حكاية أنثى الجزء 70

هيبة:علاش هاد صداع كلوو نااض اويلي كرفصها بلعصاا ...وقالت حاملة

هشام (سد لباب بزعفة ) ديك لي عاطياها حواايجك سرقات ليك لبرااصلي وقالت لراجلها لقاتو فزنقة ومشا يبيعوو مبغاش يتباه ليه داه لمحال تاع لواليد او هاا هوا فايدك دابا

هيبة(بصدمة شدات فلبراصلي )اويلي اش كتقول اهشاام

هشام :دابا شووفي من اللخر اهيبة ...مكنحملش تخلوييض مكنحملش شي حد نقوليه حاجة ويدير حاجة خراا وراا ظهري عدويا لي يصغرني ... سرار دارك منلقاهمش عند شي حد متبقااايش تيقيي فلبشاااار اهيبة توكضيي لدنياا

هيبة:دابا انا شنو درت ...ربي بين فيها نيتي ولبرااصلي رجع ليا عمري باقي نتيق فيهاا

هشام : ديك النية زايدة نقصي منها اهيبة راه ماشي كلشي بحالك زويين وقلبوو ونيتو صاافية

هيبة:صافي احبيبي ميكون غير خاطرك

هشام:ضراتك شي حاجة ... خاصاك شي حاجة ...اناا نتشارك معاك لحلوة ولحارة اهيبة

بغات تبردو وعنقاتو وقال:صافي والله عمري نعاود نهدرهاا ولا نتيق فشي حد

هشام(تنهد فشعرها كيبرد )ففف جريت على لبرهوش فهاد الليل

طلقات منوو وقالت: فين يكون مشا

هشام(دخل لبيت كيحيد فلقبية ) عطا الله

هيبة:مراتو حاملة

هشام: تخربيق والله ...كيشوفو راسهم غارقين تالودن وزايدينها بدراري محشومااش ...الى كنت نولد دراري غير باش نعدبهم غير بلااش ...مكيبقا فيا غير داك لولد مدردف يسمع سبان ليل ونهار كيفاش غيطلع زعمة

هيبة(تنهدات ونطقات بهمس )كيتعطى لفول غير لي معندو ضراس ...نعس داباا يصبح ويفتح

****

خارجة مع لحضاش من ليسي تفارقات مع ملاك وكل وحدة شدات طريق لدار

سمعات لكلاكصون وراهاا وزربات فلمشية توقف بالطموبيل قدامها خلعهاا ..وقفات كدور عينيهاا ليكون شي حد حاضيها حتى هبط مكبط داير كاسكيط والشال على عنقوو ...زيرات على ايده فلمونطو و قال: مالكي كتقلبي كيزمان تااني

انصاف(كتهرب عينيها ) عفاك اخوياا خليني نمشيي عفاك

دريس(ساط هاز راسو وايديه فجياب لكويرة وصوتو مبحبح بلبرد)صباح الله تااني ...مالك ا انصاف اش كاين كضحكي ليا نهار تهجريه ليا شهر

انصاف:اش بيني وبينك ...عفاك خليني عليك ومبقيتيش تجي فطريقي بسبابك مشا كيقول لختي معرت شكون كيهزها من حدا ليسي

دريس:شكون هدا ؟

انصاف : هداك هداك راك عارف شكوون

دريس(بهمس )شماتة لي حطو ...ومالك كترعدي شنو درناا

انصاف:دريس (برجاء)عفااك اناا ماشي ديال هدشي ...لي دوزت خلاني محتاجة لعائلتي محتااجة نقراا مباغة والو دابا من غير هدشيي ومكنشوفش راسي فشي حاجة من غير هدشي

دريس:او انا ؟

انصاف:يجيب ليك الله بنت الناس

دريس:شوفي فياا وا شوفيي ...انا بااغيك نتيي ...ونتي باغاني

انصاف(كتفتف وتزنكات ) قلتها لييك واش قلت ليك شي حااجة ....خليني علييك عفااك مبغاش لمشاكيل

دريس:من ديبار جيتك من الباب ا انصاف مباغيش نتفلا علييك ...عندي ختيي ومنبغيش لي يتفلا عليهاا ...شوفي وحق الرب ومتمشي معايا فلخط تندعي فمك شي دعوى تبقاي اللور اللور راني شريف

انصاف (غلباتها ضحكة وحبساتها ) انا مبغااش زواج

دريس:اتبقاي بااريرة ! خوتاتك كاع تزوجو مالك نتيي مريم العدراء ! تواحد مكيبقا حدا موو واحد نهار غتزوجي وديري وليداتك اباغ القراية حيت مكايناش غير هياا ....انا ديجا قلتها ليك ...نوقف معاك تاتوصلي فين بغيتي ونعاونك مزاال ...اشنو لي مفهمتيش فهادشي

انصاف (تنهدات )نتا محاسش بيا حيت بقيتي حدا واليديك وعشتي معاهم حتى شبعتي

دريس: انصاف تعيشي قدما بغيتي مع وليديك مغتشبعيش منهم ..وانا ماشي يهو *دي نغربك على عائلتك ...بلعكس عندي العائلة هيا كلشي ...نتي مباغاش حتى نكلسو اطابل وتعرفيني ونعرفك ...حاكمة على لكتاب من غلاف. ...انصاف انا راه الى منفعتكش منضركش تيقي بياا ولبغيتي دابا نمشي نهدر مع اقبال متفهمش الموضوع غلط وتاخد نظرة خايبة عليا

انصاف:لا لا بلااش

دريسى(تنهد ) دابا شنو قلتي ا انصااف ...الى كان جوابك اه نعطيك عهد الله مكايناش لي تخسر ليك لخاطر

انصاف(تلفات )حم معرفتش

درييس:نخليك تفكري وجوابك على راسي وعيني (دار ليها القب )ديري لقب على لبرد ...نهارك مبروك

مشا خلاها متبعة لييه العين حتى مشا بالطموبيل وكملات طريقها لدار

***

هود(شد ايدها )شنو جوابك

حركات راسها باه وقالت:مواقفة

تبسم ليها وزير على ايدها وقال:جوتيم

حياة:حتى اناا (تنهدات )

