حكاية أنثى الجزء 69

من تأليف لبنى السرابي
2022طور الكتابة

محتوى القصة

رواية حكاية أنثى

هشام:ليوم لاربعا سيي ادوز لعشية هنا ..علاش
هيبة:واعدتها نديها معايا لصالون او تشوف اسماعيل
هشام:لي بان لييك...عطيني بووسة الزين
ضحكات وتعلقات فييه وقالت:كنبغييك (باستو فعنقوو

هشام: كون شتي اناا

ضحكات وطلقات منو مشا دوش وهيا كملات فطورها بحماس جديد وخة مرة مرة تنهد ولكن تنفسات ششوية ملي هدرات معااه

***

دخلات هيبة وفايدها سيليا لدار عند لغاليية بجلابة سخونة وشال وصاكها انيقة كيف ديما .. لقات حياة كالسة و عيى لحمل واخد منهاا حقو ...داك لغوات وتبلبيل نقص ليه جهد دغياا ولا طونسيون كيطلع دغياا كتولي ترعد والسخفة فيها ديماا. .....فوق الزربية كاين بارك صغير بالالوان واللعاب فيه لدااخل اسماعيل محاوطينو بلمخااد كيلعب ويخشخش وغوغ ويلعب برجلييه

هيبة:كيبقيتي شوية
حياة؛شوية
سيلياا :طاطا حيااة اش اتولدي ؟
حياة:غنولد بيبي
سيليا؛هههه تعطيني نلعب معاه
الغالية:جيتي ...زعيرة اجي بوسيني
مشات بجري باستهاا ومشاات كتلعب مع اسماعيل
حياة:امضرا ؟
هيبة: والوو ...لقيتها فياا صباح
الغالية:اوى فيها خير علاش مقلقة رااسك ابنتي مالك ...هادو ليي عشر سنين وخمسطاش لعاام اش يقولو

هيبة(هبطات راسها بحزن ) قالت لياا سماء يمكن يكون طايح ليك لكرن
حياة:طايح ليك لخرا ...كلسي تركني من تبرهيش
هيبة: نديرو السبب ...دوي اماما

الغالية:وتيقولوو ابنتيي ولكن منعرف
هيبة:شوفي ليا شي مرا كدلك لوالدة نديرو السبب متعرفي يمكن مع لكورطاج وقع ليا هكا

الغالي:متء مكتوب هدا ...ونسول ليك واحد جارتي لكانت كتعرف شي وحدة مزيانة ...شوفي غنمشي نشري لبنتي لحمان ونعمرو ليك وندير ليك رفييسة سخووونة

حياة:ابقاو تخرمزو نتوما تخرجو شي عجب ...داك نهار مشربااها البصلة شهر لي فات لخزامة وكوكاا شهر لي قبلوو القرنفل

الغالية:اوى نديرو السبب ولكمال على الله
دخلات انصاف بابتسامة سلمات وقالت:غيثة لقيتها لتحت هاهيا جاية
الغالية:مالهاا تاني ؟ ولات هاد ليامات على سبة غا مقندشة يكما منوضاها مع جابر
حياة:فف منعرف

دخلات حالتها هيا الاخيرة قلبها طاايب تلاحت فحضن الغالية كتشهق واقبال وراهاا سدات الباب ...كلسو مخلوعين عليهاا

الغالية:احااي ماالك ابنتيي غيثة دويي مالك

حياة :مالهاا تااني غيثة ودوي ازمر مالك
اقبال: الله اهديك اغيثة
هيبة:مالها
اقبال:لقات راسها حاملة

حياة (رجعات تكات )ارعد (شافت ف هيبة لي صقلات كتشوف فغيثة )

غيثة:هءهءهءه مبغيتوش اماما
الغالية:اميمتي على مكتوبي لعور ..كيفاش مبغيتيش مالو كيكة

هيبة (بتنهيدة من اعمااقهاا )داكشي بلعكس ...نتي من اللول اغيثة مديريش لحسااب اش عرفك فيه

حياة:بغات طيرر

سيليا:ههه طاطا غيوليو عندك بزاف تاع لي بيبيي ياك ؟
الغالية(كدور فراسهاا )وااايه ابنيتيي
انصاف:غيثة علاش كتبكي اختيي مبروك علييك

اقباال:حياة نوضي لوقت هادي لطبيبة
حياة:الله ياربي كون درتي بنااقص اصاحبتي والله
اقبال:نوضي من لبهلان ديالك ...شوية ونجيو

خرجات مخلياهم كل وهموو مشاو لطبيبة شاديين نوبتهم توصلات
اقبال:ندخل معاك
حياة:ضروري

شدات فيها ودخلوو
_اهلا اهلا اقبال صافا
اقبال:الحمد لله
_العزري كبر ههه مالك مجتيه ليا نشوفو
اقبال:خليتو مع جدااه ...الحمد لله كيكبر
_الحمد لله
اقبال:هادي ختي هيا لي جات تشوفك ليوم
_اييه مرحباا ...كنتي متبعة مع شي طبيبة
حياة:الصراحة لاا
_درتي التحاليل !
حياة:لاا
_مدرتي تحاليل ما تبعتي مع طبيبة ...علاش ؟
حياة:لبروات كنخاف منهم ههه
_لا امدام دوك التحاليل لمصلاحتك ومصلاحت لبيبيي ...وطبيب ضروري مرااقبة اوموا مرة فشهراين ...اخر دورة عندك شحال
حياة:شهر 5 ولكن معقلتش اشمن نهار بالضبط
_ممم داكوغ دونك نتي فلاديبي ديال لو موا سات ...كنتي كتاخدي لاسيد فوليك ؟
حياة:لاا
_(باستغراب )علاش احيااة ؟
حياة:كنت بخير ميحتاجش
_اقبال كانت بخير وحملها داز بخير مع دالك خداتو ...لاسيد فوليك احياة راه دي فيتامين كينقصو نسبة التشوه لجنين نفس الوقت كيعاونوك نتيي

تبعاتها لغرفة الفحص عبرات ليها الطونسيون شافت ليها عينيها وقالت:فقر الدم باين فييك
حياة: دوا ديالو غير كنشربوو كنردو مكنستافد منو والوو

_تابعاك لولادة او رضاعة ...حتى كرشك راه صغييورة نتمنا لبيبي يكون صحتو حسن من صحتك

ضحكات حياة وهيا كتستاعد تكا مهبطة السروال وطبيبة كتستاعد تكلس

عينيها فالشاشة قدامها متبعة مع طبيبة من بعدما حطات ليها لاپاراي على كرشها ...تبدلو ملامح طبيبة لملامح استغراب فالتلفازة

حياة(بخوف )كلشي مزيان ؟
_اطط امدام ...بفف
كتشوف فرسم الجنين وترجع تشوف فطبيبة وقلبها غيخرج من بلاصتوو
_دوري على جنبك شوية عفاك
دارت شنو قالت وهيا كترجف بلخوف
دارت تخطيط القلب ...كيتسمع قلبو تك تك تك
تقدات فبلاصتهاا وطبيبة حبسات عن الحركة لبضع ثواني وشافت ف حياة...
بعد نص سااعة خرجات حياة لعند اقبال وهيا ماشي تالهيه كلساات صفرة والخوف كاسي ملامح وجهها

اقبال:تعطلتو ...كلشي مزيان
حياة:معرفتش
اقبال(بخوف )قالت ليك شي حاجة

حركات حياة راسها بلاا تخرجات طبيبة فايديها ليكوكغافي وكلسات فالبيرو ديالها مقابلة معاهم

_ شوفي امدام هدشي لي غنقول مبغيتوش يخلعك
اقبال:اش واقع
_كتشوفو معاياا هاد لخطوط لي مدورين مكتوبة فوقهم d
اقبال(قربات تيبان ليها داكشي مهواش تماا )شنو داكشي ؟
_نورمالمون هدشي مخصوش يكون ف liquide amniotique (السائل ) شوفي انا مبغيتش نخلعك بويسك منقدرش نأكد لييك لموضوع حتى توشفي بروفيسور فيصل ف كازا

اقبال:شرحي لينا نفهمو اش واقع
_هاد لحالة وي موجودة ولكن جامي دازت عندي باش نقدر نشرح ليك الوضع إݣزاكت ...مي لبروفيسور ديجا دازو عندو جوج حلات بحال هكا

حياة:كيفاش مفهمتش ... شرحي ليا بعداا نعرف شنو عنديي

_ هادو لي كتوشفو هناا هوماا الامعاء...المعدة و المصران ...(تنهدات باسف ) البيبي امدام كرشو للاسف متسداتش بقات محلولة ...عندو تشوه خلقي سميتو gastroschisis او انشقاق البطن الخلقي

حالة ذهول ...وسكوت كسراتو طبيبة من جديد
_حياة ....بغيتك تكوني قوية حيت تابعاك طريق طويلة وقاسحة شوية

هبطات دمعة من عينيهاا مكترمش وقالت بشفايف كيترعدو :شنو الحل لهادشي ؟

_اينفوا يتزاد ايعملو ليه اوبيغاصيون ايغجون باش يرجعولو كلشي لداخل ويسدو كرشو

اقبال:يعنيي مكاينش خطر

شافت فيها باسف فحين حياة كانت مهبطة راسهاا اومئت طبيبة راسها بالايجاب ل اقبال بمعنى كاين ...هنا اقباال حسات برجفة فجسمها وعينيها تزرعو بدمووع والصدمة

_حياة ... لحاجة لي نوصيك علها دابا غتكوني كاپابل باش تقدري تكملي هاد دو موا لي بقاو ليك ...غيخصك ديري لغاديو وتحاليل ...لبروفيسور انشرح ليه حالتك وغناخد ليك رونديفو معااه

فين حيااة ؟ غرقات فبحر الدمووع والخوف من المستقبل لي زاد تظلم كتر ماهوا مظلم ...واش هادشي بفعل الخطيئة ام انه ابتلاء من اجل التوبة !

ربي بوحدو لي عاارف
اقبال:حياة ...كلشي غيكون بخير
حياة(حركات راسها بلاا ودموعها تسقطرو )هءهءهءه هدشي بزااف عليا هءهءهءه كون مت وتهنييت
شدات فايدهاا مزيرة عليهاا وقالت: حياة حنا بجوح غندوزو هدشيي كلوو (طاحت دمعتهاا ) سمعتينيي ...قولي الحمد لله (زيرات عليهاا )حيااة

حياة(انفاجرات بلبكاا فحضن ختها )الحمد لله هءهءهءههءهء اقباال
اقبال:غيكون غير لخيير ...ربي كبيير

طبيبة كتشوف باسف وتاترات معااهم بوحدهاا عارفة باهمية الموضوع وطريقو طويلة

انشقاق البطن من التشوهات الخلقية لي كتزاد مع الجنين من بطن امه ....كيحتاج عملية على وجه السرعة في حالة مكانوش الامعاء تضررو ب السائل فاش كبر الجنين

معندو حتى اعرااض مصاحبة للحامل فقط كيبان فشهر الرابع او التالت فليكوكغافي

خرجو شبه مصدومين من عند طبيبة بعدما كتبات ليهم برا يديوها معاهم لكازاا وخدات ليهم رونديفو بعد غدا مع طبيب ورقة التحاليل لي خاصها تدي معاهاا لعرارم ....كتشهق وتبكيي وتندب وتقول انا سباب

حياة:هءهءهءه كنخلص كلشي على اساس انا بوحدي لي غلطت هءهءهءه

اقبال سايݣة وساكتة كتفكر فهدشي وخاطرهاا مرض

وقفوو قدام لعمارة هبطات اقباال بهم اخور تااني على كتافهاا مشات حلات على حياة لباب شدات فايدها عاوناتهاا تخرج منهاارة جثة كتمشى على رجليهاا ...فور محطات رجليها على الارض خواو بيهاا وحماتها الدوخة

اقباال:حياااة

كان شهيد خارج من لعمارة كيضحك مع جابر وكيبارك لييه تسمع صوتهاا وخرجو كيجريو جيهتهاا حياة طايحة فلارض

جابر:ماالهاا
شهيد :حيااة ...حياة
شدها جابر ومشات كتجري لكوفر جابت لماا رشوهاا عاد حلات عينيها شااهقة

شهيد:حياة صافا ؟
جابر:بلاتي نوضيي ..

وقفوهاا بجوج ورجليهاا طايحين كانت غطيح تهزهاا جابر

اقبال:غيثة باقة فدار ؟
جابر:باقة علاش
اقبال:طلعها عندي لداار
شهيد:اش واقع ؟

تكاوها فالصالون شهيد عبر ليها الطونسيون وهوما واقفين عليهاا
شهيد؛ باش كتحسي ؟ تمشي ليرجونص احياة

حياة(بدموع )لا هء

جابر(شاف فاقبال لي كلسات)مالهاا
اقباال:تيلاد كرشو محلولة متسداتش
كلس جابر فاشل ...حول عينيه لحياة ورجع شاف فشهيد لي عطاتو لوراق وكلس كيقرا فيهم وكيقرا فلبراا بتمعن ...بعدها سكت حاط ايدو تحت فموو بدهول

اقبال:معندكش فكرة

شهيد:لاا ...ولكن هاد طبيب راه لميووغ ...غيكون خير ان شاء الله

جابر:شنو دابا كيفاش غتسد
شهيد:كيديرو ليها عملية باش كيجمعو كرشو (شاف فحياة )وا صافي برااكة ...ان شاء الله خير . نسيتي ختك لي ولدات على تمن شهر ودارو اسماعيل فلقرعة حتى قبل منشوفوه ؟

حياة(ببحة )كاين فرق كبير هءهءه

جابر(تكلم بجفاء ) لي بغاها الله هيا لي غتكون

شافت فيه وهبطات راسها بخجل من فعايلها حسات بييه كيجلدها بعينيه وكيرمي عليهاا الاف الشتاائم حساتو كيوصل ليها من عينيه بلي ربي كيعاقبك على فعايلم

شهيد:ديري التحاليل ابخي تمشي لكازاا وان شاء الله خير ...حياة ديري ايمانك فالله قوي ...تزادو بمااكتر ...وربي كتب ليهم عمر طويل ولله الحمد

اقبال ساكتة غير كتشووف فلارض كتخمم ..ناضت جابت ليها مانطة غطاتها بيها وقالت:ارتااحي وخليها فيد الله

حركات راسها باه كتنخصص

جابر(تنهد وناض ) انوض انا دابا
اقبال:بلاش غيثة متسيق لخبار ...ديها تبع مع شي طبيبة وتشرب دوا ودير تحاليلها حيت فمصلاحتها
جابر:ضروري ...الله يدير لي فيها الخير

الكل:اميين

انساحب وناض شهيد هاز تيليفونو مشا لبييت اقباال قربات لحيااة والاخيرة رمات راسها على صدر ختهاا كتحك ليها فشعرها وكطمنهاا بحنان وخة تاهيا قلبها ضارها ومعالم بيها غير الله من جيهتها

***
داتها لصالون لقات فيه شي كليانات كيتسنااو والبنات خدامين بلباس موحد فلبييج مطبوع عليه لوݣو تاع الصالون لي كاين فلواجهة *صالون حياة*

هيبة:بابتساامة ملي لقات لكليان كيتسناو يعني لمحال لحد الان غادي مزياان مشات لاكيس وسيلياا كتشوف باعجاب فشعورات

سيليا:طاطاا نصايب شعريي
هيبة:مصاايب احبيبة ههه
سيليا:سيلتوبليي طاطا ...بغيتو هكاا (لوات ايدهاا )بوكلي ...بحال هادي
هيبة:اجي كلسي حدا لمراية هاني جاية

كلساتها بفرحة فلكرسي لي بقا خاوي برونشات لبابيليز على حرارة متوسطة باش متحرقش ليها الزغبة ودير ليها خاطرها تكسبها من جديد ...دارت ليها كيفما بغاات ورجعاتو ليها بوكلي كضحك عاجبها لحاال

سيليا:باباا غيعجبو شعري ياك اطاطا !

هيبة:بيان سيغ
خلاتها فرحانة بشعرها كدور فالصالون

لكاميرات فكاع لي شومبر لي فصالون قلبات هيبة لاكيس وقيدات لحساب او خرجات كتمشى مع سيليا وسط لمحالات دخلو لبوتيك ديال لحوايج

هيبة:شوفي هاد لي بووط وااو ايجيك زوين
سيليا(اشارت ليها بصبعها )لو نوااغ اطاطا ؟
هيبة:عفاك ...عطيني 30 فهادا ؟
_واخة الالة

كلسات هيبة على لبوف كتسناه يجيب ليها وسيليا مقابلة مع لمراية كتحرك شعرها فرحانة جاب ليها لي بووط لي بغاات حيدات ليها سبرديلة ولبسااتو ليهاا وعينين سيلياا كينقزو بلفرحة ...شوية جمعات الضحكة وقالت:ماما ااضربني

هيبة:علاش ؟
كتلعب بايدها وقالت بخفوت:قالت ليا مبقيتيش تاخدي لي كادو من عند هيبة
جراتها عندها بلطفة وقالت:علاش ابنتي

سيليا (بحزن هزات ايدها كتلعب فشال تاع هيبة وكتشوف فيه وتعاود )قالت لييا هيا خايبة حيت مغيبقاش باباك يبغيك (ببراءة )بصح اطاطا ؟
هيبة:لا ابنتي هدشي ماشي بالصح
سيليا:لاغوب ولي جوي لي جابت ليا طاطا اقباال ...لاحتهم لياا

هيبة(تنهدات )دابا دي ليبوط وقول ليها باباك لي شراه ليك
سيليا:يعدبنا الله اطاطا مخصناش نكدبو
هيبة:ممم وشنو نديرو ؟
سيليا:جو سي با (كتشوف فليبوط )

هيبة:واخة غير جمعو لياا اسيدي عفاك (ركبات نمرة هشام كتسناه يجاوبها )وي هشام
هشام: الغزال صاڤا
هيبة:ههه صافاا بب قولياا فين راك

هشام:راني فلبيرو عاد ناوي نخرج
هيبة:انا وسيلياا لقينا واحد ليبوط زويين ليها وخة تجي تااخدو
هشام:تكلفي احبي من بعد
هيبة:لا غير اجي خودو ليها ابخي نشرح لييك
هشام(باستغراب )مم داكوغ فين نتي
هيبة:انسيفط ليك لوكاليزاسيون فواتساب احبيبة

قطعات معاه رسلات ليه لموقع وختارت ليهاا تيشورت مصوف ديال لبرد..خلات سيلياا كالسة حدا ليبوط حاضياه خداوها رجليها جيهة كسيوات صغاارين ديال زيادة ... هزات وحدة فلغوز بب بلفرافر صغيورة كتحمق ...هزاتها بلا متحس وداتها لاكيس خلصاتها ودارتها فصاكهاا

شوية حتى دخل هشام مشات بنتو كتجري لعندو تهزها وقال: جايبيني على بوط اشنيولة ...هاي هاي على شعوراات
سيليا:هههه
قرب لجيهة هيبة هاز بنتوو تبسم ليها وقال:هانا جيت
هيبة: خلص ههه
هشام:مرحباا تحاجة متغلا عليكم ...خديتي ليك شي حاجة ؟
هيبة:لاا غير ل سيلياا

