا لا سالييت ...شوف غير سيلياا كتسناك

حضنهاا من خصرها وقال:نتي مكتسناينيش

هيبة(بدلع كتقاد ليه فلكوول وترتب لحيتو ) كنتسنااك احبيبي

هشام:تبغي نسافرو هاد لويكاند

هيبة:بيان سيغ ...فين نمشيو

هشام(خشا ايدو تحت لبيجامة تلمس لحمها وباسها فعنقهاا حتى تكمشات فيه )فشي بلاصة نشدك فيها على خااطري

ضحكات كتحلون علييه وتحكك عليه وسط لكولوار حتى نطق وسط فمهاا وقال:ريحة الزيت كتحرق

هيبة(شهقات )ويلي خليت لبوطة شاعلة على الزيت

بغات تجري وحبسها وقال:غير بشويية بشوية

لقات دخاخن خارجة من لمقلة تاع زيت مخلاهاش تقرب ليها طفاهاا وحيدهاا بعدهاا حدا لفابوو وحلات هياا الشرجم تخرج الريحة ...تخرجات سيلياا وقالت:طاطااا ريحة خاايبة

هيبة:اه ابنتيي ريحة لحرااق

سيليا:باباا

باسهاا وقال:عنداك تقربي ليهاا راه سخونة

هيبة:لا غنبدلوو راه تحرق

وجدات زيت اخور على خاطرهاا غسل وبدل حتى هوا وجا كيقاد معاهاا وكيدير لعطرية لشلااضة وسيليا كتحول فلما ولكيسان لطبلة فجو مرح مرة مرة يخطف قبلة من فمها وسط حوارهم

حطو غديوتهم فوق الطبلة وضارو بيهاا

سيليا:بنيييين بزااف اطاطا

هيبة(بفرحة )بصحتك الغزالة دياليي ...نزيدك شوية

حركات ليهاا سيليا راسهاا باه وحطات ليهاا من طبسيل شوية لحم وزيتون

هشام:عندك ليوم ليكوغ تاع نطاسيون ا سيلياا

سيليا:ويي

هشام:تغداي وسيري وجدي

هيبة:ديجا وجدت ليها صااك ولكوتيي ديالهاا ..تلبس غير حويجاتهاا

سيليا(بدلال)تلبسينيي

هيبة:نلبسسك هههه نو نلبسك

سيليا:ههه لي بغيتي

هيبة:وخة ياله كولي...ابخي نلبسوو

جمعات طبييلة توضات صلاة الظهر لبسات سيليا وهبطات لعند جداهاا والاخيرة دخلات تلبس كدهن فايدها تكمل هشام الصلاة :الله اقبل

هشام :اميين احبيبتي

تبسمات لييه ومشات لدريسينغ تجبد حوايجها حتى حيد ليها لحوايج من ايدهاا ودورها عندو تبادلو القبلات لوقت طويل حتى حيد ليها لفووق ناسين رااسهم فاحضان بعض ..حل ليها سيور تاع سروال ونطقات بزز وسط شفايفوو : هشاام ...غنتعطلوو

هشام: ماشي مشكيل نزيد ليك هاد الساعة من فلوسي

ضحكات كتحل ليه فلقاميجة وقالت؛وخة ..وسيلياا

هشام:لتحت (زيرها عندو )لباب مسدود مغطلعش

يتبع...

‎