هود:كلشي ايدوز مزييان ...غدا انمشيي

حياة:امتا ترجع

هود:نسالي الترويض وعيني تبرا ونجيي نكون معاك فلوبيغاصيون

حياة:عنداك متجيش

هود:واخة نجي على رجلي غنجي ...ديك الساع نتزوجو

حركات راسها بااه وقال: غناخد اباغطومون فكازا

حياة:بصح

هود:سيي باش تكون قريبة لكلينيك

حياة:ؤك مزيان ...لاورا مشاات

هود:نن غدا نمشيو اونصومبل

حياة:باقة قوقاا مع راسها

هود: هههه كواا

حياة:هههه زويينة زوينة

هود؛اه بون ههه مزال منفهمش شي كلمة

حياة:باش نبقا نسبك بلي مكتعرفش

هود:نوو نتعلم كولشي معااك

حياة:خاصني نمشيي لصالون

هود:ؤكي تهلا فراسك (تلمس كرشها )او ف جود

حياة:طوا اوسي

تسالمو من لحنك ومشات

دازت يوماين لا حس لا خبر من مروان اما حتى اسماء حلفات لاخرجات بقات فلبيت دايرة ليهم موتة حماار ونزهة شادة لخااطر بلهلا يطريه ليها تيجي ولدهاا

هيا انسانة كتجبد راسها لتيسااع وتبعد من لمشاكيل معندها خاطرهم ومعندها صحتهم ولادها كبار كل واحد قاد بمشاكيلو

كتجمع فداار حتى سمعات دقان طلات لقات وردة وحلات بابتسامة

وردة:يكما صدعتك

هيبة:حاشاا اختي ...مشات مرت مروان

وردة: فينهوا مروان ببعدا ..مالها هبيلة تمشي لعند مهاا هاديك متزعزعش ليه ...زايداها بلحمل

هيبة:باينة دارتهاا بلعاني

وردة:داكشي لي قالت ليا ماما دايراها ضد معاك اوى هاهيا حملات شكون غيوحل فييه ؟ لولاد راه مسؤووولية مكنولدوهمش غير بااش نقولو راه والدين هاد زمان صعااب ماشي بحال

هيبة:عندك الصح اختي

وردة:المهيم البراصلي رجع بغيت غير نقوليك مديش نظرة خايبة على مروان اختي راه مفراسووش لبراصلي ديالك قالت لييه لقاتو طاايح ...خوياا خرج علييه لفشوش لا قراية قراها زينة لا خدمة لا زواج زين كي الناس

هيبة:عارفة لي كاين اختي ...تيليفوني كيصوني

وردة:واخلييك من بعد ونهدرو

تبسمات ليها ودخلات لبيت تشوف شكون كيصوني لقات هشام وجاوباتو

هيبة:الوو هشاام كيف بقيتي

هشام:شوية ونجي راني عند طبيب

هيبة(طاح قلبهاا بين رجلها )واش تزاد عليك لحاال

هشام :بزااف كااع

**

فلاش بااك

متكية فحضنو كيتفرجو حتى وقف جرات عليها لغطا

هشام: انا جاي

هيبة:مالك

شعل الضو وشاف فلعضو ديالو وقال: كيحرق

هيبة:بااش غير داباا

هشام:من قبيلة ...نمشي ندوش ونجي

خلاهاا ومشا يدوش هيا بنفسهاا ملي حسات بالسائل ديالو لدااخل حرقهاا لداخل بحال الى مجروحة ...عضات على فمهاا كالسة ناضت كتمسح كتلقة لما كيخرج منها مسخ بحالا عاد صفات من دورة الشهرية

مشات لدوش معاه طلات عليه وقالت:شوية

هشام (كيلوي عليه فوطة ) دابا صافاا (جرها باسها فعنقها )تعطلتي عليا اما ندوش لييك

هيبة:هههه هيا بغيتيناا نبقاو تالربعة تصبااح

هشام:اش خاسرين

هيبة:واالو هههه

نعسو في اماان الله فصباح فاق على حريق غريب فلعضو ديالو كيطل عليه لقاه حمر مشا لطواليط بغا يقضي حاجتوو كيصعقو الضووو بالحريق مقدرش ...ولا حمر بحالا كب عليه لماا طاايب

خرج من دووش شورط كيعنكشوو فييه ...اش هدشي على صبااح كيقول

شافتو هيبة كيمشي ويجي وناضت قالت:صباح لخير ...

هشام:صباح لخير

هيبة(شافتو ماهواش )ياك لبااس (وقفات تبعاتو لدريسنغ لقاتو كيحط فحوايجو وشهقات )اويلي ماالك واش كيضرك ولا شنو

هشام:احح عطاني لحريق

هيبة(شدات حنكها قلبها كيضرب ) اويلي مناش هدشيي

هشام:والله معرفت جامي وقع ليا هكاا مقدرتش ندخل لطواليط

هيبة:يكما ضربك لبرد ...ولكن لبرد مغيرجعوش لييك حمر ...

هشام:ففف هاد شورط غسلتيه قبل منلبسوو جديد ياك !

هيبة:اه غسلتوو ضروري

هاشم:فف بحال والو غير منوو ...ملي لبستو ديك العشية دار ليا هكاا

هيبة(كدور فعينيها بخوف )يمكن

هشام:نمشي لفارماسي هدشي مامعاهش اللعب

لبس سروالو بحالا لابس الشوك علييه وهيا كلسات كتولول وتجر فحنااكهاا

صونات ليها الغالية وجاوباتهاا

الغالية:بنتي لبااس اش خبارك

هيبة:لبااس اماما ولبنات كلشي بخير

الغالية:الحمد لله ابنتي شتك غبرتي هاد يوماين نسولو فييك

هيبة:غير سكتي اماما جيت نكحلها عورتهاا

الغالية:اويلي اش كاين

هيبة:دوك لقويلبات لي درت ...دارو ليا بحال لحكة ولمشكيلة كون غير اناا ...هشام حتى هواا

الغالية:ااااويلي اش كتݣولي اصكعة لياام

هيبة(ساطت بحزن )والله عرفتي تكرفص عنداك غير توقع ليه شي حااجة ياماما ناااري ويعرف والله تاللخرة ليا معااه اماما