هشام:داكوغ

خلص وخرجو فاتجاه الطموبيل وقال:نتعشاو برا ؟

سيليا:يس باباا بغيت بيتزاا ونلبس ليبووط ؟
هيبة:حتى لطموبيل

ركبات اللور لبسات لمونطو وكتوري لباباها فرحاانة وشاف ف هبة:علاش مهزيتيش لكارط ديالك ؟ ڤيرسيت ليك فيها شي حاجة

هيبة:من بعد ونقولييك (قرصاتو فجنبو كضحك )متخاافش انردهم ليك
هشام(بهمس )مكنتخلصش بلفلوس
هيبة:هههه عاارفة وهل يخفى القمر

***

نهار كلو كتحاشا تهدر مع جيهان فرقو لبلايص وديما كيطرح عليهم السؤال ...كتجيو لبعضياتكم ؟ كيبقى الصمت جوابهم

ستا صونات جات جيهان وقفات على انصاف وكلشي كيخرج

جيهان:انصاف مغتهدريش معايا ؟ انا شنو ذنبي
انصاف:مذنبك والوو اجيهان
جيهان(حطات عليها ايدها )نكونو خوتات عفااك ؟ سعداتك عندك لبنات معاك ...انا كبرت بووحدي
انصاف(بقهرة ) فلوقت لي نتي كبرتي مع باباك وماماك اجيهان انا تلاوحت فزنااقي بسباب باك ...باش تشوفيني هناا داز وقت بزااف ...
خرجات بحزن وتبعاتها جيهان كذلك ...وقفات جيهان بعيدة على انصاف بميتر وانصاف كذلك مهبطة راسها سااكتة مرة مرة يشوفو فبعضياتهم ...تحركات جيهان وتبعاتها انصاف بعينيهاا تقطعات طريق لسيارة لي وقفات بقات متبعاها بعينيهاا وعينيهاا كيتجمعو فيهم دموع ملي شافتهاا تعلقات لطولو بااستو من حنكو ...قبلة عمرها عرفاات معناهاا ابدا

الرجل السند الاب الحنون العطوف ...مفقوود فحياتها ...حولات عينيها لوراه بان ليها ادريس كيشير ليها ...مفكراتش بزاف غادية لجيهتهم وقلبهاا كيضرب كلما قرباات وملامحو كيتوضحو ....هوا الاب لي عمرها حسات بييه

هوا السند لي عمرها تسندات علييه ...هبطات راسهاا وهوا فرح ظنا منوو انها جاية لعندو حيت قطعات مقابلة معااه حتى من جيهان تبسماات ...لكن بلمحة بصر تجاوزاتهم وتبعهاا بعينيه

كان ادريس فانتظارهاا حتى هز عينوو ف حميد لقاه عينو لاصقة ف انصاف لي عطاتو بالظهر ...حيد نظاظر وخنزر فييه في حين. جيهان ركبات فطموبيل وهوا تبع انصاف يهدر معاها

غادي جيهة انصاف ومخنزر ف حميد تهزات عينيها فيه لقاتو كيشوف وراهاا بطريقة خلعاتها خلاتها توقف ملي لقاتو جاي قبالتهاا تجاوزهاا بشوي ونطق بغضب موجه كلامو لحميد لي شدو بايد وحدة من لمونطوو وقال:فين كتشووف هااه فين ؟

قربات ليه انصااف بخوف شدات فايدو وقالت:اش كديير دريس طلق منوو

دريس:لااا خليني نعرف شنو كيشووف
حميد:حيد ايدك
انصاف (بخوف )دريس طلق منوو ...راه...راه بابا

شافو فيها بجوج ورجع دريس خنزر ف حميد وطلق منو بنترة وقال:اييه قول نتاا هدا
حميد:انا لي خاصني نسولك هاد السؤال شكون نتاا ؟
دريس(باستهزاء عطاه ودنو )سمحلياا ؟ مسمعتكش مزيان

انصاف (جرات دريس من دراعو برجاء )درييس بعد

دريس:بلااتي انقوليه واحد جوج كلماات ونمشي فحالي ...سمع مزياان اليي غبر تعياا وجاا كيقلب على بناتو (غمزو )ماشي رجلة ....
حميد:اش دخلك نتاا ؟ بناتي هادو اش تكون نتاا بسلامة باش تجي لياا ؟ انصاف شكون هدا

انصاف(بشفايف كيترعدو )ماشي شغلك

دريس: بناتك ؟ ملي كانت هاديي كتلاوح هاد سطاش لعام فين كنتيي ؟ ....برب تحشمت غير على شيباتك اما نوريك رجال علاش قاديين ...ونتاا اخر واحد تسول شكون مع بنتك

جر انصاف من ايدها داها لطموبييل وكيخنزر ف حميد لي بقا واقف جاامد كيشوفيهم تركبو وزاد

انصاف(كتشوف قدامها ودموع فيعينها محجريين دورات وجها لجيهة زاج مع غمضات عينيها طاحو على حنوكهاا

دريس:ميستاهلش تبكيي علييه ا انصاف
عطاها اشارة تخليها تبكي براحتهاا شهقات بحزن وقالت:عمرني نسمح لييه ...بسبابوو هءهءه بسبابو دوزت لعدااب (بحرقة ) كنشوف نااس مع واليديهم كيضرني خاطري هءههءه علاش لي خلانا ومشاا علاش لي عمري عاش معايا حتى شوية (بتنخصيص) كيعنق فبنتوو وكيتسناها قدام ليسيي علااش (طاحو دموعهاا )علااش مكيحملنااش هءهءهءه هاديك بنتوو وحناا شنووو هءهءهءه(غطات وجهها بايدهاا كتبكي بصوت مسموع كتهز كلهاا...

انصاف(هزات وجهها حمر بدموع وعينيها باكيين ) ملي كنت انا كنتلاوح فلخيريية وخوتاتيي كيضاربو مع زماان هءنءنء هوا كان هاني مع بنتوو يديها لمدرسة يدوز معاها لعييد يسكييها يسبطهاا الى بكاات يعنقهاا (ببكاء )انا ملقييت والوو ا إدريس ملقييت علامن نحط رااس جاني لبرد وملقيت لمن نقوولهاا

جرها من راسهاا لحضنوو بقات فيه بجهد وهيا كتنخصص وتشكي فحضنوو وقال:ششش صافيي انصااف داكشي فاات متقدريش تنسايه ولكن دابا صافيي داز وربي غيعوضك على كلشي

انصاف(كتنخصص بصوت بااكي )منسمحش ليييه هءهءه عمري نسمح لييه

هز ايدو بلا دوزها على شعرها بحنان وقال:والله مايستاهل هاد دمووع ...صافيي الحمد لله دابا راك وسط خواتاتك لي كيبغييوك واقبال لي دارت كتر من جهدها حتى لقااتك

حركات راسها باه كتمسح فدموعها انساحبات من حضنوو ببطئ كتنخصص تشافت فيه وقالت:ونتاا ...نتا باش عرفتي هدشي

هز حاجبو كيدوز لسانو على فمو وقال:حلمت بيها

مسحات عينيها كتشوف فيه ببلاهة وقالت:كضحك علياا
دريس: ضحيكتك زوينة نتيي لي مسقرمة عليهاا ...لوقت لي اقبال طرا ليها امشكيل شهيد فاتحني فلموضووع باش درنا لانونص فالراديو مع واحد لمعرفة هدا مكان

انصاف (عطاها كلينيكس مسحات وجهها ونيفها ) كون ما اقباال معمري نعرف راه عندي خوتاتي

ادريس(بطنز ضرب حنكها بصبعو )وعندك اناا

انصاف(خرجات ليها الضحكة من وسط بكاهاا وقالت:لاا

دريس(تبسم وقال) :ولكن الصراحة متخيلتكش زوينة بحال هكاا هههه


انصاف:حم (شافت قدامها وتفكرات ختهاا ) عفاك حطني هنا اقبال غتجي لحدا ليسي متلقانيش
دريس:راك فطريقي نوصلك
انصاف(خرجات عينيها )لا لاا حطني هنا
وقال:مال مك ؟
انصاف:مبغيتش يشوفني شي حد يفهمني غلاط
دريس: انصاف لاش كتهربيي ؟ واش عندي سنان موكا ولا عينين ضبع ؟ راني غير درييس ههه
انصاف:لاا حاشاا
دريس؛ مزال مقسحة راسك عليناا ابنت لالة لغالية
انصاف:مكنفكرش فداك لموضوع
دريس:امتى غتفكري ؟
انصاف:ماشي دابا
ظريس(بجدية )خاصني نكلس معاك ونهدرو ا انصاف راني مباغي لنضحك علييك لا والو ..نيتي صادقة من جيهتك

انصاف(سكتات شوي كتشوف فيه وقالت)منقدرش

دريس:راسك قاسح وانا قسح منوو ...غنهدرو هيا غنهدرو سوا ليوم سوا غدا
انصاف:اويليي بزز
دريس:ايه بزز

نزلات وسدات لباب وراهاا غادية كتزرب مخلياه متبع ليها لعيين

***

تعشاو براا وصل هيبة لدار وعطاتو لكارطابل تاع سيلياا
هشام:هبة ديري ليا تيليفون ف شارج كانز مينيت نجي
هبة:متعطلش
هشام؛نن

طلعات دارت شنو قاليهاا بدلات حوايجهاا وكانت غادية هابطة عند عكوزتها حتى سمعات تيليفونو كيصوني طلات فلبيت طلعات ليها سميتهاا ...هزات حاجبها وحطاتوو سكت ورجع صونات عاود ..حتى جاوبات عاضة على فمها وساكتة

ماريا:الو هشام
هبة :الوو شكون معاياا
ماريا(سكتات شوية ) مزيان نييت لي جاوبتيي باش تسمعي مني هاد جوج كلماات
هبة:شكون معاياا ؟
ماريا:راك عارفة مزياان شكون معااك وسمييتي مقيدة تما
هبة:لاا لا احبيبة راك غالطة فالنمرة ...سميتك مامقيداش
ماريا(صعرات )هاد تبرهيش ديالك ديريه مع ݣرانك سمعتينيي ...وبنتيي فرقيهاا علييك البرهوشة ولاا اقسم بالله تندير ليك الشوهة (بلغوات)معااامن تشااورتي تحطي ايديك لمووسخيين على شعر بنتيي الكلببة

هبة:جمعيي رااسك وعرفي اش كتخرجي على فمك ا(تفكرات تيليفون كيسجل ) مكتعرفيني مكنعرفك باش تبداي تسبي فياا
ماريا:داك تق** مديريهش علياا السلكوطة ....بنتيي فوتيها علييك عندها مهاا وباها لي يشريو ليهاا ويصاوبو لييهاا مامحتاجاش لييك شرواطك زيديهم فييك

_اراا راا نسمعهم لخانزة لخراا (شدات تيليفون )اسمعيني اديك بوبريصة لي كتلصق ... والله ومتفوتي لبنت يحتى نديرك كي جفاف

هبة :الى كنت ساهلة ليك ديري لي بغيتي ...
ماريا:اراي اماما ....وهاني علمتك وسيري حطي ايدك على بنتيي...سيري ولدييهم لكنتيي قااادة ونتي ميتة وااقفة
هبة:قديتي علييهم نتيي ؟ نتي ام نتيي لي كتحرشي بنتك علياا ؟ مكفاك كاع مك كتسيرك كي لحماارة

ماريا:كيفاااش ...ولهدرة ماشي معاك الخاانزة لهدرة مع هشاام

قلبات عينيهاا وقالت:هشام احبيبة مع مرااتوو ...كيتك نتيي لي غتبقااي تاابعة مك تاتبقااي نتي ولحيط كتغنيي ...وحدة مدلولة كتصوني لراجل مزوج تبكيي علييه وتقولييه علاش خليتينيي شنو تسنااي منهااا ؟ طيحتي الدل وكون لقا فيك الطايلة كاع ميطلقك

ماريا:سمعتيها اماماا سمعتي لخانزة اش كتقوول ...والله متبقاا فييك والله متبقاا فييك

هبة:بزاف علييك مكاينة شي موسخة وخانزة وقليلة تربيية قدك ...سيري تعاالجيي وفوتي هشاام علييك ...معرفتيش لييه اوى تكمشيي مع مخك...سحابليك ايبقا يبكي علييك ...مامساليييش الزييين وغير بلاتي والله لباقي شتييه تافخياالك

ماريا:وهاحنا غنشووفو جيتي لباارح بغيتي ديري فيهاا ست الكل ؟ سيريي سوليي على اش دوزت انا وهشاام
هبة:اشش دوزتيي ههه اش دوزتيي احبيبة تحقوو كنتيي حارماه منوو اش دوزتوو بسلامة

سكتات ماارياا كتهضم هدرتهاا وكملات هبة بجهالة :فوتي هاد النمرة عليييك وسيري قلبيي فين تبرديي دودتك لكانت شااعلة
قطعات عليها هبة ومشات مسحات لمكالمة من التسجيل حيت صافي متحكماتش فرااسها

حطات التيليفون بزعفة وحيدات الشال ولبينوار على لبيجامة وكلسات اللرض جابدة صباغة كتصبغ ومعصبة هي بوحدهاا كطلع وتهبط فيها ديك سيري سولي اش دوزنا انا وهشام


دخل بعد برهة لقاها كالسة فلبيت صبغات ضفارها كتسناهم ينشفوو ...كلس حداها من بعدما تبسمات ليه باسهاا فعنقهاا وقال: كيجيك هاد لون زوين
هبة:حتى انا كيعجبني (باستو من فموو )
سدات لقرعة وقالت وعينيها كيدورو فلارض :صونا تيليفونك
هشام:شكون ؟
هيبة:مارياا ...او جاوبتها

تقاد فبلاصتو باستغراب وقال:علاش

هيبة(حطات ديك لقرعة بزعفة وناضت ) كتحرش بنتهاا علياا اهشاام ها وحدة لحوايج لي خديت لسيليا لااحتهم باش كملاتها صونات لييك كتصوني وتعاود تصوني وتعاود حتى جاوبت قلت يمكن تشكون شي حاجة كغاف غير شديتهاا مخلات فيا غير لي نساات ..حيت صايبت ل سيليا شعرهاا شنو فيهاا كااع اهشاام ...علاش مضسرها عليك هدشي لي بغييت نفهم علااش

هشام:بلااتي هدرتي معاها ...علاش ؟
هيبة:كيفاش علااش ؟ وحدة كتصوني لرااحلي منجاوبهااش
هشام:علاااش تجاوبييهاا اصلاا خليها تصوني
هيبة:ااه باش تحب نتاا اوتجاوبهاا
هشام:رااه كتقلبي على صداع بهادشي اشنو وصلك ليهاا متجاوبيها متقربي ليهاا
هيبة:لموضوع ومافيه هوا ديك السيدة محدها كتصوني عليك ديما غنبقاو فلمشاكيل
هشام:اش كتخربقيي اهيبة ديك السيدة فحياتي حيت بنتيي معاها...علاش غتجبد ليك لمشااكيل ...خرجيها من دمااغك

هيبة:بنتك دير ليها تيليفووون
هشام (تعصب)سيلياا عندها 8 سنين اشمن تيليفون علاش كدويي

بدا تيليفون كيصوني سكتات هيبة وهوا مشا يشوف شكون لقا نمرة اخرا وجاوب

هشام:الوو
كانت ام مارياا:اسمع اسيييهووم هشااام الى يحسااب ليك راسك طفرتيه بديك الصفريطة لي معااك راك غاالط ...والله ومزال تحط ايدها ع
خدات منها ماريا التيليفون كتبكيي وقالت:منسمحش لييك اهشاام سرارنا كلهم فضحتيهم لديك خيتيي علم الله شنو قالت لبنتيي علياا ولكن غتندم على هدشي وغتقول ماريا قالت هءءء

هشام:اشمن سراار بيناتناا(شاف فهيبة ) ؟
ماريا:راااك عاارف هءهءه عاارف شنووو

شاف ف هيبة مخنزر وهيا قبالتو كترمش فيه قطع عليهم وقال:اشنو قلتي ليهاا

هبة:مقلت والوو خاصك تقول شنو هيا قالت لياا
مشا كيقلب فروجيستر تقالت:مسحتو
هشام(حط التيليفون معصب وقال:هبة دوي شنو ضار بيناتكم شنوو لحتي ليهاا

هبة:ملحت ليهاا والوو كالسة عليا سيري سوليي شنو كنت عايشة اناا وهشام ومهاا كتهدظ فياا وكتحلف فياا
هشام؛ جاوبيني قد سؤالي ...شنو ..قلتي ليهاا
هبة(بانفعال وعينيها عمرو بدموع )كتقلب على شنو قلت ليها ...ومسولتيش شنوو هوما قالو لياا ...سير سولهاا نيت شنو قلت سولها على سباان لي سبااتني وانا مابيني وبينها والوو

هشام: (بلغوات رما التيليفون لارض معصب) راه هااد روين هوا لي خلااني نشتت داك شمل نهاار اللول اهيبة ....كنجبد راسي لتيسااع وكنرجع لصداع بحالا مدرت والوو ...مليون مرة كنقولييك هادييك بنتيي حالييا ميمكنش مهاا تخرج حيااتيي بنتي مزاال صغييرة نهار تكببر وتوليي تعرف مغتبقا لا مها لا جداهاا فحيااتيي فهميييهاااا فهميييهاا

رما ليها هاد لهدرة بلغواات خلاها كدمع وكمل بتحديير :اااخر مرة اخر مرة تصوني فتيليفون وتجااوبييها ...معمريي قلبت لييك تيليفوونك ومعمري غنقلبوو ...الى بداا الشك غير نساالييو قبل ميبداا كولشي حيت اخر حاجة نفكر فيها اهبة هياا صدااع الراس ولمشااكيل ...بااغي نرتاااح وختاريتك نتيي دونك خليناا مرتااحيين وبلااش روينة وزبل الشك حيت طلع لياا فصحتيي

هبة (نزلو دموعهاا )ياك اهشاام بهاد لبساااطة...انا مكنسوا عندك والوو هءهء

ملحق 11/01/2022

كتم غضبوو بغا ينهي لموضووع وقال: قلتي لياا نهار اللول شنوو وقع جاااوبتك ...واخة مكانش خاصني نقولييك ديك لهدرة ولكن تقت فييك حيت نتي مراااتي (بلغوات) فاللخر شنوو درتيي فأول فرصة لحتيها ليهاا

هيبة(عيات تحبس دمووع ولكن طبعها غلاب ) مقلت والووو هءهء ولا عرفتي شنو ديرر سير عندهاا سير عندها وسولها شنوو قالت وشنو قلت يمكن هيا كتيق فييها علياا

هشام:اش وصلنا لهاد لهدرة داباا
هيبة:حيت رااه بااين شنوو ...مسولتيش حتى شنوو قالت لياا اااه جااوتهاا وكون مستفزاتني مكنتش غنهدر (بدموع ) انا نيتيي صاافية من جيهة بنتك مبغيتش تكون حساسية بيناتنا دايرة جهدي وكتر معاهااا هءءهءهءه ونتااا شنو على ابسط حاجة بااغيي هادشي يساليي (بحرقة)لاش بديتييه من اللول اصلاا علااش اهشاام علاش خليتيني نتيق فييك ونبغييك من ديباغ ....باش كل مشكيل وقع بيناتنا تقوليي نسالييو غير نساالييو داباا نييت