الغالية:سدي غاا فمك مكاين منين يعرف تبخي لخزاامة توضااي بيهاا هيا والشييح ...اهيبة خلي داكشي فيد الله مالك فهاد الزربة دلكتي الله يجعل البركة بقاي طلعي معاك فلقويلباات تاتهزي شي مرض رااه لوالدة عندك رهيفة

هيبة(تنهدات )هادي والتوببة نتبع غير دواياا ففف ياربي تخرج طريفة عمري نعااود

**

دخل وهيا كتسنااه على جمر دخل وجهو باينة فييه معنكش فيايدو صاشية تاع دواا ناضت عندو قافزة وقالت:اش عندك قاليك طبيب شي حاجة

هشام:بلااتي بلااتي رانيي غنقطع حواايجيي بلحريق اهيبة

مشا لبييت حط حوايجوو وهز لكندورة تاع صلاا لبسها وهيا كتشوف فييه مبعد عليه لفوقية باش متقيسوش وقال: مطهرين صافي

هيبة:شنو قاليك طبيب

هشام:شي ميكروب تحسست منوو

هيبة:اويلي (قلبها كيضرب)منين يكون جاك

هشام(ميل شفايفو )معرفتش انا شكيت ف شورط ...خرج ليا بوماة وكينة ...ونتي لحسيتي بشي حاجة خودي قويلباات قيدليا سميتهم نسيتهم

هيبة:بوليجيناكس !

هشاام؛ااه هادوك

هيبة:عندي عندي (دارت شعرها ورا ودنيها )

هشام (باسها فحنكها ) نصومو هاد السيمانة

هيبة(فشلات )كاع سيمانة ؟

هشام؛هيبة راني تسلخت تشوفي حالتي نبقا فييك هه

هيبة(بضحكة صفرة ) فينماا رتاحيتي احبيبي مالنا هاربيين ههه

هشام:دهني ليا لبوماضة

هيبة:ندهنهاا

هشام:لا لا بلااش الى نااض عاد كيتزاد لحريق خاصو يبقا نااعس

هيبة:هههههه تما فين بقاات احح ولا حمر نيييت

هشام:بغا يبدل الجلدة

هيبة:هههه

هشام:طليتي على لواليدة هاد نهار

هيبة: صونيت ليها طلعات عندي شفتهاا قلتي ليا متهبطيش مهبطتش

هشام:صافي خلي تنشوفوو اش نديرو مع ديك خيتي

هيبة:ومروان شفتو غبر هاد يوماين

هشام: دابا يجي احح

هيبة:غير بشوية

هيبة(خرجات من البييت مفقووسة كتبخ فلخزامة توضى بيهاا حيت حتى هيا كتحس بلحكة شوية )جا يكحلها طبز لمها العين

كدور لغالية فالسوق جارة كروستها كتقداا تعبر وتشاطر فلخضرة مرة مرة يزلق ليها الزيف وترجع تقاادو وتقاد لكاب على الجلابة ...

قفزها من وراها صوتوو دغيا عرفاتو

_هادي لالة الغااليية عاش من شاافك

الغالية(بضحكة صفرة )سيد لحاج لبااس

الحاج:ملي شوفتك غاني بخييغ وعلى خيغ ولله الحمد ...ونتي كيف عااملة ارا نهز معااك

الغالية:هه لا لا متقيلاشش

الحاج:الغجال قوامون على النسساء الالة الغالية ...ولعيا هاد لكتف نهز بلكتف التاني غييغ بقاي لينا على خااطغك

الغالية:لواه لواه اسيد لحاج مالنا اش كنهزو كاع غير صاك نهزو اناا

الحاج؛والله متهزييه (شدو ) تكوني ساليتي داباا

الغالية:الله اجعل لبركة

الحاج؛تباغك الله تباغك الله تقديتك زينة

الغالية(تمشات قدامو كتصايب زيفهاا قندشاات محاملااهش وهوا وراها كيعبر ويضرب ويقيس فلفصالة لي كتسيل ريوكة عامرة وبيضة ولوجه مزال مجبد بلا تجاعيد

الحاج(نطق بهمس )بغيت لداك لحنك تعضو نمووسة ...ربي ولمن عطا هاد الزيين وانا عشااءوو ...الخيغ مشتت واناا منظوءو اوى مديالكشااي هادي اسي عبد البااءي

الغالية (ضارت عندو )سي الحاج صاافي غير عطيني تقدية ها اقباال

جمع الضحكة وشاف فاقبال وقال:خياااغ مكاين شااي مشكييل الالة الغالية

الغالية:سلم لياا على الحاجة

الحاح:مبلغ

هزات صاكها كتنكر خلاتو واقف كيرمش مشات عند اقبال حدا الباب

الغالية:مزية لي لقيتك

اقبال:تلاقيتي مع شيخ هيبة

الغالية:شيخ هيبة !! هداك واحد زهواني منو مكااين عيييت نمييك ومبغاش صدااع لبنتي

اقبال:هاد لمرة لقال ليك شي كلمة دوري فيه يفهم رااسو شوية ...رجاال اخر الزمن ...تقديتي صافي

الغالية:صاافي تقدييت

اقبال:ياله

الغالية:اش دارت حياة مع الراجل

اقبال:اش دارت غتقبل تكبر لولد بوحدها

الغالية:اوى ولي سول اش نقول

اقبال:دخول الصحة معندنا منديرو بيه ....لي سول ياخد جوابوو اصلا شكون غيسولك

الغالية:تحيري مع عدوزتك

اقبال:ضبر لراسها الهدرة فيك فيك معندي بيها غراض لي قالتو بصحتها

رجع الحاج لدار مفقوس ملي مهدرش مع الغالية وعطاتو ضحيكة ولهدرة داخل تبانت ليه راضية لوسة وردة فجردة محنية كتلعب مع ولاد وردة

الحاج(هبط نضاضر )باخ باخ بااخ ...لحم غا شاايط (هز كفوفو لسماا )ياااربي اش عملت فحياتيي حتى منتجزاش بهكاا ...البنة فلحم ولي بغا لعظومة غا كلب انا بااغي لحم بااغي نتبغع شويش ونهبز اسيدي ونلقا فيين نعض

وردة:باباا

خلعاتو تقفز وهبط راسو لبنتو كتوشفيه :مالك

الحاج؛ماليي ماايل لياا الالة بنتيي مايل لياا

وردة:ودخول راه مروان جاا

الحاج:الحلوف عاد جاا

دخل لقا مروان مكمش فالصالون شاف باه وناض سلم عليه وباس فكتفوو وقال:باا سمحولياا والله داك نهار مكنت فخاطري معنديش لوجه لي يشوف فخوتيي وحق الرب

نزهة:خرجتو العيب ا مروان

الحاج: نتا محتاغمتيشااي خوتك اولدي وهدشي انا منقبلوشاي لييك ...

مروان:جهلتنيي ...جهلتنيي شافرة وزايداها حاملة ؟

وردة:دابا لي عطا الله عطااه تحمل مسؤولية عائلتك امروان

مروان:فين خويا هشاام ...خسرت ليه الهضرة نعتادر منوو

نزهة:خوك عيااان فدارو ناعس ...تصالح مع دريس

مروان:هداك اميي يبعد منيي ...شبع فيا عصاا اميي

هز الحاح بلغتووو وجا كينزل علييه لكتااف :باءي كدويي اسيدي مرواان مكبغتك شااي بلعصااا

مروان(طاكا بايدوو )وصاافيي وصافيي الحااج

وردة:ابابا الله يسااامح

مروان(باس ايدو )الله احفضك اباا هدر معاهم ...غير نستااقر فخدمتي نمشي فحاليي (باس راس موو )عفاك امي سمحيلي ولي دارت اسماء مسحوه فياا راه واخة هكاك حنينة وقلبها بيض

وردة:تهز ديال الناس امروان ؟ غدا ولا بعدو تكشط مي

مروان(عض على فموو باغي ينوض لييها وتفكر بلي رااه فوضع مزعزع )هادي والتوبة ...وردة صلحي معانا ماشي خرجينا لزنقة تبغي خوك يسكن فبيت مع جيران او الخير موجود

وردة:خير خوتك هداا امرواان امتاا دير دارك وتشد فرااسك هاا لا قراية كي نااس لاخدمة

مروان:والله تنتبدل اختيي جربوني

الحاج:دابا نهدر معاهم ايكون خير

مروان(باس كتفوو كيتمسكن)والله اسيد الحاج حتى نتبدل واسماء عمرها تهز الراس

نزهة:لا حول ولا قوة الا بالله ...مبقاو فيا غير دوك دراري لي غيضيعو بيناتكم

مروان(باس ايدها ) اميي سمحيلي الله احفضك وهدري مع هشاام راه كيسمع لييك والله تنخدم ونجمع ونكري شي دار تا اناا واش انا كرهت راه زهر معندييش اميي

بقا كيطيب ليهم فالراس بلهدرة واسمااء تاهياا تبكيي وتقول انا الظالمة هيا مبغاش ترجع لدارهم وهوا مباغيش يخرج من كتف خوتو ويحرك كتافو

***

بعد مرور يومان اخرى كالسة هيبة فصالة الانتظاار عند طبيبة بزز الحكة جهلاتهاا والحريق تحتهاا

صونات ليها حياة وقالت:دخلتي ادعاوي البلا

هيبة(بهمس): مزال

حياة:شتيي الق** بقيتي كدوري تجبتيها فلحفرة نيشاان ..

هيبة:صافي لي فيا كافيني احيااة شوفي راه قلت لهشاام بغيت نتقدا شي حاجة لمحال

حياة:ناااريي على هادي غتفركع ليا مرارتي

_مدام هيبة

هيبة:صافي صافي هاني اندخل داابا

قطعات معاها وناضت كتوجد اش تقول لطبيبة ..كلساات كتسول على احوالها

_هيبة لكونطرول كان غيكون عندك حتى ل لاسومين بخوشين

هيبة:اه عرفت ولكن حم ...هادي شي كاطخ جوغ ولات فيا لكحلة وملي كندخل ندير بيبي كيشدني لحريق

_اه بوون اجي معاياا

دخلات معاهاا لشومبر لفحص حطات ملابسها التحتية وفحصاتهاا

ورجعو لبيرو

هيبة:شنو عندي

_عندك ميكروب اهيبة اخر مرة كنتي مزيانة شنو وقع ليك !

هيبة(تزنكات)معرفتش

_راجلك كيكمي

هيبة:لا لا مكيكميش

_هاد لميكروب كينتااقل يقدر يكون جاك من رااجلك

هيبة:لا مكنظنش ...الصراحة حم الصراحة انا لي درتها لراسي

_شنو درتي

هيبة:قالو ليا واخد لمرا كدلك ومشيت عندها وعطاتني كموسات فيهم لعشوب قالت ليا ديريهم تلتياام

هزات حواجبهاا وقالت:بيان سيغ درتيهم

هيبة(حركات راسها باه)درتهم ابخيي دوجوغ راجلي تحسس منهم وجاتو انفيكسيون خاايبة (باسف )وموراه اناا ...ولكن هيا قالت لي بليي مافيهاش شي حاجة كغاف غير العسل الحر او خزامة وشيح

سكتات طبيبة شادة جبهتهاا وقالت: تصدمت ومعرفتش باش نجاوبك ...واش نتي حمقة ! واش عارفة شنو كديريي ولالا ؟؟ واش بلاصة حساسة بحال هاديك دخلي ليهاا لعشووب ...فيين عقلك فييين اهيبة شكون دخل ليك هاد الافكار لرااسك علااااش تسمات منطقة حساسة فنظرك حيت اي حاجة تقدر ضرها حتى شي برودوي فييه الريحة غيضرك ...علاش كتغااامري بحال هكا ونتي ديجاا لوالدة عندك تضررات من لكوغطاج لي وقع لييك (تعصبات )فلوقت لي حنااا كنصلحو فيهاا وكنعاالجوها باش نهار يجي لبيبي يجي فبلاصة ليي سلييمة وميتعرض لحتى تشوهااات نتي اشنو درتيي كالسة كطلعي معااك فلعشووب ...عقليي حبس والله حتى عقلي حبس معااك اهيبة.... عندك فطرياات خاايبة فعنق الرحم باش نجييك فااص والى مشاو حتى دخلو ليك لوالدة تاعك غادي تمرض وطييب هدشي لي درتي راه كيسبب مشاكييل كبييييرة كتدي حتى لسرطان الرحم

هيبة(تبورشات )الله احفظ

_الله احفظ هيا كون مدرتييش هاد لعجب .... هدشي مكيتقبلوش العقل علاش علاش كتمشي لتهلكة بعينيكم محلولة ....