خرجات كتبكيي وهوا تابعها تسدات عليها باب دوش وكلسات على لشاااص كتنخصص وتسمع لييه

هشام؛لموضووع كلو ميستااهلش هدشي

هيبة(بلغوات )يستاااهل ...يستاااهل حيت كون كنتي نتاا بلاصتييي محال كاع واش تهضرنيي ....وكون كنهمك ولو غير شوية كنتي تسوول شنوو ضار بيناتكم هءهءه ...نتاا كتبغيي غير بنتك هدشي الى مكنتي حتى مها بااقي كتبغييهاا
هشام(بلغوات خبط لبااب باش يسكتها)هيييبةة راه حنا ماشي دراري صغاار هناا اشمن كتبغيهاا ولاا خراا تااني....علاش باغة ترجعيني انا لي ظاالم ...اش وصلك ااااش وصلك تجاوبيهااا گاااع من الاصل

هيبة:ااه سمحلياا قلقت لالة مااريا (كتنخصص ) صوني ليها وقوليها عفااك مسحيها فياا هءهءه رااضي خاطرهاا لتمشي تعقد لييك لبنت

هشام (سااط مكالمي رااسو وقال بنبرة اخف)هيبة نحبسو هدشي هنا حيت مغيخرجش مزياان
هيبة(كتبكي بحرقة )اااه حبسو لنصدقوو مساليين هدشي (ببكاء اكتر )على وااالوو اهشاام بغيتي تساليي هدشي
هشام: راه هاد لهدرة هياا لي خلااتنيي نبعد من زوااج اهبة هاد توصال لهدرة وقلتي قالت مقاادرش عليهاا ....بغيت الرااحة معااك ...اناا لي مني لافووط صارحتك بلمشكييل ميحسااابش لياا اتنووضي تلوحيه فوجههها

هيبة:هءهءه وخة اهشاام دير لي بغيتي حتى داباا الى بغيتي نسالييو نساليو
سااط النفس وقال بهدوء :تهدنيي ونهدرو بلخااطر
هبة(بلغوات )متقولش لياا لخاطر ...ديك بنااادمة الى باقة فحيااتك انا معندي مندير فيهاا هءهءهءه ديك السيدة نمرتك متبقاش دوور عندها الى بغيتي هاد زواج يكمل ...بغيت نعرف بليي اناا فحيااتك شي حاجة من غير هدشي مكاين فااش نهددرو هءهءه جرحتيني بجهد اهشاام وانا دايرة كتر من جهدي معااك ....وكون تصووني داباا غاديي نسبهااا كيف سباتني على الاقل ميبقااش فيا لحال حيت سكت ليهاا وفاللخر كلشي طاح على ظهري

هشام:را

هيبة:(سدات ودنها كتغوت)صااافي اهشااام صااافي مبغيت نسمع وااااالووو واااالووو ...شكون انا اصلااا باش تكون عندي قيييمة عند شي حد هءهءهءه بااا ومداار ليناا قييمة يديرها لياا لي غريب

هشام:دابا انا غريب

مجاوباتووش عطاتهاا لبكااا ونحيط فدووش جاتها ديجاا المورال مكفس

كانت ودن على لباب كتسمع وتسجل هبطات كدردك من بعدما سكتوو هازة شبكة تاع الصابون لابسة بيجامة حريرية بسروالها فلكحل ولفوق فيه صدايف روايح كتعطعط وشعر ديما ملس شداه بمقبط اللور ...دخلات على نزهة كتقرا القراان

اسماء:ناري ناري ناري
نزهة(حطات لقران بخوف )ويلي الشيطان ماالك اش واقع

اسمااء:مسكيين هشام
نزهة(وقفات بخوف )ماال ولدييي اويلي

اسماء: مغاوت هوا ومرااتوو مسكين معندو زهر مع لعيالاات اخاالتي


كلسات شادة على قلبهاا خلعاتها وقالت:الله ابنتيي ومالك على هاد دخلة حساابني غا واقعة شي حاجة ....جوج تنااس مغايريين لمصارن فلكرش ويداابزوو نتي مكدابزيش مع مروان

اسماء:لاااالا يا ماما انا سيدي مروان كاع مكنهز عليه صووتيي (كتعوج فراسها )هادي رااه صوتها مسموع من سطح

نزهة: اسمااء عفاا بنتيي دخلي قضي شغالك ملاحكشاي عليهم
اسماء:هء وغي قلت اويلي

هزات الشبكة خارجة سلمات على لحاج وميق فييهاا كيغادية كتعوج وشاف فمرتو وقال:مال هاد بلاغج
نزهة:غاطالقة ودنيهاا الله اخليها قاعيدة فيهاا
الحاج؛ءولهاا ءولهاا تستغ طغمتهاا الله امسخهاا بءات تسغط فدغدك تولات ءد طوبة

نزهة:اويلي دخول سوق رااسك
الحاج(كلس)انا غاه نهاااتغ شفتها ءولتلتك هادي ماش نتاع ولدي سيدي مغوان ...ولد لءااااع ولباااع يدي لياا شياجة لبيغان ....مسمعتيشااي لغوات الالة نزهة
نزهة:لا كنت فلبييت تجات قالتها لياا

الحاج:سيدي هشاام معندو زهغ مع نساا كيطيح غا فلخطيات (تنهد بهمس )شابهني سيدي ولدي

نزهة:اش قلتي ؟
الحاج:مقلتشاااي الالة نزهة وااه

***

فشات خاطرها فلبكاا فدوش عينيها ولاو قداش نيف ولا حمر وتخنقات ...ناضت غسلاات وجهها ...كتفكر لموضوع ويرتاجفو شفايفهاا وتشهق

سمعات تيليفونها كيصووني مسحات وجهها حلات لباب وخرجات كتجر فنيوفهاا لقات تيليفونو مزال مشتت فلارض وهوا نتابهات لييه فلبالكون كالس فوق لكرسي وشاد راسو

هيبة:الوو اقبال
اقبال:ختي لبااس صونيتي لياا
هيبة:عيت نصوني ليكم توحدة مكتجااوب
اقبال:مالك
هيبة:والو اختي نتوما لي مالكم مكتجاوبوش ..مشيتو لطبيبة شنو قالت
اقباال(تنهدات)شلا مقاالت
هيبة:اش واقع واش الامور مزيانة
اقبال:اش غنقوليك تربية كرشها متسدااتش
هيبة:اويلي اش كتقولي هااا علاش كنهدر سير احياة لطبيب سسير اوى شنو قالو ليها
اقبال:والله معرفت غدا ادير التحاليل ونديوهم لطبيب فكازا هوا يشرح لينا حالتهاا
هيبة:وفين حياة
اقبال:رااها متقبلتهااش ..بقاات كتبكي تطاح ليها الطونسيون
هيبة:اربيي على حيااة حتى هياا

قطعات عليها ومشات لدريسينك كتجبد متلبس جبدات جلابتهاا او شالها ودموع فعينيهاا

طل عليها لقاها كتجبد فصاكها وشاف فيها : اش كديري
هيبة(بصوت باكي مشافتش فيه كاع )بغيت نمشي لدار ختي مرضاات (مسحات نيووفهاا ) غنشد طاكسي
هشام:انا لتحت متعطليش

لبسات جلابتها دغياا قدات شالها غير رماتو وخرجات كتمسح فعينيها تابعااه حتى سمعاتها نزهة

نزهة:هيبة ...هيبة فين غادية فهاد الليل

هيبة:خالتي ختي مريضة بغيت نمشي نشوفها
نزهة:ميكون باس ابنتي
اسماء(طلات )يكما غادة غضباانة اهبة اويلي اختي ديري عقلك كاع الناس كتغااوت
هبة:حم لا اختي ...هاني مشييت

خرجات لقاتو موقف الطموبيل كيتسناها ركبات جنبو وتحرك ساككت وهيا كتر منو كتسناه يقول سمحي لياا يعتادر ينطق بشي كلمة يراضي خاطرها ...والو مهدرش غير سااكت ونظرتو كتبين بلي عقلوو خدااام مهواش معاه

وقف مع ادان العشاء كيسمعو فيه وقال:نصلي لعشا وندوز عليك
هبة: غير خليك مرتااح ليوم انبات عند ماما
حلات الباب وزادت خلاتو متبع ليها لعين ...دخلات لعمارة وطلات عليه من بين لباب لقاتو عاد حرك طموبيل ومشا ...طلعات فالسانسور غير شافت وجهها فلمراية تغرغو عينيهاا ومسحاتهم ..

كالسة فالصالون وقبالتهاا بوليكوب كتراجع وجابر متكي حداهاا عينيه فالتلفازة ايد كيماصي بيها عنقو وساكت

جابر: غدا قارية نهار كلو ؟
غيثة:متفكرنييش ...علاش
جابر:باش تشوفي طبيبة
غيثة: تء خلي تالسبت
جابر:وبااركة متسووطي لي عطا الله عطاه اغيثة ديري عقلك مع حملك
غيثة: معرفتش كيفاش اندير والله
جابر(جرها عندو تكات على صدرو كتغبن ) نتي ديها غير فلكريشة وفصحتك مالك ...الى كااع تهلكتيي معندك مديريي خلي تالعام جااي وكملي رخاها الله...نتي غير ولدي بالسلامة عطا الله لي يقابلو
غيثة:انا بغيت بنت اجابر
جابر:ان شاء الله تكون غير مكمولة وصورة زوينة ان شاء الله
غيثة(تحمسات )غنسميها اناا
جابر(تبسم )اش غتسميها
غيثة:تنفكر فيا جووع جبتي لياا شيبس لي قلت ليك
جابر:راه حطيت ليك كلشي فلكوزينة ...نقصي من سقاطة شوية

ناضت كتنقز تقفز بغا يسيفط عليها تيليكوموند ؛وبشوية الباااكور مالك كي لمعزة
غيثة:ونسيييت تء
مشات لكوزينة لقات لميكة فيه سقاطة الشكلاط وشيبس ودانونات دارتهم فاالتلاجة وهزات الشيبس ومشات حداه تخشات حداه فلمانطة دار تحتها عنقها ايدو توسداتهاا
جابر:كملتي حفاضتك

غيثة:ممم شوية....
جابر(باسها فودنها )هداك لي كتحككي عليه مخفتيش يعضك
غيثة(ضحكات )كون شفتي الى عضيتو اناا
خشا ايدو تحت حواايجها كيتلمس فلحمهاا وفكرشها نزولا لبين رجليهاا

غيثة:جاني الصهد
جابر:حطي حوايجك
ضحكات كتحط فحوايجهاا تحت لمانطة ...رما لمخاد لتحت لقاها تسفحات تحت لفرااش ضحك وخلا ايدوو تسرح لمناطقها ويتلدد برطوبيتها ونعومتهاا

جابر:مزال مبغيتي تحشمي
غيثة:شنو درت
جابر:ناتفاه من جدر عاود تاني
غيثة: هههه مالو كيجااك رطب ومبطبط هههه
جابر(قرصها فيه )فهادي مختالفنااش

هزات راسهاا حتى لامست شفايفوو ودورات عليه ايديها ...شعلات تحت بحال لفاخرة زندات ...قالت بهمس وهوا كيقطع القبل : مغانلعبوش
جابر:خفت نصدقو معكلينها
غيثة:وغير بشوية ههههه
جابر:هااااديك بشوية فاش بقاات كيفاش ندير ليهاا!
غيثة (بتحلوين )عفااك
مخلاهاش تعاودها جوج مراات من بعد هاد الاحتكاك والمداعبة لي ولدات طاقة بيناتهم مارسو علاقتهم برعاية يكما جهدت عليك ؟ يكما ضريتك ؟

**
تلاحت على ختهاا عنقااتهاا وكلسات حداها وقالت:متخافيش ميكون غير لخير ان شاء الله احياة

حياة(بحزن )ان شاء الله
الغالية:جابك هشام !
هيبة:ممم ...اقبال كيبقا شهيد
اقبال:شوية الحمد لله ...كنتي كتبكي ؟
هيبة:شي مشاكيل وصافي اختي متشغليش بالك
الغالية:معامن ؟
هيبة(تنهدات )مع هشاام
حيياة:ياك لبااس
هيبة:ديك طليقتو مبغااتش تعطيني بتيساع كنحس بيهاا كتصوني ليه فلوقت لي كيكون معايا غير باش تبين راه مزال كتهدر معااه
الغالية:اوى لاا تهوا ضسرهاا تصوني بلا ݣود
اقبال:علاش كتصوني
هيبة:الوو سيلياا خاصهاا هادي الووو سيليا مبغاتش تمشي لصاال ...الوو سيليا بغات تهدر معااك...كدير السبة بنتهاا (بحسرة)وبان ليا حتى هواا
الغالية :ولوااه تاني هشام باينة فيه بعقلو ماشي ديال هاد اللعب
هيبة(عينيها تغرغو )اماما صونات ليه فتيليفون مكانش هوا جاوبت السيدة مخلات فيا هيا ومها غير لي نساو غير حيت درت ل سيليا بروشينغ ..ملي جا قالت ليه جوج كلمات دار فياا وقالياا الى كان الشك غير نساليو هناا (بدموع ) ضرنيي بزااف هءهءنءه معندي زهر مع رجال اماما هءهءه
اقبال:دابا اش وقع تقال هاد لكلمة اهيبة ! غير حيت جاوبتيهاا ولا شنو
هيبة(مسحات نيوفها حمريين ) ملي بدات كتعاير فيا قالت لياا سيري سولي اش دوزنا انا وهشام هءهءه مصبرتش وقلت ليها شنو دوزتو ياك كنتو عايشين كي لخوت
خبطات الغالية جناابها وضربات فمها مغيدة وسكتات كتشوف فهيبة

حياة:ضرب ل ق** تاتبول على لق** ما التوب

ملحق 13/01/2021

هيبة:زلقاات
اقبال(عصباتهاا )خرااات نتي رااه مريضة فعقلك وكتقلبي تمرضينا فهاد الليل تااني ...مالك اهيبة مالك من صغرك فمك ميشدش لهدرة ! واش نتي شوية لبااس امنك واحد على هدرة نهار استفزاتك نضتي ضربتيها بيها واش كتفكري

الغالية:اش غنقولييك اهيبة فمك لي داير ليك هدشي كووولو نهار تسدي فمك اتلقااي رااحتك

هيبة:هءهءه رجعتوني حتى نتوما انا لي غالطة هءهءه كون سمعتو لهدرة لي قالت ليا السلكوطة الخانزة هءهءه مها قالت ليا نجفف بيك لارض

اقبال:كنتي تخليها تقول لي بغاات تايجي وقوليه هاا اش قالو وها اش قالو ديك الساع الى هدر وغوت العيب ولعار غير لقلنا ليك ظلمتي ...ولكن اهيبة اختيي مشكييل بينوو وبينهاا مشيتي نتيي لحتيه ليهاا لاا سمحيليا هناا خاصك لعصااا خاصك شي شحطة لداك لفم

حياة: وهوا اش قال
هيبة:قالياا مقادرش على لمشاكيل وصدااع انا كنهظر معاها على بنتي نهار تكبر بنتيي متعرفني منعرفهاا هءهءع وباش كملها قالياا الى كنا غنبقاو هكا نسالييو هءهءه

الغالية:السعاتو لله اهيبة الشيطان كيحضر ولسان مافيه عظم
هيبة:اهااه وانا لسااني شنو فييه
الغالية:نتي لسانك ابنتيي خاصوو لفلفة لحااارة ابنتيي ...هاد لهدرة مكتقاالش
اقبال:دابا غير بيني وبينك ...امنتك على بلان وقلت ليه داك فلان فيييه وفييه وهدشي عارفاه غير اناا نهار نوضتيها معاه قلت ليه فييك وفييك ...بااقة غنقوليك شي حاجة ؟ من عندي انا والله مباقي تسمعيي مني شي حاجة ...أسمعيني اعيشة دميعة زوااج هوا هداا باش تبقاي كلمة جوج دمعيي راه غير كتروني ...والتقة الى مكانتش بين لمرا والرااجل راه فعلا غير يسالي داك زوااج حيت مامبني على والوو ...شي حوايج مخاصهمش يتقالوو وتهواا غاالط ليي صارحك بهاد لموضوع لي مكيخصكش ولكن انا عارفاك بقيتي كتنبشي تقالها لييك وفاللخر مسترتييهش اوى غير قولي لييا البهلولة واش باقي غيقدر يقولييك شي حاجة ؟ بااقي غيزعم يصارحك بشي خبار كتخصوو ولا كتخص واحد من عائلتو ....راه الموضوع كلوو باااين شكون ظالم شكون لمظلووم علاش كتبكيي وااه زعمة نتيي ديما مظلوومة !...فمك اختيي سمحيلياا فمك سبابك وفمو حتى هواا لي قال سرو لهبيلة بحالك

حياة:ههههه والله اختيي حتى زعمة هااابونجور تااعك دودة لي تعطاتنا لتحت نتي تعطاتك مضووبلة وحدة فز* وحدة فدلقووش لي خاص مو التهرااس ..وحدة بردتيهاا والتانية لعفو الله

هيبة (مسحات دموعها كتنخصص وهوما كيصبنو فيهاا )زعمة نتوماا عمرها زلقات ليكم
الغالية:اوى يا هيبة راك مزااال ابنيتي متعلمتي من الدنياا مزال غادية مكلفطة بدييك نية ديالك وتهرنين..والله ومكنتي مرا وقاادة تيدورووك على ايديهم جمعيي رااسك

حياة:خليها تبقا تبدل فرجال كي سليبات
هيبة:سكتي احياة سكتي
حياة(تكات )هاهيا ساكتة


وقفات اقبال هازة اسماعيل ناعس وقالت:تصبحو على خير
هيبة:بقاي بلاتي شوية
اقبال:شهيد جاي من لخدمة او مريض نسبقو لدار ...حياة غدا متفطريش حتى ديري التحاليل
حياة:واخة

الغالية:وصوني نتي لراجلك يجي يديك
هيبة:تيصوني هواا ...يحسابني غير شاايطة ...حتى انا يدير ليا قيمة شوية
الغالية:ضبري لراسك
هيبة:تء تلهيت ومسولت فين انصاف ؟
الغالية:جات من لمدرسة كلات، حفظات ونعساات مقلقة
حياة:شافت داك لخاانز تاع حميد جاو عينيها قدااش تاهيا
هيبة(تهز قلبهاا )لبنت هشيشة دابا يجرها عندو بجوج كلماات
حياة:يجرك نتي وميجرها هياا اهيبة...كتشوفيها درويشة كتقولي راه دغيا تسيح ! عااارفة اش كدير ...انصاف كبراتها دنياا كتر من اقباال

الغالية(تنهدات ) الله اسمح ليا ...اما هوا بغيت ربيي يتلاح فجهنم الحمرا
هيبة(تنهدات كتقلب فتيليفون )مصونا موالوو
حياة:خليه علييك تالغدا

***

فاقت على لمسات ايديه على كرشها حتى تكمشاات بلبرد

غيثة:ايدك باارديين
جابر: نوضي غيمشي عليك لحال
غيثة:اوف مقادرااش عياانة
جابر:ونوضي اغيثة من لعكز السبت ولحد ارا متنعسي نوضي فطري
فاقت فيها لبكيية هيا ونعاس قصة غرام وزادها لحمل كمل ليها المحبة