هيبة:شحال من وحدة نفعاتها ..داكشي لاش قلت نجرب قالو ليا لوالدة طايحة اوو

_نتي ماشي وحدة وخراا كل وحدة وكيفاش جسمها كيتقبل ...نتي اهيبة ديجا لوالدة عندك حساااسة حيت ديجا درتي كوغطاج ...وبلاا كورطااج هادشي مخاصوش يدار فديك لبلااصة ديك لبلااصة اهيببة خط حمر ..الصابون لكترتيه ليهاا كتمرض فمااا بااالك بالعسل وهيا فيها الاحماااض (حطات نظاظرها بجهالة )عصبتيييني وضربتي كلشي فزيروو ....هدشي فرااس اقبال وسكتات علييه ؟

هيبة:لاا مفراسهااش بلي درتهم فراسها دلكت وصافي

_ نتي خاصك العصاا اهيبة خاصك العصاا والله ...نتي وحيااة خاصكم لعصاا وحدة سبع شهور مشافت طبيب والتااانية تعطلات على لحمل سانك موا ناضت كدلك ودير لعشووب (شدات رااسهاا )زعمة كطااااسطرووف معاااكم

هيبة:عرفت شنو درت والله حتى ندمت

_صافي غنسكت حيت تعصبت ...فغيمون تعصبت صافي

هزات لكاشي كشات ليها ورقة دواا معصبة وقالت:خودي هاد دواا تبعيه ان سوميين ...متكونش غولاصيون سيكسيال باش تبراي وميرجعهاش ليك حيت هدشي لي فييك غينتاقل لييه وهنا بقيتوو مني منك يتعالج هوا ترجعيه ليه نتيي تبراي نتيي يرجعو ليك ...ابخي الى مفاتكش لحاال رجعي نديرو التحاليل

هيبة:واخة

خرجات منعندها صبناااتهاا بلهدرة بقا غير تنوض ضربهاا

مشات لصالون عاودات لحياة اش كاين

حياة: مشات تحطك بوجهك مع اقبال حيت كتصايب عندها طموبيل

هيبة:اقبال كتغمض عينيها ...الى مشا حتى عرف هشام والله حتى يقتلنيي عرفتي رااه حاالتو فداار ولا كيف لمختن ...تمحن بجهد والله حتى ندمت تفووو

حياة: متقولي ليه والوو

هيبة:والى قالياا علاش دوا

حياة:شربيه بتخبية اصلا هوا براسو مريض مالو غيقوليك نعاس لعار غير يبراا هوا حتى خدمتو كلس منهاا شفتي طيران ديالك حتى نتي

هيبة:مظنيتهاش احياة والله ...عرفتي لعافية شاعلة تحتيي

حياة:نوضي لدار غسلي وديري دوااك وقيلي عليك داك تخربيق اهيبة

هيبة:نتي فين غادية !

حياة:هود راجع لالمانية نمشي نشوفو

هيبة:واخة

شدات طريق لكافي فين دارت معااه لقاتو كالس كيتسنااها تبسمات ليه ومشاات كلسات جنبو من بعدما جر ليها لكرسي وقالت:ولاو فيك فعايل الزلالة تاني

هود:زلالة ؟ شنو هادي

حياة:هههه حتى نجيب ديكسيونير

هود:(شاف لخاتم فايدها وشدهاا ) جاك زوين

حياة: عينيك لي زوينين

هود:مبغيتش نمشي ونخلييك بوحدك

حياة:معاياا ختي واقفة معاياا

هود:تهلاي فراسك ؤك ...ميم با شهر نجيي نكون معاك ونديرو لعقد

حياة(حركات راسها باه ) واخة ..ماماك مشات

هود:سيي خدمة متقدرش تبقا بزاف

حياة:ؤك

هود(شد ايديها )بغيت نكلس معاك بزاف

حياة:ملي ترجع ونكلسو ديك السعات ههه

شاف فالساعة وقالت : خاصني نمشي

وقف مودعهاا رافقاتو حتى لطموبيل فاش جاو وصاحبو سايك بييه ..حضنهاا بايد معكز على عكازو وباسها فحنكها :مااڤي

حياة:ليه** ودي ههه

تبسم ليهاا وحلات ليه باب طموبيل ركب او وقفات مودعاه حتى مشا وتنهداات حاطا ايدها على كرشهاا

**

إذا كانت الحياة متوقعة، فلتتوقف عن الحياة وستكون بلا نكهة

/مهما بدت الحياة صعبة، هناك دائمًا شيء يمكنك القيام به والنجاح فيه

**

فابواب الاسبوع الاول من الشهر التااسع اي دازت شهراين قل بضعة اياام فقط

واقفة حياة فلبييت كرشها قداامهاا كتنهج وكتجمع الصااك وحداها لغالية حتى هياا دايرة لحنة لراسها وقالت:كون سعفتيني ندير لييك لحنة

حياة:سيري فحالك اصااحبتي بغيتيني نولي كي الشاارفة

الغالية:واللهيلا هيا ل نفعات غيثة كونما لعشووب لي درت ليها كون شعرهاا عمرو يرجع

حياة:ميرجعش كيف اللول وخة طوال ليها تبارك الله ولكن مرجعش قوي كيف اللول

الغالية:اويلي اللهم لعمش ولا لعماا كون مرجعش كااع

حياة:فين هيبة واش غنباتو هنا

الغالية:صبريي شوية مبقا فيك حس صبر

دخلات هيبة فايدهاا سيليا وصيكان ومسائل لحمام

حياة(بهمس )كتقلبي على صداع مع مها اصاحبتي

هيبة:مها مكايناش مشات لمراكش ولصقات فييا بغات لحمام ...مبغيتش نخسر ليهاا ...وزيدي خلاص محدو خاويي