ناضت كيشي سكراانة لبسات بانطوفتهاا هزات عينيها لسرجم لقات شتاا ولحال مغيم ومضبب
طرفات حالتهاا وغسلات وخرجات لبييت طوات لفراش ولبساات عليهاا ولمعدة ضراهاا
مشات تصايب لفطور لقاتو كيوجد فييه واقف داير قبية ولقب على راسو بسورفيت بيتية خاشي ايد فجيب من لبرد ولخرا هاز بيها لبراد كيقلب فيه فلكيساان

جابر: وا غيثة فطري
غيثة:مقادرااش ...لمعدة ضراني
جابر(حط لبراد ) اش كليتي لي ضراتك
غيثة:معرفتش (شدات راسها وسط ايديهاا تقرب ليهاا جابر داعب ظهرها )
جابر: يكما بجوع كولي شي حاجة يدوزك لحال

لبات طلبوو ..دهنات لفرماج فلخبز ولعسل وكاس ديال لحليب شمات ريحتو وميقات

غيثة:تنقولييك متبقاش تجيب هاد لحليب ريحتو مزفرة
حابر(هزو شمو )راه بدلتو سليم هدا
غيثة:ريحتو خايبة والله...يكما بيريمي ؟
جابر:مالي قاري فظلاام ؟ راه شفت التارييخ
غيثة(كتغبن )ودابا انا باش غنفطرر اجابر حشوومة علييك
جابر(حط صبعو على صدرو )علااش اختي...نكب ليك اتااي ؟
غيثة :مبغيتش ...مبغيت والو

بغات تنوض وحمر فيهاا كلسهاا وقال:كلسي تفطري صباح هداا فين غادية بلا فطوور طيحي تماا ...راه نتوما جوج دابا

غيثة:شكون حناا ؟
جابر(مسح وجهو )صبر اربي صبر
غيثة(تفكرات وزدت فتغباانها )خءهءءه قديت حتى براسي غنقد ب برهوش معاياا هءهءهءه
جابر:بزز منك غتقدي بييه ...نوضيي تكعدي كعلا تاكلي

ناضت كتمسح فنيووفهاا لبسات مونطوهاا وقالت:ادير لينا طاجين لغدا !
جابر:تشهيتيه !
غيثة(تبسمات )ديال دجاج وزيتوون ممم
جابر(تبسم ليهاا وقرب ليهاا بااسها فمهاا )شكون مشهيه نتي ولا ولدي
غيثة(دفعاتوو مقندشة ) صافي بلااش
جابر(زير عليها كيضحك )نديروو لالة ام الغيت ...شحال عندي منها
غيثة:مممم غير وحيدة (كتبحلس )ودير لينا بطاطا فريت
جابر:عيقتي ؟
غيثة:السبت ولحد نبرعك شهيوات
جابر: كيهروني فلمعدة
غيثة:ههه اشناهوما
جابر:شهيواتك

ضرباتو لكتفو كضحك وهوما نازلين:اوى بااز


فلابوراطوار التحاليل او منها جرعات ديال الدم لي يكفي لمجموعة من التحاليل

من وراها كلسو فاحد لمقاهي تما طلبات ليها اقبال لفطوور وكلسو كيفطرو

تنهدات حياة وهيا كتشوف فشتا
وعقلهاا مشا لبعييد مع اغنية رجعاتهاا لوور

كنا في أواخر الشتا قبل اللي فات
زي اليومين دول عشنا مع بعض حكايات
أنا كنت لما أحب أتونس معاه
أنا كنت باخد بعضي وأروحله من سكات
والناس في عز البرد يجروا يستخبو
وانا كنت بجري وأخبي نفسي قوام في قلبه
ولحد لما الليل يليل ببقى جنبه
وأفضل في عز البرد وياه بالساعات

على سهوة ليه الدنيا بعد ما عشمتنا
وعيشتنا شوية رجعت موتتنا
والدنيا من يوميها ياقلبي عودتنا
لما بتدي حاجات قوام تاخد حاجات

وسط الشوارع ناس كتيرة مروحين
والناس ياقلبي هما هما وهو فين؟
وانا ماشية بتلفت وبسأل كل يوم
بيعمل ايه دلوقتي وبيحلم بمين؟

تحط لفطور قداامهم او حياة ماهياش هناا ...بقات اقبال كتشوف فيها لبرهة وقالت حياة

حياة:ممم (تقدات فبلاصتهاا )
اقبال:فين مشا عقلك !
هزات حاجبهاا بتنهيدة :غير حدااك ...(شربات من لعصير بللات ريقها )
اقبال:فطري
حياة:منين غيدوز اقبال منين
اقبال:على قبل لي فكرشك خاصك دوزيه بزز ...
حياة(غرغرو عينيهاا ) بنيت امال على والوو ...كنت بااغة نربييه ونكبرو بوحدي
اقبال:استغفر الله العظيم ..كيفاش بنيتي امل على والو
حياة(مسحات عينيها) العملية اقبال صعييبة ...الاكترية هنا فلمغريب بغاو يعطييوه لخااطر ؟
اقبال:كاين الله
حياة:وكاينين غير لكزارة لي ولاو بلا رحمة
اقبال:متجمليش كلشي ...كاين لي كيخاف الله ...ونتي اصلا متفكريش فهادشي ...ربي الى بغاه يعييش غيعيش كيفما خلاه صبر فكرشك من بعد ديك تمرميدة ف فرنسا وطنجة غيخليه يعييش حتى داباا

حياة(مسحات دموعها والياس تمكن منها )ربي جزاني
اقبال:ربي غفور رحيم ا حياة ...وحشومة وعيب تقولي على ملايكة يكون عقااب لييك ...يمكن هوا باش غلطك يتغفر ولكن حاشا واش ربي بغا يعدبك بطريق ملائكة مدارت لا بيدها لا برجلها ...نعلي الشيطان صلي وطلبي الله يحن عليبك ويعاونك ويوقف معاك شيحاجة خرا راك غير كتخربقي احياة ...دابا فطري باش نمشيو

حياة:غدا كازا ؟
اقبال:ان شاء الله
***
فاقت فبلاصتهاا تكسلات اول متفكرات تيليفونها وهيا مزال ففراشهاا

شعلات التيليفون حلات لويفي كتسنا شي ميساج ...انهالة عليها الطاقة السلبيية مع صبااح

العالية:هيبة صباح لخير
هيبة:صباح لخير ماما
الغالية:نوضي تفطري ابنتيي
هيبة(تاوبات)لبنات مزال مدخلو
الغالية :لامزال
لبسات بينوار من حوايج حياة صابح لحال باارد وشتاا غسلات وجهها كتنهد وعقلها غير معااه

مشات لصالون لقات الغالية كالسة كتسناهاا ولفطور محطوط
الغالية:قهيوة ولا اتااي
هيبة:كبي ليا قهيوة نحل عيني ...فين انصاف
الغالية:قارية مع 9 مشات فهاد شتاا تاهياا
هييبة: كاع قرينا فشتا ههه كل حاجة بحلاوتهاا اماما
الغالية:وييه وفطري ...حم مصوناش !
هيبة(حركات راسهاا بلاا )مصونااش اماما
الغالية:اوى ابنتي السعاتو لله تانتي راك مدرتي فيها ميصلااح ...دويو علينا وجيو علينا ابنتي
هيبة:على الاقل غير يسول
الغالية:سمعيييها مني ابنتي نصييحة الله ارضي علييك ....الحمد لله مضربك معايرك تغاوتو كي النااس نتي غلطتي وهوا غالط مجاتش تخوي دارك اهيبة الله ارضي علييك ...من دابا تولفيه الغضيب ابنتي ...غضبي فداارك يكون قدام عينك


هيبة: كون بغاني كون صونا اماما (بحزن )لي معندو زهر معندو
الغالية:براكا من تخربيق اهيبة غطلعي ليا السكر على صباح ... كلمة جات معندي زهر غانتي لي معندك زهر حنا كالسين كنبيعو فيه ولا شنو ؟ ديري عقلك ابنتيي ...وحافضي علييه وخة يكون كيموت عليهاا تلحلييح وحلاوة لساان يرجعوه زبدة معااك

هيبة(ضحكات)هدشي مالك مخدمتيه مع حميد امي
الغالية:يخدمو على بوه جنون دنيا يخليوه مشتت كي جيفة ...هداك لي درتو معاه بنت لمرا مديروش وليني خلييه دعيتو الله ....خلينا فوقتكم اما وقتنا مشااا

هيبة:واخة اماما غنمشي ... اصلا مغضبتش غير بغيت نبات وصافي

فطرو بجوج وموراها مشات لبسات سورفيت ومونطو من حوايج حياة حيت كان لبرد ...توادعات مع الغالية وهبطات حلات لباب ديال لعمارة لقات شتاا كتنقط دارت لقب فوق لفولار بغات تخرج حتى انتابهات لطموبيلتوو وقفات بدا قلبها كيضرب نزل منها من بعدما حل لمظلة وخرج تبسم ليهاا
كشخصية هيبة ميمكنش تخنزر فييه ...دغيا تبسمات لييه ناسية اش واقع كاع ملي شافتوو حسات بلفرحة
بخطوات قرب ليها دايرة ايدها فجيب وقال: صباح لخير
هيبة(بهدوء)صباح الخير
هشام:كيبقات ختك شوية
هيبة:شوية الحمد لله
هشام؛ونتي
هيبة(بصوت مقلق )مالي اناا
هشام: غضبتي عليناا
هيبة(بطنز )اوى سمحولياا الى غضبتوو
هشام (قاد ليها الزيف مدخل شعرها وقال ) علاش طفيتي التيليفون
هيبة:التيليفون خداام مطافيش
هشام:صونيت لييك صباح ولبارح بليل طافي

جبداتو بغات تاكد لييه بلي مطافيش تلقات راسها مخليية مود افيو حيداتوو وبداو مساجات العلبة الصوتية كيوصلوهاا

وقالت:منتابهتش لييه ....مالك مسيفطي فلواتساب
هشام:ملي مجاوبتيش قلت خليها تالصباح
هيبة:ممم غنمشي لصالون داباا
هشام:غتمشي لدارك بعداا نهدرو بلخاطر
هيبة:لي عندي قلتو اهشاام بقات عندك نتاا بغيتي نسالييو نتاا تعرف
هشام:صافي سخيتي بياا
هيبة(قلبات عينيهاا ) لي سخا بياا غنسخا بيه
هشام:انا مساخيش بييك ...وبلاصتك ربي لي عالم بيها اهيبة ولكن هدشي ميمنعش بلي حتى نتي غالطة
هيبة(خرجات عينيهاا )مزال اهشام
هشام:نمشيو لدار ونهدروو اهيبة ! فازي

دازت من حداهم سيدة شقراء لابسة مونطو كحل وسروال كحل بملامح اوروبية عيون زرقاء وشعر اصفر ف الخمسينات

ركبات فالسانسوور وعلى عينيهاا ملامح حزينة نوعا ماا تحل لباب على طابق لي فيه دار لغالية ...توجهات لدار وهيا كتاكد من رقم دار حركات راسها بالايجاب ومشات كدق وكتصونيي

الغالية:ابلاااتيي بلااتيي ...شكون (حلات لباب )شكوون
_Wohnt Hayat hier?(هنا كتسكن حياة )

الغالية(كتقاد ف زيف وقفات باستغراب )هاا

_هيااة ...هياة
الغالية (بلايشارة بايدهاا)مفهمتكش
بقات السيدة كتشوف وشدات شعرهاا وقالت؛هياااة هيااة

الغالية:ياويلي هادي مالهاا ....هاااااه حياااة ؟

_جاا (اه)
الغالية ( بايديها)شكون جااا ؟ اش بغيتيهاا (اشارت ليها بايدهاا )تيي شكوون

_ich verstehe nicht was du sagst(مفهمتش اش كتقولي)

الغالية:والوو والو (دوزات ايدها على وجهها )حيااة والو مكاينااش
_هيااة !
الغالية:اه هاديك هيااة
تحل السانسور من طرف لبنات حياة واقبال كيشوفو قدامهم السيدة والغالية كتعبر وتشالي بايدها مضاربة تفهمها شي حاجة

الغالية:هاااهيياا حيااة
حياة:اماالك
شافت فيها السيدة وحطات ايدها على فمهاا كانت حياة مبسمة تهبطات عينيها لعنق السيدة لي فيهاا سنسلة دهبية فيها اسم هود بلعربية

_هيااة

ملحق 16/01/2022

لحظة غراابة بين اقبال والغالية لي واقفيين اما حياة رااه قلبها غيخرج من بلااصتوو كتحس برجليها يقدرو يخونوها فاي لحظة وطييح

شافت فمها ورجعات شافت فالسيدة لي قرباات لييها وحطات ايدها على كرشها وقالت بلالمانية:ابن الغاليي

بعدات حياة بخطوة اللور مخلية ايدها فلهوى

اقبال:كتعرفيها ؟
حياة(نطقات بلفرنسية موجهة هدرتها لمرا )شكون نتيي
_(مفهماتش بزاف ) موا ؟ هود
حياة(حلقها نشف ) مالو هود
حطات صبعها على صدرهاا وقالت بلفرونسي معكلة :مون فيس ...هود

شافت اقبال فحياة الاخيرة لي ولات صفرة والغالية واقفة مفاهمة والو

الغالية:واش كتعرفوهاا شكون هادي
حياة:فين هود (بحركة بايديها بمعنى فين )
بملامح حزينة بغات تنطق توقفاتها اقباال :مدام ...(اشارت ليها لدار ) بيانڤوني

اومأت راسهاا باه وتبعاتهم لداخل كتقرقب بطالونها شافتهم حطو سبابطهم وتاهيا حطات طالونهاا ودخلات كلساات
اقبال(بهمس )مو هادي
حياة(حركات راسها باه)علاش تكون جات باش غنتفاهم معاها داباا تالفرونسي مكتعرفوش مزيان
اقبال:معرفتش ...لغتهم مكتشبه لتالغة الله يستر

كالسة برقي كتسناهم يكلسو تبسمات لحياة لي كلسات جيهتها بكريشتها بارزة شوية ماشي بزااف ....

حباة:(بلفرنسية)حمم واش كتفهمي شوية فرونسي
_ان بو

حياة:اللهم لعمش ولا لعماا
_هاا
اقبال:براكة من الضحك شوفي لاش جات
حياة (بلفرنسية )فين ولدك
هبطات راسها باسى ونطقات بلفرنسية بزز كتفهمها ) لوبيطار صافي كاطخ موا

حياة(قليها كيضرب) علااش ...بوغكواا ؟
_اكسيدون (طاحو دموعها ) ودخل كوما (مسحات دموعها وكملات ببكاء )كان غيمووت

الغالية كلسات جنب اقبال ونطقات بهمس :مالها كتبكي اش قالت
اقبال : بلاتي

حياة:كيفاش
_منعرفش نفهمك لغتي الفرنسية قليلة ... هادي نمرتو تاصلي بيه ...هوا عياا يصوني لك نمرة طافية

قالت هاد لكلمات بزز جمعات جملة تعياات بالشرح وحياة ودنيهاا تصمكو اقباال غير كتشوف كتسنا هاد لفيلم كيفاش غيساالي والغالية كالسة كيف صمك وسط لعرس

***

طلعات سابقاه لدار خلاتو كيحط طموبيل فلبارك ...طلعات كتنهد تلاقات ف اسماء هابطة وتبسمات ليها تسالمو فدرووج
اسماء؛اوى هكاك الهبييلة رجعي لدارك ...لغضيب معندو باش يفيدك
هيبة:هههه لا اسماء راه مكنتش غضبانة غير ختي لي كانت مريضة شوية ومشيت نشوفها
اسماء؛مممم ويحسابلي غضبتي ...ماريا راه كانت كللمة جوج تهز حوايجهاا وتزيد ...داكشي علاش طلعات ليه دم وسيفطها لدارهم فخطرة ...مبغيتكش احبيبة طيحي فنفس الغلط ...ها انا ومروان كندابزو تنعيااو والله منخليها لييه هههه

هيبة:حم السعاتو لله
اسماء(بهمس )ديك لحرامية مزال تابعااكم ! مسموومة هيا ومهاا اييه كانت السم كيقطر حاسة براسها تقول مالكة جمال لموزنبييق ولكن هشام قادهم ليهاا ...عر(شافتو جاي )حم هشام جاي من بعد ونهدرو بسلامة

خلاتها وهبطات قالت السلام لهشام ..ردها عليهاا وعينيه فلارض مهزهمش فيها ...خير مولانا هازة قدامها او وراهاا لابسة بيجامة قصيرة بسروال وبينوار قصيير مبين مؤخرتها قداش

بقات واققفة كتسناه توصل ودور السارووت ...حط ايدو على خصرهاا ودخلات توخر اللور كيسد لباب وهيا حطات سبرديلة ودخلات لبيييت...تبعهاا كيحيد فتجاكيط حطها حدا لفوطوي وكلس هيا فدريسينك كتلبس وكتعطل مبغاش نقاش على صباح

هشام؛هيبة
هيبة:نعام
هشام:اجي هناا

لبسات بيجامة سخونة وجمعات شعرها ديل ومشات كلسات حدااه لقاتو شاد تيليفون سمارت ولكن صغير وحداه لكرطونة ديالو
هشام:اش كانت كتعاود ليك مرت مروان
هيبة:والو ...علاش
هشام: خليك بعيدة عليهاا واخة ... ديك لماركة متصلاحش لييك
هيبة:علاش مالها ...كتجيني ضريفة
هشام؛نتي لي ضريفة ونية اهيبة ... هاديك راه كضرب هكا وهكا اللهم التيقاار عطيها صوابها لوقفات معاك وخليها بعيدة عليك
هيبة:اصلا مكنجمعوش غير الى هبطت ولا لقيتها فسطح

هشام(عينيه فالتيليفون )لمهيم انا غير وصيتك ...مشاكيلنا منلقاهمش كيدورو عندها

هيبة(هزات حاجبهاا ) بنت لييك غير طالقة فمي وكنعااود
هشام(بغا يهدر ورمش فيها واختاصر قولوو )راه صاحبة ماريا ...غير باش نديرها فراسك ...ماشي لي ضحك فوجهك اهيبة راه حبيبك


هيبة(لمطات فمهاا ) ممم عاارفة
هشام(حط التيليفون)شوفي اهيبة انا مبغيتش نعاود نفس الاغلاط لي وقعو شحال هادي ...بغييت انا ويااك ميدخل بيناتناا حد
هيبة: هشام لحد الساعة لمشكيل لي كاين راك عارفو
هشام:هاد التيليفون خديتو لسيليا لقيتيني كنقاد فيه واحد لابليكاسيون باش يبقا التيليفون مسيكوريزي ...درت ليك خااطرك حيت مباغيش نضيعك ولا يحساب ليك نتي رخيصة علياا ولكن هدشي اهيبة مكيعنيش بليي دوزت لييك ديك لهدرة لي قلتي ليها

هيبة:مقلت والوو
هشام(بهدوء)هيبة نعلي الشيطان ...قلتي ليهاا عايشين كي لخوت ولا لا ؟
دورات عينيهاا خافت تكدب وتحصل وقالت:استفزااتني اهشاام ...شنو معنيتها سيري سولي شنو دوزنا انا وهشام
هشام:واش كانت صاحبتي ؟ راه كانت مراتي اهيبة يعني دوزنا ودوزناا كيفما دوزنا الخايب كاين زويين ولكن تحااجة من هدشي مبقااتش مكاين لاااش تبقاي مرضة راسك بشي حوايج تمحاو (ضرب بايديه )صافيي
حاجة خرى كون ديك السيدة باقي فقلبي من جيهتها شي حاجة مكنتش نطلقهاا ...انا ماشي باقي صغير باش نضرب مرا بمرا باش نسا لخرا ... انا نهار شفتك عجبتينيي داز لوقت وكل نهار كتزيدي تعجبيني بضرافتك و حشوميتك واخة كانو فيك فعايل تقزاب

ضحكاات وخة حبساتهاا وقرصها من حنكها و قالت:بعد بعد من الهضرة صبغني

هشام:ربي شاهد على كل كلمة قلتها لييك اهيبة ولكن بغيت عهد الله منك عمر كلامنا يخرج من هاد البييت
هيبة:عطيتك عهد الله ...حتى نتا عطيه لياا
هشام؛انا عيطتو ليك نهار دخلتي لهاد دار واعدتك ولهلا يحشمناا ..

هيبة:وسمحليا حطيتك فسيتياسيون خايبة
هشام:سي با كغاف (ربت حداه )اجي حداياا

ناضت بكل فرح كلسات جنبو دور عليها ايدو وحطات راسها على كتفو
هشام(باس شفايفهاا بحب )مبقيتيش تخوي فراشك حداياا

ابتاسمات بدفئ وخشات راسها فعنقو طابعة قبلة خلاتو يحك حنكو معاها واستامر فقبلات عميقة كيتفنن فلقبل معاها

***
مع طناش دخلات كتشم فريحة الطاجين مشات لكوزينة شماتوو وتبننات فيه مشات غسلات ايديها ورجعات لكوزينة قطعات لفريت ودارتو يتقلا دخل جابر بلخبز ولموناضة حطهم ليها ومشات تمخشات فييه وسط تجاكيط

غيثة:لبرررد
جابر: نتي مخففة لحوايج ومبغيتيش لبرد
غيثة(حطات راسها على صدرو كضحك )نتا سخون بلا حوايج اصصلا
جابر:الله يدومها علياا

ضحكاات وقالت: صافي غنحطو راه طاب بقا غير لفريت دغياا
جابر:نمشي نغسل ونجي ...
حولات لطبلة كيف لعادة حطات لفرييت غسل وبدل وجا كلس حداها كتعاود ليه على نهارها كيداز غير داقت الطاجين ميقات

انتابه ليها وقال :نزيدوه على الحليب تااني ؟
غيثة:ناري اجابر جا (كتدوق )معرفتش ....معجبنيش
جابر(كياكل )براكة من التميااق
غيثة(دارت ضغمة خرا فمهاا كتمضغ وخاطرها مبغااهش وناضت بجري خلاتو كيبرق فيهاا مشات لاحتها فزبل وشللات فمها وشربات لموناضة باش يمشي ليهاا لمداق

غيثة(غرغو عينيها )معجبنييش ...غنبقا دابا بلا غدا عاود تانيي

حط الدغمة كيمسح فايدو كيشوف فيها وقال:شنو بغيتي ؟
غيثة(مسحات دموعها )معرفتش
جابر : وعلااش لبكا اغييثة عاود تااني الله اهديك
غيثة:معرفتش هءهء ...بغيت لبيتزا
جابر:شنو خاصك تصايبيها

غيثة:عندي سااعة اجابر ناكل ولا نصايب ولا اش ندير هءهءهؤه
جابر:نجيبها لييك لااا حول ولا قوة الا بالله ولاااش لبكا اغيثة
غيثة(مسحات دموعها )يجب ليا بيتزا
جابر(سد الطاجين )ديالاش
غيثة:ديال الطون ويكون كتير فيها لفرمااج

ناض لبس عليه تاني خلاهاا كتسنااه هز طموبيلتوو مشا لسناك لي مولف كيجيب منو ليهاا من ديما كتوحم بلا حمل ودابا بان ليييه الشونتيو كحال علييه هاد شهورة


خداها ورجع لدار لقاها مزال فبلاصتها شادة حنكها كتسنااه حطها ليها سخونة وناض سخن الطاجين ديالو ورجع حطوو

كلاتها كلها وهوا كيشوفيهاا وقال:براكة من لموناضة
غيثة: بنينة دوق
جابر:لفرماج ولعجينة شدو ليا جوع بكري
غيثة:نتا خاصك حاولي مشويي ....ممم نديرو شوا !
جابر(ضحك )ان شاء الله علاش لاا ...لالة زينة وزادها نور لحمام
غيثة(قلبات عينيها )بصحتيي
جابر:بصحتك غا كوليي او وكلي ولدي ..يتزاد ضعيف نعلق مك من عينيك
غيثة؛هههههه اه نسيت ...مبقيتش غنشطح لييك
جابر:حتى شطيحة بلكرش تجيك زوينة غير بوبريصة ضربو الضو
وحلات ليها بالضحك حتى بدا كيضربها لضهرها وقال:عنداك عنداك تبزقيه

****
شادة نمرتو بين ايديهاا واش تصوني ولا لاا ريح باردة كضربها من بعدنا شتيوة سحاات كالسة فسطح كيضرب فيهاا لهواء بارد فوجها ...حطات ايدها على كرشهاا وارتاجفوو شفايفهاا وتحقنو عينيها بدمووع ...هزات راسها لفووق كتستنجد بربي وتشكي همها هبطات راسهاا وبانت ليها اقبال فباب سطح ...تمشات عندها وقالت:شنو درتي

طاحو دموعهاا :مدرت والوو
اقبال:غاتصوني لييه ؟
حياة:شنو غيكول ليا ؟ ربع شهور عاد تفكرني
اقبال(تنهدات )معرفت ...هدشي عندو كيدوخ (عطاتها بجنب حاطة ولدها على لحيط )صوني شوفي اش كيعاود ...ولكان عندو حس المسؤولية يجي يوقف مع ولدو فلعملية

حياة:وشنو غنقولو ؟ الشارف رجع صغير شنوو وطلاق لي عاد طلقت
اقبال: فكري فولدك احياة ...هاد لمرة متفكريش فراسك ...نتوما بجوج فهادي يوقف معاك فهاد لمحنة ديك الساع يضبر لراسوو ... راه ولدكم بجوج ....طال زمان ولا قصاار تزاد ولدك وبدا يكبر غيجي نهار ويسول على بااه ...نسيتي غيثة ! الى نسيتي انا عمري نساا ...تعيش بلا اب برد دنيا يضرب فيك بلا رحمة حيت ضهر لي يغطييك مشاا وخلاك ...نتي ديري لي علييك متكونيش انانية فهادشي واجب علييه يوقف معاك فهادشي بغا ولا كره

تنهدات بديق كتمسح دموعهاا ركبات النمرة وسجلاتها بسميت هود ...الاسم لي متنكرش بلي توحشاتوو...حبها من الاول كان غالط مع الشخص الغاللط كانت كظن البعد اينسيهاا فيه ولكن غير كتهبط عينيها لكرشها كتجي صورتو وسط عينيهاا

كتبات ميساج فلواتساب :صاڤا هود ...سي موا حياة

سيفطاتو ليه ايديها كيرجفو طلعات جوج شرطات ماهي الا ثواني وتقرا لميساج شهقات حياة وقالت: شاف

اقباال(شافت فيهاا)عمرو ماحبا وملي حبا طاح فلبيير. ...تبتيي ابنتي تبتي
حياة:كيصوني ابيل ڤيديو اقبال كيصوني اش نقوليه
اقبال:جاوبيه بعدا ولهدرة اتجي بووحدها

فتحات لخط اتولد غير بلخلعة وقلبها كيضرب بجهد كتسنا لكونيكسيون تشد واقبال بعيدة غير كتفرج فيها ...جاتها صوورتوو هدا هوود ؟

شافت فملامح وجهو بصدمة ضعااف شعر طوال لحيتو كتييرة فاصمة ...فاصمة مدورة عليه فواحد لعين ...كلسات فاشلة وايدها على فمهاا كتشووف كيف كاان كيف ولاا نطقاات بحرووف متقطعة:هوود

غمض عينوو بتنهيدة حارقة تمتم بشفايفو بزز بصوت باين فيه التعب :ماڤي

ملحق 19/01/2022

قبل اربعة اشهر

محمد(بترجي )هود متمشيش ...مضيعش عمك على ود وحدة عرفتيها مؤخرا ....غندير بحالا موقع والو ونكملوو حياتناا

هود(تنهد عاطيه بضهر ورجع شافييه ونطق بلفرنسية )مشا لحال ...منقدرش نخليهاا
محمد؛وتخليني ؟
هود(هبط راسو باسف وشاف فيه )علمتيني نتحمل لمسؤولية ...ميغسي ! ...سماحلي باغسكو خنتك مي (زم شفايفو وتنهد ) Je l'aimais beaucoup (بغيتها بزاف )
محمد:ڤا طون ڤازي ....(بلغوات)خررووج برااا

هود:باغدون

خرج مسرع فاتجاه طموبيلتو ديمارا حتى حك رواايض داير موقع لي قاليه فجي بي اس طموبييل وغادي منيير فطريق كيضووبل هاادا ويضوبل هدا بسرعة غير مسموحة فلمدينة ...وصل لتقاطع وكان هوا السبااق بغا يفراانيي ...لقا لفراان خاويي هربات بييه الطموببيل لوسط طريق ادا لكسايد هوماا وهواا جا فييه رمووك كبيير عجنو مع طموبيل خرا بجهد باش جااي

لكلاكصونات دخاخن جوج طموبيلات هربو علييه كل وحدة فين كلاتها ...نزل مول رمووك شاد راسوو كيشوف فطموبيل معجوونة

_نو نو نو اووو مون ديوو

صوناو الاسعاف لي جاو على وجه السرعة ومعاهم لبولييس مقدروش يخرجوه من طموبيل غير بزز...لقاوه فحالة يرثى لها كلوو دماياات تنفس بطيئ رجل ولايد مهرسيين لعين حتى هياا كلات دقة وراسو. جااي بدم

هزوه على وجه السرعة لسبيطار تلقاو لييه فريق طبيي تعلم بحالتو لحرجة

الصحافة لي ضروري تحضر فاي حادث خطير بحال هدا ...كانت لاورا ام هود في مكتبهاا كمديرة مدرسة ابتدائية فألمانية

تحل لباب بسرعة كينهج ونطق بلالمانية :شفتي الاخباار
لاوراا(بخوف)اش واقع
دخل لصفحة الاخبار عندهم اول مطلعات صورتوو وقفاات بخوف وتمتمات :meine Seele(روحي) هود
حيدات ليه التيليفون كتقرا العنوان :تعرض الملاكم الالماني لي حادثة سير خطيرة في فرنسا

دخلات فهستيرية البكاء. من وراها خدات اول طيارة متوجهة لفرنسا دوزات لخط لمحمد وهيا كتبكيي

جاوبها ساكت ونطقات ببكاء :هءهءه مييد (بلالمانية )هود دار كسيدة
محمد(ببرود )مبقاش فحياتي شي حد سميتو هود....متبقايش تااصليي بياا
لاورا:ميد....الو(شافت فتيليفون بصدمة )الوو ميد

عاودات صونات لقاتو بلوكاها ...ركبات فطياارة

بعد طول انتضاار وصلاات سبيطار وهيا كتعتر فطالونها بزز وصلاات كتسول دايخة قالو ليها انه ف غرفة العملياات ...كلسات منهارة فلكولوار كتبكيي ...سااعة وساعتيين ... حتى فقدت الامل ضامة ايديها كتدعي على طريقتهاا لي كبرات عليها
خرج طبيب منهك من عملية استغرقات مدة طويلة شافها قبالتو جاية كتجري اومئ راسو باسف

لاورا(بلالمانية )دكتور ...ولدي هءهءه ولديي عايش
د:كتفهمي لفرونسي مدام ؟
لاورا:اه طمنيي
د:بون ...لمريض حالتو حرجة بزااف خدا دقة فالراس عندو جروح بلييغة نزيف داخلي ...كسور بلييغة اضطرينا نديرو لييه لحديد

لاورا(بصدمة ودموع كيجيروو)نوو نوو ولدي هءهءه
د:للاسف مغاديش نعطيك خباار طمنك ... هود حالتو حرجة ودقة لي فراسو سببات ليه فارتجاج في المخ ...هدشي لي نقدر نقولييك
لاورا(حطات ايدها على صدرهاا )كاين امل يعيش
د: الساعات القادمة غتوريناا شنو كااين

دازت يومااين وهيا قداموو من الزجاج كتشوف فييه ودموع مفارقوش عينيهاا وهوا كلو آلات ولفاصمة مكيبانش وجهو مشخشخ كلو مجرووح غايب على لوعي لداخل طبيب كيفحص فييه وهيا مقابلاه كتمنى خبر يفرحهاا ...خرج عندهاا وقال:للاسف لمريض دخل فغيبوبة ...الضربة كانت قوية...نتمناو مطولش
لاور:ميمكنش هءهءه ولدييي ولديي هءهءهءه

الاياام كدووز وكيدوز معاها لوقت ولات عايشة فسبيطار قدام زااج مرة مرة يسمحو ليها دخل فينما يدخل عندو طبيب كتقول غيفييق ويرجع يحطمها تااني دازت شهر داخلة لفرملية كطمن علييه حرك ايدوو صوناات لطبيب جا كيزرب ولاوراا واقفة بخوف كتسنا لاسوء حتى خرج بابتساامة: هود بدا كيفييق

داز اسبووع اخور وهوا كيشوف غير بعينيه تنفسو كان صعيب حيت كلا دقة فصدرو كيطلعو بزز ...كان كيشدو صدااع رهييب فراسو ضعااف. وزاد ضعااف كاينعس بدوايات لحرييق مخرجش من سبيطار .. كان اول يوم يخرج لجردة تاع سبيطار فكرسي متحرك ...

كان طولة وتجريدة يهزوه جوج ويجيهم تقيل فرمشة عيين ولا ضعييف ولحية كتيفة كلو جراحي فوجهو وعين مضروبة ليه وغتحتاج عملية حتى هياا كيتكلم بصعوبة بسبب صدرو لي جات فيه دقة مع لوقت ايخفاف
قدامو لاوراا كتمسحليه على لحيتو بهدووء وهوا دمااغو مامعاهاش

لاورا:meine Seele (روحي) توحشتك (باست ايدوو ببكاء كتلمس فوجهو بحنان ) غتولي بخيير انا متأكدة اترجع كيف كنتيي وحسن..خاصك غير وقت بسييط ورعاية خاصة

خود(طلع النفس باش يقدر يهدر) ميد!
لاورا:ملقيتوش ومبقاش بغا يعرف شي خبار عليناا
هود؛(حرك راسو باه سااكت تهزات ليه وجهو بحنان
لاورا: شكون هياة ! هادي يوماين شداتك سخانة كتقولها والطاطو فصدرك ! علاش مجاتش تشووفك ؟

هود: سي ماڤي...تيليفون !
ركب الرقم ديالها فبرا مكتجاوبش ولمغربب كدالك صدرو كيطلع ويهبط بمشقة انفس

مرت الاياام ودازو 3 اشهر بدا كتحرك ولاكن داعم راسو بلعكاكز خداتو لالمانية كلفات ليه جوج ممرضات يتناوبو علييه وحدة بليل وحدة صباح طبيب الترويض كيجي عندو تالدار ...تحاليل سكانيرات على الراس ونوبات الوجع لي كتشدو مرة مرة كيبغي يحمااق دار عملية تجميل لعينيه لي كانت تخيطات وخلات تشوه كبير فعينيه

اربعة اشهر دازت فقط فلفراش وبيت طبيب او الفحص وامه مرافقاه كتجدد علاقتها بيه لي تقطعاات مرة فشحال كان كيتاصل بيها ويهدر معاها ببرود ...ولات كتوكلو بايديها وقت لي كان مريض ...معاملاه كطفل صغير محتاج رعاية خاصة

خلصات الخسائر لمادية لي خرجات ليه فلمحكمة حيت كان الخطئ ديالو بدون علموو باش تخليه في فترة نقااهة ...حتى فاجئها بقولو وهيا كالسة حداه :بغيتك تمشي لمغرب

لاورا (حطات امعلقة وتلغات ضحكتها ) ميمكنش

هود:بغيت نشوف حياة (تنهد)منقدرش نمشي
لاورا:شكون هياة !؟
عاود ليهاا شكون هياا وبلي حاملة منوو ...مخداتش. لموضوع بصدمة ...لبات طلبوو وصبحات فلعنوان لي عطاها هيا وصاحبو لي مشا معاها خطوة بخطوة توصلها لدار حياة
***

حياة (بصدمة كتسمع وصوتو لي كيخرج بزز ومرة مرة كينهج ولا يحبس ....عز عليهاا وعزات علييه بكات مع كل حرف نطقو حاسة بندامة لي مشا. فطريق لحراام ومزال كيخلصو

حياة:هدشي ...ميكونش سبابو عمك

سكت شوية ونطق بخفوت : منقدرش نلومو

حياة:قولت لييك من اللول خاصنا نحبسو هءهءهءه داكشي لي درناا حراام

هود؛كان فات لفووت وبغيتك
حياة(سمحات دموعها لي ولاو على سبة )
هود:لبيبي ؟ شنو اخبارو
حياة(تعمرو عينيها بدموع ونطقات برجفة )مريض هء غيتزاد مريض

تقاد فبلاصتوو بصدمة كيشوف فيها وقال:كيفاش ؟ شنو واقع ليه
حياة:طبيبة قالت بليي غيخصو عملية اينفوا يتزاد باش كريشتو تجمع حيت محلولة ...غدا انمشي لكازا عندي كونترول مع طبيب لي غيتكلف بلعملية (بدموع )ومعررفتش هءءء معرفتش شنو غيوقع مزال

هود(رجع شعرو اللور كيتنهد بديق) ميمكنش
حياة:خايفة توقع ليه شي حاجة ولا ولا يموت ؟
هود: تنكيت حياة ميوقع والو

حياة(بخوف)معرفتش (مسحات عينيها ) غدا انمشي لكازا
هود؛انحاول نجي فاقرب وقت
حياة:مزال خاصك ترتااح وصحتك متسمحش ليك تسافر
هود:منقدرش نخلييك فهادشي بوحدك...ديجا قلتها لييك حنا بجوج خاصناا نتحملوو هادشي ونحاولو نصلحووه ...