مشات لغالية وحياة او هيبة مع سيليا لحمام شدو بلاصة فلوسطاني لقاوه خااوي وسيليا كتخوي عليهاا فلماا فرحانة دايرينها وسطهم

سيليا: عجبنيي لحمام اطاطا

هيبة:نحك لييك ترجعي حمرة

سيليا(شهقات )اويلي

حياة:ههههه اتمرمدك (شافت فمها)جنون مها تخرجهم فيها

الغالية؛هههه وسربي راسك اتسخفي بلحمام سربي من لهدرة ...اوى انصاف واقبال مبغاوش

هيبة:نااري تسمعنا غيثة جينا لحمام بلا بيهاا والله تدير لينا الشوهة

الغالية:باطلها حاار ابنتي منجبهااش راها مسيكينة محنة مع قرايتهاا وكريشتها تاهياا وزادوهم سطااج

حياة: لي جراتو لمعزة فجبل تخلصو فدار ضباغ هههه هاد لعام ايخرجها منهاا كتبقا فياا ولكن جابر معاونها راه غير بنتك فشوشها حاار

هيبة:شحال عندها داباا

الغالية:اوى حملات فشهر 11 وراه تبارك الله قربات تقفل ربع شهور

هيبة(بابتسامة ) مزيان بعدا اتولد فشهر 7 تكون كلسات من لقراية وترتاح

الغالية:اوى الله افكهم على خير ...والله يرزقك ابنتي كل توخيرة فيها خيرة

هيبة(بابتسامة باهتة )امين اماما (تنهدات) مرت مروان كل مرة تقلي ليا السم زعمة راني حاملة

حياة:باقي مبغاوش يخرجو

هيبة: كل مرة كيقوليهم هاد شهر هاد شهر والحاج زايد ليهم ...انا مبقيتش كنهبط كنكلس مع خالتي فجردة ولا كطلع عندي لدار حتى متكونش عاد كنهبط

الغالية: وجري راسك لتيساع ابنتي ولولاد ربي لي كيعطيهم

حياة:وحكوو خلااص اويلي دودود شحال تاع تنااميم فيكم ...

هيبة:امتاا جاي هود

حياة:غدا هوا وموو

الغالية:كيهضر لعربية

حياة:شوية ولكن تيفهمهاا غير مو لي مكتعرفش فخطرة هاديك

الغالية:او باش نتفاهمو معاهم

حياة:الاشارة ههههه

هيبة: والعقد فين غديروه فدار ؟

حياة:لاا نمشيو عند لعدول نيشان ...طبيبة عطاتنيي سيمانة جاية

هيبة:ايكون خيرر ويتزاد لينا سيدي جوود

سيليا:سمية زوييينة اطاطا ...اتعطيني نلعب معااه

حياة(بتنهيدة )يتزاد بخير ابنتي نعطيه لييك

هيبة:سيلياا ...تبغي يتزاد عندك خوك (غمزاتهم وهيا قدامهاا كتجمع ليها فشعرهاا

سيليا: خوياا اناا ! شنو نسمييوه

هيبة:لي بغيتي

سيلياا (بضحيكة )وييي بغيييت انعسوو حداياا ياك اطاطا

هيبة:ان شاء الله احبيبة ديالي

تنهدات الغالية وفنفسها كدعي مع بناتها لي كل وحدة وهمها حالياا

فمحالها خداامة ...الخدمة لي عيشاتها وكبراتها وكبرات عائلة

اقبال: خليتي اسماعيل عند خالتي

شهيد:ضساار داك لبرهوش عندك

اقبال:من شبه ابااه فما ظلم

شهيد:كنت ظريف غير مظلوم

اقبال:حركي بسلامتو مشا يخرج ليهم لعقل

شهيد:خليهم بغاو لحفايد

ضحكاات وقالت:ونوض تخدم كتجي كتلفني

شهيد:مع زوين كنضرب على شعا مااا نمشيوش (غمزها )زعمة نن

اقبال:هههه سعداتي ديت زين

شهيد :وقلبااااي (حط ايدو على قلبوو كيضحك ) نوضيي نمشييو

اقبال:هههه واخة الزييين لي كيضرب على شعاا تسنانيي

شهيد(وقف )نشوف جابر فين وصل مع لماريو

اقبال:ايه واخة

خرج هوا هيا سالات حطات لبلووزة بقاات بتيشورت وسروال بغات تلبس تجاكيط ديالها حتى دخل شاب لقا السلاام

_سلام عليكم

اقبال:وعليكم السلام بخيير

_الحمد لله ...تشوفي لياا طموبييل ! ولا لما كيترش

اقبال:اييه واخة

مشات معاه لطموبيل تشووف اشنو الموشكيل لي عندو وهي تلمح شهيد واقف مع جابر قدااامها كان كاايشوف فيها ضربها ليها بغمزة وهي تبتاسم ليه و حدرات راسها لكاپو ديال الطموبيل هزاتو و عيطات لمهدي يجيب ليها الماطريال.....

وقف هذا الشاب جنبها من بعيد و بقى حاضيها ومع لابسة تريكو قصير من بعد ماحيدات التجاكيطة لي كانت طويلة شوية.... تحدرات وهو يطلع ليها التريكو شوية و السروال مزييير وهو يحيد نضاضرو بلا هواه و ركز نظرو على مؤخرتها .... هي خدامة من نيتها وهو حاضيها حال فموووو....

شهيد كان مجمع مع جابر و مرة مرة عينو كاتمشي لإقبال، الدورة لي غادي يدور يشوف فيها وهو يشوف اللقطة لي شعلات فيه العافية..... واحد كااايتمنظر ليه فمراتو ، مابقى گاع كايسمع جااابر اش كايقول.. مشاا منير لييه فالبلاصة ومشى ليه نيشان بلا مايهضر جرو من گفاه خبطو مع الگاراج حتى تلفتات اقبال.....