حركات راسها بااه وقال:انقطع داباا ...حيت عييت
حياة:واخة سير رتااح

حرك ليها راسو باه وقطعو الاتصال لي دام ساعة وزيادة بدا لحلا كايظلام ...كلساات وداتها تبورشات بنسمة البرد لي ضربات فيهاا ...ناضت وحركة خفيفة فكرشهاا ...دوزات ايدها بحنان على كرشهاا ...كتمسح دموعهاا وعينيهاا

***

_مداام حياة ...طبيب كيتسناك

هزات راسها من فوق كتف اقبال لي كالسين فصالة الانتضار فايديهم بزاف ديال التحاليل وليكوكرافي بتقنية 4d فكازا لي شدو طريق بكريي باش يوصلو مع لموعد فلعشية

دخلو بحياة وقلبهاا كيضرب بجهد خايفة ومرعووبة

كلسو قدام طبيب اقبال كتهدر وحياة كترعد وخاايفة وهوا كيشوف التحاليل بين ايدوو

_تهندي امداام ...خاصك تكوني مهدنة ..حيت لطونسيون ديالك طالعة داكووغ ؟
حياة:عفاك قولياا شنو غيوقع داباا
_ نحطكم امام الصورة اكزاكت ... لولادة ديالك اتكون سيزاغيان ...ف 37 سومين باش نتفاداو بزاف ديال لمشاكيل ...العملية بالنسبة لبيبي ديالك ايحتاجها ايغجون

حياة:غتنجح
_شوفي الالة حيااة ...الاعمار بيد الله ...لي نضمن لييك هوا غندير جهدي كامل وان شاء الله ربي ميخبينااش
اقبال:ان شاء الله

حياة:كيفاش غدوز لعملية
_نورمالمون فيها دو ايطاب ...اللولة هيا كنرجعو لمسائل لداخل وكنسدو لكرش ...هادي فحالة ما كلشي مزياان وتحاجة متكون تضررات

حياة:والى تضررات شنوو (قلبها كيضرب )

_نتمنااو ميكونش ضرر ف الامعاء...حيت العملية التاانية غتكون صعييبة شوية ونفس الوقت غتكون تخو شيغ
اقبال:شحال تقريباا !

_ منقدرش نحدد ليك
اقبال: باش نعرفو تاحناا شحال
_سانك ميلون تقريبا

شافو فبعضيااتهم وسكتو كيسمعو لهدرة وطريق لي مزال تابعاهم وخصوصا حياة

خرجو من تماا خاطرهم مرييض وعقلهم خداام ودايخيين ...كان شهيد واقف حدا الطموبيل شاد اسماعيل فايدو شافهم جاين مستوهين عرف لخبار مزويناش

شهيد:امضرا شنو قال؟
حياة:بزااف بزااف (دخلات لطموبييل وسدات شادة راسهاا)
اقبال : لهدرة كتييرة
شهيد: اقبال هاد لعملية راه صعييبة ....كون سمعتو لياا وديكلارات بوراقها بلي مشااو كانت تقدر ترجعهم ولعملية ديرها فبراا حسن ليها منهنا

اقبال:مشا لحال على لهدرة
شهيد:هاد لولد مولدهاش بوحدها ...تواصل مع راجلها يلقاو حل وتمشي لبراا ...هناا راه ولا داكشي غير فلووس وتجارة

اقبال:شهييد صافي ...هادوك بجوج سلاو هوا مبقات عليه تخباار صافيي سديناا ...الى مكتاب لداك تربية يعيش غيعيش سوا هناا سوا على برا

شهيد:الله يدير تاويل ديال لخير ...نمشيو لشي اوطيل نرتاحو
اقبال: حياة متقدرش تشد طريق
ركبو وحياة الحوار كلو سمعاتو حيت زاج لقدامي محلول بقات سااكتة كتنهد...صونا تيليفونها جبداتو وقطعات عليه كان هود

دخلو لاوطيل خداو شومبر. وطلعو يرتاحو
اقبال:رتاحي خليهاا فيد الله
حياة(حركات راسها بااه كتنهد

دخلات لشومبر كلسات كتنهد تيليفونها صونا وهزاتوو
حياة:الوو..هود
هود:صاڤا شفتي طبيب شنو قال ؟
حياة:قال بزااف
هود:حياة ...قطعت بيي غنوصل مع 12 الليل
حياة(وقفات )واش حماقيتي نتا مرييض علاش غتجيي
هود:منقدرش نبقا هناا ...خاصنا نلقاو حل

حياة:اشمن حل غنلقااو شنوو هءهء
هود: نجي ونهدرو وخة...خاصنا نتلاقاو انا هدرت مع طبيب هناا دازو عندو حالات بزاف هكا ودابا راهم بخير

حياة:واش بصح
هود:بصح

هيبة لي كانت فدارها كتوجد فلعراضة لي موجدة ل خت هشاام وانصاف جات تعاونهاا

انصاف:هيبة تكلمي ل اسماء راه فلباب

مسحات ايديها وخرجات مبتااسمة لعندها لباب ..

اسماء:ختي هيبة يكما صدعتك تانتي مرونة
هيبة:مبيناتناش الزين دخلي
اسماء:اويلي راني وااحلة فلكوزينة ...بغيت نطلبك طليبة ...اختي انا كووولشي كيصدق لياا تال كيكة عييت كنطيبها وتفش لياا
هيبة:دخليها لفران بارد
اسماء:واالو معرفتش اش كيوقع ليهاا ...تهبطي تصايبيها ليا نتي كطلع لييك زويينة
هيبة:وخة شوية ونجي
اسماء:انتسنااك ...بصحة لبيجامة بعداا جاتك زويينة
هيبة:الله اعطيك الصحة ههه
تبسمات ليهاا وهبطات ولخرا دخلات لكوزينتها

هيبة:انصاف انهبط دغيا نقاد ليها واحد كيكة ونجيي
انصاف:واخة

دارت زيف ولبسات عباية بلحزام طويلة وهبطات لقات دار خاوية وقالت:فين خالتي
اسماء:مشاات تجيب شي تقدية مع لحااج. ..حم هيبة هانتي اختي عنداك تقولي نتي لي صايبتيها...عرفتي واحد ختهوم راه فييها حشيان لهدرة ومسمومة الله يستر

هيبة:اويليي لا اختي منقولش

رونات ليها لكيكة دارتها فلفران وكلسو فطبلة

اسماء:كديرو سوان فلصالون
هيبة:وضوروري
اسماء:تنجي نديرو عندكم ...ياك تحسبيه فابور ههه
هيبة:هههه مرحبا الزيين
اسماء:دوقك زوين فلحوايج منين كتشريهم
هيبة:كل مرة ومنين صراحة
اسماء:بغيت نطلبك وحشمت
هيبة:قولي اش بغيتي من لهدرة
اسماء:غدا غادية عند ماما وراك عارفة اختي مروان مخدامش هاد لياام معندو زهر ...ديك جلابة لغوز لي خيطتي جديدة مع سباطها وصااكها
هيبة:واخة اختيي
اسماء:لهلا يخطييك احبيبتيي واللهيلا نتي عندي عزييزة والله دغيا دخلتي لخااطري
هيبة :ههههه

اسماء:ماشي بحال ديك لمسمومة ديال مارياا بيضة مكتعرف طيبهاا وزايداها بنفااخة...مكنتش كنحملها

هيبة:بلاتي نوشف لكيكة
اسماء؛وعنداك تحرق
طلات عليها من زاجة ورجعات كلسات تدخلات نزهة ولحاج نيشان لكوزبنة

نزهة: هيبة لبااس ابنتي

هيبة:لباس اخالتي ...عمي لحاج كيداير بخير

ميق فيهاا :نحمدو الله يفوتنا هي كحل الغاس ...اش تجمعتو. هنايا كي طلابات سويئة

نزهة(خرجات عينيها )حم

اسماء:عمي لحااج ...عيالات ولادك طلباات ؟
نزهة:هههه لحاج ومزااحو

هيبة(ناضت محملاتوش )غنطلع خلييت انصاف وحدهاا
قرصاتها اسماء باش تبقا كالسة وقالت بهمس:متمشيش و لكيكة !

الحاج:عمغ لي واحد كاس نتاع اتاااي اهيبة ...ديك لالة مغت سيدي كتجيبو كي بلول دجاج ميت

اسماء(بصدمة حلات فمها)ياك اعمي
الحاج(كيعيب فييها )اييه اعمااي
هيبة(خرجات عينيها ومشات كطيب فلما )العاقيص

طيبات ليه اتااي وحطاتو ليه حتى نطق :مجاتشااي ماماك
هيبة:لاا اعمي
الحاج:ممم اوى ءولها دوز مرة مرة متغيبشااي عليناا لالة الغالية عزيزة

اسماء(هزات واحد لحاجب وحطاتو كدور فرااسهاا )نوض نشوف كيكتيي (بهمس)نطفي عليها
هيبة(طلات معاها )صافي غير طفيها بلاتي شوية وخرجيها ...هاني مشييت

طلعات لدارهاا وقالت:انصاف تعطلت عليك
انصاف:شوية ههه صايبتي ليها كيكة
هيبة:صايبتهاا ... نشوف حريرتي ونهدر مع اقباال
انصاف:هيبة شوية وغنمشي اختي ...قارية مع 4
هيبة:وصبري نحط ليك تغدااي
انصاف:لا لاا اويلي خليه لضيافك
هيبة :نتي مريضة لاا ...ختي هيا اللولة لخير موجود اجيي

مشات لكوزينة حطات ليها من لحم معسل على حقو وطريقو زوقات ليها طبسيل بلمشماش او البرقوق معسلين

انصاف:ممم الله اعطيك الصحة
هيبة:كولي الزين ديالي بصحتك ...يمكن هشام جاا

سمعات دقان عرفاتو ماشي هوا طلات بان ليها دريس وهزاات شالها داارتو وحلات لباب بابتساامة وقالت:خويا لبااس

دريس: طالع لداري في امان الله حتى شميت ريحة لحم خوك كيتوحم متعطيناش شوية فخبيز
هيبة:ههههههه وخة علاش لاا
هشام طالع فدرووج وقال: تاكل ميبان علييك ...دخل
دريس:عطيني غا شوي
هيبة:اصلا انحط لهشاام دخل تغدا معااه

دخلو لخوت لصالون ومشا انصاف تحط ليهم حيت هشام غيرجع لخدمة
حطات ليهم طبسيل ديالهم ونطق ادريس:غندير مع خويا صواب
هشام (تبسم ل هيبة) : الله اعطيك الصحة
هيبة:بصحتكم
دريس: ممم الله اعطيك الصحة فين انصاف تغدا معانا
هيبة :تغداات تابعاها لمدرسة شوية وتمشي
دريس؛نتغدا نوصلها معاياا ماشي مشكيل
هيبة::تغداو بعدا بصحتكم

مشات خلاتهم وهشام كيشوف فخوه تهز لاخور عينيه فيه وقال:منديروش لخير
هشام:ديرو فراسك ...فوت عليك البنت
دريس(حرك راسو بلا ) غير نتا لي تزوج من بنات لغالية ؟ زعمة طارت ليكم غانتا وشهيد
هشام: لبنت باقة صغييرة (بتحدير)دريس منعقلش عليك
دريس:ولا تانيي كلشي باحتراام راه نسيبة هاديك
هشام:تيقتك

هيبة(حيدات لعباية فلكوزينة كتهدر مع انصاف مدات ايدها لتلاجة وحلات عينيهاا وقالت:ويلي فين لبرااصلي
انصاف(شافت فيها )اشمن براصلي

كدور بجنابها شادة معصم ايدها )لبراصلي لي كان فايدي
انصاف:يكما طاح لييك

هيبة(ضربات حنكها )اويليي على طااح غير قبيلة كان فايدي
انصاف(ناضت كتقلب ) حتى انا شفتوو

بدات كتقلب فلكوزينة ولبلايص لي دازت منهم مشات لبييت كتقلب ..ودخلات عليهم لصالون

هشام:ياك لباس
هيبة:لبراصلي ديالي طاح لياا
دريس:الى طاح فدار معندو فين يمشي
هيبة:يكما طاح ليا فدرا لتحت عند خالتي ...نمشي نشووف دغيا ونجي

هبطات كتسد فلبينوار حناكها تزنكوو بلفقصة ولخلعة براصلي ساوي التمن كتفكر بلي ملي هبطات كان عندهاا يعني ايكون طايح تما مشات نيشان لكوزينة لقات نزهة واقفة

هيبة:خالتي ملقيتوش لبراصلي ديالي
نزهة:لا ابنتيي سوليي اسماء انا مشتشااي

اسماء(دخلات)مالكم
هيبة(لخلعة باينة فوجهها)مشتيش لبراصلي دياليي طاح لياا
اسماء:دهب؟
هيبة(بانفعال )مالو جالووق ا اسمااء واش مشتيهش ؟

اسمااء:لااا يااختي مشتووش...واصلا ملي هبطتي مكان فايدك والو
نزهة:ملقيتيهش ملي سيقتي لكوزينة دباا

اسماء:اويلي اماما نلقااه ومنشوفوش راه مكاينش شوفي تكوني طيحتيه فداار لفووق اصااحبتي هنا راه مكاينش

طلعات دمعة فعينيهاا تعصباات ولبراصلي عندها عزيز لقات هشام جاي فدروج شافها هكاك وقال:ملقيتيهش ؟

هيبة(هبطو دموعها )قلبت والوو هءهءه داك لبراصلي عندي ملي شديت لباك شراتو ليا اقبال وحيااة هءهء

هشام: تت مشكيلة صافي غير صباح كان فايدك مكتحيديهش اش وقع
هيبة(كتمسح فدموعها ) سدادة ديالو ولات كتحل ولكن قاديتيها لياا معرفتش كيفاش طااح ...نقلب الصالون

دخلوو لقات انصااف فالصالون كتقلب فلمخااد وادريس كيحول فلماعن

هيبة:والو
انصاف(باسف)والو اختي قلبت الصالون كلو
دريس:ملقيتيهش فدار لتحت
هيبة (حركات راسها بلاا فاشلة) :مشافوهش
دريس:سولتي مرت مروان
هيبة:قالت لياا مكنتيش دايرااه
انصاف:انا شتك دايرااه ا هيبة
دريس:على هاد لحساب هدا مامشاش هدا تشفر

هيبة:اويلي على تشفر
هشام:شوفي الى كان فدرا غيبان يباان الى طاح ليك بلاصة خراا (دوز ايدو على كتفها )يخلفو الله بما حسن
هيبة (كلسات فقنت سداري كتبكي )انا مبغيتش ماحسن بغيت لبراصلي ديالي مالو دار جناوح وطار

انصاف:راه قلبنا ا هيبة

هشام: هانتي قلبتي ملقيتيهش

مسحات دموعهاا والفقصة كطلع وتهبط فيهاا

انصاف:هيبة خاصني نمشي اختي
هيبة:سيري انصاف ...سمحيليا اختي عدبتك معايا(مسحات عينيها )
دريس:شوفي قلبي مزياان ..الى كان راه يبان يبان

حركات راسها بااه وهبط تابعها مخلي هشام كيهدن ف هيبة

دريس:انصاف تسنايني حدا طموبيل
انصاف:لاا انمشي فطاكسي
دريس: والله اعميها ليك

خرجات عينيها فييه دخل لدارو وهي كملات كتزرب باش تمشي قبل ميجي سدات لمونطو من لبرد دارت لقب مزغب من نقيطات خفيفة تاع شتاا

ساهية قدامها حتى جا من وراها وتحنا هدر حدا ودنها
دريس:مال راسك قاسح
طارت من بلاصتها شادة قلبها خلعها جرها من لقب قبل متهدر وقال:زيدي ليسوط فيك لبرد يطيرك

انصاف:درييس
دارها تحت باطو تالباب طموبيل حلو ليهاا دخلها كي لكمشة وسد وراه لباب ورجع حلو وقال:ندير ليك السمطة الزين

انصاف:لا لا نديرها بوحدي

بقات كتشوف فيه حتى سد لباب كيضحك ومشا لبلاصتو ركب وهيا دارت الصمطة وصقلات
تحرك بالطموبيل شاف ايديها حمرين ومد ايدو زير على ايدها عياات تهربها

انصاف:درييس (حشمات ) مكنحملش هكا
دريس:شو ايديك كي حمرين
انصاف:فلبرد كيوليو هكا (تدعقاات ) عفااك طلقني حم دريس عفاك

دريس:هزي لبواط حدا رجلييك(طلق من ايدها )فازي

جراتها وقالت:مالها !
دريس:حليها
لقات فيها كرطونة بيضة مربعة قاليها تحلهاا ...فكات السينتا وحلات لكرطونة حتى كتفاجئ بكاشكول ݣري طويل وسخوون وطاݣية كري بنوتية فيها شاشية لفوق مزغبة وليكات مصوفيين من لداخل ...حداهم باغفان صغيرة ريحتهاا شماتها ملي حلات لبواطة

دريس:عجبوك
انصاف (حمقوها بقات كتشوفيهم )زوينين ...ديالمن ؟
دريس:شريتهم لمراتي
انصاف(بضحكة )امتا تزوجتي
دريس:الى قبلات علينا لالة انصاف
جمعات الضحكة وطمرات تانيي وسدات لبواطة بغات ترجعها وشد ايدهاا وعينيه فطريق :جربيهم خديتهم ليك

انصاف:لا لا منقدرش ناخدهم
دريس:مالي مدوز ليك فيهم لقرقوبي ....لبسي لباغة تلبسي
انصاف:شنو غنقوليهم فدار ؟ لا لا منقدرش ...شكرا ولكن لاا
دريس: مالكي قليلة النية ...محشوماش عليك عاطيك كااادو ومرجعاه لياا ؟

انصاف :تء

هزات الليكات لبساتهم من لداخل مصوفين ومن برا جلد كري غامق دارت الطاݣية فوق ضفيرة فشعرها ولكاشكول وقالت:شكرا زوينين

دريس(شافيهاا بابتساامة ورجع منتابه لطريق)تلبسيهم بالصحة (بهمس) يدفيوك تاتجي نوبتي

ملحق 23/01/2022

امصاف:مم
دريس:الله يجيب مين يعطيني كادو حتى انا

ضحكات وقفها قدام ليسي وقال:كلسي تيوصل لوقت وهبطي
انصاف:مخدامش
دريس: لا هاد لعشية مامشيتش

حركات راسها باه وحسات بدفئ فايديها لي كانو حمارو بلبرد هزات عينيهاا قبالتها بانت ليها جيهان هبطات من طموبيل باها ...طلات عليها من زاج وباستو ومشات بجري من شتا دخلات

دريس(شافها سكتات وشاف فين كتشوف بقات متبعة ليهم لعين وهبطات راسها كترمش )انصاف ...انصاف
انصاف(هزات راسها )همم نعام
دريس:فين مشيتي
انصاف:والو انا هناا...خاصني نمشي ملاك جات

شافها وقفات شيرات لييهم وقال:هاكي لمظل راه شتاا بلاتي نهبط نعطيه ليك ...