شهيد (بعصبية) : فييييين كاتشوف الز*** فييييين غانتقب لمك عينيك

الشاب : شكون نتا

شهيد :انا لي غان***

قبل مااايجاوبو عطاه بوونية لعين و عاودو برااااس محااااسش براسو اش كااايدير الغيرة شعلات فيه العافية و خلاتو يترفع....

بغا يعاودو وهو يغفلو و رجع ليه الدقة ولكن هادشي مامنعوش انه يحكمو مع الحيط و بدا عليه باللكمات..... جات اقبال و المهدي كاايفكو و جااابر واقف كااايشوف فيهم ببرود

اقبال (شاافت فييه و غوتات) : اجييييي تفك واش كاتفرج اجابر

جابر (شاف اللقطة وعرف علاش شهيد دار هكا) :خلييه يعطي لموووو إلى قربت غانكمل عليه

ضارت معصبة لقات شهيد قاج السيد جمعو هو و قميججتو حتى تزنگ

اقبال : اوييلي شهيييييد طلاااق غااتقتلوووو طلق اشهيد "غوووتات بحر جهدها" جاابر

بقات فيه كيفاش مخلووعة كاترعد و الناس بداو كاايتجمعو عليهم تما عند بااب لحانوت... قرب جابر بدا كااايجر فشهيد حتى بعدو عليه و خلا لاخر طايح فلارض كايلتاقط انفاسو

شهيد (كااايتنتر) : طلق اجابر طلق اليوم نعميهم لز *** بووووه

بعدو علييه خلاو الاخير طاايح كيلتاقط انفاسه من بعدما شنق علييه

جابر:تهدن اصااحبيي

شهيد:باقيي ݣالس الكلب (بغا يركلو ومزير علييه جابر )ولد

اقبال:شهييد صافيي (حطات ايدها على صدرو )باركة من الشووهة عفااك

فهاد الاتناء ناض لاخر كيعتر مشا لطموبيلتوو كيكحب مزادش كلمة خرى حيت غيدورووه وسطهم مع ركب مع طلق شهيد كيقلب ميسيفط علييه وشداتو اقبال

اقبال:شهيد

شهيد(لاح الساروو من ايدو معصب )تبعيني هاني سبقتك لداار ...دابااا تكوني

اقبال:وخة انا تابعااك

تجاوزهم مشا لطموبيلتوو معصب دموو كيفور بلعصااب

مشات اقبال لداخل كتلبس فلمونطو ديالهاا كتسووط وقالت:وجه لهم ولمشاكيل

دازت لطموبيلتهاا وشافت فجابر مزال واقف مع مهدي وخنزرات فييه :تفرجتي ياله تفرج لهيه

جابر:كديروها قد راسكم بعدا باز

اقبال:عقل

جابر:لعقل لي يعقل ختك سطاتو...سربينا امهدي

مهدي:صبر الحاج

ركبات طموبيلتهاا تابعااه فطريق

البنات خرجو لكلسة كيلبسو حوايجهم حتى كلسات حياة فاشلة حاطة ايدها على قلبهاا

الغالية:مالك سخفتي

حياة:حاسة بالسخفة (كمشات عينيها )ناري قلبي غيسكت

هيبة: حلييمة ...شي كاس تاع لما فيه السكر اختيي

مشات لكسالة جابتو ليهاا رشو ليها وجهها بلما باارد شربوها لما والسكر دارت ليها الصاك تحت راسها وتكااتهاا

هيبة:تعطلناا بزااف ...حياة باش كتحسي

حياة:ففف لارض كدور بياا

الغالية:طاح ليك طونسيو

سيليا:طاطاا مال طاطا حيااة

هيب (جراتها كتلبس فيهاا )والو ابنتيي غير عيات بلحمام

سيليا:ؤك

ولات شوية لبسوها حوايجهاا وخرجو شدو طاكسي لدار لقاو انصاف فالصالون موجدة لييهم لغدا كيطيب او معمرة اتااي حطاه حيت صونات ليها الغالية

انصاف:مالك احياة سخفتي

حياة:غنموت اختيي ناري خرجات مني

طاحت فسداري وتكاات سخفانة

مزال مكلسات هيبة حتى صونا تيليفونهاا وقالت:هشام هدا

الغالية:جا

هيبة:الو هشام

هشام: راني لتحت موجودة

هيبة:صافي هاني هابطة

قطعات معاه وقالت:غنمشيي

الغالية:هااء ياله جينا من لحمام قوليه يطلع يتغدا

هيبة:راك عارفة اماما هشام كيحشم ميزعمش ...صافي هاني مشييت بيناتنا التيليفون

سيليا:باي باااي

الغالية:باي باي الغزالة

خرجو هازة الصيكان لقاتو واقف شافهم وضحك على سيليا ليي مغلفة بزيف ولمونطو ولبيجامة سخونة

هشام:اش هدشي اسيلياا

سيليا:حكيييناا اباباا

هشام(باسها )بصحة بنتيي (وقف وغمز هيبة)وبصحة لمدام

هيبة:ممم انا متبوسنيش

هشام(قرص حنكها )نتي بوستك بيغصونيل ...ياله ركبو لبرد عليكم

عطاتو الصيكان وركبوو طلعو لدار هازين معاهم لغدا من برا

هيبة:عيييت والله

هشام:غير كلسيي انا نحط هدشيي

هيبة:شي كاس تاع اتااي من ايدك احبيبة

هشام:اييه هيا اللولة شحال عندي منك

هيبة(قرصاتو فجنبوو )غير وحيدة

ضحكات ومشات لبييت حيدات الشال والفوطة كتنشف فشعرها بالسوشوار وكدالك حداهاا سيلياا كتنقز نشفات ليها شعرهاا

سيليا؛طاطا ندهن من هاادي زوينة

هيبة:دهني اكبيدة

كحلات عينيهااا ودهنات بشرتها بمرطب وكلوز مرطب خلا شنايفها كيبريو رشات ريحتها وخلات البيجامة دافيية

دخل هشام وقال :سيلياا نوضي غسلي ايديك باش تغداي

ناضت بجري خرجات استاغل لفرصة وقرب لهيبة طابع قبلة فعنقها وقال: فريزة(خشا ايدو باردين تحت تريكو حتى بورشهاا) متعاوديش دوش خفيف معاياا

هيبة(بدلع )لييوم

هشام(حل لعقاد تاع البيجامة لفوق وهبطها على كتفهاا كيبوس وهياا مفرنسة ليه من لمراية عاجبها لحال )ليوم وغدا وبعدوو اش خاسرين

هيبة:ههههه اوى عنداك تنسا الموعد

ضرب مؤخرتها بلطف وقال: لكلمة هيا الرااجل

ضحكاات وضارت عندو باستوو بوسة خفيفة وتبعوها قبلة طويلة حتى دخلات عليهم سيلياا وبقاات كتشووف حتى بعد هشاام بزربة ومشا جر سيليا خرجو

خرجات تابعااهم لقاتو عمر ليها اتااي كي بغاات

هيبة:ممم كويس هوا الله اعطيك الصحة

هشام:بصحك (موجه هدرتو ل سيليا )كوليي اباابا

سيليا:وخاا

***

دخلات لدار لي ديجا سبقهاا ليهاا مع دخلات مع لباب بان ليها واقف فباب لكوزينة متكي على الحيط كيشوف فيهاا وكيشرب فلماا وايد فجنبوو

شهيد:داك خينا اول مرة يجي لعندك

اقبال(بهدوء)اول مرة واخر مرة غير تهدن

شهيد : كيفااش تهدن كيفااش ...القو** كالس كيشوفييك ولد لكلبة وااخد رااحتوو ...نعل اصل موو وللد ل

اقبال:لفوط مني انا لي ملبستش لبلوزة ديالي ...سمحلياا صافي غير برد ...عمر ضسر عليا شي برهوش بحال هك

شهيد:صافي انا من ليوم غنكلس تماا نشوف هاد لكلاب لي كيحضييو لقزازب

اقبال(ضحكات مقربة لييه ) ههه وخة لبلاصة لمخيرة ديالك احبيبي ...(ضرباتو لصدروو )غرتي علياا اولد ماينة

شهيد:غيددنيي بلكلب لي حطوو

قاطعات كلامو بقبلة على شفايفوو خلاتو ساكت خلات ايديها محاوطين عنقو وقالت: مغتسكتش من سباان تاني

جرها من خصرهاا وقال:سباان انوريك سبان ديال بصح (ضربها لمؤخرتها حتى تسمعات )حسابي مع هاد تريمة لي كانت اتدينا لحبيبيس

اقبال:تنقولييك متبقاش ضربني هكاك كتقسحنيي اشهيد

عاودهاا لجيهة لخرا وقال:متهضريش نتيي حسابيي معاهاا بيني وبيينها

اقبال(ضحكات) خود راحتك

شهيد(كيبوس فعنقها وقال )بنت لهم كديريها بلعاني عارفة نقطة لحساسة عندي

اقبال:غنبقاو هناا تاتصوني لالة مينة !

شهيد:مكااينش اناا (كيبوس فشناايفها )مشغول

لاحها على سرير من بعدماا داها البييت مجردين من ملابسهم بين احضان بعضهم

الغالية:حياة نوضي ابنتيي العصر هدا مكليتي والو

ناضت فااشلة باقي الارض كدور بيهاا

حياة:مقاداش اماما ...هدشي بزااف غنمشي لطبيبة (كتحرك ايدها فوق كرشهاا )متحركش من صبااح

الغالية:اش كتكولي اويلي

حياة:تكون اقبال فدارهاا فين انصاف

الغالية(كدير شالهاا )انمشي نشوف انصاف مشاات لقرايتهاا

هبطات فدروج كتسمع اسماعيل كيبكيي دقاات تحل عليها شهييد فايدو اسماعيل كيتنتر وكيقمش فوجهو غير شاف الغالية وتلاح فيه مخشوش فييها

شهيد:البرهوووش غير تاع تمرميق

الغالية:لوااه هاد زين كلو يضربوه الناس

شهيد(كيحك عينو )عمانيي

الغالية:فين اقبال

شهيد:كتصلي دخلي

الغالية:اربي اولدي طلع عبر طونسيون لحيااة راه ملي جات من لحمام وهيا طاايحة

شهيد: واخة هاني جااي (مد ايدو لاسماعيل )اجي عنديي

اسمااعيل (تخباا فلغاليية كيعرعر مباغيهش )ععععع

الغالية:صافي اولدي

صلاات اقبال وخرجات لعندهم نشفات شعرها وطلعات عند حياة لقاتها صفرة وشهيد كيعبر ليها الطونسيون وكيشوف ليهاا فعينيهاا

شهيد: خاصك تمشي لطبيب دابا احيااة قادة تنوضي ؟

حياة:نمشيي محسيتش بلحركة ديال لبيبي من صبااح

شهيد:نورمالمون خاص تكون لحركة وخة كتقلال فهاد شهر اللخر مي ضروري ..هاد الايام كان كيتحرك مزياان

حياة:عاادي مرة مرة كيتحرك دابا محشيتش بييه

اقبال:نلبس حوايجي بينما وجدتيي انصوني لطبيبة

حياة:واخة

مشات لبسات حوايجها دات ولدها معاها لصق فيها بلبكاا مشاو لطبيبة وحياة عينيها عمرو خوف

كلسو فقاعة الانتضاار لي كانت خاوية حيت قربات 6 حبسو اسماعيل مصدعهم بغا يكتااشف كلشيي

اقبال:نااري غادي وكيقبااح

حياة:عجبني غير فمينة جر ليها وجهها كي الشمكار

اقبال:ههههه خارج واعر بسلاامتوو مبقاش درويش

حياة:خلييه مزياان يدير بلاصتو هههه

_حيااة دخلي

دخلوو كلسات اقبال كتهدر مع طبيبة من بعد ناضت حياة لغرفة الفحص

_مزيان لي جيتي ومقلتييش تاني عاادي

حياة: باقة نعااود ...ياك كلشي مزياان

دارت صوت دقات القلب لي خلاو حياة تفزع وقالت:علاش مكيضربش بجهد كيف ديماا ...شنو واقع

اقبال:حياة تهدني

_ حياة دقات قلب لبيبيي نخاافضو بزااف ...خاصك تولديي ليوم .....منقدرووش نتسناو كتر