حركات راسها باه هزات الباغفان فكرها فيها دارتها فالصاك وهبطات على لمظلة لي حل تبسمات وقال:شكرا

دريس: سيري تقراي
انصاف:واخة هه

بقا كيشوف فيها تمشات لعند ملاك واقفة كتفرنس ودور فراسهاا وكضحك دازو من حدا حميد لي متبع ليهم لعين ملي هبطات من طموبيل ...هبط ملي دازت انصاف وقال:انصااف ...انصاف

رمقاتو بعينيهاا هبطات راسها وزادت مخلياه واقف فشتا ودخلات لمؤسسة

شافو دريس جاي لجيهتو وتسنااه
حميد:نتاا اش كدير مع بنتي
قرب ليه دريس ودنو وقال:نعاام بنتك ؟ مسمعتكش مزياان
حميد(تعصب ) براكة من لبسالة هنا ...كيهدر معاك راجل ماشي برهوش

ميق فييه وخلاه واقف :سير سير رجلة ميخي

***
هشام(باس حناكها بحب ) يخلفو الله متعصبيش راسك
هيبة:كان عزيز عليا بزااف اهشام
هشام: نوضي غسلي وجهك

دق فلباب ناض حل كانت نزهة لي دخلات كتسول
نزهة:امضرا لقيتيه اهيبة
هيبة:والو اخالتي ...رونت دار كلها
نزهة(حطات صبعها على حنكها)اوى فين غيكون مشاا هاء ...خرجتي ليوم ؟
هيبة:خرجت فصبااح وكان فايدي ...ملي دخلت وغسلت ايدي هزيتو لفوق على الصابون عقلت
نزهة.:ابنتي يباان يباان لكان متشديش فخاطرك الحبيبة ديالي

هيبة(تنهدات وناضت )على الله ...خالتي راه كلشي واجد شوية ونهبط عندك كولشي
نزهة:راه علاين يوصلو نيت عاد هدرت معاهم

تبسمات ليها وخرجات مشات هيبة كتبدل بلاا نفس عكس فاش كانت ..زفرات النفس معصبة اي بلاصة شكات فيهاا كتمشي تقلبها

لبسات قفطان موبرة فلاسود ودارت الشال مناسب ليه مع بليغة دارت مكياج خفيف

هبط ليها هشام لغدا لي موجدة اما لگوتي غديرو عندها فدار نزلات الضحكة غير بزز وصافي عقلها مع لبراصلي وكيفاش غتقول لبنات راه طاح لياا وهوما حيدو من رااسهم تشراوه ليهاا بلغلا

دازت على لحاج فالصالون شاد تيليفون شاف هشام وحيدو دخلات لكوزينة وقالت بغير نفس:نعاونكم فشي حاجة

نزهة:صاافي ابنتي درتي كتر من جهدك الله اجعل البركة
اسماء: اوى حتى الى مدرتيش لبراصلي عطا الله مديري تبارك الله (بضحكة صفرا )هههه ها لخاتم ها لكورميط ها دمليج وردي لبال ليطيحو ليك تااني

نزهة:شوفي شوفي ولدك كيبكي سيري
خرجات كتجري من لكوزينة كتغوت :اميييين اجي هنا
الحاج(بلغوات)هادييك لبݣغة سد داك لفم الله يغصبك اللهم تعالى يتولاك

نزهة:شوفي هاد الدوبة هادي متحشم مترمش غادية ترعد قدام لواسها (لمطات فمها )قلة العفاا
فيين هيبة سهاات شادة حنكها وكالسة

وجدو كلشيي كيتسناو فضياف لي طول طريق تعطلو وصلو واخيرا ...صنعات هيبة الابتسامة من جديد كترحيب ب لوستها
نزهة استقبلاتهم بلفرحة كتعنق فولاد بنتها فعمر لخمس سنوات توام ولاد عاد جاية مرا فالتلاتينات هاز تربية ومعاها سيدة فاواخر الاربعيين عامرة شوية ولابسة جلابة كلهم محجبات

الحاج(حل دراعو لبنت لي هازة تربية وقال)لاااالة وغيدة مءطوفة من جغيدة تعالي يالالة بنتيي رانيي نتواااحشك مءطعة من ءليبيي يالحبيبة

وردة (عنقاتو بفرحة )باباا واللهيلا توحشتكم

سلمات على مها بتعناق لحار
والحاج عينيه مشاو لمرا لي جات معاهاا اول مدار عبرها بعينيه كيف ديما لقاعيدة هيا لقاعييدة وقال مهبط نضاضر شوية :لالة غاضية لمغضية
راضية(سلمات عليه)حم سيد لحاج لبااس

الحاج:برؤيتي وجهكم العزيز ...امغغغحباا دخلوو

تعلقات وردة فهشاام بفرحة ودخلها تحت باطو لدارر ونزهة شادة لحفيدة صغيرة ودراري كيدورو بيها لميمة لميمة

هشام؛هيبة
خرجات هيبة ب باتساامة ولخرا مبادلاها الابتساامة ديجا معارفين فابيل فيديو وتصااور وكيهدرو مرة مرة ...وردة عنقات هيبة كانها كتعرفهاا وقالت:االزين لي مهلي فخوياا
هيبة:ههه كيوصلتي اختي
وردة:لبااس اختي طريق طويلة لوستي مسكينة جات معاوناني ...راضية هادي هيبة مرت هشام

راضية(عينيها فلارض) :هشام خويا لباس
هشام(دار ايدو على صدرو )يسول فيك لخير اختي مرحبا

سلمات على هيبة وقالت:ترحب بيكم جنة ونعايمهاا

الحاج:وعلاش لي ميجيشي معاكم سيدي سفياان
وردة:مزال معطاوهم لعطلة تالسيمانة جاية ...انا سبقتو باش يجي ونرجعو مجموعين

الحاج؛خياااغ نسيت غاه فالتعليم ...اوى ياله حطو لالة بنتي ايكون فيها جووع
وردة:ههه بلاتي ابابا نرجعو النفس
الحاح:اوى لوااه لالة غاضية يكون فيها جووع ...تفكيتي من داك لمسخوط ؟
راضية:اوى الارزاق

خرجات وردة عينيها فهشام كتولول ولاخير مدور بيه ولاد ختوو. ككيعنقو فيه وكيحرك راسو بلا حول على هاد باه لي حلف مايتسݣد

الحاج :مااافيه خيغ الله تعالى يجيب لييك دهب صااافي فين يغبغ نحاسك الالة المغضية

وردة:حم ههههه اسماء لباس
اسماء:لباس اوردة ونتي
وردة:الحمد لله مروان مكاينش
الحاج:مغيييض ابنتي خاااك مغيض نااعس
مزال كيهدر تخرج مروان من لبيت عينيه مطبزين بنعاس بسورفيت بيتية كيجر فواحد لكلاكيطة مشا غسل وجهو ومسح وجا سلم على ختو وكلس حدا هشام لي سااكت كيشوفييه مخنزر

الحاج:لحبيب ديالي كتحس بغاسك شوية ؟
مروان(بصوت مدعدع )الحمد لله (باس كتفو )
الحاج:الله امتعك بغضى....اوى الحاجة حطو ليناا نعتءو الغوح ....لالة هيبة ...عطيني داك التسبيح

مداتو ليه ومشات لكوزينة تابعة نزهة اما اسماء بقات كالسة مجمعة مع وردة


داز نهار مجبد على حياة واقبال تعشاو وكل طلعات لبيتهاا بدلات اقبال حوايجها ودخلات فلفراش حدا شهيد نعسو ولدهم لوسط كيرضع لبيبرون ناعس
اقبال:معندوش لخاطر مسيكين
شهيد:فكريني ناخد ليه لجيل لحم تسنانو ..بغاو يطلعو داكشي باش غير كيبكي
اقبال:ان شاء الله
نعساتو وناضت شللات لبيبرون وحطاتها حداها بعداتو لجنب وتخشات لوسط ...تبسم حال ليها صدرو تكا عليه تكات بتنهييدة..قبلها كيسرح فشعرهاا على كتاافهاا
اقباال:شكرا حيت جيتي معاياا

شهيد:ديما معاك اكبيدة
هزات راسها فيه بابتساامة عوجات راسها لمستوى شفايفو وعطاتو قبلة تلاصقو شفاههم بشوف بعدات مخلية مسافة بسيطة بيناتهم باش يرجع يلتاحمهم وسط شفايفو ويتناوب عليهم ... رماها على ظهرهاا وهيا تحت مدورة ايدها على عنقوو محتاجة لييه وهواا موحشهاا

فكل مرة جسدهاا كتبصم علييه قبلاتو كيعشق كل انش فيهاا وميكيترددش يبين حبوو عكسها هيا لي عندها الفعل اكتر من القول ...خجولة فلعلاقة وهوا كيرجعهاا كيف بغا بحال لعجينة كيشكلها على دوقو وهيا تحت ايدو مستسلمة لييه

كالسة على اعصاابهاا فالشومبر ملي قاليهاا راه هبط فلمطار مع صااحبو كتخيل اللقااء كيف غيكون وشنو غيكون مصيرهم ...شدها مغص خفيف من كترت الخلعة وكلساات ...رجع صونا ليهاا وجاوباتو

حياة :الو
هود:انا فلوطيل دابا
حياة(وقفات )نهبط عندك
هود:نو لبرد عليك ...عطيني نيميغو تلاشومبغ ديجا ريزيرفيت شومبغ هنا

حياة:داكوغ ...106
هود:بيان جاغيف

قطعات معااه زادت بينوار قصير على سورفيت لي لابسة مشطات شعرها وكلسات كتسناه يدق ..كتشوف فكرشها باينة شوية فلبينوار. ..دوزات ايدها عليهاا وتنهدات تسمعات دقان ...كانت قرابة لوحدة تليل

حياة(بقلب كيضرب )شكون
هود:(بهدوء)سي موا
غمضات عينيها وقلبها كيرجف ...حلات لباب كتشوفيه قدامهاا ...متعكز بايد على لعكااز داير لقب على راسو بملابس رياضية ...ضعااف وتحت عينو باين فيه لمرض والعياء ...ماشي هاد هود لي كتعرف
هود(بابتساامة متعبة )ماڤي ...جو سوي فاتيݣي اتخليني نوقف بزاف

حياة(عينيها كانو تغرغرو بدمووع تبسمات لييه وقالت بصوت كيرجف )سمحلياا دخل ههه مزيان باقي عاقل شوية العربية
سدات لباب ورااه وقال:كتفكرني ببيك

هبط عينو لكرشهاا قرب ليها عنقهاا بايد والتانية معكز عليهاا...دورات عليه ايدها مزيرة عليه مستنشقة لعطر لي بغاتوو وكانت اتقطعو من لحمهاا فوقت لووحم شرات فروايح لي عرفاتو كيدير حتى عياات ...بحال ريحتو مبرداتهااش ...بحال شي عطشان لقاا قرعة تاع لما وسط الصحراء هكاك حياة مليي تسللات لجيوبها الانفية ريحتوو

تنهد مزير عليها بايد كيدوز على شعرها بحنان ..بعدات منو وقالت:كلس اتكون عيتي

حرك راسو باه وكلس على لفوطوي وهيا مقابلاه كتشوف فالصحة لي كانت عندو وكيفاش ضعااف باينة تمحن وعلامات المرض مزال مرافقااه ...

كلسات جنبوو مد ايدو لكرشهاا دوز عليهاا بلطف وقال:عرفتي شنو عندك

حركات راسها باه وقالت:ولد
تبسم بلطف وقال:كيتحرك (حركات راسها باه )كرشك صغيرة ...كيداز لحمل
حياة:صعيب
هود:مبقا والوو ...شهراين ونص
حياة:قول غير شهر ونص ...طبيب قالياا بلي خاصني نولد فلول شهر التاسع سيزاريان
هود:ميمكنش تولدي هناا
حياة:و فين غنولد
هود:العملية مديريهاش هناا ...باش نمشيو لالمانية صعييب بزااف يطلعو ورراقك ف شهر ...تمشي فرنسا
حياة(تبورش خاطرها)جاامي نحط رجلي تماا اهوود
هود(تنهد )غنلقاو حل تنكيت ...ولبيبي غيتزاد ويدير لوبيغاصيون فاحسن اوبيطال... جمعي ليا غير لوراق تاع طبيب والتحاليل ديالك اندير ليك فيزا تمريض اتولدي فاسبانياا مي هنا امبوسيبل نخلييك تغامري

حياة:غير اجيي وطلع لفيزا اهود
هود(تلمس حنكها بلطف ) نتيي غير رتااحي ..داكشي لاخر انتكلف بييه ولاورا عندها معارف ايعاونونا ...ابخي انصايبو وراق المانيا على خاطرناا

مد ايدو لايديهاا وقال بعياء ؛اناا معااك (مسح دمعتها ) تنكيت با كلشي راح يكون مزيان

حركات راسها بااه هزات ايديها كتمسح عينيها تحسات بتقل على رجلها حلات عينيها ولقاتو تكا على ركابيها مكان منها غير تحط ايدها على شعرو لكتيف ولحيتوو كدوز ايدها على جرحات مزال باينين فوجهو من اتار لكسيدة

***

فاقو صباح على صوت اسماعيل كيوغوغ ويتعنكش بغا يبدا يبكي ..ناض شهيد مخربق بنعااس لبس علييه وتحركات اقباال تحت لفراش جارة عليها الغطا ...شافتو هزو وناضت كتاوب لبسات عليهاا

اقبال:صباح الخير
شهيد:صبااح النوور الزيين
اسماعيل:ممم ما ما ممم
اقباال(شداتو )عوينات ماماا سمعتيه بغا يبدا يهدر
شهيد:شلا مغيبدا يدير داك لبرهوش
اقبال(ضحكات)لبرهوش هوا نتااا ولدي زوويين
ضربها لمؤخرتها وقال:ندوش ونجي نشدو

حركات راسها بااه وحطاتو على سرير كتجمع فشعرهاا عمرات ليه لبيبغون عطاتها لييه جمعات مسائلهاا وحوايجها من الارض بينما خرج شهيد ودخلات حتى هيا دوشات خرجات صلااة بدلات لولدهاا

شهيد(كيسد فلقبية )نفطرو ونشدو طريق ولا حتى العشية ...شنو بان ليك
اقباى(محنية كتلبس لولدها )نمشيو
جاها من اللور شدهاا على وضعيتها و قال:هاد لبوزيصيون كتعجبنيي كنخضك بحال لبن

بعداتو كضحك ضرباتو بليكوش نقية وقالت:مااسخ

بعد كيضحك تسالاو شد اسماعيل وهزات الصااك حلو لباب
اقبال:بلاتي نمشي نفيق حياة تكون مزال نااعسة
شهيد:قوليهاا باي بااي (هز ايد ولدو كيلعب بيهاا )باي بااي

توجهات لباب حيااة وشهيد كيتسناها كيلعب مع ولدو ...هزات ايدها دق حتى تحل لباب خرجو عينيها من الصدمة وتوسعو ملي شافت قدامهاا هوود هزات عينيها فشهيد لقاتوو كيشووف

خرجات حياة وتلاقات معاهم بجوج وقالت بهمس:سير اهود

حرك راسو باه ومشا مخلييهم بجوج او شهيد حاضي لبلان ومتبع هود بعينيه كيتفكر فين شافو

اقبال:بات عندك ؟
حياة(حكات حاجبها ) ملي وصل معطل كنهدرو نعس مقدرتش نفيقو شفتي حالتو
اقبال:وشفتي نتي لحالة لي حطيتينا فيهاا
حياة:انا غنتكلف نتي معليك والو

توجه لجنبهم شهيد وقال:نتسناكم لتحت

خلاتو تمشى و قالت:ماشي مكلخ باش دوز علييه...لبسي وجي خلااص

كالس مربع ايديه فوسط الريسطو حداه اسماعيل فلكونة داير السكاتة وكيلعب بيديه

اقبال قبالتو ساكتة هيا فراسها بلان هود جاي وللكن تلقاه فوجهها مع نبوري هادي مفكراتش لييها

كلسات حياة فطبلة معاهم ونطقات وقالت: حم متفهموش غلط

شهيد: حياة انا معنديش دخل فحياتك ...نتي كبيرة وعارفة اش كديري (رمق اقبال بنظرتو القاسحة وهيا ساكتة كتشوفيه ) نسولك وجاوبيي ...شكون هدا ؟

شافت حياة فاقبال والاخيرة كتحرك ليها عينيها بسكتي نطقات بتنحنيحة وقالت عينيها فايديها:شي حاجة بيغصونيل

شهيد:متلا بابات لي فكرشك ؟
شافت اقبال بصدمة فيه وحياة كدالك وكمل كلامو بنفس النبرة : كنت عارف بلي شي حاجة ورا هاد الضمسة لي درتوو ...لوراق الغبرة لي غبرتي ...لكريز لي شداتك ...هاد محمد واخة يكون كا**" فر واحد بحالو باغي لولاد فاللخر يطلقك بدم بارد !

حياة(بجرأة)انا ومحمد عمر شي حاجة جمعاتنا من غير لورااق اشهيد فينما نبغي نطلق معرفتو واش كيديرها بلعانيي ولا بصح كيطيح بكريز ...(مسحات على وجهو )غلطت

شهيد؛معنديش حق نحكم عليك احياة (شاف ف اقبال )غير هي كلشي فراسو حتى ليا ؟ علاش زعمة
حياة:حتى اقبال عاد عرفاات ...تاحد مفراسو
شهيد:لكدبة لي عمري نتيقهاا احياة اش كتخربقي ...ختك فراسها لي مفراس حد ولكن حرام تحط كلشي فالطبلة وتشاارك اش عندهاا ...دبا هدشي لي فكرشك شنوو غتنسبيه لمحمد

حياة:عندو بااه وجا برجلوو غير الظروف اما راه كنت غنولد ويتكلف بييه ولكن راك شفتيه دار كسيدة
شهيد:ودابا شنو قررتو
حياة(تلفات )معرفتش
شهيد:(سكت محكرش )هاد شي فخبار جابر ياك ؟
سكتو بجوج حتى كمل :معلوم جابر بير سركم
حياة:ماشي هكاك هوا عرف حيت شافني معااه ..البنات حتى وحدة معارفة حتى غيثة مفراسها ميتعاود ...انا لي حلفت اقبال متقول والو هدشيي كيخصني معندو علاش يرون حياتكم حتى نتوما
شهيد(حك دقنو وناض) :فطرو ...انا كنتسناكم فطموبيل

مشا وبقاو سااكتين نطقات حياة بحزن:سمحيليا حطيتك فموقف خايب

اقبال:شنو كان كيدير عندك ملقيتو فين تلقاو
حياة: شفتي حالتوو كيفاش دايرة ...كنا كنهدرو ملي نعس خليتو ..ميحسابش ليا غتخرجو بكري .. ..نوضي شوفي شهيد

اقبال(تنهدات)لهدرة فدار ماشي فزنقة ...شنو قال
هود:قاليا تمشي لاسبانيا وتولدي
اقبال:علاش زعمة
حياة: تكون العملية مضمونة
اقبال:الضامن هوا الله احيااة ...ونتي باغة تولدي فلغربة ! شكون غيكون معااك فوقت العملية نتي براسك اديري العملية نسيتي
حياة:غنقوليه لاا ...فكرت منقدرش نكون بوحدي فظروف هكاك
اقبال:فطري نمشيو
حياة:معندو منين يدوز
اقبال:فينهوا دابا
حياة:مشا يرتاح (سكتات شوي وتنهدات )ميكون غير ولد لحرام ديال محمد لي قطع ليه لفراان ...دݣدݣ كلو
اقبال:ملي بقا عايش راه لبااس
حياة:نمشييو

خرجو هزات ولدها ولبوسيت جراتها حياة تالطموبيل دارتها ف فلكوفر ...حطات اسماعيل اللور حدا حياة لي وصلها ميساج وجبداتو كتقرا

هود: غير نرتاح نكملو هدرتناا ...يكما تناقشتو ؟
حياة:نن ..رتاح ونهدرو
هود:ؤك
ركبات اللور واقبال القدام حدا شهيد لي مهدرش باقي ...ساكت مطمر وحتى هيا خلاتو على راحتوو

ناعسة فحضنوو حتى كيسمعو الصونيط فلباب ...تقلب هشام وقال:شكون كيدق تء
هيبة(تحركات كتااوب شافت الساعة لقاتها 9 تاع صباح) انوض نشوف غير خليك

ناضت كتااوب لبسات بينوارهاا من لبرد وخرجات..طلات من لعوينة بانت ليها اسماء ...حلات لباب

اسماء(شافتها لابسة بيجامة تنعاس )فيقتك يمكن
هيبة (بصوت ناعس )ماشي مشكيل هادي لوقت نيت ...بغيتي شي حاجة ؟
اسماء:جلابة والصاك والسبااط الله احفظك اختي
هيبة:غادية داباا
اسماء؛نفطر ونمشي (قربات بهمس )جابت ليك وردة شي حاجة ؟
هيبة: جابت الله يجيها الخير
اسماء(ميقات ) مزوجة بواحد السوسي مرفح ..كرا ليها شيفور جابها تالهناا...جايبة ليا ريحة ! اش جابت لييك نتي

هيبة: مع لعيا لبارح مزال مقلبت ..صبري نجيب ليك جلابة
اسماء:الله اعطيك ستر اختي ...الله افرحك بشي فنكوش
هيبة:اميين
اسماء:شوفي ملي تنعسي معااه هزي رجلييك لفووق
هيبة:اويلي هههه
اسماء:وحق الله ديريها وتشوفي

ردات الباب كضحك ومشات البيت لقات هشام دار عليه لمانطة ...مشات لدريسينغ حيدات جلابة من السانتر مصلوحة ومقادة معاها الصاك والسباط بلون سفيفة طواتها ليها ودارتها ليها فالصاشية
وخرجات مداتها ليها وقالت:ناري عتقتيني من هدرت مي تااني كل مرة نمشي بنفس جلابة ...انا كنشري ولكن جلالب مكنشريش

هيبة:ماشي مشكيل
شداتهم:باي بااي

سدات الباب ودخلات كتجمع فدار مشات كتقلب فلكادو لي جابت ليها وردة لقات اونصومبل ديال النقرا ...ريحة او تشكيلة من مكياج كاليتي او معاهم توب جوهرة حرة ...حطاتهم ومشات لكوزينة توجد لفطور ..ديجا عاجنة لمسمن بدات كتسمن فييه...شافتو دخل عليها لكوزينة و تبسمات ليه :صبااح النور كبيدة

هشام (باسها فعنقها )صباح النور ....ليوم السبت زعمة
هيبة:ختك كاينة ضروري نديرو ليها فطورهاا
هشام :ممم واخة نعستيي مزيان
هيبة:شوية ...الفقصة تاع لبرااصلي غتسطيني مبقيت عرفت فين طاح لياا

هشام:يخلف الله
هيبة:يدير الله خير ...سيليا غتجي
هشام: نفطر ونمشي نجيبها

حركات راسها باه مشا وهيا كملات لفطور ..مشات بدلات لبيجامة قدات مكياج خفيف وصاييات الشال على شعرها راخفاه ...هبطات لتحت لقاتهم مزال مفاقوش

حطات فطبلة طبسيل لقات غير نزهة كتعمر فاتاي وقالت:خالتي صباح نور
نزهة:صباح النوور ابنتي كي صبحتي
هيبة:الحمد لله
وردة:صباح الخيير
هيبة(بابتساامة)صباح الخيرر
وردة:مم شكون دار لمسمن نتي اهيبة ...الله اعطيك الصحة
نزهة:كااادير تبارك الله شهيوااات
وردة:ههه ماما راه كظل تشكر فديك شلاضة لي كديري بلحوت
نزهة:زوييينة لمعقول يتقال ابنتي
هيبة:نديرها لخالتي على الراس والعين
نزهة:عارفة ابنتيي ...وردة سير ابنتي فيقي طفلتك وجيو تفطرو
وردة:فين اسماء
نزهة:مصدعة راجلها بغات تمشي لدارهم
وردة:صواب هدا ! مالها فهاد الزربة
نزهة:شغلها هداك ابنتيي بينها وبين راجلهاا

فبيت اسماء كتجبد من الماريو متلبس وكتنكر على مروان لي مكسل فوق سرير تابخة ليه راسو بلهدرة

اسماء:الناس مزوجيين برجال انا مزوجة بيك نتا
مروان؛تدابا خرجي تق** تفرعي ليا ك** مع صباح تفوو
اسماء:هاهياا غادة

لبسات جلابة جديدة وهوا حاضيهاا كتعوج قدام لمراية وتبسم :جاتك مق** ديالمن ابنت لحرام هاد لبيااسة تاني

اسماء: جاتني زوينة ؟
مروان؛واعرة احبي
اسماء:مرت خووك
مروان(تحنا ضربها لمؤخرتهاا ) هاا لفورمة جلاابة هيا لي عند مرتي اناا

اسماء؛ههههه

بغات تجبد صاك من لتحت طاح لبراصلي فالضس وتسمع كيتدحرج موقف تالجنب سرير وتحنا هزوو وقال: اسماا

اسماء:كدور فعينيهاا )مم..ارا ارا شريتو لبارح ب ستمية تحلف عليه دهب

جمع لوقف بسورفيت مهبط السروال كيبان لكالصون لتحت وقال: دهب هداا
اسماء:حلف
جرها من شعرها تشهقاات وقال: نتي لي غتحلفي ...منين جاك هاد الدبليييج هااه
اسماء:تء وطلق ونقولييك ...مروان طلق ازمر

طلق منهاا شادو فايدو وقال:سربينا
اسماء:لقيتو طاايح وهزيتو معرفتو ديالمن

مروان(كيشوف فلبراصلي )ساوي التمن يجيب شي تمانين (كيعبر تقلو )وازن
اسماء(حيداتو ليه بنتير)طلق زمر انا لي لقيتوو
مروان:بغيتي نتخاراو اسماء ...كتشوفيني اناا مخدام ما مزمر
اسماء:باش حسن مني هيبة تدايرة دهب ...عطيني نبيعو نشري غير سنسلة ولباقي ديه
مروان: بغيتي سنسلة نشريها لحبيي نبيعو ونعطيك لباي ديالك (باس حنكها بضحيكة )ودابا طلعتي لياا الضحكة

اسماء: وعندااك والله تنوضها معاك ومتعطيني
مروان؛كوني هانية ...دوري دوري داك ز** نشوف لطااي واللهيلا غير جقري عليها جاتك كتغوت
اسماء(بافتخار )كي شتي عندها طاايتهاا (ميقات )شعور ولطاي معامن جاات...نفطرو او وصلني انا وامين

خرجو لصالون هزات هيبة عينيها ف اسماء لقاتها لاابسة ومقادة بجلابتهاا

وردة:هاي هاي جلالب تااني
اسماء:اوى شنوو ههه كيجاتني
وردة:زويينة بصحتك
راضية:لكريب هدا
اسماء:مم ااه راه غااالي
راضية:حتى الطرز زوين...بشحال طلعات علييك

نزهة وهيبة غير سااكتين كيبرقو فيها وهيا كطلق فسلوكيات
اسماء (تلفات ) والله معقلت (شافت ف هيبة وغمزاتها )مكنتحاسبش هههه
نزهة:هيبة نوض ابنتي عيطي لهشام

هيبة:واخة اخالتي

ناضت ساكتة من طبعها كتحن فلواحد ولي حن كيتمحن ...كتعز عليها حيت راجلها مخدامش وحتى هي كتبغي تبان وتلبس وتبين راها بخير داكشي علاش مهدرات متكلمات هيا ماشي من النوع لي كيربي لكبدة على لحوايج

حلات لباب كتسمع لهدرة تاع هشام فلبييت وقفات كتسمع حدا لباب
هشام: لبنت غتجي تشووف عمتها بغيتي ولاا كرهتيي ...داكشي لي بقاا والله ا مارياا حتى نوصلو انا ويااك لماصل خاايبة ...(صعر )اش كتخربقيي نتي ااش واش حنا برااهش هناا ؟ راه دويت معاك كانز مينيت نجي نلقا بنتيي وااجدة هدشي تاافقنا علييه قدام القااضيي لويكاند كدوزو معاياا بغيتي نعاودو من اللول وندخلو فلمحاكييم هياا لي متعااودش ... مزال متزادش لي يحرمنيي من بنتيي لا نتيي لا مك ...اكتر حاااجة نااادم عليهاا فحيااتيي هيا نهار دخلتك ليهاا متستااهلييش تكوني ام (بلغوات)متبقاايش تحرشي البنت عليااا ...اش كتحساابيي رااسك كاااع ...بغيتي غير العيب غنخرجوو لييه الى مفرقتيش جرة البنت ...اقسم بالله اماارياا تجيني البنت مغيرة قد هكااا نهارك كحل ...نبييع لي وراياا ولي قداامي عمرررك تحلمي بيهاا ...خليناا طرونكييل ونكملو بخيير ...ونهار تكون شي حاجة صونيي لميي نيشاان انا غنكون كونطاكت مع بنتيي سالينااا ...ملي بديتي فتبرهيش

عضات على فمهاا وقلبها لداخل كيشطح...رجعات خرجات ودخلات سدات الباب دخلات لبييت لقاتو معصب وقالت:مالك سمعتك كتغوت من دروج

هشام: صونيت لسيليا قلت ليها وجدي رااسك حتى صونات لياا قالت لياا لا منجيش
هيبة:سيليا !
هشام:اييه
هيبة:راه مهاا لي كتعمر ليها راسهاا
هشام:الى بغات تشوفها مرة فلعاام تجرب
هيبة(باستو فحنكو )متعصبش راسك ...نوض فطر بعدا شنو دابا اتمشي تجيبها
هشام: نفطر ونمشي

نزلو بجوج لصالون كلس هشام جنب ختو وهيبة شدات من عندها لبنت صغيورة وقالت:شحال عندهاا دابا
وردة:طالعة ف تمن شهور
هيبة:غزالة تبارك الله
وردة:عقبة لعندكم ياربي
شافت هيبة ف هشام وتبسم ليها وقالت:اميين

نزهة:زيدو تفطروو

**
وصلو ل لمكناس عيانين بطرييق سكات فطريق طلع كل واحد لدارو يرتاح
سبق شهيد وتبعاتو اقبال اما حياة طلعات لدار لفوق
دخلات وحطات اسماعيل فلكونة ومشات غسلات ايديهاا وجهها من العيا تاع طريق

مشا شهيد كيدير فقهوة كحلة حتى دخلات عندو اقباال
اقبال(كتمسح فايدها )غتبقا ساكت !شهيد(كيهر وكيقاد السكر فلكاس )مبقا ميتقال

اقبال:انا مخبيتش عليك شي حاجة كتخصني اشهيد ...داكشي كيخصها هياا وانا مامنحقيش نشاركو مع شي حد ...قلتي جابر عارف ...اه عارف حيت شافها معااه نهار سبوع اسماعيل وهوا سباب حتى عرفت ...شنو بغيتي نجيي نقولييك ....اجي اشهيد تشوف حياة ختيي اش دارت خانت رااجلها مع ولد خوه

شهيد(بصدمة)كيفاش ولد خووه ؟

اقبال:نتا تصدمتي شنو نقول انا ملي عرفت ؟ اشمن مبرر انعطيو ليها اه حقا هيا ومحمد مكانت بيناتهم والو من غير لورااق هدشي غير تخربيق لخيانة خياانة وخة غير بلهدرة ...هيا غلطات ولكن انا مانحقييش نفضحهاا ونطيح بيها قدام النااس ...نتاا اشهيد فوق راسي وعيني ولكن هاديك راه ختيي وامور خواتاتي ومشاكيلهم معندك علاش تعرف بييهم ...انا هكاا دايرة اشهيد ونتا عارف هدشي

شهيد:كون قلتيها اوموا نلقاو حل
اقبال:اشمن حل ؟ اشمن حل غنلقاوو
شهيد:كانت ترجع وراقهاا
اقبال: علاش باش تمشي تكمل لي بداات ؟ هداك هوا شرطي بااش نسمح ليها تكلس فبلادهاا
شهيد:وشنو ناوين يديرو دابا ؟
اقبال:معرفتش قاليها تولديه ف اسبانياا
شهيد: بلا زواج ...ديرو فبالكم واحد لحاجة ..الا تولد برا لمغريب غياخد لجنسية والى قراها فيها حسيفة راه لولد ميخرجش اسبانياا

اقبال:شنو زعمة يديه ليها
شهيد:كلشي ممكن ...من غير لكانت تاايقة فيه ودير لاكط معاه احسن باش داك لولد يلقا باه بعدا ...هوما غلطو ولكن داك لولد شنو دنبوو يتسما ولد لحراام !

مشات عندوو تكات على صدرو وقالت:مقلق مني اشهيد
شهيد:انا غير متخبيش عليا شي حاجة خاصة بييك نتي
اقبال:نتا علامن كنحط الراس احبيبي
حضنها بايدوو وقال: رخفي على راسك ا اقبال علاش هازينها منين تقالت ...تاحد معندو لحق يحاسب واحد اخور ...ربي فوق كلشي

اقبال:مبغيت حتى حد يعرف
شهيد:كوني هانية

دازو ايام

وقف مروان بطموبيل ف فااس وتمشاا فاتجاه محل دهيبية ديال بااه لقا الراجل لي مكلف

_اهلا اهلا بسيدي مروان
_فين العميم بخير ...راني زربااان
_اش حب لخااطر
مروان:شوفي ليا هاد لبراصلي لقاتو لمدام مبغاوش يبيعوه ليها بلا روسي
_واا لوقت خياابت اسيدي مروان وباك راه مانع علينا ناخدو شي حاجة بلا روسي
مروان:مالي شاافرو وراه لقيناه اصاحبي او فمكناس ماشي هناا ...طلقنا الله احفضك
_اراشي نشووف

دار نظاظرو تشووف عطاه لبراصلي فايدو وقال:وازن (دارو ف لميزان ) فيه اسيدي 8 كغام جابت ربعة وستين الف

مروان:الله اهدييك كمل سبعين
كيشوف فلبراصلي فايدو وقال:لاا لاا ...منزيدك عليها ريال اولد لحاج
مروان؛تء واخة واخة قضيي
جبد ليه لفلوس كيحسبهوم ليه وخرج فرحان بيهم اما لمعلم بقا شاد لبراصلي بشك كيدورو فايدو وقال ؛بلااتي بلاتي

جبد تيليفونو مشا لكونفيرصاصيون مع هشاام
هشام:سي محمد لبااس
محمد :ولله الحمد اسيدي هشاام اش حب لخاطر
هشام:غنسيفط ليك واحد لموديل فبراصلي بغيت بحالو الى كان ممكن فهاد سيمانة
محمد:مرحبا بسيدي هشام الله اوديي رسلي نشوف

رسل لييه صورة لبرااصلي كانت عند هيبة صوروه ملي عاد شراوه ليها بااين

محمد:ممم واخة اسيدي يكون خير
هشام:بغيت خدمة متقوونة اسي محمد والتمن منداكرش عليه
محمد:كون هاني الاسبوع لماجي يكون عندك

**
محمد:نفسووو ...رضى اجي اولدي شوف لي واش هدا هوا هدا ؟
رضى(كيتمعن )هواا خووه
محمد:صافي سير لشغالك

هز تيليفون صونا لحاج وقال:الو سيدي الحااج ...الى عندك شي وقيت دوز ضروري
الحاج:علاين نوصل عندك

قطع معاه كيتسنااه حتى دخل لحاج ب جلابتوو وطربيش ونضاضر داير سلهام كري صوفي مدفييه دخل لمحال لداخل وكلس وقال:هاني جيت اسيدي محمد اش حب لخاطغ متءوليشاي دغاغي بغاو زيادة هانتا كتشوف على عويناتك لخدمة ميتة وءضاو علينا صحاب لبلاكيور
محمد(كلس جنبو )مروان جاب ليا هاد لبراصلي
الحاج:بغاصلي ! ارشي نشووف
مدو ليه وخرجو عيينو وقال:اسيدي ربي الحبيب اشماشي نقول لسيدي هشام تء فااااءصني سيدي مغواان فاءصني

محمد:قالي لقاتو مراتو
الحاج؛بنت لحغاام بغات تخغج لياا على ولدي
محمد:دابا اش نديرو
الحاج:ءبط ءبط اسيدي محمد ...هانتا شووف شللو مزياان يغجع كيبغي وبدل ليه لحجيغات نتاا تعغف ...دير عين مشاافت وءلب ما وجع

محمد:واعلييه اسيد الحاج

خرج الحاج كينكر وكيدعي ف اسماء

كانت فخدمتهاا كتقيد فلكناش تجات عندها غيثة
اقبال:ام الغيث
مشات دارت عندهاا وعنقااتهاا من الخلف وهيا كالسة كتبووس فحناكها
اقبال(ضحكات )اماالك
غيقة:توحشتك
اقبال:كتشوفيني صباح وعشية
غيثة(باستها فحنكها )وخة هكاك كنتوحشك
اقبال:كيغادية مع لكريشة
غيثة:امتاا غتباان (وراتها كرشها )مكاين والو
اقبال:مزااال حتى ديري واحد ربع شهور عاد تبدا تباان ...كتحسي بشي حاجة ؟ مشيتي لطبيبة
غيثة:عاادي مكنحس بوالو ...مشيت عطاتني فنيد وخرجات ليا تحاليل
اقبال:ديريهم
غيثة:نشد لعطلة ونديرهم ...بيلو
اقبال:نعام الزين
غيثة:توحشت كسكسوو دياالك
اقبال:على الراس والعيين امتا بغيتيه
غيثة: الحد
اقبال:صافي واخة
رجعات عنقاتها وقالت:الله اخليك ليياا ...هاني مشييت
اقبال:الامور غادية مزيان مع جابر !
غيثة(بابتسامة )مزييان هههه كنتفشش علييه شي نهار يطج
اقبال:مدارها شحال هادي يديرها داباا
غيثة(بافتخار)الى لقا حسن من العسل يلعقو

خلاتها كضحك ومشاات لدارها هبطات راسها كتكتب

مهدي:لمعلمة
اقبال:نعام امهدي
مهدي:حم داك السيد شفتو وقف بطموبيل تاني
اقبال:شكون !(قبل مينطق شافتو دااخل وسااطت )صافي امهدي سير

حميد:سلاام ...اقبال لبااس
اقبال(عينيها فلكتااب ولكالكيلاتريس حداها )سلام
حمدي(جر واحد لكرسي تما كلس قبالتهاا وهيا مامعبرااهش كتكتب )بغيت نهضر معاك ا اقبال
اقبال: مكاين فاش نهضرو
حميد:انصاف
اقبال:مالها انصااف
حميد:علاش كتعامل مع ختهاا هكاك تاهيا راه ختكم ومعندها دنب
اقبال(شافت فيه )ونتا بعقلك لي كتجيب لبنت قدامها وتحطها ...شنو زعمة ؟
حميد:كنجيبها حيت مكتعرف حد هناا
اقبال:الله حنين
حميد(تنهد ) اقبال
اقبال: اسيدي نوض قابل بنتك لاش كتسول على انصاف ولا غيرها
حميد؛ وشكون هداك لي كيوصلها ...
اقبال(باستغراب )نعام !شكون كيوصل شكون

حميد :واحد البرهوش شي تلاتا تلمراات كنلقاه موصل انصااف بالطموبيل
اقبال:اشمن طموبيل
حميد:شيڤرولي بيضة شكون هدا
عرفاتو وقالت:ونتا مالك دابا عاد تفكرتي انصااف

يتبع...
 

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.